Jacob of Serugh. “On the Parable That Our Lord Spoke about the Laborers Whom the Lord of the Vineyard Hired - ܥܲܠ ܡܲܬܼܠܵܐ ܕܐܸܡܲܪ ܡܵܪܲܢ ܕܦܵܥ̈ܠܹܐ ܕܐܸܓܲܪ ܡܵܪܹܐ ܟܲܪܡܵܐ.” Based upon Paul Bedjan ed., Homiliae selectae Mar-Jacobi Sarugensis vol. 1 (Paris: Harrassowitz, 1905). Digital Syriac Corpus. Last modified March 29, 2018. https://syriaccorpus.org/353.
    
        
            
                ܕܝܼܠܹܗ ܕܩܲܕܝܼܫܵܐ ܡܵܪܝ ܝܲܥܩܘܿܒ̣
                ܡܐܡܪܐ. ܢܕ. 
                ܕܥܲܠ ܡܲܬܼܠܵܐ ܕܐܸܡܲܪ ܡܵܪܲܢ ܕܦܵܥ̈ܠܹܐ ܕܐܸܓܲܪ ܡܵܪܹܐ ܟܲܪܡܵܐ. 
            
            
                 ܐܸܦ̮ܬܲܚ ܣܸܦ̈ܘܵܬܼܝ ܠܲܡܡܲܠܵܠܘܼ ܒܚܘܼܒܵܐ ܫܲܪܒܵܟ̣: 
                 ܒܲܪ ܐܲܠܵܗܵܐ ܗܲܒ̣ ܠܝܼ ܕܐܸܡܪܵܟ̣ ܥܲܬ݁ܝܼܪܵܐܝܼܬܼ܀ 
                 ܒܵܟ̣ ܗܵܡܹ̇ܣ ܐ̄ܢܵܐ ܐܸܓ̣ܢܘܿܒ̣ ܡܸܢܸܟ̣ ܟܠ ܣܝܼ̈ܡܵܬܼܵܐ: 
                 ܡܵܪܵܐ ܕܓܲܙܹ̈ܐ ܗܲܒ̣ ܠܝܼ ܥܘܼܬܼܪ̈ܲܝܟ ܐܸܣܒܲܥ ܐܸܢܘܿܢ܀ 
                 ܓܠܝܼ ܠܝܼ ܐ̄ܪ̈ܵܙܲܝܟ ܕܐܸܓ̣ܠܸܐ ܐܸܢܘܿܢ ܠܐܲܪܥܵܐ ܟ̱ܠܵܗ̇: 
                 ܕܬܸܗܘܸܐ ܟ̱ܠܵܗ̇ ܙܵܡ̇ܪܵܐ ܫܘܼܒ̣ܚܵܐ ܠܐܲܠܵܗܘܼܬܼܵܟ̣܀ 
                 ܕܝܼܠܵܟ̣ ܐܸܢܘܿܢ ܟܠܗܘܿܢ ܥܘܼܬܼܪܹ̈ܐ ܕܐܝܼܬܼ ܠܹܗ ܠܐܲܒ̣ܘܼܟ̣: 
                 ܡܸܢܗܘܿܢ ܗܲܒ̣ ܠܝܼ ܕܐܸܥܬܲܪ ܘܐܲܥܬܲܪ ܠܲܕܼܫܵܡܲܥ ܠܝܼ܀ 
                 ܗܲܒ̣ ܠܝܼ ܡܸܠܬܼܵܟ̣ ܕܐܝܼܬܹܝܗ̇ ܥܘܼܬܼܪܵܐ ܠܲܕܼܩܵܢܹ̇ܐ ܠܕܪܚ̇ܡ 198. P: ܠܵܗ̇: 
                 ܐܸܩܢܹܝܗ̇ ܘܐܲܩܢܹܝܗ̇ ܠܐܲܝܢܵܐ ܕܚܵܒܹ̇ܨ ܥܲܠ ܝܘܼܬܼܪ̈ܵܢܹܐ܀ 
                 ܘܲܪܕܼܵܐ ܕܡܸܠܲܝ̈ܟ ܐܸܥܦܸܐ ܒܠܸܫܵܢܝ ܡ̣ܢ ܩܸܪ̈ܝܵܢܲܝܟ: 
                 ܘܐܲܦܸܩ ܘܐܦܘܩ. P
                        : ܐܸܕܼܪܸܐ ܠܟ̣ܢܫܹ̈ܐ ܫܲܪ̈ܒܲܝܟ ܒܲܣܝܼܡܵܐܝܼܬܼ܀ 
                 ܙܡܝܼ̈ܢܹܐ ܚܵܝ̇ܪܝܼܢ ܢܸܫܬ݁ܘܿܢ ܚܲܝܹ̈ܐ ܡ̣ܢ ܐܲܓܵܢܵܟ̣: 
                 ܟܵܣܵܟ̣ ܚܲܝܵܐ ܢܲܪܘܸܐ ܢܲܪܕܐ 198. P: ܠܟܸܢܫܵܐ ܕܲܡܣܵܘܲܚ ܠܵܟ̣܀ 
                 ܚܲܡܪܵܟ̣ ܛܵܒ̣ܵܐ ܒܚܲܪܬܼܵܐ ܕܙܲܒ̣̈ܢܹܐ ܢܦܲܩ̣ ܠܲܒ̣ܪܝܼܬܼܵܐ: 
                 ܕܢܲܛ̣ܪܵܟ̣ ܐܲܒ̣ܘܼܟ̣ ܕܲܠܒ̣ܘܼܝܵܐܹܗ ܕܥܵܠܡܵܐ ܬܸܗܘܸܐ܀ 
                 
                 321 

                 ܛܲܥܡܵܟ̣ ܚܲܠܝܵܐ ܗܵܐ ܡܙܝܼܥ ܠܸܫܵܢܝ ܫ̣ܢ̈ܝ. P. L: ܐܸܩܥܸܐ ܫܘܼܒ̣ܚܵܐ: 
                 ܠܐܲܒ̣ܵܐ ܕܫܲܠܚܵܟ̣ ܕܢܸܬܼܚܲܠܘܿܢ ܒܵܟ̣ ܟܠ ܡܲܪܝܼܪܹ̈ܐ܀ 
                 ܝܼܫܘܿܥ ܕܸܒ̣ܫܵܐ ܕܡ̣ܢ ܬܲܓ̣ܪܘܼܡܬ݂ܗ ܕܐܲܪܝܵܐ ܡܵܘܬܵܐ: 
                 ܢܦܲܩ̣ ܕܲܢܚܲܠܸܐ ܚܸܢ̈ܟܹܐ ܕܥܵܠܡܵܐ ܕܡܲܪܝܼܪ̈ܵܢ ܗ̄ܘܲܝ̈܀ 
                 ܟܵܘܟ݁ܒ̣ܵܐ ܕܲܪܗܸܛ̣ ܘܲܩ̣ܪܵܐ ܒܕܸܢܚܹܗ ܠܐܲܬܼܪ̈ܵܘܵܬܼܵܐ: 
                 ܕܢܲܝܬ݁ܘܿܢ ܕܲܫܢܹ̈ܐ ܠܐܲܒ̣ܵܐ ܕܫܲܕܪܹܗ ܕܫܠܟ 117. R 198. P: ܫܘܼܒ̣ܚܵܐ ܪܲܒܵܐ܀ 
                 ܠܵܟ̣ ܡܵܪܝ ܬܸܬ݁ܙܝܼܥ ܟ̱ܠܵܗ̇ ܐܲܪܥܵܐ ܠܲܡܫܲܒܵܚܘܼ: 
                 ܕܟ̣ܠܵܗ̇ ܢܸܗܪܲܬ݀ ܡ̣ܢ ܙܲܠܝܼܩܲܝ̈ܟ ܐܲܠܵܗܵܝܹ̈ܐ܀ 
                 ܡܲܝ̈ܵܐ ܐܢ̄ܬ݁ ܚܲܝܹ̈ܐ ܕܟ̣ܠ ܡܲܢ ܕܲܒ̣ܥ̣ܵܐ ܘܐܸܫܬ݁ܝܼ ܡܸܢܵܟ: 
                 ܒܣܸܡ̣ ܒܵܟ̣ ܘܲܡܣܲܒܲܥ̣ ܡ̣ܢ ܡܲܒ݁ܘܼܥܵܐ ܕܲܡܠܸܐ ܪ̈ܲܚܡܹܐ܀ 
                 ܢܒܲܥ̣ ܝܘܼܠܦܵܢܵܟ̣ ܡ̣ܢ ܓܵܓ̣ܘܿܠܬܵܐ ܥܕܸܢ ܕܐܲܠܵܗܵܐ: 
                 ܘܲܢܦܲܩ̣ ܐܲܫܩ̣ܝܼ ܠܟ̣ܠܵܗ̇ ܒܪܝܼܬܼܵܐ ܕܚܲܪܝܼܒ̣ܵܐ ܗ̄ܘ̣ܵܬܼ܀ 
                 ܣܸܒ̣ܥܲܬ݀ ܡܸܢܵܟ̣ ܐܲܪܥܵܐ ܨܗܝܼܬܼܵܐ ܘܲܡܛܲܪܲܦܬܵܐ: 
                 ܘܪܸܘܙܲܬ݀ ܘܲܗܘ݀ܵܬܼ ܐܲܝܟ̣ ܦܲܪܕܲܝܣܵܐ ܕܲܡܠܸܐ ܛܘܼ̈ܒܹܐ܀ 
                 ܥܲܠ̣ܘ ܐܲܝܟ̣ ܬܲܦܹ̈ܐ ܕܢܲܗܪ̈ܵܘܵܬܼܵܐ ܠܥܵܠܡܵܐ ܫܲܪ̈ܒܲܝܟ: 
                 ܘܲܒ̣ܝܘܼܠܦܵܢܵܟ̣ ܗܵܐ ܡܸܬܼܗܲܓ݁ܝܵܐ ܒܪܝܼܬܼܵܐ ܟ̱ܠܵܗ̇܀ 
                 ܦܝܼܫܘܿܢ ܓܝܼܚܘܿܢ ܕܸܩܠܲܬܼ ܘܲܦܪܵܬܼ ܦܵܫ̣ܘ ܡ̣ܢ ܫܸܩܝܵܐ: 
                 ܕܡ̣ܢ (ܬܲܠܡܝܼ̈ܕܲܝܟ ܐܸܬ݁ܬܲܦܲܦ ܬܠܡܝ̈ܕܐ ܐܬܦܠ̇ܓ. 196. P: ܠܹܗ ܠܥܵܠܡܵܐ
                    ܢܸܫܬܸܐ܀ 
                 ܨܠܝܼܒ̣ܵܐ ܬܪܲܥ̣ ܗ̄ܘ̣ܵܐ ܚܲܕܼ ܡܲܒ݁ܘܼܥܵܐ ܡ̣ܢ ܓܵܓ̣ܘܼܠܬܵܐ: 
                 ܘܠܲܐܪܒܲܥ ܦܸܢ̈ܝܵܢ ܦܲܠܸܓ̣ ܢܲܦ̮ܫܹܗ ܘܗܵܐ ܡܲܫܩܸܐ ܠܲܢ܀ 
                 
                 322 

                 ܩܵܡ̣ ܥܲܠ ܪܵܡܬܼܵܐ ܘܲܦܬܲܚ̣ ܒܹܐܪܵܐ ܠܘܼܩܒܲܠ ܥܘܼܡܩܵܐ: 
                 ܕܬܸܗܘܸܐ ܟܵܒܼ̇ܫܵܐ ܒܫܸܩܝܵܗ̇ ܪܵܡܵܐ ܠܐܲܪܥܵܐ ܟ̱ܠܵܗ̇܀ 
                 ܪܲܟܸܒ̣ ܬܲܦܹ̈ܐ ܠܘܼܩܒܲܠ ܥܲܡܡܹ̈ܐ ܘܐܲܬܼܪ̈ܵܘܵܬܼܵܐ: 
                 ܘܐܸܫܬ݁ܝܼܘ ܟܠܗܘܿܢ ܘܲܣܒܲܥ̣ܘ ܡܹܐܡܪ̈ܲܝܟ ܡܐܡܪܟ 118. R. P: ܪܘܼܚܵܢܵܐܝܼܬܼ܀ 
                 ܫܸܡܥܲܬ݀ ܩܵܠܵܟ̣ ܟ̱ܠܵܗ̇ ܒܪܝܼܬܼܵܐ ܕܕܲܡܝܼܟ̣ܵܐ ܗ̄ܘ̣ܵܬܼ: 
                 ܘܢܵܕܲܬ݀ ܩܵܡܲܬ݀ ܢܸܩܫܲܬ݀ ܟܲܦܵܐ ܠܲܡܫܲܒܵܚܘܼ܀ 
                 ܬܵܘ ܢܸܬܼܒܲܣܲܡ ܡ̣ܢ ܝܘܼܠܦܵܢܵܐ ܕܲܡܠܸܐ ܚܲܝܹ̈ܐ: ܒܢܲܝ̈ܵܐ ܪ̈ܚܝܼܡܹܐ ܚܕ̈ܬܐ 117. R 196. P: 
                 ܕܝܼܠܕܲܬ݀ ܟܲܪܣܵܐ ܕܡܲܥܡܘܿܕܼܝܼܬܼܵܐ܀ 
                 ܐܲܝܬܵܘ ܥܲܡܟ̣ܘܿܢ ܟܸܢܫܹ̈ܐ ܕܚܘܼܫܵܒܲܝ̈ܟܘܿܢ: 
                 ܕܗܵܟܲܢ ܬܵܒܲܥ̇ ܫܲܪܒܹܗ ܕܲܒ̣ܪܵܐ ܠܲܕܼܫܵܡܲܥ̇ ܠܹܗ܀ 
                 ܟ̱ܠܵܟ̣ ܢܹܐܬܸܐ ܐܸܢ ܗܘ݀ ܕܐܵܬܹ̇ܝܬ݁ ܨܹܝܕܼ ܝܘܼܠܦܵܢܵܐ: 
                 ܕܟ̣ܠܵܟ̣ ܒܵܥܹ̇ܐ ܡܫܝܼܚܵܐ ܕܢܲܚܸܐ ܘܬܸܗܘܸܐ ܥܲܡܹܗ܀ 
                 ܣܒܲܪܬܼܵܐ ܢܘܼܗܪܵܐ ܗ̄ܝܼ ܕܲܠܢܲܦ̮ܫܵܬܼܵܐ ܚܸܫ̈ܘܿܟ̣ܵܬܼܵܐ: 
                 ܒܕܸܢܚܵܗ̇ ܝܸܗܒܲܬ݀ ܢܘܼܗܪܵܐ ܘܚܲܝܹ̈ܐ ܘܒܲܣܝܼܡܘܼܬܼܵܐ܀ 
                 ܡܹܐܡܪ̈ܵܘܗܝ ܕܲܒ̣ܪܵܐ ܚܲܝܹ̈ܐ ܛܥܝܼܢܝܼܢ ܠܲܡܦܲܠܵܓ̣ܘܼ: 
                 ܒܥܵܠܡܵܐ ܟ̱ܠܹܗ ܠܐܲܝܢܵܐ ܕܫܵܡܲܥ̇ ܚܲܒ݁ܝܼܒ̣ܵܐܝܼܬܼ܀ 
                 ܛܘܼ̈ܒܹܐ ܘܥܘܼܬܼܪܹ̈ܐ ܛ̣ܥܲܢ ܘܐܲܝܬ݁ܝܼ ܠܲܢ ܡ̣ܢ ܒܹܝܬܼ ܐܲܒ̣ܘܼܗܝ: 
                 ܘܲܠܡܸܣ̈ܟܹ݁ܢܹܐ ܥ̣ܒܲܕܼ ܓܹܐܙܲܒ̣ܪܹ̈ܐ ܥܲܠ ܣܝܼ̈ܡܵܬܹܗ܀ 
                 ܡܵܪܵܐ ܕܡܲܠܟܹ̈ܐ ܗܘ݀ܵܐ ܡܸܣܟܹ݁ܢܵܐ ܡܸܛܠ ܕܲܨܒ̣ܵܐ: 
                 ܘܗܵܐ ܥܲܬ݁ܝܼܪܵܐ ܟ̱ܠܵܗ̇ ܒܪܝܼܬܼܵܐ ܒܡܸܣܟܹ݁ܢܘܼܬܹܗ܀ 
                 ܡܲܠܸܠ̣ ܥܲܡܲܢ ܥܲܠ ܕܲܫ̣ܦܲܪ ܠܹܗ ܕܢܸܗܘܸܐ ܡܸܢܲܢ:
                 323 

                 ܘܲܒ̣ܝܘܼܠܦܵܢܹܗ ܡܠܲܚ̣ ܢܲܦ̮̈ܫܵܬܼܵܐ ܕܦܲܟ݁ܝܼ̈ܗܵܢ ܗ̄ܘܲܝ̈܀ 
                 ܗܘ݀ܵܐ ܠܲܢ ܐܵܣܝܵܐ ܘܲܛ̣ܥܲܢ ܟܹܐܒܹ̈ܐ ܕܲܟ̣ܪܝܼܗܘܼܬܲܢ: 
                 ܗܘ݀ܵܐ ܠܲܢ ܪܵܥܝܵܐ ܘܟܲܢܫܵܗ̇ ܠܥܵܢ̈ܵܐ ܕܐܲܒ݁ܝܼܕܼܵܐ ܗ̄ܘ̣ܵܬܼ܀ 
                 ܗܘ̣ܵܐ ܠܲܢ ܠܲܚܡܵܐ ܘܲܛ̣ܪܲܕܼ ܟܲܦܢܵܐ ܡ̣ܢ ܢܲܦ̮̈ܫܵܬܲܢ: 
                 ܗܘ݀ܵܐ ܠܲܢ ܡܲܝ̈ܵܐ ܘܦܲܝܸܓ̣ ܨܲܗܝܵܐ ܕܚܵܢܹ̇ܩ ܗ̄ܘ̣ܵܐ ܠܲܢ܀ 
                 ܗܘ݀ܵܐ ܠܲܢ ܐܘܼܪܚܵܐ ܘܗܲܠܸ̣ܢܲܢ ܒܵܗ̇ ܕܢܹܐܬܸܐ ܠܐܲܬܼܪܹܗ: 
                 ܗܘ݀ܵܐ ܠܲܢ ܬܲܪܥܵܐ ܘܒܹܗ ܐܲܥܸܠ̣ ܠܲܢ ܨܹܝܕܼ ܝܵܠܘܿܕܹܗ܀ 
                 ܗܘ݀ܵܐ ܠܲܢ ܐܲܚܵܐ ܕܢܸܬܼܚܲܝܲܢ ܠܹܗ ܠܲܢ 118. R. P: ܘܢܸܗܘܸܐ ܥܲܡܹܗ: 
                 ܘܛܲܗܸܡ ܠܲܢ ܒܹܗ ܘܚܲܠܛܲܢ ܥܲܡܹܗ ܘܲܗܘ݀ܵܐ ܡܸܢܲܢ܀ 
                 ܕܢܲܚ̣ ܒܹܗ ܒܥܵܠܡܲܢ ܐܲܝܟ̣ ܐܝܼܡܵܡܵܐ ܕܲܡܠܸܐ ܢܘܼܗܪܵܐ: 
                 ܘܣܵܦ̣ ܚܸܫܘܿܟ̣ܵܐ ܕܡܵܝ̇ܫܵܐ ܗ̄ܘ̣ܵܬܼ ܒܹܗ ܒܪܝܼܬܼܵܐ ܟ̱ܠܵܗ̇܀ 
                 ܒܡܲܬܼ̈ܠܹܐ ܡܲܠܸܠ̣ ܘܲܒ̣ܦܸܠܵܐ̈ܬܼܵܐ ܒܪܵܐ ܢܲܗܝܼܪܵܐ: 
                 ܕܲܒ̣ܕܼܘܼܪܵܫܵܐ ܢܚܲܟ݁ܡܵܗ̇ ܠܢܲܦ̮ܫܵܐ ܕܬܸܒ̣ܥܸܐ ܠܫܲܪ̈ܒܵܘܗܝ܀ 
                 ܒܕܸܡ̈ܘܵܢ ܕܸܡ̈ܘܵܢ ܨܵܪ ܡܲܠܟ݁ܘܼܬܹܗ ܟܲܕܼ ܡܲܠܸܦ ܗ̄ܘ̣ܵܐ ܠܢ 118. R 196. P: 
                 ܕܲܒ̣ܨܘܼܪ̈ܵܬܼܵܗ̇ ܢܸܬܼܪܲܓ̣ܪܲܓ̣ ܠܵܗ̇ ܥܵܠܡܵܐ ܟ̱ܠܹܗ܀ 
                 ܒܲܚܕܼܵܐ ܕܘܼܟ݁ܬܼܵܐ ܒܲܒ̣ܬܼܘܼ̈ܠܵܬܼܵܐ ܥܣܲܪ ܨܵܪܵܗ̇ ܗ̄ܘ̣ܵܐ: 
                 ܘܲܒ̣ܡܸܫܬܘܼܬܼܵܐ ܘܲܒ̣ܠܲܡܦܹܝ̈ܕܹܐ ܕܚܲܟ݁ܝܼ̈ܡܵܬܼܵܐ܀ 
                 ܒܕܼܘܼܟ݁ܬܼܵܐ ܐ̄ܚܪܹܬܼܵܐ ܕܲܡܝܵܗ̇ ܠܟܲܟ݁ܪܵܐ ܘܲܠܝܘܼܬܼܪ̈ܵܢܹܐ: 
                 ܕܥܘܼܬܼܪܵܐ ܪܲܒܵܐ ܕܐܵܬܹ̇ܐ ܒܐܲܥ̈ܦܹܐ ܠܡܵܪܹܐ ܒܲܝܬܵܐ܀ 
                 ܐܝܼܬܼ ܬܘܼܒ̣ ܐܲܝܟܵܐ ܕܨܵܪ ܒܲܦܪܸܕ݁ܬܼܵܐ ܙܥܘܿܪܬܵܐ ܕܲܗܘ݀ܵܬܼ: 
                 ܐܲܝܟ̣ ܐܝܼܠܵܢܵܐ ܘܒ̣ܵܗ̇ ܘܒܗ 117. R. P: ܦܵܪܲܚܬܼܵܐ ܩܸܢܵܗ̇ ܣܵܡܲܬ݀܀ 
                 
                 324 

                 ܘܬܼܘܼܒ̣ ܠܲܚܡܝܼܪܵܐ ܙܥܘܿܪܵܐ ܕܲܡܝܵܗ̇ ܗܵܘ̇ ܕܲܛܡܲܪܬܹܗ: 
                 ܐܲܢ̄ܬ݁ܬܼܵܐ ܒܠܲܝܫܵܐ ܘܲܚܡܲܥ̣ ܟ̱ܠܹܗ ܘܐܸܬܼܒܲܣܲܡ ܒܹܗ܀ 
                 ܘܥܲܡ ܗܵܠܹܝܢ ܬܘܼܒ̣ ܨܵܪ ܡܲܠܟ݁ܘܼܬܹܗ ܒܡܵܪܹܗ ܒܲܝܬܵܐ: 
                 ܕܲܢܦܲܩ̣ ܘܐܸܓܲܪ ܦܵܥ̈ܠܹܐ ܠܟܲܪܡܹܐ ܠܡܸܦܠܲܚ ܥܲܡܹܗ܀ 
                 ܢܹܐܡܲܪ ܗܵܫܵܐ ܥܠܵܘܗܝ ܥܲܠ ܗܵܢܵܐ ܡܲܬܼܠܵܐ ܕܲܥ̣ܒܲܕܼ: 
                 ܒܲܪ ܐܲܠܵܗܵܐ ܟܲܕܼ ܡܲܠܟ݁ܘܼܬܹܗ ܒܦܵܥ̈ܠܹܐ ܨܵܪܵܗ̇܀ 
                 ܐ̄ܡܲܪ ܗ̄ܘ̣ܵܐ ܕܕܼܵܡ̇ܝܵܐ ܗܵܝ̇ ܡܲܠܟ݁ܘܼܬܼܵܐ ܕܒܹܝܬܼ ܐܲܠܵܗܵܐ: 
                 ܠܓܲܒ̣ܪܵܐ ܕܲܢܦܲܩ̣ ܕܢܹܐܓ̣ܘܿܪ ܦܵܥ̈ܠܹܐ ܠܟܲܪܡܵܐ ܕܝܼܠܹܗ܀ 
                 ܘܲܩ̣ܪܵܐ ܦܵܥ̈ܠܹܐ ܒܨܲܦܪܹܗ ܕܝܵܘܡܵܐ ܘܩܲܨ ܕܹܝܢܵܪܵܐ: 
                 ܠܚܲܕܼ ܚܲܕܼ ܡܸܢܗܘܿܢ ܘܐܲܥܸܠ̣ ܦܵܠܚ̇ܝܼܢ ܟܲܫܝܼܪܵܐܝܼܬܼ܀ 
                 ܘܲܒ̣ܬܼܠܵܬܼ ܫܵܥ̈ܝܼܢ ܦܵܥ̈ܠܹܐ ܐ̄ܚܪ̈ܵܢܹܐ ܚ̣ܙܵܐ ܘܲܩ̣ܪܵܐ ܐ̄ܢܘܿܢ: 
                 ܐܲܥܸܠ̣ ܐܸܢܘܿܢ ܥܲܠ ܦܘܼܠܚܵܢܹܗ ܨܹܝܕܼ ܩܲܕܼܡܵܝܹ̈ܐ܀ 
                 ܘܲܒ̣ܫܸܬܼ ܫܵܥ̈ܝܼܢ ܬܘܼܒ̣ ܠܲܐ̄ܚܪ̈ܵܢܹܐ ܐ̄ܓܲܪ ܒܲܛܢܵܢܹܗ: 
                 ܟܲܕܼ ܠܵܐ ܦܲܪܸܩ̣ ܕܲܟ̣ܡܵܐ ܫܵܩ̇ܠܝܼܢ ܐܲܓ̣ܪܵܐ ܡܸܢܹܗ܀ 
                 ܘܒܲܬܼܫܲܥ ܫܵܥ̈ܝܼܢ ܚ̣ܙܵܐ ܬܘܼܒ̣ ܦܵܥ̈ܠܹܐ ܘܐܲܥܸܠ̣ ܐܸܢܘܿܢ: 
                 ܕܥܵܪܹܐ ܗ̄ܘ̣ ܟܲܪܡܹܗ ܠܟ̣ܠܵܗ̇ ܒܪܝܼܬܪܵܐ ܕܬܸܦܠܘܿܚ ܕܬܦܠܚ 118. R 195. P ܠܡܦܠܚ 117. R.
                        L: ܥܲܡܹܗ܀ 
                 ܘܒ̣ܵܬܲܪ ܗܵܟܲܢ ܢܦܲܩ̣ ܒܲܚܕܲܥ̄ܣܪܹ̈ܐ ܡܵܪܹܐ ܟܲܪܡܵܐ: 
                 ܘܲܚ̣ܙܵܐ ܦܵܥ̈ܠܹܐ ܐ̄ܚܪܵܢܹܐ ܕܩܵܝ̇ܡܝܼܢ ܟܲܕܼ ܒܲܛܝܼܠܝܼܢ܀ 
                 ܘܫܲܪܝܼ ܕܢܹܐܡܲܪ ܡܵܪܹܐ ܟܲܪܡܵܐ ܟܲܕܼ ܡܸܬܼܥܲܕܲܠ: 
                 ܒܦܵܥ̈ܠܹܐ ܕܲܒ̣ܛܸܠ̣ܘ ܡ̣ܢ ܦܘܼܠܚܵܢܵܐ ܝܵܘܡܵܐ ܟ̱ܠܹܗ܀ 
                 ܠܡܵܢܵܐ ܐ̄ܢܵܫܵܐ ܒܲܛܝܼܠܝܼܢ ܐܢ̄ܬ݁ܘܿܢ ܘܲܣܪܝܼܩܝܼܢ ܐܢ̄ܬ݁ܘܿܢ:
                 325 

                 ܘܲܕܼܠܵܐ ܥܵܒ̣ܵܕܼܵܐ ܡܸܫܬܲܛܹܝܢ ܐܢ̄ܬ݁ܘܿܢ ܝܘܡܵܐ ܟ̱ܠܹܗ܀ 
                 ܡܸܛܠ ܡܵܢܵܐ ܠܵܐ ܦܵܠܚ̇ܝܼܢ ܐܢ̄ܬ݁ܘܿܢ ܥܲܡ̣ ܚܲܒ̣ܪ̈ܲܝܟ݁ܘܿܢ: 
                 ܒܟܲܪܡܵܐ ܕܡܸܫܟܲܚ ܢܸܬܸܠ ܚܲܝܹ̈ܐ ܠܲܕܼܦܵܠܲܚ ܠܹܗ܀ 
                 ܠܡܘܿܢ ܒܸܛܠܵܢܵܐ ܕܒܲܪܟ̣ܘܿܢ ܥܲܡܹܗ ܝܵܘܡܵܐ ܟ̱ܠܹܗ: 
                 ܘܲܡܛ̣ܵܐ ܪܲܡܫܵܐ ܘܐܲܢ̈ܬ݁ܘܿܢ ܩܵܝ̇ܡܝܼܢ ܐܲܝܟ̣ ܒܲܗܝܼ̈ܬܹܐ܀ 
                 ܐܵܡܪܝܼܢ ܦܵܥ̈ܠܹܐ ܠܵܐ ܐ̄ܢܵܫ ܐܲܓ̣ܪܲܢ ܢܸܦܠܘܿܚ ܥܲܡܹܗ: 
                 ܐܵܦܠܵܐ ܩ̣ܪܵܐ ܠܲܢ ܡܵܪܹܐ ܟܲܪܡܵܐ ܥܲܠ ܦܘܼܠܚܵܢܹܗ܀ 
                 ܐܵܡܲܪ ܠܗܘܿܢ ܙܸܠܘ ܐܵܦ ܐܲܢ̄ܬ݁ܘܿܢ ܒܵܥܹ̇ܐ ܗ̄ܘ̣ ܟܲܪܡܵܐ: 
                 ܦܵܥ̈ܠܹܐ ܕܫܵܥ̇ܬܼܵܐ ܕܐܝܼܬܼ ܗ̄ܘ̣ ܥ̇ܒ̣ܵܕܼܵܐ ܠܟ̣ܠ ܕܐܵܬܹ̇ܐ ܠܹܗ܀ 
                 ܘܐܸܬ݀ܵܘ ܦܵܥ̈ܠܹܐ ܘܲܗܘ݀ܵܐ ܪܲܡܫܵܐ ܕܢܸܣܒ̣ܘܼܢ ܐܲܓ̣ܪܵܐ: 
                 ܘܲܠܪ̈ܲܒ݁ܒܲܝܬܹܗ ܡܵܪܹܐ ܒܲܝܬܵܐ ܩ̣ܪܵܐ ܘܐܸܡܲܪ ܠܹܗ܀ 
                 ܩܘܼܡ ܗܲܒ̣ ܐܲܓ̣ܪܵܐ ܛܵܒ̣ܵܐ ܠܦܵܥ̈ܠܹܐ ܕܲܦܠܲܚ̣ܘ ܥܲܡܲܢ: 
                 ܘܗܲܒ̣ ܠܲܐ̄ܚܪ̈ܵܝܹܐ ܕܹܝܢܵܪ ܕܹܝܢܲܪ ܡܵܐ ܕܝܵܗܹ̇ܒ̣ ܐܲܢ̄ܬ݁܀ 
                 ܡܸܢܗܘܿܢ ܫܲܪܵܐ ܘܲܠܚܲܕܼ ܡܸܢܗܘܿܢ ܗܲܒ̣ ܕܹܝܢܵܪܵܐ: 
                 ܘܗܵܟܲܢ ܐܲܫܘܵܐ ܘܗܲܒ̣ ܠܲܐ̄ܚܪ̈ܵܝܹܐ ܘܲܠܩܲܕܼܡܵܝܹ̈ܐ܀ 
                 ܘܩܵܡ̣ ܪܲܒ݁ ܒܲܝܬܵܐ ܕܢܸܬܸܠ ܐܲܓ̣ܪܵܐ ܐܲܝܟ̣ ܕܐܸܬܼܦܲܩܲܕܼ: 
                 ܘܝܲܗ̄ܒ̣ ܠܲܐ̄ܚܪ̈ܵܝܹܐ ܠܟ̣ܠ ܚܲܕܼ ܡܸܢܗܘܿܢ ܚܲܕܼ ܬܘܒ 118. R 195. P: ܕܹܝܢܵܪܵܐ܀ 
                 ܩܲܕܼܡܵܝܹ̈ܐ ܕܹܝܢ ܕܲܚ̣ܙܵܘ ܐܲܓ̣ܪܵܐ ܕܝܲܗ̄ܒ̣ ܠܲܐ̄ܚܪ̈ܵܝܹܐ: 
                 ܣܒܲܪܘ ܗ̄ܘ̣ܵܘ ܕܡܸܕܸܡ ܝܲܬ݁ܝܼܪ ܫܵܩ̇ܠܝܼܢ ܥܲܠ ܚܲܒ̣ܪ̈ܲܝܗܘܿܢ܀ 
                 ܘܡܸܬܼܚܲܫܒ̣ܝܼܢ ܗ̄ܘ̣ܵܐ ܕܐܸܢ ܠܲܐ̄ܚܪܵܝܹܐ ܝܲܗ̄ܒ̣ ܕܹܝܢܵܪܵܐ: 
                 ܠܲܢ ܩܲܕܼܡܵܝܹ̈ܐ ܟܡܵܐ ܟܲܝ ܝܵܗܹ̇ܒ̣ ܡܵܐ ܕܲܡܛ̣ܵܐ ܕܡܛ̇ܐ 117. R. L: 
                 ܠܲܢ܀ 
                 
                 326 

                 ܪܲܒ݁ ܒܲܝܬܵܐ ܕܹܝܢ ܝܲܗ̄ܒ̣ ܠܲܐ̄ܚܪ̈ܵܝܹܐ ܘܠܲܕܼܒ̣ܵܬܲܪܗܘܿܢ: 
                 ܘܲܠܡܸܨ̈ܥܵܝܹܐ ܕܹܝܢܵܪ ܟܲܕܼ ܠܵܐ ܐܵܘܣܸܦ̣܀ 
                 ܘܲܥ̣ܒܲܪܘ ܟܠܗܘܿܢ ܘܥܲܠ̣ܘ ܩܲܕܼܡܵܝܹ̈ܐ ܕܢܸܣܒ̣ܘܼܢ ܐܲܓ̣ܪܵܐ: 
                 ܘܝܲܗ̄ܒ̣ ܬܘܼܒ̣ ܗܵܟܲܢ ܚܲܕܼ ܕܹܝܢܵܪܵܐ ܕܠܵܐ ܬܵܘܣܲܦܬܵܐ܀ 
                 ܟܲܕܼ ܕܹܝܢ ܦܵܥܠܵܐ ܗܵܘ̇ ܩܲܕܼܡܵܝܵܐ ܚ̣ܙܵܐ ܕܹܝܢܵܪܵܐ: 
                 ܩܲܦܣ̣ܵܗ̇ ܠܐܝܼܕܹܗ ܐܝܕܗ 118. R 195. P: ܟܲܕܼ ܟܲܪܝܵܐ ܠܹܗ ܘܠܵܐ ܫܵܩܹ̇ܠ ܗ̄ܘ̣ܵܐ܀ 
                 ܩܨܝܼܨ ܗ̄ܘ̣ܵܐ ܐܲܓ̣ܪܹܗ ܐܓܪܐ 118. R 195. P. L: ܘܡܸܛܠ ܕܲܣ̣ܒܲܪ
                    ܥܲܠ ܝܲܬ݁ܝܼܪܵܐ: 
                 ܛܥ̣ܵܝܗܝ ܠܲܩܨܵܨܵܐ ܘܲܒ̣ܥ̣ܵܐ ܕܢܸܪܓܲܙ ܡܸܢܹܗ ܕܐܲܓ̣ܪܵܐ܀ 
                 ܘܫܲܪܝܼ ܕܢܹܐܡܲܪ ܟܲܕܼ ܪܵܫܹܐ ܠܹܗ ܠܡܵܪܹܐ ܒܲܝܬܵܐ: 
                 ܡܸܛܠ ܕܐܲܫܘܝܼ ܘܝܲܗ̄ܒ̣ ܠܲܐ̄ܚܪ̈ܵܝܹܐ ܐܲܝܟ ܩܲܕܼܡܵܝܹ̈ܐ܀ 
                 ܐܵܡܲܪ ܐܡ̣ܪ 118.
                            R 195. P: ܗ̄ܘ̣ܵܐ ܓܹܝܪ ܕܐܸܢܵܐ ܦܸܠܚܹ̇ܬܼ ܝܵܘܡܵܐ ܟ̱ܠܹܗ: 
                 ܗܵܐ ܡ̣ܢ ܨܲܦܪܵܐ ܒܥܲܡܠܵܐ ܘܠܹܐܘܬܼܵܐ ܘܲܒ̣ܛܘܼܪܵܦܵܐ܀ 
                 ܣܲܝ̇ܒ݁ܪܹܬܼ ܚܘܼܡܵܐ ܘܛܸܥ̇ܢܹܬܼ ܝܘܼܩܪܵܐ ܕܝܵܘܡܵܐ ܟ̱ܠܹܗ: 
                 ܘܡܵܢܵܐ ܝܸܬܼܪܹܬܼ ܐܸܢܗ݀ܘ ܕܐܲܓ̣ܪܵܐ ܐܲܝܟ̣ ܕܲܐ̄ܚܪ̈ܵܝܹܐ ܗ̄ܘ̣܀ 
                 ܕܲܚܕܼܵܐ ܒܚܕܐ. L
                            ܕܗܐ ܚܕܐ 117. R: ܫܵܥܵܐ ܗܵܐ ܫܩܲܠ̣ܘ ܗܵܠܹܝܢ ܚܲܕܼ ܕܹܝܢܵܪܵܐ: 
                 ܬܪܸܥܣܲܪ ܡܵܕܹܝܢ ܡܸܬ݁ܬ݁ܚܝܼܒ̣ܝܼܢ ܠܝܼ ܐܸܢ ܟܹܐܢܵܐ ܐܲܢ̄ܬ݁܀ 
                 ܠܫܵܥܬܼܵܐ ܕܹܝܢܵܪ ܘܲܠܬܲܪܬܲܥ̄ܣܪܹ̈ܐ ܚܲܕܼ ܕܹܝܢܵܪܵܐ: 
                 ܠܵܘ ܟܹܐܢܘܼܬܼܵܐ ܗ̄ܝܼ ܐܸܣܲܒ̣ ܗܵܟܲܢ ܐܲܝܟ̣ ܕܐܵܡܲܪ ܐܲܢ̄ܬ݁܀ 
                 ܠܵܐ ܡܵܪܐ ܐܲܓ̣ܪܵܐ ܠܵܐ ܬܸܥܒܲܪ ܠܵܟ̣ ܡ̣ܢ ܘܵܠܝܼܬܼܵܐ: 
                 ܘܢܸܗܘܸܐ ܫܘܸܐ ܠܵܟ̣ ܐܲܝܢܵܐ ܕܦܵܠܲܚ̇ ܘܲܕܼܠܵܐ ܦܵܠܲܚ̇܀ 
                 
                 327 

                 ܠܵܘ ܥܲܠ ܕܐܲܣ̣ܓܝܼܬ݁ ܠܦܵܥ̈ܠܹܐ ܐ̄ܚܪ̈ܵܝܹܐ ܐܝܼܬܼ ܠܝܼ ܪܸܛܢܵܐ: 
                 ܐܸܠܵܐ ܡܸܛܠ ܕܲܛܠܲܡܬܵܢܝ ܠܝܼ ܡܸܬܼܡܲܪܡܲܪ ܐ̄ܢܵܐ܀ 
                 ܐܲܣܓܝܼܬ݁ ܠܗܵܠܹܝܢ ܘܲܕܼܠܵܐ ܥܲܡܠܵܐ ܫܩܲܠ̣ܘ ܕܹܝܢܵܪܵܐ: 
                 ܚܘܼܪ ܒܝܼ ܕܥܸܡ̇ܠܹܬܼ ܘܐܲܣܓܵܐ ܐܵܦ ܠܝܼ ܐܸܢ ܛܵܒ̣ܵܐ ܐܲܢ̄ܬ݁܀ 
                 ܗܵܝܕܹܝܢ ܫܲܪܝܼ ܡܵܪܹܐ ܟܲܪܡܵܐ ܒܝܬܐ 117. . L: ܒܲܬܼܪܝܼܨܘܼܬܹܗ: 
                 ܕܲܠܗܵܘ̇ ܦܵܥܠܵܐ ܩܲܕܼܡܵܐ ܢܸܒ̣ܣܘܿܪ ܟܲܕܼ ܐܵܡܲܪ ܠܹܗ܀ 
                 ܩܨܝܼܨ ܗ̄ܘ̣ ܐܲܓ̣ܪܵܟ̣ ܡܘܿܢ ܣܵܒܲܪ ܣܪܒ 117. R 196. P. L: ܐܲܢ̄ܬ݁ ܥܲܠ
                    ܝܲܬ݁ܝܼܪܵܐ: 
                 ܚܙܝܼ ܠܵܐ ܛܠܲܡ̇ܬܵܟ̣ ܠܵܐ ܬܸܥܕܘܿܠܲܝܢܝ ܐܲܝܟ̣ ܚܲܣܝܼܪܵܐ܀ 
                 (ܚܲܕܼ ܕܹܝܢܵܪܵܐ
                            ܚܙܝ ܕܝܢܪܐ 195. P ܚܙܝ ܕܕܝܢܪܐ 118. R: ܩܸܨܹ̇ܬܼ ܥܲܡܵܟ̣ ܟܲܕܼ
                    ܩܲܒܸ݁ܠܬܵܟ̣: 
                 ܗܵܐ ܕܹܝܢܵܪܵܐ ܛܵܒ̣ܵܐ ܣܲܒ̣ ܠܵܟ̣ ܡܘܿܢ ܪܵܛܸܢ ܐܲܢ̄ܬ݁܀ 
                 ܐܸܢ ܝܲܬ݁ܝܼܪܵܐ ܠܚܲܒ̣ܪܵܟ ܝܸܗ̇ܒܹ݁ܬܼ ܡܘܿܢ (ܚܵܣܲܪ ܐܲܢ̄ܬ݁ ܚ̇ܣܪܬܟ 196. P ܚܣܝܪ ܐܢܬ 195.
                            P. L: 
                 ܕܠܵܟ̣ ܠܵܐ ܛܸܠܡܹ̇ܬܼ ܡ̣ܢ ܗܵܝ̇ ܬܸܢܘܲܝ ܕܲܥܒ̣ܝܼܕܼܵܐ ܠܲܢ܀ 
                 ܐܸܢ ܛܵܒ̣ ܐ̄ܢܵܐ ܒܕܼܝܼܠܝ ܠܵܟ̣ ܡ̣ܢ ܕܼܝܼܠܵܟ̣ ܡܘܿܢ ܚܲܣܲܪܬܵܟ̣: 
                 ܕܐܲܝܟ̣ ܕܐܸܫܬܵܘܕܝܼܬܼ ܗܵܐ ܝܸܗ̇ܒܹ݁ܬܼ ܠܵܟ̣ ܚܲܕܼ ܕܹܝܢܵܪܵܐ܀ 
                 ܬܪܹܝܢ ܠܵܐ ܩܸܨܹ̇ܬܼ ܠܵܐ ܓܹܝܪ ܐܝܼܬܼ ܠܝܼ ܐܸܠܵܐ ܐܸܢ ܚܲܕܼ: 
                 ܐܵܦ ܠܲܐ̄ܚܪ̈ܵܝܹܐ ܘܲܠܩܲܕܼܡܵܝܹ̈ܐ ܝܵܗܹ̇ܒ̣ ܐ̄ܢܵܐ܀ 
                 ܠܵܐ ܐܲܚ̇ܣܲܪܬܵܟ̣ ܠܵܐ ܕܲܓ݁ܠܹ̇ܬܼ ܒܵܟ̣ ܠܵܐ ܒܲܨ̇ܪܹܬܼ ܠܵܟ̣: 
                 ܩܨܵܨܵܐ ܝܑܼܕܼܝܼܥ ܘܡܸܠܬܼܵܐ ܩܵܝ̇ܡܵܐ ܪܸܛܢܵܐ ܥܲܠ ܡܘܿܢ܀ 
                 ܕܲܠܡܵܐ ܥܲܝܢܵܟ̣ ܕܝܼܠܵܟ̣ ܒܝܼܫܵܐ ܘܲܡܪܲܛܸܢ ܐܲܢ̄ܬ݁: 
                 ܥܲܠ ܕܲܠܚܲܒ̣ܪܵܟ̣ ܐܲܫ̇ܘܝܼܬܼ ܥܲܡܵܟ̣ ܒܐܐܲܓ̣ܪܵܐ ܛܵܒ̣ܵܐ܀ 
                 
                 328 

                 ܐܵܘ ܣܵܒܲܪ ܐܲܢ̄ܬ݁ ܕܠܵܐ ܫܲܠܝܼܛ ܐ̄ܢܵܐ ܒܕܼܝܼܠܝ ܐܲܝܟ̣ ܨܸܒ̣ܝܵܢܝ: 
                 ܐܲܫܘܸܐ ܘܐܸܬܸܠ ܐܵܦ ܠܲܐ̇ܚܪ̈ܵܝܹܐ ܘܲܠܩܲܕܼܡܵܝܹ̈ܐ܀ 
                 ܣܲܒ̣ ܐܲܢ̄ܬ݁ ܕܝܼܠܵܟ̣ ܐܲܝܟ̣ ܕܲܩܨܝܼܨ ܠܵܟ̣ ܘܐܸܢ ܨܵܒܹ̇ܐ ܐ̄ܢܵܐ: 
                 ܕܐܵܦ ܠܲܟ̣ܢܵܬܼܵܟ̣ ܐܲܫܘܸܐ ܥܲܡܵܟ̣ ܠܵܘ ܕܝܼܠܵܟ̣ ܗ̄ܝܼ܀ 
                 ܡܪܲܚܡܵܢܘܼܬܹܗ ܕܡܵܪܹܐ ܟܲܪܡܵܐ ܝܸܗܒܲܬ݀ ܐܲܓ̣ܪܵܐ: 
                 ܠܦܵܥ̈ܠܹܐ ܐ̄ܚܪ̈ܵܝܹܐ ܐܲܝܟ̣ ܩܲܕܼܡܵܝܹ̈ܐ ܒܠܸܒܵܐ ܛܵܒ̣ܵܐ܀ 
                 ܐܵܠ̇ܨܵܐ ܡܸܟܸܝܠ ܥܲܠ ܣܘܼܟܵܠܵܐ ܪܘܼܚܵܢܵܝܵܐ: 
                 ܘܥܲܠ ܦܘܼܫܵܩܵܐ ܕܗ݀ܘ ܡܠܒܸ݁ܫ ܠܵܗ̇ ܠܡܸܠܬܼܵܐ ܫܘܼܦܪܵܐ ܫܘܦܪܗ 118. R 185. P ܫܘܦܪܗ̇ 117.
                    R܀ 
                 ܟܬܼܵܒ̣ܵܘ̈ܗܝ ܕܲܒ̣ܪܵܐ ܠܝܲܡܵܐ ܕܡܹ̇ܝܢ ܘܲܒ̣ܓ̣ܵܘ ܝܲܡܵܐ: 
                 ܫܲܕܼܝܵܐ ܘܟܲܣܝܵܐ ܡܲܪܓܵܢܝܼܬܼܵܐ ܡ̣ܢ ܬܲܓܵܪܹ̈ܐ܀ 
                 ܘܗܵܘ̇ ܕܲܡܦܲܫܸܩ ܐܲܝܟ̣ ܥܵܡܘܿܕܼܵܐ ܒܵܬܼܪܵܗ̇ ܢܵܚܹ̇ܬܼ: 
                 ܓܵܐܹ̇ܫ ܥܘܼܡ̈ܩܹܐ ܘܡܲܣܸܩ ܥܲܡܹܗ ܡܲܪܓܵܢܝܼܬܼܵܐ܀ 
                 ܡܵܐ ܕܣܸܠܩܲܬ݀ ܠܵܗ̇ ܗܵܐ ܡܸܬܼܝܲܒ݁ܠܵܐ ܥܲܠ ܬܲܓܵܪܹ̈ܐ: 
                 ܘܟ̣ܠܗܘܿܢ ܡܹܐܬܲܪ ܝܵܬܼ̇ܪܝܼܢ ܡܸܢܵܗ̇ ܡܵܐ ܕܲܩ̣ܢܵܐܘܼܗ̇܀ 
                 ܐܲܝܟ̣ ܥܵܡܘܿܕܼܵܐ ܢܵܚܚܹܬܼ ܗܵܘܢܵܐ ܠܓ̣ܵܘ ܩܸܪܝܵܢܵܐ: 
                 ܕܢܲܣܸܩ ܥܲܡܹܗ ܡܸܠܲܬܼ ܚܲܝܹ̈ܐ ܡܲܪܓܵܢܝܼܬܼܵܐ܀ 
                 ܐܘܿ ܫܵܡ̈ܘܿܥܹܐ ܩܲܒ݁ܠܘܼܗ̇ ܠܡܸܠܬܼܵܐ ܐܲܝܟ̣ ܬܲܓܵܪܹ̈ܐ: 
                 ܘܝܼܬܲܪܘ ܘܲܥܬܲܪܘ ܟܠܟ̣ܘܿܢ ܡܸܢܵܗ̇ ܪܘܼܚܵܢܵܐܝܼܬܼ܀ 
                 ܛܝܼ̈ܡܹܐ ܝܵܗܹ̇ܒ̣ ܐܲܝܢܵܐ ܕܙܵܒܹ̇ܢ ܡܲܪܓܵܢܝܼܬܼܵܐ: 
                 ܬܵܘ ܣܲܒ̣ܘ ܡܲܓܵܢ ܡܸܠܬܼܵܐ ܕܚܲܝܹ̈ܐ ܕܡܲܠܝܵܐ ܥܘܼܬܼܪܵܐ܀ 
                 ܢܚܸܬܼ ܪܸܥܝܵܢܵܐ ܥܡܲܕܼ ܒܲܟ̣ܬܼܵܒܹ̈ܐ ܟܲܕܼܸ ܠܵܐ ܫܵܘܹ̇ܐ
                 329 

                 ܘܓܲܫܵܗ̇ ܘܠܲܒ̣ܟܵܗ̇ ܠܡܲܪܓܵܢܝܼܬܼܵܐ ܕܒܹܝܬܼ ܐܲܠܵܗܵܐ܀ 
                 ܘܗܵܐ ܠܸܫܵܢܵܐ ܛܥܝܼܢ ܠܵܗ̇ ܕܢܸܫܕܹܝܗ̇ ܥܲܠ ܫܵܡ̈ܘܿܥܹܐ: 
                 ܬܠܵܘ ܒܐܸܕܼܢܲܝ̈ܟ݁ܘܿܢ ܒܲܪ̄ܬܼ ܢܲܗܝܼܪܵܐ ܘܐܸܨܛܲܒܲܬܼܘ ܒܵܗ̇܀ 
                 ܦܬܲܚ̣ ܗ̄ܘ̣ܵܐ ܦܘܼܡܹܗ ܒܡܲܬܼ̈ܠܹܐ ܡܵܪܲܢ ܐܲܟ̣ܡܵܐ ܕܲܟ̣ܬܼܝܼܒ̣: 
                 ܘܲܒ̣ܟܸܢܵܪܹܗ
                            ܘܒܟܢܪܐ. L ܘܒܟܢܪ̈ܐ 117. R ܘܒ̈ܦܠܬܐ 196. P: ܙܡܲܪ ܐܘܼܚ̈ܕܵܬܼܵܐ
                    ܠܥܵܠܡܵܐ ܟ̱ܠܹܗ܀ 
                 ܚܲܦܝܼ ܡܸܠܵܘ̈ܗܝ ܕܡܲܢ ܕܲܒ̣ܛܝܼܠ ܠܹܗ ܥܲܠ ܝܘܼܬܼܪ̈ܵܢܹܐ: 
                 ܢܸܓ̣ܠܸܐ ܘܢܸܚܙܸܐ ܫܘܼܦܪܹ̈ܐ ܟܣܲܝ̈ܵܐ ܕܲܒ̣ܦܸܠܵܐ̈ܬܹܗ܀ 
                 ܢܸܫܡܲܥ ܗܵܫܵܐ ܕܡܲܢ̣ܘܼ ܐܝܼܬܼܵܘܗܝ ܡܵܪܹܐ ܒܲܝܬܵܐ: 
                 ܘܡܵܢܵܐ ܗ̄ܘ̣ ܟܲܪܡܵܐ ܘܡܵܢܵܐ ܦܵܥ̈ܠܹܐ ܕܐܲܓ̣ܝܼܪܝܼܢ ܠܹܗ ܒܗ 118. R ܗܘܘ 117.
                        R:܀ 
                 ܘܡܸܛܠ ܡܵܢܵܐ ܒܨܲܦܪܵܐ ܘܒܲܬܼܠܵܬܼ ܘܲܒ̣ܫܸܬܼ ܘܒܲܬܼܫܲܥ: 
                 ܐܵܦ ܒܲܚܕܲܥ̄ܣܪܹ̈ܐ ܩܲܒܸ݁ܠ̣ ܦܵܥ̈ܠܹܐ ܡܵܪܹܐ ܟܲܪܡܵܐ܀ 
                 ܘܲܠܡܵܢܵܐ ܘܥܠ
                            ܡܢܐ 117. R. L: ܟܲܝ ܐܸܬܼܦܲܩܲܕܼ ܗ̄ܘ̣ܵܐ ܗܵܘ̇ ܪܲܒ݁ ܒܲܝܬܵܐ: 
                 ܕܢܸܬܸܠ ܐܲܓ̣ܪܵܐ ܠܦܵܥ̈ܠܹܐ ܐ̄ܚܪ̈ܵܝܹܐ ܩܕܼܵܡ ܩܲܕܼܡܵܝܹ̈ܐ܀ 
                 ܘܡܵܢܵܐ ܐܝܼܬܼܵܘܗܝ ܗܵܘ̇ ܕܹܝܢܵܪܵܐ ܕܗ݀ܘ ܠܲܐ̄ܚܪ̈ܵܝܹܐ: 
                 ܘܗ݀ܘ ܠܩܲܕܼܡܵܝܹ̈ܐ ܝܲܗ̄ܒ̣ ܪܲܒ݁ ܒܲܝܬܵܐ ܕܠܵܐ ܬܵܘܣܲܦܬܵܐ܀ 
                 ܗܘ݀ ܐܲܠܵܗܵܐ ܕܐܲܬܼܩܸܢ ܥܵܠܡܹ̈ܐ ܡܵܪܹܐ ܒܲܝܬܵܐ ܗ̄ܘ̣: 
                 ܘܟܲܪܡܵܐ ܐܝܼܬܼܵܘܗܝ ܗܵܘ̇ ܦܘܼܠܚܵܢܵܐ ܕܙܲܕܝܼܩܘܼܬܼܵܐ܀ 
                 ܘܦܵܥ̈ܠܹܐ ܕܐܸܓܲܪ ܓܸܢܣܵܐ ܕܐ̄ܢܵܫܵܐ ܕܲܩܪܵܐ ܐܸܢܘܿܢ: 
                 ܕܢܸܚܘܿܢ ܫܲܦܝܼܪ ܘܢܸܗܘܘܿܢ ܝܵܪ̈ܬܹܐ ܒܹܝܬܼ ܡܲܠܟ݁ܘܼܬܼܵܐ܀ 
                 ܦܵܥ̈ܠܹܐ ܩܲܕܼܡܹ̈ܐ ܕܒܹܝܬܼ ܐܵܕܼܵܡ ܗ̄ܘ̣ܵܘ ܕܲܒ̣ܫܘܼܪܵܝܵܐ:
                 330 

                 ܕܨܲܦܪܹܗ ܕܥܵܠܡܵܐ ܠܡܸܦܠܲܚ ܒܲܥܕܸܢ ܐܲܝܬܝܼ ܐܸܢܘܿܢ܀ 
                 ܘܗܵܘ̇ ܕܹܝܢܵܪܵܐ ܕܲܠܩܲܕܼܡܵܝܹ̈ܐ ܩܲܨ̣ ܗ̄ܘ̣ܵܐ ܕܢܸܬܸܠ ܢܬܠ 195. P 118. R: 
                 ܒܪܹܗ ܚܲܒ݁ܝܼܒ̣ܵܐ ܕܝܲܗ̄ܒ̣ ܠܲܐ̄ܚܪ̈ܵܝܹܐ ܒܚܲܪܲܬܼ ܙܲܒ̣̈ܢܹܐ܀ 
                 ܘܗܵܠܹܝܢ ܦܵܥ̈ܠܹܐ ܕܲܬܼܠܵܬܼ ܫܵܥ̈ܝܼܢ ܐܸܢ ܚܵܐܲܪ ܐܲܢ̄ܬ݁: 
                 ܕܒܹܝܬܼ ܢܘܿܚ ܐܸܢܘܿܢ ܕܐܲܩܝܼܡ ܐܸܢܘܿܢ ܥܲܠ ܦܘܼܠܚܵܢܹܗ܀ 
                 ܘܲܕܼܫܸܬܼ ܫܵܥ̈ܝܼܢ ܕܒܹܝܬܼ ܐܲܒ̣ܪܵܗܵܡ ܒܐܲܪܥܵܐ ܕܐܵܪܵܡ: 
                 ܕܐܲܚܕܲܪܘ ܠܲܒ̣ܫܘܼܗ̇ ܠܙܲܕܝܼܩܘܼܬܼܵܐ ܐܲܝܟ̣ ܩܲܕܼܡܵܝܹ̈ܐ܀ 
                 ܘܗܵܠܹܝܢ ܦܵܥ̈ܠܹܐ ܕܲܬܼܫܲܥ ܫܵܥ̈ܝܼܢ ܡܘܼܫܹܐ ܪܲܒܵܐ: 
                 ܘܝܼܫܘܿܥ ܒܲܪܢܘܿܢ ܘܟ̣ܠܵܗ̇ ܓܘܼܕܵܐ ܕܲܢܒ̣ܝܼܘܼܬܼܵܐ܀ 
                 ܘܥܲܠ̣ܘ ܘܐܸܣܬܲܝܲܟ̣ܘ ܟܠܗܘܿܢ ܦܵܥ̈ܠܹܐ ܕܠܹܝܬܼ ܐܲܠܵܗܵܐ: 
                 ܒܟܲܪܡܹܗ ܕܡܵܪܝܵܐ ܕܐܝܼܬܼܵܘܗܝ ܪܲܗܛܵܐ ܕܙܲܕܝܼܩܘܼܬܼܵܐ܀ 
                 ܘܗܲܠܟܲܬ݀ ܘܐܸܬܲܬ݀ ܐܘܼܪܚܵܐ ܕܟܹܐܢܹ̈ܐ ܡܸܢܹܗ ܕܐܵܕܼܵܡ: 
                 ܘܲܡܛܵܬ݀ ܨܹܝܕܼ ܢܘܿܚ ܘܲܪܕܼܵܬ݀ ܩܸܪܒܲܬ݀ ܨܹܝܕܼ ܐܲܒ̣ܪܵܗܵܡ܀ 
                 ܘܥܸܒ̣ܪܲܬ݀ ܣܸܡܟܲܬ݀ ܐܘܼܪܚܵܐ ܠܡܘܼܫܹܐ ܪܲܒܵܐ ܕܲܬܼܫܲܥ: 
                 ܕܣܲܓܝܼ ܪܲܗܛ̣ܵܗ̇ ܒܲܢܛܘܼܪ̈ܵܬܼܵܐ ܕܙܲܕܝܼܩܘܼܬܼܵܐ܀ 
                 ܘܲܠܐܝܼܘ ܦܵܥ̈ܠܹܐ ܒܟܲܪܡܹܗ ܕܚܲܒ݁ܝܼܒ̣ ܐܫܥܝܐ. ܗ. ܐ. : ܟܲܫܝܼܪܵܐܝܼܬܼ: 
                 ܗܵܠܹܝܢ ܕܐܸܓܲܪ ܒܐܲܪܒܲܥ ܙܲܒ̣̈ܢܝܼܢ ܘܐܲܝܬܝܼ ܐܸܢܘܿܢ܀ 
                 ܘܲܪܗܸܛ̣ܘ ܟܠܗܘܿܢ ܟܲܕܼ ܦܵܠܚ̇ܝܼܢ (ܒܵܗ̇ ܒܙܲܕܝܼܩܘܼܬܼܵܐ ܒܗ ܙܕܝܩܐܝܬ 196. P: 
                 ܕܒܹܝܬܼ ܫܹܝܬܼ ܘܐܵܢܘܿܫ ܡ̣ܢ ܫܘܼܪܵܝܹܗ ܕܥܵܠܡܵܐ ܪܲܒܵܐ܀ 
                 ܘܐܸܬ݁ܬܵܘܣܲܦܘ ܗ̄ܘ̣ܵܘ ܕܒܹܝܬܼ ܢܘܿܚ ܘܲܚ̣ܝܵܘ ܙܲܕܝܼܩܵܐܝܼܬܼ: 
                 ܘܩܵܡ̣ܘ ܐܲܒ̣ܪܵܗܵܡ ܘܐܝܼܣܚܵܩ ܕܲܦܠܲܚ̣ܘ ܟܲܫܝܼܪܵܐܝܼܬܼ܀ 
                 
                 331 

                 ܘܐܸܬ݀ܵܐ ܡܘܼܫܹܐ ܘܥܲܡܹܗ ܢܒ̣ܝܹ̈ܐ ܐܲܠܵܗܵܝܹ̈ܐ: 
                 ܘܲܗܘ݀ܵܘ ܦܵܥ̈ܠܹܐ ܛܵܒܹ̈ܐ ܒܟܲܪܡܵܐ ܘܐܸܬܼܟܲܫܲܪܘ ܒܹܗ܀ 
                 ܘܩܵܡ̣ܘ ܐܲܝܟ̣ ܛܲܪ̈ܩܹܐ ܘܠܲܒ̣ܫܘܼܗ̇ ܠܪܸܚܡܲܬܼ ܚܲܝܹ̈ܐ ܚܲܕܼ̈ܬܹܐ: 
                 ܘܲܠܐܝܼܘ ܫܲܦܝܼܪ ܒܟܲܪܡܵܐ ܕܦܹܐܪܹ̈ܐ ܪ̈ܘܼܚܵܢܵܝܹܐ܀ 
                 ܘܲܛܥܲܢܘ ܝܘܼܩܪܹܗ ܕܥܵܠܡܵܐ ܒܝܼܫܵܐ ܒܓܸܠܝܵܢܲܝ̈ܗܘܿܢ: 
                 ܘܣܲܝܒܲܪܘ ܨܲܥܪܵܐ ܕܪܸܚܡܲܬܼ ܨܲܠܡܹ̈ܐ ܕܲܣܪܝܼܩܘܼܬܼܵܐ܀ 
                 ܘܲܥ̣ܩܲܪܘ ܟܘܼ̈ܒܹܐ ܘܝܲܥܪܵܐ ܕܛܘܼܥܝܲܝ ܡ̣ܢ ܐܲܪ̈ܥܵܬܼܵܐ: 
                 ܘܲܠܢܲܦ̮̈ܫܵܬܼܵܐ ܓܘܼ̈ܦܢܹܐ ܕܲܟ݁ܝܼܘ ܡ̣ܢ ܒܝܼ̈ܫܵܬܼܵܐ܀ 
                 ܘܲܒ̣ܢܲܟ̣ܦܘܼܬܼܵܐ ܘܲܒ̣ܕܲܟ̣ܝܘܼܬܼܵܐ ܘܩܲܕܝܼܫܘܼܬܼܵܐ: 
                 ܙܩܲܦ̣ܘ ܚܲܝܲܝ̈ܗܘܿܢ ܘܲܥ̣ܒܲܕܼܘ ܦܹܐܪܹ̈ܐ ܕܗܲܝܡܵܢܘܼܬܼܵܐ܀ 
                 ܘܒ̣ܵܬܲܪ ܗܵܠܹܝܢ ܟܲܕܼ ܗܵܐ ܩ̣ܪܸܒ̣ ܠܹܗ ܥܵܠܡܵܐ ܕܢܸܫܠܲܡ: 
                 ܐܲܝܟ̣ ܕܲܠܡܹܐܡܲܪ ܟܲܕܼ ܡܲܛܝܼ ܗ̄ܘ̣ܵܐ ܝܵܘܡܵܐ ܕܢܸܥܡܲܕܼ܀ 
                 ܢܦܲܩ̣ ܒܲܚܕܲܥ̄ܣܪܹ̈ܐ ܡܵܪܹܐ ܟܲܪܡܵܐ ܡ̣ܢ ܐܵܦܲܪܬܵܐ: 
                 ܘܲܚ̣ܙܵܐ ܠܥܲܡܡܹ̈ܐ ܣܪ̈ܝܼܩܹܐ ܣܦܝܼ̈ܩܹܐ ܘܲܕܼܠܵܐ ܥܡܠܵܐ܀ 
                 ܡܫܲܦ̈ܠܹܐ ܣܚܝܼ̈ܦܹܐ ܐܵܦ ܒܲܛܝܼ̈ܠܹܐ ܘܲܚܒܸܢܵܢܹ̈ܐ: 
                 ܡܫܲܡ̈ܕܹܐ ܕܕܲܡܟ݁ܘܼܝܗܝ ܟ̱ܠܹܗ ܝܵܘܡܵܐ ܕܠܵܐ ܦܘܼܠܚܵܢܵܐ܀ 
                 ܐ̄ܢܵܫܵܐ ܕܲܗܘ݀ܵܘ ܒܟ̣ܠܹܗ ܥܵܠܡܵܐ ܕܠܵܐ ܝܑܼܕܲܥܬܼܵܐ: 
                 ܘܲܕܼܠܵܐ ܪܲܗܛܵܐ ܕܙܲܕܝܼܩܘܼܬܼܵܐ ܘܲܬܼܪܝܼܨܘܼܬܼܵܐ܀ 
                 ܘܠܵܐ ܥܲܠ̣ܘ ܘܲܦܠܲܚ̣ܘ ܒܹܝܬܼ ܐܲܠܵܗܵܐ ܒܗܲܝܡܵܢܘܼܬܼܵܐ: 
                 ܘܠܵܐ ܥ̣ܒܲܕܼܘ ܦܹܐܪܹ̈ܐ ܛܵܒܹ̈ܐ ܕܫܘܼܪܒ̣ܚܵܐ ܠܡܵܪܹܐ ܟܲܪܡܵܐ܀ 
                 ܐܸܠܵܐ ܥܲܒ̣ܪܘܼܗܝ ܙܲܒ̣ܢܹܗ ܕܥܵܠܡܵܐ ܒܚܲܝܹ̈ܐ ܒܝܼ̈ܫܹܐ: 
                 ܘܲܒ̣ܛܵܥܝܘܼܬܼܵܐ ܙܲܒ̣ܢܹܗ ܕܥܵܠܡܵܐ ܒܚܲܝܹ̈ܐ ܒܝܼ̈ܫܹܐ 
                 ܘܲܒ̣ܛܵܥܝܘܼܬܼܵܐ ܕܪܸܚܡܲܬܼ ܨܲܠܡܹ̈ܐ ܕܲܣܪܝܼܩܘܼܬܼܵܐ܀ 
                 
                 332 

                 ܘܲܚ̣ܙܵܐ ܠܗܵܠܹܝܢ ܡܵܪܹܐ ܟܲܪܡܵܐ ܟܲܕܼ ܒܲܛܝܼܠܝܼܢ: 
                 ܘܫܲܪܝܼ ܕܢܸܫܪܸܐ ܘܲܢܚܲܣܸܕܼ ܗ̄ܘ̣ܵܐ ܘܢܸܒ̣ܣܘܿܪ ܐܸܢܘܹܢ܀ 
                 ܥܲܠ ܡܘܿܢ ܐ̄ܢܵܫܵܐ ܒܲܛܝܼܠܝܼܢ ܐܢ̄ܬ݁ܘܿܢ ܝܵܘܡܵܐ ܟ̱ܠܹܗ: 
                 ܘܲܣܪܝܼܩܝܼܢ ܐܢ̄ܬ݁ܘܿܢ ܡ̣ܢ ܦܘܼܠܚܵܢܵܐ ܕܙܲܕܝܼܩܘܼܬܼܵܐ܀ 
                 ܥܲܠ ܡܘܿܢ ܗܵܟܲܢ ܕܲܡܝܼܟ̣ܝܼܢ ܐܢ̄ܬ݁ܘܿܢ ܡ̣ܢ ܛܵܒ̣ܵܬܼܵܐ: 
                 ܘܠܵܐ ܐܝܼܬܼ ܕܩܵܪܹܐ ܒܙܲܕܝܼܩܘܼܬܼܵܐ ܘܗܲܝܡܵܢܘܼܬܼܵܐ܀ 
                 ܠܡܘܿܢ ܗܵܟܲܢܵܐ ܐܵܘܦܝܼܘ ܙܲܒ̣̈ܢܹܐ ܘܲܓ̣ܡܲܪܘ ܚܲܝܹ̈ܐ: 
                 ܘܐܲܢ̄ܬ݁ܘܿܢ ܕܲܡܟ݁ܝܼܢ ܡ̣ܢ ܦܘܼܠܚܵܢܵܐ ܦܘܪܫܢܐ 196. P. L: ܘܡ̣ܢ ܣܘܼܟܵܠܵܐ܀ 
                 ܥܡܲܕܼ ܠܹܗ ܝܵܘܡܵܐ ܫܠܸܡ̣ ܠܹܗ ܥܵܠܡܵܐ ܩܘܼܡܘ ܒܲܛܝܼ̈ܠܹܐ: 
                 ܐܸܬܼܟܲܫܲܪܘ ܒܵܗ̇ ܒܫܵܥܬܼܵܐ ܪܚܝܼܡܬܵܐ ܕܲܬܼܝܵܒ̣ܘܼܬܼܵܐ܀ 
                 ܠܡܵܢܵܐ ܒܛܸܠܬ݁ܘܿܢ ܘܲܥ̣ܒܲܪܘ ܙܲܒ̣ܢܹ̈ܐ ܕܥܵܠܡܵܐ ܟ̱ܠܹܗ: 
                 ܘܠܵܐ ܦܠܲܚܬ݁ܘܿܢ ܒܹܗ ܒܟܲܪܡܵܐ ܒܪܝܼܟ̣ܵܐ ܕܒܹܝܬܼ ܐܲܠܵܗܵܐ܀ 
                 ܐܵܡ̇ܪܝܼܢ ܥܲܡܡܹ̈ܐ ܠܵܐ ܐ̄ܢܵܫ ܐܲܓ̣ܪܲܢ ܢܸܠܐܸܐ ܢܐܬܹܐ 195. P ܕܢܦܠܘܚ. L: 
                 ܥܲܡܹܗ: ܘܡܸܛܠܗܵܢܵܐ ܒܲܛܝܼܠܝܼܢܲܢ ܘܲܣܦܝܼܩܝܼܢܲܢ܀ 
                 ܠܵܐ ܢܵܡܘܿܣܵܐ ܘܠܵܐ ܦܘܼܩ̈ܕܵܢܹܐ ܘܠܵܐ ܢܛܘܼܪ̈ܘܵܬܼܵܐ: 
                 ܐܵܦܠܵܐ ܢܒ̣ܝܹ̈ܐ ܘܠܵܐ ܓܸܠܝܵܢܹ̈ܐ ܕܫܲܪܝܼܪ̈ܵܬܼܵܐ܀ 
                 ܠܵܐ ܐ̄ܢܱܵ ܐܲܓ̣ܪܲܢ ܠܵܐ ܐ̄ܢܵܫ ܐܲܠܦܲܢ ܐܵܘ ܚܲܟܸܡ ܠܲܢ: 
                 ܠܵܐ ܐ̄ܢܵܫ ܬܲܒ̣ܥܲܢ ܢܸܥܘܿܠ ܢܸܦܠܘܿܚ ܒܹܝܬܼ ܐܲܠܵܗܵܐ܀ 
                 ܩ̣ܪܵܘ ܠܐܲܒ̣ܪܵܗܵܡ ܡ̣ܢ ܓܵܘ ܐܵܪܵܡ ܠܐܲܪܥܵܐ ܕܲܟ̣ܢܲܥ̄ܢ: 
                 ܘܲܩ̣ܪܵܘ ܠܐܝܼܣܚܵܩ ܢܸܗܘܸܐ ܕܸܒ̣ܚܵܐ ܒܛܘܼܪ̈ܲܝ ܝܵܒ̣ܘܿܣ܀ 
                 
                 333 

                 ܩ̣ܪܵܘ ܠܹܗ ܠܝܲܥܩܘܿܒ̣ ܨܹܝܕܼ ܣܸܒ̣ܠ̣ܬܵܐ ܕܲܫܡܲܝܵܢܹ̈ܐ: 
                 ܠܝܵܘܣܲܦ ܕܲܒ̣ܪܘܼܗܝ ܢܸܬܸ݁ܠ ܣܲܒ̣ܥܵܐ ܠܟ̣ܠܵܗ̇ ܡܸܨܪܹܝܢ܀ 
                 ܡܫܲܠܲܛ ܡܘܼܫܹܐ ܥܲܠ ܓܸܠܝܵܢܹ̈ܐ ܕܲܢܒ̣ܝܼܘܼܬܼܵܐ: 
                 ܘܐܲܗܪܘܿܢ ܟܘܿܡܪܵܐ ܥܵܐܹ̇ܠ ܘܲܬܼܟ̣ܝܼܠ ܨܹܝܕܼ ܐܲܠܵܗܵܐ܀ 
                 ܢܵܚܹ̇ܬܼ ܢ̇ܝܚ̣ܬ
                            118. R ܢܚ̣ܬ ܗܘܐ 117. R. L: ܪܵܡܵܐ ܥܲܠ ܛܘܼܪ ܣܝܼܢܲܝ ܨܹܝܕܼ
                    ܥܸܒ̣ܪ̈ܵܝܹܐ: 
                 ܘܠܲܚܡܵܐ ܕܡܲܓܵܢ ܐܵܟܹ̇ܠ ܐܟ̣ܠ. 117. R. L: ܥܲܡܵܐ ܡ̣ܢ ܥܲܪܦܸܠܵܐ܀ 
                 ܫܵܬܼ̇ܝܵܐ ܟܢܘܼܫܬܵܐ ܡܲܝ̈ܵܐ ܒܪ̈ܝܼܟܹܐ ܡ̣ܢ ܛܲܪܵܢܵܐ: 
                 ܘܲܬܼܪܝܼܥ ܝܘܿܪܢܵܢ ܬܸܥܘܿܠ ܬܹܐܪܲܬܼ ܠܐܵܡܘܿܪ̈ܵܝܹܐ܀ 
                 ܝܼܫܘܿܥ ܒܲܪܢܘܿܢ ܥܲܩܲܪ ܩܘܼܕܼܡܹܝܗ̇ ܫܘܼܪܹ̈ܐ ܪ̈ܵܡܹܐ: 
                 ܘܲܒ̣ܓ̣ܝܼܪ ܫܸܡܫܵܐ ܕܢܸܦ̮ܬܲܚ ܬܲܪ̈ܥܹܐ ܩܕܼܵܡ ܡܲܥܲܠܬܵܗ̇܀ 
                 ܐܲܙܝܼܠ ܒܵܬܼܪܵܗ̇ ܕܵܘܝܼܕܼ ܢܲܝܬܹܝܗ̇ ܨܹܝܕܼ ܐܲܠܵܗܵܐ: 
                 ܘܲܙܗܸܐ ܫܡܘܼܐܹܝܠ ܘܲܡܫܲܡܸܫ ܠܵܗ̇ ܒܹܝܬܼ ܚܘܼܣܵܝܵܐ܀ 
                 ܠܚܝܼܡ ܐܹܠܝܼܵܐ ܘܡܲܚܪܸܒ̣ ܐܲܪܥܵܐ ܟܲܕܼ ܡܲܠܸܦ ܠܵܗ̇: 
                 ܘܲܥܒ̣ܝܼܕܼܝܼܢ ܠܵܗ̇ ܢܒ̣ܝܹ̈ܐ ܕܪܵܡܵܐ ܐܲܝܟ̣ ܫܲܡܵܫܹ̈ܐ܀ 
                 ܐܲܠܦ̣ܘܼܗ̇ ܢܒ̣ܝܹ̈ܐ ܘܐܸܫܬܵܘܕܝܼܘ ܠܵܗ̇ ܘܩܲܨ̣ܘ ܠܵܗ̇ ܐܲܓ̣ܪܵܐ: 
                 ܘܐܲܥܠܘܼܗ̇ ܕܬܸܦܠܘܿܚ ܒܹܝܬܼ ܐܲܠܵܗܵܐ ܒܫܘܼܕܵܠܲܝ̈ܗܘܿܢ܀ 
                 ܠܲܢ ܕܹܝܢ ܥܲܡܡܹ̈ܐ ܠܵܐ ܐ̄ܢܵܫ ܐܲܓ̣ܪܲܢ ܡ̣ܢ ܚܲܙܵܝܹ̈ܐ: 
                 ܘܠܵܐ ܓܸܠܝܵܢܹ̈ܐ ܐܸܫܣܬܲܕܲܪܘ ܠܲܢ ܡ̣ܢ ܥܸܠܵܝܵܐ܀ 
                 ܐܲܦܠܵܐ ܢܒ̣ܝܼܵܐ ܡܸܢܲܢ ܩܵܡ̣ ܒܲܢ ܢܸܬܼܢܲܒܸ݁ܐ ܠܲܢ: 
                 ܘܠܵܐ ܟܵܪܘܿܙܵܐ ܕܲܡܚܵܘܸܐ ܠܲܢ ܟܲܪܡܵܐ ܢܸܦܠܘܿܚ܀ 
                 ܘܗܵܐ ܫܒ̣ܝܼܩܝܼܢܲܢ ܐܲܝܟ̣ ܝܲܬ݁ܝܼܪܹ̈ܐ ܘܐܲܝܟ̣ ܒܲܪܵܝܹܐ:
                 334 

                 ܘܒܲܛܠܝܼܢܲܢ ܘܲܣܪܝܼܩܝܼܢܲܢ ܘܲܣܦܝܼܩܝܼܢܲܢ܀ 
                 ܘܠܵܐ ܐܵܓ̣ܘܿܪܵܐ ܘܠܵܐ ܬܵܒ̣ܘܿܥܵܐ ܘܠܵܐ ܡܵܠܘܿܟ̣ܵܐ: 
                 ܘܠܵܐ ܡܵܪܐ ܐܲܓ̣ܪܵܐ ܕܲܡܓܲܪܸܓ̣ ܠܲܢ ܢܸܠܐܸܐ ܥܲܡܹܗ܀ 
                 ܠܵܐ ܐ̄ܢܵܫ ܘܐܸܠܘܼ ܐܝܼܬܪܵܘܗܝ ܗܵܘ̇ ܕܐܵܓܲܪ ܠܲܢ: 
                 ܗܵܐ ܩܵܝ̇ܡܝܼܢܲܢ ܘܲܚܢܲܢ ܢܸܦܠܘܿܚ ܐܲܝܟ ܟܲܫܝܼܪܹ̈ܐ܀ 
                 ܘܲܦܬܲܚ̣ ܬܲܪܥܹܗ ܡܵܪܹܐ ܟܲܪܡܵܐ ܠܥܲܡܡܹ̈ܐ ܕܐܲܪܥܵܐ: 
                 ܘܥܸܠܲܬ݀ ܦܸܠܚܲܬ݀ ܟ̱ܠܹܗ ܒܪܝܼܬܼܵܐ ܒܹܝܬܼ ܐܲܠܵܗܵܐ܀ 
                 ܒܫܘܼܠܵܡ ܥܵܠܡܵܐ ܒܚܲܪܬܼܵܐ ܕܙܲܒ̣̈ܢܹܐ ܘܲܕܼܥܸܕܵܢܹ̈ܐ: 
                 ܥܲܠܘ ܒܲܚܕܲܥ̄ܣܪܹ̈ܐ ܟܠܗܘܿܢ ܥܲܡܡܹ̈ܐ ܠܒܲܝܬܵܐ ܪܲܒܵܐ܀ 
                 ܘܫܲܪܝܼܘ ܒܪܲܗܛܵܐ ܕܫܲܦܝܼܪ̈ܵܬܼܵܐ ܟܲܫܝܼܪܵܐܝܼܬܼ: 
                 ܘܲܙܩܲܪܘ ܠܲܒ̣ܫܘܼܗ̇ ܠܙܲܕܝܼܩܘܼܬܼܵܐ ܓܘܼܫܡܵܢܵܐܝܼܬܼ܀ 
                 ܘܬܲܒܲܪܘ ܘܲܫܕܼܵܘ ܠܲܓ̣ܝܼܦܲܝ̈ܗܘܿܢ ܘܲܠܨܲܠܡܲܝ̈ܗܘܿܢ: 
                 ܘܲܠܒܲܟ̣ܘ ܪܲܗܛܵܐ ܚܝܼܨܵܐ ܒܐܘܼܪܚܵܐ ܕܗܲܝܡܵܢܘܼܬܼܵܐ܀ 
                 ܘܝܼܕܲܥ̣ܘ ܠܐܲܒ̣ܵܐ ܘܗܲܝܡܸܢ̣ܘ ܒܲܒ̣ܪܵܐ ܠܒܪܐ 118. R: ܘܝܲܩܲܪܘ ܠܪܘܼܚܵܐ: 
                 ܘܲܗܘ݀ܵܘ ܟܠܗܘܿܢ ܢܵܘܣܹ̈ܐ ܓܒܲܝ̈ܵܐ ܕܟܝ̈ܐ 117. R. L: ܠܐܲܠܵܗܘܼܬܼܵܐ܀ 
                 ܥܲܠ̣ܘ ܒܲܚܕܲܥ̄ܣܪܹ̈ܐ ܘܲܒ̣ܟܹܐܢܘܼܬܼܵܐ ܫܩܲܠ̣ܘ ܕܹܝܢܵܪܵܐ: 
                 ܕܗܘ݀ܝܘܼ ܡܵܪܲܢ ܐܲܓ̣ܪܵܐ ܕܟ̣ܠܵܗ̇ ܙܲܕܝܼܩܘܼܬܼܵܐ܀ 
                 ܦܵܫ̣ܘ ܩܲܕܼܡܵܝܹ̈ܐ ܕܲܙܪܲܥ̣ܘ ܘܲܕܼܡܸܟ̣ܘ ܥܲܡ ܕܵܪ̈ܲܝܗܘܿܢ ܙܒܢܝ̈ܗܘܢ 118. R 195.
                        P: 
                 ܘܗܵܐ ܛܥܝܼܢܝܼܢ ܠܵܗ̇ ܐ̄ܚܪ̈ܵܝܹܐ ܠܟܲܦܵܐ ܕܡܲܠܝܵܐ ܣܲܒ̣ܥܵܐ܀ 
                 ܥܲܡܡܹ̈ܐ ܐ̄ܚܪ̈ܵܝܹܐ ܗܘ݀ܵܘ ܩܲܕܼܡܵܝܹ̈ܐ ܒܦܲܓ̣ܪܹܗ ܕܲܒ̣ܪܵܐ: 
                 ܕܗܸܢܘܿܢ ܠܲܒ̣ܫܘܼܗܝ ܡ̣ܢ ܓܵܘ ܡܲܝ̈ܵܐ ܕܡܲܥܡܘܿܕܼܝܼܬܼܵܐ܀ 
                 
                 335 

                 ܪܲܚܝܼܩ ܐܵܢܘܿܫ ܢܘܿܚ ܘܐܲܒ̣ܪܵܗܵܡ ܘܲܕܼܒܹܝܬܼ ܡܘܼܫܹܐ: 
                 ܘܜܵܥ̈ܠܹܐ ܐ̄ܚܪ̈ܵܝܹܐ ܫܩܲܠ̣ܘ ܕܹܝܢܵܪܵܐ ܘܗܵܐ ܥܲܬ݁ܝܼܪܝܼܢ܀ 
                 ܡܵܟ̣ܣܵܐ ܡܙܲܕܲܩ ܘܗܵܐ ܓܲܝܵܣܵܐ ܒܓܲܢܬܼܵܐ ܢܵܨܲܚ̇: 
                 ܐܵܦ ܙܵܢܝܼܬܼܵܐ ܡܢܲܫܩܵܐ ܡܥܲܦܩܵܐ ܠܒܲܪ ܐܲܠܵܗܵܐ܀ 
                 ܡܘܼܫܹܐ ܪܲܚܝܼܩ ܘܗܵܐ ܚܲܛܵܝܬܵܐ ܠܒ̣ܝܼܟ̣ܵܐ ܪܸ̈ܓ̣ܠܵܘܗܝ: 
                 ܘܲܡܨܲܒ݁ܥܵܐ ܠܹܗ
                            ܠܗܝܢ 196. P. L: ܒܡܸܫܚܵܐ ܘܕܸܡ̈ܥܹܐ ܚܲܒ݁ܝܼܒ̣ܵܐܝܼܬܼ܀ 
                 ܦܵܫ̣ ܐܲܒ̣ܪܵܗܵܡ ܕܲܡܣܵܘܲܚ ܗ̄ܘ̣ܵܐ ܕܢܸܚܙܸܐ ܝܵܘܡܹܗ: 
                 ܘܗܵܐ ܚܵܝ̇ܪܝܼܢ ܒܵܗ̇ ܟܠܗܘܿܢ ܥܲܡܡܹ̈ܐ ܒܲܙܩܝܼܦܘܼܬܹܗ܀ 
                 ܡ̣ܢ ܕܐܸܬ݁ܛܲܠܲܩܘ ܟܠܗܘܿܢ ܚܲܝܹ̈ܐ ܕܥܵܠܡܵܐ ܘܐܵܘܦ̣ܝܼܘ: 
                 ܐܲܪܓܸܫ̣ܘ ܥܲܡܡܹ̈ܐ ܕܐܝܼܬܼ ܐܲܠܵܗܵܐ ܡܸܚܕܼܵܐ ܢܲܩ̣ܦܘܼܗܝ܀ 
                 ܥܲܠ̣ܘ ܒܲܚܕܲܥ̄ܣܪܹ̈ܐ ܘܐܸܬܼܟܲܫܲܪܘ ܒܵܗ̇ ܒܲܬܼܝܵܒ̣ܘܼܬܼܵܐ: 
                 ܘܗܵܐ ܠܒ̣ܝܼܫܝܼܢ ܠܹܗ ܠܒܲܪ ܐܲܠܵܗܵܐ ܓܘܼܫܡܵܢܵܐܝܼܬܼ܀ 
                 ܒܚܲܪܬܼܵܐ ܐܸܬ݀ܵܘ ܡ̣ܢ ܕܐܸܫܬܲܠܲܡܘ ܟܠܗܘܿܢ ܙܲܒ̣̈ܢܹܐ: 
                 ܘܗܵܐ ܩܲܕܼܡܵܝܹ̈ܐ ܗܘ݀ܵܘ ܒܲܣܒܲܪܬܼܵܐ ܕܡܲܠܝܵܐ ܚܲܝܹ̈ܐ܀ 
                 ܦܵܥ̈ܠܹܐ ܐ̄ܚܪ̈ܵܝܹܐ ܥܲܡܡܹ݁̈ܐ ܐܸܢܘܿܢ ܕܥܲܠ̣ܘ ܒܲܚܕܲܥ̄ܣܪܹ̈ܐ: 
                 ܒܐܘܼܪܚܵܐ ܕܚܲܡܸܫ ܕܐܸܓܲܪ ܦܵܥ̈ܠܹܐ ܡܵܪܹܐ ܟܲܪܡܵܐ܀ 
                 ܒܚܲܡܫܵܐ ܪܸ̈ܓ̣ܫܝܼܢ ܩܵܐܹ̇ܡ ܓܘܼܫܡܹܐ ܕܲܒ̣ܢܲܝ̈ܢܵܫܵܐ: 
                 ܚܲܡܫܵܐ ܣܸܦܪ̈ܝܼܢ ܐܝܼܬܼ ܠܐܘܿܪܵܝܬܵܐ ܕܡܲܠܝܵܐ ܐ̄ܪ̈ܵܙܹܐ܀ 
                 ܚܲܡܫܵܐ ܩܵܝܵܡܝܼ̈ܢ ܐܲܩܝܼܡ̣ ܡܵܪܝܵܐ ܥܲܡ ܐ̄ܢܵܫܘܼܬܼܵܐ: 
                 ܚܲܡܸܫ ܙܲܒ̣̈ܢܝܼܢ ܐܸܓܲܪ ܦܵܥ̈ܠܹܐ ܡܵܪܹܐ ܟܲܪܡܵܐ܀ 
                 ܩܝܵܡܵܐ ܩܲܕܼܡܵܐ ܐܲܩܝܼܡ̣ ܠܐܵܕܼܵܡ ܒܹܝܬܼ ܐܝܼܠܵܢܹ̈ܐ:
                 336 

                 ܘܲܬܼܪܲܝܵܢܵܐ ܠܢܘܿܚ ܢܘܚ 195. P. R: ܙܲܕܝܼܩܵܐ ܒܲܪ ܟܹܘܸܠܵܐ܀ 
                 ܘܗܵܘ̇ ܕܲܬܼܠܵܬܼܵܐ ܥܲܡ ܐܲܒ̣ܪܵܗܵܡ ܪܵܚܡܵܐ ܛܵܒ̣ܵܐ: 
                 ܘܕܲܐܪܒ݁ܥܵܐ ܕܡܘܼܫܹܐ ܘܲܚܡܝܼܫܵܝܵܐ ܘܕܚܡܝܫܝܐ. 195. P. R: ܕܒܲܪ ܐܲܠܵܗܵܐ܀ 
                 ܒܨܲܦܪܵܐ ܘܒܲܬܼܠܵܬܼ ܘܲܒ̣ܫܸܬܼ ܘܒܲܬܼܫܲܥ ܐܵܦ ܒܲܚܕܲܥ̄ܣܪܹ̈ܐ: 
                 ܘܬܼܘܼܒ̣ ܠܲܩܝܵܡܵܐ ܐ̄ܚܪܹܢܵܐ ܒ̣ܥܵܠܡܵܐ ܐܲـܪܪܵܐ ܠܵܐ ܐܝܼܬܼ܀ 
                 ܘܠܵܐ ܠܒܲܪܢܵܫܵܐ ܪܸ̈ܓ̣ܫܹܐ ܐ̄ܚܪ̈ܵܢܹܐ ܐܸܠܵܐ ܚܲܡܫܵܐ: 
                 ܘܠܵܐ ܒܝܲܡܝܼܢܵܐ ܐܸܠܵܐ ܚܲܡܸܫ ܩܲܛܝܼ̈ܢܵܬܼܵܐ܀ 
                 ܘܠܵܐ ܝܘܼܠܦܵܢܵܐ ܒܵܬܲܪ ܬܹܐܓ̣ܪܵܗ̇ ܕܲܙܩܝܼܦܘܼܬܼܵܐ: 
                 ܕܒܲܚܡܝܼܫܵܝܵܐ ܫܵܠܹ̇ܡ ܥܵܠܡܵܐ ܘܡܵܘܦܸܐ ܟ̱ܠܹܗ܀ 
                 ܐܵܦ ܒܲܪܢܵܫܵܐ ܒܚܲܡܸܫ ܡܘܼܫ̈ܚܵܢ ܐܲܝܟ̣ ܕܲܒ̣ܕܲܪ̈ܓܹܐ: 
                 ܐܼܬܼ ܠܹܗ ܕܢܸܣܲܩ ܘܟܸܢ ܡܸܫܬܲܡܠܸܐ ܕܢܸܗܘܸܐ ܓܲܒ̣ܪܵܐ܀ 
                 ܗܵܘܹ̇ܐ ܥܘܸܠܵܐ ܘܒ̣ܵܬܲܪ ܗܵܟܲܢ ܐܵܦ ܝܲܠܘܼܕܼܵܐ: 
                 ܘܒ̣ܵܬܲܪ ܛܲܠܝܵܐ ܗܵܘܹ̇ܐ ܥܠܲܝܡܵܐ ܘܗܵܘܹ̇ܐ ܓܲܒ̣ܪܵܐ܀ 
                 ܗܵܐ ܥܘܸܠܘܼܬܼܵܐ ܘܝܲܠܘܼܕܼܘܼܬܼܵܐ ܐܵܦ ܛܲܠܝܘܼܬܼܵܐ: 
                 ܘܲܥܠܲܝܡܘܼܬܼܵܐ ܘܟܸܢ ܠܲܡܫܘܼܚܬܼܵܐ ܕܓܲܒ̣ܪܵܐ ܡܵܛܹ̇ܐ܀ 
                 ܘܒ̣ܵܬܲܪ ܗܵܕܹܐ ܡܫܘܼܚܬܼܵܐ ܕܚܲܡܸܫ ܠܵܐ ܐܝܼܬܼ ܐܲܬܼܪܵܐ: 
                 ܕܬܼܘܼܒ̣ ܢܸܬ݁ܬܵܘܣܲܦ ܥܲܠ ܡܘܼܫ̈ܚܵܬܼܵܐ ܕܲܒ̣ܢܲܝ̈ܢܵܫܵܐ܀ 
                 ܡܛ̣ܵܐ ܠܹܗ ܥܵܠܡܵܐ ܡܫܘܼܚܬܼܵܐ ܕܚܲܡܸܫ ܗܵܝ̇ ܕܲܙܩܝܼܦܵܐ: 
                 ܘܐܸܫܬܲܡܠܝܼ ܠܹܗ ܘܲܗܘ݀ܵܐ ܓܲܒ̣ܪܵܐ ܘܬܼܘܼܒ̣ ܠܵܐ ܪܵܒܹ݁ܐ ܡܘܣܦ 196. P:܀ 
                 ܥ̣ܒܲܪ ܠܹܗ ܙܲܒ̣ܢܵܐ ܕܥܘܸܠܵܐ ܐܵܕܼܵܡ ܗܵܘ̇ ܩܲܕܼܡܵܝܵܐ: 
                 ܘܲܕܼܝܲܠܘܼܕܼܵܐ ܢܘܿܚ ܙܲܕܝܼܩܵܐ ܕܝܲܬܸܒ̣ ܐܲܪܥܵܐ܀ 
                 
                 337 

                 ܘܲܕܼܐܲܒ̣ܪܵܗܵܡ ܛܲܠܝܵܐ ܕܲܪܗܸܛ̣ ܥܲܡ ܐܲܠܵܗܵܐ: 
                 ܘܙܲܒ̣ܢܹܗ ܕܡܘܼܫܹܐ ܥܠܲܝܡܵܐ ܥܝܼܪܵܐ ܘܐܲܠܵܗܵܝܵܐ܀ 
                 ܘܥܲܠ̣ ܩܵܡ̣ ܙܲܒ̣ܢܵܐ ܐ̄ܚܪܵܝܵܐ ܐܚܪܢܐ 196. P. 117. R: ܕܚܲܡܫܵܐ ܗܵܘ̇
                    ܕܲܡܫܝܼܚܵܐ: 
                 ܘܲܫܠܸܡ̣ܘ ܙܲܒܼ̈ܢܹܐ ܘܡܸܟܹܝܠ ܚܲܪܬܵܐ ܗ̄ܝܼ ܠܲܕܼܡܸܣܬܲܟܲܠ܀ 
                 ܥܒܲܪ ܠܹܗ ܨܲܦܪܵܐ ܕܒܹܗ ܥܲܠ̣ܘ ܦܵܥ̈ܠܹܐ ܠܟܲܪܡܵܐ ܪܲܒܵܐ: 
                 ܘܲܥ̣ܒܲܪ ܙܲܒ̣ܢܵܐ ܕܲܬܼܠܵܬܼ ܫܵܥܹ̈ܐ ܢܲܗܝܼܪ̈ܵܬܼܵܐ܀ 
                 ܘܲܥ̣ܒܲܪ ܘܐܸܙܲܠ̣ ܕܫܸܬܼ ܐܵܦ ܕܲܬܼܫܲܥ ܚܲܡܝܼ̈ܡܵܬܼܵܐ: 
                 ܘܗܵܐ ܒܲܚܕܲܥ̄ܣܪܹ̈ܐ ܩܲܪܝܼܪ̈ܵܬܼܵܐ ܥܵܠܡܵܐ ܪܵܗܹ̇ܛ܀ 
                 ܥ̣ܒܲܪ ܠܹܗ ܛܲܗܪܵܐ ܘܦ̣ܵܓ̣ ܠܹܗ ܚܘܼܒܵܐ ܚܘܡܐ 196. P. L: ܕܲܒ̣ܢܲܝ̈ܢܵܫܵܐ: 
                 ܪܟܸܢ ܠܹܗ ܪܲܡܫܵܐ ܘܗܵܐ ܛܲܦܛܸܦ̣ ܠܹܗ ܥܵܠܡܵܐ ܢܵܘܦܸܐ܀ 
                 ܐܘܿ ܕܲܚܕܲܥ̄ܣܪܹ̈ܐ ܐܲܩܸܠܘ ܪܲܗܛܵܐ ܒܲܬܼܝܵܒܝܘܼܬܼܵܐ: 
                 ܥܲܡܡܹ̈ܐ ܐ̄ܚܪ̈ܵܝܹܐ ܗܘ݀ܵܘ ܩܲܕܼܡܵܝܹ̈ܐ ܒܙܲܕܝܼܩܘܼܬܼܵܐ܀ 
                 ܡܸܠܬܹܗ ܕܡܵܪܝܵܐ ܣܲܓܝܼ ܕܵܡ̇ܝܵܐ ܠܡܲܪܓܵܢܝܼܬܼܵܐ: 
                 ܘܐܲܦܹ̈ܐ ܕܢܘܼܗܪܵܐ ܡܲܠܝܵܐ ܟ̱ܠܵܗ̇ ܠܲܕܼܚܵܙܹ̇ܐ ܠܵܗ̇܀ 
                 ܠܐܲܝܢܵܐ ܕܐܲܦܸܩ̣ ܣܘܿܓ̣ܵܐܐ ܕܝܵܘܡܵܘ̈ܗܝ ܒܲܣܪܝܼܩܘܼܬܼܵܐ: 
                 ܝܵܗܹ̇ܒ̣ ܗ̄ܘ̣ ܠܹܗ ܐܝܼܕܼܵܐ ܡܲܬܼܠܹܗ ܕܒܲܪ ܐܲܠܵܗܵܐ܀ 
                 (ܘܐܠܲܝܢܵܐ ܕܲܚܛ̣ܵܐ ܘܐܝܢܐ ܕܚܛ̇ܐ 118. R 195. P:
                    ܘܲܒ̣ܛܲܠܝܘܼܬܹܗ ܘܒܲܥܠܲܝܡܘܼܬܹܗ: 
                 ܘܲܡܛ̣ܵܐ (ܓܕܼܵܕܹܗ ܢܵܘܠܵܐ ܓܕܕܐ ܕܢܘܠܐ 196. P: ܕܚܲܝܵܘ̈ܗܝ ܟܲܕܼ
                    ܡܸܫܬܲܛܸܐ܀ 
                 ܐܘܿ ܠܵܟ̣ ܣܵܒ̣ܵܐ ܕܟܟܵܐܹ̇ܒ̣ ܘܲܟ̣ܦܝܼܦ ܡ̣ܢ ܣܲܝܒ݁ܘܼܬܼܵܐ: 
                 ܘܒ̣ܵܥܹ̇ܐ ܕܲܢܬܼܘܼܒ̣ ܥܘܿܠ ܒܲܚܕܲܥ̄ܣܪܹ̈ܐ ܘܡܸܬܼܩܲܒܲܠ ܐܲܢ̄ܬ݁܀ 
                 
                 338 

                 ܫܵܥܬܼܵܐ ܕܚܲܝܹ̈ܐ ܩܲܝܵܡܵܐ ܠܵܟ̣ ܘܐܸܢ ܬܸܬܼܟܲܫܲܪ: 
                 ܒܵܗ̇ ܡܸܫܟܲܚ ܐܲܢ̄ܬ݁ ܟܠܗܘܿܢ ܚܲܝܹ̈ܐ ܕܠܵܐ ܫܘܼܠܵܡܵܐ܀ 
                 ܒܝܼܫܵܐ ܫܲܕܠܵܟ̣ ܒܲܪ̈ܓ̣ܝܼܓ̣ܵܬܼܵܐ ܟܲܕܼ ܚܵܛܹ̇ܐ ܗ̄ܘܲܝܬ݁: 
                 ܚܙܝܼ ܠܵܐ ܢܹܐܚܘܿܕܼ ܬܲܪܥܵܐ ܩܕܼܵܡܲܝܟ ܐܸܢ ܬܵܐܹ̇ܒ̣ ܐܲܢ̄ܬ݁܀ 
                 ܠܵܐ ܢܹܐܡܲܪ ܠܵܟ̣ ܕܐܲܝܟܲܢ ܡܸܟܹܝܠ ܐܝܼܬܼ ܠܵܗ̇ ܦܘܼܪܣܵܐ: 
                 ܕܬܸܬܼܩܲܒܲܠ ܐܲܢ̄ܬ݁ ܒܲܬܼܝܵܒ̣ܘܼܬܼܵܐ ܕܒܲܛܝܼܠ ܐܲܢ̄ܬ݁ ܗ̄ܘ̣܀ 
                 ܠܲܝܬ݁ ܒܵܟ̣ ܚܲܝܠܵܐ ܬܸܟ݁ܘܿܦ ܢܲܦ̮ܫܵܟ̣ ܥܲܠ ܒܵܥܘܼܬܼܵܐ: 
                 ܐܵܦܠܵܐ ܨܵܘܡܵܐ ܦܫܝܼܩ ܠܵܟ̣ ܕܬܸܠܒ݁ܘܿܟ̣ ܐܲܝܟ̣ ܟܲܫܝܼܪܵܐ܀ 
                 ܐܵܦܠܵܐ ܠܥܲܡܠܵܐ ܘܠܹܐܘܬܼܵܐ ܝܵܗܹ̇ܒ̣ ܐܝܼܕܼܵܐ ܦܲܓ̣ܪܵܟ̣: 
                 ܘܣܲܓܝܼ ܚܛܸܐ ܠܵܟ̣ ܘܲܒ̣ܡܵܢ ܬܸܫܦܲܪ ܐܸܢ ܬܵܐܹ̇ܒ̣ ܐܲܢ̄ܬ݁܀ 
                 ܚܲܝܠܵܟ̣ ܢܲܦܝܼܠ ܘܢܘܼܗܪܵܟ̣ ܚܲܣܝܼܪ ܘܲܡܚܝܼܠ ܓܘܼܫܡܵܟ̣: 
                 ܐܲܗܡܵܐ ܡܸܟܹܝܠ ܡ̣ܢ ܦܘܼܠܚܵܢܵܐ ܕܙܲܕܝܼܩܘܼܬܼܵܐ܀ 
                 ܗܵܠܹܝܢ ܡܸܠܟܹ̈ܐ ܝܵܗܹ̇ܒ̣ ܒܝܼܫܵܐ ܠܐܲܝܢܵܐ ܕܚܵܛܹ̇ܐ: 
                 ܕܢܸܦܣܘܿܩ ܣܲܒ̣ܪܹܗ ܘܠܵܐ ܢܸܬܼܩܲܪܲܒ̣ ܠܲܬܼܝܵܒ̣ܘܼܬܼܵܐ܀ 
                 ܐܲܢ̄ܬ݁ ܕܹܝܢ ܦܵܥܠܵܐ ܕܥܲܠ̣ ܒܲܚܕܲܥ̄ܣܪܹ̈ܐ ܠܵܐ ܬܸܬܼܦܲܠܲܓ̣: 
                 ܕܥܲܡ ܩܲܕܼܡܵܝܹ̈ܐ ܡܲܬܼܩܲܢ ܐܲܓ̣ܪܵܟ̣ ܐܸܢ ܬܵܐܹ̇ܒ̣ ܐܲܢ̄ܬ݁܀ 
                 ܠܒܲܪ ܐܲܠܵܗܵܐ ܦܵܥ̈ܠܹܐ ܐ̄ܚܪ̈ܵܝܹܐ ܚܲܒ݁ܝܼܒ̣ܝܼܢ ܠܹܗ: 
                 ܕܐܵܦ ܗܘ݀ ܒܚܲܪܬܼܵܐ ܕܙܲܒ̣̈ܢܹܐ ܐܸܬ݀ܵܐ ܣܲܥ̣ܪܵܗ̇ ܠܐܲܪܥܵܐ܀ 
                 ܫܲܩ̣ܠܵܟ̣ ܚܹܐܦܵܐ ܕܲܥܠܲܝܡܘܼܬܼܵܐ ܟܲܕܼ ܚܵܛܹ̇ܐ ܗ̄ܘܲܝܬ݁: 
                 ܘܲܒ̣ܒܸܛܠܵܢܵܐ
                            ܘܒܒܛ̈ܠܢܐ 118. R: ܕܚܲܝܹ̈ܐ ܒܝܼ̈ܫܹܐ ܥ̣ܒܲܪܘ ܝܵܘ̈ܡܵܬܼܵܟ̣܀ 
                 ܗܵܘ̇ ܫܲܪܟܵܢܵܐ ܕܚܲܝܹ̈ܐ ܙܥܘܿܪܹ̈ܐ ܗܲܒ̣ ܠܐܲܠܵܗܵܐ:
                 339 

                 ܕܲܡܩܲܒܸ݁ܠ ܗ̄ܘ̣ ܕܠܲܚܕܼܵܐ ܠܕܚܕܐ 117. R: ܫܵܥܬܼܵܐ ܕܦܵܥܠܵܐ ܕܦܥ̣ܠܐ P ܐܓܪܐ
                            196. P: ܢܸܬܸܠ܀ 
                 ܐܸܬܼܢܲܣܝܼ ܠܹܗ ܕܐܲܝܟܲܢ ܝܵܗܹ̇ܒ̣ ܐܲܓ̣ܪܵܐ ܡܵܪܲܢ: 
                 ܘܣܵܡ̣ ܣܵܗܕܘܼܬܹܗ ܒܦܵܥ̈ܠܹܐ ܐ̄ܚܪ̈ܵܝܹܐ ܟܡܵܐ ܚܲܒ݁ܝܼܒ̣ܝܼܢ܀ 
                 ܝܲܗ̄ܒ̣ ܠܘܼܒܵܒ̣ܵܐ ܠܐܲܝܢܵܐ ܠܲܬܼܝܵܒ̣ܘܼܬܼܵܐ: 
                 ܕܲܚܕܼܵܐ ܫܲܥܬܼܵܐ ܐܸܢ ܦܵܠܲܚ̇ ܠܵܗ̇ ܗܘ݀ܵܐ ܩܲܕܼܡܵܝܵܐ܀ 
                 ܐܘܿ ܚܲܛܵܝܵܐ ܕܐܲܦܸܩ̣ ܒܝܼܫ ܒܝܼܫ ܟܲܒܠܵܐ ܕܲܫܢܵܘ̈ܗܝ: 
                 ܗܵܐ ܡܵܪܐ ܐܲܓ̣ܪܵܐ ܕܲܦܬܼܝܼܚ ܬܲܪܥܹܗ ܘܕܼܵܪܹܐ ܓܲܙܵܘ̈ܗܝ܀ 
                 ܘܲܒ̣ܫܘܼܠܵܡܵܐ ܕ̣ܠܗܘܿܢ ܚܲܝܹ̈ܐ ܐܸܢ ܬܵܐܹ̇ܒ̣ ܐܲܢ̄ܬ݁: 
                 ܠܥܸܕܵܢ ܐܲܓ̣ܪܵܐ ܚܵܫܹ̇ܒ̣ ܠܵܟ̣ ܡ̣ܢ ܒܲܛܝܼ̈ܠܹܐ܀ 
                 ܐܸܠܵܐ ܐܝܼܬܼ ܠܵܟ̣ ܚܲܝܠܵܐ ܠܥܲܡܠܵܐ ܕܙܲܕܝܼܩܘܼܬܼܵܐ: 
                 ܗܘ݀ ܨܸܒ̣ܝܵܢܵܟ̣ ܗܲܒ̣ ܠܐܲܠܵܗܵܐ ܘܡܸܬܼܩܲܒܲܠ ܗ̄ܘ̣܀ 
                 ܣܢܝܼ ܠܲܚܛܵܗܵܐ ܗܵܘ̇ ܕܲܦܠܝܼܚ ܠܵܟ̣ ܢܘܼܓ̣ܪܵܐ ܪܲܒܵܐ: 
                 ܘܲܗܘ݀ܝܼ ܠܙܲܕܝܼܩܘܼܬܼܵܐ ܕܠܵܐ ܚܲܙܝܵܐ ܠܵܟ̣܀ 
                 ܥܒܲܪ ܡ̣ܢ ܥܵܘ̣ܠܵܐ ܐܵܦܸܢ ܗܵܫܵܐ ܕܣܵܦ̣ܘ ܝܵܘ̈ܡܵܬܼܵܟ̣: 
                 ܘܲܗܘ݀ܝܼ ܦܵܥܠܵܐ ܐ̄ܚܪܵܝܵܐ ܕܫܵܩܹ̇ܠ ܐܲܓ̣ܪܵܐ ܛܵܒ̣ܵܐ܀ 
                 ܬܸܒ̣ ܕܘܼܢ ܢܲܦ̮ܫܵܟ̣ ܘܲܩܛܸܓ̣ܪܵܢܵܐ ܗ݀ܘܝܼ ܠܲܩܢܘܿܡܵܟ̣: 
                 ܟܲܕܼ ܕܕ 196.
                            P: ܡܲܟ݁ܣܵܐ ܠܵܟ̣ ܬܹܐܪܬܵܟ̣ ܬܸܒ̣ܗܲܬܼ ܡ̣ܢ ܒܝܼ̈ܫܵܬܼܵܟ̣܀ 
                 ܐ̄ܡܲܪ ܠܵܗ̇ ܠܢܲܦ̮ܫܵܟ̣ ܐܘܿ ܛܵܥܝܼܬܼܵܐ ܕܘܝܬܐ 118. R: ܢܸܩܝܵܐ ܕܐܸܒ̣ܕܲܬ݀: 
                 ܛܘܼܪܝ ܛܪ 196.
                            P. L: ܠܹܗ ܠܪܵܥܝܵܐ ܐܵܦܸܢ ܪܘܼܫܡܵܐ ܪܘܫܡܗ 117. R:
                    ܘܡܸܫܟܲܚ ܗ̄ܘ̣ ܠܹܟ̣ܝ܀ 
                 ܚܛܵܗܹ̈ܐ ܕܹܐܒܹ̈ܐ ܣܲܪܲܚ̣ܘ ܢܲܬܫܘܼܟ̣ܝ ܒܲܝܢܵܬܼ ܛܘܼܪܹ̈ܐ:
                 340 

                 ܥܘܿܠ ܠܲܛܝܵܪܹܗ ܕܗܵܘ̇ ܕܲܡܥܲܝܨܸܒ̣ ܠܲܟ̣ܪ̈ܝܼܗܵܬܼܵܐ܀ 
                 ܝܵܘܡܵܐ ܪܟܸܢ ܠܹܗ ܘܗܵܐ ܛܸܠܵܠܹ̈ܐ ܕܡܵܘܬܵܐ ܚܲܕܼܪܘܼܢܝ: 
                 ܗ݀ܘܝܼ ܠܝܼ ܫܸܡܫܵܐ ܒܪܲܡܫܵܐ ܡܵܪܲܢ ܘܐܸܚܙܸܐ ܢܘܼܗܪܵܟ̣܀ 
                 ܠܵܐ ܢܸܥܡܲܕܼ ܠܝܼ ܝܵܘܡܹܗ ܕܡܵܘܬܵܐ ܠܒܲܪ ܡ̣ܢ ܟܲܪܡܵܟ̣: 
                 ܛܵܒܲܐ ܗ̄ܝܼ ܥܲܝܢܵܟ̣ ܩܲܒܸ݁ܠ ܫܵܥܬܼܵܐ ܕܲܬܼܝܵܒ̣ܘܼܬܼܵܐ܀ 
                 ܫܠܸܡ̣ܘ ܥܸܕܵܢܲܝ̈ ܟܲܕܼ ܦܵܠܲܚ̇ ܐ̄ܢܵܐ ܠܲܣܪܝܼܩܘܼܬܼܵܐ: 
                 ܫܘܼܠܵܡ ܙܲܒ̣ܢܵܐ ܕܚܲܝܲܝ̈ ܩܲܒܸ݁ܠ ܢܸܗܘܸܐ ܕܝܼܠܵܟ̣܀ 
                 ܠܲܬܼܝܵܒ̣ܘܼܬܼܵܐ ܠܵܐ ܐܝܼܬܼ ܙܲܒ̣ܢܵܐ ܕܠܵܘ ܙܲܒ̣ܢܵܗ̇ ܗ̄ܘ̣: 
                 ܘܐܸܠܵܐ ܡܛ̣ܵܐ ܐ̄ܢܵܫ ܬܲܪܥܵܐ ܕܲܫܝܘܿܠ ܠܵܐ ܡܵܘܒܸ݁ܕܼ ܠܵܗ̇܀ 
                 ܟܡܵܐ ܕܩܲܝܵܡܵܐ ܢܲܦ̮ܫܵܐ ܘܫܲܪܝܵܐ ܒܦܲܓ̣ܪܵܐ ܕܲܚܛ̣ܵܐ: 
                 ܐܝܼܬܼ ܗ̄ܘ̣ ܣܲܒ̣ܪܵܐ ܕܲܬܼܝܵܒ̣ܘܼܬܼܵܐ ܠܟ̣ܠ ܚܲܛܵܝܹ̈ܐ܀ 
                 ܟܡܵܐ ܕܪܵܗܹ̇ܛ ܗ̄ܘ̣ ܕܡܵܐ ܒܫܸܪ̈ܝܵܢܹܐ ܘܲܒ̣ܗܲܕܵܡܹ̈ܐ: 
                 ܐܝܼܬܼ ܗ̄ܘ̣ ܐܲܬܼܪܵܐ ܐܵܦ ܠܲܚܛܝܼܬܼܵܐ ܘܙܲܕܝܼܩܘܼܬܼܵܐ܀ 
                 ܟܡܵܐ ܕܐܝܼܬܼ ܕܸܡ̈ܥܹܐ ܕܢܹܐܫ̈ܕܵܢ ܥܲܝ̈ܢܹܐ ܥܲܠ ܦܲܪܨܘܿܦܵܐ: 
                 ܐܝܼܬܼ ܗ̄ܘ̣ ܪ̈ܲܚܡܹܐ ܕܲܢܦܲܨܘܿܢܵܝܗܝ ܠܐܲܝܢܵܐ ܕܲܚܛܵܐ܀ 
                 ܟܡܵܐ ܕܲܦܫܝܼܩ ܠܵܟ̣ ܬܸܒ̣ܟܸ݁ܐ ܦܫܝܼܩ ܠܵܟ̣ ܬܸܒ̣ܥܸܐ ܪ̈ܲܚܡܹܐ: 
                 ܘܐܸܢ ܐܝܼܬܼ ܒܸܟ̣ܝܵܐ ܐܝܼܬܼ ܗ̄ܘ̣ ܚܢܵܢܵܐ ܠܟ̣ܠ ܚܲܛܵܝܹ̈ܐ܀ 
                 ܐܵܦ ܗܘ݀ ܟܪܝܼܗܵܐ ܡܵܐ ܕܥܲܠ ܥܲܪܣܵܐ ܕܟܹܐܒܹ̈ܐ ܡܲܓܸܣ: 
                 ܐܸܢ ܡܸܬܼܟܲܫܲܦ ܥܲܠ ܫܘܼܒ̣ܩܵܢܵܐ ܦܫܝܼܩ ܠܹܗ ܢܸܣܲܒ̣܀ 
                 ܒܲܚܕܼܵܐ ܫܵܥܬܼܵܐ ܐܸܢ ܩܵܪܹܒ̣ ܐ̄ܢܵܫ ܨܹܝܕܼ ܐܲܠܵܗܵܐ: 
                 ܗܝ݀ ܗܵܝ̇ ܫܵܥܬܼܵܐ ܛܵܒ̣ ܡ̣ܢ ܡܸܬܼܚܵܐ ܕܚܲܝܹ̈ܐ ܛܵܒܲܐ ܗ̄ܝܼ܀ 
                 ܐܸܠܵܐ ܥܲܠ̣ ܐ̄ܢܵܫ ܘܐܸܬ݁ܬ݁ܚܸܕܼܘ ܒܐܲܦܵܘ̈ܗܝ ܣܘܼܟ݁ܪܹ̈ܝܗ̇ ܕܲܫܝܘܿܠ:
                 341 

                 ܠܵܐ ܗܘ݀ܵܐ ܪܲܚܝܼܩ ܡ̣ܢ ܫܘܼܠܛܵܢܵܗ̇ ܕܲܬܼܝܵܒ̣ܘܼܬܼܵܐ܀ 
                 ܐܸܠܵܐ ܣܸܡܟܲܬ݀ ܐܸܠܦܵܐ ܕܚܲܝܹ̈ܐ ܠܩܲܒ̣ܪܵܐ ܫܲܠܝܵܐ ܫܠܝܐ 195. P ܫܲܠܝܐ 117. R: 
                 ܠܵܐ ܡܸܫܬܲܩܠܵܐ ܡܵܘܒܲܠ ܥܘܼܬܼܪܵܐ ܡ̣ܢ ܬܲܝܵܒܹ̈ܐ܀ 
                 ܟܡܵܐ ܕܚܲܝܵܐ ܐܲܢ̄ܬ݁ ܬܲܝܵܒ̣ܵܐ ܐܲܢ̄ܬ݁ ܐܸܢ ܨܵܒܹ̇ܐ ܐܲܢ̄ܬ݁: 
                 ܐܸܢ ܕܹܝܢ ܡܵܘܬܵܐ ܦܓܲܥ̣ ܒܵܟ̣ ܚܲܛ̣ܦܵܗ̇ ܠܲܬܼܝܵܒ̣ܘܼܬܼܵܟ̣܀ 
                 ܒܩܲܒ̣ܪܵܐ ܒܲܠܚܘܿܕܼ ܡܸܬ݁ܬ݁ܚܸܕܼ ܬܲܪܥܵܗ̇ ܕܲܬܼܝܵܒ̣ܘܼܬܼܵܐ: 
                 ܕܠܵܐ ܝܵܗ̇ܒ݁ܝܼܢ ܠܹܗ ܠܡܝܼܬܼܵܐ ܕܲܢܬܼܘܼܒ̣ ܒܹܝܬܼ ܐܲܒ̣ܕܵܢܵܐ܀ 
                 ܐܵܦ ܒܵܗ̇ ܒܫܵܥܬܼܵܐ ܕܡܵܘܬܵܐ ܐܝܼܬܼ ܒܵܗ̇ ܐܲܬܼܪܵܐ ܕܲܬ݁ܬܼܘܼܒ̣: 
                 ܘܡܸܣܬܲܥܪ̈ܵܢ ܒܵܗ̇ ܐܵܦ ܛܵܒ̣ܵܬܼܵܐ ܐܸܢ ܨܵܒܹ̇ܐ ܐܲܢ̄ܬ݁܀ 
                 ܐܵܦ ܡܵܐ ܕܪܵܚ̇ܫܵܐ ܢܲܦ̮ܫܵܐ ܬܸܣܲܩ ܡ̣ܢ ܗܲܕܵܡܹ̈ܐ: 
                 ܐܸܢ ܨܸܒ̣ܝܵܢܵܐ ܛܵܒ̣ܵܐ ܬܸܩܢܸܐ ܚܲܝܹ̈ܐ ܬܸܫܟܲܚ܀ 
                 ܡܵܐ ܕܥܲܠ̣ ܡܵܘܬܵܐ ܘܩܵܡ ܥܲܠ ܬܲܪܥܵܐ ܘܲܫ̣ܕܼܵܐ ܓܹܐܪܵܐ: 
                 ܐܲܪܗܸܒ̣ ܦܲܪܢܸܣ ܠܥܒ̣ܝܼ̈ܕܼܵܬܼܵܟ̣ ܙܲܕܝܼܩܵܐܝܼܬܼ܀ 
                 ܐܸܢ ܐܝܼܬܼ ܕܲܒ̣ܙܝܼܙ ܦܲܢܵܐ ܒܸܙܬܼܵܐ ܘܟܸܢ ܐܵܙܹ̇ܠ ܐܲܢ̄ܬ݁: 
                 ܕܲܕܠܡܵܐ ܒܙܝܼܙܵܐ ܩܪܘܿܒ̣ܝܵܐ ܢܸܥܒܸ݁ܕܼ ܘܲܢܥܝܼܩܵܟ̣ ܒܹܗ܀ 
                 ܐܸܢ ܐܝܼܬܼ ܦܵܥܠܵܐ ܕܠܵܐ ܫܩܲܠ̣ ܐܲܓ̣ܪܹܗ ܥܘܿܦ ܠܹܗ ܕܝܼܠܹܗ: 
                 ܕܠܵܐ ܬܸܗܘܸܐ ܥܕܼܝܼܠ ܥܲܠ ܡܲܥܒܲܪܬܵܐ ܐܸܢ ܦܵܓܲܥ ܒܵܟ̣܀ 
                 ܐܸܢ ܐܲܪܡܲܠܬܵܐ ܛܠܝܼܡܵܐ ܡܸܢܵܟ̣ ܩܪܝܼ ܠܵܗ̇ ܘܲܫܪܝܼܗ̇: 
                 ܥܲܕܼܠܵܐ ܡܙܝܼܥܵܐ ܒܩܵܠܵܗ̇ ܬܲܪܥܵܐ ܕܒܹܝܬܼ ܕܲܝܵܢܵܐ܀ 
                 ܐܸܢ ܡ̣ܢ ܝܲܬܼܡܵܐ ܫܩܝܼܠ ܠܵܟ̣ ܡܸܕܸܡ ܗܲܒ̣ ܠܹܗ ܕܝܼܠܹܗ: 
                 ܕܲܒ̣ܗܵܘ̇ ܬܲܪܥܵܐ ܩܪܘܼܒ̣ܝܵܐ ܕܝܲܬܼܡܹ̈ܐ ܛܵܒ̣ ܡܸܬܼܩܲܒܲܠ܀ 
                 
                 342 

                 ܐܸܢ ܒܲܚܛܵܗܹ̈ܐ ܕܓ̣ܘܼܫܡܵܐ ܐܲܚܕܼܵܟ̣ ܙܲܒ̣ܢܵܐ ܪܲܦܝܵܐ: 
                 ܫܲܕܲܪ ܕܲܫ̈ܢܹܐ ܠܝܼܚܝܼܕܼܵܝܹܐ ܘܲܠܩܲܕܝܼܫܹ̈ܐ܀ 
                 ܘܐܲܦܝܼܣ ܘܲܒ̣ܟ̣ܝܼ ܘܦܲܪܣܵܐ ܢܲܦ̮ܫܵܟ̣ ܘܲܓ̣ܠܝܼ ܫܘܼܚܢܵܟ̣: 
                 ܘܲܒ̣ܥܝܼ ܡܸܢܗܘܿܢ ܢܸܒ̣ܥܘܿܢ ܪ̈ܲܚܡܹܐ ܡܸܛܠܵܬܼܵܟ̣܀ 
                 ܫܵܥܬܼܵܐ ܗ̄ܝܼ ܕܚܲܝܹ̈ܐ ܘܐܝܼܬܼ ܗ̄ܘ̣ ܐܲܬܼܪܵܐ ܠܙܲܕܝܼܩܘܼܬܼܵܐ: 
                 ܒܲܚܕܲܥ̄ܣܪܹ̈ܐ ܥܲܠ̣ܬ݁ ܐܲܩܸܠ ܪܲܗܛܵܐ ܕܫܲܦܝܼܪ̈ܵܬܼܵܐ܀ 
                 ܚܘܼܪ ܒܹܗ ܒܒܲܝܬܵܐ ܗܵܘ̇ ܕܲܒ̣ܨܸܦܬܼܵܐ ܡܟܲܢܲܫ ܗ̄ܘ̣ܵܐ ܠܵܟ̣: 
                 ܘܲܙܒܸܢ ܠܵܟ̣ ܒܹܗ ܡܲܝ̈ܵܐ ܠܢܘܼܪܵܐ ܕܲܠܚܝܼܡܵܐ ܠܵܟ̣܀ 
                 ܐܲܦܸܩ ܘܲܕܼܪܝܼ ܠܗܵܘ̇ ܡܲܪܛܘܼܛܵܐ ܠܚܲܒ̣ܪܹܗ ܢܲܚܬܵܐ: 
                 ܠܗܵܢܵܐ ܠܒ̣ܘܼܫܵܐ ܠܗܵܘ̇ ܬܲܟ̣ܣܝܼܬܼܵܐ ܠܚܲܒ̣ܪܹܗ ܠܲܚܡܵܐ܀ 
                 ܩܪܝܼ ܠܡܸܣ̈ܟܹ݁ܢܹܐ ܘܲܠܚܵܕܼܘܿܪܹ̈ܐ ܘܲܒ̣ܐܝܼܕܼܵܝ̈ܗܘܿܢ: 
                 ܫܲܕܲܪ ܫܘܼܚܕܵܐ ܠܢܘܼܪܵܐ ܕܬܸܫܠܸܐ ܡܵܐ ܕܥܵܒܲܪ ܐܲܢ̄ܬ݁܀ 
                 ܒܥܝܼ ܡ̣ܢ ܝܵܪ̈ܬܲܝܟ ܘܐܲܦܝܼܣ ܐܸܢܘܿܢ ܘܲܒ̣ܣܘܿܪ ܐܸܢܘܿܢ: 
                 ܕܠܵܐ ܢܸܬ݁ܬ݁ܥܝܼܩܘܼܢ ܐܸܢ ܝܵܨܹ̇ܦ ܐܲܢ̄ܬ݁ ܕܬܲܚܸܐ ܢܲܦ̮ܫܵܟ̣܀ 
                 ܘܐܲܝܢܵܐ ܕܡܸܬ݁ܬ݁ܥܝܼܩ ܢܸܗܘܸܬܐ ܚܫܝܼܚ ܠܵܟ̣ ܣܵܢܐܵܐ ܪܲܒܵܐ: 
                 ܕܒ̣ܵܥܹ̇ܐ ܕܬܹܐܩܲܕܼ ܟܲܕܼ ܝܵܪܹܬܼ ܗܘ݀ ܠܲܥܒ̣ܝܼ̈ܕܼܵܬܼܵܟ̣܀ 
                 ܐܲܙܝܼܥ ܢܲܦ̮ܫܵܟ̣ ܥܲܠ ܝܘܼܬܼܪܵܢܵܐ ܒܫܵܥܲܬܼ ܡܵܘܬܵܐ: 
                 ܕܲܒ̣ܟ̣ܠ ܩܘܼܪ̈ܣܝܼܢ ܬܸܥܨܘܿܒ̣ ܫܘܼܚ̈ܢܹܐ ܕܣܲܓܝܼܐܝܼܢ ܒܵܟ̣܀ 
                 ܬܠܘܿܚ ܐܸܫܛܵܪܹ̈ܐ
                            ܐܫܛܪܐ 118. R 195. P. L: ܘܲܫܕܼܝܼ ܒܢܘܼܪܵܐ ܡܩܲܒ݁ܠܵܐ ܗ̄ܝܼ ܡܸܢܵܟ̣: 
                 ܘܐܸܢ ܕܐܢ 118.
                            R. L: ܐܸܫܛܵܪܹ̈ܐ ܬܸܬܸܠ ܣܵܒ̣݁ܥܵܐ ܕܠܵܟ̣ ܠܵܐ ܬܸܩܪܘܿܒ̣܀ 
                 
                 343 

                 ܪܗܸܛ̣ܬ݁ ܒܹܗ ܒܥܵܠܡܵܐ ܘܲܠܐܝܼܬ݁ ܣܲܓܝܼ ܠܲܣܪܝܼܩܘܼܬܼܵܐ: 
                 ܦܲܪܢܸܣ ܢܲܦ̮ܫܵܟ̣ ܥܲܕܼܠܵܐ ܡܸܬ݁ܬܥܚܸܕܼ ܬܲܪܥܵܐ ܒܐܲܦܲܝ̈ܟ̣ ܪܒܐ 117. R 195. P.
                        L:܀ 
                 ܠܵܟ̣ ܠܵܐ ܐܝܼܬܼ ܠܵܟ̣ ܥܸܠܬܼܵܐ ܕܬܹܐܡܲܪ ܠܵܐ ܐ̄ܢܵܫ ܐܲܓ̣ܪܲܢܝ: 
                 ܕܗܵܐ ܡܵܪܐ ܐܲܓ̣ܪܵܐ ܡܬܼܝܼܚ ܒܲܙܩܝܼܦܵܐ ܘܲܡܣܲܟܸ݁ܐ ܠܵܟ̣܀ 
                 ܗܵܐ ܦܫܝܼ̈ܛܵܢ ܠܹܗ ܐܝܼܕܼܵܘ̈ܗܝ ܘܩܵܐܹ̇ܡ ܥܲܠ ܓܵܓ̣ܘܿܠܬܵܐ: 
                 ܘܩܵܪܹܐ ܠܟ̣ܠܢܵܫ ܢܹܐܬܸܐ ܠܟܲܪܡܵܐ ܕܙܲܕܝܼܩܘܼܬܼܵܐ܀ 
                 ܩܵܠܵܐ ܪܵܡܵܐ ܩܥ̣ܵܐ ܒܲܙܩܝܼܦܵܐ ܘܪܸܥܠܲܬ݀ ܐܲܪܥܵܐ: 
                 ܘܲܠܒܲܛܝܼ̈ܠܹܐ ܟܠܗܘܿܢ ܐܲܥܝܼܪ ܠܲܬܼܝܵܒ̣ܘܼܬܼܵܐ܀ 
                 ܗܵܐ ܕܹܝܢܵܪܵܐ ܣܝܼܡ ܠܵܟ̣ ܒܐܝܼܕܼܵܟ̣ ܦܲܓ̣ܪܹܗ ܕܲܩ̣ܨܵܐ: 
                 ܘܣܵܡ̣ܵܟ̣ ܬܸܦܠܘܿܚ ܒܐܲܓ̣ܪܵܐ ܛܵܒ̣ܵܐ ܠܡܘܿܢ ܒܲܛܝܼܠ ܐܲܢ̄ܬ݁܀ 
                 ܚܣܝܼܡܵܐ ܥܲܒ̣ܕܵܟ̣ ܘܲܠܩܲܕܼܡܵܝܹ̈ܐ ܘܲܠܡܸܨ̈ܥܵܝܹܐ: 
                 ܗ݀ܘܝܼ ܚܲܟ݁ܝܼܡܵܐ ܒܫܵܥܬܼܵܐ ܕܚܲܝܹ̈ܐ ܕܩܲܝܵܡܵܐ ܠܵܟ̣܀ 
                 ܩܢܝܼ ܠܵܟ̣ ܪ̈ܵܚܡܹ̇ܐ ܡ̣ܢ ܡܵܡܘܿܢܵܐ ܕܥܵܘ̣ܠܵܐ ܕܲܩ̣ܢܲܝܬ݁: 
                 ܕܲܢܩܲܒ݁ܠܘܼܢܵܟ̣ ܒܲܡܛܲܠܠܲܝ̈ܗܘܿܢ ܢܲܗܝܼܪ̈ܵܬܼܵܐ܀ 
                 ܦܪܘܿܥ ܚܵܘ̈ܒܵܬܼܵܟ̣ ܥܲܕܼ ܐܲܢ̄ܬ݁ ܒܐܲܬܼܪܵܟ̣ ܨܹܝܕܼ ܝܵܕܼܘܿܥܲܝ̈ܟ̣: 
                 ܕܲܒ̣ܗܵܘ̇ ܐܲܬܼܪܵܐ ܒܢܘܼܪܵܐ ܬܵܒ̣݁ܥܝܼܢ ܟܠ ܚܵܘ̈ܒܵܬܼܵܐ܀ 
                 ܚܘܼܪ ܒܲܙܩܝܼܦܵܐ ܐܲܝܟ̣ ܕܲܒ̣ܚܸܘܝܵܐ ܗܵܘ̇ ܕܲܢܚܵܫܵܐ: 
                 ܘܲܬܼܒܲܥ ܡܸܢܹܗ ܣܲܡܵܐ ܕܡܲܚܠܸܡ ܠܲܚܒ̣ܵܪ̈ܵܬܼܵܟ̣܀ 
                 ܫܵܥܬܼܵܐ ܗ̄ܘ̣ ܗܝ
                            196. P. L: ܐܝܼܬܼ ܠܵܟ̣ ܒܥܝܼ ܫܘܼܒ̣ܩܵܢܵܐ ܒܗܲܝܡܵܢܘܼܬܼܵܐ: 
                 ܕܠܵܐ ܡܬܼܘܿܡ ܗܵܦ̇ܟ̣ܵܐ ܐܸܠܵܐ ܫܸܩܠܲܬ݀ ܟܠ ܫܸܐ̈ܠܵܬܼܵܗ̇܀ 
                 
                 344 

                 ܐܵܦ ܓܲܝܵܣܵܐ ܒܨܸܨܹ̈ܐ ܩܒ̣ܝܼܥ ܗ̄ܘ̣ܵܐ ܘܲܡܣܲܟܲܟ̣ ܗ̄ܘ̣ܵܐ: 
                 ܘܡܵܚܹ̇ܝܢ ܗ̄ܘ̣ܵܘ ܠܹܗ ܓܹܐܪܹ̈ܐ ܕܡܵܘܬܵܐ ܨܹܝܕܼ ܓܵܓ̣ܘܿܠܬܵܐ܀ 
                 ܘܒ̣ܵܗ̇ ܒܗܵܝ̇ ܫܵܥܬܼܵܐ ܕܡܵܘܬܵܐ ܒܥ̣ܵܐ ܗ̄ܘ̣ܵܐ ܪ̈ܲܚܡܹܐ ܘܐܸܫܟܲܚ̣: 
                 ܐܲܝܟܲܢ ܕܲܒ̣ܥ̣ܵܐ ܡܸܛܠ ܕܲܒ̣ܥ̣ܵܐ ܒܗܲܝܡܵܢܘܼܬܼܵܐ܀ 
                 ܒܐܲܓ̣ܪܵܐ ܛܵܒ̣ܵܐ ܕܝܲܗ̄ܒ̣ ܠܲܐ̄ܚܪ̈ܵܝܹܐ ܝܲܗ̄ܒ̣ ܠܘܼܒܵܒ̣ܵܐ: 
                 ܠܐܲܝܢܵܐ ܕܐܵܬܹ̇ܐ
                            ܕܪܕܐ 117. R: ܒܫܘܼܠܵܡ ܝܵܘܡܵܘ̈ܗܝ ܠܲܬܼܝܵܒ̣ܘܼܬܼܵܐ܀ 
                 ܕܢܹܐܠܲܦ ܥܵܠܡܵܐ ܕܟ̣ܠ ܡܲܢ ܕܐܵܬܹ̇ܐ ܡܩܲܒܸ݁ܠ ܗ̄ܘ̣ ܠܹܗ: 
                 ܒܪܝܼܟ̣ ܩܲܕܼܡܵܝܵܐ ܕܝܲܗ̄ܒ̣ ܠܲܐ̄ܚܪ̈ܵܝܹܐ ܐܲܓ̣ܪܵܐ ܛܵܒ̣ܵܐ܀ 
                 
            
            
                 ܫܠܸܡ̣ ܕܥܲܠ ܦܵܥ̈ܠܹܐ ܕܐܸܓܲܪ ܡܵܪܹܐ ܟܲܪܡܵܐ.