“Odes of Solomon: Ode 17.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/160.
    
        


            
                
                    1

                    ܐܶܬܟܿܰܠܠܶܬ ܕܶܝܢ ܒܰܐܠܳܗܝ܆ 
                    ܘܟܠܺܝܠܝ ܚܰܝܰܐ ܗ̱ܘܼ. 
                
                
                    2

                    ܘܐܶܙܕܰܕܩܿܶܬ ܒܡܳܪܝ܆ 
                    ܦܺܘܪܩܳܢܝ ܕܶܝܢ ܕܠܴܐ ܚܒܴܿܠܱܐ ܗ̱ܘܼ. 
                
                
                    3

                    ܐܶܫܿܬܪܺܝܬ ܠܺܝ ܡܶܢ ܣܪ̈ܺܝܩܳܬܳܐ܆
                    ܘܠܴܐ ܐܺܝܬܰܝ ܡܚܰܝܒܳܐ. 
                
                
                    4

                    ܚܢܴ̈ܩܰܝ ܐܶܬܦܣܶܩܘ ܒܐܺܝ̈ܕܶܝܗܿ܆ ܐܰܦܷ̈ܐ ܘܰܕܡܽܘܬܳܐ ܕܦܳܪܨܽܘܦܳܐ ܚܰܕܬܳܐ ܢܶܣܒܿܶܬ܆
                    ܘܗܰܠܟܶܬ ܒܶܗ ܘܐܶܬܦܱܿܪܩܶܬ. 
                
                
                    5

                    ܘܡܰܚܫܰܒܬܳܐ ܕܰܫܪܳܪܳܐ ܕܒܰܪܬܰܢܝ܆
                    ܘܐܷܙܶܠܬ ܒܳܬܪܳܗܿ ܘܠܴܐ ܛܥܺܝܬ. 
                
                
                    6

                    ܘܟܽܠ ܕܰܚܙܰܐܘܽܘܢܝ ܬܡܰܗܘ܆ 
                    ܘܐܰܝܟ ܐܰܟܣܢܳܝܳܐ ܐܶܣܿܬܰܒܪܶܬ ܠܗܽܘܢܿ. 
                
                
                    7

                    ܘܗܘܿ ܕܝܳܕܰܥ (ܗ̱ܘܳܐ ܘܪܒܰܢܝ)܆
                    ܡܪܰܝܡܳܐ ܒܟܽܠܶܗ ܫܽܘܡܠܳܝܶܗ. 
                
                
                    8

                    ܘܫܰܒܚܰܢܝ ܒܒܰܣܺܝܡܽܘܬܶܗ܆ 
                    ܘܐܱܪܺܝܡ ܠܰܡܪܰܘܡܳܐ ܕܰܫܪܳܪܳܐ ܡܰܕܰܥܝ. 
                
                
                    9 (8)

                    ܘܡܼܶܢ ܬܰܡܳܢ ܝܰܗ̱ܒ ܠܺܝ ܐܽܘܪܚܳܐ ܕܗܰܠܟ̈ܳܬܶܗ܆
                    ܘܦܶܬܚܿܶܬ ܬܰܪ̈ܥܶܐ ܕܰܐܚܺܝܕܺܝܢ ܗ̱ܘܰܘ.
                
                
                    10 (9)

                    ܘܓܰܕܡܷܿܬ ܡܽܘܟ̈ܠܷܐ ܕܦܰܪܙܠܴܐ܆
                    ܦܰܪܙܠܴܐ ܕܶܝܢ ܕܺܝܠܝ ܪܬܼܰܚ ܘܐܶܬܦܰܫܰܪ ܩܕܳܡܰܝ.
                
                
                    11 (10)

                    ܘܠܴܐ ܡܶܕܶܡ ܐܶܬܚܙܺܝ ܠܺܝ ܟܰܕ ܐܰܚܺܝܕ܆
                    ܡܶܛܽܠ ܕܰܦܬܳܚܳܐ ܕܟܽܠܡܶܕܶܡ ܐܶܢܳܐ ܐܺܝܬܰܝ ܗ̱ܘܺܝܬ.
                
                
                    12 (11)

                    ܘܐܷܙܰܠ ܗ̱ܘܺܝܬ ܥܰܠ ܟܽܠܗܽܘܢܿ ܐܰܚܺܝ̈ܕܰܝ ܠܡܶܫܪܳܐ ܐܶܢܽܘܢܿ܆
                    ܕܠܴܐ ܐܶܫܒܽܘܩ ܠܐܢܳܫ ܟܰܕ ܐܰܣܺܝܪ (ܐܰܣܺܝܪ ܕܐܳܣܱܿܪ).
                
                
                    13 (12)

                    ܘܝܶܗܿܒܶܬ ܝܺܕܰܥܬܝ ܕܠܴܐ ܚܣܳܡ܆
                    ܘܒܳܥܽܘܬܝ ܒܚܽܘܒܳܐ ܕܺܝܠܝ.
                
                
                    14 (13)

                    ܘܙܶܪܥܷܿܬ ܒܠܶܒܰܘܴ̈ܬܳܐ ܦܺܐܪܱ̈ܝ܆
                    ܘܫܰܚܿܠܦܶܬ ܐܶܢܽܘܢܿ ܒܺܝ.
                
                
                    15 (14)

                    ܘܩܰܒܶܠܘ ܒܽܘܪܟܬܳܐ ܕܺܝܠܝ ܘܰܚܝܰܘ܆
                    ܘܶܐܬܟܰܢܰܫܘ ܠܘܳܬܝ ܘܐܶܬܦܪܶܩܘ.
                
                
                    16 (15)

                    ܡܶܛܽܠ ܕܰܗܘܰܘ ܠܺܝ ܗܰܕܳܡܷ̈ܐ܆
                    ܘܐܶܢܳܐ ܪܺܝܫܗܽܘܢܿ.
                
                
                    17 (16)

                    ܬܶܫܒܺܘܚܬܳܐ ܠܳܟ ܪܺܝܫܰܢ ܡܳܪܝܳܐ ܡܫܺܝܚܳܐ.
                    ܗܰܠܶܠܘܽܝܰܐ.