“Odes of Solomon: Ode 19.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/162. 1 ܟܳܣܳܐ ܕܚܰܠܒܳܐ ܐܶܬܩܰܪܰܒ ܠܻܝ܆ ܘܐܷܫܿܬܺܝܬܶܗ ܒܚܰܠܝܽܘܬܳܐ ܕܒܰܣܺܝܡܽܘܬܶܗ ܕܡܳܪܝܳܐ. 2 ܒܪܳܐ ܟܳܣܳܐ ܐܺܝܬܰܘܗ̱ܝ܆ ܘܗܰܘܿ ܕܐܶܬܚܠܶܒ ܐܰܒܳܐ܆ ܘܕܰܚܠܼܰܒܬܶܗ ܪܽܘܚܳܐ ܕܩܽܘܕܫܳܐ. 3 ܡܶܛܽܠ ܕܰܬܕܰܘ̈ܗ̱ܝ ܐܶܬܡܠܺܝܘ܆ ܘܠܴܐ ܡܶܬܒܥܶܐ ܗ̱ܘܳܐ ܕܰܣܦܺܝܩܳܐܻܝܬ ܢܶܫܬܕܶܐ ܚܰܠܒܶܗ. 4 ܦܶܬܼܚ݀ܰܬ ܥܽܘܒܳܗܿ ܪܽܘܚܳܐ ܕܩܽܘܕܫܳܐ܆ ܘܡܶܙܓܰܬ ܚܰܠܒܳܐ ܕܰܬܪܶܝܢ ܬܕܰܘ̈ܗ̱ܝ ܕܰܐܒܳܐ. 5 ܘܝܶܗܼܒܰܬ ܚܽܘܠܛܳܢܳܐ ܠܥܳܠܡܳܐ ܟܰܕ ܠܴܐ ܝܳܕܥܺܝܢ܆ ܘܗܿܳܢܽܘܢܿ ܕܢܳܣܒܺܝܢ ܒܫܽܘܡܠܳܝܳܗܿ ܐܶܢܽܘܢܿ ܕܝܰܡܺܝܢܳܐ. 6 (ܓܳܦܰܬܼ ܟܰܪܣܳܗܿ ܕܰܒܬܽܘܠܬܳܐ܆ ܘܢܶܣܼܒܰܬ ܒܰܛܢܳܐ ܘܝܶܠܕܰܬ. 7 ܘܰܗܘܳܬ ܐܶܡܳܐ ܒܬܽܘܠܬܳܐ ܒܪ̈ܰܚܡܶܐ ܣܰܓܺܝܷ̈ܐܐ). 8 ܘܚܰܒܠ݀ܰܬ ܘܝܶܠܕܰܬ ܒܪܳܐ ܘܠܴܐ ܟܴܿܐܶܒ ܠܳܗܿ܆ ܡܶܛܽܠ ܕܠܴܐ ܗ̱ܘܳܐ ܣܦܺܝܩܳܐܻܝܬ ܗܘܳܬ. 9 ܘܠܴܳܐ ܒܥܼܳܬ ܚܰܝܬܳܐ܆ ܡܶܛܽܠ ܕܐܱܚܝܳܗܿ. 10 ܐܰܝܟ ܓܰܒܪܳܐ ܝܶܠܼܕܰܬ ܒܨܶܒܝܳܢܳܐ܆ ܘܝܶܠܕܰܬ ܒܬܰܚܘܺܝܬܳܐ܆ ܘܰܩܢ݀ܳܬ ܒܽܐܘܚܕܳܢܳܐ ܣܰܓܺܝܐܴܐ. 11 ܘܐܰܚܒܼܰ݀ܬ ܒܦܘܽܪܩܳܢܳܐ܆ ܘܢܼܰܛܪܰܬ ܒܒܰܣܺܝܡܘܽܬܳܐ܆ ܘܚܰܘܝ݀ܰܬ ܒܪܰܒܘܽܬܳܐ. ܗܰܠܶܠܘܽܝܰܐ.