“Odes of Solomon: Ode 35.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/178.
    
        


            
                
                    1

                    ܪܣܺܝܣܶܗ ܕܡܳܪܝܳܐ ܒܢܺܝܚܽܘܬܳܐ ܐܰܛܶܠ ܥܠܰܝ܆ 
                    ܘܰܥܢܳܢܳܐ ܕܰܫܠܳܡܳܐ ܐܰܩܺܝܡ ܠܥܶܠ ܡܼܶܢ ܪܺܝܫܝ. 
                
                
                    2

                    ܕܰܗܼܘܳܬ ܡܢܰܛܪܳܐ ܠܝܻ ܒܟܽܠܙܒܰܢ܆ 
                    ܘܦܽܘܪܩܳܢܳܐ ܗܼܘܳܬ ܠܻܝ. 
                
                
                    3

                    ܐܶܬܬܙܺܝܥܘ ܟܽܠܡܶܕܶܡ ܘܶܐܬܪܰܗܰܒܘ܆
                    ܘܰܢܦܰܩ ܡܶܢܗܽܘܢ ܬܶܢܳܢܳܐ ܘܕܺܝܼܢܳܐ. 
                
                
                    4

                    ܘܐܶܢܳܐ ܫܠܷܐ ܗ̱ܘܺܝܬ ܒܬܶܓܡܶܗ ܕܡܳܪܝܳܐ܆ 
                    ܘܝܰܬܺܝܪ (ܡܼܶܢ ܛܶܠܴܠܴܐ ܗܼܘܳܐ ܠܺܝ) ܘܝܰܬܺܝܪ ܡܼܶܢ ܫܶܬܶܐܣܬܳܐ. 
                
                
                    5

                    ܘܐܰܝܟ ܛܰܠܝܳܐ ܡܼܶܢ ܐܶܡܶܗ ܡܶܬܛܥܶܢ ܗ̱ܘܺܝܬ܆
                    ܘܝܰܗ̱ܒ ܠܺܝ ܚܰܠܒܳܐ ܛܰــܠܶܗ ܕܡܳܪܝܳܐ. 
                
                
                    6

                    ܘܶܐܬܪܰܒܺܝܬ ܒܡܰܘܗܰܒܬܶܗ܆ 
                    ܘܶܐܬܬܿܢܺܝܚܶܬ ܒܫܽܘܡܠܳܝܶܗ. 
                
                
                    7

                    ܘܦܶܫܿܛܶܬ ܐܺܝ̈ܕܰܝ ܒܣܽܘܠܳܩܳܗܿ ܕܢܰܦܫܝ܆
                    ܘܐܶܬܿܬܰܪܨܰܬ ܠܘܳܬ ܡܪܰܝܡܳܐ܆ 
                    ܘܶܐܬܦܰܪܩܰܬ ܠܘܳܬܳܗܿ.
                    ܗܰܠܶܠܘܽܝܰܐ.