“Odes of Solomon: Ode 29.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/172.
    
        


            
                
                    1

                    ܡܳܪܝܰܐ ܗ̱ܘ ܣܰܒܪܝ܆ 
                    ܠܴܐ ܐ݀ܒܗܰܬ ܒܶܗ. 
                
                
                    2

                    ܐܰܝܟ ܬܶܫܒܽܘܚܬܶܗ ܓܶܝܪ ܥܰܒܼܕܰܢܝ܆ 
                    ܘܐܰܝܟ ܛܰܝܒܽܘܬܶܗ ܗܳܟܰܢܳܐ ܐܳܦ ܝܰܗ̱ܒ ܠܺܝ. 
                
                
                    3

                    ܘܐܰܝܟ ܪ̈ܰܚܡܰܘܗ̱ܝ ܐܰܪܺܝܡܰܢܝ܆ 
                    ܘܐܰܝܟ ܒܪܰܒܽܘܬ ܝܳܐܝܽܘܬܶܗ ܪܰܡܪܡܰܢܝ. 
                
                
                    4

                    ܘܐܰܣܩܼܰܢܝ ܡܼܶܢ ܥܽܘܡ̈ܩܶܝܗܿ ܕܰܫܝܽܘܠ܆ 
                    ܘܡܼܶܢ ܦܽܘܡܶܗ ܕܡܰܘܬܳܐ ܢܰܓܕܰܢܝ. 
                
                
                    5

                    ܘܡܰܟܿܟܶܬ ܠܰܒܥܶܠܕܒܳܒܱ̈ܝ܆
                

                
                    6

                    ܘܙܰܕܩܰܢܝ ܒܛܰܝܒܽܘܬܶܗ. 
                    ܗܰܝܡܿܢܶܬ ܓܶܝܪ ܒܰܡܫܺܝܚܶܗ ܕܡܳܪܝܳܐ܆ 
                
                
                    7

                    ܘܐܶܬܚܙܺܝ ܠܺܝ ܕܗܽܘܝܽܘ ܡܳܪܝܳܐ. 
                    ܘܚܰܘܺܝ ܠܺܝ ܐܳܬܷܿܗ܆ 
                
                
                    8

                    ܘܕܰܒܪܰܢܝ ܒܢܽܘܗܪܶܗ. ܘܝܰܗ̱ܒ ܠܺܝ ܚܽܘܛܪܳܐ ܕܚܰܝܠܬܳܢܽܘܬܶܗ܆ ܕܐܶܫܿܰܥܒܰܕ ܡܰܚܫ̈ܒܳܬܳܐ
                        ܕܥܰܡ̈ܡܶܐ܆ 
                    ܘܥܽܘܫܢܳܐ ܕܓܰܢ̱ܒܳܪ̈ܶܐ ܠܰܡܡܰܟܳܟܽܘ. 
                
                
                    9

                    ܠܡܶܥܒܰܕ ܩܪܳܒܳܐ ܒܡܶܠܬܶܗ܆ 
                    ܘܙܳܟܽܘܬܳܐ ܠܡܶܣܼܰܒ ܒܚܰܝܠܶܗ. 
                
                
                    10

                    ܘܐܰܪܡܺܝ ܠܰܒܥܶܠܕܒܳܒܝ ܡܳܪܝܳܐ ܒܡܶܠܬܶܗ܆
                    ܘܰܗܘܼܳܐ ܐܰܝܟ ܥܽܘܪܳܐ ܕܫܳܩܠܴܐ ܠܶܗ ܪܽܘܚܳܐ. 
                
                
                    11

                    ܘܝܶܗܿܒܶܬ ܬܶܫܒܽܘܚܬܳܐ ܠܰܡܪܰܝܡܳܐ܆ ܡܶܛܽܠ ܕܐܱܘܪܒܶܗ ܠܥܰܒܕܶܗ ܘܠܰܒܪܳܗܿ ܕܰܐܡܬܶܗ.
                        ܗܰܠܶܠܘܽܝܰܐ.