Aphrahat. “Prefatory Letter.” Based upon Jean Parisot ed., Aphraatis Sapientis Persae Demonstrationes (Paris: Firmin-Didot, 1894). Digital Syriac Corpus. Last modified July 4, 2017. https://syriaccorpus.org/24.
    
        

            
                1
                ‍[‍…‍]‍ [‍…‍]‍ ‍[‍…‍]‍  ܥܠ ‍[‍…‍]‍ܐ ܫܩܠܬܢܝ
                    ‍[‍…‍]‍ܒܟ܂ ܘܦܬܚ ܠܝ ܪ̈ܓܫܝ ܗܘܢܟ ܪ̈ܘܚܢܐ܂ ܘܡܢ ܡܕܡ ܕܡܢ ܟܬ̈ܒܐ ܩ̈ܕܝܫܐ ܐܕܪܟܬ
                    ܬܚܘܝܢܝ܂ ܡܛܠ ܕܚܘܣܪܢܝ ܡܢܟ ܢܬܡܠܐ܂ ܘܟܦܢܘܬܝ ܬܣܒܥ ܡܢ ܝܘܠܦܢܟ܂ ܘܨܗܝܘܬܝ ܬܦܝܓ ܡܢ ܡܒܘܥܐ
                    ܕܪܕܝܟ܂ ܟܕ ܣܓ̈ܝܐܬܐ ܓܝܪ ܣܝܡܢ ܒܬܪܥܝܬܝ ܕܐܫܐܠܟ܂ ܐܠܐ ܟܠܗܝܢ ܒܢܛܝܪܘܬܐ ܠܘܬܝ ܐܝܬܝܗܝܢ܂ ܕܡܐ
                    ܕܐܬܝܬ ‍[‍ܠ‍]‍ܘܬܟ ܬܦܝܣܝܢܝ ܥܠ ܟܠ ܫܪ̈ܒܝܢ܂܀܂܂܃܂܂܃܂܀ 
            
            
                2
                ‍[‍ܡܢ‍]‍ ܩܕܡ ܕܝܢ ܟܠ ܡܕܡ ‍[‍ܗܕܐ‍]‍ ܕܐܠܨܐ ܠܝ ܨܒܐ ‍[‍ܐܢ‍]‍ܐ ܕܬܟܬܘܒ
                    ܬܦܝܣܝܢܝ܂ ‍[‍ܥ‍]‍ܠ ܗܝܡܢܘܬܢ ܕܐܝܟܢܐ ‍[‍ܐܝܬܝ‍]‍ܗ܂ ܘܐܝܕܐ ܗܝ ‍[‍ܫܬܐ‍]‍ܣܬܗ܂ ܘܥܠ ܐܝܢܐ
                    ‍[‍ܒܢܝܢܐ ܣ‍]‍ܠܩܐ܂ ܘܒܐܝܠܝܢ ‍[‍ܡܬܣܝ‍]‍ܡܐ܂ ܘܐܝܟܢܐ ‍[‍…‍]‍ܗ ܘܫܘܟܠܠܗ܂ ‍[‍ܘ‍]‍ܐܠܝܢ
                    ܥܒ̈ܕܐ ܡܬܒܥܝܢ ܠܗ܂ ܐܢܐ ܓܝܪ ܒܠܚܘܕ ܡܗܝܡܢ‍[‍ܘ‍]‍ ܗܝܡܢܬ܂ ܕܚܕ ܗܘ ܐܠܗܐ ܕܥܒܕ ܫܡܝܐ ܘܐܪܥܐ
                    ܡܢ ܒܪܫܝܬ܂ ܘܗܘ ܨܒܬ ܥܠܡܐ ܒ‍[‍ܬܘ‍]‍ܩ̈ܢܘܗܝ܂ ܘܗܘ ܥܒܕ ܠܐܢܫܐ ܒܨܠܡܗ܂ ܘܗܘܝܘ ܕܩܒܠ ܩܘܪܒܢܗ
                    ܕܗܒܝܠ܂ ܘܗܘ ܫܢܝ ܠܚܢܘܟ ܡܛܠ ܫܦܝܪܘܬܗ܂ ܘܗܘ ܣܬܪ ܠܢܘܚ ܡܛܠ ܟܢܘܬܗ܂ ܘܗܘ ܓܒܐ ܠܐܒܪܗܡ ܡܛܠ
                    ܗܝܡܢܘܬܗ܂ ܘܗܘ ܡܠܠ ܥܡ ܡܘܫܐ ܡܛܠ ܡܟܝܟܘܬܗ܂ ܘܐܦ ܒܟܠܗܘܢ ܢܒ̈ܝܐ ܗܘܝܘ ܡܠܠ܂ ܘܗܘ ܬܘܒ ܫܕܪ
                    ܠܡܫܝܚܗ ܠܥܠܡܐ܂ ܒܗܠ‍[‍ܝܢ‍]‍ ܓܝܪ ܐܚܝ ܗܟܢܐ ܡܗܝ‍[‍ܡܢ‍]‍ ܐܢܐ ܕܐܝܬܝܗܝܢ܂ ܡܛܠ ܗܢܐ ܐܚܝ܂
                    ܒܥܢܐ ܡܢܟ܂ ܕܬܟܬܘܒ ܠܝ ܘܬܚܘܝܢܝ܂ ܐܝܠܝܢ ܥܒ̈ܕܐ ܡܬܒܥܝܢ ܠܗܝܡܢܘܬܢ ܗܕܐ ܘܬܢܝܚܝܢܝ܂܀܂܂܂