“Odes of Solomon: Ode 40.” Based upon James H. Charlesworth ed., The Odes of Solomon: The Syriac Texts (Oxford: Oxford University Press, 1973). Digital Syriac Corpus. Last modified July 6, 2017. https://syriaccorpus.org/183.
    
        


            
                
                    1

                    ܐܰܝܟ ܕܢܳܛܶܦ ܕܶܒܫܳܐ ܡܼܶܢ ܟܰܟܳܪܺܝܬܳܐ ܕܕܶܒܽܘܪ̈ܝܳܬܳܐ܆ ܘܪܳܕܶܐ ܚܰܠܒܳܐ ܡܼܶܢ ܐܰܢ̱ܬܬܳܐ
                        ܪܶܚܿܡܶܬ ܒܢܷ̈ܝܗܿ܆
                    ܗܳܟܰܢܳܐ ܐܳܦ ܣܰܒܪܝ ܥܠܰܝܟ ܗ̱ܽܘܼ ܐܰܠܳܗܝ. 
                
                
                    2

                    ܐܰܝܟ ܕܓܿܳܣܶܐ ܡܰܒܽܘܥܳܐ ܡܰܘ̈ܗ̱ܝ܆ ܗܳܟܰܢܳܐ ܓܳܣܶܐ ܠܶܒܝ ܬܶܫܒܽܘܚܬܶܗ ܕܡܳܪܝܳܐ܆ 
                    ܘܣܶܦܘ̈ܳܬܝ ܡܰܦ̈ܩܳܢ ܠܶܗ ܬܶܫܒܽܘܚܬܳܐ. 
                
                
                    3

                    ܘܠܶܫܳܢܝ ܚܠܷܐ ܒܥܶܢ̈ܝܳܢܰܘܗ̱ܝ܆
                    ܘܰܕܗܿܳܢܶܝܢ ܗܰ[ܕܳ]ܡ̈ـܰـ[ـܝ] ܒܰܙܡܺܝܪ̈ܳܬܶܗ. 
                
                
                    4

                    ܘܪ̈ܳܘܙܳܢ ܐܰܦܱ̈ܝ ܒܰܕܝܳܨܶܗ܆ ܘܰܕܝܳܨܳܐ ܪܽܘܚܝ ܒܚܽܘܒܶܗ܆
                    ܘܢܰܦܫܝ ܢܴܿܗܪܳܐ ܒܶܗ. 
                
                
                    5

                    ܘܕܳܚܠܴܐ ܒܶܗ ܢܶܬܬܟܶܠ܆
                    ܘܦܽܘܪܩܳܢܳܐ ܒܶܗ ܢܶܫܬܰܪܰܪ. 
                
                
                    6

                    ܘܝܽܘܬܪܳܢܶܗ ܐܺܝܬܰܝܗܽܘܢ ܚܳܝܷ̈ܐ ܕܠܴܐ ܡܰܘܬܳܐ܆
                    ܘܰܡܩܰܒ̈ܠܳܢܰܝܗܽܘܢ ܕܠܴܐ ܚܒܴܿܠܴܐ.
                    ܗܰܠܶܠܘܽܝܰܐ.