Jacob of Serugh. “On that Young Man who Said to Our Lord What Should I Do to Inherit Eternal Life - ܥܲܠ ܗܵܘ̇ ܥܠܲܝܡܵܐ ܕܐܸܡܲܪ ܠܡܵܪܲܢ ܕܡܵܢܵܐ ܐܸܥܒܸ݁ܕܼ ܕܐܹܪܲܬܼ ܚܲܝܹ̈ܐ ܕܲܠܥܵܠܲܡ.” Based upon Paul Bedjan ed., Homiliae selectae Mar-Jacobi Sarugensis vol. 1 (Paris: Harrassowitz, 1905). Digital Syriac Corpus. Last modified March 29, 2018. https://syriaccorpus.org/350. ܕܝܼܠܹܗ ܕܩܲܕܝܼܫܵܐ ܡܵܪܝ ܝܲܥܩܘܿܒ̣ ܡܐܡܪܐ. ܢܐ. ܕܥܲܠ ܗܵܘ̇ ܥܠܲܝܡܵܐ ܕܐܸܡܲܪ ܕܐܦܝܣ. P: ܠܡܵܪܲܢ: ܕܡܵܢܵܐ ܐܸܥܒܸ݁ܕܼ ܕܐܹܪܲܬܼ ܚܲܝܹ̈ܐ ܕܲܠܥܵܠܲܡ. (ܡܬܝ. ܝܛ. ܝܘ. ܡܪܩܘܣ. ܝ. ܝܙ. ܠܘܩܵܐ. ܝܚ. ܝܚ. E. N) ܡܸܠܬܼܵܟ̣ ܡܵܪܲܢ ܢܘܼܗܪܵܐ ܡܲܠܝܵܐ ܠܲܕܼܪܵܚܹܡ ܠܵܗ̇ ܠܟ. 117. R. P (ܚܙܝܼ ܦܐܬܐ 267): ܗܲܒ̣ ܠܝܼ ܡܸܠܬܼܵܟ̣ ܐܹܗܲܠܸܟ̣ ܒܵܗ̇ ܕܠܵܐ ܬܘܼ̈ܩܠܵܬܼܵܐ܀ ܚܸܫܘܿܟ̣ ܥܵܠܡܵܐ ܘܐܲܢ̄ܬ݁ ܢܲܗܝܼܪ ܐܲܢ̄ܬ݁ ܒܲܪ ܐܲܠܵܗܵܐ: ܒܵܟ̣ ܡܵܪܝ ܐܸܪܕܸܐ ܕܣܲܓܝܼ ܪܚܝܼܡ ܐܲܢ̄ܬ݁ ܠܲܕܼܢܵܩܹ̇ܦ ܠܵܟ̣܀ ܐܘܼܪܚܹܗ ܕܥܵܠܡܵܐ ܣܪܝܼܓ̣ܵܐ (ܘܡܲܠܝܵܐ ܟܠ ܬܘܼ̈ܩܠܵܬܼܵܐ: ܘܵܝ ܠܹܗ ܠܐܲܝܢܵܐ ܕܲܡܗܲܠܸܟ̣ ܒܵܗ̇ ܕܲܟ̣ܡܵܐ ܡܸܣܟܹܝܢ ܒܦܚ̈ܬܐ ܘܒܗܘ̈ܬܐ: ܘܒܬܘ̈ܩܠܬܐ ܘܝ ܠܗ ܠܐܝܢܐ ܕܡܗܠܟ ܒܗ̇. P:܀ 249 ܚܸܫܘܿܟ̣ ܘܲܢܟ̣ܝܼܠ ܥܵܠܡܵܐ ܒܝܼܫܵܐ ܘܲܡܠܸܐ ܦܲܚܹ̈ܐ: ܘܡܲܫܪ̈ܘܿܥܝܵܬܼܵܐ ܘܟ̣ܠ ܒܝܼ̈ܫܵܬܼܵܐ ܠܲܕܼܪܵܕܹܐ ܒܹܗ܀ ܐܲܢ̄ܬ݁ ܗ̄ܘ̣ ܡܵܪܲܢ ܠܸܘܝܵܐ ܛܵܒ̣ܵܐ ܘܢܘܼܗܪܵܐ ܪܲܒܵܐ: ܘܐܘܼܪܚܵܐ ܕܡܲܠܝܵܐ ܚܲܝܹ̈ܐ ܘܛܘܼ̈ܒܹܐ ܠܕܲܡܗܲܠܸܟ ܒܵܗ̇܀ ܛܘܼܒ̣ܵܘܗܝ ܠܐܲܝܢܵܐ ܕܲܣ̣ܢܵܐ ܠܥܘܼܬܼܪܵܐ ܘܲܠܩܸܢ̈ܝܵܢܹܐ: ܘܐܲܪܟܸܢ ܟܲܬܼܦܹܗ ܘܛܲܥܢܹܗ ܠܢܝܼܪܵܐ ܕܡܸܣܟܹܢܘܼܬܼܵܟ̣܀ ܐܲܝܢܵܐ ܕܠܵܐ ܩܢܸܐ ܒܥܵܠܡܵܐ ܡܸܕܸܡ ܐܸܢ ܩܵܢܹ̇ܐ ܠܵܟ̣: ܣܲܓܝܼ ܥܲܬ݁ܝܼܪ ܡ̣ܢ ܥܲܬ݁ܝܼܪܹ̈ܐ ܕܥܵܠܡܵܐ ܟ̱ܠܹܗ܀ ܘܐܸܢ ܩܵܢܹ̇ܐ ܐ̄ܢܵܫ ܟ̱ܠܹܗ ܥܵܠܡܵܐ ܘܠܵܟ̣ ܠܵܐ ܩܵܢܹ̇ܐ: ܡܸܣܟܹܝܢ ܘܲܨܪܝܼܟ̣ ܒܲܗܝܼܬܼ ܘܲܒ̣ܣܝܼܪ ܘܒܨܝܪ 118. R: ܘܲܡܠܸܐ ܘܵܝܹ̈ܐ܀ ܩܸܢܝܵܢܵܐ ܐܲܢ̄ܬ݁ ܪܲܒܵܐ ܡܵܪܲܢ ܒܲܪ ܐܲܠܵܗܵܐ: ܘܡܲܪܓܵܢܝܼܬܼܵܐ ܕܠܵܐ ܡܸܬܼܓܲܢܒܵܐ ܡ̣ܢ ܩܲܢܵܚܹ̈ܗ̇܀ ܡܕܲܓܸܠ ܥܵܠܡܵܐ ܘܐܲܝܢܵܐ ܕܡܸܬ݁ܬ݁ܟܸܠ ܥܲܠ ܩܸܢܝܵܢܹܗ: ܢܲܦ̮ܫܹܗ ܡܲܛܥܸܐ ܕܠܵܘ ܫܲܪܝܼܪܵܐ ܗ̄ܘ̣ ܥܘܼܬܼܪܵܐ ܕܐܸܫܟܲܚ̣܀ ܐܸܬܼܡܵܠܝ ܝܑܼܥܵܐ ܘܲܥܬܲܪ ܝܵܘܡܵܐ ܘܠܲܝܬܵܘܗܝ ܠܲܡܚܵܪ: ܘܐܲܝܟܵܐ ܗ̄ܘ̣ ܥܘܼܬܼܪܵܐ ܕܡܵܪܹܗ ܠܲܝܬܵܘܗܝ ܢܸܬܼܚܲܕܸܐ ܒܹܗ܀ ܒܥܘܼܬܼܪܵܐ ܕܚܸܠܡܵܐ ܐܸܠܵܐ ܣܲܟ̣ܠܵܐ ܠܵܐ ܚܵܕܹܐ ܒܹܗ: ܘܲܠܩܸܢܝܵܢܵܐ ܕܲܡܠܸܐ ܝܵܘܡܵܐ ܠܵܐ ܪܵܚܹܡ ܠܹܗ܀ ܕܲܡܝܼܟ̣ ܥܲܬ݁ܝܼܪ ܘܡܵܐ ܕܐܸܬ݁ܬ݁ܥܝܼܪ ܐ̄ܢܵܫ ܠܲܝܬܵܘܗܝ ܥܘܼܬܼܪܵܐ: ܘܲܠܡܘܿܢ ܚܵܕܹܐ ܐܸܠܵܐ ܛܵܥܹ̇ܐ ܒܕܲܓܵܠܘܼܬܼܵܐ܀ ܐܸܢ ܩܸܢܝܵܢܵܐ ܠܵܘ ܥܵܒ̣ܘܿܪܵܐ ܗ̄ܘ̣ ܐܘܿ ܩܲܢܵܝܵܐ: 250 ܐܲܢ̄ܬ݁ ܩܲܢܵܝܵܐ ܥܵܒܲܪ ܐܲܢ̄ܬ݁ ܠܵܟ̣ ܡ̣ܢ ܩܸܢܝܵܢܵܟ̣ ܩܢܝܢܐ 118. R:܀ ܐܵܘ ܫܲܒ̣ܩܵܟ̣ ܗܘ݀ ܟܲܕܼ ܚܵܐܲܪ ܐܲܢ̄ܬ݁ ܘܲܥ̣ܒܲܪ ܡܸܢܵܟ̣: ܐܵܘ ܐܲܪܦܝܼܬܵܝܗܝ ܐܲܢ̄ܬ݁ ܠܲܐ̄ܚܪ̈ܵܢܹܐ ܟܲܕܼ ܠܵܐ ܨܵܒܹ̇ܝܬܼ܀ ܕܢܸܗܘܸܐ ܕܝܼܠܵܟ̣ ܟ̱ܠܹܗ ܥܘܼܬܼܪܵܟ̣ ܠܵܐ ܐܝܼܬܼ ܦܘܼܪܣܵܐ: ܐܸܠܵܐ ܣܢܲܝܬܵܝܗܝ ܐܵܦ ܒܲܕܲܪܬܵܝܗܝ ܥܲܠ ܚܲܣܝܼܪܹ̈ܐ܀ ܐܸܢ ܕܝܼܠܵܟ̣ ܗ̄ܘ̣ ܗܲܒܲܝܗܝ ܡܵܕܹܝܢ ܠܐܲܝܢܵܐ ܕܲܣܢܝܼܩ: ܕܢܸܗܘܸܐ ܫܟ̣ܚܝܼܚ ܠܵܟ̣ ܡܵܐ ܕܲܣܢܝܼܩ ܐܲܢ̄ܬ݁ ܥܲܠ ܝܘܼܬܼܪ̈ܵܢܹܐ܀ ܠܡܘܿܢ ܡܲܛܥܸܐ ܠܵܟ̣ ܘܲܡܓܲܪܸܓ̣ ܠܵܟ̣ ܘܲܡܫܲܓܸܫ ܠܵܟ̣: ܕܬܸܪܗܲܛ ܟܠܝܘܿܡ ܥܲܠ ܝܘܼܬܼܪܵܢܵܐ ܕܠܵܐ ܡܸܬܼܩܲܕܸܐ܀ ܗܵܐ ܪܵܗܹ̇ܛ ܐܲܢ̄ܬ݁ ܬܵܘܣܸܦ ܟܠܝܘܿܡ ܥܲܠ ܩܸܢܝܵܢܵܟ̣: ܘܡܵܐ ܕܲܟ̣ܢܲܫܬܵܝܗܝ ܟ̱ܠܹܗ ܒܲܚܕܼܵܐ ܫܵܥܵܐ܀ ܗܵܐ ܚܲܟ݁ܝܼܡ ܐܲܢ̄ܬ݁ ܗܵܐ ܢܲܗܝܼܪ ܐܲܢ̄ܬ݁ ܗܵܐ ܪܵܗܹ̇ܛ ܐܲܢ̄ܬ݁: ܗܵܐ ܟܲܫܝܼܪ ܐܲܢ̄ܬ݁ ܗܵܐ ܡܦܲܪܢܸܣ ܐܲܢ̄ܬ݁ ܗܵܐ ܡܟܲܢܸܫ ܐܲܢ̄ܬ݁܀ ܘܟܲܫܝܼܪܘܼܬܼܵܐ ܘܚܲܟ݁ܝܼܡܘܼܬܼܵܐ ܘܢܲܗܝܼܪܘܼܬܼܵܐ: ܡܠܵܬܹܗ ܠܒܲܝܬܵܟ̣ ܟܠ ܛܵܒ̣̈ܬܼܵܐ ܣܲܓܝܼ̈ܐܵܬܼܵܐ܀ ܘܩܲܠܝܼܠ ܗܵܘܦܵܐ ܐܸܢܗ݀ܘ ܕܢܸܡܛܝܼܟ̣ ܡ̣ܢ ܐܸܫܵܬܼܵܐ: ܒܵܛ̇ܠܵܐ ܟ̱ܠܵܗ̇ ܟܲܫܝܼܪܘܼܬܼܵܐ ܘܢܲܗܝܼܪܘܼܬܼܵܐ܀ ܘܚܲܟ݁ܝܼܡܘܼܬܼܵܐ ܪܵܚܡܲܬܼ ܥܘܼܬܼܪܵܐ ܒܵܛ̇ܠܵܐ ܟ̱ܠܵܗ̇: ܘܡܸܣܬܲܢ̈ܝܵܢ ܠܵܟ̣ ܟܠܗܹܝܢ ܗܠܹܝܢ ܕܲܪ̈ܚܝܼܡܵܢ ܠܵܟ̣܀ ܘܲܠܟ̣ܘܼܪܗܵܢܵܐ ܗܵܘܹ̇ܝܬ݁ ܥܲܒ̣ܕܵܐ ܡܸܫܬܲܡܥܵܢܵܐ: ܘܲܒ̣ܩܸܢܝܵܢܵܟ̣ ܡܲܪܦܹܝܬ݁ ܐܝܼܕܼܵܐ ܕܠܵܐ ܦܵܪܹܩ ܠܵܟ̣܀ 251 ܐܲܝܟܵܐ ܗ̄ܘ̣ ܪܲܗܛܵܟ̣ ܐܲܝܟܵܐ ܗ̄ܝܼ ܟ̱ܠܹܗ ܚܲܟ݁ܝܼܡܘܼܬܼܵܟ̣: ܐܲܝܟܵܐ ܗ̄ܝܼ ܨܸܦܬܼܵܟ̣ ܕܲܒ̣ܛܝܼܠ ܗ̄ܘ̣ܵܐ ܠܵܟ̣ ܥܲܠ ܝܘܼܬܼܪ̈ܵܢܹܐ܀ ܗܵܐ ܕܗܐ P: ܚܲܠܵܫ ܐܲܢ̄ܬ݁ ܗܵܐ ܬܲܡܝܼܗ ܐܲܢ̄ܬ݁ ܗܵܐ ܒܲܛܝܼܠ ܐܲܢ̄ܬ݁: ܗܵܐ ܝܵܩܹ̇ܕܼ ܐܲܢ̄ܬ݁ ܡ̣ܢ ܐܸܫܵܬܼܵܐ ܘܡܲܢ ܡܲܪܘܲܚ ܠܵܟ̣܀ ܩܪܝܼ ܠܩܸܢܝܵܢܵܟ̣ ܐܲܝܬܵܐ ܕܲܗܒ̣ܵܟ̣ ܟܲܢܸܫ ܥܘܼܬܼܪܵܟ̣: ܘܐܸܢ ܦܵܪܩܝܼܢ ܠܵܟ̣ ܡ̣ܢ ܐܘܼܠܨܵܢܵܐ ܐܘܠܨܢܟ. P: ܕܝܼܠܵܟ̣ ܐܸܢܘܿܢ܀ ܘܐܸܢ ܐܸܫܬܼܵܐ ܠܵܐ ܡܨܸܐ ܥܘܼܬܼܪܵܐ ܠܲܡܕܲܥܵܟ̣ܘܼ: ܐܲܝܟܲܢ ܡܵܘܬܲܪ ܘܐܸܠܵܐ ܡܵܘܬܲܪ ܡܘܿܢ ܝܘܼܬܼܪܵܢܹܗ܀ ܠܵܐ ܬܸܠܐܸܐ ܒܹܗ ܕܠܵܐ ܪܵܚܹܡ ܠܵܟ̣ ܐܲܝܟ̣ ܕܲܪܚܸܡܬܵܝܗܝ: ܠܵܘ ܕܝܼܠܵܟ̣ ܗ̄ܘ̣ ܡܘܿܢ ܫܵܚܹ̇ܩ ܐܲܢ̄ܬ݁ ܒܲܕܼܠܵܐ ܕܝܼܠܵܟ̣܀ ܗܵܐ ܣܝܼܡ ܘܲܢܛܝܼܪ ܘܲܙܗܝܼܪ ܐܲܢ̄ܬ݁ ܒܹܗ ܕܠܵܐ ܢܹܐܙܲܠ ܠܹܗ: ܘܦܵܐܹ̇ܫ ܠܹܗ ܗܘ݀ ܘܠܵܟ̣ ܕܵܒ̣ܪܝܼܢ ܠܵܟ̣ ܘܡܘܿܢ ܥܵܒܹ̇ܕܼ ܐܲܢ̄ܬ݁܀ ܐܸܠܘܼ ܨܵܒܹ̇ܝܬ݁ ܦܫܝܼܩ ܗ̄ܘ̣ ܕܥܘܼܬܼܪܵܟ̣ ܢܸܗܘܸܐ ܕܝܼܠܵܟ̣: ܟܲܕܼ ܡܸܫܬܲܕܲܪ ܒܐܘܼܪܚܹܗ ܕܡܲܠܟܵܐ ܒܝܲܕܼ ܡܸܣ̈ܟܹ݁ܢܹܐ܀ ܘܩܵܕܹܡ ܗ̄ܘ̣ܵܐ ܠܵܟ̣ ܠܐܲܬܼܪܵܐ ܪܵܡܵܐ ܕܲܡܠܸܐ ܛܘܼ̈ܒܹܐ: ܐܵܦ ܗܵܘܹ̇ܐ ܗ̄ܘ̣ܵܐ ܟ̱ܠܹܗ ܕܝܼܠܵܟ̣ ܕܲܬܼܩܲܕܝܼܵܝܗܝ܀ ܠܡܘܿܢ ܪܵܗܹ̇ܛ ܐܲܢ̄ܬ݁ ܕܬܲܬܼܩܸܢ ܒܲܝܬܵܐ ܕܠܵܘ ܕܝܼܠܵܟ̣ ܗ̄ܘ̣: ܡܛܲܠܬܵܐ ܗ̄ܘ̣ ܥܘܼܡܪܵܟ̣ ܣܲܓܝܼ ܪܗܝܼܒ̣ ܐܲܢ̄ܬ݁ ܥܲܠ ܨܒܼ̈ܘܵܬܹܗ ܨܒܘ̈ܬܗ̇. P:܀ ܡܸܬܼܥܲܩܪܵܐ ܠܵܗ̇ ܡܸܬܼܩܲܦܠܵܐ ܠܵܗ̇ ܡܛܲܠܲܬܼ ܙܲܒ̣̈ܢܹܐ܀ ܕܗܵܘ̇ ܒܸܢܝܵܢܵܟ̣ ܪܲܒܵܐ ܡܸܬܼܩܲܦܠܵܐ ܠܵܗ̇ ܕܕܲܠܥܵܠܲܡ ܗ̄ܘ̣܀ ܠܵܐ ܠܢܘܼܟ̣ܪ̈ܵܝܹܐ ܬܸܠܐܸܐ ܣܲܓܝܼ ܒܟܲܫܝܼܪܘܼܬܼܵܟ̣: 252 ܕܟ̣ܠܡܵܐ ܕܦܵܐܹ̇ܫ ܗܲܪܟܵܐ ܡܸܢܵܟ̣ ܠܵܘ ܕܝܼܠܵܟ ܗ̄ܘ̣܀ ܘܲܠܡܘܿܢ ܛܵܥܹ̇ܝܬ݁ ܟܲܕܼ ܚܲܟ݁ܝܼܡ ܐܲܢ̄ܬ݁ ܐܘܿ ܟܲܫܝܼܪܵܐ: ܠܡܘܿܢ ܟܲܫܝܼܪ ܐܲܢ̄ܬ݁ ܠܲܣܪ̈ܝܼܩܵܬܼܵܐ ܐܘܿ ܚܲܟܝܼܡܵܐ܀ ܠܡܘܿܢ ܪܵܚܹܡ ܐܲܢ̄ܬ݁ ܒܲܝܬܵܐ ܕܢܵܦܹ̇ܠ ܐܘܿ ܝܵܕܼܘܿܥܵܐ: ܘܗܵܐ ܢܲܦܝܼܠܵܐ ܒܥܵܘ̣ܠܵܐ ܢܲܦ̮ܫܵܐ ܘܠܵܐ ܡܩܼܡ ܐܲܢ̄ܬ݁ ܠܵܗ̇܀ ܒܢܝܼ ܒܢܝܼ ܢܲܦ̮ܫܵܐ ܢܦܫܟ. P: ܗܵܝ̇ ܕܲܣܚܲܦܬܵܗ̇ ܒܥܵܘ̣ܠܵܐ ܕܐܝܼܕܲܝ̈ܟ: ܘܟܸܢ ܝܵܨܹ̇ܦ ܐܲܢ̄ܬ݁ ܕܬܸܒ̣ܢܸܐ ܒܲܝܬܵܐ ܕܠܵܘ ܕܝܼܠܵܟ̣ ܗ̄ܘ̣܀ ܥܵܘ̣ܠܵܐ ܗ̄ܘ̣ ܗܵܢܵܐ ܕܲܒ̣ܢܸܐ ܒܲܝܬܵܐ ܘܲܡܠܸܐ ܛܘܼ̈ܒܹܐ: ܘܢܲܦ̮ܫܵܐ ܕܐܝܼܬܹܝܗ̇ ܒܝܼܪܲܬܼ ܡܲܠܟܵܐ ܗܵܐ ܚܲܪܝܼܒ̣ܵܐ܀ ܒܕܼܝܼܠܵܟ̣ ܐܲܒ̣ܣܝܼܬ݁ ܘܒܲܕܼܠܵܐ ܕܝܼܠܵܟ̣ ܗܵܐ ܟܲܫܝܼܪ ܐܲܢ̄ܬ݁: ܢܲܦ̮ܫܵܐ ܥܩܝܼܪܵܐ ܘܒܲܝܬܵܐ ܟܲܗܝܼܢ ܘܲܡܠܸܐ ܛܘܼ̈ܒܹܐ܀ ܠܵܘ ܡܲܠܦܵܢܵܐ ܒܥܹ̇ܝܬܼ ܐܸܗܘܸܐ ܠܵܟ̣ ܪܵܚܡܵܐ ܛܵܒ̣ܵܐ: ܕܠܵܐ ܐ̄ܢܵܫ ܚܲܣܝܼܪ ܡ̣ܢ ܝܑܼܕܲܥܬܼܵܐ ܕܐܲܝܟܲܢ ܢܸܚܸܐ܀ ܟܠܢܵܫ ܚܲܟ݁ܝܼܡ ܝܵܕܲܥ̇ ܡܘܿܢ ܡܵܘܬܲܪ ܠܹܗ: ܘܲܒ̣ܟ̣ܠ ܒܲܪܢܵܫ ܐܝܼܬܼ ܑܼܕܲܥܬܼܵܐ ܕܡܵܢܵܐ ܢܸܥܒܸ݁ܕܼ܀ ܟܠܢܵܫ ܝܵܕܲܥ̇ ܠܵܘ ܕܹܝܢ ܟܠܢܵܫ ܨܵܒܹ̇ܐ ܢܸܥܒܸ݁ܕܼ: ܨܒ̣ܝܵܢܵܐ ܓܹܝܪ ܛܵܒ̣ܵܐ ܚܲܣܝܼܪ ܠܵܘ ܝܑܼܕܲܥܬܼܵܐ܀ ܕܪܝܼܫܵܐ ܗ̄ܝܼ ܐܘܼܪܚܵܐ ܕܥܵܐ̇ܠܵܐ ܠܚܲܝܹ̈ܐ ܘܡܲܠܝܵܐ ܢܘܼܗܪܵܐ: ܘܲܣܕܼܝܼܪܝܼܢ ܒܵܗ̇ ܟܠ ܦܘܼܩ̈ܕܵܢܹܐ ܐܲܝܟ̣ ܢܲܗܝܼܪܹ̈ܐ܀ ܘܐܲܝܢܵܐ ܕܒ̣ܵܥܹ̇ܐ ܨܒܐ. P: ܕܢܸܥܘܿܠ ܠܚܲܝܹ̈ܐ ܦܬܼܝܼܚ ܗ̄ܘ̣ ܬܲܪܥܵܐ: ܘܐܸܠܵܐ ܕܢܸܨܒܸ݁ܐ ܕܢܨܒܐ. R: ܠܵܐ ܒܵܥܹ̇ܝܢ Sic (ܟܵܠܹ̇ܝܢ؟ E. N) : ܠܹܗ ܘܡܸܚܕܼܵܐ ܥܵܐܹ̇ܠ܀ 253 ܠܵܘ ܡܲܠܦܵܢܹ̈ܐ ܚܲܣܝܼܪܝܼܢ ܒܹܗ ܒܥܵܠܡܵܐ ܒܝܼܫܵܐ: ܗܘ݀ܝܘܼ ܥܵܠܡܵܐ ܣܢ̣ܵܐ ܝܘܼܠܦܵܢܵܐ ܕܒܹܝܬܼ ܐܲܠܵܗܵܐ܀ ܗܘ݀ ܐܲܠܵܗܵܐ ܗܘ݀ܵܐ ܡܲܠܦܵܢܵܐ ܠܲܒ̣ܢܲܝ̈ܢܵܫܵܐ: ܘܲܒ̣ܦܘܼܩ̈ܕܵܢܹܐ ܕܣܵܡ̣ ܒܲܟ̣ܬܼܵܒܹ̈ܐ ܚܲܟܸܡ̣ ܐܸܢܘܿܢ܀ ܘܝܲܗ̄ܒ̣ ܢܵܡܘܿܣܵܐ ܕܲܡܠܸܐ ܢܘܼܗܪܵܐ ܡ̣ܢ ܛܘܼܪ ܣܝܼܢܲܝ: ܘܒܲܢܛܘܼܪ̈ܵܬܼܵܐ ܕܪܹܫ̣ܵܗ̇ ܠܐܘܼܪܚܵܐ ܕܒܹܝܬܼ ܡܲܠܟ݁ܘܼܬܼܵܐ܀ ܘܫܲܕܲܪ ܘܫܕܪܗ 118. R: ܠܲܒ̣ܪܹܗ ܐܲܝܟ̣ ܐܝܼܡܵܡܵܐ ܕܢܘܼܗܪܵܐ ܪܲܒܵܐ: ܘܟ̣ܠܹܗ ܥܵܠܡܵܐ ܢܗܲܪ ܒܹܗ ܘܲܫܦܲܪ ܘܲܩܢ̣ܵܐ ܚܲܝܹ̈ܐ܀ ܘܒ̣ܵܬܲܪ ܗܵܕܹܐ ܡܲܠܦܵܢܘܼܬܼܵܐ ܡܲܠܝܲܬܼ ܬܲܗܪܵܐ: ܕܟ̣ܠܹܗ ܥܵܠܡܵܐ ܝܑܼܠܸܦ̣ ܘܲܢܗܲܪ ܐܲܝܟ̣ ܐܝܼܡܵܡܵܐ܀ ܚܕܼ ܚܲܣܝܼܪܵܐ ܡܫܲܐܸܠ ܗ̄ܘ̣ܵܐ ܠܹܗ ܠܒܲܪ ܐܲܠܵܗܵܐ: ܕܡܵܢܵܐ ܐܸܥܒܸ݁ܕܼ ܘܐܹܪܲܬܼ ܚܲܝܹ̈ܐ ܕܒܹܝܬܼ ܐܲܠܵܗܵܐ܀ ܥܠܲܝܡܵܐ ܚܬܼܝܼܪܵܐ ܣܪܝܼܩܵܐ ܕܲܡܠܸܐ ܦܲܩܵܩܘܼܬܼܵܐ: ܒܥܵܘܠܵܐ ܫܲܐܸܠ̣ ܟܲܕܼ ܠܵܐ ܐܵܠ̇ܨܵܐ ܥܲܠ ܫܘܼܐܵܠܵܐ܀ ܒܪܘܼܚܵܐ ܪܵܡܬܼܵܐ ܘܲܒ̣ܪܸܥܝܵܢܵܐ ܕܲܡܠܸܐ ܚܘܼܬܼܪܵܐ: ܥ̣ܒܲܕܼ ܫܘܼܐܵܠܵܐ ܢܚܵܘܸܐ ܢܲܦ̮ܫܹܗ ܐܲܝܟ̣ ܝܵܕܼܘܿܥܵܐ܀ ܘܡܸܢܵܗ̇ ܕܡܸܠܬܹܗ ܝܵܕܲܥ̇ ܠܹܗ ܐ̄ܢܵܫ ܕܠܵܘ ܝܵܕܼܘܿܥܵܐ ܗ̄ܘ̣: ܕܐܸܠܘܼ ܝܑܼܕܲܥ̣ ܝܵܕܥ 118. R: ܠܵܐ ܡܫܲܐܸܠ ܗ̄ܘ̣ܵܐ ܕܡܵܢܵܐ ܐܸܥܒܸܕܼ܀ ܐ̄ܡܲܪܒ ܠܝܼ ܕܵܘܝܵܐ ܚܲܟ݁ܝܼܡ ܐܲܢ̄ܬ݁ ܗ̄ܘ̣ ܐܵܘ ܗܸܕܼܝܘܿܛ ܐܲܢ̄ܬ݁: ܕܬܹܐܠܲܦ ܒܵܥܹ̇ܝܬ݁ ܐܵܘ ܡܲܠܦܵܢܵܐ ܨܵܒܹ̇ܝܬ݁ ܕܬܸܗܘܸܐ܀ ܐܘܼܪܚܵܐ ܕܚܲܝܹ̈ܐ ܠܟ̣ܠܹܗ ܓܸܢܣܵܐ ܕܲܒ̣ܢܲܝ̈ܢܵܫܵܐ: 254 ܓܠ̣ܵܗ̇ ܐܲܠܵܗܵܐ ܕܲܢܗܲܠܟ̣ܘܼܢ ܒܵܗ̇ ܕܠܵܐ ܬܲܚܦܝܼܬܼܵܐ܀ ܘܐܸܢܕܹܝܢ ܥܕܲܟܹܝܠ ܐܘܼܪܚܵܐ ܕܚܲܝܹ̈ܐ ܠܵܐ ܚܲܙܝܵܐ ܠܵܟ̣: ܠܡܘܿܢ ܟܲܕܼ ܓܲܠܝܵܐ ܟܲܣܝܵܐ ܡܸܢܵܟ̣ ܐܸܢ ܚܲܟ݁ܝܼܡ ܐܲܢ̄ܬ݁܀ ܘܐܸܢ ܝܵܕܲܥ̇ ܐܲܢ̄ܬ݁ ܘܲܡܫܲܐܸܠ ܐܲܢ̄ܬ݁ ܡܲܪܵܚܵܐ ܐܲܢ̄ܬ݁: ܘܐܸܢ ܬܘܼܒ̣ ܥܕܲܟܹܝܠ ܠܵܐ ܝܵܕܲܥ̇ ܐܲܢ̄ܬ݁ ܗܸܕܼܝܘܿܛܵܐ ܐܲܢ̄ܬ݁܀ ܘܲܒ̣ܟ̣ܠ ܦܘܼܪ̈ܣܝܼܢ ܡ̣ܢ ܫܘܼܐܵܠܵܟ̣ ܚܲܣܝܼܪܵܐ ܐܲܢ̄ܬ݁: ܕܢܲܦ̣ܚܵܟ̣ ܥܘܼܬܼܪܵܐ ܘܗܵܐ ܡܡܲܠܸܠ ܐܲܢ̄ܬ݁ ܝܲܬ݁ܝܼܪ̈ܵܬܼܵܐ܀ ܡܵܢܵܐ ܐܸܥܒܸ݁ܕܼ ܕܐܹܪܲܬܼ ܚܲܝܹ̈ܐ ܡܫܲܐܸܠ ܗ̄ܘ̣ܵܐ ܠܹܗ: ܠܗܵܘ̇ ܝܵܕܲܥ̇ ܟܠ ܕܲܒ̣ܚܘܼ̈ܫܵܒܹܐ ܕܠܸܒܵܐ ܚܵܐܲܪ܀ ܙܲܕܸܩ̣ ܢܲܦ̮ܫܹܗ ܘܲܣܠܸܩ ܩܵܡ̣ ܠܹܗ ܥܲܠ ܪܵܡܘܼܬܼܵܐ: ܘܫܲܪܝܼ ܢܡܲܠܸܠ ܥܲܡ ܦܵܪܘܿܩܲܢ ܐܲܝܟ̣ ܦܵܪܘܿܫܵܐ܀ ܒܥ̣ܵܐ ܕܲܢܚܵܘܸܐ ܠܟܸܢܫܵܐ ܢܲܦ̮ܫܹܗ ܐܲܝܟ̣ ܚܲܟ݁ܝܼܡܵܐ: ܕܢܲܦܝܼܩ ܒܵܬܲܪ ܚܲܝܹ̈ܐ ܚܲܕܼ̈ܬܹܐ ܕܢܸܩܢܸܐ ܐܸܢܘܿܢ܀ ܥܲܬ݁ܝܼܪܵܐ ܗ̄ܘ̣ܵܐ ܘܲܒ̣ܬܼܘܼܟ̣ܠܵܢܵܐ ܕܥܘܼܬܼܪܹܗ ܡܲܠܸܠ̣: ܕܪܘܼܚܵܐ ܕܥܘܼܬܼܪܵܐ ܪܵܡܵܐ ܗ̄ܘ̣ ܩܵܠܵܗ̇ ܩܠܗ. P: ܒܲܟ̣ܢܘܼ̈ܫܵܬܼܵܐ܀ ܣܟ̣ܝܼܪ ܗ̄ܘ̣ ܦܘܼܡܵܗ̇ ܕܡܸܣܟܹܢܘܼܬܼܵܐ ܐܲܝܟܵܐ ܕܐܝܼܬܹܝܗ̇: ܘܠܵܐ ܝܵܗ̇ܒ݁ܝܼܢ ܠܵܗ̇ ܐܲܬܼܪܵܐ ܒܥܵܠܡܵܐ ܠܲܡܡܲܠܵܠܘܼ܀ ܫܠܸܐ ܡܸܣܟܹܢܵܐ ܘܠܵܐ ܨܵܝ݁ܬ݁ܝܼܢ ܠܵܗ̇ ܠܲܓ̣ܡܵܪ: ܘܐܵܦܸܢ ܚܲܟ݁ܝܼܡ ܠܵܐ ܝܵܗ̇ܒ݁ܝܼܢ ܠܹܗ ܠܲܡܡܲܠܵܠܘܼ܀ ܥܲܬ݁ܝܼܪܵܐ ܕܹܝܢ ܐܵܦܸܢ ܗܸܕܼܝܘܿܛ ܪܵܡܵܐ ܪܘܼܚܹܗ: ܘܓܲܠܝܵܐ ܡܸܠܬܹܗ ܘܐܝܼܬܼ ܠܹܗ ܐܲܬܼܪܵܐ ܠܲܡܡܲܠܵܠܘܼ܀ 255 ܘܐܲܝܟ̣ ܥܲܬ݁ܝܼܪܵܐ ܒܥ̣ܵܐ ܕܲܢܡܲܠܸܠ ܥܲܡ ܦܵܪܘܿܩܲܢ: ܥܠܲܝܡܵܐ ܣܲܟ̣ܠܵܐ ܟܲܕܼ ܣܵܒܲܪ ܠܹܗ ܕܡܸܫܬܲܒܲܚ ܗ̄ܘ̣ܵܐ܀ ܡܵܢܵܐ ܐܸܥܒܸ݁ܕܼ ܕܐܹܪܲܬܼ ܚܲܝܹ̈ܐ ܡܫܲܐܸ̇ܠ ܗ̄ܘ̣ܵܐ ܠܹܗ: ܡܸܠܬܼܵܐ ܓܠܝܼܬܼܵܐ ܕܠܵܐ ܣܢܝܼܩܵܐ ܗ̄ܘ̣ܵܬܼ ܥܲܠ ܫܘܼܐܵܠܵܐ܀ ܘܫܲܡܥܹܗ ܡܵܪܲܢ ܕܥܲܕܼܠܵܐ ܢܡܲܠܸܠ ܝܵܕܲܥ̇ ܗ̄ܘ̣ܵܐ ܠܹܗ: ܘܐܲܓܲܪ ܪܘܼܚܹܗ ܠܗܵܝ̇ ܪܵܡܘܼܬܼܵܐ ܒܡܲܟ݁ܝܼܟ̣ܘܼܬܹܗ ܒܡܟ݁ܝܟܘܬܐ. 118. R:܀ ܐܵܡܲܪ ܡܵܪܲܢ ܕܬܸܚܸܐ ܒܵܥܹ̇ܝܬ݁ ܛܲܪ ܦܘܼܩ̈ܕܵܢܹܐ: ܥܨܵܒ̣ܵܐ ܩܲܕܼܡܵܐ ܕܣܵܡ̣ ܡܘܼܫܹܐ ܫܒܲܩ̣ ܣܡ̣. Ibid: ܥܲܠ ܫܘܼܚܢܹܗ܀ ܠܵܐ ܚܲܠܸܦ̣ ܠܹܗ ܥܨܵܒ̣ܵܐ ܕܲܚ̣ܙܵܐ ܕܠܵܐ ܐܸܬܼܥܲܕܲܪ: ܡ̣ܢ ܩܲܕܼܡܵܝܵܐ ܥܨܵܒ̣ܵܐ ܕܣܵܡ̣ ܗ̄ܘ̣ܵܐ ܢܒ̣ܝܼܵܐ ܪܲܒܵܐ܀ ܥܨܵܒ̣ܵܐ ܪܲܒܵܐ ܐܲܚܸܬܼ ܡܘܼܫܹܐ ܡ̣ܢ ܛܘܼܪ ܣܝܼܢܲܝ: ܘܲܥܨܲܒ̣ ܗ̄ܘ̣ܵܐ ܒܹܗ ܫܘܼܚܢܹܗ ܕܥܲܡܵܐ ܕܥܠܡܐ. Ibid: ܕܲܡܡܲܚܲܝ ܗ̄ܘ̣ܵܐ܀ ܘܐܲܝܟ̣ ܥܸܩܵܪܵܐ ܕܲܡܠܸܐ ܚܢܵܢܵܐ ܠܲܡ̈ܡܲܚܲܝܵܐ: ܣܵܡ̣ ܢܵܡܘܿܣܵܐ ܠܥܲܡܵܐ ܠܥܠܡܐ. Ibid: ܘܥܲܨܒܹܗ ܘܲܗܘ݀ܵܐ ܫܲܦܝܼܪ܀ ܘܟܲܕܼ ܐܸܬܼܢܲܦܲܨ ܫܘܼܚܢܵܐ ܕܥܵܘ̣ܠܵܐ ܡ̣ܢ ܥܲܒ̣ܝܘܼܬܹܗ: ܐ̄ܬ݀ܵܐ ܘܚܲܠܸܦ̣ ܠܹܗ (ܥܨܵܒ̣ܵܐ ܐ̄ܚܪܹܢܵܐ ܒܲܪ ܐܲܠܵܗܵܐ ܥܨܒܹ̈ܐ ܐ̄ܚܪ̈ܢܐ ܒܪܐ ܕܐܠܗܐ. P:܀ ܦܲܩܸܕܼ ܡܘܼܫܹܐ ܕܠܵܐ ܐ̄ܢܵܫ ܢܓ̣ܘܼܪ ܘܲܟ̣ܠܵܐ ܓܵܘܪܵܐ: ܘܐܸܡܲܪ ܡܵܪܹܗ ܕܐܵܦܠܵܐ ܒܐܲܢ̄ܬ݁ܬܼܵܐ ܒܪܸܓ݁ܬܼܵܐ ܬܚܘܼܪ܀ ܒܲܪ ܐܲܠܵܗܵܐ ܠܹܗ ܠܚܘܼܫܵܒ̣ܵܐ ܕܡܵܘܠܸܕܼ ܓܵܘܪܵܐ: ܟܠ̣ܵܐ ܡ̣ܢ ܐ̄ܢܵܫ ܒܡܲܠܦܵܢܘܼܬܹܗ ܡܲܠܝܲܬܼ ܬܲܗܪܵܐ܀ 256 ܗܵܢܵܐ ܥܨܵܒ̣ܵܐ ܕܐܵܦ ܠܵܐ ܫܘܼܡܬܹܗ ܕܫܘܼܚܢܵܐ ܡܲܪܦܸܐ: ܣܵܡ̣ ܠܵܗ̇ ܠܢܲܦ̮ܫܵܐ ܡܵܪܹܗ ܕܡܘܼܫܹܗ ܟܲܕܼ ܥܵܨܹ̇ܒ̣ ܠܵܗ̇܀ ܦܲܩܸܕܼ ܡܘܼܫܹܐ ܕܠܲܕܼܠܵܐ ܕܝܼܠܹܗ ܐ̄ܢܵܫ ܠܵܐ ܢܸܪܲܓ̣: ܘܐܲܠܦ̣ܵܗ̇ ܠܢܲܦ̮ܫܵܐ ܕܠܵܐ ܬܸܬܼܝܲܥܲܢ ܥܲܠ ܝܲܬ݁ܝܼܪܵܐ܀ ܐ̄ܬ݀ܵܐ ܕܹܝܢ ܡܵܪܲܢ ܐܲܠܸܦ̣ ܐܸܢܘܿܢ ܠܲܒ̣ܢܲܝ̈ܢܵܫܵܐ: ܕܐܵܦ ܗܵܘ̇ ܕܝܼܠܗܘܿܢ ܢܸܗܘܘܿܢ ܝܵܗ̇ܒ݁ܝܼܢ ܠܐܲܝܢܵܐ ܕܲܣܢܝܼܩ܀ ܠܫܘܼ̈ܚܢܹܐ ܕܥܵܠܡܵܐ ܥܨܵܒ̣ܵܐ ܚܲܠܸܦ ܒܲܪ ܐܲܠܵܗܵܐ: ܪܸܥܝܵܢܹܗ ܕܹܝܢ ܕܐܵܣܝܵܐ ܚܲܕܼ ܗ̄ܘ̣ ܘܠܵܐ ܐܸܫܬܲܚܠܲܦ܀ ܒܩܲܠܝܼܠ ܩܲܠܝܼܠ ܫܲܓ݁ܫܹܗ ܠܫܘܼܚܢܵܐ ܟܲܕܼ ܥܵܨܹ̇ܒ̣ ܠܹܗ: ܕܠܵܐ ܢܸܥܪܘܿܩ ܠܹܗ ܟܪܝܼܗܵܐ ܡܸܢܹܗ ܐܸܢ ܥܵܨܹ̇ܐ ܠܹܗ܀ ܠܐܲܝܢܵܐ ܕܓ̣ܵܐܲܪ ܐܸܢ ܐܵܡܲܪ ܗ̄ܘ̣ܵܐ ܕܠܵܐ ܢܸܪܲܓ̣ ܗ̄ܘ̣ܵܐ: ܠܵܐ ܫܵܡܲܥ̇ ܗ̄ܘ̣ܵܐ ܕܩܲܫܝܵܐ ܗ̄ܘ̣ܵܬܼ ܠܵܗ̇ ܡܸܠܬܹܗ ܣܲܓܝܼ܀ ܘܠܵܐ ܠܲܕܼܒ̣ܵܐܹ̇ܙ ܠܲܟ̣ܢܵܘ̈ܵܬܹܗ ܐܸܢ ܐܵܡܲܪ ܗ̄ܘ̣ܵܐ: ܕܢܲܦܸܩ ܢܸܬܸܠ ܡ̣ܢ ܗܵܘ̇ ܕܝܼܠܹܗ ܠܵܐ ܥܵܢܹ̇ܐ ܗ̄ܘ̣ܵܐ܀ ܟܠ̣ܵܐ ܩܲܕܼܡܵܝܑܼܬܼ ܚܹܐܦܵܗ̇ ܕܒ̣ܝܼܫܬܵܐ ܡ̣ܢ ܥܵܒ̣ܘܿܕܼ̈ܝܗ̇: ܕܢܸܫܠܘܿܢ ܠܘܼܩܕܲܡ ܡ̣ܢ ܒܝܼ̈ܫܵܬܼܵܐ ܕܡܸܬܼܥܲܒ̣̈ܕܵܢ ܗ̄ܘܲܝ̈܀ ܘܲܒ̣ܢܵܡܘܿܣܵܐ ܐܲܝܟ̣ ܕܲܒ̣ܣܘܼ̈ܛܡܹܐ ܘܟܲܒ̣̈ܠܹܐ ܦܲܟ̣ܪܹܗ: ܠܥܵܠܡܵܐ ܒܝܼܫܵܐ ܕܢܸܥܒܸ݁ܕܼ ܫܸܠܝܵܐ ܡ̣ܢ ܒܝܼ̈ܫܵܬܼܵܐ܀ ܘܡ̣ܢ ܕܐܸܬ݁ܕܲܪܲܫܘ ܐ̄ܢܵܫܵܐ ܕܢܹܐܠܦܘܼܢ ܫܲܦܝܼܪ̈ܵܬܼܵܐ: ܐܲܣܸܩ̣ ܐܸܢܘܿܢ ܕܲܪܓ̣ܵܐ ܐ̄ܚܪܹܢܵܐ ܨܹܝܕܼ ܛܵܒ̣ܵܬܼܵܐ܀ ܘܐܲܝܟ̣ ܡܲܠܦܵܢܵܐ ܕܲܡܠܸܐ ܚܘܼܒܵܐ (ܠܘܵܬܼ ܬܲܠܡܝܼ̈ܕܹܐ ܨܝܕ ܬܠܡܝܕܘ̈ܗܝ. P: 257 ܒܩܲܠܝܼܠ ܩܲܠܝܼܠ ܢܵܓܹ̇ܕܸ ܗ̄ܘ̣ܵܐ ܠܗܘܿܢ ܨܹܝܕܼ ܝܘܼܠܦܵܢܹܗ܀ ܘܣܵܦ̇ܪܵܐ ܡܗܝܼܪܵܐ ܠܵܐ ܟܵܬܹ̇ܒ̣ ܠܹܗ ܠܛܲܠܝܵܐ ܡܸܕܸܡ: ܐܸܠܵܐ ܬܢ̣ܵܐ ܠܹܗ ܗܵܘ̇ ܩܸܪܝܵܢܵܐ ܩܲܕܼܡܵܐ ܕܲܫܩܲܠ̣܀ ܘܐܵܣܝܵܐ ܛܵܒ̣ܵܐ ܠܵܐ (ܡܫܲܚܠܸܦ ܗ̄ܘ̣ ܡܚܠܦ ܠܗ. P: ܥܨܵܒ̣ܵܐ ܠܫܘܼܚܢܵܐ: ܐܸܠܵܐ ܚܵܘܝܼ ܫܘܼܚܢܵܐ ܢܲܦ̮ܫܹܗ ܕܲܗܘ݀ܵܐ ܫܲܦܝܼܪ܀ ܘܡܸܛܠܗܵܢܵܐ ܐܵܣܝܲܢ ܣܵܦ̇ܪܲܢ ܒܲܪ ܐܲܠܵܗܵܐ: ܠܵܐ ܐܵܘܣܸܦ̣ ܗ̄ܘ̣ܵܐ ܡܲܠܦܵܢܘܼܬܼܵܐ ܠܗܵܘ̇ ܥܲܬ݁ܝܼܪܵܐ܀ ܐܸܠܵܐ ܬܲܒ̣ܥܹܗ ܕܲܒ̣ܢܵܡܘܿܣܵܐ ܗܵܘ̇ ܩܲܕܼܡܵܝܵܐ: ܢܕܲܪܸܫ ܢܲܦ̮ܫܹܗ ܘܟܸܢ ܡܸܬܼܥܲܠܸܐ ܠܪܘܼܚܵܢܘܼܬܼܵܐ܀ ܩܵܘܵܐ ܥܠܲܝܡܵܐ ܥܲܠ ܦܘܼܩ̈ܕܵܢܹܐ ܦܘܩܕܢܐ 118. R: ܕܡܘܼܫܹܐ ܪܲܒܵܐ: ܩܪܝܼ ܒܢܵܡܘܿܣܵܐ ܘܲܥܒܸܕܼ ܟܠܗܹܝܢ ܕܲܟ̣ܬܼܝܼ̈ܒ̣ܵܢ ܒܹܗ܀ ܐܸܠܵܐ ܥܒܲܕܬܵܝܗܝ: ܠܵܐ ܡܵܣܸܦ ܐ̄ܢܵܐ ܡܲܠܸܦ ܐ̄ܢܵܐ ܠܵܟ̣ ܡܵܢܵܐ ܬܸܥܒܸܕܼ܀ ܡܲܥܸܠ ܗ̄ܘ̣ ܠܵܟ̣ ܗܘ݀ ܗܘ̇. P: ܢܵܡܘܿܣܵܐ ܠܚܲܝܹ̈ܐ ܚܲܕܼ̈ܬܹܐ: ܩܪܝܼ ܒܹܗ ܩܪܝܼ ܒܹܗ ܘܗܘ݀ ܗܘ̣. P: ܡܲܠܸܦ ܠܵܟ̣ ܡܵܢܵܐ ܬܸܥܒܸܕܼ܀ ܐܸܢܗ݀ܘ ܕܒ̣ܵܥܹ̇ܝܬ݁ ܕܬܸܥܘܿܠ ܠܚܲܝܹ̈ܐ ܛܲܪ ܦܘܼܩ̈ܕܵܢܹܐ: ܐܵܡܲܪ ܣܲܟ̣ܠܵܐ ܐܲܝܠܹܝܢ ܐܸܢܘܿܢ ܐܸܛܲܪ ܐܸܢܘܿܢ܀ ܐܵܦܠܵܐ ܡܸܕܲܥ ܝܵܕܲܥ̇ ܗ̄ܘ̣ܵܐ ܠܗܘܿܢ ܗܵܘ̇ ܚܲܣܝܪܵܐ: ܘܡܸܛܠ ܗܵܢܵܐ ܫܲܐܸܠ̣ ܢܹܐܠܲܦ ܕܐܲܝܠܹܝܢ ܐܸܢܘܿܢ܀ ܐܲܪܡܝܼ ܢܲܦ̮ܫܹܗ ܐܲܝܟ̣ ܙܲܕܝܼܩܵܐ ܘܐܲܝܟ̣ ܚܲܟܝܼܡܵܐ: 258 ܘܚ̣ܵܘܝܼ ܕܐܝܼܬܼܵܘܗܝ ܐܵܦ ܚܲܛܵܝܵܐ ܐܵܦ ܗܸܕܼܝܼܘܿܛܵܐ܀ ܠܵܐ ܪܓ̣ܝܼܫ ܗ̄ܘ̣ܵܐ ܒܵܗ̇ ܒܙܲܕܝܼܩܘܼܬܼܵܐ ܐܵܦܠܵܐ ܕܐܝܼܬܹܝܗ̇: ܘܠܵܐ ܦܓ̣ܝܼܥ ܗ̄ܘ̣ܵܐ ܠܹܗ ܒܚܲܟܝܼܡܘܼܬܼܵܐ ܠܣܲܟ̣ܠܵܐ ܕܐܲܡܪܲܚ̣܀ ܘܠܵܐ ܝܵܕܲܥ̇ ܗ̄ܘ̣ܵܐ ܘܠܵܐ ܠܦܘܼܩ̈ܕܵܢܹܐ ܐܲܠܵܗܵܝܹ̈ܐ: ܐܲܝܠܹܝܢ ܐܢܘܿܢ ܗܵܠܹܝܢ ܕܲܒ̣ܗܘܿܢ ܥܵܠܡܵܐ ܚܵܝܹ̇ܐ܀ ܘܟܲܕܼ ܠܵܐ ܩܪܹܝܢ ܠܹܗ ܘܠܵܐ ܢܛܝܼܪܝܼܢ ܠܹܗ ܩܪܸܒ̣ ܨܹܝܕܼ ܡܵܪܲܢ: ܕܲܡܫܲܐܠܵܢܵܐ ܢܸܗܘܸܐ ܒܟܸܢܫܵܐ ܠܥܹܝܢ ܣܲܓܝܼ̈ܐܹܐ: ܘܐܸܬܼܥܲܪܩܲܠ ܩܵܡ̣ ܘܐܸܬܼܦܲܪܣܝܼ ܗ̄ܘ̣ܵܐ ܕܠܵܘ ܝܵܕܼܘܿܥܵܐ ܗ̄ܘ̣ܵܐ: ܐܸܠܵܐ ܣܲܟ̣ܠܵܐ ܕܫܲܪܝܼ ܒܫܲܪܒܵܐ ܕܠܵܐ ܘܠܐ. P: ܝܵܕܲܥ̇ ܠܹܗ܀ ܫܲܐܸܠ̣ ܕܵܘܝܵܐ ܕܡܵܢܵܐ ܐܸܥܒܸ݁ܕܼ ܕܐܹܪܲܬܼ ܘܐܪܬ. P: ܚܲܝܹ̈ܐ: ܘܐܸܬܼܐܲܡܪܲܬ݀ ܠܹܗ ܕܛܲܪ ܦܘܼܩ̈ܕܵܢܹܐ ܘܠܵܐ ܝܵܕܲܥ̇ ܗ̄ܘ̣ܵܐ܀ ܘܫܲܪܝܼ ܡܥܲܩܸܒ̣ ܕܐܲܝܠܹܝܢ ܐܸܢܘܿܢ ܢܸܛܲܪ ܐܸܢܘܿܢ: ܘܲܬܼܢܵܐ ܐܸܢܘܿܢ ܣܵܦ̇ܪܵܐ ܡܗܝܼܪܵܐ ܪܒܐ. P: ܘܠܵܐ ܡܸܐܢܲܬ݀ ܠܹܗ܀ ܠܵܐ ܠܲܡ ܬܸܓ̣ܢܘܿܒ̣: ܐܵܦܠܵܐ ܬܲܣܗܸܕܘܼܬܼ ܫܘܼܩܪܵܐ ܒܥܵܠܡܵܐ ܡܸܡܬܼܘܿܡ܀ ܝܲܩܲܪ ܠܐܲܒ̣ܘܼܟ̣ ܘܝܲܩܲܪ ܠܐܸܡܵܟ̣ ܘܐܝܼܬܼ ܠܵܟ̣ ܚܲܝܹ̈ܐ: ܕܲܒ̣ܦܘܼܩ̈ܕܵܢܹܐ ܚܵܝܹ̇ܐ ܐܲܝܢܵܐ ܕܢܵܛܲܪ ܐܸܢܘܿܢ܀ ܘܫܲܪܝܼ ܚܬܼܝܼܪܵܐ ܕܢܸܬܼܚܲܫܲܚ ܡܬܚܫܚ. P: ܗ̄ܘ̣ܵܐ ܒܣܵܪܘܿܒ̣ܘܼܬܼܵܐ: ܟܲܕܼ ܐܵܡܲܪ ܗ̄ܘ̣ܵܐ ܕܗܵܠܹܝܢ ܟܠܗܹܝܢ ܢܸܛ̇ܪܹܬܼ ܐܸܢܹܝܢ܀ ܣܲܓܝܼ ܕܲܓܸܠ̣ ܣܲܓܝܼ ܐܲܡܪܲܚ̣ ܘܲܛܥ̣ܵܐ ܣܲܓܝܼ: ܘܲܒ̣ܪܵܡܘܼܬܼܵܐ ܢܦܲܠ̣ ܗ̄ܘ̣ܵܐ ܒܦܲܚܬܵܐ ܕܲܕܲܓܵܠܘܼܬܼܵܐ܀ 259 ܡܸܛܠ ܕܐܲܡܪܲܚ̣ ܕܲܢܫܲܐܸܠ ܗ̄ܘ̣ܵܐ ܒܠܵܐ ܝܑܼܕܲܥܬܼܵܐ: ܐܸܬ݁ܕܵܘܲܕܼ ܠܹܗ ܘܫܲܪܝܼ ܗ̄ܘ̣ܵܐ ܠܹܗ ܒܣܵܪܘܿܒ̣ܘܼܬܼܵܐ܀ ܥܲܠ ܦܘܼܩ̈ܕܵܢܹܐ ܕܲܢܛܲܪ ܟܠܗܘܿܢ ܡܸܫܬܵܘܕܸܐ ܗ̄ܘ̣ܵܐ: ܘܕܲܢܛܲܪ ܐܸܢܘܿܢ ܡ̣ܢ ܛܲܠܝܘܼܬܹܗ ܬܘܼܒ̣ ܣܵܪܹܒ̣ ܗ̄ܘ̣ܵܐ܀ ܟܲܕܼ ܗܘ݀ ܥܠܲܝܡܵܐ ܕܐܲܝܠܹܝܢ ܐܸܢܘܿܢ ܠܵܐ ܝܵܕܲܥ̇ ܗ̄ܘ̣ܵܐ: ܘܐܲܝܟܲܢ ܟܠܗܘܿܢ ܟܲܕܼ ܗܘ݀ ܛܲܠܝܵܐ ܢ̣ܛܲܪ ܐܲܝܟ̣ ܕܐܸܡܲܪ܀ ܒܲܥܠܲܝܡܘܼܬܹܗ ܗܸܕܼܝܘܿܛ ܘܲܒ̣ܣܝܼܪ ܘܲܡܠܸܐ ܬܵܘ̈ܫܹܐ ܬܘܫܐ. P: ܒܛܲܠܝܘܼܬܹܗ ܟܲܝ ܡܘܿܢ ܝܵܕܲܥ̇ ܗ̄ܘ̣ܵܐ ܐܸܠܵܐ ܢܸܚܛܸܐ܀ ܠܵܐ ܨܒ̣ܵܐ ܡܵܪܲܢ ܕܢܲܣܪܲܚ ܗ̄ܘ̣ܵܐ ܠܹܗ ܡ̣ܢ ܝܘܼܠܦܵܢܹܗ: ܗܵܘ̇ ܪܘܼܚܵܢܵܐ ܥܲܠ ܕܲܚ̣ܙܵܝܗܝ ܗ̄ܘ̣ܵܐ ܕܒܸܣܪܵܢܵܐ ܗ̄ܘ̣ܵܐ܀ ܘܥܲܠܗܵܝ̇ ܫܲܒ̣ܩܹܗ ܒܐܝܼ̈ܕܲܝ ܡܘܼܫܹܐ ܣܵܦ̇ܪܵܐ ܢܸܪܕܹܝܘܗܝ: ܘܟܸܢ ܝܵܗܹ̇ܒ̣ ܠܹܗ ܢܸܩܪܸܐ ܟܬܼܵܒ̣ܵܐ ܕܲܓ̣ܡܝܼܪܘܼܬܼܵܐ܀ ܘܫܲܪܝܼ ܣܵܪܹܒ̣ ܥܲܠ ܦܘܼܩ̈ܕܵܢܹܐ ܕܲܢܛܲܪ ܐܸܢܘܿܢ: ܘܲܥ̣ܒܲܕܼ ܐܸܢܘܿܢ ܘܲܓ̣ܡܲܪ ܐܸܢܘܿܢ ܡ̣ܢ ܛܲܠܝܘܼܬܹܗ܀ ܘܲܒ̣ܗܵܝ̇ ܩܲܪܢܵܐ ܪܵܡܬܼܵܐ ܫܲܪܝܼ ܕܵܩܲܪ ܣܲܟ̣ܠܵܐ: ܘܲܡܪܝܼܡ ܩܵܠܹܗ ܘܡܲܣܓܸܐ ܡܸܠܹ̈ܐ ܕܕܲܓܵܠܘܼܬܼܵܐ: ܦܘܼܩ̈ܕܵܢܹܐ ܠܲܡ ܢܸܛ̇ܪܹܬܼ ܐܸܢܘܿܢ ܗܵܐ ܡ̣ܢ ܛܲܠܝܘܼܬܼܝ: ܚܲܕܼܬܼܵܐ ܡܸܕܸܡ ܐܵܘܣܸܦ ܠܝܼ ܐܲܢ̄ܬ݁ ܡ̣ܢ ܝܘܼܠܦܵܢܵܟ̣܀ ܐ̄ܡܲܪ ܠܝܼ ܥܠܲܝܡܵܐ ܫܝܼܛ ܠܵܟ̣ ܡܘܼܫܹܐ ܘܲܢܛܘܼܪ̈ܵܬܹܗ: ܘܬܼܘܼܒ̣ ܝܲܬ݁ܝܼܪܵܐ ܬܵܒܲܥ̇ ܐܲܢ̄ܬ݁ ܠܝܼ ܐܹܡܲܠܸܠ ܠܵܟ̣܀ ܟܠ ܦܘܼܩ̈ܕܵܢܹܐ ܕܡܘܼܫܹܐ ܢܛܝܼܪܝܼܢ ܐܲܝܟ̣ ܕܐܵܡܲܪ ܐܲܢ̄ܬ݁: 260 ܘܬܼܘܼܒ̣ ܦܘܼܩ̈ܕܵܢܹܐ ܐ̄ܚܪ̈ܵܢܹܐ ܚܲܕܼ̈ܬܹܐ ܗܵܐ ܒܵܥܹ̇ܐ ܐܲܢ̄ܬ݁܀ ܪܵܡ ܐܲܢ̄ܬ݁ ܡܵܕܹܝܢ ܢܵܡܘܿܣܵܐ ܘܡ̣ܢ ܦܘܼܩ̈ܕܵܢܹܐ: ܘܡܸܢܹܗ ܕܡܘܼܫܹܐ ܕܣܵܡ̣ ܢܵܡܘܿܣܵܐ ܥܸܠܵܝ ܐܲܢ̄ܬ݁ ܗ̄ܘ̣܀ ܘܲܓ̣ܡܝܼܪܵܐ ܐܲܢ̄ܬ݁ ܪܘܼܚܵܢܵܝܵܐ ܐܲܢ̄ܬ݁ ܐܲܝܟ̣ ܕܐܵܡܲܪ ܐܲܢ̄ܬ݁: ܘܡܲܡܠܠܵܐ ܕܲܓ̣ܡܝܼܪ ܨܵܒܹ̇ܝܬ݁ ܕܬܸܫܡܲܥ ܪܘܼܚܵܢܵܐܝܼܬܼ܀ ܘܠܝܼ ܐܝܼܬܼ ܠܝܼ ܡܲܡܠܠܵܐ ܪܲܒܵܐ ܘܪܘܼܚܵܢܵܝܵܐ: ܘܲܡܚܵܣ ܚܵܣܹ̇ܝܬܼ ܥܲܠ ܕܲܚܙܹ̇ܝܬܼܵܟ̣ ܦܲܓ̣ܪܵܢܵܝܵܐ܀ ܫܘܼܚܢܵܐ ܕܢܲܦ̮ܫܵܟ̣ ܠܵܐ ܚܠܝܼܡ ܢܹܐܬܸܐ ܠܲܓ̣ܡܝܼܪܘܼܬܼܵܐ: ܘܡܸܛܠܗܵܢܵܐ ܠܡܘܼܫܹܐ ܫܒܲܩ̇ܬܵܟ̣ ܐܵܣܝܵܐ ܢܸܚܙܹܝܟ̣܀ ܠܗܵܘ̇ ܗܸܓ̣ܝܵܢܵܐ ܕܲܫܒܲܩ̣ ܡܘܼܫܹܐ ܠܵܐ ܦܲܫܸܩܬܵܝܗܝ: ܘܡܸܛܠ ܗܵܢܵܐ ܠܵܐ ܝܸܗ̇ܒܹ݁ܬܼ ܠܵܟ̣ (ܣܸܦܪܵܐ ܪܲܒܵܐ ܣܦ̣ܪ̈ܐ ܪ̈ܡܐ. P:܀ ܡ̣ܢ ܥܲܬ݁ܝܼܩܬܵܐ ܚܲܣܝܼܪ ܐܲܢ̄ܬ݁ ܗ̄ܘ̣ ܕܠܵܐ ܣܲܝܸܟ̣ܬܵܗ̇: ܘܗܵܐ ܓܵܙܹ̇ܡ ܐܲܢ̄ܬ݁ ܕܬܸܩܪܸܐ ܚܕܲܬܵܐ ܢܲܗܝܼܪܵܐܝܼܬܼ܀ ܠܵܘ ܠܝܼ ܚܲܣܝܼܪ ܡܲܡܠܠܵܐ ܪܵܡܵܐ ܐܚܪܢܐ 118. R: ܐܹܩܲܪܸܒ̣ ܠܵܟ̣: ܠܵܟ̣ ܗ̄ܘ̣ ܠܵܐ ܐܝܼܬܼ ܐܸܕܼܢܵܐ ܕܫܵܡ̇ܥܵܐ ܪܘܼܚܵܢܵܐܝܼܬܼ܀ ܐܸܢ ܕܹܝܢ ܓܡܝܼܪܵܐ ܨܵܒܹ̇ܝܬ݁ ܕܬܸܗܘܸܐ ܐܲܝܟ̣ ܕܐܵܡܲܪ ܐܲܢ̄ܬ݁: ܙܸܠ ܩܸܢܝܵܢܵܟ̣ ܙܲܒܸ݁ܢ ܟ̱ܠܹܗ ܘܗܲܒ̣ ܠܲܣܢܝܼ̈ܩܹܐ܀ ܘܠܵܐ ܬܸܩܢܸܐ ܠܵܟ̣ ܒܗ. P: ܒܥܵܠܡܵܐ ܡܸܕܸܡ ܡ̣ܢ ܟܠ ܕܲܩܢܹܝܬ݁ ܕܩܢ̣ܝܬ. P ܕܩܵܢ̣ܝܬ 118. R: ܘܐܸܢ ܬܸܫܒ݁ܘܿܩ ܠܵܟ̣ ܬܲܪܬܹܝܢ ܬܸܠܒܲܫ ܠܵܘ ܪܘܼܚܵܢܵܐ ܐܢ̄ܬ݁܀ ܘܟ̣ܠ ܡܘܿܢ ܕܐܝܼܬܼ ܠܵܟ̣ ܒܐܲܪܥܵܐ ܬܸܕܼܪܹܝܘܗܝ ܥܲܠ ܡܸܣ̈ܟܹ݁ܢܹܐ: 261 ܘܠܵܐ ܬܸܫܒ݁ܘܿܩ ܠܵܟ̣ ܡ̣ܢ ܩܸܢܝܵܢܵܟ̣ ܐܵܦܠܵܐ ܡܸܕܸܡ܀ ܘܟ̣ܠܗܘܿܢ ܢܸܟ̣ܣܹ̈ܐ ܕܐܝܼܬܼ ܙܲܒܸ݁ܢ ܘܲܥܒ̣ܝܼ̈ܕܼܵܬܼܵܟ̣: ܐܵܦ ܨܸܒ̣̈ܘܵܬܼܵܟ̣ ܘܗܲܒ̣ ܠܲܣܢܝܼ̈ܩܹܐ ܟܲܕܼ ܠܵܐ ܬܚܘܼܣ܀ ܘܲܠܡܸܣ̈ܟܹ݁ܢܹܐ ܟܠ ܡܵܐ ܡܘܢ 118. R: ܕܐܝܼܬܼ ܠܵܟ̣ ܗܲܒ̣ ܟܲܕܼ ܚܵܕܿܝܬ݁: ܡܸܬ݁ܬ݁ܣܝܼܡܵܐ ܠܵܟ̣ ܣܝܼܡܬܼܵܐ ܒܪܵܘܡܵܐ ܘܬܼܵܐ ܠܵܟ̣ ܒܵܬܲܪܝ܀ ܘܡܵܐ ܕܐܸܣܬܲܪܩܬ݁ ܕܐܣܬܦܩܬ. Ibid: ܡ̣ܢ ܨܸܒ̣̈ܘܵܬܹܗ ܕܥܵܠܡܵܐ ܒܝܼܫܵܐ: ܡܲܠܸܦ ܐ̄ܢܵܐ ܠܵܟ̣ ܕܐܲܝܟܲܢ ܬܸܚܸܐ ܥܲܡ ܬܲܠܡܝܼ̈ܕܲܝ܀ ܫܡܲܥ̣ ܗ̄ܘ̣ܵܐ ܥܠܲܝܡܵܐ ܡܲܡܠܠܵܐ ܕܪܵܡ ܗ̄ܘ̣ܵܐ ܡ̣ܢ ܢܵܡܘܿܣܵܐ: ܘܙܵܥ̣ ܡ̣ܢ ܫܲܪܒܵܐ ܡܸܛܠ ܕܲܚ̣ܙܵܐ ܕܠܵܐ ܣܵܦܹ̇ܩ ܠܹܗ܀ ܓܙܲܪܬܹܗ ܒܥܵܬܼܵܐ ܠܫܘܼܚܢܹܗ ܥܲܒ̣ܝܵܐ ܘܥܵܦ̣ ܚܲܠܵܫܵܐ: ܘܠܵܐ ܡܸܫܟܲܚ ܗ̄ܘ̣ܵܐ ܓܙܵܪܵܐ ܢܣܲܝܒܲܪ ܕܲܟ̣ܪܝܪܗܵܐ ܗ̄ܘ̣ܵܐ܀ ܘܐܸܬ݁ܬ݁ܒܲܪ ܠܸܒܹܗ ܡ̣ܢ ܝܘܼܠܦܵܢܵܐ ܪܘܼܚܵܢܵܝܵܐ: ܥܲܠ ܕܐܲܚܝܼܕܼ ܗ̄ܘ̣ܵܐ ܒܗܵܘ̇ ܩܸܢܝܵܢܵܐ ܦܲܓ̣ܪܵܢܵܝܵܐ܀ ܘܲܚ̣ܙܵܐ ܕܐܲܝܢܵܐ ܗ̄ܘ̣ ܕܲܪܓ̣ܵܐ ܪܵܡܵܐ ܕܲܓ̣ܡܝܼܪܘܼܬܼܵܐ: ܘܨܲܪ ܗ̄ܘ̣ܵܐ ܘܲܢܦܲܠ ܘܲܕܼܢܸܣܲܩ ܠܹܗ ܠܵܐ ܡܸܫܟܲܚ ܗ̄ܘ̣ܵܐ܀ ܘܲܒ̣ܚܘܼ̈ܫܵܒܹܐ ܥܲܝܘܼܩ̈ܬܼܵܢܹܐ ܡܸܬ݁ܕܲܠܲܚ ܗ̄ܘ̣ܵܐ: ܘܕܲܢܦܲܢܸܐ ܗ̄ܘ̣ܵܐ ܡܸܠܬܼܵܐ ܠܡܵܪܲܢ ܠܵܐ ܡܸܫܟܲܚ ܗ̄ܘ̣ܵܐ܀ ܣܸܠܩܲܬ݀ ܥܵܩ̇ܬܼܵܐ ܐܲܝܟ̣ ܬܸܢܵܢܵܐ ܡ̣ܢ ܪܸܥܝܵܢܹܗ: ܘܲܕܼܥܸܟ̣ ܘܐܵܘܦܝܼ ܢܘܼܗܪܵܐ ܕܐܲܦܵܘ̈ܗܝ ܡ̣ܢ ܟܲܪܝܘܼܬܼܵܐ܀ ܚܲܫܵܐ ܕܲܠܓ̣ܵܘ ܩܦܲܠ̣ ܗ̄ܘ̣ܵܐ ܘܫܲܩ̣ܠܹܗ ܠܫܘܼܦܪܵܐ ܕܲܠܒܲܪ: ܘܟ̣ܠܹܗ ܟܸܢܫܵܐ ܚ̣ܙܵܝܗܝ ܗ̄ܘ̣ܵܐ ܕܲܣܢܸܐ ܘܐܬܲܣܓܝܼ ܒܲܣܪܹܗ܀ 262 ܐܸܬܼܚܲܠܲܦ ܗ̄ܘ̣ܵܐ ܓܲܘܢܵܐ ܕܐܲܦܵܘ̈ܗܝ ܕܲܡܗܲܒܸ݁ܒ̣ ܗ̄ܘ̣ܵܐ: ܘܐܸܬܼܒܲܣܪܲܬ݀ ܗ̄ܘ̣ܵܬܼ ܡܸܠܹܗ ܪܵܡܬܼܵܐ ܕܥܲܬ݁ܝܼܪܵܐ ܗ̄ܘ̣ܵܐ܀ ܐܲܪܟܸܢ ܪܹܫܹܗ ܕܲܡܗܲܠܸܟ̣ ܗ̄ܘ̣ܵܐ ܒܨܵܘܪܵܐ ܪܵܡܵܐ: ܘܢܸܦܠܲܬ݀ ܪܘܼܚܹܗ ܕܣܵܒܲܪ ܗ̄ܘ̣ܵܐ ܠܹܗ ܕܙܲܕܝܼܩܵܐ ܗ̄ܘ̣ܵܐ܀ ܚ̣ܙܵܗ̇ ܗ̄ܘ̣ܵܐ ܠܐܘܼܪܚܵܐ ܕܲܡܗܲܠܸܟ̣ ܒܵܗ̇ ܐܲܝܢܵܐ ܕܲܓ̣ܡܝܼܪ: ܘܲܥܛܲܦ̣ ܠܹܗ ܗܘ݀ ܘܕܲܢܗܲܠܸܟ̣ ܒܵܗ̇ ܠܵܐ ܡܸܫܟܲܚ ܗ̄ܘ̣ܵܐ܀ ܘܲܚ̣ܙܵܐ ܘܝܲܕܼܥܹܗ ܟ̱ܠܹܗ ܟܸܢܫܵܐ ܕܕܲܓܵܠܵܐ ܗ̄ܘ̣ܵܐ: ܘܡܲܠܵܠܵܐ ܗ̄ܘ̣ܵܐ ܘܲܚܬܼܝܼܪܵܐ ܗ̄ܘ̣ܵܐ ܘܠܵܘ ܫܲܪܝܼܪܵܐ܀ ܘܐܸܬ݁ܕܲܢܚܲܬ݀ ܗ̄ܘ̣ܵܬܼ ܡܲܟ݁ܝܼܟ̣ܘܼܬܹܗ ܕܒܲܪ ܐܲܠܵܗܵܐ: ܘܚܲܟ݁ܝܼܡܘܼܬܹܗ ܘܡܲܠܦܵܢܘܼܬܹܗ ܟܡܵܐ ܢܲܗܝܼܪܵܐ܀ ܘܝܼܕܲܥ̣ ܟܸܢܫܵܐ ܟܠ ܐܢܫ 117. R: ܕܲܡܚܵܣ ܚ̣ܵܣ ܗ̄ܘ̣ܵܐ ܥܲܠ ܥܲܬ݁ܝܼܪܵܐ: ܘܠܵܐ ܐܲܣܪܲܚ̣ ܠܹܗ ܗܵܘ̇ ܝܘܼܠܦܵܢܵܐ ܡܢ ܫܘܼܪܵܝܵܐ܀ ܘܐܸܬܼܚܲܙܝܲܬ݀ ܗ̄ܘ̣ܵܬܼ ܡܪܲܚܡܵܢܘܼܬܹܗ ܘܒܲܣܝܼܡܘܼܬܹܗ: ܕܲܟ̣ܡܵܐ ܨܵܒܹ̇ܐ ܕܢܸܚܸܐ ܟܠܢܵܫ ܐܲܝܟܵܐ ܐܝܟ ܡܐ 118. R: ܕܐܝܼܬܼܵܘܗܝ܀ ܘܲܟ̣ܡܵܐ ܡܲܐܣܸܐ ܟܲܕܼ ܠܵܐ ܡܦܲܪܣܸܐ ܠܲܒ̣ܢܲܝ̈ܢܵܫܵܐ: ܐܸܠܵܐ ܡܲܓܲܪ ܪܘܼܚܹܗ ܘܥܵܨܹ̇ܒ̣ ܥܠܝܗܘܢ 117. R: ܡܲܟ݁ܝܼܟ̣ܵܐܝܼܬܼ܀ ܬܲܒ̣ܥܹܗ ܥܠܲܝܡܵܐ ܕܡܵܢܵܐ ܐܸܥܒܸ݁ܕܼ ܕܐܹܪܲܬܼ ܘܐܪܬ. P ܕܐܪܬ 118. R: ܚܲܝܹ̈ܐ ܘܝܵܕܲܥ̇ ܗ̄ܘ̣ܵܐ ܠܹܗ ܕܡܲܠܦܵܢܘܼܬܼܵܐ ܠܵܐ ܡܩܲܒܸ݁ܠ ܗ̄ܘ̣ܵܐ܀ ܘܟܲܕܼ ܝܵܕܲܥ̇ ܠܹܗ ܠܵܐ ܐܲܟ݁ܣܹܗ ܗ̄ܘ̣ܵܐ ܩܕܼܵܡ ܣܲܓܝܼ̈ܐܹܐ: ܠܵܐ ܓܹܝܪ ܐܝܼܬܼ ܠܹܗ ܥܝܵܕܼܵܐ ܢܦܲܪܣܸܐ ܠܲܕܼܩܵܪܹܒ̣ ܠܹܗ܀ 263 ܠܵܐ ܐ̄ܡܲܪ ܗ̄ܘ̣ܵܐ ܠܹܗ ܠܵܐ ܡܸܫܟܲܚ ܐܲܢ̄ܬ݁ ܠܵܐ ܣܵܦܹ̇ܩ ܐܲܢ̄ܬ݁: ܠܵܐ ܫܲܪܝܼܪ ܐܲܢ̄ܬ݁ ܕܲܓܵܠܵܐ ܐܲܢ̄ܬ݁ ܫܲܢܵܐ ܙܸܠ ܠܵܟ̣܀ ܐܸܠܵܐ ܩܲܒ݁ܠܹܗ ܘܨܵܬܹܗ ܘܫܲܡ̣ܥܹܗ ܒܲܣܝܼܡܵܐܝܼܬܼ: ܘܣܵܡ̣ ܠܹܗ ܥܨܵܒ̣ܵܐ ܕܐܸܠܘܼ ܫܲܡܥܹܗ ܡܲܐܣܸܐ ܗ̄ܘ̣ܵܐ ܠܹܗ܀ ܐܸܠܘܼ ܫܲܡ̣ܥܹܗ ܟܲܕܼ ܐܸܡܲܪ ܠܹܗ ܛܲܪ ܦܘܼܩ̈ܕܵܢܹܐ: ܘܐܸܙܲܠ̣ ܘܲܢܛܲܪ ܠܵܘ̇ ܦܘܼܪܣܵܝܵܐ ܠܵܐ ܐܵܬܹ̇ܐ ܗ̄ܘܵܐ܀ ܐܸܠܵܐ ܒܥ̣ܵܐ ܗ̄ܘ̣ܵܐ ܕܢܸܚܛܘܿܦ ܕܲܪܓ̣ܵܐ ܕܠܵܐ ܕܝܼܠܹܗ ܗ̄ܘ̣ܵܐ: ܘܲܢܦܲܠ̣ ܘܲܗܘ݀ܵܐ ܓܘܼܚܟܵܐ ܒܟܸܢܫܵܐ (ܕܲܟ̣ܡܵܐ ܐܲܡܪܲܚ̣ ܟܡܐ ܠ ܐܫܟܚ 118. R. P:܀ ܪܸܚܡܲܬܼ ܥܵܠܡܵܐ ܠܒ̣ܝܼܟ̣ܵܐ ܗ̄ܘ̣ܵܬܼ ܠܹܗ ܐܲܝܟ̣ ܐܸܫܵܬܼܵܐ: ܘܗܝ݀ ܫܲܬܸܩܬܹܗ ܘܕܲܢܡܲܠܸܠ ܗ̄ܘ̣ܵܐ ܠܵܐ ܡܸܫܟܲܚ ܗ̄ܘ̣ܵܐ܀ ܐ̄ܣܝܼܪ ܗ̄ܘ̣ܵܐ ܒܕܲܗܒܹܗ ܘܲܒ̣ܩܸܢܝܵܢܹܗ ܘܡܸܛܠ ܕܲܒ̣ܥ̣ܵܐ ܕܨܒ̣ܐ. P: ܕܢܸܫܪܹܝܘܗܝ ܡܸܢܹܗ ܒܲܪ ܐܲܠܵܗܵܐ ܕܥܸܟ̣ ܚܲܠܵܫܵܐ܀ ܣܲܓܝܼ ܪܵܡܵܐ ܐܘܼܪܚܵܐ ܕܚܲܝܹ̈ܐ ܡ̣ܢ ܗܲܠܵܟܹ̈ܐ: ܘܲܙܥܘܿܪܝܼܢ ܒܵܗ̇ ܐ̄ܢܵܫܵܐ ܕܪܵܕܹܝܢ ܠܐܲܬܼܪܵܐ ܪܵܡܵܐ܀ ܐܝܼܬܼ ܒܵܗ̇ ܡܝܼ̈ܠܹܐ ܐܵܦ ܐܵܘܵܢܹ̈ܐ ܕܙܲܕܝܼܩܘܼܬܼܵܐ: ܘܲܠܟ̣ܠ ܬܸܓ̣ܡ̈ܝܼܢ ܐܝܼܬܼ ܒܵܗ̇ ܐܲܬܼܪܵܐ ܠܲܡܗܲܠܵܟ̣ܘܼ܀ ܟܵܣܵܐ ܕܡܲܝ̈ܵܐ ܐܸܢ ܡܲܫܩܸܐ ܐ̄ܢܵܫ ܠܐܲܝܢܵܐ ܕܲܨܗܸܐ: ܡܗܲܠܸܟ̣ ܗ̄ܘ̣ ܒܵܗ̇ ܘܐܝܼܬܼ ܠܹܗ ܐܲܓ̣ܪܵܐ ܡ̣ܢ ܟܹܐܢܘܼܬܼܵܐ܀ ܡܸܠܬܼܵܐ ܛܵܒ̣ܬܼܵܐ ܕܢܹܐܡܲܪ ܢܐܡܪ 118. R: ܒܲܠܚܘܿܕܼ ܥܲܠ ܩܲܪܝܼܒܹܗ: ܩܲܪܝܼܒ̣ ܗ̄ܘ̣ ܠܵܗ̇ ܠܐܘܼܪܚܵܐ ܕܚܲܝܹ̈ܐ ܘܲܡܗܲܠܸܟ ܒܵܗ̇܀ 264 ܘܲܟ̣ܡܵܐ ܕܢܵܘܣܸܦ ܥܲܠ ܛܵܒ̣ܵܬܼܵܐ ܐܝܼܬܼ ܠܹܗ ܐܲܬܼܪܵܐ ܐܓܪܐ 117. R: ܕܢܸܪܕܹܐ ܒܐܘܼܪܚܵܐ ܘܡܲܥܠܵܐ ܠܚܲܝܹ̈ܐ ܢܲܗܝܼܪܵܐܝܼܬܼ܀ ܗܵܘ̇ ܥܲܬ݁ܝܼܪܵܐ ܐܸܠܘܼ ܩ̣ܵܘܝܼ ܥܲܠ ܦܘܼܩ̈ܕܵܢܹܐ: ܕܡܘܼܫܹܐ ܪܲܒܵܐ ܦܫܝܼܩ ܗ̄ܘ̣ܵܐ ܕܢܹܐܪܲܬܼ ܚܲܝܹ̈ܐ ܚܲܕܼ̈ܬܹܐ܀ ܘܐܸܠܘܼ ܙܲܒܸ݁ܢ ܟܠܡܵܐ ܕܲܩܢܸܐ ܐܲܝܟ̣ ܕܐܸܬܼܦܲܩܲܕܼ: ܘܝܲܗ̄ܒ̣ ܠܲܣܢܝܸ̈ܩܹܐ ܬܘܼܒ̣ ܚܵܝܹ̇ܐ ܗ̄ܘ̣ܵܐ ܒܪܲܗܛܵܐ ܕܐܘܼܪܚܹܗ܀ ܠܪܵܘܡܵܗ̇ ܕܐܘܼܪܚܵܐ ܗܵܘ̇ ܥܸܠܵܝܵܐ ܠܵܐ ܣܵܦܹ̇ܩ ܗ̄ܘ̣ܵܐ: ܘܠܵܐ ܡܵܐ ܕܒܲܕܲܪ ܟ̱ܠܹܗ ܥܘܼܬܼܪܹܗ ܥܲܠ ܡܸܣ̈ܟܹ݁ܢܹܐ܀ ܡܲܡܠܠܵܐ ܐ̄ܚܪܹܢܵܐ ܐܝܼܬܼ ܗ̄ܘ̣ܵܐ ܠܡܵܪܲܢ ܕܲܢܡܲܠܸܠ ܠܹܗ: ܘܡܸܛܠܗܵܢܵܐ ܬܵܐ ܠܵܟ̣ ܒܵܬܲܪܝ ܐܵܡܲܪ ܗ̄ܘ̣ܵܐ ܠܹܗ܀ ܡܵܐ ܕܦܲܠܸܓ̣ ܓܹܝܪ (ܟܠ ܡܵܐ ܕܲܩܢܸܐ ܟܠܗ ܥܘܬܪܗ 118. R: ܥܲܠ ܡܸܣ̈ܟܹ݁ܢܹܐ: ܠܵܘ ܡ̣ܢ ܗܵܕܹܐ ܗܘ݀ܵܐ ܠܹܗ ܓܡܝܼܪܵܐ ܘܪܘܼܚܵܢܵܝܵܐ܀ ܡܸܣܬܲܦܵܩܘܼ ܐܸܣܬܲܦܲܩ ܐ̄ܢܵܫ ܡ̣ܢ ܨܸܒܼ̈ܘܵܬܼܵܐ: ܡܵܐ ܕܐܸܬܼܦܲܠܲܓ̣ ܟܠ ܡܘܿܢ ܕܲܩܢܸܐ ܕܢܸܩܢܸܐ ܚܲܝܵܘ̈ܗܝ܀ ܘܝܘܼܩܪܵܐ ܕܥܵܠܡܵܐ ܫܵܕܹܐ ܡܸܢܹܗ ܕܢܸܗܘܸܐ ܦܫܝܼܩ ܠܹܗ: ܕܟܲܕܼ ܠܵܐ ܡܦܲܟܲܪ ܢܸܪܗܲܛ (ܒܐܘܼܪܚܵܐ ܕܙܲܕܝܼܩܘܼܬܼܵܐ ܒܬܪ ܙܕ :. Ibid:܀ ܙܸܠ ܠܲܡ ܙܲܒܸܢ ܘܗܲܒ̣ ܠܲܣܢܝܼ̈ܩܹܐ ܘܬܼܵܐ ܠܵܟ̣ ܒܵܬܲܪܝ: ܘܐܹܚܵܘܸܐ ܠܵܟ̣ ܟ̱ܠܵܗ̇ ܐܘܼܪܚܵܐ ܕܲܓ̣ܡܝܼܪܘܼܬܼܵܐ܀ ܘܐܸܠܘܼ ܙܲܒܸ݁ܢ ܘܐܸܙܲܠ̣ ܒܵܬܼܪܹܗ ܐܲܝܟ̣ ܕܐܸܡܲܪ ܠܹܗ: ܡܲܡܠܠܵܐ ܕܥܸܠܵܝ ܡ̣ܢ ܩܲܕܼܡܵܝܵܐ ܬܘܼܒ̣ ܫܵܡܲܥ̇ ܗ̄ܘ̣ܵܐ܀ 265 ܐܵܡܲܪ ܗ̄ܘ̣ܵܐ ܠܹܗ ܐܸܠܘܼ ܨܒ̣ܵܐ ܗ̄ܘ̣ܵܐ (ܕܒ̣ܵܬܼܪܹܗ ܢܹܐܙܲܠ ܕܢܐܙܠ ܒܬܪܗ 118. R: ܕܐܸܢ ܒܵܠܲܥ̇ ܐܲܢ̄ܬ݁ ܐܲܬܼܩܸܢ ܦܲܟܵܟ̣ ܠܲܕܼܡܵܚܹ̇ܐ ܠ̣ܵ܀ ܘܐܸܢ ܟܘܿܬ݁ܝܼܢܵܟ̣ ܫܵܩ̇ܠܝܼܢ ܡܸܢ̣ܵ ܐ̄ܢܵܫܵܐ ܒܝܼ̈ܫܹܐ: ܫܒ̣ܘܿܩ ܒܐܝܼܕܼܵܝ̈ܗܘܿܢ (ܘܐܲܪܦܵܐ ܫܵܩ̇ܠܝܼܢ ܐܵܦ ܡܲܪܛܘܼܛܵܟ̣ ܐܦ ܡܪܛܘܛܟ ܐ ܬܠܡܝܕܝ ܐܢܬ. Ibid:܀ ܘܐܸܢ ܣܵܢܹ̇ܝܢ ܠܵܟ̣ ܘܐܸܢ ܪܵܕܼܦ̇ܝܼܢ ܠܵܟ̣ ܒܲܪܸܟ̣ ܐܸܢܘܿܢ: ܘܨܲܠܵܐ ܥܠܲܝܗܘܿܢ ܟܲܕܼ ܐܢ. Ibid: ܡܵܚܹ̇ܝܢ ܠܵܟ̣ ܘܲܪܚܲܡ ܐܸܢܘܿܢ܀ ܘܐܸܢ ܕܵܝܢ̇ܝܼܢ ܠܵܟ̣ ܐܲܢ̄ܬ݁ ܠܵܐ ܬܹܐܨܲܦ ܠܲܡܡܲܠܵܠܘܼ: ܘܐܸܢ ܪܵܕܼܦ̇ܝܼܢ ܠܵܟ̣ ܫܲܢܵܐ ܒܚܘܼܒܵܐ ܕܠܵܐ ܪܘܼܥܵܡܵܐ܀ ܘܠܵܐ ܬܸܣܲܒ̣ ܠܵܟ̣ ܫܲܒ̣ܛܵܐ ܠܐܘܼܪܚܵܐ ܘܠܵܐ ܬܲܪܡܵܠܵܐ: ܐܵܦܠܵܐ ܟܝܼܣܵܐ ܘܠܵܐ ܡܵܙܘܿܢܵܐ ܕܟ̣ܠܹܗ ܝܵܘܡܵܐ܀ ܘܣܵܟ̣ ܠܵܐ ܬܹܐܨܲܦ ܡܵܢܵܐ ܬܹܐܟ̣ܘܿܠ ܐܸܢ ܬܲܠܡܝܼܕܼܝ ܐܲܢ̄ܬ݁: ܘܐܸܢ ܝܲܬ݁ܝܼܪ ܐܲܢ̄ܬ݁ ܗܵܐ ܡ̣ܢ ܗܵܠܹܝܢ ܡ̣ܢ ܒܝܼܫܵܐ ܐܲܢ̄ܬ݁܀ ܗܵܘ̇ ܥܲܬ݁ܝܼܪܵܐ ܟܲܕܼ ܠܵܐ ܫܡܲܥ̣ ܗ̄ܘ̣ܵܐ ܗܵܠܹܝܢ ܐܲܡܚܸܠ̣: ܘܲܕܼܚܸܠ̣ ܘܐܵܘܦܝܼ ܘܢܸܫܡܲܥ ܐܸܢܹܝܢ ܠܵܐ ܩ̣ܵܘܝܼ ܗ̄ܘ̣ܵܐ܀ ܩܵܠ ܩܸܢܝܵܢܵܐ ܕܡܸܙܕܲܒܲܢ ܗ̄ܘ̣ܵܐ ܫܡܲܥ ܘܐܸܬ݁ܕܵܘܲܕܼ: ܕܠܵܐ ܒܵܥܹ̇ܐ ܗ̄ܘ̣ܵܐ ܢܙܲܒܸ݁ܢ ܡܸܕܸܡ ܡ̣ܢ ܩܸܢܝܵܢܹܗ܀ ܪܵܚܹܡ ܗ̄ܘ̣ܵܐ ܠܹܗ ܠܗܵܘ̇ ܩܸܢܝܵܢܵܐ ܕܲܡܠܸܐ ܙܲܒ̣ܢܵܐ: ܛܸܒ̣ ܡ̣ܢ ܟ̱ܠܵܗ̇ ܐܘܼܪܚܵܐ ܪܲܒ݁ܬܼܵܐ ܕܲܓ̣ܡܝܼܪܘܼܬܼܵܐ܀ ܘܡܸܛܠ ܕܲܫܡܲܥ̣ ܕܲܠܡܸܣ̈ܟܹ݁ܢܹܐ ܡܸܬܼܦܲܠܲܓ̣ ܗ̄ܘ̣ܵܐ: ܠܵܐ ܥ̣ܪܵܐ ܕܢܸܫܡܲܥ ܕܪܸܚܡܲܬܼ ܥܘܼܬܼܪܵܐ ܡܠܸܐ ܗ̄ܘ̣ܵܐ ܟ̱ܠܹܗ܀ 266 ܡܵܐ ܕܙܲܒܸܢ ܐ̄ܢܵܫ ܟܠ ܡܵܐ ܕܲܩܢܸܐ ܘܝܲܗ̄ܒ̣ ܠܲܣܢܝܼ̈ܩܹܐ: ܢܫܲܪܸܐ ܒܵܥܹ̇ܐ ܕܢܹܐܙܲܠ ܒܐܘܼܪܚܵܐ ܕܲܓ̣ܡܝܼܪܘܼܬܼܵܐ܀ ܐܲܝܟ̣ ܐܝܼܠܵܢܵܐ ܕܡܵܐ ܕܥܵܩ̇ܪܝܼܢ ܠܹܗ ܡ̣ܢ ܚܲܕܼ ܐܲܬܼܪܵܐ: ܕܲܢܣܝܼܡܘܼܢܵܝܗܝ ܒܐܲܬܼܪܵܐ ܐ̄ܚܪܹܢܵܐ ܥܲܡܠܵܐ ܒܵܥܹ̇ܐ܀ ܘܡܵܐ ܕܒܲܕܲܪ ܐ̄ܢܵܫ ܟܠ ܡܵܐ ܕܲܩܢܸܐ ܥܲܠ ܡܸܣ̈ܟܹ݁ܢܹܐ: ܥܕܲܟܹܝܠ ܢܲܦ̮ܫܹܗ ܥ̣ܩܲܪ ܡ̣ܢ ܥܵܠܡܵܐ ܐܲܝܟ̣ ܐܝܼܠܵܢܵܐ܀ ܘܒ̣ܵܥܹ̇ܐ ܥܲܡܠܵܐ ܕܢܸܨܘܿܒ̣ ܢܲܦ̮ܫܹܗ ܒܥܵܠܡܵܐ ܚܲܕܼܬܼܵܐ: ܘܒ̣ܵܥܹ̇ܐ ܫܸܩܝܵܐ ܘܟ̣ܠ ܕܘܼܒܵܪܹ̈ܐ ܕܙܲܕܝܼܩܘܼܬܼܵܐ܀ (ܘܐܸܢ ܠܵܐ ܘܐܠܐ. P: ܪܵܚܹ̇ܡ ܠܲܕܼܣܵܢܹ̇ܝܢ ܠܹܗ ܐܲܝܟ̣ ܕܐܸܬܼܦܲܩܲܕܼ: (ܘܐܸܢ ܠܵܐ ܡܩܲܒܸ݁ܠ ܢܲܬܼܩܸܢ ܦܲܟܵܐ ܠܲܕܼܡܵܚܹ̇ܐ ܠܹܗ܀ ܘܐܸܢ ܡܸܬܼܪܲܦܸܐ ܢܹܐܨܲܦ ܕܲܡܚܵܪ ܠܵܐ ܡܲܟ̣ܫܲܪ ܒܵܗ̇: ܒܐܲܪܥܵܐ ܕܚܲܝܹ̈ܐ ܕܢܲܨܒ݁ܘܼܗܝ ܬܲܡܵܢ ܐܲܝܟ̣ ܐܝܼܠܵܢܵܐ܀ ܡܸܟܵܐ ܥܩܝܼܪ ܗ̄ܘ̣ ܡܵܐ ܕܡܸܣ̈ܟܹ݁ܢܹܐ ܫܩܲܠ̣ܘ ܩܸܢܝܵܢܹܗ: ܘܲܢܨܝܼܒ̣ ܬܲܡܵܢ ܘܣܲܓܝܼ ܐܵܠ̇ܨܵܐ ܥܲܠ ܬܲܪܒ݁ܝܼܬܹܗ܀ ܘܐܸܢ ܕܘܼܒܵܪܹ̈ܐ ܐܲܠܵܗܵܝܹ̈ܐ ܠܵܐ ܡܲܫܩܹܝܢ ܠܹܗ: ܒܥܠܡܵܐ ܚܲܕܼܬܼܵܐ ܕܢܸܬܸܠ ܦܹܐܪܹ̈ܐ ܠܵܐ ܝܵܗ̇ܒ݁ܝܼܢ ܠܹܗ܀ ܘܠܵܐ ܡܵܐ ܕܲܥܩܝܼܪ ܡ̣ܢ ܗܵܢ ܥܵܠܡܵܐ ܘܲܕܼܪܸܐ ܥܘܼܬܼܪܹܗ: ܠܗܲܠ ܠܵܐ ܡܲܟ̣ܫܲܪ ܐܸܠܵܐ ܚܵܝܹ̇ܐ ܢܚܐ. P: ܪܘܼܚܵܢܵܐܝܼܬܼ܀ ܘܠܵܐ ܡܵܐ ܕܲܢܨܝܼܒ̣ ܒܐܲܪܥܵܐ ܕܚܲܝܹ̈ܐ ܝܵܗܹ̇ܒ̣ ܦܹܐܪܹ̈ܐ: ܐܸܢ ܪܸܥܝܵܢܹܗ ܒܥܵܠܡܵܐ ܦܵܗܹ̇ܐ ܥܲܠ ܨܒܼ̈ܘܵܬܼܵܐ܀ ܘܠܵܐ ܡܵܐ ܕܠܵܐ ܩܢܸܐ ܒܥܵܠܡܵܐ ܡܸܕܸܡ ܡܸܫܟܲܚ ܝܵܪܹܬܼ: 267 ܚܲܝܹ̈ܐ ܚܵܕܼ̈ܬܹܐ ܐܸܢ ܡܸܬܼܪܲܓ̣ܪܲܓ ܢܸܩܢܸܐ ܡܸܕܸܡ܀ ܘܡܸܛܠ ܗܵܢܵܐ ܚ̣ܵܣ ܗ̄ܘ̣ܵܐ ܡܵܪܲܢ ܥܲܠ ܥܲܬ݁ܝܼܪܵܐ: ܕܠܵܐ ܢܚܵܘܸܐ ܠܹܗ ܐܲܝܕܵܐ ܗ̄ܝܼ ܐܘܼܪܚܵܐ ܕܲܓ̣ܡܝܼܪܘܼܬܼܵܐ܀ ܕܝܵܕܲܥ̇ ܗ̄ܘ̣ܵܐ ܠܹܗ ܕܠܵܐ ܡܸܫܟܲܚ ܗ̄ܘ̣ܵܐ ܕܲܢܗܲܠܸܟ̣ ܒܵܗ̇: ܕܲܒ̣ܩܸܢܝܵܢܵܐ ܐ̄ܣܝܼܪ ܗ̄ܘ̣ܵܐ ܣܲܓܝܼ ܘܠܵܐ ܡܲܪܦܸܐ ܠܹܗ܀ ܘܕܲܥ̣ܨܵܐ ܥܠܲܝܡܵܐ ܠܡܵܪܲܢ ܘܐܲܠܦܹܗ ܕܡܵܢܵܐ ܡܢܐ 118. R: ܢܸܥܒܸ݁ܕܼ: ܘܟܲܕܼ ܝܑܼܠܸܦ̣ ܗ̄ܘ̣ܵܐ ܠܵܐ ܨܒ̣ܵܐ ܕܢܸܥܒܸ݁ܕܼ ܐܲܝܟ̣ ܕܐܸܬܼܦܲܩܲܕܼ܀ ܪܸܚܡܲܬܼ ܥܘܼܬܼܪܵܐ ܚܢܲܩܬܼܵܗ̇ ܠܢܲܦ̮ܫܹܗ ܕܚܸܫܘܿܟ̣ܵܐ ܘܚܫܘܟܐ 118. R. P: ܗ̄ܘ̣ܵܬܼ: ܠܵܟ̣ ܡܵܪܝ ܢܸܩܢܸܐ ܕܥܘܼܬܼܪܵܐ ܐܲܢ̄ܬ݁ ܪܲܒܵܐ ܠܲܕܼܩܵܢܹ̈ܐ ܠܵܟ̣܀ ܫܠܸܡ̣ ܡܹܐܡܪܵܐ ܕܥܲܠ ܥܠܲܝܡܵܐ ܕܐܸܡܲܪ ܠܡܵܪܲܢ: ܕܡܵܢܵܐ ܐܸܥܒܸ݁ܕܼ ܕܐܹܪܲܬܼ ܚܲܝܹ̈ܐ ܕܲܠܥܵܠܲܡ: ܕܣܝܼܡ ܠܛܘܼܒ̣ܵܢܵܐ ܡܵܪܝ ܝܲܥܩܘܿܒ̣ ܡܲܠܦܵܢܵܐ.