Dionysius bar Salibi. “Literal Commentary on the Psalms - ܦܘܼܫܩܐ ܣܘܥܪܢܝܐ ܕܟܬܒܐ ܕܡܙܡܘܪ̈ܐ.” Based upon SOAH 00013. Digital Syriac Corpus. Last modified April 12, 2018. https://syriaccorpus.org/238. 293 ܬܘܒ ܦܘܼܫܩܐ ܣܘܥܪܢܝܐ ܕܟܬܒܐ ܕܡܙܡܘܪ̈ܐ ܟܕ ܓܝܪ ܒܥܠܡܐ ܗܿܘ ܩܕܡܝܐ ܦܫܩܼܢܢ ܒܐܝܼܕܐ ܒܝܼܕܐ ܝܬܝܼܪ ܦܬܝܐܝܬ ܠܡܙܡܘܪ̈ܐ ܕܕܘܝܕ܇ ܒܗܢܐ ܟܬܒܐ ܐܝܟ ܨܒܝܢܟ ܒܦܣܝܼ̈ܩܬܐ ܠܗܕܐ ܡܫܡܠܝܢܢ: ܘܩܕܡ ܕܣܘܼܥܪܢܐܝܬ ܘܪܘܚܢܐܝܬ ܢ݀ܬܩܪܒ ܠܢܘܼܗܪܐ: ܐܬܬܕܝܼܢܬ݀ ܠܢ ܗܫܐ ܕܒܙܥܘܪ̈ܝܬܐ ܢ݀ܡܠܠ: ܥܠ ܣܘܥܪܢܝܘܼܬܐ ܘܥܠ̈ܠܬܐ ܕܝܼܠܗܘܿܢ: ܘܒܿܬܪ ܟܢ ܒܐܡܢܐ ܕܬܪܢ ܕܒܿܬܪ ܗܢܐ: ܡܦܬܟܐܝܬ ܟܝܬ ܘܡܫܪܬܚܐܝܬ܀ ܒܡܫܘܼܚܬܐ ܓܝܪ ܘܩܝܼܢܬܐ ܘܗܢܝܐܘܬܐ܇ ܬܪܓܡ ܕܘܝܕ ܠܢܒܝܘܼܬܗ܇ ܐܝܟܢܐ ܕܢܬܘܿܦ ܠܫܡܘ̈ܥܐ ܠܪܚܡܼܬܐ ܕܝܘܼܠܦܢܗ܇ ܘܐܚܪܬܐ ܡ̈ܠܐ ܕܬܢܝܐ܇ ܠܐ ܡܬܼܠ̈ܒܟܢ ܦܫܝܼܩܐܝܬ ܒܥܘܼܗܕܢܐ ܐܝܠܝܢ ܕܒܡܫܘܼܚܬܐ ܘܩܝܢܬܐ ܡܬܼ̈ܠܥܙܢ ܡܬܼܩܒ̈ܥܢ ܒܬܪܥܝܼܬܐ 294 ܐܡܝܼܢܐܝܬ܀ ܪܘܼܫܡܐ ܬܘܼܒ ܘܥܠ̈ܠܬܐ ܕܡܙܡܘܪ̈ܐ: ܒܿܬܪ ܦܘܼܢܝܐ ܕܡܼܢ ܒܒܠ: ܐܬܼܛܟܣܘ ܡܼܢ ܐܢܫ̈ܐ ܡܗܝܼܪ̈ܐ ܘܠܘ ܒܿܬܪ ܚ̈ܕܕܐ ܐܝܟ ܛܟܣܐ ܪܫܼܡܘ ܐܢܘܿܢ܇ ܐܠܐ ܡܒܕܪܐܝܬ ܘܠܦܘܼܬ ܝܼ݊ܥܬܗܘܿܢ ܘܨܒܝܢܗܘܿܢ܇ ܘܝܼܕܝܼܥ ܕܩܛܠܼܗ ܕܓܘܿܠܝܕ ܩܕܝܼܡ ܠܪܕܘܦܝܐ ܕܡܼܢ ܐܒܝܫܠܘܿܡ ܘܐܦ ܚܛܝܼܬܐ ܕܼܢ ܒܪܬ ܫܒܥ܀ ܘܒܡܙܡܘܪܐ ܕܓ̄܇ ܪܫܝܼܡ ܕܪܘܦܝܐ ܕܡܼܢ ܒܪܗ܇ ܕܐܝܼܬ̄ܘ ܐܚܪܝܐ܇ ܘܒܗܿܘ ܕܚܡܫܝܼܢ ܘܚܕ ܠܚܛܗܐ ܕܒܒܪܬ ܫܒܥ: ܘܒܗܿܘ ܕܡܐܐ ܘܪܐܒܝܥܝܼܢ ܘܬܠܬܐ ܩܛܠܐ ܕܦܠܫܬܝܐ܇ ܙܕܩ ܗܼܘܐ ܕܗܢܐ ܢܼܬܛܟܣ ܩܕܡܝܐ: ܘܒܿܬܪܟܢ ܗܿܘ ܕܪܕܘܦܝܐ ܕܡܼܢ ܫܐܘܠ܆ ܘܒܐܝܼܕܐ ܒܐܝܼܕܐ ܟ݀ܠܚܕ ܒܙܒܢܗ ܘܒܛܟܣܗ ܗ݀ܝ ܕܠܐ ܐܣܬܼܥܪܬ݀܀ ܡܙܡܘܪܐ ܩܕܡܝܐ ܡܿܪܬܐ ܒܗ ܕܢܫܦܪ ܠܐܠܗܐ ܒܕܚܠܬ ܡܪܝܐ܀ ܥܒܪ̈ܝܐ ܥܠ ܝܘܐܫ ܢ݀ܣܒܝܼܢ ܠܗ ܕܟܐܡܬ ܒܗܝܟܠܐ ܗܿܪܓ ܗܼܘܐ ܒܢܡܘܿܣܐ܆ ܩܕܡ ܝܘܿܝܕܥ܀ ܐܚܪ̈ܢܐ ܐ݀ܡܪܝܢ ܕܝܘܐܫ ܩܛܘܿܠܐ ܗܼܘܐ: ܘܠܐ ܫܿܘܐ ܠܛܘܼ̈ܒܐ܀ ܛܘܼܒܘܗܝ ܠܓܒܪܐ ܗ̄ ܡܼܢ ܚܕ ܓܒܪܐ ܪܡܿܙ܆ ܥܠ ܣܓ̈ܝܐܐ: ܡܛ݀ܠ ܓܝܪ ܕܥܣܩܐ ܐܘܪܚܐ ܕܡܝܬܪܘܼܬܐ܆ ܫܦܼܝܪ ܣܼܡ ܛܘܼܒܐ ܕܒܥܠܼܬܗ ܢܒܣܪ ܥܠ ܡܥܝܼܩ̈ܢܝܬܐ ܕܦܓ̈ܥܢ ܒܢ܀ ܐܘܪܚܐ ܠܣܘܥܪ̈ܢܐ ܩܿܪܐ: ܘܥܘܠܐ ܠܗܘܿ ܕܡܿܘܥܘܠ ܒܟܢܬܗ܀ ܚܛ̈ܝܐ ܩܿܪܐ ܠܐܝܠܢ ܕܓܠܝܐܝܬ ܚܿܛܝܢ܀ ܡܡܝ̈ܩܢܐ ܠܡܒܙ̈ܚܢܐ ܘܚܬܝܼܪ̈ܐ: ܕܡܒܙܚܝܼܢ ܒܕܘܒܪ̈ܐ ܕܐܚܪ̈ܢܐ܀ ܘܪܥܝܢܐ ܩܿܪܐ ܠܫܠܡܘܼܬܐ ܕܨܒܝܢ ܘܩܘܡܐ ܕܠܘܬ ܥ̈ܘܿܠܐ ܘܫܪܟܐ܀ ܐܠܐ ܒܢܡܘܿܣܐ ܗ̄ ܕܐܦܢ ܫܢܝܼ ܡܼܢ ܒܝܼܫ̈ܬܐ ܐܠܐ ܙܕܩ ܠܗ ܠܐܢܫ ܕܢܪܗܛ ܠܘܬ ܛܒ̈ܬܐ܀ ܛܪ̈ܦܘܗܝ ܠܐ ܢ݀ܬܪܝܼܢ ܗ̄ ܐܝܢ ܕܒܫܼܩܝܐ ܕܝܘܼܠ̈ܦܢܢܐ ܐܠܗܝ̈ܐ ܡܬܼܗܓܐ܇ ܦܐܪ̈ܐ ܕܡܝܬܪܘܬܐ ܥܿܦܐ܇ ܢܬܝܼܪܘܬܐ ܓܝܪ ܕܛܪ̈ܦܐ: ܠܢܟܝ̈ܢܝܐ ܕܡܥܕܝܼܢ ܓܿܕܫܝܼܢ ܫܡܗ܀ ܡܛ݀ܠ ܕܝܿܕܥ ܗܼܘ ܡܪܝܐ ܐܘܪܚܐ ܗ̄ ܐܘܪܚܐ ܠܣܘܼܥܪ̈ܢܝܗܘܢܿ ܩܿܪܐ܀ ܡܙ̄ܡ ܕܬܪܝܢ ܥܠ ܡܫܝܼܚܐ ܡܬܼܥܠܐ. ܝܘ̈ܕܝܐ ܟܝܼܬ ܒܫܢܝܘܼܬܗܘܿܢ ܥܠ ܙܘܪܒܒܠ ܘܕܒܝܬ ܡܓܘܓ ܡܥܠܝܢ ܠ ܠܡܢܐ ܪܓܫܼܘ ܥܡܡ̈ܐ ܗ̄ ܝܘܕ̈ܝܐ ܘܐܝܪܘܕܝܣ ܘܦܝܠܓܘܣ: ܘܐܦ ܐܣܛܪ̈ܛܝܘܛܐ ܕܒܙܚܼܘ ܒܡܪܢ܀ ܪܓܫܼܘ ܪܓܘܼܫܝܐ ܘܪܘܒܐ ܕܗܘܼܐ ܡܼܢ ܟܢܝܼܫܘܼܬܐ ܕܣܓܝ̈ܐܐ܀ ܐܡܘ̈ܬܐ ܪ̈ܢܝ ܗ̄ ܟܗ̈ܢܐ ܘܣܦܪ̈ܐ܀ ܣܪܝܼܩܘܼܬܐ ܩܿܪܐ: ܠܬܪܥܝܬܗܘܿܢ ܣܪܝܼܩܬܐ ܕܥܠ ܡܫܝܼܚܐ܇ ܪܢܝܢ ܗܼܘܘ ܕܡܐ ܕܡܿܐܬ: ܠܐ ܡܬܼܢܚܢܡ܀ ܩܡܼܘ ܡܠ̈ܟܐ ܗ̄ ܟܕ ܚܫܼܟ ܫܡܫܐ ܒܥܕܢ ܙܩܝܼܦܐ܇ ܩܡܼܘ ܡܠ̈ܟܐ ܕܐܪܥ ܡܼܢ ܟܘܼܪ̈ܣܘܬܗܘܿܢ ܟܕ ܒܿܥܝܢ ܕܐܝܿܕܐ ܗܿܝ ܥܠܼܬܐ܆ ܚܫܼܟܘ ܢܗܝܼܪ̈ܐ ܡܛ݀ܠ ܕܡܼܢ ܥܣܪܝܼܢ ܘܫܒܥܐ ܥܕܡܐ ܠܬܠܬܝܢ ܒܣܪܗܐ ܗܿܘܐܝ ܩܠܦܣܝܣ ܐܘܟܝܼܬ ܬܚܦܝܼܬܐ ܕܫܡܫܐ܇ ܘܝܬܝܼܪܐܝܬ ܒܥܣܪܝܢ ܘܬܡܢܝܐ܇ ܗܕܐ ܕܝܢ ܕܡܪܢ ܒܟܣܗ ܕܣܗܪܐ ܗܼܘܬ݀܆ ܟܕ ܪܚܝܼܩ 295 ܣܗܪܐ ܡܼܢ ܫܡܫܐ܀ ܡܠܐ ܦܬܝܐ ܕܐܣܦܝܪܐ܀ ܘܫܠ̈ܝܛܢܝܗܿ ܗ̄ ܠܣܦܪܗܐ ܩܿܪܐ ܘܠܦܪ̈ܝܫܐ ܕܐܬܚܼܫܒܘ ܕܢܡܝܼܬܘܢܝܗܝ ܗ݀ܝ ܕܡܠ̈ܟܐ ܡܢܗܿ ܘܠܗܿ ܬܬܼܩܪܐ܀ ܢܫܪܐ ܡܢܢ ܢܝܪܗܘܿܢ ܗ̄ ܐܬܪܥܝܼܘ ܡܪܕܐ: ܘܕܢܣܛܘܿܢ ܟܬܦܗܘܢ ܡܼܢ ܢܝܼܪܐ ܕܐܒܐ ܘܒܪܐ܀ ܦܘܼܫܩܐ ܣܘܼܥܪܢܝܐ ܘܪܘܼܚܢܝܐ: ܕܗܢܐ ܡܙܡܘܪܐ܇ ܒܟܘܼܢܫܐ ܕܬܪܝܢ ܦܬܝܐ ܘܪܘܝܼܚܐ ܥܿܒܕܝܼܢܢ܇ ܗܪܟܐ ܒܟܪ̈ܝܬܐ ܐܬܚܼܫܚܢܢ ܐܚܘܢ: ܡܛ݀ܠ ܫܐܼܠܬܐ ܕܐܝܠܝܢ ܕܡܚܒܝܼܢ ܠܙܥܘܪܘܬ ܣܘܼܟܠܐ܀ ܡܙܡܘܪܐ ܕܓ̄ ܐܡܝܼܪ ܠܗ ܟܕ ܩܼܡ ܥܠܘ̄ ܐܘܠܨܢܐ ܡܢ ܐܒܝܼܫܠܘܡ ܒܪܗ ܡܪܝܐ ܡܐ ܣܓܝܼܘ ܐܠܘܨ̈ܝ ܗ̄ ܐ̈ܠܘܨܐ ܠܓܘܼܕܐ ܕܥܡ ܐܒܝܫܠܘܡ ܩܿܪܐ܀ ܐܢܿܐ ܫܟ݀ܒܬ ܗ̄ ܐܦܢ ܫܟܒܿܬ ܒܡܠܐ ܙܒܢ ܒܥܩ̈ܬܐ ܡܪܝܐ܇ ܐܠܐ ܐܬܬܥܿܝܪܬ ܘܐܬܢ݀ܦܨܬ ܡܢܗܘܿܢ ܒܗܜܝ ܕܡܪܐ ܣܡܼܟܢܝ܀ ܥܠ ܦܟ̈ܝܗܘܿܢ ܗ̄ ܐܟܙܢܐ ܗܿܘ ܕܒܿܠܥ ܡܚܘܿܬܐ ܩܫܝܼܬܐ ܥܠ ܦܟ̈ܘܗܝ ܡܬܼܬܒܪ̈ܢ ܥܪ̈ܫܘܗܝ ܗܿܟܢܐ ܫܦܼܠܬ ܠܥܘܼܫܢܐ ܕܒܥ̈ܠܕܒܒܝ ܕܥܡ ܐܒܝܫܠܘܡ܇ ܒܘܼܪܟܬܟ ܠܥܠܡ ܗ̄ ܒܘܼܪܟܬܐ ܠܫܠܡܐ ܩܿܪܐ܇ ܗܿܘ ܕܒܿܬܪ ܩܛܠܗ ܕܐܒܝܫܠܘܡ ܗܘܼܐ ܠܥܡܐ ܟܕ ܦܢܼܘ ܠܘܬ ܕܘܝܕ܀ ܡܙ̄ܡ ܕܕ̄ ܡܿܟܣ ܠܗܿܢܘܿܢ ܕܫܠܡܐ ܒܫܓܡܐ ܪܕܐ ܘܠܝܬ ܠܗ ܡܕܒܪܢܐ ܟܕ ܩܪܝܬܿܟ ܥܢܼܝܬܢܝ ܗ̄ ܐܢ ܠܝܬ ܡܕܒܪܢܐ ܠܥܠܡܐ܇ ܠܡܿܢܘܼ ܩܪܝܿܬ ܐܢܿܐ ܘܐܬܥܢܝܿܬ܀ ܒܢܝ̈ܢܫܐ ܥܕܡܐ ܠܐܡܬܝ ܗ̄ ܒܗܕܐ ܬܪܥܝܬܐ ܡܩܘܝܢ ܐܢܬܘܿܢ܀ ܘܐܝܩܪܝ ܡܿܚܦܝܢ ܐܢܬܘܿܢ ܗ̄ ܕܠܘ ܡܼܢ ܠܗܐ ܐܫܟܚܿܬܗ ܐܠܐ ܡܼܢ ܓܕܫܐ܀ ܕܥܠ ܕܦܼܪܫ ܠܗ ܡܪܝܐ ܗ̄ ܥܕ ܐܝܿܬܝ ܗܿܘܝܬ ܛܠܝܐ ܘܠܐ ܐܢܫ ܝܿܕܥ ܗܿܘܝܬ܀ ܪܓܼܙܘ ܘܠܐ ܬܚܛܘܿܢ ܗ̄ ܐܦܢ ܪܓܼܙܬ ܘܐܬܚܫܼܒܬ ܡܕܡ ܕܠܐ ܘܿܠܐ ܥܠ ܐܝܠܝܢ ܕܠܘ ܫܦܝܼܪܡܣܼܬܥܪ̈ܢ ܒܥܠܡܐ ܗܢܐ܇ ܐܠܐ ܠܐ ܬܟܼܬܪ ܒܗܿܢܐ ܚܘܼܫܒܐ ܘܠܥܠܡܐ ܬܣܪܩ ܡܼܢ ܡܕܒܪܢܘܼܬܐ ܕܐܠܗܐ܀ ܐܡܼܪ ܒܠ̈ܒܝܟܘܿܢ ܗ̄ ܐܦܢ ܐܙܕܟܝܼܬ ܘܪܛܢܼܬ: ܐܠܐ ܒܥܕܢ ܡܫܟܒܟ ܪܢܝܐ ܫܦܝܼܪܐ ܪܢܝܼ ܡܐ ܕܗܘܼܝܬ ܠܘܬ ܢܦܫܟ܀ ܡܿܢܘܼ ܢܚܘܝܢ ܛܒܐ ܗ̄ ܐܝܟܐ ܗܿܝ ܡܕܒܪܢܘܼܬܗ ܕܐܠܗܐ܀ ܢܘܼܗܪܐ ܗ̄ ܕܒܛܝܼܠܘܬܗ܀ ܝܗܒܼܬ ܚܕܘܿܬܟ ܒܠܒܝ ܗ̄ ܒܕܡܘܼܬܗܘܿܢ ܫܚܝܼܩ ܐܢܼܐ ܒܚܘܼܫ̈ܒܐ ܒܝܼܫ̈ܐ܇ ܐܠܐ ܒܟ ܚܿܕܐ ܐܢܼܐ: ܘܐܣܓܝܼܬ ܠܝܼ ܟܗܝܼܢܘܼـܐ ܕܥܒܘܪ̈ܐ ܘܚܡܪ̈ܐ܀ ܡܙܡܘܪܐ ܕܚܡܫܐ ܥܠ ܥܡܐ ܕܒܒܠ ܡܬܼܢܒܐ. ܘܕܫܿܐܠܝܼܢ ܡܼܢ ܐܠܗܐ ܦܘܼܢܝܐ ܘܐܣܬܟܠ ܒܗܓܝ ܗ̄ ܗܘܼܓܝܐ ܩܿܪܐ ܠܩܫܝܼܘܬܗ ܕܟܐܒܐ܀ ܨܘܼܬ ܐܘ̃ ܡܪܝܐ ܒܚܝܠܐ ܕܡ̈ܠܝ ܕܡܿܨܠܐ ܐܢܼܐ ܡܼܢ ܙܩܬܐ ܕܥܩ̈ܬܝ܀ ܡܪܝܐ ܒܨܦܪܐ ܗ̄ ܨܦܪܐ ܒܬܠܬܐ ܙܢ̈ܝܐ ܡܬܼܢܣܒ: ܥܠ ܩܠܝܼܠܘܼܬܐ ܘܡܦܪܓܘܼܬܐ ܘܥܠܘܗܝ ܕܨܦܪܐ ܗܪܟܐ ܥܠ ܩܠܝܼܠܘܼܬܐ ܐܡܿܪ: ܐܠܐ ܠܡ ܡܛܝܒܐܝܬ ܡܿܩܕܡ ܐܢܼܐ ܠܨܠܘܿܬܐ ܩܕܡܝܟ: ܐܢܬ ܕܝܢ ܐܝܟ ܩܠܝܼܠܘܼܬܐ ܕܨܦܪܐ ܐܕܢܚ ܠܝܼ ܢܘܼܗܪܐ ܕܦܘܼܪܩܢܟ܀ ܡܛ݀ܠ 296 ܕܐܠܗܐ ܐܢܬ ܕܠܐ ܨ݀ܒܐ ܗ̄ ܥܠܗܕܐ ܐܫܟܚܼܬܢ ܕܢ݀ܬܬܪܨ܇ ܡܛ݀ ܕܡܠܝܢ ܗܼܘܝܢ ܥܘܠܐ ܘܪܘܼܫܥܐ: ܘܐܢܬ ܒܕܐܝܟ ܗܿܠܝܢ ܠܐ ܨ݀ܒܐ ܐܢܬ܇ ܣܢܼܝܬ ܕܝܢ ܐܦ ܠܒܒ̈ܠܝܐ܇ ܕܐܝܬܗܘܿܢ ܥܿܒ̈ܕܝ ܫܘܼܩܪܐ܀ ܓܒܪܐ ܐܫܿܕ ܕܡܐ ܗ̄ ܢܒܘܟܕܢܨܪ܀ ܠܫܢܝ̈ܗܘܿܢ ܡܗܦܟܝܼܢ ܗ̄ ܢܟܝܼ̈ܠܐ ܐܝܬܝܗܘܿܢ ܠܘܬܢ܇ ܘܒܠ̈ܫܢܐ ܕܓ̈ܠܐ ܡܡܠܠܝܼܢ ܥܡܢ܀ ܘܢܦܠܘܢܼ ܡܼܢ ܗ̄ ܢܬܢܟܪܘܿܢ ܡܼܢ ܐܝܼܩܪܗܘܿܢ܀ ܬܒܪܟ ܠܙܕܝܼܩ̈ܐ ܗ̄ ܠܥܡܐ ܩܿܪܐ ܙܕܝܼܩ̈ܐ ܒܦܚܼܡܐ ܕܒܒ̈ܠܝܐ܀ ܡܙ̄ܡ ܕܫܬܐ ܐܡܝܼܪ ܠܗ ܥܠ ܞܚܛܝܼܬܐ ܕܒܒܪܬ ܫܒܥ ܡܪܝܐ ܠܐ ܒܪܘܓܙܟ ܗ̄ ܡܦܝܼܣ ܕܒܪ̈ܚܡܐ ܬܬܡܙܓ ܡܪܕܘܼܬܗ܀ ܘܨܒܥܿܬ ܒܟܿܠ ܠܝܠܐ ܥܪܣܝ ܗ̄ ܡܼܢ ܫܦܥܐ ܕܕܡܥ̈ܝ: ܟܐܒܼܬ݀ ܡܼܢ ܪܘܓܙܐ ܥܝܢܝ܀ ܡܙ̄ܡ ܕܫܒܥܐ. ܐܡܝܼܪ ܗܢܐ ܡܙܡܘܪܐ ܟܕ ܡܿ،ܕܐ ܠܐܠܗܐ ܐܡܬܝ ܕܫܡܼܥ ܕܚܢܝܼܩ ܐܚܝܬܘܦܝܠ ܡܼܢ ܟܿܠ ܪ̈ܕܘܦܝ ܡܼܢ ܡܠ̈ܟܐ ܕܐܚܝܬܘܦܝܠ܀ ܘܢܕܘܼܫ ܚܝ̈ܝ ܒܐܪܥܐ ܗ̄ ܠܙܪܥܐ ܕܡܠ̈ܝ ܕܠܗܘܿܢ ܩܿܪܐ ܚ̈ܝܐ: ܐܝܟ ܕܠܐ ܢܦܘܼܫ ܠܝܼ ܕܘܼܟܪܢܐ ܒܝܬ ܒܢܝ̈ܢܫܐ܀ ܘܥܠ ܐܦܝ̈ܗܿ ܠܡܪܘܡܐ ܗ̄ ܥܠ ܐܦܝ̈ܗܿ ܕܗܕܐ ܣܿܥܪ ܐܢܬ܇ ܟܐܢܐܒܬ ܬܬܪܡܪܡ ܘܬܬܩܠܼܣ ܡܼܢ ܣܓܝ̈ܐܐ܀ ܡܛ݀ܠ ܕܚܒܼܠ ܥܘܠܐ ܗ̄ ܐܚܝܬܘܦܝܠ ܡܿܝܬܐ܀ ܘܒܼܛܢ ܫܘܼܩܪܐ ܗ̄ ܡܠ̈ܟܐ ܒܝܼܫ̈ܐ܀ ܘܝܼܠܕܘ ܥܬܐ ܗ̄ ܛܠܘܼܡܝܐ܀ ܒܪܐ ܚܦܼܪ ܘܚܛܗܿ ܗ̄ ܒܝܕ ܥܡܝܼܩܘܼܬ ܢܟܼܠܐ ܕܐܬܪܥܝܼ܀ ܘܢܦܼܠ ܒܓܘܼܡܨܐ ܕܥܒܼܕ ܗ̄ ܥܠܗ݀ܝ ܕܡܠܟܐ ܕܡܼܠܟ ܗܼܘ ܗܘܼܐ ܠܗ ܥܠܼـܐ ܕܐܒܕܢܐ܀ ܥܠ ܒܝܼܥܬܗ ܗ̄ ܥܠ ܩܪܩܦܬܗ ܢܚܘܿܬ ܥܘܠܗ ܥܠ ܪܝܫܗ ܐܝܟ ܕܢܢܬܪ̈ܢ ܘܢܬܡ̈ܠܓܢ ܒܝܼ̈ܥܬܐ ܕܣܥܪܗ܀ ܡܙܡܘܪܐ ܕܬܡܢܝܐ ܐܡܝܪ ܠܗ ܥܠ ܡܬܒܪܢܫܢܘܬܗ ܕܒܪܐ ܡܪܝܐ ܡܪܢ ܡܐ ܡܿܫܒܼܚ ܗ̄ ܡܐ ܥܬܝܼܕ ܐܢܬ ܕܬܫܼܬܒܚ ܘܬܣܬܓܼܕ ܡܼܢ ܥܡ̈ܡܐ ܡܛ݀ܠ ܕܡܬܼܦܪܣܐ ܣܒܪܬܟ ܒܬܒܝܠ܀ ܝܗܒܼܬ ܫܘܼܒܚܟ ܗ̄ ܕܢܪܒܐ ܘܢܡܼܛܐ ܥܕܡܐ ܠܫܡܝܐ: ܡܛ݀ܠ ܕܡܫܬܘܕܥܝܼܢ ܠܟ ܒܢܝܢܫ̈ܐ ܕܐܝܼܬܝܟ ܒܪܘܝܐ ܕܫܡܝܐ ܘܕܐܪܥܐ܀ ܡܛ݀ܠ ܕܢܬܼܒܛܠ ܗ̄ ܒܥܠܕܒܒܐ ܝܘܕܝܐ ܕܨ݀ܒܐ ܕܢܬܼܢܩܡ ܕܕܠܩܘܼܠܐ ܠܡ ܐܝܬܝܟ ܕܐܠܗܐ܀ ܡܛ݀ܠ ܕܚܼܙܘ ܫܡ̈ܝܟ ܗ̄ ܡܛ݀ܠ ܕܝܘܕ̈ܝܐ ܕܠܐ ܗܝܡܢܼܘ ܠܬܕܡܪ̈ܬܟ: ܥܡܡ̈ܐ ܐܫܬܘܕܥܘܼܟ ܕܐܝܬܝܟ ܒܪܘܝܐ ܕܫܡܝܐ ܘܕܐܪܥܐ ܘܕܢܗܝܼܪ̈ܐ܀ ܡܿܢܘܼ ܓܒܪܐ ܕܐܬܕܟܪܬܝܗܝ ܘܫܪܟܐ ܗ̄ ܝܘܕܝ̈ܐ ܥܠ ܐܕܡ ܢܿܣܒܝܼܢ ܠܗܿܠܝܢ܆ ܚܢܢ ܕܝܢ ܥܠ ܡܫܝܚܐ܀ ܡܙܡܘܪܐ ܕܬܫܥܐ ܬܘܕܝܬܐ ܕܥܡܐ ܕܚܠܦ ܙܟܘܿܬܐ ܕܝܗܼܒ ܠܗܘܿܢ ܥܠ ܥܡܡ̈ܐ ܕܚܕܪ̈ܝܗܘܿܢ ܒܙܒܢܗ ܕܕܘܝܕ ܝܼܬܒܬ ܥܠ ܟܘܼܪܣܝܐ ܗ̄ ܐܟܙܢܐ ܕܡܠ̈ܟܐ ܕܝܿܬܒܝܼܢ ܥܠ ܟܘܼܪܣܝܐ ܘܕܝܢܝܼܢ: ܗܿܟܢܐ ܐܦ ܐܢܬ ܒܕܝܼܢܐ ܟܐܢܐ܇ ܐܘܒܼܕܬ ܠܥܡܡ̈ܐ ܒܥܠ̈ܕܒܒܝܢ܀ ܒܝܬ ܓܘܣܐ ܠܡܣܟ̈ܢܐ ܗ̄ ܠܝܘ̈ܕܝܐ ܡܛ݀ܠ ܕܡܣܟܢܝܼܢ 297 ܗܼܘܘ ܘܡܚܝܼܠܝܼܢ ܒܦܚܼܡܐ ܕܥܡܡ̈ܐ܆ ܕܥܿܡܪ ܒܗܘܿܢ ܒܨܗܝܘܿܢ ܗ̄ ܐܬܚܙܝܼ ܕܗܘܼܝܘܼ ܐܠܗܐ܀ ܒܝܕ ܪܘܼܚܦܗ ܕܥܠ ܨܗܝܘܿܢ܀ ܨܢܥ̈ܬܗ ܗ̄ ܦܘܪ̈ܣܐ ܕܒܗܘܿܢ ܐܨܛܢܥ ܠܒܥܠܕܒ̈ܒܝܢ: ܠܡܬܼܒܥ ܕܡܗܘܿܢ ܗ̄ ܕܡܐ ܕܥܡܗ ܡܢܗܘܿܢ: ܐܝܟ ܕܐܫܬܘܕܝܼ ܒܙܒ̈ܢܐ ܩܕܡ̈ܝܐ܀ ܢܬܬܕܝܼܢܘܢܼ ܥܡܡ̈ܐ ܩܕܡ ܐܦܝ̈ܟ ܗ̄ ܢܬܚܝܒܘܢܼ ܡܼܢ ܓܠܝܢܟ ܕܥܠܝܗܘܢܿ܀ ܐܩܝܼܡ ܠܗܘܿܢ ܣܿܐܡ ܢܡܘܿܣܐ܀ ܕܒܢܝ̈ܢܫܐ ܐܢܘܿܢ ܗ̄ ܡܛ݀ܠ ܕܪܢܝܢ ܗܼܘܘ ܕܠܝܬ ܕܬ݀ܒܥ ܠܗܘܿܢ܀ ܐܝܬܐ ܥܠܝܗܘܢ ܬܒܥܬܐ ܕܕܝܼܢܟ ܟܐܢܐܝܬ ܘܢܡܘܿܣܐܝܬ: ܕܡܼܢ ܗܪܟܐ ܢܕܥܘܢܼ ܢܦܫܗܘܿܢ ܕܥܒܝܼ̈ܕܐ ܐܢܘܿܢ ܘܢܫܬܥܒܕܘܢܼ ܠܡܪܘܬܟ. ܡܙܡܘܪܐ ܕܥܣܪܐ ܐܡܝܼܪ ܠܘܼܩܒܠ ܥܬܝܼܪ̈ܐ ܕܥܡܐ ܕܛܠܿܡܝܼܢ ܗܼܘܘ ܠܡܣ̈ܟܢܐ ܠܡܢܐ ܡܪܝܐ ܩܡܼܬ ܗ̄ ܒܗܕܐ ܡܿܘܕܥ ܥܠ ܡܓܪܬ ܪܘܼܚܐ ܕܐܠܗܐ܀ ܒܪܘܼܚܩܐ ܗ̄ ܪܡܿܙ ܒܗܕܐ ܥܠ ܥܘܼܕܪܢܐ ܘܠܘ ܥܠ ܟܝܿܢܐ: ܐܝܟܢܐ ܠܡ ܐܪܚܼܩܬ ܡܼܢ ܥܘܼܪܕܢܐ ܕܡܣ̈ܟܢܐ܀ ܝ݀ܩܕ ܡܣܟܢܐ ܗ̄ ܡܬܼܩܠܐ ܘܝ݀ܩܕ ܒܬܪܥܝܼܬܗ ܟܕ ܚܿܙܐ ܠܪܫܝܼܥ ܕܡܨܠܚ. ܬܘܼܒ ܝܿܩܕ ܡܣܟܢܐ ܗ̄ ܟܕ ܚܿܙܐ ܠܫܘܼܥܠܝܗ ܕܥܬܝܼܪܐ ܕܥܠܘܗܝ ܘܨܪܝܼܟܘܼܬܗ ܕܝܼܠܗ܀ ܡܫܬܼܒܗܪ ܪܫܝܼܥܐ ܗ̄ ܡܛ݀ܠ ܕܠܐ ܡܿܩܒܠ ܟܐܬܐ: ܝ݀ܩܕ ܡܣܟܢܐ܀ ܢܬܬܚܕܘܢܼ ܒܬܪܥܝܼܬܐ ܗ̄ ܡܬܼܬܒܥ ܪܫܝܼܥܐ܇ ܐܝܟ ܡܕܡ ܕܐܬܼܚܫܒ ܥܠ ܡܣܟܢܐ: ܥܘܿܠܐ ܡ݀ܒܪܟ ܗ̄ ܡܬܼܟܗܢ ܟܕ ܝܘܿܡ ܒܝܘܿܡ ܡܿܥܘܠ܀ ܘܪܓܙ ܡܪܝܐ ܗ̄ ܠܐ ܬܕܚܠܘܢܼ ܡܣܟ̈ܢܐ ܐܢ ܡܨܠܚܝܼܢ ܥܬܝܼܪ̈ܐ: ܡܛ݀ܠ ܕܪܓܙ ܡܪܝܐ ܥܠܝܗܘܿܢ܀ ܟܿܡܢ ܗ̱ ܒܟ݀ܠ ܥܠ̈ܢ ܡܿܣܓܐ ܥܬܝܼܪܐ ܦܚ̈ܐ ܘܡܿܘܪܟ ܡܨܝܼܕ̈ܬܐ܆ ܕܢܟܢܫ ܡܼܢ ܡܣܟ̈ܢܐ ܩܢܝܿܢܐ ܕܛܠܘܼܡܝܐ ܘܕܥܬܐ܀ ܘܕܒܝܼܫܐ ܬܬܒܼܥܗ ܗ̄ ܚܛܝܼܬܗ ܐܝܬܝܗܿ ܡܘܒܕܢܝܼܬܗ܆ ܘܠܘ ܐܢܬ ܡܬܬܕܝܼܢ ܐܢܬ ܚܠܦ ܚܛܝܼܬܗ: ܘܡܐ ܕܡܬܼܬܒܥ ܥܘܠܐ ܡܼܢ ܐܠܗ ܡܛ݀ܠ ܚܛܝܼܬܗ܇ ܐܒܿܕ ܘܠܐ ܡܫܼܬܟܚ܀ ܣܒܪܐ ܕܡܣ̈ܟܢܐ ܗ̄ ܨܠܘܿܬܐ ܐܝܿܕܐ ܕܥܠ ܥܘܼܕܪܢܐ ܡܩܪܒܝܼܢ ܠܗ܀ ܘܛܘܼܝܿܒܐ ܕܠܒܗܘܿܢ ܗ̄ ܗܘܿ ܡܐ ܕܡܛܝܒܝܼܢ ܠܡܼܫܐܠ ܬܨܘܼܬܝ ܐܕܢܟ܀ ܠܡܕܢ ܗ̄ ܠܡܕܢ ܘܠܡܚܝܒܘܼ ܠܐܝܠܝܢ ܕܐܥܘܠܘ ܒܗܘܿܢ܇ ܕܠܐ ܢܘܣܦ ܬܘܼܒ ܒܪܢܫܐ ܥܘܿܠܐ ܠܡܘܒܕܘ ܒܢܝܢ̈ܫܐ ܡܼܢ ܐܪܥܐ ܒܡܪܢܝܼܬܐ ܕܫܘܼܒܗܪܗ܀ ܡܙܡܘܪܐ ܕܝܐ̄܆ ܐܡܝܼܪ ܠܗ ܟܕ ܡܬܪܕܦ ܡܢ ܫܐܘܠ ܢܘܼܕܝ ܘܫܟܢܝ ܥܠ ܛܘܼܪ̈ܐ ܗ̄ ܡܼܢ ܕܚܼܠܬܐ܀ ܘܫܟܢܝ ܥܠ ܗ̄ ܕܟܕ ܐܢܿܐ ܥܠ ܐܠܗܐ ܬܟܝܼܠ ܐܢܼܐ ܡܛ݀ܠ ܡܘܿܢ ܡܿܠܟܝܼܢ ܐܢܬܘܿܢ ܕܐܝܟ ܨܦܪܐ ܕܥܪܩܐ ܡܼܢ ܩܕܡ ܢܨܐ ܐܫܿܢܐ ܡܼܢ ܛܘܼܪܐ ܠܛܘܼܪܐ ܘܐܣܿܬܬܪ܇ ܡܛ݀ܠ ܕܗܐ ܚܛܝ̈ܐ ܗ̄ ܕܒܝܬ ܫܐܘܠ܀ ܠܡܼܫܕܐ ܒܥܡܛܢܐ ܗ̄ ܕܐܝܟ ܕܒܥܡܛܢܐ ܟܕ ܠܐ ܡܬܼܚܙܝܢ ܢܫܕܘܿܢ ܒܢ ܓܐܪ̈ܝܗܘܿܢ ܕܐܝܿܬܝܢ ܬܪ̈ܝܨܝ ܫܘܼܒܚܐ܀ ܪܘܼܚܐ ܕܡܚܘܿܬܐ ܗ̄ ܠܫܐܕܐ ܩܿܪܐ ܗ̄ ܒܪܘܼܚܐ ܕܫܐܕܐ ܐܬܪܕܝܼ ܫܘܐܠ܀ ܕܟܣܗܘܿܢ 298 ܗ̄ ܕܕܐܝܟ ܗܢܐ ܟܣܐ ܒܡܢܬܐ ܥܡ ܥ̈ܘܿܠܐ܆ ܡܼܛܐ ܠܗ ܫܐܕܐ ܒܝܼܫܐ ܠܫܐܘܠ ܗܿܘ ܕܡܿܫܢܩ ܗܼܘܐ ܠܗ܀ ܡܙܡܘܪܐ ܕܝܒ̄. ܡܪܬܝܢܘܼܬܐ ܘܡܿܟܣ ܠܐܝܠܝܢ ܕܢܟܝܼܠܝܼܢ ܥܠ ܪ̈ܚܿܡܝܗܘܿܢ ܕܓܡܼܪ ܛ݀ܒܐ ܗ̄ ܓܡܼܪܘ ܟ݀ܠܗܘܿܢ ܐܝܠܝܢ ܕܩܢܝܢ ܚܘܼܒܐ ܫܪܝܼܪܐ܀ ܥܒܪܝܐ ܚܠܦ ܛܒܐ܆ ܚܣܝܼܢܐ ܐܡܿܪ ܗ̄ ܓܡܼܪܘ ܟܿܠܗܘܿܢ ܗܿܢܘܿܢ ܕܡܥܕܝܼܢ ܗܼܘܘ ܩܿܝܡܝܼܢ ܓܢܒܪܐܝܬ܆ ܥܠ ܐܦܝ̈ ܫܪܪܐ܀ ܘܒܛܼܠܬ݀ ܗܝܡܢܘܼܬܐ ܗ̄ ܡܼܢ ܥܡܪ̈ܝ ܐܪܥܐ ܠܡ ܫܢܝܼ ܠܗ ܫܪܪܐ܀ ܒܠܒܐ ܘܒܠܒܐ ܗ̄ ܬܪ̈ܝܗܘܿܢ ܢܟܝܼܠܝܼܢ ܥܠ ܚ̈ܕܕܐ ܟܕ ܒܦܘܼܡܗܘܿܢ ܡܣܬܒܪܝܼܢ ܕܫܘܝܢ܇ ܒܠܒܗܘܿܢ ܦܠܝܼܓܝܼܢ ܚܕ ܥܠ ܚܕ܀ ܠܫܢܢ ܢܘܪܒ ܗ̄ ܢܡܠܠ ܕܠܐ ܟܝܢܐ܀ ܡܐܡܪܗ ܕܡܪܝܐ ܗ̄ ܓܙܪ ܕܝܼܢܗ ܕܐܠܗܐ ܕܥܠ ܢܟܝܼ̈ܠܐ ܘܥܿܘ̈ܠܐ ܕܟܿܐܼ ܘܬܪܝܼܨ ܘܡܿܒܼܪܝ ܡܼܢ ܙܐܦܐ: ܐܝܟ ܣܐܡܐ ܓܒܝܐ ܕܒܚܝܼܪ ܡܼܢ ܐܘܡ̈ܢܐ ܡܕܟܝ ܚܕ ܒܫܒܥܐ܇ ܗܟܢ ܕܟܿܝܢܼ ܓܙܪ ܕܝܼܢܘ̈ܗܝ ܕܥܠ ܥ̈ܘܿܠܐ܀ ܬܛܪ ܐܢܘܿܢ ܠܬܡܝܼ̈ܡܐ: ܐܝܟ ܪܘܡܐ ܙܠܝܼܠܐ ܗ̄ ܪܘܡܐ ܚܕ ܐܝܼܬ ܗܼܐ ܒܐܪܥܐ ܕܐܕܘ̈ܡܝܐ: ܘܟܕ ܥܿܒܕܝܼܢ ܗܼܘܘ ܥܐܕܐ ܠܦܬܟܪ̈ܐ ܢ݀ܦܩܝܼܢ ܗܼܘܘ ܓܒܪ̈ܐ ܘܢܫ̈ܐ ܥܪܛܠܐܝܬ ܠܗܿܘ ܬܠܠܐ ܐܝܟ ܢܡܘܿܣܐ ܕܚܢܦܘܼܬܐ܆ ܘܒܿܬܪ ܫܒܥ ܙܒܢ̈ܝܼܢ ܕܟܪܘܟܝܐ ܦܿܓܥܝܼܢ ܗܼܘܘ ܒܚ̈ܕܕܐ ܟܿܠܢܫ ܐܝܟ ܕܡܣܼܬܩܒܠ܆ ܘܡܿܙܢܝܢ ܛܢܦܐܝܬ ܠܗ݀ܝ ܙܠܝܼܠܘܼܬܐ ܕܗܿܢܘܿܢ ܡܿܕܡܐ ܠܗܿ ܢܒܝܐ ܠܒܝܼܫܘܼܬܐ ܕܒܢ̈ܝ ܕܪܗ: ܡܛ݀ܠ ܕܠܝܬ ܗܼܘ ܒܗܘܿܢ ܙܗܪܝܪܐ ܕܛܒܬܐ: ܐܝܟ ܕܐܦܠܐ ܒܗܢܘܿܢ ܐܬ݀ܐ ܕܢܟܦܘܼܬܐ ܫܿܐܠ ܡܼܢ ܐܠܗܐ: ܕܢܕܠܝܘܗܝ ܡܼܢ ܡܨܥܬ ܒܝܼܫ̈ܬܗܘܿܢ ܕܒܢ̈ܝ ܐܕܘܡ ܗ̄ ܥܒܪܝܐ ܕܒܢ̈ܝ ܐܢܫ̈ܐ܀ ܡܙ̄ܡ ܕܝܓ̄ ܐܡܝܼܪ ܟܕ ܡܘܕܐ ܒܚܛܗܐ ܕܒܪܬ ܫܒܥ ܥܕܡܐ ܠܐܡܬܝ ܬܛܥܝܢܝ ܗ̄ ܠܐ ܐܡܿܪ ܐܢܼܐ ܕܠܐ ܬܛܥܝܢܝ܆ ܐܘܿ ܕܠܡܢܐ ܛܥܝܬܢܝ: ܐܠܐ ܒܿܥܐ ܐܢܼܐ ܕܠܐ ܠܥܠܡ ܐܬܿܛܥܐ ܘܐܫܿܬܒܩ ܩܕܡ ܥܩ̈ܬܐ܀ ܬܟܪܝܼܬܐ ܘܕܘܘܼܢܐ ܩܿܪܐ: ܠܚܘܼܫ̈ܒܐ ܕܥܠ ܐܦܝ̈ ܚܛܝܼܬܗ ܕܡܕܘܕܝܢ ܠܗ ܘܡܟܪܝܢ܀ ܢܬܬܪܝܼܡ ܒܥܠܕܒܒܝ ܗ̄ ܐܒܝܫܠܘܡ܇ ܘܐܢܿܐ ܐܬܿܡܟܟ܀ ܐܢܗܪ ܥܝܢ̈ܝ ܗ̄ ܢܘܼܗܪܐ ܕܥܝ̈ܢܐ ܠܓܗܝܬܐ ܕܡܼܢ ܥܩ̈ܬܐ ܩܿܪܐ܆ ܕܠܐ ܐܕܿܡܟ ܗ̄ ܕܠܐ ܐܡܿܘܼܬ ܡܼܢ ܥܩܬܐ܀ ܡܙܡܘܪܐ ܕܝܕ̄ ܐܡܝܼܪ ܠܗ ܒܢܒܝܘܬܐ ܥܠ ܪܒ ܫܟ̈ܐ ܟܕ ܫܕܪܗ ܣܢܚܪܝܒ ܠܡܚܣܕܘ ܠܚܙܩܝܐ ܐܡܿܪ ܥܘܿܠܐ ܒܠܒܗ ܕܠܝܬ ܐܠܗܐ ܗ̄ ܥܘܿܠܐ ܩܿܪܐ ܠܐܬܘܪܝܐ ܡܛܠ ܪܘܼܫܥܗ ܘܡܪܚܘܼܬܗ ܕܒܐܠܗܐ: ܡܛ݀ܠ ܕܥܼܛܐ ܡܼܢ ܚܘܼܫܒܗ ܠܝܼܕܥܬܐ ܕܐܠܗܐ ܕܒܟܝܿܢܐ ܢܨܝܼܐ: ܥܠܗ݀ܝ ܐܡܼܪܚ ܠܡܓܕܦܘ܀ ܠܝܬ ܕܥܿܒܕ ܛܒܬܐ ܐܦܠܐ ܗ̄ ܒܡܫܪܝܬܗ܀ ܘܠܐ ܝܼܕܥܗ ܗ̄ ܥܿܒ̈ܕܝ ܥܘܠܐ ܕܥܡ ܐܬܘܪܝܐ܀ ܕܐܠܗܐ ܗܘ ܒܕܪܐ ܗ̄ ܕܥܡ ܒܝܬ ܚܙܩܝܐ ܐܝܼܬܘܗܝ܇ ܬܡܢ ܗ̄ ܚܕܪ̈ܝ ܐܘܪܫܠܡ܀ ܕܚܠܼܘ ܕܚܠܼܬܐ ܐܬܪ ܗ̄ ܕܗܿܟܢ 299 ܐܪܗܒܼܬ݀ ܐܢܘܿܢ ܚܙܬܗ ܕܡܠܐܟܐ: ܐܝܟܐ ܕܠܐ ܣܿܒܪܝܼܢ ܗܼܘܘ ܕܡܬܼܢܟܝܠ ܡܼܢ ܡܕܡ܀ ܡܿܢ ܢܬܠ ܡܼܢ ܨܗܝܘܿܢ ܗ̄ ܡܿܢܘܼ ܐܚܪܢܐ ܕܡܼܢ ܗܝܟܠܐ ܕܨܗܝܘܿܢ: ܦܘܼܪܩܢܐ ܕܐܝܟ ܗܢܐ ܝܿܗܒ ܠܝܣܪܐܝܠ: ܐܠܐ ܐܢ ܡܪܝܐ ܕܡܿܗܦܟ ܫܒܝܼܬܢ ܒܚܪܬܐ ܡܼܢ ܒܒܠ܀ ܡܙ̄ܡ ܕܝܗ̄. ܕܡܿܐ ܗܿܢܐ ܠܗܿܘ ܕܩܕܡܘܗܝ ܐܡܝܼܪ ܓܝܪ ܥܠ ܥܡܐ ܘܥܠ ܚܙܩܝܐ ܟܕ ܐܓܗܝܼܘ ܡܢ ܐܬܘܪܝܐ. ܘܕܠܐ ܢܬܚܬܪܘܢܼ ܥܠ ܙܟܘܿܬܐ ܕܗܼܘܬ݀ ܠܗܘܿܢ ܡܪܝܐ ܡܿܢܘܼ ܢܥܼܡܪ ܗ̄ ܠܡܿܢ ܡܿܫܘܐ ܐܢܬ ܠܥܘܼܡܪܐ ܘܠܕܘܼܝܪܐ ܕܥܡܟ ܕܢ݀ܥܒܕ ܘܐܦܚܢܢ ܘܢ݀ܥܡܪ ܥܡܟ܆ ܘܐܝܟ ܗܿܘ ܕܐܠܗܐ ܡܿܦܢܐ܀ ܐܝܢܐ ܕܡܿܗܠܟ ܕܠܐ ܡܘܼܡ ܗ̄ ܐܝܟ ܚܙܩܝܐ܀ ܘܥܿܒܕ ܙܕܝܩܘܼܬܐ ܗ̄ ܐܟܘܬܗ܀ ܘܡܿܪܚܩ ܡܼܢ ܒܝܼܫ̈ܬܐ ܘܣܿܥܪ ܛܒ̈ܬܐ ܘܣܿܟܐ܀ ܡܙ̄ܡ ܕܝܘ̄: ܫܐܼܠܬܐ ܕܥܡܐ ܐܝܟ ܕܢܬܦܪܩ ܡܢ ܥܡ̈ܡܐ ܕܚܕܪ̈ܝܗܘܿܢ ܛܒܿܬܝ ܡܼܢ ܠܘܬܟ ܗܼܝ ܗ̄ ܥܒܪܝܐ܇ ܘܛܝܒܘܼܬܝ ܥܠܝܟ ܠܐ ܐܝܬ܆ ܗ̄ ܠܐ ܣܢܝܼܩ ܐܢܬ ܥܠ ܕܝܼܠܝ: ܒܕ ܐܝܬܝܟ ܠܝܼ ܡܛܒܢܐ ܒܟ݀ܠܙܒܢ܀ ܐܦ ܠܩܕܝܼܫ̈ܐ܆ ܐܠܐ ܐܦ ܠܐܝܠܝܢ ܕܦܪܝܼܫܝܼܢ ܘܥܠܝܼܝܼܢ ܡܼܢ ܕܫܪܟܐ ܒܥܘܼܬܪܐ ܘܒܕܪܓܐ܆ ܩܕܝܼܫ̈ܐ ܒܬܪܝܢ ܙܢܝ̈ܐ ܡܬܼܟܢܝܢ: ܩܕܝܼܫ̈ܐ ܗܪܟܐ ܩܿܪܐ ܠܥܡܡ̈ܐ ܕܝܚܕܪ̈ܝܗܘܿܢ܀ ܘܡܫܒ̈ܚܐ ܗ̄ ܕܡܫܒܚܝܼܢ ܗܼܘܘ ܒܥܘܼܬܪܐ ܘܒܚܝܠܐ܀ ܟ݀ܠܗ ܨܒܝܿܢܝ ܗ̄ ܥܒܿܕܬ ܒܗܘܿܢ܇ ܒܕܐܘܒܿܕܬ ܐܢܘܿܢ ܒܐܝܼܕ̈ܝ܀ ܢܣܓܘܿܢ ܗ̄ ܐܢܕܝܢ ܒܿܥܝܢ ܐܢܬܘܿܢ ܕܢܐܟܘܿܢܢܝ܇ ܢܬܬܘܣܦܘܢܼ ܠܗܘܿܢ ܬܟܝܼܒܐܝܬ ܚܫ̈ܐ ܐܚܪ̈ܢܐ ܥܠ ܩܕܡ̈ܝܐ܆ ܒܡܣܡ ܒܪܝܫܐ ܘܡܚܘܿܬܐ ܕܡܼܢ ܐܠܗܐ܀ ܥܒܪܝܐ܀ ܢܣܓܘܿܢ ܦܬܟܪ̈ܝܗܘܢܿ ܗ̄ ܠܗܘܿܢ ܘܠܦܬܟܪ̈ܝܗܘܿܢ ܓܡܿܪܬ: ܕܠܐ ܬܘܼܒ ܢܪܗܛܘܢܼ ܠܡܣܼܓܕ ܠܗܘܢ: ܚܒ̈ܠܐ ܢܦܼܠܘ ܗ̄ ܦܨܬܐ ܠܡ ܛܒܬܐ ܕܡܛܬܢܝ ܪܚܝܼ̱ܐ ܥܠܝ ܣܿܓܝܼ܇ ܗ݀ܝ ܕܒܚܒ̈ܠܐ ܡܫܼܚܬ ܘܦܠܓܬܗ: ܒܝܕ ܝܫܘܿܥ ܒܪܢܘܿܢ܀ ܐܒܿܪܟ ܠܡܪܝܐ ܕܡܠܟܢ ܗ̄ ܥܠ ܐܦ̈ܝ ܗܿܠܝܢ܇ ܒܗ݀ܝ ܕܥܡ ܝܼܗܝܼܒܘܼܬ ܐܪܥܐ܆ ܐܦ ܕܡܢܐ ܐ݀ܣܥܘܿܪ ܒܐܪܥܐ: ܡܠܟܢ ܒܝܕ ܢܡܘ̈ܣܐ ܕܝܗܼܒ ܠܝܼ܀ ܐܦ ܒܠ̈ܝܠܘܬܐ ܪܕܝܢܝ ܗ̄ ܐܦ ܡܼܢ ܐܘ̈ܠܨܢܐ ܠܡ ܘܥܩ̈ܬܐ ܕܒܙܒܢ ܙܒܢ ܫܒܼܩܬ ܠܡܐܼܬܐ ܥܠܝ܇ ܠܐ ܙܥܘܿܪ ܐܬܪܕܝܿܬ: ܘܩܢܝܿܬ ܚܘܼܫ̈ܒܐ ܫܦܝܼܪ̈ܐ ܘܢܩܝܼܦ̈ܝ ܠܐܠܗܐ܀ ܘܗܼܘܐ ܡܼܢ ܝܡܝܼܢܝ ܗ̄ ܣܡܟܼܢܝ ܒܥܘܼܕܪܢܗ܆ ܕܠܐ ܐ݀ܦܠ ܡܼܢ ܒܥ̈ܠܕܒܒܝ܇ ܠܐ ܝܗܼܒܬ ܠܚܣܝܟ ܗ̄ ܙܒܢ̈ܬܐ ܣܓܝ̈ܐܬܐ܇ ܐܝܟ ܕܡܼܢ ܡܘܬܐ ܘܚܒܠܐ ܐܪܝܼܡܬ ܠܥܡܟ ܕܠܗ ܩܿܪܐ ܚܣܝܐ ܒܦܚܡܐ ܕܥܡ̈ܡܐ܇ ܫܘܼܠܡܐ ܫܪܝܪܐ ܕܗܿܠܝܢ ܒܡܫܝܼܚܐ ܐܫܬܼܩܠ: ܘܒ݀ܬܪܟܢ ܥܠ ܗܿܟܢ ܡܦܫܩܝܼܢܢ ܒܥܡܠܐ ܬܪܝܢܐ܀ ܬܚܘܝܢܝ ܐܘܪܚܐ ܗ̄ ܚܘܝܼܬ ܠܝܼ ܐܘܪܚܐ ܕܒܗܿ ܟܕ ܪܕܐ ܐܢܼܐ܇ ܡܫܟܚ ܐܢܼܐ ܚ̈ܝܐ ܘܛ݀ܒܬܐ: ܘܐܣܿܒܥ ܡܼܢ ܚܕܘܿܬܗ ܕܦܪܨܘܦܟ ܗ̄ ܡܼܢ ܓܠܝܢܟ ܡܿܠܐܼ ܟ݀ܠ ܛܒ̈ܢ܇ ܘܡܼܢ ܒܣܝܼܡܘܼܬܐ ܕܙܟܘܿܬܐ ܕܝܡܝܼܢܟ 300 ܗ̄ ܕܝܗܼܒܬ ܠܝܼ ܝܡܝܼܢܟ܀ ܡܙ̄ܡ ܕܝܙ̄܆ ܐܡܝܼܪ ܥܠ ܢܦܫܗ ܟܕ ܡܿܨܠܐ ܒܙܒܢܐ ܕܪܕܘܦܝܗ ܕܡܼܢ ܫܐܘܠ. ܒܚܼܪܬ ܠܡ ܠܠܒܝ ܗ̄ ܡܿܚܘܐ ܕܙܕܩ ܕܬܦܼܢܐ ܠܗ ܫܐܼܠܬܗ: ܠܣܘܿܓܐܐ ܕܥܩ̈ܐ ܕܒܗܝܢ ܐܬܢܣܝܼ ܩܿܪܐ ܠܠܝܐ܇ ܐܘܿ ܗܕܐ ܐܡܿܪ ܕܫܿܘܝܢܼ ܐܢܘܿܢ ܠܐܠܗܐ ܐܝܼܡܡܐ ܘܠܠܝܐ܆ ܠܘܬ ܒܘܼܚܪܢܐ ܕܣܘܼܥܪ̈ܢܐ ܘܒܩܼܝܬܢܝ ܗ̄ ܒܙܒܢܐ ܠܡ ܕܐܘܠܨܢܐ ܐܬܒܩܝܿܬ: ܘܠܐ ܣܛܝܿܬ ܡܼܢ ܕܚܼܠܬܟ: ܠܘ ܓܝܪ ܒܥܒܿܕ̈ܘܗܝ ܕܫܐܘܠ ܠܐ ܡܪܝܿܬ: ܐܠܐ ܐܦܠܐ ܒܦܘܼܡܝ ܢܝܿܬ ܐܝܠܝܢ ܕܣܥܼܪ ܠܘܬܝ܇ ܐܠܐ ܒܫܼܬܩܐ ܣܝܒܿܪܬܗ܆ ܘܥܒܼܕܬܝܗܝ ܬܕܡܘܪܬܐ ܠܚܣܝܟ ܗ̄ ܣܥܘܿܪ ܒܦܘܼܪܩܢܝ ܬܕܡܘܪܬܐ܇ ܐܝܟܢܐ ܕܟ݀ܠܢܫ ܢܬܕܡܪ܆ ܕܐܝܟܢ ܐܬܦ݀ܠܛܬ ܡܼܢ ܫܐܘܠ: ܦܪܘܩܐ ܗ̄ ܣܝܼܡܝܢܝ ܪܝܫܐ ܘܦܪܘܩܐ ܠܟܠܗܘܢܿ ܐܝܠܝܢ ܕܡܣܒܪܝܼܢ ܒܟ܆ ܐܝܟ ܓܒܝܼܬܟ ܕܨܐܕܝ: ܘܡܼܢ ܐܝܠܝܢ ܕܩܿܝܡܝܼܢ ܗ̄ ܐܝܠܝܢ ܕܣܿܚܦܝܼܢ ܠܥܘܼܕܪܢܟ ܕܠܐ ܢܫܬܼܡܠܐ ܒܝܼ܇ ܕܐܝܬܝܗܘܿܢ ܕܒܝܬ ܫܐܘܠ܀ ܢܛܪܝܢܝ ܐܝܟ ܒܒܬܐ ܗ̄ ܕܡܛ݀ܠ ܡܚܝܼܠܘܼܬܗܿ ܘܪܒܘܼܬܐ ܕܚܫܼܚܬܐ: ܝܬܝܼܪ ܡܼܢ ܟ݀ܠܗܘܿܢ ܗܕܡ̈ܐ ܢܛܘܼܪܬܐ ܟܝܿܢܝܬܐ ܐܬܦܼܪܣܬ݀ ܠܗܿ ܒܝܕ ܓܪ̈ܡܐ ܘܓܝ̈ܕܐ ܘܬܡܪ̈ܐ ܘܬܠ̈ܝܼܦܐ ܕܠܟܿܠ ܢܟܝ̈ܢܐ ܕܡܼܢ ܠܒܪ ܡܢܗܿ ܛܪܝܢ: ܢ݀ܛܪܝܼܢ ܠܗܿ ܘܒܛܠܐ ܕܟܢܦ̈ܝܟ ܣܬܪܝܢܝ ܗܿܠܝܢ ܕܒܙܘܼܢܝ ܗ̄ ܐܬܒܼܙܙ ܗܼ،ܐ ܒܝܬ ܐܒܘܼܗܝ ܡܼܢ ܫܐܘܠ ܟܕ ܥܿܪܩ: ܘܐܦ ܐܢܬܬܗ ܐܬܝܗܼܒܬ݀ ܠܐܚܪܝܢ܀ ܒܥܠܕܒܒ̈ܝܗܿ ܕܢܦܫܝ ܕܣܼܡܘ ܥܠܝ ܗ̄ ܕܗܢܐ ܢܝܼܫܐ ܣܝܼܡ ܠܗܘܿܢ ܕܐܢ ܠܐ ܩܿܛܠܝܼܢ ܠܝܼ ܠܐ ܫܿܠܝܢ ܡܼܢ ܚܡܼܬܗܘܿܢ܀ ܫܒܚܘܼܢܝ ܗ̄ ܟܕ ܩܛ݀ܠܬ ܠܓܘܿܠܝܕ ܘܚܪܒܿܬ ܠܦܠ̈ܫܬܝܐ܀ ܘܗܫܐ ܟܪܟܘܼܢܝ ܗ̄ ܐܝܟ ܕܢܐܚܕܘܼܢܢܝ܀ ܘܡܼܢ ܡܝ̈ܬܐ ܕܡܿܝܬܝܼܢ ܗ̄ ܕܢ݀ܚܬܝܼܢ ܠܚܦܪܐ ܘܡܬܼܩܒܪܝܼܢ ܐܝܟ ܟ݀ܠܗܘܿܢ ܡܝܼ̈ܬܐ܇ ܘܐܝܟ ܦܘܼܩܕܢܟ ܡܬܼܚܦܝܢ ܒܐܪܥܐ ܡܼܢ ܕܐܝܟ ܗܿܠܝܢ ܦܨܢܝ܇ ܕܠܡܐ ܐ݀ܡܘܼܬ ܥܡܗܘܿܢ܀ ܣܝܼܡ̈ܬܟ ܡܠܝܼ ܟܪܣܗܘܿܢ ܗ̄ ܓܙܪ ܕܝܼܢܐ ܗܿܢܘܿܢ ܕܐܝܟ ܕܒܓܙܐ ܟܿܣܝܢܼ ܠܟ ܘܣܝܼܡܝܼܢ܇ ܘܒܙܒܢܐ ܕܡܬܼܒܥܐ ܡܿܫܡܪ ܐܬܢ ܠܗܘܢܿ܇ ܐܦ ܗܫܐ ܠܝܘܗܝ ܠܡܣܡ ܒܪܝܫܐ ܒܚܪܒܐ ܕܚܼܪܒ ܠܗܘܢܿ܀ ܐܢܿܐ ܕܝܢ ܒܙܕܝܼܩܘܼܬܐ ܗ̄ ܐܡܿܢܥ ܠܥܘܼܕܪܢܟ܀ ܘܐܣܿܒܥ ܡܐ ܗ̄ ܒܘܼܣܡܐ ܘܫܘܼܒܚܐ܀ ܡܐ ܕܐܬܬܥܝܼܪܬ݀ ܗܝܡܢܘܼܬܟ ܗ̄ ܡܿܐ ܕܐܬܗܼܝܡܢܘ ܫܘܼܘ̈ܕܝܝܟ ܕܠܘܬܝ ܒܡܦܩܢܐ ܓܠܝܐ ܕܠܥܒܿܕܐ: ܒܙܒܢܐ ܕܐܡܠܟ ܥܠ ܟ݀ܠܗ ܝܣܪܐܝܠ܀ ܡܙܡܘܪܐ ܕܝܚ̄. ܬܘܕܝܼܬܐ ܕܕܘܝܕ ܥܠ ܟ݀ܠܗܝܢ ܛܝܒ̈ܘܬܐܕܣܥܼܪ ܐܠܗܐ ܨܐܕܘܗܝ ܟ݀ܠܗܘܢܿ ܝܘܡ̈ܬܗ ܐܪܚܡܟ ܡܪܝܐ ܗ̄ ܐܝܟ ܕܪܚܡܼܬܢܝ: ܘܗܘܼܝܬ ܠܝܼ ܚܝܠܐ ܘܬܘܼܟܠܢܐ܀ ܡܣܝܥܝܢܝ ܗ̄ ܘܐܢܬ ܐܪܝܼܡܬܗܿ ܠܩܪܢܝ ܥܠ ܣܢ̈ܐܝ܀ ܚܒ̈ܠܐ ܕܫܝܘܿܠ ܗ̄ ܙܒܢ̈ܝܼܢ ܣܓܝܐܝܢ ܚܕܪܘܼܢܝ ܐܘܼܠ̈ܨܢܐ ܕܡܿܡܛܝܢ ܠܡܘܬܐ܇ ܒܕܡܘܼܬ ܚܒ̈ܠܐ 301 ܕܝ݀ܠܕܬܐ܆ ܘܐܬܟܼܟܘܼܢܝ ܚܐܦ̈ܐ ܩܫ̈ܝܐ ܕܒܥ̈ܠܕܒܒܐ܆ ܐܟܡܐ ܕܗܿܘܐ ܒܪ̈ܓܠܬܐ ܥܫܝܼܢ̈ܬܐ ܒܙܒܢ ܢܝܼܣܢ܇ ܒ݀ܬܪ ܗܿܠܝܢ ܐܡܿܪ ܥܠ ܥܘܼܕܪܢܐ ܕܐܠܗܐ ܕܠܘܬܗ: ܘܡܣܡ ܒܪܝܫܐ ܕܒܼܥܠܕܒܒܘܗܝ: ܘܡܪܟܒ ܡ̈ܠܐ ܒܐܣܟܡܐ ܓܘܼܫܡܢܝܐ܀ ܐܬܕܠܚܼܬ݀ ܘܙܥܼܬ݀ ܐܪܥ ܗ̄ ܟܕ ܫܡܥ ܐܠܗܐ ܨܠܘܿܬܝ ܘܐܬܬܙܝܼܥ ܠܡܐܬܝܼܬܐ: ܟ݀ܠܡܕܡ ܒܕܿܥܠܐ ܘܙܘܥܐ ܩܼܡ: ܐܪܥ ܕܝܢ ܫܬ̈ܐܣܐ ܕܛܘܼܪ̈ܐ: ܠܐܬܪܐ ܕܫܿܪܝܢܼ ܗܼܘܘ ܒܗ ܒܥ̈ܠܕܒܒܐ ܡ̈ܫܡܗ܆ ܣܠܼܩ ܬܢܢܐ ܒܪܘܓܙܗ ܗ̄ ܟܕ ܓܝܪ ܐܬܚܝܼ ܠܗܘܿܢ: ܝܼܩܕܘ ܘܐܬܚܼܪܟܘ ܡܼܢ ܓܠܝܢܗ ܗ̄ ܬܢܢܐ ܓܝܪ ܡܒܕܩܢܐ ܗܿܘ ܕܢܘܼܪܐ܀ ܘܓܘܼܡܪ̈ܐ ܗ̄ ܐܡܪ ܕܡܼܢ ܕܫܠܼܛܬ ܒܗܘܿܢ ܢܘܼܪܐ ܝܼܩܕܘ ܘܦܼܫܘ: ܐܝܟ ܓܘܼܡܪ̈ܐ ܡܐ ܕܝܿܩܕܝܼܢ ܩܝܣ̈ܐ܀ ܐܪܟܢ ܫܡܝܐ ܘܥܪܦܠܐ ܗ̄ ܡܥܕܐ ܠܡܩܼܛܪ ܥܪܦܠܐ܇ ܡܼܢ ܚܠܐ ܕܓܘܼ̈ܕܐ ܕܩܪ̈ܒܬܢܐ܆ ܘܐܟܙܢܐ ܕܒܥ̈ܢܢܐ ܢܗܝܼܪ̈ܬܐܐܡܬܝ ܕܡܬܼ̇ܙܐ ܐܠܗܐ ܐܬ݀ܐ ܗܿܝ ܕܫܠܡܐ: ܗܿܟܢܐ ܒܥܪܦܠܐ ܡܥܕ ܕܢܬܼܓܠܐ ܥܠ ܒܥ̈ܠܕܒܒܐ ܕܢܪܡܐ ܒܗܘܢܿ ܕܚܼܠܬܐ܀ ܣܼܡ ܚܫܘܼܟܐ ܠܓܢܝܗ ܗ̄ ܟܕ ܣܼܛܐ ܠܐܝܟܐ ܕܫܿܪܝܢܼ ܗܼܘܘ܆ ܗܘܿ ܚܫܘܼܟܐ ܕܒܕܡܘܼܬ ܥܪܦܠܐ ܕܬܚܝܬ ܪ̈ܓܠܘܗܝ. ܣܡܗ ܠܓܢܝܗ ܗ̄ ܒܝܬ ܠܗ ܘܠܗܘܿܢ܇ ܐܝܟ ܕܠܐ ܢܚܙܘܿܢܝܗܝ ܘܢܬܦܪܣܘܿܢ ܟܐܡܬ ܠܡܥܼܪܩ ܡܼܢ ܩܕܡܘܢܝ ܘܠܗܿ ܟܪܟܼܗ ܡܛܠܠܗ܆ ܗ̄ ܢܘܼܗܪܐ ܕܬܫܒܘ̄ܗ܇ ܒܗ݀ܝ ܕܠܐ ܡܨܝܐ ܕܠܗ ܚܫܘܼܟܐ ܢܩܪܘܿܒ܀ ܚܫܘܼܟܼܐ ܕܡ̈ܝܐ ܗ̄ ܠܗ݀ܝ ܕܣܼܡ ܚܫܘܼܟܐ ܠܓܢܝܗ ܢ݀ܩܦܐ ܗܕܕܐ܇ ܘܕܡܿܐ ܗܘܿ ܚܫܘܼܟܐ ܕܒܗ ܚܦܝܼ ܐܢܘܿܢ܇ ܠܚܫܘܼܟܐ ܕܡܬܼ̇ܙܐ ܒܥ̈ܢܢܐ ܐܡܬܝ ܕܛܥܢ̈ܢ ܡܛܪܐ ܣܓܝܐܐ܀ ܡܼܢ ܙܗܪܐ ܗ̄ ܡܼܢ ܨܡܚ̈ܐ ܕܢܘܼܗܪܐ ܕܢܦܿܩܝܼܢ ܗܼܘܘ ܡܢܗ: ܡܫܬܼܡܪ̈ܢ ܗܼܘ̈ܝ ܥܠ ܒܥ̈ܠܕܒܒܐ ܥܢ̈ܢܐ ܕܒܪܕܐ ܘܓܘܼܡܪ̈ܐ ܕܢܘܼܪܐ܀ ܘܪܥܡ ܒܫܡܝܐ ܗ̄ ܥܠ ܐܠܗܐ ܣܿܐܡ ܠܩܠܐ ܕܪܥܡܐ܇ ܡܛ݀ܠ ܕܒܦܘܼܩܕܢܗ ܡܬܬܙܝܼܥ ܐܐܪ ܒܗܿܠܝܢ ܫܘܼܚ̈ܠܦܐ܀ ܥܡ ܚܫܝܐ ܗ̄ ܠܘ ܕܗܘܼ ܐܠܗܐ ܠܗܿܠܝܢ ܡܬܼܪܡܐ܆ ܐܠܐ ܐܡܿܪ ܕܗ݀ܘ ܥܝܕܟ ܕܠܚܣܝܐ ܐܝܟ ܚܣܝܘܼܬܗ ܬܦܪܘܿܥ: ܘܠܬܡܝܼܡܐ ܐܝܟ ܬܡܝܼܡܘܼܬܗ܀ ܢܢܗܪ ܚܫܘܼܟܝ ܗ̄ ܕܟܕ ܩܪܝܼܒ ܗܿܘܝܬ ܕܐܚܿܫܟ ܡܼܢ ܥܩ̈ܬܐ ܕܚܕܝܼܪ̈ܢ ܗܼܘ̈ܝ ܠܝܼ܇ ܐܢܗܼܪܬ ܠܝܼ ܥܝܢ̈ܝ ܗ̄ ܝܗܒܼܬ ܠܝܼ ܣܟܪܐ ܗ̄ ܠܥܘܼܕܪܢܐ ܕܐܠܗܐ ܩܿܪܐ ܣܟܪܐ: ܡܼܢ ܓܐܪ̈ܐ ܕܒܥ̈ܠܕܒܒܐ ܢܛܪܗ܀ ܢܒܥ.ܘܢܿ ܡܼܢ ܡܪܝܐ ܗ̄ ܡܪܝܐ ܗܪܟܐ܆ ܠܚܕ ܡܼܢ ܦܬܟܪ̈ܝܗܘܢܿ ܕܥܡ̈ܡܐ ܩܿܪܐ ܗ̄ ܬܦܨܝܢܝ ܡܼܢ ܕܝܼܢ̈ܘܗܝ ܕܥܡܐ ܘܡܼܢ ܫܓܘܼܫܝܗܘܿܢ܀ ܘܬܥܒܼܕܝܢܝ ܪܝܫܐ ܗ̄ ܡܠܟܐ ܥܠ ܥܡ̈ܡܐ܀ ܒܢ̈ܝܐ ܢܘܼܟܪ̈ܝܐ ܢܬܒܥܘܢܼ ܗ̄ ܐܫܬܼܥܒܕܘ ܓܝܪ ܘܗܘܼܘ ܒܝܬ̈ܝܐ ܠܐܠܗܐ܇ ܐܬܟܠܝܼܘ ܐܦ ܡܼܢ ܫܒ̈ܝܼܠܐ ܢܘܼܟܪ̈ܝܐ ܕܒܗܘܢܿ ܪܕܝܢ ܗܼܘܘ: ܟܕ ܡܚܓܪܝܢ ܘܦܠܝܼܓܝܼܢ܇ ܐܬܚܝܢ ܠܢܡܘܿܣܐ܇ ܚܓܝܼܪܘܼܬܐ ܩܿܪܐ ܠܠܐ ܫܠܡܘܼܬܐ ܕܬܪܥܝܼܬ: ܘܡܼܢ ܕܡܘܼܬܐ ܕܐܝܢܐ ܕܚܓܝܼܪܐ ܚܕܐ ܡܼܢ ܪ̈ܓܠܘܗܝ܇ ܡܼܢ ܩܛܝܼܪܐ 302 ܓܝܪ ܣܿܓܕܝܼܢ ܗܼ،ܘ ܗܿܠܝܢ ܥܡܡ̈ܐ ܠܐܠܗܗ ܕܕܘܝܕ: ܘܠܘ ܡܼܢ ܨܒܝܿܢܐ܀ ܐܬܬܪܝܼܡ ܐܠܗܐ ܗ̄ ܐܬܚܙܝܼ ܪܡܐ ܘܫܒܝܼܚܐ ܒܝܕ ܦܘܼܪܩܢܐ ܕܝܗܼܒ܀ ܡܙܡ̄ ܕܝܛ̄. ܡܫܼܬܥܐ ܥܠ ܒܪ̈ܝܬܗ ܕܐܠܗܐ ܘܒܛܝܼܠܘܿܬܗ ܘܦܘܼܪܢܣܗ ܕܠܘܬ ܒܢܝ̈ܢܫܐ ܘܡܿܟܣ ܠܐܝܠܝܢ ܕܐܡܿܪܝܢ ܕܥܠܡܐ ܐܝܬܝܐ ܗܿܘ ܘܒܫܓܡܐ ܪܕܐ ܫܡ̈ܝܐ ܡܫܼܬܥܝܢ ܗ̄ ܒܝܕ ܪܘܡܗܘܢܿ ܘܡܬܝܼܚܘܼܬܗܘܿܢ: ܡܟܪܙܝܼܢ ܒܫܼܬܩܐ ܐܝܟ ܕܒܩܠܐ: ܚܝܠܐ ܕܥܒܘܿܕܗܘܢܿ܆ ܐܡܼܪ ܫܘܼܒܚܗ ܘܠܘ ܚܝܠܗ܇ ܐܟܡܿܢ ܕܡܐ ܕܐܬܝܼܕܥ ܡܢܗܘܢܿ ܕܒܪܘܝܐ ܗܿܘ ܗܿܝܕܝܢ ܢ݀ܩܦܐ ܠܗ ܗ݀ܝ ܕܢܫܼܬܒܚ܀ ܡܿܚܘܐ ܪܩܝܼܥ ܗ̄ ܒܝܕ ܪܘܡܗ ܘܪܩܝܼܥܘܼܬܗ ܕܡܼܢ ܡ̈ܝܐ ܫܪ̈ܝܐ܀ ܝܘܡܐ ܠܝܘܡܐ ܗ̄ ܐܦ ܝܘܼܒܠܐ ܕܐܝܼܡܡܐ ܘܕܠܠܝܐ: ܟ݀ܠܝܘܿܢ ܡܥܒܝܼܢ ܒܡ̈ܠܝܼܠܐ܆ ܡܐܡܪܐ ܕܝܼܕܥܬܐ ܕܡܛܟܣܢܗܘܿܢ: ܕܟܕ ܕܠܩܘܼܒܠܐ ܐܢܘܿܢ ܕܚ̈ܕܕܐ: ܠܐ ܥܿܠܒܝܼܢ ܠܚܕ̈ܕܐ ܐܘܿ ܦܿܝܫܝܼܢ ܡܼܢ ܡܪܕܝܼܬܗܘܿܢ܇ ܠܝܬ ܡܐܡܪܐ ܐܦܠܐ ܡ̈ܠܐ ܐܘܿ ܡܠܼـܐ ܕܥܛܠܐ ܠܫܡܼܥܗܿ ܘܢܘܼܟܪܝܐ ܠܣܘܼܟܠܗܿ܇ ܕܓܠܝܼܙܐ ܡܼܢ ܝܘܼܠܦܢܗܘܿܢ: ܒܗ݀ܝ ܕܠܘ ܡ̈ܠܐ ܐܢܘܿܢ ܕܒܩ̈ܠܐ ܡܬܟܪܙܝܼܢ܇ ܗܝܼ ܝܼܕܥܬܐ ܗܿܝ ܕܒܒܝܬܝܐ ܡܬܼܟܪܙܐ: ܢܦܩܼܬ݀ ܣܒܪܬܗܘܢܿ ܗ̄ ܣܒܪܬܐ ܘܡ̈ܠܐ ܐܢܝܢ ܕܒܩܠܐ: ܠܝܼܕܥܬܐ ܕܐܠܗܐ ܗ݀ܝ ܕܡܬܼܚܘܝܐ ܡܼܢ ܒܪ̈ܝܬܐ ܩܿܪܐ܇ ܗ݀ܝ ܕܡܣܒܪ̈ܢ ܘܡ̈ܠܦܢ ܠ̈ܡܠܝܼܠܐ ܒܝܕ ܬܘܼܩܢܗܝܢ܆ ܘܥܠ ܫܡܫܐ ܢܩܼܫ ܗ̄ ܒܗܘܢܿ ܒܫܡܝܐ: ܬܡܢ ܓܝܪ ܢܩܼܫ ܠܫܡܫܐ ܡܫܟܢܐ ܘܬܩܢ ܠܗ ܒܝܬܐ܆ ܕܒܗ ܢܬܼܟܪܟ ܘܢܫܝܢ ܠܐܠܗܐ ܕܠܬܚܬ܀ ܘܗܘܼ ܐܝܟ ܚܬܢܐ ܗ̄ ܘܐܡܿܪ ܥܠ ܕܢܚܼܗ܇ ܡܛܠ ܕܦܿܐܐܼ ܠܚܙܬܢ ܒܿܬܪ ܚܫܘܼܟܐ܀ ܠܡܪܗܛ ܗ̄ ܕܠܐ ܥܘܼܘܟ ܡܿܫܡܠܐ ܪܗܼܛܗ ܟܕ ܠܐ ܬ݀ܚܒ܀ ܡܼܢ ܠܗܓܗ ܗ̄ ܠܝܬ ܕܓܠܝܼܙ ܡܼܢ ܫܚܝܼܢܘܼܬܗ ܘܠܝܬ ܐܦ ܣܡ̈ܝܐ ܐܝܠܝܢ ܕܓܠܝܼܙܝܼܙ ܡܼܢ ܢܘܼܗܪܗ: ܒܫܚܝܼܢܘܼܬܗ ܡܬܒܣܡܝܼܢ܀ ܢܡܘܿܣܗ ܕܡܪܝܐ ܗ̄ ܠܘ ܠܢܡܘܿܣܐ ܕܡܘܫܐ ܐܕܟܪ ܬܢܢ: ܐܠܐ ܠܗܿ ܠܝܼ݊ܥܬܐ ܗ݀ܝ ܕܡܼܢ ܒܪ̈ܝܬܐ ܡܬܼܟܪܙܐ ܐܟܡܿܢ ܕܠܐ ܒܨܝܼܪ ܡܼܢ ܢܡܘܿܣܐ ܟܬܒܝܐ ܐܦ ܗܝܼ ܪܕܝܐ܆ ܘܡܠܦܐ ܠܟ݀ܠܢܫ ܥܠ ܐܠܗܐ ܕܕܠܐ ܡܘܼܡ ܗ̄ ܪܫܝܢ ܘܡܿܦܢܐ ܢܦܫܐ ܗ̄ ܐܝܠܝܢ ܕܛܥܝܢ ܡܼܢ ܐܠܗܐ ܫܪܝܪܐ܀ ܣܗܕܘܬܗ ܕܡܪܝܐ ܗ̄ ܠܘ ܠܗܕܐ ܝܼ݊ܥܬܐ܀ ܦܘܼܩܕܢܗ ܕܡܪܝܐ ܓܿܒܐܼ ܗ̄ ܒܚܝܼܪ ܘܡܿܥܠܼܝ: ܘܡܿܢܗܪ ܥܝ̈ܢܐ ܕܐܝܠܝܢ ܕܚܫܘܟܝܢ ܒܬܪ̈ܥܝܬܗܘܢܿ܇ ܠܗܿ ܕܝܢ ܠܝܼܕܥܬܐ ܕܡܼܢ ܒܪ̈ܝܬܐ ܩܿܪܐ ܦܘܼܩ̈ܕܢܐ ܘܕܝܼ̈ܢܐ ܟ̈ܐܢܐ ܠܡ ܘܩܘܼܫ̈ܬܝܼܢܝܐ: ܗܕܐ ܝܼ݊ܥܬܐ ܟܕ ܡܿܠܦܐ ܘܡܿܟܪܙܐ ܥܠ ܐܠܗܐ ܗ̄ ܘܡܼܢ ܕܐܡܼܪ ܥܠ ܝܼܕܥܬܐ ܕܡܬܼܝܕܥܐ ܡܼܢ ܒܪ̈ܝܬܐ ܬܘܼ ܐܡܿܪ ܥܠ ܕܘܼܒܪ̈ܐ܀ ܫܪ̈ܥܬܐ ܡܿܢܘܼ ܢܣܼܬܟܠ ܗ̄ ܕܥܣܩܐ ܗܿܝ ܠܟܝܿܢܐ ܡܨܛܠܝܿܢܐ܇ ܕܢܡܕ ܐܢܫ ܡܼܢ ܚܛܝܼܬܐ܀ ܡܼܢ ܛܫܝ̈ܬܐ ܗ̄ ܣܓ̈ܝܐܬܐ ܓܝܪ ܕܠܐ ܙܪܝܼܥܐ ܒܗܝܢ ܐܢܫ 303 ܣܿܥܪ ܠܗܝܢ ܘܛܫ̈ܝܬܐ ܩܿܪܐ ܐܢܝܢ ܡܛ݀ܠ ܕܒܚܘܼ̈ܫܒܝܗܿ ܕܢܦܫܐ: ܕܠܐ ܒܨܒܝܢܢ ܢܒ̈ܗܢ: ܘܒܿܬܪ ܕܡܣܼܬܥܪ̈ܢ܇ ܡܪܓܫܝܼܢܢ ܕܕܠܩܘܼܒܠܐ ܐܢܝܢ ܐܟܙܢܐ ܣܡܐ ܘܚܡܼـܐ ܘܫܘܼܒܗܪܐ ܡܛ݀ܠ ܩܛܝܼܢܘܼܬܗܝܢ: ܫܐܼܠ ܡܼܢ ܐܠܗܐ ܕܢܬܼܦܨܐ ܡܢܗܝܢ܀ ܡܙܡܘܪܐ ܕܥܣܪܝܢ ܨܠܘܬܗ ܕܥܠܡܐ ܕܚܠܦ ܚܙܦܝܐ ܕܢܬܼܦܨܐ ܡܼܢ ܐܬܘܪܐ ܒܝܘܡܐ ܕܐܘܠܨܢܐ ܗ̄ ܕܡܼܢ ܐܬܘܪ̈ܝܐ܀ ܘܢܥܕܪܟ ܗ̄ ܡܛ݀ܠ ܕܐܬܬܼܟܠܬ ܥܠܘܗܝ܀ ܦܼܪܩ ܐܠܗܐ ܠܡܫܝܼܚܗ ܗ̄ ܪܒܘܼܬܗ ܕܣܘܼܥܪܢܐ ܚܘܝܼ ܕܡܫܝܼܚܗ ܘܓܒܝܗ ܕܐܠܗܐ ܐܝܬ̄ܘ ܚܙܩܝܐ ܒܗܘܿ ܕܐܬܚܼܪ ܡܼܢ ܣܢܚܪܝܒ܀ ܡܪܝܐ ܢܦܼܪܩܢ ܗ̄ ܡܼܢ ܐܚܪ̈ܢܐ܇ ܐܟܡܐ ܕܗܫܐ ܡܼܢ ܐܬܘܪ̈ܝܐ ܡܠܟܢ ܢܥܼܢܝܢ ܗ̄ ܡܠܟܐ ܠܐܠܐ ܩܿܪܐ: ܐܝܟ ܕܥܢܼܢ ܗܫܐ ܥܿܢܐ ܠܢ ܒܙܒܢ ܐ̱ܚܪܝܢ܀ ܡܙ̄ܡ ܕܟ̄ܐ ܐܡܝܼܪ ܗܢܐ ܡܢ ܦܪܨܘܦ ܚܙܩܝܐ ܒܬܪ ܓܗܝܬܐ ܕܡܼܢ ܐܬܘܪ̈ܝܐ ܘܚܘܼܠܡܢܗ ܕܡܼܢ ܟܘܼܪܗܢܐ ܡܪܝܐ ܒܚܝܠܟ ܢܚܼܕܐ ܡܠܟܐ ܗ̄ ܕܟܕ ܡܚܒܠ ܗܘ ܠܦܘܼܬ ܟܝܿܢܐ ܐܢܫܝܐ ܣܡܼܟܬܝܗܝ ܒܙܟܼܘܿܬܐ ܕܝܗܼܒܬ ܠܗ܆ ܠܘܼܩܒܠ ܐܬܘܪܝܐ܀ ܚܝ̈ܐ ܫܐܼܠ ܠܟ ܗ̄ ܠܘ ܡܼܢ ܐܬܘܪܝܐ ܦܪܩܼܬܝܗܝ ܠܚܘܕ ܐܠܐ ܘܡܼܢ ܟܘܼܪܗܢܐ ܘܚ̈ܝܐ ܐܘܣܼܦܬ ܠܗ܀ ܢܘܼܓܪܐ ܕܝܘܡ̈ܬܐ ܗ̄ ܒܚܙܩܝܐ ܠܐ ܐܫܬܼܡܠܝܬ݀܆ ܐܠܐ ܒܡܫܝܼܚܐ ܐܬܓܡܼܪܬ݀: ܕܠܥܠܡܥܠܡܝܼܢ ܡܿܡܠܟ ܥܡ ܐܒܘܼܗܝ܀ ܝܼܪܒ ܫܘܼܒܚܗ ܗ̄ ܪܒܘܼܬܐ ܕܫܘܼܒܚܗ܇ ܗ݀ܝ ܕܡܛ݀ܠ ܚܘܼܪܡܢܗ ܗܦܼܟ ܫܡܫܐ ܠܒܣܬܪܗ: ܘܐܫܬܒܚ ܒܗܿܕܐ ܚܙܩܝܐ: ܝܬܝܼܪ ܡܼܢ ܚܪܒܐ ܕܐܬܘܪܝܐ܀ ܘܚܕܝܼܬܝܗܝ ܗ̄ ܡܼܢ ܓܠܝܢܟ ܫܒܝܼܚܐ܀ ܐܬܡܠܝܼ ܚܕܘܿܬܐ܀ ܡܛ݀ܠ ܓܝܪ ܕܨܠܼܘ ܗ̄ ܨܠܘ ܥܠ ܐܠܗܐ ܒܝܼܫܬܐ܆ ܟܕ ܐܬܚܫܼܒܘ ܕܢܥܩܪܘܢܼ ܡܕܝܢܬܗ ܘܢܣܚܦܘܢܼ ܗܝܟܠܗ܀ ܬܣܝܼܡ ܒܗܘܢܿ ܟܘܼܬܡܐ ܗ̄ ܡܣܡ ܒܪܝܫܐ܇ ܐܝܢܐ ܕܟܘܼܬܡ̈ܬܗ ܡܬܼܢܛܪ̈ܢ ܠܘܬܗܘ݀ܢ ܙܒܢܐ ܢܓܝܼܪܐ܀ ܘܛܘܼܝܿܒܟ ܗ̄ ܦܬܓܡܐ ܗܘܿ ܕܗܦܼܟ ܦܪܨܘܦܟ ܠܡ ܐܬܩܼܢܬ ܠܘܼܩܒܠܗܘܿܢ ܘܟ݀ܠܗ ܛܘܼܝܒܗܘܿܢ ܘܟܢܫܗܘܢܿ ܒܕܪܬ܀ ܙܡܘܪܝܐ ܕܟܒ̄ ܐܠܗܐ ܗ̄ ܨܠܘܿܬܗ ܕܕܘܝܕ ܚܠܦ ܚܛܝܼܬܗ܇ ܟܕ ܡܬܼܪܕܦ ܡܢ ܐܒܝܫܠܘܡ܀ ܠܡܢܐ ܫܒܩܼܬܢܝ ܗ̄ ܠܘ ܟܕ ܡܬܼܥܕܠ ܐܡܼܪ ܗܕܐ: ܐܠܐ ܐܝܟ ܥܝܕܐ ܕܙܕܝܼܩ̈ܐ܀ ܘܐܪܚܼܩܬ ܡܢܝ ܦܘܼܪܩܢܝ ܗ̄ ܚܛܝܼܬܝ ܗܝܼ ܐܪܚܼܩܬ ܡܢܝ ܦܘܼܪܩܢܝ ܗ̄ ܚܛܝܼܬܝ ܗܝܼ ܐܪܚܼܩܬܗ ܡܢܝ܇ ܡܠܼܬܐ ܚܠܦ ܣܘܼܥܪܢܐ ܣܿܐܡ܇ ܘܐܡܿܪ ܕܐܦ ܗܘܿ ܡܐ ܕܒܡ̈ܠܐ ܒܠܚܘܕ ܚܛܝܿܬ܇ ܣܿܦܩ ܕܢܓܼܠܙܢܝ ܡܼܢ ܦܘܼܪܩܢܐ܀ ܐܩܿܪܝܟ ܒܐܝܼܡܡܐ ܗ̄ ܒܠܠܝܐ ܘܒܐܝܼܡܡܐ ܫܿܐܠ ܐܢܼܐ ܫܪܝܐ ܠܥܩ̈ܬܝ: ܘܠܐ ܗܘܐ܀ ܐܦܛܪܘ ܗ̄ ܫܪܘ ܣܦܬܗܘܢܿ܀ ܡܼܢ ܬܕܝ̈ܗܿ ܕܐܡܝ ܗ̄ ܒܿܬܪ ܬܪܣܝܬܐ ܕܚܠܒܐ܆ ܘܡܫܘܼܚܬܐ ܕܝܠܘܕܘܬܐ ܘܐܡܿܪ: ܕܡܼܢ ܟܕ ܩܢܝܿܬ ܦܘܼܪܫܢܐ ܕܡܠܼܬܐ ܘܕܝܼܕܥܬܐ ܥܠܝܟ ܗܼܘ ܣܒܪܝ܀ ܬܘܪ̈ܐ ܘܐܪ̈ܘܢܐ 304 ܕܚܕܪ̈ܝܗܘܿܢ ܩܼܪܐ ܠܚܝܠ̈ܘܬܐ ܕܥܡ ܐܒܝܫܠܘܡ ܕܚܠܬܢܝܼܢ ܗܼܘܘ ܐܦ ܒܥܪܝܼܪܝܢ: ܐܪ̈ܘܢܐ ܙܥܘܪܝܢ ܡܼܢ ܬܘܪ̈ܐ܀ ܟܠ̈ܒܐ ܬܘܼܒ ܠܗܘܢܿ ܩܿܪܐ܆ ܡܛ݀ܠ ܡܪܚܘܼܬܗܘܢܿ: ܘܟܢܘܼܫܬܐ ܗ̄ ܕܟܕ ܠܐ ܐܬܢܟܝܼܘ ܡܢܝ ܒܒܝܼܫܘܼܬ ܨܒܝܢܿܗܘܿܢ ܐܬܟܼܢܫܘ ܕܢܘܒܕܘܼܢܢܝ܀ ܒܙܥܘ ܐܝܼܕ̈ܝ ܘܪ̈ܓܠܝ ܗ̄ ܒܗܕܐ ܥܠ ܩܫܝܘܼـܐ ܕܚܫ̈ܘܗܝ ܪܡܿܙ: ܘܕܐܢ ܢܦܼܠ ܒܐܝܼܕ̈ܝܗܘܢܿ܇ ܡܛܝܒܝܼܢ ܗܼܘܘ ܕܗܿܕܐ ܠܘܬܗ ܢܣܥܪܘܢܼ܀ ܘܥܠ ܠܒܘܼܫܝ ܗ̄ ܟܕ ܥܼܠ ܐܒܝܫܠܘܿܡ ܠܐܘܪܫܠܡ ܘܙܢܝܼ ܒܢܼܫ̈ܝ ܕܘܝܕ܆ ܢܣܼܒ ܐܦ ܠܢܚ̈ܬܘܗܝ ܘܦܠܓ ܠܕܥܡܗ܀ ܕܚܠ̈ܘܗܝ ܕܡܪܝܐ ܗ̄ ܡܿܚܦܛ ܠܐܚܪ̈ܢܐ ܠܬܫܒܘ̄: ܫܒܚܘܿܗܝ ܠܡ ܐܢܬܘܿܢ܇ ܕܠܗ ܓܒܼܝܒܘܿܢ ܡܼܢ ܫܪܟܐ ܕܥܡ̈ܡܐ܀ ܐܘܩܪܘܼܗܝ ܗ̄ ܘܝܩܪܘܼܗܝ: ܐܝܟ ܝܩܪܟܘܿܢ܀ ܢܚܐ ܚ̈ܝܐ ܘܠܒܐ܇ ܠܫܪܝܐ ܓܡܝܼܪܐ ܕܥܩ̈ܬܐ ܩܿܪܐ܀ ܘܙܪܥܐ ܗ̄ ܠܘ ܠܡ ܐܢܿܐ ܒܠܚܘܕ ܦܠܚ ܐܢܼܐ ܠܗ: ܐܠܐ ܐܦ ܙܪܥܐ ܕܡܼܢ ܒܿܬܪܝ ܩܿܠܡ ܡܿܪܬܐ ܐܢܼܐ ܠܗ ܕܢܦܠܚܝܼܘܗܝ ܘܢܠܦ ܠܕܪܐ ܕܒ݀ܬܪܗ ܕܢܣܒܪ ܒܗ ܒܡܪܝܐ܀ ܘܢܐܬܘܢܿ ܘܢܚܘܘܿܢ ܗ̄ ܗܼܢܘܿܢ ܐܟܿܠܝܼܢ ܐ ܠܥܡܐ ܕܡܬܝܼܠܕ ܡܢܗܘܿܢ܀ ܗ݀ܝ ܕܥܿܒܕ ܡܪܝܐ: ܠܗ݀ܝ ܕܙܕܝܼܩܘܼܬܗ ܢܩܝܼܦܐ ܕܢܐܡܪ܆ ܡܿܚܘܝܢ ܘܡܠܦܝܼܢ ܙܕܝܼܩܘܼܬܐ: ܕܥܒܼܕ ܡܪܝܐ ܥܡܝ ܘܥܕ ܥܡܐ ܗܢܐ ܡܼܢ ܫܘܼܪܝܐ܀ ܡܙ̄ܡ ܕܟܓ̄ ܡܪܝܐ ܢܪܥܝܢܝ ܘܡܕܡ ܗ̄ ܡܬ[]ܒܐ܆ ܥܠ ܒܘܼܣܡܐ ܕܦܿܓܥ ܒܗܘܢܿ ܡܼܢ ܥܡ̈ܡܐ: ܟܕ ܦܿܢܝܢ ܡܼܢ ܒܒܠ܀ ܘܥܠ ܡܪ̈ܓܐ ܗ̄ ܐܟܡܐ ܕܪܥܢܝ ܘܬܪܣܝܢܝ ܒܡܕܒܪܐ: ܐܦ ܗܿܫܐ ܕܒܼܪܢܝ ܥܠ ܡܝ̈ܐ ܘܒܡܪ̈ܓܐ ܕܥܘܼܫܢܐ: ܡܥܕܝܼܢ ܪ̈ܥܘܬܐ ܕܒܡܪ̈ܓܐ ܘܥܠ ܡܝ̈ܐ ܢܕܒܪܘܢܼ ܘܢܪܓܘܿܢ ܓܙܪ̈ܝܗܘܢܿ܀ ܡܪܓܐ ܐܝܼܬ̄ܘ ܝܘܼܪܩܐ ܣܒܝܼܣܐ܀ ܣܼܕܪܬ ܩܕܡܝ ܗ̄ ܟܕ ܦܢܘ ܟܘܪܫ ܕܡܼܢ ܥܡ̈ܡܐ ܕܥܿܪܝܼܢ ܥܠܝܗܘܿܢ ܢܬܬܪܣܘܿܢ܇ ܘܒܒܥܝܼܪܗܘܢܿ ܢܐܙܠܘܢܼ ܠܐܘܪܫܠܡ܀ ܛܝܒܼܘܬܟ ܘܪ̈ܚܼܡܝܟ ܕܡܼܢ ܡܨܪܝܢ: ܗܼܢܘܿܢ ܪܕܦܘܼܢܝ ܡܼܢ ܒܒܠ܇ ܕܐܦܿܢܐ ܘܐ݀ܥܡܪ ܒܒܝܬܗ ܕܡܪܝܐ ܒܐܘܪܫܠܡ ܢܘܼܓܪܐ ܕܝܘ̈ܡܬܐ܀ ܡܙܡܘܪܐ ܕܟܕ̄ ܕܡܪܝܐ ܗܿܝ ܐܪܥܐ ܗ̄ ܡܪܬܝܿܢܘܼܬܐ ܠܥܡܐ܆ ܕܠܐ ܢܦܣܩܘܢܼ ܣܒܪܐ ܕܦܘܼܢܝܗܘܿܢ܆ ܡܛ݀ܠ ܗܿܝ ܕܠܒܪ ܡܼܢ ܐܪܥܐ ܐܝܬܝܗܘܢܿ ܕܡܘܼܠܟܢܐ܀ ܐܪܥܐ ܗ̄ ܕܡܪܝܐ ܗܿܝ ܒܡܠܐܗܿ ܐܘ̃ ܝܘܕܝ̈ܐ: ܠܐ ܬܦܣܩܘܢܼ ܣܒܪܐ: ܕܟܐܡܬ ܠܒܪ ܡܼܢ ܐܬܪܗ ܕܐܠܗܐ ܐܝܬܟܘܿܢ܀ ܐܪܝܼܡܘ ܬܪ̈ܥܐ ܪ̈ܝܫܝܟܘܿܢ ܗ̄ ܐܠܗܐ ܦܿܩܕ ܠܬܪ̈ܥܝܗܿ ܕܐܘܪܫܠܡ ܕܣܚܝܼܦܝܼܢ ܗܼܘܘ܆ ܕܐܪܝܼܡܘ ܬܪ̈ܥܐ ܪ̈ܝܫܝܟܘܢܿ ܘܩܘܼܡܘ ܡܼܢ ܡܦܘܿܠܬܟܘܢܿ: ܐܢܬܘܢܿ ܕܡܼܢ ܢܘܼܓܪܐ ܣܚܝܼܦܝܼܢ ܐܢܬܘܢܿ܀ ܡܙܡܘܪܐ ܕܟܗ̄ ܠܘܬܟ ܡܪܝܐ ܢܦܩܫܝ ܗ̄ ܐܡܝܼܪ ܥܠ ܥܡܐ ܕܒܒܒܠ܆ ܕܡܬܟܼܫܦ ܕܢܦܼܢܐ܀ ܐܘܪ̈ܚܬܟ ܗ̄ ܣܘܼܥܪ̈ܢܐ ܕܛ݀ܒܘܼܬܟ: ܥܒܕܝܢܝ ܕܐܣܿܟܐ ܢܣܝܿܢܗܘܿܢ܀ ܩܘܼܫܬܐ ܩܿܪܐ ܠܗ ܠܫܪܪܐ 305 ܚܬܝܼܬܐ ܕܥܘܼܕܪܢܗ ܕܐܠܗܐ܀ ܘܣܟ̈ܠܘܬܐ ܗ̄ ܟܕ ܫܒܩܿܬܟ ܒܝܘ̈ܡܝ ܝܘܪܒܥܡ ܘܡܢܫܝܐ ܘܣܓܿܕܬ ܠܦܬܟܪ̈ܐ. ܠܐ ܬܬܕܟܪ ܠܝܼ ܗܫܐ܀ ܟ݀ܠܗܝܢ ܐܘܪ̈ܚܬܗ ܗ̄ ܟ݀ܠܗܘܿܢ ܣܘܼܥܪ̈ܢܘܗܝ ܕܡܪܝܐ ܕܒܗܘܿܢ ܡܿܒܣܡ ܠܢ ܘܠܘܬܗܘܿܢ ܡܬܩܪܒܝܼܢܢ ܡܪܚܡܢܘܼـܐ ܐܢܘܿܢ ܫܪܝܼܪܬܐ܀ ܬܪܥܝܼܬܗ ܗ̄ ܬܪܥܝܼܬܗ ܠܡ ܛܒܬܐ ܕܡܪܝܐ܇ ܥܠ ܕܚܠ̈ܘܗܝ ܐܝܬܝܗܿ܀ ܬܡܝܼܡ̈ܐ ܗ̄ ܡܛ݀ܠ ܕܝܿܨܦ ܗܿܘܝܬ ܕܬܡܝܼܡܘܼܬܐ ܘܕܬܪܝܼܨܘܼܬܐ ܠܣܓ̈ܝܐܐ ܓܪܓܿܬ ܕܢܬܢܩܦܘܢܼ ܠܝܼ܇ ܘܢܣܒܪܘܢܼ ܠܝܼ ܠܦܘܼܪܩܢܟ.. ܡܙ̄ܡ ܕܟܘ̄ ܐܡܝܼܪ ܡܢ ܩܪ̈ܨܘܦܐ ܡܝܬܪ̈ܐ ܕܒܫܒܝܼܬܐ ܐܟܙܢܐ ܕܕܢܝܐܝܠ ܘܚܙܩܝܠ ܘܛܠ̈ܝܐ ܕܫܿܐܠܝܢ ܓܗܝܬܐ ܚܠܦ ܥܡܐ ܕܘܼܢܝܢܝ ܡܪܝܐ ܗ̄ ܥܒܕ ܠܝܼ ܕܼܝܢܐ ܟܐܢܐ ܡܼܢ ܒܒ̈ܠܝܐ܇ ܡܛ݀ܠ ܕܠܐ ܚܛܝܿܬ ܠܗܘܢܿ܆ ܗܐ ܡܢܓܕܝܼܢ ܠܝܼ ܬܡܝܼܡܘܼܬܐ܆ ܠܫܦܝܘܼܬ ܚܘܼܫ̈ܒܐ ܘܠܐ ܢܟܝܼܠܘܼܬܐ ܩܿܪܐ܀ ܗܠܿܟܬ ܒܗܝܡܢܘܿܬܐ ܗ̄ ܐܚܝܼܕ ܗܿܘܝܬ ܠܫܘܼܘ̈ܕܝܟ ܘܠܗܘ݀ܢ ܡܿܣܟܐ ܐܢܼܐ܀ ܠܐ ܬܘܒܕܝܢܝ ܗ̄ ܠܐ ܬܫܒܼܩܢܝ ܢܘܼܓܪܐ ܕܙܒܢܐ ܥܡ ܚܛ̈ܝܐ ܒܒܠ̈ܝܐ: ܠܡܐ ܡܨܛܼܠܐ ܐܢܼܐ ܠܗܘܿܢ ܘܐ݀ܒܕ ܐܢܼܐ ܥܡܗܘܢܿ܀ ܓܒܿܪܐ ܕܕܡܐ ܩܼܪܐ ܐܢܘܿܢ: ܐܟܡܿܢ ܕܪܚܡܝܼܢ ܕܢܐܫܕܘܢܼ ܕܡܐ܀ ܡܙ̄ܡ ܕܟܙ̄ܙ. ܬܘܕܝܬ ܡܼܢ ܦܪܨܘܦ ܚܙܩܝܐ ܒܬܪ ܕܐܓܗܝܼ ܡܢ ܐܬܘܪܝܐ ܡܪܝܐ ܢܘܼܗܪܝ ܗ̄ ܐܢܗܪ ܠܝܼ ܘܦܪܼܩܢܝ ܡܼܢ ܥܡܛܢܐ ܕܥܩ̈ܬܐ ܕܐܚܕܪ ܥܠܝ ܐܬܘܪܝܐ܀ ܐܚܿܕܐ ܗ̄ ܐܬ݀ܒܣܡ ܒܚܙܬܐ ܘܥܢܝܢܿܐ ܕܬܫܡܫܬܗ܆ ܘܟܕ ܕܗܕܐ ܝ݀ܨܦ ܐܢܼܐ܇ ܡܛܿܫܐ ܠܝܼ ܐܠܗܐ ܒܣܬܪܗ ܒܝܘܡܐ ܒܝܼܫܐ܇ ܐܟܙܢܐ ܕܗܫܐ ܚܪܪܢܝ ܡܼܢ ܒܥܠܕܒܒܐ ܐܬܘܪܝܐ ܕܩܼܡ ܥܠܝ܀ ܒܛܠܠܐ ܕܡܫܟܢܗ ܗ̄ ܒܥܘܼܕܪܢܐ ܕܡܼܢ ܗܝܠܟܠܗ ܕܡܫܕܪ ܠܝܼ܀ ܘܥܠ ܫܘܼܥܐ ܗ̄ ܩܘܡܐ ܕܥܠ ܫܘܼܥܐ܇ ܠܫܪܝܼܪܘܬܐ ܘܠܐ ܡܬܬܙܝܼܥܢܘܼܬܐ ܕܡܼܢ ܥܩ̈ܬܐ ܩܿܪܐ܀ ܡܛ݀ܠ ܕܐܒܝ ܘܐܡܝ ܗ̄ ܠܐ ܪܕܐܘܢܝ ܒܕܚܼܠܬܟ܇ ܪܡܿܙ ܥܠ ܐܚܙ ܘܥܘܙܝܐ ܐܒܗ̈ܘܗܝ܀ ܘܡܪܝܐ ܚܡܼܠܢܝ ܗ̄ ܐܢܬ ܐܙܕܗܼܪܬ ܒܝܼ ܘܢܛܪܬܢܝ ܕܠܐ ܐܬܿܓܪܦ ܒܛܥܝܘܼܬܐ ܕܐܒܗ̈ܝ܀ ܣܗ̈ܕܐ ܕܫܘܼܩܪܐ ܗ̄ ܐܬܘܪܝܐ܀ ܘܡܠܠܘ ܥܘܠܐ ܗ̄ ܕܠܐ ܡܫܟܚ ܐܠܗܐ ܕܢܦܨܝܢܝ ܡܢܗܘܿܢ܀ ܗܝܡܿܢܬ ܗ̄ ܐܫܿܪܬ܀ ܕܐܚܿܙܐ ܒܛܒ̈ܬܗ ܗ̄ ܒܥܘܼܕܪܢܗ ܒܐܪܥܐ ܗܕܐ ܕܐܝܬܝܗܿ ܐܘܪܫܠܡ܀ ܡܙ̄ܡ ܕܟܚ̄ ܐܡܝܼܪ ܠܚܙܩܝܐ ܟܕ ܐܓܗܝܼ ܡܢ ܐܬܘܪܝܐ ܘܐܬܬܚܕ ܒܟܘܪܗܢܐܢ ܘܪܓܝܓܝܢ ܗܼܘܘ ܒܝܼ̈ܫܐ ܕܢܡܘܼܬ ܠܟ ܡܪܝܐ ܩܪܝ݀ܬ ܗ̄ ܟܕ ܚܕܝܼܪ ܗܿܘܝܬ ܡܼܢ ܐܬܘܪܝܐ܀ ܠܐ ܬܫܬܘܿܩ ܗ̄ ܐܦܠܐ ܗܫܐ ܕܪܡܿܐܼ ܐܢܼܐ ܒܟܘܼܪܗܢܐ܀ ܘܐ݀ܫܬܠܡ ܥܡ ܢܚ̈ܬܝ ܗ̄ ܕܠܡܐ ܐܡܿܘܼܬ ܘܐܬܿܚܦܐ ܒܩܒܪܐ܆ ܐܝܟ ܡܝܼ̈ܬܐ ܕܫܪܟܐ܀ ܟܕ ܐܓܿܥܐ ܗ̄ ܓܥܬܐ ܓܝܪ ܕܒܩܠܐ ܗܘܝܐ: ܙܘܩܬܐ ܕܟܐܒܐ܇ ܘܚܫܐ ܕܬܪܥܝܼܬܐ ܡܚܘܝܐ܀ ܠܗܝܟܠܟ ܗ̄ ܠܐܦ̈ܝ ܗܝܟܠܟ܇ ܟܕ ܓܝܪ ܦܟܝܼܪ ܗܼ،ܐ ܒܟܐܒ̈ܐ ܘܪܡܼܐܼ ܗܼܘܐ ܒܥܪܣܐ ܥܪܓܠ ܢܦܫܗ ܠܐܦ̈ܝ ܐܣܬܐ ܕܗܝܟܠܐ܀ 306 ܡܙ̄ܡ ܕܟܛ̄ ܐܡܝܼܪ ܡܢ ܦܪܨܘܦ ܚܙܩܝܐ ܟܕ ܡܿܙܡܢ ܠܥܡܐ ܕܢܝܬܘܿܢ ܕܒܚ̈ܐ ܠܐܠܗܐ ܚܠܦ ܦܘܼܪܩܢܗܘܢ: ܐܚܪ̈ܢܐ ܐܡܿܪܝܢ ܕܥܠ ܝܘܿܡ ܥܐܕܐ ܐܬܐܼܡܪ ܘܡܿܚܦܛ ܠܥܡܐ ܕܢܝܬܘܿܢ ܢܕܪ̈ܐ ܠܐܠܗܐ ܒܢ̈ܝ ܕܟܪ̈ܐ ܗ̄ ܠܐܡܪ̈ܐ ܒܢܿܝ̈ ܫܢܬܐ ܩܿܪܐ ܗܿܟܢ܀ ܩܠܗ ܕܡܪܝܐ ܥܠ ܡ̈ܝܐ ܗ̄ ܥܠ ܐܬܘܪ̈ܝܐ ܕܕܡܿܝܢ ܗܼܘܘ ܠ̈ܡܝܐ܆ ܘܡܛܝܒܝܼܢ ܗܼܘܘ ܕܢܓܪܦܘܢܼ ܒܡܡܘܿܠܗܘܿܢ܀ ܩܠܗ ܕܡܪܝܐ ܒܚܝܠܐ ܗ̄ ܐܝܟ ܕܦܿܐܐܼ ܠܚܝܠܗ ܬܩܝܼܦܐ ܠܫܘܼܒܚܗ܇ ܐܫܡܥ ܥܠܝܗܘܿܢ ܩܠܗ: ܒܝܕ ܩܠܐ: ܟܠ ܦܫܝܼܩܘܼܬ ܚܝܠܗ ܡܿܘܕܥ܆ ܕܒܝܕ ܩܠܐ ܠܚܘܕ ܕܡܠܐܟܐܙ ܡܝܼܬܘ ܐܬܘܪ̈ܝܐ ܘܐܒܼܕܘ܀ ܕܡܚܬܦ ܐܪ̈ܙܐ ܗ̄ ܘܡܿܦܣܩ ܘܡܿܓܕܡ܀ ܡܿܚܬܦ ܡܿܟܪܡ܇ ܡܼܢ ܟܪܡ ܘܦܣܼܩ ܫܩܝܼܠܐ܆ ܒܡ̈ܝܐ ܡܬܼܠ ܐܢܘܿܢ ܡܛ݀ܠ ܣܓܝܐܘܬܗܘܢܿ. ܘܒܐܪ̈ܙܐ ܡܛܠ ܪܘܡܗܘܢܿ ܘܚܬܝܼܪܘܼܬܗܘܿܢ܀ ܘܐܪ̈ܙܐ ܕܠܒܢܢ܇ ܡܛ݀ܠ ܕܥܫܝܼܢܝܼܢ ܘܪܡܝܼܢ܆ ܡܼܢ ܕܘܼܟܝ̈ܬܐ ܐܚܪ̈ܢܝܬܐ܀ ܬܒܼܪ ܡܪܝܐ ܗ̄ ܘܐܟܙܢܐ ܕܪܘܼܚܐ ܡܢܝܼܕܐ ܠܐܝܼܠܢܐ ܘܒܿܬܪܟܢ ܥܿܩܪܐ ܠܗ܆ ܗܿܟܢܐ ܐܦ ܐܬܘܪܝܐ܇ ܟܐܬܐ ܕܩܠܗ ܕܡܠܐܟܐ ܬܒܼܪܬ݀ ܐܢܘܿܢ܆ ܘܐܘܟܙܢܐ ܕܠܒܢܢ ܣܒܝܼܣ ܒܐܪ̈ܙܐ܆ ܗܟܢܐ ܐܦ ܡܫܪܝܼܬܐ ܕܐܬܘܪ̈ܝܐ ܥܒܝܼܛܐ ܗܼܘܬ݀ ܒܚܝܠܬܢܘܼܬܐ:. ܘܪܩܕ ܐܢܘܿܢ ܐܝܟ ܥ̈ܓܠܐ ܗ̄ ܗܿܠܝܢ ܕܐܝܟ ܐܪ̈ܙܐ ܪܡܝܼܢ ܗܼܘܘ܆ ܩܕܡ ܪܘܓܙܐ ܐܝܟ ܥܓ̈ܠܐ ܐܬܚܙܝܼܘ: ܥ̈ܓܠܐ ܩܿܪܐ܆ ܠܢܨܒ̈ܬܐ ܐܝܠܝܢ ܕܙܥܘܪܝܢ ܘܠܐ ܡܫܪܪܝܼܢ ܥܩܪ̈ܝܗܝܢ ܘܡܬܩܪܝܢ ܥܝ̈ܢܐ܆ ܟܒܪ ܕܝܢ ܐܦ ܠܝܘܕ̈ܝܐ ܩܿܪܐ ܥܓ̈ܠܐ: ܗܿܢܘܢ ܕܒܿܬܪ ܡܘܬܐ ܕܐܬܘܪ̈ܝܐ ܐܝܟ ܥ̈ܓܠܐ ܕܒܩܪܐ ܡܼܢ ܒܝܬ ܚܒܘܼܫܝܐ ܡܫܼܬܪܝܢ ܗܼܘܘ ܘܡܪܩܕܝܢ ܫܠܗܒܝܼܬܐ: ܗ̄ ܐܬܘܪܝܐ ܩܿܪܐ ܫܠܗܒܝܼܬܐ ܗܘܿ ܕܒܝܕ ܚܪܒܗ ܕܡܠܐܟܐ ܕܥܟܼܬ݀ ܓܘܙܠܬܗ܀ ܡܕܒܪܐ ܕܩܕܫ ܗ̄ ܕܘܼܟܬܐ ܩܕܝܫܬܐ ܕܚܕܪ̈ܝ ܡܕܝܢܬܐ ܕܫܿܪܝܢܼ ܗܼܘܘ ܒܗܿ ܐܬܘܪ̈ܝܐ ܩܿܪܐ: ܕܐܬܪܐ ܩܕܝܼܫܐ ܗܼܘܐ ܗܿܝܕܝܢ܀ ܕܡܙܝܼܥ ܐܝܼܠܠܬܐ ܘܡܿܥܩܪ ܥܒ̈ܐ܇ ܐܝܼܠ̈ܬܐ ܘܥܒ̈ܐ܇ ܠܡܫܪܝܼܬܐ ܕܐܬܘܪ̈ܝܐ ܩܿܪܐ: ܐܝܠ̈ܬܐ ܩܿܪܐ ܠܡܚܝܼ̈ܠܐ: ܘܥܒ̈ܐ ܠܚܝܠ̈ܬܢܐ܇ ܐܝܠ̈ܬܐ ܩܿܪܝܢܢ: ܠܢܨܒ̈ܬܐ ܐܘܿ ܠܐܝܠܢܐ ܕܛܠܿܐܼ ܘܙܥܘܪ܇ ܐܝܟ ܗ݀ܝ ܕܐܬܥܪܝܼ ܒܗܿ ܐܒܝܫܠܘܡ ܐܘ݀ܟܝܼܬ ܐܬܬܠܝܼ܇ ܐܘܿ ܠܐܝܠ̈ܬܐ ܘܕܝܨ̈ܐ ܕܒܣܪܐ ܕܥܡܪ̈ܢ ܒܥ̈ܒܐ ܐܡܿܪ܆ ܡܐ ܓܝܪ ܕܝܿܩܕ ܥܒܐ: ܥܪ̈ܩܢ ܐܝܠ̈ܬܐ ܡܢܗ܇ ܗܿܟܢܐ ܟܕ ܫܡܥܼܘ ܐܬܘܪ̈ܝܐ ܠ̈ܩܠܐ ܕܚ̈ܝܼܠܐ ܕܡܠܐܟܐ ܘܒܠܥܼܘ: ܥܪܩܘ ܘܫܢܝܼܘ ܫܪܟܢܗܘܢܿ܇ ܘܦܫܼܬ݀ ܕܘܼܟܬܗܘܿܢ ܣܦܝܼܩܬܐ ܐܝܟ ܥܒܐ܀ ܘܒܗܝܟܠܗ ܟ݀ܠܢܫ ܗ̄ ܥܠ ܐܦܝ̈ ܗܕܐ ܟ݀ܠܢܫ ܡܫܒܚ ܠܗ܀ ܡܡܘܿܠܐ ܗ̄ ܐܬܘܪܝܐ ܗܘܿ ܕܐܝܟ ܡܡܘܠܐ ܣܠܼܩ ܥܠܝܢ ܐܗܦܟܼܗ ܐܠܗܐ ܒܒܗܬܬܐ ܠܐܪܥܗ܀ ܡܙܡܘܪܐ ܕܬܠܬܝܢ. ܐܡܝܼܪ ܡܼܢ ܦܪܨܘܦ ܚܙܩܝܐ ܟܕ ܡܬܼܬܘܐ ܥܠ ܚܘܼܫܒܐ ܕܪܡܘܼܬܐ ܕܗܘܼܐ ܠܗ. ܘܡܿܘܕܐ ܥܠ ܚܘܼܠܡܢܗ ܘܬܘܼܪܨܐ ܕܣܟܠܘܼܬܗ ܐܪܿܡܪܡܟ ܡܪܝܐ ܗ̄ 307 ܡܼܢ ܟܘܼܪܗܢܐ܀ ܐܘܕܘ ܠܕܘܼܟܪܢܐ ܗ̄ ܐܬܕܟܪܘ ܗܼܘܘ ܠܩܕܝܼܫܘܼܬܗ܀ ܡܛ݀ܠ ܕܟܐܬܐ ܗ̄ ܟܕ ܓܝܪ ܬܪ̈ܬܝܗܝܢ ܒܐܝܝܼܕ̈ܘܗܝ ܣܝܼܡ̈ܢ ܕܢܼܟܐܐ ܘܢܚܐ ܐܠܐ ܥܠ ܚܝ̈ܐ ܣܼܡ ܗ݀ܝ ܕܒܨܒܝܿܢܗ܆ ܕܢܚܘܐ ܕܠܘ ܒܨܒܝܿܢܗ ܪܓܙ ܘܟܿܐܐ܇ ܐܠܐ ܟܕ ܡܬܼܥܨܐ ܡܼܢ ܣܟ̈ܠܘܬܐ ܕܚܛ̈ܝܐ ܘܒܿܥ ܕܢܦܢܐ ܐܢܘܿܢ܀ ܒܪܡܫܐ ܬܒܘܼܬܝ ܒܟܬܐ ܗ̄ ܘܣܒܘ ܬܚܘܝܼܬܐ ܕܛܒܘܼـܗ ܕܠܘܬܟܘܢܿ܆ ܕܟܕ ܕܡܟܼܬܘܿܢ ܒܒܟܬܐ ܕܟܐܡܬ ܒܠܠܝܐ ܡܬܟܼܒܫܐ ܡܕܝܢܬܐ: ܒܨܦܪܐ ܝܗܼܒ ܠܟܘܢܿ ܚܕܘܿܬܐ ܘܓܗܝܬܐ ܕܡܼܢ ܥ̈ܩܬܐ܀ ܐܢܿܐ ܐܡܿܪܬ ܒܫܠܝܘܼܬܝ܀ ܐܦܝ̈ܟ ܘܙܥܿܬ ܗ̄ ܡܛܠ ܕܒܗܿܘ ܫܠܝܐ ܘܫܠܡܐ ܕܝܗܼܒܬ ܠܝܼ ܒܿܬܪ ܡܘܬܗܘܿܢ ܕܐܬܘܪ̈ܝܐ ܠܐ ܐܘܕܝܿܬ ܚܠܦܘܗܝ: ܐܠܐ ܪܢܝ݀ܬ ܥܠ ܦܢܫܝ ܪܘܪ̈ܒܬܐ ܕܐܢܿܐ ܡܫܝܼܚܐ ܕܡܣܼܬܟܐ: ܘܠܐ ܬܘܼܒ ܙܿܐܥ ܐܢܼܐ ܘܡܿܫܢܐ ܐܢܼܐ ܡܼܢ ܟܗܝܼܢܘܼܬܝ܇ ܘܠܐ ܐܬܪܥܝ݀ܬ ܕܒܨܒܝܿܢܗ ܕܐܠܗܐ ܩܼܡ ܥܠ ܫ.ܘܼܒܚܝ ܚܝܠܐ ܕܐܬܘܪ̈ܝܐ܆ ܫܦܝܼܪ ܐܠܗܐ ܐܝܟ ܕܢܬܪܨܢܝܝ. ܐܗܦܟ ܐܦܘ̈ܗܝ ܡܢܝ ܒܡܠܐ ܙܒܢܐ: ܘܙܥܿܬ ܘܠܥܿܠܬ ܡܼܢ ܟܘܼܪܗܢܐ ܕܐܝܿܬܝ܀ ܡܙ̄ܡ ܕܠܐ̄܆ ܬܟܫܦܬܐ ܕܥܡܐ ܕܒܒܠ ܡܛܠ ܦܘܼܢܝܐ ܒܟ ܡܪܝܐ ܣܒܿܪܬ ܗ̄ ܠܐ ܐܫܿܬܒܩ ܠܥܠܡ: ܐܝܟ܆ ܕܐܒܿܗܬ ܒܣܒܪܝ ܕܥܠܝܟ ܠܥܝܢ ܒܒܠ̈ܝܐ܀ ܘܠܟ ܐܛ݀ܪܬ ܪܘܼܚܝ ܗ̄ ܐܬܼܢܛܪܬ݀ ܢܦܫܝ ܡܢܼܟ݀ܠ ܢܟܝ̈ܢܝܼܢ܆ ܐܛ݀ܪܬ ܗ̄ ܢܛܿܪܬ܀ ܐܝܟ ܗ݀ܝ ܕܐܛܿܪ ܒܒܝܬܐ ܗ̄ ܢܛܪ ܐܡܿܪ ܕܐܠܘܼ ܐܢܬ ܠܐ ܢܛܪܬܗܿ ܠܢܦܫܝ ܠܘܬܟ: ܐܒܝܼܕܐ ܗܿܘܝܬ ܗܫܐ ܒܐܝܼܕ̈ܝ ܒܒܠ̈ܝܐ܀ ܐܕܠܚܼܬ݀ ܥܝܢܝ ܗ̄ ܡܼܢ ܪܘܓܙܐ ܣܓܝܐܐ ܕܥܠܝ܆ ܐܦܠܐ ܕܐܚܿܙܐ ܡܫܟܚ ܐܢܼܐ܇ ܒܗ݀ܝ ܕܐܬܼܕܠܚܬ݀ ܥܝܢܝ ܒܒܟܼܝܐ: ܘܢܦܫܝ ܒܓܘ ܟܪܣܝ ܡܼܢ ܥܩܬܐ܀ ܬܟܣܼܐ ܐܢܘܿܢ ܗ̄ ܒܥܘܼܕܪܢܐ ܕܓܠܝܢܟ܀ ܩܪܝܼܬܐ ܥܫܝܼܢܬܐ ܗ̄ ܐܘܪܫܠܡ܀ ܒܡܣܪܗܒܘܼܬܝ ܗ̄ ܣܪܗܒܢܝ ܒܝܼܫ̈ܬܐ ܘܕܘܕܢܝ̈܇ ܐܝܟ ܕܐܣܿܒܪ ܬܘܼܒ ܕܠܐ ܡܬܼܚܙܐ ܐܢܼܐ ܩܕܡ ܥܝܢ̈ܝܟ ܒܐܘܪܫܠܡ܀ ܡܙ̄ܡ ܕܠ̄ܒ: ܐܡܝܼܪ ܡܢ ܚܙܩܝܐ ܟܕ ܐܬܼܚܠܡ ܘܡܿܪܬܐ ܡܢ ܦܪܨܘܦܗ ܠܥܡܐ. ܕܐܦܢ ܐܝܬܘܗܝ ܐܢܫ ܡܝܬܪܐ ܠܐ ܢܬܼܬܟܠ ܥܠ ܡܝܬܪܘܬܗ. ܛܘܼܒܘܗܝ ܠܡܿܢ ܗ̄ ܚܙܩܝܐ ܡܝܬܪܐ ܗܼܘܐ ܘܟܕ ܐܬܼܟܪܗ ܪܡܘܼܬܐ܆ ܢܦܼܠ ܒܟܘܼܪܗܢܐ ܘܥܠ ܗ݀ܝ ܐܡܼܪ܆ ܕܛܘܼܒܢܐ ܚܿܫܒ ܐܢܼܐ܇ ܠܗܘ ܕܡܼܢ ܐܠܗܐ ܩܒܼܠ ܫܘܼܒܩܢܐ ܕܚ̈ܛܗܐ: ܡܛ݀ܠ ܕܠܐ ܡܨܝܐ ܠܐܢܫ ܕܢܡܪ ܡܼܢ ܚܛܗܐ܀ ܘܐܬܟܣܝܼܘ ܗ̄ ܕܠܐ ܐܝܬܝܼ ܐܢܘܿܢ ܐܠܗܐ ܠܚܘܼܫܒܢܐ ܐܠܐ ܛܡܼܪ ܘܚܦܝܼ ܐܢܘܿܢ ܒܪ̈ܚܡܘ̄܀ ܘܥܘܠܐ ܘܚܛ̈ܗܐ ܚܕ ܐܢܘܿܢ܀ ܡܛ݀ܠ ܕܫܬܩܿܠܬ ܒܠܝܝܼܘ ܗ̄ ܐܢܿܐ ܚܙܩܝܐ ܡܼܢ ܬܘܕܝܼـܐ ܕܙܕܩܐ ܗܼܘܬ݀ ܠܝܼ ܒܙܒܢܐ ܕܐܬܼܚܪܒܘ ܐܬܘܪ̈ܝܐ܇ ܘܪܢܝܿܬ ܥܠ ܢܦܫܝ ܪܘܪ̈ܒܬܐ܆ ܒܠܝܼܘ ܓܪ̈ܡܝ ܡܼܢ ܟܘܼܪܗܢܐ܀ ܘܐܬܗܼܦܟ ܒܚܕܝܼܝܼ ܗ̄ ܠܘ ܒܡܠܐ ܙܒܢܐ ܣܝܒܪܬܗ ܠܟܐܒܐ: ܐܠܐ ܢܘܼܓܪܐ ܕܙܒܢܐ ܩܘܝܼ܆ ܟܕ ܐܝܟ ܕܒܒܝܬܐ ܕܢܦܫܗ: ܡܬܼܗܦܟ ܒܚܕܝܝ܀ ܡܛܠܗܢܐ ܢܨܿܠܐ ܗ̄ ܠܘ ܓܝܪ 308 ܡܛ݀ܠ ܚܛܝܼܬܗ ܘܚܘܼܠܡܢܗ ܕܚܙܩܝܐ ܥܬܝܼܕܝܼܢ ܠܡܨܠܝܘܼ ܟܿܠܗܘܿܢ ܙܕܝܼܩ̈ܐ ܡܛ݀ܠ ܕܐܫܬܒܼܩܬ݀: ܐܠܐ ܕܥܠ ܟ݀ܠ ܚܛܝܼܬܐ ܕܕܐܝܟ ܗܕܐ ܘܐ݀ܡܪ: ܕܬܚܘܝܼܬܐ ܝܗܼܒܬ ܠܙܕܝܼܩ̈ܐ ܕܡܐ ܕܡܬܼܢܣܝܢ ܒܕܐܝܟ ܗܿܠܝܢ ܘܣܿܥܪܝܼܢ ܕܐܝܟ ܗܿܠܝܢ܇ ܡܐ ܕܕܡܿܐ ܠܡܘܿܢ ܕܣܼܥܪܬ ܠܘܬܝ܆ ܐܦ ܠܘܬܗܘܿܢ ܣܿܥܪ ܐܢܬ܀ ܒܙܒܢܐ ܡܩܒܠܐ ܗ̄ ܒܙܒܢܐ ܕܥܿܗܢ ܘܡܿܩܒܼܠ ܥܠ ܐܠܗܐ: ܘܣܢܝܼܩܝܼܢ ܥܠ ܛܝܒܘܼܬܐ܀ ܚܐܦܐ ܕܝܢ ܕܡ̈ܝܐ ܣܓܝ̈ܐܐ ܗ̄ ܙܦ ܡܼܢ ܒܥܠ̈ܕܒܒܐ ܕܠܗܘܿܢ ܩܿܪܐ ܚܐܦܐ: ܟܿܠܐ ܐܢܬ ܘܙ݀ܓܪ ܕܠܘܬܗ ܠܐ ܢܬܩܪܒܘܢܼ܀ ܫܘܼܒܚܐ ܘܦܘܼܪܩܢܐ ܗ̄ ܒܟܘܼܪܗܢܗ ܡܿܨܠܐ܆ ܕܐܦ ܡܼܢ ܗܢܐ ܒܿܥܐ ܐܢܼܐ ܕܬܩܝܼܡܝܢܝ: ܘܐܝܟ ܕܫܒܼܚܬܢܝ ܒܙܟܘܿܬܐ ܕܥܠ ܐܬܘܪ̈ܝܐ: ܗܿܟܢܐ ܐܦ ܒܚܘܼܠܡܢܐ ܥܒܕܝܢܝ ܫܒܝܼܚܐ ܠܥܝܢ ܥܡ̈ܡܐ ܕܐܣܿܬܟܠܟ ܗ̄ ܕܐܦܢ ܒܩܕܡܝ̈ܬܐ ܒܨܿܪܬ: ܐܠܐ ܗܫܐ ܡܣܼܬܟܠ ܐܢܼܐ ܠܟ ܘܡܬܼܕܡܪ ܐܢܼܐ ܒܛܝܒܘܼܬܟ܇ ܐܫܬܘܕܝܼ ܟܕ ܐܬܟܼܪܗ ܕܐܢ ܡܬܼܚܠܡ ܡܣܼܬܟܠ ܫܦܝܼܪ܀ ܘܐܘܿܕܥܟ ܘܪܚܐ ܗ̄ ܣܿܐܡ ܦܘܼܪܥܢܗܝܢ ܡܼܢ ܦܪܨܘܦ ܐܠܗܐ: ܕܐܢ ܐܢܬ ܗܕܐ ܥܿܒܕ ܐܢܬ܇ ܐܦ ܐܢܿܐ ܝ݀ܨܦ ܐܢܼܐ ܠܟ܀ ܘܐܘܿܕܥܟ ܐܘܪܚܐ ܕܘܠܝܼܬܐ ܒܝܕ ܡܪܕܘܬܐ ܡܡܫܚܬܐ ܐܝܟ ܕܗܿܫܐ ܡܿܬܪܨ ܐܢܼܐ ܠܟ܆ ܘܡܿܦܢܐ ܐܢܼܐ ܠܟ ܠܘܬܝ܇ ܦܓܘܼܕܬܐ: ܠܓܡܐ܀ ܡܙܡܘܪܐ ܕܠ̄ܓ [ܬ]ܘܕܝܬܐ ܡܼܢ ܦܪܨܘܦܐ ܕܚܙܩܝܐ ܘܕܥܡܗ: [ܘ]ܚܠܦ ܙܟܘܿܬܐ ܕܢܣܼܒ ܘܡܿܪܬܐ ܠܟܿܠܢܫ: ܕܠܐ ܢܬܬܬܟܠܘܢܼ ܥܠ ܟܗܝܼܢܘܼܬܐ ܕܥܠܡܐ ܘܠܬܪ̈ܝܼܨܐ ܗ̄ ܠܟܘܿܢ ܠܬܪ̈ܝܼܨܐ ܡܛ݀ܠ ܕܩܪܝܼܒܝܼܢ ܐܢܬܘܿܢ ܠܐܠܗܐ: ܙܿܕܩ ܠܟܘܿܢ ܕܬܣܩܘܢܼ ܬܫܒܘ̄܀ ܡܛ݀ܠ ܕܬܪܝܼܨ ܗܼܘ ܗ̄ ܓܙܪ ܕܝܼܢܗ ܕܥܠ ܐܬܘܪ̈ܝܐ܀ ܘܠܝܬ ܒܗ ܡܣܒ ܒܐܦ̈ܐ܀ ܒܡܠܼܬܗ ܕܡܪܝܐ ܗ̄ ܒܪܡܙܗ܀ ܘܒܪܘܼܚܐ ܗ̄ ܒܦܘܼܩܕܢܗ ܪܘܚܢܐܝܬ܀ ܒܡܠܼܬܗ ܕܡܪܝܐ ܒܪܐ ܘܪܘܼܚܐ ܗ̄ ܪܘܚܐ ܩܕܝܼܫܐ܀ ܟ݀ܠܗܘܿܢ ܚܝܠ̈ܘܬܗ܇ ܚܝ̈ܠܘܬܐ ܩܿܪܐ: ܠ̈ܡܠܐܟܐ ܥܡ ܢܗܝܼܪ̈ܐ܀ ܟܢܼܫ ܐܝܟ ܕܒܙ̈ܩܐ ܗ̄ ܐܝܟ ܕܒܙ̈ܩܐ ܡܕܡ ܘܒܐܘܨܪ̈ܐ. ܟܢܼܫ ܘܚܡܼܠ ܐܢܘܿܢ: ܕܠܐ ܠܦܘܬ ܫܪܝܘܼܬܐ ܕܟܝܿܢܗܘܢܿ܇ ܢܥܒܪܘܢܼ ܘܢܟܣܘܿܢ ܠܐܪܥܐ.. ܡܙ̄ܡ ܕܠܕ̄܆ ܬܘܕܝܬ ܡܼܢ ܦܪܨܘܦ ܚܙܩܝܐ ܘܕܥܡܗ ܚܠܦ ܐܝܠܝܢ ܕܐܣܬܥܪ̈ܝ ܠܘܬܗܘܢ ܘܡܿܪܬܐ ܕܟܕ ܢܗܘܐ ܒܐܘܠܨܢܐ ܐܢܫ ܢܣܟܐ ܠܥܘܕܪܢܐ ܕܡܼܢ ܐܠܗܐ ܗ݀ܢܘܢ ܡܣܟܢܐ ܗ̄ ܡܣܟܢ ܩܿܪܐ ܠܚܙܩܝܐ܀ ܛܥܘ ܘܚܙܼܘ ܗ̄ ܢܣܘ ܘܝܼܠܦܘ ܕܐܢ ܬܬܩܪܒܘܢܼ ܠܐܠܗܐ ܐܟܡܐ ܕܐܢܿܐ܆ ܒܥܒܿܕܐ ܡܿܥܕܪ ܠܟܘܿܢ܀ ܝܘܡ̈ܬܐ ܛܒ̈ܐ ܗ̄ ܙܒ̈ܢܐ ܕܒܘܼܣܡܐ܀ ܘܡܟܝܼܟ̈ܝ ܪܘܼܚܐ ܗ̄ ܐܝܠܝܢ ܕܒܨܒܝܿܢܗܘܿܢ ܡܣܝܒܪܝܼܢ ܟ݀ܠ ܥܩ̈ܢ: ܘܡܿܣܟܝܢ ܠܥܘܼܕܪܢܐ ܕܡܼܢ ܐܠܗܐ܀ ܡܙ̄ܡ ܕܠܗ̄ ܡܢ ܦܪܨܘ[] ܐܪܡܝܐ ܐܡܝܪ ܟܕ ܡܬܢܐ ܠܐܘ̈ܠܨܢܐ ܕܣܒܼܠ ܡܢ ܥܡܐ ܘܡܿܟܣ ܠܗܘܿܢ ܥܠ ܐܪܡܝܐ ܐܢܒܝܼ ܕܘܝܕ: ܡܛ݀ܠ ܕܙܒܢܐ ܕܫܼܒܝܐ ܐܬܢܒܝ܇ ܘܝܬܝܼܪ ܡܼܢ 309 ܟ݀ܠܗܘܿܢ ܢܒܝ̈ܐ ܐܬܪܕܦ ܘܟܕ ܩܿܐܡ ܥܠ ܬܪܥܐ ܫܒܼܝܐ ܕܥܡܐ: ܠܐ ܐܗܡܝܼ ܐܠܗܐ ܡܢܗܘܿܢ ܕܢܐܬܘܿܢ ܠܬܝܿܒܘܼܬܐ: ܘܠܐ ܨܒܘ: ܘܥܠܡܢܐܥܠ ܐܪܡܝܐ ܠܚܘܿܕ ܐܬܢܒܝܼ ܕܝܘܝܕ܇ ܘܐܡܿܪܝܼܢܢ ܕܠܐ ܟܕ ܢܐܒܕ ܥܡܐ܇ ܢܣܒܪ ܕܡܼܢ ܚܝܠܐ ܕܒܥ̈ܠܕܒܒܐ ܓܕܫܼܬ݀ ܠܗܘܿܢ ܗܕܐ܇ ܐܠܐ ܡܼܢ ܐܠܗܐ ܗܘܿ ܕܐܟܼܪܙ ܒܝܕ ܐܪܡܝܐ: ܟܕ ܛܒܿ ܝܿܕܥ ܗܼܘܐ ܕܠܐ ܫܿܡܥܝܼܢ ܘܡܣܒܠܝܼܢ ܒܝܼܫ̈ܬܐ ܠܐܪܡܝܐ܀ ܕܘܢܼ ܡܪܝܐ ܗ̄ ܒܗܢܐ ܫܘܼܪܝܐ ܪܡܿܙ: ܥܠ ܣܘܿܓܐܐ ܕܐܘܠ̈ܨܢܐ ܕܣܒܼܠ ܐܪܡܝܐ: ܡܛܠ݀ܠ ܕܐܢܿܐ ܡܚܝܼܠ ܐܢܼܐ: ܘܒܥ̈ܠܕܒܒܝ ܣܓܝ̈ܐܝܢ܇ ܐܢܬ ܚܠܦܝ ܐܬܟܬܫ ܥܡܗܘܿܢ܀ ܘܢܚܦܪܘܢܼ ܗ̄ ܚܦܪܐ ܡܬܼܐܡܪ: ܠܗ݀ܝ ܕܡܼܢ ܒܗܼܬܬܐ ܣܓܝܐܬܐ܆ ܢܛܡܘܿܪ ܐܢܫ ܐܦܘ̈ܗܝ ܒܥܘܼܒܗ ܟܕ ܠܐ ܡܫܟܚ ܠܡܚܼܪ ܒܒܢܝ̈ܢܫܐ܀ ܩܿܪܐ ܬܘܼܒ ܚܦܪܐ ܠܓܘܼܒܐ ܚܫܘܼܟܐ܀ ܬܢܢ ܥܠܗ݀ܝ ܕܒܿܗܬܝܼܢ ܡܐ ܕܡܬܼܦܪ̈ܣܝܢ ܨܢܥ̈ܬܗܘܿܢ ܐ݀ܡܪ܀ ܐܝܟ ܕܚܝܼܚܐ ܐܘܿܟܝܼـ ܥܦܪܐ ܕܩܝܼܩܐ܆ ܢܗܘܘܿܢ ܦܫ̈ܝܼܩܢ ܠܐܒܕܢܐ܇ ܕܠܐ ܩܿܐܡ ܩܕܡ ܗܘܦܐ ܕܪܘܚܐ ܕܛܪܐ ܒܗ܀ ܬܚܫܼܟܝ ܐܘܪܚܗܘܿܢ ܗ̄ ܡܐ ܕܒܚܫܘܼ̣ܐ ܡܬܼܥܘܟ ܐܢܫ ܘܐܘܪܚܗ ܡܠܝܐ ܡܫܪ̈ܘܥܝܬܐ܇ ܘܡܠܐܟܐ ܪܕܦ ܠܗ܆ ܠܝܬ ܐܣܝܘܼܬ ܠܡܪܕܘܼܬܗ܀ ܚܫܘܼܟܐ ܓܝܪ ܒܐܘܪܚܐ ܕܠܝܬ ܒܗ ܬܘܼܩ̈ܠܬܐ: ܡܥܘܟܢܐ ܗܿܘ ܕܡܪܕܝܬܐ: ܘܐܘܪܚܐ ܕܫܪܘܥܐ ܘܐܦ ܒܢܘܼܗܪܐ ܥܣܩ ܠܡܪܕܐ ܒܗܿ܀ ܬܪܬܝܢ ܙܒܢ̈ܝܼܢ ܐܡܼܪ ܡܠܐܟܐ: ܟܕ ܪܡܿܙ ܥܠ ܡܠܐܟܐ ܡܕܒܪܢܐ ܕܒܒ̈ܠܝܐ ܪܕܦ ܗܼܘܐ ܠܗܘܿܢ ܡܼܢ ܐܪܥܗܘܿܢ܇ ܘܐܚܪܢܐ ܡܠܐܟܐ ܡܕܒܪܢܗܘܿܢ ܕܡܿܚܫܟ ܗܼ،ܐ ܐܘܪܚܐ ܥܠܝܗܘܢܿ ܕܠܐ ܢܬܦܠܛܘܢܼ܀ ܟ݀ܠܗܘ݀ܢ ܓܪ̈ܡܝ܆ ܥܠ ܫܪܪܗܿ ܕܬܘܕܝܼܬܐ ܡܿܫܘܕܥ܀ ܩܡܼܘ ܣܗ̈ܕܐ ܕܥܘܠܐ ܗ̄ ܣܗ̈ܕܐ ܕܫܘܼܩܪܐ ܕܩܡܼܘ ܥܠ ܐܪܡܝܐ܇ ܢܝܼܪܐ ܘܫܪܟܐ ܕܐܡܼܪܘ ܕܠܘܬ ܦܠ̈ܫܬܝܐ ܥܿܪܩ ܐܢܬ܀ ܠܥܘܼܒܝ ܗܦܟܼܬ݀ ܗ̄ ܥܛܦܼܬ݀ ܘܠܐ ܐܬܩܒܼܠܬ݀: ܡܕܡ ܓܝܪ ܕܒܥܘܼܒܐ ܣܝܼܡ: ܠܐ ܡܿܪܚܩ ܡܢܗ ܕܐܢܫ܀ ܐܬܟܢܼܫܘ ܗ̄ ܐܡܿܪ ܥܠܗ݀ܝ ܕܟܕ ܐܬܼܟܢܫܘ ܪܘܪ̈ܒܢܐ ܥܠܘܗܝ: ܘܩܪܐܘܗܝ ܘܢܓܕܘܗܝ ܩܕܡ ܟ݀ܠܗ ܥܡܐ: ܠܐ ܝܿܕܥ ܗܼ،ܐ ܕܡܛܠܡܢܐ ܐܬܩܪܝܼ ܠܟܢܘܼܫܝܐ܀ ܗܿܝܕܝܢ ܢܘܓܼܪܐ: ܥܠ ܚܒܘܼܫܝܐ ܢܓܝܼܪܐ ܐ݀ܡܪ: ܕܥܕܡܐ ܕܫܼܪܝܗܝ ܢܒܘܙܪܕܢ ܒܐܣܘܪ̈ܐ ܘܒܢ̈ܓܕܐ ܐܝܼܬܘ̄ ܗܼ،ܐ܀ ܐܪ̈ܝܘܬܐ ܠ̈ܡܠܟܐ ܘܠܪܘܪ̈ܒܢܐ ܕܗܿܝܕܝܟ ܩܿܪܐ܀ ܫܩܪ̈ܬܐ ܗ̄ ܕܓ̈ܠܐ܀ ܡܙ̄ܡ ܕܠܘ̄܆ ܐܡܝܪ ܥܠ ܢܦܫܗ ܟܕ ܐܬܪܕܦ ܡܢ ܫܐܘܠ ܡܬܚܼܫܒ ܥܘܿܠܐ ܗ̄ ܥܠ ܕܘܝܕ ܟܕ ܐܡܼܪ ܒܦܘܼܡܗ ܕܗܦܘܿܟ ܠܐ ܐܒܿܐܫ ܠܟ܀ ܠܝܬ ܕܚܠܼܬܗ ܕܐܠܗܐ ܗ̄ ܠܐ ܐܣܼܒܪ ܕܡܬܼܬܒܥ ܐܦܠܐ ܕܪܓܝܼܫ ܐܢܫ ܒܡܚܫܒܬܗ܀ ܥܠ ܡܫܟܒܗ ܗ̄ ܠܐ ܦܿܐܫ ܗܼ،ܐ ܡܼܢ ܒܝܼܫܬܗ ܐܦܠܐ ܒܫܢܬܐ ܕܠܠܝܐ܇ ܡܼܢ ܡܪܢܝܼܬܐ ܕܩܼ̰ܠܐ ܕܥܠܝ܀ ܗܝܡܢܘܼܬܟ ܥܕܡܐ ܗ̄ ܡܪܚܡܢܘܼܬܟ ܫܪܝܼܪܬܐ: ܠܘ 310 ܒܠܚܘܕ ܥܠ ܐܪܥܐ ܐܝܬܝܗܿ: ܐܠܐ ܐܦ ܥܕܡܐ ܠܫܡܝܫ̈ܡܝܐ ܐܫܝܼܕܐ܀ ܘܙܕܝܼܩܘܼܬܟ ܗ̄ ܕܡܝܐ ܠܡ ܙܕܝܼܩܘܬܟ ܐܠܗܐ ܒܫܪܪܗܿ܇ ܠܛܘܼܪ̈ܐ ܗܿܠܝܢ ܕܒܼܪܝܬ: ܘܕܝܼܢ̈ܝܟ ܗ̄ ܘܚܘܼܫ̈ܒܝܟ ܘܕܝܼ̈ܢܐ ܕܒܗܘܿܢ ܕܐܢܿ ܐܢܬ ܠܒܢܝܢ̈ܫܐ܆ ܠܐ ܡܬܬܫܝܼܓܝܼܢ ܘܡܬܬܟܝܼܠܝܼܢ ܐܟܡܐ ܕܐܦܠܐ ܬܗܘܡܐ: ܘܥܠ ܗ݀ܝ ܠܐ ܡܨܝܢ ܒܢܝ̈ܢܫܐ ܕܢܣܬܟܠܘܢܼ ܕܠܡܘܿܢ ܥܿܘ̈ܠܐ ܡܨܠܚܝܼܢ܇ ܘܙܕܝܼܩ̈ܐ ܡܬܩܦܚܝܼܢ: ܕܠܡܘܿܢ ܠܘ ܒܢܝܿܚܐ ܫܿܒܩ ܠܙܕܝܼܩ̈ܐ ܘܠ̈ܘܠܐ ܐܝܟܢ ܠܐ ܪܕܐ܇ ܥܿܒܪܐ ܗܿܝ ܕܠܝܼܕܥܬܢ܇ ܕܙܗܝܼܪ ܒܙܕܝܼܩ̈ܐ ܝܼܕܝܥܐ ܗܝ܇ ܡܼܢ ܗ݀ܝ ܕܢ݀ܛܪ ܠܕܘܝܕ ܡܼܢ ܫܐܘܠ܀ ܒܢܝܢ̈ܫܐ ܘܒܥܝܼܪ̈ܐ ܗ̄ ܒܗܕܐ ܡܿܚܘܐ ܝܨܝܼܦܘܼܬܗ ܕܥܠ ܟܿܠ. ܘܕܠܘ ܡܼܢ ܡܗܡܝܢܘܼܬܐ ܫܿܒܩ ܕܢܬܪܕܘܿܢ ܙܕܝܼܩ̈ܐ: ܐܠܐ ܕܝܿ݊ܥ ܕܥܕܪܐ ܠܗܘܢܿ܇ ܐܢܕܝܢ ܠܒܢܝ̈ܢܫܐ ܐܘܟܝܼܬ ܠܥܡܐ܆ ܘܠܒܥܝܼܪܐ ܗ̄ ܠܥܡܡ̈ܐ ܦܿܪܩ: ܟܡܐ ܝܬܝܼܪ ܠܙܕܝܼܩ̈ܐ܀ ܢܪܘܘܿܢ ܡܼܢ ܫܘܡܢܗ ܕܒܝܬܟ ܗ̄ ܡܼܢ ܩܕܝܼܫܘܼܬܗ ܕܗܝܟܠܟ܆ ܗܿܘ ܕܡܢܗ ܥܘܼܕܪܢܟ ܐܝܟ ܫܘܼܡܢܐ ܘܕܗܝܼܢܘܼܬܐ ܪܕܐ: ܡܬܼܒܣܡ ܥܡܟ ܬܫܡܼܫܬܐ ܕܒܗ ܡܼܢ ܟ݀ܠܢ ܡܬܼܩܪܒܐ ܠܟ܀ ܘܡܼܢ ܢܚܠܟ ܗ̄ ܘܗܿܟܢܐ ܣܓܝ̈ܐܢ ܛܒ̈ܬܟ: ܕܐܝܟ ܢܚܠܐ ܦܫܝܼܩܐܝܬ ܪ̈ܕܝܢ: ܘܠܟܿܠ ܡܫܩ̈ܝܢ ܘܡܣ̈ܒܢ: ܐܢ ܗܿܠܝܢ ܕܡܼܢ ܐܪܥܐ: ܘܐܢ ܗܿܠܝܢ ܕܢܡܘܿܣܐ ܐܘ݀ܟܝܼـ ܡܠܦܢܘܼـܐ܀ []ܘܢܝܐ ܢܚܠܐ ܕܒܘܼܣ̈ܡܝܟ ܐܡܿܪ: ܟܕ ܪܡܿܙ ܥܠ ܣܓܝܐܘܬܐ ܘܡܫܚܠܦܘܼܬܐ ܕܛܒ̈ܬܐ܇ ܗ݀ܝ ܕܢܚܠܐ ܥܠ ܩܠܝܠܘܼܬܐ ܘܦܫܝܼܩܘܼܬܐ ܕܒܗܿ ܚܕܐ ܚܕܐ ܡܼܢ ܛܒ̈ܬܐ܇ ܒܙܒܢܗܿ ܪܕܝܐ ܠܘܬܢ܀ ܡܛ݀ܠ ܕܒܡܘܼܥܐ ܗ̄ ܒܟ ܬܠܿܝܢܼ ܚ̈ܝܐ ܕܟ݀ܠ ܒܣܪ܆ ܘܡܢܟ ܪܕܐ ܠܗܘܢܿ ܡܙܘܢܐ܀ ܘܒܢܘܼܗܪܟ ܗܼܘ ܗ̄ ܡܬܒܣܡܝܼܢ ܒܚܙܬܐ ܕܟ݀ܠ܇ ܘܐܦ ܒܢܘܼܗܪܐ ܕܝܼܠܗ܀ ܡܙ̄ܡ ܕܠ̄ܙ ܡܛ݀ܠ ܕܣܓ̈ܝܐܐ ܟܕ ܚܿܙܝܢ ܠܒܝܼܫ̈ܐ ܕܡܨܠܚܝܼܢ ܙܕܝܼܩ̈ܐ ܕܡܩܦܚܝܼܢ܇ ܡܿܕܡܝܢ ܒܒܝܼ̈ܫܐ܇ ܐܟܡܿܢ ܕܠܐ ܡܬܼܢܟܝܢ ܡܼܢ ܒܝܼܫܬܐ: ܘܡܿܠܟ ܕܐܝܠܝܢ ܢܣܥܘܿܪ܀ ܠܐ ܬܚܣܡ ܒܪ̈ܫܝܼܥܐ ܗ̄ ܡܐ ܕܚܿܙܐ ܐܢܬ ܠܪܫܝܼܥܐ ܕܡܨܠܚ܇ ܠܐ ܬܚܣܼܡ ܐܦ ܐܢܬ: ܘܬܼܛܢ ܠܡܬܕܡܝܘܼ ܒܗ: ܐܝܟ ܗܿܘ ܕܠܥܠܡ ܗܟܢܐ ܡ݀ܟܬܪ܀ ܬܪܘܿܨ ܩܕܡ ܡܪܝܐ ܗ̄ ܠܐ ܬܬܥܼܩܡ ܘܬܟܣܐ ܡܢܗ ܬܪܥܝܼܬ܇ ܐܠܐ ܠܗ ܐܓܥܠ ܥܒܿܕ̈ܝܟ ܘܣܘܼܥܪ̈ܢܝܟ܇ ܘܗܘܼ ܥܿܒܕ ܘܡܿܦܩ ܗ̄ ܓܠܝܐܝܬ ܠܟ ܡܿܚܘܐ ܠܟ ܥܘܼܕܪܢܗ܆ ܠܦܘܼܬ ܙܕܝܼܩܘܬܟ܀ ܫܥܬܐ ܒܝܼܫܬܐ ܗ̄ ܙܒܢܐ ܕܥܩ̈ܬܐ܀ ܡܙܡܘܪܐ ܕܠ̄ܚ ܐܡܝܼܪ ܟܕ ܚܼܛܐ ܒܒܪܬ ܫܒܥ܆ ܘܪܕܦ ܗܼ،ܐ ܠܗ ܐܒܫܠܘܡ ܘܫܪܝܼ ܕܢܘܕܐ ܒܚܛܗܐ܇ ܘܫܿܐܠ ܗܼܘܐ ܕܢܓܼܗܐ ܡܼܢ ܐܘܠ̈ܨܢܐ ܡܛ݀ܠ ܕܓܐܪ̈ܝܟ ܗ̄ ܟܬܪܘ ܠܡ ܟܕ ܠܐ ܡܿܫܢܝܢ ܡܼܢ ܦܓܪܝ܇ ܓܐܪܐ ܓܝܪ ܟܡܐ ܕܩܒܝܼܥ ܒܡܚܘܿܬܐ ܠܐ ܫܿܒܩ ܕܬܬܩܪܒܝ ܠܗܿ ܐܣܝܘܼܬܐ܀ ܐܬܬܢܝܼܚܬ݀ ܐܝܼܕܟ ܗ̄ ܡܼܢ ܕܡܘܼܬܐ ܐܡܼܪܗܿ ܕܗܿܢܘܿܢ ܐܝܠܝܢ ܕܒܿܬܪ ܕܡܪܓܫܝܼܢ ܒܡܚܘܿܬܐ ܕܗܿܘܝܐ 311 ܡܼܢ ܐܝܼܕ̈ܝܗܘܿܢ: ܟܕ ܝܿܐܝܐ ܐܝܼܕܐ ܒܫܪܝܐ ܐܝܟ ܕܡܼܢ ܚܡܼܬܐ ܡܕܡ ܡܬܬܙܝܼܥ ܠܡܫܼܕܐ: ܘܡܐ [] ܗ̄ ܩܘܼܪ̈ܨܠܐ ܛܥܘ̈ܢܐ ܐܢܘܢ ܕܦܓܪܐ: ܘܡܐ ܕܗܼܢܘܿܢ ܪܥܠܝܼܢ: ܠܝܬ ܩܘܡܐ ܐܘܿ ܗܠܟܬܐ ܠܒܪܢܫܐ܀ ܝܘܢܝܐ ܚܠܦ ܩܘܪ̈ܨܦܠܐ ܡܬ̈ܢܬܐ ܐܡܿܪ ܗ̄ ܒܝܕ ܡܬܢ̈ܬܐ ܡܿܥܗܕ ܠܪܓܬܐ ܕܡܢܗܿ ܐܙܕܟܝܼ ܘܓܼܪ ܥܠ ܓܢܒ ܡܬܢ̈ܬܐ ܣܝ̈ܡܢ ܟܘܼܠ̈ܝܬܐ ܡܘܠ̈ܕܢܝܬܐ ܕܪܓܬܐ: ܐܢܫܝܼ̈ܢ ܓܝܪ ܟܕ ܒܿܥܝܢ ܕܠܐ ܢܙܕܘܓܘܢܼ ܒܝܕ ܛܝܫܐ ܕܥܩܪܐ ܕܣܿܝܡܝܼܢ ܥܠ ܡܬܢ̈ܬܐ. ܘܡܡܝܼܬܝܼܢ ܠܟܘܠܝܬܗܘܿܢ. ܘܒܝܕ ܛܣܐ ܕܐܒܪܐ ܕܣܿܝܡܝܼܢ ܥܠܝܗܝܢ ܡܿܫܗܝܢ ܘܡܕܥܟܝܼܢ ܠܙܘܥܐ ܟܝܢܝܐ ܕܪܓܬܐ ܕܒܗܝܢ܀ ܢ݀ܗܓ ܗܿܘܝܬ ܡܼܢ ܢܗܡܬܗ ܕܠܒܝ ܗ̄ ܢܗܡܬܐ ܕܠܒܐ܇ ܡܘܕܥܢܝܼܬܐ ܗܿܝ ܕܩܫܝܘܼܬܗ ܕܟܐܒܐ: ܗܿܘ ܕܡܢܗ ܟܕ ܡܙܼܕܩܬ ܗܼܘܐ ܢ݀ܗܡ ܗܼ،ܐ ܘܥܿܘܐ ܐܝܟ ܟܠܒܐ܀ ܘܠܒܝ ܐܬܗܼܦܟ ܗ̄ ܡܼܢ ܠܒܝܼܒܘܼܬܐ ܠܦܣܩܣܒܪܐ ܘܠܫܦܠܘܼܬܐ܀ ܘܚܝܠܝ ܫܒܼܩܢܝ ܗ̄ ܐܡܿܪ ܥܠ ܥܡܐ ܕܫܒܩܼܗ ܘܫܢܝܼ ܠܘܬ ܐܒܝܫܠܘܡ܀ ܢܘܼܗܪܐ ܕܥܝܢ̈ܝ ܗ̄ ܪ̈ܚܿܡܝ ܘܚܒܪ̈ܝ ܥܡܨܐ ܘܐܝܚܬܘܦܝܠ ܘܕܐܟܘܬܗܘܢܿ܇ ܟܕ ܚܿܙܐ ܗܿܘܝܬ ܒܗܘܢܿ ܚܿܙܐ ܗܿܘܝܬ ܘܡܬܼܦܨܚ: ܗܿܫܐ ܐܝܬܝܗܘܢܿ ܠܘܬܝ܀ ܡܙ̄ܡ ܕܠܛ̄܆ ܐܡܝܼܪ ܟܕ ܡܬܪܕܦ ܡܢ ܫܐܘܠ ܡܿܪܬܐ ܒܗ ܕܢܣܝܒܪ ܐܘ̈ܠܨܢܐ ܕܒܝܼܫ̈ܐ ܟܕ ܠܐ ܡܪܛܢܝܼܢܢ ܕܐ݀ܛܪ ܐܘܪܚܝ ܗ̄ ܚܘܼܫ̈ܒܝ܀ ܘܠܐ ܐ݀ܚܐ ܗ̄ ܠܐ ܐܡܿܪ ܡ̈ܠܐ ܕܟܫܼܠܐ܆ ܥܠܡܘܿܢ ܪ̈ܫܝܼܥܐ ܡܨܠܚܝܼܢ ܘܙܕܝܼܩ̈ܐ ܢ݀ܦܠܝܼܢ ܒܐܝܼܕ̈ܝܗܘܢܿ []܀ ܚܫ݀ܬ ܘܐܬܟܡܿܪܬ ܗ̄ ܐܬܢܟܪܝܿܬ ܠܟ݀ܠܗܝܢ ܛܒ̈ܬܐ:ܐܝܟ ܚܪܫܐ ܠܫܼܡܥܐ܀ ܘܟܐܒܝ ܐܬܼܚܕܬ ܗ̄ ܡܬܼܚܕܬ ܗܼ،ܐ ܒܢܦܫܝ ܚܫܐ ܕܥܠ ܐܦܝ̈ ܗܿܠܝܢ: ܐܟܡܿܢ ܕܗܼܘ ܩܛܝܼܪܐ ܕܐܝܠܝܢ ܕܡܣܼܬܥܪ̈ܢ ܗܼܘ̈ܝ ܙ݀ܩܬ ܗܼܘܐ ܠܝܼ ܐܦ ܐܡܿܪ ܐܬܥܕܠ܀ ܚܡ ܠܒܝ ܗ̄ ܡܼܢ ܥܝܛܐ ܘܪܘܓܙܐ ܕܥܠ ܐܦ̈ܝ ܗܿܠܝܢ܇ ܐܝܟ ܕܒܢܘܼܪܐ ܡܫܬܓܼܪ ܗܿܘܝܬ ܠܘܬ ܟܫܼܠܐ ܘܪܛܘܼܢܝܐ܀ ܪܢܝܿܬ ܒܠܫܢܝ ܗ̄ ܪܢܝܿܬ ܒܠܒܝ ܕܙܿܕܩ: ܘܡܿܠܠܬ ܒܠܫܢܝ ܪܢܝܐ ܥܠ ܠܫܢܐ ܠܐ ܠܚܡ܀ ܪܢܝܿܬ ܗ̄ ܐܬܝܿܬ ܠܥܘܼܗܕܢܐ ܕܡܢܐ ܐܝܬܝܗܘܢܿ ܚ̈ܝܝ: ܘܚܪܬܐ ܕܢܛܝܼܪܐ ܠܝܼ: ܕܐܩܿܘܡ ܘܐ݀ܬܥܕܠ܆ ܒܨܒܘܼـܐ ܕܝܘܡܢܐ ܐܝܬܝܗܿ ܘܡܚܪ ܡܫܢܝܐ܀ ܚܘܢܝ ܡܪܝܐ ܗ̄ ܠܗ݀ܝ ܕܒܗ ܒܥܝܿܢܢ ܩܒܝܼܥܐ܇ ܝܼ݊ܥܬܐ ܕܚܝ̈ܝܢ܀ ܠܡܢܐ ܩܿܐܫ ܐܢܼܐ ܗ̄ ܕܠܘ ܒܠܚܘܕ ܕܐ݀ܪܛܢ ܠܐ ܙܕܩ ܠܝܼ: ܐܝܟ ܕܥܠ ܡܕܡ ܕܡܿܟܬܪ܇ ܐܠܐ ܘܐܦܠܐ ܦܘܫܝ ܕܒܚ̈ܝܐ ܗܿܠܝܢ ܡܬܼܒܥܐ ܠܝܼ ܕܐܚܿܙܐ ܒܝܼܫ̈ܬܐ ܕܐܝܟ ܗܿܠܝܢ܀ ܗܐ ܒܡܫܘܚܬܐ ܗ̄ ܚ̈ܝܐ ܠܐ ܡܬܚ̈ܡܐ ܝܗܒܼܬ ܠܝܼ: ܘܠܘ ܫܪ̈ܝܐ ܘܦܫܝܼ̈ܛܐ ܐܝܟ ܕܡ̈ܠܐܟܐ܀ ܬܘܼܒ ܗܐ ܒܡܫܘܼܚܬܐ ܗ̄ ܠܘܼܩܒܠ ܕܪܐ ܘܝܘܼܒܠܐ ܕܙܒ̈ܢܐ ܡܫܚܠܦܝܼܢ ܐܦ ܚ̈ܝܐ ܕܒܢܝ̈ܢܫܐ܇ ܐܡܿܪ ܟܕ ܠܐ ܫܘܝܐ ܡܫܘܼܚܬܐ ܕܩܕܡ̈ܝܐ 312 ܥܡ ܡܨܥ̈ܝܐ ܘܕܗܠܝܢ ܥܡ ܕܐܚܪ̈ܝܐ: ܘܐܦܠܐ ܚܝ̈ܐ ܕܟ݀ܠܚܕ ܡܼܢ ܕܪ̈ܐ ܕܟܿܠܗܘܿܢ ܕܒܗܘܿܢ ܫܘܝܢ ܒܚ̈ܝܐ: ܐܟܙܢܐ ܕܐܦܠܐ ܒܝܼܠܝܼܕܘܼܬܐ ܘܒܡܘܬܐ: ܒܪܡ ܚܠܝܼܛܐ ܡܕܒܪܢܘܼܬܐ ܕܐܠܗܐ ܘܝܼܕܥܬܗ ܒܟܿܠܗܘܿܢ܇ ܐܦܢ ܠܢ ܠܐ ܝܼܕܝܼܥܐ܀ ܘܦܘܫܝ ܗ̄ ܐܦܢ ܢܿܗܘܐ ܕܐܪܝܼܟܐܝܬ ܘܡܬܝܼܚܐܝܬ ܐܚܿܐ܇ ܠܘܼܩܒܠ ܚܝ̈ܐ ܕܝܼܠܟ܇ ܠܐ ܡܕܡ ܐܝܬܝܗܘܿܢ܀ ܦܘܫܐ ܠܡܩܘܝܿܢܘܼܬܐ ܕܒܚ̈ܝܐ ܩܿܪܐ܀ ܐܝܟ ܠܗܓܐ ܗ̄ ܠܗܐܓ ܠܬܢܢܐ ܩܿܪܐ: ܗܘܿ ܕܡܬܝܼܠܕ ܡܼܢ ܪܛܝܼܒܘܼܬܐ ܘܚܡܝܼܡܘܼܬܐ܇ ܐܘܿ ܠܬܢܢܐ ܘܠܠܗܓܐ ܕܡܼܢ ܦܘܼܡܐ ܢ݀ܦܩ: ܒܙܒܢ ܩܘܼܪܫܐ܀ ܡܛ݀ܠ ܕܒܨܠܡܐ ܗ̄ ܐܝܟ ܨܠܡܐ ܓܝܪ ܕܕܚܝܼܠ ܒܐܣܟܡܞ: ܘܒܩܠܝܼܠ ܛܝܿܫܐ ܡܬܼܚܒܠ: ܗܟܢܐ ܐܦ ܡܿܗܠܟ ܓܒܪܐ ܘܐܝܟ ܠܗܓܐ ܚܿܡܐ܀ ܡܙܡܘܪܐ ܕܐܪܒܥܝܢ ܥܠ ܥܡܐ ܕܒܒܠ ܡܬܼܢܒܐ. ܕܡܿܬܢܝܢ ܐܘܠ̈ܨܢܝܗܘܢܿ ܘܡܿܘܕܝܢ ܕܡܢܼܥܘ ܠܦܘܼܢܝܐ ܘܐܣܩܝܢܝ ܡܼܢ ܓܘܼܒܐ ܕܕܘܼܢܐ ܗ̄ ܒܝܕ ܓܘܼܒܐ ܡܿܘܕܥ ܥܠ ܥܡ̈ܝܼܩܘܼܬܐ ܕܐܘܼܠ̈ܨܢܐ ܕܡܢܗܘܢܿ ܐܬܚܪܪ ܕܘܝܕ܀ ܐܩܝܼܡ ܥܠ ܫܘܼܥܐ ܪ̈ܓܠܝ ܗ̄ ܕܡܛܒ̈ܥܢ ܗܼܘ̈ܝ ܒܣܝܿܢܐ܀ ܗܠ̈ܟܬܝ ܗ̄ ܒܐܪܥܐ ܕܡܘܼܠܟܢܐ܆ ܕܠܐ ܐܩܿܢܛ ܡܼܢ ܫܒܝܐ܀ ܠܐ ܨܒܝܬ ܗ̄ ܕܐܩܿܪܒ ܠܟ܆ ܒܗ݀ܝ ܕܝ݀ܕܥ ܐܢܬ ܠܡܣܟܢܘܼܬܝ ܘܒܐܬܪܐ ܕܒܗ ܡܿܫܥܼܒܕ ܐܢܼܐ܆ ܠܐ ܡܿܦܣ ܠܡܩܪܒܘܼ ܒܗ ܩܘܼܪ̈ܒܢܐ܆ ܘܐܦܠܐ ܨܒܼܝܬ ܕܐܩܿܪܒ ܠܟ ܩܘܼܪ̈ܒܢܐ: ܐܦܢ ܡܿܦܢܐ ܐܢܬ ܠܝܼ܀ ܐܕܢ̈ܐ ܗ̄ ܐܠܐ ܐܝܟ ܕܒܡܩܒܐ ܡܕܡ ܢܩܼܒܬ ܠܝܼ ܐܕܢ̈ܝ܇ ܐܚܿܘܐ ܠܟ ܡܫܬܡܥܢܘܼـܐ ܘܨܒܝܿܢܐ ܛ݀ܒܐ܀ ܗ݀ܝܕܝܢ ܗ̄ ܗ݀ܝܕܝܢ ܐܦ ܐܢܿܐ ܐܟܡܿܢ ܐܣܬܟܿܠܬ ܨܒܝܿܢܐ ܒܿܥܐ ܐܢܬ܀ ܘܠܘ ܕܒܚ̈ܐ ܐܡܿܪܬ ܕܗܐ ܗ̄ ܐܡܿܪܬ ܕܐ݀ܬܐ ܐܢܼܐ܀ ܡܛ݀ܠ ܕܒܪܝܫ ܟܬ̈ܒܐ ܗ̄ ܘܦܣܘ̈ܩܐ ܕܢܒ̈ܝܐ ܟ݀ܠܗܘܿܢ ܟܬܝܼܒ ܥܠܝ܆ ܕܦܿܢܐ ܐܢܼܐ܆ ܘܐܕܪܟܘܼܢܝ ܚܛ̈ܗܝ ܗ̄ ܚܛ̈ܗܝ ܥܫܼܢܘ ܡܼܢ ܣܥܪܐ ܕܪܝܫܝ: ܘܡܛܠܗܕܐ ܐܦ ܥܩ̈ܬܝ ܣܓܝ̈ܐܢ ܘܠܐ ܡܬܼܡ̈ܢܝܢ ܘܠܒܝ ܫܒܼܩܢܝ ܗ̄ ܕܗܘܝܿܬ ܐܝܟ ܐܢܫ ܕܠܐ ܗܘܢܐ܀ ܢܬܡܗܘܢܼ ܗ̄ ܢܬܡܗܘܢܼ ܘܢܬܕܡܪܘܢܼ ܒܒ̈ܠܝܐܙ ܡܐ ܕܟ݀ܠܗܘܿܢ ܒܢܝܢ̈ܫܐ ܕܢܬܢܘܿܢ ܚܝܿܒܘܼܬܗܘܿܢ: ܘܒܗܬܬܗܘܿܢ ܕܩܕܡ ܡܪܝܐ܀ ܡܙܡܘܪܐ ܕܡ̄ܐ. ܥܠ ܟܘܼܪܗܢܐ ܕܚܙܩܝܐ ܘܥܠ ܢܟܝܼܠܘܼܬ ܪ̈ܚܿܡܘܗܝ ܕܒܙܒܢ ܟܘܼܪܗܢܗ ܘܓܗܝܬܐ ܕܩܒܠ ܛܘܼܒܘܗܝ ܠܡܿܢ ܕܚܿܐܪ ܗ̄ ܕܝ݀ܨܦ ܠܡܛܒܘܼ: ܠܘ ܥܠ ܚܘܪܐ ܫܚܝܼܡܐ ܐܡܼܪ܀ ܟ݀ܠܗ ܡܫܟܒܗ ܗ̄ ܕܟܕ ܪܡܿܐܼ ܗܼܘܐ ܚܙܩܝܐ ܒܟܘܼܪܗܢܐ ܕܠܝܬ ܠܡܩܼܡ ܡܢܗ: ܟ݀ܠܗ ܡܫܟܒܗ ܗܦܼܟ ܗ̄ ܗܦܼܟ ܡܼܢ ܚܘܼܠܡܢܐ ܘܡܼܢ ܪܡܝܘܼܬܐ ܘܟܫܒܐ ܕܟܘܼܪܗܢܐ܆ ܠܚܘܼܠܡܢܐ ܫܪܝܼܪܐ ܗ݀ܝ ܕܗܦܼܟ ܥܠ ܩܠܝܼܠܘܼܬܐ ܘܦܫܝܼܩܘܼܬܐ ܡܿܘܕܥܐ: ܡܛ݀ܠ ܕܟ݀ܠ ܟ݀ܠܗ ܠܐ ܐܫܼܬܚܪ ܡܕܡ ܡܼܢ ܟܐܒ̈ܐ ܒܦܓܪܗ܀ ܠܝܼ ܕܝܢ ܒܬܡܝܼܡܘܼܬܝ 313 ܗ̄ ܡܛ݀ܠ ܬܡܝܼܡܘܼܬܝ ܠܡ ܕܠܐ ܗܼ،ܐ ܠܝܼ ܚܘܼܫܒܐ ܒܝܼܫܐ ܥܠܝܗܘܿܢ ܐܚܠܼܡܬܢܝ܀ ܡܙ̄ܡ ܕܡܒ̄ ܥܠ ܥܡܐ ܕܒܒܠ ܕܡܿܣܟܝܢ ܠܦܘܼܢܝܐ ܘܟܪܝܐ ܠܗܘܿܢ ܥܠ ܪܚܝܼܩܘܼܬܗܘܢ ܕܡܼܢ ܐܪܥܗܘܿܢ ܘܗܝܟܠܐ ܘܠܘ ܗܼܢܘܢ ܐܡܼܪܘ ܗܿܠܝܢ܇ ܐܠܐ ܐܝܟ ܡܿܢ ܕܦܐܐ ܗܼܘܐ ܠܗܘܿܢ ܕܗܿܟܢ ܢܐܡܪܘܢܼ ܐܝܟ ܐܝܠܐ ܕܓܿܥܐ ܥܠ ܦܨܝܼܕܐ ܗ̄ ܚܡܝܼ̈ܡܐ ܘܝܒܝܼ̈ܫܐ ܐܢܘܿܢ ܒܟܝܿܢܐ ܐܝ̈ܠܐ܆ ܘܡܬܝܐܒܝܼܢ ܠ̈ܡܝܐ: ܐܡܬܝ ܕܢܐܟܠܘܢܼ ܪ̈ܚܫܐ: ܡܪܬܐ ܓܝܪ ܕܚ̈ܘܘܬܐ ܣܿܪܒܐ ܒܫܡ̈ܝ ܚܟܗܘܿܢ: ܘܥܦܝܼܦܬܐ ܥܿܒܕܐ ܠܗܿ ܠܚܡܝܼܡܘܼܬܗܘܢܿ: ܘܥܠ ܗ݀ܝ ܐܬܚܫܚ ܒܗܕܐ ܬܚܘܝܼܬܐ܆ ܕܐܝܟ ܕܨܿܗܝܢܼ ܐܝ̈ܠܐ ܠܡܝ̈ܐ ܟܕ ܐܟܿܠܝܼܢ ܚܘ̈ܘܬܐ܆ ܗܿܟܢܐ ܨܿܗܐܼ ܥܡܐ ܠܚܙܬܟ܀ ܘܐܚܿܙܐ ܐܦܝ̈ܟ ܗ̄ ܒܐܪܥܐ ܕܡܘܼܠܟܢܐ: ܡܬܼܚܘܐ ܕܥܠܡܘܿܢ ܡܬܬܥܝܼܩܝܼܢ ܗܼܘܘ܀ ܗܿܠܝܢ ܐܬܕܟܿܪܬܟ܀ ܕܐܥܿܒܪ ܒܣܬܪܟ: ܕܐܠܗܐ ܗ̄ ܡܬܕܟܪ ܗܿܘܝܬ ܠܡ ܕܐܝܟܢ ܐܝܟ ܕܒܣܬܪܐ ܡܕܡ: ܢ݀ܛܪ ܗܼܘܝܬ ܠܝܼ ܡܼܢ ܥܡ̈ܡܐ ܕܥܿܒܪ ܗܿܘܝܬ ܥܠܝܗܘܿܢ ܠܡܐܼܙܠ ܠܐܘܪܫܠܡ܇ ܘܠܡܣܓܼܕ ܒܒܝܬܐ ܕܝܼܠܟ: ܘܕܐܝܟܢܐ ܩ̈ܠܐ ܕܬܫܒܘ̄ ܘܕܬܘܕܝܼܬܐ ܒܟܢܝܼܫܘܼܬܐ ܚܿܕܝܢ ܗܼܘܘ ܒܥܕܥ̈ܐܕܐ܀ ܡܛܠܗܢܐ ܗܿܞ ܡܛܠܗܕܐ ܬܘܼܒ ܡܬܼܛܪܦ ܗܿܘܝܬ ܘܡܬܼܕܠܚ܇ ܟܕ ܡܬܼܕܟܪ ܗܿܘܝܬ ܠܟ ܒܝܕ ܐܪܥܐ܆ ܘܝܘܪܕܢܢ ܢܗܪܐ ܘܚܪܡܘܿܢ ܛܘܼܪܐ ܙܥܘܪܐ ܗ݀ܘ ܕܥܠܘܗܝ ܒܿܢܐܼ ܗܝܟܠܐ ܘܡܬܼܕܟܪ ܗܿܘܝܬ ܕܝܢ: ܐܦ ܕܐܝܟܢܐ ܐܬܬܨܝܼܕܬ ܒܗܝܢ ܒܕܘܼܟܝ̈ܬܐ ܡܼܢ ܫܒ̈ܝܐ܀ ܗܿܢܘܿܢ ܕܐܝܟ ܬܗܘܡܐ ܘܩܠܐ ܕܡܝ̈ܐ ܣܓܝ̈ܐܐ ܠܟܿܠܗܿ ܐܪܥܐ ܐܛܝܼܦܘ ܘܠܢ ܓܪܦܘ܀ ܬܗܘܡܐ ܗ̄ ܓܘ̈ܕܐ ܫܒ̈ܝܐ ܕܚܕܐ ܠܚܕܐ ܩܪ̈ܝܢ ܗܼܘ̈ܝ ܘܡܬܼܟܢܫ̈ܢ ܥܠܝ܀ ܟ݀ܠܗܘܢܿ ܡܚܫ̈ܘܼܠܝܟ ܗ̄ ܓܘܼ̈ܕܐ ܘܡܫܪ̈ܝܬܐ ܕܒܒ̈ܠܝܐ ܥܠܝ ܥܒܼܪܘ܀ ܕܐܠܗܐ ܩܼܪܐ ܐܢܘܿܢ܇ ܡܛ݀ܠ ܕܗܼܘ ܫܒܼܩ ܐܢܘܿܢ ܕܢܐܬܘܿܢ܀ ܒܐܝܼܡܡܐ ܢܦܩܘܿܕ ܪ̈ܚܡܘܗܝ ܥܠܝܢ܆ ܒܠܠܝܐ ܬܫܒ̈ܚܬܗ ܐܡܿܪܝܼܢܢ ܒܐܘܪܫܠܡ܀ ܥܡܝ ܨܠܘܿܬܐ ܗܿܘ ܗ̄ ܥܡܝ ܐܝܬ ܐܦ ܨܠܘܿܬܐ܇ ܐܦ ܟܕ ܐܝܿܬܝ ܒܫܒܝܐ܀ ܡܙܡܘܪܐ ܕܡܓ̄ ܥܠ ܥܡܐ ܡܬܼܢܒܐ. ܕܫܿܐܠܝܢ ܕܢܗܼܘܐ ܠܗܘܢܿ ܕܝܼܢܐ ܥܠ ܒܥ̈ܠܕܒܒܝܗܘܢܿ ܕܘܢܼ ܐܠܗܐ ܕܝܼܢܝ ܗ̄ ܡܼܢ ܒܥ̈ܠܕܒܒܐ ܕܐܝܬܝܗܘܢܿ ܒܒܠ̈ܝܐ܀ ܘܬܒܥ ܬܒܥܬܝ ܗ̄ ܡܼܢ ܐܝܼܕ̈ܝܗܘܢܿ܇ ܕܠܐ ܥܒܼܕܘ ܥܠܝ ܪ̈ܚܡܐ܀ ܫܕܪ ܢܘܼܗܪܟ ܗ̄ ܥܘܼܕܪܢܟ ܫܪܝܼܪܐ܀ ܘܢܒܝܐܘܢܢܝ ܗ̄ ܕܐܝܿܬܝ ܒܚܫܘܼܟܐ ܕܥܩ̈ܬܐ܀ ܡܙ̄ܡ ܕܡܕ̄ ܐܡܝܼܪ ܥܠ ܥܡܐ ܕܟܕ ܒܛܒ̈ܬܐ ܐܬܒܼܣܡܘ ܒܬܪ ܦܘܼܢܝܐ: ܬܘܼܒ ܗܦܼܟܘ ܠܛܘܼܥܝܝ ܘܐܢܫ̈ܝܢ ܡܢܗܘܢܿ ܒܨܒܝܿܢܗܘܢ. ܐܙܠܘ ܐܩܝܼܡܘ ܩܝܿܡܐ ܥܡ ܐܢܼܛܝܟܘܿܣ ܐܦܝܩܐܢܝܘܿܣ ܐܟܡܐ ܕܡܠܦ ܟܬܒܐ ܕܡܩ̈ܒܝܐ܆ ܐܡܪܘ ܒܢܦܫܗܘܢ ܕܡܼܢ ܝܘܡܐ ܕܦܪܫܢ ܡܼܢ ܥܡ̈ܡܐ ܐܫܼܟܚܢ ܟܿܠ ܒܝܼܫ̈ܢ. ܘܐܦܣܼ ܠܗܘܿܢ 314 ܐܢܛܝܟܘܿܣ ܕܢܒܢܘܿܢ ܥܠܬܐ ܠܙܘܣ ܘܟܕ ܩܪܒ ܚܕ ܡܢܗܘܢܿ ܕܢܕܒܚ܀ ܡܬܝܼܬܐ ܪܬܼܚ ܒܛܢܢܐ: ܘܩܼܛܠ ܠܝܼܣܪܠܝܐ ܕܕܒܿܚ ܘܠܡܕܪܐ ܕܐܢܛܝܟܘܿܣ܇ ܘܒܿܬܪ ܡܘܬܗ ܐܓܥܼܠ ܪܝܫܢܘܼܬܗ ܠܒܪܗ ܝܗܘܕܐ܇ ܘܟܕ ܙܥܘܼܪ̈ܐ ܗܼܘܘ ܕܥܡܗ ܒܚܝܠܐ ܕܐܠܗܐ܇ ܙܟܘ ܠܓܘܼ̈ܕܐ ܕܝܘܢ̈ܝܐ ܐܬܩܪܝܼܘ ܡܩܒ̈ܝܐ ܗ̄ ܛܢ̈ܢܐ ܘܡܼܢ ܦܪܨܘܦ ܗܿܠܝܢ ܡܬܼܢܒܐ ܕܘܝܕ ܠܗܢܐ ܡܙ̄ܡ ܕܡܿܬܢܝܢ ܚܫ̈ܝܗܘܢܿ܇ ܘܫܿܐܠܝܼܢ ܡܢܗܘܢܿ ܓܗܝܬܐ ܐܠܗܐ ܫܡܼܥܢܢ ܒܐܕܢܝ̈ܢ ܗ̄ ܐܦܢ ܒܥܝܢ̈ܝܢ ܠܐ ܚܙܼܢ܇ ܐܠܐ ܡܼܢ ܬܫܥ̈ܝܬܐ ܕܟܬܝܼܒ̈ܢ܆ ܠܟܿܠܗܝܢ ܫܡܼܥܢ ܘܝܼܕܥܢ܀ ܘܐܦ ܐܒܗ̈ܝܢ ܗ̄ ܬܗܝܼܪ̈ܬܐ ܕܥܒܼܕܬ ܒܝܘܡ̈ܝܗܘܿܢ܀ ܢܘܼܗܪܐ ܕܐܦܘ̈ܗܝ ܐܡܿܪ܇ ܠܓܠܝܢܗ ܦܨܝܼܚܐ ܕܥܠܝܗܘܿܢ܆ ܕܨܒܼܐ ܒܗܘܢܿ ܘܥܕܪ ܐܢܘܿܢ܀ ܙܒܼܢܬ ܠܥܡܟ ܗ̄ ܐܝܟ ܨܒܘܼـܐ ܕܠܐ ܚܿܫܚܐ ܠܙܘܼܒܢܐ ܐܦܠܐ ܠܚܘܼܠܦܢܐ܇ ܗܟܢ ܐܬܚܼܫܒܢ ܒܗܢܐ ܙܒܢܐ: ܒܕܡܘܼܬ ܐܝܠܝܢ ܕܠ̈ܥܒܕܐ ܒܝܼܫ̈ܐ܇ ܒܠܥܕ ܛܝܡ̈ܝ ܘܬܚܠܘܼܦܐ ܫܿܒܩܝܼܢ ܠܗܘܢܿ܀ ܒܐܬܪܐ ܬܢܝܢܐ ܗ̄ ܕܐܦ ܫܒܩܼܬܘܿܢ ܕܢܬܡܼܟܟ ܬܢܝܢܘܼܬ ܒ݀ܬܪ ܦܘܼܢܝܢ ܕܡܼܢ ܒܒܠ܀ ܘܟܣܝܼܬܢ ܗ̄ ܒܝܕ ܐܘܠܨܢܐ ܡܿܡܛܝܢ ܠܡܘܬܐ܇ ܐܠܐ ܚܢܢ ܛܥܝܢ ܠܫܡܝܐ ܕܐܠܗܢ܇ ܐܬܪܐ ܬܢܝܢܐ ܩܿܪܐ: ܠܗ݀ܘ ܕܡܼܢ ܒ݀ܬܪ ܥܘܼܡܪܐ ܕܬܢܝܐ ܕܒܐܪܥܗܘܢܿ ܣܒܼܠܘ ܗܿܠܝܢ ܒܝܼܫ̈ܬܐ: ܝܘܢܝܐ ܒܐܬܪܐ ܒܝܼܫܐ ܗ̄ ܒܟܘܼܪ̈ܗܢܐ܀ ܡܛ݀ܠ ܕܡܟܼܬ݀ ܗ̄ ܐܦ ܥܕܡܐ ܠܗ ܠܥܦܪܐ܀ ܐܬܡܼܟܟܢ ܘܢܚܼܬܢ ܗ̄ ܐܡܿܪ ܕܥܒܝܼܕܝܼܢܢ ܕܘܫܐ ܘܡܥܒܪܬܐ ܠܒܥ̈ܠܕܒܒܝܢ܇ ܘܢܦܠܢܢ ܒܐܪܥܐ܀ ܡܙ̄ܡ ܕܡܗ̄ ܐܡܝܼܪ ܥܠ ܡܫܝܚܐ ܘܥܠ ܡܬܝܼܬܗ ܐܚܪܝܬܐ. ܘܥܠ ܥܕܐ ܘܟܿܗܢܘܼܬܐ ܘܒܬܘܼܠܘܼܬܐ ܝܘܕ̈ܝܐ ܒܫܢܝܼܘܬܗܘܢ ܥܠ ܫܠܝܡܘܿܢ ܘܐܢܬܬܗ ܡܨܪܝܬܐ ܡܣܩܝܼܢ ܗܼܘܘ ܠܗ ܘܠܐ ܫܪܝܪܝܢ ܐܒܥ ܠܒܝ ܗ̄ ܡܼܢ ܥܘܼܡ̈ܩܐ ܕܬܪܥܝܼܬܝ ܦܬܓ̈ܡܐ ܕܠܚܡܝܼܢ ܠܪܒܘܼܬ ܥܒܿܕ̈ܘܗܝ ܕܡܫܝܼܚܐ ܐܡܿܪ ܐܢܼܐ܀ ܘܗܕܐ ܠܐ ܡܨܝܐ ܕܥܠ ܫܠܝܡܘܿܢ ܬܬܐܡܪܝ: ܡܛ݀ܠ ܕܠܘ ܩܘܼܠ̈ܣܘܗܝ ܘܕܐܢܬܬܗ ܐܝܬܝܗܘܿܢ ܦܬܓܡ̈ܐ ܛܒ̈ܐ܀ ܐ݀ܡܪ ܥܒܿܕ̈ܝ ܡܠܟܐ ܗ̄ ܠܡܠܟܐ ܐܘܿܟܝܼܬ ܠܡܫܝܼܚܐ ܐܡܿܪ ܐܢܼܐ ܥܒܿܕ̈ܝ ܐܘܿܟܝܼܬ ܢܒܝܘܼܬܝ: ܐܦ ܓܝܪ ܡܠܦܢܘܼܬܐ ܘܐܦܣܩܘܦܘܼܬܐ ܥܒܿܕ̈ܐ ܛܒ̈ܐ ܩܿܪܐ ܠܗܿ ܦܘܠܘܿܣ: ܡ̈ܠܐ ܕܢܒܝܘܼܬܐ ܠܗ ܠܡܠܟܐ ܡܿܩܪܒ ܐܢܼܐ܇ ܘܥܠܘܗܝ ܡܬܼܢܒܐ ܐܢܼܐ܀ ܬܘܼܒ ܐܡܿܪ ܥܒܿܕ̈ܝ ܡܠܟܐ ܗ̄ ܥܒܿܕ̈ܐ ܐܘܿܟܝܼـ ܬܕܡܪ̈ܬܐ ܕܥܬܝܼܕ ܠܡܣܼܥܪ܀ ܠܫܢܝ ܩܢܝܗ ̈ܞ ܪܘܼܚܐ ܩܕܝܼܫܐ ܕܐܝܼܬ̄ܘ ܣܦܪܐ ܘܡܢܗ ܢ݀ܒܥܝܼܢ ܟ݀ܠ ܝܘܼܠ̈ܦܢܝܼܢ܇ ܐܝܟ ܩܢܝܐ ܐܚܝܼܕ ܠܠܢܫܝ ܘܗܘܼ ܚܠܦ ܕܝܘܬܐ ܡܛܥܢ ܠܗ ܣܘܼ̈ܟܠܐ ܘܓܿܠܦ ܒܗ ܫܡ̈ܗܐ ܕܠܚܡܝܼܢ ܠܪܒܘܬܗ ܕܡܫܝܼܚܐ ܗ̄ ܫܦܝܼܪ ܒܚܙܘܗ ܗ̄ ܒܫܘܼܦܪܐ ܕܣܥܘܪܘܼܬ ܬܕܡܪ̈ܬܐ ܕܒܗܝܢ ܡܬܝܼܕܥܐ ܫܦܝܼܪܘܼܬܗ ܘܡܬܘܡܝܘܼܬܗ܀ ܬܘܼܒ ܫܦܝܪ ܒܚܙܘܗ ܗ̄ ܒܙܝܼܘܐ ܘܡܝܬܪܘܬܐ ܕܢܣܼܟ ܥܠ ܢܦܫܐ ܕܠܗ ܐܬܼ̇ܚܝܕܬ݀܀ ܐܬܼܢܣܟܘ 315 ܪ̈ܚܡܐ ܗ̄ ܡܠܦܢܘܬܟ ܟܿܠܗܿ ܪ̈ܚܡܐ ܡܠܝܐ ܕܡܙܕܩܐ ܠܚܛ̈ܝܐ܀ ܐܪܡܐ ܣܝܦܐ ܗ̄ ܐܣܘܿܪ ܣܝܦܐ ܕܪܘܚܐ ܒܒܣܪ܇ ܘܐܝܟ ܓܢܒܪܘܼܬܟ ܣܚܘܿܦ ܠ̈ܫܐܕܐ܀ ܗܕܪܟ ܗ̄ ܕܐܦܢ ܡܿܠܐܼ ܩܠܝܼܠ ܡܬܬܼܚܕ ܐܢܬ ܒܐܝܼܕ̈ܝ ܨܠܘ̈ܒܐ: ܐܠܐ ܐܝܟ ܗܪܕܐ ܘܫܘܼܒܚܐ ܕܚܘܝܼܬ ܩܕܡ ܚܫܐ ܒܝܕ ܬܕܡܪ̈ܬܐ: ܗܿܟܘܬ ܐܦ ܠܡܘܬܐ ܙܟܿܐ ܐܢܬ܇ ܘܗ݀ܝ ܕܫܘܒܚܟ ܕܐܡܼܪܗܿ ܥܦܝܼܦܐܝܬ ܐܟܡܿܢ ܕܫܘܼܒܚܗ ܠܐ ܡܬܼܡܠܠܢܐ ܗܿܘ܀ ܪܟܼܒ ܥܠ ܡܠܼܬܐ܀ ܘܡܘܼܟܟܐ ܗ̄ ܥܠ ܐܦܝ̈ ܡܠܼܬܐ ܕܫܪܪܐ ܕܡܿܟܪܙ ܗܼܘܐ: ܘܥܠ ܐܦܝ̈ ܡܟܝܼܟܘܼܬܐ ܓܡܝܼܪܬܐ ܕܡܿܠܦ ܗܼܘܐ ܙܩܦܘܼܗܝ ܝܘܕ̈ܝܐ ܘܪܟܼܒ ܥܠ ܩܝܣܐ܀ ܢܡܘܿܣܟ ܒܕܚܼܠܬܐ ܗ̄ ܐܢܬ ܠܡ ܒܚܝܠܐ ܕܝܡܝܼܢܟ ܫܼܪܬܐ ܠܢܡܘܿ݀ܣܝܟ ܫܼܪܬܐ: ܕܒܕܚܠܼܬܐ ܠܘ ܒܒܣܝܢܐ ܢܬܢܛܪܘܢܼ܇ ܓܐܪ̈ܝܟ ܫܢܝܼܢܝܼܢ ܒܠܒܐ ܗ̄ ܗ݀ܘ ܓܝܪ ܕܡܿܥܙܐܙ ܘܩܿܐܡ ܒܩܪܒܐ܆ ܒܠܒܗ ܒܿܠܥ܆ ܗܕܐ ܓܕܫܼܬ݀ ܠܝܘ̈ܕܝܐ ܕܠܐ ܐܘܕܝܼܘ ܒܡܫܝܼܚܐ܀ ܗ݀ܝ ܕܥܡ̈ܡܐ ܢܦܠܚܘܢܼ ܬܚܘܿܬܝܟ ܗ̄ ܒܡܨܥܬܐ ܣܝܼܡܐ: ܒܪܡ ܗܪܟܐ ܙܕܩ ܕܬܬܛܟܣܝ ܡܐ ܓܝܪ ܠܡ ܕܡܬܼܚܪܒܝܼܢ ܝܘܕ̈ܝܐ ܘܡܬܒܕܪܝܼܢ܆ ܗܿܝܕܝܢ ܢ݀ܦܠܝܼܢ ܘܡܫܬܥܒܕܝܼܢ ܥܡܡ̈ܐ ܠܡܪܘܬܟ܀ ܟܘܼܪܣܝܟ ܐܠܗܐ ܗ̄ ܠܐ ܬܬܚܼܫܒ ܕܚܕܬܐܝܬ ܩܢܼܗܿ ܠܡܠܟܘܼܬܐ ܐܠܐ ܡܬܘܡܐܝܬ ܥܡܗ ܗܝܼ: ܘܠܐ ܥܿܒܪܐ ܡܠܟܘܼܬܗ܀ ܫܒܛܐ ܦܫܝܼܛܐ ܕܕܗܒܐ ܐܚܿܕܝܼܢ ܒܐܝܼܕ̈ܝܗܘܢܿ ܠܐܬ݀ܐ ܕܫܘܼܠܛܢܐ ܕܝܼܠܗܘܿܢ ܗܿܟܢ ܐܡܿܪ ܥܠ ܡܫܝܼܚܐ ܕܐܝܟ ܦܫܝܼܛܘܼܬܐ ܕܐܠܗܘܼܬܟ: ܗܿܟܢܐ ܐܝܬܝܗܿ ܐܦ ܬܪܝܼܨܘܬܐ ܕܡܠܟܘܼܬܟ܀ ܡܫܝܚܟ ܐܠܗܐ ܗ̄ ܐܬܡܼܫܚ ܒܒܣܪ: ܒܪܘܩܐ ܩܕܝܫܐ ܗܿܘ ܡܫܚܐ ܕܚܕܘܿܬܐ ܕܫܘܼܚܠܦܐ ܡܿܩܒܠ܀ ܡܘܪܐ ܗ̄ ܒܝܕ ܡܘܼܪܐ ܥܠ ܚܫܗ ܡܿܒܕܩ܇ ܕܡܢܗ ܐܝܟ ܕܒܩܣܝܐ ܘܐܣܛܩ̈ܛܐ ܠܠܒܘܼ̈ܫܘ̄ ܐܘܟܝܼܬ ܠܦܓܪܐ: ܕܚܝܕ ܠܗ ܡܒܣܡܝܼܢ܇ ܕܡܢܗ ܪܝܚܐ ܒܣܝܼܡܐ ܡܚܼܐ ܠܬܒܝܼܠ܀ ܐܣܛܩ̈ܛܐ ܐܣܚܝܼܬ܀ ܩܣܝܐ ܡܫܠܚܬܐ܀ ܡܼܢ ܗܝܟܠܟ ܪܝܫܝܐ ܗ̄ ܡܼܢ ܠܘܬܝ ܕܝܼܠܝ ܐܠܗܐ ܚܕܝܘܟ ܠܟ ܡܫܝܼܚܐ: ܟܿܠ ܥܡ̈ܡܐ ܕܒܿܢܝܢ ܗܝܟܠܐ ܥܠ ܫܡܟ ܡܼܢ ܚܕ ܗܝܟܠܐ: ܥܠ ܣܓܝ̈ܐܐ ܪܡܿܙ܀ ܒܪܬ ܡܠܟܐ ܒܫܘܼܒܚܐ ܗ̄ ܡܼܢ ܚܕܐ ܒܪܬ ܡܠܟܐ܇ ܪܡܿܙ ܥܠ ܣܓ̈ܝܐܬܐ ܕܩܝܡ̈ܢ ܘܡܫܒ̈ܚܢ ܠܗ܀ ܘܡܠܟܬܐ ܗ̄ ܐܟܙܢܐ ܕܡܠܟܐ ܩܿܪܐ ܠܡܫܝܼܚܐ܇ ܐܦ ܡܠܟܘܬܐ ܠܥܕܬܐ ܗܿܝ ܕܐܬܢܩܼܦܬ݀ ܠܗ ܒܗܝܡܢܘܼܬܐ܆ ܘܒܗ݀ܝ ܕܡܼܢ ܝܡܝܼܢܟ܇ ܚܘܝܼ ܡܝܬܪܘܬ ܕܪܓܗܿ ܘܐܝܼܩܪܗܿ ܘܥܘܼܕܪܢܐ ܕܒܟ݀ܠܙܒܢ ܡܿܘܫܛ ܗܼܘܐ ܠܗܿ ܒܝܡܝܼܢܗ܆ ܐܦ ܓܝܪ ܒܟܿܠܕܘܼܟ ܒܕܘܼܟܬ ܥܕܬܐ ܐܘܟܝܼܬ ܟܢܘܼܫܝܐ ܘܐܢܬܬ: ܩܿܪܝܢ ܟܬܒ̈ܐ ܠܡܗܝ̈ܡܢܐ ܒܥܬܝܼܩܬܐ ܘܒܚܿܕܬܐ: ܐܝܟ ܗ݀ܝ ܕܡܿܢ ܕܐܝܬ ܠܗ ܟܠܬܐ ܚܬܢܐ ܗܿܘ: ܘܗܝܼ ܠܐ ܗܼܘܬ݀ ܐܢܬܬܝ܆ ܠܘ ܟܕ ܒܢܩܼܦܐ ܦܓܪܢܝܐ ܩܪܝܼܒܝܼܢ ܠܗ܇ ܐܠܐ ܒܗܝܡܢܘܼܬܐ 316 ܘܒܢܩܦܐ ܪܘܚܢܝܐ܀ ܒܠܒܘܼܫܐ ܕܕܗܒܐ ܗ̄ ܝܿܗܒ ܠܗܿ ܛܝܒܘܼـܐ ܕܪܘܼܚܐ܇ ܘܐܠܒܫܗܿ ܠܐ ܡܝܘܿܬܘܼܬܐ܆ ܫܡܥܝ ܒܪܬܝ ܗ̄ ܒܩܠܗ ܕܚܬܢܐ܀ ܘܚܙܝ ܗ̄ ܐܝܠܝܢ ܕܢܣܝܒܪ ܡܛ݀ܠܬܟܝ܀ ܘܨܠܝ ܗ̄ ܠܫܡܼܥܐ ܕܡܠܦܢܘܼܬܗ܀ ܒܪܬ ܨܘܪ ܗ̄ ܕܡܼܢ ܨܘܪ ܐܝܬܝܗܿ ܗܼܘܬ݀ ܛܒܝܼܒܬܐ ܒܥܘܼܬܪܐ ܘܒܓܐܝܘܼܬܐ: ܥܠ ܟܿܠܗܘܿܢ ܡܫܒ̈ܚܐ ܘܢܨܝܼܚ̈ܐ ܕܒܥܡ̈ܡܐ ܐܡܿܪ܀ ܟ݀ܠܗ ܫܘܼܒܚܗܿ ܗ̄ ܠܘ ܡܼܢ ܠܒܪ ܐܝܼܬܘܗܝ: ܐܝܟ ܒܪܬ ܝܣܪܐܝܠ ܒܢܦܫܗܿ ܢܩܝܼܦܐ ܗܕܐ ܠܚܬܢܐ܇ ܐܟܡܐ ܕܐܦ ܫܘܼܒܚܐ ܕܝܗܼܒ ܠܗܿ ܠܘ ܬܨܒܝܼܬܐ ܗܿܘ ܕܦܓܪܐ܇ ܐܠܐ ܛܝܒܘܼܬܐ ܡܚܟܡܢܝܼـܐ ܕܢܦܫܐ܀ ܡܨܒܬ ܠܒܘܼܫܗܿ ܗ̄ ܡܿܠܐ ܠܗܿ ܛܝܒܘܼܬܐ ܕܪܘܼܚܐ ܕܡܢܗܿ ܡܫܟܚܐ ܠܡܓܼܡܪ ܡܝܬܪܘܬܐ܀ ܒܩܘܼܪ̈ܒܢܐ ܬܐܙܼܠܝ ܗ̄ ܘܗܝܼ ܥܕܬܐ ܚܠܦ ܗܿܠܝܢ܇ ܡܬܚܼܦܛܐ ܕܬܐܙܼܠܝ ܒܿܬܪ ܚܘܼܒܗ ܕܡܫܝܼܚܐ: ܟܕ ܒܟܿܠ ܩܘܼܪ̈ܒܢܝܼܢ ܢܦܫ̈ܢܝܐ ܡܝܿܩܪܐ ܠܗ܀ ܘܢܘܒ̈ܠܢ ܒܬܘܼܠ̈ܬܐ ܗ̄ ܠܘ ܡܕܡ ܕܠܒܪ ܡܢܗܘܿܢ ܡܩܪܒܝܼܢ: ܐܠܐ ܗܼܢܘܿܢ ܩܢܘܼܡܗܘܿܢ ܐܝܟ ܩܘܼܪ̈ܒܢܐ ܡܩܪܒܝܼܢ ܠܗ ܒܬܘܼܠܘܼܬܗܘܿܢ܇ ܐܦ ܓܝܪ ܒܢܡܘܿܣܐ ܗܿܠܝܢ ܕܒܚ̈ܐ ܡܝܬܪܝܼܢ ܗܼܘܘ ܒܚܝ̈ܘܬܐ: ܐܝܠܝܢ ܕܠܐ ܥܕܟܝܼܠ ܐܙܕܘܓܘ܇ ܘܠܒܬܘܼܠܘܼܬܐ ܐܬܥܼܗܕܘ ܐܟܡܿܢ ܕܡܼܢ ܟ݀ܠܗܝܢ ܡܝܬܪ̈ܬܐ ܡܥܠܝܐ: ܘܩܫܝܐ ܠܢܛܘܪܘܼܬܐ: ܘܥܠ ܬܓܡܐ ܕܢܫ̈ܐ ܣܡܗܿ ܠܒܬܘܼܠܘܼܬܐ܇ ܡܛ݀ܠ ܕܠܗܝܢ ܦܐܝܐ ܢܟܦܘܼܬܐ ܝܬܝܪ ܡܼܢ ܓܒܪ̈ܐ: ܒܬܪܗܿ ܗ̄ ܒܬܪܗܿ ܕܥܕܬܐ܀ ܘܢܐܙ̈ܠܢ ܒܚܕܘܿܬܐ ܗ̄ ܟܕ ܚܕ̈ܝܢ ܘܪ̈ܘܙܢ܇ ܪܕܝܢ ܒܐܘܪܚܐ ܥܣܩܬܐ ܕܒܬܘܼܠܘܼܬܐ܀ ܠܗܝܟܠܗ ܗ̄ ܠܥܘܼܡܪܐ ܕܫܡܝܐ܀ ܘܒܿܬܪ ܒܬܘܠܘܼܬܐ ܐܡܼܪ ܥܠ ܟܗܢܘܼܬܐ ܕܒܐܝܕ̈ܝܗܿ ܡܫܼܬܡܠܝܢ ܐܪ̈ܙܐ ܕܥܕܬܐ܀ ܚܠܦ ܐܒܗܝ̈ܟܝ ܗ̄ ܥܕܬܐ ܚܠܦ ܟܘܡܼܗܐ ܕܡܼܢ ܐܗܪܘܢ ܘܩܨܘ̈ܡܐ ܕܡܼܢ ܥܡܡ̈ܐ܀ ܢܗܘܘܿܢ ܒܢܝܟ̈ܝ ܗ̄ ܟܗ̈ܢܐ ܕܫܪܪܐ: ܕܡܼܢ ܥܡܐ ܘܥܡܡ̈ܐ ܩܡܼܘ܀ ܥܒܕ ܐܢܘܿܢ ܫܠ̈ܝܼܛܐ ܗ̄ ܕܡܬܕܟܪܝܼܢ ܠܫܡܗ ܕܡܫܝܚܐ ܒܟܿܠܗܘܿܢ ܕܪ̈ܐ: ܘܡܣܼܬܓܕ ܡܼܢ ܟܿܠܗܘܢܿ ܥܡܡ̈ܐ ܕܐܝܼܬ̄ܘ ܐܠܗܐ ܕܐܬܒܼܣܪ܀ ܡܙ̄ܡ ܕܡܘ̄܆ ܐܡܝܼܪ ܒܙܒܢ ܐܚܙ. ܦܩܚ ܡܠܟܐ ܕܥܣܪܐ ܫܒܛ̈ܝܼܢ. ܩܼܪܐ ܠܥܘܕܪܢܗ ܠܪܐܨܢ ܡܠܟܐ ܕܐܪ̈ܡܝܐ ܐܘܿܟܝܼܬ ܣܘܪ̈ܝܝܐ. ܘܣܠܼܩܘ ܥܠ ܐܘܪܫܠܡ. ܐܠܗܐ ܢܛܪܗܿ ܠܡܠܟܘܼܬܐ ܕܝܼܗܘܕܐ܆ ܠܘ ܡܛܠ ܐܚܙ ܐܠܐ ܡܛܠ ܫܘܘ̈ܕܝܐ ܕܠܘܬ ܕܘܝܕ. ܘܟܕ ܐܬܘ ܐܬܘܪ̈ܝܐ ܥܠܝܗܘܿܢ ܗܦܼܟܘ ܟܕ ܠܗܿܠܝܢ ܒܪܘܼܚܐ ܚܼܙܐ ܕܘܝܕ܆ ܡܼܢ ܦܪܨܘܦܐ ܕܐܚܙ ܘܕܝܘ̈ܕܝܐ ܐܡܪ ܐܠܗܢ ܒܝܬ ܓܘܣܢ ܥܫܝܼܢܐ ܗ̄ ܐܦܢ ܝܣܪ̈ܠܝܐ ܗܿܟܢ ܐܬܚܼܫܒܘ ܥܠܝܢ ܘܠܐ ܐܬܟܚܼܕܘ ܡܼܢ ܐ̱ܚܝܢܘܼܬ ܓܢܣܐ: ܐܠܐ ܚܢܢ ܡܕܡ ܠܐ ܐܣܬܓܼܦܢ ܒܗ݀ܝ ܕܐܢܬ ܒܝܬ ܓܘܣܢ ܥܫܝܼܢ ܐܢܬ܇ ܙܝܿܥܝܼܢ ܛܘܼܪ̈ܐ ܗ̄ ܛܘܼܪ̈ܐ ܩܿܪܐ ܠܦܩܚ ܘܠܪܐܨܢ܀ ܘܠܒܐ ܕܝܡ̈ܡܐ ܠܣܘܿܓܐܐ ܕܡܫܪܝܼܬܗܘܿܢܼ܇ ܠܒܐ ܕܝܡܐ ܐܝܬܘܗܝ ܥܘܼܡܩܗ ܘܡܨܥܬܗ 317 ܕܝܡܐ܀ ܢܬܕܠܚܘܢܼ ܗ̄ ܐܦܢ ܢܬܕܠܚܘܢܼ ܒܣܓܝܐܘܬܗܘܢ ܠܡܐܼܬܐ ܥܠܝܢ: ܐܠܐ ܢܬܦܢܘܿܢ ܒܡܙܕܟܝܿܢܘܼܬܐ ܠܐܬܪܗܘܿܢ܀ ܘܢܙܘܼܥܘܢܼ ܛܘܼܪ̈ܐ ܗ̄ ܦܩܚ ܘܪܐܨܢ ܒܥܘܼܫܢܗ ܗ̄ ܡܼܢ ܥܘܼܫܢܗ ܕܡܪܝܐ ܗ݀ܘ ܕܐܣܼܩ ܬܦ̈ܐ ܕܐܝܬܝܗܘܿܢ ܐܬܘܪ̈ܝܐ܆ ܘܓܠܝܼܘ ܠܝܣܪܐܝܠ ܘܚܕܝܼܘ ܠܡܕܝܢܬܐ ܗ̄ ܠܐܘܪܫܠܡ܀ ܐܪܝܼܡ ܩܠܗ ܗ̄ ܒܝܕ ܐܬܘܪ̈ܝܐ܆ ܘܙܥܼܬ݀ ܐܪܥܐ ܗ̄ ܘܐܙܝܼܥܗܿ ܠܐܘܪܫܠܡ ܘܠܐܪܥܐ ܕܝܣܪ̈ܠܝܐ ܕܨ݀ܒܝܢ ܗܼܘܘ ܠܡܥܼܩܪ ܠܐܘܪܫܠܡ܀ ܡܿܒܛܠ ܗ̄ ܠܟܿܠܗܿ ܐܪܥܐ ܒܬܚ̈ܘܼܡܝܗܿ ܢܛܪ ܡܼܢ ܢܟܝ̈ܢܝܗܘܢܿ ܘܩܪ̈ܒܐ ܕܡܛܝܒܝܼܢ ܗܼܘܘ ܠܡܥܒܼܕ ܥܡܢ܆ ܒܛܠ ܡܼܢ ܐܪܥܢ܀ ܡܙ̄ܡ ܕܡܙ̄ܙ܆ ܥܠ ܡܩ̈ܒܝܐ ܘܙܟܘܬܗܘܢ ܟ݀ܠܟܘܧܢ ܥܡ̈ܡܐ ܗ̄ ܠܫܒ̈ܛܐ ܩܿܪܐ ܬܢܢ ܥܡ̈ܡܐ ܢܩܫܐ ܕܟܦܐ܇ ܡܘܕܥܢܐ ܕܚܕܘܧܬܐ ܘܕܙܟܘܿܬܐ܆ ܒܿܬܪ ܓܝܪ ܕܙܟܼܘ ܠܡܩܗܕܘܢܝܐ: ܙܟܼܘ ܐܦ ܠܥܡ̈ܡܐ ܕܒܚܕܪ̈ܝܗܘܿܢ: ܕܐܬܥܼܬܕܘ ܠܡܿܘܒܕܘ ܠܙܪܗܥ ܕܝܥܒܘܿܒ܀ ܐܓܒܝܢ ܝܪܬܘܬܗ ܗ̄ ܡܛ݀ܠ ܕܒܙܝܼܙܐ ܗܼܘܬ݀ ܠܥܡܡ̈ܐ ܗܝ ܐܪܥܐ܆ ܓܒܼܗܿ ܘܦܪܫܗܿ ܠܝܘܼܬܪܢܐ ܕܒܢ̈ܝ ܝܥܩܘܿܒ ܪܚܡܗ܀ ܣܠܼܩ ܐܠܗܐ ܗ̄ ܐܬܝܼܕܥ ܪܡܐ ܕܛܒ: ܒܙܟܘܿܬܐ ܕܝܗܼܒ ܠܢ܀ ܒܩܠܐ ܕܩܪܢܐ ܗ̄ ܡܛ݀ܠ ܕܒܕܐܝܟ ܗܿܠܝܢ ܡܫܼܬܪܐ ܘܡܫܬܠܡ ܩܪܒܐ: ܡܛ݀ܠ ܕܙܟܼܐ ܡܟܝܠ܆ ܐܦ ܝܒܼܒܘ ܠܗ ܩܪ̈ܢܬܐ܀ ܡܙܡܘܪܐ ܕܡܚ̄ ܥܠ ܚܙܩܝܐ ܕܡܿܙܡܢ ܠܟܿܠܢܫ ܠܡܘܕܝܘܼ ܥܠ ܙܟܘܿܬܐ ܕܗܘܼܬ݀ ܠܗ ܪܒ ܗܼܘ ܡܪܢ ܗ̄ ܐܬܚܙܝܼ ܪܡܐ ܘܫܒܝܼܚܐ܀ ܒܩܪܝܬܗ ܗ̄ ܒܐܘܪܫܠܡ܀ ܛܘܼܪܐ ܕܒܫܦܘܼ̈ܠܝ ܗ̄ ܛܘܼܪܐ ܕܐܡܝܼܢܿܐܝܬ ܡܬܒܼܣܡܐ ܒܪܘܚܐ ܓܪܒܝܝܬܐ: ܕܡܼܢ ܠܒܢܢ ܢ݀ܫܒܐ ܒܗ܇ ܡܛ݀ܠ ܕܗܢ ܛܘܼܪܐ ܥܠܘܗܝ ܒܢܝܐ ܐܘܪܫܠܡ܆ ܕܐܝܬܝܗܿ ܩܪܝܼܬܗ ܕܡܠܟܐ܀ ܒܪܘܚܐ ܥܫܝܼܢܬܐ ܡܬܬܼܒܪ̈ܢ ܗ̄ ܬܚܘܝܼܬܐ ܗܿܝ ܗܕܐ ܗ̄ ܕܐܟܙܢܐ ܕܒܪܘܚܐ ܥܫܝܼܢܬܐ ܡܬܬܼܒܪ̈ܢ ܐ̈ܠܦܐ ܕܒܣܦܪ̈ܝ ܝܡܐ܇ ܗܿܟܢܐ ܐܦ ܐܬܘܪ̈ܝܐ܆ ܡܼܢ ܪܘܓܙܟ ܐܬܬܼܒܪܘ ܒܣܦܪ̈ܝ ܐܪܥܢ܇ ܬܪܫܝܫ ܠܣܦܪ̈ܝ ܝܡܐ ܩܿܪܐ܀ ܐܬܟܪܟܘܼܗܿ ܗ̄ ܗܕܐ ܡܼܢ ܦܪܨܘܦ ܐܬܘܪܝܐ ܐܡܝܼܪܐ ܡܗܠܢܐܝܬ: ܕܢܘܕܥ ܛܘܼܝܿܒܗ܇ ܐܝܟ ܕܗܿܘ ܕܗܕܐ ܐܡܿܪ ܐܢܼܐ ܕܙܟܼܐ ܠܚܝܠܗ ܕܡܢܼܘ ܡܓܕ̈ܠܐ ܘܦܘܪ̈ܣܐ ܕܨܗܝܘܿܢ܆ ܘܐܫܠܡܘ ܠܚܝ̈ܠܘܬܐ ܕܝܼܠܟܘܿܢ ܕܢܟܒܫܘܢܼ ܐܢܘܿܢ܀ ܘܣܝܼܡܘ ܠܟܒܘܿܢ ܗ̄ ܥܠ ܚܝܠܐ ܕܫܿܪܐܼ ܒܗ܀ ܘܥܩܘܿܪ ܣܚܪ̈ܬܗ ܗ̄ ܘܦܠܓܼܘ ܥܘܼܬܪܐ ܕܒܗܿ܆ ܗܿܠܝܢ ܡܛܝܒܝܼܢ ܗܼܘܘ ܠܡܣܼܥܪ ܐܠܘܼ ܐܨܠܼܚܘ܀ ܣܚܪ̈ܬܐ ܒ̈ܬܐ ܪܘܪ̈ܒܐ܀ ܡܙܡ̄ ܕܡܛ̄ ܡܪܬܝܢܘܼـܐ ܠܘܬ ܟܿܠ ܒܪܢܫ ܕܠܐ ܢܬܬܼܟܠܘܢܼ ܥܠ ܥܘܼܬܪܐ ܘܬܫܒܘ̄ ܕܥܠܡܐ ܪܢܝܗ ܕܠܒܝ ܗ̄ ܗܘܿ ܡܐ ܕܐܢܿܐ ܣܥܿܪܬ ܘܪܢܝܿܬ ܘܐܣܬܟܿܠܬ ܕܡܥܕܪ܇ ܡܿܠܟ ܐܢܼܐ ܠܟܿܠܢܫ ܕܢܣܥܘܿܪ܀ ܐܨܿܠܐ ܐܕܢ̈ܝ ܒܡ̈ܬܠܐ ܗ̄ ܐܟܙܢܐ ܕܨܿܠܐ ܐܢܫ ܐܕܢܗ ܠܡܐܼܠܦ ܡܬܠܐ ܕܚܟ̈ܝܼܡܐ: ܗܿܟܢܐ ܐܦ ܐܢܿܐ ܡܼܢ ܪܘܼܚܐ ܐܬܝܠܿܦܬ܆ ܟܠܿܡܐ ܕܡܿܠܦ ܐܢܼܐ ܠܐܚܪ̈ܢܐ܀ 318 ܐܘܚ̈ܕܬܝ ܗ̄ ܐܘܚ̈ܕܬܐ ܐܡܿܪ ܠܡܠ̈ܘܗܝ܇ ܐܟܡܿܢ ܕܡܕܡ ܚܠܦ ܡܕܡ ܣܿܐܡ܇ ܟܕ ܢ݀ܣܒ ܦܪܨܘܦܐ: ܘܡܿܠܒܫ ܐܣܟܡܐ ܠܨܒܘ̈ܬܐ ܘܗ݀ܝ ܓܝܪ ܕܡܿܠܦ ܠܐܚܪ̈ܢܐ ܥܠ ܦܪܨܘܦܗ ܢܣܒܼܗܿ܀ ܝܘܡ̈ܬܐ ܗ̄ ܝܘܡ̈ܬܐ ܒܝܼܫ̈ܐ: ܠܙܒܢܐ ܕܥܩ̈ܬܐ ܩܿܪܐ܀ ܚܟܝܼ̈ܡܐ ܕܡܿܝܬܝܼܢ: ܠܘ ܠܚܟܝܼܡ̈ܝ ܒܐܠܗܝ̈ܬܐ ܩܿܪܐ: ܐܠܐ ܠܗܿܢܘܿܢ ܕܡܣܬܼܒܪܝܼܢ: ܘܒܦܘܼܪ̈ܣܝܗܘܢܿ ܡܟܢܫܝܼܢ ܥܘܼܬܪܐ܇ ܟܕ ܣܟ̈ܠܐ ܘܚܣܝܼܪ̈ܝ ܪܥܝܢܐ ܩܼܪܐ ܐܢܘܿܢ܀ ܕܠܐ ܬܚܼ،ܐ ܚܒܠܐ ܗ̄ ܠܐ ܬܟܣܐ ܚܒܠܐ: ܠܡܣܡ ܒܪܝܫܐ ܢܓܝܼܪܐ ܩܿܪܐ܇ ܡܛ݀ܠ ܕܥܿܘ̈ܠܐ ܒܗܿܢܐ ܒܿܠܥܝܼܢ܀ ܩܿܪܢ ܫܡ̈ܗܐ ܗ̄ ܡܿܠܦ ܕܡܘܿܢ ܝ݀ܬܪܝܼܢ ܥܬܝܪ̈ܐ ܡܼܢ ܩܢܝܘܬܗܘܢ: ܐܡܿܪ ܕܡܥܕܝܼܢ ܥܬܝܼܪ̈ܐ ܕܢܟܢܘܢܿ ܥܠ ܫܡܗ̈ܝܗܘܢܿ ܠܐܪ̈ܥܬܗܘܿܢ ܘܠܩܘܪ̈ܝܗܘܢܿ: ܐܘܿ ܕܢܟܢܘܿܢ ܒܢܝ̈ܢܫܐ: ܐܝܟ ܕܢܬܥܗܕܘܢ ܘܢܫܬܒܚܘܢܼ ܡܼܢ ܐܚܪ̈ܢܐ܀ ܘܗܿܢܘ ܫܒܝܼܠܗܘܢܿ ܗ̄ ܕܒܗ ܡܬܬܼܩܠܐ ܢܦܫܗܘܢܿ ܘܢܿܦܠܐ܀ ܘܐܚܪܝܬ ܗ̄ ܘܐܚܝܪܝܬ ܢܕܥܘܢܼ ܡܣܡ ܒܪܝܫܐ ܠܣܒܥܐ ܚܠܦ ܡ̈ܠܐ ܒܝܼܫ̈ܬܐ ܕܐܦܼܩ ܦܘܼܡܗܘܢܿ ܥܠ ܐܠܗܐ ܘܥܠ ܡܣ̈ܟܢܐ: ܘܐܝܟ ܥ̈ܢܐ ܕܠܝܬ ܠܗܿ ܪܥܝܐ: ܢܫܬܠܡܘܢܼ ܠܫܝܘܿܠ ܘܡܘܬܐ܀ ܘܢܫܬܠܛܘܢܼ ܗ̄ ܐܦ ܬܪ̈ܝܼܩܨܐ ܘܙܕܝܼܩ̈ܐ: ܢܫܬܠܛܘܢܼ ܒܗܘܢܿ ܩܠܝܼܠܐܝܬ܀ ܨܦܪܐ ܠܩܠܝܼܠܘܼܬܐ ܩܿܪܐ ܘܐܡܿܪ ܥܠ ܫܘܼܚܠܦܐ ܩܠܝܼܠܐ ܕܡܿܕܪܟ ܠܥܬܝܼܪ̈ܐ ܒܚܝܝ̈ܗܘܢܿ܀ ܬܪ̈ܝܨܐ ܩܿܪܐ ܠܡܣܟ̈ܢܐ ܗܿܢܘܿܢ ܕܒܚ̈ܝܝܗܘܿܢ ܡܬܼܒܙܙܝܼܢ ܗܼܘܘ ܡܢܗܘܢܿ ܕܗܿܠܝܢ ܡܣܟ̈ܢܐ ܥܿܬܪܝܼܢ ܘܥܬܝܼܪ̈ܐ ܡܬܡܣܟܢܝܼܢ܇ ܡܛ݀ ܕܢܦܫܗ ܡܒܪܟ ܗ̄ ܡܫܒܚܝܼܢ ܠܗ ܣܓ̈ܝܐܐ ܘܡܩܠܣܝܼܢ ܡܛ݀ܠ ܥܘܼܬܪܗ: ܘܗܿܢܘ ܗܢܝܿܢܗ ܕܡܼܢ ܥܘܼܬܪܐ܀ ܢܘܕܐ ܠܟ ܟܕ ܬܛܠ ܠܗ ܗ̄ ܐܙܕܗܪ ܡܣܟܢܐ: ܘܐܪܚܩ ܡܼܢ ܥܬܝܼܪܐ: ܘܠܐ ܬܬܼܟܠ ܥܠ ܪܚܡܘܼܬܗ ܘܫܘܼܘ̈ܕܝܘܗܝ ܡܛ݀ܠ ܕܡܿܩܠܣ ܠܟ ܘܡܿܘܪܒ ܒܝܕ ܡܠ̈ܘܗܝ܇ ܥܕܡܐ ܕܬܛܒ ܠܗ ܒܝܕ ܩܘܼܪ̈ܒܢܝܟ ܘܐܝܩܪ̈ܐ ܕܡܿܚܘܐ ܐܢܬ ܠܗ܇ ܘܠܩܘܼܪ̈ܒܢܝܟ ܐܝܬܘܗܝ ܪܚܡܐ ܘܠܘ ܠܟ܇ ܘܡܿܠܟ ܕܠܐ ܬܒܼܥܐ ܩܪܝܼܒܘܼܬܐ ܕܥܬܝܼܪ̈ܐ ܣܟ܀ ܘܬܡܛܝܘܗܝ ܠܕܡܐ ܗ̄ ܠܐ ܬܕܚܠ ܡܼܢ ܚܡܬܗ: ܟܬܪ ܩܠܝܼܠ ܘܚܿܙܐ ܐܢܬ ܕܐܦ ܗܘܼ ܐܝܟ ܐܒܗ̈ܘܗܝ܆ ܫܿܪܟ ܠܩܒܪܐ܇ ܟܕ ܐܢܬ ܡܿܡܛܐ ܐܢܬ ܠܗ܀ ܡܙܡܘܪܐ ܕܚܡܫܝܢ: ܒܗܿܢܐ ܡܿܟܣ ܠܝܘܕ̈ܝܐ ܕܡܣܒܪܝܢ ܕܒܕܒܚ̈ܐ ܠܚܘܕ ܡܫܬܼܡܠܝܐ ܕܚܠܬ ܐܠܗܐ܆ ܘܡܒܡܣܒܪܢܘܬܐ ܗܕܐ. ܡܒܪܣܝܢ ܥܠ ܡܝܬܪ̈ܬܐ ܕܫܪܟܐ ܐܠܗ ܐ̈ܠܗܝܼܢ ܗ̄ ܐ̈ܠܗܐ܆ ܠܝܘܕ̈ܝܐ ܩܿܪܐ: ܐܠܗܐ ܗܿܘ ܕܐܘܪܒܟܘܢܿ ܘܥܒܕܟܘܢܿ ܒܢ̈ܝܐ ܕܝܼܠܗ܆ ܗܘܼ ܐܝܼܬܘܗܝ ܗܘܿ ܕܗܫܐ ܥܡܟܘܢܿ ܒܢ̈ܝܐ ܕܝܼܠܗ܆ ܗܘܼ ܐܝܼܬܘܗܝ ܗܿܘ ܕܗܫܐ ܥܡܟܘܢܿ ܡܿܡܠܠ܀ ܐܬܼܟܢܫܘ ܠܘܬܗ ܗ̄ ܟܿܠ ܒܪ̈ܝܢ ܠܒܝܬ ܕܝܼܢܗ: ܦܿܩܕ ܠܝܘܕ̈ܝܐ ܕܢܩܪܒܘܢܼ ܠܒܝܬ ܕܝܼܢܐ܀ ܓܒ̈ܘܗܝ ܗ̄ ܐܢܬܘܿܢ ܕܟܕ ܡܼܢܟ݀ܠ ܥܡܡ̈ܐ ܓܒܟܘܿܢ: ܠܐ ܐܟܫܪܬܘܿܢ ܒܒܝܬܝܘܼܬܗ܀ ܕܢܩܝܼܡܘܢܼ ܗ̄ ܘܡܠܬܝ ܠܡ ܠܘܬ ܗܿܢܘܿܢ ܐܝܬܝܗܿ: ܠܘܬ 319 ܐܝܠܝܢ ܕܣܿܒܪܝܼܢ ܕܒܕܒܚ̈ܐ ܡܫܬܡܥܝܼܢ ܩܝܡ̈ܘܗܝ ܕܐܠܗܐ ܠܘܬܗܘܢܿ: ܠܐ ܓܝܪ ܨ݀ܒܐ ܐܠܗܐ ܕܒܕܒܚ̈ܐ ܬܫܼܦܪ ܠܗ܀ ܕܒܼܚ ܠܐܠܗܐ ܗ̄ ܗܢܐ ܕܒܚܼܐ ܬܒܿܥ ܡܢܟ܇ ܒܢܦܫܟ ܠܡ ܫܦܪ ܠܐܠܗܐ܀ ܘܫܠܡ ܠܡܪܝܡܐ ܢܕܪ̈ܝܟ ܗ̄ ܙܕܩ̈ܬܐ ܕܡܫܼܬܘܕܐ ܐܢܬ ܠܡܣ̈ܟܢܐ܆ ܘܨܠ̈ܘܬܐ ܘܫ̈ܐܠܬܐ ܕܡܿܩܪܒ ܐܢܬ܇ ܥܠ ܐܦܝ̈ ܣܘܼܢܩܢܟ ܠܘܬܝܼ ܡܛܠܬܝ ܥܒܼܕ ܐܢܝܢ ܘܠܘ ܡܛ݀ܠ ܒܢܝ̈ܢܫܐ܀ ܡܙ̄ܡ ܕܢ̄ܐ܆ ܐܡܝܼܪ ܥܠ ܥܡܐ ܕܒܒܠ ܕܡܿܘܕܝܢ ܒܚܛ̈ܗܝܗܘܢ ܘܫܿܐܠܝܼܢ ܫܪܝܐ ܕܫܒ̈ܝܗܘܢܿ ܡ̈ܠܦܢܐ ܚܟܝܼ̈ܡܐ ܥܠ ܚܛܝܼܬܗ ܕܕܘܕ ܕܒܒܪܬ ܫܒܥ ܢ݀ܣܒܝܼܢ ܠܗ܀ ܙܕܝܼܩܐ ܠܡ ܘܟܐܢܐ܆ ܐܝܬܝܟ ܒܡ̈ܠܝܟ ܘܒܕܝܼܢ̈ܝܟ܇ ܒܗ݀ܝ ܕܩܕܡܬ ܣܗܼܕܬܢܝ ܘܒܿܬܪܟܢ ܐܝܬܝܼܬ ܥܠܝܢ ܫܒܝܐ܀ ܘܗ݀ܝ ܡܛ݀ܠ܆ ܠܘ ܐܝܟ ܕܒܥܼܠܬܐ ܐܡܼܪܗܿ: ܐܠܐ ܐܝܟ ܥܝܕܐ ܕܟܬܒܐ: ܕܡܕܡ ܕܡܬܝܼܠܕ ܡܼܢ ܥܠܼܬܐ ܚܠܦܝܗܿ ܕܥܠܬܐ ܣܿܐܡ ܠܗ: ܡܛ݀ܠ ܕܡܼܢ ܟ݀ܠ ܦܪܘܣ ܢܩܝܼܦ ܠܗ܇ ܡܛ݀ܠ ܕܥܡܐ ܚܼܛܐ܆ ܢܩܼܦܬ݀ ܠܚܛܝܼܬܗ ܕܢܣܬܼܒܐ܇ ܡܕܝܢ ܡܛ݀ܠ ܕܚܛܝܼܬܐ ܐܫܬܼܒܝܬ݀܀ ܘܬܙܼܟܐ ܗ̄ ܐܢܗܘܼ ܕܬܥܘܼܠ ܥܡܢ ܠܕܝܼܢܐ ܘܬܬܼܢܐ ܛܝܒ̈ܘܬܟ ܕܥܡܢ: ܡܼܢ ܡܨܪܝܢ ܥܕܡܐ ܠܗܫܐ܆ ܐܢܬ ܒܟܿܠܙܒܢ ܙܟܝܐ ܡܬܼ̇ܙܐ ܐܢܬ ܘܚܢܢ ܚܝ̈ܒܐ܀ ܕܒܥܘܠܐ ܐܬܒܛܿܢܬ ܗ̄ ܒܗܕܐ ܡܿܘܕܥ ܠܗ݀ܝ ܕܡܼܢ ܓܘܪܐ ܘܙܢܝܘܼܬܐ ܐܬܝܼܠܕܘ ܐܡܼܪ ܐܪܡܝܐ: ܕܓܒܪ ܥܠ ܒܐܢܬܬ ܚܒܪܗ ܨܿܗܠܝܼܢ ܗܼܘܘ܇ ܘܓܒܪܐ ܘܐܒܘܼܗܝ ܐܙܿܠܝܼܢ ܠܘܬ ܐܢܬܬܐ܀ ܟܣܝ̈ܬܐ ܗ̄ ܠܢܡܘ̈ܣܐ ܘܙܘܼܗܪ̈ܐ ܥܡ ܢܒܝܘܼܬܐ ܕܡܿܒܕܩܐ ܟܣܝ̈ܬܐ ܩܿܪܐ ܗܿܟܢ܀ ܪܘܼܚܟ ܩ̄ܕ ܗ̄ ܒܛܝܼܠܘܼܬܟ ܐܠܗܝܿܬܐ ܗ݀ܝ ܕܢ݀ܛܪܐ ܗܼܘܬ݀ ܠܝܼ ܐܡܝܼܢܐܝܬ: ܠܐ ܬܣܒܝܗܿ ܡܢܝ܀ ܡܙܡܘܪܐ ܕܢܒ̄ ܕܥܠ ܪܒ ܫܩ̈ܐ ܕܚܣܕ ܠܐܠܗܐ. ܟܕ ܐܬܼܐ ܠܐܘܪܫܠܡ ܠܡܢܐ ܡܫܬܼܒܗܪ ܐܢܬ ܗ̄ ܓܢ̱ܒܪ̈ܐ ܠܗ ܠܪܒ ܫܩ̈ܐ ܩܿܪܐ܆ ܡܛ݀ܠ ܕܡܫܼܬܒܗܪ ܗܼܘܐ ܘܡܬܼܚܫܒ ܥܠ ܢܦܫܗ ܪܘܪ̈ܒܬܐ܆ ܫܘܼܒܗܪܐ ܕܒܒܝܼ̈ܫܬܐ ܐܡܿܪ: ܥܠ ܠܗ݀ܝ ܕܒܐܬܪ̈ܘܬܐ ܘܒܢܨܚ̈ܢܝܗܘܢܿ ܡܫܬܼܒܗܪ ܗܼܘܐ܀ ܘܥܠ ܡܚܣܝܐ ܗ̄ ܚܙܩܝܐ܀ ܥܘܠܐ ܗ̄ ܪܘܫܥܐ ܡܬܼܚܫܒ ܐܢܬ܆ ܘܒܠܫܢܟ ܡܿܦܩ ܐܢܬ ܟ݀ܠܗ ܠܒܪ܀ ܘܐܝܟ ܡܕܟܝܐ ܕܠܛܝܼܫ ܗ̄ ܠ̈ܡܠܐ ܕܨܥܪܐ ܗ̄ ܢܟܼܠܐ ܐܡܼܪ: ܠܗ݀ܝ ܕܡܿܛܥܐ ܗܼܘܐ ܒܥܡܐ ܕܢܦܩܘܢܼ ܘܢܫܠܡܘܢ ܠܗ܀ ܐܝܟܢܐ ܕܢܐܚܘܿܕ ܠܐܘܪܫܠܡ܀ ܡܙ̄ܡ ܕܢܓ̄ ܡܿܘܕܥ ܥܠ ܡܪܚܘܼܬܐ ܪܒܬܐ ܕܐܬܘܪ̈ܝܐ ܘܕܪܒ ܫܩ̈ܠܐ ܘܡܣܡܒܪܝܫܐ ܕܩܒܼܠܘ ܐܬܚܼܒܠܘ ܗ̄ ܡܚܒ̈ܠܐ ܠܡ ܐܝܬܝܗܘܢܿ ܘܡܛܢܦ̈ܐ ܒܣܘܼܥܪ̈ܢܝܗܘܢܿ܀ ܟ݀ܠܗܘܢܿ ܣܛܘ ܗ̄ ܡܼܢ ܘܿܠܝܼܬܐ܀ ܘܐܣܬܠܝܼܘ ܗ̄ ܐܝܟ ܐܝܠܝܢ ܕܠܡܕܡ ܠܐ ܚܿܫܚܝܼܢ܀ ܐܟܿܠܝܼܢ ܗܼܘܘ ܗ̄ ܠܘ ܐܟܡܿܢ ܕܐܟܼܠܘ ܐܬܘܪ̈ܝܐ ܠܥܡܐ: ܐܠܐ ܕܡܛܝܒܝܼܢ ܕܢܐܥܠܘܢܼ ܐܢܘܿܢ ܐܝܟ ܠܚܡܐ: ܡܐ ܕܡܿܗܦܟ ܗ̄ ܥܠ ܥܣܪܐ ܫܒ̈ܛܝܼܢ ܐܡܿܪ: ܗܿܢܘܿܢ ܕܡܼܢ ܟܕܘ 320 ܫܿܒܝܢܼ ܗܼܘܘ ܠܐܬܘܪ̈ܝܐ ܒܙܒܢܐ ܕܚܙܩܝܐ܀ ܡܙ̄ܡ ܕܢܕ̄ ܫܐܠܬܗ ܕܚܙܩܝܐ ܕܢܬܦܨܐ ܡܢ ܐܬܘܪܝܐ ܐܠܗܐ ܒܫܡܟ ܗ̄ ܘܒܩܘܼܫܬܟ ܗ̄ ܢܫܬܩܘܢܼ ܠܡ ܒܣܒܡܪܝܫܐ ܕܡܿܕܪܟ ܠܗܘܢܿ ܐܝܟܢܐ ܕܩܘܼܫܬܟ ܘܫܪܪܐ ܕܕܚܠܼܬܟ ܢܬܼܚܙܐ܀ ܡܙ̄ܡ ܕܢܗ̄ ܟܕ ܓܝܪ ܦܢܼܐ ܥܡܐ ܡܼܢ ܒܒܠ ܙܒܢܐ ܢܓܝܪܐ ܟܬܪܘ ܒܫܝܢܐ ܘܡܚܕܐ ܕܫܪܝܼܘ ܒܒܝܼ̈ܫܬܐ ܒܙܒܢ ܩܡܘܩܝܘܣ ܡܠܟܐ ܕܐܣܝܐ ܘܒܝܘ̈ܡܬܐ ܕܚܡܢܐ ܪܒ ܟܗ̈ܢܐ: ܕܚܿܠ ܠܐܠܗܐ: ܢܦܼܠܘ ܒܒܝܼ̈ܫܬܐ ܘܫܓܘܼ̈ܫܝܐ: ܒܝܘܡ̈ܬܐ ܕܚܘܢܝܐ ܟܕ ܡܿܕܒܪ ܗܼܘܐ ܠܗܘܢܿ ܫܦܝܼܪ ܐܢܫ ܕܫܡܗ ܣܝܡܘܢ ܡܼܢ ܫܒܛܐ ܕܒܢܝܡܝܢ ܕܒܗܝܟܠܐ ܡܿܫܠܼܛ ܗܼܘܐ ܥܠ ܨܒܘ̈ܬܐ ܘܠܐ ܡܕܒܪ ܫܦܝܼܪ: ܘܐܙܼܠ ܠܘܬ ܦܘܠܘܢܝܣ ܪܒ ܚܝܠܐ ܕܣܠܘܩܘܣ ܘܐܡܼܪ ܕܟܣܦܐ ܣܓܝܐܐ ܐܝܬ ܒܗܝܟܠܐ ܘܙ݀ܕܩ ܕܢܗܼܘܐ ܠܡܠܟܐ: ܡ̈ܠܟܐ ܕܝܢ ܟܕ ܫܡܼܥܘ ܫܕܪܘ ܠܐܝܪܘܕܝܣ ܕܢܣܼܒ ܠܟܣܦܐ ܘܐܡܼܪ ܚܘܢܝܐ ܕܩܠܝܼܠ ܟܣܦܐ ܐܝܬ܆ ܕܐܝܼܬܘܗܝ ܕܝܬ̈ܡܐ ܘܕܐܪ̈ܡܠܬܐ ܕܡܛ݀ܠ ܫܪܝܼܪܘܬܗܿ ܕܕܘܼܟܬܐ܆ ܐܬܬܣܝܼܡ ܬܢܢ: ܟܕ ܣܥܼܐ ܐܠܝܕܪܘܣ ܕܢܥܘܿܠ ܠܗܝܟܠܐ ܒܪ ܫܥܬܗ ܐܬܚܙܝܼ ܠܗ ܬܪܝܢ ܪ̈ܟܫܐ܇ ܕܦܿܪܚܝܼܢ ܒܐܐܪ ܘܥܠܝܗܘܢܿ ܪ̈ܟܒܐ ܡܙ̈ܝܢܐ ܘܒܪ̈ܓܠܝܗܘܿܢ ܡܕܝܫܝܼܢ ܗܼܘܘ ܐܠܝܕܪܘܣ: ܘܚܼܙܐ ܬܘܼܒ ܬܪܝܢ ܥܠ̈ܝܡܐ ܡܟܐ ܘܡܟܐ ܕܡܿܚܝܢ ܠܗ܇ ܘܟܕ ܗܘܼܐ ܐܝܟ ܡܝܼܬܐ܀ ܚܒܪ̈ܘܗܝ ܐܦܝܼܣܘ ܠܚܘܢܝܐ ܕܢܨܠܐ ܥܠ ܐܠܝܕܪܘܣ ܕܠܐ ܢܡܘܼܬ: ܚܘܢܝܐ ܕܝܢ ܒܨܠܘܿܬܗ ܐܣܼܝܗ ܘܦܢܼܐ ܠܘܬ ܡܠܟܐ ܘܐܘܕܥ ܥܠ ܚܝܠܗ ܕܐܠܗܐ܇ ܟܕ ܠܐ ܢܣܼܒ ܡܢܗ ܡܕܡ: ܟܕ ܚܙܼܐ ܚܘܢܝܐ ܕܣܝܡܘܢ ܥܕܟܝܼܠ ܒܒܝܼܫܬܗ ܡܿܟܬܪ܇ ܨܒܼܐ ܕܢܚܙܘܿܩ ܠܘܬ ܡܠܟܐ ܡܛ݀ܠ ܫܝܢܐ ܕܥܡܐ ܘܡܚܕܐ ܡܝܼܬ ܣܠܘܩܘܿܣ ܘܐܡܠܟ ܐܢܛܝܟܘܿܣ ܒܪܗ ܒܬܪܗ: ܐܝܐܣܘܢ ܐܚܘܼܗܝ ܕܚܘܢܝܐ ܐܫܩܼܠ ܠܘܬ ܐܢܛܝܟܘܿܣ: ܡܚܕܐܐܓܥܠ ܠܗ ܠܪܝܫܢܘܼܬܐ ܕܥܡܐ ܘܫܚܠܦ ܠ̈ܥܝܕܐ ܕܢܡܘܿܣܐ ܠܚܢܦܘܼܬܐ ܒܫܩܠܛܥܢܐ ܕܐܝܐܣܘܢ ܐܚܘܼܗܝ܇ ܐܙܼܠ ܠܡܨܪܝܢ ܘܒܢܼܐ ܬܡܢ ܗܝܟܠܐ ܘܐܩܝܼܡ ܒܗ ܡܕܒܚܐ ܘܡܿܪܬܐ ܗܼܘܐ ܠܝܘܕ̈ܝܐ ܕܬܡܢ: ܠܗܿܠܝܢ ܟܕ ܚܼܙܐ ܒܪܘܚܐ ܕܘܝܕ: ܡܼܢ ܦܪܨܘܦ ܚܘܢܝܐ ܐܡܼܪ ܠܡܙܡܘܪܐ ܗܢܐ ܟܕ ܡܿܬܢܐ ܥܠ ܛܠܘܼܡܝܐ ܕܣܝܒܪ ܡܼܢ ܥܡܗ ܘܡܼܢ ܪ̈ܒܝ ܚܝ̈ܠܘܬܐ ܕܡܠܟܐ ܘܕܐܝܟܢ ܥܼܪܩ܇ ܨܘܼܬ ܐܠܗܐ ܗ̄ ܡܛ݀ܠ ܕܠܘ ܥܠ ܐܦܝ̈ ܙܥܘܪ̈ܝܬܐ ܒܿܥܐ ܐܢܼܐ܇ ܡܛ݀ ܓܝܪ ܒܥܠܕܒ̈ܒܝ ܡܿܨܠܐ ܐܢܼܐ܆ ܠܐ ܬܗܡܐ ܡܢܝ܀ ܕܨܠܘ ܥܠܝ ܥܘ̈ܿܠܐ ܗ̄ ܒܢ̈ܝ ܥܡܝ ܣܝܡܘܢ ܘܐܝܐܣܘܢ ܦܚ̈ܐ ܕܒܝܼܫ̈ܬܐ܀ ܘܣܩܪܘܼܢܝ ܗ̄ ܣܢܼܐܬܐ ܒܝܼܫܬܐ ܘܐܡܝܼܢܬܐ ܩܢܼܘ ܠܘܬܝ ܟܕ ܠܐ ܡܿܣܟܠ ܠܝܼ ܒܗܘܿܢ܀ ܘܟܣܝܘܼܢܝ ܗ̄ ܐܘܠ̈ܨܢܐ ܣܒܝܼ̈ܣܐ ܕܡܿܡܛܝܢ ܠܡܘܬܐ܀ ܘܛ̈ܠܠܝ ܗ̄ ܘܗܿܟܢ 321 ܩܪܝܼܒ ܗܿܘܝܬ ܠܡܘܬܐ ܐܝܟ ܛܠܠܐ ܕܩܪܝܼܒ ܐܡܝܼܢܐܝܬ ܠܓܘܼܫܡܐ܆ ܟܕ ܕܝܢ ܐܝܿܬܝ ܗܿܘܝܬ ܒܗܿܠܝܢ ܥܩ̈ܬܐ܇ ܟܬܿܪܬ ܠܐܠܗܐ ܕܗܘܼ ܡܿܦܨܐ ܠܝܼ ܡܼܢ ܚܐܦܗܘܿܢ ܕܝܘܕ̈ܝܐ ܕܥܠܝ: ܗܿܘ ܕܕܡܿܐ ܠܪܘܚܐ ܕܥܠܥܠܐ: ܕܠܟܿܠܡܕܡ ܫܿܩܠܐ ܘܕܪܝܐ܀ ܛܒܼܥ ܡܪܝܐ ܗ̄ ܛܒܥ ܐܢܘܿܢ ܡܛ݀ܠ ܗܘܼܦܟܐ ܒܝܼܫܐ ܕܠܫܢ̈ܝܗܘܢܿ܆ ܚܠܦ ܗܘܼܦܟܐ ܣܘܡܟܘܿܣ ܘܢܬܚܪܘܿܢ ܚܕ ܠܘܼܩܒܠ ܚܕ ܬܘܼܟܐ ܗ̄ ܠܚܘܼܣܪ̈ܢܐ ܕܩܢܝܢܐ ܡܥܕܝܼܢ ܠܡܩܼܪܐ܀ ܩܪܝܼܒܗ ܘܪܚܡܗ ܠܣܝܡܘܢ ܘܐܝܐܣܘܢ ܩܿܪܐ܀ ܐܟܚܕܐ ܠܥܣܢ ܗ̄ ܥܒܪܝܐ ܐܟܚܕܐ ܡܘܚܕܝܢ ܗ̄ ܐܡܿܪ ܢܘܼܪܐ ܒܗ݀ܝ ܕܕܒܚ̈ܐ ܠܡ ܒܣ̈ܡܐ ܐܡܝܼܢܐܝܬ ܡܥܛܪܝܼܢ ܗܼܘܘ ܒܓܘ ܗܝܟܠܐ܇ ܘܡܕܡ ܕܦܿܐܫ ܡܣܼܬܝܒܪܝܼܢ ܗܼܘܘ܀ ܫܪܘܬܐ ܩܪ̈ܗܿ܆ ܐܝܟ ܦܪܣܐ ܕܼܡܼܢ ܦܬܘܪܗ ܕܐܠܗܐ ܢ݀ܦܩ ܗܼܘܐ ܠܗܘܢܿ܇ ܐܡܿܪ ܥܠ ܠܚܡܐ ܕܐܦ̈ܐ: ܡܣܼܬܝܒܪܝܼܢ ܗܼܘܘ ܟܗ̈ܢܐ ܒܗܝܟܠܐ܀ ܛܘܫܘ ܗ̄ ܒܚܢܦܘܼܬܐ ܕܐܥܼܠܘ ܥܠ ܥܡܐ: ܡܠܼܬܗ ܕܐܝܐܣܘܢ ܪܡܙܐ܀ ܐܬܕܠܚ ܡܼܢ ܗ̄ ܡܼܢ ܕܠܝܼܚܘܼܬܐ ܕܐܦܘ̈ܗܝ ܘܦܪܨܘܦܗ ܡܬܝܼܕܥ ܗܼܘܐ ܐܦ ܢܟܼܠܐ ܕܠܒܗ܆ ܕܣܕܝܼܩ ܗܼܘܐ ܘܦܠܝܼܓ ܥܠ ܚܘܼܒܝ܀ ܫܕܝܼ ܨܦܬܟ ܗ̄ ܡܒܝܐ ܠܚܘܢܝܐ ܕܠܐ ܢܬܬܥܝܼܩ ܥܠ ܒܝܼܫ̈ܬܐ ܕܐܬܼܝ̈ ܥܠܘܗܝ܇ ܐܘ̃ ܚܘܢܝܐ ܫܕܝܼ ܨܦܬܟ ܥܠ ܡܪܝܐ ܘܗܘܼ ܢܬܪܣܝܟ܆ ܘܢܐܨܦ ܕܝܼܠܟ ܚܠܦ ܝܘ̈ܕܝܐ ܕܕܚܩܘܼܟ ܡܢ ܟܗܢܘܼܬܐ܀ ܡܙ̄ܡ ܕܢܘ̄ ܟܕ ܫܒܼܩ ܚܘܢܝܐ ܠܐܘܪܫܠܡ ܘܐܝܐܣܘܢ ܐܚܼܕ ܡܕܒܪܢܘܼܬܐ܇ ܒܝܼܫ̈ܐ ܕܛܘܼܥܝܝ ܒܗܿ ܙܪܥ܆ ܘܥܠܬܐ ܕܙܘܣ ܐܬܒܼܢܝܬ݀ ܒܗܿ ܡܬܝܬܐ ܕܝܢ ܒܛܢܢܐ܇ ܩܛܠ ܠܕܕܒܚܘ ܘܠܗܿܘ ܕܐܠܨ ܐܢܘܿܢ ܕܢܕܚܒܘܢܼ ܘܐܬܥܼܬܕ ܠܩܪܒܐ ܕܥܡ ܝܘ̈ܢܝܐ: ܘܒܿܬܪ ܡܘܬܗ ܐܡܼܠܟ ܒܿܬܪܗ ܒܪܗ ܝܗܘܕܐ ܡܩܒܝ ܗ̄ ܛܢܢܐ: ܘܟܕ ܐܬܼܢܨܚ ܒܩܪ̈ܒܐ܇ ܒܢܟܼܠܐ ܕܡܼܢ ܒܢ̈ܝ ܥܡܗ ܐܬܩܼܛܠ: ܘܡܼܢ ܦܪܨܘܦܐ ܕܗܿܠܝܢ ܕܬܐܠܨܝܼܢ ܘܫܿܐܠܝܼܢ ܚܘܼܪܐ܇ ܐܡܼܪ ܕܘܝܕ ܠܗܢܐ ܡܙܡ̄܀ ܪܚܡܥܠܝ ܗ̄ ܡܛ݀ܠ ܕܟܕ ܐܝܼܬܝ ܒܝܬܝܐ ܕܝܼܠܟ܇ ܥܒܝܼܕ ܐܢܼܐ ܕܘܫܐ ܠܚܢ̈ܦܐ܀ ܡܬܚܫܒܝܼܢ ܗܼܘܘ ܗ̄ ܐܡܿܪ ܥܠ ܒܢ̈ܝ ܥܡܗܘܢܿ ܕܨܝܿܕܝܼܢ ܗܼܘܘ ܡܢܗܘܿܢ ܥܠ̈ܬܐ܆ ܘܐܙܿܠܝܼܢ ܗܼܘܘ ܘܡܩܛܪܓܝܼܢ ܗܼܘܘ ܠܗܘܿܢ ܩܕܡ ܪ̈ܒܝ ܚ̈ܝܠܐ ܕܐܢܛܝܟܘܿܣ܇ ܢܛܫܘܿܢ ܘܢܥܡܪܘܢܼ ܗ̄ ܟܡ̈ܐܢܐ ܕܥܿܒܕܝܼܢ ܗܼܘܘ ܥܠܝܢ: ܟܕ ܡܛܫܝܢ ܬܪ̈ܥܝܬܗܘܿܢ܆ ܐܝܟܢܐ ܕܢܗܼܘܐ ܐܬܪܐ ܠܡܥܩܒܘܼ ܣܘܼܥܪ̈ܢܝ: ܥܩܒܐ ܠܣܘܼܥܪ̈ܢܐ ܡܿܫܡܗ܇ ܢܛܫܐ ܘܢܥܡܼܪ: ܚܕܐ ܗܿܝ ܒܣܘܼܟܠܐ܇ ܡܛ݀ܠ ܕܗܿܘ ܕܡܿܛܫܼܝ܇ ܗܝܼ ܕܘܼܟܬܐ ܕܡܿܛܫܼܝ ܒܗܿ ܥܘܼܡܪܗ ܗܝܼ ܟܡܐ ܕܒܗܿ ܐܝܼܬܘܗܝ܀ ܡܙ̄ܡ ܕܢܙ̄ܙ ܥܠܝܗܘܿܢ ܕܡܩܒ̈ܝܐ ܐܡܝܼܪܐ ܕܙܟܼܘ ܠܒܥ̈ܠܕܒܒܐ ܘܦܫܼܘ ܩܠܝܼܠ ܘܒ݀ܥܝܢ ܕܪܓܗܘܢܿ ܡܢܗܘܿܢ܀ ܪܚܡܥܠܝ ܗ̄ ܠܫܢܗܘܿܢ ܐܝܟ ܣܝܦܐ ܗ̄ ܦܬܓܡܐ ܗܿܘ ܕܗܦܼܟ: ܐܡܿܪ ܐܝܟ 322 ܕܦܫܝܼܩ ܠܠܫܢܐ ܕܢܡܠܠ: ܗ݀ܟܢܐ ܐܦ ܠܣܝܦܘܗܘܿܢ ܠܡܼܚܪܒ: ܗܝܡܢܘܼܬܟ ܐܬܬܪܼܡܬ݀ ܗ̄ ܗܝܡܢܘܼܬܐ ܠܫܪܪܐ ܕܡܪܚܡܢܘܼܬܐ ܩܿܪܐ܀ ܡܙܡܘܪܐ ܕܢܚ̄ ܒܿܬܪ ܢܨܚ̈ܢܐ ܕܢܣܼܒܘ ܡܩܒ̈ܝܐ ܒܩܪ̈ܒܐ ܡܼܢ ܐܠܗܐ܀ ܢܟ̈ܠܐ ܗܿܘܝܢ ܗܼܘܘ ܥܠܝܗܘܿܢ ܡܼܢ ܒܥܠ̈ܕܒܒܝܗܘܢܿ ܡܛ݀ܠ ܕܒܩܪܒܐ ܠܐ ܡܿܨܝܢܼ ܗܼܘܘ ܕܢܙܟܘܿܢ ܐܢܘܿܢ܆ ܒܢܟܼܠܐ ܠܣܘܿܓܐܗܘܢܿ ܐܘܒܕܘ ܒܐܣܟܝܡ ܚܘܼܒܐ܆ ܘܕܝܡܛܪܝܘܣ ܡܠܟܐ ܕܣܘܪܝܐ ܫܕܪ ܠܒܝܠܝܕܘܪܘܣ ܪܒ ܚܝܠܐ ܕܢܬܠ ܪܝܫܢܘܼܬܐ ܕܥܡܐ ܠܐܠܝܩܝܡܘܢ: ܘܟܕ ܠܐ ܐܬܡܨܝܼ ܕܢܐܚܘܿܕ ܠܝܗܘܕܐ: ܩܼܛܠ ܠܫܬܝܼܢ ܓܒܪ̈ܐ܇ ܘܒܿܬܪ ܝܗܘܕܐ܆ ܩܒܠ ܝܘܢܬܢ ܐܚܘܼܗܝ ܡܕܒܪܢܘܼܬܐ܇ ܘܛܪܝܦܘܢ ܒܢܟܼܠܐ ܐܦ ܠܝܘܢܬܢ ܩܼܛܠ܆ ܫܠܼܚ ܠܗ ܕܢܐܼܬܐ ܒܙܥܘܼܪ̈ܐ ܠܘܬܗ: ܐܝܟܢܐ ܕܢܬܼܠ ܠܗ ܐܝܼܩܪܐ ܕܫܕܪ ܡܠܟܐ ܠܝܘܢܬܢ ܥܡ ܓܒܪ̈ܘܗܝ ܥܠ ܗܿܠܝܢ ܢܟ̈ܠܐ ܕܡܼܢ ܥܡܡ̈ܐ ܘܡܼܢ ܝܘܕ̈ܝܐ ܐܬܪܟܒܘ ܥܠ ܡܩܒ̈ܝܐ: ܐܡܼܪ ܕܘܝܕ ܠܗܢܐ ܡܙܡܘܪܐ ܐܝܬ ܫܪܝܪܐܝܬ ܗ̄ ܕܠܘ ܐܝܟ ܡܠ̈ܝܟܘܿܢ ܟ̈ܐܢܢ܆ ܘܐܦܠܐ ܕܝܼܢ̈ܝܟܘܿܢ ܬܪܝܼܨܝܢ܀ ܘܒܥܘܠܐ ܡܥܪ̈ܙܠܢ ܗ̄ ܒܢܟܼܠܐ ܕܡܒܪܟܒܝܼܢ ܐܢܬܘܿܢ ܡܬܼܥܪܙܠܝܼܢ ܘܢ݀ܦܠܝܼܢ ܣܓ̈ܝܐܐ܀ ܐܬܼܦܪܫܘ ܥܿܘ̈ܠܐ ܗܐ ܐܡܿܪ ܕܡܼܢ ܩܕܡ ܟ݀ܠ ܡܕܡ ܒܚܛ̈ܗܐ ܫܪܝܼܘ: ܘܒܕܓܠܘܼܬܐ܇ ܗܕܐ ܥܠ ܒܢ̈ܝ ܥܡܗ ܐܡܼܪܗܿ܆ ܕܐܟܙܢܐ ܕܥܠ ܙܕܝܼ̈ܩܐ ܐܡܝܼܪ ܕܡܼܢ ܟܪܣܐ ܕܐܡܗܘܿܢ ܐܬܒܼܪܝܬ݀ ܥܡܗܘܢܿ ܚܟܡܼܬܐ: ܡܛܠ ܕܡܼܢ ܩܕܡ ܟ݀ܠ ܣܘܼܥܪܢ ܒܚܠܼܬ ܐܠܗ ܫܪܝܘ܇ ܗܿܟܢܐ ܐܦ ܬܢܢ ܥܠ ܥܿܘ̈ܠܐ ܕܐܬܼܦܪܫܘ ܗ̄ ܐܝܟ ܗܘܿ ܕܝܼܕܝܼܥܝܼܢ ܗܼܘܘ ܠܐܠܗܐ ܡܼܢ ܒܪܝܼܬܗܘܢܿ ܕܗܕܐ ܣ݀ܥܪܝܼܢ: ܘܠܘ ܕܗܘܼ ܒܼܪܐ ܐܢܘܿܢ ܗܿܟܢ܀ ܥܒܪܝܐ ܚܠܦ ܐܬܦܼܪܫܘ: ܐܬܢܟܪܝܼܘ ܗ̄ ܡܼܢ ܐܠܗܐ܀ ܡܬܐܼܡܪܐ ܥܠ ܐܣܦܣ ܕܟܝܿܢܐܝܬ ܩܒܼܠܬ݀ ܡܼܢ ܐܠܗܐ ܕܠܠܘܼܚܫܬܐ ܕܡܼܢ ܠܚܘܿܫܐ: ܕܠܐ ܬܫܬܥܼܒܕܝ܀ ܡܐ ܕܡܿܪܓܫܐ ܒܠܘܼܚܫܬܐ ܕܡܼܢ ܐܫܘܿܦܐ ܚܕܐ ܐܕܢܗܿ ܛܡܿܪܐ ܠܗܿ ܒܥܦܪܐ܇ ܘܠܗ݀ܝ ܐ̱ܚܪܬܐ ܣܿܟܪܐ ܠܗܿ ܒܪܝܫ ܕܘܼܢܒܗܿ܀ ܚܒܪܐ ܠܐܫܘܿܦܐ ܩܿܪܐ ܐܘܟܝܼܬ ܠܠܘܼܚܫܐ܆ ܡܛ݀ܠ ܚܒܪܘܼܬܗ ܕܥܡ ܕܝܘ̈ܐ܇ ܗܿܟܢܐ ܐܦ ܗܼܢܘܿܢ ܠܡ ܣܟܼܪܘ ܐܕܢܝ̈ܗܘܿܢ ܕܠܐ ܢܫܡܥܘܢܼ ܡ̈ܠܐ ܫܦܝܼܪ̈ܬܐ ܕܠܗܘܿܢ ܡܬܼܐܡܪ̈ܢ܀ ܢܦܠܼܬ݀ ܢܘܼܪܐ ܘܠܐ ܚܼܙܘ ܗ̄ ܢܐܒܕܘܢ ܒܡܣܡܒܪܝܫܐ ܐܝܟ ܕܒܢܘܼܪܐ: ܘܠܐ ܢܫܬܒܩܘܢܼ ܠܡܬܒܣܡܘܼ ܒܢܘܼܗܪܗ ܕܫܡܫܐ: ܥܠ ܕܠܐ ܐܣܼܬܟܠܘ ܘܠܝܼܬܐ܀ ܥܒܪܝܐ ܐܝܟ ܚܝܿܛܐ ܕܐܢܬܬܐ܇ ܥܠ ܕܠܐ ܐܣܬܼܟܠ ܗ̄ ܢܐܒܕܘܢܼ ܠܡ ܒܫܒܪܘܼܬܗܘܢܿ ܘܠܐ ܢܫܬܒܩܘܢܼ ܕܢܣܬܟܠܘܢܼ ܒܥܠܡܐ ܘܒܛܒ̈ܬܗ܀ ܢܗܘܘܢܿ ܟܘܼܒ̈ܝܗܘܢܿ ܗ̄ ܗܿܟܢܐ ܢܗܼܘܐ ܩܿܫܐܼ ܡܣܡ ܒܪܝܫܗܘܢܿ ܐܝܟ ܟܘܼܒ̈ܐ ܕܗܛܛ̈ܐ ܡܼܢ ܫܪܟܐ ܕܟܘܼ̈ܒܐ: ܐܟܡܐ ܕܐܦ ܒܝܼܫܘܼܬܗܘܿܢ ܥܫܝܼܢܐ 323 ܗܿܝ ܡܼܢ ܕܫܪܟܐ ܕܒܢܝܢ̈ܫܐ܀ ܐܝܼܕ̈ܘܗܝ ܢܫܝܼܓ ܗ̄ ܡܼܢ ܕܡܗ ܕܪܫܝܼܥܐ: ܘܠܐ ܩܪܝܒ ܠܗ ܒܡܣܡ ܒܪܝܫܗ܀ ܬܘܼܒ ܐܝܼܕ̈ܘܗܝ ܗ̄ ܐܝ ܟܐܢܫ ܕܫ݀ܠܡ ܠܡܕܡ ܕܡܬܼܥܒܕ܆ ܟܕ ܝ݀ܗܒ ܐܝܼܕܗ ܠܚܒܪܗ܇ ܗ݀ܟܢܐ ܐܦ ܗܘܼ ܫܿܠܡ ܠܡܣܡܒܪܝܫܐ ܕܐ݀ܬܐ ܥܠ ܪ̈ܫܝܼܥܐ܀ ܐܚܪܢܝܐܝܬ ܗܿܟܢ ܠܡ ܪܬܚ ܘܡܬܓܼܘܙܠ ܙܕܝܼܩܐ ܒܛܢܢܐ ܕܚܠ ܪܫܝܼܥܐ܇ ܕܨ݀ܒܐ ܕܗܼܘ ܒܐܝܼܕ̈ܘ̄ ܢܩܛܠܝܼܘܗܝ ܘܒܕܡܗ ܢܨܒܘܿܥ ܐܝܼܕ̈ܘܗܝ: ܐܝܟ ܕܩܼܛܠ ܫܡܘܐܝܠ ܠܐܓܓ ܘܐܠܝܐ ܠܟܘܼܡܪ̈ܐ܀ ܡܙ̄ܡ ܕܢܛ̄ ܥܠ ܡܩܒ̈ܝܐ ܕܫܿܐܠܝܼܢ ܓܗܝܬܐ ܕܡܼܢ ܐܘܼܠ̈ܨܢܐ܀ ܢܬܟܪܟܘܢܼ ܡܕܝܢܬܐ ܗ̄ ܢܬܒܕܪܘܢܼ ܡܼܢ ܓܙܪ ܕܝܼܢܟ܇ ܘܢܬܟܪܟܘܢܼ ܠܟܐ ܘܠܟܐ܇ ܐܝܟ ܟܠ̈ܒܐ ܐܝܠܝܢ ܕܡܼܢ ܟܦܫܢܐ ܥܿܘܝܢ ܘܚܿܕܪܝܼܢ ܥܠ ܬܪ̈ܥܐ܀ ܗ݀ܝ ܕܒܪܡܫܐ ܗ̄ ܒܙܒܢܐ ܕܡܣܟܝܢ ܠܢܝܿܚܐ܀ ܠܐ ܬܩܛܘܿܠ ܐܢܘܿܢ ܕܠܐ ܢܛܥܘܢܿ ܗ̄ ܐܢܗܼܘ ܕܥܠ ܥܡܡ̈ܐ ܡܬܦܼܫܩܐ ܒܐܘܠܨܢܐ ܡܬܼܩܪܣܐ: ܡܛ݀ܠ ܠܡ ܕܠܐ ܪܓܝܼܫܝܼܢ ܒܥܡܐ ܘܐܝܠܝܢ ܕܠܘܬܗܘܿܢ ܣܥܼܪܬ ܐܒܕܢܐ ܘܠܘ ܡܪܕܘܼܬܐ ܙܕܩ ܕܢܣܒܠܘܢܼ ܐܠܐ ܩܛܘܿܠ ܐܢܘܿܢ ܘܐܣܝܼܦ ܐܢܘܿܢ ܕܠܐ ܢܛܥܘܿܢ ܠܥܡܝ ܒܿܬܪ ܦܬܟܪ̈ܝܗܘܢܿ ܟܕ ܕܝܢ ܡܬܼܩܪܝܐ ܒܡܙܠܢܐ ܘܣܡܟܐ. ܥܠ ܡܪ̈ܚܐ ܕܡܼܢ ܥܡܐ ܡܬܢܼܣܒܐ: ܠܘ ܠܡ ܕܬܩܛܘܿܠ ܠܐܢܘܿܢ ܒܿܥܐ ܐܢܼܐ: ܗܿܟܢ ܓܝܪ: ܐܦܠܐ ܒܒܛܝܼܠܘܼܬܟ ܕܥܠܝܢ ܡܪܓܫܝܼܢ ܗܼܘܘ܀ ܐܠܐ ܐܙܝܼܥ ܐܢܘܿܢ ܒܚܝܠܟ ܘܐܢܝܼܕ ܐܢܘܿܢ܇ ܐܝܟ ܩܢܝܐ ܕܠܐ ܢܿܐܕ ܡܼܢ ܪܘܼܚܐ ܢܒܥܘܿܢ ܠܡܐܼܟܠ ܘܠܐ ܢܗܼ،ܐ ܠܗܘܢܿ܇ ܘܐܢ ܢܐܟܠܘܢܼ ܘܠܐ ܢܣܒܥܘܢܼ: ܘܠܐ ܢܡܘܼܬܘܢܼ: ܕܡܛ݀ܠ ܟܕ ܡܟܬܪܝܼܢ ܒܚܝ̈ܐ܇ ܝܬܝܼܪ ܢ݀ܣܒܝܼܢ ܢܣܝܿܢܗܿ ܕܡܪܕܘܼܬܐ: ܚܠܦ ܢܒܘܼܬܘܢܼ ܢܡܘܼܬܘܢܼ ܟܬܝܼܒ ܒܕܘܼܟܬܐ܀ ܡܙܡܘܪܐ ܕܫܬܝܢ ܬܘܼܒ ܥܠ ܡܩܒ̈ܝܐ ܟܕ ܡܿܬܢܝܢ ܐܘܠ̈ܨܢܝܗܘܿܢ ܘܫܿܐܠܝܼܢ ܕܢܓܘܿܢ ܡܢܗܘܿܢ܀ ܐܠܗܐ ܛܥܝܬܢ ܗ̄ ܒܗܢܐ ܙܒܢܐ܀ ܘܕܚܼܩܬܢ ܡܼܢ ܒܛܝܼܠܘܼܬܟ ܩܕܡܝܬܐ܀ ܘܐܙܝܼܥܬܗܿ ܠܐܪܥܐ ܗ̄ ܕܡܘܼܠܟܢܐ܀ ܘܦܬܚܬܗܿ ܗ̄ ܩܕܡ ܥܡܡ̈ܐ ܕܢܥܠܘܢܼ ܘܢܒܕܪܘܢܼ ܠܥܡܘܪ̈ܝܗܿ܀ ܚܘܝܼܬ ܠܥܡܟ ܗ̄ ܕܐܝܼܬܘܗܝ ܡܣܡܒܪܝܫܐ܇ ܗ݀ܘ ܕܕܡܿܐ ܠܚܡܪܐ ܬܛܝܼܪܐ܆ ܗ݀ܘ ܕܠܟܿܠܢ ܐܪܘܝܼ ܘܨܕܪ: ܟܕ ܕܝܢ ܗܿܟܢ ܫܓܫܼܬܝܗܝ ܠܥܡܿܢ: ܐܠܐ ܠܢ ܕܝܼܠܢ ܕܐܝܿܬܝܢ ܕܚ̈ܠܝܟ ܝܗܼܒܬ ܐܬ݀ܐ ܗ̄ ܕܥܘܼܕܪܢܟ ܘܕܒܛܝܼܠܘܼܬܟ܇ ܗ݀ܝ ܕܒܗܿ ܐܝܟ ܕܒܐܬ݀ܐ ܡܕܡ ܡܬܼܢܛܪܝܼܢܢ ܡܼܢ ܒܥܠܕܒ̈ܒܐ܆ ܘܐܝܟ ܗܿܘ ܕܐܬܩܒܼܠܬ݀ ܒܿܥܘܼܬܗܘ݀ܢ: ܡܿܘܕܥ ܐܝܠܝܢ ܕܦܣܼܩ ܥܠ ܒܥܠ̈ܕܒܒܘܗܝ܀ ܐܠܗܐ ܡܠܠ ܗ̄ ܝܿܡܐ ܒܩܕܝܼܫ̈ܘܗܝ: ܘܐܝܟ ܕܠܐ ܡܼܫܬܚܠܦ ܟܝܿܢܗ܇ ܐܦܠܐ ܐܬܓܼܙܪ ܕܝܼܢܗ܀ ܐ݀ܬܚܝܠ ܐܢܿܐ ܗ̄ ܐܠܗܐ ܥܠ ܡܩܕ̈ܘܢܝܐ: ܘܐܣܿܒ ܡܢܗܘܿܢ ܠܐܬܪܐ ܕܫܟܝܼܡ ܘܐܦܿܠܓܝܼܘܗܝ ܠܥܡܝ܀ ܘܠܥܘܼܡܩܐ ܕܣܟܘܿܬ ܗ̄ ܕܒܙܝܼܙ ܗܼܘܐ ܡܢܗܘܿܢ: ܐܡܿܫܘܿܚ ܘܐ݀ܬܠ ܠܥܡܐ ܐܝܟ ܕܒܙܒܢܗ ܕܝܫܘܿܥ ܒܪܢܘܿܢ܀ ܝܗܘܕܐ ܡܠܟܝ ܘܕܝܢܝ ܗ̄ 324 ܝܗܘܕܐ ܐܝܟ ܕܫܬܘܕܝܿܬ ܠܗ ܠܕܘܝܕ܇ ܡܠܟܝ ܚܿܫܒ ܐܢܼܐ ܠܗ ܗ̄ ܡܠܟܘܼܬܐ ܕܥܡܐ ܕܝܼܠܗ ܚܿܫܒ ܠܗܿ܇ ܐܝܟ ܗ݀ܝ ܕܐܢܿܐ ܐܩܝܡܿܬ ܡܠܟܝ ܥܠ ܨܗܝܘܿܢ܀ ܡܘܐܒ ܫܝܓܬܐ ܗ̄ ܒܗ ܒܝܗܘܕܐ ܐܝܟ ܡ̈ܐܢܐ ܒܩܕܣܐ܇ ܠܟܿܠܗܘܿܢ ܕܐ݀ܫ ܐܢܼܐ܀ ܘܥܠ ܐܕܘܡ ܗ̄ ܘܐܥܿܘܿܠ ܘܐ݀ܥܨܘܿܪ ܐܢܘܿܢ ܗܿܠܝܢ ܒܿܬܪ ܦܘܼܢܝܐ܇ ܫܡܠܝܼ ܐܠܗܐ ܥܡ ܥܡܐ܀ ܩܪܝܼܒܬܐ ܥܫܝܼܢܬܐ ܗ̄ ܠܒܘܨܪ ܘܬܝܡܢ ܡܕܝܼܢ̈ܬܐ ܥܫܝܼ̈ܢܬܐ ܕܐܕܘܡ̈ܝܐ ܩܿܪܐ܀ ܡܙܡܘܪܝܐ ܕܣ̄ܐ ܥܠ ܥܡܐ ܕܫܒܒܠ ܕܫܿܐܠ ܥܘܼܕܢܐ܀ ܐܘܣܼܦܬ ܝܘܡ̈ܬܐ ܥܠ ܗ̄ ܗܿܠܝܢ ܠܡ ܣܥܼܪܬ ܨܝܕ ܥܡܢ ܒܦܘܼܢܝܢ ܕܠܐܪܥܢ ܐܝܟܢ ܕܬܬܩܢ ܡܠܟܘܼܬܢ܇ ܗ݀ܝ ܕܣܚܝܼܦܐ ܕܒܙܒܢܐ ܙܕܩ: ܢܬܼ̇ܙܐ ܡܢܗܿ ܗܘܿ ܕܠܡܠܟܘܼܬܗ ܫܘܼܠܡܐ ܠܐ ܐܝܼܬ: ܡܠܟܐ ܬܢܢ܇ ܠܡܠܟܘܼܬܐ ܩܿܪܐ܀ ܐܚܪ̈ܢܐ ܥܠ ܚܙܩܝܐ ܢ݀ܣܒܝܼܢ ܠܗܿ ܘܠܐ ܫܪܝܪܐ܇ ܡܛ݀ܠ ܕܫܘܼܪܝܗ ܕܡܙܡܘܪܐ ܠܐ ܫܿܒܩ ܕܢܣܬܟܠ ܗܕܐ܀ ܡܿܢܘܼ ܢܛܪܝܗܿ ܗ̄ ܡܿܢܘܼ ܠܡ ܐ̱̇ܪܝܢ ܕܠܗ ܛܝܒܘܼـܐ ܢ݀ܛܪܐ ܠܗ ܠܕܘܝܕ܇ ܘܒܙܒܢܐ ܕܙܕܩ ܡܿܫܡܠܐ ܠܗܿ ܨܝܕ ܗܿܘ ܕܡܢܗ܇ ܐܠܐ ܐܢ ܐܢܬ ܐܠܗܐ܀ ܡܙ̄ܡ ܕܣ̄ܒ ܥܠ ܡܩܒ̈ܝܐ ܕܡܿܬܢܝܢ ܐܘܠ̈ܨܢܝܗܘܢܿ ܘܫܿܐܠܝܼܢ ܓܗܝܬܐ ܕܡܢܗܘܿܢ܀ ܥܕܡܐ ܠܐܡܬܝ ܬܟܢܫܘܢܼ ܐܢܬܘܿܢ ܥܠ ܥܡܐ ܟܢܘܼܫ̈ܝܐ ܕܐܘܼܠ̈ܨܢܐ: ܐܝܟ ܕܥܠ ܟܪܝܼܗܐ ܘܡܚܝܼܠ ܪܥܝܢܐ ܕܦܫܝܼܩܐܝܬ ܢ݀ܦܠ ܡܼܢ ܩܝܿܡܗ܇ ܐܝܟ ܐܣܬܐ ܕܡܿܝܛܐ ܘܐܝܟ ܣܝܿܓܐ ܐܝܢܐ ܕܡܼܢ ܫܪ̈ܫܘ̄ ܥܩܝܼܪ: ܘܡܼܛ ܘܐܬܬܼܠܚ܀ ܐܦ ܡܼܢ ܐܝܼܩܪܗ ܗ̄ ܡܼܢ ܬܫܡܫܬܐ ܢܡܘ݀ܣܝܬܐ܇ ܐܬܪܥܝܼܘ ܠܡܕܚܝܗ ܗ̄ ܨܝܕ ܦܘܼܠܚܢ ܦܬܟܪ̈ܐ܀ ܘܪܗܛܘ ܒܕܓܠܘܼܬܐ ܗ̄ ܗܪܟܐ ܥܠ ܙܢܝ̈ܐ ܕܕܓܠܘܼܬܐ ܙܕܩ ܕܢܚܘܐ ܗ̄ ܪܗܛܝܼܢ ܗܼܘܘ ܒܬܟܼܝܼܒܘܼܬܐ ܕܢܩܒܠܘܼܢܢܝ ܨܝܕ ܠܐ ܡܕܡ ܠܐ ܕܝܢ ܡܫܼܬܡܠܐ ܣܘܼܟܝܗܘܢ܇ ܐܠܐ ܡܬܼܕܓܠ ܠܗ: ܒܬܪܝܢ ܙܢܝ̈ܐ ܡܬܼܐܡܪܐ ܕܓܠܘܼܬܐ ܠܐ ܡܕܡ܇ ܘܡܕܡ ܚܠܦ ܡܕܡ܀ ܐܫܘܿܕܘ ܩܕܡܘܗܝ ܗ̄ ܦܪܘ݀ܣܘ ܚܘܼܫ̈ܒܝܟܘܢܿ ܩܕܡܘܗܝ: ܘܟ݀ܠܗܘ݀ܢ ܟܢܫܼܘ ܐܢܘܢ ܠܕܚܠܼܬܗ܇ ܕܒܡܣܐܬܐ ܡܥܠܝܢ ܗ̄ ܒܡܣܐܬܐ ܬܪܝܼܨܬܐ ܕܦܪܘܫܘܼܬܐ: ܒܕܫܒܼܩܘ ܠܩܘܼܫܬܐ ܘܝܩܼܪܘ ܠܦܬܟܼܪ̈ܐ܇ ܥܠܗܕܐ ܠܐ ܙܕܩ ܠܡܕܚܼܠ ܡܢܗܘܿܢ܆ ܟܕ ܦܫܝܼܩܝܼܢ ܛܒ ܠܡܬܚܣܢܘܼ: ܡܛ݀ܠ ܕܣܪܝܼܩܝܼܢ ܛܒ ܡܼܢ ܟ݀ܠܗܿ ܟܐܢܘܼܬܐ܀ ܚܕܐ ܗܿܝ ܕܐܡܼܪ ܐܠܗܐ ܗ̄ ܥܠ ܥܠܘ̈ܒܐ܇ ܗܿܟܢ ܦܣܼܩ ܘܓܼܙܪ ܐܠܗܐ ܥܠ ܥܠܘܒ̈ܐ܇ ܕܒܚܕܐ ܡܿܘܒܕ ܠܟܿܠܗܘܢܿ܀ ܘܕܬܪܬܝܢ ܗ̄ ܗ݀ܝ ܕܦܣܼܩ ܥܠ ܙܕܝܼܩ̈ܐ܇ ܘܫܡܿܥܬ ܐܢܝܢ ܐܦ ܐܢܿܐ܇ ܐܟܡܿܢ ܕܒܢܡܘܿܣܗ ܟܬܝܼܒ̈ܢ܆ ܘܐܝܠܝܢ ܐܢܝܢ ܠܟ ܠܡ ܡܪܝܐ ܛܝܒܘܼܬܐ܇ ܐܝܟ ܗ݀ܝ ܕܢ݀ܛܪ ܐܢܼܐ ܛܝܒܘܼܬܐ ܠܐܠ̈ܦܝ ܕܪ̈ܐ܀ ܡܛ݀ܠ ܕܐܢܬ ܦܿܪܥ ܐܢܬ ܠܓܒܪܐ܀ ܗܕܐ ܕܬܪܬܝܢ: ܐܝܟ ܗ݀ܝ ܕܦܿܪܥ ܐܢܼܐ ܚܘ̈ܒܐ ܕܐܒܗ̈ܐ ܥܠ ܒܢ̈ܝܐ ܘܫܪܟܐ܀ 325 ܡܙ̄ܡ ܕܣ̄ܓ ܥܠ ܡܝܬܪ̈ܬܐ ܕܒܥܡܐ ܕܫܒܒܠ܆ ܕܡܣܘܚܝܼܢ ܠܦܘܼܢܝܐ܀ ܐܠܗܝ ܐܠܗܝ ܐܢܬ ܗ̄ ܢܥܠܘܢܼ ܠܬܚܬ̈ܝܬܗܿ ܗ̄ ܠܫܝܘܿܠ ܢܫܬܠܡܘܢܼ ܒܒܠ̈ܝܐ ܒܝܕ ܚܪܒܐ ܕܡܕ̈ܝܐ܀ ܘܡܠܟܐ ܢܚܕܐ ܒܐܠܗܐ܇ ܘܢܫܬܒܗܪ ܟ݀ܠ ܕܝܡ̈ܐ ܒܗ ܒܙܘܪܒܒܠ܀ ܡܙ̄ܡ ܕܣ̄ܕ ܐܡܝܼܪ ܥܠ ܢܦܫܗ: ܟܕ ܐܬܪܕܦ ܡܼܢ ܫܐܘܠ܀ ܐܥܫܼܢܘ ܡܠܼܬܗܘܢܿ ܗ̄ ܫܪܪܘ ܡܚܫ̈ܒܬܗܘܢܿ ܒܒܝܼܫܬܐ ܘܐܣܓܝܘܼܗܿ܀ ܐܬܚܫܒܘ ܥܿܘ̈ܠܐ ܗ̄ ܐܪܛܢܘ ܕܒܐܝܢܐ ܦܘܼܪܣܐ ܢܘܒܕܘܼܢܢܝ ܘܣܼܦܘ ܘܐܒܼܕܘ ܗܼܢܘܿܢ ܥܡ ܦܘܼܪ̈ܣܢܝܗܘܢܿ܇ ܡܘܿܢ܆ ܕܝܢ ܣܦܼܘ ܚܘܼܫ̈ܒܝܗܘܢܿ ܡܛ݀ܠ ܕܠܡܼܒܨܐ ܥܘܠܐ ܐܬܚܫܼܘܒܘ܀ ܡܼܢ ܠܒܐ ܓܝܪ ܥܡܝܼܩܐ܆ ܕܒܣܪܐ ܐܝܬܝܗܿ ܬܪܥܝܼܬܗܘܢܿ ܘܡܕܡ ܕܡܝܬܪ ܠܝܬ ܠܗܿ܀ ܬܘܼܒ ܐܢ ܡܼܬܒܨܐ ܠܒܗ ܕܫܐܘܠ܆ ܡܫܬܟܚ ܕܥܘܠܐ ܡܿܠܐܼ܆ ܗܟܢ ܐܦ ܠܒܗ ܥܡܝܼܩܐ܆ ܩܛܠܐ ܘܥܘܠܐ ܡܬܼܚܫܒ܇ ܐܦܢ ܡܼܢ ܠܒܪ ܡܿܚܘܐ ܐܣܟܡܐ ܕܚܘܼܒܐ܀ ܐܠܐ ܥܠ ܐܦܝ̈ ܗܕܐ ܢܬܬܪܝܼܡ ܐܠܗܐ ܘܢܫܕܐ ܒܗܘܿܢ ܓܐܪܐ ܡܼܢ ܫܠܝܐ܀ ܡܙ̄ܡ ܕܣܗ̄ ܡܬܼܢܒܐ ܥܠ ܦܘܼܢܝܐ ܕܡܼܢ ܒܒܠ܆ ܘܐܡܿܪ ܐܝܠܝܢ ܕܠܚܡ ܗܼ،ܐ ܠܡܐܼܡܪ ܒܙܒܢܐ ܕܦܘܼܢܝܗܘܿܢ܀ ܡ̈ܠܐ ܕܥܿܘ̈ܠܐ ܗ̄ ܣܓ̈ܝܼ ܘܥܫܼܢ̈ܝ ܡܼܢ ܡܫܘܚܬܐ܀ ܡܼܢ ܡܦܩܝ̈ ܨܦܪܐ ܗ̄ ܡܼܢ ܡܕܢܚܐ ܘܥܕܡܐ ܠܡܥܪܒܐ ܢܣܬܟܠܘܢܼ ܪܒܘܼܬܟ ܥܡܘܪ̈ܝܗܿ ܕܐܪܥܐ ܘܡܼܢ ܐܬܘ̈ܬܟ ܕܒܗܘܿܢ܀ ܬܦ̈ܐ ܕܐܠܗܐ ܡܠܝܢ ܡ̈ܝܐ ܗ̄ ܡܼܢ ܥܠܬ ܡܛܪܐ ܣܓܝܐܐ ܕܐܠܗܐ ܩܼܪܐ ܠܬܦܐ܇ ܡܛ݀ܠ ܕܕܝܼܠܗ ܗܝܼ ܐܪܥܐ ܘܢܗܪ̈ܘܬܐ ܕܒܗܿ܀ ܘܥܓܠ̈ܝܟ ܗ̄ ܥܓܠ̈ܝܟ ܕܐܝܼܬܝܗܘܿܢ ܥܡܟ ܢܣܒܥܘܢܼ ܝܘܼܪ̈ܩܐ ܕܚܩܠܐ: ܐܝܟ ܗ݀ܝ ܕܚܝ̈ܘܬܟ ܥܿܡܪܝܼܢ ܒܗܿ܀ ܘܢܠܒܫܘܢܼ ܫܡ̈ܝܼܢܐ ܗ̄ ܩܿܢܝܢ ܫܘܼܡܢܐ: ܘܠܿܒܫܝܼܢ ܥܡܪܐ ܣܓܝܐܐ: ܡܛ݀ܠ ܕܗܿܢܘܿܢ ܕܟܪܝܼܗܝܼܢ ܐܦܠܐ ܥܡܪܗܘܢ ܚܿܫܚ ܠܠܒܘܼ̈ܫܐ ܡܝܬܪ̈ܐ܇ ܘܥܘܼܡ̈ܩܐ ܢܬܡܠܘܢܿ ܗ̄ ܓܘܼܒ̈ܐ ܘܐܘܨܪ̈ܐ ܐܘܿ ܠܥܘܼܡ̈ܩܐ ܘܦܩܥ̈ܬܐ ܕܡܙܕܪܥܝܼܢ ܐܡܿܪ܀ ܢܪܘܙ ܢܼ ܘܢܫܿܒܚܘܢܼ ܗ̄ ܠܗ݀ܝ ܕܫܡ̈ܝܼܢܐ ܕܥ̈ܢܐ ܢ݀ܩܦܐ ܗܕܐ܇ ܐܟܡܿܢ ܕܐܦ ܗܼܢܘܿܢ ܥܡ ܡܠ̈ܝܼܠܐ: ܒܝܕ ܪܥܝܐ ܡܫܪܬܚܐ܇ ܘܓܘܼܪܐ ܐܘܟܝܼܬ ܦܫܪܐ ܕܥܝܕܐ܆ ܐܝܟ ܕܒܩܠܐ ܡܫܒܚܝܼܢ ܠܐܠܗܐ ܕܡܼܠܐ ܐܢܘܿܢ ܪܘܙܐ ܘܣܒܥܘܼܬܐ܀ ܡܙ̈ܡ ܕܣ̄ܘ ܥܠ ܦܘܼܢܝܐ ܕܡܼܢ ܒܒܠ ܘܦܪܨܘܦ ܡܝܬܪ̈ܐ: ܒܣܘܿܓܐܐ ܕܥܘܼܫܢܟ ܗ̄ ܒܣܘܿܓܐܐ ܠܡ ܕܥܼܘܫܢܟ ܒܝܕ ܬܡܝܼ̈ܗܬܐ ܕܚܘܝܼܬ ܨܝܕ ܥܡܟ: ܣܓܝ̈ܐܐ ܡܼܢ ܢܘܼܟܪ̈ܝܐ ܟܕ ܪܥܝܢ܇ ܡܼܢ ܕܚܠܼܬܐ ܪܗܛܘ ܠܡܬܓܘܣܘܼ ܒܟ ܘܐܬܓܼܙܪܘ ܘܗܘܼܬ݀ ܗܕܐ ܒܙܒܢ ܐܪܛܚܫܫܬ܇ ܗܘܿ ܕܡܛ݀ܠ ܚܘܼܒܗ ܕܠܘܬ ܐܣܬܝܪ ܘܚܦܝܼܛܘܼܬܐ ܕܡܘܪܕܟܝ ܦܩܼܕ ܕܢܫܬܠܛܘܢܼ ܝܘܕ̈ܝܐ ܒܫܘܿܫܢ ܡܕܝܢܬܐ ܕܒܫܠܝܘܡ ܥܠ ܥܡܡ̈ܐ ܘܢܘܕܒܘܢܼ ܐܢܘܿܢ 326 ܘܣܓ̈ܝܐܐ ܡܼܢ ܥܡܡ̈ܐ ܡܼܢ ܕܚܠܬܗܘܢܿ ܓܙܼܪܘ܀ ܢܬܟܪܟܼܘܢܼ ܟܕܒܘܼـܐ ܩܿܪܐ ܠܗܿ ܐܟܡܿܢ ܕܠܘ ܡܼܢ ܨܒܝܢܐ ܗܘܼܬ݀܀ ܬܡܢ ܢܚܕܐ ܒܗ ܗ̄ ܒܣܘܼܥܪ̈ܢܐ ܠܡ ܬܡܝ̈ܗܐ ܕܐܝܟ ܗܿܠܝܢ܇ ܥܿܒܕ ܠܢ ܕܢ݀ܚܕܐ ܒܗ ܘܢܫܿܬܒܗܪ ܒܒܝܬܝܘܼܬܗ܇ ܐܝܟ ܕܒܡܿܢ ܕܗܘܼܝܘܼ ܡܪܐ ܫܪܝܪܐ ܕܫܠܝܼܛ ܒܓܢ̱ܒܪܘܼܬܗ ܐܡܝܢܐܝܬ: ܘܠܥܠܡ ܠܐ ܡܬܼܡܚܠ ܚܝܠܗ܀ ܝܘܢܝܐ ܘܐܫܡܼܥܘ ܩܠܐ ܕܫܘܼܒܚܗ ܗ̄ ܫܡܝܼܥܬܐ ܥܘܼܒܕܘܗܿ ܠܬܫܒܘ̄ܗ ܠܟ݀ܠܢܫ: ܘܣܼܡ ܢܦܫܢ ܒܚ̈ܝܐ ܗ̄ ܡܛܠܗܕܐ ܘ݀ܠܐ ܕܢܫܬܒܚ܀ ܘܠܐ ܝܗܼܒ ܪܓܠܢ ܠܙܘܥܬܐ ܗ̄ ܐܝܟ ܪܓܬܗ ܕܗܡܢ ܦܿܩܕ ܗܼ،ܐ ܕܢܩܛܠ ܐܢܘܿܢ ܘܒܫܘܼܠܛܢܐ ܕܡܘܪܕܟܝ ܐܬܦܨܝܼܘ܀ ܐܥܠܬܢ ܒܡܨܝܼܕܬܐ ܗ̄ ܒܫܒܝܐ܇ ܐܘܠ̈ܨܢܐ ܒܚܨ̈ܝܢ ܥܩܪܝܐ ܚܙܩܐ ܕܒܚ̈ܨܝܢ ܗ̄ ܐܝܟ ܗܿܢܘܢܿ ܕܟܕ ܡܬܚܝܨܝܼܢ ܐܣܘܪ̈ܝܗܘܿܢ ܥܡܩ̈ܢ ܕܘܼܟܝ̈ܬܐ ܕܒܦܓܪܗܘܢܿ܆ ܡܼܢ ܢܘܓܼܪܗ ܕܙܒܢܐ܀ ܐܪܟܒܒܼܬ ܒܪܢܫܐ ܗ̄ ܥܒܼܕܬܢ ܐܦ ܕܢ݀ܬܬܕܝܼܫ ܡܢܗܘܿܢ܀ ܐܥܠܼܬܢ ܒܢܘܼܪܐ ܗ̄ ܒܥܩ̈ܬܐ ܡܫܚ̈ܠܬܐ ܕܚܢ̈ܩܢ ܘܡܘ̈ܒܕܢ: ܐܥܠܼܬܢ ܐܠܐ ܐܦܩܼܬܢ ܠܪܘܚܬܐ ܗ̄ ܒܝܕ ܦܘܼܢܝܐ ܕܝܗܼܒܬ ܠܢ܀ ܡܙ̈ܡ ܕܣ̄ܙܙ ܥܠ ܦܘܼܢܝܐ܀ ܘܡܿܠܦ ܠܟܗ̈ܢܐ ܕܡܐ ܕܦܢܼܘ ܢܒܪܟܘܢܼ ܠܥܡܐ ܐܝܟ ܢܡܘܿܣܐ ܕܐܡܿܪ܇ ܕܗܿܟܢܐ ܠܡ ܗܼܘܝܬܘܿܢ ܡܒܪܟܝܼܢ ܠܒܢ̈ܝ ܝܣܪܐܝܠ ܘܫܪܟܐ܀ ܢܒܪܟܢ ܗ̄ ܒܘܼܪܟܬܐ ܗܪܟܐ܆ ܠܟܗܢܘܼܬܐ ܕܐܪܥܐ ܘܥ̈ܠܠܬܐ ܕܦܐܪ̈ܐ ܩܿܪܐ܀ ܢܘܕܘܢܿ ܠܟ ܗ̄ ܡܐ ܕܗܼܘܐ ܠܢ ܦܘܼܢܝܐ: ܡܿܘܕܝܢ ܥܡܡ̈ܐ ܟ݀ܠܗܘܢܿ ܠܐܠܗܐ܀ ܘܡܠ̈ܟܘܬܐ ܢܼܚܕ̈ܝܢ ܘܢܫܼܒ̈ܚܢ ܗ̄ ܒܐܒܕܢܗܿ ܕܒܒܠ ܡܟܟܢܝܬ ܗ̄ .. ܘܠܡܠܟܘܼܬܐ ܡܿܕܒܪ ܗ̄ ܕܠܐ ܢܣܩܘܢܼ ܘܢܫܒܘܿܢ ܠܥܡܐ ܐܝܟ ܕܡܼܢ ܩܕܝܼܡ܀ ܡܙܡܘܪܐ ܣܚ̄ ܐܡܝܼܪ ܠܕܘܝܕ ܟܕ ܐܣܼܩ ܠܩܒܘܬܐ ܡܼܢ ܒܝܬܗ ܕܥܘܟܪ ܐܕܘܡ ܓܬܝܐ: ܟܕ ܡܿܪܩܕ ܩܕܡܝܗܿ ܘܡܿܫܒܚ ܠܬܕܡܪ̈ܬܐ ܡܿܕܟܼܪ ܗ̄ ܕܠܐ ܢܣܩܘܢܼ ܘܢܫܒܘܿܢ ܠܥܡܐ ܐܝܟ ܕܡܼܢ ܩܕܝܼܡ ܕܐܣܬܼܥܪ ܒܩܪܝܼܒܘܼܬܗܿ ܕܩܒܘܬܐ: ܒܙܒܢ ܡܘܫܐ ܘܝܫܘܥ܆ ܘܟܕ ܢܣܼܒ ܦܪܨܘܦܐ ܕܗܿܢܘܿܢ ܘܐܟܘܬܗܘ݀ܢ ܡܫܒܚ ܘܐܡܿܪ܀ ܢܩܘܼ̱ ܐܠܗܐ ܘܢܬܒܕܪܘܢܼ ܗ̄ ܩܘܡܗ ܕܐܠܗܐ ܠܩܘܡܗܿ ܕܩܒܘܬܐ ܩܿܪܐ܇ ܐܝܟ ܗ݀ܘ ܕܒܗܿ ܐܝܬܘܗܝ ܕܒܥܠܬܗܿ ܟܐܡܬ ܡܬܬܙܝܼܥ ܠܥܘܼܕܪܢܗܘܢܿ ܘܠܡܣܡ ܒܪܝܐ ܫܕܒܥ̈ܠܕܒܒܝܗܘܢܿ܇ ܗ̣ܿܢ ܚܝܠܬܢ ܚܝܠܗ ܕܒܠܚܘܕ ܐܢ ܢܩܘܼܡ: ܠܟ݀ܠܗܘ݀ܢ ܒܥ̈ܠܕܒܒܐ ܡܿܒܕܪ܀ ܫܒܚܘ ܠܕܪܟܝܼܒ ܠܡܥܪܒܐ ܗ̄ ܪܟܝܼܒ ܐܝܟ ܗܢܝܘܟܐ ܥܠ ܡܪܟܒܬܗ ܘܐܙ݀ܠ ܒܪܝܫ ܥܡܗ܇ ܘܕܒܿܪ ܠܐܦܝ̈ ܡܥܪܒܐ ܕܢܥܠܝܘܗܝ ܠܥܡܗ ܠܐܪܥܐ ܕܐܫܬܘܕܝܼ ܠܐܒܗ̈ܝܗܘ݀ܢ܇ ܐܦ ܓܝܪ ܡܼܢ ܡܕܢܚܗܿ ܕܐܪܥܐ ܗܘܼܬ݀ ܡܥܠܬܗܘ݀ܢ܀ ܐܠܗܐ ܒܡܥܡܪܗ ܗ̄ ܥܠܪܝܫ ܛܘܼܪܐ ܕܣܝܢܝ܀ ܡܿܘܬܒ ܝܼܚܝܼܕܝܐ ܗ̄ ܝܚܝܕܝܐ ܥܠܡܐ ܩܿܪܐ ܐܟܡܿܢ ܕܝܼܚܝܼܕܝ ܗܼܘܐ ܒܥܝܕܗ ܘܒܢܡܘ̈ܣܘ̄ 327 ܘܚ̈ܝܐ ܦܪ̈ܝܫܐ ܘܠܐ ܡܚ̈ܠܛܐ ܩܿܢܐܼ ܗܼܘܐ ܠܘܬ ܥܡ̈ܡܐ܀ ܒܒܝܬܗ ܗ̄ ܒܐܪܥܐ ܕܡܘܼܠܛܢܐ܀ ܘܡܿܦܩ ܐܣܝܼܪ̈ܐ ܗ̄ ܘܠܥܡܐ ܐܝܟ ܕܒܣܘܼ̈ܛܡܐ ܐܣܝܼܪ ܗܼܘܐܒܡܨܪܝܢ: ܒܚܝܠܐ ܟܫܝܼܪܐ ܐܥܕܝܼ ܠܐܪܥܐ ܕܡܘܼܠܟܢܐ܀ ܘܡܪ̈ܘܕܐ ܢܫܪܘܢ ܗ̄ ܡܪ̈ܘܕܐ ܠܡ ܗܿܘܝܢ ܐܦ ܗܿܝܕܝܟ: ܘܡܪܡܪ̈ܢܐ ܐܝܟ ܫ̈ܠܕܐ ܕܒܩܒܪ̈ܐ ܥܓܝܼܢܝܼܢ ܗܼܘܘ ܒܥܒܕܘܼܬܐ ܗ݀ܫܐ ܣܿܕܪ ܠܬܕܡܪ̈ܬܐ܀ ܐܠܗܐ ܟܕ ܢܦܼܩܬ ܗ̄ ܟܕ ܗܘܼܝܬ ܡܫܒܠܢܢ܀ ܐܪܥܐ ܙܥܼܬ݀ ܗ̄ ܟܕ ܒܝܕ ܥܡܘܼܕܐ ܕܥܢܢܐ ܘܩܒܘܬܐ ܗܕܐ ܩܕܡܝܢ ܡܿܗܠܟ ܗܼܘܝܬ܇ ܐܬܘ̈ܬܐ ܕܗܕܝܘܼܬܟ ܘܡܫܒܠܢܘܼܬܟ ܠܟܿܠ ܝ݀ܗܒ ܗܼܘܝܬ: ܒܝܕ ܙܘܥܐ ܕܐܪܥܐ. ܘܫܡܝܐ ܕܐܡܛܪ ܡܛܪܐ ܕܨܒܝܢܐ ܗ̄ ܡܢܢܐ ܐܝܼܬܘܗܝ ܗܘܿ ܕܒܨܒܝܢܐ ܕܐܠܗܐ ܠܒܪ ܡܼܢ ܡܛܪܐ ܕܥܝܕܐ ܗܼܘܐ܀ ܐܬܟܪܗܬ݀ ܗ̄ ܝܪܬܼܘܬܼܟ ܒܥܒܕܘܼܬܐ ܕܡܨܪ̈ܝܐ܀ ܘܐܢܬ ܬܩܦܬܗܿ ܗ̄ ܫܪܪܬܗܿ ܒܐܪܥܐ ܕܡܘܼܠܟܢܐ܀ ܚܝܘ̈ܬܟ ܥܿܡܪܝܼܢ ܗ̄ ܡܛ݀ܠ ܡܫܪܬܚܘܼܬܐ ܕܐܪܥܐ: ܐܦ ܚܝ̈ܘܬܐ ܐܘܟܝܼܬ ܒܥܝܪ̈ܐ ܕܥܡܟ ܥܿܡܪܝܼܢ ܒܗܿ ܟܕ ܠܐܡܬܼ̈ܠܨܢ ܡܼܢ ܙܪܝܼܒܘܼܬܗܿ ܕܕܘܼܟܬܐ܀ ܡܠܼܬܐ ܕܣܒܪܬܐ ܗ̄ ܡܠܼܬܐ ܕܣܒܪܬܐ ܩܿܪܐ ܠ̈ܡܠܐ ܕܐܬܐܼܡܪ̈ܝ ܡܼܢ ܐܠܗܐ ܠܘܬܗܘܿܢ ܒܝܕ ܡܘܫܐ ܘܝܫܘܥ: ܗܿܢܝܢ ܕܒܚܝܠܐ ܪܒܐ ܐܫܼܬܪܪ̈ܝ ܗܼܘ̈ܝ܀ ܢܬܟܢܫܘܢܼ ܗ̄ ܟܕ ܐܬܟܢܼܫܘ ܥܠܝܢ ܬܠܬܝܢ ܘܚܕ ܡܠ̈ܟܐ ܥܡ ܚܝܠ̈ܘܬܗܘܢܿ ܝܗܒܼܬ ܠܢ ܕܢ݀ܦܠܓ ܒܙܬܗܘ݀ܢ: ܘܒܗܿ ܢܨܿܒܬܝܘܗܝ ܠܗܝܟܠܐ܆ ܕܢܿܐܡܪ ܡܛ݀ܠ ܒܝܬ ܡܫܪܝܐ ܕܐܝܼܬ ܠܟ ܒܝܢܬܢ܇ ܝܗܼܒܬ ܠܢ ܗܕܐ ܡܨܠܚܢܘܼܬܐ܇ ܐܢ ܬܕܡܟܘܢܼ ܒܝܬ ܫܦ̈ܝܐ ܗ̄ ܩܕܡ ܕܢܐܪܬܘܢܼ ܠܐܪܥܐ܇ ܐܫܬܘܕܝܼ ܠܗܘܿܢ ܐܠܗܐ ܗܿܠܝܢ܇ ܟܕ ܬܫܪܘܿܢ ܒܫܠܝܐ܇ ܡܐ ܕܐܫܼܬܩܠܘ ܫܦܝ̈ܐ ܐܘ݀ܟܝܼܬ ܒܥ̈ܠܕܒܒܐ ܕܚܕܝܼܪܝܼܢ ܠܟܘ݀ܢ܇ ܗܿܝܕܝܢ ܡܬܼܒܢܐ ܒܝܬܐ ܕܐܠܗܐ܆ ܘܗܘ̈ܝܢ ܒܗ ܓܠ̈ܦܐ ܫܦܝܼܪ̈ܐ܆ ܩܪܝܼܡܝܼܢ ܒܕܗܒܐ ܘܒܣܐܡܐ܀ ܥܒܪܝܐ ܚܠܦ ܫܦܝ̈ܐ ܩܝܡ̈ܬܐ ܐܡܿܪ ܗ̄ ܐܦܢ ܪܢܝܢ ܐܢܬܘܿܢ ܕܒܝܢܬ ܥܡ̈ܡܐ ܥܬܝܼܪ̈ܐ: ܠܐ ܡܿܨܝܢܼ ܐܢܬܘܿܢ ܠܡܥܼܡܪ ܒܗ݀ܝ ܕܐܝܬܝܟܘܿܢ ܨܪ̈ܝܼܟܐ܇ ܘܐܝܟ ܡܣܟ̈ܢܐ ܒܩܝܡ̈ܬܐ ܡܥܪܓܠܝܼܢ ܐܢܬܘܿܢ܇ ܠܗܢܐ ܟ݀ܠܗ ܥܘܼܬܪܐ ܘܫܠܝܐ ܡܿܝܬܐ ܐܢܼܐ ܠܟܘܿܢ܇ ܐܝܟ ܕܡܼܢ ܡܠܘܼܐܐ ܣܓܝܐܐ ܕܒܿܙܝܼܢ ܐܢܬܘܿܢ ܡܢܗܘܿܢ܆ ܝܘܢܝܐ ܓܦ̈ܐ ܕܝܘܢܐ ܕܡܣ̈ܦܦܢ ܒܕܗܒܐ ܬܫܬܥܘܿܢ ܘܬܬܦܪܓܘܿܢ ܐܝܟ ܥܝܕܐ ܕܥܬܝܼܪ̈ܐ: ܡܼܢ ܟ݀ܠܗܝܢ ܨܘܪ̈ܬܐ ܣܼܡ ܒܠܚܘܕ ܓܦ̈ܐ ܕܝܘܢܐ: ܡܛ݀ܠ ܕܚܙܼܬܐ ܗܕܐ ܝܬܝܪܐܝܬ ܡܦܪܓܐ ܘܫܦܝܼܪܐ: ܘܡܐ ܕܡܕܗܒܐ ܘܨ݀ܡܚܐ ܡܼܢ ܪܘܼܚܐ܀ ܝܘܢܝܐ ܚܠܦ ܫܦ̈ܝܐ܆ ܦܨ̈ܐ ܐܡܿܪ܀ ܟܕ ܦܼܪܫ ܐܠܗܐ ܗ̄ ܬܚܘܝܼܬܐ ܕܡܫܟܚ ܐܠܗܐ ܠܡܬܼܠ ܠܟܘܿܢ: ܗܕܐ ܡܦܪܓܘܼܬܐ ܣܼܒܘ ܠܟܘܿܢ ܡܼܢ ܗ݀ܝ ܕܟܕ ܦܼܪܫ ܐܠܗܐ ܡܠܟܐ ܠܥܡܢ ܒܛܘܼܪܐ ܕܣܝܼܢܝ܀ ܕܢܗܼܘܐ ܠܗ ܡܠܟܘܼܬܐ ܘܟܗ̈ܢܐ ܘܥܡܐ ܩܕܝܼܫܐ: ܒܗ ܒܙܒܢܐ ܐܦܪܓܼܬ݀ ܟܢܘܼܫܬܐ ܒܚܘܪ̈ܐ ܒܕܡܘܼܬ ܬܠܓܐ܇ ܘܐܦܼܣ ܠܗܘܿܢ ܕܐܡܬܝ ܕܒܿܥܝܢ ܢܩܝܼܡܘܢܼ 328 ܠܗܘܢܿ ܡܠܟܐ܀ ܒܨܠܡܘܢܿ ܗ̄ ܡܚܘܐ ܒܗܿܕܐ ܕܐܝܟܢܐ ܡܩܝܼܡܝܼܢ ܡܠܟܐ: ܘܡܬܓܠܝܼܢ ܒܥܕ̈ܥܐܕܐ: ܒܨܠܡܘܢ ܗ̄ ܒܛܘܼܪܐ ܕܨܗܝܘܢ ܗܿܟܢ ܡܬܼܩܪܐ ܗܼ،ܐ ܒܙܒܢ: ܡܼܢ ܦܚܡܐ ܡܿܚܘܐ ܪܒܘܼܬܗ܀ ܛܘܼܪ̈ܐ ܕܒܝܫܢ ܗ̄ ܛܘܼܪ̈ܐ ܗܿܠܝܢ ܩܪܝܼܒܝܼܢ ܠܛܘܼܪ̈ܐ ܕܝܼܣܪܐܝܠ: ܘܒܝܕ ܛܘܼܪ̈ܐ܇ ܥܠ ܥܡܡ̈ܐ ܪܡܿܙ ܕܒܕܪ̈ܝܗܘ݀ܢ܀ ܥܒܪܝܐ ܢܗܝܼܪܐܝܬ ܐܡܿܪ ܕܛܘܼܪ̈ܐ ܕܒܝܫܢ ܡܢܐ ܨ݀ܒܝܢ ܐܢܬܘܿܢ ܐܡܿܪ܀ ܝܘܢܝܐ܇ ܛܘܪ̈ܐ ܫܡ̈ܝܢܐ܆ ܛܘܪ̈ܐ ܕܓܒܬܐ ܐܡܿܪ܀ ܪܟܼܒ ܐܠܗܐ ܗ̄ ܟܕ ܐܥܼܠ ܐܠܗܐ ܠܥܡܐ ܠܐܪܥܐ: ܐܝܟ ܗܘܿ ܕܒܪܝܫ ܐ̈ܠܦܐ ܘܪ̈ܒܘܬܐ ܕܡܠܐܟ̈ܐ ܥܠܼ ܥܡܐ܀ ܣܠܼܩܬ ܠܡܪܘܡܐ ܗ̄ ܐܬܚܙܝܼܬ ܪܡܐ ܒܝܕ ܗܿܠܝܢ ܕܣܼܥܪܬ ܠܘܬ ܡܨܪ̈ܝܐ: ܕܢܣܼܒܬ ܥܘܼܬܪܗܘܢܿ ܘܝܗܒܼܬ ܠܢ ܘܚܼܪܪܬܢ ܡܼܢ ܫܘܼܥܒܕܗܘܢܿ: ܐܦܢ ܐܝܿܬܝܢ ܗܼܘܝܢ ܡܪ̈ܘܕܐ ܒܡܨܥܬ ܐܘܠ̈ܨܢܐ ܘܡܿܡܛܝܢ ܠܡܘܬܐ: ܐܦܩܼܬܢ ܡܼܢ ܒܝܢܬܗܘܢܿ: ܐܝܟ ܐܢܫ ܡܥܩܐ ܕܒܡܦܩܐ ܕܡܼܢ ܚܝ̈ܐ ܡܓܗ̈ܐ ܡܼܢ ܛܘܼܪ̈ܦܐ܀ ܒܝ̈ܥܬܐ ܕܣܥܪܐ ܗ̄ ܣܥܪܐ ܕܒܩܪܩܦܬܐ܀ ܐܚܪ̈ܢܐ܆ ܠܡܘܼܚܐ ܕܒܩܪܩܦܬܐ ܕܐܝܼܬ ܠܥܠ ܡܢܗ ܡܘܥܝܼܬܐ ܕܣܥܪܐ܇ ܩܿܪܐ ܒܝܼܥܬܐ ܕܣܥܪܐ܀ ܡܼܢ ܒܝܬ ܫ̈ܢܐ ܗ̄ ܦܠܼܛ ܐܠܗܐ ܠܥܡܐ ܕܥܒܪ̈ܝܐ ܡܼܢ ܡܨܪ̈ܝܐ ܘܥܡ̈ܡܐ: ܐܝܟ ܕܡܼܢ ܒܝܬ ܫܢ̈ܐ ܘܐܝܬܝܼ ܐܢܘܿܢ ܠܐܪܥܐ܀ ܝܘܢܝܐ ܚܠܦ ܫܢ̈ܐ܆ ܒܝܼܫ̈ܢ ܗ̄ ܐܟܡܿܢ ܒܐܣܐܢ ܕܬܡܢ ܐܥܒܪ ܐܢܘܿܢ ܐܠܗܐ܆ ܒܝܢܬ ܥܡܡ̈ܐ ܒܝܼܫ̈ܐ ܘܡܪܝܼܪ̈ܐ: ܘܠܐ ܐܢܟܝܼܘ܀ ܡܛ݀ܠ ܕܬܨܛܒܥ ܪܓܠܟ ܗ̄ ܐܠܗܐ ܒܕܡܐ ܗ̄ ܕܩܪܒ ܥܡ ܥܡܟ: ܐܡܼܪܗܿ ܡܼܢ ܕܡܘܼܬܐ ܕܪܒ ܚܝܠܐ܇ ܕܟܕ ܚܿܪܒ ܣܓܝ̈ܐܐ ܘܕܐܫܿ ܥܠ ܫܠ̈ܕܝܗܘܿܢ܇ ܡܨܛܒ̈ܥܢ ܪ̈ܓܠܘܗܝ ܒܕܡܐ܀ ܘܗ݀ܝ ܡܛ݀ܠ܆ ܠܘ ܐܝܟ ܕܒܥܼܠܬܐ ܣܿܐܡ ܠܗܿ܇ ܐܠܐ ܢܩܿܦܐ ܡܢܗܘܢܿ ܕܣܘܼܥܪ̈ܢܐ܀ ܠܫܢ̈ܐ ܕܟܠ̈ܒܝܟ ܗ̄ ܘܗܕܐ ܡܼܢ ܕܡܘܼܬܐ ܕܨܝܕܐ ܕܡܿܪܘܐ ܠ̈ܟܠܒܘܗܝ ܡܼܢ ܕܡܐ ܕܚܝ̈ܘܬܐ ܕܨܿܐܕ. ܟܠ̈ܒܘܗܝ ܡܿܫܡܗ ܠܟܠ̈ܒܐ ܕܥܡܐ܀ ܚܙܼܘ ܗܠ̈ܟܬܟ ܐܠܗܐ ܗ̄ ܚܙܼܘ ܠܐܠܗܐ ܕܝܼܣܪܐܝܠ ܘܬܚܝܬ ܪ̈ܓܠܘܗܝ ܠܒܬܐ ܕܣܦܝܼܠܐ܇ ܐܝܟ ܕܐܡܝܼܪ ܒܐܘܪܝܬܐ܀ ܩܕܡܘ ܪܘܪ̈ܒܢܐ ܗ̄ ܗܕܐ ܒܝܡܐ ܐܣܬܼܥܪܬ݀܀ ܟܕ ܚܠܝܼܛ ܗܼ،ܐ ܡܘܫܐ ܘܐܗܪܘܢ ܒܪܘܪ̈ܒܢܐ ܘܡܫܒܚܝܼܢ ܗܼ،ܘ ܥܡ ܥܠ̈ܝܡܬܐ ܢܩܫ̈ܬܐ ܒܦܠ̈ܓܐ܀ ܒܪܟܘ ܠܡܪܝܐ ܗ̄ ܡܿܚܦܛ ܠܕܒܙܒܢܗ ܠܬܘܕܝܼـܐ܀ ܡܼܢ ܡܒܘܼ̈ܥܐ ܡܼܢ ܫܒ̈ܛܐ ܕܢܦܼܩܘ ܡܢܗ ܐܬܝܒܼܠܬܘܢܿ܀ ܙܥܘܪܐ ܒܫܠܝܐ ܗ̄ ܒܬܡܼܗܐ ܩܿܐܡ ܗܼ،ܐ ܡܼܢ ܬܟܝܼܒܘܼܬ ܩ̈ܠܐ ܘܠܡܦܝ̈ܕܐ ܕܚܿܙܝܢ ܗܼܘܘ ܡܼܢ ܫܒܛܐ ܕܒܢܝܡܝܢ: ܪܡܿܙ ܥܠ ܟܿܠܗܘܢܿ ܕܗܿܝܕܝܟ ܒܛܘܼܪܐ ܕܣܝܼܢܝ ܚܙܼܘ ܠܐܠܗܐ ܘܥܡܗ ܪܘܪ̈ܒܢܐ ܕܝܗܘܕܐ ܘܫܪܟܐ܀ ܦܩܘܿܕ ܐܠܗܐ ܗ̄ ܐܦ ܗܫܐ ܘܚܘܐ ܥܘܼܫܢܟ܀ ܘܐܥܫܢ ܐܠܗܐ ܗ̄ ܠܗܕܐ ܐܪܥܐ ܕܥܬܼܕܬ ܠܢ܇ ܕܠܐ ܢܥܘܿܠ ܠܗܿ ܒܥܠܕܒܒܐ܀ ܡܼܢ ܗܝܟܠܟ ܗ̄ ܢܫܬܕܪ ܥܘܼܕܪܢܐ ܠܐܘܪܫܠܡ ܡܕܝܢܬܟ܀ ܐܚܪܢܐܝܬ ܕܡܛ݀ܠ ܗܝܟܠܟ ܒܐܘܪܫܠܡ܇ ܣܥܘܿܪ ܗܕܐ܇ ܐܦܢ ܚܢܢ ܠܐ ܫܿܘܝܢܢ 329 ܗܝܟܠܐ܆ ܠܡܫܟܢܐ ܡܿܫܡܗ܀ ܠܟ ܢܝܬܘܢܿ ܗ̄ ܡܼܢ ܥܠܬ ܛܒ̈ܬܐ ܠܟܢܘܫܬܐ ܕܥܡ̈ܡܐ ܕܒܚܕܪ̈ܝܗܘ݀ܢ ܩܿܪܐ: ܘܐܡܿܪ ܕܟܐܝܼ ܒܗܿܠܝܢ: ܡܛ݀ܠܕܒܐܣܟܝܼܡ ܐܪ̈ܘܢ ܘܥ̈ܓܠܐ ܚܝ̈ܠܬܢܐ ܕܩܪܝܼܡܝܼܢ ܒܣܐܡܐ ܡܬܩܢܝܼܢ ܠܐܠ̈ܗܐ ܕܣܿܓܕܝܼܢ ܠܗܘܢܿ: ܫܒܩܼܘ ܠܐܠܗܘܼܬܟ ܘܩܢܼܘ ܣܝܼ̈ܥܬܐ ܘܒܩܪ̈ܐ ܕܐ̈ܠܗܐ܀ ܡܼܢ ܡܕܢܚܐ ܝܗܒ ܩܠܗ ܗ̄ ܒܩܠܗ ܠܡ ܐܬܒܪܝܼ ܢܘܼܗܪܐ: ܘܐܬܼܐ ܡܼܢ ܡܕܢܚܐ܇ ܐܘܿ ܥܠ ܩ̈ܠܐ ܕܗܘܼܘ ܒܛܘܼܪ ܣܝܼܢܝ ܐܡܿܪ: ܐܝܟ ܕܩܕܝܼܡܐ ܓܝܪ ܡܕܢܚܐ ܘܡܝܩܪܐ ܡܼܢ ܦܢ̈ܝܬܐ ܐܚܪ̈ܢܝܬܐ: ܗܿܟܢܐ ܩܕܝܼܡ ܐܠܗܐ ܘܪܡ ܡܼܢ ܒܪ̈ܝܬܐ܀ ܐܘܿ ܥܠܗ݀ܝ ܕܡܼܢ ܡܕܢܚܐ ܐܥܼܠܗ ܠܥܡܐ: ܘܒܩܠܗ ܐܪܥܠ ܠܟܢܥ̈ܢܝܐ ܕܒܐܪܥܐ܀ ܗܒܘ ܬܫܒܘ̄ ܗ̄ ܐܢܬܘܿܢ ܥܡܡ̈ܐ܀ ܘܝܼܣܪܐܝܠ ܗ̄ ܠܝܣܪܐܝܠ ܥܡܗ ܝܩܿܪܘ܇ ܘܐܫܒܼܥܒܕܘ ܐܝܟ ܕܙܕܩ܀ ܪܒܘܼܬ ܝܐܝܘܼܬܐ ܠܐܝܼܩܪܐ ܘܠܫܘܼܥܒܕܐ ܩܿܪܐ܀ ܡܙ̄ܡ ܕܣ̄ܛ ܥܠ ܡܩܒ̈ܐ ܟܕ ܡܿܬܢܝܢ ܥܠ ܩܪ̈ܒܐ ܘܢܟ̈ܠܐ ܕܣܒܼܠܘ ܡܼܢ ܢܘܼܟܪ̈ܝܐ ܡܼܢ ܒܢ̈ܝ ܥܡܗܘܿܢ܇ ܡܛ݀ܠ ܕܡܼܛܘ ܡ̈ܝܐ ܗ̄ ܡܝ̈ܐ ܘܗܘܬܐ ܘܨܡܪܬܐ ܠܟܢܘܼܫܝܐ ܕܒܝܼܫ̈ܬܐ ܡܿܡܫܗ: ܕܚܢ̈ܩܢ ܘܡܛܒ̈ܥܢ܀ ܥܘܼܡܩܐ ܕܡ̈ܝܐ ܩܿܪܐ܇ ܠܓܘܼ̈ܕܐ ܕܩܪ̈ܒܬܢܐ ܕܥܣܼܩ ܠܡܫܬܘܙܒܘܼ ܡܢܗܘܢܿ܀ ܠܐܝܿܬ ܒܩܪܚ ܗ̄ ܕܠܘܬܟ܀ ܘܚܪܬ݀ ܓܓܪܬܝ ܗ̄ ܐܫܬܼܗܝܬ݀ ܒܪܬ ܩܠܝ܀ ܓܙ̈ܝ ܥܝܢ̈ܝ ܗ̄ ܓܙ ܢܘܼܗܪܐ ܕܥܝܢ̈ܝ܀ ܠܐ ܬܐܚܘܿܕ ܥܠܝ ܗ̄ ܠܐ ܢܬܓܼܡܪ ܣܘܼܟܝܗܘܢܿ ܕܒܥ̈ܠܕܒܒܝ ܕܥܠ: ܘܢܙܟܘܿܢܢܝ ܦܘܼܪ̈ܣܝܗܘܿܢ: ܒܐܪܐ ܓܝܪ ܟܕ ܡܬܼܚܦܝܐ܇ ܐܒܿܕ ܗܿܘ ܕܐܝܼܬ ܗܼܘܐ ܒܓܘܗܿ܀ ܐܘܣܦܘ ܥܠ ܗ̄ ܡܛ݀ܠ ܕܐܢܬ ܡܚܝܬܢ ܒܐܝܼܕ̈ܝ ܒܪ̈ܝܐ ܒܥܠܬ ܚܛ̈ܗܝܢ ܐܘܣܦܘ ܥܠܝܢ ܒܢ̈ܝ ܥܡܢ: ܟܐܒܐ ܥܠ ܟܐܒ̈ܝܢ܇ ܐ݀ܫܒܚ ܗ̄ ܡܿܘܕܐ ܐܟܡܿܢ ܕܐܬܥܢܝܼ ܠܐܠܗܐ ܕܫܒܼܚܗ܀ ܘܐ݀ܫܦܪ ܠܡܪܝܐ ܗ̄ ܘܒܗܿܠܝܢ ܕܡܛ݀ܠ ܩܪ̈ܢܬܗܘܢܿ ܘܦܪ̈ܣܬܗܘܢܿ ܝܬܝܼܪ ܠܐ ܙܕܩܝܼܢ ܠܕܒܚ̈ܐ܀ ܩܪ̈ܣܢܐ ܗ̄ ܕܠܐ ܩܪ̈ܢܐ܀ ܡܙܡܘܪܐ ܕܫܒܥܝܢ܀ ܐܡܝܼܪ ܥܠ ܢܦܫܗ ܟܕ ܡܬܪܕܦ ܡܼܢ ܐܒܝܫܠܘܡ ܐܠܗܐ ܦܨܢܝ ܗ̄ ܬܗܼ،ܐ ܠܟ ܝܨܝܼܦܘܼܬܐ ܥܠܝ܇ ܘܣܘܼܝܿܥܐ ܩܠܝܼܠܐ ܐܘܫܛ ܠܝܼ܆ ܠܘ ܓܝܪ ܥܠ ܐܒܕܢܐ ܕܒܪܗ ܡܿܨܠܐ ܗܼܘܐ܇ ܐܠܐ ܕܟܕ ܡܬܦܠܗܕܝܼܢ ܡܪ̈ܘܕܐ ܥܡ ܒܪܗ ܒܡܣܡ ܒܪܝܫܐ ܕܡܩܒܠܝܼܢ: ܢܬܼܦܨܐ ܗܼܘ ܡܼܢ ܢܣܝܘܿܢܐ܀ ܡܙ̄ܡ ܕܥ̄ܐ ܥܠ ܐܘܠ̈ܨܢܐ ܕܥܡܐ ܕܒܒܒܠ ܘܕܐܝܟ ܕܠܬܘܪܨܗܘܿܢ ܐܬܐܼܠܨܘ ܘܡܿܒܕܩ ܥܠ ܣܘܼܟܝܗܘܢܿ܀ ܥܠܝܟ ܐܣܬܿܡܟܼܬ ܗ̄ ܡܼܢ ܟܕ ܐܬܩܝܡ ܓܢܣܢ ܡܼܢ ܐܒܗ̈ܐ ܥܩܪ̈ܐ: ܐܢܬ ܣܡܟܬܗܿ ܠܡܚܝܼܠܘܬܢ ܘܐܦܩܼܬܢ ܡܼܢ ܡܨܪܝܢ܇ ܐܝܟ ܕܡܼܢ ܡܨܪܝܢ܇ ܐܝܟ ܕܡܼܢ ܡܪܒܥܐ ܚܫܘܼܟܐ܀ ܘܡܼܢ ܡܥ̈ܝܗܿ ܗ̄ ܡܼܢ ܟܕ ܫܪܝܼ ܓܢܣܢ ܠܡܬܩܝܡܘܼ ܒܟ ܐܬܓܘܣܘ܆ ܘܒܟܦܢܐ ܩܡܼܬ ܠܗܘܿܢ܇ ܘܒܡܨܪܝܢ ܢܛܪܬ ܐܢܘܿܢ܀ ܥܕܡܐ ܠܡܪ̈ܘܡܐ ܗ̄ ܡܼܢ ܬܡܝܼܗ̈ܬܐ ܘܬܕܡܪ̈ܬܐ 330 ܕܣܼܥܪܬ ܒܦܘܼܢܝܢ܇ ܐܬܝܼ݊ܥܬ ܠܟܿܠܢܫ ܕܪܒܐ ܐܝܼܬܝܟ܀ ܡܙ̄ܡ ܕܥܒ̄ ܥܠ ܫܠܝܡܘܢ ܡܬܼܢܒܐ ܘܥܠ ܟܗܝܼܢܘܼܬ ܥܡܐ ܘܡܿܨܠܐ ܕܢܬܼܢܛܪ̈ܢ ܠܗܘܿܢ ܛܒ̈ܬܐ܀ ܐܠܗܐ ܗܒ ܕܝܼܢܟ ܠܡܠܟܐ ܗ̄ ܡܠܝܘܗܝ ܚܟܼܡܬܐ: ܕܡܢܗ ܕܝܼܢܐ ܘܙܕܝܼܩܘܼܬܐ ܕܢܡܘܿܣܟ ܡܬܼܢܨܚܐ܇ ܡܛ݀ܠ ܕܒܕܝܼܢܐ ܐܬܼܢܨܚ ܩܕܡܐܝܬ: ܡܠܟܐ ܘܒܪ ܡܠܟܐ ܠܗ ܠܫܠܝܡܘܢ ܩܿܪܐ܀ ܢܫܩܠܘܢܼ ܛܘܼܪ̈ܐ ܗ̄ ܛܘܪ̈ܐ ܩܿܪܐ ܠܡܠ̈ܟܘܬܐ ܕܥܡ̈ܡܐ ܕܡܫܼ̈ܬܝܢܢ ܥܡ ܥܡܐ ܡܛܠܬܗ܀ ܘܪ̈ܡܬܐ ܙܕܝܼܩܘܼܬܟ ܗ̄ ܙܕܝܼܩܘܼܬܗ ܕܐܠܗܐ ܕܡܼܢ ܥܠܼܬܗ ܒܟ݀ܠܕܘܼܟ ܡܬܼܟܪܙܐ܀ ܢܕܚܠܘܢܼ ܠܟ ܥܡ ܫܡܫܐ ܗ̄ ܡܼܢ ܥܠܬ ܛܒܼܐ ܕܬܡܝܼܗܘܼܬ ܥܒܿܕ̈ܘܗܝ: ܟ݀ܠ ܐܝܟܐ ܕܐܝܼܬܘܗܝ ܘܡܿܛܐ ܐܘܚܕܢܗ ܕܫܡܫܐ: ܐܦ ܕܚܠܼܬܗ ܥܠ ܟ݀ܠ ܪܡܝܐ: ܘܩܕܡ ܣܗܪܟܐ ܠܕܪܕܪ̈ܝܢ ܗ̄ ܗܿܟܢ ܠܡ ܡܟܬܪ ܫܠܡܗ܇ ܒܦܚܡܐ ܕܫܡܫܐ ܘܕܣܗܪܐ ܗ̄ ܟܡܐ ܕܐܝܼܬ ܠܗܘܢܿ ܠܗܿܠܝܢ ܠܡܢܗܪܘܼ: ܗܿܠܝܢ ܐܦ ܥܠ ܫܝܢܐ ܕܝܘܡ̈ܬܗ ܕܫܠܝܡܘܢ ܬܬܢܼܣܒܝ ܒܙܒܢܗܝܢ: ܒܪܡ ܫܘܼܡܠܝܐ ܫܪܝܪܐ: ܒܡܫܝܼܚܐ ܐܠܗܐ ܩܒܼ̈ܠܝ܀ ܢܚܘܿܬ ܗ̄ ܝܘܼܠܦܢܐ ܘܚܟܼܡܬܗ ܥܠ ܥܡܐ܀ ܐܝܟ ܡܛܪܐ ܥܠ ܗ̄ ܕܐܝܟ ܓܙܬܐ ܕܥܡܪܐ ܪܟܝܼܟܐܝܬ ܡܿܬܩܐ ܠ̈ܡܝܐ ܕܡܛܪܐ ܗܟܢܐ ܐܦ ܗܘܼ ܡܛ݀ܠ ܢܝܼܚܘܼܬܗ ܘܒܣܝܼܡܘܼܬܗ ܗܢܝܐܝܬ ܡܬܼܩܒܠ ܝܘܼܠܦܢܗ ܥܠ ܟ݀ܠܗ ܥܡܐ܀ ܢܫܘܚ ܦܐܪ̈ܘܗܝ ܗ̄ ܥܠ ܦܪܝܐ ܕܟܢܘ̈ܗܝ ܐܡܿܪ ܕܣܿܓܝܢ ܘܥܿܫܢܝܼܢ ܐܝܟ ܐܪ̈ܙܐ ܕܠܒܢܢ܀ ܘܩܕܡ ܫܡܫܐ ܗ̄ ܕܒܦܘܼܚܡܐ ܕܫܡܫܐ: ܢܬܼܢܛܪ ܫܡܗ ܘܥܘܼܗܕܢܗ ܠܕܪܕܪ̈ܝܢ ܒܥܠܡܐ܆ ܠܘ ܓܝܪ ܕܐܝܼܬ̄ܘ ܗܼܘܐ ܩܕ ܫܡܫܐ ܐܡܿܪ: ܐܠܐ ܕܒܟܡܐ ܕܩܝܿܡ ܥܠܡܐ ܡܿܟܬܪ ܫܘܼܒܚܗ ܘܚܟܡܼܬܗ܀ ܐܡܝܢ ܗ̄ ܒܪܬ ܩܠܐ ܗܿܝ ܡܚܬܡܢܝܼܬܐ ܕܡܙܡܘܪ̈ܐ܀ ܡܙ̄ܡ ܕܥܓ̄ ܥܠ ܥܡܐ ܕܒܒܒܠ: ܕܐܬܼܥܕܠܘ ܒܐܠܗܐ ܥܿܒܕ ܛܒ̈ܬܗܘܿܢ: ܘܡܼܢ ܥܠܼܬ ܐܘܠ̈ܨܢܐ ܕܥܼܕܘ ܥܠܝܗܘ݀ܢ ܡܼܢ ܒܒ̈ܠܝܐ܀ ܐܠܗܐ ܛܒ ܠܝܼܣܪܐܝܠ ܗ̄ ܛܒܐ ܠܡ ܐܝܼܬܘܗܝ ܐܠܗܐ ܒܗ݀ܝ ܕܠܐ ܬܒܿܥ ܐܝܠܝܢ ܕܡܼܢ ܒܪܝܼܪܘܬܐ ܡܬܐܼܡܪ̈ܢ܀ ܒܪܝܼܪܘܼܬܐ ܒܙܒܢ ܠܦܫܝܼܛܘܼܬܐ ܩܿܪܐ: ܘܒܙܒܢ ܠܗܕܝܘܼܛܘܼܬܐ܀ ܥܒܕܘ ܐܝܟ ܬܪܥܝܼܬܐ܇ ܗ̄ ܗܘܿ ܡܐ ܕܠܗ ܡܚܒ ܗܼ،ܐ ܠܗܘܢܿ ܓܡܼܪܘ ܕܠܐ ܥܘܼܘܟܐ܀ ܢܗܦܘܿܟ ܥܡܝ ܗ̄ ܡܼܢ ܦܪܨܘܦ ܐܠܗܐ ܐܡܼܪܗ܇ ܡܛ݀ܠ ܕܐܬܚܼܫܒܘ ܒܒ̈ܠܝܐ ܒܝܼܫܬܐ ܘܡܠܠܘ ܛܠܘܼܡܝܐ ܥܠܝ܇ ܡܛܠܗܕܐ ܢܦܼܢܐ ܘܢܗܦܘܿܟ ܥܡܝ ܗ̄ ܡܼܢ ܦܪܨܘܦ ܐܠܗܐ ܐܡܼܪܗ܇ ܡܛ݀ܠ ܕܐܬܚܼܫܒܘ ܒܒܠ̈ܝܐ ܒܝܼܫܬܐ ܘܡܠܠܘ ܛܠܘܼܡܝܐ ܥܠܝ܇ ܡܛܠܗܕܐ ܢܦܼܢܐ ܘܢܦܘܿܟ ܥܡܐ ܕܝܼܠܝ ܠܐܘܪܫܠܡ܀ ܢܫܟܚܘܢܼ ܠܗܘܿܢ ܗ̄ ܒܒܠ̈ܝܐ ܡܣܡ ܒܪܝܫܐ ܒܝܕ ܡܕ̈ܝܐ܇ ܘܝܣܪܐܝܠ ܦܘܼܙܝܐ܀ ܨܠܡܗܘܢܿ ܬܫܘܼܛ ܗ̄ ܒܕܡܘܼܬ ܛܠܠܐ ܘܨܠܡܐ܆ ܐܥܒܪ ܟܿܠܗܝܢ ܕܝܠܗܘܢܿ ܒܡܕܝܢܬ ܡܠܟܘܼܬܗܘܢܿ܇ ܐܝܟܢܐ ܕܠܫܝܛܘܼܬܐ ܢܐܬܘܿܢ܆ ܘܒܥܝܼܪܐ ܗܿܘܝܬ ܗ̄ ܒܦܚܼܡܟ ܕܝܼܠܟ ܒܥܝܼܪܐ ܐܢܼܐ܀ ܘܡܢܐ ܐܝܬ ܠܝܼ ܒܫܡܝܐ ܥܡܟ ܗ̄ 331 ܡܢܐ ܐܝܬ ܠܝܪ ܠܘܬܟ: ܕܡܛܠܬܗ ܐܚܼܕܬ ܐܝܼܕܝ ܕܝܡܝܼܢܐ ܘܦܪܩܼܬܢܝ ܡܼܢ ܫܒܼܝܐ܀ ܘܡܢܐ ܨܿܒܝܬ ܗ̄ ܘܣܿܥܪܬ ܟܕ ܒܐܪܥܟ ܥܿܡܪ ܗܿܘܝܬ: ܐܠܐ ܐܢ ܣܢ̈ܝܬܐ܇ ܕܗܿܠܝܢ ܪܘܪ̈ܒܬܐ ܫܡܠܝܼܬ ܨܐܕܝ܀ ܐܢܿܐ ܕܝܢ ܬܟܝܼܒܘܼܬ ܥܩ̈ܬܐ ܕܫܒܝܐ ܕܐܝܿܬܝ ܒܗ: ܓܡܼܪ ܠܒܝ ܘܗܘܝܿܬ ܕܠܐ ܗܘܢܐ: ܘܐܬܝܿܬ ܠܡܡܠܠܘܼ ܥܕܝܼܠ̈ܬܐ ܩܕܡܝܟ.. ܡܢܬܝ ܗ̄ ܒܪܡ ܠܝܬ ܠܝܼ ܣܒܪܐ ܐܚܪܢܐ܀ ܐܠܐ ܐܢ ܐܢܬ ܥܠܕܡܐ ܠܥܠܡ܀ ܡܙ̄ܡ ܕܥܕ̄ ܥܠ ܡܩܒ̈ܝܐ ܕܡܿܬܢܝܢ ܐܘܠ̈ܨܢܝܗܘܿܢ܆ ܘܫܿܐܠܝܼܢ ܓܗܝܬܐ܀ ܐܬܕܟܪ ܥܕܬܟ ܗ̄ ܥܕܬܐ ܩܿܪܐ ܠܟܢܘܼܫܬܐ ܕܡܓܘܝܐ ܒܒܝܬܝܘܼܬܐ ܕܠܘܬ ܐܠܗܐ: ܘܫܒܛܐ ܕܝܪܬܘܬܐ܇ ܠܐܬ݀ܐ ܕܡܠܟܘܼܬܐ ܪܡܿܙ: ܡܼܢ ܕܡܘܼܬܐ ܕܡܠ̈ܟܐ ܕܐܚܝܼܕܝܼܢ ܫܒ̈ܛܐ ܒܐܝܼܕ̈ܝܗܘܿܢ܇ ܐܬܕܟܪ ܐܘ̃ ܡܪܝܐ ܟܢܘܼܫܬܟ ܕܦܼܩܬ ܡܼܢ ܡܨܪܝܢ܇ ܘܐܥܡܼܪܬܗܿ ܠܚܘܕܐܝܬ ܒܛܘܼܪܐ ܕܨܗܝܘܿܢ܇ ܗܢܐ ܕܫܼܪܝܬ ܒܗ܀ ܘܐܪܝܼܡ ܥܒܕ̈ܝܟ ܗ̄ ܠܐ ܠܡ ܬܪܦܝܼܢ ܕܢ݀ܫܬܦܠ ܩܕܡ ܐܢܫ̈ܐ ܫܒܗܪ̈ܢܐ܇ ܐܠܐ ܐܪܝܡܢ ܥܠܝܗܘܢ܀ ܟ݀ܠ ܕܡܿܒܐܫ ܗ̄ ܕܐܒܼܐܫ ܘܛܘܫ ܒܥܠܕܒܒܐ ܠܩܘܼܕܫܟ ܐܘܟܝܼܬ ܡܫܟܢܟ: ܒܥܠܬܐ ܕܙܘܣ ܕܒܼܢܐ ܒܗ܀ ܐܫܬܒܗܪܘ ܗ̄ ܐܫܬܒܗܪܘ ܒܓܘ ܥܐܕܟ: ܕܨܒܼܘ ܕܢܒܛܠܘܢܼ ܐܢܘܿܢ ܕܠܐ ܢܬܥܒܕܘܢܼ܀ ܥܿܒܕ ܐܬܘ̈ܬܗܘܢܿ ܗ̄ ܝܼܕܝ̈ܥܐ ܘܐܬܘ̈ܬܐ ܕܙܟܘܿܬܗܘܢܿ ܣܡܼܘ ܠܥܠ ܡܼܢ ܬܪ̈ܥܐ ܕܡܕܝܢܬܐ: ܐܝܟ ܥܝܕܐ ܕܐܝܠܝܢ ܕܟܿܒܫܝܼܢ ܡܕܝܢ̈ܬܐ܇ ܓܢܬܼܝܕ̈ܥܢ ܕܕܝܼܠܗܘܢܿ ܐܢܝܢ܀ ܘܝܼܕܝܼܥܬܐ ܐܝܟ ܗ̄ ܘܝܼܕܝܼܥܬܐ ܐܝܟ ܐܠܗܐ ܠܗܿܠܝܢ: ܐܝܟ ܡܥܠܝܐ ܕܥܿܡܪ ܠܥܠ ܡܢܼܟ݀ܠ܆ ܘܠܐ ܛܫܿܐܼ ܡܢܗ ܡܕܡ܀ ܬܘܼܒ ܝܼܕܥܬܐ ܐܝܟ ܗ̄ ܕܡܘܼܬܐ ܕܙܘܣ ܘܫܡܗ ܟܬܼܒܘ ܠܥܠ ܡܼܢ ܡܥܠܢܐ ܕܗܝܠܟܐ: ܘܝܼܕܥܘ ܟܐܡܬ ܡܢܗܿ ܕܙܟܘܼܬܗܘܿܢ: ܕܗܘܼܝܘܼ ܡܥܠܢܐ ܘܪܒܐ܀ ܦܠ̈ܩܐ ܘܟܘܼܠ̈ܒܐ ܡ̈ܐܢܐ ܐܢܘܿܢ ܕܦܣ̈ܘܠܐ ܕܒܗܘܢܿ ܡܬܒܪܝܼܢ ܠܟܐܦ̈ܐ܀ ܐܬܘ̈ܬܗܘܢܿ ܠܐ ܚܼܙܘ ܗ̄ ܐܦܠܐ ܐܬܘ̈ܬܐ ܚܙܼܘ ܕܡܣܼܬܥܪ̈ܢ ܒܝܢܬܢ: ܐܝܟ ܕܒܝܘ̈ܡܝ ܡܘܫܐ ܘܝܫܘܿܥ ܕܟܒܪ ܢܕܚܠܘܢܼ ܘܢܬܬܟܣܘܢܼ ܡܼܢ ܒܝܼܫܘܼܬܗܘܢܿ܀ ܠܝܬ ܬܘܼܒ ܢܒܝܐ ܗ̄ ܘܐܦܠܐ ܢܒܝܐ ܐܝܬ ܒܢܬܢ ܕܓܿܠܢ ܠܢ: ܐܝܠܝܢ ܕܡܬܚܫܒܝܼܢ ܥܠܝܢ ܒܥܠܕܒܒ̈ܐ܀ ܦܪܼܫܬ ܝܡܐ ܗ̄ ܦܠܓܼܬ ܝܡܐ ܕܣܘܿܦ܀ ܪ̈ܝܫܝܗܘܢܿ ܕܬܢܝܼ̈ܢܐ ܗ̄ ܡܨܪ̈ܝܐ ܕܒܕܡܘܼܬ ܬܢܝܼ̈ܢܐ ܪܕܦܝܼܢ ܗܼܘܘ ܒܿܬܪܢ܇ ܛܒܼܥܬ ܒܝܡܐ ܘܐܬܚܼܢܩܘ: ܘܐܦ ܪܝܫܗ ܕܦܪܥܘܢ ܕܕܡܿܐ ܠܠܘܝܿܬܢ ܚܘܝܐ ܚܪܡܢܐ ܘܥܩܠܩܠܐ: ܛܒܼܥܬ ܘܪܨܨܬ ܘܪܥܼܪܥܬ ܠܥܡܐ ܥܫܝܼܢܐ ܗ̄ ܪܡܿܙ ܥܠ ܟܘܫ̈ܝܐ ܕܒܼܙ ܠܡܠܟܘܼܬܐ ܕܦܪܥܘܢ܇ ܡܛ݀ܠ ܕܠܐ ܦܼܫܘ ܒܗ ܚܝ̈ܠܘܬܐ܆ ܐܘܿ ܐܡܿܪ ܥܠ ܪ̈ܚܫܐ ܡܦܬܟ̈ܐ ܕܝܡܐ ܕܐܟܼܠܘ ܠܫܠܕܗ܀ ܐܢܬ ܒܙܼܥܬ ܗ̄ ܐܡܿܪ ܥܠ ܒܙܥܐ ܕܛܪܢܐ ܕܢܦܼܩܘ ܡܢܗ ܡܒ̈ܘܼܥܐ ܘܪܕܘ ܡܼܢ ܟܐܦܐ ܢܗܪ̈ܘܬܐ ܘܐܫܬܼܦܥܘ ܒܢ̈ܚܠܐ ܫܗ̈ܝܐ ܕܛ̈ܠܠܝ ܡܘܬܐ܇ ܘܫܪܟܐ ܕܕܐܝܟ ܗܿܠܝܢ ܕܝܼܚܝܼܕܐܝܬ ܐܣܬܼܥܪ̈ܝ ܠܘܬ ܥܡܐ܇ ܐܟܚܕܐ ܕܝܢ ܘܗܿܠܝܢ ܕܠܘܬ ܓܘܐ܀ 332 ܬܚܘܼ̈ܡܝܗܿ ܕܐܪܥܐ ܗ̄ ܢܡܘ̈ܣܐ ܓܘ̈ܢܝܐ ܕܒܪܝܼܬܐ: ܗܿܢܘܿܢ ܕܡܼܢ ܥܒܘܿܕܐ ܢܨܝܼܒܝܼܢ ܒܟܝܿܢܗܝܢ ܥܡ ܫܘܼܚܠܦܐ ܕܩܝܛܐ ܘܣܬܘܐ܀ ܡܙܡ̄ ܕܥܗ̄ ܬܘܕܝܼܬܐ ܕܥܡܐ ܕܚܠܦ ܙܟܘܿܬܐ ܕܗܘܼܬ݀ ܠܚܙܩܝܐ܀ ܡܛ݀ܠ ܕܐܣܿܒ ܙܒܢܐ ܗ̄ ܐܡܿܪ ܐܠܗܐ ܠܘܬܗܘܢܿ ܕܐܢܿܐ ܡܢܟܘܿܢ ܐܘ̃ ܝܘܕ̈ܝܐ ܢ݀ܣܒ ܐܢܼܐ ܕܐ݀ܥܕܪ ܐܘܿ ܐܚܿܝܒ܇ ܘܠܦܘܼܬ ܡܐ ܕܣܿܥܪܝܼܢ ܠܐܢܬܘܿܢ: ܡܣܼܬܪܥܪ ܡܢܝ ܨܐܕܝܟܘܢܿ܀ ܬܬܡܼܟܟ̱ܝ ܐܪܥܐ ܗ̄ ܐܢܬ ܠܡ ܐܠܗܐ ܡܟܟܼ ܐܪܥܐ ܕܐܬܘܪ̈ܝܐ ܘܥܡܘܪ̈ܝܗܿ܀ ܘܐܢܬ ܬܩܼܢܬ ܗ̄ ܠܥܡܘܪ̈ܝܗܿ ܕܐܬܘܪ: ܐܝܟ ܟ݀ܠܗܘܢܿ ܥܡܪ̈ܝ ܐܪܥܐ: ܘܐܢܬ ܗܫܐ ܣܚܘܿܦ ܐܢܘܿܢ܀ ܡܛ݀ܠ ܕܠܐ ܗ̄ ܠܘ ܒܠܚ.ܘܕ ܐܢܬܘܿܢ ܐܬܘܪ̈ܝܐ ܠܐ ܡܨܝܢ ܐܢܬܘܿܢ ܕܬܬܛܫܘܿܢ ܡܼܢ ܪܘܓܙܐ ܕܐܠܗܐ܆ ܐܠܐ ܐܦ ܗܿܢܘܧܢ ܕܥܿܡܪܝܼܢ ܒܡܦܩ̈ܝ ܫܡܫܐ: ܐܘܿ ܒܡܥܪ̈ܒܗܝ. ܐܘܿ ܒܡܕܒܪܐ ܕܐܝܼܬܝܗܿ ܬܝܡܢܐ: ܐܘܿ ܛܘܼܪ̈ܐ ܐܝܬܝܗܘܿܢ ܓܪܒܝܐ܇ ܡܨܝܢ ܠܡܛܫܐ ܡܼܢ ܩܕܡܘܗܝ܇ ܐܚܪܢܝܐܝܬ ܡܛ݀ܠ ܕܠܐ ܡܼܢ ܡܥܪܒܐ ܕܚܪܒܬܘܿܢ ܢܦܼܩ ܥܠܝܟܘܿܢ ܡܣܡ ܒܪܝܫܐ܆ ܐܦܠܐ ܡܼܢ ܡܕܒܪܐ ܕܚܪܒܬܘܿܢ ܢܦܼܩ ܥܠܝܟܘܿܢ ܡܣܡ ܒܪܝܐ܆ ܐܦܠܐ ܡܼܢ ܡܕܒܪܐ ܕܛܘܪ̈ܐ ܗܿܢܘܿܢ ܬܝܡ̈ܢܝܐ ܘܓܪ̈ܒܝܝܐ: ܐܠܐ ܡܼܢ ܗܘܿ ܕܥܿܡܪ ܒܨܗܝܘܿܢ܀ ܡܛ݀ܠ ܕܟܣܐ ܗ̄ ܡܒܡܒܪܝܫܐ܀ ܒܐܝܼܕܗ ܕܡܪܝܐ ܗ̄ ܕܗܘܼ ܫܠܝܼܛ ܠܡܪܕܐ ܠܡܣܟ̈ܠܢܐ܀ ܡܙܓܐ ܗ̄ ܕܗܘܼ ܫܠܝܼܛ ܠܡܪܕܐ ܠܡܣܟ̈ܠܢܐ܀ ܡܙܓܐ ܗ̄ ܠܫܩܼܝܐ ܩܿܪܐ܀ ܘܡܿܠܐܼ ܗ̄ ܡܠܝܐ ܥܠ ܐܫܝܼ݊ܘܼܬܗ ܕܡܣܡ ܒܪܝܫܐ܀ ܐܪܟܢ ܡܼܢ ܗܢܐ ܠܗܢܐ ܗ̄ ܒܨܒܝܿܢܗ: ܡܿܫܢܐ ܠܗ ܡܼܢ ܙܕܝܼܩ̈ܐ ܨܝܕ ܚܛ̈ܝܐ܀ ܡܙ̄ܡ ܕܥܘ̄ ܥܠܘܗܝ ܕܚܙܩܝܐ ܘܗܝܼ ܟܕ ܗܝܼ ܥܠܼܬܐ܀ ܒܫܠܝܡ ܗ̄ ܠܐܘܪܫܠܡ ܫܿܪܐܼ. ܘܡܛ݀ܠ ܥܡܘܪ̈ܝܗܿ܀ ܢܗܝܼܪ ܐܢܬ ܘܡܫܝܼܚ ܗ̄ ܡܼܢ ܢܘܼܗܪܐ ܕܫܟܝܼܢܬܟ ܐܢܗܼܪܬ ܘܫܒܼܚܬ ܠܟܿܠܗܘܢܿ ܕܥܿܡܪܝܼܢ ܚܕܪ̈ܝ ܛܘܼܪܟ ܩܕܝܫܐ܀ ܥܫܝܼܢܐ ܩܼܪܝܗܝ ܐܟܡܿܢ ܕܠܐ ܐܙܕܟܝܼ ܡܼܢ ܗܿܢܘܿܢ ܕܐܬܼܘ ܥܠܘܗܝ܀ ܘܫܪܟܐ ܕܚܡܼܬܗ ܗ̄ ܕܐܠܗܐ ܕܥܠ ܐܬܘܪ̈ܝܐ܀ ܬܦܪܩ ܪܘܓܙܐ ܗ̄ ܡܢ ܥܡܗ܇ ܐܟܙܢܐ ܕܒܙܒܢܐ ܗܢܐ ܦܪܩܢ ܡܼܢ ܐܬܘܪ̈ܝܐ܆ ܗܿܟܢܐ ܒܐܡܝܼܢܘܼ ܫܪܟܐ ܕܚܡܼܬܗ ܬܦܪܩ ܪܘܓܙܐ ܕܝܼܠܗܘܿܢ ܕܥܡ̈ܡܐ܇ ܢܘܼܟܪ̈ܝܐ ܘܒܝܼܫ̈ܐ ܒܥܠ̈ܕܒܒܝܢ܀ ܝܘܢܝܐ ܚܠܦ ܬܦܼܪܩ ܪܘܓܙܐ܇ ܬܥܼܒܕ ܥܐܕܐ ܐܡܿܪ܀ ܘܥܒܪܝܐ ܬܩܛܘܪ ܪܘܓܙܐ܀ ܢܕܘܿܪ ܘܫܠܡ ܗ̄ ܡܿܚܦܛ ܠܗܘܿܢ ܠܡܘܕܝܘܼ ܚܠܦ ܙܟܘܿܬܐ ܕܝܗܼܒ ܠܗܘܢܿ܀ ܡܙ̄ܡ ܕܥܙܙ̄ ܥܠ ܥܡܐ ܕܒܒܠ: ܕܡܿܘܕܝܢ ܒ݀ܬܪ ܦܘܼܢܝܗܘ݀ܢ ܘܡܬܼܬܘܝܢ ܥܠܗ݀ܝ ܕܪܛܢܘ ܒܙܒܢ ܫܒܝܐ܀ ܐܝܼܕܗ ܒܠܠܝܐ ܗ̄ ܡܛ݀ܠ ܕܝ݀ܕܥ ܗܿܘܝܬ ܕܐܝܼܕ̈ܘܗܝ ܕܡܪܝܐ ܕܡܿܢܓܕܐ ܠܝܼ: ܥܠܗ݀ܝ ܠܐ ܫܠܝܿܬ ܡܼܢ ܗ݀ܝ ܕܩܿܪܐ ܐܢܼܐ ܠܗ܀ ܘܐܚܕܘܼܢܝ ܨܘܪ̈ܢܐ ܗ̄ ܒܠܝܗܝܼܘܢܝ ܐܘܠ̈ܨܢܐ܇ ܘܠܐ ܐܫܟܚܿܬ ܠܡܚܼܘܐ ܢܗܝܼܪܐܝܬ: ܡܥܕܐ ܗܿܝ ܓܝܪ ܡܪܬܐ ܡܐ ܕܡܬܬܙܝܼܥܐ ܡܼܢ ܥܩܬܐ ܕܬܗܼܘܐ ܫܿܓܪܐ ܠܗ ܠܡܘܼܚܐ܇ ܘܡܿܕܘܕܐ ܠܚܙܬܐ ܕܥ̈ܝܢܐ܀ ܡܿܫܠܡ ܡܠܬܗ ܗ̄ ܕܡܠܬܗ ܕܐܝܼܬ̄ܘ ܓܙܪ ܕܝܼܢܗ: ܠܕܪܕܪ̈ܝܢ ܟܝ ܡܫܼܬܠܡ 333 ܒܝܼ ܘܫܪܝܐ ܠܐ ܢ݀ܣܒ܀ ܐܘܿ ܚܿܡܠ ܗ̄ ܠܘܬܗ ܪ̈ܚܡܘܗܝ. ܘܓܙܪ ܕܝܼܢܐ ܐ݀ܬܐ ܥܠܝ܀ ܐܡܿܪܬ ܕܟܪܝܗܘܼܬܝ ܗܼܝ ܗ̄ ܕܟܪܼܗܘܼܬ ܬܪܥܝܼܬܝ܇ ܗ݀ܝ ܕܡܬܼܥܝܐ ܕܐܝܟ ܗܿܠܝܢ܀ ܬܢܝܐ ܐܢܝܢ ܗ̄ ܡܼܢ ܬܢܝܐ ܕܝܡܝܼܢܗ ܕܥܠܝܐ ܕܢܓܼܕܬܢܝ܇ ܐܬܡܚܿܠܬ ܠܡܼܬܪܥܝܘܼ ܗܿܠܝܢ܇ ܬܢܝܐ ܠܬܟܝܼܒܘܼܬ ܥܿܩ̈ܬܐ ܩܿܪܐ܀ ܡܛ݀ܠ ܕܐܬܕܟܿܪܬ ܗ̄ ܬܕܡܪ̈ܬܟ ܒܡܨܪܝܢ: ܘܥܒܿܕ̈ܝܟ ܬܡ̈ܝܼܗܐ ܕܒܕܪ ܘܕܪ ܚܘܝܼܬ܇ ܘܥܠܗ݀ܝ ܐܬܬܟܧܠܬ ܥܠ ܦܘܼܢܝܐ܇ ܘܛܥܝܿܬ ܠܩܘܼܛܥܐ ܕܐܚܼܕܢܝ ܡܼܢ ܣܘܿܓܐܐ ܕܥܩ̈ܬܐ܀ ܥܢ̈ܢܐ ܪ̈ܕܦܝ ܗ̄ ܥ̈ܢܢܐ ܩܿܪܐ: ܠܡܫܼܒܐ ܕܪܘܼܚܐ܆ ܕܡܼܢ ܥܙܝܼܙܘܬܗ ܡܓܠܐ ܗܼܘܐ ܠܥܘܼܡ̈ܩܘ̄ ܕܬܗܘܡܐ܇ ܘܡܙܕܠܚܝܼܢ ܗܼܘܘ ܡܝ̈ܐ ܠܗܢܐ ܓܒܐ ܘܠܗܢܐ܀ ܝܡܐ ܐܬܦܠܓ ܘܝܗܼܒ ܐܬܪܐ ܠܡܥܒܪܬܗ ܕܐܠܗܐ ܘܕܥܡܐ܀ ܘܝܗܼܒܘ ܩܠܐ ܫܡܝܫ̈ܡܝܐ ܗ̄ ܠܗ ܠܡܫܒܐ ܕܐܐܪ ܐܡܿܪ܆ ܒܗ݀ܝ ܕܡܼܢ ܪܘܡܐ ܕܫܡܝܐ܇ ܡܫܡܫܥ ܗܼܘܐ ܩ̈ܠܐ ܬܩܝܼܦ̈ܐ܆ ܐܚܪ̈ܢܐ ܥܠܗ݀ܝ ܕܗܼܘܬ݀ ܒܡܨܪܝܢ ܟܕ ܢܚܼܬ ܒܪܕܐ ܡܦܫܩܝܼܢ ܠܗܿ܀ ܓܐܪ̈ܝܟ ܦܼܚܝܼܢ ܗ̄ ܓܐܪ̈ܐ ܥܠ ܡܣܡ ܒܪܝܫܐ ܕܥܠ ܡܨܪ̈ܝܐ ܐܡܿܪ܀ ܘܐܝܟ ܩܠܐ ܕܪܥܡܐ ܐܫܬܼܡܥܬ݀ ܥܠܝܗܘܿܢ ܘܐܣܼܪܬ݀ ܓܝ̈ܓܠܐ ܕܡܪ̈ܟܒܬܗܘܢܿ܇ ܐܝܟ ܕܠܐ ܢܬܡܨܘܿܢ ܠܡܥܼܪܩ ܒܓܘ ܝܡܐ܀ ܐܗܪ ܒܪ̈ܩܝܟ ܗ̄ ܠܦܘܼܬ ܕܟܿܠܢܫ ܐܪܓܫ ܒܐܒܕܢܗܘܿܢ܀ ܒܪܝܡܐ ܐܘܪܚܟ܀ ܣܓܝ̈ܐܐ ܗ̄ ܠܦܘܼܬ ܕܐܢܬ ܡܿܗܠܟ ܐܢܬ ܩܕܡܝܗܘܿܢ܇ ܐܝܟ ܕܪܫ ܐܘܪܚܐ܀ ܥܩܒ̈ܬܟ ܠܐ ܐܬܝܼܕ̈ܥܝ ܗ̄ ܡܛ݀ܠ ܓܢܝܼܙܬܗ ܕܟܝܢܟ ܥܩܒ̈ܬܐ ܣܥܘܪ̈ܘܬܐ܀ ܡܙ̄ܡ ܕܥܚ̄ ܡܿܪܬܐ ܠܝܘܕ̈ܝܐ܇ ܕܢܛܪܘܢܼ ܠܢܡܘܿܣܐ ܘܡܿܥܗܕ ܠܗܘܢܿ܆ ܕܐܝܠܝܢ ܕܠܐ ܢܛܪܘ ܢܡܘܿܣܐ܀ ܥܡܝ ܨܘܼܬ ܢܡܘܿܣܝ ܗ̄ ܠܡܠܦܢܘܼܬܗ ܩܿܪܐ ܢܡܘܿܣܐ ܡܛ݀ܠ ܕܡܠܟܐ ܗܼܘܐ ܘܢܒܝܐ܀ ܐܦܿܬܚ ܦܘܼܡܝ ܒܡ̈ܬܠܐ ܗ̄ ܠܘ ܡܡܠܠܐ ܕܥܝܕܐ܇ ܐܠܐ ܬܫܥܝܼܬܐ ܕܬܕܡܪ̈ܬܐ ܡܿܛܝܒܼ ܐܢܼܐ ܠܡܣܼܕܪ: ܐܝܟ ܕܡܥܠܝܢ ܡܗܬܠܐ ܘܦ̈ܠܐܬܐ ܕܚܟܝܼ̈ܡܐ ܡܼܢ ܡܡܠܠܐ ܫܚܝܼܡܐ܇ ܗܿܟܢܐ ܐܦ ܡܪܬܝܿܢܘܼܬܐ ܗܕܐ ܡܠܥܝܐ ܡܼܢ ܡ̈ܠܐ ܕܫܪܟܐ܀ ܕܢܘܕܥܘܢܼ ܠܕܪܐ ܗ̄ ܕܪܐ ܐܚܪܝܐ ܠܒܢ̈ܝܐ ܕܫܪܟܐ܀ ܕܢܘܕܥܘܢܼ ܠܕܪܐ ܐܚܪܝܐ܇ ܠܒܢ̈ܝܐ ܩܿܪܐ܇ ܒܦܚܼܡܐ ܕܐܒܗ̈ܝܗܘ݀ܢ܀ ܒܢ̈ܝܐ ܕܝܢ ܕܝܼܠܗܘܢܿ: ܒܢ̈ܝܐ ܕܩܕܡ̈ܝܐ ܚܫܼܒ ܐܢܘܿܢ܀ ܬܘܼܒ ܕܪܐ ܐܚܪܢܐ ܐܝܟ ܗܘܿ ܕܠܗܿܢܘܿܢ ܕܒܙܒܢܗ ܠܐ ܩܪܝܼܒܝܼܢ ܐܡܿܪ܆ ܠܘ ܓܝܪ ܒܢ̈ܝܐ ܕܩܕܡ̈ܝܐ ܡܠܦܝܼܢ ܗܼܘܘ ܐܠܐ ܠܒܢ̈ܝܗܘܢܿ܆ ܐܦܠܐ ܠܕܪܐ ܐܚܪܢܐ܇ ܐܠܐ ܠܒܢܝ̈ܗܘ݀ܢ ܕܝܼܠܗܘܢܿ: ܡܛ݀ܠ ܕܐܦ ܐܒܗ̈ܝܗܘܢܿ ܠܗܘܿܢ ܐܠܦܼܘ ܘܠܘ ܠܐܚܪ̈ܢܐ: ܐܠܐ ܐܝܟ ܗ݀ܝ ܕܗܢܐ ܡܘܫܐ ܕܐܣܼܩܢ ܠܐ ܝܿܕܥܝܼܢܢ ܡܢܐ ܗܘܝܗܝ ܟܕ ܓܝܪ ܪܚܝܼܩ ܗܼܘܐ ܡܢܗܘܿܢ܇ ܐܡܿܪܝܼܢ ܗܼܘܘ ܕܗܢܐ ܡܘܫܐ: ܗܟܢܐ ܐܦ ܬܢܢ܀ ܠܐ ܢܟܣܐ ܡܼܢ ܒܢ̈ܝܗܘܿܢ ܗ̄ ܐܝܟ ܗܿܘ ܕܕܝܼܠܗܘܿܢ ܠܐ ܐܝܬܝܗܘܿܢ ܒܢ̈ܝܐ܀ ܐܠܐ ܠܕܪܐ ܐ̱ܚܪܢܐ ܗ̄ ܐܝܟ ܗܘܿ ܕܕܪܐ ܐܚܪܢܐ ܗ݀ܘ ܬܕܥܕܟܝܠ ܠܐ ܝܼܠܝܼܕ܆ ܘܠܘ ܗܿܢܘܿܢ ܕܠܘܬܗܘܢ ܡܬܐܼܡܪܐ ܡܠܼܬܐ܀ ܕܪܐ ܕܠܐ ܐܬܼܩܢ ܠܒܗ 334 ܥܡ ܐܠܗܐ܇ ܐܠܐ ܚܠܦܼܗ ܒܥܓܠܝܐ ܚܪܫܐ܀ ܘܠܐ ܗܝܡܢ ܒܐܠܗܐ ܗ̄ ܕܡܫܚ ܡܿܘܪܬ ܠܗ ܐܪܥܐ ܕܡܘܼܠܟܢܐ: ܕܪܘܼܚܗ ܗ̄ ܕܪܘܚܗ ܘܢܫܡܬܗ ܒܐܝܼܕ̈ܘܗܝ ܬܠܝܐ: ܐܟܡܿܢ ܕܗܘܼ ܡܡܝܼܬ ܐܦ ܡܿܚܐ܀ ܒܢ̈ܘܗܝ ܕܐܦܪܝܡܿ ܗ̄ ܡܼܢ ܐܦܪܝܡ ܪܡܿܙ ܥܠ ܟܿܠܗܘܿܢ ܫܒ̈ܛܐ ܟܕ ܐܝܬܝܗܘܢܿ ܡܢܦ̈ܩܐ ܘܙܪ̈ܝܼܙܝ ܒܩܪܒܐ܇ ܙܒܢ̈ܬܐ ܣܓ̈ܝܐܬܐ ܗܦܼܟܘ ܒܚܝܿܒܘܼܬܐ܇ ܥܠ ܕܠܐ ܢܛܪܘ ܩܝܡܗ ܕܐܠܗܐ܀ ܒܚܩ̈ܠܬܐ ܕܨܥܢ ܗ̄ ܒܨܪܝܢ: ܘܒܝܡܐ ܕܣܘܿܦ ܠܝܡܐ ܕܡ̈ܠܐܟܐ ܗܢܘ ܕܒܡܫܡܫܢܘܼܬܐ ܕܝܼܠܗܘܿܢ ܕܡ̈ܠܐܟܐ ܢܿܚܬ ܗܼܘܐ ܡܢܢܐ: ܥܠ ܗ݀ܝ ܐܦ ܠܚܡܗܘܢܿ ܡܬܼܩܪܐ܀ ܨܝܕܐ ܗ̄ ܣܠܘܝ܇ ܐܫܒ ܪ̈ܘܚܐ ܠܬܝܡܢܐ ܗ̄ ܫܩܼܠ ܡܼܢ ܝܡܐ ܦܪܚܬܐ ܕܓܦܐ ܘܕܪ̈ܝ ܡܫܪ̈ܝܬܗܘܢܿ ܣܡܗܿ܀ ܘܠܐ ܦܼܪܩܘ ܗ̄ ܘܠܐ ܒܨܪܘ ܡܼܢ ܪ̈ܓܝܓܬܗܘܿܢ܇ ܒܗܿܠܝܢ ܟܿܠܗܝܿܢ ܛܒ̈ܬܐ: ܕܐܬܝܼܗ̈ܒܝ ܠܗܘܿܢ܀ ܘܥܕ ܡܐܟܘܠܬܗܘܿܢ ܗ̄ ܡܛ݀ܠ ܕܠܐ ܟܬܪܘ ܕܢܐܟܠܘܼܢܗܿ ܒܙܕܩܐ܇ ܐܠܐ ܐܟܠܘܼܗܿ ܚܝܬ܀ ܐܫܠܡ ܠܒܪܕܐ ܒܥܝܼܪܗܘܿܢ ܗ̄ ܡܿܬܢܐ ܠܡܚ̈ܘܬܐ ܕܣܒܼܠܘ ܡܨܪ̈ܝܐ܀ ܩܢܝܢܗܘܢܿ ܠܝܩܕܢܐ ܗ̄ ܝܩܕܢܐ ܩܿܪܐ ܠܢܘܼܐ ܕܡܿܗܠܟܐ ܗܼܘܬ݀ ܒܓܘ ܒܪܕܐ܇ ܐܘܿ ܠܫܘܼܚ̈ܢܐ ܕܢܘܼܦ̈ܚܐ ܕܒܗܿ ܝܼܩܕܘ ܘܐܬܡܣܝܼܘ ܒܢܝ̈ܢܫܐ ܘܒܥܝܼܪ̈ܐ܀ ܩܢܝܢܐ ܬܢܢ ܠܒܥܝܼܪܐ ܩܿܪܐ܀ ܡܠܐܟܐ ܒܝܼܫܐ ܗ̄ ܠܘ ܐܝܟ ܕܡܼܢ ܟܝܢܐ ܐܦܠܐ ܐܝܟ ܕܡܼܢ ܨܒܝܢܐ ܒܝܼܫܐ ܗܕܐ ܫܡܠܝܼ܆ ܐܠܐ ܡܼܢ ܣܘܼܥܪܢܐ ܕܣܥܼܪ܆ ܒܝܼܫܐ ܣܒܝܼܪ ܗܼܘܐ ܠܗܘܢܿ ܠܗܿܢܘܿܢ ܕܡܿܚܐ ܗܼ،ܐ ܠܗܘܢܿ܀ ܘܬܪܥ ܫܒ̈ܝܼܠܐ ܒܝܼܫ̈ܐ ܗ̄ ܒܗ݀ܝ ܕܐܗܼܦܟ ܚܕܘܬܗܘܿܢ ܠܥܩܬܐ: ܘܬܪܥܗܿ ܠܡܠܟܘܼܬܗܘܿܢ ܘܣܡܼܗܿ ܩܕܡ ܡܘܬܐ܇ ܕܢܐܟܘܿܠ ܘܢܫܼܬܥ ܒܗܿ܀ ܡܫܟܢܐ ܕܚܡ ܗ̄ ܡܼܢ ܚܡ ܡܬܝܒܠܝܼܢ ܡܨܪ̈ܝܐ ܒܢ̈ܝ ܚܡ܇ ܟܘܫ ܘܡܨܪܝܢ ܗ̄ ܡܨܪ̈ܝܐ܇ ܘܛܥܼܐ ܠܡܫܟܢܐ ܕܫܝܼܠܘ ܗ̄ ܛܥܼܐ ܕܝܢ ܠܚܦܢܝ ܘܦܝܢܚܣ ܒܢ̈ܝ ܥܠܝ܇ ܐܡܝܼܬ ܬܡܢ܇ ܘܠܩܒܘܬܐ ܐܫܼܠܡ ܬܘܼܒ ܠܦܠܫܬ̈ܝܐ܀ ܠܡܫܟܢܐ ܕܝܘܣܦ ܗ̄ ܥܠ ܕܒܿܥܐ ܗܼܘܐ ܪܝܫܢܘܬܐ܇ ܒܝܕ ܫܡܘܥ ܒܪ ܒܟܪܝ܀ ܡܙ̄ܡ ܕܥܛ̄ ܥܠ ܡܩ̈ܒܝܐ ܟܕ ܚܿܫܝܢ ܡܼܢ ܐܘܠ̈ܨܢܐ ܕܥܕܘ ܥܠܝܗܘܢ. ܘܫܿܠܝܼܢ ܥܘܕܪܢܐ ܡܼܢ ܐܠܗܐ ܛܡܐܘܗܝ ܠܗܝܟܠܟ ܗ̄ ܗܝܟܠܟ ܗܘܿ ܕܠܬܫܡ̄ ܕܝܼܠܟ ܐܬܦܪܫ܇ ܥܒܕ̈ܘܗܝ ܕܙܘܣ: ܒܥܠܬܐ ܕܒܢܼܘ ܠܗ܀ ܘܠܕܝܪܗ ܚܪܒܘ ܗ̄ ܕܝܪܗ ܠܐܘܪܫܠܡ ܩܿܪܐ: ܗ݀ܝ ܕܐܚܪܒܘܼܗܿ ܘܐܨܕܝܘܼܗܿ܀ ܦܪܘܿܥ ܠܫܒܒ̈ܝܢ ܗ̄ ܘܠܫܒܒ̈ܝܢ ܠܡ ܕܚܣܕܘܢܼ ܦܪܘܥ ܐܢܘܿܢ ܚܕ ܒܫܒܥܐ: ܥܠ ܡܐܕ ܦܪܥܘܢ ܟܕ ܢ݀ܩܦ ܗܼܘܐ ܠܗܘܢܿ ܡܣܡ ܒܪܝܫܐ ܕܡܢܟ ܐܡܝܼܢܐܝܬ ܐܝܟ ܡܕܡ ܕܣܝܼܡ ܒܥܘܼܒܐ܀ ܡܙ̄ܡ ܕܬܡܢܝܢ܆ ܥܠ ܡܩ̈ܒܝܐ ܕܡܿܬܢܝܢ ܐܘܠ̈ܨܢܝܗܘܢܿ. ܘܡܥܗܕܝܢ ܛܝܒܘܼـܐ ܕܐܠܗܐ ܕܠܘܬ ܐܒܗ̈ܝܗܘܿܢ. ܘܡܥܕܝܢ ܛܝܒܘܼܬܐ ܕܐܠܗܐ ܕܠܘܬ ܐܒܗ̈ܝܗܘܢ. ܘܒܿܥܝܢ ܕܐܦ ܠܘܬܗܘܿܢ ܬܗܼܘܐ ܝ݀ܬܒ ܥܠ ܟܪ̈ܘܒܐ ܗ̄ ܐܢܬ ܕܡܙܼܕܝܚ ܐܢܬ ܡܼܢ ܟܝܢܐ ܚܝܠܬܢܐ ܕܪ̈ܘܚܢܐ: ܚܘܐ 335 ܓܢܒܪܘܬܟ ܐܝܟ ܕܡܥܕ ܐܢܬ܀ ܩܕܡ ܗ̄ ܘܩܕܡ ܐܦܪܝܡ ܘܒܢܝܡܝܢ ܘܡܢܫܐ ܐܬܓܠܝܼ܇ ܕܚܝܠܬܢܐ ܐܢܬ܀ ܓܦܬܐ ܐܦܩܼܬ ܡܼܢ ܡܨܪܝܢ ܗ̄ ܓܦܬܐ ܠܟܢܘܫܬܐ ܩܿܪܐ܆ ܒܕܡܘܼܬ ܠܡ ܦܠܚܐ ܥܩܼܪܬܗܿ ܠܟܢܫܘܬܐ ܡܼܢ ܡܨܪܝܢ ܘܫܬܼܠܬܗ ܒܐܪܥܐ ܗܕܐ ܕܡܘܼܠܟܢܐ܀ ܥܘ̈ܦܝܗܿ ܘܥܢܩ̈ܝܗܿ ܠܒܢܝ̈ܐ ܩܿܪܐ܀ ܥܘܦ̈ܝܗܿ ܫܒܫ̈ܬܐ܀ ܬܪܥܬ ܣܝܓܗܿ ܗ̄ ܣܝܿܓܐ ܩܿܪܐ ܠܒܛܝܼܠܘܼܬܐ ܐܠܗܝܬܐ ܗ݀ܝ ܕܢ݀ܛܪܐ ܗܼܘܬ݀ ܠܗܘ݀ܢ ܡܨܥܬ ܥܡ̈ܡܐ܀ ܚܙܝܼܪܐ ܕܥܒܐ ܗ̄ ܐܢܛܝܡܘܿܣ܀ ܚܝ̈ܘܬܐ ܗ̄ ܚܝܠ̈ܘܬܗ܀ ܓܒܪܐ ܐܢܛܝܟܘܿܣ܀ ܚܝ̈ܘܬܐ ܗ̄ ܚܝܠ̈ܘܬܗ܀ ܓܒܪܐ ܘܒܪܢܫܐ ܗ̄ ܥܡܐ܀ ܡܙ̄ܡ ܕܦܐ̄ ܬܘܕܝܬ ܕܚܠܦ ܦܘܼܢܝܗ ܕܥܡܐ ܒܟܣ̈ܐܐ ܗ̄ ܟܣ̈ܐܐ ܠܐܪܒܥܣܪ̈ܐ ܒܣܗܪܐ ܐܡܿܪ ܟܕ ܡܬܼܡܠܝܐ ܓܝܓܠܗ ܢܘܗܪܐ ܒܙܢܐ ܕܐܬܒܪܝܼ ܒܪܝܫܝܬ ܠܫܢܐ ܕܠܐ ܝ݀ܕܥ ܗܼܘܐ ܫܡܼܥ ܗ̄ ܕܡܿܢܘܼ ܫܡܼܥ ܩܠܗ ܕܐܠܗܐ ܕܡܿܡܠܠ ܡܼܢ ܓܘ ܢܘܼܐ ܘܚܝܼܐ: ܘܠܘ ܥܠ ܝܘܣܦ ܐܡܝܼܪܐ܇ ܐܠܐ ܥܠ ܥܡܐ ܟ݀ܠܗ܀ ܐܥܒܿܪܬ ܗ̄ ܐܢܿܐ ܐܠܗܐ ܐܥܒܿܪܬ ܠܡܪܕܘܬܗ ܕܦܪܥܘܿܢ ܡܼܢ ܥܡܐ܀ ܘܐܝܼܕ̈ܘܗܝ ܗ̄ ܕܐܣܝܼܪ̈ܢ ܗܼܘ̈ܝ ܒܦܘܼܠܚܢ ܦܬܟܪ̈ܐ ܘܛܝܼܢܐ ܘܠܒܢܘܬܐ ܫܼܪܝܬ܀ ܒܣܬܪܐ ܗ̄ ܕܒܣܬܪܐ ܕܒܛܝܼܠܘܼܬܝ ܟܣܝܿܬܗ: ܕܠܐ ܢܬܼܢܟܐ ܡܼܢ ܫܡܼܥܐ ܕܩ̈ܠܐ ܘܚܙܬܐ ܕܠܡܦ̈ܝܕܐ ܕܒܛܘܼܪ ܣܝܼܢܝ܀ ܘܒܚܪܬܗ ܗ̄ ܩܕܡܐܝܬ ܒܡܝ̈ܐ ܡܪܝܪ̈ܐ ܕܡܘܪܬ ܐܬܒܩܝܼ܆ ܘܐܫܬܼܟܚ ܕܠܘ ܡܝܗܡܢܐ ܗܿܘ܀ ܣܢ̈ܐܘܗܝ ܕܡܪܝܐ ܟܕܒܘ ܒܗ ܗ̄ ܐܝܟ ܗܜܝ ܕܒܣܘܿܓܐܐ ܕܥܘܼܫܢܟ ܢܬܟܕܒܘܢܼ ܠܟ܀ ܘܗܼܘܐ ܙܘܥܗܘܿܢ ܗ̄ ܠܦܘܼܬ ܕܐܬܩܒܼܥܬ݀ ܒܗܘܿܢ ܗܕܐ ܙܘܥܬܐ ܥܕܡܐ ܠܡܘܬܗܘܢܿ܀ ܫܘܼ̱ܢܐ ܕܚܛܬܐ ܗ̄ ܠܣܡܝܼܕܐ ܢܫܝܼܦܐ ܩܿܪܐ܀ ܡܙܡܘܪܐ ܕܦܒ̄ ܡܿܪܬܐ ܠܟܗ̈ܢܐ ܘܕܝܼܢܐ ܕܥܡܐ ܕܠܐ ܢܥܘܠܘܢܼ ܠܕܝܼܢܐ ܕܡܣ̈ܟܢܐ ܒܟܢܼܫܐ ܕܡ̈ܠܐܟܐ ܗ̄ ܠ̈ܕܝܢܐ ܩܿܪܐ ܡ̈ܠܐܟܐ܇ ܡܛ݀ܠ ܕܪܓܐ ܕܕܝܢܘܼܬܗܘܢܿ܀ ܒܟܢ̈ܫܐ ܕܝܢ ܐܡܼܪ ܗ̄ ܐܝܟܐ ܕܟܢܼܫܝܼܢ ܗܼܘܘ ܘܕܝܢܝܼܢ܇ ܕܢܐܡܪ ܕܡܿܛܝܒܼ ܕܢܕܘܢܼ ܐܢܘܿܢ ܘܢܦܪܣܐ ܠܒܝܼܫܘܼܬܗܘܢ܆ ܝܘܢܝܐ ܚܠܦ ܡ̈ܠܐܟܐ ܐ̈ܠܗܐ ܐܡܿܪ ܗ̄ ܡܛ݀ܠ ܕܐܦ ܟܗ̈ܢܐ ܘܕܝܿܢ̈ܐ ܐܬܩܪܝܼܘ ܒܗܢܐ ܟܘܼܢܝܐ܀ ܐܢܿܐ ܐܡܿܪܬ ܕܐ̈ܠܗܐ ܐܢܬܘܢܿ ܗ̄ ܕܒܛܟܣܐ ܕܐܠܗܐ ܐܩܝܿܡܬܟܘܢܿ ܠܗܿܢܘܿܢ ܕܬܚܘܬܝܗܘܿܢ܇ ܡܛ݀ܠ ܫܘܼܠܛܢܐ ܘܕܝܢܘܼܬܐ ܕܝܗܒܿܬ ܠܟܘܿܢ ܥܠ ܟܢܘ̈ܬܟܘܿܢ܇ ܘܟܕ ܐܝܬܝܟܘܿܢ ܥܒ̈ܕܐ܆ ܒܢ̈ܝܐ ܕܝܼܠܝ ܚܫ݀ܒܬܟܘܢܿ܇ ܡܛ݀ܠ ܓܝܪ ܕܟܕ ܒܪܝ݀ܬܟܘܢ ܒܟܝܢܐ ܘܝ݀ܠܕܬܟܘܢܿ ܒܚܘܼܒܐ܆ ܛܥܝܬܘܢܿ ܠܗ݀ܝ ܕܐܝܼܩܪܐ ܘܢܩܼܦܬܘܿܢ ܠܗ݀ܝ ܕܟܝܿܢܐ܆ ܬܣܒܠܘܢܼ ܡܟܝܼܠ ܥܡ ܕܫܪܟܐ ܐܦ ܐܢܬܘܿܢ ܗ݀ܝ ܕܟܝܿܢܐ܇ ܐܝܟ ܚܕ ܡܼܢ ܗ̄ ܬܦܠܘܢܼ ܒܐܝܼܕ̈ܝܗܘܢܿ ܕܗܿܢܘܿܢ ܕܡܛ݀ܠ ܡܥܠܝܘܼܬܟܘܿܢ ܕܡܢܗܘܢܿ ܒܐܝܩܪܐ܇ ܒܐܝܼܕ̈ܝܟܘܿܢ ܢ݀ܦܠܝܼܢ ܗܼ،ܘ܀ ܡܙ̄ܡ ܕܦܓ̄ ܟܕ ܩܒܠ ܝܗܘܕܐ ܪܝܫܢܘܼܬܐ ܒܿܬܪ ܐܒܘܼܗܝ ܡܬܝܬܐ܆ ܙܟܼܐ ܠܐܢܛܝܟܘܣ 336 ܘܒܢܼܐ ܠܗܝܟܐ ܘܠܫܘܼܐ܆ ܟܕ ܫܡܥܼܘ ܥܡ̈ܡܐ ܕܚܕܪ̈ܝܗܘܢܿ ܕܐܬܒܢܝܼ ܡܕܒܚܐ ܘܐܬܼܚܕܬ ܗܝܟܠܐ ܘܡܕܝܢܬܐ ܥܡܼܪܬ݀: ܐܡܼܪܘ ܒܝܢܬܗܘܢܿ ܕܬܘ ܢܘܿܒܕ ܐܢܘܿܢ܇ ܘܟܕ ܟܢܫ ܛܝܛܘܿܣ ܪܒ ܚܝܠܐ ܠܦܠ̈ܚܐ ܘܐܩܪܒ ܥܡܗܘܢܿ ܘܿܐܕܟܝܼ܇ ܘܟܢܼܫ ܬܘܼܒ ܠܥܪ̈ܒܝܐ ܘܐܕܘܡ̈ܝܐ ܘܥܡܠܝܩ̈ܝܐ ܘܓܕܪ̈ܝܐ ܘܥܡܡ̈ܐ ܐܚܪ̈ܢܐ: ܘܟܿܠܗܘܿܢ ܐܙܕܟܝܼܘ ܡܼܢ ܡܩܒ̈ܝܐ܆ ܘܡܼܢ ܦܪܨܘܦܗܘܢܿ ܐܡܝܼܪ ܡܙ̄ܡ: ܟܕ ܡܥܗܕܝܼܢ ܠܢܨܚܢ̈ܝܗܘܢܿ ܘܫܿܐܠܝܼܢ ܡܼܢ ܐܠܗܐ ܕܬܘܼܒ ܢܢܨܚ ܐܢܘܢܿ ܥܠ ܥܡܡ̈ܐ ܐܠܗܐ ܗ̄ ܐܦܢ ܣܓܝܐܝܢ ܗܿܠܝܢ ܕܐܬܟܼܢܫܘ ܥܠܝܢ܇ ܐܠܐ ܡܿܢܘܼ ܐܝܬ ܒܗܘܢܿ ܕܕܡܿܐ ܠܟ܀ ܒܥܠܕܒܒ̈ܝܟ ܡܬܪܓܫܝܼܢ܀ ܥܒܪܝܐ ܡܬܪܓܫܝܼܢ ܡܫܬܓܫܝܼܢ ܐܡܿܪ ܠܗܿ ܪܓܘܼܫܝܐ ܓܝܪ܆ ܠܡܬܬܙܝܼܥܢܘܼܬܐ ܩܿܪܐ܆ ܒܗ݀ܝ ܕܡܪܓܫܝܼܢ ܗܼܘܘ ܠܚܕ̈ܕܐ ܥܠ ܡܐܬܝܼܬܗܘܿܢ܀ ܡܫܬܓܫܝܼܢ ܐܝܟ ܝܡܐ܀ ܐܪܝܼܡܘ ܪܝܫܐ ܥܠ ܗ̄ ܐܫܬܼܩܠܘ ܥܠܝܢ܀ ܥܪ̈ܒܝܐ ܫܡܥ̈ܝܠܝܐ ܐܡܿܪ܆ ܘܚܠܦ ܓܕܪ̈ܝܐ ܗܓܪ̈ܝܐ ܐܡܿܪ܀ ܘܐܝܟ ܓܝܓܠܐ ܘܐܝܟ ܓܠܐ ܗ̄ ܓܠܐ ܩܿܪܐ ܬܢܢ ܠܦܪܚܪܘܚܝܬܐ ܕܡܬܼܚܙܝܐ ܒܙܒܢܐ ܕܬܫܪܝܢ ܘܡܬܼܥܪܓܠܐ: ܘܡܼܢ ܗܘܐ ܙܥܘܪܐ ܕܪܘܚܐ ܡܬܼܟܪܟܐ܀ ܕܢܐܡܪ ܥܒܼܕ ܐܢܘܿܢ ܕܢܬܥܪܓܠܘܢܼ ܒܒܝܼܫ̈ܬܐ ܐܝܟ ܓܝܓܠܐ: ܘܥܪܘܩܝܐ ܘܡܚ̈ܝܼܠܐ ܐܝܟ ܓܠܐ ܐܘܟܝܬ ܩܛܘܟܐ ܡܼܢ ܪܘܚܐ܀ ܘܒܩܪ̈ܝܝܟ ܗ̄ ܩܪܚܐ ܠܕܚܘܼܩܝܐ ܥܙܝܼܙܐ ܕܪܘܼܚܐ ܩܿܪܐ ܕܫ݀ܩܠ ܘܙ݀ܢܩ ܘܠܟܿܠ ܕܡܫܟܚ ܫܿܓܫ ܘܕܠܚ܀ ܡܙܡܘܪܐ ܕܦܕ̄ ܥܠ ܦܘܼܡܗ ܕܥܡܐ: ܘܐܝܟ ܗ݀ܘ ܕܣܼܠܒܘ ܠܐܘܪܫܠܡ ܘܡܬܼܒܩܝܢ ܒܕܘܼܟܬܗ ܕܗܝܟܠܐ ܘܡܬܕܡܒܪܝܢ ܒܩܕܡ̈ܝܬܐ܆ ܡܐ ܚܒܝܼܒܝܼܢ ܡܫܟ̈ܢܝܟ ܗ̄ ܡܐ ܚܒܝܼܒ ܠܝܼ ܥܘܼܡܐ: ܕܒܩܪܝܼܒܘܼܬܟ ܡܪܝܐ܀ ܡܫܟ̈ܢܘܗܝ ܕܐܠܗܐ: ܠܥܘܼܡܪ̈ܝܗܘܢܿ ܩܿܪܐ ܐܟܡܿܢ ܕܥܡܐ ܘܟ݀ܠܗܝܢ ܕܝܼܠܗ ܕܐܠܗܐ ܡܬܚܼܫܒ܀ ܥܠ ܓܢ̱ܒ ܡܕܒܚܟ ܗ̄ ܡܕܒܚܟ ܗܘܿ ܕܪܘܙ ܗܼܘܐ ܒܫܘܼܦܪܗ: ܗܐ ܥܒܝܼܕ ܩܢܐ ܠܦܪ̈ܚܬܐ :ܘܥܠ ܓܒܗ ܝܠ̈ܕܢ ܘܦܪ̈ܚܢ܇ ܐܠܐ ܐܦܢ ܠܗܢܐ ܡܘܼܟܟܐ ܐܬܡܛܝܼ܆ ܦܫܝܼܩ ܠܟ ܕܬܫܚܠܦܝܼܘܗܝ ܠܟܗܢܘܼܬܐ ܘܠܢ ܕܡܫܘܚܕܝܼܢܢ ܒܕܡܘܼܬ ܨܦܪܐ ܕܪܕܝܼܩܐ ܡܼܢ ܢܨܐ܇ ܐܦܢܐ ܠܢ ܕܢ݀ܕܝܪ ܒܗ܆ ܘܐܝܟ ܥܝܕܐ ܢ݀ܘܠܕ ܘܢ݀ܪܒܐ ܒܢ̈ܝܐ ܣܓ̈ܝܐܐ܀ ܥܘܼܡܩܐ ܕܒܟܼܬܐ ܗ̄ ܗܘܼܝܘܼ. ܒܿܟܝܢ ܐܒܗ̈ܝܢ ܠܡ ܟܕ ܥܒܼܪܘ ܒܥܘܼܡܩܐ ܕܒܟܼܬܐ. ܟܕ ܚܫܼܘ ܡܛ݀ܠ ܒܝܼܫܘܼܬܗܘܢܿ܇ ܘܐܟܼܣ ܐܢܘܿܢ ܡܠܐܟܼܐ ܐܝܟ ܕܐܡܝܼܪ ܒܫ̈ܦܐܛܐ: ܥܒܕܘܼܗܝ ܠܥܘܼܡܩܐ ܗ݀ܘ ܒܝܬ ܡܥܡܪܐ ܠܢܦܫܗܘܢܿ ܗܿܟܢܐ ܐܦܚܢܢ܇ ܐܠܘܼ ܫܡܼܥܢ ܠܢܒ̈ܝܐ܇ ܠܐ ܡܬܼܥܩܪܝܼܢ ܗܼܘܝܢ ܡܢܗܝܢ ܕܕܘܼܟ̈ܝܬܐ: ܘܐܝܟ ܗ݀ܘ ܕܗܿܫܐ ܦܢܼܘ ܟܕ ܥܒܼܪܘ ܒܗܿ ܒܕܘܼܟܬܐ ܘܐܬܥܗܕܘ ܠܩܕܡ̈ܝܬܐ ܐܬܬܙܝܼܥܘ ܠܡܐܡܪ ܕܐܝܟ ܗܿܠܝܢ܀ ܐܦ ܒܘܼܪܟܬܐ ܗ̄ ܬܘܕܝܼܬܐ ܕܚܠܦ ܛܒ̈ܬܗ܇ ܢܬܥܛܦ ܐܘܿܟܝܼܬ ܢܬܒܪܟ ܘܢܣܬܓܕ ܡܢܢ ܐܠܗ ܕܗܘܼܝܘܼ ܣܿܐܡ ܢܡܘܿܣܐ܀ ܢܐܙܠ ܗ̄ ܡܼܢ ܚܝܠܐ ܐܘܿܟܝܼܬ ܟܗܝܼܢܘܼܬܐ ܠܟܗܝܼܢܘܼܬܐ: ܘܡܼܢ 337 ܪ̈ܡܬܐ ܠܕܡܥܠܝܢ ܡܢܗܝܢ ܡܿܝܬܐ ܠܢ܀ ܒܐܦ̈ܝ ܡܫܝܼܚܟ ܗ̄ ܡܫܝܼܚܐ ܠܙܘܪܒܒܠ ܩܿܪܐ܆ ܕܗܿܝܕܝܢ ܠܥܝܗܘܿܢ ܡܿܡܠܟ ܗܼܘܐ܀ ܐܚܪ̈ܢܐ ܠܨܕܩܝܐ ܩܿܪܐ ܡܫܝܼܚܐ ܥܠ ܕܐܨܛܥܪ ܒܫܒܝܐ܀ ܪ̈ܚܡܐ ܘܐܝܼܩܪܐ ܗ̄ ܓܘܼܪ̈ܓܐ ܗ̄ ܕܢܦܢܘܿܢ܇ ܕܢܐܡܪ ܕܥܿܒܕ ܠܗܘܿܢ ܪ̈ܚܿܡܐ ܘܝܩܝܼܪ̈ܐ ܒܥܝܢ̈ܝ ܟܘܪܫ ܘܫܪܟܐ ܕܥܡ̈ܡܐ܀ ܡܙ̄ܡ ܕܦܗ̄ ܟܕ ܢܣܼܒ ܥܡܐ ܦܘܼܩܕܢܐ ܡܼܢ ܟܘܪܫ ܕܢܣܩܘܢܼ ܘܒܿܥܝܢ ܡܼܢ ܐܠܗܐ ܕܢܫܬܼܡܠܐ ܦܘܼܢܝܗܘܢܿ ܨܒܝܬ ܡܪܝܐ ܒܐܪܥܟ ܗ̄ ܕܬܼܬܝܬܒܝ܇ ܡܛ݀ܠ ܕܚܪܝܼܒܐ ܗܼܘܬ݀. ܗ̄ ܠܐ ܢܗܦܟܘܢܼ ܠܒܣܬܪܗܘܿܢ ܨܝܕ ܦܬܟܪ̈ܐ: ܐܝܟ ܕܡܼܢܩܕܝܼܡ: ܐܘܿ ܕܠܐ ܫܿܒܩ ܕܢܬܼܕܓܠ ܫܘܼܘܕܝܗܘܢܿ ܕܒܝܕ ܟܘܪܫ ܛܝܒܘܼܬܐ ܘܩܘܼܫܬܐ ܗ̄ ܦܓܼܥܘ ܒܢ ܐܝܟ ܐܝܠܝܢ ܕܡܣܒܪܝܼܢ ܒܟ ܥܠ ܛܝܒܘܼܬܐ ܫܪܝܼܪܬܐ ܕܥܬܝܼܕܐ ܠܢ ܟܕ ܦܿܢܝܢܢ ܠܐܬܪܢ܀ ܙܕܝܼܩܘܼܬܐ ܘܫܠܡܐ ܢܢܫܩܘܢ ܗ̄ ܕܒܙܕܝܼܩܘܼܬܐ ܕܣ݀ܥܪܝܼܢܢ ܢ݀ܩܦ ܐܦ ܫܠܡܐ ܕܡܼܢ ܐܠܗܐ ܗܿܘܐ ܠܢ ܡܐ ܕܦܿܢܝܢܢ ܠܐܘܪܫܠܡ܇ ܘܡܥܦܩܝܼܢ ܘܡܫܩܝܼܢ ܠܢ܆ ܐܝܟ ܕܠܦܠ̈ܚܐ ܕܐܠܗܐ܀ ܘܢܣܝܼܡ ܒܐܪܥܐ ܗܠ̈ܟܬܗ ܗ̄ ܢܣܝܼܡ ܐܠܗ ܗܠ̈ܟܬܗ ܕܥܡܐ܆ ܕܠܐ ܢܬܼܥܩܪ ܬܘܼܒ ܘܢܫܼܬܢܐ ܡܼܢ ܐܪܥܐ ܒܝܕ ܫܒܼܝܐ܀ ܡܙ̄ܡ ܕܦܘ̄ ܥܠ ܚܙܩܝܐ ܟܕ ܨܠܝܼ ܡܛܠ ܐܬܘܪ̈ܝܐ ܚܘܢܝ ܡܪܝܐ ܐܘܪܚܟ ܗ̄ ܥܒܕܝܢܝ ܕܐ݀ܪܕܐ ܒܗܿ: ܒܝܕ ܐܝܠܝܢ ܕܣ݀ܥ ܐܢܬ܆ ܘܐܗܿܠܟ ܒܩܘܼܫܬܐ ܗ̄ ܟܕ ܠܐ ܡܿܫܢܐ ܐܢܼܐ ܡܼܢ ܫܪܪܐ ܕܕܚܼܠܬܟ܀ ܡܙ̄ܡ ܕܦܙ̄܆ ܥܠ ܦܘܼܪܩܢܗܿ ܕܐܘܪܫܡ܀ ܒܿܬܪ ܓܝܪ ܕܫܒܼܘ ܐܬܘܪ̈ܝܐ ܠܥܣܪܐ ܫܒ̈ܛܐ ܘܣܠܼܩܘ ܥܠܝܗܿ ܕܢܚܪܒܘܼܢܗܿ܆ ܩܒܼܠܘ ܡܣܡ ܒܪܝܫ ܒܝܕ ܡܠܐܟܐ ܫܬܐܣ̈ܘܗܝܐ ܒܛܘܼܗ ܩܕ̄ ܗ̄ ܡܛ݀ܠ ܕܫܬܐܣ̈ܐ ܕܗܝܟܠܗ ܕܐܠܗܐ ܩܒܝܼ̈ܥܢ ܒܛܘܼܪܐ ܗܢܐ ܕܨܗܝܘܧܢ ܥܠܗܕܐ ܠܐ ܐܫܟܼܚܘ ܐܬܘܪ̈ܝܐ ܕܢܙܝܼܥܘܼܢܝܗܝ ܐܝܟ ܕܠܫܡܪܝܢ܀ ܪܚܿܡ ܡܪܝܐ ܗ̄ ܐܬܚܼܙܝܬ݀ ܒܣܘܼܥܪܢܐ: ܕܠܗܕܐ ܡܕܝܢܬܐ ܡܚܒ܀ ܝܬܝܼܪ ܡܼܢ ܟ݀ܠܗܘܢܿ ܡܫܟ̈ܢܘܗܝ ܗ̄ ܡܠܟܘܼܬܐ ܕܥܣܪܐ ܫܒ̈ܛܐ: ܝܩܝܼܪ̈ܬܐ ܗ̄ ܐܡܿܪ ܠܬܘܕܝ̈ܬܐ ܘܬܫܒܼܚ̈ܬܐ: ܕܥܠ ܐܦܝ̈ ܡܘܬܐ ܕܐܬܘܪ̈ܝܐ܀ ܐܬܕܟܪ ܠܪܚܒ ܗ̄ ܪܚܒ܇ ܥܪܒܝܐ ܡܬܼܦܫܩܐ܆ ܕܡܢܗܿ ܥܪ̈ܒܝܐ ܕܡܫܥܒܕܝܢ ܗܼܘܘ ܠܐܬܘܪ̈ܝܐ܇ ܘܐܬܼܘ ܥܡ ܐܬܘܪ̈ܝܐ ܘܦܠ̈ܫܬܝܐ ܘܒܒܠ̈ܝܐ ܘܨܘܪ̈ܝܐ ܕܢܚܪܒܘܢܼ ܠܐܘܪܫܠܡ: ܘܐܡܿܪ ܢܒܝܐ܆ ܕܐܝܟ ܕܐܒܼܕܘ ܐܬܘܪ̈ܝܐ܇ ܐܦ ܗܿܠܝܢ ܢܐܒܕܘܢ܀ ܐܬܕܟܪ ܡܪܝܐ ܠܪܚܒ ܙܢܝܼܬܐ. ܘܐܝܟ ܕܠܗ݀ܝ ܫܘܙܒܼܬ܇ ܐܦܠܢ ܫܘܙܒ ܡܼܢ ܐܬܘܪ̈ܝܐ ܐܦ ܗܿܠܝܢ ܢܐܒܕܘܢܼ܀ ܐܚܪ̈ܢܐ ܚܠܦ ܪܚܒ: ܪܚܒܘܬ ܐ݀ܡܪܝܼܢ ܘܐܝܬܝܗܿ ܡܕܝܢܬܐ ܝܼܕܝܼܥܬܐ ܕܐܬܘܪ̈ܝܐ܀ ܘܒܝܕ ܪܚܒܘܬ ܠܐܬܘܪ̈ܝܐ ܡܿܘܕܥ܀ ܘܠܒܒܠ ܗ̄ ܐܝܟ ܕܠܘܬ ܐܠܗܐ 338 ܐܡܿܪ: ܕܝܿܕܥ ܐܢܬ ܠܡ ܐܦ ܠܒܒܠ܆ ܡܢܐ ܡܛܝܒܐ ܠܚܪܬܐ ܠܡܣܼܥܪ ܨܐܕܝܢ܀ ܥܒܪܝܐ ܐܬܕܟܼܪ ܠܝܡܐ ܗ̄ ܟܕ ܝܡܐ ܠܡܫܪܝܬܐ ܕܐܬܘܪ̈ܝܐ ܩܿܪܐ܀ ܗܐ ܦܠܫ̈ܬܝܐ ܘܥܡܐ ܕܟܘܫ̈ܝܐ ܗ̄ ܡܕܝ̈ܢܝܐ ܕܐܦ ܗܼܢܘܿܢ ܥܡ ܐܬܘܪ̈ܝܐ ܐܬܼܘ ܥܠܝܢ܇ ܐܬܕܟܪ ܐܦ ܠܗܿܠܝܢ܇ ܘܒܙܒܢܐ ܕܙܕܩ ܬܒܘܿܥ ܡܢܗܘܿܢ ܐܝܟ ܕܠܐܬܘܪ̈ܝܐ: ܗܢܐ ܐܬܝܼܠܕ ܬܡܢ ܗ̄ ܥܡܐ ܠܡ ܕܟܘܫ̈ܝܐ ܗܟܢ ܐܫܬܟܚ ܕܢܩܝܼܦ ܠܐܬܘܪ̈ܝܐ܇ ܐܝܟ ܗ݀ܘ ܕܗܼܢܘܿܢ ܝܠܕܘܼܗܝ: ܐܡܿܪ ܕܝܢ ܥܠܗ݀ܝ ܕܟܕ ܚܣܼܕܗ ܣܢܚܪܝܒ ܠܬܪܗܩ ܟ݀ܠܒܐ ܕܟܘܫ̈ܝܐ: ܕܢܦܼܩ ܠܡܬܟܬܫܘܼ ܥܡܗ: ܐܦ ܡܼܢ ܟܘܫ̈ܝܐ ܣܠܩܼܘ ܥܡܗ ܠܥܘܼܕܪܢܗ܀ ܘܠܨܗܝܘܢ ܐܬܐܼܡܪ ܗ̄ ܡܢܗܘܢܿ ܕܣܘܼܥܪ̈ܢܐ܀ ܓܒܪܐ ܓܢ̱ܒܪܐ ܗ̄ ܚܙܩܝܐ ܕܒܨܠܘܿܬܗ ܐܬܩܢܗܿ܇ ܕܠܐ ܬܬܙܝܼܥܝ ܡܢܗܘܿܢ܀ ܡܪܝܐ ܢܡܼܢܐ ܒܬܟܒܐ ܠܥܡܗ ܗ̄ ܕܒܓܘܗܿ: ܘܐܝܟ ܕܒܟܬܒܐ ܢܛܪ ܐܢܘܿܢ܇ ܕܠܐ ܢܛܥܐ ܡܢܗܘܢܿ ܐܢܫ܀ ܗܢܐ ܐܬܝܼܠܕ ܗ̄ ܛܠܗܢܐ ܕܐܬܝܼܠܕ ܬܡܢ ܕܐܝܼܬܘܗܝ ܚܙܩܝܐ܆ ܐܝܟ ܕܒܡܢܝܢܐ ܕܟܬܒܐܢܿܛܪ ܐܠܗܐ ܠܥܡܪ̈ܝ ܨܗܝܘܿܢ܀ ܡܙ̈ܡ ܕܦܝ̄ ܥܠ ܥܡܐ ܕܒܒܒܠ ܕܡܿܬܬܢܝܢ ܐܘܠ̈ܨܢܝܗܘܿܢ ܘܫܿܐܠܝܢ ܫܪܝܐ ܕܡܢܗܘܢܿ ܡܛ݀ܠ ܕܣܒܼܥܬ݀ ܢܦܫܝ ܗ̄ ܒܟܿܠ ܒܝܼܫ̈ܬܐ ܥܒܼܕܬܢܝ ܕܐ݀ܬܢܣܐ܀ ܒܝܬ ܡܝܼ̈ܬܐ ܒܪ ܚܐܪ̈ܐ ܗ̄ ܐܝܟ ܐܢܫ ܕܐܝܼܬܘܗܝ ܒܝܬ ܡܝܼ̈ܬܐ: ܟܕ ܡܚܪܪ ܡܼܢ ܟ݀ܠܗܝܢ ܕܥܠܡܐ ܗܢܐ܀ ܘܐܝܟ ܩܛܝܼ̈ܠܐ ܕܫܟܝܼܒܝܼܢ ܗ̄ ܗ݀ܟܢܐ ܚܫܝܼܒ ܐܢܼܐ ܗܫܐ܀ ܙܕܝܼܩܘܼܬܟ ܒܐܪܥܐ ܗ̄ ܙܕܝܼܩܘܼܬܟ ܕܣܿܥܪ ܐܢܬ ܠܘܬܢ܇ ܡܿܢܘܼ ܡܼܢ ܥܡܪ̈ܝ ܫܝܘܿܠ ܡܿܪܓܫ ܒܗܿ܆ ܕܠܗܿ ܩܿܪܐ ܐܪܥܐ܇ ܐܟܡܿܢ ܕܒܫܝܘܿ ܠܐ ܡܬܥܼܗܕܐ܀ ܐܬܬܪܝܡܿܬ ܗ̄ ܥܠ ܕܐܫܬܥܿܝܬ ܠܡ ܘܐܫܬܩܿܠܬ ܥܠ ܗܘܿ ܕܐܪܝܡܝܢܝ ܥܠ ܟܿܠܗܘܿܢ ܥܡ̈ܡܐ: ܐܬܡܟܟܿܬ ܠܫܒܼܝܐ. ܘܬܘܿܪܬ ܒܥܩ̈ܬܐ܀ ܡܙ̄ܡ ܕܦܛ̄܆ ܥܠ ܥܡܐ ܕܒܒܒܠ ܐܟܡܿܢ ܕܡܥܗܕܝܼܢ ܠܐܠܗܐ ܫܘܼܘ̈ܕܝܘܗܝ ܕܠܘܬ ܕܘܝܕ ܘܫܿܠܝܼܢ ܡܢܗ ܕܢܬܒܣܡܘܢܼ ܒܛܒ̈ܬܐ ܐܝܠܝܢ ܕܫܿܘܝܢ ܠܡܘܼܠ̈ܟܢܘܗܝ ܛܝܒܘܼܬܗ ܕܡܪܝܐ ܗ̄ ܕܣܥܼܪ ܨܝܕ ܕܘܝܕ: ܠܥܠܡ ܐܙܿܡܪ ܗ̄ ܐܢܿܐ ܥܡܐ ܕܒܒܒܠ܆ ܐ݀ܩܠܣ ܘܐܘܿܪܒ ܠܛܝܒܘܼܬܗ܆ ܘܫܿܐܠ ܐܢܼܐ ܕܢܫܬܠܡܘܢܼ ܫܘܼܘ̈ܕܝܐ ܕܒܛܝܒܘܼܬܐ ܫܐܬܘܕܝܼ܀ ܐܘܕܥ ܗܝܡܢܘܼܬܗ ܗ̄ ܫܪܪܗ܆ ܡܛ݀ܠ ܕܠܐ ܡܨܝܐ ܕܢܬܕܓܠ܀ ܘܫܡܝܐ ܬܬܩܢ ܗ̄ ܐܝܟܢܐ ܕܥܿܡܪ ܐܠܗܐ܆ ܬܡܢ ܢܬܩܢ ܫܪܪܐ ܕܝܼܠܗܘܿܢ ܕܫܘܼܘ̈ܕܝܐ: ܟܕ ܡܼܢ ܐܬܪܗ ܕܐܠܗܐ ܡܦܝܼܣ ܥܠ ܫܪܪܗ܀ ܬܬܩܢ ܙܪܥܟ ܗ̄ ܙܪܥ ܘܟܘܼܪܣܝܐ܆ ܠܡܠ̈ܟܐ ܕܡܢܗ ܡܿܫܡܗ: ܘܝܬܝܼܪܐܝܬ ܥܠ ܡܫܝܼܚܐ ܕܐܝܼܬܘܗܝ ܐܠܗܐ܀ ܗܝܡܢܘܼܬܐ ܗ̄ ܒܟ݀ܠܕܘܼܟ ܠܫܪܪܐ ܩܿܪܐ܀ ܒܥܕܬܐ ܕܩܕܝ̈ܫܐ ܗ̄ ܒܢ ܒܙܒܢܐ ܕܐܝܬ ܗܼܘܐ ܒܢ ܐܢܫ̈ܐ ܡܝܬܪ̈ܐ܀ ܪܒ ܗ̄ ܘܐܬܚܙܝܼܬ ܪܒܐ ܘܕܚܝܼܠܐ܀ ܥܠ ܟ݀ܠ ܕܚܕܪ̈ܝܢ ܗ̄ ܒܥܠܕܒܒ̈ܝܢ܀ ܬܣܝܼܡ ܐܝܼܕܗ ܗ̄ ܐܡܿܪ ܥܠ ܕܩܿܢܐܼ ܘܡܿܫܥܼܒܕ ܠܥܡ̈ܡܐ 339 ܚܝ̈ܠܬܢܐ ܕܕܡܿܝܢ ܠܝܡܡ̈ܐ ܘܠܢܗܪ̈ܘܬܐ: ܐܘܿ ܥܠ ܐܘܚܕܢܗ ܪܡܿܙ: ܕܥܕܡܐ ܠܝܡܐ ܪܒܐ ܘܦܪܬ ܢܗܪܐ ܪܒܐ ܐܬܡܼܬܚ܀ ܟܘܼܪܣܝܗ ܐܝܟ ܫܡܫܐ ܗ̄ ܕܢܐܡܼܪ ܕܐܝܟ ܫܡܫܐ ܘܣܗܪܐ ܬܬܢܛܪܝ ܩܕܡܝ ܒܡܦܪܓ݀ܢܘܼܬܐ܀ ܒܣܗܪܐ ܗ̄ ܕܗܿܠܝܢ ܐܠܗܐ ܕܫܡܝܐ܆ ܘܕܟܿܠ ܕܡܫܬܘܕܐ ܡܿܨܐܼ ܠܡܓܼܡܪ܀ ܘܐܢ ܛܥܝܬܢ ܗ̄ ܥܠ ܕܛܥܝܢܟ܀ ܘܐܣܠܝܼܬ ܗ̄ ܠܐ ܥܕܪܬ ܠ̈ܡܠܟܐ ܕܡܢܗ ܐܝܟ ܕܐܫܬܘܕܝܼܬ ܠܗ܀ ܒܐܪܥܐ ܟܠܝܼܠܗ ܗ̄ ܟܗܢܘܼܬܐ ܘܡܠܟܘܼܬܐ ܕܒܼܛ̈ܠܝ ܒܫܼܒܝܐ܀ ܡܙܟܝ̈ܢܘܗܝ ܗ̄ ܚܝܠ̈ܘܬܗ܇ ܐܘܿ ܥܡܡ̈ܐ ܕܐܓܪ ܗܼ،ܐ ܠܥܘܼܕܪܢܗ܀ ܘܒܨܪܬ ܝܘܡ̈ܬܐ ܗ̄ ܫܿܠܡܐ ܗܕܐ ܥܠܝ ܝܗܘܐܚܙ ܘܝܘܥܢܝܐ ܕܠܐ ܐܥܬܼܩܘ ܒܡܠܟܘܼܬܐ܀ ܥܩܒ̈ܘܗܝ ܕܡܫܝܼܚܟ ܗ̄ ܒܝܕ ܣܘܼܥܪ̈ܢܐ ܕܓܕܫܘ: ܕܕܠܩܘܼܒܠܐ ܗܼܘܘ ܕܣܘܼܟܝܗ ܕܨܕܩܝܐ: ܕܡܿܣܟܐ ܗܼ،ܐ ܕܢܙܟܐ: ܘܢܚܼܬ ܠܒܒܠ ܟܕ ܡܿܥܘܪ܀ ܠܬܠܬ ܡܢ̈ܘܢ ܡܿܦܠܓ ܡܙܡܘܪܐ: ܩܕܡܝܬܐ ܟܕ ܡܬܥܗܕܝܼܢ ܠܛܝܒܘܼܬܐ ܕܒܗܿ ܐܬܡܠܼܠܘ ܫܘܼܘ̈ܕܝܐ: ܘܡܨܝܥܬܐ. ܬܢܝܐ ܕܝܼܠܗܘܢܿ ܕܫܘܘ̈ܕܝܐ: ܘܐܚܪܝܬܐ ܫܐܼܠܬܐ ܕܢܫܬܠܡܘܢܼ ܠܘܬܗܘܢܿ ܗܼܢܘܿܢ ܫܘܘ̈ܕܝܐ܀ ܡܙܡܘܪܐ ܕܬܫܥܝܢ ܡܢ ܦܪܨܘܦܥܡܐ ܕܒܒܒܠ ܕܫܿܠܝܼܢ ܕܢܫܼܬܪ̈ܝܢ ܥܩ̈ܬܗܘܢ ܡܪܝܐ ܒܝܬ ܡܥܡܪܐ ܗ̄ ܐܢܬ ܗܼܘ ܒܝܬ ܓܘܣܢ ܡܼܢ ܕܪ̈ܐ ܩܕܡ̈ܝܐ: ܘܠܕܪܕܪ̈ܝܢ ܐܫܬܘܕܝܼܬ ܠܐܒܗ̈ܝܢ: ܕܢܬܼܒܛ ܠܟ ܥܠ ܐܪܥܗܘܿܢ: ܢܬܒܛܢܘܢܼ ܗ̄ ܢܬܓܒܠܘܢܼ ܘܢܬܟܢܫܘܢܼ ܐܢܬ ܐܝܬܝܟ܀ ܬܚܒܠܝ ܐܪܥܐ ܗ̄ ܬܘܥܐ ܟ݀ܠ ܐܝܼܠ̈ܢܝܼܢ܀ ܬܬܩܼܢܝ ܗ̄ ܬܗܘܼܐ ܚܿܫܚܐ ܠܥܘܼܡܪܐ ܕܒܢܝܢ̈ܫܐ ܠܐ ܓܝܪ ܕܡܿܐ ܐܢܬ ܠܐܠ̈ܗܐ ܚ̈ܕܬܐ ܐܝܠܝܢ ܕܡܛ݀ܠ ܡܚܝܼܠܘܼܬܗܘܢܿ ܠܐ ܡܥܕܪܝܼܢ ܠܣܓܘ̈ܕܝܗܘܢܿ ܐܢܬ ܓܝܪ ܐܝܬܝܐ ܕܡܼܢ ܥܠܡ ܐܝܬܝܟ܀ ܡܛ݀ܠ ܕܐܠܦ ܫܢ̈ܝܼܢ ܗ̄ ܕܗܢܐ ܟ݀ܠܗ ܦܫܝܼܩ ܠܟ ܠܡܦܢܝܘܼܬܢ܇ ܐܝܟ ܕܐܠܘܼ ܐܠܦ ܫܢ̈ܝܢ ܐܝܬ ܠܢ ܒܫܒܝܐ ܐܝܟ ܝܘܡܐ ܚܕ ܢܬܚܫܒ ܠܟ܇ ܐܘܿ ܐܝܟ ܡܛܪܬܐ ܠܠܝܐ܀ ܫܪ̈ܒܬܗܘܢܿ ܗ̄ ܕܒܒ̈ܠܝܐ ܕܗܐ ܡܨܠ̈ܚܢ܇ ܫܠܢܐ ܗ̄ ܠܡܘܬܐ ܩܠܝܼܠܐ ܢܫܬܠܡܘܢܼ܀ ܐܝܟ ܥܘܼܦܝܐ ܗ̄ ܐܝܟ ܥܘܼܦܝܐ ܕܒܨܦܪܐ ܝܿܥܐ ܘܒܪܡܫܐ ܚܿܡܐ: ܗܿܟܢܐ ܢܬܚܪܒܘܢܼ ܒܒܠ̈ܝܐ ܘܢܚܡܘܢ܀ ܬܚܠܦ ܗ̄ ܬܐܥܼܐ܀ ܘܥܠܡܝܢ ܗ̄ ܡܛ݀ܠ ܕܣܐܼܒܢܢ ܒܐܘܠܨܢܐ܀ ܘܐܢܗܪ ܐܦܝ̈ܟ ܥܠܝܢ: ܗ̄ ܠܐܬ݀ܐ ܕܬܪܥܘܼܬܐ܀ ܐܝܟ ܓܘܓܝ ܗ̄ ܐܟܙܢܐ ܕܙܩܘܪܐ ܗܢܐ ܕܓܘܓܝ ܕܠܝܼܠܐܝܬ ܡܫܼܬܪܐ ܡܼܢ ܡܕܡ ܙܥܘܪܐ ܕܛܪܐ ܒܗ܆ ܗܿܟܢܐ ܐܢܝܢ ܫܢ̈ܝܐ ܕܚܝ̈ܝܢ ܒܫܼܒܝܐ܇ ܒܦܚܼܡܐ ܕܙܒܢܐ ܕܟܗܝܼܢܘܼܬܐ܀ ܐܘܕܥܝܢ ܡܢܝܿܢܐ ܕܝܘܡ̈ܝܢ ܗ̄ ܠܘ ܡܢܝܢܐ ܕܚ̈ܝܐ ܐܡܿܪ܇ ܐܠܐ ܕܗܒܠܝܼ ܕܐ݀ܬܒܣܡ ܒܦܘܼܢܝܐ܇ ܐܝܟ ܡܢܝܢ ܝܘܡ̈ܬܐ ܕܗܘܝܿܬ ܒܥܩ̈ܬܐ܀ ܢܥܘܿܠ ܠܒܐ ܕܚܟܼܡܬܐ ܗ̄ ܢܩܘܼܡ ܒܡܨܥܬ ܛܒ̈ܬܐ ܕܢܕܥ ܣܟܗܝܢ ܘܢܬܚܟܡ ܠܡܘܕܝܘܼ ܥܠ ܐܦܝ̈ܗܝܢ܀ ܢܪܕܟ ܗ̄ ܥܒܿܕ̈ܐ ܕܛܝܒܘܼـܟ ܕܒܗܘܢܿ ܡܬܼܚܙܐ ܐܢܬ ܗܕܝܼܪܐ܀ ܚܘܐ ܠܢ 340 ܬܡܝܼܗ̈ܬܟ ܕܠܘܬܗܘܢܿ ܕܒܗܝܢ ܬܬܝܼܕܥ ܕܐܝܼܬܝܟ ܫܒܝܼܚܐ ܘܗܕܝܼܪܐ܀ ܒܥܒܕ ܐܝܼܕ̈ܘܗܝ ܗ̄ ܒܥܒܕ ܐܝܼܕ̈ܘܗܝ ܩܕܡ̈ܝܐ ܕܒܡܨܪܝܢ ܘܒܟܢܥ̈ܢܝܐ ܐܬܩܢ ܥܠܝܢ܇ ܘܒܥܒܕ ܐܝܼܕ̈ܘܗܝ ܐܦ ܗܫܐ ܕܒܒ̈ܠܝܐ: ܬܩܼܢܢ ܘܫܪܪܢ ܒܐܪܥܐ ܕܡܘܼܠܟܢܐ܀ ܡܙܡܘܪܐ ܕܨ̄ܐ ܡܿܠܦ ܥܠ ܙܟܘܿܬܐ ܕܗܘܼܬ݀ ܠܥܡܐ ܥܠ ܐܬܘܪ̈ܝܐ. ܡܛܠ ܚܙܩܝܐ ܘܡܿܪܬܐ ܠܟܿܠܗܘܿܢ ܒܢܝ̈ܢܫܐ ܕܕܐܝܟ ܗܿܟܢ ܢ݀ܟܝܢ ܐܢ ܝ݀ܨܦܝܼܢ ܕܡܝܬܪܘܬܐ. ܝ݀ܬܒ ܒܣܬܪܗ ܕܡܪܝܐ ܗ̄ ܬܟܝܼܠ ܥܠ ܥܘܼܕܢܗ܀ ܕܒܗ ܡܣܬܬܪ ܡܼܢ ܒܝܼܫ̈ܬܐ܀ ܘܐܝܟ ܕܒܛܠܠܐ ܡܬܬܢܝܼܚ܆ ܡܢܼܟ݀ܠ ܚܐܦܐ ܕܐܘܠ̈ܨܢܐ܀ ܡܫܬܼܒܚ ܗ̄ ܡܬܼܝܩܪ ܠܥܝܢ ܣܓ̈ܝܐܐ܆ ܐܟܡܐ ܕܚܙܩܝܐ܀ ܐܡܪ ܠܡܪܝܐ ܗ̄ ܐܢܬ ܗܿܟܝܠ ܐܡܼܪ܇ ܕܡܪܝܐ ܗܘ ܬܘܼܟܠܢܝ܆ ܩܘܐ ܓܝܪ ܒܬܘܼܟܠܢܟ ܕܥܠܘܗܝ܆ ܘܠܗ ܚܫܘܿܒ ܒܝܬ ܓܘܣܟ܀ ܒܐܒܪ̈ܘܗܝ ܢܦܨܝܟ ܗ̄ ܐܟܙܢܐ ܕܦܪܚܬܐ ܒܣܬܪ ܐܒܪ̈ܝܗܿ ܘܬܚܝܬ ܟܢܦ̈ܝܗܿ ܡܣܬܪܐ ܠܦܪ̈ܘܓܝܗܿ ܗ̣ܿܢܐ ܐܦ ܗܘܼ ܡܿܢܛܪ ܠܟ ܕܚܕܐ ܡܼܢ ܒܝܼܫ̈ܢ ܠܐ ܬܥܝܟ܀ ܙܝܢܐ ܢܚܕܪܟ ܗ̄ ܚܠܦ ܙܝܢܐ ܓܘܼܫܡܢܝܐ܆ ܡܿܚܕܪ ܠܟ ܥܘܼܕܢܐ ܫܪܝܼܪܐ: ܕܒܗ ܡܿܓܗܐ ܐܢܬ ܡܼܢ ܕܚܠܼܬܐ ܕܠܠܝܐ ܘܓܐܪܐ ܕܒܐܝܼܡܡܐ [ܡܫـ]ـܬܕܐ܀ ܡܼܢ ܡܠܼܬܐ ܕܡܿܗܠܟܐ ܗ̄ ܪܡܿܙ ܥܠ ܣܢܼܐܬܐ ܡܫܡܠܝܬܐ ܘܡܚܦܝܬܐ܇ ܕܐܝܠܝܢ ܕܡܣܬܒܪܝܼܢ ܪ̈ܚܡܐ܀ ܡܼܢ ܪܘܼܚܐ ܕܫܿܝܕܐ ܗ̄ ܥܒܪܝܐ ܡܼܢ ܥܘܼܩܣܐ ܕܕܒܿܨ ܗ̄ ܠܘܼܚ̈ܫܬܐ ܕܗܘ̈ܝܢ ܒܟܣܝܐ: ܘܩܛ̈ܠܢ ܘܡܡܝ̈ܬܢ ܒܓܠܝܐ܀ ܪܘܼܚܐ ܕܫܿܚܕܐ ܗ̄ ܕܝܘ̈ܐ ܡܟܝ̈ܢܐ܆ ܒܡܨܥܬ ܛܗܪܐ ܡܒܐܫܝܼܢ ܟܕ ܠܐ ܡܬܼ̇ܙܝܢ܇ ܐܡܿܪ ܕܢ݀ܛܪ ܘܡܿܫܘܙܒ ܠܟ: ܡܢܼܟ݀ܠ ܒܝܼܫ̈ܢ܇ ܘܡܼܢ ܕܝܘ̈ܐ ܘܒܢܝܢ̈ܫܐ ܕܟܣܝܐܝܬ ܘܓܠܝܐܝܬ ܨ݀ܒܝܢ ܕܢܗܪܘܼܢܟ܀ ܡܙ̄ܡ ܕܨܒ̄܇ ܬܘܕܝܬܐ ܕܥܡܐ ܕܚܠ ܚܙܩܝܐ. ܡܛܠ ܙܟܘܿܬܗ ܕܠܘܼܩܒܠ ܐܬܘܪ̈ܝܐ ܗܝܡܢܘܼܬܟ ܗ̄ ܫܪܪܐ ܕܡܪܚܡܢܘܼܬܟ܀ ܫܿܘܚܝܼܢ ܗ̄ ܒܡܠܐܐ ܙܒܢܐ ܡܗܒܒܝܼܢ܇ ܘܗ݀ܝ ܕܫܒܼܩ ܕܢܫܘܚܘܢ ܘܢܨܠܚܘܢܼ ܠܥܠ ܡܼܢ ܣܓ̈ܝܐܐ܇ ܠܘ ܣܪܝܼܩܐܝܬ ܫܒܼܩ ܕܬܗܼܘܐ: ܐܠܐ ܕܢܬܝܼܕܥ ܐܒܕܢܗܘܿܢ ܕܒܟܐܢܘܼܬܐ ܗܘܐ܀ ܘܦܿܪܥܝܼܢ ܗ̄ ܘܡܦܪܥܝܼܢ܀ ܒܪܡ ܚܿܡܝܢ ܡܼܢ ܪܘܓܙܐ ܐܠܗܝܐ܀ ܐܝܟ ܕܪܝܡܐ ܗ̄ ܩܪܝܢܐ ܚܕܐ ܩܿܢܐܼ ܪܝܡܐ܇ ܘܥܫܝܼܢ ܚܝܠܗ܇ ܐܝܟܢܐ ܕܟܐܦ̈ܐ ܘܐܝܼܠ̈ܢܐ ܪܘܪ̈ܒܐ ܥܿܩܪ ܒܗܿ: ܟܕ ܙܥܘܪ ܓܘܼܫܡܐ ܗܿܘ ܡܼܢ ܗܕܐ ܕܡܘܼܬܐ ܐܡܿܪ ܢܒܝܐ ܥܠ ܚܙܩܝܐ ܘܕܥܡܗ: ܕܒܥܘܼܕܪܢܟ ܐܠܗܐ ܐܬܚܙܝܢ ܪ̈ܡܐ ܘܥܫܝܼ̈ܢܐ܇ ܝܬܝܼܪ ܡܼܢ ܐܬܘܪ̈ܝܐ ܕܣܓܝܐܝܢ ܗܼܘܘ ܡܢܢ ܘܓܢܒܪܝܢ܀ ܘܨܒܥܼܬܢܝ ܒܡܫܼܚܐ ܗ̄ ܒܝܕ ܥܘܼܬܪܐ ܘܒܙܼܬܐ ܕܢܣܼܒܢܢ ܡܼܢ ܐܬܘܪܝܐܡܡܟܟܼܢܢ܇ ܐܝܟ ܕܒܡܫܼܚܐ ܒܣܝܼܡ ܪܝܚܐ ܐܬܼܕܗܢܢ ܘܐܬܒܼܣܡܢܢ܀ ܥܒܪܝܐ ܒܠܝܘܼܬܝ ܐܝܟ ܙܝܬܐ ܗ̄ ܐܦܢ ܗܿܫܐ ܒܠܝܿܬ ܒܩܪܒܐ ܘܥܩ̈ܬܐ: ܐܠܐ 341 ܐܫܦܼܥܬ ܥܠܝ ܥܘܼܕܪܢܟ ܕܕܡܿܐ ܠܗܿܘ ܕܒܛܠܝܼܘܬܝ ܟܕ ܢܦܩܿܬ ܡܼܢ ܡܨܪܝܢ܇ ܕܒܗ ܐܝܟ ܕܒܡܫܚܐ ܐܕܢܗܼܢܬ ܘܚܼܕܬܬ ܟܿܠܗܿ ܢܚܘܼܒܘܼܬܝ ܘܒܠܝܘܼܬܝ܀ ܙܕܝܼܩܐ ܐܝܟ ܗ̄ ܚܙܩܝܐ ܢܗܘܐ ܬܪܝܼܨ ܐܝܟ ܕܩܠܐ܇ ܟܕ ܠܐ ܡܬܼܟܦܦ ܡܼܢ ܒܝܼܫ̈ܬܐ ܕܐܬܘܪ̈ܝܐ: ܘܢܦܪܥ ܒܢ̈ܝܐ ܣܓ̈ܝܐܐ܀ ܡܙ̄ܡ ܕܨܓ̄ ܐܡܝܼܪ ܥܠ ܦܘܼܢܝܐ ܕܡܼܢ ܒܒܠ. ܟܕ ܡܿܒܠܫ ܐܣܟܡܐ ܠܚܝܠܗ ܕܐܠܗܐ ܕܒܗ ܙ݀ܟܐ ܠܒܒ̈ܠܝܐ ܘܥܿܒܕ ܪ̈ܚܡܐ ܠܥܘܼܕܪܢܗ ܒܥܝ̈ܢܝܗܘܢ ܡܪܝܐ ܐܡܠܟ ܥܠ ܥܡܗ܇ ܐܝܟ ܕܡܼܢ ܩܕܝܼܡ܀ ܘܓܐܝܘܼܬܐ ܠܒܫ ܗ̄ ܠܘܼܩܒܠ ܥܡܡ̈ܐ: ܐܟܡܿܢ ܕܚܼܣܢܗܿ ܠܒܒܠ܀ ܠܒܫ ܡܪܝܐ ܗ̄ ܒܙܒܢ ܫܒܼܝܐ: ܫܠܼܚ ܗܼܘܐ ܠܙܝܢܗ ܘܗܫܐ ܠܒܫܼܗ ܘܐܩܪܒ ܥܡ ܒܒܠ̈ܝܐ܀ ܐܬܬܪܝܼܡܘ ܢܗܪ̈ܘܬܐ ܗ̄ ܒܒܠ̈ܝܐ ܘܐܬܘܪ̈ܝܐ ܕܠܘܬܢ܀ ܐܪܝܼܡܘ ܢܗܪ̈ܘܬܐ ܩܠܗܘܿܢ ܗ̄ ܥܠܝܢ ܘܙܟܐܘܢ܀ ܒܕܟܝܘܼܬܐ ܗ̄ ܕܟܕ ܐܘܝܢ ܘܫܿܠܡܝܼܢ ܠ̈ܕܕܐ ܘܕܟܝܢ ܡܼܢ ܡܚܫܒܬܐ ܛܒܬܐ ܐܬܼܘ܀ ܥܒܪܝܐ ܚܠܦ ܒܕܟܝܘܼܬܐ ܐܫܬܼܦܠܘ ܐܡܿܪ ܗ̄ ܐܬܡܼܟܟܼܘ ܡܼܢ ܪܘܓܐ ܐܠܗܝܐ܀ ܕܡ̈ܝܐ ܣܓ̈ܝܐܐ ܗ̄ ܕܐܝܬܝܗܘܿܢ ܒܥܠ̈ܕܒܒܐ ܐܢܬ ܠܐ ܕܚܼܠܬ: ܐܠܐ ܠܗܘܿܢ ܥܡ ܒܒܠ܇ ܕܟܢܫܼܬ ܐܢܘܿܢ: ܕܠܗܿ ܩܿܪܐ ܝܡܐ: ܓܡܼܪܬ ܘܐܘܒܼܕܬ܀ ܥܫܝܼܢܝܼܢ ܗ̄ ܐܟܙܢܐ ܠܡ ܕܝܡܐ ܒܗ݀ܝ ܕܪܡܝܢ ܒܗ ܢܗܪ̈ܘܬܐ ܣܓ̈ܝܐܐ܆ ܥܫܝܼܢܝܼܢ ܡܚܫ̈ܠܘܗܝ ܘܡܬܬܪܝܼܡܝܼܢ ܓܠ̈ܠܘܗܝ ܘܕܚܝܼܠ ܩܠܐ ܕܫܩܦܗܘܿܢ܇ ܗܿܟܢܐ ܐܦ ܒܒܠ̈ܝܐ ܒܗ݀ܝ ܕܠܟܿܠܗܿ ܥܿܡܪܬܐ ܐܚܝܼܕܝܼܢ ܗܼܘܘ: ܝܬܝܼܪ ܥܫܝܼܢܝܼܢ܇ ܘܕܚܝܼܠܐ ܣܓܝܐܘܬܗܘܿܢ ܘܡܼܢ ܗܕܐ ܣܓܝܐܘܬܐ ܫܘܙܒܬܢ ܐܠܗܐ܇ ܡܛ݀ܠ ܕܡܿܫܒܼܚ ܐܢܬ ܒܡܪ̈ܘܡܐ܀ ܡܙ̄ܡ ܕܨܕ̄ ܥܠ ܥܡܐ ܕܒܒܒܠ ܡܿܬܢܝܢ ܚܫ̈ܐ ܕܣܼܒܠܘ. ܘܒܿܥܝܢ ܕܢܬܒܥܘܢ ܡܫܥܒܕ̈ܢܝܗܘܿܢ ܐܠܗܐ ܬܒܘܿܥܐ ܗ̄ ܬܒܥ ܐܝܟ ܕܐܫܬܘܕܝܼܬ ܒܢܡܘܿܣܐ܆ ܕܬܒܿܥ ܐܢܼܐ ܠܪ̈ܫܝܼܥܐ܀ ܐܬܓܠܝ ܗ̄ ܚܘܐ ܢܦܫܟ ܒܝܕ ܬܒܥܬܐ ܕܡܿܝܬܐ ܐܢܬ ܥܠ ܒܥ̈ܠܕܒܒܐ܇ ܡܬܼܩܪܐ ܐܠܗܐ ܕܪ̈ܚܡܐ܇ ܡܛܠ ܕܡܿܪܚܡ: ܘܐܠܗܐ ܬܒܘܿܥܐ ܡܛ݀ܠ ܕܬܒܿܥ ܠܡܥܘ̈ܠܢܐ: ܐܦܢ ܓܝܪ ܥܡܐ ܒܙܕܩܐ ܣܿܒܠ ܗܼܘܐ ܗܿܠܝܢ܇ ܐܠܐ ܒܒ̈ܠܝܐ ܠܘ ܒܢܝܼܫܐ ܕܡܪܕܘܼܬܐ ܪܕܝܢ ܗܼܘܘ ܠܗܘܢܿ܀ ܡܛ݀ܠ ܕܒܿܬܪ ܙܕܝܼܩܐ ܗ̄ ܡܛ݀ܠ ܙܕܝܼܩܐ ܗܦܼܟ ܠܗ ܐܠܗܐ ܠܕܝܼܢܐ ܕܐܝܬܝܗܿ ܟܐܢܘܼܬܐ ܕܥܠ ܪ̈ܫܝܼܥܐ܇ ܕܡܟܟܗ ܠܙܕܝܼܩܐ: ܘܒܬܪܗ ܕܐ݀ܢ ܐܦ ܠܟܿܠܗܘܿܢ ܬܪ̈ܝܼܨܝ ܠܒܐ ܕܕܡܝܼܘ ܒܗ܇ ܘܡܿܙܟܐ ܠܗܘܿܢ ܘܡܿܚܝܒ ܠܡܡܟܟ̈ܢܝܗܘܢܿ܀ ܠܐ ܢܿܚܒܪ ܗ̄ ܠܐ ܢܗܘܐ ܠܢ ܬܘܼܒ ܚܒܪܘܼܬܐ ܘܫܘܬܦܘܼܬܐ ܥܡ ܟܘܼܪܣܝܐ ܘܡܠܟܘܼܬܐ ܕܒܒ̈ܠܝܐ: ܕܢܐܡܪ ܕܠܐ ܢܦܠܘܿܚ ܘܢܣܝܥ ܠܡܠܟܘܼܬܐ ܚܢܦܝܐ ܐܠܐ ܠܡܠܟܐ ܕܡܼܢ ܕܘܝܕ܀ ܡܙ̄ܡ ܕܨܗ̄ ܥܠ ܥܡܐ ܕܒܒܒܠ. ܟܕ ܡܿܙܡܢ ܘܩܿܪܐ ܠܗܘܢ ܠܬܘܕܝܬܐ ܕܥܠ ܐܦ̈ܝ ܦܘܼܢܝܗܘܢܿ 342 ܡܼܢ ܐܝܠܝܢ ܕܗܘܼ̈ܝ. ܡܿܪܬܐ ܠܗܘܿܢ ܕܢܙܕܗܪܘܢ ܡܐܼܢܬ݀ ܠܝ ܗ̄ ܗܕܐ ܐܡܿܪ ܕܡܼܢ ܕܡܘܼܬܐ ܕܐܢܫ ܕܠܙܝܼܙ ܡܿܥܩܼܡ ܒܗܘܦ̈ܟܘܗܝ ܘܡܢܐܢܐ ܠܢ ܕܢ݀ܬܥܢܐ ܥܡܗ܀ ܐܡܿܪܬ ܕܥܡܐ ܗܿܘ ܗ̄ ܐܡܿܪܬ. ܠܘ ܥܠ ܒܪܬ ܩܠܐ܇ ܐܠܐ ܥܠ ܬܪܥܝܼܬܐ ܣܿܐܡ ܠܗܿ܀ ܐܝܟ ܕܝܡܝܿܬ ܗ̄ ܪܓܙܿܬ ܠܡ ܥܠ ܟܿܠܗܘܢܿ ܒܢ̈ܝ ܕܪܐ ܗܿܘ܇ ܘܦܣܩܿܬ ܕܚܕ ܡܢܗܘܢܿ ܠܐ ܐܥܠ ܠܐܪܥܐ ܕܡܘܼܠܟܢ ܕܠܗ݀ܝ ܢܝܿܚܬܐ: ܡܛ݀ܠ ܕܒܗ ܐܬܬܢܝܼܚ ܥܡܐ ܘܐܓܗܝܼܘ ܡܼܢ ܥܩ̈ܬܐ ܕܥܒܕܘܼܬܐ ܕܝܼܠܗܘܿܢ܀ ܐܪܥܐ ܕܡܘܼܠܟܢܐ ܡܠܟܘܼܬܐ ܕܫܡܝܐ܀ ܡܙ̄ܡ ܕܨܘ̄ ܬܘܕܝܬܐ ܕܥܡܐ ܕܚܝܠ ܦܘܼܢܝܗ ܬܫܒܘ̄ ܚܿܕܬܐ ܗ̄ ܠܦܘܼܬ ܚܕ݁̈ܬܬܐ ܕܣܥܼܪ ܠܘܬܢ܀ ܟ݀ܠܗܘܢܿ ܐ̈ܠܦܗܐ ܗ̄ ܕܐܬܚܙܝܼܘ ܕܕܝ̈ܘܐ ܐܢܘܿܢ܀ ܘܣܪܝܼܩܝܼܢ ܗ̄ ܒܗ݀ܝ ܕܓܠܝܼܙܝܼܢ ܡܼܢ ܚܝܠܐ ܘܚܝܘܼܬܐ܀ ܝܘܢܝܐ ܚܠܦ ܣܪܝܼܩܝܼܢ ܕܝܘ̈ܐ ܐܡܿܪ܀ ܡܙ̄ܡ ܕܨܙ̄ ܥܠ ܦܘܼܢܝܗ ܕܥܡܐ ܟܕ ܡܿܪܟܒ ܠܙܡܝܼܪܬܐ ܐܝܟ ܕܠܩܘܠܣܐ ܕܙܟܘܿܬܗ ܕܐܠܗܐ ܡܪܝܐ ܐܡܼܠܟ ܬܕܘܼܨܝ ܐܪܥ ܗ̄ ܡܛ݀ܠ ܕܒܙܝܼܙܐ ܗܼܘܬ݀ ܡܼܢ ܒܒ̈ܠܝܐ ܘܗܿܫܐ ܦܢܼܐ ܘܐܚܼܕܗܿ: ܬܕܘܼܨܝ ܐܟܡܿܢ ܕܒܪܘܝܗܿ ܬܡܼܠܟ܀ ܥܢ̈ܢܐ ܘܥܪ̈ܦܠܐ ܗ̄ ܐܝܟ ܕܠܐ ܢܬܼܚܙܐ ܟܕ ܚܿܪܒ ܠܒܥ̈ܠܕܒܒܐ ܘܠܗܘܿܢ ܐܝܟ ܥܪܦܠܐ ܡܿܚܦܐ ܘܡܿܫܢܩ܀ ܐܢܗܪ ܒܪܩܘܗܝ ܠܬܒܝ ܗ̄ ܡܼܢ ܩܕܡ ܕܢܬܓܼܠܐ ܠܗܘܿܢ: ܐܝܟ ܐܝܙܓ̈ܕܐ ܒܝܕ ܒܪ̈ܩܐ ܐܟܪܙ ܠܗܘܿܢ ܥܠ ܡܐܬܝܼܬܗ: ܘܫܓܫ ܘܕܠܚ ܐܢܘܿܢ ܠܒܥ̈ܠܕܒܒܝܗܘܢܿ ܘܐܢܗܪ ܠܟܿܠܗܿ ܬܒܝܠ ܒܛܒܐ ܕܙܟܘܿܬܗ܀ ܐܝܟ ܫܥܘܼܬܐ ܐܬܦܫܪܘ ܗ̄ ܡܼܢ ܢܘܼܪܐ ܕܩܕܡܘܗܝ܀ ܚܘܝܼܘ ܫܡܝܐ ܗ̄ ܩܠܣܼܘ ܠܕܝܼܢܗ ܕܒܟܐܢܘܼܬܐ ܗܘܼܐ: ܟ݀ܠܗܘܢ ܡ̈ܠܐܟܐ ܡܛ݀ܠ ܕܠܘ ܒܛܘܼܫܝܐ ܗܘܼܐ܀ ܡܙܡܘܪܐ ܕܬܫܥܝܢ ܘܬܡܢܝܐ ܥܠ ܦܘܼܢܝܐ ܡܬܼܢܒܐ ܟܕ ܡܿܙܡܢ ܠܟܿܠ ܬܘܕܝܬ ܦܪܩܼܬܗ ܝܡܝܼܢܗ ܗ̄ ܝܡܝܼܢܗ ܦܪܩܼܬܗ ܠܥܡܗ܇ ܘܕܪܥܗ ܩܕܝܼܫܐ ܗ̄ ܗܘܿ ܕܐܬܚܫܼܚ ܒܗ ܨܝܕ ܡܨܪ̈ܝܐ: ܒܝܕ ܝܡܝܼܢܐ ܥܠ ܥܘܼܕܪܢܐ ܐܡܿܪ܇ ܘܒܕܪܥܐ ܥܠ ܚܝܠܢܘܼܬܐ܆ ܙܡܪܘ ܠܡܪܝܐ ܗ̄ ܐܢܬܘܢܿ ܝܘܕ̈ܝܐ ܒܟܢܪ̈ܐ: ܘܒܩܠܐ ܕܙܡܪܐ ܕܡܼܢ ܓܓܪܬܐ܇ ܗܟܢ ܓܝܪ ܝܬܝܼܪ ܗܢܝܼ ܙܡܪܐ. ܟܕ ܡܙܘܿܓ ܥܡ ܢܩܫܐ ܩܠܗ ܕܗܘܿ ܕܢܿܩܫ܀ ܡܙ̄ܡ ܕܨܛ̄ ܥܠ ܦܘܼܢܝܐ. ܘܡܼܢ ܩܕܡ̈ܝܬܐ ܕܐܣܬܥܪ̈ܝ ܡܿܪܬܐ ܠܗܘܿܢ ܠܬܫܒܘ̄ ܡܪܝܐ ܐܡܼܠܟ ܗ̄ ܒܗ݀ܝ ܕܣܚܼܦܗܿ ܠܒܒܠ ܕܒܙܼܬܗܿ ܠܡܠܟܘܼܬܢ܀ ܢܙܘܼܥܘܢܼ ܥܡܡ̈ܐ ܗ̄ ܡܪ̈ܝܐ ܕܡܬܚܘܼܗܝ ܠܦܘܼܢܝܐ܇ ܥܕܡܐ ܕܐܬܼܩܛܠ ܐܣܛܝܓܘܣ ܘܩܼܡ ܟܘܪܫ: ܘܒܿܬܪܟܢ ܐܬܼܟܪܙ ܦܘܼܢܝܐ܇ ܢܙܘܼܥܘܢܼ ܠܡ ܐܦ ܗܿܠܝܢ ܡܼܢ ܪܘܓܙܟ ܐܝܟ ܕܙܼܥܘ ܒܒ̈ܠܝܐ܀ ܝ݀ܬܒ ܥܠ ܟܪ̈ܘܒܐ ܬܙܘܼܥܝ ܐܪܥܐ ܗ̄ ܚܘܐ ܦܘܼܪܫܢܐ ܕܐܝܬ ܒܝܬ ܠܟ ܕܝܿܬܒ ܐܢܬ ܥܠ 343 ܟܪ̈ܘܒܐ: ܥܡ ܗܿܠܝܢ ܕܝܬܝܼܒܝܼܢ ܥܠ ܥܦܪܐ ܘܐܙܝܼܥ ܐܢܘܿܢ܇ ܒܗ݀ܝ ܕܨ݀ܒܝܢ ܕܢܙܝܼܥܘܼܢܢܝ܀ ܩܕܝܫ ܗܼܘ ܡܘܫܐ ܒܩܪ̈ܝܝ ܫܡܗ ܗ̄ ܕܕܐܝܟ ܗܿܢܘܿܢ ܟܗ̈ܢܐ ܙܕܩ ܕܬܗܘܘܿܢ ܩܕܡ ܐܠܗܐ܇ ܡܛ݀ܠ ܕܟܝܘܼـܐ ܕܠܒܗܘܢܿ: ܒܦܪܗܣܝܐ ܣܓܝܐܬܐ ܩܿܪܝܢ ܗܼܘܘ ܠܐܠܗܐ ܘܡܚܕܐ ܡܬܼܥܢܝܢ ܗܼܘܘ܀ ܘܥܡܘܼ݊ܐ ܕܥܢܢܐ ܗ̄ ܗܕܐ ܥܠ ܡܘܫܐ ܘܐܗܪܘܢ ܕܝܼܠܢܐܝܬ ܡܣܟܠܐ ܩܕܝܼܫܘܼܬܐ: ܥܠ ܬܠ̈ܬܝܗܘܢܿ ܡܥܕ ܓܝܪ ܟܬܒܐ ܠܡܚܠܛܘܼ ܡ̈ܠܐ܀ ܡܠܠ ܥܡܗܘܢܿ ܗ̄ ܐܘܕܥ ܐܢܘܿܢ ܡܘܿܢ ܒܿܥܐ ܠܡܣܼܥܪ ܗ̄ ܚܿܠܛ ܒܩܠܐ ܕܡܼܢ ܥܡܘܼܕܐ ܐܦ ܠܫܡܘܐܝܠ. ܐܟܡܿܢ ܕܗܘܿ ܕܡܠܠ ܡܼܢ ܓܘ ܥܡܘܼܕܐ܇ ܡܿܡܠܠ ܗܼܘܐ ܥܡܗ ܐܠܘܼ ܐܠܼܨܬ܇ ܥܢܝܗܝ ܒܓܒܝܼܬܗ ܕܫܐܘܠ: ܐܝܟ ܕܡܼܢ ܓܘ ܥܡܘܼܕܐ ܕܥܢܢܐ܀ ܦܪܘܥ ܐܢܘܿܢ ܐܝܟ ܗ̄ ܡܒܕܩ ܥܠ ܦܘܼܪܥܢܐ ܕܒܿܬܪ ܩܝܡܬܐ ܡܛ݀ܠ ܕܠܘ ܟ݀ܠܡܐ ܕܫܿܘܝܢ ܗܼܘܘ ܐܬܦܼܪܥܘ ܬܢܢ܀ ܡܙܡܘܪܐ ܕܡܐܐ ܡܿܪܬܐ ܠܥܡܐ ܕܩܢܼܐ ܡܼܢ ܫܒܝܐ. ܕܢܥܠܘܢܼ ܠܗܝܟܠܐ ܘܢܘܕܘܿܢ ܠܐܠܗܐ ܠܦܘܿܚܘ ܠܡܪܝܐ ܒܚܕܘܿܬܐ ܗ̄ ܒܚܦܝܼܛܘܼܬܐ ܛܪܘ ܦܘܼܩ̈ܕܢܘܗܝ܆ ܘܠܘ ܐܝܟ ܕܡܼܢ ܥܝܛܐ܀ ܡܙ̄ܡ ܕܩ̄ܐ܆ ܥܠ ܡܝܬܪ̈ܐ ܕܒܥܡܐ ܕܒܒܒܠ ܐܟܙܢܐ ܕܕܢܝܐܝܠ ܘܛܠ̈ܝܐ ܘܚܙܩܝܐܠ ܕܡܛܠ ܡܝܬܪܘܬܗܘܢ ܕܐܝܟ ܗܿܠܝܢ ܠ̈ܚܡܢ ܗܘ̈ܝ ܠܗܘܢܿ ܠܡܐܡܪ ܒܙܒܢ ܥܩ̈ܬܗܘܢܿ: ܛܝܒܘܼܬܐ ܘܕܝܼܢܐ ܐܙܿܡܪ ܗ̄ ܐܟܪܙܝܗܿ ܠܛܝܒܘܼܬܐ ܘܠܕܝܼܢܐ ܕܥܒܼܕܬ ܠܝܼ: ܡܼܢ ܒܒܠ̈ܝܐ܀ ܥܕܡܐ ܠܐܡܬܝ ܗ̄ ܥܕܡܐ ܓܝܪ ܕܢܬܼܬܐ ܠܘܬܝ ܘܬܦܼܩܢܝ܇ ܘܠܐ ܦܫܝܼܩ ܠܝܼ ܠܡܣܼܥܪ ܚܕܐ ܡܼܢ ܗܿܠܝܢ ܕܦܿܩܕ ܢܡܘܿܣܐ: ܘܬܚܘܝܼܬ ܕܗܕܐ ܐܝܼܬܝܗܝܢ ܗܿܠܝܢ ܕܩܕܡ ܫܒܼܝܐ܇ ܒܗܘܿ ܓܝܪ ܙܒܢܐ ܐܝܟ ܕܡܨܝܐ ܒܐܝܠܝܢ ܕܠܟ ܡܪ̈ܥܝܢ ܡܬܼܕܒܪ ܗܼܘܝܬ: ܗܕܐ ܓܝܪ ܐܡܿܪ ܗ݀ܝ ܕܗܠܟܬ ܒܬܡܝܼܡܘܼܬܗ ܕܠܒܝ ܒܓܘ ܒܝܬܝ ܗ̄ ܐܟܡܿܢ ܕܗܫܐ ܒܝܬ ܢܘܼܟܪ̈ܝܐ ܐܝܼܬܘܗܝ܇ ܬܡܝܼܡܘܼܬܐ ܓܝܪ ܕܠܒܐ ܩܿܪܐ: ܠܗ݀ܝ ܕܠܐ ܢܒܐܫ ܠܚܒܪܗ ܐܦܠܐ ܒܚܘܼܫܒܐ܀ ܠܒܐ ܒܝܼܫ ܥܒܼܪ ܡܢܝ ܗ̄ ܐܝܢܐ ܕܩܿܢܐܼ ܗܼܘܐ ܠܒ ܒܝܼܫܐ ܥܿܒܪ ܗܼ،ܐ ܡܢܝ ܘܡܿܣܛܐ ܠܪܘܚܩܐ܇ ܒܕܝܿܕܥ ܗܼܘܐ ܠܝ ܕܠܘ ܒܠܚܘܕ ܒܝܼܫܬܐ ܠܐ ܥܿܒܕ ܐܢܼܐ܇ ܐܠܐ ܘܐܦܠܐ ܕܐܪܥܝܗܿ ܨ݀ܒܐ ܐܢܼܐ܇ ܘܐܦܢ ܒܿܥܐ ܗܼܘܐ ܕܢܟܝܢܝ܆ ܠܐ ܪܢܐ ܗܘܝܬ ܒܗ܀ ܠܕܪ̈ܡܢ ܥܝܢ̈ܘܗܝ ܗ̄ ܠܚܬܝܼܪܐ܀ ܘܪܘܝܼܚ ܠܒܗ ܗ̄ ܝܥܢܐ ܘܥܠܘܿܒܐ: ܐܦܠܐ ܒܡܐܟܘܿܠܬܐ ܡܫܬܘܬܦ ܗܿܘܝܬ ܠܗ܀ ܥܝܢ̈ܝ ܒܡܗܝܡ̈ܢܐ ܕܐܪܥܐ ܗ̄ ܐܝܠܝܢ ܕܩܿܢܝܢܼ ܚܘܼܒܐ ܫܪܝܪܐ ܠܘܬ ܐܠܗܐ ܘܨܝܕ ܒܢܝܢ̈ܫܐ܀ ܕܡܬܼܟܢܫܝܼܢ ܪ̈ܫܝܼܥܐ ܐܝܟ ܥܝܕܐ ܠܟܢܘܼܫܬܐ ܐܘܿ ܠܕܘܼܟ̈ܝܬܐ ܕܕܝܼܢܐ ܡܿܫܬܩ ܗܿܘܝܬ ܠܗܘܿܢ ܒܡ̈ܠܝ܆ ܐܝܟ ܕܠܐ ܢܡܠܠܘܢܼ ܡܕܡ ܕܠܐ ܙܿܕܩ܀ ܡܙ̄ܡ ܕܩܒ̄ ܡܬ̈ܠܐ ܥܠ ܐܘܠ̈ܨܢܝܗܘܿܢ ܕܥܡܐ ܕܒܒܒܠ ܘܥܠ ܦܘܼܢܝܗܘܢ ܪܡܿܙ ܬܘܒ ܕܠܐ ܢܐܬܘܿܢ ܠܦܣܩܣܒܪܐ 344 ܡܛܠ ܕܓܼܡܪܘ ܒܬܘܼܢܢܐ ܝܘܡ̈ܝ ܗ̄ ܩܪܝܼܒ ܐܢܼܐ ܗܿܘ ܕܐܬܼܛܠܩ ܡܼܢ ܪܒܘܼܬ ܣܘܼܥܪܢܗܘܿܢ ܕܐܘܼܠ̈ܨܢܐ܇ ܘܐܝܟ ܬܢܢܐ ܠܐ ܡܕܡ ܐܬܗܼܦܟ܇ ܐܝܟܢܐ ܕܐܦ ܓܪ̈ܡܝ ܡܼܢ ܢܘܼܪܐ ܕܥܩ̈ܬܬܼܐ ܢܐܩܕܘܢܼ܇ ܘܡܼܢ ܕܗܝܼܢܘܼܬܐ ܘܣܘܼܡܩܘܼܬܐ ܕܕܡܐ: ܠܚܘܪܘܼܬܐ ܦܚܝܚܬܐ ܢܬܗܦܟܘܢܼ܀ ܕܒܼܩ ܒܣܪܝ ܠܓܪ̈ܡܝ ܗ̄ ܡܫܟܝ ܠܓܪ̈ܡܝ܇ ܐܟܡܿܢ ܕܕܒ ܘܐܬܦܼܫܪ ܚܝܠܝ܀ ܘܐܬܕܡܝܿܬ ܠܩܩܐ ܗ̄ ܒܗ݀ܝ ܕܠܕܘܼܟ̈ܝܬܐ ܚܪ̈ܒܬܐ ܨܿܐܒ ܗܿܘܝܬ܇ ܒܕܡܘܼܬ ܩܩܐ ܘܥܘܼܕܐ ܪ̈ܚܿܡܝ ܚܘܼܪܒܐ܇ ܘܡܿܒܟܐ ܗܿܘܝܬ ܠܢܦܫܝ ܥܠ ܒܝܼܫ̈ܬܝ܀ ܣܪܿܕܬ ܘܗܘܝܿܬ ܒܠܚܘܕܝ܇ ܣܪܿܕܬ ܘܕܚܠܿܬ ܠܡ܇ ܐܟܡܿܢ ܕܡܥܝܕܬܐ ܗܝ ܠܐܝܠܝܢ ܕܒܕܘܼܟܝ̈ܬܐ ܨܕܝ̈ܬܐ܇ ܕܢܣܬܬܪܘܢܼ ܘܢܕܠܚܘܢܼ: ܐܦ ܨܦܪܐ ܐܡܬܝ ܕܥܠ ܐܓܪܐ ܬܫܼܟܢܝ ܐܡܝܼܢܐܝܬ ܒܪܥܠܐ ܐܝܬܝܗܿ ܘܒܣܘܼܪܕܐ ܕܕܠܡܐ ܬܬܡܼܚܐ ܐܘܿ ܬܬܨܝܼܕܝ܀ ܡܛ݀ܠ ܕܩܛܡܐ ܐܝܟ ܗ̄ ܕܐܦܢ ܒܙܒܢ ܡܬܚܼܫܚ ܗܿܘܝܬ ܒܣܝܒܪܬܐ܆ ܐܝܟ ܩܛܡܐ ܐܝܼܬ̄ܘ ܗܼܘܐ ܠܝܼ ܛܥܡܗܿ܆ ܡܼܢ ܥܠܬ ܡܪ̈ܢܝܬܐ܀ ܝܘܡ̈ܝ ܐܝܟ ܛܠܐܐ ܗ̄ ܕܡܬܼܕܦ ܡܼܢ ܫܡܫܐ܆ ܕܠܦܘܼܬ ܨܠܗ ܕܫܡܫܐ ܡܨܼܛܠܠܐ ܐܦ ܗܘ: ܒܗ݀ܝ ܕܠܝܬ ܠܗ ܩܝܿܡܐ ܕܢܦܫܗ܇ ܗܿܟܢܐ ܐܦ ܚܝ̈ܝ ܡܢܬܦܝܼܢ ܘܡܙܥܙܥܝܼܢ ܒܥܩ̈ܬܐ܆ ܘܐܬܼܪܟܢܘ ܘܩܼܪܒܘ ܠܬܪܥ ܡܘܬܐ܀ ܡܛ݀ܠ ܕܨܒܼܘ ܗ̄ ܥܠ ܟܐܦܝ̈ܗܿ ܕܨܗܝܘܿܢ ܘܥܦܪܗܿ ܨ݀ܒܝܢ ܥܒ̈ܕܝܟ ܕܢܬܓܪܓܚܘܢܼ ܛܒ ܡܼܢܟ݀ܠ ܢܚܝܼ̈ܢ ܕܒܒܝܬ ܒܒܠ̈ܝܐ ܬܬܟܼܬܒܝ ܗܕܐ ܗ̄ ܡܐ ܕܐܬܓܼܡܪ̈ܝ ܠܘܬܟ ܒܥܒܿܕܐ ܗܿܢܝܢ ܕܦܘܼܢܝܐ܇ ܙܕܩ ܕܐܦ ܢܬܟܒܬܘܢܼ܆ ܐܝܟܢܐ ܕܐܦ ܕܪܐ ܐ̱ܚܪܢܐ ܢܐܼܠܦ ܐܢܝܢ܀ ܘܥܡܐ ܕܡܬܼܒܪܐ ܗ̄ ܕܡܬܝܼܠܕ ܡܢܢ: ܐܡܬܝ ܕܡܫܟܚ ܠܗܿܠܝܢ ܕܟܬܝܼ̈ܒܢ܇ ܡܫܒܚ ܠܡܪܝܐ ܕܣܥܼܪ ܐܢܝܢ܀ ܒܨܝܼܪܘܼܬܐ ܗ̄ ܝܿܕܥ ܐܢܼܐ ܕܙܥܘܪ ܚܝ̈ܐ ܐܝܿܬܝ ܘܟܼܪܐܼ ܘܝܡ̈ܬܐ ܒܦܚܼܡܟ܇ ܘܗܫܐ ܐܣܬܿܒܪܬ ܥܠ ܦܘܼܢܝܐ܇ ܐܢܬ ܕܝܢ ܐܡܼܪ ܠܝܼ ܕܟܡܐ ܙܒܢܐ ܚܣܝܼܪ ܡܘܼܠܝܐ ܕܬܢܘܝ ܕܬܚܡܼܬ ܥܠܝ ܒܐܝܼܕ̈ܝ ܢܒ̈ܝܐ ܘܗܿܝܕܝܢ ܥܿܒܕ ܐܢܬ ܠܝܼ ܦܘܼܢܝ܇ ܘܕܐܢ ܙܒܢܐ ܙܥܘܪܐ ܩܿܢܐ ܐܢܼܐ ܠܒܘܼܣܡܐ܇ ܐܟܡܐ ܕܝܘܡ̈ܬܐ ܒܝܼ̈ܫܐ ܢܓܝܼܪܝܢ ܠܐܝܢܐ ܕܡܬܼܢܣܐ ܒܗܘܿܢ܇ ܗܿܟܢܐ ܝܘܡ̈ܬܐ ܕܒܘܼܣܡܐ: ܙܥܘܪ̈ܐ ܡܬܚܫܒܝܼܢ ܡܛ݀ܠ ܚܕܘܿܬܐ ܕܒܗܘܿܢ܀ ܠܐ ܬܣܩܢܝ ܒܦܓܘܼܬ ܗ̄ ܠܐ ܠܡ ܬܓܪ ܠܝܼ ܦܘܼܢܝܐ ܥܕܡܐ ܠܦܠܓܘܼܬ ܝܘܡ̈ܝ: ܘܟܢ ܬܣܩܼܢܝ ܠܐܘܪܫܠܡ: ܐܝܟ ܕܩܠܝܼܠ ܐܬܒܣܡ ܘܐܡܿܘܬ: ܐܠܐ ܥܕ ܐܝܼܬܝ ܫܒܪܐ: ܒܣܼܡܝܢܝ ܒܦܘܼܢܝܐ: ܐܝܟܢܐ ܕܟܿܠܗܘܿܢ ܚܝ̈ܝܝ܇ ܢܗܘܘܢܿ ܒܛܒ̈ܬܐ܇ ܠܘ ܓܝܪ ܠܕܪܕܪ̈ܝܢ ܐܝܼܬܝܗܝܢ ܫܢ̈ܝ ܐܝܟ ܕܝܼܠ܇ ܐܢܬ ܓܝܪ ܡܼܢ ܠܩܘܼܕܡܼܝܼܢ ܐܪܥܐ ܬܩܼܢܬ܀ ܡܙ̄ܡ ܕܩܓ̄܆ ܡܿܪܬܐ ܠܥܡܐ ܕܢܘܕܘܿܢ ܠܐܠܗܐ ܥܠ ܐܦܝ̈ ܦܘܼܢܝܗܘܿܢ ܕܕܠܐ ܣܘܼܟܝ ܒܪܟܝ ܢܦܫܝ ܠܡܪܝܐ ܗ̄ ܐܝܟ ܗܿܘ ܕܗܘܼ ܠܗ ܥܡܐ ܡܿܠܟ܇ ܠܬܘܕܝܼـܐ ܕܚܠܦ ܦܘܼܪܩܢܗ ܗ̄ ܢܩܠܣܝܼܘܗܝ ܠܐܠܗܐ ܡܼܢ ܟ݀ܠܗܿ ܬܪܥܝܼܬܢ: ܘܡܼܢ ܨܒܝܢܐ ܘܚܘܼܫܒܐ ܥܡܝܼܩܐ ܕܢܦܫܐ 345 ܒܝܕ ܢܦܫܐ ܓܝܪ ܗܿܠܝܢ ܡܿܘܕܥ܀ ܡܿܚܕܬ ܐܝܟ ܕܢܫܪܐ ܗ̄ ܐܝܟ ܢܫܪܐ ܕܡܐ ܕܣܿܐܒ: ܫܿܠܚ ܡܠܓܗ ܘܡܬܼܥܠܡ܀ ܒܪܟܘ ܠܡܪܝܐ ܡܠܐܟ̈ܘ̄ ܗ̄ ܡ̈ܠܐܟܐ ܩܿܪܐ ܠܗܘܿܢ܇ ܡܼܢ ܫܦܝܘܼܬ ܬܪܥܝܼܬܗܘܿܢ ܘܚܦܝܼܛܘܼܬܗܘܢ܇ ܕܒܬܫܡܼܫܬܗ ܕܐܠܗܐ ܚܝܠ̈ܘܬܐ ܕܝܢ: ܡܛ݀ܠ ܣܓܝܐܘܬܗܘܿܢ ܘܚܝܠܬܢܘܼܬܗܘܿܢ܀ ܡܙ̄ܡ ܕܩܕ̄܆ ܥܠ ܒܪܘܝܘܼܬܗ ܘܡܕܒܪܢܘܬܗ ܕܐܠܗܐ ܘܕܗܘܼ ܒܼܪܐ ܠܒܪ̈ܝܬܐ ܘܡܛ݀ܠܡܢܐ ܒܼܪܐ ܐܢܝܢ ܒܪܟܝ ܢܦܫܝ ܠܡܪܝܐ ܗ̄ ܩܕܡ ܟ݀ܠܡܕܡ ܠܡܫܒܚܘܼ ܙܕܩ ܠܡܪܝܐ ܗ̄ ܩܕܡ ܟ݀ܠܡܕܡ ܠܡܫܒܚܘܼ ܙܕܩ ܠܡܪܝܐ܀ ܡܪܝܐ ܐܠܗܐ ܝܼܪܒ ܛܒ ܗ̄ ܐܬܚܙܝܼ ܪܒܐ ܒܝܕ ܥܒܿܕ̈ܘܗܝ܀ ܐܬܟܣܝܼ ܢܘܼܗܪܐ ܗ̄ ܕܗܘܼ ܟܝܢܟ ܠܡ ܢܘܼܗܪܐ ܗܿܘ ܠܐ ܥܒܝܼܕܐ ܘܒܢܘܼܗܪܐ ܕܐܝܼܬܘܬܟ ܡܿܨܡܚ ܐܢܬ ܐܡܝܼܢܐܝܬ ܐܝܟ ܕܒܠܒܘܼܫ̈ܐ ܝܩܝܼܪ̈ܐ ܡܬܼܚ ܫܡܝܐ ܗ̄ ܐܝܟ ܐܢܫ ܕܡܿܬܚ ܝܪܝܼܥܬܐ ܩܠܝܼܠܐܝܬ܆ ܝܬܝܼܪ ܡܼܢ ܗܿܟܢ ܡܬܚܬܝܗܝ ܠܫܡܝܐ ܗܿܢܐ ܕܡܬܼܚܙܐ܇ ܒܝܕ ܝܪܝܼܥܬܐ ܓܝܪ܆ ܠܘ ܥܠ ܩܒܝܼܥܘܼܬܗ ܡܿܘܕܥ܆ ܐܠܐ ܥܠ ܩܠܝܼܠܘܼܬܐ ܕܬܘܼܩܢܗ܀ ܣܼܡ ܥܢ̈ܢܐ ܡܪܟܒܬܗ܀ ܘܡܿܗܠܟ ܗ̄ ܐܝܟ ܗܘܿ ܕܗܘܼ ܪܟܝܼܒ ܥܠܝܗܘܿܢ ܘܡܬܼܪܓܫ ܒܝܕ ܩ̈ܠܐ ܘܡܛܪ̈ܐ܇ ܘܡܿܗܠܝܟ ܟܕ ܠܐ ܡܬܚܼܙܐܐ܆ ܘܐܡܬܝ ܕܢ݀ܫܒ ܐܐܪ ܐܝܟ ܕܠܡܘܥܝܼܬܐ ܕܦܐܪ̈ܐ ܐܘܿ ܠܡܫܗܝܘܼ ܥܘܼܙܐ ܕܣܬܘܐ ܐܘܿ ܕܩܝܛܐ: ܐܝܟ ܗܿܘ ܕܐܢܬ ܪܟܝܼܒ ܐܢܬ ܥܠܘܗܝ܆ ܘܡܙܝܼܥ ܐܢܬ ܠܗ: ܠܘܬ ܫܚܬܐ ܕܓܘܐ܆ ܒܗܿܠܝܢ ܥܠ ܩܠܝܼܠܘܼܬܐ ܕܡܥܒܕܢܘܼܬܗ ܪܡܿܙ܆ ܘܕܗܘܼܝܘܼ ܒܪܘܝܐ ܕܐܐܪ܀ ܥܒܼܕ ܡܠܐܟ̈ܘܗܝ ܗ̄ ܒܝܕ ܪܘܼܚܐ ܥܠ ܩܛܝܼܢܘܼܬܐ ܘܠܐ ܡܬܚܙܝܢܘܼܬܐ ܕܟܝܢܗܘܿܢ ܡܿܘܕܥ܀ ܢܘܼܪ ܝ݀ܩܕܐ ܗ̄ ܘܒܝܕ ܢܘܼܪܐ ܥܠ ܚܝܠܬܢܘܼܬܐ: ܘܕܣܿܦܩܝܼܢ ܕܒܕܡܘܼܬ ܢܘܼܪܐ ܠܥܡܝܼܪܐ ܠܡܘܒܕܘܼ ܠܟܿܠ ܕܡܬܦܩܕܝܼܢ܆ ܐܬܩܢ ܐܪܥܐ ܗ̄ ܠܘ ܕܡܕܡ ܛܥܝܼܢ ܠܗܿ: ܐܠܐ ܗܝܼ ܥܠ ܝܿܬܗܿ ܩܿܝܡܐ ܡܫܪܪܐܝܬ ܕܬܗܘܡܐ܀ ܬܗܘܡܐ ܗ̄ ܕܐܝܼܬ̄ܘ ܥܘܼܡܩܐ ܕܐܪܥܐ ܘܬܚܝܬ ܝܡܐ ܐܝܟ ܡܪܛܘܛܐ ܗ̄ ܒܗ݀ܝ ܕܡܼܠܝܬܝܗܝ ܡ̈ܝܐ ܣܓ̈ܝܐܐ܆ ܐܝܟ ܕܢܗܼܘܐ ܫܿܘܐܼ ܥܠ ܐܪܥܐ: ܗܿܢܘܿܢ ܕܟܕ ܐܝܟ ܢܚܬܐ ܥܠ ܟܿܠ ܦܪܝܼܣܝܼܢ ܗܼܘܘ ܒܪܝܫܝܬ: ܐܝܟ ܕܩ݀ܦܣ ܐܢܫ ܡܪܛܘܛܐ ܦܫܝܼܩܐܝܬ: ܗ݀ܟܢܐ ܩܦܣܼܬ݀ ܐܢܘܿܢ ܠܐܬܪܐ ܚܕ: ܘܒܗܘܿܢ ܟܣܼܝܬ݀ ܠܬܚܘܡܐ܀ ܘܥܠ ܛܘܪ̈ܐ ܩܡܼܘ ܡܝ̈ܐ ܗ̄ ܠܦܘܼܬ ܕܣܿܠܩܝܼܢ ܒܙܒܢ ܘܡܬܥܠܝܢ ܠܥܠ ܡܼܢ ܛܘܼܪ̈ܐ ܕܐܝܬ ܒܝܡܐ ܗ̄ ܫܘܼ̈ܥܐ ܘܩܬܪ̈ܐ܆ ܐܘܿ ܥܠ ܓ̈ܠܠܐ ܐܡܿܪ܆ ܕܡܬܬܪܝܼܡܝܼܢ ܒܕܡܘܼܬ ܛܘܼܪ̈ܐ܀ ܡܼܢ ܟܐܬܟ ܥܿܪܩܝܼܢ ܗ̄ ܕܦܢܝܢ ܠܬܚܘܼܡܗܘܢܿ ܩܕܡܝܐ: ܘܠܐ ܣܿܥܝܢ ܠܡܬܼܐܫܕܘ ܒܐܪܥܐ܀ ܘܡܼܢ ܩܠܐ ܕܪ̈ܥܡܝܟ ܗ̄ ܒܙܒܢ ܢܝܼܣܢ ܡܬܪܗܒܝܼܢ ܓܗܠܠܐ܆ ܘܫܿܠܐ ܘܡܬܼܡܟܟ ܥܘܼܙܐ ܕܣܬܘܐ܇ ܘܢܿܐܚ ܐܦ ܡܚܫܘܠܐ ܕܝܡܐ܀ ܣܠܼܩܘ ܛܘܼܪ̈ܐ ܗ̄ ܘܟܕ ܛܒ ܡܙܕܩܦܝܼܢ ܓܠ̈ܠܘܗܝ ܒܕܡܘܼܬܼ ܛܘܼܪ̈ܐ. ܐܠܐ ܡܬܡܟܟܝܼܢ ܒܕܡܘܼܬ ܦܩ̈ܥܬܐ: ܘܡܼܢ ܐܬܪܐ ܕܬܩܼܢܬ ܠܗܘܢܿ ܠܐ ܢ݀ܦܩܝܼܢ܀ ܫܕܪܬ ܡܒܘܼ̈ܥܐ ܗ̄ ܡܼܢ ܣܓܝܐܘܬܗܘܢ ܠܡ ܕܡ̈ܝܐ܆ ܫܕܪܬ ܐܢܘܿܢ ܒܓܘ 346 ܐܪܥܐ ܕܢܬܦܠܓܘܢܼ ܠ̈ܢܚܠܐ ܘܠܡܒܘ̈ܥܐ ܐܟܙܢܐ ܓܝܪ ܕܡܼܢ ܟܒܕܐ ܟܿܠ ܕܡܐ ܕܒܦܓܪܐ ܗܿܟܢܐ ܡܼܢ ܝܡ̈ܡܐ܇ ܟ݀ܠ ܡܒ̈ܘܼܥܐ ܘܡ̈ܝܐ ܕܒܐܪܥܐ܀ ܘܒܝܢܬ ܛܘܼܪ̈ܐ ܗ̄ ܕܐܦ ܠܛܘܼܪ̈ܐ ܒܿܙܥܝܼܢ: ܘܡܫܥܒܕܝܼܢ ܠܡܪܕܝܼܬܗܘܢ܀ ܡܼܢ ܒܝܢܬ ܛܘܼܪ̈ܐ ܗ̄ ܟܕ ܢ݀ܩܫܝܼܢ ܠܫܘܼ̈ܥܐ ܘܡܙܕܢܩܝܼܢ ܠܥܘܼܡ̈ܩܐ܇ ܝܿܗܒܝܼܢ ܩܠܐ܀ ܡܿܫܩܐ ܛܘܼܪ̈ܐ ܗ̄ ܡܿܠܦ ܕܡܼܢ ܐܝܟܐ ܐܝܬ ܒܛܘܼܪ̈ܐ ܡ̈ܝܐ ܘܡܒܘܼ̈ܥܐ܀ ܡܼܢ ܡܕܢܚ̈ܘܗܝ ܗ̄ ܐܐܪ ܕܡܬܼܠܒܕ ܐܝܟ ܡܕܝܪ̈ܐ ܡܬܼܚ̈ܙܝܢ ܥܢ̈ܢܐ ܠܥܠ ܡܼܢ ܛܘܼܪ̈ܐ: ܕܡܢܗܝܢ ܢ݀ܚܬ ܡܛܪܐ ܘܬܠܓܐ ܘܣܿܓܝܢ ܡ̈ܝܐ ܒܛܘܼܪ̈ܐ: ܡܕܝܪ̈ܐ ܕܐܠܗܐ ܩܿܪܐ ܠܐܐܪ ܕܠܥܠ ܡܢܢ܇ ܕܡܬܼܠܒܕ ܐܝܟ ܡܕܝܪ̈ܐ ܡܬܼܚܙ̈ܝܢ ܥܢ̈ܢܐ ܠܥܠ ܡܼܢ ܛܘܼܪ̈ܐ ܕܡܢܗܝܢ ܢ݀ܚܬ ܡܛܪܐ ܘܬܠܓܐ ܘܣܿܓܝܢ ܡ̈ܝܐ ܒܛܘܼܪ̈ܐ܇ ܡܕܝܪ̈ܐ ܩܿܪܐ ܠܐܐܪ ܕܡܬܼܠܒܕ ܠܬܫܡܼܫܬܐ ܕܡܛܪܐ܀ ܘܡܼܢ ܦܐܪ̈ܝ ܗ̄ ܗܿܠܝܢ ܥܒܿܕ̈ܝܟ ܬܣܒܼܥܝ ܐܪܥܐ ܗ̄ ܡܛܪܐ܀ ܘܥܣܒܐ ܠܦܘܼܠܚܢܗ ܗ̄ ܦܿܠ̈ܚܝ ܠܡ ܐܪܥ ܘܡܦܩܐ ܠܗ ܠܚܡܐ ܠܩܘܼܝܿܡܗ܀ ܬܡܢ ܐܩܼܢ̈ܝ ܨܦܪܐ ܘܚܘܼܪܒܐ ܗ̄ ܥܒܼܕ ܠܗܿܠܝܢ ܒܝܬ ܓܘܣܐ ܠܦܪܚܬܐ܆ ܕܬܬܦܼܨܐ ܡܼܢ ܒܢܝܢ̈ܫܐ ܘܚܝ̈ܘܬܐ܀ ܛܘܼܪ̈ܐ ܪ̈ܡܐ ܠ̈ܕܝܨܐ ܗ̄ ܡܛ݀ܠ ܕܦܫܝܼܩ ܠܗܘܢܿ ܕܢܕܝܪܘܢܼ ܒܛܘܼܪ̈ܐ܇ ܐܝܟ ܕܒܩܥ̈ܬܐ: ܛܘܼܪ̈ܐ ܪ̈ܡܐ ܩܿܪܐ܇ ܠܐܝܠܝܢ ܕܝܠܐ ܡܬܼܥܡܪܝܼܢ ܐܦܠܐ ܡܬܦܠܚܝܼܢ܀ ܘܫܩܝܼ̈ܦܐ ܣܬܪܐ ܠܓܣ̈ܐ ܗ̄ ܐܟܡܿܢ ܕܡܚܝܼܠܝܼܢ ܗܿܠܝܢ ܚܓܣ̈ܐ ܘܠܐ ܡܨܝܢ ܠܡܣܩܘܼ ܠܛܘܼܪ̈ܐ ܒܫܘܼ̈ܥܐ ܡܣܬܬܪܝܼܢ ܡܼܢ ܨܝܕ̈ܐ܀ ܚܓܣ̈ܐ ܠܚܢ̈ܘܨܐ ܕܡܿܝܢ ܘܩܿܢܝܼܢ ܥܪ̈ܫܐ ܪܘܪ̈ܒܬܐ ܘܒܗܝܢ ܒܿܙܥܝܼܢ ܠܫܘܼ̈ܥܐ܀ ܥܒܼܕ ܣܗܪܐ ܠܙܒ̈ܢܐ ܗ̄ ܕܡܿܟܬܪ ܙܒ̈ܢܐ ܢܓܝܪ̈ܐ܇ ܘܠܐ ܡܿܫܓܢܐ ܪܗܛܗ܇ ܘܝܪ̈ܚܐ ܐܡܿܪ܇ ܐܝܠܝܢ ܕܡܼܢ ܫܘܼܚܠ̈ܦܝ ܡܪܕܝܼܬܗ ܘܝܘܼܒܠܗ ܘܡܠܝܘܼܬܗ ܘܚܣܝܼܪܘܼܬܗ ܡܬܝܕܥܝܼܢ ܘܫܡܫܐ ܝܼܕܝܼܥ ܗ̄ ܠܘ ܐܟܡܿܢ ܕܪܓܫ ܒܕܢܚܼܗ ܘܥܪܒܗ ܐܡܿܪ܇ ܐܠܐ ܥܠ ܛܟܣܐ ܕܡܪܕܝܬܗ ܪܡܿܙ܇ ܐܝܟܢܐ ܕܒܫܘܼܪܝ ܕܢܚܼܗ ܥܿܒܕ ܐܝܼܡܡܐ ܘܒܡܥܪܒܗ ܠܠܝܐ: ܗܿܟܢܐ ܐܦ ܫܘܝܘܼܬ ܐܝܡܡܐ ܕܙܒܢܐ ܕܐܝܼܡܡܐ ܕܝܠܘܠ܇ ܡܫܿܪܐ ܕܢܪܒܐ ܠܠܝܐ ܘܒܢܝܼܣܢ ܐܝܼܡܡܐ܇ ܐܟܙܢܐ ܕܐܦ ܥܠ ܪ̈ܘܚܐ ܘܨܚܘܐ ܘܐܚܪ̈ܢܝܬܐ܇ ܡܼܢ ܩܪ̈ܢܬܢܗ ܕܣܗܪܐ ܡܬܼܝܠܦܐ܀ ܥܒܼܕ ܚܫܘܼܟܐ ܗ̄ ܠܘ ܓܘܼܫܡܐ ܗܿܘ ܚܫܘܼܟܐ: ܐܠܐ ܐܡܿܪ ܕܡܐ ܕܥܿܪܒ ܫܡܫܐ ܗܿܘܐ ܚܫܘܼܟܐ ܐܘܟܝܼܬ ܠܠܝܐ܀ ܥܕܡܐ ܠܪܡܫܐ ܗ̄ ܒܗܕܐ ܬܟܿܣ ܠܝܥܢܘܼܬܐ ܕܒܪܢܫܐ ܐܝܟܢܐ ܕܠܐ ܠܒܪ ܡܼܢ ܡܫܘܚܬܐ ܢܦܠܘܿܚ ܒܥܒܕܗ ܘܒܒܥܝܼܪܗ܀ ܠܘܝܬܢ ܗ̄ ܒܝܕ ܚܕ ܥܠ ܣܓ̈ܝܐܐ ܪܡܿܙ ܕܐܝܬܝܗܘܿܢ ܢܘܼ̈ܢܐ ܪܘܪ̈ܒܐ ܘܡܬܼܩܪܝܢ ܬܢܝܼ̈ܢܐ܇ ܘܡܛ݀ܠ ܕܣܿܓܝܼ ܪܒ܇ ܒܐܪܥܐ ܠܐ ܡܨܝܐ ܕܢܬܼܗܦܟ ܐܠܐ ܒܝܡܐ ܪܒܐ ܕܗܢܕܘ܀ ܕܒܼܪܝܬ ܠܡܓܼܚܟ ܥܠܘܗܝ ܗ̄ ܐܬܬܣܝܼܡ ܡܼܢ ܐܠܗܐ ܒܥܘܼܒܐ ܪܘܝܼܚܐ ܕܝܡܐ܇ ܕܢܫܘܪ ܒܗ ܐܝܟ ܕܨ݀ܒܐ ܠܟܿܠ 347 ܓܒ̈ܝܼܢ܇ ܟܕ ܓܿܚܟ ܥܠ ܥܘܼܫܢܐ ܕܓܠ̈ܠܝ ܝܡܐ: ܡܛ݀ܠ ܕܠܐ ܡܫܟܚܝܼܢ ܕܢܓܪܦܘܼܢܝܗܝ܀ ܐܢܫ̈ܝܼܢ ܚܘܝܐ ܪܒܐ ܩܿܪܝܢ ܠܗ܀ ܘܨ݀ܐܪ ܠܣܛܢܐ ܗ̄ ܐܡܬܝ ܕܡܬܼܬܒܥ ܣܛܢܐ܇ ܗܿܘܐ ܓܘܼܚܟܐ ܠܙܕܝܼܩ̈ܐ ܡܬܼܩܪܐ ܣܛܢܐ ܠܘܝܬܢ: ܡܛ݀ܠ ܕܠܘܝܐ ܠܢ ܒܝܼܫܬܐ ܕܗܘܿ ܕܡܠܠ ܒܗ ܡܼܢ ܒܪܝܫܝܼܬ܀ ܟ݀ܠܗܘ݀ܢ ܠܟ ܡܣܟܝܢ ܗ̄ ܝܘܕ̈ܝܐ ܡܦܫܩܝܼܢ ܗܼܘܘ ܦܟܝܼܗܐܝܬ܇ ܕܐܡܬܝ ܕܦܿܢܝܢ ܗܼܘܘ ܡܼܢ ܒܒܠ: ܡܿܝܬܐ ܐܠܗܐ ܠܠܘܝ݀ܬܢ ܘܣܿܐܡ ܠܗ ܩܕܡܝܗܘܿܢ ܘܐܟܿܠܝܼܢ ܡܢܗ ܐܡܝܼܢܐܝܬ ܒܪܡ ܠܐ ܫܪܝܼܪܝܼܢ܀ ܟ݀ܠܗܘ݀ܢ ܗ̄ ܓܘܐ ܠܡ ܟ݀ܠܗ܇ ܐܢ ܙܐ݀ܢ ܐܢܬ ܘܝ݀ܨܦ ܘܡܿܬܪܣܐ ܠܗܘܿܢ܀ ܗ̄ ܡܛ݀ܠ ܕܚܪܝܼܩ ܗܼܘܐ ܙܒܢܐ ܕܥܡܝܼܪܐ ܘܕܦܐܪ̈ܐ܀ ܪܘܼܚܗܘܿܢ ܗ̄ ܢܦܫܗܘܿܢ܀ ܡܫܕܪ ܐܢܬ ܪܘܚܟ ܗ̄ ܪܘܼܚܐ ܩܕܝܼܫܐ ܕܡܿܚܕܬ ܠܢ ܘܒܿܪܐ ܠܢ ܒܢܘܼܚܡܐ܀ ܬܘܼܒ ܫܿܩܠ ܐܢܬ ܪܘܼܚܗܘܢ ܗ̄ ܢܦܫܐ ܒܝܕ ܡܘܬܐ܀ ܡܿܫܕܪ ܐܢܬ ܪܘܼܚܟ ܗ̄ ܪܘܚܐ ܩܕ̄ ܒܪܐ ܒܝܕ ܝܼܠܝܼܕܘܼܬܐ܆ ܚܠܦ ܐܝܠܝܢ ܕܡܝܼܬܘ܇ ܡܛ݀ܠ ܕܐܥܬܼܩܘ ܩܕܡ̈ܝܐ ܘܐܫܬܪܝܼܘ ܒܝܕ ܡܘܬܐ: ܚ̈ܕܬܐ ܚܠܦܝܗܘܢܿ ܡܬܼܝܠܕܝܼܢ: ܒܛܘܼܪ̈ܐ ܘܬܢܿܝܢ ܗ̄ ܡܬܼܛܠܩܝܼܢ ܘܕܡܿܝܢ ܠܬܢܢܐ܀ ܡܙ̄ܡ ܕܩܗ̄ ܡܿܪܬܐ ܠܥܡܐ ܠܡܝܬܪܘܼܬܐ. ܟܕ ܡܿܥܗܕ ܐܢܘܿܢ ܛܝܒܘܼܬܐ ܕܣܥܼܪ ܐܠܗܐ ܥܡ ܐܒܗ̈ܝܗܘܢ ܚܠܦܝܗܘܢ ܘܿܠܐ ܠܗܘ݀ܢ ܕܢܘܕܘܿܢ ܘܢܐܨܦܘܢܼ ܕܕܘܒܪ̈ܐ. ܐܡܼܪܗ ܠܗܢܐ ܡܙ̈ܡ ܠܗܿܢܘܿܢ ܕܒܙܒܢܗ ܘܠܚܡ ܠܥܡܐ ܕܩܢܼܘ. ܐܘܕܘ ܠܡܪܝܐ ܘܩܪܘ ܬܘܕܝܼܬܐ ܗ݀ܝ ܕܥܠ ܐܦܝ̈ ܗܿܠܝܢ ܕܢܣܼܒܘ ܘܫܐܠ̈ܬܐ ܚܠܦ ܐܝܠܝܢ ܕܣܢܝܼܩܝܼܢ ܕܢܣܼܒܘ ܘܫܐܠ̈ܬܐ ܚܠܦ ܐܝܠܝܢ ܕܣܢܝܼܩܝܼܢ ܠܡܣܼܒ܀ ܡܠܼܬܐ ܕܦܿܩܕ ܗ̄ ܗܕܐ ܗܿܝ ܗ݀ܝ ܕܐܡܼܪ ܡܘܫܐ܇ ܕܢ݀ܛܪ ܐܢܼܐ ܛܝܒ̈ܘܬܐ ܠܐܠ̈ܦܝ ܕܪ̈ܐ܆ ܕܐܢ ܗܿܠܝܢ ܕܐܡܿܪܬ ܬܣܥܪܘܢܼ ܠܐ ܛܥܿܐ ܐܢܼܐ ܫܘܼܘ̈ܕܝܘܗܝ ܕܠܘܬ ܐܒܗ̈ܝܟܘܿܢ ܘܡܠܼܬܐ ܕܦܩܼܕ ܡܘܫܐ: ܕܢ݀ܛܪ ܐܢܼܐ ܛܝܒ̈ܘܬܐ ܠܐܠܦ ܕܪ̈ܐ܇ ܡܿܡܫܠܐ ܐܢܼܐ ܠܗܿ ܠܘܬܗܘܿܢ܀ ܟܕ ܙܥܘܪܝܼܢ ܗܼܘܝܬܘܿܢ ܗ̄ ܟܕ ܙܥܘܪܝܼܢ ܗܼܘܝܬܘܿܢ ܘܡܚܝܼܠܝܼܢ: ܥܡܘܪ̈ܐ ܥܒܕܟܘܢܿ ܒܗܿ ܒܐܪܥܐ ܗܕܐ: ܟܕ ܡܼܢ ܥܡܐ ܠܥܡܐ܇ ܘܡܼܢ ܡܠܟܘܼܬܐ ܠܡܠܟܘܼܬܐ ܫܢܝܿܬܟܘܢܿ܆ ܡܛ݀ܠ ܟܦ̈ܢܐ ܘܥܠ̈ܬܐ ܕܣܘܼܢܩܢܐ܇ ܘܗܕܐ ܗܿܝ ܗ݀ܝ ܕܩܠܟܼܘ ܡܼܢ ܥܡܐ ܠܥܡܐ܀ ܐܟܼܣ ܡ̈ܠܟܐ ܗ̄ ܦܪܥܘܿܢ ܘܐܒܝܡܠܟ܀ ܠܡܫܝܼܚ̈ܝ ܗ̄ ܠܓܒ̈ܝܼܝܼ܀ ܘܩܼܪܐ ܟܦܢܐ ܗ̄ ܠܘ ܕܗܘܼ ܩܼܪܝܗܝ܇ ܐܠܐ ܕܗܼܘ ܫܒܼܩ ܕܢܗܼ،ܐ ܠܩܘܼܦܚܐ ܕܒܝܼܫ̈ܐ܀ ܫܕܪ ܩܕܡܝܗܘܢܿ ܓܒܪܐ ܗ̄ ܠܝܘܣܦ܀ ܘܒܦܪ̈ܙܠܐ ܗ̄ ܪܡܿܙ ܥܠ ܒܝܬ ܐܣܝܼܪ̈ܐ ܕܐܫܬܕܝܼ ܒܗ܀ ܥܕܡܐ ܕܫܼܪܬ݀ ܡܠܬܗ ܗ̄ ܕܐܠܗܐ ܕܥܠܘܗܝ܆ ܕܠܘ ܡܼܢ ܒܝܼܫܘܼ ܪܕܝܗܝ܆ ܡܐܡܪܗ ܗ̄ ܡܐܡܪܗ ܩܿܪܐ ܠܦܘܼܣܩܢܗ ܕܥܠܘܗܝ܇ ܡܼܢ ܕܐܬܒܩܝܼ ܘܐܬܒܼܚܪ ܒܟ݀ܠܗܝܢ ܡܝܬܪ̈ܬܐ: ܘܐܬܚܙܝܼ ܕܫ݀ܘܐ ܗܼܘܐ ܠܐܝܼܩܪܐ: ܗܿܝܕܝܢ ܒܝܕ ܚܠܡܐ ܐܪܟܢܼܗ ܠܡܠܟܐ ܕܢܣܬܼܢܩ ܥܠܘܗܝ: ܘܟܕ ܡܫܡܫܢܗ ܐܣܼܪܗ܇ ܗܘܼ ܫܼܪܝܗܝ ܘܥܒܼܕܗ ܫܠܝܼܛܐ ܥܠ ܥܡܗ܀ ܘܐܗܦܟ 348 ܠܒܗܘܿܢ ܗ̄ ܥܠ ܦܪܥܘܢ ܐܡܿܪ ܕܐܗܼܦܟ ܠܒܐ ܕܡܨܪ̈ܝܐ܇ ܠܡܣܼܢܐ ܐܢܘܿܢ܀ ܚܠܘܼܛܐ ܗ̄ ܥܪܘܒܐ ܕܟ݀ܠ ܓܢܣ܀ ܢܘܼܪܐ ܐܬܓܼܘܙܠܬ݀ ܗ̄ ܐܡܿܪ ܗܼܘܐ ܥܠ ܢܘܼܪܐ ܗ݀ܝ ܕܡܬܓܼܘܙܠܐ ܗܼܘܬ݀ ܒܓܘ ܒܪܕܐ܀ ܡܠܬܐ ܕܩܘܼܕܫܗ ܗ̄ ܫܘܼܘܕܝܗ ܕܠܘܬ ܐܒܪܗܡ܀ ܡܙ̈ܡ ܕܩܘ̄܆ ܥܠ ܥܡܐ ܕܒܒܒܠ. ܕܡܿܘܕܝܢ ܕܐܣܼܟܠܘ ܘܫܿܐܠܝܼܢ ܚܢܢܐ. ܐܟܡܐ ܕܚܢ ܠܐܒܗ̈ܝܗܘܿܢ ܘܠܥܠܡ ܛܝܒܘܼܬܗ ܗ̄ ܩܒܼܠܘ ܛܝܒܘܼܬܗ܇ ܒܗ݀ܝ ܕܒܟ݀ܠܙܒܢ ܐܬܚܙܝܼ ܕܐܛܐܼܒ ܠܟܘܿܢ܀ ܒܨܒܝܢܗ ܕܥܡܟ ܗ̄ ܕܒܗܘܿ ܨܒܝܿܢܐ ܕܐܝܬ ܗܼܘܐ ܠܗ ܨܝܕ ܥܡܟ ܡܼܢ ܩܕܝܼܡ: ܐܬܕܟܪܝܢܝ ܒܗ ܐܦ ܗܫܐ܇ ܘܒܗܿܘ ܦܘܼܪܩܢܐ ܕܦܼܪܩܬ ܐܢܘܿܢ ܒܗ: ܡܼܢ ܡܨܪܝܢ܇ ܒܗ ܦܪܘܩܝܢ ܐܦ ܗܿܫܐ ܡܼܢ ܒܒܠ܀ ܗܝܡܼܢܘ ܒܡ̈ܠܘܗܝ ܗ̄ ܐܒܗ̈ܝܢ ܟܕ ܚܙܼܘ ܫܘܼܘܙܒܗܘ݀ܢ ܘܡܘܬܐ ܕܡܨܪ̈ܝܐ: ܩܝܡܼܢܘ ܒܡ̈ܠܘ̄ ܕܐܠܗܐ ܘܕܡܘܫܐ: ܘܕܫܪܝܪ ܟ݀ܠܡܐ ܕܡܫܼܬܘܕܐ ܫܒܚܘ ܗ̄ ܐܡܿܪ ܥܠ ܬܫܒܘ̄ ܗ݀ܝ ܕܡܛܠܬܗܿ ܕܬܕܡܘܪܬܐ܆ ܐܬܪܟܒܬ݀ ܘܐܬܼܕܡܪܬ݀܀ ܐܣܬܼܪܗܒܘ ܘܛܥܘ ܠܐܠܗܐ ܗ̄ ܐܦ ܬܕܡܘܪܬܐ ܗܿܕܐ܀ ܐܟܼܠܘ ܕܒܚ̈ܐ ܗ̄ ܕܦܬܟܪ̈ܐ ܡܝܼ̈ܬܐ܀ ܼܡ ܦܝܢܚܣ ܗ̄ ܥܒܪܝܐ ܚܠܦ ܨܠܝ܆ ܛܢ ܗ̄ ܓܠܝܐ ܗܿܝ ܕܬܪܬܝܗܝܢ ܗܘ̈ܝ: ܨܠܝܼ ܘܛܢ: ܘܚܘܝܼ ܦܐܪ̈ܝ ܨܠܘܿܬܗ ܒܩܼܛܠܐ ܕܥܒܼܕ܀ ܐܬܚܫܒܼܬ݀ ܠܗ ܙܟܘܿܬܐ ܠܕܪܕܪ̈ܝܢ ܗ̄ ܐܟܼܡܿܢ ܕܠܡܘܬܐ ܙܟܼܐ ܒܛܢܢܗ܀ ܡܪܡܪܘ ܪܘܼܚܗ ܗ̄ ܗ݀ܝ ܗܝܼ ܕܐܡܼܪ ܡܘܫܐ: ܕܡܼܢ ܗܕܐ ܟܐܦܐ ܢ݀ܦܩ ܠܟܘܿܢ ܡ̈ܝܐ܀ ܡܛ݀ܠ ܕܠܐ ܡܬܡܼܨܝ̈ܢܝܬܐ ܫܿܐܠܝܼܢ܀ ܡܪܡܪܘ ܪܘܼܚܗ ܕܡܘܫܐ ܒܫܐܼܠܬܐ ܗܐ: ܐܝܟ ܕܢܬܼܥܝܛ ܘܢܐܡܪ ܗܿܕܐ ܐܟܡܿܢ ܕܡܼܢ ܡܘܪܡܪܐ ܣܓܝܐܐ ܕܐܣܠܝܘܼܗܝ܇ ܐܬܬܙܝܼܥ ܕܢܐܡܪ ܡܕܡ ܕܠܐ ܦܿܐܐܼ ܗܼܘܐ܀ ܙܢܝܼܘ ܒܨܢܥ̈ܬܗܘܿܢ ܗ̄ ܙܢܝܘܼܬܐ ܬܢܢ. ܠܫܘܼܚܛܐ ܕܥܡ ܕܝܘ̈ܐ ܐܡܿܪ: ܐܝܟ ܗ݀ܝ ܕܓܼܪܘ ܒܩܝ̈ܣܐ ܘܒܟܐܦ̈ܐ܀ ܡܙ̄ܡ ܕܩܙ̄ܙ܆ ܥܠ ܦܘܼܢܝܐ ܕܡܼܢ ܒܒܠ. ܟܕ ܡܿܚܦܛ ܠܥܡܐ ܕܢܘܕܘܿܢ ܠܐܠܗܐ܆ ܕܦܼܪܩ ܐܢܘܢ ܡܼܢ ܡܦܬܟܘܼܬܐ ܕܒܝܼܫܘܼܬܗܘܿܢ ܛܥܘ ܒܡܕܡ ܗ̄ ܛܥܘ ܟܕ ܦܿܗܝܢ ܒܝܬ ܥܡܡ̈ܐ ܒܙܒܢܐ ܕܫܒܝܐ܇ ܐܝܟ ܕܒܝܘ̈ܡܬܐ ܕܚܪܒܐ ܕܐܫܝܡܘܢ܆ ܕܠܝܬ ܒܗ ܩܪܝܬܐ ܕܝ݀ܬܒܐ܀ ܬܒܼܪ ܒܥܡܠܐ ܠܒܗܘ݀ܢ ܗ̄ ܥܡܠܐ ܠܫܒܼܝܐ ܩܿܪܐ܇ ܐܬܼܟܪܗܘ ܡܼܢ ܩܫܝܘܼܬܐ ܘܙܓܝܼܪܘܼܬܐ ܕܫܘܼܥܒܿܕܐ ܘܠܝܬ ܕܡܿܥܕܪ ܠܗܘܢܿ܀ ܛ̈ܠܠܝ ܡܘܬܐ܇ ܘܠܐܘܠ̈ܨܢܐ ܕܩܪܝܼܒܝܼܢ ܠܡܘܬܐ ܩܿܪܐ: ܐܝܟ ܛܠܠܐ ܕܢܩܝܼܦ ܠܓܘܼܫܡܐ܀ ܡܛ݀ܠ ܕܬܒܼܪ ܗ̄ ܚܪܪܢ ܡܼܢ ܒܝܼܫ̈ܬܐ: ܕܒܗܝܢ ܐܝܟ ܕܠܓܘ ܡܼܢ ܫܘܼܪ̈ܐ ܘܬܪ̈ܥܐ ܕܢܚܫܐ ܚܒܝܼܫܝܼܢ ܗܼܘܝܢ܇ ܘܕܠܐ ܕܠܝܼܠ ܗܼܘܐ ܕܢܫܬܘܙܒ ܡܢܗܝܢ: ܟܕ ܠܚܝܠܬܢܘܼܬܐ ܕܒܒ̈ܠܝܐ ܡܿܟܢܐ ܗܿܟܢܐ܀ ܥܕܪ ܐܢܘܿܢ ܡܼܢ ܐܘܪܚܐ ܗ̄ ܡܼܢ ܣܘܼܥܪ̈ܢܐ ܕܫܒܼܝܐ܇ ܗܘܿ ܕܡܛ݀ܠ ܚܛܗ̈ܝܢ ܐܣܒܠܼܘܗܝ܇ ܡܛ݀ܠ 349 ܥܘܠܗܘܿܢ ܐܬܡܟܼܟܘ ܒܐܝܼܕ̈ܝ ܒܒܠ̈ܝܐ: ܘܠܘ ܡܛ݀ܠ ܕܡܚܝܼܠܘܼܬܗ ܕܐܠܗܐ܀ ܥܠ ܡܐܼܟܠܐ ܗ̄ ܡܼܢ ܣܓܝܐܘܬ ܡܪ̈ܢܝܬܐ ܕܐܘܠ̈ܨܢܐ: ܘܟܕ ܒܿܥܐ ܕܢܚܘܐ ܕܐܝܟ ܕܒܛܝܼܠ ܠܗ ܥܠ ܝܘܼܕ̈ܝܐ. ܗܿܟܢܐ ܐܦ ܥܠ ܟ݀ܠܗܝܢ ܒܪ̈ܝܬܐ: ܡܿܝܬܐ ܗܿܠܝܢ ܕܗܘ̈ܝܢ ܒܝܡܐ ܡܼܢ ܐܝܠܝܢ ܕܪܕܝܢ ܒܗ܀ ܢܚ̈ܬܝ ܝܡܐ ܒܐ̈ܠܦܐ ܗ̄ ܗܼܢܘܿܢ ܚܙܼܘ ܥܒܿܕ̈ܘܗܝ ܕܡܪܝܐ ܗ̄ ܗܿܠܝܢ ܕܥܠ ܚܨܐ ܫܪܝܐ ܕܝܡܐ ܐܝܼܬܘܗܝ ܦܘܼܪܠܚܢܗܘܿܢ܀ ܘܒܨܢ̈ܥܬܐ ܕܐܘܡܢ̈ܘܬܗܘܿܢ ܣܿܗܕܝܼܢ ܥܠ ܗ݀ܘ ܕܚܟܼܡ ܐܢܘܿܢ ܙܢ̈ܝܐ ܕܐܝܟ ܗܿܠܝܢ ܠܡܣܕܪ ܠܘܼܩܒܠ ܡܚܫ̈ܘܠܐ: ܗܼܢܘܿܢ ܚܙܼܘ ܥܒܿܕ̈ܘܗܝ ܕܡܪܝܐ ܝܬܝܼܪ ܡܼܢ ܫܪܟܐ ܕܐܘܡ̈ܢܐ܀ ܙܥܼܘ ܘܢܕܘ ܗ̄ ܐܡܿܪ ܥܠܗܿܝ ܕܟܕ ܡܬܼܢܩܫܐ ܐܠܦܐ ܠܟܼܐ ܘܠܟܼܐ ܘܠܗܠ܆ ܡܼܢ ܚܐܦ̈ܐ ܕܡ̈ܝܐ ܘܕܪ̈ܘܚܐ ܘܕܓ̈ܠܠܐ܀ ܨܝܪ̈ܢ ܥܝܢܝ̈ܗܘܿܢ ܘܡܬܼܕܡܝܢ ܠܪ̈ܘܝܐ ܘܐ݀ܒܕܝܼܢ ܦܘܼܪ̈ܣܗܘܢܿ ܘܚܟ̈ܡܬܗܘܿܢ܀ ܐܪܥܐ ܝܗܒܼܬ݀ ܦܐܪ̈ܝܗܿ ܗ̄ ܡܛ݀ܠ ܒܝܼܫܘܼܬ ܕܝܬܒ̈ܝ ܐܪܥܐ: ܐܘܒܫ ܐܪܥܐ ܕܫܿܬܝܐ ܗܼܘܬ݀ ܡ̈ܝܐ ܡܼܢ ܢܗܪ̈ܘܬܐ: ܘܝܿܗܒܐ ܗܼܘܬ݀ ܦܐܪ̈ܐ: ܘܥܒܼܕܗܿ ܡܓܙܝܬܐ ܘܚܪܒܬܐ܇ ܐܝܟ ܕܥܒܼܕ ܠܐܪܥܐ ܒܙܒܢ ܫܒܝܐ܇ ܘܟܕ ܬܝܿܒܝܼܢ ܥܡܘܪ̈ܝܗܿ܆ ܥܿܒܕ ܠܗܿ ܟܗܝܼܢܘܼܬܐ ܒܡ̈ܝܐ ܐܝܟ ܕܥܒܼܕ ܠܐܪܥܐ ܒܦܘܼܢܝܐ: ܕܐܘܬܒ ܒܗܿ ܟܦܢܐ܆ ܘܣܒܥ ܐܢܘܿܢ ܛܒ̈ܬܗ܀ ܙܥܪܘ ܘܐܬܡܟܟܼܘ ܗ̄ ܡܼܢ ܩܕܡ ܫܒܝܐ ܒܟܗܝܼܢܘܼܬܐ ܗܼܘܘ: ܐܝܟܢܐ ܕܐܦܠܐ ܡܼܢ ܒܥܝܼܪܗܘܿܢ ܡܕܡ ܐܬܼܒܨܪܘ. ܡܛ݀ܠ ܓܝܪ ܕܚܼܛܘ: ܙܥܪܘ ܘܐܬܼܡܟܟܘ ܒܣܘܿܓܐܐ ܕܒܝܼܫܬܐ ܘܕܘܼܘܢܐܢ ܘܕܫܼܒܝܐ܀ ܚܣܕܗ ܕܡܪܝܐ ܗ̄ ܠܪ̈ܚܿܡܘܗܝ ܩܿܪܐ܀ ܡܙ̄ܡ ܕܩܚ̄܆ ܬܘܕܝܬ ܕܡܩ̈ܒܝܐ ܥܠ ܐܦ̈ܝ ܙܟܘܿܬܗܘܢܿ ܐܫܿܒܚ ܘܐܙ݀ܡܪ ܒܐܝܩܪܝ ܗ̄ ܚܠܦ ܕܐܬܝܩܿܪܬ ܡܢܟ ܒܣܓ̈ܝܐܬܐ: ܐܦ ܙܕܩ ܠܝܼ ܗ̄ ܗܕܐ ܐܠܗܐ ܐܡܿܪ܆ ܟܕ ܡܼܢ ܡܢܬܐ ܪܡܿܙ ܥܠ ܟ݀ܠܗܘܿܢ ܫܒ̈ܛܐ܀ ܘܐܦܪܝܡ ܡܥܣܢܢܗ ܕܪܝܫܝ ܗ̄ ܘܐܦܪܝܡ ܕܡܿܫܦܼܠ ܗܼܘܐ: ܐܥܿܫܢܝܼܘܗܝ ܠܘܼܩܒܠ ܒܥܠܕܒܒܐ ܐܝܟ ܕܡܼܢ ܩܕܝܼܡ ܟܕ ܐܚܝܼܕ ܗܼܘܐ ܪܝܫܢܘܼܬܐ ܐܟܙܢܐ ܕܠܝܼܗܘܕܐ ܡܠܟܐ ܕܝܼܠܗ ܚܿܫܒ ܠܗܿ: ܗܿܟܢܐ ܐܦ ܠܐܦܪܝܡ܇ ܪܝܫܐ ܕܝܼܠܗ ܡܿܫܡܗ܆ ܡܠܠ ܒܩܕܝܼܫ̈ܘܗܝ ܗ̄ ܝܼܡܐ ܒܩܕܝܼܫܘܼܬܗ܀ ܡܙ̄ܡ ܕܩܛ̄ ܥܠ ܡܩܒ̈ܝܐ ܟܕ ܡܿܬܢܝܢ ܕܟܡܐ ܒܝܼܫ̈ܬܐ ܣܒܠܘ ܡܼܢ ܢܘܟܪ̈ܝܐ ܘܟܡܐ ܡܢ ܒܢ̈ܝ ܥܡܗܘܢ. ܘܡܬܟܫܦܝܼܢ ܠܐܠܗܐ ܕܢܝܬܐ ܥܠܝܗܘܢ ܡܣܡ ܒܪܝܫܐ ܐܠܗܐ ܕܬܫܒܘܚܬܝ ܠܐ ܬܫܬܘܿܩ ܗ̄ ܕܫܒܼܚܬܢܝ ܙܒܢ̈ܬܐ ܣܓ̈ܝܐܬܐ: ܠܐ ܬܫܬܘܿܩ ܐܦܠܐ ܗܫܐ ܡܼܢ ܕܬܫܒܼܚܢܝ ܘܬܥܒܼܕܢܝ ܡܩܠܣܐ ܠܥܝܢ ܣܓ̈ܝܐܐ: ܒܝܕ ܙܟܘܿܬܐ ܕܝ݀ܗܒ ܐܢܬ ܠܝܼ܀ ܡܛܠ ܕܦܘܼܡܗ ܕܪܫܝܼܥܐ ܘܦܘܼܡܗ ܕܢܟܘܼܠܬܢܐ ܐܬܦܼܬܚܘ ܗ̄ ܕܡܩܕܘܢܝܐ ܘܝܘܕܝܐ܀ ܦܩܘܕ ܗ̄ ܡܣܡ ܒܪܝܫܐ: ܚܠܦ ܥܘܠܐ ܕܦܠܚܘ ܒܝܼ܀ ܣܛܢܐ ܗ̄ ܠܘ ܠܟ ܢܩܢܘܿܢ ܡܥܕܪܢܐ܆ 350 ܐܠܐ ܠܣܛܢܐ ܒܥܠܕܒܒܐ ܕܛܒ̈ܬܐ: ܫܡܐ ܕܣܛܢܐ ܥܠ ܣܩܘܒܠܝܘܼܬܐ ܡܿܘܕܥ܀ ܡܕܡ ܕܡܛܪ ܗ̄ ܘܟ݀ܠܗ ܥܘܼܬܪܐ ܕܟܢܼܫܘ ܡܼܢ ܥܘܠܐ ܘܛܠܘܼܡܝܐ: ܨܝܕ ܐܚܪ̈ܢܐ ܢܫܢܐ܀ ܡܛܪ ܗ̄ ܟܢܼܫܘ ܘܣܼܡܘ܀ ܚܝܠܗܘܿܢ ܗ̄ ܡܪ̈ܗܛܝܗܘܿܢ ܗ̄ ܗܿܢܘܿܢ ܕܡܼܢ ܚܝܠܐ ܘܥܡܠܐ ܕܐܝܼܕ̈ܝܗܘܿܢ ܐܬܼܟܢܫܘ܀ ܠܒܼܫܘ ܠ̈ܘܛܬܐ ܗ̄ ܡܣܡܒܪܝܫܐ܇ ܕܚܠܦ ܠ̈ܘܛܬܐ܇ ܐܬܢܼܦܨܬ݀ ܐܝܟ ܩܡܨܐ ܕܡܬܼܢܦܨ ܘܡܫܬܼܩܦ ܗܿܘܝܬ ܡܢܗܘܿܢ܀ ܘܒܘܼܪ̈ܟܝ ܐܬܟܼܪ̈ܗܝ ܡܼܢ ܨܘܡܐ ܗ̄ ܣܓܝܐܐ܆ ܒܗ݀ܝ ܕܡܣܠܝܐ ܗܼܘܬ݀ ܥܠܝ ܡܐܟܼܘܠܬܐ܆ ܡܼܢ ܣܘܿܓܐܐ ܕܒܝܼܫ̈ܬܐ܀ ܡܙ̄ܡ ܕܩܝ̄ ܡܿܟܪܙ ܥܠ ܡܬܘܡܝܘܼܬܗ ܕܒܪܐ ܐܡܪ ܡܪܝܐ ܠܡܪܝ ܗ̄ ܗ݀ܝ ܕܡܪܝ ܡܫܘܕܥܢܝܼܬܐ ܗܿܝ ܕܡܪܝܐ܇ ܡܿܕܝܢ ܡܪܝܐ ܒܟܝܿܢܐ ܐܝܼܬܘ̄ ܒܪܐ ܐܝܟ ܐܒܘܼܗܝ ܘܫܿܘܐܼ ܠܗ ܒܐܘܿܣܝܐ܀ ܚܘܼܛܪܐ ܕܥܘܼܫܢܐ ܗ̄ ܚܘܼܛܪܐ ܓܝܪ ܥܫܝܼܢܐ ܢܫܕܪܟ ܡܪܝܐ ܡܼܢ ܨܗܝܘܿܢ ܙܩܘܿܦܬܐ ܨܝܕ ܥܡܡ̈ܐ܀ ܘܬܫܼܬܠܛ ܗ̄ ܒܝܘ̈ܕܝܐ ܒܥ̈ܠܕܒܒܐ ܘܡܠ̈ܟܐ ܚܢ̈ܦܐ ܕܪܕܦܝܼܢ ܠܝܘܼܠܦܢܟ܀ ܚܘܼܛܪܐ ܩܼܪܝܗܝ܇ ܡܛ݀ܠ ܕܥܠܘܗܝ ܡܣܼܬܡܟ ܟܝܿܢܐ ܐܢܫܝܐ ܘܒܗ ܡܬܼܬܒܪ ܡܘܬܐ ܘܣܛܢܐ܀ ܗ݀ܝ ܕܡܼܢ ܨܗܝܘܿܢ܇ ܐܟܡܿܢ ܕܡܼܢ ܬܡܢ ܫܼܪܝܬ݀ ܡܠܦܢܘܼܬܗ: ܘܢܦܩܼܬ݀ ܠܒܝܬ ܥܡܡ̈ܐ܀ ܒܗܕܪ̈ܝ ܩܘܼܕܫܐ ܡܼܢ ܡܪܒܥܐ ܗ̄ ܗܕܪܟ ܘܩܕܝܼܫܘܼܬܐ ܕܟܝܿܢܟ ܠܘ ܙܒܢܝܬܐ ܗܝ: ܐܠܐ ܡܼܢ ܥܠܡ: ܡܛ݀ܠ ܕܠܘܬܢ ܟ݀ܠ ܕܡܼܢ ܡܪܒܥܐ ܡܬܝܼܠܕ: ܒܪ ܟܝܢܐ ܗܿܘ ܕܡܘܠܕܢܗ ܐܡܼܪ ܥܠܘܗܝ ܡܼܢ ܡܪܒܥܐ܇ ܕܢܟܪܙ ܥܠܘܗܝ ܫܘܝܘܼܬܗ ܕܥܡ ܐܒܘܼܗܝ ܕܢܐܡܪ ܐܝܬܝܐ ܐܝܼܬܝܟ ܝܼܠܝܼܕܐܝܬ: ܗܕܝܪܐ ܘܩܕܝܼܫܐ ܒܕܡܘܼܬ ܐܒܘܼܟ܀ ܡܼܢ ܩܕܝܼܡ ܠܟ ܛܠܝܐ ܝܠܿܕܬܟ ܗ̄ ܡܼܢ ܦܪܨܘܦ ܐܒܐ ܐܡܝܼܪܐ ܡܼܢ ܡܬܘܿܡ ܘܡܼܢ ܥܠܡ ܘܐܝܬܝܐܝܬ: ܝܼܠܝܼܕ ܒܪܐ ܡܼܢ ܐܒܐ܀ ܝܘܢ̈ܝܐ ܡܼܢ ܟܪܣܐ: ܘܡܼܢ ܩܕܡ ܟܘܟܒ ܗ̄ ܗ݀ܝ ܕܩܼܪܝܗܝ ܛܠܝܐ ܘܡܿܐܪܙ ܒܗܿ: ܕܐܝܠܝܢ ܕܠܘܬܢ ܡܬܼܝܠܕܝܼܢ܇ ܫܿܠܚܝܼܢ ܛܠܝܘܼܬܐ ܕܒܗܿ ܐܬܝܼܠܕܘ: ܘܣܿܐܒܝܼܢ ܘܗܿܘܝܢ ܐܒܗ̈ܐ ܕܐܚܪ̈ܢܐ܇ ܒܪܐ ܐܝܬܘܗܝ ܛܠܝܐ܇ ܡܛ݀ܠ ܕܠܐ ܣܿܐܒ ܘܠܐ ܡܫܼܬܚܠܦ ܐܟܘܬܢ܇ ܐܠܐ ܐܡܝܼܢܐܝܬ ܒܥܠܝܡܘܼܬܗ ܘܒܚܝܠܬܢܘܼܬܐ ܕܡܘܠܕܗ ܡܿܟܬܪ܀ ܒܕܡܘܼܬܗ ܕܡܠܟܝܙܕܩ ܗ̄ ܕܐܟܙܢܐ ܕܠܐ ܐܦܼܣ ܠܗܿܘ ܕܢܩܪܒܘ ܕܒܚ̈ܐ ܕܚܝ̈ܘܬܐ: ܐܠܐ ܠܚܡܐ ܘܚܡܪܐ܇ ܗܝ ܕܝܼܡܐ ܢܛܝܼܪܘܼܬܐ ܘܠܐ ܫܘܼܚܠܦܐ ܕܟܗܢܘܼܬܐ ܡܚܘܝܐ܀ ܬܒܼܪ ܒܝܘܡ ܕܪܘܓܙܗ ܗ̄ ܕܗܟܢ ܚܬܝܼܬ ܒܘܼܚܪܢܗ ܕܡܫܝܼ̇ܐ ܘܚܪܝܼܦ ܓܙܪ ܕܝܼܢܗ: ܕܐܦܠܐ ܒܐܦܝ̈ ܡܠ̈ܟܐ ܢ݀ܣܒ܀ ܢܕܘܢܼ ܠܥܡ̈ܡܐ ܗ̄ ܒܝܘܡܐ ܐܚܪܝܐ܀ ܘܢܡܠܐ ܗ̄ ܓܗܢܐ ܡܼܢ ܫܠ̈ܕܝܗܘܿܢ܀ ܘܢܦܣܘܿܩ ܪܝܫܐ ܕܣܓ̈ܝܐܐ ܗ̄ ܒܐܪܥܐ ܕܡܘܼܠܟܢܐ: ܡܐܪܙ ܥܠ ܚܘܼܪܒܐ ܐ̱ܚܪܝܐ ܕܐܘܪܫܠܡ܇ ܡܼܢ ܢܚܠܐ 351 ܒܐܘܪܚܐ ܗ̄ ܐܡܿܪ ܥܠ ܚ̈ܝܐ ܡܟܝܼ̈ܟܐ ܕܐܬܕܒܪ ܒܗܘܿܢ ܦܪܘܩܢ܀ ܡܙ̄ܡ ܕܩܝ̄ܐ܆ ܬܘܕܝܼܬ ܕܥܡܐ ܥܠ ܐܦ̈ܝ ܟ݀ܠܗܝܢ ܛܒ̈ـܐ ܕܩܒܼܠܘ ܡܢ ܐܠܗܐ ܐܘܿܕܐ ܠܡܪܝܐ ܗ̄ ܐܩܿܒܠ ܠܡ ܛܝܒܘܼܬܟ ܡܼܢ ܟܿܠܗ ܢܦܫܝ: ܥܠ ܐܦ̈ܝ ܛܝܒ̈ܘܬܐ ܕܣܥܼܪܬ ܨܐܕܝ܀ ܒܡܼܠܟܐ ܕܬܪ̈ܝܼܨܐ ܠܗܕܐ ܥܿܒܕ ܐܢܼܐ: ܟܕ ܡܬܼܟܢܫ ܟ݀ܠܗ ܥܡܐ ܠܒܝܬܗ ܕܐܠܗܐ: ܘܐܝܟ ܥܝܕܐ ܕܢܡܘܿܣܐ ܡܬܡܠܟܝܼܢ ܥܠ ܫܦܝܼܪ̈ܬܐ܀ ܚܝܠܐ ܕܒܥܒܿܕ̈ܘܗܝ ܗ̄ ܒܝܕ ܥܒܿܕ̈ܘܗܝ ܕܠܘܬ ܥܡܗ܇ ܚܘܝܼ ܠܚܝܠܗ ܘܫܘܕܥ ܠܪܒܘܼܬܗ ܒܗ݀ܝ ܕܝܗܼܒ ܠܗܘ݀ܢ ܐܪܥܐ ܕܥܡ̈ܡܐ܀ ܪܝܫ ܚܟܼܡܬܐ ܗ̄ ܪܝܫ ܟ݀ܠ ܚܟܼܡܬܐ ܠܡ ܗܕܐ: ܙܕܩ ܕܢܩܢܘܿܢ ܒܢܝܢ̈ܫܐ ܕܠܒܪܘܝܗܘܢܿ ܢܕܥܘܢܼ ܘܠܗ ܢܪܚܡܘܢܼ܆ ܦܐܪ̈ܝܗܿ ܕܗܕܐ ܝܼܕܥܬܐ ܕܚܼܠܬ ܐܠܗܐ܀ ܘܣܘܼܟܠܐ ܛܒܐ ܗ̄ ܐܟܙܢܐ ܕܚܟܝܼܡ̈ܐ ܕܫܪܪܐ ܗܼܢܘܿܢ ܡܣܒܪܝܢ ܕܠܕܚܼܠܬ ܐܠܗܐ ܐܚܝܼܕܝܢ܆ ܗܿܟܢܐ ܐܦ ܗܿܢܘܿܢ ܕܩܿܢܝܢܼ ܣܘܼܟܠܐ ܛ݀ܒܐ: ܘܒܘܼܝܢܐ ܗܿܠܝܢ ܐܢܘܿܢ ܕܠܗܿܠܝܢ ܢܿܛܪܝܼܢ ܘܠܦܘܼܬ ܡܕܡ ܕܗܝܼ ܬ݀ܒܥܐ ܥܿܒܕܝܼܢ܀ ܡܙ̄ܡ ܕܩܝ̄ܒ ܡܿܪܬܐ ܠܟܿܠܗܘܿܢ ܒܢ̈ܢܫܐ ܕܢܐܨܦܘܢܼ ܕܡܝܬܪܘܬܐ. ܘܡܬܼܐܟܠ ܠܗܘܿܢ ܕܡܬܦܪܥܝܢ ܛܒ̈ܬܐ ܚܠܦ ܫܦܝܼܪ̈ܬܐ ܕܣܿܥܪܝܢ ܘܢܬܟܪܟܼ ܒܕܪܐ ܗ̄ ܢܬܚܫܒ ܐܦ ܗܘܼ ܐܟܼܘܬܗܘܿܢ ܘܢܬܼܡܢܐ ܥܡܗܘܿܢ܇ ܘܢܬܼܟܪܟ ܘܢܫܼܬܘܐ ܠܩܘܼܠܣܐ ܡܿܢ ܟ݀ܠܢܫ܇ ܐܟܡܿܢ ܕܙܕܝܼܩܐ ܗܿܘ܀ ܕܢܚ ܢܘܼܗܪܐ ܗ̄ ܡܿܫܘܙܠ ܠܗܘܿܢ ܡܼܢ ܐܘܠ̈ܨܢܐ ܕܠܗܘܿܢ ܩܿܪܐ ܚܫܘܼܟܐ ܘܡܿܢܗܪ ܠܗܘܿܢ ܒܢܘܼܗܪܐ ܕܓܠܝܢܗ܀ ܡܿܣܝܒܪ ܡܠ̈ܘܗܝ ܗ̄ ܕܐܢ ܓܕܫ ܘܡܨܼܛܪܟ ܙܕܝܼܩܐ: ܡܿܣܝܒܪ ܘܠܐ ܡܬܼܩܛܥܐ ܠܗ ܘܡ̈ܠܘܗܝ ܒܕܝܼܢܐ ܡܿܦܩ܇ ܟܕ ܠܐ ܡܿܪܛܢ ܥܠ ܐܠܗܐ ܒܡܠܼܬ ܦܘܼܡܗ܀ ܡܙ̄ܡ ܕܩܝ̄ܓ. ܡܿܪܬܐ ܠܝܘܕ̈ܝܐ ܕܢܬܥܢܘܿܢ ܒܬܫܒ̈ܚܬܐ ܕܐܠܗܐ ܡܛ݀ܠ ܕܐܛܒ ܠܗܘܿܢ ܫܒܚܘ ܥܒ̈ܕܘܗܝ ܗ̄ ܐܢܬܘܿܢ ܕܝܬܝܼܪ ܡܼܢ ܟ݀ܠ ܙܕܩܝܼܢ ܐܢܬܘܿܢ ܠܗ܀ ܫܒܚܘ ܠܫܡܗ ܕܡܪܝܐ ܗ̄ ܫܡܗ ܚܠܦܘ̄ ܣܝܼܡ܇ ܘܡܬܼܥܗܕܐ ܒܝܬ ܒܢܝܢ̈ܫܐ܀ ܡܘܬܒ ܥܩܪܬܐ ܗ̄ ܥܿܒܕ ܠܗܿ ܐܡܐ ܕܒ̈ܢܝܐ܆ ܠܘ ܓܝܪ ܕܠܒܪ ܝ݀ܬܒܐ ܗܼܘܬ݀ ܒܥܩܪܘܼܬܗܿ: ܐܠܐ ܡܛ݀ܠ ܕܒܒܢ̈ܝܐ ܡܫܼܬܪܪ ܗܼ،ܐ ܒܝܬ ܝܘ̈ܕܝܐ ܩܢܝܢܐ ܘܥܘܼܡܪܐ ܕܒܒܝܬܐ: ܡܘܬܒܐ ܓܝܪ ܘܩܢܝܿܢܐ ܕܒܢ̈ܝܗܿ: ܕܝܼܠܗܿ ܕܐܡܐ ܚܿܫܒ ܠܗ: ܒܗ݀ܝ ܕܐܠܘܼ ܠܐ ܝܠܼܕܬ݀ ܡܿܫܢܐ ܗܼܘܐ ܠܗ ܒܝܬܐ ܨܝܕ ܐܚܪ̈ܢܐ܀ ܡܙ̄ܡ ܕܩܝ̄ܕ܆ ܡܿܪܬܐ ܠܝܘܕ̈ܝܐ ܕܢܪܚܩܘܢܼ ܡܼܢ ܦܬܟܪ̈ܐ ܘܢܣܓܕܘܢ ܠܐܠܗܐ ܘܥܿܒܕ ܛܒ̈ܬܗܘܢ ܐܡܿܪ ܠܗܝܢ ܠ̈ܡܠܐ ܐܝܟ ܕܡܼܢ ܦܪܨܘܦܗܘܢ 352 ܟܕ ܢܦܼܩ ܝܣܪܐܝܠ ܗ̄ ܟܕ ܚܪܪܗܿ ܐܠܗܐ ܡܼܢ ܥܒܕܘܬܐ܀ ܠܥܘܼܙܐ ܗ̄ ܒܪܒܪܝܐ ܘܓܠܝܼܙ ܡܼܢ ܪ̈ܚܡܐ܇ ܗ݀ܘ ܕܐܦܠܐ ܒܡܡܠܠܐ ܕܓܘܐ ܐܬܚܫܼܚ ܥܡܢ܇ ܐܠܐ ܒܠܫܢܐ ܡܨܪܝܐ܀ ܗܘܼܐ ܝܗܘܕܐ܀ ܘܝܣܪܐܝܠ ܗ̄ ܠܘ ܟܕ ܡܿܦܠܓ ܠܗܘܿܢ ܐܠܐ ܕܗܿܝܕܝܢ ܠܡ ܩܕܫܼܢ ܘܦܪܫܼܢ ܡܼܢ ܟ݀ܠܗܘܿܢ ܥܡܡ̈ܐ܇ ܕܢܿܗܘܐ ܠܗ ܒܝܬ̈ܝܐ ܘܗܘܼ ܢܐܨܦ ܕܝܼܠܢ ܐܟܡܿܢ ܕܒܢ ܡܬܼܚܙܝܐ ܬܫܒܘ̄ܗ ܘܡܠܟܘܼܬܗ܇ ܘܢ݀ܘܣܦ ܥܠܝܟܘܿܢ ܗ̄ ܢܫܪܬܚܟܘܿܢ ܘܢܣܓܝܟܘܿܢ܀ ܡܙ̄ܡ ܕܩܝ̄ܗ ܥܠ ܥܡܐ ܕܒܒܒܠ. ܕܡܿܘܕܝܢ ܠܐܠܗܐ ܥܠ ܦܘܼܢܝܗܘܿܢ ܐܬܦܢܝ ܢܦܫܝ ܗ̄ ܐܬܒܣܡܝ ܒܢܝܿܚܐ ܕܝܗܼܒ ܠܟܝ ܐܠܗܐ: ܡܛ݀ܠ ܕܫܼܪܝܬܝ ܡܼܢ ܫܘܼܥܒܕܟܝ܀ ܡܛ݀ ܕܡܪܝܐ ܗ̄ ܦܪܥܟܝ ܗܢܐ ܢܝܿܚܐ: ܚܠܦ ܫܘܼܥܒܕܟܝ ܡܪܝܼܪܐ ܡܟܝܠ ܐܬܒܣܡܝ ܒܗ ܫܦܝܼܥܐܝܬ܀ ܐܫܿܦܪ ܗ̄ ܝܼܨܦ ܕܒܝܬܝܘܼܬܟ: ܒܟܿܠܗܘ݀ܢ ܚܝ̈ܝ ܕܚ̈ܝܐ ܩܼܪܐ ܠܐܪܥܐ ܕܡܘܼܠܟܢܐ܇ ܡܛ݀ܐ ܕܐܝܬܝܗܿ ܕܐܠܗܐ ܚܝܠܐ ܘܢ݀ܛܪ ܠܥܡܘܪ̈ܝܗܿ ܡܼܢ ܢܟܝ̈ܢܐ܀ ܥܕܡܐ ܠܗܪܟܐ: ܥܠ ܥܡܐ ܕܒܒܒܠ ܐܬܢܒܝܼ܆ ܡܟܐ ܘܠܬܚܬ: ܥܠ ܚܙܩܝܐ ܕܐܬܼܟܪܗ ܥܠ ܕܐܫܬܩܠ: ܣܘܪܝܝܐ ܚܕ ܡܙܡܘܪܐ ܚܿܫܒ ܠܟܿܠܗ܀ ܝܘܢܝܐ ܪܝܫ ܡܙܡܘܪܐ ܐܚܪܢܐ܀ ܘܗܝܡܢܿܬ ܘܡ݀ܠܠܬ ܗ̄ ܡܛ݀ܠ ܕܗܝܡܢܿܬ ܕܡܬܼܚܠܦ ܐܢܼܐ: ܐܝܟ ܡܠܼܬܗ ܕܐܫܥܝܐ: ܐܬܬܟܿܠܬ ܐܦ ܕܐܡܿܠܠ ܘܐܫܿܐܠ ܓܗܝܬܐ ܕܡܼܢ ܟܘܪ̈ܗܢܝ܇ ܡܼܢ ܩܕܡ ܕܐܣܿܬܒܪ ܥܠ ܚܘܼܠܡܢܝ܇ ܐܬܡܟܿܟܬ ܛܒ ܡܢܗ ܕܟܐܒܐ܀ ܐܚܪܢܝܐܝܬ܀ ܗܝܡܢܿܬ ܗ̄ ܥܠ ܐܦܝ̈ ܠܡ ܕܗܝܡܢܿܬ ܠܚܘܼܫ̈ܒܝ܇ ܘܐܬܪܥܝܿܬ ܐܝܠܝܢ ܕܠܐ ܦ̈ܐܝܢ ܕܟܐܡܬ ܐܢܿܐ ܐܝܿܬܝ ܡܫܝܼܚܐ ܕܡܣܼܬܟܐ ܐܘܿ ܡܼܢ ܐܢܬܬܝ ܕܢܛܪܬ݀ ܒܬܘܼܠܘܼܬܗܿ܆ ܥܠܗ݀ܝ ܒܟܘܼܪܗܢܐ܀ ܐܢܿܐ ܐܡܿܪܬ ܒܪܥܝܼܠܘܼܬܝ ܗ̄ ܟܕ ܐܪܥܠܼܢܝ ܟܘܼܪܗܢܐ ܐܡܿܪܬ ܕܟܿܠ ܒܪܢܫ ܕܓܠ ܗ̄ ܕܠܐ ܡܕܡ ܐܝܼܬ̄ܘ: ܐܦܢ ܒܐܣܟܡܞ ܡܿܛܥܐ ܠ̈ܚܙܝܐ ܡܼܢ ܩܕܡ ܟܘܼܪܗܢܐ ܪܘܪ̈ܒܬܐ ܡܬܼܪܥܐ ܗܿܘܝܬ ܥܠ ܢܦܫܝ܀ ܡܢܐ ܐܦܿܪܘܿܥ ܗ̄ ܕܗܿܠܝܢ ܦܘܼܪ̈ܥܢܐ ܦܪܼܥܢܝ܀ ܟܣܐ ܗ̄ ܟܣܐ ܕܚܕܘܬܐ ܘܕܒܘܼܝܐܐ ܩܒܿܠܬ ܡܢܗ: ܕܐܝܼܬ̄ܘ ܦܘܼܪܩܢܐ ܕܡܼܢ ܐܬܘܪ̈ܝܐ ܘܡܼܢ ܟܘܼܪܗܢܝ܀ ܐܣܘܼܪ̈ܐ ܕܐܫܬܪܝܼܘ ܡܢܗ ܩܿܪܐ: ܠܟܘܼܪܗܢܗ܀ ܡܙ̄ܡ ܕܩܝ̄ܘ܆ ܡܼܢ ܦܪܨܘܦ ܚܙܩܝܐ ܕܡܿܪܬܐ ܠܟܿܠܢܫ ܕܢܘܕܘܢܿ ܠܐܠܗܐ ܥܠ ܐܦܝ̈ ܐܝܠܝܢ ܕܐܡܼܪ ܠܘܬܗ ܫܒܚܘ ܠܡܪܝܐ ܟ݀ܠܟܘܿܢ ܥܡ̈ܡܐ ܗ̄ ܡܛ݀ ܕܟ݀ܠܟܘܢܿ ܗܘܼܝܬܘܢ ܚܙ̈ܝܐ ܕܗ݀ܝ ܕܐܣܬܼܥܪܬ݀ ܕܡܛܠܬܗܿ ܩܘܼܪ̈ܒܢܐ ܐܫܼܬܕܪܘ ܠܚܙܩܝܐ ܡܠܟܐ ܕܒܒܠ܀ ܡܙ̄ܡ ܕܩܝܙ̄܆ ܬܘܕܝܬܐ ܕܥܡܐ ܕܥܠ ܙܟܘܿܬܗܘܿܢ ܟܕ ܐܬܟܢܼܫܘ ܥܠܝܗܘܢ ܥܡ̈ܡܐ ܕܒܚܕܪ̈ܝܗܘܿܢ ܥܡ ܕܒܝܬ ܓܘܿܓ ܒܬܪ ܦܘܼܢܝܐ ܘܙܟܼܘ ܐܢܘܢ. ܒܚܝܠ ܐܠܗܐ ܘܡܬܼܢܒܐ ܒܗ ܥܠ ܡܫܝܚܐ ܐܘܕܘ ܠܡܪܝܐ ܗ̄ ܝܘܕ̈ܝܐ܀ ܕܛܒ ܗܼܘ ܘܠܥܠܡ ܗ̄ ܕܛܒ ܗܼܘ ܠܐܝܠܝܢ ܕܩܿܪܢ ܠܗ܇ ܘܠܥܠܡ 353 ܢ݀ܛܪ ܡܪܚܡܢܘܼܬܗ: ܠܐܝܠܝܢ ܕܫܿܐܠܝܢ ܠܗ: ܟ݀ܠܗܘܿܢ ܥܡܡ̈ܐ ܗ̄ ܥܡ ܕܒܝܬ ܓܘܿܓ܀ ܚܕܪܘܼܢܝ ܗ̄ ܣܓܘܢܝ ܘܐܬܟܪܟܘܼܢܝ ܡܼܢܟ݀ܠ ܕܘܼܟ ܕܠܐ ܐܬܦܠܛ܀ ܘܒܫܡܗ ܕܡܪܝܐ ܗ̄ ܕܠܐ ܕܝܼܢܐ ܐܣܝܼܦܬ ܐܢܘܿܢ܀ ܐܝܟ ܕܒܘܼܪ̈ܐ ܗ̄ ܐܝܟ ܕܒܘܼܪ̈ܝܬܐ ܕܟܪ̈ܝܼܟܢ ܠܟܟܪܝܼܬܐ ܘܪ̈ܓܝܓܢ ܠܡܡܼܬܩ ܠܚܠܝܘܼܬܗܿ: ܗ̣ܿܢܐ ܐܦ ܗܼܢܘܿܢ ܚܕܪܘܼܢܝ ܒܪܡ ܚܡܼܘ ܩܠܝܼܠܐܝܬ܆ ܐܝܟ ܢܘܼܪܐ ܕܓ̈ܠܐ܀ ܐܬܕܚܝܿܬ ܕܐܣܿܬܚܦ ܗ̄ ܡܢܗܘܿܢ܆ ܡܛ݀ܠ ܠܐ ܥܕܟܝܠ ܡܫܪܪ̈ܢ ܗܼܘ̈ܝ ܪ̈ܓܠܝ ܒܐܪܥܐ ܒܗ݀ܝ ܕܚܕܬܐܝܬ ܦܢܝܿܬ܀ ܘܡܪܝܐ ܣܡܼܟܢܝ ܗ̄ ܥܕܪܢܝ ܗ݀ܝ ܕܐܣܿܬܚܦ: ܥܠ ܩܫܝܘܼܬܐ ܕܡܦܘܼܠܬܐ ܡܫܘܕܥܐ ܕܠܒܣܬܪܐ ܗܿܘܝܐ܇ ܐܝܢܐ ܕܠܩܕܡܘܗܝ ܢ݀ܦܠ܆ ܒܝܕ ܥܘܼܕܢܐ ܕܐܝܼܕ̈ܘܗܝ ܩܿܐܡ܀ ܗܿܢܘ ܬܪܥܗ ܕܡܪܝܐ ܗ̄ ܥܠ ܬܪܥܐ ܕܗܝܟܠܐ ܐ݀ܡܪ ܕܐܚܝܼ݊ ܗܼܘܐ ܫܒܥܝܼܢ ܫܢ̈ܝܼܢ ܕܫܒܝܐ܀ ܙܕܝܼܩ̈ܐ ܗ̄ ܕܒܗ ܥܠܼܘ ܐܒܗ̈ܝܢ ܙܕܝܼܩ̈ܐ ܘܫܡܗ ܠܐܠܗܐ܆ ܗܘܿ ܕܝܗܼܒ ܐܦܠܢ ܚܛ̈ܝܐ ܕܢ݀ܦܢܐ ܢ݀ܥܘܿܠ ܒܗ܀ ܗ݀ܝ ܕܗܿܢܘ ܡܼܢ ܕܡܘܼܬܐ ܕܐܢܫ ܕܡܼܢ ܢܘܓܼܪܐ ܡܿܣܟܐ ܠܨܒܘܼܬܐ܇ ܘܟܕ ܐܫܟܼܚܗܿ ܡܿܚܘܐ ܠܗܿ ܠܐܝܠܝܢ ܕܐܟܘܬܗ ܪܓܝܼܓܝܼܢ ܠܗ܀ ܟܐܦܐ ܕܐܣܠܝܼܘ ܗ̄ ܙܘܪܒܒܠ ܗ̄ ܕܡܣܠܝ ܗܼܘܐ ܡܼܢ ܥܡܐ ܘܡܼܢ ܥܒ̈ܕܐ ܕܫܠ̈ܝܼܛܢܐ܀ ܗܝܼ ܗܘܼܬ݀ ܗ̄ ܒܐܝܼܕ̈ܘ̄ ܐܬܚܼܪܒ ܓܘܿܓ: ܘܐܬܒܢܝܼ ܗܝܟܠܐ܀ ܒܢܝ̈ܐ܆ ܠܣܒ̈ܐ ܘܪ̈ܝܫܢܐ ܕܥܡܐ ܩܿܪܐ܀ ܡܼܢ ܩܪܒܐ ܕܒܝܬ ܓܘܿܓ܇ ܐܬܼܦܪܫ ܙܘܪܒܒܠ ܠܡܠܟܘܼܬܐ ܘܗܿܠܝܢ ܐܣܬܼܥܪ̈ܝ ܒܗܘܿ ܙܒܢܐ܇ ܐܝܟܢܐ ܕܠܐ ܢܗܼܘ̈ܝܢ ܣܪ̈ܝܼܩܬܐ ܒܙܒܢܗܝܢ܀ ܪܘܼܚܢܐܝܬ: ܥܠ ܡܫܝܚܐ ܫܠ̈ܡܢ܇ ܐܣܠܝܘܼܗܝ ܓܝܪ ܝܘ̈ܕܝܐ: ܐܟܡܿܢ ܕܠܐ ܚܿܫܚ ܠܒܢܝܿܢܐ ܕܢܡܘܿܣܐ ܘܡܼܢ ܕܩܼܡ܇ ܐܝܟ ܟܐܦܐ ܕܡܬܬܣܝܼܡܐ ܒܓܘܼܢܝܐ ܘܐܣܿܪܐ ܠܬܪܬܝܢ ܐܣ̈ܐ ܗܿܟܢ ܐܣܿܪ ܠܠܥܡܐ ܘܠܥܡ̈ܡܐ ܒܚܕ ܒܢܝܢܐ ܕܗܝܡܢܘܼܬܐ܀ ܡܼܢ ܩܕܡ ܡܪܝܐ ܗ̄ ܕܒܝܕ ܐܝܢܐ ܕܐܝܟ ܗܿܘ. ܕܐܝܟ ܗܿܠܝܢ ܢܬܼܩܝ̈ܡܢ܀ ܘܬܕܡܘܪܬܐ ܗܝ ܗ̄ ܕܟܕ ܡܚܝܼܠ ܙܘܪܒܒܠ܇ ܣܦܼܩ ܠܕܐܝܟ ܗܿܠܝܢ܀ ܪܘܼܚܢܐܝܬ ܕܐܟܢ ܒܝܕ ܙܩܝܼܦܗ܇ ܐܩܝܼܡ ܒܢܝܢܐ ܕܕܚܠܼܬ ܐܠܗܐ ܒܥܠܡܐ܀ ܐܣܘܿܪ ܥܕܥ̈ܐܕܝܢ ܒܫܫ̈ܠܬܐ ܗ̄ ܒܝܕ ܟܢܼܫܐ ܕܓܒܪ̈ܐ ܘܕܢܫ̈ܐ ܗܿܠܝܢ ܕܐܝܟ ܚܘܼܡܪ̈ܝ ܫܫ̈ܠܬܐ ܡܬܼܟܢܫܝܼܢ ܣܕܪ̈ܝܼܢ ܣܕܪ̈ܝܼܢ ܘܐ݀ܬܝܢ ܠܥܕܥܐܕܐ܇ ܕܠܐ ܢܫܼܬܪܐ ܘܢܬܦܠܗܕ ܡܼܢ ܒܥܠ̈ܕܒܒܐ܇ ܘܗܟܢܐ ܡܬܼܡܠܐ ܗܝܟܠܐ ܡܢܗܘܢܿ܇ ܐܝܟܢܐ ܕܡܼܢ ܚܒܨܐ ܣܓܝܐܐ ܘܐܠܝܼܨܘܼܬܐ ܕܕܘܼܟܬܐ: ܢܬܼܡܛܐ ܥܕܡܐ ܠܩܪ̈ܢܬܗ ܕܡܕܒܚܐ܀ ܡܙ̄ܡ ܕܩܝ̄ܚ܆ ܡܿܪܬܐ ܒܗ ܠܟܿܠܗܘܿܢ ܒܢܝ̈ܢܫܐ ܘܐܝܼܬܘܗܝ ܡܼܢ ܦܪܨܘܦ ܡܝܬܪ̈ܐ ܕܥܡܐ ܕܒܒܒܠ ܕܡܠܦܝܢ ܠܐܚܪ̈ܢܐ ܘܡܫܼܬܥܝܢ ܥܠ ܥܩ̈ܬܗܘܢ ܘܫܿܐܠܝܢ ܓܗܝܬܐ ܛܘܒܝܗܘܢ ܠܐܝܠܝܢ ܗ̄ ܗܢܐ ܡܙܡܘܪܐ ܥܒܪܝܐ܆ ܟ݀ܠ ܬܪܥܐ ܐܘܿܟܝܼܬ ܦܣܘܿܩܐ ܬܡܢܝܐ ܦܬܓ̈ܡܐ ܗܿܘܐ ܠܐ ܝܬܝܪܐ ܐܘ ܚܣܝܼܪܐ܀ ܒܣܘܼܪܝܝܐ 354 ܐܝܬ ܕܘܟܬܐ ܕܫܿܘܼܐ: ܘܐܝܬ ܕܝܬܝܪ ܡܛ݀ܠ ܡܦܩܬܐ ܕܠܫܢܐ܇ ܘܥܠ ܐܬܘ̈ܬܐ ܐܬܐܼܡܪ ܡܼܢ ܢܒܝܐ ܗܘܼ ܡܙܡܘܪܐ ܒܝܘܢܝܐ ܠܐ ܡܿܦܠܓܼ: ܡܛ݀ܠ ܕܡܢܝܢܐ ܕܐܬܘ̈ܬܗ ܐܠܦ ܒܝܬ ܠܐ ܫܘܝܢ ܠܕܣܘܼܪܝܝܐ ܘܥܒܪܝܐ܀ ܕܕܠ ܡܘܼܡ ܐܢܘܢܿ ܒܐܘܪܚܐ ܗ̄ ܡܿܪܬܐ ܕܝܢ ܡܢܗܘܢܿ ܕܣܘܼܥܪ̈ܢܐ ܕܥܬܝܼܕܝܼܢ ܗܼܘܘ ܠܡܣܼܥܪ܆ ܡܝܬܪ̈ܐ ܕܒܫܒܝܼܬܐ܀ ܐܘܪܚܐ ܠܣܘܼܥܪ̈ܢܐ ܡܿܫܡܗ܀ ܒܝܕ ܛܘܼܒܐ ܣܝܼܟ ܘܚܒܫ ܟܿܠ ܦܘܼܪ̈ܥܢܝܼܢ ܕܡܼܢ ܐܠܗܐ ܥܠ ܐܦܝ̈ ܡܝܬܪ̈ܘܬܐ ܕܣܿܥܪ ܐܢܫ܇ ܣܗܕܘܬܐ ܗܪܟܐ ܠܢܡܘܿܣܐ ܩܿܪܐ܇ ܐܝܟ ܕܐܦ ܕܝܼܢܐ ܘܡܠܼܬܐ ܘܦܘܼܩܕܢܐ ܩܿܪܐ ܠܗ܀ ܕܝܼܢܐ ܐܟܡܿܢ ܕܬܒܿܥ ܒܚܬܝܼܬܘܬܐ ܡܣܡ ܒܪܝܫܐ܀ ܣܗܕܘܼܬܐ ܕܝܢ ܐܟܡܿܢ ܕܡܿܩܕܡ ܘܡܿܣܗܕ܇ ܘܟܢ ܡ݀ܦܩ ܡܣܡ ܒܪܝܫܐ: ܐܘܿ ܦܪܥ ܛܒ̈ܬܐ܇ ܦܘܼܩܕܢܐ ܐܝܟ ܐܝܢܐ ܕܡܼܢ ܡܪܝܐ ܨܝܕ ܥܒܕܐ ܐܬܦܼܩܕ܀ ܡܠܼܬܐ ܬܘܼܒ ܐܟܡܿܢ ܕܗܼܘ ܐܠܗܐ ܟܐܡܬ ܕܡܠܠ ܘܬܚܼܡ ܗܿܠܝܢ܀ ܪܘܪܒܐܝܢ ܗ̄ ܒܙܗܝܼܪܘܬܐ܀ ܐܫܬܘܦ ܕܝܢ ܡܬܩ̈ܢܢ ܐܘܪ̈ܚܬܝ ܗ̄ ܣܘܼܥܪ̈ܢܝ܇ ܒܢܛܘܪܘܬܐ ܕܦܘܼܩ̈ܕܢܝܟ: ܒܗ݀ܝ ܕܡܐ ܕܢܛܿܪܬ ܐܢܘܿܢ ܐܝܿܟ ܕܙܕܩ: ܠܐ ܒܿܗܬ ܗܿܘܝܬ ܡܼܢ ܒܒ̈ܠܝܐ ܐܝܟ ܕܗܫܐ܀ ܒ ܒܡܢܐ ܡܿܕܟܐ ܛܠܝܐܐܘܪܚܗ ܗ̄ ܡܼܢ ܥܘܠܐ܀ ܕܢܛܪ ܦܘܼܩ̈ܕܢܝܟ ܒܝܕ ܗܪܓܐ ܕܒܦܘܼܩ̈ܕܢܝܟ ܬ݀ܟܣ ܢܦܫܗ ܡܼܢ ܚ̈ܐܦܐ ܕܛܠܝܘܼܬܐ܀ ܬܘܼܒ ܐܟܙܢܐ ܕܛܠܝܐ ܠܐ ܡܿܨܐܼ ܕܢܕܟܐ ܣܘܼܥܪ̈ܢܘܗܝ ܡܼܢ ܥܘܠܐ ܓܡܝܼܪܐܝܬ: ܗܿܟܢܐ ܐܦܠܐ ܚܢܢ ܕܗܫܐ ܕܐܝܿܬܝܢ ܒܫܒܝܐ ܡܨܝܢܢ ܕܢ݀ܛܪ ܠܟܗܘܢܿ ܢܡܘܿ̈ܣܝܟ܀ ܥܩܒܿܬܟ ܗ̄ ܥܩܒܿܬ ܥܠ ܕܚܠܼܬܟ܀ ܠܐ ܬܛܥܝܢܝ ܗ̄ ܠܐ ܬܫܒܼܩܢܝ ܗܪܟܐ܇ ܐܝܟܢܐ ܕܐܦܠܐ ܕܐܬܿܝܐ ܐܢܘܿܢ ܠܦܘܼܩ̈ܕܢܝܟ ܒܦܘܼܡܝ ܡܫܟܚ ܐܢܼܐ܇ ܡܼܢ ܕܚܠܼܬܐ ܕܒܒܠ̈ܝܐ܇ ܕܕܠܡܐ ܡܛ݀ܠ ܢܓܝܼܪܘܬܗ ܕܙܒܢܐ܇ ܢܬܛܥܘܿܢ ܦܘܼܩ̈ܕܢܝܟ ܡܼܢ ܬܪܥܝܼܬܝ܀ ܒܠܒܝ ܛܫܝܿܬ ܗ̄ ܡܿܗܝܡܢ ܗܿܘܝܬ ܠܫܘܼܘ̈ܕܝܝܟ ܟ݀ܠܗܘܿܢ ܕܥܠ ܦܘܼܢܝ܇ ܠܐ ܕܝܢ ܓܿܠܐ ܗܿܘܝܬ ܠܗܘ݀ܢ ܠܒܒ̈ܠܝܐ܇ ܐܟܡܿܢ ܕܡܕܡ ܕܝܬܝܼܪ ܪܒ ܘܝܩܝܼܪ ܥܠܝܢ ܝܿܨܦܝܼܢܢ ܕܢ݀ܛܫܐ܀ ܒܦܘܼܩ̈ܕܢܝܟ ܪܢܝܿܬ܇ ܡܛܠܗܕܐ ܝܕܥܿܬ ܐܘܪ̈ܚܬܟ ܗ̄ ܘܢܛܿܪܬ ܐܢܝܢ܀ ܒܢܡܘܿܣܟ ܪܢܝܿܬ ܗ̄ ܡܼܢ ܗܪܓܐ ܐܢܝܢ܀ ܒܢܡܘܿܣܟ ܪܢܝܿܬ ܗ̄ ܡܼܢ ܗܪܓܐ ܕܒܢܡܘܿܣܟ ܡܬܝܠܦܝܼܢܢ ܣܘܼܥܪ̈ܢܐ ܕܘܠܝܼܬܐ ܗܿܠܝܢ ܕܕܢܝܐܝܠ ܘܚܒܪ̈ܘ̄: ܐܝܟ ܕܡܼܢ ܦܪܨܘܦ ܥܡܐ ܐܡܪܝܢ ܠܗܝܢ܀ ܓ ܥܢܝܼ ܠܥܒܕܟ ܗ̄ ܐܓܗܢܝ ܡܼܢ ܫܒܝܐ܀ ܘܐܛܿܪ ܡܠ̈ܝܟ ܗ̄ ܒܐܪܥܐ ܕܡܘܼܠܟܢܐ܀ ܥܡܘܪܐ ܐܢܼܐ ܗ̄ ܚ̈ܝܐ ܟܪ̈ܝܐ ܘܙܒܢܐ ܩܿܢܐܼ ܐܢܼܐ ܥܡܟ܀ ܠܐ ܬܼܛܫܐ ܡܢܝ ܦܘܼܩ̈ܕܢܝܟ ܗ̄ ܕܠܐ ܒܝܕ ܢܘܼܓܪܗ ܕܙܒܢܐ ܐ݀ܛܥܐ ܠܬܫܡܼܫܬܟ܀ ܕ. ܢܦܩܼܬ݀ ܢܦܫܝ ܗ̄ ܩܪܝܼܒܐ ܕܬܫܼܢܐ ܡܼܢ ܣܓܝܐܘܬܐ ܕܥܩ̈ܬܐ ܘܕܫܘܼܥܒܕܐ܀ ܗ ܐܚܢܝ ܡܠܼܬܟ ܗ̄ ܐܦܢܢܝ ܐܝܟ ܫܘܼ̈ܕܝܝܟ܀ ܐܠܦܝܢܝ ܡܪܝܐ ܗ̄ ܐܦܢܐ ܠܒܝ ܠܡܼܗܪܓ ܒܣܗܕܘܼܬܟ: ܘܠܐ ܒܡ̈ܬܠܐ ܕܒܒ̈ܠܝܐ܀ ܘܠܐ ܠ̈ܡܬܠܐ ܗ̄ ܡܬ̈ܠܐ 355 ܓܝܪ ܩܿܪܐ ܠܬܫܥ̈ܝܬܐ ܦܟܝܼܗ̈ܬܐ ܕܥܠ ܐܠܗܝ̈ܗܘܿܢ܀ ܕܠܐ ܢܚܼܙ̈ܝܢ ܕܓܠܘܼܬܐ ܗ̄ ܕܐܝܬܝܗܿ ܩܘܼܠܣܐ ܕܦܬܟܪ̈ܝܗܘܢ܀ ܘܒܐܘܪ̈ܚܬܟ ܗ̄ ܒܣܘܼܥܪ̈ܢܐ ܕܘܠܝܼܬܐ܀ ܐܚܢܝ ܗ̄ ܕܐܓܡܘܿܪ ܐܢܘܿܢ ܠܣܘܼܥܪ̈ܢܐ܀ ܐܫܪ ܡܠܼܬܟ ܗ̄ ܫܘܼܘܕܝܟ ܕܥܠ ܦܘܼܢܝܢ ܡܛ݀ܠ ܕܕܚܠܟ ܐܝܿܬܝ܀ ܢܐܬܘ݀ܢ ܥܠܝ ܪ̈ܚܡܝܟ ܗ̄ ܕܥܒܝܼܕ ܐܢܼܐ ܒܝܼܫܐܝܼܬ܀ ܘ ܘܦܘܼܪܩܢܟ ܕܐܡܼܪܬ ܗ̄ ܒܝܕ ܢܒܝ̈ܐ: ܗܿܝܕܝܢ ܓܝܪ ܐܬܿܡܨܐ ܕܐܬܿܠ ܦܬܓܡܐ ܠܡܚܣ̈ܕܢܝ ܡܐ ܕܬܬܟܿܠܬ ܥܠ ܡܠ̈ܝܟ ܕܒܝܕ ܕܘܝܕ ܘܢܒ̈ܝܐ܀ ܘܐܡܿܠܠ ܒܙܕܝܼܩܘܬܐ ܩܕܡ ܡ̈ܠܟܐ ܗ̄ ܕܒܒ̈ܠܝܐ܀ ܘܠܐ ܐܒܿܗܬ ܗ̄ ܟܕ ܛܒ ܓܠܘܝܐ ܐܝܿܬܝ ܘܒܨܝܼܪܐ: ܡܿܐܪܙ ܥܠܗ݀ܝ ܕܒܥܒܿܕܐ ܗܼܘܬ݀: ܡܼܢ ܕܢܝܐܝܬ ܘܚܒܪ̈ܘ̄.. ܙܙ܆ ܥܗܕ ܡܠܼܬܟ ܠܥܒܕܟ ܗ̄ ܒܝܕ ܢܒܝ̈ܐ ܕܠܫܘܼܡ ܫܒܥܝܼܢ ܫܢ̈ܝܼܢ ܦܿܢܝܢܢ܀ ܟܡܝܼܪܘܼܬܐ ܐܚܼܕܬܢܝ ܗ̄ ܡܼܢ ܥܠܬ ܒܒܠ̈ܝ ܟܕ ܛܒ ܫܒܩܼܘ ܢܡܘܼܣܟ܇ ܡܨܠܚܝܼܢ: ܐܘܿ ܠ̈ܕܝܼܠܐ ܕܥܡܐ ܩܿܪܐ ܚܛ̈ܝܐ܀ ܥܗܿܕܬ ܒܠܠܝܐ ܗ̄ ܠܠܝܐ܆ ܠܙܒܢܐ ܕܒܝܼܫ̈ܬܐ ܩܿܪܐ ܕܒܝܕ ܐܘܠܨܢܐ܇ ܐܝܟ ܕܒܫܢܬܐ ܡܛܒܥ ܠܒܢܝܢ̈ܫܐ܀ ܒܦܠܓܘܼܬܗ ܕܡܪܝܐ ܗ̄ ܒܦܠܓܘܼܬܗ ܕܡܪܝܐ ܕܐܝܼܬܘܗܝ ܥܡܐܙ܇ ܪܢܝܿܬ܆ ܕܐܡܝ ܬܩܼܢܝܘܗܝ: ܘܢܗܘܐ ܡܢܬܟ ܐܝܟ ܕܡܼܢ ܩܕܝܼܡ: ܕܗܿܫܐ ܐܝܼܬܘ̄ ܡܢܬܐ ܘܦܠܓܘܼܬܐ ܕܒܒ̈ܠܝܐ܀ ܬܘܼܒ ܒܦܠܓܘܼܬܗ ܕܡܪܝܐ ܕܐܝܬܝܗܿ ܐܪܥܐ ܕܡܘܼܠܟܢ ܪܢܝܿܬ܆ ܕܐܡܬܝ ܐܦܿܢܐ ܘܐܥܿܡܪ ܒܗܿ: ܐܟܡܿܢ ܒܗܿ ܒܙܕܩܐ܆ ܡܿܨܐܼ ܐܢܼܐ ܕܐܛܿܪ ܟ݀ܠܗܘ݀ܢ ܦܘܼܩ̈ܕܢܝܟ܀ ܐܬܚܫܒܿܬ ܐܘܪ̈ܚܬܝ ܗ̄ ܡܛ݀ܠ ܕܡܿܦܣ ܗܿܘܝܬ ܕܠܐ ܡܨܝܐ ܕܢܦܩ̈ܢ ܫܐܠ̈ܬܝ ܠܥܒܿܕܐ܇ ܐܠܐ ܐܢ ܐܢܿܐ ܡܼܢ ܕܝܼܠܝ ܡܿܥܠ ܐܢܼܐ ܡܕܡ: ܪܢܐ ܗܿܘܝܬ ܘܡܬܼܚܫܒ ܗܿܘܝܬ ܒܣܘܼܥܪ̈ܢܝ܇ ܟܕ ܡܿܗܦܟ ܗܼܘܝܬ ܠܗܘ݀ܢ ܡܼܢ ܕܘܼܡܝܐ ܕܒܒ̈ܠܝܐ܀ ܐܘܪܚܐ ܠܣܘܼܥܪ̈ܢܐ ܩܿܪܐ ܘܗܠ̈ܟܬܐ ܠܚܘܼܫ̈ܒܐ܀ ܚ ܚܒ̈ܠܐ ܕܥܿܘ̈ܠܐ ܗ̄ ܦܘܼܪ̈ܣܐ ܕܒܒ̈ܠܝܐ ܥ̈ܘܿܠܐ ܐܝܟ ܚܒ̈ܠܐ ܕܨܝ̈ܕܐ܇ ܥܪܙܠܘܼܢܝ: ܘܡܼܢ ܢܡܘܿܣܟ ܠܐ ܣܛܝܿܬ ܗ̄ ܐܡܿܪ ܥܠܗ݀ܝ ܕܐܬܪܟܒܼܬ݀ ܥܠ ܕܒܝܬ ܚܢܢܝܐ܇ ܡܛ݀ܠ ܣܓܼ݊ܬܐ ܕܨܠ̈ܡܐ܀ ܛ ܛܒܬܐ ܥܒܕ ܥܡ ܥܒܕܟ ܗ̄ ܕܐܝܬܝܗܿ ܦܘܼܢܝܐ܀ ܥܒܕ ܗ̄ ܐܝܟ ܕܐܡܼܪܬ ܠܥܒܕܟ ܗ̄ ܒܐܝܼܕܐ ܕܢܒ̈ܝܐ܀ ܛܥܡܐ ܘܛܝܒܘܼܬܐ ܗ̄ ܗܒܠܝܼ ܦܘܼܢܝܐ܇ ܕܡܢܗܿ ܐܩܿܢܐ ܛܥܡܐ ܕܕܚܼܠܬ ܐܠܗܐ܆ ܘܐܣܿܒ ܐܦ ܛܥܡܬܐ ܕܡܪܚܡܢܘܼܬܟ ܕܠܘܬܝ ܕܟܡܐ ܗܿܝ܇ ܩܪܝܼܒ ܗܼܘ ܓܝܪ ܕܢܦܟܗ ܛܥܡܝ܇ ܒܛܘܼܥܝܝ ܕܒܒ̈ܠܝܐ܇ ܗܿܠܝܢ ܓܝܪ ܕܡܼܢ ܦܪܨܘܦ ܓܘܐ ܕܡܬܐܼܡܪ̈ܢ܀ ܥܕܠܐ ܐܬܡܟܟܿܬ ܗ̄ ܒܫܒܝܐ܀ ܗܝܡܢܿܢܬ ܠܟ݀ܠ ܕܟܬܝܼܒ̈ܢ ܗܼܘ̈ܝ ܘܐܡܝܼܪ̈ܢ ܠܢܒ̈ܝܐ܇ ܡܐܡܪܟ ܢܛܿܪܬ ܗ̄ ܢܡܘܿܣܟ: ܝܘܢܝܐ ܥܕܠܐ ܐܬܟܿܟܬ ܚܛܝܿܬ ܐܡܿܪ ܗ̄ ܟܕ ܡܿܚܘܐ ܝܘܼܬܪܢܐ ܕܩܿܢܐܼ ܡܼܢ ܡܪܕܘܼܬܐ ܕܫܒܝܐ܀ ܣܓܝܼ ܥܘܠܐ ܕܫܒܗܪ̈ܢܐ ܗ̄ ܒܒ̈ܠܝܐ܇ ܘܐܬܓܼܒܢ ܘܐܬܩܫܝܼ ܠܒܗܘ݀ܢ ܝܘ݀ܡ ܡܼܢ ܝܘ݀ܡ܆ ܠܗ݀ܝ ܓܝܪ ܕܣܓܝ ܗܕܐ ܢ݀ܩܦܐ܇ ܐܟܙܢܐ ܓܝܪ ܕܣܓܝܐܘܬܐ 356 ܕܡܣܬܐ ܠܩܫܝܘܼܬܐ ܡܿܝܬܝܐ ܠܫܪܝܘܼܬܗ ܕܚܠܒܐ܇ ܗܿܟܢ ܐܦ ܣܓܝܐܘܬܗ ܕܫܘܼܒܗܪܐ: ܠܥܘܠܐ ܘܠܪܘܫܥܐ ܡܿܣܓܐ܇ ܟܕ ܢ݀ܛܪ ܠܬܪܥܝܼܬܐ ܕܠܐ ܬܫܬܼܚܠܦܝ ܨܝܕ ܛܒܬܐ܇ ܐܝܟ ܕܐܦܠܐ ܓܒܬܐ ܡܐ ܕܐܬܡܼܣܝܬ݀ ܡܫܼܬܪܝܐ ܠܟܝܿܢܗ ܫܪܝܐ ܕܚܠܒܐ܀ ܛܒ ܠܝܼ ܕܐܬܡܟܿܟܬ ܗ̄ ܗܕܐ ܬܚܘܝܼܬܐ ܟܐܡܬ܇ ܟܕ ܡܿܚܘܐ ܕܠܝܘܼܬܪܢܐ ܗܼܘ̈ܝ ܠܗ ܒܝܼܫ̈ܬܐ ܕܫܼܒܝܐ: ܘܐܝܼܕ̈ܝܟ ܥܒܼ̈ܕܢܝܘ ܘܐܬܩܢ̈ܢܝ܀ ܝ ܝܕܥܿܬ ܕܙܕܝܼܩܝܼܢ ܐܢܘܿܢ܇ ܡܛ݀ܠ ܗܝܡܢܘܼܬܟ ܐܬܡܟܿܟܼܬ ܗ̄ ܒܟܐܢܘܼܬܟ ܠܡ ܪܕܝܬܢܝ: ܥܠ ܕܐܣܠܝܼܿܬ. ܟܟ ܪܓܼܬ݀ ܢܦܫܝ܀ ܡܛ݀ܠ ܕܗܘܝܿܬ ܐܝܟ ܙܩܐ܀ ܥܒܪܝܐ ܐ݀ܡܪ ܐܝܟ ܙܩܐ ܒܬܢܢܐ ܗ̄ ܗܿܟܢܐ ܠܡ ܝܒܫܿܬ ܘܐܬܚܿܪܟܬ ܡܼܢ ܥܙܝܼܙܘܬܗܝܢ ܕܒܝܼܫ̈ܬܐ܆: ܐܝܟ ܙܩܐ ܕܒܓܠܝܼܕܐ ܡܬܬܣܝܼܡܐ ܥܡ ܕܝܢ ܗܿܠܝܢ ܟ݀ܠܗܝܢ܇ ܠܐ ܠܚܝܿܬ ܡܼܢ ܠܒܝ ܥܘܼܗܕܢܐ ܕܚܕ ܡܼܢ ܙܘܼܗܪ̈ܝܟ ܘܫܘܼܘ̈ܕܝܝܟ ܕܥܠ ܦܘܼܢܝ܀ ܚܦܼܪܘ ܠܝܼ ܓܘܼܡܨܐ ܗ̄ ܒܒܠ̈ܝܐ܀ ܕܠܐ ܡܼܢ ܗ̄ ܕܠܘ ܡܼܢ ܢܡܘܿܣܟ ܚܝܿܒ ܗܿܘܝܬ ܕܐܣܿܒܠܝܘܗܝ܇ ܐܠܐ ܡܼܢ ܒܝܼܫܘܼܬܗܘܿܢ܀ ܐܪܚܢܝܐܝܬ܀ ܟܕ ܪܢܝܢ ܟ݀ܠ ܝܘ݀ܡ ܥܠܝ ܕܠܐ ܡܼܢ ܢܡܘܿܣܟ ܡܬܼܥܕܪ ܐܢܼܐ܇ ܐܦܠܐ ܣܘܼܟܝ ܕܠܦܘܼܢܝܐ ܫܪܝܼܪ܀ ܠ ܠܥܠܡ ܐܢܬ ܗܼܘ ܡܪܝܐ ܗ̄ ܐܝܟ ܐܝܬܘܬܐ ܠܡ ܕܟܝܿܢܟ ܐܝܼܬܘܗܝ ܐܦ ܫܘܼܘܕܝܟ܇ ܘܢܛܝܼܪ ܠܘܬܟ ܒܫܡܝܐ ܕܠܐ ܫܘܼܚܠܦ܇ ܘܠܕܪܕܪ̈ܝܢ ܗ̄ ܘܠܕܪܕܪ̈ܝܢ ܡܟܬܪܐ ܗܝܡܢܘܼܬܟ: ܐܝܟ ܕܢܛܝܼܪ ܘܡܿܩܘܐ ܫܡܝܐ܀ ܥܠܝ ܣܟܝܼܘ ܥ̈ܘܿܠܐ ܕܢܘܒܕܘܼܢܢܝ ܘܐܣܬܟܿܠܬ ܕܠܘ ܡܼܢ ܚܝܠܐ ܕܝܼܠܗܘܿܢ܇ ܐܠܐ ܡܼܢ ܗ݀ܝ ܕܐܒܣܝܿܬ ܒܣܗܕܘܬܟ ܕܒܝܕ ܢܒܝ̈ܐ ܣܗܼܕܬܢܝ ܕܪܕܐ ܐܢܬ ܠܢ ܟܕ ܣܿܛܝܥܢܢ ܡܢܗ܀ ܠܟ݀ ܣܘ̈ܦܐ ܚܙܝܿܬ ܗ̄ ܠܟ݀ܠ ܫܘܼܠܡܐ ܚܙܝܿܬ ܕܐܢ ܩܨܐ ܕܡܼܢ ܠܘܬܟ ܗܿܘܐ: ܐܢ ܫܒܝܢ ܘܐܢ ܦܘܼܢܝܢ ܘܐܢ ܐܒܕܢܐ ܕܒܒܠ̈ܝܐ܀ ܘܐܦ ܛܒ ܪܘܝܼܚ ܦܘܼܩܕܢܟ ܗ̄ ܘܐܦܢ ܢܓܝܼܪ ܘܠܪܘܼܚܩܐ ܡܫܼܬܡܠܐ: ܐܘܿ ܗܕܐ ܕܦܘܼܩܕܢܟ ܕܝܼܠܟ܇ ܠܩܨܐ ܕܐܚܪ̈ܢܐ ܠܐ ܡܫܬܼܥܒܕ܀ ܡ ܡܐ ܪܚܡܿܬ ܢܡܘܿܣܟ܀ ܚܟܡܝܢܝ ܗ̄ ܚܟܡܼܬܢܝ ܒܗ݀ܝ ܕܓܠܼܝܬ ܠܝܼ ܐܝܠܝܢ ܕܡܢܗܘܿܢ ܟܣܝ̈ܢ ܗܼܘ̈ܝ܀ ܘܡܼܢ ܟ݀ܠܗܘ݀ܢ ܡܠ̈ܦܢܝ ܗ̄ ܟܠ̈ܕܝܐ܇ ܡܠܝܬܢܝ ܣܘܼܟܠܐ ܐܝܟ ܗ݀ܝ ܟܚ ܐܢܘ݀ܢ ܝܬܝܼܪ ܥܣܪ ܡܢ̈ܘܢ ܥܠ ܟ݀ܠ ܚܪ̈ܫܐ ܘܐܫܘ̈ܦܐ܀ ܝܬܝܼܪ ܡܼܢ ܗ̄ ܘܗܿܠܝܢ ܓܠܼܝܬ ܠܝܼ ܡܛ݀ܠ ܕܢܛܿܪܬ ܦܘܼܩ̈ܕܢܝܟ܇ ܝܬܝܪ ܡܢ ܩܫܝܼ̈ܫܐ ܕܒܒ̈ܠܝܐ܇ ܩܫܝܼ̈ܫܐ ܩܿܪܐ ܬܢܢ: ܠܚܪ̈ܫܐ ܕܝܼܠܗܘ݀ܢ܀ ܐܘܪܚܐ ܒܝܼܫܬܐ ܗ̄ ܕܒܒ̈ܠܝܐ܀ ܟܠܝܿܬ ܪ̈ܓܠܝ ܗ̄ ܕܠܐ ܐܣܿܓܘܿܕ ܠܨܠܡܐ ܕܕܗܒܐ܀ ܪ̈ܓܠܐ ܠܚܘܼܫ̈ܒܐ ܩܿܪܐ܆ ܢܢ ܫܪܓܐ ܗܿ ܡܠܼܬܟ ܗ̄ ܒܗ݀ܝ ܕܡܠܦܐ ܠܝܼ ܐܝܠܝܢ ܐ݀ܣܥܘܿܪ ܘܐܝܠܝܢ ܐܚܫܒ܇ ܐܝܟ ܗܕܝܐ ܘܐܝܟ ܫܪܓܐ ܠܚܫܘܼܟܐ܀ ܝܡܝܿܬ ܘܐܫܿܪܬ ܗ̄ ܥܠܗܕܐ ܝܡܝܿܬ܆ ܕܐܛܿܪ ܟ݀ܠܗܘܿܢ ܕܝܼ̈ܢܐ ܕܙܕܝܼܩܘܼܬܟ܇ ܘܦܘܣܩܢܝ ܐܫܿܪܬ ܒܥܒܿܕܐ܆ ܐܚܪܝܬܐ ܙܕܩ ܕܬܬܣܝܼܡܝ ܗ݀ܝ 357 ܕܐܫܿܪܬ ܐܟܡܿܢ ܕܩܢܝܐ ܫܪܪܐ ܘܠܐ ܕܓܠܘܼܬܐ ܕܡܘ̈ܡܬܗ܀ ܐܬܡܟܿܟܬ ܪܘܪܒܐܝܬ ܗ̄ ܒܫܪܪܐ܇ ܐܚܢܝ ܐܝܟ ܡܠܼܬܟ ܗ̄ ܐܝܟ ܫܘܼܘܕܝܟ܀ ܐܦܢܝܿܬ ܠܒܝ ܗ̄ ܒܝܕ ܡܪܕܘܼܬܐ ܕܫܒܝܐ܀ ܕܐܥܿܒܕ ܦܘܼܩ̈ܕܢܝܟ ܗ̄ ܒܟܿܠܗܘܿܢ ܚܝ̈ܝ ܒܫܪܪܐ: ܘܠܘ ܒܐܣܟܡܐ܀ ܣ ܣܢܝܿܬ ܠ̈ܥܘܠܐ ܘܢܡܘܿܣܟ: ܘܐܬܝܠܦ ܒܦܘܼܩ̈ܕܢܝܟ ܗ̄ ܐܨܿܦ ܕܢܛܘܪܘܬܗܘ݀ܢ܀ ܩܦܘܿܕ ܒܣܪܝ ܗ̄ ܩܦܕܐ ܕܒܣܪܐ܇ ܙܗܝܼܪܘܼܬܐ ܕܬܪܥܝܼܬܐ ܡܿܚܘܐ܆ ܕܙܝ݀ܥܐ ܘܡܣܼܬܪܕܐ ܡܼܢ ܐܠܗܐ܆ ܘܡܼܢ ܢܡ̈ܘܿܣܘܗܝ ܡܠܝܐ ܗܿܝ ܓܝܪ ܕܚܠܼܬܐ: ܠܡܟܦܦܘܼ ܠܩܘܡܬܐ: ܡܥܕܐ ܗܿܝ ܓܝܪ ܕܚܠܼܬܐ: ܘܠܡܦܣܼܩ ܘܠܡܪܥܠܘܼ ܠܒܣܪܐ܀ ܥ ܥܿܒܕ ܕܝܼܢܐ ܕܙܕܝܼܩܘܼܬܐ܀ ܥܒܕ ܠܥܒܕܟ ܐܝܟ ܪ̈ܚܡܼܝܟ ܗ̄ ܕܡܼܢ ܡܨܪܝܢ܀ ܘܐܠܦܝܢܝ ܢܡܘܿܣܟ ܗ̄ ܥܕܪܝܢܝ ܕܐܛܿܪܝܘܗܝ ܒܙܕܩܐ.. ܙܒܢܐ ܗܿܘ ܠܡܦܠܼܚܗ ܠܡܪܝܐ ܗ̄ ܡܛ݀ܠ ܕܩܪܝܼܒ ܫܘܼܠܡ ܫܒܥܝܼܢ ܫܢ̈ܝܼܢ ܕܐܫܬܘܕܝܿܬ ܕܡܿܦܢܐ ܐܢܬ ܠܢ܀ ܘܗܐ ܗ̄ ܒܛܠܘ ܢܡܘܿܣܟ ܒܒ̈ܠܝܐ: ܗܿܢܘܿܢ ܕܠܗܝܟܠܟ ܥܩܼܪܘ ܘܠܢ ܒܫܒܘ: ܘܒܐܬܪܐ ܕܠܐ ܡܦܣ ܒܗ ܠܡܫܡܠܝܘܼ ܢܡܘܿܣܟ ܐܘܬܒܘܼܢܝ܀ ܪܘܪ̈ܒܢ ܐܢܝܢ ܣܗ̈ܕܘܬܟ܀ ܦ ܦܬܚ ܡܠܼܬܟ ܘܐܢܗܪ ܗ̄ ܥܠܝܢ ܕܫܪܝܢܢ ܒܥܡܛܢܐ ܕܥܩ̈ܬܐ: ܘܒܝܕ ܢܡܘܿܣܟ ܚܟܡ ܫܒܪܘܬܢ܀ ܘܐܢܗܪ ܘܣܟܠ ܗ̄ ܣܿܦܩ ܢܡܘܿܣܟ ܕܢܚܟܡ ܠܫܒܪ̈ܐ ܘܗܕܝ̈ܘܛܐ܀ ܘܬܚܘܝܼܬܐ ܐܝܼܬܝܗܝܢ ܗܿܠܝܢ ܕܝܼܠܝ܇ ܕܟܕ ܛܿܠܐܼ ܗܿܘܝܬ ܘܫܒܪ ܠܝܼ݊ܥܬܐ ܦܬܚܿܬ ܦܘܼܡܝ ܠܘܬܟ: ܘܣܩܿܬ ܡܼܢ ܒܝܬ ܓܙܟ ܪܘܚܐ ܩܕܝܼܫܐ (ܕܩܘܼܕܫܐ): ܕܒܗ ܒܕܩܿܬ ܥܠ ܟܣ̈ܝܬܐ ܘܐܒܗܿܬܬ ܠܛܥ̈ܝܐ܀ ܐܬܩܢ ܗܠ̈ܟܬܝ ܗ̄ ܫܪܪ ܚܘܼܫ̈ܒܝ ܒܕܚܠܼܬܟ: ܕܠܐ ܢܛܠܘܿܢ ܠܛܘܼܥܝܝ ܕܒܒ̈ܠܝܐ ܘܢܗܘܐ ܐܬܪܐ ܠܥ̈ܘܿܠܐ ܕܢܫܬܠܛܘܢܼ ܥܠܝ܀ ܨ ܙܕܝܼܩ ܐܢܬ ܡܪܝܐ ܘܛܒ ܬܪܝܼܨܝܼܢ ܕܝܼܢ̈ܝܟ ܗ̄ ܕܒܗܘܿܢ ܪܕܝܬܢܝ܀ ܦܩ݀ܕܬ ܣܗܕܘܼܬܟ ܗ̄ ܢܦܩܿܬ ܒܒܥܬܗܿ ܕܐ݀ܛܪܝܗܿ ܐܝܟ ܕܙܕܩ ܒܫܪܪܐ܀ ܬܘܼܒ ܐܘܿ ܕܟ݀ܠܗܝܢ ܠܡ ܒܙܕܝܼܩܘܼܬܐ ܘܒܩܘܼܫܬܐ ܦܩܿܕܬ ܠܢ ܠܡܫܠܝܘܼ ܐܢܝܢ܀ ܩ ܩܪܝܿܬܟ ܡܼܢ ܟܠܗ ܠܒܝ: ܩܪܒܘ ܪ̈ܕܘܦܝ ܕܥܘܠܐ ܗ̄ ܐܡܼܪܗܿ ܠܗܕܐ ܡܼܢ ܕܡܘܼܬܐ ܕܐܝܢܐ ܕܡܬܼܪܕܦ܆ ܩܪܝܼܒ ܗܼܘ ܕܢܬܼܠܒܟ ܡܼܢ ܪ̈ܕܘܦܘܗܝ܀ ܚܙܝܼ ܡܘܼܟܟܼܝ܀ ܪ ܪܝܫ ܡܠܼܬܟ ܩܘܼܫܬܐ ܗ̄ ܟ݀ܠܗܝܢ ܕܝܼܠܟ ܫܪܝܪ̈ܢ ܐܢܝܢ ܡܼܢ ܫܘܼܪܝܐ ܘܥܕܡܐ ܠܫܘܪܠܡܐ܀ ܫܘܼ̈ܘܕܝܐ ܥܡ ܓܙܪ ܕܝܼ̈ܢܐ܀ ܪܕܦܘܼܢܝ܀ ܫ ܫܒܥ ܫܒܚܿܬܟ܀ ܥܠ ܕܝܼܢ̈ܝܟ ܕܒܒ̈ܠܝܐ: ܗܿܠܝܢ ܕܟܠܡܕܡ ܙܕܩܐܝܬ ܣܿܥܪ ܐܢܬ ܠܘܬܗܘܿܢ: ܗ݀ܝ ܕܫܒܥ ܥܠ ܫܦܝܼܥܘܼܬܐ܇ ܘܠܘ ܥܠ ܡܢܝܿܢܐ ܪܡܿܐܼ ܠܗ܀ ܘܠܝܬ ܠܗܘܿܢ ܟܪܝܼܗܘܼܬܐ ܗ̄ ܕܠܐ ܡܬܼܢܟܝܢ ܡܼܢ ܐܢܫ܀ ܘܟ݀ܠܗܝܢ ܐܘܪ̈ܚܬܝ ܗ̄ ܣܘܼܥܪ̈ܢܝ: ܠܘܼܩܒܠܝ ܐܢܘܿܢ܀ ܬ. ܬܥܘܿܠܝ ܬܫܒܘܿܚܬܝ ܩܕܡܝܟ ܗ̄ ܬܬܩܼܒܠܝ ܬܫܒܘ̄: ܠܒܥܘܼܬܐ ܩܿܪܐ܀ ܘܒܡܠܼܬܟ 358 ܐܚܢܝ ܗ̄ ܗܒܠܝܼ ܕܐܦܿܢܐ ܘܐܚܿܐ ܒܗܪܓܐ ܕܢܛܘܪܘܼܬܐ ܕܢܡ̈ܘܿܣܟ܀ ܢܒܥ ܠܫܢܝ ܗ̄ ܢܬܢܐ ܘܢܟܪܙ ܩܘܼܠ̈ܣܐ ܕܥܒܿܕ̈ܝܟ܀ ܐܬܛܥܝܿܬ ܗ̄ ܐܝܟ ܢܩܝܐ ܕܐܒܝܼܕܐ ܡܼܢ ܓܙܪܐ ܘܡܘܼܢ ܝܨܘܿܦܐ ܕܝܼܠܢܝܐ: ܘܕܠܝܼܠܐ ܠܢܟܝܿܢܐ܀ ܒܥܝܼܘܗܝ ܠܥ݀ܒܕܟ ܗ̄ ܝܼܨܦ ܕܫܦܼܠܢ:̰ ܘܟܿܢܫ ܠܢ ܠܓܘܐ ܕܝܼܠܟ܀ ܡܙ̄ܡ ܕܩܝ̄ܛ ܐܡܝܼܪ ܥܠ ܢܦܫܗ. ܒܙܒܢܐ ܕܐܬܼܪܕܦ ܡܼܢ ܫܐܘܠ ܘܐܬܥܨܝܼ ܕܢܥܡܼܪ ܥܡ ܢܘܼܟܪ̈ܝܐ ܠܡܪܝܐ ܒܐܘܼܠܨܢܝ ܗ̄ ܟܕ ܒܐܘܠܣܢܐ ܕܡܼܢ ܫܐܘܠ ܡܬܼܪܕܦ ܗܿܘܝܬ܇ ܩܪܝܿܬܗ ܘܐܬܥܢܝܿܬ: ܘܦܨܢܝ ܡܼܢ ܣܦ̈ܘܬܐ ܕܥܿܘ̈ܠܐ ܘܡܼܢ ܠܫܢ̈ܐ ܗ̄ ܐܡܿܪ ܥܠ ܠܚܟܘܫ̈ܬܢܐ ܘܫܦܘܪ̈ܬܢܐ ܕܐܟܿܠܼܝܢ ܗܼܘܘ ܩܪ̈ܨܘܗܝ ܩܕܡ ܫܐܘܠ: ܘܡܚܦܛܝܼܢ ܗܼܘܘ ܠܡܼܪܕܦܗ܀ ܡܢܐ ܢܬܠܘܢܼ ܠܟ ܗ̄ ܐܡܿܪ ܠܘܬ ܫܐܘܠ܇ ܕܡܢܐ ܝܿܗܒܝܼܢ ܠܟ ܠܫܢ̈ܐ ܒܝܼܫ̈ܐ ܕܠܗܘܿܢ ܨܿܐܬ ܐܢܬ܀ ܓܐܪ̈ܘܗܝ ܕܓܒܪܐ ܗ̄ ܐܟܙܢܐ ܕܓܐܪ̈ܐ ܫܢܝܼ̈ܢܐ ܕܡܛܝܒܝܼܢ ܠܩܼܛܠܐ ܕܒܢܝܢ̈ܫܐ܇ ܘܓܘܼܡܪ̈ܐ ܕܡܼܢ ܩܝܣܐ ܕܒܠܘܼܛܐ ܕܚܪܝܼܦ ܝܩܕܢܗܝܢ܇ ܗ݀ܟܢܐ ܐܦ ܒܝܼܫܘܼܬܗ ܕܫܐܘܠ: ܡܥܬܕܐ ܕܦܘܼܪ̈ܣܐ ܠܐܒܕܢܐ ܕܝܼܠܝ ܘܠܐܝܠܝܢ ܕܥܡܝ܇ ܐܠܐ ܚܠܦ ܗܿܠܝܢ ܢܛܝܼܪ ܠܗ܇ ܡܼܢ ܐܠܗܐ ܡܣܡ ܒܪܝܫܐ ܕܫܿܘܐ ܠܗ܀ ܒܡܫܟܢܐ ܕܩܕܪ ܗ̄ ܡܼܢ ܩܕܪ ܒܘܼܟܪܗ ܕܫܡܥܝܠ܇ ܡܿܒܕܩ ܥܠ ܥܡܡ̈ܐ ܕܒܚܕܪ̈ܝܗܘܿܢ ܘܒܝܢܬܗܘܿܢ ܘܥܠ ܓܒܗܘܿܢ ܫܿܪܐ܆ ܗܼܘܐ܀ ܥܒܪܝܐ ܒܡܫܟܢܐ ܕܟܡܝܼܪܘܼܬܐ ܗ̄ ܐܟܡܿܢ ܕܒܥܩ̈ܬܐ ܘܡܪ̈ܢܝܬܐ ܡܬܗܼܦܟ ܗܼܘܐ ܒܝܢܬܗܘܿܢ܇ ܚܕܐ ܡܿܢ ܕܛܪܝܼܕ ܗܼܘܐ ܡܼܢ ܐܬܪܗ܇ ܘܐܚܪܬܐ ܕܩܿܢܛ ܗܼܘܐ ܐܦ ܡܢܗܘܿܢ܀ ܡܙܡܘܪܐ ܕܡܐܐ ܘܥܣܪܝܢ ܥܠ ܦܘܼܢܝܐ ܕܡܼܢ ܒܒܠ. ܡܪܬܝܢܘܼܬܐ ܕܨܝܕ ܥܡ ܘܕܠܘ ܟ݀ܠܢܫ ܐ݀ܪܝܼܡ ܥܝܢ̈ܝ ܠܛܘܼܪܐ ܗ̄ ܠܐܦܝ̈ ܛܘܼܪܐ ܕܨܗܝܘܿܢ܇ ܐܝܟܐ ܕܬܟܝܼܠ ܗܿܘܝܬ ܕܥܿܡܪ ܐܠܗܐ܇ ܘܐ݀ܬܐ ܠܥܘܼܕܪܢܝ܀ ܒܐܝܼܕܗ ܕܝܡܝܼܢܐ ܗ̄ ܕܐܝܼܬ̄ܘ ܥܘܼܕܪܢ ܡܫܡܠܝܐ܀ ܒܐܝܡܡܐ ܫܡܫܐ ܠܐ ܗ̄ ܒܐܘܪܚܐ ܕܒܗܿ ܦܿܢܐ ܐܢܬ ܠܐܘܪܫܠܡ ܐܟܡܐ ܕܒܙܒܢ ܒܡܕܒܪܐ܀ ܐܦܠܐ ܣܗܪܐ ܒܠܠܝܐ ܗ̄ ܡܛ݀ܠ ܕܡܟܐ ܕܢܚܗ ܕܣܗܪܐ ܠܓܘܼܫ̈ܡܐ: ܣܿܗܕܝܼܢ ܐܝܠܝܢ ܕܕܡܿܟܝܼܢ ܬܚܘܿܬܘܗܝ܇ ܒܗ݀ܝ ܕܡܼܢ ܪܛܝܼܒܘܼܬܐ ܣܓܝܐܬܐ ܕܒܗ ܥܡ ܚܡܝܼܡܘܼܬܐ܆ ܥܿܒܕ ܠܨܒܘ̈ܬܐ ܕܢܡܼܣ̈ܝܢ ܘܢܣܼܪ̈ܝܢ܀ ܢܛܪ ܡܦܩܟ ܗ̄ ܟ݀ܠܗܘܿܢ ܗܘܼܦ̈ܟܝܟ܀ ܢܩܝܼܦܐ ܗܕܐ ܠܗ݀ܝ ܕܠܐ ܢܬܠ ܪܓܠܟ ܠܙܘܥܬܐ܀ ܡܙ̄ܡ ܕܩܟ̄ܐ. ܐܡܝܼܪ ܥܠ ܦܘܼܢܝܐ ܕܡܼܢ ܦܪܘܨܘܦ ܐܢܫ̈ܐ ܡܝܬܪ̈ܐ ܕܐܫܬܒܝܼܘ ܒܛܠܝܘܼܬܗܘܿܢ ܐܟܡܿܢ ܕܚܿܕܝܢ ܒܦܘܼܢܝܗܘܢܿ ܚܕܝܿܬ ܟܕ ܐܡܿܪܝܢ ܗܼܘܘ ܗ̄ ܘܡܣܒܪܝܢ ܣܓܝ̈ܐܬܐ: ܕܦܩܼܕ ܟܘܪܫܐ ܕܢܦܢܐ ܥܡܐ ܘܢܬܒܼܢܐ ܗܝܟܠܐ܀ ܫܪ̈ܒܬܐ ܗ̄ ܕܝܥܩܘܿܒ ܕܐܝܬܝܗܝܢ ܫܪ̈ܒܬܐ ܕܡܪܝܐ: ܕܦܪ̈ܫܢ ܠܒܝܬܝܘܼܬܗ: ܘܒܚܝܠܐ ܦܿܢܝܢ ܘܣܿܠܩܝܼܢ ܠܐܘܪܫܠܡ ܡܼܢ ܒܒܠ܀ ܫܐܠܘ 359 ܒܫܠܡܗܿ ܕܐܘܫܠܡ ܗ̄ ܚܕ ܠܚܒܪܗ ܡܚܦܛܝܼܢ ܗܼܘܘ ܕܢܨܠܘܿܢ ܥܠ ܫܡܗܿ ܘܟܗܝܼܢܘܼܬܗܿ܀ ܢܗܘܘܿܢ ܟܗܝܼܢܝܼܢ ܪ̈ܚܿܡܝܟܝ ܗ̄ ܚܢܢ܀ ܒܚܝܠܟܝ ܗ̄ ܒܥܡܐ ܕܥܿܡܪ ܒܟܝ ܗ̄ ܒܣܚܪ̈ܬܟܝ ܗ̄ ܕܚܪ̈ܝܼܒܢ ܘܨܿܕܝ̈ܢ ܗܫܐ ܢܬܥܼܡܪ̈ܢ܇ ܐܝܟ ܕܒܙܒ̈ܢܐ ܩܕܡܝ̈ܐ܆ ܨܠܘܿܬܐ ܗܿܝ ܗܕܐ܀ ܣܚܪ̈ܬܐ ܐܦܕ̈ܢܐ ܘܒ̈ܬܐ ܪܘܪ̈ܒܐ܀ ܡܙ̄ܡ ܕܩܟ̄ܒ. ܥܠ ܥܡܐ ܕܒܒܒܠ ܐܟܡܿܢ ܕܒܗܝܡܢܘܼܬܐ ܟܕ ܠܐ ܦܠܝܼܓܝܼܢ ܫܿܐܠܝܼܢ ܓܗܝܬܐ ܕܡܼܢ ܫܒܝܗܘܿܢ ܠܘܬܟ ܐܪܝܡܿܬ ܥܝܢ̈ܝ ܗ̄ ܟܕ ܐܝܿܬܝ ܒܐܘܠܨܢܐ܀ ܥܡܘܪܐ ܗ̄ ܟܕ ܡܿܗܝܡܢ ܐܢܼܐ ܕܐܦܢ ܒܫܡܝܐ ܥܿܡܪ ܐܢܬ܇ ܡܦܣ ܐܢܬ ܒܟ݀ܠܗܝܢ ܕܠܘܬܢ܀ ܣܘܿܓܐܐ ܕܫܛܝܘܼܬܐ ܗ̄ ܣܘܿܓܐܐ ܕܓܘܼܕܦܐ ܕܒܒ̈ܠܝܐ ܫܡܼܥܢ ܘܣܝܒܪܢ܀ ܘܣܘܿܓܐܐ ܣܒܼܥܬ݀ ܗ̄ ܣܘܿܓܐܐ ܓܥܼܨܬ݀ ܢܦܫܢ ܡܢܗܘܢܿ܀ ܣܒܥܐ ܬܢܢ܇ ܠܓܥܝܼܨܘܼܬܐ ܕܡܢܗܘܿܢ ܩܿܪܐ܀ ܡܙ̄ܡ ܕܩܟ̄ܒ. ܥܠ ܥܡܐ ܕܒܒܒܠ ܐܟܡܿܢ ܕܦܢܘ ܘܡܬܕܟܪܝܼܢ ܥܩ̈ܬܐ ܕܒܫܼܒܝܐ ܘܡܿܘܕܝܢ ܥܠ ܐܦܝ̈ ܓܗܝܬܐ ܕܡܢܗܝܢ ܢܐܡܪ ܝܣܪܐܝܠ ܗ̄ ܠܝܣܪܐܝܠ ܠܡ ܦܐܝܐ ܗܼܘܬ݀ ܕܢܐܡܪ ܘܢܘܕܐ ܕܐܠܘܼ ܠܐ ܡܪܝܐ ܕܩܼܡ ܠܗ ܘܦܪܩܗ ܡܼܢ ܒܒ̈ܠܝܐ: ܚܝܬ ܒ݀ܠܥܝܼܢ ܗܼܘܘ ܠܗ܇ ܐܝܟ ܚܝܘܬ ܫܢܐ ܠܒܣܪܐ ܗ̄ ܟܕ ܐܬܚܼܡܬ ܪܘܓܙܗܘܿܢ ܗ̄ ܪܡܿܙ ܥܠ ܡܐܬܝܼܬܐ ܕܝܼܠܗܘܿܢ ܩܕܡܝܬܐ܀ ܟܕ ܐܘܩܕܘ ܠܡܕܝܢܬܐ ܘܫܒܼܘ ܠܥܡܘܼܪ̈ܝܗܿ܆ ܕܐܝܟ ܡ̈ܝܐ ܒܣܓܝܐܘܬܗܝܢ ܐܫܬܼܦܥܘ ܒܐܪܥܗܘܿܢ ܘܠܟܿܠܗܘ݀ܢ ܣܿܦܝܼܢ ܗܼܘܘ ܠܡܚܢܩܘܼ܇ ܐܠܘܼ ܡܼܢ ܐܠܗܐ ܠܐ ܐܬܟܣܝܼ ܚܐܦܐ ܕܡܪܚܘܼܬܗܘܿܢ܇ ܪܓܠܬܐ ܕܡ̈ܝܐ ܠܗܘܿܢ ܠܒܒ̈ܠܝܐ ܩܼܪܐ܇ ܒܗ݀ܝ ܕܠܡܢܗܘܿܢ ܚܪܒܘ ܘܡܢܗܘܿܢ ܕܝܢ ܓܪܦܘ ܘܐܘܒܼܠܘ ܠܐܬܪܗܘܿܢ܀ ܡܙ̄ܡ ܕܩܟ̄ܕ. ܐܝܠܝܢ ܕܡܿܣܒܪܝܢ ܡܿܠܦ ܥܠ ܙܟܘܿܬܐ ܕܥܡܐ ܕܒܿܬ ܪܦܘܼܢܝܐ. ܟܕ ܚܣܼܢܘ ܠܥܡܡ̈ܐ ܕܐܬܼܘ ܥܡ ܕܒܝܬ ܓܘܿܓ ܠܐ ܢܙܘܼܥܘܢܼ ܗ̄ ܐܬܚܼܙܝܬ݀ ܡܢܗܘܿܢ ܕܣܘܼܥܪ̈ܢܐ܇ ܕܐܝܠܝܢ ܥܠ ܓܢ̱ܒ ܛܘܼܪܐ ܗܢܐ ܥܿܡܪܝܼܢ܇ ܘܥܠ ܡܪܝܐ ܕܒܗ ܬܟܝܼܠܝܼܢ܇ ܠܐ ܡܫܼܬܒܝܢ ܐܘܿ ܡܬܥܩܪܝܼܢ ܠܓܡܪ܀ ܫܒ̈ܛܐ ܕܥܿܘ̈ܠܐ ܒܡܢܬܐ ܕܙܕܝܼܩ̈ܐ ܗ̄ ܠܥܡܐ ܩܿܪܐ ܡܢܬܐ ܕܙܕܝܼ̈ܩܐ܇ ܐܘܿ ܠܥܘܼܬܪܗ ܘܝܪܬܘܬܗ ܕܡܬܼܒܙܙ ܡܼܢ ܥܡܡ̈ܐ ܐܠܘܼ ܙܟܘ܀ ܗ݀ܝ ܕܫܒܛܐ ܕܢܐܡܪ ܕܐܦܠܐ ܒܡܚܘܬܐ ܙܥܘܪܬܐ ܫܒܼܩ ܕܢܬܬܢܝܼܚ ܒܢ ܨܒܝܢܗܘܿܢ܀ ܡܙ̄ܡ ܕܩܟ̄ܘ ܥܠ ܥܡܐ ܕܐܫܬܒܝܼܘ ܕܫܿܐܠܝܢ ܦܘܼܢܝܐ. ܘܡܫܬܘܕܝܢ ܕܐܝܠܝܢ ܣܿܥܪܝܢ ܐܢ ܦܿܢܝܢ ܘܗܘܼܝܢ ܒܚܕܘܿܬܐ ܗ̄ ܡܠܢ ܚܕܘܿܬܐ ܘܪܘܙܐ ܝܬܝܼ ܡܼܢ ܕܒܟ݀ܠܙܒܢ܇ ܐܝܟܢܐ ܕܢܬܕܡܪܘܢܼ ܥܡܡ̈ܐ ܒܗܿܠܝܢ ܕܐܣܬܼܥܪ̈ܝ ܠܘܬܢ܀ ܐܗܦܟ ܡܪܝܐ ܫܒܝܼܬܢ ܗ̄ ܐܗܦܟܼ ܩܠܝܼܠܐܝܬ ܫܒܝܼܬܢ ܐܘ̃ ܡܪܝܐ܇ ܐܝܟ ܦܨܝܼ̈ܕܐ ܕܒܬܝܡܢܐ ܕܡܼܢ ܫܠܝ ܘܕܐ ܒܥܝܕܐ ܡܬܼܡܠܝܢ܀ ܬܝܡܢܐ ܐܡܼܪ܆ ܡܛ݀ܠ ܕܒܝܕ ܐܐܪ ܬܝܡܢܝܐ ܡܫܼܬܪܝܐ 360 ܠܒܝܼܕܘܼܬܐ ܕܬܠܓܐ ܘܐܚܪܬܐ ܕܠܘ ܐܝܟ ܟܝܿܢܐ ܕܪܕܝܐ ܐܡܝܼܢܐ ܡܬܼܡܠܝܢ ܦܨܝܼ̈ܕܐ ܘܪ̈ܓܠܬܐ ܕܬܝܡܢܐ܇ ܐܝܟ ܢܗܪ̈ܘܬܐ ܕܒܓܪܒܝܐ܇ ܐܠܐ ܠܥܠ ܡܼܢ ܟܝܢܐ: ܒܝܕ ܐܐܪ ܘܡܛܪܐ ܡܬܡܼܠܝܢ ܘܫܿܦܥܝܼܢ܀ ܐܝܟ ܦܨܝܼ̈ܕܐ ܗ̄ ܦܨܝܼ̈ܕܐ ܩܿܪܐ ܠܡܒ̈ܘܼܥܐ ܥܬܝܼܪ̈ܝ ܒܡܪܕܝܼܬܐ: ܐܘܿ ܠܚܦܪ̈ܐ ܘܚܠ̈ܝܼܠܐ ܕܡܥܕܝܼܢ ܗܼܘܘ ܗܿܘܝܢ ܒܐܪܥܐ ܬܝܡܢܝܬܐ: ܘܩܿܒܝܢ ܒܗܘܿܢ ܡܝ̈ܐ ܡܼܢ ܡܛܪܐ: ܘܐܡܿܪ ܕܐܟܙܢܐ ܕܡ̈ܝܐ ܕܒܡܕܒܪܐ ܝܼܕܝܼܥܐ ܚܫܚܬܗܘ݀ܢ ܒܗ݀ܝ ܕܡܫܘܙܒܝܼܢ ܠܐܢܫ ܡܼܢ ܛܘܼܪܦܐ ܕܨܗܝܐ܇ ܗ݀ܟܢܐ ܐܦ ܥܘܼܕܪܢܟ ܐܠܗܐ ܢܫܪܐ ܡܢܢ ܥܩ̈ܬܢ ܘܢܬܠ ܠܢ ܦܘܼܢܝܐ܀ ܐܝܢܐ ܗ̄ ܐܝܟ ܐܐܝܢܐ ܕܫܩܝܼܠ ܟܦܐ: ܘܚܿܕܐ ܒܦܐܪ̈ܐ ܕܡܼܢ ܥܠܡܗ܀ ܙܪܥܐ ܕܝܢ ܐܝܟ ܕܒܬܚܘܝܼܬܐ ܫܩܼܠܗ܇ ܠܕܡ̈ܥܐ ܕܚܠܦ ܚܛ̈ܗܐ: ܕܡܛܠܬܗܘܿܢ ܐܫܬܒܝܼܘ܇ ܦܐܪ̈ܐ ܕܝܢ ܘܚܨܕܐ ܠܝܘܼܬܪܢܐ ܕܡܢܗܘܿܢ ܕܐܝܼܬ̄ܘ ܠܝܘܼܬܪܢܐ ܕܡܢܗܘܿܢ ܕܐܝܼܬ̄ܘ ܦܘܼܢܝܐ܀ ܡܙ̄ܡ ܕܩܟܘ̄. ܡܼܢ ܕܦܢܼܐ ܥܡܐ ܘܫܪܝܘ ܒܿܢܝܢ ܡܕܝܢܬܐ ܘܗܝܟܠܐ. ܡܬܥܘܟܝܼܢ ܗܼܘܘ ܥܡ̈ܡܐ ܕܒܕܪ̈ܝܗܘܢ ܕܠܐ ܢܒܢܘܿܢ. ܘܟܬܼܒܘ ܠܕܪܝܘܣ ܘܐܦ ܠܐܪܛܚܫܫܬ. ܕܠܐ ܥܕܟܝܠ ܡܼ̰ܐ ܙܒܢ ܒܢܝܢܗ: ܕܘܕ ܐܠܦ ܐܢܘܿܢ ܒܡܙܡܘ̄ ܕܠܐ ܢܦܫܣܩܘܢܼ ܣܒܪܐ ܐܠܐ ܕܐܠܗܐ ܡܥܕܪ ܠܗܘܿܢ ܒܒܢܝܿܢܐ ܐܟܠ̈ܝ ܠܚܡܐ ܗ̄ ܡܼܢ ܥܠܬ ܬܥܫܐ ܘܥܡܠܐ ܕܒܢܝܢܐ: ܐܦܠܐ ܣܝܒܪܬܐ ܗܢܝܐܐ ܠܢ: ܟܐܒ̈ܐ ܠܬܥܫ̈ܐ ܩܿܪܐ: ܡܪܢܝܼܬܐ ܕܒܢܝܿܢܐ: ܡܥܠܝܐ ܠܗܢܝܐܘܬܬ ܣܝܒܪܬܐ܀ ܠܚܒܝܼ̈ܒܘܗܝ ܫܼܢܬܐ: ܗ̄ ܢܝܿܚܐ܇ ܟܕ ܗܘܼ ܒܿܢܐ ܒܝܬܐ: ܘܢ݀ܛܪ ܩܪܝܼܒܬܗ ܡܼܢ ܢܘܼܟܪ̈ܝܐ܀ ܝܪܬܘܬܗ ܗ̄ ܗܝܕܝܢ ܓܝܪ ܡܨܝܢܢ ܕܢܘܠܕ ܒܢ̈ܝܐ܇ ܕܐܝܿܬܝܢ ܝܪܬܘܬܗ ܕܐܠܗܐ܀ ܐܓܪܐ ܕܦܐܪ̈ܐ ܕܒܡܪܒܥܐ ܗ̄ ܒܢ̈ܝܐ܀ ܐܝܟ ܓܐܪܐ ܗ̄ ܗܟܢܐ ܦܫܝܼܩ ܠܢ ܕܢ݀ܥܒܕ ܐܢܘܿܢ ܠܒܢ̈ܝܐ ܕܡܢܢ: ܕܒܗܘܿܢ ܢܙܿܟܐ ܠܥܡܡ̈ܐ ܕܡܬܟܢܫܝܼܢ ܥܠܝܢ ܥܡ ܕܒܝܬ ܓܘܿܓ܀ ܗܟܢ ܐܢܘܿܢ ܒܢ̈ܝ ܗ̄ ܡܛ݀ܠ ܕܐܝܠܢܝ ܕܒܙܒܢ ܥܠܝܡܘܼـܐ ܡܬܝܠܕܝܼܢ: ܠܒܝܼܒ̈ܐ ܘܚܝܠ̈ܬܢܐ ܗܿܘܝܢ܀ ܛܘܼܒܘܗܝ ܠܓܒܪܐ ܗ̄ ܐܟܙܢܐ ܕܓܒܪܐ ܚܝܪܬܢܐ ܕܡܠܝܐ ܩܛܝܪܩܗ ܓܐܪ̈ܐ ܫܢܝܼ̈ܢܐ܇ ܠܐ ܩܿܢܛ ܡܼܢ ܒܥ̈ܠܕܒܒܐ: ܗܿܟܢܐ ܐܦ ܐܢܬܘܿܢ ܡܐ ܕܗܿܘܝܢ ܠܟܘܿܢ ܒܢ̈ܝܐ ܚܝܠ̈ܬܢܐ܇ ܒܦܪܗܣܝܐ ܣܓܝܐܬܐ ܐܪܥܝܼܬܘܿܢ ܠܒܥܠܕܒܒ̈ܝܟܘܿܢ܀ ܡܙ̈ܡ ܕܩܟ̄ܘ܆ ܡܿܪܬܐ ܠܕܦܢܼܘ ܡܼܢ ܒܒܠ ܕܢܐܨܦܘܢܼ ܕܡܝܬܪܘܬܐ ܕܢܬܒܣܡܘܢܼ ܒܛܒ̈ܬܗ ܕܐܠܗܐ ܬܚܼܙܐ ܒܛܒ̈ܬܗܿ ܕܐܘܪܫܠܡ ܩܕܡ̈ܝܐ܀ ܫܠܡܐ ܗ̄ ܒܝܕ ܗܿܠܝܢ ܐܡܿܪ ܐܢܗܘܼ ܕܢܐܨܦܘܢܼ ܕܡܝܬܪܘܬܐ: ܒܗܿܠܝܢ ܟ݀ܠܗܝܢ ܛܒ̈ܬܐ ܬܬܒܣܡܘܢܼ ܒܦܘܼܢܝܟܘܢܿ: ܘܫܠܡܐ ܢܗܘܐ ܥܠ ܝܣܪܐܝܠ ܒܟܠܿܙܒܢ܀ ܡܙ̈ܡ ܕܩܟܚ̄ ܠܗܿܢܘܿܢ ܕܩܢܼܘ ܐܦ ܬܢܢ ܡܿܪܬܐ. ܕܢܬܥܗܕܘܢܼ ܐܦ ܛܒ̈ܬܐ ܩܕܡ̈ܝܬܐ ܘܢܘܕܘܿܢ ܥܠ ܐܦܝ̈ܗܝܢ ܡܼܢ ܛܝܠܘܼܬܝ ܗ̄ ܛܠܝܘܼܬܝ ܩܿܪܐ: ܠܙܒܢܐ ܕܒܡܨܪܝܢ܇ ܘܗܕܐ ܠܝܣܪܐܝܠ ܦܐܝܐ 361 ܕܢܐܡܪ: ܕܟܕ ܐ̈ܠܘܨܐ ܣܓ̈ܝܐܐ ܗܘܼܘ ܠܝܼ: ܡܨܪ̈ܝܐ ܒܛܠܝܘܼܬܐ ܘܒܒ̈ܠܝܐ ܒܣܝܒܘܼܬܐ: ܠܐ ܐܬܡܨܝܼܘ ܚܝܠܝ܀ ܥܠ ܚܨܝ ܗ̄ ܥܠ ܩܫܝܘܼܬܐ ܕܢܓ̈ܕܐ ܪܡܿܙ܇ ܡܛܠ ܕܐܝܢܐ ܕܥܠ ܚܨܗ ܒܿܠܥ܆ ܥܕܡܐ ܠܐܪܥܐ ܡܬܼܡܟܟ ܘܡܬܼܟܦܦ܀ ܘܐܓܪ ܗ̄ ܙܒܢܐ ܢܓܝܼܪܐ ܫܥܒܕܘܼܢܝ܇ ܡܩܒܪܢܐ ܗ̄ ܡܟܢܫܢܐ ܗ̄ ܗܘܿ ܕܡܿܩܒܪ ܘܡܿܟܢܫ ܘܣܿܐܡ ܟܦ̈ܐ ܒܓܕܝܼܫ̈ܐ܀ ܡܙ̄ܡ ܕܩܟ̄ܛ܆ ܡܼܢ ܦܪܨܘܦ ܡܝܬܪ̈ܐ ܕܒܥܡܐ ܕܒܒܒܠ ܥܒܪ̈ܝܐ ܥܠ ܢܚܡܝܐ ܐܡܿܪܝܼܢ ܕܐܝܬܘܗܝ܇ ܡܼܢ ܥܘܼܡܩܐ ܗ̄ ܡܼܢ ܚܘܼܫ̈ܒܝ ܓܘ̈ܝܐ ܩܪܝܿܬܟ ܡܪܝܐ܀ ܡܼܢ ܡܛܪܬܐ ܕܨܦܪܐ ܗ̄ ܐܡܝܼܢܐܝܬ ܟܕ ܡܿܪܬܐ ܗܿܘܝܬ ܘܡܿܬܟܠ ܐܦ ܠܝܣܪܐܝܠ܆ ܕܢܣܟܐ ܥܡܝ ܠܡܪܝܐ܀ ܡܙ̄ܡ ܕܡܐܐ ܘܬܠܬܝܢ: ܐܡܝܼܪ ܡܼܢ ܦܪܨܘܦܐ ܕܡܝܬܪ̈ܐ ܕܒܫܒܝܼܬܐ ܐܟܡܿܢ ܕܡܿܬܢܝܢ ܙܢܝ̈ܗܘܿܢ ܘܫܿܐܠܝܼܢ ܕܢܡܢܥܘܢܼ ܠܦܘܼܢܝܐ ܡܪܝܐ ܠܐ ܐܬܬܪܝܼܡ ܠܒܝ ܗ̄ ܗܕܐ ܐܡܼܪܘ ܡܝܬܪ̈ܐ ܕܫܒܝܼܬܐ ܠܘ ܟܕ ܡܫܬܒܗܪܝܼܢ: ܐܠܐ ܕܢܚܦܛܘܢܼ ܠܝܘܕ̈ܝܐ ܠܕܘܡܝܐ ܕܡܝܬܪܘܼܬܐ ܠܐ ܠܡ ܐܫܬܩܿܠܬ ܒܬܪܥܝܼܬܝ܇ ܟܕ ܒܕܩܿܬ ܚܠ̈ܡܐ ܠܡܠܟܐ܆ ܘܐܦ ܠܐ ܟܕ ܙ݀ܟܝܢܢ ܠܚܝ̈ܘܬܐ ܘܠܢܘܼܪܐ: ܐܬܬܪ̈ܝܼܡܝ ܥܝܢ̈ܝܢ܀ ܪܘܡܐ ܕܥܝ̈ܢܐ ܘܦܗܝܐ ܕܚܙܬܐ: ܡܟܪܙܢܐ ܗܿܘ ܕܡܫܩܠܘܼܬܐ ܕܬܪܥܝܼܬܐ: ܘܠܐ ܗܠܿܟܬ ܗܿܞ ܠܐ ܪܓܿܬ ܥܘܼܬܪܐ ܘܐܝܼܩܪ̈ܐ ܪܘܪ̈ܒܐ ܕܒܒ̈ܠܝܐ܇ ܐܠܐ ܡܟܟܿܬ ܢܦܫܝ ܗ̄ ܐܝܟ ܛܠܝܐ ܚܣܝܼܠܐ ܕܒܣܝܼܡ ܠܗ ܚܠܒܐ܇ ܘܡܬܼܡܟܟ ܘܡܿܪܚܡ ܢܦܫܗ ܠܝܠܕܬܗ ܕܢܐܢܩ ܚܠܒܐ܇ ܗܟܢܐ ܐܦ ܐܢܿܐ ܡܬܼܚܢܢ ܗܿܘܝܬ ܠܟ ܕܐܩܿܒܠ ܛܝܒܘܼܬܐ ܕܪܘܚܐ܇ ܕܗܝܼ ܬܢܼܨܚܢܝ ܠܘܼܩܒܠ ܒܒܠ̈ܝܐ܀ ܘܐܝܟ ܕܚܣܼܝܠܐ ܗ̄ ܚܒܝܼܒܐ ܗܼܘܬ݀ ܠܝܼ ܢܦܫܝ ܐܝܟ ܚܣܝܼܠܐ ܒܕܥܗܝܼܕ ܗܿܘܝܬ ܗܿܠܝܢ ܕܩܕܡ ܫܒܼܝܐ܇ ܘܡܬܪܓܪܓ ܗܿܘܝܬ ܠܗܝܢ܇ ܐܝܟ ܚܣܝܼܠܐ ܠܚܠܒܐ܇ ܘܥܠܗܕܐ ܣܿܓܝܼ ܝܨܝܼܦ ܗܿܘܝܬ ܕܡܝܬܪܘܬܐ܇ ܘܡܿܠܦ ܗܿܘܝܬ ܠܝܣܪܐܝܠ: ܕܢܣܟܐ ܥܡܝ ܠܡܪܝܐ܀ ܡܙ̄ܡ ܕܠܐ̄ ܐܡܝܪ ܥܠ ܥܡܐ ܕܒܒܒܠ܆ ܟܕ ܡܿܥܗܕܝܢ ܠܐܠܗܐ ܚܘܼܒܗ ܕܨܝܕ ܕܘܝܕ: ܘܫܿܠܝܢ ܡܢܗ ܪ̈ܚܡܐ. ܡܛܠ ܡܘ̈ܠܟܢܘܗܝ ܕܠܘܬܗ ܐܬܕܟܪ ܡܪܝܐ ܠܕܘܝܕ ܘܠܟ݀ܠܗ ܗ̄ ܡܘܼܟܟܗ ܕܩܕܡ ܩܒܘܬܐ: ܕܚܠܝܼܛ ܗܼܘܐ ܘܚܕܐ ܩܕܡܝܗܿ܇ ܥܡ ܥܒ̈ܕܐ ܘܐܡܗ̈ܬܐ ܕܝܼܠܗ܇ ܘܐܠܦܢ ܐܦܢܐ ܡܛܠܬܗ ܐܦܢ ܠܐ ܫܿܘܝܢܢ܀ ܕܠܐ ܐ݀ܬܠ ܗ̄ ܘܐܬܕܟܪ ܕܐܝܟܢ ܝܼܡܐ ܘܬܚܼܡ ܕܠܐ ܢܬܦܢܐ܇ ܠܚܕ ܡܼܢ ܢܝ̈ܚܐ ܕܦܓܪܐ܇ ܥܕܡܐ ܕܢܫܟܚ ܐܬܪܐ ܠܡܪܝܐ ܗ̄ ܕܥܿܗܢ ܠܡܒܼܢܐ ܒܗ ܒܝܬܐ ܠܡܪܝܐ܀ ܫܡܼܥܢܗܿ ܒܐܦܪܬܐ ܕܒܝܬ ܠܚܡ ܡܬܼܚܫܒ ܗܼܘܐ ܕܘܝܕ ܘܥܡܐ ܕܡܬܼܒܢܐ ܒܝܬܐ: ܘܐܫܟܚܼܢܗܿ ܕܝܢ ܕܚܩܠܗܿ ܗܼܝ ܕܐܪܢ ܝܒܘܿܣܝܐ܇ ܐܟܡܐ ܕܒܕܩ ܠܗ ܡܠܐܟܐ ܠܕܘܝܕ: ܕܣܩ ܒܢܝܼ ܡܕܒܚܐ ܒܐܕܪܗ ܕܐܪܢ: ܗܿܝܕܝܟ ܐܬܦܼܪܫܬ݀ ܕܘܼܟܬܐ ܡܼܢ ܙܒܢ ܕܘܝܕ ܐܬܚܼܘܝܬ݀ ܠܫܠܝܡܘܢ܀ ܒܙܢܐ ܐܚܪܢܐ܀ ܗܿܘ ܡܕܡ 362 ܕܫܡܼܥܢ ܕܐܫܬܘܕܝܬ ܠܕܘܝܕ ܐܦܪܬܝܐ܆ ܚܙܝܢܝܗܝ ܕܐܫܬܡܠܝ ܒܣܘܼܥܪܢܐ: ܘܕܩܪܝܬܐ ܗܿܝ ܕܐܝܟ ܚܩܠܐ ܗܼܘܬ݀ ܒܚܪܬܐ: ܐܬܒܢܝܼ ܒܗܿ ܗܝܟܠܐ ܘܐܫܬܼܟܠܠ ܘܠܗܕܐ ܡܟܝܠ ܡܬܝܐܒܝܼܢܢ܇ ܕܢ݀ܥܘܿܠ ܠܡܫܟܢܗ ܕܐܠܗܐ ܒܙܒܢܐ ܕܦܘܼܢܝܢ܀ ܐܚܪ̈ܢܐ ܥܠ ܩܒܘܬܐ ܢ݀ܣܒܝܼܢ ܗܕܐ: ܗ݀ܝ ܕܡܼܢ ܩܕܝܼܡ ܒܚܩ̈ܠܬܐ ܣܝܼܡܐ ܗܼܘܬ݀: ܒܝܕ ܕܘܝܕ ܕܝܢ ܡܢܼܥܬ݀ ܠܐܝܼܩܪܐ ܕܦܿܐܐܼ ܠܗܿ܀ ܩܘܼܡ ܗ̄ ܩܘܼܡ ܡܪܝܐ ܐܦ ܗܫܐ ܘܬܐ ܠܥܘܼܕܪܢܢ: ܘܢܬܼܩ̈ܢܢ ܟ݀ܠܗܝܢ ܕܢܝܚܬܟ ܕܗܐ ܒܛ̈ܠܢ ܗܫܐ ܟ݀ܠܗܝܢ܇ ܗܝܟܠܐ ܘܬܫܡܼܫܬܐ ܕܒܗ܀ ܐܢܬ ܘܩܒܘܬܐ ܗ̄ ܬܦܢܼܐ ܠܡ ܗܫܐ ܘܬܫܼܪܐ ܒܝܢܬܢ܇ ܐܢܬ ܥܡ ܩܒܘܬܐ ܕܝܼܠܟ܇ ܕܒܗܿ ܐܬܚܙܝܼ ܥܘܼܫܢܟ ܥܠ ܦܠܫܬ̈ܝܐ܀ ܠܐ ܬܗܼܦܟ ܗ̄ ܥܠ ܙܘܪܒܒܠ ܪܡܿܙ ܕܐܝܼܬܘܗܝ ܗܼܘܐ ܪܝܫܗܘܢܿ ܗܿܝܕܝܟ ܘܠܗ ܩܿܪܐ ܡܫܝܼܚܐ܆ ܨܝ̈ܕܐ ܠܐܟܪ̈ܐ ܘܠܦܠ̈ܚܐ ܩܿܪܐ܇ ܡܛܜܠ ܕܐܟܙܢܐ ܕܨܝܕܐ ܡܼܢ ܨܝܕܗ ܡܬܼܬܪܣܐ܇ ܗܿܟܢܐ ܐܦ ܐܟܪ̈ܐ ܕܐܪܥܐ ܡܼܢ ܦܐܪ̈ܐ ܕܝܼܠܗܘܢܧ ܡܬܼܬܪܣܝܢ܀ ܐܚܪ̈ܢܐ ܨܝ̈ܕܐ ܩܿܪܝܢ: ܠ̈ܡ̈ܠܟܐ ܘܪ̈ܫܝܢܐ ܗܿܠܝܢ ܕܒܩܪܒܐ: ܒܙܼܬܐ ܣܓܝܐܬܐ ܐܝܟ ܨܝ̈ܕܐ ܡܟܢܫܝܼܢ ܗܼܘܘ ܡܼܢ ܥܡܡ̈ܐ܇ ܘܨ݀ܝܕܝܼܢ ܗܼܘܘ ܠܗܘܿܢ ܒܟܿܠ ܦܘܼܪ̈ܣܝܼܢ ܕܠܗܘܢܿ ܢܫܬܥܒܕܘܢܼ܇ ܥܒܪܝܐ ܚܠܦ ܨܝ̈ܕܝܗܿ ܠܙܘܕܝ̈ܗܿ ܐܡܿܪ ܗ̄ ܕܡܠܐ ܐܢܘܢܿ ܡܫܪܬܚܘܼܬܐ ܣܓܝܐܬܐ܀ ܬܡܢ ܐܕܢܚ ܗ̄ ܬܡܢ ܒܐܘܪܫܠܡ ܬܩܘܼܡܝ ܡܠܟܘܼܬܗ ܕܕܘܝܕ: ܘܬܨܠܚ ܘܬܙܼܟܐ ܠܣܓܝ̈ܐܐ܀ ܘܐܢܗܪ ܗ̄ ܐܝܟ ܗ݀ܝ ܕ.ܢܗܘܐ ܫܪܓܐ ܠܕܘܝܕ ܥܒܕܝ: ܐܟܙܢܐ ܕܫܪܓܐ ܟܕ ܩܪܝܒ ܠܡܘܦܝܘܼ܇ ܒܝܕ ܕܠܩܐ ܕܐܚܪܢܐ ܕܡܢܗ ܢ݀ܛܪܝܼܢܢ ܠܙܗܝܼܪܘܬܐ܇ ܗܿܟܢܐ ܒܝܕ ܝܘܼܒܠܐ ܕܐܚܪ̈ܢܐ ܕܡܢܗ: ܐܝܟ ܕܒܪܓܐ ܓܢܣܗ ܒܡܠܟܘܼܬܐ ܡܬܼܢܛܪ܀ ܘܥܠܘܗܝ ܢܥܼܦܐ ܗ̄ ܥܠ ܡܫܝܼܚܘܼܬܗ ܐܡܿܪ܇ ܕܡܼܢ ܥܠܬܗܿ ܥܿܦܐ ܗܼܘܐ ܦܐܪ̈ܐ ܕܚܕܘܿܬܐ܇ ܙܟܘܿܬܐ ܕܒܩܪܒܐ܀ ܐܚܪ̈ܢܐ ܢܥܦܐ ܗ̄ ܢܗܒܒ܀ ܥܒܪܝܐ ܢܨܡܚ ܟܠܝܼܠܐ ܕܡܠܟܘܼܬܗ ܒܪܝܫܗ܀ ܡܙ̄ܡ ܕܩܠ̄ܒ. ܡܿܒܕܩ ܕܒܿܬܪ ܦܘܼܢܝܐ ܐܟܚܕܐ ܥܬܝܼܕܝܼܢ ܠܡܥܼܡܪ ܕܒܝܬ ܝܗܘܕܐ ܘܝܣܪܐܝܠ. ܘܚܕ ܪܝܫܐ ܢܗܼܘܐ ܠܗܘܢܿ ܙܘܪܒܒܠ ܥܒܪܝܐ ܐܡܿܪ܇ ܕܥܠ ܡܘܫܐ ܘܐܗܪܘܢ ܐܡܝܼܪ܀ ܐܝܟ ܡܫܚܐ ܕܢܿܚܬ ܕܡܬܼܢܣܟ ܗܼ،ܐ ܥܠ ܪܝܫܗ ܕܐܗܪܘܢ܇ ܘܪܕܐ ܗܼܘܐ ܘܢܿܚܬ ܡܼܢ ܪܝܫܗ ܥܠ ܕܩܢܗ: ܘܡܼܢ ܕܩܢܗ ܬܘܼܒ ܡܼܨܛܒܥ ܗܼܘܐ ܒܪܨܘܦܐ ܕܟܘܼܬܝܼܢܗ: ܘܡܼܢ ܗܪܟܐ ܩܿܢܐ ܗܼܘܐ ܪܓܝܓܘܼܬܐ: ܘܪܝܚܐ ܒܣܝܼܡܐ܇ ܗܿܟܢܐ ܪܓܝܼܓܐ ܗܕܐ ܐܘܝܘܼܬܐ ܘܪܚܝܼܡܐ܇ ܟܕ ܡܼܢ ܙܘܪܒܒܠ ܐܝܟ ܕܡܼܢ ܪܝܫܐ ܡܫܪܝܐ܇ ܘܡܒܣܡܐ ܠܝܼܕ̈ܝܼܥܐ ܕܥܡܐ ܕܠܗܘܢܿ ܩܿܪܐ ܕܩܢܐ܇ ܘܡܬܼܝܒܠ ܠܫܪܟܐ ܕܥܡܐ܆ ܕܒܗܘܢܿ ܐܝܟ ܡܿܦܪܓ ܘܙ݀ܟܐ ܒܩܪܒܐ: ܘܕܡܝܐ ܬܘܼܒ ܐܘܝܘܼܬܐ ܗܕܐ ܐܝܟ ܛܠܐ ܕܐܡܝܼܢ ܢܚܿܬ ܥܠ 363 ܛܘܼܪܐ ܕܚܪܡܘܢ ܘܕܨܗܝܘܢ: ܕܡܿܪܓܐ ܘܡܿܫܦܪ ܘܡܿܕܗܢ ܠܡܘܥܝܼܬ ܕܦܐܪ̈ܐ܀ ܗ݀ܝ ܕܢܿܚܬ: ܠܗ݀ܝ ܕܛܠܐ ܙܕܩ ܕܬ݀ܩܦ܀ ܡܙ̄ܡ ܕܩ̄ܠܓ ܐܡܝܼܪ ܟܕ ܦܢܼܘ ܐܬܒܢܝܼ ܒܝܬܿܐ. ܡܿܚܦܛ ܠܗܘ݀ܢ ܕܢܫܒܚܘܢܼ ܠܡܚܪܪܢܗܘܢ ܐܪܝܼܡܘ ܐܝܼܕܗܝܟܘܿܢ ܠܩܘܼܕܫܐ ܗ̄ ܟܕ ܛܥܝܼܢܝܼܢ ܐܢܬܘܿܢ ܕܒ̈ܚܐ ܘܨܠ̈ܘܬܐ: ܐܬܚܙܘ ܩܕܡܘܗܝ܀ ܩܘܼ̄ܕ ܕܝܢ܇ ܐܦ ܠܡܒܕܒܚܐ ܩܿܪܐ܀ ܡܙ̄ܡ ܕܩ̄ܠܕ ܡܿܪܬܐ ܠܥܡܐ ܕܦܢܘ ܕܫܠܡܐܝܬ ܢܘܕܘܿܢ ܕܠܐܠܗܐ ܘܝܣܪܐܝܠ ܠܟܢܫܗ ܗ̄ ܠܟܢܫܗ܆ ܠܟܢܘܼܫܬܗ܇ ܡܿܣܩ ܥ̈ܢܢܐ ܗ̄ ܡܫܚܠܦ ܠܐܐܪ ܕܢܬܓܼܫܡ ܕܢܬܠܼܒܕ ܒܥ̈ܢܐ܇ ܘܡܬܼܚܙܐ ܐܝܟ ܗ݀ܘ ܕܡܼܢ ܣܘ̈ܦܝܗܿ ܕܐܪܥܐ ܣܿܠܩ܇ ܒܗ݀ܝ ܕܡܼܢ ܥܘܼܡܩܐ ܠܪܘܡܐ ܡܬܼܥܠܐ: ܘܟܢ ܡܿܡܛܪ ܥܠ ܐܪܥܐ܀ ܒܪ̈ܩܐ ܗ̄ ܕܢܗܘܘܿܢ ܐܝܙܓܕ̈ܐ ܡܚܘ̈ܝܢܐ: ܕܩܪܝܼܒ ܗܼܘ ܡܛܪܐ ܐܦܢ ܓܝܪ ܡܬܼܚܙܐ ܫܡܝܐ ܕܟܒܝܼܢ ܥܢ̈ܢܐ: ܐܠܐ ܐܡܬܝ ܕܡܬܼܚܙܝܢ ܒܪ̈ܩܐ ܡܼܢ ܥܢ̈ܢܐ܇ ܡܫܬܘܕܥܝܼܢܢ ܕܥܬܝܼܕ ܕܢܚܘܿܬ ܡܛܪܐ܀ ܡܼܢ ܐܘܨܪ̈ܐ ܗ̄ ܠܘ ܐܝܟ ܡ̈ܝܐ ܘܥܢ̈ܢܐ ܡܼܢ ܐܬܪܐ ܪܚܝܼܩܐ܇ ܐܬܝ̈ܢ ܪ̈ܘܚܐ ܐܡܿܪ܇ ܐܠܐ ܐܝܟ ܕܡܼܢ ܐܘܨܪ̈ܐ ܢ݀ܦܩܐ ܘܢ݀ܫܒܐ: ܟܡܐ ܕܦܿܩܕ ܒܪܘܝܐ ܘܒܿܬܪܟܢ ܫܿܠܝܐ ܘܡܬܼܚܡܠܐ: ܐܝܟ ܕܒܐܘܨܪܐ܀ ܚܟܝܼܡ̈ܐ ܐܡܿܪܝܼܢ ܕܐܝܬ ܒܐܪܥܐ ܚܗܠܠܐ ܘܦܚ̈ܬܐ ܕܒܗܘܿܢ ܐܝܬ ܪ̈ܘܚܐ ܘܒܦܘܼܩܕܢ ܒܪܘܝܐ ܢܦܩ̈ܢ ܘܡܘ̈ܝܢ ܗ̄ ܣܥܘܪ̈ܘܬܗܘܢܿ܆ ܐܦ ܡܛܪܐ ܐ݀ܡܪܝܼܢ ܕܐܝܟ ܕܒܐܣܦܘܓܐ ܡܬܢܼܬܦܐ ܪܛܝܼܒܘܼܬܐ ܡܼܢ ܝܡ̈ܡܐ ܘܡܼܢ ܢܗܪ̈ܘܬܐ܆ ܩܛܝܼܢܐܝܬ ܒܝܕ ܐܐܪ܇ ܘܗܿܝܕܝܢ ܡܬܼܠ̈ܒܕܢ ܥܢ̈ܢܐ: ܐܝܟܢܐ ܕܡܼܢ ܙܪܝܼܒܘܼܬܐ ܕܚܐܦܗܝܢ ܢܬܝܠܕܘܢܼ ܨܡܚ̈ܐ ܕܢܘܼܪܐ ܐܘܟܝܼܬ ܒܪ̈ܩܐ ܡܼܢ ܚܡܝܼܡܘܼܬܐ ܕܡܙܘܼܓܐ ܒܐܐܪ ܘܟܢ ܡܡܛܪ̈ܢ ܥܠ ܐܪܥܐ܀ ܡܙ̄ܡ ܕܩ̄ܠܙ ܥܠ ܥܡܐ ܕܦܢܼܘ ܟܕ ܡܿܘܕܝܢ ܡܛܠ ܦܘܪܩܢܗܘܢ ܩܕܡ ܡ̈ܠܟܐ ܐܙܿܡܪ ܠܟ.. ܥܒܪܝܐ ܘܝܘܢܝܐ. ܡ̈ܠܐܟܐ ܐܡܿܪܝܼܢ ܗ̄ ܕܐܝܼܬܝܗܘܢ ܟܗ̈ܢܐ ܘܕܝܿܢ̈ܐ ܕܩܕܡܝܗܘܢ ܗܼܝ ܬܘܕܝܼܬܐ ܡܙܕܡܪܐ ܗܼܘܬ݀܆ ܫܡܐ ܓܝܪ ܕܡܠܐܟܐ: ܬܫܡܫܬܐ ܘܡܒܕܩܢܐ ܡܿܘܕܥ܇ ܘܠܘ ܟܝܢܐ܀ ܐܘܪܒܼܬ ܥܠ ܗ̄ ܬܫܥܝܼܬܐ ܕܓܢܒܪܘܼܬܟ ܐܬܥܠܼܝܬ݀ ܥܠ ܟ݀ܠ ܕܡܬܼܩܪܝܢ ܐ̈ܠܗܐ ܒܥܠܡܐ܀ ܢܫܒܚܘܢܼ ܗ̄ ܢܩܠܣܘܢܼ ܣܘܼܥܪ̈ܢܘܗܝ ܕܠܘܬܢ܇ ܘܕܨܝܕ ܒܒ̈ܠܝܐ ܕܒܙܕܩܐ ܡܬܓܡܪܝܼܢ܀ ܘܪܡ ܗܼܘ ܗ̄ ܕܟܕ ܒܫܡܝܐ ܥܿܡܪ ܚܿܙܐ ܒܥܘܼܡܩܐ܀ ܘܐܝܢܐ ܕܡܬܬܪܝܼܡ ܗ̄ ܐܝܟ ܒܒܠܝܐ܀ ܡܼܢ ܪܘܼܚܩܐ ܗ̄ ܝ݀ܕܥ ܠܗ ܐܠܗܐ: ܕܡܢܐ ܥܬܝܼܕ ܠܡܗܼܘܐ܇ ܘܒܙܒܢܐ ܕܝ݀ܕܥ ܬܒܿܥ ܠܗ ܙܕܩܐܝܬ܀ ܡܙ̄ܡ ܕܩܠ̄ܚ ܡܼܢ ܦܪܨܘܦ ܡܝܬܪ̈ܐ ܒܒܒܠ ܕܡܬܟܫܦܝܼܢ ܕܢܦܢܘܿܢ. ܘܡܿܠܦ ܥܠ ܠܐ ܡܬܕܪܟܢܘܼܬܐ ܕܐܠܗܐ ܡܪܝܐ ܒܨܝܬܢܝ ܗ̄ ܕܐܦܠܐ ܠܐܘܠ̈ܨܢܐ ܐܬܪܦܝܿܬ ܡܼܢ ܣܒܪܐ ܕܥܠܝܟ: ܘܐܦܢ ܠܐ ܐܡܪܘ ܗܿܠܝܢ܇ ܐܠܐ ܡܛ݀ܠ ܡܝܬܪܘܬܗܘܿܢ 364 ܠܚܡܐ ܗܼܘܬ݀ ܕܢܐܡܪܘܢܼ ܗܿܠܝܢ܀ ܓܒܠܼܬܢܝ ܗ̄ ܡܛ݀ܠ ܕܥܒܕ ܐܝܼܕ̈ܝܟ܇ ܠܐ ܡܨܝܐ ܕܢܗܼܘܐ ܒܝܼ ܡܕܡ ܕܡܣܬܪ ܡܼܢ ܝܼܕܥܬܟ: ܘܡܿܠܦ ܥܠ ܪܚܼܡܬ ܐܢܫܘܼܬܐ ܕܐܠܗܐ܇ ܕܝܩܼܪ ܠܒܪܢܫܐ ܘܐܬܪܟܢ ܕܒܐܝܼܕ̈ܘܗܝ ܢܓܒܠܝܼܘܗܝ܀ ܡܢܝ ܗܼܘܬ݀ ܗ̄ ܟ݀ܠ ܐܡܬܝ ܕܒܬܘܦܢܝ ܡܬܼܒܩܐ ܐܢܼܐ܇ ܘܡܢܝ ܘܒܝܼ ܚܿܘܐ ܐܢܼܐ ܩܢܘܼܡܐ ܕܡܠܚܡܘܼܬܐ ܕܒܪ̈ܝܬܐ ܒܝܕ ܐܣܝܼܪܘܬܐ ܕܢܦܫܝ ܘܕܦܓܪܝ ܠܕܘܡܪܐ ܡܬܬܙܝܼܥ ܐܢܼܐ ܘܠܐ ܡܿܨܐܼ ܐܢܼܐ ܠܡܩܼܡ ܥܠ ܪܒܘܼܬ ܥܘܼܡܩܐ ܕܝܼܕܥܬܟ܀ ܐܬܚܝܿܠܬ ܙܒܢ̈ܬܐ ܗ̄ ܙܒܢ̈ܬܐ ܣܓܝ̈ܐܬܐ ܚܝܿܠܬ ܚܘܼܫ̈ܒܝ ܠܒܨܬܗܿ ܘܠܐ ܡܼܿܨܐܼ ܐܢܼܐ ܚܝܠܐ ܕܚܟܼܡܬܟ܀ ܠܐܝܟܐ ܐܙܿܠ ܗ̄ ܐܢܓܝܪ ܟܝܢܟ ܠܐ ܡܬܼܕܪܟ: ܠܘ ܕܕܘܡܪܐ ܗܿܝ ܐܢ ܠܐ ܡܬܕܪܟܐ ܝܼܕܥܬܟ܀ ܚܪܬܐ ܕܝܡܐܡ ܗ̄ ܠܗܘܿ ܓܒܐ ܕܐܘܩܝܐܢܘܿܣ ܐܡܿܪ܆ ܘܗܕܐ ܡܿܠܦ: ܕܐܢ ܒܫܡܝܐ ܘܠܬܚܬ ܘܒܣܘ̈ܦܝ ܬܒܝܠ ܐܝܼܬܝܟ܇ ܟܡܐ ܝܬܝܪܐܝܬ ܒܝܬ ܒܒ̈ܠܝܐ܀ ܐܡܿܪܬ ܕܚܫܘܼܟܐ ܗ̄ ܡܛ݀ܠ ܕܝܕܥܿܬ ܗܕܐ: ܡܬܼܟܫܦ ܐܢܼܐ ܠܟ ܕܚܫܘܼܟܐ ܕܥܩ̈ܬܐ ܒܠܠܝܐ ܕܐܘܼܠ̈ܨܢܐ܀ ܕܩܿܐܡ ܐܼܢܐ ܒܗ: ܢܢܗܪ ܠܝܼ ܗ̄ ܢܦܨܚ ܠܐܦܝ̈܆ ܢܘܼܗܪܐ ܕܓܠܝܢܟ܀ ܚܫܘܼܟܐ ܠܐ ܢܚܫܟ ܡܢܟ ܗ̄ ܐܝܟ ܕܠܐ ܬܬܡܼܨܐ ܠܡܢܗܪܘܬܗ܀ ܠܐ ܟܣܝܢ ܓܪ̈ܡܝ ܗ̄ ܡܛ݀ܠ ܕܐܢܬ ܓܫܼܡܬ ܘܣܼܕܪܬ ܐܢܘܿܢ: ܕܥܒܼܕܬ ܒܣܬܪܐ ܗ̄ ܒܟܪܣܐ ܕܒܛܢܘܼܬܝ܀ ܢܚܿܬܬ ܗ̄ ܠܬܗܘ̈ܡܐ ܕܐܪܥܐ ܕܒܒܠ ܒܫܒܝܐ܀ ܦܘܼܪܥܟ ܚ̈ܙܝ ܗ̄ ܦܘܼܢܝܐ ܕܠܐܘܪܫܠܡ܀ ܟܿܠܗܝܢ ܢܬܼܟ̈ܬܒܢ ܗ̄ ܟܬܝܼܒ̈ܢ ܕܫܒܝܢ ܘܕܦܘܼܢܝܢ܀ ܝܘܡ̈ܬܐ ܐܬܟܪܝܼܘ ܗ̄ ܗܐ ܩܪܒܘ ܡܼܢ ܟܕܘ ܝܘܡ̈ܬܐ ܕܒܗܘܢܿ ܬܚܡܼܬ ܕܢܗܘܼܐ ܠܝ ܦܘܼܢܝܐ: ܘܠܝܬ ܐܢܫ ܕܦܿܪ ܘܡܫܿܘܙܒ܀ ܛܒ ܝܼܩܪܘ ܪ̈ܚܡܝܟ ܗ̄ ܒܥܝܢ̈ܝ ܐܠܗܐ܀ ܘܛܒ ܥܫܼܢܘ ܗ̄ ܫܠ̈ܝܼܛܢܝܗܘܿܢ ܗܟܢ ܐܡܿܪ: ܕܠܘ ܠܟ ܐܠܗܐ ܠܚܘܕ ܡܿܚܒ ܗܿܘܝܬ: ܐܠܐ ܠܪ̈ܚܿܡܝܟ ܝܬܝܼܪܐܝܬ ܕܝܢ ܠܪ̈ܝܫܢܝܗܘܢܿ ܗ̄ ܕܢܝܐܝܠ ܘܚܒܪ̈ܘܗܝ ܢܚܡܝܐ܀ ܘܝܬܝܼܪ ܡܼܢ ܚܝܠܐ ܗ̄ ܡܿܨܐ ܗܿܘܝܬ ܕܢܣܓܘܿܢ ܐܝܟܢܐ ܕܠܐ ܐ݀ܬܡܨܐ ܕܐ݀ܡܢܐ ܐܢܘܿܢ܀ ܐܬܬܥܝܿܪܬ ܗ̄ ܐܥܝܼܪܝܢܝ ܡܼܢ ܕܡܟܘܼܬܐ ܕܐܘܠ̈ܨܢܐ ܕܒܗܘܢܿ ܪܡܼܐܼ ܐܢܼܐ܇ ܐܗܿܘܐ ܥܡܟ ܒܐܘܪܫܠܡ܀ ܠܚܛ̈ܝܐ ܗ̄ ܠܒܒ̈ܠܝܐ܀ ܕܒܪܝܢܝ ܒܐܘܪܚܟ ܗ̄ ܗܒ ܠܝܼ ܦܘܼܢܝܐ ܕܒܗ ܐ݀ܬܒܣܡ ܒܣܘܼܥܪ̈ܢܐ ܕܛܒܘܼܬܟ ܐܡܝܼܢܐܝܬ܀ ܡܙ̄ܡ ܕܩ̄ܠܛ. ܨܠܘܿܬܐ ܕܕܘܝܕ ܢܬܦܪܩ ܡܢ ܫܐܘܠ ܘܡܼܢ ܢܟ̈ܝܼܠܐ ܕܥܡܗ ܠܛܫܘ ܠܫܢܗܘܢܿ ܗ̄ ܐܟܙܢܐ ܕܚܘܝܐ ܡܐ ܕܨܿܒܐ ܠܡܟܝܘܼ ܒܝܕ ܡܦܩܐ ܘܡܥܠܐ ܬܟܝܼܒܐ ܕܠܫܢܗ ܠܿܛܫ ܠܗ܆ ܟܕ ܡܫܬܓܪ ܡܼܢ ܙܘܥܐ ܕܡܼܬܐ ܕܡܙܝܼܓܐ ܒܟܝܿܢܗ܇ ܗܿܟܢܐ ܐܦ ܐܢܫ̈ܐ ܒܝܼܫ̈ܐ ܕܥܡ ܫܐܘܠ ܒܝܕ ܗܘܼܦܟܐ ܕܡ̈ܠܝܗܘܿܢ܇ ܥܿܒܕܝܼܢ ܠܗ ܕܢܬܼܩܫܐ ܥܠܝ ܪܘܼܓܙܗ܀ ܠܡܼܕܚܐ ܗܠ̈ܟܬܝ ܗ̄ ܐܝܟ ܕܐܦܿܠ ܘܐ݀ܬܥܪܩܠ ܒܡܨܝܼܕܬܗܘܿܢ ܐܡܪܗܿ ܡܼܢ ܕܡܘܼܬܐ ܕܗܿܢܘܿܢ ܕܨܿܠܝܢ ܦܚ̈ܐ 365 ܘܕ݀ܒܪܝܼܢ ܚܝܘ̈ܬܐ ܠܘܬ ܨܝܕܐ܀ ܘܬܪܥܝܼܬܗ ܗ̄ ܕܡܛܝܒܐ ܠܐܒܕܢܝ: ܠܐ ܬܣܩܝ ܠܫܘܼܡܠܝܐ܀ ܢܟܣ ܐܢܘܿܢ ܥܘܠܐ ܗ̄ ܡܣܡ ܒܪܝܫܐ ܕܦܿܚܡ ܠܡܕܡ ܕܡ̈ܠܼܠܝ ܣܦ̈ܘܬܗܘܿܢ ܥܠܝ ܩܕܡ ܫܐܘܠ܀ ܡܙ̄ܡ ܕܡܐܐ ܘܐܪܒܥܝܢ ܥܠ ܥܡܐ ܕܒܒܒܠ ܟܕ ܡܿܬܢܝܢ ܬܘܼܪܨܐ ܕܩܢܘ ܡܼܢ ܥܠܬ ܫܒܝܗܘܿܢ ܐܝܟ ܩܘܼܪܒܢܐ ܕܪܡܫܐ ܗ̄ ܗܿܟܢܐ ܢܗܼܘܐ ܡܿܩܒܼܠ ܩܕܡܝܟ ܦܫܛܐ ܕܐܝܼܕ̈ܝ ܒܥܕܢܐ ܕܨܠܘܿܬܝ: ܐܝܟ ܐܡܪܐ ܗ݀ܘ ܕܡܬܼܩܪܒ ܠܟ ܒܥܕܢܐ ܕܪܡܫܐ: ܗܿܘ ܕܚܠܦ ܬܘܕܝܼܬ ܕܡܬܬܚܝܼܒܐ: ܡܼܢ ܟ݀ܠܗ ܥܡܐ ܡܬܼܕܒܚ ܥܠ ܐܦܝ̈ ܦܘܼܪ̈ܢܣܝܟ ܕܠܬܗܘܿܢ܀ ܓܒܪ̈ܐ ܪ̈ܫܝܼܥܐ ܗ̄ ܒܒܠ̈ܝܐ܀ ܐܬܡܠܚ ܗ̄ ܠܐ ܐ݀ܫܬܘܦ ܥܡܗܘܢܿ ܒܦܬܘܪܐ܆ ܡܠܚܐ ܓܝܪ ܠܗܕܐ ܩܿܪܐ܇ ܐܦ ܓܝܪ ܡܼܢ ܚܘܼܠܛܢܐ ܕܣܝܒܪܬܐ: ܟܧܠܝܢܼ ܗܼܘܘ ܝܘܕ̈ܝܐ ܕܢܐܟܠܘܢܼ܀ ܘܢܟܣܼܢܝ ܗ̄ ܡܟܣܢܘܼܬܐ ܓܝܪ ܕܙܕܝܼܩܐ ܕܡܢܢܢ܇ ܡܩܒܠܐ ܥܠܝ ܝܬܝܼܪ ܡܼܢ ܡܫܚܐ ܕܪ̈ܫܝܼܥܐ ܒܒ̈ܠܝܐ܀ ܐܬܟܠܝܼܘ ܒܐܝܼܕܐ ܗ̄ ܢܬܠܟܘܢܿ ܕܝܿܢ̈ܝܗܘܢܿ ܡܼܢ ܬܪܥܝܼܬܐ ܒܝܼܫܬܐ ܕܥܠܝܢ ܘܢܬܚܫܒܘܢܼ ܒܓܘ ܥܩܬܐ܆ ܐܝܟ ܟܐܦܐ ܒܥܘܼܡܩܐ ܕܡ̈ܝܐ܀ ܐܝܿܕܐ ܕܟܐܦܐ ܩܿܪܐ܆ ܠܓܙܪ ܕܝܼܢܐ ܕܩܿܫܐܼ ܘܫܪܝܪ ܐܝܟ ܟܐܦܐ܀ ܐܝܟ ܣܟܬܐ ܗ̄ ܐܟܙܢܐ ܕܣܟܬ ܦܕܢܐ ܕܟܕ ܪܟܝܼܟܐܝܬ ܨܪܝܐ ܠܐܪܥܐ ܡܿܥܬܕܐ ܠܗܿ ܠܘܬ ܡܘܥܝܼܬ ܘܫܘܼܡܠܝܐ ܕܦܐܪ̈ܐ: ܗ݀ܟܢܐ ܡܠ̈ܝ ܨܠܘܿܬܝ ܢܫܼܬܡ̈ܥܢ ܩܕܡܝܟ ܘܟ݀ܠܗܿ ܥܫܝܼܢܘܼܬܗܘܢܿ ܕܒܒ̈ܠܝܐ: ܬܬܒܼܕܪܝ ܒܐܒܕܢܐ ܡܼܢ ܫܠܝ܀ ܡܙ̄ܡ ܕܩܡ̄ܐ ܬܟܫܦܬܗ ܕܥܡܐ ܕܒܒܒܠ. ܕܫܿܠܝܢ ܫܪܝܐ ܕܒܝܼܫ̈ܬܗܘܢ ܠܡܪܝܐ ܐܬܟܫܿܦܬ ܗ̄ ܬܟܫܦܬܐ ܓܝܪ ܕܒܩܠܐ ܗܿܘܝܐ: ܢܓܝܼܪܘܬܗ ܘܩܫܝܘܼܬܗ ܕܐܘܠܨܢܐ ܡܿܣܥܠܐ܀ ܐܒܕ ܡܢܝ ܗ̄ ܒܝܬ ܡܥܪܩܐ ܗ̄ ܡܛ݀ܠ ܕܥ ܟܿܠ ܐܘܪܚܐ ܢܛܘܪ̈ܐ ܒܒܠ̈ܝܐ ܝ݀ܬܒܝܼܢ ܗܼܘܘ܇ ܘܢ݀ܛܪܝܼܢ ܠܝܼ܀ ܘܠܝܬ ܬܒܘܿܥܐ ܠܢܦܫܝ ܗ̄ ܠܐ ܡܠܟܐ ܘܠܐ ܕܝܿܢܐ܀ ܡܙ̄ܡ ܕܩܡ̄ܒ܆ ܥܠ ܥܡܐ ܕܒܒܒܠ. ܕܒܥܼܐ ܡܢ ܐܠܗܐ ܒܡܐܡܪܟ ܗ̄ ܐܝܟ ܕܥܠ ܦܘܼܢܝ: ܥܢܝܼܢܝ: ܘܐܝܟ ܙܕܝܼܩܘܼܬܟ ܐܦܢܢܝ܆ ܘܠܘ ܐܟܡܐ ܕܐܢܿܐ ܫܿܘܐ ܐܢܼܐ܀ ܐܫܡܥܝܢܝ ܒܨܦܪܐ ܗ̄ ܩܠܝܼܠܐܝܬ ܡܛܝܼ ܠܥܘܼܕܪܢܝ܇ ܘܐܫܡܥ ܠܢ ܫܒܪܬܐ ܕܦܘܼܢܝܐ ܥܠܝܟ ܗܼܘ ܓܝܪ ܬܟܝܼܠ ܐܢܼܐ ܕܬܦܼܪܩܢܝ܇ ܘܠܘ ܥܠ ܦܬܟܪ̈ܐ܆ ܨܦܪܐ ܥܠ ܩܠܝܼܠܘܼܬܐ ܪܡܿܙ܀ ܪܘܼܚܟ ܗ̄ ܡܬܒܣܡܝܼܢ ܗܼܘܝܢ ܡܼܢ ܩܕܝܼܡ ܬܕܒܼܪܢܫ ܐܦ ܗܫܐ܇ ܒܐܘܪܚܐ ܕܚ̈ܝܐ: ܕܐܝܼܬ̄ܘ ܦܘܼܢܝܐ ܕܠܐܪܥܐ܀ ܡܙ̄ܡ ܕܩܡ̄ܓ. ܬܘܕܝܬܐ ܕܡܩ̈ܒܝܐ ܥܠ ܙܟܘܿܬܗܘܿܢ ܟܕ ܩܼܛܠ ܕܘܝܕ ܠܣܦܪ ܐܚܘܼܗܝ ܕܓܘܿܠܝܕ܀ ܒܪܝܼܟ ܗܼܘܐ ܡܪܝܐ ܕܐܠܦܼ ܗ̄ ܐܡܼܪܗ 366 ܡܼܢ ܕܡܘܼܬ ܐܝܠܝܢ ܕܟܕ ܡܠܦܝܼܢ ܠܐܢܫ ܕܢܫܕܐ ܠܘܼܩܒܠ ܒܥܠܕܒܒܐ ܣ݀ܝܡܝܼܢ ܐܝܼܕ̈ܝܗܘܿܢ ܠܥܠ ܡܼܢ ܐܝܼܕܗ ܕܗܿܘ ܕܫܿܕܐ: ܘܡܿ̇ܘܝܢ ܠܗ ܕܐܝܟܢ ܢܫܕܐ܀ ܘܦܨܝܼ ܠܕܘܝܕ ܗ̄ ܦܘܼܪܩܢܗܘܿܢ ܕܕܘܝܕ ܚܿܫܒܿܝܼܢ ܠܗ: ܡܛ݀ܠ ܫܘܼܘ̈ܕܝܐ ܕܠܘܬܗ ܐܚܝܼܕܝܼܢ ܗܼܘܘ ܘܡܡܠܟܝܼܢ ܡܩܒ̈ܝܐ: ܘܐܡܿܪܝܼܢ ܕܐܝܟ ܕܦܨܝܼܬ ܠܕܘܝܕ ܡܼܢ ܒܥܠ̈ܕܒܒܐ܇ ܗܿܟܢ ܐܦ ܠܗܿܠܝܢ ܕܡܢܗ ܫܘܙܒ ܡܼܢ ܣܢ̈ܐܝܗܘܿܢ ܡܛ݀ܠ ܫܘܼܘܕܝܟ ܕܠܘܬܗ܀ ܝܡܝܼܢܗܘܿܢ ܗ̄ ܒܥܘܠܐ ܡܬܼܢܨܚܐ: ܘܟܕ ܛܒ ܗܿܟܢ ܐܝܼܬܝܗܘܢܿ: ܒܗܕܐ ܟܠܗܿ ܟܗܝܼܢܘܼܬܐ ܫܿܪܝܢܼ: ܕܒܢܝ̈ܗܘܿܢ ܐܝܟ ܢܨܒܼܬܐ ܡܬܼܪܒܝܢ ܘܫܪܟܐ ܗ̄܀ ܘܠܝܬ ܬܘܪܥܬܐ ܗ̄ ܕܡܣܡ ܒܪܝܫܐ܀ ܐܦܠܐ ܝܼܠܠܬܐ ܗ̄ ܐܠܐ ܚܕܘܿܬܐ ܘܙܡܪܐ. ܐܝܟ ܣܝܓܐ ܓܝܪ ܚܕܝܼܪܐ ܠܗܘܿܢ ܒܛܝܼܠܘܼܬܟ܇ ܘܢ݀ܛܪܐ ܠܗܘܿܢ ܡܼܢ ܢܟܝ̈ܢܐ: ܘܗܼܢܘܿܢ ܠܐ ܡܿܘܕܝܢ ܥܠܗܕܐ܀ ܛܘܼܒܘܗܝ ܠܥܡܐ ܗ̄ ܕܠܘ ܛܘܒܐ ܗܘ ܗܢܐ ܫܪܝܪܐ ܘܐܝܿܕܐ ܗܿܝ ܕܫܿܘܝܐ ܠܛܘܼܒܐ: ܛܘܼܒܐ ܗܿܘ ܠܥܡܐ ܕܡܪܝܐ ܗܿܘ ܐܠܗܗ܀ ܡܙ̄ܡ ܕܩܡ̄ܕ ܥܠ ܥܡܐ ܕܒܒܒܠ ܕܡܿܘܕܝܢ ܠܐܠܗܐ ܥܠ ܓܗܝܬܗܘܢ ܕܡܼܢ ܒܝܼܫܬܐ ܗܢܐ ܡܙܡܘܪܐ ܒܝܬ ܥܒܪ̈ܝܐ ܐܬܘ̈ܬܐ ܥܠ ܕܐܠܦ ܘܒܝܬ ܣܝܼܡ ܡܼܢ ܕܘܝܕ܀ ܬܪܝܢ ܦܬܓ̈ܡܐ ܠܟܿܠ ܐܬܘܬܐ܀ ܛܘܼܒܝܗܘܿܢ ܠܐܝܠܝܢ܆ ܬܡܢܝܐ ܦܬܓ̈ܡܐ ܠܟܿܠ ܐܬܘܬܐ܀ ܐܪܿܡܪܡܟܼ.. ܡܐܟܘܠܬܗܘܿܢ ܒܙܒܢܗܘܿܢ ܕܝܢ ܐܡܿܪ܆ ܐܟܡܿܢ ܕܡܬܚܡܠܝܼܢ ܐܢܘܿܢ ܘܝܼܕܝܼܥܝܼܢ ܙܒܢ̈ܢܐ ܕܟܿܠ ܚܕܐ ܚܕܐ ܡܼܢ ܥ̈ܠܠܬܐ ܠܦܘܼܬ ܫܘܼܚܠܦܐ ܕܙܒ̈ܢܐ ܘܡܚܬܬܗܘܿܢ ܕܡܛܪ̈ܐ ܘܡܘܙܓܐ ܕܐܐܪ܀ ܙܕܝܼܩ ܗܼܘ ܘܬܪܝܼܨܝܼܢ ܟ݀ܠܗܘܢܿ ܣܘܼܥܪ̈ܢܐ ܕܡܕܒܪܢܘܼܬܗ܀ ܩܪܝܒ ܗܼܘ ܗ̄ ܒܚܘܼܒܐ ܠܕܚ̈ܠܘܗܝ܀ ܡܙ̄ܡ ܕܩܡܗ̄. ܡܼܢ ܦܪܨܘܦ ܗܿܢܘܿܢ ܕܦܢܘ ܐܡܝܼܪ ܐܟܡܿܢ ܕܠܚܡ̈ܢ ܗܘ̈ܝ ܡ̈ܠܐ ܘܚܫ̈ܚܢ ܐܦ ܠܡܠܦܢܘܼܬܐ ܕܟܿܠܗ ܓܘܐ ܠܐ ܬܬܟܠܘܢܼ ܥܠ ܗ̄ ܡܛ݀ܠ ܕܒܪܢܫܐ ܡܝܘܿܬܐ ܐܝܼܬܘܗܝ: ܐܦܢ ܕܚܝܼܠ ܡܛ݀ܠ ܫܘܼܠܛܢܗ܀ ܐܒܕ̈ܢ ܡܚܫܒ̈ܬܗ ܗ̄ ܕܡܬܼܚܫܒ ܗܼܘܐ ܐܢ ܠܡܛܒܘܼ ܘܐܢ ܠܡܒܐܫܘܼ܆ ܠܐ ܓܝܪ ܐܡܼܪ ܕܒܛ̈ܠܢ ܐܠܐ ܕܐܒܕ̈ܢ܇ ܕܢܚܘܐ ܕܡܘܬܐ ܡܒܕܪܢܐ ܗܿܘ ܘܫܪܘܝܐ ܕܟܿܠܗܿ ܣܥܘܪܘܼܬܐ܇ ܐܝܿܕܐ ܕܡܼܢ ܢܦܫܐ ܘܦܓܪܐ ܐܟܚܕܐ ܒܥܠܡܐ ܡܫܬܼܡܠܝܐ܇ ܠܘ ܓܝܪ ܡܠܝܼܠܘܼܬܐ ܕܢܦܫܐ: ܐܘܿ ܚܝܘܼܬܗܿ ܒܿܛܠܐ܇ ܕܦ݀ܬܚ ܥܘܝܼܪ̈ܐ ܗ̄ ܐܝܠܝܢ ܕܣܝܼܡܝܼܢ ܒܥܡܛܢܐ ܕܥܩܬܐ܇ ܡܿܢܗܪ ܥ̈ܝܢܐ ܕܬܪܥܝܼܬܗܘܿܢ ܘܕܦܓܪ̈ܝܗܘܿܢ ܕܢܣܬܟܠܘܼܢܝܗܝ ܟܦܝܼܦ̈ܐ ܗ̄ ܐܝܠܝܢ ܕܟܦܝܼܦܝܼܢ ܒܥܩܬܐ܀ ܡܙ̄ܡ ܕܩܡ̄ܘ ܥܠܬܗ ܕܡܿܝܐ ܠܕܩܕܡܘܗܝ ܘܒܣܝܼܡ ܗ̄ ܡܛ݀ܠ ܕܛܒ ܐܠܨܐ ܥܠܗܕܐ܆ ܬܘ ܟ݀ܠܢ ܒܗܢܝܐܘܬܐ ܕܙܕܩܐ: ܒܙ̈ܢܝ ܙܡܪܐ ܐܝܟ ܥܝܕܐ ܢܫܒܚܘܼܢܝܗܝ܀ ܡܢܼܐ ܡܢܝܢܐ ܗ̄ ܗܘܿ ܕܝܿܕܥ ܡܢܝܢܐ ܕܟܘܟ̈ܒܐ ܘܐܝܟ ܕܒܡܫܝܐ ܩܿܪܐ ܠܗܘܿܢ: ܠܐ ܡܚܝܼܠ 367 ܠܦܘܼܬ ܦܘܼܢܝܐ܇ ܐܟܙܢܐ ܕܐܝܠܝܢ ܕܝ݀ܕܥܝܼܢ ܡܢܝܿܢܐ ܕܥܒ̈ܕܝܗܘܿܢ ܒܫܡ̈ܗܐ ܦܪ̈ܝܼܫܐ ܩܿܪܝܢ ܠܗܘܿܢ܇ ܗܿܟܢܐ ܐܦ ܗܘܼ ܠܣܓܝܐܘܬܐ ܕܟܘܟ̈ܒܐ ܝܿܕܥ: ܘܐܝܟ ܕܒܫܡ̈ܗܐ ܦܿܪܫ ܠܗܘܿܢ: ܘܩܿܪܐ ܠܘܬ ܪܗܛܐ ܘܥܕܢܐ ܕܕܢܚ̈ܐ ܘܥܪ̈ܒܐ܀ ܠܒܢܗܝ ܢܥܒܐ܇ ܘܡܼܢ ܟ݀ܠܗܿ ܦܪܚܬܐ ܠܢܥܒܐ ܩܿܪܐ: ܡܛ݀ܠ ܕܡܿܗܡܝܢ ܡܼܢ ܬܘܼܪܣܝܐ ܕܒܢ̈ܝܗܘܿܢ܇ ܡܐ ܕܡܿܘܠܕ ܢܥܒܐ: ܠܐ ܡܿܬܪܣܐ ܠܦܪ̈ܘܓܘܗܝ܇ ܡܛ݀ܠ ܣܪܝܘܼܬ ܓܘܼܫܡܗܘܿܢ ܘܟܕ ܦ݀ܬܚܝܼܢ ܦܘܼܡܗܘܢܿ ܘܩܿܥܝܢ ܒ݀ܬܪ ܐܒܗ̈ܝܗܘܢܿ ܡܼܢ ܥܠܬ ܟܦܢܐ܆ ܫܚܠܦܐ ܕܒܩ̈ܐ ܘܣܘܿܓܐܐ ܕܥܘܦܐ ܒܝܨܝܼܦܘܼܬܐ ܐܠܗܝܬܐ ܡܬܟܢܫܝܼܢ ܚܕܪ̈ܝܗܘܿܢ ܘܣܿܝܩܝܼܢ ܠܗܘܿܢ ܘܡܬܼܬܪܣܝܢ܀ ܡܙ̄ܡ ܕܩܡ̄ܙ. ܡܼܢ ܦܪܨܘܦ ܐܝܠܝܢ ܕܦܢܼܘ. ܟܕ ܡܿܘܕܝܢ ܥܠ ܐܦ̈ܝ ܐܝܠܝܢ ܕܐܣܼܬܥܪ̈ܝ ܠܘܬܗܘܢܿ ܫܒܝܚ ܐܘܪܫܠܡ ܗ̄ ܚܠܦ ܕܩܢܼܐ ܥܡܐ ܘܥܡܼܪ ܥܡܟܝ܀ ܡܛ݀ܠܕܐܥܫܢ ܗ̄ ܥܫܝܼܢܘܼܬܐ ܕܡܘܼ̈ܟܠܐ܇ ܙܗܝܼܪܘܬܐ ܡܚܘܝܐ ܥܡ ܗ݀ܝ ܕܬܬܼܒܝܢ ܝܗܼܒ ܠܟܝ: ܐܦ ܫܪܝܼܪܘܬܐ ܘܬܘܼܩܦܐ ܘܙܗܝܼܪܘܬܐ ܐܩܢܝܟܼܝ: ܡܿܫܕܪ ܡܠܬܗ ܗ̄ ܗ݀ܘ ܕܠܟܝ ܒܢܼܐ ܘܫܪܪ܆ ܫܕܪ ܡܠܬܗ ܒܝܕ ܟܘܪܫ܇ ܘܟܢܫܼܟܝܼ ܩܠܝܼܠܐܝܬ ܡܼܢܟ݀ܠ ܥܡܡ̈ܝܼܢ ܗܘܼܝܘܼ ܕܟܕ ܡܫܕܪ ܡܠܬܗ ܥܠ ܐܪܥܐ ܒܥܓܠ ܡܫܬܼܡܠܝܐ ܡܼܢ ܚܝܠ̈ܘܬܐ ܡܫܡ̈ܫܢܘܗܝ܆ ܝܿܗܒ ܬܠܓܐ ܐܝܟ ܗ̄ ܦܿܩܕ ܠܐܐܪ ܘܒܝܕ ܥܘܼܙܗ ܘܩܪܝܼܪܘܼܬ ܢܫܒܗܿ ܡܿܫܚܠܦ ܠܡܼܛܪܐ ܠܩܫܝܼܘܬ ܬܠܓܐ: ܐܝܟ ܗ݀ܝ ܕܥܡܪܐ܇ ܥܠ ܐܣܟܡܐ ܘܙܢܐ ܕܡܚܬܬܗ ܐܡܿܪ܀ ܬܘܼܒ ܐܐܪ ܐܡܬܝ ܕܥܘܼܙܐ ܕܩܪܝܼܪܘܬܗ ܢܫܠܼܚ: ܠܕܡܘܼܬ ܕܥܪܦܠܐ ܡܫܼܬܚܠܦ܇ ܘܐܝܟ ܚܠܐ ܕܕܩܝܼܩ ܡܼܢ ܗܠܟܬܐ ܡܬܼܚܙܐ ܕܒܕܝܪ܆ ܐܡܬܝ ܕܝܢ ܕܗܿܟܢܐ ܢܬܼܟܢܫ܇ ܘܢܬܓܢܐ ܡܼܢ ܥܢ̈ܢܐ܇ ܗܿܝܕܝܢ ܡܼܢ ܬܘܼܩܦܗ ܕܩܘܼܪܫܐ: ܐܝܟ ܦܬ̈ܬܐ: ܘܩܠ̈ܦܐ ܡܬܼܚܙܐ ܓܠܝܼܕܐ ܕܐܫܝܼܕ ܥܠ ܐܪܥܐ܇ ܐܝܟ ܕܐܦܠܐ ܡܕܡ ܡܫܟܚ ܐܢܫ ܕܢܣܝܒܪ ܥܪܝܗ ܐܘܟܝܼܬ ܩܘܼܪܫܗ ܛܒ ܕܡܝܐܝܬ ܕܡܝܼ ܠܟܿܠܚܕ ܡܼܢ ܗܿܠܝܢ ܐܕܫ̈ܐ: ܬܠܓܐ ܓܝܪ ܕܡܿܐ ܠܥܡܪܐ ܘܠܣܪܩܬܐ ܕܢܿܦܠܐ ܡܼܢ ܥܦܪܐ܆ ܘܥܪܦܠܐ ܡܿܣܩܐ ܚܠܐ: ܐܝܟ ܩܛܡܐ ܡܐ ܕܡܬܼܒܕܪ: ܘܓܠܝܼܕܐ ܩܿܐܡ ܥܠ ܐܪܥܐ ܐܝܟ ܨ̈ܠܚܐ ܘܦܬ̈ܐ: ܡܫܒ ܪܘܼܚܐ ܗ̄ ܪܘܚܐ ܬܡܝܢܝܬܐ ܒܝܕ ܚܡܝܼܡܘܼܬܐ܀ ܡܐ ܕܢܿܫܒܐ܇ ܠܬܠܓܐ ܫܪܝܐ ܘܠܓܠܝܼܕܐ ܡܿܦܫܪܐ܀ ܚܘܝܼ ܡܠܼܬܗ ܒܝܥܩܘܿܒ ܗ̄ ܡܿܦܩ ܫܘܼܘܕܝܗ ܠܥܒܿܕܐ܇ ܒܝܕ ܦܘܼܢܝܢ ܕܠܐܪܥܢ܀ ܡܙ̄ܡ ܕܩܡ̄ܚ ܡܿܙܡܢ ܠܟܿܠܗܝܢ ܒܪ̈ܝܬܐ ܥܠ ܬܫܒܘ̄ ܥܠ ܐܦ̈ܝ ܥܒܘܕܘܬܗ ܫܒܚܘ ܠܡܪܝܐ ܗ̄ ܦܿܩܕ ܠܫܡܝܐ ܘܠܐܪܥܐ ܕܢܫܒܚܘܢܼ: ܘܠܗܿܢܘܿܢ ܕܒܡܨܥܬܐ܀ ܡ̈ܠܟܘܗܝ ܗ̄ ܐܦ ܐܢܬܘܿܢ ܪ̈ܘܚܢܐ ܙܕܩ ܕܬܗܘܘܿܢ ܡܫܪ̈ܝܢܐ ܒܬܫܒ̈ܚܬܐ܆ ܡܛ݀ܠ ܡܝܬܪܘܬ ܟܝܿܢܟܼܘܿܢ ܘܐܟܼܙܢܐ ܕܙܕܝܼܩ̈ܐ ܠܦܘܼܬ ܡܝܬܪܘܼܬܗܘܿܢ ܐܝܼܬ̄ܘ ܕܪܓܗܘܿܢ 368 ܒܗܘܿ ܥܠܡܐ ܘܫܘܼܒܚܐ ܕܦܓܪ̈ܝܗܘܿܢ܇ ܗܿܟܢܐ ܐܦ ܡ̈ܠܐܟܐ ܠܦܘܼܬ ܡܥܠܝܘܼـܐ ܕܨܒܝܿܢܗܘܿܢ: ܐܝܼܬܘܗܝ ܐܦ ܐܝܼܩܪܐ ܘܕܪܓܐ ܕܟ݀ܠܚܕ܇ ܘܫܡܐ܇ ܐܦܢ ܥܠ ܟ݀ܠܗܘܿܢ ܛܟܣ̈ܐ ܥܿܒܪ: ܐܠܐ ܥܠ ܛܟܣܐ ܕܡܿܫܡܫ ܠܒܢܝ̈ܢܫܐ ܘܩܪܝܼܒ ܠܢ܇ ܐܝܬܘܗܝ ܕܝܼܠܢܝܐ܀ ܘܛܟܣܐ ܕܪ̈ܒܝ ܡ̈ܠܐܟܐ ܗܿܢܘܿܢ ܕܐܚܝܼܕܝܼܢ ܫܘܼܠܛܢܐ ܥܠ ܥܡ̈ܡܐ܇ ܐܝܟ ܗ݀ܝ ܕܫܠܝܼܛܐ ܕܦܪ̈ܣܝܐ ܘܕܝܘ̈ܢܝܐ܀ ܡܬܼܩܪܝܢ ܚܝ̈ܠܐ ܡܛ݀ܠ ܕܝܬܝܼܪ ܡܼܢ ܟܿܠܗܘܿܢ ܗܘܝ̈ܐ: ܩܿܢܝܢܼ ܚܝܠܐ ܠܡܓܼܡܪ ܨܒܝܿܢܗ ܕܐܠܗܐ܀ ܢܡܘܿܣܐ ܝܿܗܒ ܗ̄ ܬܚܘܼܡܐ ܣܼܡ ܐܠܗܐ ܠܟܝܢ̈ܐ܆ ܐܟܙܢܐ ܕܩܒܝܼܠܥܘܼܬ ܐܕܪܥܐ ܘܡܬܚܼܝܘܼܬܐ ܕܫܡܝܐ ܘܡܪܕܝܼܬܐ ܕܢܗܝܼܪ̈ܐ܀ ܬܗܘܡܐ ܩܿܪܐ ܠܥܘܼܡܩܐ ܕܝܡ̈ܡܐ܇ ܘܬܢܝܼܢ̈ܐ ܠܢܘܼ̈ܢܐ ܪܘܪ̈ܒܐ܀ ܐܚܪ̈ܢ ܠܚܘ̈ܘܬܐ ܪܘܪ̈ܒܐ܇ ܬܢܝܼ̈ܢܐ ܕܝܡ̈ܡܐ ܘܐܢ ܕܝܒܫܐ܇ ܗܘܿ ܕܒܝܡܐ ܗܿܘܐ ܐܣܝܼܪ ܒܥܘܼܡܩܐ ܕܐܪܥܐ ܒܪܡܙܗ ܕܒܪܘܝܐ܇ ܕܠܐ ܢܦܘܿܩ ܘܒܡܼܪܬܗ ܢܓܪܘܿܣ ܠܐܢܫܘܼܬܐ ܘܐܡܬܝ ܕܡܬܼܚܙܐ܇ ܥܠ ܐܪܥܐ܇ ܐܒܕܢܐ ܩܠܝܼܠܐ ܣܿܒܠ ܡܼܢ ܥܢ̈ܢܐ ܕܡܼܢ ܐܠܗܐ܇ ܡܫܼܬܕܪܐ ܠܢ ܘܙ݀ܢܩܐ ܠܗ ܠܣܘ̈ܦܐ ܒܪ̈ܝܐ܀ ܡܙ̄ܡ ܕܩܡ̄ܛ. ܡܿܪܬܐ ܠܥܡܐ ܒܬܪ ܦܘܼܢܝܐ ܕܕܠܐ ܫܠܘܐ ܢܘܕܘܿܢ ܠܐܠܗܐ ܠܡܥܼܒܕ ܠܗܘܿܢ ܕܝܼܢܐ ܗ̄ ܗܕܐ ܗܿܝ ܗ݀ܝ ܕܐܡܼܪ ܐܠܗܐ ܒܝܕ ܢܒܝܐ ܕܐ݀ܒܕ ܦܘܼܪܥܢܐ ܒܐܕܘܡ܇ ܒܝܕ ܥܡܝ ܝܣܪܐܝܠ܆ ܘܗܐ ܐܢܿܐ ܥܠܝܟ ܓܘܿܓ ܗܕܐ ܕܡܐ ܕܡܫܼܬܡܠܝܐ܆ ܫܘܼܒܚܐ ܗܿܝ ܕܟܿܠܗܘܿܢ ܙܕܝܼܩ̈ܘܗܝ: ܗܕܐ ܠܡ ܗܿܘܝܐ ܠܟܘܿܢ ܥܠܬܐ܇ ܕܬܫܬܒܚܘܢܼ ܘܬܬܝܩܪܘܢܼ ܡܼܢ ܟ݀ܠܢܫ܀ ܡܙ̄ܡ ܕܡܐܐ ܘܚܡܫܝܢ ܡܪܬܝܢܘܼܬܐ ܠܥܡܐ ܕܒܟܿܠܙܢܝܼ̈ܢ ܕܙܡܪܐ ܢܫܒܚܘܢܼ ܠܫܡܗ ܫܒܚܘ ܠܡܪܝܐ ܒܩܘܼܕܫܗ ܗ̄ ܡܛ݀ܠ ܕܝܬܝܼܪ ܡܼܢܟܠ ܐܘ̃ ܝܘ̈ܕܝܐ ܡܦܣܝܼܢ ܐܢܬܘܿܢ ܒܩܕܝܼܫܘܼܬܗ܀ ܫܒܚܘܼܗܝ ܒܪܩܝܼܥܐ ܗ̄ ܕܗܿܟܢܐ ܒܼܪܝܗܝ ܘܪܡܐ ܡܼܢ ܡ̈ܝܐ ܘܐܐܪ: ܐܝܟ ܕܟ݀ܠܢܫ ܢܟܪܙ ܥܠ ܥܫܝܼܢܘܼܬܐ ܕܚܝܠܗ܀ ܦܠܓܐ܇ ܗܘܿ ܕܡܬܼܢܩܫ ܡܼܢ ܚܕ ܓܒܗ܀ ܪܒܝܼܥܐ ܗܘܿ ܕܡܼܢ ܬܪܝܢ ܓܒ̈ܘܗܝ܆ ܡ̈ܢܐ ܚܠ̈ܝܬܐ ܗܞ ܡܐܢܐ ܐܝܼܬ̄ܘ ܕܡܼܢ ܬܘܪܩܢܐ ܕܡ̈ܝܐ ܩܛܝܼܢ̈ܬܐ ܡܬܼܪܟܒ܇ ܘܝܬܝܪ ܚܿܠܐܼ ܘܗܢܝܼ ܨܘܬܐ ܕܙܡܪܗ܀ ܟܢܪܐ ܡܐܢܐ ܗܿܘ ܕܡܼܢ ܥܣܪ ܡܢ̈ܐ ܡܬܼܪܟܒ: ܘܛܒ ܚܿܠܐܼ ܨܘܬܐ ܘܩܠܐ ܕܢܩܫܗ܀ ܟ݀ܠ ܢܫܡܐ ܬܫܒܚܝ ܠܡܪܝܐ ܗ̄ ܐܢ ܒܩܠܐ ܕܙܡܝܼܪ̈ܬܐ ܢܬܚܫܚ ܐܢܫ܇ ܘܐܢ ܒܢܦܚܐ ܕܣܦܘ̈ܬܗ ܡܐ ܕܡܿܙܥܩ ܒܩܪ̈ܢܬܐ ܘܒܫܝܼܦܘܪ̈ܐ܇ ܣܢܝܼܩ ܥܠ ܐܐܪ ܕܒܗ ܢܬܚܝܠ ܕܢܗܘܐ ܥܫܝܼܢ ܟܘܟܒܗ: ܘܥܠܗܕܐ ܐܡܿܪ ܕܒܟܼܿܠܙܢܝܼ̈ܢ ܕܣܘܩܐ ܘܕܢܫܡܐ ܗܘܼܝܬܘܿܢ ܡܬܚܫܚܝܼܢ ܒܬܫܡܼܫܬܐ ܕܩܕܡ ܐܠܗܐ ܒܪܘܝܐ ܕܟ݀ܠ ܠܗ ܬܫܼܒ̈ܚܢ܀ ܫܠܡ ܦܘܼܫܩܐ ܣܘܥܪܢܝܐ ܕܕܘܝܕ ܡܠܟܐ ܘܢܒܝܐ ܒܐܝܼ̈ܕܝ ܝܘܚܢܢ ܒܪ ܡܠܟܐ ܩܪܡܙ ܕܡܼܢ ܡܙܝܙܚ ܩܪܝܬܐ ܒܫܢܬ ܐܨܿܥ̄ ܡ̄.