Jacob of Serugh. “On the Lenten Fast III - ܥܲܠ ܨܵܘܡܵܐ ܩܲܕܝܼܫܵܐ ܕܐܲܪܒܿܥܝܼܢ ܓ.” Based upon Paul Bedjan ed., Homiliae selectae Mar-Jacobi Sarugensis vol. 1 (Paris: Harrassowitz, 1905). Digital Syriac Corpus. Last modified March 30, 2018. https://syriaccorpus.org/364.
    
        
            
                 588 
                ܕܝܼܠܹܗ ܕܩܲܕܝܼܫܵܐ ܡܵܪܝ ܝܲܥܩܘܿܒܼ
                ܡܐܡܪܐ .ܟܗ.
                .ܓ.( ܕܓ̄ Sic
                    P.) ܕܥܲܠ ܨܵܘܡܵܐ ܩܲܕܝܼܫܵܐ ܕܐܲܪܒܥܝܼܢ.
            
            
                .ܓ.( ܕܓ̄ Sic
                    P.) ܕܥܲܠ ܨܵܘܡܵܐ ܩܲܕܝܼܫܵܐ ܕܐܲܪܒܥܝܼܢ.
            ܠܫܲܪܒܹܗ ܕܨܵܘܡܵܐ ܬܘܼܒܼ ܣܵܒܹ̇ܟܼ ܐ̄ܢܵܐ ܠܲܡܡܲܠܵܠܘܼ: ܐ̄ܫܘܵܢܝ ܪܲܒܿܘܼܠܝܼ ܕܐܹܡܲܪ ܘܐܵܘܬܲܪ
                ܠܲܕܼܫܵܡܲܥ̇ ܠܝܼ܀ ܥܲܠ ܝܵܘ̈ܡܵܬܼܵܐ ܕܬܼܵܒܼ̇ܥܝܼܢ ܪܲܗܛܵܐ ܕܙܲܕܝܼܩܘܼܬܼܵܐ: ܗܵܐ
                ܪܵܦܹ̇ܬܼ ܒܝܼ ܡܹܐܡܪܵܐ ܗܲܒܼ ܠܝܼ ܕܒܼܵܟܼ ܐܹܡܲܠܸܠ܀ ܡܲܠܦܵܢܝ ܟܹܐܢܵܐ ܐܲܗܓܵܢܝ ܫܲܪܒܵܐ ܡܠܸܐ
                ܝܘܼܬܼܖ̈ܵܢܹܐ: ܕܐܸܬܼܢܸܐ ܫܲܪܒܹܗ ܠܥܹܕܬܵܐ ܕܚܲܣܝܼܬܿ ܒܲܕܼܒܼܝܼܚܘܼܬܼܵܟܼ܀ ܗܵܐ
                ܝܘܼܠܦܵܢܵܐ ܕܢܲܚ̣ ܕܲܢܡܲܠܸܠ ܢܲܗܝܼܪܵܐܝܼܬܼ: ܖ̈ܵܚܡܲܝ ܩܘܼܫܬܵܐ ܗܲܒܼܝ ܠܝܼ( ܠܗ L.)
                ܨܵܘܬܵܐ ܕܲܢܒܲܣܸܡܟܼܘܿܢ܀ ܬܵ. ܨܲܝܵܡܹ̈ܐ ܕܥܲܠ ܦܵܬܼܘܿܪܹܗ ܕܡܲܠܟܵܐ ܢܸܓܼܢܸܐ: ܘܲܕܼܠܵܐ
                ܠܲܚܡܵܐ ܢܸܒܼܣܲܡ ܝܵܘܡܵܢ ܪܘܼܚܵܢܵܐܝܼܬܼ܀ ܬܵܘ ܐܲܬܼܠܹܝ̈ܛܹܐ ܕܥܲܠܘ ܠܐܵܓܼܘܿܢܵܐ
                ܕܙܲܕܝܼܩܘܼܬܼܵܐ: ܢܡܲܠܸܠ ܗܵܫܵܐ ܥܲܠ ܚܸܙܘܵܢܹ̈ܐ( ܚܙܘܢܐ R.) ܕܨܵܘܡܵܐ ܡܵܢܵܘ܀ ܬܵܘ
                ܕܲܠܒܼܝܼܫܝܼܢ ܙܲܝܢܵܐ ܕܲܚܫܝܼܠ ܡ̣ܢ ܙܸܕܼ̈ܩܵܬܼܵܐ: ܣܕܼܘܿܪܘ ܒܲܩܪܵܒܼܵܐ ܕܐܵܟܹ̇ܠܩܲܪܨܵܐ
                ܡܬܲܚ̣ ܠܸܓܼܝܘܿܢܵܘ̈ܗܝ܀ ܬܵܘ ܟܲܫܝܼܖܹ̈ܐ ܕܫܵܕܹܝܢ ܓܹܐܖܹ̈ܐ ܕܲܨ̈ܠܵܘܵܬܼܵܐ:
                    ܬܟܲܒܼܘ(
                        ܬܟܘܒܘ P. R.) ܠܲܩܪܵܒܼܵܐ ܕܫܹܐܕܹ̈ܐ ܓܵܙ̇ܡܝܼܢ ܥܲܠ ܨܵܘܡܲܝ̈ܟܘܿܢ܀
             589 
            ܗܵܐ ܣܸܡܵܠܵܐ ܣܕܼܝܼܪܵܐ ܒܕܲܪܵܐ ܥܲܠ ܝܲܡܝܼܢܵܐ: ܪܗܲܛܘ ܠܲܫܡܲܝܵܐ ܕܥܲܬܼܘ ܒܐܵܓܼܘܿܢܵܐ
                ܕܢܸܨܚܵܢܲܝ̈ܟܘܿܢ܀ ܡܥܵܕܼ ܗ̣̄ܘ ܨܵܘܡܵܐ ܕܢܲܝܬܸܐ ܟܠܝܼ̈ܠܹܐ ܕܙܲܕܝܼܩܘܼܬܼܵܐ: ܠܐ̄ܢܵܫܵܐ
                ܕܪܲܚܡܘܼܗܝ ܘܲܒܼܢܸܨ̈ܚܵܢܹܐ ܢܲܥܬܲܪ ܐܸܢܘܿܢ܀ ܡܥܵܕܼ ܗ̣̄ܘ ܕܢܸܦܟܿܘܿܪ ܠܲܒܼܥܸܠܕܲܪܵܐ ܩܕܼܵܡ
                ܨܲܝܵܡܹ̈ܐ: ܘܲܒܼܬܲܟܼܬܘܼܫܵܐ (ܢܡܲܟܸܟܼ ܥܘܼܫܢܵܐ( ܢܡܟ ܥܘܫܢܗ R.) ܕܪܹܫܵܐ ܕܐܵܐܲܪ܀
                ܡܥܵܕܼ ܗ̣̄ܘ ܕܢܲܦܸܩ ܐ̄ܖ̈ܵܙܹܐ ܟܣܲܝ̈ܵܐ ܕܒܹܝܬܼ ܐܲܠܵܗܵܐ: ܘܢܸܓܼܠܸܐ ܠܥܵܠܡܵܐ ܥܲܠ
                ܒܵܪܘܿܝܹܗ ܒܬܲܗܪܵܐ ܪܲܒܵܐ܀ ܡܸܫܟܲܚ ܨܵܘܡܵܐ ܚܸܠܡܹ̈ܐ ܠܡܸܦܫܲܪ ܘܩܸܛܖܹ̈ܐ ܠܡܸܫܪܵܐ:
                ܘܟܼܠ ܟܲܣ̈ܝܵܬܼܵܐ ܢܲܦܸܩ ܢܸܦܪܘܿܣ ܥܲܠ ܐܸܓܵܖܹ̈ܐ܀ ܦܫܝܼܩ ܠܹܗ ܠܨܵܘܡܵܐ ܚܲܝܠܵܐ
                ܕܢܘܼܪܵܐ ܠܲܡܕܲܥܵܟܼܘܼ: ܘܡ̣ܢ ܓܵܘܙܲܠܬܵܐ ܛܲܠܵܐ ܢܸܪܘܿܣ ܥܲܠ ܨܲܝܵܡܹ̈ܐ܀ ܐܝܼܬܼ ܒܹܗ
                ܚܲܝܠܵܐ ܕܲܠܚܲܝ̈ܘܵܬܼܵܐ ܨܵܘܡܵܐ ܢܲܠܸܦ: ܘܢܲܪܡܸܐ ܒܠܵܡܵܐ ܒܦܘܼܡܵܐ ܕܚܝܼܠܵܐ
                ܕܐܲܖ̈ܝܵܘܵܬܼܵܐ܀ ܡܘܼܫܹܐ ܒܨܵܘܡܵܐ ܡܛ̣ܵܐ ܕܠܲܫܟܼܝܼܢܬܹܗ ܕܪܵܡܵܐ ܢܸܚܙܸܐ: ܘܐ̄ܖ̈ܵܙܹܐ
                ܟܣܲܝ̈ܵܐ ܢܡܲܠܸܠ ܥܲܡܹܗ ܡ̣ܢ ܥܲܪܦܸܠܵܐ܀ ܐܲܝܟܼ ܕܲܠܠܲܚܡܵܐ ܐܲܟܼܠܹܗ ܠܨܵܘܡܵܐ ܒܛܘܼܪܵܐ
                ܡܘܼܫܹܐ: ܘܲܫܡܸܢ ܘܲܫܦܲܪ ܘܐܸܙܕܲܗܝܼ ܒܹܗ ܕܠܵܐ ܡܹܐܟܼܘܼܠܬܵܐ܀ ܨܵܡ̣ ܡ̣ܢ ܠܲܚܡܵܐ ܘܥܲܠ
                ܦܵܬܼܘܿܪܹܗ ܓܢ̣ܵܐ ܕܐܲܠܵܗܵܐ: ܐܸܟܲܠ̣ ܢܘܼܗܪܵܐ ܘܐܸܫܬܝܼ ܙܝܼܘܵܐ ܘܲܩܢ̣ܵܐ ܫܘܼܦܪܵܐ܀
                ܐܸܬܼܒܲܣܲܡ ܗ̄ܘ̣ܵܐ ܒܚܲܡܪܵܐ ܕܲܥܨܝܼܪ ܡ̣ܢ ܥܲܖ̈ܦܸܠܹܐ:
             590 
            ܘܲܩܢ̣ܵܐ ܓܵܘܢܵܐ ܕܫܲܠܗܹܒܼܝܼܪܬܼܵܐ ܒܐܵܕܼܫܵܐ ܚܲܠܝܵܐ܀ ܥ̣ܒܲܕܼ ܠܹܗ ܨܵܘܡܵܐ ܚܕܼܵܐ
                ܫܵܪܘܼܬܼܵܐ ܕܡܲܠܝܵܐ ܚܲܝܹ̈ܐ: ܒܗܵܝ̇ ܡܹܐܟܼܘܼܠܬܵܐ ܕܠܲܝܬܿ ܐܵܦܘܼܣܝܵܐ ܠܲܛ̈ܥܵܡܵܬܼܵܗ̇܀
                ܚܙܵܬܹܗ ܕܡܵܪܝܵܐ ܡܠܵܬܹܗ ܣܲܒܼܥܵܐ ܠܗܵܘ̇ ܨܲܝܵܡܵܐ: ܘܲܒܼܓܸܠܝܵܢܵܘ̈ܗܝ ܡܸܬܼܦܲܛܲܡ
                ܗ̄ܘ̣ܵܐ ܪܘܼܚܵܢܵܐܝܼܬܼ܀ ܐܲܥܠܹܗ ܨܵܘܡܵܐ ܠܒܲܝܬܵܐ ܕܐ̄ܖ̈ܵܙܹܐ ܘܩܵܡ̣ ܚ̣ܵܘܝܼ ܠܹܗ:
                ܒܝܼܪܲܬܼ ܥܵܠܡܵܐ(
                        ܥܠܡ̈ܐ R.) ܟܲܕܼ ܡܸܬܼܒܲܢܝܵܐ ܡ̣ܢ ܠܵܐ ܡܸܕܸܡ܀ ܐܸܨܛܲܠܲܠ ܗ̄ܘ̣ܵܐ ܡ̣ܢ
                ܡܹܐܟܼ̈ܠܵܬܼܵܐ ܝܲܩܝܼܖ̈ܵܬܼܵܐ: ܘܲܢܗܲܪ ܗܵܘܢܹܗ ܕܲܠܟܲܣ̈ܝܵܬܼܵܐ ܒܓܸܠܝܵܐ ܢܸܚܙܸܐ܀ ܡ̣ܢ
                ܡܹܐܟܼܘܼܠܬܵܐ ܝܵܩ̇ܪܝܼܢ ܖܸ̈ܓܼܫܹܝܗ̇ ܕܢܲܦ̮ܫܵܐ ܬܸܦܸܠ: ܡ̣ܢ ܝܑܼܕܲܥܬܼܵܐ ܟܣܝܼܬܼܵܐ
                ܕܐ̄ܖ̈ܵܙܹܐ ܐܲܠܵܗܵܝܹ̈ܐ܀ ܟܠ ܬܲܠܡܝܼܕܼܵܐ ܕܡܲܣܓܸܐ ܐܵܟܹ̇ܠ ܠܵܘ ܝܵܠܘܿܦܵܐ ܗ̣̄ܘ:
                ܕܲܒܼܡܹܐܟܼܘܼܠܬܹܗ ܝܵܩܲܪ ܗܵܘܢܹܗ( ܡܕܥܗP. L. ) ܡ̣ܢ ܝܘܼܠܦܵܢܵܐ܀ ܡܘܼܫܹܐ
                ܘܐܵܕܼܵܡ ܬܪܹܝܢ ܬܲܠܡܝܼ̈ܕܹܐ ܗܘ̤ܵܘ ܠܐܲܠܵܗܵܐ: ܚܲܕܼ ܨܵܡ̣ ܘܝܼܠܸܦ̣ ܘܚܲܕܼ ܥܲܠ ܕܐܸܟܲܠ̣
                ܣܸܦ̣ܪܹܗ ܐܵܘܒܸܿܕܼ܀ ܕܠܵܐ ܒܥܸܕܵܢܵܐ ܐ̄ܟܲܠ̣ ܬܲܠܡܝܼܕܼܵܐ ܦܹܐܪܵܐ ܒܲܥܕܸܢ: ܘܲܒܼܗܵܝ̇
                ܥܸܠܬܼܵܐ ܛ̣ܥܵܝܗܝ ܡܘܿܢ ܕܝܼܠܸܦ̣ ܡ̣ܢ ܐܲܠܵܗܵܐ܀ ܣܵܦ̇ܪܹܗ ܪܲܒܵܐ ܐܲܣܓܿܝܼ ܦܲܩܕܹܗ ܕܠܵܐ
                ܢܹܐܟܼܘܿܠ ܗ̄ܘ̣ܵܐ܀ ܘܥܲܠ ܕܐܸܟܲܠ̣ ܗ̄ܘ̣ܵܐ ܬܘܼܒܼ ܝܘܼܠܦܵܢܵܐ ܠܵܐ ܩܲܒܸܿܠ̣ ܗ̄ܘ̣ܵܐ܀
                ܡ̣ܢ ܡܹܐܟܼܘܼܠܬܹܗ ܡܲܕܿܥܹܗ ܘܠܸܒܹܗ ܐܸܬܼܥܲܒܿܝܼ ܗ̄ܘ̣ܵܐ: ܘܠܵܐ ܥ̣ܪܵܐ ܢܹܐܠܲܦ ܗܵܘ̇
                ܢܵܡܘܿܣܵܐ ܕܡܲܚܸܐ ܗ̄ܘ̣ܵܐ ܠܹܗ܀
             591 
            ܐܲܛܡܲܬ̤ ܢܲܦ̮ܫܹܗ ܒܦܹܐܪܵܐ ܕܐܸܟܲܠ̣ ܡ̣ܢ ܐܝܼܠܵܢܵܐ: ܙܚܸܫܟܲܬ̤ ܟܸܡܗܲܬ̤ ܡ̣ܢ ܣܘܼܟܵܠܵܐ
                ܪܘܼܚܵܢܵܝܵܐ܀ ܐ̄ܟܲܠ̣ ܘܐܸܬܼܢܲܬܲܥ( ܘܐܬܬܪܥ R.) ܡ̣ܢ ܗܵܘ̇ ܛܲܟܼܣܵܐ ܕܪܘܼܚܵܢܘܼܬܼܵܐ:
                ܘܲܕܼܢܹܐܠܲܦ ܬܘܼܒܼ ܠܵܐ ܐܸܫܟܲܚ ܗ̄ܘ̣ܵܐ ܕܝܼܩܲܪ ܗ̄ܘ̣ܵܐ ܠܹܗ܀ ܝܸܩܪܲܬ̤ ܥܠܵܘܗܝ ܗܵܝ̇
                ܡܹܐܟܼܘܼܠܬܵܐ ܕܐܸܬܼܝܲܥܲܢ ܒܵܗ̇: ܘܥܲܠ ܕܲܒܼܪܸܓܿܬܼܵܐ ܫܲܩ̣ܠܵܗ̇ ܩܛܲܠܬܹܗ ܘܬܼܘܼܒܼ ܠܵܐ
                ܦܲܫܪܵܗ̇܀ ܥܲܠ̣ ܕܹܝܢ ܡܘܼܫܹܐ ܒܲܪ ܠܹܘܵܝܹ̈ܐ ܕܢܹܐܠܲܦ ܐܵܦ ܗ̤ܘ: ܘܲܢ̣ܛܲܪ ܢܲܦ̮ܫܹܗ
                ܡ̣ܢ ܡܹܐܟܼܘܼܠܬܵܐ ܕܠܵܐ ܢܹܐܩܲܪ ܒܵܗ̇܀ ܐܲܪܓܸܫ̣ ܒܐܵܕܼܵܡ ܕܡܸܛܠ ܕܐܸܟܲܠ̣ ܛܲܪܕܹܗ ܪܲܒܹܿܗ:
                ܘܲܚܣܲܠ̣ ܦܘܼܡܹܗ ܡ̣ܢ ܡܹܐܟܼ̈ܠܵܬܼܵܐ ܕܢܸܗܘܸܐ ܢܲܗܝܼܪ܀ ܒܗܵܘܢܵܐ ܪܲܒܵܐ ܕܵܩܹܗ
                ܠܨܵܘܡܵܐ ܕܡܸܫܟܲܚ ܡܲܠܸܦ: ܐ̄ܖ̈ܵܙܹܐ ܟܣܲܝ̈ܵܐ ܘܲܣܬܼܝܼܖ̈ܵܬܼܵܐ ܕܒܹܝܬܼ ܐܲܠܵܗܵܐ܀
                ܒܡܲܟܿܝܼܟܼܘܼܬܹܗ ܝܲܠܦܹܗ ܠܨܵܘܡܵܐ ܕܒܹܗ ܡܸܬܼܦܲܬ̈ܚܵܢ: ܥܲܝ̈ܢܹܐ ܕܢܲܦ̮ܫܵܐ ܕܬܸܗܘܸܐ
                ܡܕܼܝܼܩܵܐ ܥܲܠ ܟܲܣ̈ܝܵܬܼܵܐ܀ ܚ̣ܙܵܐ ܕܥܲܠ ܕܐܸܟܲܠ̣ ܐܵܕܼܵܡ ܐܲܦܩ̣ܘܼܗܝ ܡ̣ܢ ܦܲܪܕܲܝܣܵܐ:
                ܘܨܵܡ̣ ܗ̤ܘ ܕܢܸܥܘܿܠ ܘܠܐܝܼܠܵܢ ܚܲܝܹ̈ܐ ܒܫܘܼܦܪܹܗ ܢܸܚܙܸܐ܀ ܣܕܲܪ ܗ̄ܘ̣ܵܐ ܨܵܘܡܵܐ
                ܠܘܼܩܒܲܠ ܪܸܓܿܬܼܵܐ ܕܗܵܝ̇ ܡܹܐܟܼܘܼܠܬܵܐ: ܕܢܸܗܘܸܐ ܢܲܗܝܼܪ ܠܲܡܩܲܒܵܠܘܼ ܣܲܓܿܝܼ̈ܐܵܬܼܵܐ܀
                ܐܸܣܬܲܦܲܩ ܗ̄ܘ̣ܵܐ ܡ̣ܢ ܡܹܐܟܼ̈ܠܵܬܼܵܐ ܝܲܩܝܼܖ̈ܵܬܼܵܐ܀ ܕܢܸܗܘܸܐ ܐܵܚܹ̇ܕܼ ܟܠܗܘܿܢ
                ܥܘܼܡ̈ܩܹܐ ܕܐܲܠܵܗܘܼܬܼܵܐ܀ ܒܨܵܘܡܵܐ ܢܗܲܪ ܗ̄ܘ̣ܵܐ ܐܲܝܟܼ ܠܲܡܦܹܝܕܼܵܐ ܕܢܘܼܗܪܵܐ ܪܲܒܵܐ:
             592 
            ܥܕܲܡܵܐ ܕܲܢܡܘܼܫ ܟܠܗܘܿܢ ܩܸܦ̈ܠܹܐ ܕܒܼܵܪܘܿܝܘܼܬܼܵܐ܀ ܐܲܪܒܿܥܝܼܢ ܝܵܘܡ̈ܝܼܢ ܥܲܡ ܐܲܠܵܗܵܐ
                ܓܢ̣ܵܐ ܒܫܵܪܘܼܬܼܵܐ: ܘܲܕܼܠܵܐ ܠܲܚܡܵܐ ܒܓܲܠ̈ܠܹܐ ܕܙܝܼܘܵܐ ܡܸܬܼܒܲܣܲܡ ܗ̄ܘ̣ܵܐ܀ ܡܲܪܩܹܗ
                ܨܵܘܡܵܐ ܥܕܲܡܵܐ ܕܢܸܗܘܸܐ ܟ̱ܠܹܗ ܢܘܼܗܪܵܐ: ܘܢܹܐܙܲܠ ܢܸܚܙܸܐ ܠܗܲܠ ܡ̣ܢ ܥܵܠܡܵܐ ܘܲܠܟܼܵܐ
                ܡܸܢܹܗ܀ ܫܵܛ̣ ܡܹܐܟܼ̈ܠܵܬܼܵܐ ܘܐܲܣܠܝܼ ܛܥܘܼܡܹ̈ܐ ܦܲܓܼܖ̈ܵܢܵܝܹܐ: ܕܲܒܼܝܘܼܠܦܵܢܹܗ ܠܵܐ
                ܢܸܬܼܥܲܪܩܲܠ ܡܵܐ ܕܗܵܓܹ̇ܐ ܒܹܗ܀ ܠܠܲܚܡܵܐ ܘܡܲܝ̈ܵܐ ܗܘ̤ܵܐ ܢܘܼܟܼܪܵܝܵܐ ܒܲܕܼܝܵܕܲܥ̇ ܗ̄ܘ̣ܵܐ:
                ܕܡ̣ܢ ܡܹܐܟܼ̈ܠܵܬܼܵܐ ܚܵܫܹ̇ܟܼ ܗܵܘܢܵܐ ܘܝܵܩ̇ܪܵܐ ܢܲܦ̮ܫܵܐ܀ ܒܨܵܘܡܵܐ ܡܘܼܫܹܐ ܚܙܵܝܗܝ
                ܠܐܲܠܵܗܵܐ ܘܝܼܠܸܦ̣ ܐ̄ܖ̈ܵܙܵܘܗܝ: ܕܐܸܠܘܼ ܐܸܟܲܠ ܗܵܘ̇ ܝܘܼܠܦܵܢܵܐ ܠܵܐ ܟܵܒܹ̇ܫ ܗ̄ܘ̣ܵܐ܀
                ܒܨܝܼܪܘܼܬܼ ܠܲܚܡܵܐ ܘܲܓܼܠܝܼܙܘܼܬܼܵܐ ܕܡ̣ܢ ܡܹܐܟܼ̈ܠܵܬܼܵܐ: ܥܘܼܒܵܐ ܪܘܝܼܚܵܐ ܥ̣ܒܲܕܼ
                ܠܹܗ ܠܗܵܘܢܹܗ ܕܢܲܣܓܸܐ ܢܹܐܚܘܿܕܼ܀ ܐܲܣ̣ܓܿܝܼ ܝܑܼܠܸܦ̣ ܐ̄ܖ̈ܵܙܹܐ ܟܣܲܝ̈ܵܐ ܕܐܲܠܵܗܘܼܬܼܵܐ:
                ܘܲܒܼܝܘܼܠܦܵܢܵܐ ܛ̣ܥܵܝܗܝ ܗ̄ܘ̣ܵܐ ܠܠܲܚܡܵܐ ܕܠܵܐ ܢܹܐܟܼܘܿܠ ܗ̄ܘ̣ܵܐ܀ ܢܗܲܪ ܬܲܠܡܝܼܕܼܵܐ
                ܒܲܒܼܨܝܼܪܘܼܬܼܵܐ ܕܣܲܝܒܵܖ̈ܵܬܼܵܐ: ܥܕܲܡܵܐ ܕܢܸܗܘܸܐ ܟ̱ܠܹܗ ܐܲܦܹ̈ܐ ܕܢܘܼܗܪܵܐ ܪܲܒܵܐ܀
                ܡܬܲܩ̣ ܝܘܼܠܦܵܢܵܐ ܘܥܲܠ ܕܲܚܣܝܼܠ ܗ̄ܘ̣ܵܐ ܡ̣ܢ ܡܹܐܟܼܘܼܠܬܵܐ: ܥ̣ܪܵܐ ܝܲܬܿܝܼܪܵܐ
                ܥܕܲܡܵܐ ܕܢܸܚܙܸܐ ܟܠ ܟܲܣ̈ܝܵܬܼܵܐ܀ ܗܵܘ̇ ܪܹܫ ܓܸܢܣܵܐ ܡ̣ܢ ܡܹܐܟܼܘܼܠܬܵܐ ܗܘ̤ܵܐ ܡܵܝܘܿܬܼܵܐ:
                ܘܡܘܼܫܹܐ ܢܒܼܝܵܐ ܒܨܵܘܡܵܐ ܝܲܠܦܵܗ̇ ܠܒܼܵܪܘܿܝܘܼܬܼܵܐ܀ ܥܲܠ ܕܐܸܬܼܝܲܥܲܢ ܐܵܕܼܵܡ
                ܐܲܦܩ̣ܘܼܗܝ ܡ̣ܢ ܦܲܪܕܲܝܣܵܐ: 
            593 
            ܘܲܕܼܨܵܡ̣ ܡܘܼܫܹܐ ܠܓܵܘ ܥܲܪܦܸܠܹܗ ܥܲܠ̣ ܕܐܲܠܵܗܵܐ܀ ܠܛܘܼܪܹܗ ܕܡܵܪܝܵܐ ܣܠܸܩ̣ ܨܲܝܵܡܵܐ
                ܘܲܚ̣ܙܵܐ ܬܲܡܵܢ: ܒܪܝܼܬܼܵܐ ܕܐܵܬܼ̇ܝܵܐ ܡ̣ܢ ܠܵܐ ܡܸܕܸܡ ܬܸܗܘܸܐ ܡܸܕܸܡ܀ ܚܙܵܬܼܵܐ
                ܕܢܲܦ̮ܫܹܗ ܥܸܠܲܬ̤ ܩܵܡܲܬ̤ ܥܲܠ ܟܲܣ̈ܝܵܬܼܵܐ: ܘܝܼܠܸܦ ܐܸܢܹܝܢ ܘܐܲܝܬܝܼ ܠܥܵܠܡܵܐ
                ܓܸܠܝܵܢܲܝ̈ܗܹܝܢ܀ ܒܨܵܘܡܵܐ ܪܲܒܵܐ ܗܵܘܢܵܐ ܪܲܒܵܐ ܩܢ̣ܵܐ ܥܸܒܼܪܵܝܵܐ: ܕܲܢܣܲܝܸܟܼ ܒܹܗ
                ܗܘܵܝܹ̈ܐ ܘܥܵܠܡܹ̈ܐ ܘܬܼܘܼܩܵܢܲܝ̈ܗܘܿܢ܀ ܐܸܙܕܲܗܝܼ ܗ̄ܘ̣ܵܐ ܘܲܒܼܥܲܪܦܸܠܹܗ ܥ̣ܡܲܪ ܕܐܲܠܵܗܵܐ:
                ܘܬܲܡܵܢ ܐܲܠܦܹܗ ܟܠܗܘܿܢ ܩܸܦܠܹ̈ܐ( ܩܠ̈ܐ P. R.) ܕܒܼܵܪܘܿܝܘܼܬܼܵܐ܀ ܒܬܲܪܬܹܝܢ
                ܠܘܼܚܹ̈ܐ ܟܬܲܒܼ ܠܹܗ ܪܲܒܹܿܗ ܠܡܘܼܫܹܐ ܣܸܦܪܵܐ: ܕܝܲܕܼܥܹܗ ܕܲܡܗܝܼܪ ܘܲܡܩܲܒܸܿܠ ܗ̄ܘ̣
                ܣܲܓ̇ܝܼ̈ܐܵܬܼܵܐ܀ ܚܙܵܝܗܝ ܡܲܠܦܵܢܹܗ ܕܨܲܝܵܡܵܐ ܗ̄ܘ̣ܵܐ ܘܒܼܵܥܹ̇ܐ ܢܹܐܠܲܦ: ܘܬܲܪܬܹܝܢ
                ܠܘܼܚܹ̈ܐ ܡܠ̣ܵܐ ܣܝܼ̈ܡܵܬܼܵܐ ܘܝܲܗ̣̄ܒܼ ܠܹܗ ܢܸܥܬܲܪ܀ ܝܲܗ̣̄ܒܼ ܠܹܗ ܬܲܪܬܹܝܢ ܕܒܲܚܕܼܵܐ
                ܢܸܩܪܸܐ ܘܠܲܚܕܼܵܐ ܢܸܛܘܿܪ: ܠܲܕܼܝܵܬܹܩܹܐ ܚܕܲܬܵܐ ܕܲܒܼܪܹܗ ܡܵܐ ܕܡܸܬܼܓܲܠܝܵܐ܀
                ܒܲܚܕܼܵܐ ܠܘܼܚܵܐ ܟܬܲܒܼ ܐܘܿܪܵܝܬܵܐ ܘܲܢܛܘܼܖ̈ܵܬܼܵܗ̇: ܘܝܲܗ̣̄ܒܼ ܠܲܣܒܲܪܬܼܵܐ ܠܘܼܚܵܐ
                ܐ̄ܚܪܹܬܼܵܐ ܕܬܸܬܼܦܲܫܲܩ ܒܵܗ̇܀ ܚܕܼܵܐ ܕܝܵܬܹܩܹܐ ܒܲܚܕܼܵܐ ܠܘܼܚܵܐ ܡܸܬܼܟܲܬܼܒܵܐ ܗ̄ܘ̣ܵܬܼ:
                ܘܥܲܠ ܕܐܝܼܬܼ ܬܲܪܬܹܝܢ ܠܘܼܚܹ̈ܐ ܡܸܬܼܒܲܥ̈ܝܵܢ ܗ̣̄ܘܲܝ̈܀ ܚܕܼܵܐ ܠܐܘܿܪܵܝܬܵܐ
                ܕܲܬܼܡܲܠܸܠ ܒܵܗ̇ ܣܘܼܥܪܵܢܵܐܝܼܬܼ: ܚܕܼܵܐ ܠܲܣܒܲܪܬܼܵܐ ܕܬܸܬܼܦܲܫܲܩ ܒܵܗ̇ ܪܘܼܚܵܢܵܐܝܼܬܼ܀
                
            
             594 
            ܝܲܗ̣̄ܒܼ ܠܹܗ ܬܲܪܬܹܝܢ ܕܡܵܐ ܕܲܚܕܲܬܵܐ ܒܙܲܒܼܢܵܗ̇ ܕܸܢܚܲܬ̤: ܠܵܐ ܐ̄ܢܵܫ ܢܹܐܡܲܪ ܕܲܠܡܘܿܢ
                ܬܲܪܬܹܝܢ ܐܸܬܼܚܲܕܲܬܼ ܠܲܢ܀ ܕܲܗܘ̤ܵܘ ܝܵܕܼܥ̇ܝܼܢ ܕܵܖܹ̈ܐ ܘܥܵܠܡܹ̈ܐ ܘܥܲܡ̈ܡܹܐ ܕܐܲܪܥܵܐ:
                ܕܡ̣ܢ ܚܲܕܼ ܐܸܢܹܝܢ ܐܵܦ ܚܲܕܼ̈ܬܼܵܬܼܵܐ ܘܥܲܬܝܼ̈ܩܵܬܼܵܐ܀ ܒܬܲܪܬܹܝܢ ܠܘܼܚܹ̈ܐ ܡܸܣܬܲܟܲܠ
                ܗ̄ܘ̣ܵܐ ܢܒܼܝܼܵܐ ܪܲܒܵܐ: ܕܙܲܒܼܢܵܐ ܐ̄ܚܪܹܢܵܐ ܐܝܼܬܼ ܠܐܲܠܵܗܵܐ ܕܲܢܡܲܠܸܠ ܒܹܗ܀
                ܒܗܵܢܵܐ ܙܲܒܼܢܵܐ ܠܥܵܠܡܵܐ ܠܐܝܼ̈ܕܲܝ ܝܲܗ̣̄ܒܼ ܝܘܼܠܦܵܢܵܐ: ܒܙܲܒܼܢܵܐ ܐ̄ܚܪܹܢܵܐ
                ܒܲܒܼܪܹܗ ܡܲܠܸܦ ܠܐܲܪܥܵܐ ܟ̱ܠܵܗ̇܀ ܢܒܼܝܼܵܐ ܐܲܟܼܘܵܬܼܝ ܩܵܐܹ̇ܡ ܒܵܬܲܪܝ ܡ̣ܢ ܐܲܚܲܝ̈ܟܘܿܢ:
                ܕܐܵܦ ܗ̤ܘ ܨܵܘܡܵܐ ܡܲܠܸܦ ܠܐܲܪܥܵܐ ܘܢܵܗ̇ܪܵܐ ܡܸܢܹܗ܀ ܒܨܵܘܡܹܗ ܕܡܘܼܫܹܐ ܗܵܢܵܐ ܕܡܵܪܲܢ
                ܡܸܬܼܢܲܨܲܚ ܗ̄ܘ̣ܵܐ: ܘܗܵܘ̇( ܕܗܘ̇ R.) ܡܸܢܝܵܢܵܐ ܠܗܵܘ̇ ܚܘܼܫܒܵܢܵܐ ܡܸܬܼܦܲܚܲܡ
                ܗ̄ܘ̣ܵܐ܀ ܠܗܵܘ̇ ܡܸܢܝܵܢܵܐ ܐܸܬܼܢܲܣܝܼ ܒܹܗ ܒܲܪ ܐܲܠܵܗܵܐ: ܢܛܲܪ ܐܝܼܩܵܪܵܐ ܡܘܼܫܹܐ
                ܒܨܵܘܡܹܗ ܟܲܕܼ ܨܵܐܹ̇ܡ ܗ̄ܘ̣ܵܐ܀ ܐܵܦ ܐܹܠܝܼܵܐ ܕܒܲܪ ܐ̄ܪܵܙܵܗ̇ ܗ̄ܘ̣ܵܐ ܕܐܲܠܵܗܘܼܬܼܵܐ:
                ܒܹܗ ܒܡܸܢܝܵܢܵܐ ܪܲܗܛ̣ܵܗ̇ ܠܐܘܼܪܚܵܐ ܒܨܵܘܡܵܐ ܕܲܠܒܲܟܼ܀ ܫܲܪܝܼ ܡܘܼܫܹܐ ܘܫܲܟܼܠܸܠ
                ܡܵܪܲܢ ܨܵܘܡܵܐ ܪܲܒܵܐ: ܐܵܦ ܐܹܠܝܼܵܐ ܪܗܸܛ̣ ܒܲܡܨܲܥܬܼܵܐ ܛܵܘܪܵܐ ܕܲܡܛ̣ܵܝܗܝ܀ ܒܡܵܪܲܢ
                ܚ̣ܵܪܘ ܗ̄ܘ̣ܵܘ ܐܵܦ ܐܹܠܝܼܵܐ ܘܡܘܼܫܹܐ ܪܲܒܵܐ: ܘܡܸܛܠ ܨܵܘܡܹܗ ܠܒܲܟܼܘ ܗ̄ܘ̣ܵܘ ܨܵܘܡܵܐ
                ܕܲܢܕܲܡܘܿܢ ܒܹܗ܀ ܒܨܵܘܡܹܗ ܕܡܘܼܫܹܐ ܒܪܝܼܬܼܵܐ ܝܸܠܦܲܬ̤ ܡܸܛܠ ܡܵܪܵܗ̇:
             495 
            ܕܐܲܝܟܲܢ ܥܲܒܼܕܵܗ̇ ܘܐܲܝܟܲܢ ܩܵܡܲܬ̤ ܡ̣ܢ ܠܵܐ ܡܸܕܸܡ܀ ܒܗܵܘ̇ ܕܐܹܠܝܼܵܐ ܕܵܠ̣ ܓܸܠܝܵܢܵܐ
                ܘܝܲܗ̣̄ܒܼ ܠܹܗ ܥܘܼܫܢܵܐ: ܕܢܲܥܒܲܪ ܡܲܠܟܹ̈ܐ ܘܲܢܩܝܼܡ ܡܲܠܟܹ̈ܐ ܒܐܘܼܚܕܵܢܲܝ̈ܗܘܿܢ܀
                ܒܗܵܢܵܐ ܕܡܵܪܲܢ ܕܲܝܘܹ̈ܐ ܣܚܝܼܦܝܼܢ ܡ̣ܢ ܕܲܖ̈ܓܲܝܗܘܿܢ: ܘܫܲܠܝܼܛܵܢܹ̈ܐ ܫܩܝܼܠܝܼܢ
                ܡܸܢܗܘܿܢ ܫܘܼܠܛܵܢܲܝ̈ܗܘܿܢ܀ ܪܹܫܵܐ ܕܐܵܐܲܪ ܒܲܕܼܡܘܼܬܼ ܒܲܪܩܵܐ ܢܦܲܠ̣ ܘܐܸܬܼܒܲܕܲܪ( ܘܐܬܕܘܕ
                L.): ܘܠܵܐܕܼܵܡ ܪܲܡܝܵܐ ܣܲܡ̣ܟܿܘܼܗܝ ܖ̈ܲܚܡܹܐ ܘܩܵܡ̣ ܘܐܸܬܼܟܲܬܲܫ܀ ܗܘ̤ܵܐ
                ܚܸܙܘܵܢܵܐ ܘܒܲܪ ܐܲܠܵܗܵܐ ܢܚܸܬܼ ܠܐܵܓܼܘܿܢܵܐ: ܘܲܚܠܵܦ ܐܵܕܼܵܡ ܫܲܩܠܹܗ ܠܕܲܪܹܗ ܘܐܸܬܼܟܲܬܲܫ
                ܒܹܗ܀ ܪܕܼܵܐ ܒܵܗ̇ ܒܐܘܼܪܚܵܐ ܗܵܝ̇ ܕܲܕܼܪܲܫ̣ܘ ܠܹܗ ܢܒܼܝܹ̈ܐ ܕܐܲܒܼܘܼܗܝ: ܕܢܹܐܠܲܦ
                ܥܵܠܡܵܐ ܕܠܵܘ ܢܘܼܟܼܪܵܝܵܐ ܗ̄ܘ̣ ܡ̣ܢ ܝܵܠܘܿܕܹܗ܀ ܨܵܡ̣ ܐܲܝܟܼ ܡܘܼܫܹܐ ܐܲܪܒܿܥܝܼܢ ܝܵܘܡܝܼ̈ܢ
                ܟܲܕܼ ܡܸܬܼܢܲܣܸܐ: ܘܐܲܝܟܼ ܐܹܠܝܼܵܐ (ܪܗܸܛ̣ ܒܐܲܬܼܠܹܝܣܹ̈ܐ( ܕܪܗ̣ܛ ܒܐܘܪܚܐ L.)
                ܕܙܲܕܝܼܩܘܼܬܼܵܐ܀ ܡܸܛܠ ܡܵܪܵܐ ܨܵܡ̣ܘ ܗ̄ܘ̣ܵܘ ܥܲܒܼ̈ܕܹܐ ܕܲܢܨܘܼܪܘܼܢܵܝܗܝ: ܗ̤ܘ ܕܹܝܢ
                    ܡܵܪܵܐ( ܡܪܢ
                        P.) ܡܸܛܠ ܐܵܕܼܵܡ ܨܵܡ̣ ܘܐܸܬܼܢܲܣܝܼ܀ ܨܵܡ̣ ܓܹܝܪ ܡܘܼܫܹܐ ܘܠܵܐܕܼܵܡ
                ܡܸܕܸܡ ܠܵܐ ܥܲܕܲܪ ܗ̄ܘ̣ܵܐ: ܘܨܵܡ̣ ܐܹܠܝܼܵܐ ܘܚܵܘܒܲܬܼ ܓܵܘܵܐ ܠܵܐ ܐܸܬܼܦܲܪܥܲܬ̤܀
                ܐܵܦܠܵܐ ܗܸܢܘܿܢ ܡܸܛܠ ܐܵܕܼܵܡ ܨܵܡ̣ܘ ܢܸܬܼܥܲܕܲܪ: ܐܸܠܵܐ ܢܚܵܘܘܿܢ ܕܐܲܝܟܲܢ ܨܵܐܹ̇ܡ
                ܡܵܪܹܗ ܚܠܵܦܵܘܗܝ܀ ܠܨܵܘܡܹܗ ܕܲܒܼܪܵܐ ܨܵܪܘ ܗ̄ܘ̣ܵܘ ܨܲܠܡܵܐ ܡ̣ܢ ܨܵܘܡܲܝ̈ܗܘܿܢ:
                ܕܬܸܪܓܲܫ ܐܲܪܥܵܐ ܒܛܸܒܵܐ ܕܐܘܼܪܚܹܗ ܘܟܸܢ ܕܵܢܲܚ̇ ܒܵܗ̇܀
             596 
            ܟܲܕܼ ܕܹܝܢ ܐܸܬܼܵܐ ܘܫܲܪܝܼ ܒܨܵܘܡܹܗ ܡܵܪܹܗ ܕܐܵܕܼܵܡ: ܚܕܼܝܼܘ ܒܹܗ ܢܒܼܝܹ̈ܐ ܕܐܸܬܼܵܐ
                ܢܫܲܡܠܸܐ ܓܸܠܝܵܢܲܝ̈ܗܘܿܢ܀ ܗܘ̤ܵܘ ܠܹܗ ܣܲܗ̈ܕܹܐ ܐܵܦ ܩܲܕܼܡܵܝܹ̈ܐ ܐܵܦ ܡܸܨ̈ܥܵܝܹܐ:
                ܕܗ̤ܘܝܼܘ ܡܵܪܵܐ ܕܲܚܠܵܦ ܥܲܒܼܕܹܗ ܢܚܸܬܼ ܠܐܵܓܼܘܿܢܵܐ܀ ܢܚܸܬܼ ܕܲܢܚܲܕܸܬܼ ܕܲܪܹܗ
                ܕܐܵܕܼܵܡ ܘܲܕܿܬܲܢܝܼܢܵܐ: ܘܡܸܛܠ ܗܵܢܵܐ ܨܵܘܡܵܐ ܠܒܲܟܼ ܗ̄ܘ̣ܵܐ ܟܲܕܼ ܡܸܬܼܟܲܬܲܫ܀
                ܠܗܵܝ̇ ܡܹܐܟܼܘܼܠܬܵܐ ܕܐܲܥܸܠ̣ ܚܸܘܝܵܐ ܒܨܵܘܡܵܐ ܦܲܪܥܵܗ̇: ܕܒܼܐܝܼܕܼܵܐ ܒܐܝܼܕܼܵܐ
                ܢܙܲܟܸܐ ܠܐܵܕܼܵܡ ܡ̣ܢ ܚܵܘ̈ܒܵܬܹܗ܀ ܕܩܲܕܸܡ ܐܸܟܲܠ̣ ܐܵܘܚܲܪ ܡܵܪܹܗ ܡ̣ܢ ܡܹܐܟܼܘܼܠܬܵܐ:
                ܕܗܵܝ̇ ܠܲܥܒܘܼܬܼܵܐ ܒܥܲܢܘܵܝܘܼܬܼܵܐ ܬܸܬܼܚܲܠܲܦ ܗ̄ܘ̣ܵܬܼ܀ ܕܲܪܵܐ ܒܓܲܢܬܼܵܐ ܘܒܹܝܬܼ
                ܐܝܼܠܵܢܹ̈ܐ ܚܲܝܵܒܼܘܼܬܼܵܐ: ܡܸܛܠ ܗܵܢܵܐ ܩܪܵܒܼܵܐ( ܕܐܪܐ R.) ܒܚܘܼܪܒܵܐ ܡܸܬܼܚܲܕܲܬܼ ܗ̄ܘ̣ܵܐ܀
                ܐܲܪܒܿܥܝܼܢ ܝܵܘܡ̈ܝܼܢ ܡܲܬܼܚܹܗ ܠܕܲܪܵܐ( ܠܕܐܪܗ R.) ܗܵܘ̇ ܙܲܟܵܝܵܐ: ܕܲܒܼܗܘܿܢ
                ܢܸܦܪܘܿܥ ܚܵܘܒܲܬܼ ܓܵܘܵܐ ܟܲܕܼ ܡܸܬܼܟܲܬܲܫ܀ ܡܸܛܠ ܐܲܪܒܿܥܝܼܢ ܐܹܡܲܪ ܗܵܫܵܐ ܕܲܠܡܵܢܵܐ ܟܲܝ:
                ܣܕܼܝܼܪ ܒܲܟܼܬܼܵܒܼܵܐ ܗܵܘ̇ ܡܸܢܝܵܢܵܐ ܒܟܼܠܗܘܿܢ ܣܸܦ̣ܖܹ̈ܐ܀ ܒܥܲܡܵܐ ܠܐܲܢ̄ܬܿܬܼܵܐ
                ܕܝܵܠܕܵܐ ܕܸܟܼܪܵܐ ܦ̣ܩܲܕܼ ܢܵܡܘܿܣܵܐ: ܕܠܲܐܪܒܿܥܝܼܢ ܝܵܘܡ̈ܝܼܢ ܬܲܝܬܸܐ ܕܸܒܼܚܵܐ ܕܲܡܕܲܟܸܿܐ
                ܠܵܗ̇܀ ܘܠܲܐܢ̄ܬܿܬܼܵܐ ܕܝܵܠܕܵܐ ܢܸܩܒܿܬܼܵܐ ܦܵܩܹ̇ܕܼ ܬܘܼܒܼ ܗܵܟܲܢܵܐ: ܕܐܲܪܒܿܥܝܼܢ
                ܘܐܲܪܒܿܥܝܼܢ ܬܸܗܘܸܐ ܒܲܕܼܡܵܐ ܘܟܸܢ ܬܸܬܿܕܲܟܸܿܐ܀ ܐܵܦ ܗ̤ܘ ܡܘܼܫܹܐ ܣܝܼܡܬܼܵܐ ܕܣܸܦ̣ܖܹ̈ܐ
                ܘܲܕܼܓܸܠܝܵܢܹ̈ܐ:
             597 
            ܐܲܪܒܿܥܝܼܢ ܨܵܡ̣ ܗ̄ܘ̣ܵܐ ܘܝܼܠܸܦ̣ ܐ̄ܖ̈ܵܙܹܐ ܕܐܲܠܵܗܘܼܬܼܵܐ( ܕܒܝܬ ܐܠܗܐ P. L.)܀ ܐܵܦ ܐܹܠܝܼܵܐ
                ܕܙܲܝܲܚ ܨܲܠܡܹܗ ܕܒܲܪ ܐܲܠܵܗܵܐ: ܐܲܪܒܿܥܝܼܢ ܗܲܠܸܟܼ ܕܐܲܦ ܗ̤ܘ ܒܐ̄ܪܵܙܵܐ ܡܸܬܼܢܲܒܼܪܲܫ
                ܗ̄ܘ̣ܵܐ܀ ܘܲܕܼܠܵܐ ܐܸܚܫܘܿܒܼ ܣܲܓܿܝܼ̈ܐܵܬܼܵܐ ܐܲܢ̄ܬܿ ܐܸܬܼܒܲܝܲܢ: ܕܣܲܓܿܝܼ ܢܲܨܝܼܚ
                    ܗܵܘ̇( ܗ̣ܘ P. ܗܢ
                        L.) ܡܸܢܝܵܢܵܐ ܒܟܼܠܗܘܿܢ ܣܸܦ̣ܖܹ̈ܐ܀ ܐܲܪܒܿܥܝܼܢ ܝܵܘܡ̈ܝܼܢ ܒܲܪ
                ܐܲܠܵܗܵܐ ܨܵܡ̣ ܘܐܸܬܼܢܲܣܝܼ: ܘܐܸܢ ܫܵܡܲܥ̇ ܐܲܢ̄ܬܿ ܪܘܼܚܵܢܵܐܝܼܬܼ ܬܵܐ ܘܐܸܣܬܲܟܲܠ܀
                ܠܗܵܢܵܐ ܟܝܵܢܵܐ ܢܚܸܬܼ ܕܲܢܙܲܟܸܿܐ ܒܕܲܪܵܐ ܡܵܪܲܢ: ܘܲܚܠܵܦ ܟ̱ܠܹܗ ܢܚܸܬܼ ܠܐܵܓܼܘܿܢܵܐ
                ܟܲܕܼ ܙܲܟܵܝܵܐ ܗ̄ܘ̣܀ ܠܲܟܼܝܵܢܵܐ ܕܹܝܢ ܐܝܼܬܼ ܐܸܣܛܘܼ̈ܟܼܣܹܐ ܕܡܸܢܗܘܿܢ ܩܵܐܹ̇ܡ:
                ܐܲܪܒܿܥܵܐ ܕܲܫܘܹܝܢ ܘܣܲܩܘܼܒܼܠܵܝܑܝܼܢ ܒܐܸܣܟܹܡܲܝ̈ܗܘܿܢ܀ ܘܟܲܕܼ ܗ̤ܘ ܟܝܵܢܵܐ ܢܦܲܠ̣
                ܗ̄ܘ̣ܵܐ ܒܕܲܪܵܐ ܕܗܵܘ̇ ܚܲܪܡܵܢܵܐ: ܚܵܒܼܘ ܐܸܣܛܘܼ̈ܟܼܣܹܐ ܡ̣ܢ ܗܵܘ̇ ܪܲܗܛܵܐ ܕܙܲܕܝܼܩܘܼܬܼܵܐ܀
                ܘܡܸܛܠܗܵܢܵܐ ܠܟܼܠ ܐܸܣܛܘܼܟܼܣܵܐ ܥܵܣܪܵܐ ܝܵܘܡ̈ܝܼܢ: ܝܲܗ̄ܒܼ ܠܹܗ ܪܲܗܛܵܐ ܘܟܸܢ
                ܡܸܬܼܢܲܨܲܚ ܒܐܲܬܼܠܹܝܛܘܼܬܼܵܐ܀ ܡܸܢܝܵܢܵܐ ܕܹܝܢ ܗܵܢܵܐ ܕܥܸܣܪܵܐ ܗ̤ܘܝܘܼ ܣܵܟܼܵܐ:
                ܘܲܠܥܸܠ ܡܸܢܹܗ ܬܘܼܒܼ ܡܸܢܝܵܢܵܐ ܠܵܐ ܡܸܫܟܲܚ ܐܲܢ̄ܬܿ܀ ܡܸܛܠܗܵܢܵܐ ܥܸܣܪܵܐ ܝܵܘܡ̈ܝܼܢ
                ܝܲܗ̣̄ܒܼ ܠܐܸܣܛܘܼܟܼܣܵܐ: ܐܲܝܟܼ ܕܲܠܡܹܐܡܲܪ ܟ̱ܠܹܗ ܪܲܗܛܵܐ ܕܙܲܕܝܼܩܘܼܬܼܵܐ܀ ܘܗܵܠܹܝܢ
                ܥܸܣܪܵܐ ܐܲܪܒܲܥ ܙܲܒܼܢ̈ܝܼܢ ܥܲܦܸܦ ܐܸܢܘܿܢ: ܕܟ̱ܠܹܗ ܟܝܵܢܵܐ ܒܗܵܠܹܝܢ ܩܵܐܹ̇ܡ
                ܙܲܕܝܼܩܵܐܝܼܬܼ܀
             598 
            ܐܲܪܒܿܥܝܼܢ ܝܵܘܡ̈ܝܼܢ ܠܐܲܪܒܿܥܵܐ ܕܲܢܦܲܠ̣ܘ ܝܲܗ̣̄ܒܼܘ ܐܵܓܼܘܿܢܵܐ: ܕܲܒܼܙܵܟܼܘܼܬܼܵܐ
                ܓܡܝܼܪܬܵܐ ܢܩܘܼܡܘܼܢ ܟܲܕܼ ܢܲܨܝܼܚܝܼܢ܀ ܡܸܛܠ ܗܵܢܵܐ ܦܘܼܪܣܵܐ ܢܚܸܬܼ ܗ̄ܘ̣ܵܐ ܠܕܲܪܵܐ ܡܵܪܲܢ:
                ܕܟܼܠܹܗ ܟܝܵܢܵܐ ܢܸܙܕܲܟܸܿܐ ܒܹܗ ܕܚܲܝܵܒܼܵܐ ܗ̄ܘ̣ܵܐ܀ ܡܸܛܠ ܗܵܢܵܐ ܐ̄ܪܵܙܵܐ ܢܛܝܼܪܵܐ
                ܕܣܝܼܡ ܒܲܟܼܬܼܵܒܹ̈ܐ: ܡܸܬܼܢܲܨܚܝܼܢ ܗ̄ܘ̣ܵܘ ܗܵܠܹܝܢ ܐܲܪܒܿܥܝܼܢ ܒܹܝܬܼ ܩܸܖ̈ܝܵܢܹܐ܀
                ܒܲܣܒܲܪܬܼܵܐ ܕܹܝܢ ܚܲܡܫܝܼܢ ܝܵܘܡ̈ܝܼܢ (ܡܬܼܝܼܚ ܠܲܢ( ܡ̇ܬܿܚ L. ܡܬܚ ܠܢ R.) ܪܲܗܛܵܐ:
                ܘܐܸܠܵܐ ܒܚܲܡܫܝܼܢ ܐܲܪܒܿܥܝܼܢ ܬܸܪܗܲܛ ܠܵܐ ܡܸܫܟܲܚ ܐܲܢ̄ܬܿ܀ ܗܵܢܵܐ ܐ̄ܪܵܙܵܐ ܡܚܵܘܸܐ
                ܕܖܸ̈ܓܼܫܹܐ ܐܵܦ ܐܸܣܛܘܼ̈ܟܼܣܹܐ: ܒܨܵܘܡܵܐ ܩܵܝ̇ܡܝܼܢ ܡ̣ܢ ܡܲܦܘܼܠܬܵܐ ܕܐܲܪܡ̣ܝܼ ܚܸܘܝܵܐ܀
                ܠܚܲܡܫܵܐ ܖܸ̈ܓܼܫܝܼܢ ܚܲܡܫܝܼܢ ܝܵܘܡ̈ܝܼܢ ܙܲܕܝܼܩܘܼܬܼܵܐ: ܘܟܸܢ ܡܸܙܕܲܟܼܝܵܐ ܚܛܝܼܬܼܵܐ
                ܕܲܙܟܼܵܬ̤ ܠܲܕܼܒܹܝܬܼ ܐܵܕܼܵܡ܀ ܡ̣ܢ ܚܲܡܫܝܼܢ ܕܹܝܢ ܐܲܪܒܿܥܝܼܢ ܩܵܝ̇ܡܝܼܢ ܐܲܝܟܼ
                ܕܲܓܼܙܝܼܪܝܼܢ: ܕܲܒܼܗܘܿܢ ܙܵܟܹ̇ܝܢ ܐܲܪܒܿܥܵܐ ܕܚ̣ܵܒܼܘ ܗ̄ܘ̣ܵܘ ܒܹܝܬܼ ܐܝܼܠܵܢܹ̈ܐ܀
                ܗܵܢܵܘ ܐ̄ܪܵܙܹܗ ܕܗܵܢܵܐ ܨܵܘܡܵܐ ܡܠܸܐ ܢܸܨ̈ܚܵܢܹܐ: ܩܘܼܡܘ ܟܲܫܝܼܖܹ̈ܐ ܪܗܲܛܘ
                ܒܐܵܓܼܘܿܢܵܐ ܕܙܲܕܝܼܩܘܼܬܼܵܐ܀ ܠܥܸܠ ܪܸܥܝܵܢܵܟܼ ܗܵܪܟܵܐ ܩܲܠܝܼܠ ܐܘܿ ܫܵܡܘܿܥܵܐ:
                ܕܗܵܢܵܐ ܡܲܡܠܠܵܐ ܠܵܘ ܕܲܥܝܵܕܼܵܐ ܗ̄ܘܼ ܡ̣ܢ ܐܵܡܘܿܪܵܐ܀ ܐ̄ܖ̈ܵܙܹܐ ܕܨܵܘܡܵܐ
                ܪܘܼܚܵܢܵܐܝܼܬܼ ܡܸܬܿܬܿܙܝܼܥܝܼܢ ܒܝܼ: ܘܐܲܝܢܵܐ ܕܨܵܐܹ̇ܬܼ ܦܲܓܼܪܵܢܵܐܝܼܬܼ ܠܵܐ ܫܵܡܲܥ̇ ܠܝܼ܀
                ܒܐܲܪܒܿܥܝܼܢ ܝܵܘܡ̈ܝܼܢ ܨܵܡ̣ ܘܐܸܬܼܟܲܬܲܫ ܥܲܡ ܐܲܪܟܘܿܢܵܐ:
             599 
            ܘܝܲܗ̣̄ܒܼ ܙܵܟܼܘܼܬܼܵܐ ܠܟܼܠܹܗ ܟܝܵܢܵܐ ܒܕܲܪܵܐ ܪܲܒܵܐ܀ ܘܚܲܡܫܝܼܢ ܝܵܘܡ̈ܝܼܢ ܗܵܐ ܡܬܼܝܼܚ
                ܨܵܘܡܵܐ ܠܥܹܕܬܵܐ ܝܵܘܡܵܢ: ܘܐܲܪܒܿܥܝܼܢ ܐܸܢܘܿܢ ܗܸܢܘܿܢ ܗܵܠܹܝܢ ܕܐܝܼܬܼ ܒܐܵܓܼܘܿܢܵܐ܀
                ܘܲܒܼܢܵܡܘܼܣܵܐ ܐܸܢܗ̤ܘ ܕܬܸܩܪܸܐ ܪܘܼܚܵܢܵܐܝܼܬܼ: ܐ̄ܪܵܙܵܐ( ܐ̄ܖ̈ܙܐ R.) ܕܚܲܡܫܝܼܢ
                ܡܸܫܟܲܚ ܐܲܢ̄ܬ ܒܹܗ ܢܲܗܝܼܪܵܐܝܼܬܼ܀ ܫܲܢ̄ܬܵܐ ܕܚܲܡܫܝܼܢ ܐܝܼܬܹܝܗ̇ ܫܲܢ̄ܬܵܐ ܫܢܲܬܼ
                ܫܵܒܼ̈ܘܿܥܹܐ: ܘܲܕܼܦܘܼܢܵܝܵܐ ܗ̣̄ܝ ܘܲܕܼܫܘܼܒܼܩܵܢܵܐ ܘܲܕܼܒܼܘܼܝܵܐܵܐ܀ ܒܵܗ̇
                ܡܸܬܼܦܲܢ̈ܝܵܢ ܟܠ ܐܲܖ̈ܥܵܬܼܵܐ ܕܐܸܙܕܲܒܲܢ ܗ̣̄ܘܲܝ̈: ܘܲܠܡܵܖ̈ܲܝܗܹܝܢ ܩܲܕܼܡܹ̈ܐ ܗܵܦ̈ܟܵܢ
                ܠܲܡܚܲܕܵܝܘܼ܀ ܡܸܣܟܹܿܢܘܼܬܼܵܐ ܐܲܠܨܲܬ̤ ܐܸܢܘܿܢ ܠܲܡܙܲܒܵܢܘܼ: ܘܲܒܼܫܘܼܒܼܩܵܢܵܐ ܗ̄ܘ̤ܵܘ
                ܝܵܖ̈ܘܿܬܹܐ ܠܝܘܼܖ̈ܬܵܢܲܝܗܘܿܢ܀ ܫܲܢ̄ܬܵܐ ܕܚܲܡܫܝܼܢ ܡܦܲܢܝܵܐ ܩܘܼܖ̈ܝܵܐ ܠܩܵܢܵܝܲܝ̈ܗܹܝܢ:
                ܐܵܦ ܚܲܩ̈ܠܵܬܼܵܐ ܠܡܵܖܹ̈ܐ ܩܲܕܼܡܹ̈ܐ ܕܲܫܒܲܩ̣ܘ ܐܸܢܹܝܢ܀ ܐܲܝܢܵܐ ܕܐܵܘܒܸܿܕܼ ܐܲܪܥܹܗ
                ܒܙܸܒܼܢܵܐ ܘܐܸܬܼܢܲܟܼܪܝܼ ܠܵܗ̇: ܒܫܲܢ̄ܬܵܐ ܕܚܲܡܫܝܼܢ ܦܵܢܝܵܐ ܠܐܝܼܕܼܵܘ̈ܗܝ ܘܲܡܩܲܕܸܐ ܠܵܗ̇܀
                ܝܵܖ̈ܬܹܐ ܣܢܝܼ̈ܩܹܐ ܕܙܲܒܸܿܢ̣ܘ ܘܲܫܒܲܩ̣ܘ ܡܲܖ̈ܗܵܛܲܝ̈ܗܘܿܢ: ܒܫܲܢ̄ܬܵܐ ܕܚܲܡܫܝܼܢ
                ܗܵܦ̇ܟܿܝܼܢ ܩܵܝ̇ܡܝܼܢ ܒܲܬܼܚܘܼܡܲܝ̈ܗܘܿܢ܀ ܗܵܪܟܵܐ ܩܝܵܡܬܵܐ ܘܝܵܘܡܵܐ ܪܲܒܵܐ ܗܵܘ̇
                ܕܲܣܒܲܪܬܼܵܐ: ܕܐܵܬܹ̇ܐ ܠܚܲܡܫܝܼܢ ܘܲܒܼܢܵܡܘܿܣܵܐ ܡܸܬܼܢܲܨܲܪ ܗ̄ܘ̣ܵܐ܀ ܒܝܵܘܡܵܐ
                ܕܚܲܡܫܝܼܢ ܝܵܪܬܵܐ ܒܓܲܢܬܼܵܐ ܩܵܡ̣ ܡ̣ܢ ܩܲܒܼܪܵܐ: ܘܫܲܩ̣ܠܵܗ̇ ܠܲܥܕܸܢ ܕܙܲܒܼܢܵܗ̇ ܚܸܘܝܵܐ
                ܒܢܸܟܼܠܵܐ ܡܸܢܹܗ܀
             600 
            ܒܝܵܘܡܵܐ ܕܚܲܡܫܝܼܢ ܐܵܬܹ̇ܐ (ܡܵܪܲܢ ܥܲܠ ܐܲܖ̈ܥܵܬܹܗ̇( ܡܪܐ ܥܠ ܐܖ̈ܥܬܐ L. R.): ܘܗܵܘ̇
                ܛܲܪܟܵܢܵܐ ܕܲܢܟܲܠ̣ ܘܲܙܒܲܢ ܕܝܼܠܹܗ ܡܵܘܒܸܿܕܼ܀ ܒܵܬܲܪ ܚܲܡܫܝܼܢ ܝܵܘܡ̈ܝܼܢ ܕܵܢܲܚ̇ ܥܲܠ
                ܢܲܦ̮̈ܫܵܬܼܵܐ: ܕܐܸܙܕܲܒܲܢ ܗ̣̄ܘܲܝ̈ ܐܲܝܟܼ ܚܲܩ̈ܠܵܬܼܵܐ ܘܲܦ̈ܢܲܝ ܐܸܢܹܝܢ܀ ܐܵܟܹ̇ܠ
                ܩܲܪܨܵܐ ܫܲܓܸܫ̣ ܘܲܙܒܲܢ ܘܐܲܛ̣ܥܝܼ ܘܲܩܢ̣ܵܐ: ܘܒܼܵܬܲܪ ܚܲܡܫܝܼܢ ܠܡܵܪܗܹܝܢ ܦܵܢ̈ܝܵܢ
                    ܢܹܐܪܲܬܼ( ܕܢܐܪܬ
                        P. L.) ܐܸܢܹܝܢ܀ ܫܲܢ̄ܬܵܐ ܠܝܵܘܡܵܐ ܡܸܬܼܪܲܫܡܵܐ ܗ̄ܘ̣ܵܬܼ
                ܪܘܼܚܵܢܵܐܝܼܬܼ: ܕܐܵܦ ܚܲܙܩܝܼܐܹܝܠ ܝܵܘܡܵܐ ܠܫܲܢ̄ܬܵܐ ܢܣܲܒܼ ܠܹܗ ܗܵܝܕܹܝܢ܀ ܒܫܲܢ̄ܬܵܐ
                ܕܚܲܡܫܝܼܢ ܒܵܗ̇ ܦܘܼܢܵܝܵܐ ܘܒܼܵܗ̇ ܫܘܼܒܼܩܵܢܵܐ: ܘܒܼܵܗ̇ ܚܲܕܼ̈ܘܵܬܼܵܐ ܠܝܵܖ̈ܬܹܐ ܕܲܩ̣ܢܵܘ
                ܡܲܖ̈ܗܵܛܲܝܗܘܿܢ܀ ܒܝܵܘܡܵܐ ܕܚܲܡܫܝܼܢ ܒܹܗ ܢܘܼܚܵܡܵܐ ܘܒܹܗ ܒܘܼܝܵܐܵܐ: ܘܒܹܗ
                ܢܲܦ̮̈ܫܵܬܼܵܐ ܦܢܲܝ̈ ܠܐܲܠܵܗܵܐ ܕܢܹܐܪܲܬܼ ܐܸܢܹܝܢ܀ ܒܫܘܼܠܵܡ ܨܵܘܡܵܐ ܩܝܵܡܬܹܗ ܕܲܒܼܪܵܐ
                ܡܸܬܼܝܲܗܒܵܐ ܠܲܢ: ܘܐܲܝܟܼ ܗܵܝ̇ ܫܲܢ̄ܬܵܐ ܕܚܲܡܫܝܼܢ ܡܲܗܦܸܟܼ ܠܲܙܒܼܝܼ̈ܢܵܬܼܵܐ܀ ܟܠ
                ܢܲܦ̮̈ܫܵܬܼܵܐ ܕܲܒܼܠܵܐ ܡܸܕܸܡ ܕܐܸܙܕܲܒܲܢ ܗ̣̄ܘܲܝ̈: ܦܵܪܹܩ ܠܗܹܝܢ ܘܲܒܼܠܵܐ ܡܸܕܸܡ ܡܲܗܦܸܟܼ
                ܠܗܹܝܢ܀ ܒܗܵܠܹܝܢ ܐ̄ܖ̈ܵܙܹܐ ܡܲܠܸܠ̣ ܡܘܼܫܹܐ ܥܲܡ ܥܸܒܼܖ̈ܵܝܹܐ: ܕܲܒܼܗܵܝ̇ ܫܲܢ̄ܬܵܐ
                ܫܢܲܬܼ ܫܵܒܼ̈ܘܿܥܹܐ ܫܒܼܘܼܩܝܵܐ ܢܸܗܘܸܐ܀ ܡܸܛܠ ܗܵܢܵܐ ܐ̄ܪܵܙܵܐ ܪܲܒܵܐ ܕܙܲܕܝܼܩܘܼܬܼܵܐ:
                ܐܲܟܼܬܸܒܼ ܚܲܡܫܝܼܢ ܘܲܒܼܫܘܼܠܵܡܵܐ ܫܒܼܘܼܩܝܵܐ ܫܲܡܲܗ܀
             601 
            ܚܲܡܫܝܼܢ ܝܵܘܡ̈ܝܼܢ ܪܵܗܹ̇ܛ ܨܵܘܡܵܐ ܘܲܒܼܫܘܼܠܵܡܹܗ: ܚܲܕܼ ܫܘܼܒܼܩܵܢܵܐ ܥܵܒܼ̇ܕܵܐ ܩܝܵܡܬܵܐ
                ܠܟܼܠ ܚܲܝܵܒܹ̈ܐ܀ ܒܗܵܠܹܝܢ ܚܲܡܫܝܼܢ ܝܵܘܡ̈ܝܼܢ ܪܵܗ̇ܛܵܐ ܙܲܕܝܼܩܘܼܬܼܵܐ:
                ܘܲܒܼܫܘܼܠܵܡܗܘܿܢ ܩܵܡ̣ ܫܘܼܒܼܩܵܢܵܐ ܢܚܲܕܸܬܼ ܐܸܢܘܿܢ܀ ܒܚܲܡܫܝܼܢ ܝܵܘܡ̈ܝܼܢ ܕܘܼܥܬܼܵܐ
                ܘܕܲܪܵܐ ܘܲܚܠܝܼܨܘܼܬܼܵܐ: ܘܒܼܵܬܲܪ ܗܵܠܹܝܢ ܟܠܝܼܠܵܐ ܪܲܒܵܐ ܐܵܦ ܢܸܨܚܵܢܵܐ܀ ܗܵܢܵܐ
                ܨܵܘܡܵܐ ܒܗܵܠܹܝܢ ܐ̄ܖ̈ܵܙܹܐ ܟܣܲܝ̈ܵܐ ܩܵܐܹ̇ܡ: ܐܘܿ ܨܲܝܵܡܹ̈ܐ ܠܵܐ ܬܸܬܼܪܲܦܘܿܢ ܡ̣ܢ
                ܥܲܡܠܲܝ̈ܟܘܿܢ܀ ܒܗܵܠܹܝܢ ܝܵܘܡܹ̈ܐ ܡܸܬܿܬܿܨܝܼܪ ܨܲܠܡܵܐ ܕܙܲܕܝܼܩܘܼܬܼܵܐ: ܢܲܝܬܸܐ ܟܠ
                ܐ̄ܢܵܫ ܓܵܘ̈ܢܹܐ ܓܒܲܝ̈ܵܐ ܡ̣ܢ ܣܲܡܡܵܢܵܘ̈ܗܝ܀ ܡܸܛܠ ܗܵܠܹܝܢ ܚܲܡܫܝܼܢ ܝܵܘܡ̈ܝܼܢ ܐܲܟܼܬܸܒܼ
                ܡܘܼܫܹܐ: ܕܫܲܢ̄ܬܵܐ ܕܚܲܡܫܝܼܢ ܬܸܗܘܸܐ ܠܥܲܡܵܐ ܫܢܲܬܼ ܦܘܼܢܵܝܵܐ܀ ܡܸܛܠܗܵܢܵܐ ܟܝܵܢܵܐ
                ܕܢܸܫܦܲܪ ܘܲܕܼܢܸܙܕܲܕܲܩ: ܐܲܪܒܿܥܝܼܢ ܝܵܘܡ̈ܝܼܢ ܩܵܐܹ̇ܡ ܕܲܪܵܐ ܥܲܡ ܢܲܨܝܼܚܹ̈ܐ܀
                ܒܐܲܪܒܿܥܝܼܢ ܙܵܟܹ̇ܝܢ ܘܐܸܠܵܐ ܒܚܲܡܫܝܼܢ ܠܵܐ ܡܸܬܼܦܲܪܥܝܼܢ: ܕܲܒܼܫܘܼܠܵܡܵܐ ܕܚܲܡܫܝܼܢ
                ܩܵܐܹ̇ܡ ܦܵܪܩܵܐ ܠܐܲܪܥܵܐ( ܪܒܐ L.)܀ ܪܓܼܝܼܓܼ ܐܲܢ̄ܬܿ ܨܵܘܡܵܐ
                ܛܘܼܒܼܵܘܗܝ ܠܐܲܝܢܵܐ ܕܐܸܬܼܢܲܨܲܟܼ ܒܵܟܼ: ܕܟܼܠܗܘܿܢ ܐ̄ܖ̈ܵܙܹܐ ܘܟܼܠܗܘܿܢ ܛܘܼ̈ܦ̮ܣܹܐ ܒܵܟܼ
                ܡܸܫܬܲܟܼܚܝܼܢ܀ ܐܲܪܒܿܥܝܼܢ ܕܝܼܠܵܟܼ ܘܐܝܼܬܼ ܠܵܟܼ ܚܲܡܫܝܼܢ ܥܲܬܿܝܼܪܵܐܝܼܬܼ: ܕܲܪܵܐ
                ܚܝܼܨܵܐ ܘܲܒܼܫܘܼܠܵܡܵܐ ܟܠܝܼܠܵܐ ܪܲܒܵܐ܀
             602 
            ܪܲܒܿ ܐܲܢ̄ܬܿ ܨܵܘܡܵܐ ܘܪܲܒܿ ܗ̄ܘ̣ ܐ̄ܪܵܙܵܐ ܕܡܸܫܬܲܡܲܫ ܒܵܟܼ: ܕܒܼܵܟܼ ܡܸܬܼܝܲܗ̈ܒܵܢ ܟܠ
                ܙܵܟܼ̈ܘܵܬܼܵܐ ܠܟܼܠ ܢܲܨܝܼܚܹ̈ܐ܀ ܒܵܟܼ ܐܸܙܕܲܗܝܼ ܢܒܼܝܼܵܐ ܪܲܒܵܐ ܒܲܪ ܠܹܘܵܝܹ̈ܐ:
                ܘܲܗܘ̤ܵܐ ܠܥܲܡܵܐ ܫܸܡܫܵܐ ܕܒܸܣܪܵܐ ܒܙܝܼܘܵܐ ܕܲܠܒܸܫ̣܀ ܒܵܟܼ ܐܸܬܼܓܵܘܝܼ ܘܥܲܠ̣ ܡ̣ܵܫ
                ܥܘܼܡ̈ܩܹܝܗ̇ ܕܐܲܠܵܗܘܼܬܼܵܐ: ܘܲܢܦܲܩ̣ ܐܲܟܼܪܸܙ ܚܲܝܹ̈ܐ ܠܥܵܠܡܵܐ ܒܣܲܒܼܪܵܐ ܪܲܒܵܐ܀
                ܒܵܟܼ ܐܹܠܝܼܵܐ ܫ̣ܦܲܪ ܘܐܸܨܛܲܠܲܠ ܘܲܩܢ̣ܵܐ ܓܸܦܹ̈ܐ: ܘܲܦܪܲܚ̣ ܘܲܣܠܸܩ̣ ܠܐܲܬܼܪܵܐ
                ܕܡܵܘܬܵܐ ܠܵܐ ܥܵܐܹ̇ܠ ܠܹܗ܀ ܒܵܟܼ ܦܵܪܘܿܩܲܢ ܐܲܪܡ̣ܝܼ ܒܕܲܪܵܐ ܠܲܒܼܥܸܠܕܲܪܲܢ:
                ܘܲܒܼܫܘܼܠܵܡܵܟܼ ܠܲܫܝܘܿܠ ܐܲܚܪܸܒܼ ܡܸܛܠܵܬܲܢ܀ ܨܵܘܡܵܐ ܙܲܝܢܵܐ ܗ̄ܘ̣ ܘܐܲܝܢܵܐ ܕܲܪܦܸܐ
                ܐܸܢ ܠܵܒܹ̇ܫ ܠܹܗ: ܡܸܫܬܲܗܸܐ ܒܹܗ ܘܠܵܐ ܡܸܬܼܢܲܨܲܚ ܡܵܐ ܕܡܸܬܼܟܲܬܲܫ܀ ܩܘܼܡܘ ܐܲܝܟܼ
                ܛܲܖ̈ܩܹܐ ܚܠܝܼܨܹ̈ܐ ܕܐܲܕܼܪܸܟܼܘ ܨܵܘܡܵܐ ܡܵܢܵܘ: ܘܐܲܝܟܼ ܐܸܣܟܹܡܹܗ ܕܨܵܘܡܵܐ ܪܘܼܗܛܘܼܗܝ
                ܙܲܕܝܼܩܵܐܝܼܬܼ܀ ܒܗܲܝܡܵܢܘܼܬܼܵܐ ܕܐܝܼܬܹܝܗ̇ ܐ̄ܪܵܙܵܐ ܕܫܲܦܝܼܖ̈ܵܬܼܵܐ: ܒܪܸܚܡܲܬܼ
                ܐ̄ܢܵܫܵܐ ܕܲܡܩܲܪܒܼܵܐ ܠܟܼܘܿܢ ܨܹܝܕܼ ܐܲܠܵܗܵܐ܀ ܒܙܲܝܢܵܐ ܕܲܚܫܝܼܠ ܒܲܨ̈ܠܵܘܵܬܼܵܐ
                ܘܲܒܼܙܸܕܼ̈ܩܵܬܼܵܐ: ܒܙܲܕܝܼܩܘܼܬܼܵܐ ܕܲܒܝܲܡܝܼܢܵܐ ܘܲܒܼܣܸܡܵܠܵܐ܀ ܒܡܲܟܿܝܼܟܼܘܼܬܼܵܐ
                ܕܝܵܗ̇ܒܵܐ ܦܲܟܵܗ̇ ܠܲܕܼܡܵܚܹ̇ܐ ܠܵܗ̇: ܒܚܘܼܒܵܐ ܫܲܦܝܵܐ ܕܠܵܐ ܡܸܬܼܚܲܡܲܬܼ ܥܲܠ ܩܲܪܝܼܒܹܗ܀
                ܒܕܲܫ̈ܢܹܐ ܕܢܵܦ̇ܩܝܼܢ ܡ̣ܢ ܐܸܣܟܿܘܼܦܬܼܵܟܼ ܠܐܲܝܢܵܐ ܕܲܣܢܝܼܩ: ܘܲܒܼܙܸܕܼ̈ܩܵܬܼܵܐ
                ܕܦܵܖ̈ܚܵܢ ܡܸܢܵܟܼ ܨܹܝܕܼ ܚܵܕܼܘܿܖܹ̈ܐ܀ 
             603 
            ܒܟܼܠܗܘܿܢ ܦܘܼܖ̈ܣܹܐ ܕܝܵܗ̇ܒܿܝܼܢ ܐܝܼܕܼܵܐ ܠܫܲܦܝܼܖ̈ܵܬܼܵܐ: ܒܟܼܠܗܘܿܢ ܖ̈ܲܗܛܹܐ ܕܡܸܬܼܦܲܠܚܵܐ
                ܒܗܘܿܢ ܙܲܕܝܼܩܘܼܬܼܵܐ܀ ܒܟܼܠ ܡܵܐ ܕܬܼܵܒܲܥ̇ ܨܵܘܡܵܐ ܓܒܲܝܵܐ ܡ̣ܢ ܨܲܝܵܡܹ̈ܐ:
                    ܪܗܲܛ( ܗܪܛ
                        L.) ܨܲܝܵܡܵܐ ܕܢܲܦ̮ܫܵܟܼ ܬܸܫܟܲܚ ܠܲܡܦܲܨܵܝܘܼ܀ ܩܹܐܪܣܵܐ ܗ̄ܘ̣ ܪܲܒܵܐ
                ܘܲܚܠܝܼܨܘܼܬܼܵܐ ܡܸܬܼܒܲܥܝܵܐ ܒܹܗ: ܠܐܝܼ ܒܐܵܓܼܘܿܢܵܐ ܘܚܘܼܪ ܠܲܟܼܠܝܼܠܵܐ ܕܡ̣ܢ ܟܹܐܢܘܼܬܼܵܐ܀
                ܠܵܐ ܬܸܬܼܪܲܦܸܐ ܘܩܲܠܝܼܠ ܬܢܘܼܡ ܘܩܲܠܝܼܠ ܬܸܕܼܡܲܟܼ: ܘܬܼܵܘܒܸܕܼ (ܥܠܲܠܬܼܵܐ ܕܝܵܗ̇ܒܵܐ
                ܠܢܲܦ̮ܫܵܐ ܣܲܓܝܼ( ܣܓܝ
                        ܥܠܠܬܐ ܕܝܗܒܐ ܥܢܦܫܐ P.) ܚܲܝܹ̈ܐ܀ ܗܵܢܵܐ ܨܵܘܡܵܐ ܒܹܝܬܼ ܚܸܙ̈ܘܵܢܹܐ
                ܗ̄ܘ̣ ܕܐܲܬܼܠܹܛܘܼܬܼܵܐ: ܕܢܵܦܹ̇ܠ ܡܵܐܹ̇ܬܼ (ܘܲܕܼܠܵܐ ܢܵܦܹ̇ܠ( ܘܐܝܢܐ ܕܩܐ̇ܡ P.) ܗܵܐ
                ܡܸܬܼܢܲܨܲܚ܀ ܕܚܲܠ ܨܲܝܵܡܵܐ ܡ̣ܢ ܕܲܪܵܪܵܐ ܕܢܵܛܲܪ ܐܵܐܲܪ: ܕܗܵܐ ܫܠܝܼܚ ܩܵܐܹ̇ܡ
                ܘܲܚܦܝܼܛ ܡܲܩܪܸܒܼ ܥܲܡ ܨܲܝܵܡܹ̈ܐ܀ ܠܝܼܫܘܿܥ ܣܲܒܼ ܠܵܟܼ ܕܐܸܠܵܐ ܐܸܢ ܒܹܗ ܠܵܐ ܙܵܟܹ̇ܐ
                    ܐ̄ܢܵܫ( ܐܢܬ
                        R.): ܘܒܹܗ ܡܸܫܟܲܚ ܐܲܢ̄ܬܿ( ܐ̄ܢܫ R.) ܟܠܗܘܿܢ ܖ̈ܵܘܡܹܐ ܠܲܡܟܲܒܵܫܘܼ܀
                ܙܲܝܢܵܐ ܗ̄ܘ̣ ܨܵܘܡܵܐ ܘܝܼܫܘܿܥ ܝܲܗ̣ܒܹܿܗ ܠܟܼܠ ܙܲܟܵܝܹ̈ܐ: ܥܲܒܼ̈ܕܲܝ ܡܲܠܟܵܐ ܣܲܒܼܘ
                ܫܸܖ̈ܝܵܢܹܐ ܒܩܹܐܪܣܵܐ ܕܲܕܼܡܵܐ܀ ܗܵܢܵܘ ܨܵܘܡܵܐ ܗܵܘ̇ ܐܵܓܼܘܿܢܵܐ ܕܒܹܗ ܩܵܐܹ̇ܡ ܐ̄ܢܵܫ:
                ܥܕܲܡܵܐ ܠܲܕܼܡܵܐ ܕܢܲܥܕܸܐ ܚܲܝܵܘ̈ܗܝ ܡ̣ܢ ܬܲܟܼܬܿܘܼܫܵܐ܀ ܒܗܵܢܵܐ ܩܹܐܪܣܵܐ ܩܵܛ̇ܠܵܐ
                ܢܲܦ̮ܫܵܐ ܐܵܘ ܡܸܬܼܩܲܛܠܵܐ: ܙܵܟܼ̇ܝܵܐ ܘܩܵܝ̇ܡܵܐ ܐܵܘ ܡܸܙܕܲܟܼܝܵܐ ܘܢܵܦܠܵܐ ܪܲܒܲܬܼ܀
             604 
            ܗܵܢܵܐ ܨܵܘܡܵܐ ܓܙܝܼܪ ܗ̄ܘ̣ ܠܕܲܪܑܵܐ ܕܙܲܕܝܼܩܘܼܬܼܵܐ: ܘܲܕܼܢܸܬܼܪܲܦܸܐ ܐ̄ܢܵܫ ܠܵܐ ܡܸܫܟܲܚ
                ܡ̣ܢ ܬܲܟܼܬܿܘܼܫܵܐ܀ ܐܝܼܬܼ ܗ̄ܘ̣ ܨܵܘܡܵܐ ܘܐܝܼܬܼ ܨܲܝܵܡܹ̈ܐ ܘܐܝܼܬܼ ܦܘܼܖ̈ܫܵܢܹܐ:
                ܘܗܵܢܵܐ ܨܵܘܡܵܐ ܝܑܼܚܝܼܕܼܵܝܵܐ ܗ̄ܘ̣ ܠܐܵܓܼܘܿܢܝܼܣ̈ܛܹܐ܀ ܠܝܼܣܲܖ̈ܠܵܝܹܐ ܥܸܣܪܵܐ
                    ܨܵܘܡ̈ܝܼܢ(
                        ܝܘܡ̈ܝܢ P. L.) ܒܲܚܕܼܵܐ ܫܲܢ̄ܬܵܐ: ܝܲܗ̣̄ܒܼ ܢܵܡܘܿܣܵܐ
                ܒܲܢܛܘܼܖ̈ܵܬܼܵܐ ܣܲܓܝܼ̈ܐܵܬܼܵܐ܀ ܘܗܵܠܹܝܢ ܨܵܘܡܹ̈ܐ ܒܥܸܠ̈ܠܵܢ ܥܸܠ̈ܠܵܢ ܡܸܬܼܝܲܗܒܿܝܼܢ
                ܗ̄ܘ̣ܵܘ: ܠܦܘܼܬܼ ܦܘܼܪܩܵܢܵܐ ܘܲܠܦܘܼܬܼ ܥܹܐܕܹ̈ܐ ܕܫܲܢ̄ܬܵܐ ܟ̱ܠܵܗ̇܀ ܗܵܢܵܐ ܨܵܘܡܵܐ
                ܝܑܼܚܝܼܕܼܵܝܵܐ ܗ̄ܘ̣ ܘܐܲܠܵܗܵܝܵܐ ܗ̄ܘ̣: ܘܡܸܕܸܡ ܪܲܒܵܐ ܗ̄ܘ̣ ܕܟܼܠܹܗ ܟܝܵܢܵܐ ܡܸܬܼܚܲܕܲܬܼ
                ܒܹܗ܀ ܠܟܼܠܹܗ ܓܸܢܣܵܐ ܕܲܒܼܢܲܝ̈ܢܵܫܵܐ ܨܵܡ̣ ܕܲܢܙܲܕܸܩ: ܒܲܪ ܐܵܠܵܗܵܐ ܘܪܲܒܵܐ ܗ̣̄ܝ
                ܥܸܠܬܹܗ ܡ̣ܢ ܥܸܠ̈ܠܵܬܼܵܐ܀ ܐܲܪܒܿܥܝܼܢ ܝܵܘܡ̈ܝܼܢ ܐܲܝܟܼ ܕܲܒܼܟܼܘܼܪܵܐ ܕܢܘܼܪܵܐ ܣ̣ܵܡܹܗ:
                ܠܟܼܠܹܗ ܟܝܵܢܵܐ ܘܚܲܫ̣ܠܹܗ ܕܢܸܫܦܲܪ ܕܲܡܣܲܪܲܚ ܗ̄ܘ̣ܵܐ܀ ܒܨܵܘܡܹܗ ܪܲܒܵܐ ܫܲܦܸܠ̣
                ܥܘܼܫܢܹܗ ܕܲܒܼܥܸܠܕܲܪܵܐ: ܘܐܲܩܝܼܡ̣ ܢܵܦ̈ܠܹܐ ܕܲܣܚܝܼܦܝܼܢ ܗ̄ܘ̣ܵܘ ܗܵܐ ܡ̣ܢ ܥܵܠܲܡ܀
                ܚܵܘܒܲܬܼ ܓܵܘܵܐ ܗܵܐ ܡܸܬܼܦܲܪܥܵܐ ܒܨܵܘܡܹܗ ܕܲܒܼܪܵܐ: ܘܟܼܠ ܐ̄ܢܵܫ ܚܲܝܵܒܼ ܢܸܠܐܸܐ
                ܥܲܡܹܗ ܚܠܵܦ ܦܘܼܪܩܵܢܹܗ܀ ܘܐܸܢ ܙܲܟܵܝܵܐ ܚܠܵܦ ܚܲܝܵܒܹ̈ܐ ܢܚܸܬܼ ܠܐܵܓܼܘܿܢܵܐ: ܐܲܝܢܵܐ
                ܕܚܲܝܵܒܼ ܐܲܝܟܲܢ ܢܸܫܠܸܐ ܡ̣ܢ ܬܲܟܼܬܘܼܫܵܐ܀
             605 
            ܒܗܵܢܵܐ ܨܵܘܡܵܐ ܬܠܵܬܼܵܐ ܕܲܖܹ̈ܐ (ܐܸܬܼܟܲܬܲܫ ܗ̄ܘ̣ܵܐ( ܐܬܟܬܫܘ ܗܘܘ R.): ܥܲܡ ܚܲܣܝܼܢܵܐ
                ܘܫܲܦܸܠ̣ ܕܵܫܹܗ ܒܲܬܼܠܵܬܲܝ̈ܗܘܿܢ܀ ܦܲܚܹ̈ܐ ܬܠܵܬܼܵܐ ܕܚܲܫܹ̈ܐ ܬܠܵܬܼܵܐ ܨܠ̣ܵܐ ܣܵܛܵܢܵܐ:
                ܘܲܬܼܠܵܬܲܝ̈ܗܘܿܢ ܬܲܒܲܪ ܐܸܢܘܿܢ ܒܲܪ ܐܲܠܵܗܵܐ܀ ܪܸܚܡܲܬܼ ܟܲܪܣܵܐ ܘܪܸܚܡܲܬܼ ܫܘܼܒܼܚܵܐ
                ܘܪܸܓܲܬܼ ܥܘܼܬܼܪܵܐ: ܣܕܲܪ ܗ̄ܘ̣ܵܐ ܒܕܲܪܵܐ ܥܲܡ ܨܲܝܵܡܵܐ ܕܲܨܒ݂ܼܵܐ ܘܲܟܼܦܸܢ܀ ܟܠܗܹܝܢ
                ܗܵܠܹܝܢ ܕܲܒܼܗܹܝܢ ܐܵܕܼܵܡ ܐܸܬܼܚܲܝܲܒܼ ܗ̄ܘ̣ܵܐ: ܟܠܗܹܝܢ ܐܲܝܬܿܝܼ ܕܲܒܼܗܹܝܢ ܢܸܙܟܸܿܐ
                ܠܐܵܓܼܘܿܢܝܼܣܛܵܐ܀ ܘܟܲܕܼ ܥܝܼܪܵܐܝܼܬܼ ܩܵܡ̣ ܚܲܣܝܼܢܵܐ ܘܲܢ̣ܛܲܪ ܦܲܚܵܘ̈ܗܝ: ܬܲܒܲܪ
                ܐܸܢܘܿܢ ܥܝܼܪܵܐ ܒܨܵܘܡܹܗ ܘܥܲܒܼܕܹܗ ܒܸܙܚܵܐ܀ ܠܪܸܚܡܲܬܼ ܟܲܪܣܵܐ ܕܵܫܵܗ̇ ܒܟܲܦܢܵܐ ܕܲܡܣܲܝܒܲܪ
                ܗ̄ܘ̣ܵܐ: ܘܪܸܚܡܲܬܼ ܫܘܼܒܼܚܵܐ ܒܡܲܟܝܼܟܼܘܼܬܹܗ ܡܸܙܕܲܟܼܝܵܐ ܗ̄ܘ̣ܵܬܼ܀ ܠܪܸܓܲܬܼ
                ܥܘܼܬܼܪܵܐ ܕܵܫܵܗ̇ ܒܚܘܼܒܵܐ ܕܡܸܣܟܹܿܢܘܼܬܼܵܐ: ܘܲܒܼܚܲܕܼ ܨܵܘܡܵܐ ܬܠܵܬܼܵܐ ܚܲܫ̈ܝܼܢ
                ܐܸܬܼܡܲܟܲܟܼܘ ܗ̄ܘ̣ܵܘ܀ ܡܲܠܦܵܢܘܼܬܼܵܐ ܒܨܵܘܡܹܗ ܐܲܣܪܲܚ̣ ܠܝܼܚܝܼ̈ܕܼܵܝܹܐ: ܕܐܲܝܟܲܢ
                ܢܸܙܟܿܘܿܢ ܠܐܵܟܹ̇ܠܩܲܪܣܵܐ ܒܐܵܓܼܘܿܢܲܝ̈ܗܘܿܢ܀ ܠܐܵܕܼܵܡ ܐܲܟܸܣ̣ ܕܐܸܠܘܼ ܫ̣ܦܲܪ ܠܹܗ
                ܕܢܸܬܼܟܲܬܲܫ ܗ̄ܘ̣ܵܐ: ܠܵܐ ܚܵܐܹ̇ܒܼ ܗ̄ܘ̣ܵܐ ܒܕܲܪܵܐ ܕܪܸܓܿܬܼܵܐ ܘܕܼܵܐܣܘܿܛܘܼܬܼܵܐ܀
                ܒܣܲܪ ܠܲܛܪܘܼܢܵܐ ܕܐܲܚܬܹܗ ܠܕܲܪܵܐ ܘܩܵܡ̣ ܐܸܬܼܟܲܬܲܫ: ܘܚܵܒܼ ܚܲܣܝܼܢܵܐ ܘܲܙܟܼܵܐ
                ܟܝܵܢܵܐ ܕܐܸܬܼܚܲܝܲܒܼ ܗ̄ܘ̣ܵܐ܀ ܒܦܲܪܨܘܿܦ ܐܵܕܼܵܡ ܡܸܬܼܟܲܬܲܫ ܗ̄ܘ̣ܵܐ ܒܪܵܐ ܕܐܲܠܵܗܵܐ:
             606 
            ܘܗܵܝ̇ ܙܵܟܼܘܼܬܼܵܐ ܕܲܙܟܼܵܐ ܡܵܪܵܐ ܠܥܲܒܼܕܹܗ ܝܲܗ̣ܒܵܗ̇܀ ܕܚܵܒܲܬ̤ ܚܵܘܵܐ ܒܪܵܗ̇
                ܕܲܒܼܬܼܘܼܠܬܵܐ ܦܪܲܥ̣ ܐܸܫܛܵܪܵܗ̇: ܒܪܝܼܟܼ ܕܲܒܼܨܵܘܡܹܗ ܢܨܲܚ̣ܘ ܨܲܝܵܡܹ̈ܐ
                ܒܐܵܓܼܘܿܢܲܝ̈ܗܘܿܢ. 
            
            
                ܫܠܸܡ (ܡܹܐܡܪܵܐ ܕܲܬܼܠܵܬܼܵܐ( Ab edit. Add.)) ܕܥܲܠ ܨܵܘܡܵܐ.