“Odes of Solomon: Ode 34.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/177.
    
        


            
                
                    1

                    ܠܰܝܬ ܐܽܘܪܚܳܐ ܩܫܺܝܬܳܐ ܐܰܝܟܳܐ ܕܠܶܒܳܐ ܦܫܺܝܛܳܐ܆ 
                    ܐܳܦ ܠܴܐ ܡܚܽܘܼܬܳܐ ܒܡܰܚ̈ܫܒܳܬܳܐ ܬܪ̈ܺܝܨܳܬܳܐ. 
                
                
                    2

                    ܐܳܦ ܠܴܐ ܥܰܠܥܳܠܴܐ ܒܥܽܘܡܩܳܗܿ ܕܡܰܚܫܰܒܬܳܐ ܢܰܗܺܝܪܬܳܐ. 
                

                
                    3

                    ܐܰܝܟܳܐ ܕܰܟܪܺܝܟ ܡܼܶܢ ܟܽܠ ܐܰܬܰܪ ܫܰܦܺܝܪܳܐ܆
                    ܠܰܝܬ ܒܶܗ ܡܶܕܶܡ ܕܰܦܠܺܝܓ. 
                
                
                    4

                    ܕܡܘܬܶܗ ܕܗܿܰܘ ܕܰܠܬܰܚܬ܆
                    ܗܽܘܝܽܘ ܗܿܰܘ ܕܰܠܥܶܠ. 
                
                
                    5

                    ܟܽܠܡܶܕܶܡ ܓܶܝܪ ܠܥܶܠ ܗܼܽܘ܆ ܘܰܠܬܰܚܬ ܠܰܝܬ ܡܶܕܶܡ܆ 
                    ܐܶܠܴܐ ܡܶܣܬܰܒܰܪ ܠܐܰܝܠܶܝܢ ܕܺܝܕܰܥܬܳܐ ܠܰܝܬ ܒܗܽܘܢܿ. 
                
                
                    6

                    ܛܰܝܒܽܘܬܳܐ ܐܶܬܓܰܠܝ݀ܰܬ ܠܦܽܘܪܩܳܢܟܽܘܢܿ܆
                    ܗܰܝܡܶܢܘ ܘܰܚܝܰܘ ܘܶܐܬܦܰܪܰܩܘ.
                    ܗܰܠܶܠܘܽܝܰܐ.