“Odes of Solomon: Ode 30.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/173.
    
        


            
                
                    1

                    ܡܠܰܘ ܠܟܽܘܢ ܡܰܝܴ̈ܐ ܡܼܶܢ ܡܰܒܽܘܥܶܐ ܚܰܝܳܐ ܕܡܳܪܝܳܐ܆ 
                    ܡܶܛܽܠ ܕܶܐܬܦܬܰܚ ܠܟܽܘܢ. 
                
                
                    2

                    ܘܬܰܘ ܟܽܠܟܽܘܢ ܨܗܰܝܴ̈ܐ ܘܣܰܒܘ ܡܰܫܬܝܳܐ܆
                    ܘܶܐܬܬܢܺܝܚܘ ܥܰܠ ܡܰܒܽܘܥܶܗ ܕܡܳܪܝܳܐ. 
                
                
                    3

                    ܡܶܛܽܠ ܕܫܰܦܺܝܪ ܗ̱ܽܘܼ ܘܰܢܩܶܕ܆
                    ܘܰܡܢܺܝܚ ܢܰܦܫܳܐ. 
                
                
                    4

                    ܡܼܶܢ ܕܶܒܫܳܐ ܓܶܝܪ ܣܰܓܺܝ ܒܰܣܺܝܡܺܝܢ ܡܰܘ̈ܗ̱ܝ܆
                    ܘܟܰܟܳܪܺܝܬܳܐ ܕܕܶܒܽܘܪ̈ܝܳܬܳܐ ܠܴܐ ܡܶܬܦܰܚܡܳܐ ܠܶܗ. 
                
                
                    5

                    ܡܶܛܽܠ ܕܡܶܢ ܣܶܦ̈ܘܳܬܶܗ ܕܡܳܪܝܳܐ ܢܿܦܰܩ܆
                    ܘܡܼܶܢ ܠܶܒܶܗ ܕܡܳܪܝܳܐ ܫܰܡܰܗ. 
                
                
                    6

                    ܘܐܷܬܳܐ ܟܰܕ ܠܴܐ ܡܶܣܬܰܝܰܟ ܘܠܴܐ ܡܶܬܚܙܶܐ܆
                    ܘܰܥܕܰܡܳܐ ܕܶܐܬܺܝܗܼܶܒ ܒܰܡܨܰܥܬܳܐ ܠܴܐ ܝܰܕܥܽܘܗ̱ܝ. 
                
                
                    7

                    ܛܽܘܒܰܝܗܽܘܢܿ ܠܐܰܝܠܶܝܢ ܕܶܐܫܬܺܝܘ ܡܶܢܶܗ܆
                     ܘܶܐܬܬܢܺܝܚ ܒܶܗ.
                     ܗܰܠܶܠܘܽܝܰܐ.