(Ps.-)Clement of Rome. “Pseudo-Clementine Recognitions: Recognition 3.” Based upon Paul de Lagarde, Clementis Romani Recognitiones syriace (Lipsiae: F.A. Brockhaus, 1861). Digital Syriac Corpus. Last modified July 12, 2017. https://syriaccorpus.org/221. 161 ܘܟܕ ܗܟܝܠ ܦܛܪܘܣ ܩܡ ܒܥܕܢܐ ܕܬܪܢܓܠܐ ܩ݀ܪܐ ܒܗ . ܒܪܫܥܬܗ ܟܕ ܨܒܐ ܗܘܐ ܕܢܥܝܪ ܠܢ . ܚܙܐ ܕܟܠ ܥܝܪܝܢ ܐܢܚܢܢ ܿ ܥܕܟܝܠ ܓܝܪ ܗܘ ܫܪܓܐ ܢܗܪ ܗܘܐ . ܫܐܠ ܒܫܠܡܢ ܘܚܙܐ ܕܟܠܢ ܝܬܒܝܢ ܐܢܚܢܢ ܿ ܘܫܪܝ ܕܢܐܡܪ ܗܘܐ ܕܠܐ ܬܣܒܪܘܢ ܕܠܐ ܗܘܬ ܩܫܝܐ ܕܥܠ ܫܪܪܐ ܐܢܫ ܢܡܠܠ . ܥܡ ܟ̈ܢܫܐ ܕܡܚܠܛܝܢ ܡܢ ܟܠ ܓܢܣ . ܗܘ ܓܝܪ ܡܕܡ ܕܐܝܬܘܗܝ ܕܢܐܡܪܝܘܗܝ ܠܟܠ ܐܢܫ ܠܐ ܫܠܝܛ ܠܗ . ܡܛܠ ܗܢܘܢ ܚܪ̈ܥܐ ܘܒ̈ܝܫܐ . ܘܕܢܕܓܠ ܕܝܢ ܠܐ ܙܕܩ ܿ ܡܛܠ ܗܢܘܢ ܕܡܚܒܝܢ ܫܪܝܪܬܐ . ܡܢܐ ܗܟܝܠ ܢܥܒܕ ܗܘ ܕܩܕܡ ܟ̈ܢܫܐ ܡܡܠܠ ܠܗ ܠܫܪܪܐ. ܢܛܫܐ . ܘܐܝܟܢܐ ܡܦܝܣ ܠܗܢܘܢ ܕܫܘܝܢ . ܘܐܠܐ ܫܪܪܐ ܢܡܠܠ . ܠܗܢܘܢ ܕܠܐ ܨܒܝܢ ܕܢܚܘܢ ܠܗܿܘ ܕܫܕܪܗ ܛܠܡ . ܗܘ ܕܠܡ̈ܠܘܗܝ ܗܢܝܢ ܕܠܡܪ̈ܓܢܝܬܐ ܕܡܝܢ . ܦܩܕ ܕܠܗܢܘܢ ܕܐܣܟܡܐ ܕܟܠܒ̈ܐ ܘܕܚܙܝܪ̈ܐ ܩܢܝܢ ܿ ܠܐ ܢܬܠ ܐܢܝܢ . ܗܢܘܢ ܕܡܐ ܕܢܣܒܘ ܐܢܝܢ ܒܚܡ̈ܬܐ ܘܒܨܢ̈ܥܬܐ ܕܡ̈ܠܐ ܕܡܣ̈ܠܝܬܐ ܡܢ ܢܦܬܐ ܐܝܬܝܗܝܢ ܡܠܝܦܝܢ ܠܗܝܢ . ܐܝܟܢܐ ܕܒܢܦ̈ܫܬܐ ܕܗ̈ܕܝܘܛܐ ܫܘܒܗܪܐ ܕܬܫܒܘܚܬܐ ܢܗܘܐ ܠܗܘ݀ܢ ܕܡܛܠ ܗܕܐ ܒܣ̈ܓܝܐܬܐ 82 ܡܬܟܪܟ ܗܘܝܬ ܘܡܬܗܦܟ ܐܝܟܢܐ ܕܡܠܬܐ ܕܐܠܗܘܬܐ ܗܝ ܕܥܠ ܟܠ ܫܠܝܛܐ . ܡܛܠ ܗܢܘܢ ܕܠܐ ܫܘܝܢ ܿ ܐܛܫܐ ܘܐܟܣܐ ܀ ܀ ܀ 162 ܘܟܕ ܗܢܝܢ ܦܛܪܘܣ ܐܡܪ ܗܘܐ . ܐܩܝܠܘܣ ܐܡܪ ܠܗ . ܕܬܪܝܐܝܬ ܐܡܪܬ ܕܡܛܠ ܗܕܐ ܠܢ ܐܡܪ ܠܢ ܿ ܗܢܝܢ ܕܝܠܗ ܕܫܪܪܐ ܀ ܀ ܀ 163 ܘܗܘ ܦܛܪܘܣ ܐܡܪ ܿ ܕܡܕܡ ܕܨܒܝܢ ܐܢܬܘܢ ܫܐܠܘ ܡܟܝܠ ܀ ܀ ܀ 164 ܘܗܘ ܐܩܝܠܘܣ ܐܡܪ ܕܥܠ ܡܠܬܐ ܗܝ ܕܥܠ ܪܫܢܘܬܐ ܿ ܐܘ ܥܠ ܪ̈ܫܢܘܬܐ ܘܫܘܠܛܢܐ ܐܡܪ ܠܢ . ܘܗܝ ܕܐܬܥܕܠ ܣܝܡܘܢ ܐܝܟ ܕܠܐ ܝܐܐ ܕܢܬܐܡܪ ܕܒܪܐ ܕܐܠܗܐ ܐܝܬܘܗܝ ܡܫܝܚܐ ܕܠܐ ܢܣܬܒܪ ܠܗ ܕܚܐܫ ܗܢܝܢ ܕܕܡܝܢ ܠܕܢܨܒ̈ܬܐ ܿ ܘܕܫܪܟܐ ܕܗܢܘܢ ܕܕܠܐ ܢܦܫܐ ܐܢܘܘ ܘܕܚܝܘ̈ܬܐ ܗܢܝܢ ܢܦܫ̈ܢܝܬܐ ܀ ܀ ܀ 165 ܘܗܘ ܕܝܢ ܦܛܪܘܣ ܟܕ ܚܙܐ ܕܟܠܢ ܿ ܗܢܝܢ ܗܢܝܢ ܨܒܝܢ ܗܘܝܢ ܕܢܫܡܥ . ܠܟܠܗܿ ܡܠܬܐ ܕܥܠ ܗܢܝܢ ܐܓܥܠ ܠܢ . ܗܟܢܐ ܕܗܘ ܫܡܐ ܕܪܫܢܘܬܐ ܥܠ ܣ̈ܓܝܐܬܐ ܨܒ̈ܘܬܐ ܡܦܪ̈ܫܬܐ ܡܬܐܡܪ ܐܦ ܥܠ ܗܢܘܢ ܡܬܪ̈ܓܫܢܐ ܘܐܦ ܥܠ ܗܢܘܢ ܡܬܝܕܥܢܐ ܐܠܐ ܡܛܠ ܕܠܐ ܩܕܡ ܢܣܝܢܐ ܕܡܬܪ̈ܓܫܢܐ ܘܐܦ ܥܠ ܗܢܘܢ ܡܬܝܕܥܢܐ ܐܠܐ ܡܛܠ ܕܠܐ ܩܕܡ ܢܣܝܢܐ ܕܡܬܪ̈ܓܫܢܐ ܥܠ ܗܢܝܢ ܡܬܝ̈ܕܥܢܐ ܢܣܬܒܪ ܘܕܩܪܝܒܝܢ ܐܢܚܢܢ ܿ ܝܐܝܐ ܘܙܕܩܐ ܕܠܘܩܕܡ ܡܢܗܢܝܢ ܕܡܬܚܙܝܢ ܢܫܪ̈ܐ . ܘܡܐ ܕܬܚܘ̈ܝܬܐ ܫܪܝܪܬܐ ܐܝܟ ܥܪܒܘܬܐ ܢܣܒܢ ܡܢܗܝܢ . ܗܝܕܝܢ ܬܘܒ ܥܠ ܡܕܪܟܢܘܬܐ ܕܗܢܝܢ ܕܒܝܕܥܬܐ ܡܬܝܕܥܢ ܢܫܪܟ . ܘܢܫܪܐ ܡܢ ܗܕܐ ܕܫܡܫܐ ܐܬܣܝܡ ܪܝܫܐ ܕܢܫܬܛܠ ܥܠ ܐܝܡܡܐ . ܘܣܗܪܐ ܕܝܢ ܥܠ ܗܢܘܢ ܕܠܩܘܒܠܗ ܿ ܘܗܢܘܢ ܗܢܘܢ ܕܢܫܬܠܛܘܢ ܐܬܣܝܡܘ ܡܢ ܗܘ ܿ ܕܐܦ ܗܕܐ ܕܢܗܘܘܢ ܐܝܬܝܗܘܢ ܡܢ ܫܘܪܝܐ ܡܢܗ ܢܣܒܘ ܿ ܘܗܘ ܗܘ ܕܠܝܗܘܢ ܠܗܠܝܢ ܬܩܢ ܫܡܝܐ ܘܐܪܥܐ ܩܕܡ ܒܪܐ ܒܫܘܪܝܐ ܘܥܡ ܗܢܝܢ ܕܝܢ ܘܐܦ ܗܢܝܢ ܚ̈ܝܘܬܐ ܕܥܠ ܐܪܥܐ ܘܕܒܝܡܐ ܘܦܪܚܬܐ ܘܐܝ̈ܠܢܐ ܘܥܩܪ̈ܐ ܬܩܢ ܿ ܘܒܬܪܟܢ ܠܗ ܠܒܪ ܐܢܫܐ ܿ ܘܠܐ ܗܘܐ ܒܠܚܘܕ ܫܘܝܐ ܕܢܗܘܐ ܐܝܬܘܗܝ ܢܣܒ ܿ ܐܠܐ ܐܦ ܕܢܚܐ ܿ ܐܝܟ ܦܘܩܕܢܐ ܕܐܠܗܐ ܕܝܗܒ ܠܗܿ ܘܗܟܢܐ ܕܝܢ ܣ̈ܓܝܐܬܐ ܪ̈ܫܢܘܬܐ ܐܝܬܝܗܝܢ ܠܐ ܡܫܟܚܐ . ܚܕܐ ܗܝ ܓܝܪ ܪܫܢܘܬܐ ܘܚܕܐ ܗܝ ܕܕܠܐ ܫܘܪܝ ܗܝ ܿ ܗܢܝܢ ܕܒܬܪ ܬܪ̈ܬܝܗܝܢ ܐܝܟ ܕܒܚܘܫܚܐ ܡܬܐܡܪܢ ܐܦܢ ܡܬܩܪ̈ܝܢ ܪ̈ܫܢܘܬܐ ܩܕܡܬ ܕܝܢ ܐܡܪܬ ܘܐܦ ܥܠܬܐ ܕܗܢܐ ܕܘܪܓܐ ܕܢܓܕ ܘܡܣܩ ܿ ܡܢ ܗܢܝܢ ܡܬܪ̈ܓܫܢܝܬܐ ܠܘܬ ܗܢܝܢ ܡܬܝܕܥܢܝܬܐ ܐܝܟܢܐ ܕܒܗܕܐ ܐܘܪܚܐ ܙܗܝܪܐܝܬ ܘܫܪܝܪܐܝܬ ܬܬܚܫܚܘܢ ܘܥܠ ܡܫܠܡܢܘܬܐ ܕܗܢܝܢ ܡܬܝܕܥܢܝܬܐ ܙܗܝܪܘܬܐ ܬܩܢܘ݀ܢ ܐܡܪܝܢ ܐܢܚܢܢ ܗܟܝܠ ܕܐܠܗܐ ܕܠܐ ܫܘܪܝ ܗܘ ܿ ܟܕ ܒܚܦܝܛܘܬܐ ܕܠܐܡܬܚܒܠܐ ܡܬܕܪܓܝܢ ܐܢܚܢܢ ܿ ܘܡܬܢܓܕܝܢ ܐܢܚܢܢ ܠܘܬܗ ܿ ܘܠܐ ܗܘܐ ܗܘܝܘ ܥܠܬ ܢܦܫܗ ܿ ܘܐܦܠܐ ܕܗܘ ܝܠܕ ܠܢܦܫܗ ܿ ܐܝܬܘܗܝ ܓܝܪ ܕܠܐ ܫܘܪܝܐ ܘܐܝܬܝܐ ܗܘ ܕܠܐ ܗܘܐ ܠܗܕܐ ܿ ܕܡܢܐ ܐܝܬܘܗܝ ܡܩܪܒ ܠܢ ܕܢܕܥ . ܐܠܐ ܕܠܐ ܗܘܐ 83 ܡܗܘܐ ܗܘܐ ܗܢܘܢ ܕܝܢ ܕܩܪܐܘܗܝ ܠܐܝܬܝܐ ܕܠܐ ܗܘܐ ܐܒܐ ܕܢܦܫܗ ܘܝܠܕ ܢܦܫܗ ܕܢܛܠܡܘܢܝܗܝ ܐܡܪܚܘ ܿ ܕܐܫܬܥܒܕܘ ܠܬܪ̈ܥܝܬܐ ܘܠܚܘ̈ܫܒܐ ܢܣ̈ܝܣܐ ܕܐܣܬܢܩ ܓܝܪ ܕܢܐܠܕ ܢܦܫܗ ܗܘ ܕܐܝܬܘܗܝ ܩܕܡ ܕܢܗܘܐ ܒܕܡܘܬ ܛܠܝ̈ܐ ܐܬܚܫܒܘ ܘܣܒܪܘ ܿ ܘܗܘ ܕܠܐ ܐܝܬܘܗܝ ܚܠܦ ܗܘ ܕܐܝܬܘܗܝ ܿ ܣܡܘ ܿ ܘܐܝܟ ܗܘ ܕܒܝܕ ܢܦܫܗ ܗܘܐ ܐܡܪܘ ܒܫܢܝܘܬܐ ܕܫܢܘ ܘܠܢܨܒ̈ܬܐ ܘܕܢܕܡ̈ܘܢܝܗܝ ܠܗܘ ܐܝܬܝܐ ܕܠܐ ܗܘܐ ܗܢܘܢ ܕܝܿܘܢܐ ܐܡܪܚܘ ܗܢܝܢ ܕܝܢ ܟܠܗܝܢ ܠܓܘ ܡܢ ܪܫܥܐ ܐܝܬܝܗܝܢ ܘܢܩܝܦܐ ܠܗܝܢ ܬܘܒ ܠܐ ܡܪܓܫܢܘܬܐ ܿ ܠܐ ܓܝܪ ܝܕܥܘ ܕܗܘ ܟܕ ܗܘ ܐܡܪܝܢ ܕܐܝܬܘܗܝ ܘܕܠܐ ܐܝܬܘܗܝ ܿ ܒܗܝ ܓܝܪ ܕܝܠܕ ܢܦܫܗ ܐܝܬܘܗܝ ܿ ܗܘܐ ܿ ܘܒܗܝ ܕܝܢ ܕܡܬܝܠܕ ܿ ܡܢ ܢܦܫܗ ܠܐ ܐܝܬܘܗܝ ܗܘܐ . ܠܐ ܗܟܝܠ ܐܝܬܘܗܝ ܗܘܐ ܡܛܠ ܕܡܬܝܠܕ ܘܐܝܬܘܗܝ ܗܘܐ ܡܛܠ ܕܝܠܕ ܿ ܘܕܬܪܬܝܢ ܕܝܢ ܢܐܡܪ ܥܠܘܗܝ ܿ ܕܗܘ ܟܕ ܗܘ ܐܝܬܘܗܝ ܠܐ ܡܦܣ ܠܢ ܗܘ ܡܘܠܟܢܐ ܕܕܚܠܬ ܐܠܗܐ ܘܬܘܒ ܕܝܢ ܐܦ ܗܢܘܢ ܚܘ̈ܫܒܐ ܕܓܿܘܐ . ܒܛܝܠܐܝܬ ܘܙܗܝܪܐܝܬ ܕܚܩܝܢ ܠܗ ܡܢܢ ܠܗܢܐ ܓܘܕܦܐ ܘܗܝ ܕܝܐܝܐ ܠܐܝܬܝܐ ܕܠܐܗܘܐ ܕܢܐܡܪ ܝܗܒܝܢ ܠܢ ܿ ܡܢܐ ܗܟܝܠ ܐܢܫ ܢܐܡܪ ܿ ܡܐ ܕܐܫܬܐܠ ܡܢ ܗܢܘܢ ܕܪܫܝܥܐܝܬ ܩܕܡܘ ܐܡܪܘ ܿ ܠܐܗܘܐ ܕܠܘܩܕܡ ܐܝܬܘܗܝ ܗܘܐ ܕܕܢܗܘܐ ܐܒܐ ܕܢܦܫܗ ܥܬܝܕ ܗܘܐ . ܗܘ ܗܟܝܠ ܕܗܕܐ ܕܐܝܬܘܗܝ ܐܝܬ ܠܗ ܿ ܩܕܡ ܕܠܢܦܫܗ ܢܬܠ ܕܢܗܘܐ ܐܝܬܘܗܝ ܐܒܐ ܕܢܦܫܗ ܘܝܠܕ ܢܦܫܗ ܿ ܒܐܝܕܐ ܬܪܥܝܬܐ ܕܢܬܐܡܪ ܡܫܟܚܐ . ܘܕܠܐ ܐܝܬܘܗܝ ܠܗܝ ܕܩܕܡ ܐܝܬܘܗܝ ܐܝܕܐ ܟܝ ܐܬܐ ܕܚܘܫܒܐ ܐܝܬܝܗܿ ܘܡܪܚܘܬܐ ܗܝ ܕܝܢ ܕܢܐܡܪ ܕܗܘܐ ܡܢ ܢܦܫܗ ܗܘ ܐܝܬܝܐ ܕܠܐ ܗܘܐ . ܓܕܫܐ ܕܝܢ ܗܕܐ ܠܗܢܘܢ ܕܗܟܢܐ ܐܡܪܝܢ ܕܐܝܟ ܕܒܡܪܕܘܬܐ ܢܐܡܪ ܗܝ ܕܗܘܝܐ ܠܗܢܘܢ ܕܪܘܝܢ ܕܠܛܠܢܝ̈ܗܘܢ ܚܠܦ ܚܦܪܐ ܫܘܪܝܢ . ܕܡܛܠ ܗܕܐ ܘܠܐ ܕܩܕܡ ܟܠܡܕܡ ܒܥܬܐ ܥܠ ܗܢܘܢ ܕܠܐ ܡܝܘ̈ܬܐ ܐܢܘܢ ܢܥܒܕ ܟܕ ܡܫܪܝܢ ܐܢܚܢ ܡܢ ܡܫܠܡܢܘܬܗ ܿ ܕܡܪܢ ܐܝܟܐ ܕܡܠܦ ܠܢ ܥܒܕܘܬܐ ܕܡܝܘ̈ܬܐ ܕܡܫܬܥܒܕܝܢ ܠܗܢܘܢ ܕܠܐ ܡܝܬܝܢ ܕܩܢܕܝܢܘܣ ܿ ܘܢܣܝܘܢܐ ܥܕܡܐ ܠܗ ܠܡܘܬܐ ܢܣܝܒܪ ܒܣܒܪܐ ܘܒܣܘܟܝܐ ܕܗܢܝܢ ܛܒ̈ܬܐ ܕܡܠܟܘܬܐ ܒܗܝ ܕܐܪ ܕܠܐ ܬܕܚܠܘܢ ܡܢ ܗܢܘܢ ܕܩܛܠܝܢ ܦܓܪܐ . ܘܢܦܫܐ ܠܐ ܡܫܟܚܝܢ ܕܢܩܛܠܘ݀ܢ ܕܚܠܘ ܕܝܢ ܡܢ ܗܘ ܕܡܫܟܚ ܐܦ ܦܓܪܐ ܐܦ ܢܦܫܐ . ܕܢܘܒܕ ܒܓܗܢܐ ܘܒܫܪܪܐ ܕܝܢ ܐܢ ܗܘ ܕܥܡ ܦܓܪܐ ܠܐ ܡܝܬܐ ܢܦܫܐ ܘܐܦ ܠܐ ܡܬܦܣܩܐ ܿ ܘܐܦ ܠܐ ܡܕܡ ܚܫܐ ܡܢ ܗܢܝܢ ܕܚܐܫ ܦܓܪܐ ܐܝܟ ܗܢܝܢ ܕܐܘ ܪܕܝܐ ܕܠܓܘ ܐܘ ܕܪܕܝܐ ܕܠܒܪ ܐܘ ܕܩܛܝܢܘܬܐ ܐܘ ܕܥܒܝܘܬܐ . ܐܘ ܕܚܘܠܡܢܐ ܐܘ ܕܟܘܪܗܢܐ ܿ ܐܘ ܕܦܣܩܐ ܐܘ ܕܡܠܝܦܢܘܬܐ ܐܠܐ ܘܐܦ ܒܗ ܒܝܠܕܗܘܢ ܕܒ̈ܢܝ ܐܢܫܐ ܠܐ 84 ܡܕܡ ܡܥܕܪ ܠܗ ܿ ܠܢܦܫܐ ܒܗ ܒܪܕܝܐ . ܐܠܐ ܕܒܟܘܠ ܕܘܟܐ ܒܙܘ̈ܥܝܗܿ ܩܝܡܐ ܗܝ ܒܩܢܘܡܗܿ ܕܠܐ ܫܘܚܠܦ ܿ ܒܗܿ ܕܝܢ ܒܡܬܙܝܥܢܘܬܗ ܡܦܪܫܬܐ ܠܘܬ ܟܘܠ ܨܒܘ ܠܗ ܠܦܓܪܐ ܬܪܨܐ ܿ ܪܕܐ ܗܟܝܠ ܘܚܐܫ ܒܐܝܬܘܬܗ ܿ ܘܒܩܢܘܡܗ ܗܘ ܦܓܪܐ ܿ ܐܝܟܢܐ ܕܡܫܟܚܐ ܕܒܗ ܒܢܣܝܢܐ ܢܬܒܩܐ ܘܢܐܠܦ ܿ ܡܢ ܒܬܪ ܓܝܪ ܩܘܝܡܗܘܢ ܕܗܢܘܢ ܕܡܬܝܠܕܝܢ ܗܝ ܣܦܝܩܘܬܗ ܕܟܪܣܐ ܡܛܠ ܬܪܒܝܬܐ ܕܥܘܠܐ ܕܕܚܐ ܘܡܬܕܚܐ ܐܝܟ ܕܒܬܟܬܘܫܐ ܒܡܠܬܐ ܒܪܘܝܬܐ ܘܗܘ ܕܐܬܩܝܡ ܡܣܬܪܗܒ ܕܢܦܘܩ ܿ ܗܝ ܕܝܢ ܗܕܐ ܥܠܬܐ ܿ ܡܫܢܝܐ ܠܗܘܢ ܠܚܘ̈ܒܠܐ ܠܝܘ̈ܒܠܐ ܘܡܪܦܪܝܢܘܬܐ ܕܝܠܗܿ ܕܕܡܘܬܐ ܿ ܘܡܐ ܕܓܕܫ ܕܝܢ ܚܫܐ ܐܘ ܩܢܕܝܢܘܣ ܕܓܘܐ ܗܘܐ ܿ ܐܘ ܕܡܕܡ ܡܢܬܐ ܐܝܟ ܕܒܣܓܝ ܡܣܬܩܒܠ ܿ ܐܠܐܓܝܪ ܐܦ ܟܘܠ ܡܕܡ ܕܥܒܕܐ ܗܘ ܕܪܓܬ ܢܫܐ ܡܩܡ ܡܛܝܒ ܘܡܩܕܡ ܡܠܛ ܟܝܢܐܝܬ ܒܟܘܠܗܝܢ ܩܘ̈ܡܬܐ ܕܟܠ ܐܢܫ ܿ ܐܝܟ ܗܟܢܐ ܕܛܠܝܐ ܐܚܪܢܝܐܝܬ ܘܒܐܣܟܡܐ ܐܚܪܢܐ ܕܗܘ ܕܐܬܥܠܡ . ܘܕܓܒܪܐ ܕܝܢ ܐܚܪܢܝܐܝܬ ܗܘ ܓܝܪ ܛܠܝܐ ܐܝܬ ܗܘ ܒܗ ܚܝܠܗܿ ܕܫܘܬܦܘܬܐ ܕܗܢܝܢ ܿ ܠܐ ܕܝܢ ܐܝܬ ܠܗ ܒܚܝܠܗ ܿ ܐܦ ܙܘ̈ܥܝܗܿ ܕܢܦܫܐ . ܗܘ ܕܝܢ ܐܫܬܥܠܡ ܿ ܡܛܝܒ ܗܘ ܠܗ ܠܚܐܦܐ ܠܐ ܕܝܢ ܥܕܟܝܠ ܐܝܬ ܠܗ ܚܫܚܬܗܝܢ ܕܗܢܝܢ ܕܫܿܕܐ . ܕܓܒܪܐ ܗܘ ܩܢܐ ܗܘ ܥܡ ܨܒܝܢܗ ܐܦ ܫܘܡܠܝܗܿ ܕܚܫܚܬܐ ܿ ܘܠܐ ܗܘܐ ܿ ܕܝܢ ܡܢ ܗܢܝܢ ܒܠܚܘܕ ܡܫܟܚܐ ܕܢܐܡܪ ܥܠ ܢܦܫܐ . ܕܠܐ ܡܝܬܐ ܘܥܠ ܦܓܪܐ ܕܪܕܘܝܐ ܗܘ ܿ ܐܠܐ ܐܦ ܡܢ ܗܢܝܢ ܦܘܩ̈ܕܢܐ ܕܠܗ ܕܝܠܗ ܐܝܟ ܕܠܓܘܐ ܐܝܬܗܒܘ ܐܝܟܢܐ ܕܗܘ ܡܪܢ ܐܡܪ ܕܐܬܐܡܪ ܠܩܕܡ̈ܝܐ ܕܠܐ ܬܓܘܪ . ܐܢܐ ܕܝܢ ܐܡܪ ܐܢܐ ܕܐܦ ܠܐ ܡܢ ܚܙܬܐ ܘܚܘܪܐ ܿ ܠܪܓܬܐ ܬܫܬܥܒܕ ܘܣܓܝ ܐܠܗܐܝܬ ܐܡܪ ܿ ܐܢ ܓܝܪ ܗܘ ܦܓܪܐ ܟܝܢܐܝܬ ܦܟܝܪ ܗܘ ܿ ܠܘܬ ܪܓܬ ܫܘܬܦܘܬܐ ܕܢܫ̈ܐ ܿ ܗܢܘ ܕܝܢ ܩܛܝܪܐܝܬ ܡܫܥܒܕ ܠܘܬ ܗܢܝܗܢ ܕܡܢܗܝܢ ܩܒܠ ܐܦ ܕܢܗܘܐ ܐܝܬܘܗܝ ܿ ܘܕܒܗܘܢ ܒܐܣܟ̈ܡܐ ܗܢܝܢ ܢܗܘܐ ܕܗܝ ܗܕܐ ܐܝܬܝܗܿ ܠܘܩܕܡ ܕܝܠܗ ܕܦܓܪܐ ܐܝܟܢܐ ܗܟܝܠ ܐܢܫ ܢܣܒܪ ܕܠܦܓܪܐ ܗܘ ܐܬܐܡܪܬ ܗܕܐ ܕܠܐ ܬܓܘܪ ܐܢܐ ܕܝܢ ܐܡܪܢܐ ܕܐܦ ܠܐ ܠܪܓܬܐ ܬܫܬܥܒܕ ܘܠܐ ܗܘܐ ܕܝܢ ܠܗܝ ܕܡܚܪܪܐ ܗܝ ܒܩܢܘܡܗ ܡܢ ܚܫܐ ܕܐܝܟ ܗܢܝܢ . ܘܐܝܬ ܠܗ ܕܬܓܕ ܘܬܕܒܪ ܒܣܘܥܪܢܗ ܠܗ ܠܦܓܪܐ ܠܐܝܟܐ ܕܦܘܩܕܢܗ ܕܪܒܘܬܐ ܡܪܬܐ ܠܗ ܿ ܗܟܢܐ ܓܝܪ ܐܦ ܡܛܠ ܕܡܣܟܝܢ ܐܢܚܢܢ ܘܡܣܒܪܝܢ ܐܢܚܢܢ ܠܗܢܝܢ ܕܥܬܝܕܢ ܠܐ ܪܓܙܝܢ ܐܢܚܢܢ . ܘܠܚܡܬܐ ܙܟܝܢ ܐܢܚܢܢ ܿ ܘܡܢ ܢ̈ܫܐ ܡܦܢܝܢ ܐܢܚܢܢ ܚܙܬ݀ܢ ܘܪܥܝܢܢ ܕܒܣܒܪܐ ܕܗܢܝܢ ܕܥܬܝܕܢ ܪܥܝܢܢ ܡܦܪܚܝܢ ܐܢܚܢܢ ܘܐܝܟ ܕܐܡܪܬ ܕܠܐ ܗܘܐ ܟܠܗ ܗܢܐ ܡܐ ܕܐܝܬܝܢ . ܥܒܕܐ ܗܘ ܘܡܫܥܒܕܐ ܕܪܓܬ 85 ܢܫ̈ܐ . ܐܠܐ ܡܕܡ ܡܢܢ ܐܝܬܘܗܝ ܥܒܕܐ ܒܟܝܢܗ ܐܝܟ ܕܚܘܝܢܢ ܗܘ ܕܐܝܬܘܗܝ ܦܓܪܐ ܿ ܘܡܕܡ ܕܝܢ ܡܢ ܐܝܬܘܗܝ ܕܨܒܝܢܐ ܗܘ ܕܐܝܬܘܗܝ ܙܘܥܗܿ ܕܢܦܫܐ ܗܝ ܕܠܐ ܡܝܬܐ ܿ ܘܕܗܢܝܢ ܗܟܝܠ ܗܟܢܐ ܐܝܬܝܗܝܢ ܥܩܒܬܐ ܫܦܝܪܬܐ ܠܡܕܪܟܢܘܬܐ ܕܗܢܝܢ ܡܬܝ̈ܕܥܢܝܬܐ ܐܫܟܚܢ ܐܝܟ ܕܢܐܡܪ ܐܢܫ ܒܨܒܝܢܐ ܕܐܠܗܐ . ܘܡܟܝܠ ܢܪܕܐ ܕܠܐ ܡܚܫܘܠܐ ܟܕ ܡܬܚܫܚܝܢ ܐܢܚܢܢ ܒܣܘܟܝܐ ܗܢܐ ܕܢܦܫܐ ܕܠܐ ܡܝܬܐ ܿ ܘܬܘܒ ܠܐ ܡܟܝܠ ܢܫܒܘܩ ܚܫܐ ܦܓܪܢܐ ܕܢܥܘܠ ܒܩܢܘܡܐ ܗܘ ܡܬܝܕܥܢܐ ܿ ܘܠܐ ܡܝܘܬܐ ܟܕ ܐܝܩܪܐ ܗܢܐ ܟܠܗ ܦܓܠܝܢ ܐܢܚܢܢ ܚܕ ܠܚܕ ܡܢ ܗܢܝܢ ܡܬܝܕ̈ܥܢܐ ܿ ܐܝܟ ܡܐ ܕܗܘ ܛܟܣܐ ܡܦܣ ܿ ܕܐܝܬܝܗܘܢ ܐܘ ܕܡܩܕܡܝܢ ܐܝܬܝܗܘܢ ܿ ܐܝܬܘܗܝ ܗܟܝܠ ܠܘܩܕܡ ܗܘ ܐܝܬܝܐ ܕܠܐ ܗܘܐ ܕܥܠܘܗܝ ܐܦ ܢܒ̈ܝܐ ܐܣܗܕܘ ܿ ܕܐܢܐ ܐܢܐ ܩܕܡܝܐ ܘܐܢܐ ܐܢܐ ܒܬܪܟܢ ܪ ܘܠܒܪ ܡܢܝ ܐܠܗܝ ܐܚܪܝܢ ܠܝܬ . ܟܕ ܗܝ ܕܠܒܪ ܡܢܝ ܡܒܕܩܐ . ܕܐܝܬܘܗܝ ܕܠܐ ܫܘܪܝ ܿ ܘܐܝܬܝܐ ܕܠܐ ܗܘܐ ܀ ܀ ܀ 166 ܘܗܘ ܕܝܢ ܩܠܡܣ ܘܗܢܘܢ ܫܪܟܐ ܠܚܕ̈ܕܐ ܪܡܙܝܢ ܗܘܘ ܕܨܒܝܢ ܗܘܘ ܕܢܫܡܥܘܢ ܡܢܐ ܐܝܬܘܗܝ ܗܘ ܐܝܬܝܐ ܕܠܐ ܗܘܐ ܀ ܀ ܀ 167 ܘܗܘ ܕܝܢ ܦܛܪܘܣ ܐܬܒܝܢ ܘܐܡܪ ܕܠܐ ܗܘܐ ܩܢܕܝܢܘܣ ܗܘ ܙܥܘܪܐ . ܕܥܠ ܗܘ ܕܕܠܐ ܫܘܪܝ ܗܘ ܢܐܡܪ . ܘܢܫܡܥ ܿ ܘܐܢܬܘܢ ܕܝܢ ܡܛܠ ܢܝܚܗܝܢ ܘܚܘܒܗܝܢ ܕܗܢܝܢ ܕܐܬܐܡܪ ܕܬܦܠܘܢ ܒܩܢܕܝܢܘܣ ܕܠܐ ܡܬܡܫܚ ܡܬܪܓܪܓܝܢ ܐܢܬܘ݀ܢ ܘܐܦ ܠܝ ܕܗܝ ܗܕܐ ܐܚܫ ܐܝܟ ܕܕܡܝܐ ܡܨܝܕܝܢ ܐܢܬܘܢ ܕܣܒܪܝܢ ܐܢܬܘܢ ܕܡܫܟܚ ܐܢܐ ܕܐܢܣܐ ܕܠܗܘ ܕܟܣܐ ܗܘ ܘܠܐ ܡܬܡܠܠ ܐܡܪܝܘܗܝ ܡܠܟ ܐܢܐ ܠܟܘܢ ܕܝܢ ܐܚܝ̈ ܘܟܢܘ̈ܬܝ ܕܠܐ ܬܒܥܘܢ ܗܕܐ ܕܡܢܐ ܐܝܬܘܗܝ ܿ ܐܠܐ ܗܘܐ ܒܠܚܘܕ ܕܐܝܬܘܗܝ ܐܚܫܒܘ ܕܬܫܡܥܘܢ ܿ ܐܦ ܓܝܪ ܕܢܬܐܡܪ ܥܠܘܗܝ ܕܗܢܐ ܒܣܓ̈ܝܐܬܐ ܠܐ ܘܠܐ ܘܠܐ ܙܕܩ ܿ ܐܝܬܘܗܝ ܗܟܝܠ ܐܝܬܝܐ ܕܠܐ ܗܘܐ ܘܠܐ ܗܘܐ ܒܫܡܐ ܫܚܝܡܐ ܡܝܩܪ ܿ ܐܝܬܘܗܝ ܓܝܪ ܐܦ ܕܠܐ ܗܘܐ ܘܠܐ ܗܘܐ ܒܫܡܐ ܫܚܝܡܐ ܡܝܩܪ ܿ ܐܝܬܘܗܝ ܓܝܪ ܐܦ ܕܠܐ ܫܘܪܝ ܗܘ ܕܝܢ ܗܢܐ ܕܠܐ ܫܘܪܝ ܿ ܘܐܝܬܝܐ ܗܘ ܕܠܐ ܗܘܐ ܕܐܝܬܘܗܝ ܐܠܗܐ ܿ ܠܐ ܗܘܐ ܡܢ ܗܘܝܐ ܡܫܬܒܚ ܿ ܥܕܡܐ ܠܛܒܐ ܒܠܚܘܕ . ܘܡܢܗ ܕܝܢ ܕܝܠܗ ܡܬܕܪܟ . ܠܐ ܓܝܪ ܡܫܟܚ ܡܕܡ ܡܢܗ ܕܡܩܕܡ ܐܝܬܘܗܝ ܗܘܐ . ܘܡܕܡ ܕܒܬܪܟܢ ܗܘܐ . ܕܢܚܙܐ ܢܦܫܗ ܒܗܕܐ ܕܐܝܬܘܗܝ ܘܕܠܐ ܫܘܪܝ ܐܝܬܘܗܝ . ܗܕܐ ܓܝܪ ܒܥܬܐ ܘܥܘܩܒܐ ܕܗܘܝܐ ܗܝ ܕܡܛܠ ܗܕܐ ܗܝ ܟܣܝܘܬܗ ܕܐܝܬܘܗܝ ܘܠܐ ܡܬܐܡܪ ܕܢܩܕܡ ܢܬܒܩܐ ܒܗܕܐ ܕܐܝܬܘܗܝ ܕܘܟܬܐ ܕܒܥܬܐ ܠܝܬ ܠܗܿ . ܠܐ ܓܝܪ ܬܪܝܢܐ ܠܗ ܗܕܐ ܕܐܝܬܘܗܝ . ܡܢ ܗܝ ܕܢܥܩܒ ܕܐܝܬܘܗܝ . ܝܕܥ ܗܘ ܗܟܝܠ ܢܦܫܗ ܘܠܐ ܡܘܣܦ ܡܫܐܠ ܥܠ ܢܦܫܗ ܿ ܐܠܐ ܗܢܝܢ ܘܐܦ ܠܒܪ ܿ ܡܢ ܡܐ ܕܙܕܩ ܘܘܠܐ . ܐܡܪܢܢ 86 ܪܚܝܡܐ ܗܝ ܓܝܪ ܠܐܝܬܝܐ ܗܘ ܕܠܐ ܗܘܐ ܕܒܫܠܝܐ ܘܒܫܬܩܐ ܒܠܚܘܕ ܢܬܝܩܪ ܿ ܕܠܐ ܫܘܪܝ ܗܘ ܗܟܝܠ ܗܢܐ ܩܢܘܡܐ ܐܝܟ ܚܝܠܐ ܕܝܠܢ ܕܠܐ ܩܢܕܝܢܘܣ ܿ ܡܢܢ ܩܒܠܬܘܢ ܗܘ ܗܟܝܠ ܐܠܗܐ ܗܘ ܕܕܠܐ ܫܘܪܝ ܐܝܬܘܗܝ ܝܠܕ ܠܒܪܗ ܒܘܟܪܗ ܩܕܡ ܟܘܠܗܝܢ ܒܪ̈ܝܬܐ ܐܝܟ ܡܐ ܕܠܐܠܗܐ ܝܐܐ ܿ ܟܕ ܠܐ ܐܫܬܚܠܦ ܘܠܐ ܐܬܚܠܦ ܿ ܘܠܐ ܐܬܦܠܓ ܘܠܐ ܪܕܐ . ܘܠܐ ܒܨܪ ܡܕܡ . ܥܗܕܝܢ ܐܢܬܘܢ ܓܝܪ ܕܐܝܟܢܐ ܗܢܝܢ ܚ̈ܫܐ ܕܦܓܪܐ ܐܝܬܝܗܘܢ ܗܢܘܢ ܕܐܦ ܠܢܦܫܐ ܕܢܬܠ ܐܿܢܘܢ ܥܪܩܢܢ ܕܕܚܠܢܢ ܕܕܡ ܠܐ ܡܝܘܬܘܬܗ ܡܐ ܕܗܢܝܢ ܐܬܝܗܒ ܠܗ ܬܒܛܠ ܠܗܿ . ܒܗܿ ܗܟܝܠ ܒܗܝ ܿ ܕܐܝܬܘܗܝ ܐܠܗܐ ܝܠܕ ܿ ܘܠܐ ܗܘܐ ܕܚܫ ܦܣܩܐ ܡܕܡ . ܒܗܝ ܕܨܒܐ ܓܝܪ ܠܐ ܗܘܐ ܚܝܠܗ ܚܓܝܪܐ ܐܫܬܟܚ ܠܘܬ ܨܒܝܢܗ ܿ ܘܐܦܠܐ ܥܒܪ ܚܝܠܗ ܠܢܝܫܐ ܕܨܒܝܢܗ ܐܠܐ ܒܫܘܝܘܬܐ ܐܝܟ ܡܐ ܕܨܒܐ ܗܟܢܐ ܐܦ ܝܠܕ . ܒܗܝ ܕܐܝܬܘܗܝ ܘܠܐ ܗܘܐ ܒܗܝ ܕܚܫ ܿ ܐܢ ܓܝܪ ܗܢܘܢ ܓܘ̈ܫܡܐ ܕܠܩܛܝܪܐ ܕܥܒܝܘܬܐ ܡܫܥܒܕܝܢ ܩܘܝܡܐ ܕܛܠܢܝ̈ܬܐ ܡܫܡܠܝܢ . ܚܕ ܟܡܐ ܝܬܝܪܐܝܬ ܠܗܘ ܚܝܠܐ ܐܝܬܝܐ ܕܠܐ ܗܘܐ ܢܬܠ ܠܗ ܿ ܗܕܐ ܕܢܩܝܦ ܗܘ ܠܗ ܝܚܝܕܐ ܕܡܢܗ ܿ ܕܡܛܠ ܗܕܐ ܗܟܝܠ ܒܫܪܪܐ ܝܠܕܐ ܒܘܠܝܬܐ ܐܫܬܡܗ . ܡܛܠ ܕܒܩܢܘܡܗ ܠܐ ܐܝܬܘܗܝ ܐܒܐ ܿ ܥܗܕ ܐܢܐ ܕܝܢ ܕܐܬܥܕܠ ܗܘܐ ܣܝܡܘܢ ܕܐܡܪܢ ܗܘܝܢ ܕܒܪܐ ܕܐܠܗܐ ܐܝܬܘܗܝ ܡܫܝܚܐ ܘܓܘܕܦܐ ܐܡܪ ܥܠܝܢ . ܕܐܝܟ ܠܡ ܠܒ̈ܢܝ ܐܢܫܐ ܘܠܢܨܒ̈ܬܐ ܡܫܘܝܢ ܐܢܬܘܢ ܠܗ ܠܐܠܗܐ . ܘܐܢܬܘܢ ܡܢ ܟܘܠܗܿ ܢܦܫܟܘܢ ܕܬܐܠܦܘܢ ܐܣܬܒܪܗܒܬܘܢ ܘܟܕ ܕܝܢ ܟܘܠܢ ܪܡܙܢ ܠܗ ܚܒܝܒܐܝܬ ܿ ܗܘ ܦܛܪܘܣ ܐܡܪ ܕܓܠܝܐ ܗܝ ܐܘܪܚܗ ܕܠܐ ܗܝܡܢܘܬܐ ܐܘ ܐܩܝܠܐ ܘܐܢܬܘܢ ܫܪܟܐ ܕܐܚܪ̈ܢܐ ܗܘ ܓܝܪ ܕܠܐ ܫܪܝܪܐܝܬ ܝܕܥ ܘܥܕܡܐ ܛܒܐ ܗܘ ܒܠܚܘܕ ܒܡܫܡܥܬܗ . ܩܒܠ ܕܚܠ ܕܢܗܝܡܢ . ܡܐ ܕܝܢ ܕܐܫܬܪܬܚ ܡܢ ܗܘ ܕܡܫܟܚ ܕܥܠܬܐ ܕܠܐ ܗܝܡܢܘܬܗ ܡܢܗ ܢܛܪܘܕ ܒܚܚܕܘܬܗ ܕܗܢܐ ܫܘܪܝܐ ܡܬܚܦܛ . ܘܠܐ ܡܫܬܐܠ ܕܢܟܣܐ ܗܝ ܠܐ ܗܝܡܢܘܬܗ ܕܥܠܝܗܿ ܕܒܥܬܗ ܒܚܘܒܗ ܕܨܒܐ ܕܢܐܠܦ . ܣܓ̈ܝܐܐ ܐܢܘܢ ܓܝܪ ܟܘܪ̈ܗܢܝܗܿ ܕܠܐ ܗܝܡܢܘܬܐ ܐܠܐ ܬܗܘܐ ܡܠܬܢ ܕܥܠ ܗܕܐ . ܡܢ ܒܬܪܟܢ ܕܕܡ ܬܓܕܢ ܠܘܬ ܣܒܪܐ ܫܟܝܚܐ ܕܗܝܡܢܘܬܐ. ܘܠܒܥܬܐ ܩܕܡ ܗܝܡܢܘܬܐ ܬܩܪܒܢܝ ܒܟܠ ܕܘܟܐ ܗܟܝܠ ܢܬܩܕܡ ܢܬܝܩܪ. ܡܢ ܠܘܬܢ ܗܘ ܐܠܗܐ . ܘܗܝ ܒܥܬܐ ܕܥܠܘܗܝ ܢܬܝܕܥ ܠܟܘܢ ܗܟܝܠ ܐܝܟ ܡܐ ܕܝܐܐ ܠܐܠܗܐ ܝܠܕ ܠܝܚܝܕܝܗ ܿ ܘܠܒܪܗ ܒܘܟܪܗ ܩܕܡ ܟܠܗܝܢ ܒܪ̈ܝܬܐ . ܠܐܗܘܐ ܓܝܪ ܠܣܘܥܪܢܐ ܕܢܦܫܗ ܿ ܐܬܐ ܘܢܦܫܗ ܝܠܕ ܠܐ ܓܝܪ ܡܩܘܐ ܗܘܐ ܕܠܐ ܚܫܐ ܘܕܠܐ ܡܚܘܬܐ . ܐܠܘ ܗܘ ܒܗ ܣܥܪ ܗܘܐ ܕܪܫܥܐ ܐܢܝܢ ܓܝܪ ܗܢܝܢ ܕܢܣܒܪ ܥܠ ܐܝܬܝܐ ܗܘ ܕܠܐ ܗܘܐ ܐܝܟ ܗܢܝܢ ܒܩܢܕܝܢܘܣ ܓܝܪ ܗܘܝܢ ܗܢܘܢ ܪ̈ܫܝܥܐ ܐܝܟ 87 ܗܘ . ܕܒܘܠܝܬܐ ܐܬܦܪܣܘ ܘܪܘܒܐܝܬ ܓܕܦܘ ܥܠܘܗܝ ܿ ܕܐܝܬܝܐ ܗܕܐ ܕܢܩܒܬ ܕܟܪ ܥܗܝܕ ܐܢܐܼ ܕܝܢ ܕܐܦ ܥܠܝܗܿ ܕܗܕܐ ܐܬܕܟܪܬܟܘܢ ܗܘܝܬ ܐܘ ܐܚܝ̈ . ܒܗܝ ܗܟܝܠ ܕܐܝܬܘܗܝ ܝܠܕ ܗܘ ܐܠܗܐ . ܐܝܟܢܐ ܕܐܬܩܕܡܬ ܐܬܐܡܪܬ . ܕܡܛܠ ܗܕܐ ܝܚܝܕܝܐ ܒܫܪܪܐ ܐܬܩܪܝ . ܡܢܗ ܿ ܓܝܪ ܕܐܝܬܝܐ ܐܝܬܝܗܿ . ܐܝܬܘܬܗ ܿ ܘܒܪܐ ܫܪܝܪܐܝܬ ܐܬܩܪܝܿ ܡܢܗ ܓܝܪ ܕܗܘ ܐܝܬܝܐ ܕܠܐ ܗܘܐ ܐܬܝܠܕ ܠܦܟܢܘܬܗܘܢ ܕܝܢ ܗܝ ܕܠܣܘܓܦܢܐ ܐܝܬܝܗܿ ܡܟܝܟܐܝܬ ܘܒܩܠܝܠ ܩܠܝܠ ܢܪܝܚ ܕܗܢܘܢ ܕܡܡܪܚܝܢ ܕܠܗܘ ܐܝܬܝܐ ܒܫܡܐ ܕܗܘܝܐ ܒܠܚܘܕ ܢܦܫܪܘܢ ܘܠܗ ܠܗܘܝܐ ܕܦܪܝܫ ܒܕܠܩܘܒܠܐ ܕܫܡܐ ܡܫܬܒܗܪܝܢ ܒܩܢܘܡܐ ܕܐܝܬܝܐ . ܘܕܠܐ ܗܘܐ ܕܝܢ ܗܟܢܐ ܡܬܐܡܪ ܿ ܘܐܢ ܕܝܢ ܡܬܩܪܐ ܗܘ ܡܕܡ ܕܠܐ ܐܝܬܘܗܝ ܿ ܘܗܘ ܕܝܢ ܡܕܡ ܕܐܝܬܘܗܝ ܠܐ ܡܬܩܪܐ ܿ ܐܝܬܘܗܝ ܓܝܪ ܡܢ ܐܝܬܘܬܐ ܒܩܢܘܡܗ ܿ ܡܬܩܪܐ ܕܝܢ ܗܘܝܐ ܡܨܥܪ ܗܘ ܕܒܗܘ ܡܕܡ ܕܠܐ ܐܝܬܘܗܝ ܿ ܐܬܩܪܝ ܝܬܝܪܐܝܬ ܕܝܢ ܕܗܘܐܠܗܐ ܐܝܬܘܗܝ ܡܠܝܠܐ ܡܢ ܢܦܫܗ . ܘܗܘ ܡܢ ܢܦܫܗ ܕܠܐ ܫܘܪܝ ܗܘ ܐܝܟܢܐ ܠܐ ܕܪܫܥܐ ܗܝ ܗܕܐ . ܗܢܘ ܕܝܢ ܐܦ ܠܐ ܡܫܟܚܐ ܕܢܐܡܪ ܿ ܕܗܘ ܟܕ ܗܘ ܐܝܬܘܗܝ ܐܝܬܝܐ . ܘܗܘ ܟܕ ܗܘ ܡܠܝܠܐ ܐܝܬܘܗܝ ܕܠܐ ܐܦ ܗܘ ܠܢܦܫܗ ܿ ܝܬܝܪܐܝܬ ܡܚܒ ܕܢܩܦ ܐܘ ܕܢܦܠ ܒܛܟܣܐ ܕܬܪܝܢܘܬܐ ܕܣܡ ܕܡܝܩܪ ܗܘ ܝܠܕܐ ܡܢ ܠܐ ܝܠܝܕܘܬܐ . ܚܕ ܓܝܪ ܠܐ ܐܝܬܘܗܝ ܘܐܦ ܠܐ ܕܝܢ ܗܘ ܠܢܦܫܗ ܡܦܣ ܗܘܐ . ܘܐܡܪ ܕܬܒ ܠܟ ܡܢ ܝܡܝܢܝ ܥܕܡܐ ܕܐܣܝܡ ܒܥܠܕܒܒ̈ܝܟ ܟܘܒܫܐ ܬܚܝܬ ܪ̈ܓܠܝܟ ܿ ܐܠܐ ܘܐܦ ܠܐ ܐܫܬܓܫ ܠܘܬ ܢܦܫܗ . ܕܡܢܗ ܢܩܘܐ ܐܝܬܝܐ ܘܡܢܗ ܠܗܘܝܐ . ܢܬܢܓܕ ܕܢܐܡܪ ܕܝܢ ܗܢܝܢ ܥܠ ܐܠܗܐ ܪܘܫܥܐ ܗܘ ܪܒܐ . ܓܠܝܐ ܗܝ ܓܝܪ ܘܟܠܗܘܢ ܗܢܘܢ ܕܐܦܢ ܩܠܝܠ ܡܫܟܚܝܢ ܕܢܬܒܝܢܘ݀ܢ ܡܘܕܝܢ ܥܠ ܩܢܘܡܗ ܕܐܝܬܝܐ ܗܘ ܕܠܐ ܗܘܐ ܕܒܝܠܕܐ ܕܡܢܗ ܠܐ ܚܐܫ ܿ ܘܐܢ ܕܝܢ ܒܬܪ ܝܠܕܐ ܿ ܘܐܦܠܐ ܡܡܬܘܡ ܩܡܘ ܿ ܕܠܩܘܒܠܐ ܕܠܐ ܢܫܠܡܘܢ ܿ ܟܕ ܒܡܢܝܢܐ ܐܬܦܪܫܘ ܿ ܠܐ ܓܝܪ ܐܝܬܘܗܝ ܐܒܐ ܕܢܦܫܗ ܿ ܐܝܟܢܐ ܠܐ ܝܬܝܪܐܝܬ ܒܫܠܡܘܐ ܕܐܝܬܘܬܐ ܕܢܩܘܐ ܐܚܒ ܗܘ ܐܝܬܝܐ ܒܩܢܘܡܗ ܘܒܝܠܕܐ ܕܝܢ ܐܬܡܢܝ ܠܬܪܝܢܘܬܐ ܕܗܕܐ ܕܝܢ ܣܟܠܘܬܐ ܐܡܗܿ ܐܝܬܝܗ ܠܐ ܝܕܥܬܐ ܕܥܠ ܐܗܠܐ . ܚܒܪܬܗܿ ܕܝܢ ܘܚܬܗܿ ܠܐ ܝܠܘܦܘܬܐ ܿ ܘܗܝ ܕܝܢ ܪܘܚܐ ܕܩܘܕܫܐ . ܗܝ ܕܪܗܒܘܢܐ ܗܝ ܘܢܛܘܪܐ ܕܗܢܝܢ ܕܡܢ ܡܪܢ ܐܬܝܗܒ ܠܢ . ܗܝ ܕܠܐ ܗܘܐ ܡܢ ܒܬܪ ܝܘ̈ܡܬܐ ܣܓ̈ܝܐܐ ܕܡܣܩܬܗ ܩܒܠܢܗܿ ܕܝܠܗ ܕܝܚܝܕܐ ܐܝܬܝܗܿ . ܛܒܥ ܘܕܡܘܬܐ ܚܬܝܬܐ ܕܚܝܠܗ ܐܝܟܢܐ ܕܐܦ ܗܘ ܒܪܐ ܝܚܝܕܝܐ ܘܒܘܟܪܐ ܕܩܕܡ ܟܠ ܡܕܡ ܨܠܡܐ ܕܕܡܘܐ ܕܐܝܬܘܗܝ ܚܬܝܬܐ ܕܕܠܐ ܡܫܓܢܝ . ܕܚܝܠܐ ܕܐܝܬܘܗܝ ܕܠܐ ܗܘܬ . ܘܨܠܡܐ ܿ ܗܘ ܒܠܚܘܕܘܗܝ ܕܠܐ ܡܫܓܢܝ ܘܚܙܬܗ ܕܝܢ 88 ܕܐܝܬܝܐ ܗܘ ܕܠܐ ܗܘܐ ܿ ܝܗܒ ܟܕ ܡܬܚܙܐ ܠܡ̈ܬܝܕܥܢܐܘܐܦ ܠܡܬܪ̈ܓܫܢܐ ܗܘ ܓܝܪ ܐܝܬܝܐ ܗܘ ܕܠܐ ܗܘܐ ܠܐ ܐܝܬܘܗܝ ܐܠܐ ܚܝܠܗ ܗܘ ܟܠܗ ܕܐܝܬܝܐ ܒܐܝܬܘܬܗ ܘܒܐܠܗܘܬܗ ܿ ܘܢܐ ܟܠܗ ܐܝܟ ܡܐ ܕܐܝܬܘܗܝ ܡܚܘܐ . ܘܠܗܢܘܢ ܕܝܢ ܕܠܐ ܒܛܝܠܐܝܬ ܡܫܐܠܝܢ ܐܝܬܝܐ ܕܠܐ ܗܘܐ ܐܣܬܒܪ ܿ ܠܘܬ ܗܢܘܢ ܕܝܢ ܕܡܩܕܡܐ ܠܒܥܬܗܘܢ ܕܚܠܬܐ ܕܐܠܗܐ . ܠܐ ܒܠܚܘܕ ܕܢܐܡܪܘܢ ܕܐܝܟ ܗܟܢܐ ܡܫܬܐܠܝܢ ܐܠܐ ܐܦ ܕܢܪܕܘܢ ܡܙܕܗܪܝܢ . ܕܚܕ ܗܟܝܠ ܐܝܬܘܗܝ ܐܝܬܝܐ ܕܠܐ ܗܘܐ . ܘܚܕ ܝܠܕܐ ܫܪܝܪܐ ܗܝ ܿ ܪܘܚܐ ܕܩܘܕܫܐ ܒܪܐ ܕܬܬܩܪܐ ܠܐ ܡܫܟܚܐ . ܘܐܦ ܠܐ ܒܘܟܪܐ . ܡܬܡܢܝܐ ܕܝܢ ܥܡ ܐܒܐ ܘܥܡ ܒܪܐ ܐܝܟ ܕܛܒܥܐ ܗܝ ܓܠܝܦܐ ܩܕܡܐ ܕܚܝܠܗ ܕܬܪܝܢܐ ܿ ܘܐܦ ܓܝܪ ܗܘ ܒܪܐ ܕܝܠܗ ܕܐܒܐܼ ܚܝܠܗ ܗܘ ܘܕܡܘܬܗ ܘܨܠܡܗ ܥܨܝܕܐ ܕܐܝܬܘܬܗ ܒܨܒܝܢܐ ܫܘܝܐ ܐܝܟ ܝܠܕܐ ܕܐܝܬܘܬܗ ܒܘܠܝܬܐ ܥܡܗ ܡܬܚܙܐ . ܘܣܓܝ̈ܐܬܐ ܕܝܢ ܘܐܦ ܚܪ̈ܢܝܬܐ ܥܠ ܐܒܐ ܘܥܠ ܒܪܐ ܘܥܠ ܪܘܚܐ . ܕܩܘܕܫܐ ܐܡܪ . ܘܐܦܝܣܢ ܠܟܠܢ . ܘܠܐ ܒܨܝܪ ܡܢ ܒܘܚܪܢܐ ܕܥܝܢܐ ܠܪܓܫܬܐ ܕܡܫܡܥܬܢ ܫܪܪܐ ܝܗܒ ܿ ܗܟܢܐ ܕܟܠܢ ܟܕ ܫܡܥܢ ܚܢܓܬ ܠܢ ܥܠ ܒ̈ܢܝ ܐܢܫܐ ܕܟܡܐ ܫܪܥܘ ܘܗܦܟܘ ܡܢ ܫܪܪܐ ܀ ܀ ܀ 168 ܘܟܕ ܢܓܗܬ ܩܕܡ ܕܫܡܫܐ ܢܣܩ . ܗܘ ܦܛܪܘܣ ܥܡ ܕܠܝ̈ܠܐ ܡܢ ܒܝܬܐ ܢܦܩ . ܘܦܢܐ ܐܬܐ ܠܘܬ݀ܢ ܘܐܝܟ ܥܝܕܗ ܨܠܝ ܘܝܬܒ ܿ ܘܗܝܕܝܢ ܥܠ ܐܢܫ ܠܘܬ݀ܢ ܘܐܡܪ ܕܟܢܫܐ ܣܓܝܐܐ ܕܐܢܫܐ ܐܬܐ ܘܒܕܘܟܬܐ ܕܕܪܬܐܬܚܝܬ ܐܐܪ ܐܝܬܝܗܘܢ ܘܣܝܡܘܢ ܘܒܡܨܥܬܗܘܢ ܩܐܡ . ܘܒܡ̈ܠܐ ܒܝ̈ܫܬܐ ܡܢܣܐ ܕܠܡܫܡܥܬܗܘܢ ܢܩܕܡ ܢܠܒܘܟ ܿ ܘܗܘ ܕܝܢ ܦܛܪܘܣ ܟܕ ܫܡܥ ܿ ܒܪܫܥܬܗ ܢܦܩ ܘܩܡ ܒܕܘܟܬܐ ܗܝ ܕܐܬܡܠܝ ܥܡܗ ܡܠܠ . ܘܡܢ ܕܘܟܬܗ ܟܠܗ ܟܢܫܐ ܐܬܦܢܝ ܘܒܚܕܘܬܐ ܥܝ̈ܢܝܗܘܢ ܒܗ ܐܨܕܘ . ܀ ܀ ܀ 169 ܘܗܘ ܕܝܢ ܣܡܘܢ ܟܕ ܐܬܒܝܢ ܒܛܝܒܘܬܐ ܣܓܝܐܬܐ ܕܥܡ ܦܛܪܘܣ ܡܢ ܚܘܒܐ ܗܘ ܣܓܝܐܐ ܕܠܘܗ ܕܟܠܗ ܗܘ ܟܢܫܐ ܐܬܕܡܪ ܘܐܡܪ ܬܗܝܪ ܕܡܬܕܡܪܢܐ ܒܣ̈ܟܠܘܬܗܘܢ ܕܒ̈ܢܝ ܐܢܫܐ ܕܠܝܚܪܫܐ ܩܪܝܢ ܘܠܦܛܪܘܣ ܪ̈ܚܡܝܢ ܘܡܚܒܝܢ ܿ ܟܕ ܗܐ ܡܛܠ ܕܝܕ̈ܘܥܝ ܐܢܘܢ ܘܒ̈ܢܝ ܥܝܕܝ ܠܝ ܝܬܝܪܐܝܬ ܚܝܒܝܢ ܗܘܘ ܕܢܚܒܘ݀ܢ ܕܡܛܠ ܗܢܐ ܐܦ ܡܢܗܿ ܕܗܕܐ ܐܬܐ . ܠܐܝܠܝܢ ܕܪܥܝܢܐ ܐܝܬ ܒܗܘ݀ܢ ܗܘ ܦܛܪܘܣ ܡܫܟܚܐ ܕܢܬܝܕܥ ܕܚܪܫܐ ܗܘ ܿ ܕܠܝ ܡܢ ܥܝܕܐ ܡܬܬܚܝܒܐ ܗܘܬ ܕܢܚܒܘܢܢܝ . ܠܐ ܐܝܬ ܠܝ ܗܕܐ ܕܢܚܒܘܢܢܝ . ܘܠܝܗ ܕܝܢ ܣܓܝܐܐ ܠܗ ܗܕܐ ܕܢܚܒܘܢܝܗܝ ܕܠܐ ܡܬܬܚܝܒܐ ܿ ܗܘܬ ܠܗ ܿ ܘܟܕ ܣܓܝ̈ܐܬܐ ܗܟܝ ܠܐܝܟ ܗܢܝܢ ܗܘ ܣܝܡܘܢ ܠܘܩܒܠ ܦܓܪܘܣ ܐܡܪ ܗܘܐ ܐܝܟ ܕܠܘܩܒܠ ܚܪܫܐ ܿ ܗܘ ܦܛܪܘܣ ܡܢ ܒܬܪ ܕܫܐܠ ܒܫܠܡܐ ܟܠܗ ܟܢܫܐ ܦܢܝ ܠܗ ܦܬܓܡܐ ܘܐܡܪ . ܕܣܦܩ ܠܗ ܐܘ 89 ܣܝܡܘܢ ܠܒܘܣܪܢܗ ܕܐܢܫ ܗܘ ܡܣܡ ܒܪܥܝܢܗ ܿ ܘܐܢ ܕܝܢ ܗܕܐ ܡܛܥܝܐ ܠܟ . ܕܗܢܘܢ ܕܒ̈ܢܝ ܥܝܕܟ ܘܝܕܥܘ̈ܝܟ ܗܘܘ ܿ ܠܐ ܒܠܚܘܕ ܪ̈ܚܡܝܟ . ܐܠܐ ܐܦ ܣܢܝܢ ܠܟ . ܡܐ ܕܡܢܝ ܥܠܬܐ ܕܗܕܐ ܫܡܥܬ ܒܗܬ . ܐܝܬܝܗܿ ܕܝܢ ܗܕܐ ܕܡܛܠ ܕܡܛܥܝܢܐ ܐܝܢܬ . ܘܫܪܪܐ ܕܝܢ ܡܫܬܘܕܐܐܢܬ . ܣ̈ܓܝܐܐ ܡܚܒܝ̈ ܫܪܐ ܗܘܘ ܠܟ ܪ̈ܚܡܐ ܗܢܘܢ ܕܡܛܠ ܕܠܩܘܒܠܐ ܕܫܘܕܝܟ ܚܙܘ ܒܟ . ܠܐ ܒܠܚܘܕ ܠܐ ܪܚܡܘܟ ܐܠܐ ܡܛܠ ܕܪ̈ܚܡܝ ܫܪܪܐ ܐܢܘܢ ܐܝܟ ܕܐܡܪܬ ܠܟ ܠܡܛܥܝܢܐ ܣܢܐܘܟ ܠܐ ܕܝܢ ܡܪܦܝܢ ܗܘܘ ܠܟ ܒܠܚܘܕܝܟ . ܡܛܠ ܕܥܠ ܪܒܘܬܐ ܐܦܢ ܡܫܬܘܕܐ ܗܘܝܬ ܿ ܕܬܚܘܐ ܐܢܘܢ ܐܡܬܝ ܕܗܘ . ܘܟܡܐ ܕܠܐ ܩܪܝܒ ܗܘ ܕܫܒܪܪܐ ܡܫܟܚ ܗܘܐ ܕܢܚܘܐ . ܐܢܘܢ ܡܣܝܒܪܝܢ ܗܘܘ ܠܟ . ܟܕ ܩܪܒ ܠܘܬܗܘܢ ܣܒܪܗ݀ ܕܪܒܘܬܐ ܗܝܕܝܢ ܒܘܠܝܬܐ ܒܟ ܒܣܝܢ ܘܒܣܪܝܢ ܠܟ . ܘܠܗܿ ܕܝܢ ܠܪܒܘܬܐ ܡܚܒܝܢ . ܐܢܬ ܕܝܢ ܟܕ ܗܢܝܢ ܕܕܠܐ ܢܡܘܣ ܐܢܝܢ ܡܢ ܫܘܪܝܐ ܣܥܪ ܗܘܝܬ ܘܣܒܪ ܗܘܝܬ ܠܟ ܕܡܛܥܐ ܗܘܝܬ ܠܗܘܢ ܓܕܫ ܠܟ ܗܟܝܠ ܕܠܩܘܒܠܐ ܕܗܢܝܢ ܕܣܒܪܬ ܡܛܠ ܕܠܐ ܗܘܐ ܒܠܚܘܕ . ܠܗ ܠܫܪܪܐ ܠܐ ܝܕܥ ܗܘܝܬ ܿ ܐܠܐ ܐܦܠܐ ܡܢ ܝܕܘ̈ܥܘܗܝ ܫܡܝܥ ܠܟ . ܘܐܠܘ ܕܝܢ ܫܡܝܥ ܗܘܐ ܠܟ . ܝܕܥ ܗܘܝܬ ܕܡܢܐ ܐܝܬܝܗ݀ ܗܝ ܕܠܝܬ ܡܕܡ ܕܟܣܐ ܕܠܐ ܢܬܝܕܥ . ܘܐܦܠܐ ܕܡܛܫܝ ܕܠܐ ܢܬܓܠܐ . ܗܢܝܢ ܕܐܪܙܐ ܕܐܠܗܐ ܐܝܬܝܗܝܢ . ܘܠܗܢܘܢ ܕܫܘܝܢ ܒܨܒܝܢܗ ܡܬܓܠܝܢ . ܒܪܡ ܕܝܢ ܐܢܬ ܐܠܘ ܫܡܥ ܗܘܝܬ ܐܘ ܒܥܓܠ ܐܘ ܒܬܘܚܪܬܐ ܐܡܝܢܐܝܬ ܝܠܦ ܗܘܝܬ ܫܪܝܪܬܐ . ܘܐܦܢ ܕܝܢ ܒܥܓܠ ܠܐ ܡܗܝܡܢ ܗܘܝܬ ܠܢܘܓܪܐ ܒܬܘܚܪܬܐ ܐܝܟ ܿ ܠܐ ܡܗܝܡܢܐ ܒܝܗ ܒܢܣܝܢܐ ܡܫܬܡܠܐ ܗܘܝܬ ܘܡܬܛܦܝܣ ܀ ܀ ܀ 170 ܘܟܕ ܗܢܝܢ ܘܐܝܠܝܢ ܕܢܩܦܢ ܠܗܝܢ ܗܘ ܦܛܪܘܣ ܐܡܪ ܿ ܗܝܕܝܢ ܣܝܡܘܢ ܐܡܪ ܕܠܐ ܬܒܛܠܝܢܝ ܡܢ ܕܐܬܒܥܟ ܗܘ ܫܘܪܝܟ ܕܐܬܡܠܝ . ܐܡܪܬ ܓܝܪ ܕܡܫܟܚ ܐܢܐ ܕܐܚܘܐ ܕܗܘ ܢܡܘܣܐ ܡܚܘܘܐ ܥܠ ܢܘܗܪܐ ܕܠܐ ܡܣܬܝܟ ܕܡܢ ܥܠܡ . ܟܕ ܬܪ̈ܝܢ ܫܡܝܐ ܐܝܬܝܗܘܢ ܒܠܚܘܕ ܗܢܘܢ ܕܐܦ ܡܗܘܐ ܗܘܘ . ܕܡܢ ܗܕܐ ܡܛܠ ܕܠܝܬ ܐܬܪܐ ܗܘ ܕܠܐ ܣܟܐ ܕܒܗ ܒܠܚܘܕܘܗܝ ܥܡܪ ܗܘ ܕܒܫܪܪܐ ܐܒܐ ܗܘ ܟܣܝܐ . ܘܠܗܘ ܟܘܪܣܝܐ ܕܡܩܘܐ ܠܥܠܡ . ܥܒܪ . ܠܗ ܘܒܕܡܘܬܗ ܕܗܘ ܗܘܐ ܗܢܐ ܕܡܬܢܚܙܐ . ܘܠܝܬ ܠܗ ܕܢܥܒܪ ܘܡܢ ܩܛܝܪ ܚܕ ܐܝܬܘܗܝ ܐܒܐ ܕܟܘܠ ܡܕܡ ܕܬܪ̈ܝܢ ܫܡܝܐ ܠܐ ܡܫܬܟܚܝܢ ܘܬܪ̈ܝܢ ܕܠܐ ܡܣܬܝܟܝܢ ܕܢܗܘܘܢ ܐܝܬܝܗܘܢ ܠܐ ܡܫܟܚܐ ܘܐܢ ܕܝܢ ܠܐ ܐܦܠܐ ܚܕ ܡܢܗܘܢ ܕܠܐ ܣܟܐ ܐܝܬܘܗܝ ܿ ܡܣܬܝܟ ܠܗ ܓܝܪ ܚܕ ܚܕ ܡܢܗܘܢ ܡܢ ܚܒܪܗ . ܐܢ ܗܟܝܠ ܗܝ ܗܕܐ ܠܐ ܗܘܐ ܕܠܐ ܐܝܬܝܗܿ ܒܠܚܘܕ . ܐܡܪ ܐܢܬ ܐܠܐ ܐܦ ܡܚܘܐ ܐܢܬ ܡܢܗ ܕܢܡܘܣܐ ܿ ܠܗܠܝܢ ܡ̈ܠܐ ܣܓܝ̈ܐܬܐ ܐܪܦܐ ܘܒܪܫܥܬܗ 90 ܐܡܪ ܀ ܀ ܀ 171 ܘܗܘ ܦܛܪܘܣ ܐܡܪ ܕܐܠܘ ܡܛܠܬܟ ܕܐܝܡܢܐܝܬ ܡܛܠ ܗܕܐ ܕܬܐܡܪ ܠܩܘܒܠܢ ܐܬܝܬ ܡܬܒܥܐ ܗܘܐ ܡܢܝ ܕܐܡܪ ܿ ܐܦܠܐ ܡܬܘܡ ܚܕܐ ܡܠܬܐ ܡܢܝ ܐܝܬ ܗܘܐ ܠܟ ܕܬܫܡܥ ܿ ܐܠܐ ܡܛܠ ܕܐܠܨܐ ܠܗ ܠܐܟܪܐ ܕܡܛܠ ܛܒܘܬܗ ܕܐܪܥܗ ܙܪܥ ܿ ܕܕܠܝܠܬܐ ܐܦ ܢܘܒܕ ܿ ܕܗܝ ܡܠܬܐ ܒܕܡܘܬ ܙܪܥܐ ܢܦܠܐ ܐܘ ܥܠ ܫܘܥܐ ܿ ܐܘ ܥܠ ܐܘܪܚܐ ܕܪܝܫܬܐ ܐܘ ܥܠ ܒܘܪܐ ܕܟܘܒ̈ܐ . ܕܗܢܝܢ ܕܝܢ ܗܢܝܢ ܗܘ ܡܠܦܢܢ ܛܒܐ ܕܡܝ ܿ ܟܕ ܨܒܐ ܕܢܚܘܐ ܥܠ ܦܘܪ̈ܫܢܐ ܕܨܒ̈ܝܢܐ ܕܠܐ ܕܝܢ ܀ ܀ ܀ 172 ܘܗܘ ܣܝܡܘܢ ܐܡܪ ܕܡܣܬܒܪ ܐܢܬ ܠܝ ܕܡܪܓܙ ܪܓܙܬ . ܘܡܛܠ ܗܕܐ ܡܘܕܐ ܐܢܐ . ܕܡܫܬܐܠ ܐܢܐ ܡܢܗܿ ܕܒܥܬܐ ܀ ܀ ܀ 173 ܘܗܘ ܦܛܪܘܣ ܐܡܪ ܕܝܕܥ ܐܢܐ ܕܡܛܘܠ ܕܐܪܓܫܬ ܕܥܬܝܕ ܐܢܬ ܕܬܟܣܣ ܿ ܐܣܟܡܬܢܐܝܬ ܨܒܝܬ ܕܡܢ ܒܥܬܐ ܬܫܬܐܠ ܿ ܘܐܠܐ ܡܢܐ ܐܣܟܠܬ ܕܪܓܙܬ ܥܠ ܓܒܪܐ ܿ ܕܠܗܢܐ ܟܘܠܗ ܟܢܫܐ ܨܒܐ ܕܢܛܥܐ . ܘܥܡ ܗܕܐ ܕܡܕܡ ܠܝܬ ܠܗ ܕܢܐܡܪ ܡܕܢܐ ܢܦܫܗ ܒܡܟܝܟܘܬܐ ܘܐܝܟ ܕܒܫܘܠܛܢܐ ܐܦ ܦܩܕ ܕܢܒܥܐ ܐܝܟܢܐ ܕܗܘ ܨܒܐ ܿ ܘܠܐ ܗܘܐ ܐܝܟܢܐ ܕܗܝ ܒܥܬܐ ܥܗܢܐ ܘܨܒܝܐ ܀ ܀ ܀ 174 ܘܗܘ ܣܝܡܘܢ ܐܡܪ ܕܐܠܨ ܐܢܐ ܢܦܫܝ ܕܐܓܪ ܪܘܚܐ ܥܡ ܗܕܝܘܛܘܬܟ . ܐܝܟܢܐ ܕܐܚܘܐ ܕܐܢܬ ܨܒܐ ܐܢܬ ܕܬܛܥܐ ܠܥܡܐ ܗܢܐ . ܘܐܢܐ ܕܝܢ ܫܪܪܐ ܐܡܪ ܐܢܐ . ܘܐܦ ܗܫܐ ܡܪܦܐ ܐܢܐ ܠܗ ܠܒܥܬܐ ܿ ܗܝ ܕܥܠ ܗܘ ܕܠܐ ܡܣܬܝܟ ܿ ܘܠܘܩܒܠ ܗܢܝܢ ܕܡܫܐܠ ܐܢܐ ܠܟ ܦܢܐ ܠܝ ܦܬܓܡܐ . ܕܐܢ ܐܝܟ ܕܐܡܪܬ ܐܠܗܐ ܥܒܕ ܟܠ ܡܕܡ ܡܢ ܐܝܟܐ ܗܘ ܒܝܫܐ ܀ ܀ ܀ 175 ܘܗܘ ܦܛܪܘܣ ܐܡܪ ܕܬܫܐܠ ܐܝܟ ܗܟܢܐ . ܠܐ ܐܝܬܝܗ݀ ܗܕܐ ܕܗܘ ܕܒܥܐ ܐܠܐ ܕܗܘ ܕܝܠܦ . ܘܐܢ ܗܟܝܠ ܕܬܐܠܦ . ܨܒܐ ܐܢܬ ܐܘܕܐ ܿ ܘܠܘܩܕܡ ܡܠܦ ܐܢܐ ܠܟ ܕܐܝܟܐܢ ܡܫܟܚܐ ܕܬܠܦ݀ ܘܟܢ ܡܐ ܕܝܕܥܬ ܕܬܫܡܥ ܡܫܪܐ ܐܢܐ ܕܐܚܘܝܟ . ܘܐܢ ܕܝܢ ܠܐ ܨܒܐ ܐܢܬ ܕܬܐܠܦ . ܐܝܟ ܕܬܪܝܨܐܝܬ ܝܕܥܬ ܿ ܐܿܢܐ ܩܕܡܝܐ ܫܪܪܐ ܕܒܐܝ̈ܕܝ ܡܬܟܪܙ ܣܐܡ ܐܢܐ ܒܡܨܥܬܐ ܿ ܣܝܡ ܐܢܐ ܐܢܬ ܗܘ ܡܕܡ ܕܡܣܬܒܪ ܠܟ ܿ ܕܫܪܪܐ ܐܝܬܘܗܝ ܿ ܐܝܟܢܐ ܕܡܐ ܕܐܬܚܙܝܘ ܓܠܝܐܝܬ ܫܪܪܐ ܕܬܪ̈ܝܢ ܒܗ ܒܒܥܬܐ ܡܠܬܐ ܐܝܕܐ ܕܡܝܬܪܐ ܘܫܪܝܪܐ ܬܬܝܕܥ ܀ ܀ ܀ 176 ܘܗܘ ܣܝܡܘܢ ܐܡܪ ܿ ܕܐܬܝܐ ܠܝ ܕܐܓܚܟ ܕܡܢܘ ܡܫܬܘܕܐ ܕܡܠܦ ܠܝ . ܗܢܘ ܕܝܢ ܡܣܝܒܪ ܐܢܐ ܠܗܿ . ܠܗܕܝܘܛܘܬܟ ܘܠܫܘܒܗܪܟ . ܘܡܘܕܐ ܐܢܐ ܕܨܒܐ ܐܢܐ ܕܐܠܦ ܐܚܘܐ ܐܝܟܢܐ ܡܫܟܚ ܐܢܬ ܕܬܠܦܝܢܝ ܀ ܀ ܀ 177 ܘܗܘ ܦܛܪܘܿܣ ܐܡܪ ܕܐܢ ܒܫܪܪܐ ܕܬܐܠܦ ܨܒܐ ܐܢܬ . ܠܘܩܕܡ ܐܝܠܦ ܕܐܝܟܢܐ ܕܠܐ ܒܝܕܥܬܐ ܫܐܠܬ ܿ ܐܡܪܬ ܓܝܪ ܕܐܢ ܐܠܗܐ ܟܠ ܡܕܡ ܥܒܕ . ܡܢ ܐܝܟܐ ܗܘ ܒܝܫܐ . ܩܕܡ ܓܝܪ ܗܕܐ ܬܠܬܐ 91 ܫ̈ܐܘܠܝܢ ܩܕܝܡܝܢ ܒܘܠܝܬܐ ܠܘܩܕܡ ܕܐܢ ܐܝܬܘܗܝ . ܘܟܢ ܕܡܢܐ ܐܝܬܘܗܝ ܿ ܘܗܝܕܝܢ ܕܠܡܢܐ ܐܝܬܘܗܝ . ܘܡܢ ܐܝܟܐ ܐܝܬܘܗܝ ܀ ܀ ܀ 178 ܘܗܘ ܣܝܡܘܢ ܦܢܝ ܦܬܓܡܐ ܕܐܘ ܗܕܘܝܛܐ ܘܠܐ ܝܕܘܥܐ . ܡܢܘ ܡܢ ܒ̈ܢܝ ܐܢܫܐ ܕܠܐ ܡܘܕܐ ܕܐܝܬܘܗܝ ܒܥܠܡܐ ܒܝܫܐ ܕܡܛܠ ܗܕܐ ܐܢܐ ܐܝܟ ܕܠܡܢ ܕܪܥܝܢܐ ܘܬܪܥܝܬܐ ܕܓܘܐ ܐܝܬ ܠܗ . ܫܐܠܬܟ ܕܡܢ ܐܝܟܐ ܗܘ ܒܝܫܐ ܠܐ ܗܘܐ ܐܝܟ ܨܒܐ ܐܢܐ ܕܐܠܦ ܐܢܐ ܿ ܕܟܠܡܕܡ ܕܝܕܥ ܐܢܐ ܡܢܟ . ܕܡܕܡ ܠܐ ܝܕܥ ܐܢܬ ܿ ܐܠܐ ܕܐܟܣܟ ܨܒܐ ܐܢܐ . ܕܡܕܡ ܠܐ ܝܕܥ ܐܢܬ ܿ ܘܠܐ ܬܣܒܪ ܕܡܛܠ ܕܪܓܙܬ ܥܠܝܟ ܿ ܗܟܢܐ ܩܫܝܐܝܬ ܡܠܠܬ ܿ ܐܠܐ ܡܛܠ ܕܚܐܣ ܐܢܐ ܥܠ ܗܢܝܢ ܕܩܪܝܒܝܢ ܕܨܒܐ ܐܢܬ ܕܬܒܛܠ ܐܢܘܿܢ ܀ ܀ ܀ 179 ܘܗܘ ܦܛܪܘܣ ܐܡܪ ܠܗܿ . ܕܣܓܝ ܒܝܫܐ ܐܢܬ ܕܟܕ ܗܢܐ ܟܠܗ ܨܥܪܬ ܿ ܐܡܪܬ ܕܠܐ ܪܓܙܬ . ܗܕܐ ܕܠܐ ܡܫܟܚܐ ܕܢܬܚܙܐ ܬܢܢܐ ܿ ܟܕ ܢܘܪܐ ܠܐ ܬܩܕܡ ܬܘܗܘܐ . ܒܪܡ ܕܝܢ ܐܡܪ ܐܢܐ ܡܛܠ ܕܠܐ ܐܣܬܒܪ ܠܟ ܕܡܒܛܠܘ ܡܒܠܛܢܐ ܐܝܟ ܕܠܐ ܐܝܬ ܠܝ ܕܐܟܣ ܠܡܠܬܐ ܗܝ ܕܡܢܟ ܿ ܒܝܫܐܝܬ ܐܬܐܡܪܬ . ܐܡܪܬ ܓܝܪ ܕܟܠ ܐܢܫ ܡܘܕܐ ܗܘ ܕܐܝܬܘܗܝ ܒܝܫܐ . ܘܗܝ ܗܕܐ ܕܓܠܬܐ ܐܝܬܝܗܿ ܿ ܠܘܩܕܡ ܓܝܪ ܐܦܢ ܐܝܬܘܗܝ ܟܘܠܗܿ ܥܡܐ ܕܝܗܘ̈ܕܝܐ ܟܦܪ ܒܗ ܠܒܪ ܡܢ ܟܘܪܣܝܐ ܕܡܘܫܐ ܒܠܚܘܕ ܀ ܀ ܀ 180 ܘܗܘ ܣܝܡܘܢ ܦܣܩܗܿ ܠܡܠܬܐ ܘܐܡܪ ܕܬܪܝܨܐܝܬ ܗܟܝܠ ܪ̈ܢܝܢ ܗܢܘܢ ܕܐܡܪܝܢ ܕܐܝܬܘܗܝ ܒܝܫ ܐܘ ܠܐ ܀ ܀ ܀ 181 ܘܗܘ ܦܛܪܘܣ ܐܡܪ ܕܠܐ ܗܘܐ ܗܕܐ ܣܝܡܐ ܠܝ ܗܫܐ ܕܐܚܘܐ ܿ ܐܠܐ ܕܠܐ ܗܘܐ ܟܠܗܘܢ ܒ̈ܢܝ ܐܢܫܐ ܐܡܪܝܢ ܕܐܝܬܘܗܝ ܒܝܫܐܼ ܘܗܝܕܝܢ ܕܬܪܬܝܢ ܘܠܐ ܗܘܐ ܠܟ ܕܬܫܐܠ ܕܡܢܐ ܐܝܬܘܗܝ ܗܘ ܒܝܫܐ ܐܝܬܘܬܐ ܗܘ ܘܩܢܘܡܐ ܐܘ ܣܘܥܪܢܐ ܐܘ ܓܕܫܐ . ܒܪܡ ܕܝܢ ܐܦ ܐܚܪ̈ܢܝܬܐ ܐܝܬ ܣ̈ܓܝܐܬܐ ܘܟܢ ܒܬܪ ܗܢܝܢ ܗܝܕܝܢ ܕܥܠ ܡܢܐ ܗܘ ܘܐܝܟܢܐ ܗܘ ܿ ܘܠܡܢܐ ܐܝܬܘܗܝ ܗܘ ܒܝܫܐ . ܕܡ ܠܗ ܠܐܠܗܐ . ܐܘ ܠܡܠܐܟܐ ܐܘ ܠܒ̈ܢܝ ܐܢܫܐ ܿ ܐܘ ܠܪ̈ܫܝܥܐ ܐܘ ܙܕܝ̈ܩܐ ܐܘ ܠܟܠܗܘܢ ܿ ܐܘ ܐܦ ܠܐ ܠܐܢܫ . ܘܡܢܐ ܕܝܢ ܕܚܫܚ ܗܘ ܟܝ ܐܘ ܠܐ ܚܫܚ ܿ ܗܢܘ ܕܝܢ ܐܦ ܣܓܝ̈ܐܐ ܐܚܪ̈ܢܐ ܫܘ̈ܐܠܐ ܠܗܢܐ ܫܪܒܐ ܕܣܝܡ ܩܕܡܝܢ ܢܩܦܝܢ ܀ ܀ ܀ 182 ܘܗܘ ܣܝܡܘܢ ܦܢܝ ܦܬܓܡܐ . ܕܫܒܘܩ ܠܝ ܕܐܬܥܒܪܬ ܕܒܫܘܐܠܝ ܩܕܡܝܐ ܿ ܘܣܒܪ ܥܠܝ ܕܗܫܐ ܩܕܡܝܐ ܡܫܐܠ ܐܢܐ ܠܟ ܕܐܝܬܘܗܝ ܒܝܫܐ ܐܘ ܠܐ ܀ ܀ ܀ 183 ܘܗܘ ܦܛܪܘܣ ܐܡܪ ܠܗ ܿ ܕܐܝܟܢܐ ܡܫܐܠ ܐܢܬ ܐܝܟ ܝܠܘܦܐ ܐܘ ܐܝܟ ܡܠܦܢܐ ܐܘ ܐܝܟ ܗܘ ܕܒܥܐ ܿ ܢ ܓܝܪ ܐܝܟ ܝܠܘܦܐ ܐܝܬ ܠܝ ܕܐܠܦܟ . ܕܡܢܐ ܩܕܡ ܒܝܫܐ ܙܕܩ ܠܟ ܕܬܫܐܠ ܐܝܟܢܐ ܕܒܗ ܒܢܩܦܐ . ܘܒܗ ܒܛܟܣܐ ܡܢ ܢܦܫܟ ܬܕܥܝܘܗܝ ܠܒܝܫܐ ܿ ܘܐܢ ܕܝܢ ܐܝܟ ܡܠܦܢܐ ܠܐ ܣܢܝܩ ܐܢܐ ܕܐܠܦ ܐܝܬ ܠܝ 92 ܓܝܪ ܗܘ ܕܡܢܗ ܟܠܡܕܡ ܝܠܦܬ ܿ ܘܐܢ ܕܝܢ ܐܝܟ ܒܥܘܝܐ ܿ ܐܢܚܢܢ ܬܪܝܢܿ ܢܣܝܡ ܒܡܨܥܬܐ ܡܣܡ ܒܪܥܝܢܝܢ ܘܗܝܕܝܢ ܡ̈ܠܝܢ ܢܥܒܕ ܠܐ ܓܝܪ ܙܕܩ ܠܟ ܕܬܫܐܠ ܐܝܟ ܝܠܘܦܐ . ܘܬܐܡܪ ܠܩܘܒܠܢ ܝܟ ܡܠܦܢܐ ܿ ܐܝܟܢܐ ܕܡܢ ܒܬܪ ܦܘܢܝ ܦܬܓܡܝ ܿ ܕܝܠܝ ܕܝܠܟ ܬܗܘܐ ܕܬܐܡܪ ܼ ܕܛܒܐܝܬ ܐܘ ܒܝܫܐܝܬ ܐܡܪܬܗܿ ܐܢܐ ܠܡܠܬܐ ܿ ܕܡܛܠ ܗܕܐ ܠܐ ܡܫܟܚ ܐܢܬ ܿ ܕܟܕ ܒܕܘܟܬܐ ܕܕܠܩܘܒܠܐ ܩܐܡ ܐܢܬ ܕܐܢܬ ܬܗܘܐ ܒܟܐܢܘܬܐ ܕܝܢܐ ܿ ܐܢ ܗܟܝܠ ܨܒܐ ܐܢܬ ܕܬܒܥܐ ܥܡܝ ܒܡ̈ܠܐ . ܬܪ̈ܝܢ ܢܣܝܡ ܡܣܡ ܒܪ̈ܥܝܢܝܢ ܒܡܨܥܬܐ ܿ ܘܟܕ ܐܢܚܢܢ ܐܝܟ ܕܠܩܘܒܠܐ ܠܘܩܒܠ ܚ̈ܕܕܐ ܐܡܪܝܢ ܐܢܚܢܢ ܿ ܗܢܐ ܥܡܐ ܪܚܡ ܠܐܠܗܐ . ܕܩܪܝܒ ܟܐܢܐ ܕܢܗܘܐ ܕܝܢܐ ܀ ܀ ܀ 184 ܘܗܘ ܣܝܡܘܢ ܐܡܪ ܿ ܕܠܐ ܡܣܬܒܪܐ ܠܟ ܟܝ ܗܕܐ . ܕܣܟܠܐ ܗܝ ܕܠܟܢܫܐ ܕܠܐ ܝܕܥ ܘܠܐ ܪܕܐ ܢܓܒܐ ܠܢ ܕܝܢܐ ܀ ܀ ܀ 185 ܘܗܘ ܦܛܪܘܣ ܐܡܪ ܿ ܕܠܐ ܗܘܐ ܗܟܢܐ ܗܝ ܐܡܝܢܐܝܬ ܿ ܗܘ ܓܝܪ ܡܕܡ ܕܡܢ ܚܕ ܥܛܠܐܝܬ ܡܫܬܟܚ ܡܢ ܣܓܝ̈ܐܐ ܡܫܟܡܚ ܕܢܨܝܕ ܗܢܘܢ ܕܐܝܟ ܕܒܣܓܝ ܐܦ ܛܒܗܘܢ ܕܡܘܬܐ ܕܢܒܝܘܬܐ ܣܥܪ ܘܥܡ ܗܢܝܢ ܕܝܢ ܟܠܗܝܢ ܗܘ ܗܢܐ ܟܢܫܐ ܕܩܪܝܒ ܡܛܠ ܕܪܚܡ ܠܐܠܗܐ ܗܘ ܚܕ ܐܝܬܘܗܝ ܒܫܠܡܘܬܗ ܠܘܬ ܚܘܒܗ ܕܫܪܪܐ ܿ ܐܝܟܢܐ ܕܬܪ̈ܝܢ ܡܐ ܕܠܐ ܫܠܡܝܢ ܚܕ ܟܢܫܐ ܠܐ ܐܝܬܝܗܘܢ ܿ ܘܗܘ ܕܝܢ ܗܢܐ ܟܢܫܐ ܕܩܪܝܒ ܕܐܝܟ ܚܕ ܒܪ ܐܢܫܐ ܐܝܬܘܗܝ ܡܢܗ ܕܫܬܩܗܘܢ ܐܬܒܝܢ ܕܐܝܟܢܐ ܥܡ ܟܠܗ ܫܠܝܐ ܕܝܐܐ . ܘܙܕܩ ܐܝܟ ܡܐ ܕܚܙܐ ܐܢܬ ܐܦ ܩܕܡ ܕܡܕܡ ܢܐܠܦܘܢ ܠܗ ܠܫܪܪܗ ܕܐܠܗܐ . ܐܝܩܪܐ ܡܩܪܒܝܢ . ܫܠܝܐ ܘܫܬܩܐ ܕܡܢ ܠܘܬܗܘܢ ܕܝܬܝܪ ܡܢ ܗܢܐ ܕܢܬܠܘܢ ܡܢ ܢܦܫܗܘܢ ܥܕܟܝܠ ܠܐ ܝܠܦܘ . ܕܡܛܠ ܗܕܐ ܡܣܒܪ ܐܢܐ ܒܐܠܗܐ ܕܨܒܝܢܗܘܢ ܛܒܐ ܕܠܘܬܗ ܡܩܒܠ ܿ ܘܠܗܘ ܕܐܝܙܓܕܐ ܕܫܪܪܐ ܐܝܬܘܗܝ ܙܟܘܬܐ ܝܗܒ ܐܝܟܢܐ ܕܐܦ ܠܗܘܢ ܗܘ ܕܟܪܘܙܐ ܗܘ ܕܫܪܪܐ ܢܬܓܠܐ ܘܢܬܝܕܥ ܀ ܀ ܀ 186 ܘܗܘ ܣܝܡܘܢ ܐܡܪ ܕܥܠ ܐܝܕܐ ܨܒܐ ܐܢܬ ܕܢܒܥܐ ܐܡܪ ܕܐܦ ܐܢܐ ܠܘܩܒܠܗܝܢ ܐܬܥܬܕ ܘܥܡܟ ܒܥܬܐ ܐܥܒܕ ܀ ܀ ܀ 187 ܘܗܘ ܦܛܪܘܣ ܦܢܝ ܠܗ ܦܬܓܡܐ ܕܐܢ ܐܝܟ ܡܐ ܕܠܝ ܫܦܪ ܨܒܐ ܐܢܬ ܕܬܥܒܕ ܐܢܐ ܐܝܟ ܦܘܩܕܢܗ ܕܡܠܦܢܝ ܨܒܐ ܐܢܐ ܕܐܥܒܕ ܗܘ ܕܟܕ ܐܬܐ ܠܥܡܐ ܕܝܠܢ ܕܥܒܪ̈ܝܐ ܕܝܕܥ ܗܘܐ ܠܗܘܢ ܕܚܕ ܗܘ ܐܠܗܐ ܐܡܪܝܢ ܗܘ ܕܫܡܝܐ ܘܐܪܥܐ ܘܟܠ ܕܒܗܘܢ ܥܒܕ ܡܛܠ ܕܬܪܝܨܐܝܬ ܝܕܥܝܢ ܗܘܘ ܗܝ ܗܕܐ ܕܢܒܥܘܢ ܠܐ ܦܩܕ ܠܗܘ݀ܢ ܐܠܐ ܕܨܒܝܢܗ ܕܗܢܐ ܕܢܫܟܚܘܢ ܡܠܟ ܐܢܘ݀ܢ ܡܛܠ ܕܝܕܥ ܕܒܫܘܠܛܢܗܘܢ ܕܒ̈ܢܝ ܐܢܫܐ ܐܝܬܝܗܿ ܕܢܬܡܨܘܢ ܕܢܫܟܚܘܢ ܘܢܥܒܕܘܢ ܗܢܝܢ ܕܥܠܝܗܝܢ ܡܬܕܝܢܝܢ . ܕܡܛܠ ܗܕܐ ܐܡܪ ܕܢܒܥܐ ܐܢܚܢܢ ܠܐ ܗܘܐ ܕܡܢ ܐܝܟܐ ܗܘ ܿ ܥܘܠܐ ܿ ܐܝܟܢܐ ܕܐܢܬ ܩܕܡ ܩܠܝܠ ܒܥܝܬ 93 ܘܐܡܪܬ ܕܡܢ ܐܝܟܐ ܗܘ ܒܝܫܐ ܐܠܐ ܡܠܟ ܕܠܘܩܕܡ ܟܐܢܘܬܗ ܕܛܒܐ ܢܫܟܚ ܿ ܒܗܝ ܕܐܡܪ ܕܒܥܘ ܠܘܩܕܡ ܗܝ ܟܐܢܘܬܗ ܕܐܠܗܐ . ܘܗܢܝܢ ܟܠܗܝܢ ܢܬܬܘܣܦܢ ܠܟܘ݀ܢ ܘܐܠܘ ܕܝܢ ܠܗ ܠܐܠܗܐ ܠܐ ܝܕܥܝܢ ܗܘܘ ܿ ܠܐ ܡܠܟ ܗܘܐ ܠܗܢ ܕܠܘܩܕܡ ܟܐܢܘܬܗ ܢܒܥܘܢ ܀ ܀ ܀ 188 ܘܗܘ ܣܝܡܘܢ ܐܡܪ ܕܡܛܠ ܗܟܝܠ ܕܠܥܒܪ̈ܐ ܐܝܟ ܕܠܗܢܘܢ ܕܬܪܝܨܐܝܬ ܠܐܠܗܐ ܝܕܥܝܢ ܘܕܟܠ ܐܢܫ ܒܫܘܠܛܢܐ ܕܝܠܗ ܐܝܬ ܠܗ ܕܢܣܥܘܪ ܗܢܝܢ ܕܥܠܗܝܢ ܡܬܬܕܝܢ ܿ ܘܠܝ ܕܝܢ ܗܢܝܢ ܕܠܗܢܘܢ ܫܦܪܢ ܠܐ ܫܠܡܢ ܠܝ . ܡܢ ܐܝܡܟܐ ܐܫܪܐ ܀ ܀ ܀ 189 ܘܗܘ ܦܛܪܘܣ ܐܡܪ ܿ ܕܐܢܐ ܡܠܟ ܐܢܐ ܼ ܕܠܘܩܕܡ ܢܒܥܐ ܕܐܢ ܒܢ ܐܝܬܝܗܿ ܗܕܐ ܕܝܕܥ ܗܢܝܢ ܕܒܦܘܪܫܢܐ ܡܬܒܚܪܢ ܀ ܀ ܀ 190 ܘܗܘ ܣܝܡܘܢܐܡܪ ܿ ܕܠܐ ܐܡܝܢܐܝܬ ܐܠܐ ܥܠ ܐܠܗܐ ܗܘ ܕܒܗ ܐܦ ܟܠܗܿ ܒܪܝܬܐ ܕܟܠ ܐܢܫ ܬܠܝܐ ܀ ܀ ܀ 191 ܘܗܘ ܦܛܪܘܣ ܐܡܪ ܕܡܕܝܢ ܫܪܝܪܐ ܗܝ ܠܟ ܗܕܐ ܕܐܝܬ ܗܘ ܒܢ ܫܘܠܛܢܐ ܕܢܕܥ ܕܐܢ ܗܟܝܠ ܐܝܢ ܫܪܝܪܐ ܗܝ ܠܟ ܒܠܚܘܕ ܐܘܕܐ ܿ ܘܥܠ ܐܠܗܐ ܐܝܟ ܡܐ ܕܫܦܪ ܠܟ ܢܫܪܐ ܀ ܀ ܀ 192 ܘܗܘ ܣܝܡܘܢ ܐܡܪ . ܠܐ ܐܡܝܢܐܝܬ ܐܝܬ ܒܢ ܘܒܫܘܠܛܢܢ ܗܕܐ ܀ ܀ ܀ 193 ܘܦܛܪܘܣ ܐܡܪ ܕܐܢ ܗܟܝܠ ܠܐ ܐܝܬܝܗܿ ܒܫܘܠܛܢ ܗܕܐ ܝܬܝܪܐܝܬ ܗܝ ܗܕܐ ܕܢܒܥ ܐܥܠ ܐܠܗܐ ܐܢ ܗܘ ܕܠܝܬ ܒܫܘܠܛܢܢ ܕܢܒܥܐ ܘܕܢܫܟܚ ܕܡܛܠ ܗܕܐ ܫܦܝܪ ܡܠܟܬ ܕܢܒܥܐ ܠܘܩܕܡ ܐܢ ܐܝܬ ܒܢ ܫܠܘܛܢ ܗܢܐ ܀ ܀ ܀ 194 ܘܗܘ ܣܝܡܘܢ ܐܡܪ ܕܠܐ ܡܫܟܚܝܢ ܐܢܚܢܢ ܐܦܠܐ ܗܝ ܗܕܐ ܕܢܕܥ݀ ܕܐܢ ܐܝܬ ܒܢ ܡܕܡ ܫܘܠܛܢܐ ܀ ܀ ܀ 195 ܘܗܘ ܦܛܪܘܣ ܐܬܒܝܢ ܕܠܚܪܝܢܐ ܝܗܒ ܢܦܫܗ ܿ ܡܛܠ ܕܐܙܕܟܝ ܐܝܟܢܐ ܕܠܦܘܫܟܐ ܟܠܗܿ ܒܥܬܐ ܢܦܢܐ ܿ ܘܦܢܝ ܠܗ ܦܬܓܡܐ ܕܐܝܟܢܐ ܗܟܝܠ ܝܕܥ ܐܢܬ ܕܠܝܬ ܡܕܡ ܕܒܫܘܠܛܢܗ ܕܒܪ ܐܢܫܐ ܕܢܕܥ݀ ܟܕ ܗܝ ܗܕܐ ܠܘܩܕܡ ܝܕܥ ܐܢܬ ܀ ܀ ܀ 196 ܘܗܘ ܣܝܡܘܢ ܐܡܼܪ ܕܠܐ ܝܕܥ ܐܢܐ ܐܢ ܗܝ ܗܕܐ ܝܕܥ ܐܢܐ ܿ ܠܐܢܫ ܐܢܫ ܓܝܪ ܐܝܟ ܕܚܠܝܩ ܠܗ ܐܦ ܝܕܥ ܿ ܘܐܦ ܥܒܕ ܘܐܦ ܚܿܐܫ ܀ ܀ ܀ 197 ܘܗܼܘ ܦܛܪܘܣ ܐܡܼܪ ܕܚܙܝܢ ܐܢܬܘܢ ܐܘ ܐܚ̈ܝܢ ܒܐܝܕܐ ܟܠܗܿ ܣܟܠܘܬܐ ܘܣܘܪܚܢܐ ܣܝܡܘܢ ܡܫܬܟܚ ܿ ܗܘ ܕܩܕܡ ܕܐܢܐ ܐܿܬܐ ܿ ܡܠܦ ܗܘ ܐܝܟ ܗ݀ܘ ܕܒܗܘܢ ܗܿܝ ܕܒ̈ܢܝ ܐܢܫܐ . [ܕܒܢܝ̈ܢܫܐ] ܘܒܫܘܠܛܢܗܘܢ ܐܝܬ ܠܗܘܢ ܐܦ ܕܢܕܥܘܢ ܘܐܦ ܕܢܥܒܕܘܢ ܗܠܝܢ ܕܨܒܝܢ ܿ ܗܫܐ ܕܝܢ ܕܐܬܪܒܨ ܡܢܗܝܢ ܕܡ̈ܠܐ ܟܦܪ ܠܗ ܕܒܫܘܠܛܢܗܘܢ ܕܒ̈ܢܝ ܐܢܫܐ ܠܝܬ ܕܢܕܥܘܢ ܐܘ ܢܥܒܕܘܢ ܐܦܢ ܡܐ ܕܗܼܘ. ܘܡܠܦ [ܕܡܠܦ] ܗܘܐ ܘܗܫܐ ܕܩܪܝܒ ܡܢܣܐ ܕܢܐܠܦ [ܕܢܠܦ] ܗܢܝܢ [ܗܠܝܢ] . ܘܐܝܟܐ ܕܝܢ ܗܼܘ ܐܠܗܐ ܿ ܕܐܢ ܥܠ ܫܪܪܐ ܐܘ ܥܠ ܣܘܥܪܢܐ ܿ ܠܗܢܘܢ ܕܡܕܡ ܒܫܘܠܛܢܐ ܕܝܠܗܘܢ ܠܝܬ ܠܗܘܢ ܘܒܗܕܐ ܕܝܢ ܡܠܬܐ ܡܬܚܒܠ ܠܗ ܘܡܫܬܪܐ ܟܠܡܕܡ [ܟܠ ܡܕܡ] 94 ܐܡܪܢܐ [ܐܡܿܪ ܐܢܐ] ܕܐܢ ܕܐܦ ܚܦܝܛܘܬܐ ܕܠܘܬ ܡܝܬܪܘܬܐ ܘܡܥܘܠܝܢ ܕܝ̈ܢܐ ܕܣܝܡܝܢ ܒܪܫܐ [ܒܝܫܪܐ] ܕܥܘ̈ܠܐ ܕܠ ܐܗܘܐ ܒܨܒܝܢܗܘܢ ܚܛܘ ܘܡܬܡܠܠܠܝܢ ܕܝܢ ܐܦ [ܘܐܦ] ܢܡܘ̈ܣܐ . ܕܡܦܪ̈ܫܝܢ ܣܘܥܪ̈ܢܐ ܛܒ̈ܐ ܡܢ ܒܝ̈ܫܐ . ܕܘܝܐ ܗܼܘ ܗܘ ܡܝܬܪܐ ܕܡܣܝܒܪ ܟܐܢܘܬܐ ܘܡܬܒܣܡܝܢ ܒܝ̈ܫܐ ܕܡܪܕܝܢ ܘܡܬܓܐܝܢ ܕܠܝܬ ܟܐܢܘܬܐ ܘܕܝܼܢܐ . ܘܡܢ ܩܛܝܪ ܡܛܘܠ ܕܟܐܢܘܬܐ ܒܥܠܡܐ ܗܿܘܝܐ . ܘܗܼܘ ܕܝܢܗ ܥܘܠܐ ܒܢܝܚܐ ܐܝܬܘܗܝ ܐܡܝܢܐܝܬ ܐܝܬܝܗܝܢ ܫܦܝܪ̈ܬܐ ܘܢܝ̇ܬܐ . ܕܒܝ̈ܫܐ ܘܣܢ̈ܝܬܐ ܕܝܢ ܘܩ̈ܫܝܬܐ [ܘܒܝܫ̈ܬܐ] ܕܛܒܐ ܘܡܕܝܢ ܐܦ ܠܝܬ ܗܘ ܐܠܗܿܐ ܘܐܦܠܐ [ܘܐܦ ܠܐ] ܟܐܢܐ ܗܘ ܿ ܐܢ ܗܘ ܕܛܒܬܐ ܠܐ ܡܬܥܕܪܐ . ܘܟܢܘܬܐ ܠܐ ܡܬܒܥܝܐ . ܘܗܢܝܢ ܗܟܝܠ ܗܢܝܢ [ܗܠܝܢ] ܣܝܡܘܢ ܠܐ ܚܘܝ ܿ ܘܨܒܐ ܕܢܥܪܘܩ ܡܢ ܡܟܣܢܘܬܐ ܣܓܝܐܬܐ ܘܡܫܬܐܠ ܡܢ ܒܥܬܐ ܒܥܠܬܐ ܕܠܝܬ [ܠܡ] ܒܫܘܠܛܢܗܘܢ ܕܒ̈ܢܝ ܐܢܫܐ ܕܢܒܥܘܢ ܘܢܫܟܚܘܢ ܘܗܘ ܕܝܢ ܗܢܐ ܐܠܘ ܒܫܪܪܐ ܝܿܕܥ ܗܘܐ ܗܕܐ ܠܐ ܗܘܐ ܟܕ ܐܢܐ ܪܚܝܩ ܐܢܐ ܡܢܣܐ ܗܘܐ ܕܢܠܦ ܿ ܐܠܐ ܐܢܐ ܕܝܢ ܐܡܿܪ ܐܢܐ ܿ ܕܠܒܪ ܐܢܫܐ ܚܐܪܘܬܐ ܐܝܬ ܠܗ ܿ ܘܫܠܝܛ ܗܘ ܒܿܢܦܫܗ܇ ܀ ܀ ܀ 198 ܘܗܘ ܣܝܡܘܢ ܐܡܼܪ ܿ ܕܡܢܐ ܐܝܬܝܗܿ ܚܐܪܘܬܐ ܿ ܕܫܠܝܛ ܒܢܦܫܗ ܐܡܼܪ ܀ ܀ ܀ 199 ܘܗܼܘ ܦܛܪܘܣ ܐܡܼܪ ܕܐܢ ܠܝܬ ܒܫܘܠܛܢܟ ܕܬܐܿܠܦ ܿ ܡܢܐ ܨܿܒܐ ܐܢܬ ܕܬܫܡܥ ܀ ܀ ܀ 200 ܘܗܼܘ ܣܝܡܘܢ ܐܡܼܪ ܐܠܐ ܠܝܬ ܠܟ ܕܬܐܡܪ ܥܠܼ ܗܕܐ ܡܕܡ ܀ ܀ ܀ 201 ܘܗܼܘ ܦܛܪܘܣ ܐܡܼܪ ܕܐܡܪܢܐ [ܕܐܡܿܪ ܐܢܐ] ܠܐ ܗܘܐ ܕܡܢܟ ܐܬܐܠܨܬ ܿ ܐܠܐ ܐܝܟ ܕܡܢ ܗܿܢܝܢ [ܗܠܝܢ] ܕܩܪܝܒܝܢ . ܐܬܒܥܝ ܡܢܝ ܕܚܐܪܘܬܐ ܐܝܬܝܗܿ ܐܝܕܥܬܗܿ ܘܦܘܪܫܢܗܿ ܕܢܦܫܐ ܕܐܝܬ ܠܗܿ ܡܛܝܒܘܬܐ ܕܬܨܠܐ [ܕܬܨܛܠܐ] ܠܘܬ ܣܘܥܪ̈ܢܐ ܐܝܠܝܢ ܕܨܒܝܐ ܀ ܀ ܀ 202 ܘܗܼܘ ܣܝܡܘܢ ܒܗܕܐ ܫܒܚܗ ܠܦܛܪܘܣ ܘܐܡܼܪ ܕܒܫܪܪܐ ܪ̈ܘܪܒܐܝܬ ܘܕܠܐ ܦܘܚܡ ܐܡܼܪܬ݀ ܟܕ ܓܝܪ ܫܦܝܪ ܐܡܿܪ ܐܢܬ . ܝܕܥܢܐ [ܝܕܥ ܐܢܐ] ܕܐܣܗܕ . ܥܠܝܗܝܢ . ܗܕܐ ܕܝܢ ܡܫܐܠ ܐܢܐ ܠܟ . ܘܐܢ ܒܫܪܪܐ ܬܐܡܪܝܗܿ ܠܝ . ܥܠ ܐܚܪ̈ܢܝܬܐ ܡܬܛܦܝܣ ܐܢܐ ܠܟ . ܗܿܝ ܕܝܢ [ܗܝܕܝܢ] ܕܨܒܐ ܐܢܐ ܕܐܠܦ ܐܝܬܝܗܿ ܗܕܐ ܕܐܢ ܗܼܘ ܗܘ ܐܠܗܐ ܨܿܒܐ ܕܢܗܘܐ ܡܕܡ ܘܐܝܬܘܗܝ . ܘܠܐ ܨܿܒܐ ܒܡܕܡ ܘܠܐ ܐܝܬܘܗܝ ܿ ܐܝܢ ܐܘ ܠܐ ܦ݀ܢܐ ܠܝ ܦܬܓܡܐ ܀ ܀ ܀ 203 ܘܗܼܘ ܦܛܪܘܣ ܦܢܝ ܠܗ ܦܬܓܡܐ ܿ ܕܐܢ ܗܘ ܕܣܘܪܚܢܗ ܘܣܟܠܘܬܗ ܕܫܘܐܠܟ ܠܐ ܝܿܕܥ ܐܢܬ ܿ ܫܒܩ ܐܢܐ ܠܟ ܿ ܘܐܢܐ ܡܘܕܥ ܐܢܐ ܠܟ ܿ ܘܐܢ ܕܝܢ ܟܕ ܝܕܥ ܐܢܬ ܫܐܠܬ ܿ ܣܟܠܐܝܬ ܘܒܫܝܐܝܬܿ ܠܐ ܬܪܝܨܐܝܬ ܥܒܕܬ . ܀ ܀ ܀ 204 ܘܗܼܘ ܣܝܡܘܢ ܐܡܼܪ ܿ ܕܝܡܐ ܐܢܐ ܒܗܿ ܒܗܿܝ ܕܐܝܬܝܗܿ ܥܠܬܐ ܕܟܠ ܡܕܡ . ܗܿܝ ܕܐܘ ܒܟܝܢܐ ܐܘ ܒܦܘܪܫܢܐ ܡܬܢܩܡܐ ܡܢ ܗܢܘܿܢ ܕܡܣܟܠܝܢ ܕܓܠܝܐܝܬ ܠܝܬ ܠܝ ܕܐܿܡܪ ܠܐ ܝܕܥܢܐ [ܝܕܥ ܐܢܐ] ܠܗܿ 95 ܠܣܟܠܘܬܐ ܘܠܣܘܪܚܢܐ ܕܡܠܬܐ ܕܫܐܠܬ݀ ܀ ܀ ܀ 205 ܘܗܼܘ ܦܛܪܘܣ ܦܢܝ ܠܗ ܦܬܓܡܐ ܿ ܕܡܛܠ ܕܐܘܕܝܬ ܕܠܐ ܝܕܥ ܐܢܬ ܐܝܠܦ ܕܗܼܘ ܫܘܐܠܟ ܥܠ ܬܪ̈ܝܢ ܫܪ̈ܒܝܢ ܕܐܝܬܝܗܘܢ ܕܠܩܘܒܠܐ ܚܕ ܦܘܢܝ ܦܬܓܡܐ ܿ ܬܒܥ ܿ ܗܼܢܘܢ ܓܝܪ ܕܒܙܘܥܬܗܘܢ ܠܬܪ̈ܬܝܢ ܡ̈ܢܘܢ ܦܪ̈ܝܫܝܢ ܿ ܘܐܦ ܠܩܛܝܪܐ ܕܟܝܢܐ ܘܐܦ ܠܨܒܝܢܐ ܐܝܟܢܐ ܕܗܿܢܘܢ ܕܒܩܛܝܪܐ ܕܟܝܢܗܘܢ ܐܝܬܝܗܘܢ ܐܝܡܢܐܝܬ ܢܗܘܘܢ ܗܟܢܐ ܿ ܘܗܿܢܘܢ ܕܝܢ ܕܡܢ ܨܒܝܢܗܘܢ ܠܐ ܐܝܡܢܐܝܬ ܐܝܟ ܗܟܢܐ ܕܩܛܝܪܐ ܗܢܐ ܢܣܒ ܫܡܫܐ ܕܢܪܗܛ ܐܝܟ ܡܐ ܕܐܬܣܝܡ ܿ ܘܗܼܘ ܕܝܢ ܒܪ ܐܢܫܐ ܕܢܣܥܘܪ ܐܝܟ ܡܐ ܕܨܿܒܐ ܕܡܛܠ ܗܿܢܝܢ [ܗܠܝܢ] ܕܠܩܛܝܪܐ ܕܒܪܝܘܬܐ [ܕܒܪܘܝܬܐ] ܥܒܕܘܬܐ ܦܠܚܝܢ ܿ [ܦܠܚܢ] ܠܐ ܡܫܟܚܢ ܕܡܕܡ ܐܚܪܝܢ ܢܣܥܪܢ ܠܒܪ ܡܢ ܗܿܘ ܕܐܬܬܣܝܡ [ܕܐܬܣܝܡ] ܕܢܥܒܕ݀ܢ ܘܐܝܩܪܐ ܘܦܘܪܥܢܐ ܠܝܬ ܠܗܝܢ . ܘܡܢ ܒܬܪ ܕܝܢ ܕܡܫܠܡܢ ܗܘ ܡܕܡ ܕܐܬܬܣܝܡ [ܕܐܬܣܝܡ] ܕܢܥܣܥܪܢ ܗܿܘ ܕܥܒܕ ܐܢܝܢ ܐܝܟ ܡܐ ܕܨܿܒܐ ܢܛܪ ܠܗܝܢ ܿ ܗܿܘ ܕܝܢ ܕܐܝܬ ܠܗ ܒܫܘܠܛܢܗ ܕܢܫܟܚ ܕܢܣܥܘܪ ܟܘܠ ܡܐ [ܡܕܡ] ܕܨܿܒܐ ܗܘ ܗܢܐ ܬܚܝܬ ܐܝܩܪܐ ܘܦܘܪܥܢܐ ܿ ܘܬܚܝܬ ܡܣܡ ܒܪܝܫܐ ܿ ܐܝܬܘܗܝ ܘܐܝܩܪܐ ܕܝܢ ܐܝܬ ܠܗ ܐܢ ܢܣܥܘܪ ܫܦܝܪܬܐ ܿ ܐܢܬ ܕܝܢ ܐܡܼܪܬ ܕܐܢ ܗܘ [ܕܐܢܗܘ] ܐܠܗܐ ܨܿܒܐ ܡܕܡ ܿ ܘܐܝܬܘܗܝ ܘܠܐ ܨܿܒܐ ܡܕܡ ܘܠܐ ܐܝܬܘܗܝ ܿ ܐܝܟܢܐ ܕܡܐ ܕܐܿܡܪܬ ܠܟ ܕܡܕܡ ܕܨܿܒܐ ܐܝܬܘܗܝ ܿ ܘܡܕܡ ܕܠܐ ܨܿܒܐ ܠܐ ܐܝܬܘܗܝ ܿ ܬܐܡܪ ܐܢܬ ܕܡܕܝܢ ܗܘ ܨܿܒܐ ܕܢܗܘܝܢ ܐܝܬܗܝܢ ܗܿܢܝܢ [ܗܠܝܢ] ܒܝ̈ܫܬܐ ܕܒܥܠܡܐ ܗܿܘܝܢ . ܡܛܠ [ܡܛܘܠ] ܕܟܠ [ܕܟܘܠ] ܕܨܿܒܐ ܐܝܬܘܗܝ . ܘܗܿܘ ܡܕܡ ܕܠܐ ܨܿܒܐ ܠܐ ܐܝܬܘܗܝ ܿ ܘܟܠ ܕܠܐ ܨܿܒܐ ܠܐ ܐܝܬܘܗܝ ܿ ܗܝܕܝܢ ܐܚܪܬܐ ܐܝܬ ܠ݀ܟ ܕܬܐܿܡܪ . ܕܡܕܝܢ ܡܚܝܠܐ ܐܝܬܢܗܝ ܒܗܿܢܝܢ [ܒܗܠܝܢ] ܕܨܿܒܐ . ܘܗܿܘܐ ܐܢܬ ܡܫܬܒܗܪ ܿ ܟܕ ܡܕܡ ܬܪܝܨܐܝܬ ܠܐ ܐܡܼܪܬ ܿ ܐܝܟ ܗܘ ܕܙܟܼܝܬ ܟܕ ܠܐ ܝܿܕܥ ܐܢܬ ܚܕܐܿ ܚܕܐ ܡܢܗܿܝܢ ܐܝܟܢܐ ܨܿܒܐ . ܨܿܒܐ ܓܝܪ ܥܠ ܡܕܡ ܕܠܐ ܢܫܟܚ ܡܕܡ . ܐܚܪܝܢ ܕܢܥܒܕ . ܠܒܪ ܡܢ ܗܿ ܡܕܡ ܕܐܬܣܝܡ ܠܗ ܿ ܘܡܛܠ ܗܕܐ ܐܦܠܐ [ܘܐܦ ܠܐ] ܐܝܩܪܐ ܐܦܠܐ ܡܣܡ ܒܪܝܫܐ ܡܩܒܠ ܿ ܘܨܿܒܐ ܕܝܢ ܕܡܕܡ ܐܚܪܢܐ ܕܒܫܘܠܛܢܗ ܢܗܘܐ ܐܝܬ ܠܗ ܕܢܫܟܚ ܕܢܣܥܘܪ ܗܿܘ ܡܐ ܕܨܒܐ ܐܝܟܐܢ ܕܡܢ ܥܠܬܐ ܕܝܠܗ ܿ ܐܘ ܐܝܩܪܐ ܐܘ ܡܣܡ ܒܪܝܫܐ . ܢܗܘܐ ܠܗ ܿ ܟܕ ܗܟܝܠ ܡܦܪܫܝܢ ܗܢܝܢ [ܗܠܝܢ] ܬܪ̈ܬܝܢ ܡܢܘ̈ܬܐ ܕܦܘܪ̈ܫܢܐ ܿ ܗܟܢܐ ܟܠ ܕܨܿܒܐ ܐܠܗܐ ܐܝܬܘܗܝ ܘܗܿܘ ܡܕܡ ܕܠܐ ܨܿܒܐ ܠܐ ܐܝܬܘܗܝ ܕܗܼܘ ܡܢ ܫܘܠܛܢܐ ܕܨܒܝܢܗ ܠܐ ܢܓܒܐ . ܠܗ ܡܕܡ ܕܨܿܒܐ . ܐܠܐ ܡܕܡ ܕܐܬܬܣܝܡ [ܕܐܬܣܝܡ] ܀ ܀ ܀ 206 ܘܗܼܘ ܣܝܡܘܢ ܐܡܼܪ ܕܠܐ ܓܝܪ 96 ܡܫܟܚ ܗܘܐ ܕܢܥܒܕ݀ܢ ܠܟܘܠܢ ܕܢܗܘܐ ܐܝܬܝܢ ܛܒ̈ܐ ܟܕ ܡܕܡ ܐܚܪܝܢ ܠܐ ܡܫܟܚܝܢ ܗܘܝܢ ܕܢܗܘܐ . ܀ ܀ ܀ 207 ܘܗܼܘ ܦܛܪܘܣ ܐܡܼܪ ܕܐܦ ܗܕܐ ܥܡ ܐܚܪܬܐ ܐܣܝܪܐ . ܐܠܘ ܓܝܪ ܥܒܕ݀ܢ ܗܘܐ ܕܠܐ ܡܫܬܚܠܦܝܢ ܗܘܝܢ ܘܐܣܪܢ ܕܛܒ̈ܐ ܢܗܘܐ ܒܫܪܪܐ . ܛܒ̈ܐ ܠܐ ܐܝܬܝܢ ܗܘܝܢ . ܡܛܠ [ܡܛܘܠ] ܕܡܕܡ ܐܚܪܝܢ ܕܢܥܒܕ ܠܐ ܡܫܟܚܝܢ ܗܘܝܢ . ܘܗܟܢܐ ܠܐ ܗܘܐ ܕܝܠܗ . ܗܼܘܐ ܕܨܒܝܢܐ . ܗܿܘ ܡܕܡ ܕܡܣܬܥܪ ܗܘܐ . ܐܠܐ ܕܝܠܗ ܕܩܛܝܪܐ ܕܗܟܢܐ ܐܝܬܘܗܝ ܗܘܐ ܐܝܟܢܐ ܗܟܝܠ ܗܿܘ ܕܗܟܢܐ ܗܿܘ ܢܐܡܪ ܐܢܫ ܥܠܘܗܝ . ܕܛܒܐ ܐܝܬܘܗܝ ܿ ܗܿܘ ܕܠܐ ܗܘܐ ܒܨܒܝܢܗ ܛܒܐ ܐܝܬܘܗܝ . ܕܛܒܐ ܐܝܬܘܗܝ . ܗܿܘ ܕܠܐ ܗܘܐ ܒܨܒܝܢܗ ܛܒܐ ܐܝܬܘܗܝ . ܕܡܛܠ ܗܕܐ ܐܦ ܙܒܢܐ ܐܪܝܟܐ ܐܬܒܥܝ [ܐܬܒܢܝ] ܠܗ ܠܥܠܡܐ . ܥܕܡܐ ܕܗܿܘ ܡܢܝܢܐ ܕܢܦ̈ܫܬܐ ܛܒ̈ܬܐ ܕܩܕܡ ܐܬܚܪܩ [ܐܬܪܚܩ] ܡܢ ܐܠܗܐ . ܫܘܡܠܝܗ ܢܣܒ ܿ ܘܗܝܕܝܼܢ ܗܢܐ ܫܡܝܐ ܕܡܬܚܙܐ . ܒܕܡܼܘܬ ܡܓܠܬܐ ܢܬܟܪܟ . ܘܢܥܒܪ [ܘܢܥܒܕܿ] ܘܗܿܢܝܢ [ܘܗܠܝܢ] ܢܦ̈ܫܬܐ ܪ̈ܛܒܐ ܠܦܓܪ̈ܝܗܝܢ ܐܝܟ ܢܘܗܪܐ ܢܠܒܫܢ . ܘܗܿܢܝܢ [ܘܗܠܝܢ] ܕܝܢ ܕܪ̈ܫܝܥܐ ܡܛܠ [ܡܛܘܠ] ܣܘܥܪ̈ܢܝܗܘܢ ܒܝ̈ܫܐ ܒܪܘܚܐ ܕܢܘܪܐ ܒܓܦܪ̈ܝܗܝܢ [ܒܪܝܫܐ] ܢܩܒܠܢ . ܘܗܿܢܝܢ [ܘܗܠܝܢ] ܕܝܢ ܕܗܟܢܐ ܐܝܬܝܗܝܢ ܗܼܘ ܗܿܘ ܢܒܝܐ ܕܠܐ ܡܕܓܠ ܿ ܐܫܠܡ ܠܢ ܗܘ ܕܐܢ ܨܿܒܝܬ ܡܘܕܥܢܐ ܠܟ ܕܢܒܝܐ ܐܝܬܘܗܝ . ܘܡܢ ܬܚܘ̈ܝܬܐ ܪ̈ܒܘܬܐ ܣܓܝܐܿܬܐ ܡܫܟܚܢܐ ܕܐܫܡܠܝܟ ܐܦ ܓܝܪ ܡܢ ܗܢܝܿܢ ܕܡܢܗ . ܒܗܿܘ ܙܒܢܐ ܐܬܐܡܪ ܿ ܘܗܫܐ ܕܝܢ ܒܗܿ ܒܕܡܘܬܗܝܢ ܗܘܝܢ ܘܗܿܢܝܢ ܕܡܢ ܒܬܪܟܢ ܗܘܼܝܢ ܗܿܢܝܢ ܕܐܡܼܪ ܘܐܡܝܢܐܝܬ ܗܘܿܝܢ ܐܢܝܢ . ܗܝܡܢܘܬܐ ܓܝܪ ܕܗܿܢܝܢ ܕܥܬܝܕ݀ܢ ܕܢܗܘܝܢ ܗܿܢܝܢ ܕܗܘܝ ܠܗܝܢ ܝܗ݀ܒܢ ܠܢ ܀ ܀ ܀ 208 ܘܗܼܘ ܕܝܢ ܣܝܡܘܢܿ ܡܛܠ ܕܡܢ ܣܓܝ̈ܐܐ ܝܠܦ ܕܐܢ ܪ̈ܘܪܒܐܝܬ ܡܠܬܐ ܕܥܠ ܢܒܝܐ ܡܫܟܚ ܕܢܩܝܡ ܘܢܚܘܐ ܕܒܗܿ ܡܣܬܝܟܐ ܟܠܗܿ ܒܥܬܐ . ܐܫܬܐܠ ܕܢܫܡܥ ܡܠܬܐ ܕܥܠ ܢܒܝܐ ܘܦܢܝ ܦܬܓܡܐ ܘܐܡܼܪ ܕܥܠ ܗܿܢܝܢ ܕܨܒܐ ܐܢܐ ܦܢܐ ܠܝ ܦܬܓܡܐ ܿ ܘܟܕ ܐܡܼܪ ܫܐܠ ܗܟܢܐ ܕܐܢ ܐܝܟ ܕܐܡܿܪ ܐܢܬ ܕܗܢܐ ܫܡܝܐ ܕܚܕܪ ܠܥܠܡܐ ܥܒܪ ܠܗ ܡܛܠ ܡܢܐ ܡܢ ܫܘܪܝܐ ܗܘܐ ܀ ܀ ܀ 209 ܘܗܼܘ ܦܛܪܘܣ ܐܡܪ ܿ ܕܡܛܠ ܣܓܝ̈ܐܐ ܗܢܘܢ ܕܗܫܐ ܗܘܐ ܐܝܟ ܣܝܓܐ ܐܝܟܢܐ ܕܐܢܫ ܕܠܐ ܫܘܐ ܠܐ ܢܚܘܐ ܠܐܠܗܐ ܿ ܗܿܘ ܓܝܪ ܕܚܙܐ ܠܗ ܿ ܕܢܚܐ ܐܝܬ ܠܗ ܠܥܠܡ ܕܡܛܠ ܗܕܐ ܠܗܢܘܢ ܕܕܟܝܢ ܒܠܒܗܘܢ ܗܘ ܐܠܗܐ ܡܛܝܒ ܗܘ ܕܢܬܚܙܐ ܠܗܘܢ ܒܠܚܘܕܝܗܘܢ ܘܡܛܠ ܗܕܐ ܒܗܕܐ ܙܒܢܐ ܕܐܝܓܘܢܐ ܠܐ ܡܬܚܙܐ . ܒܗܕܐ ܬܟܣܝܬܐ ܕܫܡܝܐܼ ܘܠܗܢܘܢ ܕܙܟܝܢ ܣܝܡܐ ܠܗܘܢ ܗܕܐ ܪܒܘܬܐ ܕܗܼܘ ܐܠܗܐ ܐܒܐ ܢܬܚܙܐ ܠܗܘܢ ܀ ܀ ܀ 210 ܘܗܿܘ ܣܝܡܘܢ ܐܡܼܪ ܕܐܢ ܗܘ ܒܪܘܝܐ ܛܒܐ ܗܘ ܿ ܘܗܘ ܕܝܢ ܥܠܡܐ ܫܦܝܪܐ ܗܘ ܿ ܐܝܟܢܐ ܗܘ 97 ܛܒܐ ܠܗܢܐ ܫܦܪܝܐ ܫܪܐ ܠܗ ܿ ܐܡܬܝ ܕܗܘ ܿ ܘܐܢ ܕܝܢ ܫܪܐ ܠܗ ܠܗܢܐ ܫܦܝܪܐ ܐܝܟܢܐ ܗܘ ܛܒܐ ܗܘ ܿ ܘܐܢ ܕܝܢ ܕܣܢܝܐ ܐܝܬܘܗܝ ܿ ܫܪܐ ܠܗ ܐܝܟܢܐ ܠܐ ܣܢܝܐ ܗܘ ܿ ܕܠܣܢܝܐ ܥܒܕ ܡܢ ܒܪܫܝܬܐ ܀ ܀ ܀ 211 ܘܗܘ ܦܛܪܘܣ ܐܡܪ ܡܛܠ ܕܐܫܬܘܿܕܝܢܢ ܕܠܐ ܢܥܪܘܩ ܡܢ ܡܓܕܦ̈ܢܐ ܿ ܡܛܠ ܕܗܢܘܢ ܝܗܒܝܢ ܦܬܓܡܐ ܥܠ ܗܿܢܝܢ ܕܡܡܠܠܝܢ ܡܣܝܒܪܝܢ ܐܢܚܢܢ ܿ ܘܒܪܼܡ ܕܝܢ ܫܡܥ ܿ ܗܘ ܗܢܐ ܫܡܝܐ ܕܥܒܪ ܐܠܘ ܝܚܝܕܝܐ ܗܘܐ . ܘܗܘ ܡܛܠܬܗ ܗܘܐ ܿ ܟܒܪ ܐܝܬ ܗܘܐ ܡܠܬܐ ܕܡܛܠ ܡܢܐ ܥܒܪ ܿ ܐܢ ܕܝܢ ܡܛܠ ܐܚܪܢܐ ܡܕܡ ܗܘܐ ܐܠܨܐ ܗܝ ܕܢܥܒܪ ܐܝܟܢܐ ܕܗܘ ܕܡܛܠܬܗ ܗܘܐ ܢܬܚܙܐ . ܐܟܙܢܐ ܕܐܦ ܗܿܢܝܢ ܫܪ̈ܩܬܐ ܕܒ̈ܢܬܐ ܕܫܦܝܪܢ ܣܓܝ . ܘܕܡܘܬܗܝܢ ܡܫܠܡܢܐܝܬ ܡܢ ܟܠ ܓܒܝܢ ܢܛܝܪܐ ܕܢܬܬܒܪܢ ܘ݀ܠܐ . ܡܛܠ ܕܗܼܘ ܦܪܘܣܓܐ ܕܡܛܠܬܗ ܗܼܘܝ ܢܕܝܩ ܘܢܬܚܙܐ . ܗܟܐ ܘܐܦ ܗܢܐ . ܫܡܝܐ ܕܚܕܪ ܠܗ ܠܥܠܡܐ ܥܒܪ ܿ ܡܛܠ ܕܗܼܘ ܡܠܟܐ ܠܛܒ̈ܐ ܒܠܚܘܕܝܗܘܢ ܒܬܫܒܘܚܬܐ ܢܫܟܚ ܕܢܬܚܘܐ ܀ ܀ ܀ 212 ܘܗܘ ܣܝܡܘܢ ܐܡܼܪ ܕܠܐ ܐܝܡܢܐܝܬ ܥܒܪ ܫܡܝܐ ܗܘ ܕܡܢ ܐܠܗܐ ܗܘܐ . ܡܢ ܗܘ ܓܝܪ ܕܠܥܠܡ ܐܝܬܘܗܝ ܗܠܝܢ ܕܠܥܠܡ ܐܢܘܢ ܗܘܿܝܢ . ܘܡܢ ܗܘ ܕܡܬܚܒܠܢܐ ܗܘ ܡܬܚܒ̈ܠܢܐ ܗܘܝܢ . ܀ ܀ ܀ 213 ܘܗܘ ܦܛܪܘܣ ܐܡܼܪ ܕܠܐ ܐܡܝܢܐܝܬ ܿ ܐܠܐ ܡܢ ܡܬܚܒ̈ܠܢܐ ܡܬܚܒ̈ܠܢܐ ܗܘܝܢ . ܡܢ ܗܘ ܕܝܢ ܕܠܐ ܬܚܝܒܠ ܿ ܠܐ ܗܘܐ ܐܡܝܢܐܝܬ ܡܬܚܒ̈ܠܢܐ ܐܘ ܡܬܚܒ̈ܠܢܐ ܗܘܝܢ . ܐܠܐ ܐܝܟܢܐ ܕܨܒܐ ܗܼܘ ܐܠܗܐ ܥܒܘܕܗܘܢ ܡܛܠ ܕܗܿܢܝܢ ܕܗܿܘܝܢ ܘܡܬܩܝܡܢ ܠܐ ܗܘ ܢܡܘܣܐ ܐܝܬܝܗܝܢ ܠܘܩܒܠ ܚܝܠܗ ܕܐܠܗܐ ܐܝܬܘܗܝ ܢܡܘܣܐ ܕܗܿܢܝܢ ܕܗܿܘܝܢ ܕܢܗܘܝܢ ܐܝܬܝܗܝܢ ܐܝܟ ܡܐ ܕܗܼܘ ܥܒܘܕܗܝܢ ܨܿܒܐ ܀ ܀ ܀ 214 ܘܗܼܘ ܣܝܡܘܢ ܐܡܼܪ ܕܡܥܛܦ ܐܢܐ ܠܟ ܥܠ ܗܿܝ ܡܠܬܐ ܩܕܡܝܬܐ ܕܐܡܼܪܬ ܕܐܠܗܐ ܗܫܐ ܠܐ ܡܬܚܙܐ ܿ ܡܛܠ ܪ̈ܫܝܥܐ ܕܠܐ ܢܚܙܘܢܝܗܝ ܿ ܘܠܥܠܡ ܒܛܒ̈ܬܐ ܕܢܫܟܚܘܢ ܢܚܘ݀ܢ ܕܡܛܠ ܗܕܐ ܒܙܒܢ ܐܚܪܝܢ . ܡܢ ܒܬܪ ܕܥܒܕ ܗܢܐ ܫܡܝܐ ܕܡܬܚܙܐ ܒܠܚܘܕ ܠܕܟ̈ܝܐ ܘܠܙ̈ܕܝܩܐ ܡܬܚܙܐ ܿ ܠܐ ܗܟܝܠ ܡܣܬܒܪܐ ܠܟ . ܗܕܐ ܕܕܠܩܘܒܠܐ ܐܝܬܝܗܿ ܕܗܿܝ ܒܪܬ ܩܠܗ ܕܢܡܘܣܐ ܘܗܝ ܕܐܡܪܐ ܕܐܡܼܪ ܐܠܗܐ ܕܠܐ ܚܘܐ ܠܝ ܒܪ ܐܢܫܐ ܘܚܝܐ ܀ ܀ ܀ 215 ܘܗܼܘ ܦܛܪܘܣ ܦܢܝ ܠܗ ܦܬܓܡܐ ܕܠܗܢܘܢ ܕܠܐ ܗܘܐ ܡܢ ܟܘܪܣܝܗ ܕܡܘܫܐ ܩܒܠܘܗܝ ܠܢܡܘܣܐ ܡܠܬܝ ܫܪܝܪܬܐ ܕܠܩܘܒܠܐ ܡܣܬܒܪܐ ܕܐܝܬܝܗܿ ܗܕܐ ܕܠܐ ܐܝܬܝܗܿ ܿ ܗܟܢܐ ܿ ܘܕܠܐ ܕܝܢ ܐܝܬܝܗܿ ܫܡܥ . ܡܠܐܟ̈ܐ ܕܝܢ ܚܙܝܢ ܠܗ ܠܐܠܗܐ ܿ ܘܒ̈ܢܝ ܐܢܫܐ ܕܝܢ ܟܡܐ ܕܒ̈ܢܝ ܐܢܫܐ ܐܢܘ݀ܢ ܕܢܚܙܘܢܝܗܝ ܠܐܠܗܐ ܠܐ ܡܫܟܚܝܢ ܒܩܝܡܬܐ ܕܝܢ ܕܡ̈ܝܬܐ ܗܢܘܢ ܕܐܝܟ ܡ̈ܠܐܟܐ ܗܘܝܢ ܡܫܟܚܝܢ ܕܢܚܙܘܢܝܗܝ ܘܗܟܢܐ ܠܐ ܗܘܐ ܕܠܩܘܒܠܐ ܐܝܬܝܗܿ . ܘܐܠܐ ܘܐܦܠܐ ܗܘܼ ܡܠܦܢܢ ܐܡܿܪ ܗܘܐ ܕܛܘܒܝܗܘܢ ܠܗܿܢܘܢ ܕܕܟܝܢ 98 ܒܠܒܗܘܢ ܕܗܼܢܘܢ ܢܚܙܘܢܝܗܝ ܠܐܠܗܐ ܘܗܕܐ ܕܐܡܼܪ ܥܠ ܥܠܡܐ ܕܥܬܝܕ ܒܕܩ ܕܒܗ ܐܦ ܐܝܟ ܡܠܐܟ̈ܐ ܗܘܝܢ ܿ ܡܢ ܒܬܪ ܗܟܝܠ ܗܠܝܢ ܡ̈ܠܐ ܘܐܚܪ̈ܢܝܬܐ ܕܐܟܘܬܗܝܢ ܕܢܩܦܢ ܠܗܝܢ ܣܘܓܐܐ . ܐܝܼܡܐ ܗܘ ܣܝܡܘܢ ܘܐܡܼܪ ܕܒܠܚܕ ܒܡܠܬܐ ܕܥܼܠ ܢܦܫܐ ܫܡܠܢܝ . ܕܐܢ ܡܝܘܬܬܐ ܗܝ . ܘܢܩܦ ܐܢܐ ܘܫܠܡ ܐܢܐ ܠܨܒܝܢܟ ܿ ܗܢܘ ܕܝܢ ܠܡܚܪ ܐܡܿܪ ܐܢܬ . ܝܘܡܐ ܓܝܪ ܕܝܘܡܢܐ ܥܒܪ ܠܗ ܀ ܀ ܀ 216 ܘܟܕ ܗܟܝܠ ܦܛܪܘܣ ܫܪܝ ܗܘܐ ܗܘ ܣܝܡܘܢ ܢܦܩ ܠܗ ܘܢܦܩܘ ܕܝܢ ܥܡܗ ܡܢ ܗܿܢܘܢ ܕܝܠܗ ܙܥܘܪܐ ܕܛܒ . ܗܿܢܘܢ ܕܐܦ ܢܟܝܦܝܢ ܗܘܘ ܘܗܿܢܘܢ ܕܝܢ ܟܠܗܘܢ ܫܪܟܐ ܕܐܚܪ̈ܢܐ ܒܦܛܪܘܣ ܐܬܓܘܣܘ . ܘܥܠ ܒܘܪ̈ܟܝܗܘܢ ܒܪܟܘ ܿ ܘܡܢܗܘܢ ܐܝܠܝܢ ܕܒܟܠ ܓܢܣ ܕܟܘܪ̈ܗܢܐ ܘܕܟܐܒ̈ܐ ܐܝܬܝܗܘܢ ܗܘܘ ܘܕܕܝܘ̈ܐܐܝܬ ܗܘܐ ܠܗܘܢ ܒܨܠܘܬܗ ܕܦܛܪܘܣ ܐܬܐܣܝܘ ܘܐܬܕܟܝܘ . ܘܐܫܬܪܝܘ ܒܚܕܘܬܐ ܟܕ ܒܝܘܠܦܢܐ ܕܠܘܬ ܐܠܗܐ . ܕܫܪܪܐ ܒܪ̈ܥܝܢܝܗܘܢ ܐܫܬܡܠܝܘ . ܘܦܫܘ ܕܝܢ ܗܢܿܘܢ ܒ̈ܢܝ ܥܝܕ݀ܢ ܘܪ̈ܚܡܝܢ ܘܥܠ ܐܪܥܐ ܫܘܝܘ . ܠܢ . ܘܐܣܬܡܟܢ ܐܢܫ ܐܢܫ ܒܕܘܟܬܗ . ܗܝ ܕܝܕܥ ܕܩܡ ܝܘܡܐ ܐܣܬܡܟ ܒܗܿ . ܘܗܟܢܐ ܣܝܒܪܬܐ ܢܣܒܢ ܿ ܘܐܘܕܝܢ ܘܫܒܚܼܢ ܘܥܠܢ ܠܓܘ ܘܕܡܟܢ ܀ 217 ܘܠܐܚܪܢܐ ܕܝܢ ܝܘܡܐ ܐܝܟ ܥܝܕܗ ܒܥܒܕܢܐ ܗܘ ܕܣܝܡ ܠܗ ܒܠܠܝܐ ܩܡ ܗܘ ܦܛܪܘܣ ܘܐܣܟܚܢ ܠܟܠܢ ܕܡܛܝܒܝܢ ܐܢܚܢܢ ܿ ܘܫܪܝ ܕܢܐܡܪ ܗܟܢܐ . ܕܒܥܐ ܐܢܐ ܘܡܬܚܢܢ ܐܢܐ ܡܢܟܘܢ ܐܚ̈ܝ ܘܟܢ̈ܘܬܝ ܕܐܢ ܐܝܬ ܐܢܫ ܕܠܐ ܡܫܟܚ ܕܢܫܗܪ ܠܐ ܡܛܠ ܕܢܟܦ ܡܢܝ ܼ ܘܢܐܠܘܨ ܢܦܫܗ ܗܿܘ ܓܝܪ ܡܕܡ ܕܒܥܓܠ ܐܢܫ ܠܐ ܡܫܟܚ ܕܢܥܒܕܝܘܗܝ ܿ ܗܼܘ ܗܢܐ ܒܙܒܢܐ ܢܓܝܪܐ ܡܫܟܚ ܿ ܕܢܣܥܪܝܘܗܝ ܿ ܡܛܠ ܓܝܪ ܕܡܢ ܥܝ̈ܕܐ ܐܢܚܢܢ ܡܦܪ̈ܫܝܐ ܒܙܒ̈ܢܐ ܡܦܪ̈ܫܝܐ . ܘܢܓܝܪ̈ܐ ܕܢܫܬܚܠܦ ܘܢܬܡܙܓ ܡܫܟܚܝܢ ܐܢܚܢܢ ܿ ܥܝܕܐ ܓܝܪ ܟܝܢܐ ܗܘ ܕܬܪ̈ܝܢ . ܣܗܕ ܠܝ ܓܝܪ ܕܡܢ ܥܝ̈ܕܐ ܐܚܢܢ ܡܦܪ̈ܫܐ ܒܙܒ̈ܢܐ ܡܦܪ̈ܫܐ . ܘܢܓܝܪ̈ܐ ܕܢܫܬܚܠܦ ܘܢܬܡܙܓ ܡܫܟܚܝܢ ܐܢܚܢܢ ܿ ܥܝܕܐ ܓܝܪ ܟܝܢܐ ܗܘ ܕܬܪ̈ܝܢ . ܣܗܕ ܠܝ ܓܝܪ ܐܠܗܐ . ܕܠܐ ܡܬܥܝܩ ܐܢܐ ܥܠ ܗܕܐ . ܕܐܢ ܐܢܝ ܠܐܿ ܫܗܪ . ܐܠܐ ܕܐܢ ܐܢܫ ܟܠܗ ܠܠܝܐ ܢܕܡܟ ܘܒܐܝܡܡܐ ܠܐ ܢܡܠܐ ܗܢܝܢ ܕܠܠܝܐ ܘ݀ܠܐ ܓܝܪ ܘܙܕܩ ܿ ܕܬܟܝܒܐܝܬ ܒܝܘܠܦܢܐ ܢܚܘܪ ܐܝܟܢܐ ܕܗܼܘ ܪܥܝܢܐ ܥܘܗܕܢܗ ܕܐܠܗܐ ܒܠܚܘܕܘܗܝ ܢܗܘܐ ܐܝܬ ܒܗ ܿ ܡܛܠ ܕܐܝܟܐ ܕܥܘܗܕܢܗ ܕܗܘ ܐܝܬ ܒܝܫ ܐܕܢܚܠܘܕ ܠܐ ܡܫܟܚ ܀ ܀ ܀ 218 ܘܟܕ ܗܿܢܝܢ ܗܼܘ ܦܛܪܘ ܣܐܡܼܪ ܿ ܟܘܠܢ ܐܡܝܢܐܝܬ ܘܚܦܝܛܟܐܝܬ ܐܦܝܣܢܝܗܝ ܘܐܼܡܪܢ ܕܣܓܝ ܩܕܡܿ ܩܠܝܠ ܫܢܬܢ ܣܒܥܢ . ܘܐܬܥܝܪܢ ܘܢܟܦܢ ܕܢܥܝܪܟ ܠܟ . ܡܛܠ ܕܐܦ ܠܐ ܝܐܝܐ ܕܬܠܡ̈ܝܕܐ ܢܦܩܕܘܢ ܠܥܒܕ ܛܒܬܗܘ݀ܢ ܟܕ ܗܐ ܡܬܐܠܨܝܢ ܗܘܝܢ ܛܒ . ܕܢܡܪܚ ܣܓܝ ܿ ܓܝܪ ܗܘ ܠܒܝܢ ܘܪܥܝܢܢ ܿ ܡܢ ܚܕܘܬܐ ܕܝܠܗܝܢ ܕܡ̈ܠܐ ܡܫܘܪ ܠܢ . ܘܠܗܿ ܠܫܢܬܐ ܛܪܕ ܘܚܕܚܩ ܿ ܘܡܛܠ ܚܘܒܢ ܕܠܘܬ ܝܘܠܦܢܐ ܕܗܕܐ ܢܩܕܡ ܢܝܩܪ ܿ ܡܦܝܣ ܗܘܐ ܠܢ ܿ ܘܕܢܥܝܪܟ ܐܠܨ ܗܘܐ ܠܢ ܀ ܀ ܀ 219 ܘܗܼܘ ܦܛܪܘܣ ܐܡܼܪ ܕܡܛܠ ܗܟܝܠ 99 ܕܡܢ ܚܘܒܐ ܕܝܠܗܝܢ ܕܡ̈ܠܐ . ܐܘܕܝܬܘܢ ܕܫܗܪܝܢ ܐܢܬܘܢ ܘܥܝܪܝܢ . ܨܒܢܐ ܕܡܟܝܠ ܠܐ ܒܠܚܘܕ ܡܠܬܐ ܕܥܠ ܗܿܢܝܢ ܕܐܬܡܠܝ ܐܬܡܠܠ ܐܬܥܗܕ ܘܚܒܝܒܐܝܬ ܥܡ ܟܠܗ ܛܟܣܐ ܕܙܕܩ ܡܫܡܠܝܐܝܬ ܐܫܠܡ ܠܟܘܢ ܐܠܐ ܐܦ ܡ̈ܠܐ ܕܒܟܠ ܙܒܢ . ܒܐܝܡܡܐ ܗܘܝܢ ܒܒܥܬܐ ܕܢܦܠܐ ܠܢ ܒܟܠ [ܒܟܘܠ] ܠܝ̈ܠܘܢ ܡܐ ܕܝܬܝܪܐܝܬ ܕܢܡܠܠ ܥܡ ܢܦܫܢ ܡܫܟܚܝܢ ܐܢܚܢܢ [ܚܢܢ] ܕܢܬܥܗܕ . ܐܢܝܢ ܒܛܟܣ݀ܗܝܢ ܘܡܕܡ ܕܚܣܝܪ ܒܗܝܢ ܢܡܠܐ . ܘܟܕ ܗܕܐ ܐܡܪ ܫܪܝ ܕܚܘܐ ܠܢ ܥܠ ܗܿܢܝܢ [ܗܠܝܢ] ܕܩܕܡ ܝܘܡܐ ܕܒܐܝܢܐ ܛܟܣܐ ܒܥܬܗܝܢ ܡܬܬܚܝܒܐ ܗܘܬ ܕܬܗܘܐ . ܘܠܐ ܗܼܘܬ ܡܛܠ ܫܘܒܗܪܗ ܣܪܝܩܐ . ܘܪܚܡܬ ܫܒܗܪܢܘܬܗ ܕܗܿܘ ܕܕܠܩܘܒܠܐ [ܕܠܘܩܒܠܐ] ܿ ܐܘ ܠܐ ܝܕܘܥܘܬܗ ܿ ܘܡܛܠ [ܘܡܛܘܠ] ܗܕܐ ܐܘܕܝ ܐܝܟ ܕܒܥܘܡܩܐ ܐܬܚܫܚܬ ܘܗܿܢܝܢ [ܘܗܠܝܢ] ܕܗܿܘ ܕܠܩܘܒܠܐ ܡܠܝܐܝܬ ܫܪܝܬ ܘܒܛܠܬ . ܘܗܿܢܝܢ [ܘܗܠܝܢ] ܕܝܢ ܕܝܠܝ . ܘܐܦ [ܐܦ] ܠܐ ܟܠܗܝܢ [ܟܘܠܗܝܼܢ] ܿ ܐܦ ܠܐ ܓܝܠܐܝܬ ܐܡܼܪܬ ܐܢܝܢ . ܘܗܟܐܢ ܠܢ ܕܝܠܢ ܐܝܟ ܡܐ ܕܙܕܩ ܗܘܐ ܒܛܟܣܐ ܡܫܡܠܝܐ ܗܝ ܡܠܬܐ ܕܥܠܝܗܝܢ ܐܫܠܡ ܠܢ ܀ ܀ ܀ 220 ܘܒܪܡ ܕܝܢ ܡܛܘܠ [ܡܛܠ] ܕܡܟܝܠ ܢܓܗܬ [ܕܢܓܗܬ] ܗܘܬ . ܢܦܠ ܠܒܪ ܿ ܘܐܝܟ ܕܩܕܡ ܝܘܡܐ ܦܢܐ ܘܨܠܝ . ܘܐܬܐ ܘܩܡ ܒܕܘܟܬܐ ܗܿܝ ܕܩܕܡ ܝܘܡܐ ܒܗܿ ܩܐܡ ܗܘܐ . ܘܚܙܐ ܕܟܢܫܐ ܣܓܝ̈ܐܐ ܐܬܟܢܫ ܿ ܘܣܝܡܘܢ [ܘܠܣܝܡܘܢ] ܕܝܢ ܒܡܨܥܬܗ ܕܟܢܫܐ ܐܝܟ ܕܐܬܡܠܝ ܩܐܡ ܗܘܐ ܒܥܝܕܗ . ܫܐܠ ܒܫܠܡܗܘܢ ܘܐܡܼܪ ܕܣܒܪ ܐܢܐ ܕܟܐܢܐ ܗܝ ܕܬܟܪܐ ܠܢ . ܘܢܬܐܒܠ ܥܠ ܐܢܫܝܢ ܗܿܢܘܢ ܕܡܐ ܕܩܪܒܘ ܠܘܬܢ ܘܒܥܘ ܡܢܢ ܕܢܐܠܦܘܢ ܡܐ ܕܐܢܚܢܢ [ܕܚܢܢ] ܕܢܠܦ ܐܢܘܢ ܫܪܝܢ ܐܢܚܢܢ . [ܫܪܝܢܼܢ.] . ܗܢܼܘܢ ܟܣܝܐܝܬ ܢܒܥܝܢ ܠܢ ܡܠܦ̈ܢܐ . ܡܫܐܠܝܢ ܓܝܪ ܐܝܟ ܠܐ ܝܕܘ̈ܥܐ . ܘܐܡܿܪܝܢ ܕܝܢ ܠܩܘܒܠܢ ܐܝܟ ܝܕܘ̈ܥܐ ܿ ܐܠܐ ܟܒܪ ܢܬܚܫܒ ܐܢܫ ܡܢܟܘ݀ܢ ܘܢܐܡܪ ܕܗܿܘ ܕܡܫܐܠ ܡܛܠ ܕܢܐܠܦ ܿ ܡܫܐܠ ܿ ܘܡܐ ܕܝܢ ܕܫܡܥ ܘܐܬܒܝܢ ܿ ܕܠܐ ܬܪܝܨܐܝܬ ܐܝܬܝܗܿ . ܡܦܢܐ ܦܬܓܡܐ ܗܝ ܕܡܣܬܒܪܐ ܠܣܓܝ̈ܐܐ ܕܐܝܟ ܐܡܪ ܕܠܩܘܒܠܐ ܐܝܬܝܗܿ . ܘܒܫܪܪܐ ܕܝܢ ܫܘܐܠܐ ܒܬܪ ܫܘܐܠܐ ܐܝܬܘܗܝ . ܐܠܐ ܐܢܐ ܕܝܢ ܐܡܿܪ ܐܢܐ ܕܗܘ ܝܘܠܦܢܐ ܡܢܗ ܐܝܬܘܗܝ ܩܕܡܝܐ ܘܡܢܗ ܕܝܢ ܕܬܪܝܢ ܘ̈ܬܠܬܐ . ܕ̈ܬܠܬܐ . ܘܕܬ̈ܠܬܐ] ܘܪ̈ܒܘܬܐ ܐܚܪ̈ܢܝܬܐ ܗܢܝܢ [ܗܠܝܢ] ܕܐܢ ܢܬܒܥܝܢ ܡܫܟܚܐ ܕܢܫܬܟܚܢ ܕܠܐ ܒܛܟܣܗܝܢ ܕܝܢ ܐܢ ܢܣܬܥܪܢ ܡܣܬܒܪܢ ܕܐܦ ܠܐ ܡܫܬܟܚܢ ܿ ܕܡܛܠ [ܕܡܛܘܠ] ܗܕܐ ܘ݀ܠܐ ܕܠܘܩܕܡ ܛܟܣܐ ܕܩ̈ܕܡܝܬܐ ܢܛܪ . ܘܥܠ ܡܐ ܕܗܘ ܕܒܥܐ . ܗܝ ܕܙܕܩܐ ܠܘܩܕܡ ܗܝ ܢܒܥܐ ܘܢܫܟܚ ܿ ܗܟܢܐ ܐܝܟ ܕܫܘܪܝܗܿ ܕܐܘܪܚܐ ܢܣܒ ܿ ܘܒܗܝ ܩܕܡܝܬܐ ܕܠܝܠܐܝܬ ܪܕܐ . ܐܦ [ܘܐܦ] ܒܗ݀ܝ ܕܬܪܬܝܢ ܪܗܛ . ܒܗܿ ܘܡܢ ܗ݀ܝ ܕܬܪ̈ܬܝܢ ܬܘܒ ܝܬܝܪܐܝܬ ܗܝ ܕܬܠܬ ܕܠܝܠܐܝܬ 100 ܡܫܟܚ ܘܟܡܐ ܕܪܕܐ ܗܢܐ ܟܠܗ ܝܬܝܪܐܝܬ ܐܝܟ ܪܕܐ ܐܘܪܚܐ ܛܒܐ [ܛܒܬܐ] ܡܬܓܠܝܐ ܠܗ ܘܡܬܦܫܐ ܥܕܡܐ ܕܠܗܿ ܢܐܬܐ ܠܗ݀ܝ ܡܕܝܢܬܐ ܕܫܪܪܐ . ܕܒܥܐ ܗܘܐ ܕܢܐܬܐ ܗܘ ܗܟܝܠ ܕܠܐ ܝܕܘܥܐ ܗܘܬ ܘܣܟܠܐ ܘܐܘܪ̈ܚܬܐ ܕܒܥܬܐ ܠܐ ܝܕܥ ܐܝܟ ܗܕܝܐ ܢܘܟܪܐ ܛܒܥܐ ܘܠܗܿܘ ܕܡܢܗܿ ܗܘ ܕܡܕܝܢܬܐ ܕܢܬܪܡܐ [ܕܢܕܡܐ] ܠܐ ܡܣܝܒܪ ܠܒܪ ܡܢ ܬܪܥܐ ܕܚܝܗܐ . ܡܬܚܒܫ ܘܡܩܘܐ ܠܒܪ ܿ ܘܗܟܢܐ ܒܚܫܘܟܗ ܕܠܠܝܐ . ܕܠܐ ܒܛܟܣܐ ܒܫܒ̈ܝܠܐ ܕܠܐܒܕܢܐ . ܡܘܒܠܝܢ ܪܕܐ ܡܛܠ ܗܟܝܠ ܕܡܐ ܕܒܛܟܣܗܝܢ ܕܝܠܗܝܢ ܡܬܒܥܝܢ ܗܢܝܢ ܨܒܘ̈ܬܐ ܡܫܬܟܚܝܢ ܠܛܟܣܗ݀ ܕܝܢ ܕܒܥܬܐ ܗܘ ܕܣܟܠܐ ܗܘ ܘܠܐ ܝܕܘܥܐ ܗܘ ܿ ܠܐ ܝܕܥ ܠܗ ܥܗܢܐ ܘܙܕܩܐ ܐܘ ܠܝܕܘܥܐ ܢܫܠܡ . ܗܘ ܕܗܕܝܘܛܐ ܗܘ ܿ ܐܘ ܕܠܘܩܕܡ ܢܐܠܦ ܗܘ ܢܡܘܣܗܿ ܕܒܥܬܐ . ܘܗܿܘ ܕܐܝܬܘܗܝ ܛܟܣܗ ܕܝܠܗ . ܘܗܝܕܝܢ ܫܘܐܠܐ ܘܦܢܝ ܦܬܓܡܐ ܕܡ̈ܠܐ ܢܥܒܕ ܀ ܀ ܀ 221 ܘܗܼܘ ܣܝܡܘܢ ܦܢܝ ܠܗ ܠܬܓܡܐ . ܕܠܐ ܗܘܐ [ܗܟܐ] ܗܟܝܠ ܕܟܠ ܐܢܫ [ܕܟܠܢܫ] ܐܝܬܝܗܿ ܫܪܝܪܬܐ ܐܠܐ ܕܗܢܿܘܢ ܒܠܚܘܕ ܐܝܕܥܬܗܿ [ܝܕܥܬܗ] ܕܝܕܫܥܬܗ] ܘܛܟܣܗ݀ ܕܒܥܬܐ ܝܕܥܝܢ ܗܕܐ ܕܕܠܐ ܒܘܠܝܬܐ ܐܝܬܝܗܿ ܕܟܕ ܚܕ ܐܝܬܘܗܝ ܐܠܗܐ ܿ [ܕܟܘܿܠܼ.] ܠܐ ܟܠܗܘܢ [ܟܘܠܗܘܢ] ܢܗܘܘܢ ܫܘܝܢ ܠܘܬ ܗܕܐ ܕܢܫܟܚܘܢ ܕܢܕܥܘܢ ܗܢܝܢ [ܗܠܝܢ] ܕܠܗ ܫܦܪܢ ܀ ܀ ܀ 222 ܘܗܼܘ ܦܛܘܪܣ ܐܡܪ ܕܟܢܘܠܗܘܢ [ܕܟܠܗܘܢ] ܗܘܘ ܡܢܗ ܒܫܘܝܘܬܐ ܿ ܘܫܘܝܢ ܐܢܘܢ ܕܢܬܡܨܘܢ ܕܢܫܟܚܘܢ ܫܪܝܪܬܐ ܡܛܠ ܕܐܦܠܐ ܐܢܫ ܡܢ ܗܢܘܢ ܕܝܕܘ̈ܥܐ ܡܣܬܒܪܝܢ ܒܗ ܒܚܕ ܝܘܡܐ ܗܘܐ [ܗܘܐ ܗܘܘ] ܝܕܘܥܐ ܐܠܐ ܟܕ ܟܠ ܡܕܡ ܠܐ ܝܕܥ ܡܬܝܠܕ ܘܒܬܪܟܢ ܕܝܢ ܬܪܝܢܐܝܬ ܢܣܒ ܠܗ ܠܒܥܬܐ . ܡܛܠ ܕܪ̈ܥܝܢܝܗܘܢ [ܕܪ̈ܥܝܢܗܘܢ] ܕܒ̈ܢܝ ܐܢܫܐ ܡܛܝܒ ܗܘ ܠܟܠܗܝܢ ܝܕܥ̈ܬܐ ܿ ܐܘ ܡܢܘ ܕܠܐ ܝܿܕܥ . ܕܗܢܘ [ܕܗܢܿܘܢ] ܕܝܠܦܘ ܡܢ ܩܕܝܡ ܠܐ ܝܕܥܝܢ ܗܘܘ ܠܗܝܢ ܀ ܀ ܀ 223 ܘܗܼܘ ܣܝܡܘܢܐܡܪ ܕܒܫܪܪܐ ܐܡܪ ܐܢܬ ܀ ܀ ܀ 224 ܘܗܼܘ ܦܛܪܘܣ ܐܡܼܪ ܕܐܢ ܗܟܝܠ ܒܐܘ̈ܡܢܘܬܐ ܕܥܠܡܐ ܠܘܩܕܡ ܝܿܠܦܝܢ ܘܟܢ ܡܠܦܝܢ . ܝܬܝܪܐܝܬ ܙܕܩ ܠܗܢܿܘܢ ܕܡܫܬܘܕܝܢ ܕܠܢܦܫ̈ܬܐ ܡܙܘܕܝܢ [ܡܕܘܕܝܢ .] ܕܠܘܩܕܡ ܢܐܠܦܘܢ ܘܗܝܕܝܢ ܢܠܦܘ݀ܢ ܘܠܐ ܟܕ ܗܢܘܢ ܠܐ ܝܕܘ̈ܥܐ . ܐܢܘܢ ܠܐܚܪ̈ܢܐ ܐܝܕܥܬܐ ܢܫܬܘܕܘܢ ܀ ܀ ܀ 225 ܘܗܼܘ ܣܝܡܘܢ ܐܡܼܪ ܐܠܐ ܒܐܘܡܢ̈ܘܬܐ ܕܥܠܡܐ ܟܠ ܐܢܫ [ܗܕ̈ܡܐ] ܕܝܠܦ ܡܦܣ ܗܘ ܕܝܕܥ . ܗܪܟܐ ܕܝܢ ܗܘ ܕܫܡܥ ܠܐ ܐܡܝܢܐܝܬ ܫܡܥ ܕܝܠܗ . ܀ ܀ ܀ 226 ܘܗܼܘ ܦܛܪܘܣ ܐܡܼܪ . ܕܗܿܘ ܡܢ ܕܒܗ ܒܛܟܣܐ ܐܝܟ ܡܐ ܕܥܗܢ ܘܢܩܦ ܫܡܥ ܝܕܥ ܠܗܿ ܠܫܪܝܪܬܐ . ܐܠܐ ܡܛܠ ܕܠܐ ܨܿܒܐ ܕܢܩܒܠ ܥܠܘܗܝ ܪܒܘܬܗܘܢ ܕܕܘܒܪ̈ܐ . ܗ݀ܝ ܕܗܝ ܢܩܦܐ ܠܗܿ ܠܫܪܝܪܬܐ ܠܐ ܡܘܕܐ ܕܐܬܛܦܝܣ ܐܝܟ ܕܐܦ ܣܓܝ̈ܐܐ ܡܐ ܕܝܠܦܘ [ܕܐܝܠܦܘ] ܐܘܡܢ̈ܘܬܐ 101 ܘܠܗܝܢ ܠܗܢܿܝܢ [ܗܠܝܢ] ܐܪܦܝܘ ܐܢܝܢ ܐܝܟ ܕܠܐ ܚܫܚܢ ܠܗܘܢ ܿ ܘܡܕܡ ܐܚܪܝܢ ܡܫܢܝܢ ܕܢܣܥܪܘܢ ܘܡܛܠ ܡܦܩ ܒܪܘܚܗܘܢ [ܒܪܘܚܐ] ܕܥܠ ܗܕܐ . ܣܟܠܘܬܐ ܕܐܪܦܝܘ ܗܘ ܡܕܡ ܕܐܝܠܦܘ ܟܘܐܪܐ ܘܨܥܪܐ ܥܠܝܗܿ ܕܗ݀ܝ ܐܘܡܢܘܬܐ ܕܐܪܦܝܘ ܡܬܦܪܣܝܢ ܕܢܐܡܪܘ݀ܢ ܀ ܀ ܀ 227 ܘܗܼܘ ܣܝܡܘܢ ܐܡܼܪ ܕܘܠܐ ܗܘܐ ܕܟܠ ܐܢܫ [ܕܟܘܠܢܫ] ܕܫܡܥ ܗܘܐ ܢܗܝܡܢ ܕܫܪܪܐ ܐܝܬܘܗܝ ܗ݀ܘ ܡܐ ܕܫܡܥ ܀ ܀ ܀ 228 ܘܦܛܪܘܣ [ܘܗܘ ܦܛܪܘܣܼ] ܐܡܼܪ ܕܒܫܪܪܐ ܗܢܿܘܢ ܕܒܛܟܣܐ ܫܡܥܝܢ ܗܿܢܝܢ [ܗܠܝܢ] ܕܢܩܦܢ ܠܫܪܪܐ [ܠܚ̈ܕܕܐܼ .] ܡܛܠ ܕܠܐ ܡܫܟܚܝܢ ܕܢܐܡܪܘܢ ܠܘܩܒܠܗܝܢ ܝܕܥܝܢ ܠܗܝܢ ܒܫܪܪܐ ܐܢ ܨܒܝܢ ܕܒܗܝܢ ܢܬܕܒܪܘܢ ܘܐܦ ܕܢܘܕܘܢ ܒܗܝܢ ܡܣܬܪܗܒܝܢ ܘܗܕܐ ܕܝܢ ܕܐܚܪ̈ܢܐ ܕܫܡܥܝܢ ܘܠܐ ܨܒܝܢ ܕܢܬܠܘܢ ܢܦܫܗܘܢ ܕܢܣܥܪܘܿܢ ܛܒ̈ܬܐ ܡܚܘܝܐ ܕܒܫܘܠܛܢܐ ܕܝܠܗܘܢ ܣܝܡܐ . ܕܢܥܒܕܘܢ ܗܢܝܢ [ܗܠܝܢ] ܕܗܿܢܘܢ ܨܒܝܢ . ܘܐܠܘ ܕܝܢ ܟܠܗܘܢ [ܟܘܠܗܘܢ] ܗܿܢܘܢ ܕܫܡܥܝܢ ܗܘܘ ܐܘ ܡܬܪܡܝܢ ܗܘܘ . ܐܘ ܠܐ ܡܬܛܦܝܣܝܢ ܗܘܘ ܿ ܟܝܢܐ ܐܝܬܘܗܝ ܗܘܐ ܕܗܿܘ ܕܡܬܛܦܝܣ ܗܘܐ ܡܛܠ ܕܐܡܝܢܐܝܬ ܚܕܐ ܗܘܬ ܐܘܪܚܐ ܕܟܘܠܗܘ݀ܢ [ܕܟܠܗܘܢܿ] ܐܝܟܢ ܓܝܪ ܕܠܐ ܡܫܟܚܐ ܕܢܦܝܣ ܠܐܢܫ ܕܢܗܘܐ ܙܥܘܪܐ . ܐܘ ܐܪܝܟܐ ܡܛܠ ܕܠܐ ܫܒܩ ܗܘ ܟܝܢܐ ܗܟܢܐ ܐܦ ܒܫܪܪܐ ܐܘ ܠܗܿ ܠܡܠܬܐ ܟܠ ܐܢܫ ܡܫܬܚܠܦ ܗܘܐ . ܐܘ ܠܐ ܡܫܬܚܠܦ ܗܘܐ ܟܝܢܐ ܐܝܬܘܗܝ ܗܘܐ ܗ݀ܘ ܕܠܒܝܟ ܗܘܐ ܕܟܘܠܗܘܢ ܐܡܝܢܐܝܬ ܒܡܠܬܐ ܢܫܬܚܠܦܘܢ ܿ ܐܘ ܐܦܠܐ [ܐܦ ܠܐ] ܐܢܫ ܡܡܬܘܡ ܢܫܬܚܠܦ ܀ ܀ ܀ 229 ܘܗܼܘ ܣܝܡܘܢ ܦܢܝ ܠܗ ܦܬܓܡܐ ܕܐܠܦܝܢܝ [ܕܐܠܦܝܢ] ܗܟܝܠ ܠܢ . ܕܡܢ ܠܘܩܕܡ ܙܕܩ ܕܢܐܠܦ ܗܘ ܕܫܪܪܐ ܡܚܒ ܀ ܀ ܀ 230 ܘܗܘ ܦܛܪܘܣ ܐܡܼܪ ܕܩܕܡ ܟܠܡܕܡ [ܟܘܠ ܡܕܡ] ܙܕܩ ܕܢܒܥܐ ܕܡܢܐ ܡܫܟܚܐ ܕܟܕ ܒܥܐ ܒܪ ܐܢܫܐ [ܒܪܢܫܐ] ܢܬܡܨܐ ܕܢܫܟܚ ܐܠܨܐ ܗܝ ܓܝܪ ܛܒ ܡܛܠ ܕܐܗܠܐ ܥܬܝܕ ܗܘ ܕܢܕܘܢ ܥܠ ܣܘܥܪ̈ܢܐ ܠܟܘܠ [ܠܟܠ] ܐܢܫ . ܕܗܟܢܐ ܗܘ ܒܪ ܐܢܫܐ [ܒܪܢܫܐ] ܕܢܨܒܐ ܕܢܥܒܕ ܕܠܝܠܐܝܬ ܕܐܦ ܕܢܕܥ ܕܡܢܐ ܐܝܬܝܗܿ ܛܒܬܐ ܐܘ ܒܝܫܬܐ ܡܛܠ [ܡܛܘܠ] ܗܕܐ ܐܡܿܪܢܐ [ܐܡܿܪ ܐܢܐܼ .] ܕܠܐ ܡܕܡ ܐܢܫ ܡܬܡܨܐ ܕܢܫܟܚ ܕܐܝܟܢܐ ܐܝܬܘܗܝ ܐܠܐ ܐܢ ܠܘܩܕܡ ܥܠ ܗܿܢܝܢ [ܗܠܝܢ] ܕܥܠܝܗܝܢ ܡܬܕܝܢ [ܡܬܬܕܝܢ] ܢܬܚܦܛ ܒܗܝܢ ܘܗܿܢܝܢ [ܘܗܠܝܢ] [ܕܝܢ] ܕܝܬܪܢ [ܕܝܬܝܪܢ] ܡܢ ܗܿܢܝܢ [ܗܠܝܼܢ .] ܗܘ ܢܒܝܐ [ܕܢܒܝܐ ܗܘ] ܒܠܚܘܕܘܗܝ ܿܕܥ . ܒܘܠܘܝܬܐ ܗܝ ܗܕܐ . ܡܢܐ ܓܝܪ ܣܢܝܩܝܢ ܘܡܬܒܥܐ ܠܗܘܢ ܠܒܢ̈ܝ ܐܢܫܐ ܕܢܐܠܦܘܢ ܕܐܝܟܢܐ ܗܘܐ ܥܠܡܐ ܿ ܠܗܢܘܢ ܕܝܢ ܕܨܒܝܢ ܕܒܕܚܠܬܗ ܕܗܿܘ ܕܥܒܕ ܐܢܘܢ ܢܗܘܘܢ ܢܩܦܐ ܗܝ ܕܢܐܠܦܘܢ ܗܕܐ ܘܠܐ ܗܘ ܕܝܢ ܐܝܟ ܕܣܒܪܢܐ ܕܒ̈ܢܝ ܐܘܡܢܘܬܗ ܕܐܠܗܐ ܡܫܟܚܝܢ ܐܢܫܝܢ ܕܢܗܘܘܢ ܐܝܟ ܕܥܠ ܗܕܐ ܕܐܝܟܢܐ ܥܒܕ 102 ܢܬܬܘܗܘܢ ܘܢܬܒܛܠܘܢ ܘܐܦܠܐ ܗܘܐ ܓܝܪ ܥܠܝܗܿ ܕܗܕܐ ܡܬܕܝܢܝܢ ܕܥܠ ܡܢܐ ܠܐ ܝܠܦܘ ܕܐܝܟܢܐ ܗܘܐ ܥܠܡܐ . ܐܠܐ ܥܠ ܐܝܕܥܬܗ ܕܗܿܘ ܕܥܒܕܗ ܘܕܠܗ ܢܕܥܝܘܗܝ ܕܟܐܢܐ ܐܝܬܘܗܝ ܘܒܐܘܪܚܐ ܕܟܐܢܘܬܐ ܕܡܫܟܚܐ ܕܢܐܠܦܝܘܗܝ ܕܡܛܠ ܗܕܐ ܐܦܢ ܐܢܫ ܢܕܥ ܕܗܘܼܝܘ ܐܝܬܘܗܝ ܒܠܚܘܕܘܗܝ ܛܒܐ ܠܐ ܣܦܩܐ ܠܗ ܗܕܐ ܝܕܥܬܐ ܠܦܘܪܩܢܗ ܘܠܚܝ̈ܘܗܝ ܟܕ ܓܝܪ ܟܘܠܗܘܢ ܗܫܐ ܡܢ ܡܘܗܒܬܗ ܡܬܒܣܡܝܢ ܗ݀ܢܘܢ ܕܗܫܐ ܒܠܚܘܕ ܕܛܒܐ ܐܝܬܘܗܝ ܝܕܥܘ ܘܕܗܕܐ ܝܕܥܬܐ ܒܠܚܘܕ ܣܦܩܬ ܠܗܘܢ ܡܝܬܝܢ ܟܕ ܡܕܡ ܝܬܝܪ ܡܢ ܗܢܘܢ ܕܠܐ ܝܕܥܘܗܝ ܠܐ ܣܥܪܘ ܗܢܘܢ ܕܝܢ ܕܐܦ ܟܐܢܘܬܗ ܝܕܥܘ ܿ ܘܗܢܿܝܢ ܕܢܩܦܢ ܠܗܕܐ ܝܕܥܬܗܘܢ ܣܥܪܘ ܐܦ ܡܢ ܗܢܿܝܢ ܛܒ̈ܬܐ ܕܥܬܝܕܢ ܠܥܠܡ ܡܬܒܣܡܝܢ ܕܡܛܠ ܗܕܐ ܒܘܠܝܬܐ ܠܗܢܘܢ ܥܒܪ̈ܝܐ ܕܐܝܕܥܝܢ ܗܘܘ ܠܗ ܐܡܿܪ ܗܘܐ ܠܗܘ݀ܢ ܕܒܥܘ ܠܡ ܠܘܩܕܡ ܗܼܝ ܟܐܢܘܬܗ ܐܝܟ ܕܝܕܥܝܢ ܗܘܘ ܠܗ ܿ ܕܛܒܐ ܐܝܬܘܗܝ ܘܟܐܢܘܬܗ ܕܝܢ ܠܐ ܝܕܥܝܢ . ܗܘܘ ܕܡܛܠ ܗܕܐ ܠܐ ܡܣܟܠܝܢ ܗܘܘ . ܐܝܟ ܕܠܘܬ ܐܠܗܐ ܛܒܐ ܒܠܚܘܕ ܐܝܬ ܠܗܘܢ ܘܠܐ ܝܕܥܝܢ ܗܘܘ ܕܐܦ ܟܐܢܐ ܐܝܬܘܗܝ ܿ ܘܛܒܐ ܕܝܢ ܐܬܘܗܝ ܒܗܢܐ ܥܠܡܐ . ܕܗܫܐ ܿ ܐܝܟܢܐ ܕܟܠ ܐܢܫ ܢܫܟܚ ܕܢܚܐ . ܟܐܢܐ ܕܝܢ ܐܝܬܘܗܝ ܒܕܝܢܿܐ ܕܥܬܝܕ ܐܝܟܢܐ ܕܦܘܪܩܢܐ ܘܚ̈ܝܐ ܕܠܥܠܡ ܕܗܢܿܘܢ ܕܫܘܝܢ ܒܠܚܘܕ ܢܗܘܐ . ܀ ܀ ܀ 231 ܘܗܘ ܣܝܡܘܢ ܐܡܼܪ ܕܐܝܟܢܐ ܡܫܟܚ ܕܗܼܘ ܟܕ ܗܼܘ ܛܒܐ ܐܦ ܟܐܢܐ ܢܗܘܐ ܀ ܀ ܀ 232 ܘܗܼܘ ܦܛܪܘܣ ܐܡܼܪ ܕܒܠܥܕ ܟܐܢܘܬܐ ܗܘ ܛܒܐ ܡܬܐܠܨ ܕܥܘܠܐ ܢܗܘܐ ܿ ܗܕܐ ܓܝܪ ܕܛܒܐ ܗܝ ܕܫܡܫܐ ܘܡܛܪܐ ܠܟܠܗܘܢ ܢܬܠܼ ܫܘܝܐܝܬ ܿ ܐܦ ܠܟܐܢ̈ܐ ܐܦ ܠܥܘ̈ܠܐ . ܒܗܕܐ ܗܟܝܠ ܕܝܗܒ ܛܒܐ ܐܝܬܘܗܝ ܒܗܝ ܕܝܢ ܕܫܘܝܐܝܬ ܠܒܝ̈ܫܐ ܐܦ ܠܛܒ̈ܐ ܥܘܠܐ ܐܝܬܘܗܝ ܠܒܪ ܡܢ ܕܐܠܘ ܠܐ ܕܗܫܐ ܝܗܿܒ ܫܡܫܐ ܘܡܛܪܐ ܡܛܠ ܙܪܥܐ ܕܚܛܬܐ ܠܒܘܣܡܐ ܿ ܘܥܡܗ ܕܝܢ ܪ̈ܒܝܢ ܐܦ ܟܘ̈ܒܐ ܥܕܡܐ ܠܚܨܕܐ ܐܡܬܝ ܕܥܠ ܛܝܒܘܬܐ ܐܦ ܟܐܢܘܬܐ ܡܕܪܟܐ ܘܟܘ̈ܒܐ ܠܒܪ ܢܦܩܝܢ ܘܚ̈ܛܐ ܠܓܘ ܡܬܚܡܠܢ ܿ ܗܟܢܐ ܐܦ ܗܫܐ ܕܟ̈ܐܢܐ ܘܥܘ̈ܠܐ ܡܬܒܣܡܝܢ ܫܘܝܐܝܬ ܡܢܗܝܢ ܕܝܠܗܝܢ ܕܡܘܗ̈ܒܬܗ ܛܒ̈ܐ ܐܝܬܘܗܝ ܡܛܠ ܝܗܘܒܘܬܗ ܘܒܝܘܡܐ ܕܝܢ ܕܕܝܢܐ ܕܒܗ ܟ̈ܐܢܐ ܠܡܠܟܘܬܗ ܥܠܝܢ ܘܥܘ̈ܠܐ ܠܒܪ ܢܦܩܝܢ ܗܼܝ ܟܐܢܘܬܗ ܡܬܚܙܐ ܘܐܠܐ ܐܠܘ ܒܫܘܝܘܬܐ ܠܥܠܡ ܡܩܘܝܢ ܗܘܘ ܿ ܒܝܫ̈ܐ ܥܡ ܛܒ̈ܐ ܡܬܐܠܨܐ ܗܘܬ ܗܼܝ ܗܕܐ ܕܬܣܬܒܪ ܕܠܐ ܗܘܐ ܒܠܚܘܕ . ܠܐ ܗܘܐ ܛܝܒܘܬܐ ܗܝ ܐܠܐ ܐܦ ܥܘܠܘܬܐ ܐܘ ܕܠܐ ܦܘܪܫܢܐ ܘܕܠܐ ܕܝܢܐ ܕܗܢܿܘܢ ܛܒ̈ܐ ܡܢܬܐ ܕܫܘܝܐ ܥܡ ܗܢܿܘܢ ܒܝ̈ܫܐ ܠܘܬܗ ܐܝܬ ܠܗܘܢ ܀ ܀ ܀ 233 ܘܗܼܘ ܣܝܡܘܢ ܐܡܼܪ ܕܒܚܕܐ ܨܿܒܢܐ ܒܠܚܘܕ ܕܐܫܬܡܠܐ ܕܐܢ ܢܦܫܐ ܠܐ ܡܝܬܐ ܿ ܠܐ ܓܝܪ ܡܫܟܚ 103 ܐܢܐ ܕܝܘܩܪܗܿ ܕܟܐܢܘܬܐ ܐܩܒܠ ܥܠܝ ܿ ܐܠܐ ܐܢ ܠܘܩܕܡ ܥܠ ܗܕܐ ܐܫܬܡܠܝܬ ܿ ܐܢ ܓܝܪ ܠܐ ܐܝܬܝܗܾܿ ܠܐ ܡܝܘܬܬܐ ܘܐܦ ܠܐ ܡܕܡ ܕܡܢ ܗܠܝܢ ܫܘܪ̈ܝܐ ܕܕܚܠܬ ܐܠܗܐ ܡܫܟܚ ܕܢܩܘܡ ܀ ܀ ܀ 234 ܘܗܼܘ ܦܛܪܘܣ ܐܡܼܪ ܕܠܘܩܕܡ ܢܒܥܐ ܕܐܢ ܟܐܢܐ ܗܘ ܐܠܗܐ ܘܐܢ ܐܫܬܟܚ ܐܬܩܝܡ ܠܗܝܢ ܟܘܠܗܝܢ [ܟܠܗܝܢ] ܗܢܿܝܢ [ܗܠܝܢ] ܕܕܚܠܬܗ ܘܕܝܘܠܦܢܗ ܀ ܀ ܀ 235 ܘܗܼܘ ܣܝܡܘܢ ܐܡܼܪ ܕܣܒܪܢܐ [ܕܣܒܪ ܐܢܐ] ܥܠܝܟ ܕܛܟܣܐ ܕܡ̈ܠܐ ܡܫܬܒܗܪ ܐܢܬ ܕܝܕܥ ܿ ܘܗܫܐ ܕܠܐ ܒܛܟܣܐ ܦܢܝܬ ܦܬܓܡܐ ܟܕ ܐܢܐ ܓܝܪ ܒܥܝܬ ܕܐܠܦ ܕܐܝܟܐ ܠܐ ܡܝܘܬܬܐ ܗܝ ܢܦܫܐ ܡܛܠ ܕܗܢܝܢ [ܕܗܠܝܢ] ܕܫܘܕܝܟ [ܕܫܘܘܕܝܟ] ܐܩܒܠ ܐܢܬ ܐܡܼܪܬ ܕܠܘܩܕܡ ܢܒܥܐ ܕܐܢ ܐܟܐܢܐ ܗܘ ܀ ܀ ܀ 236 ܘܗܼܘ ܦܛܪܘܣ ܐܡܼܪ ܿ ܕܣܓܝ ܘܕܠܐ ܦܘܚܡ ܗܕܐ ܥܗܢܐ ܀ ܀ ܀ 237 ܘܗܼܘ ܣܝܡܘܢ ܐܡܼܪ ܕܨ݀ܒܐ ܐܢܐ ܕܐܠܦ ܀ ܀ ܀ 238 ܘܗܼܘ ܦܛܪܘܣ ܐܡܼܪ ܕܫܡܥ ܡܕܝܢ ܕܡܢܗܘܢ ܕܒܢ̈ܝ ܐܢܫܐ ܓܕܦܘ ܥܠܘܗܝ ܘܣܥܪܘ ܥܘܠܐ . ܘܐܬܒܣܡܘ ܘܒܡܘܬ ܢܦܫܗܘܢ ܥܠ ܥܪܣܗܘܢ ܡܝܬܘ . ܘܡܢ ܗܢܿܘܢ ܕܝܠܗܘܢ ܡܝܩܪܐܝܬ ܫܘܘ ܕܢܬܩܒܪܘܢ ܘܐܚܪ̈ܢܐ ܕܝܢ ܒ̈ܢܝ ܐܢܫܐ ܫܒܚܘܗܝ ܘܟܐܢܘܬܐ ܣܥܪܘ ܘܒܡܣܟܢܘܬܐ ܟܦܢܐ ܣܝܒܪܘ ܘܡܛܠ [ܘܡܛܘܠ] ܟܐܢܘܬܐ ܡܫܘ̈ܚܕܐ ܡܝܬܘ ܘܐܦܠܐ [ܐܦ ܠܐ] ܕܢܬܒܩܪܘܢ ܫܘܘ ܿ ܐܝܟܢܐ [ܐܝܟܐ] ܗܟܝܠ ܐܝܬܝܗܿ ܟܐܢܘܬܗ ܕܐܠܗܐ ܐܢܗܘ [ܐܢ ܗܘ] ܕܢܦܫܐ ܠܐ ܡܝܘܬܬܐ ܠܐ ܐܝܬܝܗܿ ܿ ܐܝܟܢܐ ܕܠܐܢܫ ܐܢܝ ܗܘ ܡܕܡ ܕܚܣܝܪ ܠܗ ܿ ܢܬܡܠܐ ܠܗܿ ܐܡܪܢܐ [ܐܡܿܪ ܐܢܐ] ܕܝܢ ܕܠܗܿܘ ܕܪܫܝܥܐܝܬ ܐܬܒܣܡ ܒܣܡ ܒܪܫܐ ܕܗܪܬܡܢ ܘܠܗܿܘ ܕܝܢ ܕܡܛܠ [ܕܡܛܘܠ] ܟܐܢܘܬܗ ܟܠܗܝܢ [ܟܘܠܗܝܢ] ܗܢܝܢ [ܗܠܝܢ] ܕܐܘܠܨܢܐ ܣܝܒܪ ܒܘܣܡܐ ܗܘ ܕܬܡܢ ܕܛܒ̈ܬܐ ܕܠܥܠܡ . ܀ ܀ ܀ 239 ܘܗܼܘ ܣܝܡܘܢ ܐܡܪ . ܕܗܝ ܓܝܪ ܗܕܐ ܢܓܕܐ ܠܢ ܕܠܐ ܢܗܝܡܢ ܕܣܓܝ̈ܐܐ [ܣܓܝ̈ܐܐ] ܛܒ̈ܐ ܐܬܐܠܨܘ ܘܒܝܫܐܝܬ ܡܢ ܥܠܡܐ ܢܦܩܘ ܘܣܓܝ̈ܐܐ ܒܝ̈ܫܐ ܕܐܬܒܣܡܘ ܪܫܝܥܐܝܬ ܘܒܣܝܒܘܬܐ ܢܓܝܪܬܐ ܥܡ ܢܝܚܐ ܡܝܬܘ ܀ ܀ ܀ 240 ܘܗܼܘ ܦܛܪܘܣ ܐܡܪ ܕܗܼܝ ܗܕܐ ܕܠܟ ܢܓܕܐ ܠܟ ܕܠܐ ܬܗܝܡܢ . ܗܼܝ ܡܦܝܣܐ ܠܢ [ܠܟ] ܕܕܝܢܐ ܗܘ ܗܘܐ ܐܡܬܝ ܕܗܘ ܡܐ ܓܝܪ ܕܗܘ ܐܠܗܢ ܐܬܝܕܥ ܕܟܐܢܐ ܗܘ ܐܠܨܐ ܗܝ ܕܐܚܪܢܐ ܥܠܡܐ ܐܝܬܝ [ܐܝܬ .] ܕܒܗ ܟܠ ܐܢܫ ܣܘܥܪܢܐ ܕܚܐܪܘܬܗ ܘܕܫܘܠܛܢܗ ܡܩܒܠ ܿ ܘܟܐܗܢܘܬܗ ܕܐܠܗܐ ܡܬܚܙܝܐ . ܘܐܠܘ ܕܝܢ ܗܫܐ ܐܝܟ ܡܐ ܕܣܥܪ ܗܘܐ ܐܢܫ ܐܢܫ ܡܩܒܠ ܗܘܐ ܕܓ̈ܠܐ ܐܝܬܝܢ ܗܘܝܢ ܕܐܡܪܝܢ ܐܢܚܢܢ [ܚܢܢ] ܕܗܘܐܐܡܬܝ ܕܗܘ ܕܝܢܐ . ܐܠܘ ܟܘܠ [ܟܠ] ܐܢܫ ܗܫܐ ܐܝܟ [ܐܝܟܢܐ] ܕܫܘܐ ܡܩܒܠ ܗܘܐ ܿ ܗܼܝ [ܗܝ] ܗܟܝܠ ܗܕܐ ܕܗܫܐ ܠܐ ܐܡܝܢܐܝܬ ܐܢܫ ܐܢܫ [ܐܝܟ] ܣܘܥܪ̈ܢܘܗܝ ܡܫܟܚ ܠܟܠܢ ܡܦܝܣܐ 104 [ܢܦܝܣ] ܗܢܘܢ ܕܝܕܥܝܢ ܐܢܚܢܢ [ܚܢܢ] ܕܐܠܗܐ [ܕܠܐܠܗܐ] ܟܐܢܐ ܗܘ ܕܗܿܘܐ ܗܘ ܕܝܢܿܐ ܀ ܀ ܀ 241 ܘܗܼܘ ܣܝܡܘܢ ܐܡܼܪ ܕܡܛܠ ܡܢܐ ܗܟܝܠ ܐܢܐ ܠܐ ܡܦܣ ܐܢܐ ݀ ܀ ܀ ܀ 242 ܘܗܼܘ ܦܛܪܘܣ ܐܡܼܪ ܕܡܛܠ ܕܠܐ ܫܡܥܬ ܡܢ ܗܘ ܢܒܝܐ ܕܫܪܪܐ ܕܐܡܿܪ ܕܒܥܘ ܠܘܩܕܡ ܗܝ ܟܐܢܘܬܗ ܘܿܗܿܢܝܢ [ܘܗܠܝܢ] ܟܠܗܝܢ ܢܬܬܘܣܦܢ ܠܟܘܢ ܀ ܀ ܀ 243 ܘܗܘܼ ܣܝܡܘܢ ܐܡܼܪ ܕܫܒܘܩ ܠܝ ܕܠܐ ܨܒܢܐ ܕܠܘܩܕܡ ܐܒܥܐ ܥܠ ܟܐܢܘܬܗ ܩܕܡ ܕܐܕܥ ܕܐܢ ܢܦܫܐ ܠܐ ܡܝܘܬܬܐ ܗܝ ܀ ܀ ܀ 244 ܘܗܼܘ ܦܛܪܘܣ ܐܡܼܪ ܕܗܕܐ ܒܠܚܘܕ . ܫܒܘܩ ܠܝ ܕܠܐ ܐܥܒܕ ܠܒܪ ܡܢ ܡܐ ܕܗܘ ܢܒܝܐ ܕܫܪܪܐ ܟܕ ܩܪܝܒ ܡܠܟ ܠܢ ܕܢܥܒܕ ܀ ܀ ܀ 245 ܘܗܼܘ ܣܝܡܘܢ ܐܡܼܪ ܓܠܝܐܝܬ [ܕܓܠܐܝܬ] ܡܬܚܙܐ ܐܢܬ ܕܠܐ ܡܫܟܚ ܐܢܬ ܕܬܚܘܐ ܥܠ ܢܦܫܐ ܕܠܐ ܡܝܘܬܬܐ ܗܝ . ܕܡܛܠ ܗܕܐ . ܡܒܝܥ ܐܢܬ ܕܝܕܥ ܐܢܬ ܕܐܢ ܬܬܚܙܐ [ܬܬܚܘܐ] ܕܡܝܘܬܬܐ ܗܝ . ܡܫܬܪܝܢ ܠܗܘܢ ܘܒܛܠܝܢ ܟܠܗܘܢ ܗܢܿܘܢ ܫܘ̈ܕܝܐ [ܫܘ̈ܘܕܝܐ] ܕܕܚܠܬ ܐܠܗܐ ܿ ܕܡܢ ܗܕܐ ܡܩܒܠ ܥܠܝ ܗܘ ܪܥܝܢܟ . ܐܠܐ ܠܐ ܡܫܒܚ ܐܢܐ ܠܗ ܠܩܘܕܡܟ ܠܣܓܝ̈ܐܬܐ ܓܝܪ ܢܦ̈ܫܬܐ ܪ̈ܫܝܥܬܐ ܕܒ̈ܢܝ ܐܢܫܐ ܡܦܝܣ ܐܢܬ ܕܢܙܟܝܢ ܠܢܝܚܐ ܘܠܪܓܬܐ ܒܣܒܪܐ ܘܒܣܘܟܝܐ ܕܗܢܿܝܢ [ܕܗܠܝܢ] ܡܝܬܪ̈ܬܐ ܕܥܬܝܕ݀ܢ ܗܢܿܘܢ ܕܡܣܬܩܒܠܐ ܠܗܘܢ ܕܐܦܠܐ [ܕܐܦ ܠܐ] ܒܗܢܿܝܢ [ܒܗܠܝܢ] ܕܬܢܢ [ܕܗܪܟܐ] ܢܬܒܣܡܘܢ ܘܐܦ ܠܐ ܗܢܿܝܢ [ܗܠܝܢ] ܕܬܡܢ ܢܫܟܚܘܢ ܕܡܛܠ [ܡܛܠ] ܕܒܪܫܥܬܗ [ܕܒܪ ܫܥܬܗ] ܕܡܝܬܝܢ ܐܦ ܢܦܫܗܘܢ ܡܝܬܐ ܠܗܿ ܀ ܀ ܀ 246 ܘܗܼܘ ܦܛܪܣܘ ܟܕ ܗܢܿܝܢ [ܗܠܝܢ] ܫܡܥ . ܢܝܚܐܝܬ ܫܢ̈ܘܗܝ ܚܪܩ ܘܐܦ̈ܘܗܝ ܡܫܐ ܘܐܬܬܢܚ ܘܐܡܼܪ ܿ ܕܚܪܥܐ ܒܝܫܐ ܐܝܬܝܟ . ܘܡܪܬܗ ܕܚܘܝܐ ܡܛܥܝܢܐ ܐܝܬ ܒܟ . ܐܦ ܓܝܪ ܒܫܘܪܝܐ ܕܬܐܠܦ ܐܝܟ ܚܟܝܡܐ ܐܫܬܘܕܝܬ ܿ ܘܐܝܟ ܚܘܝܐ ܕܣܓܝ̈ܐܐ ܐܠܗ̈ܐ ܢܣܬܒܪܘܢ ܚܦܛܬ . ܘܟܕ ܥܠܝܗ ܿܕܗܕܐ ܐܬܟܣܣܬ ܕܡܠܝܐܝܬ ܠܝܬ ܐܠܗܐ ܣܡܼܬ ܘܐܡܼܪܬ . ܘܕܘܠܐ ܘܬܙܕܩ ܕܐܘ [ܐܘ] ܕܢܗܘܐ [ܢܗܘܐ] ܐܝܬ ܕܪܒ ܡܢ ܗܢܐ ܐܠܗܐ . ܕܫܪܪܐ ܕܠܥܠܡܐ [ܕܥܠܡܐ] ܒܪܐ ܘܥܼܒܕ ܕܐܝܟ [ܐܝܟ] ܗܢܐ [ܕܗܢܐ] ܒܝܫܐ ܐܝܬܘܗܝ ܐܘ ܕܣܓܝ̈ܐܐ ܐܝܬ ܕܐܟܘܬܗ ܿ ܐܘ ܕܐܦܠܐ [ܕܐܦ ܠܐ] ܠܓܡܪ ܐܝܬ ܐܠܗܐ . ܘܟܢ ܟܕ ܐܦ ܠܐ ܗܢܝܢ [ܗܠܝܢ] ܠܐ ܐܫܟܚܬ ܕܬܚܘܐ ܐܡܼܪܬ ܕܢܦܫܐ ܡܝܘܬܬܐ ܗܝ . ܐܝܟܢܐ ܕܐܦܠܐ [ܕܐܦ ܠܐ] ܐܢܫ ܡܛܠ ܣܒܪܐ ܕܡܝܬܪܘܬܐ ܒܟܐܢܘܬܐ ܢܚܐ . ܠܐ ܓܝܪ ܡܫܟܚܐ ܕܐܢܫ ܢܬܓܐܐ ܘܢܬܒܣܡ . ܐܠܐ ܐܢ ܐܥܘܠ ܒܐܚܪ̈ܢܐ . ܐܘ ܐܠܐ ܢܪܚܩ ܐܝܟܢܐ ܕܒܙܒܢ ܐܚܪܝܢ ܠܗܢܘܢ ܕܘܠܐ ܕܡܠܬܐ ܕܥܠ ܗܢܝܢ [ܗܠܝܢ] ܡܦܢܐ ܐܢܐ ܘܗܢܐ ܟܘܠܗ [ܟܠܗ] ܪܘܫܚܐ ܐܠܨ ܐܢܬ ܕܬܥܘܠ [ܕܬܥܠ] ܠܥܠܡܐ ܗܢܐ ܕܘܝܐ . ܘܐܡܪ ܐܢܬ ܥܠ ܢܦܫܟ ܕܡܝܬܪܐ 105 ܐܢܬ . ܘܥܠܝ ܕܝܢ ܐܡܪ ܐܬ ܕܪܫܝܥܐ ܐܢܐ . ܥܠ ܕܠܐ ܫܒܩ ܐܢܐ ܠܗܘܢ ܠܒ̈ܢܝ ܐܢܫܐ ܡܛܠ [ܡܛܘܠ] ܒܪܐ ܕܡܝܬܪܘܬܐ ܕܙܝܙܢܐ ܢܣܒܘܢ ܘܥܡ ܚܕ̈ܕܐ ܢܩܪܒܘܢ ܘܢܚܛܦܘܢ [ܘܢܚܦܛܘܢ] ܘܢܚܒܠܘܢ ܡܛܠ [ܡܛܘܠ] ܢܝܚܗܘܢ ܘܪܓܬܗܘܢ ܐܝܟ ܕܗܢܘ ܝܘܬܪܢܐ ܕܟܘܠ [ܕܟܠ] ܐܢܫ ܕܐܝܟܢܐ ܕܗܘ ܢܬܒܣܡ ܘܢܬܓܐܐ ܕܠܝܬ ܣܒܪܐ ܐܚܪܢܐ ܿ ܘܝܢܐ ܕܝܢ ܢܝܚܐ ܐܝܬ ܠܗܘ݀ܢ ܕܡܬܟܬܫܝܢ ܘܡܩܪܒܝܢ ܥܡ ܚܕ̈ܕܐ ܿ ܐܠܨܐ ܗܼܝ ܓܝܪ ܠܗܿܢܘܢ ܕܒܝܫ̈ܬܐ ܠܚܒܪ̈ܝܗܘܢ ܥܒܕܝܢ ܿ ܕܐܦ ܗܢܿܘܢ ܕܐܟܘܬܗܝܢ ܘܕܕܡܝܢ ܠܗܝܢ ܡܢܗܘܢ ܢܚܫܘ݀ܢ ܐܘ ܡܢ ܠܓܘ ܐܘ ܡܢ ܠܒܪ ܝܕܥ ܐܢܐ ܕܝܢ ܕܪܫܝܐ ܐܢܬ ܘܗܕܝܐ [ܐܢܬ] ܕܩܪܒܐ ܘܠܐܗܘܐ ܕܫܝܢܐ ܘܕܥܘܠܐ ܘܕܪܫܥܐ [ܘܕܪܘܫܥܐ.] ܘܠܐ ܗܘܐ ܕܟܐܢܘܬܐ ܘܕܢܡܘܣܐ . ܥܘܠܘܬܐ ܓܝܪ ܗܝ ܗܼܝ ܐܡܐ [ܐܡܗܿ] ܕܒܙܬܐ ܘܕܚܛܗ̈ܐ ܿ ܢܡܘܣܐ [ܘܢܡܘܣܐ] ܕܝܢ ܐܒܘܗܝ ܗܘ ܕܫܝܢܐ . ܐܦ ܗܫܐ ܓܝܪ ܠܐ ܗܘܐ ܐܝܟ ܕܠܐ ܡܫܟܚ ܐܢܐ ܕܐܚܘܐ . ܕܢܦܫܐ ܠܐ ܝܘܬܬܐܗܝ ܿ ܐܬܕܢܝܬ ܠܪܘܓܙܐ ܘܡܒܝܥ ܐܢܐ ܕܐܚܘܐ ܗܘ ܡܕܡ ܕܒܥܝܬ ܿ ܐܡܿܪ ܐܢܐ ܠܗܿ ܓܝܪ ܘܐܦ ܠܗܕܐ ܿ ܘܠܐ ܗܘܐ ܐܝܟ ܕܡܢܟ ܐܬܐܠܨܬ ܿ ܝܕܥ ܐܢܐ ܓܝܪ ܐܦ ܐܝܟܢܐ ܐܡܪ ܐܢܐ ܠ ܿ ܘܠܟ ܒܠܚܘܕ ܠܐ ܡܦܝܣ ܐܢܐ . ܐܠܐ ܡܥܗܕ ܐܢܐ ܠܟ ܘܠܗܠܝܢ ܕܝܢ ܕܠܐ ܝܕܥܝܢ ܡܫܡܠܐ ܐܢܐ ܐܡܬܝ ܕܘܠܐ ܀ ܀ ܀ 247 ܘܗܼܘ ܣܝܡܘܢ ܐܡܼܪ ܕܐܢ ܗܘ ܕܝܢ ܕܪܓܙ ܐܢܬ ܐܦܠܐ [ܐܦ ܠܐ] ܡܫܐܠܦ ܐܢܐ ܿ ܐܦܠܐ [ܐܦ ܠܐ] ܕܐܫܡܥ ܨܿܒܐ ܐܢܬ ܀ ܀ ܀ 248 ܘܗܼܘ ܦܛܪܘܣ ܐܡܼܪ ܕܐܢܬ ܐܢ ܥܠܬܐ ܒܥܐ ܐܢܬ [ܒܥܝܬ] ܠܟ ܕܨܒܐ [ܨܒܐ] ܐܢܬ ܕܬܥܪܘܩ ܫܠܝܛ ܐܢܬ ܐܦ ܕܠܐ ܥܠܬܐ ܕܬܥܩܘܪܩ ܿ ܟܠܗܘܢ ܓܝܪ ܐܢܫܐ ܫܡܥܘ ܐܢܝܢ ܠܡܠܝ̈ܟ ܗܢܝܢ [ܗܠܝܢ] ܕܡܕܡ ܠܐ ܡܘܕܥܢ ܿ ܠܐ ܓܝܪ ܡܕܡ ܐܡܼܪܬ ܘܚܘܝܬ . ܐܠܐ ܒܠܚܘܕ ܣܡܬ ܡܣܡ ܿ ܘܟܕ ܫܡܥܬ ܐܡܪܬ ܠܘܩܒܠܗܝܢ . [ܠܩܘܒܠܗܝܢ .] ܘܗܼܝ ܕܝܢ ܗܕܐ ܟܠ ܐܢܫ ܡܟܚ ܕܢܥܒܕܝܗܿ ܕܡܢ ܒܬܪ ܟܘܠܗܝܢ ܬܚܘ̈ܝܬܐ ܢܐܡܪ ܕܡܕܡ ܠܐ ܐܡܪܬ ܿ ܡܛܠ [ܡܛܘܠ] ܕܝܢ ܕܬܚܘܐ ܕܒܚܕܐ ܡܠܬܐ ܡܦܝܣ ܐܢܐ ܠܟ ܕܢܦܫܐ ܠܐ ܡܝܘܬܬܐ ܗܝ . ܡܫܐܠ ܐܢܐ ܠܟ ܗܝ ܕܟܠ ܐܢܫ [ܕܟܠܢܫ] ܝܕܥ ܠܗܿ ܐܡܪ ܠܝ ܘܒܚܐ ܡܠܬܐ ܡܦܝܣ ܐܢܐ ܠܟ ܕܢܦܫܐ ܠܐ ܡܝܘܬܬܐ ܗܝ ܀ ܀ ܀ 249 ܘܗܼܘ ܣܝܡܘܢ ܟܕ ܥܠܬܐ ܗܕܐ ܐܫܟܚ ܗܘܐ ܠܗ ܐܝܟ ܗܿܘ ܕܪܓܙ ܦܛܪܘܣ ܘܡܛܝܒ ܗܘܐ ܕܢܥܪܘܩ ܩܘܝ ܡܛܠ [ܡܛܘܠ] ܪܒܘܬܗ ܕܫܘܕܝܐ [ܕܫܘܘܕܝܐ .] ܘܕܩܘܝ ܐܡܼܪ ܿ ܕܫܐܠܝܢܝ ܐܦܢܐ ܠܟ ܦܬܓܡܐ . ܗܿܝ ܕܐܡܼܪܬ ܕܟܠ [ܕܟܘܠ] ܐܢܫ ܝ݀ܕܥ ܠܗܿ . ܐܝܟܢܐ ܕܐܫܡܥ ܒܚܕܐ ܡܠܬܐ ܐܝܟ ܕܐܫܬܘܕܝܬ ܕܐܝܟܢܐ ܢܦܫܐ ܠܐ ܡܝܘܬܬܐ ܗܝ ܀ ܀ ܀ 250 ܘܗܼܘ ܦܛܪܘܣ ܐܡܼܪ ܕܐܡܪ ܐܢܐ ܐܝܟ ܕܠܟ ܠܒܪ 106 ܡܢ ܟܠ ܐܢܫ ܕܝܕܥ ܐܢܬ ܘܪܓܫ [ܘܪܓܝܫ] ܐܢܬ ܿ ܒܚܘܕ ܦܢܐ ܠܝ ܦܬܓܡܐ ܕܡܢܐ [ܕܡܿܢܘ ܗܿܘ] ܠܗܿܘ [ܡܿܢ] ܕܠܐ ܡܗܝܡܢ ܝܬܝܪܐܝܬ ܡܫܟܚ ܕܢܫܡܠܝܘܗܝ ܿ ܚܙܬܐ ܐܘ ܫܡܥܐ ܀ ܀ ܀ 251 ܘܗܼܘ ܣܝܡܘܢ ܦܢܝ ܦܬܓܡܐ ܕܚܙܬܐ ܝܬܝܪܐܝܬ ܀ ܀ ܀ 252 ܘܗܼܘ ܦܛܪܘܣ ܐܡܼܪ ܕܐܝܟܐܢ ܗܟܝܠ ܥܠܝܗܿ ܕܢܦܫܐ ܒܥܐ ܐܢܬ ܡܢܝ ܕܬܬܛܦܝܣ ܒܡܠܬܐ ܟܕ ܒܥܒܕܐ ܡܫܡܠܐ ܐܢܬ ܀ ܀ ܀ 253 ܘܗܼܘ ܣܝܡܘܢ ܐܡܼܪ ܕܠܐ ܝܕܥ ܐܢܐ ܐܝܟܢܐ ܐܡܼܪ ܐܢܬ ܀ ܀ ܀ 254 ܘܗܼܘ ܦܛܪܘܣ ܐܡܼܪ ܕܐܢ ܠܝ ܝܕܥ ܐܢܬ ܙܠ ܠܒܝܬܟ ܘܥܘܠ ܠܗܿܘ ܒܝܬܟ ܓܘܝܐ . ܘܚܙܐ ܐܢܬ ܕܣܝܡ ܠܟ ܨܠܡܐ ܕܐܝܬ ܒܗ ܝܘܩܢܐ ܕܛܠܝܐ ܕܒܩܛܝܪܐ ܡܝܬ ܿ ܕܡܥܛܦ ܐܪ̈ܓܘܢܐ ܘܠܗ ܫܐܠ ܡܠܦ ܠܟ ܟܕ ܡܬܚܙܐ ܒܠܚܘܕ ܘܐܢ ܨܒܝܐ ܐܢܬ ܐܦ [ܘܐܦ] ܡܡܠܠ ܥܡܟ . ܡܢܐ ܕܝܢ ܡܬܒܥܐ ܕܬܫܡܥ ܡܢܗ ܕܐܢ ܗܘ ܕܠܐ ܡܝܘܬܬܐ ܗܝ ܢܦܫܐ ܡܐ ܕܩܪܝܒܐ ܗܝ ܘܡܬܚܙܐ . ܗܿܘ ܓܝܪ ܡܕܡ ܕܠܐ ܐܝܬܘܗܝ ܐܝܟܢܐ ܡܫܟܚ ܕܢܬܚܙܐ ܿ ܘܐܢ ܕܝܢ ܠܐ ܝܕܥ ܐܢܬ ܥܠ ܐܝܢܐ ܨܠܡܐ ܐܡܪܬ ܠܟ . ܡܢ ܕܘܟܬܗ ܥܡ ܥܣܪܐ ܓܒܪܝܢ ܠܒܝܬܟ ܢܐܙܠ ܀ ܀ ܀ 255 ܘܗܼܘ ܣܝܡܘܢ ܟܕ ܗܕܐ ܫܡܼܥ ܡܢܗ [ܡܢܝ] ܕܡܣܡ ܒܪܥܝܢܗ ܒܠܥ ܒܡܚܫܒܬܗ ܘܝܪܩ [ܘܐܝܪܩ] ܐܦܘܗܝ ܘܐܝܟ ܕܣܿܒ ܐܢܐ ܕܚܠ ܿ ܕܕܡ ܟܕ ܢܟܦܘܪ ܬܬܒܥܐ [ܬܬܪܥܐ] ܗܼܝ ܗܕܐ ܒܐܝܕܗ ܿ ܐܘ ܗܼܘ ܦܛܪܘܣ ܢܬܚܡܬ ܥܠ ܗܕܐ . ܘܓܠܝܐܝܬ ܢܐܡܪܝܗܿ ܘܢܦܪܣܝܗܿ . [ܘܢܦܪܢܣܝܗܿ .] ܘܩܕܡ ܟܘܠ ܐܢܫ ܝܬܝܪܐܝܬ ܢܬܟܣܣ ܘܢܬܦܪܣܐ ܿ ܦܢܝ ܦܬܓܡܐ ܘܐܡܼܪ . ܕܒܥܐ ܐܢܐ ܡܢܟ ܐܘ ܦܛܪܐ . ܕܒܛܒܘܬܐ ܕܝܠܟ ܙܟܝ ܠܒܝܫܬܐ ܕܒܝ ܿ ܘܩܒܠ ܬܝܒܘܬܝ ܿ ܘܡܫܟܚ ܐܢܬ ܠܝ ܕܗܿܘܐ ܐܢܐ ܠܟ ܡܥܕܪܢܐ ܒܟܪܘܙܘܬܟ . ܗܫܐ ܓܝܪ ܒܗ ܒܢܣܝܢܐ ܝܠܦܬ ܕܐܝܢ ܢܒܝܐ ܐܝܬܝܟ ܕܗܿܘ ܐܠܗܐ ܕܫܒܪܪܐ ܿ ܡܛܠ [ܕܡܛܘܠ] ܗܕܐ ܗܢܿܝܢ [ܗܠܝܢ] ܟܣܝ̈ܬܐ ܕܒܢ̈ܝ ܐܢܫܐ ܒܠܚܘܕܝܟ ܝܿܕܥ ܐܢܬ ܀ ܀ ܀ 256 ܘܗܼܘ ܦܛܪܘܣ ܐܡܼܪ ܕܚܙܝܢ ܐܢܬܘܢ ܐܘ ܐܚܝ̈ܢ ܕܗܐ ܐܬܬܘܝ ܣܝܡܘܢ ܿ ܒܬܪ ܩܠܝܠ ܚܙܝܢ ܐܢܬܘܢ ܠܗ ܿ ܕܬܘܒ ܒܛܠܘܡܘܬܗ ܡܩܘܐ . ܣܒܪ ܓܝܪ ܥܠܝ ܕܢܒܝܐ ܐܝܬܝ ܿ ܡܛܠ ܕܓܠܝܬ ܗܢܝܢ [ܗܠܝܢ] ܒܝܫ̈ܬܐ ܕܒܟܣܝܐ ܣܥܝܪܢ ܠܗ . ܘܐܫܬܘܕܝ ܕܡܬܬܘܐ . ܐܢܐ ܕܝܢ ܠܐ ܡܕܓܠ ܐܢܐ ܥܠ ܢܦܫܝ [ܗܕܐ] ܗܕܐ ܕܠܐ ܫܠܝܛ ܠܝ ܕܐܝܟܢܐ ܕܗܢܐ ܛܠܘܡܐ ܢܚܐ [ܢܝܚܐ] ܐܘ ܠܐ ܢܚܐ . ܣܗܕܝܢ ܠܝ ܓܝܪ ܫܡܝܐ ܘܐܪܥܐ ܿ ܕܠܐ ܗܘܐ ܒܢܒܝܘܬܐ ܐܡܼܪܬ ܠܗ ܗܢܿܝܢ [ܗܠܝܢ] ܕܐܝܟ ܕܒܐܪܙܐ ܟܡܐ ܕܘܠܐ ܩܕܡ ܟܢ̈ܫܐ ܐܡܪܬ . ܐܠܐ ܡܢ ܐܢܫܝܢ ܗܢܿܘܢ ܕܡܥܕܪ̈ܢܘܗܝ ܗܘܘ . ܘܗܫܐ ܕܝܢ ܒܗܝܡܢܘܬܐ ܕܝܠܝ ܐܝܬܝܗܘܢ ܝܿܦܬ ܘܐܡܼܪܬ ܿ ܡܛܠ ܗܟܝ ܕܝܠܦܬ ܘܐܡܪܬ ܿ ܘܠܐ ܗܘܐ ܐܝܟ ܕܒܥܝܕܐ [ܕܒܝܕܥܬܐ] ܡܩܕܡܬܐ ܐܡܼܪܬ ܐܝܟ ܡܐ ܕܫܡܥܬܘ݀ܢ ܀ ܀ ܀ 107 257 ܘܗܼܘ ܕܝܢ ܣܝܡܘܢ ܟܕ ܫܡܥ ܗܢܿܝܢ [ܗܠܝܢ .] ܫܪܝ ܕܢܨܥܪ ܘܢܫܓܘܫ ܿ ܘܐܡܼܪ ܗܟܢܐ ܐܘ ܡܨܥܪܐ ܘܡܠܐ ܢܟܠܐ ܐܝܠܦ ܐܝܟܢܐ ܙܟܝܬ ܒܓܕܫܐ ܘܠܐ ܗܘܐ ܒܫܪܪܐ . ܕܐܢܐ ܠܐ ܗܘܐ ܐܝܟ ܕܣܢܝܩ ܐܢܐ ܥܠ ܐܝܕܥܬܐ [ܝܕܥܬܐ] ܐܡܿܪܬ . ܘܐܬܬܘܝܬ ܿ [ܕܐܬܬܘܝܬ] ܐܠܐ ܡܛܠ ܕܐܢܬ ܬܣܒܪ ܥܠܝ [ܥܠ] ܕܐܬܬܘܝܬ ܿ ܘܬܠܡܝܕܐ ܕܝܠܟ ܐܝܬܝ ܿ ܘܟܠܗܝܢ ܗܠܝܢ ܟܣܝ̈ܬܐ ܕܫܘܕܝܟ [ܕܫܘܘܕܝܟ] ܬܣܝܡ ܘܬܐܡܪ ܐܝܟܢܐ ܕܠܚܪܬܐ ܐܟܣܟ . ܐܢܬ ܕܝܢ ܡܛܠ [ܡܛܘܠ] ܕܨܢܝܥܐ ܐܝܬܝܟ ܘܐܬܒܝܢܬ ܕܒܡܬܕܢܝܢܘܬܐ ܐܡܪܬ ܕܐܬܬܘܝܬ . ܘܫܠܡܬ ܠܝ ܐܝܟ ܗܿܘ ܕܠܐ ܐܝܕܥܬܝܗܝ ܠܢܟܠܐ . ܡܛܠ [ܡܛܘܠ] ܕܠܝ ܠܩܘܕܡ ܩܕܡ ܟܢܫ̈ܐ ܗܢܿܝܢ [ܗܠܝܢ] ܕܠܐ ܝܕܘ̈ܥܐ ܐܢܐ ܬܚܘܐ . ܘܐܬܒܝܢܬ ܕܝܢ ܕܡܢ ܒܬܪ ܗܢܐ ܦܘܪܣܝܐ . [ܦܘܪܣܐ .] ܡܬܐܠܨ ܐܢܐ ܒܚܡܬܐ ܕܐܘܕܐ ܕܠܐ ܗܘܐ ܒܫܪܪܐ ܨܒܝܬ ܕܐܬܬܘܐ [ܕܐܬܘܐܼ .] ܩܕܡܬ ܐܡܼܪܬ ܥܠܝ ܛܠܘܡܘܬܐ . ܐܝܟܢܐ ܕܐܡܝܢܐܝܬ ܙܟܘܬܐ ܕܝܠܟ ܬܗܘܐ . ܐܢ ܐܩܘܐ ܒܗܿ ܒܗܝ ܡܬܬܘܝܢܘܬܐ [ܡܬܬܙܝܥܢܘܬܐ] ܕܐܡܪܬ ܿ ܐܘ ܕܐܢ ܗܘ ܕܠܐ ܐܩܘܐ . ܘܐܢܬ ܬܘܒ ܐܦ [ܘܐܦ] ܒܗܕܐ ܚܟܝܡܐ ܐܢܬ ܕܩܕܡܬ ܝܕܥܬ ܿ ܘܐܢܐ ܐܝܟ ܕܒܟܡܐܢܿ [ܕܒܟܝܡܘܢܐ] ܐܙܕܟܝܬ ܿ ܕܠܐ ܩܕܡܬ ܝܕܥܬ ܢܟܠܟ ܕܝܠܟ . ܘܐܢܬ ܕܝܢ ܕܝܠܝ ܝܕܥܬܿ ܿ ܒܨܢܥܬܐ ܗܘ [ܗܝ] ܗܟܝܠ ܐܬܚܫܚܬ ܘܒܓܕܫܐ ܙܟܝܬ ܘܠܐ ܗܘܐ ܒܫܪܪܐ ܿ ܝܿܕܥܢܐ [ܝܕܥ ܐܢܐ] ܕܝܢ ܕܡܛܠ [ܕܡܛܘܠ] ܡܢܐ ܠܐ ܝܕܥܬ ܕܐܢܐ ܕܩܐܡ ܐܝܬܝ ܿ ܘܡܠܠܬ ܥܡܟ ܡܛܠ ܛܝܒܘܬܝ ܘܩܒܠܬܟ ܗܫܐ ܕܝܢ ܡܚܘܐ ܐܢܐ ܠܟ ܐܗܠܘܬܐ ܕܝܠܝ . ܐܝܟܢܐ ܕܬܦܠ ܘܬܣܓܘܕ ܠܝ . ܐܢܐ ܚܝܠܐ ܐܝܬܝ ܩܕܡܝܐ ܘܠܐ ܫܩܠܬ ܫܘܪܝܐ ܕܢܗܘܐ ܠܝ ܕܒܟܠܙܒܢ ܐܝܬܝ ܿ ܘܒܟܪܣܗܿ ܕܪܚܝܠ ܚܠܕܬ ܘܐܬܝܠܕܬ ܐܝܟ ܒܪ ܐܢܫܐ ܡܛܠ ܕܠܒ̈ܢܝ ܐܢܫܐ ܐܫܟܚ ܕܐܬܚܙܐ . ܐܢܐ ܦܪܚܬ ܘܒܢܘܪܐ ܘܒܐܐܪ ܐܬܡܙܓܬ ܘܠܨ̈ܠܡܐ ܢܦܫ̈ܬܐ ܝܗܒܬ . ܘܟ̈ܐܦܐ ܠܚܡܐ ܥܒܕܬ ܿ ܘܡܢ ܛܘܪܐ ܠܛܘܪܐ ܦܪܚܬ ܿ ܘܠܐܝ̈ܕܝ ܡ̈ܠܐܟܐ ܐܬܕܒܪܬ ܿ ܘܠܐܪܥܐ ܐܬܝܬ . ܘܗܼܢܝܢ ܗܢܿܝܢ [ܗܠܝܢ] ܠܐ ܗܘܐ ܒܠܚܘܕ ܒܙܒܢ ܥܒܕܬ ܐܢܝܢ ܐܠܐ ܐܦ ܗܫܐ ܡܫܟܚ ܐܢܐ ܕܐܥܒܕ ܐܢܝܢ ܿ ܕܐܝܟܐܢ ܕܒܥܒܕ ܐܦܝܣ ܠܟܘܠ [ܠܟܠ] ܐܢܫ ܕܐܢܐ ܐܢܐ ܝܫܘܥ ܗܿܘ ܕܝܠܟ ܕܩܐܡ ܠܥܠܡ ܀ ܀ ܀ 258 ܘܗܿܢܘܢ ܕܒܝ ܡܗܝܡܢܝܢ ܕܐܩܝܡ ܡܫܟܚ ܐܢܐ . ܘܕܝܠܟ ܕܝܢ ܡ̈ܠܐ ܣܦܝܩ̈ܬܐ ܐܝܬܝܗܝܢ ܘܠܐ ܡܕܡ ܒܥܒܕܐ ܡܫܟܚܝܢ ܕܢܚܘܝܢ ܒܫܪܪܐ ܐܝܟܢܐ ܕܐܦܠܐ [ܕܐܦ ܠܐ] ܗܿܘ ܕܫܕܪܟ ܕܚܪܫܐ ܗܘܐ ܕܢܦܪܘܩ ܢܦܫܗ ܡܢ ܙܩܝܦܐ ܐܫܟܚ ܀ ܀ ܀ 259 ܘܟܕ ܗܢܿܝܢ [ܗܠܝܢ] ܣܝܡܘܢ ܐܡܼܪ ܗܘ ܦܛܪܘܣ ܦܢܝ ܠܗ ܠܬܓܡܐ . ܕܠܐ ܗܢܿܝܢ [ܗܠܝܢ] ܕܝܠܟ ܠܐܚܪ̈ܢܐ ܬܩܪܒ ܿ ܐܢܬ ܓܝܪ ܕܚܪܫܐ ܐܝܬܝܟ ܡܢ ܗܢܿܝܢ [ܗܠܝܢ] 108 ܕܥܒܕܬ ܐܘܕܝܬ ܿ ܘܓܠܝܐܝܬ ܐܬܟܣܣܬ ܿ ܘܗܼܘ ܕܝܢ ܡܠܦܢܢ ܕܝܠܢ ܕܒܪܗ ܕܐܠܗܐ ܘܕܒܪ ܐܢܫܐ ܐܝܬܘܗܝ ܛܒܐ ܐܝܬܘܗܝ . ܕܐܝܢ ܒܫܪܪܐ ܒܪܗ ܕܐܠܗܐ ܐܝܬܘܗܝ ܒܠܚܘܕܘܗܝ ܗܘ ܝܫܘܥ ܐܡܬܝ ܕܘܠܐ ܗܘܐ ܐܬܐܡܪܬ ܘܬܘܒ ܡܬܐܡܪܐ ܿ ܐܢܬ ܕܝܢ ܐܠܐ ܡܘܕܐ ܐܢܬ ܿ ܕܚܪܫܐ ܕܐܝܬܝܟ ܥܡ ܣܓܝ̈ܐܐ ܠܒܝܬܟ ܐܙܠ ܐܢܐ ܿ ܘܗܝܕܝܢ ܡܬܝܕܥ ܘܡܬܓܠܝܐ ܗܘ ܕܚܪܫܐ ܗܘ ܀ ܀ ܀ 260 ܘܟܕ ܦܛܪܘܣ ܗܢܿܝܢ [ܗܠܝܢ] ܐܡܼܪ ܗܼܘ ܣܝܡܘܢ ܫܪܝ ܕܢܓܕܦ ܐܝܟ ܕܫܓܘܫܝܐ ܢܗܘܐ . ܘܡܟܣܢܘܬܗ ܠܐ ܬܬܚܙܐ ܀ ܀ ܀ 261 ܘܗܼܘ ܦܛܪܘܣ ܡܛܠ ܓܘܪ̈ܦܘܗܝ ܢܓܕ ܦܢܫܗ ܐܝܟܢܐ ܕܠܐ ܢܣܬܒܪ ܕܐܙܕܟܝ . ܘܟܕ ܬܘܠ ܗܟܝܠ ܦܛܪܘܣ ܦܪܒ ܘܩܘܝ ܕܨܿܒܐ ܗܘܐ ܕܢܟܣܝܘܗܝ ܗܘ ܟܢܫܐ ܐܬܚܡܬ ܥܠܘܗܝ ܕܣܝܡܘ݀ܢ ܘܡܢ ܬܪܥܐ ܕܕܪܬܐ ܕܚܘ ܘܐܦܩܘܗܝ ܘܚܕ ܒܠܚܘܕ ܢܩܦܗ ܟܕ ܢܦܼܩ ܀ ܀ ܀ 262 ܘܟܕ ܗܟܝܠ ܫܠܝܐ ܗܘܐ ܗܼܘ ܦܛܪܘܣ ܫܪܝ ܕܢܐܡܪ ܕܒܡܛܪܬ ܪܘܚܐ ܚܝܒܝܢ ܐܢܬܘܢ ܐܘ ܐܚܝ̈ ܕܬܣܝܒܪܘܢ ܐܢܘܢ ܠܒܝ̈ܫܐ ܟܕ ܝܕܥܝܢ ܐܢܬܘܢ ܗܕܐ ܕܐܦ ܗܼܘ ܐܠܗܐ ܕܡܫܟܚ ܗܘܐ ܕܢܩܕܡ ܢܦܣܘܩ ܘܢܩܒܛܠ ܐܢܘܢ ܡܣܝܒܪ ܠܗܘܢ ܥܕܡܐ ܠܝܘܡܐ ܗܿܘ ܕܚܪܩ ܕܒܗ ܕܝܢܐ ܕܟܠ ܐܢܫ ܗ݀ܘܐ ܿ ܠܐ ܗܟܝܠ ܘܿܠܐ ܕܐܦ ܐܢܚܢܢ [ܚܢܢ] ܢܣܝܒܪ ܡܐ ܕܐܦ ܐܠܗܐ ܡܣܝܒܪ ܘܡܛܠ ܡܢ ܕܝܢ ܠܐ ܒܡܟܝܟܘܬܐ ܘܒܕܟܝܘܬܐ ܕܢܦܫܐ ܐܦ ܠܗ ܠܨܥܪܐ ܢܣܝܒܪ ܿ ܡܐ ܕܐܦ ܗܿܘ ܕܡܝܩܪ ܡܢ ܟܠ [ܕܡܢ ܟܠ ܡܝܩܪ] ܡܨܛܪܥ ܘܟܕ ܡܫܟܚ ܕܢܬܒܥ ܢܦܫܗ ܿ ܠܐ ܨܿܒܐ ܕܗܫܐ ܡܛܠ ܕܐܦ ܡܓܪܬ ܪܘܚܗ ܬܬܝܕܥ ܘܟܠܗܘܢ [ܘܟܘܠܗܘܢ] ܪ̈ܫܝܥܐ ܢܬܟܣܣܘܢ ܐܦ ܠܣܝܡܘܢ ܓܝܪ ܐܠܘ ܠܐ ܕܐܫܟܚܗ ܒܝܫܐ ܠܐܚܪܢܐ ܡܫܟܚ ܗܘܐ . ܐܢܢܩܐ ܗܝ ܓܝܪ ܕܢܐܬܘܢ ܡܟܫܘ̈ܠܐ ܠܥܠܡܐ . ܘܝ ܕܝܢ ܠܗܢܘܢ ܕܒܐܝܕܗܘܢ ܐܬܝܢ ܿ ܕܡܛܠ ܕܐ ܙܕܩ ܕܢܬܟܪܐ ܠܢ ܿ ܘܢܬܬܥܝܩ ܥܠ ܣܝܡܘܢ ܕܡܐܢܐ ܓܒܝܐ ܗܘܐ ܠܗ ܠܒܝܫܐܼ ܘܠܐ [ܘܕܠܐ] ܕܝܢ ܡܛܥܐ ܗܘܐ ܠܗ ܘܠܡܠܦܢܐ ܡܬܩܢ ܗܘܐ ܠܗ ܐܠܘ ܠܐ ܢܣܒ ܥܠܘܗܝ ܫܘܠܛܢܐ ܡܢܐ ܓܝܪ ܐܦܢ ܠܐ ܗܝܡܢ ܒܝܫܘܥ ܕܝܠܢ ܘܝܬܝܪܐܝܬ ܕܐܦܝܣ ܢܦܫܗ ܕܢܦ̈ܫܬܐ ܠܐ ܡܝܬ݀ܢ ܡܢܐ ܓܝܪ ܐܦܢ ܡܨܛܕܝܢ ܒܗ ܕܝ̈ܘܐ . ܒܪܡ ܕܝܢ ܗܼܘ ܣܒܪ ܕܢܦܫܐ ܕܛܠܝܐ ܕܒܩܛܝܪܐ ܡܝܬ ܠܬܡܝܬܗ ܐܝܬ ܠܗ݀ ܗܕܐ ܕܒܫܪܪܐ ܕܝܘܐ ܐܝܬܘܗܝ . ܕܡܛܠ ܗܕܐ ܠܦܘܬ ܡܣܡ ܒܪܥܝܢܗ ܗܘ ܐܡܪܬ ܗܢܿܝܢ [ܗܠܝܢ ]ܕܐܿܡܪܬ ܥܠܘܗܝ ܐܠܐ ܐܦ ܡܢ ܝܗܘ̈ܕܝܐ ܫܡܥ ܕܗܿܘܐ ܗܘ ܕܝܢܐ . ܡܛܠ ܓܝܪ ܕܠܗܢܿܘܢ ܕܒܗܝܡܢܘܬܐ ܫܪܝܪܬܐ ܡܣܟܠܝܢ ܘܚܛܝܢ ܘܠܐ ܬܝܒܝܢ ܿ ܗܘܼ ܒܝܫܐ ܐܝܟ ܕܠܡܫ̈ܠܡܢܐ [ܕܒܡ̈ܫܠܡܢܐ] ܒܗܛܗ̈ܝܗܘܢ ܡܬܚܞܙܐ ܘܡܨܛܕܐ ܒܗܘܢ ܒܗܢܘܢ ܕܬܘܒ ܐܬܪܐ ܕܬܝܒܘܬܐ ܠܝܬ ܒܗܘ݀ܢ܀ 263 ܐܢܬܘܢ ܗܟܝܠ ܕܬܝܒܝܢ ܐܢܬܘܢ ܘܡܬܦܢܝܢ ܐܢܬܘܢ ܒܘܪ̈ܟܝܟܘܢ 109 ܠܐܠܗܐ ܩܥܘܕܘ ܀ ܀ ܀ 264 ܘܟܕ ܗܿܢܝܢ [ܗܠܝܢ] ܐܡܼܪ ܦܛܪܘܣ ܟܠܗ ܟܢܫܐ ܥܠ ܒܘܪ̈ܟܘܗܝ ܩܥܕ . ܗܼܘ ܕܝܢ ܦܛܪܘܣ ܠܫܡܝܐ ܐܪܝܡ ܥܝܢܘ̈ܗܝ ܘܒܒܟܬܐ ܘܒܕܡ̈ܥܐ ܨܠܝ ܕܗܼܘ ܐܠܗܐ ܒܪ̈ܚܡܘܗܝ ܘܒܛܝܒܘܬܗ ܿ ܠܗܢܘܢ ܕܠܗ ܐܬܩܪܒܘ ܢܩܒܠ ܐܢܘ݀ܢ ܘܡܢ ܒܬܪ ܕܨܠܝ ܐܡܼܪ ܕܠܡܚܪ ܒܩܘܕܡܐ ܐܬܟܢܫܘ݀ ܘܫܪܝܗܝ ܠܟܢܫܐ ܘܗܝܕܝܢ ܐܝܟ ܥܝܕ݀ܢ ܣܝܒܪܬܐ ܢܣܼܒܢ ܘܕܡܟܼܢ݀ ܀ ܀ ܀ 265 ܟܕ ܗܟܝܠ ܗܼܘ ܦܛܿܪܘܣ ܒܥܕܢܐ ܕܠܠܝܐ ܕܚܪܩ ܗܘܐ ܠܗ ܩܡ ܘܠܟܠܢ ܚܼܙܐ ܕܥܝܪܝܢ ܐܢܚܢܢ [ܚܢܢ] ܘܫܐܠ ܒܫܠܡܢ ܿ ܢܝܩܛܣ [ܢܩܛܝܣ ܘܢܝܩܛܝܣ] ܐܡܼܪ ܠܗ ܩܕܡܝܐ .ܕܐܢ ܡܦܣ ܐܢܬ ܠܝ ܡܪܝ ܦܛܪܐ ܿ ܐܝܬ ܠܝ ܡܕܡ ܕܐܿܡܪ ܀ ܀ ܀ 266 ܘܗܼܘ ܦܛܪܘܣ ܐܡܼܪ ܕܡܦܣܢܐ [ܕܡܦܣ ܐܢܐ] ܠܐ ܒܠܚܘܕ ܠܟ . ܐܠܐ ܐܦ ܠܟܠܟܘܢ ܘܠܐ ܒܠܚܘܕ ܗܫܐ ܐܠܐ ܐܦ ܒܟܠ ܙܒܢ ܐܝܟܐ ܕܟܠ ܐܢܫ [ܐܢ] ܥܠ ܡܢܬܐ ܕܢܦܫܗ ܕܟܝܒܐ ܠܗ ܢܘܕܐ ܘܐܣܝܘܬܐ ܬܣܬܩܒܠ ܠܗ ܿ ܗܢܿܝܢ [ܗܠܝܢ] ܓܝܪ ܕܫܬܝܩܢ ܡܛܠ [ܡܛܘ] ܕܠܢ ܠܐ ܡܬܝܕܥܢ ܘܡܘܚܪܢ ܘܢܓܪܢ ܒܗܿ ܒܢܦܫܐ ܘܚܫܐ ܕܥܛܠܐܝܬ ܡܬܐܣܐ ܥܒܕ݀ܢ ܒܗܿ ܿ ܠܐ ܗܟܝܠ ܡܫܟܚ ܐܢܐ . ܕܠܫܬܝܩ̈ܐ ܡܠܬܐ ܐܝܕܐ ܕܥܗܢܐ ܘܫܠܡܐ ܠܗܘܢ ܐܩܪܒ ܠܗܘ݀ܢ ܐܠܐ ܐܢ ܐܘܕܝܘ ܗܢܿܘܢ ܕܡܟܐܒܝܢ ܥܠ ܗܕܡܐ ܕܟܐܒ ܒܗܘܢ ܟܕ ܠܐ ܕܝܢ ܡܘܕܝܢ ܐܠܗܐ ܗܘ ܒܠܚܘܕ ܡܫܟܚ ܕܢܐܬܣܐ ܐܝܟ ܕܥܗܢ ܐܢܚܢܢ [ܚܢܢ] ܕܝܢ ܠܐܢܫ ܐܢܫ ܕܫܬܝܩ ܘܟܣܐ ܒܪܥܝܢܗ ܠܙܒܢܐ ܗܘ ܢܓܝܪܐ ܕܢܕܥܝܘܗܝ [ܕܢܐܪܥܝܘܗܝ] ܡܫܟܚܝܢ ܐܢܚܢܢ ܿ [ܚܢܢ .] ܟܕ ܓܝܪ ܒܗ ܒܛܟܣܐ ܡܢ ܫܘܪܝܐ ܕ݀ܕܝܢܢ [ܪܕܝܢ ܚܢܼܢ .] ܒܝܕ ܟܘܠܗܝܢ ܬܚܘ̈ܝܬܐ ܠܟܠ ܐܢܫ ܕܢܐܪܘܥ ܐܝܬ ܠܢ ܠܐ ܓܝܪ ܡܫܟܚܐ ܕܟܕ ܠܟܠܗܝܢ [ܠܟܘܠܗܝܢ] ܗܢܿܝܢ [ܗܠܝܢ] ܕܡܬܐܡܪܢ ܠܩܘܒܠܢ ܒܗܘܢ ܒܫܪ̈ܝܐ ܐܪܥܝܢܢ [ܐܪܥܝܼܢ ܚܢܢ] ܕܠܐ ܢܥܒܪ [ܢܥܒܼܕ] ܐܡܬܝ ܕܗܕܼܘ ܐܦ ܥܠ ܗܝ ܕܠܐܢܫ ܐܢܫ ܡܬܒܥܝܐ . ܘܗܼܝ ܕܝܢ ܗܕܐ [ܐܦ] ܢܘܓܪܐ ܕܙܒܢܐ ܣܓܝܐܐ ܡܫܟܚ ܕܢܒܥܕܝܗܾܿ ܿ ܟܕ ܐܝܬ ܠܗ ܡܥܕܪܢܐ ܗܝ ܕܣܕܝܪܘܬܗ ܕܛܟܣܐ ܐܝܟ ܕܐܡܼܪܬ ܠܟܠܗܝܢ ܗܢܝܢ [ܗܠܝܢ] ܕܡܬܒܥܝܢ ܕܢܥܒܕ ܡܫܟܚ ܿ ܘܐܦ ܗܫܐ ܕܝܢ ܡܕܡ ܕܨܒܐ ܐܢܬ ܐܿܡܪ ܀ ܀ ܀ 267 ܘܗܼܘ ܢܝܩܛܣ [ܢܝܩܛܝܣ] ܐܡܼܪ ܡܘܕܝܢ ܐܢܚܢܢ [ܚܢܢ] ܡܢܟ ܐܘ ܦܛܪܐ ܕܕܠܐ ܚܣܡ ܐܝܬܝܟ ܒܪܡ ܕܝܢ ܗܿܝ [ܗܕܐ] ܕܨܒܐ ܐܢܐ ܕܠܦ ܐܝܬܝܗܿ ܗܕܐ ܕܡܛܠ ܡܢܐ ܣܝܡܘܢ ܕܣܥܪ ܕܠܩܘܒܠܐ ܕܐܠܗܐ ܡܫܟܚ ܕܢܥܒܕ ܐܝܟ ܗܢܿܝܢ . [ܗܠܝܢ .] ܐܦܠܐ [ܐܦ ܠܐ] ܓܝܪ ܡܕܡ ܕܓܠ . ܡܢ ܗܢܿܝܢ [ܗܠܝܢ] ܕܓܠܝܐܝܬ ܐܘܕܝ ܕܥܒܼܕ ܿ ܀ ܀ ܀ 268 ܘܗܼܘ ܦܛܪܘܣ ܫܪܝ ܕܢܐܡܪ ܗܟܢܐ ܕܚܕ ܐܝܬܘܗ ܝܐܠܗܐ . ܘܠܝܠܕܗ ܕܝܢ ܒܘܟܪܗ ܪ̈ܚܡܐ ܛܒ̈ܐ ܨܿܒܐ ܕܢܩܪܒܐ ܘܡܛܠ ܕܝܢ ܕܝܿܕܥ ܕܛܒ̈ܐ ܕܢܗܘܘܢ ܠܐ ܡܫܟܚܝܢ ܐܠܐ ܐܢ ܐܬܗܝܒ ܠܗܘܢ 110 ܪܥܝܢܐ ܘܨܒܝܢܐ ܒܪ ܚܐܪܐ ܕܫܠܝܛ ܒܢܦܫܗ ܐܝܟܐܢ ܕܒܨܒܝܢܗܘܢ ܕܝܠܗܘܢ ܢܗܘܘܢ ܗܘ ܡܕܡ ܕܨܒܝܼܢ . ܘܐܠܐ ܐܝܠܝܢ ܕܗܟܢܐ ܠܐ ܐܝܬܝܗܘܢ ܫܒܪܐ ܛܒ̈ܐ ܠܐ ܗܘܿܝܢ . ܐܠܐ ܐܢ ܒܨܒܝܢܗܘܢ ܢܗܘܘ݀ܢܢ ܗܿܘ ܡܐ ܕܗܿܘܝܢ ܿ ܒܗܿܝ ܕܡܕܡ ܐܚܪܝܢ ܕܢܗܘܘܢ ܠܐ ܡܫܟܚܝܢ ܿ ܕܡܛܠ ܗܢܐ ܫܘܠܛܢܐ ܗܢܐ ܐܫܠܡ ܠܗܘܢ ܕܢܗܘܘܢ ܡܕܡ ܕܨܒܝܢ . ܘܬܘܒ ܕܝܢ ܕܩܕܡ ܝܼܕܥ ܿ ܕܡܛܠ ܕܐܝܬ ܠܗܘܢ ܚܐܪܘܬܐ ܒܨܒܝܢܗܘܢ ܕܫܠܝܛ ܒܢܦܫܗ ܿ ܡܢܗܘܢ ܓܒܝܢ ܕܢܣܥܪܘܢ ܛܒ̈ܬܐ ܘܡܢܗܘܢ ܕܝܢ ܒܝ̈ܫܬܐ ܘܗܟܢܐ ܠܬܪ̈ܝܢ ܟܢܫ̈ܐ ܡܦܪ̈ܫܐ ܟܘܠܗܿ [ܕܟܘܠܗ] ܣܓܝܐܘ̈ܬܗܘܢ ܕܒ̈ܢܝ ܐܢܫܐ [ܕܒܢܝ̈ܢܫܐ] ܗܘܐ ܐܝܬܝܗܿ ܠܬܪ̈ܝܗܘܢ ܟܢ̈ܫܐ ܡܠܟܐ ܐܝܢܐ ܕܗܼܢܘܢ ܓܒܝܢ ܿ ܘܐܬܪܐ ܢܗܘܐ ܠܗ ܐܦܣ ܕܡܢܗܘܢ ܗܘ ܩܕܡܝܐ ܕܐܡܠܟ ܒܚܒܠܐ ܚܕܐ ܿ ܘܗܿܘ ܕܝܢ ܐܚܪܢܐ ܕܡܡܠܟ ܒܛܒ̈ܐ ܚܕܐ ܿ ܘܠܙܕܝܩ̈ܐ ܦܩܕ ܢܕܢܚܐ ܘܢܫܘܙܒ [ܘܡܫܬܘܙܒ .] ܘܠܬܪ̈ܝܗܘܢ ܗܟܝܠ ܗܿܢܝܢ [ܗܠܝܢ] ܩܕܡܘ ܐܬܓܙܪ̈ܘ ܚܘܪܩܢܐ ܒܢܡܘܣܐ ܕܠܐ ܥܒܪ ܕܗܼܢܘܢ ܗܠܝܢ ܡܛܠ ܕܣܓܝ̈ܐܐ ܥܡܢ ܐܝܬ ܡܕܡ ܚܫܚ ܨܿܒܢܐ [ܨܿܒܐ ܐܢܐ] ܕܐܥܗܕ ܠܐ ܗܘܐ ܕܡܛܠܬܟ ܐܘ ܩܠܡܣ [ܩܠܝܡܝܣܼ .] ܕܢܕܟ ܒܙܒܢ ܐܚܪܝܢ ܡܠܬܐ ܕܥܠ ܩܕܡ ܚܘܪܩܢܐ ܐܫܼܠܡܬ ܿ ܐܠܐ ܡܛܠ [ܡܛܘܠ] ܗܿܢܝܢ [ܗܠܝܢ] ܕܥܡܢ ܩܪ̈ܝܒܝܢ ܐܝܟܢܐ ܕܐܦ ܢܝܩܛܣ [ܢܩܛܝܣ] ܦܘܫܩܗܿ ܕܗܿܝ ܡܠܬܐ ܕܫܐܠ ܢܐܠܦ ܕܒܐܕܐ ܡܠܬܐ ܠܩܘܒܠܝ [ܕܝܠܝ] ܕܐܝܬܝ ܪܘܙܐ ܕܫܪܐ ܿ ܣܝܡܘܢ ܗܘ ܕܠܩܘܒܐܠ [ܕܕܠܩܘܒܠܐܿ .] ܡܬܚܫܒ ܿ ܬܕܡܪ̈ܬܐ ܕܐܝܟ ܗܢܿܝܢ [ܗܠܝܢ] ܡܫܟܚ ܕܢܣܥܘܪ ܒܩܕܡܝܐ ܗܟܝܠ ܓܙܝܪܐ ܗܝ ܗܕܐ ܠܐܠܗܐ ܕܒܝܫܐ ܗܘ ܐܝܬܘܗܝ ܗܿܘ ܕܒܡܕܡ ܕܡܥܕܪ ܠܗ ܒܣܐ ܿ ܕܟܕ ܒܿܥܐ ܢܣܒ ܐܝܟܢܐ ܓܝܪ ܗܿܘ ܕܗܟܢܐ ܗܘ ܛܒܐ ܘܪܚܡ ܒ̈ܢܝ ܐܢܫܐ ܡܫܟܚ ܕܢܗܘܐ ܗܘ ܕܢܦܫܗ ܠܐ ܪܚܡ . ܘܕܡܢ ܕܝܢ ܠܐ ܒܥܕܠܒܒܐ ܐܝܬܘܗܝ ܗܘ ܕܪܚܡܐ ܕܢܦܫܗ ܕܢܗܘܐ ܠܐ ܐܫܟܚ ܡܛܠ ܗܟܝܠ [ܕܗܟܝܠ] ܕܓܠܝܐܝܬ ܢܬܚܙܘܢ ܗܿܢܘܢ ܕܒܝܫ̈ܬܐ ܓܒܝܢ . ܘܗܿܢܘܢ ܕܒܛܒ̈ܬܐ ܨܒܝܢ ܕܢܗܘܘܢ ܗܘ ܐܠܗܐ ܗܕܐ ܕܡܥܕܪܐ ܣܓܝ ܕܐܝܬܝܗܿ ܩܢܝܢܐ ܕܡܠܟܘܬܐ ܿ ܕܫܡܝܐ ܛܫܝܗܿ ܿ ܐܝܟܢܐ ܕܝܢ ܐܢܝܢ ܢܛܫܐ [ܢܛܫܝܗܿ ܣܝܡܬܐ ܘܣܡܗܿ ܕܠܐ ܬܫܬܟܚܗ ܐܝܟܢܐ ܕܐܦܐ [ܕܐܦ ܠܐ] ܐܢܫ ܒܚܝܠܐ ܕܝܠܗܿ ܢܬܡܨܐ ܕܢܫܟܚܝܗܿ . ܘܛܒܐ ܕܝܢ ܕܥܠܝܗܿ ܒܟܠ [ܒܟܘܠ] ܕܪ̈ܝܢ ܒܫܡ̈ܗܐ ܡܦܪ̈ܫܐ ܠܡܫܡܥܬܐ ܕܟܠ ܐܢܫܐ ܐܝܬܝ ܿ ܐܝܟܢ ܕܗܢܼܘܢ ܠܐ ܒܥܘ ܗܘ ܡܕܡ ܕܡܥܕܪ [ܕܡܥܕܪ] ܠܗܘܢ ܒܒܣܝܢܐ ܕܥܠ ܥܘܕܪܢܗܘܢ ܒܝܫܿܐ ܢܬܚܙܘܢ ܘܢܬܓܠܙܘܢ ܡܢ ܗܿܝ ܕܠܐ ܨܒܘ ܕܢܩܢܘܢܗܿ . ܘܗܼܢܿܘܢ ܕܝܢ ܕܒܪܚܡܬ ܫܪܪܐ ܡܕܡ ܡܕܥܕܠ ܠܗܘܢ ܒܥܘ . ܘܛܒ̈ܐ ܐܬܚܙܝܢ ܢܫܟܚܘܢܗܿ . ܠܐ ܗܘܐ ܒܚܝܠܐ ܕܝܠܗܘܢ ܐܠܐ ܒܨܒܝܢܗ ܕܗܿܘ ܕܛܫܝܗܿ ܿ ܐܝܟܢܐ ܕܠܟܼ̈ܐܢܐ ܕܒܥܝܢ 111 ܠܗ . ܢܬܠ ܠܗܘܢ ܕܢܫܿܟܚܘܢܗܿ ܿ ܐܢ ܗܟܝܠ ܝܬܝܪ ܡܢ ܟܠܡܕܡ [ܟܠ ܡܕܡ] ܐܢܫ ܢܚܒܝܗܿ ܡܫܟܚ ܿ ܕܢܣܒܝܗܿ ܘܐܢ ܕܝܢ ܠܐ ܐܦܠܐ [ܐܦ ܠܐ] ܝܕܥ ܠܗܿ . ܐܦܢ ܓܝܪ ܡܢ ܟܠ ܐܢܫ ܚܟܝܡܐ ܿ ܢܗܘܐ ܘܕܢܚܝܒܝܗܿ [ܘܕܢܚܒܝܗܿ] ܗܟܝ ܝܬܝܪ ܡܢ ܟܠ ܡܕܡ ܐܡܼܪ ܿ ܐܢܐ ܗܕܐ [ܗܟܢܐ] ܕܝܬܝܪ ܡܢ ܥܘܬܪܐ ܘܢܝܚܐ ܘܪܓܬܐ ܘܐܒܗ̈ܐ ܘܒ̈ܢܝ ܓܢܣܐ ܘܪ̈ܚܡܐ ܟܕ ܫܠܚ ܚܠܝܨܐܝܬ. ܐܦ ܥܝܕܐ ܐܦ ܩܘܕܡܐ ܐܦ ܒܣܝܢܐ ܿ ܘܐܝܠܝܢ [ܘܐܦ] ܕܠܗܠܝܢ ܕܡܝܢ . ܐܢ ܗܟܝܠ ܐܢܫ ܚܟܝܡܐܝܬ ܠܗܿ ܠܗܕܐ ܢܒܥܐ ܡܨܐ ܗܘ ܕܢܟܫܚܝܗܿ . ܘܐܢ ܕܝܢ ܐܢܫ ܥܬܝܪܐ ܗܘ ܘܠܥܘܬܪܐ ܕܗܪܟܐ ܡܩܕܡ ܡܝܩܪ ܿ ܘܬܒܫܘܚܬܐ ܡܚܒ ܿ ܗܿܘ ܡܕܡ ܕܩܕܡ ܝܩܪ ܐܝܬ ܠܗ . ܘܗܼܘ ܗܢܐ ܠܐ ܝ݀ܕܥ [ܝܕܝܥ] ܐܢ ܡܩܘܐ . ܘܐܢ ܕܝܢ ܪܓܬܐ ܓܒܐ ܘܐܦ ܒܗܿ ܒܗܕ ܡܬܒܣܡ . ܟܡܐ ܕܡܫܟܚ ܿ ܘܠܐ ܗܘܐ ܟܡܐ ܕܨܿܒܐ ܘܐܢ ܕܝܢ ܢܝܚܐ ܡܚܒ [ܡ̈ܚܒ ܢ̈ܝܚܐ .] ܘܡܢܐ ܓܝܪ ܐܝܬ ܕܡܢܝܚ ܿ ܘܐܢ ܕܝܢ ܐܢܫ ܡܕܡ ܚܐܪܝܢ ܩܕܡ ܐܠܗܐ ܡܝܩܪ ܣܟܠܐ ܐܝܬܘܗܝ ܿ ܐܢ ܓܝܪ ܐܒܗ̈ܐ ܡܝܬܝܢ . ܘܐܢ ܒ̈ܢܝ ܛܘܗܡܐ ܠܐ ܡܗܘܝܢ . ܘܐܢ ܪ̈ܚܡܐ ܿ ܘܡܢܘ ܪܚܡܐ ܐܝܬ ܐܝܢܐ ܕܠܐ ܗܘܐ ܕܚܠܐ ܗܘ ܕܐܠܗܐ ܘܐܢ ܕܝܢ ܒܩܘܕܡܐ ܠܒܝܟ ܠܐ ܗܘܐ ܩܘܫܬܐ ܗܘ . ܘܢ ܕܝܢ ܗܿܘ ܡܕܡ ܕܥܕܪ ܠܗ ܒܣܐ ܕܢܣܒܝܘܗܝ ܒܝܫܐ ܐܝܬܘܗܝ ܗܢܐ ܟܘܠܗ ܿ ܐܝܟܢܐ ܕܒܒܝܫܘܬܗ ܠܗܿܘ ܕܪܫܐ [ܕܪܝܫܐ] ܗܘ ܕܪܫܥܐ [ܕܪܘܫܥܐ] ܣܓܝ ܥܿܒܪ ܒܒܝܫܘܬܗ ܡܛܠ [ܡܛܘܠ] ܕܗܼܘ ܫܠܡ ܠܐܣܟܡܐ ܕܡܦܣ ܠܗ ܘܒܛܒܘܬܗ ܕܐܠܗܐ ܠܐ ܬܪܝܨܐܝܬ ܡܬܚܫܚ ܘܗܢܐ ܕܝܢ ܥܠ ܥܘܕܪܢܗ ܒܣܐ ܿ ܐܝܟܢܐ ܕܠܐ ܢܫܬܘܙܒ ܘܢܚܐ ܡܛܠ ܗܟܝܠ ܐܝܠܝܢ ܕܗܟܢܐ ܐܢܘܢ ܐܡܪܢܐ ܪܐܡܿܪ ܐܢܐ] ܕܝܢ ܥܠ ܗܿܢܘܢ ܕܒܣܝܢ ܐܬܚܪܩܘ [ܐܬܪܚܩܘ] ܠܗ ܠܥܠܡܐ . ܠܢܣܝܢܐ ܕܟܠܗܘܢ ܗܢܿܘܢ ܕܗܫܐ ܙܘ̈ܓܐ ܥܣܪ̈ܐ ܐܝܟ ܗܿܝ ܬܚܘܝܬܐ ܕܒܡܨܪܝܢ ܿ ܒܙܒܢ ܓܝܪ ܟܕ ܥܡܐ ܬܡܢ ܡܬܬܘܬܒ ܗܘܐ ܿ ܡܘܫܐ ܐܬܚܙܝ ܘܒܼ݁ܐ ܡܢ ܡܠܟܐ ܕܡܨܪ̈ܝܐ ܕܢܫܒܩܘܢܝܗܝ [ܕܢܫܒܝܘܗܝ] ܠܥܡܐ [ܠܥܡܐ] ܕܥܒܪ̈ܝܐ ܕܢܦܘܩ ܡܢ ܡܨܪܝܢ . ܐܝܟܢܐ ܕܠܐܪܥܐ ܕܐܒܗ̈ܝܗܘܢ ܢܦܢܘܢ ܘܢܐܬܘܢ . ܘܗܼܘ ܕܝܢ ܐܫܬܘܕܝ [ܐܫܘܕܬܝ] ܥܣܪ ܙܒ̈ܢܝܢ ܘܗܘ ܗܟܢܐ ܥܣܪ ܙܒܢܝ̈ܢ ܟܿܦܼܪ ܘܡܛܠ ܗܕܐ ܒܟܠ [ܒܟܘܠ] ܙܒܢܬܐ ܕܟܼܦܪ ܡܚܘܬܐ ܥܡ [ܥܡ] ܟܠܗܘܢ ܡܨܪ̈ܝܐ ܒܿܠܥ ܗܘܐ . ܘܡܐ ܕܐܬܬܘܝ [ܕܐܬܘܝ] ܗܘܐ ܬܘܒ ܡܬܦܨܐ ܗܘܐ . ܘܕܗܿܢܝܢ [ܘܕܗܠܝܢ] ܩܫ̈ܝܬܐ ܢܚܫ ܥܣܪ ܙܒ̈ܢܝܢ ܥܡ ܡܨܪ̈ܝܐ ܒ̈ܢܝ ܪܥܝܢܗ ܗܘ ܗܼܘܐ ܠܗܘܢ ܥܠܬܐ. ܟܕ ܓܝܪ ܡܫܘܐ ܒܦܘܩܕܢܗ ܕܐܠܗܐ ܬܒܿܥ ܗܘܐ ܠܗ ܠܥܡܐ . ܗܿܘ ܡܠܟܐ ܕܡܬܬܒܥ ܗܘܐ ܿ ܡܛܠ ܕܬܗܘܐ ܠܗ ܐܬܐ ܠܡܘܫܐ ܐܡܼܪ ܠܗ ܕܢܬܠ ܠܗ ܬܕܡܘܪܬܐ [ܕܬܕܡܘܪܬܐ] ܡܕܡ ܿ ܘܗܼܘ ܕܝܢ ܒܦܘܩܕܢܗ 112 ܕܐܠܗܐ ܠܚܘܛܪܐ ܗܘ ܕܠܒܝܟ ܗܘܐ ܫܕܝܗܝ ܒܐܪܥܐ ܘܒܫܪܪܐ ܗܼܘܐ ܚܘܝܐ ܘܟܕ ܗܼܘ ܕܝܢ ܒܪܫܥܬܗ [ܒܪ ܫܥܬܗ] ܡܢ ܩܛܝܪܐ ܡܬܛܦܝܣ ܗܘܐ ܿ ܗܝܼ ܡܢܬܐ ܒܝܫܬܐ ܕܒܚܐܪܘܬܗܘܢ ܘܒܨܒܝܢܗܘܢ ܐܝܬܝܗܘܢ ܗܘܘ ܚܪ̈ܫܐ ܐܣܬܒܪܘ ܕܒܕܡܘܬܗ ܕܗܿܘܐ ܫܟܚܘ ܕܢܥܒܕܘܢ ܒܗܝܡܢܘܬܐ [ܒܡܗܝܡܢܘܬܐ] ܕܐܠܗܐ . ܘܠܗ ܠܡܠܟܐ ܥܡ ܡܨܪ̈ܝܐ ܿ ܕܠܐ ܢܗܝܡܢܘܢ ܐܝܟ ܕܝܐܐ ܡܢ ܨܒܝܢܗܘܢ ܕܝܠܗܘܢ ܫܚܠܦܘ ܐܢܘܢ ܡܛܠܬܗܿ ܿ ܕܕܡܘܬܐ ܕܐܬܚܫܒܘ ܕܗܼܘ ܡܘܫܐ ܠܐ ܗܘܐ ܡܢ ܐܠܗܐ ܐܫܬܕܪ ܿ ܕܢܬܒܥܝܘܗܝ ܠܥܡܐ . ܘܐܫܟܚ ܕܗܕܐ ܢܥܒܕ ܡܐ ܕܐܦ ܚܪ̈ܫܐ ܕܕܡܝܢ ܠܗܝܢ ܐܫܟܚܘ ܕܢܥܒܕܘܢ ܐܝܟ ܕܣܒܼܪܘ ܟܕ ܣܦܩ ܗܘܐ ܗܼܘ ܫܡܐ ܕܚܪ̈ܫܐ ܕܢܘܕܥ ܕܒܡܣܡ ܒܪܥܝܢܐ ܓܕܫ ܗܿܢܝܢ [ܗܠܝܢ] ܕܗܘܝ ܡܢܗܘܢ ܐܝܟܢܐ ܕܐܦ ܗܼܝ ܡܫܠܡܢܘܬܐ ܐܝܿܕܝܥܐ [ܝܕܝܥܐܼ .] ܕܗܿܢܝܢ [ܕܗܠܝܢ] ܕܕܡܝܢ ܥܕܡܐ ܠܟܡܐ ܗܼܢܘܢ ܚܪ̈ܫܐ ܐܝܟ ܕܐܡܝܪܐ ܐܫܟܚܘ ܕܢܥܒܕܘܢ ܘܒܡܚܘܬ ܕܝܢ ܐܚܪܝܬܐ [ܐܚܪܬܐ] ܡܘܬܐ ܕܒܘܟܪ̈ܝܗܘܢ ܐܝܬܝܗܿ ܗܘܬ . ܟܕ ܡܘܫܐ ܐܡܪܐ ܕܒܼܚ ܘܠܥܡܐ ܒܕܡܐ ܦܼܪܩ ܥܕܡܐ ܕܥܡ ܟܘܫܦܐ ܐܦ ܡܘܗܒܬܐ ܩܿܒܘ ܠܗܘܢ ܘܕܢܦܘܩ [ܘܕܢܦܩܘ] ܥܡܐ ܟܘܠܗ ܒܥܘ ܡܢܗܘ݀ܢ ܗܘ ܗܟܝܠ ܗܟܢܐ ܐܦ ܗܫܐ ܒܙܒܢܢܢ ܒܗܿܢܝܢ [ܒܗܠܝܢ] ܕܝܠܝ [ܕܝܠܢ] ܚܙܐ ܐܢܐ ܕܗܼܘܝܢ ܐܝܟܢ ܐܓܝܪ ܕܒܗ݀ܘ ܙܒܢܐ ܟܕ ܡܘܫܐ ܐܬܒܘ̈ܬܐ ܘܒܬܕܡܪ̈ܬܐ ܡܦܝܣ ܗܘܐ ܠܗ ܠܡܠܟܐ . ܘܠܡܨܪ̈ܝܐ ܕܢܗܝܡܢܘܢ ܒܐܠܗܐ ܗܼܢܘܢ ܕܝܢܚܪ̈ܫܐ ܒܡܣܡ ܒܪܥܝܢܐ ܕܗܠܝܢ ܕܕܡܝܢ ܠܕܝܠܗ ܣܥܪܝܢ ܡܥܟܪܝܢ ܗܘܘ ܕܠܐ ܢܫܬܘܙܒܘܢ ܛܠܘܡ̈ܐ ܿ ܗܟܢܐ ܐܦ [ܘܐܦ] ܗܫܐ ܕܐܢܐ ܢܦܩܬ ܕܒܐܬܘ̈ܬܐ ܐܦܝܣ ܠܗܢܿܘܢ ܕܡܢ ܥܡܿܡܿܐ ܿ ܕܢܗܝܡܢܘܢ ܒܐܠܗܐ ܕܫܪܪܐ ܿ ܗܘܼ ܗܢܐ ܣܝܡܘܢ ܚܪܐ [ܚܪܫܐ ܣܝܡܘܢ]. ܩܐܡ ܠܘܩܒܠܝ ܘܗܿܢܝܢ [ܘܗܠܝܢ] ܕܡܣܬܒܪܢ ܕܕܡܝܢ ܠܕܝܠܝ ܣܥܪ ܿ ܐܝܟܢܐ ܕܐܦ ܗܿܢܘܢ ܪ̈ܒܢܘܗܝ ܕܗܢܐ ܩܿܡܘ ܠܘܩܒܠ [ܠܘܩܒܠܝ] ܡܘܫܐ . ܥܒܕܐ ܐܝܟܢܐ ܕܗܿܢܘܢ ܕܡܢ ܥܡܡܐ ܝܠܝܢ ܕܥܘܠܐܝܬ ܕܝܢܝܢ ܠܗܝܢ ܠܨܒܘ̈ܬܐ . ܢܬܚܙܘ݀ܢ ܘܐܝܠܝܢ ܕܟܐܢܐܝܬ ܢܫܬܘܙܒܘܢ ܘܢܚܘܢ ܀ ܀ ܀ 269 ܘܟܕ ܗܿܢܝܢ [ܗܠܝܢ] ܦܛܪܘܣ ܐܡܼܪ ܗܘܐ ܿ ܗܼܘ ܢܝܩܛܣ [ܢܝܩܛܝܣ] ܐܡܼܪ ܿ ܕܒܿܥܐ ܐܢܐ ܡܢܟ ܕܡܛܠ ܕܒܥܘܗܕܢܝ ܐܝܬ ܠܝ ܿ ܐܦܣ ܠܝ ܕܐܼܡܪ ܡܕܡ ܕܨ݀ܒܐ ܐܢܐ ܀ ܀ ܀ 270 ܘܗܼܘ ܦܛܪܘܣ ܚܕܝ ܒܚܦܝܛܘܬܗܘܢ ܕܬܠܡܝ̈ܕܐ ܘܐܡܼܪ ܠܗ݀ ܕܐܡܪ܀ 271 ܘܗܼܘ ܢܝܩܛܣ [ܢܝܩܛܝܣ] ܐܡܼܪ ܕܡܢܐ ܗܟܝܠ ܐܣܟܠܘ ܗܢܿܘܢ ܡܨܪ̈ܝܐ ܕܒܗܿܘ ܙܒܢܐ ܕܠܐ ܗܝܡܢܘ ܠܡܘܫܐ ܒܗܿܝ ܕܐܦ ܚܪ̈ܫܐ ܕܕܡܝܢ ܠܗܝܢ ܥܒܕܘ ܿ ܐܦܢ ܒܣܒܪܐ ܘܡܢܐ ܕܝܢ ܕܐܦܢ ܐܢܐ [ܐܠܐ] ܐܝܬܝ ܗܘܝܬ ܒܗܿܘ ܙܒܢܐ ܠܐ ܗܐ ܒܗܿܝ ܕܗܢܿܝܢ [ܕܗܠܝܢ] ܕܕܡܝܢ ܥܒܕܘ ܚܪ̈ܫܐ . ܐܦ [ܘܐܦ] ܥܠ ܡܘܫܐ ܣܒܪ ܗܘܝܬ ܕܚܪܫܐ ܗܘ . ܐܘ ܕܐܦ ܗܢܿܘܢ 113 ܚܪ̈ܫܐ ܒܨܒܝܢܐ ܕܐܠܗܐ ܥܼܒܕܘ ܕܡܬܚܫܒ [ܡܬܚܫܒ] ܗܘܝܬ ܕܠܐ ܡܫܟܚܝܢ ܗܘܘ ܚܪ̈ܫܐ ܕܗܢܿܝܢ [ܕܗܠܝܢ] ܕܕܡܝܢ ܐܦܢ ܥܕܡܐ ܠܫܥܬܐ ܠܕܗܿܘ ܕܡܢ ܐܠܗܐ ܐܫܬܕܪ ܢܥܒܕܘ݀ܢ ܘܗܢܿܝܢ [ܘܗܠܝܢ] ܕܝܢ ܬܘܒ ܕܗܫܐ . ܡܢܐ ܡܣܟܠܝܢ ܗܢܿܘܢ ܕܠܣܝܡܘܢ ܡܗܝܡܢܝܢ ܒܬܕܡܪ̈ܬܐ ܕܐܝܟ ܗܟܢܐ ܐܘ ܠܐ ܗܘܐ ܓܝܪ ܬܕܡܪ̈ܬܐ ܐܢܝܢ . ܗܿܢܝܢ [ܗܠܝܢ] ܕܒܐܐܪ ܢܦܪܚ ܘܒܢܘܪܐ ܢܬܡܙܓ ܿ ܘܠܨ̈ܠܡܐ ܕܡܗܠܟܝܢ ܢܥܒܕ ܘܠܟ̈ܠܒܐ ܕܟܐܦܐ ܕܐܝܟ ܢܦܫ̈ܢܐ ܢܒܚܘܢ ܢܚܘܢ ܿ ܡܛܠ [ܕܡܛܠ ܗܠܝܢ] ܕܠܐ ܝܕܥܝܢ ܕܢܦܫܪܘܢ ܗܿܢܝܢ [ܗܠܝܢ] ܬܕܡܪ̈ܬܐ ܕܒܙܐܦܐ ܡܢ ܗܿܢܝܢ [ܗܠܝܢ] ܕܒܫܪܪܐ ܗܘܿܝܢ . [ܗ̈ܘܝ .] ܘܥܡ ܗܿܢܝܢ [ܗܠܝܢ] ܕܝܢ ܕܢܣܬܒܪ [ܢܣܬܒܪ] ܕܟܐܦ̈ܐ ܠܚܡܐ ܥܒܕ ܘܪ̈ܒܘܬܐ ܐܚܪܢܝܬܐ ܿ ܘܐܢ ܕܝܢ ܗܿܘ ܡܢ ܕܡܗܡܢ ܡܛܠ [ܡܛܘܠ] ܬܕܡܪ̈ܬܐ ܡܣܟܠ ܐܝܟܢܐ ܠܐ ܒܘܠܝܬܐ ܿ ܐܢܫ ܢܐܡܪ ܕܐܦ ܗܢܼܘܢ ܐܣܟܠܘ ܕܒܡܪܢ ܗܝܡܢܘ ܿ ܡܛܠ ܐܬܘ̈ܬܐ ܘܬܕܡܪ̈ܬܐ ܕܥܒܕ ܀ ܀ ܀ 272 ܘܗܼܘ ܦܛܪܘܣ ܐܡܼܪ ܕܡܩܒܠ ܐܢܐ ܠܗܿ ܠܚܦܝܛܘܬܟ ܕܗܿܘ ܡܕܡ ܕܡܕܘܕܢܐ ܗܘ ܕܗܝܡܢܘܬܐ ܿ ܕܒܢܦܫܟ ܐܝܬ ܗܘܐ ܠܐ ܛܫܝܬ ܿ ܕܡܛܠ [ܕܡܛܘܠ] ܗܕܐ ܐܦ ܐܣܝܘܬܐ ܡܫܟܚܐ ܕܬܩܒܠ ܿ ܥܗܝܕ [ܥܗܕ] ܐܢܬ ܕܝܢ ܕܐܡܪܬ ܕܒܝܫ ܡܢ ܟܠ ܐܝܬܘܗܝ ܗܘ ܕܒܣܐ ܕܢܐܠܦ [ܢܐܠܦ܇] ܡܕܡ ܕܡܥܕܪ ܠܗ ܀ ܀ ܀ 273 ܘܗܼܘ ܢܝܩܛܣ [ܢܝܩܛܝܣ] ܐܡܼܪ ܕܥܗܝܕ [ܕܥܗܕ] ܐܢܐ ܀ ܀ ܀ 274 ܘܗܼܘ ܦܛܪܘܣ ܐܡܼܪ ܘܬܘܒ ܐܦ ܗܿܝ ܿ ܕܐܝܟܢܐ ܗܼܘ ܐܠܗܐ ܠܫܪܪܐ ܕܝܠܗ ܛܫܝ . ܡܛܠ ܕܠܗܿܢܘܢ ܕܒܪܚܡܬ ܩܘܫܬܐ ܒܥܝܢ ܢܬܠ ܠܗܘܢ ܕܢܫܟܚܘܢܝܗܝ ܀ ܀ ܀ 275 ܘܗܼܘ ܢܝܩܛܣ [ܢܝܩܝܛܣ] ܐܡܼܪ ܕܐܦ [ܠܐ] ܠܗܕܐ ܠܐ ܛܥܝܬ ܀ ܀ ܀ 276 ܘܗܼܘ ܦܛܪܘܣ ܐܡܼܪ ܕܡܢܐ ܗܟܝܠ ܣܿܒܪ ܐܢܬ ܕܗܼܘ ܐܠܗܐ ܠܫܪܪܗ ܒܐܪܥܐ ܛܡܪܗ ܘܛܘܪܐ ܣܼܡ ܥܠܘܗܝ ܐܝܟܢܐ ܕܣܓܝ ܢܚܦܪܘܢ ܘܢܬܡܨܘܢ ܕܢܫܟܚܘܢܝܗܝ ܿ ܐܠܐ ܠܐ ܗܘܐ ܗܟܢܐ ܐܠܐ ܐܝܟܢܐ ܕܐܦ ܐܪܥܐ ܘܛܘܪ̈ܐ ܡܬܟܣܝܢ ܒܬܟܣܝܬܐ . ܕܫܡܝܐ ܗܟܢܐ ܐܝܬܝܗܘܢ ܐܦ ܨܒܝ̈ܢܘܗܝ ܗܿܢܘܢ ܕܚܪܩ ܕܢܗܘܘܢ ܟܣܝܢ ܡܛܠ ܕܠܗܿܢܘܢ ܕܫܘܝܢ ܕܢܗܘܘܢ [ܢܗܘܘܢ] ܫܟܝܚܝܢ ܐܝܟܢܐ ܕܩܿܕܡܬ ܐܡܿܪܬ ܿ ܕܟܠܗܘܢ [ܕܟܘܠܗܘܢ] ܗܢܘܢ ܙܘ̈ܓܐ ܗܿܘ ܩܕܡܐ ܕܐܬܐ ܐܝܬܘܗܝ ܒܝܫܐ ܿܘܗܿܘ ܕܝܢ ܕܬܪܝܢ ܐܝܬܘܗܝ ܛܒܐ ܿ ܐܝܟܢܐ ܕܡܢ ܕܟܐܢܐܝܬ ܠܗܝܢ ܠܨܒ̈ܘܬܐ ܩܪܼܒ ܐܢ ܦܫܝܛܐ ܗܘ ܘܐܢ ܚܟܝܡܐ ܗܘ ܿ ܐܡܝܢܐܝܬ ܠܗܿܘ ܫܪܪܐ ܢܐܪܘܥ ܿ ܢ ܓܝܪ ܒܡܐܬܝܬܗ ܕܗܿܘ ܩܕܡܝܐ ܗܘ ܕܦܫܝܛܐ ܗܘ ܢܗܝܡܢ ܠܡ̈ܠܘܗܝ ܘܠܐܬܘ̈ܬܗ ܿ [ܐܘ ܠܐܬܘ̈ܬܗ .] ܡܢ ܒܬܪ ܗܢܐ ܗܘ ܕܫܪܪܐ ܗܘ ܡܐ ܕܐܿܬܐ ܠܗܘ ܩܕܡܝܐ ܕܠܐ ܢܬܗܝܡܢ ܿ ܥܼܒܕ ܠܗ ܗܼܘ ܗܟܝܠ ܕܦܫܝܛܐ ܗܘ ܕܓܒܐ ܕܠܟܠ ܐܢܫ ܢܗܝܡܢ ܿ ܠܗܿܘ ܕܬܪ̈ܝܢ ܡܗܝܡܢ ܕܛܒܐ ܗܘ ܿ ܘܡܫܬܚܠܦ ܘܕܐܝܟܢܐ 114 ܕܝܢ ܝܠܦ [ܐܝܠܦ] ܕܠܐ ܙܕܩ ܕܠܟܠ ܐܢܫ ܢܗܝܡܢ ܝܕܥ ܐܢܬ ܡܢ ܕܢܩܦܐ ܘܕܛܟܣܐ ܕܗܿܢܝܢ [ܕܗܠܝܢ] ܕܡܬܐܡܪ݀ܢ ܘܐܢ ܕܝܢ ܠܗܿܘ ܕܬܪ̈ܝܢ ܠܐ ܢܬܛܦܝܣ ܿ ܥܘܠܐ ܒܘܠܝܬܐ ܡܫܬܟܚ ܡܛܠ ܕܥܘܠܐܝܬ ܥܼܒܕ ܥܘܠܘܬܐ ܿ ܗܿܝ ܓܝܪ ܕܠܗܿܘ ܩܕܡܝܐ ܢܗܝܡܢ ܘܠܗܿܘ ܕܝܢ ܕܬܪܝܢ ܠܐ ܢܗܝܡܢ ܿ ܐܘ ܢܐܡܪ ܓܝܪ ܕܡܛܠ [ܕܡܛܘܠ] ܡܢܐ ܠܗܿܘ ܩܕܡܝܐ ܗܝܡܢ ܿ ܘܡܛܠ ܡܢܐ ܠܗܿܘ ܕܬܪ̈ܝܢ ܠܐ ܗܼܝܡܢ . ܐܠܐ ܠܐ ܡܫܟܚ ܕܢܐܡܪ ܗܘ ܓܝܪ ܕܦܫܝܛܐ ܗܘ ܚܪܝܝܐ [ܚܪܥܐ] ܐܝܬܘܗܝ ܿܘܠܐ ܗܘܐ ܒܒܨܬܐ ܠܗܝܢ ܠܨܒ̈ܘܬܐ ܩܪܒ ܿ ܕܠܐ ܒܘܚܪܢܐ ܕܝܢ ܘܐܝܟ ܕܓܕܫܐ [ܕܒܓܕܫܐ] ܫܕܐ ܢܦܫܗ ܐܝܟ ܕܡܣܬܩܒܠܐ ܐܝܟ ܡܐ ܕܣܥܪܝܢ [ܕܣܒܪܝܢ] ܗܿܢܘܢ ܕܠܦܬܟܪ̈ܐ ܣܓܝܕܢ ܿ ܗܿܢܝܢ [ܗܠܝܢ] ܕܒܥܝܕܐ ܒܝܫܐ ܡܚܒܝܢ ܐܝܠܝܢ ܕܡܨܓܦܢ [ܕܡܣܓܦܼܝܢ] ܠܗܘܢ ܘܠܐ ܨܒܝܢ ܒܐܝܕܥܬܐ [ܕܒܝܕܥܬܐ] ܢܪܚܩܘܢ ܡܢܗܘܢ ܗܿܢܝܢ [ܗܠܝܢ] ܒܝܫ̈ܬܐ ܘܗܼܢܘܢ ܐܒܕܝܢ ܘܐܝܟ ܗܿܘ ܕܠܗܘܢ [ܕܠܢ] ܡܣܓܦܝܢ ܣܒܪ̈ܝܢ . ܐܢ ܗܟܝܠ ܗܿܢܘܢ ܕܒܣܝܢ ܥܠ ܥܘܕܪܢܗܘܢ ܢܗܘܐ ܕܢܣܬܩܒܠ ܠܗܘ݀ܢ ܗܿܝ ܕܠܐ ܡܫܟܚܐ ܡܛܠ [ܡܛܘܠ] ܕܡܩܘܝܢ ܠܗܘܢ ܒܗܿ ܒܒܝܫܬܐ ܗܝܕܝܢ ܐܦ ܠܗܿܢܘܢ ܕܒܕܚܠܬ ܐܠܗܐ ܦܫ̈ܝܛܐ ܐܢܘ݀ܢ ܗ݀ܢܘ ܕܝܢ ܚܪ̈ܝܝܐ ܕܠܫܪܪܐ [ܠܫܪܪܐ ܕܠܫܪܪܐ] ܗܼܘܐ ܠܗܘܢ ܕܢܐܪܥܘ݀ܢ ܘܗܿܢܝܢ [ܘܗܠܝܢ] ܕܝܢ ܐܬܐܼܡܪ ܥܠ ܦܫ̈ܝܛܐ . ܘܐܢ ܕܝܢ ܐܢܫ ܕܚܟܝܡܐ ܐܝܬܘܗܝ ܠܐ ܟܐܢܐܝܬ ܐܦ ܗܼܘ ܠܗܝܢ ܠܨܒܘ̈ܬܐ ܢܐܪܘܥ . ܘܠܐ [ܠܐ] ܡܕܡ ܡܘܬܪܐ ܠܗ ܚܟܡܬܗ ܠܫܟܚܬܗܿ ܕܡܝܬܪܘܬܐ ܿ ܟܐܢܐ ܗܝ ܓܝܪ ܕܠܗܘ ܩܕܡܝܐܕܐܬܐ ܕܐܘ ܠܐ ܢܗܝܡܢ ܐܘ ܢܗܡܢ [ܕܢܗܝܡܢ] ܘܠܗܿܘ ܕܬܪ̈ܝܢ ܒܗܿ ܒܕܡܘܬܐ ܢܥܒܕ ܐܿܡܪ ܐܢܐ ܕܝܢ ܕܐܢ [ܠܗ] ܠܫܪܪܐ ܝܕܥ ܠܗ ܘܠܐ ܗܝܡܢ ܠܗܿܘ ܩܕܡܝܐ . ܠܐ ܢܗܝܡܢ ܐܦ ܠܐ ܠܗܿܘ ܕܬܪ̈ܝܢ . ܠܐ ܓܝܪ ܣܢܝܩ ܐܝܟ ܚܠܝܡܐ ܥܠ ܐܣܝܐ ܕܡܐܣܐ ܿ ܘܐܢ ܕܝܢ ܐܢܫ ܡܗܝܡܢ ܠܩܕܡܝܐ ܢܗܝܡܢ ܐܦ ܠܗܿܘ ܕܬܪܝܢܿ . ܡܐ ܓܝܪ ܕܒܿܠܥ ܡܢ ܛܘܥܝܝ ܕܗܿܘ ܩܕܡܝܐ ܐܝܬ ܗܘ ܠܗ. ܣܘܢܩܢܐ ܥܠ ܗܿܘ ܕܡܐܣܐ ܠܗ ܕܬܪܝܢ . ܗܐ ܗܟܝܠ ܫܡܥܬ ܕܡܛܠ [ܕܡܛܘܠ] ܡܢܐܼ ܗܘ ܒܝܫܐ . ܩܕܡܝܐ ܐܬܐ . ܘܗܿܘ ܕܝܢ ܡܝܬܪܐ ܕܬܪܝܢ . ܘܥܠܝܗܝܢ ܕܝܢ ܕܐܬܘ̈ܬܐ ܘܬܕܡܪ̈ܬܐ ܥܡ ܗ݀ܢܝܢ [ܗܠܝܢ] ܕܢܦܩܢ ܠܗܝܢ . ܒܘܠܝܬܐ ܡܦܪܫܢ ܐܢܝܢ ܗܿܢܝܢ [ܗܠܝܢ] ܬܕܡܪ̈ܬܐ ܥܿܒܕ ܓܝܪ ܗܼܘ ܒܝܫܐ ܗܢܝܢ [ܗܠܝܢ] ܕܠܝܬ ܒܗܝܢ ܗܢܝܢܐ ܘܗܘ ܕܝܢ ܡܝܬܪܐ ܗܿܢܝܢ [ܗܠܝܢ] ܕܡܥܕܪܢܿܝܬܐ ܐܢܝܢ ܕܠܐ ܥܘܕܪܢܐ ܐܢܝܢ ܓܝܪ ܗܿܢܝܢ [ܗܠܝܢ] ܕܢܚܘܐ ܨܠܡܐ ܕܡܗܠܟܝܢܿ ܘܟܠܒ̈ܐ ܕܟܐܦܐ ܕܢܒܚܝܢ ܘܛܘܪܐ ܕܡܫܘܪܝܢ ܗܿܢܝܢ [ܗܠܝܢ] ܘܐܝܠܝܢ ܕܠܗܠܝܢ ܕܡܝܢ ܕܐܡܪܝܢ ܕܒܙܒܢ ܥܼܒܕ ܣܝܡܘܢ ܗܿܢܝܢ [ܗܠܝܢ] ܕܝܢ ܡܥܕܪܢܝܬܐ ܐܝܬܝܗܝܢ ܟܘܠܗܝܢ [ܟܠܗܝܢ] ܗܿܢܝܢ [ܗܠܝܢ] ܕܡܪܢ ܥܿܒܕ ܕܠܣ̈ܡܝܐ ܥܿܒܕ ܕܢܚܙܘܢ ܘܠܕܘ̈ܓܐ ܕܢܫܡܥܘܢ 115 ܘܠܚܓܝܪ̈ܐ ܘܠܦܫ̈ܝܓܐ ܕܢܬܬܪܨܘܢ . ܘܬܘܒ ܐܦ ܠܕܝܘ̈ܐ ܛܪܼܕ ܘܠܟܪ̈ܝܗܐ ܐܣܼܝ ܘܠܡܝ̈ܬܐ ܐܩܼܝܡ ܐܝܟܗܿܢܝܢ [ܗܠܝܢ] ܟܘܠܗܝܢ [ܟܠܗܝܢ] ܕܐܦ ܠܝ ܚܙܝܢ ܐܢܬܘܢ ܕܥܒܿܕ . ܐܢܐ ܗܿܢܝܢ [ܗܠܝܢ] ܕܥܘܕܪ̈ܢܐ [ܕܕܥܘܕܪܢܐ] ܐܢܝܢ ܘܕܪ̈ܚܡܐ ܕܥܠ ܒ̈ܢܝ ܐܢܫܐ ܿ ܘܗܼܘ ܒܝܫܐ ܥܿܒܕ ܠܗܝܢ ܐܠܐ ܠܚܪܬܐ ܚܕܐ ܙܒܢ ܒܠܚܘܕ ܡܐ ܕܚܿܠܛ ܐܬܘ̈ܬܐ ܛܒ̈ܬܐ ܗܢܐ ܗܘ [ܗܢܘ] ܕܝܢ ܕܠܕܝܘ̈ܐ ܛܪܕ ܘܠܟܘܪ̈ܗܢܐ ܡܥܪܩ ܕܡܛܠ ܗܕܐ ܐܝܟ ܕܥܒܪ ܠܗ ܬܚܘ̈ܡܐ ܕܝܠܗ ܿ ܘܐܬܦܠܓ ܥܠ ܢܦܫܗ ܿ ܘܐܿܩܪܒ ܠܘܩܒܠܝ [ܠܘܩܒܠ] ܗܿܢܝܢ [ܗܠܝܢ] ܕܝܠܗ ܡܢ ܪܫܢܘܬܐ [ܪܝܫܢܘܬܐ] ܗܝ ܕܐܗܡܝ ܠܗ ܡܫܬܕܐ [ܡܫܬܪܐ] ܠܗܿ ܿ ܡܛܠ ܕܐܬܐ ܥܠ ܬܚܘ̈ܡܐ ܕܝܠܗܿ ܕܪܒܘܬܐ ܕܢܥܘܠ ܒܟ̈ܐܢܐ ܗܿܢܘܢ ܕܝܠܦܘ ܿ [ܕܐܝܠܦܘܿ.] ܕܐܝܢܐ ܛܒܐ ܦܐܪ̈ܐ ܛܒ̈ܐ ܝܗܒ . ܘܗܼܘ ܒܝܫܐ ܒܝܫ̈ܐ ܗܿܢܘܢ ܕܐܝܬ ܠܗܘܢ ܕܢܩܕܡܘܢ ܢܐܠܦܘܢ ܕܐܦ ܒܙܘܓܐ ܕܬܫ̈ܥܐ ܕܐܬܐ ܗܘ ܒܝܫܐ ܒܗܿܢܝܢ [ܒܗܠܝܢ] ܕܛܒܐ ܿ ܘܒܙܘܓܐ ܕܝܢ ܕܥܣܪ̈ܐ ܣܥܼܪ [ܣܥܪܐ] ܬܕܡܪ̈ܬܐ ܫܦܝܪ̈ܬܐ ܿ ܐܝܟܐܢ ܕܐܝܢ ܡܫܟܚܐ ܕܢܿܛܥ ܐܦ ܠܓܒ̈ܝܐ ܟܠܗܘܢ ܐܒܕܝܢ ܗܘܘ ܿ ܥܣܪ̈ܐ ܗܟܝܠ ܐܝܬܝܗܘܢ ܙܘ̈ܓܐ ܗܢܿܘܢ ܕܡܢ ܐܕܡ ܩܐܝܢ ܘܗܒܝܠ ܘܕܬܪܝܢ ܕܝܢ ܗܿܘ ܕܒܝܘ̈ܡܝ ܢܘܚ ܘܕ̈ܬܠܬܐ ܕܦܪܥܘܢ ܘܕܐܒܪܗܡ ܘܕܐܪ̈ܒܥܐ ܕܦ̈ܠܫܬܝܐ [ܕܦܫ̈ܠܬܝܐ] ܘܕܐܝܣܚܩ ܘܚܕܚܡ̈ܫܐ ܥܣܘ [ܕܥܣܘ] ܘܝܥܩܘܒ [ܘܕܝܥܩܘܒ .] ܘܕܫܬܐ ܕܝܘܚܢܢ ܘܕܣܐܡ ܢܡܘܣܐ ܿ ܘܕܫܒ̈ܥܐ ܕܡܢܣܝܢܐ ܘܕܒܪܗ ܕܐܢܫܐ . ܘܕܬܡܢܝܐ ܕܣܝܘܢ ܘܕܝܠܝ ܕܦܛܪܘܣ ܘܕܬܫ̈ܥܐ ܕܙܪܥܐ ܕܙܝ̈ܙܢܐ ܘܕܐܘܢܓܠܝܘܢ ܕܡܫܬܕܪ ܠܡܬܦܢܝܢܘܬܐ ܡܐ ܕܐܬܥܩܪ ܗܘ ܩܘܕܫܐ . ܘܠܚܘܪܒܗ ܢܣܝܡܘܢ ܛܢܦܘܬܐ ܘܕܥܣܪܐ ܕܗܿܘ ܕܠܘܩܒܠ ܡܫܝܚܐ ܘܕܝܠܗ ܕܡܫܝܚܐ ܿ ܗܿܘ ܕܝܢ ܕܠܘܩܒܠ ܡܫܝܚܐ ܐܬܿܐ ܘܚܝ̈ܠܐ ܡܥܕܪ̈ܢܐ ܥܿܒܕ ܕܒܗ ܛܥܝܢ ܗ̈ܢܘܢ ܕܠܐ ܩܕܡܘ ܗܝܡܢܘ ܠܗܘ ܕܒܙܘܓܐ [ܕܒܙܘܘܓܐ] ܕܬܫ̈ܥܐ ܩܿܕܡ ܙܗܪ ܘܣܿܒܪ ܚܝ̈ܐ ܕܠܥܠܡ ܐܢ ܟܐܢ̈ܐ ܢܩܘܘܢ ܘܒܡܫܝܚܘܬܗ ܕܒܝܫܐ ܠܐ ܢܛܥܘܢܿ ܘܗܝܕܝܢ ܡܫܚܠܦܐܝܬ ܟܠܗܿ [ܟܘܠܗܿ] ܨܒܘܬܐ ܗܿܘܝܐ ܐܝܟܢܐ ܕܒܙܒܢ ܐܚܪܝܢ ܒܡ̈ܠܐ ܕܥܠ ܙܘ̈ܓܐ ܒܬܫܥܝܬܐ ܐܪܝܟܬܐ ܡܫܠܡܢܐ [ܡܫܼܠܡ ܐܢܐ] ܀ ܀ ܀ 277 ܘܟܕ ܗܠܝܢ ܦܛܪܘܣ ܐܡܼܪ ܐܩܝܠܘܣ [ܐܠܩܘܣܼ] ܐܡܼܪ ܠܗ ܿ ܕܒܩܘܫܬܐ ܝܠܘܦܢܐ ܬܟܝܒܐ ܡܬܒܥܐ ܐܝܟܢܐ ܕܐܢܫ ܒܟܠܙܒܢ [ܒܟܘܠ ܙܒܼܢ .] ܥܠ ܚܕܐ ܚܕܐ ܡܢܗܝܢ ܢܬܚܦܛ ܿ ܀ ܀ ܀ 278 ܘܗܼܘ ܦܛܪܘܣ [ܘܦܛܪܘܣ] ܦܢܝ ܠܗ ܦܬܓܡܐ ܕܡܢܘ ܗܟܝܠ ܕܚܦܝܛܘܬܐ ܕܝܘܠܦܢܐ ܬܟܝܒܐ ܡܩܒܠ ܥܠܘܗܿܝ . ܐܠܐ ܐܢ ܗܿܘ ܕܠܢܦܫܗ ܪܚܡ ܕܢܫܘܙܒܝܗܿ . ܡܢ ܟܠ ܡܕܡ ܡܫܬܐܠ ܿ ܐܝܟܐ ܕܬܟܝܒܐܝܬ ܕܢܫܡܥ ܡܠܬܐ ܢܫܟܚ ܗܘ ܕܗܼܘ ܿ ܒܠܚܘܕܘܗܝ ܕܚܟܝܡܐ ܗܘ . ܠܗ ܠܢܒܝܐ ܕܫܪܪܐ ܚܫܝܒ ܕܩܕܡ ܟܘܠ 116 [ܟܠ] ܡܕܡ ܕܢܚܐ ܘܢܫܘܙܒ ܢܦܫܗ ܨܒܐ ܡܢܿܘ ܓܝܪ ܗܢܐ ܕܢܩܒܠ ܥܠܘܗܝ ܕܟܘܠ ܡܕܡ ܢܫܕܐ ܡܢܗ ܿ ܘܢܦܫܗ ܢܚܐ ܥܠ ܐܦܝ ܥܘܕܪܢܐ ܿ ܘܝܘܬܪܢܐ . ܐܠܐ ܐܢ ܗܿܘ ܕܚܟܝܡܐ ܗܘ ܗܿܘ ܝܕܥ ܕܟܡܐ ܗܘ ܦܘܪܫܢܐ ܒܝܬ ܗܢܿܝܢ [ܗܠܝܢ] ܕܙܒܢܐ ܠܗܢܝܢ [ܠܗܠܝܢ] ܕܠܥܠܡ . ܒܝܬ ܗܿܢܝܢ [ܗܠܝܢ] ܙܥܘܪ̈ܝܬܐ ܠܗܢܿܝܢ [ܠܗܠܝܢ] ܕܠܐ ܡܣܬܝܟܢ ܘܒܝܬ ܒ̈ܢܝ ܐܢܫܐ ܠܗܿܘ ܐܠܗܐ ܕܟܠܡܕܡ ܡܫܟܚ . ܘܡܢܘ ܕܡܣܒܪ ܕܢܣܒ ܛܒ̈ܬܐ ܕܠܥܠܡ ܐܠܐ ܐܢ ܒܪ ܐܢܫܐ ܛܒܐ . ܘܡܢܘ [ܡܢܘ] ܕܝܢ ܛܒܐ ܐܠܐ ܐܢ ܗܿܘܕܠܐܠܗܐ ܡܚܒ ܿ [ܡܬܚܫܒ .] ܘܡܢܘ ܕܝܢ ܕܡܚܒ ܠܐܠܗܐ . ܐܠܐ ܐܢ ܗܿܘ ܕܚܟܡܬܗ ܝܿܕܥ ܒܟܠܙܒܢ . [ܒܟܘܠ ܙܒܼܢ .] ܘܐܝܟܢܐ ܕܝܢ ܐܢܫ ܡܫܟܚ ܕܢܕܥܝܗܿ ܐܠܐ ܐܢ ܬܟܝܒܐܝܬ ܢܫܡܥܝܗܿ ܘܒܗܿ ܢܬܕܡܪ ܘܢܝܩܪܝܗܿ ܒܗܿܢܝܢ [ܒܗܠܝܢ] ܕܠܘܗ ܚܒܝܒܐܝܬ ܡܬܚܢܢ ܿ [ܡܬܬܢܚ .] ܘܚܘܣܪܢܐ ܪܒܐ ܚܫܝܒ ܥܠܘܗܝ . ܐܡܬܝ ܕܡܕܡ ܐܚܪܝܢ ܐܦܢ ܛܪܦܐ ܕܫܥܬܐ [ܕܫܢܬܐ] ܕܢܡܠܠ ܡܬܐܠܨ ܿ ܠܐ ܓܝܪ ܡܫܟܚܐ ܢܦܫܐ ܐܝܕܐ ܕܚܘܒܗ ܕܐܠܗܐ ܡܠܝܐ ܕܡܕܡ ܐܚܪܝܢ ܬܚܘܪ ܘܬܚܙܐ . ܐܠܐ ܐܢ ܗܿܘ ܡܕܡ ܕܠܗ ܫܦܪ ܗܿܢܘܢ ܓܝܪ ܕܠܐ ܨܒܝܢ ܕܗܿܢܝܢ [ܕܗܠܝܢ] ܕܠܗ ܫܦܪܢ ܕܠܘܩܕܡ ܒܪ̈ܥܝܢܝܗܘܢ ܢܚܙܘܢ ܘܗܝܕܝܢ ܗܟܢܐ ܢܡܠܠܘܢ ܐܝܟ ܗܿܢܘܢ ܕܒܚܫܘܟܐ ܣܓܝ ܩܘܝܘ ܿ ܘܢܘܗܪܐ ܫܡܝܢܐ ܕܢܚܙܘܢ ܠܐ ܡܫܟܚܝܢ . ܘܩܕܡ ܕܢܫܪܘܢ ܒܒܥܬܐ ܕܥܠ ܪ̈ܒܘܬܐ ܠܐܝܢ ܠܗܘܢܿ ܡܛܠ ܓܝܪ ܕܐܥܝܪܘܼ ܠܗܘܢ ܒܒܝ̈ܫܬܐ ܕܛܘܥܝܝ . ܡܐ ܕܥܠ ܐܠܗܐ ܫܡܥܝܢ . ܐܝܟ ܕܒܡܡܠܠܐ ܕܠܐ ܡܢܚܝܢ [ܡܼܚܝܢ] ܒܗ ܡܬܢܗܪܝܢ ܒܢܡܘܣܐ ܘܡܬܬܥܝܩܝܢ ܒܗ ܿ ܀ ܀ ܀ 279 ܘܟܕ ܗܿܢܝܢ [ܗܠܝܢ] ܦܛܪܘܣ ܐܡܼܪ ܗܘܐ ܢܓܗܬ ܗܘܬ ܠܗܿ . ܘܐܬܐ ܗܘܐ ܚܼܕ ܬܠܡܝܕܗ ܕܣܝܡܘܢ ܟܕ ܩܥܐ ܘܡܒܓܢ ܘܐܿܡܪ ܕܒܥܐ ܐܢܐ ܡܢܟ ܦܛܪܐ ܿ ܩܒܠܝܢܝ ܠܝ ܠܪܫܝܥܐ ܕܡܢ ܣܝܡܘܢ ܚܪܫܐ ܿ ܒܨܝܪ ܩܠܝܠ ܡܬܚܛܦ [ܡܬܚܦܛ] ܗܘܝܬ ܐܝܟ ܓܝܪ ܕܒܐܠܗܐ ܫܡܝܢܐ ܬܠܐ ܗܘܝܬ ܒܗ ܿ ܕܒܗܿܢܝܢ [ܕܒܗܠܝܢ] ܬܕܡܪ̈ܬܐ ܕܡܢܗ ܗܘܝܢ ܗܘܝ ܿ ܬܗܪ ܗܘܝܬ ܒܗ . ܘܟܕ ܕܝܢ ܐܢܬ ܡܠܠܬ ܥܡܗ ܿ ܘܐܬܟܣܣ ܘܐܬܚܙܝ ܕܒܪ ܐܢܫܐ ܗܘ ܒܝܫܐ . ܘܐܦ ܠܐ ܐܢܫ ܢܩܦܗ ܿ ܘܐܢܐ ܒܠܚܘܕܝ ܐܝܬܝ ܗܘܝܬ ܗܿܘ ܕܢܦܩܬ ܥܡܗ . ܡܛܠ [ܡܛܘܠ] ܓܝܪ ܕܠܐ ܥܕܟܝܠ ܡܠܝܐܝܬ ܝܕܥܬܗ ܗܘܝܬ ܠܗ ܠܪܫܝܥܐ . ܚܙܢܝ ܕܢܩܝܦ ܐܢܐ ܠܗ . ܐܡܼܪ [ܘܐܡܼܪ] ܠܝ ܕܛܘܒܢܐ ܐܢܬ . ܘܐܘܒܠܢܝ ܠܒܝܬܗ ܿ ܘܒܦܠܓܗ ܕܠܠܝܐ ܫܪܝ ܕܢܐܡܪ ܠܝ ܕܡܝܬܪܐ ܡܢ ܟܠܗܘܢ ܒ̈ܢܝ ܐܢܫܐ [ܒܢܝ̈ܢܫܐ] ܥܿܒܕ ܐܢܐ ܠܟ . ܐܢ ܗܘ ܕܥܕܡܐ ܠܚܪܬܐ ܕܬܨܼܒܐ [ܬܨܼܒܐ] ܕܥܡܝ ܬܗܘܐ ܘܟܕ ܕܝܢ 117 ܐܢܐ ܐܫܬܘܕܝܬ ܠܗ ܿ ܕܒܟܠܙܒܢ [ܕܒܟܘܠ ܙܒܢ] ܥܡ ܗܿܘܐ ܐܢܐ . [ܐܢܼܐ. ] ܡܘܡܬܐ ܬܒܼܥ ܡܢܝ [ܒܐܝ̈ܕܝܼ .] ܕܫܪܪܐ [ܕܒܫܪܪܐ ܕܫܪܪܐ] ܐܛܪ ܥܡܗ ܿ ܘܗܟܢܐ ܐܣܼܪ ܨܪܪܐ ܕܨܒ̈ܘܬܐ ܛܡ̈ܐܬܐ ܘܟܣ̈ܝܬܐ ܘܥܒܕܢܝ ܕܐܛܥܢܝܘܗܝ ܿ ܘܦܩܕ ܠܝ ܕܐܛܥܢܝܘܗܝ ܿ ܘܟܕ ܕܝܠܢ ܠܝܡܐ ܐܬܝܢܼܢ [ܐܬܼܝܢ ܚܢܼܢ.] ܣܦܝܢܬܗ ܐܫܬܟܚܬ ܠܗ ܿ ܘܥܠ ܗܼܘ ܒܠܚܘܕܘܗܝ ܘܢܣܒ ܗܿܘ ܨܪܪܐ . ܘܒܬܪ ܩܠܝܠ ܢܦܩ ܟܕ ܠܝܬ [ܠܐ ܐܝܬ] ܥܠܘܗܝ . ܗܿܘ ܨܪܪܐ ܕܐܥܠ ܥܡܗ ܿ ܘܓܠܝܐ ܗܝ ܗܕܐ ܕܒܥܘܡܩܐ ܕܝܡܐ ܫܕܝܗܝ . ܘܒܥܐ ܡܢܝ ܕܒܪܫܥܬܗ [ܕܒܪ ܫܥܬܗ] ܐܚܙܘܩ ܥܡܗ ܿ ܟܕ ܐܿܡܪ ܕܡܐ ܕܪܗܘܡܐ [ܠܪܗܘܡܐ] ܐܙܠܬ . ܗܢܐ [ܗܟܢܐ] ܟܠܗ [ܟܘܠܗܿ] ܡܫܟܚ ܐܢܐ ܕܐܨܠܚ ܐܝܟܢܐ ܕܢܣܒܪܘܢ ܥܠܝ ܕܐܠܗܐ ܐܢܐ ܿ ܘܠܐܝܩܪܐ ܡܢ [ܕܡܢ] ܟܠ ܐܢܫ ܐܘܐ . ܘܗܝܕܝܢ ܠܟ ܒܟܣܦܐ ܡܥܬܪ ܐܢܐ . ܘܠܟܐ ܐܢ ܨܿܒܐ ܐܢܬ ܕܬܥܛܘܦ ܥܡ ܣܓܝ̈ܐܐ ܡܫܕܪ ܐܢܐ ܠܟ . ܘܟܕ ܕܝܢ ܐܢܐ ܗܿܢܝܢ [ܗܠܝܢ] ܫܡܥܬ ܡܢܗ ܿ ܘܚܙܝܬ ܕܡܕܡ ܡܘܠܟܢܐ [ܕܡܘܠܟܢܐ] ܕܐܠܗܐ ܠܝܬ ܒܗܝܢ . ܘܕܚܪܫܐ ܘܡܛܥܝܢܐ ܐܝܬܘܗܝ ܝ݀ܕܥܬ ܿ ܐܡܪܬ ܠܗ ܕܒܿܥܐ ܐܢܐ ܡܢܟ . ܕܒܫܘܩ ܠܝ ܕܟܝܒܢ ܠܝ ܫܩ̈ܝ . ܘܡܛܠ ܗܕܐ ܕܐܦܘܩ ܡܢ ܩܣܪܝܐ ܠܐ ܡܨܢܐ . [ܡܨܐ ܐܢܐ .] ܘܬܘܒ ܕܝܢ ܕܐܦ ܐܢܬܬܐ ܘܒ̈ܢܼܝܐ ܝ̈ܠܘܕܐ ܐܝܬ ܠܝ . ܘܕܐܫܒܘܩ ܐܢܘܢ ܠܐ ܡܫܟܚ ܐܢܐ . ܘܗܼܘ ܕܝܢ ܟܕ ܗܢܝܢ [ܗܠܝܢ] ܫܡܥ ܨܥܪܢܝ ܘܚܣܕܢܝ ܘܢܦܩ ܗܼܘ ܒܠܚܘܕܘܗܝ ܠܐܦ̈ܝ ܪܘܕܐ ܘܐܡܼܪ ܕܡܬܬܘܐ ܐܢܬ ܡܐ ܕܫܡܥܬ ܗܿܢܝܢ [ܗܠܝܢ] ܕܗܿܘܝܢ ܠܝ ܒܪܗܘܡܐ . ܘܟܕ ܗܿܢܝܢ [ܗܠܝܢ] ܕܝܢ ܐܡܪ ܿ ܗܘ ܫܢܝ ܐܝܟ ܕܠܪܗܘܡܐ ܿ ܘܐܢܐ ܕܝܢ ܒܪܫܥܬܗ [ܒܪ ܫܥܬܗ] ܠܗܪܟܐ ܐܬܝܬ . ܐܝܟܢܐ ܕܬܩܒܠܝܢܝ ܕܡܬܬܘܐ [ܘܡܬܘܐ] ܐܢܐ ܥܠ ܗܿܢܝܢ [ܗܠܝܢ] ܕܡܢ ܩܕܝܡ [ܕܩܕܝܡ ܡܢ] ܐܬܒܛܠܬ ܒܗܝܢ ܀ ܀ ܀ 280 ܘܟܕ ܗܿܢܝܢ [ܗܠܝܢ] ܐܡܿܪ ܗܘ ܕܥܠ ܠܘܬܢ ܿ ܗܼܘ ܦܛܪܘܣ ܦܩܼܕ ܠܗ ܕܒܕܘܟܬܐ ܕܕܪܬܐ ܢܟܬܪ ܠܗ . ܘܟܕ ܗܼܘ ܕܝܢ ܡܟܬܪ ܗܘܐ . ܗܘ ܦܛܪܘܣ ܐܬܐ . ܘܥܼܠ ܕܝܢ ܘܚܼܙܐ ܕܟܢܫܐ ܣܓܝ ܗܘܐ ܝܬܝܪ ܡܢ ܕܟܠܗܘܢ [ܕܟܘܠܗܘܢ] ܝܘ̈ܡܬܐ ܘܒܕܘܼ̣ܬܐ ܗܿܝ ܕܐܬܡܠܝ ܩܼܡ . ܘܠܗܘ ܕܥܠ ܠܘܬܗ ܚܘܝ ܐܢܘܢ . ܘܫܪܝ ܕܢܐܡܪܐ ܗܟܢܐ . ܕܗܢܐ ܓܒܪܐ ܐܚ̈ܝ ܕܐܢܐ ܡܚܘܐ ܐܢܐ ܠܟܘ݀ܢ ܒܩܘܕܡܐ ܐܬܼܐ ܠܘܬܝ ܿ ܘܥܠ ܚܪܫܘܬܗ ܕܣܝܡܘܢ ܐܫܬܥܝ ܠܝ . ܕܐܝܟܢܐ ܗܿܢܘܢ [ܗܠܝܢ] ܬܘܩ̈ܢܘܗܝ ܕܚܪ̈ܫܐ ܒܥܘܡܩܗ ܕܝܡܐ ܫܕܐ ܐܢܘ݀ܢ ܠܐ ܗܘܐ ܐܝܟ ܕܐܬܬܘܝ ܠܗ ܿ ܐܠܐ ܡܛܠ ܕܕܚܠ ܕܠܐ ܢܬܟܣܣ ܘܢܬܓܠܐ . ܘܒܥܐ ܕܝܢ ܡܢܗ ܐܝܟ ܕܗܘ [ܕܒ] ܐܡܼܪ ܿ ܘܡܘܗܿܒܿܬܐ [ܘܐܦ ܡܘܗ̈ܒܬܐ] ܕܥܠܡܐ ܗܢܐ ܐܫܬܘܕܝ ܗܘܐ ܠܗܿ . ܘܟܕ ܐܝܟ ܕܐܡܼܪ ܠܐ ܐܬܛܦܝܣ ܠܗ [ܐܦܝܣܗܼ .] ܚܣܕܗ ܘܨܥܪܗ ܘܫܢܝ . ܘܡܪܕܝܬܗ ܐܝܟ ܕܐܿܡܪ 118 ܠܪܗܘܡܐ ܥܬܝܕ ܕܢܥܒܕ [ܕܢܥܒܪ] ܀ ܀ ܀ 281 ܘܟܕ ܦܛܪܘܣ ܗܢܿܝܢ [ܗܠܝܢ] ܐܡܼܪ ܿ ܗܘ ܗܘ ܓܒܪܐ ܕܥܠ ܠܘܬܢ ܓܠܝܐܝܬ ܟܠܗܝܢ ܗܿܢܝܢ [ܗܠܝܢ] ܟܣܝ̈ܬܐ ܘܒܝܫ̈ܬܐ ܕܣܝܡܘܢ ܘܣܘܥܪ̈ܢܘܗܝ ܠܟܢܫ̈ܐ ܗܿܢܘܢ ܕܩܪ̈ܝܒܝܢ ܐܫܬܥܝ ܀ ܀ ܀ 282 ܘܟܕ ܕܝܢ ܗܼܘ ܥܡܐ ܡܬܬܥܝܩܝܢ ܗܘܘ ܥܠ ܚܪܫܘܬܗ ܕܣܝܡܘܢ ܘܥܠ ܣܘܥܪ̈ܢܘܗܝ ܒܝܫ̈ܐ . ܘܗܼܘ [ܗܼܘ] ܦܛܪܘܣ ܐܡܪ ܠܗܘܢ ܿ ܕܠܐ ܬܬܥܝܩܘܢ ܥܠ ܗܿܢܝܢ [ܗܠܝܢ] ܕܥܒܪ . ܐܠܐ ܐܙܕܗܪܘ ܡܢ ܗܿܢܝܢ [ܗܠܝܢ] ܕܥܬܝܕ݀ܢ . ܗܿܢܝܢ [ܗܠܝܢ] ܓܝܪ ܕܥܒܪ ܠܗܝܢ ܣܟܗܝܢ ܢܣܿܒ ܠܗܝܢ . ܘܗܿܢܝܢ [ܘܗܠܝܢ] ܕܝܢ ܕܥܬܝܕ݀ܢ ܐܝܓܘܢܐ [ܐܓܘܢܐ] ܠܗܿܢܘܢ ܕܢܦܠܝܢ ܒܗܝܢ . ܐܝܬ ܠܗܝܢ ܕܢܬܠܢ . ܠܐ ܓܝܪ ܡܡܬܘܡ [ܡܢ ܡܬܘܡ] ܡܓܪܕܝܢ ܡܟܫܘ̈ܠܐ ܡܢ ܥܠܡܐ . ܐܝܟ ܟܡܐ ܕܠܗܿܘ ܕܠܩܘܒܠܐ ܡܦܣ ܠܗ ܕܨܒܒܝܢܗ ܢܚܨܦ ܐܝܟܢܐ ܕܠܗܢܿܘܢ ܕܦܪ̈ܘܫܐ ܐܢܘܢ . ܘܪ̈ܚܡܝ ܝܘܠܦܢܐ ܢܗܘܐ ܠܗܘܢ ܕܢܬܦܨܘܢ ܘܢܫܬܘܙܒܘܢ ܗܿܢܘܢ ܕܝܠܢ ܕܠܐ ܦܪ̈ܘܫܐ ܐܢܘܢ ܘܒܣܝܢ ܒܢܦܫܗܘܢ ܕܒܐܝ̈ܕܝ ܡܛܥܝܢ ܢܦܠܘ݀ܢ ܘܢܬܨܝܪܘܢ [ܘܢܬܬܨܝܪܘܢܿ] ܡܛܠ [ܡܛܘܠ] ܗܟܝܠ ܕܐܝܟܐܢ ܕܐܦ ܐܢܬܘܢ ܫܡܥܬܘ݀ܢ ܕܗܼܘ ܣܝܡܘܢ ܢܦܼܩ ܕܢܩܕܡ ܢܠܒܘܟ ܡܫܡܥܬܐ ܕܥܡܡܐ ܗܿܢܘܢ ܕܠܦܘܪܩܢܐ ܘܠܚܝ̈ܐ ܐܬܩܪܝܘ ܿ ܐܠܨܐ ܠܝ ܐܦ ܠܝ ܕܐܦܘܩ ܒܥܩܒܗ ܘܐܬܪܘܨ ܘܐܦܢܐ ܠܥܡܡܐ ܗܿܢܘܢܿ ܕܡܢܗ ܡܬܚܒܠܝܢ ܿ ܐܠܐ ܡܛܠ ܕܟܐܢܐ ܗܝ ܗܕܐ ܕܥܠܝܟܘܢ ܕܝܠܟܘܢ ܿ ܕܗܐ ܡܟܝܠ ܠܓܘ ܡܢ ܫܘܪܐ ܕܚ̈ܝܐ ܐܝܬܝܟܘܢ ܕܒܛܝܠܘܬܐ ܝܬܝܪܬܐ ܐܥܒܕ . ܕܡܛܠ [ܡܛܠ] ܗܘܿ [ܕܗܘܿ] ܕܡܟܝܠ ܐܬܩܢܝ ܠܗ ܿ ܐܢ ܗܘ ܕܢܐܒܕ . ܚܘܣܪܢܐ ܪܒܐ ܐܝܬ ܒܗ . ܗܘܿ ܕܝܢ ܕܥܟܝܠ ܠܐ ܐܬܩܢܝ ܿ ܐܢ ܗܼܘ ܕܢܬܩܕܡ ܝܘܬܪܢܐ ܐܝܬܘܗܝ . ܘܐܢ ܗܘ ܕܠܐ ܒܗܕܐ ܕܠܐܐܬܩܢܝ ܒܠܚܘܕ ܐܝܬ ܒܗ ܚܘܣܪܢܐ ܡܛܠ ܗܟܝܠ ܕܐܦ ܐܢܬܘܢ ܝܬܝܪܐܝܬ ܒܗ ܒܩܘܫܬܐ ܬܫܬܪܪܘ݀ܢ ܘܐܦ ܗܼܢܘܢ ܥܡܡ̈ܐ ܕܠܚ̈ܝܐ ܐܬܩܪܝܘ ܠܐ ܣܓܝ ܢܬܩܕܡܘܢ ܒܗܿ ܒܒܝܫܬܐ . ܨܿܒܐ ܐܢܐ ܕܪܥܝܐ ܠܙܟܝ ܐܩܝܡ ܠܟܘܢܿ ܘܐܢܐ ܕܝܢ ܡܢ ܝܘܡܢܐ ܬܠܬܐ ܝܪ̈ܚܝܢܐ ܐܩܘܐ ܠܘܬܟܘ݀ܢ ܘܐܦܿܘܩ ܠܥܡܡܐ ܐܝܟܢܐ ܕܦ ܠܗܘܢ ܐܕܪܟ . ܕܕܡ ܟܕ ܣܓܝ ܢܬܩܕܡܘܢ ܒܚܪܫܘܬܗ ܕܣܝܡܘܢ ܥܛܠܝܐܝܬ ܢܫܟܚܘܢ ܕܢܬܐܣܘܢ ܀ ܀ ܀ 283 ܘܟܕ ܕܝܢ ܗܿܢܝܢ [ܗܠܝܢ] ܐܡܼܪ ܟܠܗ ܟܢܣܐ ܒܿܟܐ ܗܘܐ . ܕܫܼܡܥܘ ܕܥܬܝܕ ܗܘ [ܗܘܐ] ܕܢܦܘܩ ܀ ܀ ܀ 284 ܘܗܼܘ ܕܝܢ ܦܛܪܘܣ ܡܢ ܚܫܗ ܕܥܠܝܗܘܢ ܚܢܓܬ ܠܗ ܘܒܟܼܐ ܐܦ ܗܼܘ . ܘܐܪܝܡ ܥܝ̈ܢܘܗܝ ܠܫܡܝܐ ܘܐܡܼܪ ܕܒܥܝܢ ܐܢܚܢܢ [ܕܒܥܝܢܢ] ܡܢܟ ܐܠܗܐ ܕܫܡܝܐ ܘܐܪܥܐ ܘ.ܟܠ ܕܒܗܘܢܿ ܐܩܼܝܡܬ ܿ ܘܠܗܿܢܘܢ [ܕܠܗܿܢܘܢ] ܕܒܟ ܡܬܓܘܣܝܢ ܘܐܠܝܨܝܢ ܐܢܬ ܬܒܝܐ [ܬܒܥܐ] ܘܬܠܒܒ ܐܢܘ݀ܢ ܡܛܠ ܪܚܡܬܗܘܢ ܓܝܪ ܕܠܘܬܟ ܡܚܒܝܢ ܠܝ . ܕܡܠܦܢܐ ܕܫܪܪܐ ܕܝܠܟ ܐܝܬܝ ܠܗܘ݀ܢ ܕܡܛܠ [ܕܡܛܘܠ] ܗܕܐ 119 ܐܢܬ ܒܝܡܝܢܟ ܗܿܝ ܡܪܚܡܢܝܬܐ ܢܛܪ ܘܫܘܙܒ ܐܢܘܢ ܿ ܠܐ ܓܝܪ ܣܦܩ ܗܘ ܙܟܝ ܿ ܘܐܦ ܠܐ ܐܢܫ ܐܚܪܝܢ ܒܿܪ ܐܢܫܐ . ܕܢܗܘܐ ܠܗܢ ܡܢܛܪܢܐ . ܘܟܕ ܗܿܢܝܢ [ܗܠܝܢ] ܘܐܝܠܝܢ ܕܠܗܠܝܢ ܢܩܦܢ ܐܡܼܪ . ܐܝܕܐ ܥܠ ܙܟܝ ܣܼܡ . ܘܨܠܝ ܥܠܘܗܝ ܕܕܠܐ ܥܕܠܝ ܡܢܬܐ ܕܐܦܣܩܘܦܘܬܐ [ܕܐܦܣܩܦܘܬܐ] ܢܛܪ ܘܗܝܕܝܢ ܬܪ̈ܥܣܪ ܩܫ̈ܝܫܐ ܦܼܪܫ . ܘܡܫ̈ܡܫܢܐ ܐܪ̈ܒܥܐ ܐܩܝܡ . ܘܐܡܼܪ ܠܗܘܢ ܕܐܢܐ ܠܙܟܝ ܐܦܣܩܘܦܐ [ܐܦܣܩܦܐ] ܐܩܝܡܬ ܠܟܘܢ ܡܛܠ [ܡܛܘܠ] ܕܥܡ ܕܚܠܬ ܐܠܗܐ ܐܦ ܒܝܘܠܦܢܐ ܣܓܝܐܐ ܐܝܬܘܗܝ ܗܿܘ ܕܡܛܠ ܕܨܠܡܗ ܐܝܬܘܗܝ ܕܡܫܝܚܐ [ܕܡܫܝܚܐ ܐܝܬܘܗ] ܝܩܪܘܢܝܗܝ ܟܕ ܡܫܬܡܥܝܢ ܐܢܬܘܢ ܠܗ ܡܛܠ ܦܘܪܩܢܐ ܘܚܝ̈ܐ ܕܝܠܟܘ݀ܢ ܟܕ ܐܦ ܗܕܐ ܗܼܘܝܬܘܢ ܡܦܣܝܢ ܕܐܝܩܪܐ ܘܨܥܪܐ ܕܠܘܬ ܗܢܐ ܠܘܬ [ܕܠܘܬ] ܡܫܝܚܐ ܩܪܒ ܿ ܘܡܢ ܡܫܝܚܐ ܠܘܬ ܐܠܗܐ . ܣܠܩ ܗܿܢܘܢ ܝܘ̈ܠܦܢܐ ܗܟܝܠ ܬܟܝܒܐܝܬ ܘܚܦܝܛܐܝܬ ܡܢܗ ܫܡܥܘ ܘܡ̈ܠܟܐ ܘܡܪܬܝܢܘܬܐ ܡܢ ܩܫܝ̈ܫܐ ܿ ܘܛܘܟܣܐ ܕܝܢ ܘܒܘܝܐܐ ܡܢ ܡܫܡܫ̈ܢܐ . ܘܠܐܪ̈ܡܠܬܐ ܣܝܥܘ ܘܠܝܬܡ̈ܐ ܥܕܪܘ ܿ ܘܥܠ ܡܣ̈ܟܢܐ ܪܚܡܘ ܿ ܘܠܥܠܝ̈ܡܐ ܢܟܦܘ ܿ ܘܕܟܢܝܫܐܝܬ ܐܡܪ ܠܚ̈ܕܕܐ ܒܟܘܠ ܡܕܡ ܩܝܡܘ ܘܥܕܪܘ ܿ ܐܝܟܢܐ ܕܟܕ ܠܐܠܗܐ ܒܪܘܝܐ ܕܫܡܝܐ ܘܕܐܪܥܐ ܣܓܕܝܢ ܐܢܬܘܢ ܘܒܡܫܝܚܐ ܡܗܝܡܢܝܢ ܐܢܬܘ݀ܢ ܘܠܚܕ̈ܕܐ ܡܚܒܝܢ ܐܢܬܘܢ ܒܥܒܕܐ ܣܘܥܪܢܗ ܕܚܘܒܟܘܢ ܬܚܘܘܢ ܀ ܀ ܀ 285 ܘܟܕ ܗܢܿܝܢ [ܗܠܝܢ] ܘܐܝܠܝܢ ܕܕܡܝܢ ܠܗܝܢ ܐܡܼܪ . ܐܟܪܙ ܠܗܘܢ ܘܐܼܡܪ ܕܡܛܠ ܕܨܒܝܢ ܕܬ̈ܠܬܐ ܝܪ̈ܚܝܢ ܠܘܬܟܘܢ ܐܟܬܪ ܡܢ ܕܡܢܚ ܘܨܿܒܐ ܡܢܟܘܢ ܢܥܡܕ ܕܗܟܢܐ ܗܿܢܝܢ [ܗܠܝܢ] ܒܝܫ̈ܬܐ ܕܡܩܕܡܢ ܣܥܝܪܢ ܗܘܝ ܠܗ . ܢܬܒܛܠܢ . ܘܒܥܒ̈ܕܐ ܛܒ̈ܐ ܕܡܟܝܠ ܣܿܥܪ ܝܪܬܐ ܕܛܒ̈ܬܐ ܕܠܥܠܡ ܢܗܘܐ ܒܪܡ ܕܝܢ ܠܘܬ ܙܟܝ ܢܩܪܘܒ ܿ ܘܫܡܗ ܠܗ ܢܐܡܪ ܿ ܘܐܪ̈ܙܐ ܗܿܢܝܢ [ܗܢܘܢ] ܕܡܠܟܘܬܐ ܕܥܬܝܕܐ ܡܢܗ ܢܫܡܥ ܿ ܘܒܨܘܡܐ ܬܟܝܒܐ ܢܗܘܐ . ܘܢܦܫܗ ܢܒܩܐ . ܘܗܟܢܐ ܡܐ ܕܫܠܡܘ ܬܠܬܐ ܝܪ̈ܚܝܢ . ܘܩܪܒ ܦܨܚܐ ܢܥܡܕ ܥܡܕ ܕܝܢ ܟܠ [ܟܘܠ] ܐܢܫ ܕܨܿܒܐ ܡܢܟܘܢ . ܒܡ̈ܝܐ ܕܪܕܝܗܘܢ ܚܝ ܿ ܟܕ ܡܬܐܡܪ ܥܠܘܗܝ ܫܘܡܗܐ ܫܒܝܚܐ ܕܬܠܝܬܝܘܬܐ . ܘܡܕܡ ܕܫܘܐ ܘܙܕܩ [ܕܙܕܿܩ ܘܫ݀ܘܐܼ] ܝܠܦ . ܘܠܘܩܕܡ ܕܝܢ ܡܬܡܫܚ ܒܡܫܚܐ ܕܒܨܠܘܬܐ ܩܕܝܫܬܐ ܥܒܝܕ ܐܝܟܐܢ ܕܟܕ ܬܬܩܕܫܘܢ ܬܫܟܚܘܢ ܕܬܩܒܠܘܢ ܩܘܕܫܐ ܒܪܡ ܕܝܢ ܥܠ ܡܥܡܘܕܝܬܐ ܣܓܝ̈ܐܬܐ ܐܡܼܪ ܠܗܘܢ ܠܟ̈ܢܫܐ ܫܼܪܐ . ܘܠܒܝܬ ܡܫܪܗ ܒܥܝܕܗ ܥܼܠ . [ܐܙܠ ܀] ܘܟܕ ܕܝܢ ܩܪܝܒܝܢ ܐܢܚܢܢ [ܚܢܢ] ܬܪ̈ܥܣܪ . ܐܡܼܪ ܐܢܐ ܕܝܢ ܙܟܝ ܘܨܦܵܢܝܐ ܘܝܘܣܦ ܘܡܝܟܐ ܘܐܠܝܥܙܪ ܘܦܝܢܚܣ ܘܠܥܙܪ ܘܐܠܝܫܥ . ܘܐܢܐ ܩܠܡܣ [ܩܠܝܡܝܣ] ܘܢܝܩܕܡܘܣ ܘܢܝܩܛܣ [ܘܢܝܩܛܝܣ] ܘܐܩܝܠܘܣ ܡܠܠ ܗܟܢܐ ܘܐܘܡܪ ܕܟܐܢܘܬܐ ܢܬܿܚܫܒ ܐܘ ܐܚ̈ܝ ܿ ܗܫܐ ܕܢܝܫܐ [ܕܚܫܐܼ] ܐܝܬ 120 ܠܢ . ܕܐܝܟܐ ܥܡܡ̈ܐ ܢܫܟܚܘ݀ܢ ܕܥܘܕܪܢܐ ܢܩܒܠܘ݀ܢ ܐܢܬܘܢ ܓܝܪ ܟܕ ܩܪ̈ܝܒܝܢ ܐܢܬܘܢ ܫܡܥܬܘܢ ܕܟܕ ܐܝܠܝܢ ܕܣܝܡܘܢ ܐܬܚܫܒ ܿ ܘܼܨܒܐ [ܨܒܼܐ] ܩܕܡ ܢܦܼܩ ܿ ܡܢ ܕܘܟܬܗ ܗܟܝܠ ܙܕܩ ܗܘܐ ܿ ܕܒܟܠ [ܕܒܟܘܠ] ܕܘܟܝܢ ܐܝܟܐ ܕܡܫܝܚ [ܕܡܫܟܚ] ܗܘܐ ܘܨܿܒܐ . ܗܘܐ ܕܢܥܒܕ ܕܢܩܪܘܒ ܐܢܚܢܢ [ܚܢܢ] ܘܢܟܣܝܘܗܝ ܐܠܐ ܡܛܠ ܕܥܘܠܐ ܐܝܬܝܗܿ ܗܕܐ . ܕܐܪܦܐ ܗܠܝܢ ܕܡܢ ܕܘܟܬܗ ܐܬܓܘܣ [ܐܬܓܘܣܘ] ܒܢ ܘܦܘܪܩܢܐ ܕܗܢܿܘܢ ܿ ܕܥܕܟܝܠ ܒܪܘܚܩܐ ܡܢܢ ܒܟܠ [ܒܟܘܠ] ܡܕܡ ܐܝܬܝܗܘܢ ܐܩܕܡ ܐܝܩܪ ܐܬܚܫܒܬ ܕܠܘܬ ܗܠܝܢ [ܗܢܘܢ] ܕܗܪܟܐ ܬܠܬܐ ܝܪ̈ܚܝܢ ܐܟܬܪ ܿ ܘܐܥܒܕ ܐܢܘܢ ܕܢܬܚܝܠܘܢ ܘܢܙܕܗܪܘܢ ܒܢܦܫܗܘܢ ܘܠܗܿܢܘܢ ܕܝܢ ܕܒܪܘܚܩܐ ܠܐ ܡܠܝܐܝܬ ܐܪܦܐ ܐܢܘ݀ܢ ܕܕܡ ܒܙܒܢ ܢܓܝܪܐ ܗܿܢܘܢ ܕܡܬܩܕܡܝܢ ܒܝܘܠܦܢܐ ܒܝܫܐ . ܥܛܠܐܝܬ ܢܫܟܚܘܢ ܕܢܫܢܘܢ ܡܢܗ ܿ ܕܡܛܠ ܗܕܐ ܨܿܒܐ ܐܢܐ ܕܐܥܒܕ ܐܢ ܐܦ ܠܟܘܢ ܫܦܪܐ . ܕܟܐܢܐ ܗܝ ܗܕܐ ܕܚܠܦ ܙܟܝ ܗܿܘ ܕܗܪܟܐ ܢܗܘܐ ܐܦܣܩܘܦܐ [ܐܦܣܩܦܐ] ܩܡ . ܠܡܢܝܢܐ ܕܬܪ̈ܥܣܪ ܐܘܣܦ ܠܒܢܝܡܝܢ ܒܪ ܫܒܐ ܿ ܘܚܠܦ ܩܠܡܣ [ܩܠܝܡܝܣ] ܗܘ ܕܦܣܼܩܬ ܕܒܟܠܙܒܢ [ܕܒܟܠ ܙܒܢ] ܢܗܘܐ ܥܡܝ . ܘܕܡܢ ܥܡ̈ܡܐ ܗܘ ܿ ܘܣܓܝ ܨܗܐ ܠܡܠܬܐ . ܠܚܢܢܝܐ ܒܪ ܣܦܪܐ ܿ ܘܚܠܦ ܕܝܢ ܢܝܩܛܣ [ܢܝܩܛܝܣ] ܘܐܩܝܠܘܣ [ܘܐܩܠܘܣ .] ܕܐܦ ܗܼܢܘܢ ܚܕܬܐܝܬ ܐܬܬܠܡܕܘ ܿ ܠܡܠܬܗ ܕܡܫܝܚܐ ܠܪܘܒܝܠ ܐܚܘܗܝ ܕܙܟܝ ܿ ܘܠܙܟܪܝܐ ܗܿܘ ܒܿܢܝܐ ܿ ܘܗܟܢܐ ܗܟܝܠ ܐܪ̈ܒܥܐ ܚܠܦ ܐܪ̈ܒܥܐ . ܐܥܠ ܒܡܢܝܢܐ ܐܝܟܐܢ ܕܐܢܚܢܢ [ܕܚܢܢ] ܒܟܠܙܒܢ [ܒܟܘܠ ܙܒܢ] ܥܡܗ ܢܗܘܐ . ܐܢܐ ܩܠܡܣ [ܩܠܝܡܝܣ] ܘܢܝܩܛܣ [ܘܢܝܩܛܝܣ] ܘܐܩܝܠܘܣ ܿ ܘܠܗܿܢܘܢ ܬܪܥܣܪ ܐܡܼܪ ܕܨܒܐ ܐܢܐ ܕܐܢܬܘܢ ܡܢ ܒܬܪ ܡܚܪ ܬܦܩܘܢ ܠܥܡܡܐ ܒܥܩܒܗ ܕܣܝܡܘܿܢ ܐܝܟܢܐ ܕܗܿܢܝܢ [ܕܗܠܝܢ] ܕܡܢܗ ܡܣܬܥܪܝܢ ܬܫܠܚܘܢ ܠܝ ܘܬܘܕܥܘܢܢܝ ܿ ܘܬܘܒ ܕܝܢ ܬܣܒܘܢ ܢܣܝܢܐ ܕܨܒܝܢܐ ܕܐܢܫ ܐܢܫ . ܘܥܠ ܡܐܬܝܬܐ ܕܝܠܝ ܕܐܡܝܢܐܝܬ ܥܬܝܕܐ ܕܬܗܘܐ . ܬܩܕܡܘܢ ܬܘܕܥܘܢ ܐܢܘ݀ܢ ܘܡܛܠ ܕܠܐ ܒܐܪ̈ܝܟܬܐ ܐܡܪ ܠܟܘ݀ܢ ܕܬܩܕܡܘܢ ܬܛܝܒܘܢ ܐܢܘ݀ܢ ܕܠܡܐܬܝܬܐ ܕܝܠܝ ܢܬܝܐܒܘܢ ܀ ܀ ܀ 286 ܟܕ ܗܿܢܝܢ ܘܕܕܡܝܢ ܠܗܝܢ ܐܡܼܪ ܐܘܣܦ ܘܐܡܼܪ ܕܥܠ ܗܢܝܢ ܐܘ ܐܚܝ̈ ܚܕ ܚܕ ܡܢܟܘܢ ܡܕܡ ܕܫܦܪ ܠܗ ܢܐܡܪ ܕܡ ܠܝ ܕܝܠܝ ܕܗܕܐ ܛܒܐ ܫܦܪܬ ܿ ܟܕ ܠܐ ܗܘܐ ܬܪܝܨܬܐ ܐܝܬܝܗܿ ܀ ܀ ܀ 287 ܘܗܢܿܘܢ ܕܝܢ ܟܠܗܘܢ ܐܝܟ ܕܡܢ ܚܕܐ ܢܦܫܐ ܫܒܚܘܗܝ ܿ ܘܒܥܘ ܡܢܗ ܕܠܐ ܡܕܡ ܒܡܠܟܐ ܕܝܠܗܘܢ ܢܥܒܕ . ܐܠܐ ܗܿܘ ܡܕܡ ܕܠܗ ܫܦܪ ܐܦ ܢܦܩܘܕ ܒܠܚܘܕ ܘܐܼܡܪܘ ܕܒܪܫܥܬܗ ܗܕܐ ܝܐܝܐ ܘܟܐܢܐ ܠܢ ܕܢܫܡܠܐ ܼܗܘ ܡܕܡ ܕܡܢܟ ܡܬܦܩܕ ܠܢ . ܘܟܕ ܗܿܢܝܢ ܐܡܼܪܘ ܫܕܪ ܒܬܪ ܒܢܝܡܝܢ . ܘܚܢܢܝܐ ܘܪܘܒܝܠ ܘܙܟܪܝܐ ܿ ܘܟܕ ܐܬܘ ܒܗܿ ܒܕܡܘܬܐ ܐܝܟ ܕܝܐܐ ܐܦ ܥܡܗܘܢ 121 ܡܠܠ ܿ ܀ ܀ ܀ 288 ܡܢ ܒܬܪ ܗܟܝܠ ܗܿܘ ܚܕ ܝܘܡܐ ܐܬܘ ܗܿܢܘܢ ܗܿܢܘܢ . ܘܐܼܡܪܘ ܕܠܐ ܬܣܒܪ ܥܠܝܢ ܿ ܐܘ ܡܪܝ ܦܛܪܐ . ܕܠܐ ܗܘܐ ܙܥܘܪ ܡܥܩܝܢ ܐܢܚܢܢ ܕܡܢ ܡܠܬܐ ܕܡܐܡܪܟ ܡܬܓܠܙܝܢ ܐܢܚܢܢ ܬܠܬܐ ܝܪ̈ܚܝܢ ܐܠܐ ܥܠ ܐܦܝ ܥܘܕܪܢܐ ܗܘܿ ܡܕܡ ܕܦܩܕܬ ܡܛܝܒܐܝܬ ܣܥܪܝܢ ܐܢܚܢܢ ܿ ܟܕ ܠܦܪܨܘܦܟ ܒܟܘܠ ܙܒܢ ܒܪܥܝܢܢ ܚܙܝܢ ܐܢܚܢܢ ܿ ܘܗܫܐ ܐܝܟ ܡܐ ܕܦܩܕܬ ܒܚܕܘܬܐ ܘܒܢܝܚܐ ܐܙܠܝܢ ܐܢܚܞܢܢ ܿ ܘܗܿܘ ܕܝܢ ܨܠܝ ܥܠܝܗܘܢ ܘܠܘܝ ܐܢܘ݀ܢ ܐܝܬܝܗܘܢ ܗܘܘ ܕܝܢ ܗܿܢܘܢ ܕܐܫܬܕܪܘ ܩܕܡܘܗܝ ܚܠܦ ܙܟܝ ܒܢܝܡܝܢ ܒܪ ܫܒܐ ܿ ܘܨܦܢܝܐ ܘܝܘܣܦ ܘܡܝܟܐ ܘܐܠܝܥܙܪ ܘܦܢܚܣ ܘܠܥܙܪ ܘܐܠܝܫܥ ܘܢܝܩܕܡܘܣ ܿ ܘܚܠܦ ܚܢܢܝܐ ܘܚܠܦ ܢܝܩܛܣ ܘܐܩܝܠܘܣ ܪܘܒܝܠ ܘܙܟܪܝܐ ܿ ܘܟܕ ܗܟܝܠ ܗܼܢܘܢ ܐܙܠܘ ܗܘ ܦܛܪܘܣ ܥܠ ܘܒܗܿܝ ܕܘܟܬܐ ܩܼܡ ܕܒܥܝܕܗ ܡܡܠܠ ܗܘܐ . ܘܟܕ ܚܙܝܗܝ ܠܟܢܫܐ ܕܣܓܝ ܗܘܐ ܛܒ ܿ ܘܒܗ ܚܐܪ ܗܘܐ ܘܒܿܟܐ . ܡܛܠ ܕܩܕܡ ܝܘܡܐ ܐܡܼܪ ܠܗܘ݀ܢ ܕܥܬܝܕ ܗܘܐ ܕܢܪܦܐ ܐܢܘ݀ܢ ܡܛܠ ܐܢܢܩܐ ܕܣܝܡܘ݀ܢ ܘܚܪ ܒܗܘܢ ܐܦ ܗܼܘ . ܘܝܼܕܝܥ ܗܘܐ ܕܒܗܿ ܒܕܡܘܬܗܘܢ ܡܥܩ ܗܘܐ ܿ ܕܡ̈ܥܘܗܝ ܓܝܪ ܕܢܣܒ ܗܘܐ ܿ ܘܡܢ ܟܠܗ ܪܥܘܙܐ ܓܠܝܐ ܗܘܐ ܠܗܘ݀ܢ ܕܒܗܿ ܒܕܡܘܬܐ ܕܝܠܗܘܢ ܐܦ ܗܘ ܒܢܦܫܗ ܚܫܝܫ ܘܡܥܼܩ ܗܘܐ ܿ ܒܪܡ ܕܝܢ ܒܐܝܕܗ ܠܦܪܨܘܦܗ ܡܫܐ ܗܘܐ . ܘܐܿܡܪ ܕܐܬܠܒܒܘ ܘܐܬܚܝܠܘ ܐܚܝ̈ . ܕܢܦܫ̈ܬܐ ܡܪ̈ܚܡܢܝܬܐ ܩܢܝܢ ܐܢܬܘ݀ܢ ܐܢܚܢܢ ܗܟܝܠ ܠܢܦܫܢ ܿ ܒܚܘܫܒܐ ܬܪܝܨܐ ܢܒܝܐ ܘܢܠܒܒ ܿ ܘܟܠܗܝܢ ܒܐܠܗܐ ܢܬܠܐ ܐܢܝܢ ܿ ܗܿܘ ܕܨܒܝܢܗ ܒܠܚܘܕܘܗܝ ܕܢܩܕܡ ܢܝܩܪ ܓܒܐ ܠܢ . ܗܕܐ ܓܝܪ ܕܡܛܠ ܚܘܒܝ ܕܠܘܬܟܘܢ ܐܩܘܡ ܠܘܩܒܠ ܨܒܝܢܗ ܘܐܨܿܒܐ ܕܐܩܘܐ ܠܘܬܟܘ݀ܢ ܠܐ ܗܐ ܡܫܟܚ ܗܘ ܕܒܡܘܬܐ ܢܫܕܪܢܝ ܒܡܪܕܝܬܐ ܕܐܘܪܚܐ ܪܚܝܩܬܐ . ܕܡܛܠ ܗܕܐ ܒܨܒܝܢܢ ܠܗܕܐ ܕܙܥܘܪܝܐ ܢܣܝܒܪ ܐܝܟ ܟ̈ܐܢܐ ܘܕܚ̈ܠܐ ܕܝܠܗ ܕܦܪܫܼܢ ܘܓܒܼܝܢ ܕܒܟܠ ܡܕܡ ܠܨܒܝܢܗ ܕܝܠܗ ܕܐܠܗܐ ܢܬܛܦܝܣ . ܘܐܦ ܐܢܬܘܢ ܕܥܠ ܟܘܠ ܡܕܡ ܒܗܝܡܢܘܬܐ ܬܪܝܨܬܐ ܡܣܒܪܝܢ ܐܢܬܘܢ ܕܬܬܛܦܝܣܘܢܿ ܝܿܕܥ ܐܢܐ ܕܝܢ ܕܐܦ ܐܢܬܘܢ ܠܐ ܡܛܠ ܡܕܡ ܐܚܪܝܢ ܡܚܒܝܢ ܐܢܬܘܢ ܠܝ . ܐܠܐ ܡܛܠ ܪܚܡܬܟܘܢ ܕܠܘܬܗ ܿ ܐܝܟ ܪ̈ܚܡܐ ܗܟܝܠ ܕܐܠܗܐ ܫܠܡܘ ܘܩܦܘ ܠܨܒܝܢܗ . ܘܥܡ ܗܿܢܝܢ ܕܝܢ ܐܬܚܫܒܘ ܗܼܝ ܟܐܢܘܬܐ ܿ ܕܐܝܟܢܐ ܕܥܘܠܐ ܐܝܬܝܗܿ ܗܘܬ ܿ ܕܟܕ ܐܢܬܘܢ ܡܢ ܣܝܡܘܢ ܛܥܝܢ ܗܘܝܬܘܢ ܕܐܬܐ ܠܘܬܟܘܢ ܠܐ ܐܬܐ ܗܘܝܬ ܕܠܒܝܟ ܗܘܝܬ ܡܢ ܗܿܢܘܢ ܕܬܡܢ ܐܚ̈ܐ ܩܕܡ̈ܝܐ . ܟܕ ܗܐ ܐܝܬ ܗܘܐ ܠܟܘܢ ܙܟܝ ܓܒܪܐ ܡܝܬܪܐ ܘܛܒܐ . ܐܦ ܒܡ̈ܠܐ ܗܟܢܐ ܗܟܝܠ ܐܦ ܗܕܐ ܕܪܫܥܐ ܗܝ ܕܠܥܡ̈ܡܐ ܗܿܢܘܢ ܕܡܠܝܐܝܬ ܡܫܘܚܕܝܢ ܘܣܝܡܘܢ ܡܩܪܒ ܥܡܗܘ݀ܢ ܕܠܐ ܐܦܘܩ ܠܘܬܗܘܢ ܕܡܢܟܘܢ ܡܬܠܒܟ ܐܢܐ . ܢܕܚܠ ܕܝܢ ܘܢܙܕܗܪ ܕܕܡ ܒܪܚܡܬܐ 122 ܥܘܠܬܐ ܨܒܝܢܗ ܕܒܝܫܐ ܢܥܒܕ ܒܪܡ ܕܝܢ ܬܠܬܐ ܝܪ̈ܚܝܢ ܡܩܘܢܐ ܠܘܬܟܘ݀ܢ ܘܒܗܘܢ ܐܢܬܘܢ ܬܟܝܒܐܝܬ ܘܚܦܝܛܐܝܬ ܩܪܘܒܘ ܫܘܡܥܘ ܠܡܬܐ ܕܚ̈ܝܐ . ܘܡܐ ܕܫܠܡܘ ܬܠܬܐ ܝܪ̈ܚܝܢ . ܟܘܠܗܘܢ ܗܠܝܢ ܕܡܫܟܚܝܢ ܕܟܐܢܐܝܬ ܢܩܦܘܢܢܝ ܢܩܦܘ݀ܢ ܟܐܢܐܝܬ ܕܝܢ ܐܡܿܪ ܐܢܐ ܿ ܕܟܕ ܠܐܢܫ ܠܐ ܡܥܝܩܝܢ ܿ ܡܢ ܗܿܢܘܢ ܕܠܐ ܙܕܩ ܿ ܐܘ ܠܐܢܬܬܗܿ ܒܪܬ ܪܥܝܢܗ ܿ ܐܘ ܠܐܚܪܢܐ ܕܐܚܪܢܝܐܼܝܬ ܐܠܨܐ ܗܝ ܕܢܗܘܘܢ ܥܡܗܘ݀ܢ ܒܪܡ ܕܝܢ ܡܡܠܠ ܗܘܐ ܥܡܗܘ݀ܢ ܒܟܠܝܘܡ ܒܗܢܿܘܢ ܬܠܬܐ ܝܪ̈ܚܝܢ ܀ ܀ ܀ 289 ܘܟܕ ܕܝܢ ܩܼܪܒ ܦܨܚܐ ܝܬܝܪ ܡܢ ܪܒܘܬܐ ܐܥܡܪ . ܬܡܢ . ܀ ܀ ܀ 290 ܘܒܗܘܢ ܕܝܢ ܒܗܿܢܘܢ ܝܘܡ̈ܬܐ ܩܒܠ ܐܓܪܬܐ ܡܢ ܗܢܿܘܢ ܕܫܕܪ ܩܕܡܘܗܝ ܕܗܢܿܝܢ ܣܘܥܪ̈ܢܘܗܝ ܒܝ̈ܫܐ ܕܣܝܡܘܢ ܡܘܕܥܐ ܗܘܬ ܿ ܘܐܝܬ ܗܘܐ ܒܗܿ ܕܝܢ ܒܐܓܪܬܐ ܕܐܝܟܐܢ ܗܘ ܣܝܡܘܢ ܡܢ ܝܘܡܐ ܕܡܢ ܩܣܪܝܐ ܢܦܩ . ܒܟܠ ܡܕܝܢܐ ܡܛܥܐ ܠܟܢܫܐ . ܘܠܦܛܪܘܣ ܡܨܥܪ ܘܡܨܚܐ . ܘܣܘܓܐܐ ܐܓܪ ܒܛܪܝܦܘܠܣ . ܘܟܠܗ ܕܝܢ ܥܘܬܕܗ ܗܢܐ ܗܘܐ ܕܡܐ ܕܐܬܚܙܝ ܗܘ ܦܛܪܘܣ ܐܦ ܠܐ ܐܢܫ ܡܫܡܥܬܗ ܢܬܠ ܠܗ ܐܝܟ ܕܠܚܪܫܐ ܘܕܠܐ ܐܠܗܐ ܘܡܨܥܪܐ ܘܚܪܥܐ ܘܗܕܝܘܛܐ . ܘܕܡܫܬܘܕܐ ܗܿܢܝܢ ܕܠܐ ܡܫܟܚܢ ܕܢܗܘܝܢ ܿ ܘܐܼܡ ܕܡܝ̈ܬܐ ܩܝܡܝܢ ܗܕܐ ܠܡ ܕܠܐ ܡܫܟܚܐ . ܕܬܿܗܘܐ ܿ ܘܡܢܣܐ ܠܡ ܕܠܗܢܿܘܢ ܕܡܟܣܝܢ ܠܗ ܟܣܝܐܝܬ ܢܩܛܘܠ ܿ ܒܝܕ ܐܢܫܝܢ ܡܣܝ̈ܥܢܘܗܝ ܕܡܛܠ ܗܕܐ ܠܡ ܐܢܐ ܙܟܝܬܗ ܘܦܪܣܝܬܗ ܘܡܢ ܢܟܠܗ ܕܚܠܬ ܘܥܪܩܬ ܕܕܡ ܒܚܪ̈ܫܘܗܝ ܢܩܛܠܢܝ . ܐܘ ܟܣܝܐܝܬ ܠܩܛܠܐ ܢܫܠܡܢܝ ܀ ܀ ܀ 291 ܘܗܼܘ ܗܟܝܠ ܦܛܪܘܣ ܟܕ ܗܼܘܐ ܦܨܚܐ ܩܕܡ ܝܘܡܐ ܐܚܪܝܐ ܩܪܗܿ ܠܐܓܪܬܐ ܠܗ ܠܟܢܫܐ ܘܡܠܠ ܥܡܗܘܢ ܐܝܟܢܐ ܕܠܟܠ ܡܕܡ ܠܙܟܝ ܢܬܛܦܝܣܘܢ ܿ ܗܿܘ ܕܡܢܗ ܐܦܣܩܘܦܐ ܐܬܣܝܡ ܠܗܘܢܿ ܘܗܝܕܝܢ ܐܓܥܠ ܠܗܘܢ ܠܩ̈ܫܝܫܐ ܥܡ ܡܫܡܫ̈ܢܐ ܐܦ ܠܗܘܢ ܠܗ ܠܥܡܐ ܿ ܘܐܝܟ ܕܘܿܠܐ ܗܘܐ ܘܙܕܩ ܿ ܡܠܠ ܥܡܗܘܢ ܘܦܩܿܕ ܐܢܘܢ ܘܐܡܼܪ ܠܗܘܢ ܕܒܛܪܝܦܘܠܣ ܡܣܬܐ ܐܢܐ . ܘܗܟܢܐ ܕܝܢ ܗܿܢܝܢ ܡ̈ܠܐ ܕܬܡܢ ܓܠܝܐܝܬ ܩܕܡ ܟܠ ܐܢܫ ܡܛܠ ܐܢܫܝܢ ܕܠܐ ܫܘܝܢ . ܠܐ ܡܫܠܡܢܝܐܝܬ ܐܬܐܡܪ ܘܒܝܢܬܢ ܠܢ ܐܝܟ ܕܠܚܒܝܒ̈ܘܗܝ ܫܡܠܝ ܐܢܝܢ ܘܕܐܟܬܘܒ ܐܢܝܢ ܦܩܿܕ ܠܝ . ܒܛܘܡ̈ܣܐ ܘܐܫܕܪ ܐܢܝܢ ܠܟ ܀ ܀ ܀ 292 ܕܡܢܗܘܢ ܗܘ ܛܘܡܣܐ ܩܕܡܝܐ ܐܝܬ ܒܗ ܥܠ ܫܪܪܗ ܕܢܒܝܐ . ܘܗܿܢܝܢ ܕܝܠܗ ܕܢܡܘܣܐ ܐܝܟܢܐ ܕܗܼܘ ܟܘܪܣܝܗ ܕܡܘܫܐ ܡܫܠܡ ܀ ܀ ܀ 293 ܘܗܿܘ ܕܝܢ ܕܬܪ̈ܝܢ ܥܠ ܪܫܢܘܬܐ ܘܕܐܝܟܢܐ ܚܕܐ ܐܝܬܝܗܿ ܐܘ ܠܐ . ܘܕܠܐ ܛܥܐ ܠܗ ܠܢܡܘܣܐ ܕܒܝܬ ܥܒܪ̈ܝܐ ܗܿܘ ܕܡܢ ܟܠ ܕܘܟܐ ܠܐ ܡܣܬܝܟ ܀ ܀ ܀ 294 ܘܗܿܘ ܕܝܢ ܕܬܠܬܐ ܥܠ ܐܠܗܐ ܘܥܠ ܗܢܝܢ ܕܡܢܗ ܐܬܚܪܩ ܀܀܀ 295 ܘܗ̇ܘ ܕܝܢ ܕܐܪ̈ܒܥܐ ܕܟܕ ܣ̈ܓܝܐܐ ܐܬܩܪܝܘ ܐܠܗ̈ܐ ܚܕ ܗܘ ܐܝܬܘܗܝ ܗ̇ܘ 123 ܕܒܫܪܪܐ ܐܠܗܐ ܗܘ ܐܝܟܐ ܕܡܣܗܕܝܢ ܟ̈ܬܒܐ ܐܠܗ̈ܝܐ ܀ ܀ ܀ 296 ܘܗܘ ܕܝܢ ܕܚܡ̈ܫܐ ܕܬܪ̈ܝܢ ܐܝܬܝܗܘܢ ܒܠܚܘܕ ܫܡܝܐ . ܕܡܢܗܘܢ ܚܕ ܐܝܬܘܗܝ ܗܿܘ ܕܡܬܚܙܐ . ܗܘ ܕܐܦ ܥܒܕ ܠܗ . ܘܗܿܘ ܕܝܢ ܐܚܪܢܐ . ܕܠܥܠܡ ܠܐ ܡܬܚܞܘܐ . ܀ ܀ ܀ 297 ܘܗܿܘ ܕܝܢ ܕܫܬܐ ܥܠ ܛܒܐ ܘܥܠ ܒܝܫܐ ܥܠ ܛܒܐ ܕܝܢ ܕܒܘܠܝܬܐ ܠܗ ܡܢ ܐܒܐ ܡܬܦܢܐ ܟܠܡܕܡ ܘܥܠ ܒܝܫܐ ܕܝܢ ܡܛܠ ܡܢܐ ܘܐܝܟܢܐ ܘܡܢ ܐܝܟܐ ܘܕܡܥܕܪ ܗܘ ܠܗ ܠܛܒܬܐ ܒܨܒܝܢܗ ܒܝܫܐ . ܘܐܝܠܝܢ ܐܬܘ̈ܬܐ ܐܝܬܝܗܝܢ ܕܛܒܐ . ܘܐܝܠܝܢ ܕܝܢ ܕܝܠܗ ܕܒܝܫܐ ܘܐܝܢܐ ܗܘ ܦܘܪܫܢܐ ܕܬܪܝܢܐ ܘܕܙܘ̈ܓܐ ܀ ܀ ܀ 298 ܘܗܿܘ ܕܝܢ ܕܫܒ̈ܥܐ ܥܠ ܗܿܢܝܢ ܕܗܿܢܘܢ ܬܪ̈ܥܣܪ ܐܣܗܕܘ ܩܕܡ ܥܡܐ . ܒܗ ܒܗܝܟܠܐ . ܀ ܀ ܀ 299 ܘܗܿܘ ܕܝܢ ܕܬܡ̈ܢܝܐ ܥܠܝܗܝܢ ܕܡ̈ܠܘܗܝ ܕܡܠܦܢܐ ܘܕܢܝܒܐ ܐܝܬܘܗܝ ܘܠܐ ܡܡܠܠ ܕܠܩܘܒܠܐ . ܐܠܐ ܐܣܬܒܪ ܘܥܡ ܗܢܝܢ ܫܪܝܗܝܢ ܥܼܒܪ . ܀ ܀ ܀ 300 ܘܗܿܘ ܕܝܢ ܕܬܫ̈ܥܐ ܕܟܕ ܡܢ ܐܠܗܐ ܐܬܣܝܡ ܘܒܠܚܘܕ ܟܐܢܐ ܐܝܬܘܗܝ ܒܟܠ ܡܕܡ ܕܗܘ ܫܝܢܐ ܘܫܠܡܐ ܕܡܢ ܪ̈ܚܡܐ ܡܫܟܚ ܕܢܩܝܡ ܀ ܀ ܀ 301 ܘܗܿܘ ܕܝܢ ܕܥܣܪܐ ܡܠܬܐ ܕܥܠ ܝܠܕܐ . ܐܝܬ ܒܗ . ܐܦ ܕܝܠܗ ܕܒܪ ܐܢܫܐ . ܘܕܡܢ ܡܝ̈ܐ ܗܝ ܕܐܝܬܝܗܿ ܡܥܡܘܕܝܬܐ ܥܠ ܒܪ ܐܢܫܐ ܕܝܢ ܕܡܢܘ ܕܡܦܠܐ ܕܙܪܥܗ . ܘܡܢܐ ܗܝ ܡܠܬܐ ܕܢܦܫܐ ܕܝܠܗ ܘܕܐܝܟܐܢ ܒܪ ܚܐܪ̈ܐ ܘܫܠܝܛ ܒܢܦܫܗ ܿ ܐܝܬܘܗܝ ܘܕܐܦ ܠܐ ܐܝܬܘܗܝ [ܬܬܝܐ] ܕܛܒܐ ܢܗܘܐ ܒܫܪܪܐ . ܛܒܐ ܠܐ ܐܝܬܘܗܝ ܀ ܀ ܀ 302 ܒܪܡ ܕܝܢ ܐܝܟ ܕܩܿܕܡܬ ܐܡܪܬ ܿ ܟܕ ܢܦܼܩ ܡܢ ܬܡܢ ܛܘܡ̈ܣܐ ܗܠܝܢ ܿ ܥܠ ܡ̈ܠܐ ܕܬܡܢ ܗܘܝ . ܐܦܣ ܠܝ ܕܠܟ ܐܫܕܪ ܐܢܘܢ ܘܒܩܘܕܡܐ ܥܡ ܕ̈ܠܝܠܐ ܐܢܫܝܢ ܕܐܬܦܪܫܘ ܡܢ ܩܣܪܝܐ ܕܣܛܪܛܘܢ ܢܦܼܩ ܀ ܀ ܀