Rabbula of Edessa. “Letter from Rabbula to Andrew of Samosata - ܐܓܪܬܐ ܕܡܪ ܪܒܘܠܐ ܐܦܣܩܘܦܐ ܕܐܘܪܗܝ ܠܘܬ ܐܢܕܪܐܘܣ ܕܫܡܝܫܛ .” Based upon Julian Joseph Overbeck ed., S. Ephraemi Syri, Rabulae episcopi Edesseni, Balaei aliorumque Opera selecta e codicibus syriacis manuscriptis in museo Britannico et bibliotheca Bodleiana asservatis primus (Oxonii [Oxford]: Clarendoniano, 1865). Digital Syriac Corpus. Last modified November 7, 2018. https://syriaccorpus.org/494.
     
        
            
                ܐܓܪܬܐ ܕܡܪ ܪܒܘܠܐ ܐܦܣܩܘܦܐ ܕܐܘܪܗܝ ܠܘܬ ܐܢܕܪܐܘܣ ܕܫܡܝܫܛ.
            
            
                
                ܠܡܪܝ ܡܝܩܪ ܒܟܠ ܘܪܚܡܿ ܠܐܠܗܐ ܐܦܣܩܘܦܐ ܐܢܕܪܐܐ ܪܒܘܠܐ܀ ܟܕ ܡܬܚܦܛ ܐܢܐ ܕܐܦܓܥ ܒܕܚܠܬ ܐܠܗܐ ܕܒܟ: ܒܙܒܢ ܡܿܢ ܟܘܪܗܢܐ ܕܓܼܕܫ ܠܦܓܪܐ: ܒܙܒܢ ܕܝܢ ܩܫܝܘܬܗ ܕܣܬܘܐ܆ ܒܙܒܢܐ ܕܝܢ ܚܪܢܐ܆ ܡܐܝܢܘܬܐ ܕܕܚܠܬ ܐܠܗܐ ܕܒܟ ܟܠܬܢܝ܆ ܟܒܪ ܓܝܪ ܟܕ ܟܘܠ ܡܕܡ ܥܡ ܚ̈ܕܕܐ ܡܚܒܝܢ ܗܘܝܼܢ. ܡܢ ܗܿܝ ܕܢܬܡܚܐ ܒ̈ܛܒܼܐ ܡܢ ܪܘܚܩܐ ܡܓܗܝܢ ܗܘܝܢ. ܗܫܐ ܕܝܢ ܠܡܟܬܒ ܐܠܼܨ ܠܢ ܠܘܬ ܕܚܠܬ ܐܠܗܐ ܕܒܟ܆ ܣܝܡܘܢܐ ܡܕܡ ܕܐܬܼܐ ܠܐܝ̈ܕܝܢ. ܕܐܒܬ ܒܗ ܫܪܝܐ ܕܪ̈ܫܐ ܬܪ̈ܥܣܪ. ܕܡܢ ܕܚܿܠ ܠܐܠܗܐ ܐܦܣܩܘܦܐ ܩܘܪܝܠܘܣ ܡܬܐܡܪܝܢ ܕܐܬܣܝܡܘ. ܠܘܩܕܡ ܡܿܢ ܗܟܝܠ ܐܣܒܪܬ܆ ܕܕܡܝܩܪܐ ܢܣܛܘܪܝܣ ܐܝܬܘܗܝ ܟܬܒܐ. ܕܗܠܝܢ ܕܒܗܝܢ ܓܘܢܐܝܬ ܟܘܠܢ ܥܕܠܝܢ ܗܘܝܢ ܠܗ܆ ܗܢܝܢ ܓܠܝܐܝܬ ܐܝܬ ܗܘܐ ܒܗ. ܟܕ ܕܝܢ ܐܢ̈ܫܝܢ ܕܕܚܣܝܘܬܟ ܕܝܠܟ ܐܝܬܘܝܗ ܡܚܬܡܝܢ ܗܘܘ܆ ܐܬܕܡܪܢܢ. ܙܕܩܬ ܕܝܢ ܕܐܟܬܘܒ ܗܼܝ ܗܕܐ. ܘܒܝܕ
                
                 223 
                
                ܐܝܠܝܢ ܕܡܬܟܬܒܢ ܡܢ ܢܟܦܘܬܟ ܕܝܠܟ ܐܕܥ. ܣܓܝ ܚܝܪ ܫܓܫ ܠܝ ܦܘܠܓܐ ܕܟܝ̈ܢܐ. ܘܝܬܝܪܐܝܬ ܡܢ ܒܬܪ ܚܕܝܘܬܐ. ܕܬܪ̈ܝܢ ܒ̈ܢܝܢ ܚܠܦ ܚܕ ܡܥܠ ܠܢ ܐܝܟ ܬܡܝܗܐ ܐܢܣܛܣܝܣ ܕܒܡܨܥܬܗܿ ܕܩܘܣܛܢܛܝܢܦܘܠܣ ܐܼܡܪ. ܕܡܘܕܐ ܐܢܐ ܒܐܒܐ ܘܒܒܪܐ ܘܒܪܘܚܐ ܕܩܘܕܫܐ. ܘܒܡܪܢ ܝܫܘܥ ܡܫܝܚܐ. ܠܗܿܘ ܕܐܢܐ ܐܫܠܼܡ ܗܢܐ ܟܠܗ ܪܚܩܝ ܐܢܐܼ. ܐܝܟ ܕܟܘܠ ܡܕܡ ܒܚܕܘܬܐ ܐܩܒܠ ܕܐܣܝܒܪ܆ ܐܘܿ ܕܐܫܬܘܬܦ ܠܓܘܕܦܐ ܡܕܡ ܕܐܝܟ ܗܢܐ܀