“Odes of Solomon: Ode 10.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/153.
    
        


            
                
                    1

                    ܬܰܪܶܨ ܦܽܘܡܝ ܡܳܪܝܳܐ ܒܡܶܠܬܶܗ܆ 
                    ܘܰܦܬܼܰܚ ܠܶܒܝ ܒܢܽܘܗܪܶܗ. 
                
                
                    2

                    ܘܐܷܥܡܰܪ ܒܺܝ ܚܰܝܰܘ̈ܗ̱ܝ ܕܠܴܐ ܡܰܘܬܳܐ܆
                    ܘܝܰܗ̱ܒ ܠܺܝ ܕܶܐܡܰܠܶܠ ܦܺܐܪܳܐ ܕܰܫܠܳܡܶܗ. 
                
                
                    3

                    ܠܡܰܦܢܳܝܽܘ ܢܰܦܫܴ̈ܬܳܐ ܕܐܱܝܠܶܝܢ ܕܨܳܒܶܝܢ ܠܡܶܐܬܴܐ ܠܘܳܬܶܗ܆
                    ܘܰܠܡܶܫܒܳܐ ܫܒܺܝܬܳܐ ܛܳܒܬܳܐ ܠܚܺܐܪܽܘܬܳܐ. 
                
                
                    4

                    ܐܶܬܚܱܿܝܠܶܬ ܘܐܷܬܥܰܫܢܶܬ ܘܰܫܒܺܝܬ ܠܥܳܠܡܳܐ܆
                    ܘܰܗܼܘܳܬ ܠܝܻ ܠܬܶܫܒܽܘܚܬܶܗ ܕܰܡܪܰܝܡܳܐ ܘܕܰܐܠܳܗܳܐ ܐܳܒܝ. 
                
                
                    5

                    ܘܐܷܬܟܰܢܰܫܘ ܐܰܟܚܰܕ ܥܰܡ̈ܡܶܐ ܕܰܡܒܕܪܺܝܢ ܗ̱ܘܰܘ܆ ܘܐܷܢܐ ܠܴܐ ܐܶܬܛܰܡܿܐܷܬ ܒܚܰܘ̈ܒܰܝ܆
                    ܡܶܛܽܠ ܕܰܐܘܕܺܝܘ ܠܻܝ ܒܰܡܪ̈ܰܘܡܶܐ. 
                
                
                    6

                    ܘܐܷܬܬܣܺܝ̈ܡܝ ܥܶܩ̈ܒܳܬܳܐ ܕܢܽܘܗܪܳܐ ܥܰܠ ܠܶܒܗܽܘܢܿ܆
                     ܘܗܰܠܶܟܘ ܒܚܰܝܱ̈ܝ ܘܐܷܬܦܪܶܩܘ܆
                     ܘܰܗܘܰܘ ܥܰܡܝ ܠܥܳܠܰܡܥܳܠܡܺܝܢ. ܗܰܠܶܠܘܽܝܰܐ.