“Odes of Solomon: Ode 20.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/163.
    
        


            
                
                    1

                    ܟܳܗܢܳܐ ܕܡܳܪܝܳܐ ܐܺܝܬܰܝ܆ 
                    ܘܠܶܗ ܗ̱ܽܘܼ ܡܟܰܗܶܢ ܐ̱ܢܳܐ. 
                
                
                    2

                    ܘܠܶܗ ܡܩܰܪܶܒ ܐ̱ܢܳܐ ܩܽܘܪܒܳܢܳܐ ܕܡܰܚܫܰܒܬܶܗ. 
                

                
                    3

                    ܠܴܐ ܗ̱ܘܳܬ ܓܶܝܪ ܐܰܝܟ ܥܳܠܡܳܐ܆ ܐܳܦܠܴܐ ܐܰܝܟ ܒܶܣܪܳܐ ܡܰܚܫܰܒܬܶܗ܆
                    ܐܳܦܠܴܐ ܐܰܝܟ ܗܳܢܽܘܢܿ ܕܦܳܠܚܺܝܢ ܒܶܣܪܳܢܳܐܻܝܬ. 
                
                
                    4

                    ܩܽܘܪܒܳܢܶܗ ܕܡܳܪܝܳܐ ܙܰܕܺܝܩܘܽܬܳܐ ܗ̱ܝܼ܆ 
                    ܘܕܰܟܝܽܘܬܳܐ ܕܠܶܒܳܐ ܘܰܕܣܶܦܘܴ̈ܬܳܐ. 
                
                
                    5

                    ܩܰܪܶܒ ܟܽܘ̈ܠܝܳܬܳܟ ܕܠܴܐ ܡܽܘܡܳܐ܆ ܘܪ̈ܰܚܡܰܝܟ ܠܴܐ ܢܶܐܠܨܘܽܢ ܪ̈ܰܚܡܶܐ܆
                    ܘܢܰܦܫܳܟ ܠܴܐ ܬܶܐܠܽܘܨܝ ܢܰܦܫܳܐ. 
                
                
                    6

                    ܠܴܐ ܬܶܩܢܶܐ ܢܽܘܟܪܳܝܳܐ ܒܰܕܡܳܐ ܕܢܰܦܫܳܟ܆ (LINE MISSING)
                    ܘܐܳܦܠܴܐ ܬܰܚܣܪܺܝܘܗ̱ܝ ܠܬܰܟܣܺܝܬܳܐ ܕܦܽܘܪܣܳܝܶܗ. 
                
                
                    7

                    ܠܒܰܫ ܕܶܝܢ ܛܰܝܒܽܘܬܶܗ ܕܡܳܪܝܳܐ ܕܠܴܐ ܚܣܳܡܳܐ܆ ܘܬܳܐ ܠܦܰܪܕܰܝܣܶܗ܆
                    ܘܰܥܒܶܕ ܠܳܟ ܟܠܺܝܠܴܐ ܡܼܶܢ ܐܺܝܠܳܢܶܗ. 
                
                
                    8

                    ܘܣܺܝܡ ܥܰܠ ܪܺܝܫܳܟ ܘܐܶܬܒܰܣܰܡ܆ 
                    ܘܐܶܣܬܡܶܟ ܥܰܠ ܢܺܝܚܽܘܬܶܗ. 
                
                
                    9

                    ܘܰܬܗܰܠܶܟ ܩܕܳܡܰܝܟ ܬܶܫܒܽܘܚܬܶܗ܆ ܘܰܬܩܰܒܶܠ ܡܼܶܢ ܒܰܣܺܝܡܽܘܬܶܗ ܘܡܼܶܢ ܛܰܝܒܽܘܬܶܗ܆ 
                    ܘܬܶܕܗܰܢ ܒܰܫܪܳܪܳܐ ܒܬܶܫܒܽܘܚܬܳܐ ܕܚܰܣܝܽܘܬܶܗ. 
                
                
                    10

                    ܬܶܫܒܽܘܚܬܳܐ ܘܐܺܝܩܳܪܳܐ ܠܰܫܡܶܗ. ܗܰܠܶܠܘܽܝܰܐ.