James H. Charlesworth ed., The Odes of Solomon: The Syriac Texts (Oxford: Oxford University Press, 1973)
    
        


            
                
                    1

                    ܕܪ̈ܳܥܰܝ ܐܰܪܺܝܡܷܿܬ ܠܰܡܪܰܘܡܳܐ܆ 
                    ܠܰܚܢܳܢܶܗ ܕܡܳܪܝܳܐ. 
                
                
                    2

                    ܡܶܛܽܠ ܕܰܐܣܽܘܪ̈ܰܝ ܫܼܕܳܐ ܡܶܢܝ܆ 
                    ܘܐܱܪܺܝܡܰܢܝ ܡܥܰܕܪܳܢܝ ܠܰܚܢܳܢܶܗ ܘܰܠܦܽܘܪܩܳܢܶܗ. 
                
                
                    3

                    ܘܫܷܿܠܚܶܬ ܚܶܫܽܘܟܳܐ܆
                    ܘܠܶܒܿܫܶܬ ܢܽܘܗܪܳܐ. 
                
                
                    4

                    ܘܰܗܘܰܘ ܠܺܝ ܗܱ̈ܕܳܡܶܐ ܠܘܳܬ ܢܰܦܫܝ܆ ܟܰܕ ܘܠܴܐ ܐܺܝܬ ܒܗܽܘܢܿ ܟܺܐܒܳܐ܆
                    ܐܳܦܠܴܐ ܐܽܘܠܨܳܢܳܐ ܐܳܦܠܴܐ ܚܰܫܷ̈ܐ. 
                
                
                    5

                    ܘܝܰܬܺܝܪܳܐܻܝܬ ܡܥܰܕܪܳܢܺܝܬܳܐ ܗܘܼܳܬ ܠܺܝ ܡܰܚܫܰܒܬܶܗ ܕܡܳܪܝܳܐ܆
                    ܘܫܰܘܬܳܦܽܘܬܶܗ ܕܠܴܐ ܚܒܳܠܴܐ. 
                
                
                    6

                    ܘܐܶܬܬܪܺܝܡܿܶܬ ܒܢܽܘܗܪܳܐ܆ 
                    ܘܥܶܒܿܪܶܬ ܩܕܳܡ ܐܰܦܰܘ̈ܗ̱ܝ. 
                
                
                    7

                    ܘܰܗܘܺܝܬ ܩܰܪܺܝܒ ܐ̱ܢܳܐ ܘܡܰܘܕܶܐ ܐ̱ܢܳܐ ܠܶܗ. 
                    ... 
                
                
                    8

                    ܐܰܒܼܰܥ ܠܶܒܝ ܘܐܶܫܬܟܰܚ ܒܦܽܘܡܝ܆ 
                    ܘܰܕܢܰܚ ܥܰܠ ܣܶܦܘܴ̈ܬܝ. 
                
                
                    9

                    ܘܝܺܪܶܒ ܥܰܠ ܐܰܦܱ̈ܝ ܕܝܳܨܶܗ ܕܡܳܪܝܳܐ ܘܬܶܫܒܘܽܚܬܶܗ. ܗܰܠܶܠܘܽܝܰܐ.