Jacob of Serugh. “On the Love of God and On Perfect Reconciliation - ܥܲܠ ܚܘܼܒܵܐ ܒܪܵܐ ܕܐܲܠܵܗܵܐ ܕܐܸܬܼܵܐ ܒܚܘܼܒܹܗ ܕܲܢܚܲܕܸܬܼ ܟܠ.” Based upon Paul Bedjan ed., Homiliae selectae Mar-Jacobi Sarugensis vol. 1 (Paris: Harrassowitz, 1905). Digital Syriac Corpus. Last modified March 30, 2018. https://syriaccorpus.org/365.
    
        
            
                ܕܝܼܠܹܗ ܕܩܕܝܼܫܵܐ ܡܵܪܝ ܝܲܥܩܘܿܒܼ
                ܡܐܡܪܐ .ܟܘ.
                ܕܥܲܠ ܚܘܼܒܵܐ( ܚܘܒܐ
                    ܕܐܠܗܐ ܕܠܘܬܢ P. 196 ܚܘܒܐ ܐܠܗܝܐ R.). ܒܪܵܐ ܕܐܲܠܵܗܵܐ ܕܐܸܬܼܵܐ ܒܚܘܼܒܹܗ
                    ܕܲܢܚܲܕܸܬܼ ܟܠ:
            
            
                ܗܲܒܼ ܠܝܼ ܚܘܼܒܵܟܼ ܕܐܹܡܲܠܸܠ ܒܹܗ ܠܲܕܼܫܵܡܲܥ̇ ܠܝܼ܀ ܪܵܡܵܐ ܕܲܢܚܸܬܼ ܡ̣ܢ ܡܸܕܼܝܵܪܵܘܗܝ
                ܨܹܝܕܼ ܒܝܼܫܘܼܬܲܢ: ܗܲܒܼ ܠܝܼ ܕܐܸܣܲܩ ܠܐܲܬܼܪܹܗ ܕܚܘܼܒܵܟܼ( ܕܐܒܘܟ L. P. 195)
                ܘܐܸܬܼܢܸܐ ܫܘܼܦܖ̈ܵܘܗܝ܀ ܐܘܿ ܕܲܒܼܚܘܼܒܹܗ ܣܲܝܒܲܪ ܚܲܫܹ̈ܐ ܕܲܙܩܝܼܦܘܼܬܼܵܐ: ܕܡܵܟܼ
                ܢܸܪܬܲܚ ܒܝܼ ܠܲܡܡܲܠܵܠܘܼ ܥܲܠ ܛܲܝܒܿܘܼܬܼܵܟܼ܀ ܒܪܸܬܼܚܹܗ ܕܚܘܼܒܵܟܼ ܬܸܬܿܙܝܼܥ ܡܸܠܲܬܼܝ ܥܲܠ
                    ܣܲܒܼܖ̈ܵܬܼܵܟܼ(
                        ܣܒܖ̈ܬܐ. R. P. 196): ܕܥܲܬܿܝܼܪܵܐܝܼܬܼ (ܐܹܡܲܪ ܫܲܪܒܵܟܼ( ܐܙܡܪ ܫܘܒܚܟ
                    L.) ܒܹܝܬܼ ܐܲܖ̈ܥܵܢܹܐ܀
             607 
            ܬܵܘ( ܐܘܿ P.
                    196) ܚܲܒܿܝܼ̈ܒܹܐ ܕܝܸܠܕܲܬ̤ ܟܲܪܣܵܐ ܕܡܲܥܡܘܿܕܼܝܼܬܼܵܐ: ܢܸܩܢܸܐ ܚܘܼܒܵܐ
                ܕܥܘܼܬܼܪܵܐ ܗ̄ܘ̣ ܪܲܒܵܐ ܠܲܕܼܩܵܢܹ̇ܐ ܠܹܗ܀ ܐܲܚܹ̈ܐ ܕܲܗܘ̤ܵܘ ܡ̣ܢ ܓܵܘ ܡܲܝ̈ܵܐ
                ܠܝܼܚܝܼܕܼܵܝܵܐ: ܒܫܲܪܒܹܗ ܕܚܘܼܒܵܐ ܬܵܘ ܢܸܬܼܒܲܣܲܡ ܦܵܪܘܿܫܵܐܝܼܬܼ܀ ܒܢܲܝ̈ܵܐ ܖ̈ܚܝܼܡܹܐ
                ܕܪܲܒܲܝ ܐܲܒܼܵܐ ܒܲܕܼܡܵܐ ܕܲܒܪܹܗ: ܗܲܒܼܘ ܠܝܼ ܨܵܘܬܵܐ ܕܡܹܐܡܪܵܐ ܕܚܘܼܒܵܐ ܒܙܵܘܥܵܐ
                    ܐܹܡܲܪ( ܐܟܪܙ L.
                        P.)܀ ܟܠ ܫܲܪܒܵܐ ܓܹܝܪ ܡܵܐ ܕܡܸܬܼܡܲܠܲܠ ܛܲܥܡܹܗ( ܛܟܣܗ R.) ܒܹܗ ܗ̄ܘܼ:
                ܘܲܕܼܟܼܠ ܡܹܐܡܪܵܐ ܐܲܟܼܘܵܬܹܗ ܗ̣̄ܝ ܡܸܠܬܼܵܐ ܕܲܥܠܵܘܗܝ܀ ܡܸܛܠ ܚܘܼܒܵܐ ܙܵܥܹ̇ܬܼ
                ܝܵܘܡܵܢ ܠܲܡܡܲܠܵܠܘܼ: ܐܵܕܼܫܵܐ ܗ̄ܘܼ ܚܲܠܝܵܐ ܬܵܘ ܢܸܬܼܒܲܣܲܡ ܒܲܛ̈ܥܵܡܵܬܹܗ܀ ܐܘܿ
                ܦܵܪܘܿܫܵܐ ܕܪܵܗܹ̇ܛ ܒܵܬܲܪ ܫܲܦܝܼܖ̈ܵܬܼܵܐ: ܨܘܼܕܼ ܠܵܟܼ ܚܘܼܒܵܐ (ܕܗ̤ܘܝܘܼ ܡܩܲܪܸܒܼ( ܕܗ̣ܘ ܡܩ̇ܪܒ ܠܟ P.
                        196) ܨܹܝܕܼ ܐܲܠܵܗܵܐ܀ ܐܘܿ ܡܲܠܦܵܢܵܐ ܣܢܹܐܓܼܪܵܐ ܕܐ̄ܖ̈ܵܙܹܐ
                ܐܲܠܵܗܵܝܹ̈ܐ: ܒܚܘܼܒܵܐ ܡܲܠܸܠ ܘܐܸܠܵܐ ܕܬܼܵܘܬܲܪ ܠܵܐ ܡܸܫܟܲܚ ܐܲܢ̄ܬܿ܀ ܐܘܿ
                ܬܲܠܡܝܼܕܼܵܐ ܕܨܲܠܝܵܐ ܐܸܕܼܢܹܗ ܠܲܫ̈ܟܼܵܚܵܬܼܵܐ: ܗܲܒܼ ܠܝܼ ܚܘܼܒܵܐ ܘܣܲܒܼ ܠܵܟܼ ܡܸܠܬܼܵܐ
                ܕܡܲܠܝܵܐ ܚܲܝܹ̈ܐ܀ ܐܲܝܢܵܐ ܕܡܲܠܸܦ ܟܲܕܼ ܠܵܐ ܡܲܚܸܒܼ ܡܸܫܠܵܐ ܢܸܫܠܸܐ: ܕܐܝܼܩܹܐ
                ܠܵܐܹ̇ܐ ܒܣܸܕܼܪܵܐ ܕܡܸ̈ܠܹܐ ܕܠܵܐ ܝܘܼܬܼܪܵܢܵܐ܀ ܘܡܲܢ ܕܲܒܼܚܘܼܒܵܐ ܬܘܼܒܼ ܠܵܐ ܫܵܡܲܥ̇
                ܢܸܣܟ̇ܘܿܪ ܐܸܕܼܢܵܘ̈ܗܝ: ܕܩܵܠܹ̈ܐ ܘܡܸܠܹ̈ܐ ܠܵܐ ܡܲܗܢܹܝܢ ܠܹܗ ܕܢܸܫܡܲܥ ܐܸܢܘܿܢ܀ ܪܲܒܵܐ
                ܡܗܝܼܪܵܐ ܕܨܵܒܹ̇ܐ ܕܢܲܥܬܲܪ ܠܲܕܼܫܵܡܲܥ̇ ܠܹܗ:
             608 
            ܐܲܚܸܒܼ ܣܲܓܝܼ ܘܡܲܠܸܠ ܩܲܠܝܼܠ ܥܲܡ ܬܲܠܡܝܼ̈ܕܹܐ܀ ܘܐܲܢ̄ܬܿ ܝܵܠܘܿܦܵܐ ܡܲܡܠܵܐ ܙܥܘܿܪܵܐ
                ܒܚܘܼܒܵܐ ܪܲܒܵܐ: ܫܡܲܥ ܘܲܥܬܲܪ( ܘܝܬܪ. . . . ܝ̇ܬܪ P. 195) ܒܹܗ ܕܐܸܠܵܐ ܒܚܘܼܒܵܐ
                ܠܵܐ ܥܵܬܲܪ(538) ܐ̄ܢܵܫ܀ ܡܸܚܕܼܵܐ ܕܥܵܐܹ̇ܠ ܚܘܼܒܵܐ
                ܠܢܲܦ̮ܫܵܐ ܢܗܲܪܘ ܚܘܼܫܵܒܹ̈ܝܗ̇: ܥܲܠ̣ ܩܵܡ̣ ܗܵܘܢܵܐ ܒܐܲܬܼܪܵܐ ܕܐ̄ܖ̈ܵܙܹܐ ܐܲܠܵܗܵܝܹ̈ܐ܀
                ܘܟܲܕܼ ܫܲܦܝܼܖ̈ܵܢ ܫܲܦܝܼܖ̈ܵܬܼܵܐ ܠܥܵܒܼ̇ܘܿܕܲܝ̈ܗܹܝܢ: ܐܸܢ ܡܸܣܬܲܥܖ̈ܵܢ ܒܸܠܥܵܕܼ
                ܚܘܼܒܵܐ ܠܵܐ ܫܲܦܝܼܖ̈ܵܢ܀ ܡܸܠܚܵܐ ܡܡܲܕܿܟܼܵܐ ܠܲܛ̈ܥܵܡܵܬܼܵܐ ܬܒܲܣܸܡ ܐܸܢܹܝܢ: ܘܚܘܼܒܵܐ
                ܒܵܥ̈ܝܵܢ ܫܲܦܝܼܖ̈ܵܬܼܵܐ ܕܢܸܣܬܲܥܖ̈ܵܢ ܒܹܗ܀ ܫܲܦܝܼܖ̈ܵܬܼܵܐ ܐܲܝܟܼ ܗܲܕܵܡܹ̈ܐ ܒܦܲܓܼܪܵܐ
                ܣܝܼ̈ܡܵܢ: ܘܚܘܼܒܵܐ ܡܡܲܠܸܐ ܕܘܼܟܲܬܼ ܢܲܦ̮ܫܵܐ ܠܟܼܠܹܗ ܓܘܼܫܡܵܐ܀ ܫܲܦܝܼܪ ܨܵܘܡܵܐ
                ܘܲܕܼܠܵܐ ܚܘܼܒܵܐ ܐܸܢ ܨܵܐܹ̇ܡ ܐ̄ܢܵܫ: ܦܘܼܡܹܗ ܡܲܣܪܸܐ ܘܠܵܐ ܐܝܼܬܼ ܝܘܼܬܼܪܵܢ
                ܒܲܢܙܝܼܪܘܼܬܹܗ܀ ܪܚܝܼܡܵܐ ܨܠܘܿܬܼܵܐ ܘܐܸܢ ܗ̤ܘ ܕܚܘܼܒܵܐ ܠܵܐ ܡܲܣܸܩ ܠܵܗ̇: ܡܚܝܼܠ ܗ̄ܘܼ
                ܓܸܦܵܗ̇ ܘܠܵܐ ܚܵܙ̇ܝܵܐ ܠܹܗ ܠܪܵܡܵܐ ܒܐܲܬܼܪܹܗ܀ ܣܲܓܝܼ ܪܚܝܼܡܵܐ ܙܲܕܝܼܩܘܼܬܼܵܐ ܠܲܕܼܦܵܠܲܟܼ
                ܠܵܗ̇: ܘܐܸܢ ܠܵܐ ܡܲܚܸܒܼ ܟܲܕܼ ܦܵܠܲܚ ܠܵܗ̇: ܘܐܸܢ ܠܵܐ ܡܲܚܸܒܼ ܟܲܕܼ ܦܵܠܲܚ ܠܵܗ̇
                ܣܪܝܼܩ ܗ̄ܘ̣ ܥܲܡܠܹܗ܀ ܫܒܼܝܼܚ ܗ̄ܘ̣ ܟܠܝܼܠܵܐ ܕܲܒܼܬܼܘܿܠܘܼܬܼܵܐ ܘܩܲܕܝܼܫܘܼܬܼܵܐ: ܘܐܸܢ
                ܡ̣ܢ ܚܘܼܒܵܐ ܣܦܝܼܩ ܩܲܕܝܼܫܵܐ ܐܲܝܟܼ ܓܲܝܵܪܵܐ ܗ̄ܘ̣܀ ܪܲܒܿ ܗ̄ܘ̣ ܐܲܓܼܪܹܗ ܕܐܲܝܢܵܐ ܕܩܵܨܹ̇ܐ
                ܠܟܲܦܢܵܐ ܠܲܚܡܹܗ:
             609 
            ܘܲܕܼܠܵܐ ܚܘܼܒܵܐ ܐܸܢ ܩܵܨܹ̇ܐ ܠܹܗ ܕܠܵܐ ܝܘܼܬܼܪܵܢܵܐ ܗ̄ܘ̣܀ ܕܢܸܬܸܠ ܣܵܗܕܵܐ ܓܘܼܫܡܹܗ
                ܠܢܘܼܪܵܐ ܘܲܠܝܲܩܕܵܢܵܐ: ܚܘܼܒܵܐ ܒܵܥܹ̇ܐ ܘܟܸܢ ܥܲܡ ܣܵܗܕܹ̈ܐ ܟܠܝܼܠܵܐ ܫܵܩܹ̇ܠ܀ ܙܵܟܹ̇ܐ
                ܗ̄ܘ̣ ܚܘܼܒܵܐ (ܠܲܢܒܼܝܼܘܼܬܼܵܐ ܘܗܲܝܡܵܢܘܼܬܼܵܐ( ܠܗܝܡܢܘܬܐ ܘܠܢܒܝܘܬܐ R. P. 196):
                ܒܸܠܥܵܕܼܵܘܗܝ ܓܹܝܪ ܠܵܐ ܕܡܸܬܼܢܲܒܸܐ ܘܠܵܐ ܕܲܡܗܲܝܡܸܢ܀ ܡ̣ܢ ܣܘܼܥܖ̈ܵܢܵܘܗܝ
                    ܝܵܠܹ̇ܦ( ܝܕܥ
                        R.) ܐܲܢ̄ܬܿ ܠܹܗ ܠܚܘܼܒܵܐ ܡܵܢܵܘ: ܘܲܥܒܼܝܼ̈ܕܼܵܬܹܗ ܣܵܗ̈ܕܵܢ ܥܠܵܘܗܝ
                ܕܲܟܼܡܵܐ ܫܲܦܝܼܪ܀ (ܒܚܘܼܒܵܐ ܐܲܒܼܵܐ( ܒܚܘܒܗ ܕܐܒܐ R. P. 196) ܐܲܫܠܸܡ̣ ܠܲܒܼܪܹܗ ܚܠܵܦ
                ܚܲܛܵܝܹ̈ܐ: ܕܠܵܐ ܚܘܼܒܵܐ ܓܹܝܪ ܗܵܢܵܐ ܥ̇ܒܼܵܕܼܵܐ ܠܵܐ ܗܵܘܹ̇ܐ ܗ̄ܘ̣ܵܐ܀ ܚܘܼܒܵܐ
                ܢܲܓܼܕܹܗ ܠܡܵܪܝܵܐ ܘܲܢܚܸܬܼ ܡ̣ܢ ܡܸܕܝܵܖ̈ܵܘܗܝ: ܚܲܠܛܹܗ ܒܐ̄ܢܵܫܵܐ ܕܢܸܗܘܸܐ ܚܲܒܼܪܵܐ (ܡܵܪܵܐ
                    ܠܥܲܒܼܕܵܘ̈ܗܝ(
                        ܡܪܐ ܠܥ̈ܒܕܐ P. 196 ܠܥܒ̈ܕܐ ܡܪܐ L. P.)܀ ܚܘܼܒܵܐ ܐܲܝܬܝܼ ܠܒܲܪ
                ܐܲܠܵܗܵܐ ܡ̣ܢ ܒܹܝܬܼ ܐܲܒܼܘܼܗܝ: ܘܥܲܒܼܕܹܗ ܐ̄ܢܵܫܵܐ ܘܣܲܝܒܲܪ ܚܲܫܹ̈ܐ ܕܲܙܩܝܼܦܘܼܬܼܵܐ܀
                ܚܘܼܒܵܐ ܚܲܒܼܫܹܗ ܘܲܒܼܓܼܵܘ ܟܲܪܣܵܐ ܘܲܒܼܓܼܵܘ ܩܲܒܼܪܵܐ: ܠܒܲܪ ܓܲܢ̄ܒܵܪܵܐ ܕܬܲܠܝܵܐ
                ܒܪܝܼܬܼܵܐ ܒܪܸܡܙܹܗ ܟܲܣܝܵܐ܀ ܒܚܘܼܒܹܗ ܕܐܲܒܼܵܐ ܕܲܡܬܼܘܿܡܵܐܝܼܬܼ ܐܝܼܬܼܵܘܗܝ ܗ̄ܘ̣ܵܐ ܒܹܗ:
                ܕܡܘܼܬܹܗ ܐܲܫܐܸܠ̣ ܕܢܸܒܼܪܸܐ ܐ̄ܢܵܫܵܐ ܒܨܲܠܡܵܐ ܕܲܒܼܪܹܗ܀ ܒܹܗ ܒܗܵܘ̇ ܚܘܼܒܵܐ ܒܪܵܐ
                ܒܸܖ̈ܝܵܬܼܵܐ ܟܲܕܼ ܒܵܪܹܐ ܗ̄ܘ̣ܵܐ: ܘܒܹܗ ܬܘܼܒܼ ܐܲܫܠܸܡ̣ ܠܝܼܚܝܼܕܼܵܝܹܗ ܟܲܕܼ ܦܵܪܹܩ
                ܗ̄ܘ̣ܵܐ܀ ܒܐܲܝܢܵܐ ܡܲܠܟܵܐ ܐܝܼܬܼ ܗ̄ܘ̣ܵܐ ܚܲܝܠܵܐ ܕܢܸܥܒܸܕܼ ܗܵܟܲܢ:
             610 
            ܕܢܲܫܠܸܡ ܠܲܒܼܪܹܗ(
                        ܢܦܫܗ P. 195) ܚܠܵܦ ܓܵܠܘܼܬܼܵܐ (ܕܢܲܦܢܹܝܗ̇ ܠܐܲܬܼܪܵܗ̇( ܕܬܦ̣ܢܐ ܠܐܬܪܗ R.
                    )܀ ܠܡܲܢ ܥܲܬܿܝܼܪܵܐ ܦܫܝܼܩ ܗ̄ܘ̣ܵܐ ܕܢܸܕܼܪܸܐ ܟ̱ܠܹܗ ܥܘܼܬܼܪܹܗ( ܓܲܙܗ R.):
                ܥܲܠ ܚܵܕܼܘܿܖܹ̈ܐ ܡܸܛܠ ܚܘܼܒܹܗ ܘܢܲܥܬܲܪ ܐܸܢܘܿܢ܀ ܡܲܢ ܝܵܗܹ̇ܒܼ ܗ̄ܘ̣ܵܐ ܒܪܹܗ
                ܠܲܥܠܵܬܼܵܐ ܕܢܸܗܘܸܐ ܕܸܒܼܚܵܐ: ܡܸܛܠ ܥܲܒܼ̈ܕܹܐ ܕܲܥܪܲܩ̣ܘ ܡܸܢܹܗ ܕܢܲܝܬܸܐ ܐܸܢܘܿܢ܀
                (ܡܲܢ ܡ̣ܢ ܛܵܒܹ̈ܐ( ܡܢ̣ܘ ܛܒ̇ܐ R. P. 196 ) ܠܵܐ ܕܵܚܹ̇ܠ ܗ̄ܘ̣ܵܐ
                ܕܢܲܪܡܸܐ ܢܲܦ̮ܫܹܗ: ܕܲܚܠܵܦ ܒܝܼ̈ܫܹܐ ܡܵܘܬܵܐ ܢܸܛܥܲܡ ܘܢܲܚܸܐ ܐܸܢܘܿܢ܀ ܘܐܲܝܢܵܐ ܚܲܝܵܐ
                ܡܨܸܐ ܗ̄ܘ̣ܵܐ ܕܢܸܓܿܘܿܫ ܥܘܼܡܩܹ̈ܝܗ̇ ܕܲܫܝܘܿܠ: (ܘܢܹܐܣܘܿܪ ܢܲܦ̮ܫܹܗ ܕܢܸܫܪܸܐ ܚܒܼܝܼ̈ܫܹܐ
                ܡ̣ܢ ܚܸܫܘܿܟܼܵܐ(
                        ܘܢܫܪܐ ܚܒܝܫ̈ܐ ܘܢܐܣܘܪ ܢܦܫܗ ܒܝܬ ܚܫܘ̈ܟܐ R. P. 196 )܀ ܡܲܢ ܥܸܠܵܝܵܐ
                ܥܵܒܹ̇ܕܼ ܗ̄ܘ̣ܵܐ ܠܹܗ ܥܘܼܡܪܵܐ ܩܲܒܼܪܵܐ( ܒܩܒܪܐ P. 196 ): ܘܡܲܣܸܩ ܡܝܼ̈ܬܹܐ
                ܠܥܘܼܡܪܵܐ ܪܵܡܵܐ( ܪܒܐ
                        R. P. 196 ) ܕܲܫܡܲܝܵܢܹ̈ܐ܀ ܗܵܢܵܐ ܥ̇ܒܼܵܕܼܵܐ ܚܘܼܒܵܐ ܥ̣ܒܲܕܼ ܠܹܗ
                ܠܒܲܪ ܐܲܠܵܗܵܐ: ܕܲܚܠܵܦ ܐ̄ܢܵܫܵܐ ܡܵܘܬܵܐ ܢܸܛܥܲܡ ܘܢܲܚܸܐ ܐܸܢܘܿܢ܀ ܡܸܛܠ ܗܵܢܵܐ ܪܵܡ
                ܗ̄ܘ̣ ܚܘܼܒܵܐ ܡ̣ܢ ܡܝܲܬܖ̈ܵܬܼܵܐ: ܘܲܬܼܚܹܝܬܼ ܥܸܩܒܹܗ ܣܝܼ̈ܡܵܢ ܟܠܗܹܝܢ ܫܲܦܝܼܖ̈ܵܬܼܵܐ܀
                ܠܟܼܵܐ ܡܸܢܹܗ ܗ̣̄ܝ ܙܲܕܝܼܩܘܼܬܼܵܐ ܘܲܓܼܡܝܼܪܘܼܬܼܵܐ: ܕܐܸܠܵܐ ܐܸܢ ܒܹܗ ܕܢܸܗܘܸܐ
                ܓܡܝܼܪܵܐ ܐ̄ܢܵܫ ܠܵܐ ܡܸܫܟܲܚ܀ ܟܡܵܐ ܕܢܸܙܕܲܕܲܩ ܐܲܝܢܵܐ ܕܙܲܕܝܼܩ ܒܲܥܒܼܝܼ̈ܕܼܵܬܹܗ:
                ܚܘܼܒܵܐ ܒܵܥܹ̇ܐ ܘܟܸܢ ܡܸܫܬܲܡܠܸܐ ܒܲܓܼܡܝܼܪܘܼܬܼܵܐ܀
             611 
            ܡܸܣܬܲܒܼܪܵܐ ܠܝܼ ܕܲܥܣܸܩ ܡܹܐܡܪܵܐ ܕܡܲܩܲܦ ܠܝܼ ܒܹܗ: ܘܣܲܓܝܼ ܝܲܩܝܼܪ ܥܲܠ ܫܵܡ̈ܘܿܥܹܐ ܫܲܪܒܵܐ
                ܕܐܲܪܡ̇ܝܼܬܼ܀ ܠܡܹܐܡܪܵܐ ܕܚܘܼܒܵܐ ܐܸܠܵܐ ܒܚܘܼܒܵܐ ܐ̄ܢܵܫ ܠܵܐ ܫܵܡܲܥ̇: ܘܐܲܝܟܵܐ
                ܢܸܒܼܥܹܝܘܗܝ ܐܵܘ ܨܹܝܕܼ ܡܲܢ̣ܘܼ ܕܲܢܡܲܠܸܠ ܒܹܗ܀ ܐܝܼܬܼ ܒܲܝܢܵܬܲܢ ܐܲܟܿܬܼܵܐ ܘܚܸܡܬܼܵܐ
                ܘܠܸܒܵܐ ܩܲܫܝܵܐ: ܚܣܵܡܵܐ ܘܢܸܟܼܠܵܐ ܘܕܲܓܵܠܘܼܬܼܵܐ ܘܡܹܐܟܲܠܩܲܪܣܵܐ܀ ܟܠ ܚܸܖ̈ܝܵܢܹܐ ܟܠ
                ܗܸܖ̈ܵܬܼܵܐ ܟܠ ܬܲܟܼܬܘܼ̈ܫܹܐ: ܟܠ ܡܲܨ̈ܘܵܬܼܵܐ( ܨܘܚܝܬ̈ܐ R. P. 196) ܟܠ ܥܸܠ̈ܠܵܬܼܵܐ
                ܕܡܲܡܠܠܵܐ ܣܲܢܝܵܐ܀ ܢܵܨܹ̇ܐ ܗܵܢܵܐ ܘܲܪܓܼܝܼܙ ܗܵܢܵܐ ܘܲܢܟܼܝܼܠ ܗܵܢܵܐ: ܐܲܝܟܵܘ ܚܘܼܒܵܐ
                ܢܡܲܠܸܠ ܫܲܪܒܹܿܗ ܕܠܵܐ ܕܘܼܘܵܕܼܵܐ܀ ܘܐܸܠܘܼ ܐܝܼܬܼܵܘܗܝ ܫܲܦܝܼܪ ܗ̄ܘ̣ܵܐ ܠܲܢ ܕܲܢܡܲܠܸܠ ܒܹܗ:
                ܘܲܕܼܠܵܐ ܐܝܼܬܼܵܘܗܝ ܛܠܝܼܡ ܘܲܡܩܲܦܲܚ ܫܲܪܒܵܐ ܕܲܥܠܵܘܗܝ܀ ܕܢܸܪܓܲܙ ܚܘܼܒܵܐ ܡ̣ܢ( ܥܠ P.
                195) ܐ̄ܢܵܫ ܡܸܡܬܼܘܿܡ ܠܵܐ ܡܸܫܬܲܥܒܲܕܼ: ܕܡܸܪܚܲܡ ܪܵܚܹ̇ܡ ܘܲܠܩܲܖ̈ܝܼܒܹܐ
                ܘܲܠܖ̈ܲܚܝܼܩܹܐ܀ ܠܵܐ ܓܹܝܪ ܡܸܫܟܲܚ ܢܸܣܢܸܐ ܚܘܼܒܵܐ ܠܲܕܼܣܵܢܹ̇ܐ ܠܹܗ: ܒܡܵܪܹܗ ܚܵܐܲܪ
                ܕܲܚܠܵܦ (ܟܠܢܵܫ ܨܠܝܼܒܼܵܐ( ܣܢ̈ܐܐ ܙܩܝܦܐ R. P. 196) ܣܲܝܒܲܪ܀ ܬܵܐ
                ܠܵܟܼ ܕܲܪܓܼܝܼܙ ܬܵܐ ܐܸܬܼܪܲܥܵܐ ܠܲܕܼܣܵܢܹ̇ܐ ܠܵܟܼ: ܕܲܡܚܲܒܸܿܠ ܠܵܗ̇ ܪܘܼܓܼܙܵܐ ܠܢܲܦ̣ܫܵܟܼ
                ܐܸܢ ܒܵܐܹ̇ܬܼ ܒܵܗ̇܀ ܡܸܛܠܗܵܢܵܐ ܫܠܝܼܚܵܐ ܦܵܩܹ̇ܕܼ( ܙܗܲܪ P.) ܠܲܕܼܫܵܡܲܥ̇ ܠܹܗ: ܕܠܵܐ
                ܠܲܡ ܢܸܥܪܲܒܼ ܫܸܡܫܵܐ ܘܢܸܫܟܲܚ ܕܲܪܓܼܝܼܙܝܼܢ ܐܢ̄ܬܿܘܿܢ܀
             612 
            ܗܲܪܛ( ܪܗܛ R.
                    P.) ܦܵܪܘܿܫܵܐ ܒܥܝܼ ܬܲܪܥܘܼܬܼܵܐ ܥܲܕܼ ܐܝܼܡܵܡܵܐ ܗ̄ܘ̣: ܕܐܸܢ ܒܵܐܹܬܼ
                ܒܵܟܼ ܪܘܼܓܼܙܵܐ ܒܠܸܠܝܵܐ ܥ̇ܒܼܵܕܼܵܐ ܥܵܒܹ̇ܕܼ܀ ܠܢܲܦ̮ܫܵܟܼ ܡܲܚܫܸܟܼ ܘܲܡܕܼܵܘܸܕܼ ܠܵܗ̇
                ܘܲܡܣܲܪܲܚ ܠܵܗ̇: ܘܡܲܟܼܐܸܒܼ ܠܸܒܵܐ ܘܟܼܠ ܚܘܼ̈ܫܵܒܹܐ ܕܠܝܼܚܹ̈ܐ ܡܵܘܠܸܕܼ( ܥܒ̇ܕ R.)܀
                ܡܲܦܪܲܥ ܗܵܘܢܵܐ ܚܸܠܡܹ̈ܐ( ܚܙܘ̈ܐ R.) ܫܓܼܝܼ̈ܫܹܐ ܕܠܵܐ ܫܲܦܝܼܪܝܼܢ:
                ܘܟܼܠ ܡܲܨ̈ܘܵܬܼܵܐ ܡܙܝܼܥ ܒܵܟܼ ܠܸܠܝܵܐ ܒܙܵܘ̈ܥܹܐ( ܒܚܠܡ̈ܐ P.) ܒܝܼ̈ܫܹܐ܀
                ܘܠܲܒܼܥܸܠܕܒܼܵܒܼܵܟܼ ܡܲܝܬܸܐ ܚܸܠܡܵܐ ܘܣܵܕܲܪ ܥܲܡܵܟܼ: ܘܟܼܠܹܗ ܠܸܠܝܵܐ ܗܵܘܹ̇ܐ
                (ܡܫܲܦܸܠ ܘܲܡܫܲܢܸܩ(
                        ܡܦܫܚ ܘܡܫ̇ܦܠ R.) ܠܵܟܼ܀ ܐܵܠܨܵܐ ܣܲܓܿܝܼ ܕܬܲܪܚܸܩ ܡܸܢܹܗ ܥܲܠ
                ܕܲܣܢܲܝܬܵܝܗܝ: ܘܲܕܼܒܲܪ ܚܸܠܡܵܐ ܘܐܲܥܸܠ̣ ܣܵܡܹܗ ܒܓܼܵܘ ܩܲܝܛܘܿܢܵܟܼ܀ ܣܚܲܦܬܵܝܗܝ
                ܕܢܹܐܙܲܠ ܘܐܲܝܬܝܼ ܠܸܠܝܵܐ ܘܚܲܠܛܹܗ ܥܲܡܵܟܼ: ܕܡܸܟܼ ܒܵܟܼ ܪܘܼܓܼܙܵܐ ܚܲܢܩ̣ܘܼܟܼ ܚܸܠܡܹ̈ܐ
                ܕܲܫܓܼܝܼܫܘܼܬܼܵܐ܀ ܡ̣ܢ ܥܸܢܝܵܢܵܐ ܗܘ̇ ܕܐܝܼܡܵܡܵܐ ܢܒܲܥ̣ܘ ܚܸܙ̈ܘܵܢܹܐ: ܘܟܼܠܹܗ ܠܸܠܝܵܐ
                ܐܲܝܬܿܝܹܗ ܠܣܵܢܐܵܟܼ ܕܢܸܗܘܿܪ ܥܲܡܵܟܼ܀ ܘܵܝ ܠܵܟܼ ܡܸܢܹܗ ܕܗܵܐ ܣܚܝܼܦ ܥܲܡܵܟܼ ܥܲܠ
                ܬܸܫܘܝܼܬܼܵܟܼ: ܘܟܲܕܼ ܕܲܡܝܼܟܼ ܐܲܢ̄ܬܿ ܢܵܨܹ̇ܐ ܥܲܡܵܟܼ ܘܲܡܩܲܦܲܚ ܠܵܟܼ܀ ܪܘܼܓܼܙܵܐ
                ܕܒܼܵܬܼ ܒܵܟܼ ܨܵܪ ܠܵܟܼ ܨܲܠܡܵܐ ܕܗܵܘ̇ ܕܲܣܢܲܝܬܵܝܗܝ: ܘܲܒܼܓܼܵܘ ܚܸܠܡܵܐ ܣܵܡܹܗ ܠܩܘܼܒܼܠܵܟܼ
                ܕܬܸܬܼܩܲܠܸܐ ܒܹܗ܀ ܐܸܢ ܣܵܢܹ̇ܝܬܿ ܠܹܗ ܐܸܬܼܪܲܥܵܐ ܠܹܗ ܘܐܲܓܼܗܵܐ ܡܸܢܹܗ: ܣܝܼܡ ܒܵܟܼ
                    ܚܘܼܒܵܐ( ܚܘܒܗ
                        R.) ܥܲܕܼܠܵܐ ܬܸܕܼܡܲܟܼ ܘܗܵܐ ܠܵܐ ܫܲܚܩܵܟܼ܀
             613 
            ܒܥܸܠܕܒܼܵܒܼܘܼܬܼܵܐ ܣܲܒܼ ܡ̣ܢ ܢܲܦ̮ܫܵܟܼ ܡ̣ܢ ܟܲܕܼ ܥܝܼܪ ܐܲܢ̄ܬܿ: ܘܣܝܼܡ ܒܵܗ ܚܘܼܒܵܐ
                ܕܬܹܐܠܲܕܼ ܚܸܠܡܹ̈ܐ ܐܲܠܵܗܵܝܹ̈ܐ܀ ܡܸܢܹܗ ܕܪܲܡܫܵܐ ܐܲܥܸܠ ܫܲܝܢܵܐ ܒܓܼܵܘ ܪܸܥܝܵܢܵܟܼ:
                ܘܗܵܐ ܡܸܫܟܲܟܼ ܐܲܢ̄ܬܿ ܫܸܢܬܼܵܐ ܫܦܝܼܬܼܵܐ ܠܸܠܝܵܐ ܟ̱ܠܹܗ܀ ܢܸܥܪܲܒܼ ܫܸܡܫܵܐ ܘܢܸܕܼܢܲܚ
                ܚܘܼܒܵܐ (ܥܲܠ ܬܲܪܥܝܼܬܼܵܟܼ( ܠܓܘ ܪܥܝܢܟ P. ܒܓܘ ܪܥܝܢܟ P.): ܘܢܘܼܗܪܹܗ
                ܕܚܘܼܒܵܐ ܢܸܙܟܸܿܐ ܠܠܸܠܝܵܐ ܕܠܵܐ ܢܸܚܫܲܟܼ ܠܵܟܼ܀ ܚܸܫܘܿܟܼ ܠܸܠܝܵܐ ܘܚܸܫܘܿܟܼ ܪܘܼܓܼܙܵܐ
                ܘܐܸܢ ܠܲܬܼܖ̈ܲܝܗܘܿܢ: ܬܸܬܸܠ ܢܲܦ̮ܫܵܟܼ ܡܲܢ̣ܘܼ ܡܲܢܗܲܪ ܐܵܘ ܡܲܦܨܲܚ( ܘܡܒܼܝܼ̇ܐ R. P. 196)
                ܠܵܟܼ܀ ܥ̣ܡܲܕܼ ܠܹܗ ܝܵܘܡܵܐ ܣܲܒܼ ܠܵܟܼ ܚܘܼܒܵܐ ܫܸܡܫܵܐ ܪܲܒܵܐ: ܘܥܘܿܠ ܐܲܢܗܲܪ ܒܹܗ
                ܒܠܸܠܝܵܐ ܢܲܦ̮ܫܵܟܼ ܡ̣ܢ ܒܝܼ̈ܫܵܬܼܵܐ܀ ܒܲܒܼܥܸܠܕܒܼܵܒܼܵܟܼ ܒܚܘܼܒܵܐ ܚܘܼܪ ܒܹܗ ܡܵܐ
                ܕܕܼܵܡܹ̇ܟܼ ܐܲܢ̄ܬܿ: ܘܗܵܐ ܒܸܣܡܲܬ̤ ܠܵܟܼ ܫܸܢܬܼܵܐ ܘܐܲܓܼܗܝܼܬܿ ܡ̣ܢ ܡܲܨܘܼܬܼܵܐ܀ ܟܠ
                ܚܘܼ̈ܫܵܒܹܐ ܛܵܒܹ̈ܐ ܘܒܼܝܼ̈ܫܹܐ ܙܲܖ̈ܥܹܐ ܐܸܢܘܿܢ: ܢܲܦ̮ܫܵܐ ܐܲܪܥܵܐ ܐܵܦ ܨܸܒܼܝܵܢܵܐ ܐܲܝܟܼ
                ܐܲܟܵܪܵܐ܀ ܘܐܸܢ ܚܘܼ̈ܫܵܒܹܐ ܒܝܼ̈ܫܹܐ ܒܪܲܡܫܵܐ ܒܢܲܦ̮ܫܵܟܼ ܬܸܙܪܘܿܥ: ܚܸܠܡܹ̈ܐ
                ܕܠܝܼ̈ܚܹܐ ܐܝܼܬܼ ܠܵܟܼ ܬܸܚܨܘܿܕܼ ܠܸܠܝܵܐ ܟ̱ܠܹܗ܀ ܘܐܸܢ ܬܸܛܡܘܿܪ ܒܵܗ̇ ܚܘܼܒܵܐ ܒܢܲܦ̮ܫܵܟܼ
                ܡܵܐ ܕܕܼܵܡܹ̇ܟܼ ܐܲܢ̇ܬܿ: ܥܸܛܪܵܐ ܚܲܠܝܵܐ ܒܫܸܢܬܼܵܟܼ ܢܸܣܲܩ ܡ̣ܢ ܬܸܫܘܝܼܬܼܵܟܼ܀
                ܪܘܼܓܼܙܵܐ ܠܢܲܦ̮ܫܵܟܼ ܡܸܕܼܠܲܚ ܕܵܠܲܚ ܡܵܐ ܕܥܵܐܹ̇ܠ ܠܵܗ̇: ܫܲܦܵܗ̇ ܡܸܢܹܗ ܘܲܡܠܝܼܗ̇
                ܫܲܝܢܵܐ ܡܵܐ ܕܕܼܵܡܹ̇ܟܼ ܐܲܢ̄ܬܿ܀ ܦܵܘܠܘܿܣ ܐܵܣܝܵܐ ܕܲܠܢܲܦ̮̈ܫܵܬܼܵܐ ܦܫܝܼܩ ܠܹܗ
                ܢܸܥܨܘܿܒܼ:
             614 
            ܗܵܢܵܐ ܥܨܵܒܼܵܐ ܣܵܡ̣ ܠܵܗ̇ ܠܢܲܦ̮ܫܵܐ ܕܬܸܬܼܐܲܣܸܐܒܹܗ܀ ܠܪܲܓܘܼܙܬܼܵܢܵܐ ܦܲܩܕܹܗ ܕܫܸܡܫܵܐ
                ܥܠܵܘܗܝ ܠܵܐ ܢܸܥܪܲܒܼ: ܐܸܠܵܐ ܐܲܦܸܩ̣ ܠܪܘܼܓܼܙܵܐ ܡܸܢܹܗ ܕܠܵܐ ܢܸܕܼܡܲܟܼ ܒܹܗ܀
                ܐܲܟܿܬܼܵܐ ܒܢܲܦ̮ܫܵܐ ܚܲܠܵܕܝܼܬܼܵܐ ܗ̣̄ܝ ܠܲܕܼܩܵܢܹ̇ܐ ܠܵܗ̇: ܘܐܸܢ ܒܵܝ̇ܬܵܐ ܒܹܗ
                ܠܵܒܼܟܵܐ ܢܘܿܡܝܼ ܘܲܡܣܲܪܚܵܐ ܠܹܗ܀ ܡܸܛܠ ܗܵܢܵܐ ܝܲܗ̣̄ܒܼ ܬܲܪܥܘܼܬܼܵܐ ܠܐܲܝܢܵܐ ܕܲܪܓܼܝܼܙ:
                ܕܠܵܐ ܢܸܣܪܘܿܚ ܒܹܗ ܪܘܼܓܼܙܵܐ ܒܠܸܠܝܵܐ ܐܸܢ ܒܵܐܹ̇ܬܼ ܒܹܗ܀ ܡ̣ܢ ܟܲܕܼ ܢܲܗܝܼܪ ܐܲܢܗܲܪ
                ܢܲܦ̮ܫܵܟܼ ܐܘܿ ܦܵܪܘܿܫܵܐ: ܕܠܵܐ ܡܵܐ ܕܲܚܫܸܟܼ (ܒܝܼܫܘܼܬܼ ܠܸܒܵܐ ܒܚܲܫܵܐ∗ ܒܚܫܟܐ
                R.∗ ܬܸܬܼܘܹܝܟܼ( ܒܒܝܫܘܬ ܠܒܟ ܚܫܟܐ ܢ̇ܪܘܝܟ L. P. 195)܀
                ܠܲܒܼܥܸܠܕܒܼܵܒܼܵܟܼ ܡܘܿܢ ܬܸܥܒܸܿܕܼ ܠܹܗ ܡܵܐ ܕܐܲܣܟܸܠ̣ ܒܵܟܼ: ܪܚܲܡܲܝܗܝ ܘܲܙܟܼܝܼܘܗܝ
                ܕܐܸܢ ܗ̤ܘ ܕܬܸܣܢܹܝܘܗܝ ܗ̤ܘ ܙܵܟܹ̇ܐ ܠܵܟܼ܀ ܟܡܵܐ ܕܣܵܢܹ̇ܝܬܿ ܠܹܗ ܗܵܘܹ̇ܐ ܟܘܼܒܵܐ ܒܓܼܵܘ
                ܬܲܪܥܝܼܬܼܵܟܼ: ܘܲܡܕܲܒܸܿܨ ܠܵܟܼ ܐܸܠܵܐ ܪܚܸܡܬܵܝܗܝ ܠܵܐ ܐܲܓܼܗܝܼܬܵܝܗܝ܀ ܒܨܲܠܡܹܗ
                ܕܲܒܼܪܵܐ ܓܒܼܝܼܠ(
                        ܥܒܝܕ P.) ܐܲܢ̄ܬܿ ܓܲܒܼܪܵܐ ܕܣܵܢܹ̇ܐ ܠܐܲܚܘܼܗܝ: ܒܡܵܢ ܬܸܕܼܡܸܐ ܠܹܗ
                ܐܸܠܵܐ ܕܬܸܪܚܲܡ ܠܲܕܼܣܵܢܹ̇ܐ ܠܵܟܼ܀ ܝܼܫܘܿܥ ܪܲܒܵܟܼ ܫܲܚܠܸܦ̣ ܡܲܝ̈ܵܐ ܠܚܲܡܪܵܐ ܛܵܒܼܵܐ:
                ܥܒܸܕܼ ܐܲܟܼܘܵܬܹܗ ܥܒܼܵܕܼܵܐ ܚܲܕܼܬܼܵܐ ܘܐܸܬܿܕܲܡܵܐ ܒܹܗ܀ ܣܲܒܼ ܫܲܚܠܸܦ ܐܲܢ̄ܬܿ
                ܣܵܢܐܵܐ ܒܪܵܚ̇ܡܵܐ ܒܓܼܵܘ ܪܸܥܝܵܢܵܟܼ: ܐܲܝܟܼ ܕܲܒܼܩܵܛܢܹܐ ܬܸܚܙܸܐ ܒܢܲܦ̮ܫܵܟܼ ܟܠ
                ܚܲܕܼ̈ܬܼܵܬܼܵܐ܀ ܐܲܒܼܘܼܢ ܩܵܪܹܝܬܿ ܠܐܲܒܼܵܐ ܕܪܵܘܡܵܐ ܒܹܝܬܼ ܚܘܼܣܵܝܵܐ: ܚܵܘܵܐ ܕܐܝܼܬܼ
                ܒܵܟܼ ܡ̣ܢ ܕܸܡ̈ܘܵܬܹܗ ܕܝܼܚܝܼܕܼܵܝܵܐ܀
             615 
            ܗ̤ܘ ܡ̣ܢ ܡܲܝ̈ܵܐ ܥ̣ܒܲܕܼ ܗ̄ܘ̣ܵܐ ܚܲܡܪܵܐ ܕܒܲܪ ܐܲܠܵܗܵܐ ܗ̄ܘ̣: ܥܒܲܕܼ ܐܲܢ̄ܬܿ ܫܲܝܢܵܐ ܡ̣ܢ
                ܡܲܨܘܼܬܼܵܐ ܘܐܸܬܿܕܲܡܵܐ ܒܹܗ܀ ܟܲܕܼ ܠܵܐ ܡܪܲܛܸܢ ܝܲܗ̣̄ܒܼ ܗ̄ܘ̣ܵܐ ܦܲܟܹܿܗ ܠܲܕܼܡܵܚܹ̇ܐ ܠܹܗ:
                ܘܐܲܢ̄ܬܿ ܡ̣ܢ ܡܸܠܬܼܵܐ ܗܵܐ ܗܦܝܼܟܼ ܘܲܕܼܠܝܼܚ ܘܲܡܠܸܐ ܪܘܼܓܼܙܵܐ܀ ܠܐܲܦܵܘ̈ܗܝ ܪܘܼܩܵܐ
                ܘܢܸܓܼܕܹ̈ܐ ܠܚܲܨܹܗ ܚܠܵܦ ܚܲܛܵܝܹ̈ܐ: ܘܲܡܣܲܝܒܲܪ( ܘܡܣܪܗܒ P. 195) ܗ̄ܘ̣ܵܐ ܕܲܚܠܵܦܲܝܗܘܿܢ
                ܡܵܘܬܵܐ ܢܸܛܥܲܡ܀ ܟܲܕܼ ܣܵܢܹ̇ܝܢ ܠܹܗ ܪܵܚܹ̇ܡ ܗ̄ܘ̣ܵܐ ܠܗܘܿܢ ܒܲܪ ܐܲܠܵܗܵܐ: ܘܟܲܕܼ
                ܙܵܩ̇ܦܝܼܢ ܠܹܗ ܚܠܵܦ ܚܲܝܲܝ̈ܗܘܿܢ ܡܸܬܼܩܲܪܲܒܼ ܗ̄ܘ̣ܵܐ܀ ܬܵܐ ܚܵܘܵܐ ܠܝܼ ܓܲܒܼܪܵܐ ܪܓܼܝܼܙܵܐ
                ܕܣܵܢܹ̇ܐ ܠܐܲܚܘܼܗܝ: ܡܵܢܵܐ ܥ̣ܒܲܕܼ ܠܵܟܼ ܕܲܥܣܝܼܩܵܐ( ܕܥܣܝܩ ܗܘ P. 196) ܠܵܟܼ ܬܸܬܼܪܲܥܸܐ ܠܹܗ܀
                ܡܸܛܠܲܡ ܛܲܠܡܵܟܼ ܚܘܼܪ ܒܐܲܠܵܗܵܐ ܕܲܛܠܝܼܡ ܐܵܦ ܗ̤ܘ: ܡܸܥܠܲܒܼ ܥܲܠܒܵܟܼ ܐܵܦ ܠܹܗ
                ܥܲܠܒܿܘܼܗܝ ܘܲܡܩܲܒܸܿܠ ܗ̄ܘ̣ܵܐ܀ ܨܲܥܪܵܟܼ ܨܲܚܝܵܟܼ ܢܲܟܼܠܵܟܼ ܐܲܚܘܼܟܼ ܬܘܼܒܼ ܚܲܝܵܒܼ
                ܐܲܢ̄ܬܿ: ܕܒܲܪ ܐܲܠܵܗܵܐ ܨܠܝܼܒܼܵܐ ܣܲܝܒܲܪ ܟܲܕܼ ܠܵܐ ܣܵܢܹ̇ܐ܀ ܘܒܼܵܬܲܪ ܗܵܠܹܝܢ ܐܸܠܵܐ
                ܪܚܸܡܬܵܝܗܝ ܠܵܐ ܡܸܫܟܲܚ ܐܲܢ̄ܬܿ: ܬܸܩܪܸܐ ܐܲܒܼܘܼܢ ܐܸܢ ܐܲܚܘܼܗܝ ܐܲܢ̄ܬܿ ܕܝܼܚܝܼܕܼܵܝܵܐ܀
                ܫܒܼܘܿܩ ܠܹܗ ܕܐܲܣܟܸܠ̣ ܘܲܪܗܲܛ ܨܹܐܕܼܵܘܗܝ ܘܐܸܬܼܪܲܥܵܐ ܠܹܗ: ܕܗܵܢܵܐ ܥ̇ܒܼܵܕܼܵܐ
                ܝܵܗ̇ܒܵܐ ܣܒܲܪܬܼܵܐ ܠܲܕܼܫܵܡܲܥ̇ ܠܵܗ̇܀ ܐܘܿ ܬܲܠܡܝܼܕܼܵܐ ܐܸܠܵܐ ܬܸܪܚܲܡ ܠܲܕܼܣܵܢܹ̇ܐ ܠܵܟܼ:
                ܒܥܝܼ ܠܵܟܼ ܪܲܒܵܐ ܕܪܲܒܵܐ ܙܩܝܼܦܵܐ ܠܵܐ ܗܵܘܹ̇ܐ ܠܵܟܼ܀ ܐܸܢܗ̤ܘ ܕܝܼܫܘܿܥ ܐܝܼܬܼܵܘܗܝ
                ܣܵܦ̇ܪܵܟܼ ܗܵܟܲܢ ܡܲܠܸܦ:
             616 
            ܕܠܲܒܼܥܸܠܕܒܼܵܒܼܵܟܼ ܬܸܗܘܸܐ ܡܲܚܸܒܼ ܘܲܡܚܲܒܸܒܼ ܠܹܗ܀ ܘܐܸܠܵܐ ܫܡܲܥܬܵܝܗܝ ܚܸܘܝܵܐ ܗ̄ܘ̣
                ܣܵܦ̇ܪܵܟܼ ܗܵܘ̇ (ܕܲܒܼܢܸܟܼܠܹܗ: ܟܠ ܡܲܨ̈ܘܵܬܼܵܐ( ܢܵܟܼܘܿܠܵܐ: ܕܟܼܠ ܨܘܿܚ̈ܝܵܬܼܵܐ P. 196)
                ܘܣܸܕܼ̈ܩܹܐ ܪܵܡܹ̇ܐ ܒܹܝܬܼ ܬܲܠܡܝܼ̈ܕܹܐ܀ ܬܪܹܝܢ ܖ̈ܲܒܵܢܝܼܢ ܗ̄ܘ̤ܵܘ (ܠܹܗ ܠܥܵܠܡܵܐ( ܒܗ ܒܥܠܡܐ P.
                    195) ܗܵܐ ܡ̣ܢ ܥܵܠܲܡ: ܘܠܵܘ ܐܲܝܟܼ ܗܵܢܵܐ ܡܲܠܸܦ ܗܵܢܵܐ
                ܠܬܲܠܡܝܼܕܲܝ̈ܗܘܿܢ܀ ܒܝܘܼܠܦܵܢܲܝ̈ܗܘܿܢ ܚܸܘܝܵܐ ܘܡܵܪܲܢ ܣܵܦ̇ܖܹ̈ܝܗ̇ ܕܐܲܪܥܵܐ: ܚܲܕܼ
                ܩܵܛܘܿܠܵܐ ܚܲܕܼ ܡܲܚܝܵܢܵܐ ܠܬܲܠܡܝܼܕܲܝ̈ܗܘܿܢ܀ ܡܲܠܸܦ ܚܸܘܝܵܐ ܩܲܫܝܘܼܬܼ ܠܸܒܵܐ ܘܒܼܝܼܫܘܼܬܼ
                ܥܲܝ̈ܢܹܐ: ܘܣܸܢܐܲܬܼ ܐܲܚܹ̈ܐ ܘܲܪܓܼܝܼܙܘܼܬܼܵܐ ܘܢܸܟܼܠܵܐ ܐ̄ܡܝܼܢܵܐ܀ ܪܘܼܓܼܙܵܐ ܪܲܒܵܐ
                ܛܢܵܢܵܐ ܘܚܸܡܬܼܵܐ ܘܲܕܼܠܝܼܚܘܼܬܼܵܐ: ܗܸܪܬܼܵܐ ܘܐܲܟܿܬܼܵܐ ܥܲܡ ܚܸܖ̈ܝܵܢܹܐ ܘܣܸܕܼܩܹ̈ܐ
                ܒܝܼ̈ܫܹܐ܀ ܓܲܢܵܒܼܘܼܬܼܵܐ ܘܕܲܓܵܠܘܼܬܼܵܐ ܘܓܲܝܵܪܘܼܬܼܵܐ: ܘܲܦܠܝܼܓܼܘܼܬܼܵܐ ܥܲܡ
                ܡܲܨܘܼܬܼܵܐ ܘܲܕܼܡܵܐ ܕܐܲܫܝܼܕܼ܀ ܘܡܲܠܸܦ ܝܼܫܘܿܥ ܕܲܟܼܝܘܼܬܼ ܠܸܒܵܐ ܘܛܵܒܼܘܼܬܼ ܥܲܝܢܵܐ:
                ܘܪܸܚܡܲܬܼ ܐ̄ܢܵܫܵܐ ܘܲܦܨܝܼܚܘܼܬܼܵܐ ܘܲܚܠܝܼܛܘܼܬܼܵܐ܀ ܫܲܝܢܵܐ ܪܲܒܵܐ ܫܠܵܡܵܐ ܫܲܦܝܵܐ
                ܘܚܘܼܒܵܐ ܢܲܩܕܵܐ: ܬܲܡܝܼܡܘܼܬܼܵܐ ܘܲܬܼܪܝܼܨܘܼܬܼܵܐ ܘܡܲܟܿܝܼܟܼܘܼܬܼܵܐ܀ ܐܵܦ
                ܫܲܦܝܘܼܬܼܵܐ ܘܲܦܫܝܼܛܘܼܬܼܵܐ ܘܗܲܝܡܵܢܘܼܬܼܵܐ: ܘܙܲܕܝܼܩܘܼܬܼܵܐ ܘܲܕܼܢܸܪܚܲܡ ܐ̄ܢܵܫ
                ܠܲܕܼܣܵܢܹ̇ܐ ܠܹܗ܀ ܬܵܐ ܬܲܠܡܝܼܕܼܵܐ ܣܲܒܼ ܠܵܟܼ ܪܲܒܵܐ ܚܲܕܼ ܡ̣ܢ ܗܵܠܹܝܢ:
                ܘܲܒܼܝܘܼܠܦܵܢܹܗ ܠܵܐ ܬܸܬܼܥܲܪܩܲܠ ܐܸܢ ܪܲܒܵܟܼ ܗ̄ܘ̣܀
             617 
            ܓܒܼܝܼ ܠܵܟܼ ܣܵܦ̇ܖ̈ܵܐ ܘܝܼܠܲܦ ܡܸܢܹܗ ܐܲܝܟܼ ܕܐܵܡ̇ܲܪ ܠܵܟܼ: ܠܲܬܼܖ̈ܲܝܗܘܿܢ ܓܹܝܪ ܬܸܗܘܸܐ
                ܫܵܡܲܥ̇ ܠܵܐ ܡܸܫܟܲܚ ܐܲܢ̄ܬ̇܀ ܐܸܢ ܬܲܠܡܝܼܕܼܵܐ ܠܚܸܘܝܵܐ ܬܸܗܘܸܐ ܪܓܼܝܼܓܼ ܪܸܥܝܵܢܵܟܼ:
                ܪܓܲܙ ܘܲܦܐܸܐ ܠܵܟܼ ܘܲܣܢܝܼ ܠܐܲܚܘܼܟܼ ܟܲܕܼ ܪܵܚܹ̇ܡ ܠܵܟܼ܀ ܘܲܗ̤ܘܝܼ ܕܠܝܼܚܵܐ
                ܗܦܝܼܟܼܵܐ ܟܡܝܼܪܵܐ ܘܣܵܢܹ̇ܐ ܐ̄ܢܵܫܵܐ: ܟܡܹܐܢܹ̈ܐ ܛܲܝܸܒܼ ܗܸܪܬܼܵܐ ܓܲܪܸܓܼ ܘܐܲܥܝܼܪ
                ܪܘܼܓܼܙܵܐ܀ ܩܪܝܼ ܠܡܲܨܘܼܬܼܵܐ ܘܲܫܓܼܘܿܫ ܘܲܕܼܠܘܿܚ ܘܐܲܪܡܵܐ ܚܲܪܒܵܐ: ܘܐܲܝܟܼ
                ܬܲܠܡܝܼܕܼܵܐ ܛܲܪܩܵܐ ܕܚܸܘܝܵܐ ܗ̤ܘܝܼ ܡܲܪܝܼܪܵܐ܀ ܪܲܚܡܵܟܼ ܐܲܚܘܼܟܼ ܣܢܝܼܘܗܝ ܐܲܢ̄ܬܿ ܡܲܓܵܢ
                ܡܵܢ ܒܲܛܝܼܠ ܐܲܢ̄ܬܿ: ܘܐܸܢ ܣܵܢܹ̇ܐ ܠܵܟܼ ܣܢܝܼܘܗܝ ܐܲܝܟܼ ܕܲܣܢܵܟܼ ܘܐܸܬܼܦܲܪܲܣ ܠܹܗ܀
                ܨܠܝܼ ܠܹܗ ܦܲܚܵܐ ܚܦܘܿܪ ܠܹܗ ܒܹܐܪܵܐ ܫܕܼܝܼܘܗܝ ܠܐܲܒܼܕܵܢܵܐ: ܚܫܘܿܠ ܒܝܼ̈ܫܵܬܼܵܐ
                ܘܐܲܣܓܵܐ ܨܲܚܵܝܗܝ ܥܲܠ ܥܲܠ ܕܐܲܣܟܸܠ̣ ܒܵܟܼ܀ ܘܐܸܢܗ̤ܘ ܕܐܵܬܹ̇ܐ ܕܢܸܬܼܪܲܥܸܐ ܠܵܟܼ ܠܵܐ
                ܢܸܬܼܩܲܒܲܠ: ܕܠܵܐ ܢܸܪܓܲܙ ܠܹܗ ܪܲܒܵܟܼ ܚܸܘܝܵܐ ܒܝܼܫܵܐ( ܒܚܫܐ L. P.) ܡܸܢܵܟܼ܀
                ܗ̤ܘ ܡܲܠܸܦ ܠܵܟܼ ܕܠܵܐ ܬܸܬܼܪܲܥܸܐ ܘܠܵܐ ܬܸܫܬܲܦܸܐ: ܘܠܵܐ ܐ̄ܢܵܫ ܢܸܙܟܹܿܝܟܼ ܕܠܵܐ
                ܬܸܗܘܸܐ ܠܵܟܼ ܡ̣ܢ ܦܵܫܘܿܖܹ̈ܐ܀ ܐܸܠܵܐ ܦܪܲܥܬܵܝܗܝ ܚܘܼ̈ܒܼܠܹܐ ܒܝܼ̈ܫܹܐ ܠܗܵܘ̇ ܕܐܲܣܟܸܿܠ̣
                ܒܵܟܼ: ܘܠܵܐ ܬܸܫܒܿܘܿܩ ܠܹܗ ܘܐܸܠܵܐ ܫܵܐܹ̇ܛ ܘܲܡܓܲܚܸܟܼ( ܘܡܒܙܚ P. 196) ܒܵܟܼ܀
                ܣܥܘܿܪ ܠܹܗ ܒܝܼܫܬܵܐ ܕܪܲܒܵܐ ܡ̣ܢ ܗܵܝ̇ ܕܲܣܥܲܪ ܠܵܟܼ ܗ̤ܘ: ܕܢܸܗܘܸܐ ܕܵܚܹ̇ܠ ܟܠܢܵܫ
                ܡܸܢܵܟܼ ܘܲܡܝܲܩܲܪ ܠܵܟܼ܀
             618 
            ܗܵܠܹܝܢ ܡܲܠܸܦ ܚܸܘܝܵܐ ܠܖ̈ܵܚܡܵܘܗܝ ܘܲܠܬܲܠܡܝܼܕܼܵܘ̈ܗܝ: ܘܵܝ ܠܹܗ ܠܐܲܝܢܵܐ ܕܨܵܠܹ̇ܐ ܐܸܕܼܢܹܗ
                ܘܲܡܩܲܒܸܿܠ ܠܹܗ܀ ܒܲܬܲܪ ܗܵܠܹܝܢ ܬܵܐ ܫܡܲܥ ܠܝܼܫܘܿܥ ܡܘܿܢ ܐܵܡ̇ܲܪ ܠܵܟܼ:
                ܘܲܠܝܘܼܠܦܵܢܵܐ ܕܒܹܝܬܼ ܐܲܠܵܗܵܐ ܗ̤ܘܝܼ ܬܲܠܡܝܼܕܼܵܐ܀ ܠܣܵܢܐܵܟܼ ܐܲܚܸܒܼ ܘܐܲܦܢܵܐ
                ܦܲܟܵܟܼ ܠܲܕܼܡܵܚܹ̇ܐ ܠܵܟܼ: ܘܲܚܠܵܦ ܪܵܚܡܵܟܼ ܢܲܦ̮ܫܵܟܼ ܐܲܫܠܸܡ ܐܸܢ ܡܸܬܿܬܲܒܼܥܲܬܿ܀
                ܠܲܒܼܥܸܠܕܒܼܵܒܼܵܟܼ ܪܚܲܡܲܝܗܝ ܡܸܪܚܲܡ ܐܸܢ ܬܲܠܡܝܼܕܼܝܼ ܐܲܢ̄ܬܿ: ܘܐܸܢ ܡܲܣܟܸܠ ܒܵܟܼ
                ܫܒܲܥ ܥܲܠ ܫܲܒܼܥܝܼܢ ܐܸܬܼܪܲܥܵܐ ܠܹܗ܀ ܐܸܫܬܲܥ ܨܲܥܪܵܐ ܘܐܲܢ̄ܬܿ ܠܵܐ ܬܨܲܥܲܪ ܠܲܕܼܣܵܢܹ̇ܐ
                ܠܵܟܼ: ܘܲܗ̤ܘܝܼ ܛܵܒܼܵܐ ܐܵܦ ܨܹܝܕܼ ܒܝܼ̈ܫܹܐ ܕܲܡܨܲܚܹܝܢ ܠܵܟܼ܀ ܫܒܼܘܿܩ ܠܹܗ ܠܐܲܚܘܼܟܼ
                ܟܠ ܒܝܼ̈ܫܵܬܼܵܐ ܕܲܣܥܝܼܖ̈ܵܢ ܠܹܗ: ܕܗܵܟܲܢ ܡܲܠܸܦ ܣܵܦܪܵܟܼ ܝܼܫܘܿܥ ܐܸܢ ܕܝܼܠܹܗ ܐܲܢ̄ܬܿ܀
                ܚܘܼܪ ܒܲܙܩܝܼܦܵܐ ܘܚܘܼܪ ܒܲܟܼܠܝܼܠܵܐ ܕܟܼܘܼ̈ܒܹܿܐ ܕܲܥܠܵܘܗܝ: ܘܡܸܚܕܼܵܐ ܕܵܥ̇ܟܵܐ
                ܐܲܟܿܬܼܵܐ ܘܚܸܡܬܼܵܐ ܡ̣ܢ ܬܲܪܥܝܼܬܼܵܟܼ܀ ܥܲܠ ܕܲܢܪܲܥܸܐ ܠܓܸܢܣܵܐ ܕܐ̄ܢܵܫܵܐ ܕܪܲܓܿܝܼܙܝܼܢ
                ܗ̄ܘ̣ܵܘ: ܒܠܲܥ̣ ܘܐܸܨܛܲܥܲܪ ܘܲܥ̣ܒܲܕܼ ܫܲܝܢܵܐ ܒܥܵܠܡܵܐ ܟ̱ܠܹܗ܀ ܐܸܬܿܛܲܥܝܲܬ̤ ܠܵܗ̇
                ܡܲܠܦܵܢܘܼܬܹܗ ܕܒܲܪ ܐܲܠܵܗܵܐ: ܘܠܘܼܩܒܲܠ ܐܲܦܵܘ̈ܝ ܪܵܗܹ̇ܛ ܟܠܢܵܫ ܒܲܥܒܼܝܼ̈ܕܼܵܬܹܗ܀
                ܥܪܲܩܘ ܬܲܠܡܝܼ̈ܕܹܐ ܡ̣ܢ ܡܲܠܦܵܢܵܐ ܕܫܲܪܝܼܖ̈ܵܬܼܵܐ: ܘܫܵܛ̣ ܦܘܼܩܕܵܢܵܐ ܕܡܲܠܸܦ ܫܲܝܢܵܐ
                ܠܲܕܼܫܵܡܲܥ ܠܹܗ܀ ܥܸܫܢܲܬ̤ ܒܝܼܫܬܵܐ ܥܕܲܡܵܐ ܠܐܲܝܟܵܐ ܕܟܼܵܗܢܵܐ ܢܸܪܓܲܙ: ܘܫܲܠܝܼܛ
                ܐ̄ܖ̈ܵܙܹܐ ܢܸܣܢܸܐ ܠܐܲܚܘܼܗܝ ܘܲܢܒܲܙܲܚ ܒܹܗ܀
             619 
            ܐܸܫܬܿܘܿܩ ܗܵܪܟܵܐ ܐܵܘ ܐܹܡܲܠܸܠ ܟܲܕܼ ܕܵܚܹ̇ܠ ܐ̄ܢܵܐ: ܐܲܪܝܼܡ ܩܵܠܲܝ̈ ܐܵܘ ܐܸܣܟܿܘܿܪ ܦܘܼܡܝ
                ܡ̣ܢ ܝܘܼܠܦܵܢܵܐ܀ ܡܸܠܚܵܐ ܗ̄ܘ̣ ܟܵܗܢܵܐ ܘܲܡܪܲܥܝܵܢܵܐ ܕܟܼܠ ܕܲܪܓܼܝܼܙܝܼܢ: ܘܐܸܢ ܗ̤ܘ
                ܢܸܪܓܲܙ ܡܲܢ̣ܘܼ ܢܪܲܥܹܝܘܗܝ ܥܲܡ ܩܲܪܝܼܸܒܹܗ܀ ܠܵܐ ܐ̄ܢܵܫ ܪܵܡܹ̇ܐ ܡܸܠܚܵܐ ܒܡܸܠܚܵܐ ܘܲܡܒܲܣܸܡ
                ܠܵܗ̇: ܘܐܸܢ ܦܸܟܼܗܲܬ̤ ܠܵܗ̇ ܐܲܝܢܵܐ ܛܲܥܡܵܐ ܡܨܸܐ ܡܲܬܼܩܸܢ ܠܵܗ̇܀ ܐܸܢ ܣܸܪܝܲܬ̤ ܠܵܗ̇
                ܡ̇ܢ ܡܵܠܲܚ ܠܵܗ̇ ܠܛܲܥܡܵܢܝܼܬܼܵܐ: ܕܐܸܢ ܦܸܟܼܗܲܬ̤ ܠܵܗ̇ ܐܸܒ݂ܲܕܼ ܣܲܒܼܪܵܐ ܕܲܛ̈ܥܵܡܵܬܼܵܗ̇܀
                ܬܵܝ ܠܹܟܼܝ ܡܸܠܚܲܢ ܘܐܲܝܬܵܝ ܛܲܥܡܹܟܼܝ ܕܲܢܒܲܣܸܡ ܠܲܢ: ܐܲܢ̄ܬܿܝ ܠܵܐ ܬܸܣܪܹܝܢ ܕܠܹܟܼܝ
                ܚܵܝ̇ܪܝܼܢܲܢ ܢܸܬܼܡܲܕܲܟܼ( ܕܢܬܒܣܡ P. 196 ) ܒܹܟܼܝ܀ ܒܕܼܘܿܪܝ ܒܲܢ
                ܢܲܦ̮ܫܹܟܼܝ ܕܲܦܟܲܗܢܲܢ ܠܲܢ ܘܐܸܬܿܕܵܘܲܕܼܢܲܢ: ܚܘܼܨܝ ܪܲܦܝܘܼܬܲܢ ܘܐܲܣܓܵܝ ܛܲܥܡܵܐ
                ܠܦܲܟܿܝܼܗܘܼܬܲܢ܀ ܠܛܲܥܡܹܟܼܝ ܕܝܼܠܹܟܼܝ ܚܵܐ݁ܲܪ ܟܠܢܵܫ ܕܢܸܬܼܡܲܕܲܟܼ( ܢܬܡܕܟ P. 195) ܒܹܟܼܝ:
                ܘܐܸܢ ܐܸܒ݂ܲܕܼ ܠܹܗ ܛܲܥܡܹܟܼܝ (ܒܸܟܼܝܵܐ ܗ̄ܘ̣( ܒܟܲܝܢܲܢ P.) ܥܲܠ ܚܘܼܒܵܠܹܟܼܝ܀
                ܡܸܠܚܵܐ ܐܢ̄ܬܿ ܟܵܗܢܵܐ ܚܙܝܼ ܠܵܐ ܬܸܪܓܲܙ ܥܲܠ ܩܲܪܝܼܒܼܵܟܼ: ܕܠܵܐ ܢܸܬܼܡܲܠܲܠ ܡ̣ܢ
                ܒܲܪܵܝܹܐ ܕܡܸܠܚܵܐ ܦܸܟܼܗܲܬ̤܀ ܐܲܢ̄ܬܿܘܿܢ ܐܸܢܘܿܢ ܡܸܠܚܵܗ̇ ܕܐܲܪܥܵܐ ܘܫܲܝܢܹܗ ܕܐܲܬܼܪܵܐ:
                ܢܘܼܗܪܹܗ ܕܥܵܠܡܵܐ ܘܖ̈ܲܒܲܝ ܒܵܬܹ̈ܐ ܕܐܲܠܵܗܘܼܬܼܵܐ܀ ܒܟܼܘܿܢ ܡܸܬܼܪܲܥܸܐ ܐܲܝܢܵܐ
                ܕܲܪܓܼܝܼܙ ܥܲܠ ܩܲܪܝܼܒܹܗ: ܒܟܼܘܿܢ ܡܸܫܬܲܦܸܐ ܐܲܝܢܵܐ ܕܲܕܼܠܝܼܚ ܥܲܠ ܒܲܪ ܙܵܘܓܹܗ܀
                ܡܸܢܟܼܘܿܢ ܝܵܠܹ̇ܦ ܥܵܠܡܵܐ ܕܢܸܪܚܲܡ ܠܲܕܼܣܵܢܹ̇ܐ ܠܹܗ:
             620 
            ܘܡܸܢܟܼܘܿܢ ܫܵܡܲܥ̇ ܡܲܠܦܵܢܘܼܬܼܵܐ ܕܡܲܠܝܵܐ ܚܲܝܹ̈ܐ܀ ܐܲܢ̄ܬܿܘܿܢ ܩܵܪܹܝܢ ܥܲܠ ܒܹܝܡ ܪܵܡܬܼܵܐ
                ܕܐܲܠܵܗܘܼܬܼܵܐ: ܕܲܫܒܼܘܿܩ ܠܐܲܚܘܼܟܼ ܐܸܢ ܡܲܣܟܸܠ ܒܵܟܼ ܫܒܲܥ ܥܲܠ ܫܲܒܼܥܝܼܢ܀
                ܒܟܸܢܵܖ̈ܲܝܟܿܘܿܢ ܙܵܡ̇ܪܵܐ ܣܒܲܪܬܹܗ ܕܒܲܪ ܐܲܠܵܗܵܐ: ܩܵܠܲܝ̈ ܚܘܼܒܵܐ ܕܢܸܪܚܲܡ ܟܠܢܵܫ
                ܠܲܕܼܣܵܢܹ̇ܐ ܠܹܗ܀ ܡܸܢܟܼܘܿܢ ܫܵܡܲܥ̇ ܟܸܢܫܵܐ ܫܲܦܝܵܐ ܕܥܹܕܲܬܼ ܥܲܡ̈ܡܹܐ: ܕܡܸܡܬܼܘܿܡ
                ܒܝܼܫܬܵܐ ܚܠܵܦ ܒܝܼ̈ܫܵܬܼܵܐ ܠܵܐ ܐ̄ܢܵܫ ܢܸܦܪܘܿܥ܀ ܒܥܸܠܕܒܼܵܒܼܝܼ ܪܸܚܡܹ̇ܬܼ ܡ̣ܢ ܩܸܪܝܵܢܵܐ
                ܕܐܲܢ̄ܬܿ ܐܲܠܸܦܬܵܢܝ: ܘܐܸܢ ܚܵܙܹ̇ܐ ܐ̄ܢܵܐ ܕܣܵܢܹ̇ܝܬܿ ܠܐܲܚܘܼܟܼ ܡܵܢܵܐ ܐܸܥܒܸܿܕܼ܀
                ܕܐܸܪܚܲܡ ܐܸܢܵܐ ܠܲܕܼܣܵܢܹ̇ܐ ܠܝܼ ܡܲܠܸܦ ܐܲܢ̄ܬܿ ܠܝܼ: ܘܠܲܐܚܘܼܟܼ ܕܲܪܓܼܝܼܙ ܠܵܐ
                ܫܵܦܲܪ ܠܵܟܼ ܬܸܬܼܪܲܥܸܐ ܠܹܗ܀ ܕܲܚܸܠܬܵܢܝ ܠܝܼ ܕܐܸܠܵܐ ܫܸܒܼܩܹ̇ܬܼ ܠܵܐ ܫܵܒܹ̇ܩ ܠܝܼ:
                ܘܐܲܢ̄ܬܿ ܠܵܐ ܨܵܒܹ̇ܝܬܼ ܬܸܫܒܿܘܿܩ ܪܘܼܓܼܙܵܐ ܠܗܵܘ̇ ܕܐܲܣܟܸܠ̣ ܒܵܟܼ܀ ܐܸܢ ܬܸܥܒܲܪ
                ܠܵܟܼ ܡ̣ܢ ܘܵܠܝܼܬܼܵܐ ܡܲܢ ܡܲܠܸܦ ܠܵܟܼ: ܣܘܼܪܵܕܼܵܐ( ܘܣܘܪܕܐ P. 196 ܕܣܘܪܕܐ L. P. 195) ܗ̄ܘ̣
                ܠܝܼ ܕܡܲܠܦܵܢܘܼܬܼܵܐ ܠܘܵܬܼܵܟܼ ܐܸܡܬܿܘܿܚ܀ ܐܲܢ̄ܬܿ ܡܵܐ ܕܩܵܪܹܝܬܿ ܝܸܠܦܹ̇ܬܼ ܡܸܢܵܟܼ ܥܲܠ
                ܬܲܪܥܘܼܬܼܵܐ: ܕܐܲܝܢܵܐ ܕܲܪܓܼܝܼܙ ܠܵܐ ܡܸܬܼܩܲܒܲܠ ܒܹܝܬܼ ܚܘܼܣܵܝܵܐ܀ ܙܸܠ ܐܸܬܼܪܲܥܵܐ
                ܘܟܸܢ ܬܵܐ ܩܲܪܸܒܼ ܡܸܬܼܐܲܡܪܵܐ ܠܹܗ: ܠܐܲܝܢܵܐ ܕܲܪܓܼܝܼܙ ܕܡܵܐ ܕܐܸܬܼܪܲܥܝܼ ܦܫܝܼܩ ܠܹܗ
                ܕܢܹܐܬܸܐ܀ ܥܸܛܪܵܐ ܕܒܸܣ̈ܡܹܐ ܕܠܵܐ ܬܲܪܥܘܼܬܼܵܐ ܪܹܝܚܵܐ ܗ̄ܘ̣ ܣܲܪܝܵܐ:
             621 
            ܘܐܸܢ ܡܲܢ ܕܲܪܓܼܝܼܙ ܦܝܼܪܡܵܐ ܢܸܛܥܲܢ ܩܘܼܕܼܫܵܐ ܨܲܥܲܪ܀ ܚܘܼܒܵܐ ܕܢܲܦ̮ܫܵܐ ܗ̤ܘܝܘܼ ܥܸܛܪܵܐ
                ܕܒܹܝܬܼ ܚܘܼܣܵܝܵܐ: ܕܡ̣ܢ ܥܸܩܵܖܹ̈ܐ( ܗܒܒ̈ܐ R. P. 196) ܒܖ̈ܝܼܟܹܐ ܕܲܥܕܸܢ ܟܲܢܫܹܗ
                ܗܵܘܢܵܐ܀ ܒܵܣ̈ܡܹܐ ܓܒܲܝ̈ܵܐ ܕܡܲܥܸܠ ܟܵܗܢܵܐ ܠܲܩܕܼܘܿܫ ܩܘܼ̈ܕܼܫܹܐ: ܚܘܼ̈ܫܵܒܹܐ ܐ̄ܢܘܿܢ
                ܕܲܫܦܹܝܢ ܘܲܕܼܟܹܝܢ ܡ̣ܢ ܒܝܼ̈ܫܵܬܼܵܐ܀ ܡܢܵܪܲܬܼ ܫܲܒܼܛܹ̈ܐ (ܫܒܼܝܼܥܲܬܼ ܢܘܼܗܪܵܐ( ܕܫܒܥܐ ܢܘܗܖ̈ܐ R.
                        ܕܫܒܥܬ ܢܘܗܪܐ P. 196) ܕܥܲܙܝܼܙ ܕܸܢܚܵܗ̇: ܪܸܚܡܲܬܼ ܡܵܪܝܵܐ ܗ̣̄ܝ
                ܕܲܒܼܓܼܵܘ ܢܲܦ̮ܫܵܐ ܫܦܝܼܬܼܵܐ ܣܝܼܡܵܐ( ܫܪܝܐ P. 195)܀ ܡܸܫܚܵܐ ܡܒܲܣܡܵܐ ܕܡܵܫܲܚ
                ܟܵܗܢܵܐ ܡܵܐ ܕܡܸܬܼܩܲܕܲܫ( ܕܡܩܕܫ L. R. P. 195): ܚܘܼܒܵܐ ܗ̄ܘ̣
                ܡܲܟܼܪܸܙ ܕܲܚܠܸܐ ܪܹܝܚܹܗ ܡ̣ܢ ܗܹܖ̈ܘܿܡܹܐ܀ ܟܹܐܦܹ̈ܐ ܕܫܲܠܡܵܐ ܘܲܕܼܢܲܗܝܼܪܵܐ ܕܐܝܼܬܼ ܥܲܠ
                ܚܲܕܼܝܹܗ: ܥܸܛܪܵܐ ܗ̄ܘ̣ ܓܲܒܼܝܵܐ ܘܢܘܼܗܪܵܐ ܫܲܦܝܵܐ ܕܗܲܝܡܵܢܘܼܬܼܵܐ܀ ܡܵܐ ܕܡܵܫܲܚ
                ܗ̄ܘ̣ܵܐ ܐܝܼܕܹܗ ܘܪܸܓܼܠܹܗ ܘܛܲܪܦܵܐ ܕܐܸܕܼܢܹܗ: ܕܢܸܗܘܸܐ ܝܑܼܕܼܝܼܥ ܕܲܡܫܲܡܫܵܢܵܐ ܗ̣̄ܘ
                ܕܲܙܩܝܼܦܘܼܬܼܵܐ܀ ܕܢܲܪܡܸܐ ܡܸܠܚܵܐ ܒܟܼܠܗܘܿܢ ܕܸܒܼܚܹ̈ܐ ܡܸܬܼܦܲܩܲܕܼ ܗ̄ܘ̣ܵܐ:
                ܘܐܸܬܼܝܲܕܼܥܲܬ̤ ܠܵܗ̇ ܕܚܘܼܒܵܐ ܡܫܲܡܸܫ ܟܠ ܕܸܒܼ̈ܚܵܬܼܵܐ܀ ܦܪܝܼܣܵܐ ܕܒܼܘܼܨܵܐ ܕܠܵܒܹ̇ܫ
                ܟܵܗܢܵܐ ܒܓܼܵܘ ܒܹܝܬܼ ܩܘܼܕܼܫܵܐ: ܚܘܼܒܵܐ ܗ̄ܘ̣ ܕܲܦܪܝܼܣ ܥܲܠ ܪܸܥܝܵܢܹܗ ܡܵܐ ܕܲܡܟܲܗܸܢ܀
                    ܦܸܬܼܟܵܐ(
                        ܒܦܬܟܐ R. ܦܬܬܐ P. 196 ) ܕܠܵܒܹ̇ܫ ܡܵܐ ܕܨܹܝܕܼ ܥܲܡܵܐ ܠܟܸܢܫܵܐ ܢܵܦܹ̇ܩ:
                    ܡܚܵܘܸܐ(
                        ܚܘܒܐ P. 196) ܕܲܦܬܼܝܼܟܼ ܘܲܚܠܝܼܛ ܥܲܡ ܟܠ ܚܲܒܿܝܼܒܼܵܐܝܼܬܼ܀
             622 
            ܒܙܲܓܹ̈ܐ ܕܕܲܗܒܼܵܐ ܘܲܒܼܖ̈ܘܼܡܵܢܹܐ ܕܲܦܪܵܙܘܿܡܵܐ: ܡܙܝܼܥ ܠܹܗ ܠܟܼܵܗܢܵܐ( ܩܠܐ L. P. ܒܩܠܐ P.
                        196) ܕܢܸܕܼܚܲܠ ܢܸܪܚܲܡ ܘܲܕܼܢܸܙܕܲܗܸܐ܀ ܟܠܝܼܠܵܐ ܘܟܲܠܘܵܐ ܘܦܸܕܿܬܼܵܐ
                ܕܠܵܒܹ̇ܫ ܡܵܐ ܕܲܡܫܲܡܸܫ: ܣܲܒܼܪܵܐ ܘܚܘܼܒܵܐ ܘܗܲܝܡܵܢܘܼܬܼܵܐ ܕܠܵܐ ܡܸܣܬܲܕܩܵܐ܀
                ܟܠܝܼܠܹܗ ܕܟܼܵܗܢܵܐ ܚܘܼܒܹܗ ܕܟܼܵܗܢܵܐ ܠܥܲܡܵܐ ܡܲܟܼܪܸܙ: (ܕܗ̤ܘ ܗܵܘܹ̇ܐ ܠܹܗ( ܕܗ̤ܘܝܘܼ ܚܘܒܐ R. P.
                        196) ܚܙܵܩܵܐ ܕܟܼܠܗܹܝܢ ܫܲܦܝܼܖ̈ܵܬܼܵܐ܀ ܒܚܘܼܒܵܐ ܡܸܫܟܲܚ ܟܵܗܢܵܐ
                ܥܵܐܹ̇ܠ ܨܹܝܕܼ ܐܲܠܵܗܵܐ: ܕܐܸܠܵܐ ܡܲܚܸܒܼ ܫܚܝܼܡܵܐ ܕܡܲܚܸܒܼ ܛܵܒܼ ܗ̄ܘ̣ ܡܸܢܹܗ܀ ܠܵܐ
                ܡܲܡܪܲܚ ܐ̄ܢܵܐ ܕܡܲܠܦܵܢܘܼܬܼܵܐ ܠܟܼܵܗܢܵܐ ܐܵܘܫܸܛ: ܘܠܵܐ ܐܸܬܼܓܲܢܸܐ ܐܸܢ ܣܵܒܹ̇ܟܼ ܐ̄ܢܵܐ
                ܒܲܕܼܖ̈ܵܡܵܢ ܡܹܢܝ܀ ܫܪܵܓܼܵܐ ܒܫܸܡܫܵܐ ܠܵܐ ܐ̄ܢܵܫ ܡܲܢܗܲܪ ܡܵܐ ܕܲܡܗܲܠܸܟܼ: ܕܗ̤ܘܝܘܼ
                ܡܲܢܗܲܪ ܟܠ ܐܘܼܖ̈ܚܵܬܼܵܐ ܠܟܼܠ ܗܲܠܵܟܹ̈ܐ܀ ܫܬܼܘܿܩ ܐܵܡܘܿܪܵܐ ܕܠܵܐ ܢܸܨܛܲܥܲܪ ܫܸܡܫܵܐ
                ܡܸܢܵܟܼ: ܚܲܦܵܐ ܦܘܼܡܵܟܼ ܪܲܒܿ ܗ̄ܘܼ ܡܸܢܵܟܼ ܫܲܪܒܵܐ ܕܐܲܪܡܝܼܬܿ܀ ܫܲܦܠܵܐ ܕܐ̄ܢܵܫܵܐ
                ܐܲܢ̄ܬܿ ܡܵܐ ܛܸܒܵܟܼ ܠܲܡܡܲܠܵܠܘܼ: ܚܸܫܘܿܟܼ ܗܵܘܢܵܐ ܡܵܢ ܐܵܡ̇ܲܪ ܐܲܢ̄ܬܿ ܨܹܝܕܼ ܢܲܗܝܼܪܵܐ܀
                ܥܒܲܪ ܡ̣ܢ ܫܲܪܒܵܐ ܕܠܵܐ ܐܝܼܬܼ ܐܲܬܼܪܵܐ ܠܡܸܠܬܼܵܐ ܨܹܐܕܼܵܘܗܝ( ܕܬܨܠܚ R. P. 196):
                ܕܲܪܓܼܵܐ ܗ̄ܘ̣ ܪܵܡܵܐ ܫܬܼܘܿܩ ܬܵܚܘܿܒܼܵܐ ܘܲܚܙܝܼ ܢܲܦ̮ܫܵܟܼ܀ ܦܢܝܼ ܝܘܼܠܦܵܢܵܐ
                ܠܟܸܢܫܵܐ ܡܲܠܸܠ ܕܲܫܦܸܐ ܘܲܦܫܝܼܛ: ܐܝܼܬܼ ܠܵܟܼ ܐܲܬܼܪܵܐ ܘܚܘܼܒܵܐ ܕܫܵܡܲܥ̇
                ܒܲܣܝܼܡܵܐܝܼܬܼ܀
             623 
            ܠܵܐ ܠܵܟܼ ܓܲܒܼܪܵܐ ܨܹܝܕܼ ܥܲܠܠܵܢܹ̈ܐ ܠܲܡܡܲܠܵܠܘܼ: ܠܡܵܪܹܐ ܥܵܢ̈ܵܐ ܐܲܪܦܵܐ ܢܛܝܼܪܝܼܢ
                ܣܘܼܥܖ̈ܵܢܲܝܗܘܿܢ܀ ܠܥܵܢ̈ܵܐ ܡܲܠܸܠ ܩܲܛܝܼ̈ܢܵܬܼܵܐ ܘܬܲܡܝܼ̈ܡܵܬܼܵܐ: ܕܲܚܠܵܦܲܝܗܹܝܢ ܒܲܪ
                ܐܲܠܵܗܵܐ ܨܠܝܼܒܼܵܐ ܣܲܝܒܲܪ܀ ܫܡܲܥܘ ܬܲܡܝܼ̈ܡܹܐ ܙܒܼܝܼ̈ܢܲܝ ܒܲܕܼܡܵܐ ܕܝܼܚܝܼܕܼܵܝܵܐ:
                ܕܬܼܘܼܒܼ ܡܸܬܼܡܲܠܲܠ ܡܹܐܡܪܵܐ ܕܚܘܼܒܵܐ ܠܲܡܥܲܕܵܪܘܼ܀ ܐܸܠܵܐ ܐܸܢ ܒܹܗ ܠܵܐ
                ܡܸܬܼܩܲܢ̈ܝܵܢ ܫܲܦܝܼܖ̈ܵܬܼܵܐ: ܒܵܬܼܪܹܗ ܢܸܪܗܲܛ ܐܲܝܢܵܐ ܕܲܚܦܝܼܛ ܥܲܠ ܝܘܼܬܼܖ̈ܵܢܹܐ( ܝܘܠܦܢܐ
                R.)܀ ܪܚܲܡܘ ܠܲܚܕܼܵܕܹ̈ܐ ܐܲܝܟ ܗܲܕܵܡܹ̈ܐ ܠܩܲܖ̈ܝܼܒܲܝܗܘܿܢ: ܕܚܲܕܼ ܗ̄ܘ̣
                ܪܹܫܵܐ ܕܟܼܠܹܗ ܓܘܼܫܡܵܐ ܡܵܪܝܵܐ ܝܼܫܘܿܥ܀ ܐܲܝܢܵܐ ܕܲܪܓܼܝܼܙ ܥܲܠ ܩܲܪܝܼܒܹܗ ܘܠܵܐ
                ܡܸܬܼܪܲܥܸܐ: ܐܲܝܟܼ ܗܲܕܵܡܵܐ ܗ̄ܘ̣ ܕܲܦܣܝܼܩ ܘܲܫܕܸܐ ܡ̣ܢ ܗܲܕܵܡܹ̈ܐ܀ ܢܲܦ̮ܫܵܐ ܚܘܼܒܵܐ
                ܗ̄ܘ̣ ܐܲܝܢܵܐ ܕܢܲܦܝܼܩ ܚܘܼܒܵܐ ܡܸܢܹܗ: ܦܵܫ̣ ܠܹܗ ܫܠܲܕܵܐ ܕܩܲܪܝܼܪ ܘܲܣܪܸܐ ܘܠܵܘ ܡ̣ܢ
                ܚܲܝܹ̈ܐ ܗ̄ܘ̣܀ ܡܲܢ̣ܘ ܢܪܲܥܸܐ ܠܓܲܒܼܪܵܐ ܕܲܪܓܼܝܼܙ ܥܲܠ ܩܲܪܝܼܒܹܗ: ܐܸܠܵܐ ܚܘܼܒܵܐ
                (ܕܐܝܼܬܼܵܘܗܝ ܣܵܘܩܵܐ ܕܚܲܝܹ̈ܐ ܚܲܕܼ̈ܬܹܐ( ܚܙܩܐ ܕܟܠܗܝܢ ܫܦܝܖ̈ܬܐ P. 195)܀ ܐܹܡܲܪ
                ܗܵܫܵܐ ܡܵܢܵܐ ܗ̄ܘ̣ ܫܲܪܒܵܗ̇ ܕܲܪܓܼܝܼܙܘܼܬܼܵܐ: ܒܡܲܢ ܕܲܪܓܼܝܼܙܝܼܢ ܡܲܢ̣ܘܼ ܢܸܚܒܿܘܿܨ ܥܲܠ
                ܬܲܪܥܘܼܬܼܵܐ܀ ܗܘ̤ܵܬܼ ܡܲܨܘܼܬܼܵܐ ܘܚܲܕܼ ܐܸܨܛܲܥܲܪ ܘܲܐ̄ܚܪܹܝܢ ܨܲܥܲܪ: ܗܵܘ̇
                ܕܐܸܨܛܲܥܲܪ ܢܸܒܼܥܸܐ ܚܘܼܒܵܐ ܡ̣ܢ ܘܵܠܝܼܬܼܵܐ ܗ̣̄ܝ܀
             624 
            ܐܲܝܢܵܐ ܕܐܲܣܟܸܠ̣ ܡܸܬܼܦܲܪܲܣ ܗ̄ܘ̣ ܕܲܢܩܝܼܡ ܕܝܼܠܹܗ: ܒܵܗܹ̇ܬܼ ܢܹܐܬܸܐ ܙܸܠ ܐܲܢ̄ܬܿ
                ܠܐܲܦܵܘ̈ܗܝ ܘܐܸܬܼܪܲܥܵܐ ܠܹܗ܀ ܘܐܸܢ ܡܸܣܟܹܿܢܵܐ ܢܸܗܘܸܐ ܪܓܼܝܼܙܵܐ ܡ̣ܢ ܥܲܬܿܝܼܪܵܐ:
                ܗܵܘ̇ ܥܲܬܿܝܼܪܵܐ ܚܲܝܵܒܼ ܕܲܢܦܝܼܣ ܥܲܠ ܬܲܪܥܘܼܬܼܵܐ܀ ܡܸܣܟܹܿܢܵܐ ܕܹܝܢ ܡܵܐ ܕܐܲܣܟܸܿܠ̣
                ܠܹܗ ܕܚܸܠ̣ ܘܐܸܬܿܕܵܘܲܕܼ: ܘܐܲܪܥܸܠ ܘܲܫܒܲܩ̣ ܘܲܕܼܢܸܬܼܪܲܥܸܐ ܠܵܐ ܡܸܬܼܦܲܪܲܣ܀
                ܒܟܼܠܗܘܿܢ ܦܘܼܖ̈ܣܹܐ ܐܲܝܢܵܐ ܕܙܲܟܵܝ ܡ̣ܢ ܥܸܕܼܠܵܝܵܐ: ܠܹܗ ܫܲܦܝܼܪܵܐ ܕܢܸܒܼܥܸܐ
                ܫܲܝܢܵܐ ܥܲܡ ܩܲܪܝܼܒܹܗ܀ ܐܲܝܢܵܐ ܕܥܸܠܵܝ ܪܵܡ ܘܲܡܫܲܒܲܚ ܗ̤ܘ ܢܸܬܿܬܲܚܬܸܐ: ܨܹܝܕܼ
                ܬܵܚܘܿܒܼܵܐ ܘܢܸܬܼܪܲܥܸܐ ܠܹܗ ܒܡܲܟܿܝܼܟܼܘܼܬܼܵܐ܀ ܒܪܹܫܹܗ ܕܥܵܠܡܵܐ ܗܘ̤ܵܬܼ ܡܲܨܘܼܬܼܵܐ
                ܕܐܲܪܡܝܼ ܚܸܘܝܵܐ: ܘܲܪܓܼܝܼܙܝܼܢ ܗ̄ܘ̣ܵܘ ܡܵܪܝܵܐ ܘܐܵܕܼܵܡ ܗܵܐ ܡ̣ܢ ܗܵܝܕܹܝܢ܀ ܡܲܢ̣ܘ
                ܒܨܝܼܪ ܗ̄ܘ̣ܵܐ ܘܡܲܢ̣ܘܼ ܡܸܣܟܹܝܢ ܘܡܲܢ̣ܘܼ ܐܲܣܟܸܠ̣: ܘܠܲܐܦܲܝ̈ ܚܲܒܼܪܹܗ ܡܲܢ̣ܘܼ ܐܸܙܲܠ̣
                ܢܸܬܼܪܲܥܸܐ ܠܹܗ܀ ܐܵܕܼܵܡ ܐܲܣܟܸܠ̣ ܗ̤ܘ ܫܵܛ̣ ܘܐܲܡܪܲܚ̣ ܗ̤ܘ ܛܥ̣ܵܐ ܘܲܡ̣ܪܲܕܼ: ܗ̤ܘ
                ܓܢܲܒܼ ܘܲܣܪܲܚ̣ ܗ̤ܘ ܚܛܲܦ̣ ܘܐܸܟܲܠ̣ ܗ̤ܘ ܪܓܸܙ̣ ܘܲܢܦܲܩ̣܀ ܘܒܼܵܬܲܪ ܗܵܠܹܝܢ ܕܵܠ̣ ܒܲܪ
                ܡܲܠܟܵܐ ܡ̣ܢ ܨܹܝܕܼ ܐܲܒܼܘܼܗܝ: ܘܐܸܬ݂ܼܵܐ ܪܲܥ̣ܝܹܗ ܠܗܵܘ̇ ܕܲܪܓܼܝܼܙ ܗ̄ܘ̣ܵܐ ܡ̣ܢ
                ܨܸܒܼܝܵܢܹܗ܀ ܗܵܘ̇ ܝܲܩܝܼܪܵܐ ܐܸܬܿܬܲܚܬܿܝܼ ܗ̄ܘ̣ܵܐ ܨܹܝܕܼ ܙܲܠܝܼܠܵܐ: ܐܵܦ ܥܲܬܿܝܼܪܵܐ
                ܒܥ̣ܵܐ ܬܲܪܥܘܼܬܼܵܐ ܡ̣ܢ ܡܸܣܟܹܿܢܵܐ܀ ܡܵܪܵܗ̇ ܕܓܲܢܬܼܵܐ ܢܚܸܬܼ ܒܲܦܝܵܣܵܐ ܨܹܝܕܼ ܓܲܢܵܒܼܵܐ:
                ܘܐܸܬܼܪܲܥܝܼ ܠܹܗ ܘܝܲܗ̣̄ܒܼ ܠܹܗ ܦܹܐܪܵܐ ܕܚܲܝܹ̈ܐ ܢܹܐܟܼܘܿܠ܀
             625 
            ܪܵܥܝܵܐ ܛܵܒܼܵܐ ܠܥܸܪܒܵܐ ܕܲܛܥ̣ܵܐ( ܛ̇ܥܝܐ R. P. 196) ܒܚܘܼܒܹܗ ܛܲܥ̣ܢܹܗ:
                ܕܲܪܓܸܙ ܘܲܢܦܲܩ̣ ܐܸܬܼܵܐ ܫܲܩ̣ܠܹܗ ܥܲܠ ܟܲܬܼ̈ܦܵܬܹܗ܀ ܙܘܼܥܘ ܕܲܪܓܼܝܼܙܝܼܢ ܘܲܚܒܼܘܿܨܘ
                ܟܠܝܘܿܡ ܥܲܠ ܬܲܪܥܘܼܬܼܵܐ: ܕܡܵܪܝܵܐ ܒܚܘܼܒܹܗ ܐܸܬܼܪܲܥܝܼ ܠܲܢ ܟܲܕܼ ܐܲܪܓܸܙܢܵܝܗܝ܀ ܠܵܐ
                ܐ̄ܢܵܫ ܢܹܐܡܲܪ ܕܲܦܠܵܢ ܐܲܣܟܸܠ̣ ܢܹܐܬܸܐ ܠܐܲܦܲܝ̈: ܛܵܒܼ ܐ̄ܢܵܐ ܗ̄ܘ̣ ܡܸܢܹܗ ܨܲܥܪܵܐ ܗ̄ܘ̣
                ܐܹܙܲܠ ܐܸܬܼܪܲܥܸܐ ܠܹܗ܀ ܗ̤ܘ ܐܲܣܟܸܿܠ̣ ܒܝܼ ܢܹܐܬܸܐ ܢܦܝܼܣܲܢܝ ܘܲܡܩܲܒܸܿܠ ܐ̄ܢܵܐ:
                ܕܲܒܼܡܘܼܟܵܟܹܗ ܢܹܐܠܲܦ ܟܠܢܵܫ ܥܲܠ ܣܲܟܼܠܘܼܬܹܗ܀ ܠܵܐ ܨܒܼܵܐ ܡܵܪܝܵܐ ܢܸܥܒܸܿܕܼ ܗܵܟܲܢ
                ܠܐܵܕܼܵܡ ܕܐܲܣܟܸܠ̣: ܕܗ̤ܘ ܐܸܬܼܡܲܟܲܟܼ ܘܲܒܼܥܵܐ ܡܸܢܹܗ ܕܢܸܬܼܪܲܥܸܐ ܠܹܗ܀ ܥܕܲܡܵܐ
                ܠܝܵܘܡܵܢ ܐܸܠܘܼ ܩ̣ܵܘܝܼ ܡܵܪܝܵܐ ܒܐܲܬܼܪܹܗ: ܘܠܵܐ ܐ̄ܬ̣ܼܵܐ ܠܐܲܦܵܘ̈ܗܝ ܥܕܲܡܵܐ ܠܗܵܫܵܐ
                ܪܓܼܝܼܙ ܗ̄ܘ̣ܵܐ ܡܸܢܹܗ܀ ܘܒܲܕܼܝܵܕܲܥ̇ ܗ̄ܘ̣ܵܐ ܕܗܵܕܹܐ ܥܵܕܼܪܵܐ ܗ̤ܘ ܢܸܬܼܡܲܟܲܟܼ:
                (ܗ̤ܘ ܐܲܦܝܼܣܹܗ ܠܥܲܒܼܕܵܐ ܕܲܥܪܲܩ ܕܢܸܬܼܪܲܥܸܐ( ܘܢܦܝܣ ܥܒܕܗ ܕܥܪܩ̣ ܢܐܬܐ ܢܬܪܥܐ P. 196)
                ܠܹܗ܀ ܗܵܘ̇ ܥܸܠܵܝܵܐ ܢܚܸܬܼ ܒܲܚܢܵܢܹܗ ܨܹܝܕܼ ܬܲܚ̈ܬܵܝܹܐ: ܘܪܲܥܝܼ ܘܲܕܼܒܲܪ (ܘܐܲܣܸܩ̣
                ܠܐܲܬܼܪܹܗ ܕܢܵܘܪܸܒܼ(
                        ܢ̇ܣܩ ܠܐܬܪܗ ܢܘܪܒ R. ) ܐܸܢܘܿܢ܀ ܗܵܘ̇ ܥܲܬܿܝܼܪܵܐ ܐܲܪܡܝܼ (ܐܘܼܪܚܹܗ
                    ܨܹܝܕܼ( ܥܘܬܪܗ ܥܠ
                        P. 196) ܡܸܣܟܹܿܢܹܐ: ܘܲܥܒܲܕܼ ܫܲܝܢܵܐ ܘܐܲܥܬܲܪ ܘܐܲܣܸܩ̣ ܨܹܝܕܼ
                ܝܵܠܘܿܕܹܗ܀ ܗܵܘ̇ ܓܲܢ̄ܒܵܪܵܐ ܥ̣ܒܲܕܼ ܬܲܪܥܘܼܬܼܵܐ ܥܲܡ ܚܲܠܵܫܹ̈ܐ: ܘܝܲܩܲܪ ܘܲܦܪܲܩ̣
                ܘܐܲܦ̣ܢܝܼ ܐܸܢܘܿܢ ܕܐܲܒܿܝܼܕܼܝܼܢ ܗ̄ܘ̣ܵܘ܀
             626 
            ܡܵܪܵܐ ܠܥܲܒܼ̈ܕܹܐ ܘܡܲܠܟܵܐ ܠܡܵܟܹ̈ܐ ܐܸܬܼܡܲܟܲܟܼ ܗ̄ܘ̣ܵܐ: ܐܵܦ ܐܲܠܵܗܵܐ ܠܲܒܼܢܲܝ̈ ܐ̄ܢܵܫܵܐ
                ܢܚܸܬܼ ܪܲܥ̣ܝܼ ܗ̄ܘ̣ܵܐ܀ ܐܘܿ ܠܵܟܼ ܕܲܪܓܼܝܼܙ ܚܘܼܪ ܒܐܲܠܵܗܵܟܼ ܘܐܸܬܿܕܲܡܵܐ ܒܹܗ:
                ܘܲܥܒܸܕܼ ܫܲܝܢܵܐ ܥܲܡ ܩܲܪܝܼܒܼܵܟܼ ܦܵܪܘܿܫܵܐܝܼܬܼ܀ ܐܲܫܝܼܓܼ ܡܸܢܵܟܼ ܚܸܡܬܼܵܐ
                ܘܐܲܟܿܬܼܵܐ ܘܒܼܝܼܫܘܼܬܼ ܠܸܒܵܐ: ܘܪܸܚܡܲܬܼ ܡܵܪܝܵܐ ܬܸܫܪܸܐ ܒܢܲܦ̮ܫܵܟܼ( ܒܓܘܟ P. 195) ܐܲܝܟܼ
                ܡܲܠܟܿܘܼܬܼܵܐ܀ ܐܲܝܢܵܐ ܕܲܪܓܼܝܼܙ ܡ̣ܢ ܩܲܪܝܼܒܹܗ ܘܠܵܐ ܪܵܚܹܡ ܠܹܗ: ܠܡܵܪܝܵܐ ܣܵܢܹ̇ܐ
                ܘܢܸܪܚܲܡ ܠܐܲܚܘܼܗܝ ܠܵܐ ܡܸܫܬܲܥܒܲܕܼ܀ ܒܢܲܝ̈ܢܵܫܵܐ ܓܹܝܪ ܨܲܠܡܵܗ̇ ܐܸܢܘܿܢ ܕܐܲܠܵܗܘܼܬܼܵܐ:
                ܘܡܲܢ ܕܲܡܝܲܩܲܪ ܨܲܠܡܹܗ ܕܡܲܠܟܵܐ ܠܡܲܠܟܵܐ ܪܵܚܹ̇ܡ܀ ܐܸܢܕܹܝܢ ܨܲܠܡܹܗ( ܨܠܡܐ R. P.
                    196) ܡܸܬܿܬܿܫܝܼܛ ܡ̣ܢ ܐ̄ܢܵܫ ܐܵܘ ܡܸܨܛܲܥܲܪ: ܬܵܒܲܥ̇ ܡܲܠܟܵܐ ܥܝܵܪܬܵܐ
                ܕܨܲܠܡܹܗ ܡ̣ܢ ܫܵܝܘܿܛܵܘ̈ܗܝ܀ ܠܵܐ ܐ̄ܢܵܫ ܡܸܫܟܲܚ ܕܟܲܕܼ ܠܐܲܠܵܗܵܐ ܢܸܗܘܸܐ ܪܵܚܹ̇ܡ:
                ܢܸܣܢܸܐ ܠܐܲܚܘܼܗܝ ܐܵܘ ܢܸܬܼܢܲܟܼܪܸܐ ܡ̣ܢ ܩܲܪܝܼܒܹܗ܀ ܓܢܝܼܙ ܐܲܠܵܗܵܐ ܘܩܲܪܝܼܒܼ
                ܐܲܚܘܼܟܼ ܘܐܝܼܬܼܵܘܗܝ ܨܲܠܡܹܗ: ܥܒܸܕܼ ܐܝܼܩܵܪܵܐ ܠܗܵܘ̇ ܪܲܚܝܼܩܵܐ ܒܗܵܘ̇ ܩܲܪܝܼܒܼܵܐ܀
                ܐܸܢܕܹܝܢ ܠܐܲܚܘܼܟܼ ܕܲܓܼܠܸܐ ܘܩܲܪܝܼܒܼ( ܘܩܐ̇ܡ P. 196) ܣܵܢܹ̇ܐ ܠܸܒܵܟܼ: ܠܡܵܪܝܵܐ
                ܕܲܟܼܣܸܐ ܘܡܲܒܼܥܲܕܼ ܡܸܢܵܟܼ( ܡܢ ܟܠ R. ) ܐܲܝܟܲܢ ܬܸܪܚܲܡ܀ ܒܘܼܩܝܵܗ̇
                ܕܢܲܦ̮ܫܵܟܼ ܕܐܝܼܬܼ ܒܵܗ̇ ܚܘܼܒܵܐ ܒܐܲܚܘܼܟܼ ܚܵܘܵܐ: ܘܟܸܢ ܬܸܫܬܵܘܕܹܐ (ܕܪܵܚܡܲܬܿ ܠܡܵܪܝܵܐ
                ܕܪܵܡ ܗ̄ܘ̣( ܪܚܡܬ
                        ܡܪܝܐ . . . P. 196 ܒܪܚ̣ܡܬܿ ܡܪܐ ܕܪܒܐ ܗܝ R. ) ܡܸܢܵܟܼ܀
             627 
            ܪܲܚܝܼܩ ܡܲܠܟܵܐ ܘܩܲܪܝܼܒܼ ܨܲܠܡܹܗ ܘܐܸܢ ܡܸܨܛܲܥܲܪ: ܨܲܠܡܵܐ ܡܸܢܵܟܼ ܪܵܓܹܙ ܡܲܠܟܵܐ ܘܨܲܥܪܹܗ
                ܬܵܒܲܥ̇܀ ܟܠܗܘܿܢ ܚܘܼ̈ܒܼܠܹܐ ܕܐܝܼܬܼ ܠܵܟܼ ܕܬܲܪܡܸܐ( ܬܪܡܐ P. R. 195) ܥܲܠ ܐܲܠܵܗܵܐ:
                ܒܐܲܚܘܼܟܼ ܚܵܘܵܐ ܘܲܥܠܵܘܗܝ ܩܵܐܹ̇ܨ ܡܵܪܝܵܐ ܚܘܼ̈ܒܼܠܲܝܟ܀ ܠܨܲܠܡܵܐ ܝܲܩܲܪ ܚܲܒܸܒܼ
                ܘܲܪܚܲܡ ܘܐܸܬܼܪܲܥܵܐ ܠܹܗ: (ܘܦܵܪܲܥ̇ ܚܘܼ̈ܒܼܠܲܝܟ ܡܲܠܟܵܐ( ܘܦܪܘܥ ܚܘ̈ܠܝܟ ܠܡܠܟܐ R.
                ) ܕܠܵܐ ܣܢܝܼܩ ܥܲܠ ܐܝܼܩܵܪܵܟܼ܀ ܪܚܲܡ ܠܐܲܠܵܗܵܐ ܘܲܪܚܲܡ ܠܐܲܚܘܼܟܼ ܡ̣ܢ
                ܪܸܥܝܵܢܵܟܼ: ܒܪܝܼܟܼ ܕܲܒܼܚܘܼܒܹܗ( ܕܒܚܫܗ P. ) ܪܲܥܝܼ ܠܥܵܠܡܵܐ ܥܲܡ ܝܵܠܘܿܕܹܗ܀ 
            
            
                ܫܠܸܡ̣ ܡܹܐܡܪܵܐ ܕܥܲܠ ܚܘܼܒܵܐ.