“Julian Romance - ܬܫܥܝ̈ܬܐ ܕܡ̈ܠܟܐ ܕܪܘܡܢܝܐ.” Based upon Georg Hoffmann, Julianos der Abtruennige, syrische Erzaehlungen (Leiden, 1880). Digital Syriac Corpus. Last modified December 5, 2019. https://syriaccorpus.org/526.
    
        
            
                ܬܘܒ ܡܡܠܠܐ ܕܐܦܘܠܘܢܝܣ ܥܠ ܗܠܝܢ ܣܓܝ ܟܪܝܬ ܠܝ. ܥܠ ܡܠܟܐ ܟܐܢܐ ܕܡܐܬ. ܘܥܠ
                    ܡܕܒܪܢܐ ܛܒܐ ܕܡܫܬܪܐ. ܘܥܠ ܚܟܝܡܐ ܕܡܬܬܫܝܛ. ܘܥܠ ܙܕܝܩܐ ܕܢܿܦܠ ܒܚܛܝܬܐ. ܘܥܠ ܥܬܝܪܐ ܕܡܬܡܣܟܢ.
                    ܘܥܠ ܒܪ ܚܐܪ̈ܐ ܕܡܫܡܫ ܥܒܕܘܬܐ. ܘܥܠ ܓܒܪܐ ܛܒܐ ܕܩܢܿܐ ܐܢܬܬܐ ܒܝܫܬܐ. ܘܗܐ ܥܠ ܗܠܝܢ ܟܪܝܘܬܐ
                    ܪܒܬܐ ܗܘܬ ܠܝ ܘܗܘܝܐ ܠܝ ܀ ܥܠ ܗܠܝܢ ܕܝܢ ܬܡܗܿܬ ܘܐܚܕܘܢܝ ܨܘܪ̈ܢܐ. ܥܠ ܣܟܠܐ ܕܩܿܢܐ ܥܘܬܪܐ.
                    ܘܥܠ ܥܒܕܐ ܕܐܚܝܕ ܫܘܠܛܢܐ. ܘܥܠ ܚܣܝܪ ܗܘܝܢܐ ܕܡܫܬܕܪ ܒܐܝܙܓܕܘܬܐ. ܘܥܠ ܗܿܘ ܕܠܐ ܐܝܬ ܗܘܼܐ ܠܗ
                    ܘܗܘܿܐ ܠܗ. ܘܥܠ ܐܡܬܐ ܕܡܫܬܠܛܐ ܒܡܿܬܪܗܿ. ܘܥܠ ܒܪܐ ܕܡܨܥܪ ܠܐܒܗܘܗܝ ܀ ܘܥܠ ܗܠܝܢ ܕܝܢ ܚܕܘܬܐ
                    ܪܒܬܐ ܬܗܘܐ ܠܝ ܡܐ ܕܡܫܬܡܠܝܐ. ܘܣܓܝ ܚܕܝܬ ܘܚܕܐ ܐܢܐ: ܥܠ ܣܟܠܐ ܕܡܐܬ. ܠܘܝ ܕܝܢ ܡܼܢ ܟܪܣܐ
                    ܕܐܡܗ ܠܩܒܪܐ. ܘܥܠ ܡܠܟܐ ܛܪܘܢܐ ܕܡܬܩܛܠ.  XVII ܘܥܠ ܡܕܒܪܢܐ ܥܘܿܠܐ ܕܡܫܬܪܐ. ܘܥܠ
                    ܐܢܬܬܐ ܓܼܿܝܪܬܿܐ ܕܡܬܒܙܚܐ. ܘܥܠܥܬܝܪܐ ܕܠܐ ܡܼܿܪܘܼܿܚ ܗܘܼܐ ܘܐܬܡܣܟܢ ܀܀܀ ܠܓܒܪܐ ܣܟܠܐ ܠܐ
                    ܬܝܩܪܝܘܗܝ. ܡܛܠ ܕܠܐ ܝܐܐ ܠܗ ܐܝܩܪܐ ܠܣܟܠܐ. ܘܡܿܢ ܕܡܝܩܪ ܠܣܟܠܐ ܡܪܓܙ ܠܐܠܗܐ. ܘܛܝܒܿܘܬܐ
                    ܒܣܟܠܐ ܚܛܝܬܐ ܪܒܬܐ. ܘܣܝܡܬܐܼ ܒܝܫܬܿܐ܆ ܐܢܬܿܬܿܐ ܒܝܫܬܿܐ. ܘܝ ܠܗ ܠܐܝܢܐ ܕܢܿܦܠ ܒܗܿ. ܘܪܚܡܐ
                    ܒܝܫܐܼ ܓܒܪܐ ܒܝܫܐ ܘܓܘܡܕܢܐ. ܘܩܢܝܢܐ ܕܥܩܬܼܐ ܠܐ ܡܫܬܡܥܢܘܬܐ ܘܡܥܝܢܐ ܕܟܠܗܝܢ ܒܝܫ̈ܬܐ ܘܕܡܘܼܬܐ
                    ܕܒܝܫܐ. ܘܐܝܠܝܢ ܕܐܫܬܘܝܘ ܡܢܗܿ ܗܼܝܼ ܚܢܩܬ ܐܢܘܢ. ܘܪܘܒܐ ܕܡܠܘܬܿܐ ܫܘܒܗܪܐ ܘܪܡܘܬܐ ܘܫܘܒܚܐ
                    ܣܪܝܩܐ. ܘܚܒܪܐ ܒܝܫܐ ܨܒܝܢܐ ܒܝܫܐ. ܬܘܒ ܥܠ ܒܝܫܐ ܘܓܘܡܕܢܐ. ܐܢܐ ܕܝܢ ܐܦܘܠܘܢܝܣ ܕܡܢ ܛܘܐܝܢܐ
                    ܡܝܕܢܬܐ. ܒܝܕ ܡܘܗܒܬܐ ܕܐܬܝܗܒܬܼ ܠܝ. ܥܒܕܬ ܛܠܝܣܡܝܣ ܐܝܟ ܕܝܗܼܒܠܝ ܐܠܗܝ. ܘܒܗܝܢ ܥܒܕܬ
                    ܠܐܪ̈ܝܘܬܐ ܘܠܢܡܪ̈ܐ ܘܠܕܐܒ̈ܐ ܘܠܦܼܿܗ̈ܕܐ ܘܠܕܒ̈ܐ ܘܚܙܝܪ̈ܝ ܒܪܐ. ܘܥܪ̈ܕܐ ܘܼܿܛܒܼ̈ܝܐ ܘܬܥ̈ܠܐ
                    ܘܐܪ̈ܢܒܼܐ ܘܟܠܗܝܢ ܚܼܿܝ̈ܘܬܐ ܘܒܥܝܪܐ ܘܦܪܚܬܐ ܘܢܘ̈ܢܐ ܕܝܡܡ̈ܐ ܘܢܗܪ̈ܘܬܐ. ܘܚܘ̈ܘܬܐ ܥܩܪ̈ܒܼܐ.
                    ܘܐܦ ܠܒܩ̈ܐ ܘܠܪܒܒܼ̈ܐ ܘܠܕܒܿܘܿܪ̈ܝܬܼܐ ܘܫܘܫ̈ܡܢܐ. ܘܟܠܗ ܪ̈ܚܫܐ ܒܝܫܐ ܟܕܢܬ ܒܢܝܪܐ ܕܫܘܥܒܕܐ.
                    ܘܠܟܠܗܘܢ ܟܒܫܬ ܘܫܥܒܕܬ ܒܛܠܣܡ̈ܐ. ܘܐܦ ܠܢܫ̈ܐ ܙܢ̈ܝܬܐ ܟܘܢܿܬ. ܘܠܡܪ̈ܘܪܐ ܟܒܿܫܬܿ. ܘܐܦ ܠܪܗܛܐ
                    ܕܡܝ̈ܐ ܬܪܨܿܬ. ܘܠܣܟܠܐ ܚܣܝܪ ܗܘܢܐ ܡܕܡ ܕܚܿܫܚ ܠܗ ܠܐ ܐܫܟܚܿܬ. ܐܠܐ ܗܿܝ ܕܢܬܪܚܩ ܐܢܫ ܡܢܗ
                    ܘܡܼܢ ܥܝܢܗ. ܫܪܒܐ ܐܚܪܢܐ ܕܝܠܗ. ܥܡ ܦܘܫܩܗ. ܐܠܡܦܘܣ ܛܘܪܐ ܟܠܗ ܢܘܪܐ . ܥܦܪܗ ܘܟܐܦܘ̈ܗܝ ܘܚܙܘܗ
                    ܘܐܦ ܪܝܚܗ. ܘܐܝܢܐ ܕܒܢ ܕܡܗܠܟ ܒܗ ܒܐܝܡܡܐ ܠܐ ܡܘܩܕ ܠܗ. ܘܐܝܠܝܢ ܕܒܠܠܝܐ ܩܪܒܝܢ ܠܗ ܡܘܩܕ
                    ܠܗܘܢ. ܦܘܫܩܗ ܐܝܬܘܗܝ ܦܓܪܗܿ ܕܐܢܬܬܐ. ܟܠܗ ܢܘܪܐ ܐܝܬܘܗܝ. ܘܚܙܘܗܿ ܘܕܘܡܝܗܿ ܘܡܡܠܠܗܿ. ܘܟܠܗܘܢ
                    ܗܕܡܝ̈ܗܿ ܒܢܘܪܐ ܕܪܓܬܐ ܫܓܼܝܪܝܢ. ܘܐܝܠܝܢ ܕܫܓܝܪ̈ܢ ܢܦܫ̈ܬܗܘܢ ܒܢܘܪܐ ܐܠܗܝܬܐ. ܘܐܝܬ ܒܗܘܢ
                    ܝܼܕܥܬܼܐ ܘܢܗܝܪ ܗܼܘ ܗܘܢܗܘܢ ܒܚܙܬܐܕܚܟܡܬܐ ܡܼܿܩܬܼܝܼܢ ܚܝܪܗܘܢ ܪܘܚܢܝܐ. ܘܚܿܙܝܢ ܠܓܘ ܡܢ
                    ܫܘܦܪܗܿ ܕܐܢܬܬܐ ܗܿܘ ܒܪܝܐ ܢܕܝܕܘܬܐܘܙܼܿܦܪܘܬܐ ܘܛܡܐܘܬܐ. XVIII ܘܠܐ ܡܬܦܠܦܠܝܢ ܕܝܢ
                    ܒܣܝܢܗܿ ܗܿܘ ܣܪܝܐ. ܘܢܘܪܐ ܕܪܓܬܗܿ ܠܐ ܡܘܩܕܐ ܠܗܘܢ. ܫܠܡ

                ܫܪܒܐ ܐܚܪܢܐ ܟܠܗܝܢ ܦܪ̈ܚܬܐ ܕܐܝܬ ܒܐܐܘܢܦܘܣ ܛܘܪܐ ܕܡܘܬܐ ܕܢܘܪܐ ܐܝܬ ܠܗܝܢ.
                    ܘܫܪ̈ܝܢ ܒܗܿܝ ܢܘܪܐ ܘܠܐ ܝܩ̈ܕܢ ܡܢܗܿ. ܘܟܠܗܿ ܗܿܝ ܫܠܗܒܝܬܐ ܘܪܬܚܗܿ ܘܠܼܿܗܓܗܿ ܒܗܝܢ ܣܿܠܩ.
                    ܘܐܟ̈ܠܢ ܡܼܢ ܗܠܝܢ ܥܩܪ̈ܐ ܕܣܠܿܩܝܢ ܒܗܿܝ ܢܘܪܐ. ܘܫܬ̈ܝܢ ܡܼܢ ܗܠܝܢ ܡܝ̈ܐ ܕܫܓܝܪܝܢ ܒܢܘܪܐ.
                    ܘܫܦܝܪܐ ܚܙܬܗܝܢ ܘܪ̈ܓܝܓܢ. ܘܡܐ ܕܦܪܚ ܪܐ ܚܕ ܢܚܬ ܡܼܢ ܛܘܪܐ. ܡܚܕܐ ܐܫܬܩܠܬܼ ܡܢܗ ܗܿܝ ܚܙܬܐ
                    ܡܦܪܓܬܼ ܒܫܘܦܪ̈ܐ. ܘܡܐ ܕܦܪܚܐ ܚܕܐ ܡܢܗܝܢ ܕܬܣܩ ܠܗܿܘ ܛܘܪܐ. ܢܿܦܩ ܗܘܦܗܿ ܕܗܿܝ ܢܘܪܐ ܘܡܘܩܕ
                    ܠܗܿ. ܦܘܫܩܗ. ܐܬܬܘܢܦܘܣ ܛܘܪܐ. ܐܝܬܝܗܿ ܫܡܝܐ.ܘܦܪ̈ܚܬܐ ܡܠܐܟ̈ܐ ܕܩܝܿܡܝܢ ܒܢܘܪܐ. ܘܠܐ ܝܩܕܝܢ
                    ܡܢܗܿ. ܘܠܒܝܫܝܢ ܗܼܢܘܢ ܢܘܪܐ. ܘܡܦܪܓܝܢ ܒܚܙܘܗܿ ܕܫܠܗܒܝܬܐ. ܘܪܓܝܓܐ ܚܙܬܗܘܢ. ܡܛܠܕܠܒܝܫܝܢ
                    ܫܘܒܚܐ. ܘܟܠܗ ܡܐܟܘܠܬܗܘܢ ܕܝܢ ܘܡܼܿܫܬܿܝܼܗܘܿܢ ܪܘܚܢܐ ܗܼܘ. ܘܡܼܢ ܪܘܚܐ ܡܬܦܛܡܝܢ. ܘܗܼܘ ܣܛܢܐ
                    ܥܡ ܒܢܝ̈ ܦܠܚܘܬܗ ܦܪܚܘ ܘܢܚܬܘ ܠܐܪܥܐ. ܘܡܚܕܐ ܐܫܬܩܠܬܼ ܡܢܗܘܢ ܗܿܝ ܚܙܬܐ ܕܢܘܪܐ ܘܕܫܘܒܚܐ. ܘܡܐ
                    ܕܦܪܚ ܚܕ ܡܢܗܘܢ ܕܢܣܩ ܠܥܠ. ܢܦܩܐ ܙܝܼܩܬܿܐ ܕܢܘܪܐ ܘܣܚܦܐ ܠܗ ܘܡܫܬܕܐ ܠܥܘܡܩܐ. ܘܬܠܬ ܡܝܬܪ̈ܬܐ
                    ܗܠܝܢ ܕܒܗܝܢ ܡܦܪܓܝܢ ܗܘܼܘ ܫ̈ܐܕܐ. ܐܫܬܩܠܘ ܡܢܗܘܢ ܢܘܗܪܐ ܘܢܘܪܐ ܘܠܒܘܫܐ ܕܫܘܒܚܐ. ܘܩܢܘ ܬܠܬ
                    ܡܫܟܪ̈ܬܐ. ܫܠܝܼܚܝܼܢ ܘܐܘܟܡܝܢ ܘܡܫܟܪܝܢ ܒܚܙܬܗܘܢ. ܫܠܡ ܡܡܠܠܐ ܕܐܦܘܠܘܢܝܣ ܘܠܝܗ ܫܘ:  1 ܀ ܬܫܥܝ̈ܬܐ ܕܡ̈ܠܟܐ ܕܪܘܡܢܝܐ ܀ 3 ܐܦ ܐܠܗܐ ܦܪܥܗ ܛܝܒܘܬܐ ܕܕܘܒܪ̈ܘܗܝ:
                    ܘܫܟܼܒ ܥܠ ܥܪܣܐ ܕܢܝܚܗ ܒܥܠܡܐ. ܘܐܬܼܟܿܢܫ ܠܘܬ ܥܡܗ. ܘܐܬܬܘܣܦ ܥܠ ܐܒܗ̈ܘܗܝ܀ ܘܐܚܕ ܡܠܟܘܬܐ ܡܢ
                    ܒܬܪܗ: ܝܘܠܝܢܘܣ ܪܫܝܥܐ. ܒܫܢܬ ܚܡܫܝܢ ܘܬܪ̈ܬܝܢ ܠܫܝܢܐ ܕܥ̈ܕܬܐ: ܘܩܡ ܒܟܠܗܿ ܡܟܠܘܬܐ ܕܪ̈ܗܘܡܝܐ
                    ܝܘܠܝܢܘܣ ܛܪܘܢܐ. ܘܚܕܬ ܪܕܘܦܝܐ ܥܠ ܥܡܐ ܕܟܪ̈ܣܛܝܢܐ. ܘܦܩܕ ܕܢܬܦܬܚܘܢ ܒܝܬ ܦܬܟܪ̈ܐ ܘܢܬܒܢܝܢ
                    ܥ̈ܠܘܬܗܘܢ. ܘܢܣܬܓܕܘܢ ܓ̈ܠܝܦܐ. ܘܦܩܕ ܬܘܒ ܕܢܬܒܢܝܢ ܘܢܬܬܩܢܢ ܟܢܘ̈ܫܬܐ ܕܝܘ̈ܠܦܢܐ ܛ̈ܥܝܐ.
                    ܘܐܚܼܕ ܗܘܼܐ ܥ̈ܕܬܐ ܘܒܙܓ̈ܙܝܗܝܢ. ܘܫܕܐ ܠܐܦ̈ܣܩܦܐ ܠܐܟܣܘܪܝܐ ܡܢ ܡܕܝ̈ܢܬܗܘܢܿ ܘܟܠܗ ܩܝܡܐ
                    ܩܕܝܫܐ ܠܨܥܪܐ ܘܠܒܙܚܐ ܐܬܝܗܒ. ܡܢܗܘܢ ܠܚܒ̈ܘܫܝܐ ܘܠܡܚ̈ܘܬܐ ܐܫܬܠܡܘ. ܘܠܢܓ̈ܕܐ ܘܠܣܪ̈ܩܐ. ܡܢܗܘܢ
                    ܚ̈ܫܐ ܘܐܘ̈ܠܨܢܐ ܣܒܠܘ. ܡܢܗܘܢ ܐܬܪܕܦܘ. ܚܪ̈ܢܐܐܬܪܓܡܘ. ܐܚܪ̈ܢܐ ܐܣܬܪܩܘ. ܐܚܪ̈ܢܐ ܐܬܡܚܝܘ
                    ܒܓܘ̈ܫܡܝܗܘܢ. ܘܡܢ ܕܐܬܡܚܠܘ ܡܢ ܪܕܘܦܝܐܼ. ܒܗܝܢ ܒܡܚ̈ܘܬܐ ܫܩܠܘ ܫܘܠܡܐ ܕܚܝ̈ܝܗܘܢ. ܐܚܪ̈ܢܐ
                    ܐܬܓܪܪܘ ܒܫܘ̈ܩܐ ܐܝܟ ܟܠܒ̈ܐ. ܕܠܐ ܡܦܣܢܘܬܐ ܕܕܝ̈ܢܐ. ܐܚܪ̈ܢܐ ܚܿܠܦܘ ܐܬܪܐ ܕܠܐ ܢܚܠܦܘܢ ܫܪܪܗ
                    ܕܡܪܗܘܢܿ ܐܚܪ̈ܢܐ ܐܬܝܗܒܘ ܢܟܣ̈ܝܗܘܢ ܠܒܙܬܐ. ܘܐܣܬܪܩܘ ܡܢ ܩܢܝܘܢܗܘܢܧ ܕܠܐ ܢܣܬܪܩܘܢ ܡܢ ܚܘܒܗ
                    ܕܡܪܗܘܢܿ ܐܚܪ̈ܢܐ ܠܡܝܠܛܣ ܐܬܪܐ ܐܫܬܫܕܝܘܿ ܘܠܐܬܪ̈ܘܬܐ ܪ̈ܚܝܩܐ. ܥܠ ܐܦ̈ܝ ܫܡܗ ܕܡܪܗܘܢ. ܘܐܝܬ
                    ܗܘܘ ܬܘܒܼ. ܕܐܚܪܢܝܐܝܬ ܟܦܪܘ ܒܗ ܒܐܓܘܢܐ. ܕܟܕ ܚܙܘ ܐܘ̈ܠܨܢܐ ܕܚܝ̈ܠܐ ܘܫ̈ܢܕܐ ܩܫ̈ܝܐܼ. ܟܘܙܘ
                    ܡܢ ܐܝܓܘܢܐ ܕܡܘܕܝܢܘܬܐ. ܘܐܚܕܘ ܗܝܡܢܘܬܐ ܒܢܦܫܗܘܢ. ܘܐܘܚܠܘ ܡܢ ܐܘܪ ܗܕܐ ܕܣܗܕܘܬܐ. ܚܪ̈ܢܐ ܕܝܢ
                    ܐܝܠܝܢ ܕܚܠܝܡܐ ܗܘܬ ܗܝܡܢܘܬܗܘܢܿ ܠܐ ܟܡܘ ܗܘܘ ܥܠ ܩܘܫܬܐ. ܐܠܐ ܐܕܢܚܘ ܗܘܘ ܫܪܪܐ ܕܗܝܡܢܘܬܗܘܢ
                    ܠܥܝܢ ܟܠ ܐܢܫ. ܘܩܒܠܘ ܥܠܝܗܘܢ ܐܘ̈ܠܨܢܐܩܫ̈ܝܐ ܕܙܢ̈ܝܢ ܙܢ̈ܝܢ܇ ܥܡ ܫܢ̈ܕܐ ܐܚܪ̈ܢܐ ܡܫܚ̈ܠܐ
                    ܘܡܪܝܪܐܼ ܕܐܣܟܝܡ ܐܣܟܝܡ.  4 ܘܒܝܕ ܚܘܡܣܢܐ ܕܡܣܝܒܪܢܘܬܗܘܢܼ ܩܕܝܘ ܗܘܘ ܟܠܝܠܗܘܢ
                    ܒܡܘܕܝܢܘܬܗܘܢܿ ܘܒܕܠܐ ܣܦܩܬ ܡܠܬܢ ܗܫܐ ܥܠ ܟܠܗܝܢ ܕܐܬܡܬܚ ܥܠܝܼܢ. ܡܢ ܬܫܥܝܬܐ ܕܢܨ̈ܚܢܘܗܝ ܕܡܪܝ
                    ܐܘܣܒܝܣ ܐܦܣܩܦܐ ܕܪܗܘܡܐ: ܗܐ ܕܐܟܪܙܢܢ ܫܡܗ. ܡܢ ܠܥܠ ܡܨܐ ܐܢܫ ܡܫܬܘܕܥ. ܕܐܝܢܐ ܪܕܘܦܝܐ ܐܬܡܬܚ
                    ܥܠܝܢ ܒܝܘܡ̈ܘܗܝ ܕܝܘܠܝܢܣ ܪܫܝܥܐ: ܙܥܘܪܝܐ ܗܼܝ ܗܟܝܠ ܡܠܬܢܼ ܘܡܙܠܗܙܐ. ܕܥܠ ܗܢܐܣܒܐ ܬܡܝܗ
                    ܢܨ̈ܚܢܐ ܢܫܬܥܐ. ܗܘ ܓܝܪ ܩܕܡܝܐ ܗܿܘܐ ܒܘܟܪܐ ܕܡܘܕܝܢܘܬܐ. ܘܦܬܚ ܡܙܓܗ ܠܐܓܢܐ ܕܐܓܘܢܗ. ܐܝܟ
                    ܐܬܠܝܛܐ ܙܪܝܙܐ ܕܡܕܪܫ ܒܗ̈ܦܟܬܗ ܕܩܪܒܐܼ. ܘܐܪܡܝ ܠܗ ܗܦܟܬܐ ܠܒܝܫܐ ܘܢܦܨܗܿ. ܘܐܥܕܝ ܟܠܝܠܐ
                    ܕܙܟܘܬܐ ܡܢ ܒܥܠܕܪܗ ܟܣܝܐ. ܠܡܬܗܪ ܕܝܢ ܘܠܡܬܕܡܪܘ ܒܗܢܐ ܣܒܐ ܡܠܐ ܢܨ̈ܚܢܐ. ܕܟܕ ܛܒ ܥܠ ܡܫܘܚܬܐ
                    ܕܫܢ̈ܘܗܝ ܩܠܡ ܗܘܐ: ܕܟܕ ܩܘܪܒܐ ܕܒܪ ܬܫܥܝܢ ܫܢ̈ܝܢ ܐܝܬܘܗܝ ܗܘܐ. ܐܝܟ ܓܒܪܐ ܕܩܐܡ ܥܠ ܬܘܩܦܐܿ
                    ܕܫܢ̈ܘܗܝ ܗܟܢܐ ܢܦܩ ܒܗ ܐܝܚ ܓܒܪܐ ܕܩܐܡ ܥܠ ܬܘܩܦܐܿ ܕܫܢ̈ܘܗܝ ܗܟܢܐ ܢܦܩ ܒܗ ܒܐܝܓܘܢܐ ܚܠܝܨܐܝܬ
                    ܘܓܢܒܪܐܝܬ. ܘܫܩܼܠ ܫܡܐ ܛܒܿܐ ܘܢܨܚܢܐ ܡܝܬܪܐ. ܥܝܪ ܗܘܼܐ ܓܝܪ ܒܪܥܝܢܗܼ ܘܡܠܝܛ ܒܡܠܠܗ. ܘܥܬܝܪ
                    ܒܝܕܥܬܗ. ܘܚܝܠܬܢ ܒܡܠܬܗ. ܘܡܫܡܠܝ ܒܟܠܗܝܢ ܘ̈ܠܝܬܐ ܕܕܚܠܬ ܐܠܗܐ. ܘܐܦ ܒܕܥܠܡܐ. ܘܡܢܐ ܡܬܒܥܝܐ
                    ܕܢܡܬܘܚ ܡܠܬܢ ܥܠ ܬܫܥܝܬܗ ܕܗܢܐ ܣܒܐ ܬܡܝܗ ܢܨ̈ܚܢܐ. ܕܪܫܝܡܐ ܗܼܝ ܬܫܥܝܬܗ ܘܥܘܗܕܢܐ ܕܢܨܚ̈ܢܘܗ
                    ܠܐܢ̈ܫܐ ܦܪ̈ܘܫܐ ܕܗܘܘ ܒܙܒܢܗ. ܕܗܢܼܘܢ ܝܬܝܪ ܡܦܼܣܝܢ ܫܦܝܪ ܒܥܡܠܐ ܕܕܘܒܪ̈ܘܗܝ܇ ܘܐܦ ܒܐܝܓܘܢܐ
                    ܕܚܠܝܨܘܬܗ ܕܗܢܐ ܪܥܝܐ ܫܪܝܪܐ: ܕܕܡܘܬܐ ܒܢܦܫܗ ܚܘܝ ܘܫܒܼܩ ܠܗܿ ܛܘܦܣܐ ܠܥܕܬܗ ܕܒܗ ܬܬܕܡܐ. ܘܫܠܡ
                    ܨܐܕܘܗܝ ܗܿܝ ܕܐܡܼܪ ܡܪܝܢ ܒܣܒܪܬܗ ܕܪܥܝܐ ܟܐܢܐ ܒܛܝܠ ܠܗ ܥܠ ܡܪܥܝܬܗ ܘܣܐܡ ܢܦܫܗ ܠܡܘܬܐ ܥܠ
                    ܐܦ̈ܝܗܿ ܕܥܕܬܐ.. ܗܢܘ ܪܥܝܐ ܟܐܢܐ ܒܫܪܪܐ. ܕܣܡ ܢܦܫܗ ܢܦܫܗ ܠܡܘܬܐ ܥܠ ܐܦ̈ܝ ܡܪܥܝܬܐ ܕܐܬܓܥܠܬ
                    ܠܗܿ. ܘܢܚܬ ܓܢܒܪܐܝܬ ܠܐܓܘܢܐܼ. ܘܫܪܝ ܘܠܫܡ ܘܫܩܠ ܫܠܡܐ ܘܢܨܚܢܐܼ.  5 ܘܝܪܬ ܚܝ̈ܐ ܕܠܐ
                    ܥܒܪܝܢ܇ ܘܓܢܘܢܐ ܕܠܐ ܡܫܬܪܐ ܒܗܝ ܡܠܟܘܬܐܼ. ܕܠܥܠܡ ܥܠܡܝܢ ܡܩܘܝܐ ܐܡܝܢ ܘܐܡܝܢ܇
                ܫܠܡ ܢܨܚܢܐ ܕܥܠ ܗܝܡܢܘܬܗ ܕܩܘܣܛܢܛܝܢܘܣ ܘܕܬܠܬܐ ܒܢ̈ܘܗܝ ܐܝܠܝܢ ܕܐܡܠܟܘ:
                    ܒܬܪܗ:
            
            
                ܬܫܥܝܬܐ ܕܢܨܚܢܘܗܝ ܕܐܘܣܒܝܘܣ ܛܘܒܢܐ ܐܦܣܩܦܐ ܕܥܕܬܐ ܕܪܗܘܡܐ: ܒܝ̈ܘܡܝ ܝܘܠܝܢܘܣ
                    ܛܪܘܢܐ ܘܥܘܪܠܐ:
                ܘܡܢ ܒܬܪ ܕܫܠܡ ܩܨܐ ܕܝܘܡ̈ܘܗܝ ܕܩܘܣܛܢܛܝܣ ܡܿܠܟܐ ܡܗܝܡܢܘܬܐ ܘܪܚܡ ܠܡܫܝܚܐ:
                    ܘܐܬܟܢܫ ܠܘܬ ܥܡܗ ܒܫܠܡܐ. ܘܐܬܬܘܣܦ ܥܠ ܐܒܗ̈ܘܗܝ: ܘܫܒܩ ܠܗ ܫܡܐ ܛܒܐ ܘܕܘܟܪܢܐ ܕܠܥܠܡ. ܒܥ̈ܕܬܐ
                    ܟܘܠܗܝܢ ܕܬܚܝܬ ܫܡܝܐ. ܩܒܠ ܒܬܪܗ ܡܠܟܘܬܐ ܝܘܠܝܢܘܣ ܪܫܝܥܐ ܘܥܢܬܐ ܗܼܘ ܐܼܝܢܐ ܕܒܫܢܝܘܬܗ
                    ܘܒܡܥܒܕܢܘܬܐ ܕܫܐܕ̈ܐܼ . ܟܦܼܪ ܒܐܠܗܐ ܥܿܒܘܕܗܼ. ܘܗܦܟ ܡܢ ܗܝܡܢܘܬܐ ܫܪܝܪܬܐ ܕܠܗܿ ܐܚܝܕ ܗܘܼܐ
                    ܡܢ ܛܠܝܘܬܗ ܕܘܕܓܠ ܒܩܝܡܗܼ ܘܗܦܼܟ ܡܢ ܫܪܪܗ. ܘܐܙܠ ܒܬܪܗ ܛܥܝܘܬܐ ܕܫܐܕ̈ܐ: ܘܐܬܪܡܝ ܠܩܨܡ̈ܝܗܘܢ
                    ܘܐܬܢܓܕ ܠܨܒܝܢܗܘܢ ܘܦܩܼܪ ܘܐܫܬܢܝ ܒܕܚܠܬ ܫܐܕ̈ܐ ܘܒܣܓܕܬ ܦܬܟܪ̈ܐ: ܝܬܝܪ ܡܢ ܡ̈ܠܟܐ ܚܢ̈ܦܐ ܕܗܘܘ
                    ܩܕܡܘܗܝ. ܘܚܕܬ ܪܕܘܦܝܐ ܥܠ ܟܪ̈ܣܛܝܢܐ. ܘܦܩܼܕ ܕܢܬܦܬܚܘܢ ܒܝܬ ܦܬܟܪ̈ܐܼ ܘܢܬܒܢܝܢ ܥ̈ܠܘܬܗܘܢܿ
                    ܘܢܬܩܢܘܢ ܦܬܟܪ̈ܐ ܘܢܣܬܓܕܘܢ ܓ̈ܠܝܦܐ. ܘܢܬܬܩܢܢ ܒܝܬ ܟܢܘܫ̈ܬܐ ܕܝܘ̈ܠܦܢܐ ܛ̈ܥܝܐܼ ܕܥܩܝܪ̈ܢ ܗ̈ܘܝ
                    ܘܣܚܝܦܢ ܒܝܘܡ̈ܝ ܡ̈ܠܟܐ ܟܪ̈ܣܛܝܢܐ ܕܡܢ ܩܕܡܘܗܝ. ܘܐܬܪܝܡ ܘܐܫܬܩܠ ܥܠ ܥܕ̈ܬܗ ܕܡܫܝܚܐ. ܘܢܣܼܒ
                    ܓܙܝ̈ܗܝܢ ܘܒܙ ܬܫܡܫܬܗܝܢ ܘܐܚܕ ܘܛܒܼܥ ܐܢܝܼܢ. ܘܫܕܐ ܠܐܦ̈ܣܩܦܐ ܠܐܟܣܘܪܝܐ ܡܢ ܡ̈ܕܝܢܬܗܘܢܿ
                    ܘܐܥܠܝ ܒܩܝܡܐ ܕܩܕܝܫܐ ܕܐܠܗܐ. ܘܐܕܪܟܗ ܒܥܓܠ ܓܙܪ ܕܝܢܐ ܕܟܐܢܘܬܐ. ܘܠܐ ܝܗܼܒ ܠܗ ܐܠܗܐ ܕܢܨܠܚ
                    ܘܢܟܫܪ ܒܡܠܟܘܬܗ. ܩܕܡ ܓܝܪ ܐܪܝܡܗ ܡܢ ܚܝ̈ܐܼ. ܘܟܪܝ ܡܫܘܚܬܐ ܕܝܘ̈ܡܘܗܝܼ. ܕܕܡ ܬܐܪܟ ܠܗܿ ܛܒ
                    ܘܬܥܫܢ ܡܫܘܚܬܐ ܕܚ̈ܛܗܘܗܝ: ܒܝ̈ܫܬܐ ܓܝܪ ܣܓܝ̈ܐܬܐ ܐܣܒܠ ܠܥ̈ܒܼܕܘܗܝ ܕܐܠܗܐ ܗܼܘ ܗܢܐ ܫܢܝܐ.
                    ܘܦܪܥܗ ܐܠܗܐ ܥܒ̈ܕܘܗܝ ܒܝ̈ܫܐ ܒܟܐܢܘܬܐ. ܘܗܘܼܐ ܐܒܕܢܗ  6 ܒܐܪܥܐ ܕܟ̈ܠܕܝܐ. ܐܝܟ ܕܩܕܡ
                    ܗܘܼܐ ܐܬܢܒܝ ܥܠܘܗܝ ܣܗܕܐ ܕܐܠܗܐ ܐܘܣܒܝܣ ܐܦܣܩܦܐ ܛܘܒܢܐ ܕܥܕܬܐ ܕܪܗܘܡܐ. ܟܕ ܩܐܡ ܗܘܼܐ ܘܡܬܕܝܢ
                    ܩܕܡܘܗܝ: ܚ̈ܫܐ ܓܝܪ ܠܐ ܙܥܘܪ̈ܝܢ܆ ܘܫܢ̈ܕܐ ܘܐܘ̈ܠܨܢܐ ܡܫܚ̈ܠܦܐ ܕܟܠ ܐܣ̈ܟܡܝܢ܆ ܐܣܒܠܗ ܠܗ ܠܗܢܐ
                    ܣܒܐ ܬܡܝܗ ܢܨ̈ܚܢܐ. ܘܠܐ ܐܬܬܟܣ ܐܘ ܐܬܟܚܕ ܡܢ ܝܩܝܪܘܬܐ ܕܫ̈ܢܘܗܝ. ܩܘܪܒܐ ܓܝܪ ܕܒܪ ܬܫ̈ܥܝܢ
                    ܘܫܒܥ ܫ̈ܢܝܢ ܐܝܬܘܗܝ ܗܘܐ ܗܢܐ ܣܒܐܼ. ܟܕ ܩܐܡ ܒܐܓܘܢܐ ܕܡܘܕܝܢܘܬܐ. ܘܒܗܢܐ ܟܠܗ ܝܘܩܪܐ
                    ܕܣܝܒܘܬܐ. ܠܐ ܐܬܪܦܝ ܡܢ ܫܪܪܗ. ܐܦ ܠܐ ܐܫܬܐܠ ܡܢ ܡܘܕܝܢܘܬܐܐܠܐ ܐܝܟ ܥܠܝܡܐ ܚܝܠܬܢܐ: ܡܐ ܕܩܐܡ
                    ܥܠ ܬܘܩܦܐ ܕܫ̈ܢܘܗܝܼ. ܗܟܢܐ ܢܦܼܩ ܒܗ ܒܐܝܓܘܢܗ ܚܠܝܨܐܝܬ ܘܚܝܠܬܢܐܝܬ ܘܫܩܪܠ ܫܡܐ ܛܿܒܐ ܘܢܨܚܢܐ.
                    ܘܩܕܝ ܟܠܝܠܐ ܕܡܘܕܝܢܘܬܗ.܀ ܗܢܘ ܣܗܿܕܐ ܩܕܡܝܐ ܕܐܣܿܗܕ ܒܫܘܪܝܗ ܕܪܕܘܦܝܢ. ܐܝܟ ܐܓܘܢܣܛܐ
                    ܚܝܠܬܢܐ. ܗܘ ܫܘܪܝܐ ܦܬܚ ܐܣܟܝܡܐ ܕܐܬܠܝܛܘܬܐܼ. ܐܝܟ ܕܢܗܘܐ ܗܘܼܐ ܕܡܘܼܬܐ ܘܬܚܘܝܬܐ ܛܒܬܐ
                    ܐܠܝܠܝܢ ܕܐܬܝܢ ܒܬܪܗ. ܕܢܪܕܘܢ ܒܥܩ̈ܒܬܗ ܘܢܡܪܘܢ ܒܐܬܠܝܛܘܬܗ. ܥܝܪ ܗܘܼܐ ܓܝܪ ܒܪܥܝܢܗ ܘܡܠܝܛ
                    ܒܡܡܠܗ. ܘܚܝܠܬܢ ܒܡܠܬܗ. ܘܙܗܝܪ ܒܝܕܥܬܗ. ܘܓܡܝܪ ܒܕܘܒܪ̈ܘܗܝ. ܘܬܡܝܗ ܒܢܨܚ̈ܢܘܗܝ. ܒܡܪܕܘܬܐ ܓܝܪ
                    ܕܚܟܡܬܐ ܕܥܠܡܐ. ܛܒ ܪܕܐ ܗܘܼܐ. ܘܒܗ̈ܦܟܬܐ ܕܚܟܡܬܐ ܓܝܪ ܕܦܝܼܠܣܘܦܘܬܐ ܘܕܡܣܝܒܪܢܘܬܐ ܘܕܡܚܪܥܘܬܐ
                    ܡܠܝܐܝܬ ܡܕܪܫ ܗܘܼܐ. ܘܒܚܟܡܬܐ ܟܐܢܐܬܐ ܕܒܪܝܬܗ ܠܣܓ̈ܝܐܐ ܡܬܗܪ ܗܘܼܐ. ܕܡܝܬܪܐ ܕܝܢ ܘܫܒܝܚܐ ܡܢ
                    ܟܠܗܝܢ܆ ܐܦ ܒܚܟܡܬܐ ܐܠܗܝܬܐ ܕܠܐ ܣܟܐ ܡܫܡܠܝ ܗܘܐ. ܘܟܠܗ ܟܠܗ ܝܘܬܪܢܐ ܗܘܐ ܠܩܢܘܡܗ ܐܦ
                    ܠܚܙܝ̈ܘܗܝ. ܠܡܬܗܪ ܕܝܢ ܘܠܡܬܕܡܪܘ. ܕܟܕ ܒܟܠܗܝܢ ܓܡܝܪ ܗܘܼܐ ܘܡܫܡܠܝ: ܗܼܘ ܗܢܐ ܣܒܐ ܡܒܪܟܐ܆
                    ܘܒܡܕܡ ܠܐ ܚܣܝܪ ܗܘܼܐ ܡܢ ܡܠܝܘܬܗܼ. ܥܕܟܝܠ ܡܬܝܥܢ ܗܘܐ ܘܡܬܟܫܪ ܕܢܟܢܫ ܣܒܥܬ ܢܦܫܗ ܡܢ ܦܘܠܚܢܐ
                    ܕܙܕܝܩܘܬܐ. ܥܕܡܐ ܠܢܫܡܬܐ ܐܚܪܝܬܐ. ܘܟܕ ܡܢ ܟܕ ܣܒܐ ܩܪܝܒ ܗܘܐ ܨܝܕ ܫܘܠܡܐ ܕܚܝ̈ܝܘܗܝ: ܘܥܠ ܪܫ
                    ܐܘܪܚܐ ܕܡܐܙܠܬܗ ܩܐܡ ܗܘܼܐ. ܗܼܘ ܠܓܡܪ ܠܐ ܫܠܐ ܗܘܼܐ ܡܢ  7 ܕܢܪܒܐ ܟܝܣܗ ܡܢ ܝܘܬܪܢܐ
                    ܕܟܟܪ̈ܘܗܝ: ܗܕܐ ܓܝܪ ܝܨܦܘܬܐ ܗܘܬ ܠܗ ܒܙܒܢ ܣܝܒܘܬܗ. ܕܙܘ̈ܕܐ ܥܠ ܙܘ̈ܕܐ ܢܘܣܦ ܠܗ ܠܐܘܪܚܐ
                    ܢܓܝܪܬܐ ܕܡܐܙܠܬܗ. ܘܟܕ ܫܟܢܬ ܒܗ ܬܓܘܪܬܐ ܕܪܘܚܢܝܬܐܼ. ܒܕܡܘܬ ܟܦܢܐ ܘܝܐܝܒܐ ܒܚܕܘܬܗ ܣܩ ܒܠܥܗܿ.
                    ܘܩܕܝ ܒܣܝܒܘܬܗ ܡܢܬܐ ܛܒܬܐ ܕܡܘܕܝܢܘܬܐ. ܕܠܗܿ ܡܬܝܐܒ ܗܘܐ ܡܢ ܛܠܝܘܬܗ. ܘܚܿܙܩ ܨܝܕ ܡܪܗ
                    ܒܙܟܘܬܐ. ܟܕ ܛܥܝܢ ܥܠ ܟܬܦܗ ܡܠܘܐܐ ܕܬܐܓܘܪܬܗ. ܘܒܫܪܪܐ ܗܢܘ ܬܓܪܐ ܚܟܝܡܐ ܕܠܩܘܫܬܝܢ. ܕܣܦܼܩ
                    ܒܝܕܥܬܗ ܕܢܬܬܓܪ ܚ̈ܝܐ ܠܩܢܘܡܗ. ܥܒܼܕܐ ܛܒܼܐ ܘܟܫܝܪܐ. ܕܒܐ̈ܦܐ ܓ̈ܠܝܬܐܐܝܬ ܠܗ ܕܢܥܒܕ ܠܡܪܗ
                    ܚܘܫܒܢ ܟܟܪ̈ܐ ܕܐܬܓܥܠ ܠܗ. ܦܥܠܐ ܓܡܝܪܐ ܘܟܫܝܪܐ. ܕܡܢ ܨܦܪܐ ܫܪܝ ܒܦܘܠܚܢܐ ܕܡܪܗ. ܘܒܚܝܠ ܥܘܙܐ
                    ܕܛܠܝܘܬܗ ܣܒܠ ܝܘܩܪܐ ܕܚܘܡܗ ܕܝܘܡܐܼ ܘܠܐ ܐܬܥܘܟ ܡܢ ܦܘܠܚܢܐ ܕܡܪܗ: ܘܟܕ ܬܘܒ ܪܟܢܘ ܛ̈ܠܠܝܗܿ
                    ܕܛܠܝܘܬܐ. ܘܣܡܟ ܥܘܠܗܝ ܦܢܝܗܿ ܕܣܝܒܘܬܐ. ܠܐ ܐܬܒܨܪ ܥܡܠܐ ܕܦܘܠܚܢܗ: ܕܝܬܝܪ ܡܢ ܕܒܛܠܝܘܬܗ
                    ܐܬܝܬܝܪ ܦܘܠܚܢܐ ܕܟܐܢܘܬܗ ܒܙܒܢ ܣܝܒܘܬܗ. ܘܟܕ ܪܡ ܩܠܗ ܘܓܠܝܢ ܐܦ̈ܘܗܝܿ. ܡܩܒܠ ܡܢ ܡܪܗ ܐܓܪܐ
                    ܕܦܘܠܚܢܗ. ܘܡܢܐ ܐܝܬ ܠܢ ܕܢܩܠܣܿ. ܠܡܢ ܕܠܐ ܣܢܝܩ ܥܠ ܩܘܠܣܗ ܕܡܠܬܢܿ ܕܘܒܪ̈ܘܗܝ ܓܡܝܪ̈ܐ
                    ܘܣܘܥܪ̈ܢܘܗܝ ܫܒܝܚܐܼ ܘܢܨ̈ܚܢܘܗܝ ܬܡ̈ܝܗܐ ܘܗܢܘܢ ܡܟܪܙܝܢ ܟܠܫܥ ܩܘ̈ܠܣܘܗܝ: ܕܠܐ ܗܟܝܠ ܢܦܘܫ ܠܢ
                    ܡܢ ܬܚܘܝܬܐ ܕܣܗܕܘܬܗ ܛܒܬܐ. ܕܗܢܐ ܒܪܢܫܐ ܪܘܚܢܐ. ܘܢܗܘܐ ܛܠܘܡܐ ܠܥܡܠܐ ܐܡܝܢܐ ܕܕܘܒܪ̈ܘܗܝ:
                    ܘܠܚ̈ܫܐ ܘܠܫܢ̈ܕܐ ܕܗܕܡ̈ܘܗܝ: ܕܬܫܥܝܬܗ. ܕܒܦܣ̈ܝܩܬܐ ܢܪܫܘܡ ܐܓܘܢܐ ܕܡܘܕܝܢܘܬܗ ܘܗܘܼܐ ܡܢ ܒܬܪ
                    ܕܡܝܬ ܩܘܣܛܢܛܝܣ ܐܝܟ ܕܟܬܒܢ ܡܢ ܠܥܠܼ. ܐܬܣܝܡ ܝܘܠܝܢܘܣ ܛܪܘܢܐ ܒܚܝܠܐ ܣܓܝܐܐ ܠܡܚܬ ܠܪܗܘܡܐ. ܡܢ
                    ܐܬܪ̈ܘܬܐ ܥ̈ܠܝܐ ܕܓܠܝܘܣ ܕܒܗܘܢ ܡܡܠܟ ܗܘܐܼ. ܐܝܟ ܕܢܚܕܬܐ ܡܠܟܘܬܐ ܥܠ ܟܘܪܣܝܐ ܕܪܗܘܡܐܼ. ܘܢܗܘܐ
                    ܐܘܛܩܪܛܘܪ ܥܠ ܟܠܗ ܐܘܚܕܢܐ ܕܪ̈ܗܘܡܝܐ. ܘܟܕ ܐܪܓܫ ܛܘܒܢܐ ܐܘܣܒܝܣ ܒܗܠܝܢ: ܘܐܝܼܠܦ ܘܐܫܬܪܪ ܡܢ
                    ܣ̈ܓܝܐܐ ܥܠ ܛܪܘܢܐ ܕܗܼܘ ܡܡܠܟܼ. ܚܫ ܒܢܫܗܼ ܘܡܠܝܐܝܬ ܐܬܓܢܚ ܒܠܒܗ. 8 ܘܐܬܢܚ ܘܐܡܼܪ.
                    ܘܝ ܠܡ ܕܥܼܒܪ ܐܝܩܪܐ ܡܢ ܥܗܕܬܢܿ ܘܡܬܝܗܒ ܩܘܕܫܢ ܠܚܒܠܐܼ. ܘܩܡܝܢ ܠܒܙܚܐ ܘܥܡܢ ܠܪܕܘܦܝܐ. ܐܫܬܡܥ
                    ܗܘܐ ܠܗ ܓܝܪ ܛܒܼܐ ܕܚܢܼܦܘܬܗ ܕܗܢܐ ܫܢܝܐܼ. ܘܐܬܡܠܟܬ ܗܘܬ ܠܗ ܥܠܘܗܝ ܛܒ ܟܪܝܘܬܐ ܥܠ ܚܣܝܐ
                    ܕܐܠܗܐ ܘܚܫܝܫܐܝܬ ܒܕܡܘܬ ܪܡܝܐ ܡܒܟܐ ܗܘܼܐ ܠܗܘܢ ܠܡ̈ܠܟܐ ܟܪ̈ܣܛܝܢܐ ܕܥܢܕܘ. ܘܡܬܬܢܚ ܗܘܐ ܠܗܘܢ
                    ܟܕ ܐܡܿܪ. ܚܒܠܝܗ ܠܡܠܟܘܬܢ ܕܐܬܓܠܙܬ ܡܢ ܡܕܒܪܢܘܬܟܘܢ ܡܩܝ̈ܡܢܝܗ ܕܗܝܡܢܘܬܢ ܘܡ̈ܫܝܢܢܝܗ ܕܥܕܬܐ.
                    ܐܟܪ̈ܐ ܟܫܝܪ̈ܐ ܕܥܡܠܬܘܢ ܒܐܫܟܪܐ ܡܠܝܬ ܟܘ̈ܒܐ. ܘܥܩܪܬܘܢ ܡܢܗܿ ܝܥܼܪܗ ܕܚܛܝܬܼܐ ܘܙܝ̈ܙܢܝܗܿ
                    ܕܚܢܦܘܬܐ: ܘܦܠܚܬܼܘܢܗܿ ܒܩܩܢܐ ܕܗܝܡܢܘܬܟܘܢܿ ܘܫܕܝܬܘܢ ܒܗ ܙܪܥܐ ܛܿܒܐ ܕܡܚܦܛܢܘܬܟܘܢ: ܘܝܗܒܬ
                    ܦܐܪ̈ܐ ܒܬܠܝܢ ܘܒܫܬܝܢ ܘܒܡܐܐ. ܘܗܐ ܐܓܪܗ ܕܦܘܠܚܢܟܘܢ ܩܕܡܝܟܘܢܿ ܘܕܘܟܪܢܟܘܢ ܛܿܒܐ ܒܬܒܝܠ.
                    ܒܕܐܝܟ ܗܠܝܢ ܒ̈ܢܬ ܩ̈ܠܐ ܚܫܝ̈ܫܬܐ ܣܓܝ̈ܐܬܐ ܘܕܕܡܝܢ ܠܗܝܢ܆ ܡܬܕܟܪ ܗܼܘܐ ܠܗܘܢ ܛܘܒܢܐ ܐܘܣܒܝܣ
                    ܠܕܒܝܬ ܩܘܣܛܝܛܝܢܘܣ ܡ̈ܠܟܐ ܟܪ̈ܣܛܝܢܐ. ܡܢ ܬܘܝܪܘܬܐ ܕܠܒܗܼܘܚܫܐ ܕܪܥܝܢܗ. ܘܟܕ ܐܦܝܓ ܩܠܝܠ
                    ܪܥܝܢܗ ܒܝܕ ܕܡ̈ܥܐ ܕܥ̈ܝܢܘܗܝ. ܒܕܡܘܬ ܪܥܝܐ ܟܐܢܐ ܕܟܐܒ ܠܗ ܥܠ ܡܪܥܝܬܗ: ܐܡܬܝ ܕܡܬܬܣܝܡ ܕܐܒܐ
                    ܕܢܣܪܘܚ ܒܓܙܪܗ. ܘܫܿܕܐ ܩܠܐ ܒܗܿ ܒܥܢܐ ܘܟܢܫܐ ܠܘܬܗܼ. ܗܟܢܐ ܒܗܕܐ ܕܡܘܬܐ ܐܦ ܣܒܐ ܡܒܪܟܐܼ. ܟܕ
                    ܫܡܥ ܥܠ ܡܬܝܬܗ ܕܗܢܐ ܡܣܝܒܐܼ. ܒܒܛܝܠܘܬܐ ܣܓܝܐܬܐܼ ܫܕܪ ܟܢܫܗ ܠܘܬܗ ܠܟܠܗ ܩܝܡܐ ܕܥܕܬܐܼ. ܡܢ
                    ܪܒܼܐ ܘܥܕܡܐ ܠܙܥܘܪܐ ܘܐܝܟ ܕܠܒ̈ܢܝܐ ܚܒܝ̈ܒܐ ܡܪܬܐ ܗܘܼܐ ܠܗܘܢ ܟܕܐ ܡܿܪ. ܚܙܘ ܒ̈ܢܝܼ ܐܙܕܗܪܘ
                    ܒܢܦܫܟܘܢ ܘܐܫܬܪܪܘ ܒܗܝܡܢܘܬܟܘܢܿ ܘܚܡܣܢܘ ܒܫܪܪܟܘܢ ܘܗܘܘ ܠܒܝ̈ܒܐ ܘܚܝܠܬܢܐ. ܕܐܒܐ ܓܝܪ ܥܬܝܕ
                    ܕܢܫܬܠܛ ܥܠܝܢ. ܘܢܣܝܘܢܐ ܐܝܬ ܠܗ ܕܢܩܘܡ ܥܠ ܥܕܬܐ. ܚܙܘ ܕܠܡܐ ܬܬܪܦܘܢ ܡܢ ܫܪܪܟܘܢܿ ܘܬܬܩܛܥ
                    ܠܟܘܢ ܒܢܣܝܘܢܟܘܢܿ ܩܠܝܠ ܗܘ ܓܝܪ ܙܒܢܐ ܘܛܒ ܙܥܘܪ. ܘܫܩܠ ܠܗ ܫܘܠܡܐ ܢܣܝܘܢܟܘܢܿ ܠܐ ܓܝܪ ܡܪܦܐ
                    ܐܠܗܐ ܐܝܕܐ ܒܡܪܥܝܬܗ. ܕܒܕܡܗ ܝܩܝܪܐ ܙܒܝܢܐ ܠܗ. ܘܠܐ ܫܒܿܩ ܠܗܿ ܠܓܡܪ ܒܐܝ̈ܕܝ ܕܐܒܐ. ܐܦܢ ܓܝܪ
                    ܢܗܘܐ ܕܡܠܐ ܙܒܢܐ ܢܫܬܠܛ ܛܪܘܢܐ ܠܝܛܐ ܥܠ ܡܠܟܘܬܢܿ ܠܡܪܕܘܬܢ ܥܠ ܕܚܛܝܼܢ. 9 ܐܠܐ ܬܗܘܐ
                    ܒ̈ܢܝ ܡܗܝܡܢܐ ܘܫܪܝܪܐ ܠܼܢ. ܕܒܥܩܒܐ ܕܫܘܪܝܗܼ ܥܐܠ ܫܘܠܡܗ. ܠܐ ܓܝܪ ܡܡܬܘܡ ܐܗܡܝ ܐܠܗܐ ܚܝܪܗ ܡܢ
                    ܥܕܬܗ. ܐܠܐ ܒܟܠܙܢ ܥܝ̈ܢܘܗܝ ܥܠܝܗܿ ܠܛܒܬܐ. ܐܦ ܒܙܒܢ ܡܪܕܘܬܗ. ܐܡܬܝ ܓܝܪ ܠܐ ܦܪܩܗܿ ܒܙܒܙܢ
                    ܢܣܝܘܢܗܿ. ܠܐܗܟܝܠ ܬܬܙܝܥܘܢ ܐܘ ܬܬܪܗܒܘܢ ܡܢ ܛܒܐ ܕܚܢܦܘܬܗ ܕܗܢܐ ܛܪܘܢܐܼ. ܕܝܘܡܢ ܡܬܬܪܝܡ
                    ܘܡܫܬܩܠ܇ ܘܡܚܪ ܒܿܛܠ ܘܠܝܬܘܝ. ܘܐܒܕ ܘܐܬܥܛܝ ܕܘܟܪܢܗ. ܘܕܘܟܪܢܐ ܕܩܢܝܢ ܒܗ ܫܪܝܪܐ ܒܡܘܕܝܢܘܬܢ.
                    ܠܥܠܡ ܠܐ ܡܬܡܠܠ ܒܒܪܝܬܐ. ܠܡܚܕܐ ܗܟܝܠ ܘܠܡܪܘܼܙ. ܐܝܟ ܐܢܫܐ ܓܡܝܪ̈ܐ ܘܫܪܝܪܐ. ܐܡܬܝ ܕܢܣܝ̈ܘܢܐ
                    ܥܕܝܢ ܥܠܝܟܘܢ ܥܪܝܨܐܝܬ. ܕܒܡܘܬ ܕܗܒܐ ܛܒܐ ܕܒܟܘܪܐ ܡܚܘܐ ܫܘܦܪܐ ܕܦܐܝܘܬܗ: ܘܬܗܪ̈ܝܢ ܒܗ
                    ܚܙ̈ܝܘܗܝ܆ ܗܟܢܐ ܒܟܘܪܐ ܕܢܣ̈ܝܘܢܐ ܡܬܒܚܪܗܝܢ ܓܡܼܝܪ̈ܐܼ. ܘܒܝܕ ܒܘܩܝܐ ܕܡܣܝܒܪܢܘܬܗܘܢ ܡܬܝܕܥܝܢ
                    ܫܪܝܪܐ. ܕܠܐ ܓܝܪ ܐܓܘܢܐ ܘܕܠܐ ܢܨܚܢܐ ܘܕܠܐ ܪܕܘܦܝܐܼ. ܐܦܠܐ ܟܠܝܠܐ ܘܙܟܘܬܐ ܒܒܘܩܝܗ
                    ܕܡܣܝܒܪܢܘܬܗܘܢ ܡܬܩܠܣܝܢ ܓܡܝܪ̈ܐ. ܘܒܫܘܠܡܐ ܕܪܗܛܗܘܢܼ. ܡܐ ܕܙܟܘܼ ܫܩܠܝܢ ܢܨܚܢܐ. ܠܐ ܡܩܠܣ ܠܗ
                    ܠܐܬܠܝܛܐ ܫܡܐ ܕܐܬܠܝܛܘܬܗܿ: ܐܢ ܒܘܩܝܗ ܕܚܠܨܘܬܗ ܒܐܓܘܢܐ ܠܐ ܡܚܘܐ. ܐܦܠܐ ܠܟܪܣܛܝܢܐ ܫܡܐ
                    ܕܟܪܣܛܝܢܘܬܗܿ. ܐܢ ܒܘܩܝܗܿ ܕܡܣܝܒܪܢܘܬܐ ܠܡ ܓܡܿܪ ܒܢ. ܘܡܣܝܒܪܢܘܬܐ ܒܘܩܝܐ. ܘܒܘܩܝܐ ܣܒܪܐ.
                    ܣܒܪܐ ܕܝܢ ܠܐ ܡܒܗܬ. ܐܝܟ ܐܢܫܐ ܗܟܝܠ ܕܫܪܝܪܐ ܠܗܘܢ: ܘܬܟܝܠܝܢ ܕܐܝܬ ܠܗܘܢ ܣܒܪܬ ܕܠܐ ܡܒܗܬܼ.
                    ܫܕܘ ܡܢܟܘܢ ܡܐܝܢܘܬܐ ܘܪܦܝܘܬܐ ܘܩܘܛܥ ܪܥܝܢܐ. ܘܐܚܕܘ ܕܪܐ ܥܡ ܚܛܝܬܐܼ ܘܬܒܪܘ ܥ̈ܘܩܣܝܗܿ ܘܒܙܝܢܐ
                    ܪܘܚܢܐ ܕܩܢܝܢ ܐܢܬܘܢ. ܐܬܟܬܫܘ ܥܡ ܛܘܥܝܝ ܘܫܗܘ ܚܐܦܗܿ: ܠܟܘܢ ܓܝܪ ܝܐܐ ܥܘܫܢܐ. ܘܠܟܘܢ ܦܐܝܐ
                    ܓܢܒܪܘܬܐ. ܕܡܢ ܗܿܘ ܫܬܐܣܬܗܿ ܕܥܕܬܐ ܪܝܫ ܬܠܡ̈ܝܕܐ ܝܠܦܬܘܢ ܛܟܣܐ ܕܐܬܠܝܛܘܬܐ. ܘܕܪܫܬܘܢ
                    ܠ̈ܦܟܬܗܿ ܕܐܓܘܢܝܣܛܘܬܐ. ܘܠܝܬ ܠܗ ܠܒܝܫܐ ܠܓܡܪ ܕܢܣܒ ܡܢܟܘܢ ܙܟܘܬܐ. ܕܫܪܝܢܐ ܕܙܕܝܩܘܬܐ ܠܒܝܫܝܢ
                    ܐܢܬܘܢܼ ܘܒܙܝܢܐ ܪܘܚܢܐ ܡܚܙܩ ܪܥܝܢܟܘܢܿ ܘܟܡܐ ܐܢ ܡܥܨܐ ܕܢܬܟܬܫ ܥܡܟܘܢܼ.  10 ܫܩܝܠܐ
                    ܗܝ ܡܢܗ ܙܟܘܬܐ. ܘܡܢ ܝܬܝܪܗ ܡܙܕܝܦܪ ܒܨܢ̈ܥܬܗ: ܐܬܠܝܛܐ ܗܘ ܓܝܪ ܓܘܡܕܢܐ ܕܠܐ ܒܗܬ. ܘܟܕ ܚܝܒܐ
                    ܗܼܘ ܬܘܒ ܡܬܟܬܫ. ܘܠܝܬ ܠܗ ܠܓܡܪ ܫܠܝܐ ܡܢ ܬܟܬܘܫܗ. ܥܡ ܚܝ̈ܠܬܢܐ ܓܝܪ ܘܫܪܝܪܐ ܒܫ̈ܘܓܫܐ
                    ܘܒܫ̈ܘܕܠܐ ܕ̈ܨܢܥܬܗ ܟܬܫ ܥܡܗܘܢ. ܠܘܬ ܐܝܠܝܢ ܕܝܢ ܕܡܚܝܠܝܢ ܘܟܪ̈ܝܗܝܢ ܒܪ̈ܥܝܢܝܗܘܢ ܐܝܟ ܙܟ̈ܝܐ
                    ܥܠܝܗܘܢ ܡܬܓܒ܇ ܕܡܢ ܛܝܒܘܬܗ ܕܡܫܝܚܐ ܢܓܠܘܙ ܐܢܘܢ. ܟܕ ܝܗܿܒ ܠܗܿ ܥܝܐ ܠܪܦܝܘܬܗܘܢܿ ܕܒܨܒܝܢ
                    ܚܐܪܘܬܗܘܢ ܗܘܘ ܫ̈ܦܠܐ ܒܐܓܘܢܗܘܢ.܀܀ ܐܬܬܥܝܪ ܗܟܝܠ ܐܚ̈ܝ ܘܩܘܡܘ ܒܝܗܡܢܘܬܐ. ܘܐܬܓܒܪܘ ܐܬܚܣܢܘ
                    ܘܠܐ ܬܬܪܦܘܢ ܠܒܝܫܐ ܒܥܠܕܟܘܢ ܕܢܬܥܫܢ ܥܠܝܟܘܢ. ܐܬܠܝܛܐ ܗܿܘ ܓܝܪ ܫܦܠܐ ܨܝܕ ܐܝܠܝܢ ܕܚܠܝܡܐ
                    ܗܝܡܢܘܬܗܘܢܿ ܘܫܪܝܪ ܚܘܒܗܘܢ ܨܝܕ ܐܠܗܐ ܥܒܘܕܗܘܢ ܘܥܝܐ ܝܗܒܝܢ ܠܗ ܫܪܝܪܐ ܒܙܟܘܬܗܘܢ. ܟܠ ܐܡܬܝ
                    ܕܡܩܪܒ ܥܡܗܘܢܿ ܒܕܠܐ ܕܚܠܝܢ ܐܘ ܡܬܪܗܒܝܢ ܡܢ ܫ̈ܢܕܐ ܘܐܘ̈ܠܨܢܐ ܕܡܣܒܠ ܠܗܘܢܼ. ܒܐܝ̈ܕܝ ܡ̈ܠܟܐ
                    ܚ̈ܢܦܐ ܘܕ̈ܝܢܐ ܕܥܘܠܐ: ܐܦ ܚܢܢ ܒ̈ܢܝ. ܢܗܘܐ ܥܝܪ̈ܝܼܢ. ܘܥܬܝܕܝܢ ܠܡܘܕܝܢܘܬܐ ܛܒܬܐ ܕܥܠ ܐܦܝ̈
                    ܡܫܝܚܐ. ܘܠܐ ܢܬܪܦܐ ܒܐܓܘܢܗܿ ܕܚܠܝܨܘܬܢ. ܐܝܟܐ ܓܝܪ ܕܒܩܐܪܣܐ ܘܒܥܕܢܐ ܕܩܪܒܐ: ܐܝܢܐ ܕܓܢܒܪ
                    ܒܚܝܠܗ ܘܠܒܝܒ ܒܪܥܝܢܗ ܝܗܿܒ ܦܓܪܗ ܠܡ̈ܚܘܬܐ. ܘܟܡܐ ܙܒܢ̈ܝܢ ܘܠܡܘܬܐ ܢܦܫܗ ܡܫܼܠܡ. ܕܟܠܝܠܐ
                    ܕܙܟܘܬܐ ܘܫܡܐ ܕܬܫܒܘܚܬܐ ܢܩܒܠܼ. ܒܗܿ ܒܕܡܘܬܐ ܐܦܢ ܠܢ ܙܕܩܿ. ܕܐܝܟ ܚܝ̈ܠܬܢܐ ܘܠܒܝ̈ܒܐ ܢܗܘܐ
                    ܩܕ̈ܡܝܐ ܠܐܝܓܘܢܐ. ܘܫܪ̈ܘܝܐ ܠܐܬܠܝܛܘܬܐ. ܗܟܢܐ ܓܝܪ ܐܦ ܟܐܢܐܼ ܕܟܡܐ ܕܣܝܡܝܢܢ ܩܕܡ̈ܝܐ
                    ܒܪܫܢܘܬܐ. ܕܒܐܝ̈ܕܝ ܫܡܥܘܢ ܟܐܦܐ ܐܬܝܗܒܬ ܠܼܢ. ܗܟܢܐ ܢܗܘܐ ܒܟܝܪ̈ܝܐ ܠܡܘܕܝܢܘܬܐ ܕܒܡܫܝܚܐ
                    ܕܒܐ̈ܝܕܝ ܙܒܢܐ ܡܬܝܗܒܐ ܠܢ. ܘܢܗܘܐ ܚܘܪܐ ܛܿܒܐ ܘܛܘܦܣܐ ܫܦܝܪܐ ܠܡ̈ܗܝܡܢܐ ܘܫܪܝܪܐ. ܕܪܓܝܢ
                    ܕܪܓܗܿ ܡܥܠܝܐ ܕܡܘܕܝܢܘܬܐ. ܘܢܬܠ ܬܚܘܝܬܐ ܛܒܬܐ ܕܡ̈ܣܝ̈ܒ̈ܝ. ܕܡܣܝܒܪܢܘܬܢܿ ܠܫܪܟܐ ܕܥܗܕܬܐ ܕܣܡܢ
                    ܒܐܬܪܢ. ܩܘܫܬܐ ܗܘ ܓܝܪ ܗܢܐܼ ܘܟܐܢܘܬܐ. ܕܟܡܐ ܕܣܡܢ ܠܗ ܫܡܥܘܢ ܟܐܦܐ ܫܘ̈ܬܦܐ ܐܚ̈ܝ ܒܪܝܫܢܘܬܐ
                    ܘܒܓܒܝܘܬܐܼ.  11 ܗܟܢܐ ܢܗܘܐ ܫܘ̈ܬܦܐ ܠܚܫܐ ܕܡܘܬܗ. ܘܠܐܝܓܘܢܗܿ ܚܣܝܢܐ ܕܙܩܝܦܘܬܗ:
                    ܘܠܘ ܠܚ̈ܫܘܗܝ ܒܠܚܘܕ ܢܗܘܐ ܫ̈ܘܬܦܐ. ܐܠܐ ܐܦ ܠܚ̈ܫܐ ܕܡܪܗ: ܗܿܘ ܕܐܡܪ ܦܘܠܘܣ ܛܘܒܢܐ. ܕܐܢ
                    ܫܘ̈ܬܦܐ ܚܢܢ ܒܚܫܗ: ܫܘ̈ܬܦܐ ܚܢܢ ܐܦ ܒܒܘܝܐܗ. ܦܐܐ ܠܗܿ ܓܝܪ ܠܬܠܡܝܕܘܬܐ ܕܫܩܠܐ ܒܩܢܘܡܗܿ ܛܘܦܣܐ
                    ܕܪܗܒܢܝܗܿ. ܕܐܦ ܗܿܘ ܪܫ ܬܠܡ̈ܝܕܐ ܫܩܼܠ ܒܩܢܘܡܗ ܛܘܦܣܐ ܕܪܒܗ: ܘܫܐܼܠ ܕܢܙܕܩܦ ܒܬܪ ܪܝܫܗ. ܘܟܡܐ
                    ܝܩܝܪ ܗܼܘܐ ܒܥܝ̈ܢܘܗܝ ܡܘܬܐ ܕܡܪܗ. ܕܥܩܒܗܿ ܕܙܩܝܦܘܬܗܿ ܫܐܠ ܕܢܢܿܫܩ ܒܥܕܢ ܡܘܬܗ: ܒܗܢܐ ܬܓܪܐ
                    ܪܘܚܢܐ ܙܕܩ ܠܢ ܕܢܡܿܪܐ. ܕܟܕ ܛܒ ܥܬܝܪ ܗܘܼܐ ܒܥܒ̈ܕܐ ܛܒ̈ܐ: ܘܡܫܪܬܚ ܘܗܘܐ ܘܓܡܝܪ ܒܦܘܠܚܢܐ
                    ܕܙܕܝܦܘܬܐ. ܘܫܩܝܠ ܩ̈ܠܝܕܐ ܕܪܘܡܐ ܘܕܥܘܡܩܐ. ܘܡܗܝܡܢ ܒܝܬܓ̈ܙܝܗܿ ܕܐܠܗܘܬܐ: ܘܛܘܒܗ ܝܗܝܒ
                    ܘܟܘܪܣܝܗ ܡܠܝܟ ܘܡܘܠܟܢ̈ܘܗܝ ܫܒܝܚܝܼܢ. ܘܒܗܠܝܢ ܟܠܗܝܢ ܕܩܢܐ ܗܘܼܐ. ܠܐ ܡܢܬ ܠܗ ܘܩܒܠ ܥܠܘܗܝ
                    ܕܢܢܘܚ ܡܢ ܥܡܠܗ. ܠܘ ܓܝܪ ܒܬܪ ܐܝܠܝܢ ܕܩܢܐ ܗܘܼܐ ܟܬܫ ܗܘܼܐ. ܕܒܬܪ ܐܝܠܝܢ ܕܠܐ ܩܢܼܐ ܗܘܼܐ ܪܗܛ
                    ܗܘܐ. ܒܗܠܝܢ ܟܫܝܪ̈ܐ ܙܕܩܿ ܕܢܚܣܘܡ ܐܢܫܿ: ܕܐܬܟܫܪܘ ܘܙܒܢܘ ܡܠܟܘܬ ܪܘܡܐ. ܡܢ ܝܘܬܪܢ ܟܣܦܐ
                    ܘܟܟܪ̈ܐ ܕܐܬܗܝܡܢ܇ ܘܢܛܪܘ ܓܘܥܠܢܐ ܒܪܒܝܬܗ ܠܝܗܘܒܗ. ܘܐܬܬܓܪܘ ܒܗ ܠܩܢܘܡܗܘܢܼ ܡܕܡ. ܕܥܝܢܐ ܠܐ
                    ܚܙܬ. ܘܐܕܢܐ ܠܐ ܫܡܥܬ: ܘܥܠ ܠܒܐ ܕܒܪ ܐܢܫܐ ܡܢ ܡܬܘܡ ܠܐ ܣܠܼܩ: ܘܟܕ ܬܘܒ ܨܿܒܐ ܗܘܼܐ ܛܘܒܢܐ
                    ܐܘܣܒܝܣ ܕܢܡܬܘܚ ܡܠܬܗ ܥܠ ܡܠܦܢܘܬܗ. ܐܦܢܛܘܣ ܡܫܡܢܐ ܥܠ ܣܒܪܗ ܘܐܡܪ ܠܗ. ܐܒܝܼ. ܗܒ ܠܗܿ ܫܠܝܐ
                    ܠܡܠܬܟ ܡܢ ܗܫܐ ܘܐܝܨܦ ܕܐܓܘܢܟ. ܐܬܬܥܝܪ ܫܢܬܼܐ ܘܣܪܗܒ ܐܓܘܢܐ. ܘܡܢ ܟܕܘ ܣܝܒܘܬܟ ܠܕܪܓܐ ܡܥܠܝܐ
                    ܕܡܘܕܝܢܘܬܐ ܫܘܬ. ܩܕܝܫܗ ܕܝܢ ܕܐܠܗܐܼ. ܪܘܙ ܒܢܦܫܗ ܒܐܝܠܝܢ ܕܫܡܼܥ. ܘܚܪ ܒܗ ܒܫܡܫܐ ܗܿܘ
                    ܚܒܝܒܐܝܬ. ܘܫܐܠܗ ܘܐܡܪ ܠܗ. ܡܢܘ ܒܪܝ ܦܬܓܡܟ ܚܘܢܝ: ܦܢܝ ܠܗ ܕܝܢ ܦܬܓܡܐ ܐܦܢܛܘܣ ܡܫܡܢܗ ܟܕ
                    ܐܡܿܪ. ܡܣܬܩܒܠܘ ܠܡ ܐܣܬܩܒܠܬ ܥܠ ܬܪܥܗܿ ܒܪܝܐ 12 ܕܥܕܬܐ. ܡܛܘܠ ܣܘܥܪܢܐ ܕܚܣܝܘܬܟ݀
                    ܘܚܕ ܡܢ ܦܠܚ̈ܐ ܕܡܿܠܟܐ ܕܫܡܗ ܐܘܕܩܛܘܣ. ܡܫܐܠ ܗܐ ܡܛܠ ܡܠܐܟܟ ܩܕܝܫܐ. ܘܗܘ ܗܢܐܼ ܚܕ ܡܢ
                    ܡܗ̈ܝܡܢܘܗܝ ܕܛܪܘܢܐ ܐܝܬܘܗܝ. ܐܝܟ ܕܝܠܦܬ ܡܢ ܐܝܠܝܢ ܕܥܡܗ. ܘܐܝܬ ܥܡܗ ܐܢܫ̈ܐ ܐܝܕ̈ܝܥܐܼ. ܘܥܣܪܐ
                    ܡܢ ܟܘܡܪ̈ܝܗܿ ܕܚܛܝܬܐ. ܘܥܠ ܐܝ̈ܕܝܗܝܘܢ ܡܘܗܒܬܐ ܕܡܿܠܟܐ ܕܫ̈ܢܐ ܠܚܣܝܘܬܟ. ܘܥܠ ܐܝܕ̈ܘܗܝ
                    ܕܐܕܘܩܛܘܣ. ܚܪܒܗ ܕܛܪܘܢܐ ܟܕ ܫܡܝܛܐ. ܨܒܼܐ ܓܝܪ ܕܢܥܘܠ ܠܓܘ ܡܢ ܬܪܥܗܿ ܒܪܝܐ ܕܥܕܬܐ ܘܠܐ ܝܗܒܬ
                    ܠܗ. ܒܢܛܪ̈ܝ ܬܪܥܗܿ ܓܝܪ ܟܠܝܬܗ ܥܕ ܝܠܦܐ ܚܣܝܘܬܟ ܒܗܠܝܢ. ܬܗܪܬ ܕܝܢ ܒܗܢܐ ܥܒܕܗܿ ܕܚܛܝܬܐܼ.
                    ܕܐܝܟܢܐ ܣܒܼܠ ܒܢܦܫܗܿ. ܘܠܐ ܐܬܚܡܬ ܐܘ ܪܓܙ ܒܐܝܠܝܢ ܕܣܥܪܬ ܠܗ. ܐܦܠܐ ܐܬܚܪܝ ܕܢܥܘܠ ܡܢ ܕܝܠܼܦ
                    ܨܒܝܢܢ. ܘܗܐ ܚܐܪ ܥܕܟܝܠ ܠܦܘܩܕܢܟ. ܛܘܒܢܐ ܕܝܢ ܐܘܣܒܝܣ ܟܕ ܫܼܡܥ ܗܠܝܢ ܟܠܗܝܼܢ. ܠܐ ܐܬܪܗܒ ܐܘ
                    ܐܬܙܿܝܥ. ܡܘܣܚ ܗܘܐ ܓܝܪ ܘܣܘܐ. ܕܐܡܬܝ ܢܬܦܬܚ ܠܗ ܬܪܥܐ ܕܡܘܕܝܢܘܬܐ. ܛܘܒܐ ܓܝܪ ܝܗܿܒ ܗܼܘܐ
                    ܟܘܠܫܥ: ܠܐܝܠܝܢ ܕܫܘܘ ܠܗܕܐ ܡܘܗܒܬܐ. ܐܡܬܝ ܕܩܪܐ ܗܘܐ ܒܣܗ̈ܕܘܬܗܘܿܢܿ ܘܡܬܗܪܓ ܒܢܨ̈ܚܢܝܗܘܢ.
                    ܘܟܕ ܛܒ ܚܿܕܐ ܗܘܐ ܘܪܘܙ ܪܥܝܢܗ ܒܩܪܝܢܐ ܗܢܐ ܕܐܬܩܪܝ ܠܗܼ ܝܨܦ ܗܘܐ ܚܫܐ ܩܠܝܠ ܒܪܥܝܢܗ. ܡܛܠ
                    ܐܝܠܝܢ ܕܐܝܬ ܗܘܼܐ ܒܡܪܥܝܬܗ ܕܛܠܼܐ ܗܘܼܐ ܥܕܟܝܠ ܬܘܠܡܕܗܘܢܿ ܒܕܠܐ ܡܦܣ ܗܘܼܐ. ܐܝܟܢܐ ܢܦܩܝܢ ܒܗ
                    ܒܐܓܘܢܗܘܢܿ ܘܟܕ ܚܙܗܿ ܠܡܪܥܝܬܗ. ܕܟܡܝܪܐ ܘܚܫܝܫܐܼ. ܐܙܝܥ ܐܝܕܗ ܘܚܬܡܗܼ ܠܟܠܗ ܩܝܡܐ ܕܥܕܬܐ.
                    ܠܓܒܪ̈ܐ ܘܠܢ̈ܫܐ. ܘܡܠܼܐ ܒܠܒܗܘܢ. ܘܒܝܐ ܐܢܘܢܼ ܘܐܡܼܪ ܠܗܘܢ. ܐܬܠܒܒܘ ܒܢ̈ܝ ܘܠܐ ܬܕܚܠܘܢܼ
                    ܘܐܬܕܟܪܘ ܕܐܝܠܝܢ ܡ̈ܠܐ ܡܠܠܬ ܥܡܟܘܢ. ܘܡܪܘ ܒܝ ܕܐܝܬܝ ܣܒܐ ܒܪ ܬܫܥܝܢ ܫ̈ܢܝܢ ܘܝܬܝܪ ܡܢ
                    ܕܡܬܪܓܪܓ ܐܢܫ ܠܡ̈ܝܐ ܩܪ̈ܝܪܐ ܡܐ ܕܨܗܐ. ܗܟܢܐ ܨܗܝܐ ܢܦܫܝ ܘܡܨܠܝܐܼ. ܕܐܢܐ ܩܕܡܝܐ ܐܗܘܐ ܒܘܟܪܗ
                    ܕܐܓܘܢܐ ܘܠܩܝܫܝܗ ܕܪܕܘܦܝܢ. ܘܢܣܼܒ ܒܝ ܫܘܪܝܐ ܘܫܘܠܡܐ ܕܪܕܘܦܝܐ ܕܟܪ̈ܣܛܝܢܐ. ܘܒܝ ܢܬܬܢܝܚ
                    ܪܘܓܙܗܿ ܕܟܐܢܘܬܐ. ܘܢܬܪܥܐ ܐܠܗܐ ܠܥܡܗ. ܒܪܡ ܕܝܢ ܐܢܬܘܢ ܒܢܝ܇ ܚܘܘ ܨܒܝܢܐ ܛܒܐ ܨܝܕ ܐܠܗܐܼ.
                    ܘܗܘܘ ܥܬܝܕܝܢ ܘܡܛܝܒܝܢ ܠܡܘܝܕܢܘܬܐ ܛܒܬܐ ܕܥܠ ܐܦ̈ܝ 13 ܡܫܝܚܐ. ܘܐܢ ܗܿܘܐ ܨܒܝܢܐ
                    ܩܕܡܘܗܝ: ܕܢܥܒܕ ܒܚܢܢܗ ܐܝܟ ܕܡܥܕ. ܘܢܥܒܪ ܙܒܢܐ ܘܫܝܐ ܡܢ ܥ̈ܕܬܗܼ. ܨܒܝܢܟܘܢ ܛܿܒܐ ܐܝܟ ܡܐ
                    ܕܐܝܬܘܗܝ ܡܬܩܒܠ. ܘܐܢ ܬܘܒ ܟܐܢܐ ܩܕܡܘܗܝ: ܕܢܥܫܢ ܫܒܛܗ ܥܠ ܡܪܕܘܬܢ: ܠܐ ܒ̈ܢܝ ܢܫܬܐܠ ܡܢ
                    ܡܪܕܘܬܐ. ܕܠܡܐ ܢܫܬܟܚ ܠܢ ܢܘܟܪ̈ܝ ܘܠܐ ܒ̈ܢܝܐ. ܗܝ ܕܐܡܼܪ ܫܠܝܚܐ ܛܘܒܢܐ. ܕܐܢ ܕܠܐ ܡܪܕܘܬܐ
                    ܚܢܼܢ. ܗܘܢܢ ܠܢ ܢܘܟܪ̈ܝ ܘܠܐ ܒ̈ܢܝܐ. ܠܡܢ ܓܝܪ ܕܪܚܡ ܠܗ ܐܠܗܐ ܪܕܐ ܠܗܼ. ܐܝܟ ܐܒܐ ܕܪܕܐ
                    ܠܒܢܗܘܗܝ. ܘܟܕ ܒܗܠܝܢ ܒܢ̈ܬ ܩ̈ܠܐ ܕܒܘܝܐܐ ܡܚܝܠ ܗܘܐ ܠܗ ܠܡܪܥܝܬܗܼ. ܦܪܘܬܢܛܣ ܢܛܿܪ ܬܪܥܗܿ
                    ܕܥܕܬܐ ܥܠ ܒܠܗܝܗ ܘܐܡܪ ܠܗ. ܐܕܘܩܛܘܣ ܠܡ ܡܗܝܡܢܗ ܕܝܘܠܝܢܘܣ ܒܐܝ̈ܕܝ ܥܒܟܕ ܫܠܼܚ ܠܚܣܝܘܬܟ. ܕܐܢ
                    ܐܝܬ ܨܒܝܢܐ ܠܚܟܡܬܟ. ܕܒܝܢܝ ܘܠܟ ܐܫܡܥܟ ܐܝܠܝܢ ܕܐܫܬܠܚܬ ܕܐܡܿܪ ܠܟܼ. ܦܩܘܕ ܠܡ ܘܢܥܘܠ ܩܕܡܝܟ.
                    ܘܐܢ ܬܘܒ ܐܝܬ ܠܟ ܨܒܝܢܐ ܕܩܕܡ ܟܢܫܐ ܗܢܐ ܕܟܢܝܫ ܐܦܠܘܓ ܠܗ ܐܝܩܪܐ ܠܣܝܒܘܬܟ ܐܝܟ ܕܬܦܩܕܬ. ܐܦ
                    ܗܕܐ ܠܡ ܬܘܒ ܕܝܠܟ ܗܼܝ. ܒܪܡ ܕܝܢ ܐܘܕܥܝܢܝ ܨܒܝܢܟ. ܐܘܣܒܝܣ ܕܝܢ ܛܘܒܢܐܼ ܐܡܼܪ ܠܐܝܠܝܢ ܕܥܡܗ.
                    ܕܠܐ ܒܢ̈ܝ ܢܥܠܘܢ ܛ̈ܡܐܐ. ܘܢܕܘܫܘܢ ܒܝܬܗ ܕܡܪܝܐ. ܢܬܿܠ ܢܦܫܢ ܕܚܢܢ ܢܦܘܩ ܠܘܬܗܘܢ. ܘܝܬܝܪܐܝܬ
                    ܡܛܠ ܟܢ̈ܫܝܗ ܕܡܕܝܢܬܐ. ܘܢܐܠܦ ܡܢܘ ܨܒܝܢܗ ܕܡܣܝܒܐ. ܘܐܝܠܝܢ ܐܬܪܥܝ ܥܠ ܥܡܢ ܘܥܠ ܥ̈ܕܬܢܿ ܘܠܦܘܬ
                    ܐܝܠܝܢ ܕܫܠܚ ܠܼܢ. ܡܟܣܢܘܬܐ ܕܠܚܡܐ ܠܫܢܝܘܬܗ ܒܐܝ̈ܕܝ ܫܠܝܚܗ ܢܗܦܟ ܠܗ. ܘܟܕ ܝܗܼܒ ܪܥܝܐ ܛܿܒܐ
                    ܢܦܫܗ ܕܢܦܘܩ ܡܢ ܥܕܬܗܼ. ܐܚܕܬ ܥܩܒܗܼ ܟܠܗܿ ܡܪܥܝܬܗ. ܘܐܙܠ ܗܼܘܐ ܒܪܝܫ ܩܝܡܗܿ ܕܥܕܬܐ. ܐܝܟ ܪܒ
                    ܚܝܠܐ ܒܪܝܫܐ ܕܡܪܥܝܬ. ܗܘܝܢ ܗܘܘ ܕܝܢ ܐܝܠܝܢ ܕܐܬܠܘܝܘ ܠܗ ܘܢܦܩܘ ܥܡܗ ܡܢ ܥܕܬܐ: ܒܚܕܐ ܢܦܫ
                    ܘܒܚܕ ܪܥܝܢ: ܟܢܫܐ ܕܓܒܪ̈ܐ ܘܕܢ̈ܫܐ: ܐܝܟ ܐܠܦ ܘܬܫܥܡܐܐ ܘܬܠܬܝܢ ܢܦܫܢ. ܘܚܿܕܐ ܗܘܐ ܘܪܘܙ ܪܥܝܢܗ
                    ܒܟܢܘܫܬܐ ܕܥܕܬܗ: ܘܝܬܝܪܐܝܬ ܥܠ ܪܥܝܢܐ ܚܠܝܡܐ ܕܩܢܝܢ ܗܘܘ. ܘܝܗܿܒ ܗܘܐ ܠܗܘܢ ܛܘܒܐ ܘܡܩܠܣ ܗܘܐ
                    ܠܗܝܡܢܘܬܗܘܢܿ ܘܟܕ ܣܡܟ ܪܥܝܐ ܒܪܝܟܐ ܗܼܘ  14 ܘܡܪܥܝܬܗ ܠܬܪܥܐ ܒܪܝܐ ܕܥܕܬܐ. ܐܝܟ ܕܡܢ
                    ܛܝܒܘܬܐ ܕܐܠܗܐ. ܙܝܘܐ ܦܐܝܐ ܐܬܢܣܟ ܥܠ ܦܪܨܘܦܗ ܕܐܘܣܒܝܣ ܛܘܒܢܐ. ܘܕܡܿܐ ܗܘܼܐ ܚܙܘܗ ܠܚܙܘܐ
                    ܕܡܠܐܟܐ. ܗܟܢܐ ܕܟܕ ܚܙܝܗܝ ܐܕܘܩܛܣ. ܬܗܕ ܛܒܼ ܘܐܬܕܡܪ ܒܚܙܬܗ. ܘܐܝܟ ܕܠܐܒܐ ܒܣܝܡܐ ܡܫܐܠ ܗܼܘܐ
                    ܠܗ ܟܕ ܐܡܿܪ ܐܢܬ ܐܢܬ ܠܡ ܐܘܣܒܝܣ ܕܥܒܝܕ ܐܢܬ ܦܩܘܕܐ ܘܡܕܒܪܢܐ ܠܥܡܐ ܕܟܪ̈ܣܛܝܢܐ܇ ܗܼܘ ܕܝܢ
                    ܚܣܝܐ ܘܩܕܝܫܐ ܕܐܠܗܐܼ. ܒܠܒܝܒܘܬܐ ܣܓܝܐܬܐ ܒܦܪܗܣܝܐ ܦܢܝ ܠܗ ܦܬܓܡܐ ܟܕ ܐܡܿܪ. ܕܐܢܐ ܐܢܐ ܠܡ
                    ܙܥܘܪܗܘܢ ܕܬܠܡ̈ܝܕܘܗܝ ܕܡܫܝܚܐ ܐܢ ܡܕܡ ܨܒܝܬ. ܠܐ ܓܝܪ ܨܒܝܢ ܚܢܢ ܕܢܒܨܪ ܡܕܡ ܡܢ ܐܝܩܪܟ ܟܡܐ
                    ܕܡܨܝܢܢ. ܡܛܠ ܚܟܡܬܟ ܘܢܗܝܪܘܬ ܐܝܕܥܬܟ. ܐܚܝܕ ܓܝܪ ܫܘܠܛܢܗ ܕܥܠܡܐ ܝܘܠܝܢܘܣ ܡܿܠܟܐ ܕܠܥܠܡ. ܐܝܟ
                    ܕܠܓܒܪܐ ܪܕܝܐ ܘܚܟܝܡܐ܇ ܕܢܩܕ ܒܗ̈ܕܡܘܗܝ ܘܩܕܝܫ ܒܚܘ̈ܫܒܘܗܝ܆ ܣܡܟ ܪܒ ܟܘܡܪ̈ܐ ܕܬܫܡܫ ܠܐܠܗܐܼ ܟܠ
                    ܝܘܡ̈ܝ ܚܝ̈ܝܟ: ܘܒܐܝ̈ܕܝ ܟܘܡܪ̈ܐ ܡܫܡ̈ܗܐ ܘܝܩܝܪ̈ܐ ܕܙܘܣ ܘܕܐܦܠܘܼ. ܡܐܢ̈ܝ ܟܘܡܪܘܬܐ ܫܕܪ ܠܟܿ:
                    ܕܒܗܘܢ ܬܫܡܫ ܘܬܫܦܪ ܠܐ̈ܠܗܐ. ܘܗܐ ܕܢܬܗܝܡܝܢ ܠܟ ܡ̈ܠܝܼܢ. ܗܐ ܟܬܒܗܿ ܕܡܠܟܘܬܢ ܠܟ ܐܫܬܕܪ
                    ܩܕܡܐܝܬ. ܐܝܟ ܪܝܫܐ ܕܐܘܚܕܢܢ ܘܟܘܡܪܐ ܕܐ̈ܠܗܐ. ܕܡܢܗ ܬܫܬܘܕܥ ܕܐܝܢܐ ܨܒܝܢܐ ܛܒܐ ܐܝܬ ܠܗ ܠܘܬܟ:
                    ܘܐܘܫܛ ܘܝܗܒ ܠܗ ܟܬܒܗ ܕܡܣܝܒܐ. ܘܩܒܠܗ ܡܢܗܼ ܐܝܟ ܓܒܪܐ ܕܝܕܥܿ ܡܢܐ ܣܝܡܐ ܗܘܬ ܠܗ ܕܢܥܒܕ.܀.
                    ܦܚܡܐ ܕܝܢ ܕܟܬܒܐ ܕܫܐܬܕܪ ܠܗ ܡܢ ܛܪܘܢܐ ܐܝܬܘܗܝ ܗܘܼܐ ܗܢܐ. ܡܛܠ ܕܡܢ ܢܘܓܪܐ ܫܩܝܠ ܠܢ ܢܣܝܢܐ
                    ܕܪܕܝܘܬܟ ܘܒܘܩܝܗ ܕܝܕܥܬܟ. ܗܘܼܐ ܠܢ ܨܒܝܢܐܼ. ܕܠܐ ܢܒܨܪܟ ܡܢ ܐܝܩܪܟ ܐܦܠܐ ܢܬܚܬܝܟ ܡܢ ܪܒܘܬܟܼ.
                    ܐܢ ܐܢܬ ܒܥܓܠ ܬܕܪܟ ܢܦܫܟ ܘܬܥܕܪ ܩܢܘܡܟ. ܠܐ ܓܝܪ ܦܐܠܐ ܠܢ. ܕܠܐܢܫܐ ܚ̈ܠܝܡܝ ܒܐܝܕܥܬܗܘܢ
                    ܘܢܗܝܪ̈ܝ ܒܣܘܟܠܗܘܢ. ܡܛܘܠ ܥ̈ܠܠܬܐ ܕܡܬܥܒܪܢܘܬܐ ܕܡܕܡ ܡܕܡ. ܢܕܚܘܩ ܢܫܕܐ ܐܢܘܢ ܡܢܢ܇ ܟܕ ܡܨܝܢ
                    ܒܚܝܠܐ ܕܝܕܥܬܗܘܢ ܠܡܥܕܪܘ ܥܡܢ ܒܨܒ̈ܘܬܐ ܕܡܠܟܘܬܐܼ. ܐܘ ܒܣܘܥܪ̈ܢܐ ܕܚܫܚܝܢ ܠܐ̈ܠܐ. ܚܪܢܢ ܓܝܪ
                    ܒܗܘܢ ܒܣܘܥܪ̈ܢܐ 15 ܒܥ̈ܝܢܐ ܢܗܝܪ̈ܬܐ ܕܪܥܝܢܼܢ. ܘܐܫܟܚܢܢ ܕܢܫܬܘܕܥܼ. ܕܐܢ ܫܘܒܩܢܐ ܠܐ
                    ܡܬܝܗܒ ܠܡܬܥܒܪ̈ܢܐܼ. ܡܠܟܘܬܢ ܠܡܬܩܦܼ ܠܐ ܡܨܝܐ. ܕܠܝ̈ܠܐ ܐܢܘܢ ܓܝܪ ܕܡܫܬܚܪܝܢ ܒܗ. ܐܢ ܗܘ
                    ܕܗܠܝܢ ܫܩܠܝܢ ܚܢܢ ܕܢܬܒܥ ܘܢܥܩܒܼ. ܐܗܡܝܢ ܕܝܢ ܡܢ ܣܓܝܐܬܐ. ܘܗܕܐ ܠܚܘܕ ܚܕܐ ܕܐܠܨܐ ܬܒܥܝܢ ܡܢ
                    ܟܠ. ܕܐ̈ܠܗܐ ܡܢ ܗܫܐ ܢܣܬܓܕܘܢܿ ܘܗܝ̈ܟܠܝܗܘܢ ܢܬܦܬܚܘܢ ܘܥܠܘ̈ܬܗܘܢ ܢܬܒܢܝܢ ܘܡܕܒܚܝܗܘܢ
                    ܘܩܘܪ̈ܒܢܝܗܘܢ ܐܢܫ ܠܐ ܢܓܠܘܙ. ܥ̈ܬܝܩܬܐ ܥܒܪ ܠܗܝܢ. ܘܨܒܝܢܢ ܕܟܠ ܡܕܡ ܡܢ ܕܪܝܫ ܢܬܚܕܬ. ܐܝܟܢܐ
                    ܕܐܢܫ ܡܢ ܢܦܫܗ ܢܦܪܘܫܿ. ܘܢܣܓܘܕ ܘܢܝܩܪ ܠܐ̈ܠܗܐ ܕܠܐ ܡܝܬܝܢ܇ ܕܫܦܥܬ ܡܪܚܡܢܘܬܗܘܢ ܐܦ ܨܝܕ
                    ܐܝܠܝܢ ܕܛܠܡܘ ܬܫܒܘܚܬܗܘܢܼ ܕܠܡܐ ܕܝܢ ܬܩܨܦ ܠܟ ܒܗܠܝܢ ܐܘ ܪܕܝܐ ܘܚܟܝܡܐܼ. ܕܠܐ ܗܘܼܐ ܒܓܒܐ
                    ܕܡܣ̈ܟܠܢܐ ܣܡܝܟ ܒܗܠܝܢ. ܓܒܪܐ ܐܢܬ ܓܝܪ ܕܝܕܥܬܐ. ܘܠܐ ܡܡܬܘܡ ܣܡܘܟ ܙܒ̈ܢܐ ܕܒܪܬ. ܘܠܟܪ ܕܪܡܙܝܢ
                    ܠܟ ܬ. ܘܠܡܕܒܪ̈ܢܝܗܘܢ ܡܫܬܡܥܬܼ. ܐܦ ܐܢ ܢܗܘܐ ܕܒܠܝܠܐ ܡܕܒܪܢܘܬܗܘܢ ܕܡ̈ܠܟܐ ܗܠܝܢ ܕܡܢ ܩܕܡܝ.
                    ܘܐܟܦܬܢ ܘܠܝܬܐ ܕܢܫܬܡܥ ܠܦܘܩܕܢܗܘܢܿ ܘܢܬܢܓ ܠܨܒܝܢܗܘܢ ܘܢܬܕܡܐ ܠܛܥܝܘܬܗܘܢܿ ܘܗܕܐ ܕܐܢ̈ܫܐ ܗܼܝ
                    ܚܟܝ̈ܡܐ. ܕܠܡܕܒܪ̈ܢܘܗܝ ܕܙܒܢܐ ܢܬܠܘܢ ܨܒܝܢܗܘܢ. ܘܗܠܝܢ ܕܟܬܒܬ ܠܟ܆ ܡܣܬ ܕܬܕܥ ܘܬܣܬܟܠ ܡܢ
                    ܪܡܙܗܝܢ ܕܟܬܝ̈ܒܬܢ ܕܡܢܘ ܨܒܝܢܢ. ܠܘ ܓܝܪ ܒܪܥܝܢܐ ܡܫܚܛܐ ܕܒܝܬ ܩܘܣܛܢܛܝܢܘܣ ܣܪܝܟ ܪܥܝܢܢ܇ ܗܠܢ
                    ܕܒܠܐ ܐܝܕܥܬܗܘܢ ܐܬܕܡܝܘ ܠܫܢܝܘܬܗܘܢ ܕܓ̈ܠܝܠܝܐ. ܘܐܬܢܓܕܘ ܠܛܥܝܘܬܗܘܢ. ܘܫܪܘ ܦܘ̈ܩܕܢܐ ܕܣܡܘ
                    ܡ̈ܠܟܐ ܕܡܢ ܩܕܡܝܗܘܢ. ܘܫܚܠܦܘ ܢܡܘܣܝܗܘܢ ܘܒܠܒܠܘ ܛ̈ܟܣܝܗܘܢ. ܟܕ ܛܒܼ ܝܬܝܪܝܢ ܗܘܘ ܡܢܗܘܢ
                    ܒܪܒܘܬܐܼ. ܘܥܬܝܪܝܢ ܒܝܕܥܬܐ ܘܢܗܝܪܝܢ ܒܣܘܟܠܐ. ܐܢ̈ܫܐ ܕܣܦܩܘ ܒܚܟܡܬܗܘܢ ܕܢܛܟܣܘܢ ܒܠܝܠܘܬܗ
                    ܕܥܠܡܐ. ܘܐܢ ܗܠܝܢ ܡܬܗܪ̈ܝ ܠܥܠܡܐ ܒܨ̈ܒܘܬܗܘܢ ܬܡ̈ܝܗܬܐ. ܠܐ ܐܬܩܝܡ ܨܒܝܢܗܘܢ ܒܬܪ ܥܘܢܕܢ̈ܝܗܘܢ
                    ܕܗܠܝܢ ܡܒ̈ܠܒܠܝ ܛܟܣ̈ܐ ܦܐ̈ܝܐ. ܘܦܘܩ̈ܕܢܐ ܕܡ̈ܠܟܐ ܕܡܢ ܩܕܡܝܗܘܢ܆ ܘܓܠܙܘ ܣܓܕܬܐ ܕܐ̈ܠܗܐ
                    ܒܚܬܝܪܘܬܗܘܢ܆ ܡܢܘ ܢܩܝܡ 16 ܨܒܝܢܗܘܢ ܒܬܪ ܡܘܬܗܘܢ. ܠܐ ܗܟܝܠ ܢܬܚܕ ܪܥܝܢܟ
                    ܒܫܢܝܘܬܗܘܢ. ܕܠܡܐ ܬܬܒܨܪ ܡܢ ܐܝܩܪܟ ܘܬܬܚܬܐ ܡܢ ܪܒܘܬܟ. ܗܿܝ ܕܟܬܒܬ ܠܟ ܡܢ ܠܥܠ. ܠܡܐ ܗܟܝܠ
                    ܬܥܡܠܝܢܝ ܒܣܓ̈ܝܐܬܐ. ܕܠܘ ܫܒܪܐ ܐܢܬ ܕܣܢܝܩ ܥܠ ܫܘܓܫܐ. ܘܥ ܦܘܬܐ ܕܡ̈ܠܐ ܕܐܝܕܥܬܟ. ܘܐܢܐ ܓܝܪ
                    ܐܝܟ ܕܠܓܒܪܐ ܕܒܘܝܢܐ܇ ܕܥܒܝܕ ܐܢܬ ܪܝܫܐ ܘܦܩܘܕܐ ܠܥܡܐ ܟܠܗ ܕܟܪ̈ܣܛܝܢܐܼ. ܟܬܒܐ ܩܕܡܝܐ ܕܡܠܟܘܬܢ
                    ܠܟ ܐܫܬܕܪ. ܐܝܟ ܓܒܪܐ ܕܒܬܪܗ ܣܝܡܐܼ ܟܘܠܗܿ ܕܚܠܬܐ ܕܢܨܪ̈ܝܐ. ܠܐ ܓܝܪ ܛܥܝܐ ܠܐܝܕܥܬܢ ܗܕܐ. ܕܐܢ
                    ܐܢܬ ܒܨܒܝܢܐ ܛܒܐ ܬܫܬܡܥ ܠܦܘܩܕܢܢ܆ ܘܬܬܦܢܐ ܥܠ ܣܓܕܬܐ ܕܐ̈ܠܗܐܼ. ܥܡܐ ܟܠܗ ܕܠܐ ܬܘܗܝܐ ܐܬܐ
                    ܒܬܪܟ. ܘܡܬܬܓܪ ܐܢܬ ܒܡܫܬܡܥܢܘܬܟ ܚܝ̈ܐ ܕܢܦܫܿܬܟܘܢܿ ܘܡܬܚܣܟܐ ܐܦ ܡܠܟܘܬܢ ܡܢ ܕܠܡܐܫܕ ܕܡܐ
                    ܣܓܝܐܐ. ܠܐ ܓܝܪ ܨܒܝܢܢ ܒܐܝܕܢܗ ܕܐܘܚܕܢܢ ܐܦܠܐ ܕܢܚܣܪ ܘܢܬܒܨܪ ܡܢܝܢܐ ܕܚܝ̈ܠܘܬܢܿ ܘܛܒ ܡܫܟܢ
                    ܐܢܬ ܠܗܿ ܠܡܠܟܘܬܢ ܟܕ ܗܕܐ ܬܥܒܕ. ܐܦ ܚܢܢ ܒܚܠܦܝܗܿ ܕܗܕܐ ܣܝܡܝܢ ܚܢܢ ܕܢܦܪܥܟ ܛܒ̈ܬܐ ܣܓܝܐ̈ܬܐ:
                    ܐܥܒܕܟ ܓܝܪ ܪܒܐ ܘܦܩܘܕܐ ܟܠܗܘܢ ܝܘܡ̈ܬܐ. ܘܐܣܝܡܟ ܡܫܡܝܢܐ ܘܪܒ ܟܘܡܪ̈ܐ ܠܐ̈ܠܗܐ ܩܕ̈ܝܫܐ ܪ̈ܚܡܝ
                    ܚܣ̈ܝܐ ܕܐܟܘܬܟ. ܘܬܥܘܠ ܒܪܐܙܐ ܕܐ̈ܠܗܐܼ ܘܬܕܥ ܟܣ̈ܝܬܐ ܕܡܢ ܥܠܡ. ܘܬܫܬܘܕܥ ܐܦ ܥ̈ܬܝܕܬܐ ܕܡܢ
                    ܒܬܪܟܢ. ܘܬܐܬܐ ܠܡܘܠܕܐ ܐܠܗܝܐ. ܘܬܚܕܬ ܥܬܝܩܘܬܟ ܘܬܥܠܡ ܣܝܒܘܬܟ. ܘܕܝܬܝܕܿܐ ܡܢ ܟܠܗܝܼܢ. ܐܝܟ
                    ܕܒܣܝܡܬ ܒ̈ܢܝܐܼ. ܒܪܐ ܕܐ̈ܠܗܐ ܒܛܝܒܘܬܐ ܬܗܘܐ. ܘܬܥܘܠ ܒܪ̈ܐܙܝܗܿ ܕܡܠܟܘܬܢ ܐܝܟ ܒܪ ܪ̈ܐܙܐ
                    ܕܐ̈ܠܗܐ. ܘܐܓܥܠ ܒܐܝ̈ܕܝܟ ܟܠܗܘܢ ܓ̈ܙܐ ܕܥ̈ܕܬܐ܆ ܐܝܟ ܓܙܒܪܐ ܕܐ̈ܠܗܐ ܕܠܐ ܡܝܬܝܢ. ܘܕܢܬܗܝܡܢܢ
                    ܠܟ ܡ̈ܠܝ ܘܢܫܪܘܢ ܠܟ ܫܘܘܕܝܝܼ. ܗܐ ܫܠܚܬ ܠܘܬܟ ܐܝܟ ܕܠܐܝܩܪܟ. ܥܣܪܐ ܟܘܡܪ̈ܐ ܡܫܡ̈ܗܐ ܕܙܘܣ
                    ܘܕܐܦܠܘ. ܕܗܢܘܢ ܢܫܠܡܘܢ ܒܥ̈ܒܕܐ ܐܝܠܝܢ ܕܡܢܢ ܐܬܟܬܒ ܠܟ. ܗܢܘܢܼ ܓܝܪ ܦܩܝܕܝܢ ܡܢܢ ܥܠ ܟܠܗܝܢ.
                    ܐ̈ܠܗܐ ܓܝܪ ܡܥܕܪܢܝܗܿ ܕܬܒܝܠ ܢܕܝܠܘܢ ܦܩܝܕܝܢ ܡܢܢ ܥܠ ܟܠܗܝܢ. ܐ̈ܠܗܐ ܓܝܪ ܡܥܕܪܢܝܗܿ ܕܬܒܝܠ
                    ܢܕܝܠܘܢ ܒܪܥܝܢܟ ܡܚܫܒܬܐ ܡܥܕܪܢܝܬܐ. ܕܬܥܕܪ ܢܦܫܟ ܘܬܫܟܚ ܪ̈ܚܡܐ ܒܥ̈ܝܢܗܿ ܕܡܠܟܘܬܢ. ܘܡܢ ܒܬܪ
                    ܕܐܬܩܪܝ ܟ̈ܬܝܒܬܗ ܕܡܣܝܒܐ ܩܕܡ 17 ܥܡܐ ܟܠܗ ܕܡܕܝܢܬܐ. ܦܩܕ ܐܕܘܩܛܣ ܘܥܠܘ ܟܘܡܪ̈ܐ
                    ܗܿܢܘܢ ܒܐܣܟܝܡܐ ܕܟܘܡܪܘܬܗܘܢ. ܘܩܪܒܘ ܠܗ ܠܛܘܒܢܐ ܐܘܣܒܝܣ ܡܘܗ̈ܒܬܐ ܕܐܫܬܕܪ ܠܗ ܒܐܝ̈ܕܝܗܘܢ. ܡܢ
                    ܝܘܠܝܢܘܣ ܛܪܘܢܐ ܡܘܗ̈ܒܬܐ ܫܦܝܥܬܐ ܐܝܟ ܐܝܕܐ ܕܡܿܠܟܐ. ܘܡܐܢܝ ܬܫܡܫܬܐ ܕܟܘܡܪܘܬܐ. ܢܚ̈ܬܐ
                    ܡܦܪ̈ܓܐ ܘܫܒܝ̈ܚܐ ܕܡܠܟܘܬܐ. ܘܟܠܝܠܐ ܕܦܚܩܐ. ܛܟܣܐ ܟܠܗ ܘܐܣܟܝܡܐ ܕܪܒܬ ܟܘܡܪܘܬܐ. ܩܕܝܫܗ ܕܝܢ
                    ܕܐܠܗܐܼ. ܠܐ ܚܪ ܒܗܝܢ ܒܡܘܗܒܬܗ ܕܛܡܐܐ. ܐܠܐ ܐܗܦܟ ܐܦܘ̈ܗܝ ܡܢܗܝܼܢ. ܘܐܗܠ ܒܗܝܢ ܘܒܡܫܕܪܢܝܗܝܢ.
                    ܘܓܥܪ ܒܗܘܢ ܒܟܘܡܪ̈ܝܗ ܕܚܛܝܬܐ ܟܕܐ ܐܡܿܪ. ܢܓܥܘܪ ܒܟܘܢ ܡܫܝܚܐ. ܘܒܐܒܘܟܘܢ ܣܛܝܢܐ. ܗܿܘ ܕܠܗ
                    ܦܠܚܝܢ ܐܢܬܘܢ. ܙܠܘ ܐܡܪܘ ܠܗ ܠܫܢܝܐ ܕܫܕܪܟܘܢ ܕܗܘ ܘܡܘܗ̈ܒܬܗ ܥܡܗ ܢܐܙܠܢ ܠܐܒܕܢܐܼ. ܗܿܝ ܕܠܘܬ
                    ܣܝܡܘܢ ܒܪ ܦܚܡܗ ܐܬܐܡܪܬ. ܡܢ ܗܿܘ ܫܠܝܚܐ ܕܐܠܗܐ ܪܝܫ ܬܠܡ̈ܝܕܐ. ܐܦ ܐܢܬܘܢ ܟܘܡܪ̈ܝܗܿ ܕܚܛܝܬܐ
                    ܘܚܘ̈ܓܒܝܗܿ ܕܛܥܝܘܬܐ ܕܓܢܒܬܘܢ ܠܦ̈ܫܝܛܐ ܘܐܛܥܝܬܘܢ ܠܒܪܝܪ̈ܐ: ܒܝܕ ܩ̈ܦܠܝܗܿ ܕܫܢܝܘܬܟܘܢ. ܢܐܬܐ
                    ܒܥܕܢܐ ܕܠܐ ܝܕܥܝܢ ܐܢܬܘܢ ܡܢ ܫܠܝܐ ܐܒܕܢܐ ܥܠܝܟܘܢܼ. ܘܒܫܥܬܐ ܕܠܐ ܣܒܪܝܢ ܐܢܬܘܢ. ܘܬܗܘܐ ܡܢܟܘܢ
                    ܬܒܥܬܐ ܒܟܢܘܬܐ. ܘܒܪܫܟܘܢ ܢܣܩܢ ܨܢ̈ܥܬܐ ܕܠܚܫܬܘܢ. ܘܢܬܘܗ ܘܢܬܘܪ ܛܪܘܢܐ ܕܫܕܪܟܘܢ܇ ܡܐ ܕܐܿܬܐ
                    ܠܐܕ̈ܢܘܗܝ ܛܒܼܐ ܕܐܒܕܢܟܘܢܿ ܐܕܘܩܛܣ ܕܝܢ ܗܠܝܢ ܒܢܦܫܗ ܡܬܕܡܪ ܗܘܐ ܘܡܬܩܠܐ. ܘܐܝܟ ܠܕܦܘܪܣܐ
                    ܕܣܘܥܪܢܗܼ. ܒܢܝ̈ܚܬܐ ܥܕܟܝܠ ܡܬܚܫܚ. ܗܘܐ ܥܡܗ ܟܕ ܐܡܿܪ. ܕܠܘ ܠܡ ܐܝܟܢܐ ܕܨܒܝܢܢ ܒܐܝܩܪܟ ܨܒܝܬ
                    ܒܐܝܩܪܢ ܐܘ ܦܦܝܣ. ܘܗܕܐ ܠܡ ܟܐܢܘܬܐ ܗܿܝ ܕܐܚܝܕ ܫܘܠܛܢܗ ܕܥܠܡܐ ܡܿܠܟܐ ܙܟܝܐ ܕܠܥܠܡ. ܐܝܟ ܒܪ
                    ܦܚܡܗ ܣܡܟ ܒܟ̈ܬܝܒܬܗ: ܘܒܕܝܩܪܬ ܥܠܘܗܝ ܣܝܒܘܬܟ ܐܝܟ ܕܠܐܒܐ ܛܒܿܐ ܡܘܗܒܬܐ ܫܕܪ ܠܟ:ܘܐܢܬ
                    ܒܚܬܝܪܘܬܟ ܒܡ̈ܠܐ ܕܨܥܪܐ ܕܨܘܚ̈ܝܬܐ ܐܝܟ ܕܒܟܐܦ̈ܐ ܪܓܡܬܝܗܝܼ. ܐܢܬ ܬܕܥ ܕܐܢܐ ܡܚܣܝ ܐܢܐ ܡܢ
                    ܕܡܟ. ܒܪܡ ܕܝܢ ܐܝܠܝܢ ܕܐܬܦܩܕ ܠܝܼ ܘܠܿܐ ܠܝ ܕܐܫܡܠܐ. ܘܫܡܛ ܚܪܒܗ ܛܪܘܢܐܼ ܘܩܪܒܗ ܠܐܘܣܒܝܣ ܟܕ
                    ܫܡܝܛܐ ܘܐܡܼܪ ܠܗ. ܗܠܝܢ ܠܡ ܬܪ̈ܬܝܢ ܕܡܬܚܙܝܢ ܠܟܼ ܠܨܒܝܢܟ ܝܗܼܒ ܐܢܝܢ 18 ܡܿܠܟܐ.
                    ܕܐܝܕܐ ܚܕܐ ܡܢ ܬܪܬܝܢ ܓܒܝ ܠܟ. ܐܘ ܡܘܗ̈ܒܬܗ ܕܡܠܟܐ ܘܬܫܠܡ ܠܨܒܝܢܗ: ܘܢܥܒܕܟ ܪܝܫܐ ܘܦܩܘܕܐ ܥܠ
                    ܟܠܗܘܢ ܟܘܡܪ̈ܐ ܕܐ̈ܠܗܐ: ܐܝܟ ܕܐܝܬܝܟ ܐܦ ܗܫܐ ܪܝܫܐ ܕܟܠܗܘܢ ܐܦܣ̈ܩܦܐ. ܐܘ ܗܢܐ ܣܝܦܐ ܠܛܝܫܐ
                    ܒܨܒܝܢܐ ܚܐܪܘܬܟ. ܐܦ ܗܫܐܼ ܚܙܝ ܡܢܐ ܦܬܓܡܐ ܡܦܢܐ ܐܢܬ ܠܡܿܠܟܐ ܕܫܠܚܢܝ ܠܘܬܟ. ܩܕܝܫܗ ܕܝܢ
                    ܕܐܠܗܐ ܚܫ ܒܢܦܫܗ ܘܐܡܼܪ ܠܗ ܠܐܕܘܩܛܣ. ܕܒܫܪܪܐ ܠܡ ܕܐܢܐ ܢܟܦ ܐܢܐ ܚܠܦܝܟ܇ ܕܡܿܠܟܐ ܩܿܪܐ ܐܢܬ
                    ܠܗ ܠܫܢܝܐ ܘܠܐ ܝܬܝܪ ܛܪܘܢܐܼ. ܕܫܒܩ ܠܐܠܗܐ ܥܒܘܕܗ ܘܙܕܩܿ ܣܓܕܬܐ ܠܒܪ̈ܝܬܗ. ܘܢܦܠ ܫܢܝܐ ܡܢ
                    ܫܪܪܗ. ܘܟܦܼܪ ܒܝܗܡܢܘܬܗܿ. ܘܦܩܼܪ ܘܐܫܬܢܝ ܒܣܓܕܬ ܫܐܕ̈ܐ ܘܒܦܘܠܚܢ ܦܬܟܪ̈ܐ ܘܡܢܐ ܐܝܬ ܠܢ ܕܢܐܡܪ
                    ܡܢ ܗܫܐ. ܐܠܐ ܗܝ ܕܐܡܪ ܢܒܝܐ ܠܐܠܗܐ. ܕܡܛܠܬܟ ܐܬܩܛܠܢ ܟܠܝܘܡ. ܘܐܬܚܫܒܼܢ ܐܝܟ ܐܡܪ̈ܐ ܠܢܟܣܬܐ.
                    ܘܐܪܟܢ ܩܕܡܘܗܝ ܪܝܫܗ ܠܩܛܠܐ. ܘܝܗܼܒ ܨܘܪܗ ܠܣܝܦܐ ܘܐܡܼܪ. ܩܪܘܒ ܒܪܝ ܘܫܡܠܐ ܡܕܡ ܕܐܬܩܦܕ ܠܟ.
                    ܘܟܕ ܚܼܙܐ ܐܘܕܩܛܣ ܟܘܙ ܡܢܗܿ ܘܒܩܠܐ ܪܡܐ ܩܿܥܐ ܗܘܼܐ ܩܕܡ ܟܠܗ ܟܢܫܐ ܕܡܕܝܢܬܐ. ܕܠܘ ܕܐܩܛܠܟ
                    ܦܩܝܕܢܐ. ܐܠܐ ܡܣܗܕܘ ܦܩܝܕ ܐܢܐ ܕܐܣܗܕܟܼ. ܐܝܟ ܡܐ ܕܐܦ ܗܼܘ ܐܚܝܕ ܫܘܠܛܢܗ ܕܥܠܡܐ ܫܕܪ ܣܗܕܟ
                    ܒܟܬܝܒ̈ܬܗ. ܕܥܕ ܐܝܬ ܐܬܪܐ ܠܫܘܒܩܢܐ ܬܕܪܟ ܢܦܫܟ ܘܬܥܕܪ ܩܢܘܡܟ. ܘܗܐ ܟܬܒܗ ܒܐܝ̈ܕܝܟ. ܘܙܩܬܗ
                    ܛܢܢܐ ܠܚܣܝܐ ܕܐܠܗܐ. ܘܐܬܬܠܝ ܒܗ ܒܟܬܒܗ ܕܝܘܠܝܢܘܣ ܘܣܕܩܗ. ܘܕܪܐ ܣܕܩ̈ܘܗܝ ܠܐܦ̈ܝ ܪܘܚܐ.
                    ܘܐܬܗܦܟ ܘܐܡܼܪ ܠܗ ܠܐܕܘܩܛܣ. ܕܐܝܟ ܕܐܣܬܕܩ ܡܪܟ ܡܢ ܟܬܒܐ ܗܢܐ ܩܕܡܝܐ ܕܥܒܕ. ܗܟܢܐ ܢܣܬܕܩ ܡܢ
                    ܡܠܟܘܬܿܐ. ܘܠܐ ܢܨܠܚ ܘܠܐ ܢܟܫܪ ܒܐܘܚܕܢܐ ܕܪ̈ܗܘܡܝܐ. ܐܠܐ ܠܒܪ ܡܢ ܐܘܚܕܢܗܘܢ ܢܗܘܐ ܐܒܕܢܗ. ܥܠ
                    ܕܐܡܪܚ ܘܐܫܬܥܠܝ ܥܠ ܐܠܗܐ ܥܒܘܕܗ. ܘܓܠܙ ܣܓܕܬܗ ܘܛܠܡ ܬܘܕܝܬܗ. ܟܕ ܝܕܥܿ ܘܫܪܝܪܐ ܠܗ. ܕܠܐܠܗܐ
                    ܒܪܘܝܐ ܕܟܠ ܡܬܬܚܝܒܐ ܣܓܕܬܐ ܡܢ ܟܠܗܝܢ ܒܪ̈ܝܬܗ. ܘܙܕܩܿ ܣܓܕܬܗ ܠܫܐܕ̈ܐ ܘܠܕܝ̈ܘܐ. ܕܫܪܪܐ ܡܡܬܘܡ
                    ܥܡܗ ܠܝܬ ܠܗܘܿܢ. ܕܒܕܡܘܬ ܟ̈ܠܒܐ ܦܩܪ̈ܐ ܠܗܝܩܝܢ ܘܚܝܪ̈ܝܢ܇ ܕܐܡܬܝ ܢܠܥܘܢ ܕܡܗ ܒܫܥܬ ܐܒܕܢܗ.
                    ܗܢܐ ܓܝܪ  19 ܐܓܪܐ ܘܦܘܪܥܢܐ ܡܬܦܢܐ ܠܗܘܿܢܿ ܠܐܝܠܝܢ ܕܥܡ ܫܐܕ̈ܐ ܦܠܚܝܢ ܘܥܡܠܝܢ.܀.
                    ܘܟܕ ܫܡܥ ܗܠܝܢ ܐܕܘܩܛܘܣ ܘܐܝܠܝܢ ܕܥܡܗ: ܘܚܙܘ ܐܝܠܝܢ ܕܐܣܬܥܪ. ܐܬܓܢܚܘ ܒܠܒܗܘܢ ܘܣܕܩܘ
                    ܢܚ̈ܬܝܗܘܢ. ܘܗܘܘ ܒܕܚܠܬܐ ܣܓܝܐܬܐ. ܥܠ ܕܐܬܬܠܚ ܟܬܒܐ ܕܡܠܟܘܬܐ. ܘܠܚܝܡܝܢ ܗܘܘ ܠܗ ܠܩܕܝܫܐ
                    ܕܐܠܗܐܼ. ܘܠܐ ܡܨܝܢ ܗܘܘ ܕܡܢܐ ܥܒܕܘܢ ܠܗ. ܚܕܐ ܡܛܠ ܟܢܝܫܘܬܗ ܕܥܕܬܐܼ. ܘܕܬܪ̈ܬܝܢ ܕܠܐ ܐܚܝܕܝܢ
                    ܗܘܘ ܦܘܩܕܢܐ ܥܠ ܩܛܠܗ: ܘܐܗܦܟܘ ܐ̈ܦܝܗܘܢ ܡܢܗܼ ܒܚܡܬܐ. ܘܐܬܦܢܝܘ ܠܗܘܢ ܥܠ ܪܘܪ̈ܒܢܝܗܿ
                    ܕܡܕܝܢܬܐ. ܘܢܨܝܢ ܗܘܘ ܥܡܗܘܢ ܩܫܝܐܝܬ ܟܕ ܐܡܪܝܢ. ܓܒܪ̈ܐ ܒܢ̈ܝ ܪܗܘܡܐ ܕܥܘ ܘܚܙܘ ܡܢܐ
                    ܥܒܕ...)ܬܘܢܿ ܠܐ ܓܝܪ ܙܥܗܪ ܣܘ...ܐ ܕܗܘܼܐ ܝܘܡܢ ܒܡܕܝـ[ܢܬ]ܟܘܢ ܘܠܟܘܢ ܟܒܼܪ ܐܘ... ..ܬܐ
                    ܐܬܚܫܒܬ .... ܟܘܢܿ ܘܠܐ ܡܝܬܝܢ ...ܘܢ ܥܠ ܒܠܟܘܢ ܩܢܕܘ[ܢܘܣ] ܕܡܢ ܗܢܐ ܡܬܝܠ.. ܠܟܘܢܿ ܐܢܬܘܢ
                    ܕܝܪ ܫܡܥܬܘܢ ܒܐܕ̈ܢܝܟܘܢ ܨܥܪܗ ܕܐܘܣܒܝܣ ܕܥܠ ܡܿܠܟܐ܇ ܘܓܘܕܦܗ ܕܥܠ ܐ̈ܠܗܐ. ܘܚܙܝܬܘܢ ܒܥܝ̈ܢܝܟܘܢ
                    ܟܬܒܗ ܕܡܠܟܘܬܐ ܟܕ ܡܬܬܠܚܼ. ܘܠܐ ܐܬܓܢܚܬܘܢ ܒܢܦܫܟܘܿܢܿ ܘܟܐܒ ܠܟܘܢ ܘܬܒܥܬܘܢ ܨܥܪܗ ܕܡܿܠܟܐ
                    ܘܕܐ̈ܠܗܐ. ܡܢ ܗܢܐ ܕܘܝܐ ܘܒܝܫ ܓܕܐ܇ ܕܥ ܩܠܝܠ ܘܐܒܕ ܡܢ ܚܝ̈ܐ. ܘܬܬܒܥܘܢ ܒܙܕܩܐ ܥܝܪܬܗܼ. ܐܝܟ
                    ܐܢ̈ܫܐ ܕܐܬܒܣܝ ܒܥܝܢܝ̈ܟܘܢ ܟܬܝ̈ܒܬܐ ܕܡܪܟܘܿܢܿ ܕܫܛܬܘܢ ܦܘܩܕ̈ܢܘܗܝ ܘܐܡܣܪܬܘܢ ܥܠ ܕܚܠܬܐ
                    ܕܫܘܠܛܢܗ. ܘܟܒܪ ܥܠ ܕܫܩܠܬܘܢ ܚܣܕܐ ܒܥܝ̈ܢܘܗܝ: ܘܝܗܝܒܝܢ ܐܢܬܘܢ ܒܪ̈ܚܡܐ ܩܕܡ ܐ̈ܦܘܗܝ: ܕܐܝܟ
                    ܕܠܐܚ̈ܐ ܘܪ̈ܚܡܐ ܟܬܒ ܠܟܘܢ ܐܓܪ̈ܬܐ ܕܡܠܝܢ ܫܢܝܐ ܘܡܟܪܙܢ ܫܠܡܐ ܘܡܚܕܝܢ ܠܒܐ ܘܡܪܘܙܢ ܢܦܫܐܼ.
                    ܠܗܢܐ ܦܘܪܨܐ ܟܒܪ ܐܬܬܫܝܛ ܫܘܠܛܢܗ ܒܥܝ̈ܢܝܟܘܢܼܿ ܘܠܐ ܬܒܥܬܘܢ.. ܨܥܪܗ ܒܟ̈ܬܝܒܬܗ ܕܐܬܬܠܚ. ܐܠܘ
                    ܝܓܪ ܐܝܟ ܫܘܠܛܢܐ ܕܡܠܟܘܬܐ: ܘܐܝܟ ܕܦܩܕܝܢ ܛ̈ܟܣܝܗܿ ܐܫܬܕܪ ܠܟܘܢ ܟܬܝܒ̈ܬܐ ܒܐܝ̈ܕܝ ܐܢ̈ܫܐ
                    ܚܡ̈ܬܢܐ܆ ܕܡܠܝܢ ܪܘܓܙܐ ܘܥܬܝܕܝܢ ܠܚܪܒܐܼ. ܟܒܪ ܕܝܢ ܗܫܐ ܪܡܝܐ ܗܘܬ ܥܠܝܗܘܢ ܕܚܠܬܐ ܘܙܘܥܬܐ.
                    ܘܝܩܝܪ̈ܝܢ ܗ̈ܘܝ ܒܥܝܢ̈ܝܟܘܢ ܛܒ ܟܬܝ̈ܒܬܗ ܕܐܚܝܕ ܫܘܠܛܢܗ 20 ܕܥܠܡܐ. ܐܠܐ ܒܝܕ ܕܠܐ
                    ܥܕܟܝܠ ܐܬܚܫܚ ܥܡܟܘܢ ܒܫܘܠܛܢܐܼ. ܐܦ ܠܐ ܕܐܝܬܘܗܝ ܡܿܠܟܐ ܟܒܪ ܝܕܥܬܘܢܿ ܘܗܫܐܼ ܚܙܘ ܡܢܐ ܥܒܕܝܢ
                    ܐܢܬܘܢܿ ܠܐ ܓܝܪ ܙܥܘܪܝܐ ܒܝܫܬܐ ܕܗܘܬ ܝܘܡܢ ܒܡܕܝܢܬܟܘܢܿ ܘܐܢ ܨܒܝܢ ܐܢܬܘܢ ܐܝܬ ܦܘܪܣܐ ܕܢܬܥܠܐ
                    ܩܘܢܕܘܢܣ ܡܢ ܡܕܝܢܬܟܘܢ ܐܝܕܐ ܒܠܚܘܕ ܗܒܘ ܠܢ ܕܢܣܥܘܪ ܐܝܟ ܕܐܬܦܩܕ ܠܢ. ܘܗܐ ܐܬܥܠܝ ܡܢܟܘܢ
                    ܩܘܢܕܘܢܣ. ܘܗܘܝܬܘܢ ܕܠܐ ܥܕܠܝܐ.... ܒܘܠܣܝܢܘܣ ܕܝܢ ܐܝܢܐ ܕܐܝܬܘܗܝ ܗܘܼܐ ܚܕ ܡܢ ܪܘܪ̈ܒܢܝܗܿ
                    ܕܪܗܡܐܼ. ܐܬܝܒܗ ܦܬܓܡܐ ܠܐܕܘܩܛܣ ܟܕ ܐܿܡܪ. ܡܢܘ ܕܦܩܝܕ ܠܟ ܡܢ ܡܪܟ. ܚܘܢܝ ܕܢܕܥ ܨܒܝܢܗ. ܘܢܬܠ
                    ܐܝܕܐ ܠܣܘܥܪܢܟ.... ܐܕܘܩܛܣ ܐܡܿܪ. ܡܢ ܐܝܠܝܢ ܕܐܬܩܪܝ ܗܫܐ ܩܕܡܝܟܘܢ ܘܫܡܥܬܘܢ ܒܐܕ̈ܢܝܟܘܢܿ
                    ܝܠܦܝܢ ܐܢܬܘܢ ܨܒܝܢܗ ܕܡܠܟܐ. ܐܢ ܨܒܝܢ ܐܢܬܘܢ ܠܐ ܡܬܒܥܝܢ ܠܟܘܢ ܫܐܝ̈ܠܬܐ.... ܒܠܘܣܝܢܘܣ ܐܡܿܪ
                    ܐܝܠܝܢ ܕܐܬܩܪܝ ܗܫܐ ܩܕܡܝܼܢ. ܠܐܘܣܒܝܣ ܐܦܣܩܦܐ ܐܫܬܕܪ. ܠܘ ܓܝܪ ܠܢ ܘܐܝܠܝܢ ܕܨܒܐ ܫܦܪ
                    ܒܥܝ̈ܢܘܗܝ ܦܢܝ ܠܟ ܥܢܝܢܗܝܢ. ܨܐܕܝܢ ܕܝܢ ܡܿܢ ܐܝܬ ܠܟ. ܐܕܘܩܛܣ ܐܡܿܪ. ܗܕܐ ܚܕܐ ܠܚܘܕ ܐܝܬ ܠܢ
                    ܨܐܕܝܟܘܢܧ ܕܐܝܟ ܦܩܘ̈ܕܝܗܿ ܘܡܕܒܪ̈ܢܝܗܿ ܕܡܕܝܢܬܐ. ܘܬܘܒ ܕܝܕܥܝܢܢ. ܕܐܚ̈ܝܟܘܢ ܐܢܘܢ
                    ܘܩܪ̈ܝܒܝܟܘܢ ܗܠܝܢ ܕܟܢܝܫܝܢ ܥܡ ܐܘܣܒܝܣ ܒܥܕܬܐ. ܕܬܦܩܕܘܢ ܦܘ̈ܩܕܢܐ. ܘܬܦܝܣܘܢ ܠܕ[]... ܐܙܠܘܢ
                    ܐܢܫ ܐܢـ... ܡܕܗ ܘܠܣܘܥܪ[ܢܗ] ܘܢܬܠܘܢ ܐܝـ[ܕܐ] .... ܢܗ[] ܕܡܿܠܟܐ ܕܢܬ .... ܠܦܘܩܕܢܗ
                    ܕܢܫܬ.... ܥܕ[] ܓܝܪ ܡܨܝܢܢ ... ܫܘ[]ܬܗܘܢ ܢܣܥܘܪ ܡـ[]ܕܡܼ. ܕܠܐ ܡܕܡ ܕܝܘܢܐܼ[]ܢܓܕܫ
                    ܒܡܕܝܢܬܐ܇ ܘܢܗܘܐ ܚܢܢ ܘܐܢܬܘܢ ܬܚܝܬ ܥܕܠܝܐ. ܒܘܠܣܝܢܘܣ ܐܡܿܪ. ܚܢܢ ܦܘܩܕܢܐ ܡܕܡ ܒܟܬܝ̈ܒܬܐ ܡܢ
                    ܡܪܟ ܥܠ ܗܢܐ ܣܘܥܪܢܐ ܠܐ ܐܚܝܕܝܢܢ. ܘܠܢ ܢܡܘܣܐ ܣܝܡ ܡܢ ܡ̈ܠܟܐ ܕܗܘܘ ܩܕܡܝܟܘܢܼܿ ܕܡܕܡ ܡܼܢ
                    ܒܠܥܕ ܦܘܩܕܢܗ ܘܟܬܝ̈ܒܬܗ ܕܡܠܟܐ ܠܐ ܗܘܝܢ ܣܥܪܝܢ. ܐܕܘܩܛܣ ܐܡܿܪ. ܐܠܘ ܡܢ ܩܘܢܕܘܢܘܣ ܕܣܘܪܚܢܐ
                    ܕܐܣܬܪܚ ܠܥܢܝ̈ܟܘܢ ܠܐ ܕܚܿܠ ܐܢܐ ܕܠܡܐ ܢܬܬܠܚ ܟܬܒܐ ܐܚܪܢܐ ܐܝܟ ܩܕܡܝܐ ܘܼܐܬܬܣܝܡ ܐܢܐ ܬܚܝܬ
                    ܩܘܢܕܘܢܣ ܕܡܬܥܒܪܢܘܬܐܼ.  21 ܒܕܝܗܒܬ ܟܬܒܐ ܐܚܪܢܐ ܡܢ ܒܬܪ ܕܢܣܒܬ ܢܣܝܢܗ ܕܟܬܒܐ
                    ܩܕܡܝܐ. ܐܦ ܠܟܘܢ ܕܝܠܟܘܢ ܐܝܬ ܥܡܢ ܟܬܝ̈ܒܬܐ܇ ܡܢ ܐܚܝܕ ܫܘܠܛܢܗ ܕܥܠܡܐ ܝܘܠܝܢܘܣ.. ܒܠܘܣܝܢܣ
                    ܐܡܪ. ܚܢܢ ܡܢ ܡܬܘܡ ܬܚܘ̈ܡܝܗܿ ܕܘܠܝܬܐ ܠܐ ܦܣܥܢܢ. ܘܡܕܡ ܕܢܟܿܐ ܠܩܢܘܡܢ ܠܐ ܣܥܪܢܢ. ܕܠܡܐ ܗܟܝܠ
                    ܐܢܫ ܢܣܒܪ ܥܠܝܢ ܝܬܝܪ̈ܬܐ. ܗܝܕܝܢ ܐܕܘܩܛܣ ܐܘܫܛ ܝܗܼܒ ܠܗ ܠܒܠܘܣܝܢܘܣ ܘܠܚܒܪ̈ܘܝ ܟܬܒܗ ܕܡܣܝܒܐ.
                    ܘܫܠܼܚ ܠܗܢ ܒܗ ܣܓܝܐ̈ܬܐܼ ܡ̈ܠܐ ܕܫܢܝܘܬܐܼ. ܕܠܐ ܐܠܨܐ ܠܢ ܕܟܠܗܝܢ ܢܪܫܘܡ ܐܢܝܢ ܒܬܫܥܝܬܢܿ ܐܠܐ
                    ܒܠܚܘܕ ܐܝܠܝܢ ܕܚܫܚܢ ܠܣܕܪܗܿ ܕܡܠܬܢܧ ܒܫܘܠܡܐ ܓܝܪ ܕܟܠܗܝܢ ܡܠܘ̈ܝ ܟܬܼܒ ܠܗܘܢ ܗܟܢܐ. ܡܛܠ ܠܡ
                    ܕܡܝܕܢܬܟܘܢ ܒܟܠ ܙܒܢ ܒܫܟܚܬܐ ܕܐ̈ܠܗܐ ܡܗܒܒܐܼ. ܗܠܝܢ ܕܟܕ ܥܢܕܘ ܡܢܗܿ ܡܠܻܼܐ ܙܒܢܐ ܕܡܕܒܪܢܘܬܐ
                    ܕܡ̈ܠܟܐ ܕܡܢ ܩܕܡܝܢ: ܩܪܝܒܐ ܗܘܬ ܠܡܚܡܐܼ. ܐܢܐ ܕܝܢ ܐܝܟ ܝܕܥܿ ܐܢܐ ܗܝܡܢܘܬܟܘܢ ܚܠܝܡܬܐ
                    ܕܒܐ̈ܠܗܐ. ܩܕܡ ܙܒܢܗܘܢ ܕܒܝܬ ܩܘܣܛܢܛܝܢܣ ܣܡܬ ܢܦܫܝ ܚܠܦܝܟܘܢܿ ܘܒܕܒ̈ܚܝ ܘܒܩܘܪ̈ܒܢܝ ܪܓܝܙܘܬܗܘܢ
                    ܕܐ̈ܠܗܐ ܕܥܠܝܟܘܢܿ ܠܐ ܓܝܪ ܛܥܝܐ ܠܢ܇ ܕܒܐܝܕܐ ܢܛܝܪܘܬܐ ܘܕܚܠܬܐ ܐܝܬܝܟܘܢ ܗܘܝܬܘܢ ܠܘܬ ܐ̈ܠܗܐ
                    ܕܠܐ ܡܝܬܝܢ. ܗܿܢܘܢܼ ܕܠܐ ܗܘܐ ܒܡ̈ܠܐ ܫܚܝ̈ܡܬܐ ܘܣܪ̈ܝܩܬܐ ܡܫܬܘܕܥܝܢ ܗܝܡܢܘܬܐ ܕܐܢܫܐ. ܐܠܐܼ
                    ܒܥܒ̈ܕܐ ܝܕܝܥ̈ܐ ܘܫܒ̈ܝܚܐ ܘܐܡ̈ܝܢܐ. ܡܛܠ ܗܢܐ ܟܕ ܪܚܘ ܐ̈ܠܗܐ ܒܗܝܡܢܘܬܗ ܕܪܥܝܢܟܘܢܿ ܘܐܫܬܘܕܥܘ
                    ܘܒܨܘ ܚܘܫܒ̈ܝܟܘܢ ܓܘ̈ܝܐ ܘܐܕܪܟܘ ܚܘܒܟܘܢ ܕܠܘܬܗܘܢܼ. ܕܢܘ ܩܘܫܬܐ ܘܥܒܕܘ ܦܘܣܩܢܐܼ. ܕܫܘܝܐ ܗܼܝ
                    ܡܕܝܢܬܟܘܢܿ ܕܡܕܪܝܫ ܬܗܒܒ ܘܬܦܪܓ ܒܫܟܚܬܐ ܕܐ̈ܠܗܝܗܿ. ܘܬܐܪܒ ܘܬܥܫܢ ܘܬܚܕܐ ܛܒ. ܘܬܬܒܣܡ
                    ܒܥܐ̈ܕܝܗܘܢܿ ܚܘܘ ܗܟܝܠ ܨܒܝܢܟܘܢ ܛܒܐ ܒܐܝܠܝܢ ܕܐܬܪܥܝܘ ܐ̈ܠܗܐ. ܘܗܒܘ ܠܗ ܐܝܕܐ ܠܐܕܘܩܛܣ
                    ܡܝܡܢܗܿ ܕܡܠܟܘܬܝ. ܘܠܟܘܡܪ̈ܐ ܩܕ̈ܝܫܐ ܕܥܡܗܿ. ܕܢܓܡܪܘܢ ܨܒܝܢܐ ܕܐ̈ܠܗܐ܇ ܘܢܫܠܡܘܢ ܬܪܥܝܬܐ
                    ܕܐܬܪܥܝܘ. ܗܢܐ ܓܝܪ ܨܒܝܢܐ ܗܘܼܐ ܠܗܘܢ ܠܐ̈ܠܗܐܼ. ܕܥܠ ܬܪܥܗܿ ܕܥܕܬܐ ܪܒܬܐ ܕܪܗܘܡܐ܇ ܬܬܒܢܐ
                    ܠܗܘܢ ܠܥܬܐ ܪܒܬܐ. ܡܢ ܟܪ ܕܩܕܚܬ ܢܦܩܬ ܛܥܝܘܬܐ ܕܢܨܪ̈ܝܐ ܒܟܠܗ ܐܘܚܕܢܐ ܕܪ̈ܗܘܡܝܐ.  22 ܘܬܬܩܪܒ ܥܠܝܗܿ ܕܒܚܬܐ ܕܬܪܥܘܬܐ ܠܚ̈ܘܣܝܗܿ ܕܡܕܝܢܬܟܘܢ ܘܠܫܘܒܩܢܐ ܕܥܡܘܪ̈ܝܗܿ. ܘܐܢ ܬܐܒ
                    ܐܘܣܒܝܣ ܘܗܿܦܟ ܡܢ ܛܥܝܘܬܗ: ܘܥܗܕ ܢܦܫܗ ܘܫܿܠܡ ܠܨܒܝܢܼܢ. ܗܼܘ ܠܘܩܕܡ ܐܝܟ ܪܒ ܟܘܡܪ̈ܐ
                    ܕܐ̈ܠܗܐܿ. ܢܩܪܒ ܕܒܚܬܐ ܚܕܬܐ܆ ܥܠ ܥܠܬܐ ܚܕܬܐ. ܠܫܝܢܗܿ ܕܡܕܝܢܬܟܘܢܿ ܘܠܩܘܝܡܐ ܕܥܡܘܪ̈ܝܗܿ. ܐܢ
                    ܕܝܢ ܒܗ ܒܪܥܝܢܐ ܕܛܥܝܘܬܗ ܡܩܘܘܐܼ. ܘܐܡܣܪ ܥܠ ܦܘܩܕܢܢ ܘܒܣܐ ܒܫܘܠܛܢܼܢ. ܗܢܐ ܢܬܢܛܪ ܠܕܝܢܗܿ
                    ܕܟܐܢܘܬܐ. ܘܟܘܡܪ̈ܘܗܝ ܕܙܘܣ ܘܕܐܦܠܘܢܼ. ܢܫܧܠܡܘܢ ܕܒܚܬܐ ܠܐ̈ܠܗܐ. ܡܨܐ ܗܘܝܬ ܐܝܟ ܡܿܠܟܐ
                    ܕܒܫܘܠܛܢܐ ܐܣܥܘܪ ܗܘܝܬ ܗܠܝܼܢ. ܐܦ ܟܕ ܠܐ ܬܨܒܘܢܼ. ܐܠܐ ܡܛܠ ܕܐܫܬܘܕܥܬ ܚܘܒܟܘܢ ܕܠܘܬ ܐ̈ܠܗܐ:
                    ܘܕܡܢ ܢܘܓܪܐ ܣܓܝܐܐ ܠܗܿ ܠܗܕܐ ܡܣܘܚܝܢ ܗܘܝܬܘܢܼ. ܡܛܠ ܗܕܐ ܐܝܟ ܕܠܐܚ̈ܐ ܘܪ̈ܚܡܐ ܝܗܒܬ ܟܠܗܝܢ
                    ܠܨܒܝܢܟܘܢܿ ܕܟܕ ܬܚܘܘܢ ܠܢ ܨܒܝܢܟܘܢ ܛܒܐܼ. ܬܩܒܠܘܢ ܡܢܢ ܡܘܗ̈ܒܬܐ ܛܒ̈ܬܐܼ. ܘܢܬܝܒܠܢ ܛܒ̈ܬܐ
                    ܠܒܢܝ̈ܟܘܢܿ ܘܠܒ̈ܢܝ ܒܢܝ̈ܟܘܢ ܠܕܪ̈ܐ ܣܓܝܐ̈ܐ.... ܘܟܕ ܐܬܩܪܝ ܟܬܝܒ̈ܬܗ ܕܡܣܝܒܐ ܩܕܡ ܥܡܐ ܟܘܠܗ
                    ܕܡܕܝܢܬܐܼ. ܡܢܗܘܢ ܚܕܝܢ ܗܘܘ ܘܕܝܨܝܼܢ. ܘܡܢܗܘܢ ܬܘܒ ܟܡܝܪܝܢ ܗܘܘ ܘܚܫܝܫܝܢ. ܚܕܘܬܐ ܠܝܗܘ̈ܕܝܐ
                    ܘܠܚ̈ܢܦܐܼ. ܘܐܒܠܐ ܘܟܪܝܘܬܐ ܠܓܒܐ ܟܠܗ ܕܒܝܬ ܐܠܗܐ. ܚܫܝܫܝܢ ܗܘܘ ܕܝܢ ܐܦ ܪܘܪ̈ܒܢܝܗܿ ܕܡܕܝܢܬܐ.
                    ܐܢܫܐ ܗܘܘ ܓܝܪ ܡܗܝ̈ܡܢܐ ܐܦ ܗܢܼܘܢܿ ܘܠܐ ܝܕܥܝܢ ܗܘܘ ܡܢܐ ܢܥܒܕܘܢ ܡܛܠ ܨܒܘ̈ܬܐ ܕܛܡܝܘܢ
                    ܕܐܚܝܕܝܢ ܗܘܘ. ܘܐܡܪܘ ܠܗ ܠܐܕܘܩܛܣܿ. ܕܚܢܢ ܠܡ ܥܠ ܨܒ̈ܘܬܗܿ ܕܡܕܝܢܬܐ ܣܝܡܝܢ ܚܢܼܢ. ܘܠܘ ܥܠ
                    ܕܒܚ̈ܐ ܕܫܐ̈ܕܐ. ܐܢ ܡܕܡ ܦܩܕ ܠܟ ܡܪܟܼ. ܗܐ ܡܕܝܢܬܐ ܟܠܼܗܿ ܩܕܡܝܟ. ܥܒܕ ܟܠ. ܕܦܩܝܕ ܠܟ. ܠܼܢ
                    ܠܐ ܐܪܡܐ ܠܢ ܘܠܐ ܠܘܩܒܠ ܨܒܝܢܗ ܕܡܪܟ ܗܘܝܢܼܢ. ܘܠܐ ܥܡ ܐ̈ܚܝܢ ܡܬܟܬܫܝܢ ܚܢܢ. ܗܠܝܢ ܓܝܪ ܟܠܗܘܢ
                    ܕܟܢܝܫܝܢ ܥܡ ܐܘܣܒܝܣ ܒܥܕܬܐܼ. ܐ̈ܚܝܢ ܐܢܘܢܼ ܘܩܪ̈ܝܒܝܢ. ܘܠܘ ܕܝܠܢ ܗܼܝ ܕܢܒܢܐ ܥ̈ܠܘܬܐܼ. ܐܦܠܐ
                    ܕܢܣܬܘܪ ܥ̈ܕܬܐ.... ܐܡܿܪ ܠܗܘܢ ܐܕܘܩܛܣ. ܗܐ ܚܘܝܬܘܢ ܓܠܝܐܝܬ ܥܠ ܢܦܫܟܘܢܼ. ܕܒ̈ܢܝ ܪܥܝܢܗ
                    ܐܢܬܘܢ ܕܐܘܣܒܝܣ ܘܐܝܠܝܢ ܕܥܡܗ.... ܒܠܘܣܝܢܣ ܐܝܟ ܕܡܢ ܦܘܡܐ ܕܟܠܗܘܢ ܚܒܪ̈ܘܗܝ ܐܡܪ ܠܗ. ܡܢܐ 23 ܓܝܪ ܡܣܬܒܪܐ ܠܟ ܕܒܐܠܗܐ ܥܒܘܕܢ ܐܝܬ ܠܢ ܕܢܟܦܘܪ.... ܐܕܘܩܛܣ ܐܡܿܪ. ܡܢܘ ܐܝܬܘܗܝ
                    ܥܒܘܕܐ ܕܟܠ. ܒܠܘܣܝܢܣ ܐܡܪ. ܡܫܝܚܐ ܕܐܙܕܩܦ ܥܠ ܐ̈ܦܝ ܒܪ̈ܝܬܗ.... ܐܕܘܩܛܣ ܐܡܿܪ. ܐܢ ܒܗܢܐ
                    ܪܥܝܢܐ ܐܝܬܝܟܘܢܼ. ܟܡܐ ܒܝܫ̈ܬܐ ܐܝܬ ܠܟܘܢ ܕܬܣܒܠܘܢ.... ܒܠܘܣܝܢܣ ܐܡܼܪ. ܡܿܢ ܫܡܼܥ ܐܘ ܚܙܐ
                    ܐܝܟ ܗܕܐ. ܕܟܕ ܡܠܟܐ ܥܕܟܝܠ ܠܐ ܚܙܐ ܠܢ: ܘܥܠ ܟܘܪܣܝܐ ܕܡܠܟܘܬܢ ܥܕܟܝܠ ܠܐ ܝܬܒ: ܘܫܘܠܛܢܗ
                    ܥܕܟܝܠ ܥܠܝܢ ܠܐ ܐܡܠܟܼ. ܗܐ ܓܙܡ̈ܘܗܝ ܘܠܘܚ̈ܡܘܗܝ ܡܬܟܪܙܝܢ ܒܫܘ̈ܩܝܗܿ ܕܡܕܝܢܬܢܿ ܚܠܦ ܗܘܦܛܝܘܣ
                    ܘܡܘܗܒܬܐ ܕܡܠܟܐ. ܘܡܢܐ ܕܝܬܝܪ ܡܢ ܗܕܐ ܐܝܬ܇ ܠܐ ܕܢܚܠܦ ܐܬܪܐ. ܘܠܐ ܢܚܠܦ ܫܪܪܗ ܕܐܠܗܢܿ ܘܕܢܗܘܐ
                    ܢܘܟܪ̈ܝܐ ܠܐܘܚܕܢܐ ܟܠܗ ܕܪ̈ܘܡܝܐܧ ܘܠܐ ܢܬܢܟܪܐ ܠܗܝܡܢܘܬܐ ܕܐܫܠܡܘ ܠܢ ܐܒ̈ܗܝܢ. ܠܡܬܗܪ ܕܝܢ
                    ܘܠܡܬܕܡܪܘ. ܕܟܕ ܡܪܟ ܥܕܟܝܠ ܒܐܬܪ̈ܘܬܐ ܥ̈ܠܝܐܼ. ܛܒܼܐ ܕܚܢܦܘܬܗ ܩܕܡܗ ܠܐܬܪ̈ܘܬܐ ܟܘܠܗܘܢ
                    ܕܐܘܚܕܢܢ. ܐܡܿܪ ܠܗܘܢ ܐܕܘܩܛܣ. ܕܡܢ ܗܫܐ ܕܗܢܐ ܐܝܬܘܗܝ ܨܒܝܢܟܘܢܼ. ܐܿܙܠ ܐܢܐ ܠܝ ܠܘܬ ܡܿܠܟܐ
                    ܕܫܕܪܢܗܝ. ܘܗܼܘ ܐܝܟ ܕܝܕܥ ܢܥܒܕ ܥܡܟܘܢ ܚܘܫܒܢܐ ܕܡܨܥܪܢܘܬܟܘܢܿ ܝܗܘ̈ܕܝܐ ܕܝܢ ܕܐܬܟܢܫܘ ܗܘܘ
                    ܠܚܙܬܗ ܕܗܢܐ ܪܢܐܼ. ܐܪܒܝܘ ܥܠ ܪܘܪ̈ܒܢܝܗܿ ܕܪܗܘܡܐܼ ܘܐܡܪܝܢ. ܒܝܕ ܕܐܚܝܕ ܪܥܝܢܟܘܢ ܒܕܚܠܬܐ
                    ܕܢܨܪ̈ܝܐܿ. ܨܒܝܢ ܐܢܬܘܢ ܕܬܝܬܘ ܢܥܠܝܢ ܒܝܫܬܐ. ܘܒܥܠܬܟܘܢ ܬܚܪܒ ܡܕܝܢܬܢܿ ܒܕܠܐ ܨܒܝܢ ܐܢܬܘܢ
                    ܠܡܩܡܘ ܨܒܝܢܗ ܕܡܠܟܐ. ܗܕܐ ܕܝܢ ܬܗܘܐ ܫܪܝܪܐ ܠܟܘܢܼ. ܕܨܒܝܢܗ ܕܡܠܟܐ ܡܬܩܝܡ ܐܦ ܟܕ ܠܐ ܬܨܒܘܢܿ
                    ܝܗܒܝܢܢ ܕܝܢ ܐܝܼܕܐ ܠܨܒܝܢܗ ܕܡܠܟܐ ܘܡܬܩܝܡ. ܠܡܚܣܢ ܓܝܪ ܘܠܢܘܓܪܐ ܕܢܚܬ ܠܢ ܚܕܘܬܐ. ܘܟܡܐ ܨܒܝܢ
                    ܗܘܝܬܘܿܢܿ ܐܠܘ ܡܢ ܟܕܘ ܥܪܒܬ. ܚܣ ܠܗܿ ܕܝܢ ܠܚܕܘܬܢ ܬܥܪܒ. ܕܙܒܢܐ ܡܛܐ ܕܒܪܬ ܐܒܪܗܡ ܬܬܟܢܫ
                    ܘܬܬܒܝܐ ܡܢ ܟܪܝܘܬܗ: ܘܢܚܕܐ ܘܢܪܘܙ ܪܥܝܢܗܿ ܒܟܢܘܫܝܐ ܕܝܠܕ̈ܝܗܿ. ܘܒܚܕܘܬܐ ܕܗ̈ܝܟܠܝܗܿ܇ ܘܝܘܡܐ
                    ܗܼܘ ܠܗܿ ܗܢܐ. ܕܬܩܘܫ ܟܦܐ ܘܬܪܦܘܣ ܒܪ̈ܓܠܝܗܿ. ܘܬܥܼܢܐ ܘܬܐܡܪ. ܠܐ ܬܚܕܝܢ ܠܒܥܠܕܒܒܬܝ̈. ܕܢܦܠܬ
                    ܬܘܒ ܩܝܡܢܐ. ܘܡܛܐ ܠܗ ܙܒܢܐ ܕܐܩܘܡ. ܘܕܚܕܝܬ ܠܝ ܝܘܡܐ ܕܢܦܠܬܼ. ܗܐ ܝܘܡܢ ܚܕܝܐ ܐܢܐ ܒܡܘܟܟܝ.
                        ܒܗܠܝܢ 24 ܒ̈ܢܬ ܩ̈ܠܐ ܡܬܚܫܚܝܢ ܗܘܘ ܝܗܘ̈ܕܝܐ ܓܠܝܐܝܬ. ܩܕܡ ܟܘܠܗ ܥܡܐ ܕܪܗܘܡܐ.
                    ܘܢܩܫܝܢ ܗܘܘ ܟܦܐܼ ܘܪܦܣܝܼܢ ܘܡܪܩܕܝܢ. ܘܡܠܒܛܝܢ ܗܘܘ ܘܡܚܦܛܝܢ ܠܚ̈ܢܦܐ ܥܠ ܒܢܝܢܗܿ ܕܥܠܬܐ.
                    ܘܢܩܦܘܗܝ ܠܐܕܘܩܛܘܣ ܝܗ̈ܘܕܝܐ ܘܚܢ̈ܦܐܼ. ܐܝܟ ܬܠܬܐ ܐ̈ܠܦܝܢ ܓܒܪ̈ܝܢ. ܘܐܡܪܝܼܢ ܕܚܢܢ ܠܡ ܝܗܒܝܢ
                    ܚܢܢ ܐܝܕܐ ܠܨܒܝܢܗ ܕܡܠܟܐ. ܘܬܬܒܢܐ ܠܡ ܥܿܠܬܐ ܠܐ̈ܠܗܐ ܥܠ ܬܪܗܝܥܗܿ ܕܡܚܬܪܬܐ ܘܕܡܫܩܠܬܐ. ܕܣܚܦܬ
                    ܢܘ̈ܣܐ ܕܐ̈ܠܗܐ ܘܥܩܪܬ ܥ̈ܠܘܬܗܘܢܿ ܘܣܬܪܬ ܘܐܚܪܒܬ ܒܝܬ ܫ̈ܒܝܢ܇ ܘܐܘܩܕܬ ܒܝܬ ܟܢܘ̈ܫܬܢܿ ܘܐܡܬܝ
                    ܗܘ ܟܝ ܝܘܡܐ ܕܢܚܙܐ ܢܘ̈ܣܝܗܿ ܟܕ ܡܣܬܬܪܝܢ܇ ܘܢܗܠ ܒܗܿ ܐܝܟ ܕܐܗܠܘ ܒܗܿ ܐܒ̈ܗܝܢ. ܒܝܘܡ̈ܝ ܕܒܝܬ
                    ܕܘܩܠܛܝܢܣ ܘܡܟܣܝܡܝܢܣ ܡ̈ܠܟܐ ܡܫܡ̈ܗܐ܇ ܕܣܬܪܘ ܢܘ̈ܣܝܗܿ ܪ̈ܡܐ. ܘܓܿܠܝܘ ܫܬܐ̈ܣܐ ܕܣܚܪ̈ܬܗܿ. ܟܕ
                    ܕܝܢ ܐܝܠܦ ܛܘܒܢܐ ܐܘܣܒܝܣ ܒܗܠܝܼܢ. ܫܠܚ ܠܗ ܠܐܕܘܩܛܣ. ܕܠܐ ܠܟ ܘܠܬܚ̈ܘܡܝܗܿ ܕܥܕܬܐ ܕܡܛܪܬܐ ܗܼܝ
                    ܕܐܬܓܥܠܬ ܠܝ. ܓܒܝܐ ܗܼܝ ܠܝ ܓܝܪ ܕܐܡܘܬ ܡܛܠܬܗܿ. ܘܠܐ ܢܕܘܫܗܿ ܢܘܟܪܝܐ. ܘܐܢ ܝܗ̈ܘܕܝܐ
                    ܒܥܠܕܒܒܝܢ ܡܓܪܝܢ ܠܟ ܒܼܢ. ܕܥ ܘܚܙܝ ܡܢܐ ܥܒܿܕ ܐܢܬ. ܥܡܐ ܓܝܪ ܟܠܗ ܕܐܝܬ ܥܡܝܼ. ܥܬܝܕܝܢ ܐܢܘܢ
                    ܘܡܛܝܒܝܼܢ. ܘܣܝܡܢ ܐܦܝ̈ܗܘܢ ܕܢܚܪܒܘܢ ܘܕܢܬܚܪܒܘܢܿ ܟܕ ܕܝܢ ܫܡܥ ܐܕܘܩܛܣ ܗܠܝܼܢ. ܩܪܐ ܠܝܗܘ̈ܕܝܐ
                    ܘܠܚܢܗܦܐܼ ܘܐܡܼܪ ܠܗܘܢܿ ܐܘܣܒܝܣ ܘܐܝܠܝܢ ܕܐܝܬ ܥܡܗ ܐܝܟ ܕܝܠܦܬܼ. ܥܬܝܕܝܢ ܐܢܘܢ ܘܡܛܝܒܝܢ
                    ܕܢܬܟܬܘܢܿ ܕܠܐ ܗܟܝܠ ܢܬܥܘܟ ܠܗ ܣܘܥܪܢܐ. ܒܥܠܬ ܡܟܬܫܐܼ. ܩܒܠܘ ܥܠܝܟܘܢ ܡܿܠܼܟܐ ܕܝܗܒܿ ܐܢܐ.
                    ܘܐܚܘܕܘ ܒܐ̈ܦܝܗܘܢ ܬܪ̈ܥܝܗܿ ܒܪ̈ܝܐ ܕܥܕܬܐ. ܘܐܬܬܣܝܡܘ ܥܠܝܗܘܢܿ ܘܢܗܘܘܢܿ ܒܚܒܘܫܝܐ ܐܘܣܒܝܣ
                    ܘܐܝܠܝܢ ܕܥܡܗ. ܥܕܡܐ ܕܢܬܒܢܝܐ ܥܿܠܬܐ ܘܡܬܓܡܪܝܢ ܕܒܚ̈ܐ. ܘܡܐ ܕܐܬܩܝܡ ܨܒܝܢܗ ܕܡܿܠܟܐ: ܘܐܬܩܪܝ
                    ܫܡܐ ܕܐ̈ܠܗܐ ܥܠ ܒܝܬ ܟܢܘܫ̈ܬܗܘܢܼ. ܢܬܦܬܚܘܢ ܬܪ̈ܥܐ. ܘܐܢ ܡܨܝܢ ܒܚܝܠܐ ܠܡܐܪܥ ܩܪܣܢܼ ܢܬܟܬܫܘܢ
                    ܥܡܢ. ܘܫܦܪ ܦܬܓܡܐ ܒܥܝܢܝ̈ܗܘܢ ܕܝܗܘ̈ܕܝܐ ܘܕܚ̈ܢܦܐܼ. ܘܐܚܕܘ ܬܪ̈ܥܐ ܒܪܗܝܐ ܕܥܕܬܐ. ܘܐܬܬܣܝܡܘ
                    ܥܠܝܗܘܢܼ ܡܢ ܟܠ ܓܒܝ̈ܢ. ܘܐܬܬܣܝܡܘ ܒܚܒܘܫܝܐ ܐܘܣܒܝܣ ܘܐܝܠܝܢ ܕܥܡܗ ܝܘ̈ܡܐ ܬܪ̈ܝܢ. ܘܫܪܝܘ
                    ܝܗ̈ܘܕܝܐ ܘܚ̈ܢܦܐ ܠܡܒܢܐ ܥܿܠܬܐ. ܘܟܕ ܚܙܘ  25 ܪܘܪ̈ܒܢܝܗܿ ܕܡܕܝܢܬܐ: ܕܐܬܬܣܝܡܘ
                    ܒܚܒܘܫܝܐ ܐܘܣܒܝܣ ܐܦܣܩܦܐ ܘܩܠܪ̈ܣ ܟܠܗ ܕܥܕܬܐ: ܥܡ ܐܢ̈ܫܐ ܡܗܝ̈ܡܢܐ ܕܥܡܗܘܢܿ ܘܐܝܠܦܘ ܐܦܪܣܢܐ
                    ܕܐܝܬ ܒܝܬ ܝܗܘ̈ܕܐ ܠܚ̈ܢܦܐ. ܕܡܐ ܕܐܬܒܢܝܬ ܥܧܠܬܐ ܘܐܬܓܡܪܘ ܕܒ̈ܚܐ: ܢܬܦܬܗܘܢ ܬܪ̈ܥܝܗܿ ܕܥܕܬܐ.
                    ܘܢܥܠܘܢ ܥܠܝܗܘܢ ܒܣ̈ܝܦܐ ܕܠܐ ܦܘܩܕܢܗ ܕܐܕܘܩܛܣ ܘܢܚܪܒܘܢ ܐܢܘܢܿ ܟܪܝܬ ܠܗܘܢ ܛܒ ܠܪ̈ܫܢܝܗܿ
                    ܕܪܗܘܡܐ. ܘܥܩܬ ܠܗܘܢ ܥܕܡܐ ܠܢܦܫܐ ܕܠܐ ܝܕܥܝܢ ܗܘܘ ܡܢܐ ܢܥܒܕܘܢܿ ܕܕܚܝܠܢ ܗܘܘ ܡܢ ܨܒܘ̈ܬܐ
                    ܕܛܡܝܘܢ ܕܐܚܝܕܝܢ ܗܘܘ. ܘܕܠܐ ܡܨܝܢ ܗܘܘ ܕܢܓܠܘܢ ܥܠ ܢܦܫܗܘܢܼ. ܫܕܪ ܕܝܢ ܒܐܪܙ. ܘܐܘܕܥܘ
                    ܠܐܟܣܪܟܐ ܕܕܝܪ̈ܬܐ ܗܠܝܢ. ܘܫܠܚܘ ܠܗܘܢܼ. ܕܐܕܪܟܘ ܒܥܓܠ ܠܐܚ̈ܝܟܘܢ ܕܒܥܕܬܐܼ ܥܠܕܐ ܫܠܛܐ ܒܗܘܢ
                    ܚܪܒܐ ܕܪ̈ܕܘܦܐ. ܥܡܐ ܓܝܪ ܕܚ̈ܢܦܐ ܘܕܝܗܘ̈ܕܝܐ ܕܐܬܬܣܝܡܘ ܥܠܝܗܘܢܿ ܘܐܚܕܘ ܬܪ̈ܥܝܗܿ ܒܪ̈ܝܐ
                    ܕܥܕܬܐ. ܘܣܡܘ ܐܢܘܢ ܒܚܒܘܫܝܐ܇ ܠܐܘܣܒܝܣ ܐܦܣܩܦܐ ܘܠܝܠܝܢ ܕܥܡܗܿ. ܥܕ ܡܬܒܢܝܐ ܥܠܬܐ ܠܙܘܣ
                    ܘܠܐܦܠܘܢ ܥܠ ܬܪܥܗܿ ܕܥܕܬܐ. ܘܣܝܡܐ ܬܢܘܝ ܒܝܬ ܝܗܘܕ̈ܝܐ ܠܚ̈ܢܦܐ. ܕܡܐ ܕܐܬܓܡܪܬ ܥܠܬܐ ܘܣܠܩܘ
                    ܕܒܚ̈ܐܼ. ܢܬܦܬܚܘܢ ܬܪ̈ܥܝܗܿ ܕܥܕܬܐܼ. ܘܢܥܠܘܢ ܥܠܝܗܘܢ ܡܢ ܩܛܝܪ ܕܠܐ ܦܘܩܕܢܐ ܘܢܚܪܒܘܢ ܐܢܘܢܿ
                    ܗܫܐ ܐܕܪܟܘ ܐܢܘܢ ܥܠܕܐ ܫܠܛܐ ܒܗܘܢ ܚܪܒܐ ܕܙܩܘ̈ܦܐ. ܚܢܢ ܓܝܪ ܠܐ ܡܨܝܢܢ ܕܢܘܕܥ ܢܦܫܢ ܓܠܝܐܝܬ.
                    ܡܛܠ ܫܘܠܛܢܐ ܕܥܘܠܼܐ ܕܐܚܝܕܝܢܢ. ܘܟܕ ܝܠܦ ܐܟܣܪܟܣ ܒܗܠܝܼܢ. ܓܥܐ ܘܒܟܼܐ ܚܫܝܫܐܝܬܼ ܟܕ ܐܡܿܪ.
                    ܘܝ ܠܡ ܕܚ̈ܛܗܝܢ ܐܡܠܟܘ ܥܠܝܢ ܡܿܠܟܐ ܪܫܝܥܐ. ܘܩܡ ܗܘܐ ܡܣܪܗܒܐܝܬ ܒܒܘܠܗܝܐ ܣܓܝܐܐܼ. ܘܐܫܡܥ
                    ܠܟܠܗܝܢ ܕܝܪ̈ܬܐ ܕܬܡܢ. ܘܟܢܿܫ ܠܟܠܗܘܢ ܕܝܪ̈ܝܐ ܕܐܝܬ ܒܪܗܘܡܐ ܘܒܚܕܪ̈ܝܗܿ. ܟܠ ܕܡܨܐ ܒܚܝܠܐ
                    ܠܡܐܪܥ ܩܪܣܐ. ܐܝܟ ܐܠܦ ܘܐܪ̈ܒܥܡܐܐ ܓܒܪ̈ܝܢ. ܘܗܘܘ ܟܠܗܘܢ ܚܕܐ ܢܦܫܼ ܘܚܕ ܪܥܝܢ. ܘܐܪܝܡܘ ܩܠܗܘܢ
                    ܘܒܟܘ ܥܠ ܡܘܟܟܗܿ ܕܥܕܬܐ. ܘܥܠ ܚܒܘܫܝܐ ܕܐܚ̈ܝܗܘܢ ܘܝܗܒܘ ܝܡܝܢܐ ܠܚ̈ܕܕܐ. ܠܡܡܬ ܥܠ ܐ̈ܦܝ
                    ܐܚ̈ܝܗܘܢ ܕܒܥܕܬܐ. ܘܚܿܝܠܘ ܘܠܒܒܘ ܠܚ̈ܕܕܐ ܘܠܒܫܘ ܥܘܫܢܐ ܘܓܢܒܪܘܬܐ. ܘܥܠܘ ܗܘܘ ܠܪܗܘܡܐ
                    ܒܠܒܝܒܘܬܐ ܪܒܘܬܐ ܟܕ ܡܚܙܩܝܢܼ ܘܫܩܝܠܝܢ  26 ܚܘܛܪ̈ܐ. ܚܠܝܛܝܢ ܗܘܘ ܕܝܢ ܥܡܗܘܢܼ. ܐܦ
                    ܐܢ̈ܫܐ ܪ̈ܗܘܡܝܐ ܐܝܟ ܚܡܫܡܐܐ . ܘܐܝܬܝܗܘܢ ܗܘܘ ܡܢ ܐܪܬܐ ܕܒܝܬ ܢܗܪ̈ܝܢ ܕܗܼܢܘܢ ܗܠܝܢ ܒܛܢܢܐ
                    ܕܐܠܗܐ܇ ܫܚܠܦܘ ܗܘܘ ܐܣܟܡܗܘܢ ܠܐܣܟܝܡܐ ܕܕܝܪ̈ܝܐ. ܘܣܦܪܘ ܣܥܪܗܘܢ ܘܥܠܘ ܥܡܗܘܢ ܠܪܗܘܡܐܼ. ܟܕ
                    ܡܙܝܢܝܢ. ܟܕ ܐܢܫ ܠܓܡܼܪ ܠܐ ܡܫܬܘܕܥ ܗܘܼܐ ܠܗܘܢܿ ܘܐܬܙܝܥܬ ܟܠܗܿ ܡܕܝܢܬܐ ܡܢ ܩܕܡܝܗܘܢܿ ܘܬܪܨܘ
                    ܠܘܩܒܠ ܥܕܬܐ. ܟܪ ܕܝܠܦܘ ܕܡܬܒܢܝܐ ܥܠܬܐ. ܘܟܕ ܚܙܼܘ ܐܢܘܢ ܚ̈ܢܦܐ ܘܝ̈ܗܘܕܝܐܼ. ܫܪܝܘ ܡܬܪܗܒܝܢ
                    ܡܢ ܩܕܡܝܗܘܢܿ ܡܪܝܐ ܓܝܪ ܐܪܡܝ ܕܚܠܬܐ ܘܙܘܥܬܐ ܥܠ ܝܗ̈ܘܝܕܐ ܘܚ̈ܢܦܐ. ܘܫܪܝܘ ܠܡܥܪܩ ܡܢ ܩܕܡ
                    ܕܝܪ̈ܝܐܼ ܠܟܠ ܓܒ̈ܝܢ: ܘܢܦܠܘ ܒܗܘܢ ܒܚܘܛܪ̈ܐ ܒܝܬ ܫܘ̈ܩܐܼ. ܘܨܠܿܦܼܘ ܐܢܘܢ ܐܝܟ ܟ̈ܠܒܐ. ܘܡܝܬܘ
                    ܒܗܿܘ ܝܘܡܐ ܡܢ ܝܗܘ̈ܕܝܐ ܘܚܢ̈ܦܐ ܥܡܐ ܣܓܝܐܐ. ܘܠܐ ܐܬܦܠܛܘ ܡܢܗܘܢ ܐܠܐ ܐܢ ܕܠܝ̈ܠܐ ܩܠܝܠ܇
                    ܕܣܬܪܘ ܢܦܫܗܘܢ ܒܛܫܝ̈ܬܐ ܘܒܚ̈ܘܠܢܐ܇ ܘܒܐܡܪ̈ܣ ܕܡܕܝܢܬܐ ܘܐܫܬܘܙܒܘ ܘܡܢ ܥܡܐ ܕܕܝܪ̈ܝܐ ܠܐ ܐܬܢܟܝ
                    ܐܦܠܐ ܚܼܕ ܡܪܝܐ ܓܝܪ ܐܓܢ ܐܝܕܗ ܥܠܝܗܘܢܼ ܘܢܛܪ ܐܢܘ̤ܿ ܐܕܘܩܛܣ ܕܝܢ ܟܕ ܚܼܙܐ ܕܫܪܝܬ ܚܪܒܐ
                    ܒܝܗ̈ܘܕܝܐܼ. ܐܡܼ ܠܟܘܡܪ̈ܐ ܗܠܝܢ ܕܐܝܬ ܗܘܘ ܥܡܗ. ܠܐܝܟܐ ܒܝܗ̈ܘܕܝܐܼ. ܐܡܪ ܠܟܘܡܪ̈ܐ ܗܠܝܢ ܕܐܝܬ
                    ܗܘܘ ܥܡܗ. ܠܐܝܟܐ ܕܡܫܟܚܝܢ ܐܢܬܘܢܼ ܫܘܙܒܘ ܢܦܫܟܘܢܿ ܘܗܼܘ ܪܟܼܒ ܣܘܣܝܼܗ ܘܐܬܦܠܛ ܒܢܦܫܗ. ܘܟܕ
                    ܚܙܘ ܟܘܡܪ̈ܐ ܗܠܝܢ ܕܫܒܩ ܐܢܘܢ ܐܕܘܩܛܣ ܘܥܪܩܼ. ܢܦܼܠܬ ܥܠܝܗܘܢ ܕܚܠܬܐ ܘܙܘܥܬܐܼ. ܘܡܬܟܪܟܝܢ ܗܘܘ
                    ܘܒܥܝܢ ܐܝܟܐ ܢܣܬܪܘܢ ܢܦܫܗܘܢܿ ܘܐܫܟܚܘ ܒܝܬ ܨܠܡܐ ܚܕ ܪܒܐ ܕܦܪܝܩ ܗܘܼܐ ܡܢ ܡܝܕܢܬܐ ܡ̈ܝܠܐܼ
                    ܬܪ̈ܝܢ. ܘܣܛܘ ܠܗ ܘܣܬܪܘ ܢܦܫܗܘܢ ܡܠܐ ܥܕܢܐ܇ ܥܕ ܢܦܠ ܗܘܢ ܦܠܥܐ ܕܢܥܪܩܘܢ ܡܢ ܬܡܢ. ܘܟܕ ܢܚܼܬ
                    ܚܪܒܐ ܘܗܘܼܐ ܫܠܝܐ: ܘܠܐ ܐܫܬܚܪ ܝܗܘܕܝܐ ܐܘ ܚܢܦܐ ܕܡܬܚܙܐ ܒܟܠܗܿ ܡܕܝܢܬܐ ܓܠܝܐܝܬܼ. ܐܡܼܪ ܠܗܘܢ
                    ܐܕܘܟܣܝܣ ܠܕܝܪ̈ܝܐ ܚܒܪܗܘܗܝ. ܗܫܐ ܕܐܢܝܚ ܠܢ ܡܫܝܚܐ: ܘܚܙܝ ܥ̈ܝܢܝܢ ܒܒܥܠܕܒ̈ܒܝܗܿ ܕܥܕܬܐ
                    ܘܒܣܩܘܪ̈ܘܗܝ ܕܨܠܝܒܐܼ. ܢܦܬܚ ܬܪ̈ܥܝܗܿ ܕܥܕܬܐܼ. ܘܢܒܝܐܘܗܝ ܠܪܥܝܐ ܒܪܝܟܐ ܘܠܡܪܥܝܬܗܿ. ܘܦܬܼܚܘ
                    ܬܪ̈ܥܝܗܿ ܕܥܕܬܐܼ. ܘܥܠܘ ܝܗܒܘ ܫܠܡܐ ܠܐܘܣܒܝܣ ܐܦܣܩܦܐ ܘܠܐܝܠܝܢ ܕܥܡܗ. ܘܗܘܬ ܚܕܘܬܐ 27 ܒܟܠܗܿ ܡܕܝܢܬܐ. ܒܦܘܪܩܢܐ ܕܥܒܕ ܐܠܗܐ ܠܥܕܬܗ. ܗܘܬ ܗܘܬ ܕܝܢ ܒܥܬܐ ܒܝܬ ܐܚ̈ܐܼ. ܕܡܢ ܟܝ ܗܘܬ
                    ܡܢ ܗܠܝܢ ܟܘܡܪ̈ܐ ܕܚܛܝܬܐ. ܘܟܕ ܐܬܼܒܨܝܬ ܒܥܬܐ ܕܒܝ̈ܢܝܗܘܢܿ ܐܦ ܐܬܝܕܥܬ ܕܠܐ ܡܝܬܘ ܚܕ ܡܢ ܗܠܝܢ
                    ܟܘܡܪ̈ܐܼ. ܡܬܟܫܦܝܢ ܗܘܘ ܠܗ ܠܛܘܒܢܐ ܐܘܣܒܝܢ ܕܢܦܣ ܠܗܘܢ ܕܢܦܩܘܢ ܒܒܥܬܗܘܢܿ ܐܡܿܪ ܠܗܘܢ ܩܕܝܫܗ
                    ܕܐܠܗܐ. ܫܒܘܩܘ ܒ̈ܢܝ ܡܝ̈ܬܐ ܩܒܪ̈ܝܢ ܡܝ̈ܬܝܗܘܢܼ. ܗܿܝ ܕܐܡܼܪ ܡܪܢܿ ܘܚܢܼܢ ܢܐܨܦ ܕܐܓܘܢܢ.
                    ܘܢܗܘܐ ܟܫܝܪ̈ܐ ܠܗܕܐ ܬܓܘܪܬܐ ܪܘܚܢܝܬܐ ܕܦܓܥܬ ܒܢ. ܘܠܐ ܒܥܠܬ ܛܢܢܢ ܢܗܘܐ ܡܥܘ̈ܟܢܐ ܠܐܝܓܘܢܢ܇
                    ܘܢܫܬܟܚ ܠܢ ܕܥܡ ܢܦܫܢ ܟܬܫܝܢܢ. ܠܣܗܕܘܬܐ ܓܝܪ ܩܪܢ ܐܠܗܐ ܒܙܒܢ ܢܣܝܘܢܼܢ. ܘܠܐܼ ܕܢܥܒܕ ܩܪܒܐ ܥܡ
                    ܪ̈ܘܦܝܢ. ܡܨܐ ܗܼܘܐ ܓܝܪ ܗܿܘ ܚܝܠܐ ܚܣܢ ܟܠ ܟܕ ܐܚܕܘܗܝ ܙܩ̈ܘܦܐ܇ ܕܢܣܝܦ ܐܢܘܢ ܒܪܘܚ ܦܘܡܗ.
                    ܘܕܠܐ ܬܒܛܠ ܠܗܿ ܐܘܪܚܗ: ܗܿܝ ܕܡܛܠܬܗܿ ܐܬܐ ܠܥܠܡܼܐ: ܝܗܼܒ ܠܗܘܢ ܐܬܪܐ ܠܨ̈ܠܘܒܘܗܝ
                    ܕܢܐܚܕܘܢܝܗܝ. ܘܕܢܚܘܐ ܠܗܘܢ ܕܒܨܒܝܢܗ ܐܚܕܘܗܝܼ. ܐܣܪܚ ܗܘܦܐ ܩܠܝܠ ܕܐܗܘܬܗܼ. ܘܐܫܠܡ ܢܦܫܗ
                    ܠܐܚ̈ܘܕܘܗܝ. ܘܗܿܘ ܠܐ ܚܫܘܫܐ ܘܠܐ ܡܝܘܬܐܼ. ܒܟܝܢ ܦܓܪܢ ܣܒܠ ܚ̈ܫܝܗܿ ܕܙܩܝܦܘܬܐ. ܘܛܥܡ ܡܘܬܐ
                    ܒܟܝܢܢ܇ ܘܫܪܐ ܒܡܘܬܗ ܓܙܪ ܕܝܢܗܿ ܕܐܢܫܘܬܢܿ ܘܐܢ ܗܿܘ ܡܪܐ ܛܿܒܐܼ. ܕܪܡ ܘܡܥܠܝ ܡܢ ܚܫ̈ܐ ܘܡܢ
                    ܡܘܬܐ: ܡܛܠ ܥܼܒ̈ܕܘܗܝ ܕܢܦܪܘܩ ܐܢܘܢ ܛܥܡ ܡܘܬܢ ܘܣܼܒܠ ܚܗܫܝܼܢ. ܟܡܐ ܠܢ ܝܬܝܪ ܙܕܩܿ ܚ̈ܝܒܐ
                    ܥ̈ܒܕܐ ܡܝܘ̈ܬܐ ܘܚܫܘ̈ܫܐ܇ ܕܢܛܥܡ ܚܫܐ ܕܙܩܝܦܘܬܗܿ. ܒܝܕ ܚܫ̈ܐ ܘܫܢ̈ܕܐ ܕܡܘܕܝܢܘܬܢܿ ܘܠܐ ܢܬܢܟܪܐ
                    ܢܦܘܩ ܠܢ ܡܢ ܗܕܐ ܕܗܘܬ ܝܘܡܢ. ܘܢܐܨܦ ܡܢ ܗܫܐ ܕܐܝܓܘܢܢ. ܡܢܼܘ ܓܝܪ ܝܕܥܿ ܕܠܐ ܐܝܬ ܗܘܐ ܒܗܘܢ
                    ܒܗܠܝܢ ܕܡܝܬ ܝܘܡܢ: ܐܢܫ̈ܐ ܕܥܗܕܝܢ ܗܘܘ ܒܢܦܗܘܢܿ ܘܡܬܬܘܝܢ ܗܘܘ ܥܠ ܛܥܝܘܬܗܘܿܢܿ ܘܡܕܪܟܝܢ
                    ܢܦܫܗܘܢ ܒܬܝܒܘܬܐ܇ ܘܡܬܬܓܪܝܢ ܚܝܝ̈ܗܘܢܿ ܘܠܐ ܕܡܝܬܘ ܝܘܡܢ ܒܚܢܦܘܬܗܘܢܿ ܘܐܙܠܘ ܒܚ̈ܛܗܝܗܘܿܢܿ
                    ܘܐܣܬܪܩܘ ܡܢ ܣܒܪܗܘܢ ܘܐܘܒܕܘ ܚܝܝ̈ܗܘܢܿ ܕܐܝܟ ܗܟܢܐ ܒܗܠܝܢ ܟܘܡܪ̈ܐܼ. ܡܢܼܘ ܡܕܪܟ ܥ̈ܬܝܕܐ܇
                    ܘܝܕܥܿ ܐܢ ܐܝܬ ܒܗܘܢ ܐܢܫ̈ܐ ܕܩܿܪܝܐ ܠܗܘܢ ܛܝܒܘܬܐ܇ ܘܡܕܪܟܐ ܠܗܘܢ ܬܝܒܘܬܐ ܘܡܬܬܓܪܝܢ
                    ܚܝܝ̈ܗܘܿܢܿ ܐܝܟ ܕܐܬܬܓܪ 28 ܚܝ̈ܘܗܝ ܫܪܒܝܠ ܟܘܡܪܐ ܘܐܝܠܝܢ ܕܕܡܝܢ ܠܗ. ܘܟܕ ܥܕܟܝܠ
                    ܛܘܒܢܐ ܐܘܣܒܝܣ ܠܐ ܫܠܼܡ ܡܪܬܝܢܘܬܗܼ. ܐܬܼܐ ܐܢܫ ܐܘܕܥܗܼ. ܕܗܠܝܢ ܡܣ̈ܝܒܐ ܟܘܡܪ̈ܝܗܿ ܕܚܛܝܬܐܼ.
                    ܦܪܟܘܣ ܠܡ ܩܢܛܪܘܢܐ ܢܦܼܩ ܒܒܥܬܗܘܢܼ ܘܐܕܪܟ ܐܢܘܢܿ ܘܒܦܟܪ̈ܐ ܐܝܬܝ ܐܢܘܢ ܠܘܬ ܥܠܬܐ ܕܒܢܘ.
                    ܘܐܟܠܘܣ ܟܠܗ ܕܡܝܕܢܬܐ ܪܝܒܝܢ ܘܩܥܼܝܢ. ܕܢܐܩܕܘܢܼ ܥܠ ܥܿܠܬܐ ܕܒܢܘ. ܘܐܫܬܠܚܬ ܕܐܘܕܥܼܟ ܗܠܝܢ.
                    ܘܩܡ ܐܘܣܒܝܣ ܛܘܒܢܐ ܒܒܘܠܗܝܐ ܣܓܝܐܐܼ. ܘܢܦܼܩ ܠܘܬܗܿ ܕܡܕܝܢܬܐ ܘܐܫܟܚ ܐܢܘܢ ܟܕ ܪܝܒܝܢ. ܘܐܙܝܥ
                    ܠܗܘܢ ܐܝܕܗܼ ܐܝܟ ܕܢܫܬܩܘܢ ܠܗܘܢܿ ܘܟܕ ܒܗܠܘ. ܡܠܠܘ ܥܡܗܘܢܼ ܘܐܡܼܪ ܠܗܘܢܿ ܓܒܪ̈ܐ ܒ̈ܢܝ
                    ܪܗܘܡܐܼ. ܕܥܘܼ ܘܚܙܘ ܡܢܐ ܥܒܕܝܢ ܐܢܬܘܢ ܝܘܡܢܐ. ܛܪܘܢܐ ܓܝܪ ܗܢܐ ܚܢܦܐܼ ܛܒ ܠܚܼܝܡ ܠܗܿ
                    ܠܡܕܝܢܬܢ ܡܢ ܢܘܓܪܐ. ܡܛܠ ܗܝܡܢܘܬܟܘܢ ܫܪܝܪܬܐ. ܝܬܝܪ ܕܝܢ ܝܘܡܢ ܕܫܡܿܥ ܡܢܐ ܓܕܫ ܠܒ̈ܢܝ
                    ܛܥܝܘܬܗ. ܘܒܫܢܝܘܬܐ ܕܚܢܦܘܬܗ ܡܚܪܒ ܠܗܿ ܠܡܕܝܢܬܟܘܢܼ. ܘܫܩܠ ܠܟܘܢ ܡܢ ܚ̈ܝܐ .... ܦܢܝܘ ܕܝܢ
                    ܦܬܓܡܐ ܟܢ̈ܫܝܗܿ ܕܡܕܝܢܬܐ ܘܐܡܪܝܢ. ܘܡܕܝܢܬܢ ܬܚܪܒܼ ܘܚܢܢ ܢܡܘܬ. ܘܡ̈ܛܢܦܝܗܿ ܕܡܠܟܘܬܢ ܒܢܘܪܐ
                    ܢܐܩܕܘܢܿ ܚܢܢ ܓܝܪ ܚܕܐ ܙܒܼܢ. ܣܡܼܢܢ ܐ̈ܢܝܢ ܐ̈ܦܝܢ ܠܡܘܬܐ ܥܠ ܐ̈ܦܝ ܗܝܡܢܘܬܗܿ ܕܥܕܬܐ. ܩܕܝܫܐ
                    ܕܝܢ ܐܘܣܒܝܣܼ. ܒܣܝܡܐܝܬ ܒܫܘ̈ܕܠܐ ܡܪܬܐ ܗܘܐ ܠܗܘܢ ܟܕ ܐܡܿܪ. ܕܡܢܐ ܠܡ ܒ̈ܢܝ ܢܬܗܢܐ܇ ܡܢ
                    ܡܘܬܗܘܢ ܕܗܠܝܢ ܕܘ̈ܝܐ. ܝܬܝܪ ܬܘܒ ܕܐܙܠܝܢ ܒܛܥܝܘܬܗܘܢ ܘܡܝܬܝܢ ܒܚܛܗ̈ܝܗܘܢܿ ܘܐܒܿܕܐ ܡܢܗܘܢ
                    ܬܝܒܘܬܗܘܢܿ ܐܠܐ ܐܢ ܢܝܚ ܠܨܒܝܢܟܘܢ ܘܫܦܝܪ ܒܥܝ̈ܢܝܟܘܢ. ܢܬܝܗܒܘܢ ܒܕܝܪ̈ܬܐ ܘܢܬܝܠܦܘܢ ܗܝܡܢܘܬܐ
                    ܕܥܕܬܐ. ܟܒܪ ܬܝܒܝܢ ܡܢ ܥܘܠܗܘܢ ܘܡܢܦܢܝܢ ܡܢ ܛܥܝܘܬܗܘܢܿ ܘܡܫܟܚܝܢ ܢܦܫܗܘܢ ܬܝܒܘܬܗܘܢܿ ܘܡܬܓܪܝܢ
                    ܫܟܚܬܐ ܕܐܒܕܢܗܘܢ ܘܕܛܥܝܘܬܗܘܢܿ ܠܐ ܗܟܝܠ ܒ̈ܢܝ ܢܣܬܪܗܒ ܠܡܘܬܗܘܢ ܐܢ ܨܒܝܢ ܐܢܬܘܢܿ ܘܩܡܘ ܐܢ̈ܫܐ
                    ܡܢ ܟܢ̈ܫܝܗܿ ܕܡܕܝܢܬܐ ܡ̈ܠܝܠܐ ܘܚܟܝ̈ܡܐܼ. ܘܒܥܝܢ ܗܘܘ ܥܡ ܐܘܣܒܝܣܼ ܘܐܡܪܝܢ. ܕܠܐ ܠܡ ܡܬܒܥܝܐ
                    ܠܗܘܢ ܬܝܒܘܬܐ ܠܐܝܠܝܢ ܕܗܼܢܘܢ ܦܣܼܩܘ ܣܒܪܐ ܕܬܝܒܘܬܗܘܿܢܿ ܐܢܫܐ ܛ̈ܢܦܐ ܕܒܐܬܪܐ ܩܕܝܫܐ ܕܒܢܝܐ
                    ܒܗ ܫܟܝܢܬܐ ܠܐܠܗܐ ܡܪܝܡܐ܇ ܐܡܪܚܘ ܘܒܢܘ ܥܿܠܬܐ.  29 ܠܫܐܕ̈ܐ ܘܠܬܟܪ̈ܐ. ܘܐܿܝܕܐ
                    ܬܝܒܘܬܐ ܐܝܬ ܠܗܘܢ ܠܗܠܝܢ. ܐܦ ܐܠܘ ܡܫܬܘܕܝܢ ܕܬܝܒܝܢ. ܕܐܘܡܢܘܬܐ ܓܝܪ ܘܕܨܢܥܬܐ ܘܝܐ ܗܘܬ
                    ܬܝܒܘܬܗܘܢܿ ܥܕ ܬܟܿܒ ܗܘܐ ܛܪܘܢܐ ܐܝܠܗܘܢܿ ܘܡܕܓܠܝܢ ܗܘܘ ܠܗܿ ܠܬܝܒܘܬܗܘܿܢܿ ܘܗܦܟܝܢ ܗܘܘ
                    ܡܬܢܩܡܝܢ ܡܢܢ ܥܘܠܐܝܬ. ܡܘܬܐ ܕܡܢܢ ܐܬܓܙܪ ܥܠܝܗܘܢ ܟܐܢܐܝܬ. ܢܨܒܬܐ ܐܢܘܢ ܓܝܪ ܒܝܫܼܬܐ. ܘܥܠ
                    ܝܪ̈ܕܝܗܿ ܕܛܥܝܘܬܐ ܢܨܝܒܝܢ ܫܪ̈ܪܫܝܗܘܢܿ ܘܦܐܪ̈ܐ ܕܬܝܒܘܬܐ ܠܓܡܼܪ ܠܐ ܥܒܕܝܢ. ܬܫܪܟ ܗܟܝܠ
                    ܨܐܕܝܗܘܢܼ. ܗܿܝ ܕܐܟܪܙ ܝܘܚܢܢ ܡܥܡܕܢܐ. ܕܟܠ ܐܝܠܢܐ ܕܠܐ ܥܿܒܕ ܦܐܪ̈ܐܼ. ܡܬܦܣܩ ܘܠܢܘܪܐ ܐܙܿܠ.
                    ܥܡ ܗܿܝ ܬܘܒ ܕܐܡܼܪ ܡܪܢܿ ܕܟܠ ܢܨܒܬܐ ܕܐܒܝ ܕܒܫܡܝܐ ܠܐ ܢܨܒܗܿ ܥܓܠ ܬܬܥܩܪ. ܒܗܠܝܢ ܒܢ̈ܬ ܩ̈ܠܐ
                    ܐ̈ܠܗܝܬܐܼ ܕܡܟܪܙܢ ܐܒܕܢܗܘܢܿ ܡܢܘ ܢܩܘܡ ܒܐ̈ܦܝܗܘܢܿ ܐܠܐ ܐܝܢܐ ܕܫܿܠܡ ܠܛܥܝܘܬܗܘܢܿ ܫܒܘܩ ܗܟܝܠ
                    ܕܬܬܥܩܪ ܢܨܒܬܐ ܗܕܐ ܒܝܫܼܬܐ ܡܢ ܡܕܝܢܬܢܿ ܥܕ ܠܐ ܬܥܒܕ ܥܘܦܝܐ ܕܡܪܪܐ ܘܬܗܪܢܿ ܠܐ ܓܝܪ ܛܥܝܐ
                    ܠܚܣܝܘܬܟ܇ ܕܒܐܝܕܐ ܢܛܝܪܘܬܐ ܘܙܗܝܪܘܬܐ܇ ܐܚܝܕܐ ܡܕܝܢܬܢ ܗܝܡܢܘܬܐ ܕܫܠܡܘ ܠܗܿ ܫܠܝܚ̈ܐ. ܘܠܘ
                    ܐܝܩܐ ܘܣܪܝܩܐܝܬ ܠܚܝܡܝܢ ܠܗܘܢ ܟܢ̈ܫܐ ܕܡܕܝܢܬܢܿ ܠܗܝܠܢ ܛܡ̈ܐܐ ܘܡ̈ܣܝܒܐ܇ ܕܫܒܩܘ ܫܘ̈ܩܝܗܿ
                    ܘܦܠܛܘ̈ܬܗܿ ܕܡܕܢܬܢܿ ܘܥܠ ܬܪ̈ܥܝܗܿ ܕܥܕܬܢ ܒܢܘ ܥ̈ܠܘܬܐ ܕܛܡܐܘܬܐ ܠܫܐܕ̈ܐ ܘܠܦܬܟܪ̈ܐ. ܘܐܠܐ
                    ܡܬܬܣܝܡ ܒܪܫܗܘܢ ܣܘܪܚܢܗܘܢ ܒܥܓܠ ܡܬܟܫܠܝܢ ܦܫܝ̈ܛܐ ܘܒܪ̈ܝܪ̈ܐ. ܘܒܟܐܢܘܬܐ ܡܬܬܒܥܝܢܢ ܚܘܫܒܢܗܘܢܿ
                    ܛܘܒܢܐ ܕܝܢ ܐܘܣܒܝܣ: ܟܕ ܛܒ ܗܠܝܢ ܒܢ̈ܬ ܩ̈ܠܐ ܫܡܿܥ ܗܘܐܼ. ܗܼܘ ܡܠܝܐܝܬ ܡܬܟܬܫ ܗܘܼܐ ܕܢܦܠܛ
                    ܐܢܘܢ ܡܢ ܡܘܬܐ ܠܗܠܝܢ ܛ̈ܥܝܐܼ. ܐܝܟ ܕܢܣܡܟ ܐܢܘܢ ܥܠ ܬܝܒܘܬܐ. ܐܬܒܐܫ ܕܝܢ ܠܟ̈ܢܫܝܗܿ
                    ܕܡܕܝܢܬܐܼ. ܘܫܪܝܘ ܩܥܝܢ ܠܗܿ ܠܐܘܣܒܝܣ ܐܪܬܕܘܟܣܗܿ ܕܥܕܬܐ. ܗܒܘ ܐܼܝܕܐ ܠܗܝܡܢܘܬܐ ܕܐܫܠܡܘ ܠܢ
                    ܐܒܗ̈ܝܢ ܫ̈ܠܝܚܐ. ܠܟ ܓܝܪ ܐܚܝܕܢ ܥ̈ܕܬܐ ܟܠܗܝܢ. ܥܠ ܟܘܪܣܝܗ ܕܫܡܥܘܢ ܟܐܦܐ ܣܡܟ ܡܫܝܚܐ܇ ܗܿܘ
                    ܕܒܛܢܢܐ ܕܗܝܡܢܘܬܗ ܥܒܼܕ ܬܒܥܬܐ ܒܟܐܢܘܬܐ ܡܢ ܣܝܡܘܢ ܚܪܫܐ. ܘܡܢ ܐܝܠܝܢ ܕܫܠܡܘ ܠܫܢܝܘܬܗ.
                    ܐܬܕܡܐ. ܒܗ ܘܐܬܢܩܡ ܡܢ ܛܡ̈ܐܐ ܒܢ̈ܝ ܛܥܝܘܬܗ.  30 ܘܢܣܒ ܒܗܘ ܢ ܥܝܐ ܝܘܠܝܢܘܣ
                    ܡܫܕܪܢܗܘܢܿ ܟܘܡܪ̈ܝܗܿ ܕܚܛܝܬܐܼ ܥܠ ܥܠܬܐ ܕܥܒܕܘ ܢܐܩܕܘܢܿ ܒܥ̈ܠܕܒܒܘܗܝ ܕܫܪܪܐܼ. ܡܢܬܐ ܠܢܘܪܐ
                    ܢܬܝܗܒܘܢܿ ܣܩܘܪ̈ܝܗܿ ܕܥܕܬܐܼ. ܗܢܘܢܼ ܩܢܘܡܗܘܢ ܕܒܚܬܐ ܠܫܐ̈ܕܐ ܢܬܩܪܒܘܢܿ ܒܗܠܝܢ ܓܝܪ ܡܬܩܠܣܐ
                    ܗܝܡܢܘܬܟ ܪܥܝܐ ܦܐܝܐ ܘܫܪܝܪܐ. ܒܗܠܝܢ ܡܫܬܒܚܐ ܗܝܡܢܘܬܟ ܟܗܢܐ ܙܗܝܐ ܘܩܕܝܫܐ. ܒܗܠܝܢ ܡܬܢܨܚܐ
                    ܣܝܒܘܬܟ ܫܩܝܠ ܛܥܢܐ ܕܥܕܬܗ ܘܕܡܪܥܝܬܗ. ܪܥܝܐ ܟܐܢܐ ܩܘܡ ܒܐ̈ܦܝ ܡܪܥܝܬܟ. ܚ̈ܕܘܓܝܗܿ ܕܥܕܬܐ ܬܒܥ
                    ܨܥܪܗܿ ܡܢ ܙܠܝܗܠܐ. ܕܥܠܘ ܕܫܘ ܓܢܘܢܗ ܕܡܟܝܪܗܿ. ܠܟ ܓܝܪ ܐܓܥܠܗܿ ܡܫܝܚܐ ܠܥܕܬܐ ܡܟܝܪܬܗ. ܚܙܝ
                    ܠܐ ܬܗܡܐ ܡܢ ܬܒܥܬܐ ܡܒܙܚ̈ܢܝܗܿ. ܐܢܝܦ ܡܓܠܗ܆ ܕܛܢܢܟ ܘܚܨܘܕ ܟܦܐ ܕܙܝ̈ܙܢܐ. ܘܢܗܘܘܢ ܬܘܚܕܐ ܥܠ
                    ܥܠܬܐ ܕܒܢܘ. ܘܐܢ ܡܕܡ ܩܢܛܐ ܐܝܬ ܠܟ ܥܠ ܗܕܐ: ܘܡܢ ܡܘܬܗܘܢ ܕܗܠܝܢ ܡܣ̈ܝܒܐ ܟܘܙܬܼ. ܥܘܠ ܒܐܝܩܪܐ
                    ܠܥܕܬܟܼ. ܘܚܢܢ ܡܝܬܝܢܢ ܒܬܪܢ ܩܢܕܘܢܘܣ ܕܝܩܕܢܗܘܢܿ ܘܬܒܥܬܐ ܕܡܘܬܗܘܢܿ ܘܟܕ ܗܠܝܢ ܒ̈ܢܬ ܩ̈ܠܐ ܡܢ
                    ܟܠ ܓܒ̈ܝܢ ܠܡܫܡܥܬܗ ܕܩܕܝܫܐ ܛܪܝܢ ܗ̈ܘܝ. ܚܫ ܒܢܦܫܗ ܘܬܠܐ ܥ̈ܝܢܘܗܝ ܠܫܡܝܐ. ܘܐܪܝܡ ܐܝ̈ܕܘܗܝ
                    ܠܘܬ ܐܠܗܐܼ ܘܐܡܼܪ. ܣܿܦܝ ܐܢܬ ܝܕܘܥܐ ܕܟܣܝ̈ܬܐ. ܐܢܬ ܒܚܪܬ ܠܒܝ ܘܒ݀ܨܝܬ ܚܘ̈ܫܒܝ. ܕܠܐܝܢܐ
                    ܦܘܪܣܐ ܒܥܝܬ ܕܐܫܘܙܒ ܐܢܘܢ ܡܢ ܡܘܬܐ ܠܗܠܝܢ ܕܘ̈ܝܐ. ܠܘ ܐܝܟ ܟܿܘܙ ܡܢ ܚܡܬܗ ܘܠܘܚܡ̈ܘܗܝ
                    ܕܛܪܘܢܐ. ܐܝܟܢܐ ܕܣܒܪܘ ܐܝܠܝܢ ܕܐܡܪܘ. ܐܠܐ ܕܠܐ ܒܐ̈ܝܕܝ ܬܒܥܐ ܡܪܚܡܢܘܬܟ܇ ܬܝܒܘܬܗܘܢ ܕܗܠܝܢ
                    ܛܥ̈ܝܐ ܒܥܕܢܐ ܕܬܒܥܬܗܘܢܿ ܘܡܢ ܕܗܕܐ ܡܟܫܠܐ ܠܗܘܢ ܠܒ̈ܢܝ ܪܗܘܡܐ: ܘܡܩܒܠ ܥܠܝܗܘܢ ܐܒܕܢܗܘܢ
                    ܕܚ̈ܛܝܐ: ܝܬܝܪ ܡܢ ܬܝܒܘܬܗܘܢܼ. ܝܗܝܒܢ ܡܪܝ ܟܠܗܝܢ ܠܨܒܝܢܟ. ܘܟܕ ܕܡ̈ܥܐ ܒܥܝ̈ܢܘܗܼܝ ܥܛܦ
                    ܠܥܕܬܗ. ܘܫܩܼܠ ܗܘܼܐ ܒܢܦܫܗ ܚܫܐ ܕܐܒܕܢܗܘܢ ܕܗܠܝܢ ܚܝ̈ܒܐ. ܕܐܬܓܠܙܘ ܡܟܝܠ ܡܢ ܬܝܒܘܬܗܘܢܿ ܗܘܬ
                    ܗܘܬ ܕܝܢ ܦܠܓܘܬܐ ܒܟܢ̈ܫܝܗܿ ܕܡܕܝܢܬܐ ܡܢ ܒܬܪ ܕܗܦܟ ܛܘܒܢܐ ܐܘܣܒܝܣ ܠܥܕܬܗ. ܡܢܗܘܢ ܓܝܪ ܬܘܝܢ
                    ܗܘܘ ܒܢܦܫܗܘܢ ܥܠ ܕܓܠܙܘ ܨܒܝܢܗ ܕܪܥܝܐ ܟܐܢܐ. ܘܕܝܢܝܢ ܗܘܘ ܥܡ ܚܕ̈ܕܐ. ܐܝܟ ܕܢܩܝܡܘܢ ܨܒܝܢܗ
                    ܕܚܣܝܐ ܕܐܠܗܐ. ܐܚܪ̈ܢܐ ܕܝܢ  31 ܡܬܿܟܣܝܢ ܗܘܘ ܡ̈ܠܝܗܘܢ ܟܕ ܐܡܪܝܢ. ܕܠܐ ܠܡ ܙܕܩ
                    ܕܢܗܘܘܢ ܪ̈ܚܡܐ܇ ܥܠ ܐܝܠܝܢ ܕܕܠܐ ܒܙܕܩܐ ܐܡܪܚܘ ܠܡܛܢܦܘ ܒܝܬܗ ܕܡܪܝܐ. ܘܥܫܢܬ ܡܠܬܗܘܢ ܕܐܝܠܝܢ
                    ܕܠܚܝܡܝܢ ܗܘܘ ܠܗܘܢ ܠܟܘܡܪ̈ܐ ܡܣܝ̈ܒܐ. ܘܒܪܬܚܐ ܕܛܢܢܗܘܢ ܦܟܪܘ ܫܕܘ ܐܢܘܢ ܥܠ ܥܠܬܐܼ. ܘܟܫܘ ܠܥܠ
                    ܡܢܗܘܢ ܩܝ̈ܣܐ ܘܐܘܩܕܘ ܐܢܘܢ ܥܠ ܥܠܬܐ ܕܒܢܘ. ܘܟܕ ܓܡܪܬ ܫܠܗܒܝܬܐ ܓܘܫܡ̈ܝܗܘܢܿ ܥܕܡܐ ܕܠܐ ܐܫܬܚܪ
                    ܡܢܗܘܢ ܫܪܟܢܐܼ. ܣܚܦܘܗܿ ܠܥܠܬܐܼ ܘܕܪܘ ܩܛܡܗܿ. ܘܓܪܘ ܫܕܐܘܗܿ ܒܢܗܪܐ ܕܥܒܿܪ ܒܡܨܥܬܗܿ ܕܡܕܝܢܬܐ.
                    ܒܗ ܒܝܘܡܐ ܗܢܼܐ. ܥܠܘ ܒܩܝܡܗܿ ܕܡܘ̈ܡܬܐ ܪܘܪ̈ܒܢܝܗܿ ܕܪܗܘܡܐ. ܐܢ̈ܫܐ ܝܕܝ̈ܥܐ ܘܡܫܡ̈ܗܐ܇ ܡܪ̈ܘܬܐ
                    ܘܦܩܘ̈ܕܝܗܿ ܕܡܝܕܢܬܐ. ܘܥܒܕܘ ܬܘܢܘܝ ܘܢܣܒܘ ܡܘܡ̈ܬܐܼ. ܕܢܗܘܘܢ ܚܕܐ ܢܦܫ ܘܚܕ ܪܥܝܢ. ܘܢܫܬܐܠܘܢ
                    ܡܢ ܡܕܒܪܢܘܬܐ ܕܡܕܝܢܬܐ. ܘܡܢ ܨܒܘ̈ܬܐ ܕܛܡܝܘܢ ܕܐܚܝܕܝܢ ܗܘܘ. ܘܒܚܕܐ ܐܘܝܘܬܐ ܘܒܚܕܐ ܫܠܡܘܬܐ.
                    ܘܒܚܕ ܚܘܒܐ ܫܦܝܐ ܕܠܐ ܕܢܟܠܐ܇ ܕܥܝܢ ܒܓܠܐ ܢܘܕܘܢ ܥܠ ܢܦܫܗܘܢ ܩܕܡ ܛܪܘܢܐ ܕܟܪ̈ܣܛܝܢܐ ܐܢܘܢܿ
                    ܕܠܐ ܢܬܟܚܕܘܢ ܡܢ ܫܘܠܛܢܗܼ ܐܦܠܐ ܡܢ ܓܙܡ̈ܐ ܕܠܘܚܡ̈ܘܗܝ ܢܬܪܗܒܘܢ ܐܘ ܢܬܬܙܝܥܘܢܿ ܘܐܢ ܢܥܪܨ
                    ܥܠܝܗܘܢ ܩܛܝܪܐ ܕܟܦܘܪܝܐܼ. ܦܣܼܩܘ ܿ ܘܩܒܠܘ ܥܠܝܗܘܢ ܫܢ̈ܕܐ ܘܐܘ̈ܠܨܢܐ. ܘܣܡܘ ܩܕܡ ܥܝܢܝ̈ܗܘܢ
                    ܚܛܘܦܝܐ ܕܢܟܣ̈ܝܗܘܢ ܘܒܙܬܐ ܕܡܪ̈ܛܝܗܘܢܿ ܘܕܢܗܘܘܢ ܢܘܟܪ̈ܝܐ ܠܚܝܝ̈ܗܘܢܼ. ܘܠܐ ܢܟܦܪܘܢ ܒܐܠܗܐ
                    ܥܒܘܕܗܘ. ܐܡܪܝܢ ܗܘܘ ܓܝܪ ܠܚ̈ܕܕܐܼ. ܕܡܕܝܢܬܢ ܓܝܪ ܐܝܬܝܗܿ ܪܝܫ ܐܘܚܕܢܐ ܟܘܠܗ ܕܡܠܟܘܬܢܿ ܘܐܢ
                    ܡܢܢ . ܟܦܘܪܘܬܐܼ. ܥܠܬܐ ܕܬܘܩܬܐ ܗܘܝܢܢ ܚܢܢ ܠܐܬܪ̈ܘܬܐ ܟܠܗܘܢ ܕܬܚܝܬ ܫܘܠܛܢܢ. ܘܐܬܿܝܐ ܬܒܥܬܐ
                    ܕܟܦܘܪܘܬܗܘܢ ܘܕܚܛܝܘܬܗܘܿܢܿ ܐܢ ܓܕܫܐ ܘܡܬܪܦܝܢܢ. ܙܕܩܿ ܠܢ ܗܟܝܠ ܐܝܟ ܐܢ̈ܫܐ ܚ̈ܠܝܡܝ
                    ܒܗܝܡܢܘܬܗܘܢ ܘܓܡܝܪ̈ܝ ܒܫܪܪܗܘܢܼ. ܕܢܫܕܐ ܠܒܬܪܢ ܨܦܬܗ ܕܥܠܡܐ ܘܪܢܝܐ ܕܩܢܝܢܐ. ܘܚܘܒܐ ܘܪܚܡܬܐ
                    ܘܕܐܢܬܬܐ ܘܕܒ̈ܢܝܐ: ܘܕܐܚ̈ܐ ܘܕܐܚ̈ܘܬܐ ܥܡ ܟܠ ܡܕܡ ܕܐܝܬ ܒܗ ܒܥܠܡܐ. ܘܕܢܦܫܢ ܒܠܚܘܕ ܢܐܨܦ
                    ܘܕܐܓܘܢܢ. ܘܕܐܝܟܢܐ ܢܫܦܪ ܠܐܠܗܐ ܒܡܘܕܝܢܘܬܢܿ 32 ܕܒܐ̈ܦܐ ܓܠܝ̈ܬܐ ܕܠܐ ܒܗܬܬܐ ܢܚܘܪ
                    ܒܗܿ. ܐܝܟܢܐ ܕܦܩܕܢ ܒܣܒܪܬܗ. ܘܐܝܟ ܟܫܝܪ̈ܐ ܘܚܝ̈ܠܬܢܐܼ. ܢܪܗܛܝܘܗܝ ܠܐܓܘܢܐ ܗܢܐ ܪܕܡܐ ܠܢ.
                    ܘܢܬܟܬܫ ܥܡ ܚܛܝܬܐ. ܘܢܙܟܝܗܿ ܒܚܘܡܣܢܐ ܕܡܣܝܒܪܢܘܬܢܿ ܘܐܝܟ ܐ̈ܬܠܝܛܐ ܚ̈ܠܝܨܐ ܢܬܠ ܥܝܐ ܠܙܒܢܐܼ.
                    ܘܢܥܕܐ ܡܢܗ ܟܝܠܝܐ ܕܢܨܚ̈ܢܐ. ܘܢܗܘܐ ܥܠܬܐ ܕܝܘܬܪܢܐܼ. ܘܬܚܘܝܬ ܛܒܬܐ ܠܟܠܗܘܢ ܐܬܪ̈ܘܬܐܼ.
                    ܕܐܘܚܕܢܢ. ܡܢܐ ܓܝܪ ܢܐܬܪ ܡܢ ܥܠܡܐܼ ܟܕ ܢܩܢܝܘܗܝ ܘܢܦܫܢ ܢܚܣܪ. ܗܿܝ ܕܐܡܼܪ ܗܼܘ ܦܪܘܩܢ
                    ܒܣܒܪܬܗ. ܘܡܝܬܝܢ ܗܘܘ ܬܚܘ̈ܝܬܐ ܡܢ ܟ̈ܬܒܐ ܩܕ̈ܝܫܐ: ܘܣܗܕ̈ܘܬܐ ܕܠܚܡܢ ܠܙܒܢܗܘܢ ܡܢ ܕܥܡܐܼ.
                    ܘܡܚܝܠܝܢ ܗܘܼܘ ܘܡܠܒܒܝܢ ܠܚ̈ܕܕܐ ܘܟܕ ܝܠܦ ܛܘܒܢܐ ܐܘܣܒܝܣ: ܕܐܝܕܐ ܒܛܝܠܘܬܐ ܗܘܬܿ ܠܗܘܢ
                    ܠܪܘܪ̈ܒܢܝܗܿ ܕܪܗܘܡܐ: ܕܠܐ ܬܣܬܪܩ ܗܝܡܢܘܬܗܿ ܬܪܝܨܬܐ ܕܥܕܬܐ: ܘܕܣܼܡܘ ܢܦܫܗܘܢ ܠܡܘܬܐ ܥܠ ܐ̈ܦܝ
                    ܫܪܪܗ ܕܐܠܗܗܘܢܼ. ܚܿܕܐ ܗܘܐ ܘܪܘܙ ܪܥܝܢܗ ܒܛܢܢܗܿ ܕܗܝܡܢܘܬܗܘܢܿ ܘܒܫܪܪܗ ܕܪܥܝܢܗܘܢܿ ܘܠܐ ܡܐܢܬ
                    ܠܗ ܠܗܢܐ ܣܒܐ ܡܒܪܟܐ ܘܒܚܘܒܐ ܐܠܗܝܐ ܕܩܢܐ ܗܘܐܼ. ܩܡ ܐܙܠ ܠܘܬܗܘܢ ܟܪ ܕܟܢܝܫܝܢ ܗܘܘ. ܘܝܗܼܒ
                    ܠܗܘܢ ܫܠܡܐ. ܘܡܠܼܐ ܒܠܒܗܘܢ ܘܒܝܐ ܐܢܘܢܿ ܘܒܬܚ̈ܘܝܬܐ ܣܓܝܐ̈ܬܐ ܕܡܢ ܟ̈ܬܒܐ ܡܠܒܒ ܗܘܐ ܠܗܘܢ
                    ܘܡܚܿܝܠ ܪܥܝܢܗܘܢܿ ܟܕ ܝܗܿܒ ܠܗܘܢ ܛܘܒܐܼ ܘܡܩܠܣ ܠܗܝܡܢܘܬܗܘܢܿ ܘܟܕ ܥܕܢܐ ܡܟܝܠ ܦܩܿܕ ܗܘܐ
                    ܕܢܐܙܠ ܐܢܫ ܐܢܫ ܠܒܝܬܗܼ. ܩܪܒܘ ܣܓܕܘ ܠܗܼ ܘܐܬܒܪܟܘ ܡܢܗ. ܘܡܼܠܐ ܦܘܡܗ ܒܘܪܟܬܐܼ. ܘܒܪܟ ܐܢܘܢܼ
                    ܘܐܡܼܪ ܠܗܘܢܿ ܒܪܝܟܝܢ ܐܢܬܘܢ ܠܡܪܝܐ ܐܠܗܟܘܿܢܿ ܗܿܘ ܕܠܗ ܐܬܓܥܠܬܘܢ ܢܦܫܟܘܿܢܿ ܘܠܗ ܪܚܡܬܘܢ
                    ܘܐܚܒܬܘܿܢܿ ܝܬܝܪ ܡܢ ܟܝܠ ܕܐܝܬ ܒܗ ܒܥܠܡܐ. ܘܣܡܬܘܢ ܢܦܫܟܘܢ ܠܡܪܕܐ ܒܐܪܘܚܐ ܕܙܩܝܦܘܬܗ.
                    ܘܡܠܝܬܘܢ ܗܿܝ ܕܐܡܼܪ ܡܪܢܿ ܕܡܿܢ ܕܪܚܡ ܠܝ ܢܐܬܐ ܒܬܪܝܿ. ܘܡܿܢ ܕܠܐ ܟܿܦܪ ܒܢܦܫܗ ܘܫܿܩܠ ܙܩܝܦܗ
                    ܘܐܿܬܐ ܒܬܪܝ. ܗܿܘ ܠܐ ܫܿܘܐ ܠܝ. ܘܡܛܠ ܕܠܐ ܬܬܩܛܥ ܠܢ: ܐܡܬܝ ܕܢܣ̈ܝܘܢܐ ܥܕܝܢ ܥܠܝܢ: ܘܢܦܘܫ ܠܢ
                    ܡܢ ܚܘܒܐ ܕܪܚܡܬܗ: ܚܦܛܢ ܘܐܡܼܪ ܠܢ. ܩܘܘ ܒܪܚܡܬܝ. ܢܩܘܐ ܗܟܝܠ ܒܢ̈ܝ ܒܚܘܒܐ ܕܪܚܡܬܗ ܕܥܒܘܕܢܿ
                    ܘܠܐ ܬܬܩܛܥ ܠܢ ܒܐܘ̈ܠܨܢܝܢ. 33 ܐܘܠܨܢܐ ܓܝܪ ܕܡܠܐ ܙܒܢܐܼ. ܡܩܢܐ ܠܢ ܚܝ̈ܐ ܕܠܥܠܡ.
                    ܐܦܠܐ ܡܢ ܚܡܬܗ ܘܠܘܚܡ̈ܘܗܝ ܕܛܪܘܢܐ ܢܬܪܗܒ. ܠܐ ܓܝܪ ܡܪܦܐ ܒܢ ܐܠܗܐ ܐܝܼܕܐ ܠܓܡܪ. ܐܦܠܐ ܠܐܒܕܢ
                    ܪܕܐ ܠܢ. ܘܢܫܡܥ ܠܫܠܝܚܐ ܦܘܠܘܣ ܕܐܡܼܪ. ܕܒܟܠ ܡܕܡ ܠܡ ܡܬܐܠܨܝܢܢ. ܐܠܐ ܠܐ ܡܬܚܢܩܝܢܢ.
                    ܡܬܛܪܦܝܢܢ܇ ܐܠܐ ܠܐ ܚܝܒܝܢ ܚܢܢ. ܡܬܪܕܦܝܢܢ. ܐܠܐ ܠܐ ܡܿܫܬܒܩܝܢܢ. ܡܣܬܚܦܝܢ ܚܢܢ. ܐܠܐ ܠܐ
                    ܐܒܕܝܢܢ. ܥܡ ܫܪܟܐ ܕܒ̈ܢܬ ܩ̈ܠܐ ܐܠܗܝ̈ܬܐ܇ ܕܒܗܝܢ ܡܒܝܐ ܗܘܼܐ ܗܼܘ ܫܠܝܚܐ ܒܙܒܢܗ ܠܐܝܠܝܢ
                    ܕܪܕܝܦܝܢ. ܗܘܼܐ ܐܟܘܬܢܿ ܐܦ ܠܢ ܙܕܩܿ ܚܒ̈ܝܒܝܼ. ܕܒܗܝܢ ܒܗܠܝܢ ܒܢ̈ܬ ܩ̈ܠܐ ܕܡܟܪܙܝܢ ܟ̈ܬܒܐ
                    ܩܕܝ̈ܫܐ. ܢܒܝܐ ܢܦܫܢ ܒܪܕܘܦܝܢ. ܘܢܫܕܐ ܨܦܬܢ ܥܠ ܐܠܗܐ ܥܒܘܕܢ܆ ܕܗܼܘ ܡܨܐ ܒܚܝܠܐ ܕܢܕܥܟ ܡܢܢ
                    ܚܐܦܐ ܕܪܕܘܦܝܢ. ܘܢܥܒܕ ܒܚܢܢܗ ܐܝܟ ܕܡܥܕ ܫܘܒܩܢܐ ܠܚܝܒܘܬܢܼ. ܘܦܘܪܩܢܐ ܠܥܕ̈ܬܗ. ܘܠܟܘܢ ܚܝ̈ܐ
                    ܚܕ̈ܬܐ ܒܡܠܟܘܬܗ. ܕܗܘܝܬܘܢ ܣܗܕ̈ܐ ܕܨܒܝܢܐ. ܘܟܕ ܒܪܟ ܐܢܘܢܿ ܫܪܐ ܐܢܘܢ ܕܢܐܙܠܘܢ ܐܢܫ ܐܢܫ
                    ܠܒܝܬܗ ܒܫܠܡܐ. ܘܗܼܘ ܗܦܼܟ ܠܥܕܬܗ. ܟܕ ܚܿܕܐ ܘܡܘܕܐ ܘܡܫܒܚ ܠܐܠܗܐ. ܝܠܦ ܕܝܢ ܝܘܠܝܢܘܣ ܒܟܠܗܝܢ
                    ܕܓܕܫ ܒܪܗܘܡܐܼ. ܘܠܚܝܡ ܗܘܐ ܠܗܘܢ ܠܒܢ̈ܝ ܪܗܘܡܐܼ ܛܒ. ܘܡܠܼܐ ܗܘܼܐ ܥܠܝܗܘܢ ܚܡܬܐ ܘܪܘܓܙܐ.
                    ܘܣܝܡܢ ܗ̈ܘܝ ܐܦ̈ܘܝܐ ܠܒܕܢܗܘܢܿ ܘܕܢܥܒܕ ܡܢܗܘܢ ܬܒܥܬܐ ܕܝܩܕܢܗܘܢܘ ܕܟܬܝ̈ܫܘܗܝ. ܣܦܼܩ ܕܝܢ
                    ܕܢܫܝܢ ܬܪܥܝܬܐ ܕܛܪܘܢܐܼ. ܐܦܠܛܐܘܣ ܒܝܕܥܬܗ. ܓܒܪܐ ܕܪܕܐ ܗܘܐ ܒܚܟܡܬܗ. ܡܫܡܗ ܒܦܝ̈ܠܣܘܦܐ. ܘܟܕ
                    ܛܒ ܐܝܬܘܗܝ ܗܘܼܐ ܚܢܦܐܼ. ܡ̈ܠܼܟܐ ܟܐܢ̈ܐ ܘܬܪ̈ܝܨܐ ܝܗܼܒ ܗܘܼܐ. ܗܼܘ ܗܢܐܼ ܚܕ ܡܢ ܡܿܠܟ
                    ܡ̈ܠܟܘܗܝ ܕܛܪܘܢܐ ܐܝܬܘܗܝ ܗܘܼܐ. ܘܡܩܒܠܝܢ ܗܘܘ ܥܠܘܗܝ ܡ̈ܠܟܼܐ ܕܝܗܒܿ ܗܘܐ. ܠܗ ܠܗܢܐ ܩܪܝܗܝ
                    ܝܘܠܝܢܘܣ ܒܪܐܼܙ. ܐܝܟ ܕܢܣܒ ܡܢܗ ܡܠܼܟܐ ܥܠ ܐܝܠܝܢ ܕܐܬܼܪܥܝ. ܘܓܠܼܐ ܘܐܘܕܥܗ ܕܐܝܿܕܐ ܬܒܥܬܐ
                    ܣܝܡܐ ܠܗ ܕܢܥܒܕ ܡܢ ܒܢ̈ܝ ܪܗܘܡܐ܇ ܕܫܛܘܗܝ ܘܐܗܠܘ ܒܟ̈ܬܝܒܬܗ. ܘܓܙܝܡ ܗܘܼܐ ܥܠܝܗܘܢ ܩܫܝܐܝܬ ܟܕ
                    ܐܡܿܪ. ܕܒܙܕܩܗܿ ܠܡ ܕܘܠܝܬ ܡܬܢܩܡ ܐܢܐ ܡܢܗܘܿܢܿ ܕܥܒ̈ܕܐ ܡܪ̈ܘܕܐ ܕܐܡܪܚܘ ܒܓܘܡܕܢܘܬܗܘܢ ܘܐܘܫܒܘ
                    ܐܝܕܐ ܥܠ ܟܘܡܪ̈ܝܗܿ ܕܐܠܗܘܬܐ܇ ܘܠܐ ܕܚܠܘ ܡܢ ܬܒܥܬܐ 34 ܕܐ̈ܠܗܐ܇ ܕܐܘܩܕܘ ܟܘܡܪ̈ܝܗܘܢ
                    ܕܠܐ ܒܙܕܩܐ ܥܠ ܥܠܬܐ ܕܒܢܘ. ܐܦܠܐ ܡܢ ܫܘܠܛܢܗܿ ܟܐܢܐ ܕܡܠܟܘܬܢ ܟܘܙܘ ܘܐܬܬܟܣܘ ܐܠܐ ܐܘܣܦܘ ܥܠ
                    ܪܘܫܥܗܘܢܼ. ܘܚܪܒܘ ܘܐܘܒܕܘ ܠܥܡܐ ܕܝܗܘ̈ܕܝܐ܇ ܥܠ ܕܫܠܡܘ ܠܨܒܝܢܗܿ ܕܡܠܟܘܬܢܿ ܥܡ ܪ̈ܒܘ ܒܝ̈ܫܢ
                    ܘܣܘܪ̈ܚܢܝܢ ܕܣܥܝܪܝܢ ܠܗܘܢܿ ܘܠܘܩܒܠ ܗܠܝܼܢ. ܡܢܐ ܡܠܟܼܐ ܐܝܬ ܠܡܬܠ ܥܠ ܗܠܝܢ. ܐܘ ܪܕܝܐ ܘܚܟܝܡܐ
                    ܘܪܚܡ ܐ̈ܠܗܐ.... ܐܦܠܛܐܣ ܕܝܢ ܡܛܠ ܕܓܒܪܐ ܗܘܼܐ ܚܟܝܡܐ ܘܪܚܡ ܫܝܢܐ. ܡܢ ܫܘܪܝܐ ܕܡܝܠܬܗ ܠܨܒܝܢܗ
                    ܕܛܪܘܢܐ ܝܗܒܗ ܠܣܘܥܪܢܐ. ܕܪܡܐ ܗܦܟܬܐ ܘܢܝܬܝܘܗܝ ܒܬܪ ܨܒܝܢܗ. ܐܡܼܪ ܠܗ ܓܝܪ ܠܛܪܘܢܐ. ܕܫܘܠܛܢܐ
                    ܠܡ ܕܡܠܟܘܬܟ ܗܿܘ ܕܐܒܕܢܐܼ ܘܕܪ̈ܚܡܐ. ܒܟܠ ܕܨܒܿܝܬ ܫܠܝܛ ܐܢܬ ܐܝܟ ܡܿܠܟܐ. ܒܕܠܐ ܐܝܬ ܠܕܠܥ ܡܢܟ
                    ܕܢܪܫܐ ܨܒܝܢܟ ܒܐܝܠܝܢ ܕܣܥܪܬ. ܐܠܐ ܐܢ ܐܠܗ̈ܝܢ ܩܕ̈ܝܫܝܢ ܕܠܐ ܨܒܝܢ ܒܐܒܕܢܐ ܕܒܢܝ̈ܢܫܐ. ܡܢܼܘ
                    ܓܝܪ ܒܝ̈ܠܝܕܐ ܡܡܪܚ ܕܢܫܪܐ ܨܒܝܢܗ ܕܡܿܠܟܐ ܘܐܝܬ ܠܗ ܕܢܚܐ.... ܝܘܠܝܢܘܣ ܐܡܿܪ. ܐܠܘ ܒܫܘܠܛܢܐ
                    ܨܿܒܐ ܗܘܝܬ ܕܐܬܚܫܚ ܐܝܟܢܐ ܕܐܡܪܬܼ. ܠܟ ܥܡܠܐ ܒܐܝܠܝܢ ܕܐܬܪܥܝܬܼ ܠܐ ܪܡܐ ܗܘܝܬ. ܠܘ ܓܝ ܛܥܝܐ
                    ܗܘܬ ܗܕܐ ܡܢ ܪܥܝܢܢ܇ ܕܟܠ ܫܠܝܛ ܠܝ ܐܝܟ ܡܿܠܟܐ. ܘܟܕ ܛܒ ܫܠܝܛ ܠܝܼ. ܠܐ ܨܿܒܐ ܐܢܐ ܕܒܫܘܠܛܢܐ
                    ܐܣܥܘܪ ܡܕܡܼ. ܕܐܦ ܒܗܿ ܒܗܕܐܼ. ܬܪܝܨܘܬܢܼ ܠܟܠ ܐܢܫ ܬܬܝܕܥ. ܐܝܟ ܓܒܪܐ ܗܟܝܠ ܪܕܝܐ ܘܚܟܝܡܐܼ.
                    ܗܒܘ ܡܿܠܟܐ ܟܐܢܐ ܘܬܪܝܨܐ ܥܠ ܐܝܠܝܢ ܕܡܢܢ ܐܫܬܐܠܬ. ܘܠܐ ܡܢ ܫܘܠܛܢܢ ܬܬܟܚܕ ܘܬܟܘܡ ܥܠ ܘܠܝܬܐ.
                    ܘܠܐ ܡܪܚܡܢܘܬܐ ܕܠܐ ܒܙܕܩܐ ܬܚܘܐ܇ ܥܠ ܡܪ̈ܘܕܐ ܘܩ̈ܛܘܠܐ ܕܠܐ ܫܘܝܢ .... ܐܦܠܛܐܣ ܐܡܿܪ: ܡܛܠ
                    ܕܡܦܣܢܘܬܐ ܩܒܠܬ ܡܢ ܡܠܟܘܬܟܘܢ܆ ܘܫܘܘܕܝܐ ܢܣܒܬ ܕܠܐ ܐܟܘܡ ܥܠ ܘܠܝܬܐܼ. ܫܘܠܛܢܐ ܡܿܢ ܐܝܬ ܠܟ
                    ܐܝܟ ܡܿܠܟܐ. ܐܠܐ ܥܡ ܗܕܐܼ. ܐܦ ܗܿܝ ܬܕܥ ܡܠܟܘܬܟ. ܕܐܦ ܗܢܼܘܢ ܫܘ̈ܠܛܢܝܗܿ ܕܡܠܟܘܬܐܼ. ܬܚܝܬ
                    ܛܟ̈ܣܝܗܿ ܕܘܠܝܬܐ ܣܝܡܼܝܢ. ܘܬܚܝܬ ܢܡܘ̈ܣܝܗܿ ܕܟܐܢܘܬܐ. ܘܐܢ ܐܢܫ ܨܿܒܐ ܕܢܦܣܥ ܛ̈ܛܣܝܗܿ
                    ܕܘܠܝܬܐ: ܘܢܕܘܫ ܢܡܘ̈ܣܝܗܿ ܕܟܐܢܘܬܐܼ. ܡܬܓܠܓܠ ܠܗ ܡܢܗ ܫܡܗܿ ܕܡܠܟܘܬܐ. ܕܗܼܘ ܡܘܪܒ ܗܘܼܐ ܠܗܼ.
                    ܘܥܐܠ ܚܠܦܘܗܝ ܫܡܐ ܕܛܪܘܢܘܬܐ܇  35 ܕܡܘܪܬ ܠܩܢܝ̈ܘܗܝ ܟܘܐܪܐ ܘܚܣܕܐ ܕܠܥܠܡ. ܘܠܐ ܡܟܝܠ
                    ܐܝܬ ܠܗ ܕܢܬܐܡܪ ܡܿܠܟܐܼ. ܐܠܐܼ ܛܪܘܢܐ ܕܡܕܒܪ ܨܒܘ̈ܬܐ ܕܠܐ ܢܡܘܣ. ܚܣ ܠܗܿ ܕܝܢ ܠܡܠܟܘܬܟܘܢ
                    ܕܬܥܒܪ. ܡܢ ܢܡܘ̈ܣܝܗܿ ܕܟܐܢܘܬܐ. ܕܟܘܠܗܘܢ ܛܟ̈ܣܐ ܕܘܠܝ̈ܬܐ ܡܢܟܘܢ ܪܕܝܢ. .. ܝܘܠܝܢܘܣ ܐܡܿܪ.
                    ܘܡܢܐ ܬܒܿܥܝܢ ܛܟܣ̈ܐ ܕܘ̈ܠܝܬܐ܇ ܐܘ ܦܩܿܕܝܢ ܢܡܘ̈ܣܝܗܿ ܕܟܐܢܘܬܐ܇ ܥܠ ܥܒܼ̈ܕܐ ܡܪ̈ܘܕܐ ܘܩ̈ܛܘܠܐ܇
                    ܕܠܐ ܣܡܘ ܩܕܡ ܥ̈ܝܢܝܗܘܢ ܕܚܠܬܐ ܕܡܪ̈ܝܗܘܢ .... ܐܦܠܐܣ ܐܡܿܪ. ܦܪܗܣܝܐ ܝܗܒܬ ܠܢ ܐܠܗܘܬܟܘܢ ܠܢ
                    ܠܒܨܝܪ̈ܐ: ܘܐܬܦܩܕܢܢ ܡܢ ܫܘܠܛܢܐ ܕܥܫܝܢܘܬܟܘܢܼ. ܕܥܠ ܐܝܠܝܢ ܕܡܕܪܟܐ ܒܨܝܪܘܬܢ ܢܬܠ ܡܿܠܼܟܐ
                    ܠܬܪܥܝܬܟܘܢܿ ܐܬܚܙܝܬ ܠܢ ܕܝܢ ܐܘ ܡܫܒܚܐ ܘܥܫܝܢܐ ܡܿܠܟܐ ܕܠܥܠܡܼ. ܡܛܠ ܕܥܕܟܝܠ ܠܐ ܝܬܒܼܬ
                    ܥܫܝܢܘܬܟܘܢ ܥܠ ܟܘܪ̈ܣܝ ܡܠܟܘܬܗܿ ܕܪܗܘܡܐ. ܘܫܡܐ ܣܓܝܕܐ ܘܡܫܒܚܐ ܕܕܚܝܠܘܬܟܘܢ: ܥܕ ܗܫܐ ܠܐ
                    ܐܬܩܪܝ ܥܠ ܐܘܚܕܢܐ ܕܪ̈ܗܘܡܝܐ. ܘܦܘ̈ܢܣ ܕܡܠܟܘܬܢ ܠܐ ܥܕܟܝܠ ܢܣܒܢܢ ܒܡܕܝܢܬܐ ܗܕܐ: ܕܗܼܝ ܗܼܝ
                    ܪܝܫ ܐܘܚܕܢܢ: ܘܐܡܐ ܕܟܠܗܝܢ ܡܕܝ̈ܢܬ ܕܫܘܠܛܢܢ. ܘܐܝܠܝܢ ܕܠܐ ܢܣܒܝܢ ܦܘ̈ܢܣ ܕܡܠܟܘܬܐ ܒܡܕܝܢܬܐ
                    ܗܕܐܼ. ܒܨܝܪܐ ܗܼܝ ܡܕܒܪܢܘܬܿܗܘܢ ܡܢ ܡ̈ܠܟܐܼ. ܘܠܒܪ ܡܢ ܡܟܬܒܢܘܬܐ ܗܿܝ ܕܡ̈ܠܟܐ ܕܒܝܬ ܪ̈ܗܘܡܝܐ.
                    ܥܠܝܗܿ ܕܝܢ ܕܗܕܐ ܐܘ ܡܫܒܚܐ ܘܥܫܝܢܐܼ. ܦܝܣܐ ܘܒܥܘܬܐ ܡܩܪܒܝܢ ܚܢܢ ܠܫܘܠܛܢܐ ܕܕܚܝܠܘܬܟܘܢܿ ܕܢܓܪ
                    ܪܘܚܢ ܥܡ ܡܕܝܢܬܐ ܗܕܐ. ܡܛܠ ܕܗܝܼܝ ܪܝܫ ܐܘܚܕܢܢ ܡܠܼܐ ܙܒܢܐ. ܘܠܐ ܢܣܬܪܗܒ ܢܩܪܐ ܥܠܝܗܿ ܚܪܒܐ
                    ܩܕܡ ܕܢܡܠܟ. ܕܕܠܡܐ ܢܬܐܡܪ ܒܥ̈ܠܕܒܒܐ ܘܠܐ ܡܕܒܪ̈ܢ. ܠܐ ܓܝܪ ܦܐܝܐ ܠܢ ܕܩܕܡ ܕܢܡܠܟ܇ ܒܙܝܢܐ
                    ܘܣܝܦܐܿ ܘܩܪܒܐ܇ ܘܒܚܪܒܐ ܘܒܐܫܕ ܕܡܐ ܢܐܚܘܕ ܟܘܪܣܝܐ ܕܡܠܟܘܬܐ. ܕܕܡ ܢܬܚܫܒ ܠܢ ܛܪ̈ܘܢܐ ܘܠܐ
                    ܡ̈ܠܟܐ. ܐܠܐ ܐܢ ܨܒܝܢܐ ܐܝܬ ܠܡܠܟܘܬܟܘܢ܆ ܘܫܦܝܪ ܒܥܝ̈ܢܝ ܫܘܠܛܢܟܘܢܼ. ܢܐܚܘܕ ܒܢܦܫܼܢ. ܘܢܣܼܒ
                    ܥܝܛܐ ܕܣܘܪܚܢܗܘܢ ܡܠܐ ܙܒܢܐ܇ ܥܕ ܬܩܢܐ ܒܐܝ̈ܕܝܢ ܡܠܟܘܬܐ܇ ܘܡܬܥܫܢܝܢܢ ܥܠ ܒܥ̈ܠܕܒܒܝܢ܇
                    ܘܡܬܢܨܚܝܢ ܚܢܢ ܒܩܪ̈ܒܝܢ. ܘܥܛܦܝܢ ܚܢܢ ܒܙܟܘܬܐ ܠܐܘܚܕܢܢ ܢܡܘܣܐܝܬ. ܘܐܝܟ ܡܿܠܟܐ ܘܫܠܝܛܐ
                    ܒܛܟ̈ܣܝܗܿ ܕܘܠܝܬܐܼ. ܡܬܢܩܡܐ ܬܪܝܨܘܬܟ ܡܢ ܡܣܟ̈ܠܢܐܼ. ܘܗܘܐ ܡܢܗܘܢ 36 ܬܒܥܬܐ
                    ܒܟܐܢܘܬܐ܇ ܥܦ ܕܦܣܥܘ ܬܚܘܡ̈ܝܗ ܕܘܠܝܬܐ. ܘܡܬܦܪܥ ܐܢܫ ܐܢܫ ܡܢܗܘܢ ܒܙܕܩܐܼ ܐܝܟ ܡܐ ܕܫܘܝܢ
                    ܣܘܪ̈ܚܢܘܗܝ. ܕܚܢܢ ܐܝܟ ܥ̈ܒܕܐ ܒܨܝܪ̈ܐ ܕܦܩܝܕܝܢ ܡܢ ܡܪܗܝܗܘܢܿ ܐܝܠܝܢ ܕܐܬܚܙܝ ܠܢ ܒܦܝܣܐ
                    ܕܒܥܘܬܢ ܩܪܒܢܢ ܠܕܚܝܠܘܬܟܘܢܿ ܕܐܠܗܘܬܟܘܢ ܗܘ ܗܫܐ ܨܒܝܢܐ ܀ ܝܘܠܝܢܘܣ ܐܡܿܪ. ܛܒ ܫܦܝܪ ܒܥܗܝܢܝ
                    ܡܠܟܟ. ܘܐܬܩܒܠ ܥܠܝ ܦܬܓܡܟ. ܒܪܡ ܕܝܢ ܡܢ ܟܠܗܝܢ ܟܕ ܐܗܡܐ ܘܐܫܒܘܩ. ܡܢ ܬܒܥܬܐ ܕܟܘܡܪ̈ܝܗܿ
                    ܕܐܠܗܘܬܐܼ. ܠܝܬ ܠܢ ܕܢܗܡܐ. ܕܕܡ ܢܪܓܙܘܢ ܐ̈ܠܗܐ ܕܠܗܘܢ ܡܫܡܫܝܢ ܗܘܘ ܥܠ ܡܗܝܡܝܢܘ̈ܬܢ ܕܡܢ
                    ܬܒܥܬܗܘܢ ܀.. ܐܦܠܛܐܘܣ ܐܡܿܪ. ܬܒܥܬܐ ܕܟܘܡܪ̈ܐܼ ܗܿܒ ܠܐ̈ܠܗܐ. ܕܐܡܬܝ ܕܢܨܒܘܢ ܢܬܒܥܘܢ
                    ܥܝܪܬܗܘܢܿ ܡܢܼܘ ܓܝܪ ܒܿܨܐ ܟܣܝ̈ܬܗܘܢ ܕܐ̈ܠܗܐ. ܘܥܐܠ ܒܣܬܝܪ̈ܬܗܘܢܿ ܘܡܕܪܟ ܕܡܿܢܘ ܨܒܝܢܗܘܢ
                    ܒܐܝܠܝܢ ܕܐܣܬܼܥܪ. ܠܡܐ ܟܒܪ ܒܣܝܐܝܬ ܘܡܫܟܐܝܬ ܡܬܩܪܒܝܢ ܗܘܘ ܠܬܫܡܫܬܗܘܢܿ ܐܘ ܕܠܡܐ ܬܒܘ ܡܨܝܐܝܬ
                    ܘܡܫܚܛܐܝܬ ܡܬܩܪܒܝܢ ܗܘܘ ܠܪܐܙܝܗܘܢܿ ܐܘ ܕܠܡܐ ܟܒܪ ܒܓܘ̈ܢܒܐ ܕܪ̈ܫܝܬܐ ܡܥܕܝܢ ܗܘܘ. ܘܛܠܡܝܢ ܗܘܘ
                    ܠܐ̈ܠܗܐ ܢܕܪ̈ܝܗܘܢܿ ܒܝܥܢܘܬܗܘܢܿ ܘܓܠܙܝܢ ܩܘܪ̈ܒܢܝܗܘܿܢܿ ܘܒܠܚܝܡܘܬܗܘܢ ܕܐ̈ܠܗܐ ܕܥܝܠܗܘܿܢܿ
                    ܣܠܩܬ ܠܗܘܢ ܦܣܬܐ ܗܕܐ ܕܠܝܬ ܒܗܿ ܪ̈ܚܡܐ. ܡܢܢ ܕܝܢ ܕܝܠܢ ܟܣܝܐ ܗܼܝ. ܠܗܘܢ ܕܝܢ ܠܐ̈ܠܗܐ ܓܠܝܐ
                    ܗܼܝ. ܕܠܐܝܢܐ ܦܘܪܣܐ ܐܗܡܝܘ ܡܢܗܘܢ ܟܕ ܡܫܬܢܩܝܢ܇ ܘܠܐ ܥܕܪܘ ܐܢܘܢ ܟܕ ܡܬܢܩܡܐ ܡܢܗܘܢ ܫܠܗܒܝܬܐ.
                    ܢܬܠ ܗܟܝܠ ܠܐ̈ܠܗܐ ܐܝܠܝܢ ܕܒܬܪ ܐ̈ܠܗܐ ܣܝܡܼܢ. ܘܠܙܒܢܐ ܐܝܠܝܢ ܕܒܬܪܢ ܣܝܡܢ ܥܕ ܡܣܬܦܩܝܢܢ.
                    ܘܕܗܫܐ ܢܐܨܦ ܕܐܝܟܢܐ ܢܩܢܐܼ ܫܡܐ ܛܿܒܐ ܘܢܨܝܚܐ ܒܡܕܒܪܢܘܬܐ ܕܐܙܕܕܩܬ ܠܢ. ܘܫܦܪ ܒܥܝܢ̈ܘܗܝ.
                    ܕܛܪܘܢܐ ܡܿܠܟܼܐ ܕܡܠܟ ܐܦܠܛܘܣ ܘܫܡܠܝ ܡܠܬܗ. ܗܼܘ ܕܝܢ ܗܢܐ ܛܪܘܢܐ ܠܝܛܐܼ. ܟܕ ܡܿܢܥ ܘܡܼܛܐ
                    ܠܐܝܛܠܝܐܼ. ܫܕܪ ܩܕܡܘܗܝ ܡܣܒܪ̈ܢܐ ܠܪܗܘܡܐ܇ ܕܢܣܒܪܘܢ ܗܘܘ ܥܠ ܡܐܬܝܬܗ. ܘܐܫܬܓܫܬ ܟܠܗܿ ܡܕܝܢܬܐ
                    ܘܐܬܪܗܒܬ. ܘܪ̈ܘܪܒܢܝܗ ܕܝܢ ܕܪܗܘܡܐ܇ ܗܠܝܢ ܕܥܠܘ ܒܩܝܡܐ ܕܡܘ̈ܡܬܐܼ. ܠܐ ܐܬܪܗܒܘ ܣܟ ܐܘ ܐܫܬܓܫܘ.
                    ܐܠܐ ܟܕ ܝܠܦ ܥܠ ܛܪܘܢܐ ܕܩܪܝܒ ܠܡܐܬܐ. ܫܕܘ ܡܢܗܘܢ  37 ܨܦܬܗ ܕܥܠܡܐ. ܘܪܢܝܐ
                    ܕܩ̈ܢܝܢܐ. ܘܦܪܢܣܘ ܨܒ̈ܘܬܗܘܢ ܫܦܝܪ. ܘܣܥܪܘ ܠܡܣ̈ܟܢܐ ܘܠܣܢ̈ܝܩܐ ܘܐܦ ܠܝܬܡ̈ܐ. ܘܠܐܪ̈ܡܠܬܐ
                    ܘܦܪܢܣܘܼ ܠܐ ܙܥܘܪ. ܐܢܫ̈ܐ ܗܘܘ ܓܝܪ ܡܪ̈ܝ ܢܟ̈ܣܐ. ܘܫܪܟܐ ܕܢܟ̈ܣܝܗܘܢ ܘܡܕܡ ܕܩܢܝܢ ܗܘܘ.
                    ܐܓܥܠܘܗܝ ܠܒ̈ܢܝ ܒܬܝܗܘܢ. ܘܐܩܝܡܘ ܡܗ̈ܝܡܢܐ ܘܩܝܘ̈ܡܐ ܥܠ ܐܘ̈ܣܝܣ ܕܝܠܗܘܢ ܕܠܓܘ ܘܕܠܒܪ. ܘܥܕܠܐ
                    ܢܐܬܐ ܛܪܘܢܐ ܠܡܕܝܢܬܗܘܢ. ܫܒܩܘ ܒܬܝܗܘܢ ܘܐܬܢܟܪܝܘ ܠܥܘܡܪ̈ܝܗܘܢܿ ܘܒܥܕܬܗ ܕܐܠܗܐ ܥܡ ܛܘܒܢܐ
                    ܐܘܣܒܝܣ ܗܘܐ ܗܘܐ ܡܥܡܪܗܘܢ. ܥܕܡܐ ܠܝܘܡܐ ܕܥܠ ܛܪܘܢܐ ܠܡܕܝܢܬܗܘܢܿ ܘܫܕܪ ܚܒܼܫ ܐܢܘܢ ܒܝܬ
                    ܐܣܝܪ̈ܐ. ܗܘܬ ܗܘܬ ܕܝܢ ܡܥܠܬܗ ܕܝܘܠܝܢܣ ܠܪܗܘܡܐ. ܒܐܝܪܚ ܐܕܪ ܕܫܢܬ ܫܬ ܡܐܐ ܘܫܒܥܝܢ ܘܬܠܬ
                    ܒܡܢܝܢܐ ܕܝܘ̈ܢܝܐ ܒܚܡܫܐ ܘܥܣܪܝܢ ܒܗ ܒܝܪܟܐ. ܟܕ ܡܠܘ ܠܡܘܬܗ ܕܩܘܣܛܢܛܝܣ ܝܪ̈ܚܐ ܚܡܫܐ. ܒܗ
                    ܒܝܘܡܐ ܗܢܐ ܥܠ ܛܪܘܢܐ ܠܪܗܘܡܐ. ܒܙܘܚܐ ܪܒܐ ܕܚܝ̈ܠܘܬܗܼ. ܘܒܬܘܩܦܐ ܘܥܘܫܢܐ ܕܡܫܪܗܝܬܗ. ܘܒܣܘܓܐܐ
                    ܕܠܓܝܘܢܐ ܘܒܣܪ̈ܢܐ ܕܠܒ̈ܫܐ. ܟܕ ܫܩܝܠ ܠܗ ܚܐܦܐ ܘܫܘܒܗܪܐ. ܘܪܡ ܘܡܫܩܠ ܪܥܝܢܗ ܒܩܨ̈ܡܐ ܕܚܢܦܘܬܗ܆
                    ܘܠܐ ܐܬܿܝܐ ܗܘܬ ܥܠ ܒܠܗ ܒܫܢܝܘܬܗܿ. ܐܦܢ ܕܒܪܢܫܐ ܗܘܼܐ. ܫܩܝܠ ܗܘܼܐ ܠܗ ܕܝܢ ܥܠ ܦܪܨܘܦܗ
                    ܠܚܝܡܘܬܐ ܕܡܣܪܕܐ ܠܚ̈ܙܝܐܼ. ܐܝܟ ܕܢܪܡܐ ܗܘܐ ܪܗܒܬܐ ܘܕܚܠܬܐ ܥܠ ܥܡܘܪ̈ܝܗ ܕܪܗܘܡܐ. ܘܐܬܬܙܝܥܬ
                    ܐܢܫܘܬܗ ܕܡܕܝܢܬܐ. ܡܢ ܚܙܬܗ. ܘܥܪܩܘ ܘܛܫܘ ܡܢ ܩܕܡܘܗܝ. ܘܠܝܬ ܗܘܐ ܕܥܐܿܠ ܘܕܢܦܩܿ ܒܫܘ̈ܩܝܗܿ
                    ܕܡܕܝܢܬܐ. ܝܘ̈ܡܬܐ ܣܓ̈ܝܐܐ. ܘܟܕ ܚܙܐ ܛܪܘܢܐ ܕܐܡܠܟܬ ܕܚܠܬܐ ܣܓܝܐܬܐ. ܥܠ ܥܡܘܪ̈ܝܗܿ ܕܪܗܘܡܐ.
                    ܝܗܒ ܡܘ̈ܗܒܬܐ ܠܚܝ̈ܠܘܬܗܼ. ܘܐܩܝܡ ܥܠܝܗܘܢ ܪ̈ܒܝ ܚܝ̈ܠܐ. ܘܫܕܪ ܐܢܘܢ ܕܢܐܙܠܘܢ ܠܡܕ̈ܝܢܬܐ
                    ܐܚܪ̈ܢܝܬܐܼ. ܥܕ ܙܒܢܐ ܕܡܬܦܩܕܝܢ. ܘܫܕܪ ܟܪ̈ܘܙܘܗܝ ܒܡܕܝܢܬܐ ܕܡܟܪܙܝܢ ܫܝܢܐܼ ܘܡܫܬܘܕܝܢ
                    ܫܘܒܩܢܐ. ܠܡܚܣܢ ܕܝܢ ܝܗܒܘ ܗܘܘ ܢܦܫܗܘܢ ܕܢܬܚܙܘܢ ܩܕܡܘܗܝ: ܘܟܕ ܗܘܐ ܫܠܝܐ ܘܐܬܬܢܝܚܬ ܚܪܒܐܼ.
                    ܘܐܫܬܝܢܬ ܐܢܫܘܬܐܼ. ܦܩܕ ܛܪܘܢܐ ܕܢܗܘܘܢ ܚ̈ܙܘܢܐܼ. ܘܬܬܟܢܫ 38 ܐܢܫܘܬܐ ܟܠܗ ܠܒܝܬ
                    ܚ̈ܙܘܢܐ ܕܡܕܝܢܬܐ. ܟܕ ܡܫܬܘܕܐ ܒܡܘ̈ܡܬܐ ܕܫܝܢܐ ܗܼܘ ܡܢ ܗܫܐ. ܘܠܝܬ ܩܢܛܐ ܕܡܕܡ. ܘܟܕ ܟܢܫܬ
                    ܟܠܗܿ ܡܕܝܢܬܐ ܐܝܟ ܦܘܩܕܢܗ ܕܥܘܿܠܐ. ܘܐܬܡܠܝ ܒܝܬ ܚ̈ܙܘܢܐ ܣܦܐ ܒܣܦܐ. ܠܒܫ ܠܘܠܝܢܘܣ ܠܒܘ̈ܫܐ
                    ܕܡܠܟܘܬܐܼ. ܘܣܠܩ ܕܢܬܒ ܥܠ ܡܘܬܒܐ ܕܡ̈ܠܟܐ. ܚܐܪ ܗܼܘܐ ܕܝܢ ܛܪܘܢܐ ܕܢܣܒ ܠܘܩܕܡ ܦܘ̈ܢܣ ܕܡܠܟܘܬܐ
                    ܡܢ ܟܢ̈ܫܝܗ ܕܡܕܝܢܬܐ: ܘܗܝܕܝܢ ܢܬܒ ܥܠ ܡܘܬܒܐ ܕܡ̈ܠܟܐ. ܕܠܡܐ ܢܬܟܬܒ ܒܟܬܒ̈ܝܗ ܕܡܠܟܘܬܐ. ܛܪܘܢܐ
                    ܘܠܐ ܡܿܠܟܐ. ܩܥܝܢ ܗܘܘ ܠܗ ܕܝܢ ܒܢ̈ܝ ܪܗܘܡܐ ܘܐܡܪܝܢ. ܐܢ ܦܘ̈ܢܣ ܠܡ ܕܡܠܟܘܬܐ ܬܒܿܥܬ ܡܢܢ. ܗܒ
                    ܫܘܕܝܐ ܥܠ ܫܐ̈ܠܬܢ ܘܣܒ ܦܘ̈ܢܣ. ܐܡܪ ܠܗܘܢ ܠܘܠܝܢܘܣ. ܡܢܐ ܗܝ ܫܐܠܬܟܘܢ. ܐܡܪܝܢ ܠܗ. ܕܢܡܠܟ
                    ܫܝܢܐ ܥܠ ܟܠ ܕܚ̈ܠܢ. ܝܘܠܝܢܘܣ ܕܝܢ ܐܢܝܕ ܒܪܝܫܗܼ ܘܫܬܩ. ܗܢܘܢ ܕܝܢ ܪܝܒܝܢ ܗܘܘ ܥܠܘܗܼܝ.
                    ܘܩܥܼܝܢ ܟܕ ܐܡܪܝܢ. ܥܠ ܟܘܪܣܝܗܿ ܕܡܠܟܘܬܢ ܨܿܒܐ ܐܢܬ ܠܡܬܒ. ܫܒܘܩ ܕܚ̈ܠܬܐ ܒܕܝܠܗܝܢ. ܘܐܢܬ ܐܝܟ
                    ܕܫܦܪ ܠܟܼ ܟܬܪ ܒܕܝܠܟ܇ ܘܐܢ ܡܕܝܢܬܢ ܫܿܦܪ ܠܟ ܕܬܩܢܐ. ܪܕܘܦܝܐ ܕܒܝܬ ܡܟܣܡܝܢܘܣ ܢܬܥܠܐ ܡܢ
                    ܡܨܥܬܐ. ܘܗܐ ܚܢܢ ܠܟ ܥ̈ܒܼܕܐ. ܒܗܠܝܢ ܨܿܒܝܐ ܡܕܝܢܬܢ. ܠܗܠܝܢ ܫܿܠܡܐ ܐܢܫܘܬܢ. ܦܐܝܐ ܠܟܘܢ ܓܝܪ
                    ܡܠܟܘܬܐܼ. ܟܕ ܬܥܒܕܘܢ ܫܠܡܐ ܒܐܘܚܕܢܟܘܢ. ܗܿܕܝܪ ܠܟܘܢ ܬܓܐ ܘܫܘܠܛܢܐܼ. ܟܕ ܡܪܚܡܢܘܬܟܘܢ ܬܬܦܪܣ
                    ܥܠ ܟܠ ܫܘܝܐܝܬ. ܘܟܕ ܥܕܢܐ ܣܓܝܐܐ ܒܗܠܝܢ ܒ̈ܢܬ ܩ̈ܠܐ ܟܬܫܝܢ ܗܘܘܼ. ܐܙܝܥ ܠܗܘܢ ܛܪܘܢܐ ܐܝܕܗ
                    ܐܝܟ ܕܢܫܬܩܘܢ ܠܗܘܢܿ ܘܟܕ ܫܬܩܘ ܘܒܗܼܠܘ. ܡܠܠ ܥܡܗܘܢ ܘܐܡܼܪ ܠܗܘܢ. ܡܢܿܘ ܠܡ ܫܘܚܛܐ ܗܢܐ
                    ܒܝܫܐܼ. ܕܐܚܝܕ ܠܗ ܠܡܕܝܢܬܟܘܢ. ܠܐ ܙܥܘܪ̈ܝܢ ܓܝܪ ܣܘܪ̈ܚܢܐ ܘܒܝܫ̈ܬܐ ܕܐܣܬܼܥܪ ܒܗܿ. ܘܐܢ ܩܝܡܐ
                    ܡܠܟܘܬܢ ܬܥܩܒ ܣܘܪ̈ܚܢܝܟܘܢ ܘܣܘܥܪ̈ܢܐ ܕܒܝܫ̈ܬܟܘܢܿ ܠܡܚܣܢܿ ܡܫܬܚܪܝܢ ܡܢ ܚܪܒܢ܇ ܚܕܐ ܡܢ ܬܠܬ
                    ܡܢܘ̈ܬܐ ܕܥܡܘܪ̈ܝܗܿ ܕܡܕܝܢܬܟܘܢ܇ ܐܠܐ ܡܛܠ ܕܫܘܪܝܐ ܗܼܝ ܕܡܠܟܘܬܢܼ. ܐܬܚܙܝܬ ܠܢ ܕܦܐܝܐ ܠܢ ܛܒܼ.
                    ܕܢܥܒܕ ܫܘܒܩܢܐ ܠܚܝ̈ܒܐ ܥܕ ܝܘܡܼܢ. ܘܢܫܦܥ ܪ̈ܚܡܐ ܥܠ ܡܣ̈ܟܠܢܐ. ܗܕܐ ܕܝܢ ܬܬܝܕܥ ܠܟܘܢ ܒ̈ܢܝ
                    ܪܗܘܡܐܼ. ܕܚܕܐ ܙܒܢ ܫܟܢܬ ܫܘܒܩܢܐ 39 ܠܡܕܝܢܬܟܘܢܿ ܡܢ ܗܫܐ ܕܝܢ ܠܝܬ ܫܘܒܩܢܐ ܘܠܐ
                    ܪ̈ܚܡܐ. ܐܦܠܐ ܚܝ̈ܐ ܠܡܿܢ ܕܡܡܪܚ ܘܕܐܫ ܦܘܩܕܢܐ ܕܫܘܠܛܢܢ. ܐܘ ܩܐܡ ܒܗܿܘ ܪܥܝܢܐ ܩܕܡܝܐ
                    ܕܛܪܘܢܘܬܐ. ܘܥܠ ܫܝܢܐ ܕܫܐܠܬܘܢ ܡܢܢ ܥܠ ܕܚ̈ܠܬܐ. ܡܿܢ ܫܝܢܐܼ. ܣܝܡܐ ܠܝ ܕܐܥܒܕ. ܗܢܘ ܕܝܼܢ
                    ܐܢܗܼܘ ܕܐܦ ܗܼܢܘܢ ܢܐܬܘܢ ܠܨܒܝܢܐ ܛܒܐܿ. ܒܗܿܝ ܕܢܬܐܡܢܘܢ ܠܣܓܕܬܐ ܘܠܦܘܠܚܢܐ ܕܐ̈ܠܗܐ. ܟܕ ܬܗܘܐ
                    ܠܗܘܢ ܝܨܝܦܘܬܐ ܘܒܛܝܠܘܬܐܼ. ܕܠܐ ܢܬܓܠܙܘܢ ܕܒ̈ܚܐ ܘܩܘܪ̈ܒܢܐ ܘܪ̈ܫܝܬܗܘܢܿ ܘܡܐ ܕܪܥܝܘ ܠܐ̈ܠܗܐ
                    ܒܕܝܠܗܘܢܼ. ܫܠܝܛ ܐܦ ܠܗܘܢ ܐܝܟ ܕܡܢ ܠܘܬܢܼ. ܕܢܬܚܫܚܘܢ ܒܪ̈ܐܙܐ ܕܛܥܝܘܬܗܘܢ ܟܡܐ ܕܨܿܒܝܢ. ܟܕ
                    ܠܝܬ ܠܗܘܢ ܩܢܛܐ ܕܡܕܡ. ܡܢ ܠܘܬܢܿ ܥܠ ܛܪܘܢܐ ܕܝܢ ܐܘܣܒܝܣܼ. ܚܐܕ ܙܒܢ ܕܝܼܢ ܗܼܘܐ ܠܢ ܒܡܚܫܒܬܢܿ
                    ܟܣܝܐܝܬ. ܘܥܕ ܩܠܝܠ ܐܬܓܠܝ ܠܗ ܓܙܪ ܕܝܢܗܼ. ܗܠܝܢ ܕܝܢ ܛܪ̈ܘܢܐ ܕܥܡܗ: ܕܐܬܪܡܝܘ ܠܫܢܝܘܬܗ. ܕܠܐ
                    ܬܟܘ (؟) ܡܢ ܒܝ̈ܫܬܗܘܢܿ ܐܦ ܠܐ ܐܬܘܝܘ ܥܠ ܣܘܪ̈ܚܢܝܗܘܢ: ܐܠܐ ܥܕܟܝܠ ܒܗ ܒܗܿܘ ܪܥܝܢܐ ܩܕܡܝܐ
                    ܕܛܪܘܢܘܬܗܘܢ ܩܝܿܡܝܢ: ܘܠܐ ܣܝܡܼܐ ܕܚܠܬܗ ܕܫܘܠܛܢܢ ܩܕܡ ܥܝܢܝ̈ܗܘܢܼ. ܘܕܬܕܥܘܢ ܕܗܠܝܢ ܗܟܢܐ
                    ܐܢܝܼܢ. ܚܙܘܼ ܕܐܦܠܐ ܡܬܚܙܝܘ ܐܬܚܙܝܘ. ܩܕܡܝܢ ܒܝܕ ܚܬܝܪܘܬܗܘܢܿ ܕܐܦ ܒܗܿ ܒܗܕܐܼ ܛܪܘܢܘܬܗܘܢ
                    ܬܬܝܕܥ. ܥܠܝܗܘܢ ܗܟܝܠ ܕܗܠܝܼܢ. ܠܝܬ ܪ̈ܚܡܼܐ ܘܠܐ ܫܘܒܩܢܐ ܐܦܠܐ ܚܝ̈ܐ. ܡܢ ܗܫܐ ܓܝܪ܆ ܒܙܕܩܗܿ
                    ܕܟܐܢܘܬܐ ܡܬܢܩܡ ܐܢܐ ܡܢܗܘܢ ܣܘܪ̈ܚܢܝܗܘܢܿ ܘܒܝܫ̈ܬܐ ܕܐܣܬܥܪ ܒܐܝܕܝ̈ܗܘܢ. ܘܒܗ ܒܥܕܢܐ ܫܕܪ ܫܩܼܠ
                    ܐܢܘܢ ܡܢ ܥܕܬܐܼ ܒܨܥܪܐ ܣܓܝܐܐ. ܟܕ ܡܢܬܦܝܼܢ ܘܡܣܚܦܝܢ ܠܗܘܢܿ ܘܐܫܠܚܘ ܫܩܠܘ ܠܒܘܫܐ ܡܝܩܪܐܼ
                    ܕܐܣܟܡܗܘܢܼ. ܘܐܠܒܫܘ ܐܢܘܢ ܠܒܘܫܐ ܡܨܥܪܐ ܕܢܫ̈ܐ ܐܝܟ ܦܘܩܕܢܗ ܕܥܘܿܠܐ. ܘܒܗܢܐ ܦܘܩܕܢܐ ܕܐܣܟܡܐ
                    ܡܨܥܪܐܼ ܐܦܠܘ ܐܢܘܢ ܩܕܡܘܗܝ. ܗܼܘ ܕܝܢ ܛܪܘܢܐ ܠܐ ܚܪ ܒܗܘܢܿ ܐܦܠܐ ܫܘܐܠܐ ܡܕܡ ܗܘܐ ܨܐܕܝܗܘܢܿ
                    ܐܠܐ ܐܪܡܝܘ ܒܗܘܢ ܩܘ̈ܠܕܐ ܘܫܝܫ̈ܠܬܐܼ. ܘܫܕܪ ܐܢܘܢ ܠܒܝܬ ܐܣܝܪ̈ܐ ܒܨܥܪܐ ܣܓܝܐܐ܇ ܥܕ ܗܘܐ ܠܡ
                    ܙܒܢܐ ܕܢܫܡܥ ܐܢܘܢ ܫܦܝܪ. ܥܡܐ ܕܝܢ ܟܠܗܿ ܕܡܕܝܢܬܐܼ. ܒܟܝܢ ܗܘ ܚܫܝܫܐܝܬ ܥܠ ܡܘܟܐ ܘܨܥܪܐ܇
                        ܕܐ̈ܢܫܐ 40 ܒܚܝܪ̈ܐ ܘܡܝܩܪ̈ܐ܇ ܪ̈ܫܢܝܗܿ ܕܟܠܗܿ ܪܗܘܡܐ. ܗܼܢܘܢ ܕܝܢ ܥ̈ܒܕܘܗܝ
                    ܕܐܠܗܐܼ. ܠܐ ܡܕܡ ܟܪܝܘܬܐ ܐܝܬ ܗܘܐ ܠܗܘܢ ܒܢܦܫܗܘܢ ܥܠ ܗܕܐ. ܐܠܐ ܚܕܝܢ ܗܘܘ ܘܪܘܙ ܪܥܝܢܗܘܿܢܿ
                    ܕܫܘܘ ܕܢܫܪܘܢ ܒܐܓܘܢܐ ܕܡܘܕܝܢܘܬܐ. ܘܡܘܕܝܢ ܗܘܘ ܘܡܫܒܚܝܢ ܠܐܠܗܐ ܀ ܥܠ ܛܘܒܢܐ ܕܝܢ ܐܘܣܒܝܣ
                    ܦܩܼܕ ܛܪܘܢܐܼ. ܕܠܐ ܢܬܚܙܐ ܩܕܡܘܗܝ. ܐܠܐ ܢܐܙܠ ܐܦ ܗܼܘ ܠܒܝܬ ܐܣܝܪ̈ܐ ܒܐܣܟܡܐ ܕܟܘܡܪܘܬܗܼ. ܟܕ
                    ܠܝܬ ܒܗ ܦܪ̈ܙܠܐ ܥܕ ܬܩܿܢ ܝܘܡܐ ܕܥܐܕܐ ܕܐ̈ܠܗܐ. ܘܥܒܕܘ ܠܗܼ ܐܝܟ ܕܦܩܿܕ. ܐܬܪܥܝ ܕܝܢ ܛܪܘܢܐ
                    ܘܐܬܚܫܒܼ. ܕܒܥܐܕܐ ܕܦܬܟܪ̈ܐ܇ ܢܣܩܝܘܗܝ ܝܩܕܐ ܥܠ ܥܿܠܬܐ ܠܐܘܣܒܝܣ ܛܘܒܢܐ. ܒܐܣܟܝܡܐ ܘܛܟܣܐ
                    ܕܟܘܡܪܘܬܗ. ܕܡܢܗܿ ܕܗܕܐ ܬܬܝܕܥ ܠܟܠܢܫܼ. ܕܪܒ ܟܘܡܪ̈ܐ ܕܢܨܪ̈ܝܐܼ. ܗܼܘ ܒܩܢܘܡܐ ܬܒܿܥ ܥܝܪܬܐ
                    ܕܟܘܡܪ̈ܐ ܕܐ̈ܠܗܐ ܘܐܝܟ ܕܠܐܝܩܪܐ ܕܦܬܟܪ̈ܘܗܝ ܚܣܟܗ ܠܩܕܝܫܐ ܡܢ ܨܥܪܐ ܕܐܣܘܪ̈ܐ. ܐܡܿܪ ܗܘܼܐ
                    ܓܝܪ܇ ܕܠܐ ܠܡ ܙܕܩܿ ܕܢܐܬܐ ܠܨܥܪܐ܇ ܓܒܪܐ ܕܐܬܬܣܝܡ ܕܒܚܐ ܠܐܠܗܘܬܐ܇ ܘܚܐ ܙܒܢ ܠܡ ܐܬܼܢܙܪ
                    ܠܐ̈ܠܗܐ ܀ ܛܘܒܢܐ ܕܝܢ ܐܘܣܒܝܣ ܠܐ ܪܓܝܫ ܗܘܼܐ ܒܗܠܝܢ. ܐܠܐ ܨܠܘܬܐ ܐܡܝܢܬܐ ܡܩܪܒ ܗܘܼܐ ܒܝܬ
                    ܐܣܝܪ̈ܐ ܠܐܠܗܐܼ. ܥܠ ܐ̈ܦܝ ܫܝܢܐ ܕܥ̈ܕܬܐ܇ ܘܦܘܪܩܢܐ ܕܝ̈ܠܕܝܗܝܿܢ. ܘܚܠܦ ܐܝܓܘܢܗܘܢ
                    ܘܡܣܝܒܪܢܘܬܗܘܢ ܕܐܝܠܝܢ ܕܥܡܗ. ܟܕ ܡܚܝܠ ܪܥܝܢܗܘܢܼ ܘܡܫܪܪ ܗܝܡܢܘܬܗܘܢ ܒܬܚ̈ܘܝܬܐ ܕܡܢ ܟ̈ܬܒܐ܇
                    ܟܕ ܬܢܐ ܩܕܡܝܗܘܢ ܬܫܥܝܬܐ ܕܢܨܚ̈ܢܝܗܘܢܿ ܕܐ̈ܢܫܐ ܐܝܕܝ̈ܐ ܕܐܟܘܬܗܘܿܢܿ ܕܒܕܡܘܬܗܘܢ ܫܒܩܘ ܟܠ
                    ܕܩܢܝܢ ܗܘܘ ܒܐܓܘܢܐ ܬܡܝܗܐ܇ ܘܒܣܗܕܘܬܐ ܛܒܬܐ ܕܡܛܠ ܡܫܝܚܐܼ܇ ܘܫܩܠܘ ܫܘܠܡܐ ܕܚܝܝ̈ܗܘܢ ܒܙܒܢ̈ܘܗܝ
                    ܕܡܟܣܡܝܢܘܣ ܥܘܿܠܐ. ܘܟܕ ܡܠܘ ܠܗ ܒܪܗܘܡܐ ܠܛܪܘܢܐ ܫܒܘ̈ܥܐ ܕܝܘܡ̈ܬܐ ܐܪ̈ܒܥܐܼ. ܦܩܼܕ ܫܢܝܐܼ.
                    ܕܬܬܒܢܐ ܥܠܬܐ ܪܒܬܐ ܥܠ ܬܪܥܗܿ ܕܥܕܬܐ ܕܪܗܘܡܐ. ܟܪ ܕܒܢܼܝܐ ܗܘܬ ܥܿܠܬܐ ܩܕܡܝܬܐ. ܘܐܬܒܢܝܬܼ ܐܝܟ
                    ܕܦܩܼܕ. ܘܫܕܪܘ ܟܪ̈ܘܙܘܗܝ ܒܡܕܝܢܬܐܼ. ܕܡܟܐ ܥܕ ܥܣܪ̈ܐ ܝܘܡ̈ܝܢ܇ ܬܩܢ ܥܐܕܐ ܪܒܐ ܕܐ̈ܠܗܐ. ܢܚܙܐ
                    ܗܟܝܠ ܟܠ ܐܢܫ ܢܦܫܗܼ. ܘܢܚܿܘܪ ܠܒܘ̈ܫܘܗܝ. ܘܢܩܕܫ ܗܕܡ̈ܘܗܝ. ܕܝܘܡܐ ܕܐ̈ܠܗܐ ܩܕܝܫ ܗܼܘ
                    ܐܟܘܬܗܘܢܿ ܘܟܕ ܗܠܝܢ ܒܢ̈ܬ ܩ̈ܠܐ ܕܫܢܝܘܬܐ  41 ܒܫܘܩ̈ܝܗܿ ܕܪܗܘܡܐ ܡܫܬܡܥܢ ܗ̈ܘܝܼ.
                    ܥܡܐ ܟܠܗ ܕܡܕܝܢܬܐܼ. ܬܗܝܪܝܢ ܗܘܘ ܒܚܢܦܘܬܗܼ ܘܡܬܕܡܪܝܢ ܒܫܢܝܘܬܗ. ܘܟܕ ܫܠܼܡܘ ܝܘܡ̈ܬܐ ܬܫܥܐܼ.
                    ܦܩܕ ܛܪܘܢܐܼ. ܘܢܩܼܫ ܛܒܠܐ. ܘܡܠܠ ܩܪ̈ܢܬܐ. ܘܢܦܼܩܘ ܟܪ̈ܘܙܐ ܒܡܕܝܢܬܐ. ܕܟܠ ܐܢܫ ܒܨܒܝܢܐ ܛܒܐ
                    ܘܒܠܒܐ ܫܦܝܐ. ܒܥܕܢܗ ܕܨܦܪܐܼ. ܢܗܘܐ ܥܬܝܕ ܘܡܛܝܒ܇ ܕܢܚܕܐ ܘܢܬܒܣܡܿ. ܒܥܐܕܐ ܪܒܐ ܕܐ̈ܠܗܐ.
                    ܝܬܝܪܐܝܬܼ ܒܚܠܘܠܗܘܢ ܐܠܗܝܐ ܕܙܘܣ ܘܕܐܦܠܘܢܿ ܗܠܝܢ ܕܥܕܡܐ ܠܗܫܐܼ. ܒܪܓܝܙܘܬܐ ܣܓܝܐܬܐ ܐܝܬܝܗܘܢ
                    ܨܐܕܝܢ. ܒܕܠܐ ܥܕܟܝܠ. ܬܒܥܢܢ ܬܒܥܬܐ ܕܟܘܡܪ̈ܝܗܘܢܿ ܠܗܘܢ ܗܟܝܠ ܠܗܠܝܢ ܡܩ̈ܝܡܢܝܗܿ ܕܬܒܝܠ:
                    ܕܡܢܗܘܢ ܪܕܝܢ ܥܘܕܪ̈ܢܐ ܠܐܢܫܘܬܢܼ. ܝܩܕܐ ܕܬܪܥܘܬܐ ܐܝܬ ܠܢ ܕܢܩܪܒ ܠܐܠܗܘܬܗܘܢ ܓܢܝܙܬ ܡܢ ܟܠ܇
                    ܕܠܐ ܡܬܕܟܪܐ ܠܥܝ̈ܢܝ ܒܣܪܐ. ܐܠܐ ܒܝܕ ܬܦܢܝ̈ܟܝܗܿ ܒܠܚܘܕ. ܠܗܠܝܢ ܟܠܗܝܢ ܬܦܢܝ̈ܟܝܗܿ ܓ̈ܠܝܐ
                    ܕܐܠܗܘܬܐ ܟܣܝܬܐܼ. ܢܙܪܢܢ ܝܩܕܐ ܠܥܠܬܗܘܢܼ. ܠܐܘܣܒܝܣ ܪܝܫ ܕܚܠܬܐ ܕܢܨܪ̈ܝܐ ܕܢܗܘܐ ܝܩܕܐ ܠܪܝܚ
                    ܢܝܚܐ ܕܐܠܗܘܬܐܼ. ܘܠܫܝܢܗܿ ܕܡܕܝܢܬܟܘܢܼ. ܘܠܩܘܝܡܐ ܕܥܡܘܪ̈ܝܗܿ. ܕܟܕ ܡܢ ܟܠܗ ܠܒܟܘܢ ܬܦܠܚܘܢ
                    ܠܐ̈ܠܗܐ. ܢܐܬܘܢ ܥܠܝܟܘܢ ܙܒ̈ܢܐ ܕܢܝܚܬܐܼ. ܘܫܢ̈ܝܐ ܛܒ̈ܬܐ ܕܛܥܝܢܢ ܚܕܘ̈ܬܐ ܗܠܝܢ ܒܢ̈ܬ ܩ̈ܠܐ
                    ܕܫܢܝܘܬܐܼ. ܢܩܫܢ ܗܘ̈ܝ ܠܡܫܡܥܬܗ ܕܥܡܐ ܟܠܗ ܕܡܕܝܢܬܗܘܢܿ ܐܒܝܠܝܢ ܗܘܘ ܕܝܢ ܘܚܫܝܫܝܢ ܒ̈ܢܝ
                    ܪܗܘܡܐܼ. ܘܓܢܝܚܝܢ ܒܢܦܫܗܘܢ ܥܠ ܡܘܬܗ ܚܫܝܫܐ ܕܣܒܐ ܡܒܪܟܐ܇ ܘܣܝܡܢ ܐ̈ܦܝܗܘܢ ܠܡܡܬ ܥܡܗܼ. ܐܘ
                    ܕܢܫܘܙܒܘܢܝܗܝ ܡܢ ܝܩܕܐ ܕܥܿܠܬܐ ܒܝܕ ܩܥܬܗܘܢܿ ܠܒܬܪܗ ܕܝܢ ܕܝܘܡܐ ܒܥܕܢܐ ܕܨܦܪܐܼ. ܠܒܫ ܗܘܐ
                    ܝܘܠܝܘܣ ܠܒܘܫܐ ܬܡܝܗܐ ܕܡܠܟܘܬܐ. ܘܠܥܠ ܡܢܗ ܠܒܫ ܬܘܒ ܐܣܟܝܡܐ ܐܚܪܢܐ ܕܟܘܡܪܘܬܐ. ܕܒܬܪ̈ܬܝܗܝܢ
                    ܢܫܡܫ ܥܐܕܐ ܕܦܬܟܪ̈ܘܗܝ. ܘܫܕܪ ܩܪܐ ܠܟܘܡܪ̈ܐ ܡܣ̈ܝܒܐ ܒ̈ܢܝ ܛܥܝܘܬܗܼ. ܘܦܿܩܼܕ ܐܢܘܢܼ ܘܐܡܼܪ
                    ܠܗܘܢܿ ܗܘܼܘ ܥܬܝܕܝܢ ܘܡܛܝܒܼܝܢ. ܕܒܫܥܬܐ ܕܢܩܿܫ ܛܒܠܐ: ܘܡܨܛܝܒܐ ܐܢܫܘܬܐ ܕܡܕܝܢܬܐ ܠܘܬ ܥܿܠܬܐ
                    ܕܐ̈ܠܗܐܼ. ܬܗܘܐ ܠܟܘܢ ܒܛܝܠܘܬܐ܇ ܕܒܡܐ̈ܢܝ ܫܘܒܚܐ ܕܬܫܡܫܬܟܘܢ ܥܠ ܦܣ̈ܐ ܕܐ̈ܝܕܝܟܘܢ ܒܐܝܩܪܐ
                    ܢܙܕܝܚܗܘܢ ܢܐܬܘܿܢ ܙܘܣ ܘܐܦܠܘܢ  42 ܒܫܘܒܚܗܘܿܢܿ ܒܩܠ ܫܘܒܚܐ ܕܓܘ̈ܕܐ ܕܩܕܡܝܗܘܢ ܟܕ
                    ܡܬܙܝܥܐ ܠܡܬܠ ܩܠܐ ܒܥܕܢܐ ܕܡܐܬܝܬܗܘܢ ܟܘܠܗܿ ܐܘܡܢܘܬܐ ܡܒܪܟܬܐ ܕܙ̈ܢܝ ܙܡܪܐ. ܘܟܕ ܩܒܠܘ ܟܘܡܪ̈ܐ
                    ܦܘܩܕܢܐ ܘܢܦܩܘܼ. ܦܩܕ ܛܪܘܢܐܼ ܘܢܩܝܫܬ ܛܒܠܐ. ܘܟܢܫ ܟܠܗ ܥܡܐ ܠܘܬ ܥܠܬܐ ܕܒܢܐ ܛܪܘܢܐ ܐܝܟ ܐܢ
                    ܢܫܟܚܘܢܼ. ܢܫܘܙܒܘܢܝܗܝ ܠܐܘܣܒܝܣ ܡܢ ܝܩܕܢܐ ܕܥܠܿܬܐ ܒܩܠܐ ܕܩܥܬܗܘܢܿ ܘܟܕ ܝܠܦ ܛܪܘܢܐ ܕܟܢܫܬ
                    ܟܠܗܿ ܐܢܫܘܬܗܿ ܕܡܕܝܢܬܐܼ. ܐܦ ܗܼܘ ܐܬܼܐ ܒܙܘܚܐ ܪܒܐ ܕܚܝ̈ܠܘܬܗܼ. ܘܣܠܼܩ ܝܬܼܒ ܥܠ ܒܝܡ ܕܡܫܘܝܐ
                    ܗܘܬ ܠܗ ܩܕܡ ܐ̈ܦܝܗܿ ܕܥܠܬܐ. ܟܕ ܩܝܡܝܢ ܚ̈ܝܠܘܬܗ ܘܡܙܝܢܝܢ ܡܢ ܝܡܝܢܗ ܘܡܢ ܣܡܠܗ. ܘܟܕ ܐܬܗܦܟ
                    ܚܪܡܐ ܘܚܪ ܒܟܢ̈ܫܝܗܿ ܕܡܕܝܢܬܐ: ܘܚܙܐ ܐܢܘܢ ܕܐܒܝܠܝܢ ܘܚܫܝܫܝܢ: ܘܠܒܼܝܫܝܢ ܠܒܘܫܐ ܒܣܝܐ
                    ܘܡܨܥܪܐ. ܘܐܬܒܐܫ ܠܼܗ ܛܒ. ܘܐܙܕܦܥ ܒܗܘܢ ܘܐܡܪ ܠܗܘܢܼ ܟܕ ܡܬܚܡܬ. ܡܢܿܘ ܠܡ ܒܗܢܐ ܐܣܟܝܡܐ
                    ܡܫܟܪܐ ܐܬܚܙܝܬܘܢ ܩܕܡ ܐ̈ܦܝܗܿ ܕܡܠܟܘܬܢܿ ܘܥܒܕܬܘܢܿ ܨܥܪܥܐ ܠܝܘܡܐ ܪܒܐ ܕܐ̈ܠܗܐ܇ ܘܐܝܟ ܕܒܝܬ
                    ܒܟ̈ܐ ܕܥ̈ܢܝܕܐ ܐܨܛܒܝܬܘܢ ܘܐܬܝܬܘܢ ܠܚܠܘܠܐ ܕܐ̈ܠܗܐ. ܘܕܫܛܬܘܢ ܦܘܩܕܢܢ ܘܒܣܝܬܘܢ ܥܠ ܐܝܠܝܢ
                    ܕܡܢܢ ܐܬܟܪܼܪܙ. ܕܥܘ ܗܟܝܠ ܕܐܢܬܘܢ ܒܡܪܚܘܬܟܘܢ ܩܪܝܬܘܢ ܐܒܕܢܐ ܥܠ ܡܕܝܢܬܟܘܢ ܘܥܠܝܟܘܢܿ ܡܢܐ
                    ܗܼܝ ܕܝܢ ܗܕܐ ܕܐܒܝܠܝܢ ܐܢܬܘܢ ܘܚܫܝܫܝܢ ܐܢܬܘܢ. ܓܠܘ ܪܥܝܢܟܘܢ ܘܐܘܕܥܘ ܨܒܝܢܟܘܢܼ. ܕܐܦ ܚܢܢ
                    ܢܕܥ. ܘܫܬܩܼܘ ܘܠܐ ܦܢܝܘ ܠܗ ܦܬܓܡܐ. ܘܟܕ ܫܠܝܐ ܪܡܐ ܗܘܼܐ ܥܠ ܟܠܗܘܢܿ. ܐܢܫ ܡܢ ܒܝܢܝ ܟܢ̈ܫܐ
                    ܐܪܝܡ ܩܠܗ ܘܩܥܼܐ ܟܕ ܐܡܿܪ. ܕܒܫܪܪܐ ܠܡ ܫܦܝܪ ܘܒܙܕܩܗܿ ܕܘܠܝܬܐ ܐܒܝܠܝܢ ܚܢܢ ܘܚܫܝܫܝܢ ܚܢܢ.
                    ܗܢܘ ܕܝܢ ܥܠ ܫܢܝܘܬܟܼ ܘܥܠ ܛܥܝܘܬܟ. ܕܫܒܼܩܬ ܠܐܠܗܐ ܥܿܒܘܕܟ. ܕܐܓܢ ܟܢܦܐ ܕܟܡܪܚܡܢܘܬܗ ܒܙܒܢ
                    ܐܘܠܨܢܟ܇ ܘܣܬܪܟ ܡܢ ܚܪܒܗ ܕܓܒܪܐ ܙܕܝܩܐ. ܘܐܢܬ ܓܒܪܐ ܛܠܘܡܐ ܒܙܒܢ ܪܒܘܬܟ ܟܦܼܪܬ ܒܗ. ܘܓܠܙܬ
                    ܬܘܕܝܬܗ. ܘܦܩܪܬ ܘܐܫܬܢܝܬ ܒܪܚܡܬ ܫܐ̈ܕܐ. ܘܒܦܘܚܢ ܦܬܟܪ̈ܐ. ܘܒܕܡܘܬ ܫܿܢܝܐ ܪܒܝܬ ܕܩܢܐ
                    ܠܟܘܡܪܘܬܗܿ ܕܦܬܟܪܘܬܐ. ܘܐܝܟܢܐ ܠܐ ܢܐܠܐ ܐܢܫ ܘܢܒܟܼܐ ܥܠ ܥܘܝܪܘܬ ܡܕܥܟ܇ ܕܛܠܝܡ ܐܠܗܐ ܡܪܝܡܐ
                    ܣܓܕܬܗ ܡܢ ܒܪ̈ܝܬܗ ܒܫܢܘܬܐ ܕܡܕܒܪ̈ܢܝܗܘܿܢܿ 43 ܘܣܓܝܕܝܢ ܕܝ̈ܘܐ ܘܡܬܬܘܕܝܢ ܦܬܟܪ̈ܐ.
                    ܘܒܗ̈ܝܬܐ ܠܐ ܒܗܿܬܝܢ. ܘܠܡܬܬܟܣܘܼ ܠܐ ܝܕܥܿܝܢ. ܐܝܟ ܕܐܡܼܪ ܟܬܒܐ ܩܕܝܩܐ ܀ ܀ ܐܬܡܪܡܪ ܕܝܢ
                    ܛܪܘܢܐ ܘܐܬܚܡܬܼ. ܘܦܩܼܕ ܕܢܬܥܿܩܒ ܒܒܛܝܠܘܬܐܼ ܘܢܬܠܒܟ. ܘܟܕ ܐܬܠܒܟ ܘܩܪܒܘܗܝ ܩܕܡܘܗܼܝ. ܦܩܼܕ
                    ܕܢܫܬܩܠ ܡܢܗ ܡܥܦܪܐ ܕܡܟܼܪܟ ܗܘܼܐ ܥܠ ܪܫܗ. ܐܝܟ ܕܢܬܝܕܥ ܕܡܢܼܘ ܗܢܐ ܕܗܕܐ ܐܡܼܪܚ. ܘܟܕ ܐܫܬܩܠܬ
                    ܡܢܗ ܬܚܦܝܬܐ: ܘܐܬܝܕܥܬ ܠܟܠ ܐܢܫ ܕܐܕܘܟܣܝܣ ܗܿܘ ܐܟܣܪܟܐ ܕܕܝܪ̈ܬܐ ܕܪܗܘܡܐܼ. ܬܡܗ ܝܘܠܝܢܣ
                    ܘܬܘܼܪ ܥܠ ܐܝܠܝܢ ܕܐܣܬܩܒܠ ܠܗ ܡܢ ܫܘܪܝܗܿ ܕܡܠܟܘܬܗ. ܝܬܝܪܐܝܬܼ ܒܡܕܝܢܬܐ ܕܐܝܬܝܗܿ ܪܫܐ
                    ܕܐܘܚܕܢܗ. ܘܟܕ ܗܘܼܐ ܒܚܘ̈ܫܒܐ. ܡܛܠ ܡܘܬܗ ܕܫܪܝܪܐܼ. ܫܐܠܗ ܙܥܝܦܐܝܬ ܟܕ ܡܬܠܚܡ. ܕܐܢ ܐܢܬ ܐܢܬ
                    ܠܡ ܐܕܘܟܣܝܣ. ܕܝܠܦܬ ܥܠܝܟ ܡܢ ܣ̈ܓܝܐܐ܆ ܕܐܢܬ ܗܘܝܬ ܥܠܬܐ ܕܐܒܕܢܗܘܢ ܕܟܘܡܪ̈ܝܗܿ ܕܐܠܗܘܬܐ ܀ ..
                    ܀ ܐܕܘܟܣܝܣ ܐܡܿܪ. ܚܢܢ ܠܟܘܡܪ̈ܝܗܿ ܕܐܠܗܘܬܐ ܡܫ̈ܠܡܢܐ ܚܣ ܠܢ ܕܢܗܘܐ. ܐܠܐ ܣܓܘܕ̈ܐ ܘܡܝܩܪ̈ܢܐ.
                    ܠܟܘܡܪ̈ܝܗܿ ܕܝܢ ܕܚܛܝܬܐ ܘܠܟ̈ܬܝܫܝܗܿ ܕܛܥܝܘܬܐܼ܇ ܩܕܡ ܟܢܫ̈ܝܗ ܕܡܕܝܢܬܐ ܘܩܕܡ ܚܝ̈ܠܘܬܟ
                    ܟܠܗܘܢܼ. ܥܝܢ ܒܓܠܐ ܡܘܕܐ ܐܢܐ ܥܠ ܢܦܫܝ܇ ܕܐܢܐ ܗܘܝܬ ܥܠܬ ܐܒܕܢܗܘܢ ܐܦ ܕܝܩܕܢܗܘܿܢܿ ܐܢ ܡܕܡ
                    ܨܒܝܬ. ܝܘܠܝܢܣܼ ܐܡܿܪ. ܨܒܝܢܝ ܕܝܿܘܡܼܢ. ܕܢܥܒܕ ܥܐܕܐ ܕܐ̈ܠܗܐ ܒܚܕܘܬܐ. ܘܢܦܠܘܓ ܐܝܩܪܐ
                    ܠܘܝܡܗܘܢ ܪܒܐ. ܘܒܬܪ ܝܘܡܐܼ. ܗܢܘܢ ܐ̈ܠܗܐ ܣܗܝܕܢ ܠܝܼ. ܕܐܬܢܩܡ ܡܢܟ ܡܨܥܪܢܘܬܟ. ܘܐܣܝܡ ܒܪܫܟ
                    ܡܒܣܪܢܘܬܟ ܘܓܘܕܦܟ ܕܥܠ ܐ̈ܠܗܐܿ. ܐܝܟܢܐ ܕܠܟܠܗ ܥܡܐ ܕܓ̈ܠܝܠܝܐ ܐܕܚܠ ܘܐܣܪܕ ܒܟ. ܐܕܘܟܣܝܣ
                    ܐܡܿܪ. ܒܕܠܐ ܫܩܝܠ ܠܟܼ ܥܕܟܝܠ ܢܣܝܢܗܘܢ ܕܓ̈ܠܝܠܝܐ ܘܒܘܩܝܐ ܕܡܣܝܒܪܢܘܬܗܘܢ ܣܒܿܪܬ ܒܛܥܝܘܬܟ
                    ܕܡܕܚܠ ܐܢܬ ܠܗܘܢ ܒܡ̈ܠܝܟ. ܘܡܣܪܕܬ ܠܗܘܢ ܒܓ̈ܙܡܝܟ. ܘܛܥܬܟ ܣܓܼܝ ܘܠܐ ܝܕܥܿ ܐܢܬ. ܘܐܢ ܬܪܥܿܝܗܿ
                    ܕܣܗܕܘܬܐ ܡܬܦܬܚ ܠܗܘܢ ܒܐܝ̈ܕܝܟ ܛ̈ܢܦܬܐ܆ ܘܡܫܬܟܚ ܠܗܘܢ ܒܡܘܕܝܢܘܬܗܘܢ ܒܬܡܗܐ ܡܩܝܡܝܢ ܠܗܿ
                    ܠܫܢܝܘܬܟ ܓ̈ܠܝܠܝܐ ܒܓܢܒܪܘܬܗܘܿܢܿ ܘܒܐܬܠܝܛܘܬܗܘܢ ܐܦ ܒܚܠܝܨܘܬܗܿ ܕܡܣܝܒܪܢܘܬܗܘܿܢܿ ܟܕ ܝܗܒܝܢ
                    ܠܗܿ ܥܝܐ ܠܚܝܒܘܬܟ  44 ܒܢܨܚܢܐ ܕܙܟܘܬܗܘܢܿ ܛܪܘܢܐ ܕܝܢ ܡܛܠ ܕܗܘܐ ܗܘܐ ܠܗ ܥܕܢܐ
                    ܡܟܝܠ: ܕܢܫܡܫ ܐܪ̈ܙܐ ܕܚܢܦܘܬܗ: ܘܣܝܡܐ ܗܘܬ ܠܗ ܕܢܘܩܕܝܘܗܝ ܠܚܣܝܐ ܕܐܠܗܐ. ܐܘܣܒܝܣ ܒܥܝܪܬܐ
                    ܕܟܘܡܪ̈ܘܗܝ: ܘܗܝܕܝܢ ܢܓܡܘܪ ܕܒܚ̈ܐ ܠܦܬܟܪ̈ܘܗܼܝ. ܠܗܢܐ ܦܘܪܣܐ ܐܗܡܝ ܛܪܘܢܐ܇ ܡܢ ܡܨܥܪܬܢܘܬܗ
                    ܕܐܕܘܟܣܝܣ ܛܘܒܢܐ ܒܗܿܘ ܝܘܡܐ.. ܘܐܪܡܝ ܒܗ ܦܪ̈ܙܠܐܼ. ܘܫܕܪܗ ܠܒܝܬ ܐܣܝܪ̈ܐ܇ ܥܕ ܥܿܒܕ ܥܐܕܐ
                    ܕܦܬܟܪ̈ܘܗܝܿ ܘܗܿܘܐ ܠܗ: ܝܘ.ܡܐ ܕܢܫܡܥܝܘܗܝ. ܘܡܢ ܒܬܪ ܕܐܫܬܼܠܡ ܐܕܘܟܣܝܣ ܠܒܝܬ ܐܣܝܪ̈ܐܼ ܫܕܪ
                    ܛܪܘܢܐ ܘܐܝܬܝܗ ܠܐܘܣܒܝܣ. ܕܢܣܩܝܘܗܝ ܝܩܕܐ ܥܠ ܥܠܬܐ ܕܦܬܟܪ̈ܘܗܝ. ܥܡܐ ܕܝܢ ܟܠܗܿ ܕܡܕܝܢܬܐ: ܟܕ
                    ܚܙܐܘܗܝ ܠܚܣܝܐ ܕܐܠܗܐ: ܕܕܒܝܪܝܢ ܠܗ ܐܝܟ ܐܡܪܐ ܠܢܟܣܬܐܼ. ܐܪܝܒܘ ܟܠܗܘܢ ܩܠܗܘܢܼ ܘܒܟܘ. ܘܩܥܝܢ
                    ܗܘܘ ܠܗ ܠܝܘܠܝܢܘܣ ܟܕ ܐܡܪܝܢ. ܕܐܢ ܒܫܝܢܗ ܕܐܬܪܢ ܒܥܝܬ ܘܒܩܘܝܡܗܿ ܕܡܕܝܢܬܢܿ ܒܥܕܐ ܕܐ̈ܠܗܐܼ
                    ܫܟܢܿܘ ܠܢ ܘܠܡܕܝܢܬܢ ܐܝܟ ܡܘܗܒܬܐ܇ ܐܦܦܣܝܣ ܕܝܩܕܢܗ ܕܗܢܐ ܣܒܐ܇ ܡܛܠ ܝܩܝܪܘܬܐ ܕܫܢ̈ܘܗܝ. ܘܟܕ
                    ܗܕܐ ܬܥܒܕ ܠܼܢ. ܢܗܘܐ ܚܢܢ ܘܡܕܝܢܬܿܢܿ ܚܝ̈ܒܐ ܠܛܝܒܘܬܗܿ ܕܡܪܚܡܢܘܬܟܘܢ ܟܠܗܘܢ ܝܘ̈ܡܬܢܿ ܚܢܢ ܥܠ
                    ܬܘܟܠܢܐ ܕܫܦܝܥܘܬ ܡܪܚܡܢܘܬܟܘܢ ܕܠܘܬܿܢܿ ܗܢܐ ܦܝܣܐ ܒܝܕ ܒܥܘܬܢ ܩܪܒܝܢ ܠܡܠܟܘܬܟܘܢܿ ܕܝܠܟܘܢ ܗܼܝ
                    ܡܢ ܗܫܐ ܡܪܚܡܢܘܬܐ ܕܨܒܝܢܐ ܛܿܒܐ. ܦܐܐ ܠܗܿ ܛܒ ܫܘܒܩܢܐ ܠܡܠܟܘܬܟܘܢܿ ܝܬܝܪܐܝܬ ܕܝܢ ܒܝܘܡܗܘܢ
                    ܪܒܐ ܕܐ̈ܠܗܐ. ܐܬܬܦܝܪ ܕܝܢ ܝܘܠܝܢܘܣ ܒܗܠܝܢ ܒܢ̈ܬ ܩ̈ܠܐܼ ܘܥܢܐ ܐܢܘܢ ܩܫܝܐܝܬ ܟܕ ܐܡܿܪ. ܐܘ ܠܡ
                    ܡܪ̈ܘܕܐ ܘܩܫ̈ܝܝ ܩܕܠܐ: ܩܪ̈ܝܝ ܐܒܕܢܐ ܠܩܢܘܡܗܘܢܼ. ܥܕܡܐ ܠܐܡܬܼܝ ܐܓܪ ܪܘܚܝ ܥܡܟܘܢܼ
                    ܘܐܣܝܒܪܟܘܢܿ ܡܪܚܡܢܘܬܢ ܓܝܪ ܠܛܪܘܢܘܬܐ ܣܓܝܐܬܐ ܐܝܬܝܬܟܘܢܿ ܡܢܐ ܗܼܝ ܓܝܪ ܩܥܬܟܘܢ ܕܝܘܡܢ܇ ܐܘ
                    ܡܣ̈ܓܦܝ ܢܦܫܗܘܢ ܒܛܢܢܗܘܢܿ ܕܐܢ ܒܝܩܕܢܗ ܕܗܢܐ ܒܝܫ ܓܕܐ ܠܐ ܡܬܪܥܝܢ ܐ̈ܠܗܐܼ. ܚܪܒܐ ܘܐܒܕܢܐ
                    ܩܪܝܢ ܥܠܝܟܘܢ ܘܥܠ ܡܕܝܢܬܟܘܢܿ ܘܗܫܐ ܕܥܼܘ ܘܚܙܘ. ܡܢܐ ܥܒܕܝܢ ܐܢܬܘܢܿ ܠܘ ܓܝܪ ܡܢ ܝܘܡܢ ܫܪܝܬܘܢ
                    ܠܡܬܚܫܚܘ ܒܪܥܝܢܐ ܕܛܪܘܢܘܬܐ. ܕܡܢ ܢܘܓܪܐ ܫܩܝܠ ܠܢ ܢܣܝܢܟܘܢܼ. ܘܒܩܝܐ ܠܢ ܡܪܚܘܬܟܘܢܿ ܠܐ
                        ܓܝܪ 45 ܛܥܝܐ ܡܢ ܩܕܡ ܥ̈ܝܢܝܗܿ ܕܡܠܟܘܬܢܿ ܕܐܝܢܐ ܨܒܝܢܐ ܒܝܼܫܐ ܚܘܝܬܘܢ ܠܘܬܢܿ
                    ܡܢ ܟܕ ܠܐܼ ܢܥܘܠ ܠܗܿ ܠܡܕܝܢܬܟܘܿܢܿ ܘܐܝܠܝܢ ܣܘܪ̈ܚܢܐ ܘܒܝ̈ܫܬܐ ܐܣܬܥܪ ܒܐܝ̈ܕܝܟܘܢ ܪ̈ܫܝܥܬܐ܇
                    ܒܝܕ ܟܬܝܒܬܐ ܕܐܫܬܕܪ ܡܢܢ ܠܡܕܝܢܬܟܘܢ. ܘܒܝܕ ܕܫܘܪܝܐ ܗܼܘ ܕܡܠܟܘܬܢܼ. ܥܒܕܢ ܚܢܢ ܫܘܒܩܢܐ ܕܠܐ
                    ܒܙܕܩܐ܇ ܥܠ ܥܒܿܕܝ ܒܝܫ̈ܬܐ ܘܣܥܪ̈ܝ ܣܢܝ̈ܬܐ. ܐܢ̈ܫܐ ܚܝ̈ܒܝ ܡܘܬܐ ܕܠܐ ܫܘܝܢ ܗܘܘ ܠܫܘܒܩܢܐ.
                    ܘܒܝܕ ܕܫܦܥܬ ܡܪܚܡܢܘܬܢ ܠܘܬܟܘܢܿ ܗܘܬ ܠܟܘܢ ܠܥܝܕܐ. ܕܡܐ ܕܐܚܕܪܬܘܢ ܣܥܪܬܘܢ ܓܘܢܚܐ ܒܩܥܬܟܘܢܼ.
                    ܗܦܟܬܘܢ ܐܝܟ ܛܪ̈ܟܢܐ ܠܡܫܐܠ ܫܘܒܩܢܐ ܠܣܘܪ̈ܚܢܝܟܘܢܿ ܘܠܢ ܠܝܬ ܠܢ ܥܝܕܐ ܕܐܝܟ ܗܟܢܐ ܀ ܕܥܘ ܗܟܝܠ
                    ܒ̈ܢܝ ܪܗܘܡܐܼ. ܕܐܠܐ ܬܟܣܘܢ ܝܬܟܘܢ܆ ܘܬܗܘܘܢ ܠܘܬ ܢܦܫܟܘܢ ܘܬܬܒܘܢ ܒܫܠܝܐܼ. ܐܢܬܘܢ ܬܐܒܕܘܢܼ
                    ܘܡܕܝܢܬܟܘܢ ܬܚܪܒ. ܘܢܟܣ̈ܝܟܘܢ ܠܒܙܬܐ ܢܬܝܗܒܘܢܿ ܗܐ ܩܕܡܼܬ ܣܗܕܬܟܘܢ܀ ܗܢܼܘܢ ܕܝܢ ܐܝܟ ܕܡܢ ܚܕ
                    ܦܘܡܐ ܩܥܝܢ ܗܘܘ ܘܐܡܪܝܢ. ܕܡܕܝܢܬܢ ܬܚܪܒ ܘܚܢܢ ܢܐܒܼܕ ܘܢܟܣ̈ܝܢ ܠܒܙܬܐ ܢܬܝܗܒܘܢܿ ܘܐܝܗܕܝܟ ܥܠ
                    ܚܣܝܐ ܕܐܠܗܐܼ ܠܐܼ ܬܘܫܒ. ܗܐ ܩܿܕܡܢ ܣܗܕܢܟ. ܟܠܢ ܓܝܼܪ ܣܝܡܝܢܢ ܠܡܬܬ ܥܡܗ. ܘܟܕ ܚܙܼܐ ܝܘܠܝܢܘܣ
                    ܕܠܐ ܡܢ ܓܙܡ̈ܘܗܝ ܡܬܬܟܣܝܢ: ܘܠܐ ܡܢ ܠܘܚ̈ܡܘܗܝ ܡܣܬܪܗܒܝܼܢ. ܦܩܼܕ ܠܚܝ̈ܠܘܬܗܼ. ܕܢܫܡܛܘܢ
                    ܚܪܒܗܘܢܼ. ܘܢܡܠܘܢ ܩܫ̈ܬܬܗܘܢܿ ܐܝܟ ܕܢܕܚܿܠܘܢ ܠܟܢ̈ܫܝܗܿ ܕܡܕܝܢܬܐ ܥܕ ܡܬܓܡܪ ܨܒܝܢܐ ܕܡܣܝܒܐ.
                    ܒܚܣܝܐ ܘܩܕܝܫܐ ܕܐܠܗܐ. ܘܥܒܕܘ ܚܝ̈ܠܘܬܗܼ ܐܝܟ ܕܐܬܦܩܕ ܠܗܘܢܿ ܠܐ ܕܝܢ ܐܫܟܚ ܐܦܠܐ ܗܟܢܐ ܕܢܫܿܬܩ
                    ܐܢܘܢܿ ܐܪܝܒܘ ܓܝܪ ܥܠܘܗܝ ܘܩܥܝܢ ܗܘܘ ܠܗܼ ܘܐܡܪܝܢ. ܕܐܦ ܚܢܢ ܠܗܿ ܠܗܕܐ ܚܝܪܝܢ ܚܢܢ. ܘܕܢܚܪܘܒܼ
                    ܘܕܢܬܚܪܒ. ܐܢ ܬܫܘܒ ܐ̈ܝܕܝܟ ܥܠ ܚܣܝܐ ܕܐܠܗܐ. ܒܗܠܝܢ ܒ̈ܢܬ ܩ̈ܠܐ ܡܬܩܠܐ ܗܘܼܐ ܛܪܘܢܐ ܘܡܬܡܪܡܪ.
                    ܘܕܢܩܪܐ ܥܠܝܗܘܢ ܚܪܒܐܼ ܡܬܟܠܐ ܗܘܼܐ. ܒܕܠܐ ܟܢܝܫ ܗܘܼܐ ܚܝܠܐ ܟܘܠܗ ܠܘܬܗ. ܬܩܝܦܝܢ ܗܘܘ ܓܝܪ
                    ܘܣܓܝܐܝܢ ܛܒ ܟܢܫܝ̈ܗ ܕܡܕܝܢܬܐ܇ ܡܢ ܚܝܠܐ ܕܥܡܗ. ܘܟܕ ܚܙܼܐ ܛܘܒܢܐ ܐܘܣܒܝܣ: ܕܛܪܘܢܐ ܠܚܝܡ
                    ܘܟܢ̈ܫܝܗܿ ܕܡܕܝܢܬܐ ܪܘܙܝܢ  46 ܒܛܢܢܐ. ܐܙܝܥ ܡܠܬܗ ܠܘܬܗܘܢ ܘܫܠܝ ܐܢܘܢܿ ܘܒܦܬܓܡ̈ܘܗܝ
                    ܢܝ̈ܚܐ ܘܒܣ̈ܝܡܐܼ. ܫܝܢ ܐܢܼܘܢ ܟܕ ܐܡܿܪ. ܣܦܩ ܠܡ ܒ̈ܢܝ ܚܘܝܬܘܢ ܠܘܬܢ ܚܘܒܟܘܢ ܐܢܫܝܐ ܥܕ ܗܫܐ.
                    ܕܕܠܡܐ ܒܥܠܬ ܚܘܒܢ ܕܥܡ ܚ̈ܕܕܐ܇ ܢܦܘܫ ܠܢ ܡܢ ܚܘܒܐ ܕܠܘܬ ܡܫܝܚܐ܇ ܕܣܗܕܢ ܒܣܒܪܬܗ ܘܐܡܼܪ ܠܢ.
                    ܕܡܿܢ ܕܪܚܡ ܢܦܫܗ ܝܬܝܪ ܡܿܢ ܕܠܝ ܠܐ ܫܿܘܐ ܠܝ. ܘܡܿܢ ܠܐ ܫܩܿܠ ܙܩܝܦܗ ܘܐܬܿܐ ܒܬܪܝ ܗܿܘܼ ܠܐ
                    ܫܿܘܐ ܠܝ. ܠܐܘܪܚܐ ܕܚܫܗ ܕܙܩܝܦܘܬܗ ܙܡܿܢ ܩܪܢ ܡܪܢ ܒܣܒܪܬܗ. ܚܙܘ ܕܝܢ ܒ̈ܢܝܼ. ܕܠܡܐ ܢܫܬܐܠ ܡܢ
                    ܩܪܝܢܗ ܘܢܗܘܐ ܢܘܟܪܗܝܐ ܠܡܘ̈ܠܟܢܘܗܝ. ܐܙܕܗܪܘ ܗܟܝܠܼ ܒ̈ܢܝ܇ ܕܠܡܐ ܒܛܢܢܟܘܢ ܬܥܘܟܘܢܢܝ ܡܢ
                    ܩܪܝܢܐ ܕܐܬܩܪܝܬ ܠܗ. ܘܬܝܬܘܢ ܒܬܪܟܘܢ ܬܒܥܬܗܿ ܕܡܘܕܝܢܘܬܝ. ܠܡܚܣܢ ܓܝܪ ܐܫܟܚܬ ܒܗܿ ܒܗܕܐ
                    ܬܐܓܘܪܬܐ ܪܘܚܢܝܬܐܿ. ܕܚܐܪ ܐܢܐ ܠܗܿ ܗܐ ܡܢ ܛܠܝܘܬܝ. ܘܒܝܫܐ ܒܚܣܡܗ ܒܦܪܨܘܦ ܛܢܢܟܘܢ ܗܐ ܡܬܦܪܣ
                    ܕܢܣܪܩܢܝ ܡܢ ܝܘܬܪ̈ܢܝܗܿ. ܒܝܕ ܦܝܣܐ ܗܟܝܠ ܘܒܥܘܬܐ ܘܚܘܒܐ ܐܠܗܝܐܼ ܕܐܝܬ ܠܝ ܥܡܟܘܢܼ. ܗܐ
                    ܡܬܟܫܦܐ ܠܟܘܢ ܣܝܒܘܬܝ. ܒܢ̈ܝܗܿ ܕܗܝܡܢܘܬܝ ܥܒܕܘ ܒܝ ܛܝܒܘܬܐܼ ܘܗܘܘ ܒܫܠܝܐ. ܘܫܒܘܩܘ ܡܬܓܡܪ ܒܝ
                    ܨܒܝܢܗ ܕܡܪܝܐܼ ܘܠܐ ܕܛܪܘܢܐ. ܠܐ ܥܕܟܝܠ ܡܛܝܢ ܠܐܓܘܢܐ. ܕܠܡܐ ܬܬܪܗܒܘܢ. ܢܬܠ ܠܗܿ ܕܝܢ ܐܠܗܐ
                    ܠܣܝܒܘܬܝܼ. ܕܬܫܬܘܐ ܠܗܿܝ ܫܥܬܐ. ܛܘܒܝ ܒܥܕܢܐ ܕܢܿܦܠ ܒܐܕ̈ܢܝ ܩܠܐ ܕܐܡܿܪ. ܗܒ ܐܝ̈ܕܝܟ ܘܪ̈ܓܠܝܟ
                    ܠܐܣܘܪ̈ܐ. ܘܓܘܫܡܟ ܠܣܪ̈ܩܐ ܘܠܢ̈ܕܐ. ܘܚܨܟ ܠܢ̈ܓܕܐ. ܘܓܒ̈ܝܟ ܠܣܪ̈ܩܐ. ܠܡܚܕܐ ܗܟܝܠ ܘܠܿܐ
                    ܘܠܡܪܘܙ ܒܗܿܝ ܫܥܬܐ: ܟܕ ܢܗܘܝܢ ܗܠܝܢ ܒܡܕܝܢܬܟܘܢܿ ܕܩܕܡܐܝܬ ܐܝܟ ܡܝܗܡܢܬܐ ܒܟܪܬ ܫܕܪܬ ܠܐܠܗܐ
                    ܪ̈ܫܝܬܗ ܕܪܕܘܦܝܢ. ܘܟܕ ܛܒ ܒܗܠܝܢ ܫܘ̈ܓܫܐܼ. ܠܐ ܐܫܟܚ ܐܘܣܒܝܣ ܕܢܫܝܢ ܐܢܘܢ ܘܢܫܿܬܩ ܩܥܬܗܘܢܿ
                    ܚܪܡܐ ܕܝܢ ܠܝܛܐܼ. ܚܡܬܐ ܘܪܘܓܙܐ ܡܠܐ ܗܘܼܐ ܥܠܘܗܝ ܕܗܢܐ ܪܥܝܐ ܫܪܝܪܐ. ܘܩܫܝܐܫܬ ܩܿܥܐ ܗܘܼܐ
                    ܥܡܗ ܟܕ ܐܡܿܪ. ܐܡܪ ܠܝ ܐܘ ܡܪܚܐ ܘܣܿܢܐ ܚܝ̈ܘܗܝܼ. ܡܢܐ ܗܼܝ ܗܕܐ ܦܪܗܣܝܐ ܘܚܬܝܪܘܬܐ ܕܐܝܬ ܠܟ.
                    ܕܒܕܠܐ ܡܦܣܢܘܬܐ ܕܡܢܢ. ܒܫܘܠܛܢܐ ܕܢܦܫܟ܇ ܐܝܠܝܢ ܕܐܬܝܢ ܠܪܥܝܢܟ ܘܫܦܿܪܢ ܠܟ. ܙܪܥܬ ܒܡܫܡܥܬܐ
                    ܕܒ̈ܢܝ ܪܥܝܢܐ ܕܛܥܝܘܬܐ ܕܠܐ ܕܚܠܬܐ 47 ܘܩܢܛܐ. ܘܕܡ ܣܒܿܪ ܐܢܬ ܣܒܐ ܡܙܝܥܐ: ܒܕܩܥܬܗܘܢ
                    ܕܗܠܝܢ ܡܫܬܘܙܒ ܐܢܬ ܡܢ ܝܩܕܢܐ ܕܥܠܬܐ. ܘܗܘܝܬ ܝܬܝܪܐ ܠܬܒܬܗܝܢ ܕܗܠܝܢ ܕܐܣܬܥܪ ܒܐܝ̈ܕܝܟ ܕܠܐ
                    ܒܙܕܩܐ. ܘܠܐ ܝܕܥܿ ܐܢܬ ܕܘܝܐ: ܕܥܕܡܐ ܠܫܡܝܐ ܐܢ ܓܕܠܝܢ ܩ̈ܠܐ ܕܩܥܬܗܘܿܢܿ ܡܢ ܐܦܦܣܝܣ ܕܝܗܒܬ ܥܠ
                    ܟܘܡܪܗܝܗܿ ܕܐܠܗܘܬܐܼ ܠܐ ܡܬܦܠܛܬ. ܕܗܢܐ ܨܒܝܢܐ ܗܼܘܐ ܠܐܠܗܐܼ. ܕܐܝܟ ܕܕܢܬܼ ܬܬܕܝܢ. ܘܐܝܟ
                    ܕܥܒܕܬܼ ܬܬܦܪܥ. ܘܕܡܟ ܒܪܫܟ. ܕܐܢܬ ܒܨܒܝܢ ܚܐܪܘܬܟ ܩܪܝܬ ܥܠܝܟ ܓܙܪ ܕܝܢܼܐ ܕܠܐ ܪ̈ܚܡܼܐ. ܛܘܒܢܐ
                    ܕܝܢ ܐܘܣܒܝܣܼ. ܓܚܼܟ ܛܒ ܥܠ ܡ̈ܠܘܗܝ. ܘܒܢ̈ܬ ܩܠܐ̈ ܕܠܚܡܢ ܠܒ̈ܢܬ ܩ̈ܠܘܗܝ ܕܛܪܘܢܐܼ ܐܗܦܟ ܠܗ ܟܕ
                    ܐܡܿܪ. ܕܕܡ ܟܝ ܣܿܒܪ ܐܢܬ ܐܘ ܛܪܘܢܐ ܫܩܝܠ ܗܘܢܐ ܘܫܢܝܐ: ܕܒܢܘܪܟ ܡܕܚܠ ܐܢܬ ܠܝܼ. ܠܐ ܡܫܝܚܐ
                    ܒܪܗ ܕܐܠܗܐ: ܕܗܼܘ ܢܫܪܝܟ ܒܥܓܠ ܡ ܡܠܟܘܬܟ: ܘܢܬܠܟ ܠܚܣܕܐ ܠܕܪ̈ܐ ܕܐܬܝܢ ܡܢ ܒܬܪܟ. ܠܐ ܡܢ
                    ܓܙܡ̈ܝܟ ܕܚܿܠ ܐܢܐܼ. ܘܠܐ ܡܢ ܢܘܪܟ ܟܘܿܙ ܐܢܐ. ܐܦܠܐ ܡܢ ܡܘܬܐ ܡܫܬܐܠ ܐܢܐ. ܕܐܢܐ ܩܢܘܡܝ ܡܛܝܒ
                    ܐܢܐ ܗܼܘ ܕܕܒܚܐ ܕܟܝܐ ܠܐܠܗܘܬܐ ܐܬܩܪܒ. ܘܠܐ ܠܫܐܕ̈ܐ ܘܠܦܬܟܪ̈ܐ. ܐܝܟܢܐ ܕܣܒܪ ܐܢܬ ܀ ܝܘܠܝܢܘܣ
                    ܐܡܿܪ. ܠܐ ܐܝܬ ܠܟ ܫܘܒܗܪܐ ܒܗܕܐ ܩܕܡ ܒ̈ܢܝ ܛܥܝܘܬܟ ܐܘ ܫܢܝܐ.. ܕܠܘ ܥܠ ܐ̈ܦܝ ܗܝܡܢܘܬܗܿ
                    ܕܕܚܠܬܟ ܡܣܝܒܬܐ܇ ܐܬܝܗܼܒܬ ܥܠܝܟ ܗܕܐ ܐܦܦܣܝܣ ܕܝܘܡܢܐ. ܕܒܥܝܪܬܐ ܕܟܘܡܪ̈ܐ ܩܕ̈ܝܫܐ ܕܐܘܩܕܬܿ.
                    ܡܛܬܟ ܝܘܡܢ ܦܨܬܐ ܗܕܐ ܕܝܩܕܢܐ ܐܝܟ ܕܫܘܝܢ ܣܘܪ̈ܚܢܝܟ. ܕܠܐ ܨܝܕ ܐܠܗܐ ܕܛܥܝܘܬܟܘܢ ܬܗܘܐ ܠܟ
                    ܬܫܒܘܚܬܐ ܘܓܠܝܘܬ ܐ̈ܦܐܼ. ܘܠܐ ܩܘܒܠ ܛܝܒܘܬܐ ܨܝܕ ܐ̈ܠܗܐ ܒܝܩܕܢܟ ܕܥܠ ܥܠܬܗܘܢܿ ܕܡܢ ܓ̈ܒܐ
                    ܬܪ̈ܝܗܘܢ ܟܘܪܐܪܐ ܢܡܛܝܗܿ ܠܣܝܒܘܬܟ ܀ ܐܘܣܒܝܣ ܐܡܿܪ. ܡܛܠ ܡ̈ܠܝ ܫܢܝܘܬܟ ܡܬܐܢܣ ܐܢܐ. ܘܐܝܠܝܢ
                    ܕܠܐ ܨܒܿܐ ܗܘܝܬ ܕܩܕܡ ܕܢܣܬܥܪܢ ܗ̈ܘܝ ܢܬܕܢܚܼܢ. ܟܕ ܛܒ ܠܩܘܠܣܗ ܕܥܡܢ ܘܠܬܫܒܘܚܬܗ ܕܐܠܗܢ
                    ܐܝܬܝܗܝܼܢ. ܐܠܐ ܡܛܠ ܕܢܩܦܚ ܫܘܒܗܪܗܿ ܕܚܬܝܪܘܬܟ܇ ܩܕܡ ܟܢ̈ܫܝܗܿ ܕܡܕܝܢܬܐ. ܘܩܕܡ ܒܢ̈ܝ ܓܒܐ
                    ܕܛܥܝܘܬܐ܇ ܐܟܦܬܢܝ ܘܠܝܬܐ ܕܥܝܢ ܒܓܠܐ ܕܠܐ ܟܘܚܕܐ ܐܘܕܐ ܠܥܝܢ ܟܠ ܐܢܫ. ܕܒܚܝܠܗ ܬܩܝܦܐ ܕܐܠܗܢ
                        ܕܠܘܐ 48 ܠܼܢ. ܘܠܢܘܪܟ ܚܿܣܢܝܢ ܚܢܢ. ܘܠܓܙܡ̈ܝܟ ܕܝܫܝܢ ܚܢܢ ܘܒ̈ܠܘܚܡܝܟ. ܡܗܠܝܢ
                    ܚܢܢ. ܘܡܢ ܫܢ̈ܕܝܟܼ ܠܐ ܟܘܿܙܝܢ ܚܢܢ. ܕܐܝܬ ܠܢ ܐܠܗܐ ܕܡܨܐܼ ܒܚܝܠܐ ܕܒܟܠܗܝܢ ܢܥܕܪܢ ܀ ܝܘܠܝܢܘܣ
                    ܐܡܿ. ܐܘܕܪ̈ܝܐ ܐܢܝܢ ܗܠܝܢ ܣܒܐ ܣܟܠܐ̈ ܘܚܣܝܪ ܝܕܥܬܐ. ܫܘܥܝܗܬܐ ܐܢܝܢ ܓܝܪ ܦܟܝܗ̈ܬܐ
                    ܕܛܥܝܘܬܟܘܢܿ ܘܐܠܐ ܐܢ ܐܝܬ ܚܝܠܐ ܒܐܝܠܝܢ ܕܐܬܐܡܪ ܡܢܟ. ܒܬܪ ܩܠܝܠ ܗܒ ܒܘܩܝܐ ܕܫܪܪܗܝܢ. ܡܐ
                    ܕܢܗܡܬ ܠܩܘܒܠܟ ܢܘܪܗܿ ܕܥܠܬܐ ܐܝܟ ܐܪܝܘܬܐ܇ ܘܚܒܬ ܒܓܘܫܡܟ ܫܠܗܒܝܬܐ. ܒܗܿܝ ܫܥܬܐ ܐܢ ܐܝܬ ܠܟ
                    ܐܠܗܐ ܕܘܝܐܼ. ܢܐܬܐ ܠܐܝܠܟ ܘܢܥܕܪܟ. ܘܗܐ ܐܬܗܝܡܢ ܡ̈ܠܝܟ ܒܫܪܪܗܝܢ ܀ ܥܢܐ ܐܘܣܒܝܣ ܛܘܒܢܐ
                    ܘܐܡܼܪ. ܘܒܢܘܪܟ ܐܝܬ ܠܟ ܕܬܗܒܬ ܐܘ ܫܢܝܐܼ. ܐܝܟ ܡܐ ܕܫܩܠܬ ܥܝܐ ܒܟܬܝ̈ܒܬܟ ܐܦ ܝܩܕܢܐ
                    ܕܟܬܝܫ̈ܝܟ. ܕܬܕܥ ܕܐܝܬ ܠܢ ܐܠܗܐ ܗܿܘ ܕܡܥܕܪ ܠܢ. ܝܠܦ ܕܝܢ ܡܢ ܗܫܐ ܫܢܝܐ. ܕܢܘܪܟ ܝܘܡܐ ܠܐ
                    ܢܟܝܐ ܠܢ. ܘܨܒܝܢܟ ܕܝܘܡܢ ܒܝ ܠܐ ܡܬܓܡܪ. ܘܬܪܥܝܬܟ ܠܪܝܫܝ ܠܐ ܣܠܩܐ. ܕܠܐ ܬܫܬܒܗܪ ܘܬܐܡܪ
                    ܕܝܩܕܢܐ ܠܦܬܟܪ̈ܝܟ ܩܪܒܬܢܿ ܀ ܝܘܠܝܢܘܣ ܐܡܿܪ. ܐܦ ܐܠܘ ܐܝܬ ܦܘܪܣܐ ܕܡܨܝܐ ܗܘܬ ܗܕܐ ܐܘ ܕܘܝܐ.
                    ܐܘܗܠܨܢܐ ܓܝܪ ܥ̈ܣܩܐ ܘܫܘ̈ܢܩܐ ܩ̈ܫܝܐ ܘܫܢ̈ܕܐ ܡܫܚ̈ܠܦܐ ܕܟܠ ܐ̈ܣܟܝܡܝܢ: ܐܝܬ ܗܘܼܐ ܠܝ ܕܐܣܒܠܟ
                    ܗܘܝܬ. ܐܝܟ ܕܫܘܝܢ ܗܘܘ ܣܘܪ̈ܚܢܝܟ ܘܒܝܫ̈ܬܐ ܕܣܥܝܪܢ ܠܟ. ܐܠܐ ܛܝܒܘ ܠܐ̈ܠܗܐܼ. ܕܚܘܝܘ ܠܘܬܟ
                    ܡܪܚܡܢܘܬܗܘܢܿ ܘܩܕܡܘ ܣܡܘܟ ܝܩܕܐ ܠܥܠܬܗܘܢܿ ܕܬܣܒ ܒܥܓܠ ܫܘܠܡܐ ܕܚܝ̈ܝܟ. ܕܬܓܗܐ ܡܢ ܐܝܠܝܢ
                    ܕܣܝܡܐ ܗܘܬ ܠܝ ܕܐܣܒܠܟ ܀ ܐܘܣܒܝܣ ܐܡܿܪ. ܡܢ ܝܬܝܪܘܬܢܢ (؟) ܡܬܬܗܝܬ ܠܐܝܓܘܢܢ. ܘܒܛܝܠ ܐܢܬ ܡܢ
                    ܓܙܪ ܕܝܢܟܼ ܐܘ ܫܢܝܐ. ܗܕܐ ܓܝܪ ܕܐܬܪܥܝܬܼ. ܡܕܝܢ ܒܛܠܐ ܗܝ ܝܘܡ ܐܝܟܢܐ ܕܐܬܐܡܪܬ ܠܟ ....
                    ܝܘܠܝܢܘܣ ܐܡܿܪ. ܣܓܝ ܛܥܝܬ ܒܝܫ ܓܕܐ̈ ܕܗܕܐ ܣܒܪܬ. ܠܝܬ ܓܝܪ ܚܝܠܐ ܕܢܚܣܝܘܗܝ ܠܟܝܢܐ ܕܢܘܪܐ.
                    ܐܦܠܐ ܐܠܘ ܐܚܝܕ ܐܢܬ ܟܠܗܘܢ ܣܦܪ̈ܝܗܿ ܕܚܪܫܘܬܐ. ܘܪ̈ܦܦܐ ܕܚ̈ܘܫܒܢܝܗܿ ܕܟܠܕܝܘܬܐ. ܘܐܘܡܢܘܬܗܿ
                    ܘܚܡܬܗܿ ܕܡܓܘܫܘܬܗܿ ܠܐ ܐܬܡܨܝܬ ܚܝܠܗܿ ܕܗܕܐ ܕܐܬܐܡܪܬ ܡܢܟ܇ ܠܐ  49 ܓܝܪ ܢܗܝܪ ܐܢܬ
                    ܒܕܝܥܬܐ܇ ܘܫܒܝܚ ܐܢܬ ܒܚܟܡܬܐ ܡܢ ܣܘܩܪܛܝܣ ܐܬܢܝܐ܇ ܕܠܐ ܐܫܟܚ ܕܢܫܘܙܒ ܢܦܫܗ ܡܢ ܝܩܕܢܐ ܕܢܘܪܗܘܢ
                    ܕܐ̈ܬܢܝܐ. ܟܝܢܐ ܗܘ ܓܝܪ ܥܙܝܙܐ ܟܝܢܗܿ ܕܢܘܪܐ. ܘܡܢܬܐ ܐܝܬ ܠܗܿ ܒܟܝܢܐ ܐܠܗܝܐ. ܪܡܐ ܓܝܪ
                    ܒܙܠܩܗܿ. ܘܒܢܝܪܗܿ ܕܓܘܙܠܬܐ. ܘܒܙܠܓܗܿ ܕܒܗܘܢܿ ܡܬܗܦܟܐ ܥܡܘܛܘܬܗ ܕܠܠܝܐ. ܘܐܢ ܢܗܝܪ̈ܐ
                    ܕܐܝܬܝܗܘܢ ܐ̈ܠܗܝܗܿ ܕܒܪܝܬܐ܇ ܣܢܝܩܝܢ ܥܠ ܚܘܠܛܢܐ ܕܡܢܗܿ. ܐܦ ܚܫܘܟܐ ܕܐܝܬܘܗܝ ܐܦ ܗܼܘ ܐܝܬܝܐ
                    ܕܟܝܢܗ: ܠܐ ܡܨܐ ܡܥܙܐ ܩܕܡ ܒܗܩܐ ܙܥܘܪܐ. ܕܡܢܗܼ. ܐܢܬ ܟܝ ܕܘܝܐ ܚܒܬܐ ܡܚܝܠܬܐ: ܐܝܬ ܠܟ ܕܬܥܙܐ
                    ܬܩܘܡ ܩܕܡ ܫܠܗܒܝܬܐ ܕܢܘܪܐ: ܘܬܫܘܙܒ ܢܦܫܟ ܡܢ ܥܘܙܐ ܕܝܩܘܕܬܗܿ. ܕܡܢܐ ܕܝܢ ܬܬܗܢܐ ܘܬܐܪܬ. ܟܕ
                    ܬܫܬܘܕܐ ܕܪܘܪ̈ܒܢ ܘܚܣܝܢܢ ܡܢܟ܇ ܐܠܐ ܒܠܚܘܕ ܟܘܐܪܐ܇ ܕܥܕ ܩܠܝܠ ܘܐܬܒܩܝ ܡ̈ܠܝܟ .... ܐܘܣܒܝܣ
                    ܐܡܿܪ. ܠܝܬ ܠܡܬܕܡܪܘ ܡܢ ܐ̈ܢܫ ܘܠܡܒܟܐ ܥܠܝܟ܇ ܕܐܝܟܢܐ ܦܟܗܼܬ ܝܕܥܬܟ. ܘܐܣܬܡܝܬ ܒܒܬ ܪܥܝܢܟ.
                    ܘܢܦܠܬ ܡܢ ܐܗܠܐ ܥܿܒܘܕܟ. ܕܗܠܝܢ ܫܘܥ̈ܝܬܐ ܕܛܥܝܘܬܐ ܕܐܚܝܕ ܐܢܬ. ܗܝܢܝܢ ܐܚܕܪ ܐܝܬܝܟ ܠܗܕܐ
                    ܟܠܗܿ ܫܢܝܘܬܐ. ܘܐܬܕܡܝܬ ܠܒܥܝܪܐ ܕܠܝܬ ܠܗܿ ܒܘܝܢܐ. ܕܫܒܩܬ ܠܡܨܐܦ ܕܨܒ̈ܘܬܐ ܐܝܠܝܢ ܕܐܠܨܐ
                    ܥܠܝܗܝܢ: ܘܕܝܟܢܐ ܬܐܪܘܥ ܩܐܪܣܗܿ ܪܒܐ ܕܐܬܘܪ. ܘܐܗܡܝܬ ܡܢ ܗܠܝܢ. ܘܗܐ ܥܦܝܬ ܐܝܟ ܢܫ̈ܐ ܫܢܝ̈ܬܐ
                    ܒܪܩܕܐ ܘܒܙܡܪܐ. ܘܒܥܝܐ ܣܪܝܚܐ ܕܠܝܬ ܕܠܝܬ ܒܗ ܚܫܚܘ. ܘܫܠܼܐ ܐܢܬ ܘܒܛܝܠ ܡܢ ܣܘܥܪ̈ܢܐ ܐܝܠܝܢ
                    ܕܡܩܝܡܝܢ ܐܬܪ̈ܘܬܐ ܕܐܘܚܕܢܟܼ. ܘܥܢܼܐ ܐܢܬ ܘܟܬܝܫ ܒܦܘܠܚܢܐ ܣܦܝܩܐ ܕܦܬܟܪ̈ܐ. ܘܡܛܥܝܢ ܒܟ ܕܝܘ̈ܐ
                    ܘܡܓܚܟܝܢ ܒܟ ܫܐ̈ܕܐ. ܕܡܬܢܒܝܢ ܠܟ ܒܟ̈ܬܝܫܝܗܘܢ ܢܒܝ̈ܘܬܐ ܟܕܒ̈ܬܐ ܕܠܐ ܣܠܩܢ ܠܪܝܫ. ܐܢ ܕܝܢ
                    ܨܒܝܬ ܠܡܐܠܦܼ. ܫܡܥ ܡܢܝ ܕܐܡܿܪ ܐܢܐ ܠܟ ܫܪܝܪ̈ܬܐ. ܕܡܢ ܗܫܐܼ ܠܝܬ ܠܟ ܕܬܨܠܚ ܒܡܠܟܘܬܟ. ܫܠܡ ܠܗ
                    ܓܝܪ ܡܢ ܟܕܘ ܙܒܢܟܼ. ܘܥܡ ܫܘܪܝܟ ܣܪܗܒ ܫܘܠܡܟ. ܓܙܪ ܕܝܢܐ ܓܝܪ ܕܟܐܢܘܬܐ ܡܢ ܟܕܘ ܩܕܡܟ ܠܐܪܥܐ
                    ܕܟ̈ܠܕܝܐ. ܘܩܨܟ ܬܡܢ ܚܿܐܪ ܠܟ. ܘܐܝܟ ܓܒܪܐ ܛܪܝܕܐ ܘܡܐܪܐܼ. ܠܒܪ ܡܢ ܐܘܚܕܢܐ ܕܡܠܟܘܬܟ ܢܗܘܐ
                    ܐܒܕܢܟ. ܐܝܟܢܐ ܕܐܦܠܐ  50 ܫܠܕܟ ܬܥܘܠ ܠܩܒܘܪܬܐ ܕܡ̈ܠܟܐ. ܥܠ ܕܠܐ ܐܬܒܝܢܬ ܒܐܝܩܪܟ܇
                    ܘܝܕܥܬ ܕܫܘܠܛܢܟ ܡܢ ܠܥܠ ܐܬܝܗܒ ܠܟ܇ ܡܠܐ ܙܒܢܐ ܠܡܪܕܘܬܗ ܕܥܡܼܢ ܥܠ ܕܚܛܝܢ .... ܝܘܠܝܢܘܣ
                    ܐܡܿܪ. ܫܟܝܚܐ ܗܼܝ ܠܗܘܢ ܗܕܐ ܠܩܛ̈ܘܠܐ ܘܠܥܒ̈ܕܝ ܒܝܫ̈ܬܐ܇ ܕܒܥܕܢ ܡܣܡ ܒܪܝܫܐ ܕܐܒܕܢܗܘܢܿ
                    ܘܠܡ̈ܠܟܐ ܡܨܥܪܝܢ ܘܥܠ ܐ̈ܠܗܐ ܡܓܕܦܢ. ܘܐܝܠܝܢ ܕܐܬܝܢ ܠܗܘܢ ܐܡܪܝܢ܇ ܐܝܟ ܐܢܫ̈ܐ ܕܝܕܥܿܝܢ
                    ܕܐܬܦܣܩ ܠܗ ܡܟܝܠ ܣܒܪܐ ܕܚܝ̈ܝܗܘܢܿ ܐܦ ܗܫܐ ܟܡܐ ܕܨܒܝܬܼ. ܫܡܘܛ ܠܢܟܼ ܘܫܡܿܪ ܨܥܪܟ. ܥܕ ܐܚܕܐ
                    ܢܘܪܐ ܒܩܝ̈ܣܝܗܿ ܕܥܠܬܐ .... ܛܘܒܢܐ ܕܝܢ ܐܘܣܒܝܣ ܡܓܚܟ ܗܘܼܐ ܒܗ ܟܕ ܐܡܿܪ. ܘܠܐܡܬܝ ܠܡ ܟܝܬ
                    ܟܘܡܪܗܿ ܕܚܛܝܬܐ܇ ܬܩܪܒ ܕܒܚܐ ܕܛܡܐܘܬܟ ܠܐܗܠܗܝܟ ܕܒܗܬܬ. ܕܗܐ ܝܘܡܢ ܡܢ ܟܕܘ ܗܿܘܐ ܠܐ ܒܐܪ̈ܒܥ
                    ܫ̈ܢܝܢ.. ܘܐܬܚܡܬ ܝܘܠܝܢܘܣܼ. ܘܫܩܼܠ ܕܢܬܠ ܐܦܦܣܝܣ ܕܝܩܕܢܗ ܕܩܕܝܫܐ ܟܕ ܐܡܿܪ. ܕܐܘܣܒܝܣ ܠܡ
                    ܐܝܢܐ ܕܐܝܬܘܗܝ ܗܼܘܐ ܪܝܫ ܕܚܠܬܐ ܕܢܨܪ̈ܝܐ: ܗܿܘ ܐܝܢܐ ܕܒܪܥܝܢܐܡܫܩܠܐ ܕܛܪܘܢܘܬܗ: ܥܠ ܐ̈ܠܗܐ
                    ܐܫܬܥܠܝ: ܘܥܠ ̱ܗܠܟܐ ܐܬܬܪܝܡ: ܘܠܟܘܡܪ̈ܐ ܩܕܝ̈ܫܐ ܥܠ ܥܠܬܐ ܕܐ̈ܠܗܐ ܐܘܩܕ: ܥܠܘܗܝ ܥܠ ܗܢܐ ܦܩܕܬ
                    ܡܠܟܘܬܢܼ. ܗܿܝ ܕܐܦ ܐ̈ܠܗܐ ܦܩܕܘܼ. ܕܐܝܟ ܕܥܒܼܕ ܢܬܥܒܕ ܠܗ. ܘܦܘܪܥܢܗܼ ܢܗܦܟ ܠܗ. ܕܐܦ ܒܗܕܐ
                    ܟܐܢܘܬܗܘܢ ܕܐ̈ܠܗܐ ܠܘܬ ܟܠ ܐܢܫ ܬܬܝܕܥܼ. ܕܐܟܘܬܗܘܢ ܬܪ̈ܝܨܝܢ ܕܝܢܝܗܗܘܢܼ. ܘܡܢ ܒܬܪ ܕܐܬܝܗܒܬ
                    ܥܠܘܗܝ ܕܩܕܝܫܐ ܐܦܦܣܝܣ ܕܝܩܕܢܐܼ. ܩܪܒܘ ܟܘܡܪ̈ܐ ܕܙܘܣ ܘܕܐܦܠܘܢܼ. ܘܒܥܘ ܡܢܗ ܕܛܪܘܢܐܼ ܘܐܡܪܝܢ.
                    ܕܒܐܣܟܡܐ ܕܟܘܡܪܘܬܗ ܘܒܛܟܣܐ ܕܬܫܡܫܬܗ ܢܬܩܪܒ ܝܩܕܐ ܠܐ̈ܠܗܐ. ܐܡܿܪ ܠܗܘܢ ܝܘܠܝܢܘܣ. ܥܕܡܐ ܠܐܡܬܝ
                    ܡܠܐܝܢ ܐܢܬܘܢ ܠܝ ܒܒܥܘܬܟܘܢܿ ܘܫܚܩܝܢ ܐܢܬܘܢ ܠܝ ܒܬܒܥܬܐ ܕܚܒܪ̈ܝܟܘܢܿ ܗܐ ܥܒܝܕ ܠܟܘܢ ܨܒܝܢܐ.
                    ܙܠܘ ܒܥܓܠ ܘܒܐܣܟܡܐ ܘܛܟܣܐ ܕܨܒܝܬܘܢܼ. ܫܘܩܠܘܗܝ ܡܢ ܩܕܡ ܐ̈ܦܝ ܠܗܢܐ ܒܝܫ ܓܕܐ ܘܐܓܗܐ ܡܢ
                    ܒܝ̈ܫܬܗ. ܫܦܝܐ ܓܝܪ ܒܝܫܼܐ ܐܫܬܠܡ ܠܝ ܡܢ ܫܘܪܝܗܿ ܕܡܠܟܘܬܝ. ܠܐ ܓܝܪ ܨܿܒܐ ܗܘܝܬ ܕܐܘܫܒ ܐ̈ܝܕܝ
                    ܒܕܡܗܘܢ ܕܗܠܝܢ ܡܣܝ̈ܒܐ܇ ܐܠܘ ܠܐ ܣܘܪܚܢܐ ܕܥܒܕܘ ܘܩܼܪܒܘ ܟܘܡܪ̈ܐ ܗܠܝܢ ܘܐܚܕܘܗܝ ܠܛܘܒܢܐ
                    ܐܘܣܒܝܣ. ܘܡܢܬܫܝܢ 51 ܗܘܘ ܚܘܪ̈ܬܗ ܕܣܒܐ ܡܒܪܟܐܼ ܘܣܝܡܝܢ ܒܦܘܡܗ. ܘܡܗܠܝܢ ܗܘܘ
                    ܘܐܡܪܝܢ. ܕܐܢ ܒܫܪܪܐ ܠܡ ܐܝܬ ܠܟ ܐܠܗܐܼ. ܢܐܬܐ ܗܫܐ ܘܢܥܕܪܟ. ܘܓܕܠܘ ܟܠܝܠܐ ܕܦܩ̈ܚܐܼ ܘܣܡܘ
                    ܒܪܝܫܗ. ܘܒܒ̈ܢܬ ܩ̈ܠܐ ܕܠܚܡܢ ܠܙܩ̈ܘܦܐ ܡܒܙܚܝܢ ܗܘܘ ܒܗܼ ܘܐܡܪܝܢ. ܫܠܡ ܠܟ ܪܒ ܟܘܡܪ̈ܐ
                    ܕܢܨܪ̈ܝܐ. ܕܠܡܐ ܠܡ ܬܟܪܐ ܠܗܿ ܠܣܝܒܘܬܟ. ܕܠܘ ܠܒܪܢܫܐ ܡܝܘܬܐ ܕܙܩܼܦܘ ܝܗ̈ܘܕܝܐ ܡܬܩܪܒܬ ܝܩܕܐ
                    ܘܩܘܪܒܢܐ. ܐܠܐ ܠܙܘܣ ܠܡ ܘܠܐܦܠܘܢܿ ܗܠܝܢ ܕܡܢ ܟܝܢܗܘܢ ܐ̈ܠܗܐ ܠܡ ܐܝܬܝܗܘܢܿ ܘܬܘܒ ܨܘ̈ܚܝܬܐ
                    ܐܚܪ̈ܢܝܬܐ ܕܡܼܠܝܢ ܓܘܕܦܐ ܡܨܚܝܢ ܗܘܘ ܠܗ. ܗܼܘ ܕܝܢ ܚܣܝܐ ܕܐܠܗܐܼ. ܫܬܝܩ ܗܼܘܐ ܘܠܐ ܦܬܼܚ
                    ܦܘܡܗ. ܕܒܗܿܘ ܢܝܚܐ ܕܙܩܝܦܘܬܐ ܕܡܪܗ ܚܐܪ ܗܘܐ. ܟܕ ܕܝܢ ܒܙܚܘ ܒܗ ܘܐܗܠܘ ܒܗ. ܟܡܐ ܕܨܒܘܼ. ܐܣܦܘ
                    ܢܘܪܐ ܒܩ̈ܝܣܐ ܕܥܠܬܐ. ܘܪܣܘ ܠܥܠ ܡܢܗܘܢ ܡܫܚܐ ܕܪ̈ܛܢܐ. ܘܒܕܡܘܬ ܙܩܘ̈ܦܐ ܠܡܪܢܼ. ܚܕܝܪܝܢ ܗܘܘ
                    ܠܗ ܟܘܡܪ̈ܐ ܡܣܝ̈ܒܐ܇ ܠܗܢܐ ܣܗܕܐ ܕܐܠܗܐ. ܘܐܝܟ ܐܢ̈ܫܐ ܕܡܛܝܒܝܢ ܗܘܘ ܐܝ̈ܕܝܗܘܢ ܕܢܡܠܘܢܼ
                    ܠܦܬܟܪ̈ܝܗܘܢܿ ܒܝܩܕܢܗ ܕܐܘܣܒܝܣ ܛܘܒܢܐܼ. ܒܠܒܘ̈ܫܐ ܚܘܪ̈ܐ ܡܦܪܓܝܢ ܗܘܘ ܚܕܪ̈ܝܗܿ ܕܥܠܬܐ. ܘܟܕ
                    ܐܫܬܠܛܬ ܢܘܪܐ ܒܩ̈ܝܣܝܗܿ ܕܥܠܬܐ: ܘܡܫܬܠܗܒܐ ܗܘܬ ܘܝܗܒܐ ܩܠܐܼ. ܚܬܡ ܢܦܫܗ ܣܗܕܐ ܕܐܠܗܐܼ. ܘܥܒܕ
                    ܪܘܫܡܗ ܕܨܠܝܒܐ ܒܚܕܝܗ ܘܒܝܬ ܥܝܢܘ̈ܗܝ. ܘܡܢ ܢܦܫܗܼ. ܕܠܐ ܩܛܝܪܐܼ. ܫܘܪ ܣܠܼܩ ܠܕܪܓܐ ܥܠܝܐ. ܘܟܕ
                    ܕܪܟܬ ܪܓܠܗ ܥܠ ܥܿܠܬܐ. ܥܪܩܬ ܫܠܗܒܝܬܐ ܡܢ ܩܕܡܘܗܝܼ. ܘܣܦܬ ܒܗܘܢ ܒܟܘܡܪ̈ܐ ܡܣܝ̈ܒܐ. ܕܗܘܝܢ ܗܘܘ
                    ܒܡܢܝܢܐܿ ܬܠܬܼܝܬ ܘܬܪ̈ܝܢ. ܘܚܒܬ ܒܓܘܫ̈ܡܝܗܘܢܼ ܘܝܩܕܘ. ܘܐܬܚܪܟܘܼ ܥܕܡܐ ܕܠܐ ܐܫܬܚܪ ܡܢܗܘܢ
                    ܫܪܟܢܐ. ܘܟܕ ܐܬܢܩܡܬ ܡܼܢܗܘܢ ܫܠܗܒܝܬܐ: ܨܥܪܗ ܘܨܘܚܝܬܗ ܕܩܕܝܫܐ: ܘܓܘܕܦܗܘܢ ܕܥܠ ܐܠܗܐܼ. ܟܢܫܼܬ
                    ܝܬܗܿ ܘܦܪܚܬ ܘܐܬܥܠܝܬ ܒܐܐܪ. ܘܡܬܓܘܙܠܐ ܗܘܬ ܒܐܐܪ. ܘܝܗܒܐ ܩܠܐ. ܐܝܟܢܐ ܕܡܢ ܩܠ ܢܗܡܬܐ
                    ܕܕܠܩܗܿ܆ ܕܚܠܬܐ ܘܙܘܥܬܐ ܐܚܕܬ ܠܟܠܗܘܢ ܚ̈ܢܦܐ ܘܟܦܘܪ̈ܐ ܕܐܬܟܢܫܘ ܘܐܬܘ܇ ܠܚܙܬܗ ܕܗܢܐ ܣܘܥܪܢܐ.
                    ܥܡܐ ܕܝܢ ܟܠܗ ܕܟܪ̈ܣܛܝܢܐܼ. ܚܕܝܢ ܗܘܘ ܘܡܘܕܝܢ ܘܡܫܒܚܝܢ ܠܐܠܗܐ܇ ܥܠ ܦܘܪܩܢܐ ܓܠܝܐ ܕܚܘܝ
                        ܠܘܬ 52 ܥܒܼܕܗ. ܘܫܘܙܒܗ ܡܢ ܝܩܕܢܐ ܕܫܠܗܒܝܬܐ. ܛܘܒܢܐ ܕܝܢ ܐܘܣܒܝܣܼ. ܩܼܥܕ ܗܘܐ
                    ܥܠ ܒܘܪ̈ܟܘܗܝ ܥܠ ܥܿܠܬܐ. ܘܡܨܠܐ ܗܘܐ ܠܐܠܗܐ ܚܫܝܫܐܝܬܼ. ܕܒܥܓܠ ܢܫܘܝܘܗܝ ܕܢܛܥܡ ܚܫܐ
                    ܕܙܩܝܦܘܬܗ. ܒܫܢ̈ܕܐ ܘܚܫܐ ܕܡܘ[ܕ]ܝܢܘܬܗ. ܘܟܕ ܩܡ ܡܢ ܨܠܘܬܗܼ. ܐܬܦܢܝ ܘܐܡܼܪ ܠܗ ܠܛܪܘܢܐ. ܥܕܡܐ
                    ܠܐܡܬܝ ܠܡ ܪܫܝܥܐ ܘܡܣܝܒܐ ܐܚܝܕܐ ܠܟ ܫܢܝܘܬܐ܇ ܘܫܩܝܠ ܗܘܢܟ ܠܛܥܝܘܬܐ ܕܫܐ̈ܕܐ܇ ܘܠܐ ܡܬܒܝܢ ܐܢܬ
                    ܘܡܣܬܟܠ ܐܢܬܿ. ܕܦܬܟܪ̈ܐ ܠܐ ܡܕܡ ܐܝܬܝܗܘܢܿ ܘܠܐ ܕܢܛܐܒܘܢ ܘܠܐ ܕܢܒܐܫܘܢ ܡܫܟܚܝܢ. ܐܝܟܘ ܓܝܪ
                    ܕܐܫܟܚܘ ܕܢܒܐܫܘܢ ܠܝ. ܕܨܚܝܬ ܐܢܘܿܢܿ ܐܘ ܕܢܛܐܒܘܢܼ ܠܡ̈ܫܡܫܢܝܗܘܢ ܕܝܩܪܘ ܐܢܘܢܿ ܘܠܐ ܐܬܡܨܝܘ
                    ܠܡܫܘܙܒܘ ܐܢܘܢ ܡܢ ܝܩܕܢܐ ܕܢܘܪܐ܇ ܐܝܟܐ ܕܦܨܝܢܝ ܡܫܝܚܐ ܘܫܘܙܒܝܢܝ ܡܢ ܝܩܕܢܐ ܕܢܘܪܟ ܘܥ̈ܝܢܝܟܼ
                    ܚܿܙܝܢ. ܝܘܠܝܢܣ ܐܡܿܪ. ܕܡ ܬܣܒܪ ܠܟ ܛܡܐܐ ܘܡܣܝܒܐ܇ ܕܒܚܝܠ ܢܨܪܝܐ ܗܿܘ ܕܠܗ ܦܠܚܿ ܐܢܬ. ܗܘܬ
                    ܗܕܐ ܕܝܘܡܢ ܘܐܣܬܥܪܬ. ܐ̈ܠܗܐ ܓܝܪ ܣܥܪܘܗܿ ܠܗܕܐܼ. ܒܕܠܐ ܐܨܛܒܝܘ ܒܟ ܕܬܣܩ ܝܩܕܐ ܥܠ ܥܠܘܬܗܘܢܿ
                    ܐܝܟ ܕܡܢ ܛܒܐܐ ܓܝܪ ܘܡܣܝܒܐ ܢܙܪܘ ܢܘܪܗܘܢ ܡܢܟ. ܕܕܠܡܐ ܬܣܬܝܒ ܡ.ܢ ܛܡܐܘܬܟ. ܘܐܦܣܘ ܠܗܿ ܘܥܒܕܬ
                    ܢܚܫܝܪܐ ܒܟܘܡܪ̈ܝܗܘܢܼ. ܥܠ ܕܩܪܒܘܟ ܥܠ ܥܠܘܬܗܘܢܿ ܘܟܕ ܐܬܬܢܝܚ ܪܘܓܙܗܘܢ ܕܐ̈ܠܗܐ ܒܝܩܕܢܐ
                    ܕܡܫܡܫܢ̈ܝܗܘܢ: ܘܢܚܬ ܚܡܬܗܘܢܿ ܦܩܕܘ ܠܗܿ ܠܐܐܪ ܪ̈ܓܝܬܐܼ. ܘܐܬܡܙܓܬ ܒܚܡܝܡܘܬܗܿ ܕܢܘܪܐ. ܐܦ
                    ܐܫܬܗܝ ܥܘܙܐ ܕܝܩܘܕܘܬܗܿ. ܒܓܘ ܥܘܒܗܿ ܪܓܝܐ ܕܐܐܪ ܕܠܐ ܬܬܥܙܙ ܒܝܩܘܕܘܬܗܿ. ܘܬܘܩܕ ܘܬܣܝܦ
                    ܠܟܢ̈ܫܐ ܗܠܝܢ ܕܐܬܘܥܕܘ ܠܚܙܬܗ ܕܣܘܥܪܢܟ. ܛܘܒܢܐ ܕܝܢ ܐܘܣܒܝܣ ܡܠܼܐ ܐܝ̈ܕܘܗܝ ܥܝܐ ܡܢ ܩܒܘܠܼ.
                    ܘܝܗܼܒ ܠܗ ܠܛܪܘܢܐ ܟܕ ܐܡܿܪ. ܗܢܐ ܠܡ ܢܠܘܝܟ ܡܢ ܡܠܟܘܬܟ. ܒܥܠܕܒܒܐ ܘܣܢܐܐ ܕܐܠܗܐ. ܕܐܦ ܗܫܐ
                    ܕܚܙܝܬ ܒܥܗܝܢܝܟ ܬܕܡܘܪܬܐ ܓܠܝܬܐ ܕܣܥܪ ܐܠܗܐ܇ ܠܐ ܨܿܒܝܬ ܠܡܘܕܝܘ ܕܐܠܗܐ ܣܥܪܗܿ. ܐܠܐ ܒܥܘܝܪܘܬ
                    ܠܒܟ ܘܒܚܣܝܪܘܬ ܪܥܝܢܟܼ. ܙܕܩܬ ܬܘܕܝܬܗܿ ܕܬܕܡܘܪܬܐ ܕܗܘܬ ܠܫܐ̈ܕܐ ܕܐܟܘܬܟ ܘܠܕܝܘ̈ܐ ܕܕܡܝܢ 53 ܠܟ. ܘܫܦܝܪ ܐܡܼܪ ܢܒܝܐ ܒܪܘܚܐ ܕܐܠܗܐ܇ ܕܓܒܪܐ ܫܛܝܐ ܠܐ ܡܣܬܟܠ ܒܗܕܐ. ܐܬܚܡܬ ܕܝܢ
                    ܝܘܠܝܢܘܣ ܘܐܡܼܪ ܠܗ ܟܕ ܡܬܠܚܡ. ܘܫܛܝܐ ܠܡ ܐܬܚܫܒܬ ܒܥܗܝܢܝܟ ܐܘ ܚܝܿܒ ܡܘܬܐ. ܘܠܐ ܝܬܝܪ ܡܠܟܐ
                    ܘܐܚܝܕ ܫܘܠܛܢܐ: ܕܫܠܝܛ ܥܠ ܡܘܬܟ ܘܥܠ ܚܝ̈ܝܟ ܐܘ ܒܝܫ ܓܕܐ. ܡܗܠ ܗܘܼܐ ܕܝܢ ܒܗ ܩܕܝܫܐ ܟܕ ܐܡܿܪ.
                    ܟܠܝܠܟ ܠܡ ܘܐܪ̈ܓܘܢܝܟ ܕܡ̈ܠܟܐ. ܠܒܟ ܕܝܢ ܘܝܕܥܬܟ ܕܒܥܝܪܐ. ܕܩܢܟ ܘܣܟܝܡܗ ܕܪܫܟ ܕܦܝܠܣܘܦܐ.
                    ܡ̈ܠܝܟ ܠܡ ܘܫܘ̈ܐܠܝܟ ܕ̈ܠܠܐ ܘܕܫ̈ܛܝܐ. ܘܟܒܪ ܨܐܕܝܟ ܫܪܟܬ ܗܿܝ ܕܐܡܝܪܐ܇ ܕܫܛܝܐ ܠܡ ܫ̈ܛܝܬܐ
                    ܡܡܠܠ. ܘܪܓܙ ܛܒ ܝܘܠܝܢܘܣ ܥܠ ܡ̈ܠܘܗܝ ܕܛܘܒܢܐ ܐܘܣܒܝܣܼ. ܘܦܩܕ ܠܚܕ ܡܢ ܐܣܦܘܩܠܛܪ̈ܐ ܕܢܥܒܕ
                    ܢܕܓܫܝܘܗܝ ܥܠ ܥܠܬܐ. ܘܟܕ ܩܪܒ ܦܠܛܘܢ ܐܣܦܘܠܩܛܪܐ ܕܢܕܓܫܝܘܗܝܼ. ܒܗܿ ܒܫܥܬܐ ܡܚܝܗܝ ܡܠܐܟܗ
                    ܕܡܪܝܐܼ. ܘܢܦܼܠ ܩܕܡ ܥܠܬܐ ܘܡܝܼܬ. ܘܗܘܬ ܕܚܠܬܐ ܣܓܝܐܬܐܼ. ܒܟܠܗ ܥܡܐ ܕܡܕܝܢܬܐ. ܐܦ ܗܼܘ ܛܪܘܢܐ
                    ܙܥ ܗܘܼܐ ܘܐܬܪܗܒ ܛܒ ܘܦܩܕ ܥܠܘܗܝ ܕܩܕܝܫܐ. ܕܢܦܠܘܢ ܒܗ ܦܪ̈ܙܠܐ ܘܢܬܢܛܪ ܒܝܬ ܐܣܝܪ̈ܐ. ܟܪ
                    ܕܐܣܝܪ̈ܝܢ ܫܪܝܪ̈ܝܗ ܕܡܕܝܢܬܐ. ܥܕ ܡܬܪܥܐ ܥܠܘܗܝ ܬܪܥܝܬܐ. ܘܥܒܕܘ ܠܗ ܐܝܟ ܕܦܩܕ ܀ ܛܪܘܢܐ ܕܝܢ
                    ܟܕ ܚܙܐ ܕܐܬܒܙܚ ܒܟܠܗܝܢ: ܘܝܘܡܐ ܐܝܢܐ ܕܣܝܡ ܗܘܼܐ ܠܗ ܠܥܐܕܐ ܘܠܚܕܘܬܐ: ܐܬܗܦܟ ܘܗܘܼܐ ܠܐܒܠܐ
                    ܘܠܥܩܬܐܼ. ܘܕܢܫܪܐ ܫܚܝܡܐܝܬ ܠܟܢܫܐ ܕܡܕܝܢܬܐ ܡܬܟܚܕ ܗܘܼܐ. ܒܗܬܬܐ ܓܝܪ ܕܐܦ̈ܘܗܝ ܟܣܝܬܗ. ܗܝܕܝܢ
                    ܐܬܦܪܣ ܛܪܘܢܐܼ. ܕܢܥܒܕ ܗܘܼܐ ܐܦܐ ܠܟܡܝܪܘܬܗ. ܘܫܐܠ ܠܗ ܪܘܚܐ ܪܡܬܐ ܩܕܡ ܟܢ̈ܫܝܗ ܕܡܕܝܢܬܐܼ. ܟܕ
                    ܛܒ ܪܡܝܐ ܗܘܬ ܪܘܚܗ ܘܡܕܘܝ: ܘܦܩܕ ܡܣܝܒܐ ܕܢܬܬܚܕܢ ܟܠܗܝܢ ܥ̈ܕܬܐ ܕܟܪ̈ܣܛܝܢܐܼ. ܘܢܬܝܗܒ ܥܠܝܗܝܢ
                    ܛܒܥܐ ܕܡܠܟܘܬܐܼ. ܥܕ ܗܿܘ ܐܠܡ ܨܒܝܢܗܿ. ܕܢܬܠ ܥܠܝܗܝܢ ܐܦܦܣܝܣ ܕܥܩܘܪܝܐ. ܘܥܠ ܟܠܗܘܢ ܐܦܣ̈ܩܦܐ
                    ܕܒܐܘܚܕܢܐ ܕܪܗܘܡܐ. ܦܩܕ ܕܢܫܬܕܘܢ ܠܐܟܣܘܪܝܐ ܡܢ ܡܕ̈ܝܢܬܗܘܢܼ. ܘܥܠ ܚܣܝܐ ܕܐܠܗܐ ܪܝܫ ܐܦܣ̈ܩܘܦܐ
                    ܐܘܣܒܝܣ ܛܘܒܢܐ. ܦܩܕ ܫܢܝܐ. ܕܠܨܦܪܗ ܕܝܘܡܐܼ. ܢܫܬܡܥ ܕܝܢܗ ܩܕܡ ܟܢ̈ܫܝܗ ܕܡܕܝܢܬܐ. ܘܢܐܬܐ
                    ܠܫܘ̈ܐܠܐ ܘܠܥܘ̈ܩܒܐ ܒܫܢ̈ܕܐ ܡ̈ܫܚܠܦܐ. ܘܒܐܘ̈ܠܨܢܐ 54 ܕܟܠ ܐܣܟ̈ܝܡܝܢ. ܕܒܐܝܢܐ ܚܝܠ
                    ܐܘ ܒܐܝܢܐ ܫܘܠܛܢ ܨܚܝ ܠܐ̈ܠܗܐ ܘܠܡ̈ܠܟܐ. ܘܐܘܫܒ ܐܝ̈ܕܘܗܝ ܒܕܡܐ ܚܣܝܐ ܕܟܘܡܪ̈ܐ ܩܕ̈ܝܫܐ
                    ܡܫܡ̈ܫܢܝܗܿ ܕܐܠܗܘܬܐ: ܘܥܠ ܫܪܟܐ ܕܟܪ̈ܣܛܝܢܐ ܦܩܕ ܥܠܝܗܘܢ ܕܠܐ ܢܥܒܕܘܢ ܟܢܘܫܝܐ. ܘܒܪ̈ܙܐ
                    ܕܗܝܡܢܘܿܬܗܘܢ ܠܐ ܢܬܚܫܚܘܢ. ܘܐܢ ܐܬܩܕܡܘ ܕܥܒܕܘ ܟܢܘܫܝܐ. ܒܚܕ ܡܢ ܐܣܟ̈ܝܡܝܢ ܐܘ ܒܚܕ ܡܢ
                    ܦܘܪܣܝܼܢ. ܕܠܐ ܫܘܐܠܐ ܘܥܘܩܒܐ ܠܡܣܡ [ܒܪܝܫܐ] ܕܣܝܦܐ ܢܬܝܗܒܘܢ. ܥܡܐ ܕܝܢ ܟܠܗ ܕܡܕܝܢܬܐ. ܡܠܝܢ
                    ܗܘܘ ܠܘܚܡܐ ܘܚܡܬܐ ܥܠܘܗܝ ܕܛܪܘܢܐ ܘܩܥܝܢ ܗܘܘ ܠܗ ܘܐܡܪܝܢ. ܡܢ ܗܫܐ ܠܡ ܕܓܠܝܬ ܚܢܦܘܬܟܼ. ܙܕܩ
                    ܠܢ ܕܐܦ ܚܢܢ ܢܓܠܐ ܘܢܘܕܥ ܨܒܝܢܢ. ܕܠܡܫܝܚܐ ܐܠܗܢ ܣܓܕܝܢ ܚܢܢ. ܘܒܐܠܗܘܬܗ ܐܦ ܒܐܢܫܘܬܗ ܡܘܕܝܢ
                    ܚܢܢ. ܘܐܢ ܢܗܘܐ ܠܢ ܠܡܡܬ ܟܠܢ. ܘܠܡܕܝܢܬܢ ܠܡܚܪܒ: ܡܢ ܗܝܡܢܘܬܐ ܕܐܫܠܡܘ ܠܢ ܡ̈ܠܟܐ ܟܪ̈ܣܛܝܢܐ.
                    ܠܐ ܡܫܢܝܢ ܚܢܢ. ܘܡܢ ܕܚܠܬܐ ܬܪܝܨܬܐ ܕܐܓܥܠܘ ܠܗ ܫ̈ܠܝܚܐ ܠܥܕܬܐ. ܠܐ ܣܛܝܢܢ. ܐܝܩܐ ܡܢ ܗܫܐ
                    ܫܠܝܐ ܚܪܒܟ ܡܝܢ ܨܗܐ ܠܕܡܢ܇ ܚܪܒܟ ܬܡܠܟ ܥܠܝܢ ܘܠܐ ܐܢܬ ܚܢܦܐ ܬܡܠܟ ܥܠ ܡܕܝܢܬܢܿ ܕܡܢ ܘܕܒ̈ܢܝܢ
                    ܢܚܙܐ ܟܕ ܡܬܐܫܕ ܘܠܐ ܢܚܙܐ ܟܕ ܡܣܬܓܕܝܢ ܦܬܟܪ̈ܐ ܒܫ̈ܘܩܝܢ. ܢܟ̈ܣܝܢ ܘܡܪ̈ܗܛܝܢ ܠܒܙܬܐ ܢܬܝܗܒܘܢ.
                    ܘܠܐ ܢܚܙܐ ܒܥܩܘܪܝܐ ܕܥ̈ܕܬܢܿ ܫܡܥܬ ܠܟ ܡܢܢ ܐܢ ܨܒܼܝܬ. ܕܐܢ ܠܡܫܝܚܐ ܕܣܓܕܘ ܠܗ ܡܗܠܟܐ ܕܡܢ
                    ܩܕܡܝܟ ܠܐ ܣܓܕܬ. ܥܠܝܢ ܡܿܠܟܐ ܠܐ ܡܬܩܪܝܬ: ܐܦܠܐ ܓܝܪ ܣܢܝܩܐ ܡܕܝܢܬܢ ܕܢܡܠܟ ܥܠܝܗܿ ܠܢܘܟܪܝܐ.
                    ܕܡܠܟܗܿ ܚܝ ܗܼܘ ܘܩܝܡ. ܘܠܥܠܼܡ ܠܐ ܡܫܬܪܐ.. ܘܟܕ ܐܫܡܥܘܗܝ ܠܥܘܿܠܐ ܗܠܝܢ ܒ̈ܢܬ ܩ̈ܠܐܼ. ܐܬܦܢܝܘ
                    ܘܐܙܠܘ ܡܢ ܠܘܬܗ ܒܚܡܬܐ ܣܓܝܐܬܐ. ܛܪܘܢܐ ܕܝܢ ܟܘܠܗ ܕܡܗܡܐ ܗܘܐ ܒܗܠܝܼܢ. ܡܛܠ ܐܝܠܢ ܕܐܬܒܕܩ ܠܗ
                    ܒܩܨ̈ܡܘܗܝ. ܩܿܕܡ ܗܘܐ ܓܝܪ ܙܗܪܗ ܐܘܢܩܛܪ ܐܓܘܒܛܝܐܼ. ܐܝܢܐ ܕܐܝܬܘܗܝ ܗܼܘܐ ܢܚܫܗ. ܕܟܡܐ ܓܝܪ
                    ܕܡܫܟܿܚ ܐܢܬ ܘܡܨܝܬ ܐܓܪ ܪܘܚܟ ܥܡ ܡܕܝܢܬܐ ܗܕܐ ܘܠܐ ܬܬܩܫܐ ܥܡܗ. ܘܠܐ ܬܫܡܘܛ ܪܘܚܟ ܥܡ ܡܕܝܢܬܐ
                    ܗܕܐ ܘܠܐ ܬܬܩܫܐ ܥܡܗ. ܘܠܐ ܬܫܡܘܛ ܥܠܝܗܿܚܪܒܟ. ܐܦ ܠܐ ܬܪܝܡ ܥܠܝܗ ܐܝܕܟ. ܠܝܬ ܓܝܪ ܠܟ ܠܝܗܿ
                    ܫܘܠܛܢܐ ܡܢ ܠܥܠ. ܐܠܗ ܓܝܪ ܫܡܝܐ ܒܥܘܕܪܢܗ ܕܡܕܢܬܐ. ܘܣ̈ܒܐ 55 ܬܪ̈ܝܢ ܟܘܡܪ̈ܘܗܝ
                    ܫܟܝܒܝܢ ܒܗܿ. ܘܟܡܐ ܒܗܘܢ ܚܝܠܗ ܘܚܣܝܢ ܡܢܟ ܕܪܗܘܢ. ܐܠܐ ܐܢ ܗܼܘ ܕܡܨܐ ܐܢܬ ܒܫܘ̈ܓܫܐ ܘܒܫ̈ܘܕܠܐ
                    ܘܒܗ̈ܦܟܬܐ ܕܚܟܡܬܐܼ. ܣܒ ܒܗܿ ܦܘܗܢܣ ܕܡܠܟܘܬܐ ܒܡܕܝܢܬܐ ܗܕܐ. ܘܥܒܪ ܠܟ ܡܢܗܿ. ܠܐ ܓܝܪ ܡܛܬܟ
                    ܒܦܨܬܐ. ܦܨܬܟ ܓܝܪ ܠܒܘܙܢܛܝܐ ܫܕܪܬܟ ܕܬܡܠܟ ܒܗܿ ܙܒܢܐ ܐܝܕܝܥܐ. ܡܫܩܠܟܓܝܪ ܠܐܪܥܐ ܗܼܘ
                    ܕܟ̈ܠܕܝܐ. ܘܩܐܪܣܟ ܥܡ ܡܠܟܘܬܐ ܗܼܘ ܕܓܢܒܪ̈ܐ. ܘܦܣܐ ܕܡܛܟ ܒܩܪܒܟ ܓܠܼܐ ܇ ܫܘܪܝ ܓܝܪ ܩܐܪܣܟ
                    ܕܙܟܘܬܐ ܗܼܘ. ܘܐܚܪܝܬ ܩܐܪܣܟܼ ܟܣܝܼܐ ܗܼܝ ܗܫܐ. ܘܠܝܬ ܒܝ̈ܠܝܕ ܒܣܪܐ ܕܢܓܠܐ ܘܢܦܫܩܗܿ ܩܕܡ
                    ܙܒܢܗܿ. ܘܟܪܝܬ ܠܗ ܛܒ ܠܛܪܘܢܐ. ܒܕܠܐ ܐܬܦܫܩ ܠܗ ܚܪܬܐ ܕܩܐܪܣܗ. ܘܗܘܐ ܒܨܦܬܐ ܣܓܝܐܬܐ ܘܒܪܢܝܐ.
                    ܐܘܣܒܝܣ ܕܝܢ ܛܘܒܢܐ ܟܕ ܫܡܼܥ ܒܝܬ ܐܣܝܪ̈ܐ: ܕܠܨܦܪܗ ܕܝܘܡܐ ܥܬܝܕ ܕܢܩܘܡ ܒܐܝܓܘܢܐ ܕܡܘܕܝܢܘܬܐܼ.
                    ܚܿܕܐ ܗܘܼܐ ܘܪܘܙ ܪܥܝܢܗ. ܘܕܐܨ ܗܘܼܐ ܘܦܨܝܚܼ. ܐܝܟ ܓܒܪܐ ܕܠܡܠܘܬ ܪܘܡܐ ܐܙܕܡܢ. ܘܢܩܫ ܗܘܼܐ
                    ܟܦܐ ܒܝܬ ܐܣܝܪ̈ܐ: ܘܪܦܣ ܗܘܼܐ ܒܪ̈ܓܠܘܗܼܝ ܟܕ ܐܡܿܪ. ܕܗܢܘ ܠܡ ܝܘܡܐ ܕܥܒܼܕ ܠܗܿ ܡܪܝܐ
                    ܠܣܝܒܘܬܝ. ܬܘ ܢܕܘܨ ܘܢܚܕܐ ܒܗ. ܩܘܫܘ ܠܡ ܥܡܼܝ ܟܦܐ ܘܚܕܘ ܚܕܘ̈ܓܝ ܘܙܡ̈ܝܢܝ. ܕܝܘܡ ܚܠܘܠܗܿ
                    ܕܣܝܒܘܬܝ ܡܢܥܼ ܘܡܛܐ. ܕܘܨܘ ܘܚܕܘ ܥܡܝ ܥܠܝܡ̈ܝ. ܕܟܝܠܝܗܿ ܕܬܢܘܬܝ ܚܐܪ ܠܝ ܕܠܐܡܬܝ ܐܨܛܒܬܝܘܗܝ.
                    ܠܡܫܬܝܐ ܢܛܝܪܐ ܘܫܿܡܝܢܐ ܙܡܝܢܝܢ ܐܢܬܘܢ ܠܝ ܪ̈ܚܡܝ. ܚܙܘ ܠܝ ܠܡܐ ܐܢܫ ܢܫܬܐܠ ܡܢ ܫܪܘܬܝ. ܘܗܟܢܐ
                    ܚܿܕܐ ܗܘܼܐ ܘܪܘܙ ܪܥܝܢܗܼ ܕܗܢܐ ܬܡܝܗ ܢܨ̈ܚܢܐ. ܒܫܥܬܐ ܕܩܒܠ ܒܝܬ ܐܣܝܪ̈ܐ ܣܒܪܬܐ ܕܡܘܕܝܢܘܬܐ.
                    ܣܘܼܐ ܗܘܼܐ ܠܗܿ ܓܝܪ ܣܒܐ ܒܪܝܟܐ ܠܡܘܕܝܢܘܬܐ. ܘܨܿܒܐ ܗܘܼܐ ܐܠܘ ܡܨܝܐ ܗܘܬ. ܕܥܡܗܿ ܕܣܒܪܬܐ ܡܢ
                    ܟܕܘ ܢܡܢܥܿ ܨܦܪܐ. ܢܓܪ ܗܘܼܐ ܠܗ ܓܝܪ ܥܼܠܘܗܝ ܦܢܗ ܕܝܘܡܐ ܗܼܘ. ܘܝܩܪ ܥܠܘܗܝ ܡܬܚܗ ܕܝܘܡܐ ܗܼܘ.
                    ܡܣܘܚ ܗܘܼܐ ܓܝܪ ܕܐܡܬܝ ܢܡܢܥ ܨܦܪܐ. ܘܢܩܘܡ ܒܐܓܘܢܐ ܕܡܘܕܝܢܘܬܐ. ܘܢܬܠ ܒܘܩܝܐ ܕܐܓܘܢܗ ܟܣܝܐ
                    ܒܐܓܘܢܐ ܟܣܝܐ ܕܡܣܝܒܪܢܘܬܗ. ܬܡܝܗ ܗܼܘܐ ܓܝܪ ܣܓܝ ܕܪܐ ܕܐܬܠܝܛܘܬܗ ܕܗܢܐ ܣܒܐ ܬܡܝܗ ܢܨ̈ܚܢܐܿ.
                    ܕܥܡ ܓܘܕܐ ܕܐܪܒܥܝܢ ܫܢ̈ܕܝܢ ܣܡ 56 ܢܦܫܗ. ܠܡܬܟܬܫܘ ܒܐܝܓܘܢܐ. ܘܚܒܘ ܡܢܗ ܫܢ̈ܕܐ.
                    ܘܐܕܟܝܘܼ. ܘܠܐ ܚܒܘ ܘܐܙܕܟܝ ܫܢ̈ܕܐ ܕܗܝܡܢܘܬܗ. ܡܢܘ ܓܝܪ ܕܠܐ ܢܬܕܡܪ ܗܘܐ. ܕܣܒܐ ܒܪ ܬܫܥܝܢ
                    ܘܫܒ̈ܥ ܫܢ̈ܝܢܼ. ܐܝܟ ܓܒܪܐ ܓܢܒܪ ܚܠܝܐ ܕܩܐܡ ܥܠ ܬܘܩܦܐ ܕܫܢ̈ܘܗܝ. ܗܟܢܐ ܢܦܼܩ ܒܗ ܒܐܓܘܢܐ ܐܝܟ
                    ܕܩܐܡ ܥܠ ܬܘܩܦܐ ܕܫܢ̈ܘܗܝ. ܗܟܢܐ ܢܦܼܩ ܒܗ ܒܐܓܘܢܐ ܐܝܟ ܕܟܬܒܢܢ ܡܢ ܠܥܠ. ܘܐܡܣܪ ܥܠ ܫܢ̈ܕܐ
                    ܘܐܩܠ ܥܠ ܐܘ̈ܠܨܢܐ ܘܕܫ ܥܠ ܡܘܬܐ ܘܚܡܣܢ ܘܩܡ ܒܫܪܪܗ ܘܩܕܝ ܟܠܝܠܐ ܕܡܘܕܝܢܘܬܗܿ. ܗܟܢܐ ܕܝܢ ܬܡܝܗ
                    ܗܼܘܐ ܐܓܘܢܗ ܕܗܢܐ ܫܪܝܪܐ. ܕܠܗ ܠܛܪܘܢܐ ܘܠܪܘܪ̈ܒܢܘܗܝ. ܘܠܟܠܗܘܢ ܚܙܝ̈ܘܗܝ ܕܐܓܘܢܐ ܐܬܗܪ ܒܕܪܐ
                    ܕܚܠܝܨܘܬܗܿ. ܘܒܢܨܚܢܗܿ ܬܘܒ ܬܡܗܝܪܐ ܕܡܣܝܒܪܢܘܬܗ. ܫܢ̈ܕܐ ܓܝܪ ܩ̈ܫܝܐ ܕܟܠ ܐܣܟ̈ܝܡܝܢ ܐܝܒܠܗ
                    ܛܪܘܢܐ. ܘܒܕܡܘܬ ܐܕܡܘܣ ܝܗܼܒ ܒܘܩܝܐ ܕܫܪܪܗܼ. ܘܠܐ ܐܬܢܟܝܬ ܗܝܡܢܘܬܗ ܒܐܪ̈ܒܥܝܢ ܓܝܪ ܫܢ̈ܝܢ
                    ܐܩܿܪܒ ܥܡܗ ܥܘܿܠܐ. ܘܒܟܠܗܘܢ ܚܒ ܡܢܗ ܡܣܝܒܐ ܘܐܙܕܟܝ: ܘܙܩܼܦ ܨܒܥܐ. ܕܡܦܪܫܐܝܬ ܕܝܢ ܐܪܫܘܡ
                    ܐܢܘܢ ܒܬܫܥܝܬܢ ܠܫܢ̈ܕܐ ܕܣܒܠ ܣܗܕܐ ܕܐܠܗܐܼ. ܝܬܝܪܬܐ ܥܡܿܠ ܗܿܘܝܬ ܒܗܕܐ. ܕܚܕܐ ܙܒܢ ܐܬܟܬܒܘ
                    ܗܘܘ ܠܗܘܢ. ܐܦ ܐܬܪܫܡܘ ܗܘ̈ܦܡܢܡܛܐ ܕܡܘܕܝܢܘܬܗܼ. ܡܢ ܐܦܢܛܘܣ ܬܠܡܝܕܗ ܘܡܫܡܫܢܗܿ. ܕܗܼܘ ܢܩܝܦ
                    ܗܘܼܐ ܠܗ ܒܟܠܗܘܢ ܣܘܥܪ̈ܢܘܗܝ. ܘܗܘܼ ܐܟܬܒ ܐܓܘܢܐ ܕܚ̈ܫܘܗܝ. ܘܫܢ̈ܕܐ ܕܣܒܠ ܘܐܘ̈ܠܨܢܐ ܕܣܝܒܪ.
                    ܘܫܘ̈ܠܘܗܝ ܕܛܪܘܢܐ ܘܡܿܦܩ ܒܪܘܚܐ ܚܝܠܡܐ ܕܡܟܣܝܢܘܬܗ ܕܫܪܝܪܐܼ. ܘܚ̈ܝܠܐ ܬܡ̈ܝܗܐ ܕܣܥܪ ܐܠܗܐ
                    ܒܐܝ̈ܕܘܗܝ ܠܟܘܐܪܗ ܕܛܪܘܢܐ. ܘܕܠܐ ܐܡܠܟ ܥܠܘܗܝ ܡܘܬܐ ܒܦܘܩܕܢܗ ܕܛܪܘܢܐ. ܘܕܐܝܟܢܐ ܐܦܩܗ ܡܠܐܟܗ
                    ܕܡܪܝܐ ܠܐܕܘܟܣܝܣ ܡܢ ܒܝܬ ܐܣܝܪ̈ܐ. ܘܫܢܝܗ ܠܡܕܒܪܐ ܕܐܓܒܛܘܣܿ. ܘܒܥܝܗܝܿ ܝܘܠܝܢܘܣ ܘܠܐ ܐܫܟܚܗܿ.
                    ܘܗܘܼܐ ܠܘܬ ܐܒ̈ܬܐ ܕܡܨܪܝܢ ܥܕܡܐ ܕܡܝܬ ܝܘܠܝܢܘܣ ܘܥܛܦ ܠܕܝܪܗ. ܗܠܝܢ ܐܦܢܛܘܣ ܡܫܡܫܢܗ ܕܩܕܝܫܐ
                    ܐܟܬܒܼ. ܕܗܼܘ ܡܦܣ ܗܼܘܐ ܒܐܝܓܘܢܐ ܕܪܒܗ ܫܦܝܪ. ܗܠܝܢ ܕܝܢ ܩܠܝܠ ܕܐܫܬܒܩ ܡܦܣ ܗܼܘܐ ܒܐܝܓܘܢܐ
                    ܕܪܒܗ ܫܦܝܪ. ܗܠܝܢ ܕܝܢ ܩܠܝܠ ܕܐܫܬܒܩ ܡܢ ܡܟܬܒܢܘܬܗ ܕܗܢܐ ܦܪܘܫܐ. ܕܗܢܝܢ ܐܝܬܝܗܝܢ ܥܠܬܐ
                    ܕܐܓܘܢܗ ܕܐܘܣܒܝܣ ܛܘܒܢܐܼ. ܐܠܘܬܢܝܢ ܐܢܝܢ ܠܬܫܥܝܬܢܿ ܕܢܗܘܐ ܢܛܝܪ ܥܘܗܕܢܗܝܢ ܠܐܝܠܝܢ ܕܐܬܝܢ
                    ܒܬܪܢ. ܛܪܘܢܐ ܕܝܢ ܠܝܛܐ: ܡܢ ܒܬܪ 57 ܕܐܣܒܠܗ ܠܛܘܒܢܐ ܐܘܣܒܝܣ: ܫ̈ܕܐ ܘܐܘ̈ܠܨܢܐ ܕܟܠ
                    ܐܣܟ̈ܝܡܝܢ: ܘܚܼܙܐ ܕܠܐ ܐܬܪܡܝ ܠܨܒܝܢܗ. ܘܠܐ ܐܬܪܦܝ ܡܢ ܫܪܪܗܼ. ܘܕܢܚܕܬ ܠܗ ܫܢ̈ܕܐ ܐܚܪ̈ܢܐ ܠܐ
                    ܡܨܐ ܗܿܘܐ. ܐܬܒܣܒܣ ܗܘܼܐ ܠܗ ܓܝܪ ܦܓܪܗ ܕܩܕܝܫܐܼ. ܡܢ ܫܢ̈ܕܐ ܘܡܢ ܐܘ̈ܠܨܢܐ ܘܡܢ ܡܚܘ̈ܬܐ. ܘܦܩܕ
                    ܥܠܘܗܝ ܛܪܘܢܐ ܡܘܬܐ ܕܣܝܦܐ. ܠܐ ܕܝܢ ܝܗܼܒ ܠܗ ܐܠܗܐ ܪܓܬܗ ܠܥܘܠܐܼ ܐܦ ܠܐ ܒܗܕܐ. ܘܟܕ ܐܪܝܡ
                    ܐܣܦܩܠܛܪܐ ܣܝܦܐ ܕܢܡܚܝܘܗܝ. ܐܬܦܫܪܬ ܚܪܒܗ ܘܢܦܠܬ ܩܕܡܘܗܝܼ. ܐܝܟ ܕܡܬܦܫܪܐ ܫܥܘܬܐ ܡܢ ܩܕܡ
                    ܢܘܪܐ. ܘܠܐ ܐܬܢܟܝ ܩܕܝܫܐ. ܠܐ ܓܝܪ ܝܗܼܒ ܪܡܙܐ ܥܠܝܐ ܠܡܘܬܐ ܕܢܡܠܟ ܥܠ ܚܣܝܐܿ. ܥܕܡܐ ܕܫܡܼܥ
                    ܒܛܒܐ ܕܐܒܕܢܗ ܕܝܠܗ ܕܪܫܝܥܐ. ܟܕ ܕܝܢ ܐܬܒܝܢ ܒܗ ܒܣܘܥܪܢܐ ܗܼܘ ܗܢܐ ܚܪܡܐ ܠܝܛܐ: ܕܠܐ ܢܘܪܐ
                    ܐܟܝܬܗ ܘܠܐ ܚܝܘܬܐ ܩܪܒܬ ܠܗ. ܘܒܐܪ̈ܒܥܝܢ ܫܢ̈ܕܝܢ ܕܣܒܠ: ܡܘܬܐ ܠܓܡܪ ܠܐ ܒܪܨ ܒܗ: ܘܣܝܦܗ ܚܣܢ
                    ܟܠ ܕܒܟܝܢܗ ܩܫܝܐ ܗܼܘ. ܐܬܦܫܪ ܘܗܘܼܐ ܐܝܟ ܡ̈ܝܐ ܘܐܬܐܫܕ ܩܕܡܘܗܝܼ. ܘܟܕ ܚܪ ܛܪܘܢܐ ܒܟܠܗܝܢ:
                    ܘܐܕܪܟ ܘܐܫܬܪܪ ܕܥܘܕܪܢܗ ܕܩܕܝܫܐ ܡܢ ܫܡܝܐ ܗܼܘ. ܠܐ ܬܘܒ ܐܡܪܚ ܕܢܬܩܪܐ ܠܩܘܒܗ. ܐܠܐ ܟܒܫ ܚܡܬܗ
                    ܘܐܗܡܝ ܡܢ ܬܒܥܬܗܼ. ܘܫܪܝܗܝ ܡܢ ܩܕܡܘܗܝ. ܘܝܗܒܗ ܒܝܬ ܐܣܝܪ̈ܐ. ܟܕ ܡܣܕܩ ܓܘܫܡܗ ܠܡܚܘ̈ܬܐ܇
                    ܘܓܒܘ̈ܗܝ ܠܣܪ̈ܩܐ ܘܗܕܡ̈ܘܗܝ ܠܫܢ̈ܕܐ. ܟܕ ܕܡܿܐ ܠܡܝܬܐ ܡܢ ܟܕܘܼ. ܠܐ ܕܝܢ ܐܗܡܝ ܡܢܗ ܡܫܝܚܐ
                    ܕܡܛܠܬܗ ܣܒܠ ܚ̈ܫܐ. ܕܒܗ ܒܠܠܝܐ ܣܥܪܗ ܒܝܬ ܐܣܝܪ̈ܐ. ܘܐܚܠܡ ܟܐܒ̈ܘܗܝ ܘܐܣܝ ܡܚ̈ܘܬܗܼ. ܐܝܟܢܐ
                    ܕܐܦ ܠܐ ܚܕܐ ܫܘܡܬܐ ܡܬܚܙܝܐ ܗܘܬ ܒܟܠܗ ܓܘܫܡܗ. ܘܢܣܟ ܘܡܠܝܗܝ ܪܘܚܐ ܕܥܘܫܢܐܼ ܘܕܓܢܒܪܘܬܐ.
                    ܘܐܦܩܗ ܡܢ ܒܝܬ ܚܒܘܫܝܗ ܒܬܪ̈ܥܐ ܐܚܝ̈ܕܐ. ܘܐܩܝܡܗ ܩܕܡܘܗܝ ܕܛܪܘܢܐ܇ ܟܕ ܢܣܝܟ ܥܠ ܐܦܘ̈ܗܝ ܙܝܘܐ
                    ܫܡܿܝܢܐ. ܗܟܢܐ ܕܝܢ ܬܡܝܗ ܗܘܼܐ ܚܙܘܗ. ܕܐܦ ܗܼܘ ܛܪܘܢܐ ܟܕ ܚܙܝܗܝ ܗܘܼܐ. ܐܬܬܙܝܥ ܘܐܬܪܗܒ ܡܢ
                    ܩܕܡܘܗܝ. ܣܒܪ ܗܘܼܐ ܓܝܪ ܕܚܙܘܐ ܚܿܙܐ ܗܘܼܐ. ܠܐ ܓܝܪ ܫܪܝܪܐ ܗܘܬ ܠܗ ܕܗܘܝܘܿ. ܥܕܡܐ ܕܫܕܪ
                    ܒܥܝܗܝ ܒܝܬ ܐܣܝܪ̈ܐ ܘܠܐ ܐܫܟܚܗܿ. ܬܡܗ ܗܘܐ ܕܝܢ ܛܪܘܢܐ  58 ܘܬܘܪ ܥܠ ܬܡܝ̈ܗܬܐ
                    ܕܒܐܝ̈ܕܝ ܩܕܝܫܐ ܐܣܬܥܪ. ܘܬܘܐܿ ܗܘܼܐ ܒܢܦܫܗ ܡܠܝܐܝܬܼ. ܒܕܠܐ ܚܟܼܡ ܗܘܐ ܕܐܝܟܢܐ ܢܦܘܩ ܗܘܐ ܡܢܗ
                    ܕܣܘܥܪܢܐ. ܕܢܫܪܝܘܗܝ ܗܘܐ ܓܝܪ ܫܚܝܡܐܝܬ ܠܚܣܝܐ ܕܐܠܗܐܼ. ܡܬܟܚܕ ܗܘܼܐ ܡܢ ܚܝ̈ܠܘܬܗ ܐܦ ܡܢ ܥܡܐ
                    ܟܠܗ ܕܡܕܝܢܬܐ. ܘܕܢܚܕܬ ܠܗ ܬܘܒ ܫܢ̈ܕܐ. ܢܟܼܦ ܗܘܼܐ ܡܢ ܗܿܝ ܕܐܣܬܥܪܬ ܘܟܕ ܒܗܠܝܢ ܦܘܫ̈ܟܐ ܪܡܼܐ
                    ܗܘܼܐ ܫܢܝܐܼ. ܐܬܬܙܝܥܬ ܒܗ ܡܚܫܒܬܐ. ܕܢܥܒܕ ܫܘܒܩܢܐ ܠܚܒ̈ܝܫܝܗܿ ܟܠܗܘܢ ܕܡܕܝܢܬܐ. ܕܒܥܠܬ
                    ܫܘܒܩܢܗܘܢ ܕܗܠܝܢ ܢܫܬܪܐ ܐܘܣܒܝܣ ܘܢܦܘܩ ܡܢ ܩܕܡܘܗܝ ܒܚܟܡܐ. ܘܫܕܪ ܝܘܠܝܢܘܣ ܘܐܦܩ ܩܕܡܐܝܬ ܡܢ
                    ܚܒܘܫܝܐܼ ܠܪܘܪ̈ܒܢܝܗܿ ܕܪܗܘܡܐ. ܘܡܠܠ ܥܡܗܘܢ ܕܝܢܐܼ. ܘܐܝܟ ܕܠܐܢܫܐ ܕܒܛܘܥܝܝ ܐܬܥܘܪܘ ܥܒܕ ܠܗܘܢ
                    ܫܘܒܩܢܐܼ ܟܕ ܐܡܿܪ. ܘܠܝܬܐ ܠܡ ܐܟܦܬܢܝ ܝܘܡܼܢ. ܕܒܐ̈ܠܗܐ ܐܬܕܡܐ ܒܡܪܚܡܢܘܬܢ ܗܕܐ܇ ܕܝܘܡܢ
                    ܐܫܬܦܥܬ ܥܠ ܟܠ ܫܘܝܐܝܬ. ܐܝܟܢܐ ܕܦܪܝܣܐ ܡܪܚܡܢܘܬܗܘܢ ܕܝܠܗܘܢ ܕܐ̈ܠܗܐ ܥܠ ܛ̈ܒܐ ܘܥܠ ܒ̈ܝܫܐܼ.
                    ܒܗܿ ܒܕܡܘܬܐ ܫܟܢܬ ܫܘܒܩܢܐ ܡܠܟܘܬܢ ܥܠ ܟܠܗ ܐܘܚܕܢܐ܇ ܥܠ ܐܝܠܝܢ ܕܒܛܘܥܝܝ ܐܣܬܥܪ ܥܕ ܝܘܡܢ. ܡܢ
                    ܗܫܐ ܕܝܼܢ. ܐܢ ܡܡܪܚ ܐܢܫ ܕܢܬܚܫܚ ܒܥ̈ܝܕܐ ܩܕ̈ܡܝܐ ܕܡܬܥܒܪܢܘܬܐܼ. ܗܢܐ ܢܕܥܼ. ܕܗܘ ܒܡܪܚܘܬܐ
                    ܩܪܐ ܥܠܘܗܝ ܬܒܥܬܐ ܕܙܒܢܐ ܕܥܒܪ. ܘܫܕܪ ܝܘܠܝܢܣ ܐܦܩ ܠܟܠܗܘܢ ܚܒ̈ܝܫܝܗܿ ܕܡܝܕܢܬܐ. ܘܒܝܕ ܦܘܪܣܐ
                    ܕܨܢ̈ܥܬܗ ܐܫܬܪܝ ܐܘܣܒܝܣ ܘܢܦܼܩ ܡܢ ܩܕܡܘܗܼܝ ܥܡ ܗܠܝܢ ܫܬܬܥܣ ܪܘܪ̈ܒܢܝܗܿ ܕܡܕܝܢܬܐ. ܟܕ ܡܘܕܝܢ
                    ܘܡܫܒܚܝܢ ܠܐܠܗܐ ... ܛܘܒܢܐ ܕܝܢ ܐܘܣܒܝܣܼ. ܥܝܢ ܒܓܠܐ ܡܘܕܐ ܗܘܼܐ ܥܠ ܢܦܫܗ ܕܟܪܣܛܝܢܐ ܗܼܘ.
                    ܘܠܐ ܫܿܠܐܼ ܗܘܼܐ ܡܢ ܡܠܦܟܢܘܬܗ. ܘܕܠܐ ܕܚܠܬܐ ܘܩܢܛܐ ܡܫܡܫ ܗܘܐ ܠܐܠܗܐ ܙܗܝܐܝܬ. ܘܝܘܡ ܡܢ ܝܘܡ
                    ܥܠ ܕܘܒܪ̈ܘܗܝ ܐ̈ܠܗܝܐ ܡܘܣܦ ܗܘܐ. ܥܕܡܐ ܠܢܫܡܬܐ ܐܚܪܝܬܐ. ... ܩܘܝ ܕܝܢ ܛܘܒܢܐ ܐܘܣܒܝܣ
                    ܒܚ̈ܝܐܼ. ܥܕܡܐ ܕܫܡܼܥ ܛܒܼܐ ܕܡܘܬܗ ܕܝܘܠܝܢܣ ܥܘܿܠܐ܇ ܘܚܕܝܬ ܘܪܘܙܿܬ ܪܘܚܗܼ ܒܦܘܪܩܢܐ ܕܥܒܕ
                    ܐܠܗܐ ܠܥܡܗ. ܘܐܬܒܝܐܬ ܣܝܒܘܬܗ ܒܦܘܬܚܗܝܢ ܕܥܕ̈ܬܐ܇ ܘܒܦܘܢܝܐ ܕܟܗ̈ܢܝܗܝܢ. ܘܒܟܢܘܫܝܐ
                    ܕܝ̈ܠܕܝܗܝܢ. ܘܒܣܝܒܘܬܐ ܛܒܬܐ ܥܠ ܥܪܣܐ ܕܢܝܚܗܼ 59 ܗܘܼܐ ܥܘܢܕܢܗ ܡܢ ܥܠܡܐܼ. ܒܫܢܬ
                    ܫܬܡܐܐ ܘܫܒܥܝܢ ܘܬܠܬ ܒܡܢܝܢܐ ܕܝܘ̈ܢܝܐ. ܕܐܝܬܝܗܿ ܫܢܬ ܬܠܬ ܡܐܐ ܘܫܬܝܢ ܘܫܒܥ ܒܡܠܟܘܬܗ ܕܡܪܢ
                    ܝܫܘܥ ܕܒܝܬ ܒ̈ܢܝ ܐܢܫܐ. ܗܿܘ ܕܠܗ ܘܠܐܒܘܗܝ ܘܠܪܚ ܩܘܕܫܗ. ܫܘܒܚܐ ܘܐܝܩܪܐ ܘܣܓܕܬܐܼ ܗܫܐ
                    ܘܒܟܠܙܒܢ ܘܠܥܠܡ ܥܠܡܝܢ ܐܡܝܢ. 
                ܫܠܡܬ ܬܫܥܝܬܐ ܘܩܘܠܣܐ ܕܩܘܣܛܢܛܝܢܣ ܡܿܠܟܐ
                ܡܗܝܡܢܐ ܘܕܒ̈ܢܘܗܝ. ܘܬܫܥܝܬܗ ܕܛܘܒܢܐ
                ܐܘܣܒܝܣ. ܐܦܣܩܘܦܐ. 
                ܀ ܕܪܗܘܡܐ ܀
            
                

                ܟܬܒܐ ܕܟܬܒ ܥܒܕܐܝܠ ܪܝܫܕܝܪܐ. ܠܐܦܠܘܪܝܣ
                ܡܗܝܡܢܗ ܕܝܘܒܢܝܢܘܣ ܡܿܠܟܐ. ܕܠܗ ܐܬܗܼܝܡܢ 
                ܣܘܥܪܢܐ ܕܦܘܣܩܢܐ ܕܗܼܘܐ ܒܝܬ ܡܠܟܘ̈ܬܐ.

                ܀ ܀

                ܐܢܫܐ ܒܪܝ ܦܪ̈ܘܫܐܼ ܠܐ ܡܐܢܐ ܠܗܘܢܼ. ܐܡܬܝ ܕܐܢܫ ܡܢܗܘܢ ܢܫܐܠ ܡܘܗܒܬܐ. ܗܿܝ
                    ܐܝܕܐ ܕܝܗܒܐ ܝܘܬܪܢܐ ܠܝܗ̈ܘܒܐ ܘܠܢܣܘ̈ܒܐ. ܐܟܙܢܐ ܓܝܪ ܕܡܒܘܥܐ: ܕܟܡܐ ܕܕܠܝܢ ܡܢܗ: ܪܕܝܗ ܡܥܬܪ
                    ܥܬܪ: ܘܟܕ ܠܣܓ̈ܝܐܐ ܡܒܣܡ ܒܫܩܝܗ ܡܠܝܘܬܗ ܡܩܘܝܐܼ. ܒܗܿ ܒܕܡܘܬܐ ܙܕܩܿ ܠܝܗܘܒܐ܇ ܕܢܠܐܐ ܘܠܐ
                    ܬܬܩܛܥ ܠܗ ܒܡܘܗܒܬܗ. ܕܟܕ ܠܐܢ̈ܫܐ ܣܢܝ̈ܩܐ ܡܥܬܪܐܼ. ܗܼܝ ܡܠܝܘܬܗ ܨܝܕ ܝܗܘܒܗܿ ܫܪܟܐ. ܕܠܡܐ
                    ܗܟܝܠ ܒܪܐ ܚܒܝܒܐ. ܕܚܪܬܐ ܛܒܬܐ ܕܓܒܪܐ ܪܘܚܢܐ܇ ܬܡܐܢ ܠܟ ܒܦܝܣܗܿ ܕܒܥܘܬܢܿ ܕܝܘܬܪܢܐ ܡܢ ܟܕܘ
                    ܐܝܬ ܒܗܿ ܘܠܝܗ̈ܘܒܝܗܿ ܘܠܢܣ̈ܘܒܝܗܿ. ܠܐ ܙܥܘܪ ܓܝܪ ܝܘܬܪܢܐ ܕܐܬܬܓܪܬ ܠܩܢܘܡܟ. ܕܡܬܦܢܝܢܘܬܗܝܢ
                    ܕܢܦܫ̈ܬܐ ܣܓܝܐ̈ܬܐ܇ ܕܦܢܝ ܡܢ ܛܥܝܘܬܗܝܢ ܒܡܪܬܝܢܘܬܗ ܕܟܬܒܐ ܩܕܝܫܐ. ܕܫܕܪܬ ܠܢ ܪܒܘܬܟ. ܕܗܦܟܘ
                    ܡܢ  60 ܛܥܝܘܬܗܘܢܼ ܘܐܣܬܡܟܘ ܥܠ ܬܝܒܘܬܐ. ܘܐܬܘܼ ܠܝܕܥܬܐ ܕܫܪܪܐ. ܝܕܥܬ ܓܝܪ ܚܒܝܒܝܼ.
                    ܕܒܐܬܪܐ ܕܚ̈ܢܦܐ ܣܝܡܝܢ ܐܢܢܢ. ܘܒܕܡܘܬ ܦܪܚܬܐ ܕܒܠܩܛܐ ܡܬܓܢܒܐ ܠܨܝܕܐܼ. ܒܗܿ ܒܕܡܘܬܐ ܐܦ ܚܢ̈ܦܐ
                    ܒܠܩܛܗ ܕܝܘܠܦܢܐ܇ ܡܬܬܨܝܕܝܢ ܠܬܝܒܘܬܐ. ܣܒ ܗܟܝܠ ܒܪܝ ܛܥܢܗܿ ܕܒܥܘܬܢܼ. ܘܗܒ ܠܢ ܬܫܥܝܬܗ ܘܣܟܗ
                    ܕܩܪܒܐ ܕܗܘܐ ܒܝܬ ܡܠܟ̈ܘܬܐ܇ ܘܫܘܠܡܗ ܒܝܫܼܐ ܘܫܩܼܠ ܚܝ̈ܘܗܝ ܕܛܪܘܢܐ. ܘܥܡ ܗܠܝܢ ܬܘܒ ܐܦ ܩܘܠܣܗ
                    ܘܪܒܘܬܗ ܕܝܘܒܝܢܝܢܘܣ ܡܪܟ. ܐܦ ܐܓܘܢܗܘܢ ܘܨܥܪܐ ܕܐܢܫܐ ܓܡܝܪ̈ܐ ܘܦܪ̈ܘܫܐ. ܕܐܩܪܒܘ ܥܡ ܡܣܝܒܐ
                    ܘܪܕܘܦܐ ܘܡܪܚܐ܇ ܘܐܚܒܘ ܙܟܘܬܐ ܘܢܨܚܢܐ. 
                ܘܟܕ ܩܒܠܘ ܐܢܝܢ ܐܦܠܘܠܪܝܣ ܠܟ̈ܬܝܒܬܗ ܕܥܒܕܐܝܠ ܪܝܫܕܝܪܐܼ. ܣܡ ܐܢܝܗ ܥܠ
                    ܥ̈ܝܢܘܗܼܝ ܘܢܫܿܩ ܐܢܝܢ. ܘܫܩܼܠ ܕܢܟܬܘܒ ܠܗ. 
                ܒܙ̈ܒܢܘܗܝ ܕܝܘܠܝܢܣ ܚܢܦܐ ܘܪܫܝܥܐ܆ ܗܿܘ ܕܩܒܠ ܗܘܼܐ ܡܠܟܘܬܐ ܡܢ ܕܒܝܬ
                    ܩܘܣܛܢܛܝܢܘܣܼ. ܐܝܬ ܗܼܘܐ ܠܗ ܪܒ ܒܝܬܐ ܚܕ. ܕܫܡܗ ܗܘܼܐ ܝܘܒܝܢܝܢܘܣ. ܐ ܕܝܕܥܬܐܼ ܘܕܣܘܟܠܐ.
                    ܕܣܦܼܩ ܒܝܕܥܬܗ ܕܢܗܘܐ ܡܢ ܡܠܟ ܡ̈ܠܟܘܗܝ ܕܛܪܘܢܐ. ܐܒܗ̈ܘܗܝ ܕܝܢ ܕܗܢܐܼ. ܐܢܫܐ ܗܘܘ ܟܪ̈ܝܣܛܝܢܐ.
                    ܘܒܒܛܝܠܘܬܗܘܢ ܕܥܠܘܗܝܼ. ܡܛܠܝܘܬܗܼ ܝܗܒܘ ܠܗ ܡܥܡܘܕܝܬܐܼ. ܘܐܓܥܠܘ ܠܗ ܕܘܒܪ̈ܐ ܟܐܢ̈ܐ. ܘܥܢܕܘ
                    ܡܢ ܥܠܡܐܼ ܒܣܗܕܘܬܐ ܛܒܬܐ ܕܥܠ ܐ̈ܦܝ ܡܫܝܚܐ. ܒܪܕܘܦܝܐ ܕܝܼܢ ܕܒܝܬ ܡܟܣܡܝܢܘܣ ܡܿܠܟܐ ܪܫܝܥܐ..
                    ܗܼܘ ܕܝܢ ܗܢܐ ܡܐܢܐ ܓܒܝܐ ܕܬܕܡܘܪܬܐܼ. ܐܚܝܕ ܗܘܼܐ ܒܢܦܫܗ ܗܝܡܢܘܬܐܪܝܪܬܐ ܕܐܓܥܠܘ ܠܗ ܐܒܗ̈ܘܗܝ.
                    ܘܠܐ ܫܢܝ ܠܒܪ ܡܢ ܝܘܠܦܢܗܘܢܿ ܐܠܐ ܓܡܝܪ ܗܘܼܐ ܒܕܘܒܪ̈ܘܗܝ ܐܠܗ̈ܝܐܼ ܐܟܘܬܗܘܢܿ ܘܥܬܝܪ ܗܘܼܐ
                    ܒܥܒ̈ܕܘܗܝ ܛ̈ܒܐܼ ܡܠܝܐܝܬ. ܐܚܝܕ ܗܘܐ ܕܝܢ ܗܝܡܢܘܬܐ ܕܟܪ̈ܣܛܝܢܐ ܒܢܦܫܗܿ ܟܣܝܐܝܬ. ܟܕ ܥܠ ܒܪ
                    ܐܢܫܗ ܓܠܝܐ ܐܣܟܝܡܐ ܕܚܢܦܐ ܫܝܠܐܝܬ ܐܝܟ ܕܠܦܘܪܣܐ ܢܣܝܟ ܗܘܼܐ. ܠܘ ܕܝܢܠ ܕܚܿܠ ܗܘܼܐ ܡܢ
                    ܓܙܡ̈ܘܗܝ ܘܠܘܚ̈ܡܘܗܝ ܕܛܪܘܢܐ. ܐܦܠܐ ܡܛܠ ܦܠܚܘܬܐ ܕܙܒܢܐ ܕܐܚܝܕ ܗܘܐܿ. ܡܬܟܠܐ ܕܛܪܘܢܐ. ܐܦܠܐ
                    ܡܛܠ ܦܠܚܘܬܐ ܕܙܒܢܐ ܕܐܚܝܕ ܗܘܐܿ. ܡܬܟܠܐ ܗܘܼܐ ܕܢܓܠܐ ܢܦܫܗ ܕܟܪܣܛܝܢܐ ܗܼܘ. ܐܠܐ ܕܢܓܢܘܒ
                        ܠܛܪܘܢܐ 61 ܒܚܙܬܐ ܫܐܝܠܬܐ ܕܨܢܥܬܐ. ܐܝܟ ܕܢܗܦܟ ܗܘܼܐ ܒܝܕ ܡ̈ܠܟܘܗܝ ܡܚܫ̈ܒܬܐ
                    ܒܝܫ̈ܬܐ܇ ܕܐܬܚܫܒ ܫܢܝܐ ܥܠ ܥܕ̈ܬܗ ܕܡܫܝܚܐ܇ ܘܬܪܥܝܬܐ ܕܐܬܪܥܝ ܥܠ ܟܗܢ̈ܘܗܝ ܕܐܠܗܐ. ܫܡܿܥ ܗܘܼܐ
                    ܠܗ ܓܝܪ ܛܪܘܢܐ ܒܝܫܐܼ. ܘܐܝܟ ܕܡܢ ܓܒܪܐ ܕܝܕܥܬܐ ܕܣܡܝܟ ܥܠ ܒܘܝܢܗܿ. ܡܩܒܠ ܗܘܼܐ ܡ̈ܠܘܗܝ
                    ܚܒܝܒܐܝܬ. ܠܡܬܗܪ ܕܝܼܢ ܘܠܡܬܕܡܪܘ ܒܗܢܐ ܒܪ ܐܢܫܐ ܕܐܠܗܐ܇ ܐܝܟܢܐ ܣܦܼܩ ܒܝܕܥܬܗ ܕܢܗܦܟ ܓܙܪ
                    ܕܝܢܐ ܕܥܩܘܪܝܐ ܡܢ ܥܕ̈ܬܐ܇ ܘܢܟܠܐ ܚܪܒܗ ܕܛܪܘܢܐ ܡܢ ܥܡܐ ܕܟܪ̈ܣܛܝܢܐ. ܒܝܕ ܗ̈ܦܟܬܐ ܕܚܟܡܬܗ. ܡܢ
                    ܒܬܪ ܓܝܪ ܕܐܡܠܟ ܝܘܠܝܢܣ ܘܐܫܬܠܛ ܒܟܠܗ ܐܘܚܕܢܐ ܕܪ̈ܗܘܡܝܐ: ܘܬܩܢܬ ܒܐܝ̈ܕܘܗܝ ܡܠܟܘܬܐ: ܘܝܪܒ
                    ܘܐܬܥܫܢ ܛܒ܆ ܘܢܦܠܬ ܕܚܠܬܗ ܘܙܘܥܬܗ ܥܠ ܟܠܗܘܢ ܐܬܪ̈ܘܬܐ ܕܐܘܚܕܢܗ: ܘܕܚܠܘ ܛܒ ܡܢ ܩܕܡܘܗܝܼ.
                    ܐܬܛܝܒ ܡܟܝܠ ܓܪܣܐ ܠܝܛܐ܇ ܕܢܓܣܐ ܗܘܐ ܡܪܬܐ ܕܚܢܦܘܬܗ ܕܩܒܝܐ ܗܘܬ ܒܗ ܡܢ ܢܘܓܪܐ܇ ܘܢܘܕܥ ܨܒܝܢܗ
                    ܘܢܓܠܐ ܥܠ ܢܦܫܗܿ. ܕܠܘܩܒܠ ܨܒܝܢܐ ܣܝܡ ܕܐܠܗܐ. ܘܬܪܥܝܬܐ ܒܝܫܬܐ ܕܐܬܪܥܝ ܥܠ ܥܕܬܗ ܕܐܠܗܐ܇ ܘܥܠ
                    ܥܡܐ ܟܠܗ ܕܟܪ̈ܣܛܝܢܐ. ܣܒܝܠ ܗܘܼܐ ܠܗ ܒܢܦܫܗ ܡܠܐ ܙܒܢܐ܇ ܥܕ ܠܒܟܝܢ ܥ̈ܝܕܐ ܕܚܢܦܘܬܐ. ܒܩܠܝܠ
                    ܕܝܢ ܩܠܝܠ܆ ܡܓܢܒܐܝܬ ܣܿܥܪ ܗܘܼܐ ܠܗܿ ܒ̈ܥܠܠܬܐ. ܘܦܩܼܕ ܗܘܐ ܕܝܢ ܗܼܘ ܛܪܘܢܐܼ. ܕܗܝ̈ܟܠܐ ܠܡ
                    ܕܐ̈ܠܗܐ: ܐܦ ܢܘ̈ܣܐ ܕܫܟܼܝܢܘܬܗܘܢ ܕܐܬܥܩܪܘ ܘܐܣܬܚܦܘ ܘ̈ܡܝ ܡ̈ܠܟܐ ܟܪ̈ܣܛܝܢܐ ܕܡܢ ܩܕܡܘܗܝܼ.
                    ܢܬܒܢܘܢ ܡܢ ܕܪܝܫܼ ܘܢܬܚܕܬܘܢܿ ܘܡܢ ܓܙܗܿ ܕܕܬܐ ܢܗܘܝܢ ܢܦܩ̈ܬܗܘܢ ܒܟܠ ܐܬܪ ܘܡܕܝܢܐ. ܘܡܐ̈ܢܝ
                    ܬܫܡܫܬܗܝܢ ܘܗܕܪܐ ܟܠܗ ܕܨܒܬܗܝܼܢ. ܢܬܝܗܒ ܒܝܬ ܦܬܟܪ̈ܐܼ. ܘܢܗܘܘܢ ܗܕܪܐ ܒܗܝܟܠܗܿ ܕܚܢܦܘܬܐ.
                    ܐܪܝܡ ܓܝܪ ܫܢܝܐ ܒܪܝܫܗܿ ܕܚܢܦܘܬܐ ܕܣܚܝܦܐ ܗܘܬ. ܘܪܡܪܡ ܣܡܗܿ ܒܪܝܫܐ ܕܟܠܗܝܢ ܕܚ̈ܠܬܐ. ܘܫܥܒܕ
                    ܐܢܝܢ ܠܣܓܕܬܗܿ. ܘܡܟܟ ܩܪܢܗܿ ܪܡܬܐ ܕܥܕܬܐ ܩܡ ܕܚ̈ܠܬܐ ܣܪ̈ܝܩܬܐܼ ܘܐܕܘܝܗܿ. ܦܩܕ ܗܘܼܐ ܓܝܪ
                    ܒܫܝܢܘܬܗܼ. ܕܩܝ̈ܡܐ ܡܚܪ̈ܪܐ ܕܥܕܬܐܼ ܢܬܣܝܡܘܢ ܬܚܝܬ ܫܩܠܗܿ ܕܡܠܟܘܬܐ. ܘܢܗܘܘܢ ܡ̈ܫܥܒܕܐ
                    ܕܡܠܟܘܬܗ. ܘܢܬܐܡܢܘܢ ܟܠܫܥ ܒܬܪܥܗ ܕܡܿܠܟܐ. ܘܥܠ ܒܢ̈ܬ ܩܝܡܐ ܕܥܕܬܐ ܢܟ̈ܦܬܐ ܘܟܢܝ̈ܟܬܐܼ.  62 ܦܩܼܕ ܥܠܝܗܝܢ ܛܪܘܢܐ ܦܚܧܙܐܼ ܕܢܫܬܩܠ ܡܢܗܝܢ ܐܣܟܝܡܗܝܼܢ. ܘܢܗܘܝܢ ܠܓܒܪ̈ܐܼ
                    ܘܢܩܝܡܢ ܒܢ̈ܝܐ. ܐܦ ܥܠ ܐܦܣܩ̈ܘܦܐ ܚܣ̈ܝܐ ܘܩܕ̈ܝܫܐ ܐܬܪܥܝ ܫܢܝܐܼ. ܕܢܥܒܕ ܡܢܗܘܢ ܪ̈ܒܝ ܐ̈ܠܦܐ
                    ܘܪ̈ܒܝ ܡܐܘ̈ܬܐ. ܘܡܢ ܫܩܠܐ ܕܥܕ̈ܬܗܘܢܼ ܢܬܬܪܣܘܢ ܚܝ̈ܠܘܬܐ ܕܐܬܓܥܠܘ ܠܗܘܿܢܿ ܟܕ ܗܿܘܐ ܠܗ ܝܘܡܐ
                    ܕܢܣܝܡ ܒܪܫܗܘܢܿ ܘܒܗܠܝܢ ܟܠܗܝܢ ܕܓܕܫܼ. ܩܝܡܐ ܩܕܝܫܐ ܕܥܕ̈ܬܐܼ. ܒܟܠ ܐܬܪ ܘܡܕܝܢܐ ܡܨܚܝ ܗܘܼܐ
                    ܘܕܝܫ ܘܡܨܥܪ. ܘܝܬܝܪ ܡܢ ܟܠܗܝܼܢ. ܝܘ̈ܠܦܢܝܗܿ ܕܛܥܝܘܬܐ ܕܣܝܡܝܢ ܠܘܩܒܠ ܗܝܡܢܘܬܗܿ ܕܥܕܬܐ. ܥܡܐ
                    ܕܝܢ ܦܩܪܐ ܕܨ̈ܠܘܒܐܼ. ܕܝܨܝܢ ܗܘܘܼ ܘܚܬܝܪܝܢ ܒܙ̈ܒܢܐ ܩܫܗܝܐ ܕܣܡܟܘ ܥܠ ܥܕܬܐ. ܘܟܕ ܦܘܩܕܢܐ
                    ܕܪܕܘܦܝܐ ܥܕܟܝܠ ܠܐ ܐܬܦܩܕ ܗܘܼܐ ܥܠܝܼܢ. ܡܢ ܟܕܘ ܒܢ̈ܝܗܿ ܕܙܩܝܦܘܬܐܼ. ܣܢܐܬܐ ܣܓܝܐܬܐ ܚܘܝܘ
                    ܠܘܬܢܿ ܘܥܙܝܙܐܝܬ ܐܟܠܝܢ ܗܘܘ ܩܪ̈ܨܝܢ ܩܕܡܘܗܝ ܕܛܪܘܢܐ ܟܕ ܐܡܪܝܢ ܠܗ. ܕܟܢܘܫܝܗܘܢ ܠܡ ܕܢܨܪ̈ܝܐ
                    ܕܒܥܕ̈ܬܐܼ. ܩܘܛܥ ܪܥܝܢܐ ܙܪܥ ܒܢܦܫ̈ܬܐ ܕܣ̈ܓܝܐܐ. ܕܠܐ ܢܐܡܢܘܢ ܠܣܓܕܬܐ ܕܐ̈ܠܗܐ. ܘܛܢܢܐ ܡܥܝܪ
                    ܒܕܚ̈ܠܬܐ ܐܚܪ̈ܢܝܬܐ ܕܒܗܘܢ ܢܬܡܪܘܢܿ ܥܡ ܪ̈ܫܝܢܐ ܐܚܪ̈ܢܐ ܣ̈ܓܝܐܐ. ܕܡܪܫܝܢ ܗܘܘ ܒܬܪܢ ܟܕܒܐܝܬ
                    ܒܩܛܝܓܪܢܘܬܗܘܢ ܓܝܪ ܕܥܠܝܢ܇ ܩܿܕܡܘ ܐܥܝܪܘ ܥܠܝܢ ܪܕܘܦܝܐ. ܘܕܠܐ ܬܘܗܝܐ ܣܪܗܒ ܥܠܝܢ ܦܘܩܕܢܗ
                    ܕܥܘܿܠܐܼ ܕܠܐ ܪ̈ܚܡܐ. ܘܐܬܪܫܡ ܦܘܩܕܢܗ ܒܟܬܝܒ̈ܬܐ. ܘܐܬܦܪܣ ܥܠܝܢ ܠܘܩܕܡ ܒܡܕܝܢܬ ܡܠܟܘܬܐ. ܦܚܡܗ
                    ܕܝܢ ܕܟܬܒܐ ܩܕܡܝܐ ܕܐܬܦܪܣ ܥܠܝܼܢ. ܐܝܬܘܗܝ ܗܘܐ ܗܟܢܐ. ܛܥܝܘܬܗܘܢ ܠܡ ܕܢܨܪ̈ܝܐ ܕܩܕܡ ܩܠܝܠ܇
                    ܕܦܪܚܬ ܒܐܬܪܐ ܟܠܗ ܕܐܘܚܕܢܢ ܐܪܓܙܬ ܠܐܗܠܗܐ. ܕܒܐܝ̈ܕܝܗܘܢ ܣܝܡܐ ܙܟܘܬܗܿ ܕܬܒܝܠ܇ ܘܐܪܦܝܘ ܐܝܕܐ
                    ܒܡܠܟܘܬܢܿ ܘܐܫܬܠܛܘ ܒܗܿ ܒܥ̈ܠܕܒܒܐܼ. ܘܫܪܟܬ ܨܐܕܝܢ ܚܝܒܘܬܐ. ܗܘܬ ܠܢ ܗܟܝܠ ܝܘܡܢ ܒܛܝܠܘܬܐ
                    ܣܓܝܐܬܐܼ. ܕܢܕܟܝܗܿ ܠܐܪܥܢ ܡܢ ܛܒܐܘܬܗܘܢ ܕܗܠܝܢ ܡܣܝ̈ܒܐ ܕܠܐ ܐܠܗܝܼ. ܘܢܥܛܐ ܘܢܟܦܪܝܗܿ
                    ܠܕܚܠܬܗܘܢ ܡܥܩܠܬܐ ܡܢ ܐ̈ܦܝܗܿ ܕܬܒܝܠ. ܘܐܣܝܡ ܒܪܫܗܘܢ ܒܡܣܪܢܘܬܗܘܢ ܕܥܠ ܐ̈ܠܗܐܼ. ܕܒܝܕ ܬܒܥܬܢ
                    ܕܡܢܗܘܢ ܬܬܪܥܐ ܪܓܝܙܘܬܗܘܢ ܕܐ̈ܠܗܐܼ. ܘܢܬܒܘܢ ܒܫܠܝܐ ܘܒܫܝܢܐ ܐܬܪ̈ܘܬܐ ܟܘܠܗܘܢ ܕܐܘܚܕܢܢ.
                        ܦܩܕܬ 63 ܗܟܝܠ ܡܠܟܘܬܢ ܥܠܝܗܘܢ ܕܗܠܝܢ ܡܚܝ̈ܒܐ. ܕܥܕ̈ܬܗܘܢ ܢܬܥܩܪܢܿ
                    ܘܡܕܒܪܗܢܝܗܝܢ ܠܡܛܠܘܢ ܢܫܬܕܘܢܿ ܘܥܠ ܫܪܟܗܘܢ ܦܩܕܬ ܡܠܟܘܬܢܼ. ܕܐܢ ܥܗܝܕܝܢ ܢܦܫܗܘܢ ܘܗܦܟܝܢ ܡܢ
                    ܛܥܝܘܬܗܘܢ: ܘܡܬܦܢܝܢ ܥܠ ܣܓܕܬܐ ܕܐ̈ܠܗܐܼ. ܢܗܘܐ ܠܗܘܢ ܫܘܒܩܢܐ ܥܠ ܡܬܥܒܪܢܘܬܗܘܢܼ. ܘܢܬܬܓܪܘܢ
                    ܚܝ̈ܝܗܘܢܿ ܐܢ ܕܝܢ ܒܗ ܒܪܥܝܢܐ ܕܛܥܝܘܬܗܘܢ ܡܩܘܝܢ: ܘܡܘܕܝܢ ܥܠ ܢܦܫܗܘܢ ܕܟܪ̈ܣܛܝܢܐ ܐܢܘܢܼ.
                    ܠܢܓ̈ܕܐ ܩܫ̈ܝܐ ܘܡܚ̈ܘܬܐ ܕܠܐ ܪ̈ܡܢܐ ܘܠܫܢ̈ܕܐ ܡܫܚܠܦܐ ܕܟܠ ܐܣ̈ܟܝܡܝܢ ܢܫܬܠܡܘܢ܇ ܘܒܬܪܟܢ ܐܠܐ
                    ܗܦܟܘ ܡܢ ܛܥܝܘܬܗܘܢܼ. ܡܣܡ ܒܪܝܫܐ ܕܣܝܦܐ ܢܩܒܠܘܢܿ ܘܒ̈ܬܝܗܘܢ ܢܬܒܙܘܢܿ ܗܢܐ ܗܘ ܟܬܒܐ ܩܕܡܝܐ
                    ܕܐܬܦܪܣ ܥܠܝܢ ܒܡܕܝܢܬ ܡܠܟܘܬܗ ܕܛܪܘܢܐ .. ܘܟܕ ܗܢܐ ܦܘܩܕܢܐ ܕܥܘܼܠܐ ܕܠܐ ܪ̈ܚܡܐ ܢܦܼܩ ܥܠ ܥܡܢ.
                    ܝܘܒܢܝܢܘܣ ܡܗܝܡܢܐ ܗܘܼܐ ܒܥܩܬܐ ܣܓܝܐܬܐ. ܘܐܙܼܠ ܠܒܝܬܗ ܟܕ ܟܪܝܐ ܠܗܼ. ܘܚܫܝܫ ܘܐܒܝܠܼ ܘܡܪܟܢ
                    ܪܝܫܗ. ܘܦܩܕ ܕܠܐ ܐܢܫ ܡܢ ܥܒܕܘ̈ܗܝ ܐܘ ܡܢ ܒ̈ܢܝ ܒܝܬܗ ܢܬܚܙܐ ܩܕܡܘܗܝ ܒܝܘܡܐ ܗܿܘ. ܘܥܠ
                    ܠܩܝܛܘܢܐ ܕܡܫܟܒܗܼ ܘܐܚܕ ܬܪܥܐ ܒܐ̈ܦܘܗܝ. ܘܫܩܼܠ ܡܐ̈ܢܐ ܕܦܠܚܘܬܗ ܡܢܗܼ ܘܐܬܟܣܝ ܣܨܐ. ܘܡܟ ܠܗ
                    ܩܛܡܐ. ܘܫܕܐ ܢܦܫܗ ܥܠ ܐܦܘܗܼܝ ܘܦܠ ܪܝܫܗ ܘܓܘܫܡܗ ܒܩܛܡܐ. ܘܒܿܟܐ ܗܘܼܐ ܘܓܥܿܐ ܚܫܝܫܐܝܬ ܟܕ
                    ܐܿܡܪ ܐܠܗܼܝ ܠܡܢܐ ܫܒܩܬܢܝ ܒܬܪ ܐ̈ܒܗܿܝ. ܘܣܡܬܢܝ ܒܝܘܡ̈ܬܐ ܒܼܝ̈ܫܐ܇ ܕܐܚܙܐ ܒܡܘܟܟܗܿ ܕܥܕܬܟܿ.
                    ܘܒܐܒܕܢܐ ܘܒܚܪܐ ܕܝ̈ܠܕܝܗ. ܘܒܨܥܪܗ ܘܒܒܙܚܗ ܕܩܝܡܟ ܩܕܝܫܐ. ܘܐܢ ܗܢܐ ܡܪܝ ܨܒܝܢܐ ܗܘܼܐ ܩܕܡܝܟܼ.
                    ܒܒܥܘ ܡܢܟ ܐܠܗܼܝ. ܟܢܿܫ ܝܘܡ̈ܬܗ ܕܥܒܕܟ. ܘܫܪܝܢܝ ܡܢ ܚܝ̈ܐ ܒܥܓܠܼ. ܘܠܐ ܐܚܙܐ ܕܫܠܛܐ ܚܪܒܗ
                    ܕܛܒܿܚܐ ܠܝܛܐ܇ ܒܓܙܪܐ ܒܪܝܟܐ ܕܫܩܝܠ ܦܓܪܟ. ܠܡܿܢ ܠܝ ܓܝܪ ܚ̈ܝܐ ܡܕ̈ܢܩܐ܇ ܘܕܘܘ̈ܢܐ ܘܬܢܚ̈ܬܐ.
                    ܟܕ ܚܿܙܐ ܐܢܐ ܥ̈ܕܬܟ ܕܥܩܝܪ̈ܢ. ܘܡܕܒ̈ܚܝܟ ܕܣܚܝܦܝܢ. ܘܩܘܕܫܟ ܕܡܛܘܫ. ܘܟܗ̈ܢܝܟ ܕܚܪ̈ܝܒܝܢ.
                    ܘܩܝܡܟ ܕܡܒܕܪ. ܘܥܡܐ ܕܣܿܓܕ ܠܨܠܝܒܐ ܟܕ ܡܡܚܝ ܘܡܨܠܦ. ܘܕܒܝܪ ܐܝܟ ܐܡܪܝܐ ܠܢܟܼܣܕܐ܇ ܘܥܕܬܟ
                    ܐܒܝܠܐ ܘܚܫܝܫܐ ܥܠ ܐܒܕܢܐ ܕܝ̈ܠܕܝܗܿ. ܘܐܝܟܐ ܐܢܘܢ  64 ܡܘ̈ܠܟܢܝܟ ܫܒܝܚ̈ܐ. ܘܫܘܘ̈ܕܝܟ
                    ܒܪ̈ܝܟܐ ܕܨܝܕ ܥܕܬܟ ܡܟܝܪܬܟ ܕܫܪܪܐ. ܕܐܫܬܘܕܝܬ ܠܗܿ. ܕܡܘܟ̈ܠܝܗܿ ܕܫܝܘܠ ܢܚܣܢܘܢܗܿ. ܘܗܐ ܫܢܝܐ
                    ܓܙܡ ܘܐܣܓܝ ܕܢܣܚܘܦ ܢܘ̈ܣܝܗܿ ܘܢܥܩܘܪ ܣܚܪ̈ܬܗܿ. ܘܢܓܠܐ ܫ̈ܬܐܣܝܗܿ. ܘܢܥܒܕܝܗܿ ܠܩܠܠܐ. ܘܬܦܠ ܡܢ
                    ܪܘܡܐ ܘܪܒܘܬܗܿ. ܘܢܚܕܘܢ ܠܗܿ ܣܩܘܪ̈ܝܗܿ. ܘܢܗܠܘܢ ܒܗܿ ܒ̈ܢܝܗܿ ܕܨܠܘܒܬܐ. ܕܚܠܦ ܛܒ̈ܬܐ ܕܐܬܡܠܟ
                    ܠܗܿ ܒܢܒܝܘܬܐܼ. ܬܟܒ ܥܠܝܗܿ ܐܘ̈ܠܨܢܐ. ܘܣܡܘ ܥܠܝܗܿ ܒܝܫ̈ܬܐ. ܘܚܕܪܘܗܿ ܚܫ̈ܐ. ܘܐܕܪܟܘܗܿ
                    ܕܘ̈ܘܢܐ ܘܬܢܚ̈ܬܐ. ܘܠܝܬ ܒܗܿ ܡܒܝܐܢܐ. ܐܠܐ ܒܠܚܘܕ ܚܢܢܗܿ ܕܡܪܚܡܢܘܬܟ. ܠܐܒܕܢ ܓܝܪ ܐܬܪܥܝ ܫܢܝܐ
                    ܕܢܡܚܝܗܿ ܠܥܕܬܐ ܡܟܝܪܬܟ ܕܫܪܪܐ. ܒܒܥܘ ܡܼܢܟ ܚܬܢܐ ܩܛܝܠܐܼ. ܕܐܫܩܝ ܡܗ ܠܡܟܝܪܬܗܼ. ܠܐ ܬܬܠ ܠܗ
                    ܪܓܬܗ ܠܥܘܿܠܐ. ܘܬܪܥܝܬܗ ܠܐ ܬܣܩ ܠܪܝܫܝ. ܐܗܦܟ ܥܠܘܗܝ ܡܚܫܒܬܗܼ. ܘܒܪܫܗ ܢܣܩܢ ܨ̈ܢܥܬܗ. ܚܪܒܗ
                    ܕܐܬܠܛܫܬ ܥܠ ܥܡܟܼ. ܒܠܒܗ ܬܥܘܠ ܒܐܪܥܐ ܕܟ̈ܠܕܝܐ. ܐܒܪܟܝܗܝ ܩܕܡ ܪ̈ܘܕܦܘܗܝ. ܘܫܧܦܠ ܥܘܫܢܐ
                    ܕܚܬܝܪܘܬܗ. ܘܢܕܥ ܒܫܥܬ ܚܝܒܘܬܗܼ. ܕܐܝܬ ܠܗܿ ܐܠܗܐ ܠܥܕܬܟ. ܐܘܢ ܛܿܒܐ ܘܒܣܝܡܐ. ܕܠܐ ܐܠܡ ܠܥܠܡ.
                    ܐܬܬܢܝܚ ܡܢ ܚܡܬܐ ܕܪܘܓܙܟ. ܘܐܬܪܥܐ ܥܠ ܒܝܫܬܗ ܕܥܡܟ. ܘܥܒܕ ܒܐ̈ܦܝܢ ܐܝܟ ܕܡܥܕ ܐܢܬ. ܐܦܢ ܠܐ
                    ܫܘܝܢܼܢ. ܡܛܠ ܫܡܟ ܝܩܝܪܐ ܕܐܬܩܪܝ ܥܠܝܢ. ܕܠܐ ܢܐܡܪܘܢ ܚ̈ܢܦܐ ܘܟܦܘܪ̈ܐ܇ ܕܐܝܟܘ ܐܠܗܗܘܢ ܕܠܐ
                    ܦܪܩ ܐܢܘܢ ܒܙܒܢ ܪܘܓܙܐ. ܚܢܢ ܡܪܝ ܐܝܟ ܐܢܫ̈ܐ ܡܚܝ̈ܠܐ ܕܠܐ ܡܨܝܢ ܒܚܝܠܐ ܠܡܩܒܠܘ ܡܪܕܘܬܐ.
                    ܡܨܠܝܢ ܚܢܢ ܩܕܡܝܟܿ. ܕܢܫܬܩܠ ܡܢܢ ܫܒܛܐ ܕܡܪܕܘܬܟ. ܠܓܡܝܪ̈ܐ ܓܝܪ ܘܫܪܝܪ̈ܐܼ ܡܪܕܘܬܟ ܠܗܘܢܼ ܥܠܬ
                    ܥܘܕܪܢܐ . ܠܢ ܕܝܢ ܪ̈ܕܝܦܐ ܚܢܢ ܘܬܚ̈ܘܒܐ. ܘܠܝܬ ܒܢ ܚܝܠܐ ܠܡܩܡ ܒܐܝܓܘܢܐ ܕܐ̈ܬܠܝܛܐ. ܡܪܕܘܬܟ
                    ܠܼܢ ܐܝܟ ܣܘܓܦܢܐ ܗܼܝ. ܒܝܕ ܦܛܢܘܬܐ ܕܐܚܝܕܐ ܠܢ. ܠܐ ܗܟܝܠ ܬܗܦܟ ܐ̈ܦܝܟ ܡܪܝ ܡܢ ܒܥܘܬܢܿ ܐܦ
                    ܚܝ̈ܒܐ ܚܢܢ ܐܦ ܡܣ̈ܟܠܢܐ. ܡܥܕܐ ܗܼܝ ܓܝܪ ܡܪܚܡܢܘܬܟ ܡܪܝ܇ ܥܒܕܐ ܫܘܒܩܢܐ ܠܚܛܗܝܐ. ܘܕܠܝܬ ܠܢ
                    ܐ̈ܦܐ ܓ̈ܠܝܬܐ ܕܢܒܥܐ ܡܢܟ. ܒܐܗܦܐ ܟܡܝܪ̈ܬܐ ܘܒܪܘܚܐ ܪܡܝܬܐܼ. ܐܝܟ ܕܒܛܝܒܘ ܫܐܠܝܢ ܚܢܢ ܫܘܒܩܢܐ
                    ܠܚܝܒܘܬܢܿ ܐܝܟ ܕܠܐܒܐ ܡܪܚܡܢܐ 65 ܕܚܠܝܛܝܢ ܪ̈ܚܡܘܗܝ ܒܡܪܕܘܬܗܼ. ܘܡܬܟܫܦܝܢܢ ܠܟ ܡܪܝܢ
                    ܛܒܐ ܘܒܣܝܡܐܼ. ܕܫܗܐ ܡܢܢ ܩܠܝܠ ܕܪܕܘܦܝܢ. ܘܐܪܚܫ ܒܪܥܝܢܗ ܕܛܪܘܢܐ܇ ܢܬܩܒܠܢ ܨܢ̈ܥܬܝ ܘܫܘܓܫܝ
                    ܩܕܡܘܗܝܿ. ܘܬܣܩ ܠܪܝܫܝ ܡܚܫܒܬܐ ܕܐܬܪܥܝܬ. ܘܒܝܕ ܡܠܟܗܿ ܕܒܨܝܘܬܝ ܢܫܬܪܐ ܓܙܪܕܝܢܐ ܕܥܩܘܪܝܐ ܡܢ
                    ܥ̈ܕܬܐ܇ ܘܢܗܘܐ ܢܦܐܫܐ ܩܠܝܠ ܘܒܘܝܐܐ܇ ܠܥܡܟ ܐܠܝܨܐ ܘܪܕܝܦܐ. ܕܚܐܪ ܠܦܘܪܩܢܟ ... ܘܟܕ ܥܕܢܐ
                    ܣܓܝܐܐ ܡܨܠܐ ܗܘܼܐ ܦܪܘܫܐ ܘܡܬܟܫܦ ܠܐܠܗܐܼ. ܐܝܟ ܕܡܢ ܪܡܙܐ ܥܠܝܐ܇ ܐܬܬܙܝܥܬ ܒܗ ܡܚܫܒܬܐ
                    ܡܥܕܪܢܝܬܐ܇ ܕܡܨܝܐ ܠܡܕܥܟܘ ܚܡܬܗ ܕܛܪܘܢܐ. ܘܠܡܗܦܟܘ ܓܙܪ ܕܝܢܐ ܕܥܩܘܪܝܐ ܡܢ ܥܕܬܗ ܕܐܠܗܐ. ܘܩܡ
                    ܡܢ ܕܘܟܬܐ ܕܒܗܿ ܪܡܐ ܗܘܼܐ. ܘܢܦܨ ܩܛܡܐ ܡܢ ܐ̈ܦܘܗܝ. ܘܡܢ ܪܫܗܼ ܘܡܢ ܓܘܫܡܗ. ܘܐܫܝܓ ܕܡ̈ܥܐ
                    ܕܥܝ̈ܢܘܗܝܼ. ܘܫܕܐ ܡܢ ܟܪܝܘܬܐ ܐܝܟ ܕܠܦܘܪܣܝܐ. ܘܫܝܢ ܚܙܬܐ ܕܦܪܨܘܦܗܼ. ܘܠܒܫ ܡܐ̈ܢܐ ܫܒ̈ܝܚܐ
                    ܘܪ̈ܝܫܝܐ ܕܦܚܘܬܗ. ܟܕ ܫܩܝܠ ܥܠ ܒܪ ܐܢܫܗ ܟܣܝܐ ܒܟܝܐ ܘܚܫܝܫܐ ܘܬܢܚ̈ܬܐ ܬܟܝܒ̈ܬܐܼ. ܘܥܠ ܒܪܢܫܗ
                    ܓܠܝܐ ܓܘܚܟܐ ܫܐܝܠܐ ܘܦܨܝܚܘܬܐ ܕܨܢ̈ܥܬܐ. ܘܣܡ ܒܢܦܫܗ ܕܢܥܘܠ ܠܫܠܡܗ ܕܫܢܝܐܼ. ܟܕ ܡܬܟܫܦ ܠܐܠܗܐ
                    ܕܢܦܬܚ ܬܪܥܐ ܠܒܥܘܬܗ. ܘܢܬܠܝܘܗܝ ܒܪ̈ܚܡܐ ܒܥܝ̈ܢܘܗܝ ܕܟܪܘܢܐ. ܘܢܬܩܒܠܘܢ ܡܠܼܟܘ̈ܗܝ ܛ̈ܒܐ ܕܥܠ
                    ܥܕܬܐ. ܘܟܕ ܥܠ ܩܡ ܩܕܡ ܡܿܠܟܐ ܣܓܕ ܘܐܡܼܪ. ܒܝܘܡܟ ܠܡ ܡܪܝ ܡܿܠܟܐܼ. ܢܚܕܐ ܘܢܬܒܣܡ. ܘܢܚܕܘܢ
                    ܥܡܢ ܫܡܝܐ ܘܐܪܥܐܼ ܘܟܠ ܕܒܗܘܢܿ ܘܢܬܠܘܢ ܠܗܿ ܛܘܒܐ ܟܠ ܥ̈ܡܡܐ ܠܡܠܟܘܬܐ ܗܕܐ. ܒܗܿܝ ܗܘܝܬ ܬܒܥܬܐ
                    ܘܟܐܢܘܬܐ ܡܢ ܪ̈ܫܝܥܐ. ܕܣܝܒܘܗܿ. ܛܪܘܢܐ ܕܝܢ ܚܒܝܒܐܝܬ ܚܐܪܘܼܐ ܒܗ ܒܫܪܝܪܐ. ܠܐ ܓܝܪ ܝܕܥ ܗܘܐ
                    ܫܢܝܐ ܕܥܠܘܗܝ ܫܩܝܠܢ ܡ̈ܠܝ ܦܠܐ̈ܬܗ. ܐܡܪ ܠܗ ܝܘܠܝܢܣ. ܐܝܟ ܡܚܒܢܐ ܕܐ̈ܠܗܐ ܡܬܚܙܐ ܐܢܬ ܝܘܡܢܐ
                    ܒ̈ܥܝܢܝܗܿ ܕܡܠܟܘܬܿܢܿ ܕܗܘܬ ܠܟܘܢ ܚܕܘܬܐ ܒܬܪܥܘܬܗܘܢ ܕܐ̈ܠܗܐ. ܠܚܡܫܝܢ ܓܝܪ ܘܐܪ̈ܒܥ ܫ̈ܢܝܢ
                    ܐܬܚܙܝܬ ܐܣܦܝܪ ܕܐܠܗܘܬܐ ܠܡܠܟܘܬܢܿ ܕܛܠܝܡܐ ܗܘܬ ܣܓܕܬܗܿ ܒܝܘ̈ܡܝ ܡ̈ܠܟܐ ܕܩܕܝ. ܐܡܿܪ ܠܗ
                    ܝܘܒܢܝܢܘܣ. ܬܘܒ ܝܬܝܪ ܥܠ ܝܬܝܪ ܡܪܝ ܡܿܠܟܐܿ. ܬܬܪܥܐ ܐܠܗܘܬܐ ܠܣܓܘ̈ܕܝܗܿ. ܡܐ ܕܡܫܬܩܠܝܢ ܡܢ
                    ܐ̈ܦܝܗܿ.  66 ܕܡܠܟܘܬܢ ܪ̈ܫܝܥܐ ܕܣܝܒܘܗܿ. ܘܡܬܛܥܐ ܡܢ ܐܪܥܐ ܕܘܟܪܢܗܘܢܿ ܕܐܝܠܝܢ
                    ܕܛܠܡܘ ܣܓܕܬܗܿ ܕܐܠܗܘܬܐ. ܝܘܠܝܢܘܣ ܕܝܼܢ. ܠܐ ܡܕܡ ܚܫܝܫ ܗܘܼܐ ܒܢܦܫܗ ܥܠ ܡ̈ܠܘܗܝ ܕܝܘܒܢܝܢܘܣ.
                    ܣܿܒܪ ܗܼܘܐ ܠܗ ܓܝܪ ܒܫܢܝܘܬܗܼ. ܕܒܪ ܪܥܝܢܐ ܗܘܼܐ ܕܚܢܦܘܬܗ. ܘܒܪ ܢܩܦܐ ܗܘܼܐ ܕܛܥܝܘܬܗ. ܗܼܘ
                    ܕܝܢ ܡܗܝܡܢܐ ܘܫܪܝܪܐܼ. ܡܕܡ ܣܟ ܡܢ ܬܛܪܗܿ ܕܚܢܦܘܬܐ ܠܐ ܓܫܦ ܒܗ. ܐܠܐ ܒܠܒܐ ܕܟܝܐ ܘܒܢܦܫܐ
                    ܫܦܝܬܐܿ. ܐܚܝܕ ܗܘܼܐ ܠܐܠܗܐ ܒܪܥܝܢܗ. ܘܐܝܟ ܕܠܢܦܐܫܗ ܕܪܕܘܦܝܢ܇ ܡܬܚܙܐ ܗܘܼܐ ܩܕܡ ܛܪܘܢܐ
                    ܒܐܣܟܡܐ ܕܚ̈ܢܦܐ ܫܐܝܠܐܝܬ. ܘܢܬܦ ܗܘܐ ܠܨܒܝܢܗ. ܡܠܝܐܝܬ ܓܝܪ ܡܚܒ ܗܘܼܐ ܠܗ ܫܢܝܐ. ܘܫܡܿܥ ܗܘܼܐ
                    ܠܗ ܒܣܝܡܐܝܬ. ܘܟܡܐ ܙܒ̈ܢܝܢ ܩܣܪ ܕܝܠܗ ܨܒܿܐ ܗܘܼܐ ܕܢܥܒܕܝܘܗܝ. ܘܗܘܬ ܠܗܿ ܒܝܢܬܗܘܢ ܒܥܬܐ
                    ܕܡ̈ܠܐ ܥܠ ܣ̈ܓܝܐܬܐ. ܘܟܕ ܐܬܬܙܝܥܬ ܒܥܬܐ ܥܠ ܟܪ̈ܣܛܝܢܐܼ. ܗܘܼܐ ܠܗ ܐܬܪܐ ܠܗܢܐ ܦܪܘܫܐ܇ ܕܢܬܠ
                    ܡܠܟܐ ܫܦܝܪܐ ܥܠ ܥܕܬܗ ܕܐܠܗܐ. ܫܐܠܗ ܕܝܢ ܬܘܒ ܝܘܠܝܢܘܣ ܘܐܡܪ ܠܗ. ܡܢܐ ܠܡ ܡܬܚܙܐ ܠܟ ܒܐܝܠܝܢ
                    ܕܦܩܕܬ ܡܠܟܘܬܿܢܿ ܥܠ ܥܡܐ ܥܩܝܪܐ ܕܟܪ̈ܣܛܝܢܐܼ. ܥܢܝܗܝ ܫܪܝܪܐ ܦܬܓܡܐ ܕܡܢܝܚ ܠܗܼ ܟܕ ܐܡܿܪ.
                    ܕܫܦܝܪ ܦܩܼܕ ܫܘܠܛܢܐ ܕܥܫܝܢܘܬܟܘܢ ܟܠ ܕܦܩܕ. ܒܪܡ ܕܝܢ ܒܘܝܐܐ ܪܒܐ ܐܝܬ ܠܗܘܢ ܠܢܨܪ̈ܝܐܼ.
                    ܒܦܪܣܛܓܡܐ ܗܕܐ. ܕܥܒܕܬ ܡܠܟܘܬܟܘܢܿ ܘܐܝܟ ܡܐ ܕܚܕܘܬܐ ܗܼܝ ܠܗܘܢ ܪܒܬܐ. ܐܦ ܐܢܐ ܡܣܬܒܪܐ ܠܝ
                    ܕܠܗܘܢ ܡܣܓܦܐܼ. ܐܦܢ ܠܢ ܡܥܕܪܐ. ܐܡܿܪ ܠܗ ܝܘܠܝܢܘܣ. ܐܝܟܢܐ ܙܕܩ ܠܢ ܕܢܐܠܦ ܘܢܕܥܼ ܡܢܐ ܗܼܝ
                    ܥܠܬ ܒܘܝܐܗܘܢܿ ܠܐ ܓܝܪ ܨܿܒܐ ܐܢܐ ܒܥܘܕܪܢܗܘܢ ܐܠܐ ܒܣܘܓܦܢܗܘܢܿ ܠܢ ܓܝܪ ܡܣܬܒܪܐܼ. ܕܛܒ ܡܚܫ
                    ܠܗܘܢ ܡܘܬܐ ܕܩܢܘܡܗܘܢ. ܘܥܩܘܪܝܐ ܕܥܕ̈ܬܗܘܢܿ ܘܟܡܐ ܕܟܐܒܐ ܗܘܼ ܠܗܘܢ ܥܫܝܢܐ.. ܝܘܒܢܝܢܘܣ ܐܡܿܪ.
                    ܐܠܘ ܚܝܪܝܢ ܒܥܘܕܪ̈ܢܝܗܘܢ ܘܡܫܬܘܕܥܝܢ ܐܝܩܪܗܘܢܼ. ܒܙܕܩܗܿ ܦܩܕܬ ܡܠܟܘܬܟܘܢ܇ ܐܠܐ ܠܐ ܗܿܝ ܕܚܝܪܐ
                    ܥܫܝܢܘܬܟܘܢ ܚܝܪܝܢ. ܠܗܘܢ ܕܝܢ ܕܝܠܗܘܢ ܡܘܬܐ ܕܡܛܠ ܐܠܗܗܘܢܿ ܐܝܟ ܡܐ ܕܡܘܗܒܬܐ ܗܼܝ ܠܗܘܢ ܛܒܬܐ
                    ܘܡܝܬܪܬܐ. ܝܬܝܪ ܓܝܪ ܡܢ ܡ̈ܝܐ ܠܨܗ̈ܝܐ ܘܠܚܡܐ ܠܟ̈ܦܢܐ܇ ܟܦܢܝܢ ܘܨܗܝܢ ܠܗ ܠܡܘܬܐ ܕܩܘܛܕܝܐ 67 ܗܿܝ ܕܗܼܢܘܢ ܡܘܕܝܢܘܬܐ ܩܪܝܢ ܠܗܿ. ܘܠܘ ܙܥܘܪ̈ܐ ܐܢܘܢ ܘܕ̈ܠܝܠܐ. ܐܝܠܝܢ ܕܗܢܘ
                    ܨܒܝܢܗܘܢܿ ܟܕ ܕܝܢ ܬܒܨܝܗܿ ܠܟܘܠܗܿ ܐܣܛܪܛܝܐ ܕܫܘܠܛܢܢ: ܘܠܟܠܗ ܐܘܚܕܢܐ ܕܡܠܟܘܬܢܼ. ܝܬܝܪ ܡܢ
                    ܬ̈ܠܬ ܡܢܘ̈ܬܗܘܢ ܟܪ̈ܣܛܝܢܐ ܐܢܘܢܿ ܠܡܢܐ ܗܟܝܠ ܒܥܠܬ ܕܚ̈ܠܬܐ ܒ̈ܠܝܠܬܐ ܕܠܝܬ ܒܗܝܢ ܚܫܚܘ܇
                    ܕܐܚܝܕܝܢ ܒܗܝܢ ܪ̈ܥܝܢܐ ܢܣܝ̈ܣܐ ܕܗܕܝ̈ܘܛܐ܇ ܢܚܪܘܒ ܚܝ̈ܠܘܬܢ ܘܢܙܠܗܙ ܐܣܛܪܛܝܐ ܕܦܠܚܘܬܿܢܿ
                    ܘܢܨܿܕܐ ܐܬܪ̈ܘܬܐ ܕܐܘܚܕܢܢ ܡܢ ܥܡܘܪ̈ܝܗܘܢܿ ܘܢܚܕܘܢ ܠܢ ܣܢ̈ܐܝܢ ܘܢܗܠܿܘܢ ܒܥ̈ܠܕܒܒܝܢ. ܐܠܐ ܐܢ
                    ܐܝܬ ܨܒܝܢܐ ܠܫܘܠܛܢܐ ܕܥܫܝܢܘܬܟܘܿܢܿ ܘܫܦܝܪ ܒܥ̈ܝܢܝ ܡܠܟܘܬܟܘܢܼ. ܢܫܒܘܩ ܕܚ̈ܠܬܐ ܪܕܝܢ
                    ܒܥܝܕܝܗܝܼܢ ܥܡ ܙܒܢܐ. ܘܐܝܟ ܐܢܫܐ ܚܝ̈ܠܬܢܐ ܕܥܝܪܝܢ ܥܠ ܡܛܪܬܗܘܢ: ܘܒܛܝܠ ܠܗܘܢ ܥܠ ܐܘܚܕܢܗܘܢ
                    ܕܠܐ ܢܬܒܨܼܪ ܢܬܦܢܐܼ ܘܢܣܥܘܪ ܨܒܘ̈ܬܐ ܕܡܠܟܘܬܢܿ ܘܢܬܠ ܠܘܒܒܐ ܠܚܝ̈ܠܘܬܢܼ. ܘܢܐܨܦ ܕܩܐܪܣܐ ܕܪܡܐ
                    ܠܢ. ܘܡܐ ܕܙܕܩܘ ܠܢ ܐ̈ܠܗܐ ܙܟܘܬܐ: ܘܗܦܟܢ ܡܢ ܪܒܗܿ ܕܐܬܘܼܪ. ܢܥܒܪ ܕܚ̈ܠܬܐ ܡܢ ܐܘܚܕܢܢ. ܘܬܗܘܐ
                    ܚܕܐ ܕܚܠܬܐ ܦܫܝܛܬܐ ܒܟܠܗ ܒܝܬ ܫܘܠܛܢܐ ܕܡܠܟܘܬܢܿ ܘܥܠ ܗܝ̈ܟܠܐ ܕܒܝܬ ܟܢܘܫܝܐ ܕܢܨܪ̈ܝܐ: ܕܗܢܼܘܢ
                    ܥ̈ܕܬܐ ܩܪܝܢ ܠܗܝܼܢ. ܐܢ ܢܝܚ ܡܪܝ ܠܨܒܝܢܐ ܕܥܫܝܢܘܬܟܘܢܼ. ܢܬܬܚܕܢ ܘܠܐ ܢܬܥܩܪܢܿ ܗܝ̈ܟܠܐ ܓܝܪ
                    ܐܢܘܢ ܗܕܝܪ̈ܐ ܘܫܒ̈ܝܚܐ. ܘܣܘܓܐܐ ܡܢܗܘܢ ܫܟܝ̈ܢܬܐ ܗܘܘܼ ܘܒܝܬ ܣܓܕ̈ܬܐ ܕܐ̈ܠܗܐ. ܘܒܝ̈ܘܡܝ ܡ̈ܠܟܐ
                    ܕܡܢ ܩܕܝܡ ܐܫܬܩܠܘܿ. ܘܗܘܘ ܒܝܬ ܣܓܕ̈ܬܐ ܕܢܨܪ̈ܝܐ: ܠܡܢܐ ܗܟܝܠ ܢܚܒܠ ܐܘܣܝܐ ܕܚܛܝܦܐ ܡܢ ܐ̈ܠܗܐ܇
                    ܒܛܢܢܐ ܕܝܗܘ̈ܕܝܐ ܘܕܝܘܠܦܢܐ ܕܐܟܘܬܗܘܢ ܛ̈ܥܝܐ܇ ܕܒܟܠܗ ܬܝܣܘܪܢ ܕܡܠܟܘܬܿܢܿ ܠܐ ܡܘܦܝܢܢ ܠܒܢܐ
                    ܗܝ̈ܟܠܐ ܘܢܘܣܐ ܕܗܕܝܪܝܢ ܐܟܘܬܗܘܢܿ ܘܠܘ ܗܕܐ ܒܠܚܘܿܕ ܐܠܐܼ ܘܐܚܪܬܐ. ܕܓܒܝܐ ܠܗܘܢ ܛܒ
                    ܠܟܪ̈ܣܛܝܢܐܼ ܘܡܩܒܠܐ ܥܠܝܗܘܢܿ ܕܢܣܬܬܪܘܢ ܢܘܣ̈ܝܗܘܢ ܘܢܬܥܩܪ̈ܢܿ ܥܕ̈ܬܐ: ܘܢܗܘܝܢ ܚܪ̈ܒܬܐܼ. ܘܠܐ
                    ܢܗܘܘܢ ܒܝܬ ܣܓܕܬܐ ܠܐ̈ܠܗܐ ܕܣܓܕܐ ܠܗܘܢ ܡܠܟܘܬܟ. ܩܢܐܬܐ ܗܼܝ ܠܗܘܢ ܪܒܬܐ ܘܚ̈ܝܐ ܡܪܝܪ̈ܐ܇ ܕܒܝܬ
                    ܬܫܡܫܬܐ ܘܣܓܕܬܐ ܕܐ̈ܠܗܐ. ܘܕܘܟ̈ܝܬܐ ܕܡܫܬܡܫ ܗܘܐ ܒܗܝܢ ܐܪܙܗܘܢ ܕܟܪ̈ܣܛܝܢܐ܇ ܢܫܬܡܫܘܢ ܒܗܘܢ
                    ܐܪ̈ܙܐ ܕܙܘܣ ܘܕܐܦܠܘܢܿ 68 ܥܡ ܣܘܓܐܐ ܕܐ̈ܠܗܐ ܘܕܐ̈ܠܗܬܐ܇ ܕܚܒܝܟܝܢ ܒܚ̈ܕܕܐ ܒܠܝܠܐܝܬ.
                    ܡܢ ܒܠܝ ܕܠܝܬ ܠܗܘܢ ܗܝ̈ܟܠܐ ܐܝܚ̈ܝܕܐ ܠܚܕ ܚܕ ܡܢܗܘܿܢܿ ܘܡܣܬܓܕܝܢ ܫܝܥܐܝܬ ܕܟܪ̈ܐ ܥܡ ܢܩܒ̈ܬܐ
                    ܒܚܕܐ ܫܟܝܢܬܐ܇ ܒܕܠܐ ܥܕܟܝܠ ܐܬܒܥܝܘ ܠܗܘܢ ܢܘ̈ܣܐ ܘܫܟ̈ܝܢܬܐ ܐܝܟ ܕܙܕܩ ܠܐܝܩܪܗ ܕܚܕ ܚܕ ܡܢܗܘܢ
                    ܒܟܠ ܐܬܪ̈ܝܢ. ܠܐܝܢܐ ܗܟܝܠ ܦܘܪܣܐ ܢܣܬܘܪ ܘܢܗܦܘܟ ܢܒܢܐ ܒܢ̈ܦܝܬܐ ܣܓܝܐ̈ܬܐ. ܘܢܡܣܟܢ ܬܝܣܘܪܢ
                    ܕܡܠܟܘܬܢܿ ܝܘܡܢ ܕܐܪܡܝܢܢ ܒܩܐܪ̈ܣܐ ܘܒܩܪ̈ܒܐ. ܝܬܝܪ ܕܝܢ ܕܠܐ ܐܠܨܐ ܠܢ ܕܢܒܢܐ. ܘܒܕܡܘܬ ܐܝ̈ܠܢܐ
                    ܫܬܝܠܝܢ ܘܡܠܝܢ ܐܬܪ̈ܘܬܐ ܕܫܘܠܛܢܢ܇ ܢܘ̈ܣܐ ܘܗܝ̈ܟܠܐ ܕܢܨܪ̈ܝܐ܇ ܕܦܐܝܢ ܘܗܕܝܪܝܢ ܘܚܫܚܝܢ
                    ܠܐ̈ܠܗܐ. ܐܢܐ ܐܝܟ ܥܒܼܕܐ ܦܩܝܕܐ ܕܩܒܠ ܡܦܣܢܘܬܐ ܡܢ ܡܪܗ. ܕܢܬܠ ܡܠܼܟܐ ܥܠ ܐܝܠܝܢ ܕܐܬܦܩܕ ܠܗ.
                    ܗܿܘ ܡܕܡ ܕܐܬܚܙܝ ܠܢ ܕܥܕܪ ܕܠܐ ܒܡܪܚܘܼ. ܒܦܪܗܣܝܐ ܕܦܘܩܢܟܘܢܼ. ܗܢܐ ܡܠܼܟܐ ܝܗܒܬ. ܡܟܝܠ
                    ܕܫܘܠܛܢܐ ܗܼܝ ܕܕܚܝܠܘܬܟܘܢ ܕܬܒܨܘܢ ܣܘܥܪܢܐ ܒܚܟܡܬ ܐ̈ܠܗܐ ܕܒܟܘܢܿ ܘܚܢܢ ܕܠܐ ܩܘܢܕܘܢܣ ܬܘܒ
                    ܕܡܪܚܘܬܐܼ. ܢܫܬܪܐ ܘܢܦܘܩ ܡܢ ܩܕܡܝܟܘܢ ܒܓܣܕܬ ܩܢܘܡܢ. ܠܢܘܓܪܐ ܕܫܢ̈ܝܐ ܚܕܘܬܗܿ ܕܡܠܟܘܬܢܼ. ܡܐ
                    ܕܡܫܬܩܠܝܢ ܕܝܢ ܡܢܗܿ ܪ̈ܫܝܥܐ ܕܣܝܒܘܗܿ ܀ ܝܘܠܝܢܣ ܕܝܢ ܫܬܝܩ ܗܘܼܐ. ܘܨܐܬ ܠܗܼ ܒܣܝܡܐܝܬ. ܘܟܕ
                    ܚܙܼܐ ܕܚܫܚܼܢ. ܫܩܠ ܕܢܪܫܐ ܒܗܿ ܛܝܒܘܬܐ. ܒܥܪܝܡܘܬܗܼ ܟܕ ܐܡܿܪ. ܐ̈ܠܗܐ ܠܡ ܕܚܙܐܘܟ ܕܟܡܐ ܣܪܝܟܬ
                    ܒܪܚܡܬܗܘܢ܆ ܝܗܒܘܟ ܒܪ̈ܚܡܐ ܒ̈ܥܝܢܝܗܿ ܕܡܠܟܘܬܢܿ ܘܐܪ̈ܚܫ ܒܪܥܝܢܢ ܕܐܝܠܝܢ ܕܡܢܟ ܡܬܐܡܪܢ ܠܐ
                    ܢܗܦܟ ܐܢܝܢ ܣܪܝܩܐܝܬ. ܐܦܢ ܢܗܘܐ ܕܠܐ ܚܫܚܢ. ܘܠܐ ܐܫܕܐ ܡܠܬܐ ܚܕܐ ܡܢ ܡ̈ܠܝܟ ܥܠ ܐܪܥܐ. ܝܕܥ
                    ܐܢܐ ܓܝܪ ܕܒܨܒܝܢܐ ܛܿܒܐ ܡܬܐܡܪܢ: ܘܨܒܝܬ ܒܫܝܢܐ ܕܡܠܟܘܬܢܿ ܒܪܡ ܕܝܢ ܨܿܒܐ ܐܢܐ ܒܐܒܕܢܐ
                    ܕܢܨܪ̈ܝܐܼ. ܘܠܝܬ ܠܝ ܫܠܝܐܼ ܥܕܡܐ ܕܐܓܡܪܝܗܿ ܠܕܚܠܬܐ ܗܕܐ ܡܥܩܠܬܐ܇ ܡܢ ܩܕܡ ܐ̈ܦܝܗܿ ܕܡܠܟܘܬܝ.
                    ܐܡܿܪ ܠܗ ܝܘܒܢܝܢܘܣ. ܘܗܕܐ ܠܡ ܠܙܒܢܗܿ ܡܪܝ ܡܿܠܟܐ. ܘܫܿܪܝ ܝܘܠܝܢܘܣ ܥܠܝܗܿ ܠܟܬܒܐ ܗܿܘ ܩܕܡܝܐ܇
                    ܕܐܬܦܪܣ ܥܠܝܢ ܒܡܕܝܢܬ ܡܠܟܘܬܐ. ܠܐ ܓܝܪ ܥܕܟܝܠ ܐܫܬܕܪ ܗܘܼܐ ܬܘܒ ܠܐܬܪ̈ܘܬܐ. ܘܥܒܕ ܚܪܢܐ
                    ܚܠܦܘܗܝ. ܘܐܬܦܪܣ ܒܪܗܘܡܐܼ. ܘܐܫܬܕܪ  69 ܗܘܼܐ ܬܘܒ ܠܐܬܪ̈ܘܬܐ. ܦܚܡܗ ܕܝܢ ܕܝܢ ܕܟܬܒܐ
                    ܐܚܪܝܐ ܕܥܒܕ܆ ܐܝܬܘܗܝ ܗܘܼܐ ܗܢܐ. ܡܛܠ ܠܡ ܕܐ̈ܠܗܐ ܒܡܪܚܡܢܘܬܗܘܢ ܕܦܪܝܣܐ ܥܠ ܟܠ: ܠܐ ܫܒܩܘܢܝ
                    ܕܐܬܚܫܚ ܒܐܝܠܝܢ ܕܐܬܪܥܝܬ. ܥܠ ܥܡܐ ܡܣܝܒܐ ܕܢܨܪ̈ܝܐܼ. ܓܙܝܬ ܗܘܝܬ ܓܝܪ ܒܢܦܫܝ ܬܝܒܘܬܗܘܢ܆
                    ܕܐܦܠܐ ܟܕ ܢܬܦܢܘܢ ܗܘܘ ܥܠ ܣܓܕܬܐ ܕܐ̈ܠܗܐ ܬܬܩܒܠ ܗܘܬ. ܐܠܐ ܒܫܢ̈ܕܐ ܘܒܐܘ̈ܠܨܢܐܼ ܘܒܡܘ̈ܬܐ
                    ܡܫܚ̈ܠܦܐ ܕܟܠ ܓܢܣ. ܣܝܡܐ ܗܘܬ ܠܝ ܕܐܓܡܪ ܐܢܘܢ ܡܢ ܟܘܠܗ ܐܘܚܕܢܐ ܕܡܠܟܘܬܢܿ ܡܠܝܐܝܬ ܓܝܪ ܠܚܝܡ
                    ܗܘܝܬ ܠܗܘܢ܆ ܘܨܒܿܐ ܗܘܝܬ ܒܐܝܕܢܗܘܢܿ ܫܦܥܬ ܕܝܢ ܥܠܝܗܘܢ ܡܪܚܡܢܘܬܗܘܢܿ ܟܕ ܛܒ ܛܠܘܡ̈ܐ ܐܢܘܢ
                    ܘܡܪ̈ܓܙܢܐ. ܘܗܘܼܐ ܠܗܘܢ ܨܒܝܢܐ ܠܐ̈ܠܗܐܼ. ܕܢܓܪ ܪܘܚܢ ܥܡܗܘܢ ܕܗܠܝܢ ܕܘ̈ܝܐ. ܘܢܬܠ ܠܗܘܢ ܙܒܢܐ
                    ܠܬܝܒܘܬܐ. ܘܢܥܗܕܘܢ ܢܦܫܗܘܢ ܘܢܬܦܢܘܢ ܡܢ ܛܥܝܘܬܗܘܢ ܘܢܬܬܓܪܘܢ ܚܝܝ̈ܗܘܢܿ ܒܟܠ ܓܝܪ ܦܘܪ̈ܣܝܢ
                    ܗܕܐ ܒܥܝܢ ܐܠܗ̈ܐܼ. ܕܠܐ ܐܢܫ ܢܐܒܕ ܡܢ ܐܘܚܕܢܐ ܬܡܝܗܐ ܘܒܪܘܝܘܬܗܘܢܿ ܙܕܩܢܢ ܕܝܢ ܛܝܒܘܬܐ
                    ܠܐ̈ܠܗܐ. ܕܐܪܚܫܘ ܒܪܥܝܢܢ ܡܚܫܒܬܐ ܡܥܕܪܢܝܬܐ. ܘܢܣܟܘ ܘܡܠܐܘܢ ܪܘܚܢܐ ܕܣܘܟܠܐ ܘܕܒܘܝܢܐ. ܕܢܚܘܪ
                    ܒܗܝܢ ܒܨܒ̈ܘܬܐ ܒܥܝܢܐ ܚܠܝܡܬܐ ܕܬܪܝܨܘܬܿܢܿ ܘܢܬܒܝܢ ܕܠܐ ܙܕܩܿ. ܕܥܓܠ ܢܣܝܡ ܐܢܘܢ ܬܚܝܬ
                    ܩܘܢܕܘܢܘܣ ܕܡܘܬܐܿ. ܠܐܝܠܝܢ ܕܒܠܐ ܒܨܒܝܢܗܘܢ ܩܛܝܪܐܝܬ ܐܬܢܬܦܘ ܡܢ ܕܚ̈ܠܬܐ ܕܡܕܒܪ̈ܢܝܗܘܿܢܿ
                    ܠܝܘܠܦܢܐ ܡܫܚܛܐ ܘܐܬܥܝܕܘ ܒܗ. ܐܠܐ ܐܝܟ ܐܣܝܐ ܚܟܝܡܐ ܕܡܦܣ ܫܦܝܪ ܒܟܐ̈ܒܘܗܝ ܘܥܘ̈ܣܩܢܘܗܝ
                    ܕܟܪܝܗܐܼ. ܣܡܐ ܡܢܝܚܐܢܐ ܕܡܪܚܡܢܘܬܢܿ ܢܩܪܒ ܠܪ̈ܥܝܢܐ ܢܣܝ̈ܣܐ ܕܢܬܚܠܡܘܢ ܡܢ ܡܪܥܘܬܗܘܢܿ ܠܐ ܓܝܪ
                    ܛܥܝܐ ܠܢ ܐܦܠܐ ܗܕܐ. ܕܒܡܘܬ ܓܝ̈ܓܠܐ ܕܡܪ̈ܟܒܬܐ ܕܐܚܝܕܢ ܪܗܛܐ ܒܬܪ ܗܢܝܘ̈ܟܝܗܝܢ ܘܓܠܡܪ ܡܢܗ ܠܐ
                    ܦܝܫܢ. ܐܦܢ ܢܗܘܐ ܒܠܝܠ ܡܕܒܪܢܗܝܢ. ܘܠܨܒܝܢܗ ܬܡܥܢ ܘܠܟܪ ܕܡܬܦܢܐ ܕܒܪ̈ܢܿ ܥܕܡܐ ܕܡܬܚܠܦ ܘܩܐܡ
                    ܐܚܪ̈ܢܐ ܥܠ ܕܘܟܬܗ. ܗܟܢܐ ܘܐܦ ܨܒܘ̈ܬܐ ܕܥܠܡܐ ܒܬܪ ܙܒܢܐ ܕܒܪ̈ܢܿ ܘܠܨܒܝܢܐ ܕܡܕܒܪܢܗܝܢ
                    ܡܫܬܡܥܿܢ. ܐܦܢ ܢܗܘܐ ܕܕܠܐ ܒܙܕܩܐ ܐܝܬܝܗܿ 70 ܡܕܒܪܢܘܬܗ. ܐܢܢܩܐ ܕܝܢ ܠܐܝܠܝܢ ܕܐܚܕܝܢ
                    ܡܕܒܪܢܘܬܐ ܒܬܪܗܘܢܿ ܕܢܥܡܠܗܘܢ ܒܗܝܢ ܒܨܒܘ̈ܬܐܼ. ܘܢܬܪܨܘܢ ܐܢܝܢ. ܘܒܡܓܪܬ ܪܘܚܐ ܕܚܟܡܬܗܘܢܿ
                    ܢܩܢܘܢ ܐܢܝܢ. ܘܠܐ ܢܫܪܟܘܢ ܐܢܝܢ. ܠܐܒܕܢܿ ܐܦ ܗܢܝܘܟܐ ܚܟܝܡܐ ܐܡܬܝ ܕܡܬܚܓܪܐ ܡܪܟܒܬܐ: ܡܢ ܚܐܦܐ
                    ܕܒܥܪܝܪܘܬܗ ܕܗܿܘ ܕܡܢ ܩܕܡܘܗܝ: ܘܡܫܬܪܗ ܪܟܘܒܐ ܕܓܝܓܠܗܼ. ܠܘ ܡܛܠ ܕܐܬܚܓܪܬܝ ܫܕܐ ܠܗܿ ܠܐܪܕܢܿ
                    ܐܠܐ ܝܨܿ ܦ ܕܝܠܗܿ ܘܡܬܩܢ ܠܗܿ. ܘܥܡܿܠ ܒܗܿ ܘܡܚܝܨ ܠܗܿ. ܘܡܪܟܒ ܘܡܫܪܪ ܠܗܿ܆ ܕܒܟܠ ܦܘܪ̈ܣܢ
                    ܬܐܚܘܕ ܪܗܛܗܿ ܩܕܡܝܐ ܕܩܢܝܐ ܗܘܬ. ܗܟܢܐ ܐܦ ܠܢ ܙܕܩ ܕܢܓܪ ܪܘܚܢ ܥܡ ܗܠܝܢ ܕܘ̈ܝܐ. ܕܢܥܗܕܘܢ
                    ܢܦܫܗܘܢ ܘܢܬܦܢܘܢ ܡܢ ܛܥܝܘܬܗܘܿܢܿ ܘܢܬܬܓܪܘܢ ܚ̈ܝܝܗܘܢܿ ܐܢ ܕܝܢ ܒܗ ܒܪܥܝܢܐ ܕܛܝܥܘܬܗܘܢ
                    ܡܩܘܝܼܢ. ܐܝܬ ܠܝ ܐܬܢܩܡ ܡܢܗܘܢ ܒܡܒܣܪܢܘܬܗܘܢܿ ܘܕܡܗܘܼ ܒܪܫܗܘܢܿ ܕܗܢܘܢ ܩܪܘ ܥܠܝܗܘܢ ܐܒܕܢܐ.
                    ܘܐܢܐ ܘܡܠܟܘܬܝܼ ܡܚܣܝ ܐܢܐ ܡܢ ܕܡܗܘܢܿ ܡܕܡ ܗܟܝܠ ܕܐܬܓܠܝ ܠܢ ܘܐܬܡܠܠ ܥܡܢ: ܒܪܬܡܐ ܟܣܝܐ
                    ܕܐܠܗܘܬܐܼ. ܗܐ ܐܕܢܚܢܝܗܝ ܠܥܝܢ ܟܠ ܐܢܫ ܝܘܡܢ ܓܠܝܐܝܬ. ܒܦܪܣܛܓܡܐ ܗܕܐ ܕܐܫܬܕܪܬ ܡܢܢ ܠܟܠ
                    ܐܬܪ̈ܘܢܿ ܕܠܐ ܫܠܝܛ ܠܗܘܢ ܠܟܪ̈ܣܛܝܢܐ܇ ܡܢ ܗܫܐ ܕܢܥܒܕܘܢ ܟܢܘܫܝܐ ܒܚܕ ܡܢ ܦܘܪ̈ܣܝܢ. ܘܥܕ̈ܬܗܘܢ
                    ܢܬܬܚܕܢ ܘܢܦܠ ܥܠܝܗܝܢ ܛܒܥܗܿ ܕܡܠܟܘܬܢܿ ܥܕ ܝܗܼܒ ܠܢ ܙܒܢܐ ܕܢܕܟܐ ܐܪܥܢ ܡܢ ܛܡܐܘܬܗܘܢܿ ܘܢܩܕܫ
                    ܢܥܒܕ ܐܢܝܢ ܒܝܬ ܣܓܕܬܐ ܠܗ̈ܠܐܗܐ܇ ܐܝܟ ܡܐ ܕܐܝܬܝܗܝܢ ܗ̈ܘܝ ܐܦ ܡܢ ܩܕܝܡ. ܘܠܗܘܢ ܢܬܝܗܒ ܠܗܘܢ
                    ܙܒܢܐ ܠܬܝܒܘܬܐܼ. ܕܠܡܐ ܢܥܗܕܘܢ ܢܦܫܗܘܢ ܘܢܬܬܓܪܘܢ ܚܝܝ̈ܗܘܢܿ ܥܕܠܐ ܡܬܓܢܝܐ ܡܠܟܘܬܢܿ ܒܡܓܪܬ
                    ܪܘܚܢ ܓܝܪ ܕܥܠܝܗܘܢܼ. ܡܪܚܡܢܘܬܢ ܡܬܟܪܙܐ ܒܟܠܗ ܐܘܚܕܢܐ ܕܫܘܠܛܢܼܢ. ܘܡܬܩܠܣܐ ܒܟܠ ܥ̈ܡܡܝܢ. ܗܢܘ
                    ܦܪܫܓܢܗ ܐܘܚܕܢܐ ܕܫܘܠܛܢܼܢ. ܘܡܬܩܠܣܐ ܒܟܠ ܥ̈ܡܡܝܢ. ܗܢܘ ܦܪܫܓܢܗ ܕܟܬܒܐ ܕܬܪ̈ܝܢ ܕܐܬܦܪܫ
                    ܥܠܝܿܢ. ܒܟܠܗܝܢ ܡܕܝ̈ܢܬܐ ܕܫܘܠܛܢܗ ܕܛܪܘܢܐ܇ ܘܒܡܥܕܢܘܬܐ ܕܐܠܗܐ܇ ܘܒܡܠܟܗ ܫܦܝܪܐ ܕܪܚܡ ܠܡܫܝܚܐ
                    ܝܘܒܝܢܝܢܘܣ ܡܗܝܡܢܐ. ܘܟܕ ܛܒ ܗܟܢܐ ܬܒܝܪ ܗܘܼܐ ܥܘܩܣܗ ܕܪܕܘܦܝܢ ܡܢ ܫܘܪܝܗܼ. ܥܡܗ ܕܐܠܗܐ ܒܟܠ
                    ܐܬܪ܆ ܐܣܝܪ ܗܘܼܐ ܘܪܕܝܦܼ ܘܡܡܚܝ. ܘܚܛܝܦܼ ܘܒܙܝܙ. 71 ܘܕܝܫ ܘܡܨܥܪ. ܠܘ ܕܝܢ ܚܕ ܗܘܐ
                    ܛܟܣܗ ܕܪܕܘܦܝܢ ܒܟܠ ܐܬܪ̈ܝܢ. ܕܠܘ ܒܥܿܝܕܐ ܕܛܟ̈ܣܐ ܡܬܚ̈ܡܐ ܕܣܝܡܝܢ ܠܕܝ̈ܢܐ ܡܢ ܡ̈ܠܟܐܼ.
                    ܡܬܕܝܢܝܢ ܗܘܝܢ ܒܝܬ ܪ̈ܘܕܦܐ. ܐܝܬ ܓܝܪ ܐܬܪܐܼ. ܕܕܠܐ ܦܘܩܕܢܐ ܕܕܝܿܢܐ ܓܡܪܝܢ ܗܘܘ ܒܢ ܪܓܬܗܘܢ
                    ܘܕܠܐ ܪ̈ܚܡܐ. ܚܫ̈ܐ ܘܐܘ̈ܠܨܢܐ ܡܣܒܠܝܢ ܥ̈ܒܕܘܗܝ ܕܐܠܗܐ. ܘܒܡ̈ܚܘܬܐ ܩܫܝ̈ܬܐ ܡܫܪܝܢ ܗܘܘ
                    ܗܕܡ̈ܝܗܘܢܿ ܘܒܗܝܢ ܒܡܚ̈ܘܬܗܘܢ ܫܩܠܝܢ ܗܘܘ ܫܘܠܡܐ ܕܚܝ̈ܝܗܘܢܿ ܕܐܝܟ ܗܢܐ ܬܒܘ ܐܦ ܒܐܬܪ̈ܘܬܐ
                    ܚܪ̈ܢܐܼ. ܚ̈ܒܠܐ ܪܡܝܢ ܗܘܘ ܒܪ̈ܓܠܝܗܘܢܼ. ܘܒܝܬ ܫܘ̈ܩܐ. ܐܝܟ ܫ̈ܠܕܐ ܕܚܝ̈ܘܬܐ ܡܬܓܪܪܝܢ ܗܘܘ.
                    ܘܗܟܢܐ ܫܩܠ ܗܘܼܐ ܐܓܘܢܗܘܢ ܣܟܗ. ܘܐܚܪ̈ܢܐ ܬܘܒ ܐܝܟ ܕܠܟ̈ܠܒܐܼ. ܒܚܘܛܪ̈ܐ ܡܨܠܦܝܢ ܗܘܘ ܠܗܘܢܿ
                    ܕܠܐ ܦܘܩܕܢܐ ܟܐ ܘܕܠܐ ܡܦܣܢܘܬܐ ܕܕܝ̈ܢܐ. ܘܠܝܬ ܗܘܼܐ ܩܢܛܐ ܠܐܠܘܨܝ̈ܗܘܢܼ. ܒܕܠܝܬ ܗܘܼܐ ܬܒܘܥܐ
                    ܠܡܘܬܗܘܢܿ ܘܬܘܒ ܒܐܬܪܗܘܬܐ ܚܪܗܢܐܼ. ܐܝܟ ܕܠܩܝ̈ܣܐ ܝܒܝ̈ܫܐ ܒ̈ܦܠܩܐ ܘܒܟܘ̈ܠܒܐ. ܡܬܠܚܝܢ ܗܘܘ
                    ܗܕܡ̈ܝܗܘܢ ܟܝܢ ܗܘܘ ܨܝܕ ܫܘܠܡܐ. ܠܐܚܪ̈ܢܐ ܕܝܼܢ ܒܟܐ̈ܦܐ ܪܓܝܡܢ ܗܘܘ ܠܗܘܢܿ ܘܣܡܟܝܢ ܪ̈ܫܝܗܘܢ
                    ܠܐܪܥܐܼ ܘܦܛܪܝܢ ܡܢ ܥܠܝܡܐ. ܥܡ ܫܪܟܐ ܕܡܘ̈ܬܐ ܦܪ̈ܝܫܐ ܕܙܢ̈ܝܢ ܙܢܝ̈ܢ. ܕܒܗܘܢ ܐܬܟܠܠܘ ܥܒ̈ܕܘܗܝ
                    ܕܐܠܗܐ. ܕܠܘ ܙܒܢܐ ܗܘ ܗܫܐ ܕܢܬܢܐ ܐܓܘܢܗ ܕܚܕ ܚܕ ܡܢܗܘܢܿ ܕܠܐ̈ܢܫܐ ܦܪ̈ܫܘܫܐ ܪܫܡ ܗܘܐ
                    ܥܘܢܕܢܗܘܢ ܘܟܬܝܒ ܢܨܚܢܗܘܢܿ ܘܚܫܗ ܕܐܓܘܢܗܘܢ ܘܩܘܠܣܐ ܕܡܣܝܒܪܢܘܬܗܘܢܿ ܘܕܪܐ ܬܡܝܗܐ
                    ܕܚܝܠܨܘܬܗܘܿܢܿ ܕܐ̈ܢܫܐ ܓܡܝܪ̈ܐ ܘܫܪܝܪܐ܇ ܕܐܗܠܘ ܒܫ̈ܢܕܐ ܕܪ̈ܕܘܦܝܗܘܢܿ ܘܩܕܝܘ ܟܝܠܝܐ
                    ܕܙܟܘܬܗܘܢ.. ܗܘ ܕܝܢ ܗܢܐ ܡܚܝܒܐܼ. ܡܢ ܒܬܪ ܐܬܦ ܥܠܝܢ ܟܬܝ̈ܒܬܗ ܒܟܘܠܗܝܢ ܡܕܝ̈ܢܬܐ ܕܫܘܠܛܢܗܼ.
                    ܣܡ ܐܗܦܘܗܝ ܕܢܚܘܬ ܗܘܼܐ ܠܐܬܪ̈ܘܬܐ ܕܡܕܢܚܐ܇ ܕܢܥܒܕ ܩܪܒܐ ܥܡ ܡ̈ܠܟܝܗܿ ܕܦܪܣ. ܩܨܗ ܓܝܪ ܡܣܪܗܒ
                    ܗܘܐ ܠܗ. ܕܢܚܘܬ ܢܗܘܐ ܐܒܕܢܗ ܒܐܪܥܐ ܕܟ̈ܠܕܝܐ. ܥܒܕ ܕܝܢ ܥܐܕܐ ܠܦܬܟܪܗܘܗܝ ܘܚܓܐ ܠܟܬܝܗܫܘܗܝܼ
                    ܫܒ̈ܥܐ ܝܘܡ̈ܝܢ. ܘܢܚܫ ܘܩܨܡ ܘܙܟܪ. ܕܐܢ ܠܡ ܡܨܠܚ ܩܪ̈ܒܘܗܝ ܘܡܬܥܫܢ ܥܠ ܒܥ̈ܠܕܒܒܘܗܝ. ܘܐܬܐܡܪ
                    ܠܗ ܡܢ ܙܟܘܪ̈ܘܗܝܼ. ܕܠܝܬ ܠܗܼ ܠܡܙܟܐ ܒܩܪܒܐ. ܐܠܐ ܢܚܬ ܚܕܬ ܡܠܟܘܬܐ ܥܠ ܟܘܪܣܝܐ 72 ܕܩܘܣܛܢܛܣܢܦܘܠܣ ܘܥܩܪ ܠܡ ܡܢܗܿ ܛܥܝܘܬܗܘܢ ܢܨܪ̈ܝܐ. ܕܥܕܟܝܠ ܣܪܝܟܝܢ ܒܿܥ̈ܝܕܐ ܡܚ̈ܒܠܐ
                    ܕܐܫܠܡܘ ܠܗܘܢ ܠܡ ܡ̈ܠܟܐ ܕܡܢ ܩܕܡܘܗܝ. ܘܢܚܕܬ ܥ̈ܝܕܐ ܚܢܦܘܬܐ ܕܐܬܬܣܝܡ ܒܝܘ̈ܡܝ ܡ̈ܠܟܐ ܚ̈ܢܦܐ
                    ܘܪ̈ܫܝܥܐ܇ ܘܢܕܟܝܗܿ ܠܡ ܠܡܕܝܢܬܐ ܡܢ ܛܡܐܘܬܗܿ. ܘܢܩܕܫ ܘܢܥܒܕ ܒܗܿ ܒܝܬ ܡܥܡܪܐ ܠܦܬܟܪ̈ܘܗܝ.
                    ܘܢܬܩܢ ܒܗܿ ܫܟܝܢܬܐ ܠܒܥܠܙܒܘܒ ܪܝܫܐ ܕܕܝ̈ܘܐ܇ ܥܡ ܣܓܝܐ̈ܬܐ ܕܐܬܐܡܪ ܠܗ ܒܩܨ̈ܡܐ ܕܙܟܘܪ̈ܘܗܝ.
                    ܘܟܕ ܗܠܝܢ ܠܡ ܢܥܒܼܕ ܢܬܥܫܢ ܥܠ ܒܥܠܕܒܒ̈ܘܗܝ ܘܢܨܠܚ ܒܩܪ̈ܒܘܗܝ. ܘܢܣܼܒ ܠܡ ܫܡܐ ܘܢܨܚܢܐ ܕܠܥܠܡ.
                    ܘܠܐ ܝܕܥܿ ܗܘܼܐ ܫܢܝܐ܇ ܕܩܨܗ ܥܠܘܗܝ ܓܿܚܟ ܗܘܐܿ. ܕܥܕ ܩܠܝܠ ܘܠܝܬܝܗܝ ܕܘܝܐ܇ ܕܦܚܗܿ ܕܟܐܢܘܬܐ
                    ܨܠܼܐ ܗܘܼܐ ܠܗ ܒܦܪܣܿ. ܘܚܪܒܗ ܕܡܪܝܐ ܠܛܝܫܐ ܠܗ .... ܗܼܘ ܕܝܢ ܗܢܐ ܡܣܝܒܐ ܘܪܫܝܥܐ ܟܘܡܪܗܿ
                    ܕܚܛܝܬܐܼ. ܐܨܛܠܝ ܗܘܼܐ ܪܥܝܢܗ ܒܬܪ ܛܥܝܘܬܐ ܕܫܐ̈ܕܐ. ܘܐܬܢܓܕ ܠܫܢܘܬܗܘܢܼ ܘܐܬܕܒܪ ܠܨܒܝܢܗܘܢܿ
                    ܗܟܢܐ ܕܐܦܠܐ ܨܒܘܬܐ ܚܕܐ ܙܥܘܪܬܐ ܣܿܥܪ ܗܘܐ܇ ܒܠܥܕ ܡܢ ܡܦܣܢܘܬܐ ܕܫܐ̈ܕܐ ܘܕܩܨ̈ܡܐ. ܕܐܦ ܒܗܿ
                    ܢܫܘܕܥ ܥܠ ܢܦܫܗ ܥܝܢ ܒܓܠܐܼ. ܕܠܘ ܗܼܘ ܫܢܝܐ ܡܕܒܪ ܗܘܼܐ ܡܠܟܘܬܐܼ. ܐܠܐ ܫܐܕ̈ܐ ܘܕܝ̈ܘܐ.
                    ܒܡܥܒܕܢܘܬܐ ܕܛܥܝܘܬܗ ܡܕܒܪܝܢ ܗܘܘܼ ܐܝܟ ܨܒܝܢܗܘܢ.. ܛܪܘܢܐ ܕܝܢ ܠܝܛܐ ܡܢ ܒܬܪ ܕܐܬܐܡܪ ܗܘܘܼ
                    ܐܝܟ ܨܒܝܢܗܘܢ.. ܛܪܘܢܐ ܕܝܢ ܠܝܛܐ ܡܢ ܒܬܪ ܕܐܬܐܡܪ ܗܘܘܼ ܐܝܟ ܨܒܝܢܗܘܢ .. ܛܪܘܢܐ ܕܝܢ ܠܝܛܐ ܡܢ
                    ܒܬܪ ܕܐܬܐܡܪ ܠܗ ܗܠܝܢ ܡܢ ܟܬܝܫ̈ܘܗܝܼ. ܣܡ ܗܘܼܐ ܐ̈ܦܘܗܝ ܥܠ ܡܚܬܬܗܼ. ܘܣܪܗܒ ܬܘ ܒܦܘܩܕܢܗ ܥܠ
                    ܡܫܩܠܢܗ. ܘܩܪܐ ܠܪܘܪ̈ܒܢܐ ܕܪܗܘܡܐ. ܫܠܝ̈ܛܝܗܿ ܘܦܩܘ̈ܕܝܗܿ ܕܡܝܕܢܬܐ. ܕܩܕܡܝܗܘܢ ܐܝܬܘܗܝ ܗܘܐ
                    ܒܘܠܣܝܢܐ ܥܡ ܚܡܫܬܥܣܪ ܚܒܪ̈ܘܗܝ. ܘܕܒܪ ܐܢܘܢ ܠܘܢ ܠܗܠܝܢ ܒܝܢܘܗܝ ܘܠܗܘܢܼ. ܘܡܿܟܘܢ ܗܘܐ ܠܗܘܢ
                    ܥܠ ܝܩܕܢܐ ܕܟܘܡܪ̈ܘܗܝܼ. ܘܡܚܿܣܕ ܗܘܼܐ ܠܗܘܢ ܥܠ ܚܣܝܪܘܬ ܗܝܡܢܘܬܗܘܢ ܕܒܦܬܟܪ̈ܐ. ܘܡܢ ܒܬܪ ܕܪܫܐ
                    ܐܢܘܢ ܒܣ̈ܕܓܐܬܐܼ. ܗܼܦܟ ܐܙܕܝܦܢ. ܘܒܫܐ̈ܝܠܬܐ ܒܝܐ ܐܢܘܢܼ ܟܕ ܐܡܿܪ. ܕܠܡܐ ܬܬܩܛܥ ܠܟܘܢ ܥܠ
                    ܡܬܥܒܪܢܘܬܟܘܢܿ ܕܝܕܥ ܐܢܐ ܠܡ ܕܒܛܘܥܝܝ ܥܒܕܬܘܢ ܗܕܐ. ܗܢܘ ܕܝܢ ܠܡ ܒܡܥܒܕܢܘܬܗ ܕܐܘܣܒܝܣ ܪܫܝܥܐ.
                    ܪܝܫ ܕܚܠܬܐ ܕܢܨܪ̈ܝܐ. ܘܕܚܙܝܬ ܕܢܩܢܐ ܠܟܘܢ ܬܘܬ ܢܦܫܐ ܒܐܝܠܝܢ ܕܣܥܪܬܘܢܼ. ܫܿܒܩܬ ܘܐܥܒܪܬ 73 ܣܘܪ̈ܚܢܝܗܘܢܼ. ܘܒܡܕܡ ܠܐ ܒܨܪܬܟܘܢ ܡܢ ܐܝܩܪܟܘܢܿ ܐܘ ܐܥܒܪܬܟܘܢ ܡܢ ܡܕܒܪܢܘܬܟܘܢܿ
                    ܘܕܫܒܩܬ ܫܒܩܬܼ ܥܕ ܝܘܡܢ. ܒܪܡ ܕܝܢ ܡܢ ܗܫܐܼ. ܠܝܬ ܡܪܚܡܢܘܬܐ ܘܫܘܒܩܢܐ ܐܘ ܚܝ̈ܐ܇ ܠܡܿܢ ܕܡܡܪܚ
                    ܕܐܿܫ ܦܘܩܕܢܐ ܕܡܠܟܘܬܝ: ܗܐ ܡܣܗܕ ܐܢܐ ܠܟܘ̤ܿ ܐܝܟ ܕܡܣܗܪ ܓܒܪܐ ܠܒܪ ܦܚܡܗ. ܟܕ ܛܒ ܥܒ̈ܕܝ
                    ܐܢܬܘܢ ܘܫܠܝܛ ܐܢܐ ܥܠܝܟܘܢܿ ܕܐܢ ܠܡ ܝܕܥܝܢ ܐܢܬܘܢ ܕܡܬܦܐ ܪܥܝܢܟܘܢ: ܡܢ ܬܛܪܗܿ ܕܠܝܚܐ ܕܕܚܠܬܐ
                    ܡܥܩܡܬܐ ܕܟܪ̈ܣܛܝܢܐܼ. ܫܦܝܪ ܠܡ ܐܚܝܕܝܢ ܐܢܬܘܢ ܡܕܒܪܢܘܬܗ ܕܡܕܝܢܬܐ. ܘܛܒ ܚܿܕܐ ܐܢܐ. ܐܢ ܕܝܢ
                    ܒܗ ܒܪܥܝܢܐ ܕܛܥܝܘܬܟܘܢ ܐܢܬܘܢܼ. ܠܝܼ ܥܡܠܐ ܠܐ ܬܪܡܘܢܿ ܐܫܿܠܡܘ ܡܕܒܪܢܘܬܐ ܘܚܘ̈ܫܒܢܐ ܕܡܕܝܢܬܐ
                    ܠܐܝܠܝܢ ܕܫܠܡܝܢ ܠܨܒܝܢܐ ܕܡܠܟܘܬܢܿ ܘܐܢܬܘܢ ܐܝܟ ܐܢ̈ܫܐ ܕܣܢܝܬܘܢ ܐܝܩܪܢ. ܘܐܬܒܣܝ ܒܥܝܢ̈ܝܟܘܢ
                    ܫܘ̈ܠܛܢܐ ܕܡܢܼܢ: ܙܠܘ ܒܫܠܡܐ ܠܒܬܝ̈ܟܘܢܿ ܘܡܫ̈ܠܛܝ ܥܠ ܚܐܪܘܬܗܘܢ ܐܢܬܘܢ. ܗܼܘ ܕܝܢ ܛܪܘܢܐ
                    ܚܪܡܐܼ. ܐܝܟ ܡܢܣܐ ܠܗܘܢ ܐܡܪܗܿ ܠܗܕܐ. ܐܝܟܢܐ ܕܡܢܗܘܢ ܢܐܠܦ ܡܢܘ ܨܒܝܢܗܘܢܿ ܗܢܘܢ ܕܝܢ ܡܗ̈ܝܡܢܐ
                    ܘܫܪܝܪ̈ܐ. ܐܫܬܘܕܥܘܗܿ ܗܘܘ ܠܢܟܝܠܘܬܗ. ܘܠܐ ܐܬܢܟܝܘ ܒܗܝܡܢܘܬܗܘܢܿ. ܐܘ ܐܬܪܦܝܘ ܡܢ ܫܪܪܗܘܢ.
                    ܐܠܐ ܥܝܢܒܓܠܐ ܡܫܠܛܐܝܬ ܐܘܕܝܘ ܥܠ ܢܦܫܗܘܢ ܕܟܪ̈ܣܛܝܢܐ ܐܢܘܢܼ ܘܐܘܫܛܘ ܝܗܒܘ ܠܗ ܟܬܒܐ ܕܚܘܫܒܢܐ
                    ܕܡܕܝܢܬܗܘܢ ܟܕ ܐܡܪܝܢ. ܩܒܠ ܟܬܒܐ ܘܚܘܫܒܢܐ ܕܡܕܝܢܬܟ. ܡܫܬܐܠܝܢ ܗܘܘ ܓܝܪ ܡܢ ܫܘܠܛܢܐ ܕܡܠܐ
                    ܙܒܢܐ. ܦܣܩܘ ܗܘܘ ܓܝܪ ܒܢܦܫܗܘܢ ܠܡܡܬ ܡܛܠ ܫܡܗ ܕܡܪܗܘܢܿ ܐܬܚܡܬ ܕܝܢ ܛܪܘܢܐ ܘܪܓܙ ܥܠܝܗܘܢܿ
                    ܘܥܢܐ ܐܢܘܢ ܩܫܝܐܝܬ ܟܕ ܐܿܡܪ. ܐܘ ܠܡ ܛܗܡܐܐ ܘܡ̈ܣܝܒܐ ܣ̈ܢܝܝ ܚܗܝܝܗܘܢܼ. ܡܢܐ ܠܡ ܚܘܫܒܢܐ ܐܝܬ
                    ܠܢ ܠܡܒܥܐ ܒܐܝ̈ܕܝܟܘܢܿ ܕܟܠܗܘܢ ܢܟ̈ܣܐ ܕܩܢܝܢ ܐܢܬܘܢ ܡܢ ܫܩܝܠܗ ܕܡܠܟܘܬܐ ܚܛܝܦܝܢ ܘܒܙܝܙܝܿܢ:
                    ܘܥܬܪܬܘܢ ܘܦܩܪܬܘܢ ܘܡܪܕܬܘܢ ܥܠ ܡ̈ܠܟܝܟܘܢܿ ܐܢܐ ܡܢ ܗܫܐ ܐܣܒ ܙܒܢܐܼ. ܘܐܬܒܥ ܡܢܟܘܢ ܕܒܝܼܫܬܐ
                    ܕܣܥܪܬܘܢ. ܘܐܬܢܩܡ ܡܢܟܘܢ ܒܟܐܢܘܬܐ. ܕܡܐ ܚܣܝܐ ܕܟܘܡܪ̈ܝܗ ܕܐܠܗܘܬܐ ܕܐܫܕܬܘܢ ܕܠܐ ܣܟܠܘ. ܒܪܡ
                         74 ܕܝܢ ܚܝ̈ܒܝ ܡܘܬܐܼ. ܡܢܐ ܕܣܢܐ ܣܥܪܬ ܠܟܘܢ ܡܠܟܘܬܢܿ ܕܐܫܬܐܠܬܘܢ ܡܢ ܫܘܠܛܢܢ.
                    ܒܬܪ ܕܫܒܩܬ ܣܘܪ̈ܚܢܝܟܘܢ ܘܐܥܒܪܬ ܣܟ̈ܠܘܬܟܘܢ. ܘܠܐ ܢܣܒܬ ܡܢܟܘܢ ܫܘܠܛܢܟܘܢܼ. ܐܦ ܠܐ ܒܨܪܬ
                    ܐܝܩܪܟܘܢ. ܐܢܬܘܢ ܕܝܢ ܒܡܪܕܘܬܟܘܢ ܛܠܡܬܘܢ ܛܝܒܘܬܢܝ ܘܐܬܒܣܝ ܐܝܩܪܢ ܒܥ̈ܝܢܝܟܘܢ ܘܐܫܬܐܠܬܘܢ ܡܢ
                    ܫܘܠܛܢܢ. ܡܟܝܠ ܠܐ ܢܬܒܨܪ ܡܢܟܘܢ ܡܕܡ ܡܢ ܡܐ ܕܫܐܠܬܘܢ: ܘܐܫܠܚ ܫܩܠ ܡܢܗܘܢ ܐܣܟܝ̈ܡܝܗܘܢܿ ܘܐܪܡܝ
                    ܒܗܘܢ ܦܪ̈ܙܠܐ ܩܕܡ ܟܠܗ ܐܢܫܘܬܗܘܢ. ܘܫܕܪ ܐܢܘܢ ܠܒܝܬ ܐܣܝܪ̈ܐ ܟܪ ܕܚܒܝܫܝܢ ܗܘܘ ܡܢ ܩܕܝܡ.
                    ܘܐܪܝܡ ܡܢܗܘܢ ܕܗܒܗܘܢ ܘܣܐܡܗܘܢ ܘܟܠ ܕܩܢܝܢ ܗܘܼܘ. ܘܫܒܩ ܐܢܘܢ ܡܣܪ̈ܩܐ ܡܢ ܢܡܟ̈ܣܗܘܿܢܿ ܥܕ
                    ܗܘܼܐ ܠܡ ܙܒܢܐ ܕܢܫܡܥ ܐܢܘܢܿ ܘܐܩܝܡ ܚܠܦܝܗܘܢ ܡܕܒܪ̈ܢܐ ܐܚܪ̈ܢܐ ܠܡܕܝܢܬܐܼ. ܘܐܓܥܠ ܒܐܝ̈ܕܝܗܘܢ
                    ܡܕܝܢܬܐ. ܘܐܩܝܡ ܠܗܘܢ ܪܝܫܐ ܠܐܕܘܩܛܣ ܡܗܝܡܢܗ ܘܗܘ ܣܡ ܐܦ̈ܘܗܝ ܥܠ ܡܫܩܠܢܗܼ. ܘܐܪܡܝ ܪܗܒܬܐ
                    ܒܚ̈ܝܠܘܬܗ. ܘܒܐܝܪܚ ܐܒ ܕܫܢܬ ܫܬܡܐܐ ܘܫܒܥܝܢ ܘܬܠܬ ܒܡܢܝܢܐ ܕܝܘ̈ܘܢܝܐ܇ ܒܚܕ ܒܗ ܒܝܪܚܐ. ܢܦܼܩ
                    ܝܘܠܝܢܘܣ ܡܢ ܪܗܘܡܐ. ܒܬܘܩܦܐ ܕܚ̈ܝܠܘܬܗ ܘܒܣܘܓܐܐ ܕܡܫܪ̈ܝܬܗ. ܘܕܒܪ ܗܘܼܐ ܓܝܪ ܡܣܪܗܒܐܝܬ ܘܕܪܐ
                    ܩܠܝܠܐܝܬ. ܫ̈ܐܕܐ ܓܝܪ ܡܛܥܝܢ ܗܘܘ ܒܗ ܒܫܢܝܐ. ܕܡܫܬܘܕܝܢ ܗܘܘ ܠܗ ܒܟܬܝ̈ܫܝܗܘܢ ܐܝܠܝܢ ܕܪ̈ܘܪܒܢ
                    ܘܚܣܝܢ ܡܢܗ ܛܒ. ܡܬܟܠܝܢ ܗܘܘ ܠܗ ܓܝܪ. ܕܡܢ ܫܡܝܐ ܠܡ ܘܠܬܚܬ ܐܝܬ ܠܗ ܠܡ ܕܢܐܚܘܕ ܡܕܒܪܢܘܬܐ.
                    ܕܟܘܠܗܝܢ ܡܠܟܘ̈ܬܐ ܕܐܪܥܐ. ܐܝܟܢܐ ܕܗܘ ܠܡ ܒܠܚܘܕܘܗܝ. ܢܗܘܐ ܡܩܪܛܘܪ ܥܠ ܟܠܗܿ ܬܒܝܠ. ܗܢܘ ܕܝܢ
                    ܠܡ ܡܐ ܕܚܪܒ ܘܫܩܠ ܙܟܘܬܐ ܒܦܪܣܿ. ܘܩܛܪ ܬܓܐ ܕܒܝܬ ܢܡܪܘܕ. ܠܗܢܐ ܦܘܪܣܐ ܡܒܠܗܝ ܗܘܼܐ ܛܪܘܢܐ.
                    ܘܕܒܪ ܗܘܼܐ ܐܘ̈ܢܝܢ ܥܦܝܦܝܢ. ܘܒܡܪܕܝܬܐ ܩܠܝܠܬܐ ܒܓܘ ܙܒܢܐ ܙܥܘܼܪܐ. ܡܥܠܼ ܘܡܛܐ ܠܐܠܘܪܝܩܘܢ
                    ܐܬܪܐ. ܘܡܢ ܬܡܢ ܫܕܪ ܗܘܐ ܟܬܝ̈ܒܬܗ ܠܩܘܣܛܢܛܝܢܦܘܠܝܣ ܒܐܝ̈ܕܝ ܝܘܠܝܢܘܣ ܚܠܗ. ܫܩܼܠ ܗܘܼܐ ܕܝܢ
                    ܟܬܒܗ ܕܚܪܡܐ ܥܠ ܫܡܗܿ ܕܒܘܙܢܛܝܐ. ܐܝܟ ܕܢܓܠܘܙ ܫܡܗܿ ܚܕܬܐ ܕܣܡܘ ܠܗܿ ܕܒܝܬ ܩܘܣܛܢܛܝܢܘܣ ܀
                    ܦܚܡܗ ܕܝܢ ܕܟܬܒܗ ܕܫܢܝܐ ܐܝܬܘܗܝ ܗܘܼܐ ܗܢܐ. ܝܘܠܝܢܘܣ ܠܝܩܢܝܣ ܝܘܠܝܣ 75 ܓܐܝܣܣܒܣܛܣ
                    ܐܘܛܩܪܛܘܪ ܠܬܒܝܠ ܟܠܗ ܫܠܡ. ܡܛܠ ܕܐ̈ܠܗܐ ܠܡ ܒܡܪܚܡܢܘܬܗܘܢ ܫܟܢܘ ܠܗ ܫܝܢܐ ܠܬܒܝܠ. ܐܪܚܫܘ ܐܦ
                    ܒܪܥܝܢܝܢ ܕܝܠܼܢ. ܕܢܣܥܘܪ ܐܬܪ̈ܘܬܐ ܕܐܘܚܕܢܢ. ܐܝܟ ܕܢܬܪܨ ܐܢܘܢ. ܘܢܣܡܟ ܐܢܘܢ ܥܠ ܗܝܡܢܘܬܐ
                    ܚܠܝܡܬܐ ܕܐ̈ܠܗܐ. ܘܢܫܩܘܠ ܡܢܗܘܢ ܥ̈ܝܕܐ ܕܛܥܝܘܬܐ ܕܐܫܠܡܘ ܠܗܘܢ ܡ̈ܠܟܐ ܕܡܢ ܩܕܡܝܢ. ܘܢܚܕܬ
                    ܠܗܘܢ ܥ̈ܝܕܐ ܩܕ̈ܡܝܐ ܟܐ̈ܢܐ ܘܬܪ̈ܝܨܐܿ. ܕܐܬܬܣܡܝܘ ܒܝܘܗܡܝ ܡ̈ܠܟܐ ܬܩ̈ܢܐ ܘܬܩ̈ܝܦܐܙ܇ ܗܠܝܢ
                    ܕܒܝܬ ܕܘܩܠܛܝܢܘܣ ܘܡܟܣܡܝܢܣ. ܐܢܫ̈ܐ ܟܐ̈ܢܐ ܘܬܪ̈ܝܨܐ܇ ܕܐܦ ܥܕܡܐ ܠܗܫܐ ܡܬܩܠܣܐ ܟܐܢܘܬܗܘܢ
                    ܘܬܪܝܨܘܬܗܘܿܢ. ܒܐܘܚܕܢܐ ܟܠܗ ܕܡܠܟܘܬܿܢܿ ܟܕ ܢܛܝܪ ܥܘܗܕܢܗܘܢ ܛܿܒܐ. ܘܡܬܡܠܠ ܟܠ ܫܥ܇ ܒܣܦܪ
                    ܩܕܝܫܘܬܐ ܕܐ̈ܠܗܐ. ܠܡܕܝܢܬܟܘܢ ܗܟܝܠ ܝܕܝܥܬܐ ܘܡܫܡܗܬܐ: ܬܪܒܝܬܐ ܛܒܬܐ ܕܒܝܙܘܣ ܡܿܠܟܐ: ܗܿܘ
                    ܐܝܢܐ ܕܢܨܚ̈ܢܘܗ ܡܬܢܝܢ ܩܕ̈ܡܝܐ: ܘܓܒܿܪܘܬܐ ܕܣܥܘܪܘ ܒܗ ܒܥܠܡܐܼ. ܘܕܬܡܝܗܐ ܝܬܝܕ ܕܥܠ ܛܘܪ̈ܐ
                    ܫܒ̈ܥܐ ܒܓܘ ܥܘܒܐ ܪܓܝܐ ܕܝܡ̈ܡܐ܇ ܣܡ ܫ̈ܬܐܣܝܗܿ ܕܡܕܝܢܬܟܘܢܿ ܘܟܐܢܐܝܬ ܘܒܙܕ̈ܩܝܗܿ ܕܘܠܝܬܐ܇ ܣܡ
                    ܥܠ ܫܡܗ ܫܡܗܿ ܕܡܕܝܢܬܟܘܢܿ ܐܝܟ ܓܒܪܐ ܕܫܪܝ ܘܫܠܡ ܘܒܢܼܐ ܘܫܟܠܠ. ܘܒܕܠܐ ܐܝܬ ܗܘܼܐ ܠܗ ܒܢ̈ܝܐ
                    ܕܢܩܝܡ ܥܠ ܐܘܚܕ̈ܢܝܗܿ ܟܕ ܡܐܬܼ. ܐܩܝܡ ܒܕܝܬܩܐ ܕܝܠܗ ܝܪܬܐ ܠܡܠܟܘܬܗܼ. ܠܓܪܡܢܝܩܣ ܡܿܠܟܐ
                    ܕܪܗܘܡܐ. ---- ܐܘܚܕܢܗ ܕܒܝܙܘܣܿ. --- ܐܘܚܕܢܐ ܕܪ̈ܗܘ[ܡܝܐ] ܥܕܡܐ ܠܝܘܡܢܐ. ܒـ --- ܫܡܐ ܕܫܪܪܐ
                    ܕ--- ܠܗܿ ܡ̈ܠܟܐ ܕܒܢـܿ---- ܝܕܥܿ ܐܢܐ ܠܗܿ ܠܡܕܝـ---- ܘܠܐ ܒܫܡܐ ܫ---- ܕܐܝܠܝܢ
                    ܕܐܙܕܝܦܢܘܿ----- ܫܘܒܗܪܐ ܠܢܝـ--- ܘܣܡܘ ܫܡܗܘܢ ---- ܡܕܝܢܬܐ ܕܠܐ ܥܡܠܘ ܒܗܿ ܘܒܢܐܘܗܿ. ܘܟܕ
                    ܐܬܬܣܝܡ ܫ̈ܬܐܣܝܗܿ܆ ܐܦܠܐ ܐܒܗ̈ܐ ܕܐܒ̈ܗܝܗܘܢ ܥܕܟܝܠ ܝܠܝܕܝܢ ܗܘܘ ܒܗ ܒܥܠܡܐ܀ ܠܡܕܝܢܬܟܘܢ ܗܟܝܠ
                    ܩܕܡܐܝܬ ܐܫܬܕܪ ܟܬܒܗܿ ܕܡܠܟܘܬܢܿ ܗܢܘ ܕܝܼܢ. ܐܝܟ ܕܠܡܝܢܬ ܡܠܟܘܬܐ. ܘܠܘ ܒܐܝ̈ܕܝ ܐܢ̈ܫܐ ܒܨܝܪ̈ܐ
                    ܘܫܚܝ̈ܡܐܼ. ܐܠܐ ܒܐܝ̈ܕܝ ܡܫܒܚܐ ܘܥܫܝܢܐ ܝܘܠܝܢܣ ܚܠܝ܇ ܐܝܢܐ ܕܐܝܬܘܗܝ ܐܒܐ ܕܡܠܟܘܬܿܝ. ܕܡܢܗܿ
                    ܕܗܕܐ ܬܫܬܘܕܥܘܿܢܿ ܕܒܐܝܢܐ ܐܝܩܪܐ  76 ܝܬܝܪܐ ܣܝܡܝܢ ܐܢܬܘܢ ܒܥܝܢܗܿ ܕܡܠܟܘܬܢܿ ܗܐ ܡܢ
                    ܕܝܠܦܢ ܚܢܢ ܗܝܡܢܘܬܟܘܢ ܕܒܐ̈ܠܗܐ܇ ܘܥܠ ܚܘܒܟܘܢ ܫܪܝܪܐ ܕܠܘܬܢܿ ܠܐ ܓܝܪ ܐܬܟܣܝܬ ܡܢܢ ܗܕܐ܇
                    ܕܐܝܕܐ ----ܘܬܐ ܘܚܦܝܛܘܬܐ --- ܠܟܘܢ ܥܠ ܕܒܚ̈ܐ ---ـܗܐ. ܐܦܠܐ ܗܕܐ ---ܐ ܠܢ. ܕܠܡܐ ܣܪܝܟܐ
                    ----ـܬܟܘܢ ܒܪܚܡܬܗܘܢܿ ----̤ܢܢ ܡܢ ܕܚܙܝܢ ܕܐܝܢܐ ----- ܛܒܐ ܚܘܝܬܘܢ ---- ܐܦ ܟܕ ܪܚܝܩܝܢܼܢ.
                    ----ܬ ܢܘܪܐ ܣܦܬ ----ܟܘܢ ܒܪܥܝܢܢ. ܘܝܘܡ ---ـܘܡ ܡܣܘܚܝܢ ܚܢܢ ܕܐܡܬܝ ܢܚܙܝܟܘܢ ܘܢܚܕܐ ܘܢܬܒܣܡ
                    ܥܡܟܘܢܿ ܒܥܐܕܐ ܪܒܐ ܕܐ̈ܠܗܐ. ܘܢܣܥܘܪ ܠܘܬܟܘܢ ܛܒ̈ܬܐ ܒܥܝܢܐ ܪܘܝܚܬܐ ܘܒܐܝܕܐ ܫܦܝܥܬܐ. ܠܘ ܕܝܢ
                    ܠܟܘܢ ܒܠܚܘ ܘܟܕܘܼ. ܐܠܐ ܐܦ ܠܒܢܝ̈ܟܘܢ ܘܠܒ̈ܢܝ ܒܢܝ̈ܟܘܢܼ ܠܕܪ̈ܐ ܣܓ̈ܝܐܐ. ܥܠ ܥܣܪ̈ܐ ܓܝܪ
                    ܕܪ̈ܝܢ ܡܬܝܒܠܐ ܡܕܒܢܘܬܿܢܿ ܐܝܟ ܕܡܠܟ ܠܢ ܐܪܟܘܢܛܗܿ ܕܒܪܝܬܐܿ. ܗܿܘ ܝܐܢܐ ܕܐܝܬܘܗܝ ܪܝܫ ܐܪ̈ܟܣ
                    ܕܫܐ̈ܕܐ ܘܕܕܝ̈ܘܐ܇ ܚܝܠܐ ܚܣܝܢܐ ܕܒܦܘܡܐ ܕܒ̈ܢܝ ܒܣܪܐ ܠܐ ܡܬܦܫܿܩ. ܕܐܦ ܐ̈ܠܗܐ ܠܡ ܕܗܢܘܢ
                    ܐܟܝܢܘܗܿ ܠܡ ܠܒܪܝܬܐܼ. ܒܙܒܢ ܠܡ ܗܘܼܐ ܗܘܐ ܠܗܘܢ ܥܠܘܗܝ ܣܘܢܩܢܐ. ܟܣܝܢ ܗܘܘ ܒܗ ܠܡ ܒܥܠܡܐ ܘܠܐ
                    ܝܕܥܝܢ ܗܘܘܿ. ܥܕܡܐ ܕܗܼܘ ܠܡ ܒܗ̈ܦܟܬܐ ܕܨܢ̈ܥܬܗܿ. ܒܝܕ ܬܦܢܝ̈ܟܝܗܘܿܢܿ ܐܕܢܚ ܐܢܘܢ ܒܬܒܝܠ.
                    ܘܐܦܢܝ ܟܘܠ ܥܡ̈ܡܝܢ ܠܓܕܬܗܘܢܿ ܘܒܥܝܕܐ ܕܦܘܠܚܢܗܘܢ ܐܣܪܗܿ ܘܟܕܢܗܿ ܠܒܪܝܬܐ. ܘܒܕܠܐ ܡܨܝܐ ܗܘܬ
                    ܐܕܢܐ ܕܒܣܪܐ ܠܡܫܡܥ ܪܬܡܐ ܟܣܝܐ ܕܐܠܗܘܬܗܘܢܼ. ܣܡ ܠܢ ܢܦܫܗ ܡܨܥܝܐ ܒܝܬ ܐܠܗܐ ܠܒܢ̈ܝ ܐ̈ܢܫܐ
                    ܘܒܬܦܢܝ̈ܟܝܗܘܢ ܠܡ ܬܪܓܡ ܣܬܝܪ̈ܬܗܘܢ ܘܒܿܕܩ ܟܣܝ̈ܬܗܘܢܿ ܘܡܢܘ ܠܡ ܢܐܡܪܝܘܝܗܝ ܒܝܫܐ ܠܗܢܐ
                    ܕܐ̈ܠܗܐ ܣܡܘܗܝ ܛܿܒܐ܇ ܐܠܐ ܐܢ ܢܨܪ̈ܝܐ ܒܠܚܘܼܕ: ܕܓܥܨܝܢ ܡܢ ܢܝܚ̈ܘܗܝ. ܘܟܘܿܙܝܢ ܡܢ ܪ̈ܓܝܓܬܗ.
                    ܘܩܪܝܢ ܠܗ ܒܝܫܼܐ ܘܡܫܡܗܝܢ ܠܗ ܒܥܠܕܒܒܐ܇ ܥܡ ܪ̈ܒܘ ܫܡ̈ܗܐ ܒܝ̈ܫܐ ܘܣ̈ܢܝܐ ܕܒܗܘܢ ܡܿܟܢܝܢ ܠܗ.
                    ܕܥܓܠ ܠܡ ܐܝܬ ܠܝ ܕܐܬܢܩܡ ܡܢܗܘܢ ܨܥܪܗ ܘܐܟܦܪܝܗܿ ܠܕܚܠܬܗܘܢ ܡܢ ܐܗܦܝܗܿ ܕܬܒܝܠ. ܡܢܘ ܠܡ ܓܝܪ
                    ܠܐ ܢܪܚܡ ܥܢܝܢܝܗܿ. ܕܗܢܐ ܠܡ ܕܐ̈ܠܗܐ ܐܚܒܘ ܘܪܚܡ ܥܢܝܢܗ. ܐܘ ܡܢܘ ܠܡ ܠܐ ܢܫܡܗܝܘܗܝ ܛܿܒܐܼ.
                    ܠܗܢܐ ܪܚܿܡ ܚܕܘ̈ܬܗܿ ܕܒܪܝܬܐ܇ ܕܗܼܘ ܠܡ ܐܟܝܢ ܪܩܕܐ 77 ܘܙܿܡܪܐ ܒܥܠܡܐܿ. ܕܢܦܝܓ ܒܗ
                    ܟܪܝܘܬܐ ܕܒܪܝܬܐ ܘܒܐܝ̈ܕܘܗܝ ܥܠ ܠܗ ܠܥܡܐ ܪ̈ܓܝܓܬܐ ܡܫܚ̈ܠܦܬܐ ܕܟܠ ܐܣ̈ܟܝܡܝܢ. ܕܟܠܢܫ ܐܝܟ ܪܓܬܗ
                    ܢܓܡܪܘܢ ܨܒܝܢܗ. ܫܪܝܢ ܓܝܪ ܪ̈ܓܝܓܬܗ ܨܝܕ ܟܠܢܫ ܕܠܐ ܚܣܡ. ܘܪܘܝܚܐ ܥܝܢܗ ܒܡܘܗܒܬܗ ܨܝܕ ܟܠ
                    ܡܘ̈ܫܚܢ. ܘܕܢܥܩܘܪ ܗ̈ܦܟܬܗܿ ܕܚܟܡܬܐ܇ ܥܠ ܠܗ ܠܡ ܠܥܠܡܐ ܪܚܡܬܐ ܡܒܠܩܢܝܬܐ ܕܠܐ ܡܣܬܒܥܐ.
                    ܕܒܢܩܦܗܿ ܕܪܚܡܬܐ ܡܓܢܒܬܐ ܢܬܝܪܬ ܠܡ ܘܫܬܪܬܚ ܚܘܒܐ ܘܪܚܡܬܐ ܕܕܟܪ̈ܐ ܘܕܢܩ̈ܒܬܐ. ܐܝܟܢܐ ܠܡ
                    ܕܠܓܡܪ ܥܩܬܐ ܠܐ ܬܫܬܟܚ ܠܣܡܢܐܬܐ ܕܥܠܡܐ. ܘܒܗܠܝܢ ܠܡ ܢܝ̈ܚܐ ܘܚܕ̈ܘܬܐ ܕܣܥܪ ܒܗܿ ܒܒܪܝܬܐܼ. ܡܢܘ
                    ܠܡ ܢܡܠܐ ܥܠܘܗܝ ܦܘܡܗ ܪܛܘܢܝܐ܇ ܕܗܢܐ ܦܥܠ ܓܘܐ ܕܠܝܬ ܫܠܝܐ ܡܢ ܪܗܛܗܿ. ܟܕ ܛܒ ܠܡ ܡܓܢ ܘܕܠܐ
                    ܐܓܪܐ ܥܡܠ ܥܡ ܟܠܢܫ. ܟܕ ܠܐ ܠܡ ܡܬܩܛܥܐ ܠܗ ܒܦܘܠܚܢܗ. ܘܐܢ ܠܡ ܢܗܘܐ ܕܥܡ ܥܬܝܪܐ ܦܥܠ ܘܡܬܟܫܪ܆
                    ܠܘ ܠܡ ܒܛܝܠ ܗܼܘ ܥܠܡܐ ܕܪܗܛܗ ܡܢ ܨܝܕ ܡܣܟܢܐ. ܦܥܠܐ ܗܼܘ ܠܡ ܟܫܝܪܐ ܕܠܐ ܡܐܢܐ ܠܗ ܠܡܦܠܚ ܥܡ
                    ܟܠܢܫ. ܘܐܢ ܢܗܘܐ ܠܡ ܕܥܡ ܫܦܝܪ̈ܐ ܐܝܬܘܗܝ ܥܢܝܢܗܼ. ܠܐ ܡܬܓܢܐ ܠܡ ܠܡܦܠܚ ܥܡ ܡܫܟܪ̈ܐ ܘܣ̈ܢܝܐ.
                    ܕܠܐ ܠܡ ܓܥܨܐ ܬܐܪܬܗ ܐܦܠܐ ܡܢ ܐܝܢܐ ܕܒܫܘ̈ܚܢܐ ܡܡܚܝ. ܘܐܝܟܐ ܠܡ ܚܙܝܐ ܠܟܘܢ ܐܝܟ ܗܕܐ
                    ܟܐܢܘܬܐܿ. ܕܠܐ ܦܪܝܫܝܢ ܠܗ ܠܡ ܥܬܝܪ̈ܐ ܡܢ ܡܣ̈ܟܢܐ܇ ܘܠܐ ܫܦܝܪ̈ܐ ܡܢ ܣ̈ܢܝܐ. ܐܦܠܐ ܚܠܝ̈ܡܐ ܡܢ
                    ܡܡ̈ܚܝܐ. ܕܥܠ ܟܠ ܦܪ̈ܝܣܢ ܚܕܘ̈ܬܗ ܘܠܐ ܚܣܿܡ. ܘܡܢܘ ܠܡ ܢܬܠ ܗܘܼܐ ܠܒܪܝܬܐ ܡܫܡܢܐ ܐܚܪܢܐ ܕܐܝܟ
                    ܗܢܐ܇ ܕܐܦ ܟܕ ܠܐ ܬܒܥܝܘܗܝ ܟܠܫܥܼ. ܢܩܐ ܘܩܐܡ ܥܠ ܬܪܥܟܿ. ܕܢܫܡܫ ܢܝܚ̈ܘܗܝ ܕܦܓܪܐ ܒܐܝܠܢ
                    ܕܡܬܪܥܐ. ܘܒܕܝܿܕܥ ܕܣ̈ܓܝܐܐ ܠܡ ܣܪ̈ܝܟܝܢ ܒܗܕܐ: ܕܥܡ ܢܩܦܐ ܕܫܘܬܦܘܬܗܘܢ. ܢܒܥܘܢ ܬܘܒ ܥܡܗ ܢܩܦܐ
                    ܐܚܪܢܐ ܕܠܐ ܕܝܠܗܘܢܿ ܝܨܿܦ ܐܝܟ ܟܫܝܪܐ ܘܡܬܚܦܛܼ. ܕܒܟܠ ܦܘܪ̈ܣܝܢ ܢܝܚ̈ܘܗܝ ܕܦܓܪܐ ܕܠܐ ܥܠܡܐ
                    ܢܬܠ ܠܗ. ܘܡܕܝܠ ܠܗ ܪܓܬܐ ܡܒܠܩܢܝܬܐ ܒܠܒܐ ܕܕܟܪ̈ܐ ܘܕܢܩ̈ܒܬܐ܇  78 ܕܢܬܗܠܩܘܢ ܠܢܩܦܐ
                    ܕܠܐ ܕܝܠܗܘܢܿ ܕܐܦ ܠܡ ܒܗܿ ܒܗܕܐܼ. ܢܦܐܫܐ ܘܢܝܚܐ ܢܗܘܐ ܠܕܟܪ̈ܐ ܘܠܢܩ̈ܒܬܐ. ܕܒܗܕܐ ܠܡ
                    ܕܡܬܐܡܢܝܢ ܐܢ̈ܫܐ ܠܢܩܦܐ ܕܢܫ̈ܝ ܚܒܪ̈ܝܗܘܢܼ. ܢܦܠܐ ܠܡ ܥܠܬܐ ܠܢܫܝ̈ܗܘܢܼ. ܕܐܦ ܗܢܝܢ ܒܛܢܢܐ
                    ܕܓܒܪ̈ܝܗܝܢ ܢܬܠܢ ܐܦ ܗܢܝܢ ܢܦܫܗܝܢ ܠܢܩܦܐ ܕܐܚܪ̈ܢܐ. ܐܝܟ ܕܢܢܝܚܢ ܢܦܫܗܝܿܢ. ܘܢܓܡܪܢ ܠܡ
                    ܪܓܬܗܝܢ ܒܢܩܦܐ ܠܡ ܕܠܐ ܕܝܠܗܘܢܿ ܕܠܓܡܪ ܠܐ ܢܥܠܘܒ ܓܒܐ ܠܒܪ ܙܘܓܗ. ܐܝܟ ܙܢܐ ܠܡ ܓܝܪ ܕܡܣܬܘܚ
                    ܐܢܫ ܘܡܚܒ ܫܚܬܐ ܕܠܐ ܕܝܠܗ ܐܡܬܝ ܕܡܣܬܩܒܠܐ ܠܗ: ܘܝܬܝܪ ܡܢ ܟܠܗܘܢ ܠܡ ܩܢܝ̈ܢܘܗ ܚܒܝܒܐ ܠܗ܇ ܒܝܕ
                    ܕܚܪ̈ܢܐ ܥܡܘ ܒܗܿ ܘܟܢܫܘܗܿ܆ ܒܗ ܠܡ ܒܕܡܘܬܐ ܡܣܬܪܟܝܢ ܕܟܪ̈ܐ ܘܢܩܒ̈ܬܐ ܒܚܘܒܗܿ ܕܪܓܬܐ ܡܓܢܒܬܐ.
                    ܕܒܕܡܘܬ ܡ̈ܝܐ ܩܪܝܪ̈ܐ ܠܨܗ̈ܝܐܼ. ܗܟܢܐ ܠܡ ܗܢܝ ܘܒܣܡ ܠܗܿ ܠܛܠܝܘܬܐ ܢܩܦܐ ܕܠܐ ܝܕܠܗܿ. ܡܢܐ ܠܡ
                    ܠܗܢܐ ܐܘܡܢ ܛܘܠܝܩ ܨ̈ܢܥܬܐ܇ ܕܟܠܢܫ ܐܝܟ ܨܒܝܢܗ ܓܡܿܪ ܪܓܬܗ. ܐܣܝܢ ܓܝܪ ܘܡܠܐ ܒܝܬ ܓܙܗ ܪ̈ܓܝܓܬܐ
                    ܕܟܠ ܫܘܚ̈ܠܦܝܼܢ. ܘܥܕ ܠܐ ܢܒܥܝܘܗܝ ܐܢܫ ܢܩܝܫ ܠܗ ܒܬܪܥܐ ܕܡܚܫܒܬܗ. ܠܗܢܐ ܗܟܝܠ ܪܚܿܡ ܢܝܚ̈ܝܗܿ
                    ܘܚܕ̈ܘܬܗܿ ܕܒܪܝܬܐܿ. ܒܚܘܒܐ ܫܦܝܥܐ ܕܐܝܬ ܠܢ ܠܘܬܟܘܢܿ ܐܬܪܥܝܬܝ ܡܠܟܘܬܢ ܕܒܡܕܝܢܬܟܘܢ ܫܘܝܬ ܠܟܠ
                    ܛ̈ܒܢ ܢܒܥܐ ܠܗܿ ܫܟܝܢܬܐ܇ ܘܢܢܝܚܝܘܗܝ ܥܡܟܘܢܿ ܐܝܟܢܐ ܕܢܗܘܐ ܠܟܘܢ ܒܗ ܫܘܒܗܪܐ ܠܟܠ ܥ̈ܡܡܝܼܢ.
                    ܘܢܬܠܢ ܠܟܘܢ ܒܗ ܛܘܒܐ ܟܠܗܝܢ ܡܠܟܘ̈ܬܐ ܕܐܪܥܐ..܀ ܗܠܝܢ ܗ̈ܘܝ ܡ̈ܠܝ ܫܢܝܘܬܗ ܕܡܠܟܐ ܚܢܦܐ܇ ܨܝܕ
                    ܒ̈ܢܝ ܩܘܣܛܢܛܝܢܦܘܠܝܣ. ܘܒܫܘܠܡܐ ܬܘܒ ܕܡ̈ܠܘܗܝ ܐܡܼܪ܆ ܐ̈ܠܗܐ ܠܡ ܕܫܡܝܐ ܘܐܪܥܐ: ܙܘܣ ܘܕܝܘܣ
                    ܘܐܦܠܘܢ: ܥܡ ܐ̈ܠܗܬܐ ܠܡ ܕܬܒܝܠ: ܗܐܪܐ ܘܦܠܣ ܘܐܦܪܕܝܛܐ ܘܐܬܢܐ ܥܡ ܣܘܓܐܐ ܠܡ ܕܐ̈ܠܗܐ ܘܕܐ̈ܠܗܬܐ
                    ܕܐܝܬ ܒܗ ܒܥܠܡܐ. ܢܗܘܘܢ ܒܥܘܕܪܢܗܿ ܕܡܕܝܢܬܟܘܢܿ ܘܢܙܕܩܘܢ ܚܝܠܐ ܘܥܘܫܢܐ ܘܓܢܒܪܘܬܐ
                    ܠܕܟܪ̈ܝܟܘܢܼ. ܘܗܕܪܐ ܘܫܘܦܪܐ ܘܦܐܝܘܬܐ ܠܢܩ̈ܒܬܟܘܢܿ ܘܫܝܢܐ ܘܩܘܝܡܐ ܠܡܕܝܢܬܟܘܢܿ .ܡܛܠ ܠܡ ܕܝܕܥ
                    ܐܢܐ ܕܠܓܡܪ ܠܐ ܡܓܪܕܝܢ ܡܢ ܡܕܝܢܬܐ: ܐܢ̈ܫܐ ܫܓܘ̈ܫܐ ܘܕܠܚܘ̈ܐ ܕܪܡܝܢ ܣܕܩ̈ܐ ܘܚܪܝܢܐ ܒܡܕܝܢܬܐܼ.
                    ܐܢ ܐܝܬ ܒܟܘܢ ܐܢ̈ܫܐ ܕܐܝܟ ܗܠܝܢ: ܘܡܬܚܪܝܢ  79 ܠܘܩܒܠ ܦܘܩܕܢܢ ܘܒܣܝܢ ܒܟ̈ܬܝܒܬܢ܆
                    ܥܠܝܗܘܢ ܠܡ ܕܗܠܝܢ ܦܩܕܬ ܡܠܟܘܬܢܿ. ܕܗܕܡ ܗܕܐ ܢܬܦܣܩܘܢܿ ܘܒܬܝ̈ܗܘܢ ܢܬܒܙܘܢܿ ܘܠܥܒ̈ܕܝ ܛܒܬܐ
                    ܕܚܕܝܢ ܠܡ ܒܩܘܝܡܗܿ ܕܡܠܟܘܬܢܼ. ܫܝܢܐ ܘܫܠܡܐ ܢܣܓܐ ܠܗܘܢ ܡܢ ܠܘܬܢ .. ܘܡܢ ܒܬܪ ܕܐܬܩܪܝ ܗ̈ܘܝ
                    ܟܬܝܒ̈ܬܐ ܕܡܿܠܟܐ ܥܘܿܠܐ ܩܕܡ ܟܢ̈ܫܝܗܿ ܕܡܕܝܢܬܐܼ. ܒܗܠܬ ܟܠܗܿ ܐܢܫܘܬܐ. ܘܗܘܘܼ ܒܕܚܠܬܐ ܪܒܬܐ.
                    ܘܠܝܬ ܗܘܼܐ ܕܡܡܪܚ ܕܢܓܠܐ ܘܢܘܕܥ ܪܥܝܢܗ. ܘܐܦ ܝܗܘ̈ܕܝܐ ܘܐܪ̈ܡܝܐ ܕܥܡܪܝܢ ܗܘܘ ܒܗܿ ܒܡܕܝܢܬܐܼ.
                    ܕܚܠܘ ܕܢܐܡܪܘܢ ܡܕܡ. ܡܢ ܗܿܝ ܕܓܕܫܬ ܠܝܗ̈ܘܕܝܐ ܘܠܐܪ̈ܡܝܐ ܕܥܡܪܝܢ ܗܘܘ ܒܪܗܘܡܐ ܡܕܝܢܬܐ. ܘܟܕ
                    ܬܡܗܐ ܪܡܐ ܗܘܼܐ ܥܠܘܗܝ ܕܚܠܗ ܕܥܘܿܠܐ܇ ܥܠ ܫܬܩܗܘܢ ܕܟܢ̈ܫܝܗܿ ܕܡܕܝܢܬܐܼ. ܫܘܿܐ ܠܕܘܟܪܢܐ ܛܿܒܐ
                    ܕܡܢ ܫܡܝܐ: ܡܟܣܡܝܣ ܐܝܢܐ ܕܐܝܬܘܗܝ ܗܘܐ ܡܢ ܝܕܝܥ̈ܝܗܿ ܕܡܕܝܢܬܐ: ܡܢ ܓܢܣܐ ܪܒܐ ܕܫܩܐ ܕܡ̈ܠܟܐ:
                    ܘܠܡܠܟܘܬܐ ܕܐܠܗܐ ܚܐܪ ܗܘܐܼ. ܒܗܢܐ ܐܬܬܙܝܥ ܒܗ ܛܢܢܐ ܕܐܠܗܐܼ. ܘܣܡ ܐ̈ܦܘܗܝ ܠܡܘܕܝܢܘܬܐ ܛܒܬܐ
                    ܕܥܠ ܐ̈ܦܝ ܡܫܝܚܐ. ܘܥܝܢܒܓܠܐ ܡܟܣ ܗܘܼܐ ܠܗ ܠܪܫܝܥܐܼ. ܘܡܿܟܘܢ ܠܗ ܩܕܡ ܟܢ̈ܫܝܗܿ ܕܡܕܝܢܬܐ.
                    ܘܐܝܟ ܕܒ̈ܠܘܠܝܬܐ ܡܫܦܿܕ ܗܘܼܐ ܠܗ ܒܡ̈ܠܐ ܕܡܟܣܢܘܬܗܼ ܟܕ ܐܡܿܪ. ܡܢܐ ܗܼܝ ܠܡ ܫܢܝܘܬܐ ܗܕܐ
                    ܕܐܚܝܕܐ ܠܗ ܠܡܠܟܟ ܛܪܘܢܐ. ܐܘ ܡܢܐ ܐܢܝܢ ܟܬܝ̈ܒܬܐ ܦܟܝܗ̈ܬܐ ܕܐܫܬܕܪ ܡܢܗ ܠܡܕܝܢܬܢܿ ܗܠܝܢ ܠܡ
                    ܟܬܝ̈ܒܬܐ ܕܐܢܫܐ ܡ̈ܠܟܐܼ. ܫܢܬ ܠܗܘܢ ܠܡ ܠܡ̈ܠܟܐ ܕܐܝܟ ܗܠܝܢ ܐܢܝܢ ܟܬܝ̈ܒܬܗܘܢܿ ܚܒܠܝܗܿ ܠܡ
                    ܠܡܠܟܘܬܐ ܕܪ̈ܗܘܡܝܐܿ: ܕܐܝܠܝܢ ܡ̈ܠܟܐ ܐܘܒܕܬ. ܘܐܝܠܝܢ ܚܠܦ ܐܝܠܝܢ ܐܫܟܚܬ. ܥܢܕܘ ܡܢܗܿ ܡ̈ܠܟܐ
                    ܬܩ̈ܢܐ ܘܡܕܒܪ̈ܢܐ ܝܩܝܪ̈ܐ: ܕܐܟܘܬܗܘܢ ܝܩܝܪ̈ܢ ܗܘ̈ܝ ܐܦ ܟܬܝܒ̈ܬܗܘܢܿ ܘܩܡܘ ܥܠܝܗܘܢ ܐܢ̈ܫܐ
                    ܫܩ̈ܝܦܐ ܘܦܟܝ̈ܗܬܐ܇ ܕܐܟܘܬܗܘܢ ܦܟܝܗ ܐܦ ܟܬܝܒ̈ܬܗܘܢ. ܐܝܟܢܐ ܐܢܘܢ ܐܪ̈ܝܘܬܐ ܬܩܝ̈ܦܐ ܕܒܝܬ
                    ܩܘܣܛܢܛܝܢܣܿ. ܕܡܢ ܩܠ ܢܗܡ̈ܬܗܘܢ ܐܬܬܙܝܥܘ ܡ̈ܠܟܝܗܿ ܕܐܪܥܐ܇ ܘܣܦܕ ܠܒܗܘܢ ܡܢ ܕܚܠܬܗܘܿܢܿ ܘܗܐ
                    ܝܘܡܢ ܬܥ̈ܠܐ ܫܝ̈ܛܐ ܡܙܕܪܟܠܝܢ ܠܡܪܒܥ ܥܠ ܡܪ̈ܒܘܥܝܬܗܘܿܢܿ ܘܕܢܡܪܘܢ ܒܥܒܝ̈ܕܬܗܘܢ ܐܝܟ ܕܣܒܪܝܢ
                    ܕܡ̈ܠܟܐ ܐܢܘܢܿ ܘܛܥܬ  80 ܐܢܘܢ ܕܠܐ ܐܝܬܝܗܘܢ ܡ̈ܠܟܐ. ܐܝܟܢܐ ܠܡ ܓܝܪ ܐܢܫ ܢܩܪܝܟܘܢ
                    ܡ̈ܠܟܐ ܕܫܩܝܠܐ ܗܼܝ ܡܢܟܘܢ ܡܠܟܘܬܐ ܐܠܘ ܡܬܒܢܝܢ ܐܢܬܘܢܿ ܐܠܐ ܒܥܘܝܪܘܬ ܠܒܟܘܢ ܕܠܐ ܡܬܒܝܼܢ.
                    ܒܫܡܐ ܗܼܘ ܒܠܚܘܕ ܡܬܩܪܝܢ ܐܢܬܘܢ ܡ̈ܠܟܐ. ܫܐ̈ܕܐ ܓܝܪ ܘܕܝܘ̈ܐ ܡܕܒܪܝܢ ܝܘܡܢ ܠܟܠܘܬܟܘܢܿ
                    ܘܒܝܐܝܕ̈ܝܟܘܢ ܐܝܟ ܨܒܝܢܗܘܢ ܓܡܪܝܢ ܪܓܬܗܘܢܼ. ܟܕ ܡܗܠܝܢ ܒܗܘܢ ܟܣܝܐܬܿ. ܥܠ ܨܒܘܪܘܬܟܘܢ ܕܒܕܡܘܬ
                    ܚܝܘ̈ܬܐ ܕܠܐ ܦܘܪܫܢ ܐܬܢܓܕܬܘܢ ܠܨܒܝܢܗܘܢܿ ܘܒܬܪ ܛܥܝܘܬܗܘܢ ܐܙܠܬܘܿܢܿ ܘܗܘܝܬܘܢ ܫܘ̈ܬܦܐ
                    ܠܟܦܘܪܘܬܗܘܢܿ ܘܐܣܬܪܩܬܘܢ ܡܢ ܫܘܠܛܢܟܘܢܿ ܘܐܝܟ ܐܢ̈ܫܐ ܦܛ̈ܥܐ ܕܨܒܪܬ ܝܕܥܬܗܘܿܢܿ ܫܥܒܕܬܘܢ
                    ܫܘܠܛܢܟܘܢ ܘܡܕܒܪܢܘܬܟܘܢܿ ܠܐܪ̈ܟܘܣ ܕܚܛܝܬܐ ܘܠܪ̈ܘܚܐ ܛ̈ܢܦܬܐ܇ ܘܗܘܝܬܘܢ ܝܬܝܪ̈ܐ ܠܡܠܟܘܬܟܘܢ ܡܢ
                    ܟܕܘ. ܘܠܝܬ ܠܟܘܢ ܡܢ ܗܫܐ ܠܡܨܠܚܘ ܒܡܠܟܘܬܐ ܕܪ̈ܗܘܡܝܐ. ܕܒܡܠܐ ܙܒܢܐ ܕܐܬܗܝܡܢܬ ܠܟܘܢ ܡܕܪܢܘܬܐ:
                    ܠܡܪܕܘܬܗ ܕܥܡܢ ܥܠ ܕܚܛܝܼܢ. ܛܢܦܬܘܢܗ ܠܡܠܟܘܬܢ ܒܨܚܢܘܬܟܘܢܼ. ܘܥܒܕܬܘܢܗܿ ܐܠܝܠܬܐ ܕܟܠܗܝܢ
                    ܣ̈ܢܝܬܐ. ܒܕܠܝܬ ܠܟܘܢ ܥܢܝܢܐ ܡܕܡ ܐܠܐ ܥܡ ܕܫܐ̈ܕܐ ܘܕܦܬܟܪ̈ܐ. ܘܡܢܘ ܕܠܐ ܢܗܠ ܒܟܘܢ ܘܢܡܝܩ
                    ܒܡܕܒܪܢܘܬܟܘܢ܇ ܕܫܒܩܬܘܢ ܠܡܬܗܪܓܘ ܒܣܦܪ ܩܪ̈ܒܐ ܕܡ̈ܠܟܐ ܩܕ̈ܡܝܐ܇ ܘܬܬܝܠܦܘܢ ܡܢܗܘܢ ܐܣܟܝ̈ܡܘܗܝ
                    ܕܩܪܒܐ܇ ܕܒܐܝܠܝܢ ܦܘܪ̈ܣܐ ܕܨ̈ܢܥܬܐ ܙܟܘ ܒܩܪ̈ܒܝܗܘܢ ܘܐܬܥܫܢܘ ܥܠ ܒ̈ܥܠܕܒܒܝܗܘܢܿ. ܘܫܒܩܘ ܠܗܘܢ
                    ܒܥܠܡܐ ܫܒܡܐ ܘܢܨܚܢܐ ܡܢ ܒܬܪܗܘܢܧ ܘܗܐ ܥܦܝܢ ܐܢܬܘܢ ܐܝܟ ܣܪ̈ܝܩܐ ܘܒ̈ܛܝܠܐ܇ ܒܫܘܥ̈ܝܬܐ ܦܟܝ̈ܗܬܐ
                    ܕܒܕܝܐ ܕܝ̈ܘܢܝܐ܇ ܕܢ̈ܫܐ ܒܬܣܬ ܩܘܝ̈ܗܝܢ ܡܦܝܓܢ ܒܗܝܢ ܢܘܡܬܐ ܕܥܝܢܝ̈ܗܝܢ. ܡܢܘ ܠܡ ܓܝܪ ܕܝܘܣ
                    ܘܙܘܣ ܘܐܦܠܘܿܢܿ ܥܡ ܫܪܟܐ ܕܚܒܪ̈ܝܗܘܿܢܿ ܐܢܫ̈ܐ ܣܪ̈ܝܩܐ ܘܡܫܚ̈ܛܐ ܦܚ̈ܙܐ ܘܙ̈ܠܝܠܝܐ܇ ܓܝܪ̈ܐ
                    ܘܙ̈ܢܝܐ܇ ܕܒܝܫ ܒܝܫ ܚܝܘ ܒܗ ܒܥܠܡܐ ܐܝܟ ܕܡܚܘܝܢ ܬܫܥ̈ܝܬܗ ܕܐܘܡܪܘܣ ܚܟܝܡܐ܇ ܕܛܒ ܡܫܬܒܗܪܝܢ ܒܗ
                    ܚܟ̈ܝܡܝܟܘܢܿ ܘܟܕ ܛܒ ܠܐ ܝܕܥ ܒܚܟܡܬܗ ܠܐܠܗܐܼ. ܕܢܓܠܘܙ ܙܕܩ̈ܝܗܿ ܕܘܠܝܬܐ ܒܐܝܠܝܢ ܕܐܕܪܟ ܠܐ
                    ܐܡܪܚ. ܐܝܟ ܕܒܢܘܪܐ ܓܝܪ ܝܩܿܕ ܗܿܘܐ ܒܛܢܢܗܘܢܿ 81 ܕܗܠܝܢ ܕܫܡܗܘ ܢܦܫܗܘܢ ܐ̈ܠܗܐ
                    ܒܥܠܡܐ. ܘܙܕܩܐܝܬ ܐܝܬܝ ܠܓܠܝܐ ܣܘܥܪܢܐ ܕܒܗܬܬܗܘܿܢ. ܕܗܠܝܢ ܡܨܥܪ̈ܝ ܐܣܟܝܡܗ ܕܓܘܐ ܒܦܚܙܘܬܗܘܢ
                    ܘܒܗܬܘܢܝ ܒܝ̈ܫܬܗܘܢ ܣܪܩ ܫܘܒܗܪܗܘܢ ܟܕ ܐܡܿܪ. ܡܢ ܡܥܒܕܢܘܬܐ ܕܨܚܢܘܬܗܘܢ. ܟܠ ܠܡ ܪܓܬܐ
                    ܣܢܝܬܐܕܐܬܝܐ ܗܘܬ ܠܪܥܝܬܗܘܢܼ. ܕܠܝܠܐܝܬ ܕܠܐ ܟܘܚܕܐ ܣܥܪܝܢ ܗܘܘ ܠܗܿ. ܕܒܙܒܢ ܠܡ ܥܡ ܕܟܪ̈ܐ
                    ܫܟܒܝܢ ܗܘܘ ܒܨܚܢܘܬܗܘܢܿ ܟܕ ܠܐ ܡܬܟܚܕܝܢ ܗܘܘ ܘܢܟܦܝܢ ܡܢ ܐܣܟܝܡܗ ܕܟܝܢܐ. ܘܒܙܒܢ ܠܡ
                    ܒܡܥܒܕܢܘܬܐ ܕܚܪ̈ܫܝܗܘܢܼ. ܒܦܪܚܬܐ ܡܕܡܝܢ ܗܘܘ ܠܢܫ̈ܐ ܡܫܚ̈ܛܬܐ ܕܐܟܘܬܗܘܢܼ. ܘܫܟܒܝܢ ܗܘܘ ܥܡܗܝܢ
                    ܟܕ ܦܝܠܢ ܒܛܡܐܘܬܐ ܕܟܦܣܗܝܢ. ܒܕܠܐ ܝܗܒܐ ܗܘܬ ܠܗܘܢ ܨܚܢܘܬܗܘܢ ܡܓܪܬ ܪܘܚܐ ܥܠ ܪܓܬܐ ܣܢܝܬܐ
                    ܕܨܒܝܢܗܘܢܿ ܘܒܝܕ ܕܡܨܝܐ ܗܘܬ ܬܐܪܬܗܘܢ ܝܬܝܪ ܡܢ ܕܝܠܗܝܼܢ. ܠܐ ܓܥܨܝܢ ܗܘܘ ܡܢ ܪܕܝܐ ܡܥܝܣܐ
                    ܕܛܡܐܘܬܗܝܢ܇ ܗܠܝܢ ܕܐ̈ܠܗܐ ܡܬܩܪܝܢ ܡܢ ܨܒܘܪ̈ܐ ܝܘܡܢܐ. ܚܕܐ ܓܝܪ ܡܫܘܚܬܐ ܕܫܘܝܘܬܐ ܬܘܒ
                    ܘܕܒܗܬܬܐ ܐܬܡܬܚܬ ܥܠ ܕܟܪ̈ܝܗܘܢܼ ܘܥ ܢܩܒ̈ܬܗܘܢܿ ܘܗܘܘ ܬܘܩܠܬܐ ܠܣܓܝ̈ܐܐ. ܒܚܝܝ̈ܗܘܢܼ ܐܦ ܡܢ
                    ܒܬܪ ܡܘܬܗܘܢܿ ܕܡܢ ܒܬܪ ܕܥܢܕܘ ܠܡ ܥܡ ܣܢܝ̈ܬܗܘܢܼ. ܨܚ̈ܢܐ ܠܡ ܕܐܟܘܬܗܘܢ ܕܣܪܝܟܝܢ ܗܘܘ ܒܪܓܬ
                    ܣܢܝ̈ܬܗܘܢܿ ܥܒܕܘ ܠܗܘܢ ܬܦܢܝ̈ܟܐ ܕܫܡܗܘ ܐܢܘܢ ܐ̈ܠܗܐ ܘܐܠܗ̈ܬܐ܇ ܘܛܥܘ ܒܬܪܗܘܢ ܦ̈ܛܥܐ
                    ܒܨܒܘܪܘܬܗܘܢܿ ܕܐܝܟ ܗܠܝܢ ܗܘ̈ܝ ܬܫܥ̈ܝܬܗ ܕܐܘܡܪܣ. ܥܠ ܗܠܝܢ ܕܡܬܩܪܝܢ ܝܘܡܢ ܡܢܟܘܢ ܐ̈ܠܗܐ ܥܡ
                    ܪ̈ܒܘ ܒܝ̈ܫܢ ܘܣܘܪ̈ܚܢܐ ܕܡܝܬܐ ܒܬܪܗܘܢܿ. ܕܠܐ ܐܠܨܐ ܠܢ ܕܢܬܢܐ ܣܘܓܐܐ ܕܣܢܝ̈ܬܗܘܢ. ܕܕܡܐ ܓܝܪ
                    ܢܐܬܪ ܡܢ ܗܕܐ. ܘܐܠܘ ܛܢܢܗܿ ܕܛܥܝܘܬܟܘܢ ܠܐ ܙܩܬܢܝܼ. ܠܐ ܡܨܐܐ ܗܘܝܬ ܠܫܢܝ ܒܫܪ̈ܒܐ ܕܐܝܟ ܗܠܝܢ.
                    ܒܡܠܼܟܟ ܕܝܢ ܛܪܘܢܐ ܡܬܕܡܪ ܐܢܐܼ. ܕܠܐ ܢܟܿܦ ܘܡܬܚܡܨ ܒܬܫܥ̈ܝܬܐ ܕܐ̈ܠܗܘܗܝ. ܘܡܿܢ ܝܗܿܒ ܗܘܼܐ
                    ܐܠܘ ܩܪܝܒ ܗܘܐ ܗܫܐ ܘܫܟܝܚ ܩܕܡܝܿ. ܕܐܿܙܘܓ ܗܘܝܬ ܐܝ̈ܕܝ ܬܪ̈ܬܝܗܝܢ܇ ܘܐܬܠ ܠܗ ܠܫܢܝܐ ܒܝܬ
                    ܐ̈ܦܘܗܝܿ. ܕܠܐ ܒܗܬ ܕܢܩܪܐ ܐ̈ܠܗܐ ܠܐܝܠܝܢ  82 ܕܒܗܠܝܢ ܕܘܒܪ̈ܐ ܛ̈ܢܦܐ ܘܣܘܥܪ̈ܢܐ
                    ܢܕܝ̈ܕܐ܇ ܚܝܘ ܒܗ ܒܥܠܡܐ ܡܕܡ ܕܚܝܘ. ܘܟܕ ܒܗܠܝܢ ܒܢ̈ܬ ܩ̈ܠܐ ܕܡܣܟܣܢܘܬܐ ܡܟܘܢ ܗܘܼܐ ܠܗ ܠܚܠܗ
                    ܕܡܣܝܒܐ ܩܕܡ ܟܢܫ̈ܝܗܿ ܕܡܕܝܢܬܐܼ. ܐܬܚܡܬ ܪܫܝܥܐ ܘܣܠܼܩ ܪܘܓܙܗ. ܘܢܗܡ ܐܝܟ ܐܪܝܐ ܠܬܒܪܐ.
                    ܐܬܬܙܝܥܬ ܒܗ ܓܝܪ ܡܪܬܗܼ ܘܐܫܬܚܠܦ ܓܘܢܗ ܠܝܪܩܢܐ. ܘܕܡܿܐ ܗܘܐ ܠܫܢܝܐ ܡܢ ܟܒܕܗ. ܘܥܢܐܼ ܘܐܡܼܪ
                    ܠܗ ܠܛܘܒܢܐ ܡܟܣܝܡܐܼ ܟܕ ܡܬܠܚܡ. ܐܡܼܪ ܠܝ ܐܘ ܒܝܫ ܓܕܐܼ. ܒܐܝܢܐ ܚܝܠܐ ܘܫܘܠܛܢܐ ܫܡܛܬ ܠܫܢܟ
                    ܘܫܡܪܬ ܨܥܪܟ. ܥܠ ܐܚܝܕ ܫܘܠܛܢܗ ܕܥܠܡܐܿ. ܘܐܝܟ ܓܒܪܐ ܕܐܡܣܪ ܥܠ ܚܝ̈ܘܗܝ ܨܚܝܬ ܠܡܿܠܟܐ ܘܓܕܦܬ
                    ܥܠ ܐ̈ܠܗܐ. ܘܟܒܪ ܠܐ ܝܕܥܿ ܐܢܬ ܒܫܢܘܬܟܿ. ܕܟܠܗܝܢ ܒܢ̈ܬ ܩ̈ܠܐ ܕܬܪܓܡ ܦܘܡܟ ܠܐܕܢ̈ܘܗܝ ܕܡܾܟܐ
                    ܐܙܠܢ܇ ܘܒܥܠܬ ܡܨܥܪܘܢܘܬܗܿ ܕܓܘܡܕܢܘܬܟ ܡܝܬܐ ܐܢܬ ܒܝܫܬܐ ܥܠ ܟܠܗܿ ܫܪܒܬܟ. ܘܐܟܒܪ ܥܠ ܟܠܗܿ
                    ܡܕܝܢܬܟ. ܒܪܡ ܕܝܢ ܩܪܩܦܬܐ ܒܝܫܬܐ. ܡܢܐ ܗܘ ܕܠܡܪܗ ܕܥܠܡܐ ܡܚܣܕ ܐܢܬܿ. ܥܠ ܕܣܿܓܕ ܠܐܝܠܝܢ ܕܡܢ
                    ܟܝܢܗܘܢ ܐܝܬܝܗܘܢ ܐ̈ܠܗܐ. ܐܢܬ ܩܢܘܡܟ ܚܝܒ ܡܘܬܐܼ. ܕܠܐ ܢܿܟܦ ܐܢܬ ܘܡܬܚܡܨ ܐܢܬ ܒܣܓܕܬܗ ܕܒܪ
                    ܐܢܫܐ ܫܚܝܡܐ. ܕܙܩܦܘܗܝ ܝܗܘ̈ܕܐ ܒܐܘܪܫܠܡ ܥܡ ܥܒ̈ܕܝ ܒܝܗܫܬܐ܇ ܘܩܿܪܐ ܐܢܬ ܠܗ ܐܠܗܐ ܘܡܫܬܒܗܪ
                    ܐܢܬ ܒܙܩܝܦܗ. ܘܟܕ ܫܡܼܥ ܛܘܒܢܐ ܡܟܣܝܡܐ ܓܘܕܦܗ ܕܗܢܐ ܪܫܝܥܐ ܥܠ ܐܠܗܐܼ. ܠܐ ܐܫܟܚ ܠܡܣܝܒܪܘ.
                    ܐܠܐ ܐܪܡܝ ܐܝܕܗ ܥܠ ܚܒܪܗ ܕܚܕ ܡܢ ܦ̈ܠܚܐ ܕܥܡܗܼ. ܘܫܡܛܗܿ ܡܢ ܚܠܬܗܿ. ܘܐܢܝܦ ܐܝܕܗ ܕܢܡܚܝܘܗܝ
                    ܠܚܪܡܐ ܠܝܛܐ ܘܡܣܝܒܘܗܝܼ. ܘܠܐ ܥܢܬ ܡܚܘܬܗ. ܡܛܠ ܕܐܬܟܪܟ ܠܗ ܡܢ ܩܕܡܘܗܝ. ܘܝܗܒܼ ܢܦܫܗ ܕܢܐܙܠ
                    ܒܬܪܗ. ܘܐܚܕܘܗܝ ܐܚ̈ܝܢܘܗܝ ܘܩܪ̈ܝܒܘܗܼ. ܘܠܐ ܫܒܩܘܗܝ ܠܡܐܙܠ ܒܬܪܗ. ܘܐܬܗܦܟ ܘܐܡܼܪ ܠܗ. ܫܡܼܥ
                    ܚܠܗ ܕܡܛܢܦܐ. ܕܡ ܬܣܒܪ ܠܟ. ܕܗܐ ܡܣܗܕ ܐܢܐ ܠܟ ܩܕܡ ܟܢ̈ܫܝܗܿ ܕܡܕܝܢܬܐ. ܕܐܢ ܐܚܙܝܟ ܒܡܕܝܢܬܐ
                    ܗܕܐ ܠܝܘܡܐ ܕܡܚܪ. ܐܫܕܪ ܠܗ ܠܫܢܝܐ ܕܫܕܪܟ ܪܫܟ. ܘܕܒܪܘܗܝ ܐܚ̈ܝܢܘܗܝ ܘܩܪܝܒܘܗܝ ܩܛܝܪܐܝܬ ܡܢ
                    ܠܘܬ ܟܢ̈ܫܐܼ. ܘܒܝܢܝܗܘܢ ܘܠܗ ܐܪܙܢܐܝܬ ܟܐܝܢ ܗܘܘ ܒܗܼ. ܘܡܬܟܿܣܢ ܡ̈ܠܘܗܝܼ ܟܕ ܐܡܪܝܢ. ܕܠܐ ܠܡ
                    ܝܕܥܿ ܐܢܬ ܕܥܠ ܡܿܠܟܐ ܕܫܠܝܛ ܥܠ ܡܘܬܟ ܘܥܠ ܚܝ̈ܝܟ: ܫܡܛܬ ܠܫܢܟ ܘܫܡܪܬ  83 ܨܥܪܟ:
                    ܘܥܠ ܚܠܗ ܕܣܡܗ ܐܒܐ ܠܡܠܟܘܬܗ: ܐܪܝܡܬ ܐܝܕܟ ܠܩܛܠܐ ܩܕܡ ܟܢ̈ܫܝܗܿ ܕܡܕܝܢܬܟܼ. ܘܐܢ ܠܡ ܝܿܠܦ
                    ܡܿܠܟܐ ܒܗܠܝܢ ܡܢܐ ܟܝ ܐܝܬ ܠܟ ܠܡܥܒܼܕ ܐܘ ܐܢ ܦܩܿܕ ܥܠܝܟ ܡܘܬܐ ܕܣܝܦܐܼ. ܡܢܐ ܡܨܝܢܢ ܕܢܥܕܪܟ.
                    ܡܢܐ ܥܕܪܘ ܐܢܘܢ ܩܪ̈ܝܒܝܗܘܢ ܘܐܚܝ̈ܢܝܗܘܢ ܠܡܕܒܪ̈ܢܝܗܿ ܕܪܗܘܡܐ. ܕܚܢܢ ܢܥܕܪܟ. ܘܛܒ ܠܡ ܟܪܝܐ ܠܢ
                    ܥܠ ܗܕܐܼ. ܕܠܝܬ ܣܡܐ ܕܢܐܣܝܗܿ ܠܡܚܘܬܐ ܕܡܚܝܬ ܢܦܫܟ ܕܐܢܬ ܠܚܘܕܝܟ ܡܢ ܟܠܗܿ ܡܕܝܢܬܟ ܓܠܝܬ
                    ܘܐܘܕܥܬ ܥܠ ܢܦܫܟ ܕܟܪܣܛܝܢܐ ܐܢܬ. ܘܕܠܡܐ ܟܒܪ ܠܐ ܐܝܬ ܒܗܿ ܒܡܕܝܢܬܐ ܗܕܐ: ܝܬܝܪ ܡܢ ܥܣܪ̈ܝܢ
                    ܪ̈ܒܘܢ ܕܟܪ̈ܣܛܝܢܐ ܕܐܟܘܬܟ. ܘܠܐ ܐܢܫ ܐܡܪܚ ܕܢܓܠܐ ܘܢܘܕܥ ܪܥܝܢܗ ܐܟܘܬܟ. ܐܠܐ ܝܗܒܘ ܠܗ ܠܙܒܢܐ
                    ܕܝܠܗܼ. ܘܕܚܐܘܗܝ ܡܢܗܘܢ ܐܝܟ ܚܟ̈ܝܡܐ ܥܕ ܥܒܪ ܘܡܬܚܠܦ. ܘܗܫܐ ܫܡܥܝܢܝ ܘܢܡܠܟܟ ܘܢܛܐܒ ܠܟ. ܠܝܬ
                    ܓܝܪ ܣܡܐ ܐܚܪܢܐ ܕܢܐܣܝܗܿ ܠܡܚܘܬܟ. ܙܠ ܐܬܡܟܟ ܠܗ ܠܓܒܪܐ ܗܢܐ ܘܐܫܬܦܪ ܠܗ. ܘܐܝܟ ܓܒܪܐ ܕܐܬܬܘܝ
                    ܘܐܬܥܕܠ ܒܐܝܠܝܢ ܕܣܥܪ܆ ܘܩ ܪܘܚܐ ܥܠ ܐ̈ܦܐ ܣܟܠܘܬܟ. ܥܕܠܐ ܝܿܠܦ ܡܿܠܟܐ ܒܗܠܝܢ. ܘܚܢܢ ܥܡ
                    ܦܩܘ̈ܕܐ ܚܒܪ̈ܝܢ ܢܐܬܐ ܒܬܪܟܼ ܘܢܫܡܠܐ ܡ̈ܠܝܟ. ܘܢܒܥܐ ܥܠܝܟ ܡܢܗ ܘܢܬܟܫܦ ܠܗ. ܟܒܪ ܢܣܒ ܒܐ̈ܦܝܢ
                    ܘܡܫܟܢ ܠܢ ܣܟܠܘܬܟ ܘܝܗܒܼ ܠܢ ܫܘܘܕܝܐ ܫܪܝܪ̈ܐ ܒܡܘܡ̈ܬܐ܇ ܕܠܐ ܝܿܠܦ ܡܿܠܟܐ ܒܗܠܝܢ. ܛܘܒܢܐ ܕܝܢ
                    ܡܟܣܝܡܝܣ ܠܐ ܝܗܒܼ ܡܫܡܥܬܗ ܠܡ̈ܠܐ ܕܐܬܼܐܡܪ ܠܗ ܡܢ ܩܪܝܒܘܗܝ. ܘܠܐ ܐܬܩܛܥܬ ܠܗ ܐܘ ܐܬܟܪܝܬ ܪܘܚܗ
                    ܒܐܝܠܝܢ ܕܣܥܪ. ܐܠܐ ܠܒܝܒܐܝܬ ܒܪܥܝܢܐ ܚܠܦܝܡܐ ܢܦܼܩ ܗܘܼܐ ܪܘܚܐ ܠܩܪ̈ܝܒܘܗܝ ܟܕ ܐܡܿܪ. ܕܥܠܝ
                    ܨܦܬܐ ܒܗܠܝܢ ܠܐ ܬܣܒܘܢܿ ܘܦܝܣܐ ܥܠܝ ܠܐܢܫܼ ܠܐ ܬܩܪܒܘܢܿ ܕܡܢ ܗܫܐ ܐܢܐ ܩܢܘܡܝ ܡܛܝܒ ܐܢܐ ܗܘ
                    ܕܕܒܚܐ ܐܗܘܐ ܠܐܠܗܐ܇ ܕܠܐ ܐܣܛܡܥܪ ܟܕ ܐܠܗܐ ܗܼܘܿ. ܕܢܗܘܐ ܕܒܚܐ ܕܦܘܪܩܢܐ ܚܠܦ ܚܛ̈ܝܐ ܕܐܟܘܬܝ.
                    ܘܡܢ ܢܘܓܪܐ ܣܝܡܝܢ ܐ̈ܦܝ ܕܐܪܕܐ ܒܐܘܪܚܐ ܕܙܩܝܦܘܬܗܿ. ܕܗܿܘ ܕܒܙܩܝܦܗ ܫܩܼܠ ܥܘܠܢ ܘܚܛ̈ܗܝܢ
                    ܕܢܙܕܩܢ. ܘܚܕܘܓܐ ܣܝܡ ܐܢܐ ܕܐܗܘܐ ܠܗ ܒܕܒܝܚܘܬܝ ܠܚܬܢܐ ܚܢܝܓܐ܇ ܕܝܗܒ ܢܦܫܗ ܠܕܒܝܚܘܬܐ ܚܠܦ
                    ܦܘܪܩܢܗܿ ܕܥܕܬܐ. ܘܠܐ ܟܦܪ ܐܢܐ ܒܗ ܩܕܡ ܒܢܝ̈ܢܫܐ. ܕܠܡܐ  84 ܢܟܦܘܪ ܒܝ ܩܕܡ ܐܒܘܗܝ
                    ܡܐ ܕܥܠܝܢ ܥܡܗ ܚ̈ܕܘܓܐ ܠܓܢܘܢܐ. ܡܢܐ ܓܝܪ ܐܬܪ ܟܕ ܥܠܡܐ ܟܠܗ ܐܩܢܐ ܘܢܦܫܝ ܐܚܣܪ. ܗܿܝ ܕܐܡܼܪ
                    ܡܪܢ ܒܣܒܪܬܗ. ܐܘ ܡܢܐ ܐܬܠ ܬܚܠܘܦܐ ܕܢܦܫܝ. ܐܠܐ ܕܒܝܚܘܬܗ ܕܩܢܘܡܝ. ܘܗܫܐ ܚܒܪ̈ܝ ܘܪ̈ܚܡܝܼ.
                    ܕܠܡܐ ܢܦܠ ܠܟܘܢ ܥܠܡܐ ܥܠ ܗܕܐ. ܠܐ ܓܝܪ ܓܙܡܘ̈ܗܝ ܕܛܪܘܢܐ ܘܠܘܚ̈ܡܘܗܝܼ. ܐܦܠܐ ܫܢ̈ܕܐ
                    ܕܐܘ̈ܠܨܢܘܗܝ ܡܥܘܟܝܢ ܠܝܿ. ܡܢ ܐܘܪܚܐ ܕܡܘܕܝܢܘܬܝ ܕܒܡܫܝܚܐ. ܐܦܠܐ ܐܠܘ ܢܗܘܐ ܕܗܘ ܛܪܘܢܐ ܐܗܡܝ
                    ܘܫܒܩܢܝ. ܘܟܕ ܚܙܐܘܗܝ ܐܚܝ̈ܢܘܗܝ ܘܩܪ̈ܝܒܘܗܝ ܕܠܐ ܡܬܪܡܐ ܠܡܠܝܗ̈ܘܢܼ. ܐܗܡܝܘ ܘܫܒܩܘܗܝ. ܘܕܒܪܘ
                    ܠܚܒܪ̈ܝܗܘܢ ܪ̈ܝܫܝܗܿ ܕܡܕܝܢܬܐܼ. ܘܥܠܘ ܠܦܝܣܗ ܕܪܫܝܥܐܼ. ܟܕ ܕܡ̈ܥܐ ܒܥܝܢܝ̈ܗܘܢ ܘܦܝܣܐ
                    ܒܦܘܡܗܘܢܿ ܘܡܬܟܫܦܝܢ ܗܘܘ ܠܗ ܥܠ ܡܬܥܒܪܢܘܬܗ ܠܡ ܕܡܟܣܝܡܣ. ܟܕ ܡܫܬܘܕܝܢ ܠܗ ܩܘܪ̈ܒܢܐ ܘܡܘܗ̈ܒܬܐ
                    ܕܢܫܟܢ ܠܗ ܣܟܠܘܬܗ. ܘܗܘܬ ܒܪܬ ܩܠܗ ܠܘܬܗܘܢܼ. ܕܐܢܬܘܢ ܠܡ ܫܡܥܬܘܢ ܒܐܕ̈ܢܝܟܘ̤ܼ ܨܘܚ̈ܝܬܗ ܕܥܠ
                    ܡܿܠܟܐ ܘܓܘܕܦܗ ܕܥܠ ܐ̈ܠܗܐ܇ ܘܚܙܝܬܘܢ ܒܥܝ̈ܢܝܟܘܢ ܕܐܪܝܡ ܐܝܕܗ ܥܠ ܠܡܩܛܠܢܝܼ. ܘܠܐ ܟܐܝܬܘܢ ܒܬ
                    ܘܪܕܝܬܘܢܝܗܝ ܐܝܟ ܦܩܘ̈ܕܝܗܿ ܕܡܕܝܢܬܐ. ܕܐܠܘ ܟܐܢܐ ܠܟܘܢ ܘܠܡܕܝܢܬܟܘܢܼ. ܪܫܗ ܫܕܪܬܘܢ ܠܡܿܠܟܐ
                    ܕܨܚܝܗ. ܘܕܚܝܢ ܗܘܝܬܘܢ ܡܢܟܘܢ ܒܝܫܬܐܼ. ܘܒܛܠܐ ܚܪܒܐ ܡܢ ܡܕܝܢܬܟܘܢܿ. ܘܗܫܐ ܠܡ ܕܥܘ ܘܚܙܘܼ.
                    ܡܢܐ ܥܒܕܝܢ ܐܢܬܘܢܿ ܫܡܝܥ ܗܘ ܠܟܘܢ ܓܝܪ ܡܿܢ ܓܕܫ ܠܡܕܒܪ̈ܢܝܗܿ ܕܪܗܘܡܐ. ܘܟܕ ܫܡܥܘ ܡܢܗ ܗܠܝܼܢ.
                    ܕܚܠܘ ܛܒ ܡܢ ܡ̈ܠܘܗܼܝ ܘܫܬܩܘ. ܘܠܐ ܐܡܪܚܘ ܬܘܒ ܕܢܦܢܘܢ ܠܗ ܦܬܓܡܐ. ܘܐܬܦܢܝ ܘܐܙܠܼ ܡܢ ܠܘܬܗܘܢܼ
                    ܒܚܡܬܐ ܣܓܝܐܬܐ. ܘܐܘܕܥ ܠܛܪܘܢܐ ܒܗܠܝܢ ܟܠܗܝܢ. ܐܬܚܡܬ ܕܝܢ ܡܿܠܟܐ ܘܪܓܙ ܥܠ ܚܠܗ. ܘܐܙܕܥܦ ܒܗ
                    ܘܫܕܝܗܝ ܡܢ ܩܕܡܘܗܝ. ܘܦܩܕ ܕܠܐ ܢܬܚܙܐ ܩܕܡܘܗܝ ܒܗܿܘ ܝܘܡܐ. ܡܛܠ ܕܡܠܼܐ ܗܘܼܐ ܥܠܘܗܝ ܚܡܬܐ
                    ܘܪܘܓܙܐ. ܘܒܬܪ ܝܘܡ̈ܬܐ ܕܢܚܬ ܚܡܬܗܼ. ܫܕܪ ܩܪܝܗܝܼ ܘܐܡܼܪ ܠܗ. ܕܟܕ ܠܡ ܫܘܠܛܢܐ ܕܣܝܦܐ ܝܗܒܬ
                    ܠܟ: ܘܓܙܪ ܕܝܢܐ ܕܐܝܠܝܢ ܕܡܬܚܪܝܢ ܠܘܩܒܠ ܦܘܩܕܢܢ ܒܐܝ̈ܕܝܟ ܐܫܬܕܪ. ܐܝܟܘ ܕܩܝܡܬ ܨܒܝܢܢ
                    ܒܟ̈ܬܝܒܬܢܿ ܘܫܡܠܝܬ ܨܒܝܢܐ ܕܡܠܟܘܬܿܢܿ ܘܐܬܢܩܡܬ ܚܪܒܟ ܡܢ ܐܝܠܝܢ ܕܐܡܪܚܘ ܕܢܗܘܘܢ ܠܘܩܒܠ 85 ܨܒܝܢܢ. ܐܠܐ ܒܪܦܝܘܬܟܼ ܘܟ̈ܬܝܒܬܢ ܐܬܕܓܠ ܘܬܓܐ ܕܡܠܟܘܬܢ ܐܨܛܚܝ. ܘܐ̈ܠܗܐ
                    ܐܬܓܕܦܘ. ܘܕܓܢܝܚܐ ܡܢ ܟܘܠܗܝܼܢ. ܕܐܠܘ ܥܢܼܬ ܡܚܘܬܐ ܕܐܬܪܥܝ ܡܟܣܝܡܝܢܐ ܕܢܡܚܝܟܼ. ܟܒܪ ܕܝܢ
                    ܐܝܬܝܟ ܗܫܐ ܝܬܝܪܐ ܠܚܝ̈ܝܟܼ. ܘܫܩܠܐ ܗܘܬ ܒܟ ܚܣܕܐ ܡܠܟܘܬܢܿ ܘܠܐ ܛܢܬ ܒܪܦܝܘܬܟ ܠܡܥܒܕ ܠܗܿ
                    ܐ̈ܦܐ ܠܨܒܘܬܟܼ ܐܦܢ ܒܫܐܝ̈ܠܬܐ. ܘܥܠܝܗܿ ܕܗܕܐ ܠܡ ܝܬܝܪ ܡܬܕܡܪ ܐܢܐ. ܕܐܢ ܥܠ ܨܥܪܢ ܠܐ ܟܐܒ ܠܟ:
                    ܘܕܐܬܓܕܦܘ ܐ̈ܠܗܐ ܠܐ ܩܨܦܬ ܠܟ: ܥܠ ܢܦܫܟ ܟܝ ܠܐ ܙܕܩ ܗܘܼܐ ܕܢܟܐܒ ܠܟܼ. ܕܥܒܕܟ ܒܙܚܐ ܡܪܘܕܐ
                    ܩܕܡ ܟܠܗܘܢ ܟܢ̈ܫܝܗܿ ܕܡܕܝܢܬܗ: ܘܕܚܠܬ ܒܪܦܝܘܬܟ ܠܡܣܡ ܒܪܫܗ ܕܝܢܐ ܕܓܙܪܬ ܥܠܘܗܝ ܟܐܢܘܬܢܿ ܕܒܝܕ
                    ܡܣܪܩܘܬܗ ܕܡܢ ܢܟܣܘ̈ܗܝ ܘܦܘܣܩܐ ܕܗܕܡ̈ܘܗܝܼ. ܗܘܐ ܗܘܼܐ ܕܚܠܬܐ ܘܙܘܥܬܐ ܠܡܪ̈ܚܐ ܕܐܟܘܬܗܼ.
                    ܘܚܣܝܟ ܗܘܝܬ ܗܫܐ ܡܢ ܕܠܡܐܫܕ ܕܡܐ ܣܓܝܐܐ. ܘܚܠܦ ܠܡ ܕܗܕܐ ܠܡ ܥܒܕܬܼ. ܗܐ ܬܘܝܬ ܠܡ ܐܝܩܐܼ.
                    ܘܡܪܫܝܬ ܠܡ ܥܕܠܝܐ ܒܬܪܢ܇ ܕܒܡܪܚܡܢܘܬܢ ܣܓܝܐܬܐ ܡܣܬܪܚܝܢ ܠܡ ܪ̈ܥܝܢܐ ܣ̈ܓܝܐܐ. ܘܚܠܦ ܕܬܬܥܕܠ
                    ܒܩܢܘܡܟ ܕܠܐ ܣܦܩܬ ܒܪܦܝܘܬܟ ܠܡܬܒܥ ܬܒܥܬܐ ܕܢܦܫܟܼ. ܗܐ ܡܬܥܕܠܬ ܒܡܪܚܡܢܘܬܐ ܕܛܝܒܘܬܢܿ ܕܣܒܝܠܐ
                    ܥ̈ܛܠܐ ܕܣܟܠܘܬܟ. ܘܟܕ ܚܼܙܐ ܛܪܘܢܐ ܕܐܡܠܟܬ ܥܩܬܐ ܘܟܪܝܘܬܐ ܥܠ ܚܠܗܼ. ܡܠܐ ܠܒܗ ܡܢ ܟܪܘܬܐ.
                    ܐܝܟܢܐ ܕܐܦܠܐ ܡܦܩ ܒܪܘܚܐ ܩܐܡ ܗܘܼܐ ܠܗ ܥܠ ܪ̈ܫܝܢܘܗܝ. ܘܟܕ ܐܘܚܠ ܘܬܚܒ ܡܢ ܟܪܘܬܐܼ. ܟܪܝܬ ܠܗ
                    ܥܠܘܗܝ ܠܛܪܘܢܐ. ܘܡܠܼܐ ܒܠܒܗܼ ܘܒܝܐܗ. ܕܡܢ ܗܫܐ ܠܡ ܠܐ ܬܣܒ ܨܦܬܐ ܥܠ ܗܕܐ. ܘܪܢܝܐ ܡܕܡܼ ܠܐ
                    ܢܦܠ ܠܟܿ. ܥܠ ܐܝܠܝܢ ܕܡܢܢ ܐܬܐܡܪ ܠܟ. ܒܪܡ ܕܝܢ ܠܐ ܐܢܫ ܢܕܥ ܒܐܝܠܝܢ ܕܓܕܫ ܘܐܣܬܥܪ ܒܗܕܐ
                    ܡܕܝܢܬܐ ܣܢܝܬ ܥܡܘܪ̈ܝܗܿ܇ ܥܕܡܐ ܕܗܘܝܬ ܡܢܗܘܢ ܬܒܥܬܐ ܒܟܐܢܘܬܐ܇ ܐܝܟ ܡܐ ܕܫܘܝܢ ܣܘܥܪ̈ܢܝܗܘܢܿ
                    ܕܠܡܐ ܢܗܠܘܢ ܒܢ ܚܝ̈ܠܘܬܢ ܘܢܡܝܩܘܢ ܒܡܕܒܢܘܬܢܿ ܡܛܠ ܕܝܢ ܕܛܒ ܐܕܪܟܬ: ܕܟܐܒ ܠܗ ܠܝܘܒܢܝܢܘܣ ܪܒ
                    ܚܝܠܢ ܥܠ ܐܘܚܕܢܢ ܕܠܐ ܢܬܒܨܪ܆ ܫܦܪ ܠܢ ܕܠܗܢܐ ܢܓܠܐ ܘܢܘܕܥܝܘܗܝ ܨܒܝܢܼܢ. ܐܝܟ ܕܗܘ ܢܒܥܝܘܗܝ
                    ܠܣܘܥܪܢܐ. ܓܒܪ ܗܼܘ ܓܝܪ ܕܝܕܥܬܐܼ ܘܡܕܪܟ ܣܘܥܪܗܢܐ. ܘܫܪܝܗܝ ܠܚܠܗܼ ܘܢܦܼܩ ܡܢ  86 ܩܕܡܘܗܝܼ. ܟܕ ܐܒܝܠ ܘܡܪܟܢ ܪܝܫܗ. ܘܗܘܼܐ ܡܢ ܒܬܪ ܩܠܝܠ ܝܘܡ̈ܬܐܼ. ܥܠ ܝܘܒܢܝܢܘܣ ܠܫܠܡܗ
                    ܘܠܣܓܕܬܗ ܕܡܠܟܐܼ ܐܝܟ ܕܡܥܕ. ܘܒܝܢܘܗܝ ܘܠܗ ܓܠܐ ܛܪܘܢܐ ܘܐܘܕܥܗܼ. ܟܠܗܝܢ ܐܝܠܝܢ ܕܓܕܫ
                    ܒܩܘܣܛܢܛܝܢܦܘܠܝܣ ܘܐܣܬܥܪ. ܘܙܗܪܗ ܕܠܐ ܐܢܫ ܢܕܥ ܒܗܠܝܢ܇ ܥܕܡܐ ܠܡ ܕܗܦܟ ܐܢܐ ܠܗܿ ܥܠ ܥܡܘܪ̈ܝܗܿ
                    .. ܀ ܝܘܒܢܝܢܘܣ ܕܝܢ ܠܐ ܐܣܬܪܗܒ ܠܦܝܣܐ. ܐܠܐ ܝܗܒܼ ܠܨܒܝܢܗ ܕܛܪܘܢܐܼ. ܘܐܝܟ ܕܠܦܘܪܣܐ ܫܐܝܠܐܝܬ
                    ܡܬܚܫܚ ܗܘܼܐ ܒܒ̈ܢܬ ܩ̈ܠܐ ܕܫܘܦܪܢܘܬܐ ܟܕ ܐܿܡܪ. ܡܛܠ ܕܐܫܟܚܬ ܠܡ ܪ̈ܚܡܐ ܒܥ̈ܝܢܝܗܿ
                    ܕܡܠܟܘܬܟܘܢܿ. ܐܬܗܝܡܬ ܣܘܥܪ̈ܢܐ ܕܟܣ̈ܝܬܟܘܢ ܀ ܐܡܿܪ ܝܘܠܝܢܘܣ. ܠܘ ܠܡ ܐܝܩܐ ܘܣܪܝܩܐܝܬܿ. ܐܠܐܼ
                    ܐܝܟ ܥܒܕܐ ܛܿܒܐ ܕܚܐܣ ܥܠ ܐܣܘܝܐ ܕܡܪܗ ܕܠܐ ܬܬܒܨܪ: ܡܢ ܪܡܼܙܗܿ ܕܝܢ ܕܡܠܬܗ ܕܛܪܘܢܐ ܐܕܪܟ
                    ܡܗܝܡܢܐ ܘܫܪܝܪܐ܇ ܕܦܬܚ ܬܪܥܐ ܠܒܥܘܬܐ ܘܠܝܣܐ. ܐܿܡܪ ܠܗ ܝܘܠܝܢܘܣ. ܡܢܐ ܡܬܚܙܐ ܠܟ ܒܗܠܝܢ ܐܘ
                    ܪܚܿܡܐ ܕܐ̈ܠܗܐ. ܝܘܒܢܝܢܘܣ ܕܝܢ ܣܒܝܠ ܗܘܐ ܒܢܦܫܗ ܘܫܬܝܩ. ܘܠܐ ܥܕܟܝܠ ܐܣܬܪܗܒ ܗܘܐ ܠܦܝܣܐ..
                    ܐܡܪ ܠܗ ܛܪܘܢܐ. ܒܙܟܘܬܗܘܢ ܠܡ ܕܐ̈ܠܗܐ ܡܘܡܐ ܐܢܐ ܠܟܼ. ܕܠܐ ܬܟܣܐ ܪܥܝܢܟ ܘܬܬܟܚܕ ܡܢܢ܇ ܒܐܝܠܝܢ
                    ܕܡܬܚܙܝܢ ܠܟ ܕܡܥܕܪܢܢ ܘܡܢܝܚܢ ܠܫܘܠܛܢܢ.. ܐܡܿܪ ܠܗ ܝܘܒܢܝܢܘܣ. ܝܕܥܐ ܗܝ ܐܠܗܘܬܟܘܢ ܡܪܝ
                    ܡܿܠܟܐܼ. ܕܙܒܢܬܐ ܘܬܪ̈ܬܝܢ ܐܪܡܝܢ ܒܥܘܬܢ ܩܕܡ ܫܘܠܛܢܐ ܕܚܝܠܐ ܕܡܠܟܘܬܟܘܿܢܿ ܥܠ ܐܘܚܕܢܟܘܢ ܕܠܐ
                    ܢܬܒܨܪ̈. ܘܥܠ ܡܕܝ̈ܢܬܟܘܢ ܟܗܝ̈ܢܬ ܕܠܐ ܢܣܬܪܩܢ ܡܢ ܬܫܒܚ̈ܬܗܝܢ ܘܢܬܓܙܝܢ ܡܢ ܥܡܘܪ̈ܝܗܝܢ. ܒܥܠܬ
                    ܐܢܫܐ ܨܒܪ̈ܐ ܓܠܝ̈ܙܝ ܡܢ ܒܘܝܢܐ ܘܣܢ̈ܝܝ ܚܝ̈ܝܗܘܢܿ ܕܐܢ ܐܬܝܢ ܚܢܢ ܒܬܪ ܫܢܝܘܬܗܘܢܼ. ܡܚܪܒܝܢ
                    ܚܢܢ ܐܬܪ̈ܘܬܐ ܕܐܘܚܕܢܼܢ. ܘܫܩܠܝܢܢ ܫܡܐ ܒܝܫܼܐ ܘܚܣܝܕܐܼ ܒܟܠܗܝܢ ܡ̈ܠܟܘܬܐ ܕܐܪܥܐ. ܠܐ ܓܝܪ
                    ܛܥܝܐ ܠܗܿ ܠܡܠܟܘܬܟܘܿܢܿ ܕܐܦ ܒܪܗܘܡܐ ܗܢܝܢ ܗܠܝܢ ܐܫܬܡܫ ܩܕܡ ܩܠܝܠ. ܘܐܠܘ ܠܐ ܡ̈ܠܟܘܗ ܫܦܝܪ̈ܐ
                    ܕܐܦܛܐܘܣ ܚܟܝܡܐܼ. ܟܒܪ ܕܝܢ ܝܘܡܢ ܚܪܒܐ ܗܘܬ ܪܗܘܡܐܼ ܘܨܕܝܐ ܥܠ ܥܡܘܪ̈ܝܗܿ. ܘܠܐ ܡܫܬܒܚܐ ܗܘܬ
                    ܡܠܟܘܬܟܘܢ ܒܗܠܝܢ. ܘܗܫܐ ܡܪܝ ܡܠܟܐܼ. ܡܛܠ ܕܐܫܟܚ ܥܒܕܟ ܪ̈ܚܡܐ ܒܥܝ̈ܢܝ ܡܠܟܘܬܟܘܢ: ܘܐܬܦܩܕܢ
                    ܚܢܢ ܡܢ ܫܘܠܛܢܟܘܢ:  87 ܠܡܬܠ ܡܠܟܼܐ ܥܠ ܟܠ ܨܒܘ ܕܡܬܪܥܝܐ ܡܠܟܘܬܟܘܼܢ: ܦܝܣܐ ܒܝܕ
                    ܒܥܘܬܢ ܡܩܪܒܝܢܢ ܠܡܪܚܡܢܘܬܟ. ܕܐܝܟ ܡ̈ܠܟܐ ܬܩ̈ܢܐ ܕܒܛܝܠ ܠܗܘܢ ܥܠ ܩܘܝܡܐ ܕܡܠܟܘܬܗܘܢܼ. ܐܓܪܘ
                    ܪܘܚܐ ܥܠ ܐܘܚܕܢܟܘܢܼ. ܘܣܒܘܠܘ ܥܝܛܐ ܕܡܕܝܢܟܘܢܼ. ܥܕ ܬܩܦܐ ܘܡܬܥܫܢܐ ܡܠܟܘܬܟܘܢܿ ܘܡܐ ܕܐܢܝܚܘ
                    ܠܟܘܢ ܐ̈ܠܗܐ ܡܢ ܟܠܗܘܢ ܚܕܪ̈ܝܟܘܢܼ. ܘܐܣܬܦܩܬܘܢ ܡܢ ܩܪ̈ܒܝܟܘܢ. ܐܢ ܠܡ ܐܝܬ ܒܡܕܝܢܬܐ ܥܣܪ̈ܐ ܐܘ
                    ܥܣܪ̈ܝܢ ܕܫܘܝܢ ܠܡܪܕܘܬܐܼ. ܡܫܬܠܡܝܢ ܠܕܝ̈ܢܘܗܝ ܕܐܬܪܐ ܘܡܬܕܝܢܝܢ ܢܡܘܣܐܝܬܼ. ܐܝܟ ܕܦܩܕܝܢ
                    ܛܟܣܝܗܿ ܕܘܠܝܬܐ. ܘܒܝܕ ܫܐܘ̈ܠܐ ܘܫܢ̈ܕܐ ܡܫܬܘܕܝܢ ܣܘܪ̈ܚܢܝܗܘܢܼ. ܘܡܘܕܝܢ ܣܟ̈ܠܘܬܗܘܢ ܩܕܡ
                    ܟܢ̈ܫܐ ܚܒ̈ܝܟܐ ܕܡܕܝܢܬܗܘܢܿ ܘܡܩܒܠܝܢ ܡܣܡ ܒܪܝܫܐ ܕܣܘܪ̈ܚܢܗܝܘܢ. ܘܡܬܩܠܣܐ ܟܐܢܘܬܟܘܢܼ. ܕܠܘ
                    ܐܝܩܐ ܘܣܪܝܩܐܝܬ ܠܚܝܡܐ ܗܘܬ ܠܗܘܢ ܡܠܟܘܬܗܘܟܼ. ܒܣܡ ܠܗ ܕܝܢ ܠܛܪܘܢܐ ܡ̈ܠܘܗܝ ܕܝܘܒܢܝܢܘܣܼ.
                    ܘܐܬܩܒܠ ܥܠܘܗܝܼ ܪܘܪܒܐܝܬ .. ܥܠ ܛܘܒܢܐ ܕܝܢ ܡܟܣܝܡܐ ܐܬܪܥܝ ܥܠܘܗܝ ܫܢܝܐ. ܕܐܢ ܠܡ ܥܗܿܕ ܢܦܫܗ
                    ܘܗܿܦܟ ܡܢ ܛܥܝܘܬܗ: ܘܟܦܪ ܒܕܚܠܬܐ ܕܢܨܪ̈ܝܐ ܘܫܿܠܡܐ ܠܚܢܦܘܬܗ ܘܣܿܓܕ ܠܦܬܟܪ̈ܐ. ܢܗܘܐ ܠܗ
                    ܫܘܒܩܢܐ ܘܢܫܬܟܢ ܣܟܠܘܬܗ. ܘܐܢ ܕܝܢ ܒܗ ܒܪܥܝܢܐ ܕܛܥܝܘܬܗ: ܘܟܦܪ ܒܕܚܠܬܐ ܕܢܨܪ̈ܝܐ ܘܫܿܠܡ
                    ܠܚܢܦܘܬܗ ܘܣܿܓܕ ܠܦܬܟܪ̈ܐ. ܢܗܘܐ ܠܗ ܫܘܒܩܢܐ ܘܢܫܬܟܢ ܣܟܠܘܬܗ. ܘܐܢ ܕܝܢ ܒܗ ܒܪܥܝܢܐ ܕܛܥܝܘܬܗ
                    ܡܩܘܐܼ. ܗܕܐ ܗܕܡ ܢܬܦܣܩ. ܘܢܟܣ̈ܘܗܝ ܠܒܙܬܐ ܢܬܝܗܒܘܢܿ ܐܝܟ ܦܪܣܛܓܡܐ ܕܥܒܕܬ ܡܠܟܘܬܢܿ ܘܟܕ ܝܠܼܦ
                    ܝܘܒܢܝܢܘܣ ܕܐܝܠܝܢ ܐܬܪܥܝ ܫܢܝܐ ܥܠ ܐܬܠܛܗ ܕܡܫܝܚܐܼ. ܗܘܐܼ ܒܥܩܬܐ ܣܓܝܐܬܐ. ܘܢܦܼܩ ܡܢ ܩܕܡܘܗܝ
                    ܕܛܪܘܢܐܼ. ܟܕ ܟܪܝܐ ܠܗ ܘܚܫܝܫ ܥܠ ܦܬܓ̈ܡܐ ܗܠܝܢ. ܘܫܕܪ ܒܐܪܙ ܟܣܝܐܝܬܼ ܘܐܘܕܥܗ ܠܛܘܒܢܐ ܡܟܣܝܡܐ
                    ܒܟܠܗܝܢ ܗܠܝܢ .. ܓܒܝܗ ܕܝܢ ܕܐܠܗܐܼ. ܠܐ ܐܬܩܛܥܬ ܠܗ ܐܘ ܐܬܟܪܝܬܝ ܪܘܚܗ ܒܐܝܠܝܢ ܕܐܝܠܦ ܐܠܐ
                    ܕܐܨ ܗܘܼܐ ܘܪܘܙ ܪܥܿܝܢܗ. ܘܒܚܕܘܬܐ ܕܠܒܗ ܐܡܿܪ ܗܘܼܐ. ܛܘܒܝ ܠܡ ܝܘܡܐ ܕܗܠܝܢ ܥܠܝ ܢܣܡܟܢ.
                    ܕܝܘܡܐ ܗܼܘ ܠܝ ܪܒܐ ܡܢ ܟܠ ܝܘ̈ܡܝܢ. ܕܝܬܝܪ ܡܢ ܕܣܘܐ ܚܬܢܐ ܕܢܡܢܥ ܘܢܡܛܐ ܚܠܘܠܗ ܘܕܡܟܝܪܘܬܗܼ
                    ܗܟܢܐ ܡܣܘܚܝ ܪܥܝܢܝ ܠܐܓܘܢܗܿ ܕܡܘܕܝܢܘܬܝ. ܘܛܘܒܝ ܫܥܬܐ ܕܡܫܬܘܐ ܐܢܐ ܕܐܬܠ ܒܡܣܝܒܪܢܘܬܝ  88 ܒܘܩܝܗܿ ܕܗܝܡܢܘܬܝ .. ܘܟܕ ܗܦܼܟ ܫܠܝܚܗ ܕܝܘܒܢܝܢܘܣ ܘܚܘܝܗ ܗܠܝܢ ܬܡܗ ܗܘܼܐ
                    ܘܡܬܕܡܪ ܥܠ ܪܥܝܢܗ ܚܠܝܡܐ ܕܗܢܐ ܒܪܢܫܐ ܕܐܠܗܐ܇ ܓܒܪܐ ܕܐܬܪܒܝ ܒܢܝ̈ܚܐ ܘܒܦܘܢ̈ܩܐ. ܘܗܼܘ ܒܨܒܝܢܗ
                    ܕܠܐ ܩܛܝܪܐ ܩܪܐ ܥܠܘܗܝ ܐܝܓܘܢܐ ܕܡܘܕܝܢܘܬܐ. ܘܝܗܿܒ ܗܘܼܐ ܠܗ ܛܘܒܐ ܘܡܩܠܣ ܗܘܼܐ ܠܗܝܡܢܘܬܗ ..
                    ܘܗܼܦܟ ܬܘܒ ܕܬܪ̈ܬܝܢ ܙܒ̈ܢܝܢ ܫܠܚܼ ܠܗܼ ܘܙܗܪܗ ܡܛܠ ܠܡ ܕܝܕܝܥܿ ܐܢܐ ܐܚܝ ܕܓܒܪܐ ܐܢܬ ܕܒܢܝ̈ܚܐ
                    ܘܒ̈ܦܘܢܩܐ ܐܬܪܒܝܬ: ܘܠܐ ܡܬܘܡ ܥܕܘ ܥܠܝܟ ܢܣ̈ܝܘܢܐ ܩܫ̈ܝܐ: ܘܠܐ ܒܩܐ ܠܟ ܐܓܘܢܗܿ ܚܫܝܫܐ
                    ܕܡܘܕܝܢܘܬܐܼ. ܘܗܫܐ ܐܚܝ ܒܨܝ ܢܦܫܟ ܘܐܬܒܝܢ ܒܗ ܒܣܘܥܪܢܐ܇ ܐܢ ܡܨܝܬ ܒܚܝܠܐ ܠܡܣܒܠ ܚܫ̈ܐ
                    ܕܡܘܕܝܢܘܬܐ. ܘܐܠܐ ܥܕ ܐܝܬ ܠܟ ܐܚܝ ܐܬܪܐ ܩܠܝܠܼ. ܦܪܢܣ ܨܒ̈ܘܬܟ ܫܦܝܪ ܐܝܟ ܕܡܨܝܬ. ܥܕ ܠܐ
                    ܢܨܦܚܟ ܐܓܘܢܐ. ܘܐܥܕܐ ܢܦܫܟ ܘܟܘܠ ܕܩܢܝܬ: ܥܕܠܐ ܢܒܠܗܝܟ ܦܘܩܕܢܗ ܕܥܘܿܠܐ. ܐܢܢܩܐ ܓܝܪ ܕܚܕܐ ܡܢ
                    ܬܪ̈ܬܝܢ ܬܒܥܐ ܠܢ. ܕܐܘ ܢܩܝܡ ܪܓܠܐ ܓܢܒܪܐܝܬ ܘܢܬܟܬܫ ܥܡ ܚܫ̈ܘܗܝ ܕܦܓܪܐ: ܘܢܥܕܐ ܟܠܝܠܐ ܡܢ
                    ܙܒܢܐܼ. ܐܘ ܢܐܚܘܕ ܗܝܡܢܘܬܢ ܒܢܦܫܢ܇ ܘܢܚܠܦ ܐܬܪܐ ܡܠܐ ܙܒܢܐ܇ ܘܢܣܬܪ ܢܦܫܢ ܡܢ ܚܐܦܗ ܕܪܕܘܦܝܢ.
                    ܠܘ ܓܝܪ ܣܓܝ ܡܿܬܚ ܙܒܢܗܿ. ܐܝܟܢܐ ܕܡܪܝܐ ܓܠܐ ܠܐܝܠܝܢ ܕܨܒܼܐ. ܝܕܥܿ ܐܢܬ ܓܝܪ ܐܚܝܼ. ܕܠܘ ܕܟܠ
                    ܐܢܫ ܗܼܝ ܠܡܣܒܠ ܚ̈ܫܐ ܕܡܘܕܝܢܘܬܐ. ܡܘܗܒܬܐ ܗܼܝ ܓܝܪ ܬܡܝܗܿܬܐܼ. ܘܕܠܝ̈ܠܐ ܐܢܘܢ ܐܝܠܝܢ ܕܫܘܝܢ
                    ܠܗܿ. ܘܗܠܝܢ ܐܚܝ ܕܩܕܡܬ ܐܘܕܥܬܟܼ. ܡܣܬ ܕܢܗܘܐ ܠܟ ܐܬܪܐ ܕܬܬܚܟܡ ܠܣܘܥܪܢܟ. ܛܪܘܢܐ ܓܝܪ ܠܝܛܐܼ
                    ܠܝܬ ܠܗ ܫܠܝܐ ܡܢܟ. ܐܘ ܐܟܦܪܟ ܒܗܝܡܢܘܬܐ ܘܫܠܡܬ ܠܢܦܫܘܬܗܼ. ܐܘ ܝܗܒܟ ܠܩܛܠܐ ܘܢܟܣ̈ܝܟ ܠܒܙܬܐ.
                    ܘܗܫܐ ܐܚܝ ܐܢ ܣܡܬ ܬܪ̈ܬܝܗܝܢ ܩܕܡ ܥ̈ܝܢܝܟܼ. ܕܝܠܟ ܗܼܝ ܡܢ ܗܫܐ ܕܬܬܚܟܡ ܠܗ ܠܣܘܥܪܢܐ .. ܛܘܒܢܐ
                    ܕܝܢ ܡܟܣܝܡܐ ܟܕ ܝܠܦܼ: ܕܐܝܢܐ ܥܡܠܐ ܪܡܐ ܠܗ ܠܫܪܝܪܐ ܡܛܠܬܗܼ. ܫܕܪ ܡܠܐ ܒܠܒܗܼ ܘܒܝܐܗ. ܕܠܐ ܠܡ
                    ܬܣܒ ܨܦܬܐ ܐܚܝ̈ ܥܠ ܗܕܐ. ܕܠܘ ܠܡ ܡܢ ܝܘܡܢ ܠܝ ܕܚܐܪ ܐܢܐ ܠܗܿ ܠܗܕܐ ܬܓܘܪܬܐ ܕܦܓܥܬ ܒܝ. ܕܓܙ
                    ܥ̈ܝܢܝ ܡܢ ܕܚܐܪ ܐܢܐ ܠܗܿ ܥܕ ܝܘܡܢ. ܘܗܫܐ ܠܡ ܕܓܢܒ ܙܒܢܐ ܘܐܘܫܛ ܢܬܠܝܗܿ ܠܝ܆ ܐܫܬܐܠ 89 ܠܝ ܡܢܗܿ ܐܝܟ ܫܦܠܐ: ܘܐܗܘܐ ܚܣܕܐ ܠܟܫܝܪ̈ܐ ܕܐܬܬܓܪܘ ܒܗܿ ܚܣ ܠܗ ܠܡ ܠܐܚܘܟ
                    ܕܢܗܘܐ ܒܐ̈ܦܐ ܟܡܝܪ̈ܬܐ܇ ܒܫܥܬܐ ܕܡܬܝܗܒܝܢ ܟ̈ܠܝܠܐ ܠܐ̈ܬܠܝܛܐ. ܠܐ ܐܫܡܥ ܗܿܘ ܥܕܢ ܩܠܐ ܡܚܣܕܢܐ
                    ܕܐܡܿܪ ܠܝ܆ ܐܘ ܫܦܠܐ ܘܚܒܢܢܐ܇ ܐܝܟܘ ܝܘܬܪܢܗ ܕܟܝܣܐ ܕܝܗܒܬ ܠܟ. ܠܐ ܢܙܥܩ ܒܝ ܚܬܢܐ ܩܕܡ
                    ܚ̈ܕܘܓܘܗܝ ܡܐ ܕܢܩܫܬ ܒܓܢܘܢܗܿ. ܘܢܫܪܝܢܝ ܣܦܝܩܐܝܬ ܡܢ ܬܪܥܗ. ܠܐ ܢܗܠܘܢ ܒܝ ܚܕܘ̈ܓܘܗܝ ܒܗܿܝ
                    ܫܥܬܐ ܕܡܦܪܓܝܢ ܘܕܝܨܝܢ ܒܟ̈ܠܝܠܝܗܘܿܢܿ ܘܢܚܣܕܘܢܢܝ ܘܢܐܡܪܘܢ ܠܝ܇ ܕܐܝܟܘ ܟܠܝܠܟ ܚܕܘܓܐ ܫܦܠܐ
                    ܡܘܒܕ ܟܠܝܠܗ ܒܪܦܝܘܬܗ. ܠܐ ܢܟܦܘܪ ܒܝ ܒܪܐ ܩܕܡ ܐܒܘܗܝ܇ ܒܕܠܐ ܐܘܕܝܬ ܒܗ ܩܕܡ ܟܦܘܪ̈ܐ ܕܓܠܙܘ
                    ܘܛܠܡܘ ܬܘܕܝܬܗ. ܚܣ ܠܗ ܐܚܝ ܠܐܚܘܟ ܕܢܫܡܥ ܗܠܝܢ ܒ̈ܢܬ ܩ̈ܠܐ ܕܦܣܩ ܣܒܪܐ܇ ܒܗܿܝ ܫܥܬܐ ܕܚܝܠܬܐ
                    ܕܠܝܬ ܒܗܿ ܪ̈ܚܡܐ ܥܠ ܡܣ̈ܟܠܢܐ. ܐܠܐ ܒܐ̈ܦܐ ܓ̈ܠܝܬܐ ܟܕ ܫܩܝܠ ܐܢܐ ܙܟܘܬܝ ܥܠ ܗܕ̈ܡܝ: ܘܣܝܡ ܐܢܐ
                    ܒܪܝܫܝ ܟܝܠܝܐ ܕܡܘܕܝܢܘܬܝܼ. ܐܥܘܠ ܥܡ ܚܬܢܐ ܠܓܢܘܢܗܿ. ܟܕ ܠܒܝܫ ܐܢܐ ܢܚܬܐ ܕܡܫܬܘܬܐ. ܘܐܚܕܐ
                    ܘܐܬܒܣܡ ܒܗܿܝ ܡܫܬܘܬܐ ܪܘܚܢܝܬܐ. ܕܚܕܘܬܗܿ ܠܐ ܦܛܪ̈ܢܿ ܘܙܡܝ̈ܢܝܗܿ ܠܐ ܡܫܬܪܝܢ. ܘܐܢܬ ܐܚܝ
                    ܕܒܡܫܝܚܐ: ܐܢ ܗܼܘ ܕܫܦܥ ܚܘܒܟ ܨܐܕܝ܆ ܗܕܐ ܨܠܐ ܥܠܝ ܘܒܥܝ ܡܢ ܡܪܢܿ ܕܒܥܓܠ ܢܬܦܬܚ ܠܝ ܬܪܥܐ
                    ܕܡܘܕܝܢܘܬܐ. ܘܟܕ ܩܿܒܠ ܝܘܒܢܝܢܘܣ ܟܬܝ̈ܒܬܗ ܕܛܘܒܢܐ ܡܟܣܝܡܣܼ. ܣܡ ܐܢܝܢ ܥܠ ܥ̈ܝܢܘܗܝܼ ܘܢܫܩ
                    ܐܢܝܢ. ܘܒܿܟܐ ܗܘܼܐ ܚܫܝܫܐܝܬ ܥܠ ܢܦܫܗܼ ܟܕ ܐܡܿܪ. ܘܝ ܠܝ ܠܡ ܕܦܪܚܬ ܘܓܡܪܬ ܝܘܡ̈ܝܼ ܘܠܐ
                    ܐܬܬܓܪܬ ܒܗܘܢ ܝܘܬܪܢܐ ܠܩܢܘܡܝ. ܘܝ ܠܝ ܕܒܐ̈ܦܐ ܟܡܝܪ̈ܬܐ ܝܗܿܒ ܐܢܐ ܚܘܫܒܢܐ ܕܟܟܪܐ ܕܐܓܥܜܠ ܠܝ.
                    ܘܝ ܠܡ ܕܠܝܬ ܓܠܝܘܬ ܐ̈ܦܐ ܒܗܝܡܢܘܬܝ. ܕܠܐܢܬܬܐ ܡܓܢܒܬܐ ܕܠܝܬ ܠܗܿ ܐ̈ܦܐ ܕܡܝܬܗܿ. ܘܡܓܢܒܐܝܬ
                    ܐܚܝܕ ܐܢܐ ܠܗܿ ܒܪܥܝܢܝ ܟܣܝܐܝܬ. ܘܡܢܐ ܐܥܒܕ ܡܐ ܕܕܝܿܢܐ ܠܝ ܗܝܡܢܘܬܝ ܕܟܡܬ ܥܠܝܗܿ ܒܓܘ ܪܥܝܢܝ.
                    ܘܠܐ ܦܪܢܣܬ ܒܗ ܠܣܓ̈ܝܐܐ. ܘܒܙܒܢܐ ܕܐܬܬܓܪܘ ܒܗ ܟܫܝܪ̈ܐ ܘܥܬܪܘ ܒܗܿ܆ ܗܘܝܬ ܫܦܠܐ ܒܚܐܪܘܬܝ.
                    ܘܫܪܟܬ ܨܐܕܝ ܡܣܟܢܘܬܐ. ܘܕܚܠ ܐܢܐ ܕܕܠܡܐ ܟܕ ܐܗܘܐ ܥܠܬ ܥܘܕܪ̈ܢܐ ܠܒܢ̈ܝ ܗܝܡܢܘܬܝܿ. ܐܗܘܐ
                    ܠܩܢܘܡܝ ܥܠܬ ܣܘܓ̈ܦܢܐ܇ ܘܐܦܠ ܡܢ ܕܪܓܐ  90 ܪܡܐ ܕܡܘܕܝܢܘܬܐ܇ ܘܝܡܢ ܕܡܿܙܕܩ ܙܒܢܐ
                    ܟܠܝܠܐ ܠܫܪܝܪ̈ܐ. ܘܗܫܐ ܒܥܘ ܡܢܟ ܡܠܬܗ ܕܐܒܐܼ. ܒܪܡ ܕܝܢ ܕܠܐ ܚ̈ܫܐ ܕܐܬܼܐ ܠܚܫܝܗܿ ܕܙܩܝܦܘܬܐ
                    ܕܢܩܘܠ ܚܫ̈ܝܼܢ. ܐܢ ܢܝܚ ܠܨܒܝܢܐ ܕܐܠܗܝܘܬܟܼ. ܐܫܘܢܝ ܕܐܛܥܡ ܚܫ̈ܝܗܿ ܕܙܩܝܦܘܬܟܿ ܒܝܕ ܚܫ̈ܝܗܿ
                    ܘܫܢ̈ܕܝܗܿ ܕܡܘܕܝܢܘܬܝ. ܠܐ ܓܝܪ ܡܕܡ ܚܫܝܫ ܐܢܐ ܒܢܦܫܝ ܕܚܣܝܪ ܐܢܐ ܒܗܝܡܢܘܬܝ܇ ܐܦ ܠܐܠܗܘܬܟ
                    ܓܠܝܢ ܟܣܝ̈ܬܝ. ܕܠܘ ܡܢ ܚܫ̈ܝܗܿ ܕܡܘܕܝܢܘܬܐ ܟܘܙܬ ܕܐܕܢܚ ܒܓܠܝܐ ܫܪܪܗܿ ܕܗܝܡܢܘܬܝ. ܐܠܐ ܛܢܢܐ
                    ܕܥܕܬܐ ܙܩܝܬܢܝ ܕܐܕܢܚ ܒܓܠܝܐ ܫܪܪܗܿ ܕܗܝܡܢܘܬܝ. ܐܠܐ ܛܢܢܐ ܕܥܕܬܐ ܙܩܝܬܢܝ ܕܐܣܒ ܥܠܝ ܐܣܟܡܐ
                    ܕܚܢ̈ܦܐ. ܕܒܝܕ ܡ̈ܠܟܝܗܿ ܕܒܨܝܪܘܬܝ. ܢܗܘܐ ܢܦܐܫܐ ܩܠܝܠ ܠܥܡܟ ܡܫܝܚܐ܇ ܕܫܩܝܠ ܦܓܪܟ ܘܣܿܓܕ
                    ܠܨܠܝܒܟܿ. ܘܕܢܫܬܪܐ ܓܙܪ ܕܝܢܼܐ ܕܥܩܘܪܝܐ ܡܢ ܥ̈ܕܬܟ. ܘܗܫܐ ܡܪܝ ܠܐ ܨܒܝܢܝ ܢܫܠܼܡ. ܐܠܐ
                    ܨ̈ܒܝܢܝܗܿ ܕܐܠܗܘܬܟ ܢܬܩܡܝܡܘܢܿ ܘܟܕ ܒܗܠܝܢ ܚܘ̈ܫܒܐ ܪܡܐ ܗܘܼܐ ܫܪܝܪܐܼ. ܣܡܟܬ ܥܠܘܗܝ ܫܢܬܐ
                    ܝܩܝܪܬܐ ܕܠܐ ܒܥܝܕܗܿ ܘܐܝܟ ܕܒܦܠܐܬܐ ܐܬܚܙܝܬ ܠܗ ܗܝܡܢܘܬܐ ܕܐܚܝܕ ܗܘܐ ܒܢܦܫܗܼ. ܒܐܣܟܡܐ ܕܐܢܬܬܐ
                    ܡܢܟܦܬܐ. ܘܟܢܝܟܐ ܗܘܬ ܘܫܦܝܐ ܚܙܬܗܿ. ܘܐܚܝܕܐ ܗܘܬ ܒܐܝܕܗܿ ܟ̈ܠܝܠܐ ܬܪ̈ܝܢ. ܘܬܡܝܗܝܢ ܗܘܘ ܛܒ
                    ܒܚܙܬܗܘܢܿ ܘܫܒܝܚܝܢ ܒܫܘܦܪ̈ܝܗܘܢܿ ܘܕܠܩܝܢ ܒܓܘܢܝ̈ܗܘܢܿ ܐܝܟܢܐ ܕܠܡܚܣܢ ܡܨܝܐ ܗܘܬ ܠܩܘܒܠܗ
                    ܘܓܚܟܐ ܘܐܡܪܐ ܠܗ. ܕܐܢ ܡܣܬܟܠ ܐܢܬ ܡܢܐ ܡܬܚܙܐ ܠܟ ܒܗܠܝܢ. ܗܼܘ ܕܝܢ ܥܢܼܐ ܘܐܡܼܪ ܠܗܿ. ܡܣܬܒܪܐ
                    ܠܝ ܡܪܬܝܼ. ܕܢܨ̈ܚܢܐ ܐܢܘܢܼ ܘܙܟܘܬܐ ܕܫܪܝܪ̈ܐ. ܐܡܪܐ ܠܗ ܫܦܝܪ ܚܿܙܐ ܐܢܬ. ܥܕ ܩܠܝܠܼ ܘܕܝܠܟ ܚܕ
                    ܡܢܗܘܢܿ ܒܪܡ ܕܝܼܢ ܠܡܢܐ ܥܝܝܩܐ ܠܟ ܘܣܠܩܢ ܡܚܫ̈ܒܬܐ ܥܠ ܠܒܟܿ. ܒܕܠܐ ܐܬܩܪܝܬ ܠܐܓܘܢܐ ܓܠܝܐ
                    ܕܡܘܕܝܢܘܬܐ. ܕܐܠܘ ܠܐܚܪܬܐ ܠܐ ܣܡܟ ܡܫܝܚܐܼ. ܐܟܒܪ ܕܝܢ ܩܕܡ ܐܝܓܘܢܟ ܠܕܚܒܪ̈ܝܟ. ܚܟܡ ܐܢܐ ܓܝܪ
                    ܫܪܪܗ ܕܪܥܝܢܟܼ ܕܬܚܝܬ ܟܢ̈ܦܝ ܐܬܪܒܝܬ. ܘܡܢ ܟܪܣ ܐܡܟܼ ܠܝ ܐܓܥܠܘܢܟ ܐܒܗ̈ܝܟ. ܘܕܠܡܐ ܗܟܝܠ
                    ܬܬܩܛܥ ܠܟ ܐܘ ܬܬܟܪܐ ܪܘܚܟ ܒܗܕܐ܇ ܠܐ ܛܥܡܬ ܚ̈ܫܝܗܿ ܕܡܘܕܝܢܘܬܐ ܓܠܝܬܐ. ܡܘܕܝܢܘܬܟ ܓܝܪ ܕܝܠܟ.
                    ܥܠ ܒܪܢܫܐ ܟܣܝܐ ܫܩܝܠ ܐܢܬ ܠܼܗܿ ܟܣܝܐܝܬ. ܘܣܦܩܝܢ ܕܢܡܠܘܢ ܕܘܟܬ 91 ܫܢ̈ܕܐ ܘܐܘ̈ܠܨܢܐ
                    ܚܫ̈ܝܟ ܐܡ̈ܝܢܐ܇ ܘܬܢܚ̈ܬܐ ܬܟܝ̈ܒܬܐ ܕܥܠ ܥܕ̈ܬܗ ܕܡܫܝܚܐ. ܘܣܘܥܪ̈ܢܝܟ ܫܦܝܪ̈ܐ ܘܕܘܒܪ̈ܝܟ
                    ܓܡܝܪ̈ܐ. ܘܡ̈ܠܟܝܟ ܛ̈ܒܐ. ܘܒܗܠܝܢ ܟܘܠܗܘܢ ܫܘܦܪ̈ܐ ܪ̈ܘܚܢܐ ܕܡܨܒܬ ܐܓܘܢܟ ܟܣܝܐ. ܥܕܟܝܠ ܟܪܝܐ
                    ܠܟ ܚܒܝܒܝܼ. ܐܠܐ ܫܕܝ ܡܢܟ ܟܪܝܘܬܐܼ. ܘܕܠܡܐ ܬܣܬܪܗܒ ܠܐܓܘܢܐ ܕܡܠܐ ܝܘܡܐ. ܡܬܒܥܝܬ ܓܝܪ ܥܕܟܝܠ
                    ܠܥܡܗ ܕܐܠܗܐ .... ܘܟܕ ܬܗܝܪ ܒܗ ܝܘܒܢܝܢܘܣ ܒܚܙܘܐܼ. ܨܿܒܐ ܗܘܼܐ ܠܡܐܠܦ ܕܡܢ ܗܼܝ ܗܿܝ ܕܐܬܚܙܝܬ
                    ܠܗ. ܗܼܝ ܕܝܢ ܟܕ ܓܚܟܐ ܥܢܬ ܘܐܡܪܐ ܠܗ. ܒܗܢܐ ܟܠܗ ܙܒܢܐ ܕܗܘܝܬ ܥܡܟ: ܕܬܐܠܦ ܥܕܟܝܠ ܨܿܒܐ ܐܢܬܼ
                    ܕܡܿܢ ܐܢܐ. ܘܡܢ ܗܫܐ ܠܡ ܕܐܝܟ ܕܠܫܒܪܐ ܣܢܝܩ ܐܢܬ ܕܐܚܟܡܟܼ. ܐܢܐ ܐܢܐ ܠܡ ܗܝܡܢܘܐ ܕܫܪܪܐ܇
                    ܕܫܩܝܠ ܐܢܬ ܥܠ ܒܪ ܐܢܫܟ ܓܘܝܐ. ܚܡܣܢ ܒܝܼ ܘܠܐ ܬܬܪܦܐ. ܕܥܕ [ܩܠܝܠ] ܘܐܬܓܠܝ ܢܨܚܢܗ ܕܐܓܘܢܟ.
                    ܘܟܕ ܐܬܬܥܝܪ ܝܘܒܢܝܢܝܘܣ ܡܢ ܫܢܬܗ ܘܬܒܝܢ ܒܗ ܒܚܙܘܐܼ. ܐܥܒܪ ܚܫܗ ܘܐܦܝܓ ܟܪܝܘܬܗ. ܘܐܦܢܝ ܘܣܥܪ
                    ܥܒܝ̈ܕܬܗ ܕܡܿܠܟܐ ܐܝܠܝܢ ܕܣܡܝܢ ܒܬܪܗ. ܘܒܗܘܢ ܒܝܘ̈ܡܬܐܼ. ܥܡܠܐܼ ܠܐ ܬܘܒ ܢܦܼܠ ܠܫܪܝܪܐ. ܡܛܠ
                    ܥܕ̈ܬܗ ܕܐܠܗܐ ܘܡܛܠ ܥܡܐ ܟܪ̈ܣܛܝܢܐ .... ܓܒܪܐ ܓܝܪ ܚܕ ܚܪܫܐ ܕܫܡܗ ܗܘܼܐ ܓܠܐܣܐܼ. ܠܗܢܐ ܙܢܘ
                    ܘܐܝܬܘܗܝ ܫܐ̈ܕܐ ܡܢ ܐܓܘܒܛܘܣܼ. ܕܢܥܝܪ ܚܪܒܐ ܘܪܕܘܦܝܐ ܥܠ ܥܡܐ ܕܟܪ̈ܣܛܝܢܐ܇ ܘܥܩܘܪܝܐ ܥܠ ܥ̈ܕܬܗ
                    ܕܐܠܗܐ. ܐܡܿܪ ܗܘܐ ܓܝܪ ܠܛܪܘܢܐܼ. ܕܐ̈ܠܢܐ ܠܡ ܫܠܚܘ ܠܟ ܒܐܝ̈ܕܝܼ. ܕܥܕܡܐ ܠܐܡܬܝ ܫܠܝܐ ܚܪܒܟ ܡܢ
                    ܥܡܐ ܕܢܨܪ̈ܝܐ. ܘܫܒܝܚܝܢ ܢܘ̈ܣܐ ܕܒܝܬ ܟܢܘ̈ܫܬܗܘܢ ܝܬܝܪ ܡܢ ܢܘ̈ܣܐ ܕܐܠܗ̈ܝܟ. ܕܟܡܐ ܙܒܢܐ ܕܫܠܝܐ
                    ܚܪܒܟ ܡܢܗܘܢܼ. ܠܝܬ ܠܟ ܠܡܬܩܦ ܒܩܪ̈ܒܝܟ. ܘܟܡܐ ܕܟܗܝܢܢ ܥܕـܗܘܢܼ. ܠܝܬ ܠܟ ܕܬܨܠܚ ܒܡܠܟܘܬܟ.
                    ܗܢܐ ܓܝܪ ܨܒܝܢܐ ܗܘܼܐ ܠܐ̈ܠܗܐܼ. ܘܗܢܘܢ ܣܗܕܝܢ ܕܠܐ ܥܫܩܬ ܐܢܘܢܿ ܘܐܢ ܟܕܒܬ ܒܟ ܢܕܘܢܘܢܢܝ
                    ܐ̈ܠܗܐܼ. ܘܠܐ ܢܚܙܝܢ ܥ̈ܝܢܝ ܒܬܒܥܬܐ ܕܗܘܝܐ ܒܗܘܢ ܒܓ̈ܠܝܠܝܐ .... ܘܟܕ ܝܠܼܦ ܝܘܒܢܝܢܘܣ
                    ܒܗܠܝܼܢ. ܣܡ ܒܬܪܗ ܕܓܠܐܣܐ ܠܡܩܛܠܗ. ܘܗܩܪܐ ܠܐܠܗܐ ܕܢܥܕܪܝܘܗܝ. ܘܢܛܪ ܠܗ ܥܕܢܐ ܚܕ ܡܢ ܝܘܡ̈ܝܢ
                    ܟܕ ܐܝܬܘܗܝ ܠܚܘܕܘܗܝܿ. ܒܥܕܢܐ ܕܠܠܝܐ ܟܕ ܐܝܬܘܗܝ ܥܠ ܥܪܣܐ ܕܡܫܟܒܗ. ܘܨܠܡܐ ܚܕ ܪܒܐ ܩܒܝܥ  92 ܗܘܼܐ ܠܗ ܒܡܫܟܢܗܼ. ܘܣܓܕ ܗܘܼܐ ܠܗ ܟܠܫܥ. ܘܡܢܿܩܐ ܠܗ. ܘܟܕ ܚܪ ܝܘܒܢܝܢܘܣ ܠܟܐ
                    ܘܠܟܐ ܘܚܼܙܐ ܕܠܝܬ ܐܢܫܼ. ܐܬܚܝܠܼ ܘܥܠ ܥܠܘܗܝ ܠܓܘ ܡܫܟܢܗ. ܘܐܪܡܝ ܒܗ ܚܒܠܐ ܘܚܢܩܗ ܥܠ ܫܢܬܗܼ.
                    ܘܬܠܝܗܝ ܒܐܢܕܪܚܛܗ ܕܐܦܠܘܢ ܕܩܒܝܥ ܗܘܼܐ ܒܡܫܢܗ. ܘܢܦܩܼ ܘܐܚܕ ܒܐܢܕܪܚܛܗ ܕܐܦܠܘܢ ܕܩܒܝܥ ܗܘܼܐ
                    ܒܡܫܢܗ. ܘܢܦܩܼ ܘܐܚܕ ܒܐ̈ܦܘܗܝ ܀ ܘܟܕ ܗܘܼܐ ܥܕܢܗ ܕܨܦܪܐܼ. ܥܠ ܝܘܒܢܝܢܘܣ ܠܫܠܡܗ ܘܠܣܓܕܬܗ
                    ܕܛܪܘܢܐ. ܐܝܟ ܕܒܟܠ ܝܘܡ̈ܝܢ. ܘܐܥܠ ܝܘܠܝܢܘܣ ܫܪܒܗ ܕܓܠܐܣܐ ܩܕܡܘܗܝ ܕܡܗܝܡܢܐ ܘܫܪܝܪܐ. ܘܐܡܿܪ
                    ܠܗ ܝܘܒܢܝܢܘܣ. ܟܠ ܐܝܟ ܕܐܝܬ ܨܒܢܐ ܠܐ̈ܠܗܐ ܘܢܝܚܐ ܠܡܠܟܘܬܟܘܢܼ. ܫܿܠܡ ܥܒܕܟ ܟܕ ܣܿܓܕ ܘܡܘܕܐ.
                    ܘܫܕܪ ܛܪܘܢܐ ܕܢܝܬܝܘܗܝ ܡܢ ܡܫܟܢܗ. ܘܥܠ ܐܝܙܓܕܐ ܕܐܫܬܕܪ ܒܬܪܗ ܠܓܘ ܡܫܢܗܼ. ܘܗܐ ܓܠܐܣܐ ܚܢܝܦ
                    ܘܬܠܐ ܒܐܢܕܪܝܛܘܣ ܕܐܦܠܘܢܿ ܘܗܦܟ ܒܣܘܪܗܒܐ ܠܘܬ ܡܪܗ ܘܚܘܝܗ ܐܝܠܝܢ ܕܐܣܬܥܪ .... ܘܬܘܗ
                    ܝܘܠܝܢܘܣ. ܘܝܗܒܼ ܩܠܐܼ ܘܐܡܼܪ. ܟܐܝܢ ܗܼܘ ܕܝܢܟܘܢ ܐ̈ܠܗܐ. ܕܐܝܟ ܕܫܘܿܐ ܐܬܦܪܥ ܡܢܟܘܢ ܫܪܝܪܐܝܬ
                    ܠܡ ܐ̈ܠܗܐ ܚܢܩܘܗܝ ܠܗܢܐܼ. ܥܠ ܕܐܡܪܚ ܘܟܿܕܒ ܥܠܗܝܘܢ ܘܥܫܼܩ ܐܢܘܢܿ ܘܠܐ ܘܕܩ ܠܡ ܕܬܬܝܗܒ ܫܠܕܗ
                    ܠܩܒܘܪܬܐ. ܐܠܐ ܠܡ ܟ̈ܠܟܐ ܢܐܟܠܘܢܗ .... ܦܩܕ ܛܪܘܢܐ ܕܠܟ̈ܠܒܐ ܘܛܝܪܐ ܬܬܝܗܒ ܫܕܠܗ ܕܡܣܝܒܐ
                    ܘܥܒܕܘ ܠܗ ܐܝܟ ܕܦܩܕ ܘܢܦܩܼ ܛܒܼܐ ܗܢܐ ܒܟܠܗܿ ܡܫܪܝܬܐ. ܕܐ̈ܠܗܐ ܚܢܩܘܗܝ ܠܓܠܐܣܐ ܥܠ ܕܐܬܪܥܝ
                    ܠܡܚܒܠܘ ܒܝܬ ܟܢܘܫܬܗܘܢ ܕܢܨܪ̈ܝܐ ܕܐܫܬܟܢ ܠܐ̈ܠܗܐ. ܗܠܝܢ ܗ̈ܘܝ ܘܐܣܬܥܪ ܒܐܝ̈ܕܝ ܝܘܒܢܝܢܣ ܒܪܗ
                    ܕܐܘܪܢܝܢܘܣܿ. ܦܐܪܐ ܒܪܝܟܐ ܕܡܢ ܐܝܠܢܐ ܛܿܒܐ܇ ܕܬܪ̈ܝܗܘܢ ܒܩܘܫܐ ܘܒܠܒܐ ܫܠܡܐ ܦܠܚܘ ܥܡ ܐܠܗܐ
                    ܟܠܗܘܢ ܝܘܡ̈ܝܗܘܢܿ ܘܐܝܬ ܠܗܘܢ ܕܢܩܒܠܘܢ ܒܟܐܢܘܬܐ ܦܘܪܥܢ ܐܓܪܐ ܕܥܡ̈ܠܝܗܘܢܼ. ܡܢ ܡܪܗܿ
                    ܕܟܐܢܘܬܐ. ܕܠܗ ܬܫ̈ܒܚܢ ܘܒܘܪ̈ܟܢ ܠܥܠܡ ܥܠܡܝܢ ܐܡܝܢ.. ܢܦܘܫ ܠܢ ܗܟܝܠ ܡܢ ܣܓܝܐ̈ܬܐ ܕܣܥܼܪ
                    ܝܘܠܝܢܘܣ ܒܫܢܝܘܬܗ. ܘܒܦܣܝ̈ܩܬܐ ܢܪܫܘܡ ܥܘܗܕܢܗܘܢ ܕܐܢ̈ܫܐ ܫܪܝܪܐ܇ ܕܫܩܠܘ ܫܡܐ ܘܢܨܚܢܐ
                    ܒܙܒ̈ܢܘܗܝ ܕܡܪܘܕܐ. ܐܠܘ ܓܝܪ ܕܠܐ ܢܗܘܐ ܛܠܘܡ̈ܐ ܠܢܨ̈ܚܢܝܗܘܢ ܕܗܠܝܢ ܐܢ̈ܫܐ ܕܬܕܡܘܪܬܐܼ. ܠܐ
                    ܐܬܚܫܚܢ ܚܢܢ ܣܟ. ܒܬܥܝܬܗ ܕܛܡܐܐ ܘܡܣܝܒܐ. ܕܡܢܐ ܓܝܪ ܢܐܬܪ 93 ܗܘܝܢ ܡܢ ܗܕܐ. ܐܠܐ
                    ܡܛܠ ܢܨܚܢܝ̈ܗܘܢ ܕܓܡܝܪ̈ܐ. ܕܚܒܝܟܝܢ ܒܬܫܥܝܬܗ. ܐܬܐܢܣܢ ܕܢܗܪܘܓ ܒܫܪ̈ܒܘܗܝ. ܕܗܢܘܢ ܡܟܪܙܝܢ
                    ܒܗܬܬܗ ܘܡܒܕܩܝܢ ܟܘܐܕܗܿ. ܘܡܘܪܒܝܢ ܘܡܩܠܣܝܢ ܗܝܡܢܘܬܗܘܢ ܕܐ̈ܢܫܐ ܫܪܝܪ̈ܐ. ܢܫܒܘܩ ܗܟܝܠ
                    ܠܙܝܙܢܘܬܐ ܕܚܢܦܘܬܗܼ. ܕܠܐ ܡܘܦܐ ܗܘܼܐ ܐܢܫ ܠܣܘܓܐܐ ܕܫܢܝܘܬܗ. ܐܠܘ ܥܕܪܢ ܕܢܬܟܬܒܢ. ܓܒܪܐ
                    ܕܣܝܒܗܿ ܠܐܪܥܐ ܘܛܢܦܗܿ ܒܝܘܡ̈ܬܗ. ܒܝܕ ܡ̈ܠܼܟܐ ܣ̈ܢܝܐ ܕܟܘܡܪ̈ܘܗܝ ܘܕܟܬܝܫ̈ܘܗܝ. ܕܒܙܒܼܢ
                    ܠܩܒܪ̈ܐ ܝܚܝ̈ܕܝܐ ܥܐܠ ܗܘܐܼ. ܘܒܗܘܢ ܒܡܥܒܕܢܘܬܐ ܕܚܿܪ̈ܫܐ ܥܡ ܫܐܕ̈ܐ ܡܡܠܠ ܗܘܼܐ. ܘܒܙܒܢ ܬܘܒ
                    ܠܒܐ ܕܫܒܪ̈ܐ ܟܕ ܚܝܝܢ ܨܿܪܐ ܘܡܿܦܩ ܗܘܼܐ. ܘܒܗܘܢ ܡܢܚܿܫ ܗܘܼܐ ܘܩܿܨܡ ܘܡܿܙܟܪ. ܘܒܙܒܢ ܐܦ
                    ܠܒܛܢ̈ܬܐ ܡܦܪܬ ܗܘܼܐ ܘܡܿܦܩ ܥܘ̈ܠܝܗܝܼܢ. ܘܒܗܘܢ ܡܫܡܫܐ ܗܘܼܐ ܪ̈ܐܙܐ ܡܣ̈ܝܒܐ ܕܛܢܦܘܬܗ. ܥܡ
                    ܫܪܟܐ ܕܝܢ ܕܨܒܘ̈ܬܐ ܣܢܝ̈ܬܐ ܘܢܕܝܕ̈ܬܐ܇ ܗܠܝܢ ܕܠܐ ܐܠܨܐ ܕܢܟܬܘܒ ܐܢܝܢ ܗܫܐ ܕܠܘ ܥܠ ܗܠܝܢ
                    ܣܡܝܢܢ ܒܐܘܪܚܐ ܕܬܫܥܝܬܗ. ܠܘ ܓܝܪ ܕܢܟܬܘܒ ܣܢܝ̈ܬܗ ܪܓܬܢܿ ܐܠܐ ܕܢܥܦܐ ܡܢ ܣܢܝܘܬܗ ܗ̈ܒܐ ܦܐܝ̈ܬܐ
                    ܕܐܦܪܥ ܒܢ̈ܫܒܐ ܕܚܢܦܘܬܗ. ܐܟܙܢܐ ܓܝܪ ܕܡܛܠ ܘܪܕܐ ܐܪܓܝܓܐ ܕܛܥܝܢܝܢ ܟܘܒܘ̈ܗܝ ܕܣܢܝܐ. ܡܬܐܢܣ
                    ܐܢܫ ܠܡܬܢܩܦܘ ܠܗ: ܟܕ ܛܒ ܡܣܓܦܢܐ ܗܘ ܕܠܒ̈ܘܫܐܼ. ܒܗܿ ܒܕܡܘܬܐ ܐܦ ܚܢܢ ܡܛܠ ܢܨܚܢܐ ܕܐܢܫܐ
                    ܫܪܝܪܐ ܕܛܥܝܢܝܢ ܙܒܢ̈ܘܗܝ ܕܥܘܿܠܐ. ܐܬܐܢܣܢ ܐܦ ܚܢܢ ܠܡܪܫܡ ܬܫܥܬܗ܇ ܕܒܕܡܘܬ ܡܚܙܝܬܐ ܡܚܘܝܐ
                    ܡܘܡ̈ܘܗܝ ܘܡܒܕܩܐ ܣܘܪ̈ܚܢܘܗܝ ܘܡܟܪܙܐ ܚܝܒܘܬܗ. ܠܐ ܕܝܢ ܡܬܥܕܠ ܐܘ ܡܬܓܢܐ ܐܝܢܐ ܕܢܥܦܐ ܗܒ̈ܐ
                    ܪ̈ܓܝܬܐ ܡܢ ܟܘ̈ܒܘܗܝ ܕܣܢܝܐ ܡܫܟܪܐܼ. ܐܦܠܐ ܦܪܘܫܐ ܕܡܿܠܩܛ ܫܪ̈ܒܐ ܕܥܘܕܪܢܐ ܡܢ ܬܫܥܝ̈ܬܐ
                    ܕܦܬܝ̈ܠܐ. ܢܩܪܘܒ ܗܟܝܠ ܢܐܚܘܕ ܣܕܪܗܿ ܕܡܠܬܢܼ. ܘܢܓܕܘܠ ܒܡܐܡܪܢ ܟܠܝܠܐ ܕܩܘ̈ܠܣܐ ܠܡܟܣܝܡܘܣ
                    ܛܘܒܢܐ܇ ܗܿܘ ܐܝܢܐ ܕܠܘ ܣܦܩܐ ܡܠܬܢ ܬܚܘܒܬܐ ܠܡܬܢܐ ܫܪ̈ܒܘܗܝ ܐܠܗ̈ܝܐ ܟܡܐ ܕܐܝܬܝܗܘܢܿ ܓܒܪܐ
                    ܕܣܢܐ ܫܘܒܚܗ ܕܥܠܡܐ܆ ܘܫܘܠܛܢܗ ܘܥܘܬܪܗ ܘܓܐ̈ܘܬܗ: ܘܩܘܪ̈ܝܐ ܘܒ̈ܬܐ ܘܥܒ̈ܕܐ ܘܐܡܗ̈ܬܐ: ܘܢܟ̈ܣܐ
                    ܘܡܪ̈ܗܛܐ܆ ܥܡ ܟܠ ܡܕܡ ܕܩܢܐ ܗܘܼܐ. ܘܓܒܼܐ ܠܗ ܕܢܗܘܐ ܡܣܪܩܐ ܡܢ ܟܠ ܡܕܡܿ. 94 ܕܠܡܪܝܐ
                    ܕܟܠ ܡܕܡ ܒܢܦܫܗ ܢܐܚܘܼܕ ܗܼܘ ܕܝܢ ܗܢܐ ܓܒܝܼܐ ܕܐܠܗܐܼ. ܟܕ ܫܡܼܥ ܕܓܼܙܡ ܥܠܘܗܝ ܛܪܘܢܐ ܘܐܬܠܚܡ
                    ܠܗ ܠܡܩܛܠܗܼ. ܝܗܼܒ ܚܪܘܪ̈ܐ ܠܥܒܕܘܗ̈ܝ ܘܠܐܡ̈ܗܬܗ. ܐܦ ܠܦܠܚ̈ܐ ܕܒܩܘܪ̈ܝܘܗܝ. ܘܒܓܘ ܝܘܡ̈ܬܐ
                    ܙܥܘܪ̈ܐܿ. ܦܪܢܣ ܟܠ ܕܩܢܼܐ ܗܘܼܐ ܠܡܣܟ̈ܢܐ ܘܠܣܢܝ̈ܩܐ. ܘܥܠ ܕܐܣܬܚܪ ܠܗ ܫܪܟܢܐܼ. ܩܪܐ ܠܗ
                    ܠܐܡܒܪܣܝܣ ܪܚܡܗ ܐܝܢܐ ܕܐܦ ܗܼܘ ܠܡܠܟܘܬܗ ܕܐܠܗܐ ܚܐܪ ܗܘܐܼ. ܘܦܩܕܗ ܘܐܡܼܪ ܠܗ. ܗܢܐ ܩܠܝܠ ܡܢ
                    ܣܓܝ ܕܐܫܬܚܪ ܠܝ ܐܚܝܼ. ܐܢ ܐܝܬ ܠܟ ܨܒܝܢܐܼ. ܬܐ ܗܘܝ ܥܡܝ ܫܘܬܦܐ ܒܗܕܐ ܬܐܓܘܪܬܐ ܪܘܚܢܝܬܐ
                    ܕܦܓܥܬ ܒܝ. ܘܐܬܬܓܪ ܐܦ ܐܢܬ ܚܝ̈ܐ ܠܩܢܘܡܟ. ܬܐ ܐܓܥܠ ܠܟ ܡܕܡ ܕܐܫܬܚܪ ܠܝܼ. ܘܦܪܢܣ ܡܢܗ ܠܝ̈ܬܡܐ
                    ܘܠܐܪ̈ܡܠܬܐ. ܘܠܣܢ̈ܝܩܐ. ܘܐܓܥܠ ܒܐܝܕܘ̈ܗܝ ܗܿܘ ܡܕܡ ܕܐܫܬܚܪ ܠܗ܆ ܘܢܦܨ ܫܕܐ ܡܢܗ ܝܘܩܪܗ ܕܥܠܡܐ
                    ܗܢܐ ܘܬܥܫܗܼ. ܘܗܘ ܒܢܦܫܗ ܐܬܛܝܒ ܠܡܥܠ ܒܬܪܥܐ ܐܠܝܨܐ ܕܡܘܕܝܢܘܬܐ.... ܘܟܕ ܝܠܼܦ ܥܠ ܛܪܘܢܐ
                    ܕܡܿܢܥ ܘܡܛܐ ܡܢ ܟܕܘ܆ ܠܐ ܐܬܬܗܝ ܠܐܓܘܢܗ ܫܦܝܪܐ. ܕܕܡ ܫܦܝܐ ܡܕܡ ܢܣܬܩܒܠ ܠܗ ܡܢ ܐܢܫܘܬܗܿ. ܐܘ
                    ܡܢ ܐܢ̈ܫܐ ܐܝܕ̈ܝܥܐ ܚܒܪ̈ܘܗܝ. ܝܕܥܿ ܗܘܐ ܓܝܪ ܕܒܟܠܗܿ ܢܦܫܗܘܢ ܣܝܡܝܢ ܗܘܘܿ. ܕܢܚܿܦܛܘܢ
                    ܠܐܢܫܘܬܐ ܟܠܗܿ ܕܡܕܝܢܬܐ. ܘܠܣܘܢܩܠܛܢ ܟܠܗܿ. ܕܢܩܪܒܘܢ ܥܠܘܗܝ ܦܝܣܐ ܘܒܥܘܬܐ ܠܛܪܘܢܐ ܐܡܬܝ
                    ܕܐܬܿܐ. ܘܡܢܗܿ ܕܗܕܐ ܕܚܿܠ ܛܘܒܢܐ ܝܬܝܪ܆ ܕܕܠܡܐ ܒܝܕ ܡܦܝܣܢܘܬܗܘܢ ܕܥܠܘܗܝ ܢܒܛܠ ܐܓܘܢܗ
                    ܕܫܪܝܪܐܿ. ܘܢܗܘܐ ܝܬܝܪܐ ܠܡܘܕܝܢܘܬܐ܇ ܕܥܠܡܐ ܟܠܗ ܠܐ ܣܝܡ ܗܘܼܐ ܠܗ ܒܦܚܡܗ .... ܡܛܠܬܗܿ ܗܟܝܠ
                    ܕܗܕܐ ܩܕܡ ܐܢܘܢ ܠܒ̈ܢܝ ܡܕܝܢܬܗܼ. ܘܐܩܠ ܪܗܛܗ ܟܫܝܪܐ ܕܢܕܪܟ. ܗܿܘ ܡܐ ܕܪܐܓ ܗܘܼܐ ܘܡܬܝܐܒ.
                    ܘܐܕܪܟ ܘܩܕܝ. ܘܥܒܕ ܪܘܫܡܐ ܕܨܠܝܒܐ ܒܚܝܕܗ ܘܒܝܬ ܥܝܢ̈ܘܗܝܼ. ܘܕܠܐ ܩܛܝܪܐ ܕܦܘܩܕܢܗ ܕܛܪܘܢܐ. ܡܢ
                    ܨܒܘܬ ܢܦܫܗ ܣܡܟ ܠܡܕܝܢܬܐ ܕܒܗ ܣܝܡܐ ܗܘܬ ܡܫܪܝܬܗ ܕܛܪܘܢܐ. ܟܕ ܠܝܬ ܗܘܼܐ ܩܢܛܐ ܡܕܡ ܒܪܥܝܢܗ
                    ܕܫܪܝܪܐܿ. ܡܛܠ ܓܙܡ̈ܘܗܝ ܘܠܘܚ̈ܡܘܗܝ ܕܥܘܿܠܐ.. ܘܡܢ ܩܕܡ ܕܢܬܚܙܐ ܩܕܡܘܗܝܼ. ܐܫܬܡܥܬ ܠܗ ܥܠܘܗܝ
                    ܠܫܢܝܐ܇ ܕܐܬܐ ܡܢ  95 ܨܒܘܬ ܢܦܫܗ ܟܕ ܠܐ ܐܢܫ ܪܓܫ. ܕܗܝ ܗܕܐ ܝܬܝܪ ܐܥܝܬܪ ܥܠܘܗܝ
                    ܚܡܬܗ ܕܛܪܘܢܐ ܘܓܘܙܠܬ ܪܘܓܙܗ. ܐܝܟ ܕܡܫܛ ܠܡ ܫܛܗ ܘܐܫܝܚ ܥܠ ܫܘܠܛܢܗ. ܒܗܕܐ ܕܐܬܐ ܡܢ ܨܒܘܬ
                    ܢܦܫܗ ܟܕ ܠܐ ܐܬܩܪܝ .... ܛܘܒܢܐ ܕܝܢ ܡܟܣܝܡܘܣ ܟܕ ܝܠܼܦ ܘܐܫܬܪܪ ܗܘܐ: ܕܠܒܬܪܗ ܕܝܘܡܐ ܥܬܝܕ
                    ܫܢܝܐ ܕܢܩܪܒ ܣܓܕܬܐ ܠܦܬܟܪ̈ܘܗܝܼ. ܐܬܛܝܒ ܐܦ ܗܼܘ. ܕܒܗܿܘ ܥܕܢܐ ܢܫܠܡ ܪܗܛܗ ܘܢܩܕܐ ܟܠܝܠܐ
                    ܕܡܘܕܝܢܘܬܗ. .... ܚܫܝܫ ܗܘܼܐ ܕܝܢ ܛܘܒܢܐ ܘܐܒܝܠ ܥܠ ܛܥܝܘܬܗ ܕܡܿܠܟܐ ܫܢܝܐ. ܘܠܐܠܗܐ ܡܨܠܐ
                    ܗܘܼܐ ܘܡܬܟܫܦ. ܕܐܘ ܢܦܢܝܘܗܝ ܠܬܝܒܘܬܐܼ. ܐܘ ܢܫܪܐ ܥܓܠ ܫܘܠܛܢܗ. ܘܢܪܝܡܝܘܗܝ ܡܢ ܡܢ ܡܠܟܘܬܐ.
                    ܘܗܘܼܐ ܠܒܬܪܗ ܕܝܘܡܐ ܒܥܕܢܗ ܕܨܦܪܐ: ܘܟܢܼܫܬ ܟܠܗܿ ܐܢܫܘܬܐ ܠܒܪ ܡܢ ܬܪܥܗܿ ܕܡܕܝܢܬܐܼ. ܬܡܢ ܓܝܪ
                    ܡܬܚܙܐ ܗܘܼܐ ܒܝܬ ܣܓܕܬܐ ܕܨܠܡܐ ܕܐܦܪܕܝܛܐ ܕܠܗ ܡܛܝܒ ܗܘܼܐ ܛܪܘܢܐ ܕܢܙܕܩ ܣܓܕܬܐ ܒܗܿܘ ܝܘܡܐ
                    .... ܟܢܫ̈ܐ ܕܝܢ ܣܓܝܐ̈ܐ ܕܓܒܪ̈ܐ ܘܕܢ̈ܫܐ ܐܨܛܝܒܘ ܗܘܘܿ. ܘܐܬܘ ܠܥܐܕܐ ܗܿܘ ܕܥܒܼܕ ܫܢܝܐ
                    ܠܨܠܡܗܿ ܕܐܢܬܬܐ ܡܫܚܛܐܿ ܪܚܡܬ ܓܘܿܪܐ .... ܛܘܒܢܐ ܕܝܢ ܡܟܣܝܡܐ ܐܫܬܓܢܝ ܘܠܒܫ ܐܣܟܡܐ ܕܦܠܚܘܬܐ.
                    ܕܠܐ ܢܕܥܘܢܝܗܝ ܘܢܫܕܘܢܝܗܝ ܡܢ ܩܕܡ ܡܿܠܟܐ܇ ܒܫܥܬܐ ܕܒܗܿ ܣܝܡܐ ܗܘܬ ܠܗ ܕܢܩܒܠ ܐܦܦܣܝܣ
                    ܕܡܘܕܝܢܘܬܗ. ܠܗܢܐ ܦܘܪܣܐ ܐܫܬܓܢܝ ܗܢܐ ܛܘܒܢܐ ܡܟܣܝܡܣ. ܘܠܒܫ ܣܟܝܡܐ ܕܦܠܚܘܬܐܼ. ܕܢܬܚܙܐ ܒܗܿܝ
                    ܫܥܬܐ ܩܕܡ ܛܪܘܢܐ ܐܝܟ ܚܕ ܡܢ ܦܠܚܘ̈ܗܝ. ܥܕ ܡܬܓܡܪܐ ܪܓܬܗ. ܘܢܣܒ ܫܐܠܬܗ. ܘܟܕ ܙܚ ܛܪܘܢܐ ܕܢܐܬܐ
                    ܠܒܝܬ ܦܬܟܪ̈ܐܼ. ܐܫܬܓܫܬ ܟܠܗܿ ܐܢܫܘܬܐ. ܘܐܬܙܝܥ ܠܡܬܠ ܩܠܐ ܩܕܡܘܗܝܼ. ܟܠܗܘܢ ܛܟ̈ܣܐ ܡܪ̈ܟܒܐ
                    ܕܙ̈ܢܝ ܙܡܪܐ. ܘܢܦܝܚ ܗܘܼܐ ܫܢܝܐ ܘܙܗܼܐ ܪܥܝܢܗ ܒܥܐܕܐ ܕܚܢܦܘܬܗ. ܘܟܕ ܚܙܐ ܟܢ̈ܫܐ ܣܒ̈ܝܣܐ
                    ܕܢܫ̈ܐ ܚܐܪ̈ܬܐ ܟܕ ܡܫܬܢܝܢ ܒܪܩܕܐ ܘܒܙܡܪܐ ܩܕܡ ܨܠܡܗܿ ܕܙܠܝܠܬܐ. ܘܟܕ ܡܢܥ ܫܢܝܐ ܠܒܝܬ
                    ܦܬܟܪ̈ܐܼ. ܫܩܼܠ ܟܠܝܠܐ ܡܢ ܪܫܗܼ. ܘܫܕܐ ܢܦܫܗ ܒܐܪ̈ܓܢܘܗܝ ܥܠ ܐ̈ܦܘܗܝ ܡܿܠܟܐ ܫܢܝܐ܇ ܩܕܡ
                    ܬܦܢܝ̈ܟܗܿ ܚܪ̈ܫܐ ܕܐܢܬܬܐ ܫܢܝܬܐ. ܘܐܝܟ ܕܠܐܠܗܐ ܡܬܟܫܦ ܗܘܼܐ ܠܗܿ ܥܕܢܐ ܣܓܝܐܐ .... ܘܟܕ ܩܡ
                    ܡܢ ܣܓܕܬܗ ܘܣܡ ܟܠܝܠܗ ܒܪܝܫܗ: ܘܐܬܦܢܝ ܠܡܚܕܝܘ ܠܟܢ̈ܫܐ ܘܠܡܬܠ 96 ܠܗܘܢ ܡܘܗ̈ܒܬܐ.
                    ܘܟܠܗܘܢ ܒܗ ܚܝܪܝܢ ܗܘܼܘ ܘܨܗܝܢ ܗܘܘ ܠܡܫܡܥ ܡܠܬܗ. ܘܟܕ ܐܙܝܥ ܡܠܬܗ ܠܡܡܠܠܘ ܥܡܗܘܢܿ ܐܬܙܝܥ ܒܗ
                    ܛܢܢܐ ܒܛܘܒܢܐ ܡܟܣܝܡܐܼ. ܘܙܘܓ ܐܝܕ̈ܘܗܝ ܬܪ̈ܬܝܗܝܼܢ. ܘܡܚܝܗܝ ܠܫܢܝܐ ܒܝܬ ܐ̈ܦܘܗܝ. ܘܢܦܠ ܟܠܝܠܗ
                    ܡܢ ܪܫܗ. ܘܐܣܬܪܗܒ ܘܐܡܪ ܠܗ. ܗܟܢܐ ܬܦܠ ܒܥܓܠ ܡܢ ܡܠܟܘܬܗܿ. ܥܠ ܕܙܕܩܬ ܣܓܕܬܗ ܕܐܠܗܐ ܠܨܠܡܗܿ
                    ܕܡܛܢܦܬܐ ܩܛܠܬ ܪ̈ܚܡܝܗܿ. ܘܟܕ ܠܐ ܫܿܠܡ ܡܠܬܗܼ. ܛܒܠܪ̈ܐ ܢܛܪ̈ܝ ܚܨܐ ܕܡܠܟܐܼ. ܕܓܫܘܗܝ
                    ܒܠܘ̈ܟܝܬܐ ܕܒܐܝܕ̈ܝܗܘܢܼ ܕܠܐ ܦܘܩܕܢܗ ܕܥܘܿܠܐ. ܘܟܕ ܩܝܡܐ ܒܗ ܢܦܫܐܼ. ܩܠܐ ܐܫܬܡܥ ܡܢ ܫܡܝܐ
                    ܕܐܡܿܪ. ܫܦܝܪ ܪܗܛܬ ܪܗܛܟ ܘܫܠܡܬ ܐܓܘܢܟ ܫܩܝܠ ܙܟܘܬܐ ܒܩܢܘܡܗ܆ ܫܟܒ ܒܫܠܡܐ ܚܕܘܓܗܿ ܕܙܩܝܦܘܬܝ.
                    ܥܕ ܩܪܐ ܠܟ ܩܠܗ ܕܢܘܚܡܐ. ܘܡܒܝܐ ܩܛܝܠܘܬܟ. ܘܥܡܗ ܕܩܠܐ ܗܿܘܼ. ܫܟܼܒ. ܬܘܝܪ ܗܘܬ ܕܝܢ ܘܬܘܝܗ
                    ܛܪܘܢܐ ܥܠ ܩܠܐ ܗܿܘ ܕܐܫܬܡܥ. ܘܫܩܠ ܕܢܐܡܪ ܠܚ̈ܝܠܘܬܗ. ܚܘܪܘ ܠܡ ܒܡܥܒܕܢܘܬܐ ܕܚܪܫܘܬܗܘܢ ܕܗܠܝܢ
                    ܛ̈ܥܝܐܼ. ܕܐܦ ܡܢ ܒܬܪ ܡܘ̈ܬܝܗܘܢ ܡܬܡܠܠܝܢ ܚܪ̈ܫܝܗܘܢ ܐܝܟ ܕܬܣܬܒܪ ܕܐܠܗܗܘܢ ܡܡܠܠ ܥܡܗܘܢܿ ܐܢܐ
                    ܠܐ ܡܬܪܡܐ ܐܢܐ ܠܗܠܝܢ. ܐܦܠܐ ܐܠܘ ܐܝܬܝܗܿ ܐܝܟ ܡܠܬܗܘܢܿ ܡܢܐ ܓܝܪ ܐܗܢܝܗ ܩܠܐ ܠܗܢܐ ܕܘܝܐ܇ ܕܗܐ
                    ܡܢ ܡܘܬܐ ܠܐ ܐܫܟܚ ܦܪܩܗ. ܘܐܠܐ ܐܢ ܡܨܐ ܒܚܝܠܐ ܐܠܗܗܘܢ ܕܢܥܕܪ ܐܢܘܢܼ. ܐܦܢ ܠܫܠܕܐ ܕܡܘܕܝܢܗ
                    ܢܫܘܙܒ ܡܢ ܐ̈ܝܕܝܿ. ܕܣܡ ܐܢܐ ܕܐܓܡܪܝܗܿ ܒܢܘܪܐ܇ ܐܝܟܢܐ ܕܐܦܠܐ ܫܪܟܢܐ ܠܓܡܪ ܢܦܘܫ ܡܢ ܓܪ̈ܡܘܗܝ
                    ܠܒܢ̈ܝ ܗܝܡܢܘܬܗ .... ܘܟܕ ܐܡܼܪ ܗܠܝܼܢ. ܗܘܼܐ ܙܘܥܐ ܪܒܐ ܬܡܢ. ܘܐܫܬܓܫ ܐܐܪ ܘܐܙܕܥܦ. ܘܐܬܟܒܢ
                    ܐܪܩܝܥܐ ܥ̈ܢܢܐ ܠܒܝ̈ܕܬܐܼ. ܘܗܘܼܐ ܥܡܛܢܐ ܘܪ̈ܘܚܐ ܘܥ̈ܠܥܠܐ ܩܫ̈ܝܬܐܼ. ܥܙܝܙܐܝܬ ܢܫ̈ܒܢ ܗܘ̈ܝ.
                    ܘܪ̈ܥܡܐ ܬܩ̈ܝܦܐ ܘܒܪ̈ܩܐ ܕܚܝ̈ܠܐ ܠܐܐܪ ܢܩܫܝܢ ܗܘܘ. ܘܟܐ̈ܦܐ ܪܘܪ̈ܒܬܐ ܕܒܪܕܐ ܒܥܘܒܐ ܪܘܝܚܐ
                    ܕܐܐܪ܇ ܚܕܐ ܠܚܕܐ ܢܩܫܢ ܗܘ̈ܝ. ܘܩܕܡ ܕܢܚܬܢ ܥܠ ܐܪܥܐܼ. ܩܠܗܝܢ ܒܐܐܪ ܡܫܬܡܥ ܗܘܼܐ. ܐܝܟܢܐ
                    ܕܒܒܘܠܗܝܐ ܨܓܝܐܐ ܡܿܠܟܐ ܘܚܝ̈ܠܘܬܗ ܡܢ ܕܚܠܬܗܘܢ ܫܒܩܘ ܠܫܠܕܐܿ. ܘܥܪܩܘ ܘܥܠܘ ܠܡܕܝܢܬܐ. ܘܐܢܫ
                    ܐܢܫ ܐܝܟܐ ܕܐܣܬܩܒܠ ܠܗܼ ܣܬܪ ܢܦܫܗ. 97 ܘܐܝܠܝܢ ܕܐܫܬܘܚܪܘ ܠܡܥܪܩܼ. ܐܕܪܟ ܐܢܘܢ
                    ܪܘܓܙܐ ܘܡܝܬܘ ܒܟܐ̈ܦܐ ܕܒܪܕܐ. ܐܦ ܚܝܘܬܐ ܘܒܥܝܪܐ ܘܟܠܗ ܩܢܝܢܐ ܕܐܫܬܚܪ ܬܚܝܬ ܫܡܝܐܼ. ܗܟܢܐ
                    ܡܝܬܘ ܒܟܐ̈ܦܐ ܕܒܪܕܐ. ܗܟܢܐ ܓܝܪ ܠܚܝܡܐ ܗܘܬ ܐܐܪ ܘܙܥܝܦܐܼ. ܕܐܝܠܝܢ ܕܒܐܣ̈ܛܘܐ ܕܡܕܝܢܬܐ
                    ܐܝܬܝܗܘܢ ܗܘܘܼ. ܒܟܢ̈ܦܐ ܕܡܪ̈ܛܘܛܝܗܘܢ ܡܣܬܪܝܢ ܗܘܘ ܐܦܝܗ̈ܘܢ. ܡܢ ܕܚܠܬܐ ܕܪ̈ܥܡܐ ܘܥܙܝܘܬܐ
                    ܕܒܪ̈ܩܐ. ܘܒܟܠܗܿ ܗܕܐ ܕܚܠܬܐ ܘܙܘܥܬܐ ܫܘܐ ܠܕܘܟܪܢܐ ܛܿܒܐ ܝܘܒܢܝܢܘܣ ܪ ܚܝܠܐܼ. ܝܗܒܼ ܢܦܫܗ
                    ܠܡܡܬ ܥܠ ܐ̈ܦܝ ܫܠܕܗ ܕܩܕܝܫܐ. ܘܢܣܒ ܒܐܝܕܗ ܦܪܙܠܐܼ. ܐܝܟ ܕܢܚܦܘܪ ܘܢܣܬܪ ܓܘܫܡܗ ܚܣܝܐ ܕܣܗܕܐ
                    ܕܐܠܗܐ. ܘܨܪܐ ܗܘܼܐ ܘܐܥܒ ܟܐ̈ܦܐ ܕܒܪܕܐ ܘܓܘܡܪ̈ܐ ܕܢܘܪܐ ܕܚܒܝܟܢ ܗ̈ܘܝ ܒܚ̈ܕܕܐܼ. ܘܠܐ ܢܟܝܢ
                    ܗܘ̈ܝ ܠܗ. ܘܟܕ ܩܼܪܒ ܘܡܛܗܿ ܠܕܘܟܬܐ ܗܿܝ ܕܒܗܿ ܐܬܟܠܠ ܣܗܕܗ ܕܡܫܝܚܐܼ. ܫܕܐ ܢܦܫܗ ܥܠ ܓܘܫܡܗ
                    ܕܫܪܝܪܐ܇ ܘܒܿܟܐ ܗܘܐ ܚܫܝܫܐܝܬܼ ܟܕ ܐܡܿܪ. ܘܝ ܐܚܝܿ ܘܝ ܐܚܝ. ܕܫܒܩܬܝܗܝ ܠܐܚܘܟܼ ܠܝܘܡ̈ܬܐ
                    ܒܝܼ̈ܫܐ. ܘܡܿܥܦܩ ܗܘܼܐ ܠܫܠܕܗܼ. ܘܡܢܿܫܩ ܕܘܟܬ ܡܚ̈ܘܬܐ .... ܘܟܕ ܐܦܝܓ ܩܠܝܠ ܚܫܗ ܒܕܡ̈ܥ
                    ܕܥܝ̈ܢܘܗܝܼ. ܡܚܼܐ ܟܬܦܗ ܘܫܩܠܗܿ ܠܫܠܕܐ. ܘܡܬܟܪܟ ܗܘܼܐ ܘܒܿܥܐ ܕܐܝܟܐ ܢܣܬܪܝܗܿ. ܐܫܟܚ ܕܝܢ
                    ܕܘܟܬܐ ܚܕܐ ܕܡܣܬܪܐ ܒܪܟܢܗ ܕܫܩܝܦܐܼ. ܘܣܡܗܿ ܡܢܗ ܠܫܠܕܐ ܥܕ ܥܒܿܕ ܠܗܿ ܚܦܪܐ. ܘܟܕ ܐܪܝܡ ܦܪܙܠܐ
                    ܕܢܚܦܘܪ܆ ܐܫܬܟܚܬ ܕܘܟܬܐ ܚܕܐ ܕܡܣܬܪܐ ܒܪܟܢܗ ܕܫܩܝܦܐܼ. ܘܣܡܗܿ ܡܢܗ ܠܫܠܕܐ ܥܕ ܥܒܿܕ ܠܗܿ ܚܦܪܐ.
                    ܘܟܕ ܐܪܝܡ ܕܢܚܦܘܪ܆ ܐܫܬܟܚܬ ܕܘܟܬܐ ܕܘܫܥܐ ܛܡܝܡܐ. ܘܥܩܬ ܠܗ ܠܦܪܘܫܐܼ ܘܫܕܝܗܝ ܦܪܙܠܐ ܡܢ ܐܝܕܗ.
                    ܘܫܩܼܠ ܥ̈ܝܢܝ ܠܒܗ ܠܘܬ ܐܠܗܐܼ. ܘܡܨܿܠܐ ܗܘܼܐ ܘܐܡܼܪ. ܡܫܝܚܐ ܣܒܪܗܘܢ ܕܟܪ̈ܣܛܝܢܐ܆ ܕܡܛܠ ܫܡܟ
                    ܗܢܐ ܫܩܝܠ ܚܫܗܿ ܕܙܩܝܦܘܬܟ ܒܕܒܝܚܘܬܗܼ. ܣܬܿ ܪ ܓܘܫܡܗ ܝܩܝܪܐ ܡܢ ܩܕܡ ܠܘܚܡܗ ܘܓܙܡ̈ܘܗܝ
                    ܕܛܪܘܢܐ. ܘܠܐ ܢܬܓܠܙܘܢ ܡܗܝ̈ܡܢܐ ܘܫܪܝܪܐ. ܡܢ ܒܘܪ̈ܟܬܐ ܕܓܪ̈ܡܘܗܝ ܕܛܪܘܢܐ. ܘܠܐ ܢܬܓܠܙܘܢ
                    ܡܗܝ̈ܡܢܐ ܘܫܪܝܪܐ. ܡܢ ܒܘܪ̈ܟܬܐ ܕܓܪ̈ܡܘܗܝ ܕܣܗܕܟ ܩܕܝܫܐ ܚܝܠܟ ܚܣܝܢܐ. ܕܨܪܝ ܫ̈ܘܥܐ ܒܥܕܢ
                    ܙܩܝܦܘܬܟ. ܘܐܦ ܗܪܟܐ ܚܘܐ ܚܝܠܐ ܬܡܝܗܐ ܕܐܠܗܘܬܟܼ ܘܦܩܘܕ ܠܗ ܠܛܪܢܐ ܗܢܐ ܕܢܬܦܬܚ ܘܢܩܒܠ ܡܢܝ
                    ܓܘܫܡܗ ܝܩܝܪܐ ܕܓܒܝܟ ܫܪܝܪܐ܇ ܘܢܣܬܪܗ ܒܓܘܗ ܡܠܐ ܙܒܢܐ܇ ܥܕ ܡܦܣ ܠܗ ܬܘܒ ܪܡܙܟ ܟܣܝܐ ܒܬܪ
                    ܙܒܢܗܿ. ܕܢܕܠܐ ܢܦܢܝܘܗܝ ܠܐܝܠܝܢ ܕܡܫܬܘܕܝܢ 98 ܕܢܥܦܘܢܝܗܝܿ. ܐܝܟ ܡܐ ܕܙܕܩ ܠܗ
                    ܕܢܬܥܦܐ. ܘܥܡܗܿ ܕܒܥܘܬܗ ܕܡܗܝܡܢܐܼ. ܫܘܥܐ ܗܿܘ ܐܬܦܬܚ. ܘܩܒܠܗ ܠܫܠܕܗ ܒܓܘܗܼ. ܘܣܬܪܗܼ ܘܐܬܬܚܕ
                    ܒܐ̈ܦܝܗܿ .... ܘܗܼܦܟ ܝܘܒܢܝܢܣ ܠܡܕܝܢܬܐܼ. ܟܕ ܚܿܕܐ ܘܪܘܙ ܪܥܝܢܗ. ܘܡܘܕܐ ܘܡܫܒܚ ܠܐܠܗܐܿ.
                    ܕܐܫܬܘܝ ܕܢܣܬܪ ܓܘܫܡܗ ܕܫܪܝܪܐ܇ ܘܠܐ ܛܠܡ ܐܠܗܐ ܥܡܠܗ .... ܘܟܕ ܥܠ ܠܓܘ ܡܢ ܬܪܥܐ ܕܡܕܝܢܬܐܼ.
                    ܗܘܼܐ ܫܠܝܼܐ ܘܢܚ ܙܘܥܐ. ܘܫܠܝܘ ܩ̈ܠܐ ܘܐܘܦܝܘ ܒܪ̈ܩܐ. ܘܐܬܓܠܓܠ ܥܪ̈ܦܠܐ. ܘܢܗܪܬ ܐܐܪ ܘܐܬܦܨܚܬ.
                    ܘܬܗܪܐ ܐܚܕ ܗܘܼܐ ܠܣܓ̈ܝܐܐ. ܥܠ ܫܘܚ̈ܠܦܝܗܿ ܕܐܐܪ. ܕܐܝܟܢܐ ܐܬܟܡܪܬ ܗܘܬ ܒܥܕܢ ܕܒܝܚܘܬܗ ܕܛܘܒܢܐ
                    ܡܟܣܝܡܣ. ܐܦ ܗܘ ܛܪܘܢܐ ܠܝܛܐܼ. ܐܬܒܝܢ ܗܘܐ ܒܗܿ ܒܣܘܥܪܢܐ ܘܝܕܥܼ. ܕܡܛܠ ܫܠܕܗ ܕܣܗܕܐ ܕܐܠܗܐ
                    ܗܘ̈ܝ ܗܠܝܢ. ܘܐܗܡܝ ܡܢ ܒܥܬܗܿ ܕܫܠܕܐܼ ܘܠܐ ܐܘܣܦ ܬܘܒ ܠܡܒܥܝܗܿ. ܣܓܝܐ̈ܬܐ ܕܝܢ ܐܣܬܥܪ
                    ܒܙܒܢ̈ܘܗܝ ܕܝܘܠܝܢܘܣ ܥܘܿܠܐܿ. ܕܠܐ ܐܬܟܬܒ ܘܐܬܪܫܡ. ܗܠܝܢ ܕܝܢ ܩܠܝܠ ܡܢ ܣܓܝ ܪܫܡܢ ܚܢܢ
                    ܥܘܗܕܢܗܝܢ ܡܣܬ ܕܡܢܗܝܢ ܬܐܠܦܘܢܿ ܕܐܝܢܐ ܪܘܦܝܐ ܐܬܡܬܚ ܥܠ ܥܡܢ ܒܙܒ̈ܢܘܗܝ ܕܥܘܿܠܐ. ܐܦܢ ܓܝܪ
                    ܡܬܐܡܪܐ ܥܠ ܚܪܒܗ ܕܛܪܘܢܐ ܕܠܐ ܐܫܬܡܛܬ ܥܠܝܢ ܓܠܝܐܝܬܼ. ܐܠܐ ܛܒܐ ܕܚܢܦܘܬܗ. ܪܕܘܦܝܐ ܐܥܝܪ ܥܠܝܢ
                    ܒܟܠ ܐܬܪܗܝܢ ܕܬܚܝܬ ܫܘܠܛܢܗ. ܐܝܢܐ ܓܝܪ ܐܬܪܐ ܐܘ ܡܕܝܢܬܐܿ. ܕܠܐ ܛܦܝܠܢ ܗܘ̈ܝ ܐܝ̈ܕܝܗܘܢ ܒܕܡܐ
                    ܚܣܝܐ ܕܥܒܕܘ̈ܗܝ ܕܐܠܗܐ. ܣܓܝ̈ܐܐ ܓܝܪ ܡܢ ܟܪ̈ܣܛܝܢܐ ܡܢ ܐܝ̈ܕܝ ܚ̈ܢܦܐ ܡܝܬܘ ܒܡܕܝܢܬܐܼ. ܕܠܐ
                    ܦܘܩܕܢܗ ܕܛܪܘܢܐ ܘܕܠܐ ܡܦܣܢܘܬܐ ܕܕܝ̈ܢܐܿ. ܕܗܢܘܢ ܒܫܘܠܛܢ ܢܦܫܗܘܢ ܕܝܢܝܢ ܗܘܘ ܠܗܘܢ ܒܥܪܝܪܐܝܬ
                    ܐܝܟ ܨܒܝܢܗܘܢܿ ܒܡܗܡܝܢܘܬܗ ܕܛܪܘܢܐ܇ ܕܠܐ ܪܫܐ ܗܘܼܐ ܘܬܒܿܥ ܒܐܝ̈ܕܝ ܕܝ̈ܢܐ ܕܐܬܪ̈ܘܬܐ ܬܒܥ̈ܬܐ
                    ܕܡܘ̈ܬܝܗܘܢܿ ܘܠܘ ܒܡܕܝ̈ܢܬܐ ܒܠܚܘܕ ܗܠܝܢ ܡܣܬܥܪ̈ܢ ܗ̈ܘܝܼ. ܐܠܐ ܐܦ ܒܩܘܪ̈ܝܐ ܘܒܟܦܪ̈ܘܢܐܼ ܐܦܢ
                    ܠܐ ܐܬܟܬܒ. ܡܢܘ ܓܝܪ ܡܘܦܐ ܕܢܣܝܟ ܒܡܟܬܒܢܘܬܗܿ. ܟܠܗܝܢ ܐܝܠܝܢ ܕܒܥܒ̈ܕܘܗܝ ܕܐܠܗܐ ܐܣܬܥܪ
                    ܒܙ̈ܒܢܘܗܝ ܕܥܘܿܠܐ. ܣ̈ܓܝܐܐ ܓܝܪ ܡܢܗܘܢ ܐܝܟ ܕܒܨܓܡܐ ܐܬܕܒܪܘ ܠܡܘܬܐ ܡܢ ܐܝ̈ܕܝ ܚ̈ܢܦܐ. ܕܠܐ
                    ܐܬܪܗܘܢ ܐܬܝܕܥ ܘܠܐ ܫܡ̈ܗܝܗܘܢ ܐܬܟܬܒܘ. ܘܠܐ ܢܨܚ̈ܢܝܗܘܢ  99 ܐܬܪܫܡܘ. ܒܝܕ ܠܘ ܕܝܢ̈ܐ
                    ܕܢܘ ܐܢܘܢܿ ܐܠܘ ܓܝܪ ܐܬܕܝܢܘ ܢܡܘܣܐܝܬ ܩܕܡ ܕܝ̈ܢܐܼ. ܘܐܬܪ̈ܘܬܗܘܢ ܡܬܝܕܥܝܢ ܗܘܘܼ. ܐܦ
                    ܫܡܗܝ̈ܗܘܢ ܘܢܨܚ̈ܢܝܗܘܢ ܡܬܬܣܝܡܝܢ ܗܘܘ ܒܗܘܦܡܢ̈ܡܛܐ ܕܫܐ̈ܠܘܠܝܗܘܢ. ܐܠܐ ܒܝܕ ܕܠܐ ܐܬܟܬܒܬ
                    ܡܘܕܝܢܘܬܗܘܢܿ ܐܦ ܐܬܬܣܡܝܬ ܒܗܛܪܝܢ ܕܒܝܬ ܐܪܟܐܼ. ܡܬܐܡܪܐ ܡܠܬܐ ܕܠܘ ܣܓܝ ܣܗ̈ܕܐ ܐܣܗܕܘ
                    ܒܙܒܢ̈ܘܗܝ ܕܝܘܠܝܢܘܣ ܥܘܿܠܐ. ܐܠܘ ܓܝܪ ܐܬܕܝܢܘ ܢܡܘܣܐܝܬ ܗܿܝ ܕܐܡܪܢܼܢ. ܡܿܢ ܡܘܦܐ ܕܢܚܫܘܒ
                    ܕܟܡܐ ܣܗ̈ܕܐ ܐܣܗܕܘ ܒܝܘ̈ܡܬܗ. ܪܕܘܦܝܐ ܗܘܼܐ ܒܠܝܠܐ ܪܕܘܦܝܗ ܕܡܣܝܒܐ. ܕܠܐ ܫܘܐ̈ܠܐ ܕܕܝ̈ܢܐܼ.
                    ܘܠܐ ܦܘܢܝ ܦܬܓܡܐ ܕܡܫܬܐ̈ܠܢܐ. ܘܠܐ ܡܟܬܒܢܘܬܐ ܕܪ̈ܗܛܪܐ. ܘܠܐ ܓܙܪܕܝ̈ܢܐ ܕܢܬܝܗܒܝܢ. ܐܠܐ ܒܟܠ
                    ܐܬܪ ܘܡܕܝܢܐܼ. ܟܠ ܕܫܦܝܪ ܗܘܐ ܒܥܝ̈ܢܝ ܚ̈ܢܦܐ ܘܢܝܚ ܠܨܒܝܢܗܘܢܼ. ܗܿܘ ܗܘ ܣܥܪܝܢ ܗܘܘ ܒܥܒܕܘ̈ܗܝ
                    ܕܐܠܗܐ. ܗܢܘ ܕܝܢ ܒܡܗܡܝܢܘܬܗ ܕܛܪܘܢܐ. ܗܼܘ ܕܝܢ ܗܢܐ ܚܪܡܐ ܠܝܛܐܼ. ܡܢ ܒܬܪ ܢܨܚܢܗ ܕܛܘܒܢܐ
                    ܟܣܝܡܣܼ. ܣܡ ܗܘܼܐ ܐ̈ܦܘܗܝ ܠܡܥܠ ܠܩܘܣܛܢܛܝܢܦܘܠܝܣ. ܘܫܕܪ ܩܕܡܘܗܝ ܐܓܪ̈ܬܐ ܕܫܝܢܐ ܘܕܬܪܥܘܬܐ.
                    ܒܕܨܒܐ ܕܢܣܒ ܒܡܕܝܢܬܗܘܢ ܒܢ̈ܬ ܩ̈ܠܐ ܕܩܘ̈ܠܣܐ. ܕܙܕܩܿ ܠܗܿ ܠܡܠܟܘܬܐ. ܠܐ ܓܝܪ ܥܕܟܝܠ ܐܬܡܢܝ
                    ܗܘܼܐ ܒܡ̈ܠܟܝܗܿ ܕܪܘܡܢܝܐܼ. ܒܕܠܐ ܙܕܩܬ ܠܗ ܣܘܢܩܠܛܘܢ ܕܪܗܘܡܐ ܦܘܢ̈ܣ ܕܡܠܟܘܬܐܼ. ܡܛܠ ܚܢܦܘܬܗ.
                    ܘܟܕ ܡܿܠܟܐ ܐܝܬܘܗܝ ܗܘܼܐ ܒܡܕܪܢܘܬܗܼ. ܒܡܟܬܒܢܘܬܐ ܕܡ̈ܠܟܝܗܿ ܕܪܘܡܢܝܐܼ. ܠܐ ܐܬܪܡܫܬܿ. ܥܕܡܐ
                    ܠܙܒܢܐ ܕܢܣܒ ܒܣܘܢܩܠܛܘܢ ܕܩܘܣܛܢܛܝܢܦܘܠܝܣ ܦܘ̈ܢܣ ܕܡܠܟܘܬܐ. ܠܗܢܐ ܦܘܪܣܐ ܡܫܓܫ ܗܘܐ ܠܗܘܢ
                    ܛܪܘܢܐ ܠܒܢ̈ܝ ܩܘܝܛܢܛܝܢܦܘܠܝܣ ܒܝܕ ܟܬܝ̈ܒܬܗ. ܘܡܫܝܢ ܗܘܼܐ ܬܪ̈ܥܝܬܗܘܢ ܟܕ ܪܚܝܩܼ. ܐܝܟ ܕܢܝܬܐ
                    ܐܢܘܢ ܠܨܒܝܢܗ. ܘܟܕ ܡܿܢܥ ܘܫܪܝ ܡܡܛܠܐ ܠܡܕܝܢܬܗܘܢܼ. ܢܦܩܬ ܟܠܗܿ ܣܘܢܩܠܛܘܢ ܘܩܒܠܬܗܼ ܒܐܝܩܪܐ.
                    ܦܐܦ ܗܼܘ ܩܒܠ ܐܢܘܢ ܒܚܕܘܬܐ. ܘܦܠܓ ܠܗܘܢ ܐܝܩܪܐ ܩܕܡ ܚܝ̈ܠܘܬܗ. ܘܐܝܟ ܕܥܡ ܩܪ̈ܝܒܘܗܝ ܡܬܝܪܝܙܢ
                    ܗܘܼܐ ܥܡܗܘܢܿ ܘܡܫܬܘܕܐ ܗܘܼܐ ܕܪ̈ܘܪܒܢ. ܘܟܕ ܥܐܠ ܠܩܘܣܛܢܛܝܢܦܘܠܝܣܼ. ܫܕܐ ܡܘܗ̈ܒܬܐ ܠܟܢ̈ܫܝܗܿ
                    ܕܡܕܝܢܬܐܼ. ܘܒܢ̈ܬ ܩ̈ܠܐ ܬܘܒ ܕܫܝܢܐ ܘܕܬܪܥܘܬܐ ܙܪܥ ܗܘܼܐ ܒܡܫܡܥܬܗܘܢܼ. ܘܒܝܕ ܫܘ̈ܓܫܐ 100 ܕܨ̈ܢܥܬܗܼ. ܢܣܼܒ ܡܢܗܘܢ ܦܘ̈ܢܣ ܕܡܠܟܘܬܐ. ܘܝܬܼܒ ܥܠ ܟܘܪܣܝܗܿ ܕܩܘܣܛܢܛܝܢܦܘܠܝ.
                    ܘܐܬܡܢܝ ܒܡ̈ܠܟܝܗܿ ܕܪܘܡܢܝܐܼ. ܫܢܬܐ ܚܞܕܐ ܘܝܪ̈ܚܐ ܬܡ̈ܢܝܐ. ܘܥܒܕ ܕܒܝܫ ܩܕܡ ܡܪܝܐܼ. ܘܗܼܠܓ
                    ܒܐܘܪ̈ܚܬܗ ܕܡܟܣܝܡܢܣ ܪܫܝܥܐ. ܘܠܐ ܣܛܐ ܡܢܗܝܢ ܠܐ ܠܝܡܝܢܐܼ. ܘܠܐ ܠܣܡܠܐ. ܘܐܠܘ ܠܐ ܡܪܝܐ ܙܠܗܙ
                    ܙܒܢܗ ܘܟܪܝ ܡܫܘܚܬܐ ܕܚ̈ܝܘܗܝܼ. ܠܡܚܣܢ ܡܫܬܚܪ ܗܘܐ ܐܢܫ ܡܢ ܥܡܗ ܕܡܪܝܐ܇ ܕܠܐ ܟܦܘܪܝܐ ܐܘ ܕܠܐ
                    ܡܘܕܝܢܘܬܐ. ܐܠܐ ܡܪܝܐ ܨܒܐܘܬ ܚܣ ܥܠ ܡܘܟܟܗܿ ܕܥܕܬܐ. ܘܩܿܕܡ ܐܪܝܡܗ ܡܢ ܡܠܟܘܬܐ. ܘܗܘܐ ܐܒܕܢܗ
                    ܒܐܪܥܐ ܕܒܥܠܕܒܒ̈ܘܗܝ. ܀ ܨܿܒܐ ܗܘܝܬ ܕܝܢ ܕܐܦܘܫ ܠܝ ܗܫܐ ܡܢ ܬܫܥܝܬܗ ܕܡܣܝܒܐ. ܡܢ ܒܬܪ ܕܥܿܦܝܬ
                    ܡܢ ܣܢܝܿܘܬܗ ܗ̈ܒܐ ܦܐܝ̈ܬܐ ܕܚܫܚܢ ܠܟܠܝܠܗܿ ܕܥܕܬܐܼ. ܘܕܘܒܪ̈ܘܗܝ ܟܐ̈ܢܐ ܘܣܘܥܪ̈ܢܘܗܝ ܫܦܝܪ̈ܐ
                    ܕܝܘܒܢܝܢܘܣ ܪܒ ܚܝܠܗܼ. ܠܐ ܫܒܩܝܢ ܕܐܟܘܡ ܥܠ ܬܫܥܝܬܗ ܘܐܛܠܘܡ ܩܘ̈ܠܣܘܗܝ. ܘܕܝܚܝܕܐܝܬ ܐܣܒܥܝܗܿ
                    ܠܬܫܥܝܬܗ ܠܐ ܡܨܝܐ. ܕܥܙܼܝܠܐ ܗܼܝ ܒܬܫܥܝܬܗ ܕܡܣܝܒܐ. ܘܠܘ ܕܝܗ ܒܠܚܘܼܕ. ܐܠܐ ܕܐܦ ܐܢ̈ܫܐ
                    ܓܡܝܪ̈ܐ ܘܫܪܝܪ̈ܐ ܕܗܘܘ ܒܙܒ̈ܢܘܗܝܿ. ܕܐܗܠܘ ܒܚܢܦܘܬܗ ܘܐܫܝܚܘ ܥܠ ܫܘܠܛܢܗ. ܘܐܡܣܪܘ ܥܠ
                    ܫܢ̈ܕܘܗܝܿ. ܘܝܗܒܘ ܠܗ ܥܝܐ ܒܡܣܝܒܪܢܘܬܗܘܿܢܿ ܘܐܬܬܓܪܘ ܒܚܢܦܘܬܗ ܡܠܟܘܬ ܪܘܡܐ ܕܠܐ ܥܒܪܐ.
                    ܘܟ̈ܠܝܠܐ ܕܠܐ ܡܫܬܪܝܢ. ܠܘ ܕܝܢ ܒܠܚܘܕ ܒܚܕ ܐܬܪܐ ܐܘ ܒܚܕܐ ܡܕܝܢܬܐܿ. ܐܬܬܓܪܘ ܒܗܿ ܟܫܝܪ̈ܐ
                    ܚܝ̈ܐ ܠܩܢܘܡܗܘܢܿ ܕܒܕܡܘܬ ܡܪ̈ܓܐ ܪ̈ܘܝܚܐ ܕܫܬܝܠܝܢ ܘܡܠܝܢ ܦܩ̈ܚܐ ܪ̈ܓܝܓܐ ܘܗܒ̈ܒܐ ܦܐܝ̈ܐ܇
                    ܫܬܝܠܐ ܗܘܬ ܘܡܠܝܐ ܐܘܪܚܐ ܟܠܗܿ ܕܬܫܥܝܬܗ ܕܡܣܝܒܐ܇ ܢܨ̈ܚܢܐ ܕܫܪܝܪ̈ܐ ܘܩܘ̈ܠܨܐ ܕܓܡܝܪ̈ܐ܇
                    ܕܐܓܘܢܐ ܬܡܝܗܐ ܕܐܢ̈ܫܐ ܚܝ̈ܠܬܢܝ ܒܗܝܡܢܘܬܗܘܢܿ ܘܟܠ ܐܬܪܐ ܕܕܪܟ ܒܗ ܫܢܝܐܼ. ܥܝܐ ܢܣܒ ܒܗ ܒܡܢ
                    ܥܒܕ̈ܘܗܝ ܕܐܠܗܐ. ܡܢܐ ܓܝܪ ܐܝܬ ܠܢ ܠܡܐܡܪ. ܥܠ ܐܝܠܝܢ ܕܐܣܗܕܘ ܒܐܢܛܝܟܝܐ ܕܣܘܪܝܐ܇ ܐܘ ܥܠ
                    ܐܝܠܝܢ ܕܫܩܠܘ ܒܗ ܫܡܐ ܘܢܨܚܢܐ ܒܐܬܪܐ ܕܟܪ̈ܣܛܝܢܐ܇ ܐܘ ܥܠ ܗܝܡܢܘܬܗܘܢ ܚܠܡܝܬܐ ܕܐܘܪ̈ܗܝܐ܇ ܐܘ
                    ܥܠ ܚܠܝܨܘܬܗܘܢ ܘܐܬܠܛܘܬܗܘܢ ܕܢܨܝܒ̈ܢܝܐ܇ ܐܘ ܥܠ ܐܝܓܘܢܗܘܢ ܚܫܝܫܐ ܕܐܝܠܝܢ ܕܐܣܗܕܘ ܒܝܬ
                    ܫܡܪ̈ܝܐ܇ ܐܢܫܐ 101 ܐܒ̈ܝܠܐ ܘܝܩܝܪ̈ܐ܇ ܕܡܢ ܐܬܪܐ ܐܬܪ ܐܬܘܥܕܘ ܗܘܘ ܘܐܬܘ ܦܘܪܫܐܝܬܿ.
                    ܠܡܣܡܟ ܠܐܬܪܐ ܩܕܝܫܐ ܕܒܝܬ ܙܩܝܦܘܬܗ ܕܡܪܗܘܢܿ ܕܒܕܘܟܬܐ ܕܒܗܿ ܐܙܕܩܦ ܪܒܗܘܢܼ. ܐܦ ܗܢܘܢ ܒܗܿ
                    ܢܛܥܡܘܢ ܚܫܐ ܕܙܩܝܦܘܬܗ ܒܕܡܐ ܕܨܘܪ̈ܝܗܘܢܿ ܘܟܕ ܥܒܪܝܢ ܒܝܬ ܫܡܪ̈ܝܐ ܒܐܣܟܝܡܐ ܝܩܝܪܐ
                    ܕܐܒܝܠܘܬܗܘܢܼ. ܐܬܟܢܫܘ ܥܠܝܗܘܢ ܩܘܪ̈ܝܐ ܘܟܦܪ̈ܘܢܐ ܒܚܘ̈ܛܪܐ ܘܒܪ̈ܘܡܚܐ ܥܐܼ ܘܐܩܝܡܘ ܥܠܝܗܘܢ
                    ܪܕܘܦܝܐ ܀ ܘܟܕ ܚܙܘ ܥ̈ܒܕܘܗܝ ܕܐܠܗܐ ܕܣܪܗܒ ܥܠܝܗܘܢ ܐܓܘܢܐܼ. ܠܐ ܥܙܝܘ ܠܘܩܒܠ ܪ̈ܘܕܦܝܗܘܢܿ ܐܠܐ
                    ܝܗܒܘ ܢܦܫܗܘܢ ܘܡܝܬܘ ܥܠ ܐ̈ܦܝ ܫܡܗ ܕܡܪܗܘܢܿ ܠܡܠܬܢ ܠܡܐܡܪ ܥܠܝܗܘܢܿ ܐܠܐ ܐܢ ܒܠܚܘܕ ܗܕܐ.
                    ܕܐܣܗܕܘ ܐܢ̈ܫܐܼ. ܕܐܦܠܐ ܫ̈ܠܕܝܗܘܢ ܐܫܬܟܚܘ ܕܟܡܘ ܗܘܘ ܥܠܝܗܘܢ ܩܛܘ̈ܠܗܝܘܢܼ. ܘܠܐ ܐܬܓܠܝܬ
                    ܠܒ̈ܢܝ ܗܝܡܢܘܬܢܿ ܕܐܝܟܐ ܐܬܒܠܥܘ ܓܘܫ̈ܡܐ ܝܩܝܪ̈ܐ ܕܐ̈ܢܫܐ ܚ̈ܣܝܐ. ܪܕܘܦܝܐ ܗܘܐ ܓܝܪ ܒܠܝܠܐ܇
                    ܕܪܘܦܝܐ ܕܐܬܡܬܚ ܥܠ ܥܡܢ ܒܙܒܢ̈ܘܗܝ ܕܝܘܠܝܢܣ ܥܘܿܠܐ. ܕܠܐ ܓܙܪ ܕܝܢܐ ܕܡܘܬܐ ܢܦܩ ܡܢ ܛܪܘܢܐ
                    ܓܠܐܝܐܝܬܼ. ܘܠܐ ܬܒܥܬܐ ܗܘܬ ܡܢܗ ܒܐܝܠܝܢ ܕܡܡܪܚܝܢ ܗܘܘ. ܘܕܠܐ ܦܘܩܕܢܐ ܕܝܢܝܢ ܗܘܘ. ܘܐܿܠܨܝܼܢ
                    ܘܡܫܢܩܝܢ ܠܥܒ̈ܕܘܗܝ ܕܐܠܗܐ. ܘܒܫܢ̈ܕܐ ܡܫ̈ܚܠܦܐ ܕܟܠ ܐܣ̈ܟܝܡܝܢ܇ ܫܩܠܝܢ ܗܘܘ ܫܘܠܡܐ ܕܚܝ̈ܝܗܘܢܿ
                    ܒܡܗܡܝܢܘܬܗ ܓܝܪ ܕܛܪܘܢܐ ܕܡܢ ܬܒܥܬܗ ܕܕܡܐ ܚܣܝܐ܇ ܕܡܬܐܫܕ ܗܘܼܐ ܕܠܐ ܣܟܠܘ܇ ܐܥܝܪܬ ܥܠܝܢ
                    ܪܕܘܦܝܐ ܒܟܠ ܐܬܪ̈ܝܢ܇ ܘܝܗܒܬ ܐܬܪܐ ܠܚ̈ܢܦܐ ܕܢܓܠܘܢ ܥܠܝܢ ܣܢܐܬܗܘܢܿ ܘܢܓܡܪܘܢ ܒܢ ܪܓܬܗܘܢܿ
                    ܘܟܐܢܐ ܕܚܼܙܐ ܐܘܠܨܢܗ ܘܡܘܟܟܗ ܕܥܡܢ: ܘܒܙܚܐ ܘܨܥܪܐ ܕܩܝܡܗ ܩܕܝܫܐ. ܩܿܕܡ ܐܪܝܡܗ ܠܡܣܝܒܐ ܡܢ
                    ܚ̈ܝܐܼ. ܘܥܒܕ ܦܘܪܩܢܐ ܠܥܕܬܗ ܒܡܘܬܗ ܀ ܟܕ ܓܝܪ ܣܒܪ ܫܢܝܐ ܕܬܩܢܬ ܒܐܝܕܗ ܡܠܟܘܬܐ܆ ܘܐܨܠܚ ܡܟܝܠ
                    ܐܝܟ ܨܒܝܢܗܼ. ܡܪܝܐ ܐܥܝܪ ܒܗ ܡܚܫܒܬܐ ܡܕܥܪܢܝܬܐܼ. ܘܓܪܝܗ ܕܢܥܒܕ ܩܪܒܐ ܥܡ ܡ̈ܠܟܝܗܿ ܕܦܪܣ.
                    ܕܒܐܝ̈ܕܝ ܚ̈ܢܦܐ ܕܐܟܘܬܗ ܬܡܣܪܝܘܝܗ ܟܐܢܘܬܐܼ. ܘܒܐܘܚܕܢܐ ܕܠܐ ܕܝܠܗ ܢܗܘܐ ܐܒܕܢܗ. ܘܩܪܐ
                    ܠܝܘܒܢܝܢܘܣ ܪܒ ܚܝܠܗ. ܓܒܪܐ ܕܫܩܝܠ ܗܘܐ ܚܣܕܐ ܘܪ̈ܚܡܐ  102 ܒܥܝ̈ܢܘܗܝ ܕܛܪܘܢܐ.
                    ܘܐܬܪܝܙܢܘ ܬܪ̈ܝܗܘܢ ܥܡ ܚ̈ܕܕܐ܇ ܟܛܠ ܩܪ̈ܒܐ ܘܩܐܪ̈ܣܐ ܕܦܪܣ. ܘܐܫܬܘܕܝ ܠܗ ܛܪܘܢܐ ܠܝܘܒܢܝܢܘܣ.
                    ܕܪܒܐ ܢܥܒܕܝܘܝܗܝܼ ܟܠ ܝܘ̈ܡܝ ܚܝ̈ܘܗܝ. ܘܐܘܪܒ ܘܐܥܫܢܗ ܩܕܡ ܚܐܪ̈ܘܗܝ ܘܪܘܪ̈ܒܢܘܗܝ. ܘܣܡܗ ܒܬܪܗ
                    ܫܠܝܛܐ ܘܡܕܒܪܢܐ ܒܟܠܗ ܐܘܚܕܢܐ ܕܡܠܟܘܬܗ. ܘܝܗܒܼ ܥܠ ܐ̈ܝܕܘܗܝ ܡܘܗ̈ܒܬܐ ܠܟܠܗ ܚܝܠܐ ܕܪ̈ܗܘܡܝܐ.
                    ܘܫܕܪܗ ܩܕܡܘܗܝ ܒܚܝܠܐ ܣܓܝܐܐ܇ ܕܢܚܘܬ ܢܬܣܝܡ ܥܠ ܬܚܘܡܐ܇ ܘܢܐܚܘܕ ܣ̈ܦܝܢܐ ܕܡܥܒܪܬܗ ܕܕܩܠܬ ܢܗܪܐ
                    ܕܦܪܫ ܒܝܬ ܬܚܘ̈ܡܐ ܀ ܘܥܒܕ ܝܘܒܢܝܢܘܣ ܐܝܟܢܐ ܕܐܬܦܩܕ ܠܗ. ܘܐܬܣܝܡ ܥܠ ܬܚܘܡܐ ܒܐܝܪܚ ܐܕܪܼ ܕܫܢܬ
                    ܫܬܡܐܐ ܘܫܒܥܝܢ ܘܐܪ̈ܒܥ ܒܡܢܝܢܐ ܕܝܘ̈ܢܝܐ. ܒܫܒܥܐ ܒܗ ܒܝܪܚܐ. ܕܚܠܬ ܘܐܬܪܗܒܬ ܐܪܥܗ ܕܢܡܪܘܕ ܡܢ
                    ܩܕܡܘܗܝ ܀ ܘܗܘܼܐ ܡܪܝܐ ܥܡ ܝܘܒܢܝܢܘܣܼ. ܘܐܪܡܝ ܕܚܠܬܗ ܘܙܘܥܬܗ ܥܠ ܡ̈ܠܟܝܗܿ ܕܦܪܣ. ܘܕܚܠܘ ܛܒ
                    ܡܢ ܩܕܡܘܗܝ. ܐܦ ܗܘ ܪܚܡ ܘܐܚܒ ܠܐܠܗܐܼ ܡܢ ܟܠܗ ܠܒܗ. ܘܗܠܟ ܒܐܘܪ̈ܚܬܗ ܘܢܛܪ ܦܘܩܕ̈ܢܘܗܝ. ܘܠܐ
                    ܣܛܐ ܡܢܗܘܢ ܠܐ ܠܝܡܢܐܼ ܘܠܐ ܠܣܡܠܐ. ܘܦܪܥܗ ܐܠܗܐ ܛܝܒܘܬܐ ܕܥܒܕ̈ܘܗܝ ܛ̈ܒܐܼ. ܘܐܣܩܗ ܒܫܠܡܐ ܡܢ
                    ܐܪܥܐ ܕܟܠܕ̈ܝܐ܇ ܠܗ ܘܠܚܝ̈ܠܘܬܐ ܕܥܡܗ. ܘܥܒܼܕ ܒܐܝ̈ܕܘܗܝ ܦܘܪܩܢܐ ܠܥܡܐ ܐܠܝܨܐ ܕܪ̈ܗܘܡܝܐܼ.
                    ܘܐܦܩ ܐܢܘܢ ܡܢ ܚܒܘܫܝܐ ܕܐܬܚܒܫܘ ܗܘܘ ܒܗܿ. ܒܐܬܪܐ ܕܒܝܬ ܐܪ̈ܡܝܐ ܒܥܘܠܗ ܘܒܚܛܗ̈ܘܗܝ ܕܝܘܠܝܢܣ
                    ܪܫܝܥܐ. ܘܠܐ ܣܦܩܬ ܠܗ ܗܕܐ ܠܡܣܝܒܐ. ܕܐܥܝܪ ܥܠܝܢ ܪܕܘܦܝܐ ܒܟܠܗܘܢ ܐܬܪ̈ܘܬܐ ܕܫܘܠܛܢܗܼ. ܐܠܐ ܐܦ
                    ܒܦܪܣ ܐܬܪܥܝ ܫܢܝܐ ܕܢܚܕܬ ܪܘܕܦܝܐ ܡܢ ܕܪܝܫ܇ ܥܠ ܥܡܐ ܕܪ̈ܣܛܝܢܐ܇ ܕܠܡܚܣܢ ܢܚܬ ܩܠܝܠ ܘܫܠܝܬ
                    ܚܪܒܗ ܕܫܒܘܪ ܡܢ ܥ̈ܒܕܘܗܝ ܕܐܠܗܐ. ܒܡܚܦܛܘܬܐ ܕܐܓܪܬܗ ܕܢܝܚ ܪܘܚܐ ܩܘܣܛܢܛܝܢܘܣ ܡܿܠܟܐ ܡܗܝܡܢܐ
                    ܘܪܚܡ ܠܡܫܝܚܐ. ܘܗܢܐ ܡܚܝܒܐ ܘܣܢܐܐ ܕܐܠܗܐ ܘܪܚܡܐ ܕܫܐ̈ܕܐ. ܡܬܦܪܣ ܗܘܼܐ ܕܐܝܟܢܐ ܢܫܪܐ ܫܝܢܐ
                    ܕܥܒܕ ܩܘܣܛܝܢܛܝܢܣ ܠܥܕ̈ܬܐ ܒܐܪܥܐ ܦܪܣ .... ܟܬܒ ܓܝܪ ܘܫܕܪ ܠܗ ܠܫܒܘܪ ܝܘܠܝܢܣ ܒܫܢܝܘܬܗ. ܕܟܠܗ
                    ܠܡ ܕܙܩܬܢܝ ܛܢܢܐ ܕܐܬܓܪܐ ܘܐܬܟܬܫ ܥܡܟ: ܘܐܙܝܥ ܩܪܒܐ ܕܒܝܬ ܡܠܟܘ̈ܬܐ. ܥܠ ܕܢܚܬ ܘܫܠܝܬ ܚܪܒܟ ܡܢ
                    ܕܡܐ ܕܢܨܪ̈ܝܐ  103 ܒܥ̈ܠܕܒܒܝܗܿ ܕܡܠܟܘܬܝ. ܘܟܕ ܩܪܐ ܐܢܝܢ ܫܒܘܪ ܠܐܓܪ̈ܬܗ ܕܚܪܡܐܼ.
                    ܫܛܗ ܘܐܗܠ ܒܗ. ܘܠܐ ܐܬܪܡܝ ܕܢܥܒܕ ܠܗܼ. ܐܦ ܠܐ ܥܢܝܢܐ ܕܟܬܝ̈ܒܬܗ. ܐܠܐ ܟܕ ܝܠܦ ܥܠ ܝܘܒܢܝܢܘܣ
                    ܕܐܬܣܝܡ ܥܠ ܬܚ̈ܘܡܐܼ. ܫܕܪ ܠܘܬܗ ܠܐܪܝܡܗܪ ܡܘܩܛܐ ܪܒܐܼ. ܘܫܠܚܼ ܠܡ ܒܐܝ̈ܕܘܗܝܼ ܗܟܢܐ. ܡܛܠ
                    ܕܝܠܿܦܬ ܠܡ ܥܠ ܚܟܡܬܟ ܘܥܠ ܢܗܝܪܘܬ ܐܝܕܥܬܟ: ܘܥܠ ܒܘܝܢܟ ܕܣܡܝܟ ܥܠ ܘ̈ܠܝܬܐܼ. ܗܘܼܐ ܠܢ ܐܦ ܠܢ
                    ܨܒܝܝܢܐܼ. ܕܢܡܿܟ ܬܘܩܦܗܿ ܕܪܒܘܬܢܼ ܘܢܫܝܢ ܝܬܼܗܿ ܕܥܙܝܙܘܬܢܿ ܘܢܚܘܐ ܠܘܬܟ ܒܣܝܡܘܬܢܿ ܘܒܝܕ
                    ܟ̈ܬܝܒܬܢ ܢܒܝܐܟ ܘܢܫܘܕܥ ܟܐܝܠܝܢ ܕܚܫܚܢ ܠܓܒ̈ܐ ܬܪ̈ܝܗܘܢܿ ܐܠܘ ܕܝܢ ܟܐܢܐ ܗܘܬ ܠܡܪܟ: ܘܐܚܝܕ
                    ܗܘܼܐ ܡܕܒܪܢܘܬܐ ܕܠܩܘܫܬܝܼܢ. ܐܦܠܐ ܗܕܐ ܛܥܝܐ ܗܘܬ ܠܢ܇ ܕܠܗ ܡܙܕܩܐ ܗܘܬ ܘܠܝܬܐܿ. ܕܢܩܒܠ
                    ܟܬܝܒ̈ܬܐ ܕܡܠܟܘܬܢ ܐܝܟ ܩܣܪ. ܐܠܐ ܡܛܠ ܕܗܘܐ ܠܗܿ ܝܬܝܪܐ ܠܡܠܟܘܬܐ ܡܢ ܟܕܘ܇ ܘܫܪܐ ܗܼܘ ܫܘܠܛܢܗ
                    ܡܢ ܠܥܠ ܐܦܢ ܢܗܘܐ ܕܟܣܝܐ ܗܼܝ ܡܢܗܼ. ܐܟܦܬܢ ܘܠܝܬܐ ܕܢܟܬܘܒ ܠܟܼ. ܐܝܟ ܓܒܪܐ ܕܙܕܩܐ ܠܗ ܡܠܟܘܬܐ
                    ܕܪ̈ܗܘܡܝܐ ܡܢ ܠܥܠ. ܐܦܢ ܐܢܬ ܥܕܟܝܠ ܙܥܘܪܐ ܐܢܬ ܒ̈ܥܝܢܝ ܢܦܫܟ: ܒܕܠܐ ܡܦܣ ܐܢܬ ܒܥ̈ܬܝܕܬܐܼ.
                    ܐܠܐ ܠܢ ܕܝܠܢ ܪܒܐ ܐܢܬ ܡܢ ܟܕܘ܇ ܐܝܟ ܕܐܬܒܕܩ ܠܢ ܒܓܠܝܢܗܿ ܕܡܓܘܫܘܬܐ ܕܠܓܡܪ ܡܢ ܡܬܘܡ ܠܐ ܟܕܒܬ
                    ܒܓܠܝܢܗܿ. ܨܝܕ ܐܝܠܝܢ ܕܥܠܝܗܿ ܣܡܝܟܝܢ. ܠܘ ܓܝܪ ܡܢ ܐܪܥܐ ܗܼܘ ܝܘܠܦܢܗܿ ܕܗܕܐ ܚܟܡܬܐ܇
                    ܘܒܩܘܪ̈ܒܢܝܢ ܘܒܪ̈ܚܡܝܢ ܐܬܝܗܒܬ ܠܕܒܝܬ ܢܡܪܘܕ܆ ܟܕ ܩܒܠ ܬܓܐ ܡܢ ܫܡܝܐ ܒܓܠܝܢܗܿ. ܗܢܐ ܕܗܕܐ
                    ܚܟܡܬ ܪܘܡܐ ܕܙܕܩ ܐܠܗ ܫܡܝܐ ܠܡܠܟܘܬܢܿ ܒܗܿ ܐܬܒܕܩ ܠܝ ܐܝܠܝܢ ܕܥܬܝܕܢ ܥܕܠܐ ܢܬܕܢܚܢ. ܘܐܝܠܝܢ
                    ܕܡܣܬܥܪܢ ܒܐܝ̈ܕܝܟܘܢ ܒܐܪܥܢ ܐܬܓܠܝ ܠܢ. ܘܕܐܝܠܝܢ ܓܕܫܢ ܠܟܘܢ ܒܐܬܪܢ ܐܬܦܫܩ ܠܢ. ܘܟܕ ܥܕܟܝܠ ܠܐ
                    ܬܩܢ ܩܐܪܣܐ: ܘܩܪܒܐ ܕܒܝܬ ܡܠܟܘ̈ܬܐ ܠܐ ܐܬܢܩܫܼ. ܛܟܣܗ ܟܠܗ ܘܐܣܟܝܡܗ ܕܩܪܒܟܘܢܼ. ܒܪܗܛܐ
                    ܕܢܗܝܪ̈ܝܗܿ ܕܡܘܙܠܬܐ ܐܩܒܠܢܼܢ. ܘܠܐ ܡܿܡܪܚܝܢܢ ܕܢܬܩܪܐ ܘܢܬܩܿܫܐ ܠܘܩܒܠ ܐܝܠܝܢ ܕܡܠܝܟܢ ܡܢ
                    ܠܥܠ܇ ܥܕܡܐ ܕܫܠܡܢ ܘܡܬܓܡܪܢ ܒܙܒܢܝ̈ܗܝܢ. ܦܨܐ ܓܿܝܪ ܢܦܼܠ ܡܢ ܐܪ̈ܥܬܢ ܩܕܡ ܡܪܐ ܩܐܪ̈ܣܐܼ.  104 ܘܣܠܩܬ ܦܨܬܐ ܠܐܪܥܟܘܢ ܕܬܬܥܫܢ ܥܠ ܐܪܥܢ. ܫܒܘ̈ܥܐ ܕܝܘܡ̈ܬܐ ܥܣܪ̈ܐ. ܘܡܐ ܕܡܠܘ
                    ܫܒ̈ܥܐ ܝܘܡ̈ܝܢ ܠܙܟܘܬܢܼ. ܬܬܟܒܫ ܐܪܥܟܘܢ ܒܡܕܐܬܐ ܘܬܫܬܥܒܕܘ ܠܐܪܥܼܢ. ܫܒܘ̈ܥܐ ܕܫ̈ܢܝܐܼ ܥܣܪܗܐ.
                    ܝܘܡܐ ܠܫܢܬܐ.ܐܢܚܢܢ ܕܝܢ ܥܕܡܐ ܕܡܬܡܠܝܢ ܝܘܡ̈ܬܐ ܕܓܙܝܪܝܢ ܥܠ ܐܬܪܢܼ. ܠܝܬ ܠܢ ܕܢܥܒܕ ܩܪܒܐܼ ܐܦ
                    ܠܐ ܠܡܒܥܐ ܥܠܝܟܘܢ ܩܐܪܣܐ. ܐܠܐ ܐܢ ܐܝܬ ܠܟܘܢ ܨܒܝܢܐ ܦܐܝܐ ܩܕܡ ܥܝܢܝ̈ܟܘ̤ܼ. ܐܪܡܘ ܠܟܘܢ
                    ܚܘܒ̈ܠܐ ܛ̈ܒܐ ܥܠ ܐܪܥܢ ܒܙܒܢ ܙܟܘܬܟܘܢܼ. ܘܐܬܚܫܚܘ ܒܪ̈ܚܡܐ ܥܠ ܥܡܘܪ̈ܘܗܝ ܕܐܬܪܢܿ ܘܡܐ ܕܫܠܡܘ
                    ܙܒܢܗܿ ܕܙܟܘܬܟܘܢܼ. ܘܫܪܟܬ ܠܘܬܟܘܢ ܚܝܒܘܬܐ: ܘܐܫܬܦܠ ܥܘܫܢܗܿ ܕܚܬܝܪܘܬܟܘܢ ܒܐܪܥܐ ܕܠܐ
                    ܕܝܠܟܘܢܼ. ܗܘܝܢ ܠܟܘܢ ܐ̈ܦܐ ܠܡܫܐܠ ܫܘܒܩܢܐܼ. ܘܒܙܕܩܐ ܗܘܝܢ ܥܠܝܟܘܢ ܪ̈ܚܡܐ. ܘܟܐܢܘܬܐ ܗܼܝ ܓܝܪ
                    ܗܕܐ ܕܠܩܘܫܬܝܢ܇ ܕܗܿܘ ܡܐ ܕܙܪܥܿ ܐܢܫ ܢܚܨܘܕ ܘܗܘܿ ܡܐ ܕܡܘܙܦ ܐܢܫ ܢܬܦܪܥ. ܘܒܟܝܠܬܐ ܕܐܟܝܠ
                    ܢܬܬܟܝܠ ܠܗ. ܗܐ ܫܘܕܥܬܟ ܟܠܗܝܢ ܥܕ ܠܐ ܢܣܬܥܪܢܿ ܕܡܐ ܕܐܣܬܥܪ ܒܐܝܠܝܢ ܕܥܕܪܢ ܠܟ ܐܬܚܫܚ. ܘܟܕ
                    ܐܬܼܐ ܐܪܡܝܗܪ ܡܘܦܛܐ ܠܡܫܪܝܬܗ ܕܝܘܒܢܝܢܘܣ: ܘܝܗܼܒ ܠܗ ܐܓܪ̈ܬܗ ܕܫܒܘܪ܆ ܘܩܼܪܐ ܘܚܼܙܐ ܕܡܠܝܢ
                    ܫܢܝܐܼ. ܩܒܠܗ ܒܐܝܩܪܐ ܣܓܝܐܐ. ܘܝܗܼܒ ܠܗ ܡܫܟܢܐ ܐܝܕܝܥܐ ܠܡܫܪܝܗܿ. ܘܿܒܕܐ ܠܬܫܡܫܬܗ. ܘܫܩܿܠܗ
                    ܘܢܦܩ̈ܬܐ ܠܦܬܘܪܗ ܘܠܐܝܠܝܢ ܕܥܡܗ. ܚܪ ܒܗ ܕܝܢ ܝܘܒܢܝܢܣ ܒܣܘܥܪܢܐ ܦܪܘܫܐܝܬܼ. ܘܐܬܒܝܢ ܕܠܐ ܦܩܕܐ
                    ܘܠܝܬܐ ܕܢܥܒܕ ܥܢܝܢܐ ܒܟ̈ܬܝܒܬܐ ܕܐܬܝ ܠܗ ܒܠܥܕ ܦܘܩܕܢܗ ܕܩܣܪ. ܘܐܬܪܥܝ ܝܘܒܢܝܢܘܣ ܕܒܡ̈ܠܐ
                    ܢܫܪܝܘܗܝ ܠܐܪܝܡܗܪ ܡܢ ܠܘܬܗ. ܘܐܢ ܬܒ ܡܨܝܐܼ. ܒܫܐܝ̈ܠܬܐ ܘܒܫܘܓ̈ܫܐ ܕܨ̈ܢܥܬܐܼ. ܢܫܟܚ ܢܓܢܒܝܘܗܝ
                    ܠܠܒܗ ܘܢܐܠܦ ܒܫܟܚ̈ܬܐ ܕܝܕܥܬܗ. ܪܐܙܐ ܕܡܠܟܘܬܗܘܢܿ ܘܬܪܥܝܬܐ ܕܐܬܪܥܝܘ ܒܫܟܚ̈ܬܐ ܕܝܕܥܬܗ. ܪܐܙܐ
                    ܕܡܠܟܘܬܗܘܢܿ ܘܬܪܥܝܬܐ ܕܐܬܪܥܝܘ ܡ̈ܠܟܝܗܿ ܕܦܪܣ ܥܠ ܩܪܒܐ ܕܒܝܬ ܡ̈ܠܟܘܬܐ .... ܘܫܕܪ ܒܪܐܙ
                    ܩܪܝܗܝ ܠܐܪܝܡܗܪ ܠܘܬܗܼ. ܘܣܘܚ ܠܗ ܘܩܒܠܗܼ ܚܒܝܒܐܝܬ. ܘܥܕܢܐ ܣܓܝܐܐ ܡܬܪܙܝܢ ܗܘܘ ܥܡ ܚ̈ܕܕܐ.
                    ܘܡ̈ܠܐ ܕܫܝܢܐ ܘܕܚܘܒܐ ܙܪܥ ܗܘܼܐ ܝܘܒܢܝܢܣ ܒܡܫܥܬܗ ܕܡܘܦܛܐ ܟܕ ܐܡܿܪ. ܪܓܐ ܗܘܬ ܠܝ ܠܡ ܐܠܘ
                    ܓܠܝܐ ܠܟ܇ ܐܝܢܐ ܚܘܒܐ ܫܦܝܥܐ ܘܪܚܡܬܐ ܡܫܡܠܝܬܐ ܐܝܬ  105 ܠܝ ܨܐܕܝܟܿ. ܡܢ ܫܥܬܐ
                    ܕܩܒܬܟ. ܘܨܿܒܐ ܗܘܝܬ ܠܘ ܡܨܝܐ܇ ܕܠܐ ܬܬܓܪܕܐ ܗܘܬ ܚܙܬܟ ܠܓܡܪ ܡܢ ܩܕܡ ܥ̈ܝܢܝ. ܛܒ ܓܝܪ ܐܣܬܪܟ
                    ܪܥܝܢܝ ܒܚܘܒܗܿ ܕܪܚܡܬܟ. ܘܕܢܣܒܥ ܐܢܫ ܡܢ ܚܘܒܐ ܕܡܚܒܢܗܼ ܢܥܒܕ ܕܐܦܢ ܚܘܒܢ ܕܥܡ ܚܕ̈ܕܐ ܡܚܬܚܬ
                    ܘܡܒܠܩ ܠܢ: ܕܢܬܐܣܪ ܒܚܙܬܐ ܐܡܝܢܬܐ ܕܟܠ ܫܥ. ܐܠܐܼ ܫܘܠܛܢܐ ܕܠܥܠ ܡܢܢ ܐܟܦ ܠܢ܇ ܕܢܬܐܡܢ
                    ܠܨܒܘ̈ܬܐ ܐܝܠܝܢ ܕܣܝܡܢ ܒܬܪܢ. ܕܕܠܡܐ ܡܢ ܡܗܡܝܢܘܬܗܝܢ܇ ܬܘܟܐ ܘܚܘܣܪܢܐ ܢܬܬܓܪ ܠܩܢܘܡܢ. ܐܬܚܙܝܬ
                    ܠܡ ܓܝܪ ܘܠܝܬܐܼ. ܕܦܐܝܐ ܗܼܝ ܠܗ ܠܐܢܫ ܘܡܫܒܚܐ܇ ܕܢܗܘܐ ܣܝܡ ܟܠܫܥ ܩܕܡ ܥܝ̈ܢܘܗܝ ܫܘܠܛܢܐ ܕܠܥܠ
                    ܡܢܗܿ. ܘܢܐܟܦ ܥܠ ܣܘܥܪܢܐ ܐܝܢܐ ܕܥܠܘܗܝ ܡܕܫܪ. ܕܒܥܓܠ ܢܥܒܕ ܥܢܝܢܐ ܠܡܫܕܪܢܗܿ. ܐܝܟ ܕܢܗܘܐ ܠܗ
                    ܐܬܪܐ ܕܢܬܚܟܡ ܥܠ ܣܘܥܪܢܗ. ܝܬܝܪ ܕܝܼܢ. ܐܡܬܝ ܕܬܟܝܒ ܩܪܒܐ ܘܡܣܪܗܒ ܩܐܪܣܐ. ܢܦܘܫ ܗܟܝܠ ܚܘܒܟ
                    ܗܡܝܪܐ ܠܘܬܢܼ. ܘܢܐܙܠ ܒܠܒܟ ܥܘܗܕܢܗܿ ܕܪܚܡܬܢܿ ܘܢܗܘܝܢ ܥ̈ܝܢܝܟ ܠܛܒܬܐ ܥܠ ܥܡܢ. ܘܗܒ ܐܝܕܐ
                    ܠܙܟܘܬܢܼ. ܘܬܣܒ ܒܟ ܫܡܐ ܘܫܘܒܗܪܐ ܡܠܟܘܬܐ ܕܪ̈ܗܘܡܝܐ. ܘܟܕ ܗܠܝܢ ܬܥܒܼܕ ܒܪܗܿ ܕܡܠܟܘܬܢ ܬܬܩܪܐ
                    .... ܗܠܝܢ ܗ̈ܘܝ ܡ̈ܠܘܗܝ ܕܝܘܒܢܝܢܘܣ ܨܝܕ ܡܘܦܛܐ ܕܐܫܬܕܪ ܠܘܬܗܼ. ܥܡ ܣܓܝܐ̈ܬܐ ܕܕܡܝܢ ܠܗܝܢ.
                    ܐܪܡܝܗܪ ܕܝܢ ܡܛܠ ܕܓܒܪܐ ܗܘܼܐ ܥܪܝܡܐܼ. ܐܦ ܗܼܘ ܐܫܬܘܕܥܗܿ ܗܘܼܐ ܠܚܪܥܘܬܗ ܕܝܘܒܢܝܢܣ. ܘܝܕܥ
                    ܕܢܓܢܒܝܘܗܝ ܒܡ̈ܠܘܗܝ ܨܿܒܐܼ. ܘܠܐ ܐܬܪܡܝ ܠܫܘ̈ܓܫܐ ܕܨ̈ܢܥܬܗ. ܐܠܐ ܐܗܡܝ ܠܗ ܡܢ ܒܥܬܗܝܢ
                    ܕܗܠܝܼܢ. ܘܕܢܥܒܕ ܥܢܝܢܗܝܢ ܕܐܓܪ̈ܬܐ ܕܐܬܝ ܠܗ. ܐܟܦ ܗܘܼܐ ܠܗܼ ܟܕ ܐܡܿܪ. ܕܐܢ ܐܝܬ ܠܟ ܨܒܝܢܐܼ.
                    ܐܦܢ ܐܝܟ ܕܠܒܪ ܦܚܡܟ ܥܿܒܕ ܥܢܝܢܐ ܠܟܬܝ̈ܒܬܗ ܕܡܠܟ ܡ̈ܠܟܐ. ܘܐܢ ܣܢܝܐ ܗܝ ܒܥܝ̈ܢܝܟ ܕܬܚܬܝ ܝܬܗ
                    ܠܘܬܟܼ. ܐܗܦܟ ܐܢܝܢ ܠܗ ܠܐܓܪ̈ܬܗ. ܘܗܐ ܝܪܒ ܘܐܬܝܩܪ ܒܥܝ̈ܢܝܟ. ܒܚܠܘܦܝܗܿ ܕܗܿܝ ܕܫܩܝܠ ܐܢܬ
                    ܚܣܕܐ ܘܪ̈ܚܡܐ ܒܥܝܢܘ̈ܗܝ. ܝܘܒܢܝܢܘܣ ܕܝܼܢ ܠܐ ܐܬܬܦܝܪ ܒܡ̈ܠܘܗܝ. ܐܦܠܐ ܥܢܝܗܝ ܦܬܓܡܐ ܩܫܝܐܝܬ .
                    ܐܠܐ ܒܢܝܚܘܬܐ ܘܒܣܝܡܘܬܐ ܐܬܝܒܗ ܦܬܓܡܐ ܟܕ ܐܡܿܪ. ܕܠܡܐ ܠܡ ܐܚܝ ܬܣܒ ܥܠܝ ܡܚܫܒܬܐ ܕܐܝܟ
                        ܗܕܐ. 106 ܐܢܐ ܠܡ ܓܝܪ܆ ܘܠܐ ܘܠܝܬܗ ܕܩܣܪ ܓܠܙ ܐܢܐܼ. ܘܠܐ ܙܕܩܐ ܕܡܬܬܚܝܒ ܠܡܪܟ
                    ܛܿܠܡ ܐܢܐ. ܗܐ ܓܒܪܐ ܐܢܬ ܚܟܝܡܐ. ܒܨܝ ܘܠܝܬܐ ܘܕܘܢ ܩܘܫܬܐ. ܟܬܝ̈ܒܬܗ ܕܡܪܟ ܩܒܠܬܼ. ܘܡܢܗܝܢ
                    ܝܠܦܬ ܕܡܢܘ ܨܒܝܢܗ. ܘܕܐܟܬܘܒ ܠܗ ܥܢܝܢܗܝܢ ܕܐܝܠܝܢ ܕܫܠܚ ܠܝ: ܒܠܥܕ ܦܘܩܕܢܗ ܕܩܣܪ ܠܐ ܦܩܕܐ
                    ܘܠܝܬܐ. ܙܿܕܩܐ ܠܢ ܓܝܪ ܕܢܕܥ ܝܬܢ ܕܦܩ̈ܝܕܐ ܚܢܼܢ. ܘܠܐ ܡ̈ܫܠܛܝ ܥܠ ܨܒܝܢܗܘܢܿ ܘܕܢܥܘܪ ܡܕܡ
                    ܒܫܘܠܛܢ ܢܦܫܢ. ܠܐ ܦܩܿܕܝܢ ܠܢ ܛ̈ܟܣܝܗܿ ܕܡܠܟܘܬܟܘܢܿ ܘܠܐ ܕܢܬܓܘܙܠ ܒܚܡܬܐ ܠܬܒܥܬܐܼ. ܘܠܐ ܕܢܬܠ
                    ܫܘܘܕܝܐ ܥܠ ܫܘܒܩܢܐ. ܒܪܡ ܕܝܢ ܟܡܐ ܕܡܨܝܢܢ ܒܚܝܠܐܼ. ܝܗܒܝܢܢ ܐܝܕܐ ܠܨܒܝܢܗ ܕܡܪܟ ܕܢܬܩܝܡ.
                    ܘܒܛܝܠܘܬܐ ܗܘܝܐ ܠܢ ܕܢܒܥܐ ܡܢ ܩܣܪ. ܘܢܬܠ ܡ̈ܠܟܼܐ ܫܦܝܪ̈ܐ ܥܠ ܥܡܘܪ̈ܝܗܿ ܕܐܪܥܟܘܢܼ. ܕܠܐ
                    ܬܫܬܠܛ ܒܗܘܢ ܚܪܒܐ ܕܪ̈ܗܘܡܝܐܼ. ܣܦܩܐ ܠܗܘܢ ܓܝܪ ܒܙܬܐ ܕܢܟܣ̈ܝܗܘܢܿ ܒܪܡ ܕܝܢ ܡܘܕܥ ܐܢܐ ܠܟ
                    ܚܒܝܒܼ. ܕܚ̈ܘܒܠܐ ܒܝ̈ܫܐ ܪܡܝܢ ܠܗ ܠܡܪܟ ܥܠ ܐܪܥܢ. ܘܙܒܢ̈ܬܐ ܣܓܝܐ̈ܬܐ ܐܚܪܒ ܬܚܘ̈ܡܝܗܿ
                    ܕܡܠܟܘܬܢܿ ܕܠܐ ܩܪܒܐ ܘܕܠܐ ܩܐܪܣܐܼ. ܘܕܡܐ ܣܓܝܐܐ ܐܫܕ ܒܐܘܚܕܢܢ. ܘܗܠܝܢ ܕܬܢܝܬ ܠܟ ܗܫܐܼ. ܘܡܣܬ
                    ܕܢܗܘܐ ܥܘܗܕܢܗܝܢ ܩܕܡ ܥ̈ܝܢܝܟܼ. ܕܐܢ ܡܬܥܠܝܐ ܚܪܒܢ ܡܢ ܥܡܘܪ̈ܘܝ ܕܐܬܪܟ ܒܡܥܒܕܢܘܬܐ ܕܡܢܢ. ܠܟ
                    ܡܙܕܩܝܢ ܚܢܢ ܛܝܒܘܬܐ. ܚܘܒܢ ܓܝܪ ܕܥܡ ܚ̈ܕܕܐ ܣܥܪ ܗܕܐ. ܬܡܝܗ ܗܘܼܐ ܕܝܢ ܐܪܝܡܗܪ ܡܘܦܛܐ ܥܠ
                    ܡ̈ܠܘܗܝ ܦܐܝ̈ܬܐ ܕܝܘܒܢܝܢܘܣ. ܘܬܗܝܪ ܛܒ ܒܡܓܪܬ ܪܘܚܐ ܕܚܟܡܬܗ܇ ܕܐܝܟܢܐ ܠܐ ܐܬܬܦܝܪ ܒܡ̈ܠܐ
                    ܩ̈ܫܝܬܐ ܕܐܫܡܥܗ. ܘܡܫܒܚ ܗܘܼܐ ܠܗܿ ܘܡܩܠ ܠܝܕܥܬܗܼ ܟܕ ܐܡܿܪ. ܛܘܒܝܗܿ ܠܡ ܠܡܠܟܘܬܐ ܕܪ̈ܗܘܡܝܐ܇
                    ܕܐܢܐ ܪܒ ܚܝܠܐ ܐܝܬ ܠܗܿ. ܛܘܒ ܥܠ ܛܘܒ ܢܬܝܗܒ ܠܗܿ. ܝܘܡܐ ܕܬܨܛܒܬ ܒܫܡܟ ܘܬܐܪܒ ܒܟ. ܐܦ ܐܢܐ
                    ܐܚܕܐ ܒܟ ܒܗܿܝ ܫܥܬܐ ܘܐܡܼܪ ܠܟ܆ ܩܕܐ ܒܙܟܘ ܟܠܝܠܐ ܕܡܠܟܘܬܟ. ܓܚܟ ܕܝܢ ܝܘܒܢܝܢܘܣ ܘܐܡܼܪ.
                    ܐܫܬܘܦ ܕܝܢ ܒܗܕܐ ܕܐܬܩܪܝܬ ܠܗܿ ܗܘܝܬ ܥܠܬ ܝܘܬܪ̈ܢܐ ܠܩܢܘܡܝ܇ ܘܣܦܩܬ ܒܐܝ̈ܕܝ ܕܐܫܝܢ ܗܘܝܬ ܒܝܢܝ
                    ܗܠܝܢ ܬܪ̈ܬܝܢ ܡ̈ܠܟܘܬܢ ܬܩ̈ܝܦܢ. ܘܣܦܩܐ ܗܘܬ ܠܝ ܗܕܐ. ܫܩܼܠ ܕܝܢ ܝܘܒܢܝܢܘܣ ܒܦܬܓܡܐ ܗܢܐ. ܚܣܕܐ
                    ܘܪ̈ܚܡܐ  107 ܒܥܝܢ̈ܘܗܝ ܕܐܪܡܗܪ ܘܪܚܡܗ ܐܝܟ ܢܦܫܗ. ܘܗܝܡܢܗ ܠܒܗ. ܘܓܠܼܐ ܠܗ ܟܠܗ ܪܙܐ
                    ܕܡܠܟܘܬܐ ܕܦܪܣ. ܘܕܫܕܪ ܫܒܘܪ ܕܫ̈ܢܐ ܘܡܘܗ̈ܒܬܐ ܠܐܬܪ̈ܘܬܐ ܪ̈ܚܝܩܐ. ܕܢܩܪܐ ܘܢܙܿܡܢ ܚܝ̈ܠܐ
                    ܢܘܟܪ̈ܝܐ ܠܐܝܠܐ ܕܩܐܪܣܗ. ܘܡܚܿܦܛ ܗܘܼܐ ܠܗ ܠܝܘܒܢܝܢܘܣܼ. ܕܢܬܟܘܒ ܒܥܓܠ ܩܪܒܐ. ܘܢܬܩܢ ܩܐܪܣܐ
                    ܥܕܠܡܐ ܬܩܿ ܘܥܿܫܢ ܡܢܗܘܢ ܩܪܒܗܿ ܘܩܐܪܣܗܿ ܕܐܬܘܪ. ܘܐܟܼܦ ܗܘܼܐ ܠܗ ܟܕ ܐܡܿܪ. ܕܐܢܐ ܠܡ ܫܪܪܐ
                    ܐܝܟ ܕܐܝܬܘܗܝܼ ܓܠܝܬ ܠܟ. ܕܫܒܘܪ ܣܘܓܐܐ ܕܚܝ̈ܠܘܬܐ ܕܒܪܒܪ̈ܝܐ ܡܢ ܐܬܪ̈ܘܬܐ ܪ̈ܚܝܩܐ ܘܡܒ̈ܥܕܐ܇
                    ܫܕܪ ܩܼܪܐ ܘܙܡܢ ܕܢܐܬܘܢ ܠܐܝܠܐ ܕܩܐܪܣܗ. ܘܥܕܟܝܠ ܠܐ ܐܬܬܙܝܥܘ ܠܡܦܩ ܡܢ ܐܬܪܗܘܢܿ ܐܠܐ ܥܕ ܐܝܬ
                    ܠܟܘܢ ܦܠܥܐ: ܘܝܗܿܒ ܠܟܘܢ ܙܒܢܐ ܐܝܕܐ ܠܙܟܘܬܐܼ. ܐܬܚܟܡܘ ܠܣܘܥܪܢܟܘܢ. ܘܐܬܚܝܠܼܘ ܘܐܬܥܫܢܘ ܥܠ
                    ܐܪܥܗ ܕܢܡܪܘܕ܆ ܘܐܥܕܘ ܒܙܬܐ ܕܐܪܥܼܢ. ܘܙܕܩܘ ܚ̈ܝܐ ܠܢܦܫ̈ܬܐ ܕܥܡܘܪ̈ܝܗܿ. ܘܐܢܐ ܗܐ ܡܩܝܡ ܐܢܐ
                    ܥܡܟ ܩܝܡܐ ܕܫܪܪܐ: ܘܝܗܿܒ ܐܢܐ ܠܟ ܫܘܘ̈ܕܝܐ ܒܡܘܡ̈ܬܐܼ. ܕܟܡܐ ܕܡܨܐ ܐܢܐ ܒܚܝܠܐ ܐܬܠ ܐܝܕܐ
                    ܟܣܝܐܝܬ. ܠܙܟܘܬܐ ܕܪ̈ܗܘܡܝܐ. ܘܐܢ ܬܘܒ ܡܬܓܡܪܐ ܬܪܥܝܬܐ ܕܐܬܪܥܝܬ. ܐܝܬ ܠܝ ܕܐܥܒܕ ܒܐܝܕܟ
                    ܢܨܚܢܐܢܼ. ܕܢܬܕܡܪܘܢ ܒܗ ܕܪ̈ܐ ܕܡܢ ܒܬܪܢܿ ܘܫܼܠܡ ܝܘܒܢܝܢܘܣ ܠܨܒܝܢܗ ܕܡܘܦܛܐܼ. ܘܥܠܘ ܬܪ̈ܝܗܘܢ
                    ܒܩܝܡܐ ܕܡܘܡ̈ܬܐ ܕܟܡܐ ܕܡܨܝܢ ܒܚܝܠܐ ܢܩܝܡܘܢ ܨܒܝܢܐ ܕܚ̈ܕܕܐ. ܘܥܒܼܕ ܝܘܒܢܝܢܘܣ ܫܪܝܘܬܐ ܕܪܒܬܐ
                    ܠܐܪܝܡܗܪ ܘܠܐܝܠܝܢ ܕܥܡܗ. ܘܠܥܣܘ ܘܐܫܬܝܘ ܥܡ ܚ̈ܕܕܐ ܘܐܬܒܣܡܘ. ܘܬܘܒ ܡܢ ܒܬܪ ܝܘܡܐܼ. ܟܕ ܣܡ
                    ܐ̈ܦܘܗܝ ܡܘܦܛܐ ܕܢܐܙܠ ܠܐܬܪܗܼ. ܝܗܒܼ ܠܗ ܝܘܒܢܝܢܘܣ ܡܘܗ̈ܒܬܐ ܘܩܘܪ̈ܒܢܐ ܒܐܝܕܐ ܫܦܝܥܬܐ. ܘܥܦܩܘ
                    ܘܢܫܩܘ ܠܚ̈ܕܕܐ. ܘܫܕܪܗ ܒܫܠܡܐ ܠܐܬܪܗ .... ܝܘܒܢܝܢܘܣ ܕܝܼܢ ܟܬܼܒ ܐܘܕܥܗ ܠܝܘܠܝܢܣ ܥܠܬܗܝܢ
                    ܕܐܝܠܝܢ ܕܐܬܟܬܒ ܠܗ ܡܢ ܫܒܘܪ܇ ܘܕܐܝܠܝܢ ܕܐܬܐܡܪ ܠܗ ܡܢ ܡܘܦܛܐ. ܐܝܟ ܕܢܐܣܪܝܘܗܝ ܠܥܢܝܢܗ ܒܪܢܝܐ
                    ܕܩܪܒܗ. ܘܢܬܘܟ ܩܠܝܠ ܡܢ ܫܢܝܘܬܗܿ ܕܦܬܟܪܘܬܐ ܕܐܚܝܕܐ ܗܘܬ ܠܗ. ܡ̈ܠܐ ܓܝܪ ܡܕܥܪ̈ܢܝܬܐ ܕܒܠܗܝܢ
                    ܠܗ ܟܬܼܒ. ܐܝܟܢܐ ܕܣܟ ܠܐ ܢܬܬܗܐ ܐܘ ܢܬܥܘܟ ܡܢ ܩܪܝܢܐ ܒܝܫܼܐ ܕܐܬܩܪܝ ܠܗ. ܕܢܚܘܬ ܢܥܒܕ ܒܝܬ
                    ܟ̈ܠܕܝܐ ܚܘܫܒܢ 108 ܒܝܫ̈ܬܐ ܕܣܥܝܪ̈ܢ ܠܗ .... ܘܟܕ ܩܪܐ ܛܪܘܢܐ ܐܓܪ̈ܬܐ ܕܐܫܬܕܪ ܠܗ
                    ܡܢ ܪܒ ܚܝܠܗ: ܘܝܠܼܦ ܡܢܗܝܢ ܕܐܝܕܐ ܒܛܝܠܘܬܐ ܘܝܨܝܦܘܬܐ ܐܝܬ ܠܗ ܠܫܒܘܪ܆ ܕܢܟܢܫ ܚܝܠܐ ܣܓܝܐܐ
                    ܠܐܝܠܐ ܕܩܐܪܣܗܼ. ܗܘܐ ܝܘܠܝܢܣ ܒܪܗܝܒܘܬܐ ܣܓܝܐܬܐܼ. ܘܫܕܐ ܡܢܗ ܪܝܢܐ ܕܟܠܗܝܼܢ. ܘܫܪܝ ܠܡܪܢܐ
                    ܘܠܡܐܨܦ ܕܩܪܣܗ. ܘܩܪܐ ܠܐܐܛܝܣ ܐܚܝܢܗ ܘܩܪܝܒܗ. ܘܐܓܥܠ ܒܐܝ̈ܕܘܗܝ ܡܕܒܪܢܘܬܐ ܕܡܕܝܢܬܐ. ܘܗܘ
                    ܐܬܥܬܕ ܒܚܝܠܐ ܣܓܝܐܐ. ܠܡܚܬ ܠܐܬܪ̈ܘܬܐ ܕܡܕܢܚܐ. ܘܐܫܬܕܪ ܡܢܗ ܐܓܪ̈ܬܐ ܠܐܢܛܝܟܝܐ ܕܣܘܪܝܐ܇ ܠܘܬ
                    ܐܪܣܩ ܢܛܪ ܕܘܬܟܗ ܕܝܘܒܢܝܢܘܣ. ܕܢܛܝܒ ܐܣܢܐ ܘܐܝܠܝܢ ܕܚܫܚܢ ܘܡܬܒܥܝܢ܇ ܠܚܝܘܬܐ ܕܐܝܬ ܥܡܗ. ܘܟܕ
                    ܫܼܡܥܘ ܪ̈ܒܝ ܟܗ̈ܢܐ ܕܥܡܪܝܢ ܒܛܒܪܝܘܣ ܕܐܬܬܙܝܥ ܝܘܠܝܢܘܣ ܠܡܚܬ ܠܣܘܪܝܐܼ. ܐܬܡܠܝܘ ܚܕܘܬܐ ܪܒܬܐ.
                    ܘܪܘܙܘ ܗܘܘ ܪ̈ܥܝܢܝܗܘܢܿ ܘܡܬܚܫܒܝܢ ܗܘܘ ܒܝܢܝ̈ܗܘܢܼ. ܕܒܡܢܐ ܢܫܬܦܪܘܢ ܠܗ ܠܡܣܝܒܐ. ܘܢܣܒܘ
                    ܡܠܼܟܐ ܚܕ ܡܢ ܚܕ܆ ܘܝܗܒܘ ܕܗܒܐ ܠܐܘ̈ܡܢܐ ܚ̈ܟܝܡܐܼ. ܘܚܫܠܘ ܠܗ ܠܛܪܘܢܐ ܟܠܝܠܐ ܕܠܚܿܡ ܠܚܢܦܘܬܗ.
                    ܫܒ̈ܥܐ ܦܬܟܪ̈ܘܗܝ ܕܫܢܝܐ ܠܗܘܢ ܝܬܝܪ ܣܿܓܕ ܗܘܐ܇ ܓܠܝܦܝܢ ܗܘܘ ܥܠܘܗܝ ܕܟܠܝܠܐ ܕܚܫܠܘ ܠܗ ܠܫܢܝܐ.
                    ܘܢܣܒܘ ܟܬܒܐ ܕܬܘܕܝܬܐ ܡܢ ܒ̈ܢܝ ܥܡܗܘܢܿ ܘܩܘܪܒܢܐ ܡܢ ܛܘܒܗܿ ܕܐܪܥܗܘܢܼ. ܘܣܠܩܘ ܩܒܠܘܗܝ ܠܫܢܝܐ
                    ܕܐܟܘܬܗܘܢ ܒܛܪܣܘܣ ܕܩܝܠܝܩܝܐ. ܟܕ ܠܒܝܫܝܢ ܚܘܪ̈ܐ ܘܢܥܪܝܢ ܒܫܝܦܘܪ̈ܐ܇ ܘܡܙܕܩܝܢ ܠܗ ܬܘܕܝܬܐ ܐܝܟ
                    ܕܠܐܠܗܐ .. ܗܘ ܕܝܢ ܚܪܡܐܼ. ܠܐ ܐܬܪܡܝ ܠܫܘܦܪܢܘܬܗܘܢܿ ܐܠܐ ܟܕ ܝܠܦܼ ܕܓܙܝܪ̈ܐ ܐܢܘܢܼ. ܐܗܦܟ
                    ܐܦܘ̈ܗܝ ܡܢܗܘܢ ܒܚܡܬܐ. ܘܫܕܐ ܐܢܘܢ ܡܢ ܩܕܡ ܐ̈ܦܘܗܝ. ܥܕ ܒܩܿܐ ܠܗܘܢ ܐܢ ܫܠܡܝܢ ܠܚܢܦܘܬܗ. ܝܕܥܿ
                    ܗܘܼܐ ܓܝܪ ܕܠܚܕ ܐܠܗܐ ܦܠܚܝܢ ܙܦܢܐܝܬ. ܘܢܦܩܘ ܡܢ ܩܕܡܘܗܝ ܒܥܩܬܐ ܣܓܝܐܬܐ. ܟܕ ܟܡܝܢ ܐܦܝܗ̈ܘܢ
                    ܘܡܪܟܢ ܪܫܗܘܢܿ ܝܗܘܕ̈ܝܐ ܕܝܢ ܕܥܡܪܝܢ ܗܘܘ ܒܗܿ ܒܡܕܝܢܬܐܼ. ܩܒܠܘ ܐܢܘܢ ܠܘܬܗܘܢ ܘܝܗܒܘ ܠܗܘܢ
                    ܒܝܬ ܡܫܪܝܐ. ܘܕܝܢܝܢ ܗܘܘ ܥܡܗܘܢ ܩܫܝܐܝܬܼ. ܕܠܡܢܐ ܠܡ ܡܬܒܥܝܐ ܗܘܬ ܠܟܘܢ ܗܕܐ܇ ܕܟܒܪ ܪܕܘܦܝܐ
                    ܐܘ ܟܦܘܪܝܐ ܡܥܝܪ ܥܠ ܟܠܗ ܥܡܢ. ܕܡܟܐ ܗܘܬ ܓܝܪ ܘܫܠܝܐ ܡܢܢ ܒܥܬܐ ܕܦܘܠܚܢ ܦܬܟܪ̈ܐܼ.  109 ܘܐܢܬܘܢ ܒܐܝ̈ܕܝܟܘܢ ܐܥܝܬܘܢܗܿ ܥܠ ܟܠܗ ܛܘܗܡܢ. ܫܒܼܩ ܓܝܪ ܗܫܐ ܡܿܠܟܐ ܪܢܝܐ
                    ܕܢܨܪ̈ܝܐܼ. ܘܢܦܠ ܠܗ ܪܢܝܐ ܕܓܪܙܝܪ̈ܐ. ܘܡܢܐ ܐܝܬ ܠܢ ܠܡܐܡܪ ܠܟܘܢ ܐܘ ܡܕܒܪ̈ܢܘܗܝ ܕܐܝܣܪܝܠ܇ ܐܢ
                    ܓܕܫܐ ܘܐܠܨ ܠܟܘܢ ܗܢܐ ܚܢܦܐ ܠܡܣܓܕ ܠܦܬܟܪ̈ܐ܇ ܕܒܬܪܟܘܢ ܐܬܝܐ ܟܠܗܿ ܟܢܘܫܬܐ ܕܝܥܩܘܒ܇ ܘܗܘܝܢ
                    ܐܢܬܘܢ ܥܠܬܐ ܕܬܘܩܠܬܐ ܠܟܠܗ ܒܝܬ ܐܝܣܪܝܠ. ܘܗܫܐ ܕܥܘܼ. ܘܚܙܘ ܡܢܐ ܥܒܕܝܢ ܐܢܬܘܢܿ .. ܐܡܪܝܢ
                    ܠܗܘܢ ܪ̈ܒܝܟܗ̈ܢܐ ܠܢ ܛܢܢܗ ܕܒܝܬ ܡܩܕܫܢ ܕܚܪܒ܇ ܘܕܡܕܝܢܬܢ ܕܨܕܬ. ܘܕܥܡܢ ܕܙܪܝܩ ܘܡܒܕܪ. ܙܩܬܢ
                    ܕܢܥܒܕ ܗܕܐ ܠܥܘܕܪܢܗ ܕܟܠܗ ܓܘܐ. ܐܢ ܕܝܢ ܡܫܬܟܚܐ ܠܣܘܓܦܢܼܢ. ܠܘ ܒܙܕܩܗܿ ܕܘܠܝܬܐ ܕܝܢܝܢ ܐܢܬܘܢ
                    ܥܡܢ. ܕܠܘ ܝܕܘ̈ܥ ܕܟܣ̈ܝܬܐ ܚܢܼܢ. ܐܦܠܐ ܥܬܝܕ̈ܬܐ ܓܠܝܢ ܠܢ. ܘܗܫܐ ܫܠܘ ܠܟܘܢ ܡܢ ܗܕܐܼ. ܘܨܠܘ
                    ܠܐܠܗܐ ܕܢܦܬܚ ܬܪܥܐ ܠܒܥܘܬܢܿ. ܘܬܣܩ ܠܪܝܫܝ ܡܚܫܒܬܢܿ ܘܐܢ ܢܗܘܐ ܠܢ ܠܡܥܒܕ ܨܒܝܢܐ ܠܡܿܠܟܐ
                    ܒܫܐ̈ܝܠܬܐܼ. ܠܘ ܡܢܢ ܫܪܝܬ ܗܕܐ. ܕܐܦ ܒܝܘ̈ܡܝ ܐܒ̈ܗܝܢ ܡܢ ܕܚܠܬܐ ܕܡ̈ܠܟܐ ܚ̈ܢܦܐ ܕܩܡܘ
                    ܒܐܝܣܪܝܠ܆ ܗܘܬ ܗܕܐ ܕܐܝܟ ܗܟܢܐ ܘܐܣܬܥܪܬ. ܕܟܕ ܠܐܠܗܐ ܕܫܪܪܐ ܣܓܕܝܢ ܗܘܘ ܐܒ̈ܗܝܢ. ܐܦ ܠܐ̈ܠܗܐ
                    ܢܘܟܪ̈ܝܐ ܡܕܒܚܝܢ ܗܘܘ. ܘܡܿܢܩܝܢ ܒܫܐܝ̈ܠܬܐ .... ܐܦ ܫܠܝܡܘܢ ܡܫܡܗܐ ܝܡܐ ܕܚܟܡܬܐ܆ ܕܒܢܼܐ ܒܝܬܐ
                    ܠܫܡܗ ܕܡܪܝܐ܆ ܘܐܬܓܠܝ ܥܠܘܗܝ ܡܪܝܐ ܒܚܙܘܐ ܬܪ̈ܬܝܢ ܙܒ̈ܢܝܼܢ. ܟܕ ܚܣܢܗ ܛܢܢܐ ܕܢܫܘ̈ܗܝ: ܘܚܒ
                    ܘܐܙܕܟܝ ܡܢ ܚܘܒܐ ܕܪܚܡܬܗܝܼܢ. ܙܕܩ ܠܐܠܗܐ ܕܝܠܗ ܒܟܐܢܘܬܐܼ. ܘܥܒܼܕ ܨܒܝܢܐ ܠܢܫܘ̈ܗܝ
                    ܒܫܐܝ̈ܠܬܐܼ. ܘܕܒܿܚ ܘܣܡ ܒܣ̈ܡܐ ܥܠ ܥ̈ܠܘܬܐ ܕܐܠܗܝ̈ܗܝܢ .... ܘܡܢܐ ܡܬܒܥܝܢ ܠܢ ܡܟܝܠ ܣܗ̈ܕܘܬܐ
                    ܣܓܝܐ̈ܬܐ ܕܡܢ ܟ̈ܬܒܐ. ܐܦ ܐܒܘܢ ܝܥܒܘܒ ܪܝܫ ܛܘܗ̈ܡܐ ܕܐܝܣܪܝܠ܆ ܬܚܝܬ ܒܛܡܬܐ ܐܘܩܕ ܐ̈ܠܗܐ
                    ܢܘܟܪ̈ܝܐ ܕܐܝܬ ܗܘܼܐ ܒܡܫܪ̈ܝܬܐ ܕܒܢܘ̈ܗܝ. ܘܐܢ ܗܠܝܢ ܐ̈ܒܗܬܐ ܘܪ̈ܝܫܝ ܫܒ̈ܛܐ ܠܐ ܐܬܪܫܝܘ ܥܠ
                    ܗܕܐ: ܐܦܠܐ ܐܬܣܡ ܬܚܝܬ ܚܛܗܐ. ܚܢܢ ܟܕ ܒܨܝܪ̈ܐ ܐܢ ܡܬܐܠܨܝܢܢ ܕܢܕܒܚ ܒܫܐܝ̈ܠܬܐܼ. ܡܢܐ ܠܡ ܐܝܬ
                    ܒܗܿ ܒܗܕܐ. ܕܗܐ ܠܡ ܐܕܘܢܝ ܕܒܠܒ̈ܘܬܐ ܚܿܙܐܼ. ܡܛܠ ܕܛܢܢܗ ܕܒܝܬ ܡܩܕܫܢ ܕܚܪܒ ܡܣܬܥܪܐ ܗܕܐ. ܐܠܐ
                    ܒܢ̈ܝ ܢܬܠ ܠܙܒܢܐ ܕܝܠܗ܆  110 ܘܢܥܒܕ ܨܒܝܢܗ ܕܡܿܠܟܐ ܘܢܫܬܡܥ ܠܦܘܩܕܢܗ. ܕܕܠܡܐ ܟܒܪ
                    ܒܝܕ ܒܥܘܬܢ ܕܡܢܗܿ. ܒܿܢܐ ܘܡܚܕܬ ܠܢ ܒܝܬ ܡܩܕܫܢ ܕܚܪܒ܇ ܘܡܝܬܒ ܚܪ̈ܒܬܗܿ ܘܨ̈ܕܝܬܗ ܕܡܕܝܢܬܢܿ
                    ܒܗܠܝܢ ܡ̈ܠܐ ܚܪ̈ܒܬܐ ܘܦܚܝ̈ܚܬܐ܇ ܫܠܝܘ ܡܢܗܘܢ ܟܗ̈ܢܐܢ ܒܣܝܪ̈ܐ ܩܥܬܐ ܕܒ̈ܢܝ ܥܡܗܘܢܿ ܘܗܘܼܐ ܡܢ
                    ܡ̈ܠܐ ܗܠܝܼܢ. ܨܒܼܐ ܝܘܠܝܢܘܣ ܕܢܒܩܐ ܐܢܘܢ ܠܓܙܝܪ̈ܐ ܒܡ̈ܟܠܬܐ ܕܥܡ̈ܡܐ܇ ܐܢ ܫܠܡܝܢ ܠܪܥܝܢܐ
                    ܕܚܢܦܘܬܗ. ܘܩܪܐ ܠܐܘܩܪܦܝܣ ܪܒ ܒܝܬܗܼ ܘܐܡܪ ܠܗ. ܙܠ ܐܬܩܢ ܠܥܒܪ̈ܝܐ ܫܘܪܬܐ ܟܕ ܕܫܪܝܼܢ. ܘܣܡ
                    ܩܕܡܝܗܘܢ ܡܢ ܟܠܗܝܢ ܡܐܟ̈ܠܬܐ ܕܣܝܒ ܐܢܝܢ ܠܗܘܢ ܢܡܘܣܗܘܢܼ. ܘܢܐܟܠܘܢ ܘܢܫܬܘܢ ܩܕܡܝܟ. ܘܥܒܕ
                    ܓܒܪܐ ܐܝܟ ܡܠܬܐ ܕܡܪܗܼ. ܘܛܝܿܒ ܫܪܘܬܐ ܠܥܒܪ̈ܝܐ. ܘܐܬܩܼܢ ܘܣܡ ܩܕܡܝܗܘܢ ܡܐ̈ܟܠܬܐ܇ ܐܝܠܝܢ ܕܦܩܕ
                    ܐܢܘܢ ܡܪܝܐ ܒܐܝ̈ܕܝ ܡܘܫܐ܇ ܕܠܐ ܢܐܟܠܘܢ ܡܢܗܝܢ܇ ܘܠܓܡܪ ܠܐ ܢܬܚܫܚܘܢ ܒܗܝܢ.. ܘܐܫܝܚܘ ܟܗ̈ܢܐ
                    ܒܣܝܪ̈ܐ ܡ̈ܠܦܝ ܢܡܘܣܐ܇ ܥܠ ܢܛܘܪ̈ܬܗ ܕܢܡܘܣܐ. ܘܠܥܣܘ ܘܐܫܬܝܘ. ܘܠܐ ܐܬܚܪܝܘ ܠܘܩܒܠ ܨܒܝܢܗ
                    ܕܡܣܝܒܐ. ܘܟܕ ܐܝܠܦܼ ܝܘܠܝܢܘܣ ܕܐܬܚܫܚܘ ܓܙܝܪ̈ܐ ܒܡܐ̈ܟܠܬܐ ܕܥܡ̈ܡܐ: ܘܥܒܪܘ ܥܠ ܡܫܠܡܢܘܬܐ
                    ܕܣܒܝ̈ܗܘܢܼ. ܐܘܣܒ ܬܘܒ ܕܢܒܥܐ ܒܐܝ̈ܕܝܗܘܢ ܦܘܠܚܢ ܫܐ̈ܕܐ ܘܦܘܠܚܢ ܦܬܟܪ̈ܐ. ܘܩܪܝܗܝ ܬܘܒ
                    ܠܐܘܩܪܦܝܣ ܕܬܪ̈ܬܝܢ ܙܒ̈ܢܝܼܢ ܘܐܡܼܪ ܠܗ. ܙܠ ܠܡ ܒܨܝܪ ܠܝ ܪܥܝܢܗܘܢ ܕܗܠܝܢ ܡܣ̈ܝܒܐ܆ ܐܢ ܫܠܡܝܢ
                    ܠܨܒܝܢܢ ܘܡܕܒܚܝܢ ܠܐ̈ܠܐ ܕܣܓܕܐ ܠܗܘܢ ܡܠܟܘܬܢܿ ܘܒܥܓܠ ܐܬܝܒܝܢܝ ܦܬܓܡܐ ܀ ܘܥܼܒܕ ܐܘܩܪܦܝܣܼ ܐܝܟ
                    ܕܐܬܦܩܕܼ ܘܐܙܠ ܬܘܒ ܕܬܪ̈ܬܝܢ ܙܒ̈ܢܝܢ ܠܘܬ ܪܒܝ ܟܗ̈ܢܐ ܕܝܗܘ̈ܕܝܐܼ ܘܡܠܠ ܥܡܗܘܢ ܒܫܐܝ̈ܠܬܐܼ ܟܕ
                    ܐܡܿܪ. ܬܪܣܘ ܠܝ ܓܒܪ̈ܐ ܝܗܘ̈ܕܝܐ ܪ̈ܚܡܝܗܿ ܕܡܠܟܘܬܢܿ ܐܫܟܚܬܘܢ ܓܝܪ ܛܝܒܘܬܐ ܘܪ̈ܚܡܐ ܒܥܝ̈ܢܝ
                    ܡܿܠܟܐ܇ ܒܗܕܐ ܫܠܡܬܘܢ ܠܨܒܝܢܢ ܘܐܬܚܫܚܬܘܢ ܒܡ̈ܐܟܠܬܐ ܚܕܐ ܕܚܣܝܪܐ ܗܝ ܠܟܘܢܿ ܘܡܐ ܕܓܡܪܬܘܢܗܿ
                    ܗܘܝܢ ܐܢܬܘܢ ܒܢ̈ܝܐ ܚ̈ܒܝܒܐ ܕܡܠܟܘܬܢܿ ܀ ܐܡܪܝܢ ܠܗ ܪ̈ܒܝ ܟܗ̈ܢܐ. ܟܠ ܕܦܩܕ ܠܢ ܫܘܠܛܢܟܘܢܿ
                    ܐܘܩܪܩܝܣ ܐܿܡܪ. ܚܕܐ ܗܝ ܡܠܬܢ ܠܘܬܟܘܢܿ ܐܘ ܓܒܪ̈ܐ ܝܗܘ̈ܕܝܐ. ܕܐܢ ܬܓܕܘܢ ܠܐ̈ܠܗܐ ܕܣܓܕܐ 111 ܠܗܘܢ ܡܠܟܘܬܢܼ. ܟܠ ܕܬܫܐܠܘܢ ܬܣܒܘܢܼ. ܘܟܠ ܕܬܒܥܘܢ ܢܬܝܗܒ ܠܟܘܢܿ ܘܒ̈ܢܝܗܿ
                    ܕܡܠܟܘܬܢ ܬܬܩܪܘܢܼ. ܘܟܠ ܕܫܦܝܪ ܢܗܘܐ ܠܟܘܢ ܡܢ ܠܘܬܢ ܀ ܐܡܪܝܢ ܠܗ ܪ̈ܒܝ ܟܗ̈ܢܐ. ܫܪܪܐ ܫܡܼܥ ܡܢ
                    ܥ̈ܒܕܟ. ܕܡܢ ܟܕ ܚܢܢ ܒܐܪ̈ܥܬܢܼ. ܐܫܬܘܕܥܢܢ ܕܡܢܘ ܨܒܝܢܐ ܕܡܠܟܘܬܟܘܢܿ ܘܐܠܘ ܠܐ ܦܣܩܢܢ ܥܠ ܢܦܫܢ
                    ܕܢܗܘܐ ܡܫ̈ܬܡܥܢܐ ܠܨܒܝܢܟܘܢܼ. ܕܢܬܚܙܐ ܩܕܡ ܫܘܠܛܢܐ ܡܫܩܠܐ ܕܥܫܝܢܘܬܟܘܢ ܣܟܼ ܠܐ ܡܡܪܚܝܢ ܗܘܝܢ
                    ܀ ܘܗܫܐ ܒܒܥܘ ܡܢܟ ܡܗܝܡܢܐ ܕܡܠܟܘܬܢܼ. ܐܥܠ ܒܥܘܬܢ ܩܕܡ ܡܿܠܟܐܼ. ܕܢܦܨܚ ܐ̈ܦܘܗܝ ܒܢ܇ ܘܢܬܩܒܠܘܢ
                    ܒܪ̈ܚܡܝܢ ܩܘܪ̈ܒܢܝܗܿ ܕܒܨܝܪܘܬܢܿ ܘܟܠܝܠܐ ܕܙܕܩܬ ܟܢܘܫܬܢ ܕܘܝܬܐ ܠܡܠܟܘܬܟܘܢ ܢܫܬܘܐ ܒܛܝܒܘܬܟܘܢ
                    ܠܪܝܫܗܿ ܕܐܠܗܘܬܟܘܢ ܀ ܐܥܠ ܕܝܢ ܐܘܩܪܦܝܣ ܡ̈ܠܐ ܕܒܥܘܬܗܘܢ ܩܕܡ ܡܿܠܟܐܼ. ܘܚܕܝ ܛܒܐ ܒܦܬܓ̈ܡܐ
                    ܕܫܢܝܘܬܗܘܢܿ ܘܐܬܪܥܝ ܒܢܦܫܗܼ. ܕܠܥܝܢ ܟܢ̈ܫܝܗܿ ܕܡܝܕܢܬܐ ܢܚܢܦ ܐܢܘܢܿ ܘܥܝܢ ܒܓܠܐ ܩܕܡ ܟܘܠܗ
                    ܥܡܐܼ ܢܕܒܚܘܢ ܠܦܬܟܪ̈ܐ. ܘܢܥܛܪܘܢ ܒ̈ܣܡܐ ܘܠܒܘܢܬܐ ܥܠ ܥ̈ܠܘܬܗܘܢ ܀ ܘܦܩܼܕ ܝܘܠܝܢܘܣ ܠܘܝܡܐ
                    ܕܒܬܪܗܼ. ܘܐܫܬܘܝܬ ܠܗ ܒܝܡ ܒܡܨܥܬܗܿ ܕܡܕܝܢܬܐ܇ ܥܠ ܓܢܒ ܥܠܬܐ ܕܒܢܝܐ ܗܘܬ ܠܦܬܟܪ̈ܘܗܝ. ܘܣܼܠܩ
                    ܫܢܝܐܼ ܘܝܬܼܒ ܥܠ ܒܝܡ. ܘܡܕܝܢܬܐ ܟܠܗܿ ܟܢܝܫܐ ܗܘܬ ܡܢ ܣܟܗܿ. ܐܦ ܡܢ ܡܕܝ̈ܢܬܐ ܐܚܪ̈ܢܝܬܐ
                    ܕܒܚܕܪ̈ܝܗܿ܆ ܟܢܝܫܝܢ ܗܘܘ ܬܡܢ ܟܢ̈ܫܐܼ ܠܐ ܙܥܘܪ ܀ ܘܦܩܕ ܛܪܘܢܐ ܕܢܥܠܘܢ ܩܕܡܘܗܝ ܟܗ̈ܢܐ
                    ܘܝܗܘ̈ܕܝܐ ܒܐܣܟܡܐ ܕܟܘܡܪܘܬܗܘܢܿ ܟܕ ܫܩܝܠܝܢ ܥܝܗܘܢܼ. ܦܩܕ ܛܪܘܢܐ ܕܐܢܫ ܐܢܫ ܡܢܗܘܢ ܒܛܟܣܐ
                    ܕܬܫܡܫܬܗ ܢܬܚܙܐ ܩܕܡܘܗܝ. ܐܝܟ ܕܬܗܘܐ ܓܠܝܐ ܠܚ̈ܙܝܐܼ. ܕܗܐ ܠܡ ܟܘܡܪܘܬܐ ܕܥܒܪ̈ܝܐ܇ ܙܕܩܬ
                    ܕܒ̈ܚܐ. ܘܩܘܪ̈ܒܢܐ ܠܟܘܡܪܘܬܐ ܕܦܬܟܪܘܬܐ. ܘܥܒܕܘ ܗܘܘ ܡܫܡ̈ܫܢܐ ܕܥܘܠܐܼ ܐܝܟܐܢ ܕܐܦܩܕ ܠܗܘܢܿ
                    ܘܒܣܟܝܡܐ ܕܟܘܡܪܘܬܗܘܢܼ ܘܒܛܟܣܐ ܕܬܫܡܫܬܗܘܢܼ ܐܥܠܘ ܐܢܘܢ ܠܓܙܝܪ̈ܐ ܠܣܓܕܬܗ ܕܡܿܠܟܐ. ܗܢܘܢ ܕܝܢ
                    ܒܕܚܠܬܐ ܘܙܘܥܬܐ ܢܦܠܘ ܥܠ ܐ̈ܦܝܗܘܢܼ ܘܓܕܘ ܠܗ. ܗܼܘ ܕܝܢ ܚܪܡܐ ܒܫܘܥܠܝܗ ܘܪܡܘܬܗ ܘܒܫܘܩܠܗܿ
                    ܕܚܬܝܪܘܬܗܼ. ܥܕܢܐ ܣܓܝܐܐ ܫܒܼܩ ܐܢܘܢ ܟܕ ܣܚܝܦܝܢ  112 ܥܠ ܐ̈ܝܗܘܢܿ ܘܗܝܕܝܢ ܦܝܼܕ
                    ܗܘܐ ܠܗܘܢ ܕܢܩܘܡܘܢܿ ܘܬܘܒ ܟܕ ܩܡܘ ܡܠܠ ܥܡܗܘܢ ܩܫܝܐܝܬܼ. ܐܝܟ ܕܢܪܡܐ ܕܚܠܬܐ ܘܙܘܥܬܐ ܥܠ ܟܠ
                    ܕܚ̈ܠܢ ܀ ܘܥܢܼܐ ܘܐܡܼܪ ܠܗܘܢ ܟܕ ܡܬܠܚܿܡ. ܐܡܪܘ ܠܝ ܠܡ ܐܢܬܘܢ ܐܘ ܡܪܘܕ̈ܐܼ. ܡܢܐ ܗܘ ܝܘܠܢܐ
                    ܗܢܐ ܡܫܚܛܐ ܕܐܓܥܠܬܘܢ ܠܒܪܝܬܐ܇ ܕܚܕ ܐܠܗܐ ܡܟܪܙܝܢ ܟ̈ܬܒܝܟܘܢ܆ ܘܕܣܘܓܐܐ ܕܐ̈ܠܢܐ ܛܠܝܡܐ ܡܢܟܘܢ
                    ܬܘܕܝܬܗܘܢܿ ܘܡܢܐ ܗܼܘ ܬܘܟܠܢܟܿܘܢܿ ܕܗܟܢܐ ܠܐ ܣܝܡܐ ܕܚܠܬܗ ܕܫܘܠܛܢܝ ܩܕܡ ܥ̈ܝܢܝܟܘܢܿ ܐܢܐ ܕܝܢ
                    ܗܫܐ ܐܣܝܡ ܒܪܝܫܟܘܢܼ. ܘܒܡܪܕܘܬܟܘܢ ܬܐܠܦܘܢܼ. ܕܡܢܐ ܗܘ ܫܘܠܛܢܐ ܕܡܠܟܘܬܐ ܀ ܗܢܘܢ ܕܝܢ
                    ܟܘܡܪ̈ܝܗܿ ܕܚܛܝܬܐ. ܗܘܘ ܒܕܚܠܬܐ ܣܓܝܐܬܐ. ܘܠܐ ܐܫܟܚܘ ܕܢܦܩܘܢ ܪܘܚܐ ܥܠ ܫܘܐ̈ܠܝܗܘܢܿ ܐܠܐ ܡܚܘ
                    ܐ̈ܦܝܗܘܢ ܒܐܪܥܐܼ. ܘܫܬܩܘ ܡܢ ܕܚܠܬܗܘܢܿ ܝܘܠܝܢܘܣ ܐܿܡܪ. ܠܐ ܡܕܡ ܢܦܩܝܢ ܐܢܬܘܢ ܪܘܚܐ ܥܠ ܐ̈ܦܝ
                    ܫܘܐܠܟܘܢܼ. ܐܘ ܡܪ̈ܘܕܐ ܚܝܝ ܒܝܫܐܝܬܼ. ܕܐܦ ܒܗܿ ܒܗܕܐ ܡܪܕܘܬܟܡܘܢ ܬܚܘܘܢܿ ܐܡܪܝܢ ܠܗ ܪ̈ܒܝ
                    ܟܗ̈ܢܐ܆ ܒܥܝܢܢ ܡܢ ܫܘܠܛܢܐ ܕܕܚܝܠܘܬܗܟܢ: ܘܡܢ ܬܓܗܿ ܡܫܩܠܐ ܕܐܠܗܘܬܟܘܢ܆ ܐܚܝܕ ܫܘܠܛܢܗ ܕܥܠܡܐܼ.
                    ܐܪܟ ܠܘܬܢ ܩܠܝܠ ܥܘܙܗ ܕܡܐܡܪܟ ܘܢܬܚܝܠ. ܘܐܦܣ ܠܢ ܕܢܦܘܩ ܪܘܚܐ ܥܠ ܫܘܐܠܢ. ܝܘܠܝܢܘܣ ܐܡܿܪ. ܡܣ
                    ܠܟܘܢ ܕܬܦܩܘܢ ܪܘܚܐ ܥܠ ܐܝܠܝܢ ܕܡܫܬܐܠܝܢ ܐܢܬܘܢ ܡܢܢ. ܪ̈ܒܝ ܟܗ̈ܢܐ ܕܝܼܢ ܐܡܪܝܢ. ܠܢ ܡܪܝ
                    ܡܿܠܟܐܼ. ܣܦܪ̈ܐܼ ܘܟ̈ܬܒܐ ܐܝܬ ܠܢ. ܘܟܿܬܒܝܼܢ ܚܕ ܐܠܗܐ ܡܟܪܙܝܢ ܠܢ. ܘܥܝ̈ܕܐ ܕܐܫܠܡܘ ܠܢ
                    ܐ̈ܒܗܝܼܢ ܢܛܪܝܢܢ. ܐܢ ܕܝܢ ܡܕܡ ܚܕܬ ܦܓܥ ܒܢ ܒܫ̈ܟܚܬܟ: ܒܚܟܡܬ ܐ̈ܠܗܐ ܕܒܟܘܢܼ. ܐܦ ܠܐ ܥܠ ܗܕܐ
                    ܡܬܚܪܝܢ ܚܢܢ: ܐܠܐ ܒܚܕܘܬܐ ܕܠܐ ܬܘܗܝܼ. ܨܒܝܢܗܿ ܕܡܠܟܘܬܟܘܢ ܥܿܒܕܝܢܢ. ܠܘ ܓܝܪ ܢܨܪ̈ܝܐ ܚܢܢ
                    ܕܢܥܙܐ ܠܘܩܒܠ ܨ̈ܒܝܢܝܗܿ ܕܐܠܗܘܬܟܘܢܿ ܘܟܠܝܠܐ ܡܢ ܥܕܢ ܠܥܕܢ ܣܿܠܩ ܠܗܿ ܠܡܠܟܘܬܟܘܢ ܡܢܢ ܀
                    ܝܘܠܝܢܘܣ ܐܡܿܪ. ܥܛܠܐ ܕܐܗܝܡܢ ܕܐܝܬ ܫܪܪܐ ܒܡ̈ܠܝܟܘܢ ܟܕ̈ܒܬܐ. ܐܠܘ ܓܝܪ ܥܒ̈ܕܝܗܿ ܗܘܝܬܘܢ
                    ܕܡܠܟܘܬܢ ܐܝܟ ܕܐܡܪܬܘܢܼ. ܥ̈ܒܕܝܗܿ ܕܡܠܟܘܬܢ ܥܒܕܝܢ ܗܘܝܬܘܢܼ. ܐܝܟ ܕܥܒܕܘ ܐܒ̈ܗܝܟܘܢ
                    ܒܝ̈ܘܡܝܗܘܢ ܥ̈ܒܕܐ ܕܡ̈ܠܟܝܗܘܢܿ ܕܥܠ ܟܠ ܛܘܪ ܕܪܡ ܘܬܚܝܬ ܟܠ ܐܝܠܝܢ ܕܥܒܝܛ܇ ܕܒܚܿܘ  113 ܘܣܡܘ ܒܣ̈ܡܐ ܠܐ̈ܠܗܐ. ܘܐܡܪܬܘܢ ܝܘܡܢ ܩܕܡܝܼ. ܕܥܝ̈ܕܐ ܕܐܫܠܡܘ ܠܢ ܐܒܗ̈ܝܢ
                    ܢܛܝܪܝܢܢ. ܐܝܟܘ ܕܡܪܝܬܘܢ ܒܥܒ̈ܕܝܗܘܢ ܘܢܛܪܬܘܢ ܥܝ̈ܕܝܗܘܢܿ ܕܐܠܘ ܒܫܪܪܐ ܐܚܝܕܝܢ ܗܘܝܬܘܢ ܥܝ̈ܕܐ
                    ܕܕܘܒܪܗܝܗܘܢܼ. ܒܢܝ̈ܟܘܢ ܘܒܢ̈ܬܟܘܢ ܕܒܚ̈ܐ ܠܐ̈ܠܐ ܩܪܒܬܘܢܼ. ܐܝܟ ܕܥܒܕܘ ܐܒܗܝ̈ܟܘܢ ܒܚܘܪܝܒ.
                    ܓܠܝܐ ܗܼܝ ܓܝܪ ܡܕܝܢ. ܕܠܘ ܡܢ ܠܒܐ ܐܝܬܝܗܿ ܬܒܝܒܘܬܟܘܢ. ܐܠܐ ܒܐܦ̈ܐ ܫܐܝ̈ܠܬܐ ܙܦܢܐܝܬ. ܐܡܪܝܢ
                    ܠܗ ܪ̈ܒܝ ܟܗ̈ܢܐ. ܠܐ ܢܐܡܪ ܡܪܝ ܡ̈ܠܟܐ ܡ̈ܠܐ ܗܠܝܢ ܥܠ ܥ̈ܒܼܕܘܗܝ. ܕܝܬܝܪ [ܡܢ] ܡ̈ܝܐ ܩܪܝܪ̈ܐ
                    ܠܢܦܫܐ ܨܗܝܬܐܼ. ܨܗܐ ܗܘܐ ܥܡܢ ܠܓܠܝܢܗ ܕܠܟܘܬܟܘܢ ܘܐܝܟ ܕܢܚܗ ܕܨܦܪܐ ܕܡܓܠܓ ܡܢ ܥܢ̈ܢܐ ܥܪ̈ܦܠܐ
                    ܕܚܫܘܟܐ. ܕܢܚܬ ܥܠܝܢ ܚܕܘܬܐ ܝܘܡܐ ܕܩܒܠܢ ܚܢܢ ܣܒܪܬܗ ܕܡܕܒܪܢܘܬܟܘܢ. ܘܘܓܠܓܠ ܢܡ ܠܒ̈ܝܢ ܥܩ̈ܬܢܿ
                    ܘܕܨܬ ܘܪܘܙܬ ܢܦܫܢ. ܘܠܝܬ ܠܢ ܚܕܘܬܐ ܕܪܒܐ ܡܢ ܗܕܐ. ܘܣܗܕܝܢ ܒܢ ܫܡܝܐ ܘܐܪܥܐ ܘܟܠ ܕܒܗܘܢ.
                    ܘܡܨܝܐ ܗܝܼ ܐܠܗܘܬܟܘܢ ܠܡܐܠܦ ܫܪܪܗܝܢ ܕܗܠܝܢ. ܡܢ ܟܬܒܐ ܕܬܘܕܝܬܐܕܥܒܕ ܥܡܢ ܚܣܝܡܐ ܘܪܕܝܦܐ.
                    ܠܬܓܐ ܡܫܩܠܐ ܕܐܠܗܘܬܟܘܢ ܡܪܝܡܬܐ: ܘܒܗܠܝܢ ܒܢ̈ܬ ܩ̈ܠܐ ܫܐܝ̈ܠܬܐ ܕܪܒܘܟܒܐ ܕܡ̈ܠܐ ܕܨܢ̈ܥܬܐܼ.
                    ܣܦܩܘ ܙܐܦ̈ܢܐ ܒ̈ܢܝܗܿ ܕܨܠܘܒܬܐ ܕܢܙܒܢܘܢ ܩܫܝܘܬ ܡܐܡܪܗ ܕܛܪܘܢܐ. ܘܐܬܪܡܝ ܠܩܠܐ ܕܫܘܦܪܢܘܬܗܘܢܿ
                    ܘܘܐܨܛܒܝ ܒܩܘܪ̈ܒܢܝܗܘܢ ܘܩܒܠ ܡܢܗܘܢ ܟܬܒ̈ܐ ܕܬܘܕܝܬܗܘܢܿ ܘܟܠܝܠܐ ܕܐܙܕܝܦܢܢ ܘܚܫܠܘ ܠܗ. ܗܘ ܕܝܢ
                    ܪܫܝܥܐ. ܫܚܠܦ ܒܢ̈ܬ ܩ̈ܠܘܗܝ ܠܘܬܗܘܢ. ܘܐܝܟ ܕܥܡ ܒܝܬܝ̈ܐ ܡܠܠ ܥܡܗܘܢ ܒܣܝܡܐܝܬ ܟܕ ܐܡܿܪ.
                    ܒܟܠܝܠܐ ܠܡ ܓܠܝܐ ܕܩܪܒܬܘܢ ܠܢ ܐܫܬܘܕܥܢܢ ܪܥܝܢܟܘܢ ܟܣܝܐܼ. ܕܟܡܐ ܣܪܝܟܝܢ ܐܢܬܘܢ ܒܚܘܒܐ ܕܪܚܡܬܐ
                    ܕܐ̈ܠܗܐ. ܛܒ̈ܥܐ ܓܝܪ ܗܕܝܪ̈ܐ ܕܬܦܢ̈ܝܟܐ ܩܕ̈ܝܫܐ ܕܐ̈ܠܗܐ ܓ̈ܢܝܙܐ. ܩܒܠܬ ܒܟܠܝܠܐ ܕܠܐܝܬܘܢ
                    ܘܩܪܒܬܘܢ. ܘܙܕܩܼܢܢ ܛܝܒܘܬܐ ܠܦܪܘܫܘܬܟܘܢܿ. ܕܗܘܬ ܒܛܝܠܘܬܐ ܘܫܩܠ ܛܥܢܐ ܕܬܢܝܚܘܢ ܨܒܝܢܢ܇
                    ܒܐܝܠܝܢ ܕܐܬܪܥܝܬ ܡܠܟܘܬܢܿ ܘܠܘ ܠܡ ܐܝܩܐ ܘܣܪܐܝܐܝܬ ܣܥܪܬܘܢ ܗܕܐ. ܛܒ̈ܬܐ ܓܝܪ ܣܝܡ ܐܢܐ ܕܐܦܩܘܕ
                    ܥܠܝܟܘܢ܆ ܐܝܟܢܐ ܕܢܬܠܘܢ ܠܟܘܢ ܒܢ ܛܘܒܐ ܟܠ ܥܡ̈ܡܝܢ. ܕܬܬܩܠܣ ܕܝܢ ܝܬܝܪ ܗܝܡܢܘܬܟܘܢ ܫܪܝܪܬܐ
                         114 ܕܒܐ̈ܠܗܐܼ. ܠܥܝܢ ܟܢܗܫܐ ܗܠܝܢ ܕܨܒܘ ܠܚܙܬܗ ܕܣܘܥܪܢܟܘܿܢ. ܣܒܘ ܒܣ̈ܡܐ ܗܠܝܢ
                    ܘܠܒܘܢܬܐ ܡܢ ܐܝ̈ܕܝ܆ ܘܐܥܛܪܘ ܥܠ ܥܠܬܐ ܕܐ̈ܠܗܐ. ܘܫܠܡܘ ܡܢ ܐܝ̈ܕܝܟܘܢ ܕܒܚܝܘܢ ܘܒܩܘܪ̈ܒܢܝܟܘܢ.
                    ܘܗܐ ܐܫܬܪܪ ܠܢ ܡ̈ܠܐ ܕܡܠܠܬܘܢ ܀ ܘܩܪܒܘ ܟܗ̈ܢܐ ܒܨܝܪ̈ܐ ܕܝܗ̈ܘܕܝܐ ܘܐܝܠܝܢ ܕܥܡܗܘܢܼ. ܘܢܣܒܘ
                    ܒ̈ܣܡܐ ܘܠܒܘܢܬܐ ܡܢ ܐܝܕ̈ܘܗܝ ܕܡܛܢܦܐܼ. ܘܐܥܛܪܘ ܥܠ ܥܠܬܐ ܕܫܐܕ̈ܐ: ܘܫܡܠܝܘ ܐܝ̈ܕܝܗܘܢ ܒܕܒ̈ܚܐ
                    ܕܚܢܦܘܬܐ ܠܦܬܟܪ̈ܐ ܕܛܥܝܘܬܐ ܀ ܘܟܕ ܫܠܡܘ ܠܡܣܩܘ ܕܒ̈ܚܐ ܘܩܘܪ̈ܒܢܐܼ. ܩܪܒܘܼ ܘܣܓܕܘ ܠܗ ܠܫܢܝܐ.
                    ܘܒܥܝܢ ܗܘܘ ܡܢܗ. ܕܢܬܩܪܐ ܟܬܒܐ ܕܬܘܕܝܬܗܘܢ ܒܐܕ̈ܢܝ ܥܡܐ ܟܘܠܗ ܕܐܬܟܢܫܘ ܠܚܙܬܗܘܢܿ ܘܦܩܕ ܛܪܘܢܐ
                    ܕܢܗܘܐ ܨܒܝܢܗܘܢ.. ܦܚܡܗ ܕܝܢ ܕܟܬܒܐ ܕܬܘܕܝܬܗܘܢ ܐܝܬܘܗܝ ܗܘܼܐ ܗܢܐ. ܠܫܡܐ ܠܡ ܣܓܝܕܐ ܕܚܒܝܒ ܥܠ
                    ܐ̈ܠܗܐ: ܘܝܩܝܪ ܥܠ ܒܢܝ̈ܢܫܐ ܘܢܨܿܚ ܒܒܪܝܬܐ: ܟܝܢܐ ܠܐ ܡܝܘܬܐ ܕܐܬܗܝܡܢ ܡܕܒܪܢܘܬܐ ܕܠܐ ܡܫܬܪܝܐ:
                    ܪܡܐ ܘܓܐܝܐ ܕܚܝܠܐ ܘܡܫܒܚܐ: ܥܫܝܢܐ ܘܡܫܩܠܐ ܐܠܗܐ ܡܓܫܡܐ: ܝܘܠܝܢܘܣ ܡܿܠܟܐ ܕܠܥܠܡܼ. ܡܕܝܢܬܢ
                    ܨܕܝܬܐ ܘܗܝܟܠܢ ܣܚܝܦܐ: ܘܥܡܢ ܙܪܝܩܐ ܘܡܒܕܪܐ ܒܟܗ̈ܢܘܗܝ ܕܥܡܼܢ. ܣܓܕܬܐ ܘܬܘܕܝܬܐ ܩܪܒܢܢ
                    ܠܫܘܠܛܢܐ ܡܫܩܠܐ ܕܐܠܗܘܬܟܘܢ ܡܪܝܡܬܐ. ܘܡܘܕܝܢܼܢ ܒܟܬܝ̈ܒܬܢܿ ܕܒܕܚܠܬܐ ܘܒܐܪܬܝܬܐ ܐܡܪܚܢܢ
                    ܕܢܟܬܘܒ ܬܘܕܝܬܐ ܡܚܝܠܬܐܼ. ܕܠܐ ܣܦܩܐ ܕܬܬܡܬܚ ܠܪܘܡܐ ܡܥܠܝܐ ܕܪܒܘܬܟܘܢ. ܡܢܘ ܓܝܪ ܒܝ̈ܠܝܕܐ
                    ܣܿܦܩ ܠܬܘܕܝܬܐ ܕܛܝܒܘܬܟܘܢ ܡܩܝܡܢܗܿ ܕܬܒܝܠ܇ ܕܒܕܡܘܬ ܫܡܫܐ ܕܢܚܬܘܢ ܒܗܿ ܒܒܪܝܬܐ. ܘܫܩܠܬܘܢ ܡܢܗ
                    ܝܘܩܪܐ ܕܟܐ̈ܒܝܗܿ ܒܚܫܗܿ ܕܐܘܠܨܢܗܿ. ܕܡܪܥܬܐ ܕܐܬܟܪܗܬ ܒܘ̈ܡܝ ܡ̈ܠܟܐ ܕܡܢ ܩܕܡܝܿܟܘܢ. ܘܐܬܚܠܡܬ
                    ܒܟܘܢ ܘܐܬܚܝܠܬܝ. ܘܕܨܬܝ ܘܐܬܦܨܚܬ. ܘܡܢܘ ܒܡ̈ܠܟܐ ܫܝܢ ܐܪܥܐ ܐܟܘܬܟܘܢܿ ܬܘܕܝ ܕܝܢ ܠܐ̈ܠܗܐ
                    ܕܫܡܝܐ ܘܕܐܪܥܐܼ. ܕܫܟܢܘ ܠܗܿ ܠܒܪܝܬܐ ܫܝܢܗܿ ܕܡܠܟܘܬܟܘܢ ܘܫܠܡܗܿ ܕܡܒܪܢܘܬܟܘܢܿ ܘܠܐ ܣܦܩܝܢ ܟܘܠ
                    ܦܘ̈ܡܝܢ ܠܛܝܒܘܬܗ ܕܡܪܚܡܢܘܬܟܘܿܢ. ܕܪܣܬ ܪ̈ܚܡܐ ܥܠ ܟܠ ܕܠܐ ܚܣܡ ܫܘܝܐܝܬ. ܝܬܝܪ ܕܝܢ ܡܢ ܟܠܼ ܥܠ
                    ܥܡܢ ܥܫܢܬ ܛܝܒܘܬܟܘܢܿ ܓܠܝܐܝܬ. ܕܠܫ̈ܢܝܐ ܬܫܥܡܐܐ ܘܝܬܝܪ ܐܬܕܢܚܬ ܒܟܘܢ  115 ܡܠܟܘܬܐ
                    ܕܒܝܬ ܕܘܝܕ. ܘܐܙ܇ܕܕܩܬ ܒܐܝܕ̈ܝܟܘܢ ܪܝܫܢܘܬܐ ܠܐܝܣܪܝܠ. ܐܢܬ ܗܘ ܓܝܪ ܡܠܟܗ ܕܝܥܩܘܒ. ܘܡܕܒܪܢܗ
                    ܕܐܝܣܪܝܠ. ܘܥܠ ܣܒܪܐ ܕܣܘܟܝܟ ܝܬܒܿ ܗܘܼܐ ܥܡܢ ܘܚܐܪ ܠܦܘܪܩܢܟܘܿܢܿ ܐܝܟ ܓܠܝܢܐ ܕܡܢ ܫܡܝܐ ܕܗܘܐ
                    ܥܠ ܐܒܗ̈ܝܢ ܡܢ ܩܕܝܡ. ܘܗܐ ܒܐܝ̈ܕܝܟܘܢ ܝܘܡܢ ܕܢܚ ܠܢ ܦܘܪܩܢܐ ܘܥܫܢ ܠܒܢ. ܘܐܬܬܪܡܬܝ ܩܪܢܢ.
                    ܘܐܬܦܬܚܘ ܦܘܡ̈ܝܢ ܥܠ ܒܥ̈ܠܕܒܒܝ܇ ܘܕܪܟܬ ܥܩܒܢ ܥܠ ܨܘܪ̈ܝܗܘܢ ܕܚܬܝܪ̈ܐ܇ ܕܒܟܠܙܒܢ ܡܬܟܣܝܢ ܨܒܝܢܗ
                    ܕܡܠܟܘܬܟܘܢܿ ܘܗܐ ܝܘܡܢ ܒܛܢܢܐ ܕܟܢܘܬܟܘܢ ܡܪܟܢܐ ܩܪܢܗܘܢ ܘܪܡܝܐ ܪܘܚܗܘܿܢܿ ܘܟܡܝܢܝܢ ܐܝܟ ܬ̈ܥܠܐ
                    ܒܛ̈ܫܝܬܐ. ܕܝܠܢ ܕܝܢ ܒܩܘܝܡܗܿ ܕܡܠܟܘܬܟܘܢܿ ܓܠܝܢ ܐ̈ܦܝܢ ܘܪܡ ܩܠܢ ܘܫܩܝܠܝܢ ܚܢܢ ܚܣܕܐ ܘܪ̈ܚܡܐ
                    ܒܥܝ̈ܢܝ ܟܘܠ ܥ̈ܡܡܝܢ܇ ܒܕܐܨܛܒܝܬ ܒܢ ܡܪܚܡܢܘܬܗܘܢܿ ܐ̈ܠܗܝܗ ܕܝܢ ܕܫܝܡܐ ܘܕܐܪܥܐ ܢܙܕܩܘܢ ܚܝ̈ܐ
                    ܘܚܘܠܡܢܐ ܠܪܫܢܘܬܟܘܢܿ ܘܢܓܪ̈ܢ ܫܢ̈ܝܗܿ ܕܡܠܟܘܬܟܘܢ ܒܪܫ ܥܡܢ. ܘܕܒܟ̈ܬܝܒܬܢ ܐܫܬܘܝܢܢ ܕܢܣܓܘܕ
                    ܠܐܠܗܘܬܟܘܢܼ. ܡܢ ܩܒܘܠ ܐ̈ܦܝܢ ܒܐ̈ܦܝܢܼ. ܒܣܓܕܬ ܩܢܘܡ̈ܝܢ ܢܩܒܠ ܐ̈ܦܝܗܿ ܕܡܠܟܘܬܟܘܢ ܒܙܟܘ. ܘܡܢ
                    ܒܬܪ ܕܐܬܩܪܝ ܟܬܒܐ ܗܢܐ ܒܐܕ̈ܢܝ ܟܠܗ ܥܡܐܼ. ܩܪܒܘ ܪ̈ܒܝ ܟܗ̈ܢܐ ܘܐܝܠܝܢ ܕܥܡܗܘܢ ܐܝܟ ܡܐܬܝܢ
                    ܓܒܪ̈ܝܼܢ. ܘܫܕܘ ܢܦܫܗܘܢ ܩܕܡܘܗܝ ܕܛܪܘܢܐܼ ܘܐܡܪܝܢ ܠܗ. ܒܥܝܢܢ ܡܢ ܫܘܠܛܢܐ ܕܡܪܚܡܢܘܬܟܘܢܼ. ܗܫܐ
                    ܕܫܡܠܝܢ ܨܒܝܢܐ ܕܡܠܟܘܬܟ: ܘܩܪܒܢ ܕܒ̈ܚܐ ܘܝܩ̈ܕܐ ܕܬܪܥܘܬܐ ܠܐ̈ܠܗܐ ܕܠܐ ܡܝܬܝܼܢ. ܢܗܘܼܝܢ
                    ܥܗܝܢܝܗܿ ܕܡܪܚܡܢܘܬܟܘܢ ܥܠ ܡܕܝܢܬܢ ܕܨܕܬ ܡܢ ܒܢ̈ܝܗܿ. ܘܥܠ ܒܝܬ ܡܩܕܫܢ ܕܚܪܒ܇ ܘܥܠ ܥܡܢ ܕܙܪܝܩ
                    ܘܡܒܕܪ ܒܟܠ ܥ̈ܡܡܝܢ. ܗܼܘ ܕܝܢ ܚܪܡܐ ܓܪܣܐ ܠܝܛܐܼ. ܒܐܘܡܢܘܬܐ ܕܨܢܥܬܐ ܫܕܐ ܐܢܘܢ ܒܫܐܝ̈ܠܬܐܼ ܟܕ
                    ܐܡܿܪ. ܕܐܦܠܐ ܠܡ ܗܼܝ ܘܠܝܬܐ ܡܢ ܗܫܐ܇ ܦܩܕܐ ܕܢܗܡܐ ܘܢܫܠܐ ܡܢ ܥܘܕܪܢܟܘܢܿ ܕܐܦ ܟܕ ܠܐ ܬܒܥܘܢ
                    ܡܢܼܢ. ܥ̈ܝܢܝܢ ܥܠܝܟܘܢ ܐܢܝܼܢ ܒܟܠ ܥܕܢ ܠܛܒ̈ܬܐ. ܐܠܐ ܡܛܠ ܕܨܒܘ̈ܬܐ ܡܒܠܗܝܢ ܠܢ: ܘܚܕܐ ܠܚܕܐ
                    ܚܒܨܼܢܿ ܨܠܘ ܘܐܬܟܫܦܘ ܠܐ̈ܠܐ. ܕܢܬܠܘܢ ܠܢ ܐܝܕܐ ܒܩܪܒܐ ܕܪܡܐ ܠܢ. ܘܢܬܥܫܢ ܘܢܙܟܐ ܠܒܥ̈ܠܕܒܒܝܢ.
                    ܘܢܦܢܐ ܒܫܝܢܐ ܘܙܟܘܬܐ ܠܐܘܚܕܢܢ. ܘܟܠ ܕܫܐܠܬܘܢ ܡܢܼܢ. ܚܕ ܒܥܣܪ̈ܐ ܢܗܘܐ ܠܟܘܢ ܨܒܝܢܐ ܢܡ
                        ܠܘܬܢ 116 ܐܡܪܝܢ ܠܗ ܪ̈ܒܝ ܟܗ̈ܢܐ ܘܐܝܠܝܢ ܕܥܡܗܘܢܿ ܡܕܝܢ ܡܪܝ ܡܿܠܟܐܼ. ܐܦܣ ܠܢ
                    ܕܢܚܪܪ ܫܬܐ̈ܣܘܗܝ ܕܗܝܟܠܢ܇ ܥܕ ܦܢܝܐ ܐܠܗܘܬܟܘܢ ܒܙܟܘ. ܘܐܦܣ ܠܗܘܢ ܝܘܠܝܢܘܣ ܕܢܓܠܘܢ ܫܪܟܢܐ
                    ܕܐܫܬܚܪ ܒܗ ܒܗܝܟܠܗܘܢܼ. ܕܬܠܡ ܥܠܘܗܝ ܗܿܝ ܕܐܡܪ ܡܪܢ܇ ܕܟܐܦ ܥܠ ܟܐܦܼ ܠܐ ܬܫܬܒܩ ܒܗ. ܥܡ ܗܿܝ
                    ܬܘܒ ܕܢܒܝܘܬܐܿ. ܕܓܠܘ ܓܠܘ ܥܕܡܐ ܠܫ̈ܬܐܣܝܗܿ. ܡܢܐ ܕܝܢ ܢܐܡܪ ܥܠ ܛܥܝܘܬܗ ܕܡܣܝܒܐ. ܕܟܕ ܛܒ
                    ܨܒܝܢܐ ܕܚܢܦܘܬܗ ܓܡܪ ܒܗܘܢܼ. ܒܫܐܝ̈ܠܬܐ ܫܪܐ ܐܢܘܢ ܡܢ ܠܘܬܗ. ܘܦܢܘ ܠܐܬܪܗܘܢ ܒܒܗܬܬܐ. ܟܕ
                    ܫܩܝܠܝܢ ܚܣܕܐ ܘܟܡܝܢ ܐ̈ܦܝܗܘܢܿ ܕܐܝܠܝܢ ܕܝܢ ܓܕܫ ܘܐܣܬܥܪ ܒܝܗ̈ܘܕܝܐ. ܟܕ ܐܪܡܝܘ ܐܝܕܐ ܕܢܓܠܘܢ
                    ܫܬܐ̈ܣܘܗܝ ܕܗܝܟܠܗܘܢܿ ܝܬܝܪܬܐ ܥܒܿܕ ܐܢܐ ܐܢ ܣܐܡ ܐܢܐ ܠܗܝܢ ܒܬܫܥܝܬܢܿ ܕܠܡܟܬܒܢܐ ܚܪܢܐ
                    ܕܪ̈ܫܝܡܼܢ. ܘܒܙܕܩܗܝܢ ܐܟܬܒ ܐܢܝܢ ܐܝܟ ܕܐܣܬܥܪ. ܛܪܘܢܐ ܕܝܢ ܠܝܛܐ ܡܢ ܒܬܪ ܕܫܪܐ ܠܓܙܝܪ̈ܐܼ. ܣܡ
                    ܐ̈ܦܘܗܝ ܠܡܚܬ ܠܣܘܪܝܐ. ܪܗܝܒ ܗܘܼܐ ܓܝܪ ܘܡܒܠܗܝܿ. ܕܢܚܘܬ ܢܣܥܘܪ ܩܐܪܣܗ ܒܐܪܥܐ ܕܟ̈ܠܕܝܐ. ....
                    ܘܟܕ ܫܡܥܬ ܐܢܛܝܘܟ ܛܒܐ ܕܡܐܬܝܬܗܼ. ܕܨܬܝ ܘܚܕܬܝ ܘܪܘܙܬܝܼ ܘܐܬܦܨܚܬܝ. ܘܐܨܛܒܬܘ ܫܘܩ̈ܝܗܿ ܢܚ̈ܬܐ
                    ܡܦܪ̈ܓܐ ܕܟܠ ܓܘܢ̈ܚܢ. [؟] ܢܘܓܪܐ ܗܘܼܐ ܠܗܘܢ ܓܝܪ ܠܐܢܛ̈ܝܘܟܝܐ ܕܚܝܪܝܢ ܗܘܘ ܠܗܿ ܠܗܕܐ܇
                    ܕܒܐܝ̈ܕܝ ܝܘܠܝܢܘܣ ܐܣܬܥܪܬ. ܫܢܝܘܬܐ ܓܝܪ ܕܦܬܟܪ̈ܐ ܐܚܝܕܐ ܗܘܬ ܠܗܘܢ ܠܦܩܪ̈ܐ ܟܣܝܐܝܬܼ. ܐܦ ܡܢ
                    ܝܘ̈ܡܝ ܩܘܣܛܢܛܝܢܣ ܡܗܝܡܢܐ. ܘܕܚܠܝܢ ܗܘܘ ܕܢܓܠܘܢ ܥܠ ܢܦܫܗܘܢܿ ܡܛܠ ܗܝܡܢܘܬܗ ܕܡܠܟܐ ܟܪܣܛܝܢܐ.
                    ܘܟܕ ܢܦܠ ܠܗܘܢ ܙܒܢܐܼ. ܐܬܓܠܝܬ ܫܢܝܘܬܗܘܢ ܘܐܬܕܢܚܬ ܚܢܦܘܬܗܘܢܿ ܘܒܟܠܗܘܢ ܫܘ̈ܩܝܗܿ ܘܦܠܛ̈ܘܬܗܿ
                    ܕܐܢܛܝܘܟܼ ܥ̈ܠܘܬܐ ܐܬܩܢܘ ܠܦܬܟܪ̈ܐܼ. ܐܦ ܥܠ ܡܥܠܢܗܿ ܕܡܕܝܢܬܐܼ. ܥ̈ܠܘܬܐ ܬܪ̈ܬܝܢ ܪܘܪ̈ܒܬܐ ܡܟܐ
                    ܘܡܟܐ܇ ܥܠ ܬܪ̈ܝܗܘܢ ܣܛܪ̈ܘܗܝ ܕܬܪܥܐ܇ ܗܿܘ ܕܡܢܗ ܣܝܡ ܗܘܼܐ ܝܘܠܝܢܘܣ ܠܡܥܠ ܠܡܕܝܢܬܗܘܢܿ ܐܦ
                    ܟܘܡܪ̈ܘܗܝ ܕܕܝܘܢ ܦܬܟܪܐܼ. ܐܦ ܗܢܘܢ ܛܝܒܘ ܡܫܚܐ ܕܒܣܡܐ ܪܫܝܐ܇ ܕܡܡܕܟ ܒܗܪ̈ܘܡܐ ܡܝܬܪ̈ܐ܇ ܘܩܪܐ
                    ܗܘܼܐ ܥܠܘܗܝ ܫܡ̈ܗܐ ܕܫܐ̈ܕܐ܇ ܕܢܪܙܦܘܢ ܥܠ ܢܚ̈ܬܘܗܝ ܘܐܪ̈ܓܘܢܘܗܝ ܕܡܠܟܐ ܡܐ ܕܥܐܠ ܒܬܪܥܐ
                    ܕܡܕܝܢܬܗܘܢܿ ܥܠ ܫܢܝܘܬܗܘܢ ܕܝܢ 117 ܕܐܢܛܘ̈ܟܝܐ܇ ܘܥܠ ܦܩܪܘܬܗܘܢ ܕܢܬܟܬܘܒ ܠܐ ܐܠܨܐ
                    ܗܘܬܿ. ܐܠܘ ܠܐ ܕܚܒܝܟܝܢ ܫܪ̈ܒܐ ܕܫܪܝܪ̈ܐ ܒܣܘܥܪ̈ܢܐ ܕܟ̈ܬܝܫܐ܆ ܥܠܬ ܫܢܝܘܬܗܘܢ ܓܝܪ ܕܐܝܠܝܢ
                    ܕܗܘܘ ܡ̈ܣܓܦܢܐ ܠܢܦܗܘܢܼ. ܗܝ ܩܪܬܝ ܫܪܝܪܐ ܕܢܗܘܘܢ ܥܠܬ ܝܘܬܪܢܐ ܠܩܢܘܡܗܘܢܿ ܘܕܠܐ ܢܛܠܘܡ ܢܨܚܢܐ
                    ܕܫܪܝܪܐ ܒܥܠܬ ܣܘܥܪ̈ܢܐ ܕܙ̈ܠܝܠܐ. ܐܬܐܣܢ ܡܢ ܘܠܝܬܐ ܕܢܟܬܘܒ ܗܠܝܢ ܥܡ ܕܗܠܝܢ. ܕܐܢܬܝ ܕܡܬܩܪܐ
                    ܢܨܚܢܐ ܕܫܪܝܪܐܼ. ܢܬܟܪܙ ܟܘܐܪܗܘܢ ܕܙܠܝ̈ܠܐ. ܠܗܢܐ ܦܘܪܣܐ ܒܣܕܪܗܿ ܕܡܠܬܢ ܐܚܕܝܢܢ ܬܫܥܝܬܗ
                    ܕܫܢܝܐ. ܕܒܟܠܗܝܢ ܡܕܝܢ̈ܬܐ ܡܫܡܗܬܐ ܘܝܕܝ̈ܥܬܐ ܕܥܒܪ ܒܗܝܢ ܡܣܝܒܐܼ. ܥܝܐ ܫܩܼܠ ܒܗܝܼܢ ܘܚܝܒܘܬܐ
                    ܒܙܟܘܬܗܘܢ ܕܫܪܝܪ̈ܐ. ܟܕ ܓܝܪ ܡܿܢܥ ܘܡܛܠ ܠܐܢܛܝܟܝܐ ܕܣܘܪܝܐܼ. ܦܩܪܬ ܘܫܢܬ ܟܘܠܗܿ ܐܢܫܘܬܐ
                    ܕܡܕܝܢܬܐ. ܓܒܪ̈ܐ ܥܡ ܢܫ̈ܐ. ܛ̈ܠܝܐ ܥܡ ܣܒ̈ܐ. ܓܕܘ̈ܕܐܼ ܥܡ ܒ̈ܬܘܠܬܐ. ܥܡ ܟܠ ܡܘܫ̈ܚܢ ܕܐܝܬ ܒܗܿ
                    ܒܡܕܝܢܬܗܘܢܿ ܘܐܚܕܘ ܪܩܕܐ ܙܠܝܠܐ. ܓܒܪ̈ܐ ܥܡ ܢܫ̈ܐ. ܡܕܝܢܬܐ ܗܘܬ ܓܝܪ ܕܦܩܪܐ. ܘܒܝܫܐ ܛܿܦܣ
                    ܗܘܼܐ ܒܗܘܢ ܟܣܝܐܝܬ. ܘܢܦܩܘ ܙܠܝ̈ܠܐ ܩܒܠܘܗܝ ܠܙܠܝܠܐ ܕܐܟܘܬܗܘܢܿ ܟܕ ܡ̈ܬܦܩܪܝܢ ܘܡܫܬܢܝܢ ܕܟܪ̈ܐ
                    ܥܡ ܢܩܒ̈ܬܐ. ܘܗܟܢܐ ܚܒܝܟܝܢ ܗܘܘ ܒܚ̈ܕܕܐܼ. ܐܝܟܢܐ ܕܩܪܝܒܝܢ ܗܘܘ ܠܡܣܥܪ ܣܘܥܪ̈ܢܐ ܕܒܗܬܬܐ
                    ܩܕܡܘܗܝ ܕܡܫܚܛܐ. ܘܟܕ ܣܒܥܬ ܥܝܢܗ ܡܢ ܚܙܬܐ ܗܕܐ ܙܠܝܠܬܐܼ. ܐܙܝܥ ܠܗܘܢ ܐܝܕܗ ܐܝܟ ܕܢܒܗܠܘܢ
                    ܩܠܝܠ. ܘܟܕ ܒܗܠܘܼ. ܡܠܠ ܥܡܗܘܢܼ ܘܐܡܼܪ ܠܗܘܢܿ ܕܗܫܐ ܗܘ ܠܡ ܝܕܥܬ ܒܩܘܫܬܐ ܘܐܬܗܝܡܢܬ ܠܝ
                    ܒܫܪܪܐ܇ ܕܒܢ̈ܝ ܐܪܙܗܿ ܟܣܝܐ ܕܐܠܗܘܬܐ ܐܝܬܝܟܘܿܢܿ ܘܒܢ̈ܝܗ ܿ ܚܒܝ̈ܒܐ ܕܡܠܟܘܬܢܿ. ܒܗܕܐ
                    ܕܐܫܬܘܕܥܬܘܢ ܥܘܕܪܢܟܘܿܢܿ ܘܦܪܫܬܘܢ ܟܕ ܪܚܝܩܝܢܢ. ܘܙܕܩܬܘܢ ܣܓܕ̈ܬܐ ܠܐ̈ܠܗܐ. ܐܦ ܗܫܐ ܟܕ
                    ܩܪܝܒܝܢܢ ܐ̈ܦܝܢ ܒܐ̈ܦܝܢ ܗܼܝ ܟܕ ܗܼܝ ܦܪܘܫܘܬܟܘܢ ܚܘܝܬ ܠܘܬܢ. ܕܢܫܝ̈ܟܘܢ ܝܩܝܪ̈ܬܐ ܘܒܢ̈ܬܟܘܢ
                    ܟܢܝܟ̈ܬܐ ܐܕܝܠܬܘܢ ܠܫܠܡܗܿ ܕܡܐܬܝܬܿܢ ܘܒܠܒܗܿ ܐܢܬܘܢ ܕܡܠܟܘܬܿܢܿ ܠܡܬܠ ܠܟܘܢ ܛܿܒܬܐ ܘܠܡܣܥܪ
                    ܠܟܘܢ ܫܦܝܪ̈ܬܐ܇ ܐܦ ܠܒܢܝ̈ܟܘܢ ܘܠܒ̈ܢܝ ܒܢܝ̈ܟܘܢܿ ܥܠ ܕܪ̈ܐ ܣ̈ܓܝܐܐ. ܘܠܐ ܿ ܗܘܐ ܫܢܝܐ ܕܩܨܗ
                    ܥܠܘܗܝ ܓܿܚܟ ܗܘܼܐ܇ ܕܥܠ ܐܪ̈ܒܥܐ ܝܪ̈ܚܝܢ  118 ܘܠܝܬܘܗܝ ܕܘܝܐ܇ ܘܒܛܠܘ ܫܘܘ̈ܕܝܘܗܝ
                    ܘܐܬܥܛܝ ܕܘܟܪܢܗ .. ܘܐܘܣܦ ܬܘܒ ܝܘܠܝܢܘܣܼ ܘܐܡܼܪ ܠܗܘܢܿ ܕܐܢܐ ܠܡ ܛܒ ܬܗܝܪ ܐܢܐ ܒܗܝܡܢܘܬܗܿ
                    ܕܡܕܝܢܬܟܘܢܿ ܕܠܘ ܨܝܕ ܕ̈ܠܝܠܐ ܒܠܚܘܕ ܐܬܕܢܚܬ ܐܝܟ ܕܒܫܪܟܐ ܕܡܕܝ̈ܢܬܐ ܐܚܪ̈ܢܝܬܐ. ܕܒ̈ܝܠܕܝܗܿ
                    ܟܠܗܘܢ ܕܡܕܝܢܬܟܘܢ ܟܠܗܿ. ܐܙܕܪܥܬ ܗܝܡܢܘܬܗܘܢ ܕܐ̈ܠܗܐ. ܥܠ ܓܒܪ̈ܐ ܘܢܫ̈ܐ ܘܥܠ ܣ̈ܒܐ ܘܝܠܘ̈ܕܐ܇
                    ܘܥܠ ܟܠ ܡ̈ܘܫܚܢ ܫܘܝܬ ܐܬܡܬܚܬ. ܘܟܕ ܒܗܠܝܢ ܚܪܬܼ. ܐܘܕܝܬ ܘܫܒܚܬ. ܘܠܟܘܢ ܒܬܪܥܝܬܝܼ ܚܒܒܬ.
                    ܘܠܡܕܝܢܬܟܘܢ ܛܘܒܐ ܝܗܒܬܼ. ܕܟܡܐ ܣܪܝܟܐ ܒܪܚܡܬܐ ܕܐ̈ܠܗܐ. ܘܫܦܝܪ ܘܙܕܩܐܝܬ ܣܡܘܗܿ ܕܒܝܬ
                    ܕܘܩܛܠܝܢܣ ܒܟ̈ܬܒܝܗܘܿܢܿ ܒܝܬ ܡܫܪܝܐ ܕܐ̈ܠܗܐ܇ ܕܒܗܘܢ ܩܝܡܐ ܘܠܥܝܗܘܢ ܣܡܝܟܐ ܘܒܗܘܢ ܡܚܒܟܐ. ܐܢܐ
                    ܕܝܢ ܘܒܢܨ̈ܚܢܝܗܘܢ ܕܡ̈ܠܟܐ ܗܠܝܢ ܬܩܝ̈ܦܐ ܩܪܝܬܼ. ܘܒܟ̈ܬܒܝܗܘܢ ܐܫܟܚܬܼ. ܕܩܘܒܠ ܛܝܒܘܬܐ ܣܓܝܐܬܐ
                    ܐܝܬ ܠܗܿ ܠܡܕܝܢܬܟܘܢ ܨܐܕܝܗܘܿܢܿ ܒܗܕܐ ܕܚܦܝܛܝܢ ܗܘܝܬܘܢ ܥܠ ܣܓܕ̈ܬܐ ܕܐ̈ܠܗܐ. ܐܦ ܚܢܢ
                    ܒܕܡܘܬܗܘܢ ܕܗܠܝܼܢ. ܐܝܬ ܠܗܿ ܠܡܕܝܢܬܟܘܢ ܕܬܗܘܐ ܠܛܝܒܘܬܢ ܒܣܓܝܐ̈ܬܐ. ܕܟܕ ܐ̈ܠܗܐ ܢܬܠܘܢ ܠܢ
                    ܢܘܚܐ ܩܠܝܠ: ܘܢܣܬܦܩ ܡܢ ܩܪܒܐ ܕܪܡܐ ܠܼܢ. ܐܬܕܟܪܝܗܿ ܠܡܕܝܢܟܘܢ ܘܬܘܒܼ ܠܐ ܐܛܥܝܗܿ ܠܥܠܡ.
                    ܘܐܡܝܢܐܝܬ ܢܗܘܝܢ ܥܗܝܢܝ ܥܠܝܗܿ ܠܛܒܬܐܼ. ܘܬܣܒ ܚܣܕܐ ܘܪ̈ܚܡܐ ܒܥ̈ܝܢܝ. ܘܟܘܪܣܝܐ ܕܡܠܟܘܬܐ ܡܢܗܿ
                    ܠܐ ܢܥܢܕ ܠܥܠܡ. ܘܐܒܢܐ ܘܐܥܫܢ ܫܘܪ̈ܝܗܿ ܘܐܚܕܬ ܘܐܫܪܪ ܣܚܪ̈ܬܗܿ. ܘܐܨܒܬܝܗܿ ܘܐܗܕܪܝܗܿ. ܘܐܝܟ
                    ܟܠܬܐ ܡܨܒܬܐ ܐܥܒܕܝܗܿ. ܐܝܟܢܐ ܕܢܣܒܢ ܒܗܿ ܛܢܢܐ ܟܠܗܝܢ ܡ̈ܕܝܢܬܐ ܕܐܘܚܕܢܢ. ܘܢܘܓܪܐ ܕܫܢ̈ܝܐ
                    ܐܫܕܐ ܡܘܗܒܬܐ ܠܥܡܘܪ̈ܝܗܿ. ܘܐܚܕܐ ܒܗܿ ܘܬܪܘܙ ܒܝ ܟܠܗܘܢ ܝܘܡ̈ܬܢ. ܘܟܕ ܗܠܝܢ ܒ̈ܢܬ ܩ̈ܠܐ
                    ܕܫܢܝܘܬܐ ܡܢ ܛܪܘܢܐ ܡܫܬܡܥܢ ܗܘ̈ܝ. ܟܢܫ̈ܝܗܿ ܕܡܕܝܢܬܐ ܐܪܝܡܘ ܩܠܗܘܢ ܥܠ ܬܫܒ̈ܚܬܗܼ. ܘܒܢ̈ܬ
                    ܩ̈ܠܐ ܕܓܘܕܦܐ ܕܢܘܟܪ̈ܝܝܢ ܠܫܡܗ ܡܫܬܕܪܢ ܗ̈ܘܝ ܠܗ ܡܢ ܟܢܫܐ ܀ ܚܕ ܕܝܢ ܡܢ ܪܘܪ̈ܒܢܐ ܕܥܡܗ. ܕܫܡܗ
                    ܗܘܐ ܗܠܦܝܕܝܣ. ܒܛܟܣܐ ܕܝܢ ܕܦܠܚܘܬܗܼ. ܒܫܡܐ ܐܚܪܢܐ ܡܬܩܪܐ ܗܘܼܐ. ܗܼܘ ܕܝܢ ܗܢܐܼ ܟܪܣܛܝܢܐ
                    ܗܘܼܐ. ܘܡܛܫܐ ܗܘܼܐ ܥܠ ܢܦܫܗܼ. ܡܛܠ ܐܣܟܡܐ ܕܦܠܚܘܬܗ ܀ ܗܢܐ ܟܕ ܚܙܐ 119 ܦܩܪܘܬܗܘܢ
                    ܫܢܝܘܬܗܘܢ ܕܐܢܛ̈ܘܟܝܐ: ܘܒ̈ܢܬ ܩ̈ܠܐ ܕܓܘܕܦܐ ܕܐܝܟ ܕܠܐܠܗܐ ܡܩܠܣܝܢ ܗܘܘ ܠܗܼ. ܚܫ ܒܢܦܫܗܼ
                    ܘܐܬܬܙܝܥ ܗܘܼܐ. ܠܐ ܕܝܢ ܐܬܟܣܝܬ ܗܼܝ ܗܕܐ ܡܢ ܛܪܘܢܐ. ܘܥܩܬ ܠܗ ܘܐܬܐܒܫ ܠܗܼ ܛܒ ܘܡܛܠ ܕܠܐ
                    ܢܚܠܘܛ ܥܩܬܐ ܡܕܡ ܒܚܕܘܬܗܿ ܕܡܕܝܢܬܐ. ܐܗܡܝ ܘܠܐ ܪܫܝܗܝ ܗܘܐ ܒܗܘܿ ܥܕܢܿ ܐܠܐ ܣܡܗܿ ܒܢܦܫܗܿ. ..
                    ܘܟܕ ܩܪܒ ܠܬܪܥܗܿ ܕܡܕܝܢܬܐܼ. ܫܪܝܘ ܝܗ̈ܘܕܝܐ ܘܚ̈ܢܦܐ ܩܥܝܢ ܠܗ. ܡܕܝܢܬܢ ܥܕ ܝܘܡܢ ܐܪܡܠܬܐ ܗܘܬ.
                    ܘܢܨܪ̈ܝܐ ܐܬܥܫܢܘ ܥܝܠܗܼܿ ܘܒܙܘܗܿ. ܘܫ̈ܢܝܐ ܚܡܫܝܢ ܓܙ ܥ̈ܝܢܝܗܿ ܕܚܝܪܐ ܠܦܘܪܩܢܟ. ܡܠܟܗܿ
                    ܕܡܕܝܢܬܢܼ. ܐܥܕܐ ܒܙܬܐ ܡܢ ܓܙܗܿ ܕܥܕܬܐ. ܡܕܝܢܬܢ ܓܝܪ ܐܬܡܣܟܢܬ ܘܥܕܬܐ ܥܬܪܬ. ܓ̈ܙܝܗܿ ܕܥܕܬܐ
                    ܠܛܡܝܘܢ ܢܥܠܘܢܿ ܓ̈ܙܝܗܿ ܕܥܕܬܐܼ. ܒܐܝ̈ܕܝ ܬܐܕܘܪܝܛܐ ܓܝܙܒܪܗܿ ܕܡܥܕܢܬܐ ܢܬܥܩܒܘܢܿ ܬܐܕܘܪܝܛܐ
                    ܩܫܝܫܐ ܕܗܘ ܣܝܡ ܥܠ ܓܙܝ̈ܗܿ ܕܥܕܬܐ ܕܥܕܬܐ ܒܥܓܠ ܢܬܬܚܕ. ܬܐܕܘܪܝܛܐ ܕܐܣܡܪ ܥܠ ܫܘܠܛܢܟܘܿܢܿ
                    ܘܐܩܝܡ ܪܓܠܐ ܒܥܕܬܐ ܠܕܝܩܣܛܪܝܢ ܢܫܬܠܡ. .... ܘܩܪܐ ܝܘܠܝܢܘܣ ܠܚܠܗܼ. ܘܣܡ ܒܬܪܗ ܓܙ̈ܝܗܿ ܕܥܕܬܐ
                    ܕܐܢܛܝܟܝܐ܇ ܕܗܼܘ ܢܣܼܒ ܫܘܫܒܢܗܘܢ ܡܢ ܬܐܕܘܪܝܛܐ ܩܫܝܫܐ܇ ܕܗܼܘ ܥܒܝܕ ܗܘܼܐ ܪܒ ܒܝܬܗ ܒܗܿܘ
                    ܙܒܢܐ. ܟܘܡܪ̈ܐ ܕܝܢ ܡ̈ܟܬܡܐ ܕܚܛܝܬܐܼ. ܠܓܘ ܡܢ ܬܪܥܐ ܕܡܕܝܢܬܐ ܟܢܝܫܝܢ ܗܘܘܿ. ܘܡܛܝܒܝܢ ܕܥܐܠ
                    ܒܬܪܥܗܿ ܕܡܕܝܢܬܐ܇ ܘܡܥܛܪܝܢ ܥܠ ܥ̈ܠܘܬܗܘܢ ܒܣ̈ܡܐ ܘܠܒܘܢܬܐ܇ ܘܟܘܡܪܐ ܪܒܐ ܕܡܪܐ ܐ̈ܠܗܐܼ. ܥܠ
                    ܕܪܓܗܿ ܪܒܐ ܕܥܠܬܐ ܩܐܡ ܗܘܼܐ. ܘܐܚܝܕ ܗܘܼܐ ܒܐܝܕܗ ܩܘܩܝܢ ܕܕܗܒܐܿ ܟܕ ܡܠܝܐ ܡܫܚܐ ܡܛܢܦܐ
                    ܕܫܐ̈ܕܐ .... ܘܟܕ ܥܐܠ ܝܘܠܝܢܘܣ ܒܬܪܥܗܿ ܕܡܕܝܢܬܐܼ. ܐܪܙܦ ܟܘܡܪܐ ܗܿܘ ܥܠ ܐܪ̈ܓܘܢܘܗܝ ܕܡܠܟܐ
                    ܘܥܠ ܣܘܣܝܗܼ. ܘܐܙܠܼ ܡܢ ܪܙܦܗ ܕܡܫܝܚܐ ܗܿܘ ܥܠ ܟܢܦܗ ܕܦܪܝܣܐ ܕܗܠܦܝܕܝܣ ܡܗܝܡܢܐ. ܘܐܬܐܒܫ ܠܗ
                    ܛܒ. ܘܐܙܕܥܦ ܒܗ ܒܟܘܡܪܐ ܗܿܘܼ. ܘܚܪ ܒܗ ܒܥܝܢܐ ܠܚܝܡܬܐ. ܘܢܚܬ ܡܢ ܣܘܣܝܗ ܒܪܬܚܐ ܕܗܝܡܢܘܬܗ.
                    ܘܒܥܛܗ ܠܘܩܒܠ ܡܪܩܩܗ. ܘܫܪܝܗܝ ܡܢ ܚܝ̈ܐ. ܘܢܦܠ 120 ܩܕܡ ܣܘܣܝܗ ܕܝܘܠܢܣ ܘܡܝܬ. ܗܘ
                    ܕܝܢ ܛܪܘܢܐ ܐܬܡܪܡܪ. ܘܢܗܡܼ ܐܝܟ ܐܪܝܐ ܠܬܒܪܐ. ܘܩܥܼܐ ܘܐܡܼܪ. ܝܗ ܠܟ ܙܐܦܢܐ ܝܗ. ܗܐ ܓܠܝܬ
                    ܙܐܦܟ ܘܚܘܝܬ ܥܠ ܢܦܫܟ ܕܟܪܣܛܝܢܐ ܐܢܬ. ܕܝܠܝ ܗܼܝ ܡܢ ܗܫܐ ܕܐܬܚܟܡ ܠܟ. ܐܡܿܪ ܠܗ ܗܠܦܝܕܝܣ.
                    ܐܡܬܝ ܠܡ ܓܝܪ ܫܢܝܐ ܡܢ ܝܘ̈ܡܝ ܐܬܪܡܝܬ ܠܛܥܝܘܬܟ. ܐܘ ܐܫܬܘܝܬ ܠܚܢܦܘܬܟ. ܐܘ ܒܐܝܠܝܢ ܙܒ̈ܢܝܢ
                    ܐܬܢܩܦܬ ܠܛܡܐܬܘܟܿ. ܐܘ ܐܨܛܐܝܬ ܢܦܫܝ ܒܛܠܫܘܬܟ. ܐܘ ܐܡܬܝ ܫܠܡܬ ܠܨܒܝܢܐ ܒܝܫܐ ܕܦܩܪܘܬܟܘܢ
                    ܕܦܩܪ. ܐܘ ܐܡܬܝ ܬܢܝ ܗܐ ܡܢ ܕܥܠܬ ܥܡܟ ܠܒܝܬ ܦܬܟܪ̈ܐ܇ ܘܣܓܕܬ ܠܫܐ̈ܕܐ ܐܟܘܬܟ. ܡܚܣܝܐ ܢܦܫܝ ܡܢ
                    ܪܘܫܥܟܼ. ܘܚܬܝܡܝܢ ܪ̈ܓܫܝ ܡܢ ܛܡܐܘܬܟ. ܘܡܨܠܠ ܡܐܢܗ ܕܩܢܘܡܝ ܡܢ ܬܛܪܗܿ ܕܠܝܚܐ ܕܚܢܦܘܬܟ. ܘܠܐ
                    ܒܣܝܪ ܐܢܐ ܡܢ ܢܦܫܝ ܘܡܢ ܪܥܝܢܝ܇ ܕܓܫܦ ܒܝ ܡܕܡ ܡܢ ܣܘܠܐܢܐ ܕܟܦܘܪܘܬܟ. ܐܠܐ ܗܝܡܢܘܬܝ ܒܢܦܫܝ
                    ܐܚܝܕ ܗܘܝܬܼ. ܫܦܝܐܝܬ ܘܕܟܝܐܝܬ. ܘܙܗܝܪ ܗܘܝܬ ܒܗܿ ܘܢܛܿܪ ܠܗܿ܆ ܕܒܡܕܡ ܠܐ ܬܬܢܟܐ ܐܘ ܬܬܟܬܡ.
                    ܠܐ ܓܝܪ ܐܝܬܝ ܟܦܘܪܐ ܐܟܘܬܟܿ. ܕܟܦܪܬ ܒܗܝܡܢܘܬܗܿ ܕܥܕܬܐ ܕܒܗܿ ܐܬܪܒܝܬ. ܘܢܦܠܬ ܡܢ ܩܝܡܟ
                    ܘܐܬܪܡܝܬ ܠܛܥܝܘܬܐ ܕܫܐܕ̈ܐ. ܘܡܢ ܗܫܐܼ ܠܝܬ ܠܟ ܠܡܙܟܐ ܒܩܪ̈ܒܝܟ. ܫܩܝܠܐ ܗܼܝ ܓܝܪ ܡܢܟ ܙܟܘܬܐܼ.
                    ܘܚܪܒܗ ܕܡܪܝܐ ܠܩܘܒܠܟ ܒܩܐܪܣܗܿ ܕܐܬܘܪ. ܥܠ ܕܗܦܟܬ ܡܢ ܕܚܠܬܗ ܘܟܕܒܬ ܒܩܝܡܗ. ܘܠܐ ܫܠܝܐ ܡܢܟ
                    ܟܐܢܘܬܐ܇ ܥܕܡܐ ܕܬܥܒܕ ܡܢܟ ܬܒܥܬܐ܇ ܕܡܕܡ ܕܣܥܪܬ ܒܥܒܕ̈ܘܗܝ ܕܐܠܗܐ. ܠܐ ܐܘܢ ܬܣܝܡ ܐ̈ܦܝܟ
                    ܠܙܟܘܬܐܼ. ܕܡܫܬܩܠܐ ܠܗܿ ܡܛܠ ܚܝܒܘܬܟ. ܐܦܢ ܓܝܪ ܫܐܕ̈ܐ ܐܛܥܘܝܟ: ܘܐܣܒܪܘܟ ܥܠ ܙܟܘܬܐܼ. ܐܠܐ ܕܥ
                    ܫܢܝܐܼ. ܕܫܐܕ̈ܐ ܥܡ ܐܢܫ ܫܪܪܐܼ ܠܐ ܢܛܪܝܢ. ܡܟܪ̈ܘܟܝܬܐ ܓܝܪ ܪܡܝܢ ܠܟ ܒܐܘܡܢܘܬܐ ܕܨ̈ܢܥܬܗܘܢܿ
                    ܘܡܐ ܕܐܟܪܟܘ ܐܣܩܘ ܣܡܘܟ ܥܠ ܪܘܡܐ ܕܫܘܒܗܪܐ. ܐܪܡܝܘ ܠܟ ܦܟܬܐܼ ܘܢܦܨܘܢܟܼ. ܘܩܡܘ ܡܢ ܩܒܘܠ
                    ܓܚܟܝܢ ܥܠ ܡܦܘܠܬܟ... ܬܘܝܪ ܗܘܼܐ ܕܝܢ ܝܘܠܝܢܘܣ ܥܠ ܡ̈ܠܘܗܝ ܕܗܠܦܝܕܝܣ. ܘܕܡܿܐ ܠܫܢܝܐ. ܘܒܥܼܐ
                    ܠܡܩܛܠܗܼ. ܘܟܕ ܚܼܙܐ ܕܚܕܐ ܘܪܘܙ ܪܥܝܢܗ. ܘܪܘܿܙ ܘܦܨܝܚ ܦܪܨܘܦܗ ܒܐܓܘܢܐ ܕܡܘܕܝܢܘܬܗܼ. ܐܗܡܝ
                    ܘܠܐ ܩܛܠܗ. ܐܠܐ ܐܪܡܝ ܒܗ ܦܪܙܠܐܼ. ܘܫܕܪܗ ܠܒܝܬ 121 ܐܣܝܪ̈ܐ ܥܕ ܗܿܘܼܐ ܝܘܡܐ
                    ܕܢܫܡܥܝܘܗܝ. ܛܪܘܢܐ ܕܝܢ ܡܢ ܒܬܪ ܕܥܒܕ ܩܠܝܠ ܝܘܡ̈ܬܐ ܒܐܢܛܝܟܝܐ. ܐ̈ܬܝ ܠܗ ܟܬܝܒ̈ܬܐ ܡܢ
                    ܝܘܒܢܝܢܘܣ. ܕܡܒܠܗܝܢ ܠܗ. ܘܩܿܪܐ ܗܘܼܐ ܠܐܪܣܩܝܣ ܢܛܿܪ ܕܘܟܬܗ ܕܝܘܒܢܝܢܘܣ. ܘܣܡ ܒܬܪܗ ܟܠܗܝܢ
                    ܐܝܠܝܢ ܕܡܬܒܥܝܢ. ܕܚܫܚܢ ܠܗ ܘܠܚܝ̈ܠܘܬܐ ܕܥܡܗ. ܡܐ ܕܐܬܬܣܝܡ ܥܠ ܬܚ̈ܘܡܐ. ܘܥܠ ܗܠܦܝܕܝܣ ܬܘܒ
                    ܦܩܕܗ. ܕܐܢ ܠܡ ܬܒ ܡܢ ܫܢܝܘܬܗ. ܘܗܼܦܟ ܡܢ ܛܥܝܘܬܗ ܘܥܗܕ ܢܦܫܗܼ. ܢܗܘܐ ܠܗ ܫܘܒܩܢܐ ܘܢܫܬܟܢ ܡܣܡ
                    ܒܪܝܫܐ ܚܢܗ. ܘܐܢ ܒܗ ܒܪܥܝܢܐ ܕܛܥܝܘܬܗ ܡܩܘܐܼ. ܠܡܐ ܠܡ ܬܬܠ ܠܗ ܪܓܬܐ ܕܠܒܗ. ܗܢܐ ܠܡ ܓܢܣܐ
                    ܣܟܠܐ ܕܟܪ̈ܣܛܝܢܐ. ܡܘܬܐ ܕܣܝܦܐ ܕܕܚܝܠ ܥܠ ܟܠ ܘܓܙܝܪ ܥܠ ܡ̈ܣܟܠܢܐܼ. ܠܗܘܢ ܕܝܠܗܘܢ ܐܝܟ ܡܘܗܒܬܐ
                    ܗܼܝ ܠܗܘܢ ܕܚ̈ܝܐ. ܠܡܐ ܗܟܝܠ ܬܓܡܘܪ ܨܒܝܢܗ. ܐܠܐ ܐܢ ܒܗ ܒܪܥܝܢܐ ܡܩܘܐ ܐܝܟ ܕܐܡܪܢܼܢ. ܬܬܝܗܒ
                    ܥܠܘܗܝ ܐܦܦܣܝܣ ܕܐܟܣܘܪܝܐ ܕܠܥܠܡ. ܐܦ ܥܠ ܫܪܟܐ ܕܟܪ̈ܣܛܝܢܐ ܐܚܪ̈ܢܐ. ܕܐܬܬܚܕܘ ܒܗܿ ܒܡܕܝܢܬܐ
                    ܩܕܡ ܝܘܡܐܼ. ܕܐܝܟ ܗܟܢܐ ܦܩܼܕ ܥܠܝܗܘܢ ܛܪܘܢܐ. ܘܡܛܠ ܕܐܟܝܦ ܗܘܼܐ ܛܒ ܥܠ ܩܐܪܣܗܼ. ܫܕܐ ܡܘܗܒܬܐ
                    ܠܟܢܫ̈ܝܗܿ ܕܡܕܝܢܬܐ. ܐܦ ܠܚܝ̈ܠܘܬܗ ܐܥܢܝ ܫܩ̈ܠܐ ܕܦܠܚܘ̈ܬܗܘܢܿ ܘܒܠܗܝ ܐܢܘܢ ܥܠ ܡܫܩܠܢܗ.
                    ܐ̈ܦܘܗܝ ܕܝܢ ܠܐܘܪܗܝ ܣܝܡܢ ܗܘ̈ܝ. ܘܫܕܪ ܩܕܡܘܗ ܡܛܝ̈ܒܢܐ ܕܢܛܝܒܘܢ ܠܗ ܥܕ ܐܿܙܠ. ܣܝܡܐ ܗܘܬ ܠܗ
                    ܓܝܪ. ܕܢܥܒܕ ܒܗܿ ܝܘܡ̈ܬܐ ܒܐܘܪܗܝܼ. ܐܝܟ ܕܢܫܼܪܐ ܐܢܫ̈ܐ ܦܩܘ̈ܕܐ ܘܡܕܒܪ̈ܢܐ ܕܐܝܬ ܗܘܘ ܒܗܿ.
                    ܐܬܐܟܠܘ ܓܝܪ ܩܪ̈ܨܝܗܘܢ ܩܕܡܘܗܝ ܕܐܢܫܐ ܐܢܘܢ ܠܡ ܛܪ̈ܘܢܐ ܘܡܪ̈ܘܕܐ. ܓܠܝܐܝܬ ܠܡ ܡܘܕܝܢ ܥܠ
                    ܢܦܫܗܘܢ ܕܟܪ̈ܣܛܝܢܐ ܐܢܘܢܼ. ܟܕܠܐ ܕܚܠܝܢ ܘܙܝܥܝܢ ܡܢ ܫܘܠܛܢܐ ܕܚܝܠܐ ܕܡܠܟܘܬܟܘܢܿ ܗܘܼܐ ܕܝܢ
                    ܩܛܝܓܪܢܗܝܢ ܕܗܠܝܼܢ. ܗܘܡܢܐܣ ܝܗܘܕܝܐ܇ ܕܗܼܘ ܥܒܝܕ ܗܘܐ ܒܗܿܘ ܙܒܢܐ. ܪܒ ܟܢܘܫܬܗܘܢ ܕܝܗܘ̈ܕܝܐ
                    ܕܥܡܪܝܢ ܗܘܘ ܒܐܘܪܗܝ. ܘܗܕܐ ܗܘܬ ܩܛܝܓܪܢܘܬܗ ܕܥܠܝܗܘܢܼ. ܕܐܝܟ ܡܘܫܒܘ ܐܘܫܒܘ ܐܝܕ̈ܝܐ ܥܠ
                    ܐ̈ܢܫܝܢ ܕܫܠܡܘ ܠܚܢܦܘܬܗ ܕܥܘܿܠܐ܇ ܘܛܪܕܘ ܐܦܩܘ ܐܢܘܢ ܡܢ ܡܕܝܢܬܗܘܢܿ ܘܐܟܠ ܗܘܼܐ ܩܪ̈ܨܝܗܘܢ
                    ܥܙܝܙܐܝܬ ܩܕܡܘܗܝ. ܕܐܢ ܠܗܠܝܢ ܠܡ ܐܢܫܐ ܠܐ ܫܪܝܬ  122 ܡܢ ܐܘܪܗܝܼ. ܐܢܫܘܬܐ ܟܠܗܿ
                    ܕܡܝܕܢܬܐܼ. ܐܙܠܐ ܠܗܿ ܒܬܪܗܘܢܿ ܘܗܘܝܢ ܢܘܟܪ̈ܝܐ ܠܣܓܕܬܐ ܕܐ̈ܠܗܐ. ܠܐ ܓܝܪ ܠܡ ܫܒܩܝܢ ܠܗܿ
                    ܠܐܢܫܘܬܗܿ ܕܡܕܝܢܬܐܿ. ܕܢܨܛܠܘܢ ܒܬܪ ܨܒܝܢܐ ܕܡܟܘܬܟܘܢܿ ܘܠܚܝܡ ܗܘܐ ܠܗܘܢ ܝܘܠܝܢܘܣ ܠܡܕܒܪ̈ܢܝܗܿ
                    ܕܐܘܪܗܝ ܡܢ ܗܿܘ ܝܘܡܐܼ. ܘܨܿܒܐ ܗܘܐ ܕܢܣܝܡ ܒܪ̈ܝܫܝܗܘܢܿ ܠܡܬܗܪ ܕܝܢ ܘܠܡܬܕܡܪܘ ܒܗܝܡܢܘܬܗܘܢ
                    ܕܐܘܪ̈ܗܝܐ. ܕܟܠܗܘܢ ܥܡ ܟܠܗܘܢ ܣܡܘ ܢܦܫܗܘܢ ܠܡܘܬܐܼ. ܕܠܐ ܢܕܪܘܟ ܛܡܐܐ ܠܓܘ ܬܪܥܗܿ ܕܡܕܝܢܬܗܘܢ
                    ܒܨܒܝܢܗܘܢܿ ܘܟܕ ܐܬܘ ܫܠܝܚ̈ܘܗܝ ܕܥܘܿܠܐܼ. ܠܐ ܝܗܒܘ ܠܗܘܢ ܐܘܪ̈ܗܝܐ ܕܢܥܠܘܢ ܗܘܘ ܠܡܕܝܢܬܐ.
                    ܡܛܪ̈ܬܐ ܓܝܪ ܣܝܡܢ ܗ̈ܘܝ ܠܗܘܢ ܥܠܘܗܝ ܕܣܘܥܪܢܐ܇ ܠܒܪ ܡܢ ܫܘܪܐ ܕܡܕܝܢܬܗܘܢ ܕܠܐ ܢܬܓܢܒܘܢܿ ܘܟܕ
                    ܝܠܦܘ ܫܪܝܪ̈ܝܗܿ ܕܡܕܝܢܬܐ ܥܠ ܡܐܬܝܬܗܘܢ ܕܡ̈ܣܝܒܐܼ. ܢܦܩܘ ܠܘܬܗܘܢ ܠܬܥܗܿ ܕܡܕܓܝܢܬܐܼ. ܟܕ ܠܘܝܐ
                    ܠܗܘܢܼ ܟܠܗܿ ܐܢܫܘܬܐ. ܘܫܐܠ ܐܢܘܢ ܪܣܛܘܛܐ ܪܫܗܿ ܕܡܕܝܢܬܐ ܟܕ ܐܡܿܪ. ܓܒܪ̈ܐ ܡܢܐ ܨܒܿܝܢ ܐܢܬܘܢܿ
                    ܘܡܢܐ ܗܼܝ ܡܐܬܝܬܟܘܢ ܘܡܢܘ ܫܕܪܟܘܿܢܿ ܕܢܘܟܪܝܐ ܚܙܬܟܘܢ ܠܡܕܝܢܬܢܿ ܨܘܨ̈ܝܬܐ ܓܝܪ ܕܚܢܦܘܬܐ ܚܿܙܐ
                    ܐܢܐ ܥܠ ܟܢ̈ܦܐ ܕܡܪ̈ܛܘܛܝܟܘܢܿ ܚܕ ܡܢܗܘܢ ܕܝܢ ܫܡܗ ܗܘܼܐ ܩܘܠܡܟܘܣ ܪܦܣ ܒܪܓܠܗ ܘܐܢܝܕ ܒܪܝܫܗ ܟܕ
                    ܐܡܿܪ. ܕܛܒ ܠܡ ܟܪܝܐ ܠܝ ܥܠ ܐܒܕܢܗܿ ܕܗܕܐ ܡܕܝܢܬܐ܇ ܟܡܐ ܕܗܢܐ ܨܒܝܢܐ ܒܝܫܐ ܚܘܝܬܘܢܿ ܘܠܘ ܣܓܝ
                    ܐܝܬ ܠܗܿ ܘܬܬܚܒܠ. ܒܪܡ ܕܝܢ ܗܫܐ ܥܠ ܐܝܠܝܢ ܕܫܐܠܬܘܢܿ ܒܪܡ ܕܝܢ ܐܚܝܕ ܠܡ ܫܘܠܛܢܗ ܕܥܠܡܐ
                    ܝܘܠܝܢܘܣ ܡܠܟܐ ܕܠܥܠܡ. ܫܕܪܢ ܠܡܕܝܢܬܗ ܕܢܣܒܪܗܿ ܥܠ ܡܐܬܝܬܗ. ܕܒܚܕܘܬܐ ܘܒܪܘܙܐ ܘܒܙܘܚܐ ܣܓܝܐܐ
                    ܬܦܘܩ ܠܐܘܪܥ ܘܬܩܒܠܝܘܗܝ. ܘܗܫܐ ܚܙܘ ܡܢܐ ܦܬܓܡܐ ܡܦܢܝܢ ܐܢܬܘܢ ܥܠ ܗܕܐ. ܕܢܟܬܘܒ ܘܢܘܕܥ ܠܡܿܠܟܐ
                    ܨܒܝܢܟܘܢ .... ܐܡܿܪ ܠܗܘܢ ܐܪܣܛܘܛܐ. ܡܛܥܐ ܛܥܝܬܘܢ ܓܒܪ̈ܐ ܘܫܓܝܬܘܢ ܘܐܬܝܬܘܢ ܠܐܘܪܗܝ.
                    ܒܡܕܝܢܬܐ ܓܝܪ ܡܗܝܡܢܬܐ ܕܢܘܟܪܝܐ ܠܫܢܝܘܬܐ ܕܚܢܦܘܬܟܘܢܼ. ܐܢܬܘܢ ܡܢܐ ܨܒܝܢ ܐܢܬܘܢ ܒܗܿ. ܐܘ ܡܢܐ
                    ܬܘܒ ܕܚܕܘܬܐ ܐܬܚܙܝ ܠܟܘܢ ܒܗܿ. ܕܥܠ ܚܕܘܬܗ ܕܡܪܟܘܢ ܣܒܪܬܘܢܗܿ. ܕܗܐ ܫܘܪ̈ܝܗܿ ܟܒܝܢܝܢ ܣܩ̈ܐ
                    ܘܥܝܢ̈ܝܟܘܢ ܚܙܝܢ܇ ܘܫܘ̈ܩܝܗܿ 123 ܘܐ̈ܣܛܘܝܗܿ ܠܒܝܫܝܢ ܐܘܟ̈ܡܐ ܕܘܡܝܐ ܕܒܝܬ ܒ̈ܟܐ.
                    ܐܒܠܐ ܗܼܘ ܓܝܪ ܪܒܐ ܠܐܘܪܗܝ ܘܚܫܐ ܡܪܝܪܐ܇ ܕܡܢܘܼ ܚܠܦ ܡܢܘ ܝܬܼܒ ܥܠ ܟܘܪܣܝܗܿ ܕܪܘܡܢܝܐ. ܚܠܦ
                    ܩܘܣܛܢܛܝܢܣ ܡܗܝܡܢܐܼ ܝܘܠܝܢܘܣ ܟܦܘܪܐ. ܥܘܿܠܐܼ. ܒܕܘܟܬ ܙܕܝܩܐ. ܚܢܦܐܼ ܒܕܘܟܬ ܟܪܣܛܝܢܐ. ܫܢܝܐܼ
                    ܒܕܘܟܬ ܬܩܢܐ ܘܚܟܝܡܐ. ܘܡܢ ܐܝܬ ܠܢ ܠܡܐܡܪ ܥܠ ܪܘܬܟܘܿܢܿ ܕܫܒܩܬܘܢ ܠܡܐܙܠ ܠܚܪܢ ܐܡܗܿ
                    ܕܦܬܟܪܘܬܐ܇ ܕܠܚܡܐ ܠܚܢܦܘܬܗ ܕܛܪܘܢܐ܇ ܘܛܒܝܥܐ ܒܫܢܝܘܬܗ ܘܚܝܪܐ ܠܡܐܬܝܬܗܿ. ܘܡܣܘܚܐ ܠܚܙܬܗ.
                    ܘܐܝܟ ܕܠܡܠܟܐ ܒܪ ܕܚܠܬܐ ܕܛܥܝܘܬܗܿ. ܨܒܬܬ ܠܗܿ ܫܘܩ̈ܝܗܿ. ܘܗܕܪܬ ܢܘ̈ܣܐ ܕܓ̈ܠܝܦܝܗܿ. ܘܝܘܡ ܡܢ
                    ܝܘܡ ܚܝܪܐ ܘܡܣܟܝܐ ܠܗܼ. ܕܐܡܬܝ ܢܐܬܐ ܘܢܓܡܘܪ ܪܓܬܗܿ. ܘܢܩܝܡ ܨܒܝܢܐ ܕܚܢܦܘܬܗܿ܇ ܘܢܪܝܡ ܒܪܝܫܗܿ
                    ܩܕܡܘܗܝ. ܠܗܕܐ ܡܕܝܢܬܐ ܫܢܝܬܐ ܐܡܐ ܕܟ̈ܬܝܫܐ܇ ܙܠܘ ܣܒܪܘܗܿ ܥܠ ܡܐܬܝܬܗ ܕܡܪܟܘܢܼ. ܘܪܘܙܐ
                    ܒܣܒܪܬܗ ܘܕܝܨܐ ܒܡܐܬܝܬܗ. ܘܡܫܬܒܗܪܐ ܒܚܢܦܘܬܗ. ܘܥܒܪܘ ܠܟܘܢ ܡܢ ܡܕܝܢܬܢ ܚܫܝܫܬܐ܇ ܕܐܒܝܠܐ ܥܠ
                    ܚܢܦܘܬܗ ܕܡܠܟܐ ܫܢܝܐ܇ ܘܚܫܝܫܐ ܥܠ ܛܥܝܘܬܗܿ. ܘܠܒܝܫܐ ܥܠ ܐܘ̈ܟܡܐ ܐܝܟ ܕܥܠ ܥܢܝܕܐ. ܘܡܢܘ ܠܐ
                    ܢܩܪܝܘܗܝ ܡܝܬܐ ܠܗܢܐ ܡܝܬ ܒܚܝ̈ܘܗܝ. ܕܓܠܙ ܒܢܦܫܗ ܬܫܒܘܚܬܗ ܕܐܠܗܐ ܚܝܐ܇ ܘܝܗܒܗ ܠܦܬܟܪ̈ܐ ܡܝ̈ܬܐ
                    ܘܠܪ̈ܘܚܐ ܛܢ̈ܦܬܐ. ܘܡܢܘ ܠܐ ܢܗܠ ܒܗ ܘܢܡܝܩ ܒܚܢܦܘܬܗ: ܙܠܘ ܗܟܝܠ ܘܐܡܪܘ ܠܗ ܠܫܢܝܐ ܕܫܕܪܟܘܢܼ.
                    ܕܠܐܘܪܗܝ ܡܕܝܢܬܐ ܕܟܪ̈ܣܛܝܢܐ ܡܢܘ ܡܐܬܝܟ. ܕܠܐ ܠܚܢܦܘܬܟ ܫܠܡܐܼ. ܘܠܐ ܠܛܥܝܘܬܟ ܡܬܪܡܝܐ. ܘܠܐ
                    ܬܪ̈ܥܝܗܿ ܩܕܡܝܟ ܦܬܚܐ. ܘܕܙܟܝܐ ܠܟܠܗܝܼܢ. ܐܦܠܐ ܕܐܝܬܝܟ ܡܠܟܐ ܝܕܥܐ. ܡܠܟܗܿ ܓܝܪ ܕܐܘܪܗܝܼ
                    ܡܫܝܚܐ ܗܼܘ. ܘܒܓܘ ܣܚܪ̈ܬܗ ܫܪܐ. ܘܠܐ ܡܥܠܐ ܥܠܘܗܝ ܢܘܟܪܝܐ. ܘܐܢ ܠܡ̈ܠܟܝܗܿ ܬܩܝ̈ܦܐ ܕܐܬܘܪ: ܠܐ
                    ܦܬܚܬ ܐܘܪܗܝ ܬܪ̈ܥܝܗܿ ܩܕܡܝܗܘܢ܆ ܘܫܢ̈ܝܐ ܬܠܬ ܐܝܬܒܘ ܥܠܝܗܿ ܘܠܐ ܚܣܢܘܗܿ: ܠܟ ܓܝܘܪܐ ܫܝܛܐ
                    ܦܿܠܚ ܦܬܟܪ̈ܐ: ܦܬܚܐ ܐܘܪܗܝ ܬܪ̈ܥܝܗܿ ܘܡܩܒܠܐ ܠܟ ܫܢܝܐܼ. ܚܣ ܕܝܢ ܠܫܘ̈ܩܝܗܿ ܕܡܒܪܟܬܐ܇ ܕܢܕܪܟܢ
                    ܒܗܘܢ ܪ̈ܓܠܝܟ ܛܡ̈ܐܬܐ܇ ܕܕܫ ܐܣܟ̈ܦܬܐ ܕܢܘ̈ܣܝܗܿ ܕܦܬܟܪܘܬܐ. ܐܠܐ ܟܡܐ ܕܐܝܬ  124 ܠܟ
                    ܨܒܝܢܐܼ. ܫܡܘܛ ܥܠܝܢ ܚܪܒܟܼ ܘܡܬܘܚ ܩܫܬܟ. ܘܠܐ ܡܬܩܛܥܐ ܠܢ ܒܩܐܪܣܟ. ܐܝܬ ܠܢ ܓܝܪ ܕܩܐܡ ܒܪܝܫܢ
                    ܘܡܬܟܬܫ ܚܠܦܝܢ .... ܩܠܘܡܟܘܣ ܕܝܢ ܥܡ ܐܝܠܝܢ ܕܥܡܗܼ. ܬܘܝܪܝܢ ܗܘܘ ܥܠ ܡ̈ܠܘܗܝ ܕܐܪܣܛܘܛܐ.
                    ܘܡܬܩܠܝܢ ܥܠ ܨܘܚ̈ܝܬܗ. ܘܥܢܐ ܩܘܠܘܡܟܘܣ ܘܐܡܼܪ ܠܗ ܠܫܪܝܪܐܼ ܟܕ ܡܬܠܚܡ. ܐܡܼܪ ܠܝ ܠܡ ܐܘ
                    ܕܘܝܐܼ. ܟܠܒܐ ܨܒܪܐ ܢܒܚ ܒܡܪ̈ܘܗܝܼ. ܥܠ ܦܪܨܘܦܟ ܫܩܝܠܢ ܠܟ ܒ̈ܢܬ ܩ̈ܠܐ ܗܠܝܼܢ. ܐܘ ܦܪܨܘܦܐ
                    ܕܟܠܗ ܥܡܐ ܕܡܕܝܢܬܟ. ܙܕܩ ܠܢ ܓܝܪ ܕܢܐܠܦܼ. ܕܗܟܢ ܢܟܬܘܒ ܘܢܘܕܥ ܠܡܠܟܐ ܨܒܝܢܟܘܢ ܒܝܫܼܐ. ܗܝܕܝܢ
                    ܪܒܬ ܐܢܫܘܬܐ ܟܠܗܿ ܕܡܕܝܢܬܐܼ. ܘܩܥܝܢ ܗܘܘܼ ܘܐܡܪܝܢ. ܕܟܠܗܝܢ ܐܝܠܝܢ ܕܐܬܐܡܪ ܡܢ ܫܪܝܪ̈ܝܗܿ
                    ܕܡܕܝܢܬܢܼ. ܡܢ ܦܘܡ ܟܠܢ ܐܬܐܡܪ. ܘܠܝܬ ܒܢ ܕܢܘܟܪܝ ܠܗܠܝܢ ܒܢ̈ܬ ܩ̈ܠܐ܇ ܐܠܐ ܐܢ ܝܗܘܕ̈ܝܐ
                    ܒܥ̈ܠܕܒܒܘܗܝ ܕܡܫܝܚܐ܇ ܗܿܢܘܢ ܕܐܦ ܠܗܘܢ ܒܥܓܠ ܢܥܩܘܪ ܐܢܘܢ ܡܕܝܢܬܢܿ ܡܕܝܢܬܢ ܕܡܫܝܚܐ ܗܝ. ܘܠܗ
                    ܐܓܥܠܗܿ ܩܘܣܛܢܛܝܣ ܡܗܝܡܢܐܼ. ܚܕ ܡܢ ܐܝܕ̈ܝܥܐ ܕܝܠܗ ܿܕܐܘܪܗܝ ܕܫܡܗ ܗܘܼܐ ܡܥܢܘ. ܕܗܼܘ ܗܢܐ
                    ܒܗܿܘ ܙܒܢܐܼ. ܒܬܪܥܐ ܕܡܿܠܟܐ ܩܐܡ ܗܘܼܐ. ܘܟܕ ܚܙܐ ܗܘܼܐ ܠܐܦܣܩ̈ܘܩܐ ܕܐܬܪ̈ܘܬܐ: ܕܐܝܟ ܕܡܢ
                    ܙܕܝܩܐ ܫܐܠܝܢ ܗܘܘ ܡܢܗ: ܕܢܒܪܟ ܐܬܪ̈ܘܬܗܘܢ ܘܡܕܝܢ̈ܬܗܘܢܼ. ܐܪܡܝ ܐܦ ܗܼܘ ܒܥܘܬܗ ܩܕܡ ܡܿܠܟܐ
                    ܡܛܠ ܐܘܪܗܝ. ܘܡܬܟܫܦ ܗܘܼܐ ܠܗ ܟܕ ܐܡܿܪ. ܡܪܝ ܡܠܟܐܼ. ܐܬܕܟܪܝܗܝ ܠܟܪܟܢ ܡܗܝܡܢܐ. ܘܐܫܘܗܝܝ
                    ܠܒܘܪܟܬܗ ܕܦܘܡܟ ܒܗܢܐ ܥܕܢܐ ܕܡܦܩܢܟ. ܝܕܥܐ ܗܝ ܓܝܪ ܡܪܝ ܐܠܗܘܬܟܼ. ܕܐܝܟ ܐܘܩܝܢܐ ܐܚܝܕ ܟܪܟܢ
                    ܒܢܦܫܐ ܕܥܡܘܪ̈ܘܗܝܿ. ܗܝܡܢܘܬܐ ܕܐܫܠܡܘ ܠܗ ܐܒܗ̈ܝܟ. ܘܠܐ ܛܥܝܐ ܠܡܠܟܘܬܟܘܢ ܗܕܐ. ܕܐܢ ܚܘ̈ܒܝܢ
                    ܩܪܝܢ ܥܠܝܢ ܗܕܐ: ܕܚܢܦܐ ܘܪܫܝܥܐ ܝܘܠܝܢܘܣ: ܢܫܬܠܛ ܥܠ ܐܘܚܕܢܢ ܒܬܪ ܥܘܢܕܢܟܘܢܼ. ܥ̈ܩܥܬܐ
                    ܣܓܝܐ̈ܬܐ ܐܝܬ ܠܗ ܕܢܣܒܠܝܘܗܝ ܠܟܪܟܢ ܡܛܠ ܗܝܡܢܘܬܗ. ܠܗܢܐ ܦܘܪܣܐ ܫܐܠܝܢܢ ܝܘܡܢ ܒܗܝܡܢܘܬܐ܇
                    ܒܘܪܟܬܐ ܡܢ ܡܠܟܘܬܟܘܢ ܙܕܝܩܬܐ ܠܟܪܟܢ ܡܗܝܡܢܐ. ܕܒܕܡܘܬ ܣܟܪܐ ܕܦܘܪܩܢܐ  125 ܬܩܘܡ
                    ܒܐ̈ܦܝܢ: ܘܬܣܬܪܢܝ ܡܢ ܟܠ ܢܟܝ̈ܢܝܢ܇ ܡܿܠܟܐ ܕܝܢ ܦܪܘܫܐ: ܟܕ ܛܒ ܚܫ̈ܐ ܕܡܘܬܐ ܡ.ܢܓܕܝܢ ܗܘܘ
                    ܠܗܼ. ܠܐ ܐܗܡܝ ܡܢ ܒܥܘܬܗ ܕܓܒܪܐ ܡܗܝܡܢܐ. ܐܠܐ ܥܢܝܗܝ ܦܬܓܡܐ ܒܣܝܡܐܝܬܼ ܟܕ ܐܡܿܪ. ܝܬܝܪܐ ܗܼܝ
                    ܠܡܕܝܢܬܟܘܢ ܒܪܝܿ. ܕܡܢܐ ܫܐܠܬܘܢ ܡܢܢ. ܕܡܢܐ ܓܝܪ ܢܐܬܪ ܟܪܟܐ ܒܪܝܟܐ ܡܢ ܒܘܪܟܬܗܿ. ܕܒܨܝܪܘܬܿܢܿ
                    ܕܚܕ ܙܒܢ ܡܢ ܦܘܡܐ ܩܕܝܫܐ ܘܣ̈ܦܘܬܐ ܕܟܝ̈ܬܐ ܕܡܠܬܗܕ ܐܒܐ܇ ܩܒܠܬ ܡܕܝܢܬܟܘܢ ܒܘܪܟܬܐ ܐܠܗܝܬܐ ܕܠܐ
                    ܡܫܬܪܝܐ܇ ܗܘ ܕܝܢ ܗܢܐ ܓܒܪܐ ܦܪܘܫܐܼ. ܠܐ ܐܬܩܛܥܬ ܠܗ ܒܒܥܘܬܗ. ܐܠܐ ܝܬܝܪ ܐܚܨܦ ܥܠ ܬܟܫܦܬܗܼ.
                    ܘܕܠܐ ܟܘܚܕܐ ܒܥܿܐ ܗܼܘܐ ܡܢ ܡܿܠܟܐ ܟܕ ܐܡܿܪ. ܕܐܢ ܠܡ ܐܝܬ ܨܒܝܢܐ ܠܡܠܟܘܬܟܼ. ܫܡܠܐ ܨܐܕܝܢ ܗܿܝ
                    ܕܐܡܼܪ ܡܪܢ ܒܣܒܪܬܗ܇ ܕܗܿܘ ܡܢ ܕܐܝܬ ܠܗ ܢܬܝܗܒ ܠܗ ܘܢܬܬܘܣܦ ܠܗ. ܐܘܣܦ ܠܢ ܡܕܝܢ ܡܪܝ ܡܿܠܟܐ
                    ܒܘܪܟܬܐ ܥܠ ܒܘܪܟܬܢܼ. ܘܢܬܓܡܪ ܒܗܝܡܢܘܬܢܼ. ܘܬܗܘܐ ܠܗܿ ܠܐܘܪܗܝ ܒܘܪܟܬܗ ܕܡܪܗܿ ܫܘܪܐܼ.
                    ܘܒܘܪܟܬܗܿ ܕܡܠܟܘܬܟܘܢ ܒܪ ܫܘܪܐ. ܘܒܙܝܢܐ ܪܘܚܢܐ ܕܐܩܢܝܬܘܢܗܿ ܬܿܥܒܕ ܩܪܒܐ ܥܡ ܛܘܥܝܝ ܘܬܚܣܢܗܿ.
                    ܘܬܣܒ ܚܢܼܦܘܬܐ ܥܝܐ ܒܫܪܪܐ ܕܗܝܡܢܘܬܗܿ. ܘܟܕ ܚܙܼܐ ܩܘܣܛܢܛܝܣ ܗܝܡܢܘܬܗ ܘܚܨܝܦܘܬܗ ܕܡܥܢܘܼ. ܡܠܐ
                    ܦܘܡܗ ܒܘܪܟܬܐܼ ܘܒܪܟܗܿ ܠܐܘܪܗܝ. ܘܪܫܡ ܒܘܪ̈ܟܬܗ ܒܟܬܒܐ. ܘܫܕܪ ܐܢܝܢ ܠܐܘܪ̈ܗܝܐ. ܘܛܒ ܐܚܝܕܝܢ
                    ܗܘܘ ܠܗ ܐܘܪ̈ܗܝܐ ܠܟܬܒܐ ܗܢܐܼ ܒܐܝܩܪܐ. ܥܕܡܐ ܕܐܬܢܣܒ ܡܢܗܘܢܿ ܒܡܥܒܕܢܘܬܗ ܕܘܠܝܣ ܗܪܛܝܩܐ ...
                    ܟܕ ܕܝܢ ܐܬܩܪܝ ܟܬܒܐ ܗܢܐ. ܒܐܕ̈ܢܝ ܫܠܝܚ̈ܘܗܝ ܕܝܘܠܝܢܣ ܡܠܟܐܼ. ܐܪܝܡܘ ܗܘܘ ܩܠܗܘܢ ܐܘܪ̈ܗܝܐ ܥܠ
                    ܬܫܒܚ̈ܬܗܘܢ ܕܡ̈ܠܟܐ ܟܪ̈ܣܛܝܢܐ ܕܥܢܕܘ ܘܡܢܝܚܝܢ ܗܘܘ ܢܦܫܗܘܢ ܘܡܩܠܣܝܢ ܗܝܡܢܘܬܗܘܢܼ ܟܕ ܐܡܪܝܢ.
                    ܠܟܘܢ ܗܼܘ ܠܡ ܦܐܝܐ ܗܘܬ ܡܠܟܘܬܐ ܕܒܝܬ ܩܣܛܢܛܝܢܘܣ ܡ̈ܠܟܐ ܟܪ̈ܣܛܝܢܐ܇ ܕܒܛܢܢܗܿ ܕܗܝܡܢܘܬܟܘܢ
                    ܥܩܪܬܘܢ ܫܪ̈ܫܝܗܿ ܕܚܛܝܬܐ܇ ܘܫܩܠܬܘܢ ܝܥܪ̈ܝܗܿ ܕܚܢܦܘܬܐ܇ ܘܟܠ ܥܡ̈ܡܐ ܐܦܢܝܬܘܢ ܠܣܓܕܬܗ ܕܡܫܝܚܐ.
                    ܠܟܘܢ ܗܼܘ ܗܕܝܪ ܗܼܘܐ ܬܓܐ ܘܡܕܒܢܘܬܐܿ. ܡ̈ܒܢܝܢܐ ܕܥܕ̈ܬܐ ܘܡ̈ܩܝܡܝ ܐܪܬܘܕܟܿܣܝܐ ܒܟܠ ܦܢܝ̈ܢ.
                    ܫܟܒܬܘܢ ܒܫܠܡܐ ܥܠ ܥܪܣܐ ܕܚܝ̈ܝܟܘܢܿ ܘܫܒܩܬܘܢܢ 126 ܒܐ̈ܝܕܝ ܕܐܒܐ ܨܚܢܐ ܨܗܐ ܠܕܡܢ.
                    ܫܟܝ̈ܒܐ ܕܒܡܫܝܚܐܼ ܒܥܘ ܥܠ ܟܪܟܢ. ܕܐܦܢ ܫܟܝܒܝܢ ܐܢܬܘܢܼ ܐܠܐ ܠܐܠܗܐܼ ܚܝܝܢ ܐܢܬܘܢ ܗܘ ܠܗ.
                    ܘܚܒܝܒܝܢ ܠܗ ܡܘ̈ܬܝܟܘܢܼ ܘܝܩܝܪܝܢ ܒܥܝ̈ܢܘܗܝ. ܩܘܣܛܝܢܛܝܢܣ ܡܗܝܡܢܐܼ. ܒܥܝ ܥܠ ܥܕ̈ܬܐ ܕܛܒܝܥܝܢ
                    ܬܪ̈ܥܝܗܿ ܘܨܕܝܢ ܣܚܪ̈ܬܗܿ. ܡܩܝܡܢܗܿ ܕܟܪܣܛܝܢܘܬܐ. ܒܨܠܘܬܟ ܐܕܪܟ ܕܚܠܬܟܿ. ܕܗܐ ܥܪ̈ܦܠܝܗܿ
                    ܕܚܢܦܘܬܐ ܒܟܠ ܐܬܪ̈ܝܢ ܐܬܦܪܣ ܥܠ ܐ̈ܦܝܗܿ. ܕܗܐ ܥܪ̈ܦܠܝܗܿ ܕܚܢܦܘܬܐ ܒܟܠ ܐܬܪ̈ܝܢ ܐܬܦܪܣ ܥܠ
                    ܐ̈ܦܝܗܿ. ܪܥܝܐ ܟܐܢܐ ܒܬܟܫܦܬܟ ܥܕܪ ܡܪܥܝܬܟܼ. ܕܕܐܒܐ ܚܒܿܠܐ ܠܛܫ ܥܠܝܗܿ ܢܝܒܐ ܕܢܒܣܒܣܝܗܿ. ܚܣ
                    ܠܗ ܕܝܢ ܠܪܥܝܗܿ ܕܫܪܪܐ ܕܡܝܬ ܥܠ ܐ̈ܦܝܗܿ. ܕܢܪܦܐ ܕܢܒܣܒܣܝܗܿ. ܚܣ ܠܗ ܕܝܢ ܠܪܥܝܗܿ ܕܫܪܪܐ ܕܡܝܬ
                    ܥܠ ܐ̈ܦܝܗܿ. ܕܢܪܦܐ ܒܗܿ ܐܝܕܐ ܘܢܫܒܩܝܗܿ ܒܐܝ̈ܕܝ ܕܐܒܐ. ܐܠܐ ܢܥܒܕ ܠܗܿ ܒܥܓܠ ܦܘܪܩܢܐܼ.
                    ܘܬܬܢܩܡ ܚܪܒܗ ܡܢ ܪ̈ܕܘܦܝܗܿ. ܘܟܕ ܗܠܝܢ ܒܢ̈ܬ ܩ̈ܠܐ ܥܡ ܣܓܝܐ̈ܬܐ ܕܕܡܝܢ ܠܗܝܢ. ܡܫܬܡܥܢ ܗܘ̈ܝ
                    ܡܢ ܟܢܫ̈ܝܗܿ ܕܐܘܪܗܝ. ܟܬܒ ܐܢܝܢ ܩܠܘܡܟܘܣ ܠܒܢܬ ܩ̈ܠܐ ܗܠܝܼܢ. ܘܫܕܪ ܐܢܝܢ ܠܝܘܠܝܢܣ. ܟܕ ܗܼܘ
                    ܒܐܢܛܝܟܝܐ ܕܣܘܪܝܐ. ܘܟܕ ܩܪܐ ܐܢܝܢ ܝܘܠܝܢܘܣ ܠܟܬܝܒ̈ܬܐ ܕܐܫܬܕܪ ܠܗܼ ܐܬܡܪܡܪ ܘܗܘܼܐ ܐܝܟ ܫܢܝܐ.
                    ܣܒܠ ܕܝܢ ܒܢܦܫܗ ܡܠܐ ܙܒܢܐܼ. ܘܐܗܡܝ ܡܢ ܬܒܥܬܐ ܕܗܠܝܢ܇ ܥܕ ܫܿܩܠ ܠܡ ܣܟܗ ܩܐܪܣܐ ܕܐܬܘܪ.
                    ܘܡܣܬܦܩ ܠܡ ܡܢ ܩܪ̈ܒܘܗܝ. ܘܟܬܒ ܘܫܕܪ ܠܗ ܠܩܠܘܡܟܣ. ܕܥܒܪ ܠܟ ܠܡ ܡܢܗܿ ܕܥܩܝܪܬܐܼ. ܘܠܐ ܬܬܩܪܐ
                    ܥܡܗܿ. ܥܕ ܗܘܿܐ ܠܝ ܠܡ ܙܒܢܐ ܕܐܣܥܘܪ ܒܗܿ ܐܝܠܝܢ ܕܐܬܪܥܝܬ. ܡܕܝܢܬܐ ܠܡ ܓܝܪ ܪܬܐ ܘܡܫܩܠܬܐ.
                    ܕܠܐ ܠܡ̈ܠܟܝܗܿ ܝܕܥܐܼ ܘܠܐ ܠܡܕܒܪ̈ܢܝܗܿ ܚܟܡܐ. ܘܠܐ ܕܐܝܬ ܐܠܗܐ ܐܚܪܢܐ ܣܛܪ ܡܢ ܢܨܪܝܐ ܡܘܕܝܐ.
                    ܘܐܝܢܘ ܣܡܐ ܕܢܿܦܠ ܠܡܚܘܬܗܿ ܕܫܢܝܬܐܿ. ܐܠܐ ܕܬܬܚܒܠ ܘܡܢ ܕܪܝܫ ܬܬܚܕܬ. ܠܝܬ ܓܝܪ ܦܘܪܣܐ ܕܠܐ
                    ܐܚܒܠܝܗܿ ܘܐܗܦܘܡܟ ܐܚܕܬܝܗܿ. ܕܠܘ ܒܫܟܚܬܐ ܕܐ̈ܠܗܐ ܡܗܒܒܐ. ܕܒܙܩܝܦܗ ܠܡ ܕܢܨܪܝܐ ܡܫܬܒܗܪܐ. ܘܒܗ
                    ܡܢ ܟܕܘ ܚܬܝܪܐ ܘܡܫܬܒܗܪܐ. ܘܥܠܘܗܝ ܠܡ ܬܟܝܠܐ ܕܡܦܨܐ ܠܗܿ ܡܢ ܐܝ̈ܕܝ. ܐܢܐ ܠܡ ܡܢ ܟܕܘ ܐܚܟܡܗܿ
                    ܘܐܠܦܝܗܿ. ܕܡܢܐ ܗܘ ܥܘܕܪܢܐ ܕܐܠܗܗܿ. ܘܡܢܐ ܗܼܝ ܡܪܕܘܬܐ ܕܐ̈ܠܗܝ. ܒܪܡ ܕܝܢ ܥܕ ܫܠܡ ܙܒܢܗܿ܆
                    ܥܒܪ ܠܟ ܡܢܗܿ ܕܗܕܐ ܡܕܝܢܬܐ ܫܢܝܬܐ. ܘܙܠ ܛܝܒ ܠܢ ܒܚܪܢ ܛܥܡܢܝܬܐ ܡܕܝ̈ܢܬܗܘܢ ܕܐ̈ܠܗܐ܇ ܘܣܘܝܐ
                    ܠܚܙܬܢ  127 ܘܡܣܘܚܐ ܠܡܐܬܝܬܢ ܘܪܘܙܐ ܒܥܐܕ̈ܝܢ. ܟܬܼܒ ܕܝܢ ܐܦ ܠܐܘܪ̈ܗܝܐܼ. ܐܝܠܝܢ
                    ܕܠܐ ܐܠܨܐ ܥܠܝܗܝܢ ܕܢܟܬܘܒ ܐܢܝܢ ܒܟܬܒܐ ܗܢܐ. ܡܢܗܝܢ ܓܝܪ ܐܝܬܝܗܝܢ ܕܓܙܡܐ ܘܕܠܚܘܡܐ. ܘܡܢܗܝܢ
                    ܬܘܒ ܕܪܘܫܥܐ ܘܕܓܘܕܦܐ ܐܢܝܢ. ܘܡܢܐ ܐܠܨܐ ܕܢܬܢܐ ܪܘܫܥܗ ܘܓܘܕܦܗ ܕܡܣܝܒܐ܇ ܕܥܠ ܪܫܗ ܗܼܦܟ ܒܐܪܥܐ
                    ܕܒܥܠܕܒ̈ܒܘܗܝ. ܡܦܩ ܒܪܘܚܐ ܕܝܢ ܕܐܝܠܝܢ ܕܟܬܒܘ ܠܗ ܐܘܪ̈ܗܝܐܼ. ܐܟܦܬܢ ܘܠܝܬܐ ܕܢܣܝܡ ܥܘܗܕܢܝܗܝܢ
                    ܒܬܫܥܝܬܢܿ ܠܒܘܝܐܐ ܕܡܗ̈ܝܡܢܐ ܘܠܠܘܒܒܐ ܕܫܪܝܪܐ܇ ܘܠܩܘܠܨܐ ܕܒ̈ܢܝܗܿ ܕܡܒܪܟܬܐ܇ ܕܚܡܣܢܘ ܘܩܡܘ
                    ܒܫܪܪܗܘܢ ܘܠܐ ܕܚܠܘ ܡܢ ܚܡܬܗ ܘܫܘܠܛܢܗܼ ܕܡܠܟܐ. ܐܠܐ ܬܘܝܪܝܢ ܗܘܘ ܛܒ ܥܠ ܛܥܝܘܬܗܼ. ܘܚܫܝܫܝܢ
                    ܥܠ ܫܝܢܘܬܗ. ܘܟܕ ܐܬܩܪܝ ܟܬܝܒ̈ܬܗ ܒܩܪܩܝܣ ܠܥܢܝ̈ܗܘܢܿ ܘܫܡܥܘ ܓܘܕܦܗ ܘܫܘܥܠܝܗ ܕܥܠ ܐܠܗܐܼ. ܐܦ
                    ܗܢܘܢ ܠܦܘܬ ܕܡܨܝܢ ܗܘܘ ܫܛܘܗܝ ܒܟܬܝܒܬܗ ܘܐܗܠܘ ܒܗ ܘܒܚܢܦܘܬܗ. ܘܒܬܒܬܗܿ ܕܒܝܬ ܬܕܟܝܬܗ
                    ܕܡܕܝܢܬܗܘܿܢܿ ܛܡܫܘ ܐܢܝܢ ܠܐܓܪ̈ܬܗ ܕܫܢܝܐ܇ ܩܕܡ ܕܝܕܘܪܝܛܐ ܡܝܬܝܢܗܝܢ ܕܟܬܝܒ̈ܬܐ. ܘܠܐ ܕܚܠܘ ܡܢ
                    ܓܙܡ̈ܘܗܝ ܕܛܪܘܢܐܼ. ܐܦܠܐ ܡܢ ܠܘ̈ܚܡܘܗܝ ܐܬܪܗܒܘ. ܐܠܐ ܐܝܟ ܐܢ̈ܫܐ ܚ̈ܠܝܡܝ ܒܗܝܡܢܘܬܗܘܢ:
                    ܘܬܟ̈ܝܠܝ ܥܠ ܥܘܕܪܢܐ ܕܐܠܗܗܘܢܼ. ܒܢ̈ܬ ܦܘܚ̈ܡܗܝܢ ܕܟܬܝ̈ܒܬܗ ܫܕܪܘ ܠܘܬܗ. ܘܒܡܒܣܪܢܘܬܗ ܒܐܥܦܐ
                    ܗܦܟܘ ܠܗ܆ ܟܕ ܫܠܚܝܢ ܠܗ ܒܐܝ̈ܕܝ ܕܝܕܘܪܝܛܐ ܗܟܢܐ. ܕܛܒ ܠܡ ܬܗܝܪ ܒܟ ܟܪܟܢ ܟܠܗܿ. ܕܐܝܟܢܐ ܫܢܝܬ
                    ܘܢܦܩܬ ܡܢ ܗܘܢܟ. ܘܐܣܬܡܝܬ ܒܒܬ ܐܝܕܥܬܟ. ܘܠܐ ܡܬܒܝܢ ܐܢܬ ܕܡܕܡ ܡܢ ܕܝܠܟ ܒܢ ܠܝܬ ܠܟ. ܕܠܐ
                    ܠܚܢܦܘܬܟ ܫܡܠܝܢܼܢ. ܘܠܐ ܠܛܥܝܘܬܟ ܡܬܪܡܝܢܢ. ܘܠܐ ܠܕܒܚ̈ܐ ܛ̈ܢܦܐ ܕܥܠܘ̈ܬܐ ܕܦܬܟܪ̈ܝܟ
                    ܡܫܬܘܬܦܝܢܢ. ܘܒܕܠܐ ܝܕܥܬ ܠܐܠܗܐܼ. ܐܦܠܐ ܕܐܝܬܝܟ ܡܿܠܟܐ ܝܕܥܝܢܢ. ܡܢܐ ܗܟܝܠ ܨܿܒܐ ܐܢܬ
                    ܒܡܕܝܢܬܢܿ ܠܡܬܗܪ ܕܝܢ ܘܠܡܬܕܡܪܘ ܒܛܪܘܢܘܬܟ ܕܡܠܟܗܿ ܕܡܕܝܢܬܢ ܠܓܘ ܡܢ ܫܘܪܗܝܗܿ ܫܼܪܐ. ܗܿܘ
                    ܕܠܬܓܗ ܡܫܥܒܕܝܢ ܟܠܗܘܢ ܬܓܝܗܿ ܕܒܪܝܬܐ. ܘܐܢܬ ܓܝܘܪܐ ܒܪ ܥܠܥܠܐ܇ ܗܐ ܡܙܕܪܟܠ ܐܢܬ ܠܡܥܠ
                    ܠܡܕܝܢܬܗ. ܚܣ ܠܗܿ ܕܝܢ ܠܐܘܪܗܝ ܡܒܪܟܬܐ ܐܡܐ ܕܡ̈ܗܝܡܢܐ܇ ܕܬܥܠ ܢܘܟܪܝܐ ܥܠ ܡܠܟܗܿ ܕܠܩܘܫܬܝܢ܇
                    ܕܝܪܒܬ ܒܗ ܘܐܬܥܫܢܬܿ. ܘܒܘܪܟܬܗ ܥܒܝܕܐ 128 ܠܗܿ ܫܘܪܐ ܕܠܐ ܡܬܚܣܢܿ ܘܒܬܪ ܙܟܘܬܐ
                    ܘܬܫܒܘܚܬܐ ܕܫܟܢ ܠܗܿ. ܬܟܦܘܪ ܒܗܿ ܐܝܬ ܠܗܿ ܐܘ ܫܢܝܐܼ. ܘܐܢ ܟܕ ܠܐ ܝܕܥܐ ܗܘܬ ܠܗ. ܗܝܡܢܬ ܒܗ
                    ܘܐܘܕܝܬ ܒܡܘܟܟܗ. ܘܦܝܣܐ ܘܒܥܘܬܐ ܒܦܘܡܐ ܕܒ̈ܢܝܗܿ ܩܪܒܬ ܠܗ. ܕܢܫܪܐ ܘܢܥܡܪ ܒܗܿ. ܘܢܗܘܐ ܥܠܝܗܿ
                    ܡܿܠܟܐ ܠܥܠܡ. ܘܐܢ ܟܕ ܠܐ ܚܙܬܗ ܢܣܒܬ ܥܠܝܗܿ ܡܪܘܬܗ. ܘܠܘܪܛܐ ܕܡܠܟܘܬܗ ܒܐܝܩܪܐ ܩܒܠܬ ܡܢ
                    ܢܘܓܪܐܼ. ܟܡܐ ܝܬܝܪ ܝܘܡܢ ܕܚܙܝܐ ܠܗ ܟܠܫܥ ܒܥܝܢܐ ܢܗܝܪܬܐ ܕܗܝܡܢܘܬܐܼ. ܘܫܩܝܠܐ ܠܗ ܒܢܦܫܗܿ.
                    ܘܠܒܝܫܐ ܠܗ ܒܥܡܕܗܿ. ܘܡܚܒܒܐ ܦܓܪܗ ܩܕܝܫܐ. ܘܡܢܫܩܐ ܠܗ ܒܣܦ̈ܘܬܗܿ. ܘܡܙܝܚܐ ܠܗ ܥܠ ܐܝ̈ܕܝܗܿ.
                    ܘܡܛܦܝܐ ܠܗ ܥܠ ܥ̈ܝܢܝܗܿ. ܘܪܫܝܡܐ ܒܫܡܗ ܘܛܒܝܥܐ ܒܨܘܪ̈ܬܗܿ. ܘܣܓܕܐ ܠܡܘܟܟܗ ܘܡܘܕܝܐ ܠܚܫܘ̈ܗܝ
                    ܕܦܪܩܗ ܒܡܘܬܗ ܘܚܪܪܗܿ ܒܩܛܠܗܿ. ܘܡܠܼܟ ܠܗܿ ܙܟܘܬܐ ܒܒܘܪܟܬܗܿ. ܘܣܡܗܿ ܠܥܠ ܡܢ ܟܠܗܘܢ ܩܪ̈ܒܐ
                    ܘܩܪ̈ܣܐ ܕܒ̈ܥܠܕܒܒܝܗܿ. ܘܒܗܠܝܢ ܟܠܗܝܢ ܛܒ̈ܬܐ ܕܣܥܪ ܠܗܿ. ܕܬܟܦܘܪ ܒܗ ܨܒܿܐ ܐܢܬ ܐܘ ܡܝܬ
                    ܒܚܝ̈ܘܗܝܼ. ܘܣܓܝ ܛܥܝܐ ܠܟ ܐܢ ܣܒܿܪ ܐܢܬܼ. ܕܐܘܪ̈ܗܝܐ ܡܫܬܡܥܝܢ ܠܚܢܦܘܬܟܿ. ܐܘ ܚܘܪ̈ܐ ܠܒܫܝܢ
                    ܘܢܦܩܝܢ ܕܢܚܕܘܢ ܠܟܿ. ܐܘ ܬܪ̈ܥܝܗܿ ܦܬܚܐ ܠܟ ܐܘܪܗܝ ܘܣܘܚܐ ܠܟ܇ ܐܘ ܫܘ̈ܩܝܗܿ ܘܐ̈ܣܛܘܝܗܿ ܡܨܒܬܐ
                    ܠܐܝܩܪܟ. ܗܠܝܢ ܒܐܘܪܗܝܼ ܠܐ ܬܒܥܐ. ܕܠܘ ܝܘܡܐ ܗܼ، ܠܗܿ ܕܚܕܘܬܐ ܝܘܡܐ ܕܡܐܬܝܬܟ. ܕܝܘܡܐ ܗܘ ܠܗ
                    ܕܚܫܼܐ ܘܕܥܩܬܐ. ܫܘܪ̈ܝܗܿ ܟܒܝܢܝܢ ܣ̈ܦܐܼ ܕܐܒܝܠܐ ܥܠ ܫܢܝܘܬܟܿ. ܘܫܘ̈ܩܝܗܿ ܘܐ̈ܣܛܘܝܗܿ ܠܒܝܫܝܢ
                    ܐܘ̈ܟܡܐܼ. ܕܒܝܬ ܒ̈ܟܐܼ ܒܚܝ̈ܝܟ ܥܒܕܬ ܠܟ. ܠܢ ܕܝܢ ܕܝܠܼܢ ܡܝܬܐ ܐܢܬ ܡܢ . ܝܘܡܐ ܕܢܦܛܪ ܐܒܠܟ
                    ܡܢܗܿ. ܘܢܫܠܡܘܢ ܝܘܡ̈ܬܐ ܕܒܝܬ ܒܟ̈ܝܟ. ܘܠܦܘܬ ܕܠܒܫܬ ܥܠܝܟ ܐܘ̈ܟܡܐܼ ܬܠܒܫ ܥܠܝܟ ܚܘܪ̈ܐ. ܘܬܩܘܫ
                    ܟܦܐܼ ܘܬܚܕܐ ܠܟ. ܘܬܪܦܘܣ ܒܪܓܠܗܿ ܘܬܥܢܐ ܘܬܐܡܪ. ܕܐܗܐ ܐܗܐ ܚܘܬ ܒܗ ܥܝܢܢ. ܘܬܗܠ ܒܩܨ̈ܡܐ
                    ܕܚܢܦܘܬܢ ܘܬܐܡܪ. ܕܐܝܟܘ ܫܘܒܗܪܟ ܫܢܝܐ܇ ܪܡܐ ܕܢܦܠ ܘܡܫܩܠܐ ܕܐܣܬܚܦ܇ ܚܬܝܪܐ ܥܛܝܦ ܪܡܘܬܐܿ. ܒܛܠ
                    ܘܐܬܥܛܝ ܘܠܝܬܘܗܝ. ܘܠܘ ܡܕܝܢܬܢ ܒܠܚܘܕ ܬܚܕܐ ܠܟ ܒܗܠܝܼܢ. ܐܠܐ ܐܦ ܫܡܝܐ ܘܐܪܥܐ ܘܟܠ ܕܒܗܘܿܢ
                    ܢܗܠܘܢ ܒܚܢܦܘܬܟ ܒܗܿܝ ܫܥܬܐ܇ ܘܢܬܠܘܢ ܠܗܿ ܥܝܐ ܠܦܛܥܘܬܟ ܕܥܢܕܬ 129 ܒܚ̈ܛܗܝܟ. ܐܢ
                    ܗܟܝܠ ܣܝܡܐ ܠܟ ܕܐ̈ܦܝܢ ܒܐ̈ܦܝܢ ܬܫܡܥ ܐܢܝܢ: ܠܐܝܠܝܢ ܕܐܬܟܬܒ ܠܟ ܡܢܼܢ. ܬܐ ܠܡܕܝܢܬܢܿ ܘܐܠܐ
                    ܐܝܟ ܓܒܪܐ ܕܚܟܡ ܐܝܩܪܗ ܣܛܝ ܠܟ ܘܥܒܪ ܡܢܢ. ܘܗܐ ܐܓܠܝܬ ܘܫܕܝܬ ܠܒܬܪܟ ܟܠܗܝܢ ܨܘܚ̈ܝܬܟ. ܗܢܘ
                    ܦܚܡܗܝܢ ܕܟ̈ܬܝܒܬܐ ܕܫܕܪܘ ܠܗ ܐܘܪ̈ܗܝܐ ܠܝܘܠܝܢܣܿ. ܒܐܝ̈ܕܝ ܕܝܕܘܪܛܣ ܫܠܝܚܗܿ. ܟܕ ܐܝܬܘܗܝ
                    ܒܒܪܘܐܐ ܡܕܝܢܬܐ. ܘܟܕ ܩܪܐ ܐܢܝܢ ܠܟ̈ܬܝܒܬܗ ܕܐܫܬܕܪ ܠܗܼ ܪܓܙ ܛܒ ܥܠ ܕܝܕܘܪܛܣ. ܘܐܪܡܝܗ ܒܝܬ
                    ܐܣܝܪ̈ܐ. ܘܐܬܪܥܝ ܥܠܘܗܝ ܕܢܣܒܠܝܘܗܝ ܒܝܫ̈ܬܐ ܣܓܝܐ̈ܬܐܿ. ܥܠ ܕܐܬܪܡܝ ܠܨܒܝܢܗܘܢ ܕܐܘܪ̈ܗܝܐܿ.
                    ܘܫܠܡ ܠܗܿ ܠܗܕܐ ܕܗܼܘ ܢܗܘܐ ܡܝܬܝܢܗܝܢ ܕܟܬܝܒ̈ܬܗܘܢܿ ܨܒܿܐ ܗܘܐ ܓܝܪ ܕܢܦܝܓ ܚܡܬܗ. ܘܢܢܝܚ
                    ܪܘܓܙܗ ܒܐ̈ܢܫܝܢ ܡܢܗܘܢ ܕܡܬܣܝܡܝܢ ܗܘܘ ܕܢܬܝܬܘܢ ܠܗ ܟܬܝܒ̈ܬܐ. ܘܟܕ ܚܙܐ ܛܪܘܢܐ ܕܐܬܒܙܚܼ. ܣܡ
                    ܐ̈ܦܜܘܗܝ ܕܢܚܒܠܝܗܿ ܠܐܘܪܗܝ ܡܢ ܩܕܡ ܩܐܪܣܐ. ܘܐܬܥܙܙ ܒܢܦܫܗܼ ܘܐܡܪ. ܕܗܟܢܐ ܠܡ ܢܥܒܕܘܢ ܠܝ
                    ܐ̈ܠܗܐ ܘܗܟܢܐ ܢܘܣܦܘܢܿ ܠܝܼ. ܐܢ ܐܥܒܪܝܗܿ ܠܐܘܪܗܝ ܡܢ ܩܕܡ ܕܐܚܒܠܝܗܿ. ܥܠ ܕܐܫܬܘܝܘ ܠܡܨܚܝܘ
                    ܠܡܠܟܘܬܢܿ ܘܡܐ ܕܐܢܝܚܘ ܠܝ ܠܡ ܐ̈ܠܗܐ ܘܐܣܬܦܩܬ ܡܢ ܩܪ̈ܒܝܼ. ܐܒܢܝܗܿ ܡܢܕܪܫ ܘܐܚܕܬܝܗܿ. ܘܐܣܝܡ
                    ܒܗܿ ܥܡܐ ܕܝܕܥܿ ܨܒܝܢܐ ܕܐ̈ܠܗܐ܇ ܘܡܫܬܡܥ ܠܨܒܝܢܐ ܕܡܠܟܘܬܢܝ ... ܐܝܬ ܗܘܼܐ ܕܝܢ ܒܚܠܒ ܡܕܝܢܬܐ
                    ܓܒܪܐ ܚܕ ܕܫܡܗ ܗܘܼܐ ܐܘܩܠܝܢܐ. ܕܗܘ ܗܢܐ ܒܡܕܝܢܬܗܼ. ܘܡܫܡܗܐ ܩܕܡ ܡܿܠܟܐ. ܘܦܪܗܣܝܐ ܣܓܝܐܬܐ
                    ܐܝܬ ܗܘܼܐ ܠܗ ܩܕܡܘܗܝ ܕܛܪܘܢܐ. ܡܛܠ ܕܡܘ̈ܗܒܬܐ ܣܓܝܐ̈ܬܐ ܘܩܘܪ̈ܒܢܐ ܕܠܐ ܙܥܘܪ̈ܝܼܢ ܩܪܒ ܠܗ
                    ܠܝܘܠܝܢܣ. ܟܕ ܐܝܬܘܗܝ ܒܐܢܛܝܟܝܐ. ܘܟܕ ܬܘܒ ܐܬܼܐ ܠܡܕܝܢܬܗܼ ܒܐܥܦܐ ܩܪܒ ܠܗ ܩܘܪ̈ܒܢܐ. ܘܡܢ
                    ܕܝܠܗ ܡܬܬܪܣܐ ܗܘܼܐ ܦܬܘܪܗ ܕܡܠܟܐ܇ ܝܘ̈ܡܬܐ ܕܥܒܕ ܝܘܠܝܢܘܣ ܒܚܠܒ ܡܕܝܢܬܐ. ܗܘ ܕܝܢ ܗܢܐ ܓܒܪܐ
                    ܕܐܡܪܝܢ ܚܢܢ ܥܠܘܗܝ ܟܪܣܛܝܢܐ ܗܘܼܐ. ܘܕܚܠ ܗܘܼܐ ܕܢܓܠܐ ܥܠ ܢܦܫܗ ܡܛܠ ܦܘܩܕܢܐ ܕܡܠܟܐ. ... ܘܟܕ
                    ܝܠܼܦ ܥܠ ܐܘܪܗܝ ܕܓܪܡܬ ܥܠܝܗܿ ܒܝܫܬܐ ܡܢ ܩܕܡ ܡܿܠܟܐܼ. ܚܫ ܒܢܦܫܗ ܘܟܪܝܬ ܠܗ ܥܠܝܗܿ ܥܠ
                    ܡܕܝܢܬܐ. ܘܢܛܿܪ ܗܘܼܐ ܥܕܢܐ ܕܢܪܡܐ ܥܠܝܗܿ ܒܥܘܬܗ ܩܕܡ ܡܿܠܟܐ. ... ܘܟܕ ܗܘܼܐ ܝܘܡܐ ܕܢܪܝܡ
                    ܝܘܠܝܢܘܣ ܡܢ ܚܠܒܼ.  130 ܩܪܝܗܝ ܠܐܘܩܠܝܢܐ ܘܐܡܪܝ ܠܗ. ܡܛܠ ܕܐܫܟܚܬ ܪ̈ܚܡܐ ܘܚܣܕܐ
                    ܒܥ̈ܝܢܝܗܿ ܕܡܠܟܘܬܢ. ܒܗܕܐ ܠܡ ܕܦܪܫܬ ܘܝܩܪܬܢܝܼ. ܥܕ ܗܘܿܐ ܠܢ ܙܒܢܐ ܠܡܦܪܥܟ ܛܝܒܘܬܐ ܚܠܦ
                    ܛܝܒܘܬܐܼ. ܥܠ ܕܗܫܐ ܕܝܢ ܗܿܘ ܡܐ ܕܡܬܚܙܐ ܠܟ ܕܪܓܐ ܢܦܫܟ ܘܡܢܝܚ ܠܨܒܝܢܟܼ. ܫܐܠ ܡܢܼܢ ܘܢܬܝܗܒ
                    ܠܟ. ܣܝܡ ܐܢܐ ܗܼܘ ܓܝܪ ܕܐܣܥܘܪ ܠܟ ܛܒܬܐ ܚܠܦ ܛܝܒܘܬܟ.. ܘܟܕ ܫܡܥ ܗܠܝܢ ܐܩܘܠܝܢܐ ܡܢ ܫܢܝܐܼ.
                    ܢܦܼܠ ܥܠ ܐܦ̈ܘܗܝ ܣܓܼܕ ܘܐܡܼܪ. ܡܛܠ ܠܡ ܕܐܫܟܚ ܥܒܕܟ ܪ̈ܚܡܐ ܒܥ̈ܝܢܝ ܡܠܟܘܬܟܿ. ܐܬܪܟܢܬ ܐܠܗܘܬܟ
                    ܠܡܒܥܐ ܥܠ ܥܒܕܟ ܗܠܝܢ. ܒܪܡ ܕܝܢ ܡܪܝ ܡܠܟܐܼ. ܡܢܐ ܗܼܝ ܛܝܒܘܬܗ ܕܥܒܕܐ ܕܡܝܩܪ ܠܡܪ̈ܘܗܝ ܟܠ
                    ܕܐܝܬ ܠܥܒܕܟ ܕܝܠܟ ܗܘ. ܘܡܢ ܕܝܠܟ ܐܬܩܒܠܘ ܕܝܠܟ. ܡܕܝܢ ܛܝܒܘܬܐ ܗܘܬ ܒܗ ܒܥܒܕܟ. ܕܐܫܬܘܝܬ
                    ܠܬܫܡܫܬܐ ܕܐܠܗܘܬܟ. ܘܐܢܐ ܒܢܦܫܝ ܬܗܝܪܢܐܼ. ܕܥܕܡܐ ܠܐܝܟܐ ܐܬܡܛܝܬ ܒܡܪܚܡܢܘܬܟܘܢܿ ܕܐܦ̈ܝܢ
                    ܒܐܦ̈ܝܢ ܐܡܠܠ ܥܡ ܐܠܗܘܬܟܘܢܿ ܐܡܿܪ ܠܗ ܝܘܠܝܢܘܣ. ܒܓܕܗܘܢ ܕܐ̈ܠܗܐ ܝܡܿܐ ܐܢܐܼ ܘܒܚ̈ܝܝܗܿ
                    ܕܡܠܟܘܬܝ. ܕܟܠ ܕܪܓܐ ܢܦܫܟ ܐܥܒܕ ܠܟ. ܘܟܠ ܕܬܫܐܠ ܡܢܝ ܐܥܒܕ ܠܟ. ܗܝܕܝܢ ܓܒܪܐ ܗܢܐ ܦܪܘܫܐܼ. ܟܕ
                    ܢܦܼܠ ܠܗ ܥܕܢܐ ܠܦܝܣܐ. ܟܕ ܕܚܝܠ ܘܪܬܝܬܼ. ܐܪܡܝ ܒܥܘܬܗ ܩܕܡ ܛܪܘܢܐ ܥܠ ܐܘܪܗܝܼ ܟܕ ܐܡܿܪ. ܒܒܥܘ
                    ܡܢ ܫܘܠܛܢܟ ܕܚܝܠܐܼ. ܠܐ ܢܬܡܬܚ ܪܘܓܙܟ ܥܠ ܫܐܠܬܝ. ܘܐܢܐ ܙܥܘܪ ܘܫܛܝ. ܘܫܐܠܬܝ ܪܒܐ ܗܝ ܡܢܝ.
                    ܐܡܿܪ ܠܗ . ܡܢܐ ܗܝ ܫܐܠܬܟ ܚܘܢܝ ܀ ܐܘܩܠܝܢܐ ܐܡܿܪ. ܫܐܠܬܝ ܘܒܥܘܬܝ ܗܕܐ ܗܼܝ. ܫܝܢܐ ܠܡܟܘܬܟܘܢܿ
                    ܘܫܠܡܐ ܠܐܘܚܕܢܟܘܢܿ ܘܪ̈ܚܡܐ ܠܚܝ̈ܒܐ ܘܫܘܒܩܢܐ ܠܡ̈ܣܟܠܢܐ. ܙܒܢܐ ܕܬܝܒܘܬܐ ܠܐܘܪܗܝ. ܦܐܝܐ ܗܝ
                    ܓܝܪ ܡܪܝ ܡܪܚܡܢܘܬܐ ܪܒܬܐ ܠܡܠܟܘܬܟܘܢ. ܛܪܘܢܐ ܕܝܢ ܚܪܡܐܿ ܚܡܬܬ ܠܗ ܛܒ. ܘܐܬܦܝܪ ܒܫܐܠܬܗ
                    ܕܐܘܩܠܝܢܐ. ܘܡܛܠ ܕܡܚܒ ܗܘܼܐ ܠܗ ܠܐ ܨܿܒܐ ܗܘܼܐ ܕܢܒܐܫ ܠܗ. ܐܠܐ ܒܡ̈ܠܐ ܒܠܚܘܕ. ܡܬܘܐ ܗܘܼܐ
                    ܠܗܼ ܟܕ ܐܡܿܪ. ܕܥܠ ܗܕܐ ܚܕܐ ܬܘܝܪ ܐܢܐ ܝܬܝܪ. ܕܕܠܐ ܦܘܪܫܢ ܐܢܝܢ ܫܐ̈ܠܬܟܘܢ. ܘܠܐ ܝܕܥܝܢ
                    ܐܢܬܘܢ ܡܢܐ ܫܐܠܝܢ ܐܢܬܘܢ. ܠܐ ܓܝܪ ܙܕܩ ܠܢ ܕܢܬܬܦܝܪ ܥܠ ܗܕܐ: ܕܠܟ ܠܝܬ ܚܫܚܘ 131 ܒܫܐܠܬܟ. ܕܬܫܟܬܢܝ ܕܠܐ ܐܬܢܩܡ ܡܢ ܐܝܠܝܢ ܕܨܚܝܘܢܝܼ. ܒܪܡܼ ܗܐ ܡܙܕܩܐ ܠܟ ܫܐܠܬܟܼ ܒܨܥܪܗܿ
                    ܕܡܠܟܘܬܝ ܀ ܘܟܕ ܫܡܥ ܐܘܩܠܝܢܐ ܗܠܝܢ ܡܢ ܛܪܘܢܐܼ. ܗܘܼܐ ܒܕܚܠܬܐ ܣܓܝܐܬܐ. ܘܡܚܐ ܐܢܝܢ ܐܦ̈ܘܗܝ
                    ܒܐܪܥܐ ܘܫܬܩ. ܘܐܫܬܓܢܝ ܓܘܢܐ ܕܐܦ̈ܘܗܝ ܡܢ ܕܚܠܬܗܼ. ܘܗܘܼܐ ܐܝܟ ܡܝܬܐ. ܘܟܕ ܚܙܝܗܝ ܛܪܘܢܐ
                    ܠܐܩܘܠܝܢܐ ܕܐܘܚܠ ܡܢ ܕܚܠܬܗܼ. ܟܕܝܬ ܠܗ ܥܠܘܗܝ ܛܒ. ܘܫܝܢ ܝܬܗ ܘܡܠܠ ܥܡܗ ܒܣܝܡܐܝܬ ܟܕ ܐܡܿܪ.
                    ܝܕܥܿ ܐܢܐ ܗܘ ܠܡ ܕܐܢܫ̈ܐ ܬܩ̈ܢܐ ܘܚܟ̈ܝܡܐܼ. ܟܐܒ ܗܼܘ ܠܗܘܢ ܠܡܿ. ܐܡܬܝ ܕܚܪܒܐ ܐܘ ܗܦܘܟܝܐ ܐܘ
                    ܢܟܝܢܐ ܡܕܡܿ. ܢܓܕܫ ܒܚܕܐ ܡܢ ܡ̈ܕܝܢܬܐ ܕܐܝܬ ܒܐܘܚܕܢܐ ܕܡ̈ܠܟܝܗܘܢ. ܘܛܒ ܠܡ ܡܬܩܠܣܐ ܐܝܕܥܬܗܘܢ
                    ܒܗܕܐ. ܒܪܡ ܕܝܢ ܙܕܩ ܗܘ ܠܗ ܠܐܝܢܐ ܕܚܐܫ ܒܐܒܕܢܐ ܘܚܪܒܐ ܕܐܬܪܐ ܐܘ ܕܡܝܕܢܬܐܼ. ܕܢܒܥܐ ܐܝܕܐ
                    ܗܼܝ ܥܠܬܐ ܕܐܒܕܢܗܿ ܘܗܫܐ ܐܠܘ ܝܕܥܬ ܕܐܝܠܝܢ ܟܬܝ̈ܒܬܐ ܫܕܪܘ ܠܝ ܐܘܪ̈ܗܝܐܼ. ܐܢܬ ܝܬܝܪ ܡܢܢ
                    ܗܘܿܐ ܗܘܝܬ ܠܢ ܡܚܦܛܢܐܼ. ܕܢܬܒܥ ܨܥܪܢ ܘܨ̈ܘܚܝܬܗܿ ܕܡܠܟܘܬܢܿ ܒܪܡ ܕܝܢ. ܐܢܬ ܐܝܟ ܓܒܪܐ ܕܠܐ
                    ܡܦܣ ܗܘܝܬ ܒܣܘܪܚܢܐ ܕܡܪܚܙܬܗܘܢܼ. ܫܦܝܪ ܠܡ ܐܬܟܫܦܬ ܥܠ ܢܗܘܢܿ ܘܪܢܝܐ ܡܕܡ ܠܐ ܢܦܠ ܠܟ ܥܠ ܗܕܐ.
                    ܕܐܢ ܬܒܘ ܘܗܦܟܘ ܡܢ ܪܥܝܢܐ ܦܬܝܠܐ ܕܡܪܘܕܘܬܗܘܢܼ. ܐܬܬܓܪܘ ܚܝ̈ܝܗܘܢ ܒܫܩܠ ܛܥܢܗ ܕܒܥܘܬܟ
                    ܕܥܠܝܗܘܢܧ ܘܐܢ ܬܘܒ ܒܗ ܒܪܥܝܢܐ ܕܡܪܘܕܘܬܗܘܢ ܡܩܘܝܢ. ܘܐܬܬܓܪܘ ܒܡܪܚܘܬܗܘܢ ܚܪܒܐ ܠܡܕܝܢܬܗܘܢ
                    ܘܐܒܕܢܐ ܠܩܢܘܡܗܘܢ. ܘܟܕ ܫܡܥ ܗܠܝܢ. ܐܩܘܠܝܢܐ ܡܢ ܛܪܘܢܐ ܢܦܠ ܣܓܕ ܘܐܡܪ. ܗܫܐ ܕܚܝܠ ܡܪܝ
                    ܠܥܒܕܗ: ܘܬܒܬ ܥܠܝ ܢܦܫܝ ܘܐܚܝܠܬܼ. ܒܒܥܘ ܡܢ ܫܘܠܛܢܟ ܕܚܝܠܐܼ. ܐܦܣ ܠܝ ܕܐܦܘܩ ܪܘܚܐ ܥܠ ܐ̈ܦܝ
                    ܒܥܘܬܝ. ܕܠܘ ܥܠ ܐܒܕܢܗܿ ܕܡܕܝܢܬܐ ܕܘܝܬܐ ܚܫܬܼ ܐܠܐ ܥܠ ܡܠܟܘܬܢ ܕܠܐ ܬܨܛܚܐ. ܚܣܕܐ ܗܝ ܠܢ ܓܝܪ
                    ܪܒܐ ܗܕܐ. ܘܚܫܐ ܩܫܝܐ ܠܡܠܟܘܬܢܿ ܕܡܢ ܒܬܪ ܕܐܬܣܝܡ ܚܝܠܐ ܥܠ ܬܚܘܡܐ. ܘܩܪܘ ܠܗ ܚܪܒܐ ܠܐܬܘܪ
                    ܒܛܒܐ ܕܡܚܬܬܗܘܢܿ ܢܗܦܟ ܐܢܘܢ ܡܢ ܕܪܝܫ ܡܢ ܡܕܢܚܐ ܠܡܥܪܒܐܼ. ܟܕ ܠܐ ܢܩܫܘ ܡ̈ܠܟܐ ܩܐܪܣܐ.
                    ܘܢܗܠܘܢ ܒܢ ܐܬܘܪ̈ܝܐ ܘܢܨܒܪܘܢ ܒܢ ܡ̈ܠܐ ܦܩ̈ܩܬܐ 132 ܘܢܐܡܪܘܢܿ ܕܟܕ ܦܪܣ ܥܕܟܝܠ ܠܐ
                    ܩܒܠܬ ܒܥܘܫܢܗܿ܆ ܫܪܝܘ ܪ̈ܗܘܡܝܐ ܡܦܢܝܢ ܠܗܿ ܚܨܐ ܠܡܕܢܚܐ. ܘܬܘܒ ܐܚܪܬܐ ܡܪܝ ܡܠܟܐܼ. ܕܐܝܟ
                    ܫ̈ܦܠܐ ܒ̈ܥܝܢܝ ܦܪ̈ܣܝܐ ܡܬܚܫܒܝܢ ܗܘܝܢ܇ ܐܠܘ ܐܿܝܬܒܘ ܪ̈ܗܘܡܝܐ ܠܡܟܒܫ ܡܕܝܢܬܐ ܕܣܝܡܐ ܒܐܘܚܕܢܐ
                    ܕܡܠܟܘܬܢܿ ܘܡܬܓܢܝܐ ܗܘܬ ܝܕܥܬܢ ܒܗܕܐ܇ ܕܫܒܩܢܢ ܠܡܪܢܐ ܒܩܐܪܣܐ ܕܪܡܐ ܠܼܢ. ܘܗܐ ܪܡܐ ܠܢ ܪܢܝܗܿ
                    ܕܡܕܝܢܬܐ ܕܘܝܬܐ. ܕܓܠܝܪܗܿ ܕܡܠܟܘܬܢ ܡܨܐ ܕܢܬܢܩܡ ܡܢܗܿ ܐܡܬܝ ܕܢܦܣ ܠܗ ܦܘܩܕܢܟ. ܘܗܫܐ ܡܪܝ
                    ܡܿܠܟܐܼ. ܫܒܘܩ ܐܢܘܢ ܠܗܠܝܢ ܕܘ̈ܝܐ ܒܚ̈ܝܐ ܡܕܢ̈ܩܐ ܥܕ ܣܠܩܐ ܡܠܟܘܬܟ ܒܙܟܘ ܕܐܠܗܘܬܟܼ. ܘܐܠܘ
                    ܕܡܗܘܢ ܒܪܫܗܘܢܿ ܘܐܢܬ ܘܡܠܟܘܬܟܼ ܡܚܣܝ ܐܢܬ ܡܢ ܕܡܗܘܢ ... ܝܘܠܝܢܣ ܐܡܿܪ. ܕܗܠܝܢ ܠܡ ܟܠܗܝܢ
                    ܝܬܝܪ̈ܬܐ ܡܬܚܫܒܢ ܗܘ̈ܝ ܠܝ܇ ܐܠܘ ܕܒܡ̈ܘܡܬܐ ܕܫܐܠܬܐ ܕܒܥܘܬܟ ܠܐ ܐܬܪܥܝܬ. ܠܐ ܓܝܪ ܨܿܒܐ ܐܢܐ
                    ܒܬܝܒܘܬܗܘܿܢܿ ܐܝܟ ܡܐ ܕܨܿܒܐ ܗܘܝܬ ܒܐܒܕܢܗܘܢܿ ܒܪܡ ܕܝܢ ܕܫܒܩܬ ܫܒܩܬ ܠܝܼ ܡܠܐ ܕܒܢܐ. ܐܝܟ ܡܿܢ
                    ܕܗܫܐ ܐܥܒܕ ܐܝܟ ܡܠܬܟ. ܘܣܓܕ ܐܩܘܠܝܢܐ ܘܢܦܼܩ ܡܢ ܩܕܡ ܡܿܠܟܐ. ܝܘܠܝܢܣ ܕܝܢ ܡܢ ܒܬܪ ܗܠܝܼܢ. ܣܡ
                    ܗܘܼܐ ܐ̈ܦܘܗܝ ܠܚܪܢܿ ܟܕ ܟܣܝܐ ܒܠܒܗ ܣܢܐܬܗܿ ܕܐܘܪܗܝܼ. ܘܢܛܪ ܗܘܼܐ ܙܒܢܐ ܡܛܠ ܫܘܘܕܝܐ
                    ܕܡܘ̈ܡܬܗ. ܘܫܩܼܠ ܡܢ ܚܠܒ ܗܼܘ ܘܚܝ̈ܠܘܬܐ ܕܐܝܬ ܥܡܗܼ. ܘܪܕܐ ܗܘܼܐ ܘܕܒܪ ܩܠܝܠܐܝܬܼ. ܘܠܐ ܐܬܬܗܝ
                    ܥܠ ܡܐܙܠܬܗ. ܘܠܐ ܐܬܥܘܟ ܗܘܐ ܒܚܕ ܡܢ ܐܘ̈ܢܐ ܕܒܗܘܢ ܫܿܪܐ ܘܚܿܙܩ. ܥܕܡܐ ܕܥܠ ܠܚܪܢ ... ܘܟܕ
                    ܫܡܥܘ ܝܗܘ̈ܕܝܐ ܕܥܡܪܝܢ ܒܐܘܪܗܝ: ܕܥܒܪ ܝܘܠܝܢܣ ܦܪܬ ܠܡܕܢܚܐܼ. ܓܢܒܘ ܢܦܫܗܘܢ ܘܢܦܩܘ ܡܢ
                    ܡܕܝܢܬܗܘܿܢܿ ܬܪ̈ܝܢ ܬܪ̈ܝܢ ܘܬܠܬܐ ܬܠܬܐ ܐܟܚܕܐ. ܕܕܚܠܘ ܠܡܦܩ ܐܟܚܕܐ ܒܟܢܫ ܓܠܝܐܝܬ ܠܥܝܢ
                    ܐܢܫܘܬܗܿ ܕܡܝܕܢܬܐ ܡܛܠ ܕܠܚܝܡܝܢ ܗܘܘ ܠܗܘܢ ܐܘܪ̈ܗܝܐ ܛܒ. ܘܥܠܬܐ ܗܘ ܒܥܝܢ ܗܘܘ ܥܠܝܗܘܢܿ ܘܟܕ
                    ܐܬܘܥܕܘ ܠܚܕ ܒܝܬ ܨܘܒܐ܆ ܪܒ ܟܢܘܫܬܐ ܕܝܗܘ̈ܕܝ ܘܐܝܠܝܢ ܕܐܬܠܘܝܘ ܠܗ ܠܡܐܙܠ ܥܡܗ ܠܫܠܡܗ ܕܫܢܝܐܼ.
                    ܗܘܝܢ ܗܘܘ ܐܝܟ ܫܒܥܡܐܐ ܓܒܪ̈ܝܢ. ܘܐܨܛܒܬܘ ܘܠܒܫܘ ܚܘܪ̈ܐ. ܘܢܣܒܘ ܒܐܝ̈ܕܝܗܘܢ ܫܝܦܘܪ̈ܐ܇  133 ܠܡܝܒܒܘ ܩܕܡܘܗܝ ܡܐܕܐܩܒܠܝܘܗܝ. ܐܙܠܘ ܕܝܢ ܘܐܩܒܠܝܘܗܝ ܡܢ ܪܘܚܩܐ ܣܓܝܐܐ ܡܢ
                    ܡܕܝܬܗܘܢܿ ܘܟܕ ܚܼܙܐ ܐܢܘܢܼ. ܡܢ ܝܘܒܒܐ ܕܫܝܦܘܪ̈ܐܼ. ܐܫܬܘܕܥ ܕܓܙܝܪ̈ܐ ܐܢܘܢܿ ܘܫܼܐܠܘ ܐܢܘܢܼ
                    ܕܡܢ ܐܝܟܐ ܐܢܘܢܿ ܘܟܕ ܝܠܦ ܥܠܝܗܘܢ ܕܡܢ ܐܘܪܗܝ ܐܢܘܢܼ. ܐܦܩܥ ܒܢܚܝܪܗ ܘܓܕܦ. ܘܓܥܪ ܒܗܘܢ
                    ܒܪܘܓܙܐ. ܘܫܕܐ ܐܢܘܢ ܡܢ ܩܕܡܘܗܝܼ ܟܕ ܐܡܿܪ. ܕܐܠܘ ܠܐ ܠܡ ܕܡܪ̈ܘܕܐ ܐܢܬܘܢ ܐܝܟ ܒ̈ܢܝܗܿ
                    ܕܥܩܝܪܬܐܼ. ܠܘ ܒܡܕܝܢܬܐ ܕܠܐ ܐܠܗ ܥܡܪܝܢ ܗܘܝܬܘܢܿ ܘܢܘܟܪ̈ܝܐ ܠܣܓܕܬܐ ܕܐ̈ܠܗܐ ܗܘܝܢ ܗܘܝܬܘܢ
                    ܐܟܘܬܗܘܢܿ ܐܬܓܠܝܬ ܠܗܿ ܡܕܝܼܢ ܕܫܘܬܦܐ ܐܢܬܘܢ ܠܛܥܝܘܬܗܘܢܿ ܘܥܡܗܘܢ ܐܣܝܪ ܥܢܝܢܟܘܢܿ ܘܐܠܐ
                    ܐܝܬܝܗܿ ܐܝܟ ܕܐܡܪܬܼ. ܐܝܟܐ ܗܼܘ ܕܚܘܝܬܘܢ ܠܘܬܢ ܨܒܝܢܐ ܛܒܐ. ܐܦ ܐܢ ܒܚܕܐ. ܕܠܡܐ ܠܐ ܡܨܝܢ
                    ܗܘܝܬܗܘܢ ܥܠܬܐ ܙܥܘܪܬܐ܆ ܠܡܒܢܐ ܒܝܬ ܣܓܕܬܟܘܢ ܠܙܘܣ ܐܠܗܐ ܪܒܐ. ܕܡܢܗ ܪ̈ܕܝܢ ܥܘܕܪ̈ܢܐ
                    ܠܒܢܝ̈ܢܫܐܼ. ܐܘ ܕܠܡܐ ܟܒܪ ܠܐ ܣܦܩܐ ܗܘܬ ܒܐܝ̈ܕܝܢ ܠܡܦܪܥܟܘܢ ܛܝܒܘܬܗܿ ܕܗܕܐ܇ ܐܠܘ ܫܪܝܪ
                    ܚܘܒܟܘܢ ܠܘܬܢܿ ܐܠܐ ܗܿܝ ܗܝ ܕܐܡܪܝܢ. ܕܒ̈ܢܝ ܪܥܝܢܗܘܢ ܐܢܬܘܢ. ܕܗܠܝܢ ܡܪ̈ܘܕܐ ܣ̈ܢܝܝ ܚܝ̈ܝܗܘܢܿ
                    ܕܥܕ ܩܠܝܠ ܐܬܥܛܝ ܕܘܟܪܢܗܘܢ ܘܐܬܟܦܪ ܫܡܗܘܢ ܘܕܚܠܬܗܘܢ ܡܢ ܐ̈ܦܝܗܿ ܕܬܒܝܠ. ܪܒ ܟܢܘܫܬܐ ܕܝܢ
                    ܕܝܗܘ̈ܕܝܐ ܥܡ ܐܝܠܝܢ ܕܥܡܗܼ. ܢܛܪܝܢ ܗܘܘ ܫܬܩܐ ܘܫܠܝܢ. ܥܕ ܡܦܣ ܠܗܘܢ ܦܘܩܕܢܐ ܕܢܦܩܘܢ ܪܘܚܐ ܥܠ
                    ܐ̈ܦܝ ܫܘܐܠܗܘܢܿ ܘܟܕ ܐܦܣ ܠܗܘܢ ܕܢܡܠܠܘܢܼ. ܐܩܦ ܗܘܐ ܪܒ ܟܢܘܫܬܐ ܠܡܐܡܪ ܩܕܡ ܛܪܘܢܐ. ܕܒܥܝܢܢ
                    ܠܡ ܡܢ ܫܘܠܛܢܟܘܢ ܕܚܝܠܐܼ. ܠܐ ܢܬܚܫܒ ܒܥ̈ܝܢ ܐܠܗܘܬܟܘܿܢܿ ܐܝܟ ܗܠܝܢ ܛ̈ܥܝܐ ܕܠܐ ܐܠܗܝ. ܕܠܘ
                    ܠܢܨܪܝܐ ܕܙܩܦܘ ܐܒ̈ܗܝܢ ܣܓܕܝܢܢ ܐܟܘܬܗܘܢܿ ܘܠܘ ܡܕܡ ܕܣܢܐ ܐܘ ܕܫܘܿܐ ܠܡܘܬܐ ܣܥܝܪ ܠܢ ܨܝܕ
                    ܡܠܟܘܬܟܘܢܿ ܕܣ̈ܢܝܐܐ ܥܒܕܝܢܢ ܒܡܝܕܢܬܢܿ ܥܠ ܕܫܠܡܢ ܚܢܢ ܠܨܒܝܢܐ ܕܡܠܟܘܬܟܘܢܿ ܕܣ̈ܢܝܐܐ ܥܒܕܝܢܢ
                    ܒܡܕܝܢܬܢܿ ܥܠ ܕܫܠܡܢ ܚܢܢ ܠܨܒܝܢܐ ܕܡܠܟܘܬܟܘܢܿ ܘܢܓܠܘܢ ܐ̈ܠܗܐ ܠܥܫܝܢܘܬܟܘܢܿ ܕܐܝܢܐ ܥܘܡܪܐ
                    ܐܠܝܨܐ ܘܡܡܟܟܐ܇ ܥܡܪܝܢ ܚܢܢ ܥܡܗܘܢ ܕܗܠܝܢ ܓ̈ܠܙܝ ܨܒܝܢܐ ܕܐܠܗܘܬܟܘܢܿ ܥܠܝܒܝܢܢ ܓܝܪ ܘܛܠܝܡܝܢܢ.
                    ܘܚܛܝܦܝܢ ܒܝܬ ܫ̈ܒܝܢ ܘܒܙܝܙܝܢ ܒ̈ܬܝܢ. ܘܥܩܝܪ̈ܢ ܒܝܬ  134 ܟܢܘ̈ܫܬܢ ܘܪ̈ܨܝܨܝܢ
                    ܪ̈ܫܝܢ. ܘܠܝܬ ܕܕܐܢ ܕܝܢܢ ܘܬܒܿܥ ܬܒܥܬܢ ܥܕ ܗܫܐ. ܘܐܢ ܟܕ ܠܐ ܒܢܝܢܢ ܥܿܠܬܐ ܠܐ̈ܠܗܐ܆ ܓܪܝܢ
                    ܒܬܪܢ ܥ̈ܠܠܬܐ܆ ܕܐܝܟܢܐ ܢܦܩܘܢܢ ܡܣܪܩܐܝܬ ܡܢ ܢܟܣ̈ܝܢ: ܘܢܥܒܕܘܢܢܝ ܝܬܝܪܐ ܠܡܪ̈ܗܛܝܼܢ. ܟܡܐ
                    ܝܬܝܪ ܐܠܘ ܐܬܬܝ ܗܕܐ ܠܡܫܡܥܬܗܘܿܢܿ ܕܥܠܬܐ ܒܢܐ ܥܡܢ ܒܓܘܡܕܢܘܬܗܘܢ. ܐܝܟ ܬܢܝ̈ܢܐ ܣܝܩܝܢ ܗܘܘ ܠܢ
                    ܘܚܝܬ ܒܠܥܝܢ ܗܘܘ ܠܢ. ܒܥܝܢܢ ܗܟܝܠ ܡܢ ܫܘܠܛܢܐ ܕܚܝܠܐ ܕܬܪܝܨܘܬܟܘܢܼ. ܠܐ ܢܬܚܫܒ ܥܡܢ ܒܥ̈ܝܢܝܗܿ
                    ܕܡܠܟܘܬܟܘܢ ܡܪܼܘܕ̈ܐ. ܕܡܪܘܕܘܬܐ ܡܡܬܘܡ ܒܥܡܢ ܠܐ ܐܬܚܙܝܬ. ܠܐ ܒܢ ܐܦܠܐ ܒܐ̈ܒܗܝܢ. ܕܗܐ
                    ܠܡ̈ܠܟܝܢ ܡܫܬܥܒܕܝܢ ܚܢܼܢ. ܘܠܡܕܒܪ̈ܢܝܢ ܡܫܬܡܥܝܢ ܚܢܢ. ܘܟܕ ܠܚܕ ܐܠܗܐ ܐܦܣ ܠܢ ܢܡܘܣܢ ܠܡܦܠܚܼ.
                    ܠܐ̈ܠܗܐ ܣ̈ܓܝܐܐ ܦܠܚܘ ܘܣܓܕܘ ܐܒܗ̈ܝܢ. ܕܠܦܘܬ ܨܒܝܢܐ ܕܡ̈ܠܟܝܗܘܢ ܘܕܡܕܒܪ̈ܝܗܘܢ ܕܒܪܝܢ ܗܘܘ .
                    ܐܦ ܚܢܢ ܒܗܿ ܒܕܡܘܬܐ ܠܨܒܝܢܐ ܕܐܠܗܘܬܟܘܢ ܫܠܡܝܢܢ. ܘܠܐ̈ܠܗܐ ܕܡܦܣܐ ܠܢ ܡܠܟܘܬܟܘܢ ܦܠܚܝܢܼܢ
                    ܘܣܓܕܝܢܢ. ܘܒܠܚܘܕ ܡܣܡ ܒܪܥܝܢܐ ܕܐܝܬ ܠܗܿ ܥܠܝܢ ܠܡܠܟܘܬܟܘܢ ܡܛܠ ܐܘܪ̈ܗܝܐܼ. ܢܫܬܪܐ. ܘܬܬܗܝܡܢ
                    ܠܐܠܗܘܬܟܘܢܼ. ܕܠܐ ܗܿܘܝܢ ܫܘ̈ܬܦܐ ܡܡܬܘܡ ܠܒܝܫܘܬܗܘܢ ܕܐܘܪ̈ܗܝܐ܇ ܗܠܝܢ ܕܚ̈ܛܗܝܢ ܐܥܒܡܪܘܢ
                    ܥܡܗܘܢܿ ܐܠܘ ܠܐ ܓܝܪ ܕܫܢܬ ܠܗܿ ܠܨܗܝܘܢ ܡܕܝܢܬܐ ܕܠܩܘܫܬܝܼܢ. ܠܘ ܐܘܪܗܝ ܡܬܩܪܝܐ ܗܘܬ ܡܕܝܢܬܢܿ
                    ܐܝܟ ܕܐܦܠܐ ܐܚ̈ܝܢ ܕܙܪܝܩܝܢ ܒܗ ܒܥܠܡܐ ܚܫܝܒ ܠܗܘܢ ܒܝܬ ܡܥܡܪܗܘܢ ܐܠܐ ܐܝܟ ܕܒܝܬ ܬܘܬܒܘܬܐ. ܚܕܐ
                    ܗܼܝ ܓܝܪ ܡܕܝܢܬܢ ܕܒܫܪܪܐ ܕܥܩܪܗܿ ܚܣܡܐ ܘܐܚܪܒܗܿ ܛܢܢܐ. ܘܟܕ ܢܛܐܒܘܢ ܠܟ ܐ̈ܠܗܐ: ܘܬܙܟܐ
                    ܒܩܪ̈ܒܝܟ ܘܬܬܥܫܢ ܥܠ ܒܥܠܕܒ̈ܒܝܟܼ. ܐܬܕܟܪܝܗܿ ܠܨܗܝܘܢ ܨܕܝܬܐܿ. ܘܠܗܝܟܠܗܿ ܣܚܝܦܐ ܘ̈ܠܝܠܕܝܗܿ
                    ܡܒܕܪ̈ܐ. ܘܐܪܝܡ ܒܪܝܫܗܿ ܕܡܡܟܟܬܐܿ. ܕܡܬܐ ܕܢܦܠܬܝ ܘܡܩܒܠܬܐ ܕܐܣܬܚܦܬܝ. ܬܐܪܒ ܒܟ ܪܘܚܗܿ܆
                    ܘܢܓܪܢ ܫܢ̈ܝܟ ܡܛܠ ܥܠܝܒܘܬܗܿ. ܘܢܡܠܟ ܫܘܠܛܢܟ ܥܠ ܬܒܝܠ. ܐܡܿܪ ܠܗܘܢ ܝܘܠܝܢܘܣ. ܘܠܐܚܝ̈ܟܘܢ
                    ܕܐܬܘ ܠܘܬܝ ܠܛܪܣܘܣ ܕܩܝܠܩܝܐ܆ ܘܐܪܡܝܘ ܒܥܘܬܗܘܢ ܩܕܡܝ ܥܠ ܐܬܪܐ ܕܒܝܬ ܐܒܗ̈ܝܟܘܢ: ܘܥܠ ܗܝܟܠܐ
                    ܬܘܒ ܕܒܝܬ ܣܓܕܬܗܘܢܼ. ܡܠܝܬ ܒܠܒܗܘܢܼ ܘܒܐܝܬ ܐܢܘܢܿ ܘܢܣܒܘ ܡܢ ܣܘܘܕ̈ܝܐ ܕܡܦܝܓܝܢ
                        ܠܟܪܝܗܘܬܗܘܢܼ 135 ܘܡܒܝܐܝܢ ܪܥܝܢܗܘܢܿ ܒܗܿ ܒܕܡܘܬܐ ܐܦ ܠܟܘܢ ܕܒܥܝܬܘܢ ܡܢܼܢ.
                    ܠܗܘܢ ܟܕ ܠܗܘܢ ܠܫܘܘ̈ܕܝܐ ܡܚܕܬܝܢܢ. ܠܚܘܝܠܗܿ ܘܠܒܘܝܐܗܿ ܕܡܫܡܥܬܟܘܢܿ ܕܐܢ ܐܝܬ ܨܒܝܢܐ ܠܐ̈ܠܗܐ:
                    ܕܢܬܠܘܢ ܠܢ ܙܟܘܬܐ ܒܩܪ̈ܒܝܗܿ ܕܐܬܘܪ: ܡܐ ܕܦܢܝܢ ܚܢܢ ܒܫܠܡܐ ܠܐܘܚܕܢܗܿ ܕܡܠܟܘܬܢ: ܐܒܢܝܗܿ
                    ܠܡܕܝܢܬܟܘܢܼ ܘܐܥܫܢܝܗܿ. ܘܥܠܫܡܗܿ ܕܡܠܟܘܬܢ ܬܬܩܪܐ. ܘܐܚܕܬ ܒܝܬ ܣܓܕܬܟܘܢ ܕܚܪܒܼ. ܘܐܘܪܒ ܫܘܒܚܗ
                    ܐܚܪܝܐ ܝܬܝܪ ܡܢ ܩܕܡܝܐ܇ ܫܘܒܚܐ ܕܐܝܬ ܗܘܐ ܠܗ ܒܝܘ̈ܡܝ ܫܠܝܡܘܢ ܕܗܼܘ ܒܢܗܿ ܘܨܒܬܗܿ. ܘܟܕ ܫܡܥܘ
                    ܗܠܝܘ ܙܐ̈ܦܢܐܼ. ܡܢ ܫܠܝܐ ܫܕܘ ܢܦܫܗܘܢ ܩܕܡܘܗܝܼ. ܘܣܓܕܘ ܠܗ ܟܕ ܐܡܪܝܢ. ܕܛܝܒܘ ܠܐ̈ܠܗܐ ܕܝܗܒܘܢ
                    ܒܪ̈ܚܡܐ ܩܕܡ ܡܠܟܘܬܟܘܢܿ ܘܚ̈ܝܐ ܢܓܝܪ̈ܐ ܢܬܝܗܒܘܢ ܠܟܘܢ ܡܛܠ ܪܕܝܦܘܬܢܿ ܐܡܿܪ ܠܗܘܢ ܝܘܠܝܢܘܣ.
                    ܗܐ ܚܘܝܬܘܢ ܝܘܡܢܐ ܨܒܝܢܐ ܛܿܒܐ ܕܐܝܬ ܠܟܘܢ ܠܘܬܢܿ ܘܡܢ ܩܐܪ̈ܕܐ ܣ̈ܦܘܬܟܘܢ ܐܫܬܘܕܥܢܼܢ. ܕܒܐܝܕܐ
                    ܫܠܡܘܬܐ ܘܚܘܒܐ ܕܠܐ ܢܟܠܐ ܐܝܬܝܟܘܢ ܨܝܕ ܐ̈ܠܗܐ܇ ܣܥܪ̈ܝ ܛܒ̈ܬܐ ܠܣܓܘ̈ܕܝܗܘܢܿ ܐܦ ܚܢܢ ܠܡ ܢܥܒܕ
                    ܥܡܟܘܢ ܚܣܪܐ ܘܪ̈ܚܡܐ. ܕܐܬܗܝܡܢܬ ܠܢ ܓܝܪ ܒܫܪܪܐܼ. ܕܠܐ ܐܝܬܝܟܘܢ ܫܘ̈ܬܦܐ܇ ܠܡܪܘܕܘܬܗܘܢ
                    ܘܠܛܥܝܘܬܗܘܢ ܕܒ̈ܢܝܗܿ ܕܥܩܝܪܬܐ܇ ܗܠܝܢ ܕܥܬܝܕ ܐܢܐ ܕܐܬܢܩܡ ܡܢܗܘܿܢܿ ܟܠܗܝܢ ܒܝܫ̈ܬܐ ܘܣ̈ܢܝܬܐ
                    ܕܣܥܝܪ̈ܢ ܠܗܘܢ ܥܕ ܝܘܡܢ. ܐܡܿܪ ܠܗ ܪܒ ܟܢܘܫܬܐ. ܡܢ ܦܘܡܐ ܕܐܝܠܝܢ ܕܥܡܗ. ܐܠܘ ܠܐ ܡܪܝ ܡܠܟܐ ܡܢ
                    ܩܕܡ ܙܒܢܐ ܩܪܒܢܢ ܡܠܦܢܘܬܐ ܠܟܐܢܘܬܟܘܢ܆ ܕܐܝܠܝܢ ܒܝܫ̈ܬܐ ܡܣܬܥܪܢ ܒܗܿ ܒܡܕܝܢܬܐ ܡܪܕܬ ܥܠ
                    ܡ̈ܠܟܝܗܿ: ܘܕܟܡܐ ܥܫܢܬ ܡܪܚܘܬܗܘܢ ܕܥܡܘܪ̈ܝܗܿ ܨܝܕ ܐܠܗ̈ܐ ܘܨܝܕ ܡܠܟܘܬܟܘܢܼ. ܫܦܝܪܼ ܘܒܙܕܩܗܿ
                    ܕܘܠܝܬܐ ܡܣܬܒܪܐ ܗܘܬ ܥܠܝܢ܇ ܕܫܠܡܝܢܢ ܠܒܝܫ̈ܬܗܘܢܿ ܐܢ ܕܝܢ ܥܠܝܒܝܢܢ ܘܛܠܝܡܝܢܢ: ܘܚܛܝܦܝܢܢ
                    ܘܒܙܝܙܝܢ ܚܢܢ. ܘܪܨܝܨ ܪܫܼܢ. ܣܦܩܢ ܗܠܝܢ ܕܢܗܘܝܢ ܠܢ ܣܗ̈ܕܐ ܨܝܕ ܡܠܟܘܬܟܘܢ܇ ܕܡܡܬܘܡ ܠܝܬ ܠܗܘܢ
                    ܫܠܡܐ ܥܡܢ. ܐ̈ܠܗܐ ܕܝܢ ܢܓܠܘܢ ܠܡܪܚܡܢܘܬܟܘܿܢܿ ܕܐܝܢܐ ܥܘܡܪܐ ܐܠܝܨܐ ܘܡܡܟܟܐ ܥܡܪܝܢ ܚܢܢ
                    ܥܡܗܘܢܿ ܐܠܘ ܠܐ ܓܝܪ ܒܦܘܪܣܐ ܕܨܢܥܬܐ ܢܦܩܢ ܚܢܢ ܡܢ ܡܕܝܢܬܐ: ܬܪ̈ܝܢ ܬܪ̈ܝܢ ܘܬܠܬܐ ܬܠܬܐܼ.
                    ܒܟܢܫܼ ܠܐ ܡܡܪܚܝܢ  136 ܗܘܝܢ ܠܡܦܩ ܓܠܝܐܝܬ ܠܫܠܡܗܿ ܘܠܣܓܕܬܗܿ ܕܐܠܗܘܬܟ. ܕܐܝܟ
                    ܟ̈ܠܒܐ ܡܨܠܦܝܢ ܗܘܘ ܠܢ ܟܢܫ̈ܝܗܿ ܕܡܕܝܢܬܢܿ ܘܐ̈ܠܗܐ ܗܘ ܠܡ ܝܕܥܝܢ ܡܢܐ ܓܕܫ ܡܢܗ ܕܣܘܥܪܢܐ.
                    ܡܕܝܢܬܐ ܗܼܝ ܓܝܪ ܡܪܚܬܐ ܘܓܘܡܕܢܝܬܐ. ܕܠܐ ܡܢ ܐ̈ܠܗܐ ܕܚܠܐܼ. ܘܠܐ ܡܢ ܡ̈ܠܟܐ ܟܘܙܐ. ܘܐܟܠܝܢ
                    ܗܘܘ ܩܪ̈ܨܝܗܿ ܕܡܕܝܢܬܗܘܢ ܥܙܝܙܐܝܬ ܩܕܡܘܗܝ ܕܛܪܘܢܐ. ܘܫܓܪܝܢ ܗܘܘ ܠܗ ܒܛܢܢܐܼ. ܘܡܚܦܛܝܢ ܠܗ ܥܠ
                    ܐܒܕܢܗ ܘܚܘܪܒܗ ܕܟܪܟܗܘܢܿ ܟܕ ܡܫܬܘܕܝܢ ܕܡܝܢ ܡܫܠܡܝܢ ܬܪܥܗܿ ܬܝܡܢܝܐ ܕܡܕܝܢܬܗܘܢܿ ܗܘ ܕܝܢ ܣܟ
                    ܠܐ ܐܬܪܡܝ ܠܡ̈ܠܝܗܘܢܿ ܐܠܐ ܫܪܐ ܐܢܘܢ ܒܗܕܐ. ܕܙܠܘ ܠܡ ܗܫܐ. ܕܠܘ ܠܡ ܙܒܢܐ ܗܘ ܕܬܒܥܬܗܝܢ
                    ܕܗܠܝܢ. ܐܠܐ ܗܘܘ ܒܫܠܝܐܼ. ܥܕ ܝܗܒܿ ܠܢ ܙܒܢܐ ܕܢܐܬܐ ܘܢܣܥܪܝܗܿ ܠܡܕܝܢܬܟܘܢܿ ܟܡܐ ܕܫܘܝܢ
                    ܣܘܥܪ̈ܢܝܗܿ. ܘܒܗܕܐ ܫܪܐ ܐܢܘܢ ܡܢ ܩܕܡܘܗܝ. ܡܒܠܗܝ ܗܘܐ ܓܝܪ ܛܒ ܫܢܝܐ ܥܠ ܐܘܪܚܐ ܕܡܐܙܠܬܗ.
                    ܘܐܚܕ ܐܣܛܪܛ ܗܿܝ ܕܐܙܠܐ ܠܘܩܒܠ ܚܪܢܿ ܘܣܛܐ ܡܢ ܐܘܪܗܝܼ ܘܠܐ ܥܠ ܠܗܿ. ܘܟܕ ܚܪ. ܡܢ ܩܒܘܠ ܐܢܝܕ
                    ܒܪܝܫܗܼ ܘܓܥܪ ܘܢܦܚ ܒܗܼ ܟܕ ܐܿܡܪ ܡܕܝܢܬܐ ܠܡܼ. ܢܣܚܦܟܝ ܒܥܓܠ ܓܕܟܝܼ. ܘܬܗܘܝܢ ܬܠܐ ܥܠ
                    ܥܡܘܪ̈ܝܟܝ. ܥܠ ܕܠܐ ܦܪܫܬܝ ܪܒܘܬܐ ܕܙܕܩܘ ܠܟܝ ܐ̈ܠܗܐ܆ ܘܓܠܙܬܝ ܬܘܕܝܬܗܘܢ ܘܙܕܩܬܝ ܣܓܕܬܗܘܢ
                    ܠܓܒܪܐ ܙܩܝܦܐ܇ ܘܫܢܝܬܝ ܒܚܘܒܐ ܕܪܚܡܬܗ. ܐܢܐ ܠܡ ܡܢ ܗܫܐ ܐܚܒܠܟܝ. ܘܠܐ ܢܦܪܩܟܝ ܙܩܝܦܐ ܕܐܘܕܝܬ
                    ܒܗ. ܘܠܐ ܝܕܥ ܗܘܼܐ ܫܢܝܐ ܚܙܝܪܐ ܢܕܝܕܐܿ. ܕܚܪܒܗ ܕܙܩܝܦܐ ܕܓܕܦ ܥܠܘܗܝ ܠܛܝܫܐ ܠܗܿ. ܠܘܝܡܐ
                    ܕܢܟܣܬܗ ܘܕܒܝܚܘܬܗ. ܕܐܝܟܢܐ ܕܝܢ ܩܒܠܬܗ ܚܪܢ ܠܡܠܟܗܿ ܫܢܝܐܼ. ܝܬܝܪܬܐ ܗܼܝ ܕܢܣܝܡܗܿ ܒܬܫܥܝܬܢܿ
                    ܠܐ ܓܝܪ ܛܥܝܐ ܠܗܘܢ ܠܝܕ̈ܘܥܐ܇ ܕܒܐܝܢܐ ܙܘܚܐ ܘܒܐܝܠܝܢ ܒ̈ܢܬ ܩ̈ܠܐ ܕܫܢܝܘܬܐ܇ ܘܩܘ̈ܠܨܐ ܚܪܗܒܐ
                    ܕܬܫܒ̈ܚܬܐ ܣܪ̈ܝܩܬܐ܇ ܩܒܠܘܗܝ ܛܿܥܝܐ ܠܫܢ̈ܝܐ ܕܐܟܘܬܗܘܢܿ ܢܦܘܫ ܠܢ ܗܟܝܠ ܡܢ ܗܠܝܢ ܕܕܠܐ ܒܙܕܩܐ
                    ܐܣܬܥܪ ܒܝܬ ܚܪ̈ܢܝܐ. ܘܢܩܠܣ ܒܙܕܩܐ ܠܗܝܡܢܘܬܗܘܢ ܕܐܘܪ̈ܗܝܐ܇ ܕܐܩܝܡܘ ܪܓܠܐ ܒܫܪܪܗܘܢܿ ܘܫܕܘ ܒܗ
                    ܩ̈ܠܝܬܐ ܒܫܢܝܐ ܘܐܬܘܪܘܗܝ. ܟܕ ܓܝܪ ܝܠܦܘ ܥܠ ܡܐܙܠܬܗܘܢ ܕܝܗܘ̈ܕܝܐ܆ ܘܕܒܐܝܠܝܢ ܦܘܪ̈ܣܐ ܢܦܩܘ ܡܢ
                    ܡܕܝܢܬܗܘܢܿ ܐܬܐܒܫ ܠܗܘܢ ܛܒ. ܘܢܨܝܢ ܗܘܘ ܥܡ  137 ܡܕܒܪ̈ܢܝܗܿ ܕܡܕܝܢܬܗܘܢܼ ܩܫܝܐܝܬ.
                    ܘܪܝܒܝܢ ܗܘܘ ܥܠܝܗܘܢ ܟܕ ܐܡܪܝܢ. ܕܝܗܘܕ̈ܝܐ ܠܡ ܕܥܡܪܝܢ ܒܡܕܝܢܬܢܼ. ܠܫܦܝܗ ܕܟܪܝܟܢ ܫܒܝܩܝܢ ܒܗ.
                    ܕܐܢ ܓܕܫܐ ܘܥܪܨ ܥܠܝܢ ܩܐܪܣܐܼ. ܗܢܘܢ ܗܿܘܝܢ ܡܫ̈ܠܡܢܘܗܝ. ܐܠܐ ܗܒܘ ܢܬܚܟܡ ܠܗܘܢܼ. ܥܕܠܐ ܢܡܛܝܢ
                    ܩܐܪܣܐ. ܦܩܘ̈ܕܝܗܿ ܕܝܢ ܘܡܕܒܪ̈ܢܝܗܿ ܕܡܕܝܢܬܐܼ. ܡܛܠ ܕܝܕܥܘ ܕܩܪܝܒ ܠܗܘܢ ܛܪܘܢܐ܆ ܘܒܓܘ ܐܬܪܐ
                    ܫܪܐ ܘܠܚܝܡ ܠܗܘܢܼ ܛܒ: ܘܥܠܬܐ ܒܿܥܐ ܒܬܪܗܘܢܿ ܕܚܠܘ ܡܕܒܪ̈ܢܘܗܝ ܕܟܪܟܐ ܕܢܘܫܒܘܢ ܐܝ̈ܕܝܐ܇ ܥܠ
                    ܐܝܠܝܢ ܕܢܦܩܘ ܠܫܠܡܗ ܕܡܣܝܒܐ. ܐܠܐ ܫܝܢܘܗܿ ܠܐܢܫܘܬܐ ܟܕ ܐܡܪܝܢ. ܕܠܘ ܠܡ ܙܒܢܐ ܗܘ ܐܚ̈ܝܢ
                    ܕܢܬܢܩܡ ܗܫܐ ܡܢ ܨܠܘ̈ܒܐ. ܐܠܐ ܙܒܢܗ ܗܼܘ ܠܡܦܠܚ ܒܗ ܙܕܩ̈ܬܐ. ܘܢܩܪܒ ܨܠܘܬܐ ܠܐܠܗܐܿ. ܕܢܥܒܪ
                    ܙܒܢܐ ܩܫܝܐ ܡܢ ܥܡܗܿ. ܘܢܡܟ ܩܪܢܐ ܪܡܬܐ ܕܙܩܘ̈ܩܐ ܕܥܫܢܬܿ. ܘܢܪܡܐ ܪܘܚܗܘܢ ܪܡܬܐ. ܘܗܫܐ ܐܚ̈ܝܢ
                    ܝܕܥܝܢ ܐܢܬܘܢܼ. ܕܛܪܘܢܐ ܫܪܐ ܒܐܬܪܢܿ ܘܥܠܬܐ ܒܥܿܐ ܠܐܒܕܢܢ. ܢܓܪ ܪܘܚܢ ܥܕ ܙܒܢܐܼ. ܘܐܝܟ
                    ܚ̈ܟܝܡܐ ܢܙܒܢ ܩܐܪܣܢ ... ܐܝܬ ܗܘܐ ܕܝܢ ܒܐܘܪܗܝ ܐܢ̈ܫܐ ܪ̈ܗܘܡܝܐܼ. ܐܝܟ ܐܠܦ ܘܬܡܢܡܐܐ ܓܒܪ̈ܝܢ.
                    ܕܗܢܘܢ ܗܠܝܢ ܐܝ̈ܕܝܥܐ ܗܘܘ ܩܡ ܡܿܠܟܐ. ܘܒܠܓܝܘܢܗ ܕܛܪܘܢܐ ܦܠܚܝܢ ܗܘܘ. ܘܡܛܠ ܕܐܢ̈ܫܐ ܗܘܘ
                    ܡܗ̈ܝܡܢܐ ܘܟܪ̈ܣܛܝܢܐܼ. ܡܠܬ ܢܦܫܗܘܢ ܡܢ ܚܢܦܘܬܗ ܕܡܣܝܒܐܼ. ܘܒܥܝܢ ܗܘܘ ܠܗܘܢ ܐܬܪܐ ܐܝܢܐ ܕܫܠܡ
                    ܠܗܝܡܢܘܗܘܢ܇ ܐܝܟ ܕܢܫܬܘܙܒܘܢ ܒܗܿ. ܘܢܡܪܕܘܢ ܡܢ ܬܚܝܬ ܐܝܕ̈ܘܗܝ ܕܥܘܿܠܐ ... ܘܟܕ ܫܡܥ ܥܠ
                    ܐܘܪܗܝ: ܘܐܫܬܪܪ ܥܠܝܗܿ ܡܢ ܣܓ̈ܝܐܐ: ܕܒܟܘܠܗܝܢ ܡܕܝܢ̈ܬܐ ܕܡܕܢܚܐ: ܗܼܝ ܠܚܘܕܝܗܿ ܓܙܝܬ ܩܡܬ
                    ܒܫܪܪܗܿ: ܘܚܡܣܢܬܝ ܩܡܬ ܗܘܬ ܒܗܝܡܢܘܬܗܿ ܘܒܚܕܐ ܢܦܫ ܘܒܚܕ ܪܥܝܢ: ܟܠܗܿ ܥܡ ܟܠܗܿ ܕܠܐ ܕܚܠܐ:
                    ܥܝܢܒܓܠܐ ܠܡܫܝܚܐ ܣܓܕܐ ܘܒܗ ܡܘܕܝܐ: ܘܐܢ ܢܗܘܐ ܠܗܿ ܠܡܚܪܒ ܠܐ ܬܫܠܡ ܐܝܕܐ ܠܚܢܦܘܬܐ. ܘܟܕ
                    ܐܫܟܚܘ ܠܗܘܢ ܐܬܪܐ ܐܝܟ ܕܒܥܝܢ ܗܘܘܼ. ܡܪܕܘ ܡܢ ܬܚܝܬ ܐܝܕܗ ܕܛܪܘܢܐܼ. ܘܐܬܘ ܥܡܪܘ ܒܐܘܪܗܝ.
                    ܘܡܓܒܪܝܢ ܗܘܘ ܠܟܠܗܿ ܡܕܝܢܬܐ ܘܡܚܝܠܝܢ ܠܥܡܘܪ̈ܝܗܿ܆ ܕܠܐ ܢܫܠܡܘܢ ܐܝܕܐ ܠܚܢܦܘܬܐ. ܟܕ ܡܫܬܘܕܝܢ
                    ܕܩܝܡܝܢ ܥܠ ܫܘܪ̈ܝܗܿ ܕܡܕܝܢܬܐ ܘܗܘܝܢ ܠܗܘܢ ܐ̈ܦܐ ܒܩܪܒܐ. ܘܝܗܒܘ ܫܘܘܕܝܐ 138 ܘܢܣܒܘ
                    ܡܘܡ̈ܬܐ. ܕܠܐ ܢܬܢܟܠܘܢ ܓܒܐ ܥܠ ܚܒܪܗ. ܗܢܘܢ ܕܝܢ ܗܠܝܢ ܐ̈ܢܫܐ ܡܗܝ̈ܡܢܐ܆ ܟܕ ܚܙܘ ܠܡܕܒܪ̈ܢܝܗܿ
                    ܕܡܕܝܢܬܐ܆ ܕܕܚܠܘ ܢܪܡܘܢ ܐܝܕܐ ܥܠ ܒܥܠܕܒܒ̈ܘܗܝ ܕܨܠܝܒܐ: ܡܛܠ ܩܪܝܒܘܬܗ ܕܛܪܘܢܐܼ. ܠܗܘܢ ܠܗܿܢܘܢ
                    ܫܩܠ ܐܢܘܢ ܛܢܢܐ ܕܐܠܗܐܼ. ܘܥܕܠܐ ܢܥܠܘܢ ܝܗܘ̈ܕܝܐ ܠܓܘ ܟܪܟܐ. ܠܒܫܘ ܘܐܙܕܝܢܘܼ. ܘܐܬܣܝܡܘ
                    ܥܠܝܗܘܢ ܠܓܘ ܡܢ ܬܪܥܗܿ ܕܡܝܕܢܬܐ ܘܠܒܪ ܡܢ ܫܘܪ̈ܝܗܿ. ܘܥܒܕܘ ܚܪܒܐ ܪܒܬܐ. ܘܕܥܪܩ ܗܘܐ ܡܢ ܣܝܦܐ
                    ܕܠܒܪ: ܡܩܒܠܐ ܗܘܬ ܠܗ ܚܪܒܐ ܕܠܓܘ. ܘܗܟܢܐ ܓܡܪܬ ܚܪܒܗܘܢ ܕܗܠܝܢ ܐܢܫܐܼ. ܠܟܠܗܘܢ ܝܗܘ̈ܕܝܐ
                    ܕܐܙܠܘ ܠܫܠܡܗ ܕܛܪܘܢܐ. ܘܗܦܟܘ ܬܘܒ ܡܠܘ ܐܝܕ̈ܝܗܘܢ ܠܡܪܝܐ. ܒܢܫܝ̈ܗܘܢ ܘܒܒ̈ܢܝܗܘܢܿ ܘܝܗܒܘ
                    ܢܟ̈ܣܝܗܘܢ ܘܡܪ̈ܗܛܝܗܘܢ ܠܒܙܬܐ. ܐܦ ܠܝܗ̈ܘܕܝܐ ܚܒܪ̈ܝܗܘ ܢܐܝܠܝܢ ܕܠܐ ܐܙܠܘ ܠܫܠܡܗ ܕܫܢܝܐܼ. ܐܦ
                    ܠܗܘܢ ܛܪܕܘ ܘܐܦܝܚܘ ܐܢܘܢ ܡܢ ܐܘܪܗܝ. ܘܕܟܝܘܗܿ ܠܡܕܝܢܬܐ ܡܢ ܝܗܘܕܝܘܬܐ ܘܚܢܦܘܬܐܼ. ܘܠܐ ܫܒܩܘ
                    ܒܗ ܒܟܪܟܐ ܢܦܫܐ ܚܕܐ ܕܠܐ ܠܨܠܝܒܐ ܣܓܕܐ. ܘܟܕ ܐܬܼܐ ܛܒܗ ܕܣܘܥܪܢܐ ܠܐܕ̈ܢܘܗܝ ܕܛܪܘܢܐܼ. ܬܘܗܼ
                    ܛܒ. ܘܠܒܫ ܚܡܬܐ. ܘܐܬܓܘܙܠ ܒܪܘܓܙܐ. ܘܫܠܚ ܠܗܘܢ ܠܐܘܪ̈ܗܝܐ. ܕܡܢ ܗܫܐ ܠܡܼ. ܐܢܐ ܒܡܪܚܡܢܘܬܝ
                    ܝܗܒܬ ܙܒܢܐ ܠܬܝܒܘܬܟܘܢܿ ܘܐܢܬܘܢ ܒܓܘܡܕܢܘܬܟܘܢ ܓܠܙܬܘܢ ܙܒܢܐ ܕܬܝܒܘܬܟܘܢܿ ܥܕ ܗܘܿܐ ܠܡ ܙܒܢܐ
                    ܕܢܬܢܩܡ ܡܢܟܘܢ ܣܘܪ̈ܚܢܝܟܘܢܿ ܘܒܝܫ̈ܬܐ ܕܣܥܝܪ̈ܢ ܠܟܘܢ. ܦ̈ܠܚܐ ܕܝܢ ܐܝܠܝܢ ܕܡܪܕܘ ܡܢܝ ܐܫܠܡܘ
                    ܠܝܼ. ܕܠܡܐ ܢܚܕܪܝܗܿ ܚܝܠܐ ܠܡܕܝܢܬܟܘܢܿ ܘܬܒܥܘܢ ܐܝܠܐ ܘܠܝܬ ܕܡܥܕܪ ܠܟܘܢܿ ܫܠܚܝܢ ܠܗ ܐܘܪ̈ܗܝܐ.
                    ܕܠܟ ܠܡ ܡܢ ܗܫܐ ܦܠܚܐ ܒܟܪܟܼܢ ܠܝܬ ܠܟ. ܟܕ ܓܝܪ ܬܒܨܝܘܝܗܼ. ܢܦܫܐ ܚܕܐ ܕܪܡܐ ܥܠܝܗܿ ܛܒܥܐ
                    ܕܚܢܦܘܬܟ ܠܝܬ ܒܗ. ܦܠܚ̈ܐ ܕܝܢ ܩܠܝܠ ܕܐܝܬ ܗܘܐ ܠܟ ܬܢܢ: ܐܢ ܡܨܒܐ ܨܒܝܐ ܒܗܘܢ ܡܠܟܘܬܟܼ. ܫܕܪ
                    ܥ̈ܓܠܬܐ ܘܣܒܘܠ ܫ̈ܠܕܝܗܘܢܼ. ܕܠܡܐ ܢܣܒܥܘܢ ܡܢܗܝܢ ܟܠܒ̈ܘܗܝ ܕܐܬܪܢ. ܕܥ ܕܝܢ ܐܘ ܫܢܝܐܼ.
                    ܕܚܝ̈ܠܘܬܐ ܕܟܠ ܡ̈ܠܟܘܢ ܕܐܝܬ ܒܗ ܒܥܠܡܐܼ. ܐܢ ܡܫܪܐ ܐܢܬ ܥܠ ܡܕܝܢܬܢܼ. ܠܛܥܝܘܬܟ ܠܐ ܫܠܡܝܢܢ.
                    ܘܠܪܘܫܥܟ ܠܐ ܡܫܬܘܬܦܝܢܢ. ܕܟܠܢ ܥܡ ܟܠܼܢ ܕܡܫܝܚܐ ܚܢܢ. ܘܠܗ ܒܩܘܫܬܐ ܘܒܫܪܪܐ ܦܠܚܝܢܼܢ. ܘܗܘܼ
                        ܩܐܡ 139 ܒܪܝܫܢ ܘܡܬܟܬܫ ܚܠܦܝܢ. ܘܬܟܝܠܝܢܼܢ ܕܡܙܟܐ ܠܢ. ܘܡܢ ܗܫܐ ܨܦܬܗ ܘܪܢܝܗ
                    ܕܩܐܪܣܟ ܠܝܬ ܠܢ ... ܘܟܕ ܫܡܥ ܚܪܡܐ ܠܝܛܐ ܡ̈ܠܐ ܕܫܠܚܘ ܠܗ ܐܘܪ̈ܗܝܐܼ. ܐܬܬܙܝܥܬ ܒܗ ܡܚܫܒܬܐ
                    ܕܢܚܒܠܝܘܗܝ ܠܟܪܟܐ. ܩܕܡ ܕܢܬܩܢ ܩܐܪܣܗܿ ܕܐܬܘܪ. ܘܐܪܝܡ ܠܡ ܒܩܠܗܼ ܘܐܡܪ. ܟܡܐ ܠܡ ܙܒ̈ܢܝܢ ܒܥܝܬ
                    ܕܐܣܝܘܗܝ ܠܫܘܚܢܗܿ ܩܫܝܐ ܕܗܕܐ ܡܕܝܢܬܐ ܕܘܝܬܐ܆ ܒܣܡܗܿ ܢܝܚܐ ܕܡܪܚܡܢܘܬܝܼ. ܘܠܐ ܐܬܐܣܝܬܼ. ܕܥܫܢ
                    ܠܗ ܫܘܚܢܗܿ ܡܢ ܣܡܡ̈ܢܐ. ܐܢܐ ܡܢ ܗܫܐ ܐܙܓܪܝܘܗܝ ܠܫܘܚܢܗܿ. ܘܐܣܝܡ ܠܗܿ ܣܡܐ ܡܚܫܢܐ ܕܚܫܿܚ
                    ܠܡܚܘܬܗܼܿ ܐܝܟ ܕܢܬܕܟܐ ܫܘܚܢܗܿ ܡܢ ܬܡܣܘܬܐ ܘܢܐܬܐ ܠܚܘܠܡܢܐ. ܘܟܬܼܒ ܐܓܪ̈ܬܐܼ ܘܫܕܪ ܠܢܨܝܒܝܢ
                    ܠܘܬ ܝܘܒܢܝܢܘܣ. ܪܒ ܚܝܠܗ. ܘܟܕ ܩܪܐ ܐܢܝܢ ܠܐܓܪ̈ܬܐ ܕܥܘܿܠܐ: ܘܝܠܼܦ ܡܢܗܝܢ ܕܐܝܕܐ ܬܪܥܝܬܐ
                    ܐܬܪܥܝ ܫܢܝܐ ܥܠ ܡܕܝܢܬܐ ܡܗܝܡܢܬܐܼ. ܐܬܓܢܚ ܒܢܦܫܗ ܓܒܪܐ ܦܪܘܫܐܼ. ܘܗܘܼܐ ܒܚܫܐ ܣܓܝܐܐ ܡܛܠ
                    ܐܘܪܗܝ. ܘܐܬܚܣܢ ܡܢ ܚܫܐ ܕܢܦܫܗܼ. ܘܐܬܠܝ ܒܠܒܘܫ̈ܘܗܝ ܘܨܪܝ ܐܢܘܢܿ ܘܩܪܐ ܗܘܐ ܠܐܦܘܪܢܛܝܣ ܪܒ
                    ܒܝܬܗܼ ܘܦܩܕܗܼ ܘܐܡܼܪ ܠܗ. ܡܛܠ ܠܡ ܕܐܬܦܩܕܬ ܡܢ ܡܿܠܟܐ ܥܠ ܨܒܘܬܐ ܕܐܪܙܐ ܕܒܝܢܬܢ: ܘܣܡ ܐܢܐ
                    ܕܐܣܥܪܝܗܿ ܡܢ ܟܕܘܼ. ܕܠܡܐ ܠܡ ܐܢܫ ܢܦܩܕܢܝ ܝܘܡܢ. ܘܢܣܒܼ ܐܢܝܢ ܠܐܓܪܗܬܗ ܕܥܘܿܠܐܼ. ܘܢܦܼܩ ܠܗ
                    ܠܒܪ ܡܢ ܡܫܪܝܬܐ. ܘܐܬܼܐ ܠܕܘܟܬܐ ܗܿܝ ܕܒܗܿ ܟܢܝܫܝܢ ܗܘܘ ܠܨܠܘܬܐ. ܘܠܓܫ ܐܦܣܩܦܐ ܘܩܝܡܐ ܟܠܗ
                    ܕܥܕܬܐ ܕܢܨܝܒܝܢ. ܢܦܐܫܐ ܓܝܪ ܩܠܝܠ ܐܝܬ ܗܘܐ ܠܗܘܢ ܒܩܠ ܛܥܢܗ ܕܓܒܪܐ ܦܪܘܫܐ ܕܥܠܝܗܘܢܿ ܘܒܝܕ
                    ܡܦܣܢܘܬܐ ܕܡܢܗ ܩܒܥܘ ܠܗܘܢ ܨܠܝܒܐ ܘܡܕܒܚܐ܇ ܒܡܥܪܬܐ ܚܕܐ ܓܦܝܦܬܐ ܕܐܝܬ ܗܘܐ ܒܗ ܒܐܬܪܐ. ܘܒܗܿ
                    ܡܫܬܡܫܝܢ ܗܘܘ ܐܪ̈ܙܝܗܿ ܩܕ̈ܝܫܐ ܕܥܕܬܐ ܩܕܝܫܬܐܼ. ܟܠܗ ܙܒܢܐ ܕܫܪܐ ܗܘܼܐ ܝܘܒܢܝܢܘܣ ܒܢܨܝܒܝܢ.
                    ܘܟܕ ܐܬܼܐ ܠܕܘܟܬܐ ܗܿܝ ܕܒܗܿ ܟܢܝܫܝܢ ܗܘܘܼ. ܬܘܗ ܠܚܙܬܗ ܘܠܓܫ ܐܦܣܩܐ ܥܡ ܐܝܠܝܢ ܕܥܡܗܼ. ܚܙܝܢ
                    ܗܘܘ ܠܗ ܓܝܪ ܕܟܡܝܪ ܘܚܫܝܫ. ܘܫܩܝܠ ܟܪܝܘܬܐ ܥܠ ܦܪܨܘܦܗ. ܘܨܿܒܐ ܗܘܼܐ ܘܠܓܫ ܕܢܐܠܦ ܕܡܢܐ ܗܼܝ
                    ܥܠܬ ܟܪܝܘܬܗ. ܗܘܼ ܕܝܢ ܝܘܒܢܝܢܘܣ ܟܕ ܫܓܪ̈ܢ ܕܡܥ̈ܘܗܝ. ܩܪܐ ܐܢܝܢ ܠܐܓܪ̈ܬܐ ܠܥܢܝ̈ܗܘܢܿ ܟܬܼܒ
                    ܠܗ ܕܝܢ ܗܟܢܐ. ܡܛܠ ܠܡ  140 ܕܐܘܪ̈ܗܝܐ ܩܨܗܘܢ ܓܚܿܟ ܒܗܘܢ ܘܐܝܬܝ ܐܢܘܢ ܠܡܪܘܕܘܬܐ܆
                    ܐܝܟܢܐ ܕܒܠܐ ܡܬܘܝܢܘܬܗܘܢ ܕܟܠ ܣܘܪ̈ܚܢܝܗܘܢ: ܢܗܘܐ ܠܗ ܐܬܪܐ ܠܩܨܗܘܢܿ ܕܢܡܠܟ ܥܠܝܗܘܢܿ ܗܘܼܐ ܠܢ
                    ܗܟܝܠ ܨܒܝܢܐܼ. ܕܐܝܟ ܕܠܐܢ̈ܫܐ ܡܪ̈ܘܕܐ: ܕܒܡܪܚܘܬܗܘܢ ܓܠܙܘ ܬܝܒܘܬܐ ܕܢܦܫܗܘܢܼ. ܘܒܨܒܝܢܗܘܢ
                    ܒܝܫܼܐ ܦܣܩܘ ܣܒܪܐ ܕܚܝ̈ܝܗܘܢܼ. ܠܗܘܢ ܠܗܠܝܢ ܡܢ ܗܠܫܐ ܠܝܬ ܠܗܘܢ ܬܝܒܘܬܐ ܐܠܐ ܐܝܟ ܕܫܘܝܢ ܓܝܪ
                    ܓܝܪ ܣܘܪ̈ܚܢܝܗܘܢ ܢܩܒܠܘܢ ܡܣܡ ܒܪܝܫܐ ܕܒܝ̈ܫܬܗܘܢܿ ܐܝܟ ܓܒܪܐ ܗܟܝܠ ܡܗܝܡܢܐ ܕܣܝܡ ܠܬܫܡܬܗ
                    ܕܨܒܝܢܼܢ. ܐܣܬܪܗܒ ܠܦܘܪܩܢܼܢ. ܘܠܐ ܬܬܗܐ ܚܪܒܟ ܠܬܒܥܬܗ ܕܨܥܪܢܿ ܕܠܡܐ ܢܐܬܝܢ ܒܬܪܟ ܨܘ̈ܚܝܬܗܿ
                    ܕܡܠܟܘܬܢܿ ܡܢ ܗܫܐ ܓܝܪ. ܠܬ ܠܟ ܕܬܬܚܙܐ ܩܕܡ ܐ̈ܦܝܗܿ ܕܡܠܟܘܬܢܝ. ܐܠܐ ܐܬܬ ܠܝ ܣܒܪܬܐ ܕܐܝܕܢܗܿ
                    ܘܚܘܪܒܗܿ ܕܐܘܪܗܝ. ܗܐ ܐܘܕܥܬܟ ܨܒܝܢܢ. ܘܟܕ ܐܬܩܪܝ ܟܬܝܒ̈ܬܗ ܕܛܪܘܢܐ ܩܛܡ ܘܠܓܫ ܐܦܣܩܦܗܿ
                    ܕܢܨܝܒܝܢ܇ ܘܩܕܡ ܟܠܗ ܥܡܐ ܡܗܝܡܢܐ ܕܥܕܬܗܼ. ܘܐܪܡܘ ܟܠܗܘܢ ܩܠܗܘܢܼ ܘܒܟܘ. ܘܠܒܫܘ ܚܫܐܼ.. ܘܗܘܘ
                    ܒܕܚܠܬܐ ܣܓܝܐܬܐ ܥܠ ܐܚܝ̈ܗܘܢ ܕܒܡܫܝܚܐ܇ ܕܒܛܢܢܐ ܕܗܝܡܢܘܬܗܘܢ ܓܘܙܠܘ ܥܝܠܗܘܢ ܚܡܬܗ ܕܛܪܘܢܐ.
                    ܘܓܙܪܘ ܨܘܡܐ ܥܠ ܢܣܝܘܢܐ ܩܫܝܐ ܕܐܘܪܗܝܼ. ܘܐܬܐܡܢܘ ܠܨܠܘܬܐ ܘܠܒܥܘܬܐ ܚܠܦ ܐܚܝ̈ܗܘܢ ܒ̈ܢܝܗܿ
                    ܕܡܒܪܟܬܐ. ܐܦ ܗܼܘ ܝܘܒܢܝܢܘܣ ܐܝܟ ܓܒܪܐ ܦܪܘܫܐܼ. ܦܪܣ ܐܢܝܢ ܠܐܓܪ̈ܬܗ ܕܥܘܿܠܐ ܩܕܡ ܡܕܒܚܗ
                    ܕܡܪܝܐ ܒܕܡܘܬ ܚܙܩܝܐ. ܘܦܪܣ ܠܗ ܣܩܐ ܘܩܛܡܐܼ. ܘܫܕܐ ܢܦܫܗ ܥܠ ܐ̈ܦܗܘܢ ܩܕܡ ܡܕܒܚܗ ܕܡܪܝܐ. ܘܡܢ
                    ܚܫܐ ܕܢܦܫܗܼ. ܫܐܠ ܗܘܼܐ ܡܘܬܐ ܠܩܢܘܡܗ ܟܕ ܐܿܡܪ. ܒܒܥܘ ܠܡ ܡܪܝܐܼ. ܟܢܫ ܝܘ̈ܡܬܗ ܕܥܒܕܟ.
                    ܘܫܪܝܢܝ ܒܥܓܠ ܡܢ ܚ̈ܝܐ. ܕܘܝܬ ܠܝ ܓܝܪ ܛܒ. ܡܢ ܕܐܘ̈ܢܐ ܘܬܢܚ̈ܬܐ ܕܥܕܝܢ ܥܠܝ ܟܠ ܫܥ. ܒܛܢܢܗ
                    ܕܥܕܬܟ ܘܕܥܡܟ ܡܗܝܡܢܐ܇ ܕܫܩܠ ܦܓܪܟ ܘܕܡܟ. ܘܟܡܐ ܗܝ ܢܦܫܗ ܕܥܒܕܟ ܕܬܣܒܘܠ ܚ̈ܫܐ. ܕܘܝܐ ܐܢܐ
                    ܘܚܠܫܐܼ. ܘܠܝܬ ܒܝ ܚܝܠܐ ܠܡܬܟܬܫܘ ܥܡ ܛܘܥܝܝ ܘܐܢ ܪ̈ܚܡܝܟ ܠܐ ܐܬܝܢ ܠܐܝܠܼܢ. ܫܪܟܐ ܠܗܿ ܨܐܝܕܢ
                    ܚܝܒܘܬܐ. ܐܠܐ ܒܒܥܘ ܡܢ ܪ̈ܚܡܝܟ ܫ̈ܦܝܥܐܼ. ܚܕ ܡܢ ܬܪ̈ܬܝܢ ܨܥܘܪ ܨܝܕ ܥܒܕܟ. ܐܘ ܣܒ ܢܦܫ ܡܢܝ
                    ܘܫܪܝܢܝ ܕܐܫܟܒ 141 ܥܡ ܐܒ̈ܗܝ ܘܐܬܬܢܝܚܼ. ܐܘ ܣܒ ܡܢܢ ܩܫܝܐ ܕܥܘܿܠܐ܇ ܕܣܡܢ ܬܚܝܬ
                    ܡܪܘܬܗܿ ܕܚܢܦܘܬܐ ܘܐܕܘܝܢ. ܠܝܬ ܓܝܪ ܫܠܝܐ ܡܢܼܢ. ܘܠܐ ܥܢܝܢܐ ܐܚܪܢܐ ܐܠܬ ܠܗ ܥܡܢ. ܠܩܘܒܠܢ
                    ܣܕܪܗ ܩܪܒܗ ܫܢܝܐܼ. ܘܥܡ ܗܝܡܢܘܬܢ ܗܼܘ ܡܬܟܬܫ ܒܟܠ ܥܕܢܿ ܘܐܢ ܚܝܠܟ ܢܗܘܐ ܥܡ ܚܝܠܼܢ. ܐܝܬ ܠܢ
                    ܣܒܪܐ ܕܙܟܝܢܢ. ܡܢܐ ܓܝܪ ܐܝܬ ܒܚܝܠܢ ܕܝܠܢ ܠܦ ܚ̈ܠܫܐ ܠܡܥܒܕ. ܐܠܐ ܒܠܥܕ ܚܝܠܟ ܡܪܢܿ ܐܦܠܐ ܡܕܡ.
                    ܥܠ ܢܗ ܗܼܘ ܓܝܪ ܕܫܘܘܕܝܗܿ ܕܒܘܪܟܬܟܿ. ܫܕܬ ܒܗ ܐܘܪܗܝ ܩܠܝܬܐ ܒܛܪܘܢܐ ܘܠܐ ܕܚܠܬ. ܕܡܗܝܡܢ
                    ܘܫܪܝܪ ܠܗܿ ܫܘܘܕܝܟ ܕܐܫܬܘܕܝܬ ܠܗܿ. ܕܒܥܠܕܒܒܐ ܠܓܡܪ ܠܐ ܢܫܬܠܛ ܒܗܿ. ܐܘܢ ܫܪܝܪܐ ܕܠܐ ܡܕܓܠ.
                    ܛܘܪ ܠܗܿ ܫܠܡܐ ܠܡܒܪܟܬܐ ܐܝܟ ܕܐܫܬܘܕܝܬ ܠܗܿ. ܫܗܐ ܡܢܗܿ ܚܐܦܗܿ ܕܥܘܿܠܐ. ܘܐܕܥܟ ܡܢܗܿ ܚܐܦܐ
                    ܕܪܘܓܙܗ ܘܠܐ ܢܟܝܗܿ. ܪܘܣ ܠܗ ܛܠܐ ܕܪ̈ܚܡܝܟ ܠܟܪܟܐ ܕܢܛܪ ܗܝܡܢܘܬܟܼ. ܘܐܓܢ ܟܢܦܐ ܕܪ̈ܚܡܝܟ ܥܠ
                    ܥܡܘܪ̈ܘܗܝ ܕܛܦܘܣ ܒܨܠܝܒܟ. ܐܬܕܟܪܝܗܿ ܡܪܝ ܠܗܕܐ ܡܕܝܢܬܐ ܒܗܝܡܢܘܬܗܿ ܕܫܪܪܐ. ܕܟܕ ܠܐ ܝܕܥܐ ܗܘܬ
                    ܠܟ ܗܝܡܢܬ ܒܟܼ. ܘܟܕ ܠܐ ܚܙܬܟ ܒܦܓܪ ܐܘܕܝܬ ܒܡܘܟܟ. ܘܫܛܬܝ ܫܒܩܬܝ ܣܓܕܬܐ ܕܨ̈ܠܡܝܗܿ
                    ܘܕܓܠܝ̈ܦܝܗܿ. ܘܠܡܘܟܟܐ ܕܙܩܝܦܟ ܙܕܩܬ ܣܓܕܬܗܿ. ܘܡܢܘ ܕܠܐ ܢܩܠܣ ܠܗܡܢܘܬܗܿ ܕܐܘܪܗܝ. ܕܐܦܠܐ
                    ܝܘܡܢ ܕܙܩܝܦܝܢ ܥܠܝܗܿ ܡܚ̈ܫܘܠܐ ܐܬܪܦܝܬ ܡܢ ܫܪܪܗܿ. ܐܘ ܢܦܠܬ ܡܢ ܗܝܡܢܘܬܗܿ. ܐܠܐ ܥܠ ܬܘܟܠܢܗ
                    ܕܫܘܘܕܝܟܼ. ܐܝܟ ܕܒܟܐ̈ܦܐ ܒܨܘܚ̈ܝܬܗܿ ܪܓܡܬܗ ܠܛܪܘܢܐ. ܘܐܝܟ ܕܒܓܐܪ̈ܐ ܫܦܕܬܗ ܒܡ̈ܠܐ
                    ܕܡܟܣܢܘܬܗܿ. ܘܡܢܘ ܕܠܐ ܢܚܫ ܥܡܗܿ ܕܗܕܐ ܡܕܝܢܬܐ ܡܗܝܡܢܐܿ. ܕܗܐܼ ܥܘܿܠܐ ܠܚܝܡ ܘܓܙܡܿ ܠܗܿ
                    ܕܢܚܒܠܝܗܿ. ܠܐ ܡܪܝ ܒܒܥܘ ܡܢܟ ܠܐ ܬܬܠ ܠܗ ܪܓܬܗ ܠܥܘܿܠܐ. ܘܬܪܥܝܬܗ ܠܐ ܬܣܩ ܠܪܝܫܗ. ܐܗܦܟ ܡܪܝ
                    ܡܚܫܒܬܗ ܒܝܫܬܐ ܡܢ ܟܪܟܐ ܕܣܿܓܕ ܠܟ. ܘܢܘܕܘܢ ܦܪ̈ܝܩܐ ܦܪ̈ܝܩܝ ܒܥܘܕܪܢܐ ܕܒܘܪܟܬܟ. ܐܝܢ ܒܒܥܘ
                    ܡܢܟ ܣܒܪܗܿ ܘܣܘܟܝܗܿ ܕܢܦܫܝܼܝ. ܫܡܼܥ ܨܠܘܬܗ ܕܥܒܕܼ ܚܛܝܐܼ ܘܩܒܼܠ ܒܥܘܬܗ ܕܚܝܒܐ ܕܓܥܝܬ ܠܘܬܟ
                    ܡܢ ܟܐܒܗ ܕܠܒܝܼ ܘܡܢ ܚܫܗܿ ܕܢܦܫܝ. ܘܠܐ ܐܬܟܚܕܬ ܡܢ ܚܘ̈ܒܝ ܕܐܩܘܡ ܥܠ ܬܪܥܟ. ܕܒܪܬ ܩܠܟ
                    ܡܠܒܒܢܝܬܐ ܕܚܦܛܬ ܠܚ̈ܛܝܐ 142 ܕܢܩܘܡܘܢ ܥܠ ܬܪܥܟܼ. ܗܼܝ ܝܗܒܬ ܠܝ ܐܝܕܐ ܘܢܓܕܬܢܝ
                    ܐܝܬܝܬܢܝ ܠܬܪܥܟ. ܒܚ̈ܫܝ ܓܝܪ ܡܪܝ ܛܥܝܬ ܚܘ̈ܒܝ. ܘܡܢ ܟܪܝܘܬܗܿ ܕܢܦܫܝܼ. ܐܦܠܐ ܕܐܝܬܝ ܚܛܝܐ
                    ܘܚܝܒܐ ܐܝܬܝܬ ܩܕܡ ܥ̈ܝܢܝ. ܐܠܐ ܒܐ̈ܦܐ ܟܡܝ̈ܬܐ ܐܚܨܦܬ ܘܢܩܫܬ ܒܬܪܥܗ ܕܚܢܢܟ. ܒܒܥܘ ܡܟ ܛܿܒܐ
                    ܕܫܦܝܥܐ ܐܝܕܗ ܠܡܬܠܼ. ܠܐ ܬܫܪܝܢܝ ܣܦܝܩܐܝܬ ܡܢ ܬܪܥܟ. ܐܠܐ ܗܒ ܒܐܓܪܐ ܕܕܡ̈ܥܝ ܫܝܢܐ. ܠܥܕܬܟ
                    ܘܫܠܡܐ ܠܝܠܕܝ̈ܗܝܢ. ܘܦܘܪܩܢܐ ܠܟܪܟܐ ܕܡܗܝ̈ܡܢܐ ܕܛܦܣ ܒܟ. ܘܠܝ ܡܪܝ ܕܚܫܬ ܥܠ ܡܘܟܟܗܿ ܕܥܕܬܟܼ.
                    ܗܒ ܠܝ ܕܐܚܙܐ ܒܪܘܡܪܡܗܿ. ܘܡܐ ܕܚ̈ܙܝ ܥ̈ܝܢܝ ܦܘܪܩܢܗܿ ܕܥܕܬܟܼ. ܦܩܘܕ ܐܣܡܘܟ ܠܒܝܬ ܥ̈ܢܝܕܐ.
                    ܘܐܫܟܒ ܒܫܠܡܐ ܥܠ ܓܪ̈ܡܐ ܕܐܒ̈ܗܝ ... ܘܟܕ ܫܠܡ ܝܘܒܢܝܢܘܣ ܨܠܘܬܗܼ. ܩܡ ܘܐܬܢܨ ܡܢ ܩܛܡܐ ܕܪܡܐ
                    ܗܘܐ ܥܠܘܗܝܼ. ܘܝܗܒܼ ܫܠܡܐ ܠܡܕܒܚܐ. ܘܒܝܐ ܒܡܠܬܐ ܠܩܝܡܐ ܢܟܦܐ ܕܥܕܬܐ ܕܢܨܝܒܝܼܢ. ܘܐܪܟܢ ܪܫܗ
                    ܠܣܝܡ ܐܝܕܗ ܕܘܠܓܫ ܐܦܣܩܦܐ. ܘܗܼܦܟ ܠܡܫܪܝܬܐܼ. ܟܕ ܫܩܝܠ ܒܢܦܫܗ ܚܫܗܿ ܘܟܪܝܘܬܗܿ ܕܐܘܪܗܝ܇ ܐܦ
                    ܪ̈ܢܝܗܝܢ ܘܨܦܬܗܝܢ ܕܟ̈ܬܝܒܬܐ ܕܐܫܬܕܪ ܠܗ. ܘܡܢܐ ܢܥܒܕ ܠܐ ܝܕܥܿ ܗܘܼܐ. ܕܢܥܒܕ ܓܝܪ ܨܒܝܢܗ
                    ܕܛܪܘܢܐ ܟܪܝܐ ܗܘܬ ܠܗ ܛܒ ܥܠ ܐܒܕܢܗ ܕܟܪܟܐ ܡܗܝܡܢܐ. ܘܕܢܗܘܐ ܠܘܩܒܠ ܨܒܝܢܐ ܕܡܚܝܒܐܼ. ܪܘܓܙܐ
                    ܥܠ ܪܘܓܙܐ ܡܓܘܙܠ ܗܘܼܐ ܥܠܘܗܼܝ ܘܥܠܝܗܘܢܿ ܘܟܕ ܒܗܢܐ ܪܢܝܐ ܪܡܐ ܗܘܼܐ ܫܪܝܪܐܼ. ܐܬܬ ܟܪܝܘܬܐ
                    ܘܡܠܬ ܠܒܗ ܕܓܒܪܐ ܙܕܝܩܐ. ܘܛܥܝܢ ܪܥܝܢܗ ܝܘܩܪܐ ܕܚܫ̈ܐܼ. ܐܝܟܢܐ ܕܩܪܝܒ ܗܘܐ ܠܡܕܘܐ ܡܢ ܟܪܝܘܬܗ.
                    ܘܕܚܙܐ ܐܠܗܐ ܥܡܠܗ ܘܚܫܗ ܕܓܒܪܐ ܦܪܘܫܐܼ. ܨܒܐ ܕܢܒܝܐܘܗܝ ܡܢ ܥܩܬܗܼ. ܘܒܕܠܝܬ ܗܘܐ ܒܗܿܘ ܙܒܢܐ
                    ܚܙܘܐ ܕܓܠܐܼ. ܐܪܡܝ ܥܠܝܘܗ ܫܠܝܐ ܘܕܡܟ. ܘܥܠ ܫܢܬܐ ܕܡܫܟܒܗܼ. ܐܦܓܥ ܒܗ ܚܠܡܐ ܘܒܝܐܗ. ܐܬܚܙܝ ܠܗ
                    ܓܝܪ ܐܝܟ ܕܒܦܠܐܬܐܼ. ܚܕ ܡܢ ܗܠܝܢ ܐܪ̈ܒܥܝܢ ܛܘܒ̈ܢܐ ܕܐܣܗܕܘ ܒܓܠܝܕܐ. ܒܙܒܢ̈ܘܗܝ ܕܡܟܣܝܡܝܢܘܣ
                    ܥܘܿܠܐ. ܕܫܡܗܼ ܡܪܩܘܪ. ܘܗܘ ܗܢܐ ܩܕܝܫܐ ܐܦ ܡܢ ܩܕܡ ܕܢܐܬܐ ܠܣܗܕܘܬܐ. ܛܢܢܐ ܗܘܼܐ ܕܫܦܝܪ̈ܬܐ.
                    ܘܛܒ ܠܚܝܡ ܗܘܐ ܠܓܒܐ ܕܚ̈ܢܦܐ. ܘܡܠܼܐ ܗܘܼܐ ܥܠܝܗܘܢ ܚܡܬܐ ܘܪܘܓܙܐ. ܠܗ ܠܗܢܐ ܩܕܝܫܐ ܚܙܼܐ ܗܘܼܐ
                         143 ܝܘܒܢܝܢܘܣ ܒܚܠܡܗ ܦܠܬܢܐܝܬܼ. ܕܥܠ ܠܘܬܗ ܒܐܣܟܡܐ ܕܦܠܚܘܬܗ. ܘܐܚܝܕ ܗܘܼܐ
                    ܒܐܝܕܗ ܩܫܬܐܼ. ܘܓܐܪ̈ܐ ܬܠܬܐ. ܘܐܝܟ ܦܨܝܚ ܗܘܼܐ ܠܩܘܒܠܗ ܘܓܚܿܟ. ܘܡܫܐܠ ܗܘܼܐ ܠܗ ܐܝܟ ܠܐ
                    ܝܕܘܥܐܼ. ܕܡܢܐ ܗܼܝ ܐܚܝ ܟܪܝܼܘܬܐ ܕܠܒܟ ܘܚܫܐ ܕܪܥܝܢܟ. ܕܚܿܙܐ ܐܢܐ ܕܚܫܝܫ ܐܢܬ ܘܐܒܝܠ ܐܢܬ ܛܒ.
                    ܥܢܝܗܝ ܕܝܢ ܦܬܓܡܐ ܝܘܒܝܢܝܢܘܣ ܒܚܠܡܐܼ ܘܐܡܼܪ ܠܗ. ܘܠܐ ܠܡ ܘܿܠܐ ܗܘܼܐ ܐܚܝ ܕܐܚܫ ܘܐܬܐܒܠ ܥܠ
                    ܡܘܟܟܗ ܕܥܡܢ: ܘܥܠ ܒܙܚܗ ܘܨܥܪܗ ܕܩܝܡܢ܆ ܘܥܠ ܥ̈ܕܬܢ ܕܐܚܝܕܢ ܘܥܠ ܡܕ̈ܒܚܝܗܝܢ ܕܥܩܝܪ̈ܝܢ: ܘܥܠ
                    ܟܗ̈ܢܝܢ ܕܪܕܝܦܝܢ ܘܥܠ ܟܝܠܝܠܐ ܕܬܫܒܘܚܬܢ ܕܢܦܠ. ܘܒܗܠܝܢ ܟܠܗܝܢ ܕܓܕܫܼܢ. ܐܝܟ ܠܐ ܝܕܘܥܐ ܡܫܐܠ
                    ܐܢܬ ܥܠܝܗܝܼܢ. ܘܐܢܬ ܗܘ ܟܝ ܒܠܚܘܕܝܟ ܐܫܬܚܪܬ ܒܐܘܚܕܢܐ ܕܪ̈ܗܘܡܝܐ: ܕܠܐ ܪܓܝܫ ܐܢܬ ܒܗܠܝܼܢ.
                    ܐܡܿܪ ܠܗ ܛܘܒܢܐ ܡܪܩܘܪ ܒܚܙܘܐ. ܫܦܝܪ ܠܡ ܘܒܙܕܩܗܿ ܕܘܠܝܬܐ ܟܐܒ ܠܟ. ܥܠ ܥܕܬܟ ܐܡܟ ܕܫܪܪܐ.
                    ܘܗܝܡܢܘܬܟ ܝܬܝܪ ܡܬܩܠܣܐ ܒܗܠܝܼܢ. ܒܪܡ ܕܝܢ ܐܥܒܪ ܡܢ ܗܫܐ ܐܒܠܟܼ. ܘܫܪܝ ܡܢܟ ܟܪܝܘܬܐ. ܨܠܘܬܟ
                    ܕܝܢ ܕܝܠܟ ܥܡ ܕܝܘܠܝܢܐ ܣܒܐܼ. ܥܠܬ ܒܥܕܢܐ ܗܢܐ ܩܕܡ ܐܠܗܐܼ. ܘܫܕܪܢ ܕܐܓܠܐ ܘܐܦܫܩ ܠܟ ܫܪܪܗ
                    ܕܣܘܥܪܢܐ. ܬܪ̈ܥܣܪ ܫܒ̈ܘܥܐ ܕܝܘ̈ܡܬܐ ܡܢ ܝܘܡܢ: ܢܬܬܢܝܚܘܢ ܥܠ ܡܘܟܟܗ ܕܥܡܢ. ܐܝܟ ܕܢܬܒܚܪܘܢ
                    ܓܡܝܪ̈ܐ. ܘܕܢܫܠܡܘܢ ܚܘ̈ܒܘܗܝ ܕܥܘܿܠܐ. ܘܝܬܝܪ ܕܬܗܘܐ ܢܩܡܬܐ ܒܟܢܘܫܬܐ ܡܢ ܒ̈ܢܝ ܐܬܘܪ̈. ܕܣܡܘܗܿ
                    ܠܙܟܘܬܗܘܢ ܒܬܪ ܢܗܝܪ̈ܝܗܿ ܕܡܘܙܠܬܐ. ܘܡܢ ܒܬܪ ܗܠܝܢ ܬܪܥܣܪ̈ ܫܒ̈ܘܥܐ ܕܝܘܡ̈ܬܐܼ. ܢܕܢܚ ܠܗܿ
                    ܦܘܪܩܢܐ ܠܥܕܬܐܼ ܒܐܝ̈ܕܝ ܐܝܠܝܢ ܕܝܗܝܒܐ ܠܗܘܢ ܡܢ ܡܪܝܐ. ܫܠܡ ܠܗ ܓܝܪ ܡܢ ܟܕܘ ܙܒܢܗ ܕܥܘܿܠܐ.
                    ܘܡܠܬ ܡܫܘܚܬܗ ܘܫܦܥܬ ܟܝܠܬܐ ܕܚ̈ܘܒܗܘܗܝ. ܘܗܠܝܢ ܗܼܘ ܬܪܥܣܪ̈ ܫܒ̈ܘܥܐ. ܓܙܝܪܬ ܡܪܝܡܐ ܝܗܒܬ
                    ܠܡܪܘܕܐ ܕܢܚܐ ܒܗ ܒܥܠܡܐ. ܘܡܢ ܒܬܪ ܗܠܝܢ ܫܒ̈ܘܥܐܼ. ܒܚܕ ܡܢ ܗܢܐ ܢܕܝܕܐܿ. ܕܒܣܝܢܐ ܕܢܦܘܬܗ
                    ܐܬܪܥܝ ܕܢܛܘܫ ܩܘܕܫܐ ܕܬܫܡܫܬܢܿ ܘܒܗܠܝܢ ܬܪ̈ܝܢ ܓܐܪ̈ܝܢ ܕܫܪ̈ܟܝܢ ܒܐܝ̈ܕܝ ܐܥܒܕ ܒܗܘܢ ܢܩܡܬܐ ܡܢ
                    ܬܪ̈ܝܢ ܪܘܪ̈ܒܢܘܗܝ ܕܥܘܿܠܐ. ܒܓܪܝܣ ܘܐܘܓܢܢܝܣ. ܕܗܢܘܢ  144 ܝܬܝܪ ܡܚܦܛܝܢ ܗܘܘ ܠܗ ܥܠ
                    ܥܩܘܪܝܐ ܕܥܕ̈ܬܐ܇ ܘܥܠ ܪܕܘܦܝܐ ܬܘܒ ܕܟܪ̈ܣܛܝܢܐ. ܘܡܢ ܐܒܕܢܗܘܢ ܕܪ̈ܫܝܥܐ ܢܡܠܟ ܒܗܿ ܫܝܢܐ
                    ܒܥܕܬܐܼ. ܘܠܝܬ ܕܡܥܝܪ ܥܠܝܗܿ ܕܠܘܚܝܐ ܢܘܓܪܐ ܣܓܝܐܐ. ... ܘܐܢܬ ܝܘܒܢܝܢܘܣ ܗܿܝ ܕܫܐܠܬ ܡܢ ܡܪܝܐ
                    ܒܒܥܘܬܟ ܥܠ ܥܘܢܕܢܟܼ. ܠܙܒܢܗܿ ܡܬܝܗܒܐ ܠܟ ܐܝܟ ܕܐܝܬ ܨܒܝܢܐ ܠܡܪܝܐ. ܘܡܐ ܕܫܠܡ ܙܒܢܟ ܘܡܛܬ
                    ܡܫܘܚܬܐ ܕܝܘܡ̈ܝܟܼ. ܥܠ ܥܪܣܐ ܕܢܝܚܐ ܢܗܘܐ ܡܦܩܢܟ. ܘܒܫܠܡܐ ܬܬܟܢܫ ܠܘܬ ܐܒ̈ܗܝܟ. ܘܥܠ ܐܘܪܗܝ
                    ܪܢܝܐ ܕܡܕܡ ܥܠܝܗܿ ܠܐ ܬܣܒ. ܗܝܡܢܘܬܗ ܓܝܪ ܕܟܪܟܐ ܥܠܬ ܩܕܡ ܐܠܗܐ. ܘܢܣܒܬ ܘܢܦܩܬ ܙܟܘܬܐ. ܒܕܝܠܗ
                    ܓܝܪ ܕܥܘܿܠܐ ܬܟܣܗ ܫܪܪܐ ܕܠܐ ܢܥܒܕ. ܩܪܒܐ ܥܡ ܟܪܟܐ ܕܒܪܝܟ ܠܐܠܗܐ. ܟܠܗ ܓܝܪ ܓܒܐ ܕܣܡܠܐ ܕܠܗܘܢ
                    ܢܩܝܐ ܡܫܡܥܬܗ ܕܛܪܘܢܐܼ. ܟܠ ܥܕܢ ܐܝܟ ܕܡܢ ܚܕ ܦܘܡ ܐܬܢܒܝܘ ܠܗ ܟܬܝܫ̈ܘܗܝ ܘܩܨ̈ܘܡܘܗܝ
                    ܘܢܚܫ̈ܘܗܝ. ܕܠܐ ܢܬܓܪܐ ܥܡ ܡܕܝܢܬܐ ܕܝܗܝܒܐ ܠܗܿ ܙܟܘܬܐ ܡܢ ܠܥܠܼ. ܕܠܡܐ ܠܡ ܢܣܒ ܒܗܿ ܥܝܐ ܥܡ
                    ܦܠܚ̈ܘܗܝ. ܒܐܝ̈ܕܝ ܒ̈ܢܘܝ ܓܒܐ ܕܛܥܝܘܬܗ ܒܙܚ ܒܗ ܫܪܪܐ. ܘܐܗܦܟ ܡܚܫܒܬܗ ܒܝܫܬܐ ܡܢ ܟܪܟܐ.
                    ܘܕܢܬܗܝܡܢܢ ܠܟ ܡ̈ܠܐ ܕܐܬܡܠܠ ܥܡܟ ܒܚܠܡܐܼ. ܥܡ ܕܢܚܐ ܕܨܦܪܐܼ. ܬܩܒܠ ܟܬܝ̈ܒܬܗ ܕܥܘܿܠܐ܇ ܕܫܪܝܢ
                    ܓܙܪܕܝܢܗܿ ܕܐܘܪܗܝ. ܘܗܫܐ ܕܫܘܕܥܬܟ ܗܠܝܼܢ. ܦܘܫ ܐܚܝ ܒܫܠܡܐ. ܕܐܦ ܠܘܬ ܝܘܠܝܢܐ ܣܒܐ ܫܠܝܚ ܐܢܐ܇
                    ܕܐܦ ܠܗ ܐܣܒܪܝܘܗܝ ܗܠܝܢ. ܘܟܕ ܐܬܬܥܝܪ ܝܘܒܢܝܢܘܝ ܡܢ ܫܢܬܗܼ. ܐܬܒܝܐ ܩܠܝܠ ܒܪܥܝܢܗ ܒܚܠܡܐ
                    ܕܚܙܐ. ܘܩܡ ܡܢ ܬܫܘܝܬܐ ܕܡܫܟܒܗܼ. ܘܐܫܕ ܢܦܫܗ ܒܨܠܘܬܐ ܩܕܡ ܐܠܗܐܼ ܥܕܡܐ ܕܢܗܪ ܨܦܪܐ. ܘܟܕ ܩܕܡ
                    ܒܥܕܢܗ ܕܨܦܪܐ ܡܢ ܨܠܘܬܗ. ܒܗܿ ܒܫܥܬܐ ܩܒܠ ܟܬܝܒ̈ܬܗ ܕܪܫܝܥܐ. ܕܫܪ̈ܝܢ ܠܐܓܪ̈ܬܗ ܩܕܡ̈ܝܬܐ. ܕܡܛܠ
                    ܠܡ ܕܗܼܘܐ ܨܒܝܢܐ ܠܐ̈ܠܗܐ܆ ܕܠܐ ܢܥܒܕ ܬܒܥܬܐ ܡܢ ܡܣܟ̈ܠܢܐ ܥܕܡܐ ܕܫܩܿܠ ܣܟܗ ܩܐܪܣܼܢ. ܗܘܬ ܠܢ
                    ܒܛܝܠܘܬܐ ܥܠ ܗܕܐ ܕܢܟܬܘܒ ܠܥܫܝܢܘܬܟܼ. ܕܠܐ ܢܬܬܙܝܥ ܚܝܠܐ ܡܢ ܬܚܘܡܐ܇ ܥܕܡܐ ܠܙܒܢܐ ܕܬܩܢ
                    ܩܐܪܣܢ܇ ܘܡܬܚܠܛܢ ܡܫܪ̈ܝܬܢ ܒܚܕ̈ܕܐ ... ܘܟܕ ܩܪܐ ܐܢܝܢ ܝܘܒܝܢܝܢܘܣ 145 ܠܐܓܪ̈ܬܗ
                    ܕܥܘܠܐܼ. ܗܘܬ ܠܗ ܚܕܘܬܐ ܪܒܬܐ. ܘܐܘܕܝ ܘܫܒܚ ܠܐܠܗܐ܇ ܕܐܣܬܥܪ ܒܥܒܕܐ ܐܝܠܝܢ ܕܐܬܐܡܪ ܠܗ ܒܚܠܡܐ.
                    ܘܫܕܪ ܣܒܪܗ ܠܘܠܓܫ ܐܦܣܩܦܐ ܘܠܐܝܠܝܢ ܕܥܡܗ܇ ܥܠ ܫܘܚܠܦܐ ܕܡܫܚܒܬܗ ܕܛܪܘܢܐ. ܕܡܢ ܡܪܝܐ ܗܘܬ ܗܕܐ
                    ܘܐܣܬܥܪܬ. ܘܟܕ ܝܠܦ ܟܗܢܐ ܙܗܝܐ ܘܐܝܠܝܢ ܕܥܡܗ: ܬܡܝ̈ܗܬܐ ܕܣܥܪ ܐܠܗܐ ܦܪܫܘ ܦܘܪܫܢܐ ܘܥܒܕܘ
                    ܬܫܡܫܬܐ. ܘܩܪܒܘ ܩܘܪܒܢܐ ܥܠ ܐ̈ܦܝ ܦܘܪܩܢܗ ܕܟܪܟܐ ܡܗܝܡܢܐ. ܣܓܝܐ̈ܬܐ ܗ̈ܘܝ ܕܐܣܬܥܪ ܒܝܘ̈ܡܬܢ
                    ܝܘܡ̈ܘܗܝ ܕܝܘܠܝܢܘܣ ܚܢܦܐ܇ ܐܠܘ ܣܦܩܝܢ ܗܘܝܢ ܕܟܠܗܝܢ ܢܪܫܘܡ ܒܬܫܥܝܬܢܿ ܠܐ ܕܝܢ ܡܨܝܐ ܗܘܬ
                    ܕܟܠܗܝܢ ܢܚܒܘܫ ܒܬܫܥܝܬܢܼ. ܒܕܠܐ ܬܦܗܐ ܗܘܬ ܠܗܿ ܡܠܬܢ ܒܦܬܘܐ ܕܣܓܝܐܘܬܗܝܢ܇ ܘܠܡܚܣܢ ܐܝܬ ܗܘܐ
                    ܠܗܿ ܠܡܠܬܢ ܕܬܫܪܟ ܨܝܕ ܫܘܠܡܐ. ܗܠܝܢ ܕܝܢ ܩܠܝܠ ܡܢ ܣܓܝ ܕܐܟܬܒܢܢ ܠܦܪ̈ܘܫܐ. ܪ̈ܚܡܝ ܝܘܠܦܢܐ.
                    ܡܣܬ ܕܝܢ ܙܥܘܪ̈ܝܬܐ ܢܫܬܘܕܥܘܢ ܥܠ ܣ̈ܓܝܐܬܐ. ܕܐܝܢܐ ܐܓܘܢܐ ܩܫܝܐ ܢܦܠ ܠܗܿ ܠܥܕܬܐ ܒܙ̈ܒܢܘܗܝ
                    ܕܝܘܠܝܢܘܣ ܥܘܿܠܐ ... ܗܿܘ ܕܝܢ ܗܢܐ ܪܫܝܥܐ ܡܢ ܒܬܪ ܕܦܩܪ ܘܐܫܬܢܝ ܒܦܘܠܚܢܐ ܕܫܐ̈ܕܐ ܒܡܕܝܢܬܐ
                    ܕܟ̈ܬܝܫܐ. ܘܣܒܥܬ ܢܦܫܗ ܡܢ ܕܒܚ̈ܐ ܛܡ̈ܐܐ ܕܩܪܒ ܒܗܿ ܠܦܬܟܪ̈ܐܼ. ܩܪܐ ܠܟܘܡܪ̈ܐ ܕܚܛܝܬܐܼ. ܘܐܓܥܠ
                    ܒܐܝ̈ܕܝܗܘܢ ܟܠܗܘܢ ܓܙܝ̈ܗܿ ܕܥܕܬܐ ܕܚܪܢܼ ܘܡ̈ܐܢܝ ܬܫܡܫܬܐ ܕܩܘܕܫܗܿ. ܕܢܗܘܘ ܠܚܫܚܬܐ ܕܬܫܡܫܬܐ
                    ܕܦܬܟܪ̈ܝܗܿ. ܘܙܕܩ̈ܝܗܿ ܕܥܕܬܐ ܘܥܠܠܬܗܿ܆ ܣܡ ܐܢܘܢ ܕܢܗܘܘܢ ܠܢܦܩ̈ܬܐ ܕܒܝܬ ܦܬܟܪ̈ܐ. ܘܟ̈ܬܒܝܗܿ
                    ܩܕܝܫ̈ܐ ܐܘܩܕ ܒܢܘܪܐ. ܘܠܩܝܡܗܿ ܕܟܝܐ ܕܥܕܬܐ ܕܚܪܢܿ ܐܗܦܟ ܐܢܘܢ ܠܚܢܦܘܬܗ. ܘ̈ܠܕܠܝܠܐ ܕܒܗܘܢ
                    ܕܚܡܣܢܘ ܘܩܡܘ ܒܫܪܪܗܘܢܿ ܘܐܕܢܚܘ ܒܓܠܝܐ ܗܝܡܢܘܗܘܢܿ ܡܢ ܒܬܪ ܕܐܠܨ ܘܫܢܩ ܐܢܘܢܿ ܘܠܐ ܐܬܪܡܝܘ
                    ܗܘܘ ܠܚܢܦܘܬܗ. ܠܡܛܠܘܢ ܕܢܚܫܐ ܫܕܐ ܐܢܘܢܿ ܥܡ ܣܓܝܐ̈ܬܐ ܕܡܪܓܙܢ ܠܐܠܗܐ܇ ܕܣܥܪ ܒܗܿ ܫܢܝܐ ܒܗܕܐ
                    ܡܕܝܢܬܐ ܕܚ̈ܢܦܐ܇ ܘܗܝܕܝܢ ܐܨܛܒܝ ܠܡܦܩ ܡܢܗܿ. ܡܢ ܒܬܪ ܕܓܡܪܘ ܒܗ ܟܠܗܘܢ ܨܒܝܢ̈ܘܗܝ ܒܝ̈ܫܐ.
                    ܠܚܪ̈ܢܝܐ ܕܝܼܢ ܛܒ ܟܪܝܐ ܗܘܬ ܠܗܘܢ ܥܠ ܫܘܢܝܗ ܕܡܢ ܠܘܬܗܘܢܿ ܐܫܟܚܘ ܠܗܘܢ ܓܝܪ ܒܗ ܒܙܒܢܐ
                    ܕܢܝܬܘܢ ܠܓܠܝܐ ܚܢܦܘܬܗܘܢܿ ܘܐܝܟ ܕܠܥܢܝܕܐ ܡܠܘܝܢ ܗܘܘ ܠܗ܇ ܟܕ ܐܬܣܝܡ 146 ܠܡܦܩ ܡܢ
                    ܡܕܝܢܬܗܘܢܿ ܘܩܥܝܢ ܗܘܘ ܠܗܼ ܘܐܡܪܝܢ. ܢܘܗܪܗܿ ܠܡ ܘܫܡܫܗܿ ܕܡܕܝܢܬܢܿ ܠܡܢܐ ܐܚܝܕܢ ܫܥ̈ܝܟ ܪܗܛܐ
                    ܠܡܥܪܒ܇ ܐܓܪ ܠܡ ܥܠܝܢ ܒܕܢܚܟ. ܕܠܡܐ ܢܪܟܢܘܢ ܥܠܝܢ ܛ̈ܠܠܝܗܿ ܕܡܫܝܚܘܬܐ܇ ܘܢܣܡܘܟ ܥܠܝܢ ܠܠܝܗ
                    ܥܡܘܛܐ ܕܢܨܪܝܘܬܐ ܐܝܟ ܕܡ ܩܕܝܡ. ܠܡܚܣܢ ܠܡ ܦܢܝܘ ܠܢ ܐ̈ܠܗܐ ܫܐ̈ܠܬܢܿ ܘܙܡܢܘ ܘܐܝܬܝܘܟ ܠܟܪܟܢ.
                    ܠܐܝܢܐ ܦܘܪܣܐ ܕܐܝܟ ܥܒܘܪܐ ܡܣܪܗܒ ܐܢܬ ܠܡܚܙܩܿ ܐܘ ܠܡ ܐܓܪܘ ܠܘܬܢ ܘܢܣܒܥܟ ܐܘ ܕܒܪܝܢܝ ܥܡܟ ܠܟܪ
                    ܕܐܙܠ ܐܢܬ. ܠܚܡܫܝܢ ܠܡ ܘܐܪ̈ܒܥ ܫ̈ܢܝܢ ܐܬܢܚܡܬ ܒܟ ܚܕܘܬܢܿ ܘܟܕ ܝܘܡܐ ܠܫܥܬܐ ܠܐ ܡܠܘ ܠܟ
                    ܒܡܕܝܢܬܢܿ ܗܐ ܫܩܝܠܐ ܚܐܦܗܿ ܚܕܘܬܢ ܠܡܚܙܩ ܥܡܟ. ܘܠܐܡܬܝ ܠܡ ܢܚܘܪ ܘܢܣܟܐ ܠܟ܇ ܚܘܬܪܗ ܘܫܘܒܚܗ
                    ܕܟܪܟܢ. ܕܟܕ ܥܕܟܝܠ ܠܓܘ ܡܢ ܬܪܥܗܿ ܐܢܬ ܕܡܕܝܢܬܢܼ. ܥ̈ܝܢܝܢ ܠܡܐܬܝܬܟ ܚܝܪ̈ܢܿ ܘܡܢ ܗܫܐ ܠܡ
                    ܕܡܐܙܠ ܐܿܙܠ ܐܢܬܼ. ܐܠܗ̈ܝܗܿ ܕܡܕܝܢܬܢ ܢܐܙܠܘܢ ܥܡܟ. ܘܣܝܢ ܐܠܗܐ ܪܒܐ ܢܬܠܘܐ ܠܟ ܒܩܪ̈ܒܝܟܼ.
                    ܘܒܥܓܠ ܢܦܢܝܟ ܠܢ ܒܙܟܘܬܐ. ܐܬܦܢܝ ܕܝܢ ܥܠܝܗܘܢ ܫܢܝܐܼ. ܘܢܦܼܩ ܠܗܘܢ ܪܘܚܐ ܟܕ ܐܡܿܪ. ܡܛܠ ܠܡ
                    ܕܗܟܢܐ ܚܙܝܬܟܘܢ ܕܣܪܝܟܝܢ ܐܢܬܘܢ ܒܚܘܒܐ ܕܪܚܡܬܢ: ܘܒܨܒܝܢܢ ܠܡ ܬܠܐ ܨܒܝܢܟܘܢܿ ܐܝܬ ܠܡ ܬܘܠܟܢܐ
                    ܥܠ ܥܘܕܪܢܐ ܕܐ̈ܠܗܐ ܠܘܬ ܠܼܢ. ܕܒܥܓܠ ܢܦܢܝܢ ܠܘܬܟܘܢ ܒܝܕ ܙܟܘܬܐ. ܘܐܝܠܝܢ ܕܚܒܢܢ ܠܗ ܝܘܡܢ
                    ܠܡܕܝܢܬܟܘܢܼ. ܒܐܥ̈ܦܐ ܣ̈ܓܝܐܐ ܒܚܕܘܬܐ ܦܪܥܝܢܢ. ܠܡܕܝܢܬܟܘܢ ܓܝܪ ܝܬܝܪ ܡܢ ܟܠܗܝܢ ܡܕܝܢ̈ܬܐ
                    ܕܐܘܚܕܢܢ܇ ܚܝܒܝܢܢ ܛܒ̈ܬܐ ܠܡܦܪܥ. ܘܫܕܐ ܡܘܗܒܬܐ ܐܝܟ ܐܝܕܐ ܕܡܠܟܐ. ܘܐܚܕ ܐܘܪܚܐ ܕܡܪܕܝܬܗ. ܘܟܕ
                    ܢܿܦܩ ܒܬܪܥܗܿ ܕܡܝܕܢܬܐܼ ܐܪܟܢ ܪܝܫܗ ܥܠ ܣܘܣܝܗ ܠܡܣܓܕ ܠܨܠܡܗ ܕܣܝܢ ܕܩܒܝܥ ܗܘܼܐ ܥܠ ܬܪܥܗ
                    ܕܟܪܟܐܼ. ܘܢܦܼܠ ܟܠܝܠܗ ܡܢ ܪܫܗ. ܘܗܘܐ ܒܥܩܬܐ ܣܓܝܐܬܐ. ܘܡܫܐܠ ܗܘܼܐ ܠܚ̈ܟܝܡܐ ܕܥܡܗ ܘܠܒܢ̈ܝ
                    ܓܒܐ ܕܛܥܝܘܬܗܼ. ܕܡܢܘ ܢܚܫܐ ܗܢܐ ܕܐܣܬܩܒܠ ܠܢ ܝܘܡܢ ܥܠ ܪܝܫ ܐܘܪܚܐ ܕܡܪܕܝܬܢܿ ܗܢܘܢ ܕܝܢ
                    ܒܥܪܝܡܘܬܗܘܢܼ. ܕܚܐܘܗܿ ܡܢܗܘܢ ܠܒܥܬܗ ܕܛܪܘܢܐܼ. ܘܫܕܐܘܗܿ ܥܠ ܟܘܡܪ̈ܐ. ܕܗܢܘܢ ܠܡ ܟܠܫܥ ܥܠܝܠܝܢ
                    ܒܐܪ̈ܙܝܗܿ ܕܐܠܗܘܬܐܿ. ܘܝܕܥܝܢ ܟܣܝ̈ܬܗܘܢ ܕܐ̈ܠܗܐܿ. ܘܡܫܬܘܕܥܝܢ ܣܬܝܪ̈ܬܗܘܢܿ ܠܗܿܘ ܓܝܪ  147 ܐܬܗܝܡܢܘ ܓܠܝܢܝ̈ܗܝܢ ܘܦܫܘܩ̈ܝܗܝܢ ܕܐܝܠܝܢ ܕܒܥܬ ܒܐܝ̈ܕܝܢ ܡܠܟܘܬܟܘܢ. ܘܫܕܪ
                    ܪܫܝܥܐ ܘܡܣܝܒܐܼ. ܘܩܪܐ ܠܟܘܡܪ̈ܝܗܿ ܘܠܟ̈ܬܝܫܝܗܿ ܕܚܪܢܿ ܘܒܿܥܐ ܗܘܐ ܒܐܝ̈ܕܝܗܘܢܼ ܟܕ ܐܡܿܪ.
                    ܕܡܢܘ ܠܡ ܢܚܫܐ ܕܐܬܢܚܫ ܠܢ ܝܘܡܢ ܥܠ ܬܪ̈ܥܝܗܿ ܕܡܕܝܢܬܟܘܢܿ ܠܐ ܓܝܪ ܫܚܝܡܐ ܐܿܬܐ ܗܕܐ ܕܠܐ
                    ܒܥܝܕܐ. ܐܪܝܢ ܠܗ ܟܘܡܪ̈ܐ. ܕܠܡܐ ܢܬܘܪ ܠܒܟ ܘܬܬܟܪܐ ܪܘܚܟ ܥܠ ܗܕܐ ܡܪܝ ܡܪܝ ܡܠܟܐ. ܣ̈ܓܝܐܐ
                    ܡ̈ܠܟܐ ܕܗܘܘ ܡܢ ܩܕܡܝܟ ܓܕܫܬ ܗܕܐ ܘܠܐ ܐܬܢܟܝܘ ܒܩܪ̈ܒܝܗܘܢ. ܐܦ ܗܫܐ ܠܐ ܬܬܩܛܥ ܠܟ ܒܩܪ̈ܒܝܟܿ.
                    ܐܘ ܢܬܪܦܝܢ ܐܝܕ̈ܝܟ ܡܢ ܩܐܪܣܟ. ܩܠܩܘ ܠܡ ܓܝܪ ܠܟ ܐ̈ܠܗܐ ܙܟܘܬܐ. ܒܪܡ ܠܡ ܕܝܢ ܡܪܝ ܡܿܠܟܐܼ.
                    ܫܦܐ ܡܫܪܝܬܟ ܡܢ ܢܨܪ̈ܝܐ. ܓ̈ܠܝܠܝܐ ܠܡ ܣܓ̈ܝܐܐ ܐܝܬ ܥܡܟ. ܕܠܒܝܫܝܢ ܐܣܟ̈ܝܡܐ ܕܦܠܚܘܬܟ
                    ܓܠܝܐܝܬܿ. ܘܦܠܚܝܢ ܠܐܠܗܐ ܕܟܪ̈ܣܛܝܢܐ. ܠܗܠܝܢ ܕܚܘܩ ܐܢܘܢ ܡܢܟ. ܕܠܡܐ ܢܗܘܘܢ ܠܟ ܬܘܩܠܬܐ
                    ܒܩܪ̈ܒܝܟܿ. ܘܬܒܠܥ ܒܚܛ̈ܗܝܗܘܢܿ ܘܒܗܿ ܒܫܥܬܐܼ. ܟܪܘܙܐ ܢܠܘ ܒܡܫܪܝܬܗ ܕܛܪܘܢܐ ܕܟܠ ܡܿܢ ܠܡ
                    ܕܢܨܪܝܐ ܗܘ ܢܗܦܘܟ ܠܗ ܡܢ ܩܪܒܼܢ. ܕܠܡܐ ܢܩܪܐ ܚܪܒܐ ܠܩܢܘܡܗ. ܘܗܦܟܘ ܡܢ ܚܝܠܐ ܕܐܝܬ ܗܘܼܐ ܥܡ
                    ܝܘܠܝܢܘܣܼ. ܐܝܟ ܥܣܪ̈ܝܢ ܘܬܪ̈ܝܢ ܐ̈ܠܦܝܢ ܓܒܪ̈ܐ ܩܪ̈ܒܬܢܐ ܥ̈ܒܕܝ ܩܪܒܐ. ܘܬܪܨܬ ܡܫܪܝܬܗܘܢ
                    ܠܐܘܪܗܝܼ. ܘܐܬܩܒܠܘ ܒܗܿ ܚܕܝܐܝܬ. ܘܟܕ ܐܝܠܦ ܝܘܠܝܢܘܣ: ܕܠܡܕܝܢܬܐ ܕܨܚܝܬܗ ܬܪܨܘܼ. ܐܬܐܒܫ ܠܗ
                    ܛܒ. ܘܬܘܐ ܗܘܼܐ ܒܢܦܫܗ ܕܠܐ ܚܪܒ ܐܢܘܢܿ ܘܪܟܒ ܣܘܣܝܗ ܒܚܡܬܐ ܠܡܫܩܠ. ܘܩܡ ܣܘܣܝܗܼ ܘܠܐ ܡܗܠܟ
                    ܗܘܼܐ. ܘܐܠܨ ܗܘܼܐ ܠܗ ܛܒ ܠܡܪܕܐܼ. ܘܗܼܘ ܣܟܼ ܠܐ ܙܥ ܡܢ ܕܘܟܬܗ. ܘܐܬܚܡܬ ܝܘܠܝܢܘܣܼ. ܘܐܬܬܠܝ
                    ܒܦܓܘܕܬܐ ܕܣܘܣܝܗ. ܕܢܙܝܥܝܘܗܝ ܥܨܝܐܝܬ ܡܢ ܕܘܟܡܬܗ. ܘܐܪܡܝ ܣܘܣܝܗ ܦܘܡܗ ܥܠ ܦܪܝܣܐ
                    ܕܐܪ̈ܓܘܢܘܗܝܼ. ܘܨܪܝܗܝ ܡܢ ܪܝܫ ܠܪܝܫ. ܘܪܬ ܬܚܘܬܘܗܝ ܘܢܦܼܠ ܘܡܝܬ. ܘܐܚܕܬ ܕܚܠܬܐ ܘܙܘܥܬܐ
                    ܠܟܠܗܘܢ ܚܝ̈ܠܘܬܗ. ܘܐܬܟܪܝܬ ܪܘܚܗܘܢ ܥܠ ܩܪܣܗܘܢܿ ܘܓܕܦ ܚܪܡܐ ܘܐܡܼܪ. ܦܪܘܩ ܠܟ ܡܢܝ ܢܨܪܝܐ܇
                    ܦܪܘܩ ܠܟ ܡܢܝ. ܕܠܘ ܠܩܘܒܠܟ ܢܩܝܫ ܩܪܒܢ ܕܝܘܡܢ. ܐܓܪ ܠܝ ܠܡ ܕܐܣܬܦܩ ܡܢ ܩܪܒܝ. ܘܕܘܪ ܥܡܝ ܟܡܐ
                    ܕܡܨܐ ܐܢܬ. ܬܘܝܪ ܗܘܐ ܕܝܢ ܒܢܦܫܗ ܡܣܝܒܐܼ.  148 ܘܐܚܝܕܐ ܠܗ ܫܢܝܘܬܐ. ܘܡܢܐ ܢܥܒܕ.
                    ܠܐ ܝܕܥܿ ܗܘܼܐ. ܘܐܬܪܥܝ ܠܡܩܛܠ ܠܟܠܗܘܢ ܚ̈ܟܝܡܐ ܘܚܪ̈ܫܐ ܘܩܨ̈ܘܡܐ ܕܥܡܗܼ. ܥܠ ܕܠܐ ܣܦܩܘ
                    ܒܐܘܡܢܘܬܗܘ ܢ ܕܢܓܠܘܢ ܠܗܿ. ܡܢܐ ܗܝ ܦܠܐܬܐ ܕܐܬܦܠܐܬ ܠܗ. ܐܦ ܠܟܘܡܪ̈ܝܗܿ ܕܛܥܝܘܬܐ ܐܬܪܡܝ
                    ܕܢܘܒܕ ܒܚܪܒܐ. ܥܠ ܕܟܕܒܘ ܒܗ ܘܡܠܠܘ ܩܕܡܘܗܝ ܝܬܝܪ̈ܬܐ. ܘܟܕ ܦܘܩܕܢܐ ܩܪܝܒ ܗܘܼܐ ܡܢ ܟܕܘ
                    ܠܡܦܩܼ. ܐܦܠܛܐܣ ܚܟܝܡܐ. ܐܡܪܚ ܘܥܠ ܩܕܡܘܗܝ ܕܛܪܘܢܐ. ܦܪܗܣܝܐ ܓܝܪ ܣܓܝܐܬܐ ܐܝܬ ܗܘܼܐ ܠܗ
                    ܩܕܡܘܗܝ. ܘܫܕܐ ܢܦܫܗ ܥܠ ܐ̈ܦܘܗܝ ܩܕܡ ܪ̈ܓܠܘܗܝܼ. ܘܡܬܟܫܦ ܗܘܼܐ ܠܗܼ ܟܕ ܐܡܿܪ. ܒܒܥܘ ܡܢ
                    ܫܘܠܛܢܐ ܕܚܝܠܐ ܕܐܠܗܘܬܟܼ. ܠܐ ܢܬܚܡܬ ܪܘܓܙܟ ܥܠ ܥܒܕܟ. ܘܐܪܡܐ ܒܥܘܬܝ ܩܕܡܝܟ. ܕܐܢ ܐܢܬ ܠܡ ܡܪܝ
                    ܡܿܠܟܐ ܕܐܚܝܕ ܐܢܬ ܣܦܪ̈ܐ ܕܚ̈ܟܡܬܗܿ ܕܒܪܝܬܐ܆ ܘܥܒܝܕ ܐܢܬ ܪܒ ܟܘܡܪ̈ܐ ܕܟܠܗܘܢ ܐ̈ܠܗܝܗܿ ܕܬܒܝܠ:
                    ܘܐܬܗܝܡܢܬ ܐܩܝܠܕܐ ܕܒܝܬܓܙܐ ܕܓܠܝ̈ܢܝܗܿ ܕܐܠܗܘܬܐ. ܐܬܟܣܝ ܡܢܟ ܦܘܫܩܗܝܢ ܕܐܝܠܝܢ ܕܐܬܚܘܝ ܠܟ.
                    ܚܢܢ ܟܝ ܒܨܝܪ̈ܐ ܘܗܕ̈ܝܘܛܐ܇ ܕܡܕܡ ܡܕܡ ܡܢ ܣܦܪ̈ܝܗܿ ܕܚܟܡܬܐ. ܩܠܝܠ ܡܢ ܣܓܝ ܐܚܝܕܝܢ ܚܢܢ:
                    ܕܢܡܘܬ ܙܕܩ ܠܢ ܥܠ ܐ̈ܦܝ ܣܘܥܪܢܐܼ. ܚܣ ܠܗܿ ܠܡܪܚܡܢܘܬܟ ܕܬܣܥܘܪ ܗܕܐ. ܐܠܐ ܬܦܩܘܕ ܡܠܟܘܬܟ
                    ܘܢܫܬܪܐ ܓܙܪ ܕܝܢܐ ܕܥܠܝܢ. ܘܗܐ ܝܠܦܢܢ ܕܐܝܬ ܒܢܘܣܗܿ ܕܐܬܝܢܐ ܐܠܗܬܐ ܥܠܝܡܬܐ ܚܕܐ ܒܬܘܠܬܐ ܕܐܝܬ
                    ܥܠܝܗܿ ܪܘܚܐ ܕܢܝܒܘܬܐ. ܢܫܕܪ ܢܩܪܝܗܿ܆ ܕܟܒܪ ܐܬܓܠܝ ܠܗܿ ܦܘܫܩܗܝܢ ܕܐܝܠܝܢ ܕܐܣܬܥܪ. ܘܥܒܕ ܚܪܡܐ
                    ܐܝܟ ܡܠܬܗ ܕܐܦܠܛܐܣ. ܘܫܕܪ ܐܝܬܝܗܿ ܠܕܝܢܘܣܐ ܡܢ ܒܝܬ ܦܬܟܪ̈ܐ. ܘܥܠܝܡܬܐ ܦܐܐ ܗܘܼܐ ܚܙܘܗܿ܆
                    ܘܝܐܐ ܩܘܒܠܠܗܿ. ܘܟܕ ܚܙܗܿ ܝܠܘܝܢܘܣܼ ܬܗܪ ܒܫܘܦܪܗܿ ܘܐܬܕܡܪ ܒܚܙܬܗܿ. ܘܐܬܪܥܝ ܥܠܝܗܿ ܬܪܥܝܬܐ.
                    ܗܼܝ ܕܝܢ ܐܪܓܫܬ ܒܢܦܫܗܿ. ܘܢܕ ܒܥ̈ܝܢܝܗܿ. ܘܡܫܐܠ ܗܘܼܐ ܠܗܿ ܒܐܝ̈ܕܝ ܐܦܠܛܐܣ. ܕܡܢܐ ܗܼܘ ܠܢ
                    ܢܚܫܐ ܗܢܐ ܕܐܬܚܘܝ ܠܢ ܒܐܬܪܟܘܢܿ ܗܼܝ ܕܝܢ ܫܛܬܗܼ ܘܠܐ ܦܢܝܬ ܠܗ ܦܬܓܡܐ. ܐܠܐ ܒܗܝܠܐܝܬ ܒܫܬܩܐ
                    ܩܝܡܐ ܗܘܬ ܩܕܡܘܗܝ. ܘܐܡܼܪ ܠܗܿ ܝܘܠܝܢܘܣ ܒܐܝ̈ܕܝ ܐܦܠܛܐܣ. ܕܡ ܠܡ ܬܣܒܪܝܢܢܝ ܥܠܝܡܬܐ: ܕܡܛܠ
                    ܫܘܦܪܟܝ ܐܬܩܪܝܬ ܩܕܡܝܼ. ܐܠܐ ܡܛܠ ܕܝܠܦܬ ܥܠܝܟܝ ܕܪܘܚܐ ܕܢܒܝܘܬܐ 149 ܐܝܬ ܒܟܝܼ. ܗܘܐ
                    ܠܢ ܨܒܝܢܐ ܕܢܐܠܦ ܡܢܟܝ ܕܡܢܐ ܗܝ ܚܪܬܗ ܕܩܐܪܣܢܿ ܐܡܪܐ ܠܗ ܕܝܢܘܣܐ. ܥܝ̈ܢܝܟ ܥܠ ܩܪܒܟܼ. ܐܝܟ
                    ܡܿܠܟܐ ܬܩܢܐ ܕܐܝܬ ܠܗ ܪܢܝܿܐ ܕܩܐܪܣܗ. ܫܝܛܐ ܗܘ ܓܝܪ ܡܿܠܟܐ. ܕܡܫܡܪ ܚܙܬܗ ܨܝܪ ܒܗ ܥܪܝܐ
                    ܕܒܗܬܬܐ ܒܥܕܢ ܩܐܪܣܗ. ܝܬܝܪ ܕܝܢ ܕܐܢ ܓܕܫܐ ܘܠܐ ܡܫܬܡܥܝܢ ܠܗ. ܒܪܡ ܕܝܢ ܡܿܠܟܐܼ. ܡܢܐ ܡܥܩܒ
                    ܐܢܬ ܥܠ ܢܚ̈ܫܐ. ܕܐܢ ܥܠ ܢܚ̈ܫܐ ܡܚܫܒ ܐܢܬܼ. ܬܚܘܡܐ ܠܡܕܢܚܐ ܠܐ ܥܿܒܕ ܐܢܬ. ܘܩܪܒܐ ܠܐ ܥܿܒܕ
                    ܐܢܬ. ܡ̈ܠܟܐ ܓܝܪ ܬܩ̈ܝܦܐ ܕܣܝܡܢ ܐܦܝܗ̈ܘܢ ܠܩܪܒܐܼ. ܥܠ ܢܚ̈ܫܐ ܠܐ ܡܚܫܒܝܢ. ܘܐܢ ܡܚܫܒܝܢ
                    ܠܩܪܒܐܼ ܠܐ ܚܫܚܝܢ. ܚܫܚܝܢ ܕܝܢ ܠܩܪܒܐ ܘܦܐܐ ܠܗܘܢ ܩܐܪܣܐܼ. ܠܡ̈ܠܟܐ ܩܪ̈ܒܬܢܐ ܠܒܝ̈ܫܝ ܥܘܫܢܐ܇
                    ܕܐܦܝ̈ܗܘܢ ܟܠ ܫܥ ܠܡܘܬܐ ܣܝܡܢ܇ ܕܢܥܕܘܢ ܙܟܘܬܐ ܡܢ ܒܥܠܕܒ̈ܒܝܗܘܿܢܿ ܘܢܦܬܘܢ ܬܚ̈ܘܡܐ
                    ܕܐܘܚܕܢܗܘܢܿ ܥܕܪ ܕܝܢ ܣܓܝ ܥܘܡܪܐ ܢܝܚܐܿ ܘܡܘܬܒܐ ܫܠܝܐܼ. ܠܡ̈ܠܟܐ ܙܥܘܪ̈ܝ ܢܦܫܐ ܕܢܛܪܝܢ ܢܚ̈ܫܐ
                    ܘܟܘܙܝܢ ܡܢ ܩܐܪܣܐ. ܗܐ ܬܪ̈ܬܝܢܗܝܢ ܐܕܢܚܬ ܩܕܡ ܥܝܢ̈ܝܟ. ܐܡܪ ܠܗܿ ܝܘܠܝܢܘܣ. ܠܘ ܥܠ ܗܠܝܢ
                    ܫܐܠܬܟܝ ܐܘ ܥܠܝܡܬܐ ܕܚܕܐ ܗܼܝ ܒܠܚܘܕ ܨܿܒܐ ܗܘܝܬ ܕܐܠܦ ܡܢܟܝ ܐܠܘ ܡܨܝܐ ܕܡܢܐ ܗܼܝ ܚܪܬܗ ܕܩܪܣܢ
                    ܘܣܟܗ ܕܩܪܒܢ ܐܡܪܐ ܠܗ ܕܝܢܘܣܐ ܗܕܐ ܗܼܝ ܚܪܬܗ ܕܩܐܪܣܟܼ. ܫܝܢܐ ܒܝܬ ܬܚ̈ܘܡܐ. ܬܪܥܘܬܐ ܒܝܢܬ
                    ܡܠܟܘ̈ܬܐ. ܒܟ ܓܝܪ ܡܫܬܩܠܐ ܒܥܠܕܒܒܘܬܐ ܘܣܐܬܐ ܕܒܝܢܬ ܡ̈ܠܟܘܬܐ. ܘܚܕܝܢ ܘܪ̈ܘܙܢ ܠܟ ܡܕܢܚܐ
                    ܘܡܥܪܒܐ ܕܐܫܬܝܢ ܒܟ. ܐܦܢ ܓܝܪ ܝܘܡܢ ܟܡܝܪܢ ܘܚܫܝܫܢ ܒܡܬܝܬܟܼ. ܐܠܐ ܒܡܣܩܟ ܕܝܨܢ. ܘܡܬܦܨܚܢ.
                    ܘܢܩܫܢ ܟܦܐ ܡܥܪܒܐ ܘܚܬܗܿ ܥܡܗܿ ܡܕܢܚܐ. ܗܢܘ ܣܟܗ ܕܩܐܪܣܟܼ. ܘܚܪܬܗ ܕܩܪܒܟ. ܘܟܕ ܚܐܪ ܗܘܼܐ
                    ܝܘܠܝܢܘܣ ܕܢܐܠܦ ܚܝܠܐ ܕܦܬܓܡܗܿ ܘܦܘܫܩܐ ܕܦܠܐܬܗܿ܆ ܫܬܩܬ ܒܬܪ ܗܠܝܼܢ. ܘܠܐ ܬܘܒ ܐܘܣܦܬ ܠܡܦܢܝܘ
                    ܠܗ ܦܬܓܡܐ. ܐܠܐ ܥܛܦܬ ܠܒܝܬ ܦܬܟܪ̈ܐ. ܘܗܼܘ ܐܙܠ ܠܐܘܪܚܗܼ. ܟܕ ܟܪܝܐ ܠܗ ܘܫܩܝܠ ܒܢܦܫܗܿ.
                    ܪܢܝܗܝܢ ܕܐܝܠܝܢ ܕܐܬܐܡܪ ܠܗ ܡܢ ܕܝܢܘܣܐ. ܘܟܕ ܐܙܠ ܡܪܕܐ ܝܘܡܐ ܡܢ ܚܪܢܼ. ܐ̈ܢܫܐ ܝܗܘܕ̈ܝܐ ܐܬܘ
                    ܡܢ ܐܝܠܝܢ ܕܥܡܪܝܢ ܒܢܨܝܒܝܢ.  150 ܘܐܟܠܘ ܩܪ̈ܨܘܗܝ ܕܘܠܓܫ ܐܦܣܩܦܐ ܘܕܐܝܠܝܢ ܕܥܡܗ.
                    ܐܦ ܕܝܘܒܢܝܢܘܣ ܪܒ ܚܝܠܗ. ܟܕ ܐܡܪܝܼܢ. ܕܦܪܗܣܝܐ ܠܡ ܪܒܬܐ ܐܝܬ ܠܟܪ̈ܣܛܝܢܐ ܒܟܪܟܢ. ܥܝܢ ܒܓܠܐ
                    ܓܝܪ ܥܒܕܝܢ ܟܢܘܫܝܐܼ. ܥܠ ܡ̈ܝܠܐ ܬܠܬܐ ܡܢ ܟܪܟܐ. ܘܟܢܫܝܢ ܠܘܬܗܘܢ ܒܢ̈ܝ ܝܘܠܦܢܗܘܢܿ ܘܡܫܬܡܫܝܢ
                    ܐܪ̈ܙܐ ܿ ܘܙܒܢ̈ܬܐ ܩܪܒܢ ܚܢܢ ܥܠܝܗܘܢ ܠܢܨܝܚܐ ܘܡܫܒܚܐ ܝܘܒܢܝܢܘܣ ܪܒ ܚܝܠܟܼ. ܘܠܐ ܐܬܩܒܠ ܡܐܡܪܢ
                    ܕܥܠܝܗܘܢܿ ܘܒܣܓ̈ܝܐܬܐ ܐܟܠܝܢ ܗܘܘ ܩܪ̈ܨܝܗܘܢܿ ܠܐ ܓܝܪ ܩܒܠ ܛܪܘܢܐ ܡܐܟܠ ܩܪ̈ܨܝܗܘܢܿ ܕܥܠ
                    ܝܘܒܢܝܢܘܼܣ. ܐܠܐ ܐܙܕܥܦ ܒܗܘܢܿ ܘܫܼܕܐ ܐܢܘܢ ܡܢ ܩܕܡܘܗܝ. ܒܢܦܫܗ ܕܝܢ ܬܗܝܪ ܗܘܐܿ. ܕܐܢ ܡܢ ܟܕܘ
                    ܫܪܝܪܢ ܐܝܠܝܢ ܕܐܬܐܡܪ ܠܗ ܥܠ ܝܘܒܢܝܢܘܣ. ܘܢܛܪ ܗܘܐ ܥܕܢܐ ܕܢܐܠܦ ܫܪܪܗܝܢ. ܝܘܒܢܝܢܘܣ ܕܝܢ ܠܐ
                    ܪܓܝܫ ܗܘܼܐ ܒܗܠܝܢ ܕܐܬܐܟܠܘ ܩܪ̈ܨܘܗܝ. ܐܠܐ ܟܕ ܝܠܦ ܕܢܦܼܩ ܝܘܠܝܢܘܣ ܡܢ ܚܪܢܼ. ܫܕܪ ܩܪܝܗܝ ܒܪܙ
                    ܠܘܠܓܫ ܐܦܣܩܦܐܼ ܘܐܡܼܪ ܠܗ. ܝܕܥܬ ܠܡ ܐܒܝܼ: ܕܛܪܘܢܐ ܠܚܝܡ ܠܝܘܠܦܢܢ. ܘܐܟ̈ܠܝ ܩܪ̈ܨܐܼ
                    ܣ̈ܓܝܐܝܢ. ܐܢ ܠܡ ܫܦܝܪ ܒܥܝܢ̈ܝܟܼ. ܥ ܡܠܬܟ ܨܝܕ ܡܪܥܝܬܟ. ܘܦܩܕ ܐܢܘܢ ܕܡܢ ܗܫܐܼ. ܠܐ ܢܥܒܕܘܢ
                    ܟܢܘܫܝܐ܇ ܥܕܡܐ ܕܡܫܩܠ ܛܪܘܢܐ ܡܢ ܟܪܟܐ܇ ܕܕܠܡܐ ܒܥܠܬ ܟܢܘܫܝܐ܇ ܢܟܝܢܐ ܡܕܡ ܢܡܛܝܗܿ ܠܡܪܥܝܬܟ.
                    ܐܡܿܪ ܠܗ ܘܠܓܫ ܐܦܣܩܦܐ. ܕܕܡ ܣܒܪܐ ܪܒܘܬܟܿ. ܕܠܘ ܒܚܫܐ ܚܢܢ ܘܒܨܦܬܐ ܣܓܝܐܬܐ ܡܛܘܠܬܟܿ. ܕܕܠܡܐ
                    ܪܫܝܢܐ ܡܕܡ ܬܩܒܠ ܡܢ ܛܪܘܢܐ ܒܥܠܬ . ܘܕܡ̈ܥܐ ܚܫܝܫ̈ܬܐ ܐܫܕܝܢܢ ܟܠ ܫܥ ܩܕܡ ܐܠܗܐ ܥܠ ܪܒܘܬܟ ܕܠܐ
                    ܬܬܒܨܪ ܘܥܠ ܫܘܠܛܢܟ ܕܠܐ ܢܒܛܠ܇ ܕܒܕܡܘܬ ܥܡܘܕܐ ܛܥܝܢ ܐܢܬ ܝܘܩܪܗ ܕܪܕܘܦܝܢ. ܘܒܕܡܘܬ ܣܟܪܐ
                    ܕܦܘܪܩܢܐ ܣܝܡ ܐܢܬ ܒܐ̈ܦܝ ܥܕܬܗ ܕܡܫܝܚܐ ܒܟܠ ܐܬܪܗܝܢ. ܐܡܿܪ ܠܗ ܝܘܒܢܝܢܘܣ. ܥܠܝ ܠܡ ܨܦܬܐ ܠܐ
                    ܬܣܒܘܢ ܒܗܕܐܼ. ܕܠܐ ܡܨܐ ܛܪܘܢܐ ܕܢܟܝܢܝ. ܘܐܢ ܬܘܒ ܡܒܐܫ ܠܝ ܠܐ ܟܪܝܐ ܠܝ. ܕܗܕܐ ܗܼܝ ܟܠܗܿ
                    ܪܓܬܝ. ܒܪܡ ܕܝܢ ܐܢܬܘܢ ܐܙܕܗܪܘ ܒܢܦܫܟܘܢܼ. ܕܠܡܐ ܒܝܫ ܒܝܫ ܬܐܒܕܘܢܿ ܐܢܐ ܓܝܪ ܒܗܕܐ ܥܠ ܢܦܫܝ
                    ܚܘܝܬܼ. ܕܥܠܝܟܘܢ ܗܼܘ ܟܐܒ ܠܝ. ܠܘ ܓܝܪ ܥܠ ܢܦܫܝ ܗܘܬ ܠܝ ܗܕܐ ܒܛܝܠܘܬܐ. ܐܡܿܪ 151 ܠܗ ܘܠܓܫ ܐܦܣܩܦܐ. ܠܟ ܢܩܝܡ ܐܠܗܐ ܒܪܝܫ ܥ̈ܕܬܗܼ. ܘܚܢܼܢ ܠܐ ܡܬܪܦܝܢܢ. ܘܐܢ ܡܬܐܠܨܝܢ ܚܢܢ.
                    ܘܐܢ ܡܝܬܝܢܼܢ ܠܐ ܗܘܬ ܪܒܐ ܒܥ̈ܝܢܝܢ. ܡܢܐ ܓܝܪ ܢܦܪܘܥ ܠܡܫܝܚܐ ܕܡܝܬ ܚܠܦܝܢ. ܐܦܠܐ ܐܠܘ ܡܨܝܐ
                    ܕܪܒܘ ܙܼܒܢ̈ܝܢ ܢܡܘܬ ܚܠܦܘܗܝ܇ ܣܦܩܝܢ ܚܢܢ ܠܡܦܪܥ ܠܡܫܝܚܐ ܕܡܝܼܬ ܚܠܦܝܢ. ܕܩܠܝܠ ܕܝܢ ܐܝܟ ܚܝܠܢ
                    ܢܫܬܘܬܦ ܠܚܫܐ ܕܙܩܝܦܘܬܗ ܒܡܘܕܝܢܘܬܢܿ ܟܠܢ ܡܛܝܒܝܢܢ. ܘܟܢܘܫܝܢ ܐܡܝܢܐ ܕܟܠ ܝܘܡܼ ܥܠܝܗܿ ܕܗܕܐ.
                    ܕܟܢܘܫܝܢ ܓܠܝܐ ܥܠܬܐ ܛܒܬܐ ܕܡܘܕܝܢܘܬܐ ܢܗܘܐ ܠܢ. ܘܠܐ ܡܬܩܛܥܐ ܠܢ ܒܐܘ̈ܠܨܢܝܢ. ܘܗܕܐ ܨܒܝܢܐ
                    ܐܘܝܐ ܐܝܬ ܠܟܠܗܿ ܡܪܥܝܬܢܿ ܘܟܠܗ ܓܙܪܐ ܕܐܓܥܠ ܒܐܝ̈ܕܝ ܡܫܝܚܐ. ܟܕ ܬܒܨܐ ܠܐ ܬܫܟܚ ܒܗ ܕܓܪܒ ܐܘ
                    ܕܡܪܥ. ܐܦ ܠܐ ܕܚܣܝܪ ܡܢ ܗܝܡܢܘܬܐ. ܟܠܢ ܓܝܪ ܥܡ ܟܘܠܼܢ. ܒܚܕܐ ܢܦܫ ܘܒܚܕ ܪܥܝܢ. ܘܒܚܕܐ
                    ܗܝܡܢܘܼ. ܠܡܛܥܡ ܚܫܐ ܕܙܩܝܦܘܬܗ. ܕܒܪ ܐܠܗܐ ܒܡܘܕܝܢܘܬܢ ܣܝܡܝܢܢ܇ ܘܣܘܝܢ ܚܢܢ ܘܡܣܘܚܝܢܢ. ܠܐ
                    ܗܟܝܠ ܬܣܒ ܥܠܝܟ ܟܪܝܘܬܐ ܕܗܕܐܼ. ܕܕܠܡܐ ܠܣܘܓܦܢܢ ܬܫܬܟܚ. ܐܠܐ ܩܒܿܠ ܦܝܣܗܿ ܕܒܥܘܬܢܿ ܘܐܦܣ ܠܢ
                    ܕܢܟܢܘܫ ܒܥܝܕܢܿ ܘܠܐ ܢܬܥܘܟ ܡܢ ܬܫܡܫܬܗ ܕܐܠܗܐ. ܘܗܿܝ ܕܢܝܚ ܠܨܒܝܢܗ ܕܡܪܝܐ ܘܫܦܝܪ ܒܥܝܢ̈ܘܗܝ
                    ܕܢܣܥܘܪ ܢܣܥܘܪ. ܘܟܕ ܚܙܐܼ ܝܘܒܢܝܢܘܣ ܗܝܡܢܘܬܗܘܢ: ܕܘܠܓܫ ܘܕܐܝܠܝܢ ܕܥܡܗܼ. ܬܗܪ ܘܐܬܕܡܪ ܛܒ
                    ܒܫܪܪܐ ܕܪܥܝܢܗܘܢܿ ܘܪܬܚܘ ܪ̈ܚܡܘܗܝ ܘܫܦܥ ܕܡ̈ܥܘܗܝ. ܘܒܝܐ ܐܢܘܢܼ ܘܐܡܼܪ ܠܗܘܢܿ ܡܫܝܚܐ ܒܢ̈ܝ
                    ܕܡܛܠ ܫܡܗ ܣܡܬܘܢ ܐ̈ܦܝܟܘܢ ܠܡܡܬܼ ܗܘܼ ܢܩܘܡ ܒܐ̈ܦܝܟܘܿܢܿ ܘܢܓܢ ܟܢܦܐ ܕܚܢܢܗ ܥܠ ܢܦܫ̈ܬܟܘܢܿ
                    ܘܐܦܣ ܗܘܼܐ ܠܗܘܢ ܠܡܟܢܫ ܒܥܝܕܗܘܢܿ ܘܗܘܼ ܐܬܛܝܒ ܠܡܦܩ ܠܐܘܪܥܗ ܕܛܪܘܢܐ. ܒܣܘܓܐܐ ܕܡܫܪ̈ܝܬܗ.
                    ܘܟܪ̈ܘܙܘܗܝ ܫܕܪ ܠܟܠܗܘܢ ܬܚ̈ܘܡܐ ܕܪ̈ܗܘܡܝܐ. ܘܘܥܕ ܠܘܬܗ ܠܟܠܗܘܢ ܚܝ̈ܠܘܬܐ ܕܢܚܬܘ ܠܒܝܬ ܬܚ̈ܘܡܐ
                    ܘܢܦܩ ܩܒܠܗ ܠܫܢܝܐ ܒܙܘܚܐ ܣܓܝܐܐ. ܘܚܼܙܐ ܐ̈ܦܗܘܗܝ ܕܛܪܘܢܐ ܕܠܐ ܐܝܬܝܗܝܢ ܠܘܬܗ 152 ܐܝܟ ܕܐܬܡܠܝ ܘܐܝܟ ܕܡܢܬܡܠܝ. ܠܒܝܫ ܗܘܼܐ ܓܝܪ ܚܡܬܐ ܥܠ ܦܪܨܘܦܗ. ܘܝܕܥ ܝܘܒܢܝܢܘܫ ܕܩܪ̈ܨܘܗܝ
                    ܐܬܐܟܠܘ. ܠܐ ܕܝܢ ܐܗܡܝ ܡܗܝܡܢܐ ܐܦ ܠܐ ܡܢ ܗܕܐ܇ ܕܢܫܕܪ ܒܪܙ ܘܢܘܕܥܝܘܗܝ ܠܘܠܓܫ ܐܦܣܩܦܐ
                    ܘܠܐܝܠܝܢ ܕܥܡܗ܇ ܕܢܫܘܙܒܘܢ ܢܦܫܗܘܢ ܠܟܪ ܕܡܫܟܚܝܢ܇ ܥܕ ܠܐ ܢܨܿܦܚ ܐܢܘܢ ܐܝܓܘܢܐ. ܗܢܼܘܢ ܕܝܢ
                    ܡܗ̈ܝܡܢܐ ܘܫܪܝܪ̈ܐ ܟܕ ܝܠܦܘ ܗܠܝܢ ܡܢ ܟܪܝܣܘܪܣ ܥܒܕܗ ܕܝܘܒܢܝܢܘܣ ܠܐ ܐܬܪܗܒܘ ܐܘ ܐܫܬܓܫܘ ܘܠܕܘܟ
                    ܠܐ ܫܢܝܘ. ܐܠܐ ܒܗܠܘܼ. ܘܗܟܢܐ ܟܬܪܘ ܠܘܬ ܚ̈ܕܕܐ ܒܐܘܝܬܐܼ ܒܚܕܐ ܢܦܫ ܘܒܚܕ ܪܥܝܢ. ܟܕ ܫܩܝܠܝܢ
                    ܝܘܩܪܗܿ ܕܬܫܡܫܬܐ ܒܩܢܘܡܗܘܢܿ ܘܒܡܙܡܘܪ̈ܐ ܘܒ̈ܬܫܒܚܬܐ ܒܟܠܗ ܚܝܠܗܘܢܼ ܥܡ ܐܠܗܐ ܦܠܚܝܢ ܗܘܘ.
                    ܘܕܠܐ ܒܥܝܕܗܘܢ ܥܝܢ ܒܓܠܐ ܡܫܬܡܥ ܗܘܼܐ ܩܠܐ ܕܬܫܡܫܬܗܘܢܿ ܐܝܟ ܕܗܼܘ ܩܠܐ ܕܬܫܡܫܬܗܘܢ ܥܠܬܐ
                    ܕܡܘܕܝܢܘܬܗܘܢ ܢܗܘܐ ܗܘܼܐ. ܒܥܠܕܒ̈ܒܘܗܝ ܕܝܢ ܕܫܪܪܐ ܚ̈ܢܦܐ ܘܝܗܘ̈ܕܝܐ: ܟܕ ܥܠ ܛܪܘܢܐ
                    ܠܡܕܝܢܬܗܘܢ܆ ܥܙܝܙܐܝܬ ܐܟܠܝܢ ܗܘܘ ܩܪ̈ܨܘܗܝ ܕܘܠܓܫ ܘܕܐܝܠܝܢ ܕܥܡܗ. ܘܪܝܒܝܢ ܗܘܘ ܘܐܡܪܝܢ. ܕܐܦܢ
                    ܠܡ ܗܫܐܼ. ܢܬܗܝܡܢܢ ܠܟ ܡ̈ܠܝܢ ܡܪܝ ܡܠܟܐ. ܕܗܐ ܥܠ ܛܘܪܢܐ ܣܓܝܐܐ. ܡܫܬܡܥ ܩܠܐ ܕܬܫܡܫܬܗܘܢ
                    ܒܦܪܗܣܣܐ ܕܐܬܝܗܒܬ ܠܗܘܢ ܡܢ ܪܒ ܚܝܠܟ. ܥܕܡܐ ܕܝܢ ܠܐܝܟܐ ܡܛܬ ܡܪܚܘܬܗܘܢ܆ ܕܐ̈ܦܝܢ ܒ̈ܐܦܝܢ
                    ܥܝܢܒܓܠܐ ܐܡܣܪܘ ܥܠ ܫܘܠܛܢܐ ܕܡܠܟܘܬܟܘܢܿ ܕܠܐ ܒܥܝܕܗܘܢ ܓܝܪ ܫܡܪܘ ܩܠܐ ܕܬܫܡܫܬܗܘܢܿ ܕܢܚܘܘܢ
                    ܒܗܕܐ ܕܠܐ ܣܝܡܝܢ ܬܚܝܬ ܢܝܪܗ ܕܫܘܠܛܢܟܘܢܿ ... ܝܘܠܝܢܣ ܕܝܢ ܡܗܡܐ ܗܘܼܐ ܒܗܠܝܼܢ. ܡܛܠ ܒ̈ܢܝ
                    ܛܘܗܡܐ ܪܒܐ ܕܐܝܬ ܗܘܼܐ ܠܗ ܠܝܘܒܢܝܢܘܣ ܪܒ ܚܝܠܐܼ. ܐܝܟ ܡܐܐ ܓܒܪ̈ܝܢ. ܕܠܗܘܢ ܠܗܠܝܢ ܐܝܬ ܠܗܘܢ
                    ܚܝܠܐ ܕܢܦܫܗܘܢ ܐܝܟ ܫ̈ܒܥܝܢ ܐ̈ܠܦܝܢ. ܐ̈ܢܫܐ ܗܘܘ ܓܝܪ ܝܕܝ̈ܥܐ ܘܡ̈ܫܡܗܐ. ܘܠܐ ܡܫܥܒܕܝܢ ܗܘܘ ܠܗ
                    ܠܛܪܘܢܐ. ܠܗܢܐ ܦܘܪܣܐ ܣܒܝܠ ܗܘܼܐ ܛܪܘܢܐ ܒܢܦܫܗ. ܘܠܐ ܨܒܐ ܗܘܐ ܕܢܒܐܫ ܠܗ ܠܝܘܒܢܝܢܘܣܼ. ܕܠܐ
                    ܢܬܕܘܕ ܠܗ ܥܠܘܗܝ ܩܪܒܐ ܕܒܝܬ ܬܚܘ̈ܡܐ. ܘܟܕ ܥܫܢ ܠܗ ܥܠܘܗܝ ܪܘܒܐ ܕܚ̈ܢܦܐ ܘܕܝܗܘ̈ܕܝܐ܆ ܕܐܘ ܟܦܪ
                    ܠܡ ܕܚܠܬܐ ܗܕܐ ܡܢ ܡܕܝܢܬܢܼ. ܐܘ ܐܦܣ ܕܢܗܘܐ ܟܠܢ ܟܪ̈ܣܛܝܢܐ. ܗܼܘ ܕܝܢ ܛܪܘܢܐ ܐܝܟ ܕܢܫܗܐ ܚܐܦܐ
                         153 ܕܩܥܬܗܘܢܿ ܝܗܒ ܥܙܩܬܗ ܠܦܢܦܘܠܐ ܡܗܝܡܢܗ ܘܐܡܼܪ ܠܗ. ܙܠ ܥܓܠ ܠܐܝܟܐ
                    ܕܟܢܝܫܝܢ ܗܠܝܢ ܛ̈ܥܝܐ. ܘܐܢ ܗܟܢܐ ܐܫܬܟܚܬ ܐܝܟ ܕܐܬܐܡܪܬ ܥܠܝܗܘܢ ܚܒܘܫ ܐܢܘܢ ܡܥܪ̈ܐ ܗܠܝܢ
                    ܕܒܗܝܢ ܟܢܝܫܝܢ ܗܘܘ. ܘܣܟܘܪ ܒܐ̈ܦܝܗܝܢ ܟܐ̈ܦܐ ܪܘܪ̈ܒܬܐ ܥܠ ܦܘܡ̈ܐ ܕܡܥܪ̈ܐܼ. ܘܐܪܡܐ ܥܠܝܗܘܢ
                    ܛ̈ܒܥܐ ܒܚ̈ܬܡܐ ܕܥܙܝܬܝ. ܘܥܒܕ ܓܒܪܐ ܐܝܟܢܐ ܕܐܬܦܩܕ ܠܗ ܡܢ ܡܠܟܐ. ... ܝܘܒܢܝܢܘܣ ܕܝܢ ܠܒܫ
                    ܗܘܼܐ ܚܫܐ ܘܐܬܐܒܠ ܪܘܪܒܐܝܬ. ܘܒܿܟܐ ܗܘܼܐ ܚܫܝܫܐܝܬ ܟܕ ܐܡܿܪ. ܘܝ ܠܡ ܕܐܢܐ ܐܬܚܝܒܬ ܒܕܡܐ ܚܣܝܐ
                    ܕܥܒܕ̈ܘܗܝ ܕܐܠܗܐ. ܘܐܢܐ ܗܘܝܬ ܠܗܘܢ ܥܠܬܐ ܗܕܐ. ܒܕܐܦܣܬ ܠܗܘܢ ܕܢܥܒܕܘܢ ܟܢܘܫܝܐ. ܘܕܘܝܐ ܗܘܼܐ
                    ܛܒ ... ܛܪܘܢܐ ܕܝܢ ܠܝܛܐ ܡܢ ܒܬܪ ܕܐܙܠ ܠܒܝܬ ܡܫܪܝܗ: ܘܗܘܼܐ ܠܘܬ ܢܦܫܗܼ. ܐܬܒܝܢ ܒܪܥܝܢܗ ܕܠܐ
                    ܥܕܪܐ ܕܢܥܝܩ ܠܦ̈ܠܚܐ. ܕܥܡܗ ܕܛܥܝܢܝܢ ܝܘܩܪܐ ܕܩܐܪܣܗ. ܘܢܐܙܠ ܒܬܪ ܨܒܝܢܗܘܢ ܕܐܢܫܐ ܫܓܘ̈ܫܐ
                    ܘܕ̈ܠܘܚܐ. ܝܬܝܪ ܕܝܢ ܡܛܠ ܝܘܒܢܝܢܘܣ ܪܒ ܚܝܠܗ. ܕܠܐ ܢܬܪܦܝܢ ܐܝܕ̈ܘܗܝ ܡܢ ܩܐܪܣܗ. ܘܐܬܪܥܝ
                    ܒܢܦܫܗ ܕܒܦܘܪܣܐ ܕܨ̈ܢܥܬܗ ܢܕܚܝܘܗܝ ܠܣܘܥܪܢܐ. ܘܫܕܪ ܩܪܝܗܝ ܠܝܘܒܢܝܢܘܣ ܘܐܡܪ ܠܗ. ܐܡܼܪ ܠܝ ܠܡ
                    ܒܪܗ ܕܐܪܘܢܝܢܐ ܡܢܐ ܐܢܝܢ ܒ̈ܢܬ ܩ̈ܠܐ ܕܐܫܬܡܥ ܠܝ ܥܠܝܟ ܒܫܘ̈ܩܝܗܿ ܕܢܨܒܝܢ. ܘܐܝܕܐ ܗܼܝ ܗܕܐ
                    ܡܪܚܘܬܟ ܕܫܩܠܬܟܿ. ܕܫܩܠܬ ܦܘܩܕܢܗܿ ܕܡܠܟܘܬܝ. ܘܐܦܣܬ ܠܢܨܪ̈ܝܐ܇ ܕܢܥܒܕܘܢ ܟܢܘܫܝܐ. ܘܐܢܐ ܠܐ
                    ܦܩܕܬ. ܘܥܠ ܗܕܐ ܝܬܝܪ ܡܬܕܡܪ ܐܢܐ܆ ܕܒܐܝܢܐ ܚܝܠ ܐܘ ܒܐܝܢܐ ܫܘܠܛܢܐ ܣܥܪܬ ܗܕܐ܇ ܘܠܐ ܙܥܬ ܘܕܚܠܬ
                    ܡܢ ܫܘܠܛܢܐ ܕܡܠܟܘܬܝ. ܘܟܒܪ ܡܛܠ ܒ̈ܢܝ ܛܘܗܡܟ ܕܐܝܬ ܥܡܢ܇ ܫܩܠܟ ܚܐܦܐ ܕܫܘܒܗܪܟ ܘܣܥܪܬ ܗܕܐ ܕܠܐ
                    ܒܡܟܠܢ. ܐܢܐ ܡܢ ܗܫܐ ܐܡܟܟܝܘܗܝ ܠܫܘܒܗܪܟ. ܘܐܫܦܠ ܥܘܫܢܗܿ ܕܚܬܝܪܘܬܟ. ܘܬܕܥ ܝܬܟ ܚܠܫܐ ܕܦܩܝܕܐ
                    ܗܘܝܬ. ܘܒܛܝܒܘܬܗܿ ܕܡܪܚܡܢܘܬܢ ܐܬܗܝܡܢܬ ܫܘܠܛܢܐ. ܐܢܐ ܡܢ ܗܫܐ ܐܣܒ ܕܝܠܝ ܡܢܟ ܘܐܫܒܩܟ ܒܕܝܠܟ.
                    ܘܡܛܠ ܒ̈ܢܝ ܛܘܗܡܟ ܡܙܕܩܝܢܢ ܠܟ ܚܝ̈ܝܟ ... ܝܘܒܢܝܢܘܣ ܕܝܢ ܐܡܼܪ. ܒܫܘܠܛܢܐ ܕܐܬܗܝܡܢܬ ܡܢ ܡܢ
                    ܡܠܟܘܬܟܘܢܼ. ܠܐ ܡܢ ܡܬܘܡ ܐܫܬܒܗܪܬ ܡܪܝ ܡܠܟܐ. ܘܠܐ ܐܬܬܪܝܡ ܠܒܝ ܒܡܕܒܪܢܘܬܐ  154 ܕܐܓܥܠܬܘܢ ܒܐܝ̈ܕܝ. ܘܠܐ ܕܐܝܬܝ ܪܒܐ ܚܘܝܬ ܥܠ ܢܦܫܝ ܡܢ ܝܘܡ̈ܝ. ܘܣܗܕܝܢ ܠܝ ܚܝ̈ܠܘܬܟ. ܕܐܝܟ
                    ܚܕ ܡܢܗܘܢ ܐܬܕܒܪܬ ܥܡܗܘܢܿ ܘܐܢ ܥܠ ܟܢܘ̈ܬܝ ܕܒܨܝܪܝܢ ܡܢܝ ܠܐ ܐܬܪܝܡܬ ܘܐܫܬܩܠܬ: ܥܠܝܟ ܡܪܝ
                    ܡܠܟܐ ܐܝܬ ܗܘܼܐ ܠܝ ܕܐܬܬܪܝܡܼ. ܠܡܐ ܗܟܝܠ ܬܩܒܠ ܥܠܝ ܡܠܟܘܬܟ ܕܓ̈ܠܬܐ. ܕܐܢܐ ܦܘܩ̈ܕܢܝܟ ܠܐ
                    ܫܪܝܬ. ܘܢܟܠܐ ܒܝ ܡܢ ܝܘܡ̈ܝ ܠܐ ܐܫܬܟܚ. ܘܡܕܡ ܕܣܢܐ ܠܐ ܣܥܪܬ. ܐܢ ܕܝܢ ܝܗܘ̈ܕܝܐ ܡܓܪܝܢ ܠܟ
                    ܒܝܼ. ܚܕܐ ܚܝܒ ܐܢܐ ܠܟ. ܘܡܢܟ ܐܝܬܝܗܿ ܟܠܝܬܐ.. ܝܘܠܝܢܘܣ ܐܡܿܪ. ܘܡܢܘ ܗܢܐ ܕܚܝܒ ܐܢܬ ܠܢ ܢܕܥ.
                    ܝܘܒܢܝܢܘܣ ܐܡܿܪ. ܕܠܕܡܐ ܕܢܦܫܝ ܨܗܐ ܐܢܬ ܡܢ ܟܕܘ. ܐܫܘܕܝܗܝ ܡܪܝ ܡܿܠܟܐ ܘܣܒܼܥ. ܘܐܬܚܡܬ
                    ܝܘܠܝܢܘܣ ܘܐܡܼܪ. ܐܘ ܚܝܒ ܡܘܬܐ ܘܛܠܡ ܛܝܒܘܬܗܿ ܕܡܠܟܘܬܢܿ ܐܢܐ ܐܝܬܝܬܟ ܡܢ ܙܥܘܪܘܬܐ ܠܪܒܘܬܐ.
                    ܘܣܡܬܟ ܒܬܪܝ ܪܒܐ ܘܫܠܝܛܐ ܥܠ ܟܠܗܘܢ ܚܝ̈ܠܘܬܝ: ܘܠܕܡܟ ܨܗܐ ܐܢܐ ܒܝܫ ܓܕܐܼ. ܘܦܩܼܕ ܛܪܘܢܐܼ.
                    ܘܫܩܠܘ ܡܢܗ ܐܣܟܡܐ ܕܦܠܚܘܬܗ. ܘܐܠܫܗ ܡܐ̈ܢܐ ܫܚ̈ܝܡܐܼ. ܘܫܪܝܗܝ ܡܢ ܫܘܠܛܢܗ. ܘܢܦܼܩ ܡܢ ܩܕܡܘܗܝ
                    ܟܕ ܠܝܬ ܠܗ ܪܢܝܐ ܘܨܦܬܐ ܕܡܕܡ ܒܠܒܗܿ. ܐܠܐ ܒܠܚܘܕ ܕܘܠܓܫ ܘܕܐܝܠܝܢ ܕܥܡܗ ܘܠܠܝܐ ܟܘܠܗ ܐܓܗ
                    ܒܨܠܘܬܐ ܥܠ ܦܘܪܩܢܗܘܢ. ܐܠܗܐ ܕܝܢ ܕܒܟܠ ܙܒܢ ܠܘܐ ܠܣܓܘ̈ܕܘܗܝ: ܘܠܐ ܡܡܬܘܡ ܐܗܡܝ ܡܢ
                    ܥܘܕܪܢܗܘܢܼ. ܒܥܓܠ ܫܕܪ ܠܗ ܒܘܝܐܐ ܠܓܒܪܐ ܦܪܘܫܐ. ܘܒܥܩܒܐ ܕܢܣܝܘܢܗ ܐܘܣܦ ܥܠ ܢܨܚܢܗܼ. ܒܬܪ ܓܝܪ
                    ܥܕܢܐ ܩܠܝܠ ܕܐܫܬܪܝ ܝܘܒܢܝܢܘܣ ܡܢ ܦܠܚܘܬܗܿ܆ ܐ̈ܬܝ ܠܐܝ̈ܕܘܗܝ ܕܛܪܘܢܐ ܟܬܝ̈ܒܬܐ܇ ܕܡܫܕܪܢ ܗܘ̈ܝ
                    ܡܢ ܐܪܝܡܗܪ ܡܘܦܛܐ ܪܒܐ ܕܫܒܘܪ. ܠܝܘܒܢܝܢܘܣ ܪܒ ܚܝܠܐ ܕܪ̈ܗܘܡܝܐ܇ ܥܠ ܙܟܘܬܐ ܕܡܠܟܘܬܐ
                    ܕܪ̈ܗܘܡܝܐ. ܕܡܛܠ ܕܚܘܒܐ ܘܪܚܡܬܐ ܐܝܬ ܗܘܐ ܠܗܘܢ ܥܡ ܚ̈ܕܕܐ܇ ܡܢ ܟܕ ܣܠܼܩ ܠܘܬܗ ܠܒܝܬ ܬܚ̈ܘܡܐ
                    ... ܚܙܘܐ ܓܝܪ ܬܡܝܗܐ ܐܬܚܙܝ ܠܗ ܠܐܪܝܡܗܪܼ. ܒܡܫܟܢܐ ܕܝܘܒܢܝܢܘܣ. ܟܕ ܐܡܬܪܝܙܢܝܢ ܗܘܘ ܥܡ
                    ܚܕ̈ܕܐ. ܚܙܐ ܓܝܪ ܝܡܝܢܐ ܕܐܚܝܕܐ ܟܠܝܠܐ ܠܥܠ ܡܢ ܪܫܗ ܕܝܘܒܢܝܢܘܣ. ܘܝܕܥ ܕܕܝܠܗ ܗܼܝ ܡܠܟܘܬܐ
                    ܘܡܕܪܢܘܬܐ ܕܪ̈ܗܘܡܝܐ. ܠܐ ܕܝܢ ܓܠܐ ܠܗ ܚܙܘܐ. ܐܠܐ ܕܡܫܐܠ ܗܘܼܐ ܠܗ ܒܡܘ̈ܡܬܐܼ. ܕܠܐܝܢܐ ܐܠܗܐ
                         155 ܕܚܿܠ ܐܢܬ. ܘܟܕ ܝܠܦ. ܕܟܪܣܛܝܢܐ ܗܼܘ. ܐܬܓܠܓܠܬ ܬܚܦܝܬܐ ܕܛܘܥܝܝ܆ ܡܢ ܠܒܗ
                    ܕܐܪܝܡܗܪ. ܘܫܪܝܬ ܕܢܚܐ ܒܗ ܬܝܒܘܬܐ ܕܫܪܪܐ. ܘܟܕ ܐܙܠܼ ܠܐܬܪܗܼ. ܐܬܬܠܡܕ ܠܐܘܪܚܗ ܕܡܪܝܐ
                    ܡܠܝܐܝܬܼ. ܒܐܝ̈ܕܝ ܝܥܩܘܒ ܩܫܝܫܐ ܘܪܝܫܕܝܪܐܿ. ܕܥܡܿܪ ܗܘܼܐ ܒܝܬ ܠܦܛ ܡܕܝܢܬܐ. ܘܩܒܠ ܗܘܼܐ ܡܢܗ
                    ܟܣܝܐܝܬ ܪܘܫܡܗܿ ܕܡܥܡܘܕܝܬܐܼ. ܘܫܘܬܦܗ ܗܘܼܐ ܠܐܪ̈ܙܘܗܝ ܐܠܗ̈ܝܐ ܕܡܫܝܚܐ ... ܘܟܕ ܝܠܦܼ
                    ܝܘܒܢܝܢܘܣ ܥܠ ܡܬܦܢܝܢܘܬܗ ܘܥܠ ܬܝܒܘܬܗ ܕܝܠܗ ܕܗܢܐ ܡܘܦܛܐܼ. ܠܐ ܐܡܐܢ ܕܢܟܬܘܒ ܠܗ ܐܓܪܬܐ
                    ܕܒܘܝܐܐ܇ ܕܡܚܝܨܐ ܪܥܝܢܗ ܘܡܫܪܪܐ ܗܝܡܢܘܬܗ. ܘܥܡܗܿ ܬܘܒ ܕܗܕܐ ܐܓܪܬܐܼ. ܐܦ ܐܓܪܬܐ ܫܠܚ ܠܗ ܐܝܕܐ
                    ܕܡܚܦܛܐ ܠܗ ܥܠ ܙܟܘܬܗܘܢ ܕܪ̈ܗܘܡܝܐ. ܟܕ ܪܫܡ ܠܗ ܒܗܿ ܬܚܘܝܬܐ ܗܕܐ. ܕܡܐܬܝܬܗ ܠܡ ܐܚܝ ܕܒܪ
                    ܐܠܗܐ: ܕܗܢܐ ܕܚܕܬܐܝܬ ܗܝܡܢܬ ܒܗܼ. ܒܡܠܟܘܬܐ ܕܪ̈ܗܘܡܝܐ ܐܬܕܢܚܬܼ. ܘܡܢܗܿ ܢܣܒ ܦܓܪܢܘܬܐ
                    ܠܟܣܝܘܬܗ ܡܢ ܓܠܝܘܬܢ ܒܡܟܬܒܢܘܬܗܿ ܕܡܠܟܘܬܐ ܗܕܐ ܐܬܣܝܡ. ܘܒܡܝܒܠܢܘܬܐ ܕܫܪܒܬܗ ܬܘܒ ܐܬܟܬܒܼ.
                    ܘܟܣܦ ܪܫܐ ܝܗܼܒ ܕܬܗܘܐ ܓܠܝܐ ܠܦܪ̈ܘܫܐ ܕܐܟܘܬܟܼ. ܕܡܢ ܗܕܐ ܡܠܟܘܬܐܿ ܐܝܬܝܗܿ ܝܠܝܕܘܬܐ ܕܐܢܫܘܬܗ
                    ܕܒܪ ܐܠܗܐ. ܐܝܟ ܕܠܡܠܟܘܬܐ ܗܟܝܠ ܕܡܢܝܚܐ ܠܐܠܗܐ ܕܗܝܡܢܬ ܒܗܼ. ܟܡܐ ܕܡܨܝܬ ܐܚܝ ܗܒ ܠܗ ܐܝܕܐ
                    ܘܐܬܚܦܛ ܥܠ ܙܟܘܬܗ. ܘܝܬܝܪ ܡܢ ܡܠܟܘܬܐ ܕܐܢܬ ܒܗܿ ܨܠܐ ܥܠ ܫܠܡܗܿ ܕܡܠܟܘܬܢ. ܕܐܝܟ ܒܣܝܡܬ ܒܢ̈ܝܐ
                    ܫܐܠܐ ܠܟ ܕܬܗܘܐ ܒܗܿ ܒܪܐ ܘܝܪܬܐ. ܘܟܕ ܐܠܗܐ ܒܐܝ̈ܕܝܟ ܢܫܟܢ ܠܗܿ ܙܟܘܬܐܼ. ܒܪܗܿ ܕܡܠܟܘܬܢ
                    ܬܬܟܪܙ. ܘܪܒܐ ܬܗܘܐ ܒܗܿ ܟܠܗܘܢ ܝܘܡ̈ܬܟ ... ܘܒܬܪ ܕܟܬܒ ܠܗ ܣܓܝܐ̈ܬܐܼ. ܒܫܘܠܡܐ ܕܐܓܪܬܗ ܟܬܼܒ
                    ܠܗ ܕܐܢ ܒܫܪܪܐ ܐܚܝ ܠܒܫܬܝܗܝ ܠܡܫܝܚܐ: ܘܒܟܠܗ ܢܦܫܟ ܗܝܡܢܬ ܒܗܼ. ܗܒ ܒܘܩܝܗܿ ܕܗܝܡܢܘܬܟ
                    ܒܚܝܒܘܬܗ ܕܫܒܘܪ ܒܥܠܕܒܒܗܿ ܕܗܝܡܢܘܬܢܿ ܘܐܨܛܒܝ ܒܩܛܠܗ ܕܗܿܘ ܛܒܚܐ ܕܥܘܠܐܼ. ܕܫ̈ܢܝܐ ܬܠܬܝܢ
                    ܐܫܬܡܛܬ ܥܠܝܢ ܚܪܒܗ. ܘܠܐ ܥܕܟܝܠ ܣܒܥܬ ܡܢ ܕܡܢ. ܐܝܢ ܐܚܝ ܣܒ ܛܥܢܐ ܡܛܠ ܡܫܝܚܐ ܕܗܝܡܢܬ ܒܗ.
                    ܘܨܠܝ ܦܚܐ ܕܩܛܠܐ ܠܗܢܐ ܕܒܙܚ ܐܣܟܡܢ ܘܨܥܪ ܩܝܡܢ. ܘܛܘܫ ܩܘܕܫܢ. ܘܒܛܠ ܬܫܡܫܬܢܿ ܘܐܘܩܕ ܥ̈ܕܬܢܿ
                        ܘܐܗܠ 156 ܒܫܡܐ ܝܩܝܪܐ ܕܐܬܩܪܝ ܥܠܝܢ. ܣܝܡ ܐܚܝ ܒܪܫܗ ܕܗܢܐ ܕܐܒܐ ܚܒܠܐ. ܕܒܣܒܣ
                    ܘܫܕܐ ܓܙܪܗ ܚܣܝܐ ܕܡܫܝܚܐ. ܝܕܥ ܗܼܘ ܠܡ ܐܚܝ ܕܡܨܝܐ ܚܟܡܬܟ ܠܡܣܥܪ ܗܕܐ ܘܦܫܝܩ ܠܝܕܥܬܟ
                    ܕܒܕܒܝܚܘܬܗ ܕܗܢܐ ܛܡܐܐ܇ ܬܥܒܕ ܫܝܢܐ ܘܬܪܥܘܬܐ. ܒܝܢܬ ܬܪ̈ܬܝܢ ܡ̈ܟܠܘܬܢ ܬܩܝܦܢ. ܘܠܘ ܠܡ ܙܥܘܪܝܐ
                    ܗܕܐ ܕܒܚܬܐ܇ ܕܡܩܪܒܬ ܠܐܠܗܐ ܟܕ ܗܕܐ ܬܥܒܕ. ܘܥܘܗܕܢܗ ܛܿܒܐ ܕܛܝܒܘܬܐ ܡܢ ܪܥܝܢܢ ܠܐ ܢܬܛܥܐ ...
                    ܗܘܝ ܐܚܝ ܚܠܝܡ ܒܪܘܚܟ ܘܫܪܝܪ ܒܗܝܡܢܘܬܟ ܘܒܘܝܐܐ ܕܫܝܢܐ ܠܥܕ̈ܬܐ ܒܝܘ̈ܡܬܟ ... ܘܟܕ ܩܪܗܿ
                    ܐܪܝܡܗܪ ܠܐܓܪܬܗ ܕܝܘܒܢܝܢܘܣܼ. ܥܒܕ ܥܢܝܢܐܼ ܘܫܕܪ ܠܗ. ܐܬܠܒܟ ܕܝܢ ܡܝܬܝܢܗܝܢ ܕܟ̈ܬܝܒܬܐ ܒܡܛܪܬܐ
                    ܕܪ̈ܗܘܡܝܐܼ. ܘܐܝܟ ܕܠܓܫܘܫܐ ܩܕܡ ܝܘܠܝܢܘܣ ܩܪܝܗܝ. ܘܟܕ ܐܬܒܨܝ ܒܫ̈ܘܐܠܐ ܘܐܬܒܥ ܕܢܓܠܐ ܫܪܪܐܼ.
                    ܐܘܕܝ ܘܠܐ ܟܦܕ ܕܨܝܕ ܝܘܒܢܝܢܘܣ ܡܫܕܪ ܥܡ ܟ̈ܬܝܒܬܐ ܕܡܪܗ. ܕܝܗܒܢ ܐܝܕܐ ܠܙܟܘܬܗܘܢ ܕܪ̈ܗܘܡܝܐ.
                    ܘܟܕ ܐܬܗܡܝܢ ܠܗ ܠܫܢܝܐ ܫܪܪܗܝܢ ܕܗܠܝܼܢ. ܩܒܠܗ ܗܘܐ ܠܐܣܦܒܪ ܫܠܝܚܐ ܕܐܪܝܡܗܼܪ. ܒܐܝܩܪܐ ܐܝܢܐ
                    ܕܙܕܩ ܗܼܘܐ ܠܗ. ܘܝܗܒܗ ܕܢܬܢܛܪ ܒܐܝܩܪܐ܇ ܥܕ ܡܫܝܢ ܠܗ ܠܝܘܒܢܝܢܘܣ ܘܡܩܝܡ ܠܗ ܥܠ ܕܘܟܬܗܿ.
                    ܘܡܗܦܟ ܠܗ ܫܘܠܛܢܗ. ܘܥܒܕ ܥܝܢܝܢܐ ܕܐܓܪ̈ܬܐ ܕܐ̈ܬܝ ܠܗ. ܦܚܡܗܝܢ ܕܝܢ ܕܟ̈ܬܝܒܬܐ ܕܐܫܬܕܪ ܡܢ
                    ܐܪܝܡܗܪ ܐܝܬܘܗܝ ܗܘܐܼ ܗܢܐ. ܟܬܝ̈ܒܬܟ ܠܡ ܐܚܝ ܩܒܠܬܼ ܘܝܪܒܬ ܒܗܝܢ ܪܘܚܝ ܘܪܙܬ ܪܥܝܬܝ. ܘܐܝܟ
                    ܡܘܗܒܬܐ ܝܩܝܪܬܐ ܐܝܩܪ ܥܠܝ ܫܠܡܗܿ ܕܐܓܪܬܟ. ܟܕ ܓܝܪ ܒܣܕܪܐ ܕܟܬܝܒ̈ܬܟ ܐܬܒܩܝܬܼ. ܬܗܪܬ ܛܒ
                    ܘܐܬܕܡܪܬ ܒܟ. ܕܐܝܢܐ ܫܪܪܐ ܐܝܬ ܠܟ ܥܡ ܡܠܟܟ. ܘܝܗܒܬ ܛܘܒܐ ܠܡܠܟܘܬܐ ܕܪ̈ܗܘܡܝܐ܇ ܕܐܢܬ ܐܝܬܝܟ
                    ܒܗܿ ܪܒ ܚܝܠܐ. ܘܣܓܝ ܒܢܦܫ ܐܬܕܡܪܬܿ. ܕܐܝܕܐ ܚܦܝܛܘܬܐ ܐܝܬ ܠܟ ܥܠ ܙܟܘܬܗܘܢ ܕܪ̈ܗܘܡܝܐܼ. ܡܢ
                    ܪܡܙܗܝܢ ܓܝܪ ܕܟܬܝܒ̈ܬܟܿ. ܐܫܬܘܕܥܬ ܕܡܢܘ ܨܒܝܢܟ. ܘܐܬܒܛܠ ܠܝ ܐܚܝ ܕܐܟܬܘܒ ܠܪܚܡܢܐ ܘܡܚܒܢܐ
                    ܕܠܩܘܫܬܝܢ. ܕܥܠ ܐܝܠܝܢ ܕܫܠܚܬ ܠܝ ܒܟ̈ܬܝܒܬܟܼ. ܨܦܬܗܝܢ ܥܠܝܟܼ ܠܐ ܬܣܒ. ܘܪܢܝܗܝܢ ܒܚܘ̈ܫܒܝܟ
                    ܣܟܼ ܠܐ ܢܬܬܙܝܥ. ܕܫܪܪܐ ܗܼ ܝܡܠܬܢ ܠܘܬܟ. ܕܩܕܡ ܕܢܬܩܢ ܩܐܪܣܗܿ ܕܦܪܣ. ܫܩܠܐ ܡܠܟܘܬܟܘܢ ܫܡܐ
                    ܘܢܨܚܢܐ  157 ܒܩܪܒܟܘܢܿ ܗܢܘ ܕܝܢ ܠܘ ܒܚܝܠܟܘܢ ܐܘ ܒܥܫܘܢܐ ܕܕܚܝܠܘܬܟܘܢܿ ܐܠܐ ܒܐܝ̈ܕܝ
                    ܒܨܝܪܘܬܢ ܘܒܦܘܪܨܐ ܕܨܢ̈ܥܬܢܿ ܐܪܡܐ ܓܝܪ ܗ̈ܦܟܬܐ ܠܫܒܘܪ ܒܥܠܕܒܒܗܿ ܕܡܠܟܘܬܟܘܢܿ ܘܢܫܬܠܡ
                    ܒܐܝܗܕܝܟܘܢ ܕܠܐ ܩܪܒܐ ܘܕܠܐ ܩܐܪܣܐ ܘܕܠܐ ܩܥܬܐ ܘܩܪ̈ܢܬܐ ܕܡܠܒܛܢ ܡܟܬܫܐ. ܘܕܠܐ ܩܫ̈ܬܬܐ ܡ̈ܠܝܬܐ
                    ܕܢܦܨܢ ܓܐܪܗܐ. ܘܕܠܐ ܣܝ̈ܦܐ ܠܛܝ̈ܫܐ ܕܡܒܪܩܝܢ ܒܝܬ ܣܕܪ̈ܐ. ܘܕܠܐ ܠܓܝܘ̈ܢܐ ܚܒ̈ܝܟܬܐ ܕܚܪܒܢ
                    ܘܡܬܚܪܒܢ. ܘܢܣܒ ܣܟܗ ܡܟܬܫܐ ܕܒܝܬ ܡܠܟܘܬܐ. ܘܢܬܥܠܐ ܛܢܢܐ ܕܒܝܬ ܬܚ̈ܘܡܐ. ܘܢܼܬܒܢ ܒܫܠܝܐ
                    ܡ̈ܠܟܘܬܐ. ܐܢܬ ܕܝܢ ܐܚܝ ܟܡܐ ܕܡܨܐ ܐܢܬܼ. ܚܦܛ ܠܩܣܪ ܕܢܬܟܬܘܒ ܩܐܪܣܐ. ܥܕ ܫܠܐ ܘܫܟܝܬ ܡܠܐ
                    ܙܒܢܐ. ܩܐܪܣܗܿ ܪܒܐ ܕܐܬܘܪ. ܠܐ ܓܝܪ ܥܕܟܝܠ ܟܢܫ ܠܘܬܢ ܚܝܠܐ ܕܡܫܥܒܕ ܠܢ. ܘܕܢܣܥܘܪ ܥܡܟܘܢ ܩܪܒܐ
                    . ܬܗܘܐ ܕܝܢ ܫܪܝܪܐ ܠܟ. ܕܒܬܪ ܩܠܝܠܼ ܠܐ ܡܨܝܢ ܐܢܬܘܢ ܠܡܐܪܥ ܕܪܗ ܕܩܐܪܣܢܿ ܬܩܿܦ ܠܗ ܓܝܪ
                    ܡܢܟܘܢ ܩܪܒܗܿ ܕܡܠܟܘܬܢܿ ܐܠܐ ܟܡܐ ܕܡܨܝܢ ܐܢܬܘܢ ܥܕ ܫܟܝܬ ܩܪܒܼܢ. ܐܥܕܘ ܙܟܘܬܐܼ ܘܥܒܕܘ ܫܡܐ
                    ܘܢܨܚܢܐ. ܗܘܝ ܐܚܝ ܚܠܝܡ ܒܪܘܚܟܼ. ܟܕ ܫܟܝܚ ܟܠܥܕܢ ܥܘܗܕܢܢ ܛܿܒܐ ܒܪܥܝܢܟ ... ܘܟܕ ܩܪܐ ܐܢܝܢ
                    ܝܘܠܝܢܘܣ ܠܐܓܪ̈ܬܗ ܕܐܪܡܗܪܼ. ܘܝܠܦ ܡܢܗܝܢ ܫܪܪܐ ܕܐܝܬ ܗܘܐ ܠܝܘܒܢܝܢܘܣܼ. ܒܫܘܠܛܢܐ ܕܐܬܓܥܠ ܠܗ.
                    ܘܚܦܝܛܘܬܐ ܘܒܛܝܠܘܬܐ ܕܐܝܬ ܗܘܐ ܠܗ ܥܠ ܙܟܘܬܗ ܕܛܪܘܢܐܼ. ܐܬܬܘܝ ܒܢܦܫܗܼ ܠܘܚܡܐ ܘܚܡܬ ܥܠ
                    ܝܗܘ̈ܕܝܐ ܕܐܟܠܘ ܩܪ̈ܨܝܗܘܢܿ ܘܫܕܪ ܐܚܕ ܥܣܪ̈ܐ ܡܢ ܪ̈ܫܢܝܗܘܢܿ ܗܢܿܘܢ ܕܗܢܼܘܢ ܐܟܠܘ ܩܪ̈ܨܘܗܝ
                    ܕܝܘܒܢܝܢܘܣ. ܘܙܩܦ ܐܢܘܢ ܥܠ ܩܝ̈ܣܐ ܠܘܩܒܠ ܫܟܝܢܬܐ ܕܡܫܪܝܬܗ. ܘܟܬܒ ܠܘܚ̈ܐ ܘܣܡ ܠܥܠ ܡܢ
                    ܙܩ̈ܝܦܝܗܘܢ ܕܟܠ ܡܿܢ ܕܡܡܚ ܘܐܟܠ ܩܕܡܝ ܩܪ̈ܨܐ ܕܚܕܐ ܡܢ ܕܚ̈ܠܬܐ ܕܐܝܬ ܒܐܘܚܕܢܐ ܕܡܠܟܘܬܢܿ ܐܝܟ
                    ܡܘܬܗܘܢ ܕܗܠܝܢ ܢܡܘܬ. ܘܠܫܟܪܐ ܕܝܗܘ̈ܕܝܐ ܕܥܡܪܝܢ ܗܘܘ ܒܢܝܨܝܒܝܢ܇ ܛܪܕ ܐܦܩ ܐܢܘܢ ܡܢ ܟܪܟܗܘܢܿ
                    ܘܝܗܒܼ ܢܟܣܝ̈ܗܘܢ ܠܒܙܬܐ. ܘܣܬܪ ܒܝܬ ܟܢܘܫܬܗܘܢܼ. ܘܐܘܩܕ ܒܝܬ ܫܒ̈ܝܗܘܢܿ ܘܥܒܕ ܫܘܒܩܢܐ ܠܟܠܗܝܢ
                    ܕܚ̈ܠܬܐ ܒܗ ܒܝܘܡܐ ܗܢܐ. ܘܐܦܩ ܠܘܠܓܫ ܐܦܣܩܦܐ. 158 ܘܠܐܝܠܝܢ ܕܥܡܗ ܡܢ ܚܒܘܫܝܒܐ
                    ܕܡܥܪ̈ܐ. ܘܐܬܠܚܡ ܠܗܘܢ ܕܠܐ ܬܘܒ ܢܥܒܕܘܢ ܟܢܘܫܝܐ ܕܐܝܟ ܗܢܐ. ܘܗܦܘ ܐܢܝܢ ܠܡܥܪ̈ܐ ܕܒܗܝܢ
                    ܟܢܝܫܝܢ ܗܘܘ. ܘܛܡܡܘ ܐܢܝܢ ܥܕܡܐ ܠܝܘܡܢܐ ... ܝܘܒܢܝܢܘܣ ܕܝܢ ܡܛܠ ܕܝܕܥ ܗܘܼܐ ܕܡܬܥܩܒ ܡܢ
                    ܛܪܘܢܐܼ. ܛܫܝ ܗܘܼܐ ܢܦܫܗ ܟܪ ܕܐܣܬܩܒܠ ܠܗ ܠܝܬ ܡܓܢܝܐ. ܟܕ ܐܢܫ ܠܐ ܪܓܝܫ ܗܘܼܐ ܒܗܼ. ܐܠܐ
                    ܒܠܚܘܕ ܣܪܓܕܢܝܣ ܪܝܫ ܛܘܗܡܗ. ܘܟܕ ܒܥܝܗܝ ܝܘܠܝܢܣ ܘܠܐ ܐܫܟܚܗܼ. ܘܐܬܒܨܝ ܡܫܪܗܝܬܐ ܕܚ̈ܝܠܘܬܗ
                    ܘܠܝܬܘܗܝܼ. ܫܕܗܿ ܠܒܥܬܐ ܕܫܟܚܬܗ ܥܠ ܒ̈ܢܝ ܛܘܗܡܗ. ܕܡܢ ܟܪ ܕܐܝܬܘܗܝܼ. ܢܦܩܘܢ ܒܒܥܬܗ
                    ܘܢܝܬܘܢܝܗܝ. ܗܢܼܘܢ ܕܝܢ ܢܦܩܘ ܗܘܘ ܠܗ ܪܘܚܐܼ. ܕܠܐ ܠܡ ܝܕܥܝܢܢ ܘܢܝܬܘܢܝܗܝ. ܗܢܼܘܢ ܕܝܢ ܢܦܩܘ
                    ܗܘܘ ܠܗ ܪܘܚܐܼ. ܕܠܐ ܠܡ ܝܕܥܝܢܢ ܕܐܝܟܘ ... ܐܡܿܪ ܠܗܘܢ ܝܘܠܝܢܘܣ. ܐܠܘ ܕܝܢ ܟܐ̈ܢܐ ܗܘܝܬܘܢ
                    ܘܬܪ̈ܝܨܐ. ܘܐܝܬ ܠܟܘܢ ܥܡܢ ܫܪܪܐܼ. ܕܝܠܟܘܢ ܗܘܬ ܠܡܕܢ ܥܡܗ ܥܠ ܡܬܥܒܪܢܘܬܗ. ܘܬܩܪܒܘܢ ܠܝ ܥܠܘܗܝ
                    ܦܝܣܐ ܐܝܟ ܒ̈ܢܝ ܛܘܗܡܗ. ܠܘ ܓܝܪ ܕܝܠܝ ܗܘܬ ܕܐܿܒܥܝܘܗܝ ܒܐܝ̈ܕܝܟܘܢܿ ܘܕܗܕܐ ܠܐ ܥܒܕܬܘܢܿ ܐܦ
                    ܗܫܐ ܕܐܢܐ ܒܥܝܬܗ ܒܐܝ̈ܕܝܟܘܢܼ. ܬܗܘܐ ܠܟܘܢ ܥܠܘܗܝ ܒܛܝܠܘܬܐܼ. ܘܐܝܬܐܘܗܝ ܕܐܓܥܠ ܠܗ ܫܘܠܛܢܗ.
                    ܐܡܿܪ ܠܗ ܣܪܓܕܢܝܣ. ܒܡܢܐ ܓܝܪ ܕܣܢܼܐ ܐܘ ܒܝܫ ܣܥܝܪ ܠܗ ܠܝܘܒܢܝܢܣ ܒܡܠܟܘܬܟܿ. ܕܫܪܝܬܝܗܝ ܡܢ
                    ܦܠܚܘܬܗ ܘܐܥܒܪܬܝܗܝ ܡܢ ܫܘܠܛܢܗ. ܐܘ ܐܝܟܢܐ ܐܝܬ ܗܘܼܐ ܠܢ ܠܡܕܢ ܥܡܗܿ. ܓܒܪܐ ܕܠܐ ܐܫܬܟܚܬ ܒܬܪܗ
                    ܡܬܥܒܪܢܘܬܐ ܒܟܠܗܿ ܡܕܒܪܢܘܬܗ. ܐܘ ܐܝܟܐܢ ܡܨܝܐ ܕܢܗܘܐ ܠܟ ܪܒ ܚܝܠܐ܇ ܓܒܪܐ ܕܒܨܪܬܝܗܝ ܩܕܡ
                    ܚܝ̈ܠܘܬܟ. ܘܡܟܟܬܝܗܝ ܩܕܡ ܓܠܝܪ̈ܐ ܕܡܠܟܘܬܟ. ܕܥ ܗܟܝܠ ܡܪܝ ܡܠܟܐܼ. ܕܐܦ ܠܢ ܐܥܝܩܬ ܒܗܿ ܡܠܟܘܬܟ
                    ... ܐܡܿܪ ܠܗ ܝܘܠܝܢܘܣ. ܘܕܠܡܐ ܠܐ ܫܠܝܛ ܐܢܐ ܐܝܟ ܡܿܠܟܐ ܕܐܘܪܒ ܘܐܒܨܪ. ܐܘ ܕܠܡܐ ܟܒܪ ܠܐ
                    ܣܦܩܐ ܒܐܝ̈ܕܝ ܕܐܘܣܦ ܠܗ ܪܒܘܬܐ ܥܠ ܪܒܘܬܗ ܩܕܡܝܬܐ. ܘܐܥܫܢ ܫܘܠܛܢܗ ܝܬܝܪ ܡܢ ܫܘܠܛܢܗ ܩܕܡܝܐ.
                    ܘܐܪܡܐ ܕܚܠܬܗ ܘܙܘܥܬܗ ܥܠ ܚܝ̈ܠܘܬܐ ܕܥܡܝ. ܘܗܫܐ ܕܥܘ ܠܟܗܘܢ ܒ̈ܢܝ ܛܘܗܡܗܼ. ܕܐܠܐ ܐܬܿܐ ܝܘܡܢ
                    ܘܡܬܚܙܐ ܩܕܡܝܼ ܠܐ ܡܣܬܒܪܐ ܠܝ ܕܐܝܬ ܠܟܘܢ ܥܡܝ ܫܪܪܐ ܡܢ ܟܕܘ. ܘܐܫܬܘܕܝ ܣܪܓܕܢܝܣ ܕܡܝܬܐ ܠܗ
                    ܘܡܬܚܙܐ ܩܕܡܘܗܝܼ 159 ܐܝܟܿ ܕܦܩܕ. ܘܚܕܝ ܝܠܘܝܢܣ ܚܕܘܬܐ ܪܒܬܐ. ܘܡܠܟ ܡܘܗ̈ܒܬܐ
                    ܠܟܠܗܘܢ ܒ̈ܢܝ ܛܘܗܡܗ. ܘܣܪܗܒ ܦܘܩܕܢܐ ܥܠ ܣܪܓܕܢܝܣ ܕܢܝܬܝܘܗܝ ܒܥܓܠ ܠܝܘܒܝܢܝܢܘܣ. ܘܢܬܚܙܐ
                    ܩܕܡܘܗܝ. ܘܥܒܕ ܣܪܓܕܢܝܣܼ ܐܝܟܐ ܕܐܬܦܩܕ ܠܗ. ܘܐܝܬܝܗ ܠܝܘܒܢܝܢܘܣ ܘܐܬܚܙܝ ܩܕܡ ܡܿܠܟܐ. ܘܩܒܠܗ
                    ܚܒܝܒܐܝܬ. ܘܡܠܠ ܥܡܗ ܒܣܝܡܐܝܬ. ܘܡܠܐ ܒܠܒܗ ܘܒܝܐܗܼ ܟܕ ܐܡܿܪ. ܕܗܐ ܥܒܝܕ ܠܡ ܨܒܝܢܟ ܘܫܩܝܠܝܢ
                    ܒܥ̈ܠܕܒܒܝܟ ܘܙܩܝܦܝܢ ܐ̈ܟܠܝ ܩܪ̈ܨܝܗܘܢܿ ܘܠܛܢܢܗܘܢ ܕܝܗܘܕ̈ܝܐܼ. ܐܦ ܠܗܠܝܢ ܢܨܪ̈ܝܐ ܡܣ̈ܝܒܐ
                    ܐܦܩܬ ܡܢ ܒܝܬ ܚܒܘܫܝܗܘܢܿ ܘܒܥܠܬܗܘܢ ܙܕܩܬ ܫܘܒܩܢܐ ܠܟܘܠܗܝܢ ܕܚ̈ܠܬܐ. ܐܡܿܪ ܠܗ ܝܘܒܢܝܢܘܣ. ܟܠ
                    ܕܦܩܕܬ ܡܪܚܡܢܘܬܟܼ ܫܦܝܪ ܦܩܕܬ. ܒܪܡ ܕܝܢ ܡܪܝ ܡܿܠܟܐܼ. ܠܡܢܐ ܐܬܬܚܡܬ ܡܠܟܘܬܟ ܥܠܝ. ܕܐܗܡܝܬ ܡܢ
                    ܒܥܬܐ ܕܟܢܘܫܐ ܕܢܨܪ̈ܝܐ ܬܐܠܦ ܫܒܝܚܘܬܟ ܡܢ ܦܒܪܝܢܐ ܦܠܚܐ ܕܡܠܟܘܬܟܼ. ܕܒܐܝܢܐ ܨܒܝܢܐ ܐܗܡܝܬ ܡܢ
                    ܬܒܥܬܗܘܢ ܕܗܠܝܢ ܕܘ̈ܝܐ. ܠܗ ܓܝܪ ܫܕܪܬ ܠܘܬܗܘܿܢܿ ܕܢܐܠܦ ܠܢ ܫܪܝܪ ܡܐܟܠ ܩܪܨܗܘܢ ܕܝܗܘ̈ܕܝܐ
                    ܕܥܠܝܗܘܢܿ ܐܫܟܚ ܕܝܢ ܕܒܫܪܪܐ ܐܢܝܢ ܐܝܠܝܢ ܕܐܬܐܡܪ ܠܝ ܥܠܝܗܘܢܿ ܘܐܫܟܚ ܐܢܘܢ ܕܟܢܝܫܝܢ. ܝܠܦܬ
                    ܕܝܢ ܐܦ ܗܼܝ ܗܕܐܼ. ܕܒܚܫܝܫܘܬܐ ܣܓܝܐܬܐ ܘܒܕܡ̈ܥܐ ܘܒܒܥܘܬܐ ܡܬܟܫܦܝܢ ܗܘܘ ܠܐܠܗܗܘܿܢܿ ܥܠ ܙܟܘܬܐ
                    ܘܦܘܢܝܗܿ ܕܡܟܠܘܬܟܘܢܿ ܘܕܢܬܝ ܢܦܫܝ ܗܕܐ ܕܦܩܕܬ ܐܦ ܡܠܟܘܬܟܘܢܿ ܕܥܕܪܐ ܗܝ ܕܢܫܒܘܩ ܕܚܗܠܬܐ
                    ܡܬܟܫܦܝܢ ܠܐ̈ܠܗܝܗܝܿܢ. ܥܠ ܫܝܢ̈ܿ ܘܩܘܝܡܗܿ ܕܡܠܟܘܬܿܢܿ ܫܬܝܪ ܡܢ ܕܢܐܠܘܨ ܐܢܝܢ. ܘܢܬܪܥܡܢ ܥܠܝܢ
                    ܠܐ̈ܠܗܝܗܝܿܢ. ܘܢܗܘܘܢ ܠܢ ܫܦܝܐ ܕܬܘܩܠܬܐ ܒܩܪܗܒܐ ܕܒ̈ܥܠܕܒܒܝܢ. ܝܕܥܐ ܗܼܝ ܓܝܪ ܐܠܗܘܬܟ ܡܪܝ
                    ܡܠܟܐܼ. ܕܠܐܪܥܐ ܕܠܐ ܕܝܠܢ ܣܝܡܝܢܢ ܠܡܥܠ܇ ܕܢܬܚܒܫ ܒܗܿ ܐܝܟ ܕܒܝܬ ܐܣܝܪ̈ܐ. ܥܒܕ ܗܟܝܠ ܫܪܝܐ
                    ܠܐܣܝܪ̈ܐܼ. ܕܠܐ ܬܟܘܡ ܥܠܝܢ ܐܪܥܗ ܕܢܡܪܘܕ. ܡܩܒܠܐ ܗܼܝ ܓܝܪ ܡܪܚܡܢܘܬܐ ܥܠ ܐ̈ܠܗܐ. ܘܗܫܐ ܡܪܝ
                    ܡܠܟܐ ܐܢ ܐܝܬ ܨܒܝܢܐ ܠܡܪܚܡܢܘܬܟܼ. ܢܫܕܪ ܦܘܩܕܢܐ ܠܐܬܪ̈ܘܬܢ ܕܢܫܬܪܘܢ ܐܣܝܪ̈ܐ ܘܚܒ̈ܝܫܐ ܕܟܠ
                    ܕܚ̈ܠܢ. ܘܠܐ ܐܢܫ ܕܢܐܠܘܨ ܐܢܘܢ ܘܢܒܐܫ ܠܗܘܢܿ ܥܕܡܐ ܕܦܢܝܐ ܡܠܟܘܬܟ ܠܐܚܕܢܟ ܒܙܟܘ ܘܒܫܠܡܐ. ܠܐ
                    ܓܝܪ ܛܥܝܐ ܠܚܟܡܬ ܐ̈ܠܗܐ ܕܒܟܿ.  160 ܕܒܟܠ ܐܬܪ̈ܝܢ ܫܟܝܚܝܢ ܫ̈ܓܘܫܐ ܘܕ̈ܠܘܚܐ܇ ܐ̈ܢܫܐ
                    ܛܪ̈ܟܢܐ ܕܒܥ̈ܠܠܬܐ ܡܬܦܪܣܝܢ. ܠܡܒܙ ܘܠܡܚܛܦ. ܢܟܣ̈ܐ ܕܚܒܪ̈ܝܗܘܢܿ ܝܬܝܪ ܕܝܢ ܝܘܡܢ ܕܠܝܬܝܗܿ
                    ܡܠܟܘܬܟ ܒܐܬܪܐ. ܐܡܿܪ ܠܗ ܝܘܠܝܢܘܣ. ܡܛܠ ܕܐܬܓܠܝ ܫܪܪܟ ܕܥܡܢ: ܘܐܬܕܢܚܬ ܚܦܝܛܘܬܟ ܕܥܠ ܙܟܘܬܢ:
                    ܒܝܕ ܟܬܝ̈ܒܬܗ ܕܐܪܡܗܪ ܡܘܦܛܐܼ. ܠܝܬ ܠܝ ܡܢ ܗܫܐ ܕܢܣܠܐ ܡܠܬܟܼ. ܐܦܠܐ ܕܢܗܦܟ ܦܬܓܡܟ ܣܪܝܩܐܝܬ.
                    ܘܦܩܕ ܛܪܘܢܐ ܕܢܫܬܪܘܢ ܟܠܗܘܢ ܐܣܝܪ̈ܐ ܘܚܒ̈ܝܫܐ ܕܟܠ ܕܚ̈ܠܢ. ܘܣܡ ܛܡܘܪܝܐ ܕܡܘܬܐ. ܥܠ ܟܠ ܡܢ
                    ܕܐܠܝܨ ܐܘ ܡܒܐܫ ܠܗܘܢ ܒܚܕ ܡܢ ܐܣ̈ܟܝܡܝܢ܇ ܥܕܡܐ ܕܗܿܦܟ ܡܢ ܩܪ̈ܒܘܗܝ. ܘܐܫܬܕܪ ܦܘܩܕܢܗ
                    ܒܟ̈ܬܝܒܬܐ ܟܠܗܘܢ ܐܬܪ̈ܘܬܐ ܕܐܘܚܕܢܗ. ܘܗܘܼܐ ܢܦܐܫܐ ܩܠܝܠ ܠܥܡܐ ܕܟܪ̈ܣܛܝܢܐ܇ ܒܫܩܠ ܛܥܢܗ ܕܗܢܐ
                    ܦܪܘܫܐ. ܘܫܩܼܠ ܝܘܒܝܢܝܢܘܣ ܚܣܕܐ ܘܪ̈ܚܡܐ ܒܥܝ̈ܢܘܗܝ ܕܛܪܘܢܐ. ܘܪܚܡܗ ܐܝܟ ܢܦܫܗ. ܘܝܩܪ ܘܐܘܪܒܗ
                    ܒ̈ܥܝܢܝ ܪܘܪ̈ܒܢܘܗܝ. ܘܒ̈ܥܝܢܝ ܟܠܗ ܚܝܠܐ ܕܪ̈ܗܘܡܝܐ. ܘܥܒܕܗ ܡܪܐ ܘܫܠܝܛܐ ܕܒܬܪܗܼ. ܥܠ ܟܠܗܝܢ
                    ܨܒ̈ܘܬܐ ܕܡܠܟܘܬܗ. ܘܣܡܗ ܬܘܒ ܪܒ ܚܝܠܐ ܘܡܕܒܪܢܐ ܠܟܠܗܘܢ ܚܝ̈ܠܘܬܗ. ܘܐܝܪܒ ܝܘܒܝܢܝܢܘܣ ܘܐܬܥܫܢ
                    ܒܡܠܟܘܬܗ ܕܛܪܘܢܐ. ܘܫܡܗ ܐܿܙܠ ܗܘܼܐ ܘܝܪܒ. ܘܒܠܥܕܘܗܝ ܠܐ ܐܢܫ ܡܡܪܚ ܗܘܼܐ ܕܢܫܐܠ ܡܘܗܒܬܐ ܡܢ
                    ܡܿܠܟܐ ܐܘ ܕܢܒܥܐ ܡܢܗ ܒܥܘܬܐ .. ܘܗܘܼܐ ܕܟܕ ܣܡ ܝܘܠܝܢܘܣ ܐ̈ܦܘܗܝ ܕܢܥܒܪ ܠܐܪܥܐ ܕܟ̈ܠܕܝܐ
                    ܩܪܝܗܝ ܠܝܘܒܝܢܝܢܘܣ ܘܐܡܼܪ ܠܗ. ܕܠܡܐ ܡܢ ܗܫܐ ܬܝܬܐ ܥܠ ܒܠܟܿ. ܗܿܝ ܕܩܕܡ ܝܘܡܐ ܕܐܟܪܝܬ ܠܟ.
                    ܕܛܒ̈ܬܐ ܣܓܝܐ̈ܬܐ ܣܝܡ ܐܢܐ ܕܐܦܪܥܟ ܚܠܦܝܗܿ. ܐܢܬ ܘܐ̈ܠܗܐ ܝܕܥܿ ܐܢܬܼ. ܐܝܟܢܐ ܣܝܡ ܐܢܬ ܠܡܗܘܐ
                    ܥܡ ܡܠܟܘܬܢ ܒܐܪܥܐ ܕܠܐ ܝܠܢ. ܘܗܼܢܘܢ ܐ̈ܠܗܐ ܢܗܘܘܢ ܥܡܝܼ. ܐܝܟ ܕܣܝܡ ܐܢܐ ܕܐܗܘܐ ܥܡܟ ܠܛܒܬܐ.
                    ܘܐܩܝܡܘ ܬܪ̈ܝܗܘܢ ܩܝܡܐ ܥܡ ܚܕ̈ܕܐ ܒܡܘ̈ܡܬܐ ܒܝܬ ܬܚ̈ܘܡܐ. ܘܐܬܗܝܡܢ ܝܘܒܢܝܢܘܣ ܠܡܿܠܟܐܼ. ܘܐܓܥܠ
                    ܒܐܝ̈ܕܘܗܝ ܩܪܒܐ. ܘܣܡܘ ܝܘܡܐ ܕܠܐܡܬܝ ܢܥܒܪܘܢ ܠܐܪܥܐ ܕܦܪ̈ܣܝܐ. ܘܟܬܼܒ ܐܓܪܬܐ ܠܫܒܘܪ ܘܫܠܼܚ ܠܗ
                    ܒܗܝܼܢ. ܕܐܣܬܪܗܒ ܠܡ ܚܙܝ ܢܦܫܟܼ. ܘܣܥܘܪ ܘܠܝܬܟ. ܘܗܘܝ ܡܛܝܒ ܠܩܐܪܣܢܼ. ܕܠܡܐ ܢܨܦܚܟ ܡܢ ܫܠܝ
                    ܩܪܒܢ. ܘܬܙܕܝܦܢ ܘܬܐܡܪ. ܕܡܬܓܢܒܘ  161 ܐܬܓܢܒܬ. ܗܐ ܩܕܡܬ ܣܗܕܬܟ. ܕܟܡܐ ܕܡܨܐ ܐܢܬܼ.
                    ܐܕܪܟ ܐܪܥܟ ܘܐܝܨܦ ܕܩܐܪܣܟ. ܘܐܢܐ ܣܡ ܐܢܐ ܗܼܘ ܡܢ ܟܕܘ ܕܐܬܢܩܡ ܡܢ ܐܬܪܟ. ܘܐܬܦܪܥ ܡܢ ܐܪܥܟ.
                    ܚ̈ܘܒܠܐ ܕܪܡܝܢ ܠܟ ܥܠ ܐܪܥܢ ܘܐܗܠ ܒܚܝ̈ܠܘܬܗ ܟܕ ܐܡܿܪ ܕܪ̈ܗܘܡܝܐ ܠܡ ܩܫܐ ܘܡ̈ܠܝܗܘܢ ܛܪ̈ܦܐ.
                    ܕܡܐ ܕܩܪܩܫܘ ܐܪܡܝܘ ܩܠܐܼ. ܐܦܢܝܘ ܚܨܗܘܢ ܠܩܪܒܐܼ. ܫܡܫܐ ܐܠܗܗ ܕܡܕܢܚܐܼ. ܕܫܝܪܝܢ ܠܫܩ̈ܠܐ
                    ܘܫܦܠܝܢ ܠܩܐܪܣܐ ... ܘܥܒܼܕ ܥܢܝܢܐ ܕܐܓܪ̈ܬܗ ܕܝܘܠܝܢܘܣ. ܘܫܠܚ ܠܗ. ܕܠܘ ܠܡ ܠܟ ܪܗܘܡܝܐ ܪܦܝܐ
                    ܓܒܪ ܠܡܗܠܝܢ. ܘܫܦܠ ܠܩܐܪ̈ܣܝܢ. ܐܢ ܫܘܒܗܪܐ ܫܩܠܟ ܠܡܬܓܪܝܘ ܥܡ ܡܠܟܘܬܐ ܕܓܢܒܪ̈ܐܼ. ܕܥ ܒܩܘܫܬܝܢ
                    ܕܩܨܟ ܡܓܚܟ ܒܟܼ. ܕܒܐܪܥܐ ܕܠܐ ܕܝܠܟ ܢܗܘܐ ܣܘܦܟ. ܠܐ ܓܝܪ ܝܕܥܿ ܐܢܬ ܦܨܬܟ ܚܠܫܐ. ܘܥܠ ܗܿܝ
                    ܡܫܬܩܠ ܐܢܬ. ܘܐܠܘ ܓܠܐ ܠܟ ܫܦܠܗ ܕܡܣܩܟܼ. ܘܝܐ ܡܠܼܐ ܗܘܬ ܦܘܡܟ ܒܚܡܬܟ. ܐܠܐ ܒܕܟܣܝܢ ܡܢܟ
                    ܗܠܝܼܢ. ܠܐ ܦܪܫܬ ܠܓܡܪ ܘܠܝ̈ܬܐ. ܘܗܐ ܡܣܗܕ ܐܢܐ ܠܟ ܒ̈ܟܬܝܒܬܝܼ. ܕܐܢ ܡܪܓ ܪܓܬܟ ܕܬܥܝܪ ܩܪܒܐ
                    ܕܒܝܬ ܡ̈ܠܟܘܬܐ: ܐܝܟ ܢܡܘ̈ܣܐ ܘܛ̈ܟܣܐ ܕܣܝܡܝܢ ܠܡ̈ܠܟܐ ܕܡܢ ܩܕܡܝܢܼ. ܛܪ ܠܗ ܙܕܩܗ ܠܩܐܪܣܐܼ.
                    ܘܣܝܡ ܠܗ ܝܘܡܐ ܕܒܗ ܢܬܓܪܐ. ܘܡܐ ܕܩܡ ܓܒܐ ܠܘܩܒܠ ܓܒܐ: ܘܣܕܪܐ ܠܘܩܒܠ ܣܕܪܐ: ܘܐܬܢܩܫ ܩܪܒܐ
                    ܒܝ̈ܢܝ ܣܕܪ̈ܐܼ. ܓܒܐ ܕܢܨܿܚ ܡܫܬܩܠ ܥܠ ܚܒܪܗܼ. ܘܒܙܕܩܗ ܡܦܬܐ ܬܚܘܡܗ. ܘܡܿܠܟܐ ܐܝܢܐ ܕܙܟܿܐ
                    ܬܬܩܠܣ ܡܪܚܡܢܘܬܗ. ܘܡܐ ܕܢܨܚ ܘܙܟܐ ܡܙܕܩ ܫܘܒܩܢܐ ܒܛܝܒܘ . ܗܢܘ ܛܟܣܗ ܘܣܟܝܡܗ ܕܩܪܒܐ ܕܡ̈ܠܟܐܼ.
                    ܐܢ ܐܢܬ ܕܝܢ ܒܛܪܘܢܘܬܟ ܫܩܝܠ ܐܢܬ ܚܐܦܗ ܕܫܘܒܗܪܐ: ܘܐܝܟ ܓܝܣܐ ܡܣܪܗܒ ܐܢܬ ܠܡܚܠܨܘ ܐܪܥܼܢ. ܕܥ
                    ܛܪܘܢܐ ܕܚܘܫܒܢܐ ܕܬܚܠܘܨܗܿ ܐܝܬ ܠܟ ܕܬܥܒܕ. ܐܝܬ ܠܝ ܣܒܪܐ ܓܝܪ ܒܫܡܫܐ ܐܠܗܝ ܥܙܝܙܐܼ. ܕܐܢ ܬܥܒܪ
                    ܬܚ̈ܘܡܐ ܠܡܕܢܚܐܼ. ܠܐ ܬܘܣܦ ܠܡܚܙܐ ܐ̈ܦܝܗܿ ܕܡܥܪܒܐ. ܗܐ ܩܕܡܬ ܣܗܕܬܟ ... ܘܟܕ ܩܒܠ ܝܘܠܝܢܘܣ
                    ܐܓܪ̈ܬܗ ܕܫܒܘܪ ܘܩܪܐ ܐܢܝܼܢ.  162 ܐܫܝܛ ܐܢܝܢ ܘܐܗܠ ܒܡܫܕܪܢܗܝܢ. ܘܩܪܐ ܠܝܘܒܝܢܝܢܘܣ
                    ܪܒ ܚܝܠܗܼ. ܘܙܡܢܗ ܕܢܥܒܪܘܢ ܠܐܪܥܐ ܕܦܪ̈ܣܝܐ. ܘܣܪܗܒ ܥܠܘܗܝ ܦܘܩܕܢܐ ܕܢܒܠܗܐ ܠܚܝ̈ܠܘܬܗ. ܨܒܼܐ
                    ܗܘܼܐ ܕܝܢ ܛܪܘܢܐ ܕܢܕܥ ܟܡܐ ܗܘܿܐ ܡܢܝܢܐ ܕܚܝ̈ܠܘܬܐ ܕܐܝܬ ܥܡܗ. ܘܡܢܝܗܝ ܝܘܒܝܢܝܢܘܣ ܠܚܝܠܐ ܟܠܗ
                    ܕܪ̈ܗܘܡܝܐܼ. ܥܠ ܕܩܠܬ ܢܗܪܐ ܕܦܪܫ ܒܝܬ ܬܚ̈ܘܡܐ. ܘܗܘܼܐ ܡܢܝܢܐ ܕܚܝܠܐ ܕܐܬܣܝܡ ܠܡܒܪ ܥܡ ܩܣܪ
                    ܠܐܪܥܐ ܕܦܪ̈ܣܝܐܼ. ܬܠܬܡܐܐ ܘܬܫܥܝܢ ܘܚ̈ܡܫܐ ܐ̈ܠܦܝܢ: ܐ̈ܢܫܐ ܩܪ̈ܒܬܢܐ ܢܚܫܝܪ̈ܬܢܐ. ܥܒ̈ܕܝ
                    ܩܪܒܐܼ. ܡܐܐ ܘܐܪ̈ܒܥܝܢ ܐ̈ܠܦܝܢ ܦܪ̈ܫܝܢ܇ ܐܚ̈ܕܝ ܢܝ̈ܙܟܐ ܘܩܫ̈ܬܬܐܼ. ܘܡܐܐ ܘܚܡܫܝܢ ܐ̈ܠܦܝܢ
                    ܪ̈ܓܠܝܝܼܢ. ܐܚܕܝ ܣܟܪܐ܇ ܘܬܟܣܝ ܚܐܦܗ ܕܩܪܣܐ. ܘܥܣܪ̈ܝܢ ܐ̈ܠܦܝܢ ܐܘܡ̈ܢܝܢ ܕܟܠ ܛܟ̈ܣܝܢ܇ ܐܢܫ̈ܐ
                    ܨ̈ܢܝܥܐ ܡ̈ܦܣܝ ܫܦܝܪ ܒܟܠ ܨܒ̈ܘܬܢ ܕܚܫܚܢ ܠܩܪܒܐ. ܘܬܡܢܐܝܢ ܘܚܡ̈ܫܐ ܐܠܦܝܢ ܪ̈ܚܡܝ ܠܩܪܒܐ
                    ܘܠܗ̈ܝܩܝ ܠܩܛܠܐ܇ ܪ̈ܟܝܒܝ ܥ̈ܠܥܠܐ ܘܕܒܪ̈ܝ ܥܡ ܪ̈ܘܚܐ܇ ܡܩܪ̈ܒܝ ܥܡ ܡܘܬܐ ܘܠܐ ܗܦܟܝܢ ܡܢ ܩܐܪܣܐ.
                    ܗܢܘ ܡܢܝܢܗ ܘܚܘܫܒܢܗ ܕܚܝܠܐ ܕܐܬܬܣܝܡ ܠܡܚܬ ܥܡ ܝܘܠܝܢܘܣ. ܠܐܪܥܐ ܕܦܪ̈ܣܝܐ. ܣܛܪ ܡ ܢܚܠܘܛܐ
                    ܕܐܬܠܘܝܘ ܠܗܘܢ ܟܕ ܢܚܬܝܢ. ܐܢܫܐ ܩܘܪ̈ܝܝܐ ܫܕ̈ܝܝ ܒܩ̈ܠܥܐ. ܕܒܥܒܪ̈ܘܗܝ ܕܕܩܠܬ ܥܡܪܝܢ܇ ܕܠܐ ܥܠܘ
                    ܠܡܢܝܢܐ ܘܠܐ ܐܬܬܝܡܘ ܥܠ ܚܘܫܒܢܐ. ܕܗܢܘܢ ܒܨܒܝܢ ܚܐܪܘܬܗܘܢ ܣܡܘ ܢܦܫܗܘܢ ܠܡܚܬ ܥܡܗܘܢܿ. ܥܠ
                    ܐ̈ܦܝ ܒܙܬܗܿ ܕܐܪܥܐ. ܘܟܢܫܗ ܝܘܒܝܢܝܢܘܣ ܠܟܠܗ ܚܝܠܐ ܕܪ̈ܗܘܡܝܐܼ. ܥܠ ܕܩܠܬ ܢܗܪܐ ܕܦܪܫ ܒܝܬ
                    ܬܚ̈ܘܡܐ. ܒܝܪܚ ܐܝܪ. ܕܫܢܬ ܫܬܡܐܐ ܘܫ̈ܒܥܝܢ ܘܐܪ̈ܒܥ ܒܡܢܝܢܐ ܕܝ̈ܘܢܝܐ. ܒܚܕ ܒܗ ܒܝܪܚܐܼ. ܥܒܪ
                    ܟܠܗ ܚܝܠܐ ܕܪ̈ܗܘܡܝܐ ܕܩܠܬ ܢܗܪܐ ܠܡܕܢܚܐ. ܘܥܠܘ ܠܐܪܥܐ ܕܦܪ̈ܣܝܐ. ܘܐܫܟܚܘܗܿ ܠܐܪܥܐ ܟܕ ܟܗܝܢܐ
                    ܘܝܬܒܐ ܒܫܠܝܐܼ. ܠܐ ܓܝܪ ܐܬܝܗܒ ܠܗܘܢ ܙܒܢܐ ܕܢܓܠܘܢ ܡܢ ܩܕܡܝܗܘܢܿ ܓܝܣܐ ܓܝܪ ܕܛ̈ܝܝܐ ܕܒܝܬ
                    ܪ̈ܗܘܡܝܐܼ. ܦܪܚܘ ܒܗ ܒܐܬܪܐ ܘܐܚܕܘܗܝܼ. ܥܕܡܐ ܕܥܠܘ ܪ̈ܗܘܡܝܐ ܘܐܫܬܠܛܘ ܒܐܪܥܐ ܐܝܟ ܨܒܝܢܗܘܢܿ
                    ܘܚܪܒܘ ܘܒܙܘ ܘܫܒܘ ܐܝܟ ܪܓܬܗܘܢܿ ܘܟܒܫܘ ܚ̈ܣܢܐ ܡܪ̈ܝܕܐܼ. ܘܡ̈ܓܕܠܐ ܪ̈ܡܐ ܘܥ̈ܫܝܢܐ. ܘܩܘܪ̈ܝܐ
                        ܥ̈ܫܝܢܬܐ 163 ܕܫ̈ܛܚܐ. ܘܡܕ̈ܝܢܬܐ ܕܚ̈ܣܢܝܗܝܢ. ܘܟܒܫܘ ܛܘܪ̈ܐ ܪ̈ܡܐ. ܘܕܘܟ̈ܝܬܐ
                    ܡܣܬܪ̈ܬܐ ܕܒܫܩ̈ܝܦܐ. ܘܓܠܝܘ ܡܥܪ̈ܝܗܿ ܕܐܪܥܐܼ. ܘܛܫܝ̈ܬܐ ܕܒܝܬ ܡܪܕܐ. ܘܐܦܩܘ ܣܝܡ̈ܬܐ ܡܣܬܪ̈ܬܐ
                    ܕܦܪ̈ܣܝܐܼ. ܘܐܥܕܝܘ ܟܠܗܿ ܐܝܩܪܬܗܘܢ ܘܩܢܝܢܗܘܢܿ ܘܥܬܪܘ ܪ̈ܗܘܡܝܐ ܡܢ ܐܪܥܗ ܕܢܡܪܘܕ ܥܘܬܪܐ ܪܒܐ.
                    ܘܠܐ ܡܘܦܝܢ ܗܘܘ ܟܠܢܫ ܟܠܗܿ ܒܙܬܗܘܿܢܿ ܕܥܫܢܬ ܗܘܬ ܠܗܿ ܡܢܗܘܢ ܛܒ. ܡܛܠ ܕܠܢܦܫܗܘܢ ܡܦܢܝܢ ܗܘܘ
                    ܟܘܠܗܿ ܒܙܬܗܘܢܼ. ܣܛܪ ܡܢ ܕܗܒܐ ܘܣܐܡܐ܇ ܕܠܓܙܗ ܕܡܠܟܐ ܥܐܠ ܗܘܐ܇ ܐܝܟ ܙܕܩܐ ܕܣܝܡ ܗܘܐ ܠܡܿܠܟܐ
                    ܡܢ ܡ̈ܠܟܐ ܩܕܡ̈ܝܐ. ܗܟܢܐ ܕܝܢ ܣܓܿܐ ܗܘܼܐ ܕܗܒܐ ܘܣܐܡܐ ܕܐܬܩܪܒ ܠܗ ܠܡܠܟܐ ܡܢ ܒܙܬܗܿ ܕܐܪܥܐ.
                    ܕܠܐ ܣܿܦܩ ܗܘܼܐ ܠܡܬܩܠܗܼ. ܐܦܠܐ ܡܘܦܐ ܗܘܼܐ ܠܡܢܝܢܗܼ. ܠܐ ܓܝܪ ܐܫܬܚܪ ܟܪܟܐ ܐܘ ܡܕܝܢܬܐ܇ ܐܘ
                    ܩܪܝܬܐ ܐܘ ܐܓܘܪܣܐ ܙܥܘܪܐ܇ ܕܠܐ ܐܫܬܠܡܬ ܒܐܝܕܐ ܕܪ̈ܗܘܡܝܐ܇ ܡܢ ܕܩܠܬ ܢܗܪܐ ܕܥܠ ܬܚܘ̈ܡܐܼ.
                    ܘܥܕܡܐ ܠܬܚ̈ܘܡܐ ܒܝܬ ܐܪ̈ܡܝܐ. ܘܚ̈ܘܒܠܐ ܒܝ̈ܫܐ. ܕܐܪܡܝ ܡܿܠܟܐ ܪܫܝܥܐ܇ ܥܠ ܒܢܗܘܗܝ ܕܡܿܠܟܐ
                    ܙܕܝܩܐ ܒܐܝ̈ܕܘܗܝ ܕܡܠܟܐ ܥܘܿܠܐ ܐܬܦܪܥ. ܗܿܝ ܕܐܡܼܪ ܟܬܒܐ ܩܕܝܫܐ. ܕܢܬܢܩܡ ܪܫܝܥܐ ܡܢ ܪܫܝܥܐܼ
                    ܘܡܪܝܐ ܡܢ ܬܪ̈ܝܗܘܢܿ ܘܟܕ ܣܒܥܬ ܥܝܢܗܘܢ ܕܪ̈ܗܘܡܝܐ ܡܢ ܒܙܬܗ ܕܐܬܪܐܼ. ܐܘܫܒܘ ܬܘܒ ܐܝܕܝ̈ܗܘܢ
                    ܠܡܫܒܐ ܫܒܝܬܐ ܕܢܫ̈ܐ ܘܛ̈ܠܝܐ. ܘܠܡܚܪܒ ܓܒܪ̈ܐ. ܘܐܬܐܒܫ ܒܥ̈ܝܢܝ ܝܘܒܝܢܝܢܘܣ ܣܘܥܪܢܐ ܗܢܐ. ܘܐܥܠ
                    ܩܕܡ ܡܠܟܐ ܒܥܘܬܗܘܢ ܕܥܡܘܪ̈ܘܗܝ ܕܐܬܪܐ. ܘܡܬܟܫܦ ܗܘܼܐ ܥܠܝܗܘܢ ܟܕ ܐܡܿܪ. ܒܒܥܘ ܠܡ ܡܢ ܫܘܠܛܢܐ
                    ܕܙܟܘܬܟ ܡܪܝ ܡܿܠܟܐܼ. ܢܓܘܠܘܢ ܪ̈ܚܡܝܗܿ ܕܛܝܒܘܬܟ ܥܠ ܫܦܠܗ ܘܒܙܬܗ ܕܐܬܪܐܼ. ܘܬܬܟܠܐ ܚܪܒܐ
                    ܘܫܒܝܐ ܡܢ ܥܡܘܪ̈ܘܗܝ ܕܐܬܪܐ. ܡܢܐ ܓܝܪ ܢܐܬܪ ܡܢ ܗܕܐ܇ ܕܢܫܡܘܛ ܚܪܒܢ ܥܠ ܥ̈ܒܕܐ ܚ̈ܕܬܐ܇
                    ܕܐܬܟܕܢܘ ܝܘܡܢ ܒܢܝܪܗܿ ܕܥܒܕܘܬܐ ܒܡܠܟܘܬܢܿ ܟܕ ܐܦܠܐ ܓܢܒܪܘܬܐ ܗܝ ܕܢܚܪܘܒ ܐܬܪ̈ܘܬܐ ܕܐܬܬܘܣܦܘ
                    ܥܠ ܐܘܚܕܢܢ. ܕܝܠܢ ܗܼܝ ܓܝܪ ܐܪܥܐ ܕܟܒܫܢܢ. ܐܝܟ ܥ̈ܝܕܐ ܘܛܟ̈ܣܐ ܘܢܡ̈ܘܣܐ ܕܣܝܡܝܢ ܠܡ̈ܠܟܐ
                    ܩܕܡ̈ܝܐ. ܘܠܐ ܥܕܪܐ ܕܐܬܬܡܬܚ ܚܪܒܢ. ܥܠ ܐܪܥܐ ܕܐܝܪܬܢܢ ܒܕܡܐ ܕܩܢܘܡܢ. ܠܚܝ̈ܠܘܬܐ ܓܝܪ ܕܥܡܼܢ.
                    ܠܝܬ ܠܗܘܢ ܚܫܚܘ ܡܕܡ  164 ܒܐܪܥܐ܇ ܡܐ ܕܐܫܬܪܝ ܩܪܒܐ ܘܐܙܠ ܟܠ ܚܕ ܡܢܗܘܢ ܠܐܬܪܗ. ܠܢ
                    ܕܝܢ ܡܐ ܕܫܩܠ ܣܟܗ ܩܐܪܣܢܼ. ܝܬܝܪ ܡܢ ܕܝܘܡܢ. ܚܫܚܐ ܠܢ ܐܪܥܐ ܥܡ ܥ̈ܠܠܬܗܿ. ܘܫܦܪܬ ܡܠܬܐ
                    ܒܥܝ̈ܢܘܗܝ ܕܛܪܘܢܐ. ܘܦܩܕ ܕܬܬܟܠܐ ܚܪܒܐ ܘܫܒܝܐ ܡܢ ܥܡܘܪ̈ܘܗܝ ܕܐܬܪܐ. ܘܒܬܙܐ ܒܠܚܘܕ ܢܥܕܘܢ
                    ܠܗܘܢ ܪ̈ܗܘܡܝܐ ܘܢܦܢܘܢ ܢܦܫܗܘܢܿ ܘܥܫܢܬ ܡܠܬܗ ܕܡܠܟܐ ܥܠ ܪ̈ܒܝ ܚܝ̈ܠܐ܇ ܘܥܠ ܪ̈ܝܫܝ ܐ̈ܠܦܐ
                    ܘܪ̈ܝܫܝ ܡܐܘ̈ܬܐ. ܘܦܢܝܘ ܟܠܢܫ ܢܦܫ̈ܬܐ ܕܫܒܘܼ. ܘܒܛܠܬ ܚܪܒܐ ܡܢ ܥܡܘܪ̈ܝܗܿ ܕܐܪܥܐ ܗܿܝ.
                    ܘܐܫܬܒܩܘ ܒܗܿ ܥܡܘܪ̈ܝܗܿ. ܟܕ ܡܣܪܩܝܢ ܡܢ ܢܟ̈ܣܐ ܐܦ ܡܢ ܩܢܝܢܐ܇ ܘܡܢ ܐܣܢܗܿ ܕܫܢܬܐ. ܘܟܕ ܚܙܐ
                    ܝܘܠܝܢܘܣ ܕܐܬܓܙܝܬ ܠܗܿ ܐܪܥܐ ܡܢ ܥ̈ܠܠܬܗܿ. ܘܐܣܬܪܩ ܐܬܪܐ ܡܢ ܩܢܝ̈ܢܘܗܝܼ. ܘܠܝܬ ܒܗ ܡܪܚܡܢܘܬܐ.
                    ܘܐܬܪܥܝ ܕܢܝܬܒܗܿ ܠܐܪܥܐ. ܫܦܝܪ ܓܝܪ ܒܥܝ̈ܢܘܗܝ ܡܠܟܗ ܕܝܘܒܝܢܝܢܘܣ. ܘܥܒܿܪ ܒܗܿ ܒܐܪܥܐܼ.
                    ܘܝܬܒܗܿ. ܘܝܗܼܒ ܡܢ ܒܙܬܗܿ ܕܐܪܥܐ ܒܩܘܪ̈ܝܐ ܘܒܡܕ̈ܝܢܬܐ ܘܒܐܓܘܪܣܐ ܠܦܘܪܢܣܐ ܕܚܝܝ̈ܗܘܢ
                    ܕܥܡܘܪ̈ܘܗܝ ܕܐܬܪܐ. ܐܦ ܡܢ ܩܢܝܢܐ ܕܬܘܪ̈ܐ ܘܕܒܥܝܪܐܼ. ܫܒܼܩ ܒܗ ܒܐܬܪܐ ܠܦܘܠܚܢܗ ܕܐܪܥܐ. ܘܐܩܝܡ
                    ܠܗܘܢ ܩܝܡܐ ܒܡܘ̈ܡܬܐܼ. ܕܠܐ ܬܘܒ ܢܒܐܫ ܠܗܘܢܿ ܟܕ ܡܫܬܘܕܐ ܫܘܒܩܢܐ ܠܐܪܥܗܘܢ ܫ̈ܢܝܐ ܐܪ̈ܒܥ.
                    ܕܢܦܠܚܘܢ ܐܪܥܐܼ. ܘܢܣܬܡܟܘܢ ܡܢ ܥ̈ܠܠܬܗܿ. ܘܐܨܛܒܝܘ ܥܡܘܪ̈ܝܗܿ ܕܐܪܥܐ ܠܡܬܒ ܒܗܿ. ܘܐܬܡܨܝܘ
                    ܡܿܠܟܐ ܘܪܒ ܚܝܠܗ ܒܝܕܥܬܗܘܢܿ ܕܢܝܬܒܘܢܗܿ ܠܐܪܥܐ ܕܟ̈ܠܕܝܐ ܡܢ ܒܬܪ ܕܐܚܪܒܘܗܿ ... ܘܟܕ ܝܠܼܦ
                    ܫܒܘܪ ܕܐܠܝܠܢ ܓܘܢܚ̈ܐ ܣܥܪܘ ܒܗܿ ܪ̈ܗܘܡܝܐ ܒܐܪܥܗܼ. ܐܬܓܢܫ ܒܠܒܗܼ ܘܐܚܕܬܗ ܟܪܝܘܬܐ ܘܕܡܿܐ ܗܘܐ
                    ܠܫܢܝܐ. ܠܐ ܕܝܢ ܐܬܟܣܝܬ ܡܢܗ ܐܦܠܐ ܗܕܐܿ. ܕܒܡܥܒܕܢܘܬܗ ܕܝܘܒܢܝܢܘܣܿ. ܐܬܟܠܝܬ ܚܪܒܐ ܘܫܒܝܐ ܡܢ
                    ܐܬܪܗ. ܘܒܫܩܠܛܥܢܐ ܕܡܪܚܡܢܘܬܗ ܗܘܘ ܪ̈ܚܡܐ ܥܠ ܥܡܘܪ̈ܘܗܝ. ܘܡܘܕܐ ܗܘܐ ܠܛܝܒܘܬܗ ܕܝܘܒܢܝܢܘܣ ܩܕܡ
                    ܚܐܪ̈ܘܗܝ ܘܪܘܪ̈ܒܢܘܗܝ. ܘܫܩܠ ܚܣܕܐ ܘܪ̈ܚܡܐ ܒܥܝܢܝ̈ܗܘܢ ... ܘܟܬܼܒ ܡܠܟܐ ܘܚܐܪ̈ܘܗܝ ܘܪܘܪ̈ܒܢܘܝ
                    ܒܐܦܪܣܢܐ. ܕܢܬܪܥܘܢ ܬܪܥܝܬܐ ܥܠ ܐܬܪܐ ܕܒܝܬ ܐܪ̈ܡܝܐ. ܠܐ ܓܝܪ ܥܕܟܝܠ ܐܫܬܠܛܘ ܗܘܘ ܒܗ ܪ̈ܗܘܡܝܐ.
                    ܘܢܣܒܘ ܗܘܘ ܡܿܠܟܐ ܚܕ ܡܢ ܚܕ. ܬܪܥܝܬܐ ܐܬܪܥܝܘ ܟܠܗܘܢ ܘܫܠܡܘ 165 ܠܗ ... ܕܒܚܝ̈ܠܘܬܐ
                    ܕ̈ܦܝܓܐ ܘܕܠܒ̈ܫܐܿ. ܕܣܡܝܢ ܠܩܪ̈ܝܒܝܗܿ ܘܩܐܪ̈ܣܝܗܿ ܕܦܪܣ. ܘܐܡܝܢܐܝܬ ܫܟܝܚܝܢ ܠܡ̈ܠܟܐ ܕܫܩܠܝܢ
                    ܫܩ̈ܠܐ ܘܡܫܥܒܕܝܢ ܠܦܠܚܘܬܗܿ. ܢܣܩ ܫܒܘܪ ܘܢܬܓܠܐ ܒܐܬܪܐ ܕܒܝܬ ܐܪ̈ܡܝܐ. ܕܢܗܘܐ ܐ̈ܦܐ ܠܩܐܪܣܗ.
                    ܘܢܐܚܿܘܕ ܡ̈ܥܠܢܘܗܝ ܕܐܬܪܐܿ. ܥܕ ܬܩܦ ܚܝܠܐ ܕܡܙܡܢ ܠܩܐܪܣܗ. ܕܠܡܐ ܢܬܥܫܢܘܢ ܪ̈ܗܘܡܝܐܿ. ܘܢܬܚܘܢ
                    ܢܐܚܕܘܢ ܡܕܝ̈ܢܬܐ ܕܒܝܬ ܡܠܟܘܬܗ. ܘܡܚܝܠܝܢ ܗܘܘ ܠܗ ܠܫܒܘܪ ܪܘܪ̈ܒܢܘܗܝܼ ܘܐܡܪܝܢ ܕܠܐ ܠܡ ܢܦܠ
                    ܠܒܗ ܕܡܠܟ ܡ̈ܠܟܐ ܥܠܘܗܝ ܒܗܕܐ ܕܐܣܬܥܪܬ. ܕܓܕܫܢ ܐܢܝܢ ܕܐܝܟ ܗܟܐ ܒܩܪܒܐ ܟܡܐ ܙܒ̈ܢܼܝܢ.
                    ܠܚܝܒܘܬܗܘܢ ܕܪ̈ܗܘܼܡܝܐ ܡܫܬܟܚܐ ܗܕܐ. ܕܐܝܟ ܕܒܨܝܕܬܐ ܓܝܪ ܐܬܬܚܕܘ ܒܐܪܥܗ ܕܢܡܪܘܼܕ ܘܐܝܟ ܕܒܝܬ
                    ܐܣܝܪ̈ܐ ܥܠܘ ܐܬܚܒܫܘ ܒܐܘܚܕܢܐ ܕܠܘ ܕܝܠܗܘܢܿ ܐܝܟܢܐ ܕܠܓܡܪ ܠܐ ܢܬܦܠܛ ܡܢܗܘܢ ܣܪܝܕܐ. ܐܡܪ ܠܗܘܢ
                    ܫܒܘܪ. ܕܠܐ ܗܘܝܬ ܫܦܠܐ ܡܡܬܘܡ ܒܩܪ̈ܒܝܼ. ܐܢܬܘܢ ܚܐܪ̈ܝ ܘܪܘܪ̈ܒܢܝ ܐܝܬܝܟܘܢ ܣ̈ܗܕܝ. ܠܐ ܓܝܪ
                    ܛܥܝܐ ܠܟܘܢ ܕܝܐܠܝܢ ܢܚܫܝܪ̈ܐ ܥܒܕܬ ܒܐܪܥܗܘܢ ܕܪ̈ܗܘܡܝܐܿ. ܒܝ̈ܘܡܝ ܒܢܘ̈ܗܝ ܕܩܘܣܛܢܛܝܢܣ. ܘܟܕ
                    ܛܒ ܡ̈ܠܟܐ ܗܘܘ ܩܪ̈ܒܬܢܐ ܘܬܩ̈ܝܦܐ ܬܠܬ ܙܒܢܝ̈ܢ ܒܐܘܚܕܢܗܘܢ ܐܬܥܫܢܬ ܥܠܗܘܢܿ ܘܐܚܪܬ ܬܚ̈ܘܡܝܗܘܢܿ
                    ܘܠܐ ܐܬܡܨܝܘ ܒܚܝܠܐ ܕܢܦܨܘܢ ܐܪܥܗܘܢ ܡܢ ܐ̈ܝܕܝܼ. ܘܐܢ ܡ̈ܠܟܐ ܒ̈ܢܝ ܡ̈ܠܟܐ ܠܐ ܐܬܡܨܝܘ ܚܝ̈ܠܝ:
                    ܠܡܩܡ ܩܕܡ ܕܪܥܗܿ ܪܡܐ ܕܓܢܒܿܪܘܬܝ܇ ܗܢܐ ܟܝ ܫܦܠ ܓܒܪ̈ܐ: ܟܠܒܐ ܨܒܪܐ ܢܒܿܚ ܒܡܪ̈ܘܗܝ: ܡܡܪܚ
                    ܗܘܼܐ ܕܢܕܪܘܟ ܒܬܚܘܡܢ܇ ܐܠܘ ܡܓܢܒ ܠܐ ܓܢܒܢܝܼ. ܘܟܕ ܛܒ ܬܟܝܠ ܐܢܐ ܥܠ ܫܡܫܐ ܘܢܘܪܐ ܐ̈ܠܗܝܗܿ
                    ܕܡܕܢܚܐܼ. ܕܠܐ ܢܨܚ ܠܝ ܘܡܬܦܠܛ ܡܢ ܐܝ̈ܕܝ. ܘܕܕܫ ܬܚܘ̈ܡܝܗܿ ܕܡܕܢܚܐܼ. ܐ̈ܦܝ ܡܥܪܒܐ ܕܐܡܠܟܬܗ
                    ܒܚ̈ܝܐ ܠܝܬ ܠܗ ܕܢܚܙܐ. ܘܐܢܬܘܢ ܚܐܪ̈ܝ ܘܪܘܪ̈ܒܢܝܼ. ܒܗܿ ܒܕܡܘܬܐ ܕܗܿܘ ܫܦܠܐ ܘܡܚܝܠܐ
                    ܚܫܒܬܘܢܢܝ. ܒܗܕܐ ܕܐܣܪܚܬܗܘܢ ܠܝ ܒܘܝܐܐ: ܥܠ ܡܕܡ ܕܓܝܣܘ ܘܚܠܨܘ ܪ̈ܗܘܡܝܐ ܡܢ ܐܪܥܢ. ܘܐܝܬ ܠܝ
                    ܕܐܥܗܕܟܘܢ ܗܕܐ. ܘܙܥܘ ܘܐܬܪܗܒܘ ܪܘܪ̈ܒܢܘܗܝ. ܘܗܘܘ ܒܕܚܠܬܐ ܣܓܝܐܬܐ. ܘܙܡܢ ܫܒܘܪ ܡܫܪܝܬܐ
                    ܕܦܠܚ̈ܘܗܝ. ܘܐܬܓܠܝ ܒܐܬܪܐ ܕܒܝܬ ܐܪ̈ܡܝܐ 166 ܒܫ̈ܒܥܝܢ ܐ̈ܠܦܝܢ ܦܝ̈ܓܐ. ܘܚ̈ܫܝܢ
                    ܐ̈ܠܦܝܢ ܠܒܫ̈ܐ. ܘܐܚܕ ܡ̈ܥܠܢܘܗܝ ܕܐܬܪܐܼ. ܘܒܢܝ ܘܚܿܣܢ ܡܕܝ̈ܢܬܐ ܕܒܝܬ ܡܠܟܘܬܗ .. ܘܐܬܐܡܪ
                    ܠܝܘܠܝܢܘܣ ܕܐܬܓܠܝ ܫܒܘܪ ܒܡܫܪ̈ܝܬܗ ܒܐܬܪܐ ܕܒܝܬ ܐܪ̈ܡܝܐ. ܘܙܡܢ ܐܦ ܗܼܘ ܚܝ̈ܠܘܬܗ ܕܢܚܘܬ ܥܠܘܗܝ
                    ܠܒܝܬ ܐܪ̈ܡܝܐ. ܕܒܐܬܪܐ ܕܬܘܟܠܢܗܼ ܘܒܡ̈ܕܝܢܬܐ ܕܒܝܬ ܡܠܟܘܬܗܿ. ܢܥܒܕ ܥܡܗ ܩܪܒܐܿ. ܘܢܗܠ ܘܢܒܙܚ
                    ܒܗ. ܘܟܕ ܐܬܓܠܝܬ ܠܫܒܘܪ ܬܪܥܝܬܐ ܕܐܬܪܥܝ ܝܘܠܝܢܘܣܼ. ܫܕܪ ܓܫܘ̈ܫܐ ܠܡܫܪܝܬܐ ܕܪ̈ܗܘܡܝܐ ܒܐܣܟܝܡܐ
                    ܕܪ̈ܟܠܐ. ܕܢܓܫܘܢ ܘܢܒܨܘܢ ܕܟܡܐ ܪ̈ܒܘܬܐ ܕܚܝܠܐ ܐܝܬ ܥܡ ܩܣܪ. ܘܗܦܟܘ ܫ̈ܠܝܚܘܗܝ ܕܫܒܘܪ. ܘܣܒܪܬܐ
                    ܕܦܣܩ ܣܒܪܐ ܣܒܪܘܗܝ. ܕܐܣܬܪܗܒ. ܦܠܛ ܢܦܫܟܼ. ܘܐܥܕܐ ܚܝܠܟ ܡ ܢܩܕܡ ܚܪܒܐ ܕܪ̈ܗܘܡܝܐ. ܥܕ ܠܐ
                    ܢܬܬܣܝܡ ܥܠܝܢ ܩܪܒܐ ܘܢܚܕܪܢ ܚܝܠܐ ܡܢ ܟܠ ܓܒ̈ܝܢ. ܘܢܒܥܐ ܠܡܫܘܙܒܘ ܢܦܫܢ ܘܠܐ ܢܫܟܚ. ܣܘܓܐܐ ܓܝܪ
                    ܕܚܝ̈ܠܘܬܐ ܐܝܬ ܥܡ ܩܣܪ. ܓܒܪ̈ܐ ܢܚܫܝܪ̈ܬܢܐ ܥܒ̈ܕܝ ܩܪܒܐ. ܠܘ ܓܝܪ ܦܠܚܘ̈ܗܝ ܒܠܚܘܕ ܕܩܣܪ ܐܝܬ
                    ܥܡܗܼ. ܕܡܢ ܟܠ ܥܡ̈ܡܝܢ ܚܠܝܛܝܢ ܚܒܝܟܝܢ ܒܡܫܪܬܗܿ. ܐܢ̈ܫܐ ܛܪ̈ܘܢܐ ܘܒܥܪܝܪ̈ܐ܇ ܠܒ̈ܝܫܝ ܚܡܬܐ
                    ܘܥ̈ܛܝܦܝ ܪܘܓܙܐܿ. ܕܡܿܢܘ ܫܝܢܐ ܠܐ ܝܕܝܥܢ. ܘܟܡܐ ܕܢܟܢܘܫ ܚܝܠܐ ܠܐܝܠܼܢ ܠܐ ܡܘܦܝܢܢ ܠܡܐܪܥ
                    ܩܐܪܣܗܘܢܿ ܝܬܝܪ ܓܝܪ ܡܢ ܚܡܫܝܢ ܪ̈ܒܘܢ ܐܝܬ ܥܡ ܩܣܪ. ܣܛܪ ܡܢ ܐ̈ܢܫܐ ܩ̈ܠܥܐ ܕܡܢ ܐܬܪ ܐܬܪ
                    ܐܬܠܘܝܘ ܠܗܘܢܿ ܘܟܕ ܫܡܥ ܫܒܘܪ ܗܠܝܢ ܡܢ ܫ̈ܠܝܚܘܗܝܼ. ܢܦܠ ܥܠܘܗܝ ܬܡܗܐ ܘܬܗܝܪ ܗܘܐ ܘܓܢܝܚ.
                    ܘܡܢܐ ܢܥܒܕ ܠܐ ܝܕܥܿ ܗܘܼܐ. ܕܢܦܘܫ ܒܗ ܒܐܬܪܐ ܕܚܿܠ ܗܘܼܐܼ. ܕܠܝܬ ܗܘܼܐ ܥܡܗ ܚܝܠܐ ܕܡܘܦܐ
                    ܠܡܐܪܥ ܩܐܪܣܐ. ܘܫܒܩ ܡܢ ܚܝܠܗ ܩܠܝܠ ܒܣܠܩ ܘܒܩܛܝܣܦܘܢ ܡܪ̈ܝܢܬܐ ܕܒܝܬ ܡܠܟܘܬܗ. ܘܫܩܠܗ ܠܡܫܪܝܬܐ
                    ܕܚܝܠܗ. ܘܡܢ ܒܝܬ ܐܪ̈ܡܝܼܐ. ܘܐܙܠܘ ܐܝܟ ܡܪܕܐ ܝܘ̈ܡܬܐ ܚܡܫܐ ... ܘܟܕ ܝܠܼܦ ܝܘܠܝܢܘܣ ܥܠ ܫܒܘܪ
                    ܕܕܚܠ ܡܢ ܩܕܡܘܗܝ ܘܝܗܼܒ ܐܬܪܐܼ. ܐܪܗܒ ܦܘܩܕܢܗ ܠܚܝܠܐ ܕܪ̈ܗܘܡܝܐ. ܘܒܠܗܝ ܐܢܘܢ ܕܢܪܕܘܦ ܒܬܪܗ
                    ܘܟܠܝܗܝ ܝܘܒܝܢܝܢܘܣ ܘܠܐ ܫܒܩܗ. ܐܡܼܪ ܓܝܪ ܕܠܐ ܡܥܕܪܐ ܕܢܪܦܐ ܗܕܐ ܕܩܕܡܝܢ: ܕܡܥܕܢܐ ܒܟܠ 167 ܓܐ̈ܘܢܿ ܘܫܬܝܠܐ ܘܡܠܝܐ ܡ̈ܕܝܢܬܐ ܥ̈ܫܝܢܬܐ ܕܡܠܟܘܬܐ ܕܡܠܝܢ ܟܠ ܛ̈ܘܒܝܿܢ. ܘܣܡܝܢ
                    ܒܗܝܢ ܓ̈ܙܐ ܕܡ̈ܠܟܐܿ. ܘܢܪܕܘܦ ܒܬܪ ܓܒܪܐ ܕܣܐܒ ܘܥܬܩ ܒܩܪ̈ܒܐ ܘܒܩܐܪ̈ܣܐܿ. ܘܝܕܥ ܛ̈ܫܝܬ̈ܿ
                    ܕܐܪܥܗ. ܕܕܡ ܡܢ ܟܕܘ ܡܬܟܡܢ ܠܢ ܒܐܪܥܗ ܘܡܕܢܒ ܠܢ ܘܬܘܒ ܝܬܝܼܪ ܕܐܦܠܐ ܡܥܠܢܐ ܕܐܪܥܗ ܚܟܡܢܢ.
                    ܐܠܐ ܐܢ ܢܝܚ ܠܨܒܝܢܟ ܡܪܝ ܡܿܠܟܼܐ. ܢܥܒܪ ܠܘܩܕܡ ܠܐܬܪܐ ܕܒܝܬ ܐܪ̈ܡܝܐ ܘܢܥܕܐ ܒܙܬܗ ܕܐܬܪܐ
                    ܘܢܚܬܘܡ ܘܢܥܒܕܝܘܗܝ ܒܝܬ ܬܚ̈ܘܡܝܗܿ ܕܡܠܟܘܬܐ. ܐܡܿܪ ܠܗ ܝܘܠܝܢܘܣ. ܫܦܝܪ ܐܦܬܝܢ ܬܚܘ̈ܡܐ
                    ܕܡܠܟܘܬܢ ܥܕܡܐ ܠܗܪܟܐ. ܘܒܿܢܘ ܬܡܢ ܩܝܡܬܐ ܘܦܪܫܘ ܬܚܘ̈ܡܐ: ܘܫܩܼܠ ܡܣܝܒܐ ܕܢܐܡܪ ܠܪܡ ܚܝܠܗ.
                    ܕܡܢ ܗܫܐ ܠܡܼ. ܟܠ ܐܪܥܐ ܕܥܐܠܝܢ ܚܢܢ ܠܗܼ. ܨܒܢܐ ܕܐܚܪܒܝܗܧ ܘܐܓܙܝܗܿ ܡܢ ܥܡܘܪ̈ܝܗܿ. ܘܐܣܚܦ
                    ܫܘܪ̈ܐ ܕܡܕ̈ܝܢܬܗܿ. ܘܐܫܒܩܝܗܿ ܟܕ ܚܪܒܐ ܠܦܪ̈ܣܝܐ. ܘܐܬܢܩܡ ܡܢܗܘܢ ܒܙܕܩܐ. ܚܘ̈ܒܠܐ ܒܝ̈ܫܐ
                    ܕܐܪܡܝܘ ܥܠ ܐܬܪܢ܀ ܝܘܒܢܝܢܘܣ ܕܝܢ ܡܛܠ ܕܨܿܒܐ ܗܘܼܐ ܕܢܚܐ ܢܦ̈ܫܬܐܼ. ܐܡܼܪ ܠܗ ܠܛܪܘܢܐ. ܟܠܗܝܢ
                    ܠܡ ܕܐܬܪܥܝܬ ܡܠܟܘܬܟ. ܫܦܝܪ ܐܬܪܥܝܬ. ܒܪܕ ܕܝܢ ܐܢܿ ܫܦܝܪ ܒܥ̈ܝܢܝܟ ܡܪܝ ܡܠܟܐܼ. ܠܐ ܢܩܪܐ ܚܪܒܐ
                    ܥܠ ܥܡܘܪ̈ܝܗܿ ܕܐܪܥܐ ܕܥܐܠܝܢܢ ܠܗܿ. ܐܠܐ ܢܓܠܐ ܐܢܘܢ ܡܢ ܐܬܪܗܘܢܿ ܘܢܘܬܒ ܐܢܘܢ ܒܝܬ ܐܪ̈ܙܢܝܐܼ.
                    ܒܐܬܪ̈ܘܬܐ ܕܐܥܕܝܬ ܚܪܒܢ ܡܢ ܐܘܚܕܢܐ ܕܒܥ̈ܠܕܒܒܝܢ. ܕܥܫܝܢܝܢ ܘܪܘܝܚܝܢ ܘܕܠܝܠܝܢ ܒܥܡܘܪ̈ܐ. ܦܐܐ
                    ܠܗܿ ܓܝܪ ܘܗܕܝܪ ܠܡܠܟܘܿܬܢܿ ܕܢܗܘܘ ܬܚܘ̈ܡܝܗܿ ܪ̈ܥܡܝܢ ܒܥܡܘܪ̈ܐ ܘܟܗܝܢܝܢ ܒܥܡܐ. ܚܪܘܢܿ
                    ܬܚܘ̈ܡܝܗ ܕܦܪܣ ܟܕ ܚܪܒܝܢܿ ܘܩܘܪ̈ܝܗ ܨܕܝܢ ܡܢ ܥܡܘܪ̈ܝܗܝܿܢ. ܐܝܟ ܕܐܚܪܒ ܬܚܘ̈ܡܝܗܿ ܕܡܠܟܘܬܢܿ
                    ܘܫܦܪ ܦܬܓܡܐ ܒܥ̈ܝܢܘܗܝ ܕܛܪܘܢܼܐ. ܘܥܒܕ ܐܝܟ ܡܠܬܗ ܕܝܘܒܢܝܢܘܣ. ܘܢܚܬ ܝܘܠܝܢܘܣ ܠܐܪܥܐ ܕܒܝܬ
                    ܐܪ̈ܡܝܐܼ. ܒܣܘܓܐܐ ܕܚܝܠܗܼ ܘܒܥܘܫܢܐ ܕܡܠܟܘܬܗ. ܟܕ ܫܩܝܠܝܢ ܗܘܘ ܚܐܦܐ ܕܪ̈ܟܫܐ. ܘܕܒܪܝܢ ܥܡ
                    ܥ̈ܠܥܠܐ ܘܡܢ ܚܠܐ ܕܦܪ̈ܫܐ ܕܪ̈ܟܫܝܗܘܢܼ. ܥܡܛܢܐ ܩܛܪ ܒܐܬܪܐ. ܘܐܝܟ ܗܿܘ ܕܩܛܡܐ ܥܠ ܥܡܘܪ̈ܘܗܝ
                    ܕܐܬܪܐ ܢܚܠܐ ܗܘܬ ܕܫܡܫܐ ܦܟܗ ܗܘܼܐ ܢܘܗܪܗ. ܘܬܪ̈ܥܐ ܕܟܪܟܐ ܘܕܡܕ̈ܝܢܬܐ 168 ܐܬܬܚܕܘ
                    ܘܫܪܟܐ ܕܥܡܘܪ̈ܘܗܝ ܕܐܬܪܐ ܥܡܪ̈ܝ ܫ̈ܛܚܐܼ. ܕܚܠܬܐ ܘܙܘܥܬܐ ܐܚܕܬ ܐܢܘܢ. ܘܫܒܩܘ ܝܩܪܬܗܘܢ
                    ܘܩܢܝܢܗܘܢܼ ܟܠܗ܆ ܘܒܢܦܫܗܘܢ ܐܬܬܣܝܡܘ ܠܡܓܠܝܘ ܡܢ ܐܬܪܗܘܢܘܿ ܘܐܬܣܝܡܘ ܚܝܠܐ ܕܛܝܝ̈ܐ ܒܬܪ
                    ܓܠܘܬܼܐ. ܘܐܗܦܟܘ ܘܣܡܘܗ ܡܢ ܓܒܐ ܓܪܒܝܝܐ ܕܩܛܝܣܦܘܢ ܒܐܬܪܐ ܪܘܝܚܐ ܕܒܗ ܣܝܡܐ ܗܘܬ ܫܟܝܢܬܗ
                    ܕܩܣܪ. ܘܪ̈ܗܘܡܝܐ ܐܫܬܠܛܘ ܒܐܬܪܐ ܐܝܟ ܨܒܝܢܗܘܢܿ ܘܐܬܝܗܒܬ ܠܒܙܬܐ ܐܪܥܐ ܕܒܝܬ ܐܪ̈ܡܝܐ. ܘܠܐ
                    ܡܘܦܝܢ ܠܒܙܬܗ ܕܐܬܪܐ ܕܪ̈ܗܘܡܝܐ. ܡܛܠ ܕܣܓܝܐܐ ܗܘܬ ܡܢܗܘܢܿ ܟܠܗܿ ܓܝܪ ܝܩܪܬܗܘܢ ܘܩܢܝܢܗܘܿܢܿ ܟܕ
                    ܐܬܣܝܡܘ ܗܘܘ ܠܡܓܠܝܘ ܡܢ ܐܬܪܗܘܢܼ. ܘܝܘ̈ܡܬܐ ܣ̈ܓܝܐܐ ܥܦܝܢ ܗܘܘ ܪ̈ܗܘܡܝܐ. ܒܙܬܗ ܕܐܪܬܐ ܒܫܒܝܐ
                    ܕܥܡܘܪ̈ܘܗܝ. ܘܟܕ ܐܣܬܝܟܬ ܫܒܝܬܐ ܘܓܡܪܬ ܒܙܬܐ. ܘܒܠܚܘܕ ܬܪ̈ܬܝܗܝܢ ܡܕ̈ܝܢܬܐ ܪܘܪ̈ܒܬܐ ܕܒܝܬ
                    ܡܠܟܘܬܗ ܕܫܒܘܪ: ܐܫܬܚܪ ܕܠܐ ܫܠܛܘ ܒܗܝܢ ܪ̈ܗܘܡܝܐܼ. ܥܕܡܐ ܕܐܣܬܝܟܬ ܒܙܬܗ ܘܫܒܝܬܗ ܕܐܬܪܐ܇ ܘܟܕ
                    ܗܘܼܐ ܫܠܝܐ ܘܟܢܼܫ ܚܝܠܐ. ܘܦܩܕ ܝܘܠܝܢܘܣ ܘܐܬܬܣܝܡ ܚܝܠܐ ܥܠ ܟܠܗ ܩܛܝܣܦܘܢܿ ܘܫܪܝܘ ܠܡܥܒܕ ܥܡܗ
                    ܩܒܪܒܐ. ܘܗܘܘ ܥܡܘܪ̈ܝܗ ܒܐܘܠܨܢܐ ܪܒܐ. ܠܐ ܓܝܪ ܡܼܘܦܝܢ ܗܘܘ ܠܫܘܪܐ ܠܒ̈ܫܐ ܕܟܪܟܐ. ܘܣ̈ܓܝܐܐ ܡܢ
                    ܥܡܘܪ̈ܝܗܿ ܕܡܕܝܢܬܐ ܕܩܝܡܝܢ ܗܘܘ ܥܠ ܫܘܪܝܐ ܘܡܥܕܪܝܢ ܠܠܒ̈ܫܐ. ܐܬܡܚܝܘ ܒܓܐܪ̈ܐ ܘܡܝܬܘ. ܘܐܚܕܬ
                    ܕܚܠܬܐ ܠܥܡܘܪ̈ܘܗܝ ܕܟܪܟܐ. ܘܠܐ ܐܘܣܦ ܬܘܒ ܠܡܬܚܙܝܘ ܥܠ ܫܘܪܐ. ܡܛܠ ܕܕܚܠܘ ܕܠܡܐ ܢܫܿܬܦܪܘܢ
                    ܒܓܐܪ̈ܐ: ܘܟܕ ܬܩܦ ܠܗ ܥܠܝܗܘܢ ܩܪܒܐ ܘܥܫܢ ܐܘܠܨܢܐ ܘܟܘ̈ܕܢܘܬܐ. ܘܫܪܝܘ ܪ̈ܗܘܡܝܐ ܠܡܟܒܫ ܦܠܓܗ
                    ܕܫܘܪܐ. ܣܠܩܘ ܘܚܙܘ ܥܡܘܪܗܝܗܿ ܕܩܛܝܣܦܘܢܼ. ܕܐܦ ܟܕ ܠܐ ܨܒܝܢ ܡܬܟܒܫ ܠܗ ܫܘܪܐ ܕܡܕܝܢܬܗܘܿܢܿ
                    ܒܝܕ ܨܢ̈ܥܬܐ ܘܪ̈ܘܟܒܐ ܕܐܘ̈ܡܢܐ ܚܟܝ̈ܡܐ ܕܐܝܬ ܥܡ ܩܣܪ. ܘܐܬܪܥܝܘ ܪܘܪ̈ܒܢܝܗܿ ܕܡܕܝܢܬܐܼ. ܕܥܕܪܐ
                    ܗܼܝ ܕܢܫܠܡܘܢ ܐܝܕܐ ܒܨܒܝܢ ܚܐܪܘܬܗܘܢ ܠܡܠܟܘܬܐ ܕܪ̈ܗܘܡܝܐ ܘܢܚܘܢ ܢܦܫ̈ܬܗܘܢܿ ܝܬܝܪ ܡܢ
                    ܕܢܬܩܪܘܢܿ ܘܩܪܝܝܘܬܗܘܢ ܬܗܘܐ ܥܠܬ ܐܒܕܢܗܘܢܼ ܘܢܣܒܘ ܡܿܠܼܟܐ ܪܘܪ̈ܒܢܐ ܡܢ ܥܡܘܪ̈ܘܗܝ 169 ܕܟܪܟܐܼ. ܘܢܦܩܘ ܒܥܕܢܐ ܕܠܠܝܐ ܠܡܫܟܢܗ ܕܩܣܪ. ܘܫܕܘ ܢܦܫܗܘܢ ܥܠ ܐܦ̈ܝܗܘܢ ܩܕܡ
                    ܪ̈ܓܠܘܗܝ ܕܝܘܠܝܢܘܣ܇ ܟܕ ܡܬܟܫܦܝܢ ܗܘܘ ܠܗ ܥܠ ܕܡܐ ܕܢܦ̈ܫܬܗܘ̤ܼ. ܘܕܟܠܗܘܢ ܥܡܘܪ̈ܘܗܝ ܕܟܪܟܐ.
                    ܗܼܘ ܕܝܢ ܩܒܠ ܐܢܘܢ. ܘܡܠܐ ܒܠܒܗܘܢ ܘܒܝܐ ܐܢܘܢܿ ܟܕ ܐܡܿܪ. ܕܐܚܝܠܘ ܠܡܼ ܘܠܐ ܬܕܚܠܘܢ. ܐܕܪܟܬܘܢ
                    ܓܝܪ ܢܦܫ̈ܬܟܘܢ ܘܐܬܬܓܪܬܘܢ ܚܝܝ̈ܟܘܢܿ ܘܡܢ ܗܫܐ ܡܢܼܬܐ ܚܕܐ ܡܢ ܣܥܪܐ ܕܪܝܫܐ ܕܥܡܘܪ̈ܘܗܝ ܕܟܪܟܐ
                    ܥܠ ܐܪܥܐ ܠܐ ܢܦܠܐ. ܒܪܡ ܕܝܢ ܐܬܪܚܩܘ ܡܢ ܦܠܚ̈ܘܗܝ ܕܡܠܟܐ ܕܣܝܡܝܢ ܠܗ ܒܡܕܝܢܬܟܘܢ. ܕܕܠܡܐ
                    ܒܥܠܬܗܘܢ ܬܐܒܕܘܢܿ ܘܥܒܕܘ ܥܡܘܪܝܗ ܕܩܛܝܣܦܘܢ ܐܝܟ ܦܘܩܕܢܗ ܕܩܣܪ. ܘܐܫܠܡܘ ܟܪܟܐ ܠܪ̈ܗܘܡܝܐ
                    ܒܥܕܢܗ ܕܠܠܝܐ. ܘܥܠܘ ܪ̈ܗܘܡܝܐ ܒܫܠܝܐܼ. ܘܚܪܒܘ ܠܟܠܗܘܢ ܦܠܚ̈ܘܗܝ ܕܫܒܘܪ. ܗܠܝܢ ܕܫܒܩ ܗܘܼܐ
                    ܐܢܘܢ ܕܢܛܪܘܢ ܟܪܟܐ. ܘܠܥܕܢܗ ܕܨܦܪܐ ܥܡ ܕܢܚܗ ܕܫܡܫܐܼ. ܥܠ ܗܘܐ ܝܘܠܝܢܘܣ ܠܡܕܝܢܬ ܡܠܟܘܬܗ
                    ܕܫܒܘܪ. ܒܙܘܚܐ ܪܒܐ ܕܡܫ̈ܒܚܢܐ ܕܩܕܡܘܗܝ. ܟܪ ܫܩܝܠܐ ܠܗ ܪܡܘܬܐ ܘܥܛܝܦ ܠܗ ܫܘܒܗܪܐ. ܘܟܕ ܝܠܦܘ
                    ܥܡܘܪ̈ܝܗܿ ܕܣܠܩ ܕܐܫܠܡܼܘ ܥܡܘܪ̈ܝܗܿ ܕܩܛܝܣܦܘܢ ܐܨܛܒܝܘ ܐܦ ܗܢܘܢ ܕܢܫܠܡܘܢ. ܘܠܐ ܫܒܩܘ ܐܢܘܢ
                    ܦܠܚ̈ܘܗܝ ܕܫܒܘܪ. ܗܠܝܢ ܕܣܝܡܝܢ ܗܘܘ ܠܡܛܪ ܡܕܝܢܬܐ. ܐܡܪܘ ܓܝܪ ܕܠܐ ܠܡ ܡܘܒܕܝܢ ܐܢܬܘܢ ܚ̈ܝܝܢ
                    ܒܫܟܚܬܐ ܕܝ̈ܝܟܘܢܿ ܐܠܐ ܐܓܪܘ ܪܘܚܐ ܕܢܬܪܥܐ ܟܠܢ ܚܕܐ ܬܪܥܝܬܐ. ܘܢܗܘܐ ܚܕܐ ܢܦܫܝ ܘܚܕ ܪܥܝܢ. ܐܢ
                    ܠܡܘܬܐ ܘܐܢ ܠܚܝ̈ܐ. ܘܐܢ ܬܓܕܫ ܗܿܝ ܕܓܕܫܬ ܠܐܚ̈ܝܢ ܒܩܛܝܣܦܘܢܿ ܘܟܒܪ ܡܬܥܩܒ ܡܘܬܗܘܢ ܘܡܬܬܒܥ
                    ܕܡܗܘܢܿ ܠܐ ܓܪܝ ܥܕܟܝܠ ܫܩܼܠ ܣܟܐ ܩܐܪܣܐ. ܘܟܡܐ ܕܚܝ ܫܒܘܪ ܘܩܝܡܼ ܠܝܬ ܙܟܘܬܐ ܠܪ̈ܗܘܡܝܐ. ܘܠܐ
                    ܣܠܩܐ ܠܪܝܫ ܚܕܘܬܗܘܢܼ. ܒܪܡ ܕܝܼܢ ܐܝܟ ܥܒ̈ܕܐ ܛܒ̈ܐ ܕܢܛܪܝܢ ܫܪܪܐ ܥܡ ܡܪܗܝܗܘܢܼ. ܢܓܪ ܪܘܚܐ
                    ܡܠܐ ܫܒܘܥܐ ܕܝܘ̈ܡܬܐܼ. ܢܬܬܣܝܡ ܬܚܝܬ ܩܢܕܝܢܘܣ ܕܡܫܠܡܢܘܬܐ. ܘܐܢ ܕܢܚ ܠܢ ܡܢ ܪܘܟ ܦܘܪܩܢܐ.
                    ܘܐܠܐ ܐܫܠܡܢܢ ܟܪܟܐ ܐܝܟ ܡܠܬܟܘܢܿ ܥܡܘܪ̈ܝܗ ܕܣܠܩ ܢܨܝܢ ܗܘܘ ܥܡܗܘܢ ܩܫܝܐܝܬܼ. ܘܪܝܒܝܢ ܟܕ
                        ܐܡܪܝܢ. 170 ܙܠܘ ܠܟܘܢ ܡ̈ܠܘܟܐ ܕܣ̈ܢܝܬܐ ܕܐܚܪܒܬܘܢܗ ܠܐܪܥܐ ܒܛܪܘܢܘܬܟܘܢܿ ܡܢܘ
                    ܠܡ ܫܒܘܪ. ܘܡܢܘ ܒܪܗ ܕܗܘܪܡܙܕ. ܥܘܼܠܐ ܥܠܝܟܘܢܿ ܘܥܠ ܫܒܘܪ ܡܠܟܟܘܢܿ ܕܫܪܝܬܘܢ ܫܝܢܐ ܕܒܝܬ
                    ܡ̈ܠܟܘܬܐܼ. ܘܐܝܬܝܬܘܢ ܥܠ ܐܬܪܢ ܒܝܫܬܐ. ܘܥܫܢܬ ܡܠܬܐ ܕܥܡܘܪ̈ܘܗܝ ܕܟܪܟܐ. ܡܢ ܡܠܬܐ ܕܠܒ̈ܫܐ
                    ܦܠܚ̈ܘܗܝ ܕܫܒܘܪ. ܘܐܫܠܡ ܐܝܕܐ ܠܩܣܪܼ. ܘܦܬܚܘ ܬܪܥܐ ܕܡܕܝܢܬܗܘܢ ܩܕܡ ܚܝܠܐ ܕܪ̈ܗܘܡܡܝܐ. ܘܚܝܠܐ
                    ܕܦܪ̈ܣܝܐ ܕܣܝܡܝܢ ܗܘܘ ܠܡܛܪ ܟܪܟܐܼ. ܐܬܝܗܒܘ ܠܦܘܡܐ ܕܣܝܦܐ ܘܐܬܚܪܒܘ. ܘܪ̈ܗܘܡܝܐ ܐܫܬܠܛܘ
                    ܒܡ̈ܕܝܢܬܐ ܕܒܝܬ ܡܠܟܘܬܗ ܕܫܒܘܪ. ܐܝܟ ܨܒܝܢܗܘܢܿ ܘܒܙܘ ܢܟܣ̈ܝܗܘܢܿ ܘܣܦܩܘ ܓܙܝ̈ܗܝܢ ܘܥܩܪܘ
                    ܫܘܪ̈ܝܗܝܢ ܘܐܦܩܘ ܒܫܒܝܐ ܠܥܡܘܪ̈ܝܗܝܢ. ܘܩܠ ܓܥܬܗܘܢ ܘܥܘܬܗܘܢ ܠܫܡܝܐ ܣܠܩܐ ܗܘܬ. ܘܟܪܝܬ ܠܗ
                    ܥܠܝܗܘܢ ܠܝܘܒܢܝܢܘܣ. ܘܩܪܒ ܥܠܝܗܘܢ ܒܥܘܬܐ ܠܩܣܪ ܟܕ ܐܡܿܪ. ܕܐܢ ܠܡ ܐܫܟܚܬ ܪ̈ܚܡܐ ܒܥ̈ܝܢܝ
                    ܡܠܟܘܬܟܼ. ܬܥܘܠ ܩܕܡ ܡܪܚܡܢܘܬܟ. ܓܥܬܗܘܢ ܘܥܘܬܗ ܕܒ̈ܢܝ ܫܒܝܐ. ܘܐܫܦܥ ܪ̈ܚܡܐ ܥܠ ܐܠܝܨܘܬܗܘܢ.
                    ܛܒ ܓܝܪ ܐܠܨܢ ܠܗܘܢ ܚܝ̈ܠܘܬܐ ܕܥܡܢ. ܘܒܗܕܐ ܬܘܒܝܬܝܪ ܡܬܩܠܣܐ ܡܪܚܡܢܘܬܟ܇ ܟܕ ܬܦܩܘܕ ܐܠܗܘܬܟ
                    ܦܘܩܕܢܐ ܕܪ̈ܚܡܐ. ܥܠ ܥܡܐ ܐܠܝܨܐ ܕܚܕܪܝܗܝ ܥܗܩܬܐ. ܐܡܿܪ ܠܗ ܝܠܘܝܢܘܣ. ܘܗܐ ܫܩܝܠ ܗܘ ܠܟ ܡܢܢ
                    ܫܘܠܛܢܗܿ ܕܗܕܐ. ܕܟܠ ܕܫܦܝܪ ܠܨܒܝܢܟ ܬܦܩܘܕ ܘܬܫܬܡܥܿ ܡܕܒܪܢܐ ܓܝܪ ܘܦܩܘܕܐ ܣܡܬܟ ܥܠ ܟܠܗܘܢ
                    ܚܝ̈ܠܘܬܝ. ܝܘܒܢܝܢܘܣ ܐܡܼܪ. ܘܟܕ ܛܒ ܫܘܠܛܢܐ ܐܬܝܗܒ ܠܝ ܡܢ ܐܠܗܘܬܟܼ. ܐܠܐ ܒܠܥܕ ܦܘܩܕܢܟ.
                    ܕܐܣܥܘܪ ܡܕܡ ܣܟ ܠܐ ܡܡܪܚ ܐܢܐ. ܘܥܒܕ ܝܘܠܝܢܘܣ ܐܝܟ ܡܠܬܗ ܕܓܒܪܐ ܦܪܘܫܐ. ܘܦܩܕ ܕܠܐ ܐܢܫ ܡܢ
                    ܚܝ̈ܠܘܬܐ ܕܥܡܢ. ܢܒܐܫ ܠܒ̈ܢܝ ܫܒܝܐ. ܕܗܢܐ ܨܒܝܢܐ ܗܘܐ ܠܢ: ܘܕܠܐ ܢܫܩܠܘܢ ܐܣܟܝܼܡܐ ܕܠܒܘܫܗܘܢ
                    ܦܩܕ ܛܪܘܢܐ. ܐܠܐ ܐܢܫ ܐܢܫ ܒܗܿܘ ܡܐ ܕܐܫܬܟܚ ܥܠܘܗܝ ܟܕ ܐܬܬܚܕ. ܒܗ ܠܡ ܢܫܬܒܩ. ܐܢ ܓܒܪܐ ܗܼܘ
                    ܘܐܢ ܐܢܢܬܐ ܗܼܝ. ܟܕ ܠܐ ܐܢܫ ܢܡܪܚ ܘܢܫܓܢܐ ܡܢ ܠܒܘܫܗܘܢ ܡܕܡ. ܐܘ ܢܘܫܒ ܐܝܕܗ ܒܬܨܒܝܬܐ
                    ܕܚ̈ܫܠܬܐ. ܕܒ̈ܢܝ ܫܒܝܐ. ܘܕܠܐ ܢܨܛܥܪܢ ܢܫ̈ܐ ܩܕܡ ܓܒܪ̈ܝܗܝܢ ܡܢ ܫ̈ܒܝܐ. ܦܩܕ ܝܘܠܝܢܘܣܼ. ܘܐܦܠܐ
                         171 ܢܬܦܪܫܘܢ ܒ̈ܢܝ ܫܒ̈ܝܐ ܓܒܪ ܡܢ ܐܢܬܬܗ ܘܒ̈ܢܘܗܝ. ܘܐܣܓܝ ܙܘܗܪܐ ... ܗܠܝܢ
                    ܕܝܢ ܟܠܗܝܢ ܕܗ̈ܘܝܼ. ܒܡܥܒܕܢܘܬܗ ܕܝܘܒܝܢܝܢܣ ܡܗܝܡܢܐܿ ܘܫܿܘܐ ܠܕܘܟܪܢܐ ܛܿܒܐ ܒܣܘܥܪ̈ܢܘܗܝ
                    ܫܦܝܪ̈ܐ. ܝܘܠܝܢܘܣ ܕܝܢ ܡܛܠ ܕܣܝܡܐ ܗܘܬ ܠܗ ܥܕܟܝܠ ܕܢܥܒܕ ܩܪܒܐ ܥܡ ܡܿܠܟܐ ܕܦܪܣܼ. ܨܿܒܐ ܗܘܼܐ
                    ܕܢܫܢܝܗܿ ܠܫܒܝܬܐ ܢ ܐܪܬܗ. ܠܐܬܪ̈ܘܬܐ ܕܟܒܫ ܒܩܕܡܝܬܐ. ܐܝܟ ܡܠܬܗ ܕܝܘܒܝܢܝܢܘܣ ܪܒ ܚܝܠܗܼ. ܕܠܡܐ
                    ܢܗܘܘܢ ܠܗ ܒܢ̈ܝ ܫܒܝܐ ܫܦܝܐ ܒܩܪܒܐ. ܘܦܩܕ ܘܬܩܢܬ ܠܗ ܒܐܡܐ ܒܐܬܪܐ ܪܘܝܚܐ ܒܓܒܗܿ ܓܪܒܝܝܐ
                    ܕܩܛܝܣܦܘܢܿ ܘܟܕ ܝܬܼܒ ܥܠ ܒܝܡ ܕܝܗܼ. ܪܡܙ ܗܘܼܐ ܠܡܗܝ̈ܡܢܘܗܝ. ܘܐܝܟ ܦܘܩܕܢܐ ܕܩܒܠܘ ܗܘܘ ܡܢܗܼ.
                    ܣܒܠܘ ܟܫܘ ܩܕܡܘܗܝ ܕܗܒܐ ܘܣܐܡܼܐ ܐܝܟ ܫܩ̈ܝܦܐ. ܘܦܩܕ ܕܬܥܒܪ ܫܒܝܬܐ ܩܕܡܘܗܝܼ. ܟܕ ܩܝܡܝܢ ܗܘܘ
                    ܚܝ̈ܠܘܬܗܿ. ܡܢ ܝܡܝܢܗ ܘܡܢ ܣܡܠܗ. ܘܡܙܝܢܝܢ. ܘܥܒܪܐ ܗܘܬ ܩܕܡܘܗܝ ܫܒܝܬܐ ܕܒܝܬ ܐܪ̈ܡܝܐ. ܒܛܟܣܐ
                    ܘܒܐܣܟܡܐ ܕܦܩܕ. ܓܒܪ ܘܒܝܬܗ ܐܟܚܕܐ. ܘܠܦܘܬ ܡܢܝ̈ܢܐ ܕܢܦܫ̈ܬܐܼ. ܡܬܝܗܒ ܗܘܐ ܠܗܘܢ ܕܗܒܐ ܘܟܣܦܐ
                    ܠܦܘܪܢܣܐ ܕܚܝܝ̈ܗܘܢܿ ܥܕ ܡܬܝܬܒܝܢ ܒܐܪܥܐ ܘܐܟܠܝܢ ܡܢ ܥ̈ܠܠܬܗܿ. ܘܟܕ ܓܡܪܬ ܫܒܝܬܐ ܘܐܣܬܝܟܬܼ.
                    ܐܪܡܘ ܚܝ̈ܠܘܬܗ ܩܠܗܘܢ ܥܠ ܬܫܒܘܚܬܗܼ. ܘܫܘܒܚܐ ܣܪܝܩܐܼ ܡܫܬܕܪܝܢ ܗܘܘ ܠܗ ܒܩ̈ܠܝܗܘܢܿ ܘܥܕܢܐ
                    ܣܓܝܐܐ ܡܩܠܣܝܢ ܗܘܘ ܠܫܢܝܐ. ܗܼܘ ܕܝܢ ܚܪܡܼܐ ܠܝܛܐܼ. ܟܕ ܣܒܥܬ ܡܫܡܥܬܗ ܩܘ̈ܠܣܐܼ. ܘܬܫܒ̈ܚܬܐ
                    ܣܪ̈ܝܩܬܐ ܕܡܫܐܠܝܢ ܗܘܘ ܠܗܼ. ܐܢܝܦ ܠܗܘܢ ܐܝܕܗ ܘܫܠܝ ܐܢܘܢܿ ܘܟܕ ܪܡܐ ܥܠܝܗܘܢ ܫܠܝܐܼ. ܐܙܝܥ
                    ܗܘܐ ܠܘܬܗܘܢ ܡܠܬܗ ܒܫܐ̈ܝܠܬܐܿ. ܕܢܦܪܘܥ ܐܢܘܢ ܩܠܐ ܣܦܝܩܐ ܕܐܫܐܠܘܗܝ. ܘܫܩܠ ܕܢܐܡܪ ܗܘܼܐ ܠܗܘܢ
                    ܒܣܝܡܐܝܬ. ܠܢ ܠܡ ܘܿܠܐ ܗܘܼܐ ܝܘܡܢ ܕܢܘܫܛ ܠܟܘܢ ܩܘܠܣܐ. ܥܠ ܓܢܒܪ̈ܘܬܐ ܕܚܝܘܝܬܘܢܿ ܒܐܪܥܐ
                    ܕܓܢܒܪ̈ܐ. ܠܐ ܓܝܪ ܛܥܝܐ ܠܢ ܗܕܐ܇ ܕܠܐ ܗܘܼܐ ܒܚܝܠܢ ܕܝܠܢ ܐܘ ܒܬܩܝܦܘܬܢ ܗܘܬ ܗܕܐ ܕܐܣܬܥܪܬ.
                    ܐܠܐ ܕܝܢ ܠܘܩܕܡ ܒܥܘܪܕܢܐ ܕܐ̈ܠܗܐ ܕܠܘܝܢ ܠܢ. ܒܬܪ ܕܝܢ ܐ̈ܠܗܐ ܒܥܘܫܢܐ ܕܓܢܒܪܘܬܟܘܢܼ. ܫܩܠܬ
                    ܡܠܟܘܬܢ ܫܡܐ ܗܢܐ ܘܢܨܚܢܐ. ܡܢܘ ܓܝܪ ܒܟܠܗܘܢ ܥ̈ܡܡܐ ܘܠܫ̈ܢܐܿ. ܥܒܕ ܫܡܐ ܘܢܨܚܢܐ  172 ܕܥܒܕܬܘܢܿ ܕܠܡܠܟܘܬܐ ܕܓܒܪ̈ܐ ܕܕܫܬ ܟܠ ܡ̈ܠܟܘܢܿ ܕܫܬܘܢܗܿ ܬܚܝܬ ܪ̈ܓܠܝܟܘܢܿ ܘܥܒܕܬܘܢܗܿ ܒܙܚܐ
                    ܘܚܣܕܐ ܒܟܠ ܡ̈ܠܟܘܢܿ ܘܡܢܘ ܠܡ ܠܐ ܢܩܪܝܟܘܢ ܓܢܒܪ̈ܐܿ. ܕܫܩܐ ܪܡܬܐ ܕܒܝܬ ܢܡܪܘܕ ܚܒܬ ܡܢ
                    ܩܕܡܝܟܘܢܿ ܘܡܢܘ ܠܕܐ ܢܫܡܗܟܘܢ ܚܝ̈ܠܬܢܐܿ. ܕܡܠܟܘܬܐ ܕܪ̈ܗܘܡܝܐ ܒܐܝܕܝ̈ܟܘܢ ܐܫܥܢܬ ܬܚ̈ܘܡܝܗܿ.
                    ܠܟܘܢ ܠܟܘܢ ܗܘ ܝܐܐ ܥܘܫܢܐ ܘܓܢܒܪܘܬܐ ܕܠܫܒܘܪ ܛܪܘܢܐ ܕܚܣܢ ܟܠ ܡ̈ܠܟܘܢ܇ ܐܝܟ ܫܦܠܐ ܘܚܠܫܐ
                    ܐܥܪܩܬܘܢܝܗܝ ܡܢ ܩܕܡܝܟܘܢܿ ܠܟܘܢ ܠܡ ܦܐܝܐ ܩܪܒܬܢܘܬܐ ܘܚܠܝܨܘܬܐܿ. ܕܐܪܝܡܬܘܢ ܒܪܝܫܗܿ ܕܡܠܟܘܬܢܿ
                    ܘܢܨܚܬܘܢܗܿ. ܘܡܢܐ ܠܡ ܐܝܬ ܠܡܦܪܥ ܚܠܦ ܗܠܝܢ. ܐܠܐ ܒܠܚܘܕ ܩܘܒܠ ܛܒܝܘܬܐ. ܟܠܗܘܢ ܓܝܪ ܓ̈ܙܝܗܿ
                    ܕܡܠܟܘܬܢܿ ܟܕ ܐܬܠ ܥܡ ܒܙܬܐ ܕܐܥܕܝܬ ܚܪܒܢ. ܠܐ ܣܦܩܝܢ ܚܢܢ ܠܗܕܐ ܕܒܐܝ̈ܕܝܟܘܢ ܐܣܬܥܪܬ. ܕܗܐ
                    ܬܩܢܬ ܠܢ ܒܐܡܐ ܒܐܪܥܗ ܕܫܒܘܪ. ܘܐܬܩܠܣܢܢ ܒܐܘܚܕܢܗ. ܘܗܘ ܥܪܝܩ ܘܛܪܝܕ ܡܢ ܐܬܪܗ. ܐܝܟ ܡܚܝܠܐ
                    ܘܕܘܝܐ. ܬܘܕܼܝ ܕܝܢ ܠܐ̈ܠܗܐ ܕܒܐܝ̈ܕܟܘܢ ܫܟܢ ܠܗܿ ܗܕܐ ܠܡܠܟܘܬܢܿ ܘܡܢ ܗܫܐ ܐܦ ܠܢ ܙܕܩ ܠܼܢ.
                    ܕܢܡܠܐ ܐܝ̈ܕܝܼܢ ܠܐ̈ܠܗܐ ܒܕ̈ܒܚܝܢ ܘܒܩܘܪ̈ܒܢܝܢ܇ ܥܠ ܚܝܒܘܬܗܿ ܕܐܬܘܪ̈. ܘܥܠ ܙܟܘܬܗܿ ܕܡܠܟܘܬܢܿ
                    ܘܐܝܟ ܗܫܐ ܛܥܡ̈ܢܐ ܘܦܪ̈ܘܫܐܼ. ܢܦܪܘܫ ܦܘܪܫܢܐ ܠܐ̈ܠܗܐ ܕܙܟܝܘܢܿ ܘܢܥܒܕ ܠܗܘܢ ܥܐܕܐ ܕܙܟܘܬܢܧ
                    ܒܐܪܥܐ ܕܒܥ̈ܠܕܒܒܝܢ. ܝܘܡ̈ܬܐ ܫܒ̈ܥܐ. ܘܢܚܕܐ ܘܢܬܒܣܡ ܡܢ ܒܙܬܐ ܕܒ̈ܥܠܝܕܒܒܝܢ. ܘܢܬܦܛܡ ܡܢ ܛܘܒܐ
                    ܕܥ̈ܠܠܬܐ ܕܐܪܥܗܘܢܿ ܘܩܪܐ ܠܪ̈ܒܝ ܐ̈ܠܦܐ ܘܠܪ̈ܒܝ ܡܐ̈ܘܬܐ. ܘܠܪ̈ܒܝ ܚܡܫܝܼܢ. ܘܐܟܝܠ ܝܗܿܒ ܠܗܘܢ
                    ܕܗܒܐ ܘܣܐܡܐ ܒܟܝܠܬܐܼ. ܒܥܝܢܐ ܪܘܝܚܬܐ ܘܒܐܝܕܐ ܫܦܝܥܬܐ ܠܐܢܫ ܐܢܫ ܒܙܕܩܗܼ ܠܦܘܬ ܕܪܓܗ. ܕܢܚܕܘܢ
                    ܘܢܬܒܣܡܘܢ ܒܥܐܕܐ ܕܦܬܟܪ̈ܘܗܝ ... ܝܘܒܝܢܝܢܘܣ ܕܝܢ ܐܒܝܠ ܗܘܼܐ ܘܚܫܝܫ ܥܠ ܛܥܝܘܬܗ ܕܡܠܟܐ ܫܢܝܐ.
                    ܕܐܦܠܐ ܒܐܪܥܐ ܢܘܟܪܝܬܐ ܕܠܐ ܕܝܠܗ ܐܬܕܚܝ ܡܢ ܚܢܦܘܬܗ ܘܬܟ ܡܢ ܫܢܝܘܬܗ. ܘܕܠܐ ܢܨܛܝܐ ܕܟܝܐ
                    ܒܪܙܦܐ ܕܚܢܦ̈ܐ ܕܡܟܬܡܐܼ. ܪܟܒ ܥ̈ܠܠܬܐ ܕܒܗܝܢ ܢܬܓܘܣ ܘܢܢܟܪܐ ܢܦܫܗ ܠܝܘܡ̈ܬܐ ܒܝ̈ܫܐ ܕܦܪܫ
                    ܛܪܘܢܐ ܠܦܬܟܪ̈ܘܗܝܿ ܐܿܡܪ ܠܗ ܠܥܘܿܠܐ. ܕܠܐ ܠܡ ܦܐܠܐ ܡܝܪ ܡܿܠܟܐܿ. ܕܒܝܘܡܐ ܪܒܐ ܕܐ̈ܠܗܐ 173 ܕܚܕܝܢ ܒܗ ܟܘܠܗܝܢ ܡܫܪ̈ܝܬܟܿ. ܬܣܩ ܒܗ ܓܥܬܐ ܘܥܘܬܐ ܕܥܡܘܪ̈ܐ ܕܐܬܪܐܿ.
                    ܠܐܕ̈ܢܝܗܿ ܕܡܠܟܘܬܟ ܘܠܐܕ̈ܢܐ ܕܪܘܪ̈ܒܢܝܟ. ܐܠܐ ܐܢ ܢܝܚ ܠܨܒܝܢܐ ܕܡܪܘܬܟ. ܐܦܣ ܠܝ ܕܐܢܐ ܩܢܘܡܝ
                    ܐܓܠܐ ܐܢܘܢ ܡܢ ܐܬܪܗܘܢܿ ܕܠܼܐ ܢܒܐܫܘܢ ܠܗܘܢ ܫܒ̈ܚܗܘܢ. ܘܢܥܕܘܢ ܡܢܗܘܢ ܙܕܩܐ ܕܝܗܒܬ ܠܗܘܢ
                    ܡܪܚܡܢܘܬܟ. ܠܦܘܪܢܣܐ ܕܚܝܝ̈ܗܘܢܿ ܘܫܦܪܬ ܗܕܐ ܒܥܝ̈ܢܘܗܝ ܕܛܪܘܢܐ. ܘܐܦܣ ܠܗ ܕܢܥܒܕ ܐܝܟ ܕܫܐܠ.
                    ܘܫܩܠܗܿ ܝܘܒܝܢܝܢܘܣ ܠܫܒܝܬܐ ܡܢ ܒܝܬ ܐܪ̈ܡܝܐܼ. ܘܐܝܬܝܗܿ ܠܐܬܪ̈ܘܬܐ ܕܐܪܙܗܘܢ ܘܕܐܪܡܝܢ. ܘܐܘܬܒ
                    ܐܢܘܢ ܒܐܪܥܐ ܫܡܝܢܬܐ. ܘܝܗܼܒ ܩܢܝܢܐ ܠܦܘܠܚܢܗܿ ܕܐܪܥܐ. ܘܒܛܝܒܘܬܐ ܘܒܪ̈ܚܡܐ ܐܬܚܫܚ ܥܡܗܘܿܢ
                    ܘܡܘܕܝܢ ܗܘܘ ܠܛܝܒܘܬܗ ܘܡܨܠܝܢ ܥܠ ܙܟܘܬܗ. ܘܠܘ ܗܢܘܢ ܒܠܚܘܕ ܐܠܐ ܐܦ ܒܟܠܗ ܐܬܪܐ ܕܒܝܬ
                    ܐܪ̈ܡܢܝܐ. ܘܒܝܬ ܐܪ̈ܙܢܝܐ. ܡܬܬܘܕܝܐ ܗܘܬ ܛܝܒܬܘܗ ܕܗܢܐ ܦܪܘܫܐ ... ܘܟܕ ܬܘܒ ܣܝܡܐ ܗܘܬ ܠܗ
                    ܠܓܒܪܐ ܙܕܝܩܐ ܕܢܥܒܪ ܒܗܿ ܒܐܪܥܐ: ܘܡܢ ܕܝܠܗ ܢܣܥܘܪ ܠܐܠܝ̈ܨܝܗܿ. ܛ̈ܒܐ ܣܪܗܒܘܗܝ ܘܥܘܟܘܗܝ ܡܢ
                    ܣܘܥܪܢܗ. ܐܬܘ ܓܝܪ ܐܢ̈ܫܐ ܦܪ̈ܘܫܐ ܡܢ ܥܡܘܪ̈ܘܗܝ ܕܐܬܪܐ. ܘܓܠܘ ܠܗ ܒܪܙ ܟܣܝܐܝܬ. ܕܚܝܠܐ ܠܡ ܕܠܐ
                    ܣܟܐ. ܐܬܬܣܡ ܥܠ ܬܚܘܡܐ. ܘܐܚܕ ܡܥܠܢܗܿ ܕܐܬܘܿܪ ܕܠܐ ܐܢܫ ܢܥܠ ܬܘܪܣܝܐ ܠܚܝ̈ܠܘܬܟܘܢܿ ܐܝܟܢܐ
                    ܕܒܟܦܢܐ ܢܫܬܦܠ ܥܘܫܢܐ ܕܡܫܪܝܬܟܘܢܿ ܘܗܝܕܝܢ ܢܬܟܬܫܘܢ ܥܡܟܘܢܿ ܘܗܫܐ ܠܡ ܥܕܠܐ ܡܬܝܠܦܝܢ ܥܠܝܟ
                    ܒܥܠܕܒ̈ܒܐ. ܕܒܚܝܠܐ ܙܥܘܪܐ ܫܪܝܬ ܒܐܬܪܢܿ ܝܘܒܢܝܢܣ ܒܪܢܫܐ ܘܒܨܦܬܐ ܣܓܝܐܬܐ. ܛܪܘܢܐ ܕܝܢ ܠܝܛܐ
                    ܒܕܠܐ ܪܓܝܫ ܗܘܼܐ ܒܗܠܝܢ. ܐܝܟ ܡܐ ܕܒܐܪܥܐ ܕܐܘܚܕܢܗ ܫܪܐ ܗܘܼܐ ܒܐܪܥܐ ܕܠܐ ܕܝܠܗ. ܘܕܠܐ ܨܦܬܐ
                    ܥܿܦܐ ܗܘܼܐ ܘܡܫܬܢܐ ܒܥܕܐ ܕܦܬܟܪ̈ܘܗܝ. ܘܟܕ ܫܠܡܘ ܝܘ̈ܡܬܐ ܕܫܢܝܘܬܗܼ. ܥܒܕ ܫܪܘܬܐ ܘܩܪܐ
                    ܠܪܘܪ̈ܒܢܘܗܝ. ܘܐܣܡܟ ܐܢܘܢ ܥܠ ܡ̈ܝܠܬܗ. ܘܫܪܐܘܗܝ ܟܘܠܗܘܢ ܕܫܒܘܪ ܘܡ̈ܐܢܝ ܬܫܡܫܬܐ ܕܦܬܘܪܗܼ.
                    ܐܦܩ ܗܘܼܐ ܛܪܘܢܐ ܡܢ ܐ̈ܦܕܢܐ ܕܡܠܟܘܬܗ ܕܒܣܠܩ ܡܕܝܢܬܐ. ܘܒܗܘܢ ܡܫܬܡܫ ܗܘܼܐ ܩܣܪ. ܗܼܘ  174 ܘܪܘܪ̈ܒܢܘܗܝ. ܘܟܕ ܛܐܒ ܠܒܗ ܕܫܢܝܐ ܒܚܩܪܐܼ. ܬܠܐ ܝܨܝܠܗ ܡܢ ܒܣܕܝܐ. ܘܐܡܠܟ
                    ܫܬܩܐ ܥܠ ܟܠܗܘܢ ܙܡܝ̈ܢܘܗܝܿ ܝܕܥܘ ܓܝܪ ܕܡܕܡ ܐܝܬ ܠܗ ܠܡܿܠܟܐ ܠܡܐܡܪ. ܬܘܕܝ ܠܡ ܠܐ̈ܠܗܐ ܕܠܐ
                    ܡܝܬܝܼܢ. ܕܫܟܢܘ ܠܗܿ ܗܢܐ ܝܘܡܐ ܠܡܠܟܘܬܢܿ ܘܐܬܪܓܪܓܘ ܠܗ ܡ̈ܠܟܐ ܕܡܢ ܩܕܡܝ. ܘܠܐ ܐܬܝܗܒ ܠܗܘܢ
                    ܕܢܚܙܘܢܝܗܝ. ܠܘ ܕܝܢ ܫ̈ܦܠܐ ܗܘܘ ܕܒܝܬ ܩܘܣܛܢܛܝܢܣ. ܐܢ̈ܫܐ ܕܚܣܢܘ ܚܡ̈ܫ ܡ̈ܠܟܘܢܿ ܐܠܐ ܡܢ ܒܠܝ
                    ܗܝܡܢܘܬܗܘܢ ܕܒܐ̈ܠܗܐܼ. ܠܐ ܐܬܝܗܒܬ ܠܗܘܢ ܗܕܐ ܕܝܘܡܢ. ܡܢܘ ܓܝܪ ܠܐ ܢܣܗܕ ܥܠܗܘܢ ܕܡ̈ܠܟܐ ܗܘܘ
                    ܬܩܝ̈ܦܐ ܘܩܪ̈ܒܬܢܐܿ. ܕܥܘܫܢܐ ܕܓܢܒܪܘܬܗܘܢ ܚܣܢܘ ܥܣܪ̈ܐ ܡ̈ܠܟܝܢ ܘܠܐ ܩܡܘ ܩܕܡܝܗܘܢܿ ܘܕܝܫ
                    ܥܩܒܝ̈ܗܘܢ ܥܠ ܨܘܪ̈ܐ ܕܒܥܠܕܒ̈ܒܗܘܢܿ ܘܠܬ ܡܠܟܘܬܐ ܕܐܩܪܒܬ ܥܡܗܘܢ ܕܠܐ ܚܣܢܘܗܿ. ܐܠܐ ܒܠܚܘܕ
                    ܡܠܟܘܬܐ ܗܕܐ ܕܓܢܒܪ̈ܐ. ܕܗܝ ܐܩܪܒܬ ܥܡܗܘܢ ܘܚܣܢܬ ܐܢܘܢܿ ܟܕ ܛܒ ܕܐܦܠܐ ܗܼܝ ܗܕܐ ܡܠܟܘܬܐ.
                    ܕܒܚܝܠ ܢܦܫܗܿ ܐܬܡܨܝܬ ܠܡܥܕܝܘ ܡܢܗܘܢ ܙܟܘܬܐ. ܗܢܘܢ ܗܘ ܓܝܪ ܐ̈ܠܗܝܗܿ ܕܡܠܟܘܬܢܿ ܝܗܒܘ ܗܘܘ
                    ܐܝܕܐ ܡܠܟܘܬܐ ܗܕܐ ܡܪܘܕܬܐ ܘܙܟܝܘܗܝ. ܥܠ ܕܐܬܒܣܝܬ ܛܝܒܘܬܗܘܢ ܒܥܗܝܢܝ ܡ̈ܠܟܐ ܕܗܘܘ ܩܕܡܝ.
                    ܘܓܠܙܘ ܣܓܕܬܗܘܢ ܐܦ ܗܢܼܘܢ ܐ̈ܠܗܐ ܐܗܦܟܘ ܐܦܝܗ̈ܘܢ ܡܢ ܡܠܟܘܬܗܘܢ ܕܒܝܬ ܩܘܣܛܢܛܝܢܘܣ. ܘܐܪܦܝܘ
                    ܐܝܕܐ ܒܐܘܚܕܢܗܘܢܿ ܘܫܪܟܬ ܠܘܬܗܘܢ ܚܝܒܘܬܐ. ܡܢ ܫܘܿܪܝܐ ܓܝܪ ܕܡܕܒܪܢܘܬܗܘܢ ܕܡ̈ܠܟܼܐ. ܝܗܒܘ ܗܘܘ
                    ܠܗܘܢ ܐܝܕܐ ܘܢܨܚܘ ܒܩܪ̈ܒܗܘܢܿ ܘܠܟܪ ܕܡܬܦܢܝܢ ܗܘܘ ܙܟܝܢ ܗܘܘ܆ ܘܒܥܘܝܪܘܬ ܠܒܗܘܢ ܠܐ ܝܕܥܘ ܘܠܐ
                    ܐܣܬܟܠܘ. ܕܒܥܘܕܪܢܐ ܕܐ̈ܠܗܐ ܕܠܘܐ ܗܘܼܐ ܠܗܘܢܿ ܡܬܢܨܚܝܢ ܗܘܘ ܒܩܪ̈ܒܝܗܘܢܿ ܘܒܕܠܐ ܝܕܥܘ
                    ܥܘܕܪܢܗܘܢܿ ܣܡܘܗܿ ܙܟܘܬܗܘܢ ܒܬܪ ܒܪܢܫܐ ܕܙܩܦܘ ܝܗܘ̈ܕܝܐ. ܘܠܐ ܣܦܩܬ ܗܕܐ ܠܡܪܚܘܬܗܘܢܿ ܕܛܠܡܘ
                    ܛܝܒܘܬܗܘܢ ܘܓܠܙܘ ܬܫܒܘܚܬܗܘܢܿ ܐܠܐ ܕܐܓܡܕܘ ܘܐܘܫܒܘ ܐܝܕܐ ܥܠ ܗܝ̈ܟܠܐ ܘܢܘ̈ܣܐ ܕܐ̈ܠܗܐ. ܘܥܩܪܘ
                    ܥ̈ܠܘܬܗܘܢ ܘܣܚܦܘ ܡܕܒܚ̈ܝܗܘܢܿ ܘܒܙܘ ܓ̈ܙܝܗܘܢܿ ܐ̈ܠܗܐ ܕܝܢ ܒܢܓܝܪܘܬ ܪܘܚܗܘܢ ܣܓܝܐܬܐܼ. ܟܕܘ
                    ܚܙܘ ܛܥܝܘܬܗܘܢ ܕܡ̈ܠܟܐ ܗܠܝܼܢ ܠܐ ܐܣܬܪܗܒܘ ܠܬܒܥܬܐ. ܐܠܐ  175 ܝܗܒܘ ܗܘܘ ܐܬܪܐ
                    ܘܣܦܩܘ ܡܢ ܐܘܚܕܢܐ ܕܪ̈ܗܘܡܝܐ. ܘܢܛܪܘܗܿ ܠܬܒܥܬܐ ܠܥܕܢ ܩܨܗܘܢ ܕܡ̈ܠܟܐ ܗܠܝܢ. ܘܠܐ ܝܗܒܘ ܠܗܘܢ
                    ܕܢܪܦܘܢ ܝܪ̈ܬܐ ܥܠ ܐܘܚܕܢܗܘܢܿ ܒܬܪ ܥܘܢܕܢܗܘܢܿ ܘܝܘܡܗܝ ܚܝܝ̈ܗܘܢ ܪܓܝܙܝܢ ܗܘܘ ܐ̈ܠܗܐ ܡܢ
                    ܐܘܚܕܢܗܘܢܿ ܫܒܩܘ ܗܘܘ ܓܝܪ ܘܐܪܦܝܘܗܿ ܠܡܠܟܘܬܐ ܕܪ̈ܗܘܡܝܐ ܕܠܐ ܐܠܗܼ. ܘܢܚܬܘ ܗܘܘ ܠܡܠܟܘܬܐ
                    ܕܦܪܣ. ܕܒܥܘܕܪܢܗܘܢ ܕܝܘܡܢ ܕܨܐܕܝܿܢ. ܚܒܬ ܘܐܙܕܟܝܬ ܡܢ ܩܕܡܝܢ. ܘܟܕ ܐܣܬܪܩܬ ܡܠܟܘܬܐ ܕܪ̈ܗܘܡܝܐ
                    ܡܢ ܐܠܗܘܬܐ. ܐܫܬܪܚܬ ܕܠܐ ܐܠܗ. ܘܙܒܢܬܐ ܘܬܪ̈ܬܝܢ ܥܙܝܘ ܕܒܝܬ ܩܘܣܛܢܛܝܢܣ. ܕܢܣܒܘܢ ܙܟܘܬܐ
                    ܒܩܪܣܗܿ ܕܐܬܘܪ ܘܠܐ ܢܣܒܘ. ܘܟܕ ܫܠܡ ܙܒܢܗܘܢ ܕܡ̈ܠܟܐ ܗܠܝܢ ܘܥܢܕܘ ܡܢ ܥܠܡܐ: ܘܩܪܬܢܝ ܛܝܒܘܬܐ
                    ܕܐ̈ܠܗܐ ܕܐܚܘܕ ܡܕܒܪܢܘܬܗܘܢ: ܘܐܬܒ ܥܠ ܟܘܪܣܝܐ ܕܐ̈ܠܗܐ ܕܐܚܘܕ ܡܕܒܪܢܘܬܗܘܢ: ܘܐܬܒ ܥܠ ܟܘܪܣܐ
                    ܕܡܠܟܘܬܗܘܼܢ. ܘܟܕ ܬܩܢܬ ܒܐܝ̈ܕܝ ܡܠܟܘܬܐܼ. ܝܨܝܦܘܬܐ ܡܕܡ ܠܐ ܗܘܬ ܠܝ܇ ܩܕܡ ܕܣܡܬ ܢܦܫܝ ܕܐܿܪܥܐ
                    ܪܓܝܙܘܬܗܘܢ ܒܝܕ ܦܘܪܣܐ ܕܝܕܥܬܢ ܘܒܝܕ ܫܘ̈ܓܫܐ ܕܕ̈ܒܚܝ ܘܕܩܘܪ̈ܒܢܝܼ. ܐܕܝܠܬ ܐܣܩܬ ܐܢܘܢܡܢ ܐܪܥܐ
                    ܕܪܓܙܘ ܒܗܿ. ܘܐܗܦܟܬ ܐܢܘܢ ܠܐܪܥܐ ܕܝܪܬܘܬܗܘܢܿ ܘܒܝܕ ܗܠܝܢ ܦܘܪ̈ܣܐܼ. ܠܡܚܣܢ ܣܦܩܢ ܚܢܢ ܕܢܪܥܐ
                    ܪܓܝܙܘܬܗܘܢ ܕܐ̈ܠܗܐ. ܘܦܩܕܬ ܡܠܟܘܬܢܼ. ܕܢܬܦܬܚܘܢܿ ܢܘ̈ܣܐ ܕܗܝ̈ܟܠܝܗܘܢܼ. ܘܢܬܒܢܝܢ ܥ̈ܠܘܬܐ
                    ܕܕܒ̈ܚܝܗܘܢܿ ܘܢܬܩܢܘܢ ܡܕܒ̈ܚܐ ܕܝܩܪ̈ܝܗܘܢܿ ܘܐܩܝܡܬ ܟܘܡܪ̈ܐ ܠܬܫܡܫܬܗܘܢܿ ܘܚܘ̈ܓܒܐ ܠܐܝܩܪܐ
                    ܕܫܩܘܠܬܗܘܢܿ ܘܦܩܕܬ ܘܐܬܦܢܝܘ ܠܗܘܼܢܿ ܟܠܗܘܢ ܓ̈ܙܐ ܕܐܬܢܣܒܘ ܡܢܗܿܘܢܿ ܒܝܘ̈ܡܝ ܡ̈ܠܟܐ ܕܡܢ
                    ܩܕܡܝ. ܘܙܕܩܬ ܠܗܝ̈ܟܠܝܗܘܢ ܟܘܠܗ ܨܒܬܗܝܢ ܘܗܕܪܗܝܢ ܕܥܕ̈ܬܐ ܕܢܨܪ̈ܝܐ. ܘܪܥܡ ܫܘܒܚܐ ܒܗܝܟܠܐ
                    ܕܫܟܝܢܬܗܘܢܿܘܢܒܥܘ ܡܢ ܐܬܪ ܟܣ̈ܝܬܗܘܢ ܘܐܦܪܓܘ ܗܘܢܿ ܘܥܒܕܬ ܠܗܘܢ ܥܐܕܐ ܕܚܘܕܬܐ ܒܟܠ ܡܕܝܢܐ.
                    ܘܩܝܡܬ ܨܒܝܢܗܘܢ ܒܟܠ ܐܬܪ. ܘܝܪܒܬ ܬܫܒܘܚܬܗܘܢ ܐܚܪܝܬܐ܇ ܝܬܝܪ ܡܢ ܗܿܝ ܕܗܘܬ ܠܗܘܿܢܿ ܒܝ̈ܘܡܝ
                    ܕܘܩܠܛܝܢܣ. ܘܒܝ̈ܘܡܝ ܡܟܣܡܝܢܣ ܪ̈ܚܡܝ ܠܐ̈ܠܗܐ. ܘܝܪܒܬ ܒܗܘܢ ܡܠܟܘܬܢ ܘܐܬܥܫܢ ܒܗܘܢ ܐܘܚܕܢܢ.
                    ܘܐܬܝܗܒܬ ܠܢ ܒܐܝ̈ܕܝܗܘܢ ܙܟܘܬܐ ܗܕܐܼ. ܘܕܫܬ ܥܩܒܢ ܥܠ ܨܘܪܗܿ ܪܡܐ ܕܡܠܟܘܬܐ ܗܕܐ ܡܫܩܠܬܐ. ܘܕܫܬ
                        ܬܚ̈ܘܡܝܢ 176 ܘܐܬܥܫܢܬ ܥܠ ܒܢܘ̈ܗܝ ܕܩܘܣܛܢܛܝܢܣ. ܘܗܐ ܝܘܡܢ ܒܥܘܕܪܢܐ ܕܐ̈ܠܗܐ
                    ܕܠܘܬ ܠܼܢ. ܒܐܬܪ̈ܘܬܐ ܡܫܡ̈ܐ ܕܡܠܟܘܬܐ ܕܓܢܒܪ̈ܐܿ. ܚܕܝܢ ܘܡܬܒܣܡܝܢ ܚܝ̈ܠܘܬܢ ܡܢ ܒܙܬܗܿ
                    ܕܐܪܥܗܘܢܿ ܘܠܐ ܡܨܝܢ ܒܚܝܠܐ ܠܡܐܪܥ ܕܪܗ ܕܩܪܣܢܿ ܠܘ ܕܝܢ ܒܚܝܠܢ ܗ̈ܘܝ ܗܠܝܢ. ܐܠܐ ܛܝܒܘ
                    ܠܐ̈ܠܗܐܼ. ܕܒܐܝܕܝ̈ܗܘܢ ܗܘܼܐ ܢܨܚܢܐ ܗܢܐ. ܠܐ ܗܟܝܠ ܐܚ̈ܝ ܢܛܠܘܡ ܛܝܒܘܬܗܘܿܢ ܕܐܠܗ̈ܐܿ. ܐܝܟ
                    ܕܛܠܡܘ ܡ̈ܠܟܐ ܕܡܢ ܩܕܡܝܼ. ܕܠܡܐ ܬܫܪܟ ܠܗܿ ܨܐܕܝܿܢ ܚܝܒܘܼܬܗܘܢܿ ܠܐ ܓܝܪ ܫܠܡ ܥܕܟܝܠ ܐܓܘܢܗ
                    ܕܩܐܪܣܢܿ ܕܠܙܒܢܗ ܢܛܝܪ ܩܪܒܐ ܘܕܪܐ ܕܒܝܬ ܡ̈ܠܟܘܬܐ ... ܐܝܟ ܐܗܢܫܐ ܗܟܝܠ ܕܒܐܝ̈ܕܝ ܐ̈ܠܗܐ ܣܝܡܐ
                    ܙܟܘܬܐ ܘܚܝܒܘܬܐ ܕܟܠ ܩܐܪ̈ܣܝܼܢ. ܢܐܚܘܕ ܗܝܡܢܘܬܗܘܢ ܒܢܦܫܢ ܡܠܝܐܝܬܼ. ܘܢܬܐܡܢ ܠܣܓܕܬܗܘܢܿ ܘܢܣܒ
                    ܥܠܝܢ ܝܘܩܪܐ ܕܬܫܡܫܬܗܘܼܢܿ ܘܢܐܟܦ ܥܠ ܕܒܚ̈ܝܗܘܢ ܘܥܠ ܪ̈ܫܝܬܗܘܢ ܘܩܘܪ̈ܒܢܝܗܘܢܿ ܘܬܘܒ ܡܐ
                    ܕܫܡܠܝܢ ܗܠܝܼܢ. ܚܝ̈ܒܐ ܚܢܢ ܕܟܝܒܘܬܗܘܢܿ ܡܢܐ ܓܝܪ ܐܝܬ ܠܒ̈ܢܝ ܐ̈ܢܫܐ ܠܡܦܪܥ ܚܘܒ̈ܠܐ ܠܐ̈ܠܗܐ
                    ܚܠܦ ܛܝܒܘܬܗܘܿܢܿ ܐܠܐ ܒܠܚܘܕ ܬܘܕܝܬܐ ܕܦܘܡܗܘܢܿ ... ܘܟܕ ܓܡܿܪ ܡܠܘ̈ܗܝ ܫܢܝܐܼ. ܦܩܕ ܕܢܥܠܘܢ
                    ܩܕܡ ܣܡ̈ܝܟܐ ܟܠܗܘܢ ܛܟ̈ܣܐ ܕܙ̈ܢܝ ܙܡܪܐ. ܕܒܩ̈ܠܐ ܚ̈ܠܝܐ ܕܟܠ ܩܝܢܢ ܢܬܦܪܓܘܢ ܙܡܝ̈ܢܘܗܝ. ܘܟܕ
                    ܫܠܡܘ ܬܘܩ̈ܢܐܘܩܪܐ ܠܙܡ̈ܝܢܘܗܝܼ. ܪܡܐ ܗܘܼܐ ܥܠ ܥܪܣܐ ܕܡܫܟܒܗܼ. ܘܫܩܝܠ ܠܗ ܪܢܝܐ ܕܩܐܪܣܗ. ܥܕܢܐ
                    ܕܝܢ ܡܢ ܟܕܘ ܠܠܝܐ ܗܘܼܐ. ܘܦܪܕܬ ܫܢܬܗ ܘܗܼܘܐ ܒܪܢܝܐ ܣܓܝܐܐܼ. ܥܠ ܕܣܡ ܗܘܼܐ ܒܐܪܥܐ ܕܠܐ
                    ܕܝܠܗܿ. ܘܠܐ ܕܝܥܿ ܗܘܼܐ ܕܐܝܢܐ ܫܘܠܡܐ ܫܩܿܠ ܩܐܪܣܗ. ܝܕܥܿ ܗܘܼܐ ܓܝܪ ܕܙܒܢܐ ܢܛܿܪ ܫܒܘܪ܇ ܥܕ
                    ܟܢܿܫ ܠܘܬܗ ܚܝܠܐ ܕܡܙܡܢ ܠܗ. ܘܫܩܝܠ ܗܘܼܐ ܫܢܝܐ ܒܢܦܫܗ ܙܘ̈ܥ ܕܩܪܣܗ. ܘܟܕ ܥܕܢܐ ܣܓܝܐܐ ܫܢܝܘܗܝ
                    ܚ̈ܘܫܒܘܗܝܼ. ܢܦܼܠ ܥܠܘܗܝ ܫܠܝܐ ܘܕܡܟ. ܘܛܒܼܥ ܒܫܢܬܐ ܥܡܝܩܬܐ. ܘܥܠ ܫܠܝܐ ܕܫܢܬܗܼ. ܫܟܢܘ ܥܠܘܗܝ
                    ܚ̈ܠܡܐ ܕܚܝ̈ܠܐ ܘܚ̈ܙܘܐ ܙܥܝ̈ܦܐ. ܘܝܬܝܪ ܡܢ ܚܘܫ̈ܒܐ ܕܥܝܪܘܬܗܿ. ܕܠܚܘܗܝ ܚ̈ܠܡܐ ܕܚܝ̈ܠܐ ܘܚ̈ܙܘܐ
                    ܙܥܝ̈ܦܐ. ܘܝܬܝܪ ܡܢ ܚܘܫ̈ܒܐ ܕܥܝܪܘܬܗܿ. ܕܠܚܘܗܝ ܚ̈ܠܡܐ ܒܥܕܢ ܕܡܟܘܬܗ. ܐܬܚܙܝܬ ܠܗ ܓܝܪ ܓܘܕܐ
                    ܕܚܝܠܬܐ ܕܐ̈ܢܫܐ ܚܝ̈ܠܬܢܐܼ. ܕܗܘܝܢ ܗܘܘ ܒܡܢܝܢܐ ܐܪ̈ܒܥܝܢ. ܘܠܚܝܡܝܢ ܗܘܘ ܠܡܩܛܠܗܼ ܛܒ. ܚܕ ܕܝܢ
                    ܡܢܗܘܢ܆ ܠܚܝܡ  177 ܗܼܘܐ ܠܗܼ ܝܬܝܪ. ܘܡܠܼܐ ܩܫܬܗ ܕܢܡܚܝܘܗܝܼ. ܘܟܠܝܗܝ ܚܕ ܡܢ
                    ܩܕܝ̈ܫܐ ܚܒܪ̈ܘܗܝ. ܕܠܐ ܠܡ ܐܚܝ ܬܥܒܕ ܐܝܩܪܐ ܠܕܒܝܚܘܬܗ ܕܗܢܐ ܚܙܝܪܐ ܢܕܝܕܐܿ. ܘܬܡܚܝܘܗܝ ܥܠ
                    ܫܢܬܗ. ܕܠܐ ܬܣܬܒܪ ܠܚܝ̈ܠܘܬܗ ܐܦ ܠܒܥܠܕܒ̈ܒܘܗܝܿ. ܕܡܘܬܐ ܕܟܝܢܐ ܕܓܙܝܪ ܥܠ ܟܠ܇ ܛܥܼܡ ܫܢܝܐ ܐܝܟ
                    ܟܠܢܫ. ܐܠܐ ܒܥܕܢ ܥܝܪܘܬܗ ܢܒܠܥ ܡܪܚܐܼ. ܕܒܡܚܘܬܗ ܬܣܒ ܥܝܐ ܚܢܦܘܬܗ. ܘܢܣܬܪܕܘܢ ܒܕܒܝܚܘܬܗ
                    ܐܝܠܝܢ ܕܫܠܡܘ ܠܟܦܘܪܘܬܗ. ܘܟܕ ܐܬܬܥܝܪ ܛܪܘܢܐ ܡܢ ܫܢܬܗ܆ ܘܐܬܥܕܗ ܠܚܠܡܐܼ ܙܥ ܠܒܗ. ܘܪܬ
                    ܗܕܡ̈ܘܗܝܼ ܟܘܠܗܘܢܿ ܘܗܘܼܐ ܒܕܚܠܬܐ ܣܓܝܐܬܐ. ܘܩܪܐ ܠܚܪܗܫܘܗܝ ܘܩܨ̈ܘܡܘܗܝܼ ܘܐܫܬܥܝܗ ܠܚܠܡܐ
                    ܩܕܡܝܗܘܢܼ. ܘܬܒܼܥ ܡܢܗܘܢ ܦܫܪܗ. ܘܗܢܘܢܼ ܐܝܟ ܥ̈ܝܕܐ ܕܛܥܝܘܬܗܘܢܼ. ܕܒܩܘ ܡ̈ܠܐ ܚܪ̈ܒܬܐ
                    ܘܦܚܝ̈ܚܬܐܼ. ܘܐܘܫܛܘ ܠܗܼ ܐܝܟ ܕܢܫܠܘܢ ܙܘܥ ܕܠܒܗ ܘܐܪܝܢ. ܝܘܩܪܐ ܠܡ ܕܡܫܬܝܐ ܕܐܬܡܠܝ ܫܪܟ
                    ܨܐܕܝܟ ܒܥܕܢ ܕܡܟܘܬܟ ܡܪܝ ܡܿܠܟܐ. ܘܗܼܘ ܠܡ ܐܝܬܝܟ ܠܚ̈ܠܡܐ ܫܓ̈ܝܫܐ ܘܠܚ̈ܙܐ ܟܕ̈ܒܐ. ܕܠܡܐ ܠܡ
                    ܬܣܒ ܥܠܝܟ ܨܦܬܗܝܢ ܘܪܢܝܗܝܢ ܕܗܠܝܢ. ܕܗ̈ܓܓܐ ܐܢܘܢ ܘܛ̈ܠܢܝܬܐ ܚܠܡܘ̈ܗܝ ܕܠܠܝܐ. ܕܥܕ ܥ̈ܝܢܝܟ
                    ܒܗܘܢܼ ܠܝܬ ܐܢܘܢܿ ܗܼܘ ܕܝܢ ܚܪܡܐ ܠܝܛܐܼ. ܠܐ ܐܬܪܡܝ ܣܟ ܠܡܗܠܐ ܕܐܬܐܡܪ ܠܗ ܡܢ ܚܪ̈ܫܘܗܝ. ܐܠܐ
                    ܫܩܝܠ ܗܘܼܐ ܒܢܦܫܗ ܙܘܥܗܝܢ ܕܐܝܠܝܢ ܕܐܬܐܡܪ ܥܠܘܗܝ ܒܚܠܡܐܼ. ܘܡܫܢܩ ܗܘܼܐ ܠܗ ܪܢܝܗܝܢ. ܘܟܕ
                    ܒܗܠܝܢ ܚܘ̈ܫܒܐ ܡ̈ܕܢܩܐ ܪܡܐ ܗܘܼܐ ܫܢܝܐܼ. ܚܫܐ ܥܠ ܚܫܐ ܘܙܘܥܬܐ ܥܠ ܙܘܥܬܐ ܐܬܬܘܣܦ ܠܗ. ܗܦܟ
                    ܓܝܪ ܝܘܒܢܝܢܘܣ ܡܢ ܒܬܪ ܓܠܝܘܬܐܼ. ܘܬܒܪܗ ܠܒܗ ܕܥܘܿܠܐ. ܩܫ̈ܝܬܐ ܓܝܪ ܐܫܡܥܗܼ ܕܠܐ ܟܘܚܕ ܟܕ
                    ܐܡܿܪ. ܕܠܘ ܠܡ ܐܝܟ ܡܿܠܟܐ ܐܚܝܕ ܩܪܒܐ ܒܛܝܠ ܠܟ ܥܠ ܩܐܪܣܟ. ܘܐܢܬ ܝܬܿܒ ܐܢܬ ܘܫܠܐ ܐܢܬ ܒܐܪܥܐ
                    ܕܠܐ ܕܝܠܟ. ܘܥܢܼܐ ܐܢܬ ܒܨܒܘ̈ܬܐ ܐܝܠܝܢ ܕܠܐ ܐܠܨܐ ܗܘܬ ܥܠܝܗܝܢ ܝܘܡܢ. ܘܚܝܠܐ ܕܒܥ̈ܠܕܒܒܐ ܚܕܝܪ
                    ܠܟ ܡܢ ܟܠ ܓܒ̈ܝܢ. ܘܐܢܬܼ ܠܐ ܪܓܝܫ ܐܢܬ. ܚܝܠܐ ܓܝܪ ܣܓܝܐܐ ܕܦܪ̈ܣܝܐ ܐܬܣܡ ܥܠ ܬܚ̈ܘܡܐܼ.
                    ܘܐܘܚܕܘ ܡܥ̈ܠܢܘܗܝ ܕܐܬܪܐ. ܕܠܓܡܪ ܠܐ ܢܥܘܠ ܡܢ ܐܪܥܢ ܬܘܪܣܐ ܠܚܝ̈ܠܘܬܢܿ ܘܗܐ ܬܘܒ ܐܦ  178 ܫܒܘܼܪ. ܒܚܝܠܐ ܕܣܓܝ ܡܢ ܕܝܠܢ ܣܝܡ ܥܠܝܢ ܡܢ ܟܠ ܓܒ̈ܝܢ. ܘܗܫܐ ܢܚܙܐ ܢܦܫܢ
                    ܘܢܐܨܿܦ ܕܩܪܣܢ܆ ܕܠܡܐ ܢܣܘܦ ܠܟܦܢܐ ܘܢܦܠ ܒܚܪܒܐ ܕܒܥܠܕܒ̈ܒܝܢ. ܘܟܕ ܫܡܥ ܝܘܠܝܢܘܣ ܗܠܝܼܢ.
                    ܐܬܓܢܚ ܒܠܒܗ ܘܗܘܼܐ ܒܙܘܥܬܐ ܣܓܝܐܬܐ. ܘܐܬܪܫܠ ܐܝܕ̈ܘܗܝ. ܝܘܒܝܢܝܢܘܣ ܕܝܢ ܓܒܪܐ ܙܕܝܩܐܼ. ܟܪܝܬ
                    ܠܗܼ ܛܒ ܥܠ ܒ̈ܢܝ ܥܡܗ. ܘܫܩܝܠ ܗܘܼܐ ܒܙܘ̈ܥܐ ܕܢܦܫܗܧ. ܝܘܩܪܐ ܘܚܫܐ ܕܟܠܗܿ ܡܫܪܝܬܗ. ܘܓܙܪ ܨܘܡܐ
                    ܠܐܠܗܐܼ ܘܒܬ ܒܗ. ܠܘ ܕܝܢ ܚܕ ܝܘܡܐ ܒܠܚܘܕ ܘܟܕܘܼ. ܐܠܐ ܝܘܡ̈ܬܐ ܨܐܡ ܗܘܼܐ ܣܓ̈ܝܐܐ. ܘܡܨܠܐ ܩܕܡ
                    ܐܠܗܐ ܥܠ ܦܘܪܩܢܐ ܕܒܢ̈ܝ ܥܡܗ. ܒܚܕ ܕܝܢ ܡܢ ܝܘܡ̈ܝܢ ܒܡܛܪܬܐ ܡܨܥܝܬܐ ܕܠܠܝܐ. ܟܕ ܩܥܝܕ ܥܠ
                    ܒܘܪ̈ܟܘܗܝ ܘܡܨܠܐ ܩܕܡ ܐܠܗܐ ܒܬܪܥܐ ܕܡܫܟܢܗ: ܢܡ ܥܠ ܨܠܘܬܗ ܕܘܕܡܟ. ܘܐܬܚܙܝ ܠܗ ܒܚܠܡܐ ܛܘܒܢܐ
                    ܡܪܩܘܪ. ܗܿܘ ܕܐܬܓܠܝ ܥܠܘܗܝ ܒܚܙܘܐ ܒܟܪܟܐ ܕܢܨܝܒܝܢ. ܘܡܠܼܐ ܒܠܒܗ ܘܒܝܐܗܼ ܘܐܡܼܪ ܠܗ. ܠܡܢܐ
                    ܚܫܝܫ ܐܢܬ ܘܐܒܝܠ ܐܢܬ ܥܠ ܗܢܐ ܫܢܝܐܿ. ܕܐܥܠܝ ܒܐܠܗܐ ܥܒܘܕܗ ܘܗܼܦܟ ܡܢ ܩܗܡܢܘܬܗܿ. ܘܓܠܙ ܒܢܦܫܗ
                    ܬܫܒܘܚܬܐ ܘܣܓܕܬܐ ܕܐܠܗܐ ܡܪܝܡܐ܇ ܘܙܕܩܗܿ ܒܛܥܝܘܬܗ ܠܫܐ̈ܕܐ ܘܠܓܠܝ̈ܦܐ. ܘܠܐ ܣܦܩܬ ܠܗ ܚܛܝܬܐ
                    ܕܩܢܘܡܗܼ. ܐܠܐ ܕܐܦ ܠܣܓ̈ܝܐܐ ܟܕ ܠܐ ܨܒܝܢ܇ ܐܝܬܝ ܒܬܪ ܛܥܝܘܬܗ ܒܝܕ ܫܘܠܛܢܐ ܕܛܪܘܢܘܬܗ ܘܠܝܬ ܠܗ
                    ܡܢ ܗܫܐ ܠܡܙܟܐ. ܐܫܬܩܠܬ ܠܗܿ ܓܝܪ ܡܢܗ ܙܟܘܬܐ ... ܘܐܬܝܗܒܬ ܠܐܚܪܢܐ. ܐܡܿܪ ܠܗ ܝܘܒܝܢܝܢܘܣ
                    ܒܚܠܡܐ. ܡܪܝ ܩܕܝܫܗ ܕܡܪܝܐܼ. ܠܘ ܥܠ ܗܢܐ ܛܪܘܢܐ ܓܠܝܙ ܡܢ ܗܝܡܢܘܬܐ ܕܥܒܘܕܗ ܟܪܝܐ ܠܝܼ. ܝܕܥ
                    ܐܢܐ ܗܼܘ ܓܝܼܪ ܕܠܐ ܗܘܝܐ ܠܗ ܚܪܬܐ ܕܫܠܡܐ. ܒܝܕ ܕܐܣܬܪܩ ܠܗ ܐܝܠܝܢ ܕܩܢܘܡܗ ܡܢ ܦܐܪ̈ܐ
                    ܕܬܝܒܘܬܐ. ܥܠ ܒܢ̈ܝ ܥܡܝ ܕܝܠܝ ܟܐܒ ܠܝܿ. ܥܢܐ ܬܡܝܡܬܐ ܕܐܬܢܓܕܘ ܠܚܢܦܘܬܗ ܕܪܥܝܐ ܨܒܪܐ. ܕܕܠܡܐ
                    ܒܡܣܛܝܢܘܬܗܝܢ ܕܡܢ ܪܥܝܐ ܕܫܪܪܐܿ. ܢܦܠܘܢ ܒܚܪܒܐ ܒܐܪܥܐ ܕܠܐ ܕܝܠܗܘܢܿ ܐܡܿܪ ܠܗ ܩܕܝܫܐ ܡܪܩܘܪ.
                    ܠܘ ܕܝܠܟ ܗܼܝ ܗܕܐ ܡܦܪܣܢܣܢܘܬܐܼ. ܕܒܐܝ̈ܕܘܗܝ ܕܐܠܗܐ ܣܝܡܐ. ܒܪܡ ܕܝܢ ܣܝܡ ܠܒܟ ܥܠ ܐܝܠܝܢ
                    ܕܫܠܝܚ ܐܢܐ ܥܠܝܗܝܢ. ܗܐ ܕܝܢ ܐܪܝܡܗܪ ܡܘܦܛܐ ܪܒܐ ܕܫܒܘܪ ܐܝܟ ܫܘܘܕܝܐ ܕܐܫܬܘܕܝ ܠܟ ܢܟܠܗ ܠܫܒܘܪ
                    ܘܐܝܬܝܗ  179 ܠܒܝܬ ܢܨܒܬ ܩܪܝܬܐ ܒܚܝܠܐܼ ܕܛܒ ܙܥܘܪ. ܒܗܢܐ ܓܝܪ ܦܪܨܘܦܐ ܢܟܠܗܼ ܐܝܟ
                    ܕܐܢܫ ܕܢܬܓܢܐܿ. ܘܒܣܟܝܡܐ ܕܪ̈ܗܘܡܝܐ ܗܼܘ ܩܢܘܡܗܿ. ܒܥܕܢܐ ܕܠܠܝܐ ܢܥܘܠ ܠܡܫܪܝܬܟܘܢ ܘܢܒܨܝܗܿ.
                    ܘܢܕܥ ܕܟܡܐ ܪ̈ܒܘܬܐ ܘܚ̈ܝܠܐ ܐܝܬ ܥܡܟܘܢܿ ܘܗܐ ܠܨܦܪܗ ܕܝܘܡܢ ܫܿܠܚ ܠܟ ܡܘܦܛܐܼ. ܕܬܥܒܕ ܟܡܐܢܐ
                    ܥܠ ܫܒܘܼܪ. ܘܬܐܚܕܝܘܗܝ ܒܚ̈ܝܐ ܐܝܟ ܬܢܘܝ ܕܗܘܬ ܠܗ ܥܡܿܟ. ܐܢܬ ܕܝܢ ܠܐ. ܬܬܪܡܐ ܠܗ ܠܗܕܐ. ܕܠܘ
                    ܗܢܐ ܨܒܝܢܐ ܐܝܬ ܠܐܠܗܐ. ܕܗܢܘ ܕܝܢ ܨܒܝܢܗ ܕܡܪܝܡܐ. ܕܚܝܒܘܬܗ ܕܝܘܠܝܢܘܣ ܠܘܩܕܡ ܬܬܟܪܙ ܒܟܠܗ
                    ܥܠܡܐ ܘܡܐ ܕܫܠܡ ܙܒܢܗ ܕܫܒܘܼܪ. ܐܦ ܗܼܘ ܒܐܝ̈ܕܝ ܪ̈ܫܝܥܐ ܕܐܟܘܬܗ ܢܬܡܣܪ. ܘܐܝ̈ܕܝܟ ܕܟܝ̈ܬܐܼ ܠܐ
                    ܢܬܛܘܫܢ ܒܕܡܐ ܕܡܣܝܒܐ. ܐܠܐ ܐܝܕܐ ܕܡܛܢܦܐ ܕܕܡܝܐ ܠܗ ܬܗܘܐ ܒܗ. ܘܚܪܒܗ ܕܐܫܬܡܠܛܬܝ ܥܠ ܥܡܐ
                    ܚܣܝܐ ܕܐܠܗܐ. ܗܼܝ ܬܥܒܪ ܒܗ ܒܟܦܘܪܐ. ܕܬܫܠܡ ܥܠܘܗܝ ܗܿܝܼ ܕܟܬܝܒܐܿ. ܕܣܝܦܗܘܢ ܢܥܘܠ ܒܠܒܗܘܢܿ
                    ܥܡ ܗܿܝ ܐܚܪܬܐ ܕܟܬܝܒܐܿ. ܕܓܘܡܨܐ ܕܚܦܪ̈ܘ ܢܦܠܘܢ ܒܗ. ܐܢܬ ܕܝܢ ܐܘ ܒܪ ܐܢܫܐ ܕܐܠܗܐܼ. ܣܝܡ
                    ܠܒܟܼ ܘܐܬܒܝܢ ܒܐܝܠܝܢ ܕܐܡܿܪܢܐ ܠܟ. ܕܠܙܒܢܗܝܢ ܢܗܘܐ ܫܟܚܝ ܠܘܬܟ ܥܘܗܕܢܗܝܢ. ܐܪ̈ܒܬܥܣܪ ܫܒܘ̈ܥܐ
                    ܕܫ̈ܢܝܐܿ. ܬܬܥܫܢ ܡܠܟܘܬܗܿ ܕܦܪܣ ܥܠ ܡܠܟܘܬܟܘܢܿ ܘܬܫܥܒܕܗܿ ܒܡܕܐܬܐܼ ܗܢܐ ܡܢܝܢܐ ܕܫ̈ܢܝܐ. ܘܡܢ
                    ܒܬܪ ܗܠܝܢ ܫܒ̈ܘܥܐܼ. ܢܫܬܩܠ ܡܢ ܡܠܟܘܬܟܘܿܢܿ ܢܝܪܗܿ ܕܡܕܐܬܐ ܕܦܪܣ. ܘܢܬܒܢ ܒܫܠܝܐ ܬܪ̈ܬܝܗܝܢ
                    ܡ̈ܠܟܘܬܐ. ܫܒ̈ܘܥܐ ܫܒ̈ܥܐ ܕܫ̈ܢܝܐ. ܘܡܢ ܒܬܪ ܗܠܝܢ ܫܒ̈ܘܥܐ ܕܫ̈ܢܝܐܼ. ܢܥܝܪ ܕܠܘܚܝܐ ܡܪܝܕܗܿ
                    ܕܦܪܣ. ܘܢܫܪܐ ܫܝܢܐ ܕܒܝܬ ܡ̈ܠܟܘܬܐ. ܘܢܬܓܪܘܢ ܥܡ ܚ̈ܕܕܐܼ. ܓ̈ܒܐ ܬܪܗܝܗܘܢܿ ܘܢܐܚܘܕ ܙܒܢܐ
                    ܕܡܓܪܝܢܘܬܗܘܢ ܫܒ̈ܘܥܐ ܬܪ̈ܝܢ ܕܫ̈ܢܝܐ. ܘܡܢ ܒܬܪܟܢ ܬܥܫܢ ܐܝܕܗܿ ܕܡܠܟܘܬܟܘܼܢܿ ܘܬܬܪܝܡ ܘܬܫܬܩܠ
                    ܥܠ ܦܪܣ. ܘܬܫܬܥܒܕ ܦܪܣ ܠܡܕܐܬܐ ܕܪ̈ܗܘܡܝܐ ܫ̈ܢܝܐ ܥܣܪ̈. ܥܕܡܐ ܠܗܪܟܐܼ ܣܟܗܿ ܕܡܠܬܐ. ܗܠܝܢ ܓܝܪ
                    ܐܬܦܩܕܬ ܕܐܫܡܥܟ ܘܟܕܘ. ܟܕ ܐܦ ܗܢܼܝܢ ܗܠܝܼܢ. ܐܝܟ ܕܠܦܘܪܣܐ ܗܼܘ ܐܬܐܡܪ ܠܟ. ܡܣܬ ܕܢܗܘܐ
                    ܥܘܗܕܢܗܝܢ ܠܘܬܟܿ. ܐܡܬܝ ܕܫܩܠ ܣܟܗ ܩܪܒ ܕܝܘܡܢ܇  180 ܘܐܬܝܢ ܠܦܘܣܩܢܐ ܓ̈ܒܐ
                    ܬܪ̈ܝܗܘܢܿ ܘܡܬܝܗܒ ܟܪܟܐ ܕܢܨܝܒܝܢ ܒܦܘܪܩܢܐ ܕܢܦܫܟܘܢ ܫ̈ܢܝܐ ܝܕܝܥ̈ܬܐ܇ ܫܒܘ̈ܥܐ ܥܣܪܗܝܢ ܘܚܕ.
                    ܕܐܝܟ ܕܡܢ ܗܢܐ ܚܘܪܩܢܐ ܕܚܪܩܬ ܠܟܿ. ܬܦܣܘܩ ܦܘܣܩܢܐ. ܘܬܥܒܕ ܕܡܢ ܗܢܐ ܚܘܪܩܢܐ ܕܚܪܩܬ ܠܟܿ.
                    ܬܦܣܘܩ ܦܘܣܩܢܐ. ܘܬܥܒܕ ܫܝܢܐ ܒܝܬ ܡܠܟܘ̈ܬܐ ܒܟܬܒܐ ܕܦܘܣܩܢܐ. ܘܬܣܝܡ ܠܒ̈ܢܝ ܥܡܟܿ. ܬܚܝܬ ܡܕܐܬܐ
                    ܕܦܪܣ ܫܢܝ̈ܐ ܕܚܪܩܬ ܠܟ. ܘܐܢܬ ܒܪ ܐܢܫܐ ܕܐܠܗܐܼ. ܒܝܐ ܢܦܫܟ ܘܫܩܘܠ ܡܢܟ ܟܪܝܘܬܐ. ܘܨܦܬܐ ܕܩܪܣܐ
                    ܕܪܡܐ ܠܟܼܘܢ ܠܐ ܬܣܒ ܕܒܕܒܝܚܘܬܗ ܕܗܢܐ ܛܡܐܐ ܘܡܣܝܒܐ ܡܫܬܪܐ ܩܪܒܐ. ܘܢܬܒܢ ܒܫܠܝܐ ܡܠܟܘ̈ܬܐ
                    ܫܢ̈ܝܐ ܕܚܪܩܬ ܠܟ ܘܟܕ ܐܬܥܝܪ ܝܘܒܝܢܝܢܘܣ ܡܢ ܫܢܬܗ. ܘܐܬܒܝܿܢ ܒܗ ܒܚܠܡܐܼ. ܥܩܬ ܠܗ ܛܒ ܘܐܬܟܪܝܬ
                    ܪܘܚܗ. ܝܕܥܼ ܓܝܪ ܕܚܝܒܘܬܐ ܐܝܬ ܠܗܿ ܕܬܫܪܟ ܨܐܝܕܝܗܘܢܿ ܘܟܪܝܐ ܗܘܬ ܠܗ ܠܓܒܪܐ ܦܪܘܫܐܿ.
                    ܕܒܐ̈ܝܕܝܗܘܢ ܥܬܝܕܐ ܢܨܝܒܝܢ ܕܬܫܬܠܡ ܒܐܝܼܕܐ ܕܦܪ̈ܣܝܐ. ܘܟ ܕܗܘܼܐ ܨܦܪܐܼ. ܩܒܠ ܐܓܪܬܐ ܕܐܫܬܕܪ
                    ܠܗ ܡܢ ܡܘܦܛܐ ܪܒܐܿ. ܐܝܟ ܓܠܝܢܐ ܕܗܘܐ ܥܠܘܗܝ ܡܢ ܐܠܗܐ. ܟܬܼܒ ܠܗ ܓܝܪ ܗܟܢܐ: ܡܛܠ ܠܡ ܐܚܝ
                    ܕܐܟܦܬܢܝ ܘܠܝܬ ܕܐܫܠܼ.ܚ ܠܟ ܥܠ ܐܝܠܝܢ ܕܐܠܨܢܼ. ܡܘܕܥ ܐܢܐ ܠܚܘܒܟ ܒܝܕ ܟܬܝ̈ܒܬܝܼ. ܕܫܘܘܕܝܐ
                    ܗܿܘ ܕܗܘܼܐ ܠܝ ܠܝܘܬܟܼ. ܗܐ ܫܡܠܝܗ ܐܠܗܐ ܝܘܡܢܐ. ܫܒܘܪ ܓܝܪ ܒܥܠܕܒܒܗܿ ܕܡܠܟܘܬܟܘܢܼ. ܒܚܝܠܐ
                    ܙܥܘܪܐ ܗܐ ܫܪܐ ܗܪܟܐ ܒܝܬ ܢܨܒܬܝ ܩܪܝܬܐ ܒܡܥܒܕܢܘܬܐ ܕܐܠܗܐ. ܘܒܝܕ ܦܘܪܣܐ ܕܨܢ̈ܥܬܗܿ ܕܒܨܝܪܘܬܢܿ
                    ܕܒܪ ܥܡܟ ܚܝܠܐ ܕܠܒ̈ܫܐܼ. ܘܬܐ ܐܬܢܩܡ ܡܢ ܗܢܐ ܥܐ ܘܥܢܬܐܿ. ܒܝܗܫܬܐ ܕܐܣܒܠ ܠܥܒ̈ܕܘܗܝ ܕܐܠܗܐܼ.
                    ܘܥܿܒܕ ܬܒܥܬܐ ܠܕܡܐ ܚܣܝܐ ܕܣܗ̈ܕܘܗܝ ܕܡܝܚܐܿ. ܕܐܬܐܫܕ ܒܐܝ̈ܕܘܗܝ ܕܠܐ ܣܟܠܘ. ܘܣܒ ܛܢܢܐ ܕܥܕ̈ܬܗ
                    ܕܡܪܟ. ܕܥܩܼܪ ܘܣܚܼܦ ܘܐܘܩܕܿ. ܘܣܝܡ ܒܪܫܗ ܐܝܟ ܕܫܿܘܝܢ ܣܘܪ̈ܚܢܘܗܝ. ܘܟܕ ܗܢܐ ܬܥܒܕ. ܘܓܢܒܪܘܬܟ
                    ܬܬܟܪܙ. ܘܗܝܡܢܘܬܟ ܬܬܩܠܣܼ. ܘܡܫܪܝܬܟ ܬܬܦܪܩ. ܘܚܢܢ ܢܚܕܐ ܒܙܟܘܬܟ. ܗܘܝ ܚܠܝܡ ܒܪܘܚܟ ܘܫܪܝܪ
                    ܒܗܝܡܢܘܬܟ. ܝܘܒܝܢܝܢܘܣ ܕܝܼܢ ܠܐ ܨܒܼܐ ܕܢܟܣܐ ܫܪܪܐ܇ ܡܢ ܓܒܪܐ ܕܣܡ ܢܦܫܗ ܠܡܘܬܐ ܥܠ ܐ̈ܦܝ
                    ܙܟܘܬܐ ܕܪ̈ܗܘܡܝܐ. ܐܠܐ ܟܬܒ ܘܐܘܕܥܗ ܫܪܪܗܝܢ ܕܗܠܝܼܢ. ܘܬܗܪ ܒܢܦܫܗ ܘܫܒܚ ܘܐܘܕܝ 181 ܠܐܠܗܐܼ. ܕܗܝܡܢ ܘܓܠܼܐ ܨܒܝܢܗ ܠܡܗܝ̈ܡܢܘܗܝ. ܘܐܘܣܦ ܬܘܒ ܘܟܬܼܒ ܠܗ ܕܬܪ̈ܬܝܢ ܙܒ̈ܢܝܢ. ܕܢܡ
                    ܗܫܐ ܐܚܝ ܕܗܟܢܐ ܗܼܘܐ ܨܒܝܢܐ ܠܐܠܗܐ: ܘܨܒܝ̈ܢܘܗܝ ܒܟܠܙܒܢ ܙܕܩ ܕܢܬܩܝܡܘܢܼ. ܫܡܥܝܢܝ ܠܡ ܐܚܝ
                    ܘܐܡܠܟ. ܕܠܐ ܠܓܡܪ ܬܗܘܐ ܣܪܝܩܐ ܐܘܪܚܐ ܕܡܐܬܝܬܢܿ ܗܐ ܓܒܪ̈ܐ ܡܢܢ ܐܫܬܕܪܘ ܠܘܬܟܘܢ ܒܐܣܟܝܡܐ
                    ܕܐ̈ܢܫܐ ܪ̈ܗܘܡܝܐ. ܐܝܟ ܕܢܒܨܘܢ ܪܐܙܟܘܢ ܘܢܒܨܘܢ ܡܫܪܝܬܟܘܢܿ ܡܨܐ ܐܢܬ ܗܟܝܠ ܐܚܝ ܕܬܪܫܐ ܒܗ
                    ܛܝܒܘܬܐ ܒܫܒܘܪ ܐܦ ܟܕ ܪܚܝܩ ܐܢܬ. ܕܬܗܘܐ ܗܕܐ ܛܝܒܘܬܐ ܫܕܝܐ ܠܟ ܠܩܕܡܝܢ. ܗܐ ܦܩܝܕܝܢ ܐܝܠܝܢ
                    ܕܐܫܬܕܪܘ ܡܢܢ܆ ܕܢܒܘܬܗܘܢ ܒܠܠܝܐ ܗܢܐ ܒܫ̈ܦܘܠܝ ܡܫܟܢܟܼ. ܐܝܟ ܕܢܒܨܘܢ ܘܡܫܥܘܿܢ. ܕܐܝܟ ܡܬܡܠܠܢ
                    ܒܝܬ ܪܘܪ̈ܒܢܝ ܚܝܠܐ ܒܡܫܟܢܟܼ. ܐܢܬ ܕܝܢ ܐܝܟ ܚܟܡܬܟ. ܫܪܝ ܠܪ̈ܒܝ ܚܝ̈ܠܐ ܡܢ ܠܘܬܟ ܒܠܠܝܐ ܗܢܐ.
                    ܘܐܚܘܕ ܐܢܘܢ ܠܓܒܪ̈ܐ ܗܠܝܢ ܕܫܠܝܚܝܢ ܡܢܼܢ ܘܠܐ ܐܢܫ ܢܕܥ. ܘܐܣܘܪ ܘܐܠܘܨ ܐܢܘܢܼ. ܕܢܐܡܪܘܢ
                    ܐܝܠܝܢ ܕܝܠܦܬ ܡܢܼܢ. ܐܝܟ ܕܬܬܗܝܡܢ ܠܫܒܘܼܪ. ܕܗܢܘܢ ܡܢ ܩܛܝܪ ܠܐܪܙܐ ܐܕܢܚܘܗܝ. ܘܡܐ ܕܝܠܦܼܬ
                    ܡܢܗܘܢܿ ܫܕܝ ܡܪܚܡܢܘܬܟ ܨܐܕܝܗܘܢܿ ܘܫܪܝ ܐܢܘܢ ܒܫܠܡܐ ܨܝܕ ܡܪܗܘܢܿ ܘܣܝܡ ܒܦܘܡܗܘܢ ܡ̈ܠܐ. ܐܝܠܝܢ
                    ܕܙܕܩ ܠܗ ܕܢܬܐܡܪܢ ܠܗ ܠܫܒܘܪ. ܐܝܟ ܕܢܣܒ ܥܠܘܗܝ ܝܘܩܪܗܿ ܕܛܝܒܘܬܟ. ܐܝܟ ܕܡܢ ܪܡܙܗܝܢ ܓܝܪ
                    ܕܟܬܝ̈ܒܬܟܼ. ܕܝܠܗ ܐܝܬܝܗܿ ܙܟܘܬܐ. ܘܥܒܕ ܝܘܒܢܝܢܘܣ ܐܝܟ ܕܫܠܚ ܠܗ ܡܦܘܛܐ. ܘܐܚܕ ܐܢܘܢ ܠܓܒܪ̈ܐ
                    ܗܠܼܝܢ. ܘܐܠܨ ܐܢܘܢ ܩܫܝܐܝܬ. ܘܟܕ ܐܫܬܘܕܝܘ ܠܗ ܫܪܪܐ ܕܡܐܬܝܬܗܘܢܿ ܚܘܝ ܠܘܬܗܘܢ ܡܪܚܡܢܘܬܐ.
                    ܘܣܡܘ ܠܗܘܢ ܘܠܥܣܘܼ ܘܐܫܬܝܘ. ܘܝܗܒܼ ܠܗܘܢ ܡܘ̈ܗܝܬܐ ܘܐܡܼܪ ܠܗܘܢܿ ܙܠܘ ܨܝܕ ܡܪܟܘܢ ܘܐܡܼܪܘ ܠܗ.
                    ܗܟܢܐ ܐܡܿܪ ܝܘܒܢܝܢܘܣ ܪܒ ܚܝܠܗ ܕܩܣܪ. ܕܗܐ ܙܕܩܬ ܠܟ ܝܘܡܢ ܚܝ̈ܝܟ. ܒܐܝ̈ܕܝ ܓܝܪ ܣܝܡܐ ܗܘܬ
                    ܢܦܫܟ ܒܠܠܝܐ ܗܢܐ. ܐܠܘ ܨܿܒܐ ܐܢܐ ܒܡܘܬܟ. ܐܘ ܐܠܘ ܪܓܬܢܝ ܕܒܚ̈ܝܐ ܐܚܕܟܼ. ܟܒܪ ܕܝܢ ܥܠ ܕܗܐ
                    ܐܚܝܕ ܗܘܝܬܼ . ܥܡ ܐܣܝܪ̈ܘܗܝ ܕܩܣܪ. ܨ̈ܢܥܬܟ ܓܝܪ ܐܚܕܪ ܐܪܡܝܟ ܒܡܨܝܕܬܢܿ ܕܠܐ ܥܠܡܐ ܘܕܠܐ
                    ܩܪܣܐ. ܝܩܪܬ ܕܝܢ ܢܦܫܟ ܒܥ̈ܝܢܝܼ. ܘܠܐ ܨܒܬ ܢܦܫܝ ܒܒܙܚܗܿ ܕܣܝܒܘܬܟ. ܐܣܬܪܗܒ ܗܟܝܠ 182 ܘܦܠܛ ܢܦܫܟ ܘܕܐܝܠܝܢ ܕܥܡܟܼ. ܥܠܕܐ ܢܬܬܙܝܥ ܛܒܐ ܗܢܐ ܒܡܫܪܝܬܢ. ܘܬܒܥܘܢ ܠܡܫܘܙܒܘ ܢܦܫܟܘܢ
                    ܘܠܐ ܬܫܟܚܘܢ. ܘܐܙܠܘ ܓܒܪ̈ܐ ܗܠܝܢ ܨܝܕ ܡܪܗܘܢ. ܘܚܘܝܘܗܝ ܟܠܗܝܢ ܡ̈ܠܐ ܗܠܝܢܿ ܘܐܬܬܙܝܥ ܫܒܘܪ
                    ܘܗܘܼܐ ܒܕܚܠܬܐ ܣܓܝܐܬܐ. ܘܒܡܘܦܛܗ ܡܬܥܕܠ ܗܘܼܐ. ܕܐܝܬܝܗ ܠܡܫܚܒܬܐ ܗܕܐ ܡܙܡܢܬ ܠܡܘܬܐ.
                    ܘܒܪܗܝܒܘܬܐ ܕܣܝܡܐ ܬܚܝܬ ܩܢܛܐ ܒܕܚܠܬܐܼ. ܪܟܒ ܣܘܣܝܗ ܘܗܼܦܟ ܠܡܫܪܝܬܗ ܥܡ ܐܝܠܝܢ ܕܥܡܗ. ܘܡܬܪܥܐ
                    ܗܘܼܐ ܒܢܦܫܗܼ. ܕܡܿܢ ܠܡ ܐܦܪܘܥ ܠܪܒ ܚܝܠܐ ܕܪ̈ܗܘܡܝܐ. ܚܠ ܚܝ̈ܝܗܿ ܘܦܘܪܩܢܗܿ ܕܢܦܫܝ. ܟܠܗܘܢ
                    ܓܝܪ ܓ̈ܙܝܗܿ ܕܡܠܟܘܬܝ ܠܐ ܣܦܩܝܢ ܠܗܿ ܠܗܕܐ. ܘܣܡܗܿ ܫܒܘܪ ܠܛܝܒܘܬܗ ܕܝܘܒܢܝܢܘܣ ܒܠܒܗ ܟܣܝܐܝܬܼ.
                    ܘܢܛܪܗܿ ܠܙܒܢܗܿ ܡܛܠ ܕܪܚܡܗܼ ܐܝܟ ܢܦܫܗ. ܘܟܕ ܐܝܠܦܘ ܪܘܪ̈ܒܢܝܗܿ ܘܚܐܪ̈ܝܗ ܕܦܪܣ ܒܗܠܝܢ.
                    ܐܬܡܠܝܘ ܛܢܢܐ ܘܡܪܛܢܝܢ ܗܘܘ ܒܝܢܝܗܘܢ ܥܠ ܫܒܘܪ ܘܐܡܪܝܢ. ܕܥܕܡܐ ܠܐܡܬܝ ܫܠܝܢܢ ܩܐܪܣܢ. ܘܫܩܝܠܐ
                    ܡܠܟܘܬܢ ܚܣܕܐ ܒܟܠ ܡ̈ܠܟܘܢܿ ܕܚܪܒܬ ܐܪܥܢ ܘܨܕܬ ܡܢܥܡܘܪ̈ܝܗܿ. ܘܗܐ ܒܥܠܕܒ̈ܒܐ ܚܠܦܝܗܘܢ ܡܬܦܛܡܝܢ
                    ܡܢ ܥ̈ܠܠܬܗܿ. ܘܐܦ̈ܕܢܐ ܐܪ̈ܓܝܓܐ ܘܡܫ̈ܡܗܐ ܕܒܝܬ ܡܠܟܘܿܬܢܼ. ܥܒܝܕܝܢ ܝܘܡܢ ܒܝܬ ܡܚܪܐ
                    ܠܪ̈ܗܘܡܝܐ. ܘܡܗܠܝܢ ܒܢ ܘܡܒܙܚܝܢ ܒܡܠܟܘܬܢܿ ܘܠܢ ܕܝܠܢ ܥܕܟܝܠܼ ܐܝܟ ܫܘܥܝܬܐ ܚܫܝܒܐ ܠܢ. ܘܐܥܠ
                    ܛܡܫܒܘܪ ܡܿܠܟܐ ܕܚܕܝܒܼ. ܪܛܢܗܘܢ ܕܚܐܪ̈ܐ ܩܕܡ ܫܒܘܪ ܡܠܟ ܡ̈ܠܟܐ. ܘܐܟܦ ܗܘܼܐ ܠܗ ܕܢܬܩܢ ܩܐܪܣܐ.
                    ܘܦܩܕ ܫܒܘܼܪ ܕܢܥܠܘܢ ܩܕܡܘܗܝ ܚܐܪܗܝܗܿ ܘܪ̈ܘܪܒܢܝܗܿ ܕܦܪܣ. ܘܟܕ ܥܠܘ ܘܣܓܕܘ ܠܗܼ. ܡܠܐ ܒܠܒܗܘܢ
                    ܘܐܢܝܚ ܐܢܘܢ ܒܡܠܬܗ. ܕܐܠܘ ܠܡ ܠܚܝܠܐ ܕܡܙܡܢ ܗܘܐ ܠܝ ܠܐ ܚܐܪ ܗܘܝܬܼ. ܟܒܪ ܕܝܢ ܫܩܠ ܣܟܗ
                    ܩܐܪܣܢ. ܘܗܫܐ ܐܢܬܘܢ ܐܬܐܡܢܘ ܠܒܘܣܡܐܼ. ܘܨܦܬܐ ܥܠ ܗܕܐ ܠܐܬܣܒܘܢܿ ܕܥܕܠܐ ܢܫܠܡ ܫܒܘܥܐ
                    ܕܝܘ̈ܡܬܐ. ܡܬܢܩܡܐ ܚܪܒܢ ܡܢ ܒܥܠܕܒ̈ܒܝܢ. ܕܥܕܠܐ ܢܫܠܡ ܫܒܘܥܐ ܕܝܘ̈ܡܬܐ. ܡܬܢܩܡܐ ܚܪܒܢ ܡܢ
                    ܒܥܠܕܒ̈ܒܝܢ. ܘܟܕ ܫܝܢ ܪܥܝܢܗܘܢ ܘܫܪܐ ܐܢܘܢ ܘܢܦܩܘܼ ܡܢ ܩܕܡܘܗܝܼ. ܫܕܪ ܐܝܙܓ̈ܕܐ ܠܡܫܪܝܬܐ
                    ܕܪ̈ܗܘܡܝܐ. ܘܒܩܠܐ ܕܦܬܓܡ̈ܘܗܝ ܕܠܚܗܿ. ܡ̈ܠܐ ܓܝܪ ܪܘܪ̈ܒܬܐ ܘܦܬܝ̈ܬܐ ܡܠܠ ܙܘܪܢܕ ܩܕܡ ܩܣܪ.
                    ܕܗܟܐܢ ܠܡ ܐܡܿܪ ܡܿܠܟܐ ܪܒܐ ܡܓܘܫܐ. ܘܐܠܗܐ ܬܩܝܦܐ ܫܒܘܪ ܕܚܝܠ ܥܠ ܟܠ.  183 ܡܢܘ ܠܡ
                    ܬܘܟܠܢܐ ܗܢܐ ܕܐܬܬܟܠܬ. ܘܐܫܝܼܚܬ ܥܠ ܫܘܠܛܢܐ ܕܚܝܠܐܼ. ܘܥܠ ܕܪܥܢ ܪܡܐ ܘܥܠ ܐܝܕܢ ܬܩܝܦܬܐ.
                    ܘܥܒܪܬ ܠܐܪܥܐ ܕܠܐ ܕܝܠܟܿ. ܘܐܝܟ ܓܢܒܐ ܘܐܝܟ ܓܝܣܐ ܐܚܪܒܬ ܬܚܘ̈ܡܝܗܿ ܕܡܠܟܘܬܢܿ ܘܐܟܒܪ ܒܨܒܪܘܬܟ
                    ܣܿܒܪ ܐܢܬ ܗܫܐ. ܕܙܟܘܬ ܡ̈ܠܟܐ ܙܟܝܬ. ܘܠܐ ܡܬܚܙܝܐ ܠܟ ܒܦܛܥܘܬܟܿ. ܕܡܿܠܟܐ ܫܦܠܐ ܐܬܚܙܝܬ ܒܗܕܐ.
                    ܘܙܟܘܬ ܢܫ̈ܐ ܐܝܬܝܗܿ ܙܟܘܬܟ. ܡ̈ܠܟܐ ܓܝܪ ܩܪ̈ܒܬܢܐ ܘܚܝ̈ܠܬܢܐܼ. ܡܐ ܕܝܗܒܘ ܒܘܩܝܐ ܕܓܢܒܪܘܬܗܘܢ
                    ܒܩܪܒܐ ܕܒܥܠܕܒ̈ܒܗܘܢ. ܘܐܥܕܝܘ ܙܟܘܬܗܘܢ ܒܕܪܐ ܕܬܟܬܘܫܗܘܢܿ ܗܝܕܝܢ ܡܬܟܪܙܐ ܙܟܘܬܗܘܢ ܘܡܬܩܠܣܐ
                    ܚܠܝܨܘܬܗܘܢܿ ܘܠܘ ܐܟܘܬܟ ܫܦܠܐ. ܕܐܝܟ ܠܣܛܝܐ ܒܝܬ ܐܣܝܪ̈ܐ ܚܒܝܫ ܐܢܬ ܒܐܪܥܐ ܕܠܐ ܕܝܠܟ. ܐܦ ܐܠܘ
                    ܨܒܐ ܐܢܬ ܠܡܥܪܩ. ܐܒܕ ܠܗ ܡܢܟ ܒܝܬ ܡܥܪܩܐ. ܒܕ ܐܬܬܚܕܘ ܠܗܘܢ ܥܠܝܟ ܡܦܩ̈ܢܘܗܝ ܕܐܬܪܢܿ ܐܠܐ ܐܢ
                    ܐܝܬ ܒܟ ܚܝܠܐ ܠܩܪܒܐ ܘܥܘܫܢܐ ܘܓܢܒܪܘܬܐ ܠܩܐܪܣܐ: ܐܩܝܡ ܪܓܠܐ ܐܝܟ ܚܝܠܬܢܐܼ. ܘܐܪܘܥ ܩܐܪܣܗܿ
                    ܪܒܐ ܕܐܬܘܪ. ܘܐܢ ܠܒܬ ܒܟ ܚܝܠܐ ܠܡܐܪܥ ܩܐܪܣܢ. ܫܕܝ ܙܝܢܟ ܡܢܟ ܘܣܓܘܕ ܠܬܓܢ. ܘܐܘܕܐ ܒܦܘܡܟ
                    ܚܝܒܘܬܐܼ. ܘܫܼܐܠ ܫܘܒܩܢܐ. ܘܗܒ ܒܙܬܗܿ ܕܐܪܥܢ ܘܒܦܘܪܩܢܐ ܕܢܦܫ̈ܬܟܘܢܿ ܐܬܪܐ ܐܬܪܐ ܟܠܗ ܕܐܝܬ ܡܢ
                    ܝܡܐ. ܘܥܕܡܐ ܠܕܩܠܬܿ ܢܗܪܐ ܕܦܪܫ ܒܝܬ ܬܚܘ̈ܡܐ. ܘܣܝܡ ܢܝܪܗ ܕܡܕܐܬܢ ܥܠ ܨܘܪܗܿ ܕܡܠܟܘܬܟܘܢ. ܘܣܒ
                    ܡܫܪ̈ܝܬܟܼ ܘܗܦܘܟ ܒܒܗܬܐ ܠܐܪܥܟ. ܘܟܕ ܓܡܪ ܙܘܪܢܕ ܡܓܘܫܐ ܠܡܐܡܪ. ܡ̈ܠܐ ܗܠܝܢ ܠܩܣܪ ܐܝܟ ܕܡܢ
                    ܦܘܡܗ ܕܫܒܘܪܼ. ܫܐܠ ܗܘܼܐ ܡܢܗ ܥܢܝܢܗܝܢ ܕܟܬܝ̈ܒܬܐ. ܐܡܿܪ ܠܗ ܝܘܠܝܢܘܣ ܠܙܘܪܢܕ ܡܓܘܫܐ. ܙܠ
                    ܐܡܼܪ ܠܗ ܠܡܪܟ ܕܫܕܪܟܼ. ܕܒܩܘܫܬܝܢ ܕܐܢܐ ܛܒ ܢܟܦ ܐܢܐ ܚܠܦܝܟܿ. ܕܐܥܟ ܚܪܒܬ ܘܨܕܬ ܡܢ ܟܕܘ.
                    ܘܐܢܬ ܐܝܟ ܫܒܪܐ ܨܒܪ ܒܐܝܕܥܬܗ. ܘܒܕܡܢܘܬ ܛܪ̈ܦܐ ܕܐܝ̈ܠܢܐ ܡ̈ܠܐ ܚܪ̈ܒܬܐ ܡܩܪܩܫ ܐܢܬ. ܘܠܝܬ
                    ܠܡܬܕܡܪܘ ܒܗܕܐ ܕܨܒܪܬ ܝܕܥܬܟ. ܚܘܪܒܗܿ ܕܐܪܥܟ ܐܝܬܝܟ ܠܫܢܝܘܬܐ. ܒܪܡ ܕܝܢ ܠܐ ܬܩܨܦ ܠܟ ܒܐܝܠܝܢ
                    ܕܓܕܫ. ܕܐܠܘ ܒܥܐܕܐ ܕܐܠܗ̈ܝ ܠܐ ܐܬܥܦܝܬ ܟܒܪ ܕܝܢ. ܣܝܡܐ ܗܘܬ ܝܘܡܢ ܡܫܪܝܬܢ ܒܓܘܪܓܢ. ܐܢ  184 ܗܟܝܠ ܡܿܠܟܐ ܐܢܬ ܬܩܝܦܐ: ܘܐܝܬ ܠܟ ܕܪܥܐ ܘܓܢܒܪܘܬܐܼ. ܚܘܐ ܢܦܫܟ ܘܐܬܓܠܝ
                    ܒܚܝ̈ܠܘܬܟ. ܘܗܒ ܒܘܩܝܗܿ ܕܚܠܝܨܘܬܟ. ܘܦܨܐ ܐܪܥܟ ܡܢ ܐ̈ܝܕܝ. ܘܡܐ ܕܐܬܬܟܠܬ ܕܙܟܝܬ. ܗܝܕܝܢ ܬܪܝܡ
                    ܐܦ̈ܝܟ ܟܡܝܪ̈ܬܐ ܘܬܡܠܠ. ܥܕ ܗܫܐ ܟܡܝܪ̈ܢ ܐܢܝܢ ܐܦ̈ܝܟ. ܐܠܘ ܡܬܒܝܢܬ. ܡ̈ܠܝܟ ܓܝܪ ܪܘܪ̈ܒܢ
                    ܘܚܣܝܢܢ. ܘܥܩܒܬܐ ܠܓܡܪ ܠܐ ܐܬܚܙܝܬ ܠܟ. ܐܝܟ ܚܠܫܐ ܓܝܪ ܡܬܟܪܟ ܐܢܬ ܡܢ ܩܕܡܝܼܢ. ܟܕ ܠܝܬ ܠܟ
                    ܪܓܠܐ ܕܩܝܡܐ .. ܘܗܼܦܟ ܐܝܙܓܕܐ ܘܚܘܝ ܠܡܿܠܟܐ ܫܒܘܪ ܟܠܗܝܢ ܡ̈ܠܐ ܗܠܝܢ. ܘܐܬܚܡܬ ܫܒܘܼܪ ܘܪܓܙ
                    ܛܒ ܥܠ ܡ̈ܠܘܗܝ ܕܩܣܪ. ܘܫܕܪ ܩܪܐ ܚܐܪ̈ܐ ܘܪܘܪ̈ܒܢܐ ܕܡܠܟܘܬܗܼ. ܘܐܫܡܥ ܐܢܘܢ ܡ̈ܠܘܗܝ ܕܩܣܪ.
                    ܘܪܛܢܘ ܚܐܪ̈ܝܗ ܕܦܪܣ ܥܠ ܫܒܘܼܪ ܘܐܡܪܝܢ. ܕܫܦܝܪ ܠܡ ܘܒܙܕܩܗܿ ܕܘܠܝܬܐ ܡܬܪܝܡ ܘܡܫܬܩܠ ܩܣܪ ܥܠ
                    ܐܬܪܢ: ܘܗܕܝܪ ܘܦܐܐ ܠܗ ܫܘܒܗܪܐ. ܕܒܙ ܐܬܪܢ ܘܐܚܪܒ ܐܪܥܢ. ܘܚܝ̈ܠܘܬܗ ܡܬܓܐܫܢ ܘܡܬܦܛܡܝܢ ܡܢ
                    ܥ̈ܠܠܬܗܿ. ܘܣܪܝܩ ܚܡܐ ܕܥܡܘܪ̈ܝܗܿ ܡܢ ܓܐܘ̈ܬܗܿ. ܐܝܟ ܒ̈ܠܘܠܝܬܐ ܕܝܢ ܡܫܬܦܕ ܗܼܘܐ ܫܒܘܼܪ ܒܡ̈ܠܐ
                    ܕܪܘܪ̈ܒܢܐ. ܘܣܡ ܗܼܘܐ ܐܦ̈ܘܗܝ ܡܢ ܟܕܘ ܕܢܥܒܕ ܩܪܒܐ ܥܡ ܩܣܪ. ܘܙܡܢ ܟܠܗܝܢ ܡܫܪ̈ܝܬܗ. ܠܩܪܒܐ
                    ܕܪ̈ܗܘܡܝܐ. ܘܐܬܟܢܫܘ ܠܘܬܗ ܟܠܗܘܢ ܚܝ̈ܠܘܬܗ ܕܦܪܣ. ܐܠܦ̈ܐ ܘܪ̈ܒܘܬܐ ܕܠܐ ܡܢܝܢ. ܥܡ ܚܝܠܐ ܬܘܒ
                    ܢܘܟܪܝܐ ܡܢ ܟܠ ܥܡ̈ܡܝܢ ܕܙܡܢ ܘܩܪܐ ܠܐܝܠܝܐ ܕܩܐܪܣܗ. ܘܟܕ ܐܬܙܝܥ ܚܝܠܐ ܟܠܗ ܠܡܣܩ ܠܒܝܬ
                    ܐܪ̈ܡܝܐ. ܘܐܬܪܗܒܬ ܐܪܥܐ ܡܢ ܩܕܡܝܗܘܢܿ ܕܒܕܡܘܬ ܩܡܨܐ ܘܙܚܠܐܼ. ܟܣܝܘ ܐܦ̈ܝܗܿ ܕܐܪܥܐ ܗܿܝ ܡܢ
                    ܣܘܓܐܗܘܢܿ ܕܒܕܡܘܬ ܩܡܨܐ ܘܙܚܠܐܼ. ܟܣܝܘ ܐܦ̈ܝܗܿ ܕܐܪܥܐ ܗܿܝ ܡܢ ܣܘܓܐܗܘܢܿ ܘܟܕ ܐܫܬܡܥ ܛܒܼܐ
                    ܕܟܘܢܫܝܗܘܢ ܒܡܫܪܝܬܐ ܕܪ̈ܗܘܡܝܐ ܐܬܬܙܝܥܘ ܘܕܚܠܘ ܛܒ. ܩܢܛܐ ܓܝܪ ܐܝܟ ܕܒܫܒܛܐܼ ܒܬܪ̈ܬܝܢ ܡܢܓܕ
                    ܗܘܼܐ ܠܗܘܢܿ ܚܕܐ ܕܣܝܡܝܢ ܗܘܘ ܒܐܪܥܐ ܕܠܐ ܕܝܠܗܘܢ. ܘܐܚܪܬܐ ܬܘܒ ܕܥܫܢ ܥܠܝܗܘܢ ܟܦܢܐ. ܓܡܝܪ
                    ܗܘܼܐ ܠܗ ܓܝܪ ܥܒܘܪܐ ܡܢ ܒܝܬ ܐܪ̈ܡܝܐ. ܘܠܝܬ ܗܘܼܐ ܠܗܘܢ ܡܢ ܕܘܟ ܢܦܐܫܐ. ܐܬܚܕܘ ܗܘܘ ܠܗܘܢ ܓܝܪ
                    ܥܠܗܝܘܢ ܡ̈ܥܠܢܘܗܝ ܕܐܬܪܐ. ܘܐܝܟ ܕܒܡܨܝܕܬܐ 185 ܚܒܝܫܝܢ ܗܘܘ ܒܐܘܠܨܢܐ. ܘܟܕ [ܗ]ܦܟ
                    ܠܒܝܬ ܐܪ̈ܡܝܐ ܫܒܘܪ ܒܣܘܓܐ ܕܡܫܪ̈ܝܬܗ: [ܒـ]ـܐܪܒܥ ܘܥܣܪܗܝܢ ܒܚܙܝܪܢܿ [ܕܫـ]ـܢܬ ܫܬܡܐܐ ܘܫܒܥܝܢ
                    ܘܐܪ̈ܒܥ ܒܡܢܝܢܐ ܕܝ̈ܘܢܝܐܼ. ܒܗ ܒܝܘܡܐ ܗܢܐܿ. ܐܩ[ܒـ]ـܠ ܗܘ̈ܝ ܡܫܪ̈ܝܬܐ ܚܕܐ ܠܚܕܐ ܕܦܪ̈ܣܝܐ
                    ܘܕܪ̈ܗܘܡܝܐܿ. ܘܚܙܘ ܡ̈ܠܟܐ ܬ[ܪ̈ܝـ]ـܗܘܢ ܐ̈ܦܝ ܚ̈ܕܕܐ. ܘܐܬܬܣܝܡ ܡܫܪ̈ܝܬܐ ܕܓܒ̈ܐ ܬܪܗܝܗܘܢ ܥܠ
                    ܕܩܠܬ ܢܗܪܐ. ܚܕܐ [ܠـ]ـܘܩܒܠ ܚܕܐ ܒܓܒܗܿ ܓـ[ـܪ]ܒܝܝܐ ܕܩܛܝܣܦܘܢܿ ܟܕ ܥܬܝܕܝܢ ܘܡܙܝܢܝ ܘܢܛܪܝܢ
                    ܛܟܣܐ ܠܡ̈ܠܟܝܗܘܿܢܿ ܘܚܝܪܝܢ ܠܦܘܩܕܢܐ. ܪܡܐ ܗܼܘܐ ܕܝܢ ܥܠܝܗܘܢ ܫܠܝܐ. ܘܠܝܬ ܕܢܨܪ ܐܠܐ ܐܢ
                    ܡ̈ܠܟܐ ܬܪ̈ܝܗܘܢܿ ܒܠܚܘܕ ܕܥܒܕܘ ܗܘܘ ܦܘܣܩܢܐ. ܘܣܡܘ [ܝـ]ـܘܡܐ ܕܢܬܓܪܘܢ ܒܗ ... ܘܟܕ ܨܠܝܐ
                    ܐܕܢܗ ܕܟܠܢܫ ܠܡܫܡܥ: ܕܠܐܡܬܝ ܡܬܢܩܫ ܩܪܒܐܼ. ܡܢ ܬܚܝܬ ܫܠܝܐ ܩܠܐ ܗܼܘܐ ܠܘܬܗܘܿܢ ܡܢ ܫܡܝܐ
                    ܕܐܡܿܪܼ. ܓܐܪܐ ܕܦܘܪܩܢܐ ܠܡܫܪܝܬܐ ܕܪ̈ܗܘܡܝܐ. ܘ[؟]ܥܿܘܠܐܼ ܢܫܬܩܠܐ ܡܢ ܡܨܥܬܐ ܘܫܝܢܐ ܢܡܠܟ ܒܝܬ
                    ܡ̈ܠܟܘܬܐ ... ܘܟܕ ܐܫܬܡܥ ܩܠܐ ܗܢܼܐ. ܪܡܐ ܗܼܘܐ ܬܿܡܗܐ ܥܠ ܓ̈ܒܐ ܬܪ̈ܝܗܘܢܼ. ܒܕܠܐ ܝܕܥܝܢ ܗܘܘ
                    ܕܥܠ ܡܢܘܼ ܐܫܬܩܠܬ ܦܠܐܬܐ ܗܕܐ. ܐܦ ܫܒܘܪ ܟܕ ܛܒ ܪܫܝܥܐ ܗܼܘܐ ܘܥܢܬܐܼ. ܟܕ ܫܡܥܗ ܠܩܠܐ ܗܢܐܼ.
                    ܐܬܬܙܝܥ ܘܗܘܼܐ ܒܕܚܠܬܐ ܣܓܝܐܬܐ. ܝܘܠܝܢܘܣ ܕܝܢ ܒܓܘܡܕܢܘܬܗ ܘܒܩܫܝܘܬ ܠܒܗܼ. ܠܐ ܐܝܬܝ ܗܕܐ ܥܠ
                    ܒܠܗ. ܐܠܐ ܐܡܣܪ ܥܠ ܩܠܐ ܘܓܕܦܼ ܘܐܡܼܪ. ܕܐܘ ܠܡ ܡܢ ܗܠܝܢ ܒܢܬܩ̈ܠܐ ܕܛܥܝܘܬܐ. ܕܐܝܟܢܐ ܛܥܝܢ
                    ܫܒܪ̈ܐ ܒܬܪܗܝܢ. ܘܐܬܗܦܟ ܗܘܢܼܐ ܘܐܡܼܪ: ܠܚܝ̈ܠܘܬܗ. ܚܙܘ ܠܡ ܕܠܡܐ ܬܫܬܪܓܠܘܢ ܒܬܪ ܩܗܠܐ
                    ܕܛܥܝܘܬܐ. ܘܬܦܠܘܢ ܒܚܪܒܐ ܒܐܪܥܐ ܕܒܥ̈ܠܕܒܒܝܟܘܢܿ ܠܝܬܘܗܝ ܓܝܪ ܩܠܐ ܕܐܫܬܡܥ ܕܚܕ ܡܢ ܐ̈ܠܗܐ.
                    ܐܠܼܐ ܕܢܨܪܝܐ ܕܫܡܗ ܢܦܫܗ ܐܠܗܐ. ܐܢ ܕܝܢ ܐܠܗܐ ܗܼܘ ܒܫܪܪܐܼ. ܢܬܠ ܒܘܩܝܐ ܕܐܠܗܘܬܗ ܒܐܬܿܐ
                    ܓܠܝܬܐ ܘܢܗܝܡܢ ܒܗ ... ܘܥܡܗܿ ܕܡܠܬܗ ܕܪܫܝܥܐܼ. ܐܕܪܟܗ ܓܙܪ ܕܝܢܐܼ ܕܟܐܢܘܬܐ. ܘܓܐܪܐ ܦܪܼܚ
                    ܒܐܐܪ ܡܢ ܟܪ ܕܐܫܬܡܥ ܩܠܐ. ܘܡܚܝܗܝ ܠܥܘܿܠܐ 186 ܬܚܝܬ ܬܕܗܼ ܘܝܗܒܗ ܠܡܘܬܐ. ܘܐܝܠܠ
                    ܕܘܝܐܼ ܘܝܗܼܒ ܩܠܐ. ܘܩܿܒܠ ܒܐܝ̈ܕܘܗܝ ܡܢ ܕܡܐ ܕܡܚܘܬܗ. ܘܐܪܙܦ ܠܐ̈ܦܝ ܫܡܝܐ ܘܓܕܦ ܘܐܡܼܪ. ܣܒܼܥ
                    ܝܫܘܥ. ܣܒܼܥ ܡܢ ܗܫܐ ܘܐܬܡܠܝ. ܘܗܐ ܝܗܝܒܐ ܠܟ ܥܡ ܐܠܗܘܬܐ ܘܐܦ ܡܠܟܘܬܐ.. ܘܟܕ ܐܚܝܕܝܢ ܠܗ
                    ܨܘܪܗܢܐ ܘܡܚܝܢ ܠܗ ܚܒ̈ܠܐ ܕܡܘܬܐܼ. ܚܛܦܘ ܪ̈ܗܘܡܝܐ ܘܐܥܠܘܗܝ ܠܓܘ ܡܫܪܬܗܘܢܿ ܘܐܡܼܪ ܗܘܐ ܠܐܝܠܝܢ
                    ܘ ܠܘܬܗ ܒܥܕܢ ܡܘܬܗ. ܕܡܢ ܗܫܐ ܠܡ ܕܐܢܐ ܡܐܬ ܐܢܐ ܡܢ ܟܕܘܼ. ܥܒܕܘ ܠܟܘܢ ܡܿܠܟܐ ܚܠܦܼܝ.
                    ܠܝܘܒܝܢܝܢܘܣ ܪܒ ܚܝܠܐ. ܠܝܬ ܠܟܘܢ ܓܝܪ ܓܒܪܐ ܕܚܫܚ ܠܡܠܟܘܬܐ ܐܟܼܘܬܗܿ. ܕܡܨܐ ܒܝܕܥܬܗ ܘܒܦܘܪܣܐ
                    ܕܨ̈ܢܥܬܗܿ. ܕܢܦܩܟܘܢ ܡܢ ܚܒܘܫܝܐ ܕܐܬܚܫܒܬܘܢ ܒܗ. ܘܟܕ ܐܡܼܪ ܗܠܝܢ ܒܬܘܝܪܘܬܐ ܕܠܒܗܼ. ܢܦܫܗ
                    ܫܒܩܬܗ ܠܕܘܝܐ. ܘܗܼܘܐ ܝܬܝܪܐ ܠܚܝ̈ܘܗܝܼ. ܘܩܒܠ ܡܢ ܗܪܟܐ ܪܗܒܘܢܐ ܕܫܘܢܩܐ ܕܢܛܝܪ ܠܗܿ. ܘܕܓܗܢܐ
                    ܕܡܝܠܟܐ ܠܗ ܘܠܐܝܠܝܢ ܕܐܪܫܥܘ ܐܟܘܬܗ. ܕܐܝܟ ܗܟܢܐ ܫܩܠ ܫܘܠܡܐ ܕܚܝ̈ܘܗܝ ܝܘܠܝܢܘܣ ܪܫܝܥܐܼ. ܐܝܟ
                    ܢܒܝܘܬܐ ܕܗܘܬ ܥܠܘܗܝ ܡܢ ܐܢܫ̈ܐ ܓܡܝܪ̈ܐ ܘܫܪܝܪ̈ܐܿ. ܕܐܣܗܼܕܘ ܒܪܕܘܦܣܗ ܕܥܘܿܠܐ. ܘܫܪܬ ܥܠܘܗܝ
                    ܢܝܒܘܬܐ ܕܐܬܢܒܝܘ ܥܠܘܗܝ. ܘܗܘܼܐ ܐܒܕܢܐ ܕܡܘܬܗ ܒܐܪܥܐ ܕܠܐ ܕܝܠܗ. ܘܫܪܟܬ ܨܐܕܘܗܝ ܗܿܝ
                    ܕܟܬܝܒܐܿ. ܕܚܪܬܐ ܕܪ̈ܫܝܥܐ ܠܐܒܕܢܐܿ. ܘܦܪܘܩܐ ܕܙܕܝ̈ܩܐ ܡܪܝܐ. ܫܪܝܪܐܝܬ ܓܝܪ ܥܒܕ ܠܗܿ ܐܠܗܐ
                    ܦܘܪܩܢܐ ܠܥܕܬܐ ܘ̈ܠܝܠܕܝܗ. ܒܐܒܕܢܐ ܕܡܘܬܗ ܕܗܢܐ ܚܢܦܐ ܘܪܫܝܥܐ ܕܠܩܘܫܬܝܢ. ܕܐܦܠܐ ܒܐܪܥܐ
                    ܕܒܥܠܕܒܒ̈ܘܗܝ ܬܟ ܫܢܝܐ ܡܢ ܚܢܦܘܬܗ ܘܟܕ ܛܦܝܠܢ ܐܝܕܘ̈ܗܝ ܒܕܒ̈ܚܐ ܕܚܢܦܘܬܗܿ ܨܿܦܚܗܿ ܩܨܗ. ܘܟܕ
                    ܡܠܐܼ ܦܘܡܗ ܓܘܕܦܐܿ. ܐܕܪܟܗ ܓܙܪ ܕܝܢܐ ܕܟܐܢܘܬܐ. ܘܒܫܪܪܐ ܗܢܘ ܦܥܠ ܬܘ̈ܟܐ ܕܓܡܿܪ ܝܘܡܘ̈ܗܝ
                    ܒܦܘܠܚܢܐ ܕܚܛܝܬܐ ܘܐܓܡܼܕ ܘܦܣܼܩ ܣܒܪܐ ܕܬܝܒܘܬܗ. ܘܐܙܠ ܟܕ ܫܩܝܠ ܥܠ ܟܬܦܗ ܡܘܒܠܐ ܕܚܗܛܗܘܗܝ.
                    ܬܓܪ ܚܘܣܪ̈ܢܐ ܕܐܬܬܓܪ ܠܩܢܘܡܗ ܢܘܪܐ ܕܠܐ ܕܥܟܐ܇ ܘܬܘܠܥܐ ܕܠܐ ܡܝܬܐ. ܡܠܚܐ ܨܒܪܐ ܥܘܝܪ ܒܘܝܢܐܼ.
                    ܕܫܡܪ ܐܠܦܐ ܕܩܢܘܡܗ ܒܝܡܐ ܕܚܛܝܬܐ. ܘܛܒܥܬ ܒܡܡܘܠܗܿ ܕܚܢܦܘܬܐ. ܘܢܒܥܬ ܘܣܠܩܬ ܠܠܡܝܢܗ ܕܚܫܘܟܐ
                    ܒܪܝܐ܇ ܟܪ ܕܡܠܝܟ ܒܟܝܐ ܘܚܘܪܩ ܫ̈ܢܐ  187 ܠܪ̈ܫܝܥܐ ܕܐܟܘܬܗ. ܢܣܝܟ ܡܢ ܫܪܒܗ
                    ܕܥܘܿܠܐܼ. ܐܝܟ ܕܐܬܝܟܘ ܒܕܒܝܚܘܬܗ ܕܒܚ̈ܐ ܕܚܢܦܘܬܗ. ܘܢܪܫܘܡ ܒܦܣܝ̈ܩܬܐ ܐܘܠܨܢܐ ܩܫܝܐ ܘܟܦܢ
                    ܚܣܝܢܐ. ܕܥܪܨ ܥܠ ܪܗܘܡܝܐ ܒܐܬܪܐ ܕܦܪ̈ܣܝܐ. ܘܐܝܢܐ ܥܡܠܐ ܘܐܓܘܢܐ ܢܦܼܠ ܠܗ ܠܝܘܒܢܝܢܘܣ ܡܗܝܡܢܐ
                    ܥܠ ܐܦ̈ܝ ܦܘܪܩܢܐ ܕܐܝܠܝܢ ܕܥܡܗ. ܘܐܟܢܐ ܐܬܡܨܝ ܒܝܕܥܬܗ ܘܒܫܘܓܫܐ ܕܚܟܡܬܗܿ. ܕܢܦܩ ܐܢܘܢ ܕܠܐ
                    ܚܒܿܠܐܼ. ܡܢ ܚܒܘܫܐ ܕܐܬܚܼܒܫܘ ܗܘܘ ܒܗ. ܥܫܢ ܗܘܼܐ ܠܗ ܓܝܪ ܥܠܝܗܘܢ ܐܘܠܨܢܐ ܘܚܣܢ ܐܢܘܢ ܟܦܢܐܼ.
                    ܥܕܡܐ ܕܟܠܘܢ ܪܟܫܗܘܢ ܘܒܥܝܪܗܘܢܿ ܘܫ̈ܠܕܐ ܕܚܝ̈ܘܬܗܘܢ ܡܝ̈ܬܬܐ. ܘܬܚܒ ܘܐܘܦܝ ܚܝܠܗܘܢ ܙܥܪܬ
                    ܢܦܫܗܘܢ. ܘܟܕ ܬܘܒ ܚܙܘ ܕܡܝܬ ܝܘܠܝܢܘܣ ܡܠܟܗܘܢ. ܐܬܪܫܠ ܐܝ̈ܕܝܗܘܢ ܡܢ ܩܪܒܗܘܢ. ܘܙܥ ܠܒܗܘܢ
                    ܘܕܚܠܘ ܛܒ ܡܢ ܩܕܡ ܦܪ̈ܣܝܐ. ܐܘܬܪܥܘ ܕܢܫܩܠܘܢ ܙܝܢܗܘܢ ܡܢܗܘܢܿ ܘܢܫܠܡܘܢ ܐܝܼܕܐ ܠܦܪ̈ܣܐ ܘܢܼܚܘܢ
                    ܢܦܫܗܘܢܿ ܘܟܐܐ ܒܗܘܢ ܝܘܒܢܝܢܘܣ ܘܐܡܪ ܠܗܘܢ. ܚܙܘ ܠܡ ܕܠܡܐ ܬܫܦܠܘܢ ܘܬܣܒܘܢ ܙܝܢܟܘܢ ܡܢܟܘܿܢ.
                    ܘܬܦܠܘܢ ܒܚܪܒܐ ܒܐܪܥܐ ܕܒܥܠܕܒ̈ܒܝܟܘܢ. ܘܕ̈ܠܝܠܐ ܒܟܘܢ ܕܡܫܬܚܪܗܝܢ ܢܗܘܘܢ ܥܒܗܕܐ ܠܦܪ̈ܣܐ ܠܥܠܡ.
                    ܐܠܐ ܐܬܚܝܠܘ ܘܗܘܘ ܓܒܪ̈ܐ. ܘܐܬܟܬܫܘ ܥܠ ܐܦ̈ܝ ܢܦܫܬ̈ܟܘܢ ܘܠܐ ܬܬܪܗܒܘܢܿ ܘܐܝܬ ܠܝ ܣܒܪܐ ܒܐܠܗܐ
                    ܕܟܪ̈ܣܛܝܢܐ: ܕܒܗ ܣܒܪܘ ܐܒܗܗܝ. ܕܐܢ ܬܫܡܥܘܢܢܝ ܘܬܗܦܟܘܢ ܡܢ ܛܥܝܘܬܟܘܢ: ܘܬܬܦܢܘܢ ܠܘܬ ܐܠܗܐ
                    ܚܝܠܐ ܘܬܦܠܚܘܢ ܠܗ: ܡܢ ܟܠܗ ܠܒܟܘܢ ܘܡܢ ܟܠܗܿ ܢܦܫܟܘܢ ܘܬܗܝܡܢܘܢ ܒܗܼ. ܡܢܬܐ ܚܕܐ ܕܣܥܪܐ ܡܢ
                    ܪܫܗ ܕܚܕ ܡܢܟܘܢ. ܠܐ ܬܦܠ ܒܐܪܥܐ ܕܦܪ̈ܣܐ. ܒܠܚܘܕ ܐܬܩܢܘ ܠܒܟܘܢ ܠܘܬ ܐܠܗܐܼ. ܘܗܼܘ ܡܬܟܬܫ
                    ܚܠܦܝܟܘܢ. ܒܗ ܒܝܘܡܐ ܗܢܐܼ. ܐܘܕܝ ܝܘܒܢܝܢܘܣܿ. ܥܝܢ ܒܓܠܐ ܥܠ ܢܦܫܗ ܕܟܪܣܛܝܢܐ ܗܼܘ. ܘܐܚܕ
                    ܪܘܡܪܐ ܠܟܠܗܘܢ ܐܝܠܝܢ ܕܫܡܥܘ. ܘܐܬܚܝܠܘ ܒܡ̈ܠܘܗܝ ܘܐܬܒܝܐܘ ܒܦܬܓ̈ܡܘܗܝ. ܘܒܥܘ ܕܢܥܒܕܘܢܝܗܝ
                    ܡܿܠܟܐ ܒܗܿܘ ܝܘܡܐܼ. ܘܠܐ ܐܬܪܡܝ ܠܨܒܝܢܗܘܢ. ܘܫܡܼܥ ܐܢܘܢܼ ܐܡܼܪ ܓܝܪ ܕܝܘܡܢ ܕܣܝܡ ܥܠܝܢ ܩܪܒܐ
                    ܕܒܥܠܕܒ̈ܒܼܝܢ. ܦܘܫܘ ܠܟܘܢ ܡܢ ܗܕܐܼ. ܘܕܩܪܣܢ ܒܠܚܘܕ ܢܐܨܦ. ܐܡܪܝܢ ܠܗ ܪ̈ܗܘܡܝܐ. ܟܠ ܕܫܦܝܪ
                    ܒܥ̈ܝܢܝܟ ܘܨܒܝܐ ܒܗ  188 ܢܦܫܟ ܢܥܒܕ. ܘܒܠܚܘܕ ܡܢ ܚܒܘܫܝܐ ܗܢܐ ܐܦܩܝܢ ܕܠܐ ܚܿܒܠܐܼ.
                    ܐܡܪ ܠܗܘܢ ܝܘܒܢܝܢܘܣ. ܟܕ ܢܫܦܪ ܠܐܠܗܐ ܢܫܟܚ ܪ̈ܚܡܐ. ܥܒܘ ܗܘܘ ܕܝܢ ܦܪܗܣܐ ܕܢܥܒܕܘܢ ܩܪܒܐ ܥܡ
                    ܪ̈ܗܘܡܝܐ ܒܗܿܘ ܝܘܡܐܼ. ܘܠܐ ܫܒܩ ܐܢܘܢ ܫܒܘܪ. ܐܡܼܪ ܗܘܼܐ ܓܝܪ ܕܠܐ ܡܡܣܪ ܐܢܐ ܥܠ ܩܠܐ ܐܝܟ
                    ܕܐܡܣܪ ܡܿܠܟܐ ܕܪ̈ܗܘܡܝܐ. ܘܗܘܼܐ ܡܢ ܫܠܝ ܐܒܕܢܗ. ܘܠܐ ܠܡ ܗܿܘܐ ܐܢܐ ܫܘܬܦܐ ܠܡܪܕܘܬܗ. ܫܩܝܠ
                    ܗܘܐ ܓܝܪ ܒܢܦܫܗ ܪܢܝܗܿ ܕܗܿܝ ܕܐܬܐܡܪܬ. ܢܫܬܩܠ ܥܘܿܠܐ ܡܢ ܡܨܥܝܬܐ: ܘܢܡܠܟ ܫܝܢܐ ܒܝܬ ܡܠܟܘ̈ܬܐ.
                    ܘܡܢܗ ܕܗܕܐ ܡܬܟܣܣ ܗܘܼܐ ܕܢܥܒܕ ܩܪܒܐ. ܠܘ ܕܝܢ ܡܪܚܡܢܘܬܐ ܕܠܝܬ ܒܗ. ܘܦܩܕ ܗܘܼܐ ܫܒܘܪ. ܕܢܒܛܠ
                    ܩܪܒܐ ܒܗܿܘ ܝܘܡܐ. ܪܘܪ̈ܒܢܘܗܝ ܕܝܢ ܘܣܛܪܗܦܐ ܕܡܠܟܘܬܗܼ. ܪܛܢܝܢ ܗܘܘ ܥܠܝܘܗܝ ܩܫܝܐܝܬ ܥܠ ܕܢܦܼܠ
                    ܠܗܘܢ ܝܘܡܐ ܕܬܒܥܬܐܼ ܘܠܐ ܝܗܼܒ ܠܗܘܢ ܕܢܥܒܕܘܢ ܩܪܒܐ. ܚܿܙܝܢ ܗܘܘ ܠܗܘܢ ܓܝܪ ܠܪܗܗܘܡܝܐ
                    ܕܬܘܝܪܝܢ ܥܠ ܡܘܬܗ ܕܡܠܟܗܘܢ܆ ܘܪܡܝܢ ܐܝ̈ܕܝܗܘܢ ܡܢ ܩܪܒܗܘܢܿ ܘܡܬܩܠܝܢ ܗܘܘ ܥܠ ܟܠܝܢܗܘܢܿ ܫܒܘܪ
                    ܕܝܢ ܟܕ ܝܠܦܼ ܕܪܛܢܝܢ ܥܠܘܗܝ ܪܘܪ̈ܒܢܘܗܝܼ. ܫܕܪ ܩܪܐ ܐܢܘܢ ܘܟܐܐ ܒܗܘܢ ܩܫܝܐܝܬܼ ܟܕܐܡܧܪ. ܕܐܠܘ
                    ܠܡ ܟܐ̈ܢܐ ܗܘܝܬܘܢ ܘܬܪ̈ܝܨܐܼ. ܠܘ ܐܝܩܐ ܘܣܪܝܩܐ ܝܬ ܡܪܛܢܝܢ ܗܘܝܬܗܘܢ ܥܠ ܨܒ̈ܝܢܝܼ. ܕܐܢܬܘܢ
                    ܒܐܕ̈ܢܝܟܘܢ ܫܡܥܬܘܢ ܐܝܠܝܢ ܕܐܡܠܠܼ. ܘܒ̈ܥܝܢܝܟܘܢ ܚܙܝܬܘܢ ܐܝܠܝܢ ܕܐܣܬܥܪ. ܘܝܕܥܝܢ ܐܢܬܘܢ
                    ܗܼܘܼ. ܕܥܠ ܕܐܡܣܪ ܝܘܠܝܢܘܣ ܥܠ ܩܠܐܿ. ܐܕܪܟܗ ܓܙܪ ܕܝܢܐ ܕܚܝܠܐ ܕܠܐ ܪܚܿܡܐ. ܘܒܠܥ ܒܓܐܪܐ
                    ܕܪܘܚܐ ܕܠܐ ܢܦܨܬܗ ܐܝܕܐܿ ܕܒܣܪܐ. ܘܗܫܐ ܕܥܘ ܘܚܙܘ ܡܢܐ ܥܒܕܝܢ ܐܢܬܘܢܿ ܕܕܠܡܐ ܒܥܠܬ ܛܢܢܟܘܢ
                    ܕܥܠ ܪ̈ܗܘܡܝܐܿ. ܬܝܬܘܢ ܒܝܫܬܐ ܥܠ ܡܠܟܘܬܝ. ܘܟܡܐ ܙܒ̈ܢܝܢ ܟܒܪܼ. ܨܒܝܢ ܐܢܬܘܢ ܗܼܘ ܒܐܒܕܢܗܿ
                    ܕܢܦܫܝ. ܘܕܚܠܘ ܪܘܪ̈ܒܢܘܗܝ . ܘܠܐ ܐܫܟܚܘ ܕܢܦܢܘܢ ܠܗ ܦܬܓܡܐ. ܘܩܼܪܐ ܫܒܘܪ ܠܚܟ̈ܝܡܝܗܿ
                    ܘܡܓ̈ܘܫܝܗܿ ܕܦܪܣܼ. ܘܡܫܐܠ ܗܘܼܐ ܠܗܘܢ ܠܥܝܢ ܪܘܪ̈ܒܢܘܗܝܼ. ܕܡܢܐ ܗܼܘ ܩܠܐ ܗܢܐ ܕܐܫܬܡܥ. ܘܐܝܢܐ
                    ܡܢ ܐ̈ܠܗܐ ܪܥܡ ܒܩܠܗܿ. ܘܐܕܢܚ ܨܒܝܢܗܿ ܠܒ̈ܢܝ ܒܣܪܐ. ܐܡܪܝܢ ܠܗ ܚܟܝ̈ܡܐ ܘܡ̈ܓܘܫܐ. ܕܐܝܠܝܢ
                    ܕܬܒܥܐ ܒܐܝ̈ܕܝܢ ܡܠܟܘܬܟܼ. ܐܢ ܡܢ ܠܥܠ ܠܐ ܡܬܝܗܒ ܠܢ ܥܠܝܗܝܢ ܕܢܐܡܪ  189 ܐܢܝܼܢ.
                    ܥܠܝܗܝܢ ܡܕܡ ܕܢܐܡܪ ܠܐ ܣܦܩܝܢܢ. ܕܟܣܝܢ ܐܢܝܢ ܘܓܢܝܙܢ ܡܢܢ ... ܐܡܿܪ ܠܗܘܢ ܫܒܘܪ. ܡܕܝܢ ܙܠܘ
                    ܒܥܘ ܒܣܦܪܗܝܟܘܢܿ ܘܡܘܫܘ ܓܗܙܐ ܕܓܠܝܢ̈ܝܗܿ ܕܡܓܘܫܘܬܐ. ܘܐܚܘܕܘ ܚܘܫܒ̈ܢܝܗܿ ܘܡ̈ܢܝܢܝܗܿ
                    ܕܟܠܕܝܘܬܐܼ. ܘܐܕܢܚܘ ܠܢ ܫܪܪܗ ܕܣܘܥܪܢܐ ܐܝܟ ܕܐܫܬܡܫ. ܘܟܕ ܗܕܐ ܠܡ ܬܥܒܕܘܢܼ. ܐܝܩܪܐ ܘܡܘܗ̈ܒܬܐ
                    ܬܩܒܠܘܢ ܡܢܢ. ܘܢܦܩܘ ܡܓܘܫ̈ܐ ܘܟ̈ܠܕܝܐ ܡܢ ܩܕܡ ܡܿܠܟܐܼ. ܘܒܨܘ ܣܦܪ̈ܝܗܿ ܕܡܓܘܫܘܬܐ. ܘܐܚܕܘ
                    ܚܘܫ̈ܒܢܝܗܿ ܘܡ̈ܢܝܢܝܗܿ ܕܟܠܕܝܘܬܐܼ. ܘܟܕ ܕܢܚ ܠܗܘܢ ܓܠܝܢܐܼ. ܕܚܠܘ ܕܢܓܠܘܢ ܠܗ ܠܫܒܘܪ ܫܪܪܐ
                    ܘܩܘܫܬܐ ܐܝܟ ܕܐܝܬܘܗܝ. ܢܘܟܪܝ ܗܘܐ ܓܝܪ ܠܗܝܡܢܘܬܗ ܕܡܿܠܟܐ ܫܢܝܐ܇ ܓܠܝܢܐ ܕܐܬܓܠܝ ܠܐܚ̈ܝܕܝ
                    ܣܦܪܗܝܗ ܕܟܠܕܝܘܬܐ. ܘܢܣܒܘ ܪܥܝܢܐ ܚܕ ܡܢ ܚܕ. ܘܕܒܩܿܪܘ ܡ̈ܠܐ ܚܪ̈ܒܬܐ ܘܚ̈ܠܝܠܝܬܐ ܘܐܙܕܝܦܢܘ.
                    ܘܫܚܠܦܘ ܡܠܝܗ̈ܘܢ ܩܕܡ ܡܿܠܟܐܼ ܘܐܡܪܝܢ. ܫܡܫܐ ܠܡ ܐܠܗ ܒܪܝܬܐܼ. ܐܬܚܡܬ ܥܠ ܩܣܪ ܕܪ̈ܗܘܡܝܐ.
                    ܘܪܥܡ ܥܠܘܗܝ ܒܩܠܗ ܘܡܚܝܗܝ. ܒܓܐܪܐ ܕܙܠܝܩܗ. ܘܫܪܝܗܝ ܡܢ ܚܝ̈ܐ܇ ܥܠ ܕܦܣܥ ܬܚ̈ܘܡܝܗܿ ܕܘܠܝܬ
                    ܘܥܒܪ ܠܐܪܥܐ ܕܠܐ ܕܝܠܗ ... ܐܡܿܪ ܠܗܘܢ ܫܒܘܪ. ܗܫܐ ܝܕܥܬ ܒܫܪܪܐ ܕܟܕ̈ܒܐ ܐܢܬܘܿܢܿ ܘܠܝܬ ܫܪܪܐ
                    ܒܡ̈ܠܝܟܘܢܿ ܫܡܫܐ ܓܝܪ ܕܐܡܪܬܘܢܼ. ܠܐ ܡܡܬܘܡ ܐܫܡܥ ܩܠܗ ܠܒܢ̈ܝܗܫܐ. ܒܕܠܐ ܡܣܝܒܪܐ ܗܘܬ ܐܕܢܐ
                    ܕܒܣܪܐ ܠܡܫܡܥ ܩܠܐ ܕܥܙܝܙܘܬܗ. ܠܘ ܓܝܪ ܒܝܕ ܩܠܐ ܐܫܬܘܕܥܢܝܗ ܕܐܠܗܐ ܗܼܘ. ܐܠܐ ܒܥܘܕܪܗܢܘܗܝ
                    ܐܡ̈ܝܢܐ ܕܠܘܬܢܿ ܕܢܚܿ ܓܝܪ ܒܒܪ̈ܝܬܐܼ. ܘܛܠܩ ܘܐܘܦܝ ܡܢ ܩܕܡܘܗܝ ܟܝܢܗܿ ܕܒܝܫܬܐ. ܡܫܝܢ ܐܘܪ̈ܚܬܐ
                    ܥܠ ܬܓܪ̈ܐ. ܫܿܪܐ ܩܛܪ̈ܐܼ. ܘܡܦܫܪ ܚܼܪ̈ܝܢܐ. ܪܕܦ ܪ̈ܘܚܐ ܘܛܪܕ ܢܟܝ̈ܢܐ. ܡܕܟܐ ܡܒܘ̈ܥܐ ܡܢ
                    ܣܚܘܝܗܿ ܕܡܪܥܘܬܐ. ܡܘܕܥ ܫ̈ܥܼܐ ܘܡܦܪܫ ܥ̈ܕܢܐ. ܡܿܒܝܢ ܠܒܢܝ̈ܢܫܐܼ. ܕܠܐܡܬܝ ܢܫܿܪܘܢ
                    ܒܦܘܠܚܢܗܘܢܿ ܘܠܐܡܬܝ ܢܫܠܡܘܢܿ ܘܠܪ̈ܕܝܝ ܒܐܘܪ̈ܚܬܐ ܕܠܐܡܬܝ ܢܚܙܩܘܢ ܘܐܡܬܝ ܢܫܪܘܢܿ ܘܥܡ ܗܠܝܢ
                    ܬܘܒܼ. ܒܗܘܦܐ ܕܚܡܝܡܘܬܗ ܡܒܫܠ ܦܐܪ̈ܐ ܘܡܪܒܐ ܙܪ̈ܥܐܿ. ܘܡܘܥܐ ܗܒ̈ܒܐ. ܘܗܼܘ ܬܘܒ ܒܪܬܚܐ
                    ܕܝܩܘܕܘܬܗ ܡܫܗܐ ܥܙܝܙܘܬܗ ܕܣܬܘܐ. ܘܡܦܫܪ ܡܪܝܪܘܬܗ. ܘܕܪܒܐ ܘܡܥܠܝܐ ܡܢ ܟܠܗܝܼܢ. ܒܡܠܐ ܝܘܡܐ
                    ܕܡܪܕܝܬܐܼ. ܡܢ ܣܘ̈ܦܐ ܠܣܘ̈ܦܐ 190 ܛܐܿܣ ܒܐܒܪ̈ܐ ܪ̈ܘܚܢܐ ܕܐܠܗܘܬܗ. ܥܡ ܣܓܝܐ̈ܬܐ ܕܠܐ
                    ܡܘܦܝܢܢ ܠܬܡܝ̈ܗܬܗ. ܒܗܠܝܢ ܗܟܝܠ ܐܫܬܘܕܥܢ ܚܢܢ ܕܐܠܗܐ ܗܼܘ. ܘܠܐ ܗܘܐ ܗܢ ܩܠܗ ܐܝܟ ܕܐܡܪܬܘܢܿ
                    ܒܪܡ ܕܝܢ ܥܠ ܗܕܐ ܝܬܝܪ ܡܬܕܡܪ ܐܢܐ. ܕܐܢܐ ܐܝܟ ܕܠܫܪܝܪ̈ܐ ܗܝܡܢܬܟܘܢܿ ܡܠܬܝ. ܘܐܢܬ ܐܝܟ ܙܐ̈ܦܢܐ
                    ܡܠܬܐ ܟܕܒܬܐ ܘܣܪܩܬܐ ܐܬܪܥܝܬܘܢ ܠܡܐܡܪ ܩܕܡܝ. ܘܠܐ ܙܥܬܘܢ ܘܕܚܠܬܘܢ ܡܢ ܩܕܡܝ. ܥܢܘ ܡܓܘܫܐ
                    ܘܟ̈ܠܕܝܐܼ ܘܐܡܪܘ. ܒܥܝܢܢ ܡܢ ܫܘܠܛܢܟ ܕܚܝܠܐ ܡܪܝ ܡܿܠܟܐܼ. ܕܠܡܐ ܬܣܒ ܚܡܬܐ ܥܡ ܥ̈ܒܕܝܟ ܒܗܕܐ.
                    ܠܐ ܓܝܪ ܠܡ ܡܡܪܚܝܢܢ ܕܢܕܢܚ ܩܕܡ ܫܘܠܛܢܟܿ. ܫܪܒܗܝܢ ܕܐܝܠܝܢ ܕܒܢܗܝܪ̈ܝܗܿ ܕܡܘܙܠܬܐ ܐܩܒܠܢܢ.
                    ܕܢܘܟܪܝ ܗܼܘ ܫܪܒܗܝܢ ܠܗܝܡܢܘܬܗܿ ܕܡܠܟܘܬܢܿ ܘܕܢܥܠ ܐܢܫ ܢܘܟܪܝܘܬܐ ܥܠ ܐ̈ܠܗܝܼܢ. ܕܚܠܬܼܐ ܗܼܝ
                    ܪܒܬܐ ܡܢ ܫܘܠܛܢܟ. ܕܡܪܚܘܬܐܼ ܗܼܝ ܩܢܘܡܗܿ ... ܐܡܿܪ ܠܗܘܢ ܫܒܘܪ ܐܢ ܗܕܐ ܬܟܣܐ ܠܟܘܢ ܠܡܐܡܪ
                    ܩܘܫܬܐܼ. ܗܐ ܫܘܘܕܝܗܿ ܕܡܠܬܝ ܠܘܬܟܘܢ ܡܫܟܢܐܼ. ܕܠܐ ܗܘܿܐ ܠܟܘܢ ܢܟܝܢܐ ܡܕܡܿ. ܒܦܬܓܡܐ ܗܢܐ
                    ܕܫܐܠܬܟܘܢܿ ܗܘܼܐ ܠܝ ܓܝܪ ܨܒܝܢܐ ܠܡܐܠܦ ܫܪܪܐ. ܐܡܪܝܢ ܗܢܼܘܢܿ ܡܢ ܗܫܐ ܕܗܢܐ ܨܒܝܢܐ ܗܘܼܐ
                    ܠܐܠܗܘܬܟ ܥܠܼܝܢ. ܐ̈ܦܝܢ ܒܐ̈ܦܝܢ ܢܫܘܕܥܟ ܫܪܪܗ ܕܣܘܥܪܢܐ. ܩܠܐ ܕܐܬܡܠܠܼ ܠܝܬܘܗܝ ܕܚܕ ܡܢ ܐ̈ܠܗܐ
                    ܡ̈ܬܚܙܝܢܐ. ܘܠܐ ܣܝܡ ܒܡܢܝܢܐ ܕܐ̈ܠܗܐ ܡܢ ܫܡܝܐ ܘܠܬܚܬ. ܐܡܿܪ ܠܗܘܢ ܫܒܘܪ. ܕܡܢܘ ܡܕܝܢ ܐܝܬܘܗܝ
                    ܩܠܐ ܗܢܐ. ܕܐܫܬܡܥ. ܐܡܪܝܢ ܠܗ ܡܓܘܫ̈ܐ ܘܚܟ̈ܝܡܐ. ܕܗܘܪܡܙܕ ܐܠܗܗܿ ܕܫܡܝܐ܇ ܗܿܘ ܕܟܣܼܐ ܘܓܢܝܙ
                    ܒܡܪ̈ܘܡܐ ܥ̈ܠܝܐ܇ ܘܠܝܬ ܒܨܬܐ ܕܬܡܛܝܘܗܝ ... ܐܡܿܪ ܠܗܘܢ ܫܒܘܪ. ܕܐܝܬ ܐܠܗܐ ܒܫܡܝܐ ܗܕܐ ܫܡܝܥܐ
                    ܗܼܝ ܠܝ. ܠܐ ܕܝܢ ܡܡܬܘܡ ܝܗܒܬ ܢܦܫܝ ܠܒܥܬܗ. ܐܦ ܠܐ ܕܐܥܩܒ ܥܠ ܝܬܗ ܒܟܬ̈ܝܒܬܗܿ ܕܝܢ ܡܠܟܘܬܢܼ.
                    ܐܫܟܚܬ ܕܟܝܢܗܼ ܢܘܪܐ ܗܼܘ. ܘܠܗ ܠܕܡܘܬܐ ܣܓܕܝܢܢ ܡܢ ܟܕܘ. ܒܪܡ ܕܝܢ ܨܿܒܐ ܗܘܝܬ ܕܐܫܡܥ܇ ܫܪܒܐ
                    ܕܚܬܝܬܘܬܗ ܐܠܘ ܡܨܝܐ ... ܐܡܪܝܢ ܠܗ ܚܟܝܡ̈ܐ ܛ̈ܘܠܝܩܐ ܕܒܗܘܢ. ܐܝܠܝܢ ܕܗܢܘܢ ܝܬܝܪ ܡܦܣܝܢ ܫܦܝܪ
                    ܒܣܦܪ̈ܝܗܿ ܘܓ̈ܠܝܢܝܗܿ ܕܟܠܕܝܘܬܐ. ܐܝܟܢܐ ܐܝܬ ܗܘܼܐ ܠܟ ܠܡܠܫܡܥ ܫܪܒܐ ܕܚܬܝܬܘܗ ܕܪܡ ܗܼܘ ܘܡܥܠܝ
                    ܫܪܒܗܿ.  191 ܡܢ ܬܪܥܝܬܐ ܘܡܚܫܒܬܐ ܕܒ̈ܢܝ ܒܣܪܐ. ܘܠܝܬ ܐܝܕܥܬܐ ܕܣܦܩܐ ܕܬܠܒܘܟ ܘܬܡܛܐ
                    ܠܪܘܡܐ ܕܪܒܘܬܗ ܕܟܣܝܐ ܗܼܝ ܒܥܬܗ ܘܠܐ ܡܬܕܪܟܼܐ. ܕܠܓܘ ܡܢ ܫܬܩܐ ܡܬܚܡܐ ܘܣܝܡܐ. ܐܠܗܐ ܗܘ ܓܝܪ
                    ܕܠܐ ܫܘܪܝܼ. ܘܐܝܬܝܐ ܕܠܐ ܫܘܠܡ. ܠܥܠ ܡܢ ܙܒ̈ܢܼܐ ܕܠܗ ܒܪ̈ܝܢ. ܘܠܟܐ ܡܢ ܙܒ̈ܢܐ ܐܬܚܙܝܼ ܕܠܗ
                    ܫܦܪ. ܘܥܛܠܐ ܠܢ ܕܢܦܫܩܗܼ ܒܕܢܘܟܪ̈ܝܐ ܚܢܢ ܠܣܓܕܬܗ. ܘܐܠܘ ܐܝܬ ܕܡܒܝܢ ܠܼܢ. ܥܠܘܗܝ ܐܫܬܡܛܬܝ
                    ܚܪܒܢ ܡܢ ܟܕܘ ... ܐܡܿܪ ܠܗܘܢ ܫܒܘܪ. ܚܕܬܐ ܗܼܝ ܠܢ ܗܕܐ ܕܐܡܪܬܘܢܿ ܘܬܒܿܥ ܐܢܐ ܡܢܟܘܢ ܦܘܫܩܗܿ.
                    ܗܢܼܘܢ ܕܝܢ ܒܕܝܕܥܝܢ ܗܘܘ ܕܗܦܟܝܐ ܬܪܥܝܬܗ ܫܪܐܘܗܿ ܠܒܥܬܐ ܒܗܕܐ. ܕܠܐ ܠܡ ܐܬܝܗܒ ܠܢ ܦܘܫܩܗܿ
                    ܕܗܕܐ. ܕܗܕܐ ܗܼܝ ܒܠܚܘܕ ܐܬܓܠܝܬ ܠܢܿ. ܕܗܢܐ ܕܪܥܡ ܒܩܠܗܿ. ܘܫܘܕܥܢ ܕܡܢܘ ܨܒܝܢܗ ܢܐܠܦ ...
                    ܐܡܪܝܢ ܠܗ ܡܓܘ̈ܫܐ ܘܚ̈ܟܝܡܐ. ܕܨܒܝܢܗ ܕܡܪܝܡܐܼ ܗܢܐ ܗܘ. ܕܡܢ ܗܫܐ ܕܐܫܬܩܠ ܒܥܠܕܒܒܗܿ
                    ܕܡܠܟܘܬܢܼ. ܢܒܛܠ ܩܪܒܐܼ ܘܢܫܪܐ ܩܪܣܐ. ܘܬܬܚܡܠ ܚܪܒܢ ܠܚܒܬܗܿ. ܘܢܡܠܟ ܫܝܢܐ ܒܝܬ ܡ̈ܠܟܘܬܐ. ܗܢܘ
                    ܨܒܝܢܗ ܕܗܘܪܡܙܕ ܐܠܗܐ. ܘܗܫܐ ܐܙܕܗܪܘ ܒܢܦܫܟܘܢܼ. ܘܕܥܘ ܘܚܙܘ ܡܢܐ ܥܒܕܝܢ ܐܢܬܘܢܿ ܕܐܦ ܟܕ ܠܐ
                    ܬܨܒܘܢ ܨܒܝܢ̈ܘܗܝ ܡܬܩܝܡܝܢ ܒܟܠ ܥܕܢܿ ܘܥܡ ܢܦܫܗ ܡܩܪܒ ܐܝܢܐ ܕܡܬܓܪܐ ܠܘܩܒܠ ܨܒܝܢܗ. ܡܢܘ ܓܝܪ
                    ܐܬܩܫ ܥܡܗ ܘܗܘܼܐ ܫܠܡ. ܘܟܕ ܫܠܡܘ ܚܟܝ̈ܡܐ ܡ̈ܠܝܗܘܢܼ. ܐܡܼܪ ܫܒܘܪ. ܠܪܘܪ̈ܒܢܘܗܝ. ܡܢܐ ܡܬܚܙܐ
                    ܠܟܘܢ ܒܐܝܠܝܢ ܕܫܡܥܬܘܢܿ ܗܒܘ ܡܠܼܟܐ ܥܠܝܗܝܢ ܒܦܣܝ̈ܩܬܐ. ܐܡܪܝܢ ܚܐܪ̈ܐ ܘܪܘܪ̈ܒܢܐ ܕܡܠܟܘܬܗ.
                    ܡܢܐ ܡܠܼܟܐ ܢܬܠ ܥܠ ܐܝܠܝܢ ܕܠܘ ܒܬܪ ܨܒܝܢܢ ܣܝܡܢ܇ ܕܗܐ ܒܬܪ ܨܒܝܢܗ ܕܗܘܪܡܙܕ ܐܠܗܐ ܣܡܘ ܐܢܝܢ
                    ܚ̈ܟܝܡܝܢ. ܐܘ ܐܝܟܢܐ ܐܝܬ ܠܢ ܕܢܡܣܪ ܥܠ ܩܠܗܼ. ܕܡܠܘܬ ܠܗ ܫܒܛܐ ܕܡܪܕܘܬܐ. ܕܐܦܠܐ ܐܠܘ ܣܝܡܐ ܠܢ
                    ܕܢܥܒܕ ܩܪܒܐ ܐܬܝܗܒܬ ܠܢ ܙܟܘܬܐܿ. ܐܝܟ ܓܠܝܢܐ ܕܗܘܐ ܥܠ ܚܟܝ̈ܡܝܢ. ܒܪܡ ܕܝܢ ܕܠܐ ܢܫܬܒܗܪܘܢ
                    ܪ̈ܗܘܡܝܐ ܘܢܐܡܪܘܿܢܿ ܕܐܦܠܐ ܫܐ ܕܠܝܬ ܠܢ ܡܿܠܟܐܿ: ܐܝܬ ܚܝܠܐ ܒܦܪ̈ܣܝܐ ܠܡܐܪܥ ܕܪܗ ܕܩܐܪܣܢ܆ ܐܢ
                    ܫܦܝܪܐ ܒܥܝ̈ܢܝܟ ܡܪܝ ܡܿܠܟܐܼ. ܢܥܒܕ ܠܗ ܐ̈ܦܐ ܠܣܘܥܪܢܐ. ܘܠܐ ܢܣܬܪܗܒ. ܢܚܘܐ ܨܐܕܝܗܘܢ ܗܕܐ  192 ܡܪܚܡܢܘܬܢ. ܕܠܡܐ ܢܚܛܘܦ ܐܢܘܢ ܫܘܒܗܪܐ. ܐܠܐ ܢܫܡܥ ܐܢܘܢ ܠܘܩܕܡ ܩܫܝ̈ܬܐܼ ܘܢܫܢܩ
                    ܐܢܘܢ ܠܟܦܢܐ. ܘܢܦܝܣ ܠܥܡܘܪ̈ܘܗܝ ܕܐܬܪܢ. ܘܢܙܒܢܘܢ ܠܗܘܢ ܐܝܟ ܕܡܢ ܪ̈ܚܡܝܢ. ܢܫܝܦܐ ܕܡܡܕܟ
                    ܘܚܠܝܛ ܒܟܠܫܐ. ܕܢܐܟܠܘܢ ܘܢܬܡܚܠܘܢܿ ܘܡܐ ܕܬܚܒ ܘܐܘܦܝ ܚܝܠܗܘܢ܆ ܘܐܫܬܦܠ ܥܘܫܢܐ ܕܬܚܝܪܘܬܗܘܢ܆
                    ܘܐܝܕܥܘ ܝܬܗܘܢ ܘܐܘܕܝܘ ܒܚܝܒܘܬܗܘܢ܆ ܘܝܗܒܘ ܒܙܬܗܿ ܕܐܪܥܢ ܟܪܟܐ ܕܢܨܝܒܝܢ ܕܚܛܝܦ ܡܢ ܐ̈ܒܗܝܢ:
                    ܘܐܬܪ̈ܘܬܐ ܕܡܫܬܡܥܝܢ ܠܐܪ̈ܡܢܝܐ܆ ܘܣܡܘ ܬܘܒ ܒܬܪ ܡܠܟܘܬܗܘܢ ܡܕܐܬܐ ܕܡܠܟܘܬܢܼ. ܗܝܕܝܢ ܐܝܟ
                    ܕܒܛܝܒܘ ܢܫܦܥ ܥܠܝܗܘܢ ܪ̈ܚܡܐܼ. ܘܢܫܡܪ ܢܿܦܩ ܐܢܘܢ ܡܢ ܐܪܬܢ ܒܒܗܬܬܐ ... ܐܡܿܪ ܠܗܘܢ ܫܒܘܪ.
                    ܫܦܝܪ ܐܬܪܥܝܬܘܢ ܐܝܠܝܢ ܕܐܬܪܥܝܬܘܢܿ ܘܫܡܠܬ ܠܬܪܥܝܬܟܘܿܢܿ ܒܪܡ ܕܝܢ ܐܢ ܫܦܝܪܐ ܒ̈ܥܝܢܝܟܘܢ. ܢܦܣ
                    ܠܗܘܢ ܠܘܩܕܡ ܕܢܥܒܕܘܢ ܠܗܘܢ ܡܿܠܟܐܼ. ܐܝܟܢܐ ܕܠܐ ܠܗܘܢ ܡܦܩ ܒܪܘܚܐ ܥܠ ܚܝܒܘܬܗܘܢܿ ܘܢܙܕܝܦܢܘܢ
                    ܘܢܐܡܪ̈ܘܢܿ ܕܐܠܘ ܐܝܬ ܗܘܼܐ ܠܢ ܡܿܠܟܐ ܠܐ ܚܝܒܝܢ ܗܘܝܢ. ܘܡܫܡܠܝܢ ܚܢܢ ܐܝܕܐ ܠܦܪ̈ܣܝܐ. ܕܡܐ
                    ܕܡܠܟܗܘܢ ܒܪܫܗܘܢܼ. ܠܝܬ ܠܗܘܢ ܥܠܝܬܐ ܕܢܬܓܘܣܘܢ ܒܗܿ. ܘܣܿܓܐ ܝܬܝܪ ܚܣܕܗܘܢܼ. ܘܥܫܢܐ ܡܢ ܟܕܘ
                    ܒܗܬܬܗܘܢܿ ܘܫܦܪܬ ܒܥ̈ܝܢܝ ܚܐܪ̈ܝܗܿ ܘܪܘܪ̈ܒܢܝܗܿ ܕܦܪܣ. ܡܚܫܒܬܗ ܕܡܿܠܟܐ ܘܫܠܡܗ ܠܗܿ ... ܗܼܘ
                    ܕܝܢ ܗܢܐ ܚܪܡܐ ܠܝܛܐܼ. ܒܨܢܥܬܐ ܣܥܪܗܿܠܗܕܐ ܐܝܟ ܕܢܛܥܢܝܘܗܝ ܠܝܘܒܢܝܢܘܣ ܛܝܒܘܬܐ. ܚܠܦ ܛܝܒܘܬܐ
                    ܕܥܒܕ ܒܗ ܒܝܬ ܢܨܒܬ ܩܪܝܬܐܿ. ܘܢܦܪܥܝܘܗܝ ܒܗܕܐ ܚܘܒ̈ܠܐ ܛ̈ܒܐ ܕܐܪܡܝ ܥܠ ܐܪܥܗ. ܫܩܝܠ ܗܘܼܐ ܕܝܢ
                    ܫܒܘܪ ܥܠܘܝܗ ܪܥܝܢܼܐ ܕܢܥܒܕܝܘܗܝ ܡܿܠܟܐ ܥܠ ܪ̈ܗܘܡܝܐ ܒܝܕ ܦܘܪܣܐ ܕܟܬܝܒ̈ܬܗ .. ܘܫܕܪ ܫܒܘܪ
                    ܐܝ̈ܙܓܕܐ ܠܡܫܪܝܬܐ ܕܪ̈ܗܘܡܝܐ ܘܫܠܚ ܠܗܘܢܿ ܕܡܛܠ ܠܡ ܐܝܕܗ ܬܩܝܦܬܐ ܕܗܘܪܡܙܕ ܐܠܗܐ ܕܫܡܝܐ ܗܘܬ
                    ܒܟܘܢ ܠܒܝܫܬܐ. ܘܒܙܕܩܗܿ ܕܟܐܢܘܬܐܿ. ܫܕܪ ܥܠܝܟܘܢ ܐܘܠܨܢܐ ܘܟܦܢܐܿ. ܥܠ ܕܐܫܝܚܬܘܢ ܥܠ ܘܠܬܝܐ
                    ܘܥܒܪܬܘܢ ܠܐܪܥܐ ܕܠܐ ܕܝܠܟܘܢܧ ܚܢܢ ܕܝܢ ܐܝܟ ܪ̈ܕܝܐ ܘܚܟܝ̈ܡܐ ܚܪܝܢ ܒܗ ܒܣܘܥܪܢܐ ܘܠܝܐܝܬܼ.
                    ܙܕܩܐ ܗܼ ܕܢܬܠ ܐܬܪܐ ܠܡܪܕܘܬܗ ܕܐܠܗܐܿ. ܕܢܬܩܦ ܒܟܘܢ ܪܘܓܙܗ ܘܬܫܬܠܛ  193 ܒܟܿܘܢ
                    ܚܡܬܗܼ. ܘܗܝܕܝܢ ܐܦ ܐܢܚܢܢ ܐܝܟ ܪܒܘܬܐ ܕܐܬܝܗܒܬ ܠܢ ܡܢ ܠܥܠ܇ ܢܬܢܩܡ ܡܢܟܘܢ ܟܐܢܐܝܬ܇ ܚܘܒ̈ܠܐ
                    ܒܝܗܫܐ ܕܐܪܡܝܬܘܢ ܥܠ ܐܪܥܢ ܕܠܐ ܒܙܕܩܐ. ܘܕܬܕܥܘܢ ܒܫܥܬ ܐܒܕܢܟܿ.ܢܿ ܕܒܫܩܐ ܪܒܬܐ ܫܕܝܬܘܢ
                    ܩܠܝܬܐ܇ ܘܐܦ ܒܡܠܟܘܬܐ ܐܠܗܝܬܐ ܕܩܒܠܬ ܬܓܐ ܡܢ ܫܡܝܐ܇ ܘܕܠܐ ܢܗܘܐ ܡܡܣܪܢܐ ܐܟܘܬܗܘܢ ܘܫܘ̈ܬܦܐ
                    ܠܡܪܕܘܬܟܘܢܼ. ܫܩܠܠܢܢ ܡܚܫܒܬܐ ܡܢ ܡܪܚܡܢܘܬܢܼ. ܕܢܬܠ ܡܓܪ ܪܘܚܐ ܠܩܐܪܣܢ ܝܘ̈ܡܬܐ ܬܠܬܝܢ. ܕܒܗܘܢ
                    ܬܥܗܕܘܢ ܢܦܫܟܘܢ ܘܬܥܒܕܘܢ ܠܟܘܢ ܡܿܠܟܐ. ܘܬܬܒܝܐܘܢ ܥܠ ܡܘܬܗ ܕܡܪܟܘܢܼ. ܟܕ ܛܒ ܐܢܐܼ ܘܝܬܝܪ
                    ܡܢܟܘܢ ܩܨܿܦ ܠܝ ܥܠ ܡܘܬܗ. ܠܐ ܓܝܪ ܨܒܿܐ ܗܘܝܬ ܒܡܘܬܗܿ. ܐܝܟ ܡܐ ܕܪܐܓ ܗܘܝܬ ܕܒܚ̈ܝܐ ܐܚܕܝܘܗܝ
                    ܗܿܘܝܬ. ܕܐܓܡܘܪ ܗܘܝܬ ܒܗ ܨܒܝܢܝ. ܘܐܚܘܝܘܗܝ ܗܘܝܬ ܕܡܢܘ ܥܘܫܢܐ ܕܓܢܒܪܘܬܗ. ܠܐ ܓܝܪ ܡܣܬܪܗܒ
                    ܗܘܝܬ ܠܡܘܬܗܼ. ܕܒܚ̈ܝܐ ܢܓܝܪ̈ܐ ܕܡܠܝܢ ܕܘܐ̈ܢܐ ܣܝܡܐ ܗܘܬ ܠܝ ܐܣܪܝܘܗܝ. ܟܕ ܪ̈ܡܝܬ ܒܗ ܦܪ̈ܙܠܐ
                    ܘܡܥܘܪ̈ܢ ܥܝܢܘ̈ܗܝ ܬܪ̈ܬܝܗܝܢ. ܐܝܟ ܕܥܒܕ ܐ̈ܒܗܝ ܠܡ̈ܠܟܝܗܿ ܕܝܗܘܕ. ܐܝܟܐ ܕܡܢ ܫܘ̈ܢܩܐ
                    ܘܐܘ̈ܠܨܢܘܗܝ ܢܐܠܦ ܗܘܐ ܘܢܬܚܟܡܼ. ܕܠܐ ܥܕܪܐ ܠܐܢܫ ܠܒܪ ܡܢ ܙܕܩܗܿ ܕܘܠܝܬܐ. ܐܢܐ ܕܝܢ ܠܗܕܐ ܚܐܪ
                    ܗܘܝܬ ܘܡܣܿܒܪ. ܐܠܐ ܡܢ ܗܫܐ ܕܗܟܐ ܗܘܼܐ ܨܒܝܢܐ ܠܐܠܗܐ ܕܫܡܝܢܐܼ. ܡܙܕܩܢ ܟܠܗܝܼܢ ܠܨܒܝܢܗ. ܨܒܝܬ
                    ܓܝܪ ܕܐܬܥܫܢ ܥܠܟܘܢ ܐܟܘܬܟܘܢܼ. ܘܠܐ ܐܦܣ ܠܝ ܪܡܙܐ ܕܡܢ ܠܥܠ ܕܝܘܡܢ ܗܕܐ ܢܥܒܕ. ܐܠܐ ܚܟܡܢ ܒܝܕ
                    ܩܠܗܼ. ܕܢܬܠ ܐܬܪܐ ܠܡܪܕܘܬܗܿ. ܟܕ ܡܬܓܡܪܝܢ ܒܟܘܢ ܨܒܝ̈ܢܘܗܝ. ܬܗܐ ܕܝܢ ܫܪܝܪܐ ܠܟܘܢ ܗܕܐ.
                    ܘܣܝܡܐ ܩܕܡ ܥ̈ܝܢܝܟܘܢܼ. ܕܡܐ ܕܡܠܘ ܬܠܬܝܢ ܝܘܡ̈ܝܢ ܕܙܕܩܬ ܠܟܘܢ ܡܪܚܡܢܘܬܢܼ. ܩܪܒܐ ܐܝܬ ܠܢ
                    ܕܢܥܒܕ ܥܡܟܘܢ ܕܠܐ ܟܠܝܢ ... ܒܥܘ ܒܟܘܢ ܗܟܝܠ ܓܒܪܐ ܕܝܕܥܿ ܕܢܕܒܪ ܡܠܟܘܬܟܘܢ ܫܦܝܪ. ܘܡܨܐ ܒܚܝܠ
                    ܠܡܩܡ ܒܐ̈ܦܝܟܘܢܿ ܘܠܡܐܪܥ ܕܪܗ ܕܩܐܪܣܢ ܚܣ̈ܝܢܐ. ܘܕܙܕܩܐ ܠܗ ܡܠܟܘܬܐ. ܘܢܬܟܬܫ ܚܠܦܝܟܘܢܿ ܝܠܦܬ
                    ܕܝܢ ܐܦ ܝܘܒܝܢܝܢܘܣ ܪܒ ܚܝܠܗܘܢ. ܕܓܒܪܐ ܗܼܘ ܕܝܕܥܬܐ ܘܕܡܕܥܐ. ܘܝܕܥܿ ܘܠܝ̈ܬܐ. ܘܝܕܥܿ ܛܟܣܗܿ
                    ܘܣ̈ܟܝܡܝܗܿ ܕܡܕܒܪܢܘܬܐ ܘܦܪܨ ܕܡܕܪܢ ܘܚܟܡ 194 ܕܡܣܓܦܢ. ܘܡܕܡܼ ܠܐ ܛܿܥܐ ܠܝܕܥܬܗ.
                    ܘܚܝܠܬܢ ܒܥܘܫܢܐܼ. ܘܐܝܬ ܠܗ ܕܪܥܐ ܕܓܢܒܪܘܬܐܠܡܐܪܥ ܩܐܪܣܐ. ܘܨܒܿܐ ܗܘܝܬ ܡܢ ܟܕܘ. ܐܠܘ ܐܝܬ ܠܝ
                    ܓܒܪܐ ܕܐܟܘܬܗܿ. ܘܐܥܒܕܗ ܗܘܝܬ ܬܪܢܗܿ ܕܡܠܟܘܬܝ. ܠܗܢ ܥܒܕܘ ܠܟܘܢ ܡܠܟܐ ܐܢ ܨܒܝܢ ܐܢܬܘܢܿ ܕܐܦ
                    ܚܢܢ ܠܗ ܙܕܩܢܢ ܡܠܟܘܬܟܘܢܿ ܗܢܘ ܕܝܢ ܠܥܘܕܪܢܟܘܢܿ ܕܢܩܘܡ ܒܪܫܟܘܢ ܘܢܬܟܬܫ ܚܠܦܝܟܘܢܿ ܘܢܬܠ
                    ܒܘܩܝܐ ܕܐܝܕܥܬܗ ܘܢܣܝܢܐ ܕܡܕܒܪܢܘܬܗܿ. ܒܩܪܣܐ ܕܪܡܐ ܠܢ. ܐܢܐ ܕܝܢ ܗܿܝ ܕܐܬܚܙܝܬ ܠܝ ܕܡܥܕܪܐܼ.
                    ܣܡܬ ܩܕܡ ܥ̈ܝܢܝܟܘܢܼ. ܕܝܠܟܘܢ ܗܼܝ ܡܢ ܗܫܐ ܕܠܡܿܢ ܕܨܒܝܢ ܐܢܬܘܢ ܕܬܥܒܕܘܢ ܠܟܘܢ ܡܿܠܟܐ. ܕܡܢ
                    ܒܬܪ ܗܠܝܢ ܝܘܡ̈ܬܐ ܕܐܡܪܢܢ. ܩܪܒܐ ܐܝܬ ܠܢ ܥܢܟܘܢܿ ܘܟܕ ܐܬܩܪܝ ܟܬܒܐ ܗܢܐ ܒܐܕ̈ܢܝ ܚܝܠܐ ܟܘܠܗ
                    ܕܪ̈ܗܘܡܝܐܼ. ܚܕܝܘ ܚܕܘܬܐܼ ܪܒܬܐ. ܘܐܡܪܝܢ ܗܘܘ ܓܒܪ ܠܚܒܪܗ. ܕܫܪܝܪܐܝܬ ܫܩܠ ܝܘܒܢܝܢܣ ܚܣܕܐ
                    ܘܪ̈ܚܡܐ ܩܕܡ ܡܿܠܟܐ ܕܦܪܣ. ܘܟܒܪ ܠܡ ܡܢ ܐܠܗܐ ܕܟܪ̈ܣܛܝܢܐ ܗܘܬ ܗܕܐ ܠܥܘܕܪܢܗܿ ܕܡܪܫܬܢܿ ܘܗܢܝܢ
                    ܗܠܝܢ ܡ̈ܠܐ ܡܬܡܠܠܢ ܗ̈ܘܝ ܥܠ ܝܘܒܢܝܢܘܣܼ. ܒܟܠܗܝܢ ܡܫܪ̈ܝܬܐ ܕܪ̈ܗܘܡܝܐ. ܘܥܠܘܗܝ ܣܡܝܢ ܗ̈ܘܝ
                    ܐ̈ܦܘܗܝ ܕܟܠܗ ܥܡ ܕܢܡܠܟ ܥܠܝܗܘܢܿ ܫܒܘܪ ܕܝܢ ܐܝܟ ܕܢܪܫܐ ܛܝܒܘܬܐ ܒܪ̈ܗܘܡܝܐܼ. ܫܩܠܗܿ ܠܡܫܪܝܬܗ
                    ܡܢ ܠܘܬܗܘܢܼ. ܘܐܙܼܠ ܡܪܕܐ ܝܘܡܢ ܡܢ ܠܘܬܗܘܿܢܿ ܐܝܟ ܕܢܬܠ ܠܗܘܢ ܐܬܪܐ ܕܢܥܒܕܘܢ ܠܗܘܢ ܡܿܠܟܐ.
                    ܝܘܒܝܢܝܢܘܣ ܕܝܢ ܐܝܟ ܕܢܫܡܠܐ ܘܠܝܬܐ ܕܥܝܕܐ: ܘܛܟ̈ܣܐ ܕܣܝܡܝܢ ܒܡ̈ܠܟܐ ܕܪ̈ܗܘܡܝܐ ܡܐ ܕܥܢܕܘܼ.
                    ܦܩܕ ܠܐ̈ܣܘܬܐ ܕܥܡܗܘܢܼ. ܘܚܢܛܘܗܿ ܠܫܠܕܗ ܕܥܘܿܠܐ. ܘܥܒܕ ܠܗ ܓܠܘܣܩܡܐܼ. ܘܣܡܗ ܒܗ ܥܕ ܗܘܿܐ ܠܗ
                    ܙܒܢܐ܇ ܕܕܢܫܕܪܝܘܗܝ ܠܒܝܬ ܪ̈ܗܗܘܡܝܐ. ... ܗܝܕܝܢ ܐܬܟܢܫܘ ܪ̈ܒܝ ܚܝ̈ܠܐ ܡܐܘ̈ܬܐ. ܐܦ ܐܢ̈ܫܐ
                    ܝܕܝܥ̈ܐ ܕܐܝܬ ܗܘܘ ܒܚܝܠܐܼ. ܘܥܒܕܘ ܐܦܪܣܢܐ ܥܠ ܝܘܒܝܢܝܢܘܣܼ. ܕܒܩܛܝܪܐ ܢܐܚܕܘܢܝܗܝ ܘܢܥܒܕܘܢܝܗܝ
                    ܡܿܠܟܐ. ܠܐ ܓܝܪ ܨܒܿܐ ܗܘܼܐ ܕܢܬܠ ܢܦܫܗ ܕܢܗܘܼܐ ܡܿܠܟܐ. ܘܟܕ ܝܠܼܦ ܝܘܒܝܢܝܘܣ ܒܗܠܼܝܢ. ܐܬܓܢܝ
                    ܡܢ ܥ̈ܝܢܝܗܘܢ. ܘܫܕܐ ܢܦܫܗ ܠܐܓܘܪܣܐ ܕܒܝܬ ܓܪ̈ܡܝܼ. ܟܪ ܕܠܝܬ ܕܣܒܪ ܐܢܼܫ ܐܘ ܕܣܠܩܐ ܥܠ ܠܒܗ
                        ܕܢܒܥܝܘܗܝ 195 ܬܡܢ. ܗܘܼܐ ܗܘܐ ܕܝܢ ܪܒܘܐ ܣܓܝܐܐ ܘܫܓܘܫܝܐ ܒܝܬ ܪ̈ܗܘܡܝܐ ܥܠ
                    ܫܘܢܝܗ. ܘܡܬܟܪܟܝܢ ܗܘܘ ܘܦܩܕܝܢ ܠܗ ܒܟܠ ܓ̈ܒܝܢ. ܘܟܕ ܒܥܐܘܗܝ ܘܠܐ ܐܫܟܚܘܗܝܼ. ܐܦܩܘ ܛܒܼܐ
                    ܟܕܒܐܼ ܘܐܡܪܝܢ. ܕܗܠܝܢ ܠܡ ܥܣܪ̈ܐ ܪ̈ܒܝ ܚܝ̈ܠܐ ܕܒܬܪ ܝܘܒܝܢܝܢܘܣ ܣܝܡܝܼܢ. ܗܢܼܘܢ ܥܒܕܘ ܥܠܘܗܝ
                    ܐܦܪܣܢܐܿ. ܘܐܥܪܩܘܗܝ ܕܠܐ ܢܥܒܕܘܢ ܠܗܘܢ ܡܿܠܟܐ ܘܬܬܒܨܪ ܪܫܢܬܘܬܗܘܢܿ ܘܩܡܘ ܚܝܠܐ ܟܠܗ ܥܠ ܓܒܪ̈ܐ
                    ܗܠܝܼܢ. ܘܒܥܝܢ ܗܘܘ ܠܗ ܠܝܘܒܝܢܝܢܣ ܒܐܗܝܕܝܗܘܢܼ. ܘܢܨܝܢ ܗܘܘ ܥܡܗܘܢ ܩܫܝܐܝܬܼ ܘܐܡܪܝܢ: ܗܒܘ ܠܢ
                    ܓܒܪܐ ܕܐܥܪܩܬܘܢܝܗܝ ܡܢܢ ܒܐܘܡܢܘܬܐ ܕܨܢ̈ܥܬܟܘܿܢܿ ܕܠܐ ܢܡܠܟ ܥܠܝܟܘܼܢ ܘܬܬܒܨܪ ܪܫܢܘܬܟܘܢܿ
                    ܝܕܥܝܢܢ ܓܝܪ ܕܡܢ ܚܣܡܐ ܣܥܪܬܘܢ ܗܕܐ. ܘܓܠܝܐ ܗܼܝ ܠܟܠܢܫ ܕܠܡܠܟܘܬܐ ܐܬܓܪܓܪܬܘܢܼ. ܕܠܡܐ ܠܡ
                    ܡܨܝܐ ܕܟܠܟܘܢ ܬܗܘܘܢ ܡ̈ܠܟܐܼ. ܕܗܐ ܨܝܕ ܗܿܘ ܫܪܟܐ ܡܠܟܘܬܐ. ܘܠܢ ܠܝܬ ܠܢ ܐܚܪܢܐ ܕܢܗܘܐ ܥܠܝܢ
                    ܡܿܠܟܐܿ. ܐܠܐ ܐܢ ܝܘܒܝܢܝܢܘܣ ܪܒ ܚܝܠܐܿ. ܕܠܗ ܙܕܩܿܘ ܡܠܟܘܬܐ ܡ̈ܠܟܐ ܬܪ̈ܝܗܘܿܢܿ ܫܒܘܪ
                    ܒܟ̈ܬܝܒܬܗ ܐܦ ܝܘܠܝܢܘܣ ܟܕ ܡܐܿܬ. ܘܗܫܐ ܗܒܘ ܓܒܪܐܼ. ܘܐܠܐܼ ܕܡܟܘܢ ܝܘܡܢܐܡܬܐܫܕ ܒܡܫܪܝܬܢܿ
                    ܐܡܿܪ ܠܗܘܢ ܦܝܛܠܝܣ. ܐܝܢܐ ܕܪܫܐ ܗܘܼܐ ܒܬܪ ܝܘܒܝܢܝܢܘܣ. ܐܘ ܓܒܪ̈ܐܼ. ܡܢܘ ܫܓܘܫܝܐ ܗܢܐ ܕܝܘܡܢ.
                    ܘܠܐܝܢܐ ܦܘܪܣܐ ܢܨܝܢ ܐܢܬܘܢ ܥܡܢ ܐܝܩܐ ܘܣܪܝܩܐܝܿܬ. ܘܕܝܿܢܝܢ ܐܢܬܘܢ ܥܡܢ ܥܘܠܐܝܬܿ. ܥܠ ܐܝܠܝܢ
                    ܕܡܡܬܘܡ ܠܐ ܣܠܼܩ ܥܠ ܒܠܢ. ܕܗܐ ܚܢܢ ܒܡܘ̈ܡܬܐ ܐܚܪܡܢܢ ܥܠ ܢܦܫܼܢ. ܕܠܐ ܢܐܟܘܠ ܠܚܡܐܼ. ܘܠܐ
                    ܢܫܬܐ ܡ̈ܝܐܿ. ܥܕܡܐ ܕܢܩܛܘܪ ܘܚܫܝܫܝܢ ܚܢܢ ܥܠ ܫܘܝܢܗ. ܘܒܥܩܬܐ ܚܢܢ ܣܓܝܐܬܐ ܡܛܠܬܗ. ܕܠܐ ܬܕܓܠ
                    ܡܘ̈ܡܬܢܿ ܒܪܡ ܕܝܢ ܡܣܒܪܝܢ ܚܢܢ ܘܬܟܝܠܝܢܢ ܕܠܐ ܡܫܬܪܝܐ ܡܘܡ̈ܬܢ ܩܕܡ ܕܗܿܘܐ ܨܒܝܢܟܘܢܿ ܘܗܫܐ
                    ܦܪܘܩܘ ܠܟܘܢ ܡܢܢ ܥ̈ܘܫܩܐ ܘܫ̈ܘܓܫܐ ܕܒ̈ܛܒܐ ܟܕ̈ܒܐ ܐܝܟ ܕܒܟܐ̈ܦܐ ܪܓܡܬܘܢܿ ܘܗܒܘ ܠܢ ܐܬܪܐ
                    ܩܠܝܠ܇ ܕܢܦܘܩ ܒܒܥܬܗ ܐܢ ܨܒܝܢ ܐܢܬܘܢܿ ... ܘܟܕ ܐܡܪ ܒܝܛܠܝܣ ܗܠܝܼܢ. ܠܡܚܣܢ ܫܠܝܘ ܡܢܗܘܢ.
                    ܪܘܒܗ ܘܩܥܬܗ ܕܥܡܐ. ܘܟܕ ܐܬܒܕܪܘ ܘܐܙܠܘ ܐܢܫ ܐܢܫ ܠܡܫܟܢܗ܆ ܘܢܦܩܘ ܪܘܪ̈ܒܢܐ ܗܠܝܢ  196 ܒܒܥܬܗ ܕܝܘܒܢܝܢܘܣ܆ ܘܒܥܐܘܗܝ ܒܟܠܗܝܢ ܡܫܕ̈ܝܬܐ ܕܪ̈ܗܘܡܝܐ܆ ܘܐܬܒܨܝܘ ܡ̈ܐܢܝ ܡܫܟܢܗ ܘܠܐ
                    ܐܟܚܘܗܝ: ܘܦܫܟܬ ܠܗܿ ܡܟܝܠ ܘܠܝܬܘܗܝܼ. ܕܚܠܘ ܓܒܪ̈ܐ ܗܠܝܢ ܠܡܦܫܼ ܒܡܫܪܝܬܐܿ. ܕܠܡܐ ܢܪܓܘܫ ܐܢܘܢ
                    ܥܡܐ. ܘܣܡܘ ܐ̈ܦܝܗܘܢ ܠܡܥܪܩ. ܘܟܕ ܬܘܝܗܝܢ ܘܪܗܝܒܝܼܢ. ܐܬܐ ܐܢܫ ܒܐܪܙ ܘܓܠܐ ܠܗܘܢܼ. ܕܐܢܐ ܠܡ
                    ܚܙܝܬܗ ܠܝܘܒܝܢܝܢܘܣܿ. ܟܕ ܫܼܕܐ ܢܦܫܗ ܒܐܓܘܪܣܐ ܕܒܝܬ ܓܪ̈ܡܝ. ܟܕ ܠܝܬ ܗܘܐ ܐܢܫ ܕܚܙܝܗܝܼ. ܐܠܐ
                    ܒܠܚܘܕ ܐܢܐ ܕܐܣܬܩܒܠܬ ܡܢ ܩܒܘܠ. ܙܠܘ ܥܓܠܼ ܘܬܡܢ ܡܫܟܚܝܢ ܐܢܬܘܢ ܠܗ. ܘܐܚܕܘܗܝ ܠܓܒܪܐ ܗܼܘ
                    ܙܗܝܪܐܝܬ. ܘܐܡܪܘ ܠܗ ܬܐܙܠ ܚܘܢܝ. ܘܐܙܠܼ ܓܒܪܐ ܗܿܘ ܥܡܗܘܢܼ ܘܚܘܝ ܐܢܘܢ ܕܘܟܬܐ ܘܢܚܬܘ ܠܛܝܪܐ
                    ܗܿܘܼ. ܘܐܫܟܚܘܝ ܠܝܘܒܢܝܢܣ ܟܕ ܛܫܐ ܒܝܬ ܓܪ̈ܡܝ. ܘܢܨܝܢ ܗܘܘ ܥܡܗܼ ܩܫܝܐܝܬ. ܘܡܬܪܥܡܝܢ ܗܘܘ
                    ܥܠܘܗܝܼ ܘܐܡܪܝܢ. ܐܘܗ ܠܡ ܓܒܪܐ.. ܠܡܢܐ ܥܒܕܬ ܠܢ ܗܟܢܐܿ. ܕܕܠܚܬܝܗܝ ܠܟܠܗ ܚܝܠܐ ܕܪ̈ܗܘܡܝܐܿ.
                    ܘܥܕ ܩܠܝܠ ܪܓܡܝܢ ܗܘܘ ܠܢ ܡܛܠܬܟ. ܠܐ ܠܡ ܝܕܥܿ ܐܢܬ: ܕܒܬܪܟ ܣܝܡܢ ܐܗܦܝܗܿ ܕܟܠܗܿ ܡܫܪܝܬܢ
                    ܕܬܗܘܐ ܥܠܝܗܘܢ ܡܿܠܟܐ: ܘܬܦܩ ܐܢܘܢ ܡܢ ܐܘܠܨܢܗ ܕܚܒܘܫܝܐ ܕܐܬܚܒܫܢܢ ܒܗܼ. ܠܡܢܐ ܣܡܬ ܒܠܒܟ
                    ܕܬܥܒܕ ܗܕܐ ܘܬܚܛܐ ܠܐܠܗܟܿ. ܕܗܐ ܥܡܐ ܓܥܝܢ ܘܒܟܝܢ ܥܠ ܫܘܢܝܟ ܕܡܢ ܨܐܝܕܗܘܢ ... ܐܡܿܪ ܠܗܘܢ
                    ܝܘܒܝܢܝܢܘܣ. ܠܡܢܐ ܕܝܢܝܢ ܐܢܬܘܢ ܥܡܢ ܐܝܩܐ ܘܣܪܝܩܐܝܬ. ܕܐܦ ܡܢ ܐܬܡܠܝ ܘܡܢ ܡܢܬܡܠܝ. ܗܕܐ ܗܘܬ
                    ܡܠܬܝ ܠܘܬܟܘܢܿ ܕܐܢܐ ܠܕܪܓܐ ܕܡܠܟܘܬܐ ܠܐ ܡܬܩܪܒ ܐܢܐ. ܕܠܘ ܡܢ ܬܢܘܝ ܕܡܠܟܘܬܐ ܢܚܬܬ ܠܗܪܟܐ
                    ܕܐܝܟ ܚܕ ܡܢܟܘܢ ܗܼܘ ܐܬܗܝܡܢܬ ܫܘܠܛܢܐ ܕܐܗܘܐ ܪܒ ܚܝܠܐ. ܘܥܕܟܝܠܼ ܠܐ ܡܫܬܐܠ ܐܢܐ ܡܢ ܫܘܠܛܢܐ
                    ܗܢܐ ܕܐܬܗܝܡܢ ܠܝ. ܕܐܝܟ ܪܒ ܚܝܠܐ ܟܡܐ ܕܡܫܟܚ ܐܢܐܼ. ܡܬܟܬܫ ܐܢܐ ܥܠ ܐ̈ܦܝ ܙܟܘܬܗܘܢ ܕܪ̈ܗܘܡܝܐ.
                    ܘܐܝܬ ܠܝ ܣܒܪܐܼ. ܕܡܢܬܐ ܚܕܐ ܡܢ ܪܝܫܗ ܕܚܕ ܡܢܟܘܢܼ. ܠܐ ܢܦܠܐ ܥܠ ܐܪܥܐ. ܒܩܪܒܐ ܘܩܪܣܐ ܕܪܡܐ
                    ܠܢ. ܐܡܿܪ ܠܗ ܦܝܛܠܝܣ. ܒܩܛܝܪܐ ܐܝܬ ܠܢ ܕܢܫܕܐ ܥܠܝܟ ܡܠܟܘܬܐ: ܐܠܐ ܨܒܝܐ ܒܗ ܢܦܫܟ ܒܩܪܝܢܐ  197 ܗܢܐ ܕܐܬܩܪܝܬ ܠܗܼ. ܐܘ ܐܚܪܢ ܐܝܬ ܕܠܥܠ ܡܢܟ ܕܢܥܨܐ ܨܒܝܢܟ. ܠܡܢܐ ܗܟܝܠ ܣܡܬ
                    ܢܦܫܟ ܬܚܝܬ ܒܨܝܪܘܬܐܿ. ܒܗܕܐ ܕܐܪܚܩܬ ܡܢ ܨܐܕܝܢ. ܬܐ ܗܟܝܠ ܙܠ ܥܡܢ ܠܡܫܪܝܬܐ. ܘܗܒ ܦܝܣܐ ܥܠ
                    ܐ̈ܦܝ ܡܫܬܐܠܢܘܬܟ ܠܥܡܐ ܕܚܐܪ ܠܟ. ܘܠܘ ܣܦܝܩܐ ܗܼܝ ܡܫܪܬܢ ܡܢ ܚܕ ܕܢܕܒܪ ܠܡܟܘܬܐ. ܗܘ ܕܝܢ ܣܟܼ
                    ܠܐ ܡܬܛܦܝܣ ܗܘܐ ܕܢܐܙܠ ܥܡܗܘܢܿ ܟܕ ܐܡܿܪܼ. ܕܠܐ ܡܨܐ ܐܢܐ ܚܝܠܗܿ ܕܗܕܐܿ. ܕܗܐ ܒܝܪܐ ܐܢܐܼ
                    ܘܫܚܝܡܐ. ܘܠܐ ܚܿܟܡܐ ܐܢܐ ܕܐܕܒܪ ܠܡܟܘܬܐ. ܘܟܕ ܚܙܘ ܕܠܐ ܡܬܛܦܝܣ ܕܢܐܙܠܼ. ܐܚܕܘܗܝ ܘܒܩܛܝܪܐ
                    ܐܝܬܝܘܗܝ ܠܡܫܪܬܝܐ. ܘܟܢܫܘ ܥܠܘܗܝ ܟܠܗ ܚܝܠܐ ܕܪ̈ܗܘܡܝܐ. ܘܪܝܒܝܢ ܗܘܘ ܘܡܒܓܢܝܢ ܥܠܘܗܝܼ.
                    ܘܐܡܪܝܢ. ܕܠܘ ܠܡ ܟܐܢܐܝܬ ܣܿܥܪܬ ܥܡ ܥܒ̈ܕܝܟܿ. ܕܐܥܠܬ ܚܒܫܬܢ ܒܐܪܥܐ ܕܒܥ̈ܠܕܒܒܝܢ܇ ܘܡܢ ܕܥܫܢ
                    ܥܠܝܢ ܐܘܠܨܢܐ ܘܚܕܪܢܝ ܒܝ̈ܫܬܐ ܡܢ ܟܠ ܓ̈ܒܝܢ܇ ܘܫܢܘ ܥܠܝܢ ܥ̈ܕܢܐ ܒܐܘܚܕܢܐ ܕܠܐ ܕܝܠܢ܇ ܐܫܬܐܠܬ
                    ܡܢ ܡܕܒܪܢܘܬܢ ܘܐܬܓܢܝܬ ܡܢ ܩܕܡ ܥܗܝܢܝܢ܇ ܘܐܫܬܒܩܢ ܚܢܢ ܡܢܟ ܐܝܟ ܥܢܐ ܕܠܝܬ ܠܗܿ ܡܟܢܫܢܐ. ܘܠܘ
                    ܠܡ ܟܐܢܘܬܐ ܗܼܝ ܗܕܐ. ܕܐܠܘ ܠܐ ܫܘܘܕܝܟ ܕܠܘܬܢܼ. ܟܒܪ ܕܝܢ ܐܝܬܝܢ ܐܫܠܡܢܢ ܐܝܕܐ ܠܦܪ̈ܣܝܐ
                    ܘܐܚܝܢ ܚܢܢ ܢܦܫ̈ܬܢܿ ܥܕܪܐ ܗܘܬ ܠܢ ܓܝܪ ܠܡܦܠܚ ܥܒܕܘܬܐ ܠܦܪ̈ܣܝܐ ܘܐܚܝܢ ܚܢܢ ܢܦܫ̈ܬܢܿ ܥܕܪܐ
                    ܗܘܬ ܠܢ ܓܝܪ ܠܡܦܠܚ ܥܒܕܘܬܐ ܠܦܪ̈ܣܝܐܼ. ܝܬܝܪ ܡܢ ܕܢܫܬܢܩ ܘܢܣܘܦ ܠܟܦܢܐ. ܘܗܕܐ ܗܼܝ ܠܡ ܟܠܗܿ
                    ܟܐܢܘܬܟ܆ ܕܨܝܕ ܢܘܟܪ̈ܝܐ ܫܦܥܬ ܡܪܚܡܢܘܬܟ ܘܥܫܢܬ ܛܝܒܘܬܟ: ܘܠܢ ܕܥܒ̈ܕܝܟ ܚܢܢ ܣܡܬܢ ܢܘܟܪ̈ܝܐ:
                    ܘܓܠܙܬ ܒܢܦܫܟ ܦܘܪܩܢܼܢ. ܐܡܿܪ ܠܗܘܢ ܝܘܒܢܝܢܘܣ. ܥܠܝ ܠܐ ܬܬܪܥܡܘܢܿ ܕܠܘ ܒܐ̈ܝܕܝ ܐܬܝܬܘܢ
                    ܠܗܠܝܢ. ܐܠܐ ܙܠܘ ܐܬܪܥܡܘ ܥܠ ܫܠܕܗ ܕܡܟܘܿܢܿ ܗܿܘ ܕܐܬܢܓܕܘܬܢ ܠܚܢܦܘܬܗܿ. ܘܐܙܠܬܘܢ ܒܬܪ
                    ܛܥܝܘܬܗ. ܘܕܒܚܬܘܢ ܠܫܐ̈ܕܐ ܘܠܕܝ̈ܘܐܿ. ܘܣܓܕܬܘܢ ܠܨܠܡ̈ܐ ܘܠܦܬܟܪ̈ܐܿ. ܘܣܒܪܬܘܢ ܕܐ̈ܠܗܐ ܐܢܘܢܿ
                    ܐܢ ܗܟܝܠ ܐ̈ܠܗܐ ܐܢܘܢܼ. ܢܩܘܡܘܢ ܗܫܐܼ ܘܢܥܕܪܘܢܟܘܢܿ ܘܢܗܘܘܢ ܥܠܝܟܘܢ ܡܣܬܪ̈ܢܐ. ܐܡܪܝܢ ܠܗ
                    ܪܗܗܘܡܝܐ. ܠܢ ܗܠܝܢ ܡܡܬܘܡ ܠܐ ܫܡܝܥ ܠܢ. ܐܠܐ ܡܢ ܡܢܬܡܠܝ ܒܠܚܘܕ. ܘܗܫܐ ܐܢ ܡܕܡ ܨܒܿܐ ܐܢܬܼ.
                    ܐܡܠܟ ܠܘܩܕܡ ܘܣܥܘܪ ܟܠܗܝܢ ܒܫܘܠܛܢܐ ... ܐܡܿܪ ܠܗܘܢ ܝܘܒܢܝܢܘܣ. ܠܐ ܨܒܐ ܗܘܬ  198 ܕܒܩܛܝܪܐ ܬܗܘܐ ܗܘܬ ܗܕܐ ܬܝܒܘܬܟܘܢܿ ܐܠܐܼ ܕܨܒܝܢܐ. ܒܪܡ ܕܝܢ ܐܢܐ ܚܕܐ ܙܒܢ ܐܫܬܐܠܬ ܠܝ ܡܢ
                    ܡܠܟܘܬܟܘܢܿ ܠܡܿܢ ܕܨܒܝܢ ܐܢܬܘܢ ܥܒܕܘ ܠܟܘܢ ܡܿܠܟܐ. ܘܐܢܐ ܐܝܟ ܪܒ ܚܝܠܐ ܟܡܐ ܕܡܫܟܚ ܐܢܐܼ.
                    ܡܬܟܬܫ ܐܢܐ ܥܠ ܐ̈ܦܝܟܘܢܿ ܐܡܪܝܢ ܠܗ ܪ̈ܗܘܡܝܐ. ܐܠܘܠܐ ܝܕܥܝܢ ܚܢܢ ܒܫܪܪܐ: ܕܠܐ ܐܙܕܕܩܬ ܡܠܟܘܬܐ
                    ܡܢ ܠܥܠ: ܕܐܦ ܡ̈ܠܟܐ ܬܪܗܝܗܘܢ ܟܕ ܠܐ ܨܒܝܢ ܥܠܟ ܣܡܟܘ̤ܼ. ܟܒܪ ܕܝܢ ܗܫܐܼ ܐܚܪܢܐ ܡܡܠܟ ܗܘܼܐ
                    ܚܠܦܝܟ. ܘܠܢ ܗܫܐ ܕܝܢܐ ܥܡܟܼ ܠܐ ܐܝܬ ܗܘܼܐ. ܣܝܟ ܕܝܢ ܡܢ ܗܫܐ ܟܠܗܝܢ. ܕܟܕ ܬܨܒܐ ܘܟܕ ܠܐ
                    ܬܨܒܐܼ ܕܝܠܟ ܐܝܬܝܗܿ ܡܠܟܘܬܐ. ܠܘܢ ܕܝܠܼܢ ܬܩܒܠ ܡܠܟܘܬܐܼ ܘܠܐ ܒܩܛܝܪܐ. ܝܘܒܢܝܢܣ ܕܝܢ ܟܕ ܚܙܐ
                    ܕܠܐ ܡܗܢܐ ܡܕܡ܇ ܘܕܢܪܚܩ ܠܚܕ ܡܢ ܓ̈ܒܝܢ ܠܐ ܡܨܐ ܗܘܼܐ: ܕܙܗܝܪܝܢ ܗܘܘ ܒܗ ܛܒܼ. ܣܠܩ ܠܗ ܠܕܘܟܬܐ
                    ܚܕܐ ܪܡܬܐܼ. ܕܢܗܘܐ ܡܬܚܙܐ ܠܟܠܗ ܥܡܐ. ܘܐܙܝܥ ܠܗܘܢ ܐܝܕܗ ܕܢܫܠܘܢܿ ܘܟܕ ܒܗܠܘ܆ ܡܠܠ ܥܡܗܘܢ
                    ܘܐܡܪ ܠܗܘܢܿ ܡܢܘ ܠܡ ܪܘܒܐ ܗܢ ܘܫܓܘܫܝܐ ܕܝܘܡܢ: ܕܝܩܐ ܘܣܪܝܩܐܝܬ ܐܬܟܢܫܬܘܢ. ܕܚܕܐ ܗܼܝ ܡܠܬܝ
                    ܠܘܟܘܢܿ ܕܐܢ ܡܢ ܛܥܝܘܬܟܘܢ ܠܐ ܗܦܟܝܢ ܐܢܬܘܢ܆ ܘܢܘܟܪܗܝܐ ܠܐ ܗܘܝܢ ܐܢܬܘܢ ܠܚܢܦܘܬܟܘܢ܇ ܡܕܒܪܢܐ
                    ܠܥܡܐ ܕܠܐ ܐܠܗ ܠܐ ܗܘܿܐ ܐܢܐ. ܘܡܿܠܟܐ ܥܠ ܚܢ̈ܦܐ ܠܐ ܡܬܩܪܐ ܐܢܐܼ. ܐܦܠܐ ܐܢ ܢܗܘܐ ܠܝ ܠܡܡܬ
                    ܒܐܝܕܝ̈ܟܘܢ. ܟܪܣܛܝܢܐ ܐܢܐ ܒܪ ܟܪ̈ܣܛܝܢܐ: ܘܚܣ ܠܝ ܕܐܫܬܘܬܦܬ ܡܡܬܘܡ ܠܚܢܦܘܬܗ ܕܝܘܠܝܢܘܣ. ܐܦܢ
                    ܫܩܝܠ ܗܘܝܬ ܥܠܝ ܐܣܟܡܐ ܕܚܢ̈ܦܐ ܫܐܠܐܝܬ ܐܝܟ ܕܠܦܘܪܣܐ. ܐܢ ܗܟܝܠ ܣܝܡܐ ܠܟܘܢ ܕܒܚܢܦܘܬܟܘܢ
                    ܬܩܘܘܢ. ܗܐ ܐܝܬ ܒܟܘܢ ܐܫܢܐ ܒ̈ܢܝ ܛܥܝܘܬܟܘܢ ܕܡܨܝܢ ܒܚܝܠܐ ܠܡܕܒܪܘ ܡܠܟܘܬܐܼ. ܡܢ ܒ̈ܢܝ
                    ܗܝܡܢܘܬܟܘܢ ܠܟܘܢ ܡܿܠܟܐ. ܘܠܝ ܥܡܠܐܼ ܠܐ ܬܪܡܘܢ. ܥܢܘ ܟܠܗ ܥܡܐ ܘܐܡܪܘ. ܠܢ ܡܿܠܟܐ ܚܪܢܐ ܥܡܟܼ
                    ܠܝܬ ܠܢ. ܘܟܘܠ ܕܐܡܿܪ ܐܢܬ ܠܢ ܢܥܒܕ. ܒܠܚܘܕ ܒܦܪܣ ܥܒܕܘܬܐ ܠܐ ܢܦܠܘܚ. ܐܡܿܪ ܠܗܘܢ ܝܘܒܢܝܢܘܣ.
                    ܐܢ ܠܝ ܒܥܝܢ  199 ܐܢܬܘܢܿ ܐܥܒܕܘ ܐ̈ܠܗܐ ܢܘܡܟܪ̈ܝܐ ܡܢ ܒܝܢܬܟܘܢܿ ܘܐܬܩܢܘ ܠܒܟܘܢ ܠܘܬ
                    ܐܠܗܐܼ. ܕܗܼܘ ܡܨܐ ܒܚܝܠܐ ܕܢܦܨܝܟܘܢ ܡܢ ܐܝܕܐ ܕܒܥܠܕܒ̈ܒܝܟܘܢ. ܐܬܦܢܘ ܠܘܬܗܼ ܕܢܬܦܢܐ ܥܠܝܟܘܢ.
                    ܒܥܐܘܗܝ ܘܫܬܟܚ ܠܟܘܢ. ܩܪܐܘܗܝ ܘܢܥܢܐ ܠܟܘܢ. ܕܩܪܝܒ ܗܘ ܟܠ ܫܥ ܠܕܩܪܝܢ ܠܗ. ܘܦܬܿܚ ܬܪܥܗ
                    ܠܕܒܥܝܢ ܠܗ. ܬܘܒܘ ܠܘܬܗ ܡܢ ܟܠܗ ܠܒܟܘܢܿ ܘܗܝܡܢܘ ܒܗ ܡܢ ܟܠܗܿ ܢܦܫܟܘܢ. ܘܐܢ ܒܩܘܫܬܐ ܘܒܫܪܪܐ
                    ܚܝܪܗܝܢ ܐܢܬܘܢ ܠܦܘܪܩܢܗ. ܗܒܘ ܒܘܩܝܗܿ ܕܬܝܒܘܬܟܘܢ ܒܣܓܕܬܗ ܕܨܠܝܒܐ. ܕܗܘܝܘ ܢܝܫܐ ܕܦܘܪܩܢܐ
                    ܠܟܠܗܘܢ ܐܝܠܝܢ ܕܡܗܝܡܢܝܢ ܒܗ. ܘܢܡܠܟ ܥܠܝܟܘܢ ܡܫܝܚܐ. ܠܘܩܕܡ ܟܣܝܐܝܬ ܐܝܟ ܐܠܗܐ. ܘܗܝܕܝܢ ܐܦ
                    ܐܢܐ ܐܡܠܟ ܥܠܟܘܢ ܡܢ ܒܬܪ ܟܢ܇ ܐܝܟ ܒܪ ܐܢܫܐ ܓܠܝܐܝܬ. ܘܫܠܡܘ ܗܘܘ ܠܗܕܐ ܪ̈ܗܘܡܝܐ ܨܒܝܢܐܝܬ.
                    ܣܘܓܐܐ ܓܝܪ ܡܢܗܘܢ ܟܪ̈ܣܛܝܢܐ ܗܘܘ. ܘܡܢ ܕܚܠܬܐ ܕܦܘ̈ܩܕܢܐ ܕܥܘܿܠܐܼ. ܫܠܡܘ ܗܘܘ ܠܚܢܦܘܬܗ. ܘܟܕ
                    ܚܼܙܐ ܝܘܒܢܝܢܘܣ ܨܒܝܢܗܘܢ ܛܒܿܐܼ. ܢܣܒܘ ܠܨܠܝܒܐ ܗܿܘ ܕܐܙܠ ܗܘܐ ܒܪܝܫ ܚܝܠܐ. ܘܥܠܝ ܘܩܒܥܗ
                    ܒܕܘܟܬܐ ܪܡܬܐܼ. ܕܢܗܘܐ ܡܬܚܙܐ ܠܫܪܟܗ ܕܥܡܐ. ܒܥܬܐ ܕܝܢ ܣܓܝܐܬܐ ܗܘܬ ܗܘܬ ܒܝܬ ܐܢܫܐ ܦܪ̈ܘܫܐ ܥܠ
                    ܗܕܐ. ܥܠ ܡܢ ܠܡ ܝܘܠܝܢܘܣ ܟܕ ܛܒ ܚܢܦܐ ܗܘܼܐ ܘܟܦܘܪܐ. ܠܐ ܐܥܒܪܘ ܠܛܟܣܐ ܗܢܐ. ܘܥܝܕܐ ܕܣܝܡ
                    ܗܘܼܐ ܠܡ̈ܠܟܐ ܟܪ̈ܣܛܝܢܐ ܕܩܕܡܘܗܝܿ. ܕܢܗܘܐ ܐܙܿܠ ܨܠܝܒܐ ܒܪܝܫ ܚܝܠܐ. ܘܐܣܬܒܪܬ ܠܗܘܢ ܕܗܕܐ
                    ܐܬܪܥܝ ܛܪܘܢܐ. ܕܡ̈ܠܟܐ ܕܡܢ ܩܕܡܘܗܝ ܒܗܢܐ ܢܝܫܐ ܐܬܥܫܢܘ ܘܙܟܘ ܒܩܪ̈ܒܝܗܘܢܿ ܘܐܠܘ ܐܥܒܪܗ ܘܫܟܬ
                    ܨܐܕܘܗܝ ܚܝܒܘܬܐܼ. ܐܝܬ ܗܘܼܐ ܥܠܬܐ ܠܪ̈ܗܘܡܝܐ ܕܢܐܡܪܘܢܿ ܕܟܠܗ ܕܠܐ ܐܬܝܗܒܬ ܠܢ ܙܟܘܬܐ. ܥܠ
                    ܕܐܫܬܩܠ ܢܝܫܗ ܕܙܟܘܬܐ ܕܡܠܟܘܬܢܿ ܠܗܢܐ ܦܘܪܧܣܐ ܐܟܒܪ ܐܗܡܝ ܗܘܐ ܛܪܘܢܐ. ܘܠܐ ܫܩܠܗ ܠܢܝܫܐ ܗܢܐ
                    ܡܢ ܡܫܪܝܬܐ ܕܪ̈ܗܘܡܝܐ. ܕܐܢ ܗܘܬ ܙܟܘܬܐܼ ܢܝܬܝܗܿ ܒܬܪ ܚܢܦܘܬܗ. ܘܐܢ ܫܟܪܬ ܨܐܕܘܗܝ ܚܝܒܘܬܐܼ.
                    ܢܝܬܝܗܿ ܒܬܪ ܗܿܘ ܢܝܫܐ ܕܙܟܘܬܐ. ܕܒܗ ܗܘܼܐ ܦܘܪܩܢܐ ܠܟܠܗܝܢ ܒܪܝܬܐ. ܗܢܐ ܪܥܝܢܐ ܫܩܠܘ ܐܢ̈ܫܐ
                    ܡ̈ܠܦܢܐ ܥܠ ܗܢܐ ܣܘܥܪܢܐ. ܠܡܬܗܪ ܕܝܢ ܐܚ̈ܝ ܘܠܡܬܕܡܪܘ ܒܗܝܡܢܘܬܗ. ܘܒܝܕܥܬܗ 200 ܕܝܘܒܢܝܢܘܣ ܫܪܝܪܐ. ܕܒܟܠ ܦܘܪ̈ܣܝܢ ܡܨܛܢܥ ܗܼܘܐ ܕܢܨܘܕ ܐܢܘܢ ܠܬܝܒܘܬܐ. ܠܐܠܦܐ ܘܠܪ̈ܒܘܬܐ
                    ܕܐܝܬ ܗܘܘ ܥܡܗ. ܩܪܒܘ ܗܘܘ ܓܝܪ ܕܢܣܝܡܘܢ ܠܗ ܟܠܝܠܐ ܕܡܠܟܘܬܐ. ܐܝܟ ܥܝܕܐ ܕܢܡܘܣܐ ܘܛܟ̈ܣܐ
                    ܕܐܚܝܕܝܢ ܪ̈ܗܘܡܝܐ. ܘܕܢܣܠܝܗܿ ܠܚܢܦܘܬܐ ܒܥܝ̈ܢܝܗܘܢܿ ܠܐ ܩܒܠܗ ܡܢ ܐܝ̈ܕܝܗܘܢܿ ܐܡܼܪ ܗܘܐ ܓܝܪܼ.
                    ܕܚܣ ܠܝ ܘܠܐ ܢܗܘܐܼ. ܕܟܝܠܝܗ ܕܚܢܦܐ ܕܣܓܕ ܒܗ ܠܦܬܟܪ̈ܐ: ܢܬܣܿܝܡ ܒܪܝܫ ܩܕܡ ܕܢܬܬܣܝܡ ܒܪܝܫܗ
                    ܕܨܠܝܒܐ. ܘܡܐ ܕܐܡܠܟ ܥܠܝܟܘܢ ܡܫܝܚܐ ܒܙܩܝܦܗ: ܘܐܬܒܪܟ ܘܐܬܩܕܫ ܒܗ ܟܠܝܠܗܿ ܕܡܠܟܘܬܢܿ ܗܝܕܝܢ ܐܦ
                    ܐܢܐ ܐܩܒܠܝܘܗܝ ܘܠܝܐܝܬ ܘܙܕܩܐܝܬ. ܡܢ ܝܡܢܐ ܒܪܝܟܬܐܡܠܝܬ ܩܘ̈ܕܫܐܼ. ܕܒܗܿ ܐܬܩܕܫܘ ܛܡܐ̈ܐ
                    ܘܐܬܚܝܣܘ ܚܛ̈ܗܐ. ܩܪܘܒܘ ܗܟܝܠ ܘܣܝܡܘ ܟܠܝܠܐ ܕܒܐ̈ܝܕܝܟܘܢ ܒܪܝܫܗ ܕܨܠܝܒܐܼ. ܘܬܘ ܢܬܟܫܦ
                    ܠܡܫܝܚܐ. ܒܨܓܕܬܐ ܕܨܠܝܒܗܿ. ܥܠ ܫܝܢܗܿ ܘܩܘܝܡܗܿ ܕܡܠܟܘܬܟܘܢܿ ܘܥܒܕܘ ܦܠܚ̈ܝ ܡܿܠܟܐܼ ܐܝܟܢܐ
                    ܕܐܬܦܩܕ ܠܗܘܢܿܘܐܬܓܗܢ ܝܘܒܢܝܢܘܣ ܘܣܓܕ ܠܨܠܝܒܐ. ܘܣܓܕܘ ܥܡܗܼ ܟܠܗܘܢ ܚܝ̈ܠܘܬܗ. ܘܐܫܕ ܢܦܫܗ
                    ܝܘܒܢܝܢܣ ܒܨܠܘܬܐ ܩܕܡ ܐܠܗܐ. ܐܫܕ ܕܡ̈ܥܐ ܒܒܥܘܬܗܼ. ܐܝܟܐ ܕܐܪܥܐ ܐܨܛܒܥܬ ܡܢ ܕܡ̈ܥܘܗܝ. ܘܓܥܿܐ
                    ܗܘܼܐ ܒܚܐܼ. ܘܡܬܟܫܦ ܠܐܠܗܐ ܥܠ ܫܝܢܗܝܢ ܕܥܕ̈ܬܐ ܘܥܠ ܦܘܪܩܢܐ ܕܝܠܕܝ̈ܗܝܢ܇ ܘܥܠ ܙܟܘܬܐ
                    ܕܪ̈ܗܘܝܡܐ ܘܥܠ ܩܘܝܡܗܿ ܕܡܠܟܘܬܗܘܢܿ .. ܘܟܕ ܥܕܢܐ ܣܓܝܐܐ ܪܡܐ ܗܘܼܐ ܥܠ ܐ̈ܦܘܗܝ ܘܡܨܠܐܼ. ܟ ܩܡ
                    ܡܢ ܐܪܥܐܼ. ܦܪܣ ܐܝܕ̈ܘܗܝ ܠܫܡܝܐ. ܘܩܪܐ ܥܠܘܗܝ ܣܗܕܐ ܠܐܠܗܐ ܟܕ ܐܡܿܪ. ܐܢܬ ܡܪܝܐ ܐܠܗܐ ܚܝܠܬܢܐ
                    ܩܕܝܫܐ ܝܕܥܿ ܕܒܠܒܘ̈ܬܐ ܕܟܠܼ. ܐܢܬ ܗܘܝ ܠܗ ܣܗܕܐ ܠܥܒܕܟ ܝܘܡܢܐ. ܕܠܐ ܪܓܬܗ ܠܫܘܠܛܢܐ ܗܢܐܼ.
                    ܐܦܠܐ ܠܡܠܟܘܬܐ ܗܕܐ ܕܡܫܬܪܝܐ. ܕܠܐܝܕܐ ܕܠܐ ܡܫܬܪܝܐ ܚܐܪ ܐܢܐ ܘܡܣܟܐ ܐܢܐ. ܘܡܢ ܗܫܐ ܡܪܝܐ
                    ܕܗܟܐܢ ܗܘܼܐ ܨܒܝܢܐ ܩܕܡܝܟ: ܘܩܪܬܢܝ ܛܝܒܘܬܟ ܕܐܗܘܐ ܡܕܒܪܢܐ ܘܡܿܠܟܐ. ܠܚܝ̈ܒܐ ܕܐܬܓܘܣܘ ܒܨܠܝܒܟ
                    ܘܚܝܪܝܢ ܠܦܘܪܩܢܟܼ. ܒܒܥܘ ܡܪܝܐ ܚܝܠܬܢܐܼ. ܠܐ ܢܗܐܘ ܠܝ ܫܘܠܛܢܐܗܢܐ ܠܣܘܓܦܢܗܿ ܕܢܦܫܝ:
                    ܘܠܢܟܝܢܗܿ ܕܪܘܚܝ ܘܠܚܝܒܘܬܗ ܕܩܢܘܡܝ. ܐܠܐ ܠܚܘܣܝܗܿ ܕܢܦܫܝܼ 201 ܘܠܫܘܒܩܢܗܿ ܕܪܘܚܝ.
                    ܘܠܓܠܘܝܬ ܐ̈ܦܐ ܕܩܢܘܡܝܼ ܘܠܢܝܚܗܿ ܕܐܠܗܘܬܟ. ܘܠܬܪܥܘܬܗ ܕܥܡܟܼ ܘܠܫܢܗܝܢ ܕܥܕ̈ܬܟ. ܘܠܦܘܢܝܐ
                    ܕܝ̈ܠܕܝܗܝܢ ܘܠܩܘܝܡܐ ܕܗܝܡܢܘܬܟ. ܘܠܙܟܘܬܐ ܘܦܘܪܩܢܐ ܕܛܥ̈ܝܐܿ. ܕܐܬܦܢܝܘ ܡܢ ܛܥܝܘܬܗܘܢ ܘܛܦܣܘ
                    ܒܟ. ܘܠܝ ܚܛܝܐ ܘܚܝܒܐ: ܕܟܕ ܠܐ ܫܘܿܐ ܐܢܐ ܩܪܬܢܝ ܐܠܗܘܬܟ ܠܬܓܐ ܕܡܠܟܘܬܐܼ. ܗܒ ܠܝ ܘܐܫܘܢܝ
                    ܒܛܝܒܘܬܟܿ. ܕܡܢ ܝܡܝܢܟ ܒܪܝܟܬܐ ܡܠܝܬ ܩ̈ܘܕܫܐ ܐܩܒܠܝܘܗܝ ܠܟܠܝܠܐ ܗܢܐܿ. ܐܝܟܐܢ ܕܢܗܘܐ ܠܝ ܒܟ
                    ܫܘܒܗܪܐ ܒܟܠܗܝܢ ܡܠܟܘ̈ܬܐ ܕܐܪܥܐ ... ܘܟܕ ܓܡܿܪ ܝܘܒܢܝܢܘܣ ܡ̈ܠܝ ܨܠܘܬܗܼ. ܐܬܓܗܢ ܘܣܓܕ ܠܟܠܗܘܢ
                    ܚ̈ܝܠܘܬܗ. ܘܚܬܡ ܚܕܝܗ ܘܒܝܬ ܥ̈ܝܢܘܗܝ ܒܪܘܫܡܗ ܕܨܠܝܒܐ. ܘܩܪܒ ܒܪܬܚܐ ܕܗܝܡܢܘܬܗܼ. ܘܐܪܟܢ ܪܫܗ
                    ܩܕܡ ܨܠܝܒܐ. ܘܢܚܬ ܟܠܝܠܐ ܕܡܠܟܘܬܐ ܘܐܬܬܣܝܡ ܒܪܝܫܗܼ. ܟܕ ܐܝܕܐ ܕܒܪ ܐܢܫܐ ܠܐ ܩܪܒܬ ܠܗ. ܘܬܗܪܘ
                    ܣܓܝ ܘܐܬܕܡܪܘ ܥܡܐ ܟܘܠܗ ܕܪ̈ܗܘܡܝܐܿ. ܒܬܕܡܘܪܬܐ ܗܕܐ ܪܒܬܐ ܕܐܣܬܥܪܬ. ܘܩܥܝܢ ܗܘܘ ܘܐܡܪܝܢ. ܕܡܢ
                    ܗܫܐ ܡܫܝܚܐ ܥܠܝܢ ܡܠܟܐ ܒܫܡܝܐܼ. ܘܝܘܒܢܝܢܘܣ ܥܠܝܢ ܡܠܟܐ ܒܐܪܥܐ. ܘܢܦܠܬ ܕܚܠܬܗ ܘܙܘܥܬܗ
                    ܕܝܘܒܢܝܢܘܣ ܥܠ ܟܠܗܘܢ ܚܝ̈ܠܘܬܗ. ܝܕܥܘ ܓܝܪ ܒܫܪܪܐܼ ܕܡܪܝܐ ܥܡܗ ... ܒܗ ܒܝܘܡܐ ܗܢܐܼ. ܐܡܠܟ
                    ܝܘܒܢܝܢܘܣ ܒܪܗ ܕܐܘܪܢܝܢܘܣ ܥܠ ܪ̈ܗܘܡܝܐ. ܒܐܪܥܐ ܕܦܪ̈ܣܝܐܼ ܒܐܬܪܐ ܕܒܝܬ ܐܪ̈ܡܝܐ. ܥܠ ܢܗܪܐ
                    ܕܩܠܬ ܕܐܝܬ ܒܓܒܗܿ ܓܪܒܝܝܐ ܕܩܛܝܣܦܘܢܿ ܒܝܪܚ ܚܙܝܪܢ ܕܫܢܬ ܫܬܡܐܐ ܘܫܒܥܝܢ ܘܐܪܒܥ ܒܡܝܢܐ
                    ܕܝܘ̈ܢܝܐ ܒܫܒܥܐ ܘܥܣܪ̈ܝܢ ܒܗ ܒܝܪܚܐܼ ܒܝܘܡܐ ܕܥܪܘܒܬܐ. ܘܛܢ ܝܘܒܢܝܢܘܣ ܛܢܢܐ ܠܐܠܗܐ ܒܥܕܢܐ
                    ܕܐܡܠܟܼ ܘܦܩܕ ܕܢܝܬܘܢ ܩܕܡܘܗܝ ܠܫܒ̈ܥܐ ܟܘܡܪ̈ܝܗܿ ܕܚܛܝܬܐܿ. ܕܢܚܬܘ ܥܡ ܝܘܠܝܢܘܣ ܠܐܪܥܐ
                    ܕܦܪ̈ܣܝܐ܇ ܘܠܫܒ̈ܥܐ ܦܬܟܪ̈ܐ ܕܕܗܒܐ܇ ܕܠܗܘܢ ܝܬܝܪ ܣܓܕ ܗܘܼܐ ܫܢܝܐ ܘܡܿܕܒܚ. ... ܗܼܘ ܕܝܢ
                    ܡܿܠܟܐ ܡܗܝܡܢܐ ܝܘܒܢܝܢܣܼ ܥܕܟܝܠ ܒܗܿ ܒܕܘܟܬܐ ܕܐܡܠܟ ܒܗܿ ܩܐܡ ܗܘܐܼ. ܟܕ ܣܝܡ ܨܠܝܒܐ ܡܢ
                    ܝܡܝܢܗ. ܘܩܪܒܘ ܐܢܘܢ ܠܗ ܠܟܘܡܪ̈ܐ ܗܠܝܢ ܘܠܦܬܟܪ̈ܐ ܛܥܝܘܬܗܘܢܿ ܘܚܪ ܒܗܘܢ ܝܘܒܢܝܢܘܣ ܒܚܡܬܐ
                    ܘܐܙܕܥܦ ܒܗܘܢܼ ܘܐܡܼܪ ܠܗܘܢܿ ܐܡܪܘ ܠܝ ܠܡ ܐܢܬ ܐܘ ܡܚ̈ܝܒܐܼ ܡܢܐ ܗܼܝ  202 ܫܢܝܘܬܐ
                    ܗܕܐ ܕܐܚܝܕܐ ܠܟܘܿܢܿ ܕܐܦܠܐ ܗܫܐ ܕܫܠܡ [ܙܒܢـ]ܐ ܕܛܥܝܘܬܟܘܿܢܿ ܐܫܬܐܠܬܘܢ ܡܢ ܝܨܝܦܘܬܟܘܢ
                    ܘܐܬܓܘܣܬܘܢ [ܒܐܠܗ]ܘܬܐܿ. ܘܠܐ ܣܿܦܩ ܠܟܘܢ ܙܒܢܗ ܕܝܘܠܝܢܣ [ܒܠܚܘܕ؟] ܐܠܐ ܐܦ ܒܕܝܠܢ [ܐܢـ]ܬܘܢܿ
                    ܕܥܘ ܗܟܝܠܼ ܕܡܡܬ ܬܡܘܬܘܢܿ ܘܕܡܟܘܢ [ܒܪ]ܫܟܘܢܿ ܕܐܢܬܘܢ ܩܪܝܬܘܢ ܐܒܕܢܐ ܠܩܢܘܡܟܘܢܿ ܘܦܩܕ
                    ܥܠܝܗܘܢ ܕܒܕܩܠܬ [ܢܫܿـ]ܬܕܘܢܿ ܟܘܡܪ̈ܐ ܕܝܢ [ܗܠܝܢ؟] ܟܕ ܚܙܘ ܕܣܪܗܒ [ܥـ]ـܠܝܗܘܢ [؟] ܦܘܩܕܢܐ
                    ...... ܩܪܒܘ ܛܦܣܘ [ܠܦܘܪܩܢܐ؟] ܒܨܠܝܒܐܼ. ܕܩܒܝܥ ܗܘܐ ܡܢ ܝܡܝܢܗ ܕܡܠܟܐ. ܘܐܚܕܘܗܝ ܘܚܡܣܢܘ
                    ܐܝܕ̈ܝܗܘܢ ܒܗܼ ܘܐܿܡܪܝܢ ܦܪܘܩܢ ܙܩܝܦܗ ܕܡܫܝܚܐ. ܦܪ̈ܘܩܝܢ ܕܒܟ ܗܘܼܐ ܦܘܪܩܢܐ ܠܟܠܗ ܥܠܡܐ. ܐܦ
                    ܚܢܢ ܡܫܝܚܐ ܕܐܬܓܘܣܢ ܒܨܠܝܒܟܼ. ܙܕܩܿ ܫܘܒܩܢܐ ܠܚܝܒܘܬܢܿ ܘܠܐ ܢܗܘܐ ܝܬܝܪ̈ܐ [ܠܦܘܪ]ܩܢܟܿ. ܨܒܘ
                    ܗܘܘ ܕܝܢ ܦܠܚܘ̈ܗܝ ܕܡܿܠܟܐ܇ ܕܢܪܡܘܢ [ܟܐ̈ܦܐ] ܥܠ ܟܘܡܪ̈ܐ ܗܢܘܢܿ [ܘܕܢܪܝـ]ܡܘܢ ܐܢܘܢ ܡܢ
                    ܨܠܝܒܐ. ܘܬܿܟܣ ܐܢܘܢ ܦܘܩܕܢܗ ܕܡܿܠܟܐ. ܐܡܿܪ ܗܘܐ ܓܝܪ ܝܘܒܢܝܢܘܣ. ܕܠܐ ܠܡ ܣܐܡ ܐܢܐ ܒܡܕܒܪܢܘܬܝ
                    ܢܡܘܣܐ ܗܢܐ ܕܪܘܫܥܐ. ܕܢܫܪܐ ܐܢܫ ܒܝ ܓܘܣܐ ܕܨܠܝܒܐܿ. ܐܦܢ ܢܗܘܐ ܗܿܘ ܕܡܣܬܬܪ ܒܗ ܚܝܿܒ ܡܘܬܐ.
                    ܐܡܿܪ ܗܘܼܐ ܠܗܘܢ ܕܝܢ ܝܘܒܢܝܢܘܣ ܠܟܘܡܪ̈ܐ ܗܠܝܢ. ܐܡܪܘ ܠܝ ܠܡ ܐܢܬܘܢ ܟܘܡܪ̈ܐ ܡܣܪ̈ܩܝ ܡܢ
                    ܗܝܡܢܘܬܐܼ. ܕܐܝܠܝܢ ܐ̈ܠܐ [؟] ܐܬܓܘܣܬܘܢ ܝܘܡܢ ܒܨܠܝܒܐ: ܕܩܕܡ ܝܘܡ̈ܬܐ ܡ̈ܠܐ ܕܓܘܕܦܐ ܡܠܠܬܘܿܢܿ
                    ܥܠ ܗܿܘ ܫܡܐ ܣܓܝܕܐ ܕܐܙܕܩܦ ܥܠܘܗܝ. ܐܡܪܝܢ ܠܗ ܟܘܡܪ̈ܐ ܗܠܝܢ. ܒܥܝܢ ܚܢܢ ܡܢ ܡܪܚܡܢܘܬܟ ܡܪܝ
                    ܡܠܟܐܼ ܘܕܠܡܐ ܪܒܐ ܗܼܝ ܣܝܟܠܘܬܢ ܡܢ ܕܝܗܘ̈ܕܝܐ ܨܠܘܒܘ̈ܗܝ: ܕܐܝܟ ܕܡܚܘܝܢ ܟܬ̈ܝܒܝܗܘܢ: ܫܘܒܩܢܐ
                    ܫܐܠ ܗܘܐ [ܐܠܗ]ܟܘܢ ܒܙܝܩܦܐ ܕ[؟]ܠܘܬ ... ܘܗܫܐ ܫܒܝܩܝܢ ܒܗ ܒܥܠܡܐ ܒ̈ܢܝ ܙܩܘ̈ܦܐ ܟܕ ܠܐ ܡܘܕܝܢ
                    ܒܗ. ܘܠܐ ܐܢܫ ܬܒܥ ܒܐܝܕܝܗܘܢܿ ܘܚܢܢ [ܕܡـ]ـܢ ܟܠܗܿ ܢܦܫܢ ܣܝܡܝܢ ܚܢܢ [ܕ]ܢܘܕܪܐ ܒܗܼ. ܡܣܠܐ
                    [ܗܘܐ؟] ܬܝܒܘܬܢ ܘܠܐ ܡܩܒܠ[؟] ܠܢ. ܐܡܿܪ ܠܗܘܢ ܝܘܒܢܝܢܘܣ. ܐܠܘ ܕܩܘܫܬܐ ܗܘܬ ܘܕܫܪܪܐ ܬܝܒܘܬܟܘܢ
                    ܐܝܬ ܗܘܐ ܣܟـ[؟]ܪܐ ܒ؟ܐܝܼ؟ܕ[ܝـ]ܟܘܢܿ ܓܠܝܐ ܗܼܝ 203 ܕ[ܝܢ ܗܕ]ܐ ܠܝܕܘ̈ܥܐ. ܕܠܘ ܡܢ
                    ܗܝܡܢܘܬܐ ܗܷ ܬܝܒܘܬܟܘܢ ܐܠܐ ܡܢ ܕܚܠܬ ܡܘܬܐ ܐܡܪܝܢ [ܠܗ] ܟܦܘܪ̈ܐ ܗܠܝܢ ܚܣ ܠܢ ܡܢ ܗܫܐ
                    [ܕܢـ]ܟܕ[ܒ] ܒܬܝܒܘܬܿܢܿ ܐܘ ܢܗܘܐ ܡܢ ܝܘܡܢ ܢܘܟܪܝܐ ܠܣܕܬ ܨܠܝܒܐ. ܐܬܿܐ ܓܝܪ ܕܪ̈ܚܡܐ ܐܬܚܙܝܬ.
                    ܠܢ ܒܗܿ ܘܐܬܗܪܬܢܿ ܗܿܝ ܕܠܟܘܢ ܟܒܪܼ ܠܐ ܐܿܬܚܙܝܬ. ܡܿܠܟܐ ܕܝܢ ܙܕܝܩܐ: ܡܛܠ ܕܨܒܿܐ ܗܘܼܐ
                    ܒܬܝܒܘܬܗܘܢ ܛܒ ܡܢ ܕܒܐܒܕܢܗܘܢܼ. ܡܟܘܢ ܗܼܘܐ ܠܗܘܢ ܟܕ ܐܡܿܪ. ܕܡܢܐ ܠܡ ܕܫܘܿܐ ܠܫܘܒܩܢܐ ܣܥܝܪ
                    ܠܟܘܢ ܡܢ ܝܘܡ̈ܝܟܘܿܢܿ ܕ.... ܫܘܒܩܢܐ ܣܒܪܬܘܢ ܐܝܩܐ. ܐܘ ܐܝܟܐ ܐܢܫ ܢܫܪ ܡ̈ܠܝܟܘܢ ܕܐܝܬ..
                    ܕܪ̈ܚܡܐ ܒܨܠܝܒܐ ܚܙܝܬܘܢܿ ܕܗܐ ܒܥܠܕܒ̈ܒ.. ܐܢܬܘܢ ܒܡܥܒܕܢܘܬܐ ܕܛܥܝܘܬܟܘܢ. ܐܡܪܘ ܟܘܡܪ̈ܐ
                    ܗܿܢܘܢܿ ܐܝܡܟܐ ܓܝܪ ܐܝܬ [؟] ܐܡܬ[ܝ] ܐܬܚܙܝܬ ܬܕܡܘܪܬܐ ܬܡܝܗܬܐ ܕܐܝܟ ܗܕܐ ܕܨܐܕܝܢ ܐܣܬܥܪܬ ܕܗܐ
                    ܥܝܪܝܢ ܗܘܝـ[؟]ـܢܢ ܘ؟ܫܠܗܒܝܬܐ ܕܢܘܪܐ ܢܚ[؟]ܬܐ ܘܠܐ ܐܬܚܪܟܢ ܚܢܢ ܘܐܠܘ ܨܒܐ ܡܫܝܚܐ ܒܐܒܕܢܼܢܿ
                    ܟܒܪ ܕܝܢ ܣܦܢ[؟] ܟܠ؟ ܒܪܫܐ. ܡܢ [ܗܘܦܐ؟] ܕܝܩܘܕܘܬܗ ܕܨ[ܠܝܒـ]ـܐ ܕܒܗ ܐܬܓܘܣܢܢ ... ܬܗܝܪ
                    ܗܘܼܐ ܕܝܢ ܝܘܒܢܝܢܣ ܥܠ ܡ̈ܠܝܗܘܢܿ ܘܡܿܬܦܠܓ ܗܘܼܐ ܥܠ ܬܝܒܘܬܗܘܢܿ ܐܠܗܐ ܕܝܢ ܡܪܚܡܢܐ ܕܨܒܿܐ
                    ܟܠܫܥ ܒܬܝܒܘܬܐ ܕܚܛܗܝܐ [ܐ؟]ܝܕܐ ܕܫـ[ـܪܝܪ؟]ـܬܐ ܕܐ...ܐ ܦܬܚ ܥܝܢܘܗܝ ܕܡܠܟܐ ܡܗܝܡܢܐ
                    [ܘܚـ]ـܙܝܗܝ ܠܨܠܝܒܐ ܗܿܘ ܟܕ ܕܿܠܩ ܘܡܫܬܠܗܒ ܐܝܟ ܠܡܦܐܕܐ ܕܢܘܪܐ .... .. ܗܘܐ[؟] ....
                    ....ܐܝܕܝ̈ܗܘܢ ܕܟܘ[ܡܪ̈ܐ] ܗܢܘܢ [؟] ....... ܡܬܚܪܟܢ. ܘܟܕ ܚܙܐ ܝܘܒܢܝܢܘܣ ܕܝܗܼܒܬ ܒܘܩܝܗܿ
                    ܬܝܒܘܬܗܘܢܼ. ܕܢܚܬ ܒܗ ܡܪܚܡܢܘܬܐܼ. ܘܐܬܪܥܝ ܕܢܿܚܐ ܐܢܘܢܿ ܘܫܩܼܠ ܕܢܐܡܪ ܠܚܝ̈ܠܘܬܗ. ܡܿܢ ܠܡ
                    ܐܝܬ ܠܢ ܕܢܥܒܕ ܠܗܠܝܢ ܡܚܝ̈ܒܐ. ܕܗܐ ܛܦܼܣܘ ܘܐܬܓܘܣܘ ܒܨܠܝܒܐ. ܗܢܼܘܢ ܕܝܢ ܚ̈ܝܠܘܬܗ: ܟܕ ܚܙܘ
                    ܕܪ̈ܚܡܐ ܡܠܝܐ ܡܠܬܗܼ. ܘܕܢܚܐ ܐܢܘܢ ܨܿܒܐܼ. ܝܗܒܘ ܐܝܕܐ ܠܨܒܝܢܗ ܕܡܿܠܟܐ. ܘܩܥܝܢ ܗܘܘ ܠܗ
                    ܘܐܡܪܝܢ. ܒܝܘܡܐ ܕܚܕܘܬܟܼ. ܝܐܐ ܠܟ ܫܘܒܩܢܐܼ. ܘܦܐܝܐ ܠܟ ܡܪܚܡܢܘܬܐ. ܒܝܘܡܐ ܫܪܘܝܐ ܕܡܠܟܘܬܟܼ.
                    ܙܕܿܩܼ ܚ̈ܝܐ ܠܚܝ̈ܒܝ ܡܘܬܐܼ. ܘܒܝܐܐ ܠܬܒܝܪ̈ܝ ܠܒܐ. ܘܚܕܘܬܐ ܘܕܝܨܐ ܠܥ̈ܝܩܝ ܪܘܚܐ. ܘܪ̈ܚܡܐ
                    ܘܫܘܒܩܢܐ ܠܡܣ̈ܟܠܢܐ. ܒܝܘܡܐ ܕܐܬܩܼܛܪ ܠܟ ܒܗ  204 ܬܓܐ ܕܡܠܟܘܬܐܿ ܐܢܫܼ ܠܐ ܢܡܘܬ.
                    ܐܠܐ ܬܡܠܟ ܚܕܘܬܐ ܥܠ ܟܘܠܼ ܘܬܬܩܠܣ ܡܪܚܡܢܘܬܟ ܡܼܢ ܟܠ. ܐܡܿܪ ܠܗܘܢ ܝܘܒܢܝܢܘܣ ܠܟܘܡܪ̈ܐ ܗܠܝܢ.
                    ܡܛܠ ܕܐܥܒܕ ܨܒܝܢܐ ܠܚܝ̈ܠܘܬܝ: ܘܬܘܒ ܝܬܝܪܐܝܬ ܕܐܬܓܘܣܬܘܢ ܒܨܠܝܒܐܼ. ܙܕܩܿܬܼ ܠܟܘܢ ܚܝ̈ܝܟܘܢ
                    ܝܘܡܢܐ. ܗܢܘ ܕܝܼܢ ܐܢ ܒܗܿ ܒܬܝܒܘܬܟܘܢ ܬܩܘܘܢܿ ܐܢ ܕܝܢ ܠܛܥܝܘܬܟܘܢ ܬܗܦܟܘܢܼ. ܕܥܘ ܕܡܡܬ
                    ܬܡܘܬܘܢܿ ܐܡܪܝܢ ܠܗ ܟܘܡܪ̈ܐ ܗܠܝܢ܆ ܚܣ ܠܢ ܕܢܗܦܘܟ ܠܛܥܝܘܬܢܿ ܘܢܟܦܘܪ ܒܐܠܗܐ ܕܟܪ̈ܣܛܝܢܐܿ.
                    ܕܗܘܝܘ ܠܚܘܕ ܝܘܡܢ ܙܕܿܩ ܠܢ ܕܡܐ ܕܢܦܫ̈ܬܢ ... ܐܡܿܪ ܠܗܘܢ ܝܘܒܢܝܢܘܣ. ܐܢ ܒܩܘܫܬܐ ܘܒܫܪܪܐ
                    ܗܝܡܢܬܘܢܼ. ܡܠܘ ܠܗ ܐܝ̈ܕܝܟܘܢ ܒܦܬܟܪ̈ܝܟܘܢܿ ܘܝܗܒ ܠܗܘܢ ܢܪ̈ܓܐ ܘܐܘܡܼܪ ܠܗܘܢܿ ܩܪܘܒܘ ܬܒܪܘ
                    ܨ̈ܠܡܐ ܕܛܥܝܘܬܟܘܢ. ܘܢܣܒܘ ܟܘܡܪ̈ܐ ܢܪ̈ܓܐܼ. ܘܗܢܼܘܢܼ ܒܐܝ̈ܕܝܗܘܢ ܬܿܒܪܼܘ ܦܬܟܪ̈ܐ ܕܛܥܝܘܬܗܘܢܿ
                    ܘܢܣܼܟ ܐܢܘܢ ܝܘܒܢܝܘܣ ܠܨ̈ܠܡܐ ܗܠܝܼܢ. ܘܦܩܼܕ ܕܢܬܠܘܢ ܐܢܘܢ ܢܦܩ̈ܬܐ ܕܥܕ̈ܬܐ܇ ܕܐܣܬܬܪ ܒܪܕܘܦܝܗ
                    ܕܝܘܠܝܢܘܣ ܥܘܠܿܐ. ܘܠܗܘܢ ܠܟܘܡܪ̈ܐ ܦܩܼܕ ܥܠܝܗܘܢܼ ܕܢܬܝܗܒܢ. ܒܕܝܪ̈ܬܐ. ܘܢܬܓܡܪܘܢ ܗܘܘ
                    ܒܗܝܡܢܘܬܐ ܕܙܕ̈ܝܩܐܼ ܘܗܝܕܝܢ ܢܐܬܘܢ ܠܥܡܕܐ. ܘܝܗܼܒ ܝܘܒܢܝܢܣ ܡܘܗ̈ܒܬܐ ܠܚܝ̈ܠܘܬܗ. ܘܡܼܠܐ
                    ܒܠܒܗܘܢ ܘܠܒܒ ܐܢܘܢܼ ܘܐܡܼܪ ܠܗܘܢܿ ܐܬܚܝܠܼܘ ܘܠܐ ܬܕܚܠܘܢܿ ܠܐ ܓܝܪ ܡܪܦܐ ܒܟܘܢ ܡܫܝܚܐ ܐܝܼܕܐ
                    ܕܬܬܐܠܨܘܢܿ ܠܗ ܝܓܪ ܒܛܝܠ ܠܗ ܥܠܝܟܘܢ ܡܢ ܗܫܐ. ܘܗܼܘ ܡܬܟܬܫ ܚܠܦܝܟܘܢ ܟܣܝܐܝܬ. ܘܥܿܒܕ ܠܟܘܢ
                    ܒܐܝ̈ܕܝ ܦܘܪܩܢܐ ܓܠܝܐܝܬ. ܐܢ ܓܝܪ ܢܨܒܐ ܫܒܘܪ ܕܢܥܒܕ ܥܡܢ ܫܝܢܐ ܘܪܚܡܘܬܐܼ. ܒܢܝܚ̈ܬܐ ܘܡܟܝ̈ܟܬܐ
                    ܢܬܚܫܚ ܥܡܗ. ܘܐܢ ܬܘ ܒܒܗ ܒܪܥܝܢܐ ܕܛܪܘܢܘܬܗ ܢܩܘܐܼ. ܐܦܠܐ ܒܗܕܐ ܬܬܩܛܥ ܠܟܘܢ ܘܬܬܟܪܐ ܪܘܚܟܘܢܿ
                    ܕܐܝ ܠܝ ܣܒܪܐ ܒܐܠܗܐ ܕܟܪ̈ܣܛܝܢܐ ܕܐܬܓܘܣܬܢ ܒܗܼ. ܕܐܢ ܢܗܘܐ ܕܣܓܝ ܚܝܠܗ ܡܢ ܕܝܠܢ ܬܠܬܝܢ
                    ܪ̈ܒܘܢܼ. ܕܝܠܢ ܐܝܬܝܗܿ ܙܟܘܬܐ ܘܕܝܠܗܘܢ ܚܝܒܘܬܐ. ܕܠܡܐ ܗܟܝܠ ܬܡܠܟ ܥܠܝܟܘܢ ܥܩܬܐ ܐܘ ܟܪܝܘܬܐ
                    ܒܚܕ ܡܢ ܐܣܟܝ̈ܡܝܢ. ܕܡܢܬܐ ܚܕܐ ܕܣܥܪܐܼ. ܠܐ ܢܦܠܐ ܡܢ ܪܫܗ ܕܚܕ ܡܢܟܘܢ ܒܐܪܥܐ ܕܦܪ̈ܣܝܐ.
                    ܘܐܬܒܐܘ ܪ̈ܗܘܡܝܐ ܒܡܠܬܗܼ 205 ܘܢܚܼܬ ܢܦܫܗܘܢܿ ܘܩܠ ܡܢ ܪܥܝܢܗܘܢ ܝܘܩܪܐ ܕܚܫܗܘܢܿ
                    ܘܚܕܝܢ ܗܘܘ ܛܒ ܘܪܘܙܝܢ܇ ܕܢܦܠ ܠܗ ܣܡܐ ܛܒܐ ܠܡܚܘܬܗܘܢܿ ܘܟܕ ܝܠܦܼ ܫܒܘܪ ܥܝ ܝܘܒܢܝܢܘܣ ܕܗܼܘ
                    ܐܡܠܟ ܒܕܘܟܬ ܝܘܠܝܢܘܣܼ. ܨܒܐ ܕܢܐܚܕܝܘܗܝ ܒ̈ܟܬܝܒܬܐ ܕܒܗܝܢ ܢܒܨܝܘܗܝ. ܘܢܐܠܦ ܡܢܐ ܗܘ ܪܥܝܢܐ.
                    ܘܡ̈ܠܐ ܕܪܘܪ̈ܒܢ ܘܓܢܝܚܢ ܐܬܪܥܝ ܕܢܟܬܘܒ ܠܗ. ܐܝܟ ܕܢܫܠܗܒܝܘܗܝ ܒܛܢܢܐ ܠܪܥܝܢܗ ܕܙܕܝܩܐ܇ ܘܢܓܠܐ
                    ܘܢܘܕܥܗ ܕܡܢܐ ܗܼܝ ܡܚܫܒܬܗ. ܠܗܢܐ ܦܘܪܣܐ ܐܫܬܕܪ ܠܘܬܗ ܐܝܙܓܕܐ. ܟܕ ܫܩܝܠ ܐܓܪ̈ܬܐ ܕܩܪܝܢ ܚܪܒܐ
                    ܘܡܥܝܪܢ ܩܪܒܐ. ܗܼܘ ܕܝܢ ܥܪܝܡܐ ܘܦܪܫ ܘܠܝ̈ܬܐܼ. ܟܕ ܩܒܠ ܐܓܪ̈ܬܗ ܕܛܪܘܢܐܼ. ܣܡ ܐܢܿܝܢ ܥܠ
                    ܥ̈ܝܢܘܗܝ. ܘܢܫܩ ܘܚܒܒ ܐܢܝܢ. ܘܦܩܕ ܥܠ ܐܝܙܓܕܐܼ. 

                Hier is ein Blatt oder mehrere ausgefallen.

                ܐܢܐ ܒܗܠܝܢ. ܘܣܗܝܕܢ ܫܡܝܐܼ. ܘܐܪܥ. ܐܢ ܕܝܢ ܡܢ ܨܐܕܝܟ ܗܼܝ. ܘܥܪܝܨܐܝܬ
                    ܡܬܬܙܝܥ ܥܠܝܢ ܩܪܒܐ ܕܡܠܟܘܬܟܘܢܿ ܐܝܬ ܠܝ ܣܒܪܐ ܒܐܠܗܐ ܕܠܗ ܦܠܚܿ ܐܢܐ܆ ܕܒܐ̈ܝܕܘܗܝ ܣܝܡܝܢ
                    ܩܪ̈ܒܝܗܿ ܘܩܪ̈ܣܝܗܿ ܕܬܒܝܠܼ. ܕܒܥܓܠ ܬܫܐܠ ܫܝܢܗܿ ܕܡܠܟܘܬܢܼ ܘܠܐ ܢܬܝܗܒ ܠܟ. ܠܐ ܓܝܪ ܐܬܩܫܝ
                    ܓܝܒܐ ܥܠ ܚܒܪܗ ܘܗܘܼܐ ܫܠܡ. ... ܘܗܼܦܟ ܓܘܕܦܪ ܐܝܙܓܕܐ ܠܘܬ ܫܒܘܪܼ. ܟܕ ܫܩܝܠ ܐܓܪ̈ܬܐ ܕܫܝܢܐ
                    ܡܢ ܩܣܪ ܕܪ̈ܗܘܡܝܐ. ܘܚܘܝ ܠܡܪܗܼ. ܟܠܗܝܢ ܐܝܠܝܢ ܕܚܙܼܐ ܘܫܡܼܥ ܒܡܫܪܝܬܐ ܕܪ̈ܗܘܝܡܐ. ܘܐܘܕܝ ܠܗ
                    ܥܠ ܝܘܒܢܝܢܘܣ. ܘܫܒܚܗ ܩܕܡ ܡܪܗ. ܘܟܕ ܩܪܐ ܐܢܝܢ ܫܒܘܪ ܠܐܓܪ̈ܬܐ ܕܫܐܬܕܪ ܠܗܼ. ܬܗܪ ܒܐܝܕܥܬܗ
                    ܕܝܘܒܢܝܢܘܣ ܘܫܒܚܗ. ܕܚܠܝܛܢ ܗ̈ܘܝ ܘܚܒܝܟܢ ܡ̈ܠܐ ܕܫܠܚ ܠܗ ܪ̈ܟܝܟܬܐܼ. ܒܩ̈ܫܝܬܐܼ. ܘܚܬܡ ܐܢܝܢ
                    ܫܒܘܪ ܠܐܓܪ̈ܬܐ ܕܐܝܬܝ ܠܗ ܘܐܗܦܟ ܐܢܝܢ ܠܐܝܙܓܕܐ. ܘܙܗܪܗܼ ܘܐܡܼܪ ܠܗ. ܕܠܡܐ ܐܢܫ ܢܕܥ ܒܗܠܝܢ.
                    ܐܠܐ ܐܢ ܐܬܩܪܝܬ ܩܕܡܝ. ܘܣܡ ܡܠܬܐ ܒܦܘܡܗ. ܕܢܐܡܪ ܩܕܡ ܚܐܪ̈ܝܗܿ  206 ܘܪܘܪ̈ܒܢܝܗܿ
                    ܕܦܪܣ ܡܐ ܕܐܬܩܪܝܘ܇ ܘܢܦܼܩ ܐܝܙܓܕܐ ܡܢ ܩܕܡ ܡܠܟܐܼ. ܟܕ ܪܡܝܢ ܒܗ ܦܓܘ̈ܕܐ ܕܫܬܩܐ. ܘܫܕܪ ܫܒܘܪ
                    ܩܼܪܐ ܠܣ̈ܒܐ ܕܡܠܟܘܬܗܿ. ܘܠܚܐܪ̈ܐ ܘܪܘܪ̈ܒܢܐ ܕܦܪܣ ܘܐܡܼܪ ܠܗܘܢܿ ܗܦܟ ܐܝܙܓܕܐ ܡܢ ܡܫܪܝܬܐ
                    ܕܪ̈ܗܘܡܝܐܼ. ܘܒܐܝܕܗ ܟܬ̈ܝܒܬܗ ܕܡܿܠܟܐ ܚܕܬܐ ܕܐܡܼܠܟ ܠܗܘܢ ܪ̈ܗܘܡܝܐ. ܘܫܩܠܢܢ ܪܥܝܢܐܼ. ܕܠܐ
                    ܢܬܩܪܝܢ ܒܠـ[ܥܕ] ܟܢܘܫܝܐ ܕܟܘܠܢ. ܘܫܦܪܬ ܡܠܬܐ ܕܫܒܘܪ ܒܥ̈ܝܢܝ ܣ̈ܒܐ ܕܡܠܟܘܬܗܿ. ܘܒܥܗܝܢܝ
                    ܚܐܪ̈ܘܗܝ ܘܪܘܪ̈ܒܢܘܗܝ. ܘܫܕܪ ܫܒܘܪ ܩܪܝܗܝ ܠܓܘܕܦܪ ܐܝܙܓܕܐܼ ܘܐܡܼܪ ܠܗ. ܡܢܐ ܚܙܝܬ ܒܡܫܪܝܬܐ
                    ܕܪ̈ܗܘܡܝܐ. ܐܕܢܚ ܫܪܪܐ ܘܠܐ ܬܟܕܒ. ܓܘܕܦܼܿܪ ܐܡܿܪ. ܒܿܥܐ ܐܢܐ ܡܢ ܬܓܐ ܡܫܩܠܐ ܕܡܠܟܘܬܟ ܡܠܟ
                    ܡ̈ܠܟܐܼ. ܘܟܡܐ ܠܗ ܪܫܝܢ ܠܥܒܕܟܿ. ܕܢܡܪܚ ܘܢܐܡܪ ܡܠܬܐ ܟܕܒܬܐܿ. ܩܕܡ ܬܘܩܦܗܿ ܕܐܠܗܘܬܟ. ܐܙܠܬ
                    ܡܪܝ ܐܝܟ ܦܘܩܕܢܟ ܠܡܫܪܝܬܐ ܕܪ̈ܗܘܡܝܐ. ܘܬܗܿܪܬ ܛܒ. ܕܐܝܟܐܢ ܒܗܝܠܝܢ ܘܫܠܝܢܿ. ܘܠܝܬ ܩܢܛܐ ܡܕܡ
                    ܐܘ ܪܢܝܗ ܕܩܪܣܢ ܒܠܒܗܘܢ. ܐܠܐ ܚܕܝܢ ܘܪܘܙܝܢ ܘܕܝܨܝܢ ܛܒ ܒܡܠܟܗܘܢܿ ܩܪܒܬ ܠܗ ܕܝܢ ܟܬܝ̈ܒܬܐ
                    ܕܡܠܟܘܬܟܘܢ ܠܩܣܪ ܕܪ̈ܗܘܡܝܐ ܘܣܘܚ ܠܗܝܢ ܐܝܟ ܕܠܡܘܗܒܬܐ ܝܩܝܪܬܐ. ܘܩܡ ܡܢ ܟܘܪܣܝܐ ܕܡܠܟܘܬܗܼ.
                    ܘܩܒܠ ܐܢܝܢ ܒܐܪ̈ܓܘܢܘܗܝ. ܘܣܡ ܐܢܝܢ ܥܠ ܥ̈ܝܢܘܗܝܼ. ܘܢܫܼܩ ܘܚܒܒ ܐܢܝܢ. ܘܩܒܠ ܐܢܝܢ ܚܒܝܒܐܝܬ.
                    ܘܐܝܩܪܐ ܣܓܝܐܐ ܦܠܓ ܠܢ. ܐܦ ܪܘܪ̈ܒܢܘܗܝ ܐܬܼܘ ܠܫܠܡܼܢ. ܘܡ̈ܠܐ ܕܫܝܢܐ ܘܕܬܪܥܘܬܐ ܡܠܠܘ ܥܡܢ. ܟܕ
                    ܫܩܝܠܝܢ ܒܢܦܗܘܢ ܛܝܒܘܬܗܿ ܕܡܠܟܘܬܟܘܿܢܿ ܘܡܘܕܝܢ ܟܠܫܥ ܠܡܪܚܡܢܘܬܟ ܕܥܫܢܬ ܥܠܗܘܢܿ ܘܥܿܠܬ
                    ܒܪܥܝܢܗܘܢ ܘܒܨܝܬ ܡܚܫ̈ܒܬܗܘܢܿ ܘܝܠܦܬ ܫܪܪܐܼ. ܕܠܐ ܣܝܡܝܢ ܕܢܥܒܕܘܢ ܥܡܢ ܩܪܒܐ. ܐܦܠܐ ܟܕ
                    ܥܪܨܐܝܬ ܢܬܟܬܫ ܥܡܗܘܢܿ ܐܓܠܘܗܝ ܓܝܪ ܩܪܒܗܘܢ ܠܗܘܪܡܙܕ ܐܠܗܐ ܕܫܡܝܐܼ. ܒܐܝ̈ܕܝ ܝܘܒܢܝܢܘܣ
                    ܡܠܟܗܘܢܿ ܐܫܟܚ ܓܝܪ ܛܝܒܘܬܐ ܘܪ̈ܚܡܐ ܩܕܡ ܐܠܗܐ ܕܫܡܝܐ ܐܝܟ ܕܬܢܘ ܠܝ ܥܠܘܗܝ ܪܘܪ̈ܒܢܘܗܝ.
                    ܘܙܒ̈ܢܬܐ ܠܡ ܣܓܝܐ̈ܬܐ ܐܬܓܠܝ ܥܠܘܗܝ ܒܚܠܡܐ ܕܠܠܝܐ. ܘܒܟܠܗܘܢ ܩܪ̈ܒܘܗܝ ܙܕܩܼܘ ܠܗ ܙܟܘܬܐ ...
                    ܗܠܝܢ ܚܿܙܝܬ ܘܫܿܡܥܬ ܒܡܫܪܝܬܐ ܕܪ̈ܗܘܡܝܐܼ ܘܠܐ ܡܟܕܒ ܐܢܐ. ܘܗܐ ܟܬܒܗ ܕܩܣܼܪ ܣܗܕܐ ܗܼܘ ܠܡ̈ܠܝ
                        ... 207 ܘܐܘܫܛ ܘܝܗܼܒ ܐܝܙܓܕܐ ܐܓܪ̈ܬܗ ܕܝܘܒܢܝܢܘܣ ܠܫܒܘܪ ܘܩܡ ܐܦ ܗܼܘ ܡܢ
                    ܟܘܪܣܝܐ ܕܡܠܟܘܬܗ. ܘܥܒܕ ܐܝܩܪܐ ܠܟܬܝ̈ܒܬܗ ܕܩܣܪ. ܘܡܢ ܪܓܠ ܩܐܡ ܗܘܐܼ. ܥܕܡܐ ܕܐܬܩܪܝ ܐܓܪ̈ܬܗ
                    ܕܝܘܒܢܝܢܘܣ ܘܗܝܕܝܢ ܝܬܼܒ ܥܠ ܟܘܪܣܗ. ܘܐܡܼܪ ܠܚܐܪ̈ܘܗܝ ܘܠܪܘܪ̈ܒܢܘܗܝ. ܡܢܐ ܡܬܚܙܐ ܠܟܘܢ
                    ܒܐܝܠܝܢ ܕܫܡܥܬܘܢܿ ܢܣܿܒ ܥܠܝܗܝܢ ܡܚܫܒܬܐ. ܐܡܪܝܢ ܠܗ ܕܝܢ ܪܘܪ̈ܒܢܘܗܝ. ܡܢܐ ܡܚܫܒܬܐ ܢܣܒ ܥܠ
                    ܗܕܐ. ܕܚܕܐ ܙܒܢ ܦܫܟܬ ܠܗܿ ܒܐܝ̈ܕܝܢ ܡܢ ܨܝܕ ܗܘܪܡܙܕ ܐܠܗܐܼ. ܕܠܝܬ ܥܡܗܘܢ ܩܪܒܐ. ܕܗܟܢܐ ܗܘܼܐ
                    ܨܒܝܢܐ ܩܕܡܘܗܝ. ܒܪܡ ܕܝܢ ܡܪܝ ܡܠܟܐܼ. ܘܕܠܐ ܠܡ ܗܕܐܼ. ܡܢܐ ܐܝܬ ܗܘܐ ܠܢ ܥܡܗܘܿܢܿ ܡܢ ܒܬܪ
                    ܗܠܝܢ ܕܫܠܚܘ ܠܢ. ܐܢܫ̈ܐ ܕܣܡܘ ܢܦܫܗܘܢ ܬܚܝܬ ܚܝܒܘܬܐ ܒܟܬܒܐ ܕܥܒܕܘ ܠܢ܇ ܘܫܡܗܘ ܝܬܗܘܢ ܥ̈ܒܕܐ
                    ܠܟܠܡܟܘܬܢܿ ܡܢ ܒܬܪ ܗܠܝܢ ܕܫܠܚܘ ܠܢ. ܐܢܫ̈ܐ ܕܣܡܘ ܢܦܫܗܘܢ ܬܚܝܬ ܚܝܒܘܬܐ ܒܟܬܒܐ ܕܥܕܘ ܠܢ܇
                    ܘܫܡܗܘ ܝܬܗܘܢ ܥ̈ܒܕܐ ܠܡܠܟܘܬܢܿ ܐܦܠܐ ܐܠܘ ܢܬܟܬܫ ܥܡܗܘܢ ܘܢܚܪܘܒ ܘܢܬܚܪܒ ܘܢܡܚܐ ܘܢܬܡܚܐ.
                    ܡܕ[ܒܪܢܘܬܐ]؟ ܠܝܬ ܗܼܘܐ ܠܢ ..... ܘܗܐ ܕܝܢ ..... ܚܐܪܘܬܗܘܢ ܩ.... ܠܗܕܐ ܕܠܐ ܩܛ...[؟]ܘܠܝܬ
                    ܠܢ ܨܐܕܝܗܘܢ ܡܢ ܗܫܐܿ. ܐܠܐ ܕܢܩܪܒ ܥܠܝܗܘܢ ܦܝܣܐ ܘܒܥܘܬܐܿ. ܕܢܗܘܐ ܠܗܘܢ ܫܘܒܩܢܐ ܡܢ ܠܘܬܢܿ
                    ܘܢܥܒܕ ܒܐ̈ܦܝܗܘܢ ܡܛܠ ܝܘܒܢܝܢܘܣ ܡܠܟܗܘܢܿ ܕܫܡܗ ܢܦܫܗ ܒܣܝܡܬ ܒܢ̈ܝܐ ܒܪܗܿ ܕܡܠܟܘܬܟܿ. ܘܐܒܘܗܝ
                    ܟܢܝܟ ܬܘܒ ܒܟܬܝ̈ܒܬܗ. ܘܡܢܼܘ ܡܢ ܗܫܐ ܡܡܪܚ܇ ܕܒܝ̈ܢܝ ܒܪܐ ܠܐܒܘܗܝ ܢܪܡܐ ܕܠܘܚܝܐ ܘܐܝܬ ܠܗ
                    ܚ̈ܝܐ. ܐܠܐ ܡܪܝ ܐܢ ܦܩܿܕܐ ܠܡܟܘܬܟܼ. ܫܝܢܐ ܗܿܘ ܡܢ ܗܫܐ ܒܝܢܬ ܡܠܟܘ̈ܬܐ. ܗܼܘ ܕܝܢ ܛܪܘܢܐ ܚܪܡܐ
                    ܒܥܪܝܡܬܗܼ. ܥܒܕ ܠܗ ܐ̈ܦܐ ܠܣܘܥܪܢܐܼ. ܕܠܐ ܢܬܥܕܠܘܢ ܒܗܿ ܚܐܪ̈ܐ ܘܪܘܪ̈ܒܢܐ ܕܡܠܟܘܬܐ ܒܬܪ ܙܒܢܐ.
                    ܫܩܠ ܗܘܼܐ ܓܝܪ ܕܢܐܡܪ ܠܗܘܢܿ ܕܐܚܪܬܐ ܠܡ ܐܬܪܥܝܬܼ ܘܐܚܪܬܐ ܐܬܚܫܒܬܘܢܿ ܠܐ ܓܝܪ ܣܒܿܪ ܗܘܝܬ
                    ܕܗܟܢܐ ܫܩܿܠ ܗܼܘܐ ܣܟܗ ܩܪܒܐ ܕܒܝܬ ܡ̈ܠܟܘܬܐ. ܣܝܡܐ ܗܘܬ ܓܝܪ ܕܐܥܒܕ ܬܒܥܬܐ ܡܢ ܪ̈ܗܘܡܝܐܿ.
                    ܘܐܬܢܩܡ ܡܢܗܘܢ ܣܘܪ̈ܚܢܐ ܕܥܒܕܘ ܒܐܪܥܢ. ܘܕܫܦܥܬ ܠܗܿ ܥܠܝܗܘܢ ܡܪܚܡܢܘܬܟܘܢܼ. ܐܦ ܐܢܐ ܫܠܡܬ
                    ܠܨܒܝܢܟܘܢܿ ܘܟܒܪ ܐ̈ܠܗܐ ܐܪܚܫܘ ܒܪܥܝܢܟܘܢ ܕܐ܇ ܕܠܐ ܢܒܠܥ  208 ܒܚܛܗܝܗܘܢ ܕܪ̈ܗܘܡܝܐ.
                    ܠܐ ܓܝܪ ܙܕܩܿ ܕܒܬܪܗܘܢ ܢܝܬܝܗܿ ܠܡܬܥܒܪܢܘܬܐ ܕܥܕ ܝܘܡܢ. ܡܛܠ ܕܡܫܥ̈ܒܕܐ ܗܘܘ ܘܦܩ̈ܕܝܐܼ.
                    ܒܕܐܝܠܝܢ ܕܐܬܦܩܕ ܠܗܘܢ ܣܥܪܘ. ܠܐ ܗܟܝܠ ܢܚܘܪ ܒܗܿܝ ܕܗܘܬ ܒܐܝ̈ܕܝ ܡܕܒܢܪܐ ܛܪܘܢܐ. ܐܠܐ ܒܗܕܐ
                    ܢܚܘܪ ܕܗܘܬ ܝܘܡܢ ܒܐܝ̈ܕܝ ܡܿܠܟܐ ܚܟܝܡܐܼ. ܕܐܝܢܐ ܨܒܝܢܐ ܛܿܒܐ ܚܘܝ ܠܘܬܢ ܒܟ̈ܬܝܒܬܗ. ܠܘ ܕܝܢ
                    ܡܢ ܝܘܡܢ ܒܠܚܘܕ ܕܐܚܝܕܐ ܠܗ ܡܠܟܘܬܢ ܛܝܒܘܬܐ. ܕܐܦ ܥܕ ܠܐ ܢܗܘܐ ܡܿܠܟܐܼ. ܚܘ̈ܒܐ ܛ̈ܒܐ ܪܡܐ ܠܗ
                    ܥܠ ܐܪܥܢ. ܫܦܝܪ ܗܟܝܠ ܡܠܟܬܘܢܿ ܘܒܙܕܩܗܿ ܕܘܠܝܬܐܼ. ܐܦ ܐܢܐ ܫܠܡܬ ܠܨܒܝܢܟܘܢܿ ܐܢ ܗܟܝܠ ܒܨܒܝܢܐ
                    ܛܿܒܐ ܘܪܒܐ: ܘܒܥܝܬܘܢ ܡܢܝ ܥܠ ܫܝܢܐ ܕܒܝܬ ܡ̈ܠܟܘܬܐܼ. ܙܠܘ ܗܫܐ ܘܒ̈ܟܬܝܒܬܐ ܗܒܘ ܒܘܩܝܗ
                    ܕܨܒܝܢܟܘܢ ܛܿܒܐ܇ ܒܫܘܒܩܢܐ ܕܥܠ ܡܣܟ̈ܠܢܐ܇ ܐܝܟ ܥܘܗܕܢܗܿ ܕܡܪܚܡܢܘܬܟܘܢܿ ܠܕܪ̈ܐ ܕܐܬܝܢ ܡܢ
                    ܒܬܪܢܿ ܘܢܦܩܘ ܚܐܪ̈ܝܗܿ ܘܪܘܪ̈ܒܢܝܗܿ ܕܦܪܣ ܡܢ ܩܕܡ ܫܒܘܼܪ. ܟܕ ܠܐ ܡܠܝܐܝܬ ܪܥܝܢ ܗܘܘ ܒܐܝܠܝܢ
                    ܕܐܬܦܩܕ ܠܗܘܢܿ ܠܘ ܓܝܪ ܒܟܠܗܿ ܢܦܫܗܘܢܨܒܝܢ ܗܘܘ ܒܫܝܢܗܘܢ ܕܪ̈ܗܘܡܝܐ. ܠܐ ܓܝܪ ܙܥܘܪ ܗܘܼܐ
                    ܢܚܫܝܪܐ ܕܥܒܕܘ ܪ̈ܗܘܡܝܐ ܒܐܪܥܐ ܕܦܪ̈ܣܝܐ. ܘܐܠܘ ܠܐ ܕܚܠܘ ܦܪ̈ܣܝܐ ܡܢ ܗܿܝ ܕܓܕܫܬ ܠܝܘܠܝܢܘܣ:
                    ܕܥܠ ܕܐܫܝܚ ܥܠ ܡܐܡܪܗ ܕܥܠܝܐ ܡܛܝܗܝ ܓܙܪ ܕܝܢܐ ܕܚܝܠܐܼ. ܕܒܝܫܐ ܡܢ ܚܪܒܐ ܕܥܒܕܘ ܪ̈ܗܘܡܝܐ
                    ܒܐܪܥܗܘܿܢܿ ܡܣܩܝܢ ܗܘܘ ܦܪ̈ܣܝܐ ܢܚܫܝܪ̈ܐ ܒܡܫܪ̈ܝܬܗܘܢ ܕܝܠܗܘܢ ܕܪ̈ܗܘܡܝܐ. ܠܗܢܐ ܦܘܪܣܐ ܐܗܡܝܘ
                    ܦܪ̈ܣܝܐ ܡܢ ܬܒܥܬܐܿ. ܘܠܨܒܝܢܗ[؟] ܕܡܠܟܐ ܝܗܒܘ [ܐܝܕܝܗܘ]ܢܿ ܘܥܒܕܘ ܟܬܒܐ [ܕܦܘܣܩ؟]ܢܐ ܕܡܬܚܡ
                    ܒܐܪܡܝ [؟] ܐܝܕܗܘܢܿ [ܘܝܗ]ܒܘܗܝ ܠܫܒܘܪ ܘܟܕ [ܩܒـ]ـܠܗ ܛܪܘܢܐ ܠܟܬܒܐ ܕܥܒܕܘܼ. ܦܪܣܗ ܠܘܩܒܠ
                    ܫܡܝܐܼ. ܘܚܬܡܗ ܐܦ ܗܘ ܒܐܪܡܝ ܐܝܕܗ. ܘܬܠܬ ܥ̈ܝܢܘܗܝ ܠܐ̈ܦܝ ܫܡܝܐܼ. ܘܒܩܠܐ ܪܡܐ ܐܡܿܪ ܗܘܼܐ.
                    ܫܡܫܐ ܐܠܗܗ ܕܡܕܢܚܐ: ܕܒܐܝ̈ܕܘܗܝ ܩܝܡܐ ܡܠܟܘܬܐ ܕܓܢܒܪ̈ܐܼ. ܗܘܝ ܠܝ ܣܗܕܐ ܥܠ ܟܬܒܐ ܗܢܐܿ.
                    ܕܚܐܪ̈ܝܗܿ ܘܪܘܪ̈ܒܢܝܗܿ ܕܡܠܟܘܬܝܿ. ܗܼܢܘܢ ܒܨܒܝܢ ܚܐܪܘܬܗܘܢ ܩܪܘ ܥܠܝܗܘܢ ܫܝܢܗܘܢ ܕܪ̈ܗܘܡܝܐ.
                    ܟܕ ܛܒ ܐܢܼܐ ܠܐ ܪܢܐ ܗܘܝܬ ܒܗܕܐ. ܐܠܐ ܡܛܠ ܚܕܐ 209 ܢܦܫܐ ܕܨܿܒܐ ܐܢܐ ܒܚܝ̈ܝܗܿ܆
                    ܐܬܪܡܝܬ ܠܒܥܘܬܗܘܢܿ ܘܫܠܡܬ ܠܨܒܝܢܗܘܢܿ ܘܚܬܡܬ ܥܠ ܟܬܒܗܘܢܼ. ܘܡܫܬܘܕܐ ܐܢܐ ܒܡܘ̈ܡܬܐ ܩܕܡܝܟ:
                    ܫܡܫܐ ܢܘܗܪܗܿ ܕܬܒܝܠܼ. ܕܡܢ ܗܫܐ ܠܝܬ ܠܢ ܡܕܡ ܨܝܕ ܪ̈ܗܘܡܝܐ܇ ܐܠܐ ܚܘܒܐ ܘܪܚܡܘܬܐ. ܘܐܢ ܐܢܫ ܡܢ
                    ܒܬܪ ܗܢܐ ܟܬܒܐ ܡܡܪ[ܚ] [ܘܢܒܥܐ] ܡܢܢ ܒܥܘܬܐ ....... ܕܠܘܚܝܐ ܘܡܢ ......ܗܕܡ ܗܕ[ܡ ܢܬܦܣܩ]
                    ܘܟܠ ܕܐܝܬ [ܠܗ ܠܒܙܬܐ] ܢܬܝܗܒ. ܕܚܕܐ [ܙܒܢ] ܙܕܩܢܢ ܫܝܢܐ ܒܝܢܬ ܡܠܟ̈ܘܬܐ. ܘܟܕ ܫܡܥܘ
                    ܪܘܪ̈ܒܢܘܗܝ ܡ̈ܠܘܗܝܼ. ܫܕܘ ܢܦܫܗܘܢ ܩܕܡܘܗܝ. ܘܡܬܟܫܦܝܗ ܗܘܘ ܠܗܼ ܘܐܡܪܝܢ [ܕ؟]ܡܿܠܟܼܐ ܠܥܠܡ
                    ܚܝܝ. ܘܬܓܟ ܒܪܫܟ ܢܬܩܢ. ܒܥܝܢ ܚܢܢ ܡܢ ܫܘܠܛܢܐ ܕܕܚܝܠܘܬܟܼ. ܐܦ ܠܢ ܕܠܘܩܕܡ ܢܪܡܐ ܒܥܘܬܢ ܥܠ
                    ܒܙܬܗܿ ܕܐܪܥܼܢ. ܘܗܝܕܝܢ ܬܦܣܘܩ ܥܠܝܢ ܦܘܣܩܢܐ. ܝܕܥܐ ܗܝ ܓܝܪ ܐܠܗܘܬܟܿ. ܡܢ ܥ̈ܠܠܬܗܿ. ܘܐܠܘ
                    ܦܢܝܘ ܠܢ ܒܒܙܬܗܿ ܕܐܪܥܢ: ܡܢ ܦܪܬ ܘܥܕܡܐ ܠܕܩܠܬܼ. ܥܕܟܝܠ ܥܠܒܐ ܗܘܬ ܒܙܬܗܿ ܕܐܪܥܐ ܠܡܘܗܒܬܗܘܢܿ
                    ܘܡܢ ܗܫܐ ܡܪܝ ܡܠܟܐ܆ ܕܗܟܢܐ ܫܩܠܘ ܪ̈ܗܘܡܝܐ ܚܣܕܐ ܘܪ̈ܚܡܐ ܒܥ̈ܝܢܝ ܡܪܚܡܢܘܬܟܼ. ܐܦܢ ܟܪܟܐ
                    ܢܨܒܝܢ ܘܐܪ̈ܘܬܐ ܕܡܕܢܚܝܗܿ. ܢܦܢܘܢ ܠܢ ܒܒܙܬܗ ܕܐܬܪܢܿ ܐܝܟ ܬܢܘܝ ܕܥܒܕܬ ܡܠܟܘܬܟܘܢܿ ܐܦ ܗܘ ܓܝܪ
                    ܟܪܟܐܼ. ܕܝܠܢ ܗܘܼܐ ܡܢ ܩܕܝܡ. ܘܡܚܦܛ ܚܛܝܦ ܡܢ ܐܒ̈ܗܝܢܿ. ܒܝ̈ܘܡܝ ܡ̈ܠܟܐ ܛܪ̈ܘܢܐ ܕܩܡܘ ܒܝܬ
                    ܪ̈ܗܘܡܝܐ ... ܘܐܬܚܡܬ ܫܒܘܪ ܥܠ ܡ̈ܠܐ ܕܪܘܪ̈ܒܢܘܗܝ. ܘܐܙܕܥܦ ܒܗܼܘܢ ܘܐܡܪ ܠܗܘܢܿ ܕܠܘ ܠܡ ܐܢܬܘܢ
                    ܫܛܬܘܢܢܝ܇ ܐܢܐ ܗܼܘ ܫܛܬ ܠܩܢܘܡܝ܇ ܒܗܕܐ ܕܐܬܬܚܬܝܬ ܕܐܣܒ ܡܢܟܘܢ ܡܠܼܟܐ. ܕܫܠܝܛ ܗܘܐ ܠܝ ܕܐܣܥܘܪ
                    ܟܠܗܿܝܢ ܒܫܘܠܛܢܝ ܐܝܟ ܡܿܠܟܐ. ܒܪܡ ܕܝܢ ܐܘ ܝܕܘ̈ܥܐܼ. ܠܡܢܐ ܗܟܝܠ ܥܛܠܝܢ ܠܒܝ̈ܟܘܢ ܘܠܐ
                    ܡܣܬܟܠܝܢ ܐܢܬܘܿܢܿ ܕܡܠܬ ܡܿܠܟܐ ܡܡܬܘܡ ܠܝܬ ܠܗܿ ܠܡܫܬܪܝܘ܇ ܘܒܬܪ ܫܘܒܩܢܐ ܠܝܬ ܬܒܥܬܐ. ܬܒܥܬܗܘܢ
                    ܕܝܢ ܗܕܐܼ ܡܢ ܩܕܡ ܕܢܗܘܐ ܟܬܒܐ. ܘܢܬܚܬܡ ܒܐܪܡܝ ܐܝܕܢܿ ܘܢܫܬܪܪ ܒܡ̈ܘܡܬܐ ܒܣܗܕܘܬ ܫܡܫܐ ܐܠܗܗܿ
                    ܕܬܒܝܠ. ܘܐܝܟ  210 ܝܕܘ̈ܥܐ. ܗܟܝܠ ܘܐܝܟ ܚ̈ܟܝܡܐ: ܘܠܿܐ ܗܼܘܐ ܠܟܘܢ ܠܡܬܒܝܢܼܘ. ܕܒܬܪ
                    ܬܢܘܝ ܕܗܘܬ ܠܢ ܥܠ ܫܢܝܗܘܢ ܕܪ̈ܗܘܡܝܐܼ. ܥܘܠܘܬܐ ܗܼܝ ܘܠܕܐ ܒܙܕܩܐ ܒܥܘܬܐ ܕܒܥܝܬܘܢ ܡܢܝ. ܘܠܝܬ
                    ܠܗܿ ܐ̈ܦܐ ܠܒܥܘܬܟܘܢܿ ܘܐܝܟܢܐ ܐܫܬܡܥ ܠܗܕܐ ܕܒܥܝܬܘܢ ܡܢܝ. ܒܬܪ ܕܐܬܟܪܙ ܟܬܒܐ ܕܫܘܒܩܢܟܘܢ ܠܥܝܢ
                    ܫܡܫܐܿ. ܘܩܕܡ ܡܘܙܠܬܐ ܟܠܗܿ ܕܫܡܝܐܿ. ܘܐܬܩܠܣܬ ܡܪܚܡܢܘܬܟܘܢ ܒܝܢܬ ܬܓܡ̈ܐ ܕܢܗܝܪ̈ܐܿ. ܘܗܦܼܟܬܘܢ
                    ܗܫܐ ܠܡܒܥܐ ܒܥܘܬܐܼ. ܐܝܕܐ ܕܐܠܘ ܢܫܬܡܥ ܠܗܿ ܥܝܐ ܝܗܿܒܐ ܗܘܬ ܠܢ. ܒܝܢܬ ܬܓܡ̈ܐ ܥ̈ܠܝܐ. ܫܩܘܠܘ
                    ܗܟܝܠ ܡܢܟܘܢ ܛܢܢܗܝܢ ܕܐܝܠܝܢ ܕܐܣܬܥܪ ܥܕ ܝܘܡܼܢ. ܘܐܝܟ ܐܢܫ̈ܐ ܪ̈ܚܡܢܐܼ. ܣܝܡܘ ܠܒܟܘܢ ܥܠ ܫܢܐ
                    ܘܫܘܒܩܢܐ ܕܥܒܕܬܘܢܿ ܘܐܢܐ ܐܒܥܝܗܿ ܡܢ ܩܣܪ ܗܕܐ ܕܫܐܠܬܘܢܿ ܘܕܠܐ ܥܡܠܐ ܒܨܒܝܢܐ [ܕܢܦܫܗ] ܕܠܐ
                    ܩܛܝܪܐ. ... ܢܓܡܘܪ ܫܐܠܬܟܘܢܿ ... .... ܓܝܪ ܛܿܒܐ .... [.ܘܦܪܘ]ܫܐܼ. ܘܠܐ ... ...
                    ܐ[؟]ܦܘܗܝ ܡܢ ... ܢܿ ܒܥܨܝܢܐ ܕܝܢ ܐܘ ܒܩܛܝܪܐ ܐܘ ܒܫܘܠܛܢܐܼ. ܠܝܬ ܠܢ ܡܕܡ ܨܝܕ ܪ̈ܗܘܡܝܐ܇
                    ܕܐܝܟ ܬܢܘܝ ܕܗܘܬ ܩܕܡ ܐ̈ܠܗܐ. ܘܫܬܩܘ ܪܘܪ̈ܒܢܘܗܝ ܕܫܒܘܼܪ. ܘܠܐ ܐܡܪܚ ܬܘܒ ܠܡܒܥܐ ܡܢܗ ܥܠ ܗܕܐ
                    ... ܗܝܕܝܢ ܬܘܒ ܫܒܘܪ ܥܒܕ ܐܓܪ̈ܬܐ ܠܘܬ ܝܘܒܢܝܢܘܼܣ. ܘܫܠܚ ܠܗܼ ܗܟܢܐ. ܚܘܒܬܐ ܠܡ ܕܪܒܐ ܡܢ
                    ܚܝܠܗܘܢ ܚܒܘ ܪ̈ܗܘܡܝܐ ܠܦܪ̈ܣܝܐܿ. ܒܛܪܘܢܘܬܗ ܕܡܠܟܐ ܕܩܕܡܝܟ. ܘܠܐ ܡܘܦܐ ܗܘܐ ܐܘܚܕܢܐ ܟܗ
                    ܕܡܠܟܘܬܟܘܿܢܿ ܠܡܦܪܥ ܫܛܪܐ ܕܚܘܒܬܟܘܢܿ ܫܩܠܘ ܕܝܢ ܪܥܝܢܐ ܚܐܪ̈ܝܗܿ ܘܪܘܪ̈ܒܢܝܗܿ ܕܡܠܟܘܬܝ.
                    ܕܒܕܡܐ ܕܩܢܘܡܟܘܢ ܢܬܠܚܐ ܫܛܪܐ ܪܒܐ ܕܚܘܒܬܟܘܢܿ ܐܢܐ ܕܝܢ ܟܕ ܚܪܬ ܒܗ ܒܣܘܥܪܢܐ ܒܥܝܢܐ ܫܦܝܬܐ
                    ܕܬܝܨܘܬܝܼ. ܕܢܬ ܩܘܫܬܐ ܘܙܕܩܬ ܘܠܝܬܐܿ. ܕܠܐ ܟܐܢܐ ܩܕܡ ܐ̈ܠܗܐܿ. ܕܒܬܪ ܥ̈ܒܼܕܐ ܦܩܝ̈ܕܐ ܢܝܬܝܗܿ
                    ܠܬܒܥܬܗܿ ܕܚܘܒܬܗ ܕܡܪܗܘܢ ܕܥܢܕ. ܐܠܐ ܒܬܪ ܐܝܢܐ ܕܩܡ ܝܪܬܐ ܠܐܘܚܕܢܗ ܘܝܪܬ ܬܓܗ ܘܟܘܪܣܗ. ܗܼܘ
                    ܒܕܡܐ ܕܩܢܘܡܗ ܢܦܪܥ ܥܝܪܬܗܿ ܕܐܪܥܢ. ܘܥܒܼ̈ܕܐ ܡܫ̈ܥܒܕܐ ܢܣܒܘܢ ܫܘܒܩܢܐ . ܐܢ ܣܝܡܐ ܠܟ ܗܟܝܠ
                    ܘܓܒܼܐ ܒܥܝ̈ܢܝܟ܆ ܕܒܕܡܐ ܕܕܒܝܚܘܬܟ ܬܙܕܩ ܚ̈ܝܐ ܠܡܫܪܝܬܟܼ. ܬܐ ܠܘܬܝ ܒܕ̈ܠܝܠܐ ܒܐܣܟܡܐ.
                    ܕܡܠܟܘܬܟܼ.  211 ܕܡܿܠܟܼܐ ܡܢ ܡܿܠܟܐ ܢܬܦܪܥܿ ܥܝܪܬܐ. ܘܚܝ̈ܠܘܬܐ ܕܓܒ̈ܐ ܬܪ̈ܝܗܘܢ
                    ܒܫܝܢܐ ܢܗܦܟܘܢ ܡܢ ܚ̈ܕܕܐ. ܘܒܬܓܐ ܕܡܠܟܬܝ ܝܡܿܐ ܐܢܐ܆ ܘܒܐ̈ܠܗܐ ܟܠܗܘܢ ܕܬܚܝܬ ܫܡܝܐ܆ ܘܒܐܠܗܐ
                    ܓܢܒܪܐ ܕܠܥܠ ܡܢܗܼ. ܕܫܥܬܐ ܕܡܬܚܙܝܬ ܩܕܡ ܐ̈ܦܝܗܿ ܕܡܠܟܘܬܝ: ܟܕ ܢܬܬܢܝܚ ܪ̈ܘܓܙܗܿ ܘܚܬܡܗܿ
                    ܕܦܪܣ: ܘܢܣܒܘܢ ܒܟ ܫܘܒܩܢܐ ܚܝ̈ܠܘܬܐ ܕܥܡܟܼ. ܘܢܦܢܘܢ ܒܫܠܡܐ ܠܐܘܚܕܢܗܘܢܼ. ܘܡܢܬܐ ܕܣܥܪܐ ܡܢ
                    ܪܫܗ ܕܚܕ ܡܢܗܘܢܼ. ܠܐ ܢܦܠܐ ܥܠ ܐܪܥܐ ܒܐܘܚܕܢܗܿ ܕܡܠܟܘܬܢܿ ܐܦܼܠܐ ܡܢ ܐܝܠܝܢ ܕܡܬܬܣܝܡܝܢ
                    ܕܢܐܬܘܢ ܥܡܟ. ܣܦܩ ܗܼܘ ܓܝܪ ܩܛܠܟ ܠܡܦܪܥ ܥܝܪܬܐ ܕܟܠܗܿ ܡܫܪܬܝܟ܇ ܕܝܩܝܪ ܕܡܟ ܒܥ̈ܝܢܝ ܡܠܟܘܬܝܿ.
                    ܝܬܝܪ ܡܢ ܕܐܪ̈ܒܥܡܐܐ ܐ̈ܠܦܝܢ ܚܝܠܐܿ. ܕܢܚܬܘ ܥܡ ܝܘܠܝܢܘܣ ܠܦܪܣ. ܘܗܫܐ ܚܙܝ ܡܢܐ ܦܬܓܡܐ ܡܦܢܐ
                    ܐܢܬ ܥܠ ܐܝܠܝܢ ܕܐܫܬܠܚ ܠܟ ܡܢܢ. ܐܬܒܕܩ ܗܘܐ ܠܗ ܓܝܪ ܠܝܘܒܢܝܢܘܣ ܒܪܐܙ ܟܣܝܐܝܬ܇ ܐܦܪܣܢܐ ܕܫܝܢܐ
                    ܕܗܼܘܐ ܥܠ ܪ̈ܗܘܡܝܐ ܒܡܫܪܝܬܐ ܕܦܪ̈ܣܝܐ. ܘܡܒܝܐ ܗܘܼܐ ܛܒ ܪܥܝܢܗ ܘܟ ܐܬܩܪܝ ܟܬܒܐ ܗܢܐ ܒܐܕ̈ܢܝ
                    ܥܡܐ ܕܪ̈ܗܘܡܝܐܼ. ܐܪܝܡܘ ܟܠܗܘܢ ܩܠܗܘܢܼ ܘܒܟܘ. ܘܕܪܘ ܥܦܪܐ ܥܠ ܪ̈ܝܫܗܘܢܿ ܘܓܥܘ ܒܚܫܐ ܠܘܬ
                    ܐܠܗܐܼ ܘܐܡܪܘ. ܐܘܢ ܒܒܥܘ ܡܢܟ ܛܿܒܐ ܘܒܣܝܡܐ܆ ܕܚܛܝܢ ܘܐܪܓܙܢܟ ܒܚ̈ܛܗܝܼܢ. ܠܐ ܬܩܝܡ ܠܢ ܚܛܝܬܐ
                    ܕܚܛܝܢ ܠܟܿ. ܒܥܕܢܐ ܗܢܐ ܕܐܘܠܨܢܐ. ܐܠܐ ܐܬܦܢ ܥܠ ܬܝܒܘܬܢܿ ܘܚܘܪ ܒܡܘܟܟܢ. ܕܠܟ ܗܼܘ ܠܚܘܕ ܓܠܝܐ
                    ܐܠܝܨܘܬܢܿ ܠܐ ܓܝܪ ܛܫܼܐ ܡܢ ܥ̈ܝܢܝܟ ܐܠܘܨܐ ܩܫܝܐ ܕܟܪܝܟ ܠܢܿ. ܕܐܟܠـ[ܢ] ܐܠܐ ܐܦ ܫܪܓܐ ܕܐܢܗܪܬ
                    ܠܢ ܛܝܒܘܬܟ ܕܢܗܠܟ ܒܕܠܩܗܿ. ܢܦܚ ܒܗ ܪ̈ܘܚܝܗܿ ܘܥ̈ܠܥܠܝܗܿ ܕܦܪܣ. ܕܢܬܓܙܝܢ ܥ̈ܝܢܝܢ ܡܢ ܢܘܗܪܐ
                    ܕܕܠܩܗ. ܒܒܥܘ ܡܪܐ ܕܙܒ̈ܢܐ ܘܕܥ̈ܕܢܐ. ܠܐ ܢܕܥܟ ܫܪܓܗܿ ܕܡܫܪܝܬܢܿ ܘܢܣܡܘܟ ܥܠܝܢ ܚܘܫܟܐ ܠܒܝܕܐ
                    ܕܠܠܝܗܿ ܕܐܬܘܪ. ܠܐ ܢܚܪܒ ܫܡܗܿ ܕܡܠܟܘܬܢܿ ܘܢܪܟܢܘܢ ܥܠܝܢ ܛ̈ܠܠܝܗܿ ܟܡܝܪ̈ܐ ܕܦܪܣ. ܘܕܠܝܬ ܠܢ
                    ܐ̈ܦܐ ܕܢܒܥܐ ܡܢܟ. ܥܒܕ ܒܐ̈ܦܘܗܝ ܕܡܠܟܢ ܡܗܝܡܢܐ: ܕܡܢ ܟܠܗ ܠܒܗ ܕܚܠ ܠܟܼ. ܘܗܝܒܗܝ ܒܪ̈ܚܡܐ
                    ܒܥ̈ܝܢܝ ܡ̈ܠܟܝܗܿ ܕܦܪܣ. ܘܐܙܝܥ 212 ܒܠܒܗܘܢ ܡܫܚܒܬܐ ܕܢܒܥܘܢ ܫܝܢܗܿ ܕܡܠܟܘܬܢ ...
                    ܘܟܕ ܚܙܐ ܝܘܒܢܝܢܘܣ ܠܚܝ̈ܠܘܬܗ ܕܡܫܬܢܩܝܢ ܡܢ ܟܪܝܘܬܐܼ. ܡܠܐ ܒܠܒܗܘܢ ܘܒܝܐ ܐܢܘܢ ܟܕ ܐܡܿܪ.
                    ܐܬܠܒܒܘ ܙܥܘܪܗܝ ܢܦܫܐ .. ܐܬܠܒܒܘ ܘܠܐ ܬܕܚܘܢܿ ܠܐ ܓܝܪ ܙܥܘܪܝܐ ܐܝܕܗ ܕܡܪܝܐ ܠܡܦܪܩ. ܛܝܐ ܓܝܪ
                    ܒܐܝܕ̈ܘܗܝ ܕܗܫܐ ܕܐܘܚܠܬܘܢܼ. ܒܥܓܠ ܢܕܢܚ ܠܟܘܢ ܦܘܪܩܢܐ. ܘܐܢ ܢܗܘܐ ܕܒܫܪܪܐ ܓܒܝܐ ܠܗ ܠܫܒܘܪ.
                    ܕܒܕܡܐ ܕܩܢܘܡܝ ܢܗܘܐ ܠܟܘܢ ܩܐܪܣܢܿ ܕܐܢܫ̈ܐ ܐܢܬܘܢ ܡܚ̈ܝܠܐܼ. ܘܠܐ ܡܨܝܢ ܐܢܬܘܢ ܒܚܝܠܐ ܠܡܐܪܥ
                    ܩܐܪܣܐ ܕܦܪܣ. ܘܗܦܟܘ ܡܢܗ ܚܝ̈ܠܘܬܗܼ. ܟܕ ܕܪܝܐ ܠܗܘܢ ܘܚܫܝܫܝܢ. ܘܝܘܒܢܝܢܣ ܐܙܼܠ ܠܐܘܪܚܗ ܗܼܘ
                    ܘܓܒܪ̈ܐ ܕܥܡܗ. ܘܕܘܩܐ ܕܣܝܡ ܗܘܼܐ ܠܗ ܠܫܒܘܪܼ. ܟܕ ܚܙܝܗܝ ܡܢ ܩܘܒܠ ܠܩܣܪ ܘܠܓܒܪ̈ܐ ܕܥܡܗܼ. ܚܘܝ
                    ܠܫܒܘܪ ܕܐܬܓܠܝ ܩܣܪ ܒܓܒܪ̈ܐ ܙܥܘܪ̈ܐ. ܘܡܫ̈ܩܠܐ ܕܬܠܬܝܢ ܓܒܪ̈ܝܢ. ܘܬܗܪ ܡܿܠܟܐ ܕܦܪܣܼ ܘܐܬܕܡܪ.
                    ܘܐܡܼܪ ܠܪܘܪ̈ܒܢܘܗܝ. ܕܛܒ ܠܡ ܬܡܝܗܐ ܗܕܐ ܒ̈ܥܝܢܝ܇ ܕܐܢ ܝܗܼܒ ܩܣܪ ܢܦܫܗ ܡܢ ܟܕܘ. ܕܢܬܬܚܕ
                    ܠܐܝܕܐ ܕܦܪ̈ܣܝܐ. ܪܒܐ ܗܼܝ ܨܒܘܗ ܐܢ ܐܬܗܝܡܢ ܠܗ ܟܬܝ̈ܒܬܢ ܘܗܝܡܢܢ ܢܦܫܗ. ܘܟܕ ܗܢܼܘܢ ܡܬܬܘܗܝܢ
                    ܒܗ ܒܣܘܥܪܢܐܼ. ܐܬܓܠܝ ܩܣܪ ܘܓܒܪܗܐ ܕܥܡܗܿ. ܠܡܫܪܝܬܐ ܟܠܗܿ ܕܦܪ̈ܣܝܐ. ܓܚܟܢ ܗ̈ܘܝ ܕܝܢ ܐ̈ܦܘܗܝ
                    ܘܦܨܝܚ ܦܪܨܘܦܗܼ. ܘܐܝܟ ܡܐ ܕܫܝܢܐ ܪܣܡܢ ܗ̈ܘܝ ܣܦܘ̈ܬܗ. ܘܬܡܗܐ ܫܪܐ ܥܠ ܟܠܗܘܢ ܚܝ̈ܠܘܬܗܿ ܕܦܪܣ
                    ܟܕ ܚܙܐܘܗܝ. ܠܐ ܓܝܪ ܫܪܝܪܐ ܗܘܬ ܠܗܘܿܢܿ ܕܡܗܝܡܢ ܠܗܘܢ ܝܘܒܢܝܢܘܣ ܢܦܫܗ. ܘܕܥܟ ܡܢ ܟܕܘ
                    ܛܢܢܗܘܢܼ ܘܢܚܬ ܚܡܬܗܘܢܼ. ܘܒܝܥܢܐ ܛܒܬܐ ܚܝܪܝܢ ܒܗ ܒܦܪܘܫܐ. ܝܗܒܗ ܓܝܪ ܡܪܝܐ ܒܪ̈ܚܡܐܼ. ܘܫܼܩܠ
                    ܚܣܕܐ ܘܪܗܚܡܐ ܒ̈ܥܝܢܝܗܘܢ. ܘܟܕ ܚܙܝܗܝ ܝܘܒܢܝܢܘܣ ܠܡܠܟܗܿ ܕܦܪܣ ܘܠܚܝ̈ܠܘܬܗܼ. ܢܚܬ ܡܢ ܣܘܣܝܗ
                    ܗܼܘ ܘܓܒܪ̈ܐ ܕܥܡܗ. ܘܫܩܼܠ ܟܠܝܠܐ ܡܢ ܪܫܗ. ܘܐܝܟ ܓܒܪܐ ܫܚܝܡܐ ܐܬܓܗܢ ܡܢ ܩܒܘܠ. ܘܣܓܕ ܠܫܒܘܼܪ
                    ܘܠܟܠܗܿ ܡܫܪܝܬܗ. ܘܒܡܟܝܟܘܬܗ ܕܓܒܪܐ ܦܪܘܫܐܼ. ܕܥܟܬܝ ܚܡܬܗܘܢ ܕܦܪ̈ܣܝܐ ܘܢܚ ܪܘܓܙܗܘܢܿ ܘܫܐܫܬܩܠ
                    ܛܢܢܐ ܡܢ ܪܥܝܢܗܘܢ. ܘܒܠܫܢܐ ܦܪܣܝܐ ܡܘܡܝܢ ܗܘܘ ܠܗ ܠܫܒܘܪ ܒܓܪ̈ܡܐ ܕܐܒ̈ܗܘܗܝܼ. ܕܠܐ ܢܬܪܥܐ
                    ܬܪܥܝܬܐ ܕܢܟܠܐ 213 ܥܠ ܩܣܪ. ܘܠܐ ܢܣܼܒ ܠܘܗܝ ܡܚܫܒܬܐ ܕܩܛܠܐ. ܫܒܘܪ ܕܝܢ ܚܿܕܐ ܗܘܼܐ
                    ܛܒ ܒܒܥܘܬܗܘܢܼ. ܘܠܐ ܫܘܕܥ ܐܢܘܢ ܨܒܝܢܗ ܡܢ ܫܘܪܝܐ. ܘܩܡ ܫܒܘܪ ܡܢ ܒܝܡ ܕܝܠܗܼ. ܘܡܢ ܪܓܠ ܐܬܿܐ
                    ܗܘܬ ܠܐܘܪܥܗ ܚܒܝܒܐܝܬܼ. ܥܕܡܐ ܕܐܪܥܘ ܒܚ̈ܕܕܐ ܡ̈ܠܟܐ ܬܪ̈ܝܗܘܢܿ ܘܢܦܠܘ ܓܒܪ ܥܠ ܨܘܪܐ ܕܚܒܪܗܼ.
                    ܘܒܟܘ. ܘܥܦܩܿܘܼ ܘܢܫܩܘ ܠܚ̈ܕܕܐ. ܘܚܕܝܢ ܗܘܘ ܘܪܘܙܝܢ. ܟܕ ܚܕܝܪܝܢ ܠܗܘܢ ܠܡ̈ܠܟܐ ܬܪܗܝܗܘܢ
                    ܚܝ̈ܠܘܬܗܿ ܕܦܪܣ. ܘܚܕܝܢ ܘܕܝܨܝܢ ܥܡܗܘܿܢܿ ܚܐܪ̈ܝܗܿ ܕܘܪܘܪܒܢܝܗܿ ܕܐܬܘܪ. ܘܬܗܝܪܝܢ ܗܘܘ ܛܒ ܥܠ
                    ܚܕܬܐ ܕܐܣܬܥܪܬ ܕܠܐ ܒܥܝܕܐܿ. ܒܝ̈ܢܝ ܡ̈ܠܟܐ ܬܩܝ̈ܦܐ ܕܪ̈ܗܘܡܝܐ ܘܕܦܪܣ. ܘܐܡܪܝܢ ܗܘܘ ܓܒܪ
                    ܠܚܒܪܗܼ. ܕܠܐ ܡܢ ܡܬܘܡ ܗܘܬ ܗܕܐ ܘܐܣܬܥܪܬ ܟܠ ܝܘ̈ܡܝ ܐܒܗ̈ܝܢ. ܐܡܿܪ ܠܗ ܫܒܘܪ . ܣܝܡ ܗܫܐ
                    ܟܠܝܠܟ ܒܪܝܫܟ. ܕܗܐ ܡܟܝܟܘܬܟ ܕܝܘܡܢ ܠܚܬܗ ܠܫܛܪܐ ܕܚܒܬ ܠܢ ܡܠܟܘܬܟܘܢܿ ܕܠܐ ܡܨܐ ܗܘܼܐ ܕܢܬܦܪܥ
                    ܒܠܥܕ ܕܡܐ ܕܢܦܫ̈ܬܟܘܢܿ ܒܚܟܝܡܘܬܗܿ ܓܝܪ ܕܝܕܥܬܟ ܐܫܬܩܠܬ ܚܪܒܢ ܡܢ ܪ̈ܗܘܡܝܐ. ܕܠܛܝܫܐ ܗܘܬ
                    ܠܩܛܠܗܘܢܿ ܘܗܐ ܒܣܓܕܬܗ ܕܩܢܘܡܟܘܢ ܐܬܚܡܠܬ ܚܪܒܢ ܒܚܠܬܗܿ. ܘܠܝܬ ܠܗܿ ܬܘܒ ܒܝܘ̈ܡܬܢ ܠܡܫܡܛܘ ܥܠ
                    ܒ̈ܢܝ ܥܡܟ. ܘܬܬܝܕܥ ܛܝܒܘܬܐ ܕܐܝܬ ܠܟ ܨܐܕܝ ܠܚܐܪ̈ܝܗܿ ܘܪܘܪ̈ܒܢܝܗܿ ܕܡܠܟܘܬܝ. ܐܬܥܨܝܬ ܠܗܕܐ
                    ܕܐܝܬܝܗܿ ܠܓܠܝܐܿ. ܠܗܿܝ ܕܩܕܡ ܩܠܝܠ ܐܣܬܥܪܬ ܟܣܝܐܝܬ. ܕܬܗܘܐ ܓܠܝܐ ܠܟܠܢܫ. ܕܠܘ ܐܝܩܐ
                    ܘܣܪܝܩܐܝܬ ܐܚܒܬܟ. ܡܘܕܐ ܐܢܐ ܓܝܪ ܠܛܝܒܘܬܟ ܓܠܝܐܝܬܼ ܕܠܐ ܟܘܚܕ. ܕܐܠܘ ܪܥܼܐ ܗܘܝܬ ܒܕܡܐ ܕܢܦܫܝ
                    ܘܒܐܒܕܢܗ ܕܩܢܘܡܝܼ. ܟܒܪ ܕܝܢ ܥܒܝܕ ܗܘܝܬ ܝܘܡܢ ܡܫܠܚ ܓܪ̈ܡܐܼ. ܘܕܪܝܢ ܗܘܘ ܓܪ̈ܡܝ ܒܝܬ ܓܪ̈ܡܐ
                    ܕܐܒ̈ܗܝ. ܐܘ ܐܠܘ ܐܨܛܒܝܬ ܒܨܥܪܗܿ ܘܒܒܙܚܐܿ ܕܣܝܒܘܬܝ. ܥܡ ܒ̈ܢܝ ܫܒܩܐ ܐܣܝܪ ܗܘܝܬ ܒܡܫܪܝܬܟܘܿܢܿ
                    ܘܫܩܝܠܐ ܗܘܬ ܒܝ ܚܣܕܐ ܡܠܟܘܬܐ ܕܓܢܒܪ̈ܐ. ܢܦܫܝ ܕܝܢ ܒܐܝ̈ܕܝܟ ܣܝܡܐ ܗܘܬ ܒܝܬ ܢܨܒܬ ܩܪܝܬܐܿ. ܡܕ
                    ܐܫܬܓܢܝܬ ܠܡܓܫ ܒܕ̈ܠܝܠܐ ܡܫܪ̈ܝܬܟܘܿܢܿ ܘܝܩܪܬ ܢܦܫܝ ܒܥܝ̈ܢܝܟ. ܘܙܕܩܬ ܠܝ ܚܝ̈ܝ ܡܢ ܕܪܝܫ. ܘܠܘ
                    ܗܕܐ ܛܝܒܘܬܐ ܠܚܘܕ ܐܚܝܕܐ ܠܟ ܡܠܟܘܬܢܼ ܘܟܕܘܿ ܐܠܐ ܐܦ  214 ܛܝܒܘܬܐ ܕܥܡܘܪ̈ܘܗܝ
                    ܕܐܬܪܢܿ ܒܡܥܒܕܢܘܬܗܿ ܕܝܢ ܕܡܪܚܡܢܘܬܟܼ ܐܬܝܬܒܬ ܐܪܥܢ ܒܪܝܬܐܼ ܘܒܡ̈ܠܟܝܗܿ ܛ̈ܒܐ ܕܝܕܥܬܟ ܐܬܟܠܝܬ
                    ܚܪܒܐ ܡܢܗܿ ܘܠܐ ܨܕܬ ܡܢ ܥܡܘܪ̈ܝܗܿ. ܘܗܫܐ ܡ̈ܠܟܝܗܿ ܘܪܘܪ̈ܒܢܝܗܿ ܕܦܪܣ. ܡܢܐ ܛܝܒܘܬܐ ܐܝܬ ܗܘܼܐ
                    ܠܡܦܪܥ ܠܓܒܪܐ ܗܢܐ ܚܠܦ ܛܝܒܘܬܗܿ. ܐܠܐ ܗܕܐ ܕܗܘܬ ܝܘܡܢ. ܘܟܕ ܫܡܥܘ ܦܪ̈ܣܝܐ ܒܗܠܝܢ. ܬܘܝܗܝܢ
                    ܗܘܘ ܛܒ ܘܓܢܝܚܝܢ ܒܢܦܫܗܘܿܢܿ ܥܠ ܐܝܠܝܢ ܕܓܕܫ ܠܫܒܘܪ ܒܝܬ ܢܨܒܬ ܩܪܝܬܐ ܘܐܡܪܝܢ ܗܘܘ ܓܒܪ
                    ܠܚܒܪܗ. ܕܙܟܝ ܗܼܘ ܡܢ ܡܠܟܢ ܡܿܠܟܐ ܕܪ̈ܗܘܡܝܐܼ. ܘܪܒܐ ܗܼܝ ܛܝܒܘܬܐ ܕܣܥܪ ܒܗ ܡܢܘ ܓܝܪ ܫܩܠ ܗܘܐ
                    ܚܣܕܐ ܡܢ ܐ̈ܦܝܗܿ ܕܡܠܟܘܬܢܿ ܐܠܘ ܐܬܬܚܕ ܫܒܘܪ ܠܐܝܕܐ ܕܪ̈ܗܘܡܝܐܼ. ܕܝܗܒܝܢ ܗܘܘ ܠܗ ܠܚܣ[ܕܐ]
                    ܒܐܬܪܗܘܿܢܿ ܘܥܒܝܕܢ [ܗ]ܘܘ ܠܗ ܚܿܙ̈ܘܝܢܐ ܒܟܠܗܝܢ ܡܕܝ̈ܢܬܐ ܕܐܘܚܕܢܗܘܿܢܿ ܘܠܘ ܕܝܢ ܗܕܐ ܒܠܚܘܕܼ
                    ܐܠܐܼ ܘܐܚܪܬܐ ܕܪܒܐ ܡܢ ܗܕܐ. ܘܡܬܟܢܫܝܢ ܗܘܘ ܪ̈ܗܘܡܝܐ ܥܠ ܐܬܪܢܼ ܘܚܪܒܝܢ ܗܘܘ ܐܪܥܢ. ܘܬܘܒ ܠܐ
                    ܝܬܒܐ ܗܘܬ ܦܪܣ ܒܝܘܡ̈ܬܢܿ ܒܪܡ ܕܝܢ ܛܠܝܡܐ ܗܘܬ ܡܢܢ ܛܝܒܘܬܗ ܕܓܒܪܐ ܗܢܐ ܥܕ ܝܘܡܢ. ܒܕܠܐ ܓܠܼܐ
                    ܗܘܼܐ ܠܢ ܣܘܥܪܢܗ.. ܘܟܕ ܚܙܼܐ ܐܢܘܢ ܫܒܘܪ ܕܒܥܝܢ ܚܕ ܥܡ ܚܕ. ܫܐܠ ܐܢܘܢ ܕܡܢܐ ܗܼܝ ܒܥܘܬܗܘܿܢܿ
                    ܘܥܠܬܐ ܕܬܘܝܗܘܬܗܘܢܿ ܐܡܪܝܢ ܠܗ ܗܢܘܢ ܬܘܗܬܢ ܠܡ ܡܪܝ ܡܿܠܟܐܼ ܥـ[ܠ] ܐܝܠܝܢ ܕܓܕܫܟ ܒܝܬ ܢܨܒܬ
                    ܩܪܝܬܐ ܪܡܝܐ ܠܢ ܒܥܘܬܐ܆ ܥܠ ܛܝܒܘܬܐ ܕܣܥܪ ܒܢ ܓܒܪܐ ܗܢܐܿ. ܘܠܐ ܥܕܟܝܠ ܐܬܦܪܥ ܐܝܟ ܡܐ ܕܫܿܘܝܢ
                    ܣܘܥܪ̈ܢܘܗܝ. ܠܐ ܓܝܪ ܙܕܩܿ ܕܢܚܫܒܝܗܿ ܥܠܘܗܝ ܛܝܒܘܬܐܿ. ܠܗܕܐ ܕܐܬܓܠܝ ܝܘܡܢ ܒܡܫܪܝܬܢܿ ܘܐܠ
                    ܢܟܝܘܗܝ. ܕܐܦ ܐܠܘ ܢܗܘܐ ܕܠܐ ܐܚܝܕܐ ܗܘܬ ܠܗ ܛܝܒܘܬܐ ܡܠܟܘܬܢܿ ܠܝܬ ܗܘܼܐ ܠܢ ܐ̈ܦܐ ܕܢܒܐܫ ܠܗ.
                    ܓܒܪܐ ܕܐܬܐ ܒܨܒܝܢ ܚܐܪܘܬܗ ܠܫܠܡܗܿ ܘܠܣܓܕܬܗܿ ܕܡܠܟܘܬܟ܆ ܕܢܟܝܘܗܝ ܐܝܬ ܗܘܐ ܠܼܢ. ܚܕ ܟܡܐ ܝܘܡܢ
                    ܕܒܐܝ̈ܕܘܗܝ ܐܫܬܩܠ ܚܣܕܐ ܡܢ ܡܠܟܘܬܢܿ ܘܝܗܼܒ ܠܢ ܐܝܕܐ ܠܙܟܘܬܢܿ ܕܟܡܐ ܝܬܝܪ ܙܕܩܿ ܠܢ܇ ܕܢܣܒ
                    ܥܠܝܢ ܝܘܩܪܗܿ ܕܛܝܒܘܬܗ. ܕܓܙܝ̈ܗܿ ܕܡܠܟܘܬܢ 215 ܟܠܗܘܢܼ. ܠܐ ܡܘܦܝܢ ܠܡܦܪܥ ܚ̈ܘܒܠܐ
                    ܛ̈ܒܐ ܕܐܪܡܝ ܥܠ ܐܪܥܢ. ܐܡܪ ܠܗܘܢ ܫܒܘܪ.ܡܢ ܗܫܐ ܕܗܢܘ ܨܒܝܢܟܘܢܿ ܚܘܪܘ ܒܗ ܒܣܘܥܪܢܐ ܟܐܢܐܝܬܼ.
                    ܘܦܪܘܫܘ ܠܗ ܠܓـ[ܒܪܐ] ܙܕܩܘ̈ܗܝ. ܘܐܢܐ ܚܕܝܐܝܬ ܐܙܕܩ ܠܗ ܘܠܝܬܐ ܒܟܐܢܘܬܐ ... ܐܡܪܝܢ ܠܗ
                    ܪܘܪ̈ܒܢܘܗܝ. ܡܕܝܢ ܡܪܝ ܡܿܠܟܐ ܟܐܢܘܬܐ ܗܕܐ ܗܼܝ. ܕܓܒܪܐ ܕܙܕܩ ܠܟ ܚܝ̈ܝܟ ܘܝܗܼܒ ܐܝܕܐ ܠܙܟܘܬܗܿ
                    ܕܡܠܟܘܬܢܿ ܢܗܘܐ ܬܝܢܗܿ ܕܡܿܠܟܘܬܟܼ ܘܫܘܬܦܐ ܒܟܘܪܣܝܟ. ܘܚܬܢܐ ܠܡܠܟܘܬܟ. ܘܢܬܟܬܒ ܥܘܗܕܢܐ
                    ܕܛܝܒܘܬܗܿ. ܒܣܦܪ ܥܘܗ̈ܕܢܝܗܿ ܕܡܠܟܘܬܢ ܠܕܪ̈ܐ ܕܡܢ ܒܬܪܢܿ ܗܐ ܓܝܪ ܘܐܦ ܗܼܝ ܘܠܝܬܐ ܩܪܝܐ ܠܗܿ
                    ܠܗܕܐ ܕܒܐܘܚܕܢܗܿ ܕܡܠܟܬܢ ܐܬܩܛܪ ܠܗ ܬܓܐ ... ܐܡܿܪ ܠܗܘܢܼ ܫܒܘܪ. ܘܠܪ̈ܗܘܡܝܐ ܕܐܡܠܟܘܝܗ
                    ܥܠܝܗܘܢ ܡܢܐ ܢܥܒܕ. ܐܡܪܝܢ ܠܗ ܚܐܪ̈ܝܗܿ ܘܪܘܪ̈ܒܢܝܗܿ ܕܦܪܣ ܠܫܒܘܪ. ܐܢ ܠܝܬ ܒܠܒܟ ܛܢܢܗܝܢ
                    ܕܐܝܠܝܢ ܕܐܡܪܢܼܢ. ܣܦܩ ܠܗܘܢ ܠܪ̈ܗܘܡܝܐܼ. ܕܒܗܡܝܪ̈ܐ ܕܢܣܒܐ ܡܢܗܘܢ ܡܠܟܘܿܬܢܿ ܢܫܬܟܢܘܢ
                    ܣܘܪ̈ܚܢܐ ܕܥܒܕܘ ܒܐܥܢ ܘܒܫܝܢܐ ܕܠܐ ܢܟܝܢ ܢܣܩܘܢ ܡܢ ܐܪܥܢ ܠܐܪܥܗܘܢܼ ܒܫܠܡܿ. ܘܒܐܘܚܕܢܐ
                    ܕܡܠܟܘܬܗܘܢ ܢܥܒܕܘܢ ܠܗܘܢ ܡܿܠܟܐ ... ܐܡܿܪ ܠܗܘܢ ܫܒܘܕܿ ܫܦܝܪ ܕܢܬܘܢܿ ܒܪܡ ܕܝܢ ܐܢ ܫܦܝܪ
                    ܒܥ̈ܝܢܝܟܘܢܼ. ܢܐܠܦ ܠܘܩܕܡ ܕܢܘ ܨܒܝܢܗ ܕܓܒܪܐ. ܘܐܿܝܕܐ ܗܼܝ ܕܡܢܚܝܐ ܠܗ ܘܠܗܿ ܢܫܠܡ. ܘܟܕ ܝܠܦ
                    ܝܘܒܢܝܢܣ ܒܗܠܝܢ. ܩܪܒ ܠܗܘܢ ܦܝܣܐܼ ܟܕ ܐܡܿܪ. ܐܦ ܐܢܐ ܒܟܢܘܬ ܥܒܼܕܐ ܐܢܐ ܕܟܠܗܘܢܼ. ܐܠܐ
                    ܒܛܝܒܘܬܐ ܒܪܐ ܕܡܠܟܘܬܟܘܢ ܫܡܗܬܘܢܝ. ܘܐܝܟ ܕܡܢ ܐ̈ܒܗܐ [ܗ]ܟܝܠ ܫܐܠ ܐܢܐ ܡܢܟܘܢ ܛܝܒܘܬܐܼ.
                    ܕܒܐܪܥܐ ܕܐܒܗܗܝ ܥܠ ܟܘܪܣܐ ܕܡܠܟܘܬܝ ܐܣܒ ܫܘܠܡܐ ܕܚܝܗܝ. ܘܐܫܟܒ ܥܠ ܐܒ̈ܗܝܼ. ܘܢܬܚܠܛܘܢ ܓܪ̈ܡܝ
                    ܒܓܪ̈ܡܐ ܕܥܢܝ̈ܕܝ. ܘܗܕܐ ܗܼܝ ܟܠܗܿ ܪܓܬܝ ... ܐܡܿܪ ܠܗ ܫܒܘܪ ܘܐܝܠܝܢ ܕܥܡܗ. ܡܢ ܗܫܐ ܕܗܢܘ
                    ܨܒܝܢܟ ܘܗܕܐ ܗܼܝ ܕܡܢܝܚܐ ܠܟܼ. ܕܡܘܕܝܢܢ ܕܚܝ̈ܒܐ ܚܢܢ ܕܛܝܒܘܬܟܼ. ܒܟܠ ܕܪܓܐ ܢܦܫܟ ܘܥܒܕ ܫܒܘܪ
                    ܫܪܘܬܐ ܘܡܫܬܝܐ ܪܒܐ ܠܩܣܪ ܘܠܓܒܪ̈ܐ ܕܥܡܗ. ܘܫܘܬܦ ܥܡܗܘܢ ܒܫܪܘܬܗ ܠܚܐܪ̈ܝܗܿ ܕܦܪܣ ܘܠܪܘܪ̈ܒܢܐ
                    ܕܡܠܟܘܬܗ. ܘܟܕ  216 ܠܥܣܘ ܘܐܫܬܝܘ ܘܫܦܪ ܠܒܗܘܢ ܒܚܡܪܐܼ. ܐܡܪܝܢ ܠܗ ܚܐܪ̈ܝܗܿ ܕܦܪܣ
                    ܠܝܘܒܢܝܢܘܣ. ܗܐ ܝܗܒܝܢ ܚܢܢ ܬܪ̈ܬܝܗܝܢ ܠܨܒܝܢܟ ܐܝܟ ܡܩܒܝܐ. ܐܢܬ ܐܦܢ ܚܕܐ ܗܒ ܠܨܒܝܢܢ. ܐܡܪܝܢ
                    ܠܗ. ܚܕܝܢ ܕܐܬܚܬܢ ܥܡܢ: ܘܣܒ ܐܢܬܬܐ ܡܢ ܒ̈ܢܬܢܿ ܘܢܬܗܝܡܢ ܠܟ ܫܢܢܗܿ ܕܡܠܟܬܘܬܢܿ ܐܡܿܪ ܠܗܘܢ
                    ܝܘܒܢܝܢܘܣ. ܗܐ ܡܫܬܝܐ ܗܘ ܕܚܡܪܐܼ. ܘܫܘ̈ܥܝܬܐ ܐܢܝܢ ܡ̈ܠܐ ܕܥܠܝ ܡܬܡܠܠܢ. ܫܦܝܪ ܨܦܪܐ ܠܡܐܡܪ.
                    ܐܘ ܟܠ ܕܦܩܕܐ ܠܢ ܡܠܟܘܬܟܡܘܢ ܢܥܒܕ. ܘܒܬ ܝܘܒܢܝܢܘܣ ܒܠܠܝܐ ܗܿܘ. ܚܕܪܬ ܡܛܪܬܗ ܕܡܠܟܐ. ܗܼܘ
                    ܘܓܒܪ̈ܐ ܕܥܡܗ. ܘܩܕܡ ܠܨܦܪܗ ܕܝܘܡܐ ܠܡܫܟܢܗ ܕܫܒܘܪ. ܟܪ ܕܟܢܝܫܝܢ ܠܘܬܗ ܪܘܪ̈ܒܢܘܗܝ. ܘܩܪܒ ܘܫܐܠ
                    ܒܫܠܡܗܘܢܼ ܘܐܡܼܪ ܠܗܘܢܿ ܐܢ ܐܫܟܚܬ ܪ̈ܚܡܐ ܒܥܝܢܝ̈ܟܘܢܼ ܫܘܕܥܘܢܝ ܕܡܢܘ ܨܒܝܢܟܘܢ ܒܐܝܠܝܢ
                    ܕܐܣܬܥܪ ܥܕ ܠܘܡܢ. ܘܒܨܒܝܢܐ ܛܿܒܐ ܢܫܬܡܥ ܠܦܘܩܕܢܟܘܢܿ ܘܫܪܐܘܢܝ ܐܣܩ ܡܢ ܐܪܥܟܘܢܿ ܕܒܐ̈ܦܐ
                    ܟܡܝ̈ܬܐ ܫܪܝܢܢ ܒܐܥܐ ܕܠܐ ܕܝܠܢ ... ܐܡܿܪ ܠܗܘܢ ܫܒܘܪ. ܝܘܡܢ ܕܐܬܝܬ ܒܨܒܝܢ ܚܐܪܘܬܟ ܠܫܠܡܗܿ
                    ܕܡܠܟܘܬܢܼ. ܠܝܢ ܠܢ ܠܡܒܥܐ ܥܡܟ ܡܕܡ ܥܠ ܩܪܒܐ ܐܘ ܥܠ ܒܙܬܗܿ ܕܐܪܥܢ. ܐܠܐ ܗܦܘܟ ܒܫܠܡܐ
                    ܠܫܡܪܝܬܐܿ. ܐܢܬ ܘܓܒܪ̈ܐ ܕܥܡܟ. ܘܠܝܘܡܐ ܬܠܝܬܝܐ ܡܬܘܥܕܝܢܢ ܠܐܬܪ ܕܫܪܝܐ ܒܗ ܡܫܪܝܬܟܘܢܼ. ܩܠܝܢ
                    ܡܚܫܒ̈ܬܐ ܓ̈ܒܐ ܬܪ̈ܝܗܘܢ ܥܠ ܐܝܠܝܢ ܕܕܠܐ ܒܙܕܩܐ ܐܣܬܥܪ ܒܐܪܥܢ. ܘܥܒܕܝܢ ܦܘܣܩܢܐ ܓܗܒܐ
                    ܬܪ̈ܝܗܘܢܼ ܘܡܫܬܝܢܝܢ ܥܡ ܚ̈ܕܕܐ. ܘܡܫܬܪܐ ܩܪܒܐ ܘܡܫܬܩܠ ܛܢܢܼܐ. ܘܣܠܩܝܢ ܐܢܬܘܢ ܒܫܠܡܐ ܠܐܪܥܟܘܢ
                    ܘܠܐܘܚܕܢܐ ܕܡܠܟܘܬܟܘܢܿ ܘܣܓܕ ܝܘܒܢܝܢܘܣ ܘܗܦܼܟ ܠܡܫܪܝܬܗ. ܗܼܘ ܘܓܒܪ̈ܐ ܕܥܡܗ. ܠܡܬܗܪ ܕܝܢ ܙܕܩ
                    ܘܠܡܬܕܡܪܘ ܒܒܪܬ ܚ̈ܢܦܐ ܐܣܛܝܢܐ ܡܠܟܬܐ. ܗܿܝ ܕܩܡ ܩܠܝܠ ܐܕܢܚܢܢ ܫܪܒܗܿ ܒܬܫܥܝܬܢܿ ܕܟܕ ܛܒ
                    ܐܝܬܝܗܿ ܗܘܬ ܒܪܬ ܡܓܘܫ̈ܐܼ. ܫܩܝܠܐ ܗܘܬ ܒܢܦܫܗܿ ܚܫܗ ܕܪܕܘܦܝܐ ܕܟܪ̈ܣܛܝܢܐܼ ܘܪܘܥܡܐ ܕܢܦܫܗܘܢ
                    ܥܠ ܡܘܬܗܘܢ ܚܫܝܫܐ ܕܥܒ̈ܕܘܗܝ ܕܐܠܗܐ. ܐܢܬܬ ܓܝܪ ܗܘܬ ܪܚܡܢܝܬܐ ܘܡܠܝܬ ܛܝܒܘܬܐ ܨܝܕ ܟܠ. ܫܩܝܠܐ
                    ܗܬܘ ܕܝܢ ܚܣܕܐ ܘܪ̈ܚܡܐ ܒ̈ܥܝܢܝ ܫܒܘܪ. ܘܪܚܿܡ ܗܘܼܐ ܠܗܿ ܡܠܝܐܝܬ. ܐܢܬܬ ܗܘܬ  217 ܓܝܪ ܫܦܝܪܬܐ ܘܦܐܝܬ ܚܙܘܐ. ܘܟ ܕܛܒ ܗܟܢܐ ܡܚܿܒ ܗܘܼܐ ܠܗܿ܆ ܕܚܠܐ ܗܘܬ ܡܢ ܚܢܦܘܬܗ. ܕܐ̈ܦܝܢ
                    ܒܐ̈ܦܝܢ ܬܒܥܐ ܗܘܬ ܒܥܘܬܐ ܥܠ ܥܡܐ ܕܟܪ̈ܣܛܝܢܐ ܒܠܥܕ ܡܢ ܡܨܥܝܐ. ܘܟܕ ܝܠܦܬ ܥܠ ܝܘܒܢܝܢܘܣ
                    ܕܟܪܣܛܝܢܐ ܗܼܘ. ܥܒܕܬ ܠܗ ܟܬܒܐ ܐܪܙܢܐܝܬ ܘܚܬܡܬܗ ܒܥܙܩܬܗܿ ܘܫܕܪܬܗ ܠܗ ܒܐܝ̈ܕܝ ܙܘܪܢܕ
                    ܡܗܝܡܢܗܿ. ܕܗܘܼ ܫܠܝܛ ܗܘܼܐ ܥܠ ܟܠܗ ܓܙܗܿ. ܘܥܠܝܠ ܗܘܼܐ ܒܪ̈ܐܙܐ ܟܠܗܘܢ ܕܡܪܬܗ. ܘܣܡܼܬ ܬܘܒ
                    ܡ̈ܠܐ ܐܚܪ̈ܢܝܬܐ ܒܦܘܡܗܿ. ܣܛܪ ܡܢ ܟܬ̈ܒܐ ܕܥܒܕܬ. ܘܫܠܚܐ ܠܗܼ. ܕܐܪܓܝܓܐ ܗܘܝܬ ܡܢ ܟܕܘ ܕܐܚܙܝܟ܇
                    ܐܠܘ ܡܨܝܐ ܗܘܬ ܕܬܣܒܥ ܟܦܢܘܬܝ ܡܢ ܡܠܝܘܬܟܿ. ܘܐܦܝܓ ܗܘܝܬ ܨܗܝܘܬܝ ܡܢ ܡܒܘܥܟ ܫܦܝܐܿ. ܘܐܫܡܠܐ
                    ܗܘܝܬ ܪܓܬܝ. ܐܠܐ ܡܛܠ ܕܥܣܩܐ ܗܼܝ ܡܢܝ ܗܕܐܼ. ܗܐ ܒܟܬܒܐ ܕܥܒܕܬ ܠܟܿ. ܥܿܦܝܬ ܩܒܪܬ ܡܠܬܝ ܐܝܟ
                    ܥܢܝܕܐ ܡܝܬܐ ܗܼܝ ܓܝܪ ܡܠܬܝ ܒܠܥܕ ܡܢ ܡܨܥܝܐ. ܦܬܚ ܗܟܝܠ ܒܐ̈ܦܝܗ ܘܬܬܢܚܡ ܒܟܼ. ܘܬܫܟܚ ܪ̈ܚܡܐ
                    ܒܥܝ̈ܢܝ ܡܠܟܘܬܟ. ܘܟܕ ܗܕܐ ܐܚܝ ܬܥܒܕ܆ ܘܠܪ̈ܚܡܝ ܡܢܝܚܬܼ. ܘܪܓܬ ܠܒܟ ܡܬܓܡܪܐ ... ܘܟܕ ܫܡܥ
                    ܝܘܒܢܝܢܘܣ ܡ̈ܠܐ ܕܫܠܚܬ ܠܗ ܐܣܛܝܢܐܼ ܚܬܡ ܢܦܫܗ. ܘܐܫܬܐܠ ܡܢ ܟܬܒܗܼܿ ܘܠܐ ܩܒܠܗ. ܐܣܬܒܪܬ ܠܗ
                    ܓܝܪ܆ ܕܕܡ ܡܚܫܒܬܐ ܡܫܚܛܢܝܬܐ ܐܬܪܥܼܝܬ ܥܠܘܗܝ ܦܚܐܝܬ. ܘܟܕ ܚܙܐ ܙܘܪܢܕ ܕܐܗܦܟ ܫܪܝܪܐ ܐ̈ܦܘܗܝ
                    ܡܢ ܟܬܒܗܿ ܕܡܪܬܗܼ. ܐܬܐܒܫ ܠܗܼ ܛܒ. ܘܥܢܝܗܝ ܦܬܓܡܐ ܩܫܝܐܝܬܼ ܟܕ ܐܿܡܪ. ܕܠܐ ܠܡ ܙܕܩܿ ܗܘܐ ܠܟ
                    ܐܘ ܡܿܠܟܐ ܕܪ̈ܗܘܡܝܐܿ. ܕܗܟܢܐ ܢܬܒܣܝܢ ܒܥ̈ܝܢܝܟ ܟܬܝܒ̈ܬܗܿ ܕܐܚܝܕܬܼ ܫܘܠܛܢܐ ܕܡܠܟܬܘܗܿ ܕܦܪܣ.
                    ܕܝܬܝܪ ܡܢ ܟܠܗܝܢ ܡ̈ܠܟܬܐ ܫܩܝܠܐ ܚܣܕܐ ܘܪ̈ܚܡܐ ܒܥ̈ܝܢܝ ܡܠܟ ܡ̈ܠܟܐ ܘܦܪܗܣܝܐ ܣܓܝܐܬܐ ܐܝܬ ܠܗܿ
                    ܠܘܬܗܿ. ܘܡܛܝܐ ܒܐ̈ܝܕܝܗܿ ܕܬܛܐܒ ܠܟܼ. ܐܝܟ ܡܐ ܕܡܨܝܐ ܒܚܝܠܐ ܕܬܒܐܫ ܠܟ. ܐܝܟ ܡܠܟܐ ܗܟܝܠ
                    ܚܟܝܡܐ ܕܡܕܪܟ ܘܠܝ̈ܬܐܼ. ܙܕܩܿ ܗܘܐ ܠܟ ܕܬܩܪܝܘܗܝ ܠܟܬܒܐ ܗܢܐ ܐܪܙܢܐܝܬ ܒܢܝܟ ܘܠܢܦܫܟ. ܘܐܢ
                    ܫܦܝܪ ܒܥ̈ܝܢܝܟ ܐܝܠܝܢ ܕܫܠܚܬ ܠܟܼ. ܘܐܠܐ ܐܗܦܟܬܝܗܝ ܠܗܿ ܕܠܐ ܥܕܠܝ. ܘܫܦܪ ܦܬܓܡܐ ܕܙܘܪܢܕ
                    ܒܥ̈ܝܢܝ ܝܘܒܢܝܢܘܣ. ܘܐܬܩܒܠ ܥܠܘܗܝ ܡܠܝܐܝܬ. ܘܢܣܒܗ ܡܢܗ ܠܟܬܒܐܼ ܘܥܠ  218 ܠܡܫܟܢܗ.
                    ܘܟܕ ܦܬܚܗ ܘܩܪܝܗܝܼ. ܚܫ ܒܢܦܫܗ ܘܐܬܬܢܚ ܘܡܠܐ ܦܘܡܗ ܝܘܐܼ. ܘܝܗܼܒ ܠܢܦܫܗܼ ܟܕ ܐܡܿܪ. ܘܝ ܕܐܦܠܐ
                    ܐܝܟ ܗܕܐ ܒܪܬ ܚ̈ܢܦܐܿ. ܫܩܠܢܢ ܒܢܦܫܢ ܚܫܐ ܕܪܕܘܦܝܐ ܕܐܚ̈ܝܢ. ܟܬܒܐ ܕܝܢ ܕܐܫܬܕܪ ܠܗ ܡܢܗܼ.
                    ܐܝܬܘܗܝ ܗܘܼܐ ܗܟܢܐ.ܢ ܕܥܠ ܠܡ ܐܘ ܡܿܠܟܐ ܕܪ̈ܗܘܡܝܐܼ. ܕܠܘ ܠܡ ܐܝܩܐ ܘܣܪܝܩܐܩܬ ܗܘܼܐ ܡܚܬܟ
                    ܠܐܪܥܐ ܕܓ̈ܠܝܙܝ ܪ̈ܚܡܐ. ܕܐܠܗܐ ܕܟܪ̈ܣܝܛܢܐ ܕܠܗ ܦܠܚܿ ܐܢܬ ܐܪܚܫܘ ܒܪܥܝܢܟ܇ ܕܬܚܘܬ ܬܣܥܪܝܘܝ
                    ܠܒܝܬ ܐܣܝܪ̈ܐ ܕܦܪܣ. ܕܫ̈ܢܝܐ ܠܗ ܬܠܬܝܢ ܘܝܬܝܪ. ܕܡܬܝܚ ܚܨܗ ܠܢ̈ܓܕܐ ܘܓܒܘ̈ܗܝ ܠܣܪ̈ܩܐ܇
                    ܘܗܕ̈ܡܘܗܝ ܠܦܣܩܐܿ. ܥܡ ܓܘܫܡܐ ܐܒܐ ܕܗܕ̈ܡܐ ܕܡܡܚܝ ܘܡܣܒܣ ܠܫ̈ܕܢܕܐܿ. ܘܐܘ̈ܠܨܢܐܢ ܕܙܢܝܗܢ
                    ܙܢܝ̈ܢ. ܘܠܐ ܬܬܦܠܓ ܥܠ ܗܕܐ܇ ܕܐܠܗܟ ܒܥܼܒ̈ܕܘܗܝ ܡܿܬܼܢܓܕ ܘܣܿܒܠ ܚܫ̈ܐ. ܫܪܝܪܐܝܬ ܓܝܪ ܒܗܕܐ
                    ܕܡܬܐܡܪܐ ܠܗܘܢ ܡܢ ܪ̈ܕܘܦܐ: ܕܟܦܘܪܘ ܒܐܠܗܟܘܢܼ. ܘܐܓܘ ܡܢ ܫ̈ܢܕܐ. ܓܠܝܐ ܗܼܝ ܠܝܕ̈ܘܥܐܼ. ܕܫܡܐ
                    ܕܐܠܗܗܘܢ ܕܩܪܐ ܥܠܝܗܘܢ ܡܿܬܢܓܕ ܒܗܘܢܿ ܘܐܢ ܡܿܠܟܐ ܕܐܝܬܘܗܝ ܒܪܢܫܐ ܡܝܘܬܐ: ܐܢ ܐܢܫ ܢܡܚܐ
                    ܠܨܠܡܗ ܡܬܬܘܗܝܢ ܚܙܝܘ̈ܗܝ: ܐܝܟ ܡܐ ܕܗܘܼ ܡܿܠܟܗ ܩܢܘܡܗ ܐܬܼܡܚܝ ܒܗܼ. ܟܡܐ ܝܬܝܪ ܐܠܗܐ
                    ܒܥܒܼܕ̈ܘܗܝ ܚܫܝܫܿ. ܕܥܠ ܐ̈ܦܝ ܫܡܗ ܠܫ̈ܕܐ ܘܠܡܘܬܐ ܝܗܒܘ ܢܦܫܗܘܢܿ ܐܢ ܗܟܝܠ ܒܟܠܗܿ ܢܦܫܟ ܐܚܝܕ
                    ܐܢܬ ܠܐܠܗܟ ܡܠܝܐܝܬܼ. ܣܒ ܒܩܢܘܡܟ ܚܫܐ ܕܥܒܕ̈ܘܗܝ. ܘܗܘܝ ܠܗܘܢ ܐܝܠܐ ܒܫܐܠܬ ܦܘܡܟ. ܕܠܗܕܐ ܟܒܪ
                    ܣܒܟ ܐܠܗܐ ܡܿܠܟܐ. ܘܩܛܪ ܠܟ ܬܓܐ ܒܐܬܪܢ ܕܠܒ̈ܢܝ ܐܬܪܢ ܕܐܠܝܨܝܢ ܥܠ ܐ̈ܦܝ ܫܪܪܗ ܕܐܠܗܟ. ܬܗܘܐ
                    ܠܗܘܢ ܡܥܕܪܢܐܿ. ܒܦܪܗܣܝܐ ܕܝܗܒ ܠܟ ܐܠܗܐܟ ܩܕܡ ܡܠܟ ܡ̈ܠܟܐ. ܘܠܐ ܬܬܩܛܥ ܥܠ ܫܦܝܪܬ. ܒܗܕܐ
                    ܕܦܪ̈ܣܝܐ ܐܝܬܝܗܘܢ. ܕܚܕܐ ܙܒܼܢ ܗܘܘ ܠܗܘܢ ܠܢ ܢܘܟܪ̈ܝܐܿ. ܘܫܡܗܘܢ ܣܗܿܕܐ ܥܠܝܗܘܢ ܕܢܨܪ̈ܝܐ
                    ܡܬܩܪܝܢ. ܕܠܡܐ ܗܟܝܠ ܬܗܡܐ ܡܢ ܥܘܢܪܕܢܗܿܘܢܿ ܘܬܝܬܐ ܒܬܪܟܿ ܕܡܐ ܕܢܦܫ̈ܬܗܘܢܿ ܐܢܐ ܓܝܪ ܐܠܘ
                    ܡܨܝܐ ܗܘܝܬ ܚܝܠܗܿ ܕܗܕܐ ܒܠܥܕ ܡܨܥܝܐܼ. ܠܘ ܥܡܠܐ ܪܡܝܐ ܗܘܝܬ ܠܟ ܒܗܠܝܢ. ܐܠܐ ܡܛܠ ܕܥܛܠܐ ܗܼܝ
                    ܡܢܝ ܗܕܐ ܠܟ ܕܝܢ ܦܫܝܩܐ ܗܝܼ. ܗܐ ܫܘܕܥܬܟ ܒܟܬܝ̈ܒܬܝ ܕܐܝܢܐ ܪܕܘܦܝܐ ܩܫܝܐ 219 ܩܡ ܥܠ
                    ܒ̈ܢܝ ܗܝܡܢܘܬܟ ܒܐܘ̈ܚܕܢܝܢ. ܘܒܐ̈ܝܕܝܟ ܢܒܥܝܗܿ ܐܠܗܐ ܠܗܕܐܿ. ܐܢ ܬܗܡܐ ܡܢ ܥܘܕܪܢܗܘܢܿ ܗܐ ܓܝܪ
                    ܡܠܟ ܡ̈ܠܟܐ ܠܝܘܡܐ ܬܠܝܬܝܐ ܐܬܿܐ ܠܘܬܟܼ. ܐܝܟ ܡܐ ܕܐܫܬܘܕܝ ܠܟ. ܘܣܝܡܐ ܠܗ ܕܢܫܐܠ ܡܢܟ
                    ܨܒܝܢܐܝܬܼ. ܟܪܟܐ ܕܢܨܝܒܼܝܢ ܘܐܬܪܐ ܟܠܗ ܕܡ̈ܕܢܚܝܗܿ ܗܢܘ ܕܝܢ ܒܗܕܐ ܬܢܘܝܼ [؟] ܕܐܦ ܒܗܿ
                    ܒܕܡܘܬܐ ܬܫܐܠ ܗܿܘ ܡܐ ܕܪܓܐ ܢܦܫܟ. ܐܬܒܝܢ ܥܗܟܝܠ ܡܠܟܐ ܘܚܙܝ ܡܢܐ ܗ[ܝ؟] ܫܐܠܬܟ. ܣܝܡ ܓܙܝܗ
                    ܕܡܠܟܘܬܢ ܘܡ̈ܕܝܢܬܐ ܕܐܘܚܕܢܢ ܠܘܩܒܠ ܪܚܡܬܗ ܕܐܠܗܟ. ܘܓܒܐ ܕܡܬܚܙܐ [؟] ܠܟ ܕܥܿܠܒ ܚܒܪܗܼ. ܣܝܡ
                    ܐ̈ܦܝܟ ܠܫܐܠܬܗ. ܒܪܡ ܕܝܢ ܠܝ ܕܐܝܬܝ ܒܪܬ ܡܓܘ̈ܫܐܼ. ܐܬܚܙܝܬ ܠܝ ܕܠܝܬ ܠܟ ܫܐܠܬܐ ܕܪܒܐ ܡܢ ܗܕܐ܇
                    ܟܕ ܠܥܒ̈ܕܘܗܝ ܕܐܠܗܐ ܪ̈ܕܝܦܐ ܘܬܪ̈ܝܨܐ ܬܦܪܘܩ ܒܫܐܠܬܟ. ܠܘ ܓܝܪ ܙܥܘܪܝܐ ܗܼܝ ܗܕܐ ܕܒܫܐܠܬ ܚܕ
                    ܟܪܟܐ ܕܡܬܢܣܒ ܡܢܟ ܬܫܬܩܠ ܚܪܒܗܿ ܕܡܠܟܘܬܢ ܡܢ ܒ̈ܢܝ ܗܝܡܢܘܬܟ. ܘܬܫܟܬ ܒܚܠܬܗܿ ܘܬܫܚܬ ܒܗܿ
                    ܕܫܢ̈ܝܐ ܐܪܒܥܝܢ ܐܫܬܡܛܬ ܠܩܛܠܐ ܕܟܪ̈ܣܛܝܐ ܘܠܐ ܥܕܟܝܠ ܣܒܥܬ ܡܢ ܕܡܗܘܢܿ ܘܟܕ ܗܕܐ ܬܥܒܕ.
                    ܘܠܐܠܗܟ ܕܝܠܟ ܡܪܥܬܼ ܘܡܢܝܚܬ ܐܦ ܠܝ ܡܙܕܩ ܐܢܬ ܛܝܒܘܬܐ. ܐܢܐ ܕܝܢ ܐܢܬܬܐ ܐܢܐ ܫܦܝܥܬ ܪ̈ܚܡܐ.
                    ܘܓܘܝ ܡܢ ܟܕܘ ܐܬܗܦܟ ܠܗ ܠܡܬܚܒܠܘܿ. ܡܢ ܐܝܠܝܢ ܕܕܠܐ ܒܙܕܩܐ ܐܣܬܥܪ ܒܥܒ̈ܕܘܗܝ ܕܐܠܗܐ. ܘܗܠܝܢ
                    ܕܟܬܒܬ ܠܟܼ. ܣܡܬ ܕܟܬܝ̈ܒܬܝ ܢܡܠܝܢ ܕܘܟܬܝܼ. ܘܗܢܼܝܢ ܚܠܦܝ ܢܚܦܛܢܟ ܥܠ ܗܕܐ. ܟܦܢܘܬܝ ܓܝܪ
                    ܘܨܗܝܘܬܝ ܘܓܪܬܝ ܟܠܗܿ ܗܕܐ ܗܝܼ. ܝܘܡܐ ܕܢܫܬܩܠܢ ܗܠܝܢ ܡܢ ܐܘܚܕܢܢ ... ܗܼܘܝ ܫܠܡ ܐܢܬ
                    ܘܡܫܪܝܬܟ. ܘܨܠܐ ܥܠܝ ܠܐܠܗܟܿ. ܕܢܚܣܝܗܿ ܠܢܦܫܝ ܡܢ ܕܡܐ ܕܟܝܐ ܕܐܬܐܫܕ ܒܐܘܚܕܢܢ. ܕܠܐ ܣܟܠܘ.
                    ܗܢܘ ܕܝܢ ܦܚܡܗ ܕܟܬܒܐܿ. ܕܐܫܬܕܪ ܠܝܘܒܢܝܢܘܣ ܡܢ ܐܣܛܝܢܐ ܡܠܟܬܐܿ. ܒܐܝ̈ܕܝ ܙܘܪܢܕ ܡܗܝܡܢܐ. ܐܦ
                    ܗܼܘ ܕܝܢ ܥܒܕ ܥܢܝܢܐ ܕܟܬܒܗ. ܘܫܕܪ ܠܗܿ ܡ̈ܠܐ ܕܗܝܡܢܘܬܐ܇ ܕܚܫܚܢ ܠܬܝܒܘܬܗܿ ܘܡܒܢܝܢ ܪܥܝܢܗܿ.
                    ܚܘܪ ܕܝܢ ܒܗܝܡܢܘܬܗ ܕܓܒܪܐ ܦܪܘܫܐ. ܕܟܕ ܛܒ ܣܝܡܐ ܒܠܒܗ ܕܢܣܥܘܪ ܗܕܐ ܕܠܐ ܛܝܒܘܬܗܿܕ ܐܣܛܝܢܐ.
                    ܒܟܬܒܐ ܕܥܒܕ 220 ܠܗܿ܆ ܐܠܐ ܡܫܒܚ ܗܘܐ ܠܗܼ. ܘܡܩܠܣ ܠܡܪܚܡܢܘܬܗܿ. ܘܐܝܟ ܡܐ ܕܗܝܼ ܗܘܬ
                    ܠܗ ܥܠܬܐ ܛܒܬܐ ܥܠ ܗܢܐ ܣܘܥܪܢܐ ܡܘܕܐ ܠܗܿ ܒܟܬܒܗܿ. ܣܓܝܐ̈ܬܐ ܐܢܝܢ ܕܝܢ ܕܗ̈ܘܝ ܘܐܫܬܡܫ ܒܩܪܒܐ
                    ܗܢܐ܇ ܕܙܩܬܢܝ ܚܘܒܟ ܕܐܪܫܘܡ ܠܟ ܬܫܥܝܬܗܿ. ܘܐܫܬܠܢܢ ܡܢ ܣܓܝܐ̈ܬܐ ܕܠܐ ܚܫܿܚܢ. ܘܩܠܝܠ ܡܢ ܣܓܝ
                    ܙܥܘܪ̈ܝܬܐ ܡܢܗܝܢܿ. ܕܫܘܝܢ ܠܕܘܟܪܢܐ ܪܫܡܢܢ. ܥܘܗܕܢܗܝܢ ܒܟܬܒܐܗܢܐܿ. ܠܐܝܠܝܢ ܕܪܚܡܼܝܢ
                    ܕܢܬܗܿܓܘܢ ܒܫܪ̈ܒܐ ܕܐܝܟ ܗܠܝܢ. ܕܬܕܥ ܕܝܢ ܚܒܝܒܝ: ܕܐܝܟܢܐ ܫܩܼܠ ܫܘܠܡܐ ܩܪܒܐ ܕܒܝܬ ܡ̈ܠܟܘܬܐܼ.
                    ܫܩܠܢܢ ܪܥܝܢܐ ܘܡܚ̈ܫܒܬܐܼ. ܕܟܠܗܝܢ ܒܦܣ̈ܝܩܬܐ ܢܬܠ ܠܗܿ ܣܟܐ ܠܬܫܥܝܬܢܿ ܘܢܦܘܫ ܡܢ ܦܬܘܐ ܕܡ̈ܠܐ
                    ܣܓܝܐ̈ܬܐ. ... ܘܗܘܼܐ ܕܟܕ ܐܬܓܠܝ ܫܒܘܪ ܠܫܡܪܝܬܐ ܕܪ̈ܗܘܡܝܐ ܒܝܘܡܐ ܬܠܝܬܝܐ: ܐܝܟ ܕܐܫܬܘܕܝ
                    ܒܣܘܓܐܐ ܕܡܫܪܝܬܗ: ܟܕ ܐܝܬ ܥܡܗ ܚܐܪ̈ܝܗܿ ܘܪܘܪ̈ܒܢܝܗܿ ܕܦܪܣܼ. ܘܣܡܗܿ ܠܡܫܪܝܬܐ ܡܢ ܩܒܘܠ.
                    ܘܢܦܩܘ ܡ̈ܠܟܐ ܬܪ̈ܝܗܘܢ ܡܢ ܡܫܪ̈ܝܬܗܘܢܿ ܘܐܬܩܪܒܘ ܚܕ ܠܘܬ ܚܕ ܒܝܢܬ ܡܫܪ̈ܝܬܐ ܕܓܒ̈ܐ ܬܪ̈ܝܗܘܢܿ
                    ܕܢܣܒܘܢ ܪܥܢ ܡܢ ܚܕ̈ܕܐ ܥܠ ܫܝܢܐ ܕܒܝܬ ܡܠܟܘ̈ܬܐ. ܘܐܬܦܩܕ ܕܢܐܬܘܢ ܠܡܘܬܒܐ ܕܡ̈ܠܟܐܿ. ܚܐܪ̈ܐ
                    ܘܪܘܪ̈ܒܢܐ ܕܡ̈ܠܟܐ ܬܪ̈ܝܗܘܢ ܘܗܘܼܐ ܗܟܢܐ. ܘܝܬܒܘ ܡ̈ܠܟܐ ܬܪ̈ܝܗܘܢ ܘܪܘܪ̈ܒܢܝܗܘܿܢܿ ܒܝܢܝ
                    ܬܪ̈ܬܝܗܝܢ ܡܫܪ̈ܝܬܐ. ܘܫܩܠܘ ܡܚܫܒܬܐ ܡܢ ܚܕ̈ܕܐ ܕܢܐܬܘܢ ܠܒܥܬܐܼ. ܘܢܗܘܐ ܦܘܣܩܢܐ. ܘܗܘܬ ܒܥܬܐ
                    ܣܓܝܐܬܐ ܒܝܢܝܗܘܿܢܿ ܥܠ ܐܝܠܝܢ ܕܕܠܐ ܒܙܕܩܐ ܐܣܬܥܪ ܒܐܘܚܕܢܐ ܕܓܒ̈ܐ ܬܪ̈ܝܗܘܢܿ ܘܐܬܚܫܒܘ
                    ܐܬܪ̈ܘܬܐ ܕܐܚܪܒ ܫܒܘܪ ܒܐܘܚܕܢܐ ܕܪ̈ܗܘܡܝܐ: ܒܝܘ̈ܡܝ ܒܢܘ̈ܗܝ ܕܩܘܣܛܢܛܝܢܣܼ. ܘܐܬܪ̈ܘܬܐ ܕܐܚܪܒ
                    ܝܘܠܝܢܣ ܒܐܪܥܐ ܕܦܪ̈ܣܝܐܼ. ܘܥܠܼܒ ܩܠܝܠ ܓܒܐ ܕܪ̈ܗܘܡܝܐ ܠܕܦܪ̈ܣܝܐ. ܘܐܬܝܗܒܬ ܢܨܝܒܝܢ ܠܦܪ̈ܣܝܐ
                    ܡܐܐ ܫ̈ܢܝܢ ܗܝܼ ܘܐܬܪܐ ܟܘܠܗ ܕܡܕܢܚܝܗܿ. ܗܢܘ ܕܝܢ ܨܒܝܢܝܐܬ ܕܠܐ ܩܛܝܪܐ. ܐܡܿܪ ܠܗ ܓܝܪ ܫܒܘܪ
                    ܠܝܘܒܢܝܢܘܣ. ܕܟܕ ܛܒ ܠܡ ܒܙܕܩܗܿ ܕܟܐܢܘܬܐ ܐܬܝܗܒܬ ܠܢ ܢܨܝܒܝܢ: ܚܕܐ ܡܛܠ ܒܙܬܗܿ ܕܐܪܥܢ:
                    ܘܐܚܪܬܐ ܬܘ ܒܕܕܝܠܢ ܗܘܐ ܟܪܟܐ ܡܢ ܩܕܝܡ ܘܡܚܛܦ ܚܛܝܦ ܡܢ ܐܢ̈ܫܝܼܢ. ܒܪܡ ܕܝܢ ܘܡܟܕ ܛܒ ܗܟܢܐ
                    ܗܝܼ. ܒܚܘܒܐ ܕܐܒܬ ܠܢ ܠܘܬ ܚ̈ܕܕܐ ܛܝܒܘܬܐ ܫܩܠܬܗܿ ܥܠܝ ܠܗܕܐ 221 ܕܐܣܬܥܪܬ. ܕܐܚܘܒ
                    ܛܝܒܘܬܐ ܚܠܦ ܛܝܒܘܬܐ. ܘܐܦܪܘܥ ܡܘܗܒܬܐ ܚܠܦ ܡܘܗܒܬܐ. ܘܒܐ̈ܠܗܐ ܟܠܗܘܢܼ ܡܘܡܐ ܐܢܐ ܠܟ:
                    ܘܒܗܘܪܡܙܕ ܐܠܗܗܿ ܕܫܡܝܐ: ܕܡܡܠܟ ܫܘܠܛܢܗ ܥܠ ܟܠ ܐ̈ܠܗܐܼ. ܕܠܡܐ ܬܐܙܠ ܒܠܒܟ ܟܪܝܘܬܗܿ ܕܢܨܝܒܝܢ܇
                    ܐܠܐ ܟܠ ܕܪܓܐ ܢܦܫܟ ܡܢ ܐܘܚܕܢܼܢ. ܫܐܠ ܘܢܬܝܗܒ ܠܟ ܚܠܦ ܟܪܟܐ ܕܐܬܢܣܒ ܡܢܟ ... ܐܡܿܪ ܠܗ
                    ܝܘܒܢܝܢܘܣ. ܡܢܐ ܐܝܬ ܒܥܠܡܐ ܕܚܒܝܒ ܠܗ ܠܐܢܫ ܐܝܟ ܢܦܫܗ ܐܘ ܡܠܟ ܡ̈ܠܟܐ ܚܘܢܝ ... ܫܒܘܪ ܐܡܿܪ.
                    ܘܠܐ ܡܕܡ. ܝܘܒܢܝܢܘܣ ܐܡܿܪ. ܘܐܢ ܗܟܝܠ ܢܦܫܝ ܕܚܒܝܒܐ ܠܝ ܡܢ ܟܠ: ܗܝܡܢܘܬܟ ܡܪܝ ܡܿܠܟܐ ܘܣܡܬܗܿ
                    ܒܐܝܗܕܝܟܼ. ܘܠܐ ܩܨܦܬ ܠܝ ܥܠ ܢܨܝܒܝܢ. ܕܬܣܒ ܥܠܝ ܡܚܫܒܬܐ ܕܩܨܦ ܠܝ ܒܫܐܠܬܟ. ܕܥ ܗܟܝܠ ܡܪܝ
                    ܡܿܠܟܐ ܘܬܬܬܗܝܡ ܠܟ ܡܠܬܝܼ. ܕܐܠܘ ܪܓܬܟ ܠܡܫܐܠ ܡܢܢ: ܡܢ ܝܡܐ ܘܥܕܡܐ ܠܕܩܠܬ ܢܗܪܐ ܕܦܪܫ ܒܝܬ
                    ܬܚܘ̈ܡܐܼ. ܠܐ ܩܨܦ ܗܘܼܐ ܠܝ ܒܫܐܠܬܟ. ܒܪܐ ܓܝܪ ܐܝܬܝ ܕܡܠܟܬܘܟܼ. ܘܫܠܝܛ ܗܘ ܐܒܐ ܒܝܘܪ̈ܬܢܘܗܝ
                    ܕܒܪܗ. ܚܐܪ̈ܝܗܿ ܕܝܢ ܘܪܘܪ̈ܒܢܝܗܿ ܕܦܪܣ: ܟܕ ܚܙܘ ܨܒܝܢܗ ܛܿܒܐ ܕܡܿܠܟܐ ܕܪ̈ܗܘܡܝܐܼ. ܐܪܝܡܘ
                    ܩܠܗܘܢ ܥܠ ܬܫܒ̈ܚܬܗ. ܘܥܕܢܐ ܣܓܝܐܐ ܡܩܠܣܝܢ ܗܘܘ ܠܗ ܒܠܫܢܐ ܦܪܣܝܐ. ܘܒܪܗܿ ܕܡܠܟܘܬܗܘܢ ܩܪܝܢ
                    ܗܘܘ ܠܗ ܘܐܡܪܝܢ. ܕܐܝܟ ܠܡ ܒܪܐ ܡܢ ܝܘܪ̈ܬܢܘܗܝ ܕܐܒܗܘܗܝ ܫܐܠ ܟܡܐ ܕܨܿܒܐ ܐܢܬ ܘܢܬܝܗܒ ܠܟ. ܘܠܐ
                    ܬܣܒ ܥܠܟ ܟܪܝܘܬܗܿ ܕܢܨܝܒܝܢ. ܘܟܕ ܓܡܪܘ ܡܢ ܬܫܒܚ̈ܬܗܘܢ ܡܠܠ ܥܡܗܘܢ ܝܘܒܢܝܢܘܣ ܘܐܡܪ ܠܗܘܢܿ
                    ܫܦܝܪ ܠܡ ܚܘܝܬܘܢ ܝܘܡܢ ܨܒܝܢܟܘܢ ܛܒܐ. ܕܐܦ ܚܢܢ ܒܗܿ ܒܕܡܘܬܐ ܫܩܝܠܝܢ ܚܢܢ ܒܐܝܩܪܐ
                    ܕܡܠܟܘܬܟܘܢܼ. ܟܕ ܠܝܬ ܟܪܝܘܬܐ ܡܕܡ ܒܢܦܫܢ ܥܠ ܢܣܝܒܘܬܗܿ ܕܢܨܝܒܝܢ. ܘܒܚܘܒܐ ܕܐܝܬ ܠܢ ܥܡ
                    ܚ̈ܕܕܐ. ܘܕܝܠܢ ܕܝܠܟܘܢܼ ܕܝܠܢ. ܘܥܠ ܗܿܝܼ ܬܘܒ ܕܐܟܦܬܘܢ ܠܡܫܐܠ ܡܘܗܒܬܐ. ܫܐܠܬܢ ܥܠܝܟܘܢ ܩܠܝܠܐ
                    ܗܼܝ ܆ܒ ܘܠܐ ܡܬܒܨܪ ܒܗܿ ܐܘܚܕܢܟܘܢ ܕܠܘ ܐܬܪܐ ܚܠܦ ܐܬܪܐ. ܘܡܕܝܢܬܐ ܚܠܦ ܡܕܝܢܬܐ ܐܝܬ ܠܢ
                    ܠܡܫܐܠ. ܐܠܐ ܪ̈ܚܡܐܼ ܘܢܦܐܫܐ ܒܠܚܘܕ ܠܐ̈ܠܝܨܐ ܕܐܟܬܘܬܟܘ̤ܿ ܘܒܕܐ ܝܬܝܪ ܡܫܬܒܚܐ ܡܠܟܘܬܟܘܢܼ.
                    ܘܡܬܩܠܣܐ ܡܪܚܡܢܘܬܟܘܢ ... ܐܡܿܪ ܠܗ ܫܒܘܪ. ܡܢܐ ܗܼܝ  222 ܫܐܠܬܟ ܚܘܢܝ ܘܝܗܝܒܐ ܠܟ
                    ܡܢ ܟܕܘ ... ܝܘܒܢܝܢܘܣ ܐܡܿܪ. ܫܐܠܬܝ ܡܪܝ ܡܠܟܐ ܗܕܐ ܗܝܼ. ܕܡܢܝܢ ܫܢ̈ܝܐ ܕܐܬܝܗܒܬ ܢܨܝܒܝܢ
                    ܠܡܠܟܘܬܟܘܢܼ. ܢܡܠܟ ܫܝܢܐ ܥܠ ܟܪ̈ܣܛܝܢܐ ܒܐܘܚܕܢܟܘܢܿ ܘܢܫܬܪܐ ܓܙܪ ܕܝܢܐ ܩܫܝܐ ܕܠܐ ܪ̈ܚܡܐܿ.
                    ܕܝܗܒܬ ܥܠܝܗܘܢ ܡܠܟܘܬܟܘܢܿ ܕܠܐ ܐܢܫ ܢܥܝܪ ܥܠܝܗܘܢ ܪܕܘܦܝܐ ܒܓܘ ܗܢܐ ܡܢܝܢܐ ܕܫ̈ܢܝܐ ܡܐܐ.
                    ܕܐܬܝܗܒܬ ܢܨܝܒܝܢ ܠܦܪ̈ܣܝܐ. ܐܠܐ ܢܬܒܘܢ ܒܫܠܝܐ ܒܐܘܚܕܢܟܘܢܼ. ܟܕ ܠܝܬ ܕܡܗܪ ܠܗܘܢܿ ܘܒܫܩܠ ܛܥܢܐ
                    ܕܡܪܚܡܢܘܬܟܘܢܼ. ܢܬܦܢܝܢ ܠܗܘܢ ܥ̈ܕܬܗܘܢܿ ܘܒܦܪܗܣܝܐ ܕܡܢܟܘܢܼ. ܥܝܢܒܓܠܐ ܢܫܠܡܘܢ ܛܟܣܐ
                    ܕܬܫܡܫܬܗܘܢܿ ܘܟܕ ܗܕܐ ܬܥܒܕܘܢܼ. ܢܗܘܐ ܚܝ̈ܒܐ ܠܛܝܒܘܬܟܘܢܼ ܟܠܗܘܢ ܝܘܡ̈ܬܢ ... ܐܡܿܪ ܠܗ ܫܒܘܪ.
                    ܘܗܕܐ ܗܼܝ ܟܠܠܗܿ ܫܐܬܠܟ ܐܘ ܡܿܠܟܐ ܕܪ̈ܗܘܡܝܐܼ. ... ܝܘܒܢܝܢܘܣ ܐܡܿܪ. ܘܛܒ ܪܒܐ ܘܫܒܝܚܐ
                    ܒܥ̈ܝܢܝܼ. ܡܢ ܟܠ ܡܘܗ̈ܒܢ. ܐ̈ܚܝ ܐܢܘܢ ܓܝܪ ܒܗܝܡܢܘܬܐܼ. ܘܠܐ ܨܒܿܐ ܐܢܐ ܒܐܒܕܢܗܘܢ ܿܗܝܕܝܢ
                    ܫܒܘܪ ܟܬܼܒ ܫܕܪ ܠܐܬܪ̈ܘܬܐ ܕܐܘܚܕܢܗܼ. ܕܢܒܛܠ ܪܕܘܦܝܐ ܡܢ ܟܪ̈ܣܛܝܢܐ ܒܟܠܗܘܢ ܐܬܪ̈ܘܬܐ
                    ܕܫܘܠܛܢܗ. ܕܗܢܐ ܠܡ ܨܒܝܢܐ ܗܘܼܐ ܠܢ. ܕܢܣܒܘܢ ܚܣܕܐ ܘܪ̈ܚܡܐ ܒܥ̈ܝܢܝ ܟܠ ܕܚ̈ܠ݀ܢܼ ܐܝܟ ܕܫܩܠܘ
                    ܚܣܕܐ ܘܪ̈ܚܡܐ ܒܥ̈ܝܢܝ ܡܠܟܘܬܟܘܢܿ ܘܡܢ ܗܫܐ ܐܦ ܒܝܬ ܟܢܘ̈ܫܬܗܘܢܼ. ܢܬܦܢܝܢ ܠܗܘܢܿ ܘܐܢ ܡܠ ܐܝܬ
                    ܕܥܩܝܪ̈ܢ ܘܣܚܝܦܢ ܒܛܢܢܐ ܕܡܓܘܫ̈ܐܼ ܢܬܒܢܝܢ ܡܢ ܕܪܝܫ ܘܢܬܚܕܬܢܿ ܘܡܢ ܓ̈ܙܝܗܿ ܕܡܠܟܘܬܢ ܢܗܘܝܢ
                    ܢܦܩ̈ܬܐ ܕܒ̈ܢܝܢܝܗܝܢ ܥܕܡܐ ܕܫܩܠܢ ܫܘܟܠܠܗܝܢ ܘܐܢ ܚܛܝܦ ܠܗ ܠܐܢܫ ܐܘ ܒܙܝܙ ܠܗ ܡܕܡ ܡܢ
                    ܟܪ̈ܣܛܝܢܐܼ. ܢܦܢܝܘܗܝ ܠܗܘܢ ܨܒܝܢܐܝܬ ܘܢܬܬܓܪ ܚܝ̈ܘܗܝ. ܐܢ ܕܝܢ ܐܢܫ ܡܡܪܚ ܒܬܪ ܦܘܩܕܢܐ ܗܢܐ.
                    ܘܟܐܡ ܥܠ ܒܙܬܐ ܕܢܨܪ̈ܝܐܼ. ܗܕܡ ܗܕܡ ܢܬܦܣܩܼ. ܘܟܠ ܕܐܝܬ ܠܗ ܠܒܙܬܐ ܢܬܝܗܒ ... ܫܩܠܢܢ ܕܝܢ ܬܘܒ
                    ܪܥܝܢܐ ܕܡܛܠ ܚܘܒܐ ܘܚܡܘܬܐ ܕܐܝܬ ܠܢ ܥܡ ܡܿܠܟܐ ܕܪ̈ܗܘܡܝܐܼ. ܢܣܒ ܒܐ̈ܦܘܗܝ ܕܟܪܣܛܝܢܐ ܗܘ:
                    ܘܢܚܪܪ ܡܢ ܫܩܠܐ ܠܒ̈ܢܝ ܩܝܡܐ ܕܐܝܬ ܒܥ̈ܕܬܐ ܕܟܪ̈ܣܛܝܢܐܿ. ܒܟܘܠܗ ܐܘܚܕܢܐ ܕܡܠܟܘܬܢܿ ܘܢܬܝܗܒܘܢ
                    ܥܠܝܗܘܢ ܓܝܪ̈ܡܐ ܕܥܢܝ̈ܕܝܗܘܿܢܿ ܕܢܒܢܘܢ ܥܠܝܗܘܢ ܢܘ̈ܣܐ ܕܢܦܫ̈ܬܐܿ. ܐܝܟ ܥܝܕܐ ܕܐܝܬ ܒܝܬ
                    ܪ̈ܗܘܡܝܐ. ܐܢܐ ܫܒܘܪ ܡܠܟ ܦܪܣ ܒܪܗ  223 ܕܗܘܪܡܙܕ ܩܫܝܐ܆ ܢܚܫܝܪܐ ܦܩܕܬ ܦܘܩܕܢܐ ܗܢܐ
                    ܘܦܣܬ ܦܘܣܩܢܐ. ܕܠܐ ܫܠܝܛ ܠܡ̈ܠܟܐ ܕܡܢ ܒܬܪܝ܇ ܕܢܫܪܘܢ ܫܝܢܐ ܕܥܒܕܬ ܒܝܢܬ ܡܠܟܘ̈ܬܐܿ. ܐܘ
                    ܕܢܥܝܪܘܢ ܘܢܚܕܬܘܢ ܪܕܘܦܝܐ ܥܝ ܟܪ̈ܣܛܝܢܐܿ. ܩܕܡ ܕܢܡܠܝܢ ܡܐܐ ܫ̈ܢܝܢܿ. ܠܢܣܝܒܘܬܗܿ ܕܢܨܝܒܝܢ.
                    ܕܗܢܐ ܨܒܝܢܐ ܗܘܐ ܠܗܘܪܡܙܕ ܐܠܗܐ ܪܒܐ ܘܥܙܝܙܐܿ. ܘܠܫܡܫܡܐ ܘܢܘܪܐ ܐ̈ܠܗܐ ܕܒܬܪܗ. ܕܫ̈ܢܝܐ ܡܐܐ
                    ܫܝܢܐ ܗܼܘ ܒܝܬ ܡ̈ܠܟܘܬܐ. ܘܫܠܝܛ ܡܢ ܗܫܐ ܠܦܪ̈ܣܝܐ ܕܢܣܒܘܢ ܘܢܬܠܘܢ ܥܡ ܪ̈ܗܘܡܝܐܿ. ܘܕܢܙܒܢܘܢ
                    ܘܕܢܙܒܢܘܿܢܿ ܘܢܬܬܓܪܘܢ ܥܡ ܚ̈ܕܕܐ. ܠܢܘܓܪܐ ܕܫ̈ܢܝܐ ܢܬܩܝܡ ܫܝܢܐ ܕܡܠܟܘܬܢ ... ܗܝܕܝܢ ܪܗܗܘܡܝܐ
                    ܐܪܝܡܘ ܩܠܗܘܢ ܥܠ ܬܫ̈ܒܚܬܗ ܕܫܒܘܪܼ. ܥܕܢܐ ܣܓܝܐܐ ܡܩܠܣܝܢ ܗܘܘ ܠܗ. ܘܒ̈ܢܬ ܩ̈ܠܐ ܕܫܘܦܪܢܘܬܐ
                    ܕܫܒܝܢ ܠܒܗ. ܡܫܕܪܝܢ ܗܘܘ ܠܗ ܒܩ̈ܠܝܗܘܢ ܡܢ ܡܫܪ̈ܝܬܗܘܢܼ. ܘܐܒܘܗܿ ܕܡܠܟܘܬܐ ܡܫܡܗܝܢ ܗܘܘ ܠܗ.
                    ܘܟܕ ܣܒܥܬ ܡܫܡܥܬܗ ܕܛܪܘܢܐ ܡܢ ܬܫܒܚ̈ܬܗܘܢܼ. ܩܡܘ ܡ̈ܠܟܐ ܬܪ̈ܝܗܘܢ ܡܢ ܟܘܪ̈ܣܘܬܗܘܢܿ ܘܗܦܟܘ
                    ܠܡܫܪܝܬܐ ܥܡ ܪܘܪ̈ܒܢܐ ܕܥܡܗܘܢܿ ܠܒܬܪܗ ܕܝܢ ܕܝܘܡܐܼ. ܒܥܕܢܗ ܕܨܦܪܐ ܐܝܟ ܪܙܐ ܕܥܒܝܕ ܗܘܼܐ ܒܝܢܝ
                    ܡ̈ܠܟܐ ܬܪ̈ܝܗܘܢܼ. ܢܩܫܬ ܛܒܠܐ ܒܝܢܬ ܡܫܪ̈ܝܬܐܼ. ܘܐܫܬܩܠܬ ܙܝܢܐ ܡܢ ܚܝ̈ܠܘܬܗܘܢ ܕܡ̈ܠܟܐ
                    ܬܪ̈ܝܗܘܢܿ ܘܒܗܿ ܒܫܥܬܐ ܐܬܙܝܥܘ ܠܡܬܠ ܩܠܐ܇ ܟܠܗܘܢ ܛ̈ܟܣܐ ܕܙܢܝ ܙܡܪܐ ܕܦܪ̈ܣܝܐ ܘܕܪ̈ܗܘܡܝܐ.
                    ܘܗܘܬ ܚܕܘܬܐ ܘܪܘܙܐ ܠܡܫܪ̈ܝܬܐ ܕܓܒ̈ܐ ܬܪ̈ܝܗܘܢܿ ܘܬܗܝܪܝܢ ܗܘܘ ܛܒ ܥܠ ܫܘܚܠܦܐ ܕܗܘܼܐ. ܘܢܩܫܝܢ
                    ܗܘܘ ܟܦܐ ܘܪܦܣܝܢ ܒܪ̈ܓܠܝܗܘܢܼ ܘܡܚܕܝܢ ܠܚ̈ܕܕܐ. ܘܠܪܘܚܩܐ ܣܓܝܐܐ ܡܫܬܡܥ ܗܘܼܐ ܩܠܐ ܕܚܕܘܬܗܘܢܿ
                    ܘܕܒܪܘ ܡ̈ܠܟܐ ܬܪ̈ܝܗܘܢ ܡܫܪ̈ܝܬܗܘܢܼ. ܘܐܬܩܪܒܘ ܓ̈ܒܐ ܬܪ̈ܝܗܘܢ ܚܕ ܠܘܬ ܚܕ. ܟܕ ܡܠܐ ܦܘܡܗܘܢ
                    ܓܘܚܟܐܼ ܘܠܫܢܗܘܢ ܬܘܕܝܬܐ܇ ܘܐܫܬܝܢܘ ܘܐܬܪܥܝܘ ܠܚܕ̈ܕܐܼ. ܘܗܐ ܠܗܢܐ ܡܿܥܦܩ ܗܘܼܐ. ܘܗܢܐ ܠܗܢܐ
                    ܡܢܫܿܩ ܗܘܼܐ. ܘܗܘܬ ܡܢ ܝܘܡ̈ܝ ܥܠܡܐ. ܘܡܢ ܒܬܪ ܕܗ̈ܘܝܢ ܗܠܝܼܢ. ܐܡܿܪ ܠܗ ܝܘܒܢܝܢܘܣ ܠܫܒܘܪ. ܐܢ
                    ܐܝܬ ܠܟ ܨܒܝܢܐ ܢܬܪܡ ܒܟܬܒܐ ܥܘܗܕܗ ܕܝܘܡܐ ܗܢܐ ܠܐܝܠܝܢ ܕܐܬܝܢ  224 ܡܢ ܒܬܪܢܿ
                    ܘܕܐܝܠܝܢ ܗ̈ܘܝ ܘܐܫܬܡܫ ܥܕ ܝܘܡܢ. ܫܒܘܪ ܐܡܿܪ. ܠܐ ܦܩܕܐ ܒܪܝ ܘܠܝܬܐܿ. ܕܒܐܬܪܐ ܕܐܘܚܕܢܢ ܢܬܪܫܡ
                    ܟܬܒܐ ܗܢܐ. ܕܕܠܡܐ ܬܣܬܒܪ ܠܣܓ̈ܝܐܬܐܿ. ܕܩܛܝܪܐܝܬ ܐܬܢܣܒܬ ܢܨܝܒܝܢ ܡܢܟܘܿܢܿ ܒܥܠܬܐܘܠܨܢܗ
                    ܕܚܒܘܫܝܐ ܕܐܬܚܒܫܬܘܢ ܒܐܪܥܢ.ܐܠܐ ܢܦܘܩ ܠܒܝܬ ܬܚ̈ܘܡܐܼ. ܘܬܡܢ ܢܬܥܒܕ ܟܬܒܐ ܗܢܘܐ. ܢܫܬܪܪ ܒܐܪܡܝ
                    ܐܝܕܢ ܘܕܪܘܪ̈ܒܢܝܢ. ܕܬܬܝܕܥ ܠܟܠܢܫܧ. ܕܡܢ ܒܬܪ ܕܐܬܪܥܝܘ ܘܐܫܬܝܢܘ ܓܒ̈ܐ ܬܪ̈ܝܗܘܿܢܿ ܘܠܥܣܘ
                    ܘܐܫܬܝܘ ܥܡ ܚܕ̈ܕܐܿ. ܐܬܝܗܒܬ ܠܢ ܢܨܝܒܝܢ ܒܒܙܬܗܿ ܕܐܪܥܢ܇ ܒܨܒܝܢܐ ܛܒܐ ܕܪ̈ܗܘܡܝܐܿ. ܟܕ ܣܝܡܝܢ
                    ܒܐܥܗܘܢ ܘܡܘܕܝܢ ܠܛܝܒܘܬܢܿ ܘܫܦܪ ܦܬܓܡܐ ܒܥܝ̈ܢܘܗܝ ܕܩܣܪ ܘܫܠܡ ܠܗ. ܘܫܩܠܘ ܡ̈ܠܟܐ ܬܪ̈ܝܗܘܢ ܡܢ
                    ܒܝܬ ܐܪ̈ܡܝܐ ܕܢܐܬܘܢ ܠܬܚܘܡܐܿ. ܒܙܘܚܐ ܕܚܝ̈ܠܘܬܗܘܢ ܘܒܣܘܓܐܐ ܕܡܫܪ̈ܝܬܗܘܢܿ ܘܟܕ ܥܒܪ ܫܒܘܪ
                    ܒܐܪܥܐ ܕܟܒܫܘ ܪ̈ܗܘܡܝܐ ܒܐܘܚܕܢܗ: ܘܚܙܐ ܠܐܪܥܐ ܕܝܬܒܐ ܘܪܥܡܐ ܒܥܡܘܪ̈ܝܗܿ. ܐܬܪܟܢ ܡܢ ܣܘܣܝܗ.
                    ܘܒܐ̈ܝܕܘܗܝ ܬܪ̈ܬܝܗܝܢ ܐܘܕܝ ܠܛܝܒܘܬܗ ܕܝܘܒܢܝܢܣ. ܕܐܦ ܥܡܘܪ̈ܘܗܝ ܕܐܬܪܐ ܕܐܐܨܛܒܝܘ ܘܐܬܘ
                    ܠܫܠܡܗܘܢ ܕܡ̈ܠܟܐ ܗܠܝܼܢ. ܡܘܕܝܢ ܗܘܘ ܠܛܝܒܘܬܗ ܕܝܘܒܢܝܢܘܣ ܩܕ ܫܒܘܪ ܡܠܟܘܗܿܢܿ ܘܩܕܡ ܚܐܪ̈ܝܗܿ
                    ܘܪܘܪ̈ܒܢܝܗܿ ܕܦܪܣ. ܕܐܦ ܒܗܿ ܒܗܕܐܼ. ܚܘܒܐ ܥܠ ܚܘܒܐ ܐܬܬܘܣܦ ܠܗ ܠܝܘܒܢܝܢܘܣ ܨܝܕ ܦܪ̈ܣܝܐ. ܘܟܕ
                    ܐܬܘ ܠܬܚܘܡܐܼ. ܐܫܟܚܘܗܿ ܠܢܨܝܒܝܢ ܕܡܓܙܝܐ ܡܢ ܥܡܘܪ̈ܝܗܿ. ܓܠܝܬ ܗܘܬ ܠܗ ܓܝܪ ܐܢܫܘܬܗܿ ܟܠܗܿ
                    ܕܢܨܝܒܝܢ ܠܒܝܬ ܐܘܪ̈ܗܝܐܿ. ܡܢ ܟܕ ܫܡܥܬ ܕܐܬܝܗܒ ܟܪܟܐ ܠܦܪ̈ܣܝܐ. ܘܚܕܬܘ ܡ̈ܠܟܐ ܬܪ̈ܝܗܘܢ ܩܝܡܐ
                    ܒܡܘܡ̈ܬܐ. ܥܠ ܫܝܢܐ ܕܒܝܬ ܡܠܟܘ̈ܬܐܼ. ܘܥܒܕܘ ܟܬܒܐ ܒܝܬ ܬܚܘܡܐ ܥܠ ܢܨܒܝܢ܇ ܘܥܠ ܫܝܢܐ ܕܥܕ̈ܬܐ
                    ܕܒܝܬ ܦܪ̈ܣܝܐܼ ܡܐܐ ܫ̈ܢܝܢ. ܐܝܟ ܬܢܘܝ ܕܗܘܬ ܠܡ̈ܠܟܐ ܘܐܫܬܠܡܬ ܢܨܝܒܝܢ ܠܦܪ̈ܣܝܐ ܟܕ ܣܦܝܩܐ ܡܢ
                    ܥܡܘܪ̈ܝܗܿ. ܒܝܪܚ ܐܒܝ ܕܫܢܬ ܫܬܡܐܐ ܘܫܒܥܝܢ ܘܐܪ̈ܒܥ ܒܡܢܝܢܐ ܕܝ̈ܘܢܝܐ. ܘܣܦܩ ܝܘܒܢܝܢܘܣ ܒܝܕܥܬܗ
                    ܕܢܥܒܕ ܫܝܢܐ܇ ܒܝܢܬ ܬܪ̈ܬܝܢ ܡ̈ܠܟܘܢ ܬܩܝܦܢ. ܘܐܬܡܨܝ ܒܚܟܡܬܗ ܕܢܦܩ ܚܝ̈ܠܘܬܗ ܡܢ ܚܒܘܫܝܐ
                    ܕܐܬܚܒܫܘ ܗܘܘ ܒܗܿ. ܕܠܐ ܥܩܬܐܼ ܘܕܠܐ ܢܟܝܢܐ. ܘܟܕ ܡܢ ܟܕܘ ܠܐ ܥܕܟܝܠ 225 ܕܪܟܬ ܗܘܬ
                    ܪܓܠܗ ܒܐܘܚܕܢܐ ܕܡܠܟܘܬܗܼ. ܣܒܪ̈ܬܐ ܕܦܘܪܩܢܐ ܕܥܕ̈ܬܐ ܦܪܚ ܗ̈ܘܝܿ. ܒܐܬܪܐ ܟܠܗ ܕܪ̈ܗܘܡܝܐ. ܢܦܼܩ
                    ܓܝܪ ܦܘܩܕܢܗ ܠܐܘܚܕܢܐ ܕܡܠܟܘܬܗܼ. ܕܥܕܬ̈ܐ ܠܡ ܢܬܦܬܚܢܼ. ܘܢܣܓܐ ܫܠܡܐ ܠܝܠܕܝ̈ܗܝܢ. ܘܟܗ̈ܢܐ
                    ܩܕ̈ܝܫܐ ܕܐܫܬܘܕܝܘ ܡܢ ܡܕ̈ܝܢܬܗܘܢ: ܡܛܠ ܫܪܪܐ ܕܗܝܡܢܘܬܗܘܢܼ. ܢܦܢܘܢ ܒܐܝܩܪܐ ܠܥܕ̈ܬܗܘܢܼ. ܥܡ
                    ܩܝܡܐ ܚܣܝܐ ܕܐܠܗܐ. ܘܝܗܼܒ ܫܘܠܛܢܐ ܒܟܬܝ̈ܒܬܗ ܠܐܦܣ̈ܩܦܐ ܕܥܕ̈ܬܐ܇ ܕܢܪܡܘܢ ܚܬ̈ܡܐ ܘܛܒ̈ܥܐ ܥܠ
                    ܒܝܬ ܓ̈ܙܐ ܕܦܬܟܪ̈ܐܿ. ܘܥܠ ܒܝܬ ܓܙܐ ܕܝܘܠܦܢܗܿ ܕܛܥܝܘܬܐ܇ ܥܕ ܦܢܐ ܒܫܠܡܐ ܠܐܘܚܕܢܗ. ܘܡܿܦܢܐ
                    ܠܥܕܬ̈ܐ ܓ̈ܙܐ ܕܢܣܒ ܗܘܐ ܡܢܗܝܢܿ. ܝܘܠܝܢܘ ܣܒܫܢܝܘܬܗ. ܠܡܬܗܪ ܕܝܢ ܒܗܝܡܢܘܬܗ ܕܡܠܟܐ ܡܗܝܡܢܐ.
                    ܕܩܕܡ ܕܢܥܘܠ ܠܐܘܚܕܢܐ ܕܫܘܠܛܢܗ: ܘܢܣܥܘܪ ܨܒܘ ܒܡܠܟܘܬܗܼ. ܥܠ ܥܕܬܗ. ܕܐܠܗܐ ܠܘܩܕܡ ܗܘܬ ܠܗ
                    ܒܝܛܠܘܬܐ܇ ܘܝܗܼܒ ܠܗ ܐܝܕܐ ܒܟܬ̈ܝܒܬܗܿ. ܘܚܝܠܗܿ ܘܐܪܝܡ ܒܪܝܫܗܿ܇ ܘܥܫܢܬ ܘܐܬܬܝܡܬ ܩܪܢܗܿܥܠ ܟܠ
                    ܕܚ̈ܠܢ܇ ܘܕܫܬܝ ܥܩܒܗܿ ܥܠ ܨܘܪܐ ܕܣܩܘܪܗܝܗܿ. ܣܒܪܬܐ ܓܝܪ ܕܡܐܬܝܬܗ ܕܡܠܟܐ ܟܪܣܛܝܢܐܼ. ܬܘܗܬܐ
                    ܐܪܡܝܬ ܥܠ ܟܠܗܘܢ ܝܗ̈ܠܝܗܿ ܕܛܥܝܘܬܐ. ܝܬܝܪ ܕܝܢ ܥܠ ܥܡܐ ܕܨ̈ܠܘܒܐ. ܕܟܕ ܣܒܪܘ ܕܐܨܠܚܘ
                    ܘܐܬܬܪܡܝܬ ܩܪܢܗܘܢܼ. ܦܛܼܪܘ ܡܢ ܚܕܘܬܗܘܢܿ ܘܐܬܡܟܟܬ ܩܪܢܗܘܢܼ ܘܢܦܠܬ ܪܘܚܗܘܢܿ ܘܫܠܡܬ ܥܠܝܗܘܢ
                    ܗܿܝ ܕܐܡܝܪܐ ܒܡܙܡܘܪܐ܇ ܕܗܘܘ ܠܬܡܗܐ ܡܢ ܫܠܝܐ. ܬܘܕܝ ܕܝܢ ܠܛܿܒܐܼ ܕܕܢ ܒܪ̈ܚܡܼܐ ܘܠܐ ܐܗܡܝ ܡܢ
                    ܡܪܕܘܬܢܿ ܐܠܐ ܚܪ ܒܡܘܟܟܗ ܕܥܕܬܗܼ. ܘܫܩܠܗ ܡܢ ܚܝ̈ܐ ܠܡܠܟܐ ܪܫܝܥܐ. ܘܥܒܕ ܠܗܿ ܦܘܪܩܢܐ ܒܐ̈ܝܕܝ
                    ܡܿܠܟܐ ܡܗܝܡܢܐ. ܠܓܝܘ̈ܢܐ ܕܝܢ ܒܪ̈ܝܟܬܐ ܕܪ̈ܗܘܡܝܐ ܡܗܝ̈ܡܢܐ ܘܫܪܝܪ̈ܐ: ܕܣܝܡܝܢ ܗܘܘ ܒܐܘܪܗܝܼ.
                    ܟܕ ܝܠܦܘ ܥܠ ܝܘܒܢܝܢܘܣ ܕܢܦܩܘ ܠܬܚܘܡܐܼ. ܠܒܫܘ ܚܘܪ̈ܐ ܘܢܣܒܘ ܩܘܪ̈ܒܢܐܼ. ܘܢܚܬܘ ܠܐܘܪܥܗ
                    ܕܢܚܕܘܢ ܠܗ. ܘܟܕ ܚܙܐ ܐܢܘܢ ܦܪܘܫܐܼ. ܣܘܚ ܠܗܘܢܼ ܡܠܝܐܝܬ. ܘܩܒܠ ܐܢܘܢܼ ܚܒܝܒܐܝܬ. ܘܐܝܟ
                    ܕܠܪ̈ܚܡܐ ܐܢܘܢ ܐܝ̈ܕܝܥܐ ܒܡܠܟܘܬܗ. ܡܫܬܥܝܢ ܗܘܘ ܠܗ ܕܝܢ ܥܠ ܗܝܡܢܘܬܗܘܢ ܕܐܘܪ̈ܗܝܐ܇ ܕܐܝܟܢܐ
                    ܕܝܗܒܘ ܗܘܘ ܢܦܫܗܘܢ ܠܡܘܬܐܿ.  226 ܥܠ ܐ̈ܦܝ ܫܪܪܗ ܕܥܒܘܕܗܘܢܿ ܡܚܒܒ ܗܘܼܐ ܠܗܘܢ ܝܢ
                    ܝܘܒܢܝܢܘܣ ܒܠܒܗܼ. ܟܕ ܡܬܪܥܐ ܕܢܣܥܘܪ ܠܗܘܢ ܛܒܬܐܿ. ܐܝܟ ܡܐ ܕܫܿܘܐ ܥܡܠܐ ܕܗܝܡܢܘܬܗܘܢܿ ܘܡܛܠ
                    ܕܣܝܡܐ ܗܘܬ ܠܗ ܕܒܐܘܪܚܐ ܡܕܒܪܝܬܐ ܢܣܩ ܠܡܕܝܢܬ ܡܠܟܘܬܗ: ܕܠܐ ܢܪܡܐ ܥܡܠܐ ܠܡܕܝ̈ܢܬܐ ܒܡܣܩܗ.
                    ܟܬܒ ܐܓܪ̈ܬܐ ܕܒܘܝܐܐ ܘܕܫܠܡܐ ܠܐܘܪ̈ܗܝܐ ܟܕ ܡܘܕܐ ܠܡܝܕܢܬܗܘܢܼ. ܘܡܘܪܒܼ ܘܡܩܠܣ ܠܗܝܡܢܘܬܗܘܢܿ
                    ܟܕ ܡܫܬܘܕܐ ܠܗܘܢ ܒܟܬܝ̈ܒܬܗ ܒܡ̈ܘܡܬܐ. ܕܐܢܐ ܠܗܐ ܢܬܠ ܠܝ ܙܒܢܐ܆ ܘܐܬܒ ܒܫܠܝܐ ܥܠ ܟܘܪܣܝܐ
                    ܕܡܠܟܘܬܝܼ. ܐܬܕܟܪܝܗܿ ܠܡܕܢܬܟܘܢܼ ܘܠܐ ܐܛܥܝܗܿ. ܘܐܘܪܒ ܘܐܥܫܝܢܗܼܿ ܝܬܝܪ ܡܢ ܟܠܗܝܢ ܡܕܝ̈ܢܬܐ
                    ܕܐܝܬ ܒܐܘܚܕܢܝ. ܘܐܣܥܘܪ ܠܟܘܢ ܛܒ̈ܬܐ ܘܫܦܝܪ̈ܬܐ ܟܡܐ ܕܫܘܝܢ ܣܘܥܪ̈ܢܝܟܘܿܢܿ ܠܐ ܓܝܪ ܙܕܩ ܠܢ
                    ܕܢܗܘܐ ܛܠܘܡ̈ܐ ܠܥܡܠܗܿ ܕܗܝܡܢܘܬܟܘܿܢܿ ܐ̈ܢܫܐ ܕܣܡܬܘܢ ܢܦܫܟܘܢ ܠܡܘܬܐܿ. ܥܠ ܐ̈ܦܝ ܕܟܡܐ ܣܘܝܐ
                    ܗܘܬ ܢܦܫܝ ܕܐܬܿܐ ܗܘܝܬ ܠܘܬܟܘܢ ܐܠܘ ܡܨܝܐ. ܬܟܣܬܢܝ ܕܝܢ ܘܠܝܬܐ ܡܢ ܗܕܐܼ. ܕܠܐ ܢܪܡܐ ܬܥܫܐ
                    ܠܡܕܝܢܬܐ ܒܣܘܓܐܐ ܕܚܝ̈ܠܘܬܐ ܕܐܝܬ ܥܡܢ. ܐܢ ܕܝܢ ܡܪܝܐ ܢܨܒܐ ܕܢܥܡܪܢܝ ܒܫܠܝܐ ܒܐܘܚܕܢܐ ܕܡܠܟܘܬܝ
                    ܥܓܠ ܫܪ̈ܝܢ ܡܘ̈ܠܟܢܝ ܘܫܘ̈ܘܕܝ ܕܐܫܬܘܕܝܬ ܠܗܿ ܒܟ̈ܬܝܒܬ[ܐ] ܠܡܕܝܢܬܟܘܢܿ ܗܘܝܬܘܢ ܚܠܝܡܝܢ
                    ܒܪܘܚܟܘܢܼ ܘܫܪܝܪܝܢ ܒܗܝܡܢܘܬܟܘܢ ... ܘܟܕ ܝܠܦܘ ܐܘܪ̈ܗܝܐ ܡܢ ܟܬܝܒ̈ܬܗ ܕܡܠܟܐ. ܕܠܝܬ ܠܗ ܨܒܝܢܐ
                    ܕܢܥܒܪ ܥܠ ܡܕܢܬܗܘܢܿ ܟܪܝܬ ܠܗܘܢܼ ܛܒ. ܘܗܘܘ ܒܥܩܬܐ ܣܓܝܐܬܐ. ܨܒܝܢ ܗܘܘ ܓܝܪ ܒܡܐܬܝܬܗܼ. ܘܗܘܝܢ
                    ܗܘܘ ܠܚܙܬܗ. ܘܫܕܪܘ ܠܘܬܗ ܓܒܪ̈ܐ ܚ̈ܡܫܐ ܡܢܬ ܝܕܝ̈ܥܝܗܿ ܕܡܕܝܢܬܐܼ. ܕܢܒܥܘܢ ܡܢܗ ܕܢܐܬܐ
                    ܠܐܘܪܗܝܼ ܕܥܠ ܐܝ̈ܕܘܗܝ ܬܩܪܒ ܢܕܪܐ ܠܐܠܗܐ ܕܢܕܪܬ ܥܠܘܗܝܿ. ܟܕ ܣܝܡ ܗܘܐ ܒܐܪܥܐ ܕܒܥܠܕܒ̈ܒܘܗܝ.
                    ܘܟܕ ܐܙܠܘ ܗܿܢܘܢ ܕܐܫܬܕܪܘ ܠܘܬܗܼ. ܚܕܝ ܒܗܘܢ ܝܘܒܢܝܢܘܣ ܘܩܒܠ ܐܢܘܢ ܒܐܝܩܪܐ ܣܓܝܐܐܼ. ܘܐܚܕ
                    ܐܢܘܢ ܠܘܬܗ. ܘܡܫܒܚ ܩܕܡ ܪܘܪ̈ܒܢܐ ܕܡܠܟܘܬܗܼ ܟܕ ܐܡܿܪ. ܕܠܝܬ ܠܝ ܒܐܘܚܕܢܝ ܡܕܝܢܬܐ ܐܚܪܬܐ
                    ܕܚܒܝܒܐ ܠܝ ܐܝܟ ܐܘܪܗܝܿ. ܐܘ ܕܫܩܝܠܐ ܚܣܕܐ ܘܪ̈ܚܡܐ  227 ܒܥܝ̈ܢܝ ܒܕܡܘܬܗܿ. ܗܢܘ
                    ܕܝܢܼ. ܡܛܠ ܗܝܡܢܘܬܗܿ ܕܫܪܪܐ. ܐܡܪܝܢ ܠܗ ܓܒܪ̈ܐ ܕܐܫܬܕܪܘ ܨܐܕܘܗܝ. ܡܕܝܢ ܡܪܝ ܡܠܟܐܼ. ܐܢ
                    ܒܩܘܫܬܐ ܘܒܫܪܪܐ ܫܩܠܬܝ ܡܕܝܢܬܢ ܚܣܕܐ ܘܪ̈ܚܡܐ ܒܥ̈ܝܢܝ ܡܠܟܘܬܟܼ. ܕܠܡܐ ܬܣܪܩ ܫܘܒܗܪܗܿ ܘܣܘܟܝܗܿ
                    ܕܡܕܝܢܬܐ ܡܗܝܡܢܬܐܿ. ܘܬܣܛܐ ܘܬܥܒܪ ܠܟ ܡܢܗܿ. ܘܝܘܡ ܡܢ ܝܘܡ ܚܝܪܐ ܘܡܣܟܝܐ ܠܟ ܕܬܢܗܪ ܐ̈ܦܝܗܿ
                    ܒܡܐܬܝܬܟܿ. ܘܬܣܒ ܒܟ ܫܘܒܗܪܐ ܒܡ̈ܕܝܢܬܐ ܕܚ̈ܢܦܐ ܕܒܕܪ̈ܝܗܿ. ܘܐܢ ܡܿܠܟܐ ܪܫܝܥܐ: ܥܠ ܕܚܙܗܿ
                    ܠܚܪܢ ܕܣܪܝܟܐ ܒܚܢܦܘܬܗ ܘܛܒܝܥܐ ܒܫܝܢܘܬܗ: ܘܗܦܟ ܡܢ ܐܘܪܚܐ ܕܡܐܙܠܬܗ ܘܣܛܐ ܠܘܬܗܿ ܕܡܕܝܢܬܢ
                    ܦܩܪ̈ܐ: ܘܥܒܕ ܒܗܿ ܥܐܕܐ ܠܦܬܟܪ̈ܘܗܝ ܘܚܓܐ ܠܟܬܝܫ̈ܘܗܝ. ܘܫܩܠܬܝ ܒܗ ܫܘܒܗܪܐ ܡܕܝܢܬܐ ܕܟܬܝܫ̈ܐ
                    ܒܡܠܟܐ ܫܢܝܐ ܡܠܐ ܙܒܢܐܼ. ܟܡܐ ܝܬܝܪ ܙܕܩ ܝܘܡܢ ܕܬܣܒ ܒܟ ܫܘܒܗܪܐܿ. ܡܕܝܢܬܐ ܡܗܝܡܢܬܐ ܕܪܫܝܡܐ
                    ܒܨܘܪܬܟ. .ܛܒܝܥܐ ܒܗܝܡܢܘܬܟ ܘܚܝܪܐ ܠܟ ܠܟܫܥ܇ ܕܬܥܘܠ ܬܥܒܕ ܒܗܿ ܥܐܕܐ ܕܚ̈ܕܘܬܐ ܕܫܝܢܐ
                    ܕܥܕܬ̈ܐܿ. ܘܬܩܪܒ ܒܗܿ ܩܘܪ̈ܒܢܐ ܘܕܒ̈ܚܐ ܕܬܘܕܝܬܐ ܠܡܫܝܚܐ ܕܩܛܪ ܠܟ ܬܓܐܿ. ܘܫܟܢ ܒ̈ܐܝܕܝܟ ܫܝܢܐ
                    ܠܥܕ̈ܬܗ. ܕܬܐܠܦ ܕܝܢ ܡܪܝ ܡܠܟܐ ܕܟܡܐ [ܕ]ܣܪܝܟܐ ܐܢܫܘܬܗܿ ܕܡܕܝܢܬܢ ܒܚܘܒܐ ܐܠܗܝܐ ܕܪܚܡܬܟܼ.
                    ܬܫܐܠ ܐܠܗܘܬܟ ܠܪ̈ܗܘܡܝܐ ܡ̈ܗܝܡܢܐ ܕܝܬܝܒܘ ܥܡܢ܇ ܕܟܡܐ ܣܘܝܐ ܡܕܝܢܬܢ ܠܚܙܬܟ. ܫܪܝܪ ܐܝܬ ܓܝܪ.
                    ܕܟܡܐ ܕܝܬܝܪ ܡܢܼ. ܕܨܗܐ ܣܡܝܐ ܠܢܘܗܪܐ܇ ܨܗܝܐ ܐܢܫܘܬܐ ܕܐܘܪܗܝܿ. ܕܐܡܬܝ ܬܩܒܠ ܙܝܘܗܿ ܕܡܠܟܘܬܟ.
                    ܨܠܘܬܐ ܓܝܪ ܐܡܝܢܬܐ ܡܬܩܪܒܐ ܒܥܕܬܢ ܠܐܠܗܐ ܚܠܦ ܫܝܢܗܿ ܕܡܠܟܘܬܟܿ. ܘܕܢܓܪ̈ܢ ܫܢܝ̈ܟ ܥܠ ܐܘܚܕܢܢ܇
                    ܡܛܠ ܐܪܬܕܘܟܣܝܐ ܕܗܝܡܢܘܬܟ ܫܪܝܪܬܐ. ܠܡܬܗܪ ܕܝܢ ܝܬܝܪ ܒܫܒܪ̈ܝܗܿ ܘܝ̈ܠܘܕܝܗܿ ܕܐܘܪܗܝ. ܕܫܒܩܘ
                    ܗܓܝܢܐ ܕܣܦܪ̈ܗܝܘܢ ܒܝܬ ܝܘܠܦܢܐ ܘܒܥܘ̈ܢܝܬܐ ܕܥܕܬܐ ܕܣܡܘ ܦܪ̈ܘܫܐ ܠܐܪ̈ܬܕܣܐ ܕܗܝܡܢܘܬܟܼ. ܒܗܝܢ
                    ܡܬܗܓܝܢ ܫܒܪ̈ܐ ܟܠܫܥ ܒܝܬ ܝܘܠܦܢܗܘܢܿ ܘܡܐ ܕܐܫܬܪܝܘ ܡܢ ܪ̈ܒܢܝܗܘܢܼ ܠܡ ܢܦܩܿܝܢ ܠܘܩܕܡ ܠܒܪ ܡܢ
                    ܬܪ̈ܥܝܗܿ ܕܡܕܝܢܬܢ܆ ܗܿܘ ܕܡܝܬܐ ܠܗܪܟܐ ܠܬܚ̈ܘܡܐ ܘܣܓܕܝܢ ܬܠܬ ܙܒܿܢܝܢ ܠܬܓܐ ܡܫܩܠܐ ܕܡܠܟܘܬܟ.
                    ܘܗܝܕܝܢ ܦܪܫܝܢ ܡܢ ܚܪ̈ܕܐ ܠܡܐܙܠ  228 ܠܒܝܬ ܐܢܫܝ̈ܗܘܢܿ ܠܘ ܕܝܢ ܛ̈ܠܝܐ ܒܠܚܘܕ܆ ܐܠܐ
                    ܐܦ ܓܒܪ̈ܐ ܘܢ̈ܫܐ. ܘܟܠ ܡܘ̈ܫܝܚܢ ܕܐܝܬ ܒܗܿ ܒܡܕܝܢܬܢܿ ܠܝܬ ܠܗܘܢ ܪܢܝܐ ܐܚܪܢܐ ܐܘ ܥܢܝܢܐ ܡܕܡܿ.
                    ܐܠܐ ܒܠܚܘܕ ܕܐܡܬܝ ܬܕܢܚ ܥܠܝܗܘܢ ܡܠܟܘܬܟܘܢܿ ܘܠܥܡܐ ܕܗܟܢܐ ܡܣܘܚ ܠܡܐܬܝܬܟܘܢ܇ ܘܗܕܐ ܗܼܝ ܟܠܗܿ
                    ܒܥܘܬܗܘܢ܆ ܚܣ ܠܗܿ ܠܡܪܚܡܢܘܬܟ. ܡܪܝ ܡܿܠܟܐ܇ ܕܬܓܠܘܙ ܒܢܦܫܟ ܒܥܘܬܗܘܢܿ ܐܠܐ ܟܕ ܚܕܝܐ ܘܪܘܙܐ
                    ܡܕܝܢܬܢܿ ܬܩܒܠ ܐ̈ܦܝܗܿ ܕܡܠܟܘܬܟ ܒܪ̈ܚܡܝܢ ... ܝܘܒܢܝܢܘܣ ܕܝܢ ܡܛܠ ܕܓܒܪܐ ܗܼܘܐ ܚܫܝܫܐܼ. ܟܕ
                    ܫܡܥ ܗܠܝܢ ܡܢ ܓܒܪ̈ܐ ܗܿܢܘܢ ܕܐܫܬܕܪܘ ܠܘܬܗܼ. ܡ̈ܠܝ ܗ̈ܘܝ ܥ̈ܝܢܘܗܝ ܕܡ̈ܥܐܼ ܘܒܥܼܐ ܠܡܒܟܐ. ܘܥܠ
                    ܠܡܫܟܢܗܼ ܘܒܟܼܐ. ܘܟܕ ܐܦܝܓ ܒܒܟܝܗ ܕܡ̈ܥܐ ܕܥ̈ܝܢܘܗܝܼ. ܐܫܝܓ ܐ̈ܦܘܗܝ ܘܢܦܼܩ ܠܘܬܗܘܢ ܒܣܝܡܐܝܬ
                    ܟܕ ܐܡܿܪ. ܕܐܢܐ ܠܡ ܠܢܝܚܐ ܕܡܕܝܢܬܟܘܢܼ. ܘܕܟܠܗ ܐܘܚܕܢܢ ܐܬܪܥܝܬ܇ ܕܐܥܒܪ ܒܐܪܥܐ ܒܪܝܬܐ
                    ܕܥܡ̈ܡܐ܇ ܕܒܡܕܡ ܠܐ ܢܐܩܪ ܥܠ ܡ̈ܕܝܢܬܐ ܕܐܘܚܕܢܢ. ܡܢ ܗܫܐ ܕܝܢ ܕܝܠܦܬ ܡܿܢܘ ܨܒܝܢܟܼܘܢܿ ܐܢܐ
                    ܐܓܡܘܪ ܨܒܝܢܟܘܢ ܘܐܫܡܠܐ ܪܓܬܟܘܢܿ ܘܩܪܐ ܠܐܪܣܩܝܣ ܪܒ ܚܝܠܗܼ. ܘܐܓܥܠ ܒܐܝ̈ܕܘܗܝ ܚܝܠܐ ܟܠܗ
                    ܕܪ̈ܗܘܡܝܐܼ. ܣܛܪ ܡ ܬܪ̈ܬܝܢ ܪ̈ܒܘܢ ܚܝܠܐ ܕܐܫܬܚܪ ܥܡ ܡܠܟܐ. ܘܫܕܪܗ ܩܕܡܘܗܝ ܠܡܕܝܢܬ ܡܠܟܘܬܗ
                    ܕܩܘܣܛܢܛܝܢܣ. ܒܐܘܪܚܐ ܓܪܒܝܝܬܐ ܕܣܠܩܐ ܡܢ ܬܚ̈ܘܡܐ. ܘܗܼܘ ܒܚܝܠܐ ܕܦܪ̈ܫܐ ܕܫܪܟܘ ܨܐܕܘܗܝܼ. ܣܡ
                    ܕܢܐܬܐ ܠܐܘܪܗܝ. ܘܟܕ ܐܣܬܒܪܬ ܗܘܬ ܐܘܪܗܝ ܥܠ ܡܐܬܝܬܗܼ. ܚܕܝܬ ܘܪܘܙܬ ܘܐܬܦܨܚܬ. ܘܠܒܫܘ
                    ܫܘ̈ܩܿܝܗܿ ܚܘܪ̈ܐܼ. ܘܐܦܪܓ ܐܣ̈ܛܘܝܗܿ ܒܫܪ̈ܝܐ. ܐܦ ܬܪ̈ܥܝܗܿ ܕܡܕܝܢܬܐ ܡܢ ܠܒܪ ܘܡܢ ܠܓܘܼ.
                    ܡܟܠܠܝܢ ܗܘܘ ܒܐ̈ܦܝ ܬܪ̈ܥܐ ܚ̈ܠܝܛܐ ܕܟܠ ܓܘ̈ܢܝܢ. ܘܒܟܠܗܘܢ ܫܘ̈ܩܝܗܿ ܘܐܣ̈ܛܘܝܗܿ ܕܐܘܪܗܝܼ.
                    ܚ̈ܒܠܐ ܪ̈ܨܝܦܐ. ܡܬܝܚܝܢ ܗܘܘ܇ ܠܣܘܓܐܐ ܕܠܡܐ̈ܦܐ ܘܩ̈ܢܕܠܐ ܕܛܝܒܘ ܗܘܘ ܐܘܪ̈ܗܝܐܿ. ܕܒܙܘܚܐ
                    ܕܢܘܗܪܐ ܣܓܝܐܐ܇ ܬܗܘܐ ܡܥܠܬܗ ܕܓܒܪܐ ܡܗܝܡܢܐ ܠܡܕܝܢܬܗܘܢܿ ܝܩܝܪܐ ܗܘܬ ܓܝܪ ܛܒ ܡܥܠܬܗ ܕܗܢܐ
                    ܦܪܘܫܐ. ܘܐܝܟ ܡܐ ܕܕܢܚܐ ܐܠܗܝܐ ܕܢܚ ܠܗܘܿܢܿ ܗܟܢܐ ܕܢܚܬ ܥܠܝܗܘܢ ܣܒܪܬܐ ܕܡܐܬܝܬܗ ܕܡܿܠܟܐ
                    ܟܪܣܛܝܢܐ ܘܐܪܘܙܬ ܐܢܘܢܿ ܘܫܩܠܘ ܥܠܝܗܘܢ ܦܪܘܫܐܝܬ  229 ܝܘܩܪܐ ܕܬܫܡܫܬܗܼ. ܘܝܗܒܘ ܗܘܘ
                    ܐܘܡ̈ܢܐ ܚܟ̈ܝܡܐ ܒܦܠܛܝܢ ܕܒܝܬ ܐܒܓܪ: ܕܒܫܩܠ ܛܥܢܐ ܣܓܝܐܐ ܢܛܝܒܘܢ ܠܗ ܡܫܪܝܐ ܕܙܕܩ ܠܐܝܩܪܐ
                    ܕܬܫܡܫܬܗ. ܐܦ ܠܒܪ ܡܢ ܬܪܥܗܿ ܡܕܢܚܝܗܿ ܕܡܕܝܢܬܐ: ܕܡܢܗ ܥܬܝܕ ܗܘܐ ܠܡܥܠ ܡܠܟܐ. ܥܠ ܡܪܕܐ ܡܢܗܿ
                    ܐܣܛ̈ܕܘܬܐ ܬܪ̈ܝܢ. ܢܩܫܘ ܠܗ ܟܠܬܐ ܕܒܘܨܐ ܘܕܐܪܓܘܢܐܿ. ܚܙܬܐ ܦܐܝܬܐ ܘܥܒܕܐ ܫܦܝܪܐ ܕܐܘ̈ܡܢܐ
                    ܚܟ̈ܝܡܐ. ܠܥܠ ܡܢܗܘܢ ܕܝܢ ܥܡ̈ܘܕܐ ܕܫܩܝܠܝܢ ܗܘܘ ܠܟܠܬܐܿ. ܚܘܕܪܗܿ ܬܚܬܝܐ ܕܥܠ ܥܡ̈ܘܕܐܼ. ܝܗܒܘ
                    ܗܘܘ ܥܠܝܗܿ ܐܘ̈ܡܢܐܼ. ܬܠܬܐ ܣܕܪ̈ܝܢ ܕܚܙܘܪ̈ܐ ܕܕܗܒܐ ܘܕܣܐܡܐ. ܘܒܪܝܫܗܿ ܕܟܠܬܐ ܡܢ ܠܥܠܼ. ܩܒܝܥ
                    ܗܘܐ ܨܠܝܒܐ ܕܕܗܒܐܿ. ܕܥܒܝܕ ܗܘܼܐ ܒܫܩܠ ܛܥܢܐ ܠܐܒܓܪ ܡܠܟܐܿ. ܘܩܒܝܥ ܗܘܼܐ ܒܝܘ̈ܡܬܗ ܒܐܦܕܢܐ
                    ܕܡܠܟܘܬܗ. ܘܒܓܘܗܿ ܕܟܠܬܐܼ. ܡܫܘܝܐ ܗܘܬ ܒܐܝܡܐ ܪܒܬܐ ܠܡܘܬܒܗ ܕܡܿܠܟܐܿ. ܠܦܘܬ ܕܢܗܘܐ ܡܬܚܙܐ
                    ܠܟܠܗܿ ܐܢܫܘܬܗܿ ܕܡܝܕܢܬܐ ... ܘܟܕ ܐܨܛܒܬܬ ܡܕܝܢܬܐ ܘܐܬܗܕܪܬܼ. ܠܒܫܘ ܗܘܘ ܚܘܪ̈ܐ ܪ̈ܫܝܢܗܿ
                    ܕܥܕܬܐܼ ܘܦܩܘ̈ܕܝܗܿ ܕܡܕܝܢܬܐ. ܘܢܦܩܘ ܗܘܘ ܠܐܘܪܥܗ ܕܥܠ ܪܘܚܩܐ ܣܓܝܐܐܼ ܢܩܒܠܘܢܝܗܝ. ܘܟܕ ܡܢܥܘ
                    ܘܡܛܘ ܠܘܬܗ܇ ܘܚܙܐ ܐܢܘܢ ܕܦܨܝܚܝܢ ܘܕܝܨܝܼܢ ܘܡܦܪܓܝܢ ܒܠܒ̈ܘܫܐܼ. ܐܣܬܟܠ ܡܢ ܚܙܬܗܘܢ ܕܐܘܪ̈ܗܝܐ
                    ܐܢܘܢܿ ܘܟܕ ܐܬܩܪܒܘ ܠܣܓܕܬܗܼ ܐܬܪܟܢ ܥܠ ܣܘܣܝܗܼ ܘܩܒܠ ܒܐܝܕܗ ܣܓܬܕܗܼܘܢܿ ܘܐܝܟ ܕܥܡ ܐܚܝ̈ܢܘܗܝ
                    ܘܩܪ̈ܝܒܘܗܝ ܡܡܠܠ ܗܘܐ ܥܡܗܘܢܿ ܘܓܚܟ ܗܘܼܐ ܐܘܦܨܝܚ ܟܕ ܐܡܿܪ. ܕܒܥܘܬܟܘܢ ܠܡ ܕܡܢ. ܥܡܠܐ ܪܒܐ
                    ܘܬܥܫܐ ܕܠܐ ܣܟ ܐܪܡܝܬ ܠܟܘܢܿ ܘܠܘ ܕܝܢ ܠܟܘܢ ܒܠܚܘܕ. ܐܠܐ ܐܦ ܥܠ ܡ̈ܕܝܢܬܐ ܐܚܪ̈ܢܝܬܐܿ. ܕܣܝܡܝܢ
                    ܥܠ ܐܘܪܚܐ ܕܡܥܒܪܬܢ ܘܗܕܐ ܠܡ ܕܐܢܬܘܢ ܨܒܝܬܘܢܿ ܐܡܿܪ ܠܗ ܐܦܣܩܦܗܿ ܕܐܘܪܗܝ. ܒܥܝܢܢ ܡܢ ܫܘܠܛܢܗܿ
                    ܕܡܠܟܘܬܟ ܙܕܝܩܘܬܐܼ. ܠܐ ܢܐܡܪ ܡܪܝ ܡܿܠܟܐ ܐܝܟ ܗܕܐ ܡܠܬܐ. ܕܗܿܘ ܡܫܝܚܐ ܕܥܡܪ ܒܟ ܢܓܠܐ ܠܟܼ.
                    ܕܝܬܝܪ ܡܢ ܕܡܬܪܓܪ ܣܡܝܐ ܢܚܙܐ ܢܘܗܪܐܿ. ܣܘܝܢ ܡܕܝ̈ܢܬܐ ܕܐܡܬܝ ܬܕܢܚ ܥܠܝܗܝܢ ܡܠܟܘܬܟ ܙܕܝܩܬܐ.
                    ܟܠܗܘܢ ܓܝܪ ܐܬܪ̈ܘܬܐ ܐܘܚܕܢܟ ܟܪ̈ܣܛܝܢܐ ܐܢܘܢ ܕܠܩܘܫܬܝܢ. ܐܦܢ ܡܠܐ ܙܒܢܐ ܡܢ ܕܚܠܬܗ ܕܡܿܠܟܐ
                    ܛܪܘܢܐ ܐܬܢܓܘ ܠܚܢܦܘܬܗ  230 ܘܐܬܪܡܝܘ ܠܨܒܝܢܗ. ܘܡܨܝܐ ܗܝ ܐܠܗܘܬܟ ܠܡܐܠܦ ܫܪܪܗܝܢ
                    ܕܗܠܝܼܢ. ܡܢ ܟܬܝ̈ܒܬܐ ܕܐܫܬܕܪ ܠܢ ܡܢ ܐܢܛܝܟܝܐ. ܘܡܢ ܡܕܝ̈ܢܬܐ ܐܚܪ̈ܢܝܬܐ ܕܥܠ ܐܘܪܚܐ ܕܡܐܙܠܬܟ
                    ܡܪܝ ܡܠܟܐ ܝܬܒܢ. ܘܐܝܟ ܕܠܡܕܠܢܬܐ ܕܫܩܼܠܬ ܚܣܝܕܐ ܘܪ̈ܚܡܐ ܒܥ̈ܝܢܝܗ ܕܡܠܟܘܬܟܿ. ܥܒܕܘ ܐܓܪ̈ܬܐ
                    ܕܦܝܣܐ ܘܫܕܪܘ ܠܢ. ܕܐܦ ܚܢܢ ܐܝܟ ܥ̈ܒܕܐ ܕܫܩܠܘ ܚܣܕܐ ܘܪ̈ܚܡܐ ܒܥ̈ܝܢܝ ܡܪܗܘܢܼ. ܦܝܣܐ ܘܒܥܘܬܐ
                    ܢܩܪܒ ܠܐܠܗܘܬܟ ܥܠܝܗܘܢܼ. ܕܠܐ ܢܬܓܠܙܢ ܡܢ ܚܕܘܬܗ ܕܡܐܬܝܬܟܿ ܫܪܝܪܐܝܬ ܕܝܢ ܡܪܝ ܡܿܠܟܐܼ.
                    ܕܐܬܪ̈ܘܬܐ ܟܠܗܘܢ ܕܐܘܚܕܢܗܿ ܕܡܠܟܘܬܟܼ. ܠܐ ܣܦܩܝܢ ܠܡܦܪܥ ܬܘܕܝܬܐ ܠܦܘܠܚܢܗܿ ܕܙܕܝܩܘܬܐ.
                    ܘܠܥܡܠܐ ܓܡܝܪܐ ܕܗܝܡܢܘܬܟ. ܕܡܛܠ ܥ̈ܕܬܗ ܕܐܠܗܐܼ. ܘܕܒܟܝܟ ܚܫܝܫܐ ܕܡܛܠ ܪܕܘܦܝܗ ܘܐܘܠܨܢܗ ܕܥܡܢ܇
                    ܘܬܢ̇ܬܐ ܬܟܝ̈ܒܬܐ ܕܡܛܠ ܫܘܥܒܕܗ ܘܡܘܟܟܗ ܕܩܝܡܝܢ܇ ܘܕܨ̈ܠܘܬܟ ܐܡ̈ܝܢܬܐ ܕܡܛܠ ܨܥܪܗ ܘܒܙܚܗ
                    ܕܐܣܟܡܢ. ܘܡܢܐ ܡܬܒܥܝܢ ܣܓ̈ܝܐܬܐ. ܕܗܐ ܐܦ ܒܐܪܥܐ ܕܒܥܠܕܒ̈ܒܝܢ ܗܝܡܢܘܬܟ ܣܥܪܬ ܕܝܠܗܿ. ܘܫܢ̈ܝܐ
                    ܡܐܐ ܙܕܩܬܿ ܫܝܢܐ ܠܥܕ̈ܬܐ ܕܦܪܣ. ܘܫܠܡܐ ܠܝ̈ܠܕܝܗܝܢ ܣܦܩܬ ܕܝܢ ܐܝܕܥܬܟܼ. ܕܬܥܒܕ ܬܪܥܘܬܐ ܒܝܢܬ
                    ܬܪ̈ܬܝܢ ܡ̈ܠܟܘܬܢ ܬܩ̈ܝܦܢ. ܘܒܬܪ ܗܠܝܢ ܢܨ̈ܚܢܐ ܕܥܒܕܬ ܗܝܡܢܘܬܟܿ ܘܛܒ̈ܬܐ ܘܫܦܝܪ̈ܬܐ ܕܐܚܝܕܐ ܠܟ
                    ܡܠܟܘܬܢܿ ܬܣܒܪ ܡܪܝ ܡܿܠܟܐ ܕܝܩܝܪܐ ܡܥܒܪܬܟ ܥܠ ܡܕ̈ܝܢܬܐ ܕܐܘܚܕܢܟܼ. ܕܠܡܐ ܗܟܝܠ ܡܪܝ ܡܿܠܟܐ
                    ܬܣܩ ܡܢ ܗܫܐ ܗܕܐ ܥܠ ܠܒܟ. ܕܚܕܘܬܐ ܪܒܬܐ ܗܘܝܬ ܠܡܕ̈ܝܢܬܐ ܒܡܐܬܝܬܟ. ܝܘܒܢܝܘܣ ܕܝܢ ܥܠ ܗܠܝܼܢ.
                    ܠܐܠܗܐ ܡܙܕܩ ܗܘܐ ܬܘܕܝܬܐ. ܣܢܐ ܗܘܐ ܓܝܪ ܥܠܘܗܝ ܛܒ ܫܘܒܗܪܐ. ܘܢܕܝܕܐ ܗܘܬ ܒܥ̈ܝܢܘܗܝ ܪܡܘܬܐ.
                    ܓܒܪܐ ܗܘܼܐ ܓܝܪ ܡܟܝܟܐ. ܘܡܟܝܟܘܬܗ ܕܨܝܒܢܐ ܗܘܬ ܘܠܐ ܕܟܝܢܐ. ܚܘܪ ܕܝܢ ܦܪܘܫܐ ܕܥܕܡܐ ܠܿܐܝܕܐ
                    ܚܘܝ ܨܒܝܢܐ ܛܒܐ ܕܡܟܝܟܘܬܗ ܕܕܩܕܩ ܗܘܐ ܗܠܟܬܐ ܕܣܘܣܝܗܼ. ܠܦܘܬ ܕܡܨܐ ܗܘܬ ܒܚܝܠܐ ܠܡܪܕܐ ܪܟܘܒܐ
                    ܗܿܘ ܕܥܠܘܗܝ ܝܬܒ ܗܘܼܐ ܐܦܣܩܦܗ ܕܐܘܪܗܝ. ܐܝܟ ܕܢܗܘܐ ܗܘܼܐ ܥܢܝܢܐ ܕܡܡܠܠܗ ܥܡ ܕܝܠܗ. ܡܫܬܥܐ
                    ܗܘܼܐ ܠܗ ܓܝܪ. ܕܐܝܠܝܢ ܣܥܪ ܐܠܗܐ ܒܐܝ̈ܕܘܗܝ ܠܥ̈ܕܬܐ ܕܐܠܗܐ ܕܐܝܬ  231 ܒܦܪܣ. ܘܟܕ
                    ܗܢܘܢ ܡܡܠܠܝܢ ܘܪܕܝܢ ܒܐܘܪܚܐ. ܘܗܐ ܚܐܪ̈ܝܗܿ ܘܪܘܪ̈ܒܢܝܗܿ ܕܚܪܢ ܣܡܘ ܐܦܝܗ̈ܘܢ ܡܢ ܠܘܩܒܠ ܥܠ
                    ܕܢܬܩܪܒܘܢ ܠܣܓܕܬܗ. ܗܼܘ ܕܝܢ ܟܕ ܚܙܐ ܕܠܝܬ ܥܡܗܘܢ ܐܢܫ ܡܢ ܛ̈ܟܣܝܗܿ ܕܥܕܬܐ. ܐܗܦܟ ܐܦ̈ܘܗܝ
                    ܡܢܗܘܢ ܒܚܡܬܐ. ܘܫܕܐ ܐܢܘܢ ܡܢ ܩܕܡܘܗܝܼ. ܘܠܐ ܝܗܼܒ ܠܗܘܢ ܕܢܬܩܪܒܘܢ ܠܣܓܕܬܗ. ܐܠܐ ܒܝܕ
                    ܡܬܪܓܡܢܐ ܡܫܐܠ ܗܘܼܐ ܠܗܘܢ ܥܠ ܩܠܝܪܘܣ ܕܥܕܬܐ ܕܚܪܢ ܕܡܐܗܼܝ ܥܠܬ ܟܠܝܢܗܘܢ ܕܠܐ ܐܬܘ ܗܘܘ ܠܫܠܡܗ
                    ܕܡܿܠܟܐ. ܗܢܘܢ ܕܝܢ ܟܕ ܕܚܝܠܝܢ ܘܪܬܝܬܝܼܢ. ܦܢܝܘ ܦܬܓܡܐ ܘܐܘܕܝܘܼ ܘܠܐ ܟܦܪܘ. ܕܣܘܓܐܐ ܠܡ
                    ܡܢܗܘܢ ܒܝܕ ܕܐܬܪܡܝܘ ܠܨܒܝܢܗ ܕܝܘܠܝܢܘܣ ܡܿܠܟܐ: ܡܛܠ ܕܚܠܬܐ ܕܦܘܩܕܢܗ ܚܠܦܘ ܐܬܪܐܼ. ܡܛܠ
                    ܕܢܟܦܝܢ ܗܘܘ ܡܢ ܝܕ̈ܘܥܝܗܘܢܼ. ܕܢܬܚܙܘܢ ܬܘܒ ܒܡܕܝܢܬܢ. ܘܕ̈ܠܝܠܐ ܡܢܗܘܢ ܕܚܡܣܢܘ ܘܩܡܘ
                    ܒܫܪܪܗܘܢ. ܠܡܛܠܘܢ ܘܠܐܬܪ̈ܘܬܐ ܥ̈ܣܩܐ ܘܡ̈ܒܥܕܐ ܐܫܬܕܝܘ. ܘܠܐ ܡܠܐ ܥܕܟܝܠ ܙܒܢܗܘܿܢ ܕܢܦܢܘܢ
                    ܠܕܘ̈ܟܝܬܗܘܢܿ ܘܪܓܙ ܥܠܝܗܘܢ ܝܘܒܢܝܢܘܣ ܘܐܡܼܪ. ܕܟܝܪ ܐܢܐ ܗܼܘ ܠܡ ܒܝ̈ܫܬܐ ܕܣܥܪܘ ܚܪ̈ܢܝܐ
                    ܒܥܒ̈ܕܘܗܝ ܕܐܠܗܐ ܕܠܐ ܣܟܠܘ. ܕܒܒ̈ܢܬ ܩ̈ܠܐ ܕܩܘܠܣܐ ܕܫܘܒܚܐ ܣܪܝܦܐ. ܕܐܫܐܠܘܗܝ ܠܛܪܘܢܐ ܡܠܐ
                    ܫܥܬܐ. ܫܒܐܘܗܝ ܠܗܘܢܗ ܕܡܠܟܐ ܫܢܝܐ ܘܐܬܪܡܝ ܠܡܐܟܠ ܩܪܨܗܘܢ ܕܝܠܗܘܢܿ ܘܒܡܠܒܛܢܘܬܗܘܢ ܕܥܠ
                    ܥܕ̈ܬܐ. ܐܫܬܩܠܘ ܓ̈ܙܝܗܿ ܘܐܣܬܪܒܬ ܡܢ ܬܫܡܫܬܗܼܿ ܘܟ̈ܗܢܐ ܝܩܝܪ̈ܐ ܕܐܬܪܒܝܘ ܒܗܿ: ܥܠ ܕܠܐ ܢܦܠܘ
                    ܡܢ ܫܪܪܗܘܢ ܘܟܕܒܘ ܒܗܝܡܢܘܬܗܘܢܼ. ܠܡܛܠܘܢ ܕܢܚܫܐ ܐܫܬܕܝܘ. ܒܦܘܩܕܢܗ ܕܝܘܠܝܢܘܣ ܕܘܝܐ. ܐܢܐ ܕܝܢ
                    ܡܢ ܗܫܐ ܐܬܢܩܡ ܡܢܗܘܢ ܣܘܪ̈ܚܢܐ ܕܥܒܕܘ. ܘܐܣܝܡ ܒܪܫܗܘܢ ܚܢܦܘܬܗܘܢܿ ܘܦܩܕ ܥܠܝܗܘܢ ܕܢܦܠܘܢ ܒܗܘܢ
                    ܦܪ̈ܙܠܐܼ. ܘܟܕ ܐܣܝܪ̈ܝܢ ܒܫܝ̈ܫܠܬܐ ܢܫܬܕܘܢ ܠܐܘܪܗܝܿ. ܕܬܡܢ ܢܗܘܐ ܫܘܐܠܗܘܢ ܘܓܙܪ ܕܝܢܗܘܢܿ
                    ܐܘܪ̈ܗܝܐ ܕܝܢ ܕܐܝܬ ܗܘܘ ܥܡ ܡܿܠܟܐ. ܒܥܘ ܡܢܗ ܕܠܐ ܢܫܕܪ ܐܢܘܢ ܠܡܕܝܢܬܗܘܢܿ ܐܡܪܘ ܠܗ ܓܝܪ
                    ܠܡܠܟܐ. ܕܐܢ ܠܐܘܪܗܝ ܡܫܕܪܐ ܠܗܘܢ ܡܠܟܘܬܟܿ ܠܓܒܪ̈ܐ ܗܠܝܢ: ܩܕܡ ܕܗܘܐ ܫܘܐܠܗܘܢ ܘܢܦܩ ܓܙܪ
                    ܕܝܢܗܘܢܼ. ܒܝܫ ܒܝܫ ܗܘܐ ܐܒܕܢܗܘܢ ܒܡܕܝܢܬܢܿ ܘܠܝܩܕܢܐ ܕܢܘܪܐ ܢܗܒܝܢ 232 ܠܗܘܢ
                    ܐܘܪ̈ܗܝܐ. ܐܝܟ ܕܒܢܘܪܐ ܓܝܪ ܫܓܝܪܐ ܒܛܢܢܐ ܐܘܪܗܝ ܥܠ ܚܪܢܿ ܗܢܘ ܕܝܢ ܡܛܠ ܚܢܦܘܬܐ ܕܝܠܕܝ̈ܗܿ.
                    ܠܘ ܓܝܪ ܡܢ ܝܘܠܝܢܘܣ ܒܠܚܘܕ ܫܪܝܘ ܒܚܢܦܘܬܐ. ܕܐܦ ܒܝ̈ܘܡܝ ܡ̈ܠܟܐ ܟܪ̈ܣܛܝܢܐܼ. ܐܝܟ ܐܟܕܢܐ
                    ܒܚܘܠܢܗܿ ܟܡܝܢܐ ܗܘܬ ܒܗܘܢ ܚܢܦܘܬܗܘܢܿ ܐܦܢ ܢܗܘܐ ܕܠܐ ܡܨܝܢ ܗܘܘ ܡܢ ܕܚܠܬܐ ܕܡ̈ܠܟܐ ܟܪ̈ܣܛܝܢܐ
                    ܢܓܠܝܘܢܗ. ܘܗܫܐ ܡܪܝ ܡܿܠܟܐܼ. ܐܢ ܐܢܬ ܠܟ ܨܒܝܢܐ ܘܫܦܝܪܐ ܒܥ̈ܝܢܝܟܼ. ܢܫܬܕܪܘܢ ܓܒܪ̈ܐ ܗܠܝܢ
                    ܠܩܘܣܛܢܛܝܢܐ ܡܕܝܢܬܐ. ܘܬܡܢ ܢܗܘܐ ܫܘܐܠܗܘܢ ܘܓܙܪ ܕܝܢܗܘܢܿ ܐܢ̈ܫܐ ܕܝܢ ܬܠܝ̈ܐ ܕܐܝܬ ܗܘܘ ܥܡ
                    ܡܿܠܟܐ. ܢܨܝܢ ܗܘܘ ܥܡ ܐܘܪ̈ܗܢܐܼ ܩܫܝܐܝܬ. ܘܡܒܓܢܝܢ ܗܘܘ ܥܠܝܗܘܢ ܩܕܡ ܡܿܠܟܐ ܘܐܡܪܝܢ. ܕܡܢܐ
                    ܗܝܼ ܠܡ ܦܪܗܣܝܐ ܗܕܐ ܕܫܩܠܘ ܐܘܪ̈ܗܝܐܼ. ܕܠܐܠܗܘܬܟ ܕܠܐ ܒܙܕܩܐ ܢܦܩܕܘܢܿ ܘܐܝܟܢܐ ܠܐ ܢܪܓܙ ܐܢܫ
                    ܬܪܥܝܬܐ ܕܐܬܪܥܝܘ ܐܘܪ̈ܗܝܐ ܥܠ ܟܪܟܢ. ܕܐܓܝܠܘ ܘܫܕܐܘܗ ܠܟܦܐ ܕܙܝ̈ܙܢܐ ܡܢ ܡܕܝܢܬܗܘܢܿ ܘܐܝܟ
                    ܐܢ̈ܫܐ ܛܪ̈ܟܢܐ ܫܕܐܘܗ ܥܠ ܡܕܝܢܬܢ ܐܝܟ ܕܣܒܪܘ. ܗܿ ܕܝ ܕܚܣ ܘܠܐ ܬܗܘܐ. ܕܢܕܪܟܢ ܪ̈ܓܠܝܗܘܢ
                    ܒܟܪܟܢ ܕܚܪ̈ܝܢܐ ܛܡ̈ܐܐ ܘܡ̈ܣܝܒܐ. ܐܝܟ ܡܕܒܪ̈ܢܐ ܥܘܝܪ̈ܐ ܕܗܘܘ ܬܘܩܠܬܐ ܠܡܕܝܢܬܗܘܢܿ ܠܗܿ
                    ܠܡܕܝܢܬܗܘܢ ܢܫܬܕܪܘܢ ܟܕ ܪܡܝܢ ܒܗܘܢ ܦܪ̈ܙܠܐ ܘܐܣܝܪܝܢ ܒܫܝ̈ܫܠܬܐ. ܘܬܡܢ ܢܗܘܐ ܕܝܢܗܘܢ
                    ܘܫܘܐܠܗܘܢ ܕܝܠܗܘܢܿ ܕܒܡܪܕܘܬܗܘܢ ܕܗܠܝܢ ܡ̈ܣܝܒܐܼ. ܬܦܠ ܕܚܠܬܐ ܘܙܘܥܬܐ ܥܠ ܟܘܠܗܘܢ ܥܡܘܪ̈ܝܗܿ
                    ܕܡܕܝܢܬܗܘܢ. ܘܫܦܪ ܦܬܓܡܐ ܒܥ̈ܝܢܝ ܡܿܠܟܐܿ ܘܥܒܼܕ ܐܝܟ ܡܠܬܗܘܢܿ ܘܫܕܪ ܐܢܘܢ ܟܕ ܐܣܝܪ̈ܝܢ ܠܚܪܢ.
                    ܥܕ ܡܫܪܕ ܠܗܘܢ ܕܝܢܐ ܕܢܫܡܥ ܐܢܘܢ ܀ ܘܟܕ ܐܬܬܙܝܥܬ ܒܥܬܐ ܡܕܡ ܥܠ ܗܝܡܢܘܬܐ ܕܥܕܬܐܼ ܡܩܿܠܣ ܗܘܼܐ
                    ܠܗ ܛܒ ܡܿܠܟܐ ܠܐܘܪܗܝ ܟܕ ܐܡܿܪ. ܕܐܦܢ ܝܘܡܢ ܠܡ ܡܛܠ ܕܚܠܬܐ ܕܫܘܠܛܢܢ: ܐܬܦܛܫܬ ܫܘܝܐܝܬ
                    ܗܝܡܢܘܬܗ ܕܡܫܝܚܐ ܒܟܠܗ ܐܘܚܕܢܢ: ܐܠܐ ܐܘܪܗܝ ܠܡ ܝܬܝܪ ܡܢ ܟܠܗܝܢ ܡܕ̈ܝܢܬܐ ܢܗܒܬ ܒܘܩܢܐ
                    ܕܗܝܡܢܘܬܐ. ܕܒܙܒܢܐ ܕܢܒܓܬ ܒܗ ܚܢܦܘܬܐ ܘܓܠܬ ܒܗ ܥܠ ܢܦܫܗܿ: ܘܐܬܚܦܝ ܫܪܪܗܿ ܕܗܝܡܢܘܬܐ ܡܢ
                    ܕܚܠܬܐ ܕܦܘܩܢܗ ܕܡܿܠܟܐ ܥܘܿܠܐ: ܘܚܒ ܡܕ̈ܝܢܬܐ ܘܫܠܡ ܠܛܥܝܘܬܗܼ. ܐܘܪܗܝ ܡܒܪܟܬܐ ܡܕܝܢܬܗ 243 ܕܡܫܝܚܐ ܒܫܪܪܗܿ ܩܘܝܬ. ܘܒܕܡܘܬ ܫܡܫܐ ܥܝܢ ܒܓܠܐ ܐܕܢܚܬ ܗܝܡܢܘܬܗܿ ܘܠܐ ܟܘܙܬ ܡܢ
                    ܠܘܚܡܐ ܕܚܡܬܗ ܕܛܪܘܢܐ. ܐܦ ܠܐ ܡܢ ܐܓܪ̈ܬܗ ܐܣܬܪܗܒܬ. ܐܠܐ ܫܛܬܗ ܒܟܬܝ̈ܒܬܗ ܘܐܗܠܬ ܒܚܢܦܘܬܗܿ.
                    ܘܒܣܢܐ ܕܬܕܟܝܬܗܿ ܛܡܫܬܗ ܠܟܬܒܐ ܕܫܕܪ ܠܗܿ. ܘܟܕ ܬܘ ܓܿܙܡ ܐܣܓܝ ܥܠ ܐܒܕܢܗܿ: ܘܣܡ ܐܦ̈ܘܗܝ
                    ܕܒܪܘܓܙܐ ܢܥܘܠ ܠܗܼܿ. ܫܕܬ ܒܗ ܩܠܬܐ ܒܟܬܒܐ ܕܥܒܕܬ ܠܗ. ܘܐܝܟ ܕܒܟܐܦ̈ܐ ܒܨ̈ܘܚܝܬܐ ܕܪܓܡܬܗܿ.
                    ܘܐܚܕܗ ܥܝܛܐ ܠܫܢܝܐ ܘܝܡܼܐ ܒܦܬܟܪ̈ܘܗܝ ܕܠܐ ܢܥܘܠ ܠܗܿ. ܘܠܡܕܝܢܬܐ ܡܫܝܚܬܐ ܕܡܫܝܚܐ ܐܫܪܝ ܒܗ
                    ܒܘܪܟܬܗ ܡܢܘ ܕܠܐ ܢܩܠܣܝܗܿ ܘܢܦܪܘܫ ܠܗ ܐܝܩܪܐ. ܘܐܢ ܒܥܝܢ̈ܝ ܥܒܘܕܗ ܫܩܠܬ ܚܣܕܐ ܘܪ̈ܚܡܐ. ܟܡܐ
                    ܝܬܝܪ ܒܥܝܢ̈ܝ ܒܨܝܪܘܬܢܿ ܬܐܪܒ ܘܬܬܝܩܪ. ܘܟܕ ܒܣܓܝ̈ܐܐ ܡܩܠܣ ܗܘܼܐ ܠܗܿ ܠܐܘܪܗܝܼ. ܐܪܝܡܼ
                    ܥܝ̈ܢܘܗܝ ܘܚܙܗܿ ܡܢ ܩܒܘܠ. ܘܦܫܛ ܝܡܝܢܗ ܘܒܪܟܗܿ ܘܚܬܡܗܿ ܟܕ ܐܡܿܪ. ܢܒܪܟ ܡܪܝܐ ܣܚܪ̈ܬܟܝܼ.
                    ܘܢܦܪܐ ܘܢܣܓܐ ܠܥܡܘܪ̈ܝܟܝ. ܢܐܪܒ ܫܡܟܝ ܘܬܬܩܠܣ ܗܝܡܢܘܬܟܝ ܒܟܠ ܣܘ̈ܦܝܢ. ܢܬܠ ܠܝ ܡܪܝܐ ܙܒܢܐ
                    ܕܢܦܪܥܟܝ ܥܡܠܐ ܕܗܝܡܢܘܬܟܝ. ܘܐܪܝܡ ܒܪܝܫܟܝ ܘܐܥܫܢܝܟܝ ܘܐܣܝܡܟܝ ܒܪܝܫ ܟܠܗܝܢ ܡܕ̈ܝܢܬܐ
                    ܕܐܘܚܕܢܝ. ܘܐܦܪܘܫ ܥܠܝܟܝ ܦܘܪܫܢܐ ܠܡܪܝܐܼ. ܡܐ ܕܝܗܒ ܠܝ ܘܝܬܒܬ ܥܠ ܟܘܪܣܝܐ ܕܡܠܟܘܬܝ. ܀ ܘܟܕ
                    ܓܡܿܪ ܝܘܒܢܝܢܘܣ ܠܡܒܪܟܘܬܗܿ ܠܐܘܪܗܝܼ. ܩܪܒܘ ܐܘܪ̈ܗܝܐ ܕܐܝܬ ܗܘܼܐ ܥܡܗ. ܘܒܥܘ ܡܢܗ ܕܢܫܕܪ ܐܢܘܢ
                    ܩܕܡܘܗܝܼ. ܘܐܡܪܘ ܠܗ ܠܝܘܒܢܝܢܘܣ. ܕܝܠܦܢܢ ܠܡ ܡܪܝ ܡܠܟܐܼ. ܕܥܡܐ ܣܓܝܐܐ ܨܒܘ ܘܐܬܟܢܫܘ
                    ܠܡܕܝܢܬܿܢ. ܡܢ ܐܬܪܐ ܟܠܗ ܕܒܝܬ ܢܗܪ̈ܝܢ. ܗܢܘ ܕܝܢ ܠܫܠܡܗܿ ܘܠܣܓܕܬܗܿ ܕܡܐܬܝܬܟ. ܐܢ ܗܟܝܠ ܐܝܬ
                    ܨܒܝܢܐ ܠܐܠܗܘܬܟܼ. ܦܩܘܕ ܘܢܥܒܪܘܢ ܥ̈ܒܕܝܟ ܩܕܡܝܟܿ. ܕܢܛܿܟܣ ܟܢܫ̈ܝܗܿ ܕܡܕܝܢܬܢܿ ܘܢܦܪܫ ܓܒܪ̈ܐ
                    ܡܢ ܢ̈ܫܐܿ. ܘܥܠܝ̈ܡܐ ܘܛ̈ܠܝܐ ܡܢ ܣ̈ܒܐ ܘܡܢ ܣܒ̈ܬܐ. ܐܦ ܠܐܝܠܝܢ ܕܛܥܝܢܢ ܒܟܪ̈ܣܬܗܝܢ ܥܡ ܐܝܠܝܢ
                    ܕܫܩܝܠܢ ܒܟ̈ܢܦܬܗܝܢ. ܕܕܠܡܐ ܡܢ ܚܒܨܐ ܣܓܝܐܐ ܕܟܢ̈ܫܐ ܣܒ̈ܝܣܐ ܥܩܬܐ ܡܕܡ ܬܬܡܙܓ ܒܚܕܘܬܗܿ
                    ܕܡܕܝܢܿܬܢܿ ܒܫܥܬܐ ܕܕܢܚܐ ܥܠܝܗܘܢ ܡܐܬܝܬܟ ܒܪܝܟܬܐ. 244 ܝܠܦܢ ܕܝܢ ܐܦ ܒܗܕܐ ܒܫܪܪܐܼ.
                    ܕܐܦ ܠܟܪ̈ܝܗܐܼ ܒܥܕ̈ܣܬܐ ܐܦܩܘ ܐܘܪ̈ܗܝܐ ܠܒܪ ܡܢ ܬܪ̈ܝܥܗܿ ܕܡܕܝܢܬܿܢܿ ܕܢܗܘܐ ܠܗܘܢ ܢܦܐܫܐ ܡܢ
                    ܐܘܠܨܢܗܘܢ܇ ܡܐ ܕܐܛܠܬ ܥܠܝܗܘܢ ܗܝܡܢܘܬܗܿ ܕܡܠܟܘܬܟ ܙܕܝܩܬܐ. ܐܨܛܒܝ ܕܝܢ ܡܿܠܟܐ ܠܒܥܘܬܗܘܢ
                    ܕܓܒܪ̈ܐ ܗܠܝܼܢ. ܘܫܕܪ ܐܢܘܢ ܩܕܡܘܗܝ ܕܢܣܒܪܘܢ ܥܠ ܡܐܬܝܬܗ. ܕܒܐܝܢܐ ܫܘܒܚܐ ܘܙܘܚܐ ܘܒ̈ܢܬ ܩ̈ܠܐ
                    ܕܩܘܠܣܐ: ܩܒܠܬܗ ܐܘܪܗܝ ܠܡܿܠܟܐ ܡܗܝܡܢܐܼ. ܙܥܘܪ ܗܘ ܠܢ ܕܝܢ ܙܒܢܐ ܕܢܟܬܒ ܐܢܝܢ ܒܙܕܩܗܝܢ.
                    ܚܕܘܬܐ ܓܝܪ ܪܒܬܐ ܥܒܕ ܠܗܿ ܐܠܗܐ ܠܐܘܪܗܝ ܒܡܥܠܬܗ ܕܓܒܪܐ ܙܕܝܩܐ. ܘܬܡܝܗ̈ܬܐ ܐܢܝܢ ܕܐܣܬܥܪ ܒܗܿ
                    ܒܓܘ ܗܠܝܢ ܝܘܡ̈ܬܐ ܕܥܐ̈ܕܐܿ. ܕܦܪܫ ܝܘܒܢܝܢܣ ܠܐܠܗܐܿ. ܕܐܝܬܘܗܝ ܚܕܘܬܐ ܕܫܝܢܐ ܕܥܕ̈ܬܐ. ܒܗ ܓܝܪ
                    ܒܝܘܡܐ ܩܕܡܝܐ ܕܥܐܕܐܼ. ܐܬܐ ܓܠܬܐ ܣܥܪ ܐܠܗܐ ܒܐܝ̈ܕܘܗܝ ܕܡܠܟܐ ܡܗܝܡܢܐ. ܐܢܬܬܐ ܓܝܪ ܚܕܐ
                    ܡܗܝܡܢܬܐ ܡܢܗܿ ܕܡܕܝܢܬܐ ܕܫܡܗܿ ܗܘܼܐ ܡܐܪܝܐܼ. ܒܬܪܝ ܐܢܫܐ ܝ̈ܕܝܥܐ ܘܡ̈ܫܡܗܐ. ܗܕܐ ܪܡܝܐ ܗܘܬ
                    ܒܟܘܪܗܢܐ ܥܣܩܐ ܫ̈ܢܝܢܬ ܬܡ̈ܢܐ. ܕܡܢ ܚܣܝܢܘܬܗ ܕܟܘܪܗܢܗܼܿ. ܡܘܬܐ ܠܢܦܫܗܿ ܫܐܠܐ ܗܘܬ ܟܠܫܥ. ܓܕܫ
                    ܕܝܢ ܘܒܝܡܐ ܩܕܡܝܐ ܕܥܐܕܐ: ܟܕ ܫܩܝܠܝܢ ܠܗܿ ܥ̈ܒܕܝܗܿ ܒܟܘܪܣܝܐ ܕܟܪ̈ܝܗܐ: ܕܢܘܒܠܘܢܗܿ ܠܥܕܬܐ
                    ܕܬܫܐܠ ܒܨܠܘܬܗܿ ܡܘܬܐ ܠܢܦܫܗܼܿ. ܘܗܐ ܡܿܠܟܐ ܐܣܬܩܒܠ ܒܐܘܪܥܗܿ. ܘܟܐܘ ܒܗܿ ܦܠܚ̈ܘܗܝ ܕܩܣܼܪ
                    ܘܕܚܩܘܗܿ ܡܢ ܩܕܡܘܗܝ. ܗܼܘ ܕܝܢ ܡܠܟܐ ܙܕܝܩܐ: ܟܕ ܚܙܗܿ ܕܡܫܬܢܩܐ ܡܢ ܟܘܪܗܢܐܼ. ܟܪܝܬ ܠܗ
                    ܥܠܝܗܿ. ܘܦܩܕ ܕܢܩܪܒܘܢܗܿ ܠܘܬܗ. ܕܐܝܟ ܣܒܪ ܕܡܘܗܒܬܐ ܡܕܡ ܫܐܠܐ ܗܘܬ ܠܗ. ܗܼܝ ܕܝܢ ܛܥܡܢܝܬܐ
                    ܐܬܒܝܢܬ ܒܢܦܫܗܼܿ. ܘܐܡܪܐ ܕܟܒܼܪ ܩܪܝܢܐ ܗܘ ܗܢܐ ܕܡܢ ܐܠܗܐ. ܘܟܕ ܩܪܒܘܗܿ ܥܒ̈ܕܝܗܿ ܩܕܡܘܗܝܼ.
                    ܡܫܐܠ ܗܘܼܐ ܠܗܼܿ ܕܡܢܐ ܨܒܝܐ. ܗܼܝ ܕܝܢ ܠܡܚܣܢ ܒܐܢܘܣܝܐ ܣܓܝܐܐܿ. ܐܫܟܚܬ ܠܡܦܢܝܘ ܦܬܓܡܐ
                    ܠܡܿܠܟܐ ܡܢ ܟܐ̈ܒܐ ܘܐܘ̈ܠܨܢܐ ܕܟܪܝܟܝܢ ܗܘܘ ܠܗܿ. ܒܒܪܬ ܩܠܐ ܕܝܢ ܡܚܝܠܬܐ ܡܬܟܫܦܐ ܗܘܬ ܠܗ
                    ܘܐܡܪܐ. ܕܒܥܝܐ ܐܢܐ ܡܢܟ ܡܿܠܟܐ ܡܪܚܡܢܐ ܘܡܠܼܐ ܛܝܒܘܬܐܼ. ܐܬܪܚܡ ܥܠܝ ܘܐܓܗܢ ܡܢ ܐܘܠܨܢܐ ܗܢܐ
                    ܕܐܝܬܝ ܒܗ. ܕܫܢ̈ܝܐ ܠܗ ܬܡ̈ܢܐ ܕܡܫܢܩ ܠܝ. ܘܠܐ ܥܕܟܝܠ ܐܬܡܠܝ 235 ܡܢ ܗܕܡ̈ܝ. ܐܬܬܦܝ
                    ܕܝܢ ܡܾܟܐ ܒܦܬܓܡܐܼ ܗܢܐܼ ܘܐܡܼܪ ܠܗܿ. ܐܘ ܐܢܬܬܐ ܠܡܢܐ ܡܠܠܬܝ ܓܘܕܦܐ. ܗܢܐ ܥܠ ܒܨܝܪܘܬܝ.
                    ܕܓܒܪܐ ܐܢܐܼ ܚܛܝܐ. ܘܐܠܘ ܓܠܝܐ ܗܘܬ ܠܝ ܫܐܠܬܟܝܼ ܠܐ ܝܗܿܒ ܗܘܝܬ ܠܟܝ ܕܬܬܚܙܝܢ ܩܕܡܝ. ܕܠܘ
                    ܢܒܝܐ ܐܢܐ ܕܐܫܪܟܝ ܡܢ ܟܘܪܗܢܟܝܼ. ܐܦܠܐ ܫܠܝܚܐ ܐܢܐ ܕܐܬܠ ܠܟܝ ܚܘܠܡܢܐ.. ܐܡܪܐ ܠܗ ܐܢܬܬܐ ܗܼܝ.
                    ܡܪܝ ܒܥܝܐ ܐܢܐ ܡܢܟܼ. ܠܘ ܚܘܠܡܢܐ ܫܐܠܐ ܐܢܐ. ܝܕܥܐ ܐܢܐ ܗܼܘ ܓܝܪ܆ ܕܠܐ ܫܿܘܝܢ ܚܛ̈ܗܝ ܠܗܕܐ.
                    ܐܠܐ ܡܛܠ ܕܝܠܦܬ ܥܠܝܟ ܡܪܝ ܡܢ ܣܓ̈ܝܐܐܼ. ܕܓܒܪܐ ܐܢܬ ܙܕܝܩܐ ܘܩܕܝܫܐ܇ ܘܫܡܝܥܐ ܨܠܘܬܟ ܘܡܩܒܠܐ
                    ܩܕܡ ܐܠܗܐܼ. ܒܥܝܐ ܡܢܟ ܐܠܝܨܘܬܝ ܘܡܬܟܫܦܐ ܠܟ ܕܘܝܬܝܼ. ܒܥܝ ܥܠܝ ܠܐܠܗܐܿ. ܕܢܥܒܕ ܒܥܓܠ ܫܘܠܡܐ
                    ܠܚܝ̈ܝ. ܕܘܝܬ ܠܝ ܓܝܪ ܡܢ ܟܘܪܗܢܐ ܘܐܫܬܢܩܬ ܢܦܫܝ ܡܢ ܐܘܠܨܢܐ. ܗܼܘ ܕܝܢ ܦܪܘܫܐ ܘܡܠܐ ܛܝܒܘܬܐܼ.
                    ܟܪܝܬ ܠܗ ܥܠܝܗܼܿ. ܘܡܠܐ ܒܠܒܗܿ ܘܐܡܪ ܠܗܿ. ܙܠܝ ܐܢܬܬܐ.. ܘܣܒܪܝ ܒܐܠܗܐ ܘܠܐ ܬܦܣܩܝܢ ܣܒܪܐ
                    ܕܚܘܠܡܢܟܝ. ܡܛܝܐ ܗܼܝ ܓܝܪ ܒܐܝ̈ܕܘܗܝ ܕܐܠܗܐܼ. ܕܒܥܓܠ ܢܣܥܪܟܝ ܒܪ̈ܚܡܘܗܝ. ܘܒܝܐܗܿ ܘܫܪܗܿ ܡܢ
                    ܩܕܡܘܗܝ. ܘܥܠ ܠܒܝܬܗܿ ܕܡܪܝܐܼ. ܟܕ ܟܪܝܐ ܠܗ ܘܫܩܝܠ ܒܢܦܫܗ ܚܫܗܿ ܕܡܡܚܝܬܐ. ܘܦܩܕ ܕܩܕܡ ܕܪ̈ܓܐ
                    ܕܒܝܬ ܩܘܕܫܐ ܢܬܦܪܣ ܠܗ ܦܪܣܐ ܕܣܥܪܐ. ܘܥܒܕܘ ܥ̈ܒܕܘܗܝ ܐܝܟܢܐ ܕܐܬܦܩܕ ܠܗܘܢܿ ܘܩܼܪܒ ܡܿܠܟܐ
                    ܙܕܝܩܐ ܚܫܝܫܐܝܬ܇ ܠܡܥܡܠ ܒܨܠܘܬܐ ܚܠܦ ܐܢܬܬܐ ܡܡܫܚܝܬܐܼ. ܘܐܬܓܗܢ ܘܣܡ ܪܝܫܗ ܒܝܬ ܒܘܪ̈ܟܘܗܝܼ.
                    ܘܦܪܘܫܐܝܬ ܡܬܟܫܦ ܗܘܼܐ ܠܐܠܗܐ. ܘܡܟܕ ܗܘܐ ܥܕܢܐ ܕܩܪܝܢܐ ܕܟܬ̈ܒܐܼ. ܢܛܪܘ ܗܘܘ ܠܗ ܛܟܣܐ
                    ܐܦܣܩ̈ܘܦܐ ܠܡܠܟܐ. ܕܢܩܘܡ ܡܢ ܨܠܘܬܗ ܘܗܝܕܝܢ ܢܣܩܘܢ ܠܡܘܬܒܐ ܕܒܐܡܐ ܘܟܕ ܐܓܪ ܡܿܠܟܐ ܒܨܠܘܬܗ.
                    ܡܬܕܡܪܝܢ ܗܘܘ ܐܦܣ̈ܩܦܐ. ܘܒܥܝܢ ܗܘܘ ܥܡ ܚ̈ܕܕܐܼ. ܕܡܢܐ ܗܼܝ ܟܝ ܚܫܝܫܘܬܗ ܕܡܠܟܐ. ܚܕ ܕܝܢ
                    ܡܢܗܘܢ ܕܐܦܣ̈ܩܦܐ ܕܫܡܗ ܗܘܐ ܝܘܚܢܢ: ܕܗܘ ܗܢܐ ܥܡ ܡܿܠܟܐ ܐܣܬܩܒܠ ܗܘܐ ܟܕ ܥܐܠ ܠܥܕܢܬܼ. ܗܢܐ
                    ܢܦܼܩ ܠܗܘܢ ܪܘܚܐ ܠܚܒܪ̈ܘܗܝ ܟܕ ܐܡܿܪ. ܕܐܢܬܬܐ ܠܡ ܚܕܐ ܡܡܚܝܬܐ܇ ܕܫ̈ܢܝܐ ܠܗܿ ܬܡ̈ܢܐ ܕܡܫܿܢܩ
                    ܠܗܿ ܟܘܪܗܢܐ܇ ܩܪܒܬ ܠܗ ܒܥܘܬܐ ܟܕ ܥܐܠ ܠܥܕܬܗܿ. ܕܢܩܪܒ ܗܼܘ  236 ܚܠܦܝܗܿ ܒܥܘܬܐ
                    ܠܐܠܗܐ܇ ܕܢܗܘܐ ܠܗܿ ܢܦܐܫܐ ܡܢ ܐܘܠܨܢܗܿ. ܘܗܕܐ ܗܼܝ ܐ̈ܚܝ ܬܫܦܬܗ ܕܡܠܟܐ ܫܪܝܪܐܝܬ. ܐܦܣ̈ܩܦܐ
                    ܕܝܢ ܚܒܪ̈ܘܗܝ ܕܗܘܝܢ ܗܘܘ ܬܫܥܐܼ. ܟܕ ܝܠܦܘ ܗܘܘ ܡܢ ܝܘܚܢܢ ܐܦܣܩܘܦܐ ܥܠܬܝ ܚܫܝܫܘܬܗ ܕܡܿܠܟܐܼ.
                    ܬܗܪܘ ܛܒ ܘܐܬܕܡܪܘ ܒܦܪܘܫܘܬܗ ܕܓܒܪܐ ܡܗܝܡܢܐ. ܘܡܬܘܝܢ ܗܘܘ ܒܗ ܢܦܫܗܘܢ ܘܐܡܪܝܢ. ܕܐܢ ܠܡ ܡܠܟܐ
                    ܕܥܠܡܝܐ ܗܘ: ܘܠܐ ܣܝܡܐ ܒܬܪܗ ܬܒܥܬܐ ܕܡܪ̈ܥܐ ܘܕܟܪ̈ܝܗܐ: ܗܢܐ ܟܠܗ ܡܘܟܟܐܐܬܡܟܟ ܩܕܡ ܐܗܠܐ: ܥܠ
                    ܐ̈ܦܝ ܐܘܠܨܢܗܿ ܕܐܢܬܬܐ ܕܘܝܬܐܼ. ܟܡܐ ܠܢ ܝܬܝܪ ܙܕܩܿ ܗܘܐܿ. ܕܢܣܼܒ ܥܠܝܢ ܝܘܩܪܐ ܕܡܪܥܬܐ
                    ܕܐܬܓܥܠܬ ܠܢ܇ ܕܢܨܠܐ ܕܠܐ ܫܠܘܐ ܘܢܬܟܫܦ ܘܠܐ ܬܡܐܢ ܠܢܿ. ܚܠܦ ܡܪ̈ܥܐ ܘܐܠܝܨ̈ܐ ܘܐܝܠܝܢ ܕܒܝܫ
                    ܒܝܫ ܥܒܝܕܝܢ. ܘܫܩܠܘ ܐܦܣܩ̈ܦܐ ܪܥܝܢܐ ܚܕ ܡܢ ܚܕܼ. ܘܠܐ ܣܠܩܘ ܗܘܘ ܠܡܘܬܒܐ ܕܒܐܡܐ ܒܗܿܘ ܝܘܡܐܼ.
                    ܐܬܓܗܢܘ ܗܘܘ ܠܨܠܘܬܐܼ. ܥܕܡܐ ܠܥܕܢܐ ܕܩܪܝܢܐ ܕܣܒܪܬܗ ܕܦܪܘܩܢ ... ܐܬܝܕܥܬ ܗܘܬ ܕܝܢ ܗܼܝ ܗܕܐ
                    ܟܠܗܿ ܬܟܫܦܬܐ. ܘܟܠܢܫ ܒܚܫܐ ܡܩܪܒ ܗܘܼܐ ܥܠܝܗܿ ܒܥܘܬܐ ܠܐܠܗܐ ܕܢܢܝܚܼܗܿ. ܘܟܕ ܗܘܐ ܥܕܢܐ ܕܢܩܘܡ
                    ܟܗܢܐ ܥܠ ܡܕܒܚܐ ܘܢܩܕܫ ܩܘܪܒܢܐܼ. ܐܫܕ ܢܦܫܗ ܝܘܒܢܝܢܘܣ ܒܨܠܘܬܐ ܩܕܡ ܐܠܗܐ܇ ܥܠ ܦܪܣܐ ܕܣܥܪܐ
                    ܕܥܠܘܗܝ ܩܐܡ ܗܘܼܐ. ܘܚܫܝܫܐܝܬ ܡܨܠܐ ܗܘܼܐ ܘܡܬܟܫܦ ܩܕܡ ܐܠܗܐ ܥܠ ܐܢܬܬܐ ܗܿܝ. ܕܢܗܘܐ ܠܗܿ
                    ܢܦܐܫܐ ܡܢ ܐܘܠܨܢܗܿ. ܘܟܕ ܩܡ ܗܘܐ ܡܢ ܨܠܘܬܗ ܘܢܣܒ ܩܘܪܒܢܐ ܘܫܪܬ ܬܫܡܫܬܐܼ. ܝܗܼܒ ܡܘܗܒ̈ܬܐ
                    ܒܥܕ̈ܬܐܼ. ܐܝܟ ܐܝܕܐ ܕܡܿܠܟܐ. ܘܐܦ ܠܟܢ̈ܫܝܗܿ ܕܡܝܕܢܬܐ ܕܟܢܝܫܝܢ ܗܘܘ ܒܥܕܬܐ: ܘܒܕܪ̈ܝܗܿ
                    ܒܪ̈ܝܬܐ ܘܓܘܝ̈ܬܐܼ. ܐܦ ܠܗܘܢ ܝܗܼܒ ܡܘܗ̈ܒܬܐ ܠܐ ܙܥܘܪ. ܕܢܚܕܘܢ ܘܢܬܒܣܡܘܢ ܒܐܕ̈ܐ ܕܚܕܘܬܐ
                    ܕܫܝܢܐ ܕܥܕ̈ܬܐ ... ܘܟܕ ܙܚ ܕܢܦܘܩ ܡܢ ܥܕܬܐܼ. ܐܪܡܝܘ ܟ̈ܢܫܝܗܿ ܕܥܕܬܐ ܩܠܗܘܢ ܥܠ ܬܫܒ̈ܚܬܗ
                    ܕܡܠܟܐ ܡܗܝܡܢܐ ... ܘܥܕܢܐ ܣܓܝܐܐ ܡܫܒܚܝܢ ܗܘܘ ܠܗ ܘܡܩܠܣܢ ܠܗܝܡܢܘܬܗ. ܘܟܕ ܢܿܦܩ ܒܬܪܥܐ
                    ܕܥܕܬܐܼ. ܐܪܥܬܗ ܐܢܬܬܐ ܡܡܚܝܬܐܼ. ܘܒܕܡ̈ܥܐ ܘܚ̈ܢܓܬܐ ܡܬܟܫܦܐ ܗܘܬ ܠܗ. ܗܘ ܕܝܢ ܟܕ ܚܙܗܼܿ. ܠܐ
                    ܐܬܬܦܝܪ ܒܗܿ. ܐܠܐ  237 ܐܙܝܥ ܘܫܠܝ ܟܢܫ̈ܝܗܿ ܕܡܕܝܢܬܐ܇ ܕܢܬܝܗܒ ܨܠܘܬܐ ܠܒܥܘܬܗܿ.
                    ܗܼܝ ܕܝܢ ܡܬܟܫܦܠܐ ܗܘܬ ܠܗ ܘܐܡܪܐ. ܕܒܥܝܐ ܐܢܐ ܡܢܟ ܡܪܝ܇ ܚܘܬܪܗܿ ܘܫܒܗܪܗܿ ܕܥܕܬܐܼ. ܠܐ ܐܗܘܐ
                    ܝܬܝܪܬܐ ܠܚܕܘܬܐ ܕܗܘܬ ܒܐܘܚܕܢܟ. ܐܠܐ ܐܚܕܐ ܐܦ ܐܢܼܐ ܘܐܬܒܣܡ ܒܚܠܘܠܗܿ ܕܥܕܬܐ ܕܚܕܝܢ ܒܗܿ
                    ܡܕܝ̈ܢܬܐ ܘܩܘܪ̈ܝܐ ܕܐܘܚܕܢܟ ... ܐܡܿܪ ܠܗܿ ܝܘܒܢܝܢܘܣ. ܗܝܡܢܝܢܝ ܐܢܬܬܐ.. ܕܐܠܘ ܓܠܝܐ ܠܟܝ
                    ܚܫܝܫܘܬܗ ܕܠܒܝ ܕܥܠܝܟܝܼ. ܠܐ ܐܟܒܪ ܡܠܝܐܐ ܗܘܬ ܠܝ ܒܒܥܘܬܟܝ. ܙܕܩܿ ܠܟܝ ܓܝܪ ܕܬܬܒܝܢܝܢ
                    ܛܥܡܢܐܝܬܼ. ܕܒܐܝ̈ܕܘܗܝ ܕܐܠܗܐ ܗܼܝ ܫܐܠܬܟܝܼ ܠܐ ܒܝܕܐ ܕܒܢܝ̈ܢܫܐ. ܐܢܐ ܒܪܬܝ ܗܿܝ ܕܡܛܝܐ ܗܘܬ
                    ܒܐܝ̈ܕܝ ܐܝܟ ܒܪ ܐܢܫܐ ܚܫܘܫܐܼ. ܩܪܒܬ ܥܠܝܟܝ ܨܠܘܬܐ ܘܒܥܘܬܐ ܠܐܠܗܐ. ܕܐܠܗܘܬܗ ܗܼܝ ܗܫܐ ܕܗܘ
                    ܢܣܥܪܟܝ ܒܪ̈ܚܡܘܗܝܿ. ܐܢ ܐܝܬ ܠܗ ܨܒܝܢܐ. ܠܗ ܗܘ ܓܝܪ ܒܠܚܘܕ ܐܝܬ ܪ̈ܚܡܐ ܫܦܝܥ̈ܐ ܥܠ ܓܒܝܠܬܗ.
                    ܘܡܢܗ ܪ̈ܕܝܢ ܥܘܕܪ̈ܢܐ ܠܣܢܝ̈ܩܐ. ܠܗ ܐܬܟܫܦܝ ܘܒܥܝ ܡܢܗ ܕܢܥܕܪܟܝ ... ܐܡܪܐ ܠܗ ܐܢܬܬܐܼ ܗܿܝ.
                    ܒܥܝܐ ܐܢܐ ܡܢܟ ܡܪܝܼ. ܐܦ ܐܢܬ ܥܡ ܐܠܗܐ ܗܿܝ ܕܡܛܝܐ ܒܐܝ̈ܕܝܟ ܣܥܘܪ ܠܐܠܝܨܘܬܝ. ܗܼܘ ܕܝܢ
                    ܡܗܝܡܢܐ ܘܫܪܝܪܝܐ: ܐܝܟ ܣܒܪ ܕܡܕܡ ܫܐܠܐ ܡܢܗ ܠܣܢܝܩܘܬܗܼܿ. ܝܗܼܒ ܠܗܿ ܡܘܗ̈ܒܬܐ ܡܠܝܐܝܬ .. ܗܼܝ
                    ܕܝܢ ܠܐ ܢܣܒܬ ܡܢܗ. ܐܡܪܐ ܗܘܬ ܠܗ ܓܝܪܼ. ܕܠܘ ܠܡ ܠܗܕܐ ܚܝܪܢܐ ܡܪܝ ܡܿܠܟܐ. ܐܦ ܠܝܬ ܠܝ ܥܠܝܗܿ
                    ܣܘܢܩܢܐ. ܚܕܐ ܗܼܝ ܫܐܠܬܝ ܡܢܟ ܒܗܝܡܢܘܬܐܼ. ܕܢܗܘܐ ܠܝ ܢܦܐܫܐ ܒܐܘ̈ܠܨܢܝ ... ܐܡܿܪ ܠܗܿ
                    ܝܘܒܢܝܢܣ. ܐܘ ܐܢܬܬܐܼ. ܚܕܐ ܙܒܢ ܐܡܪܬ ܠܟܝܼ. ܕܗܕܐ ܕܫܐܠܬܝ ܒܐܝ̈ܕܝ ܐܠܗܐ ܣܝܡܐ. ܐܡܪܐ ܠܗ
                    ܐܢܬܬܐ ܗܿܝ. ܘܗܐ ܚܙܝܐ ܐܢܐ ܡܪܝܼ. ܕܐܝܕܗ ܕܡܪܝܐ ܐܝܬ ܥܡܟ. ܘܒܝܡܝܢܟ ܟܣܝܐ ܝܡܝܢܐ ܕܝܗܒܐ
                    ܚܠܘܡܢܐ ܠܟܪ̈ܝܗܐ܇ ܘܐܣܝܘܬܐ ܠܡܟܐ̈ܒܐ. ܘܠܡܢܐ ܡܪܝ ܡܿܠܟܐ ܬܟܠܐ ܡܢܝ ܐܣܝܘܬܐ. ܐܝܕܟ ܒܠܚܘܕ
                    ܐܘܫܛ . ܘܗܐ ܐܬܚܠܡܬ ܡܢ ܟܐܒܝ. ... ܬܗܝܪܝܢ ܗܘܘ ܕܝܢ ܐܦܣ̈ܩܦܐ ܗܠܝܼܢ. ܘܡܬܕܡܪܝܢ ܒܗܝܡܢܘܬܗܿ
                    ܕܐܢܬܬܐ. ܘܒܥܝܢ ܗܘܘ ܡܢ ܡܿܠܟܐ. ܕܠܐ ܢܓܠܘܙ ܒܥܘܬܗܿ ܕܡܗܝܡܢܬܐ. ܐܡܪܘ ܗܘܘ ܠܗ ܓܝܪܼ. ܕܕܠܡܐ
                        ܫܝܥܐܝܬ 238 ܬܚܘܪ ܒܗ ܒܣܘܥܪܢܐ ܗܢܐ ܡܪܝ ܡܠܟܐ. ܕܐܟܒܪ ܡܢ ܡܪܝܐ ܗܼܝ ܗܕܐܿ.
                    ܕܥܝܢ ܒܓܠܐ ܬܬܝܕܥ ܠܟܠܢܫܿ. ܕܐܝܕܗ ܕܡܪܝܐ ܐܝܬ ܥܡܟ ܠܐܣܝܘܬܐ. ܐܡܿܪ ܠܗܘܢ ܝܘܒܢܝܢܘܣ. ܠܡܢܐ
                    ܐܚ̈ܝ ܟܕ ܐܡܬܘܢ ܒܟܢܘܬܐ ܢܣܒܬܘܢ ܡܘܗܒܬܐ ܕܐܣܝܘܬܐܿ. ܘܐܝܟ ܪ̈ܒܝ ܒܬ̈ܐ ܡܗܝ̈ܢܐ ܐܬܗܝܡܢܬܘܢ
                    ܩ̈ܠܝܕܐ ܕܪܘܡܐ ܘܕܥܘܡܩܐܿ. ܘܗܐ ܣܡܬܘܢܗܿ ܫܐܝܠܐܝܬ ܠܡܘܗܒܬܐ ܕܐܬܗܝܡܢܬܘܢ܇ ܥܠ ܦܪܨܘܦܐ ܕܒܪܢܫܐ
                    ܚܠܫܐ ܘܕܘܝܐ܇ ܕܐܢܐ ܗܼܘ ܒܠܚܘܕ ܝܕܿܥ ܐܢܐ ܚܘ̈ܒܝ ܘܚܫܝܫ ܐܢܐ ܒܒܘܨܪ̈ܝ ... ܐܡܪܝܢ ܠܗ
                    ܐܦܣ̈ܩܦܐ. ܚܣ ܠܗܿ ܠܡܠܟܘܬܟ ܙܕܝܩܬܐܿ. ܕܢܓܫܘܦ ܒܗܿ ܡܕܡ ܠܓܡܪ ܡܢ ܣܘܠܐܢܗܿ ܕܚܛܝܬܐܿ. ܐܠܐ ܟܕ
                    ܕܟܝܐ ܗܝܡܢܘܬܟ ܘܫܦܝܐ ܙܕܝܩܘܬܟ ܒܐ̈ܦܐ ܓܠܝ̈ܬܐ܇ ܬܬܚܙܐ ܩܕܡ ܡܫܝܚܐ ܒܓܠܝܢܐ ܕܡܐܬܝܬܗ. ܡܐ
                    ܕܡܘܕܝܐ ܠܛܝܒܘܬܟ ܥܕܬܐ ܩܕܡ ܡܪܗܿ. ܕܗܘܝܬ ܠܗܿ ܐܝܠܐ ܒܢܣܝܘܢܗܿ. ܘܪܣܬ ܠܗܿ ܛܠܐ ܒܪܝܟܐ
                    ܕܡܘ̈ܠܟܢܝܟ ܒܪ̈ܝܟܐܿ. ܘܫܗܝܬ ܡܢܗܿ ܚܡܬܗ ܕܛܪܘܢܐ ܘܨܠܘܬܐ ܐܡܝܢܬܐ ܡܩܪܒܐ ܒܦܘܡ ܝܠܕܝ̈ܗܿ ܠܐܠܗܐ
                    ܚܠܦܝܟܿ. ܕܢܓܪ ܫ̈ܢܝܟ ܥܠ ܟܘܪܣܝܐ ܕܡܠܟܘܬܟܿ. ܡܛܠ ܫܝܢܗܿ ܘܕܝ̈ܠܕܝܗܿ ... ܝܘܒܢܝܢܘܣ ܕܝܢ
                    ܒܗܠܝܼܢ. ܠܐܠܗܐ ܡܘܕܐ ܗܘܼܐ ܘܡܫܒܚ܇ ܕܝܗܒܼ ܒܐܝܕܗ ܦܘܪܩܢܐ ܠܥܕܬܗ ... ܐܢܬܬܐ ܕܝܢ ܗܿܝܼ. ܠܐ
                    ܫܠܝܐ ܗܘܬ ܡܢ ܕܡܠܐܝܬ ܠܗ ܒܒܥܘܬܗܿ. ܗܼܘ ܕܝܢ ܡܗܝܡܢܐ ܘܫܪܝܪܐܼ. ܠܐ ܐܬܬܦܝܪ ܒܒܥܘܬܗܿ. ܐܠܐ
                    ܒܦܬܓܡ̈ܘܗܝ ܢܝ̈ܚܐ ܡܒܝܐ ܗܘܐ ܠܗܼܿ ܟܕ ܐܡܿܪ ܠܗܿ. ܠܡܢܐ ܠܡ ܐܢܬܬܐ ܡܠܝܐܝܬܝ ܢܦܫܟܝ ܣܪܝܩܐܝܬ
                    ܒܗܕܐ܇ ܕܫܐܠܬܝ ܡܢܝ ܐܝܠܝܢ ܕܥܛܠܢ ܡܢܝ. ܠܐܠܗܐ ܩܪܝ ܒܬܪܝܼ. ܕܗܘ ܢܫܕܪ ܠܟܝ ܚܘܠܡܢܐ ܠܐܘܠܨܢܟܝ.
                    ܠܗ ܗܘ ܓܝܪ ܦܫܝܩܢ ܥ̈ܛܠܬܐ. ܐܡܪܐ ܠܗ ܐܢܬܬܐ ܗܿܝܼ. ܘܗܕܐ ܥܛܠܐ ܗܼܝ ܡܢܟ ܡܪܝ ܡܿܠܟܐ: ܕܐܝܕܟ
                    ܒܠܚܘܕ ܬܘܫܛ ܠܐܠܝܨܘܬܝ. ܐܘ ܕܠܡܐ ܟܝ ܡܓܥܨ ܓܥܨܬ ܢܦܫܟ ܡܢ ܟܐܒܿܝ. ܘܚܛܬ ܡܢ ܨܐܕܝ ܕܠܐ ܬܬܩܪܒ
                    ܠܝ. ܘܗܐ ܡܫܝܚܐ ܕܥܡܪ ܒܟ. ܠܐ ܢܕ ܡܢ ܟܐܒܗܿ ܢܣܝܣܐ ܕܐܢܬܬܐ ܡܟܐܒܬܐ ܕܩܪܒܬ ܠܗ. ܘܐܢ ܠܗܿܘ
                    ܫܦܝܪܐ ܘܡܨܠܠܐ ܩܕܝܫ ܩܕ̈ܝܫܐ: ܠܐ ܓܥܨܬ ܠܗ ܡܢ ܐܬܬܐ ܠܗܿܘ ܫܦܝܐ ܘܡܨܠܠܐ ܩܕܝܫ ܩܕ̈ܝܫܐ: ܠܐ
                    ܓܥܨܬ ܠܗ ܡܢ ܐܢܬܬܐ ܡܡܚܝܬܐ: ܐܢܬ ܡܪܝ ܡܿܠܟܐ: ܕܬܓܥܨ ܡܢ ܐܡܬܟ ܙܕܩܿ ܗܘܐܼ.  239 ܚܣ
                    ܠܟ ܡܪܝ ܕܬܥܒܕ ܗܕܐ. ܕܓܒܪܐ ܐܢܬ ܡܪܚܡܢܐ. ܗܝܕܝܢ ܝܘܒܢܝܢܣ ܚܫ ܒܡ̈ܠܝܗܿ ܕܐܢܬܬܐ ܗܼܿܝ
                    ܘܐܬܬܙܝܥ. ܘܒܪܬܚܐ ܕܗܝܡܢܘܬܗܼ. ܩܪܒ ܠܘܬܗܿ ܘܐܘܫܛ ܠܗܿ ܐܝܕܗ ܘܐܡܪ ܠܗܿ. ܝܡܝܢܐ ܒܪܬܝ ܟܣܝܬܐ
                    ܕܫܩܠܬ ܓܠܝܘܬܢ ܘܝܗܒܬ ܚܘܠܡܢܐ ܠܟܪ̈ܝܗܐܼ. ܗܼܝ ܒܐ̈ܝܕܝ ܒܨܝܪܘܬܢ ܬܣܥܪܟܝ ܒܪ̈ܚܡܐ܇ ܘܬܬܠ ܠܟܝ
                    ܚܘܠܡܢܐ. ܘܥܡܗܿ ܕܡܠܬܐ ܕܦܪܘܫܐܼ. ܐܬܚܝܠܬ ܡܢ ܟܘܪܗܢܗܿ ܘܩܡܬ. ܘܢܗܪ ܓܘܢܗܿ ܘܐܬܚܠܡܬ. ܐܝܟ ܡܐ
                    ܕܡܡܬܘܡ ܠܐ ܡܛܗܿ ܟܘܪܗܢܐ. ܘܐܘܕܝܬ ܘܫܒܚܬ ܠܐܠܗܐ ܕܣܥܪܗܿ ܒܪ̈ܚܡܘܗܝ. ܘܒܪܟܬ ܘܣܓܕܬ ܠܗ ܠܡܿܠܟܐ
                    ܡܗܝܡܢܐ. ܘܡܢܫܩܐ ܗܘܬ ܪ̈ܓܠܘܗܝ ܟܕ ܒܟܝܐ. ܗܼܘ ܕܝܢ ܕܚܐ ܗܘܐ ܠܗܿ ܡܢ ܨܝܕ ܪ̈ܓܠܘܗܝ ܟܕ ܐܡܿܪ.
                    ܠܐܠܗܐ ܒܪܬܝ ܩܪܒܝ ܬܘܕܝܬܐ. ܕܗܘܝܘ ܓܝܪ ܣܥܪܟܝ ܒܪ̈ܚܡܘܗܝ. ܠܘ ܓܝܪ ܐܢܐ. ... ܗܝܕܝܢ ܐܘܪ̈ܗܝܐ
                    ܐܪܝܡܘ ܩܠܗܘܢ ܥܠ ܬܫܒܚ̈ܬܗܼ. ܘܐܫܬܪܚܘ ܠܡܩܠܣܘܬܗ. ܘܒܢ̈ܬ ܩ̈ܠܐ ܕܩܘ̈ܠܣܐ ܕܙܢ̈ܝܢ ܙܢܝ̈ܢ
                    ܡܬܘܫܛܢ ܗ̈ܘܝ ܠܗ ܡܢ ܟܢܫ̈ܝܗܿ ܕܡܝܕܢܬܐܼ. ܐܝܟܐܢ ܕܠܡܚܣܢ ܝܗܒܘ ܗܘܘ ܠܗ ܐܘܪ̈ܗܝܐܿ. ܠܡܣܡܟ
                    ܠܒܝܬ ܡܫܪܝܗ ܒܗܿܘ ܝܘܡܐ. ܡܬܬܦܝܪ ܗܘܼܐ ܕܝܢ ܫܪܝܪܐ ܒܒ̈ܢܬ ܩ̈ܠܐ ܗܠܝܢ ܕܬܫܒܘܚܬܐ ܣܪܝܩܬܐ.
                    ܘܕܚܿܠ ܗܘܼܐ ܕܠܡܐ ܒܥܠܬ ܫܘܒܚܐ ܕܙܒܢܐ ܕܦܛܪ ܘܡܫܬܪܐ܇ ܢܣܬܪܩ ܠܗ ܡܢ ܫܘܒܚܐ ܕܠܥܠܡ ܗܿܘ ܕܠܗ
                    ܚܐܪ ܗܐܘ ... ܣܓܝܐ̈ܬܐ ܕܝܢ ܐܚܪ̈ܢܝܬܐ ܣܥܪ ܐܠܗܐ ܒܐ̈ܝܕܘܗܝ ܕܗܢܐ ܡܗܝܡܢܐ ܘܫܪܝܪܐ܇ ܕܙܥܘܪ ܠܗ
                    ܗܘ ܙܒܢܐ ܠܡܠܬܢ ܕܥܠ ܟܠܗܝܢ ܬܬܡܬܚ. ܗܠܝܢ ܕܝܢ ܩܠܝܠ ܡܢ ܣܓܝ ܕܪܫܡܢܢ ܥܘܗܕܢܗܝܢ ܠܒ̈ܢܝ ܚܘܒܐܼ.
                    ܡܣܬ ܕܡܢܗܝܢ ܢܐܠܦܘܢ܇ ܕܐܝܕܗ ܕܡܪܝܐ ܠܘܝܐ ܗܘܬ ܠܝܘܒܢܝܢܘܣ ܒܟܠܗܘܢ ܣܘܥܪ̈ܢܘܗܝ. ܓܒܪܐ ܕܪܚܡ
                    ܘܐܚܒ ܠܐܠܗܐ ܡܢ ܟܠܗ ܠܒܗܼ ܘܡܢ ܟܘܠܗܿ ܢܦܫܗ. ܘܢܛܪ ܦܘܩ̈ܕܢܘܗܝܼ ܘܐܢܝܚ ܨܒܝ̈ܢܘܗܝܿ ܘܥܒܕ
                    ܕܫܦܝܪ ܩܕܡܘܗܝ ܟܠܗܘܢ ܝܘܡ̈ܬܐ. ܘܗܠܟ ܒܐܘܪ̈ܚܬܗ ܕܩܘܣܛܢܛܝܢܣܼ ܘܠܐ ܣܛܐ ܡܢܗܝܢ. ܠܐ ܠܝܡܝܢܐܼ
                    ܘܠܐ ܠܣܡܠܐ. ܘܐܘܪܒܼ ܘܝܩܪ ܥܕܬ̈ܐ. ܘܝܗܼܒ ܠܗܝܢ ܓ̈ܙܐ ܕܢܣܼܒ ܗܘܼܐ ܡܢܗܝܢ ܝܘܠܝܢܘܣ ܥܘܿܠܐ܇
                    ܘܚܪܪ ܡܢ ܫܩܠܐ ܠܩܝܡܗ ܩܕܝܫܐ ܕܐܠܗܐ. ܘܟܬܼܒ ܐܓܪ̈ܬܐ ܕܫܠܡܐ ܘܕܫܝܢܐ 240 ܘܕܫܘܒܩܢܐܿ.
                    ܘܕܐܝܩܪܐ ܘܕܪܘܡܪܡܐ. ܠܟܠܗܝܢ ܥ̈ܕܬܐ ܕܐܘܚܕܢܗ. ܐܠ ܦܡܠܟܘ̈ܬܐ ܐܚܪ̈ܢܝܬܐ ܟܬܼܒ ܐܓܪ̈ܬܐ܇ ܥܠ
                    ܫܝܢܐ ܕܥܕ̈ܬܐ ܘܢܦܐܫܐ ܕܟܪ̈ܣܛܝܢܐ. ܘܕܟܝܗܿ ܠܡܠܟܘܬܐ ܕܪ̈ܗܘܡܝܐ ܡܢ ܙܗܡܘܬܐ ܕܕܒ̈ܚܝܗܿ
                    ܕܚܢܦܘܬܐ. ܘܣܼܚܦ ܦܬܘܪܗܐ ܘܥܩܪ ܥ̈ܠܘܬܗܘܢ ܘܪܕܦ ܠܝܘ̈ܠܦܢܐ ܛ̈ܥܝܐܼ. ܘܥܩܪ ܒܝܬ ܟܢܘܫ̈ܬܗܘܢܿ
                    ܘܓܙܝ̈ܗܝܢ ܐܥܠ ܠܓ̈ܙܝܗܿ ܕܥܕܬܐ. ܘܣܡ ܫܩ̈ܠܐ ܝܩܝܪ̈ܐ ܥܠ ܥܡܐ ܕܙܩ̈ܘܦܐ. ܘܦܩܕ ܥܠ ܪܘܪ̈ܒܢܝܗܿ
                    ܕܪܗܘܡܐ ܪ̈ܕܝܦܐ ܕܡܛܠ ܡܫܝܚܐܿ. ܕܒܐܥܦܐ ܢܬܦܢܘܢ ܠܗܘܢ ܢܟܣܝ̈ܗܘܢ܇ ܡܢ ܐܝܠܝܢ ܕܐܚܕܘ ܒܬܪܗܘܢ
                    ܡܕܒܪܢܘܬܗܘܢܿ ܗܼܢܘܢ ܕܝܢ ܗܿܢܘܢ ܡܗܝ̈ܡܢܐ ܘܫܪܝܪܐܼ. ܠܐ ܐܬܪܡܝܘ ܠܡܣܒ ܝܬܝܪܐ ܥܠ ܡܐ ܕܩܢܝܢ
                    ܗܘܘ. ܘܫܕܪ ܝܘܒܢܝܢܘܣ ܘܐܝܬܝ ܐܢܘܢ ܒܐܝܩܪܐ ܣܓܝܐܐ ܡܢ ܪܗܘܡܐ. ܘܐܝܟ ܕܠܐܢܫܐ ܕܝܩܝܪܝܢ ܡܢܗܼ
                    ܦܠܓ ܠܗܘܢ ܐܝܩܪܐ. ܘܡܢܫܩ ܗܘܼܐ ܕܘܟܬ ܐܣܘܪ̈ܐ ܕܐܝ̈ܕܝܗܘܢ ܘܕܪ̈ܓܠܝܗܘܢܿ ܗܢܘܢ ܕܝܢ ܡܬܟܫܦܝܢ
                    ܗܘܘ ܠܗܼ. ܕܠܐ ܢܣܪܩ ܥܡܠܐ ܕܗܝܡܢܘܬܗܘܢ ܒܐܝܩܪܐ ܕܡܠܐ ܙܒܢܐ. ܠܐ ܕܝܢ ܐܬܪܡܝ ܝܘܒܢܝܢܘܣ
                    ܠܦܝܣܗܘܢܼ. ܐܠܐ ܥܨܝܐܝܬ ܟܕ ܠܐ ܨܒܝܼܢ. ܥܒܕ ܐܢܘܢ ܪܝܫ ܟܠܗ ܣܘܢܩܠܝܛܘܢ ܕܝܠܗ. .. ܘܪܚܡ
                    ܝܘܒܢܝܢܣ ܠܡܗܠܟܘ ܒܐܘܪ̈ܚܬܗ ܬܪ̈ܝܨܬܐ ܕܡܪܝܐ܇ ܘܠܡܥܒܕ ܕܝܢܐ ܘܙܕܝܩܘܬܐ܇ ܒܟܘܠܗ ܙܒܢܐ
                    ܕܡܕܒܪܢܘܬܗ. ܥܒܕ ܕܝܢ ܒܡܠܟܘܬܐܼ ܝܪ̈ܚܐ ܬܡ̈ܢܝܐܿ. ܡܢ ܒܬܪ ܕܝܬܼܒ ܥܠ ܟܘܪܣܝܗ ܕܩܘܣܛܢܛܝܢܣ
                    ܒܘܙܢܛܝܐ ܡܕܝܢܬܐ. ܘܬܩܢܬ ܒܐܝ̈ܕܘܗܝ ܡܠܟܘܬܐ. ܘܗܼܠܟ ܫܡܗܼ ܒܟܘܠܗܘܢ ܐܬܪ̈ܘܬܐ. ܘܐܡܠܟ ܫܝܢܐ
                    ܒܥܕܬ̈ܐ ܒܝܘ̈ܡܬܗܼ. ܐܝܟ ܕܒܝܘ̈ܡܝ ܩܘܣܛܢܛܝܢܣ. ܘܟܕ ܚܕܝܬ ܪܘܚܗ ܘܪܘܙܬ ܢܦܫܗ: ܒܦܘܪܩܢܐ ܕܥܒܕ
                    ܒ̈ܐܝܕܘܗܝ ܐܠܗܐ ܠܥܕ̈ܬܗܼ. ܫܐܠ ܡܢ ܐܠܗܐ ܒܨܠܘܬܗܼ ܐܡܼܪ. ܐܘܢ ܒܒܥܘ ܡܢܟ ܡܪܝܐ ܚܝܠܬܢܐ ܐܠܗܐ
                    ܕܐ̈ܒܗܝܼ. ܐܢ ܐܫܟܚܬ ܪ̈ܚܡܐ ܒܥ̈ܝܢܝܟܼ. ܗܫܐ ܕܚܙܝ ܥܝ̈ܢܝ ܦܘܪܩܢܗܿ ܕܥܕܬܟܼ. ܟܢܫ ܝܘܡ̈ܬܗ
                    ܕܥܒܕܟ ܒܫܠܡܐ. ܘܐܓܢ ܡܪܝ ܟܢ̈ܦܝܗܿ ܕܡܪܚܡܢܘܬܟ ܥܠ ܥܕܬܟ ܡܢ ܒܬܪܝ. ܐܠܗܐ ܕܝܢ ܕܒܟܠ ܙܒܢ ܠܘܬ
                    ܠܣܓ̈ܘܕܝܘܗܝ: ܘܫܿܡܥ ܒܥܘܬܗܘܢ ܘܥܒܕ ܨܒܝܢܗܘܢܼ. ܫܡܥ ܨܠܘܬܗ ܕܡܿܠܟܐ ܙܕܝܩܐ. ܘܥܒܼܕ ܨܒܝܢܐ
                    ܠܒܥܘܬܗ ܕܡܿܠܟܐ 241 ܡܗܝܡܢܐ. ܘܥܠ ܥܪܣܐ ܕܢܝܚܗ ܗܘܼܐ ܥܘܢܕܢܗܼ. ܒܫܢܬ ܫܬܡܐܐ ܘܫܒܥܝܢ
                    ܘܚܡܫ ܒܡܢܝܢܐ ܕܝܘܢ̈ܝܐ. ܘܡܝܬ ܙܕܝܩܐܝܬ. ܘܐܬܩܒܪ ܒܐܝܩܪܐ ܐܝܟ ܕܫܘܝܢ ܗܘܘ ܕܘܒܪ̈ܘܗܝ. ܐܢܐ ܕܝܢ
                    ܒܨܝܪܐ ܥܒܕܗ ܕܝܫܘܥ ܡܫܝܚܐ: ܐܦܠܘܪܝܣ ܡܗܝܡܢܐ ܕܝܘܒܢܝܢܘܣ ܡܿܠܟܐܼ. ܥܒܕ ܨܚ̈ܚܐ ܠܗܝܢ ܠܡܝܬܪܐ
                    ܘܪܚܡܐ ܕܐܠܗܐܿ. ܡܪܝ ܥܒܕܐܝܠ ܪܝܫܕܝܪܐ ܕܣܢܕܪܘܢ ܡܚܘܙܐ. ܕܗܘ ܗܢܐ ܦܪܘܫܐ ܪܚܡ ܝܘܠܦܢܐ. ܒܝܕ
                    ܡܫܡܢܗ ܒܥܐ ܡܢܢ. ܕܢܪܫܘܡ ܠܗ ܬܫܥܝܬܗ ܘܛܟܣܗ ܘܐܣܟܡܗܿ. ܕܩܪܒܐ ܗܢܐ ܕܗܘܼܐ ܒܝܘ̈ܡܬܢ .. ܟܕ ܬܒܥ
                    ܠܢ ܕܢܫܿܪܐ ܒܬܫܥܝܬܢ ܡܢ ܥܘܢܕܢܗ ܚܫܝܫܐ ܕܩܘܣܛܢܛܝܢܘܣ ܡܗܝܡܢܐ. ܥܕܡܐ ܕܫܩܠܘ ܫܘܠܡܐ ܚܝܝ̈ܘܗܝ
                    ܕܝܘܒܢܝܢܘܣ ܡܩܝܡܢܐ ܕܥ̈ܕܬܐ. ܥܒܕܢܢ ܕܝܢ ܨܒܝܢܐ ܠܒܥܘܬܗ ܕܟܗܢܐ ܙܗܝܐ. ܐܚܝܕ ܕܘܒܪ̈ܐ ܕܢܟܦܘܬܐ.
                    ܘܒܙܕܩܗܝܢ ܘܒܣܕܪܗܝܢ ܒܬܪ ܒܬܪ. ܐܟܬܒܢ ܐܢܝܢ ܠܬܫ̈ܥܝܬܐ ܗܠܝܢ ܐܝܟܐܢ ܕܓܕܫ ܘܐܣܬܥܪ. ܟܕ ܠܐ
                    ܐܘܣܦܢܢ ܐܘ ܒܨܪܢܢ ܡܢ ܐܝܠܝܢ ܕܩܕܡܝܢ ܐܣܬܥܪ. ܘܚܙܝ̈ܝܗܝܢ ܗܘܝܢܢ. ܦܫܢܢ ܕܝܢ ܡܢ ܕܠܡܬܢܐ
                    ܬܫܥܝܬܗܝܢܿ ܕܐܝܠܝܢ ܕܕܠܐ ܒܙܕܩܐ ܪܫܝܥܐܝܬ ܐܣܬܥܪ ܒܚܡܨ. ܗܢܘ ܕܝܢ ܒܡܥܒܕܢܘܬܗ ܕܝܘܠܝܢܘܣ
                    ܛܪܘܢܐ. ܒܩܠܝܠ ܝܘܡ̈ܬܐ ܕܦܣܩ ܗܘܼܐ ܐܘܪܚܗ ܘܣܼܛܐ ܠܗܿ. ܗܢܘ ܕܝܢ ܡܛܠ ܕܫܡܥ ܥܠ ܫܒܝܚܘܬܗ
                    ܕܢܘܣܗܿ ܕܥܕܬܐ. ܕܒܢܐ ܒܗ ܩܘܣܛܢܛܝܢܘܣ ܪܚܡ ܠܡܫܝܚܐ. ܕܘܟܪܢܗ ܠܒܘܪܟܬܐ ܠܥܠܡܝܢ ܐܡܝܢ: ܠܛܢܢܗܘܢ
                    ܕܚܢ̈ܦܐ. ܕܡܫܬܒܗܪܝܢ ܗܘܘ ܒܢܘܣܐ ܪܒܐ ܕܒܼܢܐ ܗܘܼܐ ܠܦܬܟܪ̈ܝܗܘܢ ܒܪܘܡܗ ܕܡܕܝܢܬܗܘܿܢܿ ܠܗܢܐ
                    ܦܘܪܣܐ ܙܩܬܗ ܛܢܢܐ ܠܝܘܠܝܢܘܣ ܫܢܝܐܼ. ܕܢܐܬܐ ܠܡܕܝܢܬܐ ܕܚ̈ܡܨܝܐܼ. ܐܝܟ ܕܢܘܫܒ ܐܝܕܗ ܒܢܘܣܗܿ
                    ܕܥܕܬܐ ܘܢܚܒܠܘܗܝ. ܘܟܕ ܥܠ ܘܚܙܝܗܝ. ܬܗܪ ܒܗ ܒܫܘܦܪܐ ܕܒܢܝܢܗ. ܘܫܒܿܚ ܠܒܿܢܝܗ ܘܚܣ ܕܢܚܒܠܘܗܝ.
                    ܘܐܬܪܥܝ ܕܢܥܒܕܘܗܝ ܒܝܬ ܣܓܕܬܐ ܠܬܟܪ̈ܘܗܝ. ܘܕܒܿܚ ܗܘܼܐ ܒܗ ܘܫܡܠܝ ܪ̈ܐܙܐ ܕܚܢܦܘܬܗ. ܘܐܚܕܗ
                    ܘܛܒܥܗ ܒܥܙܩܬܗ. ܘܗܦܟ ܡܢ ܕܪܫ ܠܐܢܛܝܟܝܐ. ܘܐܚܕ ܐܘܪܚܐ ܕܡܐܙܠܬܗ. ܨܿܒܐ ܗܘܝܬ ܕܝܢ ܐܘ ܓܒܪܐ
                    ܕܐܠܗܐܼ. ܕܐܦ ܥܘܗܕܢܐ ܕܬܝܒܘܬܗ ܕܐܣܛܝܢܐ ܡܠܟܬܐ. ܐܣܝܡ ܒܬܫܥܝܬܐ ܗܕܐ ܐܠܘ ܡܨܝܐ. ܕܝܘܬܪܢܐ  242 ܐܝܬ ܒܗܿ ܠܬܝ̈ܒܐ: ܐܠܐ ܡܛܠ ܕܨ̈ܒܘܬܐ ܕܡܿܠܟ ܡܒܠܗܝܢ ܡܢ ܟܕܘ. ܡܣܬܪܗܒܝܢܢ ܡܛܠ
                    ܗܢܐ ܩܠܝܠ ܡܢ ܣܓܝ ܟܬܒܬ ܠܟ ܚܒܝܒܝ. ܕܬܬܗܓܐ ܥܕ ܗܘܼܐ ܠܢ ܙܒܢܐ ܫܦܝܪ. ܕܚܕܬܐܝܬ ܢܣܒܝܗܿ
                    ܠܬܫܥܝܬܐ ܕܬܝܒܘܬܗܿ ܬܡܝܗܬܐ ܕܒܪܬ ܚܢ̈ܦܐ. ܓܦܬܐ ܡܫܟܪܬܐ ܕܣܢܝܐ. ܕܡܢ ܒܝܬ ܟܘ̈ܒܐ ܡ̈ܟܝܢܐ
                    ܕܐܦܪܝܬ ܗ̈ܒܒܐ ܦ̈ܐܝܐ ܕܬܝܒܘܬܐ. ܘܒܗܘܦܐ ܕܪܝܚܗܘܢ ܒܣܝܡܐ ܬܗܪܘ ܘܐܬܒܣܡܘ ܥ̈ܠܝܐ. ܐܦ ܝܘܒܢܝܢܘܣ
                    ܟܕ ܡܚܝܗܝ ܡܢ ܩܒܘܠ ܪܝܚܐ ܕܬܝܒܘܬܗܿ: ܘܫܡܥ ܕܠܚܝܡ ܥܠܝܗܿ ܫܒܘܼܪ ܡܢ ܕܪܫ ܗܦܟ ܡܢ ܐܘܪܗܝ
                    ܠܢܨܝܒܝܢ. ܕܒܗ̈ܦܟܬܐ ܕܡ̈ܠܼܟܘܗܝ ܫܦܝܪ̈ܐ. ܢܗܘܐ ܐܝܠܐ ܠܬܝܒܘܬܗ ܕܒܪܬ ܚ̈ܢܦܐ. ܘܐܬܡܨܝ ܡܿܠܟܐ
                    ܡܗܝܡܢܐܼ. ܕܢܗܦܟ ܡܚܫܒܬܐ ܒܝܫܬܐ ܕܐܬܪܥܝ ܫܒܘܼܪ ܥܠ ܐܣܛܝܢܐ. ܘܥܕܡܐ ܠܗܕܐ ܣܦܼܩ ܒܐܝܕܥܬܗܿ.
                    ܕܢܝܬܝܘܗܝ ܠܫܒܘܼܪ ܠܨܒܝܢܐ ܛܿܒܐ. ܘܢܫܒܩܗܿ ܠܐܣܛܝܢܐ ܡܫܠܛܬ ܥܠ ܚܐܪܘܬܗܿ .. ܠܗܿܘ ܗܟܝܠ ܪܥܝܐ
                    ܛܿܒܐ. ܕܒܛܝܠ ܠܗ ܟܠܫܥ ܥܠ ܡܪܥܝܬܗ܇ ܘܚܕܐ ܒܫܟܚܬܐ ܕܐܒ̈ܝܕܐ܇ ܘܨܿܒܐ ܒܬܝܒܘܬܐ ܕܚ̈ܛܝܐ܆ ܫܘܒܚܐ
                    ܘܐܝܩܪܐ ܘܣܓܕܬܐ܇ ܘܗܘܠܠܐ ܘܪܘܡܪܡܐܼ. ܗܫܐ ܘܒܟܠܙܒܢ ܘܠܥܠܡ ܥܠܡܝܢ ܐܡܝܢ ܘܐܡܝܢ:

                ܐܘ ܕܫܘܠܛܢܐ ܡܬܪܓܪܓ ܐܢܐ. ܦܝܠܣܘܦܐ ܐܝܬܝ. ܐܩܦܠܐ ܒܟܠܗܿ ܡܕܝܢܬ ܡܠܟܘܬܐ
                    ܡܿܩܘܐ ܐܢܐ. ܣܿܠܩ ܐܢܐ ܠܐܿܬܝܢܣ ܡܢ ܐܝܟܐ ܕܢܚܿܬܬ. ܘܟܕ ܫܡܥ ܡܠܟܐ ܗܠܝܼܢ ܐܬܚܡܬ ܘܐܡܼܪ. ܕܟܠ
                    ܐܝܢܐ ܕܡܝܬܐ ܫܪܒܗܿ ܕܐܠܘܬܪܐܿ ܩܕܡܝܼ. ܗܢܐ ܒܥܠܕܒܒܐ ܕܡܠܟܘܬܐ ܐܝܬܘܗܝ. ܘܬܘܒܼ ܠܐ ܐܢܫ ܐܡܪܚ
                    ܕܢܝܬܐ ܫܪܒܐ ܗܢܐ. ܘܒܚܕ ܡܢ ܝܘ̈ܡܝܢ ܒܨܠܘܬܐ ܕܪܡܫܐ ܡܢ ܥܩܬܗܿ ܕܟܪܝܘܬܗܿ܆ ܐܫܬܕܝܬ ܢܦܫܗܿ
                    ܐܠܘܬܪܐ ܬܚܝܬ ܚܕ ܡܢ ܟܘܒ̈ܫܐ ܕܐܣ̈ܛܘܢܐ ܕܥܕܬܐܼ ܘܕܡܟܬ. ܘܟܕ  243 ܫܠܡܼܬ ܬܫܡܫܬܐ
                    ܘܢܦܼܩ ܟܠ ܐܢܫܼ. ܒܥܐܘܗܿ ܥ̈ܒܕܝܗܿ ܘܠܐ ܐܫܟܚܘܗܿ. ܘܒ̈ܬܠܬܠ ܫ̈ܥܝܢ ܒܠܠܝܐܼ ܐܬܬܥܝܬܪ ܡܢ
                    ܫܢܬܗܿ. ܘܚܿܪܬ ܘܚܼܙܬ ܕܠܝܬ ܐܢܫܼ. ܘܩܿܡܬ ܘܢܦܩܼܿܬ ܒܠܚܘܕܝܗܿ. ܘܡܟܕ ܡܿܒܟܐܝ ܠܢܦܫܗܿ ܘܣܠܩܐ
                    ܒܫܘܩܐ ܗܿܘ ܕܡܬܩܪܐ ܕܕܗܒܐܼ. ܡܿܠܠܐ ܥܡܗܿ ܕܝܘܐ ܚܕ ܘܐܡܪ ܠܗܿ. ܡܐ ܠܟܝ ܐܠܘܬܪܐ ܒܪܬܗ ܕܠܝܩܢܘܣ
                    ܪܚܡܐ ܕܝܠܝ ܠܐ ܝܗܼܒ ܠܟܝ ܝܘܠܝܢܘܣ ܡܕܡ ܕܫܼܩܠ ܡܢܟܝܼ. ܘܗܼܝ ܐܡܿܪܬ ܠܗ. ܠܐ ܡܪܝ. ܘܗܝܼ ܣܿܒܪܬ
                    ܠܗܿ܆ ܕܡܢ ܗܠܝܢ ܕܢܛܪܝܢ ܫܘܩܐ ܐܝܬܘܗܝ. ܘܩܪܗܿ ܘܩܪܒܬ ܟܕ ܪܬܝܿܬܐ ܡܢ ܙܘܥܗܿ. ܘܐܡܼܪ ܠܗܿ.
                    ܡܛܘܠ ܚܘܒܗ ܕܐܒܘܟ ܗܿܘ ܕܣܿܓܕ ܗܘܐ ܠܝ: ܘܣܿܐܡ ܗܘܼܐ ܠܝ ܒܣ̈ܡܐ ܘܡܿܕܒܚ ܗܘܼܐ ܠܝܼ. ܐܢܐ ܡܿܦܢܐ
                    ܐܢܐ ܠܟܝ ܟܠ ܡܕܡ ܕܫܩܼܠ ܡܢܟܝ ܝܘܠܝܢܘܣ. ܐܠܐ ܙܠܝ ܨܝܕ ܡܿܠܟܐ ܘܐܡܼܪ ܠܗ. ܕܢܐܬܐ ܝܘܠܝܢܘܣ
                    ܘܢܐܡܠ ܠܝ ܒܗܿܘ ܨܠܡܐ ܕܢܛܪ ܫ̈ܥܐ ܕܡܕܝܢܬܐ. ܘܐܢܐ ܠܒܟܿ ܐܢܐ ܠܗ. ܘܠܐ ܡܫܬܘܙܒ ܡܢ ܐܝ̈ܕܝܼ.
                    ܥܕܡܐ ܕܡܿܦܢܐ ܠܟܝ ܟܘܠ ܡܕܡ ܕܢܣܼܒ ܡܢܟܝ. ܘܗܼܝ ܡܚܕܐ ܡܢ ܨܦܪܐ ܥܿܠܬ ܨܝܕ ܡܠܟܬܐ ܘܐܡܪܬ ܠܗܿ.
                    ܘܡܠܟܬܐ ܐܫܬܥܝܬ ܠܡܿܠܟܐ. ܘܟܕ ܫܡܼܥ ܡܿܠܟܐ ܐܡܪ ܠܗܿ. ܡܕܝܢ ܠܐ ܬܐܡܪܝܢ ܠܝ ܗܠܝܢ. ܐܠܐ
                    ܠܣܡܕܪܘܢ ܣܟܘܠܣܛܝܩܐ. ܘܬܡܼܗ ܡܿܠܟܐ ܘܐܬܕܡܪ ܒܫܪܒܐ ܗܢܐ ܘܩܪܗܿ ܬܪܐܼ ܘܥܿܠܬ ܩܕܡܘܗܝ ܘܢܦܠܼܬ
                    ܥܠ ܪ̈ܓܠܘܗܝ ܘܣܓܕܬ ܠܗ. ܟܕ ܒܟܝܐ ܒܚܫܐ. ܘܡܬܟܫܦܠܐ ܗܘܬ ܠܗ ܟ ܐܡܿܪܐܼ ܐܬܪܚܡ ܥܠܝ ܡܪܝ. ܠܘ
                    ܢܘܟܪܝܬܐ ܐܝܬܝ ܠܟ. ܐܢܬ ܗܼܘ ܡܪܝ ܐܚܝ ܫܪܝܪܐ. ܘܠܟ ܐܠܥܠܘܢܝ ܐܒ̈ܗܝ. ܘܠܝܬ ܠܝ ܒܝܬ ܓܘܣܐ
                    ܐܚܪܝܢܐ ܡܪܝ ܐܠܐ ܪܒܘܬܟ ܚܬܟ ܐܢܐ ܡܪܝ ܒܚܘܒܼܐ. ܘܗܕܡܟ ܒܓܢܣܐ ܘܠܘ ܕܚܠܬ ܐܠܗܐ ܐܝܬܝܗܿ ܗܕܐ.
                    ܕܬܗܡܼܐ ܡܢ ܛܠܝܡܘܬܝ. ܝܪܘܬܿܐ ܐܚܪܢܐ ܠܝܬ ܠܝ. ܘܠܐ ܓܢܣܐ ܐܦܠܐ ܛܘܗܡܐ ܩܪܝܿܒܐ. ܘܚܙܝ ܡܪܝ
                    ܡܿܠܟܐ. ܕܐ̈ܒܗܝܼ ܡܠܟܘܬܐ ܡܿܕܪܒܪܝܢ ܗܘܘ܆ ܘܠܘ ܡܛܠ ܐܒܝ ܕܐܝܬܘܗܝ ܗܘ ܛܪܘܢܐ ܬܗܼܦܟ ܐ̈ܦܝܟ
                    ܡܢܝ. ܐܠܐ ܡܛܠ ܐܡܝ ܕܐܝܬܝܗܿ ܗܘܬ ܚܬܗ ܕܐܒܘܟܼ. ܐܬܪܚܡ ܥܠܝ. ܠܘ ܓܝܪ ܥܘܬܪܐ ܕܚܕ ܡܢ ܪ̈ܘܪܒܢܐ
                    ܫܩܼܠ ܘܚܛܼܦ ܠܗ ܝܘܠܝܢܘܣ. ܐܠܐ ܟܘܪܣܝܐ ܘܬܓܐܼ ܘܟܠܝܠܐ. ܘܠܡܠܟܘܬܐ ܣܝ̈ܡܢ ܐܦܘ̈ܗܝ. ܘܡܿܠܟܐ
                    ܡܙܕܪܟܠ ܕܢܗܘܐ ܠܥܠ ܡܢܟ. ܘܟܕ ܫܡܼܥ  244 ܡܿܠܟܐ ܗܠܝܢ ܡܢ ܐܠܘܪܬܐܼ. ܗܝܕܝܢ ܐܬܡܪܡܪ
                    ܒܢܦܫܗ ܘܐܡܪ ܠܗܿ. ܗܫܐ ܡܿܢ ܐܥܒܕ ܠܟܼܝ. ܘܗܼܝܼ ܐܡܿܪܬ ܠܗ. ܢܐܡܐ ܠܝ ܒܗܿܘ ܨܠܡܐ ܕܢܿܛܪ ܫ̈ܥܐ
                    ܕܡܕܝܢܬܐ܆ ܘܬܘܒ ܠܥܠܡ ܠܝܬ ܠܝ ܥܡܗ ܡܠܬܐ. ܘܟܕ ܐܡܼܪ ܡܿܠܟܐ ܠܣܘܢܩܠܛܘܣ ܡܕܡ ܕܐܡܼܪ ܠܗܿܘ ܕܝܘܐ
                    ܠܐܠܘܬܪܐ܆ ܗܼܘܘ ܒܕܘܡܪܐ ܪܒܐ. ܘܟܕ ܫܼܡܥ ܝܘܠܝܢܘܣ ܗܠܝܢ. ܐܡܼܪ ܠܡܿܓܢܘܣ ܚܿܪܫܐ ܪܚܡܗ. ܘܗܼܘ
                    ܫܩܼܠܗ ܒܠܠܝܐ ܘܐܼܙܠ ܠܒܝܬ ܫ̈ܥܐ. ܘܟܕ ܥܐܠܝܢ ܒܬܪܥܐܼ. ܫܿܪܝ ܗܿܘ ܕܝܘܡܐ ܡܝܼܠܠ ܟܕ ܐܡܿܪܼ.
                    ܠܐܝܟܐ ܥܿܐܠ ܐܢܬ ܝܘܠܝܢܘܣ ܓܢܿܒܐ ܘܚܿܛܘܦܐ ܘܕܓܿܠܐ. ܘܿܝ ܠܟ ܡܢ ܐܠܗܐ ܗܿܘ ܕܕܓܠܬ ܒܗ. ܘܝܡܝܼܬ
                    ܒܨܠܝܒܐ ܩܕܝܫܐ ܘܒܩܘܪܒܢܐ. ܒܗܠܝܢ ܕܓܿܠܬ ܘܠܐ ܦܪܣܼܝܘ ܠܕܓܿܠܘܬܟ. ܐܢ ܫܡܗ ܪܒܐ ܕܐܠܗܐܼ.
                    ܒܟܘܠܗܿ ܗܕܐ ܡܕܝܢܬܐ ܡܟܪܙ ܐܢܐ ܠܗܿ ܠܕܓܠܘܬܟܿ. ܘܥܿܒܕ ܐܢܐ ܠܟ ܓܘܚܟܐ ܒܟܠܗܿ ܐܪܥܐ. ܠܥܘܬܪܗ
                    ܕܠܝܩܢܘܣ ܪܚܡܐ ܕܝܠܝ ܐܬܼܪܓܪܓܬ. ܘܒܥܘܬܪܐ ܗܿܘ ܕܡܢ ܐܬܝܗܒ ܠܗ. ܒܿܥܐ ܐܢܬ ܕܬܪܘܪܒ. ܘܿܝ ܠܟ
                    ܒܐ̈ܝܕܝ ܡܿܢ ܢܦܠܼܬ. ܠܐ ܗܿܘ ܙܝܘܐ ܪܒܐ ܕܐܠܗܐ. ܒܫܠܡܐ ܐܘ ܒܫܝܢܐܼ ܡܢ ܠܐ ܡܫܬܘܙܒ ܐܢܬ. ܘܟܕ
                    ܫܡܼܥ ܗܠܝܢ ܝܘܠܝܢܘܣܼ ܗܘܼܐ ܒܕܠܚܬܐ ܪܒܬܐ ܘܫܝܼܢܗ ܠܕܝܘܐ ܗܿܘ ܡܿܓܢܘܣ ܚܿܪܫܐ ܘܐܼܡܪ ܠܗ. ܕܠܐ
                    ܡܪܝ ܬܫܬܚܩ ܥܠܘܗܝ ܪܒܘܬܟ. ܟܘܠ ܡܕܡ ܕܦܩܿܕ ܐܢܬ ܠܗ ܥܿܒܕ. ܐܠܐ ܒܠܚܘܕ ܠܐ ܢܬܦܪܣܐ ܘܢܗܘܼܐ
                    ܓܘܚܟܐ. ܡܛܠ ܕܠܘ ܓܒܪܐ ܫܚܝܡܐ ܐܝܬܘܗܝ. ܘܐܼܡܪ ܠܗ ܕܝܘܐ ܗܘܿ ܠܡܕܓܢܘܣ ܚܿܪܫܐ: ܕܐܢܐ ܝܪܬܘܬܗ
                    ܕܠܝܩܢܘܣ ܗܿܘ ܕܡܕܒܿܚ ܗܼܘܐ ܠܝ: ܠܐܝܢܐ ܕܠܐ ܡܿܕܒܚ ܠܝ ܘܣܿܐܡ ܠܝ ܒ̈ܣܡܐ. ܠܐ ܩܗܿܒ ܐܢܐ. ܘܐܢ
                    ܫܡܿܥ ܠܝ ܝܘܠܝܢܘܣ ܘܥܿܒܼܕ ܡܕܡ ܕܐܡܿܪ ܐܢܐ ܠܗܼ. ܐܥܒܕܝܘܗܝ ܡܪܐ ܥܠ ܟܘܠܗܿ ܐܪܥܐ. ܘܡܠܟܘܬܐ
                    ܕܟܠܗ ܐܘܚܕܢܐ ܕܒܝܬ ܪ̈ܗܘܡܝܐܼ ܬܬܝܿܗܒ ܠܗ. ܘܡܢ ܣܘ̈ܦܝܗܿ ܠܣܘ̈ܦܝܗܿ ܕܐܪܥܐ ܢܬܼܟܪܙ ܫܡܗ.
                    ܘܡ̈ܐܐ ܫ̈ܢܝܼܢ ܬܬܿܝܒܠ ܡܠܟܘܬܗ ܒܙܟܘܬܐ. ܟܕ ܐܚܿܝܕ ܡܕܒܪܢܘܬܐ ܥܠ ܟܠܗܝܢ ܡ̈ܠܟܘܬܐ. ܒܪܡ ܓܝܪ
                    ܐܢ ܨܿܒܐ ܕܠܐ ܢܬܦܪܣܐ ܘܢܬܼܓܠܐ ܡܕܡ ܕܥܒܼܕ: ܘܢܗܘܐ ܓܘܚܟܐ: ܘܢܘܩܕܘܢ ܟܪ̈ܣܛܝܢܐ ܦܓܪܗ ܒܢܘܪܐ
                    ܐܝܟ ܕܥܒܼܕܘ ܠܐܚܘܝܼ. ܡܚܕܐ ܢܪܡܼܐ ܠܒܘܢܬܐ ܩܕܡܝܼ. ܘܐܡܼܪ ܠܗ ܡܓܢܘܣ ܚܪܫܐ ܠܠܘܠܝܢܘܣ ܚܙܝ
                        ܐܚܝ 245 ܗܫܐܼ. ܐܝܕܐ ܡܢ ܗܠܝܢ ܬܪ̈ܬܝܢ ܡܿܛܝܒ ܐܢܬ ܕܬܥܒܕ. ܘܗܼܘ ܠܘܠܝܢܘܣ
                    ܐܡܼܪ. ܕܠܝ܆ ܬܪ̈ܝܢ ܓܘܢ̈ܚܐ ܪ̈ܒܐ ܓܕܫܘܢܝ. ܐܢ ܗܼܘ ܕܡܬܦܪܣܐ ܐܢܐܼ. ܗܐ ܓܘܚܟܐ ܘܫܡܐ ܒܝܼܫܐ
                    ܗܿܘܐ ܐܢܐ ܒܟܠܗܿ ܐܪܥܐ. ܘܓܒܪܐ ܕܐܬܪܕܝ ܒܚܟܡܬܐ ܘܐܫܬܡܗ ܦܝܠܣܘܦܐ: ܘܒܟܠܗܿ ܣܘܢܩܠܛܘܣ ܐܝܟ
                    ܕܙܕܩܿ ܠܦܝܠܣܘܦܐ: ܡܘܗ̈ܒܬܐ ܘܐܝܩܪ̈ܐܼ ܩܕܡܝ ܡܿܩܪܒܝܢ ܗܘܼܘ. ܘܗܢܼܘܢ ܘܒ̈ܢܝܗܘܢ ܘܢܫ̈ܝܗܘܢ:
                    ܣܓܕܬܐ ܐܝܟ ܕܠܡܿܠܟܐܼ ܡܿܩܪܒܝܢ ܗܘܼܘ ܠܝ. ܘܡܢ ܒܬܪ ܗܢܐ ܫܡܐ ܪܒܐ: ܬܬܼܟܪܙ ܗܕܐ ܒܡܕܝܢܬ
                    ܡܠܟܘܬܐ: ܕܐܝܬ ܒܗܿ ܒܢܝܗܢܫܐ ܡܢ ܟܠܗܿ ܐܪܥܐ: ܕܝܘܠܝܢܘܣ ܒܪܗ ܕܐܣܩܠܦܝܣ ܗܿܘ ܕܦܝܠܣܘܦܐ ܡܫܿܬܡܗ
                    ܗܼܘܐ. ܡܛܠ ܪܚܡܬܬ ܕܗܒܐܼ. ܓܢ̈ܒܼܘܬܐ ܐܫܬܚܬ ܨܐܕܘܗܝ. ܘܐܡܪܚ ܘܕܿܓܠ ܒܡ̈ܘܡܿܬܗܼ ܒܨܠܝܒܐ
                    ܘܒܩܘܪܒܢܐ. ܘܟܦܼܪ ܒܐܠܗܐ ܕܥܼܒܕܗܼ. ܘܗܼܘܐ ܢܘܟܪܝܐ ܠܪ̈ܐܙܐ ܕܟܪ̈ܣܛܝܢܐ. ܘܠܪܘܫܡܐ ܩܕܝܫܐ
                    ܕܡܕܥܡܘܕܝܬܐ. ܘܿܝ ܠܗ ܠܝܘܠܝܢܘܣ ܠܐܝܢܐ ܓܘܚܟܐ ܘܒܗܬܬܐܼ. ܘܬܒܼܪ ܠܒܐ ܘܡܿܘܝܩܐ ܐܝܬܝܬܗ ܪܚܡܼܬ
                    ܕܗܒܐ. ܡܟܝܠ ܛܒ ܠܝܼ ܕܐܪܡܿܐ ܠܒܘܢܬܐܼ. ܘܐܿܩܪܒ ܕܒܚܼܐ ܘܠܐ ܐܗܘܐ ܓܘܚܟܐ ܘܫܡܐ ܒܝܼܫܐ. ܘܪܗܼܛ
                    ܡܚܕܐ ܡܓܢܘܿܣ ܚܪܫܿܐ ܘܐܝܼܬܝ ܠܒܘܢܬܐ. ܘܝܗܒܗܿ ܠܝܘܠܝܢܘܣܼ ܘܩܿܪܒ ܩܕܡ ܫ̈ܐܕܐ. ܘܐܪܟܢ ܪܝܫܗܼ
                    ܘܣܼܓܕ ܠܗܘܢܿ ܘܐܼܡܪ ܠܗܘܢ ܕܝܘܐ ܗܿ، ܕܙܠܘ ܒܫܠܡܐ. ܘܡܢ ܒܬܪ ܬ̈ܠܬܐ ܝܘ̈ܡܝܼܢ. ܬܘ ܨܐܕܝ. ܕܐܝܬ
                    ܠܝ ܡܕܡ ܕܐܼܡܿܪ ܠܟܘܢ. ܘܡܢ ܒܬܪ ܬ̈ܠܬܐ ܝܘ̈ܡܝܼܢ. ܫܩܠܗ ܡܓܢܘܣ ܚܪܫܐ ܠܝܘܠܝܢܘܣܼ. ܘܢܚܼܬܗ
                    ܠܒܝܬ ܫ̈ܥܐ ܘܦܬܼܚ ܡܓܢܘܣ ܚܪܫܐܿ ܣܼܦܪ ܛܘ̈ܠܩܐ ܗܿܘ ܕܟܬܝܒܝܢ ܒܗ ܫܡ̈ܗܝܗܘܢ ܕܟܠܗܘܢ ܫ̈ܐܕܐܼ.
                    ܘܐܬܿܟܢܫܘ ܡܚܕܐ ܕܝ̈ܘܐ ܡܢ ܟܘܠ ܦܢ̈ܝܢܬ ܘܐܬܘ. ܘܟܕ ܚܼܙܐ ܐܢܘܢ ܝܘܠܝܢܘܣ ܕܦܪܝܼܚܝܢ ܘܥܿܐܠܝܼܢ.
                    ܐܬܬܼܙܝܥ ܘܗܼܘܐ ܒܕܚܠܬܐ. ܘܐܣܬܪܗܒ ܘܥܼܒܕ ܨܠܝܒܐ ܥܠ ܒܝܬ ܥܝܢܘ̈ܗܝ. ܘܡܚܕܐܼ ܥܼܪܩܘ ܟܠܗܘܢ.
                    ܐܡܿܪ ܠܗ ܡܓܢܘܣ. ܪܚܡܝ ܝܘܠܝܢܘܣܼ. ܠܡܢܐ ܥܼܒܕܬ ܠܟ ܨܠܝܒܬܐ. ܘܐܡܼܪ ܝܘܠܝܢܘܣ. ܠܐ ܝܕܥܿ ܗܘܝܬ݀
                    ܕܥܪܩܼܝܢ ܘܕܚܼܠܝܢ ܡܢ ܨܠܝܒܐ. ܘܐܠܐ ܠܐ ܥܼܿܒܕ ܗܘܝܬ. ܘܐܡܼܪ ܠܗ ܡܓܿܢܘܣ. ܐܢ ܨܿܒܐ ܐܢܬ ܕܬܚܙܐ
                    ܐܢܘܢ ܘܢܗܘܘܢ ܡܿܬܟܢܫܝܢ ܨܐܕܝܟ: ܘܡܿܚܘܝܢ ܠܟ ܟܣܝ̈ܬܐ: ܘܡܠܦܝܢ ܠܟ ܣܬܝܪ̈ܬܐ: ܘܬܥܘܠ
                    ܒܪ̈ܐܙܝܗܘܢ  246 ܘܬܬܼܓܡܪ ܒܚܙܬܗܘܢ܇ ܘܬܗܘܐ ܒܪ ܩܝܡܗܘܢ: ܘܢܚܘܿܘܢܟ ܗܠܝܢ ܕܟ̈ܣܝܢ:
                    ܘܢܠܦܘܢܟ ܗܠܝܢ ܕܓ̈ܢܝܙܢ: ܘܢܥܒܕܘܟ ܡܠܼܟ ܡ̈ܠܟܝܢ: ܘܢܫܿܥܒܕܘܢ ܠܟ ܥܡ̈ܡܐ ܟܠܗܝܢ ܡܠܟ̈ܘܬܐ:
                    ܘܢܪܡܪܡܘܢܟ ܠܥܠ ܡܢ ܟܠ܇ ܘܢܗܘܘܢ ܡܫܬܡܥܝܢ ܠܟ ܐܝܟ ܥܒܼ̈ܕܐ ܠܡܪ̈ܗܝܘܢ܇ ܗܢܐ ܢܝܫܐ ܕܨܠܝܒܐܼ. ܠܐ
                    ܬܥܒܕ ܬܘܒ ܠܥܠܡ. ܘܬܘܒܼ ܩܼܪܐ ܠܗܘܢ ܡܓܢܘܣ܆ ܘܐܬܼܘ ܥܡ ܪܒܗܘܢ ܣܛܢܐ. ܘܐܼܪܟܢ ܪܝܫܗ ܝܘܠܝܢܘܣܼ
                    ܘܣܓܕ ܠܗܘܢܿ ܘܣܼܠܩ ܐܪܟܘܢܛܐ ܕܫ̈ܐܕܐܼ. ܘܝܬܼܒ ܥܠ ܟܘܪܣܝܐ ܕܦܢܿܛܣܝܐ ܕܛܘܥܝܝ. ܟܘܪܣܝܐ ܠܡ
                    ܕܢܘܪܐ ܘܚ̈ܝܠܘܬܐ ܠܡ ܕܫ̈ܐܕܐܿ. ܕܩܝܼܡܝܢ ܗܼܘܘ ܩܕܡܘܗܝ ܒܕܚܠܬܐ. ܘܥܼܢܐ ܘܐܼܡܪ ܠܗܘܢܿ ܝܕܥܝܢ
                    ܐܢܬܘܢ ܕܡܠܟܘܬܗ ܘܫܘܠܛܢܗ ܕܥܠܡܐ ܗܢܐ ܟܠܗ܆ ܐܢܐ ܐܚܿܝܕ ܐܢܐ ܠܗܿ. ܘܡ̈ܠܟܐ ܕܟܘܠܗܿ ܐܪܥܐ ܠܝ
                    ܣܓܕܝܢ ܗܼܘܘܼ. ܘܩܕܡܝ ܡܕܒܚܿܝܢ ܗܘܼܘ. ܡܠܟܘܬܐ ܕܒ̈ܒܠܝܐ. ܘܕܦܿܪܣ. ܘܕܡܿܕܝ. ܘܕܫܒܼܐ. ܘܕܣܿܒܐ.
                    ܘܕܗܢܕܘ. ܘܕܟܘܫ. ܘܕܡܨܠܝܢ. ܘܕܦܠܫܬܼ. ܘܕܟܘܠܗܘܢ ܥܡ̈ܡܐ ܒܪ̈ܒܪܝܐܿ. ܕܝܬܼܒܝܢ ܒܥܒܼܪ̈ܝܗܿ
                    ܕܐܪܥܐܼ. ܕܝܠܢ ܐܢܘܢ ܘܠܢ ܣܓܕܝܢ. ܗܢܘܢ ܐܦ ܢܫܝ̈ܗܘܢ ܘܒܢܝ̈ܗܘܢܿ ܘܪܗܘܡܝ ܪܒܬܐ. ܘܠܐ ܗܼܘܐ ܡܢ
                    ܫܘܪܝܗ ܕܥܠܡܐ ܚܕ ܥܡܐ ܐܘ ܡܠܟܘܬܐܼ. ܕܠܐ ܠܝ ܣܓܕܝܢ ܗܘܘ܇ ܐܠܐ ܗܢܐ ܩܘܣܛܢܛܝܢܘܣܼ. ܕܒܓܠܝܙܘܬ
                    ܗܘܢܗ ܘܡܢ ܚܣܝܪܬ ܝܕܥܬܗ. ܘܡܛܘܠ ܕܗܘܬ ܠܝ ܒܛܝܠܘܬܐ ܘܢܦܩܬ ܠܟܘܠܗܝܢ ܦܢܝ̈ܬܐ ܕܒܥܒܪ̈ܝܗܿ
                    ܕܐܪܥܐ: ܘܐܬܟܪܟܬ ܒܟܗܠܝܢ ܡ̈ܠܟܘܬܐ ܕܥ̈ܡܡܐ ܘܣܥܪܬ ܐ̈ܢܝܢ: ܘܥܒܕܬ ܫܠܡܐܼ ܒܟܘܠܗܘܢ ܐ̈ܘܚܕܢܝ.
                    ܘܥܕ ܦܢܿܐ ܐܢܐ ܠܗܪܟܐܼ. ܟܦܼܪ ܗܢܐ ܩܘܣܛܢܛܝܢܘܣ ܒܕܚܠܬܐ ܕܐܒܗ̈ܘܗܝܼ. ܘܐܬܼܪܡܝ ܠܛܥܝܘܬܗܘܢ
                    ܕܓ̈ܠܝܠܝܐ. ܘܫܿܡܗ ܢܦܫܗ ܡܿܠܟܐܼ ܗܼܘ ܘܒ̈ܢܘܗܝ ܒܠܚܘܕ. ܘܟܕ ܚܙܝܬ ܕܫܒܩܘܢܝ ܘܣܓܕܘ ܠܗܿܘ
                    ܘܙܩܼܦܘ ܝܗ̈ܘܕܝܐ ܥܠ ܩܝܣܐ. ܘܡܛܘܠ ܚܘܒܐ ܕܐܒ̈ܗܘܗܝ ܕܥܒܕܬ ܠܗ ܡܓܪܬ ܪܘܚܐܼ ܙܒܢܐ ܣܓܝܐܐ. ܘܟܕ
                    ܚܙܝܬܗ ܕܠܐ ܡܬܦܢܐ ܡܢ ܛܥܝܘܬܗ܆ ܓܠܙܬܗ ܡܢ ܚ̈ܝܐ ܐܦ ܠܬܪ̈ܝܗܘܢ ܒ̈ܢܘܗܝܿ. ܗܠܝܢ ܕܨܼܒܘ ܕܢܐܚܕܘܢ
                    ܡܠܟܘܬܐ ܒܬܪ ܐܒܘܗܘܢ. ܘܐܦ ܠܗܢܐ ܕܐܫܬܼܚܪ ܡܢܗܘܢܿ ܒܗܠܝܢ ܝܘܡ̈ܬܐ ܓܿܠܙ ܐܢܐ ܠܗ ܡܢ ܚ̈ܝܐ ܘܕܠܐ
                    ܝܪ̈ܬܐ ܕܒ̈ܢܝܐ ܐܒܥܕܝܘܗܝ. ܘܗܐ ܡܩܝܡ ܐܢܐ ܒܡܿܠܟܘܬܐ ܠܝܘܠܝܢܘܣ.  247 ܘܐܥܒܕܝܘܗܝ
                    ܐܢܛܩܪܛܘܪ ܥܠ ܟܘܠܗܿ ܐܥܪܐ. ܢܗܘܐ ܗܼܘ ܒܠܚܘܕܘܗܝ ܡܿܠܟܐ. ܡܢ ܡܕܢܚܐ ܥܕܡܐ ܠܡܥܪܒܐ. ܘܡ̈ܐܐ
                    ܫ̈ܢܝܐ ܬܬܝܿܒܠ ܡܠܟܘܬܗ. ܘܠܗ ܢܫܬ̈ܥܒܕܢ ܟܘܠܗܝܢ ܡ̈ܠܟܘܬܐ ܕܐܪܥܐ. ܘܡܕܡ ܕܠܐ ܥܿܒܕܬ ܠܐܒ̈ܗܘܗܝܼ
                    ܐܥܒܕ ܠܗ. ܘܐܝܟ ܕܒܥܪܣܐ ܕܢܝܿܚܐܼ ܢܬܬܢܝܿܚܘܢ ܒܗ ܟܠܗܘܢ ܚ̈ܝܠܘܬܐ ܕܒ̈ܢܝ ܦܠܚܘܬܝ. ܘܗܼܘ
                    ܢܗܘܐܠܝ ܢܘܣܐܼ ܘܐܢܐ ܐܫܼܪܐ ܒܗ. ܘܠܥܠܡ ܡܢܗܼ ܠܐ ܐܦܘܩ. ܡܛܠ ܕܠܗ ܒܠܚܘܕ ܐܫܟܚܬ ܣܪܝܕܐ ܒܟܘܠܗܿ
                    ܡܠܟܘܬܐ ܕܫܘܠܛܢܝ. ܘܗܼܘ ܢܥܼܒܕ ܟܠܗܘܢ ܨ̈ܒܝܢܝ. ܩܘܡ ܝܘܠܝܢܘܣ ܡܿܠܟܐ ܕܝܠܢ. ܐܬܿܟܫܪ ܘܐܨܠܚ.
                    ܘܩܡ ܡܚܕܐ ܘܕܒܿܚ܆ ܒܗ ܒܠܠܝܐ ܗܿܘ. ܘܐܬܘ ܟܼܠܗܘܢ ܕܝ̈ܘܐ ܘܣܼܓܕܘ ܠܗ. ܘܒܠܠܝܐ ܐܚܪܢܐ ܫܩܠܼܗ
                    ܡܓܿܢܘܣ ܚܪܫܐ ܠܝܘܠܝܢܘܣ ܘܢܼܦܩ ܠܒܪ ܡܢ ܫܘܪܐ ܗܿܘ ܕܬܪ̈ܝܢ. ܠܒܝܬ ܦܬܟܪ̈ܐ ܕܒܥܠܙܒܘܒܼ. ܘܢܣܼܒ
                    ܥܡܗܘܢ ܠܟܘܙܘ ܛܠܝܘܬܗ ܕܡܿܓܢܘܣ ܚܪܫܐ ܟܕ ܛܒܢܐܼ. ܘܐܫܠܚܘܗܿ ܢܚܼܬ̈ܝܗܿ ܘܬܠܐܘܗܿ ܒܝܬ ܦܬܟܪ̈ܐ.
                    ܘܡܢ ܪ̈ܚܡܝܗܿ ܥܕܠܡܐ ܠܫܪܐܿܗܼܿ. ܨܪܐܼܘܗܿ. ܘܐܿܦܼܩܘ ܡܢ ܟܪܣܗܿ ܟܕ ܚܿܝܐܼ. ܥܘܼܠܐ ܒܪ ܬܫ̈ܥܐ
                    ܝܪ̈ܚܝܢ. ܘܢܿܚܫܘ ܘܙܿܟܪܘ ܘܐܣܿܩܘ ܒܗ ܩܼܨ̈ܡܐܼ. ܘܣܠܼܩܘ ܙܟܘܪ̈ܐ ܡܢ ܓܘ ܐܪܥܐ. ܗܿܢܘ ܕܝܼܢ
                    ܫ̈ܐܕܐ ܬܚـܝܐ. ܘܡܿܠܠ ܥܡܗܘܢ ܡܿܓܢܘܣ ܚܪܫܿܐ ܘܐܡܼܪ ܠܗܘܢܿ ܐܪܟܘܢܛܗ ܕܥܠܡܐܼ.ܗܼܘ ܘܟܠܗܘܢ
                    ܚ̈ܝܠܘܬܐ ܫܦܼܪ ܠܗܘܢܼ ܘܝܼܒܘ ܡܠܟܬܐ ܘܐܦ ܫܘܠܛܢܐ ܠܒܪ ܬܘܕܝܬܟܘܢ ܝܘܠܝܢܘܣ. ܫܠܡܼܝܢ ܐܢܬܘܢ
                    ܕܢܗܘܐ ܡܿܠܟܐ ܘܡܥܕܪܝܢ ܐܢܬܘܢ ܠܗ. ܡܛܠ ܕܐܢܬܘܢ ܐܚܿܝܕܝܢ ܫܘܠܛܢܗ ܕܗܿܘ ܐܬܪܐ ܬܚܬܝܐ. ܘܥܼܢܘ
                    ܟܘܠܗܘܢܼ ܘܐܼܡܪܘ. ܡܫܬܥܒܕܝܢܢ ܠܗ. ܡܛܠ ܕܕܝܠܗ ܗܼܝ ܡܠܟܘܬܐ ܟܘܠܗܿ ܕܬܚܝܬ ܫܡܝܐ. ܘܫܘܠܛܢܗ
                    ܡܡܠܟ ܠܥܠ ܡܢ ܟܠܗܝܢ ܡ̈ܠܟܘܬܐ ܘܡ̈ܐܐ ܫ̈ܢܝܐ ܡܬܝܒܠܐ. ܡܠܟܘܬܗ ܒܙܟܘܬܐ. ܘܟܕ ܢܿܚܫܘ ܘܩܿܨܡܘ
                    ܒܫܒܪܐ ܗܿܘ܆ ܗܦܟܼܘ ܐܥܠܘܼܗܝ ܠܟܪܫܐ ܕܐܡܗ. ܘܐܚܬܘܗܿ ܡܢ ܚܒܼܠܐ ܗܿܘ ܕܬܠܝܐ ܗܘܬ ܒܗܼ. ܘܣܡܘܗܿ
                    ܥܠ ܥܿܠܬܼܐ ܘܣܼܡܘ ܥܠܝܗܿ ܠܒܘܢܬܐ. ܘܩܼܪܒ ܝܠܘܝܢܘܣܼ ܘܐܘܚܕ ܢܘܪܐ ܒܩܝ̈ܣܐ ܕܕܦܢܝܕܝܢ܇ ܕܣܝܡܼܝܢ
                    ܗܘܘ ܥܠ ܥܿܠܬܐ. ܘܥܼܢܐ ܘܐܼܡܪ ܐܪܛܘܢܛܗ ܕܥܠܡܐ ܗܢܐܼ. ܘܐܦ ܚܝܠܐ ܚܣܝܢܐ ܕܐܪ̈ܟܣ ܕܕܝ̈ܘܐ
                    ܘܕܫ̈ܐܕܐ. ܗܠܝܢ ܕܠܥܠ ܡܢ ܐܿܪܥܐܼ. ܘܗܠܝܢ ܕܠܬܚܬ ܡܢ  248 ܐܪܥܐ. ܡܦܝܼܣ ܐܢܐ ܠܟܘܢ
                    ܕܬܿܩܒܠܘܢ ܕܒܚܼܐ ܚܕܬܐ ܘܩܕܡܝܐ ܡܢ ܝܘܠܝܢܘܣ ܡܿܠܟܐ ܚܕܬܐ ܕܝܠܟܘܢܿ ܠܫܝܢܗܿ ܕܡܠܟܘܬܐ ܘܠܫܠܡܐ
                    ܕܐܘܚܕܢܗ ܘܠܢܿܘܛܪܐ ܕܚ̈ܝܘܗܝ. ܡܢܼܝܢ ܡ̈ܐܐ ܫ̈ܢܐ. ܕܫܟܢܿܬܘܢ ܠܗ ܡܠܟܘܬܐ. ܘܡܚܕܐ ܐܬܥܿܠܠ ܒܗ
                    ܣܛܢܐ. ܘܐܝܟ ܕܒܢܘܣܐ ܕܦܬܟܪ̈ܐܼ ܥܠ ܫܼܪܐ ܘܥܡܼܪ ܒܓܘܗ. ܘܡܚܕܐܼ ܫܿܢܝܬ ܪܘܚܐ ܕܐܠܗܐ ܡܢܗ ܐܝܟ
                    ܕܡܢ ܫܐܘܠ. ܘܪܘܚܗ ܕܣܛܢܐ ܐܡܠܟܬ ܒܗܼ ܘܐܫܿܬܠܛܬ ܥܠܘܗܝ. ܘܡܢ ܗܿܝ ܫܥܬܐܟܠ ܡܕܡ ܕܣܿܥܪ ܗܼܘܐܼ.
                    ܐܝܟ ܡܥܒܕܢܘܬܐ ܕܫܐܕܐ ܣܿܥܪ ܗܼܘܐ ܠܗ. ܘܒܗ ܒܗܿܘ ܠܠܝܐ ܕܕܒܿܚ ܝܘܠܝܢܘܣ ܠܫ̈ܐܕܐ. ܐܬܚܙܝ ܗܢܐ
                    ܚܙܘܐ ܠܚܕ ܡܢ ܩ̈ܕܝܫܐ. ܚܙܐ ܗܘܼܐ ܠܗ ܓܝܪ ܕܩܐܡ ܒܕܡܘܣܝܢ ܕܐܬܝܢܘܣ ܠܝܘܠܝܢܘܣܼ. ܘܕܥܿܬ ܗܼܘܐ
                    ܕܘܚܬܐ ܕܒܣܝܡ ܪܝܚܗܿ ܐܟ ܗܪ̈ܘܡܐ. ܘܡܠܐܟܗ ܕܐܠܗܐ ܕܠܒܝܟ ܐܣܦܘܓܐ ܕܢܘܪܐ ܒܐܝܕܗܼ. ܘܡܿܟܦܪ ܠܗܿܝ
                    ܕܘܥܬܐ ܡܢ ܟܠܗ ܦܓܪܗ. ܘܗܿܘ ܕܐܫܬܘܝ ܕܗܟܢܐ ܢܚܙܝܘܗܝܼ. ܐܡܼܪ ܠܗ ܠܡܠܐܟܐ ܗܿܘܼ ܕܡܛܠ ܡܢܐ
                    ܡܟܿܦܪ ܐܢܬ ܡܢܗ ܠܗܢܐ ܪܝܚܐ ܒܣܝܡܐ. ܘܗܼܘ ܐܡܼܪ ܠܗ. ܕܡܟܿܦܪ ܐܢܐ ܡܢܗ܆ ܠܡܫܝܚܘܬܐ ܩܕܝܫܬܐ
                    ܕܠܒܼܫ ܡܢ ܡܥܡܘܕܝܬܗ. ܘܗܼܘ ܩܕܝܫܐ ܐܡܼܪ ܠܗ. ܡܛܠ ܐܝܕܐ ܥܠܼܬܐ ܡܪܝ. ܘܡܠܐܟܐ ܦܿܢܝ ܠܗ ܦܬܓܡܐ.
                    ܡܛܠ ܕܫܿܢܝܬ ܪܘܚܗ ܕܐܠܗܐ ܡܢܗ. ܘܗܿܘ ܕܗܼܘܐ ܚܿܙܝܐ ܕܗܕܐܼ. ܫܬܼܩ ܘܠܐܢܫ ܡܕܡ ܠܐ ܐܡܪ. ܘܡܢ
                    ܒܬܪ ܝܘܡ̈ܬܐ ܣܓ̈ܝܐܬܐܼ. ܐܠܼܨܗ ܗܘܼܐ ܡܿܠܟܐ ܕܢܐܡܠ ܠܐܠܘܬܪܐ ܒܗܿܘ ܨܠܡܐ ܕܢܿܛܪ ܫ̈ܥܐ. ܘܗܼܘ
                    ܐܡܼܪ ܕܣܿܦܩ ܠܝܼ. ܕܬܪܗܬܝܢ ܙܒ̈ܢܝܢ ܝܡܝܢܬ ܒܩܘܪܒܢܐ ܕܟܪ̈ܣܛܝܢܐ ܘܒܨܠܝܒܐ ܗܿܘ ܕܣܓܕܝܢ ܠܗ.
                    ܘܐܢ ܨܒܝܐܼ. ܐܠܦ ܙܒ̈ܢܝܢ ܝܡܿܐ ܐܢܐ ܠܗܿ ܒܩܘܪܒܢܐ ܕܫܩܼܠܝܢ ܟܪ̈ܣܛܝܢܐ ܘܒܨܠܝܒܐ ܕܣܓܕܝܢ ܠܗ.
                    ܘܒܨܠܡܐ ܕܠܥܠ ܠܐ ܝܡܐ ܐܢܐ ܠܗܿ. ܘܩܿܡܬ ܟܠܗܿ ܣܘܢܩܠܛܘܣ ܥܠ ܡܿܠܟܐܼ. ܘܐܡܿܪܬ ܠܗ. ܕܠܘ ܕܚܠܬ
                    ܐܠܗܐ ܗܝܿ. ܕܢܫܒܘܩ ܓܒܪܐ ܟܪܣܛܝܢܐ ܠܐܠܗܐܼ ܢܬܝܗܒ ܠܡ̈ܘܡܬܐ ܕܨܠܡܐ ܕܣܓܕܝܢ ܠܗ ܚ̈ܢܦܐ ܠܐ ܓܝܪ
                    ܪܓܝܼܫܝܢ ܗܼܘܘ ܒ̈ܢܝ ܦܠܛܝܢ ܕܡܿܠܟܐܼ. ܕܟܼܦܪ ܝܘܠܝܢܘܣ ܒܐܠܗܐܿ. ܘܕܒܚܼܐ ܠܫ̈ܐܕܐ ܩܪ̈ܒ. ܘܫܬܼܩ
                    ܡܿܠܟܐܼ ܘܠܐ ܦܢܿܝ ܦܬܓܡܐ. ܘܬܘܒ ܩܪܒܿܬ ܐܠܘܬܪܐ ܘܐܦܝܿܣܬܗ ܠܡܿܠܟܐܼ. ܘܐܬܬܼܦܝܪ ܒܗܿ. ܘܡܚܕܐ
                    ܥܿܠܬ ܨܝܕ  249  ܡܿܠܟܐ ܩܪܒܐ ܕܒܪ̈ܒܪܝܐ. ܘܡܛܘܠ ܕܠܝܬ ܗܼܘܐ ܠܗܘܢ ܠܪ̈ܗܘܡܝܐ ܪܒ
                    ܚܝܠܐܼ. ܥܒܼܕܗ ܡܿܠܟܐ ܪܒ ܚܝܠܐ ܠܝܘܠܝܢܘܣܼ ܥܠ ܟܘܠܗܘܢ ܚܝ̈ܠܘܬܐ ܕܪ̈ܗܘܡܝܐ ܠܩܪܒܐ. ܘܟܕ ܐܙܼܠ
                    ܠܩܪܒܐ ܠܘܩܒܠ ܒܥܠܕܒ̈ܒܘܝ ܕܡܿܠܟܐܼ. ܩܼܪܠ ܠܡܓܢܘܣ ܚܪܫܐ. ܘܿܙܟܪ ܘܢܚܿܫ ܠܗ ܐܢ ܙܿܟܐ ܐܘ ܠܐ.
                    ܘܐܬܐܡܪ ܠܗ ܡܢ ܫ̈ܐܕܐ ܕܢܥܒܕ ܥܐܕܐ. ܘܢܩܿܪܒ ܕܒܚܼܐ ܠܗܕܪܝܘܣ ܘܕܝܘܣ. ܘܗܪܡܝܣ ܘܣܪܦܝܣ
                    ܘܒܥܠܫܡܝܼܢ. ܘܗܢܘܢ ܠܡ ܡܩܼܪܒܝܢ ܚܠܦܝܟ. ܘܟܕ ܥܒܼܕ ܕܒܚܐ ܟܣܝܐܝܬܼ ܚܙܼܩ ܠܩܪܒܐ. ܘܐܩܼܪܒ
                    ܘܙܟܼܐ ܠܒܪ̈ܒܪܝܐ. ܘܡܚܕܐ ܐܬܬܪܝܡ ܠܒܗ ܒܫܘܒܿܗܪܐܼ ܘܛܥܝܗ. ܠܐܠܗܐ ܕܥܼܒܕܗ. ܘܒܗܘܢ ܒܝܘܡ̈ܬܐ
                    ܗܿܢܘܢ ܟܕ ܐܝܬܘܗܝ ܝܘܠܝܢܘܣ ܒܐܬܪ̈ܘܬܐ ܥ̈ܠܝܐܼ. ܢܦܩܼ ܡܢ ܥܠܡܐ ܗܢܐ ܒܪܗ ܕܩܘܣܛܢܛܝܢܘܣ ܡܿܠܟܐ
                    ܙܟܿܝܐܼ. ܘܗܝܕܝܢ ܓܠܝܗܿ ܠܚܢܦܘܬܗ ܝܘܠܝܢܘܣܼ. ܘܐܼܥܿܝܪ ܥܠܝܢ ܪܕܘܦܝܐ. ܡܩܿܕܡܝܢ ܗܘܘ ܓܝܪ
                    ܘܚܿܙܝܢ ܒ̈ܥܝܢܐ ܒܚܟܡܬܐܿ. ܡܕܡ ܕܥܬܝܕ ܗܼܘܐ ܕܢܗܘܐ ܠܗ. ܘܚܕ ܡܢ ܩ̈ܕܝܫܐܼ ܚܙܝܼܗܝ ܗܘܐ ܒܙܒܢ
                    ܟܕ ܥܕܟܝܠ ܐܝܬܘܗܝ ܗܼܘܐ ܛܠܝܐ ܙܥܘܪܐܼ. ܕܕܡܿܝܟ ܥܠ ܥܪܣܐܼ. ܘܚܘܝܐ ܚܪܡܢܐ ܗܿܘ ܕܡܬܼܩܪܐ
                    ܐܣܦܝܣܼ. ܕܟܼܪܝܟ ܥܠ ܪܝܫܗ. ܐܝܟ ܟܠܝܠܐ. ܘܡܚܕܐ ܐܡܼܪ ܗܼܘ ܒܢܦܫܗܼ. ܕܒܪܢܫܐ ܠܝܛܐ ܗܿܘܐ ܗܢܐ
                    ܛܠܝܐ. ܘܬܘܒ ܟܕ ܩܿܪܐ ܒܫܠܝܚܐܼ. ܚܿܙܝܢ ܗܘܘ ܠܗ ܗܠܝܢ ܕܩܿܪܝܒܝܢ ܗܼܘܘ ܨܐܝܕܘܗܝܼ. ܟܕ ܬܡܿܝܗ
                    ܗܼܘܐ ܘܨܿܕܝܕ ܘܡܫܚܠܦ ܓܘܢܗ. 
                Unbezeichnete Lucke
                ܘܡܗܿܦܟ ܓܝ̈ܓܠܐ ܟܘܗܠܘܢ ܘܝܘܡ̈ܬܐ ܕܚܗܝܝ. ܘܝܬܝܪ ܡܢ ܟܠܗܘܢ ܕܗܘܘ ܩܕܡܝܼ.
                    ܐܘܪܒ ܥ̈ܕܥܕܝܟܘܢܿ ܘܐܗܘܐ ܠܟܘܢ ܐܚܐ ܘܪܚܼܡܐ ܘܚܒܝܒܐ. ܘܦܿܫܼܛ ܝܡܝܢܗ ܒܫܢܬܗܼ. ܘܝܗܒܗܿ ܠܣܛܢܐ
                    ܘܐܡܼܪ ܠܗ. ܐܢܬ ܪܒܢ ܘܐܢܬ ܬܠܡܝܕܟܼ. ܘܐܢ ܐܟܦܘܪ ܒܟܼ ܢܟܦܘܪ ܒܝ ܐܠܗܐ. ܐܢܬܘܢ ܕܝܠܝܼ ܘܐܢܐ
                    ܕܝܠܟܘܢ ܥܕܡܐ ܠܥܠܡ. ܘܡܚܕܐ ܢܫܩܗܿ ܠܝܡܝܢܗ. ܟܕ ܕܝܢ ܐܥܝܪܗ ܒܣܠܝܘܣܼ ܐܡܼܪ ܠܗ. ܒܚ̈ܝܝܟܼ ܥܡ
                    ܡܢܼܘ ܡܡܿܠܠ ܗܘܝܬ ܒܫܢܬܟ ܘܠܡܢ ܝܗܼܒܬ ܝܡܝܢܟ. ܘܥܡ ܡܢܼܘ ܐܩܼܝܡܬ  250 ܩܝܡܐ. ܘܡܢܼܘ
                    ܐܝܬܘܗܝ ܗܼܘܐ ܗܿܘ ܕܡܿܠܠ ܥܡܟ. ܘܒܬܪ ܥܕܢܐ ܪܒܐ. ܘܟܕ ܐܬܥܗܕ ܠܚܙܘܗܼ. ܐܡܼܪ ܠܗ ܠܒܣܠܝܘܣ
                    ܒܕܓܠܘܬܐ ܟܕ ܓܚܿܟ. ܐܢܬ ܘܓܪܝܓܪܝܘܣܼ ܐܚ̈ܝ ܐܢܬܘܢ ܥܕܡܐ ܠܥܠܡ. ܠܟܘܢ ܝܗܿܒܬ ܝܡܝܢܐܼ. ܘܥܡܟܘܢ
                    ܡܡܿܠܠ ܗܘܝܬ. ܘܬܝܘܢ ܦܝܠܣܿܘܦܐ ܗܿܘ ܕܩܿܒܠܗ ܠܝܘܠܝܢܘܣ ܡ ܡܥܡܘܝܕܬܐܼ. ܙܒ̈ܢܝܢ ܣܓܝ̈ܐܢ ܐܡܼܪ
                    ܠܗ ܩܕܡ ܟܘܠܢ. ܕܐܢ ܚ̈ܠܡܝ ܠܐܡܕܓܠܝܢ ܒܝ: ܡܢ ܚ̈ܙܐ ܕܡܬܿܚܘܝܢ ܠܝ ܡܛܠܬܟܼ. ܡܘܬܐ ܒܝܼܫܐ ܡܿܐܬ
                    ܐܢܬ. ܡܛܠܕܡ ܩܕܡ ܐܠܗܐܼ. ܓܙܼ ܕܝܼܢܐ ܕܠܐ ܪ̈ܚܡܐ ܐܬܼܓܙ ܠܥܝܟ. ܐܠܐ ܚܼܙܝ ܢܦܫܟ. ܐܢܐ ܓܝܪ
                    ܣܿܒܪ ܐܢܐ ܒܦܫܝ܆ ܕܥܡ ܣܛܢܐ ܗܿܘܝܐ ܡܢܬܟ. ܘܒܚܕ ܡܢ ܝܘܡ̈ܝܢ ܟܕ ܝܬܒܼܝܢ ܟܠܗܘܢ ܦܝܠܣ̈ܘܦܐ
                    ܘܚܟܝ̈ܡܐ ܕܐܬܝܢܘܣ: ܘܝܘܠܝܢܘܣ ܘܟܠܗܘܢ ܬܠܡ̈ܝܕܝܗܘܢ ܩܝܡܼܝܢ ܗܘܼܘ ܩܕܡܝܗܘܢܿ ܘܐܼܡܪ ܠܗ ܒܝܘܢ
                    ܦܝܠܣܘܦܐ ܠܝܘܠܝܢܘܣܼ. ܚܙܝܼ ܠܝܬ ܐܢܫ ܒܟܠܗ ܗܢܐ ܟܢܘܫܐܿ. ܒܪ ܓܢܣܐ ܕܡܠܟܘܬܐ ܠܐ ܐܢܬ ܒܠܚܘܕ.
                    ܚܙܝ ܐܢ ܩܪܝܐ ܥܠܼܬܐ ܘܗܿܘ ܐܢܬ ܡܿܠܟܐܼ. ܠܐ ܬܦܪܥ ܒܝܫܬܐ ܠܐܢܫ ܡܢ ܟܢܘܫܝܐ ܗܢܐ. ܘܢܗܘܝܢ
                    ܥ̈ܝܢܝܟ ܥܠܝܗܘܢ ܠܛܒܬܐ. ܐܡܪ ܠܝ ܓܝܪ ܐܢ ܩܿܪܝܐ ܥܠܝܬܐ ܘܗܿܘܐ ܐܢܬ ܡܿܠܟܐ ܕܠܝ ܕܩܒܿܠܬܟ ܡܢ
                    ܡ̈ܝܐ ܕܡܥܡܘܕܝܬܐ ܘܗܐ ܐܠܦܬܟ ܚܟܬܐ. ܡܿܢܐ ܥܿܒܕ ܐܢܬ ܠܝ. ܘܗܼܘ ܝܘܠܝܢܘܣ ܟܕ ܓܚܿܟܼ ܐܡܼܪ. ܠܟܼ
                    ܙܩܿܦ ܗܘܝܬ ܠܟ. ܠܥܠ ܡܿܢ ܕܡܘܣܝܢ ܪܒܬܐ. ܘܠܦܓܪܟܼ ܡܘܩܕ ܗܘܝܬ ܠܗ ܒܓܘܗܿ. ܘܠܣܘܣܦܛܪܘܣܼ ܢܫܿܛ
                    ܗܘܝܬ ܓܠܕܗ ܟܕ ܚܝ. ܘܓܚܼܟܘ ܟܠܗܘܢܿ ܘܬܝܿܘܢ ܪܒܗ ܐܡܼܪ ܠܗܘܢܿ ܠܐ ܬܓܚܟܘܢ ܐܚ̈ܝܼ. ܨܠܘ ܕܠܐ ܚܕ
                    ܡܢܟܘܢ ܢܡܼܛܐ ܠܫܢܬ ܐܪܒܥܣܪܐ ܕܡܢܝܢܐ ܐܬܿܢܝܐ. ܡܛܠ ܕܒܗܕܐ ܫܢܬܐܼ ܪܕܘܦܝܐ ܪܒܐ ܗܿܘܐ. ܘܚܕ ܡܢ
                    ܐܝܠܝܢ ܕܐܝܬ ܒܟܢܘܫܝܐ ܗܢܐ. ܒܗܕܐ ܫܢܬܐ ܟܿܦܪ ܒܐܠܗܐܿ ܘܣܿܓܕ ܠܫܐ̈ܕܐ. ܘܗܝܕܝܢ ܥܿܒܕ ܪܕܘܦܝܐ
                    ܠܗܠܝܢ ܕܐܘܕܝܘ ܒܡܫܝܚܐ. ܘܡܛܠ ܕܠܘ ܟܠ ܐܢܫ ܝܕܥܿ ܕܐܝܟܢܐ ܗܘܬ ܡܦܘܠܬܗ ܕܝܘܠܝܢܘܣܼ. ܗܘܬ ܠܝ
                    ܒܛܝܠܘܬܐܿ ܕܐܟܬܘܒ ܠܒ̈ܢܝ ܥܕܬܐ ܩܕܝܫܬܐܼ. ܟܘܠ ܝܘܒܿܠܐ ܛܡܿܐܐ ܕܚܢܦܘܬܗ ܕܝܘܠܝܢܘܣ ܦܪܒܛܝܣ ܐܝܟ
                    ܕܗܼܘܐ ܫܠܡܬ ܬܫܥܬܐ ܕܥܠ ܝܘܠܝܢܘܬ ܚܢܦܐ. 

                ܀܀܀