Thomas. “Acts of Judas Thomas - ܦܪ̈ܟܣܝܣ ܕܝܗܘܕܐ.” Based upon William Wright, Apocryphal Acts of the Apostles (Williams and Norgate, 1871). Digital Syriac Corpus. Last modified March 1, 2018. https://syriaccorpus.org/332.
    
        
            
                First Act
                 172 
                ܬܘܒ ܦܪܟܣܝܣ ܕܝܗܘܕܐ ܬܐܘܡܐ ܫܠܝܚܐ 
                ܟܕ ܙܒܿܢܗ ܠܚܒܢ ܬܓܪܐ ܕܢܚܘܬ ܢܬܠܡܕ
                ܠܗܢܕܘ.
            
            
                 ܘܟܕ ܗܘܘ ܙܒܢܐ ܒܐܘܪܫܠܡ ܫ̈ܠܚܝܐ ܟܠܗܘܢ܆ ܫܡܥܘܢ ܟܐܦܐ ܘܐܢܕܪܐܘܣ܇ ܘܝܥܩܘܒ
                    ܘܝܘܚܢܢ : ܘܦܝܠܝܦܘܣ ܘܒܪ ܬܘܠܡܝ : ܘܬܐܘܡܐ ܘܡܬܝ ܡܟܣܐ. ܘܝܥܩܘܒ ܒܪ ܚܠܦܝ ܘܫܡܥܘܢ ܩܢܢܝܐܕ
                    ܘܝܗܘܐ ܒܪ ܝܥܩܘܒܼ ܦܠܓܿܘ ܗܘܘ ܐܬܪ̈ܘܬܐ ܒܝܢܬܗܘܢ. ܐܝܟܢܐ ܕܚܕ ܚܕ ܡܢܗܘܢܿ. ܢܟܪܙ ܒܦܢܝܬܐ
                    ܕܡܛܬܗ ܘܒܐܬܪܐ ܕܡܪܗ ܫܕܪܗ ܀ ܘܡܼܛܬܼ ܒܦܣܬܐ ܘܒܦܠܓܘܬܐ: ܗܢܕܘ ܠܝܗܘܕܐ ܬܐܘܡܐ ܫܠܝܚܐܼ. ܘܠܐ
                    ܨܿܒܐ ܗܘܐ ܕܢܐܙܿܠ܆ ܟܕ ܐܡܿܪ ܗܘܐܼ. ܕܠܐ ܡܫܝܟܚ ܐܢܐ ܚܝܠܐ ܕܗܕܐ. ܡܛܠ ܕܒܨܝܪ ܐܢܐ. ܘܓܒܪܐ ܐܢܐ
                    ܥܒܪܝܐܼ. ܐܝܟܢܐ ܠܗ̈ܢܕܘܝܐ ܡܫܟܚ ܐܢܐ ܕܐܿܠܦ ܀ ܘܟܕ ܗܠܝܢ ܡܬܪܥܐ ܗܘܐ ܝܗܘܕܐ. ܐܬܚܙܝ ܠܗ ܡܪܢ
                    ܒܚܙܘܐ ܕܠܠܝܐܼ ܘܐܡܼܪ ܠܗ. ܠܐ ܬܕܚܠ ܬܐܘܡܐ. ܡܛܠ ܕܛܝܒܘܬܝ ܥܡܟ ܗܝ. ܗܼܘ ܕܝܢ ܣܟ ܠܐ ܡܬܛܦܝܣ
                    ܗܘܐ. ܟܕ ܐܡܿܪ. ܕܠܐܝܟܐ ܕܨܿܒܝܼܬ ܡܪܢ ܫܕܪܝܢܝ. ܒܠܚܘܕ ܠܗܢܕܘ ܠܐ ܐܙܿܠ ܐܢܐ ܀  173  ܘܟܕ ܗܠܝ ܡܬܪܥܐ ܗܘܐ ܝܗܘܕܐܼ.
                    ܓܼܕܫܬܓܪܐ ܚܕ [ܗܢܕ]ܘܝܐ ܒܐܬܪܐ ܕܬܝܡܢܐ ܡܢ.... [ܕ]ܫܡܗ ܗܘܐ ܚܿܒܢ. [ܘܡ]ܢ ܡܿܠܟܐ ܓܘܕܢܦܪ
                    ܡܫܿܕܪ ܗܘܐ. ܐܝܟܢܐ ܕܓܒܪܐ ܢܓܿܪܐ ܐܘܡܢܐ ܢܘܒܠ ܠܗ. ܘܚܼܙܝܗܝ ܡܪܢ ܟܕ ܡܗܿܠܓ ܒܐܘܪܚܐ ܘܐܼܪ ܠܗ.
                    ܢܓܪܐ ܒܥܿܐ ܐܢܬ ܕܬܙܒܼܢ. ܐܡܿܪ ܠܗ ܐܝܢ. ܐܡܿܪ ܠܗ ܡܪܝܢ ܐܝܬ ܠܝ ܥܒܼܕܐ ܢܓܪܐ ܕܐܙܒܿܢ ܠܟ.
                    ܘܚܘܝܗ ܠܗ ܡܢ ܪܘܚܩܐ ܠܬܐܘܡܐ. ܘܩܨ ܥܡܗ ܥܣܪܝܢ ܕܟܣܦܐ ܕܡ̈ܘܗܝ. ܘܟܬܒܘ ܫܛܪܐ ܗܟܢܐ ܀ ܝܫܘܥ ܒܪ
                    ܝܣܘܦ ܢܓܿܪܐ ܕܡܢ ܒܝܬܠܚܡ ܩܼܪܝܬܐ ܕܒܝܗܘܕ. ܡܿܘܕܐ ܐܢܐ ܕܙܿܒܢܼܬ ܠܝܗܘܕܐ ܬܐܘܡܐ ܥܒܼܕܐ ܕܝܠܝ.
                    ܠܚܿܒܢ ܬܓܪܐ ܕܓܘܕܢܦܪ ܡܿܠܟܐ ܀ ܀ ܘܟܕ ܫܠܡܘ ܐܫܛܪ̈ܘܗܝ. ܕܒܪܗ ܝܫܘܥ ܠܝܗܘܕܐܼ. ܘܐܙܼܠ ܠܘܬ
                    ܚܿܒܢ ܬܓܪܐ. ܘܚܼܙܝܗܝ ܚܿܒܢ ܘܐܡܼܪ ܠܗ. ܡܪܟ ܗܘ ܗܢܐ. ܐܡܿܪ ܠܗ ܝܗܘܕܐ ܐܝܢ ܡܪܝ ܗܘ. ܡܪܟ ܗܘ
                    ܗܢܐ. ܐܡܿܪ ܠܗ ܚܒܢ ܬܓܪܐ. ܡܙܒܿܢܘ ܙܒܿܢܟ ܠܝ. ܘܝܗܘܕܐ ܫܼܬܩ ܠܗ ܀ ܘܒܨܦܪܐ ܩܡ ܘܨܿܠܝ. ܘܒܥܼܐ
                    ܡܢ ܡܪܗ ܘܐܡܼܪ ܠܗ. ܗܐ ܡܪܢ ܐܝܟܢܐ ܕܨܿܒܼܝܬ ܢܗܼܘܐ ܨܒܝܢܟ. ܘܐܙܠ ܠܘܬ ܚܿܒܢ ܬܓܪܐܼ. ܟܕ ܡܕܡ
                    ܠܐ ܫܩܼܠ ܥܡܗ܇ ܐܠܐ ܗܢܘܢ ܕܡܼ̈ܘܗܝ. ܝܼܗܒ ܗܘܐ ܐܢܘܢ ܠܓ ܓܝܪ ܡܪܢ. ܘܐܙܼܠ ܝܗܘܕܐ ܘܐܫܟܚܗ
                    ܠܚܿܒܢ ܬܓܪܐ ܟܕ  174  ܡܿܣܩ ܡܐܢ̈ܘܗܝ
                    ܠܐܠܦܐ. ܘܫܼܿܪܝ ܗܘܐ ܕܢܣܼܩ ܥܡܗ ܀ ܀ܘܟܕ ܣܠܩܘ ܘܝܬܒܘܼ. ܐܡܿܪ ܠܗ ܚܒܢ ܬܓܪܐ ܠܝܗܘܕܐ. ܡܢܐ ܗܝ
                    ܐܘܡܢܘܬܐ ܕܚܿܝܼܠ[ـܬܢ] ܐܢܬ ܕܬܥܼܒܕ. ܐܡܿܪ ܠܗ ܝܗܘܕܐ ܢܓܿܪܘܬܐ ܘܐܪܕܟܠܘܬܐܼ ܥܿܒܕܗ ܕܢܓܪܐ.
                    ܐܡܿܪ ܠܗ ܚܿܒܢ ܬܓܪܐ. ܡܢܐ ܝܿܕܥ ܐܢܬ ܕܬܥܒܕ ܒܩ̈ܝܣܐܼ ܘܡܢܐ ܒܦܣ̈ܝܠܬܐ. ܐܡܿܪ ܠܗ ܝܗܘܕܐ.
                    ܒܩ̈ܝܣܐ ܝܿܠܦܬ ܕܐܿܥܕ. ܩ̈ܩܢܐ ܘܢܝܪ̈ܐ ܘܡ̈ܣܣܐ. ܘܠܝ̈ܩܐ ܠܦܢ̈ܛܘܢܐܼ ܘܥܕܪ̈ܐ ܠܐ̈ܠܦܐ. ܘܒܟܐ̈ܦܐ
                    ܢܦܫ̈ܬܐ ܘܢ̈ܘܣܐܼ. ܘܗ̈ܝܟܠܐܼ ܘܒܝܼܪ̈ܬܐ ܠܡ̈ܠܟܐ. ܐܡܿܪ ܠܗ ܚܿܒܢ ܬܓܪܐ. ܐܦ ܐܢܐܼ ܗܿܢܘ ܐܘܡܢܐ
                    ܒܥܿܐ ܗܿܘܝܬ ܀ ܘܫܪܝܘ ܗܘܘ ܠܡܪܕܐ. ܡܛܠ ܕܩܡܿܬ݀ ܗܘܬ ܠܗܿ ܪܘܚܐ. ܘܒܗܝܠܐܝܬ ܪܕܝܿܢ ܗܘܘܼ. ܥܕܡܐ
                    ܕܣܡܼܟܘ ܠܣܢܕܪܘܟ ܡܚܘܙܐ. ܟܕ ܢܚܼܬܘ ܕܝܢ ܠܐܪܥܐ : ܘܥܐܿܠܝܢ ܗܘܘ ܘܐܙܿܠܝܢ ܠܡܕܝܢܬܐ. ܫܡܼܥܘ
                    ܘܡܫܐܿܠ ܗܘܐ ܝܗܘܕܐ ܘܐܡܿܪ. ܕܡܢܐ ܗܝ ܚܕܘܬܐ ܕܐܝܬ ܒܗܕܐ ܡܕܝܢܬܐ. ܐܡܿܪܝܢ ܠܗ. ܐܦ ܠܟܼ ܐܠܗ̈ܐ
                    ܐܝܬܝܘܟ ܕܬܒܣܼܡ ܒܗܕܐ ܡܕܝܢܬܐܼ. ܡܿܠܟܐ ܓܝܪ ܒܪܬܐ ܝܚܝܕܝܬܐ ܐܝܬ ܠܗܼ. ܘܠܓܒܪܐ ܝܿܗܒ ܠܗܿ.
                    ܘܩܠܐ ܗܢܐ ܕܚܕܘܬܐ ܕܝܠܗܿ ܗܘ ܕܡܫܬܘܬܐ. ܘܐܦ ܟܪ̈ܘܙܐ ܫܒܝܩܝܢ ܠܗ ܠܡܿܠܟܐ ܕܢܟܪܙܘܢ. ܕܟܘܠ ܐܢܫ
                    ܢܐܬܐ ܠܡܫܬܘܬܐ.  175  ܘܐܦ ܡ̈ܣܟܢܐ ܘܥܬܝܪ̈ܐ
                    ܘܥܒܼ̈ܕܐ ܘܒ̈ܢܝ ܚܐܪ̈ܐ. ܘܢܘܟܪ̈ܝܐ ܘܒ̈ܢܝ ܡܕܝܢܬܐ. ܘܟܠ ܐܢܫ ܕܠܡܫܬܘܬܐ ܠܐ ܢܐܬܐܿ ܪܫܝܢܐ
                    ܠܡܿܠܟܐ ܢܚܼܘܒ ܀ ܐܡܿܪ ܠܗ ܚܿܒܢ ܬܓܪܐ ܠܝܗܘܕܐ. ܢܐܙܠ ܐܦ ܚܢܢ ܕܠܐ ܒܝܼܫܐܝܬ ܢܫܬܼܡܥ.
                    ܘܝܬܝܪܐܝܬ ܕܐܟ̈ܣܢܝܐ ܚܢܢ. ܘܟܕ ܫܼܪܘ ܒܦܘܬܩܐ ܘܐܬܬܢܝܼܚܘ ܩܠܝܠ ܐܙܼܠܘ ܠܡܣܬܡܿܟܘ. ܗܼ، ܕܝܢ
                    ܝܗܘܕܐ ܒܡܨܥܬܐ ܐܣܬܡܼܟ. ܘܟܠܗܘܢ ܒܗ ܚܿܝܪܝܢ ܗܘܘܼ ܐܝܟ ܕܒܐܟܣܢܝܐ܇ ܕܡܢ ܕܘܟܐ ܐܚܪܢܝܐ ܐܬܼܐ.
                    ܘܚܿܒܢ ܬܓܪܐ ܡܪܗ ܒܕܘܟܬܐ ܐܚܪܬܐ ܣܡܝܼܟ ܗܘܐ. ܘܟܕ ܠܥܼܣܘ ܘܐܫܬܝܘܼ. ܝܗܘܕܐ ܡܕܡ ܣܿܟ ܠܐ ܛܿܥܡ
                    ܗܘܐ. ܐܡܿܪܝܢ ܠܗ ܗܿܢܘܢ ܕܠܘܬܗ. ܡܢܐ ܐܬܼܝܬ ܠܟܐ. ܟܕ ܠܐ ܠܡܠܥܣ ܘܠܐ ܠܡܫܬܐ ܡܫܟܚ ܐܢܬ : ܐܡܿܪ
                    ܠܗܘܢ ܝܗܘܕܐ. ܡܠ ܡܕܡ ܗܘ ܕܡܝܿܬܪ ܡܢ ܡܐܟܠܐ ܘܡܢ ܡܫܬܝܐ ܐܬܿ݀ܝܬ ܠܟܐ. ܘܐܦ ܡܛܠ ܢܝܿܚܐ
                    ܕܡܿܠܟܐܼ ܘܕܐܿܫܼܠܡ ܨܒܝܢܗ. ܘܡܛܠܬ ܕܟܪ̈ܘܙܐ ܩܿܪܝܢ ܗܘܘ. ܕܡ̤ܿ ܕܣܡܼܥ ܘܠܐ ܢܐܬܐܼ ܡܣܡ ܒܪܝܫܐ
                    ܢܩܿܒܠ. ܘܟܕ ܠܥܼܣܘ ܕܝܢ ܘܟܕ ܐܫܬܝܘ. ܐܦ ܡܼܫܚܐ ܘܟܼܣ̈ܢܐ ܐܥܼܠܘ ܠܗܘܢ܆ ܘܫܩܠܘ. ܐܝܬ ܡܢܗܘܢ
                    ܕܐ̈ܦܝܗܘܢ ܡܫܚܝܢ ܗܘܘ. ܘܐܝܬ ܡܢܗܘܢ ܕܕܩ̈ܢܝܗܘܢ ܘܐܝܬ ܕܕܘ̈ܟܝܬܐ ܐܚܪ̈ܢܝܬܐ. ܝܗܘܕܐ ܕܝܢ ܠܐܠܗܐ
                    ܡܫܿܒܚ ܗܘܐ. ܘܡܨܥܬ ܪܝܫܗ ܚܿܬܡ ܗܘܐ. ܘܒܢܚܝܪ̈ܘܗܝ ܩܠܝܠ ܐܪܛܒ. ܘܒܐ̈ܕܢܘܗܝ ܣܼܡ ܗܘܐ. ܘܠܠܒܗܼ
                    ܪܡܼܡ ܗܘܐ. ܘܟܠܝܠܐ ܕܐܣܐ ܒܪܝܫܗܼ ܣܝܡ ܗܘܐ.  176  ܘܛܪܦܐ ܕܩܢܝܐܼ ܒܐܝܼܕܗ ܐܚܕ ܗܘܼܐ ܀ ܗܿܝܕܝܢ ܙܡܿܪܬܐ ܕܐܝܬ ܗܘܐ ܒܓܘ ܣܡܟܐܼ.
                    ܥܠ ܟܠܗܘܢ ܡܬܟܪܟܐ ܗܘܬ. ܘܟܕ ܡܼܛܬ݀ ܠܘܬ ܝܗܘܕܐܼ. ܩܝܿܡܐ ܗܘܬ ܘܠܥܠ ܡܢܗ ܙܡܿܪܐ ܗܘܬ. ܗܿܝ ܕܝܢ
                    ܙܡܿܪܬܐܥܒܼܪܝܬܐ ܗܼܘܬ. ܘܟܕ ܣܓܿܝ ܥܕܢܐ ܩܿܡܼܬ݀ ܠܥܠ ܡܢܗܼ. ܝܗܘܕܐ ܠܐ ܐܪܝܡ ܐܦܘ̈ܗܝ ܠܥܠ :
                    ܐܠܐ ܟܠ ܒܐܪܥܐ ܚܐܿܪ ܗܘܐ. ܘܐܬܼܐ ܚܕ ܡܢ ܗܿܢܘܢ ܫ̈ܩܿܘܬܐܼ. ܐܪܝܡ ܐܝܼܕܗ ܘܥܠ ܦܟܗ ܡܚܼܝܗܝ.
                    ܝܗܘܕܐ ܕܝܢ ܚܼܪ ܒܗܼ ܘܐܡܼܪ ܠܗ. ܐܠܗܝ ܢܫܒܘܩ ܠܟ ܗܕܐ ܒܥܠܡܐ ܕܥܬܝܕ. ܒܗܢܐ ܕܝܢ ܥܠܡܐܼ ܢܚܿܘܐ
                    ܬܕܡܪ̈ܬܗ ܒܗܿܝ ܐܝܼܕܐ ܕܡܿܚܬܢܝ. ܘܐܚܙܝܗܿ ܟܕ ܓܪܝܪ ܠܗܿ ܟܠܒܐ ܀ ܘܫܼܿܪܝ ܗܘܐ ܝܗܘܕܐ ܕܢܙܡܼܪ
                    ܙܡܝܼܪܬܐ ܗܕܐ. ܥܬܕܝ ܒܪܬ݀ ܢܘܗܪܐ. ܙܝܘܐ ܕܡ̈ܠܟܐ ܐܝܬ ܠܗܿ. ܓܐܐ ܘܪܓܿܝܓ ܚܙܘܗܿ. ܝܐܐ ܘܡܿܨܒܬ
                    ܒܟܠ ܥܿܒܕ ܛܒ. ܠܒܘ̈ܫܝܗܿ ܠܦܩ̈ܚܐ ܕܡܿܝܢ ܕܦܝܿܝܚ ܘܒܣܝܡ ܪܝܚܗܘܢ. ܒܪܝܫܗܿ ܫܿܪܐ ܡܿܠܟܐ ܘܙܐܿܢ
                    ܒܥܡܘܪ̈ܘܗܝ ܠܬܚܬ. ܩܘܫܬܐ ܒܪܝܫܗܿ ܣܝܡܐܼ. ܚܕܘܬܐ ܒܪ̈ܓܠܝܗܿ ܡܕܝܠܐ. ܦܘܡܗܿ ܦܬܝܼܚ ܘܝܐܐ ܠܗܿ.
                    ܕܟܠ ܬܫ̈ܒܚܢ ܒܗ ܐܡܿܪܐ. ܬܪ̈ܥܣܪ ܫ̈ܠܝܚܘܗܝ ܕܒܪܐ ܘܫܒ̈ܥܝܢ ܘܬܪ̈ܝܢ ܒܗܿ ܪܥܿܡܝܢ. ܠܫܢܗܿ ܐ̈ܦܝ
                    ܬܪܥܿܐ. ܕܡܪܝܼܡ ܘܥܐܿܠ ܟܗܢܐ. ܩܕܠܗܿ ܕܪ̈ܓܝܢ ܕܪ̈ܓܝܢ. ܕܐܪܕܟܠܐ ܩܕܡܝܐ ܒܢܝܼܗܝ. ܐܝܼ̈ܕܝܗܿ
                    ܬܪ̈ܬܝܗܝܢܿ ܠܐܬܪܐ ܕܚ̈ܝܐ ܡܟܪ̈ܙܢ. ܘܥܣܪ̈ ܨ̈ܒܥܬܗܿ ܬܪܥ ܕܫܡܝܐ ܦܬܚ̈ܝ. ܒܝܬ ܓܢܘܢܗܿ ܢܗܝܪ.
                    ܘܪܝܚܐ ܕܦܘܪܩܢܐ ܡܼܿܠܐ. ܦܝܪܡܐ ܒܓܘܗܿ ܡܬܼܩܢ.  177  ܚܘܒܐ ܘܗܝܡܢܘܬܐ ܘܣܒܪܐ ܠܟܘܠ ܡܿܒܣܡܼ. ܡܢ ܠܓܘ ܡܟܼܝܟ ܫܪܪܐ. ܬܪ̈ܥܝܗܿ ܒܩܘܫܬܐ
                    ܡܨܿܒܬܝܢ. ܫ̈ܘܫܒܝܢܝܗܿ ܚܕܝܪܝܢ ܠܗܼܿ. ܟܠܗܘܢ ܕܠܗܘܢ ܙܡܿܢܼܬ݀. ܘܫ̈ܘܫܒܝܢܬܗܿ ܩ̈ܕܝܫܬܐ ܩܕܡܝܗܿ
                    ܫܘܒܚܐ ܡ̈ܡܠܠܢ. ܡܫܡܫܝܢ ܩܕܡܝܗܿ ܚ̈ܝܐ. ܘܚܝܪܝܢ ܠܚܬܢܗܘܢ ܕܢܐܬܐ. ܘܗܢܼܘܢ ܒܫܘܒܚܗ ܢܼܢܗܪܘܢ.
                    ܘܢܗܘܘܢ ܒܡܿܠܟܘܬܐ ܥܡܗ ܕܠܥܠܡ ܥܠܡܝܢ ܠܐ ܥܿܒܪܐ. ܘܢܗܘܘܢ ܒܫܘܒܚܐ ܕܠܗ ܟܠܗܘܢ ܙܕܝ̈ܩܐ ܟܢܝܫܝܢ.
                    ܘܢܗܘܘܢ ܒܒܘܣܡܐܼ. ܕܠܗ ܚܕܚ̈ܕܢܐ ܥܐܿܠܝܢ. ܘܢܠܒܫܘܢ ܠܒ̈ܘܫܝ ܢܘܗܪܐ. ܘܢܬܥܛܦܘܢ ܒܫܘܒܚܐ
                    ܕܡܪܗܘܢ. ܘܢܫܒܚܘܢ ܠܐܒܐ ܚܼܿܝܐ. ܕܩܿܒܠܘ ܢܘܗܪܗ ܓܐܝܐ. ܘܢܗܪܘ ܒܙܝܘܗ ܕܡܪܗܘܢ. ܕܩܿܒܠܘ ܡܢ
                    ܦܘܪܢܣܗ. ܕܐܦܘܣܝܐ ܡܢ ܡܬܘܡ ܠܝܬ ܠܗ. ܘܐܫܼܬܝܘ ܡܢ ܚ̈ܝܐ. ܕܡܠܗܩܝܢ ܘܡܨܗܝܢ ܠܫܬܝܿܝ̈ܗܘܢ.
                    ܘܫܒܿܚ ܠܐܒܐ ܡܪܐ ܕܟܠ ܘܠܒܪܐ ܝܚܝܕܝܐ ܕܡܢܗ. ܘܐܘܕܝܘ ܠܪܘܚܐ ܚܟܡܬܗ ܀ ܘܟܕ ܙܡܿܪ ܗܘܐ ܗܕܐ
                    ܙܡܝܪܬܐܼ. ܟܠܗܘܢ ܗܿܢܘܢ ܕܠܘܬܗܼ ܒܗ ܚܿܝܪܝܢ ܗܘܘ. ܘܚܿܙܝܢ ܗܘܘ ܕܓܘܢܗ ܐܫܬܚܠܦ ܠܗ. ܡܫܼܡܥ ܕܝܢ
                    ܠܐ ܫܡܥܝܢ ܗܘܘ ܡܢܐ ܐܡܿܪ ܗܘܐ. ܡܛܠ ܕܗܼܘ ܥܒܪܐܝܬ ܐܡܿܪ ܗܘܐ. ܘܗܼܢܘܢ ܠܐ ܝܿܕܥܝܢ ܗܘܘ.
                    ܙܡܼܿܪܬܐ ܕܝܢ ܟܠܡܕܡ ܫܡܼܥܐ ܗܘܬ. ܡܛܠ ܕܥܒܪܝܬܐ ܗܘܬ. ܘܒܗ ܚܿܝܪܐ ܗܘܬ܀ ܘܟܕ ܫܢܼܝܬܿ ܡܢ ܠܘܬܗ
                    ܘܠܐܚܪ̈ܢܐ ܙܡܿܪܐ ܗܘܬ݀. ܬܘܒ ܒܗ ܚܿܝܪܐ ܗܘܬ. ܘܐܚܒܬܗ ܗܘܬ ܐܝܟ ܕܠܓܒܪܐ  178  ܒܪ ܐܬܪܗܿ. ܐܦ ܒܚܙܘܗ ܫܦܝܪ ܗܘܐ ܡܢ
                    ܟܠܗܘܢ ܗܿܢܘܢ ܕܐܝܬ ܗܘܘ ܬܡܢ. ܘܟܕ ܙܡܼܿܪܬܐ ܫܠܡܼܬܼ݀. ܝܬܼܒܬܿ ܠܗܿ ܠܩܘܼܒܠܗ. ܘܠܐ ܡܼܪܦܝܐ
                    ܗܘܬ ܥ̈ܝܢܝܗܿ ܡܢܗܼ. ܗܼܘ ܕܝܢ ܠܐ ܡܿܪܝܡ ܗܘܐ ܥ̈ܝܢܘܗܝ ܘܠܐ ܚܿܐܪ ܗܘܐ ܒܐܢܫ. ܐܠܐ ܟܠ ܒܐܪܥ
                    ܚܿܐܪ ܗܘܐܿ. ܥܕ ܢܩܘܡ ܘܢܦܼܛܪ ܡܢ ܒܝܬ ܣܡܟܐ ܀ ܫܼܿܩܝܐ ܕܝܢ ܗܿܘ ܢܚܼܬ ܗܘܐ ܠܥܝܢܐ ܕܢܡܼܠܐ
                    ܡ̈ܝܐ. ܘܐܫܬܘܪܝ ܬܡܢ ܐܪܝܐ ܘܬܒܼܪܗ ܘܗܕܡܼ ܗܕܡ ܦܣܩܗ ܗܘܐ ܀ ܗܿܝܕܝܢ ܟ̈ܠܒܐ ܚܕ ܚܕ ܡܢ
                    ܗ̈ܕܡܘܗܝܼ ܫܩܝܠܝܢ ܗܘܘ. ܟܠܒܐ ܕܝܢ ܚܕ ܐܘܟܡܐ. ܐܝܼܕܗ ܕܝܡܝܢܐ܇ ܗܿܝ ܕܐܪܝܡ ܥܠ ܝܗܘܕܐ ܫܩܝܠ
                    ܗܘܐܼ. ܘܡܨܥܬ ܣܡܟܐ ܐܥܠܗܿ.. ܘܟܕ ܚܙܐܘܗܿ ܟܠܗܘܢܼ ܬܡܼܗܘ. ܘܟܕ ܟܠܗܘܢ ܡܫܐܿܠܝܢ ܗܘܘ ܕܡܢܼܘ
                    ܛܥܿܐ ܡܢܗܘܢܼ. ܐܫܬܼܟܚܼܬܿ ܐܝܼܕܐ ܕܕܫܼܿܩܝܐ ܗܝ. ܗܿܘ ܕܡܚܼܝܗܝ ܗܘܐ ܠܝܗܘܕܐ ܀ ܗܿܝܕܝܢ
                    ܙܡܼܿܪܬܐ ܬܒܼܪܬ ܐܒܘ̈ܒܝܗܿ ܘܠܘܬ ܪ̈ܓܠܘܗܝ ܕܫܠܝܚܐ ܐܼܬܬ݀. ܝܬܒܼܬܿ ܘܐܡܿܪܐ ܗܘܬ. ܕܗܢܐ ܓܒܪܐ
                    ܐܘ ܐܠܗܐ ܗܘ ܐܘ ܫܠܝܚܐ ܕܐܠܗܐ. ܐܢܐ ܓܝܪ ܫܡܿܥܬܗ ܥܒܼܪܐܝܬ ܡܕܡ ܕܐܡܼܪ ܠܗܿܘ ܫܼܿܩܝܐ. ܘܒܗܿ
                    ܒܫܥܬܐ ܓܼܕܫ ܠܗ. ܐܡܼܪ ܠܗ ܓܝܪ܆ ܕܐܚܙܝܗܿ ܠܐܝܼܕܐ ܕܡܚܬܢܝ܆ ܟܕ ܓܪܝܪ ܠܗܿ ܟܠܒܐ. ܘܗܐ ܚܙܼܝܬܘܢ
                    ܐܝܟܢܐ ܓܪܗܿ ܟܠܒܐ. ܘܡܢܗܘܢ ܗܝܡܢܘ ܠܙܡܿܪܬܐܼ. ܘܡܢ ܗܘܢ ܠܐ ܡܗܝܡܢܝܢ ܗܘܘ. ܡܿܠܟܐ ܕܝܢ ܟܕ
                    ܛܒܼܐ ܗܢܐ ܫܡܼܥ܆ ܐܬܼܐ ܘܐܡܼܪ ܠܗ ܠܝܗܘܕܐ. ܬܐ ܥܡܝܼ ܘܨܿܠܐ ܥܠ ܒܪܬܝ.  179  ܡܛܠ ܕܝܚܝܕܝܬܐ ܗܝ ܠܝ. ܘܝܘܡܢܐ ܡܬܩܢ
                    ܐܢܐ ܠܗܿ. ܘܠܐ ܨܼܒܐ ܕܢܐܙܠ ܥܡܗܼ. ܡܛܠ ܕܠܐ ܥܕܟܝܠ ܐܬܚܙܝ ܗܘܐ ܠܗ ܡܪܢ ܒܗܿܘ ܐܬܪܐ ܀ ܡܿܠܟܐ
                    ܕܝܢ ܒܩܛܝܪܐ ܐܘܒܠܗ ܠܒܝܬ ܓܢܘܢܐ. ܘܫܼܿܪܝ ܗܘܐ ܕܢܨܿܠܐ ܘܢܐܡܪ ܗܟܢܐ. ܡܪܢ ܠܘܝܐ ܕܥ̈ܒܼܕܘܗܝ.
                    ܘܗܼܕܝܐ ܘܡܕܒܪܢܐ. ܕܐܝܠܝܢ ܕܡܗܝܡܢܝܢ ܒܗ. ܘܒܝܬ ܓܘܣܐ ܘܢܝܿܚܐ ܕܐܠܝ̈ܨܐ : ܘܣܒܪܐ ܕܡ̈ܣܟܢܐ܇
                    ܘܦܪܘܩܐ ܕܡ̈ܚܝܠܐ. ܘܡܐܣܝܢܐ ܕܢ̈ܦܫܬܐ ܟܪ̈ܝܗܬܐ. ܘܡܚܝܢܐ ܕܥ̈ܠܡܐ ܘܦܪܘܩܐ ܕܒܪ̈ܝܬܐܼ. ܐܢܬ ܗܘ
                    ܕܝܿܕܥ ܐܢܬ ܐܝܠܝܢ ܕܥܬܝ̈ܕܢ. ܘܒܢ ܓܡܿܪ ܐܢܬ ܠܗܝܢ. ܐܢܬ ܗܘ ܡܚܘܝܢܐ ܕܪ̈ܐܙܐ ܟ̈ܣܝܐ . ܘܡܓܠܝܢܐ
                    ܕܡ̈ܠܐ ܣܬܝܪ̈ܬܐ. ܐܢܬ ܗܘ ܢܨܘܒܗ ܕܐܝܠܢܐ ܛܿܒܐ. ܘܒܐܝܼ̈ܕܝܟ ܟܠܗܘܢ ܥܿܒ̈ܕܐ ܗܼܘܘ. ܐܢܬ ܗܘ
                    ܕܟܣܼܝܬ ܒܟܠܗܘܢ ܥܿܒ̈ܕܝܟ ܘܡܬܝܕܥ ܐܢܬ ܒܣܘܥܪ̈ܢܝܗܘܢ. ܝܫܘܥ ܒܪܐ ܡܫܠܝܡܢܐ ܕܪ̈ܚܡܼܐ ܡ̈ܫܠܡܢܐܙ
                    ܘܗܼܘܝܬ ܡܫܝܚܐ ܘܠܒܼܫܬ ܠܒܪܢܫܐ ܩܕܡܝܐ. ܐܢܬ ܗܘ ܚܝܠܐ ܘܚܟܡܬܗ܇ ܘܡܕܥܗ ܘܨܒܝܢܗ ܘܢܝܿܚܗ
                    ܕܐܒܘܗܝ܇ ܕܟܣܼܝܬ ܒܗ ܒܫܘܒܚܐ ܘܓܠܼܝܬ ܒܗ ܒܥܒܘܕܘܬܟ. ܘܚܕ ܐܢܬܘܢ ܒܬܪ̈ܝܢ ܫ̈ܡܗܝܢ. ܘܐܬܚܼܙܝܬ
                    ܐܝܟ ܡܚܝܠܐܼ. ܘܣܒܼܪܘ ܥܠܝܟ ܚܿ̈ܙܝܝܟ. ܕܒܪܢܫܐ ܐܢܬ ܕܣܢܝܩ ܥܠ ܥܘܕܪܢܐ.. ܘܚܼܘܝܬ ܫܘܒܚܐ
                    ܕܐܠܗܘܬܟ ܒܢܼܐܓܪܬ ܪܘܚܟ ܥܡ ܐܢܫܘܬܢ. ܟܕ ܣܚܼܦܬܝܗܝ ܠܒܝܼܫܐ ܡܢ  180  ܥܙܝܙܘܬܗ܇ ܩܼܪܬ ܒܩܠܟ ܠܡ̈ܝܼܬܐ
                    ܘܚܝܼܘ. ܘܠܐܝܠܝܢ ܕܚܿܝܼܝܢ ܘܡܣܒܪܝܢ ܒܟܼ. ܡܠܼܟܬ ܠܗܘܢ ܝܘܪܬܢܐ ܒܡܿܠܟܘܬܟ. ܐܢܬ ܗܘ ܕܗܼܘܝܬ
                    ܐܝܙܓܕܐ ܘܐܫܬܕܪܬ ܡܢ ܪ̈ܘܡܐ ܥ̈ܠܝܐ. ܡܛܠ ܕܐܢܬ ܗܘ ܡܫܟܚ ܕܬܥܼܒܕ ܨܒܝܢܐ ܚܼܿܝܐ ܘܡܫܠܡܢܐ
                    ܕܫܿܠܘܚܟ. ܫܒܝܚ ܐܢܬ ܡܪܝܿ ܒܚܝܠܟ. ܘܦܘܪܢܣܟ ܡܚܕܬܢܐ ܗܘ ܒܟܠܗܝܢ ܒܪ̈ܝܬܟ܆ ܘܒܥܿܒ̈ܕܐ ܟܠܗܘܢ
                    ܕܬܩܢܬ ܐܠܗܘܬܟ܆ ܘܐܚܪܝܢ ܠܐ ܡܫܟܚ ܠܡܓܡܪ ܠܨܒܝܢܐ ܪܒܘܬܟ. ܘܠܐ ܕܢܩܘܡ ܥܠ ܩܢܘܡܟ ܐܝܟܢܐ ܐܝܬܝܟ.
                    ܘܢܚܼܬܬ ܠܟ ܠܫܝܘܠ ܘܡܼܛܝܬ ܥܕܡܐ ܠܚܪܬܗܿ ܘܦܬܼܚܬ ܬܪ̈ܥܝܗܿ ܘܐܣܩܼܬ ܚ̈ܒܝܫܝܗܿ. ܘܕܪܫܼܬ ܠܗܘܢ
                    ܐܘܪܚܐ ܠܪܘܡܐ ܒܩܢܘܡܗܿ ܕܐܠܗܘܬܟ. ܐܝܢ ܡܪܝ ܒܥܿܐ ܐܢܐ ܡܢܟ ܥܠ ܥ̈ܠܝܡܐ ܗܠܝܢ܆ ܕܡܕܡ ܕܝܿܕܥ ܐܢܬ
                    ܕܡܿܥܕܪ ܠܗܘܢܼ ܬܥܒܕ ܠܗܘܢ. ܘܣܡ ܐܝܕܗ ܥܠܝܗܘܢܼ ܘܐܡܼܪ ܠܗܘܢ. ܡܪܢ ܢܗܼܘܐ ܥܡܟܘܢ. ܘܐܪܦܝ ܐܢܘܢ
                    ܘܢܦܼܩ܆ ܡܿܠܟܐ ܕܝܢ ܠܫ̈ܘܫܒܝܢܐ ܡܦܝܼܣ ܗܘܐ ܕܢܦܩܼܘܢ ܡܢ ܒܝܬ ܓܢܘܢܐ. ܘܟܕ ܥܡܐ ܟܠܗ ܢܦܼܩ ܗܘܐ.
                    ܘܬܪܥܐ ܕܒܝܬ ܓܢܘܢܐ ܐܬܬܚܕ. ܚܬܢܐ ܐ̈ܦܢ ܓܢܘܢܐ ܐܪܝܡ ܗܘܐ܇ ܐܝܟܢܐ ܕܠܟܠܬܐ ܢܝܿܬܐ ܠܘܬܗ. ܘܚܼܙܐ
                    ܗܘܐ ܠܡܪܢ ܒܕܡܼܘܬܗ ܕܝܗܘܕܐ ܕܩܐܿܡ ܗܘܐ ܘܥܡ ܟܠܬܐ ܡܡܠܠ ܗܘܐ. ܘܐܡܼܪ ܠܗ ܚܬܢܐ ܕܗܐ ܩܕܡܝܐ
                    ܢܦܩܼܬ ܗܘܝܬ ܠܟ. ܐܝܟܢܐ ܗܪܟܐ ܐܢܬ  181 
                    ܥܕܟܝܠ ܀ ܐܡܿܪ ܠܗ ܡܪܢ ܐܢܐ ܠܗ ܗܿܘܝܬ ܝܗܘܕܐ. ܐܠܐ ܐܚܘܗܝ ܐܢܐ ܕܝܗܘܕܐ. ܘܝܬܼܒ ܗܘܐ ܠܗ ܡܪܢ
                    ܒܥܪܣܐܼ. ܘܐܦܣ ܗܘܐ ܠܗܘܢ ܠܥ̈ܠܝܡܐ ܕܢܬܼܒܘܢ ܥܠ ܟܘܪ̈ܣܘܬܐ. ܘܫܼܿܪܝ ܕܢܐܡܪ ܗܠܘܢ: ܥܗܕܘ ܒ̈ܢܝ
                    ܕܐܚܝ ܡܠܠ ܥܡܟܘܢܼ ܘܕܥܼܘ ܠܡܼܿܢܘ ܐܓܠܟܘܢ. ܘܕܥܘ ܕܡܚܕܐ ܕܡܬܦܪܩܝܢ ܐܢܬܘܢ ܡܢ ܗܕܐ ܫܘܬܦܘܬܐ
                    ܨܐܬܐܼ. ܗܿܘܝܢ ܐܢܬܘܢ ܢܘ̈ܣܐ ܕܟ̈ܝܐ. ܘܡܬܦܪܩܝܢ ܐܢܬܘܢ ܡܢ ܚ̈ܫܐ ܟܣ̈ܝܐ ܘܓ̈ܠܝܐܼ. ܘܡܢ ܨܦܬܐ
                    ܝܬܝܪܬܐ ܕܒ̈ܢܝܐ. ܗܿܢܘܢ ܕܚܪܬܗܘܢ ܥܩܬܐ ܗܝ ܡܪܝܪܬܐ. ܘܐܢ ܢܗܼܘܘܢ ܠܟܘܢ ܚ̈ܫܐ. ܡܛܠܬܗܘܢ ܗܿܘܝܢ
                    ܐܢܬܘܢ ܛܿܠܡܝܢ ܘܒܿܙܝܢ ܘܡܿܚܝܢ ܠܝܬܡ̈ܐ. ܘܥܿܠܒܝܢ ܠܐܪ̈ܡܠܬܐܼ. ܓܝܪ ܕܒ̈ܢܝܐ ܟܐ̈ܒܐ ܣ̈ܓܝܐܐ
                    ܗܿܘܝܢ ܠܗܘܢ. ܐܘ ܕܡܿܠܟܐ ܢܿܦܠ ܥܠܝܗܘܢ܆ ܐܘ ܕܒܪ ܐܓܪܐ ܐܿܚܕ ܠܗܘܢ. ܐܘ ܕܦܠܓܐ ܢܿܦܠ ܥܠܝܗܘܢ.
                    ܘܐܢ ܚܠܝܡܝܢ ܒܙܢܝܘܬܐܼ ܐܘ ܒܝܥܢܘܬܐ. ܐܘ ܒܘܒܗܪܐ ܣܪܝܩܐ. ܘܒܗܠܝܢ ܣܘܪ̈ܚܢܐ ܡܿܬܢܩܝܢ ܐܢܬܘܢ
                    ܒܗܘܢ. ܐܠܐ ܐܢ ܬܬܛܿܦܣܝܘܢ ܠܝ ܘܬܼܛܪܘܢ ܢܦܫܟܘܢ ܕܟܝܐܝܬ ܠܐܠܗܐ.  182  ܢܗܼܘܘܢ ܠܟܘܢ ܒ̈ܢܝܐ ܚ̈ܝܐ. ܗܿܢܘܢ
                    ܕܚܕ ܡܢ ܡ̈ܘܡܐ ܘܢ̈ܟܝܢܐ ܠܐ ܩܿܪܒ ܠܗܘܢ. ܘܗܿܘܝܬܘܢ ܕܠܐ ܨܦܬܐ ܘܕܠܐ ܥܩܬܐܼ ܘܕܠܐ ܟܪܝܘܬܐ.
                    ܘܡܣܿܒܪܝܢ ܐܢܬܘܢ ܕܐܡܬܝ ܬܚܼܙܘܢ ܡܫܬܘܬܐ ܗܿܝ ܕܫܪܪܐܼ. ܘܬܗܼܘܘܢ ܒܗܿ ܡܫ̈ܒܚܢܐ. ܘܬܬܡܼܢܘܢ ܥܡ
                    ܥܿܐ̈ܠܝ ܠܓܢܘܢܐ ܀ ܀ ܗܿܢܘܢ ܕܝܢ ܥ̈ܠܝܡܐܼ ܐܬܛܦܝܣܘ ܗܘܘ ܒܝܕ ܡܪܢ. ܘܐܫܼܠܡܘ ܠܗ ܢܦܫܗܘܢ܆
                    ܘܐܬܦܪܩܘ ܗܘܘ ܡܢ ܣܚܢܘܬܐ. ܘܥܠ ܕܘܟܝ̈ܬܗܘܢ ܐܓܗܘ.. ܘܡܪܢ ܢܦܼܩ ܡܢ ܠܘܬܗܘܢ ܘܐܡܼܪ ܠܗܘܢ.
                    ܬܗܼܘܐ ܠܘܬܟܢ ܛܝܒܘܬܗ ܕܡܪܟܢ. ܒܨܿܦܪܐ ܕܝܢ ܟܕ ܢܓܼܗܬܼܿ. ܩܿܕܡ ܡܿܠܟܐ ܡܼܠܐ ܦܬܘܪܐܼ. ܘܐܥܠ
                    ܩܕܡ ܚܬܢܐ ܘܟܠܬܐ. ܘܐܫܟܚ ܐܢܘܢ ܟܕ ܝܬܼܝܒܝܢ. ܚܕ ܠܘܩܒܠ ܚܕ. ܓ̈ܠܝܢ ܐ̈ܦܝܗܿ ܕܟܠܬܐ ܘܝܿܬܒܐ.
                    ܘܐܦ ܚܬܢܐ ܦܨܝܚ ܗܘܐ ܛܿܒ. ܐܿܡܪܐ ܠܗܿ ܐܡܗܿ ܠܟܠܬܐ. ܡܢܐ ܝܿܬܝܒܬܝ ܗܟܘܬ ܘܠܐ ܒܗܿܬܬܝ. ܐܠܐ
                    ܐܝܟ ܗܿܝܕ ܗܐ ܙܒܢܐ ܣܓܝܐܐ ܘܥܘܬܩܐ ܕܝܘ̈ܡܬܐܼ ܐܝܬ ܠܟܝ. ܘܐܦ ܐܒܘܗܿ ܐܡܼܪ ܡܛܠ ܚܘܒܟܝ ܣܓܝܐܐ
                    ܕܠܘܬ ܒܥܠܟܝ܆ ܘܐܦܠܐ ܡܬܚܦܝܘ ܡܬܚܦܝܬܝ ܀ ܘܥܼܢܬܿ ܟܠܬܐܼ ܘܐܡܿܪܐ ܠܗܿ. ܫܪܝܪܐܝܬ ܐܡܝܼ ܒܚܘܒܐ
                    ܐܢܐ ܣܓܝܐܐ ܘܠܡܪܝ ܡܨܿܠܝܐ ܐܢܐ ܕܐܿܩܘܐ ܒܗܿܢܐ ܚܘܒܐ ܕܐܿܪܓܫܬ ܒܗ ܒܗܢܐ ܠܠܝ. ܘܐܿܩܪܐ ܠܚܬܢܐ
                    ܠܐ ܡܬܚܒܠܢܐ ܕܐܬܚܼܙܝ ܠܝ ܒܗܢܐ ܠܠܝ. ܘܕܠܐ ܡܬܚܦܝܐ ܐܢܐ ܡܛܘܠ ܕܬܚܦܝܬܐ ܕܚܒܿܠܐ ܡܢܝܼ
                    ܐܫܬܼܩܠܬ. ܘܕܠܐ  183  ܒܗܬܬܐ ܐܢܐ. ܡܛܠ
                    ܕܥܿܒܕܐ ܕܒܗܬܬܐ ܡܢܝܼ ܐܬܪܚܿܩ ܠܗ. ܘܕܠܐ ܡܬܬܘܝܐ ܐܢܐܼ. ܡܛܘܠ ܕܬܘܬ ܢܦܫܐ ܕܡܦܢܝܐ ܠܚ̈ܝܐܼ ܒܝ
                    ܟܬܪܬ. ܘܕܦܨܿܝܚܐ ܐܢܐ ܘܚܿܕܝܐ ܐܢܐ ܡܛܠ ܕܒܝܘܡܐ ܕܚܕܘܬܐ ܗܕܐ ܥܒܘܪܬܐ ܠܐ ܐܿܫܬܓܫܬ ܒܗܿ.
                    ܕܐܬܬܫܝܛ ܠܝ ܥܿܒܕܐ ܗܢܐ ܕܚܿܒܠܐ ܘܫ̈ܠܠܐ ܕܡܫܬܘܬܐ ܗܕܐ ܕܒܿܛܠܐܼ. ܡܛܠ ܕܠܡܫܬܘܬܐ ܗܿܝ ܕܫܪܪܐ
                    ܐܿܙܕܡܢܬ. ܘܕܠܐ ܐܿܙܕܘܓܬ ܥܡ ܓܒܪܐ ܒܙܘܘܓܐ܇ ܕܪܗܬܗ ܬܘܬ ܢܦܫܐ ܗܝ ܡܪܝܪܬܐ. ܡܛܠ ܕܠܗܠܝܢ ܕܡ̈ܝܢ
                    ܐܡܿܪܐ ܗܘܬ ܀ ܗܿܝܕܝܢ ܐܦ ܚܬܢܐ ܥܢܼܐ ܘܐܡܼܪ. ܡܿܘܕܐ ܐܢܐ ܠܟ ܐܠܗܐ ܚܼܕܬܐ܇ ܕܒܝܕ ܐܟܣܢܝܐ ܐܬܼܐ
                    ܠܟܐ. ܡܿܫܒܚ ܐܢܐ ܠܟ ܐܠܗܐ ܕܒܝܕ ܓܒܪܐ ܥܒܼܪܝܐ ܡܿܬܟܪܙܘ ܗܿܘ ܕܐܪܚܩܢܝ ܡܢ ܚܒܿܠܐ܇ ܘܙܪܥܼ ܒܝ
                    ܚ̈ܝܐ܇ ܗܿܘ ܕܦܪܩܢܝ ܡܢ ܟܘܪܗܢܐ ܕܡܿܟܬܪ ܗܘܐ ܒܝ ܠܥܠܡ܇ܙ ܗܿܘ ܕܚܼܿܘܝ ܠܢ ܢܦܫܗ. ܘܐܿܪܓܫܬ ܒܡܐ
                    ܕܐܝܬܝ. ܗܿܘ ܕܦܨܝܢܝ ܡܢ ܡܦܘܠܬܐ ܘܠܡܝܬܪܘܬܐ ܫܘܫܛܢܝ. ܗܿܘ ܕܡܢ ܗܠܝܢ ܕܥܼܒܪ̈ܢ ܦܪܩܢܝ܇ ܘܠܗܠܝܢ
                    ܕܠܐ ܥܒܪ̈ܢ ܐܫܘܝܢܝ. ܗܿܘ ܕܐܫܬܘܫܛ ܥܕܡܐ ܠܙܥܘܪܬܝ ܕܝܠܝ܇ ܕܠܪܒܘܬܐ ܢܡܿܛܐ. ܗܿܘ ܕܠܐ ܐܚܼܝܕ
                    ܪ̈ܚܡܼܘܗܝ ܡܢܝ ܕܐܒܝܕ ܗܘܝܬ. ܐܠܐ ܕܐܒܥܿܐ ܢܦܫܝ ܚܘܝܢܝ. ܘܕܠܐ ܕܝܠܝ ܡܢܝ ܐܪܚܩ. ܗܿܘ ܕܟܕ ܐܢܐ
                    ܠܐ ܝܿܕܥ ܗܘܝܬ ܠܗܼ ܗܼܘ  184  ܒܥܢܝ. ܗܿܘ
                    ܕܟܕ ܐܢܐ ܠܐ ܪܓܝܫ ܗܘܝܬ ܒܗܼ. ܗܼܘ ܐܫܬܘܫܛ ܠܘܬܝ. ܗܿܘ ܕܗܫܐ ܐܿܪܓܫܬ ܒܗܼ. ܘܠܐ ܡܿܨܐ ܐܢܐ
                    ܕܐܿܡܪ ܡܕܡ ܕܠܐ ܝܿܕܥ ܐܢܐ. ܗܿܘ ܕܐܢ ܡܕܡ ܐܡܿܪ ܐܢܐ ܒܡܪܚܘܬܐ ܥܠܘܗܝܼ ܠܐ ܐܿܫܠܡ. ܡܛܠ ܚܘܒܗ
                    ܗܘ ܓܝܪ ܡܡܪܚ ܐܢܐ. ܘܟܕ ܗܠܝܢ ܡܢ ܚܬܢܐ ܘܡܢ ܟܠܬܐ ܡܿܠܟܐ ܫܡܼܥ. ܢܚ̈ܬܘܗܝ ܣܼܕܩ. ܘܠܩܪ̈ܝܒܘܗܝ
                    ܐܡܿܪ ܗܘܐ. ܦܘܩܘ ܥܓܠ ܒܕܝܢܬܐ ܟܠܗܼܿ. ܘܐܬܟܪܟܘ ܐܝܿܬܘ ܠܝ ܠܓܒܪܐ ܗܿ، ܚܿܪܫܐܙ ܕܐܢܐ ܒܐ̈ܝܼܕܝ
                    ܐܥܠܬܗ ܠܒܝܬܝ܇ ܘܥܠ ܒܬܪܝ ܒܝܼܫܬ ܓܕܐ ܐܡܿܪܬ ܠܗ ܕܢܨܿܠܐ. ܓܒܪܐ ܕܢܫܟܚܗ ܘܢܝܬܝܘܗܝ ܠܝܼ. ܟܘܠ
                    ܕܢܫܼܐܠ ܐܬܠ ܠܗ. ܘܐܙܠܘ ܡܬܟܪܟܝܢ ܗܘܘ ܒܥܿܝܢ ܠܗ. ܘܠܐ ܐܫܟܚܘܗܝ ܡܛܠ ܕܚܼܙܩ ܗܘܐ ܠܗ. ܘܐܙܠܘ
                    ܠܦܘܬܩܐ ܕܫܿܪܐ ܗܘܐ ܒܗܼ. ܘܐܫܟܚܘܗܿ ܠܗܿܝ ܙܡܿܪܬܐ ܟܕ ܝܬܒܐ ܘܒܿܟܝܐ܇ ܥܠ ܕܠܐ ܕܒܪܗܿ ܥܡܗ. ܘܟܕ
                    ܐܫܬܥܝܘ ܠܗܿ ܡܕܡ ܕܗܘܼܐ. ܚܼܕܝܬܿ ܘܐܡܿܪܐ. ܐܿܫܟܚܬ ܠܝ ܢܝܿܚܐ ܗܪܟܐ. ܘܩܡܼܬܿ ܐܙܠܼܬ݀ ܠܘܬ
                    ܗܿܢܘܢ ܥ̈ܠܝܡܐܼ. ܘܥܡܗܘܢ ܥܿܡܪܐ ܗܘܬ ܙܒܢܐ ܣܓܝܐܐ. ܘܬܠܡܕܘ ܐܦ ܠܡܿܟܐ ܐܦ ܣܘܓܐܐ ܕܐܚ̈ܐܼ ܟܢܫܘ
                    ܗܘܘ. ܥܕܡܐ ܕܐܫܬܼܡܥ ܗܘܐ ܛܒܼܐ ܠܫܠܝܚܐ ܒܗܢܕܘ ܡܕܝܢܬܐ܇ ܘܐܙܠܘ ܠܘܬܗ ܘܐܬܚܿܠܛܘ ܥܡܗ 
            
            
                ܫܠܡܼܬ݀ ܦܪܟܣܝܣ ܩܕܡܝܬܐ ܀ ܀ ܀
            

            
                Second Act
                 185 
                ܦܪܟܣܝܣ ܕܬܪ̈ܬܝܢ ܟܕ ܥܼܠ ܬܐܘܡܐ ܫܠܝܚܐ ܠܗܢܕܘ
                ܘܒܢܼܐ ܒܝܪܬܐ ܠܡܿܠܟܐ ܒܫܡܝܐ.
            
            
                 ܘܟܕ ܥܠ ܝܗܘܕܐ ܠܗܢܕܘ ܡܝܕܢܬܐ ܥܡ ܚܿܒܢ ܬܓܪܐ ܐܙܠܼ ܚܒܢ ܠܫܠܡܗ ܕܓܘܕܢܦܪ
                    ܡܿܠܟܐ ܕܗܢܕܘ܆ ܘܐܘܕܥܗ ܥܠ ܓܒܪܐ ܐܘܡܢܐ ܕܐܝܬܝ ܠܗܼ. ܘܛܒ ܚܼܕܝ ܡܿܠܟܐ. ܘܦܩܼܕ ܕܢܥܘܠ ܩܕܡܘܗܝ
                    ܝܗܘܕܐ ܀ ܀ ܘܐܡܼܪ ܠܗ ܡܿܠܟܐ. ܡܢܐ ܐܘܡܢܘܬܐ ܝܿܕܥ ܐܢܬ ܕܬܥܒܼܕ. ܐܡܿܪ ܠܗ ܝܗܘܕܐ. ܢܓܪܐ ܐܢܐܼ
                    ܥܒܼܕܗ ܕܢܓܪܐ ܘܐܪܕܟܠܐ. ܐܡܿܪ ܠܗ ܡܢܐ ܝܿܕܥ ܐܢܬ ܕܬܥܒܕ. ܐܡܿܪ ܠܗ ܝܗܘܕܐ. ܒ̈ܩܝܣܐ ܝܿܠܦܬ
                    ܕܐܥܒܕ. ܢܝܪ̈ܐ ܘܩ̈ܩܢܐܼ ܘܡ̈ܣܣܐ ܘܠܝܩ̈ܐ ܘܠܣ̈ܦܢܐ ܘܠܢ̈ܛܘܢܐܼ. ܘܥܪ̈ܕܐ ܠܐ̈ܠܼܦܐ. ܘܒ̈ܦܣܝܠܬܐ.
                    ܢܦܫ̈ܬܐ ܘܢܘ̈ܣܐ. ܘܒܝ̈ܪܬܐ ܠܡ̈ܠܟܐ. ܐܡܿܪ ܠܗ ܡܿܠܟܐ ܠܝܗܘܕܐ. ܐܦ ܐܢܐܼ ܗ̤ܿܘ ܐܡܢܐ ܒܥܿܐ ܐܢܐ.
                    ܐܡܿܪ ܠܗ ܡܿܠܟܐ. ܒܿܢܐ ܐܢܬ ܠܝ ܒܝܪܬܐܼ. ܐܡܿܪ ܠܗ ܝܗܘܕܐ ܒܿܢܐ ܐܢܐ ܘܡܫܿܟܠܠ ܐܢܐ. ܐܦ ܕܐܿܒܢܐ
                    ܘܐܿܢܓܪ ܐܬ݀ܝܬ. ܘܕܒܼܪܗ ܗܘܐ ܘܢܦܼܩ ܠܒܪ ܡܢ ܬܪܥܐ ܕܡܝܕܢܬܐ. ܘܡܡܠܠ ܗܘܐ ܥܡܗ ܥܠ ܥܿܒܕܐ ܕܝܠܗܿ
                    ܕܒܝܬܐ. ܘܥܠ ܫܬܐ̈ܣܝܗܿ ܕܐܝܟܢܐ ܢܬܬܣܼ̈ܝܡܢ. ܘܟܕ ܡܼܿܛܝ ܕܘܟܬܐ ܗܿܝ ܕܒܗܿ ܨܼܒܐ ܡܿܠܟܐ ܕܢܒܼܢܐ
                    ܠܗ ܒܝܪܬܐܼ. ܐܡܼܪ ܠܗ  186  ܠܝܗܘܕܐ. ܗܪܟܐ
                    ܨܿܒܐ ܐܢܐ ܕܬܒܢܐ ܠܝ ܒܝܪܬܐ. ܝܐܡܿܪ ܠܗ ܝܗܘܕܐ. ܐܦ ܗܕܐ ܗܝ ܓܝܪ ܕܘܟܬܐ ܕܥܿܗܢܐ ܠܗܿ. ܐܝܬܝܗܿ
                    ܗܘܬ ܕܝܢ ܗܟܢܐ. ܡܪܓܐ ܗܘܬ ܘܡ̈ܝܐ ܣܓ̈ܝܐܐ ܩܪܝܒܝܢ ܗܘܘ ܠܗܿ. ܐܡܿܪ ܠܗ ܡܿܠܟܐ. ܫܿܪܐ ܠܡܒܼܢܐ
                    ܗܪܟܐ. ܐܡܿܪ ܠܗ ܝܗܘܕܐ. ܗܫܐ ܠܐ ܡܫܟܚ ܐܢܐ ܠܡܒܢܐ ܒܗܢܐ ܙܒܢܐ. ܐܡܿܪ ܠܗ ܡܿܠܟܐ. ܘܒܐܝܢܐ ܙܒܢܐ
                    ܡܫܟܚ ܐܢܬ ܠܡܒܢܐ. ܐܡܿܪ ܝܗܘܕܐ. ܡܿܫܪܐ ܐܢܐ ܒܬܫܪܝܼ ܘܡܿܫܠܡ ܐܢܐ ܒܢܝܣܢ. ܐܡܿܪ ܠܗ ܡܿܠܟܐ.
                    ܟܠܗܘܢ ܒܢܼܝ̈ܢܐ ܒܩܝܛܐ ܗܘ ܡܬܒܢܝܢ. ܘܐܢܬ݀ ܒܣܬܘܐ ܒܿܢܐ ܐܢܬ. ܐܡܿܪ ܠܗ ܝܗܘܕܐ. ܗܟܢܐ ܗܘ
                    ܡܫܟܚܐ ܒܝܪܬܐ ܕܬܬܒܼܢܐ. ܐܡܿܪ ܠܗ ܡܿܠܟܐ.. ܡܕܝܢ. ܪܫܘܡܝܗܿ ܠܝ ܕܐܚܙܝܗܿ. ܡܛܠ ܕܠܙܒܢܐ ܣܓܝܐܐ
                    ܐܿܬܐ ܐܢܐ ܠܟܐ ܀ ܀ ܘܐܬܼܐ ܝܗܘܕܐ ܘܫܩܼܠ ܩܢܝܐܼ. ܘܫܼܿܪܝ ܗܘܐ ܕܢܡܫܘܚ. ܘܫܒܼܩ ܬܪ̈ܥܐ ܠܡܕܢܐ
                    ܠܢܘܗܪܐܼ. ܘܡܟ̈ܘܝܐ ܠܡܥܪܒܐ ܠܪܘܚܐ. ܘܒܝܬ ܢܚ̈ܬܘܡܐ ܠܬܝܡܢܐ. ܘܐܓܼܗܘܓܐ ܕܡ̈ܝܐ ܠܬܫܡܫܬܐ
                    ܠܓܪܒܝܐ ܀ ܀ ܐܡܿܪ ܠܗ ܡܿܠܟܐ. ܫܪܝܪܐܝܬܼ ܐܘܡܢܐ ܐܢܬ ܛܿܒܐ. ܘܠܡܿܠܟܐܼ ܫܿܘܐ ܐܢܬ ܕܬ݀ܫܡܫ.
                    ܘܫܒܼܩ ܗܘܐ ܣܘܓܐܐ ܕܟܣܦܐ ܨܝܕܘܗܝܼ. ܘܥܼܢܕ ܡܢ ܠܘܬܗ. ܐܦ ܟܣܦܐ ܘܕܗܒܐ ܡܫܕܪ ܗܘܐ ܠܗ ܒܙܒܢ
                    ܙܒܢ. ܝܗܘܕܐ ܕܝܢ ܡܬܟܪܟ  187  ܗܘܐ ܒܩܘܪ̈ܝܐ
                    ܘܒܡ̈ܕܝܢܬܐ. ܘܐܦ ܠܡ̈ܣܟܢܐ ܡܿܦܪܢܣ ܗܘܐ. ܘܠܐ̈ܠܝܨܐ ܥܿܒܕ ܗܘܐ ܕܢܬܪܘܚܘܢ. ܘܐܡܼܪ ܗܘܐ ܕܡܿܠܟܐܼ
                    ܠܡܿܠܟܐ ܢܬܝܗܒ. ܘܢܝܿܚܐ ܠܣ̈ܓܝܐܐ ܢܗܼܘܐ. ܡܢ ܒܬܪ ܕܝܢ ܙܒܢܐ ܣܓܝܐܐܼ. ܡܿܠܟܐ ܠܘܬ ܝܗܘܕܐ
                    ܐܝ̈ܙܓܕܐ ܫܕܪ. ܘܫܠܼܚ ܠܗܼ ܗܟܢܐ. ܕܫܠܘܚ ܠܝ ܡܢܐ ܥܼܕܒܬܼ. ܘܡܢܐ ܐܿܫܕܪ ܠܟ. ܘܫܠܪܚ ܠܗ ܝܗܘܕܐ.
                    ܕܒܝܪܬܐ ܒܢܼܝܐ ܗܝܼ. ܘܬܛܠܝܠܐ ܗܘ ܚܣܝܪ ܠܗܿ ܀ ܗܿܝܕܝܢ ܡܿܠܟܐ ܟܣܦܐ ܘܕܗܒܐ ܠܝܗܘܕܐ ܫܕܪ ܗܘܐ.
                    ܘܫܼܠܚ ܠܗܼ. ܕܒܝܪܬܐ ܬܬܛܠܼܠ. ܝܗܘܕܐ ܕܝܢ ܠܡܪܢ ܡܫܒܚ ܗܘܐ ܘܐܡܿܪ. ܡܿܘܕܐ ܐܢܐ ܠܟ ܡܪܝ ܕܡܝܼܬܬ
                    ܡܛܠ ܕܬܚܿܝܢܝ. ܘܙܒܼܿܢܬܢܝ ܠܝ ܕܐܿܗܘܐ ܡܚܪܪܢܐ ܕܣ̈ܓܝܐܐ. ܘܠܐ ܫܿܠܐ ܗܘܐ ܠܡܿܠܦܘ. ܘܠܡܪܘܚܘ
                    ܠܐܝܠܝܢ ܕܐܠ̈ܝܨܝܢ. ܟܕ ܐܡܿܪܼ. ܕܡܪܟܘܢ ܡܢܝܚ ܠܟܘܢ. ܕܠܗ ܒܠܚܘܕܘܗܝ ܫܘܒܚܐ. ܗܼܘܝܘ ܓܝܪ ܙܝܘܢܐ
                    ܕܝܬܡ̈ܐܼ. ܘܐܦ ܡܦܪܢܣܢܐ ܕܐܪ̈ܡܠܬܐ. ܘܠܟܠܗܘܢ ܐܝܠܝܢ ܕܐܠܝܨܝܢ ܗܼܘ ܡܦܪܢܣ܀ ܟܕ ܕܝܢ ܐܬܼܐ
                    ܡܿܠܟܐ ܠܡܕܝܢܬܐ. ܡܫܐܿܠ ܗܘܐ ܠܚܕ ܚܕ ܡܢ ܪ̈ܚܡܿܘܗܝ ܥܠ ܒܝܪܬܐ ܕܒܢܼܐ ܠܗ ܝܗܘܕܐ. ܗܢܼܘܢ ܕܝܢ
                    ܐܡܿܪܝܢ ܠܗ. ܕܠܐ ܒܝܪܬܐ ܒܢܼܝܐܼ. ܐܦܠܐ ܡܕܡ ܐܚܪܝܢ ܥܒܼܕ. ܐܠܐ ܡܬܟܪܟ ܗܘܐ ܒܡ̈ܕܝܢܬܐ
                    ܘܒܩܘܪ̈ܝܐܼ. ܘܝܗܿܒ ܗܘܐ ܠܡ̈ܣܟܢܐ. ܘܡܿܠܦ ܗܘܐ  188  ܠܗܘܢ ܐܠܗܐ ܚܼ݊ܬܐ. ܘܐܦ ܟܪ̈ܝܗܐ ܡܐܿܣܐ ܗܘܐ. ܘܫ̈ܐܕܐ ܡܿܦܩ ܗܘܐ. ܘܣ̈ܓܝܐܬܐ
                    ܥܿܒܕ ܗܘܐ. ܘܡܣܼܿܒܪܝܢܢ ܕܚܿܪܫܐ ܗܘ. ܐܠܐ ܡܪܚܡܢܘܬܗ ܘܐܣܝܘܬܗ ܕܡܓܢ ܗܘܬ. ܘܥܢܘܝܘܬܗ ܘܕܚܠܬܗ
                    ܡܣܼܒܪܐ ܥܠܘܗܝܼ ܕܐܘ ܡܓܘܫܐ ܗܘ. ܐܘ ܫܠܝܚܐ ܗܘ ܕܐܠܗܐ ܚܼ݊ܬܐ. ܨܿܐܡ ܓܝܪ ܣܿܓܝܼ ܘܡܨܿܠܐ ܣܿܓܝ.
                    ܘܠܥܿܣ ܠܚܡܐ ܘܡܠܚܐܼ ܘܫܿܬܐ ܡ̈ܝܐ. ܘܠܒܿܫ ܚܕܐ ܟܘܬܝܢܐ. ܘܡܕܡ ܠܐ ܫܩܝܠ ܠܗ ܡܢ ܐܢܫ. ܘܡܕܡ
                    ܕܐܝܬ ܠܗ ܠܐܚܪ̈ܢܐ ܝܗܿܒ ܀ ܀ ܘܟܕ ܗܠܝܢ ܫܡܼܥ ܡܿܠܟܐ ܐܝܼ̈ܕܘܗܝ ܥܠ ܐ̈ܦܘܗܝ ܛܼܪܦ. ܘܪܝܫܗ ܡܣܢܪ
                    ܗܘܐ. ܘܫܕܪ ܩܼܪܝܗܝ ܠܝܗܘܕܐ ܘܠܗܿܘ ܬܓܪܐ ܕܐܿܝܬܝܗܼ. ܘܐܡܼܪ ܠܗ. ܒܢܼܝܬ ܠܝ ܒܝܪܬܐ. ܐܡܿܪ ܠܗ
                    ܝܗܘܕܐ ܒܿܢܝܬ ܠܟ ܒܝܪܬܐ. ܐܡܿܪ ܠܗ ܡܿܠܟܐ. ܠܐܡܬܝ ܐܙܿܠܝܢܢ ܚܿܙܝܢܢ ܠܗܿ. ܐܡܿܪ ܠܗ ܝܗܘܕܐ. ܠܐ
                    ܡܫܟܚܬ ܕܬܚܙܝܗܿ ܗܫܐ܇ ܐܠܐ ܡܐ ܕܢܦܩܼܬ ܡܢ ܥܠܡܐ ܗܢܐ. ܗܿܝܕܝܢ ܡܿܠܟܐ ܐܬܚܿܡܬ ܛܿܒ ܒܪܘܓܙܗܼ.
                    ܘܦܩܼܕ ܕܟܕ ܐܣܝܼܪ ܝܗܘܕܐܘ ܗܼ، ܘܗܿܘ ܬܓܪܐ ܕܐܝܿܬܝܗܼ. ܢܐܙܠܘܢ ܠܒܝܬ ܐܣܝܪ̈ܐ܇ ܥܕ ܢܫܐܿܝܘܗܝ
                    ܥܠ ܥܿܒܕܗ ܕܠܡܿܢ ܝܗܒܗ ܘܗܿܝܕܝܢ ܢܘܒܕܝܘܗܝ. ܝܗܘܕܐ ܕܝܢ ܐܙܠܼ ܗܘܐ ܟܕ ܚܿܕܐ. ܘܐܡܼܠ ܠܗ ܠܬܓܪܐ
                    ܠܐ ܬܕܚܠ. ܐܠܐ ܡܗܝܡܢܘ ܗܝܡܢ ܒܠܚܘܕ ܘܡܢ ܗܢܐ ܥܠܡܐ ܡܬܚܪܪ ܐܢܬ. ܘܡܢ ܥܠܡܐ ܕܥܬܝܕ ܚ̈ܝܐ ܕܠܥܠܡ
                    ܡܩܿܒܠ ܐܢܬ ܀ ܡܿܠܟܐ ܕܝܢ  189  ܡܬܚܿܫܒ
                    ܗܘܐ. ܕܒܐܝܢܐ ܡܿܘܬܐ ܢܡܝܬܝܘܗܝ ܠܝܗܘܕܐ ܘܠܬܓܪܐ. ܘܫܩܠܼ ܗܘܐ ܪܥܝܢܐܼ. ܕܒܢܘܪܐ ܟܕ ܢܫܝܼܛ
                    ܢܘܩܕܝܘܗܝ ܥܡ ܬܓܪܐ ܚܒܪܗ. ܘܒܗ ܒܠܠܝܐ ܗܿܘܼ. ܐܚܘܗܝ ܕܡܿܠܟܐ ܕܫܡܗ ܗܘܼܐ ܓܕܼ. ܡܢ ܥܩܬܐ ܘܡܢ
                    ܡܪܡܝܢܘܬܐ ܕܓܕܫܼܬܿ ܠܡܿܠܟܐܼ ܒܝܼܫܐܝܬ ܗܘܼܐ. ܘܫܕܪ ܩܼܪܐ ܠܡܿܠܟܐܼ ܘܐܡܼܪ ܠܗ. ܐܚܝ܆ ܒܝܬܝ
                    ܘܒ̈ܢܝ ܡܓܥܠ ܐܢܐ ܠܟ. ܐܢܐ ܓܝܪ ܡܛܠ ܡܪܡܝܢܘܬܐ ܕܓܕܫܬ ܠܟ܆ ܐܬܬܥܿܝܩܬ ܘܡܿܐܬ ܐܢܐ ܠܝ. ܐܠܐ
                    ܣܿܐܡ ܐܢܬ ܒܪܫܗ ܕܗܿܘ ܚܿܪܫܐܼ. ܠܐ ܡܢܝܼܚ ܐܢܬ ܠܓܪ̈ܡܝ ܒܫܝܘܠ. ܐܡܿܪ ܠܗ ܡܿܠܟܐ ܠܠܝ ܟܠܗܼ
                    ܪܢܿܐ ܗܘܝܬ. ܕܐܝܟܢܐ ܐܡܝܬܗ. ܐܬ݀ܚܫܒܬ ܕܒܢܘܪܐ ܟܕ ܢܫܝܛ ܐܘܩܕܝܘܗܝ . ܗܿܝܕܝܢ ܐܚܘܗܝ ܕܡܿܠܟܐ
                    ܐܡܼܪ ܠܗ. ܘܐܢ ܬܘܒ ܐܝܬ ܡܕܡ ܕܡܝܿܬܪ ܡܢ ܗܢܐܼ ܥܒܕ ܠܗ. ܘܥܠ ܒܝܬܝ ܘܥ ܒ̈ܢܝ ܡܿܦܩܕ ܐܢܐ ܠܟ. ܀
                    ܘܟܕ ܗܠܝܢ ܐܡܼܪ. ܢܦܫܗ ܫܒܩܬܗ. ܘܡܿܠܟܐ ܕܝܢ ܐܒܝܠ ܗܘܐ ܥܠ ܐܚܘܗܝ ܡܛܠ ܕܪܚܿܡ ܗܘܐ ܠܗ ܛܒ.
                    ܘܨܿܒܐ ܗܘܐ ܕܒܩܒܪܐ ܛܒܐ ܢܩܒܪܝܘܗܝ. ܢܦܫܗ ܕܝܢ ܕܓܕ ܐܚܘܗܝ ܕܡܿܠܟܐ ܟܕ ܫܒܩܬܗܼ. ܕܒܼܪܘܗܿ
                    ܡ̈ܠܐܟܐ ܘܠܫܡܝܐ ܐܣܩܘܗܿ܆ ܘܚܕ ܚܕ ܐܬܪ̈ܘܬܐ ܡܚܿܘܝܢ ܗܘܘ ܠܗܿ. ܕܒܐܝܢܐ ܡܢܗܘܢ ܨܿܒܝܐ ܕܬܗܼܘܐ܇
                    ܗܿܝܕܝܢ ܟܕ ܡܼܿܛܝܘ ܒܝܪܬܐ ܗܿܝ ܕܒܢܼܐ ܝܗܘܕܐ ܠܡܿܠܟܐ. ܚܙܗܿ ܐܚܘܗܝܼ. ܘܐܡܼܪ ܠܗܿܢܘܢ ܡ̈ܠܐܟܐ.
                    ܒܥܿܐ ܐܢܐ  190  ܡܢܟܘܢ ܡܪ̈ܝܼ. ܒܚܕ ܡܢ
                    ܒ̈ܬܐ ܬܚ̈ܬܝܐ ܕܗܕܐ ܒܝܪܬܐ ܐܥܿܡܪ. ܐܡܿܪܝܢ ܠܗ ܗܿܢܘܢ ܡ̈ܠܐܟܐ. ܠܐ ܡܫܟܚ ܐܢܬ ܠܡܥܼܡܪ ܒܗܕܐ
                    ܒܝܪܬܐ. ܐܡܿܪ ܠܗܘܢ ܥܠ ܡܢܐ. ܐܡܿܪܝܢ ܠܗ. ܗܕܐ ܒܝܪܬܐܼ. ܗܿܝ ܗܝ ܕܒܢܼܐ ܗܘܐ ܗܿܘ ܟܪܣܛܝܢܐ
                    ܠܐܚܘܟ. ܗܿܝܕܝܢ ܐܡܼܪ ܠܗܘܢ. ܒܥܿܐ ܐܢܐ ܡܢܟܘܢ ܡܪ̈ܝܼ. ܐܪܦܐܿܘܢܢܝ ܐܙܿܠ ܠܘܬ ܐܚܝܼ. ܘܐܙܒܼܢ
                    ܡܢܗ ܒܝܪܬܐ ܗܕܐ. ܐܚܝ ܓܝܪ ܠܐ ܪܓܝܫ ܒܗܼܿ. ܘܡܿܙܒܢ ܠܗܿ ܠܝ ܀ ܗܿܝܕܝܢ ܡ̈ܠܐܟܐ ܠܢܦܫܗ ܕܓܕ
                    ܐܪܦܝܘ. ܘܟܕ ܗܼܢܘܢ ܡܿܠܒܫܝܢ ܗܘܘ ܠܗܼ. ܢܦܫܗܼ ܥܠܼܬ݀ ܒܗ. ܘܐܡܼܪ ܠܗܿܢܘܢ ܕܩܿܝܡܝܢ ܗܘܘ
                    ܩܕܡܘܗܝ. ܕܩܪܘ ܠܝ ܠܐܚܝ ܕܐܿܒܥܐ ܡܢܗ ܒܥܘܬܐ ܚܕܐ ܀ ܀ ܗܿܝܕܝܢ ܣܒܿܪܘܗܝ ܠܡܿܠܟܐܼ. ܕܐܚܘܟ
                    ܚܼܿܝܐ. ܘܡܿܠܟܐ ܫܘܪ ܩܡ ܡܢ ܕܘܟܬܗܼ. ܘܥܡ ܣܘܓܐܐ ܕܐܢܫ̈ܐ ܠܒܝܬܐ ܕܐܚܘܗܝ ܥܐܿܠ ܗܘܐ. ܘܟܕ ܥܼܠ
                    ܗܘܐ ܩܕܡ ܥܪܣܗܼ. ܬܘܼܪ ܗܘܐ ܠܗ. ܘܠܐ ܡܫܟܚ ܗܘܐ ܠܡܡܠܠܘ ܥܡܗ ܀ ܐܡܿܪ ܠܗ ܐܚܘܗܝ. ܝܿܕܥ ܐܢܐ
                    ܐܚܝܼ. ܕܐܠܘ ܒܥܼܐ ܠܟ ܐܢܫ ܦܠܓܗܿ ܕܡܿܠܟܘܬܟ܆ ܝܗܿܒ ܗܘܝܬ ܚܠܦܝ. ܗܫܐ ܕܝܢ ܒܥܿܐ ܐܢܐ ܡܢܟ܆
                    ܕܬܙܒܿܢ ܠܝ ܡܿܙܒܢܘ ܡܕܡ ܕܐܢܬ ܥܡܼܠܬ ܒܗ. ܐܡܿܪ ܠܗ ܡܿܠܟܐܼ. ܐܡܼܪ ܠܝ ܡܢܐ ܐܙܒܿܢ ܠܟ. ܐܡܿܪ
                    ܠܗ. ܝܡܝܼ ܠܝ. ܘܝܡܼܐ ܠܗ. ܕܡܢ ܟܠ ܕܐܝܬ ܠܗ ܕܢܒܥܼܝܘܗܝܼ. ܢܬܠ ܠܗ. ܐܡܿܪ ܠܗ ܙܒܿܢ ܠܝ ܒܝܪܬܐ
                    ܗܿܝ  191  ܕܐܝܬ ܠܟ ܒܫܡܝܐ. ܐܡܿܪ ܠܗ
                    ܡܿܠܟܐ. ܠܝ ܒܝܪܬܐ ܒܫܡܝܐܼ ܡܿܢ ܝܗܼܒ ܠܝ. ܐܡܿܪ ܠܗ ܐܚܘܗܝ. ܗܿܝ ܕܒܢܼܐ ܠܟ ܗܿܘ ܟܪܣܛܝܢܐ.
                    ܐܡܿܪ ܠܗ ܡܿܠܟܐ. ܗܿܝܼ ܠܐ ܡܫܟܚ ܐܢܐ ܕܐܙܒܿܢ ܠܟ. ܡܨܿܠܐ ܐܢܐ ܕܝܢ ܘܒܥܿܐ ܐܢܐ ܡܢ ܐܠܗܐܼ.
                    ܕܐܿܥܘܠ ܠܗܿ ܘܐܩܒܠܗܼܿ. ܘܐܿܫܘܐ ܕܐܿܗܘܐ ܡܢ ܥܡܘܪ̈ܝܗܿ. ܘܐܢܬ ܐܢ ܫܪܝܪܐܝܬ ܨܿܒܐ ܐܢܬ ܕܬܙܒܼܢ
                    ܠܟ ܒܝܪܬܐܼ. ܗܢܐ ܐܪܕܟܠܐ ܗܼܘ ܒܿܢܐ ܠܟ. ܕܛܒܿܐ ܡܢ ܗܿܝ ܕܝܠܝ. ܘܫܕܪ ܐܦܩܗ ܠܝܗܘܕܐ ܘܠܗܿܘ
                    ܬܓܪܐ ܕܚܒܝܫ ܗܘܐ ܥܡܗܼ ܘܐܡܼܪ ܠܗ. ܒܥܿܐ ܐܢܐ ܡܢܟܼ. ܐܝܟ ܓܒܪܐ ܕܒܥܿܐ ܡܢ ܡܫܡܫܢܐ ܕܐܠܗܐ.
                    ܕܬܨܿܠܐ ܥܠܝ. ܘܬܒܥܿܐ ܥܠܝ ܡܢ ܐܠܗܐ ܗܿ، ܕܦܠܚܿ ܐܢܬ ܠܗܼ. ܕܗܼܘ ܢܫܒܘܩ ܠܝ ܡܐ ܕܠܟ ܥܿܒܕܬ.
                    ܘܢܫܘܝܢܝ ܕܐܿܥܘܠ ܠܗܿܝ ܒܝܪܬܐ ܕܒܢܼܝܬ ܠܝ. ܘܐܿܗܘܐ ܦܠܚܼܐ ܠܐܠܗܐ ܗܢܐ ܕܡܟܪܙ ܐܢܬ. ܐܦ ܐܚܘܗܝ
                    ܐܬܼܐ ܘܢܦܼܠ ܩܕܡ ܪ̈ܓܠܘܗܝ ܕܫܠܝܚܐܼ. ܘܐܡܼܪ ܠܗ. ܒܥܿܐ ܐܢܐ ܡܢܟ܆ ܐܬܚܼܢܢ ܐܦ ܐܢܐ ܩܕܡ ܐܠܗܟ.
                    ܘܐܿܫܘܐ ܕܐܿܗܘܐ ܠܗ ܦܠܚܼܐ. ܘܬܘܒ ܐܩܿܒܠ ܡܕܡ ܕܗܼܘ ܒܝܕ ܡ̈ܠܐܟܐ ܚܘܝܢܝ. ܐܡܿܪ ܝܗܘܕܐ. ܡܿܘܕܐ
                    ܐܢܐ ܠܟ ܡܪܢ ܝܫܘܥ ܡܫܝܚܐܼ. ܕܐܢܬ ܗܘ ܒܠܚܘܕܝܟ ܐܠܗܐ ܕܫܪܪܐ. ܘܠܝܬ ܐܚܪܝܢ. ܘܐܢܬ ܝܿܕܥ ܐܢܬܼ
                    ܡܕܡ ܕܐܢܫ  192  ܠܐ ܝܿܕܥ. ܐܢܬ ܕܗܘܼܘ
                    ܪ̈ܚܡܼܝܟ ܥܠ ܒ̈ܢܝܢܫܐ ܕܐܢܬ ܨܼܒܝܬ ܘܥܼܒܕܬ ܐܢܘܢ. ܘܗܼܢܘܢ ܛܥܐܘܟ. ܘܐܢܬ ܠܐ ܐܪܫܠܬ ܐܢܘܢ ܡܢ
                    ܕܐܒ̈ܐܼ. ܘܪܥܝܼ ܐܢܘܢ ܒܡܪ̈ܓܝܟ܆ ܘܐܩܐ ܐܢܘܢ ܡܢ ܡܥܝܢܟ ܕܠܐ ܡܬܕܠܚܐ. ܘܠܐ ܓܝܙܐ ܡܪܕܝܬܗܿ. ܗܐ
                    ܓܝܪ ܒܥܿܝܢ ܡܢܟ ܘܡܬܟܫܦܝܢ܆ ܘܨܿܒܝܢ ܕܢܗܘܼܘܢ ܠܟ ܦ̈ܠܚܼܐ. ܘܢܬܪܕܦܘܢ ܡܢ ܒܥܠܕܒܒܟ܆ ܘܕܢܗܘܼܘܢ
                    ܣ̈ܢܝܐ ܡܛܠܬܟ. ܬܗܼܘܐ ܠܗܘܢ ܗܟܝܠ ܦܪܪܣܝܐ ܒܟ܆ ܘܢܫܬܪܪܘܢ ܒܪ̈ܐܙܝܟ ܫ̈ܒܝܚܐܼ. ܘܢܩܒܠܘܢ ܡܢ
                    ܕܫ̈ܢܐ ܕܡ̈ܘܗܒܬܟ. ܘܿܪܘܙܝܢ ܗܘܘ ܒܬܫ̈ܒܚܬܐ ܩ̈ܕܝܫܬܐ ܘܢܩܝܦܝܢ ܗܘܘ ܠܗ ܠܫܠܝܚܐܼ. ܘܠܐ ܦܪܩܝܢ
                    ܗܘܘ ܡܢ ܠܘܬܗ ܘܟܠ ܕܣܢܝܩ ܗܘܐ ܢܣܿܒ ܗܘܐܼ ܘܡܬܬܢܝܚ. ܘܒܥܘ ܡܢܗ ܕܢܩܿܒܠܘܢ ܪܘܫܡܐܼ ܘܐܡܿܪܝܢ
                    ܠܗ. ܕܥܕ ܦܼܢ̈ܝܢ ܢܦܫ̈ܬܢ ܠܘܬ ܐܠܗܐ ܢܩܿܒܠ ܪܘܫܡܐ. ܫܡܼܥܢ ܓܝܪ ܕܐܠܗܐ ܗܿܘ ܕܡܿܟܪܙ ܐܢܬܼ.
                    ܒܪܘܫܡܐ ܡܬܝܕܥܝܢ ܠܗ ܟܠܗܘܢ ܥܼܪ̈ܒܘܗܝ. ܐܡܿܪ ܠܗܘܢ ܝܗܘܕܐ. ܕܐܦ ܐܢܐ ܚܿܕܐ ܐܢܐ ܘܒܥܿܐ ܐܢܐ
                    ܡܢܟܘܢ. ܕܬܫܬܘܬܦܘܢ ܒܐܘܟܪܣܛܝܐ܇ ܘܐܦ ܒܒܘܪܟܬܗ ܕܡܫܝܚܐ ܗܢܐ ܕܡܟܪܙ ܐܢܐ ܀ ܀ ܘܦܩܼܕ ܗܘܐ ܡܿܠܟܐ
                    ܕܬܬܟܠܐ ܒܠܢܐ ܝܘ̈ܡܬܐ ܫܒܥܐ. ܘܐܢܫ ܠܐ ܢܣܚܐ ܒܗܿ. ܘܟܕ ܫܠܼܡܘ  193  ܫܒܥܐ ܝܘ̈ܡܝܢ܆ ܒܝܘܡܐ ܕܬܡܢܝܐܼ. ܥܠܘ
                    ܬܠܬܝܗܘܢ ܠܒܠܢܐ ܒܠܠܝܐ ܕܢܥܡܼܕ ܐܢܘܢ ܝܗܘܕܐ. ܘܫܪ̈ܓܐ ܣ̈ܓܝܐܐܼ ܢܗܝܪ̈ܝܢ ܗܘܘ ܒܒܢܐ. ܘܟܕ ܠܥܼܘ
                    ܠܒܝܬ ܘ̈ܙܢܐܼ. ܥܐܼܠ ܗܘܐ ܩܕܡܝܗܘܢ ܝܗܘܕܐ. ܘܐܬܚܙܝ ܠܗܘܢ ܡܪܢܼ ܘܐܡܼܪ ܠܗܘܢ. ܫܠܡܐ ܥܡܟܘܢ
                    ܐ̈ܚܝ.. ܗܼܢܘܢ ܕܝܢ ܩܠܐ ܫܡܼܥܘ ܒܠܚܘܕ. ܚܙܘܐ ܕܝܢ ܠܐ ܚܼܙܘ ܗܘܘ ܕܡܿܢܼܘ. ܠܐ ܓܝܪ ܥܕܡܐ ܠܗܫܐ
                    ܥܼܡܕܘ ܗܘܘ. ܘܣܼܠܩ ܗܘܐ ܩܡ ܠܗ ܝܗܘܕܐ ܥܠ ܣܦܬܗ ܕܘܙܢܐܼ. ܘܐܪܡܝ ܡܫܚܐ ܒܪ̈ܝܫܝܗܘܢܼ ܐܡܼܪ. ܬܐ
                    ܫܡܐ ܩܕܝܫܐ ܕܡܫܝܚܐ. ܬܐ ܚܝܠܐ ܕܚܢܢܼܐ ܕܡܢ ܪܘܡܐ. ܬܘ ܪ̈ܚܡܼܐ ܡ̈ܫܠܡܢܐ. ܬܝ ܡܿܘܗܒܬܐ ܡܪܝܡܬܐ.
                    ܬܝ ܫܘܬܦܘܬܐ ܕܒܘܪܟܬܐ. ܬܝ ܓܿܠܝܬ ܪ̈ܐܙܐ ܟ̈ܣܝܐ.. ܬܝ ܐܡܐ ܕܫܒܥܐ ܒܬܝ̈ܢܿ. ܕܒܒܝܬܐ ܕܬܡܢܝܐ
                    ܗܘܼܐ ܢܝܚܟܝ. ܬܝ ܐܝܙܓܕܐ ܕܪܬܥܘܬܐܼ. ܘܐܫܬܘܬܦ ܥܡ ܬܪ̈ܥܝܬܗܘܢ ܕܗܠܝܢ ܥܠܝ̈ܡܐ. ܬܝ ܪܘܚܐ
                    ܕܩܘܕܫܐܼ. ܘܕܟܝ ܟܘ̈ܠܝܬܗܘܢ ܘܠܒ̈ܘܬܗܘܢ. ܘܐܥܡܕ ܐܢܘܢ ܒܫܡ ܐܒܐ ܘܒܪܐ ܘܪܘܚܐ ܕܩܘܕܫܐ ܀ ܘܟܕ
                    ܣܠܼܩܘ ܡܢ ܡ̈ܝܐܼ. ܐܬܚܙܝ ܠܗܘܢ ܥܠܝܡܐܼ. ܘܐܚܝܕ ܗܘܐ ܩܪܝܘܢܐ ܟܕ ܢܗܝܪ. ܘܦܟܼܗ ܗܘܐ ܠܗ
                    ܢܘܗܪܗܘܢ ܕܗ̤ܿܘܢ ܫܪ̈ܓܐ ܒܢܘܗܪܗ. ܘܟܕ ܢܦܩܼܘ ܠܒܪ. ܐܬܟܣܝ ܠܗ ܡܢܗܘܢ. ܘܐܡܼܪ ܫܠܝܚܐ. ܐܦܠܐ
                    ܡܫܟܚܝܢ ܗܘܝܢ ܕܢܣܿܝܒܪ ܢܘܗܪܟ.  194  ܡܛܠ
                    ܕܡܝܬܪ ܗܘ ܡܢ ܚܙܬܢ܀ ܘܟܕ ܢܓܗܼܬ ܘܗܘܼܐ ܨܿܦܪܐ. ܩܨܼܐ ܐܘܟܪܣܛܝܐܼ. ܘܫܘܬܦ ܐܢܘܢ ܒܦܬܘܪܗ
                    ܕܡܫܝܚܐ. ܘܡܬܒܣܡܝܢ ܗܘܘ ܘܿܪܘܙܝܢ. ܘܟܕ ܣ̈ܓܝܐܐ ܡܬܬܘܣܦܝܢ ܗܘܘ ܘܐܬ݀ܝܢ ܗܘܘ ܠܒܝܬ ܓܘܣܗ
                    ܕܡܫܝܚܐܼ. ܘܝܗܘܕܐ ܠܐ ܫܿܠܐ ܗܘܐ ܠܡܟܪܙܘ ܘܠܡܐܡܪ ܠܗܘܢ. ܓܒܪ̈ܐ ܘܢ̈ܫܐ ܘܛ̈ܠܝܐ : ܥ̈ܠܝܡܐ
                    ܘܒܬܘ̈ܠܬܐܼ. ܐܬܪܚܩܘ ܡܢ ܙܢܝܘܬܐ ܘܡܢ ܝܥܢܘܬܐ. ܘܡܢ ܦܘܠܚܢܐ ܕܫ̈ܐܕܐ. ܒܗܠܝܢ ܓܝܪ ܬܠܬܐ ܪ̈ܫܝܢ
                    ܗܘܿܐ ܟܠܗ ܪܘܫܥܐ. ܙܢܝܘܬܐ ܓܝܪ ܡܥܘܪܐ ܡ̈ܕܥܐ. ܘܡܚܫܟܐ ܥܗܝܢܐ ܕܢܦܫܐ. ܡܕܘܕܐ ܗ̈ܠܟܬܗ ܕܦܓܪܐ.
                    ܘܡܫܚܠܦܐ ܓܘܢܗ. ܘܥܿܒܕܐ ܠܗ ܟܪܝܗܐ. ܝܥܢܘܬܐ ܕܝܢ ܒܙܘܥܐ ܡܩܝܡܐ ܠܗܿ ܠܢܦܫܐ ܒܓܘ ܦܓܪܐ. ܟܕ
                    ܫܩܠܐ ܡܕܡ ܕܠܐ ܕܝܠܗܼܿ. ܘܩܢܝܛܐ ܕܠܡܐ ܟܕ ܬ݀ܦܢܐ ܥܿܒܕܐ ܠܡܪ̈ܘܗܝ ܬܒܗܬ. ܦܘܠܚܢܐ ܕܝܢ
                    ܕܟܪܤܣܐܼ.ܪ ܒܨܦܬܐ ܘܒܥܩܬܐ ܡܿܥܡܪܤ ܠܗܿ ܠ. ܘܡܫܚܠܦܐ ܓܘܢܗ. ܘܥܿܒܕܐ ܠܗ ܟܪܝܗܐ. ܝܥܢܘܬܐ ܕܝܢ
                    ܒܙܘܥܐ ܡܩܝܡܐ ܠܗܿ ܠܢܦܫܐ ܒܓܘ ܦܓܪܐ. ܟܕ ܫܩܠܐ ܡܕܡ ܕܠܐ ܕܝܠܗܼܿ. ܘܩܢܝܛܐ ܕܠܡܐ ܟܕ ܬ݀ܦܢܐ
                    ܥܿܒܕܐ ܠܡܪ̈ܘܗܝ ܬܒܗܬ. ܦܘܠܚܢܐ ܕܝܢ ܕܟܪܣܐܼ. ܒܨܦܬܐ ܘܒܥܩܬܐ ܡܿܥܡܪ ܠܗܿ ܠܢܦܫܐ. ܟܕ ܩܢܝܛܐ
                    ܕܕܠܡܐ ܢܼܚܣܪ ܠܗܿ. ܘܥܠ ܕܪܚܝܩܝܢ ܡܢܗܿ ܬܫܬܘܫܛ. ܡܐ ܕܐܬܦܪܩܬܘܢ ܓܝܪ ܡܢ ܗܠܝܢ. ܗܿܘܝܬܘܢ ܕܠܐ
                    ܨܦܬܐ ܘܕܠܐ ܥܩܬܐ. ܘܫܪܟܐ ܨܐܝܕܝܟܘܢ ܗܿܝ ܕܠܐ ܬܐܨܦܘܢ ܕܡܚܪ. ܡܛܠ ܕܗܼܘ ܡܚܪ ܕܝܠܗ ܝܿܨܦ.
                    ܘܐܬܕܟܪܘ ܗܿܝ ܐܚܪܬܐ ܕܟܬܝܒܐ ܠܟܘܢ. ܕܚܘܪܘ ܒ̈ܢܥܒܐ ܘܐܬܒܿܩܘ ܒܥܘܦܐ ܕܫܡܝܐ܇ ܕܠܐ ܙܪܥܿܝܢ ܘܠܐ
                    ܚܨܕܝܢ܇ ܐܠܗܐ ܡܬܪܣܐ ܠܗܘܢ. ܟܡܐ ܗܟܝܠ ܥܠܝܟܘܢ ܢܬܒܼܛܠ ܠܗ ܚܣܝܪ̈ܝ ܗܝܡܢܘܬܐ. ܐܠܐ ܩܘܘ
                    ܠܡܐܬܝܬܗ ܕܝܫܘܥ. ܘܣܿܒܪܘ ܒܗ ܘܗܝܡܢܘ  195 
                    ܒܫܡܗ. ܡܛܠ ܕܗܘܼܝܘ ܕܝܿܢܐ ܕܡ̈ܝܼܬܐ ܘܕܚ̈ܝܐ. ܘܗܘܼܝܘ ܦܿܪܥ ܠܟܠܢܫ ܐܝܟ ܥ̈ܒܕܘܗܝ ܒܡܐܬܝܬܗ
                    ܐܚܪܝܬܐ. ܠܝܬ ܓܝܪ ܡܦܩ ܒܪܘܚܐ ܕܢܐܡܪ ܐܢܫ ܕܠܐ ܝܿܕܥܝܢ ܗܘܝܢ. ܟܪ̈ܘܙܘܗܝ ܒܐܪ̈ܒܥ ܦܢ̈ܝܬܗ
                    ܕܥܠܡܐ ܡܟܪܙܝܢ܆ ܕܬܘܒܘ ܘܗܝܡܢܘ ܒܣܒܿܪܐ ܚܿܕܬܐܼ. ܘܩܒܠܘ ܢܝܪܐ ܒܣܝܡܐ ܘܡܘܒܠܐ ܩܠܝܠܬܐ. ܘܚܝܿܘ
                    ܘܠܐ ܬܡܘܬܘܢ. ܩܢܼܘ ܘܠܐ ܬܐܒܕܘܢ. ܦܘܩܘ ܡܢ ܚܫܘܟܐܼ ܘܡܩܒܠ ܠܟܢ ܢܗܝܪܐ. ܬܘ ܠܘܬ ܛܿܒܐܼ ܘܣܒܘ
                    ܠܟܘܢ ܛܝܒܘܬܐ. ܘܩܒܘܥܘ ܢܝܫܗ ܒܢܦܫ̈ܬܟܘܢ. ܘܟܕ ܗܠܝܢ ܐܡܼܪ ܗܘܐ ܫܠܝܚܐܼ. ܐܡܿܪܝܢ ܠܗ ܐܢܫܐ
                    ܡܢܗܘܢ ܥܕܢܐ ܗܘ ܕܐܦ ܚܝܿܒܐ ܢܬܦܪܥ. ܐܡܿܪ ܠܗܘܢ ܡܪܐ ܚܘܒܐ ܒܟܠܙܒܢ ܝܬܝܪ ܒܥܿܐ. ܐܠܐ ܟܡܐ
                    ܕܘܿܠܐ ܢܬܠ ܠܗ. ܘܒܿܪܟ ܗܘܐ ܥܠ ܠܚܡܐ ܘܙܝ̈ܬܐܼ. ܘܝܗܼܒ ܠܗܘܢ. ܘܗܼܘ ܠܥܼܣ. ܡܛܠ ܕܚܕܒܫܒܐ ܢܿܓܗ
                    ܗܘܐ. ܘܟܕ ܕܡܝܟ ܫܠܝܚܐ ܒܠܠܝܐܼ. ܐܬܼܐ ܡܪܢ ܘܩܡ ܠܥܠ ܡܢܗܼ ܘܐܡܼܪ ܠܗ. ܬܐܘܡܐܼ. ܩܘܡ ܦܘܩ
                    ܒܫܦܪܐ ܒܬܪ ܬܫܡܫܬܐܼ. ܘܙܠ ܒܐܘܪܚܐ ܡܕܢܚܝܬܐ ܐܝܟ ܡ̈ܝܠܐ ܬܪ̈ܝܢ܆ ܘܐܿܚܘܐ ܒܟ ܫܘܒܚܐ ܕܝܠܝ.
                    ܡܛܘܠ ܗܢܐ ܓܝܪ ܕܢܿܦܼܩ ܐܢܬ ܥܠܘܗܝ. ܣ̈ܓܝܐܐ ܢܐܬ݀ܘܢ ܠܒܝܬ ܓܘܣ ܘܢܚܘܢ. ܘܚܝܠܐ ܘܟܝܢܐ
                    ܕܒܥܠܕܒܒܐܼ ܬ݀ܟܼܣ. ܘܟܕ ܐܬܬܥܝܪ ܡܢ ܫܢܼܬܗܼ ܐܡܼܪ ܠܐܚ̈ܐ ܕܠܘܬܗ. ܒ̈ܢܝܼ. ܡܪܢܼ ܡܕܡ ܕܨܿܒܐܼ
                    ܢܣܼܥܘܢ ܝܘܡܢܐ. ܐܠܐ ܢܨܿܠܐ ܘܢܒܥܿܐ ܡܢܗܼ. ܕܡܕܡ ܥܘܟܪܐ ܠܐ ܢܗܘܼܐ ܠܢ ܠܘܬܗ. ܐܠܐ  196  ܐܝܟܢܐ ܕܒܟܠܙܒܢ ܕܨܿܒܐ ܢܚܿܘܐ ܒܢ
                    ܫܘܒܚܗ ܐܦ ܗܫܐܼ ܢܫܼܠܡ ܨܒܝܢܗ. ܘܟܕ ܐܡܼܪ ܗܟܢܐܼ. ܣܡ ܐܝܼܕܗ ܥܠܝܗܘܢܼ. ܘܩܼܨܐ ܐܘܟܪܣܛܝܐ
                    ܘܝܗܼܒ ܠܟܠܗܘܢܼ ܘܐܡܼܪ ܠܗܘܢܼ. ܬܗܘܐ ܠܟܘܢ ܗܕܐ ܐܘܟܪܣܛܝܐܼ. ܠܚܢܼܢܐ ܘܠܪ̈ܚܼܡܐܼ. ܘܠܐ ܠܕܝܢܼܐ
                    ܘܬܒܥܬܐ ܘܗܼܢܘܢ ܐܡܼܪܘ ܐܡܝܢ 
            
            
                ܫܼܠܡܬܿ ܦܪܟܣܝܣ. ܕܬܪ̈ܬܝܢ.
            

            
                Third Act

                ܬܘܒ ܦܪܟܣܝܣ ܕܬܠܬ. ܕܝܗܘܕܐ
                ܕܥܠ ܚܘܝܐ ܐܘܟܡܐ.
            
            
                 ܘܢܦܼܩ ܗܘܐ ܫܠܝܚܐ ܠܡܐܙܠ ܠܐܝܟܐ ܕܐܡܼܪ ܠܗ ܡܪܢ. ܘܟܕ ܡܼܿܛܝ ܡ̈ܝܠܐ ܬܪ̈ܝܢ
                    ܐܣܛܝ ܡܢ ܐܘܪܚܐ ܩܠܝܼܠ. ܘܚܼܙܐ ܫܠܕܐܼ ܚܕܐ ܟܕ ܫܕܝܐ ܕܥܠܝܡܐ ܫܦܝܪܐ ܘܐܡܼܪ. ܡܛܠ ܗܢܐ ܟܝ
                    ܢܣܝܘܢܐ ܐܦܩܬܢܝ ܠܗܪܟܐ ܡܪܢܼ. ܢܗܼܘܐ ܐܝܟܢܐ ܕܨܿܒܐ ܐܢܬ. ܘܫܼܿܪܝ ܗܘܐ ܡܨܿܠܐ ܘܐܡܿܪ. ܡܪܢ ܡܪܐ
                    ܕܡ̈ܝܼܬܐ ܘܕܚ̈ܝܐܼ. ܚܗܝܐ ܕܗܐ ܩܡܝܢ ܘܡ̈ܝܼܬܐ ܕܗܐ ܪ̈ܡܝܢܼ܆ ܡܪܝܐ ܡܪܐ ܕܢܦܫ̈ܬܐ : ܐܝܠܝܢ
                    ܕܒܦܓܪ̈ܐ ܩܗܝܡܢ : ܘܐܒܐ ܕܟܠܗܝܢ ܢܦܫ̈ܬܐ : ܐܝܠܢ ܕܡܢ ܦܓܪܐ ܢܦܼܩ܆ ܬܐ ܡܪܝ ܒܗܕܐ ܫܥܬܐ. ܡܛܠ
                    ܥܦܪܐ ܕܓܒ̈ܠܝ ܐܝܼ̈ܕܝܟ ܩ̈ܕܝܫܬܐ. ܘܚܘܪ ܡܢ ܫܡܝܐ ܕܩܿܪܐ ܐܢܐ  197  ܠܟ܆ ܘܚܼܘܐ ܫܘܒܚܟ ܒܗܢܐ ܕܐܪܡܼܐ
                    ܗܪܟܐ. ܘܐܡܼܪ ܗܘܐ ܬܘܒ. ܕܗܢܐ ܥܿܒܕܐ ܠܐ ܗܼܘܐ ܕܠܐ ܡܠܒܛܢܘܬܗ ܕܒܥܠܕܒܒܐ ܗܿܘ ܕܣܥܿܪ ܗܠܝܢ. ܠܐ
                    ܕܝܢ ܡܡܪܚ ܗܘܐ ܒܥܠܕܒܒܐ ܗܿܘ ܕܣܥܿܪ ܗܠܝܢ ܒܡܿܢ ܕܢܘܟܪܝ ܠܗ܇ ܐܠܐ ܐܢ ܐܬܪܡܝ ܠܨܒܝܢܗ ܀ ܀ ܘܟܕ
                    ܐܡܼܪ ܗܘܐ ܗܠܝܢ : ܚܘܝܐ ܚܕ ܐܘܟܡܐ ܡܢ ܢܩܥܐ ܚܕ ܢܦܼܩ ܗܘܐ. ܘܪܝܫܗ ܡܿܛܪܐܼ ܗܘܐ. ܘܕܘܢܒܬܗܼ
                    ܡܿܛܪܦ ܗܘܐ ܠܐܪܥܐ. ܘܒܩܠܐ ܪܡܐ ܐܡܼܪ ܠܫܠܝܚܐ. ܐܡܿܪ ܐܢܐ ܩܕܡܝܟ ܥܠ ܡܢܐ ܩܛܠܬܗ ܠܗܢܐ ܥܠܝܡܐ.
                    ܐܢܬܬܐ ܚܕܐ ܫܦܝܪܬܐ ܚܙܘܐ ܐܝܬ ܒܩܪܝܬܐ ܗܕܐ ܕܠܩܘܒܠܟ. ܘܟܕ ܥܿܒܪܐ ܥܠܝܿ ܚܙܝܬܗܼܿ ܘܪܚܡܬܗܿ.
                    ܘܐܿܙܠܬ ܒܬܪܗܿ܆ ܘܚܙܝܬܗ ܠܗܢܐ ܥܠܝܡܐ ܟܕ ܡܿܢܫܩ ܠܗܿ. ܘܐܦ ܡܕܡܟ ܕܡܼܟ ܥܡܗܿ. ܘܨ̈ܒܘܬܐ
                    ܐܚܪ̈ܢܝܬܐ ܣܼܥܪ ܥܢܗܿ ܐܝܠܝܢ ܕܠܐ ܫܦܝܪ̈ܢ. ܠܝ ܕܝܢ ܕܠܝ̈ܠܢ. ܠܟ ܕܝܢ ܡܿܡܪܚ ܐܢܐ ܕܐܡܿܪ
                    ܐܢܗܝܢ. ܡܛܠ ܕܝܿܕܥ ܐܢܐ ܕܬܗܘܡܗ ܕܡܫܝܚܐ ܡܣܝܦ ܟܝܢܢ. ܘܡܛܠ ܕܠܐ ܐܙܝܥܗܿ܆ ܠܐ ܩܛܠܬܗ ܒܗܿܘ
                    ܥܕܢܐ. ܐܠܐ ܢܛܪܬܗ. ܘܒܪܡܫܐ ܟܕ ܥܒܼܪ ܥܠܝܼ. ܡܚܝܬܗ ܘܩܛܠܬܗ. ܘܝܬܝܪܐܝܬ ܕܐܡܼܪܚ ܗܘܐ ܕܗܕܐ
                    ܨܒܘܬܐ  198  ܒܚܕܒܫܒܐ ܠܡܼܣܥܪ ܀܀ ܐܡܿܪ ܠܗ
                    ܝܗܘܕܐ ܡܢ ܐܝܢܐ ܐܢܬ ܙܪܥܐ. ܐܡܿܪ ܠܗ ܗܿܘ ܚܘܝܐ. ܪܚܘܫܐ ܐܢܐ ܒܪ ܪܚܘܫܐܼ. ܘܡܟܝܢܐ ܒܪ ܡܝܟܢܐ.
                    ܒܪܗ ܐܢܐ ܕܗܿܘ ܕܫܘܠܛܢܐ ܥܠ ܒܪܗܝܬܐ ܐܬܗܝܒ ܠܗ. ܘܕܠܚܿ ܐܢ̈ܝܢ.. ܒܪܗ ܐܢܐ ܕܗܿܘ ܕܡܬܕܡܐ ܐܝܟ
                    ܐܠܗܐ ܠܐܝܠܝܢ ܕܡܫܬܼܡܥܝܢ ܠܗ ܕܢܥܒܼܕܘܢ ܨܒܝܢܗ.. ܒܪܗ ܐܢܐ ܕܗܿܘ ܕܥܠ ܟܘܠ ܕܐܬܒܼܪܝ ܠܬܚܼܬ ܡܢ
                    ܫܡܝܐ ܫܠܝܛ. ܒܪܗ ܐܢܐ ܕܗܿܘ ܕܠܒܼܪ ܡܢ ܐܘܩܝܢܘܣ ܐܝܬܘܗܝ ܘܦܘܡܗ ܚܬܼܝܡ. ܒܪ ܛܘܗܡܗ ܐܢܐ ܕܗܿܘ
                    ܕܥܡ ܚܘܐ ܡܿܠܠ. ܘܒܗܿ ܐܥܒܼܪܬܗ ܠܐܕܡ ܥܠ ܦܘܩܕܢܐ ܕܐܠܗܐ. ܘܐܢܐ ܐܢܐ ܗܿܘ ܕܠܩܐܝܢ ܠܒܿܛܬ
                    ܕܠܐܚܘܗܝ ܢܩܼܛܘܠ. ܘܡܛܠܬܝ ܕܠܗܕܐ ܗܘ ܐܬܒܼܿܪܝܬ ܐܬܬܠܝܼܛܬ ܐܪܥܐ ܘܟܘ̈ܒܐ ܝܥܼܘ ܒܗܿ ܀ ܐܢܐ ܐܢܐ
                    ܗܿܘ ܕܐܡܿܪܚܬ ܗܘܝܬ ܘܠܙܕܝ̈ܩܐ ܡܢ ܪܘܡܗܘܢ ܐܪܡܿܝܬ ܐܢܘܢ. ܘܒܪܓܬܐ ܕܢ̈ܫܐ ܐܣܿܪܚܬ ܐܢܘܢ.
                    ܘܒ̈ܢܝܐ ܪܘܪ̈ܒܝ ܦܓܪܐ ܐܿܘܠܕܬ. ܘܐܢܐ ܥܿܒܕܬ ܒܗܘܢ ܨܒܝܢܝ. ܘܐܢܐ ܐܢܐ ܗܿܘ ܕܠܒܗ ܕܦܪܥܘܢ ܩܿܫܝܬ
                    ܕܠܒ̈ܢܝ ܐܝܣܪܐܝܠ ܢܩܼܛܘܠ.. ܘܒܥܒܼܕܘܬܐ ܩܫܝܬܐ ܢܟܒܘܫ ܐܢܘܢ. ܐܢܐ ܐܢܐ ܗܿܘ ܕܠܩܝܦܐ ܘܠܦܪܘܕܝܣ
                    ܠܒܿܛܬ ܒܡܐܼܟܠ ܩܪܨܐ ܥܠ ܕܝܿܢܐ ܬܪܝܨܐ. ܐܢܐ ܐܢܐ ܗܿܘ  199  ܕܠܝܗܘܕܐ ܐܥܿܒܕܬ. ܕܫܘܚܕܐ ܢܣܒ܇
                    ܟܕܐܫܬܼܥܒܕ ܠܝ ܕܠܡܫܝܚܐ ܠܡܿܘܬܐ ܢܿܫܼܠܡ. ܐܢܐ ܐܢܐ ܗܿܘ ܕܫܘܠܛܢܐ ܐܬܝܗܼܒ ܠܗ ܕܥܠܡܐ ܗܢܐ܇ ܘܒܪ
                    ܡܪܝܡ ܕܒܢܝ ܒܩܛܝܪܐ܇ ܘܕܒܼܪ ܕܝܠܗ ܡܢ ܠܘܬܝ.. ܐܢܐ ܒܪ ܛܘܗܡܗ ܐܢܼܐ ܕܗܿܘ ܕܡܕܢܚܐ ܐܬܐ ܕܫܘܠܛܢܐ
                    ܝܗܝܼܒ ܠܗ. ܘܟܕ ܗܠܝܢ ܐܡܪ ܚܘܝܐ ܗܿܘ : ܡܛܠ ܕܝܗܘܕܐ ܒܥܼܐ ܡܢ ܡܪܢ ܕܬܬܝܗܒ ܠܗ ܡܠܬܐ :
                    ܕܢܬܐܠܨܼ ܥܠ ܟܝܢܗ ܕܢܐܡܪ ܀ ܀ ܀ ܘܟܕ ܫܼܿܠܡܼ. ܟܢܫܐ ܗܿܘ ܫܡܿܥ ܗܘܐ ܟܠܗܝܢ. ܘܕܚܬܠܬܐ ܥܡ
                    ܗܝܡܢܘܬܐ ܫܼܪܬ ܒܟܠܗܘܢ ܗܿܢܘܢ ܕܬܡܢܿ. ܟܕ ܚܼܙܘ ܘܫܡܼܥܘ ܬܕܡܪ̈ܬܐ ܗܠܝܢ. ܘܩܥܝܢ ܗܘܘ ܒܚܕ ܩܠܐ
                    ܫܘܝܐܝܬܼ. ܕܚܕ ܗܘ ܐܠܗܗ ܕܓܒܪܐ ܗܢܐܼ. ܕܚܼܿܘܝ ܠܢ ܥܠ ܐܠܗܗ܇ ܘܒܡܠܬܗ ܦܩܼܕ ܠܗܕܐ ܚܝܘܬܐ
                    ܕܚܝܠܬܐ܇ ܘܗܼܝ ܓܠܬ ܥܠ ܟܝܢܗܿ. ܘܒܥܿܝܢ ܗܘܘ ܡܢܗ ܕܐܝܟܢܐ ܕܗܼܘ ܦܩܼܕ ܠܗ ܒܡܠܬܗ ܕܐܝܟ ܒܪܢܫܐ
                    ܢܡܠܠܼ. ܕܐܦ ܒܡܠܬܗ ܢܩܛܠܝܘܗܝ ܀ ܗܿܝܕܝܢ ܝܗܘܕܐ ܪܡܼܙ ܠܗܘܢ ܒܐܝܼܕܗ. ܘܐܪܝܡ ܩܠܗ ܘܐܡܼܪ.
                    ܡܡܿܪܚ ܐܢܬ ܟܕ ܡܦܪܣܝ ܟܝܢܟ ܘܩܛܝܠ ܐܢܬ. ܓܘܡܕܟ ܕܝܢ ܕܡܼܛܐ. ܠܐ ܗܘܐ ܕܬܐܡܪ ܐܝܠܝܢ ܕܣܥܼܝܪ̈ܢ
                    ܠܟ ܒܐܝܠܝܢ ܕܐܫܬܼܡܥܘ ܠܟ܇ ܘܠܐ ܕܚܠܼܬ ܕܣܘܦܟ ܡܼܛܐ ܠܗ. ܐܠܐ ܠܟ ܐܡܿܪ ܐܢܐ  200  ܒܫܡܗ ܕܡܪܢ ܝܫܘܥ܇ ܗܿܘ ܕܥܕܡܐ ܠܣܘܦܐ
                    ܐܓܘܢܐ ܥܼܒܕܼ ܥܡ ܟܝܢܟ܇ ܚܠܦ ܒܢ̈ܝܢܫܐ ܕܝܠܗ. ܕܬܣܘܩ ܗܿܝ ܡܪܬܐ ܕܐܫܼܕܝܬ ܒܥܠܝܡܐ ܗܢܐ. ܡܛܠ
                    ܕܐܗܝ ܫܕܪܢܝ ܕܠܟ ܐܩܛܘܠܼ. ܘܠܗ ܐܩܝܼܡ ܟܕ ܚܝܼ ܩܕܡ ܟܢܫܐ ܗܢܐ. ܕܢܗܝܡܢܘܢ ܒܗ ܕܗܼܘܝܘ ܐܠܗܐ
                    ܕܫܪܪܐ ܘܠܝܬ ܐܚܪܝܢ܀ ܘܐܡܼܪ ܠܗ ܚܘܝܐ ܗܿܘ. ܠܐ ܥܕܡܐ ܠܗܫܐ ܡܼܛܐ ܣܘܦܢܢ ܐܝܟܢܐ ܕܐܡܼܪܬ. ܡܢܐ
                    ܐܠܨܿ ܐܢܬ ܠܝ ܕܐܿܣܒ ܡܕܡ ܕܝܗܿܒܬ ܒܗ ܒܗܢܐ ܥܠܝܡܐ. ܐܦ ܐܒܝ ܓܝܪ ܐܡܬܝ ܕܢܣܘܩ ܘܢܣܒ ܡܕܡ ܕܫܼܕܐ
                    ܒܒܪܝܬܐ ܗܘܼܐ ܠܗ ܣܘܦܢܗ ܀ ܐܡܿܪ ܠܗ ܫܠܝܚܐ. ܚܿܘܐ ܗܟܝܠ ܟܝܢܗ ܕܐܒܘܟ. ܘܐܬܼܐ ܗܿܘ ܚܘܝܐ ܘܣܼܡ
                    ܦܘܡܗ ܥܠ ܡܚܘܬܗ ܕܗܿܘ ܥܠܝܡܐ܇ ܘܣܐܿܩ ܗܘܐ ܡܪܬܐ ܡܢܗ. ܘܒܩܠܝܠ ܩܠܝܠ ܟܡܐ ܕܗܿܝ ܡܪܬܐ ܡܬܢܓܕܐܼ.
                    ܓܘܢܗ ܕܗܿܘ ܥܠܝܡܐ ܕܥܒܼܝܕ ܗܘܐ ܐܝܟ ܐܪܓܘܢܐ ܚܿܘܪ ܗܘܐܼ. ܘܚܘܝܐ ܗܿܘ ܙܘܿܐ ܗܘܐ. ܘܟܕ ܟܠܗܿ
                    ܡܪܬܗ ܢܓܼܕ ܡܢܗ ܕܗܿܘ ܥܠܝܡܐܼ. ܫܘܪ ܘܩܡ ܘܪܗܼܛ ܠܘܬ ܪ̈ܓܠܘܗܝ ܕܫܠܝܚܐ. ܘܢܦܼܠ ܣܓܼܕ ܠܗ ܀
                    ܗܿܝܕܝܢ ܚܘܝܐ ܗܿܘ ܦܩܼܥܼ ܒܡܠܬܗ ܕܝܗܘܕܐ. ܘܗܿܝ ܕܘܟܬܐ ܕܢܦܠܬ ܗܘܬ ܒܗܿ ܡܪܬܗ ܕܗܿܘ ܚܘܝܐܼ.
                    ܦܚܬܐ ܪܒܐ ܗܘܼܐ ܒܗܿ. ܘܦܩܼܕ ܗܘܐ ܠܗܘܢ ܝܗܘܕܐ ܠܡܿܠܟܐ ܘܠܐܚܘܗܝ ܕܢܡܠܘܢܗܿ ܠܗܿܝ ܕܘܟܬܐ.
                    ܘܢܣܝܼܡܘܢ ܫܬܐ̈ܣܐܼ. ܘܢܥܒܼܕܘܢ ܒܗܿ ܒ̈ܬܐ ܒܝܬ ܡܫܪ̈ܝܐ  201  ܠܢܘܟܪ̈ܝܐ. ܗܿܘ ܕܝܢ ܥܠܝܡܐ ܡܫܒܚ ܗܘܐ
                    ܠܐܠܗܐܿ. ܕܒܚܢܼܢܗ ܚܝܼܐ ܒܝܕ ܝܗܘܕܐ ܫܠܝܚܐ. ܘܐܬܦܪܩ ܡܢ ܟܠܗܘܢ ܥܿܒ̈ܕܘܗܝ ܩ̈ܕܡܝܐ. ܘܒܥܼܐ ܡܢ
                    ܫܠܝܚܐ ܕܢܥܕܪܝܘܗܝ ܒܨܠܘܬܐ ܠܘܬ ܡܪܢ. ܟܕ ܡܬܟܿܘܢ ܗܘܐ ܡܢ ܩܢܘܡܗ. ܘܐܡܿܪ ܠܟ ܫܘܒܚܐ ܐܠܗܐ
                    ܡܪܚܡܢܐ ܘܪܒܐ ܘܫܒܝܚܐܿ. ܥܿܒܘܕܐ ܘܡܬܩܿܢܢܐ ܕܟܠܗܝܢ ܒܪ̈ܝܬܐ. ܘܐܢܬ ܣܡܼܬ ܬܚܘܡܐ ܘܡܫܘܚܬܐ
                    ܠܟܠܗܝܢ ܒܪܗܝܬܟܼ ܕܒܼܪܝܬ. ܘܣܡܼܬ ܬܚܘܡܐ ܘܡܫܘܚܬܐ ܠܟܠܗܝܢ ܒܪ̈ܝܬܟܼ ܕܒܼܪܝܬ. ܘܣܡܼܬ ܬܚܘܡܐ
                    ܘܡܫܘܚܬܐ ܠܟܠܗܝܢ ܒܪܗܝܬܟܼ ܕܒܼܪܝܬ. ܘܣܡܼܬ ܠܗܝܢ ܫ̈ܘܚܠܦܐ ܕܡܥܕܪܝܢ ܠܟܝ̈ܢܝܗܝܢ. ܘܐܢܬ ܗܘ
                    ܕܥܼܒܕܬ ܠܒܪܢܫܐ ܐܝܟ ܕܨܼܒܬܿ ܐܠܗܘܬܟ ܒܬܘܩܢܐ ܕܐܝܼ̈ܕܝܟ. ܕܢܗܘܼܐ ܫܠܝܛ ܠܥܠ. ܘܒܼܪܝܬ ܠܗ
                    ܒܪܝܬܐ ܐܚܪܬܐܿ. ܕܢܬܟܬܫ ܥܡܗܿ ܒܚܐܪܘܬܐ ܕܝܗܼܒܬ ܠܗ. ܘܒܪܢܫܐ ܕܛܥܼܐ ܟܝܢܗ ܒܪܚܐܪ̈ܐ ܘܠܟܢܬܗ
                    ܐܫܬܥܒܕ ܗܘܐ. ܘܗܘܼܐ ܠܗ ܗܘ ܒܥܠܕܒܒܐ. ܒܕܐܫܟܚܗ ܕܛܥܗܿ ܠܚܐܪܘܬܗ. ܘܚܕܝ ܒܥܠܕܒܒܐ ܕܐܫܟܚ ܠܗ
                    ܡܥܠܢܘܬܐ ܥܠܟܢܬܗܿ. ܘܗܼܘ ܣܼܒܪ ܕܢܗܼܘܐ ܡܪܐ ܥܠ ܟܠܗܘܢ ܥܒܼ̈ܕܐ. ܘܐܢܬ ܡܪܚܡܢܐ ܒܪ̈ܚܡܼܝܟ
                    ܣ̈ܓܝܐܐ ܦܼܪܣܬ ܥܠܝܢ ܛܝܒܘܬܟܼ. ܘܫܼܕܪܬ ܥܠ ܓܢܣܐ ܕܐܢܫܘܬܢܿ. ܡܠܬܟ ܡܛܟܿܣܼܬ ܟܠ ܒܪ̈ܝܬܐܿ. ܒܝܕ
                    ܒܪܟ ܫܒܝܚܐ.ܘܗܼܘ ܒܚܐܪܘܬܗ ܕܝܗܼܒܬ ܠܗ ܟܕ ܡܿܥܕܪܐ ܠܗ ܛܝܒܘܬܟܿ. ܐܬܼܐ ܘܐܫܟܚܢ ܒܗܿܢܘܢ ܥܿܒ̈ܕܐ
                    ܕܥܒܼܕܬ ܐܢܫܘܬܢ ܡܢ ܝܘܡܐ ܩܕܡܝܐ. ܘܠܐ ܩܼܨܬ ܠܢ ܚ̈ܛܗܝܢ. ܐܠܐ ܐܚܝܼܬܢ  202  ܒܛܝܒܘܬܟ. ܘܚܼܘܝܬܢ ܪܦܝܘܬܝ ܘܙܪܥܼܬ
                    ܒܝ ܚܘܒܟ ܫܡܿܝܢܐ. ܘܦܬܼܚܬ ܦܘܡܝ ܕܣܟܼܝܪ ܗܘܐ ܕܐܿܡܪ ܥܠ ܡܫܥܒܕܢܝܼ. ܘܥܠ ܚܢܢܼܟ ܫܦܝܥܐܿ. ܗܿܘ
                    ܕܠܐ ܐܿܠܡ ܠܝ ܒܡܐ ܕܐܿܡܿܪ ܐܢܐ ܥܠܘܗܝ. ܕܡܛܠ ܚܘܒܗ ܣܓܝܐܐ ܐܡܿܪ ܐܢܐ܀ ܘܝܗܘܕܐ ܐܘܫܛ ܠܗ ܐܝܼܕܗ
                    ܘܐܩܝܡܗ. ܘܥܦܩܗܼ ܘܐܡܼܪ ܠܗ. ܚܢܼܢܗ ܕܡܪܢ ܢܗܘܼܐ ܥܡܟ. ܘܥܡ ܟܠܗܘܢ ܐܝܠܝܢ ܕܡܗܝܡܢܝܢ ܒܗ.
                    ܘܐܡܼܪ ܗܿܘ ܥܠܝܡܐ. ܫܘܒܐ ܠܟ ܐܠܗܐܿ. ܕܠܐ ܚܣܼܟ ܪ̈ܚܡܼܘܗܝ ܡܢܝ ܕܐܒܝܕ ܗܘܝܬ. ܐܠܐ ܕܐܿܒܥܐ
                    ܠܢܦܫܝ ܚܘܝܢܝ. ܘܥܠܝܟ ܐܘܕܥܢܝ ܕܫܠܝܚܗ ܐܢܬ. ܘܐܡܼܪ ܠܟ. ܣ̈ܓܝܐܬܐ ܐܝܬ ܠܝ ܕܐܿܚܘܐ ܒܐܝܼ̈ܕܝܟ.
                    ܘܥܿܒ̈ܕܐ ܣ̈ܓܝܐܐ ܐܝܬ ܠܟ ܕܬܓܡܘܪ ܒܝ. ܐܝܠܝܢ ܕܐܢܬ ܬܩܿܒܠ ܐܓܪܗܘܢ. ܘܠܣܓ̈ܝܐܐ ܬܥܼܒܕ
                    ܕܢܚܼܘܢܿ. ܘܢܗܼܘܘܢ ܒܪܘܡܐ ܒܢܘܗܪܐ ܒ̈ܢܝܐ ܠܐܠܗܐ. ܐܢܬ ܗܟܝܠ ܐܚܐ ܠܗܢܐ ܥܠܝܡܐ ܕܐܬܡܚܝ ܡܢ
                    ܒܥܠܕܒܒܗ. ܡܛܠ ܕܒܟܠܙܒܢ ܚܿܙܐ ܐܢܬ ܠܗ ܠܡܪܟ. ܐܝܢ ܡܪܝ ܫܠܝܚܗ ܕܐܠܗܐܼ. ܫܦܝܪ ܥܒܼܕܬ ܕܐܬܼܝܬ
                    ܠܗܪܟܐ. ܘܢܓܼܕܬ ܠܘܬܗ ܠܣ̈ܓܝܐܐ. ܘܐܦܠܐ ܗܼܘ ܡܓܪܕܐ ܡܢ ܠܘܬܟ. ܐܢܐ ܕܝܢ ܗܿܘܝܬ ܕܠܐ ܨܦܬܐ ܘܕܠܐ
                    ܚܫܐܼ. ܡܛܠ ܛܝܒܘܬܗ ܕܗܘܼܬ ܥܠܝ ܒܐܝܼܕܟ܇ ܘܐܫܬܦܥܬ ܡܿܘܗܒܬܗ ܥܠ ܡܚܝܠܘܬܝ.  203  ܘܐܿܓܗܝܬ ܡܢ ܡܪ̈ܝܢܬܐ ܒܝܼ̈ܫܬܐ ܘܡܢ
                    ܣܘܥܪ̈ܢܐ ܕܚܿܒܠܐ. ܘܐܿܓܗܝܬ ܡܢ ܗܿܘ ܕܡܿܫܕܠ ܗܘܐ ܠܝ. ܘܡܚܬܚܬ ܗܘܐ ܠܝ ܕܐܿܣܥܘܪ ܗܠܝܢ
                    ܕܐܫܬܟܚܬܢܝ ܒܗܝܢ. ܘܐܿܣܬܟܠܬ ܠܗܿܘ ܕܐܡܿܪ ܗܘܐ ܠܝ ܕܠܩܘܒܠܗܝܢ. ܘܐܿܘܒܕܬ ܠܗܿܘ ܕܒܚܫܘܟܐ ܒܪ
                    ܛܘܗܡܗ ܡܿܛܥܫ ܗܘܐ ܠܝ ܒܣܘܥܪ̈ܢܘܗܝ. ܘܐܿܫܟܚܬ ܠܗܿܘ ܢܘܗܪܐ ܡܪܗ ܕܐܝܡܡܐ ܕܠܐ ܚܼܿܙܐ ܗܘܐ ܠܝ
                    ܘܚܿܙܝܬܗ. ܘܐܿܘܒܕܬ ܠܗܿܘ ܕܡܚܼܫܟ ܗܘܐ ܘܡܥܼܡܛ ܠܟܠ ܐܝܠܝܢ ܕܢܩܝܦܝܢ ܠܗ. ܘܡܫܼܬܡܥܝܢ ܠܗܿ. ܕܠܐ
                    ܢܚܼܙܘܢ ܡܕܡ ܕܥܿܒܕܝܢ ܘܢܒܼܗܬܘܢ ܒܥܿܒ̈ܕܝܗܘܢ ܘܡܙܕܓܼܪܘܢ ܠܗܘܢ ܡܢܗܘܢ. ܘܢܒܼܛܠ ܠܗ ܣܘܥܪܢܗ.
                    ܐܿܫܟܚܬ ܕܝܢ ܠܗܿܘ ܐܝܢܐ ܕܥܿܒܕ ܗܿܢܘ. ܕܡܢ ܡܬܘܡ ܐܝܠܝܢ ܕܥܿܒܕܝܢ ܨܒܝܢܗܼ ܠܐ ܢܬܬܘܘܢ. ܐܿܓܗܝܬ
                    ܡܢ ܗܿܘ ܕܡܿܣܡܟ ܠܗ ܙܐܦܐܿ. ܘܿܐܙܠܐ ܩܕܡܘܗܝ ܬܚܦܝܬܐܿ. ܘܐܬܿܝܐ ܒܬܪܗ ܒܗܬܬܐܿ. ܘܟܕ ܡܡܪܚܐ
                    ܒܚܨܝܦܘܬܐ. ܐܿܫܟܚܬ ܕܝܢ ܠܗܿܘ ܡܓܠܝܢܐ ܕܒܝܼ̈ܫܬܐܿ. ܡܪܗ ܕܫܝܢܐ ܘܡܬܩܢܢܗܿ ܕܫܪܝܪܬܐ. ܡܥܼܒܪ
                    ܠܒܥܠܕܒܒܐ ܡܢ ܐܝܠܝܢ ܕܬܝܒܝܢ ܠܘܬܗ. ܘܡܐܿܣܐ ܚ̈ܫܝܗܘܢ ܘܣܚܿܦ ܠܡܕܘܕܢܗܘܢ. ܐܠܐ ܒܥܿܐ ܐܢܐ ܡܢܟ
                    ܫܠܝܚܗ ܕܐܠܗܐܼ. ܙܪܘܥ ܒܝ ܡܠܬܟ ܕܚ̈ܝܐܿ. ܕܬܘܒ ܐܿܫܡܥ ܡܫܠܡܢܐܝܬ ܢܥܡܬܗ ܕܗܿܘ ܕܐܫܠܡܢܝ ܠܟ
                    ܘܐܡܼܪ ܠܟ܇  204  ܕܗܢܐ ܡܢ ܐܝܠܝܢ ܕܚ̈ܝܝܢ
                    ܒܐܝܼ̈ܕܝܟ ܐܝܬܘܗܝ. ܘܡܢ ܗܫܐܼ ܥܡܟ ܢܗܘܼܐ܀܀܀ ܐܡܿܪ ܠܗ ܝܗܘܕܐ. ܐܢ ܗܼܘ ܕܬܬܦܪܩ ܡܢ ܗܠܝܢ
                    ܕܝܠܼܦܬ. ܐܝܟܢܐ ܕܐܡܼܪܬ܆ ܡܢ ܗܿܘ ܥܒܘܕܗܝܢ ܕܒ̈ܝܼܫܬܐ. ܘܬܫܼܡܥ ܠܗܿܘ ܐܝܢܐ ܕܒܪܬܚܐ ܕܚܘܒܟ ܗܫܐ
                    ܒܥܿܝܼܬ ܠܗ ܚܿܙܝܬ ܠܗ. ܘܗܿܘܐ ܐܢܬ ܥܡܗ ܠܥܠܡ. ܘܡܬܬܢܝܚ ܐܢܬ ܥܡܗ ܒܚܢܼܢܗ. ܘܗܿܘܐ ܐܢܬ ܥܡܗ
                    ܒܚܕܘܬܗ ܀ ܀ ܐܢ ܕܝܢ ܬܗܡܐ ܠܟ ܡܢܗ. ܘܬܐܬܐ ܠܟ ܠܘܬ ܗܿܢܘܢ ܣܘܥܪ̈ܢܝܟ ܩ̈ܕܡܝܐ : ܘܠܘܬ ܗܿܘ
                    ܐܝܢܐ ܕܗܫܐ ܡܛܠ ܫܘܦܪܐ ܘܡܛܠ ܚܙܘܬܐ ܕܢܘܗܪܗ : ܕܗܢܐ ܕܠܗ ܡܬܝܐܒ ܐܢܬ ܡܨܚܐ ܐܢܬ݀ ܠܗ : ܠܐ ܡܢ
                    ܗܿܢܘܢ ܚ̈ܝܐ ܕܚܼܙܝܬ ܡܬܓܠܙ ܐܢܬ ܒܠܚܘܕ. ܐܠܐܼ ܐܦ ܡܢ ܗܠܝܢ ܕܩܐܿܡ ܐܢܬ ܒܗܘܢ ܡܦܝܫ ܐܢܬ ܀
                    ܘܐܬܼܐ ܗܘܐ ܝܗܘܕܐ ܠܡܕܝܢܬܐܼ. ܘܐܚܕ ܒܐܝܼܕܗ ܕܗܿܘ ܥܠܝܡܐ. ܘܐܡܼܪ ܠܗ. ܒܪܝ ܗܠܝܢ ܕܚܼܙܝܬܼ
                    ܙܥܘܪ̈ܝܬܐ ܐܢ̈ܝܢ ܡܢ ܣ̈ܓܝܐܬܐ ܕܐܝܬ ܠܗ ܠܐܠܗܢ. ܠܐ ܗܘܐ ܓܝܪ ܒܗܝܠܢ ܕܡܬܚ̈ܙܝܢ ܡܣܿܒܪ ܠܢ. ܐܠܐ
                    ܕܡܝܬܪ̈ܢ ܗܘ ܡܫܬܘܕܐ. ܟܡܐ ܓܝܪ ܕܒܥܠܡܐ ܚܢܼܢ ܠܐ ܡܫܟܚܝܢܢ  205  ܠܡܐܡܪ܇ ܥܠ ܡܕܡ ܕܥܬܝܕܝܢ ܟܠܗܘܢ
                    ܡܗ̈ܝܡܢܘܗܝ ܕܐܠܗܐ ܠܡܩܒܠܘ. ܐܢ ܓܝܪ ܢܐܡܪ ܕܝܗܼܒ ܠܢ ܥܘܬܪܐܼ. ܡܕܡ ܕܐܝܬܘܗܝ ܗܘ ܒܥܠܡܐ
                    ܐܡܿܪܝܢܢ. ܘܐܢ ܢܐܡܪ ܥܠ ܢܚ̈ܬܐ. ܡܕܡ ܕܪ̈ܘܪܒܢܐ ܠܒܝܫܝܢ ܐܡܿܪܝܢܢ. ܘܐܢ ܢܐܡܪ ܥܠ ܣܝܒܪ̈ܬܐ
                    ܦܪ̈ܝܫܬܐܼ. ܥܠ ܡܕܡ ܕܐܙܕܗܿܪܢ ܡܢܗܝܢ ܐܡܿܪܝܢܢ. ܘܐܢ ܢܐܡܪ ܥܠ ܢܝܿܚܐ ܕܙܒܢܐܼ. ܡܣܡ ܒܪܝܫܐ ܣܝܡ
                    ܥܠܘܗܝ. ܐܠܐ ܐܡܿܪܝܢܢ ܥܠ ܐܠܗܐ ܘܥܠ ܡܪܢ ܝܫܘܥܼ. ܘܥܠ ܡ̈ܠܐܟܐ ܘܥܠ ܥܝܪ̈ܐ ܘܥܠ ܩ̈ܕܝܫܐ. ܘܥܠ
                    ܥܠܡܐ ܚܼܕܬܐ.. ܘܥܠ ܐܦܘܣܝܐ ܕܐܝܠܢܐ ܕܚ̈ܝܐܼ. ܘܥܠ ܡܫܬܝܐ ܕܚ̈ܝܐ. ܥܠ ܡܕܡ ܕܥܝܢܐ ܠܐ ܚܼܙܬ.
                    ܘܐܕܢܐ ܠܐ ܫܡܥܬ. ܘܥܠ ܠܒܐ ܕܒܪܢܫܐ ܠܐ ܣܠܼܩ. ܡܕܡ ܕܛܝܿܒܼ ܐܠܗܐ ܡܢ ܩܕܝܡ ܠܐܝܠܝܢ ܕܪܚܡܿܝܢ
                    ܠܗ. ܥܠ ܗܢܐ ܗܘ ܡܿܡܠܠܝܢܢ. ܘܥܠ ܗܢܐ ܗܘ ܡܿܣܒܪܝܢܢ. ܗܝܡܢ ܒܗܼ ܗܟܝܠ ܒܪܝ ܕܬܚܐ. ܘܣܿܒܪ ܒܗ
                    ܕܠܐ ܬܡܘܬ. ܠܐ ܓܝܪ ܫܘܚܕܐ ܫܿܩܠ ܕܬܩܿܪܒ ܠܗ܆ ܘܠܐ ܒܕܒ̈ܚܐ ܡܨܛܿܒܐ ܕܬܕܒܿܚ ܒܗ. ܚܘܪ ܒܗ ܘܠܐ
                    ܡܗܡܐ ܡܢܟ. ܘܐܬܦܢܝ ܠܘܬܗ ܘܠܐ ܫܿܒܩ ܠܟ. ܫܘܦܪܗ ܓܝܪ ܡܓܪܓ ܠܟ ܕܬܪܚܡܝܼܗܝ. ܘܠܐ ܫܿܒܩ ܠܟ
                    ܕܬܬܦܢܐ ܡܢ ܠܘܬܗ܀ ܘܟܕ ܗܠܝܢ ܐܡܼܪ ܗܘܐ ܝܗܘܕܐ ܠܥܠܝܡܐ ܗܿܘ܆ ܟܢ̈ܫܐ ܣ̈ܓܝܐܐ ܡܬܬܘܣܦܝܢ ܗܘܘ.
                    ܘܐܪܝܡ ܗܘܐ ܥ̈ܝܢܘܗܝ ܫܠܝܚܐܼ. ܘܚܼܙܐ ܠܐܢܫܐ  206  ܕܡܬܪܝܡܝܢ ܗܘܘ ܚܕ ܥܠ ܚܕ ܕܢܚܼܙܘܢܝܗܝ. ܘܠܕܘ̈ܟܝܬܐ ܕܪ̈ܡܢ ܣܿܠܩܝܢ ܗܘܘ.
                    ܕܢܚܼܙܘܢܝܗܝ. ܘܐܡܿܪ ܠܗܘܢ ܫܠܝܚܐ. ܓܒܪ̈ܐ ܐܝܠܝܢ ܕܐܬܝܬܘܢ ܠܒܝܬ ܨܘܝܗ ܕܡܫܝܚܐܿ. ܐܢܫܐ ܐܝܠܝܢ
                    ܕܣܿܒܝܢ ܕܒܝܫܘܥ ܢܗܝܡܢܘܢ. ܣܒܘ ܠܟܘܢ ܢܣܝܢܐܼ ܡܢ ܗܕܐ. ܕܐܢ ܠܐ ܡܬܬܪܝܡܝܢ ܐܢܬܘܢ܆ ܠܝ ܕܝܠܝ
                    ܕܙܥܘܪܐ ܐܢܐ ܠܐ ܚܿܙܝܢ ܐܢܬܘܢ ܠܝ. ܐܢܐ ܕܐܟܘܬܟܘܢ ܐܢܐ ܠܐ ܡܫܝܟܚܝܢ ܐܢܬܘܢ ܕܬܚܙܘܢܢܝ: ܠܗܿܘ
                    ܐܝܢܐ ܕܒܪܘܡܐ ܐܝܬܘܗܝ ܘܒܥܘܡܩܐ ܡܫܬܟܚ ܐܝܟܢܐ ܡܫܟܚܝܢ ܐܢܬܘܢ ܕܬܚܼܙܘܢܝܗܝ܇ ܐܠܐ ܡܬܬܪܝܡܝܢ
                    ܐܢܬܘܢ ܡܢ ܥܿܒ̈ܕܝܟܘܢ ܩ̈ܕܡܝܐܿ. ܘܡܢ ܣܘܥܪ̈ܢܐ ܕܠܐ ܡܗܢܝܢܿ. ܘܡܢ ܐܪ̈ܓܝܓܬܐ ܕܠܐ ܡ̈ܩܘܝܢ܇
                    ܘܥܘܪܬܐ ܕܚܿܒܠܐ ܕܬܢܢ ܦܐܿܫ. ܘܡܢ ܢ̈ܟܣܐ ܘܩ̈ܢܝܢܐ ܕܒܐܪܥܐ ܣܝܦܝܢܿ. ܘܡܢ ܢܚ̈ܬܐ ܕܒܿܠܝܢܿ. ܘܡܢ
                    ܫܘܦܐ ܕܣܐܿܒ ܘܡܬܟܐܿܪ. ܘܡܢ ܦܓܪܐ ܕܗܠܝܢ ܟܠܗܝܢ ܚ̈ܒܝܫܢ ܒܗ ܘܗܿܘܐ ܥܦܪܐܿ. ܘܗܠܝܢ ܟܠܗܝܢ ܠܗ
                    ܗܘ ܡ̈ܣܡܟܢ. ܐܠܐ ܗܝܡܢܘ ܘܣܿܒܪܘ ܒܡܪܢ ܝܫܘܥ ܡܫܝܚܐ. ܗܢܐ ܕܡܿܟܪܙܝܢܢ. ܕܠܘܬܗ ܢܗܘܼܐ ܣܒܪܟܘܢ܆
                    ܘܒܗ ܬܚܘܢ ܠܥܠܡ ܥܠܡܝܢ. ܘܢܗܘܼܐ ܠܟܘܢ ܗܕܝܐ ܒܐܬܪܐ ܕܛܥܝܘܬܐ. ܘܢܗܘܼܐ ܠܟܘܢ ܠܡܐܢܐ ܒܝܡܐ
                    ܕܫܓܝܫܘܬܐ. ܘܢܗܘܼܐ ܠܟܘܢ ܡܥܝܢܐ ܕܡ̈ܝܐ ܚ̈ܝܐ ܒܐܬܪܐ ܕܨܗܝܘܬܐ. ܘܢܗܘܼܐ ܠܟܘܢ ܣܠܐ ܡܠܼܝܐ
                    ܒܐܬܪܐ ܕܟܦܢܐ. ܘܢܗܘܼܐ ܢܝܿܚܐ ܠܢܦܫ̈ܬܟܘܢ. ܘܡܐܿܣܝܢܐܼ ܘܡܐܚܝܢܐ  207  ܠܦܓܪ̈ܝܟܘܢ. ܀ ܗܿܝܕܝܢ ܟ̈ܢܫܐ ܩܥܿܝܢ
                    ܗܘܘ܆ ܫܠܝܚܗ ܕܐܠܗܐ ܚܿܝܐ. ܘܗܕܝܐ ܕܐܘܪܚܐ ܕܚ̈ܝܐ : ܘܡܚܘܝܢܐ ܕܪ̈ܐܙܐ ܕܫܪܪܐ. ܣ̈ܓܝܐܢ ܐܢܝ̈ܢ
                    ܐܝܠܝܢ ܕܣܥܼܝܪ̈ܢ ܠܢ. ܗܠܝܢ ܕܢܘܟܪ̈ܝܢ ܠܐܠܗܐ ܡܫܒܚܐ ܕܡܿܟܪܙ ܐܢܬ. ܘܥܕܡܐ ܠܗܫܐ ܠܐ ܡܡܪܚܝܢܢ
                    ܕܢܐܡܪ ܕܕܝܠܗ ܚܢܢ. ܡܛܠ ܕܥܿܒ̈ܕܝܢ ܢܘܟܪ̈ܝܝܢ ܠܗ ܘܣܢܝܢ ܩܕܡܘܗܝ. ܐܠܐ ܐܢ ܚܐܿܢ ܠܢ ܘܡܦܨܐ ܠܢ
                    ܡܢ ܣܘܥܪܗܢܝܢ ܩ̈ܕܡܝܐ : ܘܡܢ ܒܝܼ̈ܫܬܐ ܐܝܠܝܢ ܕܒܛܘܥܝܝ ܣܥܼܝܪ̈ܢ ܠܢ. ܘܠܐ ܩܐܿܨ ܠܢ ܘܠܐ ܡܿܕܟܪ
                    ܥܠܝܢ ܚ̈ܛܗܝܢ ܩ̈ܕܡܝܐܼ. ܗܿܘܝܢܢ ܠܗ ܥܒܼ̈ܕ ܘܡܫܡܠܝܢܢ ܨܒܝܢܗ. ܀ ܐܡܿܪ ܠܗܘܢ ܝܗܘܕܐ. ܠܐ ܚܿܫܒ
                    ܥܠܝܟܘܢ ܚ̈ܛܗܝܟܘܢ ܐܠܝܢ ܕܒܛܘܥܝܝ ܣܥܼܬܘܢ ܐܢ̈ܝܢ. ܐܠܐ ܫܿܒܩ ܠܟܘܢ ܣ̈ܟܠܘܬܟܘܢ. ܗܠܝܢ
                    ܩ̈ܕܡܝܬܐ. ܗܠܝܢ ܕܕܠܐ ܒܝܕܥܬܐ ܣܥܼܪܬܘܢ ܐܢ̈ܝܢ. 
            
            
                [ܫܠܼܡܬܿ ܦܪܟܣܝܣ ܕܬܠܬܐ.]
            

            
                Fourth Act

                [ܬܘܒ ܦܪܟܣܝܣ ܕܐܪܒܥ.]
                ܘܟܕ ܥܠ ܕܘܟܬܗ ܒܐܪܘܚܐ ܩܐܿܡ ܗܘܐ ܫܠܚܝܐ : ܘܥܡ ܟܢ̈ܫܐ ܗܿܢܘܢ ܡܿܡܠܠ ܥܠ ܡܿܠܟܘܬܗܕ ܐܠܗܐ : ܘܥ
                    ܡܬܦܢܝܢܘܬܗܘܢ ܘܬܝܒܘܬܗܘܢ ܕܠܘܬ ܡܪܢ. ܘܟܕ ܒܐܘܪܚܐ ܩܐܿܡ ܗܘܐ ܫܠܝܚܐ : ܘܥܡ ܟܗܢܫܐ ܗܿܢܘܢ
            
            
                
                     208  ܡܡܠܠ ܗܘܐܼ. ܥܝܠܐ ܚܕ ܒܪ ܚܡܪܐ ܐܬܼܐ
                    ܘܩܡ ܩܕܡܘܗܝ. ܘܐܡܼܪ ܝܗܘܕܐ. ܠܐ ܗܘܐ ܕܠܐ ܡܦܪܢܣܢܘܬܐ ܕܐܠܗܐ ܐܬܼܐ ܥܝܠܐ ܗܢܐ ܠܗܪܟܐ. ܐܠܐ ܠܟ
                    ܐܡܿܪ ܐܢܐ ܥܝܠܐ ܕܬܬܝܗܒ ܠܟ ܒܛܝܒܘܬܗ ܕܡܪܢ ܡܠܬܐ ܩܕܡ ܗܠܝܢ ܟ̈ܢܫܐ ܕܩܿܝܡܝܢ ܗܪܟܐܼ. ܘܐܡܪ ܡܕܡ
                    ܕܨܿܒܐ ܐܢܬ ܕܢܗܝܡܢܘܢ ܒܐܠܗܐ ܕܫܪܪܐ ܕܡܿܟܪܙܝܢܢ ܀ ܘܥܝܠܐ ܗܿܘ ܐܬܦܬܼܚ ܦܘܡܗܼ. ܘܡܼܠܠ ܐܝܟ
                    ܒܪܢܫܐ ܒܚܝܠܗ ܕܡܪܝܢ. ܘܐܡܼܪ ܠܗ. ܬܐܘܡܗ ܕܡܫܝܚܐ ܘܫܠܝܚܗ ܕܡܪܝܡܐܿ. ܘܒܪ ܡܠܬܗ ܟܣܝܬܐ
                    ܕܡܚܝܢܐܿ. ܘܡܩܒܠ ܪ̈ܐܙܘܗ ܝܟܣ̈ܝܐ ܕܒܪܗ ܕܐܠܗܐ : ܒܪ ܚܐܪ̈ܐ ܕܗܘܼܐ ܥܒܼܕܐ : ܕܒܡܫܬܡܥܢܘܬܗ
                    ܠܣ̈ܓܝܐܐ ܠܚܐܪܘܬܐ ܢܝܿܬܐܼ. ܒܪ ܛܘܗܡܐ ܣܓܝܐܐ ܕܗܘܼܐ ܡܓܙܝܐ : ܕܒܚܝܠܗ ܕܡܪܟ ܠܒܥܠܕܒܒܐ ܬܓܠܘܙ
                    ܡܢ ܣ̈ܓܝܐܐܼ. ܕܬܗܘܼܐ ܥܠܼܬܐ ܕܚ̈ܝܐ ܠܐܬܪܐ ܕܗ̈ܢܕܘܝܐ. ܕܐܬܼܐ ܕܠܐ ܒܨܒܝܢܗ ܠܘܬ ܒ̈ܢܝ ܐܢܫܐ
                    ܕܛܼܥܝܢ ܗܘܘ ܡܢ ܐܠܗܐ. ܘܗܐ ܒܚܙܬܟ ܘܒܡ̈ܠܝܟ ܐܠܗ̈ܝܬܐ ܡܬܦܢܝܢ ܠܚ̈ܝܐ. ܣܩ ܪܟܒ ܥܠܝܼ ܘܐܬܬܢܝܚ
                    ܥܕ ܥܐܿܠ ܐܢܬ ܠܡܕܝܢܬܐ. ܘܐܪܝܡ ܝܗܘܕܐ ܩܠܗܼ ܘܐܡܼܪ. ܐ̃ܘ ܝܫܘܥ ܒܪܐ ܕܪ̈ܚܡܼܐ ܡ̈ܫܠܡܢܐ. ܐ̃ܘ
                    ܫܿܠܝܐ ܘܫܬܝܩܐܿ. ܕܒ̈ܚܝܘܬܐ ܠܝܬ ܠܗܝܢ ܡܠܬܐ ܡܬܡܠܠ ܐܢܬ. ܐ̃ܘ  209  ܟܣܝܐ ܕܒܥܿܒܼ̈ܕܘܗܝ ܡܬܚܙܐܿ.
                    ܘܡܬܪܣܝܢܢ ܘܡܿܢܛܪܢܢ. ܡܚܝܢܐ ܕܦܓܪ̈ܝܢ. ܘܡܚܝܢܐ ܕܢܦܫ̈ܬܢ. ܢܒܥܼܐ ܚܠܐ ܕܠܐ ܓܐܿܙ. ܘܡܥܝܢܐ
                    ܫܦܝܬܐ ܕܠܐ ܡܬܕܠܚܐ. ܗܿܘܐ ܐܝܿܠܐ ܠܥܒܼ̈ܕܘܗܝ ܒܐܓܘܢܐ. ܘܡܦܫܿܚ ܠܒܥܠܕܒܒܐ ܩܕܡܝܗܘܢ. ܩܐܿܡ
                    ܒܐ̈ܓܘܢܐ ܚܠܦܝܢ܆ ܘܡܿܙܟܐ ܠܢ ܒܟܠܗܘܢ. ܐܬܠܝܛܢ ܕܫܪܪܐ ܕܠܐ ܡܬܼܢܟܐܼ. ܘܪܒ ܚܝܠܢ ܩܕܝܫܐ ܕܠܐ
                    ܡܼܙܕܟܐ. ܝܿܗܒ ܚܕܘܬܐ ܠܕܝܠܗ ܕܠܐ ܥܿܒܪܐ. ܘܢܝܿܚܐ ܕܠܝܬ ܒܗ ܬܘܒ ܐܘܠܨܢܐ. ܪܥܿܝܐ ܛܿܒܐ ܕܝܗܒܼ
                    ܢܦܫܗ ܥܠ ܐ̈ܦܝ ܥܢܗ. ܕܠܕܐܒܐ ܙܟܼܐܼ ܘܐܥܕܝ ܐܡܼܪ̈ܘܗܝ. ܡܫܒܚܝܢܢ ܠܟ. ܘܡܪܡܪܡܝܢܢ ܒܐܝܼܕܟ
                    ܠܐܒܘܟ ܪܡܐܿ. ܗܿܘ ܕܠܐ ܡܬܚܙܐܿ. ܘܠܪܘܚܐ ܩܕܝܫܘܬܐ ܡܪܚܦܬ ܥܠ ܒܪ̈ܝܬܐ ܟܠܗܝܢ ܀ ܀ ܀ ܘܟܕ ܐܡܼܪ
                    ܫܠܝܚܐ ܗܠܝܢ܆ ܟܢ̈ܫܐ ܗܿܢܘܢ ܟܠܗܘܢ ܕܟܢܝܼܫܝܢ ܗܘܘ ܬܡܿܢ܆ ܚܿܝܪܝܢ ܗܘܘ ܕܢܚܼܙܘܢ ܡܢܐ ܦܬܓܡܐ
                    ܝܿܗܒ ܗܘܐ ܠܗ ܠܥܝܠܐ ܗܿܘ. ܘܟܕ ܥܕܢܐ ܣܓܝܐܐ ܩܐܿܡ ܗܘܐ ܫܠܝܚܐ ܘܡܬܕܡܪ : ܘܒܫܡܝܐ ܚܐܿܪ ܗܘܐ ܀
                    ܐܡܼܪ ܠܗ ܠܥܝܠܐ ܗܿܘܼ. ܡܿܢ ܐܢܬܼ ܘܡܐ ܛܒܼܟ܇ ܕܒܦܘܡܟ ܬܕܡܪ̈ܬܐ ܐܬܡܿܠܠܝ ܒܗ܇ ܘܪ̈ܘܪܒܬܐ ܐܝܠܝܢ
                    ܕܡܢ ܣ̈ܓܝܐܐ ܡܝܬܪ̈ܢ ܗ̈ܘܝ ܀ ܀ ܐܡܿܪ ܠܗ ܥܝܠܐ ܗܿܘ. ܡܢ ܗܿܝ ܐܢܐܢ ܫܪܒܬܐ ܕܠܒܠܥܡ ܢܒܝܐ
                    ܫܡܼܫܬܿ܇ ܘܡܪܟ ܐܠܗܐ ܥܠ ܛܘܗܡܝ ܪܟܼܒ. ܘܐܢܐ ܠܟ ܐܫܬܕܪܬ ܕܐܢܝܚܟܼ ܘܡܛܠ ܗܕܐ ܗܝܡܢܘܬܗܘܢ ܕܗܠܝܢ
                    ܬܬ݀ܦܢܐܼ.  210  ܘܬܬܘܣܦ ܠܝ ܗܿܝ ܡܿܢܬܐ
                    ܐܚܪܬܐܿ. ܐܿܝܕܐ ܕܝܘܡܢܐ ܡܛܠ ܕܠܟ ܐܿܫܡܫ ܩܢܝܬܗܿ. ܡܢܐ ܕܠܟ ܫܿܡܫܬ ܡܫܬܩܠܐ ܠܗܿ ܡܢܝ ܀ ܐܡܿܪ
                    ܠܗ ܬܐܘܡܐ. ܡܗܝܡܢ ܗܘ ܐܠܗܐ ܕܝܗܼܒ ܠܟ ܗܫܐ ܗܕܐ ܡܿܘܗܒܬܐܼ. ܕܐܦ ܒܐܚܪܬܐ ܬܫܬܼܡܠܐ ܥܡܟ ܘܥܡ
                    ܒ̈ܢܝ ܫܪܒܬܟ. ܐܢܐ ܓܝܪ ܡܢ ܗܢܐ ܪܙܐ ܙܥܘܪ ܐܢܐܼ ܘܡܚܝܠ. ܘܠܐ ܨܿܒܐ ܗܘܐ ܕܢܪܟܒ ܥܠܘܗܝ ܀ ܀ ܗܿܘ
                    ܕܝܢ ܥܝܠܐ ܒܥܿܐ ܗܘܐ ܡܢܗ ܘܡܬܟܫܦ ܠܗܼ. ܕܢܬܒܿܪܟ ܡܢ ܪܟܘܒܗ. ܘܣܠܼܩ ܗܘܐ ܪܟܒܗ. ܘܐܬ݀ܝܢ ܗܘܘ
                    ܐܢܫܐ ܒܬܪܗ ܘܩܕܡܘܗܝ ܕܫܠܝܚܐ. ܘܪܗܛܝܢ ܗܘܘ ܕܢܚܼܙܘܢ ܡܢܐ ܓܿܕܫ ܠܗ. ܘܐܝܟܢܐ ܫܿܪܐ ܠܗ ܠܥܝܠܐ
                    ܗܿܘ. ܘܟܕ ܡܼܿܛܝ ܬܪܥܐ ܕܡܕܝܢܬܐܼ ܢܚܼܬ ܡܢܗ. ܘܡܐܼܪ ܠܗܼ ܙܠ ܐܬܢܛܪ ܐܝܟܢܐ ܕܐܝܬܝܟ ܗܘܝܬ.
                    ܘܒܗܿ ܒܫܥܬܐ ܢܦܼܠ ܥܝܠܐ ܗܿܘ ܘܫܿܠܡ. ܘܠܟܠܗܘܢ ܗܿܢܘܢ ܕܐܝܬ ܗܘܘ ܬܡܿܢ܆ ܥܩܬ ܗܘܬ ܠܗܘܢ ܥܠܘܗܝ.
                    ܘܐܡܿܪܝܢ ܗܘܘ ܠܗ ܠܫܠܝܚܐ. ܐܚܝܗܝ. ܐܡܿܪ ܠܗܘܢ ܫܠܝܚܐ. ܠܐ ܗܘܐ ܡܛܠ ܕܠܐ ܡܫܟܚ ܐܢܐ ܕܐܚܝܘܗܝ
                    ܠܗܢܐ ܥܝܠܐ ܠܐ ܡܚܐ ܐܢܐ ܠܗ. ܐܠܐ ܗܕܐ ܗܝ ܕܡܥܕܪܐ ܠܗ. ܗܿܘ ܓܝܪ ܡܿܢ ܕܝܗܼܒ ܗܘܐ ܠܗ ܡܠܬܐܼ.
                    ܡܫܟܚ ܗܘܐ ܕܢܥܒܼܕ ܠܗ ܕܠܐ ܢܡܘܬ. ܐܠܐ ܗܕܐ ܗܝ ܕܡܥܕܪܐ ܠܗ. ܘܦܩܼܕ ܗܘܐ ܫܠܝܚܐ ܠܗܿܢܘܢ ܕܥܡܗܼ.
                    ܕܢܚܼܦܪܘܢ  211  ܕܘܟܬܐ ܘܢܛܡܼܪܘܢ ܦܓܪܗ.
                    ܘܥܒܼܕܘ ܗܘܘ ܐܟܝܢܐ ܕܦܩܼܕ ܗܘܐ ܠܗܘܢ ܀ 
            
            
                [ܫܠܼܡܬ ܦܪܟܣܝܣ ܕܐܪܒܥ.]
            

            
                Fifth Act

                [ܬܘܒ ܦܪܟܣܝܣ ܕܚܡܫ.]
                ܘܥܠ ܗܘܐ ܫܠܝܚܐ ܠܡܕܝܢܬܐܼ. ܟܕ ܟܢ̈ܫܐ ܗܿܢܘܢ ܥܡܗ. ܪܢܿܐ ܗܘܐ ܕܢܐܙܠ ܠܒܝܬ ܐܢ̈ܫܘܗܝ. ܕܗܿܘ
                    ܥܠܝܡܐ ܕܐܿܚܝ. ܡܛܠ ܕܣܓܿܝ ܒܥܪܐ ܗܘܐ ܡܢܗ. ܘܐܢܬܬܐ ܚܕܐ ܫܦܝܪܬܐܼ. ܩܥܼܬ ܒܩܠܐ ܪܡܐܼ ܘܐܡܿܪ
                    ܠܗ. ܫܠܝܚܐ ܕܐܠܗܐ ܚܼܕܬܐ ܕܐܬܼܐ ܠܗܢܕܘ. ܥܒܼܕܗ ܕܐܠܗܐ ܩܕܝܫܐ ܕܒܟ ܡܬܟܪܙ܇ ܘܡܚܝܢܐ܇ ܘܡܚܝܢܐ
                    ܕܢܦܫ̈ܬܐ ܕܐܝܠܝܢ ܠܘܬܗ ܐܬܝܢ : ܘܡܐܣܝܢܐ ܕܦܓܪ̈ܐ ܐܝܠܝܢ ܕܡܢ ܒܥܠܕܒܒܐ ܡܫܬܢܩܝܢ܆ ܕܗܘܼܐ ܥܠܼܬܐ
                    ܕܚ̈ܝܐ ܠܟܠܗܿ ܐܢܫܘܬܐܕܗܢܕܘܼ. ܐܦܣ ܕܢܥܿܠܘܢܢܝ ܩܕܡܝܟ܇ ܕܐܿܡܪ ܠܟ ܡܕܡ ܕܓܕܫܢܝ. ܕܐܟܒܪ ܡܢ
                    ܠܘܬܟܼ ܣܒܪܐ ܢܗܘܼܐ ܠܝ. ܘܗܠܝܢ ܕܩܿܝܡܝܢ ܝܬܝܪܐܝܬ ܢܫܬܪܪܘܢ ܒܐܠܗܐ ܗܿܘ ܕܡܢܟ ܡܿܬܟܪܙ. ܘܐܡܿܪܐ
                    ܐܢܐ ܠܟ. ܕܠܐ ܗܘܐ ܒܨܝܪܐܝܬ ܡܫܬܢܩܐ ܐܢܐ ܡܢ ܒܥܠܕܒܒܐܿ. ܗܐ ܙܒܢܐ ܕܫ̈ܢܝܐ ܚܡܫ. ܒܫܠܼܝܐ ܓܝܪ
                    ܝܬܒܐ ܗܘܝܬ. ܘܫܝܢܐ ܚܼܕܝܪ 
            
            
                
                     212  ܗܘܐ ܠܝ. ܟܘܠ ܓܒ̈ܝ ܘܕܡܕܡ ܠܐ ܝܿܨܦܐ
                    ܗܘܝܬ. ܡܛܠ ܕܐܦܠܐ ܨܦܬܐ ܝܿܕܥ ܗܘܝܬ. ܓܼܕܫ ܕܝܢ ܒܚܕ ܡܢ ܝܘ̈ܡܬܐ ܟܕ ܢܿܦܩܐ ܗܘܝܬ ܡܢ ܒܠܢܐܼ.
                    ܦܓܼܥ ܒܝ ܓܒܪܐ ܚܕ. ܕܒܚܙܘܗ ܟܕ ܫܓܝܼܫ ܡܬܚܙܐ ܗܘܐ. ܢܥܡܬܗ ܘܒܪܬ ܩܠܗܼ ܛܒ ܪܟܝܪܐ ܗܘܬ. ܘܐܡܼܪ
                    ܠܝ ܕܐܢܐ ܘܐܢܬܼ ܒܚܕ ܚܘܒܐ ܢܗܘܼܐ. ܘܐܢܬܝ ܐܫܬܘܬܦܝ ܥܡܝ ܒܫܘܬܦܘܬܐ ܕܓܒܪܐ ܘܕܐܢܬܬܐ. ܘܐܡܿܪܬ
                    ܠܗ. ܐܢܿܐ ܠܡܟܝܪܝ ܠܐ ܗܿܘܝܬ. ܡܛܠ ܕܠܐ ܡܫܟܚܐ ܐܢܐ ܠܡܣܿܝܼܒܪܘ ܠܓܒܪܐ. ܠܟ ܕܝܢ ܕܒܓܘܪܐ ܨܼܒܝܬ
                    ܕܬܫܬܘܬܦ ܥܡܝܼ. ܐܝܟܢܐ ܢܦܫܝ ܝܗܒܐ ܐܢܐ ܠܟ. ܘܠܛܠܝܬܐ ܕܐܝܬ ܗܘܬ ܥܡܝ ܐܡܿܪܬ ܠܗܿ. ܚܙܝ
                    ܠܚܨܝܦܘܬܗ ܕܗܿܘ ܥܠܝܡܐܿ. ܥܕܡܐ ܕܒܦܪܪܝܣܝܐ ܢܡܠܠ ܥܡܝ. ܘܗܼܝ ܐܡܼܪܬ ܠܝ. ܕܐܢܐܼ ܠܓܒܪܐ ܣܒܐ
                    ܚܿܙܝܬ ܕܡܿܡܠܠ ܥܡܟܝ. ܘܟܕ ܠܒܝܬܐ ܐܙ݀ܠܬ ܘܐܚܫܡܬܼ. ܠܒܝܼ ܡܩܢܛ ܗܘܐ ܠܝ ܡܢܗ܇ ܕܒܬܪ̈ܬܝܢ ܕܡ̈ܘܢ
                    ܐܢܬܚܙܝ ܠܝ. ܘܕܡܿܟܬ ܟܕ ܪܢܝܿܐ ܐܢܐ ܒܗ. ܘܒܠܠܝܐ ܐܬܼܐ ܘܐܫܬܘܬܦ ܥܡܝ ܒܫܘܬܦܘܬܐ ܨܐܬܐ. ܘܐܦ
                    ܒܐܝܡܡܐ ܚܿܙܝܐ ܗܘܝܬ ܠܗ ܘܥܿܪܩܐ ܗܘܝܬ ܡܢܗ܇ ܒܠܠܝܐ ܕܝܢ ܕܚܝܠܐܝܬ ܐܿܬܐ ܗܘܐ ܥܠܝܼ ܘܡܫܿܬܢܕ
                    ܗܘܐ ܒܝ. ܘܗܐ ܥܕܟܝܠ ܐܝܟ ܕܚܿܙܐ ܐܢܬ ܠܝ ܗܐ ܚܡܫ ܫ̈ܢܝܢ. ܘܠܐ ܐܪܦܝܢܝ. ܐܠܐ ܡܛܠ ܕܝܿܕܥܐ  213  ܐܢܐ ܘܡܗܝܡܢܐ ܐܢܐ : ܕܐܦ ܫ̈ܐܕܐ ܘܐܦ
                    ܪ̈ܘܚܐ ܘܐܦ ܕܝ̈ܘܐ ܡܫܬܥܒܕܝܢ ܠܟ ܘܕܚܠܝܢ ܡܢ ܨܠܘܬܟܼ. ܒܥܿܝܐ ܐܢܐ ܡܢܟ ܡܪܝ܆ ܕܬܨܿܠܐ ܥܠܝ
                    ܘܬܒܥܐ ܡܢ ܐܠܗܐܼ. ܘܬܪܕܘܦ ܡܢܝ ܢܣܝܘܢܐ ܗܢܐ. ܘܙܒܢܐ ܕܩܝܡ ܠܝ ܐܿܗܘܐ ܒܪܬ ܚܐܪ̈ܐܼ. ܘܐܬܿܟܢܫ
                    ܠܘܬ ܟܝܢܝ ܩܕܡܝܫܐ. ܘܐܩܒܠ ܡܿܘܗܒܬܐ ܕܠܬܝ̈ܒܐ ܡܬܝܗܒܐ ܀ ܗܿܝܕܝܢ ܫܠܝܚܐ ܟܕ ܚܼܙܐ. ܡܚܦܛܢܘܬܗ
                    ܕܒܥܠܕܒܒܐܼ. ܐܪܝܡ ܩܠܗ ܘܐܡܼܪ. ܐ̃ܘ ܒܝܼܫܬܐ ܕܠܐ ܬ݀ܝܟܐ. ܐ̃ܘ ܒܥܠܕܒܒܐ ܕܠܐ ܒܗܠܿ. ܐ̃ܘ
                    ܠܚܿܣܡܐ ܕܠܝܬ ܠܗ ܫܠܼܝܐ. ܐ̃ܘ ܣܢܝܐ ܕܥܡ ܫܦܝܪ̈ܐ ܡܬ݀ܟܬܫ ܐܢܬ. ܕܬ݀ܟܒܘܫ ܐܢܘܢ ܬܚܘܬܟܝ. ܐ̃ܘ
                    ܕܐܝܬ ܠܗ ܕܡܼ̈ܘܬܐ ܣ̈ܓܝܐܬܐ ܣ̈ܢܝܬܐܿ. ܘܐܝܟܢܐ ܕܨܿܒܐ ܡܬܚܼܙܐ. ܓܘܢܟ ܕܝܢ ܐܘܟܡܐ ܠܐ ܡܬܚܿܠܦ.
                    ܡܛܠ ܕܟܝܢܟ ܗܘ. ܐ̃ܘ ܨܢܝܥܐ ܘܡܿܕܘܕܢܐ ܕܥܿܒ̈ܕܐ ܛ̈ܒܐ. ܐ̃ܘ ܕܐܝܬ ܠܗ ܕܡܼ̈ܘܬܐ ܣ̈ܓܝܐܬܐ
                    ܣ̈ܢܝܬܐܿܘ ܘܐܝܟܢܐ ܕܨܿܒܐ ܡܬܚܼܙܐ. ܓܘܢܟ ܕܝܢ ܐܘܟܡܐ ܠܐ ܡܬܚܿܠܦ. ܡܛܠ ܕܟܝܢܟ ܗܘ. ܐ̃ܘ ܨܢܝܥܐ
                    ܘܡܿܕܘܕܢܐ ܕܥܿܒ̈ܕܐ ܛ̈ܒܐ. ܐ̃ܘ ܐܝܠܢܐ ܡܪܝܪܐ ܕܦܐܪ̈ܘܗܝ ܠܗ ܕܡܿܝܢ. ܐ̃ܘ ܐܿܟܠܩܪܨܐ ܕܓܿܠܐ.
                    ܕܒܕܠܐ ܕܝܠܗ ܡܬܟܬܫ. ܐ̃ܘ ܠܛܘܥܝܝ ܕܟܕ ܥܠ ܪܝܫܗܿ ܟܿܦܝܐܿ. ܩܿܝܡܐ ܒܚܨܝܦܘܬܐܿ. ܘܡܡܪܚܐ ܥܠ
                    ܐܝܠܝܢ ܕܛܿܒܝܢ ܡܢܗܿ. ܐ̃ܘ ܠܒܝܼܫܬܐ ܕܫܼܿܦܐ ܐܝܟ ܚܘܝܐ. ܘܪܚܼܿܫܐ ܘܥܐܿܠܐ ܘܠܡܝܬܪܘܬܐ
                    ܡܫܬܘܫܛܐ. ܘܥܕܡܐ ܠܐܡܬܝ ܐܿܡܼܪ ܗܠܝܢ. ܐܠܐ ܒܥܓܠ ܚܿܘܐ ܩܢܘܡܟ ܒܥܠܕܒܒܐ ܕܥܒܼ̈ܕܘܗܝ ܕܡܫܝܚܐ.
                    ܕܢܚܼܙܘܢ ܟܢ̈ܫܐ ܗܠܝܢ ܕܠܘܬ ܐܠܗܐ ܕܫܪܪܐ ܩܿܪܝܢܢ ܠܗܘܢ ܀ ܘܟܕ ܗܠܝܢ ܐܡܼܪ ܗܘܐ ܫܠܝܚܐ. ܐܬܼܐ
                    ܒܥܠܕܒܒܐ ܗܿܘ  214  ܘܩܡ ܩܕܡܘܗܝܼ. ܠܐ ܚܿܙܐ
                    ܗܘܐ ܠܗ܇ ܐܠܐ ܐܢ ܗܼܘ ܫܠܝܚܐ ܘܐܢܬܬܐ ܗܿܝ. ܘܒܩܠܐ ܪܡܐ ܩܿܥܐ ܗܘܐ. ܟܕ ܟܠܗܘܢ ܐܝܠܝܢ ܕܐܝܢ ܗܘܘ
                    ܬܡܿܢܼ ܫܡܿܥܝܢ ܗܘܘ ܠܗ. ܡܐ ܠܢ ܘܠܟ ܫܠܝܚܗ ܕܡܪܝܡܐ. ܡܐ ܠܢ ܘܠܟ ܥܒܼܕܗ̈ ܕܝܫܘܥ ܡܫܝܚܐ. ܡܢܐ
                    ܠܢ ܘܠܟ ܒܪ ܪ̈ܐܙܘܗܝ ܩ̈ܕܝܫܐܿ ܕܐܠܗܐ. ܡܢܐ ܨܿܒܐ ܐܢܬ ܠܡܘܒܕܘܬܢܿ. ܟܕ ܥܕܟܝܠ ܙܒܢܢ ܠܐ ܡܼܛܐ.
                    ܡܢܐ ܒܥܐ ܐܢܬ ܕܬܣܒ ܫܘܠܛܢܐ ܕܐܬܝܗܒ ܠܢܿ. ܟܕ ܥܕܡܐ ܠܗܫܐ ܐܝܬ ܠܢ ܥܠܘܗܝ ܣܒܪܐ. ܡܢܐ ܠܢ ܘܠܟ
                    ܕܐܬܼܝܬ ܠܡܛܪܕܢ. ܐܢܬ ܒܐܝܠܢ ܕܡܫܼܬܡܥܝܢ ܠܟ ܫܠܝܼܛ ܐܢܬ ܥܠܝܗܘܢ. ܘܚܢܢ ܒܐܝܠܝܢ ܕܡܬܪܡܝܢ ܠܢ
                    ܫܠܝܛܝܢܢ ܒܗܘܢ. ܥܠ ܡܢܐ ܨܒܝܼܬ ܕܬܕܒܼܪܢ ܒܩܛܝܪܐ ܡܢ ܩܕܡ ܙܒܢܢ܇ ܟܕ ܐܢܬ ܠܐܚܪ̈ܢܐ ܡܿܦܩܕ ܐܢܬ܇
                    ܕܒܩܛܝܪܐ ܠܐܢܫ ܠܐ ܬܕܒܼܪܘܢ. ܡܢܐ ܡܬܝܥܢ ܐܢܬ ܥܠ ܕܠܐ ܕܝܠܟ܇ ܕܝܠܟ ܓܝ ܠܐ ܣܿܦܩܝܢ ܠܟ܆ ܡܢܐ
                    ܡܬܕܡܐ ܐܢܬ ܠܡܪܟ ܐܠܗܐܿ. ܕܛܫܿܝ ܪܒܘܬܗ ܕܘܐܬܚܼܙܝ ܒܦܓܪܐܿ. ܘܣܒܪܢ ܥܠܘܗܝ ܕܡܿܝܘܬܐ ܗܘ.
                    ܘܐܬܗܼܦܟ ܘܕܒܼܪܢ ܒܩܛܝܪܐ. ܟܐܡܬ ܓܝܪ ܡܢܗ ܝܠܼܝܕ ܐܢܬ. ܟܕ ܣܒܪܢ ܓܝܪ ܥܠܘܗܝ ܕܬܚܝܼܬ ܫܘܠܛܢ
                    ܢܪܡܝܘܗܝ܆ ܐܬܗܼܦܟ ܗܼܘ ܗܓܼܡܢ ܠܥܘܡܩܐ. ܠܐ ܓܝܪ ܝܿܕܥܝܢ ܗܘܝܢ ܠܗ. ܐܛܥܝܢ ܗܘܐ ܓܝܪ ܒܚܙܬܗ
                    ܡܟܝܟܬܐܿ. ܘܒܣܢܝܩܘܬܗ ܘܒܡܣܟܢܘܬܗ. ܘܣܒܪܝܢ ܗܘܝܢ ܟܕ ܚܙܝܢܝܗܝܼ ܕܚܕ ܡܢ  215  ܒ̈ܢܝܢܫܐ ܗܘ. ܘܠܐ ܝܿܕܥܝܢ ܗܘܝܢ
                    ܕܗܘܼܝܘ ܡܚܝܢܐ ܕܟܘܠܗܿ ܐܢܫܘܬܐ. ܝܗܼܒ ܠܢ ܕܝܢ ܫܘܠܛܢܐܼ. ܕܒܕܝܠܢ ܟܡܐ ܕܐܝܬ ܠܢ ܙܒܢܐ ܕܝܠܢ ܠܐ
                    ܢܿܪܦܐ. ܘܒܕܝܠܢ ܗܘܼܝܢ ܡܬܚܫܚܝܢ. ܐܢܬ ܕܝܢ ܗܐ ܨܼܒܝܬ ܕܝܬܝܪ ܡܢ ܡܕܡ ܕܝܗܼܒ ܠܟ ܬܩܼܢܐܼ ܘܠܢ
                    ܬܿܚܫ ܀ ܘܟܕ ܗܠܝܢ ܐܡܼܪ ܗܘܐ ܫܐܕܐ ܗܿܘ. ܬܘܒ ܒܟܼܐ. ܗܘܐ ܘܐܡܼܪ. ܫܿܒܩ ܐܢܐ ܠܟܝ ܐ̃ܘ ܒܪܬ
                    ܙܘܓܝ ܫܦܝܪܬܐܿ. ܕܠܙܒܢܐ ܣܓܝܐܐ ܐܫܟܚܬܟܝ ܘܥܠܝܟܝ ܐܬܬܢܚܬ. ܫܿܒܩ ܐܢܐ ܠܟܝ ܚܬܝ ܘܚܒܝܒܬܝ.
                    ܕܥܠܝܗܿ ܣܿܒܪܬ ܕܐܿܩܘܐ. ܡܢܐ ܐܿܥܒܕ ܠܐ ܝܿܕܥ ܐܢܐ. ܘܒܓܢ ܡܿܢ ܐܿܩܪܐ. ܕܢܥܕܪܢܝ. ܝܿܕܥ ܐܢܐ
                    ܡܢܐ ܐܿܥܒܕ. ܐܿܙܠ ܐܢܐ ܠܝ ܠܐܬܪܐ ܐܚܪܢܐܼ. ܠܐܝܟܐ ܕܛܒܼܗ ܕܓܒܪܐ ܗܢܐ ܠܐ ܐܿܫܬܡܥ. ܠܟܝ ܚܒܝܒܬܝ
                    ܐܥܩܘܒ. ܘܐܪܝܡ ܗܘܐ ܩܠܗܼ ܘܐܡܼܪ. ܦܘܫܝ ܕܠܐ ܫܿܠܡܐ ܐܝܿܕܐ ܕܓܘܣܐ ܐܚܕܬ ܒܐܝܢܐ ܕܝܬܝܪ ܡܢܝ.
                    ܐܿܙܠ ܐܢܐ ܕܐܿܦܗܐ ܘܐܿܒܥܐ ܠܝ ܕܐܟܘܬܝ. ܘܐܢ ܠܐ ܐܿܫܟܚ ܠܝܼ. ܬܘܒ ܠܘܬܟܝ ܐܿܦܢܐ ܠܝ. ܝܿܕܥ
                    ܐܢܐܓܝܪ ܕܗܫܐ ܡܛܠ ܕܩܪܝܒ ܗܘ ܠܟܝ ܗܢܐ ܓܒܪܐܿ. ܗܐ ܐܚܿܕܬܝ ܒܗ ܓܘܣܐ. ܡܿܫܢܐ ܐܢܐ ܕܝܢ ܡܟܐܼ.
                    ܘܐܝܟ ܕܐܝܬܝܟܝ ܗܿܘܝܐ ܐܢܬܝ. ܕܟܕ ܠܠܝܐ ܢܐܬܐ ܘܠܗ ܛܥܝܐ ܐܢܬܝܼ. ܘܠܝ ܕܝܠܝ ܐܬܐܪ ܗܿܘܐ ܠܘܬܟܝ.
                    ܗܫܐ ܓܝܪ ܫܡܗ ܗܘ ܕܗܿܘ ܕܡܿܟܪܙ ܐܢܐ ܐܕܚܠܢܝ. ܀ ܘܟܕ ܗܠܝܢ ܐܡܼܪ  216  ܗܘܐ ܫܐܕܐ ܗܿܘ. ܒܗܿ ܒܫܥܬܐ ܐܬܒܥܝ
                    ܘܠܐ ܐܫܬܟܚ. ܐܠܐ ܬܢܢܐܼ ܘܢܘܪܐ ܐܬܚܼܙܝܬܿ ܡܢ ܒܬܪܗ. ܘܟܠܗܘܢ ܗܠܝܢܕܬܡܿܢ ܩܿܝܡܝܢ ܗܘܘ ܬܡܝܗܝܢ
                    ܗܘܘ. ܘܟܕ ܚܼ؛ܐ ܫܠܝܚܐܼ ܐܡܼܪ ܠܗܘܢ. ܠܐ ܡܕܡ ܢܘܟܪܝ ܚܼܿܘܝ ܗܿܘ ܚܪܡܐ. ܐܠܐ ܟܝܢܐ ܗܿܘ ܕܒܗ
                    ܐܬܛܿܠܩ܆ ܢܘܪܐ ܓܝܪ ܡܛܠܩܐ ܠܗ. ܘܬܢܢܐ ܣܿܠܩ ܡܢܗ ܀ ܘܫܼܿܪܝ ܗܘܐ ܫܠܝܚܐ ܕܢܐܡܪ. ܝܫܘܥ ܪܐܙܐ
                    ܟܣܝܐ ܕܠܝ ܐܬܓܠܼܝ܆ ܐܢܬ ܗܘ ܕܠܝܼܬ ܠܝ ܪܑ̈ܙܝܟ ܝܬܝܪ ܡܢ ܚܒܪ̈ܝ ܟܠܗܘܢ. ܘܐܡܿܪܬ ܠܝ ܡ̈ܠܐ
                    ܐܝܠܝܢ ܕܐܢܐ ܗܐ ܝܿܩܕ ܐܢܐ ܒܗܝܢ. ܘܐܿܡܪ ܐ̈ܢܝܢ ܠܐ ܡܝܟܚ ܐܢܐ. ܝܫܘܥ ܐܢܫܐ ܝܠܼܝܕܐ. ܩܼܛܝܠܐ
                    ܡܝܼܬܐ. ܝܫܘܥ ܐܠܗܐ ܒܪ ܐܠܗܐ. ܡܚܝܢܐ ܘܡܐܿܚܐ ܡ̈ܝܼܬܐ. ܝܫܘܥ ܣܢܝܩܐ ܘܨܿܐܕ ܢܘ̈ܢܐ ܠܫܪܘܬܐ
                    ܘܠܚܫܡܝܬܐ. ܝܫܘܥ ܡܣܿܒܥ ܠܐܗܠܦܐ ܣ̈ܓܝܐܐ ܡܢ ܠܚܡܐ ܙܥܘܪܐ.. ܝܫܘܥ ܡܬܬܢܝܚ ܡܢ ܥܠܡܐ ܕܐܘܪܚܐ
                    ܐܝܟ ܒܪܢܫܐܼ. ܘܡܗܾܟ ܥܠ ܓ̈ܠܠܐ ܕܝܡܼܿܐܼ ܐܝܟ ܐܠܗܐ.. ܝܫܘܥ ܩܠܐ ܡܪܝܡܐ ܕܕܢܚܼ ܡܢ ܪ̈ܚܡܼܐ
                    ܡ̈ܫܠܡܢܐ. ܦܪܘܩܐ ܕܟܠ܆ ܘܡܚܪܪܢܐ ܘܡܦܪܢܣܢܐ ܕܥܠܡܐܼ ܘܡܚܝܠܢܐ ܕܡ̈ܝܼܬܐ.. ܝܫܘܥ ܝܡܝܢܐ ܕܐܒܐܿ.
                    ܕܣܚܼܦܬܿ ܠܒܼܝܫܐ ܠܬܚܘܡܐ ܬܚܬܝܐܼ. ܘܟܿܢܼܫ ܩ̈ܢܝܢܘܗܝ ܠܚܕ ܨܿܘܡܐ ܒܪܝܟܐ. ܝܫܘܥ ܡܿܠܟܐ ܕܥܠ ܟܠ
                    ܘܟܠ ܡܫܿܥܒܕ.. ܝܫܘܥ ܕܐܢܬ ܒܐܒܐ ܘܐܒܐ ܒܟ܆ ܘܚܕ  217  ܐܢܬܘܢ ܒܚܝܠܐ ܘܒܨܒܝܢܐ ܘܒܫܘܒܚܐܼ ܘܒܐܝܬܘܬܐ. ܘܡܛܠܬܢ ܐܫܬܡܿܗܬ ܒܫ̈ܡܗܐܼ
                    ܘܐܝܬܝܟ ܒܪܐ. ܘܠܒܫܼܬ ܦܓܪܐ.. ܝܫܘܥ ܕܗܘܼܝܬ ܢܙܝܪܐܼ. ܘܠܟܠ ܡܦܪܢܣܐ ܛܝܒܘܬܟ ܐܝܟ ܐܠܗܐ.. ܒܪ
                    ܐܠܗܐ ܡܪܝܡܐ ܕܗܘܼܝܬ ܒܪܢܫܐ ܫܝܛܐ ܘܡܟܝܟܐ.. ܝܫܘܥ ܕܠܐ ܡܗܡܐ ܡܢܢ ܒܡܐ ܕܒܥܿܝܢܢ ܡܢܗ. ܕܗܘܼܝܬ
                    ܥܠܼܬܐ ܕܚ̈ܝܐ ܠܟܠܗܿ ܐܢܫܘܬܐ.. ܝܫܘܥ ܕܐܬܩܼܪܝܬ ܡܛܥܝܢܐ ܥܠ ܐ̈ܦܝܢ. ܐܢܬ ܗܘ ܕܡܥܕܐ ܐܢܬ ܡܢ
                    ܛܘܥܝܝ ܠܒ̈ܢܝܢܫܐ ܕܝܠܟ. ܒܥܿܐ ܐܢܐ ܡܢܟ ܥܠ ܐ̈ܦܝ ܗܠܝܢ ܕܩܿܝܡܝܢ ܘܡܗܝܡܢܝܢ ܒܟܿ. ܘܣܢܝܩܝܢ ܥܠ
                    ܥܘܕܪܢܟ. ܘܡܣܿܟܝܢ ܠܡܿܘܗܒܬܟܿ. ܘܐܚܝܼܕܝܢ ܓܘܣܐ ܒܪܒܘܬܟܿ. ܘܦܬ݀ܚܝܢ ܐ̈ܕܢܝܗܘܢ ܠܡܫܼܡܥ ܡ̈ܠܝܟ
                    ܕܡܢܢ ܡܬܡ̈ܠܠܢ. ܬܐܬܐ ܛܝܒܘܬܟܿ ܘܗܝܡܢܘܬܟܼ ܬܫܼܪܐ ܥܠܝܗܘܢ ܘܬܚܿܕܬ ܐܢܘܢ. ܡܢ ܥܿܒ̈ܕܝܗܘܢ
                    ܩ̈ܕܡܝܐ. ܘܢܫܠܚܼܘܢܝܗܝ ܠܒܪ ܐܢܫܗܘܢ ܥܬܝܩܐ ܥܡ ܥܿܒ̈ܕܘܗܝ. ܘܢܠܒܼܫܘܢ ܒܪܢܫܐ ܚܼܕܬܐܿ. ܕܗܐ
                    ܡܣܿܬܒܪ ܠܗܘܢ ܒܐ̈ܝܼܕܝ. ܘܣܼܡ ܐܝܼܕܐ ܥܠܝܗܘܢ܆ ܘܒܿܪܟ ܐܢܘܢ. ܘܐܡܼܪ ܠܗܘܢ. ܬܗܘܼܐ ܥܠܝܟܘܢ
                    ܛܝܒܘܬܗ ܕܡܪܢ ܠܥܠܡ ܥܠܡܝܢ ܐܡܝܢ ܀ ܘܒܥܬ ܗܘܬ ܡܢܗ ܗܿܝ ܐܢܬܐܼ ܘܐܡܿܪܐ ܠܗ. ܫܠܝܚܗ ܕܡܪܝܡܐܼ.
                    ܗܒ ܠܝ ܪܘܫܡܗ ܕܡܪܝ. ܕܠܐ ܬܘܒ ܢܗܼܦܘܟ ܥܠܝ ܗܿܘ ܒܥܠܕܒܒܐ. ܘܐܙܠܼ ܗܘܐ ܠܘܬ ܢܗܪܐ ܚܕ ܕܩܪܝܒ
                    ܗܘܐ ܠܬܡܿܢ ܘܐܥܡܕܗܿ ܒܫܡ ܐܒܐ ܘܒܪܐ ܘܪܘܚܐ  218  ܕܩܼܘܕܫܐ. ܘܐܦ ܣ̈ܓܝܐܐ ܥܡܼܕܘ ܗܘܘ ܥܡܗܿ ܀ ܘܦܩܼܕ ܗܘܘܐ ܫܠܝܚܐ ܠܡܫܡܫܢܗ
                    ܕܢܬܼܩܢ ܩܨܳܬܐ ܘܐܝܬܝ ܣܒܣܠܐ ܠܬܡܿܢ܆ ܘܦܪܣ ܥܠܝܗܿ ܟܬܢܐ. ܘܐܝܬܝ ܣܼܡ ܥܠܝܗܿ ܠܚܡܐ ܕܒܘܪܟܬܐ.
                    ܘܐܬܼܐ ܫܠܝܚܐ ܩܡ ܠܥܠ ܡܢܼܿ ܘܐܡܼܪ ܗܘܐ. ܝܫܘܥ ܕܐܫܘܝܬܢ ܕܢܬܩܿܪܒ ܠܦܓܪܟ ܩܕܝܫܐ. ܘܕܢܫܬܘܬܦ
                    ܠܕܡܟ ܡܚܝܢܐܿ. ܘܡܛܠ ܬܘܟܠܢܢ ܕܥܠܝܟ ܡܡܪܚܝܢܢ ܘܡܿܩܪܒܝܢܢ. ܘܩܿܪܝܢܢ ܠܫܡܟ ܩܕܝܫܐ ܗܿܘ ܕܐܬܟܪܙ
                    ܒܝܕ ܢܒ̈ܝܐܼ ܐܝܟ ܕܨܼܒܬܿ ܐܠܗܘܬܟܿ. ܘܡܣܿܬܒܪ ܐܢܬ ܒܝܕ ܫ̈ܠܝܚܝܟ ܒܟܠܗ ܥܠܡܐ ܐܝܟ ܛܝܒܘܬܟܿ.
                    ܘܐܬܓܠܼܝܬ ܒܪ̈ܚܡܼܝܟ ܠܙܕܝ̈ܩܐ. ܒܥܿܝܢܢ ܡܢܟ ܕܬܐܬܐ ܘܬܫܬܘܬܦ ܥܡܢ ܠܥܘܕܪܢܐ ܘܠܚ̈ܝܐܼ.
                    ܘܠܡܬܦܢܝܢܘܬܗܘܢ ܕܥܒ̈ܕܝܟ ܠܘܬܟ. ܕܢܬܥܼܠܠܘܢ ܒܢܝܪܟ ܒܣܝܡܐ ܘܒܚܝܠܟ ܙܟܝܐ. ܘܢܗܘܼܐ ܠܗܘܢ
                    ܠܚܘܠܡܢܐ ܕܢܦܫ̈ܬܗܘܢ ܘܠܚ̈ܝܐ ܕܦܓܪ̈ܝܗܘܢ ܒܥܠܡܟ ܚܼܿܝܐ ܀ ܀ܘܫܼܿܪܝ ܗܘܐ ܕܢܐܡܪ. ܬܝ ܡܿܘܗܒܬܗ
                    ܕܪܡܐ. ܬܘ ܪ̈ܚܡܼܐ ܡ̈ܫܠܡܢܐ. ܬܝ ܪܘܚܐ ܩܕܝܫܬܐ. ܬܝ ܓܿܠܝܼܬ ܪ̈ܐܘܙܘܗ ܕܒܚܝܼܪܐ ܒ̈ܢܒܝܐ. ܬܝ
                    ܡܿܣܒܪܬ ܒܫܿܠܝܚܘܗܝ ܐ̈ܓܘܢܘܗܝ ܕܐܬܠܝܛܢ ܙܟܝܿܐ. ܬܝ ܣܝܼܡܬܗܿ ܕܪܒܘܬܐ.  219  ܬܝ ܚܒܝܒܬ ܪ̈ܚܡܼܘܗܝ ܕܥܿܠܝܐ. ܬܝ
                    ܫܬܝܩܬܐ ܡܿܓܠܼܝܬ ܪ̈ܐܙܘܗ ܕܪܡܐ. ܬܝ ܡܡܠܢܝܬܐ ܕܟܣ̈ܝܬܐ. ܘܡܚܘܝܬ ܥܿܒ̈ܕܘܗܝ ܕܐܠܗܢ. ܬܝ ܝܗܿܒܬ
                    ܚܕܘܬܐ ܘܢܝܿܚܐ ܠܟܠܗܘܢ ܐܝܠܝܢ ܕܢܩܦܝܢ ܠܗܿ. ܬܝ ܚܝܠܗ ܕܐܒܐ ܘܚܟܡܬܗ ܕܒܪܐܼ. ܕܚܕ ܐܢܬܘܢ ܒܟܠ..
                    ܬܝ ܘܐܫܬܘܬܦ ܥܡܢ ܒܗܕܐ ܐܘܟܪܣܛܝܐ ܕܥܿܒܕܝܢܢ. ܘܒܗܢܐ ܩܘܪܒܢܐ ܕܡܩܪܒܝܢܢܿ. ܘܒܗܢܐ ܕܘܟܪܢܐ
                    ܕܥܿܒܕܝܢܢ. ܘܪܫܼܡ ܨܠܝܒܐ ܥܠ ܠܚܡܐܼ. ܘܫܼܿܪܝ ܗܘܐ ܕܢܬܠ. ܘܝܗܼܒ ܠܘܩܕܡ ܠܗܿܝ ܐܢܬܬܐ ܘܐܡܼܪ
                    ܠܗܿ. ܕܢܗܘܼܐ ܠܟܝ ܠܫܘܒܩܢ ܚ̈ܘܒܐ ܘܚ̈ܛܗܢܐ ܘܠܩܝܼܡܬܐ ܕܠܥܠܡ. ܘܡܢ ܒܬܪܗܿ ܝܗܼܒ ܠܗܿܢܘܢ ܐܢܫܐ
                    ܕܐܥܡܼܕܘ ܥܡܗܿ. ܗܿܝܕܝܢ ܝܗܼܒ ܠܟܠܢܫܼ ܘܐܡܼܪ ܠܗܘܢ. ܬܗܘܼܐ ܠܟܘܢ ܐܘܟܪܣܛܝܐ ܗܕܐ ܠܚܗܝܐ
                    ܘܠܢܝܿܚܐ. ܘܠܐ ܠܕܝܢܼܐ ܘܠܬܒܥܬܐ. ܘܗܢܼܘܢ ܐܡܼܪܘ ܐܡܝܢ ܀ 
            
            
                [ܫܠܼܡܬܿ ܦܪܟܣܝܣ ܕܚܡܫ.]
            


            
                Sixth Act
                 220 
                [ܬܘܒ ܦܪܟܣܝܣ ܕܫܬܐ.]
                ܐܝܬ ܗܘܐ ܕܝܢ ܬܡܿܢ ܥܠܝܡܐ ܚܕ ܕܣܥܼܝܪܐ ܗܘܬ ܠܗ 
            
            
                 ܨܠܘܬܐ ܐܿܝܕܐ ܕܛܿܒ ܣܢܝܐ ܗܘܬ. ܘܐܬܼܐ ܘܫܼܩܠ ܐܘܟܪܣܛܝܐ. ܘܐܼܙܠ ܕܢܣܼܡ
                    ܒܦܘܡܗܼ. ܘܝ̈ܒܫܝ ܗ̈ܘܝ ܬܪ̈ܬܝܢ ܐܝܼ̈ܕܘܗܝ. ܘܠܐ ܡ̈ܛܝ ܠܦܘܡܗ. ܘܟܕ ܚܼܙܐܘܗܝ ܡܢ ܗܿܢܘܢ ܕܐܝܬ
                    ܗܘܘ ܥܡܗ. ܐܬܘ ܐܘܕܥܘܗܝ ܠܫܠܝܚܐ ܡܢܐ ܓܼܕܫܗ. ܘܩܼܪܝܗܝ ܫܠܝܚܐܼ ܘܐܡܼܪ ܠܗ. ܐܡܼܪ ܠܝܼ ܒܪܝܼ
                    ܘܠܐ ܬܗܬ ܡܢܝ. ܡܢܐ ܣܥܼܪܬ ܘܐܝܬܝܬ ܠܟܐ ܗܫܐܿ. ܕܗܐ ܡܿܘܗܒܬܗ ܕܡܪܢ ܐܟܣܼܬܟܿ. ܗܕܐ ܕܣ̈ܓܝܐܐ
                    ܐܝܠܝܢ ܕܒܚܘܒܐ ܘܒܫܪܪܐ ܘܒܗܝܡܢܘܬܐ ܩܿܒܝܢ ܠܗܿ ܡܐܿܣܝܐ ܠܗܘܢܿ. ܠܟ ܕܝܢ ܕܝܠܟ ܡܘܒܫܘ ܐܘܒܫܬܟ.
                    ܘܠܐ ܗܘܐܐܝܩܐ ܓܕܫܟ ܗܠܝܢ. ܘܟܕ ܚܼܙܐ ܗܘܐ ܥܠܝܡܐ ܗܿܘ ܕܐܬܟܣܣ ܠܗ ܡܢ ܐܘܟܪܣܛܝܐ ܕܡܪܢܼ ܐܬܼܐ
                    ܢܦܼܠ ܩܕܡ ܪ̈ܓܠܘܗܝ ܕܫܠܝܚܐܼ. ܘܒܥܿܐ ܗܘܐ ܡܢܗ ܘܡܬܟܫܦ ܩܕܡܘܗܝܼ ܘܐܡܿܪ ܠܗ ܥܿܒܕܐ ܒܝܼܫܐ
                    ܥܿܒܕܬ ܗܘܝܬ. ܐܢܬܬܐ ܚܕܐ ܪܚܿܡ ܗܘܝܬ ܒܦܘܬܩܐ ܠܒܪ ܡܢ ܡܕܝܢܬܐ. ܘܐܦ ܗܼܝ ܪܡܐ ܗܘܬ ܠܝ. ܘܡܛܠ
                    ܕܫܡܿܥܬ ܗܘܝܬ ܡܢܟ ܫܪܪܐ ܕܐܡܿܪ ܐܢܬ. ܘܗܝܡܢܘܬܐ ܕܐܠܗܐ ܕܡܿܟܪܙ ܐܢܬ. ܘܝܿܕܥܬ ܒܫܪܪܐ ܕܫܠܝܚܗ
                    ܐܢܬ ܕܐܠܗܐܼ. ܩܿܒܠܬ ܗܘܝܬܼ ܐܦ ܐܢܐ ܪܘܫܡܐ. ܥܡ ܗܿܢܘܢ ܕܩܿܒܠܘ. ܘܗܟܢܐ ܐܡܿܪ ܗܘܝܬ. ܕܐܢܝܐ
                    ܡܟܝܠ ܕܡܫܬܘܬܦ.. ܫܘܬܦܘܬܐ ܨܐܬܐ :  221 
                    ܝܬܝܪܐܝܬ ܕܝܢ ܕܓܘܪܐܼ. ܠܝܬ ܠܗ ܚܗܝܐ ܠܘܬ ܐܠܗܐ ܗܢܐ ܕܡܿܟܪܙ ܐܢܬ. ܘܡܛܠ ܕܪܚܿܡ ܗܘܝܬ ܠܗܿ.
                    ܒܥܿܝܬ ܗܘܝܬ ܡܢܗܿ ܘܐܦܝܣܬܗܿ ܕܬܥܡܪ ܥܡܝ ܥܘܡܪܐ ܕܟܝܐ ܘܩܕܝܫܐ ܘܒܗܝܠܐ ܘܢܟܦܐ ܘܟܢܝܟܐܿ. ܗܢܐ
                    ܕܡܿܠܦ ܐܢܬ. ܘܠܐ ܨܿܒܝܐ ܗܘܬ. ܘܟܕ ܚܿܙܝܬ ܕܠܐ ܡܬܛܦܝܣܐ ܠܝ. ܕܡܿܟܬܗܿ ܘܩܛܠܬܗܿ. ܡܛܠ ܕܠܐ
                    ܡܣܿܝܒܪ ܗܘܝܬ ܕܐܚܙܝܗܿ. ܟܕ ܥܡ ܐܢܫܐ ܐܚܪ̈ܢܐ ܡܫܬܘܬܦܐ ܗܘܬ܀ ܘܟܕ ܗܠܝܢ ܫܡܼܥ ܫܠܝܚܐ ܐܡܼܪ
                    ܗܘܐ. ܐ̃ܘ ܪܚܡܬܐ ܕܚܿܒܠܐ ܕܠܐ ܡܬܚܡܣܐܿ. ܐܝܟܢܐ ܠܗܢܐ ܐܙܝܥܬ ܕܗܠܝܢ ܥܒܼܕ. ܐ̃ܘ ܠܫܘܬܦܘܬܐ
                    ܫܪܝܚܬܐ. ܐܝܟܢܐ ܡܚܒܠܐ ܪ̈ܥܝܢܐ ܕܒ̈ܢܝܢܫܐ ܡܢ ܩܕܝܫܘܬܗ ܕܡܫܝܚܐ. ܐ̃ܘ ܠܥܿܒܕܗܿ ܕܛܘܥܝܝ܇ ܐܝܟܢܐ
                    ܒܕܝܠܗܿ ܣܓܿܝ ܡܬܬܪܝܡܐ. ܘܦܩܼܕ ܫܠܝܚܐ ܕܢܝܿܬܘܢ ܠܗ ܡ̈ܝܐܼ ܒܠܩܢܐ ܕܫܝܓܬܐ. ܘܐܝܬܝܘ ܠܗ ܡ̈ܝܐ
                    ܕܢܨܿܠܐ ܥܠܝܗܘܢܼ ܘܫܒܚ ܘܒܿܪܟܼ ܘܐܡܼܪ. ܡ̈ܝܐ ܕܡܢ ܡ̈ܝܐ ܚ̈ܝܐ ܐܬܝܗܒܘ ܠܢ: ܢܘܗܐ ܕܡܢ ܐܝܬܝܐ
                    ܫܒܝܚܐ ܐܫܼܬܠܚ ܠܢ : ܚܿܢܢܐ ܕܡܢ ܚܿܢܢܐ ܐܫܼܬܕܪ ܠܢ : ܢܐܬܐ ܚܝܠܟ ܙܟܝܐܼ. ܘܐܣܝܘܬܟ ܘܡܪܚܡܢܘܬܟ
                    ܬܫܼܟܢ ܘܬܫܼܪܐ ܥܠ ܡ̈ܝܐ ܗܠܝܢ ܕܫܡܟ ܝܫܘܥ ܡܚܝܢܢ ܐܿܟܪܙܬ ܥܠܝܗܘܢ. ܘܘܐܡܼܪ. ܡܿܘܗܒܬܐ ܕܪܘܚܐ
                    ܕܩܼܘܕܫܐ ܬܫܼܿܠܡ ܒܟܘܢ܀ ܘܐܡܼܪ ܠܗܿܘ  222 
                    ܥܠܝܡܐ. ܙܠ ܐܫܝܓ ܐܝܼ̈ܕܟܝ ܒܗܿܢܘܢ ܡ̈ܝܐ. ܘܐܙܼܠ ܐܫܝܓ ܐܝܼ̈ܕܘܗܝ ܘܗܼ̈ܘܝܼ ܐܝܟܢܐ ܕܐܬܝܗܝܢ
                    ܗ̈ܘܝ ܥܕܠܐ ܢܐ̈ܒܫܢ. ܘܐܡܼܪ ܠܗ ܫܠܝܚܐ. ܡܗܝܡܢ ܐܢܬ ܗܟܝܠ ܒܡܪܢ. ܕܟܘܠ ܡܕܡ ܡܿܛܐ ܒܐ̈ܝܼܕܘܗܝ
                    ܠܡܥܒܕ ܀ ܐܡܿܪ ܠܗ ܗܿܘ ܥܠܝܡܐ. ܠܐ ܗܿܘܝܬ ܒܨܝܪܐ ܒܗܝܡܢܘܬܐ. ܐܦ ܡܛܠ ܗܕܐ ܗܿܝܡܢܬ ܒܐܠܗܐ
                    ܣܥܿܪܬ ܗܢܐ ܣܘܥܪܢܐ. ܟܕ ܣܒܿܪ ܗܘܝܬ ܕܫܦܝܪ ܥܿܒܕܬ ܗܘܝܬ. ܒܥܿܐ ܗܘܝܬ ܓܝܪ ܡܢܗܿ ܐܝܟܢܐ ܕܐܡܿܪܬ
                    ܩܕܡܝܟ. ܘܠܐ ܨܒܬ ܗܘܬ ܕܬܫܡܥܢܝ ܬܼܛܪ ܢܦܫܗܿ ܒܕܟܝܘܬܐ ܘܒܢܟܦܘܬܐ. ܡܛܠܗܢܐ ܥܿܒܕܬ ܠܗܿ ܗܟܢܐ܀
                    ܐܡܿܪ ܠܗ ܝܗܘܕܐ ܬܐ ܢܐܙܠ ܠܦܘܬܩܐ ܐܬܪ ܕܥܒܼܕܬ ܗܕܐ ܥܒܝܕܬܐ. ܘܐܿܙܠ ܗܘܐ ܩܕܡܘܗܝ ܕܫܠܝܚܐ.
                    ܘܟܢܫܐ ܣܓܝܐܐ ܐܿܬܐ ܗܘܐ ܒܬܪܗ. ܘܟܕ ܡܿܛܝܘܼ. ܠܦܘܬܩܐ ܥܠܘ ܠܓܘܗ܆ ܘܐܫܟܚܘܗܿ ܠܗܿܝ ܐܢܬܬܐܼ ܟܕ
                    ܡܝܼܬܐ. ܘܟܕ ܚܙܗܿ ܫܠܝܚܐ ܟܼܪܝܬ݀ ܠܗ ܥܠܝܗܿ. ܥܠ ܕܛܠܝܐ ܗܘܬ. ܘܐܡܼܪ ܕܢܫܩܘܠܢܗܿ ܘܢܦܩܘܢܗܿ
                    ܠܡܨܥܬܐ ܕܦܘܬܩܐ. ܘܟܕ ܐܝܬܝܘܗܿ ܘܐܪܡܝܘܗܿ ܒܥܪܣܐܼ. ܣܡ ܐܝܼܕܗ ܥܠܝܗܿ ܝܗܘܕܐ ܬܐܘܡܐ ܘܫܼܿܪܝ
                    ܗܘܐ ܕܢܐܡܪ. ܝܫܘܥ ܡܚܝܢܢ ܕܡܢ ܡܬܘܡ ܠܐ ܡܗܡܐ ܡܢܢ ܒܟܠܙܒܢ ܕܩܿܪܝܢܢ ܠܗܼ. ܝܫܘܥ ܕܐܿܬܐ ܠܘܬܢ
                    ܒܟܠܙܒܢ ܕܒܥܿܝܢܢ ܠܗ. ܐܢܬ ܗܘ ܕܠܗܕܐ ܨܼܠܝܐ ܐܕܢܟ܇ ܕܗܼܘܝܢ ܒܥܝܢ ܠܟ. ܘܝܿܗܒ ܐܢܬ  223  ܠܢ. ܝܫܘܥ ܗܿܘ ܕܠܐ ܢܫܼܐܠ ܒܠܚܘܕ ܐܦܣ
                    ܠܢ. ܐܠܐ ܕܐܝܟܢܐ ܐܦ ܕܢܨܿܠܐ ܐܠܦܢ : ܗܿܘ ܕܒܗܠܝܢ ܥ̈ܝܢܝܢ ܕܦܓܪܐ ܗܫܐ ܠܐ ܡܬܚܙܐ ܠܢ : ܘܒܗܠܝܢ
                    ܥ̈ܝܢܐ ܕܡܕܥܢ ܠܐ ܥܿܢܕ ܡܢܢ. ܗܿܘ ܕܟܣܼܐ ܡܢܢ ܒܚܙܬܗ : ܘܓܠܼܐ ܠܢ ܛܝܒܘܬܗ. ܘܦܘܪܢܣܐ
                    ܕܥܿܒ̈ܕܘܗܝ ܘܒܣܘܥܪ̈ܢܘܗܝ ܣ̈ܓܝܐܐ. ܗܿܘ ܕܟܡܐ ܕܣܦܩܝܢܢ ܐܝܟ ܡܫܘܚܬܢ ܝܕܥܢܝܗܝ : ܗܼܘ ܕܝܢ ܠܒܪ
                    ܡܢ ܡܫܘܚܬܢ ܝܗܒܼ ܠܢ ܡܘܗܒܬܗ : ܗܿܘ ܕܐܡܼܪ ܕܫܐܠܘ ܘܢܬܝܗܒ ܠܟܘܢ. ܒܥܘ ܘܬܫܟܚܘܢ. ܩܘܫܘ
                    ܘܢܬܼܦܬܚ ܠܟܘܢ. ܫܐܿܠܝܢܢ ܗܟܝܠ ܡܢܟ ܡܪܢ ܟܕ ܕܚܠܝܢܢ ܡܛܘܠ ܚ̈ܘܒܝܢ ܘܡܛܠ ܚ̈ܛܗܝܢ. ܕܬܦܪܘܣ
                    ܥܠܝܢ ܚܢܼܢܐ ܒܪ̈ܚܡܼܝܟ. ܠܐ ܕܗܒܐ ܘܠܐ ܣܐܡܐ ܘܠܐ ܥܘܬܪܐ ܘܠܐ ܩ̈ܢܝܢܐ. ܘܠܐ ܢܟ̈ܣܐ ܘܠܐ ܢܚ̈ܬܐ
                    : ܘܠܐ ܡܕܡ ܣܟ ܡܢ ܐܪ̈ܥܢܝܬܐ ܗܠܝܢ ܕܙܒܢܐ ܐܢ̈ܝܢܿ. ܘܡܢܗ ܗ̈ܘܼܝ ܘܠܗ ܡܬܦܢܝܢ ܒܥܿܝܢܢ. ܐܠܐ
                    ܫܐܿܠܝܢܢ ܡܢܟ ܘܒܥܿܝܢܢ ܡܢ ܒܣܝܡܘܬܟ܆ ܕܬܩܝܡ ܒܫܡܟ ܩܕܝܫܐ ܠܗܕܐ ܕܪܡܝܐ ܩܕܡܝܟܼ ܠܬܫܒܘܚܬܟ ܪܒܬܐ
                    ܘܠܬܘܕܝܬܐ ܕܐܠܗܘܬܟܼ. ܘܠܫܪܪܐ ܕܗܝܡܢܘܬܟ ܕܗܠܝܢ ܕܩܿܝܡܝܢ ܀ ܀ ܘܐܡܼܪ ܠܗܿܘ ܥܠܝܡܐ. ܡܬܘܚ
                    ܪܥܝܢܟ ܠܘܬ ܡܪܢ. ܘܚܬܼܡܗ ܗܼܘ ܒܨܠܝܒܐܼ ܘܐܡܼܪ ܠܗ. ܙܠ ܐܚܘܕܝܗܿ ܒܐܝܼܕܗܿ. ܘܐܡܼܪ ܠܗܿ. ܐܢܐ
                    ܒܐܝܼ̈ܕܝ ܒܦܪܙܠܐ ܩܛܠܬܟܝ. ܝܫܘܥ ܕܝܢ ܒܚܢܢܼܗ  224  ܒܗܝܡܢܘܬܝ ܡܩܝܡ ܠܟܝ ܀ ܘܐܙܼܠ ܗܿܘ ܥܠܝܡܐ ܩܡ ܠܥܠ ܡܢܗܼܿ ܘܐܡܼܪ ܗܘܐ. ܗܝܡܿܢܬ
                    ܒܟ ܒܫܪܪܐ ܡܪܝ ܝܫܘܥ ܡܫܝܚܐ ܡܘܗܒܬܐ ܕܐܒܘܗܝܼ. ܕܒܟ ܟܠ ܥܘܕܪ̈ܢܝܢܼ ܘܒܟ ܟܠ ܦܘܪܗܢܣܝܢ. ܘܒܟ ܟܠ
                    ܐ̈ܣܘܢ. ܘܒܟ ܚ̈ܝܐ ܠܬܝ̈ܒܐ. ܕܒܫܪܪܐ ܬܝܿܒܝܢ ܠܘܬܟ ܡܢܟ ܠܗ ܠܒܗܘܢ. ܐܝܢ ܡܪܝ ܒܥܿܐ ܐܢܐ ܡܢ
                    ܡܪܚܡܢܘܬܟ ܬܐ ܠܥܘܕܪܢܝ ܘܠܡܬܦܢܝܢܘܬܝ ܕܝܠܝܼ. ܘܚ̈ܝܐ ܠܗܕܐ ܗܒ ܠܗܿ ܒܐܝܼ̈ܕܝ ܟܕ ܡܡܪܚ ܐܢܐ ܥܠ
                    ܗܕܐ ܕܐܿܥܒܕ. ܘܚܐܿܪ ܗܘܐ ܒܝܗܘܕܐ ܬܐܘܡܐ ܘܐܡܿܪ ܠܗ. ܨܿܠܐ ܥܠܝ ܫܠܝܚܗ ܕܐܠܗܐܿ. ܕܢܐܬܐ ܡܪܝ
                    ܠܥܘܕܪܢܝ ܕܩܿܒܐ ܐܢܐ ܠܗ. ܘܐܪܡܝ ܐܝܼܕܗ ܥܠ ܕܝܠܗܿ. ܘܐܡܼܪ ܬܐ ܡܪܝ ܝܫܘܥ ܡܫܝܚܐܼ ܘܗܒ ܠܗܕܐ
                    ܚ̈ܝܐܼ. ܘܠܝ ܪܗܒܘܢܐ ܕܗܝܡܢܘܬܟ ܀ ܀ ܀ ܘܡܚܕܐ ܕܐܬܬܠܝ ܒܐܝܼܕܗܿ. ܫܘܪܬ ܩܡܬ ܘܚܝܪܐ ܗܘܬ ܒܐܟܠܘܣ
                    ܗܿܘ ܣܓܝܐܐ ܕܩܐܿܡ ܗܘܐ. ܘܚܙܬܗ ܠܫܠܝܚܐ ܕܡܪܢ ܕܩܐܿܡ ܗܘܐ ܠܩܘܒܠܗܼܿ. ܘܪܗܛܬ ܘܠܘܬ ܪ̈ܓܠܘܗܝ
                    ܢܦܠܬ. ܘܒ̈ܫܦܘܠܘܗܝ ܐܚܝܕܐ ܗܘܬܼ ܘܐܡܿܪܐ ܠܗ. ܒܥܝܠܐ ܐܢܐ ܡܢܟ ܡܪܝܼ. ܐܝܟܘ ܗܿܘ ܐܚܪܢܐ ܕܐܝܬ
                    ܗܘܐ ܥܡܟ. ܕܠܐ ܫܒܩܢܝ ܕܐܦܘܫ ܒܗܘܿ ܐܬܪܐ ܕܚܿܙܝܬ. ܐܠܐ ܠܟ ܐܫܠܡܢܝ ܘܐܡܼܪ ܠܟܼ. ܕܠܗܕܐ ܕܒܼܪ
                    ܐܿܙܠܐ ܠܘܬܟ܆  225  ܕܬܫܬܡܠܐ ܒܚܘܒܗܿ
                    ܒܗܝܡܢܘܬܐܼ. ܘܗܝܕܝܢ ܠܐܬܪܐ ܕܝܠܝ ܬܬ݀ܟܢܫ ܀ ܐܡܿܪ ܠܗܿ ܝܗܘܕܐ. ܐܫܬܥܝ ܠܝ ܠܐܝܟܐ ܐܙܠܼܬܝ ܘܡܢܐ
                    ܚܿܙܝܬܝ ܀ ܀ ܐܡܿܪܐ ܠܗ. ܐܢܬ ܕܥܡܝ ܗܘܝܬ ܘܠܟ ܐܫܠܡܢܝ : ܕܬܫܡܥ ܡܢܝ ܒܥܝܼܬ. ܘܫܼܪܝܬ ܗܘܬ
                    ܕܬܐܡܪ ܠܗ. ܕܕܒܼܪܢܝ ܓܒܪܐ ܚܕ ܕܣܢܼܐ ܗܘܐ ܒܚܙܘܗ : ܘܐܘܟܡ ܗܘܐ ܦܓܪܗ ܘܢܕܝܕ ܗܘܐ ܠܒܘܫܗܼ.
                    ܘܐܘܒܠܢܝ ܠܐܬܪܐ ܚܕ ܕܦܚ̈ܬܐ ܡܼܿܠܐ ܗܘܐ. ܘܪܝܚܐ ܬܘܒ ܣܪܝܐ ܒܓܘܗ ܥܿܛܪ ܗܘܐ. ܘܒܚܕ ܚܕ ܡܢܦܚ̈ܬܐ
                    ܡܕܝܩ ܗܘܐ ܠܝ. ܘܚܿܙܝܬ ܠܦܬܐ ܩܕܡܝܐܼ. ܘܐܝܟ ܕܢܘܪܐ ܡܬܓܘܙܠܐ ܒܓܘܗ. ܘܓ̈ܝܓܠܐ ܕܢܘܪܐ ܒܓܘܗ
                    ܡܬܟܪ̈ܟܢ ܗ̈ܘܝ. ܘܐܡܼܪ ܠܝ ܕܠܗܢܐ ܬܫܢܝܩܐ ܥܬܝ̈ܕܢ ܕܢܐܬܝ̈ܢ ܢܦܫ̈ܬܐ ܐܝܠܝܢ ܕܥܒܪ̈ܢ ܥܠ ܢܡܘܣܐ
                    ܕܡ̈ܫܚܠܦܢ ܙܘܘܓܐ ܕܫܘܬܦܘܬܐ ܕܐܬܟܝܢܬ ܡܢ ܐܠܗܐ. ܘܐܚܪ̈ܢܝܬܐ ܥܬܝ̈ܕܢ ܕܢܐܬܝ̈ܢ ܠܗ ܠܬܫܢܝܩܐ
                    ܗܢܐܿ. ܕܠܐ ܢܛܪ̈ܝ ܒܬܘܠܘܬܗܝܢ܇ ܘܐܬܪ̈ܡܝ ܠܥܿܒܕܐ ܕܒܗܬܬܐ ܘܐܬܝ̈ܢ ܠܗܢܐ ܐܘܠܨܢܐܿ. ܥܠ ܕܥܒܪ̈ܝ
                    ܥܠ ܢܡܘܣܐ ܕܐܠܗܐ. ܘܡ̈ܫܬܠܡܢ ܠܪ̈ܘܚܐ ܒܝ̈ܫܼܬܐ. ܘܗ̈ܘܝܢ ܠܓܘܚܟܐ ܘܠܒܙܚܐ. ܘܗܘܿܝܐ ܡܢܗܝܢ
                    ܦܘܪܥܢܘܬܐ. ܘܐ̈ܙܠܢ ܠܬܫܢܝܩܐ ܐܚܪܢܐ ܕܒܝܼܫ ܡܢ ܗܢܐ ܘܡܫ̈ܬܢܩܢ ܬܡܿܢ. ܀ ܘܬܘܒ ܚܘܝܢܝ ܦܚܬܐ
                    ܐܚܪܢܐܼ. ܘܐܿܕܝܩܬ ܒܗ  226  ܘܚܿܙܝܬ ܨ̈ܒܘܬܐ
                    ܕܚ̈ܝܠܬܐܿ. ܕܥܬܝ̈ܕܢ ܕܢܐܬܝ̈ܢ ܠܗܝܢ ܢܦܫ̈ܬܐ ܕܥ̈ܒܼܕܢ ܒܝܼ̈ܫܬܐ. ܘܚܿܙܝܬ ܬܡܿܢ ܢ̈ܓܕܐ ܣ̈ܓܝܐܐ
                    ܕܡܥܬܕܝܢ ܠܓܒܪ̈ܐ ܘܠܢ̈ܫܐ ܘܠܥܠܝܡ̈ܐ ܘܠܒܬܘ̈ܠܬܐ. ܗܿܢܘܢ ܓܒܪ̈ܐ ܕܫܒܩܝܢ ܢܗܫܝܗܘܢܿ. ܘܥܡ ܢܫܗܝ
                    ܚܒܪ̈ܝܗܘܢ ܡܫܬܘܬܦܝܢ. ܘܢ̈ܫܐ ܕܥܒܼܪ̈ܢ ܥܠ ܫܘܬܦܘܬܐ ܕܓܒܪܗܝܗܝܢ܆ ܘܠ̈ܠܝܡܐ ܕܠܐ ܢܼܛܪܘ
                    ܢܡ̈ܘܣܝܗܘܢܿ ܘܥܡ ܙܢ̈ܝܬܐ ܐܫܬܪܚܘ ܒܪܓܬܗܘܢ܆ ܘܠܐ ܣܦܼܩ ܠܗܘܢ ܥܿܒܪ ܢܡܘܣܐ ܕܒܝܬ ܙܢ̈ܝܬܐܿ. ܐܠܐ
                    ܐܬܟܡܢܘ ܠܒܬܘ̈ܠܬܐ. ܘܐܫܬܪܚܘ ܒܚܛܝܬܐ. ܘܒܬܘ̈ܠܬܐܕܠܐ ܢܛܪ̈ܝ ܐܣܟܝܡܐ ܕܒܬܘܠܘܬܗܝܢ܇ ܡܛܠ ܪܓܬܗܝܢ
                    ܫܪܝܚܬܐ ܐܒܗܬܝ̈ ܠܐܒ̈ܝܗܝܗܝܢܿ. ܘܐܬܝ̈ܢ ܠܗܢܐ ܐܘܠܨܢܐܼ. ܘܡܬܦܪ̈ܥܝܢ ܟܘܠ ܐܢܫ ܐܝܟ ܥܿܒ̈ܕܘܗܝ ܀
                    ܘܐܘܒܠܢܝ ܗܘܐ ܬܘܒ ܘܚܘܝܢܝ ܡܥܪܬܐ ܚܕܐ ܚܫܘܟܬܐܼ.ܘܪܝܚܐ ܣܪܝܐ ܢܿܦܩ ܗܘܐ ܡܢܗܿ. ܘܐܡܼܪ ܠܝ ܐܕܝܩ
                    ܘܚܙܝܼ. ܕܗܿܢܘ ܒܝܬ ܚܒܘܫܝܐ ܕܢܦܫ̈ܬܐ ܗܠܝܢܕܐܡܿܪܬ ܠܟܝ ܥܠܝܗܝܢ. ܕܡܐ ܕܫܠܡܬ ܡܪܕܘܬܐ ܕܚܕܐ ܚܕܐ
                    ܡܢܗܝܢ܆ ܐܙܿܠܐ ܚܠܦܝܗܿ ܐܚܪܬܐ. ܘܐܝܬ ܡܢܗܝܢܢ ܕܓܡܪ̈ܢ ܬܘܒ ܘܐܝܬ ܡܢܗܝܢ ܕܠܬܫ̈ܢܝܩܐ ܐܚܪ̈ܢܐ
                    ܡܫܬܠ̈ܡܢ. ܐܡܿܪܝܢ ܠܗ ܠܗܿܘ ܓܒܪܐ ܕܕܒܝܼܪ ܠܝܿ. ܢܛܘܪ̈ܝܗܘܢ ܕܬܫ̈ܢܝܩܐ ܗܿܢܘܢ. ܗܒܝܗܿ ܠܢ ܠܗܕܐ
                    ܕܢܚܒܫܝܗܿ ܒܕܘܟܬܗܿ. ܥܠ ܕܐܿܙܠܐ ܠܬܫܢܝܩܗܿ ܀ ܐܡܿܪ ܠܗܘܢ ܗܿܘ ܓܒܪܐ ܕܕܒܝܼܪ ܠܝ. ܠܐ  227  ܝܗܒ ܐܢܐ ܠܗܿ ܠܟܘܢ. ܡܛܠ ܕܕܚܿܠ ܐܢܐ
                    ܡܢ ܡܿܢ ܕܐܫܠܡܗܿ ܠܝ. ܘܐܦܠܐ ܐܬ݀ܦܕܬ ܕܐܦܝܗܿ ܗܪܟܐ. ܐܠܐ ܥܡܝ ܡܿܣܩ ܐܢܐ ܠܗܿ܇ ܥܕ ܡܩܒܠ ܐܢܐ
                    ܥܠܝܗܿ ܦܘܩܕܢܐ. ܘܕܒܪܢܝ ܗܿܘ ܕܕܡܿܐ ܠܟ ܘܐܫܡܢܝ ܠܟ. ܘܐܡܼܪ ܠܟ ܕܒܪܝܗܿ ܠܗܕܐ. ܡܛܠ ܕܚܕܐ ܡܢ
                    ܗ̈ܢܝܢ ܗܝ ܢܩ̈ܘܬܐ ܕܛܥ̈ܝ. ܘܕܒܪܬܢܝ ܡܢܗ. ܘܗܐ ܩܕܡܝܟ ܩܿܝܡܐ ܐܢܐ. ܘܒܥܝܐ ܐܢܐ ܡܢܟ ܕܐܗܝܡܢ ܐܦ
                    ܐܢܐ ܒܐܝܼ̈ܕܝܟ. ܘܐܬܚܢܢ ܡܛܠ ܨܠܘܬܟ. ܘܠܐ ܐܿܙܠ ܐܦ ܐܢܐ ܠܗܿܢܘܢ ܬܫ̈ܢܝܩܐ ܕܚܿܙܝܬ ܀ ܀ ܐܡܿܪ
                    ܠܗܘܢ ܝܗܘܕܐ ܬܐܡܐ. ܫܡܼܥܬܘܢ ܒ̈ܢܝ ܡܢܐܐܡܼܪܬ ܗܕܐ ܐܢܬܬܐܼ. ܘܠܐ ܗܘܐ ܒܠܚܘܕ ܗܠܝܢ ܬܫ̈ܢܝܩܐ
                    ܐܝܬ. ܐܠܐ ܐܦܐ ܐܚܪ̈ܢܐ ܕܡܢ ܗܠܝܢ ܣܓܿܝ ܒܝܼ̈ܫܝܢ. ܐܦ ܐܢܬܘܢ ܗܟܝܠ ܐܠܐ ܡܬܦܢܝܢ ܐܢܬܘܢܼ ܠܘܬ
                    ܗܢܐ ܫܪܪܐ ܕܡܿܟܪܙ ܐܢܐܼ. ܘܡܙܕܓܪܝܢ ܐܢܬܘܢ ܡܢ ܥܿܒ̈ܕܝܟܘܢ ܒ̈ܝܼܫܐ : ܘܡܢ ܣܘܥܪ̈ܢܝܟܘܢ ܕܠܐ
                    ܡܗܢܝܢ ܠܟܘܢ : ܘܡܢ ܡ̈ܚܫܒܬܟܘܢ ܕܠܐ ܒܝܕܥܬܐܼ. ܠܗܠܝܢ ܗܘ ܬܫ̈ܢܝܩܐ ܢܓܿܕܐ ܚܪܬܟܘܢ. ܐܠܐ ܐܢܬܘܢ
                    ܗܟܝܠ ܗܝܡܢܘ ܒܝܫܘܥ ܡܫܝܚܐܼ. ܘܗܼܘ ܥܿܛܐ ܣܘܥܪ̈ܢܝܟܘܢ ܩ̈ܕܡܝܐܿ. ܘܡܿܕܟܐ ܠܟܘܢ ܡܢ ܟܠܗܘܢ
                    ܚܘ̈ܫܒܝܟܘܢ ܐܪ̈ܥܢܝܐ  228  ܕܒܐܪܥܐ ܦܝܫܝܢ.
                    ܘܡܚܿܣܐ ܠܟܘܢ ܡܢ ܚ̈ܛܗܝܟܘܢ. ܗܿܢܘܢ ܕܐܠܐ ܬ݀ܝܒܝܢ ܐܢܬܘܢ ܡܢܗܘܢ ܠܘܬ ܐܠܗܐܼ. ܗܼܢܘܢ ܠܘܿܝܢ
                    ܠܟܘܢ ܘܥܡܟܘܢ ܐܿܙܠܝܢ ܘܩܕܡܝܟܘܢ ܡܫܬܟܚܝܢ ܀ ܫܘܠܚܘܗܝ ܗܟܝܠ ܚܕ ܚܕ ܡܢܟܘܢ ܠܒܪܢܫܗ ܥܬܝܩܐ.
                    ܘܠܒܫܘ ܠܒܪܢܫܐ ܚܼܕܬܐ. ܗܿܢܘܢ ܕܝܢ ܕܘܒܪܗܝܟܘܢ ܩ̈ܕܡܝܐ. ܘܥܿܒ̈ܕܝܟܘܢ ܦܓܪ̈ܢܝܐ. ܕܐܝܠܝܢ ܡܟܝܠ
                    ܕܓܢܒܝܢ ܗܘܘ. ܬܘܒ ܠܐ ܢܓܢܒܘܢ. ܐܠܐ ܢܐܿܠܐܿܘܢ ܘܢܦܠܼܚܘܢܼ ܘܢܚܼܘܢ. ܘܐܝܠܝܢ ܬܘܒ ܡܢܟܘܢ
                    ܕܓܝܪܝܢ ܗܘܘܼ. ܠܐ ܢܓܘܪܘܢ. ܘܢܬܪܡܘܢ ܠܢܝܿܚܐ ܕܫܥܬܐܼ. ܕܠܐ ܢܐܙܠܘܢ ܠܬܫܢܝܩܐ ܕܠܥܠܡ ܀ ܀ܓܘܪܐ
                    ܓܝܪ ܣܼܢܐ ܗܘ ܩܕܡ ܐܠܗܐܼ. ܝܬܝܪ ܡܢ ܟܠܗܘܢ ܥܿܗ̈ܕܐ ܒ̈ܝܼܫܐ. ܘܐܢܝܼܚܘ ܡܢܟܘܢ ܟܕܒܘܬܐܿ.
                    ܘܥܠܘܒܘܬܐ ܘܪܘܝܘܬܐ ܘܡܐܿܟܠܩܪܨܐ. ܘܚܘܒܠܐ ܒܝܼܫܐ ܥܠ ܐܢܫܼ ܠܐ ܬܐܪܡܘܢ. ܗܠܝܢ ܓܝܪ ܟܠܗܝܢ
                    ܠܐܠܗܐ ܗܢܐ ܕܡܿܟܪܙ ܐܢܐܼ. ܣ̈ܢܝܢ ܘܛܡܐ̈ܢ ܐ̈ܢܝܢ ܠܗ. ܐܠܐ ܐܬܕܒܼܿܪܘ ܐܢܬܘܢ ܒܟܠܗܿ ܡܟܝܟܘܬܐ
                    ܘܒܥܢܘܝܘܬܐ ܘܩܕܝܫܘܬܐܼ. ܘܒܣܒܪܐ ܕܥܠ ܐܠܗܐ. ܘܗܿܘܝܢ ܐܢܬܘܢ ܠܗ ܒ̈ܢܝ ܒܝܬܐܼ. ܘܡܩܿܒܠܝܢ ܐܢܬܘܢ
                    ܡܢܗ ܡ̈ܘܗܒܬܐܿ. ܘܠܚܕܚ̈ܕܢܐ ܡ̈ܬܝܗܒܢ܀ ܗܿܢܘܢ ܕܝܢ ܟܢ̈ܫܐ ܗܝܡܢܘ ܗܘܘ. ܘܐܫܠܡܘ ܗܘܘ ܢܦܫܗܘܢ
                    ܠܐܠܗܐ ܚܼܿܝܐܼ ܘܠܝܫܘܥ ܡܫܝܚܐ. ܘܡܬܒܣܡܝܢ ܗܘܘ ܒܥܿܒ̈ܕܘܗܝ ܒܪ̈ܝܟܐ  229  ܕܡܪܝܡܐ. ܘܒܬܫܡܫܬܗ ܩܕܝܫܬܐ. ܘܡܿܝܬܝܢ
                    ܗܘܘ ܚܕ ܚܕ ܡܢܗܘܢ ܟܣܦܐ ܣܓܝܐܐ ܠܢܝܿܚܐ ܕܐܪ̈ܡܠܬܐܿ. ܕܟܢܝܫܢ ܗ̈ܘܝ ܠܗ ܠܫܠܝܚܐ ܒܡܕܝܢܐ ܡܕܝܢܐ.
                    ܘܠܟܠܗܝܢ ܡܫܕܪ ܗܘܐ ܒܝܕ ܡܗܫܡܫܢܘܗܝ܇ ܡܕܡ ܕܚܫܚ ܗܘܐ ܠܗܝܢ ܠܬܘܪܣܝܐ ܘܠܠܒܘܫܐ. ܘܗܼܘ ܣܟܼ ܠܐ
                    ܫܿܠܐ ܗܘܐ. ܡܢ ܕܠܟܪܙܘ ܘܠܡܐܡܪ ܠܗܘܢ. ܘܠܡܚܘܝܘ ܐܢܘܢ ܕܗܘܼܝܘ ܝܫܘܥ ܡܫܝܚܐ. ܕܐܡܼܪܘ ܥܠܘܗܝ
                    ܟܬܒ̈ܐ܇ ܘܚܘܝܘ ܛܘ̈ܦܣܘܗܝ ܘܪ̈ܐܙܘܗܝ ܘܝ̈ܘܩܢܘܗܝ܇ ܢܡܘܣܐ ܘܢ̈ܒܝܐ. ܕܐܬܝܗܒ ܩܝܼܡܐ ܠܥܡܐܿ.
                    ܕܢܬܟܠܘܢ ܡܛܠܬܗ ܡܢ ܕܢܚܬ ܥܠܝܗܘܢ ܛܝܒܘܬܗ ܕܐܠܗܐ. ܘܡܬܢܝܚܝܢ ܒܡܿܠܟܘܬܗ ܟܘܠ ܐܝܠܝܢ ܕܛܪܝܢ
                    ܦܘܗܩܕܢܘܗܝ ܘܡܬܝܩܪܝܢ ܒܫܘܒܚܐ. ܘܐܬܼܐ ܘܐܙܕܩܦ ܘܩܡ ܠܬܠܬܐ ܝܘ̈ܡܝܢ. ܘܬ݀ܢܐ ܗܘܐ ܠܗܘܢ ܘܡܿܦܫܩ
                    ܡܢ ܡܘܫܐܼ. ܘܥܕܡܐ ܠܚܪܬܗܘܢ ܕܢܒ̈ܝܐ. ܡܛܠ ܕܟܠܗܘܢ ܥܠܘܗܝ ܐܟܪܙܘ. ܘܐܬܼܐ ܗܘܼ ܫܿܠܡ ܒܥܿܒܕܐ ܀
                    ܘܐܫܬܼܡܥ ܗܘܐ ܛܒܼܗ ܒܝܬ ܒ̈ܢܝܢܫܐ. ܒܡ̈ܕܝܢܬܐ ܘܩܘܪ̈ܝܐ. ܘܟܠܢܫ ܕܐܝܬ ܗܘܐ ܠܗ ܟܪܝܗܐ ܐܘ ܕܐܝܬ
                    ܗܘܐ ܠܗ ܪܘܚܐ ܐܘ ܕܒܪܐܓܐ : ܐܘ ܕܝܒܝܫܝܢ ܗܘܘ ܦ̈ܠܓܝܗܘܢܼ. ܐܝܬ ܡܢܗܘܢ ܕܒܥܪ̈ܣܬܐ ܡܿܝܬܝܢ ܗܘܘ
                    ܘܣܝܡܝܢ ܗܘܘ ܠܗܘܢ ܒܐܘܪܚܐ. ܠܐܝܟܐ ܕܝܿܠܦܝܢ ܗܘܘ ܕܐܿܙܠ ܗܘܐ. ܘܗܘܼ ܠܟܠܗܘܢ ܒܚܝܠܐ ܕܝܫܘܥ ܡܪܗ
                    ܡܐܿܣܐ ܗܘܐ.  230  ܘܡܬܐܣܝܢ ܗܘܘ ܟܪ̈ܝܗܐ
                    ܕܟܪ̈ܝܗܝܢ ܗܘܘ ܒܟܘܪ̈ܗܢܐ ܥ̈ܛܠܐ ܘܒܬܫ̈ܢܝܩܐ ܣ̈ܢܝܐ. ܘܡܫܪܗܝܐ ܕܩܿܝܡܝܢ ܗܘܘ ܟܕ ܫܪܝܪܝܢ.
                    ܘܡܫܒܚܝܢ ܗܘܘ ܟܠܗܘܢ ܡܢ ܚܕܐ ܦܘܡܐܼ ܘܐܡܿܪܝܢ. ܠܟ ܫܘܒܚܐ ܝܫܘܥ ܡܫܝܚܐܿ. ܕܝܗܼܒܬ ܠܢ ܐܣܘܬܐ
                    ܒܝܕ ܥܒܼܕܟ ܘܫܠܝܚܟ ܝܗܘܕܐ. ܗܐ ܓܝܪ ܟܕ ܚܠܡܝܢܢ ܘܟܕ ܚܿܙܝܢܢ ܒܥܝܢܢ ܡܢܟܿ. ܕܢܗܼܘܐ ܐܦ ܚܢܢ
                    ܒ̈ܢܝ ܕܝܪܟ. ܘܢܬܡܼܢܐ ܒܡܢܝܢܐ ܕܥܪܗܒܝܟ. ܩܒܠܝܢ ܡܪܝܢ ܘܠܐ ܬܩܨܼ ܠܢ ܚ̈ܛܗܝܢ ܩ̈ܕܡܝܐܿ. ܕܕܠܐ
                    ܒܝܕܥܬܐ ܣܥܼܪܢ ܐܢܘܢ ܀ ܗܿܝܕܝܢ ܟܕ ܚܼܙܐ ܐܢܘܢ ܝܗܘܕܐ ܬܐܘܡܐܼ. ܐܪܝܡ ܩܠܗܼ ܘܐܡܼܪ. ܠܟ ܫܘܒܚܐ
                    ܚܼܿܝܐ ܕܡܢ ܚܼܿܝܐ. ܠܟ ܫܘܒܚܐ ܡܚܝܢܐ ܕܣ̈ܓܝܐܐ. ܠܟ ܫܘܒܚܐ ܐܝܿܠܐ ܘܡܥܕܪܢܐ ܕܐܝܠܝܢ ܕܠܒܝܬ
                    ܓܘܣܟ ܐܬ݀ܝܢ. ܠܟ ܫܘܒܚܐ ܥܝܼܪܐ ܕܡܢ ܥܠܡܼ. ܘܡܥܝܪܢܐ ܕܒ̈ܢܝܢܫܐ. ܚܝܐ ܘܡܚܝܢܐ. ܐܢܬ ܗܘ ܐܠܗܐ
                    ܒܪ ܐܠܗܐ. ܦܪܘܩܐ ܘܡܥܕܪܢܐ ܘܒܝܬ ܨܘܒܐ ܘܢܝܿܚܐ ܕܟܠܗܘܢ ܐܝܠܝܢ ܕܠܐܝܘ ܒܦܘܠܚܢܗ. ܡܢܝܚܢܐ
                    ܕܐܝܠܝܢ ܕܡܛܠ ܫܡܗ ܫܩܠܘ ܝܘܩܪܗ ܕܝܘܡܐ ܟܠܗ ܒܛܗܪܐ. ܡܿܘܕܝܢܢ ܠܟ ܡܢ ܡܿܘܗܒܬܟ ܕܠܘܬ. ܘܡܢ
                    ܥܘܕܪ̈ܢܝܟ ܕܠܘܬ ܒܨܝܪܘܬܢ. ܘܡܢ ܦܘܪܢܣܟ ܕܠܘܬ ܡܣܟܢܘܬܢ. ܫܿܠܡ ܥܡܢ ܛܝܒܘܬܟ ܘܪ̈ܚܡܼܝܟ ܥܕܡܐ
                         231  ܠܚܪܬܐ. ܘܗܒ ܠܢ ܦܪܪܝܣܝܐ ܕܒܟ.
                    ܚܼܙܝ ܡܪܝ ܕܠܟ ܒܠܚܘܕܝܟ ܪܚܡܼܢ. ܘܚܼܙܝ ܡܪܝ ܕܫܒܩܢ ܒ̈ܬܝܢ ܘܒܝܬ ܐ̈ܢܫܝܢ ܗܠܝܢ܆ ܘܡܛܠܬܟ
                    ܐܟ̈ܣܢܝܐ ܕܠܐ ܩܛܝܪܐ ܗܘܼܝܢ. ܚܙܝ ܡܪܝ ܕܫܒܩܢ ܩܢܝܢܢ ܡܛܠܬܟ. ܕܠܟ ܩܢܝܢܐ ܕܚ̈ܝܐ ܕܠܐ ܡܫܬܩܠ
                    ܢܩܼܢܐ. ܚܙܝ ܡܪܢ ܕܫܒܩܢ ܐܢܫܘܬܢ ܟܠܗܿ ܡܛܠܬܟ ܕܒܐܢܫܘܬܟ ܕܝܠܟ ܢܬܡܙܓ. ܚܙܝ ܡܪܢ ܕܫܒܩܢ ܐܒܗ̈ܝܢ
                    ܘܐܡ̈ܗܬܢ ܘܡܪ̈ܒܝܢܝܢܿ. ܕܠܐܒܘܟ ܪܡܐ ܢܚܼܙܐ. ܘܢܬܡܠܐ ܡܢ ܬܪܒܝܬܗ ܐܠܗܝܬܐ. ܚܙܝ ܡܪܢ ܕܫܒܩܢ
                    ܒ̈ܢܬ ܙܘܓܢ ܕܦܓܪܐ ܘܦܐܪ̈ܝܢ ܐܪ̈ܥܢܐܿ. ܕܢܬܚܠܛ ܒܚܘܠܛܢܟ ܕܫܪܪܐ. ܘܢܬܠ ܦܐܪ̈ܐ ܫ̈ܡܿܝܢܐ ܕܡܢ
                    ܠܥܠ܇ ܗܿܢܘܢ ܕܐܢܫ ܠܐ ܫܿܩܠ ܠܗܘܢ ܡܢܢ. ܐܠܐ ܕܥܡܢ ܢܗܘܼܘܢ ܘܥܡܗܘܢ ܢܗܘܼܐ ܀ ܀ 
            
            
                [ܫܠܼܡܬܿ ܦܪܟܣܝܣ ܕܫܬ.]
            


            
                Seventh Act
                 232 
                [ܬܘܒ ܦܪܟܣܝܣ ܕܫܒܥ.]
                 ܘܟܕ ܝܗܘܕܐ ܒܟܠܗܿ ܗܢܕܘ ܡܿܟܪܙ ܗܘܐ. ܪܒ ܚܝܠܐ ܕܡܠܟܐ ܚܕ ܐܬܼܐ ܠܘܬܗܼ ܘܐܡܼܪ ܠܗ. ܒܥܿܐ
                    ܐܢܐ
            

            
                 ܡܢܟܼ ܥܒܼܕܗ ܕܐܠܗܐܼ. ܘܐܦ ܕܚܿܙܐ ܐܢܬ ܕܐܢܐ ܩܢܘܡܝ ܐܬ݀ܝܬ ܠܘܬܟ܆ ܐܝܟ ܕܠܘܬ
                    ܫܠܝܚܗ ܕܐܠܗܐ ܕܐܫܼܬܕܪܬ ܠܐܣܝܘܬܐ ܕܒ̈ܢܝܢܫܐܿ. ܕܣܢܝܩܝܢ ܠܥܘܕܪܢܐ ܕܒܐܝܼ̈ܕܝܟ ܡܬܝܗܒ ܠܗܘܢ.
                    ܘܐܢܐ ܫܡܿܥܬ ܥܠܝܟ ܕܐܓܪܐ ܡܢ ܐܢܫ ܠܐ ܫܩܿܠ ܐܢܬ. ܐܠܐ ܠܨܪ̈ܝܟܐ ܡܿܦܪܢܣ ܐܢܬ. ܐܠܘ ܓܝܪ ܐܓܪܐ
                    ܢܣܿܒ ܗܘܝܬ. ܣܘܓܐܐ ܕܟܣܦܐ ܡܿܫܕܪ ܗܘܝܬ ܠܟ. ܘܐܢܐ ܠܟܐ ܠܐ ܐܿܬܐ ܗܘܝܬ. ܡܛܠ ܕܡܿܠܟܐ ܒܠܥܕ ܡܕܡ
                    ܠܐ ܣܥܿܪ ܗܘܐ. ܐܝܬ ܠܝ ܓܝܪ ܣܘܓܐܐ ܘܥܬܝܪܐ ܐܢܐ ܘܪܒܐ ܒܟܠܗܿ ܗܢܕܘ. ܘܒܐܢܫ ܠܐ ܐܿܣܟܠܬ.
                    ܘܗܦܝܟܐܝܬ ܓܕܫܬܢܝ ܨܒܘܬܐ ܗܕܐ ܀ ܐܢܬܬܐ ܐܝܬ ܠܝ ܘܒܬܪܐ ܗܘܼܬ ܠܝ ܡܢܗܿ. ܘܣܓܿܝ ܪܚܿܡ ܐܢܐ ܠܗܿ܆
                    ܐܝܟܢܐ ܕܐܦ ܟܝܢܐ ܡܿܠܦ. ܘܐܢܬܬܐ ܐܚܪܬܐ ܥܡܗܿ ܠܐ ܝܿܕܥ ܐܢܐ. ܓܼܕܫ ܕܝܢ ܗܘܼܬ ܡܫܬܘܬܐ
                    ܒܡܕܝܢܬܢ܆ ܘܣܓܿܝ ܚ̈ܒܝܒܝܢ ܗܘܘ ܠܝܼ. ܘܐܦ ܢܡ ܒ̈ܢܝ ܒܝܬܝܼ ܣ̈ܓܝܐܐ ܫܿܕܪܬ ܥܡܗܿ. ܘܨܒܬܐ ܣܓܝܐܐ
                    ܠܗܿ ܘܠܒܪܬܗܿ ܨܿܒܬܬ. ܘܟܕ ܗܘܼܐ ܥܕܢܐ ܠܡܦܼܛܪ܆ ܢܦܛܝܪ̈ܐ ܘܩ̈ܢܕܝܠܐ ܫܿܕܪܬ ܒܬܪܗܿ. ܘܐܢܐ
                    ܒܐܘܪܚܐ ܬܘܒ ܩܐܿܡ ܗܘܝܬ ܘܚܐܿܪ ܗܘܝܬ  233 
                    ܕܐܡܬܝ ܬܐܬܐܿ. ܘܐܚܙܝܗܿ ܘܠܗܿ ܘܠܒܪܬܗܿ ܐܿܩܒܠ ܥܡܗܿ. ܘܟܕ ܐܢܐ ܩܐܿܡ ܐܢܐ. ܩܠ ܐܝܠܠܬܐ ܘܩܠ
                    ܒܟܬܐ ܫܡܿܥ ܗܘܝܬ. ܘܝ ܠܗܿ ܘܝ ܠܗܿ ܡܢ ܟܘܠ ܦܘ̈ܡܝܢ ܠܐܕ̈ܢܝ ܐܿܬܐ ܗܘܐ ܀ ܀ ܗܿܝܕܝܢ ܥܒܼ̈ܕܝ ܟܕ
                    ܡܨܪܝܢ ܢܚ̈ܬܝܗܘܢ ܠܘܬܝ ܐܬ݀ܝܢ ܗܘܘ. ܘܐܘܕܥܘܢܝ ܡܕܡ ܕܗܘܼܐ ܘܐܡܿܪܝܢ ܠܝ. ܕܚܼܙܝܢ ܓܒܪܐ ܚܕ.
                    ܘܛܠܝܐ ܐܚܪܢܐ ܥܡܗܼ ܕܕܡܿܐ ܠܗ. ܘܐܪܡܝ ܓܒܪܐ ܐܝܕܗ ܥܠ ܐܢܬܬܟܼ ܘܛܠܝܐ ܥܠ ܒܪܬܟ. ܘܗܼ̈ܢܝܢ ܦ̈ܕܝ
                    ܡܢܗܘܢ. ܘܚܢܢ ܒ̈ܣܝܦܐ ܡܚܝܢ ܐܢܘܢ. ܘܣ̈ܝܦܝܢ ܒܐܪܥܐ ܫܟܢܘ. ܘܒܗܿ ܒܫܥܬܐ ܢܦܼܠ ܢܫ̈ܐ ܗܠܝܢ܆
                    ܘܫ̈ܢܝܗܝܢ ܡܚܪ̈ܩܢ ܗ̈ܘܝ. ܘܪ̈ܝܫܝܗܝܢ ܠܐܪܥܐ ܡܛܪ̈ܦܢ ܗ̈ܘܝ. ܘܐܬܼܝܢ ܕܢܘܕܥܟ ܡܕܡ ܕܓܕܫܼ܀ ܘܟܕ
                    ܗܠܝܢ ܡܢ ܒ̈ܢܝ ܒܝܬܝ ܫܡܿܥܬ. ܢܚܿܬܝ ܣܿܕܩܬ. ܘܐܝܼ̈ܕܝ ܠܐܗܦܝ ܡܿܛܪܦ ܗܘܝܬ. ܘܒܫܘܩܐ ܐܝܟ ܫܿܢܝܐ
                    ܪܗܿܛ ܗܘܝܬ. ܘܐܿܙܠܬ ܘܐܿܫܟܚܬ ܐܢ̈ܝܢ ܟܕ ܪ̈ܡܝܢ ܒܫܘܩܐ. ܘܿܫܩܠܬ ܘܐܿܝܬܝܬ ܐ̈ܢܝܢ ܠܒܝܬܝ. ܘܡܢ
                    ܒܬܪ ܥܕܢܐ ܣܓܝܐܐ ܥܗ̈ܕܝ ܗ̈ܘܝ ܢܦܫܗܝܢ. ܘܐܬ݀ܩܢܬ ܐܿܘܬܒܬ ܐܢ̈ܝܢ܆ ܘܫܿܪܝܬ ܐܢܐ ܕܕܐܿܫܐܠܝܗܿ
                    ܠܐܢܬܬܝ܆ ܕܡܢܐ ܓܕܫܟܝ. ܘܐܡܿܪܐ ܠܝ ܠܐ ܝܿܕܥ ܐܢܬ ܡܢܐ ܥܼܒܕܬ ܒܝ܆ ܒܥܿܝܬ ܓܝܪ ܡܢܟ ܕܠܡܫܬܘܬܐܼ
                    ܠܐ ܐܿܙܠ ܡܛܘܠ ܕܒܦܓܪܝ ܠܐ ܫܦܝܪ ܥܒܼܝܕܐ ܐܢܐ. ܘܟܕ ܐܿܙܠܐ ܐܢܐ ܒܐܘܪܚܐ : ܘܡܿܛܝܬ ܐܓܘܓܐ
                    ܕܫܿܕܐ ܗܘܐ ܡ̈ܝܐܼ. ܚܿܙܝܬ ܗܘܝܬ ܓܒܪܐ ܚܕ ܐܘܟܡܐ  234  ܕܩܐܿܡ ܠܘܩܒܠܝܼ. ܘܡܿܣܢܪ ܠܝ ܪܝܫܗ. ܘܛܠܝܐ ܐܚܪܢܐ ܕܕܡܿܐ ܠܗ. ܩܐܿܡ ܠܘܬܗ.
                    ܘܐܡܿܪܬ ܠܒܪܬܝ. ܚܙܝ ܠܐܢܫܐ ܗܿܢܘܢ ܟܡܐ ܣܢܝܼܢ. ܘܒܪܬܝ ܐܡܪܬ ܠܝ. ܠܐܢܫܐ ܗܿܢܘܢ ܟܡܐ ܣܢܝܼܢ.
                    ܘܒܪܬܝ ܐܡܪܬ ܠܝ. ܕܐܢܐ ܛܠܝܐ ܗܘ ܚܿܙܝܬܼ ܕܕܡ̈ܝܢ ܫ̈ܢܘܗܝ ܠܚܠܒܐ. ܘܣ̈ܦܘܬܐ ܠܫܘܚܪ̈ܐ. ܘܫܒܩܢ
                    ܐܢܘܢ ܠܘܬ ܐܓܘܓܐ ܗܿܘ ܘܐ̈ܙܠܢ܀ ܟܕ ܗܘܼܐ ܕܝܢ ܪܡܫܐ ܘܦܛܪܢ ܡܢ ܒܝܬ ܡܫܬܘܬܐ. ܘܥܡ ܛ̈ܠܝܐ ܐܬܝ̈ܢ
                    ܗܘܝܢ. ܘܡܿܛܝܢ ܠܐܓܘܓܐ ܗܿܘ ܕܡ̈ܝܐܼ. ܘܚܼܙܬ ܐܢܘܢ ܠܘܩܕܡ ܒܪܬܝܼ. ܘܐܬܼܬ ܛܦܣܬ ܒܝ. ܘܡܢ ܒܬܪܗܿ
                    ܘܐܦ ܐܢܐ ܚܿܙܝܬ ܐܢܘܢ ܕܐܬ݀ܝܢ ܠܩܘܒܠܢ ܘܥܼܪܩܘ ܠܗܘܢ ܛ̈ܠܝܐ ܕܐܬ݀ܝܢ ܗܘܘ ܥܡܝ. ܘܡܚܐܘܘܢܝ ܠܝ
                    ܘܠܒܪܬܝ. ܘܫܕܐܘܢܝ ܀ ܘܟܕ ܗܼܝ ܡܫܬܥܝܐ ܗܘܬ ܠܝ܆ ܐܬܘ ܠܗܘܢ ܥܠܝܗܝܢ. ܘܬܘܒ ܐܪܡܝܘ ܐ̈ܢܝܢ. ܘܡܢ
                    ܗܿܝ ܫܥܬܐܼ. ܠܐ ܡ̈ܫܟܚܢ ܬܘܒ ܕܢ̈ܦܼܩܢ ܠܫܘܩܐ. ܘܐܦܠܐ ܕܢܐܙ̈ܠܢ ܠܒܠܢܐ. ܘܠܐ ܠܒܝܬ ܡܫܬܘܬܐ ܘܠܐ
                    ܠܒܝܬ ܒܿܟܐ. ܐܠܐ ܥܓ̈ܝܢܢ ܠܝܠܝ ܐܝܡܡ ܐܡܐ ܥܡ ܒܪܬܗܼܿ. ܘܚ̈ܒܝܫܢ ܠܝ ܒܝܬܐ ܒܓܘ ܚܒܪܗ. ܡܛܠ
                    ܓܘܚܟܐ ܕܥܒܝܕ ܐܢܐ ܒܗ̈ܝܢ. ܘܡܛܠ ܕܟܕ ܐܬ݀ܝܢ ܥܠܝܗܝܢ܆ ܪܡܿܝܢ ܠܗܝܢ ܘܡܦܪܣܝܢ ܠܗܝܢ ܐܝܟܢܐ
                    ܕܡܫܟܚܝܢ ܠܗܝܢ. ܒܥܿܐ ܐܢܐ ܗܟܝܠ ܡܢܟ ܘܡܬܟܫܦ ܐܢܐ ܠܟ܆ ܥܕܪܝܢܝ ܘܐܬܪܚܿܡ ܥܠܝ. ܕܗܐ ܬܠܬ ܫ̈ܢܝܢ
                    ܦܬܘܪܐ ܒܒܝܬܝܼ ܠܐ ܬܼܩܢ. ܘܐܢܬܬܝ ܘܒܪܬܝ ܥܠܘܗܝ  235  . ܠܐ ܝܬܝܒ ܠܗܝܢ. ܝܬܝܪܐܝܬ ܕܝܢ ܡܛܠ ܗܿܝ ܒܪܬܝ ܡܣܟܢܬܐܼ. ܕܡܕܡ ܕܫܦܝܪ ܠܐ
                    ܚܼܙܐ ܠܗܿ ܀ ܘܟܕ ܗܠܝܢ ܫܡܼܥ ܫܠܝܚܐ ܡܢܬ ܗܿܘ ܪܒ ܚܝܠܐܼ. ܟܪܼܝܬ ܠܗ ܥܠܘܗܝ ܛܒ. ܘܐܡܼܪ ܠܗ.
                    ܐܢܗܼܘ ܕܡܗܝܡܢ ܐܢܬ ܒܡܪܝ ܝܫܘܥ ܡܫܝܚܐ ܕܡܐܿܣܐ ܠܗܝܢ. ܚܿܙܐ ܐܢܬ ܚܘܠܡܢܗܝܢ. ܐܡܿܪ ܠܗ ܪܒ ܚܝܠܐ
                    ܗܿܘ ܟܕ ܫܡܼܥ ܗܠܝܢ. ܡܛܠ ܕܣܒܼܪ ܠܗ ܕܗܘܼܝܘ ܝܫܘܥ. ܡܗܝܡܢ ܐܢܐ ܕܡܐܿܣܐ ܐܢܬ ܠܗܝܢ ܀ ܀ ܐܡܿܪ
                    ܠܗ ܫܠܝܚܐ. ܠܐ ܗܿܘܝܬ ܐܢܐ ܝܫܘܥ. ܐܠܐ ܥܒܼܕܗ ܘܫܠܝܚܗ. ܐܓܥܠ ܠܼܗ ܕܝܢ ܢܦܫܟ. ܘܗܼܘ ܡܐܿܣܐ
                    ܠܗܝܢ. ܘܥܿܒܕ ܥܘܕܪܢܗܝܢ ܀ ܀ ܐܡܿܪ ܠܗ ܗܿܘ ܪܒ ܚܝܠܐ. ܚܘܝܢܝ ܐܝܟܢܐ ܐܒܥܿܐ ܡܢܗ. ܘܐܿܗܝܡܢ ܒܗ
                    ܀ ܀ ܐܡܿܪ ܠܗ ܫܠܝܚܐ. ܟܡܐ ܕܡܫܟܚ ܐܢܬ ܡܬܘܚ ܪܥܝܢܟ ܠܥܠ܆ ܡܛܠ ܕܠܐ ܡܬܚܼܙܐ ܗܫܐ ܒܗܠܝܢ ܥ̈ܝܢܐ
                    ܕܦܓܪܐ. ܐܠܐ ܒܗܝܡܢܘܬܐ ܡܬܝܕܥ ܒܥܿܒ̈ܕܘܗܝ ܘܒܐ̈ܣܘܬܗ ܡܫܬܒܚ. ܘܐܪܝܡ ܩܠܗ ܗܿܘ ܪܒ ܚܝܠܐ ܘܐܡܼܪ
                    ܀ ܀ ܡܗܝܡܢ ܐܢܐ ܒܟ ܝܫܘܥ ܡܫܝܚܐ ܐܠܗܐܼ. ܕܐܢܬ ܗܘ ܚܼܿܝܐ ܒܪܗ ܕܚܼܿܝܐ. ܘܗܘܼܝܬ ܒܪܢܫܐܼ.
                    ܘܐܬܚܼܙܝܬ ܐܣܝܐ ܘܡܚܝܢܐ ܘܦܪܘܩܐ. ܠܟܠܗܘܢ ܐܝܠܝܢ ܕܒܫܪܪܐ ܬܝܿܒܝܢ ܠܘܬܟ.. ܐܝܢ ܡܪܝ ܒܥܿܐ ܐܢܐ
                    ܡܢܟ. ܘܡܬܟܫܦ ܐܢܐ ܩܕܡܝܟܼ. ܥܿܕܪ ܠܗܝܡܢܘܬܝ ܙܥܘܪܬܐܿ. ܘܠܪܗܝܒܘܬܝ ܕܒܟ ܐܿܚܕܬ ܓܘܣܐ ܀ ܘܦܩܼܕ
                    ܗܘܐ ܫܠܝܐ ܠܐܟܣܢܬܝܦܘܣ ܡܫܡܫܢܗܿ. ܕܢܟܿܢܫ  236  ܠܟܠܗܘܢ ܐܚ̈ܐ ܕܬܡܿܢ. ܘܟܕ ܟܿܢܫ ܠܟܠܗܘܢܼ. ܐܬܼܐ ܫܠܝܚܐ ܘܩܡ ܒܡܨܥܬܗܘܢ ܘܐܡܼܪ
                    ܗܘܐ ܠܗܘܢ. ܒ̈ܢܝ ܘܐ̈ܚܝ ܘܐܚ̈ܘܬܝ ܕܒܡܪܝ ܝܫܘܥܼ. ܩܘܘ ܒܗܝܡܢܘܬܐ ܗܕܐ. ܘܣܒܪܘ ܒܗ ܒܡܪܢ ܝܫܘܥ
                    ܡܫܝܚܐܿ. ܗܢܐ ܕܐܬܟܪܙ ܠܟܘܢ. ܘܠܘܬܗ ܢܗܼܘܐ ܣܒܪܟܘܢ. ܘܗܼܘ ܡܿܢܛܪ ܠܟܘܢ. ܘܠܐ ܬܬܪܦܘܢ ܡܢܗ ܡܛܠ
                    ܕܠܐ ܫܿܒܩ ܠܟܘܢ. ܘܐܢ ܗܼܘ ܕܐܢܬܘܢ ܕܡܿܟܝܢ ܐܢܬܘܢ ܒܫܢܼܬܐ ܗܕܐ : ܕܡܐ ܕܕܡܿܟ ܒܗܿ ܐܢܫ
                    ܠܝܬܘܗܝܼ. ܗܼܘ ܠܐ ܕܡܿܟ. ܐܠܐ ܥܼܝܪ ܗܘ ܘܡܿܢܛܪ ܠܟܘܢ. ܘܐܢ ܬܬܒܘܢ ܒܐܠܦܼܐ ܘܒܝܡܼܿܐ : ܕܐܢܫ
                    ܡܢܟܘܢ ܠܚܒܪܗ ܕܢܥܿܕܪ ܠܐ ܡܫܟܚ. ܗܼܘ ܡܗܿܠܟ ܥܠ ܓ̈ܠܠܐ ܕܝܡܼܿܐ ܘܡܿܣܡܟ ܐܠܦܼܟܘܢ. ܡܛܠ ܕܐܢܐ
                    ܗܟܝܠ ܐܿܙܠ ܐܢܐ ܠܝ ܡܢ ܠܘܬܟܘܢܼ. ܘܠܐ ܝܿܕܥ ܐܢܐ ܗܐܢ ܬܘܒ ܚܿܙܐ ܐܢܐ ܠܟܘܢ ܒܦܓܪ. ܠܐ ܗܟܝܠ
                    ܬܕܡܼܘܢ ܠܟܘܢ ܠܒ̈ܢܝ ܐܝܣܪܐܝܠ. ܕܥܠ ܕܥܼܢܕ ܡܢܗܘܢ ܡܘܫܐ ܪܥܝܗܘܢ ܕܫܥܬܐ ܐܬܟܫܼܠܘ. ܐܠܐ ܗܐ
                    ܠܐܟܣܢܬܝܦܘܣ ܡܫܡܫܢܐ ܫܿܒܩ ܐܢܐ ܠܟܘܢ ܚܠܦܝ. ܘܐܦ ܗܼܘ ܐܟܘܬܝ ܡܿܟܪܙ ܠܝܫܘܥ ܡܫܝܚܐ. ܘܐܦ ܐܢܐ
                    ܓܝܪ ܒܪܢܫܐ ܐܢܐ ܐܝܟ ܚܕ ܡܢܟܘܢ. ܘܠܐ ܥܘܬܪܐ ܐܝܬ ܠܝ ܐܝܢܐ ܕܠܚܕܚ̈ܕܢܐ ܡܫܬܟܚ܇ ܗܿܘ ܕܐܚܪܝܬܗ
                    ܡܿܘܒܕܐ ܠܡܿܢ ܕܩܿܢܐ ܠܗ. ܡܛܠ ܕܡܕܡ ܚܫܚܘ ܠܝܬ ܒܗ. ܟܕ ܫܿܒܩ ܠܗ  237  ܒܐܪܥ ܕܗܘܼܐ ܡܢܗܿ. ܘܚ̈ܘܒܐ ܘܚ̈ܛܗܐ
                    ܕܩܢܼܐ ܡܛܠܬܗ ܥܡܗ ܐ̈ܢܘܢ. ܚܕܚ̈ܕܢܐ ܐܢܘܢ ܓܝܪ ܕܥܬܝܪܝܢ ܘܪܚܡܬܢܝܢ. ܘܐܦ ܠܐ ܫܘܦܪܐ ܗܢܐ
                    ܕܐܢܫܘܬܐ ܐܝܬ ܠܝܿ. ܗܿܘ ܐܝܢܐ ܕܟܠ ܐܝܠܝܢ ܕܬܟܝܼܠܝܢ ܥܠܘܗܝ ܒܗܿܬܝܢ ܒܥܓܠ.. ܐܢܗܼܘ ܕܝܢ
                    ܕܢܣܼܬܪܚ ܗܿܘ ܐܝܢܐ ܕܐܝܬ ܠܗ ܫܘܦܪܐ: ܫܘܦܪܗܼ ܡܕܡ ܠܐ ܡܥܕܪ ܠܗ. ܐܠܐ ܗܿܢܘܢ ܐܝܠܝܢ ܕܪܚܡܿܝܢ
                    ܗܘܘ ܠܗ ܡܛܠ ܫܘܦܪܗܼ. ܗܢܼܘܢ ܝܬܝܪܐܝܬ ܢܼܕܝܢ ܡܢܗ. ܟܠܗܝܢ ܓܝܪ ܨ̈ܝܘܬܐ ܕܕܥܠܡܐ ܐ̈ܢܝܢ
                    ܒܙܒܢܝܗܝܢ ܡܬܪ̈ܚܡܢܼ ܘܒܙܒܢܗܝܢ ܡ̈ܣܬܢܝܢ. ܐܠܐ ܢܗܘܼܐ ܣܒܪܟܘܢ ܥܠ ܝܫܘܥ ܡܫܝܚܐ ܒܪܗ ܕܐܠܗܐܼ.
                    ܘܗܘܼܝܬܘܢ ܐܚܝܕܝܢ ܠܢ ܘܚܿܝܪܝܢ ܒܢܼ ܐܝܟ ܡ̈ܫܡܫܢܘܗܝ ܕܐܠܗܐ. ܟܕ ܘܐܦ ܚܢܢ ܐܠܐ ܫܩܠܝܢܢ ܛܥܢܐ
                    ܕܢܫܼܘܐ ܠܗ ܠܗܢܐ ܫܡܐܼ. ܡܣܡ ܒܪܝܐ ܡܩܿܒܠܝܢܢ܆ ܘܠܕܝܢܼܐ ܘܠܬܒܥܬܐ ܗܿܘܐ ܠܢ. ܘܨܿܠܝ ܗܘܐ ܥܡܗܘܢ
                    ܨܠܘܬܐ ܢܓܝܪܬܐܼ. ܘܐܓܼܥܠ ܐܢܘܢ ܠܡܪܢ ܘܐܡܼܪ. ܡܪܐ ܕܟܠܗܘܢ ܥ̈ܠܡܐ ܕܠܗ ܡܿܣܟܝܢ : ܘܐܠܗܐ
                    ܕܟܠܗܝܢ ܢܦܫ̈ܬܐ ܕܒܗ ܡܣܒܪ̈ܢܼ. ܘܦܿܪܩ ܡܢ ܛܘܥܝܝ ܠܒܗܢܝܢܫܐ ܕܝܠܗ : ܡܚܿܪܪ ܡܢ ܚܒܿܠܐ ܘܡܢ
                    ܥܒܼܕܘܬܐ : ܠܐܝܠܝܢ ܕܐܫܼܬܡܥܘ ܠܗ ܘܐܬܘ ܠܒܝܬ ܓܘܣܗܼ. ܐܢܬ ܗܘܼܝ ܥܡ ܡܪܥܝܬܗ ܕܐܟܣܢܬܝܦܘܣ܆
                    ܘܡܫܘܚܝܗܿ ܠܥܢܗ ܡܢ ܡܫܚܟ ܕܚ̈ܝܐ. ܘܟܿܗܿ ܡܢ ܓܪܒܗܼܿ. ܘܢܛܿܪܝܗܿ ܢܡ ܕܐ̈ܒܐ ܘܡܢ ܚ̈ܛܘܦܐܿ. ܕܠܐ
                    ܒܥܿܕܘܢܗܿ ܡܢ ܐܝܼ̈ܕܘܗܝ܀ ܘܣܡ ܐܝܼܕܗ ܥܠܝܗܘܢܼ ܘܐܡܼܪ ܠܗܘܢ. ܢܗܼܘܐ ܥܡܟܘܢ  238  ܫܠܡܗ ܕܝܫܘܥ܆ ܘܢܐܙܠܼ ܐܦ ܥܡܢ ܀ ܀
                    ܘܢܦܼܩ ܗܘܐ ܫܠܝܚܐ ܠܡܐܙܠ ܒܐܘܪܚܐ. ܟܠܗܘܢ ܕܝܢ ܒܒܟܬܐ ܡܿܠܘܝܢ ܗܘܘ ܠܗ. ܘܡܿܘܡܝܢ ܗܘܘ ܠܗ
                    ܒܡܪܗܼ. ܕܗܘܼܐ ܥܗܬܕ ܠܗܘܢ ܒܨܠܘܬܗ ܘܠܐ ܢܛܥܼܐ ܐܢܘܢ ܀ ܀ ܘܟܕ ܣܠܼܩ ܗܘܐ ܫܠܝܚܐ ܝܬܼܒ ܒܙܘܓܐ
                    ܕܗܿܘ ܪܒ ܚܝܠܐ : ܘܦܫܘ ܟܠܗܘܢ ܐ̈ܚܐܼ. ܐܬܼܐ ܪܒ ܚܝܠܐܼ ܘܐܡܼܪ ܠܗ ܠܩܪܪ ܗܿܘ. ܐܢܐ ܡܨܿܠܐ ܐܢܐܼ
                    ܕܐܿܫܘܐ ܕܬܚܝܬ ܪ̈ܓܠܘܗܝ ܕܒܪܗ ܕܐܠܗܐ ܝܫܘܥ ܡܫܝܚܐ ܐܿܬܼܒܼ. ܘܐܿܗܘܐ ܠܗ ܩܪܪ ܒܐܘܪܚܐ ܗܕܐ
                    ܕܣ̈̃ܝܐܐ ܝܿܕܥܝܢ ܠܗܼܿ. ܕܢܗܘܼܐ ܠܝ ܗܼܘ ܗܿܕܝܐ ܒܐܘܪܚܐ ܗܿܝ ܕܚܕܚ̈ܕܢܐ ܐܿܙܠܝܢ ܒܗܿ ܀ ܘܟܕ
                    ܐܙܠܼ ܐܝܟ ܡܝܠܐܼ. ܒܥܼܐ ܡܢܗ ܝܗܘܕܐ ܬܐܘܡܐ ܡܢ ܪܒ ܚܝܠܐ ܗܿܘܼ. ܘܐܩܝܡܗ ܕܢܬܼܒ ܠܘܬܗ. ܘܐܦܣ
                    ܠܩܪܪܐ ܕܢܬܼܒ ܥܠ ܕܘܟܬܗ. ܘܟܕ ܗܼܢܘܢ ܐܿܙܠܝܢ ܗܘܘ ܒܐܘܪܚܐ : ܘܝܗܘܕܐ ܥܡ ܪܒ ܚܝܠܐ ܡܡܠܠ ܗܘܐܼ.
                    ܒܥܝܪ̈ܐ ܕܝܢ ܗ̈ܢܝܢܼ ܠܐܝ̈ ܗ̈ܘܝ ܠܗܝܢܿ. ܡܢ ܛܪܕܐ ܣܓܝܐܐ ܕܛܼܪܕܘ ܐܢ̈ܝܢ. ܘܩܡ ܗ̈ܘܝ ܠܗ̈ܝܢ
                    ܘܠܐ ܨ̈ܒܝܢ ܗ̈ܘܝ ܠܡܪܚܫ. ܘܪܒ ܚܝܠܐ ܗܿܘ ܡܬܬܥܝܩ ܗܘܐ ܛܿܒ. ܘܡܢܐ ܢܥܒܼܕ ܠܐ ܝܿܕܥ ܗܘܐ.
                    ܘܐܬܚܿܫܒ ܗܘܐ ܕܒܪ̈ܓܠܘܗܝ ܢܪܗܼܛ܆ ܘܢܝܿܬܐ ܒܥܝܪ̈ܐ ܐܚܪ̈ܢܝܬܐ ܐܝܟܢܐ ܕܡܫܟܚ ܗܘܐ ܐܘ ܪ̈ܟܫܐܼ.
                    ܡܛܠ  239  ܕܥܕܢܐ ܟܪܝ ܗܘܐ ܠܗ ܀ ܀ ܘܟܕ
                    ܚܼܙܝܗܝ ܫܠܝܚܐܼ ܐܡܼܪ ܠܗ. ܠܐ ܬܕܚܠ ܘܠܐ ܬܼܬܪܗܒ. ܐܠܐ ܒܠܚܘܕ ܡܗܝܡܢܘ ܗܝܡܢ ܒܝܫܘܥ ܐܝܟ
                    ܕܐܡܿܪܬ ܠܟ. ܘܬܕܡܪ̈ܬܐ ܪ̈ܘܪܒܬܐ ܬܚܼܙܐ. ܐܡܿܪ ܠܗ ܗܿܘ ܪܒ ܚܝܠܐ. ܡܗܝܡܢ ܐܢܐ ܒܗܼ. ܕܟܘܠ ܡܕܡ
                    ܡܿܛܠ ܒܐܝܼ̈ܕܘܗܝ ܠܡܥܒܕ ܠܡܿܢ ܕܒܥܿܐ ܡܢܗ ܀ ܀ ܚܼܙܐ ܗܘܐ ܕܝܢ ܝܗܘܕܐ : ܪܡܟܐ ܕܥܪ̈ܕܐ ܟܕ ܪܥܝܐ
                    ܠܗܠ ܡܢ ܐܣܛܪܛ܆ ܘܐܡܼܪ ܠܗܿܘ ܪܒ ܚܝܠܐ. ܐܢܗܼܘ ܕܡܗܝܡܢ ܐܢܬ ܒܝܫܘܥ܆ ܙܠ ܠܘܬ ܪܡܟܐ ܘܐܡܼܪ
                    ܠܗܘܢ. ܕܐܡܿܪ ܝܗܘܕܐ ܫܠܝܚܗ ܕܝܫܘܥ ܡܫܝܚܐ ܒܪܗ ܕܐܠܗܐܼ. ܢܐܬܘܢ ܐܪ̈ܒܥܐ ܡܢܟܘܢ ܕܠܝ ܡܬܒܥܝܢ.
                    ܘܐܙܼܠ ܗܘܐ ܗܿܘ ܪܒ ܚܝܠܐ ܟܕ ܕܚܝܠ ܣܓܿܝ. ܡܛܠ ܕܣܓܝܐܝ̈ܢ ܗܘܘ. ܘܝܡܐ ܕܗܼܘ ܐܿܙܠ. ܗܢܘܢ ܠܘܬܗ
                    ܐܬܿܝܢ ܗܘܘ. ܘܟܕ ܩܪܒ ܠܘܬܗܼ ܐܡܼܪ ܠܗܘܢ. ܝܗܘܕܐ ܬܐܘܡܐ ܫܠܝܚܗ ܕܝܫܘܥ ܡܫܝܚܐ. ܐܡܼܿ܆ ܕܢܐܬܘܢ
                    ܠܘܬܝ ܐܪ̈ܒܥܐ ܡܢܟܘܢܿ. ܡܛܠ ܕܠܝ ܡܬܒܥܝܢ܀ ܀ ܘܟ ܕܫܡܼܥܘܘ ܡܠܬܐ ܗܕܐ. ܗܿܢܘܢ ܥܪ̈ܕܐ ܠܗܘܢ
                    ܒܪܗܛܐ ܪܒܐ ܐܬ݀ܝܢ ܗܘܘܠܘܬܗ. ܘܟܕ ܐܬܘ ܠܘܬܗܼ. ܣܓܼܕܘ ܠܗ ܒܡܦܪܢܣܢܘܬܗ ܕܡܪܝܢ. ܀ ܀ ܘܐܪܝܡ ܩܠܗ
                    ܝܗܘܕܐ ܬܐܘܡܐ ܫܠܝܚܗ ܕܡܪܢ ܒܬܫܒܘܚܬܐ ܘܐܡܼܪ. ܡܫܒܚ ܐܢܬ ܐܠܗܐ ܕܫܪܪܐܿ. ܘܡܪܝܐ ܕܟܠܗܘܢ ܟܝ̈ܢܐ.
                    ܕܐܢܬ  240  ܗܼܘ ܨܒܝܼܬ ܒܨܒܝܢܟ܇ ܘܥܒܼܕ
                    ܬܟܠܗܘܢ ܥܿܒ̈ܕܝܟ. ܘܫܟܼܠܠܬ ܟܠܗܝܢ ܒܪ̈ܝܬܟ܇ ܘܐܝܬܼܝܬ ܐ̈ܢܝܢ ܠܛܟܣܐ ܕܟܝܗܢܝܢ܇ ܣܡܼܬ ܥܠ ܟܠܗܝܢ
                    ܕܚܠܬܟ. ܕܢܫܬܼܥܒܕܘܢ ܠܦܘܩܕܢܟ. ܘܗܼܘ ܨܒܝܢܟ ܕܪܫܼ ܐܘܪܚܐ ܡܢ ܟܣܝܘܬܟ ܠܓܠܝܐܿ. ܘܗܘܼܐ ܡܦܪܢܣܐ
                    ܠܟܠ ܢܦܫ ܕܥܒܼܕܬ. ܘܐܬܡܠܠ ܒܦܘܡܐ ܕܢܒ̈ܝܐ ܟܠܗܘܢ. ܒܟܘܠ ܚ̈ܙܘܝܢ ܘܩܗܠܝܢ ܘܢ̈ܥܡܢ. ܘܠܐ ܐܬܛܦܝܣ
                    ܐܝܣܪܐܝܠ ܡܛܠ ܝܨܪܗܘܢ ܒܝܼܫܐ. ܘܐܢܬ ܡܛܠ ܕܡܪܐ ܐܢܬ ܕܟܠ : ܘܒܛܝܠ ܠܟ ܥܠ ܒܪܗܝܬܐ : ܕܬܦܪܘܣ
                    ܥܠܝܢ ܡܪܚܡܢܘܬܟ ܒܗܢܐ ܕܐܬܼܐ ܒܨܒܝܢܟ ܘܠܒܫܼ ܦܓܪܐ ܒܪܝܬܟ܇ ܗܿܘ ܕܐܢܬ ܨܒܝܼܬ ܘܓܒܠܬܝܗܝ ܐܝܟ
                    ܚܟܡܬܟ ܡܫܒܚܬܐ. ܗܢܐ ܕܒܟܣܝܘܬܟ ܛܟܣܬܝܗܝ ܘܒܓܠܝܘܬܟ ܐܩܝܡܬܝܗܝ. ܣܡܼܬ ܠܗ ܫܡܐ ܒܪܐ. ܗܢܐ
                    ܕܐܝܬܘܗܝ ܨܒܝܢܟ ܚܝܠܐ ܕܡܚܫܒܬܟ. ܕܐܝܬܝܟܘܢ ܒܫ̈ܡܗܐ ܡܦܪ̈ܫܐܿ. ܐܒܐ ܘܒܪܐ ܘܪܘܚܐܿ. ܡܛܠ ܦܘܪܢܣ
                    ܕܒܪ̈ܝܬܟ܇ ܠܬܪܒܝܬܐ ܕܟܝ̈ܢܐ ܟܠܗܘܢܿ. ܘܐܝܬܝܟܘܢ ܚܕ ܒܫܘܚܐ ܘܒܚܝܠܐ ܘܒܨܒܝܢܐ. ܘܐܝܬܝܟܘܢ
                    ܦܠܝܓܝܢ ܟܕܠܐ ܦܣܝܩܝܢ. ܘܚܕ ܟܕ ܡܦܪܫܝܢ. ܘܟܠ ܒܟ ܩܐܿܡ ܘܠܐ ܟܫܬܥܒܕ. ܡܛܠ ܕܟܠ ܕܝܠܟ ܗܘ. ܘܐܢܐ
                    ܥܠܝܟ ܗܘ ܬܟܝܠ ܐܢܐ ܡܪܝ. ܘܒܦܘܩܕܢܟ ܫܿܥܒܕܬ ܠܗܕܐ ܚܝܘܬܐ ܕܠܐ ܡܠܬܐ. ܕܬܦܪܢܣ ܥܠܝܢ ܘܥܠܝܗܝܢ
                         241  ܡܛܘܠ ܕܐܠܨܿܐ. ܘܕܢܫܬܒܚ ܫܡܟ
                    ܒܢܼ. ܘܒܚܝܘܬܐ ܕܠܝܬ ܠܗܿ ܡܠܬܐ. ܘܟܕ ܐܡܼܪ ܗܠܝܢܼ. ܐܡܼܪ ܠܗܘܢ ܠܥܪ̈ܕܐ ܗܿܢܘܢ. ܫܿܠܡܐ ܥܡܟܘܢ.
                    ܡܛܠ ܕܐܬܛܦܝܣܬܘܢ ܠܡܠܬܐ ܡܪܬ ܟܠ. ܢܐܬܘܢ ܐܪ̈ܒܥܐ ܡܢܟܘܢ ܘܢܬܟܕܢܘܢ ܚܠܦ ܒܥܝܪܐ ܗܠܝܢ ܕܩܡ ܠܗܝܢ
                    ܘܠܐ ܡܫܟܚܝܢ ܕܢܗ̈ܠܟܢ. ܘܚܕ ܚܕ ܡܢܗܘܢ ܕܗܿܢܘܢ ܥܪܗܕܐ ܡܬܚܒܨܝܢ ܗܘܘ. ܕܐܝܢܐ ܡܢܗܘܢ ܢܬܟܕܢ.
                    ܘܐܝܬ ܗܘܘ ܕܝܢ ܬܡܿܢ ܕܩܫܝܢ ܗܘܘ ܡܢ ܚܒܪ̈ܝܗܘܢܼ. ܘܗܼܢܘܢ ܐܬܟܕܢܘ. ܘܫܪܟܗܘܢ ܐܬ݀ܝܢ ܗܘܘ ܒܬܪܗ
                    ܘܩܕܡܘܗܝ ܕܫܠܝܚܐ. ܘܟܕ ܩܠܝܠ ܪܕܘܼ ܐܡܼܪ ܠܗܘܢ. ܠܟܘܢ ܐܡܿܪ ܐܢܐ ܥܡܘܪ̈ܐ ܕܕܒܼܪܐ. ܦܘܫܘ ܘܙܠܘ
                    ܠܪܥܝܼܟܘܢ. ܐܠܘ ܓܝܪ ܟܠܟܘܢ ܡܬܒܥܝܢ ܗܘܝܬܘܢ ܠܝܼ. ܟܠܟܘܢ ܐܬ݀ܝܢ ܗܘܝܬܘܢ. ܗܫܐ ܕܝܢ ܙܠܘ ܠܟܘܢ
                    ܠܐܬܪܐ ܕܒܗ ܗܿܘܝܢ ܗܘܼܿܝܬܘܢ. ܗܼܢܘܢ ܥܪ̈ܕܐ ܐܿܙܠܝܢ ܗܘܘ ܒܫܠܼܝܐܼ. ܥܕܡܐ ܕܐܒܥܕܘ ܡܢ ܚܙܬܗ.
                    ܘܝܿܬܒ ܥܪ̈ܕܐ ܒܢܝܿܚܐ ܘܒܫܠܝܐ ܘܒܩܠܝܠ ܩܠܝܠ܆ ܕܠܐ ܢܬܬܙܝܥ ܫܠܝܚܗ ܕܐܠܗܐ. ܘܟܕ ܡܿܛܼܝܘ ܬܪܥܐ
                    ܕܡܕܝܢܬܐܼ. ܦܪܫܘ ܘܐܙܠܘ ܩܡܘ ܩܕܡ ܬܪܥܐ ܕܕܪܬܗ ܕܗܿܘ ܪܒ ܚܝܠܐ ܀ ܀ ܗܿܝܕܝܢ ܪܒ ܚܝܠܐ ܗܿܘ ܬܡܼܗ
                    ܠܗܼ ܘܐܡܼܪ. ܠܐ ܡܫܟܚ ܐܢܐ ܕܐܡܼܿܪ ܘܐܿܫܬܥܐ ܡܕܡ ܕܓܿܕܫ܇  242  ܐܠܐ ܬܗܘܐ ܬܕܡܘܪܬܐ ܐܚܪܬܐ ܘܗܿܝܕܝܢ
                    ܐܿܫܬܥܐ. ܐܬ݀ܝܐ ܗܘܬ ܕܝܢ ܟܠܗܿ ܡܕܝܢܬܐ : ܕܚܙܘ ܠܗܿܢܘܢ ܥܪ̈ܕܐ ܟܕ ܟܕܝܢܝܢ ܗܘܘ ܒܙܘܓܐܼ. ܘܐܦ
                    ܕܫܡܼܥܘ ܗܘܘ ܛܒܼܗ ܕܫܠܝܚܐ ܕܐܙܼܠ ܠܬܡܿܢ ܀ ܀ ܐܡܿܪ ܠܗ ܫܠܝܚܐ ܠܪܒ ܚܝܠܐ ܗܿܘ ܐܝܟܘ ܒܝܬܟ.
                    ܘܠܐܝܟܐ ܡܘܒܠ ܐܢܬ ܠܢ ܀ ܐܡܿܪ ܠܗ ܪܒ ܚܝܠܐ. ܐܢܬ ܝܿܕܥ ܐܢܬܼ ܕܥܠ ܬܪܥܗ ܕܥܒܼܕܟ ܩܐܿܡܼ ܐܢܬ.
                    ܘܗܠܝܢ ܕܒܦܘܩܕܢܟ ܐܬܘ ܥܡܟܼ. ܝܬܝܪ ܡܢܝ ܝܿܕܥܝܢ. ܘܟܕ ܐܡܼܪ ܗܠܝܢ ܪܒ ܚܝܠܐܼ. ܫܘܪ ܢܚܼܬ ܡܢ
                    ܙܘܓܐ. ܀ ܘܫܼܿܪܝ ܗܘܐ ܫܠܝܚܐ ܕܢܐܡܪ. ܝܫܘܥ ܕܛܠܼܝܡ ܒܐܝܕܥܬܗ ܒܐܬܪܐ ܗܢܐ : ܝܫܘܥ ܕܢܘܟܪܝ
                    ܛܒܼܗ. ܒܡܼܕܝܢܬܐ ܗܕܐ : ܝܫܘܥ ܐܟܣܢܝܐ ܒܝܬ ܒ̈ܢܝܢܫܐ ܗܠܝܢ : ܝܫܘܥ ܕܡܩܿܕܡ ܠܫܠܝܚܗ ܠܟܠ ܐܬܪ
                    ܘܠܟܠ ܡܕܝܢܐ : ܘܒܗ ܡܫܬܒܚ ܘܒܗ ܡܬܝܕܥ ܠܟܠܗܘܢ ܐܝܠܝܢ ܕܠܗ ܫܿܘܝܢ܆ ܝܫܘܥ ܕܠܒܼܫ ܦܓܪܐ ܘܗܘܼܐ
                    ܒܪܢܫܐ ܘܐܬܚܼܙܝ ܠܟܠܢ : ܡܛܠ ܕܠܐ ܢܦܪܘܫ ܡܢ ܚܘܒܗ. ܡܪܢ ܕܝܗܼܒ ܢܦܫܗ ܚܠܦܝܢ ܘܙܒܿܢܗ ܒܕܡܗ.
                    ܘܩܢܢ ܠܗ ܩܢܝܢܐ ܕܒܝܩܝܪ ܐܙܕܒܢ. ܡܢܐ ܓܝܪ ܐܝܬ ܠܢ ܕܢܬܠ ܠܗ ܚܠܦ ܢܦܫܗ. ܗܼܘ ܓܝܪ ܝܗܼܒ ܢܦܫܗ
                    ܚܠܦܝܢ. ܠܐ ܗܘܐ ܡܕܡ ܕܠܚܕ ܚܕ ܐܝܬ. ܘܐܦ ܠܐ ܗܼܘ ܒܥܿܐ ܠܢ ܡܕܡ ܐܠܐ ܕܢܒܥܼܐ ܡܢܗ ܘܢܚܼܐ ܀ ܀
                    ܘܟܕ ܐܡܼܪ ܗܘܐ ܗܠܝܢ݂. ܣ̈ܓܝܐܐ ܐܬ݀ܝܢ ܗܘܘ ܡܢ ܟܠ  243  ܕܘܟܐܿ. ܕܢܚܼܙܘܢ ܠܫܠܝܚܐ ܚܼܕܬܐ ܕܐܠܗܐ ܕܐܬܼܐ ܠܬܡܢ ܀ ܘܐܡܼܪ ܝܗܘܕܐ. ܡܢܐ
                    ܩܝܡܝܢܢ ܘܒܛܝܠܝܢܢ. ܝܫܘ݁ܥܼ ܡܢܐ ܨܒܿܝܼܬ. ܥܕܢܐ ܦܩܿܕ ܘܥܒܿܕܐ ܢܗܘܼܐ. ܗܿܝܕܝܢ ܐܢܬܬܐ ܘܒܪܬܗܿ܆
                    ܣܓܝܘ ܥܠܝܗܝܢ ܫ̈ܐܕܐ ܗܿܢܘܢ܆ ܘܠܐ ܣܿܒܪܝܢ ܗܘܘ ܒ̈ܢܝ ܒܝܬܗ ܕܗܿܘ ܪܒ ܚܝܠܐ ܕܩ̈ܝܡܢ ܐ̈ܢܝܢ. ܠܐ
                    ܓܝܪ ܫܼܒܩܘ ܐܢ̈ܝܢ ܕܡܕܡ ܢܛܥ̈ܡܢ. ܐܠܐ ܡܪܡܿܝܘ ܐܪܡܼܝܘ ܐܢܗܝܢ ܒܥܪܣܐ ܟܕ ܠܐ ܝ̈ܕܥܢ ܠܐܢܫ܆
                    ܥܕܡܐ ܠܗܿܘ ܝܘܡܐ ܕܐܬܼܐ ܫܠܝܚܐ ܠܬܡܿܢ ܀ ܀ ܘܐܡܼܪ ܫܠܝܚܐ ܠܚܕ ܡܢ ܗܿܢܘܢ ܥܪ̈ܕܐ ܕܟܕܝܢܝܢ ܡܢ
                    ܝܡܝܢܐ. ܕܥܘܠ ܠܓܘ ܕܪܬܐ ܘܟܕ ܩܐܿܡ ܐܢܬܼ. ܩܼܪܝ ܐܢܘܢ ܠܗܿܢܘܢ ܫ̈ܐܝܕܐ ܘܐܡܼܪ ܠܗܘܢ. ܕܐܡܿܪ
                    ܝܗܘܕܐ ܫܠܝܚܐ ܬܠܡܝܕܗ ܕܝܫܘܥ ܡܫܝܚܐ ܬܘ ܠܟܐ ܠܒܪ. ܡܛܘܠ ܕܡܛܠܬܟܘܢ ܗܘ ܐܿܫܬܠܚܬܼ. ܘܥܠ ܒ̈ܢܝ
                    ܫܪܒܬܟܘܢ܇ ܕܐܛܪܘܕܘܢ ܠܐܬܪܐ ܕܝܠܟܘܢ. ܥܠܕܐ ܡܿܛܐ ܙܒܢܐ ܕܫܘܠܡܐ. ܘܠܦܚܬܟܘܢ ܐܿܙܠܝܢ ܐܢܬܘܢ.
                    ܘܥܠ ܗܿܘ ܥܪܕܐ ܟܕ ܐܝܬ ܥܡܗ ܟܢܫܐ ܕܐܢܫܐ ܘܐܡܼܪ. ܠܟܘܢ ܐܡܿܪ ܐܢܬ ܒ̈ܥܠܕܒܒܐ ܕܐܢܫܘܬܐ. ܠܟܘܢ
                    ܐܡܿܪ ܐܢܐ ܡܥܡ̈ܨܝ ܥ̈ܝܢܝܗܘܢ ܡܢ ܢܘܗܪܐ ܕܠܐ ܢܚܼܙܘܢ. ܠܐ ܓܝܪ ܡܫܟܚ ܟܝܢܐ ܕܒܝܼܫܬܐ ܠܡܗܘܐ
                    ܒܛܒܬܐ. ܠܟܘܢ  244  ܐܡܿܪ ܐܢܐ ܝܠܼܕܐ ܕܓܗܢܐ
                    ܘܕܐܒܕܢܐ. ܒ̈ܢܘܗܝ ܕܗܿܘ ܕܠܐ ܡܫܿܬܠܐ ܠܗ ܥܕܡܐ ܠܝܘܡܢܐܿ. ܕܗܼܘ ܡܚܿܕܬ ܥܒܼ̈ܕܐ ܒ̈ܝܼܫܐ ܕܠܟܝܢܗ
                    ܝܐ̈ܝܢ. ܠܟܘܢ ܐܡܿܪ ܐܢܬ ܡܪ̈ܚܐܿ. ܐܒ̈ܕܝ ܒܐܝܼ̈ܕܝ ܢܦܫܗܘܢ. ܘܡܢܐ ܐܿܡܪ ܥܠ ܣܘܦܟܘܢ. ܠܐ ܝܿܕܥ
                    ܐܢܐ. ܘܡܢܐ ܐܿܫܬܥܐܼ ܠܐ ܡܫܟܚ ܐܢܐ. ܣܓܝܐܿܢ ܐܢ̈ܝܢ ܓܝܪ ܡܢ ܡܫܡܥܬܐܼ ܘܠܝܬ ܠܗܝܢ ܣܟܐ. ܟܡܐ
                    ܓܝܪ ܕܢܗܘܼܘܢ ܫ̈ܠܕܝܟܘܢ܆ ܙܥܘܪ̈ܝܢ ܐܢܘܢ ܡܢ ܦܘܪ̈ܥܢܝܟܘܢ. ܠܟ ܓܝܪ ܐܡܿܪ ܐܢܐ ܫܐܕܐܼ. ܘܠܒܪܟ
                    ܕܠܐ ܢܩܝܦ. ܗܫܐ ܓܝܪ ܥܠܝܟܘܢ ܗܘܐ ܿܫܬܕܪܬ ܠܟܐ. ܡܢܐ ܡܿܣܓܐ ܐܢܐ ܕܐܿܡܼܪ ܥܠ ܟܝܢܟܘܢ. ܐܢܬܘܢ
                    ܓܝܪ ܝܿܕܥܝܢ ܐܢܬܘܢ ܝܬܝܪ ܡܢܝ. ܘܡܡܪܚܝܢ ܐܢܬܘܢ. ܐܠܐ ܗܫܐ ܐܡܿܪ ܝܗܘܕܐ ܬܐܘܡܐ ܫܠܝܚܗ ܕܝܫܘܥ
                    ܡܫܝܚܐ : ܗܢܐ ܕܒܪ̈ܚܡܼܐ ܘܒܚܢܼܢܐ ܐܫܼܬܕܪ ܠܟܐܼ. ܬܐ ܦܘܩ ܠܘܬ ܐܘܟܠܘܣ ܗܢܐ ܕܗܐ ܩܐܿܡ ܗܪܟܐ.
                    ܘܐܡܼܪܘ ܠܝ ܡܢ ܐܝܢܐ ܐܢܬܘܢ ܓܢܣܐܼ ܘܒܗܿ ܒܫܥܬܐ ܢܦܩܼܬܿ ܐܢܬܬܐ ܗܿܝ ܘܒܪܬܗܿ. ܟܕ ܕܡ̈ܝܢ ܗ̈ܘܝ
                    ܠܡ̈ܝܼܬܬܐ ܘܡܦܪ̈ܣܝܢ ܘܡܨܥܪ̈ܢ. ܘܟܕ ܚܼܙܐ ܐܢ̈ܝܢ ܫܠܝܚܐ ܟܪܝܬܼ ܠܗ ܥܠܝܗܝܢܼ ܘܐܡܼܪ. ܠܐ ܗܘܐ
                    ܚܘܣܢܐ ܗܘܿܐ ܥܠܝܟܝܢ. ܡܛܠ ܗܢܐ ܐܦܠܐ ܠܡܚܣܢ ܝܿܕܥܝܢ ܐܢܬܘܢ. ܐܠܐ ܒܫܡܗ ܕܝܫܘܥ ܡܫܝܚܐ ܫܼܿܢܘ
                    ܡܢܗܝܢܼ ܘܥܠ ܓܒ̈ܝܗܝܢ ܩܘܡܘ. ܘܟܕ ܐܡܼܪ ܗܘܐ  245  ܗܕܐ ܡܠܬܐ ܫܠܝܚܐܼ. ܢ̈ܦܠܼܝ ܗ̈ܢܝܢ ܢܫ̈ܐܼ ܘܡܝܼܬܝ̈ ܠܗܝܢ. ܠܝܬ ܗܘܐ ܓܝܪ ܒܗܝܢ
                    ܢܫܡܼܬܐ ܘܐܦܠܐ ܩܠܐ ܝܗ̈ܒܢ ܗ̈ܘܝ. ܘܗܿܘ ܫܐܕܐ ܩܥܼܐ ܒܩܠܐ ܪܡܐ ܘܐܡܼܪ. ܬܘܒ ܐܬܝܼܬ ܠܟ ܡܟܣܢܗ
                    ܕܟܝܢܢ܆ ܬܘܒ ܐܬܝܬܼ ܠܟ ܠܟܐ ܡܘܒܕܢܗ ܕܓܢܣܢ܆ ܬܘܒ ܐܬܝܬܼ ܠܟ ܠܟܐ ܡܟܦܪܢܐ ܕܥܩ̈ܒܬܢ. ܘܐܝܟܢܐ
                    ܕܚܿܙܐ ܐܢܐ ܠܐ ܨܒܿܝܼܬ ܕܬܫܒܩܢ ܒܐܪܥܐ. ܠܐ ܓܝܪ ܡܫܟܚ ܐܢܬ ܒܗܢܐ ܙܒܢܐ ܗܕܐ ܠܡܥܒܕ ܠܢ.
                    ܘܐܣܬܿܟܠ ܝܗܘܕܐܼ. ܕܗܿܘ ܗܘ ܫܐܕܐ ܕܪܕܦ ܡܢ ܗܿܝ ܐܢܬܬܐ ܀ ܀ ܘܐܡܼܪ ܠܗ ܒܥܿ ܐܢܐ ܡܢܟ ܕܝܢܼ.
                    ܐܦܣ ܠܝ ܠܐܝܟܐ ܕܨܿܒܝܬ ܐܙܼܠ ܐܿܥܡܪ. ܘܐܿܩܒܠ ܡܢܟ ܦܘܩܕܢܐܼ. ܘܠܐ ܐܿܕܚܠ ܡܢ ܗܿܘ ܕܫܠܝܛ ܥܠܝ.
                    ܐܝܟܢܐ ܓܝܪ ܕܐܢܬ ܐܬܝܬ ܕܬܣܼܥܘܪ ܗܟܢܐ ܐܦ ܐܢܐ ܐܬ݀ܝܬ ܕܐܚܿܒܠ. ܘܐܝܟܢܐ ܕܐܢܬ ܐܠܐ ܡܫܿܠܡ
                    ܨܒܝܢܗ ܕܗܿܘ ܕܫܕܪܟ ܪܫܝܢܐ ܡܿܩܒܠ ܐܢܬܼ. ܗܟܢܐ ܐܦ ܐܢܐܿ. ܐܠܐ ܥܿܒܕ ܐܢܐ ܨܒܝܢܗ ܕܗܿܘ ܕܫܕܪܢܝ܇
                    ܩܕܡ ܙܒܢܐ ܠܟܝܢܢ ܐܿܙܠ ܐܢܐ. ܘܐܝܟܢܐ ܕܐܢ ܡܥܕܪ ܠܟ ܡܪܟ ܒܐܝܠܝܢ ܕܥܿܒܕ ܐܢܬܼ. ܐܦ ܠܝ ܡܿܣܡܟ
                    ܠܝ ܐܒܝ ܒܐܝܠܝܢ ܕܣܥܿܪ ܐܢܐ. ܘܐܝܟܢܐ ܕܠܟ ܡܿܛܝܒ ܠܟ ܒܐ̈ܢܐ ܐܝܠܝܢ ܕܫܿܘܝܢ ܕܢܥܡܼܪ ܒܗܘܢ܆
                    ܗܟܢܐ ܐܦ ܠܝ ܡܿܪܓܫ ܠܝ ܡܐ̈ܢܐ ܐܝܠܝܢ ܕܡܫܬܡܥܝܢ ܠܗܿ. ܐܿܣܥܘܪ ܒܗܘܢ ܨܒܝܢܗܼ. ܘܐܝܟܢܐ ܕܠܟ
                    ܙܐܿܢ ܠܟ ܘܡܦܪܢܣ.  246  ܘܠܐܝܠܝܢ ܕܡܫܬܡܥܝܢ
                    ܠܟܼ. ܗܟܢܐ ܐܦ ܠܝ ܡܛܓܢ ܘܡܫܬ݀ܢܕ ܒܝ. ܘܒܐܝܠܝܢ ܕܥܡܿܪ ܐܢܐ ܒܗܘܢ. ܘܐܝܟܢܐ ܕܠܟ ܝܿܗܒ ܐܓܪܐ
                    ܕܦܘܠܚܢܟ : ܗܿܢܘ ܕܝܢ ܚ̈ܝܐ ܕܠܥܠܡܼ. ܘܐܦ ܠܝ ܝܿܗܒ ܦܘܪܥܢܐ ܕܥܿܒ̈ܕܝ ܐܒܕܢܐ ܕܠܥܠܡ. ܘܐܝܟܢܐ
                    ܕܐܢܬ ܡܬܬܢܝܚ ܐܢܬ ܒܨܠܘܬܟ ܘܒܥܿܒ̈ܕܝܟ ܛ̈ܒܐ. ܘܐܘܟܪܣܛܝܐ ܘܒܬܫ̈ܒܚܬܐ ܘܒܡܙܡܘܪ̈ܐ ܘܒܡܕܪ̈ܫܐ
                    ܕܝܠܗܼ. ܗܟܢܐ ܐܦ ܐܢܐ ܡܬܬܢܝܚ ܐܢܐ ܒܩܛܠܐ ܘܒܓܘܪܐ ܘܒܕܒ̈ܚܐܿ. ܘܒ̈ܢܘܩܝܐ ܕܚܡܪܐ ܕܥܠ ܥ̈ܠܘܬܐ.
                    ܘܐܝܟܢܐ ܕܐܢܬ ܡܿܦܼܢܝܬ ܠܒ̈ܢܝܢܫܐ ܠܚ̈ܝܐ ܕܠܥܠܡܼ. ܗܟܢܐ ܐܦ ܐܢܐ ܡܿܦܢܐ ܐܢܐ ܠܒ̈ܢܝܫܢܐ ܠܝ܇
                    ܠܐܒܕܢܐ ܘܠܬܫܢܝܩܐ ܕܠܥܠܡ. ܘܐܢܬ ܡܿܩܒܠ ܐܢܬ ܐܓܪܐ ܕܝܠܟܼ ܘܐܢܐ ܕܝܠܝ ܀ ܀ ܘܟܕ ܗܠܝܢ ܐܡܼܪ ܗܘܐ
                    ܫܐܕܐ ܗܿܘ. ܐܡܼܪ ܫܠܝܚܐ ܠܟ ܘܠܒܪܟ ܐܡܿܪ ܝܫܘܥ ܒܐܝܼ̈ܕܝ܆ ܕܬܘܒ ܠܝܬܒܐ ܕܒ̈ܢܝܫܢܐ ܠܐ ܬܥܘܠܘܢ.
                    ܐܠܐ ܙܠܘ ܥܡܼܪܘ ܠܒܪ ܡܢ ܝܬܒܐ ܟܠܗ ܕܒ̈ܢܝܢܫܐ.. ܘܐܡܿܪܝܢ ܠܗ ܗܿܢܘܢ ܫ̈ܐܕܐ ܚܢܢ ܗܐ ܐܿܙܠܝܢ
                    ܐܝܟ ܕܦܩܕܬ ܠܢ. ܡܢܐ ܕܝܢ ܥܿܒܕ ܐܢܬ ܠܗܿܢܘܢ ܐܝܠܝܢ ܕܡܢܟ ܟܣܝܢ ܐܢܘܢܿ. ܘܡܐܿܗܢܝܗܘܢ ܒܗܘܢ
                    ܚܿܕܝܢ ܝܬܝܪ ܡܢܟ܇ ܗܿܢܢ ܐܝܠܝܢ ܕܣ̈ܓܝܐܐ ܣܓܿܕܝܢ ܠܗܘܢ. ܘܥܿܒܝܕܢ ܨܒܝܢܗܘܢ ܟܕ ܡܕܒܚܝܢ ܠܗܘܢܿ.
                         247  ܘܟܕ ܡܢܩܝܢ ܠܗܘܢ ܚܡܪܐ. ܘܟܕ
                    ܡܩܪܒܝܢ ܠܗܘܢ ܩܘܪ̈ܒܢܐ ܀ ܀ ܐܡܿܪ ܫܠܝܚܐ. ܘܐܦ ܗܿܢܘܢ ܒܚܪܬܐ ܣܝܿܦܝܢ ܥܡ ܕܚ̈ܠܝܗܘܢ. ܘܐܬܒܥܝܘ
                    ܗܿܢܘܢ ܫ̈ܐܕܐ ܘܠܐ ܐܫܬܟܚܘ. ܗ̈ܢܝܢ ܕܝܢ ܢܫ̈ܐ ܫܼ̈ܕܝܢ ܗ̈ܘܝ ܐܝܟ ܕܡ̈ܝܬܬܐ ܕܠܐ ܡܠܬܐ. ܘܐܦ
                    ܥܪ̈ܕܐ ܗܿܢܘܢ ܩܿܝܡܝܢ. ܗܘܘ ܚܕ ܠܘܬ ܚܒܪܗܼ. ܘܠܐ ܡܿܫܢܝܢ ܗܘܘ ܚܕ ܡܢ ܠܘܬ ܚܕ. ܐܠܐ ܚܕ ܗܿܘ
                    ܕܐܬ݀ܝܗܼܒܬ ܠܗ ܡܠܬܐ ܒܚܝܠܐ ܕܡܪܢ. ܩܐܿܡ ܗܘܐ ܠܗܠ ܡܢ ܗܿܢܘܢ ܚܒܪ̈ܘܗܝ܆ ܘܟܕ ܟܠܗܘܢ ܐܢܫܐ
                    ܫܬܝܩܢ ܗܘܘ ܘܚܿܝܪܝܢ ܒܗ ܕܢܚܼܙܘܢܼ ܡܢܐ ܥܿܒܕ ܫܠܝܚܐ. ܚܼܪ ܗܿܘ ܥܪܕܐ ܒܟܠܗܘܢ ܘܐܡܼܪ ܠܝܗܘܕܐ.
                    ܡܢܐ ܩܐܿܡ ܐܢܬ ܘܒܛܝܠ ܐܢܬ ܫܠܝܚܗ ܕܡܪܝܡܐ. ܕܗܐ ܦܪܩܠܝܛܐ ܩܐܿܡ ܠܟ ܘܚܪܐ ܕܬܫܐܠܝܘܝ ܢܬܠ ܠܟ.
                    ܡܢܐ ܡܬܬܗܐ ܐܢܬ ܬܠܡܝܕܐ ܛܿܒܐܿ. ܕܗܐ ܪܒܟ ܨܿܒܐ ܪ̈ܘܪܒܬܐ ܒܐܝܼ̈ܕܝܟ ܠܡܚܿܘܝܘ. ܡܢܐ ܩܐܿܡ ܐܢܬ
                    ܟܪܘܙܗ ܕܟܣܝܐܿ. ܕܗܐ ܪܒܟ ܨܿܒܐ ܕܟܣܝܘܬܗ ܒܐܝܼ̈ܝܕܝܟ ܢܒܼܿܕܩ. ܠܐܝܠܝܢ ܕܫܿܘܝܢ ܠܗ ܕܢܫܼܡܥܘܢ
                    ܐ̈ܢܝܢ. ܡܢܐ ܫܿܠܐ ܐܢܬ ܥܿܒܕ ܪ̈ܘܪܒܬܐ ܒܫܡܗ ܕܡܪܗ܇ ܕܗܐ ܡܪܟ ܩܐܿܡ ܘܡܿܠܒܒ ܠܟ ܠܐ ܕܬܕܚܠ. ܠܐ
                    ܓܝܪ ܡܪܦܐ ܠܟ. ܘܠܐ ܫܒܩܐ ܐܠܗܘܬܗ ܠܐܢܫܘܬܟ ܕܬܟܼܪܐ ܠܗܿ. ܫܪܐ ܗܠܝܟ ܠܡܩܪܝܗ ܘܗܼܘ ܥܿܢܐ ܠܟ..
                    ܐܝܟ ܕܡܥܕ ܒܟܠܙܒܢ. ܡܢܐ  248  ܐܚܝܕ ܠܟ
                    ܬܡܗܐ ܥܠ ܣܘܥܪ̈ܢܘܗܝ ܣ̈ܓܝܐܐ.. ܗܠܝܢ ܓܝܪ ܙܥܘܪ̈ܝܬܐ ܐܢ̈ܝܢ ܕܚܼܿܘܝ ܒܐܝܼ̈ܕܝܟ. ܘܐܢ ܗܼܘ
                    ܕܬܫܬܥܐ ܥܠ ܣܘܓܐܐ ܕܡ̈ܘܗܒܬܗܼ. ܠܐ ܡܫܟܚ ܐܢܬ ܕܬܘܦܐ ܐܢ̈ܝܢ. ܡܢܐ ܡܬܕܡܪ ܐܢܬ ܥܠ ܐܣ̈ܘܬܗ ܗܠܝܢ
                    ܦܓܪ̈ܢܝܬܐ ܕܡܫܬܪ̈ܝܢ ܠܗܝܢ. ܟܕ ܗܼܝ ܐܣܝܘܬܗ ܠܐ ܡܫܬܪܝܐ ܕܩ̈ܢܝܢܘܗܝ ܥܿܗܕܐ ܐܢܬ. ܡܢܐ ܡܬܒܩܐ
                    ܐܢܬ ܒܚ̈ܝܐ ܗܠܝܢ ܕܙܒܢܐܿ. ܘܥܠ ܚܗܝܐ ܕܠܥܠܡ ܗܐ ܟܠܝܘܡ ܡܬܚܫܒ ܐܢܬ. ܠܟܘܢ ܕܝܢ ܐܡܿܪ ܐܢܐ
                    ܟܢ̈ܫܐ ܐܝܠܝܢ ܕܗܐ ܩܿܝܡܝܢ ܘܡܿܣܟܝܢ ܕܢܚܼܙܘܢ ܠܗܠܝܢ ܕܗܐ ܪ̈ܡܝܢ ܕܢܩ̈ܘܡܢ. ܗܝܡܢܘ ܠܡܠܦܢܐ
                    ܕܩܘܫܬܐ. ܘܗܝܡܢܘ ܠܡܚܘܝܢܐ ܕܫܪ̈ܝܪܬܐ. ܗܝܡܢܘ ܠܡܓܠܝܢܐ ܕܟ̈ܣܝܬܐ. ܗܝܡܢܘ ܠܡܒܕܩܢܐ ܕܚܗܝܐ..
                    ܗܝܡܢܘ ܠܫܠܝܚܗ ܕܒܪܐ ܒܚܝܪܐ ܝܫܘܥ ܡܫܝܚܐܿ. ܗܿܘ ܕܐܬܝܠܕ ܕܐܝܼ̈ܠܝܕܐ ܒܝܼܠܕܗ ܢܚܼܘܢܿ. ܘܐܬܪܒܝ
                    ܕܬܪܒܝܬܐ ܡܫܠܡܢܝܬܐ ܒܗ ܬܬܚܼܙܐ. ܘܥܠ ܠܒܝܬ ܣܦܪ̈ܐܼ. ܕܒܗ ܚܟܡܬܐ ܓܡܝܪܬܐ ܬܬܝܕܥ. ܐܠܦܼܗ
                    ܠܣܿܦܪܗܼ ܡܛܠ ܕܡܠܦܢܐ ܗܘܐ ܕܩܘܫܬܐܼ ܘܪܒܗܘܢ ܗܘ ܕܚܟܝ̱̈ܡܐ. ܐܙܼܠ ܠܗܝܟܠܐ ܘܩܿܪܒ ܩܘܪܒܢܐ.
                    ܕܢܚܼܙܘܢ ܕܟܠܗܘܢ ܩܘܪ̈ܒܢܐ ܒܗ ܗܘ ܡܬܩܕܫܝܢ. ܗܿܢܘ ܫܠܝܚܗ ܕܗܿܘ. ܗܿܢܘ ܫܠܝܚܐ ܕܫܪܪܐ. ܗܿܢܘ
                    ܕܥܿܒܕ ܨܒܝܢܐ ܕܡܿܢ ܕܫܕܪܗ. ܢܗܘܼܐ ܕܝܢ ܙܒܢܐܼ. ܕܢܐܬܘܢ ܫ̈ܠܝܚܐ ܕܓ̈ܠܐܼ ܘܢܒ̈ܝܐ ܕܟܕܒܘܬܐ.
                    ܗܿܢܘܢ ܕܚܪܬܗܘܢ ܐܝܟ ܥܿܒ̈ܕܝܗܘܢ. ܗܿܢܘܢ ܕܐܡܿܪܝܢ ܠܟܘܢ  249  ܐܙܕܗܪܘ ܡܢ ܚ̈ܛܗܐ. ܟܕ ܗܼܢܘܢ ܒܟܠܙܒܢ
                    ܚ̈ܛܗܐ ܡܡܠܠܝܢ. ܗܿܢܘܢ ܕܠܒܝܼܫܝܢ ܠܒܘܫܐ ܕܐܡܼ̈ܪܐ. ܘܡܢ ܠܓܘ ܐܝܬܝܗܘܢ ܕܐܒ̈ܐ ܚ̈ܛܘܦܐ. ܗܿܢܘܢ
                    ܕܚܐ ܐܢܬܬܐ ܠܐ ܫܿܩܠܝܢ ܢܡܘܣܐܝܬ. ܒܡ̈ܠܝܗܘܢ ܕܝܢ ܘܒܥܿܒ̈ܕܝܗܘܢ ܢܫ̈ܐ ܣ̈ܓܝܐܬܐ ܡܚܿܒܠܝܢ.
                    ܗܿܢܘܢ ܕܒ̈ܢܝܐܼ ܠܐ ܡܿܘܠܕܝܢ. ܒ̈ܢܝܐ ܕܝܢ ܣܓ̈ܝܐܐ ܡܚܿܒܠܝܢ ܘܥܝܪܬܗܘܢ ܝܿܗܒܝܢ. ܗܿܢܘܢ ܕܥܝܝܩܐ
                    ܠܗܘܢ ܒܢܝܿܚܐ ܕܐܚܪ̈ܢܐ. ܒܥܩܬܗܘܢ ܡܬܬܢܝܚܝܢ. ܗܿܢܘܢ ܕܠܐ ܣܿܦܩ ܠܗܘܢ ܡܕܡ ܕܩܼܢܝܢ. ܐܠܐ ܪܓܿܐ
                    ܠܗܘܢ ܕܟܠܗܝܢ ܨ̈ܒܘܬܐ ܠܗܘܢ ܗܼ̈ܘܝ ܡ̈ܫܡܫܢ ܘܡܫܬܒܗܪܝܢ ܒܗܝܢ ܘܡܣܬܒܪܝܢ ܐܝܟ ܕܬܠܡ̈ܝܕܐ
                    ܕܡܫܝܚܐ. ܗܿܢܘܢ ܕܒܦܘܡܗܘܢ ܚܕܐܼ ܘܒܠܒܗܘܢ ܐܚܪܬܐ. ܗܿܢܘܢ ܕܡܿܠܦܝܢ ܕܗܘܼܝܬܘܢ ܡܙܕܗܪܝܢ ܡܢ
                    ܣ̈ܢܝܬܐܼ. ܘܗܼܢܘܢ ܐܦܠܐ ܚܕܐ ܫܦܝܪܬܐ ܣܥܿܪܝܢ. ܗܿܢܘܢ ܕܣܼܢܐ ܩܕܡܝܗܘܢ ܓܝܪܘܐ ܘܓܢܒܘܬܐܿ.
                    ܘܥܠܘܒܘܬܐ ܘܝܥܢܘܬܐ. ܘܒܗܘܢ ܕܝܠܗܘܢ ܟܣܝܐܝܬ ܟܠܗܝܢ ܡ̈ܫܬܡܫܢ. ܘܡܿܠܦܝܢ ܕܗܠܝܢ ܐܢܫ ܠܐ ܢܣܥܘܪ܀
                    ܘܟܕ ܐܡܼܪ ܗܠܝܢܼ. ܥܪ̈ܕܐ ܟܠܗܘܢ ܒܗ ܚܿܝܪܝܢ ܗܘܘ. ܘܟܕ ܫܬܩ ܠܗ ܐܡܼܪ ܝܗܘܕܐ. ܡܢܐ ܐܬ݀ܚܿܫܒ ܥܠ
                    ܥܒܼܕܟ ܝܫܘܥ. ܘܐܟܝܢܐ ܐܿܡܪܟ ܠܐ ܝܿܕܥ ܐܢܐ ܀ ܐܘ̃ ܒܣܝܡܐ ܘܫܬܝܩܐ ܘܢܝܚܐ ܘܡܡܠܠܢܐ ܚܿܙܐ ܕܒܠܒ
                    ܘܓܐܿܫ ܕܒܬܪܥܝܬܐ ܀ ܫܘܒܚܐ ܠܟ ܚܿܢܢܐ ܀ ܫܘܒܚܐ ܠܟ ܡܐܡܪܐ ܚܝܐ ܀ ܫܘܒܚܐ ܠܟ ܟܣܝܐ ܕܣܓܿ
                    ܕܡܼ̈ܘܬܐ ܀ ܫܘܒܚܐ ܠܪ̈ܚܡܼܝܟ  250  ܕܐܫܦܼܥܘ
                    ܥܠܝܢ ܀ ܀ ܫܘܒܚܐ ܠܚܢܼܢܟ ܕܗܘܼܐ ܥܠܝܢ ܀ ܫܘܒܚܐ ܠܪܒܘܬܟ ܕܡܛܠܬܢ ܙܥܪܬ ܀ ܀ ܫܘܒܚܐ ܠܪܡܘܬܟ
                    ܕܡܠܛܬܢ ܐܬܡܟܼܟܬܿ ܀ ܫܘܒܚܐ ܠܚܠܬܢܘܬܟ ܕܡܛܠܬܢ ܐܬܡܚܼܠܬܿ. ܀ ܫܘܒܚܐ ܠܐܠܗܘܬܟ ܕܡܛܠܬܢܼ
                    ܠܐܢܫܘܬܢ ܠܒܫܬ ܀ ܫܒܘܚܐ ܠܐܢܫܘܬܟ ܕܡܛܠܬܢܼ ܐܬܚܼܕܬܬ. ܘܡܛܠ ܕܠܢ ܬܚܼܐܼ ܡܝܼܬܬ ܀ ܀ ܫܘܒܚܐ
                    ܠܩܝܼܡܬܟ ܕܡܢ ܒܝܬ ܡ̈ܝܼܬܐ. ܕܩܝܼܡܬܐ ܘܢܘܚܡܬܐ ܗܘܼܬ ܠܢ ܀ ܫܘܒܚܐ ܠܡܣܩܬܟ ܕܠܫܡܝܐܿ. ܕܒܗܿ
                    ܐܘܪܚܐ ܕܪܫܼܬ ܠܢ ܠܪܘܡܐ. ܘܐܫܼܬܘܕܝܬ ܘܝܡܼܝܬ ܠܢ ܕܥܠ ܝܡܢܐ ܘܥܠ ܣܡܠܐ ܢܬܼܒ܆ ܘܥܡܟ ܕܝܿܢ̈ܐ
                    ܢܗܘܼܐ. ܐܢܬ ܡܐܡܪܐ ܕܫܡܝܐ. ܐܢܬ ܗܘ ܢܘܗܪܐ ܟܣܝܐ ܕܪܬܥܝܬܐ ܘܥܢܘܝܘܬܐ ܕܐܘܪܚܐ ܕܫܪܪܐ. ܪܕܘܦܐ
                    ܕܚܫܘܟܐ ܘܡܣܚܦܢܗܿ ܕܛܘܥܝܝ ܀ ܘܟܕ ܗܠܝܢ ܐܡܼܪ ܫܠܝܚܐܼ. ܐܬܼܐ ܘܩܡ ܠܥܠ ܡ̈ܢܗܝܢ ܕܗ̈ܢܝܢ ܢܫ̈ܐ
                    ܕܪܡܿܝܢ ܗ̈ܘܝܼ ܘܐܡܼܪ. ܡܪܝ ܘܐܠܗܝ ܝܫܘܥ ܡܫܝܚܐܼ. ܠܐ ܡܬܦܠܓ ܐܢܐ ܥܠܝܟ. ܐܠܐ ܩܿܪܐ ܐܢܐ ܠܟ
                    ܐܝܟ ܕܒܟܠܙܒܢ ܡܥܕܪ ܐܢܬ ܠܢ ܘܡܣܡܟ ܐܢܬ ܠܢ ܘܡܠܒܒ ܐܢܬ ܠܢ. ܝܗܿܒ ܦܪܪܝܣܝܐ ܘܚܕܘܬܐ ܠܥܒܼܕܗ
                    ܘܫܠܝܚܗ. ܢܬܐ̈ܣܝܢ ܘܢܩ̈ܘܡܢ ܗܠܝܢܼ. ܘܢܗ̈ܘܼܝܢ ܐܝܟ ܕܐܝܬܝ̈ܗܝܢ ܗ̈ܘܝ  251  ܥܕܠܐ ܢܬܡ̈ܚܼܝܢ ܗ̈ܘܝ ܡܢ ܫܐ̈ܕܐ. ܘܟܕ
                    ܐܡܼܪ ܗܠܝܢܼ. ܗ̈ܢܝܢ ܢܫ̈ܐܼ. ܐܬܗܦܼܟ ܘܝܬܒܼ̈ܝ. ܟܕ ܚ̈ܠܝܡܢ ܀ ܘܦܩܼܕ ܝܗܘܕܐ ܠܪܒ ܚܝܠܐ ܗܿܘܼ.
                    ܕܢܣܒܼܘܢ ܥܒܼ̈ܕܘܗܝ ܘܢܥܼܠܘܢ ܐ̈ܢܝܢ ܘܢܬܠܘܢ ܠܗܝܢ ܕܢܣܬܝܒܪܗܢ. ܠܐ ܓܝܪ ܛܥܼܝܡ ܗܘܐ ܠܗܝܢ
                    ܝܘ̈ܡܬܐ ܣܓ̈ܝܐܐ. ܘܕ ܫܩܠܘ ܐܥܠܘ ܐܢ̈ܝܢ ܠܓܘܼ. ܐܡܼܪ ܠܥܪ̈ܕܐ ܗܿܢܘܢ. ܬܘ ܒܬܪܝ. ܘܐܬ݀ܝܢ ܗܘܘ
                    ܒܬܪܗ. ܥܕܡܐ ܕܐܦܩ ܐܢܘܢ ܠܒܪ ܡܢ ܬܪܥܐ. ܘܟܕ ܢܦܩܘ ܠܒܪ ܐܡܪ ܠܗܘܢ. ܙܠܘ ܒܫܿܠܡܐ ܠܐܪܥܝܬܟܘܢ.
                    ܘܗܼܢܘܢ ܥܪ̈ܕܐ ܒܗܝܠܐܝܬ ܐܿܙܠܝܢ ܗܘܘ. ܘܫܠܝܚܐ ܩܐܿܡ ܗܘܐ ܘܚܐܿܪ ܒܗܘܢܼ. ܕܕܠܡܐ ܐܢܫ ܡܿܗܪ
                    ܠܗܘܢ. ܥܕܡܐ ܕܐܒܥܕܘ ܗܘܘ ܡܢ ܚܙܬܗܿ. ܘܠܐ ܡܬܚܙܝܢ ܗܘܘ ܠܗ܀ 
            

            
                [ܫܠܼܡܬܿ ܦܪܟܣܝܣ ܕܫܒܥ.]
            

            
                Eighth Act
                [ܬܘܒ ܦܪܟܣܝܣ ܕܬܡܢܐ.]
                ܘܗܦܼܟ ܗܘܐ ܝܗܘܕܐ ܡܢܗܘܢ. ܘܠܒܝܬܗ ܕܗܿܘ ܪܒ ܚܝܠܐ ܐܙܼܠ ܗܘܐ. ܘܟܢܫܐ ܣܓܝܐܐ ܥܡܗ. ܓܼܕܫ ܕܝܢ
                    ܐܢܬܬܐ ܚܕܐ ܕܩܪܝܒܗ ܕܡܿܠܟܐܼ. ܫܡܗܿ
            

            
                
                     252  ܗܘܐ ܡܓܕܘܢܝܐܼ. ܐܬܼܬ ܗܘܬ ܠܡܚܙܐ
                    ܚܙܘܐ ܚܼܕܬܐ ܕܐܠܗܐ ܚܼܕܬܐ ܕܡܬܼܟܪܙ. ܘܠܫܠܝܚܐ ܚܼܕܬܐ ܕܐܬܼܐ ܠܐܬܪܗܘܢ. ܘܒܟܘܪܣܝܐ ܝܿܬܒܐ ܗܘܬ.
                    ܘܥܒܼ̈ܕܝܗܿ ܫܩܝܠܝܢ ܗܘܘ ܠܗܿ. ܘܡܛܠ ܚܒܨܐ ܣܓܝܐܐ ܕܐܝܬ ܗܘܐ. ܠܐ ܡܿܨܝܢ ܗܘܘ ܡܿܥܠܝܢ ܠܗܿ
                    ܠܘܬܗ. ܘܫܼܕܪܬ ܠܘܬ ܒܥܠܗܿ ܘܫܕܪ ܠܗܿ ܕܪ̈ܓܘܗܝ. ܘܐܬ݀ܝܢ ܗܘܘ ܩܕܡܝܗܿ ܘܚܒܨܝܢ ܗܘܘ ܠܐܢܫܐ.
                    ܘܚܼܙܐ ܐܢܘܢ ܫܠܝܚܐ ܘܐܡܼܪ ܠܗܘܢ. ܡܢܐ ܡܿܣܚܦܝܢ ܐܢܬܘܢ ܠܗܿܢܘܢ ܕܐܬ݀ܝܢ ܠܡܼܫܡܥ ܡܠܬܐܿ. ܘܐܦ
                    ܡܬ݀ܚܦܛܝܢ ܐܢܬܘܢ ܕܢܥܼܒܪܘܢ. ܘܐܢܬܘܢ ܨܿܒܝܢ ܐܢܬܘܢ ܕܬܐܬܘܢ ܠܘܬܝ܇ ܟܕ ܣܓܿܝ ܪܚܝܩܝܢ ܐܢܬܘܢ.
                    ܘܐܡܼܪ ܗܘܐ ܓܝܪ ܡܪܢ ܠܗܿܢܘܢ ܟܢ̈ܫܐ ܕܐܬ݀ܝܢ ܗܘܘ ܠܘܬܗܼ. ܕܐ̈ܕܢܐ ܐܝܬ ܠܟܘܢ ܘܠܐ ܫܡܿܥܝܢ
                    ܐܢܬܘܢ. ܘܥܝ̈ܢܐ ܐܝܬ ܠܟܘܢ ܘܠܐ ܚܿܙܝܢ ܐܢܬܘܢ. ܘܬܘ ܠܘܬܝ ܟܠܟܘܢ ܠܐ̈ܝܐ ܘܫܩ̈ܝܠܝܢ ܡ̈ܘܒܠܐ
                    ܘܐܢܐ ܐܢܝܚܟܘܢ. ܘܚܼܪ ܗܘܐ ܒܗܿܢܘܢ ܓܒܪ̈ܐ ܘܐܡܼܪ. ܗܫܐ ܛܘܒܐ ܕܠܗܿܢܘܢ ܐܬܝܗܒܼ. ܠܟܘܢ ܗܘ
                    ܕܛܥܝܢܝܢ ܐܢܬܘܢ ܐܣܬܩܒܠ. ܐܢܬܘܢ ܗܘ ܓܝܪ ܕܫܩܝܠܝܢ ܐܢܬܘܢ ܡܘܒ̈ܠܐ ܝܩܝܪ̈ܬܐ. ܘܒܦܘܩܕܢܗܿ ܡܕܒܪܐ
                    ܠܟܘܢ. ܐܢܬܘܢ ܟܕ ܐܠܗܐ  253  ܒ̈ܢܝܢܫܐ
                    ܥܒܼܕܟܘܢ. ܒ̈ܢܝ ܐܢܫܐ ܐܝܟ ܕܠܚ̈ܝܘܬܐ ܡܛܥܢܝܢ ܠܟܘܢ ܛܥܢܐ ܝܬܝܪܐ. ܘܣܒܪܝܢ ܒܪ̈ܥܝܢܝܗܘܢ ܗܿܢܘܢ
                    ܕܫܩܝܠܝܢ ܥܠܝܟܘܢ܆ ܕܠܐ ܗܘܝܬܘܢ ܒ̈ܢܝܢܫܐ ܐܟܘܬܗܘܢ. ܘܠܐ ܝܿܕܥܝܢ ܕܟܠܗܘܢ ܒܢ̈ܝܢܫܐ ܩܕܡ ܐܠܗܐ
                    ܫܘܝܢ ܐܢܘܢ. ܐܢ ܥܒܼ̈ܕܐ ܘܐܢ ܒ̈ܢܝ ܚܐܪ̈ܐ ܐܢܘܢ. ܘܟܐܝܢ ܗܘ ܕܝܢܼܐ ܕܐܠܗܐ ܕܐܿܬܐ ܥܠ ܟܠܗܝܢ
                    ܢܦܫ̈ܬܐ ܕܥܠ ܐܪܥܐ. ܘܠܐ ܐܢܫ ܡܬܦܠܛ ܡܢܗ. ܠܐ ܥܒܼ̈ܕܐ ܘܠܐ ܒ̈ܢܝ ܚܐܪ̈ܐ. ܘܠܐ ܥܬܝܪ̈ܐ ܘܠܐ
                    ܡ̈ܣܟܢܐ. ܘܠܐ ܐܝܠܝܢ ܕܐܝܬ ܠܗܘܢ ܡܗܢܐ ܠܗܘܢ ܡܕܡ. ܘܠܐ ܐܝܠܝܢ ܕܚܣܝܪ ܠܗܘܢ ܡܦܨܝܐ ܠܗܘܢ
                    ܡܣܼܟܢܘܬܗܘܢ ܡܢ ܗܢܐ ܕܝܢܼܐ. ܘܠܐ ܓܝܪ ܐܬܦܿܩܕܢ ܕܢܥܼܒܕ ܡܕܡ ܕܠܐ ܡܫܟܚܝܢܢ ܠܡܥܒܕܗ. ܘܠܐ
                    ܛܥ̈ܢܐ ܝܩܝܪ̈ܐ ܠܡܣܒ ܐܢܘܢ. ܘܠܐ ܕܢܒܼܢܐ ܒ̈ܢܝܢܐ ܐܝܠܝܢ ܕܢܓܪ̈ܐ ܒܿܢܝܢ ܠܗܘܢ ܒܚܟܡܬܐ. ܘܠܐ
                    ܛ̈ܥܢܐ ܕܦܣ̈ܝܠܬܐ ܐܝܠܝܢ ܕܦܣ̈ܘܠܐ ܝܿܕܥܝܢ ܠܗܿ ܠܐܘܡܢܘܬܗܘܢ. ܐܠܐ ܡܕܡ ܕܡܿܨܼܝܢܢ ܕܢܥܼܒܕ.
                    ܕܗܘܼܝܢ ܙܗܝܪܝܢܢ ܡܢ ܓܘܪܐܿ. ܪܝܫܐ ܕܟܠܗܝܢ ܒܝܼ̈ܫܬܐ. ܘܡܢ ܩܛܠܐ ܕܒܥܠܬܗ ܕܠܘܛܬܐ ܥܠ ܩܐܝܢ
                    ܐܬܬ. ܘܡܢ ܓܢܒܘܬܐ ܕܠܝܗܘܕܐ ܣܟܪܝܘܟܐ ܠܡܚܢܘܩܝܬܐ ܐܝܬܝܬܗ. ܘܡܢ ܐܣܘܛܘܬܐ ܕܠܥܝܣܘ ܡܢ ܒܘܟܪܘܬܗ
                    ܕܐܪܚܩܬܗ. ܘܡܢ ܝܥܢܘܬܐ ܕܡܿܢ ܕܠܗܿ ܡܬܪܡܐܼ ܠܐ ܒܚܿܪ ܡܢܐ ܥܿܒܕ. ܘܡܢ ܫܘܒܗܪܐ ܣܪܝܩܐ ܘܡܢ
                    ܡܐܟܠܩܪܨܐ ܕܚܒܿܠܐܼ. ܘܡܢ  254  ܣܘܥܪ̈ܢܐ
                    ܒ̈ܝܼܫܐܼ. ܘܡܢ ܥܿܒ̈ܕܐ ܕܒܗܬܬܐ. ܘܡܢ ܫܘܬܦܘܬܐ ܣܢܝܬܐܼ. ܘܡܢ ܡܫܟܒܐ ܕܛܢܦܘܬܐ. ܕܒܗ ܗܝ
                    ܡܚܝܒܘܬܐ ܕܠܥܠܡ. ܘܗܼܝ ܗܝ ܕܕܒܪܐ ܠܪ̈ܡܐ ܒܩܛܝܪܐܿ. ܘܪܡܝܐ ܠܗܘܢ ܠܥܘܡܩܐ ܬܚܬܝܐܿ. ܘܥܿܒܕܐ
                    ܠܗܘܢ ܬܚܝܬ ܐܝܼܕܗܿ. ܕܠܐ ܢܒܚܪܘܢ ܡܢܐ ܥܿܒܕܝܢ. ܘܕܢܗܘܼܘܢ. ܥܿܒ̈ܕܝܗܘܢ ܟܣܝܢ ܡܢܗܘܢ. ܐܠܐ
                    ܫܡܥܘܢܝ ܐܢܬܘܢ. ܘܐܬܕܒܿܪܘ ܒܩܕܝܫܘܬܐ. ܕܗܕܐ ܗܝ ܓܒܝܐ ܩܕܡ ܐܠܗܐ ܛܿܒ ܡܢ ܟܠܗܝܢ ܛܒ̈ܬܐ.
                    ܘܒܥܢܘܝܘܬܐ. ܗܕܐ ܓܝܪ ܥܢܝܢܐ ܕܥܡ ܐܠܗܐ ܡܚܿܘܝܐ. ܘܚ̈ܝܐ ܕܠܥܠܡ ܝܗܒܐ. ܘܠܡܿܘܬܐ ܒܿܣܪܐ. ܘܐܦ
                    ܒܡܟܝܟܘܬܐ ܐܬܕܒܪܘ. ܗܕܐ ܓܝܪ ܥܡ ܟܠܡܕܡ ܐܬܬܩܠܬ. ܘܗܼܝܝ ܢܛܠܬ ܘܙܟܬ ܘܫܩܠܬ ܟܠܝܠܐ. ܘܒܒܣܝܡܘܬܐ
                    ܘܒܡܫܘܫܛܘܬ ܐܝܼܕܐ ܕܡ̈ܣܟܢܐ ܘܒܡܡܠܝܘܬ ܚܣܝܪ̈ܘܬܐ ܕܣ̈ܢܝܩܐ. ܝܬܝܪܐܝܬ ܕܝܢ ܒܩܕܝܫܘܬܐ ܘܿܠܐ
                    ܠܟܘܢ ܠܡܬܕܒܪܘ. ܗܕܐ ܗܝ ܓܝܪ ܓܒܝܐ ܩܕܡ ܐܠܗܐ. ܘܗܕܐ ܗܝ ܕܡܥܠܐ ܠܚ̈ܝܐ ܕܠܥܠܡ. ܘܗܕܐ ܗܝ ܓܝܪ
                    ܪܝܫܐ ܕܟܠܗܝܢ ܛܒ̈ܬܐ. ܘܒܗܿ ܗܘ ܡܣܬܥܪܝܢ ܟܠܗܘܢ ܥܿܒ̈ܕܐ ܫܦܝܪ̈ܐ. ܡܿܢ ܓܝܪ ܕܠܐ ܡܬܩܿܕܫ܆ ܡܕܡ
                    ܫܦܝܪܐ ܠܐ ܡܫܟܚ ܠܡܥܒܕ. ܟܠܗܝܢ ܓܝܪ ܛܒ̈ܬܐܼ. ܒܬܪܗܿ ܐܢ̈ܝܢ ܕܗܕܐ ܩܕܝܫܘܬܐ. ܘܡܢ ܐܠܗܐ ܓܝܪ
                    ܐܬܚܙܝܬ ܩܕܝܫܘܬܐ. ܠܒܝܼܫܐ ܐܣܝܦܬ. ܩܕܝܫܘܬܐ ܠܐܠܗܐ ܫܦܪܬ. ܡܛܠ ܗܢܐ ܡܢ ܪܕܬ. ܩܕܝܫܘܬܐܼ  255  ܐܬܠܝܛܐ ܗܝ ܕܠܐ ܡܙܕܟܐ. ܩܕܝܫܘܬܐ
                    ܫܪܪܐ ܗܝ ܕܠܐ ܙܐܥܿ. ܩܕܝܫܘܬܐ ܡܓܕܠܐ ܗܝ ܕܠܐ ܢܿܦܠ. ܩܕܝܫܘܬܐ ܠܐܠܗܐ ܫܼܘܬ ܕܬܗܘܼܐ ܠܗ ܒܪܬ
                    ܡܥܢܝܬܐ. ܩܕܝܫܘܬܐ ܗܼܝ ܗܝ ܫܘܦܪܐܿ. ܟܕ ܠܘܬ ܣܓ̈ܝܐܐ ܡܫܬܟܚܐ. ܩܕܝܫܘܬܐ ܠܚܒܿܠܐ ܣܚܼܦܬ.
                    ܩܕܝܫܘܬܐ ܐܝܙܓܕܐ ܗܝ ܕܫܝܢܐ. ܕܡܿܝܬܐ ܣܒܪܬܐ ܕܫܿܠܡܐ ܀ ܥܢܘܝܘܬܐ ܕܝܢ ܠܡܿܢ ܕܩܿܢܐ ܠܗܼܿ. ܡܢ
                    ܨܦܬܐ ܕܟܠܝܘܡ ܡܒܪܝܐ ܠܗ. ܥܢܘܝܘܬܐܕܡܕܡ ܠܐ ܝܨܦܐܿ. ܐܠܐ ܕܐܝܟܢܐ ܬܫܟܚ ܬܫܦܼܪ ܠܡܪܗܿ. ܥܢܘܝܘܬܐ
                    ܒܣܒܪܐ ܕܬܠܝܐ. ܟܕ ܡܩܘܝܐ ܠܦܘܪܩܢܐ. ܥܢܘܝܘܬܐ ܒܟܠܥܕܢ ܒܫܠܝܐܼ ܝܬܒܐ. ܡܛܠ ܕܡܕܡ ܕܣܼܢܐ ܠܐ
                    ܣܥܪܐ.. ܥܢܘܝܘܬܐܿ ܚ̈ܝܐ ܕܢܝܿܚܐ ܒܥܿܝܐ. ܘܚܕܘܬܐ ܗܝ ܠܟܠ ܕܩܿܪܐ ܠܗܿ. ܘܠܩܪ̈ܒܝܗܿ ܡܘܪܒܐ.
                    ܡܟܝܟܘܬܐ ܕܝܢ ܠܡܿܘܬܐ ܫܥܒܕܬ. ܘܥܒܕܬܗ ܬܚܝܬ ܫܘܠܛܢܗܿ. ܡܟܝܟܘܬܐ ܠܒܥܠܕܒܒܘܬܐ ܙܟܬ. ܡܟܝܟܘܬܐ
                    ܢܝܪܐ ܗܝ ܒܣܝܡܐܿ. ܕܠܫ̈ܩܘܠܘܗܝ ܠܐ ܡܠܐܐ. ܡܟܝܟܘܬܐ ܡܢ ܡܕܡ ܠܐ ܕܚܿܠܐ. ܕܠܘܩܒܠ ܡܕܡ ܠܐ
                    ܡܚܨܦܐ. ܡܟܝܟܘܬܐ ܫܝܢܐ ܗܝ ܘܫܿܠܡܐ. ܘܚܕܘܬܐ ܘܢܝܿܚܐ. ܩܢܘ ܩܕܝܫܘܬܐܼ ܘܣܒܘܢ ܠܟܘܢ ܥܢܘܝܘܬܐ
                    ܘܐܫܬܘܫܛܘ ܠܘܬ ܡܟܝܟܘܬܐ. ܒܗܠܝܢ ܓܝܪ ܬܠܬܐ ܪ̈ܝܫܝܢ ܡܬܬܨܝܪ܀ ܡܫܝܚܐ ܗܢܐ ܕܡܿܟܪܙ ܐܢܐ.
                    ܩܕܝܫܘܬܐ ܓܝܪ ܗܝܟܠܗ ܗܝ ܕܐܠܗܐ. ܘܟܘܠ ܡܿܢ ܕܢܛܿܪ ܠܗܼܿ ܗܝܟܠܗ ܗܘ ܢܛܿܪ  256  ܘܥܡܿܪ ܒܗ ܡܫܝܚܐ. ܘܥܢܘܝܘܬܐ ܢܝܿܚܗ
                    ܗܝ ܕܐܠܗܐ. ܐܪ̈ܒܥܝܢ ܓܝܪ ܐܝ̈ܡܡܝܢ ܘܐܪ̈ܒܥܝܢ ܠܝܠܘ̈ܢ ܨܼܡ ܡܪܢ. ܘܡܕܡ ܠܐ ܛܥܼܡ. ܘܡܿܢ ܕܢܛܿܪ
                    ܠܗܿ ܥܡܿܪ ܒܗ ܡܫܝܚܐ. ܡܟܝܟܘܬܐ ܓܝ ܚܝܠܐ ܗܝ ܥܫܝܢܐ. ܐܡܼܪ ܓܝܪ ܡܪܢ ܠܫܡܥܘܢ ܫܠܝܚܐ ܐܗܼܦܟ
                    ܣܝܦܟ ܠܒܣܬܪܗ. ܐܢ ܨܿܒܐ ܐܢܐ ܕܐܿܫܐܠ ܚܝܠܐ ܡܢ ܐܒܝܼ. ܝܗܿܒ ܠܝ ܝܬܝܪ ܡܢ ܬܪܬܥܣܪ̈ܐ ܠܓܝ̈ܘܢܝܢ
                    ܕܡܠܐ̈ܟܐ ܀ ܘܟܕ ܗܠܝܢ ܐܡܼܪ ܗܘܐ ܝܗܘܕܐܼ. ܟܠܗܘܢ ܟܢ̈ܫܐ ܐܟܚܕܐ ܫܡܿܥܝܢ ܗܘܘ ܘܚܕ ܠܚܕ ܡܕܝܫܝܢ
                    ܗܘܘ. ܗܼܝ ܐܢܬܬܗ ܕܟܪܝܫ ܩܪܝܒܗ ܕܡܙܕܝ ܡܿܠܟܐܼ. ܫܘܪܬ ܘܢܦܩܬ ܡܢ ܗܿܘ ܟܘܪܝܣܝܐܼ. ܘܥܠ ܐܪܥܐ
                    ܢܦܠܬ ܩܕܡ ܪ̈ܓܠܘܗܝ ܕܫܠܝܚܐ. ܘܒܥܝܐ ܗܘܬ ܡܢܗ ܘܐܡܼܪܐ ܠܗ. ܒܥܝܐ ܐܢܐ ܡܢܟ ܬܠܡܝܕܗ ܕܐܠܗܐ
                    ܚܼܕܬܐ ܕܐܬܼܐ ܠܐܬܪܐ ܚܘܪܒܐ ܡܢ ܝܬܒܐ ܕܒܢ̈ܝܢܫܐܼ. ܒܚܘܪܒܐ ܗܘ ܥܡܿܪܝܢܢ܆ ܡܛܠ ܕܐܝܟ ܚ̈ܝܘܬܐ
                    ܕܠܝܬ ܠܗܝܢ ܡܠܬܐ ܡܬܕܒܪܝܢܢ. ܘܗܫܐ ܒܐܝܼ̈ܕܝܟ ܗܐ ܡܫܿܬܝܢܝܢ ܚܢܢ. ܕܬܬܦܢܐ ܐܦ ܠܘܬܝ ܘܬܨܿܠܐ
                    ܥܠܝܼ. ܕܐܬܚܿܢܢ ܐܦ ܐܢܐ ܡܢ ܐܠܗܐ ܗܢܐ ܕܡܿܟܪܙ ܐܢܬ. ܘܐܿܗܘܐ ܠܗ ܒܪܬ ܒܝܬܐ. ܘܐܬܚܿܠܛ ܐܦ ܐܢܐ
                    ܥܡܟܘܢ ܒܨܠܘܬܐ ܘܒܣܒܪܐ ܘܒܬܘܕܝܬܐܼ. ܘܐܿܩܒܠ ܐܦ ܐܢܐ ܪܘܫܡܐ. ܘܐܿܗܘܐ ܐܦ ܐܢܐ ܗܝܟܠܐ ܩܕܝܫܐ
                    ܘܢܥܡܼܪ ܒܝ ܀ ܐܡܿܪ ܫܠܝܚܐ ܡܨܿܠܐ ܐܢܐ ܘܒܥܿܐ ܐܢܐ ܡܢܟܘܢ. ܐܚ̈ܝ ܕܒܡܪܢ ܘܐܚ̈ܘܬܝ ܕܒܡܫܝܚܐ.
                         257  ܕܒܟܠܟܘܢ ܬܫܼܪܐ ܡܠܬܗ ܕܡܫܝܚܐ
                    ܘܬܥܡܼܪ ܒܟܘܢ. ܡܛܘܠ ܕܡ̈ܫܠܛܝ ܒܢܦܫ̈ܬܟܘܢ ܐܢܬܘܢ ܀ ܀ ܘܫܼܿܪܝ ܕܢܐܡܪ ܠܗܿܝ ܐܢܬܬܐ. ܡܓܕܘܢܝܐܿ
                    ܩܘܡܝ ܠܟܝ ܡܢ ܐܪܥܐ. ܘܥܗܕܝ ܢܦܫܟܝ ܘܠܐ ܢܬܒܿܛܠ ܠܟܝ ܥܠ ܨܦܬܟܝ ܕܥܿܒܪ ܠܗ. ܘܠܐ ܥܠ ܫܘܦܪܗ
                    ܕܦܓܪܟܝ ܕܒܿܠܐ ܠܗ. ܘܠܐ ܥܠ ܢܚܼܬܝܟܝ. ܘܠܐ ܥܠ ܫܡܐ ܘܫܘܠܛܢܐ ܗܢܐ ܕܒܥܠܡܐ ܕܥܿܒܪ. ܘܠܐ ܬܬܚܬܝܢ
                    ܠܫܘܬܦܘܬܐ ܗܕܐ ܨܐܬܐܿ. ܘܬܬܓܠܙܝܢ ܠܟܝ ܡܢ ܗܿܝ ܫܘܬܦܘܬܐ ܕܫܪܪܐ. ܨܦܬܐ ܓܝܪ ܒܿܛܠ ܠܗ. ܘܫܘܦܪܐ
                    ܣܐܿܒ ܘܡܿܬܚܒܠ. ܘܢܚ̈ܬܐ ܒܿܠܝܢ. ܘܫܘܠܛܢܐ ܥܿܒܪ. ܥܡ ܡܣܡ ܒܪܝܫܐ ܕܐܝܟܢܐ ܐܬܕܒܿܪܘ ܒܗ ܚܕ ܚܕ
                    ܡܢ ܒ̈ܢܝܢܫܐ. ܘܫܘܬܦܘܬܗ ܥܿܒܪܐ ܥܡ ܒܘܣܪܢܐ ܣܓܝܐܐ. ܝܫܘܥ ܗܘ ܒܠܚܘܕ ܩܐܿܡܼ. ܘܐܝܠܝܢ ܕܣܿܒܪܘ
                    ܒܗ ܘܐܚܕܘ ܓܘܣܐ ܘܐܫܼܠܡܘ ܠܗ ܢܦܫܗܘܢ. ܀ ܘܟܕ ܐܡܼܪ ܗܘܐ ܗܠܝܢ܆ ܐܡܼܪ ܠܗܿܝ ܐܢܬܬܐ. ܙܠܝ
                    ܒܫܿܠܡܐ. ܘܡܪܢ ܡܫܿܘܐ ܠܟܝ ܠܐܪ̈ܐܙܘܗܝ ܐܠܗ̈ܝܐ. ܐܡܿܪܐ ܠܗ. ܕܚܿܠܐܐܢܐ ܐܿܙܠܼ. ܕܠܡܐ ܬܫܒܩܢܝ
                    ܘܬܫܿܢܐ ܠܟ ܠܐܬܪܐ ܐܚܪܢܐ ܀ ܐܡܿܪ ܠܗܿ ܫܠܝܚܐ. ܠܐ ܡܪܦܐ ܠܟܝ ܝܫܘܥ ܡܛܠ ܪ̈ܚܡܼܘܗܝ. ܘܗܼܝ
                    ܐܬܓܗܢܬ ܘܣܓܼܕܬ ܠܗ. ܡܛܠ ܕܣܒܼܪܬ ܗܘܬ ܕܗܼܘܝܘ ܝܫܘܥ. ܘܐܙܠܬ ܠܒܝܬܗܿ ܟܕ ܚܿܕܝܐ ܀ ܟܪܝܫ ܕܝܢ
                    ܩܪܝܒܗ ܕܡܙܕܝ ܡܿܠܟܐܼ. ܣܚܼܐ ܘܣܼܠܩ ܠܡܚܫܡܘ. ܘܡܫܐܿܠ ܗܘܐ  258  ܥܠ ܐܢܬܬܗܼ ܕܐܝܟܐ ܗܝ. ܕܠܐ ܢܦܩܬ
                    ܠܐܘܪܥܗ ܡܢܩܝܛܘܢܐ. ܘܐܡܪܢ ܗ̈ܘܝ ܠܗ ܛ̈ܠܝܬܗܼܿ ܕܠܐ ܥܢܝܼܐ ܠܗܿ. ܘܥܠ ܠܩܝܛܘܢܐܼ. ܘܚܙܗܿ ܟܕ
                    ܪܡܿܝܐ ܒܥܪܣܐܼ ܘܡ̈ܚܦܝܢ ܐ̈ܦܝܗܼܿ ܘܢܫܩܗܿ. ܘܐܡܼܪ ܠܗܿ. ܡܿܢܼܘ ܝܘܡܢܐ ܥܝܝܩܐ ܠܟܝ ܘܡܩܨܦܬܝ ܀
                    ܐܡܿܪܐ ܠܗ. ܡܠܐ ܠܐܿܝܬ ܀ ܐܡܿܪ ܠܗܼܿ ܠܡܢܐ ܓܝܪ ܠܐ ܥܼܒܕܬܝ ܠܗܿ ܐܣܟܝܡܐ ܠܚܐܪܘܬܟܝ ܘܐܝܬܒܬܝ
                    ܒܒܝܬܟܝ. ܘܠܐ ܐܙܠܼܬܝ ܘܫܡܼܥܬܝ ܡ̈ܠܐ ܒ̈ܛܝܠܬܐ ܘܥܿܒ̈ܕܐ ܕܚܪܫܘܬܐ. ܐܠܐ ܩܘܡܝ ܘܦܘܩܝ ܘܐܚܫܡܝ
                    ܥܡܝ. ܠܐ ܓܝܪ ܡܫܟܚ ܐܢܐ ܕܠܐ ܐܢܬܝ ܠܡܚܫܡܘ ܀ ܐܡܿܪܐ ܠܗ ܡܓܕܘܢܝܐ. ܝܘܡܢܐ ܡܫܬܐܠܐ ܐܢܐ ܡܢ
                    ܚܫܡܝܬܟ ܘܡܢ ܡܫܟܒܟ ܕܠܘܬܝ. ܣܓܿܝ ܓܝܪ ܡܙܥܐ ܐܢܐ ܀ ܘܟܕ ܫܡܼܥ ܡܢܗܿ ܟܪܝܫ : ܕܗܟܢܐ ܐܡܿܪܬ ܠܗ
                    ܡܓܕܘܢܝܐܼ. ܠܐ ܨܼܒܐ ܗܘܐ ܠܡܦܩ ܠܡܫܟܒܗ ܠܡܚܫܡܘ. ܐܠܐ ܦܩܼܕ ܠܒ̈ܢܝ ܒܝܬܗܕ ܢܝܿܬܘܢ ܠܗ ܕܢܚܫܡ
                    ܩܕܡܝܗܿ ܀ ܘܟܕ ܐܥܠܘ ܣܡܘ ܩܕܡܘܗܝ. ܒܥܿܐ ܗܘܐ ܡܢܗܿ ܠܡܚܫܡܘ. ܘܗܼܝ ܠܐ ܨܒܬ ܗܘܬ. ܘܟܕ ܠܐ ܨܒܬ
                    ܠܡܚܫܡܘܼ. ܐܚܫܡ ܗܼܘ ܒܠܚܘܕܘܗܝ. ܘܐܡܼܪ ܠܗܿ ܟܪܝܫ. ܡܛܠܬܟܝ ܐܿܫܬܐܠܬ ܡܢ ܡܪܝ ܡܙܕܝ ܡܿܠܟܐ ܘܡܢ
                    ܚܫܡܝܬܐ. ܘܐܢܬܝ ܠܐ ܨܒܝܬܝ ܠܡܚܫܡܘ  259 
                    ܥܡܝܼ.܀ ܐܡܿܪܐ ܠܗ ܡܓܕܘܢܝܐ. ܡܛܠ ܕܠܐ ܥܢܼܝܐ ܠܝ. ܘܩܡ ܗܘܐ ܕܢܣܼܩ ܘܢܕܡܼܟ ܒܥܝܿܕܗܼ. ܘܐܡܼܬ
                    ܠܗ. ܠܐ ܗܘܐ ܡܐܡܪ ܐܿܡܪܬ ܠܟ ܕܡܫܬܐܠܐ ܐܢܐ ܝܘܡܢܐ ܕܒܠܚܘܕܝ ܐܿܕܡܟ ܀ ܘܟܕ ܫܡܼܥ ܗܘܐ ܡܠܬܐ
                    ܗܕܐ. ܐܙܼܠ ܗܘܐܼ ܘܒܥܪܣܐ ܐܚܪܬܐ ܕܡܟ. ܘܟܕ ܢܕ ܡܢ ܫܼܢܬܗܼ ܐܡܼܪ ܠܗܿ. ܡܪܬܝ ܘܚܬܝ ܡܓܕܘܢܝܐܼ.
                    ܫܡܼܥܝ ܚܠܡܐ ܕܚܿܙܝܬ ܒܠܠܝܐ ܗܢܐ. ܚܿܙܝܬ ܕܣܡܝܟ ܐܢܐܼ ܩܕܡ ܡܪܝ ܡܙܕܝ ܡܿܠܟܐ. ܘܣܝܡ ܩܕܡܝܢ
                    ܦܬܘܪܐ. ܘܚܿܙܝܬ ܢܫܪܐ ܕܢܚܼܬ ܡܢ ܫܡܝܐܼ. ܘܫܩܠ ܡܢ ܩܕܡܝ ܘܡܢ ܩܕܡ ܡܙܕܝ ܡܿܠܟܐ ܙܘܓܐ ܕܚ̈ܓܠܐܼ.
                    ܘܐܣܩ ܐܢ̈ܝܢ ܠܩܢܗܼ ܘܣܡ ܐܢ̈ܝܢ ܬܡܿܢ. ܘܐܬܼܐܼ ܬܘܒܼ ܘܛܣܼ ܠܥܠ ܡܢܢ. ܘܐܡܼܪ ܡܙܕܝ ܡܿܠܟܐ
                    ܕܢܝܿܬܘܢ ܠܗ ܩܫܬܐ. ܘܐܬܼܐ ܬܘܒ ܢܫܪܐ ܗܿܘܼ. ܘܫܩܠܼ ܬܘܒ ܡܢ ܩܕܡܝܢ ܝܘܢܐܼ ܘܫܘܦܢܝܢܐ. ܘܫܼܕܐ
                    ܒܗ ܡܙܕܝ ܓܐܪܐ. ܘܥܒܼܪ ܒܗ ܡܢ ܓܒ ܠܓܒܼ ܘܠܐ ܐܗܪܗ. ܐܠܐ ܗܼܘ ܠܩܢܗ ܓܼܕܠ ܗܘܐ. ܘܢܿܕܬ ܟܕ
                    ܡܿܙܥܼ ܐܢܐ. ܘܟܕ ܥܝܝܩܐ ܠܝ ܡܛܠ ܚܓܠܐ ܗܿܝ ܕܛܥܡܬܗܿ : ܘܬܘܒ ܠܐ ܫܒܩܢܝ ܕܐܣܝܡ ܡܢܗܿ ܒܦܘܡܝܼ.
                    ܘܗܐ ܛܥܡܗܿ ܒܦܘܡܝ ܀ ܐܡܿܪܐ ܠܗ ܡܓܕܘܢܝܐ. ܚܠܡܟ ܫܦܝܪ ܗܘ. ܐܢܬ ܓܝܪ ܟܠܝܘܡ ܚ̈ܓܠܐ ܠܥܿܣ ܐܢܬ.
                    ܠܗܿܘ ܕܝܢ ܢܫܪܐ ܟܒܪ ܠܐ ܛܥܝܡܐ ܗܘܬ ܠܗ ܚܓܠܐ ܥܕܡܐ ܠܗܫܐ. ܘܟܕ ܢܓܗܬܼ. ܩܿܕܡ ܟܪܝܫ ܩܪܝܒܗ
                    ܕܡܙܕܝ ܡܿܠܟܐ ܠܒܫܼ܆ ܘܣܐܢ ܡܣܐܢܗ ܕܣܡܠܐ ܒܪܓܠܗ ܕܝܡܝܢܐܼ. ܘܐܡܼܪ ܠܗܿ  260  ܠܡܓܕܘܢܝܐ. ܡܿܢܼܘ ܗܢܐ ܥܿܒܕܐ. ܗܐ
                    ܚܠܡܐܼ ܘܥܿܒܕܐ. ܐܡܿܪܐ ܠܗ ܡܓܕܘܢܝܐ. ܐܦ ܗܢܐܼ ܠܐ ܗܼܘܐ ܣܢܐ ܐܠܐ ܫܦܝܪ ܗܘ. ܡܢ ܨܒܘܬܐ ܐܚܪܬܐ
                    ܣܢܝܬܐ ܫܦܝܪܬܐ ܗܿܘܝܐ. ܘܐܫܝܓ ܐܝܼ̈ܕܘܗܝ. ܘܠܫܠܡܗ ܕܡܙܕܝ ܡܿܠܟܐܼ ܐܙܼܠ. ܡܓܕܘܢܝܐ ܕܝܢ ܐܢܬܬܗ
                    ܕܟܪܝܫ܆ ܩܕܡܬ ܐܦ ܗܼܝ ܐܙܠܬ ܠܫܠܡܗ ܕܝܗܘܕܐ ܫܠܝܚܐܼ. ܘܐܫܟܚܬܗ ܟܕ ܝܿܬܒ ܘܡܡܠܠ ܥܡ ܪܒ ܚܝܠܐܼ
                    ܘܥܡ ܟܢܫܐ ܣܓܝܐܐ. ܘܐܡܼܪ ܠܗܘܢ. ܒ̈ܢܝܼ. ܐܢܬܬܐ ܗܿܝ ܕܐܬܡܠܝ ܩܒܠܬ ܠܡܪܢ ܒܠܒܗܿ ܘܒܢܦܫܗܿ.
                    ܐܢܬܬܼ ܡܿܢ ܗܝܼ. ܐܡܿܪ ܠܗ ܪܒ ܚܝܠܐ. ܐܢܬܬܗ ܗܝ ܕܟܪܝܫ ܩܪܝܒܗ ܕܡܙܕܝ ܡܿܠܟܐ. ܘܓܒܪܐ ܗܘ ܩܫܝܐ
                    ܒܥܠܗܿ : ܘܟܠ ܕܦܿܩܕ ܠܡܿܠܟܐܼ ܥܿܒܕ ܠܗ ܨܒܝܢܐ. ܘܠܐ ܫܿܒܩ ܠܗܿ ܕܬܩܘܐ ܐܝܟܢܐ ܕܐܫܬܘܕܝܬ. ܡܛܠ
                    ܕܐܦ ܩܕܡ ܡܿܠܟܐܼ. ܣܓܿܝ ܫܪ̈ܒܝܗܿ ܫܦܝܪ̈ܐ ܪܡܿܐ ܘܐܡܼܪ ܕܠܝܬ ܐܟܘܬܗܿ. ܘܐܦ ܗܼܝ ܣܓܿܝ ܪܚܡܿܐ
                    ܠܗ. ܘܗܠܝܢ ܐܝܠܝܢ ܕܡܡܠܠ ܐܢܬ ܠܗܘܢ ܢܘܟܪ̈ܝܢ ܐܢ̈ܝܢ ܠܗܘܢ ܀ ܐܡܿܪ ܝܗܘܕܐ ܐܢ ܒܫܪܪܐ ܕܢܚܼ ܡܪܢ
                    ܒܢܦܫܗܿ : ܘܩܿܒܠܬ ܙܪܥܐ ܕܐܙܕܪܥܼ ܒܗܼܿ. ܠܐ ܠܚ̈ܝܐ ܗܠܝܢ ܕܙܒܢܐ ܚܫܒܐܼ. ܘܐܦܠܐ ܡܢ ܡܿܘܬܐ
                    ܕܚܿܠܐ. ܘܐܦܠܐ ܗܼܘ ܟܪܝܫ ܡܫܟܚ ܬܘܒ ܡܕܡ ܠܡܥܒܕ ܠܗܿ ܘܠܡܚܫܘܬܗܿ. ܡܛܠ ܕܡܿܝܬܪ ܗܘ ܡܢܗ ܗܿܘ
                    ܐܝܢܐ  261  ܕܩܿܒܠܬ ܒܢܦܫܗܿ. ܐܢ ܐܡܝܢܐܝܬ
                    ܒܚܘܒܐ ܫܠܡܼܐ ܩܿܒܠܬ ܀ ܘܟܕ ܗܠܝܢ ܫܡܥܬ ܡܓܕܘܢܝܐܼ. ܐܡܿܪܐ ܠܗ ܠܝܗܘܕܐ. ܫܪܝܪܐܝܬ ܡܪܝ
                    ܒܨܠܘܬܟܼ. ܙܪܥܐ ܚܼܿܝܐ ܕܡܠܬܐ ܩܿܒܠܬ݀. ܘܦܐܪ̈ܐ ܕܕܡܿܝܢ ܠܗ ܠܙܪܥܐܼ ܝܿܗܒܐ ܐܢܐ ܒܡܪܝ ܝܫܘܥ ܀
                    ܐܡܿܪ ܝܗܘܕܐ ܡ̈ܘܕܝܢ ܠܟ ܡܪܢ ܢܦܫ̈ܬܢ ܗܠܝܢ ܕܕܝܠܟ ܐܢ̈ܝܢ. ܡ̈ܘܕܝܢ ܠܟ ܡܪܝ ܪ̈ܘܚܬܢܼܿ ܗܠܝܢ
                    ܕܩܢܝܢܟ ܐܢ̈ܝܢ ܕܫܪܪܐ. ܡܿܘܕܝܢ ܠܟ ܡܪܝ ܗܠܝܢ ܦܓܪ̈ܝܢ܇ ܕܐܫܼܘܝܬ ܐܢܘܢ ܕܢܗܘܼܘܢ ܒܝܬ ܡܥܡܪܐ
                    ܕܪܘܚܟ. ܗܿܝ ܡܫܒܚܬܐ ܐܡܝܢܐܝܬ. ܘܐܡܼܪ ܫܠܝܚܐ ܠܟܠܗܘܢ ܗܿܢܘܢ ܕܐܝܬ ܗܘܘ ܬܡܿܢ. ܛܘܒܝܗܿܢ
                    ܠܩ̈ܕܝܫܐ ܕܢܦܫ̈ܬܗܘܢ ܡܢ ܡܬܘܡ ܠܐ ܒܣܪ̈ܢ ܠܗܘܢ. ܡܛܠ ܕܩܢܘ ܐܢܗܝܢ. ܘܠܐ ܡ̈ܬܦܠܓܢ ܥܠܝܗܝܢ.
                    ܛܘܒܝܗܝܢ ܠܪ̈ܘܚܬܗܘܢ ܕܩ̈ܕܝܫܐܿ. ܕܫܼܩܠܘ ܟܠܝܠܐ ܘܣܠܩܘ ܡܢ ܐܓܘܢܐ ܠܡܕܡ ܕܐܫܬܠܡ ܠܗ ܠܗܘܢ.
                    ܛܘܒܝܗܘܢ ܠܦܓܪ̈ܝܗܘܢ ܕܩ̈ܕܝܫܐܿ. ܕܫܘܘ ܕܢܗܘܼܘܢ ܢܘ̈ܣܐ ܕܟ̈ܝܐ ܕܢܥܡܼܪ ܒܗܘܢ ܡܫܝܚܐ. ܛܘܒܝܟܘܢ
                    ܩ̈ܕܝܫܐܼ. ܕܠܟܘܢ ܗܘ ܫܠܝܛ ܠܡܫܐܠ ܘܡܣܼܿܒ.. ܛܘܒܝܟܘܢ ܩ̈ܕܝܫܐܼ. ܕܐܢܬܘܢ ܕܿܝ̈ܢܐ ܐܬܩܪܝܬܘܢ.
                    ܛܘܒܝܟܘܢ ܩ̈ܕܝܫܐܼ ܕܬܫܒܼܩܘܢ ܚ̈ܛܗܐ ܐܣܬܠܛܬܘܢ. ܛܘܒܝܟܘܢ ܩ̈ܕܝܫܐ ܕܡܕܡ ܕܐܫܬܼܠܡ ܠܟܘܢܼ ܠܐ
                    ܐܘܒܕܬܘܢ. ܐܠܐ ܟܕ ܚܿܕܝܢ ܐܢܬܘܢ ܡܣܩܝܢ ܐܢܬܘܢ ܠܗ ܥܡܟܘܢ ܠܥܠ ܠܪܘܡܐ. ܛܘܒܝܟܘܢ ܡ̈ܟܝܟܐ ܕܠܟܘܢ
                    ܐܫܼܿܘܝ ܐܠܗܐ  262  ܕܬܐܪܬܘܢ ܡܿܠܟܘܬܐ..
                    ܛܘܒܝܟܘܢ ܡ̈ܟܝܟܐܼ. ܕܐܢܬܘܢ ܐܢܘܢ ܕܙܟܝܼܬܘܢܝܗܝ ܠܒܝܼܫܐ.. ܛܘܒܝܟܘܢ ܡ̈ܟܝܟܐ ܕܐܢܬܘܢ ܐܢܘܢ
                    ܒ̈ܢܘܗܝ ܕܢܘܗܪܐ. ܛܘܒܟܝܘܢ ܡ̈ܟܝܟܐ ܕܐܢܬܘܢ ܬܚܙܘܢ ܦܪܨܘܦܗ ܕܡܪܟܘܢ. ܛܘܒܝܟܘܢ ܥ̈ܢܘܝܐ ܕܐܢܬܘܢ
                    ܬܬܢܝܼܚܘܢ ܘܬܬܓܐܿܘܢ. ܒܗܠܝܢ ܪ̈ܘܚܢܝܬܐ ܕܠܐ ܥܒܪ̈ܢ ܘܠܐ ܡܫܬܪ̈ܝܢ. ܘܐܟܘ̈ܠܝܗܝܢ ܠܐ ܟܿܦܢܝܢ.
                    ܛܘܒܝܟܘܢ ܥ̈ܢܘܝܐ ܕܡܢ ܚܛܝܼܬܐ ܐܬܦܪܩܬܘܢ ܀ ܀ ܘܟܕ ܗܠܝܢ ܐܡܼܪ ܗܘܐ ܫܠܝܚܐ : ܘܟܠܗܘܢ ܟ̈ܢܫܐ
                    ܫܡܿܥܝܢ ܗܘܘ ܠܗܼ. ܡܓܕܘܢܝܐ ܕܝܢ ܐܢܬܬܗ ܕܟܪܝܫ ܪܚܡܿܗ ܕܡܙܕܝ ܡܿܠܟܐ. ܝܬܝܪܐܝܬ ܡܫܬܪܪܐ ܗܘܬ
                    ܒܩܕܝܫܘܬܐܿ. ܘܒܥܢܘܝܘܬܐܿ. ܘܒܟܠܗܿ ܡܟܝܟܘܬܐ. ܘܟܕ ܟܠܗ ܝܘܡܐ ܡܬܒܣܡܝܢ ܗܘܘ ܒܬܫ̈ܒܚܬܗ ܘܒܪܒܘܬܗ
                    ܕܡܪܝܐܼ. ܟܪܝܫ ܕܝܢ ܪܚܡܿܗ ܕܡܙܕܝ ܡܿܠܟܐܿ ܐܬܼܐ ܠܫܪܘܬܐ ܘܠܐ ܐܫܟܚܗܿ ܠܐܢܬܬܗ ܒܒܝܬܗܿ. ܘܫܼܿܪܝ
                    ܗܘܐ ܡܫܐܿܠ ܠܟܠܗܘܢ ܒ̈ܢܝ ܒܝܬܗ ܥܠܝܗܿ. ܕܠܐܝܟܐ ܐܙܝܠܐ ܡܪܬܟܘܢ. ܘܚܕ ܡܢܗܘܢܼ ܐܡܼܪ ܠܗ. ܕܠܘܬ
                    ܗܿܘ ܓܒܪܐ ܐܟܣܢܝܐ ܐܙܠܬ. ܘܬܡܿܢ ܗܝ ܀ ܀ ܘܟܕ ܫܡܼܥ ܗܠܝܢ ܡܢ ܒܪ ܒܝܬܗܿ. ܐܬܚܿܡܬ ܥܠ ܫܪܟܐ
                    ܕܒ̈ܢܝ ܒܝܬܗ ܕܠܐ ܐܘܕܥܘܗܝ ܡܕܡ ܕܓܼܕܫ. ܘܐܙܠ ܣܚܼܐ ܘܣܠܼܩ ܥܕ ܢܗܝܪ. ܘܝܿܬܒ ܗܘܼܐ ܘܢܼܛܪ ܠܗܿ
                    ܠܡܓܕܘܢܝܐ ܥܕ ܐܬ݀ܝܐ ܀ ܘܟܕ ܗܘܼܐ ܪܡܫܐܼ ܐܬܬ ܗܘܬ. ܘܗܼܘ ܐܪܥܗܼܿ ܘܐܡܼܪ ܠܗܿ. ܐܝܟܐ ܗܘܝܬܝ
                    ܥܕܡܐ ܠܗܫܐ. ܘܗܼܝ ܐܡܪܬ ܠܗܼ. ܠܒܝܬ ܐܣܝܐ ܐܙܝܠܐ ܗܘܝܬ. ܐܡܿܪ ܗܼܘ ܗܿܘ ܐܟܣܢܝܐ ܚܿܪܫܐ ܐܣܝܐ
                    ܗܘܼ.  263  ܐܡܿܪܐ ܠܗ. ܐܝܼܢ ܐܣܝܐ ܗܘ.
                    ܘܦܪܝܫ ܗܘ ܡܢ ܟܠܗܘܢ ܐܣ̈ܘܬܐ. ܟܠܗܘܢ ܓܝܪ ܐܣ̈ܘܬܐ ܦܓܪ̈ܐ ܗܘ ܡܗܠܝܢ ܕܡܫܬܪܝܢ ܡܐܿܣܝܢ. ܗܢܐ
                    ܕܝܢ ܐܣܝܐܼ. ܦܓܪ̈ܐ ܥܡ ܢܦܫ̈ܬܐ ܡܐܿܣܐܼ. ܐܝܠܝܢ ܕܬܘܒ ܠܐ ܡܫܬܪܝܢ ܀ ܘܟܕ ܗܠܝܢ ܫܡܼܥ ܟܪܝܫ
                    ܩܪܝܒܗ ܕܡܙܕܝ ܡܿܠܟܐܼ. ܪܓܼܙ ܒܪܥܝܢܗ ܥܠܝܗܿ ܥܠ ܡܓܕܘܢܝܐ ܘܥܠ ܗܿܘ ܐܟܣܢܝܐܼ. ܘܡܕܡ ܠܐ ܐܡܼܪ
                    ܠܗܿ. ܡܛܠ ܕܕܚܿܠ ܗܘܐ ܡܢܗܿ. ܣܓܿܝ ܓܝܪ ܡܝܬܪܐ ܗܘܬ ܡܢܗ ܒܥܘܬܪܐ. ܘܐܦ ܒܪܥܝܢܗܿ. ܘܐܙܼܪܠ ܥܠܼ
                    ܠܣܡܟܐܼ ܘܐܓܣ ܠܡܚܫܡܘ. ܘܗܼܝ ܬܘܒ ܥܠܬ ܠܩܝܛܘܢܗܿ ܒܪܝܬܐ. ܘܐܡܼܪ ܠܛܠܝ̈ܘܗܝ ܕܢܩܪܘܢܗܿ. ܕܬܦܘܩ
                    ܬܚܫܡ ܥܡܗ. ܗܼܝ ܕܝܢ ܠܐ ܨܒܝܐ ܗܘܬ. ܘܟܕ ܫܡܼܥܼ ܕܠܐ ܨܒܝܐ ܠܡܦܩܼ. ܥܠܼ ܠܗ ܠܘܬܗܼܿ ܘܐܡܼܪ
                    ܠܗܿ. ܡܛܘܠ ܡܢܐ ܠܐ ܨܒܝܬܝ ܠܡܦܩ ܠܡܚܫܡܘ ܥܡܝ. ܘܟܒܪ ܐܦܠܐ ܒܥܝܕܟ ܠܡܕܡܟ ܠܘܬܝ ܨܒܝܬܝ. ܘܡܢ
                    ܗܕܐ ܗܘ ܣܓܿܝ ܩܿܢܛ ܐܢܐ. ܝܬܝܪܐܝܬ ܕܫܡܿܥܬ ܕܗܿܘ ܚܪܫܐ ܘܡܛܥܝܢܐ. ܕܗܕܐ ܗܘ ܫܩܝܠ ܛܥܢܐ. ܕܐܢܫ
                    ܥܡ ܐܢܬܬܗ ܠܐ ܢܗܘܼܐ. ܡܕܡ ܕܟܝܢܐ ܦܩܿܕ ܘܐܠܗ̈ܐ ܬܘܒ ܪܥܿܝܢ ܒܗܼ. ܗܼܘ ܓܿܠܙ ܠܗܼ. ܀ ܀ ܘܟܕ
                    ܗܠܝܢ ܐܡܼܪ ܗܘܐ ܠܗܿ ܟܪܝܫܼ. ܡܓܕܘܢܝܐ ܫܬܼܝܩܐ ܗܘܬ. ܘܗܼܘ ܬܘܒ ܐܡܼܪ ܠܗܿ. ܚܬܝ ܘܡܪܬܝ
                    ܘܚܒܝܒܬܝ ܘܫܘܬܦܬܝ ܡܓܕܘܢܝܐܼ. ܠܐ ܬܛܥܝܢ ܒܡ̈ܠܐ ܒ̈ܛܠܬܐ ܘܦܗ̈ܝܬܐܼ.  264  ܘܐܦܠܐ ܒܥܿܒ̈ܕܐ ܕܚܿܪܫܘܬܐܿ. ܗܿܢܢ
                    ܕܫܡܥܼܬܝ ܕܥܿܒܕ ܒܫܡܐ ܕܐܠܗܗ. ܡܢ ܝܘܡܐ ܓܝܪ ܕܗܘܼܐ ܥܠܡܐܼ. ܠܐ ܫܡܝܥܐ ܕܐܿܚܝ ܐܢܫ ܡܝܼܬܐ.
                    ܘܗܢܐ ܐܝܟܢܐ ܕܫܡܿܥ ܐܢܐܼ. ܡ̈ܝܼܬܐ ܠܡ ܡܚܿܘܐ ܕܡܿܚܐ. ܘܐܦ ܬܘܒ ܕܠܐ ܐܿܟܠ ܘܠܐ ܫܿܬܐ. ܐܠܐ ܡܛܠ
                    ܕܠܐ ܩܿܢܼܐ ܡܕܡ. ܡܢܐ ܓܝܪ ܢܐܟܘܠ݀. ܗܿܘ ܐܝܢܐ ܕܐܦܠܐ ܠܚܡܐ ܠܝܘܡܐ ܐܝܬ ܠܗ. ܘܕܠܒܿܫ ܚܕܐ ܡܛܠ
                    ܕܠܝܬ ܠܗ ܐܚܪܬܐ. ܘܕܠܐ ܫܩܿܠ ܐܓܪܐ ܡܢ ܐܢܫܼ. ܡܛܠ ܕܝܿܕܥ ܕܠܐܢܫܼ ܠܐ ܡܐܿܣܐ ܒܫܪܪܐ ܀ ܀ ܘܟܕ
                    ܗܠܝܢ ܐܡܼܪ ܟܪܝܫ ܠܡܓܕܘܢܝܐܼ. ܐܝܟ ܟܐܦܐ ܫܬܝܼܩܐ ܗܘܬ. ܘܡܨܿܠܝܐ ܘܒܥܿܝܐ ܕܐܡܬܝ ܬܓܗܼ. ܘܐܡܬܝ
                    ܬܐܙܠ ܬܚܙܝܘܗܝ ܠܫܠܝܚܗ ܕܐܠܗܐ. ܘܫܼܿܢܝ ܡܢ ܠܘܬܗܼܿ. ܘܐܙܠ ܐܚܫܡ ܟܕ ܥܝܝܩܐ ܠܗ. ܘܟܕ ܪܢܿܐ ܗܘܐ
                    ܕܗܐ ܠܘܬܗܿ ܕܡܿܟ ܒܥܝܕܗܼ. ܘܗܼܝ ܒܗܿ ܒܫܥܬܐ ܕܢܦܼܩ ܡܢ ܠܘܬܗܿ ܣܡܬ ܒܘܪܟܐܼ. ܘܡܨܿܠܝܐ ܗܘܬ
                    ܘܐܡܿܪܐ. ܡܪܝ ܘܐܠܗܝ ܘܡܚܝܢܝ ܡܫܝܚܐܼ. ܐܢܬ ܗܒ ܒܝ ܚܝܠܐ ܕܐܙܟܐ ܠܡܪܚܘܬܗ ܕܟܪܝܫܼ. ܘܐܢܬ ܗܒ ܠܝ
                    ܕܐܿܛܪ ܩܕܝܫܘܬܐ ܗܿܝ ܕܐܢܬ ܐܪܥܝܬ ܒܗܿ : ܘܐܢܐ ܚ̈ܝܐ ܕܠܥܠܡ ܡܫܟܚܐ ܐܢܐ ܒܗܿ. ܘܟܕ ܨܠܝܬ ܚܦܝܬܼ
                    ܐܗܦܝܗܼܿ ܘܢܦܠܬ. ܘܗܼܘ ܟܪܝܫ ܡܚܕܐ ܕܐܚܫܡܼ. ܥܠ ܘܠܥܠ ܡܢܗܿ ܩܡ. ܘܫܠܚܼ  265  ܗܘܐ ܡܐ̈ܢܘܗܝ ܘܗܼܝ ܐܪܓܫܬ ܒܗܼ
                    ܘܐܡܿܪܐ ܠܗ. ܠܝܬ ܠܟ ܐܬܪܐ ܠܘܬܝ. ܘܡܛܠ ܕܡܝܬܪ ܗܘ ܡܢܟ ܡܪܝ ܝܫܘܥ ܕܥܡܗ ܐܬ݀ܚܠܛܬ. ܘܨܐܕܝ ܗܘ
                    ܒܟܠܙܒܢ. ܘܟܪܝܫ ܓܚܼܟ ܘܐܡܼܪ ܠܗ. ܕܫܦܝܪ ܡܨܛܕܝܬܝ ܒܗ ܒܗܿܘ ܚܿܪܫܐܼ. ܘܫܦܝܪܐ ܓܚܟܬܝ ܥܠܘܗܝ
                    ܕܐ̱ܿܪ ܕܠܐ ܠܡ ܚܝܝܢ ܐܢܬܘܢ ܩܕܡ ܐܠܗܐܿ. ܐܠܐ ܐܢ ܐܬܩܕܫܬܘܢ ܀ ܘܟܕ ܐܡܼܪ ܗܟܢܐܼ. ܐܡܪܚ ܗܘܐ
                    ܕܢܦܼܠ ܨܐܝܕܝܗܿ. ܘܗܼܝ ܠܐ ܣܝܒܪܬ ܐܠܐ ܩܥܼܬ ܒܗ ܡܪܝܪܐܝܬ ܘܐܡܪܬ ܒܓܗܢܝܟ ܐܠܗܐ ܚܼܕܬܐ. ܕܒܝܕ
                    ܓܒܪܐ ܐܟܣܢܝܐ ܐܬܼܐ ܠܗܢܕܘ. ܒܓ̈ܢܝܟ ܡܪܝ ܝܫܘܥ ܠܐ ܬܪܦܝܢܝ ܕܐܿܚܕܬ ܒܟ ܓܘܣܐ. ܐܝܟܢܐ ܓܝܪ
                    ܕܫܡܿܥܬ ܕܐܢܬ ܗܘ ܒܥܝܼܬ ܠܐܝܠܝܢ ܕܠܐ ܝܿܕܥܝܢ ܠܟ. ܘܗܫܐ ܕܗܐ ܒܥܝܐ ܐܢܐ ܡܢܟ: ܕܒܛܒܼܟ ܗܫܐ
                    ܫܡܿܥܬ ܘܒܟ ܗܝܿܡܢܬܼ. ܬܐ ܠܥܘܕܪܢܝ ܘܦܪܘܩܝܢܝ ܡܢ ܚܨܝܦܘܬܗ ܕܟܪܝܫܿ. ܘܠܐ ܬܫܬܠܛ ܒܝ ܛܡܐܘܬܗ.
                    ܘܠܐ ܢܗܘܼܐ ܠܗ ܐܬܪܐ ܠܘܬܝ. ܘܩܡܬ ܘܦܟܪܬ ܐܝܼ̈ܕܘܗܝ. ܘܥܪܩܬ ܡܢ ܨܐܝܕܘܗܝ. ܘܐܬܬܠܝܬ ܒܐ̈ܦܝ
                    ܬܪܥܐ ܕܐܪܡܐ ܗܘܐ ܥܠ ܬܪܥܐ ܕܩܝܛܘܢܐ. ܘܐܬܟܣܝܬ ܘܢܦܩܬ ܐܙܠܼܬ ܠܗܿ ܠܘܬ ܡܪܒܝܢܝܬܗܿ. ܘܠܘܬܗܿ
                    ܕܡܟܬ ܒܠܠܝܐ ܗܿܘ. ܟܪܝܫ ܕܝܢ ܠܠܝܐ ܟܠܗ ܒܚܢܓܬܐ ܐܝܬܘܗܝ ܗܘܐ. ܘܐܝܼ̈ܕܘܗܝ ܚܕܐ ܠܚܕܐ ܡܿܛܪܦ
                    ܗܘܐ. ܘܒܥܿܐ ܗܘܐ ܕܒܠܠܝܐ ܢܐܙܠ.  266  ܢܘܕܥ
                    ܠܡܙܕܝ ܡܿܠܟܐ ܥܠ ܩܛܝܪܐ ܕܕܒܼܪܗ ܀ ܘܡܬܚܫܒ ܗܘܐ ܘܐܡܿܪ. ܕܐܢ ܐܿܙ ܠܐܢܐ ܒܥܩܬܐ ܣܓܝܐܬܐ ܕܐܝܬ
                    ܠܘܬܝ : ܠܘܬ ܡܙܕܝ ܡܿܠܟܐܼ ܡܿܢܘ ܡܿܥܠ ܠܝ. ܐܢܐ ܓܝܪ ܝܿܕܥ ܐܢܐ. ܕܐܠܘ ܙܒܢܐ ܠܐ ܣܚܦܢܝ. ܘܡܢ
                    ܫܘܒܗܪܝ ܘܡܢ ܚܘܬܪܝ. ܘܡܢ ܪܒܘܬܐ ܠܙܥܘܪܘܬܐ ܫܦܠܬܐ ܠܐ ܐܪܡܝܢܝ : ܘܠܡܓܕܘܢܝܐ ܚܒܝܒܝܬܝ ܡܢܝ ܠܐ
                    ܦܪܫܼ. ܠܡܙܕܝ ܡܿܠܟܐ ܒܗܢܐ ܥܕܢܐ ܐܠܘ ܩܐܿܡ ܗܘܐ ܥܠ ܬܪܥܝ܆ ܠܐ ܢܦܿܩ ܗܘܝܬ ܘܝܿܗܒ ܠܗ ܦܬܓܡܐ.
                    ܐܠܐ ܐܩܘܐ ܥܕ ܢܓܗܐܼ. ܘܝܿܕܥ ܐܢܐ ܕܟܠ ܕܐܡܿܪ ܐܢܐ ܠܗ ܠܡܙܕܝ ܡܿܠܟܐܼ ܥܿܒܕ ܠܝ ܨܒܝܢܐ. ܘܐܿܡܪ
                    ܠܗ ܥܠ ܚܪܫܘܬܗ ܕܗܿܘ ܐܟܣܢܝܐܿ. ܀ ܕܐܝܟܢܐ ܒܩܛܝܪܐ ܕܒܿܪ ܘܪܡܿܪ ܠܪ̈ܡܐ ܠܥܘܡܩܐ. ܠܐ ܓܝܪ ܟܿܪܝܐ
                    ܠܝ ܕܐܬ݀ܦܪܫܬ ܡܢ ܫܘܬܦܘܬܗܿ ܕܡܓܕܘܢܝܐ. ܐܠܐ ܥܠܝܗܿ ܥܠ ܓܪܡܗܿ ܟܐܿܒ ܠܝ. ܕܙܥܪܬ ܪܒܘܬܗܿ ܘܦܠܬ
                    ܚܐܪܘܬܗܿ܇ ܘܢܦܫܗܿ ܪܡܿܬܐ ܐܬܡܟܟܬ. ܘܐܢܬܬܐ ܕܡܡܬܘܡ ܕܚܕ ܡܢ ܒ̈ܢܝ ܒܝܬܗܿ ܒܚܕ ܡܢ ܐܣܟܝ̈ܡܐ
                    ܒܝܼ̈ܫܐ ܠܐ ܚܼܙܗܿ : ܥܪܛܠ ܠܒܪ ܡܢ ܩܝܛܘܢܗܿ ܪܗܿܛܐ ܗܘܬ ܠܒܪ. ܘܠܐ ܝܿܕܥ ܐܢܐ ܠܐܝܟܐ ܐܙܠܬ.
                    ܘܟܒܪ ܠܫܘܩܐ ܒܦܘܚܐ ܕܚܪܫܘܬܗ ܕܗܿܘ ܐܟܣܢܝܐ ܢܦܩܬ. ܘܠܐ ܝܿܕܥ ܐܢܐ ܠܐܝܟܐ ܐܙܠܬܼ ܡܛܠ ܕܥܡܗܿ
                    ܡܕܡ ܠܐ ܡܬܼܚܙܐ ܗܘܐ ܀ ܘܟܕ ܐܡܼܪ ܗܠܝܢ܆ ܫܼܿܪܝ ܗܘܐ ܕܢܒܼܟܐ ܘܢܐܡܪ. ܘܝ ܠܝ ܥܠܝܟܝ ܫܘܬܦܬܝ
                    ܕܫܪܪܐܿ.  267  ܕܐܬ݀ܓܠܙܬ ܡܢܟܝ ܕܫܥܬܐ. ܘܝ
                    ܠܝ ܥܠܝܟܝ ܚܒܝܒܬܝ ܘܪܚܡܿܬܝ܇ ܕܡܢ ܟܠܗ ܓܢܣܝ ܡܝܬܪܐ ܗܘܝܬܝ ܠܝ. ܘܐܦܠܐ ܒܪܐ ܐܘ ܒܪܬܐ ܗܘܼܐ ܠܝ
                    ܡܢܟܝ ܕܥܠܘܝ ܐܬܬܢܝܚ. ܫܿܢܬܐ ܟܠܗܿ ܠܐ ܫܡܠܝܬܝ ܥܡܝ ܘܫܩܠܼܬܟܝ ܡܢܝ ܥܝܢܐ. ܐܫܬܘܦ ܕܝܢ ܩܛܝܪܐ
                    ܕܡܿܘܬܐ ܕܒܪܟܝ ܗܘܐ ܡܢܝ. ܘܚܿܫܒܬ ܢܦܫܝ ܥܡ ܡ̈ܠܟܐ ܘܪ̈ܝܫܢܐ ܘܪ̈ܘܪܒܢܐ. ܘܠܐ ܓܒܪܐ ܐܟܣܢܝܐ
                    ܕܐܟܒܪ ܥܒܼܕܐ ܗܘ ܘܥܿܪܩ ܡܢ ܡܪ̈ܘܗܝ܇ ܘܐܬܼܐ ܠܟܐ ܡܛܠ ܓܕܝ ܒܝܼܫܐ. ܠܐ ܗܢܘܼܐ ܠܝ ܢܝܿܚܐ ܘܠܐ
                    ܟܠܝܢܐܿ. ܥܕܡܐ ܕܐܘܒܕܝܘܗܝ ܘܐܣܝܡ ܒܪܝܫܗ ܘܐܬ݀ܦܪܥ ܡܢܗ. ܠܠܝܐ ܗܢܐܼ ܠܐ ܐܬ݀ܚܙܐ ܩܕܡ ܡܙܕܝ
                    ܡܿܠܟܐ. ܘܐܢ ܠܐ ܢܥܼܒܕ ܠܝ ܨܒܝܢܐܿ. ܘܒܪܝܫܗ ܕܗܿܘ ܐܟܣܢܝܐ ܠܐ ܣܐܿܡܼ. ܘܐܦ ܥܠ ܨܝܦܘܪ ܪܒ ܚܝܠܐ
                    ܐܿܡܼܪ ܠܗ. ܕܗܼܘ ܗܘܼܐ ܥܠܼܬܐ ܕܐܒܕܢܐ ܠܗܕܐ. ܕܗܐ ܓܝܪ ܝܿܬܒ ܒܒܝܬܗܿ. ܘܣ̈ܓܝܐܐ ܥܐܿܠܝܢ
                    ܘܢܿܦܩܝܢ ܠܘܬܗ. ܘܡܿܠܦ ܠܗܘܢ ܝܘܠܦܢܐ ܚܼܕܬܐ ܕܩܕܝܫܘܬܐ. ܘܡܿܠܦ ܘܐܡܿܪܼ. ܕܠܐ ܠܡ ܚܿܝܐ ܐܢܫ܇
                    ܐܠܐ ܐܢܐ ܐܬ݀ܦܪܩ ܡܢ ܟܘܠ ܕܐܝܬ ܠܗ܇ ܘܗܘܼܐ ܡܓܙܝܐ ܘܚܕܘܪܐ ܐܟܘܬܗ. ܘܗܐ ܒܥܿܐ ܕܢܥܼܒܕ ܠܗ
                    ܚܒܪ̈ܐ. ܘܟܕ ܗܠܝܢ ܡܬܚܫܒ ܗܘܐ ܟܪܝܫܼ ܢܓܗܬ. ܘܩܿܕܡ ܠܒܼܫ ܘܣܼܐܢܿ ܘܡܐ̈ܢܐ ܡ̈ܒܣܝܐ ܠܒܼܫ ܗܘܐ
                    ܘܐ̈ܦܘܗܝ ܣ̈ܢܝܢ ܗ̈ܘܝ ܘܟܡܝܪ ܗܘܐ ܛܿܒ. ܘܠܫܠܡܐ ܕܡܙܕܝ ܡܿܠܟܐ ܥܠ ܗܘܐ ܀ ܘܟܡܕ ܚܼܙܝܗܝ ܡܙܕܝ
                    ܡܿܠܟܐ ܐܡܼܠ ܠܗ. ܡܿܢܼܘ ܕܒܗܢܐ  268 
                    ܐܣܟܝܡܐ ܬܒܝܪܐ ܐܬܝܼܬ ܠܘܬܝ. ܘܡܿܢܘ ܟܡܝܪ ܚܙܘܟ ܘܡܫܓܢܝ ܦܪܨܘܦܟ ܀ ܐܡܿܪ ܠܗ ܟܪܝܫ. ܡܙܕܝ
                    ܡܿܠܟܐܼ ܥܿܒܕܐ ܚܼܕܬܐ ܐܝܬ ܠܝ ܕܐܿܫܬܥܐ ܠܟ. ܘܚܘܪܒܐ ܚܼܕܬܐ ܕܐܝܬܝ ܨܝܦܘܪ ܠܗܕܢܘ. ܓܒܪܐ ܚܕ
                    ܥܒܪܝܐ ܚܿܪܫܐ ܝܿܬܒ ܒܒܝܬܗܼ. ܘܠܐ ܢܦܿܩ ܡܢ ܨܐܝܕܘܗܝ. ܘܣܓ̈ܝܐܐ ܥܐܿܠܝܢ ܠܘܬܗܿ. ܘܡܿܠܦ ܠܗܘܢ
                    ܐܠܗܐ ܚܼܕܬܐ. ܘܢܡ̈ܘܣܐ ܚܼ̈ܕܬܐ ܣܐܿܡ. ܐܝܠܝܢ ܕܡܡܬܘܡ ܠܐ ܫܡܝܥܝܢ ܠܢ. ܘܐܡܿܪ ܕܠܐ ܠܡ ܡܫܟܚܝܢ
                    ܐܢܬܘܢ ܒ̈ܢܝܐ ܬܗܘܼܘܢ ܠܚ̈ܝܐ ܕܠܥܠܡ ܗܠܝܢ ܕܡܿܠܦ ܐܢܐܿ. ܐܠܐ ܐܢ ܐܬܦܪܩܬܘܢ ܐܢܫ ܡܢ ܐܢܬܬܗ
                    ܘܐܢܬܬܐ ܡܢ ܒܥܠܗܿ. ܓܼܕܫ ܕܝܢ ܗܼܝ ܐܢܬܬܝ ܒܝܼܫܬܐ ܘܕܘܝܬܐ ܐܙܠܬ ܠܡܚܙܝܗܼ. ܘܫܡܥܬ ܡ̈ܠܘܗܝ.
                    ܘܗܝܡܢܬ ܐ̈ܢܝܢ. ܘܩܡܬ ܒܠܠܝܐܼ ܘܥܪܩܬ ܡܢ ܨܐܝܕܝ܇ ܗܿܝ ܕܐܝܿܕܐ ܕܠܐ ܡܚܡܣܢܐ ܗܘܬ ܡܢܝ ܚܕܐ ܫܥܐ.
                    ܘܕܠܐ ܐܢܐܼ ܠܐ ܡܫܝܚܐ ܗܘܬ ܠܡܗܼܘܐ. ܐܠܐ ܫܕܪ ܐܝܬܝܗܝ ܠܨܝܦܘܪ ܘܠܗܿܘ ܚܿܪܫܐ ܕܡܿܟܡܢ ܠܗܼ
                    ܘܣܝܼܡ ܒܪܝܫܗܘܢ. ܘܐܠܐ ܟܠܗܘܢ ܒ̈ܢܝ ܐܬܪܢ ܐܒܿܕܝܢ ܒܡ̈ܠܘܗܝ ܀ ܘܟܕ ܗܠܝܢ ܫܡܼܥ ܡܙܕܝ ܡܢ ܟܪܝܫ
                    ܩܪܝܒܗ ܐܡܼܪ ܠܗ. ܠܐ ܬܬܥܝܩ ܘܠܐ ܬܟܪܐ ܠܟ. ܐܢܐ ܡܫܕܪ ܐܢܐ ܘܡܿܝܬܐ ܐܢܐ ܠܗ. ܘܣܐܿܡ ܐܢܐ
                    ܒܪܝܫܗ. ܐܢܬ ܐܢܬܬܟ ܡܩܕܝܬ. ܐܢ ܓܝܪ ܠܐܚܪ̈ܢܐ ܐܝܠܝܢ ܕܠܐ ܡܫܟܚܝܢ ܕܢܬܒܥܘܢ ܢܦܫܗܘܢ ܬ݀ܒܥ
                    ܐܢܐܼ. ܠܟ ܠܐ ܗܐ  269  ܝܬܝܪܐܝܬܼ. ܀ ܘܦܩܼܕ
                    ܗܘܐ ܕܠܨܝܦܘܪ ܪܒ ܚܝܠܐ ܢܩܪܘܢܝܗܝ ܠܗ. ܘܐܙܠܘ ܗܘܘ ܠܒܝܬܗܼ. ܘܐܫܟܚܘܗܝ ܟܕ ܝܿܬܒ ܡܢ ܝܡܝܢܗ
                    ܕܝܗܘܕܐ ܫܠܝܚܗ ܕܐܠܗܐܼ. ܘܡܓܕܘܢܝܐ ܝܿܬܒܐ ܗܘܬ ܩܕܡ ܪ̈ܓܠܘܗܝܼ ܥܡ ܟܢܫܐ ܣܓܝܐܐ ܘܫܡܿܥܝܢ ܠܗ.
                    ܥܢܘ ܗܿܢܘܢ ܕܐܙܠܘ ܒܬܪܗ ܕܨܝܦܘܪ ܪܒ ܚܝܠܐ ܘܐܡܿܪܝܢ ܠܗ. ܐܢܬ ܝܿܬܒ ܐܢܬ ܘܫܡܿܥ ܐܢܬ ܡ̈ܠܐ
                    ܒ̈ܛܠܬܐ ܘܡܙܕܝ ܡܿܠܟܐ ܒܪܘܓܙܗ ܒܿܥܐ ܕܢܿܘܒܕܟ܇ ܡܛܠ ܚܿܪܫܐ ܗܢܐ ܘܡܛܥܝܢܐ ܕܐܥܠܼܬ ܠܒܝܬܟ܀܀ ܘܟܕ
                    ܗܠܝܢ ܫܡܼܥ ܨܝܦܪܘ ܪܒ ܚܝܠܐܼ ܐܬܬܥܝܩ. ܠܐ ܡܛܠ ܕܡܬ݀ܠܚܡ ܗܘܐ ܠܗ ܡܿܠܟܐܿ. ܐܠܐ ܡܛܠ ܕܫܡܼܥ ܒܗ
                    ܡܿܠܟܐ ܕܝܼܕܥ ܒܝܗܘܕܐ ܫܠܝܚܐ. ܘܐܡܼܪ ܠܗ ܨܝܦܘܪ ܠܝܗܘܕܐ. ܐܢܐ ܡܛܠܬܟ ܗܘ ܐܬܬ݀ܥܝܬ. ܐܿܡܪܬ
                    ܗܘܝܬ ܠܟ ܓܝܪ ܩܕܡ ܝܘܡܐ. ܕܗܿܝ ܐܢܬܬܐ ܐܢܬܬܗ ܗܝ ܕܟܪܝܫ ܩܪܝܒܗ ܕܡܙܕܝ ܡܿܠܟܐ ܘܠܐ ܫܿܒܩ ܠܗܿ
                    ܕܬܥܒܼܕ ܗܿܘ ܡܕܡ ܕܐܫܬܘܕܝܬ. ܘܟܠ ܕܐܡܿܪ ܠܗ ܠܡܿܠܟܐ ܥܿܒܕ ܠܗ ܨܒܝܢܐ.. ܐܡܿܪ ܠܗ ܝܗܘܕܐ
                    ܠܨܝܦܘܪ ܠܐ ܬܕܚܼܠ. ܐܠܐܼ ܗܝܡܢ ܒܝܫܘܥ ܗܿܘ ܕܗܼܘ ܢܿܦܩ ܪܘܚ ܚܠܦܝ ܘܚܠܦܝܟ܇ ܘܚܠܦ ܟܠܗܘܢ ܐܝܠܝܢ
                    ܕܒܗ ܕܐܚܕܘ ܓܘܣܐ ܘܐܬܘ ܠܒܝܬ ܨܘܒܗ ܀ ܘܟܕ ܗܠܝܢ ܫܡܼܥ ܨܝܦܘܪ ܪܒ ܚܝܠܐܼ. ܠܒܼܫ ܡܐ̈ܢܘܗܝ ܘܐܙܠܼ
                    ܠܘܬ ܡܙܕܝ ܡܿܠܟܐ ܀ ܀ ܝܗܘܕܿܐ ܕܝܢ ܡܫܐܿܠ ܗܘܐ ܠܗܿ ܠܡܓܕܘܢܝܐ. ܕܡܢܐ ܗܝ ܥܠܬܐ ܕܒܗܿ  270  ܪܓܼܙ ܒܥܠܗܿ܇ ܘܗܠܝܢ ܐܬܚܿܫܒ ܠܗܘܢ.
                    ܐܡܿܪܐ ܠܗܼ. ܡܛܠ ܕܠܐ ܝܿܗܒܬ ܢܦܫܝ ܠܚܒܿܠܐ ܕܥܡܗ. ܒܪܡܫܐ ܓܪܝ ܒܥܼܐ ܕܢܫܥܒܕܢܝ : ܘܢܪܡܝܢܝ
                    ܬܚܝܬ ܗܿܘ ܐܝܢܐ ܕܦܿܠܚ ܠܗ. ܘܦܠܛܢܝ ܗܿܘ ܐܝܢܐ ܕܠܗ ܐܓܿܥܠܬ ܢܦܫܝ ܡܢ ܐܝ̈ܕܘܗܝ. ܘܥܪܛܠ ܡܢ
                    ܨܐܕܘܗܝ ܥܿܪܩܬܼ. ܘܠܘܬ ܡܪܒܝܢܝܬܝ ܕܡܿܟܬ. ܘܠܐ ܝܿܕܥܐ ܐܢܐ ܡܢܐ ܗܘܝܗܝ ܕܗܠܝܢ ܢܟܿܡܼܢ ܠܟܘܢ ܀
                    ܀ ܐܡܿܪ ܠܗܿ ܫܠܝܚܐ. ܗܠܝܢ ܠܢ ܒܪܬܫ ܠܐ ܡܗܪ̈ܢ. ܐܠܐ ܗܝܡܢ ܒܝܫܘܥܼ. ܘܗܘ ܙܓܿܪ ܠܗܿ ܠܫܪܝܚܘܬܗ
                    ܕܟܪܝܫ ܡܢܟܝ. ܘܗܘܼ ܡܼܦܪܩ ܠܟܝ ܡܢ ܚܒܿܠܐ ܘܨܚܢܘܬܐ. ܘܗܼܘ ܗܘܿܐ ܠܟܝ ܗܿܕܝܐ ܒܐܘܪܚܐ ܕܚܝܠܬܐܿ.
                    ܘܡܕܒܪܢܐ ܠܡܿܠܟܘܬܗ ܕܝܠܗ ܘܕܐܒܘܗܝ. ܘܗܼܘ ܡܿܥܠ ܠܟܝ ܠܚܗܝܐ ܕܠܥܠܡ. ܘܝܿܗܒ ܠܟܝ ܡܿܠܟܘܬܐܕܠܐ
                    ܥܿܒܪܐ ܘܠܐܡܬܚܠܦܐ܀ ܨܝܦܘܪ ܕܝܢ ܟܕ ܩܡ ܩܕܡ ܡܙܕܝ ܡܿܠܟܐܼ. ܡܫܐܿܠ ܗܘܐ ܠܗ ܡܙܕܝܼ ܘܐܡܿܪ ܠܗ.
                    ܡܐ ܛܒܼܗܼ ܘܡܢ ܐܝܡܟܐ ܗܘܬ. ܘܡܢܐ ܡܿܠܦ ܚܿܪܫܐ ܗܿܘ ܕܡܟܡܢ ܠܟ. ܐܡܿܪ ܠܗ ܨܝܦܘܪ ܕܠܡܐ ܠܐ ܝܿܕܥ
                    ܐܢܬ ܡܪܝܼ ܕܚܫܐ ܪܒܐ ܐܝܬ ܠܝ ܥܡ ܟܠܗܘܢ ܪ̈ܚܡܿܝ ܥܠ ܐܢܬܬܝ܇ ܗܿܝ ܐܝܿܕܐ ܕܝܿܕܥ ܐܢܬ ܕܣܓ̈ܝܐܐ
                    ܐܚܝܕܝܢ ܒܐܝܩܪܗܿ. ܘܡܛܠ ܒܪܬܝ ܗܿܝ ܕܟܘܠ ܡܕܡ ܕܩܿܢܼܐ ܐܢܐ ܠܐ ܚܫܝܒ ܠܝ ܥܡܗܝܢ. ܘܐܝܢܐ ܙܒܢܐ
                    ܘܐܝܢܐ ܢܣܝܘܢܐ ܐܬܐ ܥܠܝܗܝܢ. ܘܓܘܚܟܐ ܘܠܘܛܬܐ ܕܥܒ̈ܝܕܢ ܗ̈ܘܝܼ ܒܟܠܗ ܐܬܪܐ. ܫܡܿܥܬܝ ܕܝܢ ܒܛܒܼܗ
                    ܕܗܢܐ ܓܒܪܐ ܘܐܿܙܠܬ ܠܘܬܗ ܘܒܥܿܝܬ ܡܢܗ ܘܕܒܿܪܬܗ. ܘܐܬ݀ܝܢ  271  ܠܟܐ. ܚܿܙܝܬ ܕܝܢ ܕܬܕܡܪ̈ܬܐ ܦܪ̈ܝܫܬܐ
                    ܟܕ ܐܿܬܐ ܐܢܐ ܥܡܗ ܒܐܪܘܚܐ. ܘܐܦ ܗܪܟܐ ܣ̈ܓܝܐܐ ܚܼܙܘ ܘܫܡܥܘ ܠܥܪܕܐ ܗܿܘ ܡܢܐ ܐܡܼܪ. ܘܐܦ ܠܫܐܕܐ
                    ܗܿܘ ܡܢܐ ܒܿܕܩ ܥܠܘܗܝ. ܘܐܣܝ ܐ̈ܢܝܢ ܠܐܢܬܬܝ ܘܠܒܪܬܝܼ ܘܗܐ ܚ̈ܠܝܡܢ. ܘܡܕܡ ܐܓܪܐܼ ܠܐ ܒܥܿܐ ܐܠܐ
                    ܐܢ ܗܝܡܢܘܬܐ. ܘܐܦ ܩܕܝܫܘܬܐ. ܕܢܗܼܘܘܢ ܠܗ ܫ̈ܘܬܦܐ ܒܡܕܡ ܕܥܿܒܕ. ܘܐܡܿܪ ܕܕܚܠܘ ܠܚܕ ܐܠܗܐ ܡܪܝܐ
                    ܕܟܘܠ : ܘܠܝܫܘܥ ܡܫܝܚܐ ܒܪܗܼ. ܘܬܚܘܢ ܠܥܠܡ ܥܠܡܝܢ. ܘܐܦܠܐ ܡܿܠܥܣ ܠܥܿܣ ܡܕܡ: ܐܠܐ ܐܢ ܠܚܡܐ
                    ܘܡܠܚܐܿ. ܡܢ ܪܡܫܐ ܠܪܡܫܐܼ. ܘܫܿܬܐ ܡ̈ܝ. ܘܡܨܿܠܐ ܣܓܿܝ. ܘܟܠ ܡܐ ܕܒܥܿܐ ܡܢ ܐܠܗܐ ܝܿܗܒ ܠܗ.
                    ܘܡܦܩܿܕ ܬܘܒ. ܕܗܼܘ ܗܢܐ ܐܠܗܗ ܩܕܝܫܐ ܗܘ. ܘܛܿܒܐ ܘܒܣܝܡܐ. ܘܢܝܼܚܐ ܘܡܚܝܢܐ. ܡܛܠ ܗܢܐ ܠܡ
                    ܒܕܟܝܘܬܐ ܘܒܩܕܝܫܘܬܐ ܘܒܚܘܒܐܼ. ܩܿܪ̈ܒܝܢ ܠܘܬܗ ܐܝܠܝܢ ܕܡܗܝܡܢܝܢ ܒܗ܀ ܘܟܕ ܗܠܝܢ ܫܡܼܥܼ ܡܙܕܝ
                    ܡܿܠܟܐ ܡܢ ܨܝܦܘܪܼ. ܫܕܪ ܦܠܚܼ̈ܐ ܣܓܗܝܐܐ ܡܢ ܩܕܡܘܗܝ ܠܒܝܬܗ ܕܨܝܦܘܪ ܪܒ ܚܝܠܐܿ. ܕܢܝܿܬܘܢܝܗܝ
                    ܠܝܗܘܕܐ ܬܐܘܡܐ. ܘܠܡܿܢ ܕܡܫܟܚܝܢ ܠܘܬܗ. ܘܟܕ ܥܠܘ ܠܓܘܼ. ܐܫܟܚܘܗܝ ܟܕ ܝܿܬܒ ܘܡܿܠܦ ܠܥܡܐ
                    ܣܓܝܐܐ. ܘܐܦ ܡܓܓܕܘܢܝܐܼ ܠܘܬ ܪ̈ܓܠܘܗܝ ܝܿܬܒܐ ܗܘܬ. ܘܕܚܼܠܘ ܟܕ ܚܙܘ ܥܡܐ ܣܓܝܐܐ ܕܚܕܝܪ ܠܗ.
                    ܘܐܙܠܘ ܠܡܐܡܪ ܠܡܙܕܝ ܡܿܠܟܐ. ܕܠܐ ܐܡܿܪܚܢܢ ܕܢܐܡܪ ܠܗ ܡܕܡܼ. ܡܛܠ ܕܥܡܐ ܣܓܝܐܐ ܐܝܬ ܗܘܐ
                    ܨܐܝܕܘܗܝ. ܘܐܦ ܡܓܕܘܢܝܐ  272  ܠܘܬ ܪ̈ܓܠܘܗܝ
                    ܝܬܒܐ ܘܫܡܿܥܐ ܡ̈ܠܘܗܝ܀ ܘܟܕ ܗܠܝܢ ܫܡܼܥܘ ܡܙܕܝ ܘܟܪܝܫ܆ ܫܘܪ ܟܪܝܫ ܡܢ ܩܕܡܘܗܝ ܕܡܙܕܝ ܡܿܠܟܐ.
                    ܘܕܒܼܪ ܥܡܗ ܣܘܓܐܐ ܕܦܠܚܼ̈ܐܼ ܘܐܡܼܪ. ܕܐܢܐ ܐܿܙܠ ܐܢܐ ܘܡܿܝܬܐ ܐܢܐ ܠܗܼ. ܘܐܦ ܠܡܓܕܘܝܐ ܗܿܝ
                    ܕܫܩܠܗ ܗܘܢܗܿ. ܘܐܬܼܐ ܠܒܝܬܗ ܕܨܝܦܘܪ ܪܒ ܚܝܠܐܼ ܟܕ ܡܿܣܪܗܒܼ ܘܐܬܼܐ ܘܐܫܟܚܗ ܠܝܗܘܕܐ ܟܕ ܝܿܬܒ
                    ܘܡܿܠܦ. ܘܟܕ ܥܠ ܚܼܙܝܗܝ ܠܝܗܘܕܐܼ. ܘܠܡܓܕܘܢܝܐ ܠܐ ܐܫܟܚܗܿ ܬܡܿܢ. ܐܙܠܬ ܗܘܬ ܠܗܿ ܓܝܪܼ
                    ܠܒܝܬܗܼܿ. ܡܛܠ ܕܝܕܥܐ ܗܘܬ ܕܐܡܿܪܝܢ ܗܘܘ ܠܗ ܠܒܥܠܗܿ ܥܠܝܗܿ ܕܬܡܿܢ ܗܝ. ܘܐܡܼܪ ܠܗ ܟܪܝܫ
                    ܠܝܗܘܕܐ. ܩܘܡ ܠܟ ܒܝܼܫܐ ܘܡܚܒܠܢܐ ܘܒܥܠܕܒܒܐ. ܐܠܐ ܠܝ ܡܢܐ ܥܒܕܐ ܚܪܫܘܬܟ. ܚܪ̈ܫܝܟ ܓܝܪ ܒܪܝܫܟ
                    ܡܿܣܩ ܐܢܐܿ ܠܗܘܢ. ܘܟܕ ܐܡܼܪ ܠܗ ܗܟܢܐܼ. ܚܼܪ ܒܗ ܝܗܘܕܐ ܘܐܡܼܪ ܠܗܼ. ܠܘܚܗܡܝܟ ܥܠܝܟ ܢܗܼܦܟܘܢ.
                    ܠܝ ܓܝܪ ܡܕܡ ܠܐ ܡܨܝܢ ܕܬܟܝܢܝ. ܡܛܠ ܕܡܿܝܬܪ ܗܘ ܡܢܟ ܘܡܢ ܡܿܠܟܟ ܘܡܢ ܟܠܗܘܢ ܚ̈ܝܠܝܟ܇ ܡܪܝ
                    ܝܫܘܥ ܡܫܝܚܐ ܕܒܗ ܐܚܝܕ ܐܢܐ ܓܘܣܐ. ܘܫܩܼܠ ܟܪܝܫ ܡܥܦܪܐ ܕܚܕ ܡܢ ܒ̈ܢܝ ܒܝܬܗܼ. ܘܐܪܡܝ ܒܩܕܠܗ
                    ܕܝܗܘܕܐ ܘܐܡܼܪ. ܓܘܪܘ ܐܙ݀ܠ. ܐܿܚܙܐ ܐܢ ܡܦܨܐ ܠܗ ܝܫܘܥ ܡܢ ܐܝܼ̈ܕܝ. ܘܓܿܝܪܝܢ ܗܘܘ ܠܗ ܘܐܙ݀ܠܝܢ
                         273  ܥܕܡܐ ܠܘܬ ܡܙܕܝ ܡܿܠܟܐ ܀ ܀ ܘܟܕ
                    ܩܡ ܝܗܘܕܐ ܩܕܡ ܡܙܕܝ ܡܿܠܟܐܼ ܐܡܼܪ ܠܗ. ܐܡܼܪ ܠܝ ܡܐ ܛܒܼܟ. ܘܒܚܝܠܐ ܕܡܿܢܼܘ ܗܠܝܢ ܥܿܒ̈ܕܐ
                    ܥܿܒܕ ܐܢܬ. ܘܝܗܘܕܐ ܫܬܼܝܩ ܗܘܐ. ܘܠܐ ܝܗܼܒ ܠܗ ܦܬܓܡܐ. ܘܦܩܪܕ ܡܙܕܝ ܠܦܠܚܼ̈ܐܼ. ܘܡܚܐܘܗܝ ܡܐܐ
                    ܘܥܣܪܗܝܢ ܟܘ̈ܟܝܢ. ܘܦܩܼܕ ܕܟܕ ܦܟܝ ܢܘܒܿܠܘܢܝܗܝ ܠܒܝܬ ܐܣܝܪ̈ܐ. ܘܦܟܪܘܗܝ ܘܐܘܒܠܘܗܝ ܀ ܘܟܕ
                    ܐܙܠܼ ܘܥܠ ܠܒܝܬ ܐܣܝܪ̈ܐ. ܘܦܟܪܘܗܝ ܘܐܘܒܠܘܗܝ ܀ ܘܟܕ ܐܙܠܼ ܘܥܠ ܠܒܝܬ ܐܣܝܪ̈ܐܼ. ܡܬܚܫܒ ܗܘܐ
                    ܡܙܕܝ ܘܟܪܝܫܼ ܕܐܝܟܢܐ ܢܩܛܠܘܢܗ. ܡܛܠ ܕܥܡܐ ܟܠܗܼ. ܐܝܟ ܕܠܐܠܗܐ ܣܓܿܕܝܢ ܗܘܘ ܠܗ. ܘܫܩܠܘ ܗܘܘ
                    ܛܥܢܐ ܕܢܐܡܪܘܢ ܕܠܡܿܠܟܐ ܨܿܚܝ܆ ܘܡܓܘܫܐ ܗܘ. ܝܗܘܕܐ ܕܝܢ ܟܕ ܐܙ݀ܠ ܠܒܝܬ ܐܣܝܪ̈ܐܼ. ܚܿܕܐ ܗܘܐ
                    ܘܿܪܘܼܙ ܟܕ ܐܡܿܪ. ܕܡܿܘܕܐ ܐܢܐ ܠܟ ܡܪܝ ܝܫܘܥ ܡܫܝܚܐ. ܕܠܐ ܗܘܐ ܕܐܗܝܡܢ ܒܟ ܒܠܚܘܕ ܐܫܘܝܬܢ܆
                    ܐܠܐ ܐܦ ܕܐܿܣܒܘܠ ܡܛܠܬܟ ܣܓ̈ܝܐܬܐ. ܘܐܡܼܪ ܕܡܿܘܕܐܐܢܐ ܠܟ ܡܪܝ ܕܠܗܠܝܢ ܐܫܘܝܬܢ. ܡܿܘܕܐ ܐܢܐ ܠܟ
                    ܡܪܝ ܕܗܘܼܬ ܒܛܝܠܘܬܟ ܥܠ ܘܐܫܘܝܬܢܝ ܕܐܿܣܝܒܪ ܚܠܦܝܟ ܒܝ̈ܫܬܐ ܣܓ̈ܝܐܬܐ. ܡܿܘܕܐ ܐܢܐ ܠܟ ܡܪܝ.
                    ܕܡܛܠܬܟ ܚܿܪܫܐ ܘܣܪܝܦܐ ܘܡܣܟܢܐܼ ܘܚܕܘܪܐ ܗܿܘܝܬܼ. ܐܿܩܒܠ ܗܟܝܠ ܡܢ ܛܘܒܗܘܢ ܕܡ̈ܣܟܢܐ ܘܡܢ
                    ܢܝܿܚܗܘܢ ܕܠܐܝ̈ܐ. ܘܡܢ ܛܘܒܗܘܢ ܕܗܿܢܘܢ ܕܢܗܘܼܘܢ ܣܿܢܝܢ ܠܗܘܢ ܒܢ̈ܝܢܫܐܿ. ܘܪܕܦܝܢ ܠܗܘܢ
                    ܘܡܚܿܣܕܝܢ ܠܗܘܢ ܘܐܡܿܪܝܢ ܥܠܝܗܘܢ  274 
                    ܡ̈ܠܐ ܣ̈ܢܝܬܐ. ܗܐ ܡܛܠܬܟ ܣܢܼܐ ܐܢܐ ܘܦܪܝܫ ܐܢܐ ܡܢ ܣܓ̈ܝܐܐܿ. ܡܛܠܬܟ ܐܡܿܪܝܢ ܥܠܝ ܡܕܡ ܕܠܐ
                    ܝܿܕܥ ܐܢܐ. ܘܟܕ ܡܨܿܠܐ ܗܘܐ ܟܠܗܘܢ ܗܿܢܘܢ ܕܒܝܬ ܐܣܝܪ̈ܐ ܚܿܙܝܢ ܗܘܘ ܠܗ ܕܡܨܿܠܐ ܗܘܐ. ܘܒܿܥܝܢ
                    ܗܘܘ ܡܢܗ ܕܢܨܿܠܐ ܘܐܦ ܥܠܝܗܘܢ. ܘܟܕ ܨܿܠܝ ܘܝܬܼܒ܆ ܫܼܿܪܝ ܗܘܐ ܝܗܘܕܐ ܕܢܐܡܪ ܡܕܪܫܐ ܗܢܐ. 
            

            
                Hymn of Judas Thomas
                ܡܕܪܫܐ ܕܝܗܘܕܐ ܬܐܡܐ ܫܠܝܚܐ
                ܕܒܐܬܪܐ ܕܗ̈ܢܕܘܝܐ
            
            
                 ܟܕ ܐܢܐ ܫܒܪ ܝܠܘܕ. ܘܥܡܿܪ ܒܡܿܠܟܘܬܝ ܒܝܬ ܐܒܝ. ܘܒܥܘܪܬܐ ܘܒܓܐܘ̈ܬܐ.
                    ܕܡܪ̈ܒܝܢܝ ܡܢܚ ܗܿܘܝܬ. ܡܢ ܡܕܢܚܐ ܡܬܢ. ܙܘܿܕܘ ܐܒ̈ܗܝ ܫܕܪܘܢܝ. ܘܡܢ ܥܘܬܪܐ ܕܒܝܬ ܓܙܢ. ܐܟܒܪ
                    ܨܿܡܕܘ ܠܝ ܡܘܒܠܐ. ܣܓܝܐܐ ܗܝ ܘܩܠܝܠܐ. ܕܐܢܐ ܠܚܘܕܝ ܐܫܩܝܠܗܿ. ܕܗܒܐ ܗܝ ܕܒܝܬ ܥ̈ܠܝܐ. ܘܣܐܡܐ
                    ܕܓܙܟ ܪܒܬܐ. ܘܩܪ̈ܟܕܢܝ ܗܢܕܘ. ܘܦܬܘ̈ܬܟܐ ܕܡܢ ܒܝܬ ܩܫܢ. ܘܚܙܩܘܢܝ ܒܐܕܡܘܣ. ܕܠܦܪܙܠܐ ܗܼܝ
                    ܫܚܩܐ. ܘܐܫܠܚܘܢܝ ܠܙܗܝܘܬܐ. ܕܒܚܘܒܗܘܢ ܥܒܕܘܗܿ ܠܝ. ܘܠܛܘܓܝ ܕܙܚܘܪܝܬܐ. ܕܥܠ ܩܘܡܬܝ ܡܡܫܚ
                    ܙܩܝܼܪ. ܘܥܒܼܕܘ ܥܡܝ ܚܘܪܩܢܐܼ. ܘܟܬܒܘܗܝ ܒܠܒܝܼ ܕܠܐ ܢܬܛܥܐ. ܘܐܢ ܬܚܘܬ ܠܓܘ ܡܨܪܝܢ: ܘܬܚܬܝܗܿ
                    ܠܡܪܓܢܝܬܐ ܚܕܐ : ܗܿܝ ܕܐܝܬܝܗܿ ܒܓܘ ܝܡܢܐ. ܚܕܪ̈ܘܗܝ ܕܚܘܝܐ ܣܝܩܐܼ. ܬܠܒܫܝܗܿ  275  ܠܙܗܝܘܬܟ܆ ܘܠܛܘܓܟ ܕܥܠܝܗܿ ܡܢܚ. ܘܥܡ
                    ܐܚܘܟ ܬܪܝܢܢ. ܝܪܘܬ ܒܡܿܠܟܘܬܢ ܬܗܘܼܐ. ܫܿܓܪܬ ܡܕܢܚܐ ܢܚܿܬܬ. ܟܕ ܥܡܝ ܬܪ̈ܝܢ ܦܪ̈ܘܩܝܢ. ܕܐܘܪܚܐ
                    ܕܚܝܼܠܐ ܘܥܼܛܠܐ. ܘܐܢܐ ܫܒܪ ܐܢܐ ܠܡܪܕܝܗܿ. ܥܿܒܪܬ ܬܚ̈ܘܡܝ ܡܝܫܢ. ܨܘܒܐ ܕܬܓܪ̈ܝ ܡܕܢܚܐ.
                    ܘܡܿܛܝܬ ܠܐܪܥ ܒܒܠ. ܘܥܿܠܬ ܒܫܘܪܗܝܗܿ ܕܣܪܒܘܓ. ܢܚܿܬܬ ܠܝ ܠܓܘ ܡܨܪܝܢ. ܘܡ̈ܠܘܝܢܝ ܡܢܝ ܦܪܫܘ.
                    ܬ݀ܪܨܬ ܠܘܬ ܚܘܝܐ. ܚܕܪ̈ܘܗܝ ܕܐܫܦܙܗ ܫܿܪܝܬ. ܥܕ ܢܢܘܡ ܘܥܕ ܢܫܟܚܒ. ܘܡܢܗ ܠܡܪܓܢܝܬܝ ܐܫܩܠܝܗܿ.
                    ܘܕܚܕ ܗܘܝܬ ܡܫܘܚܕ ܗܘܝܬ. ܠܒ̈ܢܝ ܐܫܦܝܙܝ ܢܘܟܪܝ ܗܘܝܬ. ܠܒܪ ܓܢܣܝ ܒܪܚܐܪ̈ܐ : ܡ̈ܫܚܐ. ܘܠܝ
                    ܐܬܼܐ ܘܢܩܼܦ. ܘܥܿܒܕܬܗ ܒܪ ܥܝܢܝܢܝ. ܚܒܪܐ ܕܬܐܓܘܪܬܝ ܠܗ ܫܿܘܬܦܬ. ܙܗܪܬܗ ܡܢ ܡܨܪ̈ܝܐ. ܘܡܢ
                    ܢܩܦܗܘܢ ܕܡ̈ܣܝܒܐ. ܘܐܝܟ ܠܒܘܫܗܘܢ ܠܒܿܫܬ. ܕܠܐ ܢܫܟܪܘܢܢܝ ܕܡܢ ܠܒܪ ܐܬ݀ܝܬ. ܕܐܣܒܝܗܿ
                    ܠܡܪܓܢܝܬܐ. ܘܢܥܝܪܘܢܝܗܝ ܠܚܘܝܐ ܥܠܝ. ܘܒܐܝܿܕܐ ܡܢ ܥܗܠܼܠܬܐ. ܪܓܫܘ ܒܝ ܕܠܐ ܗܿܘܝܬ ܒܪ ܡܬܗܘܢ.
                    ܘܚܠܛܘ ܥܡܝ ܒ̈ܢܟܠܝܗܘܢ. ܐܦ ܐܛܥܡܘܢܝ ܡܐܟܘܠܬܗܘܢ. ܛܿܥܝܬ ܕܒܪ ܡ̈ܠܟܐ ܐܢܐ. ܘܦܿܠܚܬ ܠܡܿܠܟܐ
                    ܕܝܠܗܘܢ. ܘܛܿܥܝܬܗܿ ܠܡܪܓܢܝܬܐ. ܕܥܝܠܗܿ ܐܒ̈ܗܝ ܫܕܪܘܢܝ. ܘܒܝܘܩܪܐ ܕܛܘܪܗܝܗܘܢ. ܫܿܟܒܬ ܒܫܼܢܬܐ
                    ܥܡܩܝܬܐ. ܘܒܗܠܝܢ  276  ܟܠܗܝܢ ܕܓܕܫܢܝ.
                    ܐܒ̈ܗܝ ܪܓܫܼܘ ܘܚܫܼܘ ܥܠܝ. ܘܐܬܟܪܙ ܒܡܿܠܟܘܬܢ. ܕܟܠܢܫ ܠܬܪܥܢ ܢܫܬܓܪ. ܡ̈ܠܟܐ ܘܪ̈ܫܝ ܦܪܬܘ. ܘܟܠ
                    ܪ̈ܘܪܒܢܝ ܡܕܢܚܐ. ܘܩܛܪܘ ܥܠܝ ܐܦܪܣܢܐ. ܕܐܢܐ ܒܡܨܪܝܢ ܠܐ ܐܫܬܒܩ. ܘܟܬܒܘ ܠܝ ܐܝܓܪܬܐ. ܘܟܠ
                    ܪ̈ܘܪܒܢܐ ܫܡܗ ܒܗܿ ܐܪܡܿܝ. ܡܢ ܐܒܘܟ ܡܼܠܟ ܡ̈ܠܟܐ. ܘܐܡܟ ܐܚܝܼܕܬ ܡܕܢܚܐ. ܘܡܢ ܐܚܘܟ ܬܪܝܢܢ. ܠܟ
                    ܒܪܢ ܕܒܡܨܪܝܢ ܫܠܡ. ܢܕ ܘܩܘܡ ܡܢ ܫܢܬܟ. ܘܡ̈ܠܐ ܕܐܓܪܬܢ ܫܡܼܥܼ. ܐܬܥܿܗܕ ܕܒܪ ܡ̈ܠܟܐ ܐܢܬ. ܚܙܝ
                    ܥܒܼܕܘܬܐ ܠܡܿܢ ܦܠܚܼܬ. ܥܗܝܕܝܗܿ ܠܡܪܓܢܝܬܐ. ܕܥܠܝܗܿ ܠܡܨܪܝܢ ܐܫܬܓܪܬ. ܐܬܕܟܪܝܗܿ ܠܙܗܝܬܟ.
                    ܘܠܛܘܓܟ ܓܐܿܝܐ ܥܿܗܕ. ܕܬܠܿܒܫ ܘܬ݀ܨܒܬ. ܕܒܣܦܼܪ ܚ̈ܠܝܨܐ ܫܡܟ ܐܬܩܪܝ. ܘܥܡ ܐܚܘܟ ܦܨܥܪܝܒܢ ܥܡܗ
                    ܒܡܿܠܟܘܬܢ ܬܗܘܼܐ. ܘܐܝܓܪܬܝ ܐܝܓܪܬܐ ܗܝ. ܕܡܿܠܟܐ ܒܝܡܝܢܗ ܚܬܡܗܿ. ܡܢ ܒ̈ܝܫܼܐ ܒ̈ܢܝ ܒܒܠ.
                    ܘܕܝ̈ܘܐ ܡܪ̈ܝܪܐ ܕܣܪܒܘܓ. ܦܪܚܼܬ ܘܫܟܼܢܬ ܨܐܝܕܝ. ܘܟܠܗܿ ܗܘܼܬ ܠܗ ܡܠܬܐ. ܠܩܠܗܿ ܘܠܩܠ ܪܓܫܬܗܿ.
                    ܢܿܕܬ ܘܩܿܡܬ ܡܢ ܫܿܢܬܝ. ܫܿܩܠܬܗܿ ܘܢܫܩܬܗܿ. ܘܫܿܪܝܬ ܐܢܐ ܠܝܬܗܿ ܩܿܪܝܬ. ܘܥܠ ܗܿܘ ܕܒܠܒܝ
                    ܪܫܝܡ. ܡ̈ܠܝܗܿ ܕܐܝܓܪܬܝ ܐܬܟܬܼܒ.  277 
                    ܥܿܗܕܬ ܕܒܪ ܡܗܠܟܐ ܐܢܐ. ܘܚܐܪܘܬܝ ܟܝܢܗܿ ܦܩܕܐ. ܥܗܕܬ ܠܡܪܓܢܝܬܐ. ܕܥܠܝܗܿ ܠܡܨܪܝܢ ܐܿܫܬܕܪܬ.
                    ܘܫܿܪܝܬ ܡܡܓܫ ܐܢܐ ܠܗ. ܠܚܘܝܐ ܕܚܝܠܐ ܘܣܝܩܐ. ܐܢܝܡܬܗ ܘܐܫܟܒܬܗ. ܕܫܡ ܐܒܝ ܥܠܘܝ ܐܢܐ ܐܬ݀ܕܟܪܬ.
                    ܘܫܡܗ ܕܬܪܝܢܢ. ܘܕܐܡܪܝ ܡܿܠܟܬ ܡܕܢܚܐ. ܘܚܛܦܬܗܿ ܠܡܪܓܢܝܬܐ. ܘܥܿܛܦܬ ܕܐܦܢܐ ܠܒܝܬ ܐܒܝ.
                    ܘܠܒܘܫܗܘܢ ܨܐܐ ܘܛܡܐܐ. ܫܿܠܚܬ ܘܫܿܒܩܬܗ ܒܐܬܪܗܘܢ. ܘܬܪܨܬܗܿ ܠܡܪܕܝܬܝ ܕܬܐܬܐ. ܠܢܘܗܪܐ ܕܡܬܢ
                    ܡܕܢܚܐ. ܘܠܐܝܓܪܬܝ ܡܥܝܪܢܝܬܝ. ܩܕܡܝ ܒܐܘܪܚܐ ܐܿܫܟܚܬ. ܘܐܝܟ ܕܒܩܠܗܿ ܐܥܝܪܬܢܝ ܬܘܒ ܒܢܘܗܪܗܿ ܠܝ
                    ܡܒܕܪܐ. ܕܫܪܝܐ ܒܣܠܝܩܘܢ. ܩܕܡܝ ܒܚܘܪܗܿ ܡܦܪܓܐ. ܘܒܩܠܗܿ ܘܒܗܕܝܘܬܗܿ. ܬܘܒܢ ܪܗܝܒܘܬܝ ܡܠܒܒܐ.
                    ܘܒܚܘܒܗܿ ܢܿܓܕ ܠܝ. ܢܿܦܩܬ ܥܒܪܬܗܿ ܠܣܪܒܘܓ. ܫܒܩܬ ܠܒܒܠ ܠܣܡܠܝ. ܘܡܿܛܝܬ ܠܡܝܫܢ ܪܒܬܐ.
                    ܠܠܡܐܢܗܘܢ ܕܬܓܪ̈. ܘܒܥܒܼܪܗ ܕܝܡܼܿܐ ܝܬܒܐ. ܘܠܙܗܝܬܝ ܕܫܿܠܚܬ ܗܘܝܬ. ܘܠܛܓܝ ܕܒܗܿ ܡܥܛܦܐ. ܡܢ
                    ܪܡܬܐ ܘܪܩܢ ܠܬܡܿܢ ܐܒܗܗܝ ܫܕܪܘܗܿ. ܒܐܝܕܐ ܕܓܙܒܪܗܝܗܘܢ. ܕܒܫܪܪܗܘܢ ܥܠܝܗܿ ܡܗܝܡܢܝܢ. ܘܕܠܐ
                    ܥܿܗܕ ܗܘܝܬ ܬܓܡܗܿ. ܕܒܫܒܘܬܝ ܫܒܩܬܗܿ  278 
                    ܒܝܬ ܐܒܝ. ܡܢ ܫܠܝܐ ܟܕ ܐܒܩܠܬܗܿ. ܠܡܚܙܝܬܝ ܠܒܘܫܐ ܕܡܬ ܠܝ. ܟܠܗܿ ܒܟܘܠ ܚܿܙܝܬ. ܘܐܦ ܐܢܐ ܠܟܘܠ
                    ܒܗܿ ܐܩܒܠܬ. ܕܬܪܝܢ ܚܢܢ ܒܦܘܪܫܢܐ. ܘܚܕ ܬܘܒ ܚܢܢ ܒܚܕܐ ܕܡܘ. ܘܐܦ ܠܗܘܢ ܠܓܙܒܪ̈ܐ. ܕܠܝ
                    ܐܝܬܝܘܗܿ ܗܟܢ ܚܿܙܝܬ. ܕܬܪܝܢ ܐܢܘܢ ܚܕܐ ܕܡܘ ܐܢܘܢ. ܕܚܕ ܢܝܫ ܡܿܠܟܐ ܪܫܝܡ ܒܗܘܢ. ܕܐܝܼ̈ܕܘܗܝ
                    ܕܦܢܝ ܠܝ. ܠܓܘܥܠܢܝ ܘܥܘܬܪܝ ܒܐܝܼܕܗܘܢ. ܠܙܗܝܬܝ ܡܨܒܬܬܐ. ܕܒܓ̈ܘܢܐ ܓܐܝ̈ܐ ܡܨܒܬܐ. ܒܕܗܒܐ
                    ܘܒܒܪ̈ܘܠܐ. ܘܩܪ̈ܟܕܢܐ ܘܦܬܘ̈ܬܟܐ. ܘܣܪ̈ܕܘܟܐ ܦܪܝܫܬ ܓܘܢܐ. ܐܦ ܗܼܝ ܒܪܘܡܗܿ ܡܬܩܢܐ. ܘܒܟܐ̈ܦܐ
                    ܕܐܕܡܘܣ ܟܘܠ ܫܪܗܝܬܗܿ ܡ̈ܩܒܥܢ. ܘܨܠܡܗ ܕܡܠܼܟ ܡ̈ܠܟܐ. ܟܠܗ ܒܟܠܗܿ ܡܣܩܼ ܘܨܝܪ. ܘܐܦ ܟܐܦܐ
                    ܕܣܦܝܠܐ. ܬܘܒܢ ܟܪ̈ܘܡܝܗܿ ܡ̈ܦܬܟܐ. ܘܚܿܙܝܬ ܬܘܒ ܕܒܟܠܗܿ. ܙܘܥ̈ܝ ܝܕܥܬܐ ܪ̈ܦܬܝܢ. ܘܐܝܟ
                    ܕܠܡܡܠܠܘ. ܬܘܒ ܚܿܙܝܬܗܿܕ ܡܬܥܬܕܐ. ܩܠ ܢܥ̈ܡܬܗܿ ܫܡܿܥܬ. ܕܥܡ ܡ̈ܝܚܬܝܗܿ ܡܪܬܡܐ. ܕܗܘܼ ܐܢܐ
                    ܙܪܝܙ ܥܒܼ̈ܕܐ. ܕܠܗ ܪܒܝܘܢܝ ܩܕܡܘܗܝ ܕܐܒܝ. ܘܐܦ ܐܢܐ ܡܪܓܫ ܗܘܝܬ ܒܝ. ܕܩܘܡܬܝ ܐܝܟ ܥ̈ܡܠܘܗܝ
                    ܪܒܝܐ. ܘܒܙܘ̈ܥܝܗܿ ܡ̈ܠܟܝܐ. ܟܘܠܗܿ ܠܘܬܝ ܡܫܬܦܥܐ ܘܥܠ ܐܝܼܕܝܐ ܕܝܗ̈ܘܒܝܗܿ ܡܣܬܪܗܒܐ ܐܝܟ
                    ܕܐܫܩܠܝܗܿ. ܘܐܦ ܠܝ ܚܘܒ ܙܩܿܬ ܗܘܐ. ܕܐܿܪܗܛ ܠܐܪܘܥܗܿ  279  ܘܐܩܒܠܝܗܿ. ܘܐܬ݀ܦܫܛܬ ܘܩܿܒܠܬܗܿ.
                    ܒܫܘܦܪܐ ܕܓܘ̈ܢܝܗܿ ܐܨܿܛܒܬܬ. ܘܠܛܘܓܝ ܢܨܝܚ ܓ̈ܘܢܐ. ܟܠܗܿ ܠܟܠܗܿ ܐܬ݀ܥܛܦܬ. ܠܒܿܫܬ ܒܗܿ
                    ܘܐܬ݀ܥܠܝܬ. ܠܬܪܥ ܫܿܠܡܐ ܘܣܓܕܬܐ. ܟܿܦܬ ܪܝܫܝ ܘܣܓܿܕܬ ܠܗ. ܠܙܝܘܗ ܕܐܒܝ ܠܝ ܫܕܪܗܿ. ܕܥܿܒܕܬ
                    ܠܦܘ̈ܩܕܢܘܗܝ. ܘܐܦ ܗܼܘ ܕܐܫܼܬܘܕܝ ܥܼܒܕ. ܘܒܬܪܥܐ ܕܘܣܦܪ̈ܘܗܝ. ܥܡ ܪ̈ܘܪܒܢܘܗܝ ܐܬܚܾܛܬ. ܕܚܕܝ
                    ܒܝ ܘܩܒܠ ܝܬܝ. ܘܥܡܗ ܒܡܿܠܟܘܬܗ ܗܿܘܝܬ. ܘܒܩܠܐ ܕܕܪ̈ܘܣܐ. ܟܘܠ ܠܦܚܼ̈ܘܗܝ ܠܗ ܡܫܒܚܝܢ..
                    ܘܐܐܫܬܓܪ. ܘܒܩܘܪܒܢܝ ܘܒܡܪܓܢܝܬ. ܥܡܗ ܠܡܿܠܟܢ ܐܬ݀ܚܙܐ. 
            
            
                ܫܠܡ ܡܕܪܫܐ ܕܝܗܘܕܐ ܬܐܡܘܐ ܫܠܝܚܐ.
                ܕܐܡܼܪܗ ܒܝܬ ܐܣܝܪ̈ܐ܀
            


            
                Song of Praise of Thomas the Apostle
                ܬܘܒ ܬܫܒܘܚܬܐ ܕܬܐܘܡܐ ܫܠܝܚܐ.
            

            
                 ܡܫܚܒܚܬ ܐܒܐ ܡܪܐ ܕܟܘܠ. ܐܝܬܝܐ ܕܠܐ ܡܬܡܠܠ. ܕܟܣܐ ܒܙܝܘܐ ܕܫܘܒܚܗ ܡܢ ܟܠ
                    ܥܠܡܝܢ܀ ܡܗܿܠܠܬ ܒܪܐ ܒܘܟܪܐ ܕܚ̈ܝܐ. ܕܡܢ ܐܒܐ ܪܡܐ ܘܡܠܬܐ ܕܚ̈ܝܐ܀ ܡܫܒܚܬ ܐܒܐ ܝܚܝܕܐ. ܨܿܐܪ
                    ܢܦܫܗ ܒܚܟܡܬܐ ܒܟܠ ܒܪ̈ܝܢ ܘܒܟܠ ܥܠܡܝܢ܀ ܡܗܠܠܬ ܒܪܐ ܕܢܘܗܪܐ. ܚܟܡܬܐ ܘܚܝܠܐ ܘܡܕܥܐ ܕܒܟܠ ܥܠܡܝܢ
                    ܐܝܬܝܟ܀ ܡܫܒܚܬ ܐܠܐ ܪܡܐ. ܕܕܢܚܼ ܡܢ ܣܬܪܗ ܠܓܠܝܐ ܒܐܝܼܤܕܐ ܕܟܠܗܘܢ ܢܒ̈ܝܘܗܝ܀ ܡܗܠܠܬ ܒܪܐ
                    ܕܪ̈ܚܡܼܐ. ܕܒܗ  280  ܐܫܿܬܠܡܘ ܟܠܗܘܢ
                    ܒܚܟܡܬܐ ܘܒܫܬܩܐ܀ ܡܫܒܚܬ ܐܒܐ ܓܐܝܐ. ܝܠܝܼܕ ܒܘܟܪܤܤܗ ܒܫܬܩܐ ܘܒܫܠܝܐ ܕܡܚܫܒܬܐ܀ ܡܗܠܠܬ ܒܪܐ
                    ܣܓܝܕܐ. ܕܕܢܚܼܤ ܡܢ ܐܒܐ ܒܚܙܘܗ ܒܫܠܝܐ ܘܒܬܫܒܘܚܬܐ ܀ ܀ ܡܫܒܚܬ ܐܒܐ ܛܿܒܐ. ܕܓܠܼܐ ܪܐܙܐ ܕܒܘܟܪܗ
                    ܠܢܒ̈ܝܘܗܝ ܒܪܤܘܚܐ ܕܩܘܕܫܐ ܀ ܡܗܠܠܬ ܒܪܐ ܒܚܿܝܪܐ. ܕܓܠܼܐ ܫܘܒܚܗ ܕܐܒܐܿ. ܠܫ̈ܠܝܚܘܗܝ ܒܟܠ
                    ܥܗܡܡܝܢ܀ ܡܫܒܚܬ ܐܒܐ ܫܦܝܐ. ܡܩܿܕܫ ܪܒܘܬܗ ܠܥܠܡ ܒܒܘܟܪܤܗ ܡܚܝܢܐ ܠܫܦܝܐ. ܡܩܿܕܫ ܪܒܘܬܗ ܠܥܠܡ
                    ܒܒܘܟܪܤܗ ܡܚܝܢܐ ܠܒܪܤܝܬܗ܀ ܡܗܠܠܬ ܒܪܐ ܦܐܝܐ. ܕܕܢܚܼ ܡܢ ܙܝܘܗ ܕܐܒܐܿ. ܘܦܼܪܩ ܢܦܫ̈ܬܢ ܒܕܡܗ
                    ܙܟܝܐ܀ ܡܫܒܚܬ ܐܒܐ ܐܚܝܕ ܟܠ. ܕܥܡܿܪ ܒܢܘܗܪܗ ܓܐܝܐ. ܘܟܣܐ ܒܬܫܒܘܚܬܗ ܘܓܠܼܐ ܠܟܠ ܒܛܝܒܘܬܗ ܀ ܀
                    ܡܗܠܠܬ ܒܪܐ ܡܫܠܡܢܐ. ܕܪܙܝܥ ܒܐܪܥܐ ܚܝܬܐ. ܘܡܢ ܩܕܡ ܥ̈ܠܡܐ ܐܝܬܝܟ ܒܐܒܘܟ ܩܕܝܫܐ ܀ ܡܫܒܚܬ ܐܠܐ
                    ܙܐܿܢ ܟܠ. ܕܒܟܠ ܥ̈ܠܡܝܢ ܐܝܬܝܟ ܒܪܘܡܐ ܘܒܥܘܡܩܐܼ. ܘܠܝܬ ܐܬܪ ܕܣܪܝܩ ܡܢܟ ܀ ܡܗܠܠܬ ܒܪܐ ܦܐܪܐ
                    ܣܓܝܕܐ. ܕܕܢܚܼ ܥܠ ܟܠ ܒܪ̈ܚܡܼܐܼ. ܘܠܒܫܼ ܐܢܫܘܬܢܼ ܘܩܛܠܗ ܠܒܥܠܕܪܢ ܀ ܡܫܒܚܬ ܐܠܐ ܕܠܐ ܡܣܬܝܟ.
                    ܕܥܒܼܕ ܡܠܐ̈ܟܘܗܝ ܡܢ ܫ̈ܦܥܐ ܕܪܘܚܗ. ܘܡ̈ܫܡܫܢܘܗܝ ܢܘܪܗ ܝܿܩܕܬܐ ܀ ܡܗܠܠܬ ܒܪܐ ܕܢܘܗܪܐ. ܕܪܟܝܒ
                    ܥܠ ܪܘܚܐ ܘܥܛܝܦ ܢܘܗܪܐ ܕܐܒܐܿ. ܥܠ ܥ̈ܢܢܐ ܩ̈ܕܝܫܬܐ ܀ ܀  281  ܡܫܒܚܬ ܐܒܐ ܡܚܐ ܟܠ.. ܕܟܿܢܫ ܥܠܡ̈ܐ
                    ܠܫܘܒܚܗ ܒܐܝܼܕܝܐ ܕܚܒܝܒܗ܇ ܕܢܣܿܩܘܢ ܠܗ ܬܫܒܘܚܬܐ ܀ ܡܗܠܠܬ ܒܪܐ ܕܚܗܝܐ. ܕܐܒܐ ܡܣܒܥ ܠܩ̈ܕܝܫܐ
                    ܡܢ ܡܿܘܗܒܬܗ܇ ܘܪܕܘ ܡܢܗ ܘܡܢܥܘ ܒܐܘܪܚܗ ܕܫܿܠܡܐ ܀ ܡܫܒܚܬܗ ܐܠܐ ܡܚܐ ܟܠ.. ܕܓܠܼܐ ܪ̈ܐܙܘܗܝ
                    ܕܒܪܗ ܒܪܘܚܐ ܠܩ̈ܕܝܫܘܗܝ. ܒܫܠܝܐ ܘܒܢܝܿܚܐ ܀ ܡܗܠܠܬ ܒܪܐ ܦܐܪܐ ܕܐܒܐܿ. ܡܣܬܪ ܠܓܒ̈ܘܗܝ ܬܚܝܬ
                    ܟܢ̈ܦܘܗܝ܇ ܘܫܿܠܡ ܨܒܝܢ ܐܒܘܗܝ ܘܦܼܪܩ ܠܚ̈ܒܝܒܘܗܝ ܀ ܡܫܒܚܬ ܐܒܐ ܛܿܒܐ. ܡܿܚܐ ܟܠ ܒܪܗܝܬܐ
                    ܒܐܝܼܕܐ ܕܚܒܝܒܗ܇ ܒܪ̈ܚܡܼܐ ܘܒܛܝܒܘܬܐ ܒܩܛܠܐ ܕܨܠܝܒܘܬܗ ܀ ܡܗܠܠܬ ܒܪܐ ܒܘܟܪܐ. ܙܐܿܢ ܥ̈ܠܡܐ
                    ܒܦܓܪܗ ܘܥܿܛܐ ܚ̈ܛܗܝܢ ܒܢܝܫܐ ܕܫܘ̈ܡܬܗ܇ ܘܒܪܣܣ ܕܡܗ ܕܥܠܝܢ܀ ܡܫܒܚܬ ܐܒܐ ܛܿܒܐ. ܕܫܼܪܐ ܒܠܒܐ
                    ܕܟܝܐ ܒܡܕܥܐ ܕܣܓ̈ܘܕܘܗܝ܇ ܘܓܢܼܐ ܡܢ ܟܠ ܒܚܙܬܗ ܘܓܠܼܐ ܠܢ ܒܡܫܝܚܗ ܀ ܡܗܠܠܬ ܒܪܐ ܡܠܬܐ. ܡܿܟܪܙ
                    ܡܐܬܝܬܗ ܒܫܠܝܐ ܘܠܒܼܫ ܐܢܫܘܬܢܿ. ܘܦܪܩܢ ܒܕܡܗ ܚܼܿܝܐ ܘܙܟܝܐ ܀ ܡܫܒܝܚܬ ܐܒܐ ܚܼܿܝܐ. ܕܐܚܝܬ
                    ܡܼܝܬܘܬܢ ܕܛܿܥܝܢ ܗܘܝܢ ܡܢ ܐܘܪܟܚ܇ ܘܡ̈ܝܬܐ ܗܘܼܝܢ ܘܐܒ̈ܝܕܐ. ܘܗܘܼܘ ܥܠܝܢ ܪ̈ܚܡܼܝܟ ܀ ܡܗܠܠܬ
                    ܒܪܐ ܪܚܝܡܼܐ. ܕܐܚܼܝܬ ܡܝܬܘܬܢ ܘܐܦܢܝܼܬ ܛܥܝܘܬܢ. ܘܗܘܼܝܬ ܠܢ ܣܡ ܚ̈ܝܐ ܒܦܓܪܟ ܡܚܝܢܐ ܘܒܪܣܣ
                    ܕܡܟ ܚܼܿܝܐ ܀ ܀ ܡܫܒܚܬ ܐܒܐ ܪܡܐ. ܡܢ ܟܠ ܦܘ̈ܡܝܢ ܘܟܠ ܠܫ̈ܢܝܢ. ܕܐܬܪܥܝܼܬ ܠܢ ܒܡܫܝܚܟ ܘܛܥܡܢܟ
                    ܒܝܕ ܦܐܪܟ. ܘܗܘܼܝܢ ܒ̈ܢܝ ܫܝܢܟ ܀ ܡܗܠܠܬ ܒܪܐ ܥܿܒܕ ܫܝܢܐ. ܕܐܣܝܼܬ ܚܒܪ̈ܬܢ ܘܐܦܝܣܬ ܥܛܠܘܬܢܿ.
                    ܘܟܢܼܫܬ  282  ܦܗܝܘܬܢܿ. ܘܐܪܕܝܬܼܢ ܒܫܪܪܟ
                    ܘܝܕܥܢ ܒܟ ܠܐܒܘܟ ܀ ܀ ܡܫܒܚܬ ܐܒܐ ܐܚܝܕ ܟܠ. ܕܫܠܚܼܬ ܠܢ ܦܐܪܟ ܚܿܝܐ ܘܡܚܝܢܐܿ. ܘܫܿܝܢ ܒܕܡܐ
                    ܕܙܩܝܦܗ ܪ̈ܚܡܼܝܟ ܥܡ ܒܪ̈ܝܬܟ ܀ ܀ ܡܗܠܠܬ ܒܪܐ ܡܠܼܬ ܢܘܗܪܐ. ܕܕܢܚܼܬ ܡܢ ܪܘܡܐ ܘܣܿܒܥܬܢ
                    ܒܐܝܕܥܬܟ܇ ܘܕܟܿܝܼܬ ܛܡܐܘܬܢ ܘܐܿܚܝܼܬ ܡܝܬܘܬܢ ܒܢܝܫܟ ܨܠܝܒ ܢܘܗܪܐ ܀ ܡܫܒܚܬ ܐܒܐ ܕܟܠ
                    ܬܫ̈ܒܚܬܐܼ. ܘܡܪܡܪܡ ܫܡܟ ܪܒܐ ܒܟܠ ܥ̈ܠܡܝܢ. ܕܠܐ ܩܨܼܬ ܠܢ ܚ̈ܘܒܝܢ. ܘܐܚܝܬܢ ܒܡܫܝܚܟ ܕܚ̈ܝܐ
                    ܕܨܒܝܢܟ ܀ ܡܗܠܠܬ ܒܪܐ. ܩܠܐ ܒܛܝܢ ܡܕܥܐ ܟܗܢܢ ܩܕܝܫܐܿ. ܕܚܣܝܬܢ ܒܩܘܪܒܢܟ ܕܟܝܐ ܘܩܕܝܫܐܿ.
                    ܘܐܫܦܼܥܬ ܕܡܟ ܚܼܿܝܐ ܥܠ ܐ̈ܦܝ ܚ̈ܛܝܐ ܀ ܀ ܡܫܒܚܬ ܐܒܐ ܪܡܐ. ܕܟܣܼܝܬ ܡܢ ܥ̈ܠܡܐ ܟܠܗܘܢܿ.
                    ܘܓܠܼܝܬ ܐܝܟ ܨܒܝܢܟ ܠܟܠܗܘܢ ܣ̈ܓܘܕܝܟ ܀ ܡܗܠܠܬ ܒܪܐ ܕܚ̈ܝܐ. ܓܡܿܪ ܨܒܝܢܐ ܕܐܒܐܿ. ܕܫܝܼܢܬ
                    ܒܪ̈ܝܬܟ ܕܢܣܓܕܘܢ ܒܟ ܠܫܠܘܚܟ. ܘܢܗܼܘܘܢ ܒ̈ܢܝ ܪ̈ܐܙܝܟ܀܀܀ ܡܫܒܚܬ ܐܒܐ ܪܡܐ ܡܢ ܟܘܠ ܒܪܘܟ. ܕܠܟ
                    ܬܟܘܦ ܐܦ ܕܒܫܡܝܐ ܘܕܒܐܪܥܐ ܒܐܝܼܕܗ ܕܚܒܝܒܟ܀ ܡܗܠܠܬ ܒܪܐ ܣܓܝܕܐ ܕܪ̈ܚܡܼܐ ܡ̈ܫܠܡܢܐ. ܕܒܐܝܼܕܗ
                    ܗܘܼܐ ܫܝܢܐ. ܘܣܒܪܐ ܥܠ ܒܪ̈ܝܬܐ ܕܢ̈ܕܥܢ ܠܒܿܪܘܝܐ ܀ ܡܫܒܚܬ ܐܒܐ ܡܚܐ ܟܠ. ܕܠܐ ܡܿܘܦܐ ܥܘܬܪܐ
                         283  ܕܪ̈ܚܡܼܝܟ ܠܫܦܥܐ ܕܡ̈ܘܗܒܬܟ.
                    ܘܒܟܠܙܒܢ ܐܢܬ ܗܘ ܣܢܝܩ ܐܢܬ ܕܬܬܠ ܠܢ ܀ ܀ ܡܗܠܠܬ ܒܪܐ ܦܐܪܐ. ܕܐܢܬ ܗܘ ܬܪܥܐ ܕܢܘܗܪܐ ܘܐܘܪܚܐ
                    ܕܫܪܪܐ. ܘܐܪܕܝܬܢ ܒ̈ܥܩܒܬܟ ܕܢܡܿܢܥ ܠܒܝܬ ܐܒܘܟ ܪܡܐ ܀ ܡܫܒܚܬ ܐܒܐ ܒܣܝܡܐ. ܕܫܝܢܬܢ ܒܐܝܼܕܗ
                    ܕܡܚܝܢܢ. ܘܓܠܝܼܬ ܠܢ ܪ̈ܐܙܝܟ ܫ̈ܒܝܚܐ ܘܩ̈ܕܝܫܐ ܒܫܡܥܐ ܕܝܘܠܦܢܗ ܀ ܡܗܠܠܬ ܒܪܐ ܝܚܝܕܗ ܕܐܒܐ.
                    ܕܗܘܼܘ ܥܠܝܢ ܪ̈ܚܡܼܝܟ ܘܪܫܡܬܢ ܒܨܠܝܒܟ ܚܼܿܝܐ ܘܡܚܝܢܐ ܀ ܀ ܡܫܒܚܝܢ ܠܐܒܐ ܘܣܓܕܝܢ ܠܒܪܐ .
                    ܘܡܗܠܠܝܢ ܠܪܘܚܟ ܩܕܝܫܐܿ. ܟܘܠ ܦܘ̈ܡܝܢ ܘܟܘܠ ܠܫܢ̈ܝܢܿ. ܥ̈ܠܡܐ ܘܒܪܗܝܬܐ ܕܟܗܣܝܢ ܘܕ̈ܓܠܝܢ ܀
                    ܡܫܒܚܝܢ ܠܟ ܒܪܘܡܐ ܡ̈ܠܐܟܝܟ ܒܐܝܼܕܗ ܕܡܫܝܚܐ܇ ܕܗܘܼܐ ܫܝܢܐ ܘܣܒܪܐ ܒܫܝܘܠ. ܥܠ ܡ̈ܝܼܬܐ ܕܚܝܘ
                    ܘܐܬܢܚܡܘ ܀ ܒܥܝܢܢ ܡܢܟ ܡܪܢ ܘܡܚܝܢܢ. ܕܟܠ ܕܐܡܼܪܬ ܘܐܫܼܬܘܕܝܬ܇ ܫܿܠܡ ܥܡܢ ܛܝܒܘܬܟ ܘܐܥܠܝܢ
                    ܠܐܬܪ ܫܝܢܟ. ܐܢܬ ܗܘ ܓܝܪ ܡܚܝܢܢ. ܐܢܬ ܗܘ ܦܪܩܠܝܛܢ. ܐܢܢܬ ܗܘ ܣܡ ܚ̈ܝܝܢ ܀ ܐܢܬ ܗܘ ܢܝܫܢ
                    ܙܟܿܝܐ ܀ ܛܘܒܝܢ ܡܪܝ ܕܝܕܥܢܟ ܀ ܀ ܛܘܒܝܟ ܕܒܟ ܗܝܡܢܢ ܀ ܛܘܒܝܢ ܒܫܘ̈ܡܬܟܼ ܘܕܡܟ ܕܥܠ ܐ̈ܦܝܢ ܀
                    ܛܘܒܝܢ ܕܐܢܬ ܗܘ ܣܒܪܢ ܪܒܐ܀ ܛܘܒܝܢ ܕܐܢܬ ܗܘ ܐܠܗܢ ܘܠܥܠܡ ܥܠܡܝܢ ܐܡܝܢ ܀ ܀  284  ܟܪܝܫ ܕܝܢ ܒܥܠܗܿ ܕܡܓܕܘܢܝܐܼ. ܐܙܠ
                    ܗܘܐ ܠܒܝܬܗ ܟܕ ܚܼܿܕܝ ܣܓܿܝ. ܡܛܠ ܕܣܿܒܪ ܗܘܐ ܒܪܥܝܢܗ. ܕܡܢ ܗܫܐ ܗܘܝܐ ܐܢܬܬܗ ܥܡܗ. ܐܝܟ ܕܡܢ
                    ܩܕܝܡ: ܥܕܠܐ ܬܫܡܥܝ ܗܘܬ ܡܠܬܗ ܕܝܗܘܕܐ ܘܬܗܝܡܢ ܒܡܪܢ ܝܫܘܥ ܡܫܝܚܐ ܒܪܗ ܕܐܠܗܐ. ܘܟܕ ܐܙܠܼ
                    ܟܪܝܫܼ. ܐܫܟܚܗܿ ܠܐܢܬܬܗ ܟܕ ܝܬܒܐ ܗܘܬܼ. ܘܪ̈ܝܼܛܢ ܐܦ̈ܝܗܿ ܘܡܣܼܕܩܝܢ ܗܘܘ ܢܚ̈ܬܝܗܿ. ܘܕܡܿܝܐ
                    ܗܘܬ ܠܫܿܢܝܬܐ ܡܛܠ ܝܗܘܕܐ܀ ܐܡܿܪ ܠܗܿ ܡܪܬܝ ܘܚܬܝ ܡܓܕܘܢܝܐܼ. ܡܿܢܼܘ ܫܘܚܛܐ ܗܢܐ ܒܝܼܫܐ ܕܐܚܝܕ
                    ܠܟܝ. ܘܠܡܢܐ ܗܠܝܢ ܥܒܕܬܝ. ܐܢܬ ܐܢܐ ܟܪܝܫ ܒܥܠ ܛܠܝܘܬܟܝ. ܘܐܢܐ ܕܡܢ ܐܠܗ̈ܐ ܘܡܢ ܢܡܘܣܐ ܫܠܝܛ
                    ܐܢܐ ܥܠܝܟܝ. ܠܡܢܐ ܗܫܐ ܐܝܟ ܫܿܢܝܬܐ ܥܒܕܬܝ ܘܠܡܢܐ ܥܒܝܕܬܝ ܓܘܚܟܐ ܒܟܠܗ ܐܬܪܐ ܗܢܐ. ܐܠܐ ܡܢ
                    ܗܫܐ ܐܥܒܪ ܡܢ ܪܥܝܢܟܝ ܪܢܝܗ ܕܗܿܘ ܚܿܪܫܐ. ܚܙܬܗ ܓܝܪ ܫܿܩܠ ܐܢܐ ܠܗܿ ܡܢ ܩܕܡ ܥ̈ܝܢܝܟܝ ܕܬܘܒ ܠܐ
                    ܬܚܙܝܢܝܗܿ ܀ ܘܟܕ ܗܠܝܢ ܫܡܼܥܬ ܡܢܗ ܕܟܪܝܫ ܒܥܠܗܿ ܬܘܒ ܝܬܝܪܐܝܬ ܡܬܬܥܝܩܐ ܗܘܬ ܘܡܬܛܪܦܐ. ܘܗܼܘ
                    ܬܘܒ ܐܡܼܪ ܠܗܿ. ܡܢܐ ܟܝ ܐܣܟܿܠܬ ܒܐܠܗ̈ܐ ܕܠܗܢܐ ܚܫܐ ܪܒܐ ܐܝܬܝܘܢܝ. ܘܡܢܐ ܚܿܛܝܐ ܩܕܡܝܗܘܢ.
                    ܕܠܗܕܐ ܡܫܦܠܘܬܐ ܘܓܘܚܟܐ ܡܿܛܝܘܢܝ. ܒܥܿܐ ܐܢܐ ܡܢܟܝ ܡܓܕܘܢܝܐܼ. ܠܐ ܬܚܢܩܝܢܝܗܿ ܠܢܦܫܝ ܒܚܙܬܟܝ.
                    ܘܠܐ  285  ܬܟܐܒܝܢܝܗܝ ܠܠܒܟܝ ܒܡܪܢܝܬܟܝ.
                    ܐܢܐ ܐܢܐ ܟܪܝܫ ܒܥܠ ܛܠܝܘܬܟܝ. ܘܐܢܐ ܐܢܐ ܒܥܠܟܝ ܕܫܪܪܐܿ. ܗܿܘ ܕܟܠܗ ܐܬܪܐ ܡܝܩܪ ܠܝ. ܘܕܚܿܠܝܢ
                    ܡܢܝ. ܡܢܐ ܐܥܒܕ ܡܢ ܗܫܐ ܠܐ ܝܿܕܥ ܐܢܐ. ܘܐܝܟܢܐ ܐܬܿܕܒܪ. ܘܡܢܐ ܬܘܒ ܐܬܿܚܫܒ. ܫܘܦܪܟܝ ܐܬܕܟܪ
                    ܒܠܒܝ ܘܐܿܫܬܘܩ ܠܝ. ܐܘ ܕܘܒܪ̈ܝܟܝ ܫܦܝܪ̈ܐ ܐܿܥܗܕ ܘܠܐ ܐܿܡܪ ܡܕܡ. ܡܿܢܼܘ ܕܫܿܩܠܝܢ ܡܢܗ ܣܝܼܡܬܐ
                    ܛܒܬܐ ܘܫܦܝܪܬܐ ܘܡܪܦܐ ܒܗܿ ܐܝܼ̈ܕܝܐܿ. ܐܘ ܡܫܟܚ ܐܢܐ ܕܐܿܚܡܣܢ ܫܘܦܪ̈ܝܟܝ ܫܦܝܪ̈ܐ ܕܠܘܬܝ
                    ܒܟܠܙܒܢ. ܪܝܚܟܝ ܒܣܝܡܐܼ ܗܐ ܒܢܚܝܪ̈ܝ. ܘܓܘܢܟܝ ܫܦܝܪܐ ܗܐ ܩܕܡ ܥ̈ܝܢܝ. ܢܦܫܝ ܕܫܿܩܠܝܢ ܡܢܝܼ.
                    ܘܥܝܢܝ ܚܿܙܝܐܼ. ܕܚܿܙܐ ܗܘܝܬ ܘܡܣܿܪܚܝܢ ܫܿܩܠܝܢ ܠܗ ܡܢܝ. ܘܕܪܥܝ ܕܝܡܝܢܐ ܕܦܣܿܩܝܢ ܠܗ ܡܢܝ.
                    ܫܘܦܪܝ ܕܡܬܚܿܒܠܼ. ܘܢܝܿܚܝ ܕܡܥܝܼܩܝܢ ܠܝ ܒܗ. ܘܚܕܘܬܝ ܕܐܬܗܦܟܬܼ ܠܥܩܬܐ. ܘܢܝܿܚܝ ܕܗܘܼܐ ܠܝ
                    ܠܐܘܠܨܢܐ. ܘܚ̈ܝܝ ܕܒܡܿܘܬܐ ܡܬܚܿܠܦܝܢ. ܘܢܘܗܪܝ ܕܒܚܫܘܟܐ ܡܨܼܛܒܥ. ܠܐ ܢܚܙܘܢܢܝ ܒ̈ܢܝ ܫܪܒܬܝ
                    ܣܓܝܐܬܐܿ. ܕܒܗܢܐ ܐܘܠܨܢܐ ܡܕܡ ܥܘܕܪܢܐ ܠܐ ܗܘܼܐ ܠܝ. ܠܐ ܢܚܙܘܢܢܝ ܪ̈ܚܡܿܝ ܫ̈ܒܝܚܐܿ. ܕܡܢ ܗܢܐ
                    ܐܘܠܨܢܐ ܠܐ ܦܪܩܘܢܝ. ܠܐ ܬܘܒ ܐܿܣܓܘܕ ܠܐܠܗ̈ܐ ܕܡܕܢܚܐ ܕܠܗܠܝܢ ܒܝܼ̈ܫܬܐ ܐܿܝܬܝܘܢܝ. ܘܠܐ ܐܨܿܠܐ
                    ܩܕܡܝܗܘܢ ܘܠܐ ܐܿܕܒܚ  286  ܠܗܘܢ ܬܘܒܼ. ܘܠܐ
                    ܐܿܩܪܒ ܠܗܘܢ ܩܘܪܒܢܐܿ. ܕܡܢ ܫܘܬܦܘܬܝ ܗܕܐ ܕܫܪܪܐ ܐܬܓܿܠܙܬ. ܡܢܐ ܓܝܪ ܬܘܒ ܐܨܿܠܐ ܠܗܘܢ. ܐܘ
                    ܡܢܐ ܬܘܒ ܐܒܥܐ ܡܢܗܘܢܿ. ܐܘ ܐܿܫܐܼܠ ܠܗܘܢ ܕܢܬܠܘܢ ܠܝ܇ ܕܓܠܙܘܢܝ ܡܢ ܗܕܐ ܕܡܢ ܟܠܡܕܡ ܕܐܝܬ ܗܘܐ
                    ܠܝ ܒܥܠܡܐ ܡܝܬܪܐ ܗܘܬ ܠܝ. ܘܢܝܚ ܗܘܝܬ ܥܠܝܗܿ. ܥܘܬܪܐ ܓܝܪ ܣܓܿܝ ܡܢ ܚܝܠܝ ܐܝܬ ܠܝ܆ ܘܩܢܝܢܐ
                    ܕܠܐ ܡܼܿܨܐ ܐܢܐ ܕܐܿܩܘܡ ܥܠ ܡܢܝܢܗ. ܪܝܫܐ ܬܘܒ ܥܒܝܕ ܐܢܐ. ܘܬܪܝܢܐ ܕܡܿܠܟܐܼ ܡܫܡܗ ܐܢܐ.
                    ܘܣ̈ܓܝܐܐ ܕܚܿܠܝܢ ܡܢܝ. ܘܣ̈ܓܝܐܐ ܐܝܬ ܬܚܝܬ ܐܝܼܕܝ. ܡܿܢ ܕܝܢ ܫܩܠܼ ܡܢܝ ܟܠܗܝܢ ܓܝܐܘ̈ܬܝ
                    ܘܥܘܬܪܝ ܣܓܝܐܐܼ. ܘܝܗܼܒ ܠܝ ܫܥܬܐ ܚܕܐ ܡܢ ܫ̈ܢܿܝܟܝ ܩܕܡ̈ܝܬܐ ܡܓܕܘܢܝܐ̈. ܡܿܢ ܕܝܢ ܚܕܐ ܡܢ
                    ܥ̈ܝܢܝ ܥܼܘܪ. ܘܥ̈ܝܢܝܟܝ ܕܝܢ ܕܝܠܟܝ ܚܝܪ̈ܢ ܗ̈ܘܝ ܒܝ ܒܥܝܿܕܗܝܢ. ܡܢ ܕܝܢ ܦܣܼܩ ܕܪܥܝ ܕܝܡܝܢܐܼ.
                    ܘܒܕܪܥܝ ܕܝܢ ܕܣܡܠܐܼ ܥܦܩܬܟܝ ܀ ܟܕ ܗܠܝܢ ܐܡܿܪ ܗܘܐ ܘܒܿܟܐ ܗܘܐ ܟܪܝܫܼ. ܘܡܓܕܘܢܝܐܐܝܟ ܚܪܡܬܐ
                    ܝܬܝܒܐ ܗܘܬ ܘܒܗ ܠܐ ܚܝܪܐ ܗܘܬܼ. ܐܠܐ ܒܐܪܥܐ ܘܫܬܝܩܐ ܗܘܬ. ܘܬܘܒ ܐܬܩܼܿܪܒ ܠܘܬܗܿ ܘܐܡܼܪ ܠܗܿ.
                    ܒܪܬܝ ܘܚܒܝܒܬܝ ܡܓܕܘܢܝܐܼ. ܐܬܕܟܪܝ ܕܡܢ ܟܠܗܝܢ ܢ̈ܫܐ ܕܗܢܕܘܼ. ܐܢܬ ܫܦܪܬܝ ܠܝ. ܘܠܟܝ ܓܿܒܝܬ.
                    ܟܕ ܣ̈ܓܝܐܬܐ ܕܡܝܬܪ̈ܢ ܗ̈ܘܝ ܡܢܟܝ ܡܫܟܚ ܗܘܿܝܬ ܕܐܿܣܒ. ܒܪܡ ܕܝܢ ܠܐ ܡܕܓܠ ܐܢܐ ܡܓܕܘܢܝܐܼ. ܠܐ
                    ܓܝܪ ܐܠܗܐܼ. ܠܝܬ ܠܝ ܐܚܪܬܐ ܒܟܠܗܿ ܗܢܕܘ ܕܕܡܿܝܐ ܠܟܝ. ܐܝܢܐ  287  ܫܘܦܪܐ ܘܐܝܢܐ ܨܦܬܐܼ ܘܐܝܿܕܐ
                    ܚܪܝܓܘܬܐ. ܘܐܝܠܝܢ ܙܢ̈ܝܐ ܫܦܝܪ̈ܐ ܡܿܘܒܕ ܐܢܐ. ܘܝ ܠܝ ܘܠܥܠܡ ܕܡܠܬܟܝ ܬܘܒ ܠܝ ܠܐ ܡܫܬܡܥܐ. ܐܦܢ
                    ܡܨܿܚܝܘ ܨܚܿܕ. ܒܥܿܐ ܐܢܐ ܡܢܟܝ. ܐܪܝܡܝ ܥܗܝܢܝܟܝ ܘܚܘܪܝ ܒܝ. ܕܣܓܿܝ ܡܝܬܪ ܐܢܐ ܡܢ ܗܿܘ ܚܿܪܫܐ.
                    ܘܫܦܝܪ ܐܢܐ ܡܢܗ. ܘܥܘܬܪܐ ܘܐܝܩܪܐ ܐܝܬ ܠܝ. ܘܟܠܢܫ ܝܿܕܥ ܕܠܝܬ ܠܐܢܫ ܛܘܗܡܐ ܐܟܘܬܝ. ܘܡܢ ܫܪܒܬܝ
                    ܘܡܢ ܟܠ ܕܐܝܬ ܠܝ܆ ܘܐܢܬ ܐܢܬ ܡܝܬܪܐ ܠܝ. ܘܗܐ ܫܿܩܠܝܢ ܠܟܝ ܡܢܝ ܀ ܘܟܕ ܗܠܝܢ ܐܡܼܪ ܗܘܐ ܟܪܝܫ.
                    ܐܡܿܪܐ ܠܗ ܡܓܕܘܢܝܐ. ܟܪܝܫ ܗܿܘ ܕܪܚܡܿܐ ܐܢܐ ܠܗܼ. ܡܝܬܪ ܗܘ ܡܢ ܟܠ ܕܩܢܼܝܬܼ. ܘܡܢ ܟܠܡܕܡ ܕܐܝܬ
                    ܠܟ. ܟܘܠ ܕܐܝܬ ܠܟ ܓܝܪ ܡܢ ܐܪܥܐ ܗܘ. ܘܒܐܪܥܐ ܦܐܿܫ. ܘܗܿܘ ܕܪܚܿܡܬ ܒܫܡܝܐ ܗܘܼ. ܘܠܫܡܝܐ ܡܣܿܩ
                    ܠܝ ܠܘܬܗ܀ ܥܘܬܪܟ ܓܝܪ ܕܝܠܟ ܥܿܒܪ. ܘܫܘܦܪܟܼ ܡܬܚܿܒܠ. ܘܢܚ̈ܬܝܟ ܒܿܠܝܢ ܘܥܿܒܪܝܢ ܘܓܿܡܪܝܢ.
                    ܘܐܢܬ ܒܠܚܘܕܝܟ ܥܡ ܚܘ̈ܒܝܟܼ ܘܚ̈ܛܗܝܟ : ܐܠܐ ܡܬܦܪܩ ܐܢܬ ܡܢܗܘܢܼ ܗܼܢܘܢ ܠܘܿܝܢ ܠܟ. ܠܐ ܬܕܟܪ
                    ܥܠܝܢ ܣܘܥܪ̈ܢܝܟ ܕܒܪܝ ܩ̈ܕܡܝܐ. ܗܿܢܘܢ ܕܡܨܿܠܝܐ ܐܢܐ ܘܒܥܝܐ ܐܢܐ ܡܢ ܡܪܝܼ ܕܢܥܼܛܐ ܐܢܘܢ ܠܝ.
                    ܠܐ ܬܕܟܪ ܥܠܝ ܢܝ̈ܚܝܟ ܨ̈ܐܐܘ ܛܢ̈ܦܐ ܘܣܘܥܪ̈ܢܝܟ ܦܓܪ̈ܢܐ. ܗܿܢܘܢ ܕܒܚܘܒܗ ܕܡܪܝ ܡܨܿܠܝܐ ܐܢܐ
                    ܕܐܬܼܓܠܙ ܡܢܗܘܢ. ܘܛܥܿܝܬ ܐܢܘܢ ܟܠܗܘܢ ܥ̈ܝܕܝܟ. ܘܥ̈ܢܝܢܝܟ ܘܣܘܥܪ̈ܢܝܟ ܒܛܿܠܝܢ ܥܡܟ. ܘܡܪܝ
                    ܘܦܪܘܩܝ ܝܫܘܥ ܡܩܘܐ ܒܠܚܘܕ ܠܥܠܡ.  288 
                    ܘܢܦܫ̈ܬܐ ܐܝܠܝܢ ܕܐܚ̈ܕܝ ܒܗ ܓܘܣܐ. ܗܿܘ ܐܝܢܐ ܕܐܿܚܕܬ ܒܗ ܓܘܣܐ ܘܗܿܝܡܢܬ ܒܗܼ. ܗܘܼ ܦܿܩ ܠܝ
                    ܘܡܦܨܐ ܠܝ ܡܢ ܟܠܗܘܢ ܥܿܒ̈ܕܝܟ ܕܒܗܬܬܐܿ. ܗܿܢܘܢ ܕܥܡܟ ܣܥܪܐ ܗܘܝܬ ܠܗܘܢܿ. ܟܕ ܠܐ ܡܗܝܡܢܐ ܗܝܘܬ
                    ܀ ܘܟܕ ܫܡܼܥ ܟܪܝܫ ܗܠܝܢ܆ ܐܙܠܼ ܕܡܼܟ ܟܕ ܥܝܝܩܐ ܠܗ. ܘܐܡܼܪ ܠܗܿ. ܐܬܚܫܒܝ ܘܪܢܝ ܒܪܥܝܢܟܝ
                    ܝܘܡܢܐ ܠܠܝܐ ܟܠܗܿ. ܐܢܗܼܘ ܕܗܘܝܬܝ ܥܡܝ ܐܝܟ ܕܐܝܬܝܟܝ ܗܘܝܬܝ. ܥܕܠܐ ܬܚܼܙܝܢ ܐ̈ܦܘܗܝ ܕܗܿܘ
                    ܚܿܪܫܐܼ. ܟܠ ܕܨܒܝܼܬܝ ܥܿܒܕ ܐܢܐ ܠܟܝ ܨܒܝܢܐ. ܘܐܢ ܨܒܝܬܝ ܡܛܠ ܚܘܒܐ ܕܗܘܼܐ ܠܟܝ ܥܡܗܼ. ܐܢܐ
                    ܡܿܦܩ ܐܢܐ ܡܫܡܿܪ ܐܢܐ ܠܗܼ. ܘܢܐܙܠ ܠܐܬܪܐ ܐܚܪܢܐ. ܘܠܟܝ ܠܐ ܥܿܒܕ ܐܢܐ ܥܩܬܐ. ܝܿܕܥ ܐܢܐ ܓܝܪ
                    ܕܣܓܿܝ ܣܪܝܟܬܝ ܒܗ. ܘܠܐ ܗܘܐ ܡܢܟܝ ܫܼܪܝܬ ܗܕܐ. ܐܠܐ ܠܢܫ̈ܐ ܣ̈ܓܝܐܬܐ ܓܕܫܼܬ ܕܐܝܟ ܗܕܐ ܨܒܘܬܐ.
                    ܘܗܕܐ ܐܚܪܝܬܐܼ. ܥܗ̈ܕܝ ܢܦܫܗܝܢ. ܘܒܚܪ̈ܝ ܡܢܐ ܓܕܫܼ ܐܢܝ̈ܢ. ܘܠܘܬ ܢܦܫܗܝܢ ܗ̈ܘܼܝ. ܘܡܢ ܚܣܕܐ
                    ܘܡܢ ܓܘܚܟܐ ܐܬܦܪ̈ܩܝ. ܠܐ ܗܟܝܠ ܢܬܚ̈ܙܝܢ ܠܟܝ ܗܠܝܢ ܕܐܿܡܼܪܬ ܠܟܝ. ܐܝܟ ܠܐ ܡܕܡ. ܘܠܐ ܢܥܒܼܪ̈ܢ
                    ܒܪ̈ܝܬܐ ܥܠܝܟܝ. ܘܠܐ ܬܥܒܕܝܢܝ ܚܣܕܐ ܘܓܘܚܟܐ ܘܡܡܠܠܐ ܒܗܕܢܘ ܀ ܘܟܕ ܗܠܝܢ ܐܡܼܪ ܠܗܿ. ܐܙܠܼ
                    ܕܡܼܟ. ܡܓܕܘܢܝܐ ܕܝܢ ܫܩܼܠܬ ܠܗܿ ܙܘ̈ܙܐ ܥܣܪ̈ܐܼ ܘܐܙܠܼܬ ܟܕ ܐܢܫ ܠܐ ܪܓܼܝܫ ܒܗܿ ܠܒܝܬ
                    ܚ̈ܒܝܼܫܐ. ܕܬܬܠ ܠܢܛܘܪ̈ܐ ܕܚ̈ܒܝܫܐܿ. ܕܢܥܿܠܘܢܗܿ ܠܘܬܗ ܕܝܗܘܕܐ ܀ ܀ ܘܟܕ ܐܙܠܐ ܦܓܼܥ ܒܗܿ
                    ܝܗܘܕܐ  289  ܟܕ ܐܬܿܐ ܠܘܬܗܿ. ܘܗܼܝ ܚܙܬܗ
                    ܘܕܚܠܼܬ. ܘܣܒܪܐ ܗܘܬ ܓܝܪ ܕܚܕ ܡܢ ܪ̈ܘܪܒܢܐ ܗܘܐܿ. ܡܛܠ ܢܘܗܪܐ ܣܓܝܐܐ ܕܐܿܬܐ ܗܘܐ ܩܕܡܘܗܝ.
                    ܘܐܡܼܬ. ܘܝ ܠܟܝ ܢܦܫܝ ܡܚܝܠܬܐܿ ܕܐܒܿܕܬܬܝ. ܘܬܘܒ ܠܝܗܘܕܐ ܫܠܝܚܐ ܕܝܫܘܥ ܐܠܗܐ ܚܼܿܝܐ. ܬܘܒ ܠܐ
                    ܚܿܙܝܐ ܐܢܐ. ܡܛܠ ܕܪܘܫܡܐ ܥܕܡܐ ܠܗܫܐܼ ܠܐ ܩܒܼܿܠܬ ܡܢܗ. ܘܥܪܩܼܬ ܘܐܙܠܼܬ ܠܗܿ ܠܫܘܩܐ ܐܚܕ
                    ܘܐܡܿܪܐ ܕܦܩܿܚ ܠܝ ܕܢܐܚܕܘܢܢܝ ܐܚܪ̈ܢܐ ܡ̈ܣܟܢܐ ܘܡܦܝܣܐ ܐܢܐ ܠܗܘܢ. ܘܠܐ ܢܐܚܕܢܝ ܓܒܪܐ ܗܢܐ ܪܒܐ
                    ܕܫܘܚܕܐ ܠܐ ܫܿܩܠ ܡܢܝ ܀ ܀ ܘܟܕ ܗܠܝܢ ܡܓܕܘܢܝܐ ܡܬܪܥܝܐ ܗܘܬܼ. ܐܢܬ ܝܗܘܕܐ ܘܥܠ ܒܬܪܗܿ. ܘܗܼܝ
                    ܕܚܿܬ. ܘܡܢ ܕܚܠܬܗܼܿ ܢܦܠܼܬ. ܘܗܼܘ ܩܡ ܠܥܠ ܡܢܗܼܿ ܘܐܡܼܪ ܠܗܿ. ܠܐ ܬܕܚܠܝܢ ܡܓܕܘܢܝܐ. ܠܐ ܡܪܦܐ
                    ܠܟܝ ܝܫܘܥ ܡܫܝܚܐ. ܘܠܐ ܡܪܦܐ ܠܟܝ ܡܪܟܝ ܗܿܘ ܕܐܓܥܼܠܬܝ ܠܗ ܢܦܫܟܝ. ܠܐ ܡܪܦܐ ܠܟܝ ܚܿܢܢܐ
                    ܕܪ̈ܚܡܼܘܗܝ ܣܓܝܐ̈ܝܢ. ܠܐ ܡܪܦܐ ܠܟܝ ܒܣܝܡܐ ܡܛܠ ܒܣܝܡܘܬܗ. ܠܐ ܡܪܦܐ ܠܟܝ ܛܿܒܐ ܡܛܠ ܛܒܘܬܗ. ܠܐ
                    ܡܪܦܐ ܠܟܝ ܪܒܐ ܡܛܠ ܪܒܘܬܗ. ܩܘܡܝ ܠܟܝ ܡܢ ܐܪܥܐ ܗܿܝ ܕܚܕܐ ܙܒܢ ܠܥܠ ܡܢܗܿ ܗܘܼܝܬܝ ܠܟܝ. ܚܘܪܝ
                    ܒܢܘܗܪܗ ܕܡܪܟܿܝ. ܕܠܐ ܡܪܦܐ ܠܪ̈ܚܡܿܘܗܝ ܕܢܗܠܿܟܘܢ ܒܚܫܘܟܐ. ܚܙܝ ܠܠܘܝܼܐ ܕܥܒܼ̈ܕܘܗܝܼ. ܕܗܼܘ
                    ܗܿܘܐ ܠܗܘܢ ܢܘܗܪܐ ܒܚܫܘܟܐ. ܚܙܝ ܠܐܝܿܠܐ ܕܥܒܼ̈ܕܘܗܝܼ. ܕܗܼܘ ܗܿܘܐ ܠܗܘܢ ܡܥܕܪܢܐ ܒܐܘ̈ܠܨܢܐ ܀
                    ܘܩܡܼܬ ܡܓܕܘܢܝܐ ܘܚܝܪܐ ܗܘܬ ܒܗ ܘܐܡܿܪܐ ܠܗ. ܠܐܝܟܐ ܐܙ݀ܠ ܗܘܝܬ ܡܪܝ. ܘܡܿܢܼܘ ܐܦܩܟ ܡܢ ܚܒܘܫܝܐ
                         290  ܠܒܪ ܕܬܚܼܙܐ ܫܡܼܫܐ ܀ ܐܡܿܪ ܠܗܿ
                    ܝܗܘܕܐ. ܡܪܢ ܝܫܘܥ ܡܫܝܚܐܼ. ܚܝܠܬܢ ܗܘ ܡܢ ܟܠܗܘܢ ܚ̈ܝܠܐ ܘܡ̈ܠܟܐ ܘܫ̈ܘܠܛܢܐ. ܗܼܘ ܦܬܼܚ ܬܪ̈ܥܐ
                    ܘܕܡܿܟ ܠܢܛܘܪ̈ܐ ܀ ܀ ܐܡܿܪܐ ܠܗ ܡܓܕܘܢܝܐ. ܗܒ ܠܝ ܪܘܫܡܗ ܕܝܫܘܥ ܡܫܝܚܐ. ܘܐܿܩܒܠ ܡܘܗܒܬܗ ܡܢ
                    ܐܝܼ̈ܕܝܟ. ܥܕܠܐ ܬܦܘܩ ܠܟ ܡܢ ܥܠܡܐ. ܘܕܒܼܪܬܗ ܘܐܙܠܼܬܿ ܘܥܠܼܬ ܠܕܪܬܗܼܿ. ܘܐܥܝܪܬܗܿ
                    ܠܡܪܒܝܢܘܬܗܿ ܘܐܡܿܪܐ ܠܗܿ. ܐܡܝ ܘܡܪܒܝܢܝܬܝ ܢܪܩܝܐܼ. ܟܠܗܘܢ ܥܘܕܪ̈ܢܝܟܝ ܕܠܘܬܝ܆ ܘܢܝ̈ܚܝܟܝ ܕܡܢ
                    ܛܠܝܘܬܝ ܘܠܟܐܼ. ܐܝܩܐ ܥܒܕܬܝ ܐܢܘܢ ܠܝ. ܘܛܝܒܘܬܝ ܕܙܒܢܐ ܙܥܘܪܐ. ܐܚܝܕܐ ܐܢܐ ܠܟܝ ܒܗܘܢ. ܐܠܐ
                    ܥܒܼܕ ܒܝ ܛܝܒܘܬܐ ܗܕܐ ܕܠܥܠܡ ܘܬܬܦܪܥܝܢ ܡܢ ܗܿܘ ܕܟܠ ܡܕܡ ܝܗܼܒ ܠܕܝܠܗ. ܘܙܒܐ ܡܢܗܘܢ ܠܐ
                    ܡܿܥܕܐ. ܐܡܿܪܐ ܠܗܿ ܢܪܩܝܐ. ܡܢܐ ܨܒܝܬܝ ܒܪܬܝ ܡܓܕܘܢܝܐ. ܘܡܢܐ ܢܝܿܚܐ ܐܝܬ ܠܟܝܿ. ܕܟܠܗܘܢ
                    ܐܝܩܪ̈ܐ ܩ̈ܕܡܝܐ ܐܫܬܘܕܝܬܝ ܠܝ ܕܬܥܒܕܝܢ ܠܝ. ܠܐ ܓܝܪ ܫܒܩܟܝ ܓܒܪܐ ܐܟܣܢܝܐ. ܘܥܒܼܕܬܝܢܝ ܚܣܕܐ
                    ܒܐܬܪܐ ܗܢܐ. ܗܫܐ ܟܝ ܡܢܐ ܒܥܝܬܝ ܕܬܥܒܕܝܢ ܠܝ ܚܕܬܝܐܝܬ. ܐܡܿܪܐ ܠܗܿ. ܗܘܼܝ ܠܝ ܫܘܬܦܬܐ ܒ̈ܚܝܐ
                    ܕܠܥܠܡ. ܘܐܿܩܒܠ ܡܢܟܝ ܬܪܒܝܬܐ ܡܫܠܡܢܝܬܐ. ܓܪܝܨܬܐ ܕܠܚܡܐ ܓܢܘܒ ܠܝ܆ ܘܡܙܓܬܐ ܕܚܡܪܐ ܐܦܩ ܠܝ.
                    ܘܚܘܣ ܥܠ  291  ܚܐܪܘܬܝ ܀ ܐܡܿܪܐ ܠܗܿ
                    ܢܪܩܝܐ. ܐܢܐ ܡܝܬܝܐ ܐܢܐ ܠܟܝ ܠܚܡܐ ܣܓܝܐܐ. ܘܪ̈ܒܥܐ ܕܚܡܪܐ ܣ̈ܓܝܐܐ. ܠܢܪܩܝܐ ܡܪܒܝܢܝܬܗܿ.
                    ܪ̈ܒܥܐ ܣ̈ܓܝܐܐܼ ܠܐ ܐܙܠܝܢ ܠܝ. ܐܠܐ ܡܙܓܬܐ ܒܟܣܐܼ. ܘܠܚܡܐ ܚܕ ܫܠܡܼܐܼ ܘܡܫܚܐ ܩܠܝܠ. ܐܦܢ
                    ܒܫܪܓܐ ܐܝܬܝ ܠܝ ܀ ܘܟܕ ܐܝܬܝܼܬ ܠܗܿ ܢܪܩܝܐܼ. ܓܠܼܬ ܪܝܫܗܿ ܡܓܕܘܢܝܐܼ. ܘܩܕܡ ܫܠܝܚܐ ܩܕܝܫܐ
                    ܩܝܡܐ ܗܘܬ. ܘܫܩܠ ܗܘܐ ܗܿܘ ܡܫܚܐܼ. ܘܐܪܡܝ ܒܪܝܫܗܼܿ. ܘܐܡܼܪ. ܡܫܝܚܐ ܩܕܝܫܐ ܕܠܡܫܝܚܘܬܐ ܐܬܝܗܒ
                    ܠܢ. ܘܪܐܙܐ ܟܣܝܐ ܕܨܠܝܒܐ ܕܒܗ ܐܬܚܙܝ. ܐܢܬ ܗܘ ܡܦܫܛܢܐ ܕܗ̈ܕܡܐ ܟ̈ܦܝܦܐ. ܐܢܬ ܗܘ ܡܪܢ ܝܫܘܥ
                    ܚ̈ܝܐ ܘܚܘܠܡܢܐ ܘܫܘܒܩܢ ܚ̈ܛܗܐ. ܢܐܬܐ ܚܝܠܟ ܘܢܫܼܪܐ ܥܠ ܡܫܚܐ ܗܢܐܿ. ܘܩܕܝܫܘܬܟ ܬܥܡܼܪ ܒܗ.
                    ܘܐܪܡܝ ܒܪܝܫܗܿ ܕܡܓܕܘܢܝܐ ܘܐܡܼܪ. ܐܣܗܿ ܡܢ ܫܘ̈ܡܬܗܿ ܩܕܡܗܝܬܐܼ. ܘܐܫܝܓ ܡܢܗܿ ܚܒܪ̈ܬܗܿ. ܘܚܝܠ
                    ܡܚܝܠܘܬܗܿ ܀ ܘܟܕ ܐܪܡܝ ܡܫܚܐ ܒܪܝܫܗܿ ܐܡܼܪ ܠܡܝܢܩܬܗܿ ܕܬܡܫܚܝܗܼܿ. ܘܬܡܚܐ ܠܗܿ ܣܕܘܢܐ
                    ܒܚܨ̈ܝܗܼܿ ܘܐܝܬܝ ܗܘܐ ܦܘܣܩܝܢ ܕܐܓܘܓܐ ܕܝܠܗܘܢ. ܘܣܠܩ ܩܡ ܠܗ ܠܥܠ ܡܢܗ ܝܗܘܕܐܿ. ܘܐܥܡܕܗܿ
                    ܠܡܓܕܘܢܝܐ ܒܫܡ ܐܒܐ ܘܒܪܐ ܘܪܘܚܐ ܕܩܘܕܫܐ ܀ ܘܟܕ ܣܠܩܼܬ ܘܠܒܼܫܬܼ. ܐܝܿܬܝ ܘܩܨܼܐ ܐܘܟܪܣܛܝܐ
                    ܘܟܣܐܼ. ܘܫܘܬܦܗܿ ܠܡܓܕܘܢܝܐ ܒܦܬܘܪܗ ܕܡܫܝܚܐ. ܘܒܟܣܐ ܕܒܪܗ ܕܐܠܗܐ. ܘܐܡܼܪ ܠܗܿ ܡܟܝܠ  292  ܩܒܠܬܝ ܠܟܝ ܪܘܫܡܐܼ. ܘܩܢܝܬܝ ܠܟܝ
                    ܚܝ̈ܝܟܝ ܕܠܥܠܡ ܥܠܡܝܢ. ܘܩܠܐ ܐܫܬܼܡܥ ܡܢ ܫܡܝܐ ܕܐܡܿܪ. ܐܝܢ ܐܡܝܢ ܘܐܡܝܢ ܀ ܘܟܕ ܫܡܥܼܬ ܢܪܩܝܐ
                    ܩܠܐ ܗܢܐ ܬܘܼܪܬܼ. ܘܒܥܼܬ ܐܦ ܗܼܝ ܡܢܗ ܡܢ ܫܠܝܚܐܼ. ܕܐܦ ܗܼܝ ܬܩܒܠ ܪܘܫܡܐ ܘܝܗܼܒ ܠܗܿ ܘܐܡܼܪ.
                    ܬܗܘܼܐ ܥܡܟܝ ܛܝܒܘܬܗ ܕܝܫܘܥܼ ܐܝܟ ܕܥܡ ܫܪܟܐ ܕܚܒܪ̈ܬܟܝܼ. ܘܐܙܠܼ ܗܘܐ ܕܢܬܚܒܫ ܘܐܫܟܚ ܗܘܐ
                    ܬܪ̈ܥܐ ܟܕ ܦܬܝ̈ܚܝܢ܆ ܘܢܛܘܪ̈ܐ ܟܕ ܕܡܝܟܝܢ ܀ ܘܐܡܼܪ ܝܗܘܕܐ. ܡܿܢܼܘ ܐܟܘܬܟ ܐܠܗܐܿ. ܕܚܘܒܗ
                    ܘܪ̈ܚܡܘܗܝ ܡܢ ܐܢܫ ܠܐ ܟܿܠܐ. ܡܿܢܼܘ ܕܕܡܿܐ ܠܟ ܒܪ̈ܚܡܼܐ ܘܒܚܢܼܢܐܿ. ܐܠܐ ܐܒܘܟ ܕܦܨܝ ܠܥܠܡ̈ܘܗܝ
                    ܡܢ ܐܘܠܨܢܐ ܘܡܢ ܛܘܥܝܝ. ܚܘܒܐ ܕܙܟܼܐ ܠܪܓܬܐ. ܫܪܪܐ ܕܒܿܛܠ ܠܕܓܠܘܬܐ. ܫܦܝܪܐ ܕܣܢܝܬܐ ܒܗ ܠܐ
                    ܡܬܚܙܝܐ. ܡܟܝܟܐ ܕܠܪܡܘܬܐ ܣܚܼܦ. ܚܼܿܝܐ ܕܠܡܿܘܬܐ ܒܿܛܠ. ܘܢܝܼܚܐ ܕܠܠܐܘܬܐ ܦܣܼܩ. ܫܘܒܚܐ
                    ܠܝܚܝܕܐ ܕܡܢ ܐܒܐܿ ܫܘܒܚܐ ܠܪ̈ܚܡܼܐ ܕܡܢ ܪ̈ܚܡܼܐ ܐܫܬܕܪܘ. ܫܒܘܚܐ ܠܪ̈ܚܡܼܝܟ ܕܗܼܘܘ ܥܠܝܢ ܀ ܘܟܕ
                    ܗܠܝܢ ܐܡܼܪ. ܐܬܬܥܝܪܘ ܢܛܘܪ̈ܐܼ. ܘܐܫܟܚܘ ܬܪ̈ܥܐ ܟܠܗܘܢ ܟܕ ܦܬܝܚܝܢ. ܘܐܦ ܚ̈ܒܝܫܐܼ. ܟܕ
                    ܕܡܝܟܝܢ. ܘܐܡܿܪܝܢ ܗܘܘܼ. ܕܚܢܢ ܛܥܝܢ ܐܢܘܢ ܠܬܪ̈ܥܐ ܗܠܝܢ ܘܠܐ ܐܚܕܢ ܐܢܘܢ. ܐܠܘ ܓܝܪ ܡܢ
                    ܣܩܘܒܠܐ ܗܘܬ ܗܕܐ ܠܐ ܦܐܿܫ ܗܘܐ ܐܢܫ ܬܢܢ ܀ ܀ ܘܟܪܝܫ ܩܿܕܡ ܒܨܿܦܪܐ ܠܘܬ ܡܓܕܘܢܝܐ. ܘܠܘܬ
                    ܡܪܒܝܢܝܬܗܿ ܐܙܠܼ ܘܐܫܟܚܗܿ ܠܗܿ ܘܠܡܪܒܝܢܝܬܗܿ.  293  ܟܕ ܡܨ̈ܠܝܢ ܘܐܡܪ̈ܢ. ܐܠܗܐ ܚܼܕܬܐ ܕܒܝܕ ܓܒܪܐ ܐܟܣܢܝܐ ܐܬܼܐ ܠܟܐ : ܐܠܗܐ
                    ܩܕܝܫܐ ܕܡܢ ܢܐܢܫܘܬܐ ܟܠܗܿ ܕܗ̈ܢܕܘܝܐ ܟܣܐ : ܐܠܗܐ ܕܚܼܿܘܝ ܠܢ ܫܘܒܚܗ ܒܝܕ ܫܠܝܚܗ ܬܘܡܐܼ. ܐܠܗܐ
                    ܕܒܛܒܼܗ ܫܡܥܢ ܘܗܝܡܢܢ ܒܗܼ. ܐܠܗܐ ܕܡܛܠ ܕܐܪ̈ܓܫܢ ܕܐܝܬ ܠܗ ܚ̈ܝܐ. ܠܘܬܗ ܪ̈ܗܛܢ ܕܢܚܝܢ܆ ܐܠܗܐ
                    ܕܡܛܠ ܪ̈ܚܡܼܘܗܝ ܘܚܢܼܢܗ ܐܫܬܘܫܛ ܥܕܡܐ ܠܙܥܘܪܘܬܢ. ܐܠܗܐ ܕܒܥܢ ܟܕ ܠܐ ܝܿܕܥܝܢ ܗܘܝܢ ܠܗ : ܐܠܗܐ
                    ܕܝܬܿܒ ܒܪܘܡܐ ܘܠܐ ܡܬܟܣܐ ܡܢܗ ܡܕܡ ܕܒܥܘܡܩܐ ܗܘ. ܐܢܬ ܡܪܝ ܒܛܠܝܗܿ ܡܢܢ ܠܫܚܝܢܘܬܗ ܕܟܪܝܫ. ܐܢܬ
                    ܡܪܝ ܣܛܘܡܝܗܝ ܠܦܘܡܗ ܫܿܩܪܐ. ܘܐܢܬ ܐܪܡܝܗܝ ܬܚܝܬ ܪ̈ܓܠܐ ܕܡ̈ܗܝܡܢܝܟ܀ ܘܟܕ ܗܠܝܢ ܫܡܼܥ ܟܪܝܫ.
                    ܐܡܿܪ ܠܗܿ ܠܡܓܕܘܢܝܐ. ܫܦܝܪ ܩܿܪܝܬܝ ܠܝ ܒܝܼܫܐ ܘܫܚܝܢܐ ܘܣܢܝܐ ܘܡܪܝܪܐ. ܐܠܘ ܓܝܪ ܠܟܝ ܨܒܝܢܐ
                    ܠܐ ܥܿܒܕܬ. ܗܕܐ ܒܝܼܫܬܐ ܘܡܪܝܪܘܬܐ ܠܐ ܚܕܪܬܢܝ. ܘܠܐ ܗܘܐ ܠܚܪܫܘܬܗ ܕܗܿܘ ܩܿܪܝܐ ܗܘܝܬܝ ܥܠܝ.
                    ܐܠܐ ܡܢܐ ܗܟܝܠ ܪܥܝܢܐ ܫܩܼܠܬܝ ܡܓܕܘܢܝܐ. ܘܡܢܐ ܨܒܝܬܝ ܐܥܿܒܕ ܠܟܝ. ܗܝܡܢܝܢܝ ܡܓܕܘܢܝܐܼ. ܕܠܝܬ
                    ܒܗ ܚܫܚܘ ܒܗܿܘ ܚܿܪܫܐ. ܘܐܦܠܐ ܥܿܒܕ ܡܕܡ ܕܡܫܬܘܕܐ ܠܐܢܫ. ܐܢܐ ܕܝܢ ܒܥ̈ܝܢܝܟܝ ܡܿܚܘܐ ܐܢܐ ܠܟܝ
                    ܟܘܠ ܡܕܡ ܕܐܡܿܪ ܐܢܐ ܠܟܝ܇ ܐܢ ܗܼܘ ܕܬܬܛܦܝܣܝܢ ܠܝ ܘܬܫܡܥܝܢ ܡ̈ܠܝ܇ ܘܬܗܘܝܢ ܠܘܬܝ ܐܝܟ ܕܐܝܬܝܟܝ
                    ܗܘܝܬܝ  294  ܠܘܬܝ. ܘܩܼܪܒ ܗܘܐ ܬܘܒ ܠܘܬܗܿ
                    ܘܒܥܿܐ ܗܘܐ ܡܢܗܿ. ܘܐܡܿܪ ܠܗܿ. ܠܝ ܠܐ ܗܘܝܐ ܠܝ ܠܐܘܬܐ ܐܢ ܐܢܬܝ ܬܬܛܦܝܣܝܢ ܠܝ. ܐܬܕܟܪܝ ܚܬܝ
                    ܝܘܡܐ ܕܡܫܬܘܬܟܝ܇ ܘܝܘܡܐ ܩܕܡܐ ܕܒܗ ܠܝ ܐܩܒܠܬܝ܆ ܘܐܡܼܪ ܠܝ ܗܫܐ ܒܫܪܪܐ. ܡܿܢܼܘ ܡܝܬܪ ܠܟܝ. ܐܢܐ
                    ܒܗܿܘ ܙܒܢܐ. ܐܘ ܝܫܘܥ ܒܗܢܐ ܙܒܢܐ ܀ ܐܡܿܪܠ ܠܗ ܡܓܕܘܢܝܐ. ܟܪܝܫ ܗܿܘ ܙܒܢܐ ܕܝܠܗ ܒܥܿܐ ܗܘܐ
                    ܘܒܼܿܛܠ. ܘܗܢܐ ܙܒܢܐ ܕܝܠܗ ܒܥܿܐ. ܗܿܘ ܙܒܢܐ ܕܫܘܪܝܐܼ. ܘܗܢܐ ܙܒܢܐ ܕܫܘܠܡܐ. ܗܿܘ ܙܒܢܐ ܕܚ̈ܝܐ
                    ܕܙܒܢܐ ܕܥܿܒܪ. ܘܗܢܐ ܙܒܢܐ ܕܚ̈ܝܐ ܕܠܥܠܡ. ܗܿܘ ܙܒܢܐ ܕܚܕܘܬܐ ܕܥܿܒܪܐܼ. ܘܗܢܐܿ ܙܒܢܐ ܕܚܕܘܬܐ
                    ܕܠܥܠܡ ܕܠܐ ܥܿܒܪܐ. ܗܿܘ ܙܒܢܐ ܕܐܝܡܡܐ ܘܕܠܠܝܐܼ. ܘܗܢܐ ܙܒܢܐ ܐܝܡܡܐ ܕܠܐ ܠܠܝܐ. ܗܿܝ ܡܫܬܘܬܐ
                    ܚܼܙܝܬ ܐܝܟܢܐ ܥܒܼܪܬ ܘܒܛܠܼܬ. ܗܕܐ ܕܝܢ ܡܫܬܘܬܐܿ ܠܥܠܡ ܠܐ ܥܿܒܪܐ. ܗܿܝ ܡܫܬܘܬܐ ܕܚܿܒܠܐܼ.
                    ܘܗܕܐ ܡܫܬܘܬܐ ܕܚ̈ܝܐ ܕܠܥܠܡ. ܗܿܢܘܢ ܫܘ̈ܫܒܝܢܐ ܘܫ̈ܘܫܒܝܢܝܬܐ ܕܥܿܒܪܝܢ. ܘܠܝܢ ܫ̈ܘܫܒܝܢܐ
                    ܘܫ̈ܘܫܒܝܢܝܬܐ ܡܗ̈ܝܡܢܐ ܕܠܥܠܡ ܡܟܬܪܝܢ. ܗܿܘ ܡܩܡ ܥܠ ܥܦܪܐ ܕܐܬܕܒܿܪ ܒܗ ܚܒܨܐ. ܘܗܢܐ ܩܐܿܡ ܥܠ
                    ܡܥܒܪܬܐ ܕܢܘܪܐ ܕܐܬܪܣܣ ܒܗܿ ܚܢܼܢܐ. ܗܿܘ ܒܝܬ ܓܢܘܢܐ ܕܡܫܬܪܐܼ. ܘܗܢܐ ܒܝܬ ܓܢܘܢܐ ܕܠܥܠܡ
                    ܡܿܩܘܐ. ܗܼܝ ܥܪܝܣܐ ܕܩܪܝܡܐ ܒܗܢܚܬܐ ܛܒ̈ܐ ܕܒܠܼܝܘ. ܘܗܕܐ  295  ܥܪܣܐ ܕܩܪܝܡܐ ܒܚܘܒܐ ܘܗܝܡܢܘܬܐ
                    ܕܫܪܪܐ. ܐܢܬ ܚܬܢܐ ܕܥܿܒܪ ܘܡܬܚܠܦܼ. ܘܝܫܘܥ ܚܬܢܐ ܕܫܪܪܐ ܕܠܥܠܡ ܡܩܘܐܿ. ܘܬܘܒ ܠܐ ܡܿܐܬ ܘܠܐ
                    ܡܬܚܿܒܠ. ܪܘܡܝܢܐ ܕܡܗܠܐ ܚ̈ܝܬܐ ܕܠܥܠܡ ܠܐ ܥܒܪ̈ܢ ܀ ܘܟܕ ܗܠܝܢ ܫܡܼܥ ܟܪܝܫܼ. ܐܙܠܼ ܠܡܙܕܝ
                    ܡܿܠܟܐ ܐܫܬܥܝ. ܘܐܡܼܪ ܡܙܕܝ ܡܿܠܟܐ. ܢܝܿܬܐ ܢܘܿܒܕܝܘܗܝ. ܐܡܿܪ ܠܗ ܟܪܝܫ ܪܚܡܿܗ. ܐܿܓܪ ܥܠܘܗܝ
                    ܪܘܚܐ ܩܠܝܠܼ. ܘܐܦܩܝܗܝ ܘܐܡܪܪ ܠܗܼ ܘܕܚܠܝܗܝ. ܟܒܪ ܐܙ݀ܠ ܘܡܦܝܣ ܠܗܿ ܠܡܓܕܘܢܝܐܿ. ܕܬܗܘܼܐ ܠܘܬܝ
                    ܐܟܡܐ ܕܐܝܬܝܗܿ ܗܘܬ:܀ ܘܫܕܪ ܡܙܕܝ ܡܿܠܟܐܼ. ܘܐܝܬܝܗ ܠܝܗܘܕܐ ܬܐܘܡܐ ܫܠܝܚܗ ܕܡܪܝܡܐ. ܘܥܝܝܩܐ
                    ܗܘܬ ܠܗܘܢ. ܠܟܠܗܘܢ ܗܿܢܘܢ ܚ̈ܒܝܫܐܿ. ܡܛܠ ܕܐܙܠܼ ܗܘܐ ܠܗ ܝܗܘܕܐ ܫܠܝܚܐ ܡܢ ܨܐܝܕܝܗܘܢ. ܘܒܥܿܝܢ
                    ܗܘܘ ܠܗܼ ܘܐܡܪܝܢ. ܕܐܦ ܦܘܪܓܝܐ ܕܐܝܬ ܗܘܐ ܠܢ ܕܒܿܪܘܗܝ ܡܢ ܠܘܬܢ. ܡܙܕܝ ܕܝܢ ܡܿܠܟܐܼ ܐܡܼܪ ܠܗ
                    ܠܝܗܘܕܐ. ܠܡܢܐ ܡܿܠܦ ܐܢܬ ܝܘܠܦܢܐ ܕܐܠܗ̈ܐ ܘܐܢ̈ܫܐ ܣܿܢܝܢ ܠܗ. ܘܡܕܡ ܕܫܦܝܪ ܠܝܬ ܒܗ ܀ ܀ ܐܡܿܪ
                    ܠܗ ܝܗܘܕܐ. ܡܢܐ ܕܒܝܫ ܡܿܦܠ ܐܢܐ. ܐܡܿܪ ܠܗ ܡܙܕܝ. ܕܐܡܿܪ ܐܢܬ ܕܠܐ ܠܡ ܚܝܝܢ ܒ̈ܢܝܢܫܐ ܠܘܬ
                    ܐܠܗܐ. ܐܠܐ ܢܛܪܘܢ ܢܦܫܗܘܢ ܕܟܝܐܝܬ ܠܐܠܗܐ ܗܿܘ ܕܡܿܟܪܙ ܐܢܬ ܀ ܐܡܿܪ ܠܗ ܝܗܘܕܐ. ܫܪܝܪܐܝܬ ܗܟܢܐ
                    ܐܡܿܪ ܐܢܐܼ. ܘܠܐ ܡܕܓܠ ܐܢܐ  296  ܒܡܕܡ
                    ܕܐܡܿܪ ܐܢܐ. ܕܠܡܐ ܡܫܟܚܝܢ ܦܠܚܼ̈ܝܟ ܒܠܒܘܫܐ ܡܨܥܪܐ ܠܡܩܡ ܩܕܡܝܟ: ܐܘ ܟܕ ܨܐܝܢ ܐܘ ܟܕ ܣܼܢܝܢ.
                    ܐܢܬ ܗܟܝܠ ܕܡܿܠܟܐ ܐܢܬ ܐܪܥܢܐ : ܘܒܐܪܥܐ ܡܬܚܿܒܠ ܐܢܬ : ܨ̈ܒܘܬܐ ܗܘ ܫܦܝܪ̈ܬܐ ܘܢ̈ܩܕܬܐ ܒܥܼܿܝܬ
                    ܒܝܕ ܦܠܚܼ̈ܝܟ. ܠܗܢܐ ܡܿܠܟܐ ܐܢܬ ܐܪܥܢܐ : ܘܒܐܪܥܐ ܡܬܚܿܒܠ ܐܢܬ : ܨ̈ܒܘܬܐ ܗܘ ܫܦܝܪ̈ܬܐ
                    ܘܢ̈ܩܕܬܐ ܒܥܼܿܝܬ ܒܝܕ ܦܠܚܼ̈ܝܟ. ܠܢܐ ܡܠܟܐ ܕܝܠܝ܆ ܐܝܟܐ ܐܡܿܪ ܐܢܬ ܕܒܝܼܫܐܝܬ ܐܡܿܪ ܐܢܐ
                    ܕܢܦܠܚܘܢ ܠܗ ܦܠܚ̈ܘܗܝ ܒܩܕܝܫܘܬܐ ܘܒܕܟܝܘܬܐ ܘܒܥܢܘܝܘܬܐ. ܘܢܗܘܼܘܢ ܕܠܐ ܨܦܬܐ ܘܕܠܐ ܥܩܬܐܿ.
                    ܘܢܓܗܘܢ ܡܢ ܛܥܢܐ ܝܬܝܪܐ ܕܒ̈ܢܝܐ ܘܕܒ̈ܢܬܐܿ. ܘܡܢ ܨܦܬܐ ܝܬܝܪܬܐ ܕܥܘܬܪܐܿ. ܘܡܢ ܫܓܝܫܘܬܐ
                    ܘܣܦܝܩܘܬܐ ܕܢܟܣ̈ܐ. ܐܝܠܝܢ ܓܝܪ ܕܠܟ ܡܫܡܫܝܢ ܘܠܐ ܡܫܬܥܒܕܝܢ. ܒܕܘܒܪ̈ܝܟ ܨܿܒܼܝܬ ܕܗܼܘܘ
                    ܡܬܕܒܿܪܝܢ. ܘܐܢ ܥܿܒܪ ܚܕ ܡܢܗܘܢ ܥܠ ܚܕ ܡܢ ܦܘ̈ܩܕܢܝܟ܆ ܡܣܿܡ ܒܪܝܫܐ ܡܢܟ ܡܩܒܠܝܢ. ܚܕ ܟܡܐ ܗܢܐ
                    ܐܠܗܐ ܕܝܠܝ܇ ܕܘܿܠܐ ܠܢ ܠܐܝܠܝܢ ܕܗܝܡܢܢ ܒܫܡܗ܇ ܕܢܦܠܚܝܘܗܝ ܒܕܟܝܘܬܐ ܘܒܩܕܝܫܘܬܐ ܘܒܥܢܘܝܘܬܐܿ.
                    ܘܒܙܗܝܘܬܐ. ܘܒܢܟܦܘܬܐܿ. ܘܗ̈ܘܼܝ ܡܢܟܪ̈ܝܢ ܡܢܢ ܟܠܗܝܢ ܗܠܝܢ ܦܓܪ̈ܢܝܬܐ. ܓܘܪܐ ܘܓܢܒܘܬܐ
                    ܘܪܘܝܘܬܐ ܘܐܣܘܛܘܬܐ ܘܦܘܠܚܢܐ ܕܟܪܣܐܿ. ܘܥܿܒ̈ܕܐ ܕܒܗܬܬܐ ܘܣܘܥܪ̈ܢܐ ܣ̈ܢܝܐ ܀ ܀ ܘܟܕ ܗܠܝܢ ܫܡܼܥ
                    ܡܙܕܝ ܡ̈ܠܟܐ ܐܡܼܪ ܠܗ ܠܝܗܘܕܐ. ܗܐ ܫܿܪܐ ܐܢܐ ܠܟ:  297  ܙܠ ܐܦܝܣܝܗܿ ܠܡܓܕܘܢܝܐ ܐܢܬܬܗ ܕܟܪܝܫ ܕܠܐ ܬܦܪܘܫ ܡܢܗ ܀ ܀ ܐܡܿܪ ܠܗ ܝܗܘܕܐ.
                    ܐܢ ܡܕܡ ܨܼܿܒܝܬ ܠܡܥܒܕ ܠܝܼ ܠܐ ܬܫܬܘܚܪ. ܗܿܝ ܓܝܪ܆ ܐܢ ܫܪܝܪܐܝܬ ܩܒܠܼܬ ܡܕܡ ܕܫܡܥܼܬܼ. ܠܐ
                    ܦܪܙܠܐ ܘܠܐ ܢܘܪܐ. ܘܠܐ ܐܚܪܢܐ ܕܡܢ ܗܢܐ ܩܼܿܫܐ ܥܿܒܕ ܠܗܿ ܡܕܡ : ܘܦܣܿܩ ܠܗ ܠܗܿܘ ܕܐܚܝܕ
                    ܒܢܦܫܗܿ ܀ ܐܡܿܪ ܠܗ ܡܙܕܝ ܡܿܠܟܐ ܠܝܗܘܕܐ. ܫܡܼܝܥ ܠܝ. ܕܠܚܼܪ̈ܫܐܼ ܚܿܪ̈ܫܐ ܫܿܪܝܢ. ܘܠܡܚܘܬܐ
                    ܕܐܟܕܢܐܼ ܬܪܝܩܐ ܫܪܝܐ. ܗܿܝ ܕܗܿܘܝܐ ܡܢ ܚܝܘܬܐ ܐܚܪܬܐܿ. ܕܒܝܼܫܐ ܡܢ ܐܟܕܢܐ. ܗܫܐ ܗܟܝܠ ܐܢ
                    ܨܿܒܐ ܐܢܬ : ܡܫܟܚ ܐܢܬ ܫܿܪܝܬ ܠܗܘܢ ܠܚܪ̈ܫܝܟ. ܗܿܢܘܢ ܩ̈ܕܡܝܐܼ. ܘܥܿܒܼܕܬ ܫܝܢܐ ܘܐܘܝܘܬܐ ܒܝܢܬ
                    ܓܒܪܐ ܠܐܢܬܬܗ܇ ܘܚܐܿܣ ܐܢܬ ܥܠ ܢܦܫܟ. ܠܐ ܓܝܪ ܣܒܥܼܬ ܚܝ̈ܝܟ ܥܕܡܐ ܠܗܫܐ. ܕܥ ܕܝܢ ܕܐܢ ܠܐ
                    ܡܦܝܣܬ ܠܗܼܿ. ܡܢ ܚ̈ܝܐ ܗܠܝܢ ܕܚܒܝܒܝܢ ܠܟܠܢܫܼ. ܡܘܒܕ ܐܢܐ ܠܟ ܡܢܗܘܢ ܀ ܐܡܿܪ ܠܗ ܝܗܘܕܐ. ܗܠܝܢ
                    ܚ̈ܝܐ ܫܐܝ̈ܠܐ ܐܢܘܢ. ܘܗܢܐ ܙܒܢܐ ܥܿܒܪ ܘܡܬܚܠܦ. ܘܚ̈ܝܐ ܗܿܢܘܢ ܕܡܿܠܦ ܐܢܐܼ. ܠܥܠܡ ܠܐ ܥܿܒܪܝܢ
                    ܘܠܐ ܡܬܚܠܦܝܢ. ܘܫܘܦܪܐ ܗܢܐ ܘܥܠܝܡܘܬܐ ܕܗܫܐ ܡܬܚܙܝܐܼ. ܒܬܪ ܩܠܝܠ ܠܝܬ ܠܝ ܀ ܐܡܿܪ ܠܗ ܡܙܕܝ
                    ܡܿܠܟܐ. ܐܢܐ ܡܠܟܬܟ ܡܕܡ ܕܡܥܕܪ ܠܟ. ܐܢܬ ܕܝܢ ܝܬܝܪ ܡܢܝ ܝܿܕܥ ܐܢܬ ܀ ܘܟܕ ܢܦܼܩ ܝܗܘܕܐ ܬܐܘܡܐ
                    ܡܢ ܩܕܡ ܡܙܕܝ ܡܿܠܟܐܼ. ܐܬܼܐ ܟܪܝܫ ܠܘܬܗ ܘܐܡܼܪ ܠܗ. ܒܥܿܐ  298  ܐܢܐ ܡܢܟ. ܠܐ ܡܕܡ ܐܿܣܟܠܬ ܒܟ ܘܠܐ
                    ܒܐܢܫ ܐܚܪܝܢ. ܘܠܐ ܒܐܠܗ̈ܐ ܡܡܬܘܡ. ܠܡܢܐ ܗܕܐ ܒܝܼܫܬܐ ܐܝܼܬܝܬ ܥܠܝ ܘܠܡܢܐ ܗܢܐ ܚܪܒܐ ܠܒܝܬܝ
                    ܐܥܼܿܠܬ. ܘܐܝܢܐ ܝܘܬܪܢܐ ܡܿܛܐ ܠܟ ܡܢ ܗܕܐ. ܦܩܘܕ ܠܝ ܘܐܢܐ ܡܿܝܬܐܐܢܐ ܠܗ ܠܟ ܕܠܐ ܥܠܡܐ. ܘܠܡܢܐ
                    ܠܝ ܬܥܒܼܕ ܣܢܝܐ ܘܐܢܬ ܡܢ ܐܝܼ̈ܕܝ ܠܐ ܬܬܦܠܛ. ܕܥ ܓܝܪ ܕܐܢ ܠܐ ܡܦܝܣܬ ܠܗܿ. ܠܟ ܡܿܘܒܕ ܐܢܐ.
                    ܘܠܗܿ ܡܢ ܗܠܝܢ ܬܘܒ ܚ̈ܝܐ ܡܿܘܒܕ ܐܢܐ. ܘܐܚܪܝܬ ܐܢܐ ܡܢ ܥܠܡܐ ܢܦܫܝ ܡܿܘܒܕ ܐܢܐ. ܘܐܚܪܝܬ ܐܢܐ
                    ܡܢ ܥܠܡܐ ܢܦܫܝ ܡܿܘܒܕ ܐܢܐ. ܘܐܢ ܐܝܟ ܕܐܡܿܪ ܐܢܬ ܐܝܬ ܚ̈ܝܐ ܘܡܿܘܬܐ : ܘܐܢ ܐܝܟ ܕܐܡܿܪ ܐܢܬ
                    ܐܝܬ ܚ̈ܝܐ ܘܡܿܘܬܐ : ܘܐܝܬ ܚܝܒܘܬܐ ܘܙܟܘܬܐ : ܘܐܝܬ ܕܝܢܼܐ ܘܦܘܪܥܢܐܼ. ܬܡܿܢ ܥܡܟ ܒܕܢܼܐ ܩܐܿܡ
                    ܐܢܐ. ܘܐܢ ܟܐܢܐ ܗܘ ܐܠܗܟ ܗܿܘ ܕܡܿܠܦ ܐܢܬ : ܘܟܐܢܐܝܬ ܬܒܥܿ܆ ܡܬܦܪܥ ܐܢܐ ܐܝܟ ܕܠܐ ܡܕܡ ܐܿܣܟܠܬ
                    ܒܟ ܘܐܚܫܬܢܝ܇ ܘܠܐ ܚܿܛܝܬ ܒܟ ܘܚܼܛܝܬ ܒܝ. ܐܠܐ ܐܦܢ ܗܪܟܐ ܕܡܿܨܼܐ ܐܢܐ ܕܐܬܦܪܥ ܡܢܟ܇ ܘܐܿܥܒܕ
                    ܒܟ ܟܘܠ ܕܥܒܼܕܬ ܒܝ. ܐܬܛܦܝܣ ܠܝ ܗܟܝܠ ܘܬܐ ܥܡܝ ܠܒܝܬܝ܆ ܘܐܡܼܪ ܠܗܿ ܠܡܓܕܘܢܝܐ ܘܐܦܝܣܝܗܿ
                    ܕܬܗܼܘܐ ܠܘܬܝܿ. ܐܝܟ ܕܐܝܬܝܗܿ ܗܘܬ. ܥܠܕܐ ܬܚܼܙܐ ܐ̈ܦܝܟ ܀ ܘܝܗܘܕܐ ܟܕ ܓܚܿܟ ܐܙܠܼ ܗܘܐ ܥܡܗܼ
                    ܘܐܡܼܪ ܠܗ. ܕܐܠܘ ܪܚܡܿܝܢ ܗܘܘ ܒ̈ܢܝ  299 
                    ܢܫܐ ܠܐܠܗܐܿ. ܐܝܟܢܐ ܕܪܚܡܝܢ ܗܘܘ ܠܚܒܪ̈ܝܗܘܢܼ. ܟܘܠ ܡܐ ܕܒܥܿܝܢ ܗܘܘ ܡܢܗ ܝܿܗܒ ܗܘܐ ܠܗܘܢ.
                    ܘܠܝܬ ܗܘܐ ܡܕܡ ܕܥܿܨܐ ܗܘܐ ܠܗܘܢ ܀ ܘܟܕ ܗܠܝܢ ܐܡܼܪ ܗܘܐܼ. ܥܠܼ ܗܘܐ ܝܗܘܕܐ ܠܒܝܬܗ ܕܟܪܝܫ܆
                    ܘܐܫܟܚܗܿ ܠܡܓܕܘܢܝܐ ܟܕ ܝܬܒܐܼ. ܘܠܢܪܩܝܐ ܟܕ ܩܿܝܡܐ ܩܕܡܝܗܿ. ܘܣܝ̈ܡܢ ܐܝܼ̈ܕܝܗܿ ܥܠ ܦܟ̈ܝܗܼܿ.
                    ܘܐܡܿܪܐ ܠܗܿ ܠܡܪܒܝܢܝܬܗܿ. ܢܩܠܘܢ ܠܗܘܢ ܝܘ̈ܡܬܐ ܥܠܝ ܐܡܝ. ܘܢܗ̈ܘܝܢ ܠܗܝܢ ܟܠܗܝܢ ܫ̈ܥܐ ܚܕܐ.
                    ܘܐܦܘܩ ܠܝ ܡܢ ܥܠܡܐ ܗܢܐܼ. ܘܐܿܙܠ ܐܿܚܼܙܝܘܗܝ ܠܗܿܘ ܫܦܝܪܐ ܕܒܛܒܼܗ ܫܡܿܥܬܐ. ܠܗܿܘ ܚܼܿܝܐ
                    ܘܝܿܗܒ ܚ̈ܝܐ ܠܐܝܠܝܢ ܕܗܝܡܢܘ ܒܗ. ܟܪ ܕܠܝܬ ܐܝܡܡܐ ܘܠܠܝܐ. ܘܠܝܬ ܚܫܘܟܐ ܐܠܐ ܐܢ ܢܘܗܪܐܿ. ܘܠܝܬ
                    ܛܿܒܐ ܘܒܝܼܫܐܿ. ܘܠܝܬ ܥܬܝܪܐ ܘܡܣܟܢܐܿ. ܘܠܐ ܕܟܪܐ ܘܠܐ ܢܩܒܬܐܿ. ܘܠܐ ܥܒܼ̈ܕܐ ܘܠܐ ܒ̈ܢܝ
                    ܚܐܪ̈ܐܿ. ܘܠܐ ܕܪܡܝܢ ܘܡܫܬܥܠܝܢ ܥܠ ܕܫ̈ܦܠܝܢ ܀ ܘܟܕ ܗܠܝܢ ܐܡܿܪܐ ܗܘܬ. ܥܠ ܝܗܘܕܐܼ. ܘܗܼܝ
                    ܐܫܼܬܘܪܬ ܩܡܼܬ ܣܓܼܕܬ ܠܗ ܀ ܐܡܿܪ ܠܗ ܟܪܝܫ. ܚܙܝ ܕܕܚܿܠܐ ܡܢܟ ܘܪܚܡܿܐ ܠܟܿ. ܘܟܠܡܐ ܕܐܡܿܪ ܐܢܬ
                    ܠܗܿ ܥܿܒܕܐ ܠܟ ܨܒܝܢܐ ܀ ܐܡܿܪ ܠܗܿ ܝܗܘܕܐ. ܒܪܬܝ ܡܓܕܘܢܝܐܼ. ܐܬܛܦܝܣ ܠܡܕܡ ܕܐܡܿܪ ܠܟܝ ܟܪܝܫ
                    ܐܚܘܟܝ ܀ ܐܡܿܪܐ ܠܗ ܡܓܕܘܢܝܐ. ܐܢܬ ܕܬܐܡܪܝܘܗܝ ܠܥܿܒܕܐ ܠܐ ܐܫܟܼܚܬ. ܠܝ ܕܝܠܝ ܕܐܥܒܕܝܘܗܝ
                    ܐܝܟܢܐ ܡܦܼܝܣܬ ܠܝ. ܡܢܟ ܓܝܪ ܫܡܿܥܬ ܕܐܡܿܪ ܗܘܝܬ. ܕܗܠܝܢ ܚ̈ܝܐ ܕܙܒܢܐ  300  ܫܐܝ̈ܠܐ ܐܢܘܢ. ܘܗܢܐ ܢܝܚܐ ܕܙܒܢܐ ܗܘ.
                    ܘܗܠܝܢ ܩ̈ܢܝܢܐ ܠܐ ܡܿܩܘܝܢ. ܘܬܘܒ ܐܡܿܪ ܗܘܝܬ. ܕܡܿܢܼܘ ܕܣܿܢܐ ܗܠܝܢ ܚ̈ܝܐ. ܐܙ݀ܠ ܡܩܿܒܠ ܚ̈ܝܐ
                    ܕܠܥܠܡ. ܘܡܿܢ ܕܣܿܢܐ ܗܢܐ ܢܘܗܪܐ ܕܐܝܡܡܐ ܘܕܠܠܝܐܼ. ܐܙ݀ܠ ܡܩܒܠ ܢܘܗܪܐ ܕܠܝܬ ܒܗ ܠܠܝܐ. ܘܬܘܒܼ
                    ܐܡܿܪ ܗܘܝܬ. ܕܟܠ ܕܫܿܒܩ ܩ̈ܢܝܢܐ ܗܠܝܢ ܐܪ̈ܥܢܐܼ. ܐܙ݀ܠ ܡܫܟܚ ܩ̈ܢܝܢܐ ܕܠܥܠܡ ܡܿܩܘܝܢ.
                    ܘܐܚܪ̈ܢܝܬܐܼ. ܡܛܠ ܕܕܚܠܼܬ ܐܡܿܪ ܐܢܬ ܠܝ ܗܠܝܢ. ܡܼܿܢܘ ܕܥܿܒܕ ܥܿܒܕܐ ܘܡܫܬܒܚ ܒܗ܇ ܘܡܚܕܪ ܟܿܦܪ
                    ܒܗ. ܘܡܿܢܼܘ ܕܒܿܢܐ ܡܓܕܠܐܿ. ܘܗܿܦܟ ܡܢ ܫܬܐ̈ܣܘܗܝ ܥܿܩܪ ܠܗ. ܘܡܼܿܢܘ ܕܚܿܦܪ ܥܝܢܐ ܒܐܬܪܐ
                    ܨܗܝܐܿ. ܘܪܓܡ ܘܡܡܠܐ ܠܗܿ. ܘܡܿܢܘ ܕܡܫܟܚ ܣܝܼܡܬܐ ܛܿܒܬܐ ܘܠܐ ܡܬܚܫܚ ܒܗܿ ܀ ܘܟܕ ܗܠܝܢ ܫܡܼܥ
                    ܟܪܝܫ ܩܪܝܒܗ ܕܡܙܕܝ ܡܿܠܟܐ ܐܡܼܪ. ܐܢܐ ܠܐ ܗ݀ܘܐ ܐܢܐ ܐܟܘܬܗܘܢ. ܘܠܐ ܡܣܿܬܪܗܒ ܐܢܐ ܕܐܣܪܘܚ
                    ܒܟܘܢ. ܠܟܝ ܕܝܢ ܐܿܣܪ ܐܢܐ ܠܟܝ. ܡܛܠ ܕܫܠܝܛ ܐܢܐ ܥܠܝܟܝ܆ ܘܠܐ ܫܿܒܩ ܐܢܐ ܠܟܝ ܕܬܐܙܠܝܢ ܠܘܬܗ
                    ܘܬܡܠܠܝܢ ܥܡܗ ܥܡ ܚܿܪܫܐ ܗܢܐ. ܘܐܢ ܐܬܛܦܝܣܬܝܼ. ܘܐܠܐ ܐܢܐ ܝܿܕܥ ܐܢܐ ܡܢܐ ܥܿܒܕ ܐܢܐ. ܘܢܦܼܩ
                    ܝܗܘܕܐ ܡܢ ܒܝܬܗ ܕܟܪܝܫܼ. ܘܐܙܠܼ ܗܘܐ ܠܒܝܬܗ ܕܨܝܦܘܪ ܪܒ ܚܝܠܐܼ. ܘܬܡܿܢ ܥܡܿܪ ܗܘܐ. ܘܐܡܼܪ ܠܗ
                    ܨܝܦܘܪ ܠܝܗܘܕܐ. ܐܬܩܢ ܠܟ ܛܪܩܠܝܢܐܼ ܘܗܘܼܝ ܡܿܠܦ ܒܗ. ܘܥܒܼܕ ܐܝܟ ܕܐܡܼܪ ܠܗ. ܘܐܡܼܪ ܠܗ ܨܝܦܘܪ
                         301  ܪܒ ܚܝܠܐ. ܐܢܐ ܘܒܪܬܝ ܘܐܢܬܬܝܼ.
                    ܩܕܝܫܐܝܬ ܥܡܿܪܝܢ ܚܢܢ ܡܟܝܠ. ܒܚܕ ܪܥܝܢܐ ܘܒܚܕ ܚܘܒܐ. ܘܒܥܿܝܢܢ ܕܢܩܿܒܠ ܪܘܫܡܐ ܡܢ ܐܝܼ̈ܕܝܟ.
                    ܘܢܗܘܼܐ ܠܗ ܠܡܪܢ ܦܠܚܼ̈ܐ ܕܫܪܪܐܼ. ܘܢܬܡܢܼܐ ܒܡܢܝܢܐ ܕܥܼܪ̈ܒܘܗܝ ܘܕܢܩ̈ܘܬܗ ܀ ܐܡܿܪ ܝܗܘܕܐܼ.
                    ܡܬܚܿܫܒ ܐܢܐ ܕܐܼܡܪ ܘܕܚܿܠ ܐܢܐ. ܘܝܿܕܥ ܐܢܐ ܕܡܕܡ ܕܝܿܕܥ ܐܢܐܼ. ܠܐ ܡܿܨܐ ܐܢܐ ܕܐܡܼܪܝܘܗܝ ܀ ܀
                    ܘܫܼܿܪܝ ܗܘܐ ܕܢܐܡܪ ܥܠ ܡܥܡܘܕܝܬܐ ܘܐܡܼܪ ܗܘܐ. ܗܕܐ ܡܥܡܘܕܝܬ ܕܫܘܒܩܢ ܚ̈ܛܗܐ. ܗܕܐ ܡܘܠܕܐ
                    ܒ̈ܢܝܢܫܐ ܚܼ̈ܕܬܐ. ܗܕܐ ܡܚܕܬܬ ܪ̈ܥܝܢܐܼ. ܘܡܡܿܙܓܬܼ ܢܦܫܐ ܘܦܓܪܐ. ܘܡܩܝܿܡܬ ܒܪܢܫܐ ܚܼܕܬܐ
                    ܒܬܠܝܬܝܘܬܐܼ. ܘܗܿܘܝܬܝ ܫܘܬܦܘܬܐ ܒܫܘܒܩܢܐ ܕܚ̈ܛܗܐ܀ ܠܟ ܫܘܒܚܐ ܚܝܠܐ ܟܣܝܐ ܕܡܥܡܘܕܝܬܐ.. ܠܟ
                    ܫܘܒܚܐ ܚܝܠܐ ܟܣܝܐ ܕܒܡܥܡܘܕܝܬܐ ܥܡܢ ܡܫܬܘܬܦ. ܠܟ ܫܘܒܚܐ ܚܝܠܐ ܕܒܡܥܡܘܕܝܬܐ ܡܬܚܿܕܝܬܝܢܿ.
                    ܐܝܠܝܢ ܕܒܚܘܒܐ ܩܿܪܒܝܢ ܠܗܿ. ܀ ܘܟܕ ܗܠܝܢ ܐܡܼܪ ܐܪܡܝ ܡܫܚܐ ܒܪ̈ܝܫܝܗܘܢܼ ܘܐܡܼܪ.. ܠܟ ܫܘܒܚܐ
                    ܦܐܪܐ ܪܚܝܡܐ. ܠܟ ܫܘܒܚܐ ܫܡܐ ܕܡܫܝܚܐ.. ܠܟ ܫܘܒܚܐ ܚܝܠܐ ܟܣܝܐ ܕܒܡܫܝܚܐ ܫܼܿܪܐ. ܘܐܡܼܪ ܗܘܐ
                    ܘܐܝܬܝܘ ܥܪܒܐ ܪܒܬܐ ܘܐܥܡܼܕ ܐܢܘܢ ܒܫܡ ܐܒܐܼ ܘܒܪܐ ܘܪܘܚܐ ܕܩܘܕܫܐ ܀ ܘܟܕ ܥܡܼܕܘ ܘܠܒܼܫܘ. ܐܝܬܝ
                    ܠܚܡܐ ܘܚܡܪܐܼ ܘܣܡ ܗܘܐ ܥܠ ܦܬܘܪܐ. ܘܫܼܿܪܝ ܗܘܐ ܕܢܒܿܪܟ  302  ܥܠܘܗܝ. ܘܐܡܼܪ ܗܘܐ. ܠܚܡܐ ܚܼܿܝܐ
                    ܕܐܟܘ̈ܠܘܗܝ ܠܐ ܡܿܝܬܝܢ. ܠܚܡܐ ܕܠܢܦܫ̈ܬܐ ܟ̈ܦܢܬܐ ܡܿܠܐ ܡܢ ܛܘܒܗ. ܐܢܬ ܕܫܼܘܝܬ ܕܬܩܿܒܠ
                    ܡܿܘܗܒܬܐ. ܘܬܗܼܘܐ ܠܫܘܒܩܢ ܚ̈ܛܗܐ ܕܐܟ̈ܘܠܝܟ ܠܐ ܢܡܿܘܬܘܢ. ܫܡܐ ܕܐܒܐ ܡܕܟܪܝܢܢ ܥܠܝܟ. ܫܡܐ
                    ܕܒܪܐ ܡܕܟܪܝܢܢ ܥܠܝܟ. ܫܡܐ ܕܪܘܚܐ ܡܕܟܪܝܢܢ ܥܠܝܟ. ܫܡܐ ܪܡܐ ܕܟܣܐ ܡܢ ܟܘܠ. ܘܐܡܿܪ. ܒܫܡܟ
                    ܝܫܘܥ. ܢܐܬܐ ܚܝܠܐ ܕܒܘܪܟܬܐ ܘܕܬܘܕܝܬܐܼ. ܘܢܫܼܪܐ ܥܠ ܗܢܐ ܠܚܡܐܼ. ܕܟܠܗܝܢ ܢܦܫ̈ܬܐ ܕܫ̈ܩܠܢ ܡܢܗ
                    ܢܬܚ̈ܕܬܢ. ܘܢܫ̈ܬܒܩܘܢ ܠܗܝܢ ܚ̈ܛܗܝܗܝܢ. ܘܩܨܼܐ ܘܝܗܼܒ ܠܨܝܦܘܪ ܘܠܐܢܬܬܗ ܘܠܒܪܬܗ ܀ ܡܙܕܝ ܕܝܢ
                    ܡܿܠܟܐ ܟܕ ܫܼܪܝܗܝ ܠܝܗܘܕܐ ܬܐܘܡܐܼ. ܐܙܠܼ ܠܒܝܬܗ ܠܡܚܫܡܘ. ܘܡܫܬܥܐ ܗܘܐ ܠܐܢܬܬܗ ܡܕܡ ܕܓܕܫ ܗܘܐ
                    ܠܟܪܝܫ ܩܪܝܒܗ. ܘܐܡܼܪ ܠܗܿ. ܚܙܝ ܚܬܝ ܡܢܐ ܗܘܝܗܝ ܠܗܿܘ ܡܛܪܦܐ. ܝܕܥܬܝ ܚܬܝ ܛܛܝܐܼ. ܕܠܝܬ ܠܗ
                    ܠܐܢܫ ܐܝܟ ܒܪܬ ܙܘܓܗ ܗܿܝ ܕܥܠܝܗܿ ܡܬܬܢܝܚ. ܓܼܕܫ ܕܝܢ ܘܡܓܕܘܢܝܐ ܐܙܠܬ ܕܬܚܙܝܘܗܝ ܠܗܿܘ ܚܿܪܫܐ
                    ܕܫܡܥܼܬ ܗܘܬ ܒܛܒܼܗ ܘܡܢܐ ܥܿܒܕ. ܘܚܪܫܗܿ ܘܦܪܫܗܿ ܡܢ ܫܘܬܦܗܼܿ ܠܐ ܝܿܕܥ ܐܢܐ. ܘܠܐ ܝܿܕܥ ܡܢܐ
                    ܢܥܒܼܕ. ܘܨܿܒܝܬ ܕܐܿܘܒܕܝܘܗܝ ܘܠܐ ܫܒܩܢܝ. ܐܠܐ ܙܠܝ ܐܢܬ ܘܡܠܘܟܝܗܿ ܕܬܬܛܦܝܣ ܠܒܥܠܗܿ.  303  ܘܠܐ ܬܫܡܼܥ ܠܡ̈ܠܘܗܝ ܒ̈ܛܠܬܐ ܕܗܿܘ ܀
                    ܒܨܿܦܪܐ ܕܝܢ ܩܡܼܬ ܛܪܛܝܐܼ ܘܐܙܠܬܼ ܠܒܝܬܗ ܕܟܪܝܫ ܩܪܝܒܗ ܕܒܥܠܗܿ. ܘܐܫܟܚܬܗܿ ܠܡܓܕܘܢܝܐ ܟܕ
                    ܝܬܒܐ ܥܠ ܐܪܥܐܼ. ܘܪܡܼܿ ܠܗܿ ܣܩܐ ܘܩܛܡܐܼ. ܘܒܥܿܝܐ ܡܢ ܡܪܗܿ ܕܢܫܒܘܩ ܠܗܿ ܚ̈ܛܗܝܗܿ ܩ̈ܕܡܝܐ.
                    ܘܬܬܦܪܩ ܡܢ ܥܠܡܐ ܒܥܓܠ ܀ ܀ ܘܟܕ ܥܠܼܬ ܠܘܬܗܿ ܛܪܛܝܐ ܐܡܿܪܐ ܠܗܿ ܠܡܓܕܘܢܝܐ. ܚܬܝ ܘܚܒܝܒܬܝ
                    ܘܒܪܬܝ ܥܢܝܢܝܼ. ܡܢܐ ܗܘ ܫܘܚܛܐ ܗܢܐ ܕܐܚܝܕ ܠܟܝ. ܘܠܡܢܐ ܐܝܟ ܫܿܢܝܬܐ ܥܒܕܬܝ. ܥܗܕܝ ܢܦܫܟܝ
                    ܥܗܕܝ ܛܘܗܡܟܝܼ. ܘܦܢܝ ܥܠ ܫܪ̈ܒܬܝܟܝ ܣ̈ܓܝܐܝܬܐ. ܘܚܘܣܝ ܥܠ ܫܘܬܦܟܝ ܕܫܪܪܐ ܟܪܝܫܼ. ܘܠܐ ܬܥܒܕܝܢ
                    ܡܕܡ ܕܠܚܐܪܘܬܟܝ ܠܐ ܙܕܩܿ܀ ܐܡܿܪܐ ܠܗܿ ܡܓܕܘܢܝܐ ܠܗܿ ܠܛܪܛܠܝܐ. ܛܒܼܐ ܕܚ̈ܝܐ ܚܼ̈ܕܬܐ ܠܐ ܫܡܼܝܥ
                    ܠܟܝ. ܘܩܠܐ ܕܡ̈ܠܐ ܕܟܿܪܘܙܐ ܕܚ̈ܝܐ ܠܐ ܛܥܡܬܝ. ܘܡܢ ܛܘܪ̈ܦܐ ܕܚܒܿܠܐ ܠܐ ܐܬܦܪܩܬܝ. ܠܐ ܚܙܝܢ
                    ܠܟܝ ܚ̈ܝܐ ܕܠܥܠܡ. ܘܒܚ̈ܝܐ ܕܙܒܢܐ ܗܐ ܩܝܡܬܝ. ܠܐ ܐܪܓܫܬܝ ܒܫܘܬܦܘܬܐ ܕܫܪܪܐ. ܘܒܫܘܦܘܬܐ ܕܚܒܿܠܐ
                    ܗܐ ܡܫܬܢܩܬܝ. ܢܚ̈ܬܐ ܕܒܿܠܝܢ ܠܒܝܫܬܝ. ܘܢܚ̈ܬܐ ܕܠܥܠܡ ܠܐ ܡܬܝܐܘܒܬܝ. ܒܫܘܦܪܟܝ ܗܢܐ ܕܡܬܚܿܒܠ
                    ܚܬܝܪܬܝ܆ ܘܥܠ ܣܢܝܘܬܗܿ ܕܢܦܫܟܝ ܠܐ ܡܬܒܿܛܠ ܠܟܝ. ܒܣܘܓܐܐ ܕܥܒܼ̈ܕܐ ܗܐ ܚܬܝܪܬܝܼ. ܘܢܦܫܟܝ ܡܢ
                    ܥܒܼܕܘܬܐ  304  ܠܐ ܦܪܩܬܝ. ܒܫܘܒܚܐ ܕܣܓ̈ܝܐܐ
                    ܚܬܝܪܬܝ܆ ܘܡܢ ܕܝܢܼܐ ܘܡܿܘܬܐ ܠܐ ܡܬܦܨܝܬܝ ܀ ܘܟܕ ܗܠܝܢ ܫܡܥܼܬ ܛܪܛܝܐ ܡܢ ܡܓܕܘܢܝܐܼ. ܐܙܠܬ
                    ܒܥܓܠ ܠܒܝܬܗ ܕܨܝܦܘܪ ܪܒ ܚܝܠܐܿ. ܕܬܚܼܙܐ ܠܫܠܝܚܐ ܚܼܕܬܐ ܕܐܬܼܐ ܠܬܡܿܢ ܀ ܘܟܕ ܥܠܼܬ ܠܘܬܗ.
                    ܫܼܿܪܝ ܕܢܐܡܪ ܠܗܿ. ܡܢܐ ܐܬܝܬܝ ܠܡܚܙܐ ܠܓܒܪܐ ܕܟܠܗ ܐܬܪܐ. ܘܫܝܛܐ ܘܒܿܝܫܐ ܕܡܢ ܟܠܗܘܢ
                    ܒ̈ܢܝܢܫܐܿ. ܘܠܐ ܩܢܝܢܐ ܘܠܐ ܥܘܬܪܐ ܐܝܬ ܠܗ. ܐܝܬ ܠܗ ܕܝܢ ܩܢܝܢܐ ܕܡ̈ܠܟܐ ܘܪ̈ܘܪܒܢܐ ܕܢܣܒܘܢܝܗܝ
                    ܡܢܗ ܠܐ ܡܫܟܚܝܢ. ܘܠܐ ܡܬܚܿܒܠ ܘܠܐ ܡܬܒܙܙ. ܝܫܘܥ ܡܫܝܚܐ ܡܚܝܢܐ ܕܟܠܗܿ ܐܢܫܘܬܐ. ܒܪܗ ܕܐܠܗܐ
                    ܚܼܿܝܐ. ܗܿܘ ܕܝܿܗܒ ܚ̈ܝܐ ܠܟܠܗܘܢ ܐܝܠܝܢ ܕܡܗܝܡܢܝܢ ܘܐܬܿܝܢ ܠܒܝܬ ܓܘܣܗ. ܘܗܿܘܝܢ ܒܡܢܝܢܐ
                    ܕܥܼܪ̈ܒܘܗܝ. ܀ ܘܟܕ ܫܡܼܥܬ ܗܠܝܢ ܡܢܗ ܛܪܛܝܐ. ܐܡܿܪܐ ܠܗ. ܐܦ ܐܢܐ ܫܘܬܦܬܐ ܘܐܡܬܐ ܐܿܗܘܐ ܒܚ̈ܝܐ
                    ܗܠܝܢ ܕܡܿܠܦ ܐܢܬ. ܘܐܿܗܘܐ ܐܦ ܐܢܐ ܒܪܬ ܒܝܬܐ ܠܐܠܗܐ ܗܢܐ ܕܡܿܟܪܙ ܐܢܬܼ. ܘܐܿܩܒܠ ܡܢܗ ܚ̈ܝܐ
                    ܗܠܝܢ ܕܡܫܬܘܕܐ ܐܢܬ. ܕܝܿܗܒ ܠܐܝܠܝܢ ܕܐܿܬܝܢ ܠܒܝܬ ܨܘܒܗ ܀ ܐܡܿܪ ܠܗܿ ܝܢܘܕܐ. ܒܝܬ ܓܙܗ ܕܡܿܠܟܐ
                    ܫܡܿܝܢܐ ܦܬܝܼܚ. ܘܟܠ ܕܫܿܘܐ ܢܣܿܒ ܘܡܬܬܢܝܚ. ܘܡܐ ܐܬܬܢܝܚ ܡܡܿܠܟ. ܠܘܩܕܡ ܕܝܢ ܠܐ ܡܬܩܪܒ ܠܗ
                    ܐܢܫ ܟܕ ܛܡܐܼ. ܘܐܦܠܐ ܟܕ ܒܝܫܝܢ ܥܿܒ̈ܕܘܗܝ܇ ܝܿܕܥ ܓܝܪ ܕܒ̈ܠܒܘܬܐ ܗܘ  305  ܘܒܝܨܪܐ. ܘܠܐ ܐܢܫ ܡܿܛܥܐ ܠܗ. ܐܦ
                    ܐܢܬܝ ܗܟܝܠ ܐܢ ܫܪܝܪܐܝܬ ܗܝܡܢܬܝ ܒܗ. ܗܼܘ ܡܫܘܐ ܠܟܝ ܠܪ̈ܐܙܘܗܝ ܩ̈ܕܝܫܐ. ܘܗܼܘ ܡܿܘܪܒ ܠܟܝ
                    ܘܡܥܬܪ ܠܟܝ ܘܡܚܕܬ ܪܥܝܢܟܝ܇ ܘܥܿܒܕ ܠܟܝ ܝܪܘܬܬܐ ܒܡܿܟܠܘܬܗ ܀ ܘܟܕ ܗܠܝܢ ܫܡܥܼܬ ܛܪܛܝܐܼ. ܐܙܠܬܼ
                    ܠܒܝܬܗܿ ܟܕ ܚܿܕܝܐ. ܘܐܫܟܚܬܗ ܠܡܙܕܝ ܒܥܠܗܿ ܟܕ ܡܩܘܐ ܠܗܿ ܘܠܐ ܐܫܬܪܝ. ܘܐܡܼܪ ܠܗܿ. ܡܿܢܘ
                    ܝܘܡܢܐ ܡܢ ܕܒܟܠܝܘܡ ܫܦܝܪ ܠܝ ܡܥܠܟܝ ܡܢ ܫܘܩܐ. ܘܡܿܢܘ ܕܒܪ̈ܓܠܝܟܝ ܐܬܝܐ ܗܘܝܬܝ. ܡܕܡ ܕܠܐ ܫܠܝܛ
                    ܠܢ̈ܫܐ ܕܐܟܘܬܟܝ ܕܢܥܒ̈ܕܢ. ܀ ܐܡܿܪܐ ܠܗ ܛܪܛܝܐ ܠܡܙܕܝ. ܠܟ ܛܝܒܘܬܐ ܡܬܬܚܝܒܐ ܐܢܐ ܕܠܘܬ
                    ܡܓܕܘܢܝܐ ܫܕܪܬܢܝܿ. ܘܐܿܙܠܬ ܘܫܿܡܥܬ ܚ̈ܝܐ ܚܼ̈ܕܬܐܿ. ܘܚܿܙܝܬ ܠܫܠܝܚܐ ܕܐܠܗܐ ܚܼܕܬܐ. ܘܗܿܝܡܢܬ
                    ܕܗܼܘܝܘ ܫܠܝܚܐ ܕܐܠܗܐ ܕܝܿܗܒ ܚ̈ܝܐ ܠܟܠ ܡܿܢ ܕܡܗܝܡܢ ܒܗ ܘܥܿܒܕ ܨܒܝܢܗ. ܘܿܠܐ ܠܝ ܕܐܿܦܪܥܟ ܐܦ
                    ܐܢܐ ܛܝܒܘܬܐ ܕܥܼܒܕܬ ܒܝܼ. ܘܐܡܠܼܟܟ ܡܠܼܟܐ ܛܿܒܐܿ. ܕܐܦ ܐܢܬ ܬܗܘܼܐ ܡܿܠܟܐ ܘܪܒܐ ܒܫܡܝܐܿ. ܐܢ
                    ܬܬܦܝܣ ܠܝ ܘܬܥܒܕ ܡܕܡ ܕܐܡܿܪܐ ܐܢܐ ܠܟ. ܘܡܦܝܣܐ ܐܢܐ ܠܟ܆ ܕܬܕܚܠ ܡܢ ܐܠܗܐ ܕܒܝܕ ܗܢܐ ܐܟܣܢܝܐ
                    ܐܬܼܐ ܠܟܐܼ. ܕܬܕܚܠ ܡܢ ܐܠܗܐ ܕܒܝܕ ܗܢܐ ܐܟܣܝܢܐ ܐܬܼܐ ܠܟܐܼ. ܘܬܛܪ ܕܟܝܐܝܬ ܢܦܫܟ ܠܐܠܗܐ. ܡܛܘܠ
                    ܕܡܿܠܟܘܬܟ ܗܕܐ ܥܿܒܪܐ ܠܗܿ ܘܢܝܿܚܟ ܗܢܐ ܡܬܚܠܦ ܠܗ ܠܐܘܠܨܢܐ. ܐܠܐ ܬܿܐ ܙܠ ܠܘܬ ܓܒܪܐ ܗܿܘܼ.
                    ܘܗܝܡܢ ܒܗܼ ܘܬܐܚܐ ܠܥܠܡ ܀ ܘܟܕ  306  ܗܠܝܢ
                    ܫܡܼܥ ܡܢ ܛܪܛܝܐ ܐܢܬܬܗܼ. ܐܝ̈ܕܘܗܝ ܠܐ̈ܦܘܗܝ ܛܼܪܦ. ܘܢܚ̈ܬܘܗܝ ܣܼܕܩ ܘܐܡܼܪ. ܠܐ ܢܗܘܼܐ ܢܝܿܚܐ
                    ܠܢܦܫܗ ܕܟܪܝܫ܇ ܕܥܩܬܐ ܥܠ ܢܦܫܝ ܐܝܬܼܝ. ܠܐ ܢܗܘܼܐ ܠܗ ܣܒܪܐ ܕܣܒܪܝ ܕܝܠܝ ܦܣܼܩ. ܘܐܙܠܼ ܗܘܐ ܟܕ
                    ܡܙܥܼ. ܘܐܫܟܚܗ ܗܘܐ ܒܫܘܩܐ ܠܟܪܝܫ ܩܪܝܒܗ ܘܐܡܼܪ ܠܗ. ܠܡܢܐ ܕܒܪܬܢܝ ܠܟ ܠܘܝܐ ܠܫܝܘܠ. ܠܡܢܐ
                    ܚܣܪܬܢܝ ܘܐܢ ܡܕܡ ܠܐ ܐܝܬܼܪܬ. ܠܡܢܐ ܣܓܦܬܢܝ ܘܐܢܬ ܡܕܡ ܠܐ ܐܬܥܼܿܕܪܬ. ܠܡܢܐ ܩܛܠܬܢܝ ܘܐܢܬ ܠܐ
                    ܚܝܼܝܬ.. ܠܡܢܐ ܥܒܼܕܬ ܒܝ ܥܼܿܘܠܐܿ. ܘܐܢܬ ܒܙܕܝܩܘܬܐ ܠܐ ܗܘܼܝܬ. ܠܡܢܐ ܠܐ ܫܒܩܬܢܝ ܕܐܘܒܕܝܘܗܝ
                    ܠܗܿܘ ܚܿܪܫܐܿ. ܡܢ ܩܕܡ ܕܠܐ ܢܚܒܿܠ ܠܐܢܬܬܝ ܒܚܪ̈ܫܘܗܝ. ܘܢܨܿܐ ܗܘܐ ܥܡܗ ܕܟܪܝܫ ܀ ܐܡܿܪ ܠܗ
                    ܟܪܝܫ ܠܡܙܕܝ. ܡܿܢܘ ܗܢܐ ܕܓܼܕܫ. ܐܡܿܪ ܠܗ ܡܙܕܝ ܠܟܪܝܫ. ܠܛܪܛܝܐ ܬܘܒ ܚܿܪܫܗܿ. ܘܐܙܠܘ ܬܪ̈ܝܗܘܢ
                    ܠܒܝܬܗ ܕܨܝܦܘܪ ܪܒ ܚܝܠܐ. ܘܐܫܟܚܘܗܝ ܠܝܗܘܕܐ ܟܕ ܝܿܬܒ ܘܡܿܠܦ ܘܐܫܬܘܪܘ ܟܠܗܘܢ ܐܢܿܫܐܼ ܘܩܡܘ
                    ܗܘܘ. ܘܝܗܘܕܐ ܠܐ ܩܡ ܡܢ ܩܕܡܝܗܘܢ. ܘܝܕܥܼ ܡܙܕܝ ܡܿܠܟܐܼ. ܕܗܼܘܝܘ ܗܿܘ ܕܝܿܬܒ. ܘܐܚܕܗ
                    ܠܟܘܪܣܝܐܼ ܘܗܿܦܟܗ. ܘܫܩܠܗ ܒܬܪ̈ܬܝܗܝܢ ܐܝܼ̈ܕܘܗܝܼ. ܘܥܠ ܪܝܫܗ ܫܩܦܗܼ ܘܨܠܦܗ. ܘܐܚܕ ܘܐܫܠܡܗ
                    ܠܦܠܚܼ̈ܘܗܝ ܘܐܡܼܪ ܠܗܘܢ. ܓܘܪܘ ܐܙܿܠ܇ ܕܐܬ݀ܒ ܘܠܥܝܢ ܟܠܢܫ ܐܫܡܥܝܘܝ. ܘܓܿܪܝܢ ܗܘܘ ܠܝܗܘܕܐ
                    ܘܐܙ݀ܠܝܢ. ܥܕܡܐ ܠܕܘܟܬܐ ܕܕܐܿܢ ܒܗܿ ܡܙܕܝ. ܘܟܕ ܡܼܿܛܝ ܠܗܿܝ ܕܘܟܬܐܼ.  307  ܩܐܿܡ ܗܘܐ ܟܕ ܐܚܝܕܝܢ ܠܗܿ ܦܠܚܼ̈ܘܗܝ
                    ܕܡܙܕܝ. ܘܐܬܼܐ ܘܙܝܢ ܒܪܗ ܕܡܙܕܝ ܡܿܠܟܐܼ ܘܐܡܼܪ ܠܦܠܚܼ̈ܐ ܕܗܒܘܗܝ ܠܝ ܕܐܿܡܠܠ ܥܡܗ ܥܕ ܐܿܬܐ
                    ܡܿܠܟܐ. ܘܗܼܢܘܢ ܝܗܒܘܗܝ ܠܗ. ܘܗܼܘ ܕܒܼܪܗ ܠܝܗܘܕܐ. ܘܥܼܠ ܠܓܘ ܠܐܝܟܐ ܕܝܬ݀ܒ ܡܿܠܟܐ ܘܕܐܿܢ ܀
                    ܐܡܿܪ ܠܗ ܘܝܙܢ. ܝܿܕܥ ܐܢܬ ܕܒܪܗ ܐܢܐ ܕܡܙܕܝ ܡܿܠܟܐܼ. ܘܫܠܝܛ ܐܢܐ ܕܐܿܡܪ ܠܡܿܠܟܐ ܟܘܠ ܕܨܿܒܐ
                    ܐܢܐ. ܘܐܦ ܕܐܿܡܪ ܠܡܿܠܟܐ ܡܿܚܐ ܠܟܼ. ܘܕܐܿܡܪ ܠܗ ܩܿܛܠ ܠܟ. ܗܫܐܼ ܐܡܼܪ ܠܝ ܡܼܿܢܘ ܐܠܗܐܟ.
                    ܘܒܚܝܠܐ ܕܡܿܢܼܘ ܐܚܝܕ ܐܢܬ ܘܡܫܬܒܗܪ ܐܢܬ. ܘܐܢ ܐܘܡܢܘܬܐ ܗܝ ܕܚܪ̈ܫܐܼ. ܐܠܦܝܗܿ ܠܝ. ܘܐܢܐ ܐܿܡܪ
                    ܠܡܿܠܟܐܼ ܘܫܿܪܐ ܠܟ ܀ ܐܡܿܪ ܠܗ ܝܗܘܕܐ ܠܘܝܙܢ. ܐܢܬ ܒܪܗ ܐܢܬ ܕܡܙܕܝ ܕܡܠܟܐ ܗܢܐ ܕܥܿܒܪ܆ ܘܐܢܐ
                    ܥܒܼܕܗ ܐܢܐ ܕܝܫܘܥ ܡܿܠܟܐ ܕܠܥܠܡ ܡܩܘܐ. ܐܢܬ ܫܠܝܛ ܐܢܬ ܕܬܐܿܡܪ ܠܐܒܘܟ܆ ܘܬ݀ܚܐ ܠܐܝܠܝܢ ܕܨܿܒܐ
                    ܐܢܬ ܒܚ̈ܝܐ ܗܠܝܢ ܙܥܘܪ̈ܐܿ. ܕܠܐ ܡܿܩܘܝܢ ܒܗܘܢ ܒܢ̈ܝܢܫܐܿ. ܐܦ ܠܐ ܡܐ ܕܝܗܼܒܬ ܐܢܘܢ ܠܗܘܢ.
                    ܘܐܢܬ ܘܐܦ ܐܒܘܟ ܡܿܝܬܝܢ ܐܢܘܢ. ܘܐܢܐ ܒܥܿܐ ܐܢܐ ܡܢ ܡܪܝ ܘܡܬܟܫܦ ܐܢܐ ܠܗ ܚܠܦ ܒܢ̈ܝܢܫܐܼ.
                    ܘܝܿܗܒ ܠܗܘܢ ܚ̈ܝܐ ܚܼ̈ܕܬܐ ܕܠܥܠܡ ܡܩܘܝܢ. ܘܐܢܬ ܡܫܬܒܗܪ ܐܢܬ ܒ̈ܩܢܝܢܫܐ ܘܒܥܒܼ̈ܕܐܼ. ܘܒ̈ܢܟܣܐ
                    ܘܒ̈ܢܚܬܐ ܘܒ̈ܦܠܚܼܐܼ ܘܒܕܪ̈ܘܟܬܐ ܘܒܣܝܒܪ̈ܬܐ ܕܥܒܼܪ̈ܢܼ. ܘܒܡܕܡܟܐ ܕܛܢܦܘܬܐ. ܘܐܢܐ ܡܫܬܒܗܪ
                    ܒܡܣܟܢܘܬܐܼ ܘܒܥܢܘܝܘܬܐ. ܘܒܫܝܛܘܬܐ  308 
                    ܘܒܨܘܡܐ. ܘܒܨܠܘܬܐ ܘܒܬܘܕܝܬܐ ܪܒܬܐ. ܘܒܫܘܬܦܘܬܐ ܕܐܚ̈ܐ ܕܪܘܚܐ ܕܩܘܼܕܫܐ. ܘܒܥܢܝܢܢܐ ܕܐܚ̈ܐܿ.
                    ܐܝܠܝܢ ܕܫܿܘܝܢ ܠܐܠܗܐ ܕܢܚܘܢ ܒ̈ܚܝܐ ܕܠܥܠܡ. ܘܐܢܬ ܐܚܝܕ ܐܢܬ ܓܘܣܐ ܒܒܪܢܫܐ ܕܐܟܘܬܟ܆ ܕܐܦܠܐ
                    ܢܦܫܗ ܡܿܨܼܐ ܡܦܨܿܐ ܡܢ ܕܝܢܼܐ ܘܡܢ ܡܿܘܬܐ. ܘܐܢܐ ܐܚܝܕ ܐܢܐ ܓܘܣܐܼ. ܒܗܿܘ ܕܗܘܼܝܘ ܡܚܝܿܒܢܐ
                    ܘܡܿܙܟܝܢܐ ܘܪܒܐ. ܘܗܼܘܝܘ ܕܝܿܢܐ ܕܟܠܢܫ. ܘܐܢܬ ܘܗܿܘ ܕܐܚܝܕ ܐܢܬ ܒܗ ܓܘܣܐܼ. ܒܗܿܘ ܕܗܘܼܝܘ
                    ܡܚܝܿܒܢܐ ܘܡܿܙܟܝܢܐܢ ܘܪܒܐ. ܘܗܼܘܝܘ ܕܝܿܢܐ ܕܟܠܢܫ. ܘܐܢܬ ܘܗܿܘ ܕܐܚܝܕ ܐܢܬ ܒܗ ܓܘܣܐܼ. ܝܘܡܢܐ
                    ܘܡܚܪ ܐܝܬܝܟܘܢ. ܘܒܬܪ ܙܒܢܐ ܠܐ ܐܝܬܝܟܘܢ. ܘܐܐܢܐ ܐܚܝܕ ܐܢܐ ܓܘܣܐܼ. ܒܗܿܘ ܕܠܥܠܡ ܐܝܬܘܗܝ.
                    ܘܗܘܼܝܘ ܝܿܕܥ ܟܠܗܘܢ ܙܒ̈ܢܐ ܘܥ̈ܕܢܐ. ܘܐܦ ܐܢܬ ܗܟܝܠ ܒܪܝܼ. ܐܢ ܨܿܒܝܼܬ ܕܬܗܘܼܐ ܠܗ ܦܠܚܼܐ
                    ܠܗܢܐ ܐܠܗܐ ܕܦܿܠܚ ܐܢܐ ܠܗܼ. ܡܫܟܚ ܐܢܐ ܕܬܗܘܼܐ ܠܗܼ ܒܥܓܠ. ܘܡܬܚܙܝܬ ܕܦܠܚܼܗ ܐܢܬܒܗܠܝܢ ܕܐܡܿܪ
                    ܐܢܐ ܠܟ. ܒܩܕܝܫܘܬܐ ܪܝܫܐ ܕܟܠܗܝܢ ܛܒ̈ܬܐ. ܘܫܘܪܝܐ ܪܒܐ ܘܬܝܒܘܬܐ ܕܡܝܬܪܘܬܐ. ܘܫܘܬܦܘܬܐ ܕܐܠܗܐ
                    ܗܢܐ ܕܡܿܟܪܙ ܐܢܐ. ܘܒܕܟܝܘܬܐ ܘܒܥܢܘܝܘܬܐ. ܘܒܚܘܒܐ ܘܒܗܝܡܢܘܬܐ ܘܒܣܒܪܐ ܕܠܘܬܗ. ܘܒܫܚܝܡܘܬܐ
                    ܕܥܘܡܪܐ ܕܟܝܿܐ. ܘܗܼܘ ܕܝܢ ܘܝܢ ܥܠܝܡܐܼ. ܐܬܛܦܝܣ ܗܘܐ ܒܝܕ ܡܪܢ. ܘܒܥܿܐ ܗܘܐ ܠܗ ܦܘܪܣܐ ܐܝܟܢܐ
                    ܕܢܥܿܕܝܘܗܝ ܠܝܗܘܕܐ. ܘܥܕ ܗܼܘ ܡܬܚܫܒܼ. ܡܿܠܟܐ ܐܬܼܐ ܗܘܐ. ܘܐܬܘ ܦܠܚܼ̈ܐ ܘܕܒܪܘܗܝ ܠܝܗܘܕܐܼ.
                    ܘܐܦܩܘܗܝ ܠܒܪ. ܘܐܦ ܘܝܙܢ ܥܡܗ ܢܦܩܼ. ܘܨܐܝܕܘܗܝ ܩܐܿܡ ܗܘܐ. ܘܝܬܼܒ ܡܿܠܟܐܼ. ܘܫܕܪ ܐܥܠܗ
                    ܠܝܗܘܕܐ. ܟܕ ܦܟܝܪ̈ܢ ܐܝܼ̈ܕܘܗܝ ܠܒܣܬܪܗ. ܀ ܘܟܕ ܩܡ ܩܕܡܘܗܝܼ ܐܡܼܪ ܠܗ  309  ܡܿܠܟܐ. ܐܡܼܪ ܠܝ ܡܿܢ ܐܢܬ. ܘܒܚܝܠܐ
                    ܕܡܿܢ ܗܠܝܢ ܥܿܒܕ ܐܢܬ. ܀ ܐܡܿܪ ܠܗ ܝܗܘܕܐ. ܒܪܢܫܐ ܐܢܐ ܐܟܘܬܟ. ܘܒܚܝܠܗ ܕܝܫܘܥ ܡܫܝܚܐ ܒܪܗ
                    ܕܐܠܗܐ ܥܿܒܕ ܐܢܐ ܗܠܝܢ ܀ ܐܡܿܪ ܠܗ ܡܙܕܝ. ܐܡܼܪ ܫܪܝܪܐܝܬܼ ܥܕܠܐ ܡܘܒܕ ܐܢܐ ܠܟ ܀ ܀ ܐܡܼܪ ܠܗ
                    ܝܗܘܕܐ ܠܝܬ ܠܟ ܥܠܝ ܫܘܠܛܢܐ ܐܝܟ ܕܣܒܪ ܐܢܬ. ܘܠܐ ܡܚܿܫ ܐܢܬ ܠܝ ܀ ܘܟܕ ܗܠܝܢ ܐܡܼܪ ܝܗܘܕܐܼ.
                    ܐܬܚܿܡܼܬ ܡܙܕܝ ܡܿܠܟܐܼ. ܘܦܩܼܕ ܕܢܚܿܡܘܢ ܛܣ̈ܐ ܕܦܪܙܠܐܼ. ܘܢܩܡܘܢܗ ܥܠܝܗܘܢ ܚܦܝܝ ܀ ܘܟܕ
                    ܐܘܬܒܘܗܝ ܘܫܡܼܛ ܘܫܼܩܠ ܡܣܐܢ̈ܘܗܝܼ. ܘܗܼܘ ܓܚܿܟ ܗܘܐ ܘܐܡܿܪ. ܡܝܬܪܐ ܗܝ ܚܟܡܬܟ ܝܫܘܥ܇ ܝܬܝܪ ܡܢ
                    ܟܠܗܝܢ ܚ̈ܟܡܬܗܘܢ ܕܟܠܗܘܢ ܒ̈ܢܝܢܫܐ. ܐܢܬ ܐܬܚܫܒ ܠܗܘܢ. ܘܒܣܡܘܬܟ ܬܛܝܒ ܠܘܩܒܠ ܚܡܬܗܘܢ ܕܗܠܝܢ.
                    ܘܐܝܬܝܘ ܗܘܘ ܛܣ̈ܐ ܟܕ ܕܡܿܝܢܼ ܠܢܘܪܐ. ܘܐܚܕܘܗܝ ܠܝܗܘܕܐ ܕܢܣܼܩ ܠܥܠ ܡܢܗܘܢ. ܘܡܢ ܫܠܼܝܐ ܡ̈ܝܐ
                    ܣ̈ܓܝܐܐ ܣܠܩܘ ܗܘܘ ܡܢ ܐܪܥܐܼ. ܘܛܣ̈ܐ ܛܒܥܼܘ. ܘܐܢܫܐ ܐܪܦܝܘܗܝ ܘܥܼܪܩܘ ܀ ܡܾܟܐ ܕܝܢ ܟܕ ܚܼܙܐ
                    ܣܘܓܐܐ ܕܡ̈ܝܐ. ܐܡܼܪ ܠܗܼ ܠܝܗܘܕܐ. ܒܥܝ ܡܢ ܐܠܗܟ܆ ܘܢܦܨܝܢ ܡܢ ܡܘܬܐ ܗܢܐ ܕܡܡܘܠܐܼ. ܘܠܐ ܢܡܘܬ
                    ܗܟܢܐ ܀ ܀ ܘܨܿܠܝ ܝܗܘܕܐܼ ܘܐܡܼܪ. ܡܪܢ ܝܫܘܥ ܒܥܿܐ ܐܢܐ ܡܢܟܼ. ܐܣܘܪܝܗܝ ܠܟܝܢܐ ܗܢܐܼ ܘܟܒܘܫܝܗܝ
                    ܠܚܕܐ ܕܘܟܬܐ. ܐܢܬ ܗܘ ܦܠܿܓܬܝܗܝ  310 
                    ܠܕܘ̈ܟܝܬܐ ܣ̈ܓܝܐܬܐܿ. ܘܝܗܼܒܬ ܬܕܡܪ̈ܬܐ ܣ̈ܓܝܐܬܐܿ. ܒܝܕ ܥܒܼܕܟ ܘܫܠܝܚܟ ܝܗܘܕܐ. ܡܣܘܚܢܐ ܕܢܦܫܝ
                    ܕܐܿܩܒܠ ܬܘܒ ܙܝܘܟ. ܝܿܗܒ ܐܓܪܐ ܠܥܡ̈ܠܝ ܟܠܗܘܢ. ܡܢܝܚܢܗܿ ܕܢܦܫܝ ܠܘܬ ܟܝܢܗܼܿ ܕܠܐ ܚܘܠܛܢܗ
                    ܕܡܟܝܢܐ. ܗܘܿܐ ܥܠܼܬܐ ܕܚ̈ܝܝ ܒܟܠܥܕܢ܆ ܐܢܬ ܐܫܠܼܝܗܝ ܠܡܡܘܠܐ ܗܢܐܿ. ܕܠܐ ܢܫܬܥܿܠܐ ܘܢܚܿܒܠ.
                    ܐܝܬ ܓܝܪ ܡܢ ܗܠܝܢ ܕܩܿܝܡܝܢ ܘܡܗܝܡܢܝܢ ܒܟ ܘܚܝܝܢ ܀ ܀ ܘܟܕ ܨܿܠܝ ܝܗܘܕܐܿ ܗܘܼܐ ܫܠܝܼܐ. ܘܩܠܝܠ
                    ܩܠܝܠ ܐܬܒܠܥܘ ܡ̈ܝܐ ܗܿܢܘܢܼ ܘܠܐ ܐܫܬܟܚܘ. ܐܠܐ ܗܘܼܬ ܗܿܝ ܕܘܟܬܐ. ܐܝܟ ܕܐܝܬܝܗܿ ܗܘܬ ܟܕ ܢܓܝܒܐ
                    ܀ ܘܟܕ ܚܼܙܐ ܡܙܕܝ ܡܿܠܟܐܼ ܐܡܼܪ. ܕܒܼܪ ܐܙ݀ܠ ܠܒܝܬ ܚ̈ܒܝܫܐܿ. ܥܕ ܡܬܚܫܒܝܢܢ ܡܢܐ ܢܥܼܒܕ ܠܗ ܀
                    ܀ ܘܐܙܠܼ ܗܘܐ ܝܗܘܕܐ ܕܢܬܚܒܼܫ. ܘܥܡܐ ܟܠܗ ܒܬܪܗ ܐܬܿܐ ܗܘܐ. ܘܘܝܙܢ ܒܪܗ ܕܡܙܕܝ ܡܿܠܟܐ ܡܢ
                    ܝܡܝܢܗ ܕܝܗܘܕܐ ܐܬܿܐ ܗܘܐܼ. ܘܨܝܦܘܪ ܪܒ ܚܝܠܐ ܡܢ ܣܡܠܗ ܀ ܘܟܕ ܥܼܠ ܠܒܝܬ ܐܣܝܪ̈ܐ ܝܗܘܕܐ. ܐܦܣ
                    ܠܨܝܦܘܪ ܘܠܘܝܙܢܿ. ܘܠܐܢܬܬܗ ܕܨܝܦܘܪ ܘܠܒܪܬܗ݀ ܕܢܬܒܘܢ. ܡܛܠ ܕܐ ܗܼܢܘܢ ܥܠܘ ܗܘܘ ܥܡܗ܇
                    ܕܢܫܡܼܥܘܢ ܡܠܬܐ ܕܚ̈ܝܐ. ܝ݀ܕܥܝܢ ܗܘܘ ܓܝܪ ܕܡܿܘܒܕ ܠܗ ܡܙܕܝ ܡܿܠܟܐܿ. ܡܛܠ ܪܘܓܙܗ ܣܓܝܐܐ ܀
                    ܘܫܼܿܪܝ ܗܘܐ ܝܗܘܕܐ ܕܢܐܡܪ. ܡܚܪܪܢܐ ܕܕܢܦܫܝ ܡܢ ܥܒܼܕܘܬܐ ܕܣ̈ܓܝܐܐܼ. ܡܛܘܠ ܕܝܗܿܒܬ ܢܦܫܝ
                    ܕܐܿܙܕܒܢ ܠܚܕ. ܘܗܫܐ ܗܐ ܚܿܕܐ ܐܢܐ ܘܪܘܿܙ ܐܢܐ.  311  ܡܛܠ ܕܝܿܕܥ ܐܢܐ ܕܫܠܼܡܘ ܙܒܢ̈ܐ ܘܥ̈ܕܢܐ. ܘܫ̈ܢܝܐ ܘܝܪ̈ܚܐ ܘܝܘ̈ܡܬܐ. ܘܐܬܿܐ
                    ܘܐܿܩܒܠܟ ܡܢܝܚܢܝ. ܗܐ ܡܬܦܨܐ ܐܢܐ ܡܢ ܕܝܘܡܢܐ ܘܡܢ ܕܠܡܚܪ. ܘܕܝܘܡܢܐ ܗܘ ܝܨܿܦ ܐܢܐ. ܗܐ ܡܫܿܠܡ
                    ܐܢܐ ܣܒܪܐ ܘܫܪܪܐ ܡܿܩܒܠ ܐܢܐ. ܗܐ ܡܓܗܐ ܐܢܐ ܡܢ ܟܪܝܘܬܐ ܘܚܕܘܬܐ ܕܟܠܝܘܡܼ. ܘܚܕܘܬܐ ܒܠܚܘܕ
                    ܠܒܿܫ ܐܢܐ. ܗܐ ܗܿܘܐ ܐܢܐ ܕܠܐ ܨܦܬܐ ܘܕܠܐ ܟܪܝܘܬܐ ܘܕܠܐ ܥܩܬܐܼ. ܘܒܢܝܿܚܐ ܕܠܥܠܡ ܫܿܪܐ ܐܢܐ.
                    ܗܐ ܡܿܬܚܪܪ ܐܢܐ ܡܢ ܥܒܼܕܘܬܐ ܘܠܚܐܪܘܬܐ ܕܐܬ݀ܩܪܝܬ ܠܗܼܿ ܐܿܙܠ ܐܢܐ. ܗܐ ܫܡܿܫܬ ܙܒ̈ܢܐ
                    ܘܥ̈ܕܢܐܼ. ܘܡܢ ܙܒ̈ܢܐ ܘܥ̈ܕܢܐ ܐܬ݀ܥܠܝܬ. ܗܐ ܡܿܩܒܠ ܐܢܐ ܢܠܝ ܐܓܪܝ ܡܢ ܡܪܐ ܕܐܓܪܐ ܕܠܐ ܡܚܿܒܫ
                    ܘܝܿܗܒ. ܡܛܠ ܕܡܘܦܐ ܗܘ ܥܘܬܪܗ ܠܟܠܗܝܢ ܡ̈ܘܗܒܬܗ. ܗܐ ܫܿܠܚ ܐܢܐ ܘܠܒܿܫ ܐܢܐܼ ܘܬܘܒ ܠܐ ܫܿܠܚ
                    ܐܢܐ. ܗܐ ܕܡܿܟ ܐܢܐ ܘܩܐܿܡ ܐܢܐ. ܘܬܘܒܼ ܠܐ ܡܿܐܬ ܐܢ. ܗܐ ܚܿܕܝܢ ܘܚܿܝܪܝܢ ܠܝܼ. ܕܐܿܙܠܘܐܬܚܿܠܛ
                    ܒܚܕܘܬܗܘܢܼ. ܘܣܝܡ ܗ̈ܒܒܐ ܒ̈ܟܠܝܠܝܗܘܢ. ܗܐ ܡܡܿܠܟ ܐܢܐ ܒܡܿܠܟܘܬܟ ܝܫܘܥ܇ ܕܡܟܐ ܠܗܿ ܣܿܒܪܬ.
                    ܒܗܿܬܝܢ ܒ̈ܝܼܫܐ ܕܣܒܼܪܘ ܕܢܫܥܒܕܘܢܝ ܒܫܘ̈ܠܛܢܝܗܘܢ. ܗܐ ܡܣܬܚܦܝܢ ܡܪ̈ܘܕܐ ܩܕܡܝ܇ ܕܝܿܪܒܬ ܠܝ
                    ܡܢܗܘܢ. ܗܐ ܗܘܿܐ ܠܗ ܫܝܼܢܐܿ. ܕܠܗ ܪܘܪ̈ܒܢܐ ܨܿܝܒܝܢ ܀ ܘܟܕ ܗܠܝܢ ܐܡܼܪ ܗܘܐ ܝܗܘܕܐ. ܟܠܗܘܢ
                    ܗܿܢܘܢ ܕܐܝܬ ܗܘܘ ܬܡܿܢ ܨܝܿܬܝܢ ܗܘܘ. ܘܣܒܪܝܢ  312  ܗܘܘܼ ܕܒܗܿ ܒܫܥܬܐ ܗܘܿܐ ܗܘܐ ܡܦܩܢܗ ܕܡܢ ܥܼܠܡܐ ܀ ܘܐܡܼܪ ܬܘܒ ܝܗܘܕܐ. ܗܝܡܢܘ
                    ܒܐܣܝܐ ܕܟܠܗܘܢ ܟܐ̈ܒܐ ܟܣܗܝܐ ܘܓ̈ܠܝܐܿ. ܘܡܚܝܢܐ ܕܢܦܫ̈ܬܐ ܐܝܠܝܢ ܕܒܥܝܢ ܥܘܕܪܢܐ ܡܢܗ. ܗܢܐ
                    ܒܪܚܐܪ̈ܐ. ܘܒܪ ܡܿܠܟܐ ܕܗܘܼܐ ܥܒܼܕܐ ܘܡܣܟܢܐ. ܗܢܐ ܐܣܝܐ ܕܒܪܝܬܗ. ܘܟܪܝܗܐ ܡܢ ܥܒܼ̈ܕܘܗܝ.ܗܢܐ
                    ܡܿܕܟܝܢܐ ܕܡܗ̈ܝܡܢܘܗܝ܆ ܘܡܬܬܫܝܛ ܘܡܬܚܣܕ ܡܢ ܐܝܠܢ ܕܠܐ ܫܡܥܘܗܝ. ܗܢܐ ܡܚܪܪ ܡܢ ܥܒܼܕܘܬܐ ܘܡܢ
                    ܚܒܿܠܐ. ܘܡܢ ܫܘܥܒܕܐ ܘܡܢ ܚܘܣܪܢܐ ܠܩ̈ܢܝܢܘܗܝ. ܘܡܫܬܥܒܕ ܘܡܬܚܿܣܕ ܡܢ ܥܒܼ̈ܕܘܗܝ. ܗܢܐ ܐܒܐ
                    ܕܪܘܡܐ ܘܡܪܐ ܕܒܪ̈ܝܬܐܼ ܘܕܝܿܢܐ ܕܥܠܡܐ. ܗܢܐ ܕܐܬܼܐ ܡܢ ܪܘܡܐܼ. ܘܐܬܚܙܝ ܡܢ ܡܪܝܡ ܒܬܘܠܬܐ.
                    ܘܡܬܼܩܪܐ ܒܪ ܝܘܣܦ ܢܓܪܐ. ܗܢܐ ܕܙܥܘܪܘܬܐ ܕܦܓܪܗܼ ܒܥ̈ܝܢܝܢ ܚܙܝܢܗܿ. ܘܪܒܘܬܗ ܒܗܝܡܢܘܬܐ
                    ܩܿܒܠܢܗܿ. ܗܢܐ ܕܦܓܪܗ ܩܕܝܫܐ ܓܫܢܝܗܝ ܒܐܝܼ̈ܕܝܢ. ܘܚܙܬܗ ܡܟܐܪܬܐ ܚܙܝܢ ܒ̈ܥܝܢܝܢ. ܘܨܘܪܬܗ
                    ܐܠܗܝܬܐܼ ܒܛܼܘܪܐ ܒܠܚܘܕܝܢ ܠܐ ܐܫܟܚܢ ܠܡܚܼܙܐܿ. ܗܢܐ ܕܐܬܩܼܪܝ ܡܛܥܝܢܐܼ. ܘܗܘܼܝܘ ܫܪܝܪܐ ܕܠܐ
                    ܡܕܓܠ ܘܝܿܗܒ ܡܟܣܐܼ ܘܟܣܦ ܪܝܫܐ ܚܠܦܝܢ. ܘܚܠܦܘܗܝ. ܗܢܐ ܕܟܕ ܚܼܙܝܗܝ ܒܥܠܕܒܒܐ ܕܚܼܠ. ܘܐܬܪܗܒ
                    ܘܫܐܠܗ. ܕܡܿܢܼܘ ܘܡܐ ܛܒܼܗ. ܘܥܠ ܫܪܪܐ ܠܐ ܐܩܝܡܗ. ܡܛܠ ܕܫܪܪܐ ܒܗ ܠܝܬ. ܗܢܐ ܟܕ ܐܝܬܘܗܝ ܡܿܪܐ
                    ܥܠܡܐ : ܘܪ̈ܓܝܓܬܗ ܘܩ̈ܢܝܢܘܗܝ  313  ܘܟܠܗܘܢ
                    ܢܝ̈ܚܘܗܝ܆ ܗܼܘ ܡܢܗܿ ܐܪܚܩ ܐܢܘܢ. ܘܠܐܝܠܝܢ ܕܫܡܿܥܝܢ ܠܗ ܘܡܗܝܡܢܝܢ ܒܗܼ. ܙܗܿܪ ܐܢܘܢ ܕܒܗܠܝܢ
                    ܠܐ ܢܬܚܫܚܘܢ. ܘܟܕ ܫܿܠܡ ܗܠܝܢ ܠܡܐܡܪ܆ ܩܡ ܗܘܐ ܕܢܨܿܠܐ ܘܢܐܡܪ ܗܟܢܐ. ܐܒܘܢ ܕܒܫܡܝܐܼ ܢܬܩܿܕܫ
                    ܫܡܟ. ܬܐܬܐ ܡܿܠܟܘܬܟ. ܘܢܗܼܘܘܢ ܨܒ̈ܝܢܝܟ. ܒܐܪܥܐ ܐܝܟ ܕܒܫܡܝܐ. ܗܒ ܠܢ ܠܚܡܐ ܐܡܝܢܐ ܕܝܘܡܐ.
                    ܘܫܒܘܩ ܠܢ ܚ̈،ܒܝܢ. ܘܚ̈ܛܗܝܢ. ܕܐܦ ܚܢܢ ܢܫܒܘܩ ܠܚ̈ܝܒܝܢ. ܘܠܐ ܬܝܬܝܢ ܠܢܣܝܘܢܐ. ܐܠܐ ܦܨܢ ܡܢ
                    ܒܝܼܫܐ. ܡܪܝ ܘܐܠܗܝ ܘܣܒܪܝ. ܘܬܘܟܠܢܝܿ ܘܡܠܦܢܝܼ ܘܡܠܒܒܢܝ. ܐܢܬ ܗܘ ܐܠܦܬܢ ܕܢܨܿܠܐ ܗܟܢܐ. ܗܐ
                    ܨܠܘܬܟ ܡܨܿܠܐ ܐܢܐܼ. ܘܨܒܝܢܟ ܡܿܫܠܡ ܐܢܐ. ܐܢܬ ܗܼܘܝ ܥܡܝ. ܥܕܡܐ ܠܚܪܬܐ. ܐܢܬ ܕܡܢ ܛܠܝܘܬ
                    ܙܪܥܼܬ ܒܝ ܚ̈ܝܐ. ܘܡܢ ܚܒܿܠܐ ܢܛܪܬܢܝ. ܐܢܬ ܕܠܡܣܟܢܘܬܐ ܕܥܠܡܐ ܐܝܬܝܬܢܝ. ܘܠܥܘܬܪܟ ܕܫܪܪܐ
                    ܙܡܢܬܢܝ. ܐܢܬ ܕܐܘܕܥܬܢܝ ܕܕܝܠܟ ܐܢܐ. ܘܠܐܢܬܬܐ ܠܐ ܐܬ݀ܩܪܒܬ. ܕܡܕܡ ܕܠܟ ܡܬܒܥܐܿ ܒܛܘܠܫܐܼ ܠܐ
                    ܢܫܬܟܚ. ܠܐ ܣܿܦܩ ܦܘܡܝ ܠܡܘܕܝܘ ܠܟ. ܘܠܐ ܬܪܥܝܬܝ ܠܡܫܒܚܘ ܠܛܝܒܘܬܟ ܕܥܠܝ. ܗܿܘ ܕܟܕ ܨܿܒܐ ܗܘܝܬ
                    ܕܐܿܩܢܐ ܘܐܿܥܬܪ. ܐܢܬ ܒܚܙܘܟ ܚܘܝܬܢܝ܆ ܕܚܘܣܪܢܐ ܗܘܼܐ ܠܣ̈ܓܝܐܐܿ. ܡܢ ܥܘܬܪܐ ܘܡܢ ܩܢܝܢܐ.
                    ܘܗܿܝܡܢܬ ܠܚܙܬܟܼ. ܘܒܡܣܟܢܘܬܐ ܕܠܥܠܡ ܩܿܘܝܬ. ܥܕܡܐ ܕܐܢܬ  314  ܥܘܬܪܐ ܕܫܪܪܐ ܐܬܚܼܙܝܬ ܠܝ. ܘܠܐܝܠܝܢ
                    ܕܫܿܘܝܢ ܠܟ ܡܢ ܥܘܬܪܟ ܕܫܪܪܐ ܡܠܼܝܬ ܐܢܘܢ. ܘܡܢ ܣܢܝܩܘܬܐ ܘܡܢ ܨܦܬܐܿ ܘܡܢ ܝܥܢܘܬܐܼ ܦܼܪܩܬ
                    ܐܢܢ. ܗܐ ܡܟܝܠ ܫܿܠܡܬ ܨܒܝܢܟܼ. ܘܓܿܡܪܬ ܥܿܒܕܟ. ܗܘܿܝܬ ܡܣܟܢܐ ܘܣܢܝܩܐ ܘܐܟܣܢܝܐܿ. ܘܥܒܼܕܐ
                    ܘܫܝܛܐ. ܘܐܣܝܪܐ ܘܟܦܢܐ. ܘܨܗܝܐ ܘܥܪܛܠܝܐ. ܘܚܦܝܝܐ ܘܠܐܝܐܼ ܡܛܠܬܟ. ܠܐ ܢܦܘܫ ܬܘܟܠܢܝ. ܘܣܒܪܝ
                    ܕܥܠܝܟܼ ܠܐ ܢܒܗܬ. ܠܐ ܢܗܘܼܘܢ ܥܡ̈ܠܝ ܣܪ̈ܝܩܐ. ܘܠܐܘ̈ܬܝ ܒ̈ܛܝܠܬܐ ܠܐ ܢܫ̈ܬܟܚܢ. ܠܐ ܢܐܒܕܘܢ
                    ܨ̈ܘܡܝ ܘܨ̈ܠܘܬܝ ܬܟ̈ܝܒܬܐ. ܘܣܘܥܪ̈ܢܝ ܕܒܟ ܠܐ ܢܬܚܠܦܘܢ. ܠܐ ܢܚܛܘܦ ܙܪܥܟ ܕܚ̈ܛܐ ܒܥܠܕܒܒܐ ܡܢ
                    ܐܪܥܟ. ܘܙܝ̈ܙܢܘܗܝ ܒܗܿ ܠܐ ܢܫܬܟܚܘܢ. ܠܐ ܓܝܪ ܡܩܒܠܐ ܐܪܥܟ ܙܝ̈ܙܢܘܗܝܼ. ܘܠܐ ܡܫܟܚܝܢ ܕܢܦܠܼܘܢ
                    ܒܐܘܨܪ̈ܘܗܝ ܕܐܟܪܟ. ܘܬܘܒܼ ܐܡܿܪ ܗܘܐ. ܓܦܬܟ ܢܨܿܒܬ ܒܐܪܥܐܼ. ܬܫܕܐ ܓ̈ܝܕܐ ܠܥܘܡܩܐܼ. ܘܬܓܼܕܘܠ
                    ܓܘ̈ܦܢܝܗܿ ܠܫܡܝܐ. ܘܢܬܚܙܘܢ ܦܐܪ̈ܝܗܿ ܒܐܪܥܐܼ. ܘܢܬܒܣܡܘܢ ܒܗܘܢ ܐܝܠܝܢ ܕܠܐ ܫܿܘܝܢ ܘܐܢܬ ܩܢܼܝܬ
                    ܐܢܘܢ. ܟܣܦܟ ܕܝܗܼܒܬ ܠܝ ܐܪܘܡܿܝܬܗ ܥܠ ܦܬܘܪܟܼ. ܓܒܝܗܝ ܘܗܒܝܗܝ ܠܝ ܒܪܗܒܝܬܗ ܐܝܟ ܕܐܫܬܘܕܝܬ.
                    ܒܡܢܼܝܟ ܐܬܬ݀ܓܪܬ ܥܣܪܐܼ. ܢܬܬܘܣܦ ܥܠ ܕܐܝܬ ܠܝܼ ܐܝܟ ܕܡܠܼܟܬ. ܠܚܝ̈ܒܝ ܫܿܒܩܬ ܡܢܼܝܐܼ. ܠܐ
                    ܢܬܬܒܥ ܒܐܝܼܕܝ ܕܫܒܼܩܬ ܠܗ. ܠܐܚܫܡܝܬܐ  315 
                    ܐܙܕܡܿܢܬ ܘܐܬ݀ܝܬ ܥܓܠ. ܘܡܢ ܩܪܝܬܐ. ܘܡܢ ܦܕܢܐܿ ܘܡܢ ܐܢܬܬܐ ܐܫܿܬܐܠܬ. ܠܐ ܐܣܬܠܐ ܡܢܗܿ.
                    ܘܒܡܘ̈ܡܬܐ ܠܐ ܐܬܛܥܡܗܿ. ܠܡܫܬܘܬܐ ܐܙܕܡܿܢܬ. ܘܢܚ̈ܬܐ ܚܘܪ̈ܐ ܠܒܿܫܬ. ܐܿܫܘܐ ܠܗܿ. ܘܠܐ ܢܦܟܪܘܢ
                    ܐܝܼ̈ܕܝ ܘܪ̈ܓܠܝ ܘܠܚܫܘܟܐ ܒܪܝܐܼ ܠܐ ܐܦܘܩ. ܫܪܓܝ ܒܢܘܗܪܗ ܦܨܝܚܐ. ܢ݀ܛܪܗ ܡܪܗ. ܥܕ ܦ݀ܛܪ ܡܢ
                    ܒܝܬ ܡܫܬܘܬܐ ܘܐܿܩܒܠܝܘܝ. ܟܕ ܡܛܦܛܦ ܡܢ ܡܫܚܗܼ ܠܐ ܐܚܙܝܘܗܝ. ܥ̈ܝܢܝ ܠܟ ܢܗ̈ܒܠܢ. ܘܢܚܕܐ ܠܒܝ
                    ܕܫܿܠܡܬ ܨܒܝܢܟܼ ܘܓܿܡܪܬ ܦܘ̈ܩܕܢܝܟ. ܐܿܕܡܼܐ ܠܥܒܼܕܐ ܚܟܝܡܐ ܕܚܘܠܬܢܐܿ. ܕܒܚܦܝܛܘܬܐ ܙܗܝܬܐ ܠܐ
                    ܡܗܡܐ. ܒܫܗܪܐ ܕܠܠܝܐ ܟܠܗ ܠܐܿܝܬ. ܠܡܛܪ ܒܝܬܝ ܡܢ ܓ̈ܝܿܣܐܼ ܕܐܠ ܢܬܼܦܠܫ. ܚ̈ܨܝܼ ܒܩܘܫܬܐ
                    ܐܣܝܪ̈ܝܢ ܘܡ̈ܣܢܝ ܒܪ̈ܓܠܝ ܚܝ̈ܨܝܢ. ܥܪ̈ܩܝܗܘܢ ܟܕ ܡܿܪܦܝܼܢ ܠܐ ܐܿܚܙܐ. ܐܝܼܕܝ ܐܿܪܡܝܬ ܥܠ ܚܪܒܐ
                    ܕܦܕܢܝ܆ ܘܠܒܣܬܪܝ ܠܐ ܐܬ݀ܦܢܝܬܼ. ܕܚ̈ܛܘܛܝ ܠܐ ܢܬ݀ܦܬܠܘܢ. ܚ̈ܩܠܬܝ ܚܘܪ̈ܝܼ ܘܡ̈ܛܝ ܠܚܨܕܐ ܡܢ
                    ܟܕܘ. ܐܓܪܝ ܐܿܣܒ. ܠܒܘܫܐ ܕܠܿܠܐܼ ܒܿܠܝܬܗ. ܘܥܡܠܐ ܕܠܢܝܿܚܐ ܡܝܿܬܐ ܫܿܠܡܬܗ. ܢܛܿܪܬ ܡܛܪܬܝ
                    ܩܕܡܝܬܐܿ. ܘܬܢܝܢܝܬܐ ܘܬܠܝܬܝܬܐ. ܐܿܩܒܠܝܘܗܝ ܠܦܪܨܘܦܟܼ. ܘܐܿܣܓܘܕ ܩܕܡ ܙܝܘܟ ܩܕܝܫܐ. ܥܿܩܪܬ
                    ܒܝܬ ܩ̈ܦܣܝ ܘܐܿܚܪܒܬ ܐܢܘܢ ܒܐܪܥܐ. ܐܿܣܒ ܡܢ ܣܝܼܡܬܟ ܕܠܐ ܚܿܣܪܐ. ܠܡܥܝܢܐ ܕܒܝ ܪܛܝܒܬܐ
                    ܐܿܘܒܫܬ. ܐܿܣܡܘܟ ܥܠ ܡܥܝܢܟ ܚܝܬܐܼ ܘܐܬܬܢܝܚ ܥܠܝܗܿ. ܠܐܣܝܪܐ ܕܐܫܠܡܼܬ ܠܝ ܩܛܠܬܗ. ܠܫܪܝܐ ܕܒܝ
                    ܦܪܘܩ. ܘܠܐ ܬܬܟܠܐ ܢܦܫܝ ܡܢ ܬܘܟܠܢܗܿ. ܓܘܝܐ  316  ܥܿܒܕܬ ܒܪܝܐ. ܘܒܼܿܪܝܐ ܓܘܝܐ. ܢܫܬܡܠܐ ܨܒܝܢܟ ܒܟܠ ܗ̈ܕܡܝ. ܠܒܣܬܪܝ ܠܐ ܗܿܦܟܬ.
                    ܘܠܩܕܡܝ ܟܠ ܐܿܫܬܘܫܛܬ. ܬܕܡܘܪܬܐ ܘܐܬ݀ܐ ܠܐ ܐܿܗܘܐ. ܡܝܼܬܐ ܠܐ ܐܿܚܝܬ. ܘܚܼܿܝܐ ܠܐ ܐܿܡܝܬܬ.
                    ܘܚܣܝܪܐ ܡܿܠܝܬ. ܢܩܿܒܠ ܟܠܝܠܐ ܕܙܟܘܬܐ ܫܠܝܛܐ ܕܬܪ̈ܝܗܘܢ ܥ̈ܠܡܐ. ܚܣܕܐ ܩܿܒܠܬ ܒܐܪܥܐ. ܦܘܪܥܢܐ
                    ܥܼܿܒܕ ܠܝ ܒܫܡܝܐ. ܠܐ ܢܪܓܼܫܘܢ ܒܝ ܚ̈ܝܠܐ. ܘܫ̈ܠܝܛܢܐ ܥܠܝܼ ܠܐ ܢܬܚܫܒܘܢ. ܠܐ ܢܚܙܘܢܢܝ ܡ̈ܟܣܐ.
                    ܘܓܼܿܒ̈ܝܐ ܒܝ ܠܐ ܢܬܛܓܪܘܢ. ܠܐ ܢܗܿܠܘܢ ܒܝ ܫ̈ܦܠܐܿ. ܘܒ̈ܝܼܫܐ ܒܚܠܝܨܐ ܘܡܟܝܟܐ. ܘܥܒܼܕܐ ܘܫܝܛܐ
                    ܘܪܒܐ ܕܡܬܥܠܐܿ ܠܐ ܡܡܪܚܝܢ ܠܡܩܡ ܩܕܡܝ܇ ܡܛܠ ܚܝܠܟ ܙܟܝܐ ܝܫܘܥ ܕܚܕܝܪ ܠܝ. ܥܿܪܩܝܢ ܓܝܪ ܘܛܿܫܝܢ
                    ܡܢܗ. ܡܛܠ ܕܢܚܙܘܢܗ ܠܐ ܡܫܟܚܝܢ: ܒܢܟܠܐ ܓܝܪ ܘܒܫܠܝܐ ܢܿܦܠܝܢ ܥܠ ܐܝܠܝܢ ܕܡܫܬܡܥܝܢ ܠܗܘܢ.
                    ܡܢܬܗܘܢ ܕܒ̈ܢܝܼ ܗܐ ܩܥܝܐ ܘܡܒܿܪܩܐ. ܘܠܐ ܐܢܫ ܛܿܫܐ ܡܢܗܘܢ. ܡܛܠ ܕܪܝܚ ܟܝܢܗܘܢ ܗܘ. ܦܪܝܫܝܢ
                    ܒ̈ܝܼܫܐ ܒ̈ܢܝܢܫܐ. ܐܝܠܢܐ ܕܦܐܪ̈ܘܗܝ ܡܪܬܐ ܗܘ. ܐܿܥܒܪܝܘܝܗ ܠܐܬܪܗܘܢ ܒܫܠܝܐܼ ܘܐܿܬܐ ܠܘܬܟ.
                    ܚܕܘܬܐ ܘܫܝܢܐ ܢܣܡܟܘܢܝ. ܘܐܿܩܘܡ ܩܕܡ ܫܘܒܚܟ. ܘܐܿܟܠܩܪܨܐ ܒܝ ܠܐ ܢܿܚܘܪ. ܐܠܐ ܢܬܥܘܪ̈ܢ
                    ܥ̈ܝܢܘܗܝ ܒܢܘܗܪܟ ܕܐܢܐ ܫܼܿ ܐܢܐ ܒܗ. ܘܢܣܬܼܟܪ ܦܘܡܗ ܫܿܩܪܐ ܕܡܕܡ ܥܠܝ ܠܝܬ ܠܗ. ܀ ܘܫܼܿܪܝ ܗܘܐ
                    ܬܘܒ ܠܡܐܡܪ ܠܗܿܢܘܢ ܕܐܝܬ  317  ܗܘܘ ܠܘܬܗ
                    ܒܚܒܘܫܝܐ. ܗܝܡܢܘ ܒ̈ܢܝ ܒܗܢܐ ܐܠܗܐ ܕܡܿܟܪܙ ܐܢܐ. ܗܝܡܢܘ ܒܝܫܘܥ ܡܫܝܚܐ ܕܡܿܣܒܪ ܐܢܐ. ܗܝܡܢܘ
                    ܠܡܚܝܢܐ ܘܠܡܥܕܪܢܐ ܕܥܒܼ̈ܕܘܗܝ. ܗܝܡܢܘ ܠܡܚܝܢܐ ܕܐܝܠܝܢ ܕܠܐܼܝܘ ܒܦܘܠܚܢܗ. ܠܗܢܐ ܕܗܫܐ ܗܐ ܪܘܙܐ
                    ܢܦܫܝ ܒܗ܇ ܕܡܼܛܐ ܙܒܢܐ ܕܐܿܙܠ ܘܐܿܩܒܠܝܘܗܝ. ܗܝܡܢܘ ܒܗܢܐ ܫܦܝܪܐ. ܕܫܘܦܪܗ ܡܿܓܪܓ ܠܝ ܕܐܿܡܼܪ
                    ܥܠܘܗܝ ܡܕܡ ܕܐܝܬܘܗܝ܇ ܟܕ ܠܐ ܡܘܦܐ ܐܢܐ ܕܐܡܪܝܘܗܝ. ܐܢܬ ܗܘ ܓܝܪ ܡܪܝ ܙܝܘܢܐ ܕܡܣܟܢܘܬܝ܇
                    ܘܡܡܠܝܢܐ ܕܚܣܝܪܘܬܝ. ܘܡܦܪܢܣܢܐ ܕܣܢܝܩܘܬܝ. ܐܢܬ ܗܼܘܝ ܥܡܝ ܥܕܡܐ ܠܚܪܬܐܿ. ܕܐܿܬܐ ܐܢܐ ܘܡܿܩܒܠ
                    ܐܢܐ ܠܟ ܀ ܗܿܘ ܕܝܢ ܥܠܝܡܐ ܘܝܙܢ ܒܪܗ ܕܡܙܕܝ ܡܿܠܟܐܼ. ܒܥܿܐ ܗܘܐ ܡܢܗܼ ܘܐܿܡܪ ܠܗ. ܒܥܿ ܐܢܐ
                    ܡܢܟ ܓܒܪ ܩܕܝܫܐ ܫܠܝܚܗ ܕܐܠܗܐܼ. ܐܦܣ ܠܝ ܕܐܙ݀ܠ ܘܐܦܝܣ ܠܢܛܘܪ̈ܐ ܕܚ̈ܒܝܫܐ. ܘܡܦܩ ܠܝ ܕܬܐܙܠ
                    ܥܡܝ ܠܒܝܬܝ܆ ܘܬܬܠ ܠܝ ܪܘܫܡܐ ܕܚܗܝܐ. ܘܐܿܗܘܐ ܐܦ ܐܢܐ ܦܠܚܼܐ ܠܗܢܐ ܐܠܗܐ ܚܼܕܬܐ ܕܡܿܟܪܙ ܐܢܬ.
                    ܡܛܠ ܕܒܗܠܝܢ ܟܘܠܗܝܢ ܕܐܡܼܪܬ ܡܿܬܕܒܪ ܗܘܝܬ ܒܛܠܝܘܬܝ܇ ܥܕܠܐ ܢܥܨܝܢܝ ܡܙܕܝ ܐܒܝ܇ ܘܢܬܠ ܠܝ
                    ܠܡܢܫܪ ܐܢܬܬܐ.. ܒܪ ܥܣܪܗܝܢ ܓܝܪ ܘܚܐ ܫ̈ܢܝܢ ܐܝܬܝ ܝܘܡܢܐ. ܘܗܐ ܫܒܥ ܫ̈ܢܝܢ ܠܝ ܗܐ ܡܢ
                    ܕܐܿܙܕܘܓܬ ܒܙܘܘܓܐ ܕܐܢܬܬܐ. ܡܢ ܩܕܡ ܓܝܪ ܕܐܿܣܒ ܐܢܬܬܐܼ. ܐܢܬܬܐ ܐܚܪܬܐ ܠܐ ܝܿܕܥܬܐ. ܘܠܐܒܝ
                    ܐܝܟ ܒܿܛܝܠܐ  318  ܚܫܝܒ ܗܘܝܬ ܠܗ. ܘܒܪܐ
                    ܘܒܪܬܐ ܡܢ ܐܢܬܬܐ ܕܝܗܼܒ ܠܝ ܠܐ ܗܘܼܐ ܠܝ ܥܕܟܝܠ. ܘܐܦ ܗܼܝ ܐܢܬܬܝܼ ܒܢܟܦܘܬܐ ܥܡܼܪܬ ܥܡܝ ܫ̈ܢܝܐ
                    ܗܠܝܢ. ܘܝܘܡܢܐ ܐܠܘ ܚܠܝܡܐ ܗܘܬ܇ ܘܠܟ ܚܙܬ ܐܘ ܫܡܼܥܬ ܡܠܬܟ : ܠܝ ܗܿܘܐ ܗܘܐ ܢܝܿܚܐ ܘܗܼܝ ܚܿܝܐ
                    ܗܘܬ. ܘܚ̈ܝܐ ܕܠܥܠܡ ܡܩܒܠܐ ܗܘܬ. ܒܐܘܠܨܢܐ ܓܝܪ ܪܒܐ ܐܝܬܝܗܿ܆ ܗܐ ܙܒܢܐ ܣܓܝܐܐ. ܕܟܘܪܗܢܐ ܡܦܝܣ
                    ܐܢܐ ܗܟܝܠ ܠܢܛܘܪܗܐ ܕܚ̈ܒܝܫܐ: ܐܢ ܗܼܘ ܕܡܫܬܘܕܐ ܐܢܬ ܠܝ ܕܬܐܙܠ ܥܡܝ ܠܒܝܬܝ : ܡܢܝ ܓܝܪ ܘܠܝ
                    ܒܕܪܬܐ ܒܠܚܘܕܝ ܥܡܿܪ ܐܢܐܼ. ܘܡܐܣܐ ܐܢܬ ܠܗܿ ܠܚܠܫܬܐ ܕܟܪܝܗܐ ܗܝ ܀ ܀ ܘܟܕ ܗܠܝܢ ܫܡܼܥ ܝܗܘܕܐ
                    ܫܠܝܚܗ ܕܡܪܝܡܐܼ. ܐܡܿܪ ܠܗ ܫܠܝܚܐ ܠܘܝܙܢ. ܒܪܝ ܐܢ ܗܼܘ ܕܡܗܝܡܢ ܐܢܬܼ. ܚܿܙܝܬ ܬܕܡܪ̈ܬܗ
                    ܕܐܠܗܢܿ. ܐܝܟܢܐ ܡܿܚܐ ܘܚܐܿܢ ܠܥܒܼ̈ܕܘܗܝ. ܘܟܕ ܗܿܢܘܢ ܡܡܠܠܝܢ ܗܘܘ܆ ܛܪܛܝܐ ܘܡܓܕܘܢܝܐ ܘܢܪܩܝܐ
                    ܡܪܒܝܢܝܬܗܿ܆ ܒܬܪܥ ܕܒܝܬ ܐܣܝܪ̈ܐ ܩ̈ܝܡܢ ܗ̈ܘܝ. ܘܝܗ̈ܒܝ ܠܢܛܘܪ̈ܐ ܕܚ̈ܒܝܫܐ ܬܠܬܡܐܐ ܘܫܬܝܢ
                    ܙܘ̈ܙܝܢ ܕܣܐܡܐ. ܘܐܥܠܘ ܐܢܗܝܢ ܠܘܬ ܝܗܘܕܐ. ܘܥ̈ܠܝܢ ܘܚ̈ܙܝ ܠܝܗܘܕܐ ܘܠܨܝܦܘܪ ܘܠܘܝܙܢ ܘܠܐܢܬܬܗ
                    ܘܠܒܪܬܗ ܕܨܝܦܘܪ. ܘܠܚ̈ܒܝܫܐ ܟܠܗܘܢ ܟܕ ܝܬ݀ܒܝܢ܆ ܘܫܡܿܥܝܢ ܠܗ ܠܝܗܘܕܐ. ܘܩ̈ܡܝܢ ܬܠܬܝܗܝܢ
                    ܩܕܡܘܗܝ. ܘܗܼܘ ܐܡܼܪ ܠܗܝܢ. ܡܿܢܼܘ ܐܪ̈ܦܝܟܝܢ ܕܬܐܬܝ̈ܢ ܠܘܬܢܼ. ܘܡܿܢܼܘ ܦܬܼܚ ܠܟܝܢ ܬܪܥܐ
                    ܕܚܬܝܡ ܗܘܐ  319  ܒܐ̈ܦܝܟܝܢ ܀ ܐܡܿܪ ܠܗ
                    ܛܪܛܝܐ. ܠܐ ܗܘܐ ܐܢܬ ܦܬܼܚܬ ܠܢ ܬܪܥܐ ܘܐܡܼܪܬ ܠܢ : ܕܬܐܿܝܢ ܠܒܝܬ ܚ̈ܒܝܫܐ : ܕܢܐܙܠ ܘܢܼܕܒܪ
                    ܠܐ̈ܚܝܢ ܕܬܡܿܢ : ܘܗܿܝܕܝܢ ܢܚܿܘܐ ܡܪܢ ܫܘܒܚܗ ܥܡܢ ܀ ܘܟܕ ܡܛܝܢ ܬܪܥܐܼ ܐܒܼܕܬ ܠܟ ܡܢܢ܆ ܘܫܡܥܢ
                    ܩܠܐ ܕܬܪܥܐ ܕܐܬܬܚܕ ܒܐ̈ܦܝܢ. ܘܝܗܒܢܢ ܕܝܢ ܠܢܛܘܪ̈ܐ ܕܝܠܗܘܢܼ ܘܥܠܘܢ. ܘܗܐ ܩܿܝܡ̈ܝܢܢ ܘܒܥ̈ܝܢܢ
                    ܡܢܟ܆ ܕܬܥܼܒܕ ܠܢ ܨܒܝܢܐ ܕܢܥܿܪܩܟ܇ ܥܕ ܦܝܓܐ ܡܢܟ ܚܡܬܗ ܕܡܙܕܝ ܡܿܠܟܐ. ܐܡܿܪ ܠܗܿ ܝܗܘܕܐ
                    ܠܛܪܛܝܐ. ܐܫܬܥ̈ܝܢܝ ܠܢ ܠܘܩܕܡ ܐܝܟܢܐ ܐܬܚ̈ܒܫܬܝܢ. ܐܡܿܪܐ ܠܗ ܛܪܛܝܐ. ܐܢܬ ܩܢܘܡܟ ܡܢ ܠܘܬܢ ܠܐ
                    ܫܼܢܝܬ. ܐܠܐ ܐܢ ܚܕܐ ܫܥܐ. ܘܠܐ ܝܿܕܥ ܐܢܬ ܐܝܟܢܐ ܚܒܝܫܢ ܗܘܝܢ. ܘܐܢ ܕܝܢ ܕܬܫܡܼܥ ܨܼܒܝܬܼ ܫܡܼܥ
                    ܀ ܀ ܡܙܕܝ ܡܿܠܟܐ ܫܕܪ ܘܐܝܬܝܢܝ ܠܝ ܕܝܠܝ ܐܢܐ ܛܪܛܝܐ ܘܐܡܼܪ ܠܝ. ܠܐ ܥܕܟܝܠ ܫܠܝܛ ܒܟܝ ܗܿܘ
                    ܚܿܪܫܐ. ܡܛܠ ܕܫܡܝܥ ܗܘ ܠܝ ܓܝܪ. ܕܒܡܫܝܚܐ ܘܒܡ̈ܝܐ ܘܒܠܚܡܐ ܘܒܚܡܪܐ ܡܚܿܪܫ. ܘܠܟܝ ܥܕܟܝܠ ܠܐ
                    ܚܪܫܟܝ. ܐܠܐ ܐܬܛܦܝܣܝ ܠܝ ܗܟܝܠ ܕܐܡܿܪ ܐܢܐ ܠܟܝ. ܕܠܐ ܡܫܬܢܕ ܐܢܐ ܒܟܝ ܥܕܡܐ ܕܡܿܘܒܕ ܐܢܐ ܠܟܝ.
                    ܝܿܕܥ ܐܢܐ ܓܝܪܼ. ܕܟܡܐ ܕܒܡ̈ܝܐ ܘܒܡܫܚܐ ܘܒܠܚܡܐ ܘܒܚܡܪܐ ܠܐ ܝܗܼܒ ܠܟܝ܆ ܠܐ ܥܕܡܐ ܠܗܫܐ ܡܠܝܐܝܬ
                    ܐܫܬܠܛ ܒܟܝ. ܘܐܢܐ ܐܡܿܪܬ ܠܗ. ܟܠܡܕܡ ܕܨܿܒܝܬܼ ܥܼܒܕ ܠܝ.  320  ܥܠ ܦܓܪܝ ܗܘ ܫܠܝܛ ܐܢܬ ܕܬܥܒܕ ܠܗ ܟܘܠ
                    ܕܨܿܒܝܼܬ. ܢܦܫܝ ܕܝܢ ܠܐ ܡܘܒܕܐ ܐܢܐ ܥܡܟ ܀ ܘܟܕ ܗܠܝܢ ܫܡܼܥ ܡܢܝ܆ ܚܒܫܢܝ ܬܚܝܬ ܗܿܘ ܕܛܪܩܠܝܢܗ
                    ܒܒܝܬܐ ܚܕ ܚܫܘܟܐ. ܘܐܝܬܝ ܐܦ ܟܪܝܫ ܩܪܝܒܗ ܐܦ ܠܡܓܕܘܢܝܐ ܘܠܢܪܩܝܐܼ. ܘܚܒܼܫ ܐܢ̈ܝܢ ܨܐܝܕܝ.
                    ܘܢܘܗܪܐ ܡܢ ܠܘܬܢ ܠܐ ܦܼܪܩ ܗܘܐ. ܘܐܢܬ ܗܘ ܐܦܩܬܢ ܘܗܐ ܩܝܡܗܝܢܢ ܩܕܡܝܟ. ܐܠܐ ܗܒ ܠܢ ܪܘܫܡܐܼ.
                    ܘܢܬܦܣܩ ܣܒܪܗ ܕܡܙܕܝ ܡܢ ܠܘܬܝ܇ ܕܗܠܝܢ ܡܬܚܿܫܒ ܥܠܝ ܀ ܘܟܕ ܫܡܼܥ ܗܠܝܢ ܝܗܘܕܐ ܫܠܝܚܗ ܕܡܪܢ
                    ܕܗܠܝܢ ܐܡܼܪܬܼ. ܐܡܿܪ. ܠܟ ܫܒܘܚܐ ܣܓܿܝ ܕܡܼ̈ܘܬܐ ܝܫܘܥ. ܠܟ ܫܒܘܚܐ ܡܬܚܙܐ ܐܝܟ ܐܢܫܘܬܢ
                    ܡܣܟܢܬܐ.. ܠܟ ܫܘܒܚܐ ܡܿܚܝܠܢܢ ܘܡܿܠܒܒܢܢ ܘܡܿܟܘܢܢ ܘܡܚܿܕܝܢܢ. ܘܩܐܿܡ ܠܘܬܢ ܒܟܠܗܘܢ
                    ܐܘ̈ܠܨܢܝܢܿ. ܘܡܚܿܝܠ ܠܡܚܝܠܘܬܢ. ܘܡܿܠܒܒ ܠܪܗܝܒܘܬܢ ܀ ܘܟܕ ܗܠܝܢ ܐܡܼܪ. ܐܬܠܒܒܘ ܚ̈ܒܝܫܐ.
                    ܘܐܡܼܪܘ ܢܛܘܪ̈ܐ. ܦܘܚܘ ܒܫܪ̈ܓܐ ܕܠܐ ܢܐܟܠܘܢ ܩܪ̈ܨܝܢ ܩܕܡ ܡܙܕܝ ܡܿܠܟܐܿ. ܘܢܦܚܼܘ ܗܘܘ ܒܫܪ̈ܓܐ
                    ܟܠܗܘܢ ܘܐܙܠ ܕܡܼܟܘ ܀ ܝܗܘܕܐ ܕܝܢ ܐܡܼܪ ܗܘܐ ܠܡܪܢ. ܡܟܝܠ ܕܝܠܟ ܗܝ ܩܠܝܠܘܬܐ. ܝܫܘܥ ܡܿܢܗܪܢܢܿ.
                    ܕܗܐ ܒ̈ܢܝ ܚܫܘܟܐ ܒܚܫܘܟܐ ܕܝܠܗܘܢܼ ܐܘܒܘܢ ܐܢܬ ܕܝܢ ܡܪܢ ܒܢܘܗܪܐ ܕܟܝܢܟ ܐܢܗܪܝܢܝ. ܘܡܢ ܫܠܝܐ
                    ܒܝܬ ܚ̈ܒܝܫܐ ܟܠܗ ܢܗܼܪ ܗܘܐ ܐܝܟ ܕܒܐܝܡܡܐܿ. ܘܟܠܗܘܢ ܐܝܠܝܢ ܕܚܒܝܫܝܢ ܗܘܘ ܬܡܿܢ ܕܡܝܟܝܢ ܗܘܘ.
                    ܘܒܠܚܘܕ ܗܿܢܘܢ ܕܗܝܡܢܘ ܒܡܪܢ ܥܝܪܝܢ ܗܘܘ ܀ ܘܐܡܼܪ ܝܗܘܕܐ ܠܘܝܙܢ ܙܠ ܩܕܡܝܢ ܘܛܝܿܒ ܠܢ ܬܫܡܫܬܐ
                    ܠܬܫܡܫܬܢ. ܐܡܿܪ ܠܗ ܘܝܙܢ.  321  ܡܿܢܼܘ
                    ܦܬ݀ܚ ܠܢ ܬܪ̈ܥܐ ܕܒܝܬ ܚ̈ܒܝܫܐܿ. ܕܗܐ ܟܠܗܘܢ ܐܚܼܕܘ ܐܢܘܢ ܘܕܡܟܘ ܢܛܘܪ̈ܐ. ܐܡܿܪ ܠܗ ܝܗܘܕܐ.
                    ܗܝܡܢ ܒܝܫܘܥ ܘܠܐ ܬܬ݀ܦܠܓ܆ ܘܐܙ݀ܠ ܐܢܬ ܘܡܫܟܚ ܐܢܬ ܠܗܘܢ ܠܬܪ̈ܥܐܼ. ܟܕ ܦܬܝܚܝܢ ܘܩܿܝܡܝܢ ܥܠ
                    ܨܝܪ̈ܬܗܘܢ ܀ ܘܟܕ ܢܦܩܼ ܐܙܠܼ ܩܕܡܝܗܘܢ. ܟܠܗܘܢ ܕܝܢ ܒܬܪܗ ܕܝܗܘܕܐ ܐܬ݀ܝܢ ܗܘܘ. ܘܟܕ ܦܠܓܘ
                    ܐܘܪܚܐܼ. ܦܓܥܼܬ ܒܗܘܢ ܡܢܫܪ ܐܢܬܬܗ ܕܘܝܙܢ ܟܕ ܐܬܝܐ ܠܒܝܬ ܚ̈ܒܝܫܐ. ܘܗܼܝ ܕܝܢ ܐܫܬܘܕܥܬܗܼ
                    ܘܐܡܿܪܐ ܠܗ. ܐܚܝ ܘܙܝܢܼ. ܘܐܡܼܪ ܠܗܿ. ܐܝܢ ܘܐܢܬܝ ܚܬܝ ܡܢܫܪ܆ ܐܡܿܪܐ ܠܗܿ ܐܝܢ. ܐܡܿܪ ܠܗܿ.
                    ܠܐܝܟܐ ܕܐܙܠܬܝ ܒܗܢܐ ܥܕܢܐ ܒܠܚܘܕܝܟܝ. ܘܐܟܝܢܐ ܐܫܟܚܬܝ ܠܡܩܡ ܡܢ ܥܪܣܐ ܀ ܐܡܿܪܐ ܠܗ. ܕܗܢܐ
                    ܛܠܝܐ ܣܼܡ ܥܠܝ ܐܝܼܕܗ ܘܐܬ݀ܚܠܡܼܬ. ܘܚܿܙܝܬ ܒܚܠܡܝ ܕܐܿܙܠ ܠܘܬ ܗܿܘ ܐܟܣܢܝܐ ܐܝܟܐ ܕܚܒܝܫܼ
                    ܕܡܠܝܐܝܬ ܐܬ݀ܚܠܡ ܀ ܐܡܿܪ ܠܗܿ ܘܝܙܢ. ܐܝܢܘ ܛܠܝܐ ܕܐܝܬ ܥܡܟܝ. ܘܗܼܝ ܐܡܿܪܐ ܠܗ. ܠܐ ܚܿܙܝܬ ܠܗ.
                    ܕܗܐ ܒܝܡܝܢܝ ܐܚܝܕ ܘܡܿܣܡܟ ܠܝ ܀ ܘܟܕ ܗܼܢܘܢ ܡܿܡܠܠܝܢ. ܐܬܼܐ ܝܗܘܕܐ ܥܡ ܨܝܦܘܪ ܘܥܡ ܐܢܬܬܗ
                    ܘܒܪܬܗ : ܘܥܡ ܡܓܕܘܢܝܐ ܘܛܪܛܝܐ ܘܢܪܩܝܐܼ. ܘܐܬܘ ܘܥܠܘ ܠܒܝܬܗ ܕܘܝܙܢ ܀ ܀ ܘܟܕ ܚܙܬܗ ܡܢܫܪ
                    ܐܢܬܬܗ ܕܘܙܢ ܀ ܀ ܘܟܕ ܚܙܬܗ ܡܢܫܪ ܐܢܬܬܗ ܕܘܝܙܢ܆ ܐܬܓܗܼܢܬ ܘܣܓܼܕܬ ܠܗ ܘܐܡܿܪܐ ܠܗ. ܐܬܝܬ
                    ܡܐܣܝܢܝ ܡܢ ܟܘܪܗܢܐ ܥܿܛܠܐ. ܐܢܬ ܗܘ ܕܚܿܙܝܬ ܒܚܠܡܝ ܕܐܫܼܠܡܬ ܠܝ ܛܠܝܐ ܗܢܐܿ. ܕܢܝܿܬܝܢܝ ܠܘܬܟ
                    ܠܒܝܬ ܚܒ̈ܝܫܐ. ܘܠܐ ܫܒܼܩܬܟ ܒܣܝܡܘܬܟ  322 
                    ܕܐܢܐ ܐܠܐܐ. ܐܠܐ ܐܢܬ ܐܬܼܝܬ ܠܘܬܝ ܀ ܘܟܕ ܐܡܼܪܬ ܗܠܝܢ܆ ܐܬܗܦܼܟܬ ܠܒܣܬܪܗܼܿ. ܘܠܝܬܘܗܝ ܗܿܘ
                    ܛܠܝܐ. ܘܐܡܿܪܐ ܠܗ ܠܝܗܘܕܐ. ܕܠܐ ܡܿܨܝܐ ܐܢܐ ܒܠܚܘܕܝ ܐܿܗܠܟ. ܘܛܠܝܐ ܗܿܘ ܕܐܫܠܡܼܬ ܠܝ ܠܝܬܘܗܝ.
                    ܀ ܐܡܿܪ ܠܗܿ ܝܗܘܕܐ. ܡܟܝܠ ܝܫܘܥ ܗܿܘܐ ܠܟܝ ܡܣܡܟܢܐ. ܘܪܗܿܛܐ ܗܘܬ ܘܐܬ݀ܝܐ ܩܕܡܝܗܘܢ ܀ ܀ ܘܟܕ
                    ܥܠܘ ܠܒܝܬܗ ܕܘܝܙܢ ܒܪܗ ܕܡܙܕܝ ܡܿܠܟܐ. ܥܕܢܐ ܠܠܝܐ ܗܘܐ. ܘܣܘܓܐܐ ܡܿܢܗܪ ܗܘܐ ܠܗܘܢ ܡܪܢ. ܀
                    ܘܫܼܿܪܝ ܗܘܐ ܝܗܘܕܐ ܕܢܨܿܠܐ ܘܢܐܡܪ ܗܟܢܐ. ܗܒܪܐ ܘܐܝܿܠܐ ܕܡ̈ܚܝܠܐ : ܣܒܪܐ ܕܘܬܘܠܟܢܐ ܕܡ̈ܣܟܢܐ
                    : ܒܝܬ ܨܘܒܐ ܘܢܝܿܚܐ ܕܠܐܝ̈ܐ : ܩܠܐ ܕܐܬܼܐ ܡܢ ܪܘܡܐ. ܐܚܼܝܕ ܠܒ̈ܘܬܐ ܕܡܗ̈ܝܡܢܘܗܝ. ܒܝܬ ܨܒܘܐ
                    ܘܠܡܐܿܢܐ ܕܢܦܘ̈ܩܐ ܒܐܬܪܐ ܕܚܫܘܟܐ. ܐܣܝܐ ܕܡܓܢ ܒܝܬ ܒܢ̈ܝܢܫܐ ܐܙܕܩܦ ܚܠܦ ܣ̈ܓܝܐܐ : ܘܚܠܦܘܗܝ
                    ܐܢܫ ܠܐ ܐܙܕܩܦܼ. ܐܢܬ ܗܘ ܢܚܼܬܬ ܠܫܝܘܠ ܒܚܝܠܐ ܬܩܝܦܐܿ. ܘܚܙܐܘܘܟ ܡ̈ܝܼܬܐ ܘܚܼܝܘܿ. ܘܠܐ ܐܫܟܚ
                    ܫܠܝܛܐ ܕܡܿܘܬܐ ܠܡܣܝܒܪܘ܆ ܘܣܠܩܼܬ ܒܫܘܚܐ ܣܓܝܐܐ. ܘܣܐܩܼܬ ܥܡܟ ܟܠܗܘܢ ܓ̈ܘܣܢܝܟ܇ ܘܕܪܫܼܬ ܠܗܘܢ
                    ܐܘܪܚܐ ܠܪܘܡܐܿ. ܘܒ̈ܥܩܒܬܟ ܟܠܗܘܢ ܦܪ̈ܝܩܝܟ ܪܕܘ. ܘܐܥܠܼܬ ܐܢܘܢ ܠܕܝܪܟ܆ ܘܚܿܠܼܛܬ ܐܢܘܢ
                    ܒܥܪ̈ܒܝܟ. ܒܪܐ ܕܪ̈ܚܡܐ ܡ̈ܫܠܡܢܐܿ. ܕܒܚܝܠܐ ܐܫܼܬܕܪܬ ܠܢ ܡܢ ܐܒܐܿ. ܕܥܒܼ̈ܕܘܗܝ ܡܫܒܚܝܢ ܠܗ.
                    ܒܪܐ ܕܡܢ ܐܒܗܘܬܐ ܥܠܝܬܐ ܘܓܡܝܪܬܐ ܐܫܬܠܚ. ܡܪܐ ܕܩ̈ܢܝܢܐ ܕܠܐ ܡܬܛܿܠܫܝܢ. ܥܬܝܪܐ ܕܡܠܼܐ ܒܪܝܬܗ
                    ܡܢ ܓܙܐ ܕܥܘܬܪܗ.  323  ܡܣܟܢܐ ܕܐܣܬܢܩ
                    ܘܟܦܼܢ ܠܝܘ̈ܡܝܢ ܐܪ̈ܒܥܝܢ. ܡܣܒܥܢܐ ܕܢܦܫ̈ܬܢ ܨ̈ܝܬܐ ܡܢ ܛܘܒܗ. ܐܢܬ ܡܪܝ ܗܘܼܝ ܥܡ ܘܝܙܢ ܘܥܡ
                    ܛܪܛܝܐ ܘܥܡ ܡܢܫܪ. ܘܟܿܢܫ ܐܢܘܢ ܠܕܝܪܟ. ܘܚܼܿܠܛ ܐܢܘܢ ܒܡܢܝܢܟ. ܘܗܘܼܝ ܠܗܘܢ ܗܿܕܝܐ ܒܐܘܪܚܐ
                    ܕܛܥܝܘܬܐ. ܗܘܼܝ ܠܗܘܢ ܡܐܿܣܝܢܐ ܒܐܬܪܐ ܕܟܘܪܗܢܐ. ܗܘܼܝ ܠܗܘܢ ܡܚܝܠܢܐ ܒܐܬܪܐ ܠܐܝܐ. ܩܿܕܫ ܐܢܘܢ
                    ܒܐܬܪܐ ܛܢܦܐ. ܘܕܿܟܐ ܐܢܘܢ ܡܢ ܚܒܿܠܐ ܒܐܬܪܐ ܕܒܥܠܕܒܒܐ. ܗܘܼܝ ܐܣܝܐ ܠܦܓܪ̈ܝܗܘܢ ܘܐܚܿܐ
                    ܢܦܫ̈ܬܗܘܢ. ܘܥܼܒܕ ܐܢܘܢ ܢܘ̈ܣܐ ܘܗ̈ܝܠܟܐ ܩ̈ܕܝܫܐ. ܘܬܥܡܼܪ ܒܗܘܢ ܪܘܚܐ ܩܕܝܫܬܐ ܀ ܘܟܕ ܨܿܠܝ
                    ܗܠܝܢ. ܐܡܼܪ ܠܗܿ ܠܡܓܕܘܢܝܐ. ܒܪܬܝ ܐܫܠܚܝ ܐܢ̈ܝܢ ܠܐ̈ܚܘܬܟܝ. ܘܐܫܠܚܼܬ ܐܢ̈ܝܢ܆ ܘܡܼܚܬ ܠܗܝܢ
                    ܦܪ̈ܙܘܡܐܼ ܘܩܼܪܒܬ ܐܢ̈ܝܢ ܠܗ. ܘܝܙܢ ܕܝܢ ܠܘܩܕܡ ܩܼܪܒ. ܘܫܩܼܠ ܝܗܘܕܐ ܡܫܚܐ. ܘܫܒܚ ܥܠܘܗܝܼ
                    ܘܐܡܼܪ. ܦܐܪܐ ܫܦܝܪܐ ܕܫܘܝܼܬ ܬܗܼܘܐ ܪܬܚܿ ܒܡܠܬܐ ܕܩܘܼܕܫܐܿ. ܕܢܠܒܫܘܢܟ ܒ̈ܢܝܢܫܐ ܘܢܙܟܘܢ ܒܟ
                    ܠܒ̈ܥܠܕܒܒܝܗܘܢܿ. ܡܐ ܕܐܬܕܟܝܘ ܡܢ ܥܿܒ̈ܕܝܗܘܢ ܩ̈ܕܡܝܐ. ܐܝܢ ܡܪܝ ܬܿܐ ܫܪܝ ܥܠ ܡܫܚܐ ܗܢܐܼ ܐܝܟ
                    ܕܫܼܪܝܬ ܥܠ ܩܝܣܐܿ. ܘܡܠܬܟ ܠܐ ܣܝܒܪܘ ܙܩ̈ܘܦܝܟ. ܬܐܬܐ ܡܿܘܗܒܬܟ ܗܿܝ ܕܢܦܚܼܬ ܒܗܘܢ
                    ܒܒܥ̈ܠܕܒܒܝܟ: ܘܐܙܠܘ ܠܒܣܬܪܗܘܢ ܘܢܦܼܠܘ ܥܠ ܐ̈ܦܝܗܘܢܼ. ܘܬܫܼܪܐ ܥܠ ܗܢܐ ܡܫܚܐ ܕܫܡܟ ܡܕܟܪܝܢܢ
                    ܥܠܘܗܝ. ܘܐܪܡܝ ܒܪܝܫܗ ܕܘܝܙܢܼ. ܘܗܿܝܕܝܢ ܒܪܝܫܗܘܢ ܕܗܠܝܢ ܘܐܡܼܪ. ܒܫܡܟ ܝܫܘܥ ܡܫܝܚܐ. ܢܗܘܼܐ
                    ܠܗܝܢ ܠܗܠܝܢ ܢܦܫ̈ܬܐ ܠܫܘܒܩܢ ܚ̈ܘܒܐ  324 
                    ܘܚ̈ܛܗܐܼ. ܘܠܒܘܛܠܗ ܕܒܥܠܕܒܒܐܼ ܘܠܐܣܝܘܬܐ ܕܢܦܫ̈ܬܗܝܢ ܘܕܦܓܪ̈ܝܗܝܢ ܀ ܘܦܩܼܕ ܗܘܐ ܠܗܿ
                    ܠܡܓܕܘܢܝܐ ܕܬܡܫܘܚ ܐܢ̈ܝܢ. ܘܗܼܘ ܠܘܝܙܢ ܡܫܼܚ ܗܘܐ ܀ ܀ ܘܟܕ ܡܫܼܚ ܐܢܘܢ ܐܚܬ ܐܢܘ ܠܡ̈ܝܐ ܒܫܡ
                    ܐܒܐ ܘܒܪܐ ܘܪܘܚܐ ܕܩܼܘܕܫܐ. ܘܟܕ ܥܡܼܕܘ ܘܣܠܩܼܘ܆ ܐܝܬܝ ܠܚܡܐ ܘܟܣܐ ܟܕ ܡܙܝܓ܆ ܘܒܿܪܟ ܥܠܘܗܝ
                    ܘܐܡܼܪ. ܦܓܪܟ ܩܕܝܫܐ ܕܐܙܕܩܼܦ ܥܠ ܐ̈ܦܝܢ ܐܟܿܠܝܢܢ. ܘܕܡܟ ܡܚܝܢܐ ܕܐܬܐܫܼܕ ܥܠ ܐ̈ܦܝܢ ܫܿܬܝܢܢ.
                    ܢܗܘܼܐ ܠܢ ܦܓܪܐ ܠܚ̈ܝܐ. ܘܕܡܟ ܠܫܘܒܩܢ ܚ̈ܛܗܐ. ܘܚܠܦ ܡܪܪܬܐ ܕܐܫܼܬܝܬ ܚܠܦܝܢ܆ ܬܫܼܬܩܠ ܡܢܢ
                    ܡܪܪܬܗ ܕܒܥܠܕܒܒܢ. ܘܚܠܦ ܕܐܫܼܬܝܬ ܚܠܐ ܡܛܠܬܢܼ ܬܬܚܝܠ ܡܚܠܘܬܢ. ܘܪܘܩܐ ܕܩܒܼܠܬ ܡܛܠܬܢܼ ܢܩܿܒܠ
                    ܚܝ̈ܝܟ ܡ̈ܫܠܡܢܐ. ܘܕܩܿܒܼܠܬ ܟܠܝܠܐ ܕܥ̈ܘܙܢܝܐ ܚܠܦܝܢ܆ ܢܩܿܒܠ ܡܢܟ ܟܠܝܠܐ ܕܠܐ ܚܡܿܐ.
                    ܘܕܐܬܟܼܪܟܬ ܒܚܝܨܐ ܡܛܠܬܢܼ. ܢܬܚܿܙܩ ܚܢܢ ܒܚܝܠܟ ܪܒܐ ܕܠܐ ܡܙܕܟܐ. ܘܕܐܬܩܒܼܪܬ ܒܝܬ ܩܒܘܪܐ
                    ܚܼܕܬܐ ܚܠܦ ܡܝܬܘܬܢ܆ ܢܩܿܒܠ ܐܦ ܚܢܢ ܥܢܝܢܟ ܓܒܫܡܝܐ. ܘܐܝܟ ܕܩܡܼܬ ܢܿܬܢܚܡ ܚܢܢ. ܘܢܩܘܡ ܩܕܡܝܟ
                    ܒܕܝܢܼܐ ܕܩܘܼܫܬܐ. ܘܩܨܼܐ ܐܘܟܪܣܛܝܐܼ. ܘܝܗܼܒ ܠܘܝܙܢ ܘܠܛܪܛܝܐܿ. ܘܠܡܢܫܪ ܘܠܨܝܦܘܪ
                    ܠܘܡܓܕܘܢܝܐܿ. ܘܠܐܢܬܬܗ ܘܠܒܪܬܗ ܕܨܝܦܘܪ. ܘܐܡܼܪ ܬܗܘܼܐ ܠܟܘܢ ܐܘܟܪܣܛܝܐ ܗܕܐ  325  ܠܚ̈ܝܐ ܘܠܢܝܿܚܐ ܘܠܚܕܘܬܐ ܘܠܚܘܠܡܢܐ.
                    ܘܠܐܣܝܘܬܐ ܕܢܦܫ̈ܬܟܘܢܼ ܘܕܦܓܪ̈ܝܟܘܢ. ܘܗܼܢܘܢ ܐܡܼܪܘ ܐܡܝܢ.. ܘܐܫܬܡܥ ܩܠܐ ܕܐܡܿܪ ܠܗܘܢ. ܐܝܢ
                    ܘܐܡܝܢ ܀ ܀ ܘܟܕ ܫܡܼܥܘ ܗܢܐ ܩܐܼ ܢܦܼܠܘ ܥܠ ܐ̈ܦܝܗܘܢ. ܘܬܘܒ ܩܠܐ ܐܫܼܬܡܥ ܕܐܡܿܪ. ܠܐ ܬܕܚܠܘܢ.
                    ܐܠܐ ܒܠܚܘܕ ܡܗܝܡܢܘ ܗܝܡܢܘ. ܘܐܙܼܠ ܗܘܐ ܝܗܘܕܐ ܕܢܬܚܒܫ ܘܐܦ ܛܪܛܝܐ ܘܡܕܘܢܝܐ ܘܢܪܩܝܐܼ. ܘܐܙ̈ܠ
                    ܗ̈ܘܝ ܐܦ ܗ̈ܢܼܝܢ ܕܢܬܚ̈ܒܫܢ. ܘܐܡܼܪ ܠܗܝܢ ܝܗܘܕܐ. ܒ̈ܢܬܝ ܘܐܚ̈ܘܬܝ ܕܒܡܪܢ܆ ܘ̈ܟܢܘܬܝ ܘܐܡ̈ܗܬܗ
                    ܕܝܫܘܥ ܡܫܝܚܐ. ܫܘܡܥܘܢܝ ܒܗܢܐ ܝܘܡܐ ܐܚܪܝܐ ܕܡܠܬܝ ܡܿܫܠܡ ܐܢܐ ܠܟܝܢ. ܘܬܘܒ ܠܐ ܡܡܠܠ ܐܢܐ
                    ܥܡܟܝܢ ܒܗܢܐ ܥܠܡܐ. ܡܬܬܪܝܡ ܐܢܐ ܕܝܢ ܠܘܬ ܡܪܝ ܝܫܘܥ ܡܫܝܚܐ. ܠܘܬ ܗܿܘ ܕܙܿܒܢܢܝ. ܠܘܬ ܗܿܘ
                    ܕܡܟܟ ܢܦܫܗ ܪܡܬܐ ܥܕܡܐ ܠܙܥܘܪܘܬܝ܆ ܘܐܡܛܝܢܝ ܥܕܡܐ ܠܪܒܘܬܗ ܕܠܐ ܥܿܒܪܐ. ܘܐܫܘܝܢܝ ܕܐܿܗܘܐ ܠܗ
                    ܦܠܚܼܐ ܕܩܼܘܫܬܐ ܘܕܫܪܪܐ. ܘܗܐ ܚܿܕܐ ܐܢܐ ܕܫܼܠܡ ܙܒܢܐ ܘܡܼܛܐ ܝܘܡܐ ܕܐܿܙܠ ܘܐܿܩܒܠ ܐܓܪܝ ܡܢ
                    ܡܪܝ. ܟܐܝܢ ܗܘ ܓܝܪ ܡܪܐ ܐܓܪܝ. ܘܝܿܕܥ ܐܝܟܢܐ ܘܿܠܐ ܕܢܦܪܥܢܝ. ܠܐ ܗܘܼܐ ܓܝܪ ܒܝܼܫܐ ܘܠܐ
                    ܚܿܣܡܐ. ܐܠܐ ܫ̈ܦܝܥܢ ܐܢ̈ܝܢ ܡ̈ܘܗܒܬܗ. ܘܠܐ ܡܚܿܫܒ ܘܝܿܗܒ. ܡܛܠ ܕܬܟܝܠ ܗܘ ܕܩܢܝܢܗ ܠܐ ܚܿܣܪ.
                    ܫܡܼ̈ܥܝܢ ܒ̈ܢܬܝ. ܠܐ ܗܿܘܝܬ ܐܢܐ ܝܫܘܥ. ܐܠܐ ܥܒܼܕܗ ܐܢܐ ܕܝܫܘܥ. ܠܐ  326  ܗܿܘܝܬ ܡܫܝܚܐ. ܐܠܐ ܡܫܡܝܢܐ ܐܢܐ
                    ܩܕܡܘܗܝ. ܠܐ ܗܿܘܝܬ ܐܢܐ ܒܪܗ ܕܐܠܗܐ. ܐܠܐ ܡܨܿܠܐ ܐܢܐ ܘܒܥܿܐ ܐܢܐ. ܕܐܿܫܘܐ ܠܐܠܗܐ. ܐܢ̈ܬܝܢ
                    ܕܝܢ ܒ̈ܢܬܝܼ ܩ̈ܘܝܝܢ ܒܗܝܡܢܘܬܗ ܕܝܫܘܥ ܡܫܝܚܐ. ܘܣ̈ܟܝܝܢ ܠܣܒܪܐ ܕܒܪܗ ܕܐܠܗܐ. ܘܠܐ ܬܡܐܢ ܠܟܝܢ
                    ܒ̈ܢܬܝ ܒܐܘܠܨܢܐ. ܘܠܐ ܬܬܦ̈ܠܓܢ ܡܛܠ ܕܚ̈ܙܝܢ ܐܢܬܝܢ ܠܝ ܟܕ ܡܿܨܛܥܪ ܐܢܐܿ. ܘܟܕ ܬܘܒ ܡܬܚܒܫ
                    ܐܢܐܿ. ܘܟܕ ܡܐܿܬ ܐܢܐܿ. ܡܛܠ ܕܨܒܝܢܗ ܕܡܪܝ ܡܫܿܠܡ ܐܢܐ. ܐܢ ܓܝܪ ܐܿܨܠܐ ܕܠܐ ܐܡܿܘܬܼ. ܝܿܕܥܝܢ
                    ܐܢܬܘܢܼ ܕܡܿܨܼܐ ܐܢܐ. ܐܠܐ ܗܢܐ ܕܡܬܚܼܙܐ ܠܐ ܗܘܐ ܡܿܘܬܐ. ܐܠܐ ܫܪܝܐܼ ܗܘ ܕܡܢ ܥܠܡܐ. ܡܛܠ ܗܢܐ
                    ܟܕ ܚܿܕܐ ܐܢܐ ܡܩܿܒܠ ܐܢܐܠܗ. ܘܡܛܠ ܗܢܐ ܡܬܦܿܪܩ ܐܢܐ ܕܐܿܙܠ ܘܐܿܩܒܠ ܠܗܿܘ ܐܝܢܐ ܕܫܦܝܪܐ ܗܘ.
                    ܠܗܿܘ ܕܪܚܿܡ ܐܢܐ ܠܗܼ. ܠܗܿܘ ܚܣܝܕܐ. ܣܓܿܝ ܓܝܪ ܥܿܡܠܬ ܒܦܘܠܚܢܗ. ܘܫܿܠܡܬ ܡܛܠ ܛܝܒܘܬܗ
                    ܕܣܡܟܬܢܝ ܘܠܐ ܐܪܦܝܬܢܝ. ܠܐ ܗܟܝܠ ܢܥܘܠ ܥܠܝܟܝܢ ܗܿܘ ܒܥܠܕܒܒܐ ܒܢܟܠܐܼ. ܘܠܐ ܢܿܦܠܓ ܐܢ̈ܝܢ
                    ܬܪ̈ܥܝܬܟܝܢ. ܠܐ ܢܗܘܼܐ ܠܗ ܐܬܪܐ ܠܗܿܘ ܢܟܝܠܐ ܘܕܠܘܚܐ. ܡܛܠ ܕܚܠܬܢ ܗܘ ܡܢܗ ܗܿܘ ܕܩ̈ܒܬܠܝܢ
                    ܘܗܝܡ̈ܢܬܝܢ ܒܗ. ܣܟܝ̈ܝܢ ܠܡܐܬܝܬܗ ܕܐܿܬܐ ܘܡܿܩܒܠ ܠܟܝܢ. ܗܿܢܘ ܕܝܢ ܕܐܙ̈ܠܢ ܐܢܬܝܢ ܘܚܿܙ̈ܝܢ ܠܗ
                    ܀ ܀ ܘܟܕ ܫܿܠܡ ܠܡܐܡܪ ܠܗܝܢ ܝܗܘܕܐܼ. ܥܠ ܠܓܘ ܒܝܬܐ ܚܫܘܟܐ. ܀ ܀ ܘܐܡܼܪ ܝܗܘܕܐ. ܡܚܝܢܢ ܘܣܿܒܠ
                    ܣܓ̈ܝܐܬܐ ܡܛܠܬܢ. ܢܗܘܼܘܢ ܬܪ̈ܥܐ ܗܠܝܢ ܐܝܟ  327  ܕܐܝܬܝܗܘܢ ܗܘܘ. ܘܢܬܚܬܡܘܢ ܒ̈ܚܬܡܝܗܘܢ. ܘܫܼܒܩ ܗܘܐ ܐܢ̈ܝܢ܆ ܘܐܙܠܼ ܗܘܐ ܐܦ
                    ܗܼܘ ܠܡܬܚܒܫܘ. ܗ̈ܢܝܢ ܕܝܢ ܥܝܝܩܐ ܗܘܬ ܠܗܝܢ ܘܒ̈ܟܝܢ ܗ̈ܘܝ. ܡܛܠ ܕܝܕܥ̈ܢ ܗ̈ܘܝ ܕܩܿܛܠ ܠܗ ܡܙܕܝ
                    ܡܿܠܟܐ. ܀ ܘܟܕ ܥܠ ܕܢܬܚܒܫܼ. ܐܫܟܚ ܠܢܛܘܪ̈ܐ ܟܕ ܢܨܿܝܢ ܘܐܡܿܪܝܢ. ܕܡܢܐ ܐܣܟܠܢܢ ܒܗ ܒܗܢܐ
                    ܚܿܪܫܐ. ܕܦܬܚ ܬܪ̈ܥܐ ܒܐܘܡܢܘܬܐ ܕܚܼܪ̈ܫܘܗܝ. ܘܨܼܒܐ ܕܢܥܼܿܪܩ ܠܟܠܗܘܢ ܗܠܝܢ ܕܚܒܝܫܝܢ. ܐܠܐ
                    ܢܐܙܠ ܘܢܿܘܕܥ ܠܡܙܕܝ ܡܿܠܟܐܼ. ܘܢܐܡܪ ܠܗ ܐܦ ܥܠ ܐܢܬܬܗ ܘܥܠ ܒܪܗ ܕܐܬ݀ܝܢ ܠܘܬܗ ܀ ܀ ܘܟܕ ܗܠܝܢ
                    ܐܡܼܪ ܗܘܐ ܪܒܐ ܕܚ̈ܒܝܫܐܼ. ܝܗܘܕܐ ܫܬܼܝܩ ܗܘܐ ܘܫܡܿܥ. ܀ ܘܩܿܕܡܘ ܒܨܿܦܪܐܼ. ܘܐܙܠܘ ܠܘܬ ܡܙܕܝ
                    ܡܿܠܟܐܼ ܘܐܡܿܪܝܢ ܠܗ. ܡܪܝܢ ܡܿܠܟܐܼ. ܐܘ ܐܦܩܝܗܝ ܠܗܿܘ ܚܿܪܫܐܼ. ܐܘ ܚܒܘܫܝܗܝܼ ܒܕܘܟܬܐ ܐܚܪܬܐ.
                    ܠܐ ܓܝܪ ܡܫܟܚܝܢܢ ܠܡܛܪܗ. ܡܛܠ ܕܬܪ̈ܬܝܢ ܙܒ̈ܢܝܢ. ܓܕܟ ܢܿܛܪ ܚ̈ܒܝܫܝܢ. ܘܐܠܐܼ ܟܠܗܘܢ ܥܪܝܩܝܢ
                    ܗܘܘ. ܐܚܿܕܝܢܢ ܠܗܘܢ ܓܝܪ ܠܬܪ̈ܥܐܼ. ܘܡܫܟܚܝܢܢ ܠܗܘܢ ܟܕ ܦܬܝܚܝܢ. ܘܐܦ ܐܢܬܬܟ ܘܒܪܟ ܥܡ ܫܪܟܐ
                    ܕܐܢܫܐ ܠܐ ܦܪܩܝܢ ܡܢ ܨܐܝܕܘܗܝ. ܀ ܘܟܕ ܫܡܼܥ ܗܠܝܢ ܡܙܕܝ ܡܿܠܟܐܼ. ܐܙܠܼ ܕܢܚܼܙܐ ܚ̈ܬܡܐܼ ܕܐܪܡܝ
                    ܗܘܐ ܥܠ ܬܪ̈ܥܐ. ܘܐܫܟܚ ܠܚܬܡܗܐ ܐܝܟ ܕܐܝܬܝܗܘܢ ܗܘܘ.. ܘܐܡܼܪ ܠܗܘܢ ܠܢܛܘܪ̈ܐ. ܠܡܢܐ ܡܿܕܓܠܝܢ
                    ܐܢܬܘܢܿ. ܕܗܐ ܚ̈ܬܡܐ ܕܒ̈ܬܐ ܐܝܬܝܗܘܢ ܐܝܟ ܕܚܬܝܡܝܢ. ܘܐܝܟܢܐ ܐܡܿܪܝܢ ܐܢܬܘܢ ܛܪܛܝܐ ܘܡܓܕܘܢܝܐ
                    ܐܬܝ̈ܢ ܠܘܬܗ ܠܒܝܬ  328  ܚ̈ܒܝܫܐ. ܐܡܿܪܝܢ
                    ܢܛܘܪ̈ܐ ܚܢܢ ܫܪܪܐ ܐܡܼܪܢ ܠܟ. ܘܐܙܠܼ ܝܬܼ ܒܕܝܢܼܐ ܡܙܕܝ ܡܿܠܟܐ. ܘܫܕܪ ܐܝܬܝܗ ܠܝܗܘܕܐ
                    ܘܐܫܠܚܗܼ. ܘܡܚܼܐ ܠܗ ܒ̈ܚܨܘܗܝ ܦܪܙܘܡܐܼ. ܘܐܩܝܡܘܗܝ ܩܕܡܘܗܝ ܕܡܙܕܝ. ܘܐܡܼܪ ܠܗ ܡܙܕܝ. ܥܒܼܕܐ
                    ܐܢܬ ܐܘ ܒܪܚܐܪ̈ܐ ܀ ܐܡܿܪ ܠܗ ܝܗܘܕܐ. ܥܒܼܕܐ ܐܢܐ. ܘܠܝܬ ܠܟ ܫܘܠܛܢܐ ܥܠܝ ܒܡܕܡ ܀ ܐܡܿܪ ܠܗ
                    ܡܙܕܝ. ܘܠܢܐ ܐܬܪܐ ܐܝܟܢܐ ܥܼܪܩܬ ܐܬܼܝܬ. ܐܡܪ ܠܗ ܝܗܘܕܐ. ܐܬ݀ܝܬ ܠܗܪܟܐ ܡܛܠ ܕܠܣ̈ܓܝܐܐ ܐܚܐ
                    ܒܡܠܬܐ. ܘܐܢܐ ܡܢ ܐܝܼ̈ܕܝܟ ܡܢ ܥܠܡܐ ܢܦܩܿ ܐܢܐ. ܐܡܿܪ ܠܗ ܡܙܕܝ ܡܿܢܼܘ ܡܪܟ. ܘܡܿܢܘ ܫܡܗ. ܘܡܢ
                    ܐܿܝܕܐ ܐܢܬ ܐܪܥܐ ܀ ܐܡܿܪ ܠܗ ܝܗܘܕܐ ܡܪܝ ܡܪܟ ܗܘ ܘܕܟܠܗ ܥܠܡܐ. ܘܡܪܗܿ ܕܫܡܝܐ ܘܕܐܪܥܐ ܀ ܀
                    ܐܡܿܪ ܠܗ ܡܙܕܝ. ܐܝܟܢܐ ܫܡܗ. ܐܡܿܪ ܠܗ ܝܗܘܕܐ. ܠܐ ܡܫܟܚ ܐܢܬ ܗܫܐ ܕܬܫܡܼܥ ܫܡܗ ܫܪܝܪܐ ܒܗܢܐ
                    ܙܒܢܐ. ܐܠܐ ܫܡܐ ܕܐܬܝܗܒ ܠܗ ܝܫܘܥ ܡܫܝܚܐ ܀ ܐܡܿܪ ܠܗ ܡܙܕܝ. ܐܿܢܐܼ ܠܐ ܐܿܣܬܪܗܒܬ ܕܐܿܘܒܕܟܼ.
                    ܐܠܐ ܐܿܓܪܬ ܪܘܚܝ ܥܡܟܼ. ܘܐܢܬ ܥܠ ܥܿܒ̈ܕܝܟ ܐܘܣܦܬ. ܘܚܪ̈ܫܝܟ ܒܟܠܗ ܐܬܪܐ ܐܫܬܡܥܘ ܘܐܐܠܐ ܥܿܒܕ
                    ܐܢܐ ܠܟ܆ ܕܗܼܢܘܢ ܠܘܿܝܢ ܠܟ. ܘܥܡܟܼ ܐܙ݀ܠܝܢ. ܘܐܬܪܐ ܕܝܢ ܕܝܠܢܼ ܡܢܗܘܢ ܢܓܿܗܐ ܀ ܐܡܿܪ ܠܗ
                    ܝܗܘܕܐ ܘ ܗܠܝܢ ܚܪ̈ܫܐ ܕܐܡܿܪ  329  ܐܢܬ ܕܥܡ
                    ܐܙ݀ܠܝܢ܆ ܟܕ ܡܢ ܗܪܟܐ ܠܐ ܡܿܓܪܕܝܢ. ܘܟܕ ܐܡܼܪ ܗܘܐ ܗܠܝܢ. ܡܬܚܿܫܒ ܗܘܐ ܡܙܕܝ܆ ܐܝܟܢܐ ܢܦܩܿܘܕ
                    ܗܘܐ ܥܠܘܗܝ ܕܢܡܿܬ. ܡܛܠ ܕܕܚܿܠ ܗܘܐ ܡܢ ܟܢܫܐ ܣܓܝܐܐ ܕܐܝܬ ܗܘܐ ܬܡܿܢ. ܣ̈ܓܝܐܐ ܓܝܪ ܗܡܢܘ
                    ܒܡܪܢ. ܘܐܦ ܡܢ ܪ̈ܘܪܒܢܐ ܕܡܿܠܟܐ. ܘܩܡ ܡܙܕܝ ܘܕܒܼܪܗ ܠܝܗܘܕܐܼ. ܘܢܦܪܩ ܠܒܪ ܡܢ ܡܚܘܙܐ. ܘܐܬ݀ܝܢ
                    ܗܘܘ ܥܡܗ ܦܠܚܼ̈ܐ ܩܠܝܠ ܒܙܝܢܐ. ܘܐܢܫܐ ܣܿܒܪܝܢ ܗܘܘ. ܕܡܕܡ ܒܥܿܐ ܗܘܐ ܕܢܐܠܦ ܡܢܗ ܡܙܕܝ.
                    ܘܩܿܝܡܝܢ ܗܘܘ ܘܚܿܝܪܝܢ ܒܗ. ܘܟܕ ܐܙܠܘ ܐܝܟ ܦܠܓܘܬ ܡܝܠܐ ܚܕ. ܐܫܼܠܡ ܠܗ ܡܢ ܦܠܚܼ̈ܐ ܗܿܢܘܢ
                    ܕܥܡܗ. ܘܚܕ ܡܢ ܪܘܪ̈ܒܐ. ܘܐܡܼܪ ܠܗܢܼ. ܕܙܠܘ ܠܥܠ ܒܛܘܪܐ ܗܢܐ ܕܘܓܫܘܗܝ. ܘܗܼܦܟ ܗܘܐ ܕܢܐܬܐ
                    ܠܡܚܘܙܐ. ܘܐܢܫܐ ܒܬܪܗ ܕܝܗܘܕܐ ܪܗܿܛܝܢ ܗܘܘ ܕܢܦܨܘܢܝܗܝ. ܐܙ݀ܠܝܢ ܗܘܘ ܕܝܢ ܦܠܚܼ̈ܐ ܡܢ ܝܡܝܢܗ
                    ܘܡܢ ܣܡܠܗܼ. ܘܐܝܕܝܢ ܗܘܘ ܠܘܟ̈ܝܬܐ. ܘܗܿܘ ܚܕ ܡܢ ܪܘܪ̈ܒܢܐ ܒܐܝܼܕܝܗ ܐܚܝܕ ܗܘܐ ܠܗ ܘܡܣܡܟ ܠܗ ܀
                    ܀ ܘܐܡܼܪ ܝܗܘܕܐ ܐܘ̃ ܠܪ̈ܐܙܐ ܟ̈ܣܝܐ ܕܥܕܡܐ ܠܡܦܩܢܐ ܒܝ ܡܫܡܠܝܢ. ܐܘ̃ ܠܥܘܬܪܐ ܕܛܝܒܘܬܗܿ. ܕܗܿܘ
                    ܕܠܐ ܡܪܦܐ ܠܢ ܕܢܪܓܫ ܒܚ̈ܫܐ ܕܦܓܪܐ. ܐܝܟܢܐ ܚܕܝܪܝܢ ܠܝ ܒܙܝܢܐ. ܘܥܕܡܐ ܠܡܿܘܬܐ ܡܬܟܬܫܝܢ ܥܡܝ.
                    ܘܠܚܕ ܡܫܠܡ ܐܢܐ. ܕܗܐ ܚܕ ܪܒܐ ܢܓܝܕ ܠܝ ܘܐܚܝܕ ܠܝ ܒܐܝܼܕܝ. ܡܛܠ ܕܢܫܠܡܢܝ ܠܚܕ ܡܿܣܟܐ ܐܢܐ ܠܗ
                         330  ܕܐܿܩܒܠܝܘܗܝ. ܐܦ ܡܪܝ ܡܛܒ ܕܡܢ
                    ܚܕ ܗܘ ܒܝܕ ܚܕ ܒܠܼܥ ܀ ܘܟܕ ܣܠܼܩ ܠܛܘܪܐ : ܕܘܟܬܐ ܗܿܝ ܕܒܗܿ ܕܓܫܝܢ ܗܘܘ ܠܗ ܠܝܗܘܕܐ. ܐܡܼܪ
                    ܠܗܿܢܘܢ ܕܐܚܝܕܝܢ ܗܘܘ ܠܗ. ܫܡܥܘܢܝ ܐܢܬܘܢ ܐܦܢ ܗܫܐ. ܕܥܠ ܡܦܩܢܐ ܕܡܢ ܥܠܡܐ ܩܐܿܡ ܐܢܐܼ. ܘܠܐ
                    ܢܬܥܿܘܪ̈ܢ ܥܗܝܢܐ ܕܠܒ̈ܘܬܟܘܢ. ܘܠܐ ܢܬܚܪ̈ܫܢ ܐܕܢܝ̈ܟܘܢ ܕܠܐ ܡܬܫ̈ܡܥܘܢ ܐܦ ܐܢܬܘܢ. ܗܝܡܢܘ ܒܗܢܐ
                    ܐܠܗܐ ܕܡܿܟܪܙ ܐܢܐ. ܘܠܐ ܬܬܕܒܿܪܘܢ ܒܩܫܝܘܬ ܠܒܟܘܢ. ܐܠܐ ܐܬܕܒܿܪܘ ܒܟܠܗܘܢ ܕܘܒܪ̈ܐ ܕܝܐܿܝܢ
                    ܠܚܐܪܘܬܐ ܘܠܬܫܒܘܬܚܐ ܕܒ̈ܢܝܢܐܿ. ܘܠܚ̈ܝ ܕܠܘܬ ܐܠܗܐ܀ ܐܡܿܪ ܝܗܘܕܐ ܠܘܝܙܢ. ܒܪܗ ܕܡܙܕܝ ܡܿܠܟܐ
                    ܐܪܥܢܐ ܘܦܠܚܼܗ ܕܝܫܘܥ ܡܫܝܚܐܼ. ܗܒ ܠܡܫ̈ܡܫܢܐ ܕܨܒܝܢܗ ܕܡܙܕܝ ܡܿܠܟܐ ܕܝܠܗܘܢ ܢܗܼܘܐ. ܐܿܙܠ ܐܢܐ
                    ܐܨܿܠܐ. ܘܐܡܼܪ ܠܗܘܢ ܘܝܙܢ ܠܗܿܢܘܢ ܦܠܚܼ̈ܐ. ܘܫܒܩܘܗܝ ܠܝܩܘܕܐ ܕܢܐܙܠ. ܘܐܙܠܼ ܝܗܘܕܐ ܘܡܨܿܠܐ
                    ܗܘܐ ܘܐܡܿܪ ܗܟܢܐ ܀ ܡܪܝ ܘܐܠܗܝ ܘܣܒܪܝ ܘܦܪܘܩܝ. ܘܗܕܝܝ ܘܡܠܘܝܢܝ ܒܟܠܗܘܢ ܐܬܪ̈ܘܬܐ ܕܗܿܠܟܬ
                    ܒܫܡܟܼ. ܐܢܬ ܗܘܼܝ ܥܡ ܟܠܗܘܢ ܦܠܚ̈ܝܟ. ܘܐܢܬ ܠܘܝܢܝ ܐܦ ܠܝ ܕܠܘܬܟ ܐܿܬܐ ܐܢܐ. ܠܟ ܗܘ ܓܝܪ
                    ܐܿܓܥܠܬ ܢܦܫܝ. ܘܐܢܫ ܡܢ ܐܝܼ̈ܕܝܟ ܠܐ ܢܣܼܒܗܿ. ܠܐ ܢܥܘܟܘܢܢܝ ܚ̈ܛܗܝ. ܗܐ ܡܪܝ ܫܿܠܡܬ ܨܗܒܝܢܝܟ
                    ܘܗܘܿܝܬ ܥܒܼܕܐ ܡܛܠ ܗܕܐ ܚܐܪܘܬܐ ܕܝܘܡܢܐ ܡܩܿܒܠ ܐܢܐ. ܐܢܬ ܡܪܝ ܝܫܘܥ  331  ܗܒ ܠܝ ܘܫܠܝܡܗܿ ܥܡܒ. ܐܢܐ ܓܝܪ ܠܐ
                    ܗܘܐ ܡܬܦܠܓܘ ܡܬܦܠܓ ܐܢܐ ܥܠ ܫܪܪܟ ܘܚܘܒܟ. ܐܠܐ ܡܛܠ ܗܠܝܢ ܕܩܿܝܡܝܢ ܕܢܫܡܼܥܘܢ ܐܡܿܪ ܐܢܐ
                    ܩܕܡܝܟ܀ ܘܟܕ ܗܠܝܢ ܨܿܠܝ ܗܘܐ ܝܗܘܕܐ. ܐܡܼܪ ܗܘܐ ܠܗܿܢܘܢ ܦܠܚܼ̈ܐ. ܕܬܘ ܐܢܬܘܢ ܫܿܠܡܘ ܨܒܝܢܗ
                    ܕܗܿܘ ܡܿܢ ܕܫܕܪܟܘܢ܀ ܘܐܬܘ ܦܠܚܼ̈ܐ ܡܚܐܘܗܝ ܐܟܚܕܐ. ܘܢܦܼܠ ܘܡܝܼܬ. ܐܚܗܐ ܕܝܢ ܟܠܗܘܢ ܐܟܚܕܐ
                    ܒܿܟܝܢ ܗܘܘ. ܘܐܝܬܝܘ ܢܚـܐ ܛܒ̈ܐ ܘܟ̈ܬܢܐ ܣ̈ܓܝܐܐ. ܘܩܒܪܘܗܝ ܠܝܗܘܕܐܼ. ܒܒܝܬ ܩܒܘܪܐ ܕܡ̈ܠܟܐ
                    ܩ̈ܕܡܝܐ ܡܬܩܒܪܝܢ ܗܘܘ ܒܗ. ܘܨܝܦܘܪ ܘܘܙܝܢ ܠܐ ܨܿܒܝܢ ܗܘܘ ܕܢܚܬܘܢ ܠܡܚܘܙܐ. ܐܠܐ ܬܡܿܢ ܝܿܬܒܝܢ
                    ܗܘܘ ܐܝܡܡܐ ܟܠܗ. ܘܐܦ ܬܡܿܢ ܒܬܘ ܀ ܀ ܘܐܬܚܙܝ ܠܗܘܢ ܝܗܘܕܐ ܘܐܡܼܪ ܠܗܘܢ. ܕܠܐ ܗܘܿܝܬ ܗܪܟܐ.
                    ܡܢܐ ܝܬܒܝܢ ܐܢܬܘܢ ܘܢ݀ܛܪܝܢ ܠܝ. ܣܿܠܩܬ ܠܝ ܠܘܬ ܡܪܝܼ. ܘܐܿܩܒܠܬ ܡܕܡ ܕܡܿܣܟܐ ܗܘܝܬ ܘܡܣܿܒܪ.
                    ܐܠܐ ܩܘܡܘ ܠܟܘܢ ܘܚܘܬܘ ܡܟܐ. ܥܕ ܩܠܝܠ ܓܝܪ ܙܒܢܐ ܘܐܦ ܐܢܬܘܢ ܡܬܟܢܫܝܢ ܐܢܬܘܢ ܠܘܬܝ. ܡܙܕܝ ܕܝܢ
                    ܘܟܪܝܫ ܩܪܝܒܗܼ. ܐܝܬܝܘ ܐܢ̈ܝܢ ܠܡܓܕܘܢܝܐ ܘܠܛܪܛܝܐ. ܘܐܠܨܼܘ ܐܢܗܝܢ ܣܓܿܝ. ܘܠܐ ܐܬܪ̈ܡܝ ܗ̈ܘܝ
                    ܠܨܒܝܢܗܘܢ. ܘܐܬܚܙܝ ܗܘܐ ܠܗܝܢ ܝܗܘܕܐ ܘܐܡܼܪ ܠܗܝܢ. ܠܐܼ ܬܛܥ̈ܝܢ ܒ̈ܢܬܝ ܠܝܫܘܥ ܢܘܗܪܢ. ܗܿܘ
                    ܩܕܝܫܐ ܘܚܼܿܝܐ. ܘܗܼܘ ܒܥܓܠ ܥܿܒܕ ܠܟܝܢ ܢܝܿܚܟܝܢ ܘܥܘܕܪܢܟܝܢ ܀ ܘܟܕ ܚܼܙܘ ܡܙܕܝ ܡܿܠܟܐ ܘܟܪܝܫ
                    ܩܪܝܒܗ ܕܠܐ ܡܬܛ̈ܦܝܣܢ  332  ܗ̈ܘܝ ܠܗܘܢ.
                    ܐܪܦܝܘ ܐܢ̈ܝܢ ܕܒܨܒܝܢܐ ܕܢܦܫܗܝܢ ܢܬܕܒܪ̈ܢ. ܘܟܢܫܝܢ ܗܘܘ ܟܠܗܘܢ ܐ̈ܚܐ ܕܬܡܿܢ ܐܟܚܕܐ. ܘܡܨܿܠܝܢ
                    ܘܡܿܩܪܒܝܢ ܩܘܪܒܢܐ ܘܩܨܿܝܢ. ܡܛܠ ܕܥܒܼܕܗ ܗܘܐ ܝܗܘܕܐ ܠܨܝܦܘܪ ܩܫܝܫܐܼ ܘܠܘܝܙܢ ܡܫܡܫܢܐ ܒܛܼܘܪܐ
                    ܟܕ ܐܿܙܠ ܗܘܐ ܕܢܡܿܘܬ. ܘܡܪܢ ܡܥܕܪ ܗܘܐ ܠܗܘܢ ܒܚܘܒܗܼ. ܘܡܣܓܐ ܗܘܐ ܗܝܡܢܘܬܗ ܒܐ̈ܝܼܕܝܗܘܢ ܀
                    ܓܼܕܫ ܕܝܢ ܒܬܪ ܙܒܢܐ ܣܓܝܐܐ. ܘܗܘܼܐ ܕܝܘܐ ܠܚܕ ܡܢ ܒ̈ܢܘܗܝ ܕܡܙܕܝ ܡܿܠܟܐ. ܘܠܐ ܐܢܫ ܡܫܟܚ ܗܘܐ
                    ܕܢܐܣܪܝܘܗܝ. ܡܛܠ ܕܩܼܫܐ ܗܘܐ ܛܒ. ܘܐܬܚܿܫܒ ܗܘܐ ܡܙܕܝ ܡܿܠܟܐ ܒܪܥܝܢܗ ܘܐܡܼܪ. ܕܐܿܙܠ ܐܿܦܬܚ
                    ܩܒܪܗ ܕܝܗܘܕܐ : ܘܐܿܣܒ ܓܪܒܡܐ ܡܢ ܓܪ̈ܡܘܗܝ ܕܫܠܝܚܐ ܕܐܠܗܐܼ. ܘܐܿܬܠܐ ܥܠ ܒܪܝ ܘܡܬܚܠܡ. ܘܐܬܚܙܝ
                    ܠܗ ܝܗܘܕܐ ܒܚܙܘܐ ܘܐܡܼܪ ܠܗ. ܒܚܝܐܼ ܠܐ ܗܝܡܼܢܬܼ. ܒܡܝܼܬܐܿ ܗܐ ܨܒܝܼܬ ܕܬܗܝܡܢ܆ ܠܐ ܕܝܢ ܬܕܚܠ.
                    ܚܐܿܢ ܠܟ ܡܪܝ ܡܫܝܚܐ ܡܛܠ ܒܣܝܡܘܬܗ. ܘܠܐ ܐܫܟܚ ܗܘܐ ܓܪ̈ܡܘܗܝ. ܓܢܼܒ ܗܘܐ ܐܢܘܢ ܓܝܪ ܚܕ ܡܢ
                    ܐܚ̈ܐܼ. ܘܐܣܩ ܐܢܘܢ ܠܡܥܪܒܐ. ܘܫܩܠܼ ܗܘܐ ܕܝܢ ܡܙܕܝ ܡܿܠܟܐ ܡܢ ܥܦܪܐ ܕܗܿܝ ܕܘܟܬܐ ܕܪܡܼܿܝܢ ܗܘܘ
                    ܒܗܿ ܓܪ̈ܡܘܗܝ ܕܫܠܝܚܐܼ. ܘܬܠܼܐ ܥܠ ܒܪܗ ܘܐܡܼܪ. ܡܿܗܝܡܢ ܐܢܐ ܒܟ ܡܪܝ ܝܫܘܥ ܗܫܐܿ. ܕܐܪܦܝܢܝ
                    ܗܿܘ ܐܝܢܐ ܕܒܟܠܙܒܢ ܡܕܘܕ  333  ܠܒ̈ܢܝܫܢܐ
                    ܕܠܐ ܢܚܼܙܘܢ ܢܘܗܪܐ ܀ ܘܟܕ ܬܠܼܐ ܥܠ ܒܪܗ ܘܗܝܡܢܼ ܐܬܚܠܡ. ܘܗܼܘ ܡܬ݀ܟܢܫ ܗܘ ܥܡܗܘܢ ܥܡ ܐ̈ܚܐ.
                    ܘܡܿܪܟܢ ܗܘܐ ܪܫܗ ܡܙܕܝ ܡܿܠܟܐ ܬܚܝܬ ܐܝܼܕܗ ܕܨܝܘܪ ܩܫܝܫܐ. ܘܡܦܝܣ ܗܘܐ ܘܒܥܿܐ ܡܢ ܟܠܗܘܢ
                    ܐ̈ܚܐܼ. ܕܢܨܿܠܘܢ ܥܠܘܗܝ܇ ܕܢܬܚܢܢ ܥܡܗܘܢܼ ܩܕܡ ܡܪܢ ܝܫܘܥ ܡܫܝܚܐ. ܒܡܿܠܟܘܬܗ ܕܠܥܠܡ ܥܠܡܝܢ
                    ܐܡܝܢ. 
            

            
                ܫܠܡܼܬܿ ܦܪܟܣܝܣ ܕܝܗܘܕܐ ܬܐܘܡܐ ܫܠܝܚܗ ܕܡܪܝ
                ܝܫܘܥ ܡܫܝܚܐ. ܕܐܣܼܗܕ ܒܐܪܥܐ ܕܗܢܕܘ.
                ܒܐ̈ܝܕܝ ܡܙܕܝ ܡܿܠܟܐ. ܀ ܀ ܀
                ܫܘܒܚܐ ܠܐܒܐ ܘܠܒܪܐ ܘܠܪܘܚܐ
                ܕܩܘܕܫܐ ܗܫܐ ܘܒܟܠ ܙܒܢ
                ܘܠܥܠܡ ܥܠܡܝܢ ܐܡܝܢ .܀.
                ܀܀܀