Rabbula of Edessa. “Canons of Rabbula - ܩܢ̈ܘܢܐ ܕܡܪܝ ܪܒܘܠܐ ܐܦܝܣܩܘܦܐ ܕܐܘܪܗܝ .” Based upon Julian Joseph Overbeck ed., S. Ephraemi Syri, Rabulae episcopi Edesseni, Balaei aliorumque Opera selecta e codicibus syriacis manuscriptis in museo Britannico et bibliotheca Bodleiana asservatis primus (Oxonii [Oxford]: Clarendoniano, 1865). Digital Syriac Corpus. Last modified November 7, 2018. https://syriaccorpus.org/491.
     
        
             210 
            
            ܩܢ̈ܘܢܐ ܕܡܪܝ ܪܒܘܠܐ ܐܦܝܣܩܘܦܐ ܕܐܘܪܗܝ. 
            
            
                
            ܩܢܘܢܐ ܩܕܡܝܐ(:) ܩܕܡ ܟܠ ܡܕܡ ܬܗܘܐ ܒܛܝܠܘܬܐ ܠܕܝܪ̈ܝܐܼ. ܕܢ̈ܫܐ ܠܓܡܪ܆ ܠܐ ܢܗܘܝܢ ܥ̈ܐܠܢ ܠܕܝܪ̈ܬܗܘܢ܀ ܬܘܒ ܠܐ ܢܗܘܐ ܐܢܫ ܡܢ ܕܝܪ̈ܝܐ ܝܗܒܿ ܡܫܚܐ܇ ܘܝܬܝܪܐܝܬ ܠܢ̈ܫܐ. ܐܢ ܕܝܢ ܐܝܬ ܐܢܫ ܕܐܝܬ ܠܘܬܗ ܛܝܒܘܬܐ ܓܠܝܐܝܬ܆ ܠܓܒܪ̈ܐ ܢܗܘܐ ܝܗܿܒ ܡܫܚܐ. ܘܐܢ ܐܝܬ ܢܫ̈ܐ ܕܐܠܨ̈ܢ܆ ܒܝܕ ܐܢ̈ܫܝܗܝܢ ܢܫܬܕܪ ܠܗ̈ܝܢ. ܬܘܒ ܕܘܟܪ̈ܢܐ ܒܕܝܪ̈ܬܐܼ ܠܐ ܢܗܘܘܢ܇ ܒܟܢ̈ܘܫܝܐ ܕܐܢܫܘܬܐ܇ ܐܠܐ ܕܐܚ̈ܐ ܕܝܠܗܿ ܕܕܝܪܐ ܒܠܚܘܕ܀ ܬܘܒܼ ܕܠܐ ܢܗܘܘܢ ܡܪ̈ܦܝܢ ܕܝܪ̈ܝܐ ܡܘܬܒܗܘܢ܇ ܘܐܿܓܪܝܢ ܠܗܘܢ ܕܝ̈ܢܐ ܒܦܪܨܘܦܐ ܕܡ̈ܣܟܢܐ ܘܐܙܠܝܢ ܠܡ̈ܕܝܢܬܐ ܐܘ ܠܘܬ ܕܝ̈ܢܐ܀ ܠܐ ܒܥܠܬܐ ܕܣܘܥܪ̈ܢܐ ܘܐ ܕܥܿܒ̈ܕܐ܇ ܢܒܿܛܠܘܢ ܕܝܪ̈ܝܐ ܥ̈ܕܢܐ܇ ܐܝܠܝܢ ܕܚܪ̈ܝܩܝܢ ܠܬܫܡܫܬܐ ܒܐܝܡܡܐ ܘܒܠܠܝܐ܀ ܬܘܒ ܠܐ ܐܢܫ ܡܢ ܕܝܪ̈ܝܐ ܢܗܘܐ ܫܩܿܠ ܦ̈ܬܓܡܐ ܡܢ ܟ̈ܬܒܐ ܩ̈ܕܝܫܐ ܠܐܢܫ܀ ܬܘܒ ܐܢ ܐܢܫ ܢܼܙܒܢ ܥܒܘܪܐ ܠܚܫܚܬܐ ܕܕܝܪܐ܆ ܠܐ ܢܣܼܒ ܡܕܡ ܝܬܝܪܐ. ܐܠܐ ܐܝܟ ܕܡܙܒܢܝܢ ܒܙܒܢܐ 
            
             211 
            
            ܕܐܕܪܐ. ܒܐܬܪܐ ܗܿܘ܆ ܗܟܢܐ ܢܙܒܢ ܟܕ ܠܐ ܡܬܝܥܢ ܒܫܡ ܕܝܪܐ. ܬܘܒ ܠܩܨ̈ܘܡܐ ܘ̈ܠܠܚܘܫܐ ܘܠܐܝܠܝܢ ܕܟܿܬܒܝܢ ܛ̈ܣܐ: ܘܡܿܫܚܝܢ ܠܓܒܪ̈ܐ ܘܠܢ̈ܫܐ܆ ܕܡܿܬܕܒܪܝܢ ܒܐܣܟܡܐ ܕܐܣܝܘܬܐ܆ ܡܢ ܟܠܗ ܐܬܪܐ ܪܕܘܦܘ܇ ܘܣܒܘ ܡܢܗܘܢ ܥܪܒܐ܆ ܕܠܐܘܚܕܢܼܢ ܠܐ ܢܥܠܘܢ܀ ܬܘܒ. ܠܐ ܗܘܘ ܡ̈ܫܬܘܬܦܝܢ ܒ̈ܢܝ ܥܕܬܐ ܠܗܪ̈ܛܝܩܘ. ܠܐ ܒܡܠܬܐܼ ܘܠܐ ܒܥܿܒܕܐ܀
                
            
                
            ܀ܫܠܡܘ ܩ̈ܢܘܢܐ ܕܡܪܝ ܪܒܘܠܐ ܐܦܝܣܩܘܦܐ܀
            ܀ܕܐܘܪܗܝ܀