James H. Charlesworth ed., The Odes of Solomon: The Syriac Texts (Oxford: Oxford University Press, 1973)
    
        


            
                
                    1

                    ܢܫܰܒܚܽܘܢ ܠܡܳܪܝܳܐ ܟܽܠܗܽܘܢܿ ܝܱܠ̈ܘܕܰܘܗ̱ܝ܆
                    ܘܰܢܣܰܒ ܫܪܳܪܳܐ ܕܗܰܝܡܳܢܽܘܬܶܗ. 
                
                
                    2

                    ܘܢܶܬܝܰܕܥܽܘܢ ܠܘܳܬܶܗ ܒܢܰܘ̈ܗ̱ܝ܆
                    ܡܶܛܽܠ ܗܳܢܳܐ ܢܶܙܡܰܪ ܒܚܽܘܒܶܗ. 
                
                
                    3

                    ܚܰܝܺܝܼܢܰܢ ܒܡܳܪܝܳܐ ܒܛܰܝܒܽܘܬܶܗ܆
                    ܘܚܰܝܷ̈ܐ ܡܩܲܰܒܠܺܝܢܰܢ ܒܰܡܫܺܝܚܶܗ. 
                
                
                    4

                    ܝܰܘܡܳܐ ܓܶܝܪ ܪܰܒܳܐ ܐܰܢܗܰܪ ܠܰܢ܆ 
                    ܘܰܬܡܺܝܗ ܗ̱ܽܘܼ ܕܝܰܗ̱ܒ ܠܰܢ ܡܼܶܢ ܬܶܫܒܚܴ̈ܬܶܗ. 
                
                
                    5

                    ܢܶܫܬܘܶܐ ܗܳܟܺܝܠ ܟܽܠܰܢ ܐܰܟܚܕܳܐ ܥܰܠ ܫܡܶܗ ܕܡܳܪܝܳܐ܆ 
                    ܘܰܢܝܰܩܪܺܝܘܗ̱ܝ ܒܛܳܒܽܘܬܶܗ. 
                
                
                    6

                    ܘܢܶܢܗܪ̈ܳܢ ܐܰܦܰܝ̈ܢ ܒܢܽܘܗܪܶܗ܆ ܘܢܶܬܗܰܓܽܘܢ ܠܶܒܰܘܴ̈ܬܰܢ ܒܚܽܘܒܶܗ܆
                    ܒܠܶܠܝܳܐ ܘܒܺܐܝܡܳܡܳܐ. 
                
                
                    7

                    ܢܕܽܘܨ ܡܼܶܢ ܕܝܳܨܶܗ ܕܡܳܪܝܳܐ. 
                

                
                    8

                    ܢܶܬܕܰܡܪܽܘܢ ܟܽܠܗܽܘܢܿ ܐܰܝܠܶܝܢ ܕܚܳܙܶܝܢ ܠܺܝ܆
                    ܡܶܛܽܠ ܕܡܶܢ ܓܶܢܣܳܐ ܐ̱ܚܪܺܢܳܐ ܐ̱ܢܳܐ. 
                
                
                    9

                    ܐܰܒܳܐ ܓܶܝܪ ܕܰܫܪܳܪܳܐ ܐܶܬܕܰܟܪܰܢܝ܆ 
                    ܗܰܘܿ ܕܰܩܢܼܳܢܝ ܡܼܶܢ ܒܪܺܝܫܺܝܬ. 
                
                
                    10

                    ܥܽܘܬܪܶܗ ܓܶܝܪ ܝܰܠܕܰܢܝ܆ 
                    ܘܡܰܚܫܰܒܬܳܐ ܕܠܶܒܶܗ. 
                
                
                    11

                    ܘܡܶܠܬܶܗ ܥܰܡܰܢ ܒܟܽܠܳܗܿ ܐܽܘܪܚܰܢ܆ 
                    ܦܳܪܽܘܩܳܐ ܕܡܰܚܶܐ ܘܠܴܐ ܡܰܣܠܷܐ ܢܰܦ̈ܫܳܬܰܢ. 
                
                
                    12

                    ܓܰܒܪܳܐ ܕܶܐܬܡܰܟܰܟ܆
                    ܘܶܐܬܬܪܺܝܡ ܒܙܰܕܺܝܩܽܘܬܳܐ ܕܺܝܠܶܗ. 
                
                
                    13

                    ܒܪܶܗ ܕܰܡܪܰܝܡܳܐ ܐܶܬܚܙܺܝ܆
                    ܒܫܽܘܡܠܳܝܳܐ ܕܰܐܒܽܘܗ̱ܝ. 
                
                
                    14

                    ܘܢܽܘܗܪܳܐ ܕܢܰܚ ܡܼܶܢ ܡܶܠܬܳܐ܆ 
                    ܗܳܝܿ ܕܡܶܢ ܩܕܺܝܡ ܒܶܗ ܗܘܼܳܬ. 
                
                
                    15

                    ܡܫܺܝܚܳܐ ܒܰܫܪܳܪܳܐ ܚܰܕ ܗ̱ܽܘܼ܆
                    ܘܶܐܬܺܝܕܰܥ ܡܼܶܢ ܩܕܳܡ ܬܰܪ̈ܡܝܳܬܶܗ ܕܥܳܠܡܳܐ܆ 
                    ...
                

                
                    16
                    ܕܢܰܚܶܐ ܢܰܦ̈ܫܳܬܳܐ ܠܥܳܠܰܡ ܒܰܫܪܳܪܳܐ ܕܰܫܡܶܗ. 
                    ܬܶܫܒܽܘܚܬܳܐ ܚܕܰܬܳܐ ܠܡܳܪܝܳܐ ܡܼܶܢ ܐܰܝܠܶܝܢ ܕܡܰܚܒܺܝܢ ܠܶܗ.
                    ܗܰܠܶܠܘܽܝܰܐ.