Jacob of Serugh. “On the Prayer That Our Lord Taught to his Disciples: Our Father Which Art in Heaven - ܥܲܠ ܨܠܘܿܬܼܵܐ ܕܐܲܠܸܦ̣ ܡܵܪܲܢ ܠܬܲܠܡܝܼܕܼܵܘ̈ܗܝ ܐܲܒ̣ܘܼܢ ܕܒܲܫܡܲܝܵܐ ܢܸܬܼܩܲܕܲܫ ܫܡܵܟ̣.” Based upon Paul Bedjan ed., Homiliae selectae Mar-Jacobi Sarugensis vol. 1 (Paris: Harrassowitz, 1905). Digital Syriac Corpus. Last modified March 28, 2018. https://syriaccorpus.org/349.
    
        
            
                ܥܲܠ ܨܠܘܿܬܼܵܐ ܕܐܲܠܸܦ̣ ܡܵܪܲܢ ܠܬܲܠܡܝܼܕܼܵܘ̈ܗܝ ܐܲܒ̣ܘܼܢ ܕܒܲܫܡܲܝܵܐ
                    ܢܸܬܼܩܲܕܲܫ ܫܡܵܟ̣
            
            
                 212 
                ܕܝܼܠܹܗ ܕܩܲܕܝܼܫܵܐ ܡܵܪܝ ܝܲܥܩܘܿܒ̣
                ܡܐܡܪܐ. ܢـ. 
                ܥܲܠ ܨܠܘܿܬܼܵܐ ܕܐܲܠܸܦ̣ ܡܵܪܲܢ ܠܬܲܠܡܝܼܕܼܵܘ̈ܗܝ:
                ܐܲܒ̣ܘܼܢ ܕܒܲܫܡܲܝܵܐ ܢܸܬܼܩܲܕܲܫ ܫܡܵܟ̣.
            
            
                ܒܲܪ ܐܲܠܵܗܵܐ ܕܡܸܢܹܗ ܥܵܬܼ݁ܪܝܼܢ ܟܠ ܡܲܠܵܠܹ̈ܐ: 
                ܗܲܒ̣ ܠܝܼ ܡܸܠܬܼܵܐ ܐܹܡܲܠܸܠ ܒܵܗ̇ ܡܸܛܠܵܬܼܵܟ̣܀ 
                ܡܵܪܵܐ ܕܐܸܬ݀ܵܐ ܕܢܸܗܘܸܐ ܐܲܚܵܐ ܠܥܲܒ̣̈ܕܹܐ ܕܲܦܪܲܩ̣: 
                ܩܢܝܼܢܝ ܕܐܸܙܡܲܪ ܠܵܟ̣ ܫܘܼܒ̣ܚܵܐ ܫܲܦܝܵܐ ܒܩܵܠܵܐ ܪܵܡܵܐ܀ 
                ܕܝܼܠܵܟ̣ ܐܸܢܘܿܢ ܡܹܐܡܪܹ̈ܐ ܘܡܸ̈ܠܹܐ ܘܲܙܡܝܼܪ̈ܵܬܼܵܐ: 
                ܡ̣ܢ ܕܝܼܠܵܟ̣ ܡܵܪܝ ܩܲܒܸ݁ܠ ܫܘܼܒ̣ܚܵܐ ܡ̣ܢ ܚܲܠܵܫܵܐ܀ 
                ܕܝܼܠܵܟ̣ ܗ̄ܘ̣ ܡܵܪܝ ܦܘܼܡܵܐ ܘܡܸܠܬܼܵܐ ܐܵܦ ܠܸܫܵܢܵܐ: 
                ܗܲܒ̣ ܠܹܗ ܠܦܘܼܡܵܐ ܕܟܲܕܼ ܠܵܐ ܫܵܘܹ̇ܐ ܢܙܝܼܥ ܬܸܫܒ݁ܘܿܚܬܵܟ̣܀ 
                ܕܝܼܠܵܟ̣ ܐܝܼܬܼܵܘܗܝ ܗܵܘܢܵܐ ܘܡܲܕܥܵܐ ܐܵܦ ܪܸܥܝܵܢܵܐ: 
                ܗܲܒ̣ ܠܹܗ ܠܗܵܘܢܵܐ ܕܟܲܕܼ ܚܵܐܲܪ ܒܵܟ̣ ܢܸܬܼܢܸܐ ܫܲܪܒܵܟ̣܀ 
                ܕܝܼܠܵܟ̣ ܐܸܢܘܿܢ ܙܵܘ̈ܥܹܝܗ̇ ܕܢܲܦ̮ܫܵܐ ܐܵܦ ܚܘܼܫܵܒܹ̈ܝܗ̇: 
                ܗܲܒ̣ ܠܵܗ̇ ܠܢܲܦ̮ܫܵܐ ܕܬܸܚܙܸܐ ܫܘܼܦܪܵܟ̣ ܘܲܬܼܡܲܠܸܠ ܠܵܟ̣܀ 
                ܗܲܒ̣ ܠܝܼ ܡܸܠܬܼܵܟ̣ ܡܸܠܬܼܵܐ ܕܐܸܬ݀ܵܐ ܕܢܸܗܘܸܐ ܒܸܣܪܵܐ: 
                ܐܹܡܲܠܸܠ ܒܵܗ̇ ܥܲܠ ܡܹܐܬܼܝܼܬܼܵܟ̣ ܡܲܠܝܲܬܼ ܬܲܗܪܵܐ܀ 
                ܠܘܵܬܲܢ ܐܸܬܲܝܬ݁ ܒܐܲܒ̣ܘܼܟ̣ ܩ̣ܵܘܝܼܬ݁ ܠܥܸܠ ܐܲܢ̄ܬ݁ ܘܲܠܬܲܚܬ݁: 
                ܫܡܲܝܵܐ ܘܐܲܪܥܵܐ ܡܲܠ̈ܝܵܢ ܡܸܢܵܟ̣ ܒܲܪ ܐܲܠܵܗܵܐ܀ 
                
                 213 
                ܡܠܝܼ ܦܘܼܡܝ ܫܘܼܒ̣ܚܵܐ ܐܲܝܟ̣ ܕܐܲܡܝܼܪ ܠܵܟ̣ ܕܲܦܬܲܚ ܘܐܸܡܠܹܝܘܗܝ:
                ܦܬܲܚܲܝܗܝ ܘܲܡܠܝܼܘܗܝ ܐܵܦ ܐܸܠܵܐ ܦܬܼܝܼܚ ܕܲܚܒܸܢܵܢܵܐ ܗ̄ܘ̣܀ 
                ܐܲܢ̄ܬ݁ ܗ̄ܘ̣ ܦܵܬܲܚ ܦܘܼ̈ܡܹܐ ܣܟ̣ܝܼܪܹ̈ܐ ܠܲܡܡܲܠܵܠܘܼ: 
                ܡܲܢ ܓܹܝܪ ܡܸܫܟܲܚ ܢܸܦ̮ܬܲܚ ܦܘܼܡܹܗ ܡ̣ܢ ܒܸܠܥܵܕܲܝܟ܀ 
                ܒܲܙܒܲܢ ܡܲܠܠܲܬ݀ ܐܵܦ ܐܲܬܵܢܵܐ ܕܢܸܕܲܥ ܟܠܢܵܫ: 
                ܕܲܦܫܝܼܩ ܗ̄ܘ̣ ܠܵܟ̣ ܕܐܵܦ ܠܲܒ̣ܥܝܼܪܵܐ ܡܸܠܬܼܵܐ ܬܸܬܸܠ܀ 
                ܦܬܲܚ ܠܝܼ ܐܲܢ̄ܬ݁ ܦܘܼܡܝ ܕܐܸܢܵܐ ܣܟܲܪܬܹܗ ܒܥܵܘܼܠܵܐ ܕܐܝܼ̈ܕܲܝ: 
                ܕܠܵܟ̣ ܫܲܦܝܼܪ̈ܵܢ ܫܲܦܝܼܪ̈ܵܬܼܵܐ ܕܬܸܣܥܘܿܪ ܐܸܢܹܝܢ܀ 
                ܦܬܲܚܲܝܗܝ ܘܲܡܠܝܼܘܗܝ ܕܐܲܢ̄ܬ݁ ܗ̄ܘ̣ ܦܵܬܲܚ ܟܠ ܕܐܲܚܝܼܕܼܝܼܢ: 
                ܦܘܼ̈ܡܹܐ ܣܟ̣ܝܼܪܹ̈ܐ ܒܵܟ̣ ܡܸܬܼܦܲܬܼܚܝܼܢ ܠܲܡܫܲܒܵܚܘܼ܀ 
                ܡܲܢ̣ܘܼ ܦܬܲܚ ܡܵܪܝ ܬܲܪܥܵܐ ܒܟܹܐܦܵܐ ܕܟܐܦܐ 195. P: ܒܓ̣ܵܘ ܐܲܫܝܼܡܘܿܢ: 
                ܘܲܢܦܲܩ̣ܘ ܡܸܢܵܗ̇ ܢܲܗܪ̈ܵܘܵܬܼܵܐ ܠܥܲܡܵܐ ܪܲܒܵܐ܀ 
                ܡܲܢ̣ܢܘܼ ܦܲܬܼܚܹܗ ܠܓܲܪܡܵܐ ܚܲܪܒܵܐ ܕܲܠܒܲܟ̣ ܫܸܡܫܘܿܢ: 
                ܘܐܲܦܸܩ̣ ܡܸܢܹܗ ܫܸܩܝܵܐ ܚܲܕܼܬܼܵܐ ܠܗܵܘ̇ ܕܲܨܗܸܐ ܗ̄ܘ̣ܵܐ܀ 
                ܡܲܢ̣ܘܼ ܦܬܲܚ̣ ܗ̄ܘ̣ܵܐ ܩܘܼܠܬܼܵܐ ܘܩܲܪܢܵܐ ܒܹܝܬܼ ܐܲܪܡܲܠܬܵܐ:
                ܘܝܲܗ̄ܒ̣ ܗ̄ܘܲܝ̈ ܣܲܒ̣ܥܵܐ ܒܲܙܒܲܢ ܟܲܦܢܵܐ ܒܬܲܗܪܵܐ ܪܲܒܵܐ܀ 
                ܒܵܟ̣ ܐܸܬܼܦܲܬܲܚܘ ܟܠܗܘܿܢ ܬܲܪ̈ܥܹܐ ܕܐܲܚܝܼܕܼܝܼܢ ܗ̄ܘ̣ܵܘ: 
                ܥܲܝ̈ܢܹܐ ܕܣܲܡܝܵܐ ܘܐܸܕܼܢܹ̈ܐ ܕܕܼܘܼܓܵܐ ܘܦܘܼܡܵܐ ܕܦܹܐܩܵܐ܀ 
                ܣܲܡܝܵܐ ܕܢܸܚܙܸܐ ܕܘܸܓܵܐ ܕܢܸܫܡܲܥ ܦܹܐܩܵܐ ܢܡܲܠܸܠ: 
                ܡܵܕܹܝܢ ܐܵܦ ܠܝܼ ܦܬܲܚ ܠܝܼ ܣܸܦܘܵܬܼ̈ܝ ܠܲܡܡܲܠܵܠܘܼ܀ 
                ܦܬܲܚ ܐܵܦ ܠܐܸܕܼܢܵܐ ܕܬܸܫܡܲܥ ܫܲܪܒܵܟ̣ ܦܵܪܘܿܫܵܐܝܼܬܼ:
                 214 
                ܕܐܲܢ̄ܬ݁ ܗ̄ܘ̣ ܩܠܝܼܕܼܵܐ ܘܒ̣ܵܟ̣ ܡܸܬܼܦܲܬ̈ܚܵܢ ܟܠ ܒܼܪ̈ܝܵܬܼܵܐ܀ 
                ܬܸܚܙܹܝܟ̣ ܢܲܦ̮ܫܵܐ ܕܐܸܢ ܚܵܙ̇ܝܵܐ ܠܵܟ̣ ܢܵܗ̇ܪܵܐ ܡܸܢܵܟ̣: 
                ܘܲܡܡܲܠܠܵܐ ܠܵܟ̣ ܢܲܗܝܼܪܵܐܝܼܬܼ ܒܵܟ̣ ܢܲܗܝܼܪܵܐ܀ 
                ܡܲܚܫܸܟ̣ ܥܵܠܡܵܐ ܠܟ̣ܠ ܡܲܢ ܕܐܲܣܪܹܗ ܒܲܪ̈ܓ̣ܝܼܓ̣ܵܬܼܵܐ: 
                ܘܢܵܗܲܪ ܡܸܢܵܟ̣ ܐܸܢ ܚܵܐܲܪ ܒܵܟ̣ ܚܲܒ݁ܝܼܒ̣ܵܐܝܼܬܼ܀ 
                ܒܥܲܝܢܵܐ ܕܐ̄ܢܵܫܵܐ ܠܲܝܬ݁ ܒܵܗ̇ ܢܘܼܗܪܵܐ ܕܡܸܢܹܗ ܬܼܢܗܲܪ: 
                ܐܸܢܕܹܝܢ ܫܲܦܝܵܐ ܡܩܲܒ݁ܠܵܢܝܼܬܼܵܐ ܕܢܘܼܗܪܵܐ ܐܝܼܬܹܝܗ̇܀ 
                ܐܵܘ ܡ̣ܢ ܫܸܡܫܵܐ ܐܵܘ ܡ̣ܢ ܢܘܼܪܵܐ ܢܘܗܪܐ 118. R. L:ܡܩܲܒ݁ܠܵܐ ܢܘܼܗܪܵܐ:
                        ܘܡ̣ܢ ܘܡܐ 118.
                            R. L: 
                ܕܩܲܒܸܠܬܹܗ ܗܘ݀ܵܐ ܠܹܗ ܕܝܼܠܵܗ̇ ܐܵܦ ܗܝ݀ ܕܝܼܠܹܗ܀ 
                ܗܵܟܲܢ ܗ̄ܝܼ ܡܵܪܝ ܗܝ݀ ܢܲܦ̮ܫܵܐ ܡܵܐ ܕܲܚܙܵܬܼܵܟ̣: 
                ܡܩܲܒ݁ܠܵܐ ܡܸܢܵܟ̣ ܡܸܠܬܼܵܐ ܘܢܵܦ̇ܩܵܐ ܡܡܲܠܠܵܐ ܫܲܪܒܵܟ̣܀ 
                ܠܵܐ ܢܲܗܝܼܪܵܐ ܘܡܵܐ ܕܚܵܪܲܬ݀ ܒܵܟ̣ ܢܵܗ̇ܪܵܐ ܡܸܢܵܟ̣: 
                ܘܒ̣ܵܟ̣ ܚܵܙ̇ܝܵܐ ܠܵܟ̣ ܘܲܡܡܲܠܠܵܐ ܥܠܲܝܟ ܥܲܬ݁ܝܼܪܵܐܝܼܬܼ܀ 
                ܐܵܦܠܵܐ ܥܲܝܢܵܐ ܚܵܙ̇ܝܵܐ ܠܫܸܡܫܵܐ ܐܸܠܵܐ ܐܸܢ ܒܹܗ: 
                ܗܘ݀ ܝܵܗܹ̇ܒ̣ ܠܵܗ̇ ܢܘܼܪܵܐ ܕܬܸܚܙܹܝܘܗܝ ܚܲܒ݁ܝܼܒ̣ܵܐܝܼܬܼ܀ 
                ܗܘ݀ ܚܵܐܲܪ ܒܵܗ̇ ܐܵܦ ܡܲܠܒܸܫ ܠܵܗ̇ ܙܝܼܘܵܐ ܡܸܢܹܗ: 
                ܘܲܒ̣ܗܵܘ̇ ܙܝܼܘܵܐ ܢܵܗ̇ܪܵܐ ܕܬܸܚܙܸܐ ܠܟ̣ܠ ܒܸܪ̈ܝܵܬܼܵܐ܀ 
                ܚܘܼܪ ܒܵܗ̇ ܒܢܲܦ̮ܫܵܐ ܐܲܝܟ̣ ܕܐܵܦ ܫܸܡܫܵܐ ܒܥܲܝܢܵܐ ܚܵܐܲܪ: 
                ܘܡܸܢܵܟ̣ ܬܸܠܒܲܫ ܢܘܼܗܪܵܐ ܬܡܲܠܸܠ ܥܲܠ ܓܸܠܝܵܢܵܟ̣܀ 
                ܬܵܐ ܙܸܠ ܗܵܘܢܵܐ ܚܙܝܼܘܗܝ ܠܲܡܫܝܼܚܵܐ ܟܲܕܼ ܩܵܐܹ̇ܡ ܗ̄ܘ̣ܵܐ: 
                ܒܲܝܢܵܬܼ ܟܸܢܫܹ̈ܐ
                            ܟܢܫܐ 195. P: ܘܕܼܵܡܹ̇ܐ ܠܓ̣ܝܼܚܘܿܢ ܕܲܡܠܸܐ ܪ̈ܲܚܡܹܐ܀ 
                
                 215 
                ܪܵܕܹܐ ܕܪܐ 118.
                            R: ܘܡ̇ܫܦܲܥ ܟܠ ܚܘܼܠܡܵܢ̈ܝܼܢ ܠܲܡ̈ܡܲܚܲܝܵܐ: 
                ܘܛܲܚ̣ܦܵܐ ܒܹܗ ܐܲܪܥܵܐ ܕܲܝܗܘܼܕܼ ܘܲܒ̣ܥܘܼܕܼܪ̈ܵܢܵܘܗܝ܀ 
                ܓܵܐܲܚ ܡܸܢܹܗ ܚܢܵܢܵܐ ܪܲܒܵܐ ܐܲܝܟ̣ ܡܵܡܘܿܠܵܐ: 
                ܘܲܠܟ̣ܘܼܪ̈ܗܵܢܹܐ ܘܟܹܐܒܹ̈ܐ ܓܵܪܹܦ ܠܲܡܛܲܠܵܩܘܼ܀ 
                ܚ̣ܙܵܘ ܒܹܗ ܣܡܲܝ̈ܵܐ ܫܡܲܥ̣ܘ ܒܹܗ ܕܘܼ̈ܓܹܐ ܚ̣ܝܵܘ ܒܹܗ ܡܝܼ̈ܬܹܐ: 
                ܘܢܸܗܪܲܬ݀ ܡܸܢܹܗ ܟ̱ܠܵܗ̇ ܐܲܪܥܵܐ ܕܚܸܫܘܿܟ̣ܵܐ ܗ̄ܘ̣ܵܬܼ܀ 
                ܟܠ ܕܲܦܓܲܥ̣ ܒܹܗ ܫܩܲܠ̣ ܚܘܼ̈ܠܡܵܢܹܐ ܘܟܸܢ ܥܵܒܲܪ ܗ̄ܘ̣ܵܐ: 
                ܘܲܠܟ̣ܠ ܕܐܸܬ݀ܵܐ ܝܲܗ̄ܒ̣ ܥܘܼܕܼܪ̈ܵܢܹܐ ܥܘܕܪܢܐ 195. R. L: ܘܟܸܢ ܐܵܙܹ̇ܠ ܐܙܠ̣ 118.
                        R: ܗ̄ܘ̣ܵܐ܀ 
                ܩܵܡ̣ܘ ܒܹܗ ܢܵܦ̈ܠܹܐ ܜܢ̣ܵܘ ܒܹܗ ܛܪ̈ܝܼܕܹܐ ܣܒܲܥ̣ܘ ܒܹܗ ܟܲܦܢܹ̈ܐ: 
                ܕܥܲܠ ܗܵܝ̇ ܐܸܬ݀ܵܐ ܕܲܡܣܲܚ̈ܦܵܬܹܗ ܕܥܵܠܡܵܐ ܢܲܩܝܼܡ܀ 
                ܗܲܠܸܟ̣ ܒܐܲܪܥܵܐ ܕܢܸܥܩܘܿܪ ܟܘܼ̈ܒܹܐ ܡ̣ܢ ܦܸܢ̈ܝܵܬܼܵܐ: 
                ܘܢܸܙܪܘܿܥ ܫܲܝܢܵܐ ܒܐܲܬܼܪܵܐ ܕܲܚܪܸܒ̣ ܡ̣ܢ ܚܲܪܡܵܢܵܐ܀ 
                ܓܒ̣ܵܐ ܠܹܗ ܫܠܝܼ̈ܚܹܐ ܕܲܢܫܲܕܲܪ ܗ̄ܘ̣ܵܐ ܠܐܲܬܼܪ̈ܵܘܵܬܼܵܐ: 
                ܕܲܒ̣ܗܘܿܢ ܢܲܝܬܸܐ ܒܪܝܼܬܼܵܐ ܟ̱ܠܵܗ̇ ܨܹܝܕܼ ܝܵܠܘܿܕܹܗ܀ 
                ܫܸܡܫܵܐ ܡܫܝܼܚܵܐ ܫܩܲܠ̣ ܠܹܗ ܫܵܥܹ̈ܐ ܬܲܪܬܹܝܢ ܘܲܥܣܲܪ: 
                ܢܸܟ̣ܢܘܿܫ ܢܸܥܒܸ݁ܕܼ ܚܲܕܼ ܐܝܼܡܵܡܵܐ ܕܢܘܼܗܪܵܐ ܪܲܒܵܐ܀ 
                ܬܪܸܥܣܲܪ ܕܲܪ̈ܓ̣ܝܼܢ ܕܲܒ̣ܗܘܿܢ ܣܵܠܹ̇ܩ ܫܸܡܫܵܐ ܘܢܵܚܹ̇ܬܼ: 
                ܘܦܵܪܹܣ ܕܸܢܚܹܗ ܥܲܠ ܐܲܪ̈ܥܵܬܼܵܐ ܚܸܫ̈ܘܿܟ̣ܵܬܼܵܐ܀ 
                ܬܪܸܥܣܲܪ ܨܸܡܚ̈ܝܼܢ ܡ̣ܢ ܐܸܣܦܹܝܪܵܐ ܕܙܲܕܝܼܩܘܼܬܼܵܐ: 
                ܢܦܲܩ̣ܘ ܐܲܝܟ̣ ܒܲܪ̈ܩܹܐ ܒܵܬܲܪ ܠܸܠܝܵܐ ܕܚܲܦܝܼ ܠܐܲܪܥܵܐ܀ 
                ܫܩܲܠ̣ ܡ̣ܢ ܥܵܠܡܵܐ ܬܪܸܥܣܲܪ ܓܲܒ̣ܪ̈ܝܼܢ ܕܲܫ̈ܡܵܗܵܬܼܵܐ:
                 216 
                ܫܦܲܝ̈ܵܐ ܦܫܝܼ̈ܛܹܐ ܐܵܦ ܬܲܡܝܼ̈ܡܹܐ ܘܲܕܼܠܵܐ ܒܝܼܫܘܼ܀ 
                ܓܒ̣ܵܐ ܨܲܝܵܕܹ̈ܐ ܕܠܵܐ ܥܲܬ݁ܝܼܪܹ̈ܐ ܘܠܵܐ ܚܲܟ݁ܝܼܡܹ̈ܐ: 
                ܠܵܐ ܓܹܝܪ ܒܵܥ̇ܝܵܐ ܐܘܼܪܚܹܗ ܕܲܒ̣ܪܵܐ ܚܲܟ݁ܝܼܡܘܼܬܼܵܐ܀ 
                ܕܲܢܩܲܦܲܚ ܗ̄ܘ̣ܵܐ ܠܥܘܼܬܼܪܹܗ ܕܥܵܠܡܵܐ ܘܲܠܚܸܟ̣̈ܡܵܬܹܗ: 
                ܓܒ̣ܵܐ ܗܸܕܼܝܘܿܛܹ̈ܐ ܕܢܲܦܩܘܼܢ ܠܐܲܪܥܵܐ ܟܵܪܘܿܙܘܼܬܹܗ܀ 
                ܪܵܚܡ̇ܝܼܢ ܗ̄ܘ̣ܵܘ ܠܹܗ̇ ܘܐܲܚܝܼܕܼܝܼܢ ܒܹܗ ܘܢܲܩܝܼܦܝܼܢ ܠܹܗ: 
                ܢܲܗܝܼܪܝܼܢ ܒܹܗ ܘܲܚܠܝܼܛܝܼܢ ܒܹܗ ܘܥܲܬ݁ܝܼܪܝܼܢ ܒܹܗ܀ 
                ܫܒܲܩ̣ܘ ܗ̄ܘ̣ܵܘ ܥܵܠܡܵܐ ܘܐܸܬ݀ܵܘ ܒܵܬܼܪܹܗ ܡܸܛܠ ܚܘܼܒܹܗ: 
                ܣܢ̣ܵܘ ܩܸܢܝܵܢܹ̈ܐ ܕܠܹܗ ܢܸܩܢܘܿܢ ܗ̄ܘ̣ܵܘ ܚܲܒ݁ܝܼܒ̣ܵܐܝܼܬܼ܀ 
                ܐܲܪܦܝܼܘ ܓܸܢܣܵܐ ܒܢܲܝ̈ܵܐ ܘܐܲܚܹ̈ܐ ܐܵܦ ܐܲܒ̣ܵܗܹ̈ܐ: 
                ܥܘܼܡܪܵܐ ܘܛܘܿܗܡܵܐ ܘܐܸܙܲܠ̣ܘ ܥܲܡܹܗ ܐܲܝܟ̣ ܨܸܒ̣ܝܵܢܹܗ܀ 
                ܫܡܲܥ̣ܘ ܗ̄ܘ̣ܵܘ ܡܸܠܬܹܗ ܟܠ ܡܘܿܢ ܡ̣ܢ 195. P ܡ̇ܢ . L: ܕܐܸܡܲܪ ܐܲܝܟܲܢ
                    ܕܐܸܡܲܪ: 
                ܕܐܸܠܵܐ ܐܸܢ ܒܹܗ ܠܵܐ ܚܵܐܹ̇ܝܢ ܗ̄ܘ̣ܵܘ ܠܲܡܗܲܠܵܟ̣ܘܼ܀ 
                ܕܠܵܐ ܢܸܩܢܘܿܢ ܗ̄ܘ̣ܵܘ ܕܲܗܒ̣ܵܐ ܘܣܹܐܡܵܐ ܐܲܠܸܦ̣ ܐܸܢܘܿܢ: 
                ܘܲܠܦܘܼܩܕܵܢܹܗ ܐܲܝܟ̣ ܩܸܢܝܵܢܵܐ ܪܲܒܵܐ ܚܲܛ̣ܦܘܼܗܝ܀ 
                ܕܠܵܐ ܢܹܐܨܦܘܼܢ ܡܵܢܵܐ ܢܡܲܠܠܘܼܢ ܐܸܠܸܦ̣ ܐܸܢܘܿܢ: 
                ܘܠܵܐ ܒܵܥܹ̇ܝܢ ܗ̄ܘ̣ܵܘ ܠܲܡܡܲܠܵܠܘܼ ܐܸܠܵܐ ܐܸܢ ܒܹܗ܀ 
                ܐܵܡ̇ܪܝܼܢ ܗ̄ܘ̣ܵܘ ܠܹܗ ܐܲܠܸܦ ܠܲܢ ܡܵܪܝ ܠܲܡܨܲܠܵܝܘܼ: 
                ܕܐܵܦܠܵܐ ܨܠܘܿܬܼܵܐ ܢܡܲܠܠܘܼܢ ܡܸܡܬܼܘܿܡ ܡ̣ܢ ܒܸܠܥܵܕܼܵܘܗܝ܀ 
                ܡܲܚܬܼܝܼܢ ܗ̄ܘ̣ܵܐ ܐܵܦ ܡ̣ܢ ܡܸܠܬܼܵܐ ܕܐܝܼܬܼ ܠܲܟ̣ܝܵܢܵܐ: 
                ܘܐܸܠܵܐ ܐܸܢ ܠܹܗ ܕܝܼܠܹܗ ܒܲܠܚܘܿܕܼ ܠܵܐ ܚܲܝܝܼܢ ܗ̄ܘ̣ܵܘ܀ 
                
                 217 
                ܕܠܵܐ ܢܹܐܨܦܘܼܢ ܗ̄ܘ̣ܵܘ ܠܲܡܡܲܠܵܠܘܼ ܩܕܼܵܡ ܕܲܝܵܢܹ̈ܐ: 
                ܦܲܩܸܕܼ ܐܸܢܘܿܢ ܘܐܵܘܣܸܦ̣ܘ ܗܸܢܘܿܢ ܥܲܠ ܦܘܼܩܕܵܢܹܗ܀ 
                ܕܠܵܐ ܢܡܲܠܠܘܼܢ ܗ̄ܘ̣ܵܘ ܠܵܐ ܩܕܼܵܡ ܐܲܒ̣ܘܼܗܝ ܐܵܦܠܵܐ ܩܕܼܵܡܵܘܗܝ: 
                ܒܲܨ̈ܠܵܘܵܬܼܵܐ ܡ̣ܢ ܒܸܠܥܵܕܼܵܘܗܝ ܐܸܬ݁ܛܲܝܲܒ̣ܘ ܗ̄ܘ̣ܵܘ܀ 
                ܐܲܠܸܦ ܠܲܢ ܡܵܪܝ ܠܲܡܨܲܠܵܝܘܼ ܐܵܡ̇ܪܝܼܢ ܗ̄ܘ̣ܵܘ ܠܹܗ: 
                ܕܐܵܦܠܵܐ ܨܠܘܼܬܼܵܐ ܢܙܝܼܥ ܨܹܝܕܼ ܐܲܒ̣ܘܼܟ̣ ܐܸܠܵܐ ܡܸܢܵܟ̣܀ 
                ܫܐܸܠ̣ܘ ܬܲܠܡܝܼ̈ܕܹܐ ܢܲܠܸܦ ܐܸܢܘܿܢ ܠܲܡܨܲܠܵܝܘܼ: 
                ܘܢܸܗܪܲܬ݀ ܫܸܦܪܲܬ݀ ܫܸܐܠܲܬܼ ܚܘܼܒܵܐ ܠܒܲܪ ܐܲܠܵܗܵܐ܀ 
                ܘܫܲܪܝܼ ܢܲܠܸܦ ܣܵܦ̇ܪܵܐ ܪܲܒܵܐ ܡܗܝܪܐ 195. P: ܠܲܒ̣̈ܢܲܝ ܐ̄ܪܵܙܹܗ: 
                ܕܐܲܝܟܲܢ ܙܵܕܹܩ ܠܲܡܨܲܠܵܝܘܼ ܡܵܐ ܕܲܡܨܲܠܹܝܢ܀ 
                ܕܠܵܐ ܢܸܬܼܡܲܠ̈ܠܵܢ ܝܲܬ݁ܝܼܪ̈ܵܬܼܵܐ ܒܲܨ̈ܠܵܘܵܬܼܵܐ: 
                ܗܵܠܹܝܢ ܕܐܵܠ̈ܨܵܢ ܣܵܡ̣ ܒܲܨܠܘܿܬܼܵܐ ܕܐܲܠܸܦ̣ ܐܸܢܘܿܢ܀ 
                ܩܲܕܼܡܵܝܑܼܬܼ ܓܹܝܪ ܦܲܩܸܕܼ ܐܸܢܘܿܢ ܕܡܵܐ ܕܲܡܨܲܠܹܝܢ: 
                ܠܵܐ ܢܸܬܼܡܲܠ̈ܠܵܢ ܝܲܬ݁ܝܼܪ̈ܵܬܼܵܐ ܡ̣ܢ ܨܹܐܕܲܝܗܘܿܢ܀ 
                ܕܠܵܐ ܢܵܘܪܟ̣ܘܿܢ ܗ̄ܘ̣ܵܘ ܨܠܘܿܬܼܵܐ ܐܲܠܸܦ̣ ܒܲܙܗܝܼܪܘܼܬܼܵܐ: 
                ܕܠܵܐ ܡ̣ܢ ܡܸܠܹ̈ܐ ܐܲܪ̈ܝܼܟ̣ܵܬܼܵܐ ܨܠܘܿܬܼܵܐ ܬܸܦ̮ܟܲܗ܀ 
                ܗܵܢܵܐ ܡܹܐܡܪܵܐ ܕܡܲܦܲܩ ܠܝܼ ܒܹܗ ܠܲܡܡܲܠܵܠܘܼ: 
                ܨܠܘܿܬܼܵܐ ܦܐܝܼܬܼܵܐ ܕܬܲܠܸܦ̣ ܡܵܪܲܢ ܡܸܬ݁ܕܲܢܚܵܐ ܒܹܗ܀ 
                ܘܒ̣ܵܥܹ̇ܐ ܡܹܐܡܪܵܐ ܫܸܡܥܵܐ ܕܲܫܦܸܐ ܡ̣ܢ ܒܝܼ̈ܫܵܬܼܵܐ: 
                ܘܪܸܚܡܲܬܼ ܡܵܪܝܵܐ ܕܐܝܼܬܹܝܗ̇ ܣܵܟ̣ܵܐ ܕܫܲܦܝܼܪ̈ܵܬܼܵܐ܀ 
                
                 218 
                ܘܚܘܼܒܵܐ ܕܗܘ݀ܝܘܼ ܚܙܵܩܵܐ ܪܲܒܵܐ ܕܗܲܝܡܵܢܘܼܬܼܵܐ: 
                ܘܒܲܝܢܵܬܼ ܗܵܠܹܝܢ ܫܵܦܲܪ ܡܹܐܡܪܵܐ ܨܹܝܕܼ ܫܵܡ̈ܡܘܿܥܹܐ܀ 
                ܐܸܠܘܼ ܐܝܼܬܼ ܒܹܗ ܒܡܹܐܡܪܵܐ ܟܠܗܘܿܢ ܫܘܼܦܪܹ̈ܐ ܪ̈ܵܡܹܐ: 
                ܐܸܢ ܫܵܡܘܿܥܵܐ ܠܵܐ ܪܵܚܹ̇ܡ ܠܹܗ ܠܵܐ ܫܵܦܲܪ ܠܹܗ܀ 
                ܨܠܘܿܬܼܵܐ ܕܐܲܠܸܦ̣ ܠܲܒܼ̈ܢܲܝ ܐ̄ܪܵܙܹܗ ܒܲܪ ܐܵܠܵܗܵܐ: 
                ܡܸܬܼܦܲܫܩܵܐ ܠܵܟ̣ ܐܸܢ ܫܵܡܲܥ̇ ܐܲܢ̄ܬ݁ ܚܲܒ݁ܝܼܒ̣ܵܐܝܼܬܼ܀ 
                ܢܲܠܸܦ ܐܸܢܘܿܢ ܠܲܡܨܲܠܵܝܘܼ ܫܐܸܠ̣ܘ ܬܲܠܡܝܼ̈ܕܹܐ: 
                ܘܲܕܼܝܵܕܲܥ̇ ܗ̄ܘ̣ܵܐ ܕܫܲܦܝܼܪ ܫܲܐܠ̣ܘܼܗܝ ܠܵܐ ܟܠ̣ܵܐ ܐܸܢܘܿܢ܀ 
                ܗܵܟܲܢܵܐ ܠܲܡ ܨܲܠܵܝܘܼ ܐܲܢ̄ܬ݁ܘܿܢ ܡܵܐ ܕܲܡܨܲܠܹܝܢ: 
                ܐ̄ܒ̣ܘܿܢ ܕܒܲܫܡܲܝܵܐ ܢܸܬܼܩܲܕܲܫ ܫܡܵܟ̣ ܐܲܝܟ̣ ܕܐܵܩ ܩܲܕܝܼܫ܀ 
                ܬܹܐܬܸܐ ܠܘܵܬܲܢ ܐܵܦ ܡܲܠܟ݁ܘܼܬܼܵܟ̣ ܡ̣ܢ ܟܲܪ ܕܐܝܼܬܹܝܗ̇: 
                ܐܵܦ ܨܸܒ̣ܝܵܢܵܟ̣ ܢܸܗܘܸܐ ܒܐܲܪܥܵܐ ܐܲܝܟ̣ ܕܒܲܫܡܲܝܵܐ܀ 
                ܗܲܒ̣ ܠܲܢ ܠܲܚܡܵܐ ܐ̄ܡܝܼܢܵܐ ܕܝܵܘܡܵܐ ܡ̣ܢ ܒܹܝܬܼ ܓܲܙܵܟ̣: 
                ܘܲܫܒ̣ܘܿܩ ܚܵܘ̈ܒܲܝܢ ܘܚܲܣܵܐ ܚܛܵܗܲܝ̈ܢ ܐܲܝܟ̣ ܕܲܫܒܲܩܢܲܢ܀ 
                ܘܲܠܢܸܣܝܘܿܢܵܐ ܠܵܐ ܬܲܥܠܲܝܢ ܕܲܡܚܝܼܠܝܼܢܲܢ: 
                ܐܸܠܵܐ ܦܲܨܵܢ ܐܲܢ̄ܬ݁ ܡ̣ܢ ܒܝܼܫܵܐ ܕܪܲܒ݁ ܗ̄ܘ̣ ܚܲܝܠܵܟ̣܀ 
                ܡܸܛܠ ܕܕܼܝܼܠܵܟ̣ ܗ̄ܝܼ ܡܲܠܟ݁ܘܼܬܼܵܐ ܘܓܲܢ̄ܒܵܪܘܼܬܼܵܐ: 
                ܐܵܦ ܫܘܼܠܛܵܢܵܐ ܥܲܡ ܬܸܫܒ݁ܘܿܚܬܵܐ ܠܥܵܠܡܝܼܢ ܐܵܡܹܝܢ܀ 
                ܙܲܝܢܵܐ ܪܲܒܵܐ ܣܵܡ̣ ܒܲܨܠܘܿܬܼܵܐ ܒܲܪ ܐܲܠܵܗܵܐ: 
                ܘܝܲܗ̄ܒ̣ ܠܲܫܠܝܼܚܵܘ̈ܗܝ ܢܹܐܪܥܘܼܢ ܕܲܪܹܗ ܕܐܵܟܹܠܩܲܪܨܵܐ܀ 
                ܪܸܒ݁ܘܿ ܪܸ̈ܒ݁ܘܵܢ ܕܲܨ̈ܠܵܘܵܬܼܵܐ ܕܲܡܨܲܠܸܐ ܐ̄ܢܵܫ: 
                ܒܲܥܣܲܪ ܡܸܠܝܼ̈ܢ ܣܲܝܸܟ̣ ܐܸܢܹܝܢ ܒܲܪ ܐܲܠܵܗܵܐ܀ 
                
                 219 
                ܟ̱ܠܹܗ ܚܲܝܠܵܐ ܕܟ̣ܠ ܒܵܥ̈ܘܵܬܼܵܐ ܒܥܘܬܐ. ܒܚܕܐ. ܚܒܫܗ̇ Alibi: ܕܟ̣ܠ
                    ܕܲܣܢܝܼܩܝܼܢ: 
                ܒܗܵܕܹܐ ܨܠܘܿܬܼܵܐ ܙܥܘܿܪܬܵܐ ܚܲܒ̣ܫܹܗ ܘܝܲܗ̄ܒ̣ ܠܲܫܠܝܼܚܵܘ̈ܗܝ܀ 
                ܒܗܵܝ̇ ܩܲܕܼܡܵܝܬܵܐ ܡܸܠܬܼܵܐ ܕܐܲܠܸܦ̣ ܢܸܩܪܸܐ ܐܲܒ̣ܘܼܢ: 
                ܒܵܗ̇ ܡܸܫܬܲܗܸܐ ܟ̱ܠܹܗ ܚܲܝܠܹܗ ܕܲܒ̣ܥܸܠܕܲܪܵܐ܀ 
                ܪܲܒ݁ ܚܲܝܠܲܢ ܓܹܝܪ ܝܵܕܲܥ̇ ܗ̄ܘ̣ ܠܹܗ ܠܲܒ̣ܥܸܠܕܲܪܲܢ: 
                ܕܲܟ̣ܡܵܐ ܚܲܨܝܼܦ ܘܲܟ̣ܡܵܐ ܣܵܢܹ̇ܐ ܠܲܒ̣ܢܲܝ̈ܢܵܫܵܐ܀ 
                ܘܲܟ̣ܡܵܐ ܚܵܣܹ̇ܡ ܘܲܟ̣ܡܵܐ ܡܲܩܪܸܒ̣ ܘܲܟ̣ܡܵܐ ܣܵܪܲܚ: 
                ܘܐܲܝܟܵܐ ܕܡܸܫܟܲܚ ܐܲܬܼܪܵܐ ܕܢܸܙܟܸܐ ܚܒ̣ܵܠܵܐ ܥܵܒܹ̇ܕܼ܀ 
                ܚܦܝܼܛ ܠܐܲܒ̣ܕܵܢܵܐ ܢܩܸܐ ܠܣܘܼܪܚܵܢܵܐ ܪܵܚܹ̇ܡ ܒܝܼܫܬܵܐ: 
                ܦܫܝܼܩ ܠܹܗ ܩܸܛܠܵܐ ܚܵܕܹܐ ܒܲܕܼܡܵܐ ܡܥܝܼܪ ܡܲܨܘܼܬܼܵܐ܀ 
                ܡܲܠܸܦ ܚܲܪܒܵܐ ܘܥܝܼܪ ܒܐܵܓ̣ܘܿܢܵܐ ܥܲܠ ܬܲܟ̣ܬ݁ܘܼܫܵܐ: 
                ܘܡܸܚܕܼܵܐ ܕܩܵܐܹ̇ܡ ܐ̄ܢܵܫ ܒܲܨܠܘܿܬܼܵܐ ܠܘܵܬܹܗ ܩܵܐܹ̇ܡ܀ 
                ܘܐܸܠܘܼ ܡܸܫܟܲܚ ܟܠ ܕܲܡܨܲܠܸܐ ܡܵܐ ܕܲܡܨܲܠܸܐ: 
                ܣܵܟܲܪ ܗ̄ܘ̣ܵܐ ܠܹܗ ܠܦܘܼܡܹܗ ܒܥܵܘ̣ܠܵܐ ܕܠܵܐ ܢܨܲܠܸܐ ܗ̄ܘ̣ܵܐ܀ 
                ܣܵܢܹ̇ܐ ܨܠܘܿܬܼܵܐ ܘܲܡܥܲܪܩܸܠ ܠܵܗ̇ ܘܲܡܕܼܵܘܸܕܼ ܠܵܗ̇: 
                ܘܲܡܩܲܦܲܚ ܠܵܗ̇ ܘܐܸܠܘܼ ܦܫܝܼܩ ܠܹܗ ܟܵܠܹ̇ܐ ܗ̄ܘ̣ܵܐ ܠܵܗ̇܀ 
                ܢܲܝܙܟܹ̈ܐ ܘܓܹܐܪܹ̈ܐ ܠܵܐ ܡܙܝܼܥܝܼܢ ܠܹܗ ܠܐܲܝܢܵܐ ܕܲܫܠܝܼܚ: 
                ܐܲܝܟ̣ ܕܲܡܙܝܼܥܵܐ ܨܠܘܿܬܼܵܐ ܠܒ̣ܝܼܫܵܐ ܘܣܵܢܹ̇ܐ ܢܸܚܙܹܝܗ̇܀ 
                ܡܸܛܠ ܗܵܢܵܐ ܡܥܝܼܪ ܚܘܼ̈ܫܵܒܹܐ ܕܠܵܐ ܫܲܦܝܼܪܝܼܢ: 
                ܘܲܡܕܲܠܲܚ ܠܵܗ̇ ܠܢܲܦ̮ܫܵܐ ܒܨܸܦܬܼܵܐ ܕܟ̣ܠ ܣܘܼܥܪ̈ܵܢܝܼܢ܀ 
                ܘܙܵܠܲܚ̣ ܬܸܛܪܹܗ ܥܲܠ ܡܲܚܫܲܒ̣ܬܵܐ ܕܠܵܐ ܬܸܫܬܲܦܸܐ:
                 220 
                ܕܲܒ̣ܟ̣ܠ ܦܘܼܪ̈ܣܝܼܢ ܡ̣ܢ ܕܲܟ̣ܝܘܼܬܼܵܐ ܨܠܘܿܬܼܵܐ ܬܸܒ̣ܛܲܠ܀ 
                ܗܵܘܹ̇ܐ ܩܵܐܹ̇ܡ ܡܵܐ ܕܲܡܨܲܠܸܐ ܗܵܘ̇ ܕܲܡܨܲܠܸܐ: 
                ܘܚܵܐܲܪ ܢܸܚܙܸܐ ܙܵܘ̈ܥܹܐ ܕܢܲܦ̮ܫܹܗ ܠܐܲܝܟܵܐ ܨܵܠܹ̇ܝܢ܀ 
                ܘܐܸܢ ܚܵܙܹ̇ܐ ܠܹܗ ܕܲܡܠܸܐ ܚܲܫܵܐ ܘܦܵܪܘܿܫܘܼܬܼܵܐ: 
                ܘܲܙܗܸܐ ܘܩܵܐܹ̇ܡ ܕܢܸܫܐܲܠ ܪ̈ܲܚܡܹܐ ܚܲܨܝܼܦܵܐܝܼܬܼ܀ 
                ܡܸܬܼܦܲܪܲܣ ܠܹܗ ܘܡܸܬܼܚܲܟܲܡ ܠܹܗ ܘܡܸܬܼܚܲܪܲܥ ܠܹܗ: 
                ܕܐܲܝܟܲܢ ܘܲܒ̣ܡܘܿܢ ܢܸܕܼܠܘܿܚ ܢܲܦ̮ܫܹܗ ܡ̣ܢ ܒܵܥܘܼܬܼܵܐ܀ 
                ܘܪܵܡܹ̇ܐ ܒܠܸܒܹܗ ܡܸܕܸܡ ܡܸܕܸܡ ܕܲܣܢܸܐ ܣܲܓܝܼ: 
                ܘܲܡܥܵܘܸܟ̣ ܠܹܗ ܠܗܵܘ̇ ܕܲܡܨܲܠܸܐ ܕܠܵܐ ܢܨܲܠܸܐ ܬܘܼܒ̣܀ 
                ܘܡܵܐ ܕܚܘܼ̈ܫܵܒܹܐ ܒܝܼ̈ܫܹܐ ܐܲܪܡ̣ܝܼ ܒܓ̣ܵܘ ܪܸܥܝܵܢܵܐ: 
                ܗܵܦܹ̇ܟ̣ ܡܲܬܼܘܸܐ ܠܗܵܘ̇ ܕܐܸܬܼܚܲܫܲܒ̣ ܟܠ ܒܝܼ̈ܫܵܬܼܵܐ܀ 
                ܘܲܒ̣ܚܘܼ̈ܫܵܒܹܐ ܥܲܝܘܼ̈ܩܬܼܵܢܹܐ ܐܲܝܟ̣ ܒܵܣܲܪ ܠܹܗ: 
                ܘܐܲܝܟ̣ ܡܲܟܸܣ ܠܹܗ ܕܲܠܡܘܿܢ ܗܵܠܹܝܢ ܡܸܬܼܚܲܫܲܒ̣ ܐܲܢ̄ܬ݁܀ 
                ܘܲܡܩܲܦܲܚ ܠܹܗ ܘܲܡܫܲܬܸܩ ܠܹܗ ܡ̣ܢ ܒܵܥܘܼܬܼܵܐ: 
                ܕܟܲܕܼ ܠܵܐ ܐܲܣܟܸܠ̣ ܐܲܝܟ̣ ܗܵܘ̇ ܕܐܲܣܟܸܠ̣ ܢܸܗܘܸܐ ܚܵܐܹ̇ܫ܀ 
                ܕܡ̣ܢ ܗܵܘ̇ ܚܲܫܵܐ ܨܠܘܿܬܼܵܐ ܬܸܒ̣ܛܲܠ ܕܲܪܚܝܼܡܵܐ ܗ̄ܘ̣ܵܬܼ: 
                ܕܲܡܥܝܼܩܵܐ ܠܹܗ ܠܐܵܟܹܠܩܲܪܨܵܐ ܐܸܠܵܐ ܬܸܒ̣ܛܲܠ܀ 
                ܐܸܠܘܼ ܡܵܐܹ̇ܬܼ ܠܵܐ ܕܵܚܹ̇ܠ ܗ̄ܘ̣ܵܐ ܢܸܚܙܸܐ ܡܵܘܬܵܐ: 
                ܐܲܟ̣ܡܵܐ ܕܕܼܵܚܹ̇ܠ ܢܸܚܙܸܐ ܨܠܘܿܬܼܵܐ ܩܕܼܵܡ ܐܲܠܵܗܵܐ܀ 
                ܐܵܦܠܵܐ ܡܲܪܚܸܩ ܡ̣ܢ ܨܹܝܕܼ ܘܲܥܕܹܗ ܕܗܵܘ̇ ܕܲܡܨܲܠܸܐ: 
                ܥܕܲܡܵܐ ܕܢܸܚܙܸܐ ܐܲܝܟܲܢ ܢܵܦܹ̇ܩ ܡ̣ܢ ܒܵܥܘܼܬܼܵܐ܀ 
                ܐܵܦ ܫܵܓܹ̇ܫ ܠܹܗ ܒܝܲܕܼ ܣܘܼܥܪ̈ܵܢܹܐ ܕܥܵܠܡܵܐ ܒܝܼܫܵܐ:
                 221 
                ܘܡܵܐ ܕܪܸܥܝܵܢܹܗ ܠܘܵܬܹܗ ܫܲܩܠܹܗ ܕܲܒ̣ܪܹܗ ܘܲܢܦܲܩ̣܀ 
                ܘܐܸܢ ܦܸܓ̣ܥܲܬ݀ ܒܹܗ ܢܲܦ̮ܫܵܐ ܕܚܝܼܨܵܐ ܡ̣ܢ ܣܘܼܥܪ̈ܵܢܹܐ: 
                ܡܸܨܛܲܕܸܐ ܒܵܗ̇ ܘܐܵܦ ܡܥܗܸܕܼ ܠܵܗ̇ ܕܛܵܒ̣ܬܼܵܐ ܬܸܣܥܘܿܪ܀ 
                ܐܵܦ ܡܲܪܢܸܐ ܠܵܗ̇ ܥܲܠ ܗܵܝ̇ ܛܲܒ̣ܬܼܵܐ ܕܲܨܠܘܿܬܼܵܐ ܗ̄ܝܼ ܠܲܡ: 
                ܘܐܸܢ ܡܸܣܬܲܥܪܵܐ ܘܐܸܠܵܐ ܨܠܘܿܬܼܵܐ (ܗܵܐ ܒܲܛܝܼܠܵܐ ܒܛܠܬܼ ܗܘܬ ܠܗ̇ 195. P:܀ 
                ܒܕܲܪܵܐ ܩܵܐܹ̇ܡ ܐܲܝܢܵܐ ܕܩܵܪܹܒ̣ ܠܲܡܨܲܠܵܝܘܼ: 
                ܘܥܲܡܹܗ ܩܵܐܹ̇ܡ ܐܵܦ ܣܵܛܵܢܵܐ ܠܲܡܣܲܓܵܦܘܼ܀ 
                ܚ̣ܙܵܐ ܗ̄ܘ̣ܵܐ ܢܒ̣ܝܼܵܐ ܙܟܪܝܐ. ܓ. : ܠܝܼܫܘܿܥ ܟܵܗܢܵܐ ܒܲܪ
                    ܝܘܿܙܵܕܵܩ: 
                ܕܲܡܨܲܠܸܐ ܗ̄ܘ̣ܵܐ ܒܲܩܕܼܘܿܫ ܩܘܼ̈ܕܼܫܹܐ ܩܕܼܵܡ ܐܲܠܵܗܵܐ܀ 
                ܘܲܠܣܵܛܵܢܵܐ ܚ̣ܙܵܐ ܟܲܕܼ ܩܵܐܹ̇ܡ ܡ̣ܢ ܝܲܡܝܼܢܹܗ: 
                ܘܒ̣ܵܥܹ̇ܐ ܕܢܲܪܡܸܐ ܪܘܼܚܹܗ ܕܟ̣ܵܗܢܵܐ ܒܹܝܬܼ ܐܲܠܵܗܵܐ܀ 
                ܘܒ̣ܵܥܹ̇ܐ ܢܕܼܵܘܸܕܼ ܗܵܝ̇ ܒܵܥܘܼܬܹܗ ܕܟ̣ܵܗܢܵܐ ܪܲܒܵܐ: 
                ܘܐܸܠܘܼ ܠܵܐ ܟܠ̣ܵܝܗܝ ܗܵܘ̇ ܡܲܠܲܐܟ̣ܵܐ ܡܕܼܵܘܸܕܼ ܗ̄ܘ̣ܵܐ ܠܹܗ܀ 
                ܗܵܢܵܐ ܥܝܵܕܼܵܐ ܐܝܼܬܼ ܠܹܗ ܠܒ̣ܝܼܫܵܐ ܨܹܝܕܼ ܕܲܡܨܲܠܹܝܢ: 
                ܕܐܸܢܗ݀ܘ ܕܡܸܫܟܲܚ ܢܸܡܣܘܿܪ ܐܸܢܘܿܢ ܒܹܝܬܼ ܐܲܠܵܗܵܐ܀ 
                ܡܸܛܠ ܗܵܢܵܐ ܒܫܘܼܪܵܝ ܡܸܠܬܼܵܐ ܗܵܝ̇ ܕܲܨܠܘܿܬܼܵܐ: 
                ܕܐܲܠܸܦ̣ ܡܵܪܲܢ ܢܸܩܪܘܿܢ ܐܲܒ̣ܘܼܢ ܠܐܒܐ 195. P:ܝܲܗ̄ܒ̣ ܠܲܫܠܝܼܚܵܘ̈ܗܝ܀ 
                ܕܡܸܚܕܼܵܐ ܕܩܵܪܒܲܬ݁ ܕܩܪܒܬ 195. P Sic: ܠܲܡܨܲܠܵܝܘܼ ܬܹܐܡܲܪ ܐܲܒ̣ܘܼܢ: 
                ܕܢܸܫܡܲܥ ܒܝܼܫܵܐ ܕܡܲܩܪܸܒ̣ ܥܲܡܵܟ̣ ܕܡܲܢ̣ܘܼ ܐܲܒ̣ܘܼܟ̣܀ 
                ܕܠܵܐ ܒܫܘܼܪܵܝܵܐ ܕܕܲܪܵܐ ܢܹܐܬܸܐ ܒܲܛܪܘܼܢܘܼܬܹܗ:
                 222 
                ܟܲܕܼ ܠܵܐ ܝܵܕܲܥ̇ ܕܐܝܼܬܼ ܠܵܟ̣ ܐܲܒ̣ܵܐ ܠܥܸܠ ܒܲܫܡܲܝܵܐ܀ 
                ܘܟܲܕܼ ܫܵܐܹ̇ܛ ܠܵܟ̣ ܐܲܝܟ̣ ܕܲܠܓܸܢܣܵܐ ܡܚܝܼܠܵܐ ܢܸܥܒܸ݁ܕܼ: 
                ܕܲܪܵܐ ܥܲܡܵܟ̣ ܘܲܢܒܲܣܲܪ ܒܵܟ̣ ܒܲܛܪܘܼܢܘܼܬܹܗ܀ 
                ܡܸܛܠܗܵܢܵܐ ܝܑܼܠܸܦܲܬ݁ ܕܬܸܩܪܸܐ ܠܐܲܒ̣ܵܐ ܐܲܒ̣ܘܼܢ: 
                ܕܡ̣ܢ ܫܘܼܪܵܝܵܐ ܢܸܗܘܸܐ ܝܵܕܲܥ̇ ܝܕܥ. R ܝܼܕܥ 195. P: ܡܲܢ̣ܘܼ ܐܲܒ̣ܘܼܟ̣܀ 
                ܡܸܚܕܼܵܐ ܕܫܵܡܲܥ̇ ܕܐܝܼܬܼ ܠܵܟ̣ ܐܲܒ̣ܵܐ ܠܥܸܠ ܒܲܫܡܲܝܵܐ: 
                ܡܸܬ݁ܕܵܘܲܕܼ ܠܹܗ ܘܙܵܝ̇ܥܵܐ ܪܸܓ̣ܠܹܗ ܡܵܐ ܕܡܸܬܼܟܲܬܲܫ܀ 
                ܠܛܲܠܝܵܐ ܕܵܡܹ̇ܝܬ݁ ܕܲܡܚܝܼܠ ܘܐܝܼܬܼ ܠܹܗ ܐ̄ܒ̣ܵܐ ܓܲܢ̄ܒܵܪܵܐ: 
                ܘܡܵܐ ܕܡܸܬܼܟܲܬܲܫ ܩܵܪܹܐ ܠܐܲܒ̣ܘܼܗܝ ܥܲܠ ܬܲܟ̣ܬ݁ܘܼܫܵܐ܀ 
                ܘܲܒ̣ܥܸܠܕܲܪܹܗ ܡܸܚܕܼܵܐ ܕܫܵܡܲܥ̇ ܕܩܵܪܹܐ ܠܐܲܒ̣ܘܼܗܝ: 
                ܡܲܪܦܸܐ ܘܥܸܪܹܩ ܥܲܠ ܕܲܡܚܝܼܠ ܗ̄ܘ̣ ܡ̣ܢ ܓܲܢ̄ܒܵܪܵܐ܀ 
                ܗܵܟܲܢ ܐܵܦ ܐܲܢ̄ܬ݁ ܬܸܩܪܸܐ ܐܲܒ̣ܘܼܢ ܡܸܬܼܦܲܩܲܕܼ ܐܲܢ̄ܬ݁: 
                ܕܢܸܥܪܘܿܩ ܒܝܼܫܵܐ ܡܸܚܕܼܵܐ ܕܫܵܡܲܥ̇ ܕܐܲܝܢܵܘ ܐܲܒ̣ܘܼܟ̣܀ 
                ܐ̄ܒ̣ܘܼܢ ܕܒܲܫܡܲܝܵܐ ܢܸܬܼܩܲܕܲܫ ܫܡܵܟ̣ ܐܵܡܲܪ ܐܲܢ̄ܬ݁ ܠܹܗ: 
                ܚܢܲܢ ܢܸܬܼܩܲܕܲܫ ܕܲܫܡܵܟ̣ ܒܲܢ ܗ̄ܘ̣ ܠܲܢ ܩܲܕܸܫ ܡܵܪܝ܀ 
                ܥܠܲܝܢ ܐܸܬܼܩܪܝܼ ܫܡܵܟ̣ ܢܸܬܼܩܲܕܲܫ ܒܲܢ ܡܸܠܛܠܵܬܼܵܟ̣: 
                ܩܲܕܝܼܫ ܐܲܢ̄ܬ݁ ܗ̄ܘ̣ ܫܡܵܟ̣ ܢܸܬܼܩܲܕܲܫ ܒܲܢ ܚܲܠܵܫܹ̈ܐ܀ 
                ܨܠܘܿܬܼܵܐ ܕܐܲܠܸܦ̣ ܒܲܪ ܐܲܠܵܗܵܐ ܥܘܼܬܼܪܵܐ ܡܲܠܝܵܐ: 
                ܘܡܸܢܵܗ̇ ܐܝܼܬܼ ܠܵܟ̣ ܕܬܸܕܲܥ ܡܲܢ ܐܲܢ̄ܬ݁ ܘܲܟ̣ܡܵܐ ܪܲܒ݁ ܐܲܢ̄ܬ݁܀ 
                ܗܝ݀ ܡܲܠܦܵܐ ܕܐܝܼܬܼ ܠܵܟ̣ ܐܲܒ̣ܵܐ ܡܲܠܟܵܐ ܪܲܒܵܐ: 
                ܘܝܵܪܒܵܐ ܢܲܦ̮ܫܵܟ̣ ܕܠܲܐܝܕܵܐ ܡܫܘܼܚܬܼܵܐ ܡܛ̣ܵܐ ܕܲܚܝܼܚܵܟ̣܀ 
                
                 223 
                ܒܲܪ ܐܲܠܵܗܵܐ ܢܚܸܼ ܡ̣ܢ ܪܵܘܡܵܐ ܗܘ݀ܵܐ ܒܲܪܢܵܫܵܐ: 
                ܘܡ̣ܢ ܓܵܘ ܥܘܼܡܩܵܐ ܐܲܣ̣ܩܵܟ̣ ܬܸܗܘܸܐ ܒܪܵܐ ܠܐܲܠܵܗܵܐ܀ 
                ܗܘ݀ܵܐ ܠܵܟ̣ ܐܲܚܵܐ ܡ̣ܢ ܓܵܘ ܟܲܪܣܵܐ ܡܲܠܝܲܬܼ ܩܘܼ̈ܕܼܫܹܐ: 
                ܘܥܲܒ̣ܕܵܟ̣ ܐܲܚܘܼܗܝ ܡ̣ܢ ܓܵܘ ܟܲܪܣܵܐ ܕܡܲܥܡܘܿܕܼܝܼܬܼܵܐ܀ 
                ܗܘ݀ܵܐ ܒܲܪܢܵܫܵܐ ܡܸܛܠܵܬܼܵܟ̣ ܟܲܕܼ ܐܲܠܵܗܵܐ ܗ̄ܘ̣: 
                ܕܬܸܗܘܸܐ ܥܲܡܹܗ ܒܪܵܐ ܠܐܲܠܵܗܵܐ ܟܲܕܼ ܒܲܪܢܵܫܵܐ ܐܢ̄ܬ݁܀ 
                ܐܸܬܼܡܲܣܟܲܢ ܗܘ݀ ܟܲܕܼ ܥܲܬ݁ܝܼܪܵܐ ܗ̄ܘ̣ ܡܸܛܠܵܬܼܵܟ̣: 
                ܕܐܲܢ̄ܬ݁ ܡܸܣܟܹܢܵܐ ܬܸܩܢܸܐ ܥܘܼܬܼܪܵܐ ܥܘܬܪܗ 196. P 118. R: ܡܸܛܠܵܬܹܗ܀ 
                ܒܪܵܐ ܠܐܲܠܵܗܵܐ ܥܲܒ̣ܕܵܟ̣ ܥܲܡܹܗ ܡ̣ܢ ܓܵܘ ܡܲܝ̈ܵܐ: 
                ܕܟܲܕܼ ܝܑܼܚܝܼܕܼܵܐ ܗ̄ܘ̣ ܢܸܩܢܸܐ ܐܲܚܹ̈ܐ ܒܝܲܠܕܵܐ ܕܲܬܼܪܹܝܢ܀ 
                ܡܸܛܠ ܕܐܵܦ ܗܘ݀ ܒܝܲܠܕܵܐ ܕܲܬܼܪܹܝܢ ܗܘ݀ܵܐ ܒܲܪܢܵܫܵܐ: 
                ܒܗܵܘ̇ ܡܵܘܠܵܕܵܐ ܕܲܬܼܪܹܝܢ ܥܲܒ̣ܕܵܟ̣ ܒܪܵܐ ܠܐܲܠܵܗܵܐ܀ 
                ܘܲܕܼܠܵܐ ܬܸܛܥܸܐ ܡܲܢ̣ܘܼ ܐܲܒ̣ܘܼܟ̣ ܡܵܐ ܕܲܡܨܲܠܹܝܬ݁: 
                ܐ̄ܒ̣ܘܼܢ ܕܒܲܫܡܲܝܵܐ ܐܲܠܦܵܟ̣ ܬܸܩܪܸܐ ܒܪܹܫ ܒܵܥܘܼܬܼܵܟ̣܀ 
                ܕܢܲܦ̮ܫܵܟ̣ ܬܹܐܪܲܒ̣ ܡ̣ܢ ܥܘܼܗܕܵܢܵܐ ܕܓܸܢܣܵܐ ܪܲܒܵܐ: 
                ܘܲܒ̣ܥܸܠܕܲܪܵܟ̣ ܢܸܕܼܚܲܠ ܕܐܝܼܬܼ ܠܵܟ̣ ܐ̄ܒ̣ܵܐ ܓܲܢ̄ܒܵܪܵܐ܀ 
                ܕܐܸܢ ܫܵܐܹ̇ܛ ܠܵܟ̣ ܡܸܛܠ ܚܵܘܵܐ ܕܐܝܼܬܹܝܗ̇ ܐܸܡܵܟ̣: 
                ܢܸܗܦܘܿܟ̣ ܢܸܕܼܚܲܠ ܥܲܠ ܕܝܼܠܸܕܬܼܵܟ̣ ܡܲܥܡܘܿܕܼܝܼܬܼܵܐ܀ 
                ܘܐܸܢ ܡܸܙܕܵܘܙܸܐ ܕܲܠܒܲܪ ܐܵܕܼܵܡ ܫܲܦܠܵܐ ܢܸܦܟ݁ܘܿܪ: 
                ܢܙܘܼܥ ܟܲܕܼ ܫܵܡܲܥ̇ ܕܐܝܼܬܼ ܠܵܟ̣ ܐܲܒ̣ܵܐ ܠܥܸܠ ܒܲܫܡܲܝܵܐ܀ 
                ܘܡܵܐ ܕܡܸܬܼܟܲܬܲܫ ܥܲܡܵܟ̣ ܢܸܙܟܹܝܟ̣ ܒܲܛܪܘܼܢܘܼܬܹܗ:
                 224 
                ܬܸܗܘܸܐ ܢܵܝ̇ܕܵܐ ܪܸܓ̣ܠܹܗ ܒܕܲܪܵܐ ܒܛܸܒܹ݁ܗ ܕܐܲܒ̣ܘܼܟ̣܀ 
                ܢܙܘܼܥ ܗܘ݀ ܡܸܢܵܟ̣ ܡܸܛܠ ܐܲܒ̣ܘܼܟ̣ ܕܲܩܫܸܐ ܡܸܢܹܗ: 
                ܘܐܲܢ̄ܬ݁ ܬܸܬܼܚܲܦܲܛ ܬܸܣܥܘܿܪ ܟܠܝܘܿܡ ܫܲܦܝܼܪ̈ܵܬܼܵܐ܀ 
                ܘܬܸܗܘܸܐ ܥܵܪܹܩ ܡ̣ܢ ܣܘܼܥܪ̈ܵܢܹܐ ܕܠܵܐ ܫܲܦܝܼܪܝܼܢ: 
                ܥܲܠ ܕܐܲܠܵܗܵܐ ܐܝܼܬܼܵܘܗܝ ܐܲܒ̣ܘܼܟ̣ ܕܲܡܠܸܐ ܫܘܼܦܪܹ̈ܐ܀ 
                ܬܸܗܘܸܐ ܕܲܟ̣ܝܵܐ ܘܲܕܼܠܵܐ ܡܘܼܡܵܐ ܥܲܠ ܕܲܒ̣ܪܵܐ ܐܲܢ̄ܬ݁: 
                ܘܡܲܣܛܸܐ ܘܥܵܒܲܪ ܡ̣ܢ ܒܝܼ̈ܫܵܬܼܵܐ ܡܸܛܠ ܐܲܒ̣ܘܼܟ̣܀ 
                ܕܠܵܐ ܟܲܕܼ ܚܵܛܹ̇ܝܬ݁ ܢܸܨܛܲܥܲܪ ܠܹܗ ܡܸܛܠܵܬܼܵܟ̣: 
                ܗܵܘ̇ ܕܲܫܦܲܪ ܠܹܗ ܢܸܗܘܸܐ ܐܲܒ̣ܘܼܟ̣ ܟܲܕܼ ܝܵܕܲܥ̇ ܠܵܟ̣܀ 
                ܚܙܝܼ ܕܲܠܡܵܢ̣ܘܼ ܩܵܪܹܝܬ݁ ܐܲܒ̣ܘܼܢ ܒܹܝܬܼ ܚܘܼܣܵܝܵܐ: 
                ܘܨܲܠܸܠ ܢܲܦ̮ܫܵܟ̣ ܡܸܛܠܵܬܹܗ ܕܠܵܐ ܠܐ 196. P 118. R: ܢܵܨܛܲܥܲܪ܀ 
                ܗܵܐ ܠܐܝܼܩܵܪܵܐ ܪܲܒܵܐ ܣܠܸܩ̣ܬ݁ ܐܲܢ̄ܬ݁ ܡܸܛܠܵܬܹܗ: 
                ܠܵܐ ܢܹܐܬܸܐ ܗܘ݀ ܠܨܲܥܪܵܐ ܪܲܒܵܐ ܡܸܛܠܵܬܼܵܟ̣܀ 
                ܒܹܗ ܝܵܪܹܒ̣ ܐܲܢ̄ܬ݁ ܠܵܐ ܢܸܙܥܲܪ ܒܵܟ̣ ܐܸܢ ܦܵܪܘܿܫܵܐ ܐܢ̄ܬ݁: 
                ܛܘܿܪ ܛܪ 117. R
                            195. P: ܐܝܼܩܵܪܵܐ ܠܐܲܒ̣ܵܐ ܕܪܲܒ݁ ܗ̄ܘ̣ ܘܒܹܗ ܝܵܪܹܒ̣ ܐܲܢ̄ܬ݁܀ 
                ܥܲܠ ܗܵܝ̇ ܡܵܪܲܢ ܐܲܠܦܵܟ̣ ܕܬܸܩܪܸܐ ܠܐܲܒ̣ܵܐ ܐܲܒ̣ܘܼܢ: 
                ܕܓܸܢܣܵܐ ܪܲܒܵܐ ܣܲܓܝܼ ܬܵܒܲܥ̇ ܫܡܵܐ ܫܲܦܝܼܪܵܐ܀ 
                ܡܸܢܵܗ̇ ܕܗܵܕܹܐ (ܕܠܹܗ ܠܐܲܠܵܗܵܐ ܕܠܐܠܗܐ 117. R 195. P. L: ܐܲܒ̣ܘܼܢ
                    ܩܵܪܹܝܬ݁: 
                ܬܹܐܨܲܦ ܬܸܫܦܲܪ (ܐܲܝܟ̣ ܡܵܐ ܐܟܡܐ 195. P ܐܝܟ ܡܢ. L ܡܛܠ 117. R:
                    ܕܲܗ݀ܘܲܝܬ݁ ܒܪܵܐ ܠܐܲܠܵܗܵܐ܀ 
                ܕܲܢܙܝܼܥ ܡܸܢܵܟ̣ ܠܲܒ̣ܥܸܠܕܲܪܵܟ̣ ܐܲܠܦܵܟ̣ ܕܐܲܝܟܲܢ:
                 225 
                ܬܸܩܪܸܐ ܐܲܒ̣ܘܼܢ ܕܲܫܡܹܗ ܡܙܝܼܥ ܒܸܪ̈ܝܵܬܼܵܐ܀ 
                ܠܵܟ̣ ܠܘܼܒܵܒ̣ܵܐ ܟܲܕܼ ܝܵܠܹ̇ܦ ܐܲܢ̄ܬ݁ ܡܲܢ̣ܘܼ ܐܲܒ̣ܘܼܟ̣: 
                ܠܗܵܘ̇ ܕܘܼܚܵܠܵܐ ܕܫܵܡܲܥ̇ ܕܐܝܼܬܼ ܠܵܟ̣ ܐ̄ܒ̣ܵܐ ܓܲܢ̄ܒܵܪܵܐ܀ 
                ܥܲܠ ܡܵܘܠܵܕܵܐ ܕܡܲܥܡܘܿܕܼܝܼܬܼܵܐ ܨܒ̣ܵܐ ܕܲܢܫܲܕܪܵܟ̣: 
                ܟܲܕܼ ܡܥܲܗܸܕܼ ܠܵܟ̣ ܕܝܼܠܝܼܕܼ ܐܲܢ̄ܬ݁ ܗ̄ܘ̣ ܪܘܼܚܵܢܵܐܝܼܬܼ܀ 
                ܕܢܸܗܘܸܐ ܐܝܼܬܼ ܠܵܟ̣ ܣܲܒ̣ܪܵܐ ܪܲܒܵܐ ܠܘܵܬܼ ܐܲܠܵܗܵܐ: 
                ܕܗܘ݀ܵܐ ܐܲܒ̣ܘܼܟ̣ ܘܲܗ݀ܘܲܝܬ݁ ܠܹܗ ܒܪܵܐ ܒܝܲܠܕܵܐ ܕܲܬܼܪܹܝܢ܀ 
                ܠܐܲܒ̣ܵܐ ܩܵܪܹܝܬ݁ ܡܵܐ ܕܲܡܨܲܠܹܝܬ݁ ܢܹܐܬܸܐ ܢܸܦܪܘܿܩ: 
                ܒܢܵܘ̈ܗܝ ܕܐܸܫܬܲܥܒܲܕܼܘ ܠܐܵܟܹܠܩܲܪܨܵܐ ܗܵܐ ܡ̣ܢ ܥܵܠܲܡ܀ 
                ܐܵܡܲܪ ܐܲܢ̄ܬ݁ ܠܹܗ ܡܸܫܒܵܐ ܫܒܸܐ ܐ̈ܢܵܐܠ ܘܲܡܙܲܒܲܢ ܐ̄ܢܵܐ: 
                ܘܲܗܘܹ̇ܝܬܼ ܥܲܒ̣ܕܵܐ ܘܗܵܐ ܡܫܲܥܒܲܕܼ ܐ̄ܢܵܐ ܒܹܝܬܼ ܢܘܼܟ̣ܪ̈ܵܝܹܐ܀ 
                ܚܛܝܼܬܼܵܐ ܙܒܲܢܬܲܢܝ ܘܐܸܢܵܐ ܢܸܦܠܹ̇ܝܬܼ ܡ̣ܢ ܚܹܐܪܘܼܬܼܵܐ: 
                ܘܕܲܒ̣ܪܘܼܢܝ ܡܸܢܵܟ̣ ܘܲܗܘܹ̇ܝܬܼ ܥܲܒ̣ܕܵܐ ܠܲܣܪܝܼܩܘܼܬܼܵܐ܀ 
                ܡܵܪܵܐ ܒܝܼܫܵܐ ܕܲܩ̇ܢܹܝܬܼ ܟܲܕܼܢܲܢܝ ܒܢܝܼܪܵܐ ܩܲܫܝܵܐ: 
                ܘܗܵܐ ܡܢܵܘܲܠ ܠܝܼ ܒܹܝܬܼ ܥܲܒ̣ܕܘܼܬܼܵܐ ܕܡܲܠܝܵܐ ܚܲܫܹ̈ܐ܀ 
                ܐܸܙܕܲܒܢܹ̇ܬܼ ܡܵܪܝ ܐܲܝܟܲܢ ܐܸܦܢܸܐ ܥܲܠ ܚܹܐܪܘܼܬܼܵܐ: 
                ܕܐܸܢܵܐ ܘܐܢܐ 118.
                            R 196. P: ܒܨܸܒ̣ܝܵܢܝ ܐܸܙܹ̇ܠ̄ܬܼ ܥܲܡܹܗ ܕܡܵܪܵܐ ܒܝܼܫܵܐ܀ 
                ܚܸܘܝܵܐ ܢܟ̣ܝܼܠܵܐ ܫܩܲܠ̣ ܡܿܢܝ ܩܲܢܝܵܐ ܘܲܪܡܵܝ ܐܝܼܕܼܵܐ: 
                ܘܒܹܝܬܼ ܠܹܗ ܠܚܵܘܵܐ ܟܬܲܒ̣ܘ ܐܸܫܛܵܪܵܐ ܘܥܲܒ̣ܕܵܐ ܥܲܒ̣ܕܘܼܢܝ܀ 
                ܐ̄ܢܵܐ ܝܸܗ̇ܒܹ݁ܬܼ ܦܘܼܡܝ ܘܲܗܘܹ̇ܝܬܼ ܥܲܒ̣ܕܵܐ ܕܒܲܪ ܚܹܐܪܹ̈ܐ ܗ̄ܘܹ̇ܝܬܼ: 
                ܘܐܵܟܹܠܩܲܪܨܵܐ ܕܲܙܒ̣ܢܲܢܝ ܚܲܒ̣ܫܲܢܝ ܒܲܣܪܝܼܩܘܼܬܹܗ܀ 
                
                 226 
                ܕܠܵܟ̣ ܕܹܝܢ ܐܲܒ̣ܵܐ ܐܝܼܕܼܵܐ ܒܐܸܫܛܵܪܝ ܠܵܐ ܪܲܡܝܵܐ ܠܵܟ̣: 
                ܠܵܐ ܙܲܒܸܢܬܵܢܝ ܠܵܐ ܬܸܫܒܘܿܩܲܝܢܝ ܨܹܝܕܼ ܥܵܘܵܠܵܐ܀ 
                ܬܹܐܬܸܐ ܙܒ̣ܝܼܢܬܵܐ ܕܲܟ̣ܬܲܒ̣ ܚܸܘܝܵܐ ܡ̣ܢ ܒܸܠܥܵܕܲܝܟ: 
                ܘܲܚܙܝܼ ܬܲܡܵܢ ܕܲܪܡܵܝ ܐܝܼܕܼܵܟ̣ ܠܵܐ ܡܸܫܟܲܚ ܐܲܢ̄ܬ݁܀ 
                ܥܲܬܵܐ ܗ: ܥܲܩܒ
                            195. P. In marg: ܥܲܡܹܗ ܕܐܲܝܟܲܢܵܐ ܒܪܵܐ ܒܸܠܥܵܕܼ ܐܲܒ̣ܘܼܗܝ: 
                ܐܲܡܪܲܚ̣ ܢܸܙܒܸܢ ܗܵܘ ܡܵܪܘܿܕܼܵܐ ܘܠܵܐ ܐܸܣܬܲܪܲܕܼ܀ 
                ܕܢܹܐܙܲܠ ܛܲܠܝܵܐ ܢܙܲܒܸܢ ܢܲܦ̮ܫܹܗ ܒܸܠܥܵܕܼ ܐܲܒ̣ܘܼܗܝ: 
                ܡܲܢ ܙܵܒܹ̇ܝܢ ܠܹܗ ܘܲܬܼܟ̣ܝܼܠ ܥܠܵܘܗܝ ܕܲܡܩܲܕܸܐ ܠܹܗ܀ 
                ܬܹܐܬܸܐ ܙܒ̣ܝܼܢܬܵܐ ܘܐܸܢ ܪܲܡܝܵܐ ܠܹܗ ܐܝܼܕܼܵܐ ܠܐܲܒ̣ܵܐ: 
                ܘܐܸܠܵܐ ܢܸܒ̣ܛܲܠ ܐܵܦ ܙܵܒ̣ܘܿܢܵܐ ܘܲܡܙܲܒ݁ܢܵܢܵܐ܀ 
                ܐܸܙܕܲܒ݁ܢܹܬܼ ܡܵܪܝ ܘܐܲܢ̄ܬ݁ ܠܵܐ ܪܓ̣ܝܼܫ ܐܲܢ̄ܬ݁ ܟܲܕܼ ܐܲܒ̣ܵܐ ܐܲܢ̄ܬ݁: 
                ܠܵܐ ܬܸܫܬܲܪܲܪ ܬܸܢܘܲܝ ܕܲܗܘ݀ܵܬܼ ܡ̣ܢ ܒܸܠܥܵܕܲܝܟ܀ 
                ܠܵܐ ܢܸܚܕܸܐ ܠܝܼ ܒܝܼܫܵܐ ܕܣܵܒܲܪ ܕܲܡܩܲܕܸܐ ܠܝܼ: 
                ܠܵܐ ܙܲܒܸ݁ܢܬܵܢܝ ܠܵܐ ܬܲܗܡܸܐ ܡܹܢܝ ܟܲܕܼ ܕܝܼܠܵܟ̣ ܐ̄ܢܵܐ܀ 
                ܠܵܐ ܪܲܡܝܵܐ ܠܵܟ̣ ܐܝܼܕܼܵܐ ܒܲܟ̣ܬܼܵܒ̣ܝ ܠܵܐ ܢܸܫܬܲܪܲܪ: 
                ܬܠܘܿܚ ܠܲܙܒ̣ܝܼܢܬܵܐ ܕܲܥܒܲܕܼ ܚܸܘܝܵܐ ܒܢܸܟ̣ܠܵܐ ܪܲܒܵܐ܀ 
                ܐܝܼܬܼ ܗ̄ܘ̣ܵܐ ܠܝܼ ܫܡܵܟ̣ ܕܐܝܼܬܼܵܘܗܝ ܨܲܠܡܵܟ̣ ܘܐܸܬ݁ܛܲܡܲܐ ܠܹܗ: 
                ܐ̄ܒ̣ܘܼܢ ܕܒܲܫܡܲܝܵܐ ܢܸܬܼܩܲܕܲܫ ܫܡܵܟ̣ ܡܸܛܠܵܬܼܵܟ̣܀ 
                ܐ̄ܒ̣ܵܐ ܠܵܐ ܬܲܪܦܸܐ ܒܹܝܬܼ ܥܲܒ̣ܕܘܼܬܼܵܐ ܒܢܲܝ̈ܵܐ ܕܲܥܪܲܩ̣ܘ: 
                ܬܵܐ ܕܒܲܪ ܐܸܢܘܿܢ ܡ̣ܢ ܡܵܪܘܿܕܼܵܐ ܕܫܲܥܒܸ݁ܕܼ ܐܸܢܘܿܢ܀ 
                ܟܠ ܡܘܿܢ ܕܲܗܘ݀ܵܐ ܡ̣ܢ ܒܸܠܥܵܕܲܝܟ ܠܵܐ ܢܸܬܼܩܲܝܲܡ:
                 227 
                ܥܲܠ ܕܐܲܒ̣ܵܐ ܐܲܢ̄ܬ݁ ܡܸܠܬܼܵܟ̣ ܬܩܘܼܡ ܘܲܩܢܝܼ ܕܝܼܠܵܟ̣܀ 
                ܒܸܠܥܵܕܼ ܓܲܒ̣ܪܵܗ̇ ܙܲܒ݁ܢܲܬ ܚܵܘܵܐ ܒܢܲܝ̈ܵܐ ܠܐܲܒ̣ܕܵܢ: 
                ܒܓ̣ܵܢ ܕܲܝܵܢܵܐ ܟܬܼܵܒ̣ܵܐ ܕܐܲܢ̄ܬ݁ܬܼܵܐ ܠܵܐ ܡܸܬܼܩܲܒܲܠ܀ 
                ܚܸܘܝܵܐ ܗ̄ܘ̣ ܣܵܦ̇ܪܵܐ ܘܗܵܝ̇ ܕܲܡܙܲܒ݁ܢܵܐ ܐܲܢ̄ܬ݁ܬܼܵܐ ܐܝܼܬܹܝܗ̇: 
                ܘܐܸܢܵܐ ܗܘܹ̇ܝܬܼ ܠܝܼ ܒܝܼܫ ܒܝܼܫ ܡܸܢܗܘܿܢ ܒܹܝܬܼ ܥܲܒ̣ܕܘܼܬܼܵܐ܀ 
                ܠܵܐ ܫܲܪܝܼܪܝܼܢ ܠܵܐ ܢܸܬܼܩܲܒ݁ܠܘܼܢ ܐܸܫܛܵܪ̈ܲܝܗܘܿܢ: 
                ܬܲܠܲܚ ܘܐܲܚܪܸܒ̣ ܘܲܫܪܝܼ ܟ̱ܠܵܗ̇ ܕܲܓܵܠܘܼܬܼܵܐ܀ 
                ܐܲܢ̄ܬ݁ ܗ̄ܘ̣ ܡܵܪܵܐ ܘܐܝܼܬܼ ܥܲܒ̣̈ܕܹܐ ܛܥܝܼ̈ܢܲܝ ܨܲܠܡܵܟ̣: 
                ܘܐܸܨܛܲܕܝܼ ܒܗܘܿܢ ܚܲܕܼ ܛܲܪܟܵܢܵܐ ܘܲܙܒܲܢ ܐܸܢܘܿܢ܀ 
                ܘܐܲܦܸܩ̣ ܐܸܢܘܿܢ ܡ̣ܢ ܡܵܪܘܼܬܼܵܟ̣ ܡܲܠܝܲܬܼ ܫܘܼܦܪܹ̈ܐ: 
                (ܘܢܵܘܸܠ̣ ܐܸܢܘܿܢ
                            ܘܗܵܐ ܡܬܢ̇ܘܠܝܢ 117. R: ܒܹܝܬܼ ܥܲܒ̣ܕܘܼܬܼܵܐ ܕܡܲܠܝܵܐ ܘܵܝܹ̈ܐ܀ 
                ܠܵܐ ܬܲܓܲܪ ܠܹܗ ܕܲܙܒܲܢ ܥܲܒ̣ܕܲܝ̈ܟ ܡ̣ܢ ܒܸܠܥܵܕܲܝܟ: 
                ܣܲܒ̣ ܐܸܢܘܿܢ ܠܵܟ̣ ܠܵܐ ܬܸܬܸܠ ܠܹܗ ܕܢܸܩܢܸܐ ܐܸܢܘܿܢ܀ 
                ܨܒ̣ܵܐ ܕܒܲܚܛܘܼܦܝܵܐ ܢܸܗܘܸܐ ܡܵܪܵܐ ܥܲܠ ܩܸܢܝܵܢܵܟ̣: 
                ܩܢܝܼ ܐܲܢ̄ܬ݁ ܕܝܼܠܵܟ̣ ܘܲܠܚܵܛܘܿܦܵܐ ܫܕܼܝܼ ܠܐܲܒ̣ܕܵܢܵܐ܀ 
                ܡܵܪܵܐ ܐܢ̄ܬ݁ ܘܐܲܒ̣ܵܐ ܬܵܐ ܦܪܘܿܩ ܕܝܼܠܵܟ̣ ܡ̣ܢ ܡܵܪܘܿܕܼܵܐ: 
                ܕܲܕܼܠܵܐ ܕܝܼܠܹܗ ܒܵܥܹ̇ܐ ܕܢܸܩܢܸܐ ܥܵܘܵܠܵܐܝܼܬܼ܀ 
                ܐ̄ܒ̣ܘܼܢ ܕܒܲܫܡܲܝܵܐ ܢܸܬܼܩܲܕܲܫ ܫܡܵܟ̣ ܡܵܐ ܕܐܵܡܲܪ ܐܲܢ̄ܬ݁: 
                ܟܠܗܘܿܢ ܗܵܠܹܝܢ ܙܵܘ̈ܥܹܐ ܚܵܒ̣݁ܫܲܬ݁ ܡܵܐ ܕܲܡܨܲܠܹܝܬ݁܀ 
                ܡܸܛܠ ܗܵܠܹܝܢ ܐܲܠܦܵܟ̣ ܡܵܪܲܢ ܬܸܩܪܸܐ ܐܲܒ̣ܘܼܢ: 
                ܕܟ̣ܠ ܝܘܼܬܼܪ̈ܵܢܹܐ ܡ̣ܢ ܒܵܥܘܼܬܼܵܐ ܢܸܫܬܲܟ̣ܚܘܼܢ ܠܵܟ̣܀ 
                
                 228 
                ܕܐܲܢ̄ܬ݁ ܬܸܙܕܲܗܸܐ ܡܸܛܠ ܕܐܝܼܬܼ ܠܵܟ̣ ܐܲܒ̣ܵܐ ܪܵܡܵܐ: 
                ܘܒ̣ܝܼܫܵܐ ܢܸܕܼܚܲܠ ܪܲܒ݁ܘܼܬܹܗ ܕܪܵܡܵܐ ܐܲܒ̣ܘܼܟ̣܀ 
                ܘܢܹܐܬܼ̈ܝܵܢ ܟܠܗܹܝܢ ܩܲܕܼ̈ܡܵܝܵܬܼܵܐ ܘܡܸܨ̈ܥܵܝܵܬܼܵܐ: 
                ܕܲܥܒ̣ܝܼ̈ܕܼܵܢ ܠܵܟ̣ ܒܸܠܥܵܕܼ ܐܲܒ̣ܵܐ ܘܢܸܫܪܸܐ ܐܸܢܹܝܢ܀ 
                ܘܥܲܠ ܕܲܛܠܸܐ ܗ̄ܘܲܝܬ݁ ܘܲܡܙܲܒܲܢ ܗ̄ܘܲܝܬ݁ ܒܸܠܥܵܕܼ ܐܲܒ̣ܘܼܟ̣: 
                ܬܸܒ̣ܛܲܠ ܬܸܢܘܲܝ ܗܵܝ̇ ܕܲܙܒ̣ܝܼܢܬܵܐ ܘܬܸܬܼܚܲܪܲܪ ܐܲܢ̄ܬ݁܀ 
                ܘܲܗܘܵܬܼ ܝܵܕܼܥܵܐ ܚܛܝܼܬܼܵܐ ܕܙܸܒ̣ܢܲܬ ܒܐܝܼ̈ܕܲܝ ܚܸܘܝܵܐ: 
                ܕܡܸܫܬܲܪܝܵܐ ܠܵܗ̇ ܬܸܢܘܲܝ ܕܲܗܘܵܬܼ ܡ̣ܢ ܚܲܪܡܵܢܵܐ܀ 
                ܕܲܒ̣ܥܵܐ ܐܸܢܘܿܢ ܐܲܒ̣ܵܐ ܠܲܒ̣ܢܵܘ̈ܗܝ ܢܸܬܼܦܲܢܘܿܢ ܠܹܗ: 
                ܘܗܵܐ ܩܵܪܹܝܢ ܠܹܗ ܘܡܲܢ̣ܘܼ ܡܸܫܟܲܚ ܢܸܟ̣ܠܸܐ ܐܸܢܘܿܢ܀ 
                ܥܲܠ ܗܵܝ̇ ܐܲܒ̣ܘܼܢ ܐܲܠܦܵܟ̣ ܕܬܸܩܪܸܐ ܒܲܪ ܐܲܠܵܗܵܐ: 
                ܕܒܲܫܡܹܗ ܕܐܲܒ̣ܵܐ ܟܠ ܛܵܒ̣ܵܬܼܵܐ ܢܸܫܬܲܟ̣̈ܚܵܢ ܠܵܟ̣܀ 
                ܢܸܬܼܩܲܕܲܫ ܫܡܵܟ̣ ܡܵܐ ܕܐܵܡܲܪ ܐܲ̄ܬ݁ ܠܵܟ̣ ܗ̄ܘ̣ ܡܲܠܸܦ: 
                ܬܸܗܘܸܐ ܩܲܕܝܼܫ ܡܸܛܠ ܐܲܒ̣ܘܼܟ̣ ܕܲܡܠܸܐ ܩܘܼ̈ܕܼܫܹܐ܀ 
                ܘܬܸܬܸܠ ܐܲܬܼܪܵܐ ܚܛܝܼܬܼܵܐ ܒܢܲܦܫܵܐ ܕܠܵܐ ܩܲܕܝܼܫܵܐ: 
                ܒܛܸܒܵܐ ܕܚܝܼܠܵܐ (ܘܲܫܡܵܐ ܪܲܒܵܐ ܕܐܲܒ̣ܵܗܘܼܬܼܵܐ ܘܫܡܗ̇ ܒܪܐ ܕܐܠܗܘܬܐ 117. R. L:܀ 
                ܢܸܬܼܩܲܕܲܫ ܫܡܵܟ̣ ܘܬܹܐܬܸܐ ܠܘܵܬܲܢ ܐܵܦ ܡܲܠܟ݁ܘܼܬܼܵܟ̣: 
                ܕܐܸܢ ܡܲܠܟ݁ܘܼܬܼܵܐ ܙܵܝ̇ܚܵܐ ܕܬܹܐܬܸܐ ܪܥܸܠ̣ܘ ܡܵܪ̈ܘܿܕܹܐ܀ 
                ܥܲܠ ܗܵܝ̇ ܐܲܠ̣ܦܵܟ̣ ܡܵܪܲ ܕܬܸܩܪܸܐ ܠܗܵܝ̇ ܡܲܠܟ݁ܘܼܬܼܵܐ: 
                ܡܸܛܠ ܬܸܓ̣ܡܹ̈ܐ ܕܫܹ̈ܐܕܹܐ ܠܙܝܼ̈ܙܹܐ ܕܲܟ̣ܪܝܼܟ̣ܝܼܢ ܠܵܟ̣܀ 
                ܘܨܵܠܹ̇ܝܢ ܦܲܚܹ̈ܐ ܘܛܵܡ̇ܪܝܼܢ ܢܸܫ̈ܒܹܐ ܘܲܡܨܲܝܼ̈ܕܼܵܬܼܵܐ: 
                
                 229 
                ܘܫܵܕܹܝܢ ܓܹܐܪܹ̈ܐ ܕܥܵܘ̣ܠܵܐ ܒܢܲܦܫܵܐ ܕܲܢܡܲܚܘܿܢܵܗ̇܀ 
                ܘܲܕܼܠܵܐ ܬܚܘܼܒ̣ ܡ̣ܢ ܡܲܫܪܝܼܬܼܵܐ ܨܲܗܝܲܬܼ ܠܲܕܼܡܵܐ: 
                ܩܪܝܼ ܠܡܲܠܟ݁ܘܼܬܼܵܐ ܘܡܸܚܕܼܵܐ ܥܵܪܩܝܼܢ ܫܹܐܕܹ̈ܐ ܛܲܢ̈ܦܹܐ܀ 
                ܚܲܝ̈ܠܲܝ ܒܝܼܫܵܐ ܠܢܲܦܫܵܟ̣ ܒܵܥܹ̇ܝܢ ܠܲܡܡܲܚܵܝܘܼ: 
                ܘܐܲܝܟ̣ ܠܲܡܕܼܝܼܢ̄ܬܵܐ ܕܫܘܼܪܹ̈ܐ ܟܲܪܟܘܼܗ̇ ܠܲܡܬܲܪܵܥܘܼ܀ 
                ܘܡܸܚܕܼܵܐ ܕܫܵܡ̇ܥܝܼܢ ܥܲܠ ܡܲܠܟ݁ܘܼܬܼܵܐ ܕܒܹܝܬܼ ܐܲܠܵܗܵܐ: 
                ܕܙܵܝ̇ܚܵܐ ܬܹܐܬܸܐ ܥܪܲܩ̣ ܠܸܓ̣ܝܘܿܢܹ̈ܐ ܚܸܫ̈ܘܿܟ̣ܵܬܼܵܐ܀ 
                ܡܸܛܠ ܗܵܢܵܐ ܐܲܠܦܵܟ̣ ܡܵܪܲܢ ܡܵܐ ܕܲܡܨܲܠܹܝܬ݁: 
                ܩܪܝܼ ܠܡܲܠܟ݁ܘܼܬܼܵܐ ܘܗܵܐ ܐܸܙܕܲܟ̣ܝܲܬ ܡܵܪܘܿܕܼܘܼܬܼܵܐ܀ 
                ܫܵܡܲܥ̇ ܒܝܼܫܵܐ ܕܲܠܡܲܠܟ݁ܘܼܬܼܵܐ ܕܐܲܒ̣ܵܐ ܩܵܪܹܝܬ݁:
                ܘܡܸܣܬܲܟܲܠ ܠܹܗ ܕܲܠܡܲܠܟ݁ܘܼܬܼܵܐ ܠܵܐ ܡܨܸܐ ܢܹܐܪܘܿܥ܀ 
                ܠܵܘ ܒܲܨܠܘܿܬܼܵܐ ܠܐ̄ܢܵܫ ܙܲܕܝܼܩܵܐ ܠܥܸܕܼܪܵܟ̣ ܩܵܪܹܝܬ݁: 
                ܘܠܵܐ ܠܲܢܒ̣ܝܼܵܐ ܢܹܐܬܸܐ ܢܣܲܝܥܵܟ̣ ܡܵܐ ܕܲܡܨܲܠܹܝܬ݁܀ 
                ܘܠܵܐ ܠܲܫܠܝܼܚܵܐ ܢܲܥܪܸܩ ܡܸܢܵܟ̣ ܠܲܒ̣ܥܸܠܕܲܪܵܟ̣: 
                ܘܠܵܐ ܠܦܘܼܪܩܵܢܵܟ̣ ܚܲܕܼ ܪ̈ܲܒܲܝ ܚܲܝ̈ܠܵܘܵܬܼܵܐ܀ 
                ܘܠܵܐ ܠܓܲܒ̣ܪܝܹܠ ܕܐܲܝܟܲܢ ܕܐܸܬܵܐ ܨܹܝܕܼ ܕܵܢܝܼܐܹܝܠ: 
                ܢܹܐܬܸܐ ܠܘܵܬܼܵܟ̣ ܠܲܡܲܝܵܠܘܼ ܒܗܵܝ̇ ܒܵܥܘܼܬܼܵܐ܀ 
                ܘܠܵܐ ܠܡܝܼܟ̣ܵܐܹܝܠ ܕܐܲܝܟ̣ ܕܲܢܩܸܦ̣ ܗ̄ܘ̣ܵܐ ܠܝܼܫܘܿܠ ܒܲܪܢܘܿܢ: 
                ܢܸܫܡܘܿܛ ܣܲܝܦܵܐ ܠܘܼܩܒܲܠ ܗܵܠܹܝܢ ܗ̇ܢܘܢ 118. R: ܕܲܟ̣ܪܝܼܟ̣ܝܼܢ ܠܵܟ̣܀ 
                ܡܲܪܦܹܝܬ݁ ܚܲܝ̈ܠܹܐ ܘܪ̈ܲܒܲܝ ܚܲܝ̈ܠܹܐ ܘܫܲܠܝܼ̈ܛܵܢܹܐ: 
                ܘܠܵܗ̇ ܠܡܲܠܟ݁ܘܼܬܼܵܐ ܩܵܪܹܝܬܼ ܩܵܪܹܝܬ݁ ܬܹܐܬܸܐ ܥܲܠ ܡܵܪ̈ܘܿܕܹܐ܀ 
                
                 230 
                ܠܵܐ ܠܡܲܠܲܐܟܹ̈ܐ ܐܵܦܠܵܐ ܠܟܹܐܢܹ̈ܐ ܘܠܵܐ ܠܙܲܕܝܼ̈ܩܹܐ: 
                ܐܲܠ̣ܦܵܟ̣ ܡܵܪܲܢ ܕܬܸܩܪܸܐ ܠܥܸܕܼܪܵܟ̣ ܡܵܐ ܕܲܡܨܲܠܹܝܬ݁܀ 
                ܐܸܠܵܐ ܕܬܸܩܪܸܐ ܠܗܵܝ̇ ܡܲܠܟ݁ܘܼܬܼܵܐ ܕܒܹܝܬܼ ܐܲܠܵܗܵܐ: 
                ܕܙܵܝ̇ܥܝܼܢ ܡܸܢܵܗ̇ ܟܠܗܘܿܢ ܚܲܝܠܵܘ̈ܗܝ ܕܲܒ̣ܥܸܠܕܲܪܵܐ܀ 
                ܩܪܝܼ ܠܡܲܠܟ݁ܘܼܬܼܵܐ ܕܬܹܐܬܸܐ ܠܘܵܬܼܵܟ̣ ܡܲܠܝܲܬܼ ܢܘܼܗܪܵܐ: 
                ܘܡܸܚܕܼܵܐ ܥܵܪܩܝܼܢ ܟܠܗܘܿܢ ܕܲܝܘܹ̈ܐ ܒܢܲܝ̈ ܚܸܫܘܿܟ̣ܵܐ܀ 
                ܡܸܚܕܼܵܐ ܕܫܵܡ̇ܥܝܼܢ ܫܹܐܕܼ̈ܐ ܕܩܵܪܹܝܬ݁ ܢܹܐܬܸܐ ܡܲܠܟܵܐ: 
                ܠܵܐ ܡܩܵܘܹܝܢ ܠܹܗ ܥܕܲܡܵܐ ܕܢܹܐܬܸܐ ܢܸܫܟܲܚ ܐܸܢܘܿܢ܀ 
                ܒܛܸܒܹ݁ܗ ܥܵܪܩܝܼܢ ܡܲܢ ܓܹܝܪ ܠܘܼܩܒܲܠ ܡܲܠܟܵܐ ܪܲܒܵܐ: 
                ܡܸܫܟܲܚ ܢܲܩܪܸܒ̣ ܐܲܝܟܵܐ ܕܐܵܬܹ̇ܐ ܠܲܡܥܲܕܵܪܘܼ܀ 
                ܐܸܠܘܼ ܐܸܬ̤ܵܐ ܐܵܘ ܡܲܠܲܐܟ̣ܵܐ ܐܵܘ ܙܲܕܝܼܩܵܐ: 
                ܐܵܘ ܡܲܩܪܸܒ̣ ܗ̄ܘ̣ܵܐ ܐܵܘ ܠܵܐ ܡܲܩܪܸܒ̣ ܐܵܟܹܠܩܲܪܨܵܐ܀ 
                ܐܸܢ ܙܵܝ̇ܚܵܐ ܕܹܝܢ ܗܵܝ̇ ܡܲܠܟ݁ܘܼܬܼܵܐ ܕܬܹܐܬܸܐ ܐܲܝܟܲܢ: 
                ܐܝܼܬܼ ܒܹܗ ܚܲܝܠܵܐ ܕܢܹܐܪܘܿܥ ܙܵܘܚܵܐ ܕܗܵܝ̇ ܪܲܒ݁ܘܼܬܼܵܐ܀ 
                ܡܸܛܠܗܵܢܵܐ ܕܬܹܐܬܸܐ ܠܘܵܬܼܵܟ̣ ܗܝ̤ ܡܲܠܟ݁ܘܼܬܼܵܐ: 
                ܐܲܠ̣ܦܵܟ̣ ܕܬܸܦܪܸܐ ܒܪܵܐ ܕܐܲܠܵܗܵܐ ܡܵܐ ܕܲܡܨܲܠܹܝܬ݁܀ 
                ܘܲܕܼܙܲܡܸܢܬܵܗ̇ ܬܹܐܬܸ ܠܘܵܬܼܵܟ̣ ܐܲܬܼܩܸܢ ܐܵܦ ܐܲܢ̄ܬ݁: 
                ܕܘܼܟ݁ܬܼܵܐ ܕܚܵܫ̇ܚܵܐ ܠܗܵܝ̇ ܡܲܫܪܝܼܬܼܵܐ ܬܸܬܼܝܲܩܲܪ ܒܵܗ̇܀ 
                ܗܵܐ ܠܡܲܠܟ݁ܘܼܬܼܵܐ ܩܵܪܹܝܬ݁ ܬܹܐܬܸܐ ܐܲܬܸܩܸܢ ܐܲܬܼܪܵܐ: 
                ܒܲܝܬܵܐ ܕܲܢܩܸܕܼ ܘܲܡܠܸܐ ܟ̱ܠܹܗ ܟܠܗ̇ 118. R 196. P: ܩܲܕܝܼܫܘܼܬܼܵܐ܀ 
                ܬܲܪܥܹܗ ܕܒܲܝܬܵܐ ܕܐܝܼܬܼܵܘܗܝ ܦܘܼܡܵܐ ܬܠܝܼ ܥܲܠ ܬܲܪܥܹܝܗ̇:
                 231 
                ܐܲܦܲܝ̈ ܬܲܪܥܵܐ ܕܲܒ̣ܐܹܝܢ ܘܠܵܐ ܨܝܼܪ ܘܲܡܨܲܒܲܬܼ ܟܠ܀ 
                ܡܸܨܥܲܬܼ ܒܲܝܬܵܐ ܕܐܝܼܬܼܵܘܗܝ ܠܸܒܵܐ ܪܘܿܣ ܕܲܟ̣ܝܘܼܬܼܵܐ: 
                ܟܠ ܚܘܼ̈ܫܵܒܹܐ ܕܪܵܚܡ̇ܝܼܢ ܟܠܝܘܿܢ ܫܲܦܝܼܪ̈ܵܬܼܵܐ܀ 
                ܒܢܲܦܫܵܐ ܕܐܝܼܬܹܝܗ̇ ܕܵܪܲܬܼ ܒܲܝܬܵܐ ܕܡܲܠܟܵܐ ܕܐܵܬܹ̇ܐ: 
                ܐܲܥܛܲܪ ܒܸܣ̈ܡܹܐ ܥܒ̣ܵܕܹ̈ܐ ܛܵܒܹ̈ܐ ܡ̣ܢ ܟܠ ܓܲܒ݁ܝܼ̈ܢ܀ 
                ܒܐܲܪܥܹܗ ܕܒܲܝܬܵܐ ܫܕܼܝܼ ܐܵܡܸܠܵܐ ܕܚܘܼܒܵܐ ܫܲܦܝܵܐ: 
                ܕܐܲܝܟܵܐ ܕܫܵܪܹܐ ܚܘܼܒܵܐ ܒܵܥܹ̇ܐ ܕܢܸܚܙܸܐ ܬܲܡܵܢ ܀ 
                ܩ̣ܪܲܝܬ݁ ܒܲܨܠܘܿܬܼܵܐ ܬܹܐܬܸܐ ܠܘܵܬܼܵܟ̣ ܗܵܝ̇ ܡܲܠܟ݁ܘܼܬܼܵܐ: 
                ܘܕܲܩ̣ܪܲܝܬ݁ ܐܵܬܼ̇ܝܵܐ ܗ̄ܝ̣ ܛܲܝܸܒ̣ ܐܲܬܼܪܵܐ ܕܬܸܬܼܝܲܩܲܪ ܒܹܗ܀ 
                ܗܵܘ̇ ܕܲܣܕܼܝܼܪ ܗ̄ܘ̣ܵܐ ܕܢܲܩܪܸܒ̣ ܥܲܡܵܟ̣ ܗܵܐ ܥܵܪܹܩ ܠܹܗ: 
                ܠܘܵܬܼܵܟ̣ ܐܵܬܹ̇ܐ ܡܲܠܟܵܐ ܕܢܸܫܪܸܐ ܐܲܝܟܵܐ ܫܵܪܹܐ܀ 
                ܚܙܝܼ ܠܡܵܐ ܪܓ̣ܝܼܙ ܐܲܢ̄ܬ݁ ܚܙܝܼ ܠܡܵܐ ܕܠܝܼܚ ܐܲܢ̄ܬ݁ ܚܙܝܼ ܠܡܵܐ ܫܓ̣ܝܼܫ ܐܲܢ̄ܬ݁: 
                ܚܙܝܼ ܠܡܵܐ ܪܸܚܡܲܬܼ ܟܸܣܦܵܐ ܒܢܲܦܫܵܟ̣ ܐܵܘ ܝܲܥܢܘܼܬܼܵܐ܀ 
                ܚܙܝܼ ܠܡܵܐ ܐܝܼܬܼ ܒܵܟ̣ ܕܲܓܵܠܘܼܬܼܵܐ ܪܹܝܚܵܐ ܣܲܪܝܵܐ: 
                ܐܵܘ ܙܵܢܝܘܼܬܼܵܐ ܣܝܵܢܵܐ ܕܥܵܪܹܩ ܡܲܠܟܵܐ ܡܸܢܹܗ ܡܢܗ̇ 196. P:܀ 
                ܚܙܝܼ ܠܡܵܐ ܢܸܟ̣ܠܵܐ ܘܡܲܡܠܠܵܐ ܕܦܵܢܹ̇ܐ ܠܲܬܼܪܹܝܢ ܓܲܒ݁ܝܼ̈ܢ: 
                ܐܵܘ ܠܘܼ̈ܚܫܵܬܼܵܐ ܘܐܸܕܼܢܵܐ ܕܨܲܠܝܵܐ ܠܡܹܐܟܲܠܩܲܪܨܵܐ܀ 
                ܐܸܢ ܐܝܼܬܼ ܗܵܠܹܝܢ ܐܲܦܸܩ ܐܸܢܘܿܢ ܕܐܵܬܹ̇ܐ ܡܲܠܟܵܐ: 
                ܕܐܸܢܗ̤ܘ ܕܐܵܬܹ̇ܐ ܘܡܸܫܟܲܚ ܗܵܠܹܝܢ ܠܵܐ ܫܵܪܹܐ ܒܵܟ̣܀ 
                ܘܐܸܢ ܥܵܛܹ̇ܦ ܠܹܗ ܡܵܐ ܕܐܲܝܬܝܼܬܵܝܗܝ ܐܵܦ ܥܵܛܹ̇ܦ ܠܹܗ: 
                
                 232 
                ܘܗ̤ ܡܵܪܘܿܕܼܵܐ ܘܲܡܣܲܪܲܚ ܠܵܟ̣ ܒܲܛܪܘܼܢܘܼܬܹܗ܀ 
                ܕܘܼܟ݁ܬܼܵܐ ܕܫܵܘ̇ܝܵܐ ܠܡܲܫܪܝܼܬܼ ܡܲܠܟܵܐ ܬܸܗܘܸܐ ܢܲܦܫܵܟ̣: 
                ܢܹܐܬܸܐ ܘܢܸܫܪܸܐ ܐܲܝܟ̣ ܕܲܩܪܲܝܬܵܝܗܝ ܢܹܐܬܸܐ ܨܹܐܕܲܝܟ܀ 
                ܡܸܛܠܗܵܢܵܐ ܝܑܼܠܸܦ̣ܬ݁ ܕܬܸܩܪܸܐ ܠܗܵܝ̇ ܡܲܠܟ݁ܘܼܬܼܵܐ: 
                ܬܹܐܬܸܐ ܠܘܵܬܼܵܟ̣ ܕܲܬ݁ܛܲܝܸܒ̣ ܠܵܗ̇ ܐܲܬܼܪܵܐ ܢܲܩܕܵܐ܀ 
                ܕܡܸܚܕܼܵܐ ܕܙܵܝ̇ܚܵܐ ܬܹܐܬܸܐ ܢܸܥܪܘܿܩ ܐܵܟܹܠܩܲܪܨܵܐ: 
                ܘܬܸܙܕܲܗܸܐ ܐܲܢ̄ܬ݁ ܘܲܬܼܩܲܒܸܠܝܼܗ̇ ܩܲܕܝܼܫܵܐܝܼܬܼ܀ 
                ܩܵܪܹܐ ܐܲܢ̄ܬ݁ ܓܹܝܪ ܬܹܐܬܸܐ ܠܘܵܬܲܢ ܡܲܠܟ݁ܘܼܬܼܵܟ̣ ܡܪܝ: 
                ܐܵܦ ܨܸܒ̣ܝܵܢܵܟ̣ ܢܸܗܘܸܐ ܒܐܲܪܥܵܐ ܐܲܝܟ̣ ܕܒܲܫܡܲܝܵܐ܀ 
                ܨܸܒ̣ܝܵܢܵܟ̣ ܡܪܝ ܢܸܫܬܲܡܲܫ ܒܲܢ ܐܵܡܲܪ ܐܲܢ̄ܬ݁ ܠܹܗ: 
                ܒܲܒ̣ܢܲܝ̈ܢܵܫܵܐ ܐܲܝܟ̣ ܕܲܒ̣ܥܝܼܪܹ̈ܐ ܪ̈ܘܼܚܵܢܵܝܹܐ܀ 
                ܡܟ̣ܵܢܵܐ ܗ̄ܝܼ ܗܵܕܹܐ ܠܗܵܘ̣ ܕܲܡܨܲܠܸܐ ܩܕܼܵܡ ܐܲܠܵܗܵܐ:
                ܕܲܠܨܸܒ̣ܝܵܢܹܗ ܢܸܗܘܸܐ ܝܵܗܹ̇ܒ̣ ܟܠ ܫܸܐ̈ܠܵܬܹܗ܀ 
                ܐܵܦ ܗܘ̤ ܡܵܪܲܢ ܗܵܟܲܢ ܨܲܠܝܼ ܗ̄ܘ̣ܵܐ: 
                ܘܐܸܡܲܪ ܠܐܲܒ̣ܵܐ ܠܵܐ ܠܲܡ ܨܸܒ̣ܝܵܢܝ ܐܸܠܵܐ ܕܝܼܠܵܟ̣܀ 
                ܗܵܟܲܢ ܐܲܠܦ̣ܵܟ̣ ܬܸܗܘܸܐ ܡܦܝܼܣ ܐܲܢ̄ܬ݁ ܒܲܨ̈ܠܵܘܵܬܼܵܟ̣: 
                ܕܨܸܒ̣ܝܵܢܵܟ̣ ܡܵܪܝ ܢܸܗܘܸܐ ܒܐܲܪܥܵܐ ܐܲܝܟ̣ ܕܒܲܫܡܲܝܵܐ܀ 
                ܐܲܝܟ̣ ܡܲܠܲܐܟܹ̈ܐ ܕܠܵܐ ܡܬܼܘܿܡ ܥܵܒ̣݁ܪܝܼܢ ܥܲܠ ܨܸܒ̣ܝܵܢܵܟ̣: 
                ܗܵܟܲܢ ܢܸܗܘܘܿܢ ܘܲܒ̣ܢܲܝ̈ܢܵܫܵܐ ܡܸܫܬܲܡܥܝܼܢ ܠܵܟ̣܀ 
                ܬܸܗܘܸܐ ܐܲܪܥܵܐ ܪܵܥ̇ܡܵܐ ܒܟܸܢ̈ܫܹܐ ܕܲܡܫܲܒ݁ܚܝܼܢ ܠܵܟ̣: 
                ܐܲܝܟ̣ ܕܲܫܡܲܝܵܐ ܚܵܒ̣ܨܵܐ ܒܓ̣ܘܼ̈ܕܹܐ ܕܲܡܫܲܡ̈ܫܵܢ ܠܵܟ̣܀ 
                ܨܠܝܼ ܨܸܒ̣ܝܵܢܵܟ̣ ܥܲܠ ܨܸܒ̣ܝܵܢܲܢ ܢܸܗܘܸܐ ܕܝܼܠܵܟ̣:
                 233 
                ܕܲܠܨܸܒ̣ܝܵܢܵܟ̣ ܢܸܗܘܸܐ ܫܵܠܹ̇ܡ ܗܘ݀ ܨܸܒ̣ܝܵܢܲܢ܀ 
                ܨܒ̣ܝܼ ܢܸܨܒܸ݁ܐ ܒܵܟ̣ ܕܟ̣ܠܡܵܐ ܕܨܵܒܹ݁ܝܬ݁ ܢܸܨܒܸ݁ܐ ܘܲܚܢܲܢ: 
                ܕܠܵܐ ܢܸܨܒܸ݁ܐ ܬܘܼܒ̣ ܐܸܠܵܐ ܢܸܗܘܘܿܢ ܟܠ ܨܸܒ̣ܝܵܢܲܝ̈ܟ܀ 
                ܨܸܒ̣ܝܵܢܵܟ̣ ܡܵܪܝ ܢܸܗܘܸܐ ܒܐܲܪܥܵܐ ܐܲܝܟ̣ ܕܒܲܫܡܲܝܵܐ: 
                ܢܫܲܒ݁ܚܘܼܢ ܐ̄ܢܵܫܵܐ ܐܲܝܟ̣ ܕܲܡܫܲܒ݁ܚܝܼܢ ܐܵܦ ܡܲܠܲܐܟܹ̈ܐ܀ 
                ܐܲܝܟ̣ ܕܲܡܫܲܡܫܝܼܢ ܗܵܠܹܝܢ ܣܸܕܼܪܹ̈ܐ ܕܒܹܝܬܼ ܓܲܒ̣ܪܝܹܠ: 
                ܕܠܵܐ ܚܸܪܝܵܢܵܐ ܢܫܲܡ̈ܫܵܢ ܒܐܲܪܥܵܐ ܐܵܦ ܥܹ̈ܕܵܬܼܵܐ܀ 
                ܐܲܝܟ̣ ܕܲܡ̈ܝܲܒ݁ܒ̣ܵܢ ܗܵܠܹܝܢ ܗܵܠܹܝܢ ܓܘܼ̈ܕܹܐ ܕܒܹܝܬܼ ܡܝܼܟ̣ܵܐܹܝܠ: 
                ܒܚܘܼܒܵܐ ܫܲܦܝܵܐ ܢܘܼܙܥ ܝܘܼܒܵܒ̣ܵܟ̣ ܒܲܟ̣ܢܘܼ̈ܫܵܬܲܢ܀ 
                ܐܲܝܟ̣ ܕܲܡܩܲܕܸܫ ܟܸܢܫܵܐ ܙܲܗܝܵܐ ܗܵܘ̇ ܕܲܣܪ̈ܵܦܹܐ: 
                ܢܩܲܕܫܵܟ̣ ܬܸܓ̣ܡܵܐ ܕܲܒ̣ܢܲܝ̈ܢܵܫܵܐ ܒܐܲܪܥܵܐ ܟ̱ܠܵܗ̇܀ 
                ܐܲܝܟ̣ ܕܲܡܒܲܪܟ̣ܵܐ ܗܵܝ̇ ܡܲܪܟܲܒ̣ܬܼܵܐ ܙܝܼܥܲܬܼ ܚܸܙ̈ܘܹܐ: 
                ܬܸܗܘܸܐ ܩܵܥ̇ܝܵܐ ܥܹܕܬܵܐ ܒܙܵܘܥܵܐ ܒܪܼܟ̣ ܡ̣ܢ ܐܲܬܼܪܹܗ܀ 
                ܟܠܗܘܿܢ ܛܲܟ̣ܣܹ̈ܐ ܕܲܡܫܲܒ݁ܚܵܢܹ̈ܐ ܕܐܝܼܬܼ ܒܲܫܡܲܝܵܐ: 
                ܢܸܫܬܲܡܥܘܼܢ ܠܵܟ̣ ܘܲܢܫܲܡܫܘܼܢܵܟ̣ ܪܘܼܚܵܢܵܐܝܼܬܼ܀ 
                ܟ̱ܠܵܗ̇ ܐܲܪܥܵܐ ܬܸܗܘܸܐ ܡܫܲܡܵܐ ܟܠ ܨܸܒ̣ܝܵܢܲܝ̈ܟ̣: 
                ܐܲܝܟ̣ ܕܲܫܡܲܝܵܐ ܠܵܐ ܡܬܼܘܿܡ ܥܵܒ̣ܪܵܐ ܡ̣ܢ ܦܘܼܩܕܵܢܲܝ̈ܟ ܦܘܩܕܢܟ 118. R:܀ 
                ܟܵܗ̈ܢܹܐ ܕܐܲܪܥܵܐ ܐܲܝܟ̣ ܡܲܠܲܐܟܹ̈ܐ ܕܐܝܼܬܼ ܒܲܫܡܲܝܵܐ: 
                ܢܸܫܬܲܡܥܘܼܢ ܠܵܟ̣ ܘܲܢܫܲܡܫܘܼܢܵܟ̣ ܩܲܕܝܼܫܵܐܝܼܬܼ܀ 
                ܒܟ̣ܠ ܐܸܣܟܹܡ̈ܝܼܢ ܘܲܒ̣ܟ̣ܠ ܛܘܼ̈ܦ̮ܣܝܼܢ ܘܲܒ̣ܟ̣ܠ ܦܘܼܪ̈ܣܝܼܢ: 
                ܢܸܗܘܘܿܢ ܒܐܲܪܥܵܐ ܟܠ ܨܸܒ̣ܝܵܢܲܝ̈ܟ ܐܲܝܟ̣ ܕܒܲܫܡܲܝܵܐ܀ 
                
                 234 
                ܨܠܘܿܬܼܵܐ ܗ̄ܝܼ ܗܵܕܹܐ ܕܣܵܦ̇ܩܵܐ ܕܬܸܬܸܠ ܟܠ ܫܸ̈ܐܠܵܬܼܵܐ: 
                ܠܗܵܘ̇ ܕܲܡܨܲܠܸܐ ܡ̣ܢ ܦܘܼܪ̈ܢܵܣܹܝܗ̇ ܐܲܠܵܗܵܝܹ̈ܐ܀ 
                ܐܲܝܢܵܐ ܕܨܵܒܹ̇ܐ ܠܡܸܗܘܵܐ ܕܢܗܘܐ 118. R: ܓܡܝܼܪܹ̈ܐ ܒܹܝܬܼ ܐܲܠܵܗܵܐ: 
                ܒܗܵܕܹܐ ܨܠܘܿܬܼܵܐ ܢܸܗܘܸܐ ܩܵܐܹ̇ܡ ܦܵܪܘܿܫܵܐܝܼܬܼ܀ 
                ܨܠܘܿܬܼܵܐ ܗ̄ܝܼ ܗܵܕܹܐ ܕܲܡܩܲܒ݁ܠܵܢܵܐ ܕܲܨ̈ܠܵܘܵܬܼܵܐ: 
                ܗܘ݀ ܐܲܠܸܦ ܠܲܢ ܕܐܲܝܟܲܢ ܢܨܲܠܸܐ ܗܵܘ̇ ܕܲܡܨܲܠܸܐ܀ 
                ܒܪܵܐ ܕܗ݀ܘ ܡܲܥܸܠ ܟܠ ܒܵܥ̈ܘܵܬܼܵܐ ܨܹܝܕܼ ܝܵܠܘܿܕܹܗ: 
                ܐܲܠܦ̣ܵܟ̣ ܕܐܲܝܟܲܢ ܬܹܐܡܲܪ ܠܐܲܒ̣ܘܼܗܝ ܡܵܐ ܕܲܡܨܲܠܹܝܬ݁܀ 
                ܐܲܝܟ̣ ܪܸܥܝܵܢܹܗ ܕܐܲܒ̣ܵܐ ܟܲܣܝܵܐ ܥ̣ܒܲܕܼ ܒܵܥܘܼܬܼܵܐ: 
                ܘܣ̣ܵܡܵܗ̇ ܒܦܘܼܡܵܟ̣ (ܕܲܬܼܨܲܠܸܐ ܠܹܗ ܐܲܝܟ̣ ܪܸܥܝܵܢܹܗ ܕܬܡܠܠ ܠܗ ܐܝܟ ܨܒܝܢܗ. 117. R. L:܀ 
                ܨܒ̣ܵܐ ܢܚܵܘܸܐ ܠܵܟ̣ ܕܐܲܝܟܲܢ ܨܵܒܹ̇ܐ ܕܲܬܼܡܲܠܸܠ ܠܹܗ: 
                ܕܐܲܝܟ̣ ܨܸܒ̣ܝܵܢܹܗ ܬܸܗܘܸܐ ܡܡܲܠܸܠ ܡܵܐ ܕܲܡܨܲܠܹܝܬ݁܀ 
                ܘܐܲܝܟ̣ ܕܐܵܦ ܝܑܼܠܸܦ̣ܬ݁ ܗܵܟܲܢ ܙܵܕܹܩ ܠܲܡܨܲܠܵܝܘܼ: 
                ܕܟ̣ܠܗܹܝܢ ܕܐܵܠ̈ܨܵܢ ܒܵܗ̇ ܒܲܨܠܘܿܬܼܵܐ ܡܸܫܬܲܟ̣̈ܚܵܢ ܠܵܟ̣܀ 
                ܗܲܒ̣ ܠܲܢ ܠܲܚܡܵܐ ܐ̄ܡܝܼܢܵܐ ܕܝܵܘܡܵܐ ܒܥܝܼ ܠܐܲܠܵܗܵܐ: 
                ܡܘܿܢ ܓܹܝܪ ܒܵܥܹ̇ܝܢ ܚܲܝܹ̈ܐ ܕܝܵܘܡܵܐ ܐܸܠܵܐ ܠܲܚܡܵܐ܀ 
                ܕܲܗܒ̣ܵܐ ܘܣܹܐܡܵܐ ܘܡܲܪ̈ܓܵܢܝܵܬܼܵܐ ܐܵܦ ܒܹܪ̈ܘܼܠܹܐ: 
                ܟܹܐܦܹ̈ܐ ܕܦܸܕ݁ܬܼܵܐ ܘܒ̣ܘܼܨܵܐ ܥܙܝܼܠܵܐ ܘܢܲܚ̈ܬܹܐ ܛܵܒܹ̈ܐ܀ 
                ܠܵܘ ܡ̣ܢ ܚܲܝܹ̈ܐ ܐܸܢܘܿܢ ܗܵܠܹܝܢ ܥܘܼܬܼܪܹ̈ܐ ܪ̈ܵܡܹܐ: 
                ܕܠܲܚܡܵܐ ܐ̄ܡܝܼܢܵܐ ܕܝܵܘܡܵܐ ܒܲܠܚܘܿܕܼ ܒܵܥܹ̇ܐ ܦܲܓ̣ܪܵܐ܀ 
                ܘܐܸܢ ܬܸܬܸܠ ܠܹܗ ܡܲܪ̈ܓܵܢܝܵܬܼܵܐ ܕܟ̣ܘܼܫ ܘܲܕܼܗܸܢܕܘܿ:
                 235 
                ܘܬܸܟ̣ܠܹܝܘܗܝ ܠܲܚܡܵܐ ܥܵܐܹ̇ܦ ܡܵܐܹ̇ܬܼ ܡܵܘܦܸܐ ܘܓ̣ܵܪܹܣ܀ 
                ܠܲܚܡܵܐ ܗ̄ܘ̣ ܒܵܥܹ̇ܐ ܦܲܓ̣ܪܵܐ ܠܚܲܝܹ̈ܐ ܘܬܼܘܼܒ̣ ܡܸܕܸܡ ܠܵܐ: 
                ܘܡܸܛܠ ܕܲܣܪܝܼܩ ܥܵܠܡܵܐ ܫܵܐܹ̇ܠ ܝܲܬ݁ܝܼܪ̈ܵܬܼܵܐ܀ 
                ܠܵܐ ܓܹܝܪ ܐܵܟܹ̇ܠ ܦܲܓ̣ܪܵܐ ܕܲܗܒ̣ܵܐ ܐܸܢ ܬܸܬܸܠ ܠܹܗ: 
                ܘܠܵܐ ܝܘܿܩܲܢ̈ܬܹܐ
                            ܝܩܝ̈ܢܬܐ. 117. R ܝܩ̈ܢܬܐ 118. R (ܝܵܩܘܼ̈ܢܕܸܐ. E. N) : ܐܵܦܠܵܐ
                    ܟܹܐܦܹ̈ܐ ܝܲܩܝܼܪ̈ܵܬܼܵܐ܀ 
                ܠܵܐ ܐܝܼܬܼ ܛܲܥܡܵܐ ܐܵܦܠܵܐ ܪܹܝܚܵܐ ܠܡܲܪܓܵܢܝܼܬܼܵܐ: 
                ܘܠܵܐ ܡܸܬܼܐܲܟ̣ܠܵܐ ܘܠܵܐ ܡܸܫܬܲܬ݁ܝܵܐ ܘܗܵܐ ܝܲܩܝܼܪܵܐ܀ 
                ܠܡܘܿܢ ܝܲܩܝܼܪܵܐ ܐܸܠܵܐ ܕܲܣܪܝܼܩ ܥܵܠܡܵܐ ܘܲܣܦܝܼܩ: 
                ܡ̣ܢ ܝܑܼܕܲܥܬܼܵܐ ܘܝܲܨܝܼܦ ܢܸܩܢܸܐ ܝܲܬ݁ܝܼܪ̈ܵܬܼܵܐ܀ 
                ܠܲܚܡܵܐ ܕܝܵܘܡܵܐ ܫܵܩܹ̇ܠ ܡܲܠܟܵܐ ܡ̣ܢ ܡܲܠܟ݁ܘܼܬܹܗ: 
                ܘܠܲܚܡܵܐ ܕܝܵܘܡܵܐ ܫܵܩܹ̇ܠ ܦܵܥܠܵܐ ܡ̣ܢ ܦܘܼܠܚܵܢܹܗ܀ 
                ܚܫܲܚܬܹܗ ܕܦܲܓ̣ܪܵܐ ܐܵܦ ܣܘܼܢܩܵܢܹܗ ܐܵܦ ܡܵܙܘܿܢܹܗ: 
                ܡܲܫܘܹܝܢ ܫܵܩ̇ܠܝܼܢ ܡܲܠܟܵܐ ܘܦܵܥܠܵܐ ܘܲܫܘܹܝܢ ܐܸܢܘܿܢ܀ 
                ܘܟܲܕܼ ܛܵܒ̣ ܐܝܼܬܼ ܐܝܼܬܼ ܠܹܗ ܠܡܲܠܟܵܐ ܥܠܲܠܬܼܵܐ ܕܟ̣ܠܵܗ̇ ܐܲܪܥܵܐ: 
                ܐܸܠܵܐ ܠܲܚܡܵܐ ܕܝܵܘܡܵܐ ܡܸܢܵܗ̇ ܠܵܐ ܝܵܗ̇ܒ݁ܝܼܢ ܠܹܗ܀ 
                ܘܟܲܕܼ ܗ݀ܘ ܛܒ
                            117. R. L: ܦܵܥܠܵܐ ܐܲܓ̣ܪܵܐ ܕܝܵܘܡܵܐ ܐܝܼܬܼ ܠܹܗ ܒܲܠܚܘܿܕܼ: 
                ܗܘ݀ ܗܵܘ̇ ܠܲܚܡܵܐ ܐ̄ܡܝܼܢܵܐ ܕܝܵܘܡܵܐ ܠܵܐ ܟܵܠܹ̇ܝܢ ܠܹܗ܀ 
                ܘܡܘܿܢ ܡܵܘܬܲܪ ܠܹܗ ܕܲܗܒ̣ܵܐ ܠܡܲܠܟܵܐ ܐܵܘ ܥܲܠ̈ܠܵܬܼܵܐ: 
                ܕܠܲܚܡܵܐ ܕܦܵܥܠܵܐ
                            ܕܝܘܡܐ 118. R: ܫܵܩܹ̇ܠ ܒܲܠܚܘܿܕܼ ܡ̣ܢ ܡܲܠܟ݁ܘܼܬܹܗ܀ 
                ܣܵܘܩܵܐ ܘܠܲܚܡܵܐ ܐܝܼܬܼ ܠܲܟ̣ܝܵܢܵܐ ܕܢܸܚܸܐ ܡܸܢܹܗ:
                 236 
                ܘܲܠܡܸܣܟܹܢܵܐ ܐܝܼܬܼ ܠܹܗ ܣܵܘܩܵܐ ܘܐܝܼܬܼ ܠܹܗ ܠܲܚܡܵܐ܀ 
                ܘܲܠܥܲܬ݁ܝܼܪܵܐ ܠܵܐ ܡܲܘܬܲܪ ܠܹܗ ܕܲܗܒ̣ܵܐ ܕܲܩܢܸܐ: 
                ܕܠܲܚܡܵܐ ܐ̄ܡܝܼܢܵܐ ܕܝܵܘܡܵܐ ܒܲܠܚܘܿܕܼ ܗܘ݀ ܣܵܦܹ̇ܩ ܠܹܗ܀ 
                ܘܗܵܟܲܢܵܐ ܝ̄ܗܝܼܒ̣ ܡ̣ܢ ܐܲܠܵܗܵܐ ܠܪܹܫܵܐ ܟܲܝܠܵܐ: ܦܪܵܣܵܐ ܦܪܣܐ. Sic. R 195.
                        P: 
                ܫܲܘܝܵܐ ܕܝܵܘܡܵܐ ܒܝܵܘܡܹܗ ܢܸܚܸܐ ܡܸܢܹܗ܀ 
                ܐܸܢ ܠܲܟ̣ܝܵܢܵܐ ܬܸܥܨܸܐ ܢܹܐܟ̣ܘܿܠ ܒܐܵܣܘܿܛܘܼܬܼܵܐ: 
                ܝܲܬ݁ܝܼܪ ܡ̣ܢ ܗܵܘ̇ ܟܲܝܠܵܐ ܕܲܦܩܝܼܕܼ ܢܲܣܓܸܐ ܢܸܣܲܒ̣܀ 
                ܡܸܬܼܦܲܪܣܸܐ
                            ܡܸܬܼܪܲܦܸܐ 117. R: ܠܹܗ ܡܸܬܼܢܲܬܲܥ ܠܹܗ ܐܵܦ ܝܵܩܲܪ ܠܹܗ: 
                ܘܒ̣ܵܛܹ̇ܠ ܩܵܐܹ̇ܡ ܡ̣ܢ ܡܹܐܟ̣ܘܼܠܬܵܐ ܥܲܠ ܕܐܲܣܓܝܼ ܠܹܗ܀ 
                ܦܪܵܣܵܐ ܕܲܬܼܪܹܝܢ ܝܵܘܡ̈ܝܼܢ ܐܲܟ̣ܠܹܗ ܒܚܲܕܼ ܥܸܕܵܢܵܐ: 
                ܘܡܸܛܠܵܗܵܢܵܐ ܝܵܘܡܵܐ ܒܵܨܲܪ ܡ̣ܢ ܡܹܐܟ̣ܘܼܠܵܐ܀ 
                ܕܢܸܗܘܸܐ ܩܨܝܼܨ ܠܹܗ ܦܪܵܣܵܐ ܕܝܵܘܡܵܢ ܕܐܲܟ̣ܠܹܗ ܐܸܬܼܡܵܠܝܼ: 
                ܘܟܸܢ ܡܹܐܟ̣ܘܼܠܬܵܐ ܒܛܲܟ̣ܣܵܐ ܫܵܩܹ̇ܠ ܐܲܝܟ̣ ܕܲܡܟ̣ܵܢܵܐ܀ 
                ܟܝܵܢܵܐ ܩܵܐܹ̇ܡ ܐܲܝܟ̣ ܬܵܒ̣ܘܿܥܵܐ ܥܲܠ ܐܵܣܘܿܛܵܐ: 
                ܘܐܸܢ ܡܸܬܼܝܲܥܲܢ ܥܲܠ ܡܹܐܟ̣ܘܼܠܬܵܐ ܘܡܲܣܓܸܐ ܐܵܟܹ̇ܠ܀ 
                ܬܵܒܲܥ̇ ܡܸܢܹܗ ܡܸܕܸܡ ܕܐܸܟܲܠ̣ ܗܵܘ̇ ܝܲܬ݁ܝܼܪܵܐ: 
                ܐܵܦ ܡܲܟ̣ܪܲܗ ܠܹܗ ܘܲܡܢܲܦܸܨ ܠܹܗ ܠܗܵܘ̇ ܝܲܬ݁ܝܼܪܵܐ܀ 
                ܘܟܸܢ ܝܵܗܹ̇ܒ̣ ܠܹܗ ܠܲܚܡܵܐ ܐ̄ܡܝܼܢܵܐ ܕܝܵܘܡܵܐ ܒܲܠܚܘܿܕܼ: 
                ܕܗܵܢܵܐ ܣܵܦܹ̇ܩ ܢܸܗܘܸܐ ܠܚܲܝܹ̈ܐ ܗܲܢܝܼܵܐܝܼܬܼ܀ 
                ܡܸܛܠ ܗܵܢܵܐ ܐܲܠܦܲܢ ܡܵܪܲ ܠܲܡܨܲܠܵܘܼ: 
                ܕܗܲܒ̣ ܠܲܢ ܠܲܚܡܵܐ ܐ̄ܡܝܼܢܵܐ ܕܝܵܘܡܵܐ ܢܸܚܸܐ ܡܸܢܹܗ܀ 
                
                 237 
                ܕܠܵܐ ܢܸܒ̣ܥܸܐ ܐ̄ܢܵܫ ܕܲܗܒ̣ܵܐ ܘܣܹܐܡܵܐ ܡܵܐ ܕܲܡܨܲܠܸܐ: 
                ܘܠܵܐ ܩܸܢ̈ܝܵܢܹܐ ܘܠܵܐ ܗܸܢ̈ܝܵܢܹܐ ܘܠܵܐ ܝܘܼܬܼܪ̈ܵܢܹܐ܀ 
                ܕܠܵܐ ܢܸܬܼܪܲܓܪܲܓ̣ ܢܸܒ̣ܥܸܐ ܗܵܠܹܝܢ ܝܲܬ݁ܝܼܪ̈ܵܬܼܵܐ: 
                ܒܠܲܚܡܵܐ ܕܝܵܘܡܵܐ ܣܲܝܟ̣ܵܗ̇ ܨܠܘܿܬܼܵܐ ܕܫܵܐ̇ܠܵܐ ܬܸܣܲܒ̣܀ 
                ܣܵܡ̣ܵܗ̇ ܨܠܘܿܬܼܵܐ ܕܲܠܥܲܬ݁ܝܼܪܹ̈ܐ ܘܲܠܡܸܣ̈ܟܹܢܹܐ: 
                ܬܸܗܘܸܐ ܒܵܣ̇ܪܵܐ ܐܸܢ ܡܸܬܼܝܲܥܢܲܢ ܥܲܠ ܝܲܬ݁ܝܼܪܵܐ܀ 
                ܕܐܸܢ ܡܸܣܟܹܢܵܐ ܢܸܗܘܸܐ ܒܵܥܹ̇ܐ ܐ̇ܚܪܹܢܵܐ ܡܸܕܸܡ: 
                ܐܸܠܵܐ ܠܲܚܡܵܐ ܢܸܬܼܩܲܛܪܲܓ̣ ܠܹܗ ܡ̣ܢ ܝܵܗܘܿܒ̣ܵܐ܀ 
                ܘܥܲܬ݁ܝܼܪܵܐ ܬܘܼܒ̣ ܡܵܐ ܕܲܡܨܲܠܸܐ ܕܗܲܒ̣ ܠܲܢ ܠܲܚܡܵܐ: 
                ܢܸܗܘܸܐ ܒܣܝܼܪܵܐ
                            ܒܲܗܝܼܬܼ 117. R: ܥܲܠ ܕܐܝܼܬܼ ܗ̄ܘ̣ ܠܹܗ ܪܸܒ݁ܘܿ ܠܲܚܡ̈ܝܼܢ܀ 
                ܘܗܵܘܹ̇ܐ ܝܵܕܲܥ̇ ܕܗܵܘ̇ ܝܲܬ݁ܝܼܪܵܐ ܕܣܝܼܡ ܠܹܗ ܨܹܐܕܼܵܘܗܝ: 
                ܠܵܘ ܕܝܼܠܹܗ ܗ̄ܘ̣ ܐܸܠܵܐ ܕܗܵܠܹܝܢ ܟܲܦܢܹ̈ܐ ܕܲܠܒܲܪ܀ 
                ܠܲܚܡܵܐ ܕܝܵܘܡܵܐ ܐܲܝܟܵܐ ܕܚܲܣܝܼܪ ܒܹܝܬܼ ܡܸܣܟܹܢܵܐ: 
                ܗܵܐ ܒܒܲܝܬܹܗ ܣܝܼܡ ܕܐܲܝܟ̣ ܪܲܒ݁ܒܲܝܬܵܐ ܥܒ̣ܝܼܕܼ ܠܲܟ̣ܢܵܬܹܗ܀ 
                ܘܐܸܠܵܐ ܡܲܦܸܩ ܝܵܗܹ̇ܒ̣ ܡܸܢܹܗ ܠܐܲܝܢܵܐ ܕܲܟ̣ܦܸܢ: 
                ܢܸܒ̣ܠܲܥ ܐܝܼܬܼ ܠܹܗ ܡ̣ܢ (ܕܲܝܵܢܵܐ ܩܕܼܵܡ ܟܹܐܢܘܼܬܼܵܐ ܟܐܢܘܬܐ ܩܕܡ ܕܝܢܐ 117. R. L:܀ 
                ܟܲܕܼ (ܡܩܲܛܪܸܓ̣ ܠܹܗ ܡܬܩܛܪܓ 195. P ܡܬܟܐܪ 117.R. L: ܕܲܠܡܘܿܢ
                    ܛܲܫܝܼ ܦܪܵܣܵܐ ܕܐܲܚܵܘ̈ܗܝ: 
                ܘܟܲܦܢܝܼܢ ܗܵܠܹܝܢ ܘܐܸܬܼܓܲܐܝܼ ܗܘ݀ ܒܲܕܼܠܵܐ ܕܝܼܠܹܗ܀ 
                ܡܸܛܠܗܵܢܵܐ ܗܲܒ̣ ܠܲܢ ܠܲܚܡܵܐ ܐ̄ܡܝܼܢܵܐ ܕܝܵܘܡܵܐ: 
                ܐܲܠܦܹܗ ܢܨܲܠܸܐ ܕܗܵܘ̇ ܝܲܬ݁ܝܼܪܵܐ ܕܐܝܼܬܼ ܠܹܗ ܢܸܬܸܠ܀ 
                
                 238 
                ܘܢܲܫܘܸܐ ܢܲܦ̮ܫܹܗ ܥܲܡ ܡܸܣ̈ܟܹ݁ܢܹܐ ܡ̣ܢ ܩܸܢܝܵܢܹܗ: 
                ܘܥܲܡܗܘܿܢ ܢܿܐܟ̣ܘܿܠ ܡ̣ܢ ܕܐܲܠܵܗܵܐ ܝܲܗ̄ܒ̣ ܕܝܗܒ̣ 117. R، 195. P: ܘܐܲܣܓܝܼ ܠܹܗ܀ 
                ܘܢܸܗܘܸܐ ܡܨܲܠܸܐ ܕܗܲܒ̣ ܠܲܢ ܠܲܚܡܵܐ ܐ̄ܡܝܼܢܵܐ ܕܝܵܘܡܵܐ: 
                ܒܓܲܠܝܘܼܬܼ ܐܲܦܹ̈ܐ ܥܲܡ ܡܸܣ̈ܟܹ݁ܢܹܐ ܕܐܲܚܵܘ̈ܗܝ ܐܸܢܘܿܢ܀ 
                ܡܵܐ ܫܲܦܝܼܪܵܐ ܨܠܘܿܬܼܵܐ ܕܐܲܠܸܦ̣ ܒܲܪ ܐܲܠܵܗܵܐ: 
                ܛܘܼܒ̣ܵܘܗܝ ܠܐܲܝܢܵܐ ܕܣܵܡ̣ܵܗ̇ ܒܢܲܦ̮ܫܹܗ ܘܐܸܙܕܲܗܝܼ ܒܵܗ̇܀ 
                ܟܠܗܘܿܢ ܫܘܼܦܪܹ̈ܐ ܕܙܲܕܝܼܩܘܼܬܼܵܐ ܘܕܲܓ̣ܡܝܼܪܘܼܬܼܵܐ: 
                ܡܸܫܬܲܟ̣ܚܝܼܢ ܒܵܗ̇ ܠܐܲܝܢܵܐ ܕܝܵܠܹ̇ܦ ܘܲܡܨܲܠܸܐ ܠܵܗ̇܀ 
                ܟܠ ܫܸ̈ܐܠܵܬܼܵܐ ܫܲܦܝܼܪ̈ܵܬܼܵܐ ܘܝܲܩܝܼܪ̈ܵܬܼܵܐ: 
                ܡܸܬܼܦܲܢ̈ܝܵܢ ܒܵܗ̇ ܠܢܲܦ̮ܫܵܐ ܕܫܵܐ̇ܠܵܐ ܡ̣ܢ ܐܲܠܵܗܵܐ܀ 
                ܟܠ ܡܵܘܗ̈ܒ̣ܵܬܼܵܐ ܕܡܲܠ̈ܝܵܢ ܥܘܼܬܼܪܹ̈ܐ ܠܟ̣ܠ ܕܲܣܢܝܼܩܝܼܢ: 
                ܡܸܬܼܝܲܗ̈ܒܵܢ ܒܵܗ̇ ܡ̣ܢ ܒܹܝܬܼ ܓܲܙܵܐ ܕܐܲܠܵܗܘܼܬܼܵܐ܀ 
                ܫܒ̣ܘܿܩ ܠܲܢ ܚܵܘ̈ܒܲܝܢ ܐܲܠܦ̣ܵܟ̣ ܬܹܐܡܲܪ ܒܲܪ ܐܲܠܵܗܵܐ: 
                ܕܢܸܫܒ݁ܘܿܩ ܒܵܥܹ̇ܐ ܘܥܲܠ ܗܵܝ̇ ܐܲܠܦ̣ܵܟ̣ ܡܘܿܢ ܬܹܐܡܲܪ ܠܹܗ܀ 
                ܐܸܠܘܼ ܠܵܐ ܓܹܝܪ ܥܲܠ ܫܘܼܒ̣ܩܵܢܵܐ ܣܝܼ̈ܡܵܢ ܐܲܦܵܘ̈ܗܝ: 
                ܠܵܐ ܡܲܠܸܦ ܗ̄ܘ̣ܵܐ (ܬܸܗܘܸܐ ܐܵܡܲܪ ܠܟ ܬܐܡܪ ܠܗ 195. P: ܫܒ̣ܘܿܩ ܠܝܼ ܚܵܘ̈ܒܲܝ܀ 
                ܐܸܠܵܐ ܡܸܛܠ ܕܲܣܢܝܼܩ ܢܸܫܒ݁ܘܿܩ ܠܲܕܼܚܲܝܵܒ̣ܝܼܢ: 
                ܐܲܠܸܦ̣ ܐܸܢܘܿܢ ܐܵܦ ܕܲܢܦܝܼܣܘܼܢ ܥܲܠ ܫܘܼܒ̣ܩܵܢܵܐ܀ 
                ܫܒ̣ܘܿܩ ܠܲܢ ܚܵܘ̈ܒܲܝܢ ܘܲܚܛܵܗܲܝ̈ܢ ܡܵܪܝ ܐܲܠܸܦ̣ ܐܸܢܘܿܢ: 
                ܠܲܒܼ̈ܢܲܝ ܐ̄ܪܵܙܹܗ ܢܹܐܡܪܘܼܢ ܠܐܲܒ̣ܘܼܗܝ ܡܵܐ ܕܲܡܨܲܠܹܝܢ܀ 
                ܝܲܗ̄ܒ̣ ܠܘܼܒܵܒ̣ܵܐ ܕܒ̣ܵܥܹ̇ܐ ܢܸܫܒ݁ܘܿܩ ܠܲܕܼܚܲܝܵܒ̣ܝܼܢ:
                 239 
                ܘܥܲܠ ܗܵܝ̇ ܐܲܠܸܦ̣ ܕܲܢܦܝܼܣܘܼܿܢܵܝܗܝ ܥܲܠ ܫܘܼܒ̣ܩܵܢܵܐ܀ 
                ܡܲܢ ܠܵܐ ܢܸܚܕܸܐ ܒܡܵܪܹܐ ܚܵܘܒܵܐ ܕܗ݀ܘ ܡܲܠܸܦ ܠܹܗ: 
                ܡܘܿܢ ܢܹܐܡܲܪ ܠܹܗ ܡܵܐ ܕܥܵܐܹ̇ܠ ܗ̄ܘ̣ ܢܸܚܙܸܐ ܐܲܦܵܘ̈ܗܝ܀ 
                ܫܒ̣ܘܿܩ ܠܲܢ ܚܵܘ̈ܒܲܝܢ ܒܵܥܹ̇ܐ ܢܸܫܡܲܥ ܡ̣ܢ ܚܲܝܵܒܹ̈ܐ: 
                ܕܲܠܟܹܐܢܘܼܬܹܗ ܢܸܬܸܠ ܥܸܠܬܼܵܐ ܨܹܝܕܼ ܫܘܼܒ̣ܩܵܢܵܐ܀ 
                ܕܠܵܐ ܡܵܐ ܕܫܵܒܹ̇ܩ ܢܸܗܘܸܐ ܥܕܼܝܼܠܵܐ ܡ̣ܢ ܟܹܐܢܘܼܬܹܗ: 
                ܕܟܲܕܼ ܠܵܐ ܡܦܝܼܣܝܼܢ ܥܲܠ ܫܘܼܒ̣ܩܵܢܵܐ ܠܡܘܿܢ ܫܵܒܹ̇ܩ ܐܲܢ̄ܬ݁܀ 
                ܐܵܦ ܠܲܡܫܲܪܝܵܐ ܗܵܟܲܢ ܫܲܐܠܹܗ ܟܲܕܼ ܡܲܐܣܸܐ ܠܹܗ: 
                ܕܐܸܢܗܘ݀ ܕܨܵܒܹ̇ܐ ܚܠܝܼܡܵܐ ܡܸܢܹܗ ܢܹܐܠܲܦ܀ 
                ܘܲܠܚܲܝܵܒܹ̈ܐ ܐܲܠܸܦ̣ ܐܸܢܘܿܢ ܕܲܢܨܲܠܘܿܢ ܠܹܗ: 
                ܫܒ̣ܘܿܩ ܠܲܢ ܚܵܘ̈ܒܲܝܢ ܕܠܵܐ ܢܸܫܒ݁ܘܿܩ ܗ݀ܘ ܟܲܕܼ ܠܵܐ ܒܵܥܹ̇ܝܢ܀ 
                ܒܵܥܹ̇ܐ ܗ̄ܘ̣ ܢܸܫܒ݁ܘܿܩ ܘܒ̣ܵܥܹ̇ܐ ܗ̄ܘ̣ ܢܸܒ̣ܥܘܿܢ ܪ̈ܲܚܡܹܐ ܡܸܢܹܗ: 
                ܕܲܒ̣ܒ̣ܵܥܘܼܬܼܵܐ ܕܗܵܘ̇ܝܵܐ ܬܸܫܦܲܪ ܐܵܦ ܡܵܘܗܲܒ̣ܬܼܵܐ܀ 
                ܬܵܒܲܥ̇ ܡܸܢܗܘܿܢ ܦܵܪܘܿܫܘܼܬܼܵܐ ܡܵܐ ܕܲܡܨܲܠܹܝܢ: 
                ܕܠܵܐ ܬܸܗܘܸܐ ܠܵܗ̇ ܦܲܫܘܼܪܘܼܬܼܵܐ ܡܵܐ ܕܲܡܪܲܚܸܡ܀ 
                ܗܵܐ ܐܸܫܛܵܪܵܟ̣ ܣܝܼܡ ܠܐܲܠܵܗܵܐ ܨܹܝܕܼ ܟܹܐܢܘܼܬܹܗ: 
                ܘܲܕܼܠܵܐ ܦܝܵܣܵܐ ܐ̄ܢܵܫ ܡ̣ܢ ܐܝܼܕܼܵܗ̇ ܐܝܕܗ 195. P: ܠܵܐ ܡܲܦܸܩ ܠܹܗ܀ 
                ܘܲܕܼܠܵܐ ܨܵܒܹ̇ܐ ܢܥܝܼܩ ܟܹܐܢܘܼܬܹܗ ܡܵܐ ܕܫܵܒܹ̇ܩ ܠܵܟ̣: 
                ܐܲܠܦܵܟ̣ ܕܲܬܼܦܝܼܣ ܥܲܠ ܫܘܼܒ̣ܩܵܢܵܐ ܡܵܐ ܕܲܡܨܲܠܹܝܬ݁܀ 
                ܕܐܵܦ ܟܹܐܢܘܼܬܹܗ ܡܸܚܕܼܵܐ ܕܫܵܡ̇ܥܵܐ ܕܲܡܦܝܼܣ ܐܲܢ̄ܬ݁ ܠܹܗ: 
                ܪܵܬܼܚܵܐ ܒܚܘܼܒܵܐ ܘܐܵܫܕܵܐ ܪ̈ܲܚܡܹܐ ܥܲܠ ܚܲܝܵܒܹ̈ܐ܀ 
                
                 240 
                ܐܵܡ̇ܪܲܬ݁ ܠܹܗ ܬܘܼܒ̣ ܕܲܫܒ̣ܘܿܩ ܠܲܢ ܡܵܪܝ ܐܲܝܟ̣ ܕܲܫܒܲܩܢܲܢ: 
                ܐܲܠܦܵܟ̣ ܗܵܪܟܵܐ ܕܐܸܠܵܐ ܫܵܒ̣݁ܩܲܬ݁ ܠܵܐ ܫܵܒܹ̇ܩ ܠܵܟ̣܀ 
                ܝܲܗ̄ܒ̣ ܠܵܟ̣ ܟܲܝܠܵܐ ܘܦܲܪܸܩ̣ ܥܲܡܵܟ̣ ܕܐܲܝܟ̣ ܕܲܡܟ̣ܝܼܠ ܐܲܢ̄ܬ݁: 
                ܗܵܟܲܢ ܐܵܦ ܐܲܢ̄ܬ݁ ܐܲܟ݁ܝܼܠ ܣܲܒ̣ ܠܵܟ̣ ܡܵܐ ܕܫܵܩܹ̇ܠ ܐܲܢ̄ܬ݁܀ 
                ܟܡܵܐ ܫܘܼܒ̣ܩܵܢܵܐ ܝܵܗܹ̇ܒ̣ ܐ̄ܢܵܐ ܠܵܟܡ̣ ܝܵܕܲܥ̇ ܐܲܢ̄ܬ݁: 
                ܟܡܵܐ ܕܫܵܒܹ̇ܩ ܐܲܢ̄ܬ݁ ܠܐܲܝܢܵܐ ܕܲܣܢܝܼܩ ܥܲܠ ܫܘܼܒ̣ܩܵܢܵܟ̣܀ 
                ܕܸܚܠܬܼܵܐ ܗ̄ܝܼ ܪܲܒ݁ܬܼܵܐ ܠܐܲܝܢܵܐ ܕܲܣܢܝܼܩ ܥܲܠ ܫܘܼܒ̣ܩܵܢܵܐ: 
                ܕܐܸܠܵܐ ܫܵܒܹ̇ܩ ܠܹܗ ܡܵܐ ܕܲܡܨܲܠܸܐ܀ 
                ܕܝܼܢܹܗ ܡܸܢܹܗ ܘܲܫܪܵܝ ܘܫ̣ܪܝܗܝ 118. R: ܕܝܼܢܹܗ ܡ̣ܢ ܣܘܼܥܪܵܢܹܗ: 
                ܗ݀ܘ ܦܣܲܩ̣ ܕܝܼܢܵܐ ܘܗܟܲܢ ܗܵܘ̇ܝܵܐ ܐܲܝܟ̣ ܕܐܸܡܲܪ ܗ݀ܘ܀ 
                ܫܒ̣ܘܿܩ ܠܲܢ ܚܵܘ̈ܒܲܝܢ ܐܲܝܟ̣ ܕܲܫܒܲܩܢܲܢ ܐܵܡܲܪ ܐܲܢ̄ܬ݁ ܠܹܗ: 
                ܘܗܵܟܲܢ ܥܵܢܑܹ̇ ܘܥܵܒܹ̇ܕܼ ܥܲܡܵܟ̣ ܐܲܝܟ̣ ܕܲܡܨܲܠܹܝܬ݁܀ 
                ܗ݀ܘ ܝܵܕܲܥ̇ ܗ̄ܘ̣ ܡܵܢܵܐ ܫܒ̣ܝܼܩ ܠܵܟ̣ ܠܵܐ ܬܲܛܥܸܐ ܒܹܗ: 
                ܥܠܵܘܗܝ ܗ̄ܘ̣ ܟܲܝܠܵܐ ܘܲܡܟ̣ܝܼܠ ܠܵܟ̣ ܒܹܗ ܡܵܐ ܕܝܵܗܹ̇ܒ̣ ܠܵܟ̣܀ 
                ܗܵܟܲܢ ܐܲܚܨܸܦ ܝܨܦ
                            195. P. L: ܒܥܝܼ ܫܘܼܒ̣ܩܵܢܵܐ ܡ̣ܢ ܐܲܠܵܗܵܐ: 
                ܐܲܟ̣ܡܵܐ ܕܲܫܒ̣ܝܼܩ ܠܵܟ̣ ܠܲܟ̣ܢܵܬܼܵܟ̣ ܐܸܢ ܐܲܣܟܸܠ̣ ܒܵܟ̣܀ 
                ܘܐܸܠܵܐ ܫܒ̣ܝܼܩ ܠܵܟ̣ ܒܐܲܝܠܹܝܢ ܐܲܦܹ̈ܐ ܫܵܐܹ̇ܠ ܐܲܢ̄ܬ݁ ܠܹܗ: 
                ܢܸܫܒ݁ܘܿܩ ܠܵܟ̣ ܗ݀ܘ ܕܣܝܼܡܵܐ ܗ̄ܝܼ ܬܸܢܘܲܝ ܕܐܲܝܟܲܢ ܢܸܫܒ݁ܘܿܩ܀ 
                ܫܒ̣ܘܿܩ ܠܲܟ̣ܢܵܬܼܵܟ̣ ܘܐܲܣܓܵܐ ܫܒ̣ܘܿܩ ܠܹܗ ܟܡܵܐ ܐܸܢ ܚܲܝܵܒ̣: 
                ܘܬܼܵܐ ܒܥܝܼ ܗܵܟܲܢ ܡ̣ܢ ܐܲܠܵܗܵܐ ܘܫܵܩܹ̇ܠ ܐܲܢ̄ܬ݁ ܗ̄ܘ̣܀ 
                ܢܸܫܡܲܥ ܗܵܪܟܵܐ ܐܵܦ ܡܸܣܟܹܢܵܐ ܡܵܢܵܐ ܢܸܫܒ݁ܘܿܩ:
                 241 
                ܕܡܸܠܬܼܵܐ ܕܓ̣ܵܘܲܐ ܗ̄ܝܼ ܘܲܕܼܥܲܬ݁ܝܼܪܹ̈ܐ ܘܲܕܼܡܸܣ̈ܟܹ݁ܢܹܐ܀ 
                ܟܠܢܵܫ ܢܸܫܒ݁ܘܿܩ ܕܐܵܦ ܗ݀ܝ ܨܠܘܿܬܼܵܐ ܠܟ̣ܠܢܵܫ ܐܲܠܦ̣ܵܗ̇: 
                ܒܲܪ ܐܲܠܵܗܵܐ ܕܒ̣ܵܥܹ̇ܐ ܟܠܝܘܿܡ ܢܸܚܸܐ ܟܠܢܵܫ܀ 
                ܕܐܝܼܬܼ ܠܹܗ ܕܲܗܒ̣ܵܐ ܢܸܫܒ݁ܘܿܩ ܕܲܗܒ̣ܵܐ ܠܲܕܼܚܲܝܵܒ̣ܝܼܢ: 
                ܘܕܼܐܝܼܬܼ ܠܹܗ (ܩܨܵܨ̈ܐ ܐܵܘ ܚܘܼܫ̈ܒܵܢܹܐ ܩܨܨܐ ܐܘ ܚܘܼܫܒܢܐ 118. R: ܗܵܠܹܝܢ
                    ܢܸܫܒ݁ܘܿܩ܀ 
                ܐܸܢ ܐܸܫܛܵܪܹ̈ܐ ܠܒ̣ܝܼܟ̣ ܕܲܐ̄ܚܪ̈ܵܢܹܐ ܢܬܲܠܲܚ ܐܸܢܘܿܢ: 
                ܘܢܸܥܘܿܠ ܢܦܝܼܣ ܥܲܠ ܫܘܼܒ̣ܩܵܢܵܐ ܒܩܵܠܵܐ ܪܵܡܵܐ܀ 
                ܘܲܕ݁ܬܼܵܠܚ̇ܝܼܢ ܠܹܗ ܠܗܵܘ̇ ܐܸܫܛܪܵܐ ܪܲܒܵܐ ܕܲܥܠܵܘܗܝ ܕܝܠܗ 118. R. L: 
                ܠܵܐ ܢܸܬܼܦܲܠܲܓ̣ ܐܸܢ ܬܵܠܲܚ̇ ܗ݀ܘ ܙܥܘܿܪܵܐ ܕܲܠ̣ܝܼܟ̣܀ 
                ܡܸܣܟܹܢܵܐ ܕܹܝܢ ܕܠܲܝܬ݁ ܣܘܼܥܪ̈ܵܢܹܐ ܘܠܵܐ ܚܘܼܫ̈ܒܵܢܹܐ: 
                ܘܠܵܐ ܚܵܘ̈ܒܵܬܼܵܐ ܘܠܵܐ ܬܲܒ̣̈ܥܵܬܼܵܐ ܢܸܫܒ݁ܘܿܩ ܐܵܦ ܗܘ݀܀ 
                ܐܸܢ ܫ̣ܵܛܹܗ ܐ̄ܢܵܫ ܐܸܢ ܪܲܕܼܦܹܗ ܐ̄ܢܵܫ ܐܸܢ ܩܲܦܚܹܗ ܐ̄ܢܵܫ: 
                ܟܠ ܥܸܠܬܼܵܐ ܕܐܝܼܬܼ ܕܲܡܥܝܼܩܵܐ ܠܹܗ ܗܵܕܹܐ ܢܸܫܒ݁ܘܿܩ܀ 
                ܐܸܢ ܛܲܠܡܹܗ ܐ̄ܢܵܫ ܐܲܓ̣ܪܵܐ ܕܦܵܥܠܵܐ ܕܲܦܠܲܚ̣ ܥܲܡܹܗ: 
                ܘܒ̣ܵܥܹ̇ܐ ܢܠܘܼܛܝܼܘܗܝ ܢܸܫܒ݁ܘܿܩ ܠܹܐܘܬܹܗ ܟܲܕܼ ܠܵܐ ܠܵܐܹ̇ܛ܀ 
                ܐܸܢ ܐܸܨܛܲܚܝܼ ܐܵܘ ܐܸܢ ܕܲܒ̣ܪܹܗ ܩܛܝܼܪܵܐ ܡܸܡܬܼܘܿܡ: 
                ܢܲܥܒܲܪ ܐܸܢܹܝܢ ܡ̣ܢ ܪܸܥܝܵܢܹܗ ܘܢܸܫܒ݁ܘܿܩ ܐܵܦ ܗܘ݀܀ 
                ܐܸܢ ܡܸܣܟܹܢܵܐ ܚܲܒ̣ܪܹܗ ܚܵܒ̣ ܠܹܗ ܚܲܕܼ ܫܡܘܿܢܵܐ: 
                ܗܵܢܵܐ ܢܸܫܒ݁ܘܿܩ ܘܐܲܝܟ̣ ܗܵܘ̇ ܕܲܫܒܲܩ̣ ܟܲܟ݁ܪܵܐ ܝܑܼܕܼܝܼܥ܀ 
                ܘܐܸܢ ܐܵܦܠܵܐ ܚܲܕܼ ܚܲܝܵܒ̣ ܠܹܗ ܐ̄ܢܵܫ ܡܸܠܬܼܵܐ ܢܸܫܒ݁ܘܿܩ: 
                ܘܐܸܢ ܒܝܼܫܵܐܝܼܬܼ ܫܲܡ̣ܥܵܗ̇ ܡ̣ܢ ܐ̄ܢܵܫ ܡ̣ܢ ܫܵܒ̣ܘܿܩܹ̈ܐ ܗ̄ܘ̣܀ 
                
                 242 
                ܠܲܒ̣ܢܲܝ̈ܢܵܫܵܐ ܟܠܗܘܿܢ ܐܲܠܦ̣ܵܗ̇ ܒܲܪ ܐܲܠܵܗܵܐ: 
                ܠܗܵܕܹܐ ܨܠܘܿܬܼܵܐ ܕܢܹܐܬܼܪܘܼܢ ܟܠܗܘܿܢ ܡ̣ܢ ܝܘܼܠܦܵܢܹܗ܀ 
                ܢܸܫܒ݁ܘܿܩ ܟܠܢܵܫ ܗܵܘ̇ ܚܵܘ̈ܒܵܬܼܵܐ ܚܘܼܫ̈ܒܵܢܹܐ: 
                ܗܵܢܵܐ ܪܘܼܓ̣ܙܵܐ ܗܵܘ̇ ܪܘܼܥܵܡܵܐ ܗܵܘ̇ ܨܘܿܚܝܼܬܼܵܐ܀ 
                ܚܲܒ̣ܪܹܗ ܡܸܠܬܼܵܐ ܐ̄ܚܪܹܢܵܐ ܨܲܥܪܵܐ ܐܸܢ ܦܵܓܲܥ̇ ܒܹܗ: 
                ܕܟ̣ܠܢܵܫ ܡܸܬ݁ܬ݁ܒܲܥ ܕܢܸܗܘܸܐ ܢܗܘܐ 118. R، 195. P: ܫܵܒܹ̇ܩ ܡܵܐ
                    ܕܲܡܨܲܠܸܐ܀ 
                ܫܒ̣ܝܼܚܵܐ ܘܪܲܒܵܐ ܘܡܲܠܝܵܐ ܫܘܼܦܪܹ̈ܐ ܕܙܲܕܝܼܩܘܼܬܼܵܐ: 
                ܨܠܘܿܬܼܵܐ ܕܐܲܠܸܦ̣ ܒܲܪ ܐܲܠܵܗܵܐ ܕܲܢܨܲܠܸܐ ܐ̄ܢܵܫ܀ 
                ܟܠ ܡܘܿܢ ܕܲܣܢܝܼܩ ܟܝܵܢܵܐ ܕܢܸܣܲܒ̣ ܡ̣ܢ ܐܲܠܵܗܵܐ: 
                ܣܵܡ̣ ܒܲܨܠܘܿܬܼܵܐ ܘܝܲܗ̄ܒ̣ ܠܲܫܠܝܼ̈ܚܹܐ ܕܥܵܠܡܵܐ ܢܹܐܠܲܦ܀ 
                ܠܢܸܣܝܘܿܢܵܐ ܡܵܪܝ ܠܵܐ ܬܲܥܸܠܲܝܢ ܐܝܼܬܼ ܒܲܨܠܘܿܬܼܵܐ: 
                ܥܲܠ ܕܲܡܚܝܼܠ ܗ̄ܘ̣ ܟܠܹܗ ܟܝܵܢܵܐ ܐܸܢ ܡܸܬܼܢܲܣܸܐ܀ 
                ܗܵܪܟܵܐ ܫܸܡܥܵܐ ܕܠܵܘ ܕܲܥܝܵܕܼܵܐ ܗ̄ܘ̣ ܒܵܥ̇ܝܵܐ ܡܸܠܬܼܵܐ: 
                ܕܪܵܡܲܐ ܗ̄ܝ̣ ܣܲܓܝܼ ܒܹܝܬܼ ܝܵܕܼ̈ܘܿܥܹܐ ܡ̣ܢ ܚܲܒ̣ܪ̈ܵܬܼܵܗ̇ ܚܒܪ̈ܬܗ 118. R، 195.
                        P:܀ 
                ܗܵܘ̇ ܢܸܣܝܘܿܢܵܐ ܕܲܡܨܲܠܸܐ ܐ̄ܢܵܫ ܕܠܵܐ ܢܸܥܘܿܠ ܠܹܗ: 
                ܒܗܵܘܢܵܐ ܪܲܒܵܐ ܡܸܣܬܲܟ݁ܠܝܼܢ ܠܹܗ ܒܢܲܝ̈ ܡܲܪܕܘܼܬܼܵܐ܀ 
                ܘܐܸܠܵܐ ܡܵܐ̇ܢܵܐ ܠܐܲܝܢܵܐ ܕܫܵܡܲܥ̇ ܐܵܦ ܐܵܡܲܪ ܐ̄ܢܵܐ: 
                ܙܢܵܐ ܕܢܸܣܝܘܿܢܵܐ ܕܣܵܡ̣ ܒܲܨܠܘܿܬܼܵܐ ܒܲܪ ܐܲܠܵܗܵܐ܀ 
                ܐܵܟܹܠܩܲܪܨܵܐ ܡܵܐ ܕܡܸܬܼܟܲܬܲܫ ܥܲܡ ܒܲܪܢܵܫܵܐ: 
                ܐܝܼܬܼ ܥܘܼܕܼܪܵܢܵܐ ܨܹܝܕܼ ܒܲܪܢܵܫܵܐ ܡ̣ܢ ܐܲܠܵܗܵܐ܀ 
                ܐܲܝܟ̣ ܢܵܛܘܿܪܵܐ ܡܵܐ ܕܠܵܐ ܢܵܐܹ̇ܡ ܐܵܦܠܵܐ ܕܵܡܹ̇ܟ̣:
                 243 
                ܗܵܟܲܢ ܢܵܛܲܪ ܚܲܝܠܵܐ ܟܲܣܝܵܐ ܠܲܒ̣ܢܲܝ̈ܢܵܫܵܐ܀ 
                ܘܡܵܐ ܕܣܵܛܵܢܵܐ ܡܥܝܼܪ ܐܵܓ̣ܘܿܢܵܐ ܥܲܠ ܒܲܪܢܵܫܵܐ: 
                ܐܝܼܬܼ ܡܲܠܲܐܟ̣ܵܐ ܕܲܡܥܲܕܲܪ ܠܹܗ ܟܲܕܼ ܠܵܐ ܝܵܕܲܥ̇܀ 
                ܐܲܝܟ̣ ܗܵܝ̇ ܕܲܗܘ݀ܵܬܼ ܨܹܝܕܼ ܗܵܘ̇ ܝܼܫܘܿܥ ܒܲܪ ܝܘܿܙܵܕܵܩ: 
                ܟܵܗܢܵܐ ܪܲܒܵܐ ܕܐܸܬܼܥܲܕܲܪ ܗ̄ܘ̣ܵܐ ܡ̣ܢ ܡܲܠܲܐܟ̣ܵܐ܀ 
                ܕܟܲܕܼ ܠܵܐ ܪܓ̣ܝܼܫ ܗ̄ܘ̣ܵܐ ܓܥܲܪܡܲܠܲܐܟ̣ܵܐ ܒܐܵܟܹܠܩܲܪܨܵܐ: 
                ܘܲܚ̣ܙܵܐ ܢܒ̣ܝܼܵܐ ܘܠܵܐ ܚ̣ܙܵܐ ܟܵܗܢܵܐ ܗܵܝ̇ ܕܐܸܣܬܲܥܪܲܬ݀܀ 
                ܗܵܟܲܢ ܟܠܝܘܿܡ ܨܹܝܕܼ ܟܠ ܒܲܪܢܵܫ ܐܝܼܬܼ ܡܲܠܲܐܟܹ̈ܐ: 
                ܕܙܵܓ̣ܪܝܼܢ ܡܸܢܹܗ ܬܸܓ̣ܡܹ̈ܐ ܬܓܡܐ 117. R. L: ܕܫܹܐܕܹ̈ܐ ܕܠܵܐ
                    ܢܲܟ݁ܘܿܢܵܝܗܝ܀ 
                ܘܡܵܐ ܕܒ̣ܵܥܹ̇ܐ ܐ̄ܵܫ ܕܲܒ̣ܕܼܘܿܒܵܪ̈ܵܘܗܝ ܠܡܵܪܝܵܐ ܢܸܫܦܲܪ: 
                ܣܵܐܹ̇ܡ ܥܠܵܘܗܝ ܐܵܟܹܠܩܲܪܨܵܐ ܕܢܲܩܪܸܒ̣ ܢܩܪܒ... ܢܙܟܐ.... 118. R 195. P: ܥܲܡܹܗ܀ 
                ܘܟܲܕܼ ܠܵܐ ܪܓ̣ܝܼܫ ܗ݀ܘ ܐܵܬܹ̇ܐ ܒܟܸܣܝܵܐ ܐܵܦ ܡܲܠܲܐܟ̣ܵܐ: 
                ܘܲܡܥܲܕܲܪ ܠܹܗ ܕܢܸܙܟܸܐ ܠܒ̣ܝܼܫܵܐ ܐܸܢ ܫܲܦܝܼܪܵܐ ܗ̄ܘ̣܀ 
                ܘܲܟ̣ܡܵܐ ܕܩܵܐܹ̇ܡ ܐ̄ܢܵܫ ܒܲܨܠܘܿܬܼܵܐ ܩܕܼܵܡ ܐܲܠܵܗܵܐ: 
                ܗܵܘܹ̇ܐ ܩܵܐܹ̇ܡ ܐܵܦ ܣܵܛܵܢܵܐ ܕܲܢܒܲܙܲܚ ܒܹܗ܀ 
                ܗܵܝܕܹܝܢ ܘܗܟܢ
                            117. R. L: ܐܵܬܹ̇ܐ ܐܵܦ ܡܲܠܲܐܟ̣ܵܐ ܐܲܝܟ̣ ܢܵܛܘܿܪܵܐ: 
                ܘܟ̣ܵܐܹ̇ܐ ܒܒ̣ܝܼܫܵܐ ܘܲܡܫܲܗܸܐ ܠܹܗ ܡ̣ܢ ܒܲܪܢܵܫܵܐ ܬܟܬܘܫܐ. Ibid:܀ 
                ܘܡܵܐ ܕܙܲܒ̣̈ܢܵܬܼܵܐ ܣܲܓ݁ܝܼ̈ܐܵܬܼܵܐ ܚ̣ܵܒ̣ ܣܵܛܵܢܵܐ: 
                ܘܲܒ̣ܙܵܟ̣ܘܼܬܼܵܐ ܢܨܲܚ̣ ܒܲܪܢܵܫܵܐ ܐܲܠܵܗܵܝܵܐ܀ 
                ܡܦܝܼܣ ܛܲܪܟܵܢܵܐ ܐܲܝܟ̣ ܕܐܲܦܝܼܣ ܗ̄ܘ̣ܵܐ ܡܸܛܠ ܐܝܼܘܿܒ̣:
                 244 
                ܕܢܲܪܚܸܩ ܢܪܚܩ.
                            118. R، 195. P: ܡܸܢܹܗ ܗܵܘ̇ ܥܘܼܕܼܪܵܢܵܐ ܕܲܡܢܲܛܲܪ ܠܹܗ܀ 
                ܘܲܒ̣ܒ̣ܝܼܫܘܼܬܹܗ ܗܵܕܹܐ ܫܵܐܹ̇ܠ ܡ̣ܢ ܐܲܠܵܗܵܐ: 
                ܕܢܲܪܦܹܝܘܗܝ ܡܵܪܝܵܐ ܠܗܵܘ̇ ܒܲܪܢܵܫܵܐ ܕܠܵܐ ܐܝܼܵܠܵܐ܀ 
                ܘܢܲܚܬܹܗ ܠܕܲܪܵܐ ܥܲܡܹܗ ܕܒ̣ܝܼܫܵܐ ܗ݀ܘ ܒܲܠܚܘܿܕܼܵܘܗܝ: 
                ܀ܟܲܕܼ ܠܵܐ ܡܥܲܕܲܪ ܐܵܘ ܣܵܡܹ̇ܟ̣ ܠܹܗ ܒܓܟܵܘ ܐܵܓ̣ܘܿܢܵܐ܀ 
                ܗܵܢܵܐ ܐܝܼܬܼܵܘܗܝ ܗܵܘ̇ ܢܸܣܝܘܿܢܵܐ ܕܐܲܠܸܦ̣ ܡܵܪܲܢ: 
                ܡܸܛܠܵܬܹܗ ܕܲܢܨܲܠܸܐ ܐ̄ܢܵܫ ܕܠܵܐ ܢܸܥܘܿܠ ܠܹܗ܀ 
                ܗܵܢܵܐ ܐܝܼܬܼܵܘܗܝ ܗܵܘ̇ ܐܵܓ̣ܘܿܢܵܐ ܪܲܒܵܐ ܕܲܕܼܡܵܐ: 
                ܕܐܵܡܲܪ ܕܐܡ̣ܪ
                            117. R 195. P: ܦܵܘܠܘܿܣ ܠܲܡ ܠܵܐ ܡܲܛܝܼܬ݁ܘܿܢ܀ 
                ܒܗܵܢܵܐ ܕܲܪܵܐ ܙܵܟ̣݁ܝܵܐ ܢܲܦ̮ܫܵܐ ܐܵܘ ܡܸܙܕܲܟ̣ܝܵܐ: 
                ܕܕܲܪܵܐ ܗ̄ܘ̣ ܐܵܘ ܩܵܛ̇ܠܵܐ ܒܹܗ ܐܵܘ ܡܸܬܼܩܲܛܠܵܐ܀ 
                ܕܠܵܐ ܐܝܼܵܠܵܐ ܢܵܚ̇ܬܵܐ ܠܕܲܪܵܐ ܥܲܡ ܣܵܛܵܢܵܐ: 
                ܘܲܕܼܚܝܼܠ ܩܹܐܪܣܵܐ ܥܲܠ ܕܲܓ̣ܠܝܼܙܵܐ ܡ̣ܢ ܥܘܼܕܼܪܵܢܵܐ (ܠܵܐ ܚܲܬ݁ܝܼܬܼ ܝܘܼܠܦܵܢܵܐ ܗܵܢܵܐ. ܚܙܝܼ ܐܲܦܹ̈ܐ
                            ܕܐܵܬܼ̈ܝܵܢ. E. N):܀ 
                ܗܵܢܵܐ ܐܝܼܬܼܵܘܗܝ ܗܵܘ̇ ܢܸܣܝܘܿܢܵܐ ܕܲܡܨܲܠܸܐ ܐ̄ܢܵܫ: 
                ܕܠܵܐ ܢܸܥܘܿܠ ܠܹܗ ܐܲܟ̣ܡܵܐ ܕܝܼܠܸܦ̣ ܡ̣ܢ ܝܵܕܲܥ̇ ܟܠ܀ 
                ܠܗܵܢܵܐ ܕܲܪܵܐ ܢܚܸܬܼ ܗ̄ܘ̣ܵܐ ܐܝܼܘܿܒ̣ ܟܲܕܼ ܡܸܬܼܟܲܬܲܫ: 
                ܥܲܡ ܣܵܛܵܢܵܐ ܕܠܵܐ ܥܘܼܕܼܪܵܢܵܐ ܐܲܠܵܗܵܝܵܐ܀ 
                ܐܵܦ ܐܲܪܓܸܫ̣ ܗ̄ܘ̣ܵܐ ܐܵܦ ܐܸܡܲܪ ܗ̄ܘ̣ܵܐ ܗܵܘ̇ ܙܲܕܝܼܩܵܐ : 
                ܕܗܵܐ ܥܘܼܕܼܪܵܢܹܗ ܠܲܝܬ݁ ܒܝܼ ܗܵܫܵܐ ܕܡܸܬܼܢܲܣܸܐ ܐ̄ܢܵܐ܀ 
                ܐܲܝܟܵܐ ܕܗܵܘܹܐ ܗܵܢܵܐ ܕܲܪܵܐ ܕܚܝܼܠ ܗ̄ܘ̣ ܣܲܓ݁ܝܼ: 
                
                 245 
                ܘܚܲܕܼ ܚܲܕܼ ܐܸܢܘܿܢ ܕܣܵܠ̇ܩܝܼܢ ܡܸܢܹܗ ܟܲܕܼ ܢܲܨܝܼܚܝܼܢ܀ 
                ܡܸܛܠܗܵܢܵܐ ܐܲܠܸܦ̣ ܡܵܪܲܢ ܕܲܢܨܲܠܸܐ ܐ̄ܢܵܫ: 
                ܕܲܠܢܸܣܝܘܿܢܵܐ ܠܵܐ ܬܲܥܸܠܲܝܢܝ ܐܸܬܼܢܲܣܸܐ ܒܹܗ܀ 
                ܫܐܸܠ̣ ܣܵܛܵܢܵܐ ܡ̣ܢ ܐܲܠܵܗܵܐ ܡܸܛܠ ܐܝܼܘܿܒ̣: 
                ܕܢܲܪܚܸܩ ܡܸܢܹܗ ܚܲܝܠܵܐ ܟܲܣܝܵܐ ܕܲܡܥܲܕܲܪ ܠܹܗ܀ 
                ܘܘܐܸܡܲܪ ܡܵܪܝܵܐ ܠܲܒ̣ܥܸܠܕܲܪܹܗ ܕܡܲܫܠܲܡ ܒܐܝܼܕܼܵܝ̈ܟ: 
                ܕܝܵܕܲܥ ܗ̄ܘ̣ܵܐ ܠܹܗ ܠܐܵܓ̣ܘܿܢܸܣܛܵܐ ܕܠܵܐ ܡܸܬܼܪܲܦܸܐ܀ 
                ܘܲܥܒܲܕܼ ܕܲܪܵܐ ܚܲܕܼ ܒܲܪܢܵܫܵܐ ܥܲܡ ܣܵܛܵܢܵܐ: 
                ܘܐܲܪܚܸܩ̣ ܡܵܪܝܵܐ ܗܘ݀ܵܐ ܠܲܬܼܪ̈ܲܝܗܘܿܢ ܐܲܝܟ̣ ܚܲܙܵܝܵܐ܀ 
                ܘܲܠܢܸܣܝܘܿܢܵܐ ܐܲܥܠܹܗ ܡܵܪܝܵܐ ܠܗܵܘ̇ ܙܲܕܝܼܩܵܐ: 
                ܘܡ̣ܢ ܐܵܓ̣ܘܿܢܵܐ ܪܲܒܵܐ ܕܲܕܼܡܵܐ ܫܩܲܠ̣ ܢܸܨܚܵܢܵܐ܀ 
                ܡܸܛܠ ܕܲܫܩܸܐ ܩܹܐܪܣܵܐ ܣܲܓܝܼ ܐܲܠܸܦ̣ ܡܵܪܲܢ: 
                ܕܲܢܨܲܠܸܐ ܐ̄ܢܵܫ ܕܲܒ̣ܢܸܣܝܘܿܢܵܐ ܠܵܐ ܢܸܬܼܢܲܣܸܐ ܬܲܐܥܸܠ ܠܢ 117. R ܬܥܠܝܢܝ. L:܀ 
                ܘܠܵܐ ܕܢܸܙܟܸܐ ܐ̄ܢܵܫ ܒܸܠܥܵܕܼ ܚܲܝܠܵܐ ܐܵܠܵܗܵܝܵܐ: 
                ܙܵܕܹܩ ܢܸܒ̣ܥܸܐ ܕܠܵܐ ܢܸܫܬܲܒ̣ܗܲܪ ܥܲܠ ܙܵܟ̣ܘܼܬܼܵܐ܀ 
                ܢܲܦ̮ܫܹܗ ܡܡܲܟܸܟ̣ ܐܲܝܢܵܐ ܕܥܵܪܹܩ ܡ̣ܢ ܢܸܣܝܘܿܢܵܐ: 
                ܘܡܲܓ̣ܥܸܠ ܕܲܪܵܐ ܠܚܲܕܼ ܙܲܟܵܝܵܐ ܕܗܘ݀ ܢܸܬܼܢܲܨܲܚ܀ 
                ܐܵܡܲܪ ܠܹܗ ܓܹܝܪ ܕܲܠܢܸܣܝܘܿܢܵܐ ܠܵܐ ܬܲܥܸܠܲܝܢܝ: 
                ܐܸܠܵܐ ܦܲܨܵܢܝ ܐܲܢ̄ܬ݁ ܡ̣ܢ ܒܝܼܫܵܐ ܕܪܲܒ݁ ܗ̄ܘ̣ ܚܲܝܠܵܐ܀ 
                ܠܵܐ ܬܲܫܠܸܡܲܝܢܝ ܠܲܒ̣ܥܸܠܕܲܪܵܐ ܕܢܸܬܼܟܲܬܲܫ ܥܲܡܝ: 
                ܕܠܵܐ ܥܘܼܕܼܪܵܢܵܟ̣ ܐܸܠܵܐ ܙܟ̣ܝܼܘܗܝ (ܐܲܢ̄ܬ݁ ܒܝܼ ܚܲܠܵܫܵܐ ܒܝ ܐܢܬ ܙܟ̇ܐ ܟܠ 118.
                        R:܀ 
                
                 246 
                ܠܵܐ ܢܲܪܚܸܩ ܡܹܢܝ ܥܘܼܕܼܪܵܢܵܟ̣ ܟܲܣܝܵܐ ܕܐܝܼܬܼܵܘܗܝ: 
                ܚܲܝܠܵܐ ܕܢܵܚܹ̇ܬܼ ܥܲܡ ܐܲܬܼܠܹܝܛܹ̈ܐ ܠܐܵܓ̣ܘܿܢܲܝ̈ܗܘܿܢ܀ 
                ܠܝܼ ܠܵܐ ܬܢܲܣܸܐ (ܕܐܸܬܼܝܲܕܼܥܹ̇ܬܼ ܠܝܼ ܕܐܬܝܕܥܬ݀ ܠܗ̇ 117. R: ܕܲܡܚܝܼܠܵܐ ܐ̄ܢܵܐ: 
                ܢܸܗܘܸܐ ܕܝܼܠܵܟ̣ ܟ̱ܠܹܗ ܕܲܪܵܐ ܘܐܲܢ̄ܬ݁ ܬܸܬܼܢܲܨܲܚ ܐܬܢܨܚ 118. R:܀ 
                ܕܝܼܠܵܟ̣ ܐܸܢܹܝܢ ܟܠ ܙܵܟ̣̈ܘܵܬܼܵܐ ܕܟ̣ܠ ܙܲܟܵܝܹ̈ܐ: 
                ܙܟ̣ܝܼ ܕܠܵܟ̣ ܝܵܐܹ̇ܐ ܘܠܝܼ ܠܢܸܣܝܘܿܢܵܐ ܠܵܐ ܬܲܥܸܠܲܝܢܝ܀ 
                ܦܲܨܵܢܝ ܡܸܢܹܗ ܕܲܒ̣ܥܸܠܕܲܪܵܐ ܕܡܸܬܼܟܲܬܲܫ ܥܲܡܝ: 
                ܕܐܸܙܟܹܝܘܗܝ ܐܸܢܵܐ ܕܠܵܐ ܥܘܼܕܼܪܵܢܵܟ̣ ܠܵܐ ܡܸܫܟܲܚ ܐ̄ܢܵܐ܀ 
                ܠܝܼ ܠܵܐ ܬܚܘܼܪ ܐܸܙܟܸܐ ܒܩܹܐܪܣܵܐ ܪܲܒܵܐ ܕܲܕܼܡܵܐ: 
                ܣܲܒ̣ ܠܵܟ̣ ܕܲܪܵܐ ܘܣܲܒ̣ ܙܵܟ̣ܘܼܬܼܵܐ ܕܫܲܦܝܼܪܵܐ ܠܵܟ̣܀ 
                ܦܲܨܵܢܝ ܡܸܢܹܗ ܘܕܼܝܼܠܵܟ̣ ܢܸܗܘܸܐ ܟܠܝܼܠܵܐ ܘܲܫܡܵܐ: 
                ܘܠܝܼ ܠܵܐ ܬܸܚܫܘܿܒ̣ ܠܵܐ ܙܵܟ̣ܘܬܼܵܐ ܘܠܵܐ ܢܸܨܚܵܢܵܐ܀ 
                ܦܲܨܵܢܝ ܡܸܢܹܗ ܘܟ̣ܠܹܗ ܫܘܼܦܪܵܐ ܕܐܲܬܼܠܹܝܛܘܼܬܼܵܐ: 
                ܠܘܵܬܼܵܟ̣ ܢܸܫܪܲܟ̣ ܕܐܲܢ̄ܬ݁ ܗ̄ܘ̣ ܙܟܲܝܬܵܝܗܝ ܠܲܒ̣ܥܸܠܕܲܪܵܐ܀ 
                ܦܲܨܵܢܝ ܡܸܢܹܗ ܘܬܸܪܗܲܛ ܒܵܬܲܪܝ ܚܲܝܵܒ̣ܘܼܬܼܵܐ: 
                ܟܲܕܼ ܡܵܘܕܹܐ ܐ̄ܢܵܐ ܕܚܵܒܹ̇ܬܼ ܗ̄ܘܹ̇ܝܬܼ ܠܝܼ ܘܐܲܢ̄ܬ݁ ܙܲܟ݁ܝܼܬܵܢܝ܀ 
                ܡ̣ܢ ܒܸܠܥܵܕܲܝܟ ܐܸܙܟܸ݁ܐ ܒܕܲܪܵܐ ܠܵܐ ܡܸܫܟܲܚ ܐܢܵܐ: 
                ܠܵܐ ܐܸܬܼܢܲܣܸܐ ܦܲܨܵܢܝ ܡܸܢܹܗ ܕܠܵܐ ܢܸܣܝܘܿܢܵܐ܀ 
                ܒܪ̈ܲܚܡܹܐ ܦܲܨܵܢܝ ܡ̣ܢ ܣܵܛܵܢܵܐ ܕܡܸܬܼܟܲܬܲܫ ܥܲܡܝ: 
                ܕܠܵܟ̣ ܫܲܦܝܼܪ̈ܵܢ ܟܠ ܙܵܟܼ̈ܘܵܬܼܵܐ ܕܬܸܣܲܒ̣ ܐܸܢܹܝܢ܀ 
                ܦܲܨܵܢܝ ܡܸܢܹܗ ܡܸܛܠ ܕܕܼܝܼܠܵܟ̣ ܐܝܼܬܼܵܘܗܝ ܚܲܝܠܵܐ:
                 247 
                ܐܵܦ ܡܲܠܟ݁ܘܼܬܼܵܐ ܐܵܦ ܫܘܼܠܛܵܢܵܐ ܐܵܦ ܥܡ 195. P: ܬܸܫܒ݁ܘܿܚܬܵܐ܀ 
                ܐܵܦ ܡܵܐ ܕܙܵܟܹ̇ܐ ܐܲܝܢܵܐ ܕܙܵܟܹ̇ܐ ܒܵܟ̣ ܗ̄ܘ̣ ܙܵܟܹ̇ܐ: 
                ܕܝܼܠܵܟ̣ ܗ̄ܘ̣ ܓܹܝܪ ܟ̱ܠܹܗ ܥܘܼܫܢܵܐ ܘܓܲܢ̄ܒܵܪܘܼܬܼܵܐ܀ 
                ܨܠܘܿܬܼܵܐ ܕܐܲܠܸܦ̣ ܒܲܪ ܐܲܠܵܗܵܐ ܠܲܒ̣ܢܲܝ̈ ܐ̄ܪܵܙܹܗ: 
                ܠܘܼܩܒܲܠ ܬܸܓ̣ܡܵܐ ܕܫܹܐܕܹ̈ܐ ܣܝܼܡܵܐ ܕܬܲܥܪܸܩ ܐܸܢܘܿܢ܀ 
                ܘܗܵܟܲܢ ܠܘܼܩܒܲܠ ܟܠܗܘܿܢ ܚܲܝ̈ܠܲܝ ܒܝܼܫܵܐ: 
                ܕܒ̣ܵܗ̇ ܢܲܩܪܸܒ̣ ܐ̄ܢܵܫ ܥܲܡ ܫܲܠܝܼܛܵܐ ܕܢܵܛܲܪ ܐܵܐܲܪ܀ 
                ܒܵܗ̇ ܩܵܪܹܐ ܠܐܲܒ̣ܵܐ ܕܢܹܐܬܸܐ ܠܥܘܼܡܩܵܐ ܨܹܐܕܼܵܘܗܝ: 
                ܕܢܸܛܪܘܿܕܼ ܡܸܢܹܗ ܫܹܐܕܹ̈ܐ ܕܠܲܕܼܡܵܐ ܕܢܲܦ̮ܫܵܐ ܟܲܦܢܲܢ܀ 
                ܒܵܗ̇ ܡܸܫܬܲܪܪܝܼܢ ܝܲܠܕܹ̈ܐ ܕܪܘܼܚܵܐ ܕܢܸܩܪܘܿܢ ܐܲܒ̣ܘܼܢ: 
                ܘܲܡܙܝܼܥܝܼܢ ܠܹܗ ܠܐܵܟܹܠܩܲܪܨܵܐ ܒܲܫܡܵܐ ܪܲܒܵܐ܀ 
                ܒܵܗ̇ ܩܵܪܹܐ ܐ̄ܢܵܫ ܬܹܐܬܸܐ ܠܘܵܬܹܗ ܗܵܝ̇ ܡܲܠܟ݁ܘܼܬܼܵܐ: 
                ܬܲܥܪܸܩ ܡܸܢܹܗ ܚܲܝ̈ܠܲܝ ܒܝܼܫܵܐ ܕܲܟ̣ܪܝܼܟ̣ܝܼܢ ܠܹܗ܀ 
                ܒܵܗ̇ ܡܵܘܕܹܐ ܐ̄ܢܵܫ ܕܲܠܨܸܒ̣ܝܵܢܹܗ ܕܐܲܒ̣ܵܐ ܫܵܠܹ̇ܡ: 
                ܢܸܗܘܸܐ ܒܐܲܪܥܵܐ ܐܲܟ̣ܡܵܐ ܕܐܝܼܬܼܵܘܗܝ ܐܵܦ ܒܲܫܡܲܝܵܐ܀ 
                ܒܵܗ̇ ܫܵܐܹ̇ܠ ܐ̄ܢܵܫ ܠܲܚܡܵܐ ܕܝܵܘܡܵܐ ܕܠܵܐ ܝܲܥܢܘܼܬܼܵܐ: 
                ܘܫܵܒܹ̇ܩ ܟܠܗܹܝܢ ܝܲܬ݁ܝܼܪ̈ܵܬܼܵܐ ܕܠܵܐ ܡܸܬܼܒܲܥ̈ܝܵܢ܀ 
                ܒܵܗ̇ ܒܵܥܹ̇ܐ ܐ̄ܢܵܫ ܐܵܦ ܫܘܼܒ̣ܩܵܢܵܐ ܡ̣ܢ ܐܲܠܵܗܵܐ: 
                ܟܲܕܼ ܐܸܫܬܵܘܕܝܼ ܕܫܵܒܹ̇ܩ ܐܵܦ ܗܘ݀ ܠܲܕܼܚܲܝܵܒ̣ܝܼܢ܀ 
                ܒܵܗ̇ ܥܵܪܹܩ ܐ̄ܢܵܫ ܡ̣ܢ ܢܸܣܝܘܿܢܵܐ ܕܕܲܪܵܐ ܪܲܒܵܐ: 
                ܟܲܕܼ ܒܲܚܢܲܓ̣ܬܵܐ ܡܦܝܼܣ ܠܐܲܠܵܗܵܐ ܕܠܵܐ ܢܸܥܘܿܠ ܠܹܗ܀ 
                
                 248 
                ܒܵܗ̇ ܩܵܪܹܐ ܐ̄ܢܵܫ ܠܲܡܥܲܕܪܵܢܵܐ ܕܨܹܐܕܼܵܘܗܝ ܢܹܐܬܸܐ: 
                ܢܦܲܨܹܝܘܗܝ ܡ̣ܢ ܗܵܘ̇ ܣܵܢܹ̇ܐ ܐ̄ܢܵܫܵܐ ܕܡܲܩܪܸܒ̣ ܥܲܡܹܗ܀ 
                ܗܘ݀ ܡܲܠܦܵܐ ܠܵܟ̣ ܕܟ̣ܠܹܗ ܚܲܝܠܵܐ ܐܵܦ ܬܸܫܒ݁ܘܿܚܬܵܐ: 
                ܐܵܦ ܫܘܼܠܛܵܢܵܐ ܕܡܵܪܝܵܐ ܗ̄ܘ̣ ܝܼܫܘܿܥ ܠܹܗ ܬܸܫܒ݁ܘܿܚܬܵܐ܀ 
            
            
                ܫܠܸܡ̣ ܡܹܐܡܪܵܐ ܕܥܲܠ ܐܲܒ̣ܘܼܢ ܕܒܲܫܡܲܝܵܐ: 
                ܕܣܝܼܡ ܠܡܵܪܝ ܝܲܥܩܘܿܒ̣: