“Odes of Solomon: Ode 22.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/165.
    
        


            
                
                    1

                    ܗܰܘ ܕܡܰܚܶܬ ܡܼܶܢ ܡܪܰܘܡܳܐ܆
                    ܘܡܰܣܶܩ ܠܺܝ (ܡܼܶܢ ܬܰܚܬܳܝܴ̈ܬܳܐ). 
                
                
                    2

                    ܘܗܰܘܿ ܕܰܡܟܰܢܶܫ ܡܶܨܥܳܝܴ̈ܬܳܐ܆
                    ܘܪܳܡܷܿܐ ܠܶܗܝܢ ܠܻܝ. 
                
                
                    3

                    ܗܰܘܿ ܕܒܰܕܰܪ ܠܰܒܥܶܠܕܒܴ̈ܒܰܝ܆
                    ܘܠܰܒܥܶܠܕ ܝܻ̈ܢܰܝ. 
                
                
                    4

                    ܗܰܘܿ ܕܝܰܗ̱ܒܼ ܠܺܝ ܫܽܘܠܛܳܢܳܐ ܕܐܱܣܽܘܪ̈ܶܐ܆ 
                    ܐܰܝܟ ܕܐܷܫܪܶܐ ܐܶܢܽܘܢܿ. 
                
                
                    5

                    ܗܰܘܿ ܕܣܰܚܼܶܦ ܒܐܺܝ̈ܕܰܝ ܠܬܰܢܺܝܢܳܐ ܕܫܰܒܥܶܐ ܪ̈ܺܝܫܰܘܗ̱ܝ܆ 
                    ܘܐܰܩܺܝܡܬܳܢܝ ܥܰܠ ܥܶܩܳܪ̈ܰܘܗ̱ܝ ܕܰܐܘܒܶܕ ܙܰܪܥܶܗ. 
                
                
                    6

                    ܐܰܢ̱ܬ ܗܘܼܰܝܬ ܬܰܡܳܢ ܘܥܰܕܰܪܬܳܢܝ܆ 
                    ܘܒܟܽܠ ܐܰܬܰܪ ܫܡܳܟ ܟܪܺܝܟ ܗ̱ܘܳܐ ܠܺܝ. 
                
                
                    7

                    ܚܰܒܠܰܬ ܝܰܡܺܝܢܳܟ (ܠܡܶܪܬܳܗܿ ܕܒܺܝܫܬܳܐ)܆
                    ܘܐܱܫܘܝܰܬ ܐܺܝܕܳܟ ܐܽܘܪܚܳܐ ܠܐܰܝܠܶܝܢ ܕܰܡܗܰܝܡܢܺܝܢ ܒܳܟ. 
                
                
                    8

                    (ܘܰܓܒܼܰܝ݀ܬ ܐܶܢܽܘܢܿ) ܡܼܶܢ ܩܰܒܪܷ̈ܐ܆ 
                    (ܘܰܦܼܪܰܫܬ ܐܶܢܽܘܢܿ) ܡܼܶܢ ܡܺܝ̈ܬܶܐ. 
                
                
                    9

                    ܢܣܼܰܒܬ ܓܰܪ̈ܡܶܐ ܡܺܝ̈ܬܶܐ܆ 
                    ܘܩܼܶܪܡ݀ܰܬ ܥܠܰܝܗܽܘܢܿ ܦܰܓܪ̈ܶܐ. 
                
                
                    10

                    ܘܠܴܐ ܡܶܬܬܙܺܝܥܺܝܢ ܗ̱ܘܰܘ܆ 
                    ܘܝܰܗܼܒܬ ܡܰܥܒܕܳܢܽܘܬܳܐ ܠܚܰܝܷ̈ܐ. 
                
                
                    11

                    ܕܠܴܐ ܚܒܳܠܴܐ ܗܘܳܬ ܐܽܘܪܚܳܟ ܘܦܰܪܨܽܘܦܳܟ܆ ܐܰܝܬܺܝܬ ܠܥܳܠܡܳܟ ܠܰܚܒܳܠܴܐ܆ 
                    ܕܢܶܫܬܪܶܐ ܟܽܠܡܶܕܶܡ ܘܢܶܬܚܰܕܰܬ. 
                
                
                    12

                    ܘܬܶܗܘܶܐ ܫܶܬܶܐܣܬܳܐ ܠܟܽܠܡܶܕܶܡ ܟܺܐܦܳܟ܆
                    ܘܰܥܠܶܝܗܿ ܒܢܰܝܬ ܡܰܠܟܽܘܬܳܟ܆
                    ܘܰܗܘܼܳܬ ܒܶܝܬ ܡܰܥܡܪܳܐ ܕܩܰܕܺܝܫܷ̈ܐ.
                    ܗܰܠܶܠܘܽܝܰܐ.