“Odes of Solomon: Ode 3.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/146.
    
        


            
                
                    1
                    [ܪܚܶܡܬܶܗ ܕܡܳܪܝܳܐ] ܡܰܠܒܶܫ ܐ̱ܢܳܐ. 
                

                
                    2
                    ܘܗܰܕܳܡ̈ܘܰܗ̱ܝ ܠܘܳܬܶܗ ܐܶܢܽܘܢ܆ 
                    ܘܰܒܗܽܘܢ ܬܠܷܐ ܐ̱ܢܳܐ ܘܡܰܚܶܒ ܠܺܝ. 
                
                
                    3
                    ܠܴܐ ܓܶܝܪ ܝܴܿܕܰܥ ܗ̄ܘܺܝܬ ܠܡܶܪܚܰܡ ܠܡܳܪܝܳܐ܆ 
                    ܐܶܠܘܽ ܗܼܽܘ ܠܴܐ ܪܳܚܷܿܡ ܗ̄ܘܼܳܐ ܠܺܝ. 
                
                
                    4
                    ܡܰܢܽܘ ܡܶܫܟܰܚ ܠܡܶܦܪܰܫ ܪܶܚܡܬܳܐ܆ 
                    ܐܶܠܳܐ ܗܰܘܿ ܕܡܶܬܪܚܶܡ. 
                
                
                    5
                    ܡܰܚܶܒ ܐ̱ܢܳܐ ܠܰܪܚܺܝܡܳܐ ܘܪܳܚܿܡܳܐ ܠܶܗ ܢܰܦܫܝ܆
                    ܘܐܱܝܟܳܐ ܕܰܢܝܳܚܶܗ ܐܳܦ ܐܶܢܳܐ ܐܻܝܬܰܝ. 
                
                
                    6
                    ܘܠܴܐ ܐܶܗܘܶܐ ܢܽܘܟܪܳܝܳܐ܆
                    ܡܶܛܽܠ ܕܠܰܝܬ ܚܣܳܡܳܐ ܠܘܳܬ ܡܳܪܝܳܐ ܡܪܰܝܡܳܐ ܘܰܡܪܰܚܡܳܢܳܐ. 
                
                
                    7
                    ܐܶܬܡܱܿܙܓܶܬ ܡܶܛܽܠ ܕܶܐܫܟܰܚ ܪܳܚܿܡܳܐ ܠܗܰܘܿ ܪܚܺܝܡܳܐ܆
                    ܡܶܛܽܠ ܕܷܐܪܚܰܡ ܠܗܰܘܿ ܒܪܳܐ ܕܐܷܗܘܶܐ ܒܪܳܐ. 
                
                
                    8
                    ܗܰܘܿ ܓܶܝܪ ܕܡܶܬܢܰܩܰܦ ܠܗܰܘܿ ܕܠܴܐ ܡܴܿܐܷܬ܆
                    ܐܳܦ ܗܽܘܼ ܕܠܴܐ ܡܰܘܬܳܐ ܢܶܗܘܶܐ. 
                
                
                    9
                    ܘܗܰܘܿ ܕܰܒܚܰܝܷ̈ܐ ܡܶܨܛܒܶܐ܆
                    ܚܰܝܳܐ ܢܶܗܘܶܐ. 
                
                
                    10
                    ܗܳܕܶܐ ܗ̱ܝܼ ܪܽܘܚܶܗ ܕܡܳܪܝܳܐ ܕܠܳܐ ܕܰܓܳܠܽܘܬܳܐ܆ 
                    ܕܡܰܠܦܳܐ ܠܰܒܢܰܝ̈ܢܳܫܳܐ ܕܢܶܕܥܽܘܢ ܐܽܘܪ̈ܚܳܬܶܗ. 
                
                
                    11
                    ܐܶܬܚܰܟܰܡܘ ܘܕܰܥܘ ܘܐܷܬܬܥܺܝܪܘ. ܗܰܠܶܠܘܽܝܰܐ.