Jacob of Serugh. “On the Pharisee and the Publican Who Went up to the Temple to Pray - ܥܲܠ ܦܪܝܼܫܵܐ ܘܡܵܟ̣ܣܵܐ ܕܐܸܡܲܪ ܡܵܪܲܢ ܕܲܣܠܸܩ̣ܘ ܠܗܲܝܟ݁ܠܵܐ ܠܲܡܨܲܠܵܝܘܼ.” Based upon Paul Bedjan ed., Homiliae selectae Mar-Jacobi Sarugensis vol. 1 (Paris: Harrassowitz, 1905). Digital Syriac Corpus. Last modified March 29, 2018. https://syriaccorpus.org/352.
    
        
            
                ܕܝܼܠܹܗ ܕܩܲܕܝܼܫܵܐ ܡܵܪܝ ܝܲܥܩܘܿܒ̣
                ܡܐܡܪܐ. ܢܓ.
                ܕܥܲܠ ܦܪܝܼܫܵܐ ܘܡܵܟ̣ܣܵܐ: ܕܐܸܡܲܪ ܡܵܪܲܢ:
                ܕܲܣܠܸܩ̣ܘ ܠܗܲܝܟ݁ܠܵܐ ܠܲܡܨܲܠܵܝܘܼ.

            
            
                ܡܲܠܦܵܢܘܼܬܹܗ ܕܒܲܪ ܐܲܠܵܗܵܐ ܚܲܝܹ̈ܐ ܡܲܠܝܵܐ: 
                ܪ̈ܵܚܡܲܝ ܚܲܝܹ̈ܐ ܬܵܘ ܐܸܬܼܒܲܣܲܡܘ ܡ̣ܢ ܝܘܼܠܦܵܢܹܗ܀ 
                ܢܘܼܗܪܵܐ ܐܸܢܹܝܢ ܟܠܗܹܝܢ ܡܸܠܵܘ̈ܗܝ ܠܲܕܼܦܵܪܘܿܫܝܼܢ: 
                ܐܘܿ ܦܵܪ̈ܘܿܫܹܐ ܢܗܲܪܘ ܒܲܣܒܲܪܬܼܵܐ ܕܡܲܠܝܵܐ ܢܘܼܗܪܵܐ܀ 
                ܡ̣ܢ ܣܸܦ̈ܘܵܬܹܗ ܢܲܗܪ̈ܵܘܵܬܼܵܐ ܕܡܲܝ̈ܵܐ ܚܲܝܹ̈ܐ: 
                ܢܦܲܩ̣ܘ ܠܲܒ̣ܪܝܼܬܼܵܐ ܕܢܲܫܩܘܿܢ ܠܐܲܪܥܵܐ ܕܚܲܪܝܼܒ̣ܵܐ ܗ̄ܘ̣ܵܬܼ܀ 
                ܥܲܠ ܠܸܫܵܢܹܗ ܛܘܼ̈ܒܹܐ ܘܥܘܼܬܼܪܹ̈ܐ ܕܠܵܐ ܡܸܬ݁ܕܲܪܟ݁ܝܼܢ: 
                ܘܲܠܫܵܡ̈ܘܿܥܹܐ ܡܦܲܠܸܓ̣ ܡܦܠܓܠ ܞܘܐ. P ܡܦܠܓ ܗܘ 117. R: ܠܗܘܿܢ
                    ܒܲܟ̣ܢܘܼ̈ܫܵܬܼܵܐ܀ 
                ܒܡܲܦ̮ܬܲܚ ܦܘܼܡܹܗ ܡܘܬܵܐ ܥܵܪܹܩ ܡܵܐ ܕܲܡܡܲܠܸܠ: 
                ܘܚܲܝܠܹܗ ܩܝܵܡܬܵܐ ܠܡܝܼ̈ܬܹܐ ܝܵܗܹ̇ܒ̣ ܕܲܢܥܝܼܪ ܐܸܢܘܿܢ܀ 
                 300 
                ܡ̣ܢ ܦܸܬܼܓ̣ܵܡܵܘ̈ܗܝ ܕܵܢܚ̇ܝܼܢ ܚܲܝܹ̈ܐ ܥܲܠ ܢܲܦ̮̈ܫܵܬܼܵܐ: 
                ܐܵܦ ܡܸܬܼܚܲܠ̈ܡܵܢ ܕܐܸܬܼܢܲܟܲܬܼ ܗ̄ܘܲܝ̈ ܡ̣ܢ ܚܲܪܡܵܢܵܐ܀ 
                ܒܐܸܕܼܢܹ̈ܐ ܕܡܝܼ̈ܬܹܐ ܢܵܦܹ̇ܠ ܩܵܠܹܗ ܡܵܐ ܕܲܡܡܲܠܸܠ: 
                ܘܐܲܝܟ̣ ܡ̣ܢ ܫܸܢܬܼܵܐ ܢܵܝ̇ܕܝܼܢ ܢܕܝܢ 117. R: ܩܵܝ̇ܡܝܼܢ ܠܲܡܫܲܒܵܚܘܼ܀ 
                ܛ̣ܥܲܢ ܚܘܼܠܡܵܢܹ̈ܐ ܘܐܲܝܬܝܼ ܠܐܲܬܼܪܲܢ ܡ̣ܢ ܒܹܝܬܼ ܐܲܒ̣ܘܼܗܝ: 
                ܘܦܲܠܸܓ̣ ܡܲܓܵܢ ܠܲܡ̈ܡܲܚܲܝܵܐ ܘܐܲܚܠܸܡ̣ ܐܸܢܘܿܢ܀ 
                ܥܲܠ ܟܘܼܪ̈ܗܵܢܹܐ ܕܢܲܚ̣ ܐܲܝܟ̣ ܫܸܡܫܵܐ ܥܲܠ ܛܸܠܵܠܹ̈ܐ: 
                ܘܐܲܥܪܸܩ̣ ܐܸܢܘܿܢ ܡ̣ܢ ܟܠ ܦܲܓ̣ܪ̈ܝܼܢ ܕܲܡܡܲܚܲܝ̈ܵܐ܀ 
                ܒܡܲܠܦܵܢܘܼܬܹܗ ܐܲܣܝܼ ܠܢܲܦ̮ܫܵܐ ܕܲܟ̣ܪܝܼܗܵܐ ܗ̄ܘ̣ܵܬܼ: 
                ܘܥܸܨܒܲܬ݀ ܡܸܠܬܹܗ (ܠܦܲܓ̣ܪܵܐ ܕܡܝܼܬܼܵܐ ܠܦܓܪ̈ܐ ܕܡܝ̈ܬܐ. P ܠܦܓܪܐ ܕܟܐܒ̈ܐ 117. R:
                    ܕܲܡܡܲܚܲܝ ܗ̄ܘ̣ܵܐ܀ 
                ܛܪܲܕܼ ܡ̣ܢ ܢܲܦ̮ܫܵܐ ܚܛܵܗܵܐ ܡܘܼܡܵܐ ܕܩܵܛܹ̇ܠ ܗ̄ܘ̣ܵܐ ܠܵܗ̇: 
                ܐܵܦ ܡ̣ܢ ܦܲܓ̣ܪܵܐ ܟܹܐܒ̣ܵܐ ܘܫܘܼܚܢܵܐ ܕܡܵܥܹ̇ܣ ܗ̄ܘ̣ܵܐ ܠܹܗ܀ 
                ܚܛܵܗܹ̈ܐ ܕܢܲܦ̮ܫܵܐ ܘܟܹܐܒܹ̈ܐ ܕܦܲܓܪܵܐ ܕܣܲܓܝܼܐܝܼܢ ܗ̄ܘ̣ܵܘ: 
                ܐܲܝܟ̣ ܬܸܢܵܢܵܐ ܒܪܘܼܚܵܐ ܩܫܝܼܬܼܵܐ ܐܸܬ݁ܛܲܠܲܩܘ ܗ̄ܘ̣ܵܘ܀ 
                ܐܲܝܟܵܐ ܕܲܚ̣ܙܵܐ ܚܛܵܗܵܐ ܒܢܲܦ̮ܫܵܐ ܝܲܗ̄ܒ̣ ܫܘܼܒ̣ܩܵܢܵܐ: 
                ܘܡܵܐ ܕܲܦܓܲܥ̣ ܒܹܗ ܟܹܐܒ̣ܵܐ ܕܦܲܓ̣ܪܵܐ ܝܲܗ̄ܒ̣ ܚܘܼܠܡܵܢܵܐ܀ 
                ܝܲܗ̄ܒ̣ ܟܲܕܼ ܡܲܠܸܦ ܘܵܝܵܐ ܠܣܵܦ̇ܪܹ̈ܐ ܘܠܲܦܪ̈ܝܼܫܵܝܹܐ: 
                ܟܘܵܝܵܐ ܠܟܹܐܒ̣ܵܐ ܕܲܡܪܲܕܼ ܗ̄ܘ̣ܵܐ ܠܹܗ ܡ̣ܢ ܚܘܼܠܡܵܢܵܐ܀ 
                ܚ̣ܙܵܐ ܠܪܵܡܘܼܬܼܵܐ ܘܚ̣ܵܣ ܥܲܠ ܢܲܦ̮ܫܵܐ ܕܲܩܛܝܼܠܵܐ ܒܵܗ̇: 
                ܘܝܲܗ̄ܒ̣ ܠܵܗ̇ ܓܙܵܪܵܐ ܘܣܵܡ̣ ܠܵܗ̇ ܟܘܵܝܵܐ ܢܲܐܣܸܐ ܫܘܼܚܢܵܗ̇܀ 
                ܚ̣ܙܵܐ ܠܡܸܣ̈ܟܹ݁ܢܹܐ ܕܲܡܥܵܩܝܼܢ ܒܵܗ̇ ܒܡܸܣܟܹ݁ܢܘܼܬܼܵܐ:
                301ܘܲܠܡܸܣ̈ܟܹ݁ܢܹܐ ܝܲܗ̄ܒ̣ ܗ̄ܘ̣ܵܐ ܛܘܼܒ̣ܵܐ ܢܠܲܒܸ݁ܒ̣ ܐܸܢܘܿܢ܀ 
                ܚ̣ܙܵܐ ܠܥܲܬܝܼܪܹ̈ܐ ܕܠܵܐ ܡܸܬܼܪܲܚܡܝܼܢ ܥܲܠ ܡܸܣ̈ܟܹ݁ܢܹܐ: 
                ܘܲܓ̣ܠܵܝܗܝ ܘܲܕܼܥܲܬܝܼܪܵܐ ܘܲܕܼܠܵܥܵܙܲܪ܀ 
                ܒܗܵܘ̇ ܕܲܒ̣ܥ̣ܵܐ ܗ̄ܘ̣ܵܐ ܛܘܼܦܬܼܵܐ ܕܡܲܝ̈ܵܐ ܘܠܵܐ ܝܲܗ̄ܒ̣ܘ ܗ̄ܘ̣ܵܘ ܠܹܗ: 
                ܐܲܠܸܦ̣ ܐܸܢܘܿܢ ܠܲܡܪܲܚܵܡܘܼ ܥܲܠ ܡܸܣ̈ܟܹ݁ܢܹܐ܀ 
                ܠܘܼܩܒܲܠ ܥܵܘ̣ܠܵܗ̇ ܕܢܲܦ̮ܫܵܐ ܕܐܝܼܬܼܵܘܗܝ ܫܘܼܚܢܵܐ ܟܲܣܝܵܐ ܠܠܝܐ. R: 
                ܢܘܼܪܵܐ ܕܕܼܝܼܢܵܐ ܓܠ̣ܵܐ ܚ̣ܵܘܝܼ ܠܵܗ̇ ܕܬܸܗܘܸܐ ܕܢܗܘܐ. P: ܫܲܦܝܼܪ܀ 
                ܚܲܕܼ ܣܘܼܥܪܵܢܵܐ ܡ̣ܢ ܣܘܼܥܪ̈ܵܢܹܐ ܕܥܵܠܡܵܐ ܚܲܕܼܬܼܵܐ: 
                ܬܢ̣ܵܐ ܕܲܢܥܲܕܲܪ ܘܲܠܥܲܬܝܼܪܹ̈ܐ ܘܲܠܡܸܣ̈ܟܹ݁ܢܹܐ܀ 
                ܒܛܘܼܦܬܼܵܐ ܕܲܒ̣ܥ̣ܵܐ ܘܠܵܐ ܝܲܗ̄ܒ̣ܘ ܗ̄ܘ̣ܵܘ ܠܹܗ ܠܗܵܘ̇ ܕܲܫܐܸܠ̣ ܗ̄ܘ̣ܵܐ: 
                ܐܲܪܡܝܼ ܙܵܘܥܵܐ ܥܲܠ ܥܲܬ݁ܝܼܪܹ̈ܐ ܕܠܵܐ ܢܸܬܼܓܲܐܘܿܢ܀ 
                ܘܲܒ̣ܠܵܥܵܙܲܪ ܗܵܘ̇ ܕܲܣܡܝܼܟ̣ ܗ̄ܘ̣ܵܐ ܨܹܝܕܼ ܐܲܒ̣ܪܵܗܵܡ: 
                ܝܲܗ̄ܒ̣ܘ ܠܘܼܒܵܒ̣ܵܐ ܠܐܲܝܢܵܐ ܕܟܲܦܬܹܗ ܡܸܣܟܹܢܘܼܬܼܵܐ܀ 
                ܨܵܪܹܗ ܠܥܵܠܡܵܐ ܒܲܒ̣ܬܼܘܼ̈ܠܵܬܼܵܐ ܥܣܲܪ ܟܲܕܼ ܡܲܠܸܦ: 
                ܘܲܓ̣ܠ̣ܵܐ ܘܚ̣ܵܘܝܼ ܥܲܠ ܣܲܟ̣̈ܠܵܬܼܵܐ ܘܚܲܟ݁ܝܼ̈ܡܵܬܼܵܐ܀ 
                ܕܲܬ݁ܛܲܝܸܒ̣ ܠܵܗ̇ ܢܲܦ̮ܫܵܐ ܡܸܫܚܵܐ ܥܒ̣ܵܕܹ̈ܐ ܛܵܒܹ̈ܐ: 
                ܚ̣ܵܘܝܵܗ̇ ܕܐܲܝܟܲܢ ܥܵܐ̈ܠܵܢ ܥܲܡܹܗ ܚܲܟ݁ܝܼ̈ܡܵܬܼܵܐ܀ 
                ܕܲܚܠ̣ܵܗ̇ ܠܢܲܦ̮ܫܵܐ ܕܐܸܠܵܐ ܢܵܗ̇ܪܵܐ ܒܫܲܦܝܼܪ̈ܵܬܼܵܐ: 
                ܠܵܐ ܦܵܬܼܚ̇ܝܼܢ ܠܵܗ̇ ܬܸܥܘܿܠ ܨܹܐܕܼܵܘܗܝ ܡܵܐ ܕܲܡܦܝܼܣܵܐ܀ 
                ܨܵܪ ܬܘܼܒ̣ ܢܲܦ̮ܫܹܗ ܒܪܵܥܝܵܐ ܕܝܼܨܸܦ̣ ܠܲܡܦܲܪܵܫܘܼ: 
                ܓܕܲܝ̈ܵܐ ܘܐܸܡܪܹ̈ܐ ܡ̣ܢ ܝܲܡܝܼܢܵܐ ܘܡ̣ܢ ܣܸܡܵܠܵܐ܀ 
                 302 
                ܐܸܡܪܹ̈ܐ ܒܢܘܼܗܪܵܐ ܘܲܒ̣ܚܫܘܿܟ̣ܵܐ ܓܕܼܲܝ̈ܵܐ ܐܲܩܝܼܡ̣: 
                ܕܐܵܦ ܗܘ݀ ܓܵܘܢܹܗ ܕܓܲܕܼܝܵܐ ܚܸܫܘܿܟ̣ ܠܲܕܼܚܵܐܲܪ ܒܹܗ܀ 
                ܓܠ̣ܵܐ ܟܲܕܼ ܡܲܠܸܦ ܡܸܕܸܡ ܕܲܥܬܼܝܼܕܼ ܠܲܡܡܲܠܵܠܘܼ: 
                ܠܗܵܠܹܝܢ ܕܲܡܩܝܼܡ ܡ̣ܢ ܝܲܡܝܼܢܹܗ ܘܡ̣ܢ ܣܸܡܵܠܹܗ܀ 
                ܙܸܠܘ ܠܟ̣ܘܿܢ ܠܝܼ̈ܛܹܐ ܫܵܡ̇ܥܝܼܢ ܡܸܢܹܗ ܒܢܲܝ̈ ܣܸܡܵܠܵܐ: 
                ܘܬܼܵܘ ܥܘܿܠܘ ܘܝܼܪܲܬܼܘ ܫܵܡ̇ܥܝܼܢ ܡܸܢܹܗ ܒܢܲܝ̈ ܝܲܡܝܼܢܵܐ܀ 
                ܗܵܠܹܝܢ ܩܵܠܹ̈ܐ ܕܚܲܪܬܼܵܐ ܩܲܕܸܡ ܡܲܠܸܠ̣ ܐܸܢܘܿܢ: 
                ܥܲܠ ܕܲܢܥܲܕܲܪ ܠܐܲܝܢܵܐ ܕܫܵܡܲܥ̇ ܡܲܠܦܵܢܘܼܬܹܗ܀ 
                ܕܥܲܕܼܠܵܐ ܢܹܐܙܲܠ ܠܐܲܬܼܪܵܐ ܕܕܝܼܢܵܐ ܢܸܗܘܸܐ ܝܵܕܲܥ̇: 
                ܡܵܢܵܐ ܗ̄ܘ̣ ܕܝܼܢܵܐ ܘܲܢܛܲܝܸܒ̣ ܠܹܗ ܥܒ̣ܵܕܹ̈ܐ ܛܵܒܹ̈ܐ܀ 
                ܒܟ̣ܠܗܘܿܢ ܦܘܼܪ̈ܣܹܐ ܢܵܘܬܲܪ ܝܵܨܹ̇ܦ ܠܲܒ̣ܢܲܝ̈ܢܵܫܵܐ: 
                ܒܡܲܠܦܵܢܘܼܬܹܗ ܡܲܠܝܲܬܼ ܬܲܗܪܵܐ ܒܲܪ ܐܲܠܵܗܵܐ܀ 
                ܒܕܼܘܼܟܵܐ ܕܘܼܟܵܐ ܒܡܲܬܼ̈ܠܹܐ ܡܲܠܸܠ̣ ܘܲܒ̣ܦܸܠܵܐ̈ܬܼܵܐ: 
                (ܒܕܼܘܼܟ݁ܬܼܵܐ ܐ̄ܚܪܹܬܼܵܐ ܒܕܘܟܐ ܐܚܪܬܐ 118. R ܒܕܘܟܐ ܐܚܪܢܐ 117. R:
                    ܓܙܵܡܹ̈ܐ ܘܢܸܓ̣ܕܹ̈ܐ ܠܢܲܦ̮ܫܵܐ ܚ̣ܵܘܝܼ܀ 
                ܐܝܼܬܼ ܬܘܼܒ̣ ܐܸܡܲܬܼܝ ܕܲܒ̣ܡܵܘܗܲܒ̣ܬܼܵܐ ܘܲܒ̣ܬܸܫܒ݁ܘܿܚܬܵܐ: 
                ܡܫܲܓܸܫ ܗ̄ܘ̣ܵܐ ܠܵܗ̇ ܠܢܲܦ̮ܫܵܐ ܕܬܸܪܚܲܡ ܫܲܦܝܼܪ̈ܵܬܼܵܐ܀ 
                ܡܲܠܸܠ̣ ܬܲܡܵܢ ܡܸܛܠ ܡܵܟ̣ܣܵܐ ܘܲܦܪܝܼܫܵܝܵܐ: 
                ܘܲܥܒܲܕܼ ܫܲܪܒܵܐ ܕܡܵܘܬܲܪ ܣܲܓܝܼ ܠܕܼܫܵܡܲܥ̇ ܠܹܗ܀ 
                ܥܲܠ ܪܵܡܘܼܬܼܵܐ ܘܡܲܟ݁ܝܼܟ̣ܘܼܬܼܵܐ ܨܒ̣ܵܐ ܕܲܢܚܵܘܸܐ: 
                ܕܐܲܝܕܵܐ ܚܵܝ̇ܒܵܐ ܘܐܲܝܕܵܐ ܙܵܟ̣݁ܝܵܐ ܩܕܼܵܡ ܕܲܝܵܢܵܐ܀ 
                ܒܥ̣ܵܐ ܕܲܢܩܲܦܲܚ ܘܲܠܫܘܼܒ̣ܗܵܪܵܐ ܘܠܲܚܬܼܝܼܪܘܼܬܼܵܐ:
                 303 
                ܕܡܸܬܼܡܲܟ݁ܟ̣ܵܐ ܒܗܘܿܢ ܢܲܦ̮ܫܵܐ ܘܚܵܝ̇ܒܵܐ ܩܕܼܵܡ ܟܹܐܢܘܼܬܼܵܐ܀ 
                ܘܡܸܛܠ ܚܘܼܒܹܗ ܨܒ̣ܵܐ ܕܲܢܦܲܨܸܐ ܡ̣ܢ ܪܵܡܘܼܬܼܵܐ: 
                ܘܡܟ̤ ܥܸܕܼܠܵܝܵܐ ܠܢܲܦ̮ܫܵܐ ܕܦܵܠ̇ܚܵܐ ܫܲܦܝܼܪ̈ܵܬܼܵܐ܀ 
                ܕܠܵܐ ܬܸܣܬܲܪܲܩ ܒܵܬܲܪ ܠܹܐܘܬܼܵܗ̇ ܡ̣ܢ ܛܵܒ̣ܵܬܼܵܗ̇: 
                ܘܬܼܵܘܒܸ݁ܕܼ ܥܲܡܠܵܗ̇ ܒܪܘܼܚܵܐ ܪܵܡܬܼܵܐ ܐܸܢ ܬܸܗܘܸܐ ܠܵܗ̇܀ 
                ܥܲܠ ܙܲܕܝܼܩܵܐ ܐܲܪܡ̣ܝܼ ܙܵܘܥܵܐ ܕܟܲܕܼ ܙܲܕܝܼܩܵܐ ܗ̄ܘ̣: 
                ܠܵܐ ܫܲܠܝܼܛ ܠܹܗ ܕܢܸܬܼܢܸܐ ܡܸܡܬܼܘܿܡ ܫܲܦܝܼܪ̈ܵܬܹܗ܀ 
                ܘܲܠܚܲܛܵܝܵܐ ܠܲܒ݁ܒܹܗ ܘܣܲܡܟܹܗ ܕܐܸܢ ܡܸܬܼܡܲܟܲܟ̣: 
                ܘܒ̣ܵܥܹ̇ܐ ܚܢܵܢܵܐ ܦܫܝܼܩ ܗ̄ܘ̣ ܕܢܸܣܲܒ̣ ܡ̣ܢ ܐܲܠܵܗܵܐ܀ 
                ܘܡܸܛܠܵܗܵܢܵܐ ܣܸܕܲܪ ܬܲܫܥܝܼܬܼܵܐ ܕܡܲܠܝܵܐ ܢܘܼܗܼܵܐ: 
                ܥܲܠ ܗܵܘ̇ ܡܵܟ̣ܣܵܐ ܘܲܦܪܝܼܫܵܝܵܐ ܟܲܕܼ ܨܲܠܝܼ ܗ̄ܘ̣ܵܐ܀ 
                ܘܐܸܡܲܪ ܕܲܬܼܪܹܝܢ ܓܲܒ̣ܪ̈ܝܼܢ ܠܗܲܝܟܲܠܵܐ ܣܠܸܩ̣ܘ ܕܲܢܨܲܠܘܿܢ: 
                ܦܪܝܼܫܵܝܵܐ ܚܲܕܼ ܘܲܐ̄ܚܪܹܢܵܐ ܬܘܼܒ̣ ܡܵܟ̣ܣܵܐ ܝܲܥܢܵܐ܀ 
                ܫܡܹܗ ܕܲܦܪܝܼܫܵܐ ܒܹܝܬܼ ܥܸܒ̣ܪ̈ܵܝܹܐ ܐܲܝܟ̣ ܙܲܕܝܼܩܵܐ ܗ̄ܘ̣: 
                ܫܡܲܥ ܐܲܢ̄ܬ݁ ܗܵܫܵܐ ܠܲܦܪܝܼܫܵܝܵܐ ܕܙܲܕܝܼܩܵܐ ܗ̄ܘ̣ܵܐ܀ 
                ܘܲܕܼܗܵܘ̇ ܡܵܟ̣ܣܵܐ ܚܲܛܵܝܵܐ ܗ̄ܘ̣ܵܐ ܗܵܕܸܐ ܓܲܠܝܵܐ ܗ̄ܝܼ: 
                ܘܲܣܠܸܩ̣ܘ ܗܵܠܹܝܢ ܕܲܢܨܲܠܘܿܢ ܗ̄ܘ̣ܵܘ ܒܹܝܬܼ ܐܲܠܵܗܵܐ܀ 
                ܣܠܸܩ̣ܘ ܕܲܢܨܲܠܘܿܢ ܚܲܕܼ ܙܲܕܝܼܩܵܐ ܘܚܲܕܼ ܚܲܛܵܝܵܐ: 
                ܦܪܝܼܫܵܐ ܘܡܵܟ̣ܣܵܐ ܩܕܼܵܡ ܕܲܝܵܢܵܐ ܕܟ̣ܠܵܗ̇ ܐܲܪܥܵܐ܀ 
                ܘܫܲܪܝܼ ܦܪܝܼܫܵܐ ܒܪܘܼܚܵܐ ܪܵܡܬܼܵܐ ܠܲܡܡܲܠܵܠܘܼ: 
                ܥܲܠ ܕܲܬܼܟ̣ܝܼܠ ܗ̄ܘ̣ܵܐ ܥܲܠ ܛܵܒ̣ܵܬܼܵܐ ܕܲܣܥܝܼܪ̈ܵܢ ܠܹܗ܀ 
                ܚ̣ܵܪ ܗ̄ܘ̣ܵܐ ܒܢܲܦ̮ܫܹܗ ܘܲܚ̣ܙܵܐ (ܕܲܕܼܟܸܐ ܘܠܲܝܬ݁ ܒܹܗ ܡܘܼܡܵܐ:
                 304 
                ܘܥܲܠ ܕܲܟ̣ܝܘܼܬܹܗ
                            ܕܕܟܝܐ ܘܠܝܬ ܒܗ̇ ܥܘܠܐ: ܘܥܠ ܙܟܘܬܗ 118. R. P: ܬܟ̣ܝܼܠ ܗ̄ܘ̣ܵܐ
                    ܕܩܵܐܹ̇ܡ ܠܲܡܨܲܠܵܝܘܼ܀ 
                ܘܫܲܪܝܼ ܕܢܹܐܡܲܪ ܐܲܠܵܗܵܐ ܠܲܡ ܡܵܘܕܸܐ ܐ̄ܢܵܐ ܠܵܟ̣: 
                ܕܠܵܐ ܕܵܡܹ̇ܐ ܐ̄ܢܵܐ ܠܵܐ ܠܚܲܛܵܝܹ̈ܐ ܘܠܵܐ ܠܒ̣ܵܙ̈ܘܿܙܹܐ܀ 
                ܡܵܘܕܸܐ ܐ̄ܢܵܐ ܠܵܟ̣ ܕܲܡܚܲܪܲܪ ܐ̄ܢܵܐ ܡ̣ܢ ܥܸܕܼܠܵܝܵܐ: 
                ܘܠܲܝܬ݁ ܒܝܼ ܥܵܘ̣ܠܵܐ ܘܠܵܐ ܕܵܡܹ̇ܐ ܐ̄ܢܵܐ ܠܐ̄ܢܵܫܵܐ ܒܝܼ̈ܫܹܐ܀ 
                ܐܝܼܬܼ ܓܲܝܵܪܹ̈ܐ ܘܐܝܼܬܼ ܙܲܢܵܝܹ̈ܐ ܘܐܝܼܬܼ ܥܵܠܘܿܒܹ̈ܐ: 
                ܘܐܸܢܵܐ ܠܗܵܠܹܝܢ ܠܵܐ ܕܡ̇ܝܼܬܼ ܡܸܡܬܼܘܿܡ ܐܵܘ ܕܵܡܹ̇ܐ ܐ̄ܢܵܐ܀ 
                ܠܵܐ ܕܵܡܹ̇ܐ ܐ̄ܢܵܐ ܠܥܵܒ̣̈ܕܲܝ ܥܵܘ̣ܠܵܐ ܘܲܠܪ̈ܲܫܝܼܥܹܐ: 
                ܐܸܠܵܐ ܕܟܸܐ ܐ̄ܢܵܐ ܘܲܡܨܲܠܲܠ ܐ̄ܢܵܐ ܡ̣ܢ ܒܝܼ̈ܫܵܬܼܵܐ܀ 
                ܡܵܘܕܸܐ ܐ̄ܢܵܐ ܠܵܟ̣ ܕܠܵܐ ܗܘܹ̇ܝܬܼ ܕܲܓܵܠ ܥܵܘܵܠ ܘܲܒ̣ܣܝܼܪ: 
                ܘܠܵܐ ܕܵܡܹ̇ܐ ܐ̄ܢܵܐ ܠܦܵܠܚܲܝ̈ ܥܵܘ̣ܠܵܐ ܒܕܼܘܼܒܵܪ̈ܲܝܗܘܿܢ ܒܥܒܕܝ̈ܗܘܢ 118. R:܀ 
                ܐܘܿ ܙܲܕܝܼܩܵܐ ܡܘܿܢ ܐܵܡܲܪ ܐܲܢ̄ܬ݁ ܒܲܨ̈ܠܵܘܵܬܼܵܟ̣: 
                ܕܗܵܢܵܐ ܡܲܡܠܠܵܐ ܕܲܡܡܲܠܸܠ ܐܲܢ̄ܬ݁ ܠܵܘ ܕܲܨܠܘܿܬܼܵܐ ܗ̄ܘ̣܀ 
                ܐܘܿ ܦܪܝܼܫܵܝܵܐ ܠܵܘ ܗܵܟܲܢ ܗ̄ܘ̣ ܡܲܢ ܕܲܡܨܲܠܸܐ: 
                ܘܠܵܘ ܛܵܒ̣ܵܬܹܗ ܡܲܡܪܲܚ ܢܸܬܼܢܸܐ ܩܕܼܵܡ ܝܵܕܲܥ̇ ܟܠ܀ 
                 ܢܲܦ̮ܫܵܟ̣ ܫܲܒܲܚ̣ܬ݁ ܠܵܘ ܬܸܫܒ݁ܘܿܚܬܵܐ ܠܡܵܪܵܟ̣ ܐܲܝܬܝܼܬ݁: 
                ܒܵܟ̣ ܒܲܛܝܼܠ ܐܲܢ̄ܬ݁ ܕܬܸܬܼܢܸܐ ܗܵܫܵܐ ܫܲܦܝܼܪ̈ܵܬܼܵܟ̣܀ 
                ܠܵܘ ܗܵܟܲܢ ܗܟܢܐ
                            118. R: ܗ̄ܝܼ ܨܠܘܿܬܼܵܐ ܕܥܵܙ̇ܠܵܐ ܩܕܼܵܡ ܐܲܠܵܗܵܐ: 
                ܐܸܠܵܐ ܒܚܲܫܵܐ ܒܵܥ̇ܝܵܐ ܪ̈ܲܚܡܹܐ ܡ̣ܢ ܕܲܝܵܢܵܐ܀ 
                ܠܵܘ ܗܵܟܲܢ ܗ̄ܝܼ ܢܲܦ̮ܫܵܐ ܕܩܵܝ̇ܡܵܐ ܩܕܼܵܡ ܐܲܠܵܗܵܐ:
                 305 
                ܐܸܠܵܐ ܟܦܝܼܦܵܐ ܪܵܥܠܵܐ ܡܙܵܥܵܐ ܘܡܲܠܝܵܐ ܬܲܗܪܵܐ܀ 
                ܐܲܝܟܲܢ ܐܸܬܲܝܬ݁ ܘܲܠܡܘܿܢ ܐܸܬܲܝܬ݁ ܠܲܡܨܲܠܵܝܘܼ: 
                ܕܗܵܐ ܠܵܐ ܨܲܠܝܼܬ݁ ܐܸܠܵܐ ܫܲܒܲܚ̣ܬ݁ ܕܫܒܚ̣ܬ. P ܕܚ̣ܫܒܬ 118. R: ܫܲܦܝܼܪ̈ܵܬܼܵܟ̣܀ 
                ܐܸܠܵܐ ܣܢܝܼܩ ܐܲܢ̄ܬ݁ ܬܸܣܲܒ̣ ܡܸܕܸܡ ܡ̣ܢ ܐܲܠܵܗܵܐ: 
                ܐܝܼܬܼ ܗ̄ܘ̣ ܣܢܝܼ̈ܩܹܐ ܠܡܘܿܢ ܠܵܐ ܡܦܝܼܣ ܐܲܢ̄ܬ݁ ܥܲܠ ܚܲܛܵܝܹ̈ܐ܀ 
                ܐܸܠܵܐ ܒܵܥ̇ܝܵܐ ܢܲܦ̮ܫܵܟ̣ ܫܘܼܦܪܵܐ ܢܸܬ݁ܬܵܘܣܲܦ ܠܵܗ̇: 
                ܐܝܼܬܼ ܗ̄ܘ̣ ܣܢܝܼ̈ܩܹܐ ܥܠܲܝܗܘܿܢ ܨܲܠܵܐ ܐܲܝܟ̣ ܫܲܦܝܼܪܵܐ܀ 
                ܒܫܘܼܦܪܵܐ ܕܢܲܦ̮ܫܹܗ ܚ̣ܵܪ ܗ̄ܘ̣ܵܐ ܗܵܢܵܐ ܘܐܸܬ݁ܕܵܘܲܕܼ ܠܹܗ: 
                ܘܠܵܐ ܝܵܕܲܥ̇ ܗ̄ܘ̣ܵܐ ܢܚܘܼܪ ܒܐܲܠܵܗܵܐ ܕܲܟ̣ܡܵܐ ܫܲܦܝܼܪ܀ 
                ܐܲܝܢܵܐ ܕܲܡܕܝܼܩ ܚܵܙܹ̇ܐ ܫܘܼܦܪܵܗ̇ ܕܗܵܝ̇ ܪܲܒ݁ܘܼܬܼܵܐ: 
                ܡܸܣܬܲܢܝܵܐ ܠܵܗ̇ ܢܲܦ̮ܫܹܗ ܒܥܲܝܢܵܘ̈ܗܝ ܟܡܵܐ ܐܸܢ ܫܲܦܝܼܪ܀ 
                ܫܪܵܓ̣ܵܐ ܙܥܘܿܪܵܐ ܐܸܢ ܦܵܠܲܥ̇ ܒܹܗ ܒܫܸܡܫܵܐ ܪܲܒܵܐ: 
                ܒܢܘܼܗܪܹܗ ܟܵܦܲܪ ܕܐܸܬܼܚܲܦܝܼ ܠܹܗ ܡ̣ܢ ܐܝܼܡܵܡܵܐ܀ 
                ܐܵܦ ܙܲܕܝܼܩܵܐ ܡܵܐ ܕܐܸܕܲܗܝܼ ܘܚ̣ܵܪ ܒܐܲܠܵܗܵܐ: 
                ܚܵܒ݁ܬ݀ ܙܸܥܪܲܬ݀ ܙܲܕܝܼܩܘܼܬܹܗ ܡ̣ܢ ܐܲܠܵܗܵܐ܀ 
                ܐܲܒ̣ܪܵܗܵܡ ܓܹܝܪ ܕܲܒ̣ܪܲܒ݁ܘܼܬܹܗ ܚ̣ܵܪ ܕܐܲܠܵܗܵܐ: 
                ܥܲܦܪܵܐ ܘܩܸܛܡܵܐ ܩ̣ܪܵܐ ܗ̄ܘ̣ܵܐ ܢܲܦ̮ܫܹܗ ܟܲܕܼ ܟܹܐܢܵܐ ܗ̄ܘ̣ܵܐ܀ 
                ܫܸܡܥܘܿܢ ܟܹܐܦܵܐ (ܐ̄ܡܲܪ ܗ̄ܘ̣ܵܐ ܐܡܪ. P: ܠܡܵܪܹܗ ܕܚܲܛܵܝܵܐ ܐ̄ܢܵܐ: 
                ܘܡܲܢ̣ܘܼ ܙܲܕܝܼܩ ܡܵܐ ܕܲܡܡܲܠܸܠ ܥܲܡ ܐܲܠܵܗܵܐ܀ 
                ܐܸܢ ܐܲܒ̣ܪܵܗܵܡ ܥܲܦܪܵܐ ܘܩܸܛܡܵܐ ܩ̣ܪܵܐ ܗ̄ܘ̣ܵܐ ܢܦ̮ܫܹܗ: 
                ܘܫܸܡܥܘܿܢ ܟܹܐܦܵܐ ܚܲܛܵܝܵܐ ܗ̄ܘ̣ܵܐ ܐܲܝܟ̣ ܕܐܵܡܲܪ ܗ̄ܘ̣ܵܐ܀ 
                 306 
                ܡܲܢ̣ܘܼ ܡܲܡܪܲܚ ܢܸܬܼܚܲܙ̈ܝܵܢ ܠܹܗ ܫܲܦܝܼܪ̈ܵܬܹܗ: 
                ܘܢܸܬܼܢܸܐ ܐܸܢܹܝܢ ܡܵܐ ܕܲܡܡܲܠܸܠ ܥܲܡ ܐܲܠܵܗܵܐ܀ 
                ܗܵܢܵܐ ܦܪܝܼܫܵܐ ܗܘ݀ ܒܲܩܢܘܿܡܹܗ ܙܲܕܝܼܩܵܐ ܗ̄ܘ̣ܵܐ: 
                ܒܐܲܠܵܗܵܐ ܕܹܝܢ ܠܵܐ ܐܲܪܓܸܫ̣ ܗ̄ܘ̣ܵܐ ܕܲܟ̣ܡܵܐ ܫܲܦܝܼܪ܀ 
                ܚܙܵܬܼܵܐ ܟܣܝܼܬܼܵܐ ܗܵܝ̇ ܕܲܡܕܼܝܼܩܵܐ ܥܲܠ ܟܲܣ̈ܝܵܬܼܵܐ: 
                ܠܵܐ ܐܝܼܬܼ ܗ̄ܘ̣ܵܐ ܠܹܗ ܢܚܘܼܪ ܗ̄ܘ̣ܵܐ ܒܫܘܼܦܪܵܐ ܕܗܵܝ̇ ܪܒ݁ܘܼܬܼܵܐ܀ 
                ܠܵܐ ܐܝܼܬܼ ܗ̄ܘ̣ܵܐ ܠܹܗ ܗܵܘܢܵܐ ܪܲܒܵܐ ܘܡܲܕܥܵܐ ܪܵܡܵܐ: 
                ܕܡܲܡܪܲܚ ܣܵܠܹ̇ܩ ܥܵܐܹ̇ܠ ܒܹܝܬܼ ܡܲܠܲܐܟܹ̈ܐ܀ 
                ܘܓ̣ܵܠܹ̇ܐ ܒܙܵܘܥܵܐ ܐܲܦܲܝ̈ ܬܲܪܥܵܐ ܕܒ̣ܝܼܪܲܬܼ ܢܘܼܗܪܵܐ: 
                ܘܲܡܛܝܼܦܝܼܢ
                            ܘܡܛ̇ܝܼܦܝܼܢ 117. R: ܠܹܗ ܓܲܠܠܹ̈ܐ ܕܙܝܼܘܵܗ̇ ܕܗܵܝ̇ ܪܲܒ݁ܘܼܬܼܵܐ܀ 
                ܘܓ̣ܵܗܪܵܐ ܚܙܵܬܹܗ ܒܗܵܠܹܝܢ ܫܘܼܦܪܹ̈ܐ ܕܠܵܐ ܡܸܬ݁ܕܲܪܟ݁ܝܼܢ: 
                ܘܒ̣ܵܣܲܪ ܗܘ݀ ܠܹܗ ܐܸܢܗ݀ܘ (ܕܲܣܒܲܪ ܕܐܝܼܬܼ ܠܹܗ ܫܘܼܦܪܵܐ ܕܣܒܪ ܕܐܝܬ ܠܗ ܫܘܦܪ̈ܐ.
                        P:܀ 
                ܐܸܠܘܼ ܫܦܸܐ ܗ̄ܘ̣ܵܐ ܕܵܘܩܵܐ ܕܢܲܦ̮ܫܹܗ ܟܲܕܼ ܚܵܐܲܪ ܗ̄ܘ̣ܵܐ: 
                ܒܫܘܼܦܪܵܐ ܪܵܡܵܐ ܫܘܼܦܪܵܐ ܕܝܼܠܹܗ ܠܵܐ ܚܵܙܹ̇ܐ ܗ̄ܘ̣ܵܐ܀ 
                ܐܲܝܢܵܐ ܕܚܵܙܹ̇ܐ ܫܘܼܦܪܵܐ ܕܝܼܠܹܗ ܠܵܘ ܫܲܦܝܪܪܵܐ ܗ̄ܘ̣: 
                ܕܐܸܠܘܼ ܫܲܦܝܼܪ ܣܵܒܲܪ ܗ̄ܘ̣ܵܐ ܠܹܗ ܕܟ̣ܠܹܗ ܡܘܼ̈ܡܹܐ ܗ̄ܘ̣܀ 
                ܢܲܦ̮ܫܵܐ ܫܦܝܼܬܼܵܐ ܠܵܗ̇ ܠܵܐ ܚܵܙ̇ܝܵܐ ܡܵܐ ܕܫܲܦܝܼܪܵܐ: 
                ܒܫܘܼܦܪܹ̈ܐ ܕܲܠܥܸܠ ܚܵܝ̇ܪܵܐ ܘܓ̣ܵܗ̇ܪܵܐ ܡ̣ܢ ܙܝܼܘܲܝ̈ܗܘܿܢ܀ 
                ܐܲܝܢܵܐ ܕܙܲܕܝܼܩ ܣܲܓܝܼ ܪܵܢܹܐ ܕܠܵܘ ܙܲܕܝܼܩܵܐ ܗ̄ܘ̣: 
                ܐܲܝܟ̣ ܬܲܠܡܝܼܕܼܵܐ ܕܲܩܥ̣ܵܐ ܠܡܵܪܹܗ ܕܚܲܛܵܝܵܐ ܐ̄ܢܵܐ܀ 
                ܗܵܢܵܐ ܦܪܝܼܫܵܐ ܡ̣ܢ ܢܵܡܘܿܣܵܐ ܐܸܙܕܲܕܲܩ ܗ̄ܘ̣ܵܐ:
                 307 
                ܒܲܢܛܘܼܪ̈ܵܬܼܵܐ ܘܲܒ̣ܦܘܼܩ̈ܕܵܢܹܐ ܦܲܓ̣ܪ̈ܵܢܵܝܹܐ܀ 
                ܕܠܵܐ ܝܵܕܲܥ̇ ܗ̄ܘ̣ܵܐ ܕܲܪܓ̣ܵܐ ܐ̄ܚܪܹܢܵܐ ܕܙܲܕܝܼܩܘܼܬܼܵܐ: 
                ܠܥܸܠ ܡ̣ܢ ܕܝܼܠܹܗ (ܕܐܝܼܬܼ ܗ̄ܘ̣ܵܐ ܕܩܵܪܹܒ̣ ܐܝܬ ܗܘ ܕܩܲܪܝܒ 117. R: ܨܹܝܕܼ ܐܲܠܵܗܵܐ܀ 
                ܪܸܚܡܲܬܼ ܡܵܪܝܵܐ ܡܸܬܼܦܲܩܕܵܐ ܡ̣ܢ ܢܵܡܘܿܣܵܐ: 
                ܐܵܦܠܵܐ ܠܐܲܓ̣ܪܵܐ ܚܵܝ̇ܪܵܐ ܡܸܢܹܗ ܕܢܸܬܼܦܲܢܸܐ ܠܵܗ̇܀ 
                ܘܲܟ̣ܡܵܐ ܕܬܸܫܦܲܪ ܢܲܦ̮ܫܵܐ ܣܵܒ̣݁ܪܵܐ ܕܠܵܐ ܫܲܦܝܼܪܵܐ: 
                ܕܲܡܙܝܼܥܝܼܢ ܠܵܗ̇ ܫܘܼܦܪܹ̈ܐ ܪ̈ܵܡܹܐ ܕܐܲܠܵܗܘܼܬܼܵܐ܀ 
                ܘܲܦܪܝܼܫܵܝܵܐ ܕܙܲܕܝܼܩܵܐ ܗ̄ܘ̣ܵܐ ܢܵܡܘܿܣܵܐܝܼܬܼ: 
                ܫ̣ܦܲܪ ܗ̄ܘ̣ܵܐ ܗܘ݀ ܠܹܗ ܘܩܵܡ̣ ܗ̄ܘ̣ܵܐ ܕܢܸܬܼܢܸܐ ܫܲܦܝܼܪ̈ܵܬܹܗ܀ 
                ܚܵܪ ܗ̄ܘ̣ܵܐ ܒܡܵܟ̣ܣܵܐ ܕܐܵܦ ܗܘ݀ ܣܠܸܩ̣ ܗ̄ܘ̣ܵܐ ܕܲܢܨܲܠܸܐ ܗ̄ܘ̣ܵܐ: 
                ܘܫܵܛܹܗ ܘܒܲܣܪܹܗ ܘܐܲܝܟ̣ ܕܲܒ̣ܚܸܣܪܵܐ ܠܘܸܬܹܗ ܡܲܠܸܠ̣܀ 
                ܐܵܘܕܝܼ ܠܡܵܪܝܵܐ ܒܪܘܼܚܵܐ ܕܡܲܠܝܵܐ ܦܲܩܵܩܘܼܬܼܵܐ: 
                ܘܦܲܚܸܡ̣ ܢܲܦ̮ܫܹܗ ܒܡܵܟ̣ܣܵܐ ܘܲܚ̣ܙܵܐ ܕܪܲܒ݁ ܗ̄ܘ̣ ܡܸܢܹܗ܀ 
                ܡܵܘܕܸܐ ܐ̄ܢܵܐ ܠܵܟ̣ ܕܠܵܐ ܕܵܡܹ̇ܐ ܐ̄ܢܵܐ ܠܡܵܟ̣ܣܵܐ ܗܵܢܵܐ: 
                ܐ̄ܡܲܪ ܠܐܲܠܵܗܵܐ ܕܲܛܥ̣ܵܐ ܗ̄ܘ̣ܵܐ ܠܹܗ ܕܲܨܠܘܿܬܼܐ ܗ̄ܘ̣ܵܬܼ܀ 
                ܒܡܘܼܫܹܐ ܠܵܐ ܚ̣ܵܪ ܘܠܵܐ ܒܐܹܠܝܼܵܐ ܘܠܵܐ ܒܐܹܪܲܡܝܵܐ: 
                ܐܸܠܵܐ ܒܗܵܢܵܐ ܘܲܠܦܘܼܬܼ ܗܵܢܵܐ ܙܲܕܝܼܩܵܐ ܗ̄ܘ̣ܵܐ܀ 
                ܨܲܥܲܪ ܢܲܦ̮ܫܹܗ ܟܲܕܼ ܣܵܒܲܪ ܠܹܗ ܕܲܡܫܲܒܲܚ ܠܵܗ̇: 
                ܕܦܲܚܡ̣ܵܗ̇ ܒܡܵܟ̣ܣܵܐ ܘܐܸܬܼܚܲܙܝܲܬ݀ ܠܹܗ ܕܫܲܦܝܼܪܵܐ ܗ̄ܘ̣ܵܬܼ܀ 
                ܠܵܐ ܦܲܚܸܡ̣ ܗ̄ܘ̣ܵܐ ܢܘܼܗܪܹܗ ܒܢܘܼܗܪܵܐ ܕܗܵܢ ܫܲܦܝܼܪܵܐ: 
                ܕܢܸܚܙܸܐ ܐܲܝܢܵܐ ܫܘܼܦܪܵܐ ܫܦܝܼܪ ܘܐܲܝܢܵܐ ܦܲܟܝܼܗ܀ 
                 308 
                ܢܘܼܗܪܹܗ ܒܨܝܼܪܵܐ ܥܲܡ ܚܸܫܘܿܟܹܗ ܕܡܵܟ̣ܣܵܐ ܦܲܚܸܡ: 
                ܘܡ̣ܢ ܚܸܫܘܿܟ̣ܵܐ ܚ̣ܵܪ ܗ̄ܘ̣ܵܐ ܕܢܲܗܝܼܪ ܘܠܵܘ ܡ̣ܢ ܢܘܼܗܪܵܐ܀ 
                ܒܝܵܘܣܸܦ ܠܵܐ ܚ̣ܵܪ ܥܠܲܝܡܵܐ ܕܲܙܟ̣ܵܐ ܠܪܸܓ݁ܬܼܵܐ ܒܐܲܬܼܪܵܗ̇: 
                ܘܠܵܐ ܒܕܼܵܢܝܼܐܹܝܠ ܕܲܠܦܲܛ̈ܒ̣ܵܓܹܐ ܕܡܲܠܟܵܐ ܐܲܣܠܝܼ܀ 
                ܠܵܐ ܚ̣ܵܪ ܒܐܝܼܘܿܒ̣ ܝܲܡܵܐ ܕܫܘܼܦܪܹ̈ܐ ܘܲܕܼܢܸܣ̈ܝܘܿܢܹܐ: 
                ܐܵܦܠܵܐ ܒܝܲܥܩܘܿܒ̣ ܕܲܥܒܲܕܼ ܕܲܪܵܐ ܥܲܡ ܡܲܠܲܐܟܹ̈ܐ܀ 
                ܒܡܵܟ̣ܣܵܐ ܚ̣ܵܪ ܗ̄ܘ̣ܵܐ ܘܝܸܪܒܲܬ݀ ܠܵܗ̇ ܠܹܗ ܙܲܕܝܼܩܘܼܬܹܗ: 
                ܘܡܸܛܠ ܕܲܚ̣ܙܵܐ ܣܢܝܵܐ ܣ̣ܒܲܪ ܠܹܗ ܕܫܲܦܝܼܪܵܐ ܗ̄ܘ̣ܵܐ܀ 
                ܡܵܕܹܝܢ ܐܵܠ̇ܨܵܐ ܕܲܒ̣ܫܲܦܝܼܪܹ̈ܐ ܘܪ̈ܵܡܹܐ ܢܚܘܼܪ: 
                ܐܲܝܢܵܐ ܕܒ̣ܵܥܹ̇ܐ ܕܢܵܘܬܲܪ ܢܲܦ̮ܫܹܗ ܒܙܲܕܝܼܩܘܼܬܹܗ ܒܙܕܝܩܘܬܐ 117. R. P:܀ 
                ܘܐܸܢ ܠܲܡܫܘܼܚܬܼܵܐ ܡܛ̣ܵܐ ܕܲܓ̣ܡܝܼܪܹ̈ܐ ܢܚܘܼܪ ܒܐܲܠܵܗܵܐ: 
                ܕܟܲܕܼ ܡܸܬܼܦܲܚܲܡ ܥܲܡܹܗ ܢܸܒ̣ܗܲܬܼ ܡ̣ܢ ܪܲܒ݁ܘܼܬܹܗ܀ 
                ܡܵܐ ܕܥܲܬ݁ܝܼܪܵܐ ܚܵܙܹ̇ܐ ܥܘܼܬܼܪܵܐ ܕܪܲܒ݁ ܡ̣ܢ ܕܝܼܠܹܗ: 
                ܐܲܝܟ̣ ܡܸܣܟܹܢܵܐ ܚܵܙܹ̇ܐ ܢܲܦ̮ܫܹܗ ܘܠܵܐ ܡܸܬܼܪܵܘܪܲܒ̣܀ 
                ܐܸܢ ܕܹܝܢ ܚܵܐܲܪ ܒܐܲܝܢܵܐ ܕܠܲܚܡܵܐ ܕܝܵܘܡܵܐ ܚܲܣܝܼܪ: 
                ܛܵܥܹ̇ܐ ܕܢܲܣܒܲܪ ܕܲܕܼܪܲܒ݁ ܡܸܢܹܗ ܒܥܵܠܡܵܐ ܠܵܐ ܐܝܼܬܼ܀ 
                ܐܸܢ ܒܲܓ̣ܡܝܼܪܹ̈ܐ ܚܵܝ̇ܪܵܐ ܢܲܦ̮ܫܵܐ ܘܲܒ̣ܪܘܼܚܵܢܹܐ: 
                ܣܲܓܝܼ ܢܵܚ̇ܬܵܐ ܠܡܲܟ݁ܝܼܟ̣ܘܼܬܼܵܐ ܕܡܲܠܝܵܐ ܫܘܼܦܪܹ̈ܐ܀ 
                ܐܸܢܕܹܝܢ ܚܵܝ̇ܪܵܐ ܒܐ̄ܢܵܫܵܐ ܒܝܼ̈ܫܹܐ ܡܸܬܼܚܲܬ݁ܪܵܐ ܠܵܗ̇: 
                ܘܲܚܬܼܝܼܪܘܼܬܼܵܐ ܬܘܼ̈ܟܹܐ ܝܵܠ̇ܕܵܐ ܠܲܕܼܩܵܢܹ̇ܐ ܠܵܗ̇܀ 
                ܐܸܠܵܐ ܣܲܢܝܵܐ ܗܵܘ̇ܝܵܐ ܣܵܒ̣݁ܪܵܐ ܕܣܲܓܝܼ ܫܸܦܪܬ݀:
                 309 
                ܒܦܸܚܡܵܐ ܕܒ̣ܝܼ̈ܫܹܐ ܘܢܵܦ̇ܠܵܐ ܒܦܲܚܬܵܐ ܕܲܚܬܼܝܼܪܘܼܬܼܵܐ܀ 
                ܐܲܝܟ̣ ܕܲܓ̣ܕܲܫܬܹܗ ܠܲܦܪܝܼܫܵܢܵܐ ܟܲܕܼ ܨܲܠܝܼ ܗ̄ܘ̣ܵܐ: 
                ܘܲܚ̣ܙܵܐ ܠܡܵܟ̣ܣܵܐܘܐܸܬܼܚܲܫܲܒ̣ ܗ̄ܘ̣ܵܐ ܕܪܲܒ݁ ܗ̄ܘ̣ ܡܸܢܹܗ܀ 
                ܫܲܪܝܼ ܡܚܲܣܸܕܼ ܘܲܡܚܵܘܸܐ ܠܹܗ ܠܡܵܪܝܵܐ ܘܐܵܡܲܪ: 
                ܡܵܘܕܸܐ ܐ̄ܢܵܐ ܠܵܟ̣ ܕܠܵܘ ܐܝܟ̣ ܗܵܢܵܐ ܡܵܟ̣ܣܵܐ ܐܝܼܬܲܝ܀ 
                ܒܪܘܼܚܵܐ ܪܵܡܬܼܵܐ ܬܲܪܬܹܝܢ ܒܝܼ̈ܫܵܢ ܐܸܫܬܲܡܲܫ ܗ̄ܘܲܝ̈: 
                ܘܲܒ̣ܬܲܪ̈ܬܲܝܗܹܝܢ ܐܝܼܬܼ ܚܘܼܣܪܵܢܵܐ ܠܲܕܼܦܵܪܘܿܫܝܼܢ܀ 
                ܕܐ̄ܢܵܫ ܒܲܚܛܵܗܹ̈ܐ ܕܚܲܒ̣ܪܹܗ ܢܚܘܿܪ ܒܫܝܼܬܵܐ ܐܝܼܬܹܝܗ̇: 
                ܘܬܼܘܼܒ̣ ܕܲܠܢܲܦ̮ܫܹܗ ܢܸܗܘܸܐ ܫܵܦܲܪ ܫܦܝܪ 118. R. P: ܒܝܼܫܬܵܐ ܗ̄ܝܼ ܐܵܦ ܗܝ݀܀ 
                ܠܵܐ ܐ̄ܢܵܫ ܝܵܬܲܪ ܢܸܚܙܸܐ ܠܫܘܼܚܢܵܐ ܕܠܵܘ ܕܝܼܠܹܗ ܗ̄ܘ: 
                ܐܸܠܵܐ ܠܫܘܼܚܢܹܗ ܕܝܼܠܹܗ ܢܹܐܨܲܦ ܐܲܝܟ̣ ܚܲܟ݁ܝܼܡܵܐ܀ 
                ܠܵܐ ܐ̄ܢܵܫ ܝܵܬܲܪ ܢܸܗܘܸܐ ܪܵܢܹܐ ܒܫܲܦܝܼܪ̈ܵܬܹܗ: 
                ܐܸܠܵܐ ܕܡܸܛܥܵܐ ܢܸܛܥܸܐ ܐܸܢܹܝܢ ܐܸܢ ܡܸܣܬܲܥܪ̈ܵܢ܀ 
                ܐܲܝܟ̣ ܗܵܝ̇ ܕܲܟ̣ܬܼܝܼܒ̣ ܕܲܕܼܒܸܣܬܲܪܝ ܠܲܡ ܗܵܐ ܛܵܥܹ̇ܐ ܐ̄ܢܵܐ: 
                ܘܬܼܘܼܒ̣ ܠܲܩܕܼܵܡܲܝ ܡܸܫܬܵܘܫܲܛ ܐ̄ܢܵܐ ܒܫܲܦܝܼܪ̈ܵܬܼܵܐ܀ 
                ܐܸܢ ܠܡ ܣܸܥ̇ܪܹܝܬܼ ܛܵܒ̣ܬܼܵܐ ܐܸܬܼܡܵܠܝ ܐܸܣܬܲܥܪܲܬ݀ ܠܵܗ̇: 
                ܘܗܵܐ ܪܵܗܹ̇ܛ ܐ̄ܢܵܐ ܐ̄ܚܪܹܬܼܵܐ ܠܡܸܣܥܲܪ ܐܸܢ ܡܸܫܟܲܚ ܐ̄ܢܵܐ܀ 
                ܛܵܥܹ̇ܐ ܐ̄ܢܵܐ ܠܵܗ̇ ܠܛܵܒ̣ܬܼܵܐ ܕܐܸܬܼܡܵܠܝ ܥܲܡܹܗ ܕܐܸܬܼܡܵܠܝ: 
                ܕܐܸܢ ܐܸܪܢܸܐ ܒܵܗ̇ ܒܸܛ̇ܠܹܬܼ ܠܝܼ ܒܵܗ̇ ܡ̣ܢ ܛܵܒ̣ܵܬܼܵܐ܀ 
                ܒܸܣܬܲܪܝ ܣܵܡ̇ܬܵܗ̇ ܠܛܵܒ̣ܬܼܵܐ ܕܣܸܥ̇ܪܹܬܼ ܐܸܢ ܐܸܣܬܲܥܪܲܬ݀: 
                ܕܬܼܘܼܒ̣ ܠܲܩܕܼܵܡܲܝ ܒܵܬܲܪ ܛܵܒ̣ܬܼܵܐ ܐ̄ܚܪܹܬܼܵܐ ܐܸܪܗܲܛ܀ 
                 310 
                ܛܵܒ̣ܬܼܵܐ ܕܐܸܬܼܡܵܠܝ ܬܸܗܘܸܐ ܢܛܝܼܪܵܐ ܒܚܲܝܹ̈ܐ ܕܐܸܬܼܡܵܠܝ: 
                ܚܝܹ̇ܝܬܼ ܠܝܼ ܝܵܘܡܵܢ ܢܸܗܘܸܐ ܐܝܼܬܼ ܠܹܗ ܠܝܵܘܡܵܐ ܕܝܼܠܹܗ܀ 
                ܐܲܝܟ̣ ܕܐܵܦ ܫܸܡܫܵܐ ܛܵܥܹ̇ܐ ܘܫܵܕܹܐ ܠܙܲܒ̣ܢܹ̈ܐ ܕܲܥܒܲܪܘ: 
                ܘܒ̣ܵܬܲܪ ܗܵܠܹܝܢ ܕܐܵܬܹ̇ܝܢ ܪܵܗܹ̇ܛ ܢܸܥܒܲܪ ܢܥ̣ܒܪ 117. R ܢܥܒܪ 118. R. P: ܐܸܢܘܿܢ܀ 
                ܐܸܠܘܼ ܩܵܐܹ̇ܡ ܫܸܡܫܵܐ ܕܢܸܚܫܘܿܒ̣ ܪܲܗܛܹܗ ܕܐܸܬܼܡܵܠܝ: 
                ܒܵܛܹ̇ܠ ܗ̄ܘ̣ܵܐ ܠܹܗ ܪܲܗܛܹܗ ܕܝܵܘܡܵܢ ܡ̣ܢ ܡܲܪܕܝܼܬܼܵܐ܀ 
                ܝܵܘܡܵܐ ܒܝܵܘܡܹܗ ܠܒ̣ܵܬܼܪܹܗ ܫܵܕܹܐ ܠܪܲܗܛܹܐ ܕܲܥܒܲܪܘ: 
                ܘܬܼܘܼܒ̣ ܠܲܩܕܼܵܡܵܘܗܝ ܢܸܪܗܲܛ ܒܵܥܹ̇ܐ ܐܲܝܟ̣ ܟܲܫܝܼܪܵܐ܀ 
                ܠܫܸܡܫܵܐ ܕܵܡܹ̇ܐ ܦܵܘܠܘܿܣ ܒܐܘܼܪܚܵܐ ܕܲܫܠܝܼܚܘܼܬܼܵܐ: 
                ܕܛܵܥܹ̇ܐ ܗ̄ܘ̣ܵܐ ܠܹܗ ܠܪܲܗܛܵܐ ܕܐܸܬܼܡܵܠܝ ܘܠܵܐ ܚܵܫܹ̇ܒ̣ ܠܹܗ܀ 
                ܠܡܘܿܢ ܡܸܬ݁ܬܲܢ̈ܝܵܢ ܐܲܝܠܹܝܢ ܕܲܗ݀ܘܲܝ̈ ܫܲܦܝܼܪ̈ܵܬܼܵܐ: 
                ܕܗܵܘ̈ܝܵܢ ܥܸܠܬܼܵܐ ܠܲܐ̄ܚܪ̈ܵܢܝܵܬܼܵܐ ܕܠܵܐ ܢܸܣܬܲܥܪ̈ܵܢ܀ 
                ܠܲܦܪܝܼܫܵܝܵܐ ܥܸܠܬܼܵܐ ܒܝܼܫܬܵܐ ܗ݀ܘܲܝ̈ ܛܵܒ̣ܵܬܹܗ: 
                ܕܟܲܕܼ ܒܵܥܹ̇ܐ ܗ̄ܘ̣ܵܐ ܕܢܸܚܫܘܿܒ̣ ܐܸܢܹܝܢ ܠܵܐ ܐܸܙܕܲܕܲܩ܀ 
                ܐܸܬܼܪܲܓ̣ܪܲܓ̣ ܗ̄ܘ̣ܵܐ ܘܲܥܒܲܕܼ ܐܸܬܼܡܵܠܝ ܫܲܦܝܼܪ̈ܵܬܼܵܐ: 
                ܘܩܵܡ̣ ܠܹܗ ܝܵܘܡܵܢ ܢܸܚܫܘܿܒ̣ ܐܸܢܹܝܢ ܘܐܸܬܼܒܲܛܲܠ ܘܐܬܛ̇ܒܥ. P: ܠܹܗ܀ 
                ܒܐܝܼܕܲܝ̈ ܡܵܪܝܵܐ ܣܝܼ̈ܡܵܢ ܟܠܗܹܝܢ ܫܲܦܝܼܪ̈ܵܬܼܵܐ: 
                ܘܠܵܐ ܛܵܥܹ̇ܐ ܠܗܹܝܢ ܡܘܿܢ ܝܵܨܹ̇ܦ ܐܲܢ̄ܬ݁ ܬܸܚܫܘܿܒ̣ ܐܸܢܹܝܢ܀ 
                ܡܘܿܢ ܒܲܛܝܼܠ ܐܲܢ̄ܬ݁ ܡ̣ܢ ܦܘܼܠܚܵܢܵܐ ܕܙܲܕܝܼܩܘܼܬܼܵܐ ܕܫܦܝܪ̈ܬܐ 118. R: 
                ܘܡܸܬܼܚܲܫܲܒ̣ ܐܲܢ̄ܬ݁ ܡܵܢܵܐ ܥܒ̣ܝܼܕܼ ܠܵܟ̣ ܨܹܝܕܼ ܐܲܠܵܗܵܐ܀ 
                 311 
                ܗܘ݀ ܠܵܐ ܛܵܥܹ̇ܐ ܐܲܢ̄ܬ݁ ܠܵܐ ܬܸܒ̣ܛܲܠ ܡ̣ܢ ܛܵܒ̣ܵܬܼܵܐ: 
                ܠܵܐ ܬܲܥܗܸܕܵܝܗܝ ܡܵܢܵܐ ܥܒ̣ܝܼܕܼ ܠܵܟ̣ ܕܲܟ̣ܬܼܝܼܒ̣ ܗ̄ܘ̣ ܠܹܗ܀ 
                ܥܒ̣ܵܕܼܵܐ ܘܡܸܠܹ̈ܐ ܐܵܦ ܣܘܼܥܪ̈ܵܢܹܐ ܐܵܦ ܚܘܼ̈ܫܵܒܹܐ: 
                ܘܪܸ̈ܡܙܹܐ ܘܙܵܘ̈ܥܹܐ ܕܢܲܦ̮ܫܵܐ ܝܵܕܲܥ̇ ܘܲܙܗܝܼܪ ܒܗܘܿܢ܀ 
                ܘܟܲܕܼ ܠܵܐ ܛܵܥܹ̇ܐ ܡܵܢܵܐ ܚܫܲܒ̣ܬܵܝܗܝ ܐܲܝܟ̣ ܚܲܣܝܼܪܵܐ: 
                ܘܲܕܬܲܗܥܸܕܵܝܗܝ ܗܵܐ ܬܵܢܹ̇ܐ ܐܲܢ̄ܬ݁ ܫܲܦܝܼܪ̈ܵܬܼܵܟ̣܀ 
                ܐܵܠ̇ܨܵܐ ܐܲܚܲܝ̈ ܕܠܵܐ ܐ̄ܢܵܫ ܢܸܪܢܸܐ ܒܲܫܲܦܝܼܪ̈ܵܬܼܵܟ̣: 
                ܕܥܲܠ ܕܲܪܢܵܐ ܒܗܹܝܢ ܗܵܘ̇ ܙܲܕܝܼܩܵܐ ܗܵܐ ܡܸܬܼܚܲܣܲܕܼ܀ 
                ܐܲܝܢܵܐ ܕܚܵܛܹ̇ܐ ܚܛܵܗܹܗ (ܢܣܝܼܡܝܼܘܗܝ ܠܘܼܩܒܲܠ ܐܲܦܵܘ̈ܗܝ ܢܣܝܡܗ ܠܘܩܒܠ ܥܝܢܘ̈ܗܝ 118.
                            R: 
                ܘܐܸܢ ܡܸܙܕܲܕܲܩ ܒܵܬܼܪܹܗ ܢܸܫܕܹܝܗ̇ ܠܙܲܕܝܼܩܘܼܬܹܗ܀ 
                ܚܘܼܪ ܒܲܚܛܵܗܵܐ ܕܐܸܢ ܬܚܘܼܪ ܒܹܗ ܡܸܬ݁ܛܲܠܲܩ ܠܹܗ܀ 
                ܘܠܵܐ ܬܚܘܼܪ ܒܵܗ̇ ܒܙܲܕܝܼܩܘܼܬܼܵܐ ܕܠܵܐ ܬܵܘܦܸܐ ܠܵܗ̇܀ 
                ܠܙܲܕܝܼܩܘܼܬܼܵܐ ܡܸܛܥܵܐ ܛܥܝܼܝܹܗ̇ ܐܸܢ ܥܵܒܹ̇ܿܕܼ ܐܲܢ̄ܬ݁: 
                ܕܐܸܢ ܬܸܛܥܝܼܝܹܗ̇ ܡܵܪܝܵܐ ܙܗܝܼܪ ܒܵܗ̇ ܕܠܵܐ ܬܹܐܒܲܕܼ ܠܵܗ̇܀ 
                ܒܲܚܛܵܗܵܐ ܓܹܝܪ ܐܸܢ ܬܸܪܢܸܐ ܒܹܗ ܛܥ̣ܵܝܗܝ ܐܲܠܵܗܵܐ: 
                ܘܫ̣ܵܛܹܗ ܘܫܲܒ̣ܩܹܗ ܐܸܢܗ݀ܘ ܕܚܵܙܹ̇ܐ ܕܲܫܚܝܼܩ ܐܲܢ̄ܬ݁ ܒܹܗ ܗܘ 118. R:܀ 
                ܐܸܢ ܕܹܝܢ ܬܸܛܥܸܐ ܐܲܢ̄ܬ݁ ܠܲܚܛܵܗܵܐ ܡܵܐ ܕܲܣܥܲܪܬܵܝܗܝ: 
                ܠܵܐ ܛܵܥܹ̇ܐ ܠܹܗ ܡܵܪܝܵܐ ܕܢܹܐܙܲܠ ܐܸܠܵܐ ܬܲܒ̣ܥܹܗ܀ 
                ܐܲܝܟ̣ ܕܲܒ̣ܫܘܼܚܢܵܐ ܚܘܼܪ ܒܲܚܛܵܗܵܐ ܡܵܐ ܕܗܵܘܹ̇ܐ ܠܵܟ̣: 
                ܡܲܢ ܓܹܝܪ ܡܸܫܟܲܚ ܢܸܛܥܸܐ ܫܘܼܚܢܹܗ ܡܵܐ ܕܟ̣ܵܐܹ̇ܒ̣ ܠܹܗ܀ 
                ܟܡܵܐ ܕܲܡܒܲܓܸܢ ܐܲܝܢܵܐ ܕܐܝܼܬܼ ܠܹܗ ܫܘܼܚܢܵܐ ܒܝܼܫܵܐ:
                 312 
                ܩܵܠ ܐܸܢ̈ܢܵܬܹܗ
                            ܐܢܢܩ̈ܬܗ 117. R: (ܡܥܝܼܪ ܠܹܗ ܡܥܝܪ̈ܢ 118. R: ܠܐܵܣܝܵܐ ܕܕܼܝܼܠܹܗ
                    ܢܹܐܨܲܦ܀ 
                ܘܐܸܢ ܠܵܐ ܡܒܲܓܸܢ ܐܲܟ̣ܡܵܐ ܕܠܲܝܬ݁ ܠܹܗ ܫܘܼܚܢܵܐ ܡܵܘܕܲܥ: 
                ܘܡܲܗܡܸܐ ܐܵܣܝܵܐ ܘܠܵܐ ܥܵܨܹ̇ܒ̣ ܠܹܗ ܕܠܵܐ ܟܵܐܹ̇ܒ̣ ܠܹܗ܀ 
                ܐܵܦ ܚܲܛܵܝܵܐ ܟܡܵܐ ܕܒܲܚܛܵܗܹܗ ܢܸܗܘܸܐ ܚܵܐܲܪ: 
                ܗܘ݀ ܐܲܠܵܗܵܐ ܕܫܘܼܚܢܹܗ ܝܵܨܹ̇ܦ ܐܵܦ ܡܲܐܣܸܐ ܠܹܗ܀ 
                ܐܸܢ ܕܹܝܢ ܐܲܗܡ̣ܝܼ ܘܠܵܐ ܚܵܐܲܪ ܒܹܗ ܒܛܸܠ̣ ܥܵܨ̇ܘܿܒ̣ܵܐ: 
                ܘܦܵܫ̣ ܠܹܗ ܫܘܼܚܢܵܐ ܕܠܵܐ ܚܘܼܠܡܵܢܵܐ ܥܨܘܒܐ 118. R. P: ܕܠܵܐ ܡܸܬܼܥܲܕܲܪ܀ 
                ܐܸܢ ܠܲܚܛܵܗܹܗ ܢܸܗܘܸܐ ܥܗܝܼܕܼ ܐ̄ܢܵܫ ܟܲܕܼ ܒܵܣܲܪ ܠܹܗ: 
                ܪܘܼܚܵܐ ܬܒ̣ܝܼܪܬܵܐ ܫܵܩ̇ܠܵܐ ܗ̄ܝܼ ܪ̈ܲܚܡܹܐ ܡ̣ܢ ܕܲܝܵܢܵܐ܀ 
                ܐܲܝܟ̣ ܗܵܘ̇ ܡܵܟ̣ܣܵܐ ܕܣܝܼܡ ܗ̄ܘ̣ܵܐ ܚܛܵܗܹܗ ܠܘܼܩܒܲܠ ܥܲܝܢܵܘ̈ܗܝ: 
                ܘܠܵܐ ܡܸܫܟܲܚ ܗ̄ܘ̣ܵܐ ܢܚܘܼܪ ܒܲܫܡܲܝܵܐ ܡܸܛܠܵܬܹܗ܀ 
                ܠܵܐ ܨܵܒܹ̇ܐ ܗ̄ܘ̣ܵܐ ܢܥܲܠܸܐ ܚܙܵܬܹܗ ܡ̣ܢ ܣܲܟ̣ܠܘܼܬܹܗ: 
                ܕܒ̣ܵܗ̇ ܚܵܐܲܪ ܗ̄ܘ̣ܵܐ ܘܲܠܥܸܠ ܢܚܘܼܪ ܠܵܐ ܡܲܡܪܲܚ ܡܫܟܚ 118. R: 
                ܗ̄ܘ̣ܵܐ ܚܛܵܗܹ̈ܐ ܕܲܚܛ̣ܵܐ ܣܵܡ̣ ܗ̄ܘ̣ܵܐ ܐܸܢܘܿܢ ܠܘܼܩܒܲܠ ܐܲܦܵܘ̈ܗܝ ܥܝܢܘ̈ܗܝ 117. R: 
                ܘܠܵܐ ܦܫܝܼܩ ܗ̄ܘ̣ܵܐ ܠܹܗ ܢܸܚܙܸܐ ܫܡܲܝܵܐ ܕܲܡܚܲܦܲܝ ܗ̄ܘ̣ܵܐ܀ 
                ܐܸܠܵܐ ܒܥܵܘ̣ܠܵܐ ܕܲܥܒܲܕܼ ܐܝܼܕܼܵܘ̈ܗܝ ܠܵܐ ܚܵܐܲܪ ܗ̄ܘ̣ܵܐ: 
                ܘܠܵܐ ܡܸܫܟܲܚ ܗ̄ܘ̣ܵܐ ܕܢܸܚܙܸܐ ܥܲܡܹܗ ܐ̄ܚܪܹܢܵܐ ܡܸܕܸܡ܀ 
                ܡܲܪܟܲܢ ܩܵܐܹ̇ܡ ܐܲܝܟ̣ ܓܲܢܵܒ̣ܵܐ ܩܕܼܵܡ ܕܲܝܵܢܵܐ: 
                ܘܥܲܠ ܕܲܒ̣ܣܝܼܪ ܗ̄ܘ̣ܵܐ ܠܵܐ ܡܸܫܟܲܚ ܗ̄ܘ̣ܵܐ ܕܢܸܬܼܠܸܐ ܥܲܝܢܵܘ̈ܗܝ܀ 
                ܡ̣ܢ ܟܹܐܢܘܼܬܼܵܐ ܕܝܵܬܼ̇ܒܵܐ ܒܪܵܘܡܵܐ ܕܚܸܠ̣ ܘܐܸܣܬܲܪܲܕܼ: 
                 313 
                ܕܲܢܪܝܼܡ ܥܲܝܢܵܘ̈ܗܝ ܠܘܼܩܒܲܠ ܨܹܐܕܹܝܗ̇ ܕܠܵܐ ܬܸܬܼܚܲܡܲܬܼ܀ 
                ܘܲܬܼܪܝܼܡ ܫܲܒ̣ܛܵܐ ܘܬܸܡܚܹܝܘܗܝ ܠܐܲܒ̣ܕܵܢ ܡܸܛܠ ܕܐܲܡܪܲܚ̣: 
                ܘܲܬܼܟ̣ܝܼܠܵܐܝܼܬܼ ܒܐܲܬܼܪܵܐ ܕܕܼܝܼܢܵܐ ܚܵܪ ܟܲܕܼ ܚܲܝܵܒ̣܀ 
                ܘܡܸܛܠܗܵܢܵܐ ܠܵܐ ܡܲܡܪܲܚ ܗ̄ܘ̣ܵܐ ܢܚܘܼܪ ܒܲܫܡܲܝܵܐ: 
                ܨܹܝܕܼ ܕܲܝܵܢܵܐ ܕܚܝܼܠܵܐ ܕܲܕܼܚܝܼܠ ܥܲܠ ܚܲܛܵܝܹ̈ܐ܀ 
                ܚ̣ܵܪ ܒܲܚܛܵܗܵܘ̈ܗܝ ܘܐܸܬ݁ܬ݁ܙܝܼܥ ܢܸܒ̣ܥܸܐ ܚܢܵܢܵܐ ܪܲܒܵܐ: 
                ܕܫܘܼܚܢܵܐ ܕܥܵܘ̣ܠܵܐ ܐܸܠܵܐ ܚܢܵܢܵܐ ܠܵܐ ܥܵܨܹ̇ܒ̣ ܠܹܗ܀ 
                ܩܵܐܹ̇ܡ ܒܲܗܝܼܬܼ ܡܨܲܠܸܐ ܘܲܒ̣ܣܝܼܪ ܗܘ݀ ܡ̣ܢ ܢܲܦ̮ܫܹܗ: 
                ܐܲܠܵܗܵܐ ܕܹܝܢ ܠܵܐ ܒܲܣܪܹܗ ܗ̄ܘ̣ܵܐ ܥܲܠ ܕܐܸܬܼܡܲܟܲܟ̣܀ 
                ܢܸܗܪܲܬ݀ ܢܲܦ̮ܫܹܗ ܘܲܚ̣ܙܵܐ ܚܛܵܗܵܘ̈ܗܝ ܘܲܛ̣ܪܲܦ ܐܝܼܕܼܵܘ̈ܗܝ: 
                ܠܚܲܕܼܝܹܗ ܒܙܵܘܥܵܐ ܟܲܕܼ ܩܵܥܹ̇ܐ ܓܥ̇ܐ 117. R: ܗ̄ܘ̣ܵܐ ܩܕܼܵܡ ܕܲܝܵܢܵܐ܀ 
                ܩ̣ܪܵܝܗܝ ܠܐܲܠܵܗܵܐ ܟܲܕܼ ܐܵܡܲܪ ܠܹܗ ܚܘܼܢ ܠܚܲܛܵܝܵܐ: 
                ܚܢܵܢܵܟ̣ ܚܲܝܹ̈ܐ ܗ̄ܘ̣ ܐܲܚܵܐ ܡܝܼܬܼܵܐ ܕܩܲܛ̣ܠܹܗ ܥܵܘ̣ܠܵܐ܀ 
                ܚܲܣܢܲܢܝ ܡܹܐܡܪܹܗ ܕܗܵܢܵܐ ܡܵܟ̣ܣܵܐ ܘܲܦܪܝܼܫܵܝܵܐ: 
                ܕܙܵܘܥܵܐ ܗ̄ܘ̣ ܪܲܒܵܐ ܠܲܡܡܲܠܵܠܘܼ ܒܬܲܗܪܵܐ ܫܲܪܒܹ݁ܗ܀ 
                ܘܐܸܢ ܡܲܡܪܵܚܘܼ ܠܵܐ ܡܲܡܪܲܚ ܐ̄ܢܵܐ ܠܵܐ ܡܸܫܟܲܚ ܐ̄ܢܵܐ: 
                ܐܹܡܲܪ ܐܸܢܹܝܢ ܐܲܝܟ̣ ܕܐܝܼܬܲܝܗܹܝܢ ܠܲܕܼܫܵܡܲܥ ܠܝܼ܀ 
                ܥܸܠܬܼܵܐ ܒܝܼܫܬܵܐ ܗ݀ܘܲܝ̈ ܛܵܒ̣ܵܬܹܗ ܠܲܦܪܝܼܫܵܝܵܐ:
                ܕܗܸܢܹܝܢ ܐܲܚܫܸܟ̣ ܢܲܦ̮ܫܹܗ ܒܚܘܼܬܼܪܵܐ ܘܲܒ̣ܪܵܡܘܼܬܼܵܐ܀ 
                ܐܵܦ ܗܵܘ̇ ܡܵܟ̣ܣܵܐ ܒܥܸܠܬܼܵܐ ܕܲܚܛ̣ܵܐ ܢܲܦ̮ܫܹܗ ܢܸܗܪܲܬ݀: 
                ܙܵܥܲܬ݀ ܪܸܚܡܲܬ݀ ܬܸܒ̣ܥܸܐ ܚܢܵܢܵܐ ܡ̣ܢ ܕܲܝܵܢܵܐ܀ 
                 314 
                ܚܫܸܟ̣ ܙܲܕܝܼܩܵܐ ܡܸܛܠ ܕܲܚܫܲܒ̣ ܫܲܦܝܼܪ̈ܵܬܹܗ: 
                ܢܗܲܪ ܚܲܛܵܝܵܐ ܥܲܠ ܕܐܲܙܝܼܥܹܗ ܥܵܘ̣ܠܵܐ ܕܲܥܒܲܕܼ܀ 
                ܦܪܝܼܫܵܐ ܟܹܐܢܵܐ ܛܥ̣ܵܐ ܕܲܢܚܲܣܸܕܼ ܐܵܦ ܠܐܲܠܵܗܵܐ: 
                ܘܡܵܟ̣ܣܵܐ ܝܲܥܢܵܐ ܝܲܕܼܥܹܗ ܠܡܵܪܝܵܐ ܕܲܡܠܸܐ ܪ̈ܲܚܡܹܐ ܗ̄ܘ̣܀ 
                ܘܠܵܐ ܡܸܬܼܐܲܡܪܵܐ ܕܢܸܒ̣ܥܲܬ݀ ܒܝܼܫܬܵܐ ܡ̣ܢ ܛܵܒ̣ܵܬܼܵܐ: 
                ܘܠܵܐ ܡܸܫܬܲܡܥܵܐ ܕܕܸܢܚܲܬ݀ ܛܵܒ̣ܬܼܵܐ ܡ̣ܢ ܒܝܼ̈ܫܵܬܼܵܐ܀ 
                ܘܡܵܢܵܐ ܐܹܡܲܪ ܕܲܦܪܝܼܫܵܝܵܐ ܡ̣ܢ ܛܵܒ̣ܵܬܹܗ: 
                ܢܲܦܚܹܗ ܚܘܼܬܼܪܵܐ ܘܫܲܒܲܚ̣ ܢܲܦ̮ܫܹܗ ܘܗܵܐ ܡܸܬܼܚܲܣܲܕܼ܀ 
                ܘܡܵܟ̣ܣܵܐ ܚܛܵܗܵܘ̈ܗܝ ܦܲܬܼܚܘܼܗ̇ ܠܢܲܦ̮ܫܹܗ ܩܕܼܵܡ ܕܲܝܵܢܵܐ: 
                ܘܲܒ̣ܥ̣ܵܐ ܚܢܵܢܵܐ ܡܸܫܬܲܒܲܚ ܐܲܝܟ̣ ܚܲܟ݁ܝܼܡܵܐ܀ 
                ܢܩܲܛܪܸܓ̣ ܡܵܕܹܝܢ ܠܵܘ ܠܲܥܒ̣ܵܕܹ̈ܐ ܛܵܒܹ̈ܐ ܕܲܗܘ݀ܵܐ: 
                ܐܸܠܵܐ ܠܛܘܼܥܝܲܝ ܘܲܠܪܵܡܘܼܬܹܗ ܕܲܦܪܝܼܫܵܝܵܐ܀ 
                ܘܲܢܫܲܒܲܚ ܬܘܼܒ̣ ܠܵܘ ܠܲܚܛܵܗܹ̈ܐ ܕܡܵܟ̣ܣܵܐ ܕܲܚܛ̣ܵܐ: 
                ܐܸܠܵܐ ܠܢܲܦ̮ܫܹܗ ܕܚܵܪܲܬ݀ ܘܲܚܙܵܬ݀ ܕܲܟ̣ܡܵܐ ܣܲܢܝܵܐ܀ 
                ܘܲܗܘ݀ܵܐ ܒܫܲܪܒܹܗ ܐܲܝܟ̣ ܡܲܚܙܝܼܬܼܵܐ ܠܦܵܠܚܲܝ̈ ܥܵܘ̣ܠܵܐ: 
                ܕܲܒ̣ܡܘܼܟܵܟ̣ܵܐ ܪܲܒܵܐ ܢܩܘܼܡܘܼܢ ܒܹܝܬܼ ܐܲܠܵܗܵܐ܀ 
                ܘܚܲܦܛ̣ܵܗ̇ ܠܢܲܦ̮ܫܵܐ ܕܬܸܒ̣ܥܵܐ ܬܒܥܐ 118. R: ܚܢܵܢܵܐ ܡ̣ܢ ܐܲܠܵܗܵܐ: 
                ܘܲܗܘ݀ܵܬܼ ܝܵܕܼܥܵܐ ܕܐܸܢ ܒܵܥ̇ܝܵܐ ܠܹܗ ܝܵܗܹ̇ܒ̣ ܗ̄ܘ̣ ܠܵܗ̇܀ 
                ܗܵܢܵܐ ܡܲܬܼܠܵܐ ܐܸܡܲܪ ܡܵܪܲܢ ܕܲܢܥܲܕܲܪ ܒܹܗ: 
                ܠܲܬܼܪܹܝܢ ܓܲܒ݁ܝܼ̈ܢ ܐܸܢ ܫܵܡ̇ܥܝܼܢ ܠܹܗ ܦܵܪܘܿܫܵܐܝܼܬܼ܀ 
                 315 
                ܝܵܬܼܪܝܼܢ ܡܸܢܹܗ ܐܵܦ ܙܲܕܝܼ̈ܩܹܐ ܐܵܦ ܚܲܛܵܝܹ̈ܐ: 
                ܠܲܬܼܪ̈ܲܝܗܘܿܢ ܓܹܝܪ ܒܵܥܹ̇ܐ ܕܢܵܘܬܲܪ ܒܲܪ ܐܲܠܵܗܵܐ܀ 
                ܐܘܿ ܙܲܕܝܼܩܵܐ ܠܵܐ ܡܬܼܘܿܡ ܬܸܒ̣ܣܸܐ ܥܲܠ ܚܲܛܵܝܵܐ: 
                ܨܠܸܡ ܐܲܠܵܗܵܐ ܗ̄ܘ̣ ܐܵܦܸܢ ܚܵܛܹ̇ܐ ܘܲܟ̣ܢܵܬܼܵܟ̣ ܗ̄ܘ̣܀ 
                ܠܵܐ ܬܸܫܬܲܒ̣ܗܲܪ ܐܸܢ ܥܵܒܹ̇ܕܼ ܐܲܢ̄ܬ݁ ܫܲܦܝܼܪ̈ܵܬܼܵܐ: 
                ܕܠܵܐ ܬܸܦܸܠ ܠܵܟ̣ ܡ̣ܢ ܗܵܘ̇ ܪܵܘܡܵܐ ܕܙܲܕܝܼܩܘܼܬܼܵܐ܀ 
                ܝܲܗ̄ܒ̣ܬ݁ ܠܐܲܠܵܗܵܐ ܡ̣ܢ ܕܝܼܠܹܗ ܝܲܗ̄ܒ̣ܬ݁ ܠܵܘ ܡ̣ܢ ܕܝܼܠܵܟ̣: 
                ܕܲܒ̣ܡܲܥܣܵܪܹ̈ܐ ܡܚܲܣܸܕܼ ܐܲܢ̄ܬ݁ ܠܹܗ ܕܝܵܗܹ̇ܒ̣ ܐܲܢ̄ܬ݁ ܠܹܗ܀ 
                ܡܵܐ ܕܨܵܐܹ̇ܡ ܐܲܢ̄ܬ݁ ܠܵܐ ܬܸܫܬܲܒ̣ܗܲܪ ܬܸܬܼܢܸܐ ܨܵܘܡܵܐ: 
                ܒܡܘܼܟܵܟ̣ܵܐ ܓܹܝܪ ܨܵܡ̣ ܕܵܢܝܼܐܹܝܠ ܟܲܕܼ ܨܵܐܹ̇ܡ ܗ̄ܘ̣ܵܐ܀ 
                ܡܲܟܸܟ̣ ܢܲܦ̮ܫܵܟ̣ ܒܹܝܬܼ ܐܲܠܵܗܵܐ ܡܵܐ ܕܲܡܨܲܠܹܝܬ݁: 
                ܕܲܒ̣ܪܵܡܘܼܬܼܵܐ ܠܵܐ ܡܸܬܼܩܲܒ݁ܠܵܐ ܨܠܘܿܬܼܵܐ ܡܸܢܵܟ̣܀ 
                ܪܸܒ݁ܘܿ ܫܘܼܦܪ̈ܝܼܢ ܐܸܠܘܼ ܣܝܼܡܝܼܢ ܘܲܣܕܼܝܼܪܝܼܢ ܒܵܟ̣: 
                ܠܵܐ ܫܲܦܝܼܪܝܼܢ ܐܸܠܵܐ ܬܸܠܒܲܫ ܡܲܟ݁ܝܼܟ̣ܘܼܬܼܵܐ܀ 
                ܐܸܢ ܬܸܙܕܲܕܲܩ ܛܵܒ̣ ܡ̣ܢ ܐܝܼܘܿܒ̣ ܒܲܥܒ̣ܝܼ̈ܕܼܵܬܼܵܟ̣: 
                ܒܪܘܼܚܵܐ ܪܵܡܬܼܵܐ ܠܵܐ ܡܸܬܼܩܲܒ̈ܠܵܢ ܫܲܦܝܼܪ̈ܵܬܼܵܟ̣܀ 
                ܘܐܲܢ̄ܬ݁ ܚܲܛܵܝܵܐ ܒܫܲܪܒܹ݁ܗ ܕܡܵܟ̣ܣܵܐ ܕܐܸܬܼܡܲܠܲܠ ܗ̄ܘ̣ܵܐ: 
                ܩܢܝܼ ܝܘܼܬܼܪܵܢܵܐ ܘܩܘܼܡ ܒܲܨܠܘܿܬܼܵܐ ܒܒܸܗܬܲܬܼ ܐܲܦܹ̈ܐ܀ 
                ܬܚܘܼܪ ܒܲܫܡܲܝܵܐ ܠܵܐ ܡܲܦܲܣ ܠܵܟ̣ ܡ̣ܢ ܟܹܐܢܘܼܬܼܵܐ: 
                ܕܐܲܬܼܪܵܐ ܕܕܼܝܼܢܵܐ ܕܸܚܠܵܐ ܗ̄ܘ̣ ܪܲܒܵܐ ܠܲܕܼܚܵܝ̇ܒ݁ܝܼܢ ܒܹܗ܀ 
                ܙܘܼܥ ܒܲܨܠܘܿܬܼܵܐ ܘܲܒ̣ܥܝܼ ܚܢܵܢܵܐ ܒܡܲܟ݁ܝܼܟ̣ܘܼܬܼܵܐ܆ 
                ܘܫܵܩܹ̇ܠ ܐܲܢ̄ܬ݁ ܗ̄ܘ̣ ܡ̣ܢ ܝܵܗ̇ܘܿܒ̣ܵܐ ܕܫܲܦܝܼܪ̈ܵܬܼܵܐ܀ 
                 316 
                ܫܠܝܼ ܘܐܸܬܼܡܲܟܲܟ̣ ܐܸܢ ܬܸܬܼܩܲܦܲܚ ܡ̣ܢ ܙܲܕܝܼܩܵܐ: 
                ܕܐܵܦ ܗܵܘ̇ ܡܵܟ̣ܣܵܐ ܡܸܫܠܵܐ ܫܠܸܐ ܗ̄ܘ̣ܵܐ ܟܲܕܼ ܡܸܬܼܚܲܣܲܪ܀ 
                ܐ̄ܡܲܪ ܠܐܲܠܵܗܵܐ ܒܵܥܹ̇ܐ ܐ̄ܢܵܐ ܡܵܪܝ ܚܘܼܢ ܚܲܛܵܝܵܐ: 
                ܘܚܵܐܹ̇ܢ ܗ̄ܘ̣ ܠܵܟ̣ ܡܸܛܠ ܪ̈ܲܚܡܹܐ ܕܲܥܙܝܼܠܝܼܢ ܒܹܗ܀ 
                ܡܲܬܼܠܹܗ ܕܡܵܪܲܢ ܟ̱ܠܹܗ ܚܲܝܹ̈ܐ ܗ̄ܘ̣ ܠܲܕܼܫܵܡܲܥ ܠܹܗ: 
                ܘܲܠܙܲܕܝܼܩܹ̈ܐ ܘܲܠܚܲܛܵܝܹ̈ܐ ܡܨܸܐ ܕܲܢܥܲܕܲܪ܀ 
                ܠܵܐ ܗ̄ܘ̣ܵܐ ܡܲܬܼܠܵܐ ܐܝܼܬܼܵܘܗܝ ܒܲܠܚܘܿܕܼ ܗܵܢܵܐ ܡܲܬܼܠܵܐ: 
                ܐܸܠܵܐ ܡܸܗܘܵܐ ܗܘ݀ܵܐ ܒܲܫܪܵܪܵܐ ܐܲܝܟ̣ ܕܐܸܬܼܡܲܠܲܠ܀ 
                ܒܚܲܕܼ ܡ̣ܢ ܙܲܒ̣ܢ̈ܝܼܢ ܐܸܣܬܲܩܒܲܠܘ ܗ̄ܘ̣ܵܘ ܘܩܵܡ̣ܘ ܒܲܨܠܘܿܬܼܵܐ: 
                ܦܪܝܼܫܵܐ ܘܡܵܟ̣ܣܵܐ ܘܡܲܠܸܠ̣ܘ ܗܵܠܹܝܢ ܒܹܝܬܼ ܐܲܠܵܗܵܐ܀ 
                ܘܨܵܬ݀ ܗ̄ܘ̣ ܐܸܢܹܝܢ ܒܲܪ ܐܲܠܵܗܵܐ ܥܲܡ ܝܵܠܘܿܕܹܗ: 
                ܕܗ݀ܘܝܘܼ ܡܩܲܒܸ݁ܠ ܟܠ ܒܵܥ̈ܘܵܬܼܵܐ ܘܲܨ̈ܠܵܘܵܬܼܵܐ܀ 
                ܠܵܐ ܓܹܝܪ ܥܵܠܵܐ ܨܠܘܿܬܼܵܐ ܠܐܲܒ̣ܘܼܗܝ ܡ̣ܢ ܒܸܠܥܵܕܼܵܘܗܝ: 
                ܘܠܵܐ ܡܵܘܗܲܒ̣ܬܼܵܐ ܢܵܦ̇ܩܵܐ ܡܸܢܹܗ ܐܸܠܵܐ ܒܐܝܼܕܼܵܘ̈ܗܝ܀ 
                ܡܩܲܒܸܠ ܡܲܥܸܠ ܫܵܩܹ̇ܠ ܡܲܦܸܩ ܡ̣ܢ ܒܹܝܬܼ ܐܲܒ̣ܵܐ: 
                ܕܐܲܝܟ̣ ܡܸܨܥܵܝܵܐ ܗ̄ܘ̣ ܒܹܝܬܼ ܠܲܢ ܠܐܲܒ̣ܘܼܗܝ ܕܲܢܚܲܣܸܐ ܠܲܢ܀ 
                ܕܸܒ̣ܚܹ̈ܐ ܕܠܹܘܝܼ ܐܵܦ ܡܲܥܣܵܪܹ̈ܐ ܕܟܹܐܢܵܐ ܝܲܥܩܘܿܒ̣: 
                ܗ݀ܘ ܡܩܲܒܸ݁ܠ ܗ̄ܘ̣ܵܐ ܘܡܲܥܸܠ ܗ̄ܘ̣ܵܐ ܠܗܘܿܢ ܨܹܝܕܼ ܝܵܠܘܿܕܹܗ܀ 
                ܗ݀ܘ ܩܲܒܸܠ̣ ܗ̄ܘ̣ܵܐ ܨܠܘܿܬܼܵܗ̇ ܕܚܲܢܵܐ ܒܗܲܝܟܲܠ ܩܘܼܕܼܫܵܐ: 
                ܘܗܘ݀ ܐܲܦܸܩ̣ ܠܵܗ̇ ܫܸܐܠܲܬܼ ܪ̈ܲܚܡܹܐ ܡ̣ܢ ܒܹܝܬܼ ܐܲܒ̣ܘܼܗܝ܀ 
                ܗ݀ܘ ܨܵܐܹ̇ܬܼ ܗ̄ܘ̣ܵܐ ܨܠܘܿܬܹܗ ܕܝܵܘܢܵܢ ܡ̣ܢ ܓܵܘ ܢܘܼܢܵܐ: 
                ܘܐܲܝܟ̣ ܪܹܫܝܼܬܼܵܐ ܡܲܥܸܠ ܗ̄ܘ̣ܵܐ ܠܵܗ̇ ܨܹܝܕܼ ܝܵܠܘܿܕܹܗ܀ 
                 317 
                ܕܸܒ̣ܚܹ̈ܐ ܦܪ̈ܝܼܫܹܐ ܘܥܸܛܪܹ̈ܐ ܕܟ̣ܵܗ̈ܢܹܐ ܘܝܲܩ̈ܕܹܐ ܫܲܠܡܹ̈ܐ: 
                ܨ̈ܠܵܘܵܢ ܒܵܥ̈ܘܵܢ ܟܠ ܡܲܥܣܵܪ̈ܝܼܢ ܥܲܡ ܟܠ ܢܸܕܼܪ̈ܝܼܢ܀ 
                ܡܸܠܹ̈ܐ ܕܦܘܼܡܵܐ ܐܵܦ ܚܘܼ̈ܫܵܒܹܐ ܕܠܸܒܵܘ̈ܵܬܼܵܐ: 
                ܗ݀ܘܝܘܼ ܡܩܲܒܸ݁ܠ ܨܵܐܹ̇ܬܼ ܫܵܡܲܥ̇ ܚܵܙܹ̇ܐ ܘܥܲܗܝܼܕܼ ܘܥܗܝܼܕ 118. R. P:܀ 
                ܘܠܲܦܪܝܼܫܵܝܵܐ ܘܲܠܗܵܘ̇ ܡܵܟ̣ܣܵܐ ܗ݀ܘ ܨܵܬܼ ܐܸܢܘܿܢ: 
                ܒܗܲܝܟܲܠ ܩܘܼܕܼܫܵܐ ܟܲܕܼ ܩܵܝ̇ܡܝܼܢ ܗ̄ܘ̣ܵܘ ܒܲܨ̈ܠܵܘܵܬܼܵܐ܀ 
                ܘܥܲܡ ܒܵܥܘܼܬܼܵܐ ܕܟ̣ܠܵܗ̇ ܬܹܒܹܝܠ ܟܲܕܼ ܫܵܡܲܥ̇ ܗ̄ܘ̣ܵܐ: 
                ܠܵܐ ܛܵܥܹ̇ܐ ܗ̄ܘ̣ܵܐ ܕܢܹܐܡܲܪ ܐܸܢܹܝܢ ܐܲܝܟ̣ ܕܐܸܫܬܲܡܲܥ܀ 
                ܘܟܲܕܼ ܣܘܼܥܪܵܢܵܐ ܗ̄ܘ̣ ܕܲܗܘ݀ܵܐ ܒܲܙܒܲܢ ܐܲܝܟ̣ ܕܐܸܬܼܡܲܠܲܠ: 
                ܥܲܒ̣ܕܹܗ ܡܲܬܼܠܵܐ ܕܲܢܥܲܕܲܪ ܒܹܗ ܠܲܕܼܫܵܡܲܥ ܠܹܗ܀ 
                ܘܥܲܠ ܕܲܫܦܲܪ ܠܹܗ ܡܵܟ̣ܣܵܐ ܕܨܲܠܝܼ ܒܡܲܟ݁ܝܼܟ̣ܘܼܬܼܵܐ: 
                ܘܲܕܼܠܵܐ ܫ̣ܦܲܪ ܠܹܗ ܦܪܝܼܫܵܐ ܕܨܲܠܝܼ ܡ̣ܢ ܪܵܡܘܼܬܼܵܐ܀ 
                ܢܲܛܪܹܗ 118. R
                            Caetera desunt in: ܠܫܲܪܒܵܐ ܘܥܲܒ̣ܕܹܗ ܡܲܬܼܠܵܐ ܡܠܸܐ ܝܘܼܬܼܪ̈ܵܢܹܐ: 
                ܣܵܡ̣ ܒܲܣܒܲܪܬܼܵܐ ܕܢܸܬܼܥܲܕ݁ܪܘܼܢ ܒܹܗ ܟܠ ܫܵܡܘܿܥܵܘ̈ܗܝ܀ 
                ܐܲܠܦܹܗ ܠܥܵܠܡܵܐ ܕܐܲܝܢܵܐ ܕܡܸܬ݁ܬ݁ܪܝܼܡ ܡܸܬܼܡܲܟܲܟ̣ ܠܹܗ: 
                ܕܡ̣ܢ ܪܵܡܘܼܬܼܵܐ ܢܸܥܪܘܿܩ ܟܠܢܵܫ ܕܲܢܕܼܝܼܕܼܵܐ ܠܹܗ܀ 
                ܐܲܝܢܵܐ ܕܪܵܡ ܠܲܡ ܒܠܸܒܹܗ ܢܕܼܝܼܕܼ ܗ̄ܘ̣ ܩܕܼܵܡ ܐܲܠܵܗܵܐ: 
                ܘܡܲܢ ܠܵܐ ܢܙܘܼܥ ܡ̣ܢ ܪܵܡܘܼܬܼܵܐ ܐܸܢ ܦܵܪܘܿܫܵܐ ܗ̄ܘ̣܀ 
                ܣܢܹܝܢ ܒܘܼܨܵܪܹ̈ܐ ܘܠܵܐ ܫܲܦܝܼܪܝܼܢ ܥܲܠ ܐܲܠܵܗܵܐ: 
                ܘܗܵܕܹܐ ܕܲܢܕܼܝܼܕܼ ܥܲܠ ܪܵܡܘܼܬܼܵܐ ܠܚܘܿܕܼ ܐܸܬܼܐܲܡܪܲܬ݀܀ 
                 318 
                ܠܟ̣ܠܗܘܿܢ ܣܵܢܹ̇ܐ ܘܟ̣ܠܗܘܿܢ ܕܟܠܗܘܢ. P: ܒܵܥܹ̇ܐ ܕܠܵܐ ܢܸܫܬܲܟ̣ܚܘܼܢ: 
                ܘܗܵܢ ܚܲܕܼ ܒܲܠܚܘܿܕܼ ܟܬܼܝܼܒ̣ (ܗ̄ܘ̣ ܕܲܢܕܼܝܼܕܼ ܕܢܕܝܕ ܗܘ. P: ܩܕܼܵܡ ܐܲܠܵܗܵܐ܀ 
                ܠܵܐ ܣܵܢܹ̇ܐ ܠܹܗ ܡܸܣܢܵܐ ܒܲܠܚܘܿܕܼ ܐܲܝܟ̣ ܕܲܠܚܲܒ̣ܪ̈ܵܘܗܝ: 
                ܐܸܠܵܐ ܡܸܢܲܕܼ ܢܲܕܝܼܕܼܵܐ ܠܹܗ (ܣܲܓܝܼ ܡܸܢܹܗ ܡܢܗ̇ ܣܓܝ. P:܀ 
                ܚܛܵܗܹ̈ܐ ܟܠܗܘܿܢ ܡܸܒ̣ܗܲܬܼ ܒܵܗ̇ܬ݁ܝܼܢ ܡ̣ܢ ܐܲܠܵܗܵܐ: 
                ܪܵܡܘܼܬܼܵܐ ܕܝܢ ܐܲܝܟ̣ ܡܵܐ ܕܥܲܡܹܗ ܒܵܥ̇ܝܵܐ ܕܬܲܩܪܸܒ̣܀ 
                ܡܵܪܝܵܐ ܗ̄ܘ̣ ܪܵܡܵܐ ܘܒ̣ܵܥܹ̇ܐ ܕܢܸܥܡܲܪ ܒܲܕܼܡܲܟ݁ܝܼܟ̣ܝܼܢ: 
                ܘܐܲܝܢܵܐ ܕܡܸܬ݁ܬ݁ܪܝܼܡ ܨܹܝܕܼ ܐܲܠܵܗܵܐ ܦܣܲܥ̣ ܢܸܬܼܓܲܐܸܐ܀ 
                ܘܡܸܛܠ ܕܲܟ̣ܬܼܝܼܒ̣ ܕܡܵܪܝܵܐ ܐܲܡܠܸܟ̣ ܘܓܲܐܝܘܼܬܼܵܐ ܠܒܸܫ: 
                ܣܢܸܐ ܠܒܲܪܢܵܫܵܐ ܕܢܸܗܘܸܐ ܡܸܬ݁ܬ݁ܪܝܼܡ ܐܵܘ ܡܸܬܼܓ݁ܐܸܐ܀ 
                ܘܡܸܛܠܗܵܢܵܐ ܥܲܠ ܪܵܡܘܼܬܼܵܐ ܟܬܼܝܼܒ̣ ܕܲܢܕܼܝܼܕܼܵܐ: 
                ܩܕܼܵܡ ܐܲܠܵܗܵܐ ܠܐܲܝܢܵܐ ܕܫܵܡܲܥ̇ ܦܵܪܘܿܫܵܐܝܼܬܼ܀ 
                ܘܡܸܛܠܗܵܢܵܐ ܟܬܼܝܼܒ̣ ܗ̄ܘ̣ ܗ̇ܘ 117. R: ܡܲܬܼܠܹܗ ܕܲܦܪܝܼܫܵܝܵܐ: 
                ܕܢܸܬܼܚܲܟܲܡ ܒܹܗ ܐܲܝܢܵܐ ܕܥܵܒܹ̇ܕܼ ܫܲܦܝܼܪ̈ܵܬܼܵܐ܀ 
                ܕܢܸܗܘܸܐ ܥܵܪܹܩ ܡ̣ܢ ܕܲܢܡܲܠܸܠ ܫܲܦܝܼܪ̈ܵܬܹܗ: 
                ܘܡ̣ܢ ܪܵܡܘܼܬܼܵܐ ܚܲܫܵܐ ܕܲܢܕܼܝܼܕܼ ܒܹܝܬܼ ܐܲܠܵܗܵܐ܀ 
                ܫܲܦܝܼܪ ܗ̄ܘ̣ ܠܵܟ̣ ܕܬܸܗܘܸܐ ܥܵܪܹܩ ܡ̣ܢ ܟܠ ܚܲܫ̈ܝܼܢ: 
                ܫܲܦܝܼܪ ܗ̄ܘ̣ ܠܵܟ̣ ܕܬܸܗܘܸܐ ܣܵܢܹ̇ܐ ܠܟ̣ܠ ܒܘܼܨܵܪ̈ܝܼܢ܀ 
                ܫܲܦܝܼܪ ܗ̄ܘ̣ ܠܵܟ̣ ܬܸܣܢܸܐ ܚܛܵܗܹ̈ܐ ܒܟ̣ܠ ܐܸܣܟܹܡ̈ܝܼܢ: 
                ܥܪܘܿܩ ܕܹܝܢ ܣܲܓܝܼ ܡ̣ܢ ܪܵܡܘܼܬܼܵܐ ܥܲܠ ܕܲܢܕܼܝܼܕܼܵܐ܀ 
                ܘܡܲܟ݁ܝܼܟ̣ܘܼܬܼܵܐ ܡܲܠܝܵܐ ܫܘܼܦܪܹ̈ܐ ܕܙܲܕܝܼܩܘܼܬܼܵܐ:
                 319 
                ܕܐܵܦ ܒܘܼܨܵܪܵܐ ܐܲܝܟܵܐ ܕܐܝܼܬܼܵܘܗܝ ܡܸܬܼܚܲܦܸܐ ܠܹܗ܀ 
                ܣܢܸܐ ܗ̄ܘ̣ܵܐ ܡܵܟ̣ܣܵܐ ܐܵܦ ܒܘܼܨܵܪ̈ܵܘܗܝ ܣܲܓܝܼܐܝܼܢ ܗ̄ܘ̣ܵܘ: 
                ܘܥܲܠ ܕܐܸܬܼܡܲܟܲܟ̣ ܐܲܟ̣ܡܵܐ ܕܫܲܦܝܼܪ ܗܵܐ ܡܸܬܼܡܲܠܲܠ܀ 
                ܘܲܦܪܝܼܫܵܝܵܐ ܙܲܕܝܼܩܵܐ ܗ̄ܘ̣ܵܐ ܕܐܝܼܬܼ ܠܹܗ ܫܘܼܦܪܵܐ: 
                ܘܡܸܛܠ ܕܲܒ̣ܥ̣ܵܐ ܕܢܸܬܼܢܸܐ ܫܘܼܦܪ̈ܵܘܗܝ ܗܵܐ ܣܢܸܐ ܫܲܪܒܹܗ܀ 
                ܒܚܲܕܼ ܥܸܩܵܪܵܐ ܠܲܬܼܪܹܝܢ ܫܘܼܚ̈ܢܝܼܢ ܐܲܣܝܼ ܡܵܪܲܢ: 
                ܘܲܦܫܝܼܩ ܢܸܥܨܘܿܒ̣ ܘܲܠܙܲܕܝܼܩܹ̈ܐ ܘܲܠܚܲܛܵܝܹ̈ܐ܀ 
                ܡ̣ܢ ܚܲܕܼ ܡܲܬܼܠܵܐ ܥ̣ܒܲܕܼ ܐܵܣܝܘܼܬܼܵܐ ܠܲܬܼܪܹܝܢ ܓܲܒ݁ܝܼ̈ܢ: 
                ܕܐܲܝܢܵܐ ܕܚܲܛܵܝ ܘܐܲܝܢܵܐ ܕܙܲܕܝܼܩ ܢܸܬܼܥܲܕܲܪ ܒܹܗ܀ 
                ܥܲܠ ܙܲܕܝܼܩܵܐ ܐܲܪܡ̣ܝܼ ܙܵܘܥܵܐ ܕܠܵܐ ܢܸܫܬܲܒ̣ܗܲܪ: 
                ܘܠܵܐ ܢܸܬܼܚܲܠ̈ܨܵܢ ܫܲܦܝܼܪ̈ܵܬܹܗ ܡ̣ܢ ܫܘܼܒ̣ܗܵܪܹܗ܀ 
                ܘܲܠܚܲܛܵܝܵܐ ܐܲܠܦܹܗ ܕܢܸܚܲܫ ܘܲܕܼܢܸܬܼܡܲܟܲܟ̣: 
                ܘܢܸܕܲܥ ܢܲܦ̮ܫܹܗ ܘܢܸܫܟܲܚ ܪ̈ܲܚܡܹܐ ܩܕܼܵܡ ܐܲܠܵܗܵܐ܀ 
                ܠܟ̣ܠܢܵܫ ܒܡܸܠܵܘ̈ܗܝ ܒܵܥܹ̇ܐ ܕܢܵܘܬܲܪ ܒܲܪ ܐܲܠܵܗܵܐ: 
                ܒܪܝܼܟ̣ ܗ̄ܘ̣ ܕܨܵܒܹ̇ܐ ܕܢܸܚܸܐ ܟܠܢܵܫ ܒܲܒ̣ܛܝܼܠܘܼܬܹܗ܀ 
            
            
                ܫܠܸܡ̣ ܡܹܐܡܪܵܐ ܕܥܲܠ ܡܵܟ̣ܣܵܐ ܘܲܦܪܝܼܫܵܐ.