James H. Charlesworth ed., The Odes of Solomon: The Syriac Texts (Oxford: Oxford University Press, 1973)
    
        


            
                
                    1

                    ܡܰܘܕܶܐ ܐ̱ܢܳܐ ܠܳܟ ܡܳܪܝܳܐ܆ 
                    (ܡܶܛܽܠ ܕܪܳܚܷܿܡ ܐ̱ܢܳܐ ܠܳܟ.) 
                
                
                    2

                    ܡܪܰܝܡܳܐ ܠܴܐ ܬܶܫܒܩܰܢܝ܆ 
                    ܡܶܛܽܠ ܕܣܰܒܪܝ ܐܰܢ̱ܬ ܗ̱ܽܘܼ. 
                
                
                    3

                    ܡܰܓܳܢ ܢܣܰܒܬ ܛܰܝܒܽܘܬܳܟ܆ 
                    ܐܶܚܶܐ ܡܶܢܳܗܿ. 
                
                
                    4

                    ܢܺܐܬܽܘܢ ܪ̈ܳܕܽܘܦܰܝ ܘܠܴܐ ܢܶܚܙܽܘܢܳܢܝ.
                

                
                    5

                    ܥܢܳܢܳܐ ܕܥܰܡܛܳܢܳܐ ܬܶܦܼܶܠܝ [ܥܰܠ] ܥܰܝܢܰܝ̈ܗܽܘܢ܆
                    ܘܐܳܐܰܪ ܕܥܰܪܦܶܠܴܐ ܢܰܚܫܶܟ ܐܶܢܽܘܢܿ. 
                
                
                    6

                    ܘܠܴܐ ܢܶܗܘܶܐ ܠܗܽܘܢܿ ܢܽܘܗܪܐ ܕܢܶܚܙܽܘܢ܆ 
                    ܕܠܴܐ ܢܶܐܚܕܽܘܢܳܢܝ. 
                
                
                    7

                    ܠܥܽܘܒܴ̈ܝܶܐ ܬܶܗܘܶܐ ܬܰܪܥܺܝܬܗܽܘܢ܆
                    ܘܡܶܕܶܡ ܕܶܐܬܚܰܟܰܡܘ ܢܶܗܦܽܘܟ ܥܰܠ ܪ̈ܺܝܫܰܝܗܽܘܢܿ. 
                
                
                    8

                    ܐܶܬܚܰܫܰܒܘ ܓܶܝܪ ܬܰܪܥܺܝܬܳܐ܆
                    ܘܠܴܐ ܗܘܳܬ ܠܗܽܘܢ. 
                
                
                    9

                    (ܐܶܬܥܰܬܰܕܘ ܒܺܝܫܳܐܺܝܬ܆
                    ܘܐܶܫܬܟܰܚܘ ܟܰܕ ܣܪܺܝܩܺܝܢ). 
                
                
                    10

                    ܥܰܠ ܡܳܪܝܰܐ ܗ̱ܘܼ ܓܶܝܪ ܣܰܒܪܝ܆
                    ܘܠܴܐ ܐܶܕܚܰܠ. 
                
                
                    11

                    (ܘܡܶܛܽܠ ܕܡܳܪܝܰܐ ܗ̱ܘ ܦܽܘܪܩܳܢܝ܆)
                    ܘܠܴܐ ܐܶܕܚܰܠ. 
                
                
                    12

                    ܘܰܐܰܝܟ ܟܺܠܝܠܱܐ ܗ̱ܘܼ ܒܪܺܝܫܝ܆ 
                    ܘܠܴܐ ܐܶܬܬܙܺܝܥ. 
                
                
                    13

                    ܘܐܶܢ ܢܶܬܬܙܺܝܥ ܟܽܠܡܶܕܶܡ܆
                    ܐܶܢܳܐ ܩܰܝܳܡ ܐ̱ܢܳܐ. 
                
                
                    14

                    ܘܐܶܢ ܢܺܐܒܰܕ ܡܶܕܶܡ ܕܡܶܬܚܙܶܐ܆ 
                    ܐܶܢܳܐ ܠܴܐ ܐܶܡܽܘܬ. 
                
                
                    15

                    ܡܶܛܽܠ ܕܡܳܪܝܳܐ ܥܰܡܝ ܗ̱ܘܼ܆ ܘܐܶܢܳܐ ܥܰܡܶܗ. ܗܰܠܶܠܘܽܝܰܐ.