Rabbula of Edessa. “Letter from Andrew of Samosata to Rabbula - ܕܐܢܕܪܐܘܣ ܠܘܬ ܡܪܝ ܪܒܘܠܐ .” Based upon Julian Joseph Overbeck ed., S. Ephraemi Syri, Rabulae episcopi Edesseni, Balaei aliorumque Opera selecta e codicibus syriacis manuscriptis in museo Britannico et bibliotheca Bodleiana asservatis primus (Oxonii [Oxford]: Clarendoniano, 1865). Digital Syriac Corpus. Last modified November 7, 2018. https://syriaccorpus.org/495.
     
        
            
                ܕܐܢܕܪܐܘܣ ܠܘܬ ܡܪܝ ܪܒܘܠܐ
            
            

                ܠܡܪܝ ܕܒܟܠ ܐܝܬܘܗܝ ܕܚܿܠ ܠܐܠܗܐ. ܩܕܝܫܐ ܘܚܣܝܐ. ܐܦܣܩܦܐ ܪܒܘܠܐ. ܐܢܕܪܐܘܣ ܒܡܪܢ ܫܠܡ܀ ܐܬܼܐ ܐܢܫ ܡܢ ܩܕܝܡ ܡܢ ܬܡܢ ܕܡܘܕܥ ܠܢ܆ ܕܒܨܘܚ̈ܝܬܐ ܣܓܝ̈ܐܬܐ ܕܥܠܝܢ܇ ܕܚܠܬ ܐܠܗܐ ܕܒܟ ܡܬܚܫܚܐ. ܘܠܐ ܗܘ ܒܠܚܘܕ ܟܣܝܐܝܬ܆ ܐܠܐ ܐܦ ܓܠܝܐܝܬ. ܐܘܣܦ ܕܝܢ ܕܐܦ ܐܚܪܡܬ ܩܕܡ ܥܕܬܐ.
                
                ܘܒܬܪ ܐܚܪ̈ܢܝܬܐ
                ܘܟܕ ܗܿܝ ܕܒܪܫܝܬ ܐܝܬܘܗܝ ܗܘܐ ܡܠܬܐ ܫܡܥܝܢ ܚܢܢ: ܘܕܒܥܠܡܐ ܐܝܬܘܗܝ ܗܘܐ ܘܥܠܡܐ ܒܐܝܕܗ ܗܘܼܐ: ܘܨܡܚܐ ܕܫܘܒܚܗ ܘܨܠܡܐ ܕܩܢܘܡܗ ܕܐܒܐ: ܘܟܠܗܝܢ ܕܐܝܟ ܗܠܝܼܢ. ܠܚܝܕܝܐ ܕܐܒܐ ܕܡܢ                
                 224 
                
                ܩܕܡ ܥܠܡ̈ܐ ܡܣܬܟܠܝܢ ܚܢܢ. ܟܕ ܕܝܢ ܩܪܝܢܢ ܬܘܒ ܟܬܒܐ ܕܗܘܝܗ ܕܝܫܘܥ ܡܫܝܚܐ: ܒܪܗ ܕܕܘܝܕ ܒܪܗ ܕܐܒܪܗܡ: ܘܗܿܝ ܕܛܠܝܐ ܪܒܐ ܗܘܐ ܘܡܬܚܝܠ ܒܪܘܚܐ: ܘܝܫܘܥ ܪܒܐܿ ܗܘܐ ܒܩܘܡܬܐ ܘܒܚܟܡܬܐ: ܘܕܐܠܗܐ ܐܣܓܝ ܪܡܪܡܗ: ܘܝܗܼܒ ܠܗ ܫܡܐ ܕܡܝܬܪ ܡܢ ܟܠ ܫܡ̈ܗܝܢ: ܘܐܢ ܐܝܬ ܡܕܡ ܕܠܗܠܝܢ ܕܡܿܐ܆ ܠܗܿܘ ܕܡܢ ܙܪܥܗ ܕܐܒܪܗܡ ܡܩܦܝܢܢ.
                
                
                ܘܒܬܪ ܐܚܪ̈ܢܝܬܐ
                
                ܕܡܘܬܐ ܕܐܠܗܐ ܘܕܡܘܬܐ ܕܥܒܼܕܐ. ܘܒܣܪܐ ܘܡܠܬܐ. ܘܗܝܟܠܐ ܘܥܡܘܪܐ. ܐܠܐ ܐܢ ܗܼܘ ܕܐܠܗܐ ܒܠܚܘܕ ܢܐܡܪ: ܟܕܠܐ ܡܣܬܟܠܝܢܢ ܥܡܗ ܠܒܪ ܐܢܫܐ. ܘܬܘܒ ܐܢ ܠܐ ܚܙܝܢܢ ܠܗܿܘ ܕܒܗ܆ ܡܢ ܟܠ ܦܪܘܣ ܠܚܕ ܡܪܝܡܝܢܢ ܠܗ܀
                
                ܘܒܬܪ ܐܚܪ̈ܢܝܬܐ
                
                ܡܬܩܪܒ ܐܢܫ ܡܢ ܚܢ̈ܦܐ ܕܝܘܠܢܐ ܕܝܠܢ ܒܿܥܐ ܕܢܐܠܦ. ܠܗܢܐ ܡܢܐ ܘܿܠܐ ܠܗ ܠܡܠܦܢܐ ܕܢܐܡܪ. ܕܥܠ ܡܫܝܚܐ ܢܣܒܪܗ܆ ܡܢܐ ܗܟܝܠ ܙܕܩܿ. ܐܝܟ ܡܿܢ ܕܕܡܘܬܐ ܕܐܠܗܐ ܒܠܚܘܕ ܐܝܬܘܗܝ ܘܫܘܼܐ ܥܡ ܐܠܗܐ. ܕܡܘܬܐ ܕܝܢ ܕܥܒܼܕܐ ܡܛܠܬܢ ܠܐ ܢܼܣܒ܆ ܡܕܝܢ ܢܟܦܘܪ ܠܓܡܪ ܒܡܕܒܪܢܘܬܐ. ܐܠܐ ܢܠܦ܆ ܕܐܠܗܐ ܐܝܬܘܗܝ ܕܒܪ ܐܢܫܐ ܠܒܼ ܚܠܦܝܢ܀
                
                ܀ ܫܠܡܬ ܐܓܪܬܐ ܀