Jacob of Serugh. “On Simon Peter When Our Lord Said to him, Get Thee Behind Me Satan - ܥܲܠ ܫܸܡܥܘܿܢ ܟܹܐܦܵܐ ܟܲܕܼ ܐܸܡܸܿܪ ܠܹܗ ܡܵܪܲܢ ܙܸܠ ܠܵܟܼ ܠܒܸܣܬܲܪܝ ܣܵܛܵܢܵܐ.” Based upon Paul Bedjan ed., Homiliae selectae Mar-Jacobi Sarugensis vol. 1 (Paris: Harrassowitz, 1905). Digital Syriac Corpus. Last modified March 30, 2018. https://syriaccorpus.org/359. ܕܝܼܠܹܗ ܕܩܲܕܝܼܫܵܐ ܡܵܪܝ ܝܲܥܩܘܿܒܼ ܡܲܠܦܵܢܵܐ ̣ ܡܐܡܪܐ ̣ ܟ ̣ (ܕܥܲܠ ܫܸܡܥܘܿܢ ܟܹܐܦܵܐ ܟܲܕܼ ܐܸܡܸܿܪ ܠܹܗ ܡܵܪܲܢ: ܙܸܠ ܠܵܟܼ - ܥܠ ܗܝ̇ ܕܐܡܪ ܡܪܢ ܠܫܡܥܘܢ ܕܙܠ O. ܠܒܸܣܬܲܪܝ - ܠܒܣܬܪ P. ܣܵܛܵܢܵܐ ̣(ܡܬܝ ̣ ܝܘ ̣ ܟܓ܀ ܡܪܩܘܣ ̣ ܚ ̣ ܠܓ ̣) ܒܟܼܠܗܘܿܢ ܡܹܐܡܪ̈ܲܝ ܠܵܟܼ ܩܵܪܹܐ ܐ̄ܢܵܐ ܒܪܵܐ ܫܲܪܝܼܪܵܐ: ܟܠܗܹܝܢ ܡܸܠܲܝ̈ ܒܵܟܼ ܢܸܬܼܝܲܗ̈ܒܵܢ ܫܘܼܒܼܚܵܐ ܠܐܲܒܼܘܼܟܼ܀ - Hic lacuna in O. ܢܸܣܲܩ ܠܵܟܼ ܡܹܢܝ ܩܵܠ ܬܵܘܕܝܼܬܼܵܐ ܒܲܙܡܝܼܪ̈ܵܬܼܵܐ: ܟܲܕܼ ܬܵܢܹ̇ܐ ܐ̄ܢܵܐ ܡܹܐܡܪܵܐ ܕܫܘܼܒܼܚܵܟܼ ܒܲܟܼܢܘܼ̈ܫܵܬܼܵܟܼ܀ ܢܸܗܘܸܐ ܠܵܟܼ ܦܘܼܡܝ ܦܝܼܪܡܵܐ ܕܩܵܠܹ̈ܐ ܒܲܪ ܐܲܠܵܗܵܐ: ܘܲܚܠܵܦ ܥܸܛܪܵܐ ܩܲܒܸܿܠ ܫܘܼܒܼܚܵܐ ܡ̣ܢ ܚܲܠܵܫܵܐ܀ ܒܢܘܼܪܵܐ ܕܚܘܼܒܵܟܼ ܢܸܪܬܲܚ ܗܵܘܢܵܐ ܠܲܡܡܲܠܵܠܘܼ: ܟܲܕܼ ܡܸܬܼܓܵܘܙܲܠ ܫܘܼܦܪܹܗ ܕܫܲܪܒܵܟܼ ܨܹܝܕܼ ܫܵܡ̈ܘܿܥܹܐ܀ ܕܹܒܼܚܵܐ ܫܲܠܡܵܐ ܢܸܗܘܘܿܢ ܡܹܐܡܪܹܿܐ ܕܗܲܝܡܵܢܘܼܬܼܵܟܼ: 483 ܘܩܲܒܸܿܠ ܐܸܢܘܿܢ ܒܹܝܬܼ ܚܘܼܣܵܝܵܐ ܐܲܝܟܼ ܩܘܼܪܒܵܢܵܐ܀ ܢܝܲܩܪܵܟܼ ܠܸܫܵܢܝ ܚܠܵܦ ܕܹܒܼ̈ܚܵܬܼܵܐ ܒܲܙܡܝܼܪ̈ܵܬܼܵܐ: ܘܲܒܼܟܼܠ ܩܵܠ̈ܝܼܢ ܟܠ ܬܵܘܕܝܼܬܼܵܐ( ܬܸܬܿܕܲܒܲܚ - Dubie . ؟) ܠܵܟܼ܀ ܐܲܢ̄ܬܿ ܗ̣̄ܘ ܕܸܒܼܚܵܐ ܘܲܕܼܡܵܐ ̣ ̣ ܠܵܐ ܚܵܫ̇ܚܝܼܢ ܠܵܟܼ: ܩܵܠܲܝ̈ ܫܘܼܒܼܚܵܐ ܢܸܗܘܘܿܢ ܕܲܫܢܹ̈ܐ ܕܲܡܪܲܥܹܝܢ ܠܵܟܼ܀ ܒܪܵܐ ܕܲܫ̣ܦܲܪ ܠܹܗ ܕܢܸܗܘܸܐ ܕܸܒܼܚܵܐ ܚܠܵܦ ܚܲܛܵܝܹ̈ܐ: ܢܸܙܡܲܪ ܠܵܟܼ ܦܘܼܡܝ ܫܘܼܒܼܚܵܐ ܫܲܦܝܵܐ ܒܩܵܠܵܐ ܪܵܡܵܐ܀ ܪܵܡܲܐ ܗ̣̄ܝ ܡܸܠܬܼܵܟܼ ܡ̣ܢ ܡܲܠܵܠܹ̈ܐ ̣ ̣ ̣ : ܢܕܼܘܼܠ ܒܝܼ ܫܘܼܒܼܚܵܐ ܕܲܢܙܝܼܥ ܩܵܠܲܝ̈ ܥܲܠ ܬܸܫܒܿܘܿܚܬܵܟܼ܀ ܠܪܵܘܡܹܗ ܕܡܹܐܡܪܵܟܼ ܐܸܣܲܩ ܐܸܡܫܘܿܚ ܠܵܐ ܡܵܛܹ̇ܐ ܐ̄ܢܵܐ: ܢܸܚܘܿܬܼ ܨܹܐܕܲܝ ܗ̤ܘ ܕܲܦܫܝܼܩ ܠܹܗ ܕܢܸܬܿܕܲܡܸܐ ܠܵܟܼ܀ ܗ̤ܘ ܢܸܬܼܡܲܟܲܟܼ ܘܲܒܼܡܘܼܟܵܟܹܗ ܢܸܬܼܡܲܠܲܠ ܒܝܼ: ܕܐܸܣܲܩ ܐܸܢܵܐ ܠܐܲܝܟܵܐ ܕܐܝܼܬܼܵܘܗܝ ܠܵܐ ܡܸܫܟܲܚ ܐ̄ܢܵܐ܀ ܐܸܢ ܗ̤ܘ ܫܲܪܒܵܟܼ ܠܵܐ ܡܸܬܿܬܲܚܬ̤ܐ ܠܥܘܼܡܩܵܐ ܪܲܒܵܐ: ܡܲܢ ܡܵܛܹ̇ܐ ܠܹܗ ܕܒܲܐܬܼܪܹܗ ܢܡܲܠܠܝܼܘܗܝ ܐܲܟܼܡܵܐ ܕܐܝܼܬܼܵܘܗܝ܀ ܢܚܘܼܪ ܡܸܐܡܪܵܟܼ ܒܵܟܼ ܕܐܸܬܿܬܲܚܬܝܼܬܿ ܨܹܝܕܼ ܐܲܪ̈ܥܵܢܹܐ: ܘܒܲܐܬܼܪܵܟܼ ܢܹܐܬ̤ܐ ܘܗܵܐ ܐܸܬܼܡܲܠܲܠ ܡ̣ܢ ܚܲܠܵܫܹ̈ܐ܀ ܡ̣ܢ ܥܸܠܵܝܹ̈ܐ ܪ̈ܵܘܡܹܐ ܢܲܓܼܕܵܟܼ ܚܘܼܒܹܗ ܕܐܲܒܼܘܼܟܼ: ܘܲܬܼܚܹܝܬܼ ܥܘܼ̈ܡܩܹܐ ܘܚܸܙܹ̈ܐ ܕܐܲܪܥܵܐ ܬܲܚܬܝܼ ܣܵܡܵܟܼ܀ ܘܥܲܠ ܕܐܸܬܿܬܲܚܬܝܼܬܿ ܬ̤ܩܲܦ ܠܐܲܪܥܵܐ ܒܡܲܟܿܝܼܟܼܘܼܬܼܵܟܼ: ܗܵܐ ܥܲܦܪ̈ܵܢܹܐ ܡܡܲܠܠܝܼܢ ܫܲܪܒܵܟܼ ܟܲܕܼ ܚܲܠܵܫܝܼܢ܀ 484 ܢܚܸܬܿܬܿ ܡ̣ܢ ܪ̈ܵܘܡܹܐ ܘܗܵܐ ܥܲܬܿܝܼܪܝܼܢ ܥܙܼܡ̈ܩܹܐ ܡܸܢܵܟܼ: ܐܲܥܬܲܪ ܐܵܦ ܠܝܼ ܕܲܒܼܓܼܵܘ ܜܘܼܡܩܵܐ ܫܲܪܒܵܟܼ ܐܲܟܼܪܸܙ܀ ܠܬܲܚ̈ܬܵܝܵܬܼܵܗ̇ - ܠܬܚ̈ܬܝܗ̇ Sic(ܐܦܣܝ̈ܐ ̣ ܕ ̣ ܛ ̣) ̣ ܕܐܲܪܥܵܐ ܢܲܓܼܕܘܼܟܼ ܪ̈ܲܚܡܹܐ ܡܵܪܲܢ: ܘܡܸܛܠܗܵܢܵܐ ܡܝܼ̈ܬܹܐ ܡܲܠܠܘܼܟܼ ܒܲܬܼܚܘܼܡܲܝ̈ܗܘܿܢ܀ ܠܐܲܬܼܪܵܟܼ ܪܵܡܵܐ ܡܲܢ̣ܘܼ ܡܨܸܐ ܗ̄ܘܼܵܐ ܢܸܬܼܥܲܠܸܐ ܗ̄ܘܼܵܐ: ܘܲܢܡܲܠܠܵܟܼ ܗ̄ܘܼܵܐ ܒܹܝܬܼ ܠܸܓܼܝܘܿܢܹ̈ܐ ܕܫܲܠܗܹܒܼܝܼܬܼܵܐ܀ ܒܗܵܠܹܝܢ ܓܘܼ̈ܕܹܐ ܕܒܹܝܬܼ ܓܲܒܼܪܝܹܠ ܡ̇ܢ ܦܵܣܲܥ̇ ܗ̄ܘܼܵܐ: ܘܪܵܡܹ̇ܐ ܫܲܪܒܵܟܼ ܒܹܝܬܼ ܣܹܕܼܪܲܝܗܘܿܢ ܕܲܫܡܲܝܵܢܹ̈ܐ܀ ܨܹܝܕܼ ܡܲܪܟܲܒܼܬܼܵܐ ܕܚܝܼܠܬܵܐ ܕܓܸܦܹ̈ܐ ܡ̇ܢ ܩܵܪܹܒܼ ܗ̄ܘܼܵܐ: ܘܲܡܙܝܼܥ ܡܹܐܡܪܵܟܼ ̣ ̣ ̣ ܙܵܘܥܵܐ ܕܪܵܘܡܵܐ ܪܲܒܵܐ܀ ܒܐܘܼܪܚܵܐ ܕܓܼܘܼܡܪܹ̈ܐ ܕܠܵܐ ܡܸܬܼܓܲܫ̈ܫܵܢ ܡܲܢ ܪܵܕܹܐ ܗ̄ܘܼܵܐ: ܐܵܙܹ̇ܠ ܚܵܙܹ̇ܐ ܘܐܵܬܹܿܐ ܐܵܡܲܪ ܠܐܲܪܥܵܐ ܫܲܪܒܵܟܼ܀ ̇ ̇ ̇ - (ܒܗܵܘܦܵܐ؟ N.E.) ܕܐܝܼܬܼܵܘܗܝ ܒܹܝܬܼ ܠܵܟܼ ܠܐܲܒܼܘܼܟܼ ܡ̇ܢ ܩܵܐܹ̇ܡ ܗ̄ܘܼܵܐ: ܘܦܵܬܲܚ̇ ܦܘܼܡܹܗ ̇ ̇ ̇ - (ܥܲܠ ܟܘܼ̈ܢܵܝܹܐ ؟ N.E.) ܕܣܲܓܿܝܼܐܝܼܢ ܠܵܟܼ܀ ܠܵܘ ܐ̄ܢܵܫ ܬܲܡܵܢ ܐܲܙܝܼܥ ܫܲܪܒܵܟܼ ܐܲܢ̄ܬܿ ܐܸܬܿܬܲܚܬܝܼܬܿ: ܨܹܝܕܼ ܚܲܛܵܝܹ̈ܐ ܘܗܵܐ ܙܵܡ̇ܪܝܼܢ ܠܵܟܼ ܒܠܸܫܵܢܲܝ̈ܗܘܿܢ܀ ܒܥܘܼܡܩܵܐ ܕܡܝܼ̈ܬܹܐ ܕܵܩ̣ܵܟܼ ܗܵܘܢܵܐ ܘܐܲܪܡܝܼ ܩܵܠܵܐ: ܕܢܸܩܥܸܐ ܒܙܵܘܥܵܐ ܕܪܲܒܿ ܗ̣̄ܘ ܬܲܗܪܵܟܼ ܒܲܪ ܐܲܠܵܗܵܐ܀ ܒܟܸܢܫܵܐ ܡܫܲܦܠܵܐ ܕܲܬܼܚܹܝܬܼ ܐܲܪܥܵܐ ܚ̣ܙܵܟܼ ܪܸܥܢܵܝܵܐ: ܘܗܵܐ ܡܙܝܼܥ ܫܘܼܒܼܚܵܐ ܠܪܵܘܡܹܗ ܕܐܲܒܼܘܼܟܼ ܡܸܛܠܵܬܼܵܟܼ܀ 485 ܚܙܵܬ̤ ܬܲܪܥܝܼܬܼܵܐ ܚܠܹܝ̈ܠܲܝ ܩܲܒܼܪܹ̈ܐ ܕܢܲܗܝܼܪܝܼܢ ܒܵܟܼ: ܘܢܸܗܪܲܬ̤ ܐܵܦ ܗ̤ܝ ܬܡܲܠܸܠ ܫܲܪܒܵܟܼ ܒܲܫܒܼܵܒܼܘܼܬܼܵܟܼ܀ ܗܵܪܟܵܐ ܠܘܵܬܲܢ ܥܲܡܲܢ ܒܐܲܬܼܪܲܢ ܡܸܬܼܗܲܦܲܟܼ ܗ̣̄ܘܲܝܬܿ: ܘܕܲܨܒܸܵܐ ܐܲܒܼܵܐ ܘܚܲܠܛܵܟܼ ܥܲܡܲܢ ܗܵܐ ܡܲܠܸܠܢܵܟܼ܀ ܐܵܦܠܵܐ ܗܵܪܟܵܐ ܒܝܵܟܹ̈ܐ ܚܙܲܝܢܵܟܼ ܡܵܪܹܐ ܣܵܟܹ̈ܐ: ܕܲܠܘܵܬܲܢ ܗ̣̄ܘܲܝܬܿ ܘܲܠܘܵܬܼ ܐܲܒܼܘܼܟܼ ܘܡܲܢ ܣܵܦܹ̇ܩ ܠܵܟܼ܀ ܠܥܸܠ ܡ̣ܢ ܣܵܟܲܐ ܗ̣̄ܝ ܟ̱ܠܵܗ̇ ܐܘܼܪܚܹܗ ܕܒܲܪ ܐܲܠܵܗܵܐ: ܘܐܲܝܢܵܐ ܕܲܣܵܒܼܵܪ ܕܲܡܣܲܝܸܟܼ ܠܵܗ̇ ܠܵܐ ܪܵܕܹܐ ܒܵܗ̇܀ ܪܵܡ ܓܸܠܝܵܢܹܗ ܘܐܸܠܵܐ ܙܡܲܪܬܹܗ ܗܲܝܡܵܢܘܼܬܼܵܐ: ܒܩܵܠܹ̈ܐ ܦܫܝܼ̈ܛܹܐ ܠܵܐ ܐܝܼܬܼ ܦܘܼܡܵܐ ܕܢܸܬܼܢܸܐ ܫܲܪܒܹܿܗ܀ ܐܸܢ ܒܝܼܕܲܥܬܼܵܐ ܐ̄ܢܵܫ ܩܵܪܹܒܼ ܠܹܗ ܡܸܬܿܕܵܘܲܕܼ ܠܹܗ: ܐܸܢ ܕܹܝܢ ܒܵܥܹ̇ܐ ܒܗܲܝܡܵܢܘܼܬܼܵܐ ܡܸܫܟܲܚ ܗ̣̄ܘ ܠܹܗ܀ ܚܵܒܼ ܝܲܕܼ̈ܥܵܬܼܵܐ ܘܒܸܛܠܲܬ̤ ܟ̱ܠܵܗ̇ ܚܲܟܿܝܼܡܘܼܬܼܵܐ: ܘܲܒܼܨܲܝܵܕܼ̈ܐ ܒܨܝܼܪܹ̈ܐ ܕܢܘܼ̈ܢܹܐ ܕܢܲܚ̣ ܝܘܼܠܦܵܢܹܗ܀ ܣܵܦܿܪܹ̈ܐ ܐܲܚܦܲܪܘ ܘܲܡܦܲܫ̈ܩܵܢܹܐ ܗܘ̤ܵܘ ܠܲܩܠܵܠܵܐ: ܕܲܒܼܗܸܕܼܝܘܿܛܹ̈ܐ ܠܒܲܟܼܬܹܗ ܣܒܲܪܬܼܵܐ ܠܥܵܠܡܵܐ ܟ̱ܠܹܗ܀ ܓܙܲܡ̣ܘ ܚܲܟܿܝܼ̈ܡܹܐ ܘܡܵܐ ܕܐܸܙܕܵܘܙܝܼܘ ܥܲܠ ܡܹܐܬܼܝܼܬܹܗ: ܕܲܢܡܲܠܠܘܼܢܹܗ ܢܦܲܠ̣ܘ - ܢܦ̣ܠ Sic. ܡ̣ܢ ܩܘܼܫܬܵܐ ܗܘ̤ܵܘ ܫܵܢܲܝ̈ܵܐ܀ ܦܝܼܠܵܣ̈ܘܿܦܹܐ ܬܗܲܪܘ ܘܐܸܬܿܕܵܘܲܕܼܘ ܘܲܗܘ̤ܵܘ ܣܲܟܼ̈ܠܹܐ: ܕܲܠܗܸܕܼܝܘܿܛܹ̈ܐ ܚ̣ܙܵܘ ܟܲܕܼ ܡܲܠܦܝܼܢ ܚܲܟܿܝܼܡܘܼܬܼܵܐ܀ ܗܵܠܹܝܢ - ܫܠܝܚ̈ܐ Hic desinit in O. ܕܐܸܬܼܡܵܠܝ ܐܲܚܝܼܕܼܝܼܢ ܗ̄ܘܼܵܘ ܠܲܡܨܝܼ̈ܕܼܵܬܼܵܐ: 486 ܗܵܐ ܟܦܝܼܦ ܥܘܼܫܢܹܗ ܕܥܵܠܡܵܐ ܘܡܲܪܟܲܢ ܕܢܸܫܡܲܥ ܐܸܢܘܿܢ܀ (ܨܲܠܝܵܐ ܐܸܕܼܢܵܗ ܕܐܲܪܥܵܐ ܕܬܸܫܡܲܥ ܠܲܓܼܠܝܼܠܵܝܹ̈ܐ: ܘܫܵܝܿܛܵܐ ܠܣܵܦܪܹ̈ܐ ܕܒܹܪܘܿ ܘܝܵܘܵܢ ܚܲܟܿܝܼ̈ܡܵܬܼܵܐ - ܨܠܝܐ ܐܪܥܐ ܐܕܢܗ̇ ̣ ̣ ̣ ܘܫ̇ܛܝܐ ܠܣܦܪ̈ܐ ܕܒ̈ܢܝ ܝܘܢ ܘܠܚܟܡܬܗܘܢ O. ܐ̄ܢܵܫܵܐ ܣܢܝܼܩܹ̈ܐ ܕܠܵܐ ܒܸܢܝܵܢܹ̈ܐ ܘܠܵܐ ܩܸܢܝܵܢܹ̈ܐ: ܟܦܹܝܢ ܩܘܼܕܼܡܲܝܗܘܿܢ ܡܵܪ̈ܲܝ ܕܲܗܒܼܵܐ ܒܩܘܼܪ̈ܒܵܢܲܝܗܘܿܢ - ܒܩܢܝ̈ܢܝܗܘܢ O.܀ ܩܛܝܼܠ ܪܲܒܿ ܚܲܝܠܵܐ ܘܥܲܒܼܕܵܘ̈ܗܝ ܓܵܙܡ̇ܝܼܢ ܥܲܠ ܙܵܟܼܘܼܬܼܵܐ: ܘܲܒܼܗܵܘ̇ ܕܲܩܛܝܼܠ ܐܲܚܕܘܼܗ̇ ܠܐܲܪܥܵܐ ܕܒܲܫܡܹܗ ܬ̤ܬ̤ܒܼ܀ ܡܵܐܢܹ̈ܐ ܣܦܝܼ̈ܩܲܝ ܡ̣ܢ ܝܑܼܕܲܥܬܼܵܐ ܓܒܼܵܐ ܠܝܼܕܲܥܬܹܗ: ܕܠܵܐ ܗ̄ܘܼܵܐ ܒܕܼܝܼܠܗܘܿܢ ܐܸܠܵܐ ܒܕܼܝܼܠܹܗ ܢܫܲܕܲܪ ܐܸܢܘܿܢ܀ ܦܲܩܸܕܼ ܐܸܢܘܿܢ ܕܲܠܩܸܢܝܵܢܹܗ ܕܥܵܠܡܵܐ ܢܲܪܦܘܿܢ: ܕܟܼܠܹܗ ܥܵܠܡܵܐ(ܢܸܗܘܸܐ ܕܝܼܠܗܘܿܢ - ܕܝܠܗܘܢ ܢܗܘܐ O. ܟܲܕܼ ܡܸܣܟܹܿܢܝܼܢ܀ ܒܗܵܠܹܝܢ ܕܝܼܠܹܗ ܐܲܥ̣ܬܲܪ ܐܸܢܘܿܢ ܘܐܵܘܪܸܒܼ ܐܸܢܘܿܢ: ܟܲܕܼ ܡ̣ܢ ܕܝܼܠܗܘܿܢ ܐܵܦܠܵܐ ܡܸܕܹܡ ܦܵܫ̣ ܨܹܐܕܲܝܗܘܿܢ܀ ܐܸܠܵܐ ܒܡܵܘܬܹܗ ܠܵܐ ܐܸܬܼܢܲܨܲܚܘ ܚܲܝ̈ܠܵܘܵܬܹܗ: ܘܐܲܝܢܵܐ ܕܒܼܵܗܹ̇ܬܼ ܢܵܘܕܹܐ - ܕܢܘܕܐ O. ܒܡܵܘܬܹܗ ܠܵܘ ܕܝܼܠܹܗ ܗ̣̄ܘ܀ ܠܫܸܡܥܘܿܢ ܓܲܒܼܝܵܐ - ܟܐܦܐ O. ܥܵܠ ܕܐܸܡܲܪ ܠܹܗ ܚܵܣ ܠܵܟܼ ܕܲܬܼܡܘܼܬܼ: ܩ̣ܪܵܝܗܝ ܣܵܛܵܢܵܐ ܘܠܵܐ ܢܣܲܒܼ ܒܐܲܦܵܘ̈ܗܝ ܟܲܕܼ ܪܵܚܹ̇ܡ ܠܹܗ܀ ܠܗܵܘ̇ ܬܲܠܡܝܼܕܼܵܐ ܕܲܗܘ̤ܵܐ - ܕܢܗܘܐ O. ܟܹܐܦܵܐ ܠܥܹܕܬܵܐ ܕܲܒܼܢܵܐ: ܘܝܲܗ̣̄ܒܼ ܠܹܗ ܩܠܝܼ̈ܕܹܐ ܕܪܵܘܡܵܐ ܘܥܘܼܡܩܵܐ ܡܸܛܠ ܚܘܼܒܹܗ܀ 487 ܡܸܛܠ ܕܲܚ̣ܙܵܐ ܕܠܵܐ ܫܲܦܝܼܪ ܠܹܗ ܡܵܘܬܹܗ ܩܲܦ̣ܚܹܗ: ܘܐܲܝܟܼ ܕܲܒܼܪܘܼܓܼܙܵܐ ܩ̣ܪܵܝܗܝ ܣܵܛܵܢܵܐ ܠܪܹܫ ܬܲܠܡ̈ܝܼܕܹܐ܀ ܘܐܸܠܘܼ ܐܝܼܬܼ ܠܝܼ - ܗܘܐ O. ܚܘܼܒܵܐ ܕܚܵܒܹܿܨ ܥܲܠ ܝܘܼܠܦܵܢܵܐ: ܡܙܝܼܥ ܗ̄ܘܹܿܝܬܼ ܗܵܫܵܐ ܗܵܢܵܐ ܫܲܪܒܵܐ ܠܡܘܿܢ - ܠܡ̣ܢ O. ܐܸܬܼܡܲܠܲܠ܀ ܫܠܝܼܚܵܐ ܓܲܒܼܝܵܐ ܕܐܵܦ ܫܲܬܼܐ̱ܣܬܼܵܐ ܠܥܹܕܬܵܐ ܣܵܡܹܗ: ܠܡܘܿܢ2 ܣܵܛܵܢܵܐ ܒܵܬܲܪ ܩܲܠܝܼܠ ܩܵܪܹܐ ܗ̄ܘܼܵܐ ܠܹܗ܀ ܚܘܼܒܵܐ ܗ̣̄ܘ ܟܵܠܹ̇ܐ ܕܢܸܨܠܸܐ ܐܸܕܼܢܹܗ ܕܠܵܐ ܚܸܪܝܵܢܵܐ: ܘܐܸܢ ܐܝܼܬܼ ܚܘܼܒܵܐ ܐܝܼܬܼ ܗ̣̄ܘ ܡܸܠܬܼܵܐ ܕܡܲܠܝܵܐ ܫܘܼܦܪܹ̈ܐ܀ ܢܹܐܡܲܪ ܗܵܫܵܐ ܠܡܘܿܢ ܐܸܨܛܲܥܲܪ ܗ̣ܵܘ ܬܲܠܡܝܼܕܼܵܐ: ܟܲܕܼ ܣܵܛܵܢܵܐ ܩ̣ܪܵܝܗܝ ܦܵܪܘܿܩܲܢ ܐܲܝܟܼ ܕܐܸܡܲܪܢܲܢ܀ ܣܵܢܹ̇ܐ ܐ̄ܢܵܫܵܐ ܚܣܲܡ̣ ܗ̄ܘܼܵܐ ܒܫܸܡܥܘܿܢ ܥܲܠ ܕܝܼܪܸܒܼ ܗ̄ܘܼܵܐ: ܘܐܸܬܼܦܲܪܲܣ ܗ̄ܘܼܵܐ ܕܲܢܣܝܼܡ ܡܘܼܡܵܐ ܒܗܵܘܿ ܫܲܦܝܼܪܵܐ܀ ܚ̣ܙܵܝܗܝ ܗ̄ܘܼܵܐ ܕܲܓܼܒܸܐ(ܘܫܲܦܝܼܪ ܘܕܼܟܸܐ ܘܲܡܠܸܐ ܢܘܼܗܪܵܐ - ܘܕܟܐ ܘܫܦܝܪ ܘܠܝܬ ܒܗ ܡܘܡܐ O.: ܘܪܵܡ ܒܲܫܪܵܪܹܗ ܘܡܲܠܝܵܐ ܫܘܼܦܪܹ̈ܐ - ܢܦܫܗ O. ܗܲܝܡܵܢܘܼܬܹܗ܀ ܫܡܲܥ̣ ܗ̄ܘܼܵܐ ܕܩܲܒܸܿܠ̣ ܗܵܘ̇ ܓܸܠܝܵܢܵܐ ܡ̣ܢ ܒܹܝܬܼ ܐܲܒܼܵܐ: ܕܐܲܝܟܼ ܒܲܪ ܐ̄ܪܵܙܵܐ ܝܑܼܠܸܦ̣ ܠܲܫܡܹܗ ܕܝܼܚܝܼܕܼܵܝܵܐ܀ ܚ̣ܵܪ ܒܹܗ ܕܲܫܩܲܠ̣ ܛܘܼܒܼܵܐ ܪܲܒܵܐ ܡ̣ܢ ܦܵܪܘܿܩܲܢ: ܘܲܥܬܲܪ - ܘܐܥ̣ܬܪ O. ܘܐܲܡܠܸܟܼ ܐܵܦ ܡ̣ܢ ܛܘܼ̈ܒܹܐ ܘܡ̣ܢ ܓܸܠܝܵܢܹ̈ܐ܀ ܫܡܲܥ̣ ܕܐܸܬܿܬܿܣܝܼܡ ܠܹܗ ܫܡܵܐ ܫܲܦܝܼܪܵܐ ܕܢܸܗܘܸܐ ܟܹܐܦܵܐ: ܘܲܠܒܸܢܝܵܢܵܐ ܕܒܹܝܬܼ ܡܲܠܟܿܘܼܬܼܵܐ ܗܘ̤ܵܐ ܫܲܬܼܐ̱ܣܬܼܵܐ - ܫܬܐܣ̈ܐ P.܀ 488 ܚ̣ܙܵܝܗܝ ܗ̄ܘܼܵܐ ܠܡܵܪܹܗ ܕܝܲܗ̣̄ܒܼ ܠܹܗ ܩܠܝܼ̈ܕܹܐ ܕܓܲܙܵܐ ܟ̱ܠܹܗ: ܕܢܸܗܘܸܐ ܦܵܩܹ̇ܕܼ ܠܪܵܘܡܵܐ - ܪܘܡܐ P. ܘܥܘܼܡܩܵܐ ܡܵܪܵܢܵܐܝܼܬܼ܀ ܫܡܲܥ̣ ܗ̄ܘܼܵܐ ܕܲܢܦܲܩ̣ ܗܵܘ̇ ܦܘܼܩܕܵܢܵܐ ܥܠܵܘܗܝ ܕܲܫܠܝܼܚܵܐ: ܕܐܵܦ ܒܲܫܡܲܝܵܐ ܢܸܗܘܸܐ ܫܲܠܝܼܛ ܫܵܪܹܐ ܘܐܵܣܲܪ܀ ܚ̣ܙܵܝܗܝ ܗ̄ܘܼܵܐ ܕܐܸܬܼܡܵܠܝ ܨܲܝܵܕܼܵܐ ܗ̄ܘܼܵܐ ܘܝܵܘܡܵܢ ܐܲܡܠܸܟܼ: ܘܲܚܣܲܡ̣ ܘܝܼܩܸܕܼ ܘܲܛܪܲܦ̣ ܐܝܼܕܼܵܘ̈ܗܝ ܟܲܕܼ ܡܸܬܼܡܲܪܡܲܪ܀ ܫܡܲܥ̣ ܗ̄ܘܼܵܐ ܕܥܹܕܬܵܐ ܡܸܬܼܒܲܢܝܵܐ ܠܵܗ̇ - ܗܘܬ O. ܕܲܣܚܝܼܦܵܐ ܗ̄ܘܼܵܬܼ: ܘܠܹܗ ܘܲܠܡܵܘܬܵܐ ܛܵܪܕܝܼܢ ܡܸܢܵܗ̇ ܕܠܵܐ ܢܸܥܘܿܠ ܠܵܗ̇܀ ܝܑܼܠܸܦ̣ ܣܵܢܐܵܐ ܕܡܸܬܼܥܲܩܪܵܐ ܠܵܗ̇ ܫܝܘܿܠ ܒܹܝܬܼ ܓܲܙܹܗ: ܘܡܸܬܼܒܲܢܝܵܐ ܠܵܗ̇ ܥܹܕܬܵܐ(ܕܒܼܘܼܟܼܪܹ̈ܐ ܥܲܠ ܬܲܠܡܝܼܕܼܵܐ - ܕܟܘܡܪ̈ܐ ܥܠ ܬܠܡܝ̈ܕܐ O.܀ ܫܡܲܥ̣ ܗ̄ܘܼܵܐ ܕܢܵܦ̇ܠܝܼܢ ܚܵܝ̇ܒܿܝܼܢ - ܚ̇ܒܝܢ O. ܒܵܛ̇ܠܝܼܢ ܡܘܼ̈ܟܼܠܹܐ ܕܲܫܝܘܿܠ: ܘܐܵܚ̇ܕܵܐ ܥܹܕܬܵܐ(ܪ̈ܵܘܡܹܐ ܘܥܘܼܡ̈ܩܹܐ - ܥܘ̈ܡܩܐ ܘܪ̈ܘܡܐ P. ܘܥܵܠܡܵܐ ܟ̱ܠܹܗ܀ ܐ̄ܬܲܬ̤ ܠܹܗ ܪܓܸܫܬܼܵܐ ܕܐܘܼܪܚܵܐ ܕܲܥܕܹܢ ܡܸܬܼܦܲܬܼܚܵܐ - ܡܬܦܲܢܝܐ O. ܠܵܗ̇: ܘܗܵܘܝܵܐ ܗܦܵܟܼܬܵܐ ܕܐܵܕܼܵܡ - ܠܐܕܡ O. ܢܸܦܢܸܐ ܥܲܠ( ܝܵܪܬܿܘܼܬܹܗ܀ ܡ̣ܢ - ܝܘܬܪ̈ܢܘܗܝ ̣ ܘܡܢ P. ܫܘܼܘܕܵܝܵܘ̈ܗܝ ܕܲܒܼܪܵܐ - ܕܐܒܐ O. ܝܑܼܠܸܦ̣ ܗܵܘ̇ ܛܲܪܟܵܢܵܐ: ܕܟܼܠ ܡܘܿܢ ܕܲܣܼܪܲܚ ܡܲܬܼܩܸܢ ܗ̣̄ܘ ܠܹܗ ܘܟܸܢ ܡܸܬܼܥܲܠܸܐ܀ ܐܸܬܿܬܿܥܝܼܩ ܒܝܼܫܵܐ ܒܗܠܹܝܢ ܕܲܫܡܲܥ̣ ܡܸܛܠ ܫܸܡܥܘܿܢ: ܘܣܵܡ̣ ܗ̄ܘܼܵܐ ܣܪܝܼܚܵܐ ܥܠܵܘܗܝ ܕܲܫܠܝܼܚܵܐ ܠܡܵܘܒܵܕܼܘܼܬܹܗ܀ ܐܸܡܲܪ ܗ̄ܘܼܵܐ ܓܹܝܪ ܕܲܠܫܲܬܼܐ̱ܣܬܼܵܐ ܪܲܒܿܬܼܵܐ ܐܸܛܪܸܐ: 489 ܘܗܵܐ ܙܵܥ̣ ܟ̱ܠܹܗ ܗܵܘ̇ ܒܸܢܝܵܢܵܐ ܒܪܵܘܡܵܐ ܕܲܚܛܲܦ̣܀ ܐܸܢ ܬܲܠܡܝܼܕܼܵܐ ܢܸܫܪܲܥ ܩܲܠܝܼܠ ܐܲܝܟܼ ܕܲܠܡܸܦܲܠ: ܥܹܕܬܵܐ ܙܵܝ̇ܥܵܐ ܕܐܸܠܵܐ - ܘܐܠܐ O. ܙܵܝ̇ܥܵܐ ܪܲܒܿ ܗ̣̄ܘ ܫܸܦܠܲܢ܀ ܐܸܢܗ̤ܘ ܕܗܵܢܵܐ ܕܲܗܘ̤ܵܐ ܟܹܐܦܵܐ ܢܢܘܼܕܼ ܐܵܘ ܢܸܨܠܸܐ: ܐܵܦ ܒܸܢܝܵܢܵܐ ܕܲܥܠܵܘܗܝ ܩܵܐܹ̇ܡ ܡܸܬܼܪܲܦܸܐ ܠܹܗ܀ ܠܫܸܡܥܘܿܢ ܐܸܨܠܸܐ ܦܲܚܵܐ ܕܢܸܦܸܠ(ܘܐܸܢ ܢܵܦܹ̇ܠ ܠܹܗ: ܗܵܐ - ܐܢܗ̤ܘ ܕܢܦ̇ܠ ̣ ܘܗܐ O. ܨܝܼܕܼ ܟ̱ܠܹܗ ܟܸܢܫܵܐ ܕܢܸܫܪܹ̈ܐ ܕܢܲܩܝܼܦܝܼܢ ܠܹܗ܀ ܬܪܸܥܣܲܪ ܗܵܘܹ̇ܝܢ(ܘܐܸܢ ܚܲܕܼ ܐܸܠܒܿܘܿܟܼ - ܘܐܢܗ̣ܘ ܕܐܠܒܘܟ O. ܗܵܘ̇ ܩܲܕܼܡܵܝܵܐ: ܟܠܗܘܿܢ ܚܲܒܼܪ̈ܵܘܗܝ ܥܲܡܹܗ ܐܵܬܹ̇ܝܢ ܨܹܝܕܼ ܚܸܫܘܿܟܼܵܐ܀ ܐܸܢ ܐܵܚܹ̇ܕܼ ܐ̄ܢܵܐ ܠܪܹܫܹܗ ܕܟܸܢܫܵܐ ܡܸܬܼܒܲܕܲܪ ܠܹܗ: ܕܐܸܢ - ܘܐܢ O. ܡܸܬܼܟܲܢܲܫ ܕܘܼܪ̈ܟܵܬܼܝ ܥܵܛܹ̇ܐ ܡ̣ܢ ܦܸܢ̈ܝܵܬܼܵܐ܀ ܠܗܵܘ̇ ܪܹܫ ܓܘܼܕܵܐ ܕܲܫܠܝܼܚܘܼܬܼܵܐ ܐܸܢ ܦܵܟܲܪ ܐ̄ܢܵܐ: ܟ̱ܠܵܗ̇ ܥܵܪܩܵܐ ܘܒܼܵܛ̇ܠܵܐ ܣܒܲܪܬܼܵܐ ܡ̣ܢ ܦܸܢ̈ܝܵܬܼܵܐ܀ ܐܸܢ ܒܲܫܪܵܪܹܗ ܩܵܐܹ̇ܡ - ܢܩܘܡ O. ܫܸܡܥܘܿܢ ܪܹܫ ܬܲܠܡܝܼ̈ܕܹܐ: ܗܵܐ ܡܲܦܘܼܠܬܵܐ ܕܝܼܠܝ ܘܲܕܼܡܵܘܬܵܐ ܟܢܵܬܼܝ ܚܲܒܿܝܼܒܼܵܐ܀ ܐܸܢ(ܬܲܠܡܝܼܕܼܵܐ ܡܩܵܘܸܐ ܒܫܘܼܦܪܵܗ̇ ܕܗܵܝ̇ ܬܵܘܕܝܼܬܼܵܐ: ܟ̱ܠܵܗ̇ - ܬܘܕܝܬܐ ܬܣܓܐ ܨܐܕܘܗܝ ܕܗ̇ܘ ܬܠܡܝܕܐ: ܕܟܠܗ O. ܐܲܪܥܵܐ ܝܵܠ̇ܦܵܐ ܡܸܢܹܗ ܘܛܵܥ̇ܝܵܐ ܝܘܼܠܦܵܢܝ܀ ܐܸܢ ܠܲܩܠܝܼܕܼܵܘ̈ܗܝ ܠܵܐ ܚܵܛܹ̇ܦ ܐ̄ܢܵܐ ܒܚܲܕܼ ܡ̣ܢ ܐܸܣܟܹܿܝܡ: ܡܲܦܸܩ ܥܘܼܬܼܪܵܐ ܡ̣ܢ ܒܹܝܬܼ ܐܲܒܼܵܐ ܘܲܡܒܲܙܲܚ ܒܝܼ܀ 490 ܥܵܐܹ̇ܠ ܩܵܐܹ̇ܡ ܥܲܠ ܒܹܝܬܼ ܓܲܙܵܐ ܕܐܲܠܵܗܘܼܬܼܵܐ: ܘܲܡܦܲܪܢܸܣ ܠܹܗ ܠܥܵܠܡܵܐ ܒܥܘܼܬܼܪܵܐ ܘܠܝܼ ܛܵܥܹ̇ܐ ܠܝܼ܀ ܘܗܵܘܹ̇ܝܢ ܒܸܙܚܵܐ ܟܠܗܘܿܢ ܨܲܠܡܲܝ̈ - ܨܠܡ̈ܐ O. ܒܐܲܬܼܪ̈ܵܘܵܬܼܵܐ: ܘܡܸܬܿܬܲܒܼܪܵܐ ܠܵܗ̇(ܩܲܪܢܵܗ ܪܵܡܬܼܵܐ - ܟܠܗ̇ ܩܪܢܐ O. ܕܲܦܬܲܟܼܪܘܼܬܼܵܐ܀ ܘܒܼܵܛ̇ܠܝܼܢ ܚܲܓܲܝ̈ ܥܹܐܕܲܝ̈(ܟܸܢܫܲܝ̈ ܡ̣ܢ ܐܲܪܥܵܬܼܵܐ: ܘܚܵܕܼܪܝܼܢ ܟܘܼܡܪ̈ܲܝ ܐܵܘ ܡܸܬܿܕܲܒܼܪܝܼܢ ܨܹܝܕܼ ܐܲܠܵܗܵܐ - ܟܢܫ̈ܐ ܡ̣ܢ ܐܪ̈ܥܬܐ: ܘܚܕܪܝܢ ܟܢ̈ܫܐ ܐܦ ܡܬܕܒܪܝܢ ܨܝܕ ܐܠܗ̈ܐ O.܀ ܘܗܵܘ̇ܝܵܐ ܒܸܙܚܵܐ ܟ̱ܠܵܗ̇ ܐܸܣܦܹܪ ܕܐܲܠܵܗ̈ܵܬܼܵܐ: ܘܢܵܦ̇ܠܝܼܢ ܒܐܲܪܥܵܐ ܦܬܲܟܼܪܹ̈ܐ ܪ̈ܵܡܹܐ ܕܐܲܩܝܼܡܹ̇ܬܼ ܒܵܗ̇܀ ܐܸܢܗܘ̤ ܕܫܸܡܥܘܿܢ ܠܵܐ(ܡܸܬܼܪܲܦܸܐ ܡ̣ܢ ܬܵܘܕܝܼܬܹܗ - ܡܪܦܐ ܡܢ ܬܘܕܝܬܐ O.: ܠܵܐ ܩܵܐܹ̇ܡ ܐ̄ܢܵܐ ܘܐܸܥܪܘܿܩ ܐܝܼܬܼ ܠܝܼ ܡ̣ܢ ܝܘܼܠܦܵܢܹܗ܀ ܚܣܵܡܵܐ ܪܲܒܵܐ ܚܣܲܡ̣ ܣܵܛܵܢܵܐ ܒܗܵܘ̇ ܬܲܠܡܝܼܕܼܵܐ: ܘܲܨܠ̣ܵܐ ܦܲܚܹ̈ܐ - ܦܚܐ O. ܘܲܛ̣ܡܲܪ ܢܸܫܒܹ̈ܐ ܠܗܵܘ̇ ܫܲܪܝܼܪܵܐ܀ ܘܐܸܢ ܥܲܠ ܡܵܪܹܗ ܐܲܥܝܼܪ ܕܲܪܵܐ ܣܲܟܼܠܵܐ ܕܲܛ̣ܥܵܐ: ܠܘܼܩܒܲܠ ܥܲܒܼܕܵܐ ܟܡܵܐ ܗ̣̄ܘ ܓܵܙܹ̇ܡ ܗ̄ܘܼܵܐ ܠܲܡܕܼܵܘܵܕܼܘ̣܀ ܥܲܡ ܐܲܠܵܗܵܐ ܕܡ̣ܢ ܐܲܠܵܗܵܐ ܥ̣ܒܲܕܼ ܬܲܟܼܬܿܘܼܫܵܐ: ܥܲܠ ܒܲܪܢܵܫܵܐ ܟܡܵܐ ܣܵܥܹ̇ܐ ܗ̄ܘܼܵܐ ܒܡܲܪܵܚܘܼܬܹܗ܀ ܒܪܲܒܵܐ ܫܲܪܝܼ(ܘܐܸܬ̤ܵܐ ܠܹܗ ܬܘܼܒܼ - ܘܬܘܒ ܐܬܐ ܠܗ O. ܨܹܝܕܼ ܬܲܠܡܝܼܕܼܵܐ: ܕܲܒܼܟܼܠ ܥܸܠ̈ܠܵܢ ܛܘܼܥܚܲ ܬܲܡܠܸܟܼ ܡܸܬܼܦܲܪܲܣ ܗ̄ܘܼܵܐ܀ ܙܩܲܦ̣ ܚܸܫܘܿܟܼܵܐ ܠܘܼܩܒܲܠ ܢܘܼܗܪܵܐ ܕܢܸܬܼܟܲܬܲܫ ܗ̄ܘܼܵܐ: 491 ܘܲܟܼܡܵܐ ܕܡܸܫܟܲܚ ܐܲܩܝܼܡ ܓܲܒܵܐ ܕܠܵܐ ܢܸܬܼܦܲܪܣܸܐ܀ ܐܲܡܪܲܚ̣ ܒܝܼܫܵܐ ܘܲܥ̣ܒܲܕܼ ܕܲܪܵܐ ܥܲܡ ܦܵܪܘܿܩܲܢ: ܘܟܲܕܼ ܐܸܫܬܲܗܝܼ ܢܦܲܠ̣ ܐܲܝܟܼ ܒܲܪܩܵܐ ܠܥܹܝܢ ܡܲܠܲܐܟܹ̈ܐ - ܣܓܝ̈ܐܐ P. ܀ ܘܙܵܥ̣ ܘܐܸܬܿܕܵܘܲܕܼ ܘܐܲܪܦܝܼ ܐܝܼܕܼܵܘ̈ܗܝ ܡ̣ܢ ܙܵܟܼܘܼܬܼܵܐ: ܘܝܲܕܼܥܹܗ ܠܲܒܼܪܵܐ ܕܡܲܢ̣ܘܼ ܘܒܲܪ ܡܲܢ ܘܐܲܗܡ̣ܝܼ ܡܸܢܹܗ܀ ܘܫܲܪܝܼ ܡܲܪܟܸܢ ܒܲܝܢܵܬܼ ܟܸܢܫܹ̈ܐ ܕܲܝܗܘܼ̈ܕܼܵܝܹܐ: ܘܡܲܠܸܦ ܟܸܫ̈ܠܹܐ ܠܟܼܵܗ̈ܢܹܐ ܘܣܵܦ̇ܪܹ̈ܐ ܘܙܲܕܘܼ̈ܩܵܝܹܐ܀ ܘܥܵܐܹ̇ܠ ܟܵܡܹ̇ܢ - ܩ̇ܐܡ O. ܒܲܡܨܲܥܪ̈ܵܢܹܐ ܘܢܵܣ̈ܒܲܝ ܒܐܲܦܹ̈ܐ: ܕܢܸܬܼܒܲܣܲܡ ܗ̄ܘܼܵܐ ܒܓܼܘܼܕܵܦܲܝ̈ܗܘܿܢ ܕܥܲܠ ܫܲܪܝܼܪܵܐ܀ ܘܲܡܚܲܪܟܸܫ(ܗ̄ܘܼܵܐ ܟܠ ܟܲܪ ܕܲܣܥܲܪ - ܟܠ ܟܕ ܣܥܪ ܗܘܐ O. ܚܲܝ̈ܠܹܐ ܡܵܪܲܢ: ܕܲܚܠܵܦ ܫܘܼܒܼܚܵܐ ܢܥܝܼܪ ܦܘܼ̈ܠܵܓܹܐ ܡ̣ܢ ܚܲܙܵܝܹ̈ܐ܀ ܘܡ̣ܢ ܐܵܬܼ̈ܘܵܬܼܵܐ ܕܲܣ̣ܥܲܪ ܡܵܪܲܢ ܠܹܗ ܚܵܛܹ̇ܦ ܗ̄ܘܼܵܐ: (ܕܲܒܼܥܸܠܙܒܼܘܿܒܼ ܠܲܡ ܐܲܦܸܩ̣ ܕܲܝܘܹ̈ܐ ܘܠܵܘ ܝܑܼܚܝܼܕܼܵܐ - ܕܒܒܥܠܙܒܘܒ ܡܦܩ ܕܝܘ̈ܐ ܘܠܘ ܝܚܝܕܐ ܗܘ O.܀ ܒܲܙܒܲܢ ܟܵܗ̈ܢܹܐ ܥ̣ܒܲܕܼ ܠܹܗ ܚܲܒܼܪܹ̈ܐ: ܒܲܙܒܿܢ ܪܹ̈ܫܹܐ ܘܫܲܠܝܼܵܢܹ̈ܐ ܠܣܝܼܥܬܹܗ ܐܲܝܬܿܝܼ܀ ܘܲܒܼܓܼܘܼ̈ܕܵܦܹܐ ܘܲܒܼܨܘܿܚ̈ܝܵܬܼܵܐ ܠܗܘܿܢ ܫܵܓܲܪ ܗ̄ܘܼܵܐ: ܕܥܲܠ ܙܲܟܵܝܵܐ ܕܦܲܟܼܪܹܗ ܒܕܲܪܵܐ ܢܥܝܼܪ ܦܘܼ̈ܠܵܓܹܐ܀ ܗ̤ܘ ܕܹܝܢ ܫܸܡܫܵܐ ܡܸܬܼܥܲܫܲܢ ܗ̄ܘܼܵܐ ܡ̣ܢ ܛܸܠܵܠܵܐ: ܘܟܼܠ ܟܲܪ ܕܐܵܙܹ̇ܠ ܡܲܥܪܸܩ ܗ̄ܘܼܵܐ ܠܹܗ ܡ̣ܢ ܐܘܼܪ̈ܚܵܬܼܵܐ܀ (ܒܙܸܠ̈ܓܲܝ ܢܘܼܗܪܵܐ - ܒܪ̈ ܓܠܝ ܢܘܪܐ O. ܡܦܲܪܣܸܐ ܗ̄ܘܼܵܐ ܠܹܗ ܘܲܡܓܲܠܸܐ ܠܹܗ: 492 ܘܝܵܗܹ̇ܒܼ ܐܲܬܼܪܵܐ(ܕܢܘܼܗܪܵܐ ܢܹܐܚܘܿܕܼ ܥܵܠܡܵܐ - ܠܢܘܗܪܐ ܕܢܐܚܘܕ ܠܥܠܡܐ O. ܟ̱ܠܹܗ܀ ܘܲܒܼܟܼܠ ܚܲܝ̈ܠܹܐ(ܕܲܣܥܲܪ ܡܵܪܲܢ ܚܵܐܲܪ ܗ̄ܘܼܵܐ ܗ̤ܘ - ܕܥܒܕ ܡܪܢ ܚܣ̇ܡ ܗܘܐ ܒܗ O.: ܘܫܵܓܹ̇ܫ ܢܸܕܼܠܘܿܚ ܒܲܝܢܵܬܼ ܟܸܢܫܹ̈ܐ(ܠܲܕܼܫܵܡܲܥ ܠܹܗ - ܕܝܘ̈ܕܝܐ O.܀ ܗܘ̤ܵܐ ܠܹܗ ܐܲܬܼܪܵܐ ܘܲܢܦܲܠ̣ ܒܲܙܒܲܢ ܥܲܠ ܬܲܠܡܝܼܕܼܵܐ - ܝܗܘܕܐ P.: ܘܲܒܼܝܲܥܢܘܼܬܼܵܐ ܣܲܪܚ̣ܵܗ̇ ܠܢܲܦ̮ܫܹܗ ܡ̣ܢ ܚܹܐܪܘܼܬܼܵܐ܀ ܦܲܫ̣ܚܹܗ - ܦܪܫܗ O. ܠܝܗ̄ܘܼܕܼܵܐ ܡ̣ܢ ܗܵܝ̇ ܓܘܼܕܵܐ ܕܬܲܠܡܝܼܕܼܘܼܬܼܵܐ: (ܘܲܠܚܲܫ̣ ܕܲܓܸܿܠ̣ ܥܲܒܼܕܹܗ - ܕܠܚܫ ܕܓܠ ܘܥܒܕܗ O. ܚܲܒܼܪܹܗ ܒܢܸܟܼܠܵܐ ܣܲܢܝܵܐ܀ ܦܲܚܵܐ ܪܲܒܵܐ ܕܪܸܚܡܲܬܼ ܟܸܣܦܵܐ ܨܠ̣ܵܐ ܠܲܝܗܘܼܕܼܵܐ: ܘܨܵܕܹܗ(ܘܐܲܦܠܹܗ ܒܓܲܢܵܒܼܘܼܬܼܵܐ ܘܡܲܚܢܘܿܩܝܼܬܼܵܐ - ܘܐܠܦܗ ܡܚܢܘܩܝܬܐ ܘܓܢܒܘܬܐ P.܀ ܘܐܸܠܘܼ ܡܨܹܐ ܗ̄ܘܼܵܐ ܠܟܼܠܗܘܿܢ ܒܲܕܲܪ ܕܲܟܼܢܝܼܫܝܼܢ ܗ̄ܘܼܵܘ: ܕܲܕܼܚܸܠ̣ ܗ̄ܘܼܵܐ ܠܹܗ ܡ̣ܢ ܫܘܼܪܵܝܵܐ ܕܣܘܼܥܪ̈ܵܢܲܝܗܘܿܢ܀ ܚܸܘܝܵܐ ܪܲܒܵܐ ܢܲܟܼܬܵܗ̇ ܒܥܸܩܒܼܵܗ̇ ܠܲܫܠܝܼܚܘܼܬܼܵܐ: ܘܲܦܣܲܩܬܹܗ ܗ̤ܝ ܠܗܵܘ̇ ܗܲܕܵܡܵܐ ܘܝܲܗ̄ܒܼܬܹܗ ܠܐܲܪܥܵܐ܀ (ܦܸܟܼܪܲܬ̤ ܚܵܨܲܬ̤ ܬܦܘܼܫ - ܟܦܪܬ ܚܨܬ ܕܬܦܘܫ O. ܡܸܪܬܼܵܐ ܒܚܲܕܼ ܗܲܕܵܡܵܐ: ܘܲܗܘ̤ܵܐ ܢܛܝܼܪܵܐ ܟ̱ܠܹܗ ܓܘܼܫܡܵܐ ܕܠܵܐ ܢܸܬܼܚܲܒܲܠ܀ ܢܦܲܠ̣ ܗ̄ܘܼܵܐ ܝܗ̄ܘܼܕܼܵܐ ܒܚܲܒܼܠܵܐ ܕܦܲܣܩܹܗ ܡ̣ܢ ܬܲܠܡܝܼ̈ܕܹܐ: ܘܥܲܠ ܕܲܡܠܸܐ ܗ̄ܘܼܵܐ ܓܵܘܹܗ ܡܸܪܬܼܵܐ ܦܲܪܬܹܗܚܹܐܦܹܗ܀ ܘܥܲܠ̣ ܗܲܕܵܡܵܐ ܐ̄ܚܪܹܢܵܐ ܚܠܵܦܵܘܗܝ ܥܲܡ - ܡܢ O. ܬܲܠܡܝܼ̈ܕܹܐ: ܘܲܕܼܠܵܐ ܫܘܼܡܬܼܵܐ ܩܵܘܝܼ ܦܲܓܼܪܵܗ̇ ܕܲܫܠܝܼܚܘܼܬܼܵܐ܀ 493 ܠܵܘ ܒܲܝܗܘܼܕܼܵܐ ܫܲܪܝܼ ܒܝܼܫܵܐ ܕܢܸܨܠܸܐ: ܐܸܠܵܐ ܒܪܲܒܵܐ ܘܡܵܪܵܐ ܕܟܼܠܗܘܿܢ - ܕܟܠܗܝܢ P. ܡܵܪ̈ܵܘܵܬܼܵܐ܀ ܘܟܲܕܼ ܡܲܦܘܼܠܬܵܐ ܩܲܕܝܼ ܒܕܲܪܵܐ ܕܚܝܼܠܵܐ ܕܲܥ̣ܒܲܕܼ: ܦܵܫ̣ ܗ̄ܘܼܵܐ ܘܲܒܼܗܸܬܼ ܡ̣ܢ ܙܲܟܵܝܵܐ ܕܦܲܪܣܝܼ ܙܹܐܦܹܗ܀ ܘܒܼܵܬܲܪ ܗܵܢܵܐ ܢܒܲܚ̣ ܗ̄ܘܼܵܐ ܒܫܸܡܥܘܿܢ ܪܹܫ ܬܲܠܡܝܼ̈ܕܹܐ: ܘܒܼܐܝܼܕܼܵܐ ܒܐܝܼܕܼܵܐ ܓܲܫ̣ ܗ̄ܘܼܵܐ ܠܟܼܠܗܘܿܢ ܥܲܒܼ̈ܕܹܐ ܛܵܒܹ̈ܐ܀ ܘܲܢܚܸܬܼ ܐܸܫܟܲܚ̣ ܗܵܘ̇ ܕܲܛܥܝܼܢ ܗ̄ܘܼܵܐ ܟܝܼܣܵܐ ܫܲܪܝܵܐ: ܘܲܒܼܓܼܵܘ ܟܝܼܣܵܐ ܨܠ̣ܵܐ ܠܹܗ ܦܲܚܵܐ ܘܨܵܕܹܗ ܬܲܡܵܢ܀ ܓܲܢܵܒܼܘܼܬܼܵܐ ܘܢܸܟܼܠܵܐ ܪܲܒܵܐ ܘܕܲܓܵܠܘܼܬܼܵܐ - ܕܕܓܠܘܬܐ O.: ܐܲܠܦܹܗ ܠܓܲܒܼܝܵܐ ܘܥܲܒܼܕܹܗ ܣܪܝܼܚܵܐ - ܣܢܝܐ O. ̣ܢ ܬܲܠܡܝܼ̈ܕܹܐ܀ ܫܡܲܥ ܐܲܢ̄ܬܿ ܗܵܫܵܐ ܕܡ̣ܢ ܥܸܠ̈ܠܵܬܹܗ ܕܗܵܘ̇ ܢܘܼܟܼܪܵܝܵܐ - ܬܠܡܝܕܐ O.: ܩ̣ܪܵܝܗܝ ܣܵܛܵܢܵܐ ܡܫܝܼܚܵܐ ܠܫܸܡܥܘܿܢ ܪܹܫ ܬܲܠܡܝܼ̈ܕܹܐ܀ ܗ̤ܘ ܚܣܲܡ̣ ܗ̄ܘܼܵܐ ܒܹܗ ܘܗ̤ܘ ܩ̣ܪܸܒܼ ܨܹܐܕܼܵܘܗܝ ܕܲܢܠܲܚܸܫ ܒܹܗ - ܠܗ O.: ܕܐܸܢ ܡܸܫܟܲܚ ܗ̄ܘܼܵܐ ܡ̣ܢ ܪܲܒܿܘܼܬܹܗ ܒܦܲܚܵܐ - ܒܦܚܬܐ O. ܢܸܫܕܹܝܘܗܝ܀ ܥܲܠ̣ ܗ̄ܘܼܵܐ ܨܹܐܕܼܵܘܗܝ ܒܲܥܪܝܼܡܘܼܬܼܵܐ - ܒܥܪܝܡܘܬܗ O. ܕܚܸܘܝܵܐ ܚܲܒܼܪܹܗ: ܕܐܸܢ ܝܵܗܹ̇ܒܼ ܠܹܗ ܐܲܬܼܪܵܐ ܠܘܵܬܹܗ ܩܠܝܼ̈ܕܹܐ ܢܸܚܛܘܿܦ܀ ܡܸܚܕܼܵܐ ܕܩܲܒܸܿܠ̣ ܗܵܘ̇ ܓܸܠܝܵܢܵܐ ܡܸܢܹܗ ܕܐܲܒܼܵܐ: ܘܲܫܩܲܠ̣ ܘܲܢܦܲܩ̣ ܛܘܼܒܼܵܐ ܪܲܒܵܐ ܡܸܢܹܗ ܕܲܒܼܪܵܐ܀ ܘܲܒܼܫܲܬܼܐ̱ܣܬܼܵܐ ܕܥܹܕܬܵܐ ܐܸܬܿܬܿܣܝܼܡ - ܣܡܗ O. ܐܲܝܟܼ ܫܲܪܝܼܪܵܐ: ܘܝܲܗ̣̄ܒܼ ܠܹܗ ܩܠܝܼ̈ܕܹܐ ܒܪܵܐ ܕܲܢܦܲܪܢܸܣ ܒܲܝܬܹܗ ܕܐܲܒܼܘܼܗܝ܀ 494 ܣܵܡ̣ ܣܵܛܵܢܵܐ ܒܵܬܲܪ ܥܸܩܒܹܗ - ܥܩܒܬܗ O. ܕܗܵܘ̇ ܬܲܠܡܝܼܕܼܵܐ: ܘܠܹܗ ܪܵܗܹ̇ܐ ܗ̄ܘܼܵܐ ܕܐܸܢ ܡܸܫܟܲܚ ܗ̄ܘܼܵܐ ܢܣܝܼܡ ܒܹܗ ܡܘܼܡܵܐ܀ ܘܫܲܪܝܼ ܡܵܪܲܢ ܕܲܢܡܲܠܸܠ ܗ̄ܘܼܵܐ ܡܸܛܠ ܚܲܫܹܗ: ܘܲܠܬܲܠܡܝܼܕܼܵܘ̈ܗܝ ܢܸܓܼܠܸܐ ܐ̄ܪܵܙܵܐ ܕܲܙܩܝܼܦܘܼܬܹܗ܀ ܡܲܠܸܠ̣ ܡܵܪܲܢ ܡܸܛܠ ܩܸܛܠܹܗ(ܘܡܸܛܠ ܚܲܫܹܗ - ܘܙܩܝܦܘܬܗ O.: ܕܠܸܐܡܲܬܼܝ ܘܐܲܝܟܲܢ ܣܵܒܹ̇ܠ ܟܠܗܹܝܢ ܡ̣ܢ ܝܗ̄ܘܼ̈ܕܼܵܝܹܐ܀ ܥܲܕܼܠܵܐ ܢܸܗܘܸܐ(ܐ̄ܡܲܪ ܡܘܿܢ ܗܵܘܹ̇ܐ ܕܢܲܠܸܦ ܐܸܢܘܿܢ: ܕܲܒܼܨܸܒܼܝܵܢܹܗ ܪܵܟܹܒܼ ܩܲܝܣܵܐ ܕܲܙܩܝܼܦܘܼܬܼܵܐ܀ ܬܢ̣ܵܐ ܠܲܫܠܝܼܚܵܘ̈ܗܝ ܡܘܿܢ - ܐܡܪ ܡܢ̣ܘ ܐܝܟ ܝܕܥ̇ ܟܠ: ܕܢܠܦ ̣ ̣ ܩܝܣܐ ̣ ܬܢ̣ܐ ܠܬܠܡܝ̈ܕܐ ܡ̣ܢ O. ܓܵܕܹܫ ܠܹܗ ܡ̣ܢ ܙܩ̈ܘܿܦܹܐ: ܘܲܒܼܗܵܝ̇ ܥܸܠܬܼܵܐ(ܩܪܸܒܼ ܣܵܛܵܢܵܐ - ܩܪܐ ܠܣܛܢܐ O. ܢܚܵܘܸܐ ܕܝܼܠܹܗ܀ ܡܲܠܟܹܗ ܠܫܸܡܥܘܿܢ ܐܲܝܟܼ ܕܲܠܪܵܚܡܹܗ ܕܒܲܪ ܐܲܠܵܗܵܐ: ܕܢܲܣܓܸܐ ܢܸܚܲܫ ܘܐܲܝܟܼ ܚܲܒܿܝܼܒܼܵܐ ܒܥܵܩܬܼܵܐ ܢܸܒܼܠܲܥ܀ ܕܢܸܨܠܸܐ ܗ̄ܘܼܵܐ ܠܹܗ ܦܲܚܵܐ ܐ̄ܚܪܹܢܵܐ ܠܵܐ ܡܸܫܟܲܚ ܗ̄ܘܼܵܐ: ܕܫܲܪܝܼܪܵܐ ܗ̄ܘܼܵܐ ܘܚܘܼܒܵܐ ܕܪܲܒܹܗ ܠܵܐ ܡܚܲܠܸܦ ܗ̄ܘܼܵܐ܀ ܠܪܸܚܡܲܬܼ ܟܸܣܦܵܐ ܠܵܐ ܢܵܚܹܬܼ ܗ̄ܘܼܵܐ ܪܹܫ ܬܲܠܡܝܼ̈ܕܹܐ: ܐܵܦܠܵܐ ܕܢܸܓܼܢܘܿܒܼ ܐܵܘ ܕܲܢܕܲܓܸܠ ܐܵܘ ܕܢܸܫܬܲܚܠܲܦ܀ ܒܗܵܝ̇ ܪܵܚܡܘܼܬܼܵܐ - ܘܒܪܚܡܬܐ O. ܕܩܵܐܹ̇ܡ ܗ̄ܘܼܵܐ ܒܵܗ̇ ܨܠ̣ܵܐ ܠܹܗ ܦܲܚܵܐ: ܕܡܸܢܹܗ ܕܚܘܼܒܵܐ ܢܹܐܥܸܐ ܫܦܵܝܵܐ - ܫܦܠܐ O. ܕܒܼܵܠܲܥ̇ ܗ̄ܘܼܵܐ ܒܹܗ܀ ܫܹܐܕܼܵܐ ܕܥܵܩܬܼܵܐ ܥܲܠ̣ ܗ̄ܘܼܵܐ ܩܵܡ̣ ܠܹܗ ܩܕܼܵܡ ܬܲܪܥܝܼܬܹܗ: 495 ܘܲܠܒܸܫ̣ ܚܲܫܵܐ ܡܸܛܠ ܫܲܪܒܵܗ̇ ܕܲܙܩܝܼܦܘܼܬܼܵܐ܀ ܐܸܬܿܬܿܥܝܼܩ ܫܸܡܥܘܿܢ ܐܲܝܟܼ ܩܲܪܝܼܒܼܵܐ ܘܲܫܩܝܼܠ ܛܲܥܢܵܐ: ܗ̤ܝ - ܕܗܝ O. ܗܵܝ̇ ܥܵܩܬܼܵܐ ܕܐܝܼܬܼ ܗ̄ܘܼܵܐ ܒܢܲܦ̮ܫܹܗ ܕܣܵܛܵܢܵܐ ܗ̄ܘܼܵܬܼ܀ ܚܲܫ̣ ܐܲܝܟܼ ܪܵܚܡܵܐ ܒܗܵܠܹܝܢ ܛܸܒܹ̈ܐ ܕܚܲܫܵܐ ܕܲܫܡܲܥ̣: ܘܲܕܼܚܸܠ̣ ܘܐܸܬܿܬܿܥܝܼܩ ܡܸܛܠ ܪܲܒܹܗ ܐܲܝܟܼ ܩܲܪܝܼܒܼܵܐ܀ ܚܲܝܘܼܣܬܼܵܢܵܐ ܚܠܵܦ ܫܲܪܝܼܪܵܐ ܗܘ̤ܵܐ ܬܲܠܡܝܼܕܼܵܐ: ܘܫܲܪܝܼ ܢܸܬܸܿܠ - ܕܢܬܠ O. ܡܸܠܟܹ̈ܐ ܪ̈ܦܲܝܵܐ ܠܒܲܪ ܐܲܠܵܗܵܐ܀ ܠܵܐ ܡܵܪܝ ܠܵܐ ܡܵܪܝ ܬܸܣܒܿܘܿܠ ܚܲܫܹ̈ܐ ܕܲܙܩܝܼܦܘܼܬܼܵܐ: ܘܠܵܐ ܢܸܩܪܘܿܒܼ ܠܵܟܼ ܚܲܫܵܐ ܘܡܵܘܬܵܐ ܒܚܲܕܼ ܡ̣ܢ ܐܸܣܟܹܝܡ܀ ܚܵܣ ܠܵܟܼ ܕܲܬܼܡܘܼܬܼ ܐܵܘ ܬܸܬܼܒܲܙܲܚ ܡ̣ܢ ܝܗ̄ܘܼ̈ܕܼܵܝܹܐ: ܚܵܣ ܠܵܟܼ ܬܸܚܲܫ ܐܵܘ ܬܸܨܛܲܥܲܪ ܡ̣ܢ ܙܵܩ̈ܘܿܦܹܐ܀ ܠܵܐ ܗܵܟܲܢܵܐ ܠܵܐ ܢܸܦ̮ܓܲܥ ܒܵܟܼ ܚܲܫܵܐ ܡܵܪܲܢ: ܚܲܣܝܵܐ ܕܡܸܡܬܼܘܿܡ ܚܵܣ(ܬܸܨܛܲܚܸܐ ܡ̣ܢ ܫܵܓܼܘܿܫܹ̈ܐ - ܬܨܛܥܪ ܡ̣ܢ ܙܩ̈ܘܦܐ O.܀ ܫܲܦܝܼܪܝܼܢ ܠܵܟܼ ܚܲܝܹ̈ܐ ܘܫܘܼܒܼܚܵܐ ܕܒܲܪ ܚܲܝܵܐ ܐܲܢ̄ܬܿ: ܣܢܸܐ ܠܵܟܼ ܡܵܘܬܵܐ ܚܵܣ ܠܵܟܼ ܕܲܬܼܡܘܼܬܼ ܡܲܚܸܐ ܡܝܼ̈ܬܹܐ܀ ܒܗܵܠܹܝܢ ܡܸܠܟܹ̈ܐ ܫܲܓܘܼ̈ܫܬܼܵܢܹܐ ܕܚܘܼܒܵܐ ܪܲܦܝܵܐ: ܟܵܐܹ̇ܐ ܗ̄ܘܼܵܐ ܒܹܗ ܪܹܫ ܬܲܠܡܝܼ̈ܕܹܐ ܕܠܵܐ ܢܸܚܲܫ ܗ̄ܘܼܵܐ܀ ܘܒܼܵܚܲܪ ܠܸܒܵܐ ܚ̣ܙܵܗ̇ ܗ̄ܘܼܵܐ ܠܢܲܦ̮ܫܹܗ ܕܡܲܢ ܫܵܓܹ̇ܫ ܠܵܗ̇: ܘܝܲܕܼܥܹܗ ܠܡܲܡܠܠܵܐ ܕܡ̣ܢ ܐܲܝܟܵܐ ܗ̄ܘܼܵܐ ܐܲܝܟܼ ܝܵܕܲܥ̇ ܟܠ܀ ܒܟܸܣܝܵܐ ܕܵܩܹܗ ܠܗܵܘ̇ ܚܘܼܫܵܒܼܵܐ ܕܙܵܥ̇ ܒܲܫܠܝܼܚܵܐ: ܕܚܸܘܝܵܐ ܙܲܪܥܹܗ ܘܠܵܘ ܕܝܼܠܹܗ ܗ̄ܘ̣ - ܗܘܐ O. ܕܗܵܘ̇ ܬܲܠܡܝܼܕܼܵܐ܀ 496 ܘܡܸܚܕܼܵܐ ܐܸܬܿܬܿܦܝܼܪ ܠܘܼܩܒܲܠ ܫܸܡܥܘܿܢ ܟܲܕܼ ܪܵܚܹ̇ܡ ܠܹܗ: ܘܐܲܝܟܼ ܕܲܒܼܚܸܡܬܼܵܐ ܩ̣ܪܵܝܗܝ ܣܵܛܵܢܵܐ ܘܲܫܠܝܼܚܵܐ ܗ̄ܘܼܵܐ܀ ܠܡܸܠܟܵܐ ܪܲܦܝܵܐ(ܕܡ̣ܢ ܣܵܛܵܢܵܐ: ܟܲܕܼ - ܒܝܕ ܣܛܢܐ ܩܪܝܗܝ ܣܛܢܐ: ܘܟܕ O. ܗ̤ܘ ܫܠܝܼܚܵܐ ܒܕܼܝܼܠܹܗ ܩܵܘܝܼ ܨܹܝܕܼ ܦܵܪܘܿܩܲܢ܀ ܠܗܵܘ̇ ܚܘܼܫܵܒܼܵܐ ܥܲܝܘܼܩܬܼܵܢܵܐ ܕܐܝܼܬܼ ܗ̄ܘܼܵܐ ܒܫܸܡܥܘܿܢ: ܩ̣ܪܵܝܗܝ - ܩܪܐ O. ܣܵܛܵܢܵܐ ܕܠܵܐ ܫܵܠܹ̇ܡ ܗ̄ܘܼܵܐ ܠܲܙܩܝܼܦܘܼܬܼܵܐ܀ ܚܸܘܝܵܐ ܕܐܲܒܲܚ̣ ܡܵܘܬܵܐ ܠܵܐܕܼܵܡ ܒܹܝܬܼ ܐܝܼܠܵܢܹ̈ܐ: ܝܲܗ̣̄ܒܼ ܗ̄ܘܼܵܐ ܡܸܠܟܵܐ ܕܠܵܐ ܢܸܚܲܫ ܗ̄ܘܼܵܐ ܒܪܵܐ ܒܲܙܩܝܼܦܵܐ܀ ܘܲܕܼܝܵܕܲܥ̇ ܗ̄ܘܼܵܐ ܕܲܒܼܬܼܘܼܠܬܵܐ ܡܲܢ ܡܵܠܹ̇ܟܼ - ܡܲܠܟܗ̇ O. ܗ̄ܘܼܵܐ: ܠܪܵܚܡܹܗ ܨܲܥܲܪ ܡܸܛܠ ܣܵܢܐܵܐ - ܣܟܠܐ O. ܕܫܵܓܹ̇ܫ ܗ̄ܘܼܵܐ ܠܹܗ܀ ܠܵܘ ܐܲܝܟܼ ܚܵܘܵܐ ܩܲܒܸܿܠ̣ ܡܸܠܟܵܐ ܪܲܦܝܵܐ - ܣܢܝܐ O. ܡܵܪܲܢ: ܕܥܲܠܗܵܝ̇ ܐܸܬ̤ܵܐ(ܕܢܸܪܨܹܗ ܠܓܼܵܪܣܵܐ - ܕܢܪܨܝܘܗܝ ܠܚܘܝܐ O. ܒܲܙܩܝܼܦܘܼܬܹܗ܀ ܠܵܐ ܐܸܫܬܲܕܲܠ ܡ̣ܢ ܬܲܠܡܝܼܕܼܵܐ ܕܪܵܚܹ̇ܡ ܗ̄ܘܼܵܐ ܠܹܗ: ܕܢܲܪܦܸܐ ܙܩܝܼܦܵܐ - ܙܩܝܦܗ O. ܕܚܲܝܹ̈ܐ ܠܥܵܠܡܵܐ ܒܹܗ ܡܸܫܬܲܟܼܚܝܼܢ܀ ܥܲܠ - ܘܥܠ O. ܕܲܒܼܥ̣ܵܐ ܗ̄ܘܼܵܐ ܢܒܲܛܠܹܗ - ܢܒܛܠܝܘܗܝ O. ܡܸܢܹܗ ܩܪܵܝܗܝ ܣܵܛܵܢܵܐ: ܠܣܵܛܵܢܵܐ ܓܹܝܪ ܐܲܥܝܼܩ ܡܵܘܬܹܗ ܕܒܲܪ ܐܲܠܵܗܵܐ܀ ܙܸܠ ܣܵܛܵܢܵܐ ܘܫܲܢܵܐ ܠܒܸܣܬܲܪܝ ܐܵܡܲܪ ܗ̄ܘܼܵܐ ܠܹܗ: ܠܵܐ ܬܥܲܪܩܸܠ ܠܝܼ ܐܘܼܪܚܵܐ ܕܐܲܪܡܝܼ̇ܬܼ ܨܹܝܕܼ ܓܵܓܼܘܼܠܬܵܐ܀ ܫܲܕܪܲܢܝ ܐܲܒܼܵܐ ܐܸܗܘܸܐ ܕܹܒܼܚܵܐ ܚܠܵܦ ܚܲܛܵܝܹ̈ܐ: 497 ܠܡܘܿܢ ܬܸܟܼܠܸܐ ܐܲܢ̄ܬܿ ܕܹܒܼܚܵܐ ܪܲܒܵܐ - ܚܝܐ O. ܕܠܵܐ ܢܸܬܼܩܲܪܲܒܼ܀ ܥܪܘܿܩ ܡ̣ܢ ܩܘܼܕܼܡܲܝ ܐܸܡܛܸܐ ܠܡܵܘܬܵܐ ܕܲܡܛܲܝܼܿܒܼ ܠܝܼ: ܕܒܹܗ ܫܵܪܹܐ ܐ̄ܢܵܐ ܐ̄ܣܝܼܪܹ̈ܐ - ܐܣܝܪ̈ܝܗ O. ܕܲܫܝܘܿܠ ܡ̣ܢ ܚܸܫܘܿܟܼܵܐ܀ ܬܵܐ - ̣ ܙܠ O. ܠܵܟܼ ܠܒܸܣܬܲܪܝ ܕܐܘܼܪܚܵܐ ܬܪܝܼܨܵܐ - ܕܫܪܝܐ ܗܝ O.ܠܘܼܩܒܲܠ ܚܲܫܹ̈ܐ: ܘܠܵܐ ܐ̄ܢܵܫ ܡܸܫܟܲܚ ܩܵܐܹ̇ܡ ܠܘܼܩܒܲܠܝ - ܩܘܕܡܝ O. ܘܲܡܒܲܛܸܠ ܠܝܼ܀ ܬܘܼܩܠܬܵܐ ܐܢ̄ܬܿ ܠܝܼ(ܕܬܸܟܼܠܸܐ ܐܘܼܪܚܹܗ ܕܡܵܘܬܵܐ ܒܵܥܹ̇ܝܬܿ - ܐܢܗܘ ܕܬܟܠܐ ܐܘܪܚܐ ܕܡܘܬܐ O.: ܠܵܐ ܡܸܬܼܟܲܠܝܵܐ ܫܲܢܵܐ ܠܒܸܝܬܲܪܝ ܐܘܿ ܣܵܛܵܢܵܐ܀ ܩܲܠܝܼܠ ܛܵܘܪܵܐ ܐܝܼܬܼ ܠܝܼ ܘܡܲܛ̇ܝܼܬܼ ܨܹܝܕܼ ܓܵܓܼܘܼܠܬܵܐ: ܡ̇ܢ ܐܲܦܝܼܣܵܟܼ ܕܬܸܟܼܠܸܐ ܐܘܼܪܚܵܐ(ܕܚܲܝܹ̈ܐ ܡܲܠܝܵܐ܀ ܫ̣ܦܲܪ - ܕܡܠܝܐ ܚܝ̈ܐ ̣ ܫܦܝܪ O. ܠܝܼ ܘܲܗܘܹ̇ܝܬܼ ܒܟܲܪܣܵܐ ܒܛܝܼܢܵܐ ܒܐܘܿܪܝܵܐ ܝ̄ܠܝܼܕܼܵܐ: ܒܢܲܗܪܵܐ ܥܡܝܼܕܼܵܐ ܙܩܝܼܦܵܐ - ܙܩܝܦܐ ܗܘ O. ܟܵܠܹ̇ܐ ܘܲܚ̣ܝܵܐ ܐܵܕܼܵܡ܀ ܥܲܠ ܡܘܿܢ ܚܵܣ ܠܝܼ ܐܹܡܘܼܬܼ ܘܐܲܚܹܐ ܡܝܼ̈ܬܹܐ ܕܲܫܝܘܿܠ: ܕܗܵܐ ܚܵܝ̇ܪܝܼܢ ܠܝܼ ܐܸܥܘܿܠ ܐܸܫܪܸܐ ܠܲܦܟܼܵܪ̈ܲܝܗܘܿܢ܀ ܐܸܠܘܼ ܟܠܲܝܬܵܢܝ ܐܵܘ ܡ̣ܢ ܒܲܛܢܵܐ ܐܵܘ ܡ̣ܢ ܝܲܠܕܵܐ: ܐܵܘ ܡ̣ܢ ܢܲܗܪܵܐ ܦܫܝܼܩ ܗ̄ܘܼܵܐ ܕܬܸܟܼܠܹܝܢܝ - ܕܬܟܠܢܝ Sic p. ܡ̣ܢ ܓܵܓܼܘܼܠܬܵܐ܀ ܐܲܒܼܵܐ ܕܫܲܕܪܲܢܝ ܝܲܗ̣̄ܒܼ ܠܝܼ ܘܲܥܕܵܐ ܠܥܘܼ̈ܡܩܹܐ - ܠܥܘܡܩܐ O. ܕܲܫܝܘܿܠ: ܘܐܸܠܵܐ ܢܸܚ̇ܬܹܬܼ ܓܲܫ̇ܬܵܗ̇ ܠܗܵܘܬܼܵܐ ܠܵܐ ܗܵܦܹ̇ܟܼ ܐ̄ܢܵܐ܀ ܨܲܠܡܹܗ ܕܐܲܒܼܵܐ ܛܒܲܥ̣ ܒܲܣܝܵܢܵܐ ܘܗܵܐ ܢܵܚܹ̇ܬܼ ܐ̄ܢܵܐ: ܐܸܕܼܠܹܝܘܗܝ ܒܲܩܢܘܿܡܝ ܘܐܸܠܵܐ ܫܩܲܠ̇ܬܹܗ ܠܵܐ ܣܵܠܹ̇ܩ ܐ̄ܢܵܐ܀ 498 ܡ̣ܢ ܦܲܪܕܲܝܣܵܐ ܠܩܲܒܼܪܵܐ ܫܕܼܵܝܗܝ ܗ̄ܘܼܵܐ ܚܸܘܝܵܐ ܠܐܵܕܵܡ: ܘܥܲܠܗܵܝ̇ ܐܸܬܹܝ̇ܬܼ ܐܸܥܘܿܠ ܐܲܦܩܹܗ ܡ̣ܢ ܐܲܒܼܕܵܢܵܐ܀ ܐܸܢܗ̤ܘ ܕܚܵܣ ܠܝܼ ܐܸܣܒܿܘܿܠ - ܕܐܣܒܘܠ O. ܚܲܫܹ̈ܐ ܐܵܡܲܪ ܐܲܢ̄ܬܿ ܠܝܼ: ܡܵܕܹܝܢ ܚܵܣ ܠܹܗ ܠܥܵܠܡܵܐ ܕܢܸܚܸܐ ܐܲܝܟܼ ܕܐܵܡܲܪ ܐܲܢ̄ܬܿ܀ ܡܸܠܬܼܵܟܼ ܗܵܕܲܐ ܗ̣̄ܝ ܐܹܦܘܼܫ - ܕܐܦܘܫ O. ܐܸܢܵܐ ܡ̣ܢ ܓܵܓܼܘܼܠܬܵܐ: ܘܲܢܦܘܼܫ ܒܲܫܝܘܿܠ ܨܲܠܡܵܐ ܪܲܒܵܐ ܕܠܵܐ - ܘܠܐ O. ܢܸܬܼܚܲܕܲܬܼ܀ ܗܵܢܵܘ ܡܸܠܟܵܟܼ ܕܐܲܪܦܸܐ ܙܩܝܼܦܵܐ ܘܠܵܐ ܐܸܣܲܩ ܠܹܗ: ܘܢܸܒܼܠܸܐ ܬܲܡܵܢ ܐܵܕܼܵܡ ܒܲܫܝܘܿܠ ܐܲܝܟܵܐ ܕܐܝܼܬܼܵܘܗܝ܀ ܐܸܢ ܠܝܼ ܬܸܟܼܠܸܐ ܡ̣ܢ ܨܹܝܕܼ ܡܵܘܬܵܐ ܠܚܲܝܹ̈ܐ ܣܵܢܹ̇ܝܬܿ: ܕܐܸܠܵܐ ܡܝܼ̇ܬܹܬܼ ܠܵܐ ܡܸܫܬܲܟܼܚܝܼܢ ܚܲܝܹ̈ܐ ܠܐܵܕܼܵܡ܀ ܫܒܼܝܼܬܼܵܐ ܚܒܼܝܼܫܵܐ(ܒܢܸܩ̈ܥܲܝ ܩܲܒܼܪܹ̈ܐ - ܒܢܩܥܐ ܕܩܒܪ̈ܐ O. ܘܗܵܐ ܐܵܙܹ̇ܠ ܐ̄ܢܵܐ: ܐܲܝܬܸܐ ܫܒܼܝܼܬܼܵܐ ܠܡܘܿܢ ܬܸܟܼܠܹܝܢܝ ܐܲܢ̄ܬܿ ܡ̣ܢ ܦܘܼܪܩܵܢܵܐ܀ (ܛܪ̈ܘܼܢܹܐ ܕܲܫܝܘܿܠ ܒܲܙܘ - ܛܪܘܢܐ ܕܫܝܘܠ ܒܙ O. ܩܸܢܝܵܢܲܝ̈ ܥܪܘܿܩ ܡ̣ܢ ܩܘܼܕܼܡܲܝ: ܐܹܙܲܠ ܐܲܝܬܸܐ ܩܸܢܝܵܢܝ ܕܲܒܼܙܝܼܙ ܡ̣ܢ ܓܲܢܵܒܹ̈ܐ܀ ܒܢܲܝ̈ ܐܲܒܼܕܵܢܵܐ ܦܲܟܼܪܘܼܗܝ ܠܐܵܕܼܵܡ ܒܹܝܬܼ ܚܸܫܘܿܟܹ̈ܐ: ܐܲܪܦܵܢܝ ܐܸܥܘܿܠ ܐܸܫܪܸܐ ܦܟܼܝܼܪܹ̈ܐ - ܦܟܪ̈ܐ O. ܘܟܸܢ ܗܵܦܹ̇ܟܼ ܐ̄ܢܵܐ܀ ܚܸܘܝܵܐ ܘܚܵܘܵܐ ܡܠܲܟܼܘ ܠܲܚܕܼܵܕܹ̈ܐ ܘܣܲܚ̣ܦܘܼܗܝ ܠܐܵܕܼܵܡ: ܢܸܒܼܛܲܠ ܡܸܠܟܵܟܼ ܕܲܠܗܵܘ̇ ܕܵܡܹ̇ܐ ܐܸܢ ܡܸܬܼܩܲܒܲܠ܀ ܚܵܣ ܠܝܼ ܥܲܠ ܡܘܿܢ ܐܸܢ ܥܵܒܹ̇ܕܼ ܐ̄ܢܵܐ ܥ̇ܒܼܵܕܼܵܐ ܒܲܫܝܘܿܠ: ܘܲܡܬܲܒܲܪ ܐ̄ܢܵܐ ܬܲܪ̈ܥܲܝ - ܠܬܪ̈ܥܝ O. ܡܵܘܬܵܐ ܕܲܒܼܓܼܝܼܪܝܼܢ ܠܹܗ܀ 499 ܘܲܡܓܲܕܹܡ ܐ̄ܢܵܐ ܡܘܼ̈ܟܼܠܹܐ ܪ̈ܵܡܹܐ ܕܒܲܪ̄ܬܼ ܚܸܫܘܿܟܹ̈ܐ: ܘܣܵܬܲܪ ܐ̄ܢܵܐ ܠܹܗ ܠܚܸܣܢܹܗ ܕܡܵܘܬܵܐ ܕܠܵܐ ܢܸܬܼܝܲܬܲܒܼ܀ ܘܡܲܚܪܸܒܼ ܐ̄ܢܵܐ ܠܵܗ̇ ܠܲܡܥܲܕܲܢܬܵܐ ܕܒܼܵܠ̇ܥܵܐ - ܕܒܠܥܬ O. ܕܵܪܹ̈ܐ: ܘܲܡܥܲܩܲܪ ܐ̄ܢܵܐ(ܟܠܗܘܿܢ ܫܘܼܪܹ̈ܝܗ̇ - ܠܫܘܪ̈ܝܗ O. ܒܢܝܼܫܹܗ ܕܲܙܩܝܼܦܝ܀ ܘܗܵܘܹ̇ܐ - ܗܘܐ O. ܐ̄ܢܵܐ ܠܗܘܿܢ ܐܵܪܚܵܐ ܠܡܝܼ̈ܬܹܐ ܬܠܵܬܼܵܐ ܝܵܘܡ̈ܝܼܢ: (ܘܡܲܫܡܲܥ ܐ̄ܢܵܐ ܠܗܘܿܢ ܚܒܼܝܼܫܹ̈ܗ̇ ܕܲܫܝܘܿܠ ܕܬܲܦܸܩ - ܐܦ ܡܫܡܥ ܐ̄ܢܐ ܚܒܝܫ̈ܝܗ̇ ܕܫܝܘܠ ܕܐܦܩ O. ܐܸܢܘܿܢ܀ ܘܡܸܬܼܦܲܠܦܲܠ ܐ̄ܢܵܐ ܒܥܲܦܪܵܐ ܕܡܝܼ̈ܬܹܐ ܘܒܼܵܥܹ̇ܐ ܐ̄ܢܵܐ ܒܹܗ: ܠܙܘܼܙܵܐ ܪܚܝܼܡܵܐ ܕܐܝܼܬܼ ܒܹܗ ܨܲܠܡܲܢ ܕܐܸܬܼܚܲܒܲܠ ܗ̄ܘܼܵܐ܀ ܘܲܒܼܣܲܡ̈ܡܵܢܹܐ ܕܲܙܩܝܼܦܘܼܬܼܵܐ ܒܵܕܹܩ ܐ̄ܢܵܐ ܠܵܗ̇: ܠܨܘܼܪܬܵܐ ܕܚܲܒܸܿܠ̣ ܚܸܘܝܵܐ ܢܟܼܝܼܠܵܐ ܒܹܝܬܼ ܐܝܼܠܵܢܹ̈ܐ܀ ܥܲܠ ܡܘܿܢ ܫܸܡܥܘܿܢ ܬܹܐܡܲܪ ܚܵܣ ܠܵܟܼ ܬܸܣܥܘܿܪ - ܕܬܣܥܘܪ O. ܗܵܠܹܝܢ: ܕܐܸܢ ܠܵܐ ܐܹܡܘܼܬܼ ܟܠܗܹܝܢ ܒܵܛ̈ܠܵܢ ܐܲܝܟܼ ܕܐܵܡܲܪ ܐܲܢ̄ܬܿ܀ ܩܵܝ̇ܡܵܐ(ܡܸܠܬܼܵܟܼ ܠܘܼܩܒܲܠ ܐ̄ܪ̈ܵܙܹܐ ܕܲܢܒܼܝܼܘܼܬܼܵܐ: ܕܐܸܢ ܠܵܐ ܐܸܡܘܼܬܼ ܠܵܐ ܡܸܬܼܓܲܡܪܝܼܢ ܐܲܝܟܼ ܕܐܸܬܼܡܲܠܲܠܘ - ܡܠܬܐ ܠܘܩܒܠ ܪܐܙܐ ̣ ̣ ̣ ̣ ̣ ܡܬܓܡܪ̈ܢ ܕܐܬܡ̈ܠܠܝ܀ ܡܫܝܚܐ ܕܐܬܐ ܘܦ̣ܪܩ ܥܠܡܐ ܒܕܒܝܚܘܬܗ: ܠܟ ܬܫܒܘܚܬܐ ܡ̣ܢ ܟܠ ܦܘ̈ܡܝܢ ܥܠ ܛܝܒܘܬܟ܀ ܫܠܡ ܒܥܘܕܪܢ ܡܪܢ ܘܐܠܗܢ: ܒܒܥܘ ܨܠܘ ܥܠ ܕܟܬܼܒ O.܀ ܐܸܢ ܥܲܠ ܩܲܝܣܵܐ ܠܘܼܩܒܲܠ ܥܲܡܵܐ ܠܵܐ ܬܵܠܹ̇ܝܢ ܠܝܼ: ܡܕܲܓܲܠ ܡܘܼܫܹܐ ܕܚܲܝܹ̈ܐ ܒܩܲܝܣܵܐ ܚ̣ܙܵܐ ܗ̄ܘܼܵܐ ܕܲܬܼܠܹܝܢ܀ ܐܸܠܵܐ ܡܒܲܙܥܝܼܢ ܪܸ̈ܓܼܠܲܝ ܘܐܝܼܕܲܝ̈ ܐܲܝܟܼ ܕܐܵܡܲܪ ܐܲܢ̄ܬܿ: ܢܵܨܹ̇ܐ ܕܵܘܝܼܕܼ ܥܲܠ ܕܐܸܬܼܦܲܪܣܝܼ ܕܠܵܘ ܫܲܪܝܼܪܵܐ ܗ̣ܘ܀ 500 ܘܐܸܢ ܗ̤ܘ ܕܚܲܠܵܐ ܘܡܸܪܬܼܵܐ ܐܸܫܬܸܐ ܠܵܐ ܝܵܗ̇ܒܿܝܼܢ ܠܝܼ: ܒܵܛܹ̇ܠ ܐ̄ܪܵܙܵܐ ܕܲܢܒܼܝܼܘܼܬܼܵܐ ܘܐܲܢ̄ܬܿ ܡܸܬܼܩܲܒܲܠ܀ ܐܸܠܵܐ ܡܦܲܠܸܓܼ ܥܲܡܵܐ ܢܲܚ̈ܬܲܝ ܐܲܝܟܼ ܕܐܸܙܕܲܡܪܲܬ̤: ܡܲܢ ܡܲܫܲܪ ܠܹܗ ܠܕܼܵܘܝܼܕܼ ܡܲܠܟܵܐ ܕܲܢܒܼܝܼܵܐ ܗ̄ܘܼܵܐ܀ ܐܸܢ ܒܹܝܬܼ ܡܝܼ̈ܬܹܐ ܠܵܐ ܗܵܘܹ̇ܐ ܐ̄ܢܵܐ ܐܲܝܟܼ ܕܐܸܬܼܢܲܒܿܝܼ: ܠܡܘܿܢ ܩܵܥܹ̇ܐ ܗ̄ܘܼܵܐ ܕܗܵܐ ܒܹܝܬܼ ܡܝܼ̈ܬܹܐ ܗ̣̄ܘ ܐܸܠܵܐ ܐܹܡܘܼܬܼ܀ ܐܸܢ ܐܲܝܟܼ ܐܸܡܪܵܐ ܠܵܐ ܕܵܒܼܪܝܼܢ ܠܝܼ ܐܸܗܘܸܐ ܕܹܒܼܚܵܐ: ܐܵܦ ܐܹܫܲܥܝܵܐ ܕܲܩܪܵܢܝ ܐܸܡܪܵܐ ܡܸܬܿܕܲܓܲܠ ܠܹܗ܀ ܐܸܠܵܐ ܐܸܫܠܸܐ ܒܲܕܼܡܘܼܬܼ ܢܸܩܝܵܐ ܩܕܵܡ ܓܵܙܘܿܙܵܐ: ܥܵܩܬܼܵܐ ܪܲܒܿܬܼܵܐ ܠܵܘ ܕܲܢܒܼܝܼܵܐ ܕܠܵܐ ܐܸܫܬܲܪܲܪ܀ ܐܸܢ ܫܘܼ̈ܡܵܬܼܵܐ ܕܨܹܨܹ̈ܐ ܒܐܝܼ̈ܕܲܝ ܠܵܐ ܡܸܬܼܚܲܙ̈ܝܵܢ: ܙܟܲܪܝܵܐ ܢܒܼܝܼܵܐ ܡܵܐ ܕܲܡܫܲܐܸܠ ܡܘܿܢ ܐܹܡܲܪ ܠܹܗ܀ ܐܸܠܵܐ ܚܵܫܹ̇ܟܼ ܫܸܡܫܵܐ ܘܢܵܗܲܪ ܒܲܙܩܝܼܦܘܼܬܼܵܐ: ܠܡܘܿܢ ܐܲܡܝܼܪܵܐ ܕܢܸܗܘܸܐ ܢܘܼܗܪܵܐ ܠܥܸܕܵܢ ܪܲܡܫܵܐ܀ ܐܸܠܵܐ ܐܸܗܘܸܐ ܒܠܸܒܵܗ̇ ܕܐܲܪܥܵܐ ܬܠܵܬܼܵܐ ܝܵܘܡ̈ܝܼܢ: ܨܘܼܪܬܹܗ ܕܝܵܘܢܵܢ ܡܸܬܼܠܲܚܝܵܐ ܠܵܗ̇ ܡ̣ܢ ܓܸܠܝܵܢܹ̈ܐ܀ ܐܸܢ ܗ̤ܘ ܕܚܵܣ ܠܝܼ ܐܸܛܥܲܡ ܡܵܘܬܵܐ ܐܲܝܟܼ ܕܲܡܦܝܼܣ ܐܲܢ̄ܬܿ: ܢܒܼܝܹ̈ܐ ܟܠܗܘܿܢ ܒܵܛ̇ܠܝܼܢ ܡܸܟܹܝܠ ܐܲܝܟܼ ܕܐܵܡܲܪ ܐܲܢ̄ܬܿ܀ ܘܗܵܢܵܐ ܦܝܵܣܵܐ ܕܬܸܒܼܛܲܠ ܐܘܼܪܚܵܗ̇ ܕܲܙܩܝܼܦܘܼܬܼܵܐ: ܡ̣ܢ ܣܵܛܵܢܵܐ ܗ̄ܘ̣ ܕܒܼܵܥܹ̇ܐ ܢܕܼܵܘܸܕܼ ܫܲܦܝܼܪ̈ܵܬܼܵܐ܀ ܬܘܼܩܠܬܵܐ ܐܢ̄ܬܿ ܠܝܼ ܒܐܘܼܪܚܵܐ ܕܪܵܕܼܝܵܐ ܠܘܼܩܒܲܠ ܚܲܫܹ̈ܐ: ܠܒܸܣܬܲܪܝ ܙܸܠ ܠܵܟܼ ܐܸܪܕܹܐ ܠܩܘܼܕܼܡܲܝ ܨܹܝܕܼ ܓܵܓܼܘܼܠܬܵܐ܀ 501 ܒܗܵܘ̇ ܦܘܼܪܩܵܢܵܐ ܪܲܒܵܐ ܕܲܥ̣ܒܲܕܼ ܒܲܙܩܝܼܦܘܼܬܹܗ: ܚ̣ܵܪ ܗ̄ܘܼܵܐ ܡܵܪܲܢ ܟܲܕܼ ܣܵܛܵܢܵܐ ܩ̣ܪܵܝܗܝ ܠܲܫܠܝܼܚܵܐ܀ ܚܵܣ ܠܵܟܼ ܕܲܬܼܡܘܼܬܼ ܐܲܝܟܼ ܕܲܠܡܹܐܡܲܪ ܚܵܣ ܠܵܟܼ ܬܸܦܪܘܿܩ: ܘܡܸܛܠܗܵܕܹܐ ܨܲܥ̣ܪܹܗ ܘܫ̣ܵܛܹܗ ܘܐܲܣ̣ܓܲܝܼ ܒܲܣ̣ܪܹܗ܀ ܚ̣ܵܪ ܗ̄ܘܼܵܐ ܘܲܚ̣ܙܵܐ ܕܲܟܼܡܵܐ ܩܸܛܪܹ̈ܐ ܒܡܵܘܬܹܗ ܫܵܪܹܐ: ܘܲܟܼܡܵܐ ܬܲܪ̈ܥܹܐ ܐ̄ܚܝܼ̈ܕܹܐ ܦܵܬܲܚ ܥܲܠ ܕܲܚܒܼܝܼܫܝܼܢ܀ ܘܲܟܼܡܵܐ ܦܵܪܲܥ̇ ܚܵܘܒܲܬܼ ܓܵܘܵܐ ܡ̣ܢ ܫܲܪ̈ܒܼܵܬܼܵܐ: ܘܲܟܼܡܵܐ ܦܲܚܹ̈ܐ ܛܡܝܼܪܹ̈ܐ ܡܬܲܒܲܪ ܕܐܵܟܹ̇ܠܩܲܪܨܵܐ܀ ܘܲܟܼܡܵܐ ܡܫܲܝܸܢ ܒܹܝܬܼ ܥܸܠܵܝܹ̈ܐ ܘܲܠܬܲܚܬܵܝܹ̈ܐ: ܘܲܟܼܡܵܐ ܡܒܲܛܸܠ ܠܪܲܓܿܝܼܙܘܼܬܼܵܐ ܕܐܲܪܡ̣ܝܼ ܚܸܘܝܵܐ܀ ܘܲܟܼܡܵܐ ܡܝܼ̈ܬܹܐ ܡܸܬܼܢܲܚܡܝܼܢ ܒܹܗ ܡܵܐ ܕܡܵܐܹ̇ܬܼ ܗ̣ܘ: ܘܲܟܼܡܵܐ ܚܒܼܝܼ̈ܫܹܐ ܚܵܙܹ̇ܝܢ ܢܘܼܗܪܵܐ ܒܡܲܚܬܹܗ ܠܲܫܝܘܿܠ܀ ܘܲܒܼܗܵܠܹܝܢ ܚ̣ܵܪ ܘܟܲܕܼ ܐܸܬܼܐܲܡܪܲܬ̤ ܚܵܣ ܠܹܗ ܕܲܢܡܘܼܬܼ: ܓܥܲܪ ܗ̄ܘܼܵܐ ܒܪܵܚܡܹܗ ܘܲܫܕܼܵܝܗܝ ܒܵܬܼܪܹܗ ܒܪܘܼܓܼܙܵܐ ܪܲܒܵܐ܀ ܬܘܼܩܠܬܵܐ ܐܢ̄ܬܿ ܠܝܼ ܐܸܢܗ̤ܘ ܕܚܵܣ ܠܵܟܼ ܐܵܡܲܪ ܐܲܢ̄ܬܿ ܠܝܼ: ܕܠܵܘ ܕܐܲܠܵܗܵܐ ܪܵܢܹܝܬܿ ܐܸܠܵܐ ܕܲܒܼܢܲܝ̈ܢܵܫܵܐ܀ ܥܲܠ(ܕܲܓܼܠ̣ܵܐ ܠܵܟܼ ܐܲܒܼܵܐ ܒܚܘܼܒܹܗ ܕܲܒܼܪܹܗ ܐܸܢܵܐ: ܣܵ̇ܒܲܪ ܐܲܢ̄ܬܿ ܠܵܟܼ ܕܐܲܝܟܼ ܨܲܥܪܵܐ ܗ̣̄ܘ ܠܝܼ ܐܸܢ ܡܵܐܹ̇ܬܼ ܐ̄ܢܵܐ܀ ܥܲܠ ܕܝܼܕܲܥܬܵܢܝ ܒܲܪ ܡܲܢ ܐܸܢܵܐ ܡܙܝܼܥ - ܡ̣ܙܥ Sic. ܠܵܟܼ ܡܵܘܬܵܐ: ܕܠܵܐ ܠܲܡ ܐܝܼܬܼ ܠܹܗ ܦܘܼܪܣܵܐ ܕܲܢܡܘܼܬܼ ܒܲܪ ܠܵܐ ܡܵܐܹ̇ܬܼ܀ ܠܵܐ ܡܸܬܼܪܲܥܹܝܬܿ ܕܐܸܢ ܒܵܥܹ̇ܐ ܐ̄ܢܵܐ ܦܫܝܼܩ ܠܝܼ ܐܹܡܘܼܬܼ: 502 ܘܐܸܢ ܡܵܐܹ̇ܬܼ ܐ̄ܢܵܐ ܒܝܼ ܢܛܝܼܪܝܼܢ ܠܝܼ ܚܲܝܹ̈ܐ ܕܲܩܢܘܿܡܝ܀ ܕܲܒܼܢܲܝ̈ܢܵܫܵܐ ܡܸܬܼܪܲܥܸܐ ܐܲܢ̄ܬܿ ܟܲܕܼ ܚ̣ܵܐܲܪ ܐܲܢ̄ܬܿ: ܕܲܠܒܲܪܢܵܫܵܐ ܩܛܝܼܪܵܐ ܕܵܒܲܪ ܢܸܗܘܸܐ ܡܝܼܬܼܵܐ܀ ܘܟܲܕܼ ܠܵܐ ܒܵܥܹ̇ܐ ܡܫܲܥܒܲܕܼ ܕܲܢܡܘܼܬܼ ܒܲܓܼܙܵܪ ܕܝܼܢܵܐ: ܘܩܸܨܵܐ ܡܫܲܦܸܠ ܘܲܡܓܲܪܓܲܪ ܠܹܗ ܒܥܘܼܡܪܵܐ ܕܲܫܝܘܿܠ܀ ܘܢܵܦ̇ܩܵܐ ܪܘܼܚܹܗ ܘܗܵܦܹ̇ܟܼ ܠܐܲܪܥܹܗ ܕܢܸܗܘܸܐ ܥܲܦܪܵܐ: ܘܚܵܙܹ̇ܐ ܚܒܼܵܠܵܐ ܘܒܼܵܠܹ̇ܐ ܘܐܵܒܹ̇ܕܼ ܥܲܠ ܕܲܚܝܼܚܵܐ܀ ܘܲܡܢܲܬܿܫܝܼܢ ܠܹܗ ܣܵܣܵܐ ܘܪܸܡܬܼܵܐ ܒܲܬܼܚܘܼܡܲܝ̈ܗܘܿܢ: ܘܲܠܠܵܐ ܡܸܕܹܡ ܫܵܪܹܟܼ ܬܲܡܵܢ ܒܹܝܼ ܚܸܫ̈ܘܿܟܹܐ܀ ܘܡܸܬܿܛܥܸܐ ܫܲܪܒܹܿܗ ܘܠܵܐ ܬܘܼܒܼ ܦܵܢܹ̇ܐ ܨܹܝܕܼ ܚܲܒܿܝܼܒܼܵܘ̈ܗܝ: ܘܫܵܒܹܿܩ ܪ̈ܵܚܡܵܘܗܝ ܘܠܵܐ ܬܘܼܒܼ ܣܵܒܼܥ̇ܝܲܢ ܡ̣ܢ ܥܸܢܝܵܢܹܗ܀ ܕܲܒܼܢܲܝ̈ܢܵܫܵܐ ܗ̣̄ܝ ܗܵܕܹܐ ܗܵܕܹܐ ܐܘܼܪܚܵܐ ܕܡܸܬܼܪܲܥܸܐ ܐܲܢ̄ܬܿ: ܘܠܵܐ ܡܸܬܼܪܲܥܹܝܬܿ ܗܵܝ̇ ܕܐܲܠܵܗܵܐ ܕܒܼܵܗ̇ ܪܵܕܹܐ ܐ̄ܢܵܐ܀ ܡ̣ܢ ܕܝܼܠܸܦܬܵܢܝ ܕܐܲܠܵܗܵܐ ܐ̄ܢܵܐ ܒܪܹܗ ܕܐܲܠܵܗܵܐ: ܠܵܐ ܡܸܬܼܪܲܥܹܝܬܿ ܕܐܸܢ ܡܵܐܹ̇ܬܼ ܐ̄ܢܵܐ ܡܵܘܬܿܝ ܐܲܟܼܘܵܬܼܝ ܗ̣̄ܘ܀ ܡܵܐ ܕܡܵܐܹ̇ܬܼ ܐ̄ܢܵܐ ܠܵܐ ܚܵܣ̇ܢܝܼܢ ܠܝܼ ܡܘܼ̈ܟܼܠܹܐ ܕܲܫܝܘܿܠ: ܘܠܵܐ ܡܨܸܐ ܡܵܘܬܵܐ ܕܲܢܚܘܼܪ ܒܐܲܦܲܝ̈ ܡܵܐ ܕܢܵܦܹ̇ܩ ܐ̄ܢܵܐ܀ ܘܠܵܐ ܚܵܙܹ̇ܐ ܐ̄ܢܵܐ ܚܒܼܵܠܵܐ ܬܲܡܵܢ ܒܹܝܬܼ ܥܲܢܝܼ̈ܕܹܐ: ܘܠܵܐ ܡܸܫܬܲܠܲܛ ܡܵܘܬܵܐ ܕܢܹܐܚܘܿܕܼ ܬܲܪܥܵܐ ܒܐܲܦܲܝ̈܀ ܘܠܵܐ ܐܵܡ̇ܪܝܼܢ ܠܝܼ ܕܐܸܢ ܥܲܦܪܵܐ ܐܲܢ̄ܬܿ ܐܵܦ ܠܹܗ ܬܸܗܦܘܿܟܼ: ܘܠܵܐ ܡܕܲܝܫܝܼܢ ܠܝܼ ܐܵܟܼܠܵܐ ܘܣܵܣܵܐ ܒܲܥܝܵܕܲܝ̈ܗܘܿܢ܀ ܘܠܵܐ ܚܵܐܹ̇ܒܼ ܐ̄ܢܵܐ ܡ̣ܢ ܐܲܒܼܕܵܢܵܐ ܒܹܝܬܼ ܥܲܢܝܼ̈ܕܹܐ: 503 ܘܠܵܐ ܦܵܟܲܪ ܠܝܼ ܡܵܘܬܵܐ ܒܢܸܩܥܹܗ ܐܲܝܟܼ ܕܲܠܫܲܪܟܵܐ܀ ܘܠܵܐ ܚܵܒܼ̇ܫܵܐ ܠܝܼ ܫܝܘܿܠ ܒܵܠܲܥܬܵܐ ܡܵܐ ܕܢܸܚ̇ܬܹܬܼ ܠܵܗ̇: ܘܠܵܐ ܪܵܡܝܵܐ ܒܝܼ ܪܸܡܬܼܵܐ ܢܝܼܒܼܵܗ̇ ܠܲܡܚܲܒܵܠܘܼ܀ ܘܠܵܐ ܡ̣ܢ ܪ̈ܵܚܡܲܝ ܐܵܒܹ̇ܕܼ ܐ̄ܢܵܐ ܠܝܼ ܐܲܝܟܼ ܒܲܪܢܵܫܵܐ: ܘܠܵܐ(ܩܲܪ̈ܝܼܒܲܝ؟ - Dubie.) ܐܵܡ̇ܪܝܼܢ ܠܲܝܬܵܘܗܝ ܕܐܸܬܼܚܲܒܲܠ ܠܹܗ܀ ܠܵܐ ܐܸܬܼܪܲܥܝܼܬܿ ܕܐܸܢ ܐܲܠܵܗܵܐ ܠܡܵܘܬܵܐ ܩܵܪܹܒܼ: ܚܲܝܹ̈ܐ ܟܣܹܝܢ ܒܹܗ ܐܵܦ ܡܵܐ ܕܡܵܐܹ̇ܬܼ ܢܼ̇ܚܸܐ ܡܝܼ̈ܬܹܐ܀ ܕܲܒܼܢܲܝ̈ܢܵܫܵܐ ܡܸܬܼܪܲܥܸܐ ܐܲܢ̄ܬܿ ܐܘܿ ܬܲܠܡܝܼܕܼܵܐ: ܕܡܵܝ̇ܬܝܼܢ ܘܐܵܒܼ̇ܕܝܼܢ ܘܒܼܵܛܹ̇ܠ ܫܲܪܟܵܐ ܕܕܼܘܼܟܼܪ̈ܵܢܲܝܗܘܿܢ܀ ܠܵܐ ܐܸܬܼܪܲܥܝܼܬܿ ܗܵܝ̇ ܕܐܲܠܵܗܵܐ ܕܡܵܐ ܕܥܵܐܹ̇ܠ ܠܵܗ̇: ܠܲܫܝܘܿܠ ܙܵܝ̇ܥܵܐ ܘܓܼܵܣ̇ܝܵܐ ܡܝܼ̈ܬܹܐ ܕܲܒܼܠܝܼܥܝܼܢ ܠܵܗ̇܀ ܠܵܐ ܐܸܬܼܪܲܥܝܼܬܿ ܕܡܵܐ ܕܐܲܠܵܗܵܐ ܠܩܲܒܼܪܵܐ ܢܵܚܹ̇ܬܼ: ܟܸܢܫܹ̈ܐ ܕܡܝܼ̈ܬܹܐ ܢܵܦ̇ܩܝܼܢ ܠܐܘܼܪܥܹܗ ܡ̣ܢ ܐܲܒܼܕܵܢܵܐ܀ ܕܲܒܼܢܲܝ̈ܢܵܫܵܐ ܡܸܬܼܪܲܥܸܐ ܐܲܢ̄ܬܿ ܕܲܒܼܡܵܘܬܲܝ̈ܗܘܿܢ: ܒܛܸܠ̣ܘ ܚܲܝܲܝ̈ܗܘܿܢ ܘܲܗܘ̤ܵܘ ܥܲܦܪܵܐ ܒܓܼܵܘ ܩܲܒܼܪ̈ܲܝܗܘܿܢ܀ ܠܵܐ ܐܸܬܼܪܲܥܝܼܬܿ ܕܒܲܪ ܐܲܠܵܗܵܐ ܕܥܵܐܹ̇ܠ ܠܲܫܝܘܿܠ: ܥܵܩܲܪ ܘܲܡܣܲܦܸܩ ܠܵܗ̇ ܘܦܵܢܹ̇ܐ ܠܐܲܬܼܪܹܗ܀ ܠܵܐ ܡܸܬܼܪܲܥܹܝܬܿ ܕܐܸܢ ܐܲܠܵܗܵܐ ܡܩܲܒܸܿܠ ܕܲܢܡܘܼܬܼ: ܠܵܐ ܚܵܙܹ̇ܐ ܒܵܗ̇ ܚܒܼܵܠܵܐ ܒܲܫܝܘܿܠ ܐܲܝܟܼ ܒܲܪܢܵܫܵܐ܀ ܘܗܵܐ ܡܸܬܼܪܲܥܹܝܬܿ ܕܲܒܼܢܲܝ̈ܢܵܫܵܐ ܘܠܵܐ ܕܐܲܠܵܗܵܐ: ܕܝܼܠܝ ܗ̣̄ܝ ܐܘܼܪܚܵܐ ܐܲܝܟܼ ܕܝܼܠܝ ܚܘܼܪ ܒܵܗ̇ ܐܸܢ ܚܵܐܲܪ ܐܲܢ̄ܬܿ܀ 504 ܐܸܡ̇ܪܹܬܼ ܠܵܟܼ ܓܹܝܪ ܕܐܵܦ ܡܵܐܹ̇ܬܼ ܐ̄ܢܵܐ ܐܵܦ ܩܵܐܹ̇ܡ ܐ̄ܢܵܐ: ܚܕܼܝܼ ܒܲܩܝܵܡܬܵܐ ܘܡܸܛܠ ܡܵܘܬܵܐ ܠܵܐ ܬܸܟܼܪܸܐ ܠܵܟܼ܀ ܐܘܼܪܚܵܐ ܐܝܼܬܼ ܠܝܼ ܓܵܓܼܘܼܠܬܵܐ ܠܥܘܼܡ̈ܩܹܐ ܕܲܫܝܘܿܠ: ܘܐܸܠܵܐ ܒܚܲܫܹ̈ܗ̇ ܕܲܙܩܝܼܦܘܼܬܼܵܐ ܠܵܐ ܡܸܬܿܕܲܪܫܵܐ܀ ܬܠܵܬܼܵܐ ܝܵܘܡ̈ܝܼܢ ܚܘܼܪ ܠܝܼ ܗܵܪܟܵܐ ܥܲܕܼ ܐܵܬܹܿܐ ܐ̄ܢܵܐ: ܕܠܵܘ ܡܹܐܙܲܠܬܵܐ ܗ̣̄ܝ ܕܲܒܼܢܲܝ̈ܢܵܫܵܐ ܡܵܐ ܕܐܵܬܹܿܐ ܐ̄ܢܵܐ܀ ܐܹܙܲܠ ܐܸܥܒܸܕܼ ܫܲܗܪܵܐ ܠܡܝܼ̈ܬܹܐ ܬܠܵܬܼܵܐ ܝܘ̇ܡ̈ܝܼܢ: ܘܐܸܦ̮ܬܲܚ ܠܗܘܿܢ ܬܲܪ̈ܥܹܐ ܕܲܫܝܘܿܠ ܕܐܲܚܝܼܕܼܝܸܢ ܗ̄ܘܼܵܘ܀ ܬܪܹܝܢ ܡܲܣܝ̈ܘܿܢܝܼܢ ܒܐܘܼܪܚܹܗ ܕܡܵܘܬܵܐ ܐܝܼܬܼ ܠܝܼ ܐܸܪܕܹܐ: ܘܐܵܬܹ̇ܐ ܐ̄ܢܵܐ ܠܝܼ ܒܗܵܘ̇ ܕܲܬܼܠܵܬܼܵܐ ܠܵܐ ܬܸܟܼܪܸܐ ܠܵܟܼ܀ ܦܫܝܼܩ ܠܝܼ ܐܹܡܘܼܬܼ ܘܲܦܫܝܼܩ ܐܸܚܸܐ ܘܫܲܠܝܼܛ ܗ̣̄ܘ ܠܝܼ: ܐܸܙܲܠ ܘܐܹܬܸܐ ܡܵܐ ܕܒܼܵܥܹ̇ܐ ܐ̄ܢܵܐ ܘܠܵܐ ܟܵܠܹ̇ܝܢ ܠܝܼ܀ ܠܵܐ ܡܸܬܿܬܲܚܕܝܼܢ ܬܲܪ̈ܥܹܝܗ̇ ܕܲܫܝܘܿܠ ܡܵܐ ܕܥܸܠܹ̇ܬܼ ܠܵܗ̇: ܡܸܠܦܲܠ ܢܵܦ̇ܠܵܐ ܘܩܵܝ̇ܡܝܼܢ ܡܝܼ̈ܬܹܐ ܕܲܚܒܼܝܼܫܝܼܢ ܒܵܗ̇܀ ܡܸܫܟܲܚ ܐ̄ܢܵܐ(ܓܝܹܪ ܕܐܹܣܝܼܡܝܼܗ̇ ܢܲܦ̮ܫܝ ܐܸܢ ܨܵܒܹ̇ܐ؟ - Ab edit. Add. (ܝܘܚܢܢ ̣ ܝ ̣ ܝܚ ̣) ܐ̄ܢܵܐ: ܘܡܵܐ ܕܒܼܵܥܹ̇ܐ ܐ̄ܢܵܐ ܫܵܩܹ̇ܠ ܐ̄ܢܵܐ ܠܵܗ̇ ܘܫܲܠܝܼܛ ܗ̣̄ܘ ܠܝܼ܀ ܠܵܐ ܗ̄ܘܼܵܐ ܐ̄ܚܪܹܢܵܐ ܫܵܩܹ̇ܠ ܠܵܗ̇ ܡܹܢܝ ܡܵܐ ܕܡܵܐܹ̇ܬܼ ܐ̄ܢܵܐ: ܕܐܸܢܵܐ ܒܨܸܒܼܝܵܢܝ ܒܐܝܼ̈ܕܲܝ ܐܲܒܼܵܐ ܣܐܹ̇ܡ ܐ̄ܢܵܐ ܠܵܗ̇܀ ܘܠܵܐ ܡܸܬܼܪܲܥܹܝܬܿ ܗܵܝ̇ ܕܐܲܠܵܗܵܐ ܕܗܵܟܲܢ ܡܸܫܟܲܚ: ܐܸܠܵܐ ܒܡܵܘܬܵܐ ܕܲܒܼܢܲܝ̈ܢܵܫܵܐ ܗܵܐ ܚܵܐܲܪ ܐܲܢ̄ܬܿ܀ ܒܥܸܠܬܹܗ ܕܫܸܡܥܘܿܢ ܝܸܠܦܲܬ̤ ܥܹܕܬܵܐ ܡ̣ܢ ܦܵܪܘܿܩܲܢ: 505 ܕܡܵܐ ܕܲܢܦܲܠ̣ ܒܵܗ̇ ܫܲܪܒܵܐ ܕܡܵܘܬܹܗ ܠܵܐ ܬܸܟܼܪܸܐ ܠܵܗ̇܀ ܡܡܝܼܬܼܵܢܹܗ ܗ̣̄ܘ ܕܡܵܘܬܵܐ ܡܵܘܬܹܗ ܕܒܲܪ ܐܲܠܵܗܵܐ: ܘܐܵܦ ܡܲܚܫܵܢܵܐ ܕܚܲܫܹ̈ܐ ܚܲܫܹܗ ܠܲܕܼܝܵܕܲܥ̇ ܠܹܗ܀ ܚܲܫ̣ܘ ܒܹܗ ܚܲܫܹ̈ܐ ܟܲܕܼ ܚܵܐܹ̇ܫ ܗ̄ܘܼܵܐ ܥܲܠ ܓܵܓܼܘܼܠܬܵܐ: ܘܡܝܼܬܼ ܒܹܗ ܡܵܘܬܵܐ ܟܲܕܼ ܡܵܐܹ̇ܬܼ ܗ̄ܘܼܵܐ ܘܠܹܗ ܠܵܐ ܐܲܟܿܝܼ܀ ܐܲܠܦ̣ܵܗ̇ ܠܥܹܕܬܵܐ ܒܐܝܼ̈ܕܲܝ ܫܸܡܥܘܿܢ ܪܹܫ ܬܲܠܡܝܼ̈ܕܹܐ: ܕܢܸܗܘܸܐ ܪܚܝܼܡ ܠܵܗ̇ ܛܸܒܵܐ ܕܩܸܛܠܹܗ ܡܵܐ ܕܡܸܬܼܡܲܠܲܠ܀ ܒܡܲܟܿܣܵܢܘܼܬܼܵܐ ܐܵܦ ܒܲܟܼܐܵܬܼܵܐ ܕܡܲܠܝܵܐ ܪܘܼܓܼܙܵܐ: ܛܪܲܕܼ ܚܘܼܫܵܒܹ̈ܐ ܦܲܓܼܪ̈ܵܢܵܝܹܐ ܡ̣ܢ ܬܲܠܡܝܼܕܼܵܐ܀ ܘܲܠܣܵܛܵܢܵܐ ܙܓܲܪ ܡ̣ܢ ܥܹܕܬܵܐ ܕܠܵܐ ܢܸܙܪܘܿܥ ܒܵܗ̇: ܪܸܢܝܵܐ ܪܲܦܝܵܐ ܕܕܼܵܚܹ̇ܠ ܢܵܘܕܹܐ ܒܡܵܘܬܹܗ ܕܲܒܼܪܵܐ܀ ܘܠܹܗ ܠܬܲܠܡܝܼܕܼܵܐ ܫܲܩ̣ܠܹܗ ܨܹܐܕܼܵܘܗܝ ܡ̣ܢ ܣܵܛܵܢܵܐ: ܟܲܕܼ ܠܵܐ ܕܵܚܹ̇ܠ ܢܸܫܡܲܥ ܛܸܒܹ̈ܐ ܕܲܙܩܝܼܦܘܼܬܼܵܐ܀ ܘܗܵܘ̇ ܕܐܸܨܛܲܥܲܪ ܒܲܫܡܹܗ ܫܲܢ̣ܝ ܕܢܘܼܟܼܪܵܝܵܐ ܗ̄ܘܼܵܐ: ܘܲܫܩܲܠ̣ ܥܲܡܹܗ ܐܵܦ ܚܘܼܫܵܒܹ̈ܐ ܪ̈ܦܲܝܵܐ ܕܐܲܝܬܿܝܼ܀ ܥܪܲܩ̣ ܣܵܛܵܢܵܐ ܠܒܸܣܬܲܪ ܝܼܫܘܼܥ ܘܦܵܫ̣ ܬܲܠܡܝܼܕܼܵܐ: ܩܕܼܵܡܵܘܗܝ ܕܲܒܼܪܵܐ ܟܲܕܼ ܡܸܬܼܓܵܘܲܣ ܒܲܙܩܝܼܦܘܼܬܹܗ܀ ܙܸܠ ܣܵܛܵܢܵܐ ܠܵܘ ܙܸܠ ܫܸܡܥܘܿܢ ܡܸܫܬܲܡܥܵܐ ܗ̄ܘܼܵܬܼ: ܘܐܸܙܲܠ̣ ܒܝܼܫܵܐ ܘܩ̣ܵܘܝܼ ܫܠܝܼܚܵܐ ܢܵܘܕܹܐ ܪܲܒܹ̇ܗ܀ ܡܸܠܟܹ̈ܐ ܪ̈ܦܲܝܵܐ ܕܡ̣ܢ ܣܵܛܵܢܵܐ ܥܪܲܩ̣ܘ ܡ̣ܢ ܫܸܡܥܘܿܢ: ܘܦܵܫ̣ ܗ̄ܘܼܵܐ ܟܹܐܦܵܐ ܟܲܕܼ ܗ̤ܘ ܟܹܐܦܵܐ ܒܓܼܵܘ ܒܸܢܝܵܢܵܐ܀ ܠܒܲܟܼ ܗ̄ܘܼܵܐ ܠܪܵܚܡܹܗ ܒܲܪ ܐܲܠܵܗܵܐ ܒܨܲܥܪܵܐ ܕܲܫ̣ܕܼܵܐ: 506 ܘܲܥܪܲܩ̣ ܣܵܢܵܐܵܐ ܕܠܵܐ ܢܥܲܪܩܸܠ ܗ̄ܘܼܵܐ ܐܘܼܪܚܹܗ ܕܲܒܼܪܵܐ܀ ܬܪܲܨ ܦܲܪܨܘܿܦܹܗ ܠܘܼܩܒܲܠ ܚܲܫܹ̈ܐ ܕܠܵܐ ܕܘܼܘܵܕܼܵܐ: ܒܪܝܼܟܼ ܕܲܒܼܡܵܘܬܹܗ ܐܲܚܝܼ ܠܟܼܠܗܘܿܢ ܫܟܼܝܼܒܹ̈ܝܗ̇ ܕܲܫܝܘܿܠ܀ ܫܠܸܡܼ ܥܲܠ ܗܵܝ̇ ܕܐܸܡܲܪ ܡܵܪܲܢ ܠܫܸܡܥܘܿܢ: ܕܙܸܠ ܠܵܟܼ ܠܒܸܣܬܲܪܝ - ܠܒܣܬܪܼ Sic. ܣܵܛܵܢܵܐ ̣