“Odes of Solomon: Ode 8.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/151.
    
        


            
                
                    1

                    ܦܬܰܚܘ ܦܬܰܚܘ ܠܶܒܰܘܴ̈ܬܟܽܘܢܿ ܠܰܕܝܳܨܶܗ ܕܡܳܪܝܳܐ܆ 
                    ܘܢܶܣܓܶܐ ܚܽܘܒܟܽܘܢܿ ܡܼܶܢ ܠܶܒܳܐ ܘܰܥܕܰܡܳܐ ܠܣܶܦܘܴ̈ܬܳܐ. 
                
                
                    2

                    ܠܡܰܝܬܳܝܽܘ ܦܺܐܪ̈ܶܐ ܠܡܳܪܝܳܐ ܚܰܝܷ̈ܐ ܩܰܕܺܝ̈ܫܶܐ܆ 
                    ܘܠܰܡܡܰܠܳܠܽܘ ܒܥܺܝܪܽܘܬܳܐ ܒܢܽܘܗܪܶܗ. 
                
                
                    3

                    ܩܽܘܡܘ ܘܶܐܬܩܰܝܰܡܘ܆
                    ܗܳܢܽܘܢ ܕܒܰܙܒܰܢ ܐܶܬܡܰܟܰܟܘ. 
                
                
                    4

                    ܗܳܢܽܘܢܿ ܕܰܗܘܰܘ ܒܫܶܠܝܳܐ ܡܰܠܶܠܘ܆
                    ܕܶܐܬܦܬܰܚ ܦܽܘܡܟܽܘܢܿ. 
                
                
                    5

                    ...
                

                
                    6

                    ܝܰܡܺܝܢܶܗ ܓܶܝܪ ܕܡܳܪܝܳܐ ܥܰܡܟܽܘܢ ܗ̱ܺܝܼ܆
                    ܘܗܽܘܼ ܗܴܿܘܶܐ ܠܟܽܘܢ ܡܥܰܕܪܳܢܳܐ. 
                
                
                    7

                    ܘܶܐܬܛܰܝܰܒ ܠܟܽܘܢ ܫܠܳܡܳܐ܆
                    ܡܶܢ ܩܕܳܡ ܕܢܶܗܘܶܐ ܩܪܳܒܟܽܘܢܿ. 
                
                
                    8

                    ܫܡܰܥܘ ܦܶܬܓܳܡܳܐ ܕܰܫܪܳܪܳܐ܆ 
                    ܘܩܰܒܶܠܘ ܝܺܕܰܥܬܶܗ ܕܰܡܪܰܝܡܳܐ. 
                
                
                    9

                    ܠܴܐ ܢܶܕܰܥ ܒܶܣܪܟܽܘܢܿ ܡܶܕܶܡ ܕܳܐܡܿܰܪ ܐ̱ܢܳܐ ܠܟܽܘܢܿ܆
                    ܐܳܦ ܠܴܐ ܠܒܽܘܫܟܽܘܢܿ ܡܶܕܶܡ ܕܰܡܚܰܘܶܐ ܐ̱ܢܳܐ ܠܟܽܘܢܿ. 
                
                
                    10

                    ܛܰܪܘ ܐ̱ܪܳܙ ܗܳܢܽܘܢܿ ܕܡܶܬܢܰܛܪܺܝܢ ܒܶܗ܆
                    ...
                
                
                    11
                    ܛܰܪܘ ܗܰܝܡܳܢܽܘܬܝ ܗܳܢܽܘܢܿ ܕܡܶܬܢܰܛܪܺܝܢ ܒܳܗܿ.
                
                
                    11 (12)
                    ܘܕܰܥܘ ܝܺܕܰܥܬܝ ܗܳܢܽܘܢܿ ܕܒܰܫܪܳܪܳܐ ܝܳܕܥܺܝܢ ܠܺܝ܆ 
                
                
                    13
                    ܪܽܘܚܡܽܘܢܝ ܒܚܽܘܒܳܐ ܐܰܝܠܶܝܢ ܕܪܳܚܿܡܺܝܢ.
                
                
                    12 (14)
                    ܠܴܐ ܓܶܝܪ ܡܰܗܦܶܟ ܐ̱ܢܳܐ ܠܗܽܘܢܿ.
                    ...
                
                
                    13 (15)
                    ܘܡܼܶܢ ܩܕܳܡ (ܕܠܴܐ ܢܶܗܘܽܘܿܢ)܆
                    ܐܶܣܬܰܟܼܠܶܬ ܐܶܢܽܘܢܿ܆ 
                    ܘܦܰܪ̈ܨܽܘܦܰܝܗܽܘܢܿ ܐܶܢܳܐ ܛܶܒܿܥܶܬ ܐܶܢܽܘܢܿ.
                
                
                    14 (16)
                    ܐܶܢܳܐ ܐܰܬܩܢܶܬ ܗܰܕܳܡܰܝ̈ܗܽܘܢܿ܆
                    ܘܰܕܬܕܰܝܴ̈ܐ ܕܺܝܠܝ ܛܰܝܿܒܶܬ ܠܗܽܘܢܿ܆
                    ܕܢܶܫܬܽܘܢ ܚܰܠܒܳܐ ܩܰܕܺܝܫܳܐ ܕܺܝܠܝ ܕܢܺܐܚܽܘܢ ܒܶܗ.
                
                
                    15 (17)
                    ܐܶܨܛܒܺܝܬ ܒܗܽܘܢܿ܆
                    ܘܠܴܐ ܒܳܗܶܬ ܐ̱ܢܳܐ ܒܗܽܘܢ݂ܿ
                
                
                    16 (18)
                    ܕܺܝܠܝ ܓܶܝܪ ܥܒܿܳܕܳܐ ܐܺܝܬܰܝܗܘܽܢܿ܆
                    ܘܚܰܝܠܴܳܐ ܕܡܰܚܫ̈ܒܳܬܝ.
                
                
                    17 (19)
                    ܡܰܢܽܘ ܗܳܟܺܝܠ ܢܩܽܘܡ ܠܽܘܩܒܰܠ ܥܒܳܕܝ܆
                    ܐܰܘ ܡܰܢܽܘ ܕܠܴܐ ܡܶܬܛܦܽܝܣ ܠܗܽܘܢܿ.
                
                
                    18 (20)
                    ܐܶܢܳܐ ܡܰܕܥܳܐ ܘܠܶܒܳܐ ܨܒܿܺܝܬ ܘܓܶܒܿܠܶܬ܆
                    ܘܕܺܝܠܝ ܐܺܝܬܰܝܗܽܘܢܿ܆
                    ܘܡܼܶܢ ܝܰܡܺܝܢܳܐ ܕܺܝܠܝ ܣܳܡܿܶܬ ܠܰܓ̈ܒܰܝ.
                
                
                    19 (21)
                    ܘܐܳܙܠܴܐ ܩܽܘܕܡܰܝܗܽܘܢܿ ܙܰܕܺܝܩܽܘܬܝ܆
                    ܘܠܴܐ ܢܶܫܬܰܘܚܕܽܘܢ ܡܼܶܢ ܫܶܡܝ܆
                    ܡܶܛܽܠ ܕܥܰܡܗܽܘܢܿ ܗ̱ܽܘܼ. 
                
                
                    20 (22)
                    ܒܥܰܘ ܐܱܣܓܰܘ܆
                    .ܘܩܰܘܰܘ ܒܪܶܚܡܬܶܗ ܕܡܳܪܝܳܐ
                
                
                    21 (23)
                    ܘܚܰܒܺܝ̈ܒܶܐ ܒܚܰܒܺܝܒܳܐ܆ ܘܗܳܢܽܘܢܿ ܕܰܢܛܺܝܪܺܝܢ ܒܗܰܘܿ ܕܚܼܳܝܶܐ܆
                    ܘܰܦܪ̈ܺܝܩܶܐ ܒܗܰܘܿ ܕܶܐܬܦܶܪܼܩ.
                
                
                    14 (16)
                    ܘܰܕܠܴܐ ܚܒܿܳܠܴܐ ܬܶܫܬܟܚܽܘܢ ܒܟܽܠܗܽܘܢ ܥܳܠ̈ܡܶܐ܆
                    ܠܫܡܗ ܕܐܒܟܘܢܿ. ܗܰܠܶܠܘܽܝܰܐ.