Eusebius of Caesarea. “Theophania - ܥܠ ܕܢܚܐ ܐܠܗܝܐ.” Based upon Samuel Lee ed., Eusebius Bishop of Caesarea, On the Theophania or Divine Manifestation of Our Lord and Saviour Jesus Christ (London: Society for the Publication of Oriental Texts, 1842). Digital Syriac Corpus. Last modified December 7, 2019. https://syriaccorpus.org/548. Book 1 1 ܣܦܪܐ ܩܕܡܝܐ ܕܐܘܣܒܣ ܩܣܪܝܐ ܕܥܠ ܕܢܚܐ ܐܠܗܝܐ܀ ܗܿܢܘܢ ܕܐܡܪܝܢ ܥܠ ܬܘܩܢܐ ܗܢܐ ܟܠܗ ܥܠܡܐ ܪܒܐ ܘܦܐܝܐ ܘܥܠ ܩܘܝܡܐ ܡܦܬܟܐ ܘܣܓܝ ܪ̈ܘܟܒܐ ܕܫܡܝܐ ܘܕܐܪܥܐ ܕܠܐ ܐܝܬ ܠܗ ܫܘܪܝܐ ܘܠܐ ܡܦܪܢܣܢܐ݀ ܕܠܐ ܡܪܐ ܘܗܘ ܘܕܠܐ ܒܛܝܠܘܬܐ ܘܐܝܩܐ ܘܣܪܝܩܐܝܬ ܘܒܓܕܫܐ ܣܟܠܐ ܐܝܢܐ ܕܗܼܘ ܕܐܣܬܩܒܠ. ܗܘ ܡܢ ܢܦܫܗ ܩܡ. ܪ̈ܫܝܥܐ ܘܕܠܐ ܐܠܗ ܡܠܝܐܝܬ ܢܗܘܘ.ܢ݀ ܕܡܛܠ ܗܕܐ ܡܢ ܒܢܫ̈ܐ ܐܠܗܝ̈ܐ ܢܬܕܚܩܘܢ݀ ܘܡܢ ܗܝ̈ܟܠܐܕܝܠܢ ܩܕ̈ܝܫܐ. ܢܬܟܠܘܢ ܒܘܠܝܬܐ ܡܛܠ ܕܐܦܠܐ ܗܼܢܘܢ ܠܒܪ ܡܢ ܚܘܫܒܐ ܘܒܛܝܠܘܬܐ ܕܢܬܩܢܘܢ ܒܝܬܐ ܡܫܟܚܝܢ݀ ܐܦ ܠܐ ܐܠܦܐ ܕܬܬܪܟܒ ܫܦܝܪ ܒܐܣ̈ܦܢܝܗ ܠܒܪ ܡܢ ܣܦܢܐ݀ ܐܦܠܐ ܠܒܘܫܐ ܕܢܙܕܩܪ ܠܒܪ ܡܢܐܘܡܢܘܬܐ ܕܙܩܘܪܘܬܐ ܐܦ ܠܐ ܡܕܝܢܬܐ ܕܬܬܒܢܐ ܟܕ ܠܝܬ ܚܟܡܬܐ ܕܪܝܫ ܢܓܪܘܬܐ ܘܟܕ ܗܠܝܢ ܡܘܕܝܢ݀ ܠܐ ܝܕܥܢܐ ܒܐܝܕܐ ܫܢܝܘܬܐ ܕܬܪܥܝܬܐ ܠܐ ܡܬܒܝܢܝܢ ܒܪ̈ܗܛܘܗܝ ܕܫܡܫܐ ܕܒܐܣܟܡܗܘܢ ܘܒܫܘܚ̈ܠܦܘܗܝ ܕܣܗܪܐ ܕܒܛܟܣܗܘܢ ܘܒܣܕܪ̈ܐ ܕܟܘܟ̈ܒܐ ܕܒܙܕܩܗܘܢ ܘܒܟܪܟܐ ܕܟܦܦܝ ܫܡܝܐ ܘܒܦܘܢܝܐ ܕܥܕ̈ܢܐ ܘܒܫܘܚܠܦܐ ܕܙܒ̈ܢܐ. ܘܬܘܒ ܥܡ ܗܠܝܢ ܒܡܬܦ̈ܐ ܕܒܢ̈ܙܠܐ ܕܛܘܪ̈ܐ ܫܘܝ̈ܐ ܕܐܝܡ̈ܡܐ ܘܕ̈ܠܝܠܘܬܐ ܘܒ̈ܝܠܕܐ ܕܚܝ̈ܘܬܐ ܕܠܐ ܥܘܟܪܼ݀ ܘܒܡܫܠܡܢܘܐ ܕܥܘܡܪܐ ܕܙܒܢܐ ܣܓܝܐܐ ܕܠܐ ܫܘܚܠܦ. ܘܒܥܣ̈ܒܐ ܕܫܘܚܝܢ ܡܢ ܐܪܥܐ ܕܟܠ ܗܒ̈ܒܝܢ ܘܒܣܝܒܪ̈ܬܐ ܕܟܠܗܝܢ ܚܝܘ̈ܬܐ ܕܐܟܘܬܗܝܢ ܘܒܪ̈ܓܫܝܗܘܢ ܕܝܠܗܘܢ ܘܒܗܕ̈ܡܘܗܝ ܕܦܓܪܐ ܘܒܓܘܢ̈ܘܗܝ ܕܫܦܝܪ ܘܒܕܘܟܝ̈ܬܗܘܢ ܣܝܼܡܝܢ ܒܥܝܢܝ̈ܗܘܢ ܚܿܙܝܢ ܘܒܐܝܕ̈ܝܗܘܢ ܓܿܫܝܢ. ܗܕܐ 2 ܕܐܦ ܠܣܡ̈ܝܐ ܐܡܪܝܢ ܕܓܠܝܐ ܗܝ. ܕܒܒܢܬ ܩ̈ܠܐ ܕܠܐ ܐܠܗ ܘܒܪܫܥܐ ܕܡܥܫܩܘܬܐ ܕܪܥܢܐ ܕܠܐ ܗܘܐ ܠܡ ܥܒܕܐ ܕܚܟܡܬܐ ܘܐܦ ܠܐ ܕܡܠܬܐ ܕܐܠܗܐ ܘܕܒܛܝܠܘܬܐ ܐܠܐ ܣܩܘܒܠܐ ܗܘ ܣܟܠܐ ܕܓܕܐ ܕܐܝܩܐ ܘܫܪܝܩܐܝܬ ܡܢ ܐܝܟܐ ܕܗܼܘ ܓܕܫ ܣܒܼܪܘ. ܗܿܢܘܢ ܗܠܝܢ ܗܟܝܠ݀ ܐܝܟ ܕܠܐ ܐܠܗ ܡܠܝܐܝܬ ܡܢ ܥܢܝܢܐ ܕܐܢܫܐ ܕܚ̈ܠܝ ܠܐܠܗܐ ܘܡܢ ܡܫܡܥܬܐ ܐܠܗܝܬܐ ܠܪܘܚܩܐ ܢܬܛܪܕܘܢ ܀ ܀ ܀ ܒ. ܟܢܫܐ ܕܝܢ ܕܣ̈ܓܝܐܝ ܐܠܗ̈ܐ݀ ܡܢ ܓܒܐ ܐܚܪܢܐ ܕܣܕܪ ܠܘܩܒܠ ܩܕܡܝܐ ܡܣܬܒܪ ܠܝ ܕܛܥܘܬܐ ܗܝ. ܐܚܪܬܐ ܕܒܕܡܘܬ ܫܒܪ̈ܐ ܒܬܪܥܝܬܗܘܢ ܛܥܼܘ݀ ܗܼܢܘܢ ܕܣܓܕܬܐ ܕܥܒܘܕܗ ܕܥܠܡܐ ܘܡܕܒܪܢܐ ܕܟܠ ܐܠܗܐ ܕܥܠ ܟܠ݀ ܒܗܿܢܝܢ ܕܡܢܗܝ ܗܘܝ݀ ܚܠܦܘ ܘܠܫܡܫܐ ܘܠܣܗܪܐ ܘܪܫܪܟܐ ܕܡܢܘܬܗ ܕܥܠܡܐ ܘܠܐܣ̈ܛܘܟܣܐ ܩܕ̈ܡܝܼܐ ܐܪܥܐ ܘܡܝ̈ܐ ܘܐܐܪ ܘܢܘܪܐ. ܒܗ ܒܫܡܐ ܫܘܝܐ ܕܝܠܗ ܕܥܒܘܕܗܘܢ ܘܕܒܪܘܝܗܘܢ ܝܼܩܪܘ݀ ܘܐܠܗ̈ܐ ܠܗܠܝܢ ܫܡܗܘ݀ ܗܠܝܢ ܕܡܢ ܡܬܘܡ ܠܐ ܐܝܬܝܗܘܢ ܗܘܘ݀ ܘܠܐ ܗܘܘ ܗܘܘ݀ ܘܠܐ ܡܫܡܗܝܢ ܗܘܘ݀ ܐܠܘ ܠܐ ܥܒܘܕܗ ܕܥܠܡܐ ܡܠܬܗ ܕܐܠܗܐ ܕܨܿܒܐ ܕܢܗܘܘܢ ܘܠܐ ܡܣܬܒܪܝܢ ܠܝ ܕܡܝܬܪܝܢ ܡܢ ܗܠܝܢ ܐܝܠܝܢ ܕܐܪܦܼܝܘ ܠܪܝܫ ܢܓܪ̈ܐ ܕܡܝܬܪܘܬܐ ܕܥܒܕ̈ܐ ܕܒܒ̈ܬܐ ܕܡ̈ܠܟܐ ܘܫܡܝܫܓܘܪ̈ܐ ܘܒ̈ܐܣܐ ܘܒܨܘܪ̈ܬܐ ܕܒܗܘܢ ܣܓܝܐܘܬ ܓܘ̈ܢܐ ܘܣܓܝܐܘܬ ܦܩ̈ܚܐ ܘܒ̈ܬܛܠܝܠܐ ܕܡܦܬܟܝܢ ܒܕܗܒܐ ܘܒ̈ܓܠܦܐ ܕܟ̈ܐܦܐ ܡܬܕܡܪܝܢܼ݀ ܘܠܗܘܢ ܠܗܠܝܢ ܬܫܒܘܚܬܐ ܕܚܟܬܐ ܕܐܘܡܢܗܘܢ ܣܝܿܡܝܢ ܕܘܠܐ ܗܘܐ ܕܠܐ ܠܗܠܝܢ ܕܡܬܚܙܝܢ ܐܠܐ ܒܠܚܘܕ ܠܗܿܘ ܕܗܼܘܝܘ ܪܝܫ ܢܓܪܘܬܗܘܢ ܢܟܒܘܢ ܥܠܬܐ ܕܬܕܡܘܪܬܗܘܢ ܘܕܥ̈ܒܕܐ ܣܓܝ̈ܐܐ ܕܚܟܡܬܐ ܐܢܘܢ ܕܢܘܕܘܢ ܚܟܝܡܐ ܕܝܢ ܗܿܘ ܗܘ ܒܠܚܘܕ ܗܿܘ ܕܠܗܠܝܢ ܣܓ̈ܝܐܐ ܝܗܒ ܥܠܬܐ ܕܢܗܘܘܢ ܗܟܢܐ ܡܢ ܛܠ̈ܝܐ ܗܟܝܠ ܫܒܪ̈ܐ ܡܠܝܐܝܬ ܡܕܡ ܠܐ ܦܪ̈ܝܫܝܢ. ܘܐܦܠܐ ܗܿܢܘܢ ܕܒܟܢܪ̈ܐ ܕܫܒ̈ܥ ܡܢܘ̈ܗܝ ܒܗ ܒܡܐܢܐ ܕܡܘܣܩܪܘܬܐ ܘܠܐ ܗܘܐ ܒܗ ܒܡܫܟܚܢܐ ܕܪܘܟܒܗ ܘܒܗ ܒܝܿܕܘܥ ܘܒܚܟܡܬܗ ܡܬܕܡܪܝܢ ܐܘ ܗܿܢܘܢ ܕܐܪܦܝܘ ܠܗܿܘ ܕܚܠܝܨ. ܒܩܪܒܐ ܘܠܪܘܡܚܗ ܘܠܣܟܪܗ ܒܟ̈ܠܝܠܐ ܕܙܟܘ̈ܬܐ ܡܨܒܬܢܝ. ܐܘ ܗܿܢܘܢ ܕܐܝܟ ܕܠܡܿܠܟܐ ܪܒܐ ܗܿܘ ܕܗܘܼܝܘ ܥܠܬܐ ܕܡܕܝܢܬܐ ܪܒܬܐ ܕܡܠܟܘܬܐ ܒܫܘܝܘܬܐ ܢܝܿܩܪܘܢ ܠܫܘ̈ܩܐ ܘܫ̈ܛܚܐ ܘܠܒܢ̈ܝܢܐ ܘܠܚܘ̈ܓܒܐ ܕܠܐ ܢܦܫܐ 3 ܘܠܓܢܣܝܐ ܕܙܕܩ ܗܘܐ ܕܠܐ ܒܐܣ̈ܛܘܢܐ ܘܠܐ ܒܟ̈ܐܦܐ ܐܠܐ ܒܗ ܒܥܒܘܕܐ ܪܒܐ ܕܗܠܝܢ ܚܟ̈ܡܬܐ ܘܒܐܣܐܡ [ܘܒܣܿܐܡ] ܢܡܘܣܐ ܢܬܗܪܘܢ܀ ܀ ܀ ܓ. ܐܟܘܬܗܝܢ ܕܝܢ ܕܗܠܝܢ ܐܦ ܗܘ ܗܢܐ ܟܠ ܕܒܥܝ̈ܢܘܗܝ ܕܦܓܪܗܘܢ ܚܿܙܝܢ ܠܗ ܠܐ ܠܫܡܠܐ ܘܠܐ ܠܣܗܪܐ ܘܠܐ ܠܐܚܪܢܐ ܡܢ ܗܠܝܢ ܕܒܫܡܝܐ ܢܣܝܡ ܥܠܬܗ. ܘܠܟܠܗܘܢ ܕܝܢ ܕܥܒܕ̈ܐ ܕܚܟܟܡܬܐ ܐܢܘܢ ܘܿܠܐ ܕܢܘܕܐ ܐܠܐ ܠܐ ܒܕܡܘܬܐ ܕܝܠܗܘܢ ܕܗܠܝܢ ܠܗܿܘ ܕܬܘܒ ܠܐ ܒܥܝ̈ܢܐ ܕܦܓܪܐ ܐܠܐ ܒܠܚܘܕ ܒܪܥܝܢܐ ܕܟܝܐ. ܘܢܗܝܪܐ ܡܬܝܕܥ ܠܗܿܘ ܡܿܠܟܐ ܕܟܘܠ ܡܠܬܗ ܕܐܠܗܐ ܒܟܘܠܗ ܚܘܒܐ ܕܢܦܫܐ ܢܗܠܠ ܘܢܣܓܘܕ ܡܛܠ ܕܐܦ ܦܓܪܗ ܕܓܒܪܐ ܚܟܝܡܐ ܘܝܕܘܥܬܢܐ ܠܐ ܐܢܫ ܡܢ ܡܬܘܡ ܥܝܢ̈ܘܗܝ ܐܘ ܪܫܗ ܐܘ ܐܝܕ̈ܘܗܝ ܐܘ ܪ̈ܓܠܘܗܝ ܐܘ ܫܪܟܐ ܕܒܣܪܗ݀ ܚܕ ܟܡܐ ܠܬܟܣܝܬܐ ܕܠܒܘܫܗ ܕܡܢ ܠܒܪ ܠܐ ܩܿܪܐ ܚܟܡܬܐ ܐܦܠܐ ܡܐܢ̈ܐ ܕܒܒܝܬܐ ܚܟܝܡܝܢ. ܘܐܦܠܐ ܡܐܢ̈ܐ ܕܬܫܡܫܬܐ ܕܦܝܠܘܣ̈ܦܐ ܒܗܿܘ ܕܝܢ ܟܣܝܐ ܕܠܐ ܡܬܚܙܐ. ܡܕܥܐ ܕܐܝܬ ܒܒܪ ܐܢܫܐ ܟܠ ܕܐܝܬ ܒܗ ܪܥܢܐ ܡܬܕܡܪ ܀ ܀ ܀ ܀ ܕ. ܗܟܢܐ ܘܝܬܝܪܐܝܬ ܩܕܡ ܗܠܝܢ ܨܒ̈ܬܐ ܕܡܬܚܙܝܢ ܕܐܝܬܝܗܘܢ ܓܘܫ̈ܡܘܗܝ ܕܗܢܐ ܟܠܗ ܥܠܡܐ ܕܡܢ ܚܕܐ ܗܝܠܐ ܥܒܝܕܝܢ ܒܗܿܘ ܟܣܝܐ ܕܠܐ ܡܬܚܙܐ ܡܠܬܐ ܒܗܿܘ ܥܒܘܕܐ ܕܕܡܘ̈ܬܐ ܕܟܠ ܘܡܨܒܬܢܐ ܢܬܕܡܒܪ ܕܐܝܬܘܗܝ ܡܠܬܐ ܝܚܝܕܐ ܕܐܠܗܐ. ܕܠܗ ܗܘ ܥܒܘܕܐ ܕܟܠ ܗܘ ܕܠܗܠ ܡܢ ܟܘܠ ܘܠܥܠ ܡܢ ܟܠܗܿ ܐܘܣܝܐ ܗܘ ܡܢܗ ܐܝܟ ܨܡܚܐ ܕܢܘܗܪܐ ܡܢ ܐܠܗܘܬܐ ܕܝܠܗ ܐܘܠܕ ܘܞܡܕܒܪܢܐ ܘܬܪܨܢܐ ܕܗܢܐ ܟܠ ܐܩܝܡܗ ܀ ܀ ܀ ܀ ܀ ܗ. ܡܛܠ ܓܝܪ ܕܠܐ ܡܫܒܚܐ ܗܘܬ ܕܐܘܣܝܐ ܗܕܐ ܪ̈ܓܘܫܡܐ ܪܕܘܝܬܐ ܘܟܝܢܐ ܗܢܐ ܕܡ̈ܠܝܠܐ ܕܗܫܐ ܗܘܐ. ܕܢܬܩܪܒ ܠܐܠܗܐ ܡܕܒܪܢܐ ܕܟܠ݀ ܡܛܠ ܣܓܝܐܘܬܐ ܕܚܣܝܪܘܬܗ ܕܡܢ ܡܝܪܬܐ݀ ܗܼܘ ܓܝܪ ܐܝܬܘܗܝ ܗܘܐ ܐܝܬܝܐ ܠܗܠ ܘܠܥܠ ܡܢ ܟܘܠ ܕܠܐ ܡܬܐܡܪ ܘܠܐ ܡܬܕܪܟ ܘܠܐ ܡܬܢܩܦ ܕܥܡܪ ܒܢܘܗܪܐ ܓܐܝܐ ܕܠܝܬ ܐܟܘܬܗ݀ ܐܝܟ ܕܐܡܪܢ ܡ̈ܠܐ ܐܠܗܝ̈ܬܐ ܗܕܐ ܕܝܢ ܠܐ ܐܝܬܝܗ ܗܘܬ. ܘܡܢ ܠܐ ܡܕܡ ܐܣܪܚܗܿ ܘܣܓܝ ܦܪܝܫܐ ܘܠܪܘܚܩܐ ܣܓܝܐܐ ܢ ܟܝܢܐ ܕܐܝܬܝܐ ܡܒܥܕܐ ܫܦܝܪ ܗܟܝܠ ܗܘ ܡܠܐ ܟܘܠ ܛܒ̈ܢ ܐܠܗܐ ܕܟܠ ܡܨܥܝܐ ܩܿܕܡ ܣܡ ܚܝܠܐ ܐܠܗܝܐ 4 ܕܝܚܝܕܝܗ ܕܣܿܦܩ ܠܟܠ ܕܚܬܝܬܐܝܬ ܘܡܝܬܪܐܝܬ ܘܩܪܝܒܐܝܬ ܥܡ ܐܒܘܗܝ ܡܡܠܠ. ܘܡܢ ܠܓܘ ܡܢ ܟܣܝܘܬܗ ܡܩܒܠ. ܘܡܟܝܟܐܝܬ ܡܬܬܚܐ ܐܟܘܬܗܘܢ ܒܐܣܟܡܗܘܢ ܕܗܿܢܘܢ ܕܡܒܥܕܝܢ ܡܢ ܗܿܝ ܪܝܫܘܬܐ ܐܚܪܢܝܐܝܬ ܓܝܪ ܐܦܠܐ ܙܗܝܐ ܘܠܐ ܟܐܢܐ. ܕܗܿܘ ܕܠܗܠ ܡܢ ܟܠ ܘܠܥܠ ܡܢ ܟܘܠ ܒܗܿܝܠܐ ܡܬܚܒܠܢܝܬܐ ܘܒܓܘܫܡܐ ܢܬܚܿܠܛ ܕܡܛܠ ܗܕܐ ܡܠܬܐ ܐܠܗܝܐ ܒܡܘܙܓܐ ܚܠܕ ܒܗܢܐ ܟܠ. ܘܥܪ̈ܩܐ ܕܟܘܠ ܐܣܪ ܒܚܝܠܐ ܐܠܗܝܐ ܕܠܐ ܓܘܫܡ ܘܡܘܒܠ ܘܡܝܬܐ ܟܕ ܡܕܒܪ ܒܟܠ ܚܟ̈ܡܢ ܐܝܟܢܐ ܕܡܬܚܙܐ ܠܗ ܕܫܦܝܪ ܀܀ ܀܀ ܀܀ ܘ. ܬܚܘܝܬܗ ܕܝܢ ܕܡܠܬܐ ܓܠܝܐ ܗܝ݀ ܐܠܘ ܓܝܪ ܕܢܦܫܗܝܢ ܗܘܝ ܡܢܘ̈ܬܗ ܕܥܠܡܐ ܗܿܢܝܢ ܕܡܥܕܝܢ ܐܢܚܢܢ ܕܢܩܪܐ ܐܢܝܢ ܐܣܛܘ̈ܟܣܐ ܩܕ̈ܡܝܐ ܕܟܠ. ܐܪܥܐ ܘܡܝ̈ܐ ܘܐܐܪ ܘܢܘܪܐ ܘܡܢ ܟܝܢܐ ܒܠܝܠܐ ܐܬܩܼܝܡܘ ܗܘܘ. ܗܢܐ ܕܐܦ ܒܥܝ̈ܢܝܢ ܚܿܙܝܢ ܐܢܚܢܢ ܠܗ. ܘܐܢ ܚܕܐ ܐܝܬܝܗܿ ܗܘܬ ܐܘܣܝܐ ܕܟܠ. ܗܿܝ ܕܡܩܒܠܢܝܬܐ ܕܟܘܠ ܘܐܡܐ ܘܡܪܒܝܢܝܬܐ ܗܿܢܝܢ ܕܨܢܝܥܝܢ ܒܗܝܢ ܡܚܒܝܢ ܕܢܩܪܘܢܗܿ. ܘܕܠܐ ܕܡܘܬܐ ܗܘܬ ܘܕܠܐ ܚܙܘܐ݀ ܘܡܠܝܐܝܬ ܕܠܐ ܢܦܫܐ ܘܕܠܐ ܡܠܬܐ ܡܢ ܐܝܟܐ ܐܢܫ ܢܐܡܪ ܗܢܐ ܥܠܡܐ ܕܒܗ ܕܗܼܘܐ ܠܗ ܘܡܢܐܝܟܐ ܦܘܪܫܢܐ ܕܐܣ̈ܛܘܟܣܐ ܘܡܢ ܐܝܟܐ ܪܗܛܐ ܕܗܠܝܢ ܕܠܩܒܘܠܐ ܠܫܘܝܘܬܐ. ܘܡܢܘ ܠܗܢܐ ܐܣܛܘܟܣܐ ܝܩܝܪܐ ܕܐܪܥܐ ܠܥܠ ܢ ܐܘܣܝܐ ܪܛܝܒܬܐ ܕܢܪܟܒ ܦܩܕ ܀܀ ܀܀ ܙ. ܘܡܢܘ ܠܟܝܢܐ ܗܢܐ ܕܡܝ̈ܐ ܕܪܕܐ ܠܬܚܬ ܐܗܦܼܟ ܘܠܒܣܬܪܗ ܠܪܘܡܐ ܒܥܢ̈ܢܐ ܐܣܩ ܀܀ ܀܀ ܀܀ ܚ. ܘܡܢܗ ܠܚܝܠܐ ܕܢܘܪܐ ܦܟܼܪ ܕܬܚܠܘܕ ܒܩܝܣܐ ܘܒܗܿܢܘܢ ܕܠܩܘܒܠܗ ܒܟܝܢܗܘܢ ܡܙܓܗ ܀ ܀ ܀ ܛ. ܡܢܘ ܠܗܢܐ ܐܐܪ ܩܪܝܪܐ ܒܚܝܠܐ ܚܡܝܡܐ ܚܠܛ. ܘܡܢ ܬܟܬܘܫܗܘܢ ܕܥܡ ܚܞܕܕ̈ܐ ܫܪܐ ܐܢܘܢ ܘܠܚܘܒܐ ܪܥܝ ܐܢܘܢ ܀ ܀ ܀܀ ܝ. ܡܢܘ ܠܓܢܣܐ ܡܝܘܬܐ ܒܐܣܟܡܐ ܕܝܘܒܠܐ ܐܬܦܼܪܣ݀ ܘܠܥܘܡܪܐ ܢܓܝܪܐ ܕܚܝ̈ܐ ܕܠܐ ܡܝܬܝܢ ܐܦܼܩ ܀܀ ܀܀ ܝܐ. ܡܢܘ ܗܟܢܐ ܠܕܟܪܐ ܕܡܝ ܘܐܣܟܡܐ ܕܢܩܒܬܐ ܥܿܒܕ ܘܠܬܪ̈ܝܗܘܢ ܫܘܬܦ ܠܚܕ ܪܘܟܒܐ ܘܚܕ ܫܘܪܝܐ ܕܝܠܕܐ ܠܟܠܗܝܢ ܚܝ̈ܘܬܐ ܐܫܼܟܚ ܀ ܀ ܀ 5 ܝܒ. ܡܢܘ ܠܗܢܐ ܙܪܥܐ ܪܕܘܝܐ ܕܝܠܕܐ ܡܢ ܪܕܝܗ ܡܬܚܚܒܠܢܐ ܘܣܟܠܐ ܚܠܦ. ܘܝܠܕܐ ܕܚܝ̈ܐ ܥܿܒܕܗ ܀ ܀ ܀ ܝܓ. ܡܢܘ ܗܠܝܢ ܟܘܠܗܝܢ ܘܪ̈ܒܘܬܐ ܕܠܗܠ ܡܢܗܝܢ ܕܡܝܪܬܢ ܡܢ ܟܠ ܬܗܪ̈ܝܢ ܘܡܢ ܟܘܠ ܬܡܗ̈ܝܢ ܥܕܡܐ ܠܗܫܐ ܣܿܥܪ ܀܀ ܀܀ ܝܕ. ܡܢܘ ܒܟܘܠ ܝܘ̈ܡܝܢ ܘܒܟܠ ܫܥܝ̈ܢ݀ ܝܠܕܝ̈ܗܘܢ ܕܗܠܝܢ ܘܫܘܚ̈ܠܦܝܗܘܢ ܟܣܝܐܝܬ ܘܒܚܠܐ ܕܠܐ ܡܬܚܙܐ ܥܿܒܕ ܀܀ ܀܀ ܀܀ ܝܗ. ܐܠܐ ܥܠܬܐ ܕܗܠܝܢ ܟܠܗܝܢ ܗܘ ܥܒܕ ܬܕܡܪ̈ܬܐ ܡܠܬܗ ܕܐܠܗܐ ܟܐܢܐܝܬ ܢܬܐܡܪ ܡܠܬܐ ܓܝܪ ܕܐܠܗܐ ܒܫܪܪܐ ܕܒܚܝܠ ܟܠ ܡܫܒܚ ܒܟܠܡܕܡ ܢܦܫܗ ܦܫܛ ܠܥܠ ܠܪܘܡܐ ܘܠܬܚܬ ܠܥܘܡܩܐ ܢܦܫܗ ܕܠܐ ܓܫܘܡ ܡܬܚ݀ ܘܦܬܝܐ ܘܐܘܪܒܐ ܕܟܠ ܒܦܬܝܘܬܐ ܐܝܟ ܕܒܐܝܕ̈ܘܗܝ ܠܒܟ ܘܟܢܫ ܗܢܐ ܟܘܠ ܘܚܨ ܘܡܐܢܐ ܗܢܐ ܕܡܠܐ ܟܠ ܪ̈ܘܟܒܝܢ ܗܼܘ ܠܗ ܩܒܼܥ. ܘܠܗܕܐ ܐܘܣܝܐ ܕܓܘܫ̈ܡܐ ܕܠܐ ܡܠܬܐ ܘܕܠܐ ܕܡܘܬܐ ܘܕܠܐ ܚܙܘܐ ܒܟܠ ܚܟܡ̈ܢ ܘܒܚܝܠܐ ܡܠܝܠܐ ܫܦܝܪ ܒܗܘܢ ܒܡ̈ܬܚܐ ܗܠܝ ܕܡܦܪܫܝܢ ܐܩܦ ܘܠܚܡ ܘܠܗ ܠܫܡܫܐ ܘܠܗܣܪܐ ܘܠܢܗܝܪ̈ܐ ܗܿܢܘܢ ܕܒܫܡܝܐ ܒܡ̈ܠܐ ܕܠܐ ܡܬܡܠܠܢ ܡܕܒܪ ܘܠܚܫܚܬܐ ܕܟܠ ܡܬܪܨ܀܀ ܀܀ ܀܀ ܝܘ. ܘܗܼܘ ܗܢܐ ܡܠܬܗ ܕܐܠܗܐ ܘܐܦ ܥܠ ܐܪܥܐ ܢܦܫܗ ܥܡܩ. ܘܟܠܗܘܢ ܓܢ̈ܣܐ ܡܦ̈ܬܟܐ ܕܚܝ̈ܘܬܐ ܘܟܘܠܗܝܢ ܕܡܘ̈ܬܐ ܕܢܨܒ̈ܬܐ ܫܦܝܪ̈ܬܐ ܐܩܝܡ ܀܀ ܀܀ ܝܙ. ܘܗܼܘ ܗܢܐ ܡܠܬܗ ܕܐܠܗܐ ܐܦ ܥܕܡܐ ܠܥܘܡܩ̈ܘܗܝ ܢܕܝܡܐ ܥܡܕ ܘܗܿܢܝܢ ܟܝ̈ܢܐ ܣܚܝ̈ܐ ܐܬܦܼܪܣ. ܘܬܘܒ ܗܪܟܐ ܪ̈ܒܘܬܐ ܕܕܡ̈ܘܬܐ ܕܠܐ ܡܬܡܢܝܢ ܘܟܘܠ ܓܢ̈ܣܐ ܡܦܪ̈ܫܐ ܕܚܝ̈ܘܬܐ ܥܒܕ ܀ ܀ ܝܚ. ܘܗܼܘ ܗܢܐ ܐܦ ܗܢܿܝܢ ܕܒܟܪܣܐ ܡܬܒܛܢܝܢ ܠܓܘ ܒܗܿ ܒܐܘܡܢܘܬܐ ܕܟܝܢܐ ܡܫܡܠܐ ܘܓܒܠ ܚܝ̈ܐ ܘܗܘ ܗܢܐ ܐܦ ܠܗܕܐ ܐܘܣܝܐ ܪܛܝܒܬܐ ܟܝܢܐ ܪܕܘܝܐ ܘܝܩܝܪܐ ܠܥܠ ܠܪܘܡܐ ܐܩܠ ܘܟܢ ܠܚܠܝܘܬܐ ܫܿܚܠܦ ܘܒܟܝܠܐ ܥܠ ܐܪܥܐ ܡܝܬܐ ܘܒܙ̈ܒܢܐ ܕܚܪ̈ܝܩܝܢ ܦܘܪܢܣܗ ܡܫܡܠ. ܒܕܡܘܬ ܐܟܪܐ ܡܝܬܪܐ ܕܐܫܩܝ ܫܦܝܪ ܐܪܥܗ݀ ܘܒܝܒܝܫܘܬܐ ܪܛܝܒܘܬܐ ܡܙܓ. ܘܡܫܚܠܦ ܒܟܠ 6 ܐܣ̈ܟܡܝܢ ܒܙܒܢ ܒܗܒ̈ܒܐ ܘܒܙܒܢ ܒܐܣܟ̈ܡܐ ܕܟܠ ܓܢܣ݀ ܘܒܙܒܢ ܒܪ̈ܚܢܐ ܒܣ̈ܝܡܐ ܘܒܙܒܢ ܒܦܐܪ̈ܐ ܕܡܫܚܠܦܝܢ ܒܦܘܪ̈ܫܢܝܗܘܢ ܘܒܙܒܢ ܠܛܥܡ̈ܬܐ ܕܟܠ ܓܢ̈ܣܝܢ ܕܒܘܣ̈ܡܐ ܝܿܗܒ ܀ ܀ ܀ ܝܛ. ܘܢܡܐ ܡܬܒܥܐ ܠܝ ܕܥܠ ܚܝ̈ܠܘܗܝ ܕܡܠܬܐ ܕܐܠܗܐ ܐܡܼܪ ܕܐܡܼܪ ܘܐܫܝܚ ܥܠ ܡܕܡ ܕܠܐ ܡܫܟܚܐ ܕܟܠܗ ܬܪܥܝܬܐ ܡܝܘܬܬܐ ܣܓܝ ܙܿܟܐ ܣܘܥܪܢܗ ܓܠܝܐ ܀܀ ܀܀ ܟ. ܐܚܪ̈ܢܐ ܗܟܝܠ ܠܗ ܠܗܢܐ ܟܝܢܐ ܕܟܘܠ ܫܡܗܘܗܝ݀ ܘܐܚܪ̈ܢܐ ܢܦܫܐ ܕܟܠ݀ ܘܐܚܪ̈ܢܐ ܚܠܦܐ݀ ܘܐܚܪ̈ܢܐ ܕܗܼܘܝܘ ܐܠܗܐ ܗܿܘ ܕܠܗܠ ܡܢ ܟܘܠ ܐܡܼܪܘ݀ ܘܠܐ ܝܕܥܢܐ ܐܝܟܢܐ ܗܠܝܢ ܕܒܪܘܚܩܐ ܣܓܝ ܦܪܝܫܢ ܚܠܛܘ. ܘܗܿܘ ܡܕܒܪܢܐ ܕܟܘܠ ܗܘ ܚܝܠܐ ܕܐܝܬܘܬܐ ܕܠܥܠ ܡܢ ܟܠ ܠܬܚܬ ܥܠ ܐܪܥܐ ܪܡܝܘ ܘܒܓܘܫ̈ܡܐ ܥܡ ܗܝܠܐ ܡܬܚܒܠܢܝܬܐ ܚܠܛܘ݀ ܘܕܡܨܥܬ ܚܝܘ̈ܬܐ ܕܠܐ ܡܠܬܐ ܘܡ̈ܠܝܠܬܐ ܘܡܝܘܬܬܐ ܘܕܠܐ ܡܝܬܢ ܕܡܬܟܪܟ ܐܡܼܪܘ݀ ܐܠܐ ܗܼܢܘܢ ܗܠܝܢ ܀ ܀ ܀ ܟܐ. ܡܠܦܢܘܬܐ ܕܝܢ ܐܠܗܝܬܐ ܠܗܿܘ ܕܠܥܠ ܡܢ ܟܠ ܛܒ̈ܢ݀ ܠܗ ܠܗܿܘ ܕܗܼܘܝܘ ܥܠܬܐ ܕܟܠ݀ ܕܠܗܠ ܡܢ ܟܠܗܿ ܡܬܕܪܟܢܘܬܐ ܐܝܬܘܗܝ ܐܡܪܐ. ܕܡܛܠ ܗܕܐ ܠܐ ܡܬܐܡܪ ܘܠܐ ܡܬܡܠܠ ܘܠܐ ܡܫܬܡܗ. ܘܠܐ ܗܘܐ ܒܠܚܘܕ ܡܢ ܒܪ ܩܠܐ ܐܠܐ ܐܦ ܡܢ ܟܘܠܗܿ ܬܪܥܝܬܐ ܡܥܠܝ ܗܘ ܘܠܐ ܒܕܘܟܐ ܡܬܠܒܟ ܘܠܐ ܒܓܘܫ̈ܡܐ ܗܘ ܐܦܠܐ ܒܫܡ̈ܝܐ ܘܠܐ ܒܐܬܝܪ ܘܠܐ ܒܚܕܐ ܡܢ ܡܢܘ̈ܬܐ ܕܟܠ ܐܠܐ ܐܟܚܕܐ ܒܟܠ ܗܘ ܘܡܢ ܟܠ ܠܒܪ ܗܘ ܒܥܘܡܩܐ ܕܒܣܝܘܬܐ ܕܝܕܥܬܐ ܢܛܝܪ ܠܗܢܐ ܒܠܚܘܕ ܐܠܗܐ ܕܫܪܪܐ ܕܢܕܥ ܡ̈ܠܐ ܐܠܗܝ̈ܬܐ ܡܠܦܢ ܕܪܚܝܩ ܡܢ ܟܠܗܿ ܐܘܣܝܐ ܕܓܘܫ̈ܡܐ ܘܢܘܟܪܝ ܡܢ ܟܘܠܗܿ ܬܫܡܫܬܐ ܕܡܕܒܪܢܘܬܐ ܕܡܛܠ ܗܕܐ ܕܟܘܠ ܡܢܗ ܐܠܐ ܠܐ ܗܘܐ ܒܐܝܕܗ ܗܘ ܐܫܬܠܡ ܠܢ ܀ ܀ ܀ ܟܒ. ܐܠܐ ܗܼܘ ܒܕܡܘܬ ܡܿܠܟܐ ܠܓܘ ܒܒܣܝܘܬܐ ܘܒܛܫܝܘܬܐ ܐܝܟܐ ܕܠܐ ܡܬܕܪܟ ܒܗ ܒܪܘܡܐ ܕܚܙܬܗ ܝܿܬܒ ܘܒܠܚܘܕ ܒܚܝܠܐ ܕܨܒܝܢܗ ܡܕܒܪ ܘܡܛܟܣ ܒܨܒܝܢܗ ܓܝܪ ܐܝܬܘܗܝ ܗܿܘ ܡܕܡ ܕܐܝܬܘܗܝ ܘܐܠܐ ܨܿܒܐ ܠܐ ܐܝܬܘܗܝ. ܨܿܒܐ ܕܝܢ ܟܠ ܛܒ̈ܬܐ. ܡܛܠ ܕܐܦ ܗܼܘ ܛܒܐ ܗܘ ܒܐܘܣܝܐ ܕܝܠܗ. ܀ ܀ ܀ ܀ 7 ܟܓ. ܗܼܘ ܕܝܢ ܕܒܐܝܕܗ ܟܠ ܡܕܡ ܡܠܬܐ ܐܠܗܐ ܡܢ ܠܥܠ ܡܢ ܐܒܘܗܝ ܛܒܐ݀ ܐܝܟ ܕܡܢ ܡܒܘܥܐ ܕܠܐ ܣܟܐ. ܕܪܕܐ ܒܟܠܙܒܢ݀ ܘܡܡܛܪ ܒܡ̈ܠܐ ܕܠܐ ܡܬܐܡܪܢ ܒܐܒܕܝܢ ܢܗܪܐ ܢܦܩ݀ ܟܕ ܡܠܐ ܟܘܠܗ ܠܦܘܪܩܢܐ ܕܓܘܐ ܕܟܠ. ܘܐܝܟ ܕܒܬܚܘܝܬܐ ܕܝܢ ܕܐܟܘܬܢ ܗܘ ܟܣܝܐ ܕܠܐ ܡܬܚܙܐ ܡܕܥܐ ܕܐܝܬ ܒܢ. ܗܿܘ ܕܐܝܟܢ ܗܘ ܘܡܢܐ ܗܘ݀ ܒܐܘܣܝܐ ܕܝܠܗ ܠܐ ܐܢܫ ܡܡܬܘܡ ܡܢ ܒܢ̈ܝ ܐܢܫܐ ܝܕܥ ܘܐܝܟ ܡܿܠܟܐ ܒܟܣܝܘܬܐ ܠܓܘ ܒܬܘܢܘ̈ܗܝ ܝ݀ܬܒ݀ ܘܥܠ ܣܘܪ̈ܥܢܐ ܡܬܚܫܒ ܡܠܬܐ ܕܝܢ ܡܢܗ ܢܿܦܩܐ ܝܚܝܕܝܬܐ ܐܝܟ ܕܡܢ ܐܒܐ ܕܡܢ ܟܣܝܘܬܐ ܕܛܫܝܘܬܐ. ܝܠܝܕܐ ܘܗܼܝ ܩܘܕܡܐ ܠܟܠ ܐܢܫ. ܡܠܐܟܐ ܠܬܪܥܝܬܐ ܕܐܒܘܗܿ ܗܿܘܝܐ ܘܠܓܠܝܐ ܡܟܙܪܐ ܗܠܝܢ ܕܒܟܣܝܐ ܐܒܘܗܿ ܐܬܚܫܒ. ܘܒܥܒܕܐ ܡܫܠܡܐ ܨܒܝܢܐ݀ ܟܕ ܥܒܪܐ ܒܡܫܥܬܐ ܕܟܠ ܗܝܕܝܢ ܗܠܝܢ ܡܩܒܠܢ ܥܘܕܪܢܐ ܕܡܢ ܡܠܬܐ. ܘܠܗ ܠܟܣܝܐ ܕܠܐ ܡܬܚܙܐ ܡܕܥܐ ܠܗܿܘ ܕܐܒܘܗܿ ܗܘ ܕܡܠܬܐ ܠܐ ܡܢ ܡܬܘܡ ܐܢܫ ܚܙܝܗܝ ܒܥܝ̈ܢܐ ܐܟܘܬܗܝܢ ܕܝܢ ܕܗܠܢ݀ ܗܿܢܘ ܕܝܢ ܠܗܠ ܡܢ ܟܠ ܬܚ̈ܘܝܢ ܘܟܠ ܕܡܘ̈ܢ ܗܘ ܡܠܬܐ ܡܫܠܡܢܝܬܐ ܕܐܠܗܐ ܡܠܟܐ ܕܟܘܠ݀ ܐܝܟ ܒܪܐ ܝܚܝܕܝܐ ܕܐܒܘܗܝ. ܠܐ ܗܘܐ ܒܚܝܠܐ ܕܢܦܩܐ ܐܬܩܡ݀ ܐܦܠܐ ܒܗܓܝܢܐ ܕܫܡ̈ܗܐ ܘܕܡ̈ܠܐ ܒܟܝܢܗ ܐܬܬܩܢ. ܐܦ ܠܐ ܒܒܪܬ ܩܠܐ ܕܒܝܕ ܢܩܫܐ ܕܐܐܪ ܡܬܪܫܡ. ܡܠܬܐ ܕܝܢ ܐܝܬܘܗܝ ܚܝܐ. ܘܣܥܘܪܐ ܕܐܠܗܐ ܕܥܠ ܟܠ. ܘܒܐܣܝܐ ܕܝܠܗ ܐܝܬܘܗܝ ܚܝܠܐ ܕܐܠܗܐ ܘܚܟܡܬܐܕܐܠܗܐ݀ ܘܢܿܦܩ ܡܢ ܐܠܗܘܬܗ ܘܡܢ ܡܠܟܘܬܗ ܕܐܒܘܗܝ ܘܐܝܬܘܗܝ ܝܠܕܐ ܛܒܐ ܕܐܒܐ ܛܒܐ ܘܦܪܘܩܐ ܕܓܘܐ ܕܟܠ ܘܡܫܩܐ ܠܟܠ ܚܝ̈ܐ ܘܡܠܬܐ ܘܚܟܡܬܐ ܘܢܘܗܪܐ ܘܟܠܗܝܢ ܛܒ̈ܬܐ ܡܢ ܡܠܝܘܬܐ ܕܝܠܗ ܠܟܘܠ ܡܫܦܥ݀ ܡܫܩܐ ܕܝܢ ܠܐ ܗܘܐ ܒܠܚܘ ܕܠܗܿܢܝܢ ܕܩܕܡܘܗܝ ܘܩܪܝܒܢ ܠܗ. ܐܠܐ ܐܦ ܠܗܿܢܝܢ ܕܒܪܘܚܩܐ ܦܪܝܫܢ ܕܥܠ ܐܪܥܐ ܘܕܒܝܡܐ ܘܐܢ ܐܝܬ ܟܝܢܐ ܐܚܪܢܐ ܒܡܕܡ ܕܐܝܬܘܗܝ ܘܠܟܠܗܘܢ ܐܟܚܕܐ ܬܚܘ̈ܡܐ ܘܕܘܟ̈ܝܬܐ ܘܢܡܘ̈ܣܐ ܘܝܘܪ̈ܬܢܐ ܡܛܟܣ. ܒܟܐܢܘܬܐ ܘܒܫܘܠܛܢܐ ܕܡܠܟܘܬܗ ܘܠܕ ܚܕ ܡܦܪܢܣ ܘܝܿܗܒ ܡܕܡ ܕܫ݀ܘܐ ܘܠܡܢܗܘܢ ܕܒܟܪܟܐ ܕܠܥܠ ܡܢ ܥܠܡܐ ܘܠܡܢܗܘܢ ܕܒܗܘܢ ܒܫܡܝܐ ܢܥܡܪܘܢ ܘܠܡܢܗܘܢ ܒܥܘܡܪܐ ܕܐܬܝܪ ܘܠܡܢܗܘܢ ܒܐܐܪ ܘܠܡܢܗܘܢ ܒܐܪܥܐ Page 8[24*] ܡܦܪܫ. ܘܗܝܕܝܢ ܟܕ ܡܫܢܐܡܢ ܗܠܝܢ ܬܘܒ ܒܐܚܪܢܐ ܓܒܐ ܡܦܪܫ ܫܦܝܪ ܥܘܡܪܐ ܕܟܠ݀ ܘܥܝ̈ܕܐ ܘܐܣܟ̈ܡܐ ܒܦܘܪܫܢܐ ܡܝܒܠ. ܘܚܝ̈ܐ ܕܣܝܒܪ̈ܬܐ ܠܐ ܗܘܐ ܕܡ̈ܠܝܠܐ ܒܠܚܘܕ ܐܠܐ ܐܦ ܕܚܝ̈ܘܬܐ ܕܠܐ ܡܠܬܐ ܠܚܫܚܬܐ ܕܡ̈ܠܝܠܐ ܒܛܝܠ ܠܗ. ܀܀ ܀܀ ܀܀ ܟܕ. ܘܠܡܢܗܘܢ ܒܘܣܡܐ ܕܚܝ̈ܐ ܡܝܘ̈ܬܐ ܕܙܒܢܐ. ܘܠܡܢܗܘܢ ܕܢܫܬܘܬܦܘܢ ܠܠܐ ܡܝܘܬܘܬܐ ܝܿܗܒ݀ ܘܟܠܡܕܡ ܗܘ ܐܝܟ ܡܠܬܐ ܕܐܠܗܐ ܣܿܥܪ ܘܟܕ ܩܪܝܒ ܠܟܠܡܕܡ ܘܥܠ ܟܠܡܕܡ ܒܚܝܠܐ ܡܠܝܠܐ ܪܕܐ ܘܠܥܠ ܠܘܬ ܐܒܘܗܝ ܚܿܐܪ ܘܒܪ̈ܡܙܘܗܝ ܠܗܠܝܢ ܕܠܬܚܬ ܘܒܬܪܗ ܢܩܦܐܝܬ ܐܝܟ ܦܘܪܩܐ ܕܟܠ ܡܕܒܪ ܘܡܡܨܥ ܗܟܢܐ ܘܡܿܩܪܒ ܠܘܬ ܐܝܬܝܐ ܗܕܐ ܐܘܣܝܐ ܕܗܘ̈ܝܐ. ܐܣܪܐ ܗܘܗܘܢܐ ܕܠܐ ܡܬܦܣܼܩ݀ ܡܠܬܐ ܕܐܠܗܐ ܕܒܡܨܥܬܐ ܐܝܬܘܗܝ. ܕܐܣܪ ܗܿܢܘܢ ܕܡܦܪܫܝܢ ܘܠܐ ܫܒܩ ܠܗܘܢ ܕܠܪܘܚܩܐ ܢܦܠܘܢܿ ܗܿܢܘ ܒܛܝܠܘܬܐ ܕܥܠ ܟܠ ܡܢܛܪܢܐ. ܗܿܢܘܢ ܡܬܪܨܢܐ ܕܟܠ݀ ܗܿܢܘ ܚܝܠܗ ܕܐܠܗܐ ܘܚܟܡܬܗ ܕܐܠܗܐ. ܗܿܢܘ ܒܪܐ ܝܚܝܕܝܐ ܕܐܠܗܐ. ܐܠܗܐ ܕܡܢ ܐܠܗܐ ܐܬܝܠܕ ܡܠܬܐ. ܒܪܫܝܬ ܓܝܪ ܐܝܬܘܗܝ ܗܘܐ ܡܠܬܐ. ܘܗܼܘ ܡܠܬܐܐܝܬܘܗܝ ܗܘܐ ܠܘܬ ܐܠܗܐ. ܘܐܠܗܐ ܐܝܬܘܗܝ ܗܘܐ ܗܼܘ ܡܠܬܐ ܟܠܡܕܡ ܒܗ ܗܘܐ. ܘܒܠܥܕܘܗܝ ܠܐ ܗܘܐ ܡܕܡ݀ ܡ̈ܠܐ ܫܒܝܚ̈ܬܐ ܕܐܢܫܐ ܐܠܗ̈ܝܐ ܡ̈ܠܦܢ ܀ ܀ ܀܀ ܟܗ. ܗܿܢܘ ܦܪܘܩܐ ܕܓܘܐ ܕܟܠ݀ ܕܡܛܠܬܗ ܗܝ ܐܘܣܝܐ ܕܟܠ ܡܦܪܥܐ ܘܪܘܙܐ ܕܡܢ ܛܠ̈ܘܗܝ ܕܒܟܠ ܙܒܢ ܫܬܝܐ. ܘܡܬܛܠܝܐ ܒܟܠ ܙܒܢ ܒܩܘܡܬܗ. ܘܚܙܘܗܿ ܦܐܝܐ ܒܟܠܙܒܢ ܝܿܗܒܐ ܗܘ ܕܝܗ ܥܪ̈ܩܝܗܿ ܐܚܝܕ ܘܠܬܘܪܨܐ ܡܫܠܡ ܒܪ̈ܡܙܘܗܝ ܕܐܒܘܗܝ ܠܣܦܝܢܬܐ ܪܒܬܐ ܕܗܢܐ ܟܠܗ ܥܠܡܐ ܒܣܘܟ̈ܢܘܗܝ ܡܕܒܪ ܠܗܢܐ ܫܦܝܪ ܐܘܡܢܘܬܐ ܒܪܐ ܝܚܝܕܝܐ ܗܘ ܐܠܗܐ ܕܠܥܠ ܡܢ ܟܠ ܐܝܟ ܐܒܐ ܛܒܐ ܦܐܪܐ ܛܒܐ ܝܠܕ ܘܠܗܢܐ ܥܠܡܐ ܡܘܗܒܬܐ ܡܝܬܪܬܐ ܝܿܗܒ ܐܝܟ ܢܦܫܐ ܠܓܦܪܐ ܕܠܐ ܢܦܫܐ. ܘܒܟܝܢܐ ܕܓܘܫܡܐ ܕܠܐ ܡܠܬܐ ܡܠܬܐ ܕܝܠܗ ܐܪܡܝ ܘܠܗܕܐ ܐܘܣܝܐ ܕܠܐ ܕܡܘܬܐ ܘܕܠܐ ܚܙܘܐ. ܘܕܠܐ ܢܿܦܫܐ ܘܕܠܐ ܓܘܢܐ ܒܚܝܠܐ ܕܡܠܬܐ ܐܠܗܝܐ ܐܢܗܪ ܘܐܚܝ. ܗܿܘ ܕܐܦ ܠܢ ܘܿܠܐ ܕܢܕܥܝܘܗܝ ܘܢܣܓܘܕ ܠܗ ܟܕ ܩܪܝܒ ܠܗܝܠܐ ܘܠܐܣ̈ܛܘܟܣܐ ܕܓܘܫ̈ܡܐ ܒܟܠܙܒܢ݀ ܘܗܿܘ ܕܠܐ ܗܝܠܐ Page 9[26*] ܐܝܬܘܗܝ ܘܕܠܐ ܓܘܫܡܐ ܘܠܐ ܚܟܝܡܐ ܐܝܟ ܕܡܢ ܐܚܪ̈ܢܐ ܐܬܚܟܡ. ܐܠܐ ܗܼܘܝܘ ܚܟܡܬܐ ܘܗܼܘܝܘ ܚܝ̈ܐ ܘܗܼܘܝܘ ܢܘܗܪܐ ܝܠܕܐ ܝܕܘܥܬܢܐ ܕܢܘܗܪܐ ܕܠܐ ܡܬܡܠܠ݀ ܘܚܕ ܗܘ ܒܐܘܣܝܐ ܕܝܠܗ. ܐܝܟ ܕܡܢ ܚܕ ܐܒܐ ܐܝܬܘܗܝ ܣܓܝ̈ܐܐ ܕܝܢ ܚܝ̈ܠܐ ܩܢܐ ܗܘ ܒܢܦܫܗ. ܠܐ ܓܝܪ ܡܛܘܠ ܕܣܓܝ̈ܐܬܐ ܐܢܝܢ ܡܢܘ̈ܬܗ ܕܥܠܡܐ ܡܛܠ ܗܢܐ ܢܣܒܪ ܕܣܓܝ̈ܐܐ ܐܢܘܢ ܚܝ̈ܠܐ݀ ܘܐܦܠܐ ܡܛܠ ܕܣܓܝ̈ܐܐ ܐܢܘܢ ܥܒ̈ܕܐ ܡܛܠ ܗܢܐ ܐܦ ܣܓܝ̈ܐܐ ܐܠܗ̈ܐ ܘܠܐ ܠܢ ܕܢܩܝܡ܀ ܀ ܀܀ ܟܘ. ܛܥܝܘܬܐ ܕܝܢ ܡܪܝܪܬܐ ܒܕܡܘܬ ܫܒܪ̈ܐ ܒܢܦܫ̈ܬܗܘܢ ܒܢ̈ܝ ܐܢܫܐ ܣܓܝ̈ܐܝ ܐܠܗ̈ܐ ܛܥܼܘ. ܕܠܡܢ̈ܘܬܗ ܕܟܠܗ ܥܠܡܐ ܐܠܗ̈ܐ ܥܒܼܕܘ ܐܢܝܢ. ܘܠܚܕ ܥܠܡܐ ܠܣܓܝ̈ܐܐ ܦܠܓܘܗܝ. ܐܟܙܢܐ ܕܐܢ ܡܢ ܩܘܝܡܐ ܕܚܕ ܒܪ ܐܢܫܐ ܢܠܒܘܟ ܐܢܫ ܝܚܕܐܝܬ ܥܝ̈ܢܘܢܝ ܘܢܐܡܪ ܕܒܪ ܐܢܫܐ ܗܘ ܗܠܝܢ. ܘܐܕ̈ܢܐ ܬܘܒ ܐܚܪܢܐ ܒܪ ܐܢܫܐ ܘܪܝܫܐ ܬܘܒ ܗܟܘܬ݀ ܘܩܕܠܐ ܘܚܕܝܐ ܘܟܬܦ̈ܬܐ ܘܪ̈ܓܠܐ ܘܐܝܕ̈ܐ ܘܫܪܟܐ ܕܗܕ̈ܡܐ ܢܦܣܩ ܩܠܝܠ ܩܠܝܠ݀ ܘܚܝܠܐ ܕܪ̈ܓܫܐ ܢܦܠܓ. ܒܡܠܬܐ ܘܢܐܡܪ ܕܣܓܝ̈ܐܐ ܐܢܘܢ ܒܢ̈ܝ ܐܢܫܐ ܥܠ ܚܕ ܒܪ ܐܢܫܐ. ܠܐ ܡܕܡ ܝܬܝܪ ܠܘܬ ܚܟܝ̈ܡܐ ܡܬܚܝܒ. ܐܠܐ ܓܘܚܟܐ ܕܠܠܘܬܐ. ܐܟܘܬܗ ܕܗܢܐ ܐܝܬܘܗܝ ܐܦ ܗܿܘ ܕܪ̈ܒܘܬܐ ܕܐܠܗ̈ܐ ܡܢ ܡܢܘ̈ܬܐ ܕܚܕ ܥܠܡܐ ܡܩܝܡ ܠܗ. ܘܠܓܘܫ̈ܡܐ ܕܒܟܠ ܕܕܟܝܢܐ ܐܢܘܢ ܪܕܘܝܐ ܘܡܬܒܕܪܢܐ. ܘܡܢ ܚܕܐ ܗܝܠܐ ܥܒܝܕܝܢ ܠܩܛܥ̈ܐ ܣܓܝ̈ܐܐ ܢܦܣܩ. ܘܬܘܒ ܗܼܘ ܠܢܦܫܗ ܐܠܗ̈ܐ ܢܥܒܕ ܒܡܠܬܐ ܀ ܀ ܀ ܀ ܟܙ. ܡܢ ܗܢܐ ܕܝܢ ܣܓܝ ܒܝܫ ܗܘ ܐܝܢܐ ܕܐܦ ܠܗܢܐ ܟܘܠܗ ܥܠܡܐ ܥܒܝܕܐ ܡܠܝܐܝܬ ܐܟܚܕܐ ܠܟܠܗ ܕܡܢ ܡܢܘ̈ܬܐ ܣܓܝ̈ܐܬܐ ܐܬܩܝܡ ܢܣܒܪ ܕܐܠܗܐ ܐܝܬܘܗܝ ܘܠܐ ܝܿܕܥ ܕܟܝܢܐ ܐܠܗܝܐ ܠܐ ܡܢ ܡܘܬܡ ܡܢ ܡܢܘ̈ܬܐ ܐܬܩܝܡ ܐܦ ܠܐ ܡܪܟܒܐ ܐܝܬܘܗܝ ܕܠܐ ܐܚܪܢܐ ܡܬܒܥܐ ܠܗ ܕܢܪܟܒܝܘܗܝ ܘܐܦܠܐ ܐܢ ܣܓܝ ܡܢܘܬܐ ܗܘ ܐܝܬܘܗܝ ܐܠܗܝܐ ܐܝܟܢܐ ܕܝܢ ܡܢ ܦܘܪ̈ܫܢܐ ܕܠܐ ܕܡܝܢ ܒܨܝܪܐ ܘܡܝܬܪܐ ܡܬܩܝܡ. ܗܿܘ ܓܝܪ ܕܡܪܟܒܐ ܗܘ. ܐܦ ܡܫܬܪܝܢܐ ܐܝܬܘܗܝ݀ ܘܗܿܘ ܕܣܓܝ ܡܢܘ̈ܬܐ ܗܘ. ܡܢ ܩܛܝܪܐ ܠܐ ܕܡܠܐ. ܗܿܘ ܕܝܢ ܕܒܟܠ ܫܘܐ. ܘܠܐ ܡܫܚܠܦ ܒܟܠ݀ ܦܫܝܛܐ ܐܝܬܘܗܝ ܘܠܐ ܡܪܟܒܐ. ܗܿܘ ܕܝܢ ܕܡܪܟܒܐ ܗܘ ܡܢ ܕܠܐ ܕܡܝܢ ܡܪܟܒ݀ ܘܗܿܘ ܕܠܐ ܕܡܐ ܐܝܬ ܒܗ ܡܕܡ ܒܨܝܪܐ ܠܘܩܒܠ 10 ܡܝܬܪܐ. ܐܢ ܓܝܪ ܟܘܠܗ ܢܗܘܐ ܡܝܬܪܐ ܫܘܝܐ ܐܝܬܘܗܝ ܘܕܡܝܐ. ܐܢ ܗܟܢܐܐܝܬܘܗܝ ܒܟ݀ܠ ܘܒܟܘܠܗ ܐܝܬܘܗܝ ܐܟܘܬܗ. ܘܗܟܐ ܐܝܬܘܗܝ ܒܐܘܣܝܐ ܦܫܝܛܐ ܕܠܐ ܡܢܬܐ ܐܠܐ ܠܐ ܗܘܐ ܗܢܐ ܟܝܢܐ ܗܘ ܠܗ ܡܚܘܐ ܟܕ ܡܬܚܙܐ ܗܢܐ. ܥܠܡܐ ܕܟܠ ܡܬܪܓܫܢܐ ܗܘ ܓܝܪ ܘܡܢ ܪ̈ܒܘܬܐ ܕܡܢܘ̈ܬܐ ܡܩܝܡ ܘܡܪܟܒܐ ܐܝܬܘܗܝ ܕܗܼܘ ܒܗ ܒܪ̈ܒܘܬܐ ܕܡܢܘ̈ܬܗ ܡܫܚܠܦ ܘܐܝܟܐ ܕܗܟܐܢ ܐܝܬܘܗܝ ܐܦ ܡܩܒܠ ܗܘ ܟܝܢܐ ܕܠܩܘܒܠܐ ܕܡܛܠ ܗܕܐ ܕܡܝܘ̈ܬܐ ܐܟܚܕܐ ܘܕܠܐ ܡܝܘ̈ܬܐ ܘܕܡܠܝ̈ܠܐ ܘܕܠܐ ܡܠܬܐ ܘܒܐܘܣܝܐ ܩܪܝܪܬܐ ܘܚܡܝܡܬܐ ܘܪܛܝܒܬܐ ܘܝܒܝܫܬܐ ܡܫܘܬܦ ܗܘ ܗܢܐ ܥܠܡܐ ܕܡܢ ܗܠܝܢ ܟܘܠܗܝܢ ܡܚܪܪ ܗܘ ܐܠܗܐ ܐܢ ܓܝܪ ܟܝܢܐ ܕܐܠܗܐ ܦܫܝܛܐ ܗܘ ܘܕܠܐ ܡܢܬܐ ܘܕܠܐ ܪܘܟܒܐ ܐܝܬܘܗܝ. ܠܗܠ ܗܘ ܘܣܓܝ ܒܪܘܚܩܐ ܡܢ ܟܘܠܗ ܛܘܟܣܐ ܕܥܠܡܐ ܗܢܐ ܕܡܬܚܙܐ ܡܛܠ ܗܕܐ ܟܪܘܙܐ ܕܫܪܪܐ ܗܢܐ ܟܕ ܐܡܿܪ ܓܠܝܐܝܬ ܩܿܥܐ ܗܘܐ ܡܠܬܐ ܕܐܠܗܐ ܕܐܝܬܘܗܝ ܩܕܡ ܟܠ ܒܠܚܘܕܘܗܝ. ܐܝܬܘܗܝ ܦܪܘܩܐ ܕܡ̈ܠܝܠܐ ܟܠܗܘܢܿ ܐܠܗܐ ܕܝܢ ܕܠܗܠ ܡܢ ܟܠ݀ ܪܝܫ ܡܘܠܕܢܘܬܐ ܕܡܠܬܐ ܕܗܼܘ ܒܠܚܘܕܘܗܝ ܐܝܬܘܗܝ ܥܠܬܐ ܕܟܠ ܘܕܝܠܗ ܕܝܚܕܝܗ ܫܪܝܪܐܝܬ ܡܬܐܡܪ ܐܒܐ ܕܡܠܬܐ. ܗܼܘ ܕܝܢ ܠܥܠ ܡܢܗ ܐܚܪܢܐ ܥܠܬܐ ܠܐ ܡܟܬܒ݀ ܕܡܛܠ ܗܕܐ ܗܼܘܝܘ ܐܠܗܐ ܒܠܚܘܕܘܗܝ. ܝܚܕܝܐ ܕܝܢ ܡܢܗ ܢܦܩ ܒܨܒܝܢܐ ܟܣܝܐ ܕܠܐ ܡܬܡܠܠ ܦܪܘܩܐ ܕܟܠ ܡܠܬܐ ܕܐܠܗܐ ܚܕ ܗܘ ܕܒܝܕ ܟܘܠ ܀܀ ܀܀ ܀܀ ܟܚ. ܗܿܘ. ܗܟܝܠ ܥܠܡܐ ܡܬܪܓܫܢܐ ܒܕܡܘܬ ܟܢܪܐ ܗܘ ܣܓܝ ܡܢ̈ܐ. ܕܡܬܩܝܡ ܡܢ ܡܢ̈ܐ ܕܠܐ ܕܡ̈ܝܢ ܡܢ ܩ̈ܛܝܢܬܐ ܘܥܒ̈ܝܬܐ ܘܗܿܢܝܢ ܪ̈ܦܝܬܐ ܘܡ̈ܬܝܚܬܐ ܘܡܨܥ̈ܝܬܐ ܕܫܦܝܪ ܡܪ̈ܟܒܢ ܟܠܗܝܢ ܒܐܘܡܢܘܬܐ ܕܡܘܣܩܘܪܘܬܐ. ܐܟܘܬܗܿ ܕܝܢ ܕܗܕܐ ܐܦ ܗܢܐ ܕܐܝܬܘܗܝ ܣܓܝ ܓܒ̈ܐ ܘܣܓܝ ܪ̈ܘܟܒܐ ܘܩܪܝܒܘܬܐ ܐܟܚܕܐ ܘܚܡܝܡܘܬܐ ܕܠܩܘܒܠܗ ܘܪܛܝܒܘܬܐ ܘܝܒܝܫܘܬܐ ܕܐܘܣܝܐ ܠܚܕ ܪܘܟܒܐ ܐܬܟܢܫ. ܘܡܐܢܐ ܐܝܬܘܗܝ ܪܒܐ ܘܥܒܕܐ ܕܐܠܗܐ ܕܟܠ ܀܀ ܀܀ ܟܛ. ܡܠܬܐ ܕܝܢ ܐܠܝܐ ܠܐ ܗܘܐ ܡܢ ܡܢܘ̈ܬܐ ܐܬܩܝܡ. ܘܐܦܠܐ ܡܢ ܕܠܩܘܒܠܐ ܐܬܪܟܼܒ݀ ܘܕܠܐ ܡܢܬܐ ܐܝܬܘܗܝ. ܘܕܠܐ ܪܘܟܒܐ ܘܫܦܝܪ ܘܚܟܝܡܐܝܬ ܒܟܠ ܕܡܐ ܠܐܒܘܗܝ ܘܠܡܠܟܐ ܕܟܠ ܗܝ ܬܫܒܘܚܬܐ ܕܡܬܚܝܒܐ ܘܠܗ 11 ܙܕܩܐ ܡܦܢܐ ܐܟܙܢ ܐܕܒܚܕ ܓܘܫܡܐ ܪ̈ܒܘܬܐ ܕܡ̈ܢܘܬܐ ܘܕܗܕ̈ܡܐ ܘܕܓܘ̈ܝܐ ܘܕܡܥܝ̈ܐ ܡܬܟܢܫܝܢܿ ܘܢܦܫܐ ܟܕ ܠܐ ܡܬܚܙܝܐ ܚܕܐ ܒܟܠܗܘܢ ܦܫܝܛܐ. ܘܡܕܥܐ ܕܠܐ ܡܢܬܐ ܘܕܠܐ ܓܘܫܡܐ ܚܕ. ܗܟܢܐ ܐܦ ܥܠ ܗܢܐ. ܕܡܢ ܡܢܘ̈ܬܐ ܣܓܝ̈ܐܬܐ ܐܬܩܝܡ. ܥܠܡܐ ܚܕ ܘܗܟܘܬ ܡܠܬܐ ܕܐܠܗܐ ܣܓܝ ܚܝ̈ܠܐ ܘܡܫܟܚ ܒܚܝܠ ܟܠ. ܚܕ ܒܟܘܠܗܘܢ ܡܬܝܚ݀ ܘܥܠ ܟܠܗܘܢ ܟܣܝܐܝܬ ܦܫܝܛ ܘܕܟܠ ܕܒܗܘܢ ܗܘ ܐܝܬܘܗܝ ܥܠܬܐ ܀܀ ܀܀ ܠ. ܠܐ ܗܐ ܚܿܙܐ ܐܢܬ ܒܥܝ̈ܢܝܟ ܕܠܟܠܗ ܥܠܡܐ ܚܕ ܫܡܝܐ ܚܕܪ. ܘܪ̈ܒܘܬܐ ܕܣܕܪ̈ܐ ܕܟܘܟ̈ܒܐ ܒܗ ܡܕܝܪܝܢ ܘܬܘܒ ܚܕ ܫܡܫܐ ܘܠܐ ܗܘܐ ܣܓܝ̈ܐܐ ܘܕܟܠܗܘܢ ܒܡܝܬܪܘܬܐ ܕܢܘܗܪܗ ܡܟܣܐ ܨܡܚܗܘܢܿ ܗܟܢܐ ܗܟܝܠ ܕܚܕ ܐܒܐ ܕܐܝܬܘܗܝ ܐܦ ܡܠܬܗ ܕܗܢܐ ܚܕ ܘܿܠܐ ܕܢܗܘܐ ܝܠܕܐ ܛܒܐ ܕܐܒܐ ܛܒܐ ܐܢ ܕܝܢ ܕܠܡܢܐ ܠܐ ܣܓܝ̈ܐܐ ܒܢ̈ܝܐ ܪܫܐ ܐܢܫ ܘܿܠܐ ܠܗ ܠܗܢܐ ܕܐܦ ܠܡܢܐ ܠܐ ܫܡ̈ܫܐ ܣܓܝ̈ܐܐ ܢܩܝܡ ܘܣܗܪ̈ܐ ܘܥܠ̈ܡܐ ܘܒܪ̈ܒܘܬܐ ܐܚܪ̈ܢܝܬܐ ܢܬܥܕܠ ܒܐܣܟܡܐ ܕ̈ܫܢܝܐ ܕܬܪ̈ܝܨܬܐ ܕܟܝܢܐ ܘܕܫܦܝܪ ܐܝܬܝܗܝܢ ܡܫܝܚ ܕܢܗܦܘܟ ܐܠܐ ܐܟܙܢܐ ܕܒܡܬܚ̈ܙܝܢܝܬܐ ܫܡܫܐ ܚܕ ܠܟܘܠܗ ܥܠܡܐ ܡܬܪܓܫܢܐ ܡܢܗܪ ܗܟܢܐ ܐܦ ܒܡܬܝܕܥܢܝܬܐ ܟܣܝܐܝܬ ܘܟܕ ܠܐ ܡܬܚܙܐ ܠܢ ܚܕ ܡܠܬܗ ܕܐܠܗܐ ܡܠܐ ܟܘܠ ܚܝܠ ܠܟܠ ܡܢܗܪ ܡܢܐ ܓܝܪ ܡܬܒܥܝܢ ܗܘܘ ܫܡ̈ܫܐ ܣܓܝ̈ܐܐ ܟܕ ܣܦܩ ܚܕ ܠܫܘܠܡܐ ܕܟܠ. ܘܡܢܐ ܬܘܒ ܡܬܒܥܝܢ ܒܢܝ̈ܐ ܣܓܝ̈ܐܐ ܕܐܠܗܐܜ ܟܕ ܣܿܦܩ ܗܘ ܚܕ ܝܚܕܝܐ ܠܫܘܠܡܐ ܕܨܒܝ̈ܢܘܗܝ ܕܐܒܘܗܝ ܐܢ ܓܝܪ ܢܗܘܘܢ ܣܓܝ̈ܐܐ ܐܘ ܕܕܡܝܢ ܗܘܝܢ ܐܘ ܕܠܐ ܕܡܝܢ. ܘܐܢ ܕܕܡܝܢ ܒܛܠܐ ܠܗܿ ܣܓܝܐܘܬܗܘܢܿ ܡܛܠ ܕܚܕ ܡܫܠܡܢܐ ܘܟܠ ܡܫܟܚ. ܣܿܦܩ ܗܘ ܠܥܒܘܕܘܬܐ ܘܠܬܘܩܢܐ ܕܟܠ ܡܠܬܐ ܓܝܪ ܕܐܠܗܐ ܘܚܟܡܬܐ ܕܐܠܗܐ ܘܢܘܗܪܐ ܘܚܝ̈ܐ ܘܟܠܗܿ ܡܠܝܘܬܐ ܕܛܒܘܬܐ ܕܚܕ ܒܐܝܬܘܬܗ ܢܓܪ ܠܗܿ݀ ܠܡܢܝܢܐ ܕܣܓܝܐܘܬܗܘܢ ܠܠܐ ܚܫܚܘ ܕܒܛܠܐܝܬ ܘܠܐ ܫܦܝܪ ܒܚܝܠܐ ܕܕܡܐ ܐܫܬܘܬܦܘ݀ ܐܢ ܕܝܢ ܕܠܐ ܕܡܝܢ ܘܠܐ ܕܢܗܘܘܢ ܘܡܢܐ ܐܝܬ ܕܢܗܘܐ ܠܘܩܒܠ ܡܫܠܡܢܐ ܘܣܦܩ ܠܟܠ ܕܠܐ ܕܡܐ. ܐܘ ܗܕܐ ܕܠܐ ܡܫܠܡܢ ܘܚܣܝܪ ܒܟܝܢܗ ܐܠܐ ܠܝܬ ܡܕܡ ܝܠܕܐ ܕܐܠܗܐ ܕܠܐ ܡܫܠܡܢ ܡܫܠܡܢܐ ܗܘ ܗܟܝܠ ܝܚܝܕܝܐ ܕܐܠܗܐ ܘܠܐ ܗܘܐ ܡ̈ܠܐ ܣܓܝ̈ܐܬܐ ܕܐܠܗܐ ܐܠܐ ܐܠܗܐ ܕܡܢ ܐܠܗܐ 12 ܣܿܦܩ ܠܟܠ݀ ܘܡܫܒܚ ܒܚܝܠ ܟܘܠ. ܚܕ ܨܠܡܐ ܕܢܘܗܪܐ ܕܐܝܬܘܬܗ݀ ܐܝܟܢܐ ܕܡ̈ܠܐ ܐܠܗܝ̈ܬܐ ܡܫܠܡܢ ܕܠܗܢܝܢܐܢ ܕܬܘܩܢܗܘܢ ܘܕܐܣܝܘܬܗܘܢ ܕܟܠܗܘܢ ܗܘ̈ܝܐ ܐܠܨܐܝܬ ܐܬܩܝܡ ܘܒܐܘܣܝܐ ܕܝܠܗ ܚܕ ܗܘ ܘܣܓܝ̈ܐܐ ܒܚܝ̈ܠܘܗܝ ܕܒܠܚܘܕܘܗܝ ܢܣܦܩ ܠܬܨܒܝܬܐ ܕܟܠ. ܀܀ ܀܀ ܀܀ ܠܐ. ܡܛܠ ܕܐܦ ܟܒܪ ܐܢܫܐ ܚܕܐ ܗܝ ܢܦܫܐ ܘܚܕ ܚܝܠܐ ܡܠܝܠܐ݀ ܘܐܝܬܝܗ ܐܟܚܕܐ ܡܬܩܢܢܝܬܐ ܕܣܓܝ̈ܐܐ ܐܢ ܕܬܦܠܘ ܐܪܥܐ ܗܝ ܟܕ ܗܝ. ܕܬܬܩܢ ܐܠܗܐ ܘܕܬܕܒܪܝܗܿ ܘܕܬܒܢܐ ܘܣܓܝ̈ܐܬܐ ܝܠܦܐ ܘܥܒܕܐ݀ ܘܚܕ ܡܕܥܐ ܘܚܘܫܒܐ ܒܒܪ ܐܢܫܐ ܘܡܩܒܠ ܒܙܒܢ ܪ̈ܒܘܬܐ ܕܝܘ̈ܠܦܢܐ ܘܡܚܪ ܐܪܥܐ ܗܼܘ ܟܕ ܗܼܘ. ܘܡܬܒܝܢ ܒܡܪܕܝܬܐ ܕܟܘܟ̈ܒܐ ܘܡ̈ܠܐ ܕܓܪ̈ܡܛܝܩܐ ܘܕܪ̈ܗܪܛܪ̈ܐ [ܘܕܪ̈ܗܛܪܐ] ܡܫܠܡ. ܘܗܼܘܐ ܗܕܝܐ ܕܐܣܝܘܬܐ ܒܝܘܠܦܢܐ ܘܒܣܘܥܪܢܐ ܕܐܝܕ̈ܝܐ ܘܠܐ ܥܕܡܫܐ ܐܢܫ ܡܡܬܘܡ ܣܒܪ ܕܢܦܫ̈ܬܐ ܣܓܝ̈ܐܬܐ ܐܝܬ ܒܚܕ ܦܓܪܐ ܐܦ ܠܐ ܐܬܕܡܪ ܕܣܓܝ̈ܐܐ ܐܘܣܝ̈ܣ ܐܝܬ ܒܒܪ ܐܢܫܐ ܡܛܠ ܡܩܒܠܢܘܬܗ ܕܝܘ̈ܠܦܢܐ ܣܓܝܐܐ ܘܐܢ ܕܝܢ ܒܬܐ ܕܛܝܢܐ ܕܠܐ ܕܡܘܬܐ ܐܢܫ ܢܫܒܚ ܘܒܬܪܟܢ ܢܪܟܒܝܗ ܒܐܝܕ̈ܘܗܝ ܘܢܣܝܡ ܒܗ ܕܡܘ̈ܬܐ ܕܚܝ̈ܘܬܐ ܒܚܕ ܐܣܟܡܐ ܪܫܐ ܘܒܐܚܪܬܐ ܐܝܕ̈ܐ ܘܪ̈ܓܠܝܐ ܘܥܝ̈ܢܐ ܬܘܒ ܐܚܪܢܝܐܝܬ ܘܦ̈ܟܐ ܗܘܬ ܘܐܕ̈ܢܐ ܘܦܘܡܐ ܘܢܚܝܪ̈ܐ ܘܚܞܕܝܐ ܘܟܬܦ̈ܬܐ ܢܕܡܐ ܒܐܘܡܢܘܬܐ ܕܓܒܘܠܘܬܐ ܘܠܐ ܗܘܐ ܡܛܠ ܕܣܓܝ̈ܐܐ ܐܣܟ̈ܡܐ ܘܗܕ̈ܡܐ ܒܚܕ ܓܘܫܿܡܐ ܐܬܥܒܕܘ. ܙܕܩ ܕܢܣܒܪ ܕܗܟܢܐ ܣܓܝܐܝܢ ܐܦ ܥܒܘܕ̈ܐ. ܐܠܐ ܒܠܚܘܕܘܗܝ ܡܠܝܐܝܬ ܐܘܡܢܐ ܕܟܠ ܢܫܒܚ݀ ܕܒܕ ܚܘܫܒܐ ܘܒܚܕ ܚܝܠܐ ܟܠ ܬܩܼܢ ܀܀ ܀܀ ܠܒ. ܗܟܢܐ ܐܦ ܥܠ ܗܢܐ ܥܠܡܐ ܕܟܠ ܕܐܝܬܘܗܝ ܚܕ ܘܡܢ ܡܢܘ̈ܬܐ ܕܝܢ ܣܓܝ̈ܐܬܐ ܐܬܩܝܼܡ ܠܐ ܘܠܐ ܕܣܓܝ̈ܐܐ ܚܝ̈ܠܐ ܥܒܘ̈ܕܐ ܢܣܝܡ. ܘܐܦ ܠܐ ܕܐܠܗ̈ܐ ܣܓܝ̈ܐܐ ܢܫܡܗ. ܐܠܐ ܠܚܕ ܢܒܪܟ ܡܠܐ ܟܠ ܚܟ̈ܡܢ ܘܟܠ ܪ̈ܘܟܒܝܢ݀ ܠܗܿܘ ܕܒܫܪܪܐ ܚܝܠܐ ܗܘ ܕܐܠܗܐ ܘܚܡܬܐ ܕܐܠܗܐ ܕܒܚܕ ܚܝܠܐ ܘܒܚܐ ܡܝܬܪܘܬܐ ܒܟ ܥܒܪ ܘܒܟܠܗ ܥܠܡܐ ܫܪܟ ܘܠܟܠ ܡܩܝܡ ܘܡܚܐ. ܘܐܟܚܕܐ ܠܟܠܗܘܢ ܘܠܚܕ ܚܕ ܡܢܗܘܢ ܕܒܓܒ̈ܐ ܓܘܫ̈ܡܐ ܘܐܣ̈ܛܘܟܣܐ ܦܘܪ̈ܢܣܐ ܕܙ̈ܢܝܢ ܙ̈ܢܝܢ ܡܢܗ ܥܿܒܕ ܀܀ ܀܀ 13 ܠܓ. ܗܟܢܐ ܐܦ ܢܘܗܪܐ ܕܫܡܫܐ ܚܕ ܗܘ݀ ܘܒܗ ܒܡܦܠܗ ܐܟܚܕܐ ܘܒܚܕܐ ܡܨܡܚ ܠܐܐܪ ܘܡܢܗܪܐ ܠܥܝ̈ܢܐ ܘܡܚܡ ܠܓܫܬܐ ܘܡܒܫܠ ܐܪܥܐ ܘܡܪܒܐ ܢܨܒ̈ܬܐ ܘܡܩܝܡ ܙܒܢ̈ܐ. ܘܐܙܠ ܩܕܡ ܟܘܟ̈ܒܐ ܘܡܬܟܪܟ ܠܫܡܝܐ ܘܡܕܢܚ ܠܥܠܡܐ݀ ܘܚܝܠܐ ܕܐܠܗܐ ܓܠܝܐܝܬ ܠܟܠ ܡܕܡ ܡܩܝܡ. ܘܗܼܢܝܢ ܟܠܗܝܢ ܒܚܕܐ ܪܘܦܐ ܕܟܝܢܐ ܡܫܠܡ. ܘܟܝܢܐ ܕܢܘܪܐ ܗܟܘܬ. ܕܗܒܐ ܡܕܟܝܐ ܘܐܪܐ ܡܦܫܪܐ. ܘܩܪܘܬܐ ܫܪܝܐ ܘܛܝܢܐ ܡܝܒܫܐ ܘܥܒ̈ܐ ܡܘܩܕܐ ܒܚܕ ܚܝܠܐ ܡܘܩܕܢܐ ܗܠܝܢ ܟܠܗܝܢ ܣܿܥܪܐ ܀ ܀ ܀ ܠܕ. ܗܟܢܐ ܘܐܦ ܡܠܬܐ ܕܐܠܗܐ ܡܿܠܟܐ ܗܘ ܕܡܬܝܚ ܒܟܘܠ ܡܕܡ ܒܟܠ ܐܝܬܘܗܝ ܘܥܠ ܟܠ ܥܿܒܪ ܕܒܡܫܝܐ ܘܒܐܪܥܐ ܗܘ ܕܗܿܢܝܢ ܕܠܐ ܡܬܚܙܝܢ ܘܗܿܢܝܢ ܕܡܬܚܙܝܢ ܡܕܒܪ. ܘܠܗ ܠܫܡܫܐ ܘܠܫܡܝܐ ܘܠܟܠܗ ܥܠܡܐ ܒܚܝ̈ܠܐ ܕܠܐ ܡܬܡܠܠܝܢ ܡܬܪܨ. ܒܚܝܠܐ ܥܒܘܕܐ ܟܕ ܩܪܝܒ ܠܟܠ ܡܕܡ ܘܒܝܕ ܟܠ ܫܪܟ ܘܠܗ ܠܫܡܫܐ ܘܠܣܪܗܐ ܘܠܟܘܟ̈ܒܐ ܡܢ ܡܒܘ̈ܥ ܕܝܠܗ ܢܘܗܪܐ ܕܠܐ ܓܐܙ ܡܡܛܪ ܘܫܡܝܐ ܠܪܒܘܬܐ ܕܝܠܗ ܨܠܡܐ ܕܕܡܐ ܐܩܝܡ ܘܠܥܠܡ ܐܚܝܕ ܘܠܗܢܿܝܢ ܕܠܗܠ ܡܢ ܫܡܝܐ ܘܡܢ ܥܠܡܐ ܚܝ̈ܠܐ ܕܡܠܐܟ̈ܐ ܘܐܘܣ̈ܝܣ ܕܪ̈ܘܚܐ ܝܕܘܥ̈ܬܢܝܬܐ ܘܡܠ̈ܝܠܬܐ ܚܝ̈ܐ ܐܟܚܕܐ ܘܢܘܗܪܐ ܘܚܟܡܬܐ ܘܟܘܠܗܿ ܡܝܬܪܘܬܐ ܕܟܠܗ ܫܘܦܪܐ ܕܘܕܟܠܗܿ ܛܒܘܬܐ ܡܢ ܓܙܐ ܕܠܘܬܗ ܡܠܐ ܒܚܕܐ ܘܒܗܿ ܒܐܘܡܢܘܬܐ ܕܥܒܘܕܘܬܐ ܘܠܐܘܣܝܐ ܕܐܣ̈ܛܘܟܣܐ ܠܐ ܡܡܬܘܡ ܡܚܣܪ ܕܢܬܠ ܘܠܗܘܢ ܠܓܘܫܡܐ ܚܘܠܛܢܐ ܘܡܘܙܓܐ ܘܕܡ̈ܘܬܐ ܘܚ̈ܙܘܐ ܘܐܣܟ̈ܡܐ ܘܪ̈ܒܘܬܐ ܕܥܒ̈ܕܐ ܒܚܝܗܘܬܐ ܘܒܢܨܒ̈ܬܐ ܘܒܢܦ̈ܫܬܐ ܡ̈ܠܝܠܬܐ ܘܕܠܐ ܡܠܬܐ ܒܙܒܢ ܙܒܢ ܐܚܪܢܝܐܝܬ ܡܦܬܟ. ܘܠܟܘܠܗܘܢ ܐܟܚܕܐ ܟܠ ܡܕܡ ܒܚܕ ܚܝܠܐ ܡܦܪܢܣ ܘܓܠܝܐܝܬ ܡܚܘܐ ܠܐ ܗܘܐ ܟܢܪܐ ܕܫܒܥܬ ܡܢ̈ܐ ܐܘ ܕܣܓܝ ܡܢ̈ܐ݀ ܐܠܐ ܚܕ ܥܠܡܐ ܣܓܝ ܪ̈ܘܟܒܐ. ܥܒܿܕܐ ܕܚܕܐ ܡܠܬܐ ܥܒܘܕܐ ܕܥܠܡܐ ܀܀ ܀܀ ܠܗ. ܗܟܢܐ ܗܘ ܗܟܝܠ ܦܪܘܩܐ ܕܓܘܐ ܕܟܠ݀ ܗܿܘ ܡܠܬܐ ܕܐܠܗܐ ܕܟܠ ܕܥܠܘܗܝ ܐܢܫ ܡܡܠܠ ܥܠ ܐܠܗܐ ܗܟܢܐ ܒܐܪܙܐ ܐܡܿܪ݀ ܕܒܥܠܡܐ ܐܝܬܘܗܝ ܗܘܐ ܘܥܠܡܐ ܒܐܝܕܗ ܗܘܐ ܘܥܠܡܐ ܠܐ ܝܕܥܗ. ܠܐ ܓܝܪ ܥܕܟܝܠ ܡܢ ܩܕܝܡ ܝܕܥܗ݀ ܥܕܡܐ ܕܗܼܘ ܢܦܫܗ ܒܙܒ̈ܢܐ ܐܚܪ̈ܝܐ ܐܕܢܚ݀ ܠܗܿܢܘܢ ܕܒܚܫܘܟܐ 14 ܕܒܝܫ̈ܬܐ ܐܚܝܕܝܢ ܗܘܘ. ܐܠܐ ܗܼܘ ܥܒܘܕܐ ܕܟܠܗ ܥܠܡܐ ܗܘ ܕܐܝܬܘܗܝ ܦܘܪܩܐ ܕܓܘܐ ܕܟܠ ܬܪܝܨܐܝܬ ܐܬܒܕܩ ܠܢ ܕܗܟܢܐ ܐܝܬܘܗܝ ܘܠܗܢܐ ܟܠ ܗܢܐ ܟܠܗ ܥܘܕܪܢܐ ܝ݀ܗܒ. ܘܗܼܘ ܗܢܐ ܥܠܡܐ ܕܟܠ ܕܡܢ ܚܕ ܩܘܒܪܢܛܐ ܡܬܪܨ ܕܡܢ ܫܡܝܐ ܘܡܢ ܐܪܥܐ ܘܡܢ ܕܒܗܘܢ ܐܬܩܝܡ ܕܐܝܢܐ ܟܝܢܐ ܕܘܣܝܐ ܡܛܝܼܗܝ ܘܠܐ ܕܒܙܥܘܪ̈ܝܬܐ ܢܐܡܪ ܀ ܀ ܀܀ ܠܘ. ܒܬܪ̈ܝܢ ܟܝ̈ܢܐ ܗܟܝܠ ܡܫܘܬܦ ܗܢܐ ܕܗܼܝ ܐܘܣܝܐ ܡܝܬܪܬܐ ܘܐܚܝܢܬܐ ܕܡܠܬܐ ܐܠܗܝܬܐ. ܗܼܝ ܗܕܐ ܝܕܘܥܬܢܝܐ ܘܡܠܝܠܬܐ ܒܡܕܥܐ ܡܬܚܙܝܐ ܘܒܡܠܬܐ ܡܬܕܪܟܐ ܘܠܗ ܗܿܘ ܟܘܠ ܕܡܝܬܪ ܡܢ ܓܘܫ̈ܡܐ ܡܟܢ. ܕܢܬܕܪܟ ܘܕܗܼܝ ܕܠܚܫܚܬܗܿ ܕܗܕܐ ܐܠܨܐܝܬ ܐܣܬܪܚܼܬ ܕܗܝܠܐ ܐܝܬܝܗ ܘܝܠܕܐ ܕܓܘܫܡ̈ܐ ܕܒܪܓܫܬܐ ܕܡܠܬܐ ܡܣܬܒܪ ܘܕܗܘܐ ܘܕܡܬܚܒܠ݀ ܘܡܠܝܐܝܬ ܡܡܬܘܡ ܠܐ ܐܝܬܘܗܝ ܫܦܝܪ ܣܒܪ ܐܢܐ ܕܐܡܝܪܐ. ܐܠܐ ܗܢܐ ܕܡܬܚܙܐ ܒܪܓܫܬܐ ܕܦܓܪܐ. ܚܕ ܥܠܡܐ ܡܒܕܩ݀ ܗܿܘ ܗܢܐ ܕܟܠ ܡܬܚܞܙܐ ܐܦ ܗܿܘ ܕܝܢ ܕܠܐ ܡܬܚܙܐ ܗܟܢܐ ܫܦܝܪ ܡܬܐܡܪ ܚܕ ܛܘܗܡܐ ܕܗ̈ܘܝܐ ܡ̈ܠܝܠܐ ܐܟܙܢܐ ܕܒܗܠܝܢ ܕܡܬܢܚܙܝܢ ܚܕ ܗܘ ܟܝܢ ܕܓܘܫܡܐ ܘܕܝܠܗ ܕܗܢܐ ܡܢܗܝܢ ܒܫܡܝܐ ܘܒܐܬܝܪ ܘܗܼܢܝܢ ܕܒܗܝܢ ܡܦܪ̈ܫܢ ܘܡܢܗܝܢ ܒܐܐܪ ܘܒܐܪܥܐ. ܘܗܿܢܝܢ ܕܒܗܝܢ ܡܬܚܙܝܢ ܚܝܘ̈ܬܐ ܘܢܨܒ̈ܬܐ ܗܟܢܐ ܐܦ ܒܐܘܣܝܐ ܝܕܘܥܬܢܝܬܐ ܕܠܐ ܡܬܚܙܝܐ ܓܢܣܐ ܕܟܠܗܘܢ ܕܓܘܐ ܚܕ ܗܘ. ܘܚܕ ܗܘ ܟܝܢܐ ܕܝܠܕܐ ܕܚܝ̈ܠܐ ܡ̈ܠܝܠܐ ܘܝܕܘ̈ܥܬܢܐ ܘܪ̈ܒܘܬܐ ܐܝܬ ܒܗ ܕܦܘܪ̈ܫܢܐ ܕܡܚܫܠܦܝܢ ܀ ܀ ܀܀ ܠܙ. ܘܗܼܘ ܗܢܐ ܗܟܝܠ ܕܡܢ ܗܝܠܐ ܘܡܢ ܓܘܫ̈ܡܐ ܥܒܼܝܕ ܗܢܐ ܕܥܠܡܐ ܡܬܪܓܫܢ ܡܥܕܝܢ ܐܢܚܢܢ ܕܢܫܡܗܝܘܗܝ ܕܡܢ ܫܡܝܐ ܘܡܢ ܐܪܥܐ ܘܡܢ ܗܿܢܘܢ ܕܒܗܘܢ ܐܬܩܼܝܡ. ܢܬܕܡܐ ܠܡܕܝܢܬܐ ܕܡܠܟܘܬܐ ܕܐܝܬ ܒܗܿ ܪ̈ܒܘܬܐ ܕܒܢ̈ܝ ܡܕܝܢܬܐ ܕܒܗܿ ܡܢܗܘܢ ܒ̈ܬܐ ܕܡܠܟܘܬܐ ܦܪ̈ܝܫܝܢ ܬܘ̈ܢܐ ܕܡܠܟܘܬܐ. ܘܗܿܢܘܢ ܕܠܓܘ ܕܠܐ ܥܐܠܝܢ ܠܗܘܢ ܣܓܝ̈ܐܐ ܘܠܐ ܕܪܟܝܢ ܒܗܘܢ ܘܡܢܗܘܢ ܠܕܘ̈ܟܝܬܐ ܕܠܒܪ ܕܢܛܪ̈ܝ ܚܨ̈ܐ݀ ܘܡܢܗܘܢ ܬܘܒ ܠܪܘܚܩܐ. ܘܡܢ ܕܪܬܐ ܠܩܘ̈ܛܢܐ ܘܠܟܢ̈ܫܐ ܡܦܪܫܐ ܫܒܝܩ. ܣܓܝ̈ܐܢ ܐܢܝܢ ܕܘ̈ܟܝܬܐ ܕܒܫܡܝܐ. ܘܣܓܝ̈ܐܢ ܕܠܬܚܬ ܡܢܗܝܢ ܒܐܬܝܪ ܘܒܐܐܪ ܕܠܥܠ ܡܢ ܐܪܥ ܘܡܥܡܪܐ ܕܥܠ ܐܪܥܐ ܠܗܿܢܘܢ ܕܥܠܝܗܿ ܕܪܟܝܢ 15 ܡܪܘܚ ܗܢܐ ܕܠܟܠܢ ܝܕܝܥ ܗܘ. ܗܿܢܝܢ ܕܝܢ ܕܠܗܠ ܡܢ ܫܡܝܐ ܠܥܠ ܡܢ ܟܠܗܿ ܬܪܥܝܬܐ ܐܝܬܝܗܘܢ ܕܐܦ ܗܼܢܝܢ ܠܓܘ ܒܝܬ ܡܠܟܘܬܐ ܐܠܗܝܬܐ ܡܦܪܫܢ݀ ܘܗܿܢܘܢ ܕܠܘܬ ܡܠܟܐ ܕܟܠ ܡܕܝܪ̈ܝܢ. ܘܥܠ ܓܒܗܿ ܕܝܠܗܿ ܕܡܠܬܐ ܐܠܝܗ ܡܕܝܨܝܢ ܘܒܙ̈ܠܝܩܐ ܕܡܢܗ ܐܝܟ ܕܡܢ ܡܒܘ̈ܥܐ ܕܢܘܗܪܐ ܕܠܐ ܓܝܙ̈ܝܢ ܕܠܝܿܢ ܡܕܝܨܝܢ ܘܒܙ̈ܠܝܩܐ ܕܡܢܗ ܐܝܟ ܕܡܢ ܡܒܘ̈ܥ ܕܢܘܗܪܐ ܕܠܐ ܓܝܙ̈ܝܢ ܕܠܝܿܢ ܘܡܢܗܪܝܢ ܘܡܬܩܝܡܝܢ ܟܕ ܡܠܝܢ ܢܘܗܪܐ ܘܢܗܝܪ̈ܐ ܒܩܠܗܘܢ ܘܟܢ̈ܫܐ ܕܢܘܗܪܐ ܕܠܐ ܓܘܫܡ ܘܣܕܪܐ ܕܕܘ̈ܟܝܬܐ ܕܠܗܠ ܡܢ ܫܡܝܐ ܐܚܝܕܝܢ. ܘܠܐܠܗܐ ܡܿܠܟܐ ܕܟܠ ܒܬܫܒ̈ܚܬܐ ܥ̈ܠܝܬܐ ܕܙܕܩܢ ܠܐܠܗܐ ܡܝܩܪ̈ܝܢ ܘܒܡܨܥܬܐ ܐܪܡܐ ܫܡܝܐ ܪ̈ܘܪܒܐ݀ ܐܦܝ ܬܪܥܐ ܩܘܢܐܐ ܕܠܗܿܢܘܢ ܕܠܒܪ ܡܢ ܒ̈ܬܐ ܕܡܠܟܘܬܐ ܟܿܠܐ ܘܠܢܛܪ̈ܝ ܚܨܐ ܒܗ ܒܗܢܐ ܐܝܟ ܕܠܒ ܪܡܢ ܬܪܥܐ ܡܕܝܪܝܢ ܟܕ ܐܚܝܕܝܢ ܠܡܦܕ̈ܐ ܫܡܫܐ ܘܣܗܪܐ. ܘܗܿܢܘܢ ܕܒܫܡܝܐ ܠܒܝܫܝ ܢܘܗܪܐ. ܘܠܗܿܘ ܕܠܗܠ ܡܢ ܟܠ ܡܿܠܟܐ ܕܟܠ ܡܝܩܪܝܢ ܘܒܪܡܙܗ ܘܒܡܠܬܗ ܠܗܿܢܘܢ ܕܡܛܬܼ ܐܢܘܢ ܕܘܟܬܐ ܚܫܘܟܬܐ. ܕܠܒܪ ܡܢ ܫܡܝܐ ܒܠܡܦܐܕ̈ܐ ܕܢܘܗܪܐ ܕܠܐ ܕܥܟ ܡܢܗܪܝܢ. ܘܠܗ ܠܗܢܐ ܚܝ̈ܠܘܬܐ ܕܐܐܪ ܕܠܐ ܡܬܚܙܝܢ ܠܥܝ̈ܢܐ ܕܦܓܪܐ ܡܛܐܘܗܝ ܘܚܝ̈ܘܬܐ ܐܪ̈ܥܢܝܬܐ ܘܐܚܪ̈ܢܝܬܐ ܘܗܿܘ ܒܪ ܐܢܫܐ ܪܝܫܐ ܕܟܠܗܘܢܿ ܕܠܐ ܗܘܐ ܢܘܟܪܝ ܓܢܣܗ ܡܢܗܿ ܕܗܿܝ ܐܘܣܝܐ ܝܕܘܥܬܢܝܬܐ ܘܡܠܝܠܬܐ ܕܠܐ ܡܬܚܙܝܐ݀ ܕܗܼܘ ܗܢܐ ܠܐܠܗܘܬܗ ܕܗܿܘ ܕܥܠܬܐ ܗܘ ܕܟܘܠ ܘܠܡܠܟܘܬܗ ܕܢܫܒܚ ܒܐܪܥܐ ܐܬܒܪܝ݀ ܐܝܟ ܕܒܕܡܘܬܐ ܕܝܢ ܕܥܠ ܐܪܥܐ ܚܕ ܘܗܿܘ ܟܕ ܗܼܘ ܓܢܣܐ ܕܒܢ̈ܝ ܐܢܫܐ ܒܟܠܗܿ ܬܒܝܠ ܡܬܝܚ݀ ܘܥܡܡ̈ܐ ܡܢܗ ܕܗܢܐ ܪ̈ܒܘܬܐ ܐܬܩܝܡܘ ܘܥܘܡܪܐ ܕܟܠ ܓܢܣ݀ ܘܐܣܟ̈ܡܐ ܡܦܪ̈ܫܐ ܘܥܝܕ̈ܐ ܘܕܘܒܪ̈ܐ݀ ܠܐ ܗܘܐ ܒܠܚܘܕ ܕܒܪܒܪܝܐ ܘܕܒܥܪܝܪܝܐ ܐܠܐ ܐܦ ܕܐܢܫܐ ܡܫܝ̈ܢܐ ܘܐܣܟܡ̈ܬܢܐ ܘܚܟܝ̈ܡܐ ܘܐܝܬ ܒܗܘܢ ܥܒܼܕ̈ܐ ܘܒܢ̈ܝ ܚܐܪ̈ܐ ܘܡܣ̈ܟܢܐ ܘܥܬܝܪ̈ܐ. ܘܗܢܿܘܢ ܕܐܦ ܒܓܘܢܗܘܢ ܡܫܚܠܦܝܢ ܐܝܟ ܣܝܩܝ̈ܬܝܐ ܘܗܢܿܘܢ ܕܠܒܪ ܒܓܪܒܝܐ ܡܛܬܼ ܐܢܘܢ ܕܢܥܡܪܘܿܢ ܘܗܢ̈ܕܘܝܐ ܗܢܿܘܢ ܕܒܡܕܢ̈ܚܘܗܝ ܕܫܡܫܐ. ܘܟܘܫ̈ܝܐ ܗܢܿܘܢ ܕܒܡܥܪ̈ܒܘܗܝ ܕܫܡܫܐ ܘܝܘܢ̈ܝܐ ܘܐܚܪ̈ܢܐ ܗܿܢܘܢ ܕܒܡܨܥܬܐ ܕܪܗܫܐ ܡܛܼܬ ܐܢܘܿܢ ܕܢܥܡܪܘܢ ܘܬܘܒ ܒܗܠܝܢ ܟܘܠܗܘܢ ܡܢܗܘܢ ܒܡܢ̈ܘܬܐ ܕܥܡ̈ܡܐ. ܡܫܠܛܝܢ݀ ܘܡܢܗܘܢ ܟܕ ܡܫܥܒܕܝܢ ܡܫܠܡܝܢ ܘܠܘܬ ܡܿܠܟܐ ܪܒܐ ܕܟܠܗܘܢ ܡܢܗܘܢ ܒܕܘܟ̈ܝܬܐ ܕܪ̈ܚܡܐ ܡܬܚܫܒܝܢ. ܘܡܢܗܘܢ ܠܝܩܪ̈ܐ 16 ܪ̈ܘܪܒܐ ܣܿܠܩܝܢ ܘܡܢܗܘܢ ܒܣܘܥܪ̈ܢܝܗܘܢ ܡܝܬܪ̈ܐ ܡܬܝܩܪܝܢ. ܘܡܢܗܘܢ ܠܛܟܣܐ ܕܥܒܼܕ̈ܐ ܡܡܠܝܢ ܘܡܢܗܘܢ ܫܩ̈ܝܠܝ ܪ̈ܘܡܚܐ ܘܣܟܪ̈ܐ ܠܗ ܚܕܝܪ̈ܝܢ. ܘܬܘܒ ܡܢܗܘܢ ܒܡ̈ܕܝܢܬܐ ܗܿܘܝܢ ܐܣܛܪ̈ܛܓܐ ܘܡܢܗܘܢ ܬܫܡܫܬܐ ܕܪܫܢܘܬܐ ܕܡܕܝܢ̈ܬܐ ܡܡܠܝܢ݀ ܘܡܢܗܘܢ ܒܦ̈ܨܐ ܕܩܘ̈ܛܢܐ ܐܣܬܩܒܼܠܘ. ܘܐܚܪ̈ܢܐ ܒܕܘ̈ܟܝܬܐ ܕܒ̈ܥܠܕܒܒܐ ܘܕܣܢ̈ܐܐ ܐܬܚܫܒܘܿ ܒܪܡ ܕܝܢ ܟܘܠܗܘܢ ܒܢ̈ܝ ܐܢܫܐ ܢܘܿܢ ܘܚܕ ܗܘ ܓܢܣܐ ܕܓܘܐ ܕܟܠܗܘܢ. ܘܐܝܬ ܠܥܠ ܡܢ ܟܠܗܘܢ ܡܿܠܟܐ ܚܕ ܫܘܠܛܢܐ ܚܝܕܝܐ ܕܠܒܝܫ ܫܘܠܛܢܐ ܕܢܦܫܗ ܕܥܠ ܟܠ ܘܠܗ ܠܗܢܐ ܢܩܝܦ ܢܡܘܣܐ ܕܡܠܟܘܬܐܘܡܠܬܐ ܘܡܢ ܠܥܠ ܠܗ ܒܠܚܘܕܘܗܝ ܐܒܐ ܘܣܿܐܡ ܢܡܘܣܐ ܡܿܠܟܐ ܪܒܐ ܡܟܬܒ ܘܠܬܚܬ ܕܝܢ ܪܗܛ ܒܟܘܠܗܘܢ ܫ̈ܠܝܛܢܐ ܘܡܫܥܒ̈ܕܐ. ܘܠܚܕ ܢܝܪܐ ܕܡܠܟܘܬܐ ܠܟܘܠܗ ܓܢܣܐ ܕܬܚܝܬ ܐܝܕܗ ܡܫܥܒܕ ܘܠܡܢܗܘܢ ܠܐܝܩܪܐ ܕܠܥܠ ܡܣܩ. ܘܠܡܢܗܘܢ ܐܝܟ ܕܫ݀ܘܝܢ ܦܪܥ. ܀܀ ܀܀ ܠܚ. ܐܟܘܬܗܝܢ ܕܝܢ ܕܗܠܝܢ ܚܕܐ ܗܝ ܐܘܣܝܐ ܡܘܠܕܢܝܬܐ ܕܥܠ ܟܠ ܝܕܘܥܬܢܝܬܐ ܘܡܠܝܠܬ݀ ܘܫܦܝܪ ܡܬܐܡܪܐ ܕܚܕ ܗܘ ܓܢܣܐ ܐܦ ܕܗܠܝܢ. ܘܡܕܡ ܠܐ ܝܬܝܪ̈ܝܢ ܡܢ ܐܚ̈ܐ ܟܠܗܘܢ ܕܡܢ ܚܕ ܐܝܟ ܕܡܢ ܐܒܐ ܕܝܠܗ ܕܡܠܬܐ ܕܐܠܗܐ ܥܒܼܝܕܝܢܿ ܐܝܬܝܗܘܢ ܕܝܢ ܪ̈ܒܘܬܐ ܕܥܡ̈ܡܐ ܘܕܓܢ̈ܣܐ ܘܕܡܢܬܐ ܡܝܬܪܬ ܘܕܠܩܘܒܠܗܿ. ܘܦܘܪ̈ܫܢܐ ܕܡܫܚܠܦܝܢ ܒܬܪܥܝܬܐ. ܗܠܝܢ ܕܠܐ ܡܫܟܚܐ ܕܢܬܡܢܘܢ ܘܐܣܟ̈ܡܐ ܘܥܘܡܪ̈ܐ ܘܩܘܝܡܐ ܕܠܩܘܒܠܐ ܘܠܐ ܗܘܐ ܕܟܝ̈ܢܐ. ܟܝܢܐ ܓܝܪ ܕܟܠܗܘܢ ܚܕ ܗܘ݀ ܘܓܢܣܐ ܚܕ ܘܗܼܘܝܘ ܡܢ ܫܘܚܠܦܐ ܕܝܢ ܕܨܒܝܢܗܘܢ ܐܣܟ̈ܡܐ ܣܓܝ̈ܐܐ ܕܥܘܡܪ̈ܐ ܡܦܪ̈ܫܐ ܐܫܟܼܚܘ. ܕܡܢ ܗܪܟܐ ܟܢܫ̈ܐ ܕܡܠܐܟ̈ܐ ܘܪ̈ܘܚܐ ܘܚܝ̈ܠܐ ܕܠܐ ܦܓܪ ܘܠܕܐ ܡܬܚܙܝܢ ܕܡܢܗܘܢ ܢܗܝܪܝܢ ܘܡܨܡܚܝܢ ܕܡܬܢܗܪܝܢ ܡܢ ܙܠܝܩ̈ܘܗܝ ܕܡܠܬܐ ܐܠܗܝܐ ܘܡܢܗܘܢ ܚܞܘܫܟܝܢ ܘܡܢ ܟܠܗܘܢ ܟܘܫ̈ܝܐ ܐܘ̈ܟܡܝܢ ܕܡܢ ܟܠܗ ܢܘܗܪܐ ܡܠܝܠܐ ܕܥܝܟܝ. ܣܓܝ ܕܝܢ ܗܢܐ ܓܢܣܐ ܫ݀ܘܐ ܠܡܢܐ ܡܨܥܝܬܐ ܘܒܝܫܬܐ ܐܟܚܕܐ ܘܡܝܬܪܘܬܐ ܘܐܣܬܩܒܠ ܡܠܐ. ܡܿܠܟܐ ܕܝܢ ܚܕ ܫܘܠܛܢܐ ܝܚܝܕܝܐ ܗܘ ܕܠܥܠ ܡܢ ܟܘܠ ܐܠܗܐ. ܕܗܿܢܘܢ ܕܒܫܡܝܐ ܘܕܗܿܢܘܢ ܕܠܥܠ ܡܢ ܫܡܝܐ. ܘܗܼܘܝܘ ܕܗܿܢܝܢ ܕܐܐܪ. ܘܕܗܿܢܝܢ ܕܥܠ ܐܪܥܐ. 17 ܘܕܗܿܢܝܢ ܕܠܬܚܬ ܡܢ ܐܪܥܐ ܘܕܟܘܠ ܘܕܒܟܠ ܒܢܡܘܣܐ ܘܒܡܠܬܐ ܕܡܠܟܘܬܐ ܐܚܝܕ. ܘܢܡܘܣܐ ܘܡܠܬܐ ܚܕ ܗܘ ܗܿܘ ܕܒܟܠ ܚܝܼܿܐ. ܗܿܘ ܡܠܬܐ ܕܐܠܗܐ ܣܥܘܪܐ. ܠܐ ܗܘܐ ܐܝܟ ܗܢܐ ܡܝܘܬܐ ܕܡܢ ܦܘܡܐ ܕܡܝܘ̈ܬܐ ܒܐܐܪ ܡܙܕܪܩ ܐܠܐ ܐܝܟܢܐ ܕܗܫܐ ܐܬܝܕܥ ܠܢ ܡܢ ܗܠܝܢ ܕܡܟܢ ܠܡܥܒܕ ܕܒܟܠ ܚܝܠܐ ܘܚܟܡܬܐ ܠܟܠ ܡܕܒܪ ܗܿܘ ܕܠܟܠ ܡܠܝܐܝܬ ܒܟܐܢܘܬܐ ܐܝܟ ܡܠܬܗ ܕܐܠܗ ܦܨ̈ܐ ܐܝܠܝܢ ܕܥܗܢܢ ܠܗܘܢ ܡܦܠܓ݀ ܘܕܘܟܝ̈ܬܐ ܕܙܕܩܢ ܠܚܕ ܚܕ ܡܢܗܘܢ ܝܿܗܒ ܘܗܿܢܝܢ ܕܡܩܪܒܢ ܠܛܘܒܢܘܬܐ ܘܗܠܝܢ ܕܠܩܘܒܠܐ ܠܗܢܿܘܢ ܕܡܢ ܡܝܬܪܘܬܐ ܢܦܠܼܘ ܐܝܟ ܕܫ݀ܘܝܢ ܦܿܪܥ. ܘܐܟܚܕܐ ܠܟܠܗܘܢ ܕܢܥܡܪܘܢ ܒܕܡܘܬܐ ܕܗܿܢܘܢ ܕܒܐܪܐ ܒܕܘ̈ܟܝܬܐ ܡܦܪ̈ܫܬܐ. ܘܠܡܢܗܘܢ ܕܥܠ ܓܢܒ ܡܠܟܘܬܐ ܕܫܡܝܐ ܕܢܕܝܨܘܢ ܘܠܡܢܗܘܢ ܕܠܒܪ ܢܛܪܘܢ ܘܠܡܢܗܘܢ ܕܠܗܠ ܒܪܘܚܩܐ ܢܥܡܪܘܢ. ܘܟܠܗܘܢ ܕܝܢ ܒܚܕ ܦܘܡܐ ܠܐܠܗܐ ܡܠܟܐ ܕܟܠ ܢܫܒܚܘܢ ܒܡܠܦܢܘܬܐ ܘܒܝܘܠܦܢܐ ܕܝܠܗܘܢ ܕܠܗܢܐ ܢܡܘܣܐ ܒܠܒܝ̈ܗܘܢ ܘܒܬܪܥܝܬܐ ܕܟܝܢܗܘܢ ܢܛܥܢܘܢ ܕܒܚܕ ܢܘܕܘܢ ܕܗܼܘܝܘ ܕܡܘܬܐ ܕܨܠܡܐ ܕܡܠܟܘܬܐ ܕܗܢܐ ܐܝܬܘܗܝ ܡܠܬܐ ܝܚܝܕܝܐ ܗܿܘ ܕܐܝܬܘܗܝ ܕܡܘܬܐܕܐܠܗܐ ܕܠܐ ܡܬܚܙܐ ܒܘܟܪܐ ܕܟܠܗܝܢ ܒܪ̈ܝܬܐ ܝܚܝܕܝܐ ܗܿܘ ܕܐܝܬܘܗܝ ܕܡܘܬܐ ܕܐܠܗܐ ܕܠܐ ܡܬܚܙܐ ܒܘܟܪܐ ܕܟܠܗܝܢ ܒܪ̈ܝܬܐ ܐܝܟܢܐ ܕܡ̈ܠܐ ܐܠܗ̈ܝܬܐ ܒܐܪܙܐ ܡܠܦܢ ܀ ܀ ܀ ܀ ܀ ܠܛ. ܘܠܐܝܩܪ̈ܘܗܝ ܕܝܠܗ ܕܗܢܐ ܒܟܘܠ ܒ̈ܬܝܢ ܘܒܟܘܠ ܡܕ̈ܝܢܢ. ܘܐܟܚܕܐ ܟܡܠܗܘܢ ܪ̈ܝܫܐ ܘܡܫܥܒܕ̈ܐ ܢܩܦܼܘ݀ ܠܐ ܗܘܐ ܒܓܘ̈ܢܐ ܕܠܐ ܢܦܫܐ ܕܒܨܘܪ̈ܬܐ ܡܦܬܟܝܢ݀ ܐܠܐ ܠܓܘ ܒܠܒܘ̈ܬܐ ܕܚܝܠܗܘܢ ܡܠܝܠܐ ܐܝܟ ܕܒ̈ܠܘܚܐ ܝܕ̈ܘܥܬܢܝܬܐ ܣܓܕܬܐ ܕܐܠܗܘܬܗ ܪܫܝܡܐ. ܗܟܢܐ ܟܘܠܗܘܢ ܗܢܿܘܢ ܕܬܚܝܬ ܫܘܠܛܢܗ ܐܢܘܢ ܣܓܕܝܢ ܠܒܪ ܡܢ ܗܿܢܘܢ ܕܒܕ̈ܘܟܝܬܐ ܕܒܥܠܕܒ̈ܒܐ ܘܕܣ̈ܢܐܐ ܢܦܫܗܘܢ ܚܫܼܒܘ ܕܝ̈ܘܐ ܒܝ̈ܫܐ ܘܪ̈ܘܚܐ ܕܪܘܫܥܐ ܘܪ̈ܫܢܐ ܐܚܝܕ̈ܝ ܥܠܡܐ. ܗܿܢܘܢ ܕܨܠܡܐ ܕܡܠܟܘܬܐ ܕܙܐܦܐ ܠܢܦܫܗܘܢ ܕܡܝܼܘ ܘܟ̈ܬܒܐ ܐܚܪ̈ܢܐ ܚܠܦ ܐܚܪ̈ܢܐ ܐܣܪܚܼܘ ܗܿܢܘ ܕܝܢ ܪ̈ܒܘܬܐ ܕܡܟ̈ܬܒܢܘܬܐ ܕ̈ܓܠܬܐ ܠܗܿܘ ܫܡܐ ܕܚܝܠܐ ܘܠܗܿܘ ܫܘܡܗܐ ܕܒܢܡܘܣܐ ܐܚܝܕ ܒܪܡ ܕܝܢ ܝܬܝܪ ܡܢ ܢܡܘܣܐ ܐܝܬܘܝܗ ܫܡܐ ܠܢܦܫܗܘܢ ܚܛܦܼܘ. ܗܟܢܐ ܕܠܓܢܣܐ ܕܒܢ̈ܝ ܐܢܫܐܡܝܘ̈ܬܐ ܠܬܚܬ ܥܠ ܐܪܥܐ ܢܪܡܘܢ ܒܓܘ̈ܫܡܐ ܘܐܣ̈ܛܘܟܣܐ ܘܒܡܢ̈ܘܬܗ ܕܥܠܡܐ. ܕܡܛܠ 18 ܗܕܐ ܕܚܠܼܘ ܒܢ̈ܝ ܐܢܫܐ ܘܫܡܫܼܘ ܠܒܪ̈ܝܬܐ ܛܒ ܡܢ ܕܠܒܪܘܝܗܝܢ ܀܀ ܀܀ ܀܀ ܡ. ܬܘܒ ܕܝܢ ܐܦ ܠܗܘܢ ܠܗܢܿܘܢ ܚܝ̈ܠܐ ܡ̈ܬܟܬܫܝ ܥܡ ܐܠܗܐ ܘܡܪ̈ܘܕܐ ܕܒܗܘܦܟܝܐ ܕܝܠܗܘܢ ܗܟܢܐ ܗܼܘܘ ܐܠܗ̈ܐ ܗܢܿܘܢ ܕܡܡܬܘܡ ܠܐ ܐܝܬܝܗܘܢ ܫܡܗܘ ܠܗܘܢ ܘܫܦܝܪ [ܒܬ]ܒܥܠܕܒ̈ܒܐ ܘܒܣܢ̈ܐܐ ܐܦ ܗܼܢܘܢ ܐܬܚܫܒܘ ܕܡܢܗܘܢ ܕܗܠܝܢ ܦܩܕ ܠܢ ܢܡܘܣܐ ܕܫܪܪܐ ܕܢܥܪܘܩ ܘܒܠܚܘܕ ܒܗܿܘ ܢܬܓܘܣ ܕܗܼܘܝܘ ܡܠܬܐ ܦܪܘܩܐ ܕܟܘܠ ܗܘ ܕܐܦ ܙܪܥܐ ܕܡܢܗ ܠܐ ܗܘܐ ܒܕܘ̈ܟܝܬܐ ܕܫܡܝܐ ܒܠܚܘܕ ܐܠܐ ܘܐܦ ܥܠ ܐܪܥܐ ܐܪܡܝ ܕܢܣܘܚ ܘܚܕܐ ܘܗܼܝ ܡܢܬܐ ܕܓܢܣܐ ܠܗܿܢܘܢ ܕܒܫܡܝܐ ܘܠܗܿܢܘܢ ܕܒܐܣܛܘ̈ܟܣܐ ܕܐܪܥܐ ܐܡܛܝ. ܐܝܟܐ ܕܡܕܥܐ ܡܠܝܠܐ ܗܘ ܕܒܒ̈ܢܝ ܐܢܫܐ ܕܡܢ ܗܿܝ ܐܘܣܝܐ ܕܠܐ ܓܫܘܡ ܝܕܘܥܬܢܝܬܐ ܐܝܬܘܗܝ ܘܡܢ ܓܢܣܐ ܕܡܠܬܐ ܐܠܗܝܐ ܕܒܟܠ ܕܥܕܟܝܠ ܝܠܘܕܐ ܗܘ ܡܬܪܒܐ ܒܗܪ̈ܓܘܗܝ ܕܥܠ ܐܪܥܐ ܘܠܫܘܢܝܐ ܕܡܝܬܪܘܬܐ ܡܩܕܡ ܡܬܬܪܐ ܘܡܩܕܡ ܡܬܕܪܫ ܡܢ ܗܪܟܐ ܘܕܢܩܕܡ ܢܥܬܕ ܫܘܢܝܗ ܕܠܘܬ ܒܢ̈ܝ ܓܢܣܗ ܝܠܦ ܕܒܗܿ ܒܗܕܐ ܫܠܡܐܝܬ ܡܛܠܫܘܬܦܘܬܗ ܕܥܡ ܡܠܬܐ ܐܠܗܝܐ ܗܿܢܘ ܒܠܚܘܕܘܗܝ ܡܢ ܗܿܢܘܢ ܕܥܠ ܐܪܥܐ ܠܫܡܐ ܕܡܠܝܠܘܬܐ ܫܘܐ ܡܕܥ ܕܝܢ ܐܠܨܐܝܬ ܘܢܦܫܐ ܡܠܝܠܬܐ ܕܘܟܬܐ ܕܥܠ ܐܪܥܐ ܡܛܝܗܝ݀ ܐܝܟܢܐ ܕܒܗܿܝ ܬܚܘܝܬܐ ܕܡܢ ܩܕܡ ܩܠܝܠ ܐܬܐܡܼܪܬ ܕܡܕܝܢܬܐ ܪܒܬܐ ܕܐܠܗܐ. ܨܠܡܐ ܙܥܘܪܐ ܥܠ ܐܪܥܐ ܢܬܩܝܡ. ܘܕܐܦ ܒܟܠܗܿ ܡܠܟܘܬܐ ܕܐܠܗܐ ܐܦܠܐ ܕܘܟܬܐ ܕܒܐܪܥܐ ܬܬܓܠܙ ܡܢ ܗܕܐ ܡܢܬܐ ܘܠܐ ܗܘܐ ܓܝܪ ܠܡܠܬܐ ܐܒܐ ܕܓܘܐ ܕܟܠ. ܕܒܟܠܗܘܢ ܓܒ̈ܐ ܕܥܠܡܐ ܡܢ ܝܠܕܐ ܕܝܠܗ ܢܫܬܒܚ. ܕܡܢ ܗܪܟܐ ܐܦ ܠܐ ܐܣܛܘܟܣܐ ܕܐܪܥܐ ܐܬܓܠܙ ܡܢ ܐܡܝܢܘܬܐ ܕܡܢܬܐ ܡܠܝܠܬܐ ܕܠܐ ܒܠܚܘܕ ܡܢ ܗܿܢܘܢ ܕܠܗܠ ܡܢ ܥܠܡܐ ܘܕܒܫܡܝܐ ܘܡܠܝ̈ܠܐ ܕܒܐܐܪ ܐܠܐ ܘܐܦ ܡܢ ܗܿܢܘܢ ܕܥܡܪܝܢ ܒܐܪܥܐ ܗܝ ܬܫܒܘܚܬܐ ܕܙܕܩܐ ܠܥܒܘܕܐ ܘܠܐܒܐ ܕܟܠ ܬܫܬܕܪ ܕܗܼܝ ܗܕܐ ܒܪܬ ܩܠܐ ܐܠܗܝܬܐ ܡܠܦܐ ܟܕ ܗܟܢܐ ܦܩܕܐ ܠܟܘܠ ܐܢܫ ܕܢܙܡܪ ܬܫܒܘܚܬܐ ܕܙܕܩܐ ܠܐܠܗܐ ܫܒܩܚܘ ܠܐܠܗܐ ܡܢ ܫܡܝܐ ܫܒܚܘܗܝ ܒܡܪ̈ܘܡܐ. ܫܒܚܘܗܝ ܟܘܠܗܘܢ ܡܠܐܟ̈ܘܗܝ ܫܒܚܘܗܝ ܟܘܠܗܘܢ ܚܝ̈ܠܘܬܗ ܫܒܚܘܗܝ ܫܡܫܐ ܘܣܗܪܐ. ܫܒܚܘܗܝ ܟܠܗܘܢ ܟܘܟ̈ܒܐ ܘܢܘܗܪܐ ܫܒܚܘܗܝ ܫܡܝ ܫܡܝܐ. ܘܒܬܪܗܝܢ 19 ܗܿܢܝܢ ܕܥܠܐܪܥܐ ܚܫܼܒ ܗܟܢܐ. ܫܒܚܘ ܠܐܠܗܐ ܡܢ ܐܪܥܐ ܐܚܪ̈ܢܝܬܐ ܘܗܢܐ ܓܢܣܐ ܡܠܝܠܐ ܕܒܢ̈ܝ ܐܢܫܐ ܕܢܡ ܟܠ ܡܕܡ ܗܢܐ ܕܐܦ ܒܟܢ̈ܫܐ ܡܦܪ̈ܫܐ ܕܛܟ̈ܣܐ ܡܦܠܓ ܠܗ ܒܗܢܐ ܐܣܟܡܐ. ܫܒܚܘܗܝ ܡܠܟ̈ܐ ܕܐܪܥܐ ܘܟܠܗܝܢ ܐܡܘ̈ܬܐ. ܪܘܪ̈ܒܢܐ ܘܟܠܗܘܢ ܕܝ̈ܢܐ ܕܒܐܪܥܐ ܓܕܘܕ̈ܐ ܘܒܬܘ̈ܠܬܐ ܣܒ̈ܐ ܥܡ ܛܠܝ̈ܐ ܢܫܒܚܘܢ ܠܫܡܗ ܕܡܪܝܐ. ܡܛܠ ܕܪܒ ܗܘ ܫܡܗ ܒܠܚܘܕܘܗܝ. ܘܫܘܒܚܗ ܒܐܪܥܐ ܘܒܫܡܝܐ ܀܀ ܀܀ ܀܀ ܡܐ. ܠܘܩܒܠ ܗܟܝܠ ܟܢܫ̈ܐ ܗܿܢܘܢ ܕܒܫܡܝܐ ܐܦ ܗܠܝܢ ܕܒܐܪܥܐ ܕܒܪ ܥܡܗܘܢ ܠܬܫܒܘܚܬܐ ܕܡܠܟܐ ܕܟܠ ܒܝܕ ܗܿܢܝܢ ܠܗ ܓܝܪ ܒܠܚܘܕܘܗܝ ܒܫܪܪܐ ܘܠܐ ܠܐܚܪܢܐ ܠܐܠܗܐ ܗܘ ܕܠܗܠ ܡܢ ܟܠ ܫܡܝܐ ܡܢ ܠܥܠ. ܘܟܢ̈ܫܐ ܕܠܥܠ ܡܢ ܟ̈ܦܦܝ ܫܡܝܐ. ܡܝܩܪܝܢ ܘܡܫܒܚܝܢ ܬܫܒܚ̈ܬܐ ܕܠܐ ܡܬܡܠܠܢ ܚܝ̈ܠܘܬܐ ܕܡܠܐܟ̈ܐ ܘܪ̈ܘܚܐ ܒܢ̈ܬ ܢܘܗܪܐ ܝܕܘܥܬܢܝܬܐ ܠܗ ܠܐܒܘܗܘܢ ܡܪܟܝܢ݀ ܘܠܗ ܐܦ ܫܡܫܐ ܘܣܗܪܐ ܘܟܘܟ̈ܒܐ ܕܒܟܪ̈ܟܐ ܕ̈ܥܠܡܐ ܪ̈ܚܝܩܐ ܪܗܛܐ ܢܓܝܪܐ ܪܕܝܢ ܒܐܣ̈ܛܕܘܬܐ ܕܐܬܝܪ ܘܟܠܝܠܐ ܠܗ ܡܪܗܛܝܢ. ܘܚܝ̈ܠܐ ܕܠܐ ܡܬܚܙܝܢ ܕܒܦܩܥܬܐ ܫܪܝܬܐ ܕܐܐܪ ܦܪܚܝܢ ܬܫܒܘܚܬܐ ܕܒܘܪܟܬܐ ܕܡܬܬܚܝܒܐ ܘܙܕܩܐ ܡܘܕܝܢ ܀ ܀ ܀܀ ܡܒ. ܡܢܐ ܗܟܝܠ ܒܬܪ ܗܠܝܢ. ܘܠܐ ܗܘܐ ܕܒܠܚܘܕ ܐܣܛܘܟܣܐ ܕܐܪܥܐ ܡܢ ܗܢܐ ܦܘܪܢܣܐ ܕܒܟܠ ܢܚܣܪ ܘܗܢܐ ܟܝܢܐ ܕܗܢܿܘܢ ܟܠܗܘܢ ܦܐܪ̈ܐ ܝܠܕ ܢܫܬܘܚܕ ܡܢܗܿ ܕܬܫܒܘܚܬܐ ܘܥܘܡܪܐ ܕܥܠܐܪܥܐ. ܛܥܝܢ ܟܘܠ ܦܐܪ̈ܝܢ ܡܢ ܚܝܘܬܐ ܡܠܝܠܬܐ ܢܒܘܪ ܐܠܐ ܠܐ ܐܬܚܙܝܬ ܠܗ ܕܗܕܐ ܫܦܝܪܐ ܠܗܿܘ ܡܠܐ ܟܠ ܚܟ̈ܡܢ݀ ܥܒܘܕܐ ܕܟܠ ܕܡܛܠܬܗ ܐܦ ܠܗܕܐ ܕܘܟܬܐ ܕܥܠ ܐܪܥܐ ܐܘܣܝܣ ܝܕ̈ܘܥܬܢܝܬܐ ܘܡ̈ܠܝܠܬܐ ܙܪܥ. ܘܠܚܫܚܬܐ ܕܗܿܢܝܢ ܫܪܟܐ ܕܚܝ̈ܘܬܐ ܘܕܝܿܠܕܐ ܕܦܐܪ̈ܐ ܘܦܩ̈ܚܐ ܥܬܕ. ܘܕܐܦ ܗܪܟܐ ܠܗ ܠܐܒܘܗܝ ܬܫܒܘܚܬܐ ܕܡܢ ܒܢ̈ܝ ܐܢܫܐ ܠܗܿܝ ܕܡܢ ܟܢܫ̈ܐ ܕܟܠ ܐܩܦ. ܘܗܕܐ ܗܟܢܐ ܡܫܬܠܡܐ ܗܘܬ ܡܢ ܩܕܝܡ ܗܕܐ ܕܥܡ ܟܢܫ̈ܐ ܐܠܗ̈ܝܐ ܘܡ̈ܠܝܠܐ ܘܒܣܕܪܐ ܕܡ̈ܠܐܟܐ ܗܿܘ ܒܪ ܐܢܫܐ ܕܗܼܘܐ ܒܨܠܡ ܐܠܗܐ ܠܗ ܠܡܠܬܐ ܐܒܘܗܝ ܒܙܡܝܪ̈ܬܐ ܘܒܬܫܒ̈ܚܬܐ ܡܝܩܪ ܗܘܐ ܘܠܐ ܒܬܘܩܢܐ ܕܦܬܟܪ̈ܐ ܕܠܐ ܢܦܫܐ ܘܠܐ ܒܫܪ̈ܓܪܓܪܝܬܐ ܕܡܛܥܝܘܬܐ ܕܕ̈ܝܘܐ 20 ܐܦ ܠܐ ܒܫܘ̈ܥܝܬܐ ܕܛܥܝܘܬܐ ܕܐܠܗ̈ܐ ܣܓ̈ܝܐܐ ܬܪܥܝܬܗ ܡܦܗܐ ܗܘܐ. ܗܠܝܢ ܓܝܪ ܒܬܪ ܙܒܢ ܚܕܬܐܝܬ ܐܬܓܠܝ ܒܒܕܝܐ ܕܦܘ̈ܐܛܐ ܗܿܢܘܢ ܕܝܢ ܩܕ̈ܡܝܐ ܪܝܫ [ܪ̈ܝܫܝ] ܓܢܣܢ ܥܬܝܩܐ ܕܥܕܟܝܠ ܗܠܝܢ ܐܘܡܢ̈ܘܐ ܠܐ ܝܠܦܼܘ ܗܘܘ. ܨܝܪܘܬܐ ܘܢܓܪܘܬܐ ܘܓܠܘܦܘܬܐ ܘܠܐ ܚܫܝܫܝܢ ܗܘܘ ܒܗܕܐ ܐܚܪܝܬܐ ܩܝܢܝܘܬܐ ܕܥܒܕ̈ܐ. ܒܝܫ̈ܐ ܒܦܫܝܛܘܬܐ ܕܢܦܫܗܘܢ ܘܒܬܪܥܝܬܐ ܕܟܝܢܗܘܢ ܠܥܒܘܕܗ ܕܟܠܗ ܥܠܡܐ ܘܠܡܪܗܘܢ ܩܪܝܢ ܗܘܘ ܘܒܠܚܘܕ ܠܗ ܡܪܐ ܘܐܠܗܐ ܕܟܠ ܒܡܠܦܢܘܬܐ ܕܪܥܝܢܗܘܢ ܡܘܕܝܢ ܗܘܘ ܘܐܟܘܬܗܘܢ ܕܗܿܢܘܢ ܪܝܫ ܓܢܣܢ ܣܥܪ ܗܘܐ. ܘܐܦ ܗܿܘ ܕܡܢ ܩܕܝܡ ܪܚܡ ܗܘܐ ܠܐܠܗܐ ܓܢܣܐ ܕܥܒܪ̈ܐ ܘܐܝܟ ܒܪܐ ܡܢ ܐܒܘܗܝ ܝܪܬܘܬܐ ܛܒܬܐ ܕܕܘܒܪ̈ܐ ܕܕܚܠܬ ܐܠܗܐ ܩܒܼܠܘ ܐܠܐ ܗܿܢܝܢ ܠܐ ܡܕܡ ܠܒܪ ܡܢ ܚܕ ܐܠܗܐ ܡܠܟܐ ܕܠܥܠ ܡܢ ܟܘܠ ܘܡܠܬܗ ܕܗܢܐ ܗܘ ܦܪܘܩܐ ܕܟܠ ܒܥܘܡܪܐ ܢܟܦܐ ܘܒܕܘܒܪ̈ܐ ܕܕܚܠܬ ܐܠܗܐ ܡܝܩܪܝܢ ܗܘܘ ܕܡܛܠ ܗܕܐ ܠܓܠܝܢܐ ܕܡܠܬܐ ܕܐܠܗܐ ܘܠܢܒܝܘܬܐ ܘܠܝܘܠܦܢܐ ܕܟܐܢܘܬܐ ܫܘܼܘ. ܀܀ ܀܀ ܡܓ. ܗܟܢܐ ܗܟܝܠ ܗܿܘ ܡܠܬܐ ܕܐܠܗܐ ܥܒܘܕܐ ܕܟܘܠ ܟܘܠ ܕܘܟܝ̈ܢ ܘܟܠ ܐܬܪܘܢ ܕܥܠ ܡܢ ܥܠܡܐ ܘܕܒܫܡܝܐ ܘܠܐܣܛܘܟܣܐ ܕܐܪܥܐ ܙܪܥܐ ܕܝܠܗܿ ܕܐܘܣܝܐ ܝܕܘܥܬܢܝܬܐ ܘܡܠܝܠܬܐ ܡܠܐ ܗܘ ܕܝܢ ܕܢܦܠ ܥܠ ܐܪܥܐ ܙܪܥܐ ܕܢܨܒܬܐ ܗܝ ܝܕܘܥܬܢܝܬܐ ܘܡܠܝܠܬܐ ܐܝܕܥܬܐ ܗܝ ܗܕܐ ܕܒܪ ܐܢܫܐ ܕܕܗܫܐ ܒܩܢܝܐ ܣܓܝܐܐ ܘܒܥܡܝܪܐ ܕܦܓܪܐ ܐܪܥܢܐ ܘܡܬܚܒܠܢܐ ܚܒܝܫ ܘܟܘܟ̈ܒܐ ܣܓܝ̈ܐܐ ܕܥܘܡܪܐ ܡܝܘܬܐ ܚܕܝܪܝܢ ܠܗ. ܐܢ ܕܝܢ ܦܘܠܚܢܐ ܕܙܗܝܪܘܬܐ ܢܣܬܩܒܠ ܠܗ ܘܡܢ ܗܝܠܐ ܕܡܗܪܐ ܠܗ ܢܬܕܟܐ ܘܠܗ ܠܙܪܘܥܐ ܡܠܬܐ ܕܠܥܠ ܡܢ ܫܡܝܐ ܢܕܥ ܘܠܗܿܘ ܡܟܐ ܢܫܒܚ ܘܐܝܟ ܝܠܘܕܐ ܒܝܘܠܦܢܗ ܩܕܡܝܐ ܢܗܪܘܓ ܘܒܙܒܢܐ ܕܙܕܩ ܫܒܠܐ ܕܡܝܬܪܘܬܗ ܘܦܐܪܐ ܡܫܡܠܝܐ ܕܟܝܢܗ ܡܠܝܠܐ ܢܦܪܘܥ ܒܕܡܘܬܐ ܕܙܒܢܐ ܕܚܨܕܐ ܒܗ ܒܡܘܬܗ ܕܥܘܡܪܐ ܡܝܘܬܐ ܗܿܢܝܢ ܝܬܝܪ̈ܬܐ ܕܩܢܝܐ ܕܠܒܪ ܘܠܒܘܫܐ ܐܪܥܢܐ ܘܡܬܚܒܠܢܐ ܕܦܓܪܐ ܢܣܝܡ. ܕܕܗܐ ܫܦܝܪ ܠܚܫܚܬܐ ܕܣܘܚܐ ܕܦܐܪܐ ܡܫܡܠܝܐ ܐܬܚܫܚ ܒܗܘܢܿ ܘܫܦܝܪ ܫܠܼܚ ܗܢܐ ܒܙܒܢܐ ܕܙܕܩ. ܘܗܼܘ ܐܝܟ ܕܐܬܝܬܪ ܘܚܝ̈ܠܘܗܝ ܕܡܝܬܪܘܬܗ ܟܿܢܫ ܒܝܬ ܓܙܐ ܕ̈ܛܒܬܐ ܡܬܢܛܪ ܡܫܡܠܝܐ ܕܥܡ ܡܫܡܠܝܐ ܐܬܕܒܪ. ܘܠܗ ܕܝܢ ܠܙܪܘܥ ܕܟܠ ܘܠܦܠܚܐ 21 ܦܐܪܐ ܡܫܡܠܝܐ ܕܬܫܒܘܚܬܐ ܕܙܕܩܐ ܠܐܠܗܐ ܢܦܪܘܥ ܕܡܛܠ ܗܕܐ ܕܠܗܿܘ ܒܠܚܘܕܘܗܝ ܐܒܘܗܝ ܘܡܠܟܗ ܘܡܪܗ ܒܚܝ̈ܐ ܗܠܝܢ ܝܕܥ ܘܠܗܢܐ ܒܠܚܘܕܘܗܝ ܐܠܗܐ ܥܒܘܕܗ ܘܒܪܘܝܗ ܐܘܕܝ ܒܗܿܢܝܢ ܐܚܝ̈ܢܝܬܗ ܘܐܚܘ̈ܬܗ ܘܐܦ ܒܕܘܟܬܐ ܕܥܢܝܢܐ ܕܡܝܬܪ̈ܐ ܕܢܣܩܝܘܗܝ ܘܢܝܩܪܝܘܗܝ ܒܐܝܩܪܐ ܕܥܗܢ ܠܗ ܘܙܕܩ. ܘܠܐ ܕܝܢ ܢܩܪܐ ܐܠܗܐ ܠܡܕܡ ܐܚܪܝܢ ܕܠܐ ܙܕܩ ܕܢܬܩܪܐ ܐܠܗܐ ܐܠܐ ܒܠܚܘܕ ܠܗܿܘ ܕܟܠ ܡܣܗܕ ܥܠܘܗܝ ܗܿܘ ܕܟܠܗ ܒܪܝܬܐ ܕܡܬܚܙܝܐ ܘܕܠܐ ܡܬܚܙܝܐ ܐܝܟ ܕܗܼܘܝܘ ܒܠܚܘܕܘܗܝ ܥܠܬܐ ܕܟܠ ܐܠܗܐ ܩܪܝܐ ܠܗ ܘܠܗ ܣܓܕܐ ܀܀ ܀܀ ܡܕ. ܗܼܢܝܢ ܗܟܝܠ ܗܟܢܐ ܡܢ ܠܥܠ ܕܝܢ ܬܘܒ ܢܩܪܘܒ ܠܗܕܐ ܡܠܬܢ ܕܣܝܡܐ. ܫܡܝܐ ܗܟܝܠ ܗܿܢܘܢ ܘܕܘܟ̈ܝܬܐ ܕܒܫܡܝܐ ܗܠܝܢ ܕܒܪ̈ܓܫܐ ܕܦܓܪܐ ܡܬܚܙܝܢ݀ ܘܗܼܝ ܐܪܥܐ ܘܐܐܪ ܘܗܢܐ ܟܠܗ ܩܘܝܡܐ ܕܡܢ ܗܠܝܢ. ܕܕܡܐ ܠܡܕܝܢܬܐ ܪܒܬܐ ܡܢ ܗܿܢܘܢ ܐܣ̈ܛܘܟܣܐ ܕܠܐ ܢܦܫܐ ܕܒܡ̈ܢܘܬܗ ܐܪܥܐ ܘܡܝ̈ܐ ܘܐܐܪ ܘܢܘܪܐ ܠܐ ܡܕܡ ܦܪܝܫ ܒܟܝܢܗ݀ ܗܿܢܘܢ ܕܝܢ ܒܢ̈ܝ ܡܕܝܢܬܐ ܕܡܕܝܢܬܐ ܪܒܬܐ ܠܐ ܘܠܐ ܕܢܣܬܒܪܘܢ ܕܢܡܗܿ ܐܢܘܢ ܕܗܝܠܐ ܘܐܦܠܐ ܕܚܕ ܗܘ ܘܗܼܘܝܘ ܙܪܥܐ ܢܐܡܪ. ܕܢܦܫܐ ܡܠܝܠܬܐ ܘܕܦܓܪܐ ܡܬܚܒܠܢܐ. ܡܕܥܐ ܓܝܪ ܘܡܠܬܐ ܘܢܦܫܐ ܡܠܝܠܬܐ. ܘܟܠܗ ܟܝܢܐ ܝܕܘܥܬܢܐ ܚܬܝܬܐܝܬ ܫܦܝܪ ܡܬܐܡܪܝܢ ܕܙܪܥܐ ܐܢܘܢ ܕܡܠܬܐ ܐܠܗܐ ܒܘܪܝܐ ܕܟܠ. ܘܠܐ ܗܘܐ ܡܢܬܐ ܐܢܘܢ ܕܡܢ ܐܪܥܐ ܘܡܢ ܐܐܪ ܘܠܐ ܗܘܐ ܡܢ ܐܘܣܝܐ ܩܪܝܪܬܐ ܘܚܡܝܡܬܐ݀ ܐܠܐ ܡܢ ܚܝ̈ܠܐ ܡܝܬܪ̈ܐ ܕܡܢ ܗܠܝܢ ܕܠܫܘܬܦܘܬܐ ܕܡܝܬܪܘܬܐ ܫܘܼܘ݀ ܡܛܠ ܕܩܕܡܝܬܐ ܗܼܘܝ ܥܠܬܐ ܠܕܒܬܪܗܝܢ ܩܕ̈ܡܝܬܐ ܕܝܢ ܐܝܬܝܗܝܢ ܗܿܠܝܢ ܝܠܕܐ ܕܡܠܬܐ ܘܕܒܬܪܗܝܢ ܗܠܝܢ ܕܠܐܡܠܬܐ. ܘܕܒܬܪ ܐܘܣܝ̈ܣ ܩܕܡܝ̈ܬܐ ܐܚܪ̈ܢܝܬܐ ܗܿܢܝܢ ܕܒܬܪ ܥ̈ܠܠܬܐ ܐܠܐ ܗܠܝܢ ܩܕܡܝ̈ܬܐ ܘܪܝܫ ܝܠܕܐ ܒܢܦܫ̈ܬܐ ܝܕܘܥ̈ܬܢܝܬܐ ܐܝܬܝܗܢ ܕܡܛܠܬܗܝܢ ܕܗܠܝܢ ܐܦ ܙܪܥܐ ܕܓܘܫ̈ܡܐ ܚܫܘ̈ܫܐ ܐܬܥܬܕ ܗܘܐ. ܘܠܐ ܗܘܐ ܓܝܪ ܠܥܡܘܪܐ ܕܢܬܛܝܒ ܠܗܘܢ ܒܝܬܐ ܕܣܦܩ ܠܗܘܢ. ܕܡܛܠ ܗܕܐ ܫܡܝܐ ܩܕ̈ܡܝܐ ܐܬܚܙܝܼܘ. ܕܘܟܬܐ ܕܥܗܢܐ ܠܗܢܿܘܢ ܒܢ̈ܝ ܡܕܝܢܬܐ ܕܠܥܠ ܡܢܗ ܘܒܗ. ܘܟܦ̈ܦܐ ܕܠܓܘ ܒܫܡܝܐ ܠܗܿܢܘܢ ܥܡܘܪ̈ܐ ܕܐܟܘܬܗ ܐܬܦܪܫܘ ܗܿܢܘܢ ܕܝܢ ܒܢ̈ܝ ܡܕܝܢܬܐ ܕܥܠ ܐܪܥܐ ܠܐ ܬܩܪܝܢ ܐܢܘܢ 22 ܡܡܬܘܡ ܐܘ ܢܦܫܐ ܚܝ̈ܘܬܐ ܒܥܪܝܪܝܬܐ ܐܦ ܠܐ ܓܢܣܐ ܕܪܚܫܐ ܕܫܕܐ ܡܪܬܗ݀ ܐܦ ܠܐ ܟܠܗܝܢ ܗܠܝܢ ܕܐܫܬܘܬܦ ܠܟܝܢܐ ܘܫܡܐ ܕܠܐ ܡܠܬܐ ܗܠܝܢ ܓܝܪ ܥܒܕ̈ܐ ܐܢܘܢ ܕܝܠܟܝ ܕܡܢ ܢܡܘܣܐ ܕܟܝܢܐ ܡܫܬܥܒܕܝܢ ܘܬܫܡܫܬܐ ܕܙܕܩܐ ܠܡ̈ܠܝܠܐ ܐܝܟ ܕܠܡܪ̈ܝܗܘܢ ܐܠܨܐܝܬ ܡܦܢܝܢ. ܬܘܪܐ ܓܝܪ ܦܠܚܐ ܠܒܢ̈ܝ ܐܢܫܐ ܒܨܒܝܢܗ ܠܦܘܠܚܢܐ ܪܡܐ ܨܘܪܗ ܒܢܝܪܐ. ܚܡܪܐ ܟܕ ܛܥܝܢ ܡܘܕܐ ܥܠ ܟܝܢܗ. ܘܣܘܝܐ ܕܪܟܝܒ ܠܗ ܡܪܗ ܕܐܨ. ܘܟܠܒܐ ܨܝܕ ܡܚܪܟܫ ܠܗܿܘ ܕܡܬܪܣܐ ܠܗ. ܀܀ ܀܀ ܀܀ ܡܗ. ܘܥܢܐ ܘܓܙܪ̈ܐ ܬܘܒ ܟܠ ܩܢܝ̈ܢܝܢ ܝܿܗܝܒܝܢ ܠܒܢ̈ܝ ܐܢܫܐ ܘܚܝ̈ܘܬܐ ܒܥܪܝܪܝܬܐ ܢܘܦܩܐ ܐܢܝܢ ܕܚܠܝܨܘܬܐ ܘܐܦ ܠܗܼܝܢ ܠܗܿܢܝܢ ܩܿܛܠܝܢ ܐܢܚܢܢ ܘܡܫܥܒܕܝܢ ܐܢܚܢܢ ܘܐܦ ܦܪܚܬܐ ܕܦܪܚܐ ܒܪܘܡܐ ܒܦܘܪܣܐ ܕܡܠܬܐ ܠܒܟܝܢ ܐܢܚܢܢ. ܘܗܿܢܝܢ ܕܠܬܚܬ ܒܥܘܡ̈ܩܘܗܝ ܕܝܡܐ ܘܒܓܘܗ ܡܣܩܝܢ ܐܢܚܢܢ. ܓܠܝܐܝܬ ܡܠܦ ܟܝܢܐ ܕܗܠܝܢ ܟܠܗܝܢ ܡܛܠ ܒܪ ܐܢܫܐ ܐܬܩܝܡ. ܒܪ ܐܢܫܐ ܕܝܢ ܝܠܕܐ ܕܡܠܬܐ ܐܠܗܝܐ. ܠܐ ܡܛܠ ܡܕܡ ܐܚܪܝܢ݀ ܐܠܐ ܡܛܠ ܐܒܘܗܝ. ܡܠܬܐ ܕܢܚܙܐ ܘܒܐܝܕܥܬܗ ܢܦܪܘܫ ܟܠܗܿ ܚܟܡܬܗ ܕܐܒܘܗܝ. ܕܒܟܠܗܿ ܒܪܝܬܐ ܕܥܒܘܕܘܬܐ ܕܡܬܚܙܐ ܘܕܠܗܿ ܗܠܕܐ ܟܕ ܥܕܡܫܐ ܛܠܐ ܢܬܕܡܐ ܘܒܟܠ ܡܕܡ ܢܛܢ ܒܐܒܘܗܝ ܒܢܡܘܣܐ ܘܒܡܠܬܐ ܘܒܝܕܥܬܐ ܘܒܚܡܬܐ ܘܕܢܥܡܪ ܐܝܟ ܨܠܡܐ ܕܡܝܬܪܘܬܐ ܢܬܝܠܦ ܘܕܐܟܓܕܐ ܕܥܡ ܗܿܢܘܢ ܟܢ̈ܫܐ ܕܒܫܡܝܐ݀ ܐܦ ܡܢ ܐܪܥܐ ܬܫܒܚ̈ܬܐ ܗܿܢܝܢ ܕܙܕܩܢ ܠܡܠܟܐ ܕܟܠ ܘܠܐܠܗܐ ܥܠܬܐ ܕܟܘܠ݀ ܒܕܡܘܬ ܢܒܝܐ ܘܟܗܟܐ ܢܐܠܦ ܕܢܣܩ. ܀܀ ܀܀ ܀܀ ܡܘ. ܒܕܡܘ̈ܬܐ ܗܟܝܠ ܗܠܝܢ ܡܠܬܐ ܡܠܦܢܝܬܐ ܕܟܠܗ ܟܝܢܐ. ܟܕ ܡܬܕܡܪܐ ܒܟܝܢܐ ܡܫܚܠܦܐ ܕܡܝܬܪܘܬܐ ܕܒܒܢ̈ܝ ܐܢܫܐ ܒܬܫܒ̈ܚܬܐ ܐܠܗ̈ܝܬܐ ܩܥܝܐ ܘܐܡܪܐ݀ ܡܢܐ ܗܘ ܒܪ ܐܢܫܐ ܕܥܗܕܬܝܗܝ. ܘܒܪ ܐܢܫܐ ܕܦܩܕܬܝܗܝ. ܒܨܪܬܝܗܝ ܩܠܝܠ ܡܢ ܡܠܐܟ̈ܐ ܒܐܝܩܪܐ ܘܒܫܘܒܚܐ ܐܥܛܦܬܝܗܝ. ܘܫܠܛܬܝܗܝ ܒܥܒܕܐ ܕܐܝܕ̈ܝܟ ܘܟܠ ܣܡܼܬ ܬܚܝܬ ܪ̈ܓܠܘܗܝ ܥܢܐ ܘܒܩܪ̈ܐ ܟܠܗܝܢ݀ ܐܦ ܚܝܘܬܐ ܕܕܒܪܐ ܘܨܦܪ̈ܐ ܕܒܫܡܝܐ ܘܢܘ̈ܢܐ ܕܝܡܐ ܕܥܡܪܝܢ ܒܫܒܝܠܐ ܕܝܡܡܐ ܀ ܀ ܀ 23 ܡܙ. ܗܿܢܘ ܒܠܚܘܕܘܗܝ ܓܢܣܐ ܡܠܝܠܐ ܪܚܡ ܠܐܠܗܐ ܡܢ ܗܿܢܘܢ ܕܥܠ ܐܪܥܐ. ܕܥܠܘܗܝ ܕܗܢܐ ܢܒܝܐ ܐܚܪܢܐ ܡܠܠ ܥܠ ܐܠܗܐ ܕܒܨܠܡ ܐܠܗܐ ܗܘܐ ܒܐܘܣܝܐ ܕܝܠܗ ܒܐܪܙܐ ܡܠܦ ܗܟܢܐ ܓܠܝܐܝܬ ܘܐܡܿܪ ܐܠܗܐ ܢܥܒܕ ܐܢܫܐ ܒܨܠܡܢ ܐܝܟ ܕܡܘܬܢ ܘܢܫܬܠܛܘܢ ܥܠ ܢܘ̈ܢܐ ܕܒܝܡܐ ܘܥܠ ܦܪܚܬܐ ܕܫܡܝܐ. ܘܥܠ ܒܥܝܪܐ ܘܥܠ ܟܘܠܗܿ ܐܪܥܐ. ܘܥܠ ܟܠܗ ܪܚܫܐ ܕܪܚܫ ܥܠ ܐܪܥܐ. ܘܥܡܗܿ ܕܡܠܬܐ ܐܦ ܥܒܕܐ ܐܩܦ݀ ܘܥܒܼܕ ܐܠܗܐ ܒܪ ܐܢܫܐ ܘܐܡܼܪ ܕܒܨܠܡ ܐܠܗܐ ܥܒܕܗ. ܘܬܘܒ ܝܬܝܪܐܝܬ ܨܠܡܐ ܕܕܡܘܬܐ ܐܠܗܝܬܐ ܡܢ ܡܦܘܚܝܬܐ ܐܠܗܝܬܐ ܐܩܝܡ ܟܕ ܐܡܿܪ ܘܢܦܼܚ ܒܐܦ̈ܘܗܝ ܢܫܡܬܐ ܕܚܝ̈ܐ݀ ܘܗܼܘܐ ܗܼܘ ܒܪ ܐܢܫܐ ܠܢܦܫ ܚܝܼܿܐ. ܘܪܫܢܘܬܐ ܘܡܠܟܘܬܐ ܡܝܬܪܬܐ ܡܠܦ ܕܝܗܒ ܠܗ. ܒܗܿܢܝܢ ܕܐܡܿܪ ܕܢܫܬܠܛܘܢ ܒܟܘܠ ܕܒܐܪܥܐ ܒܒܥܝܪܐ ܘܒܦܪܚܬܐ ܒܪܚܫܐ ܒܚܝ̈ܘܬܐ ܘܥܠ ܗܠܝܢ ܡ̈ܠܐ ܟܠܗܝܢ ܣܗܕ ܗܘ ܟܝܢܐ ܕܟܘܠ ܡܕܡ ܬܚܝܬ ܐܝܕܗ ܥܒܕ ܘܟܠ ܡܫܥܒܕ ܠܗܕܐ ܚܝܘܬܐ. ܡܠܝܠܬܐ ܘܐܢ ܕܝܢ ܐܢܬ ܠܐ ܫܡܝܥܢ ܠܟ ܡ̈ܠܐ ܐܠܗܝ̈ܬܐ݀ ܐܠܐ ܠܐ ܣܒܪܢܐ ܕܗܢܐ ܟܠܗ ܚܫܘܟܐ ܬܪܥܝܬܟ ܕܠܐ ܬܬܚܫܒ ܒܪܥܝܢܟ ܒܝܢܟ ܘܠܢܦܫܟ ܕܐܝܟܢܐ ܕܓܘܫ̈ܡܐ ܘܕܦܓܪ̈ܐ ܐܘ ܕܡܕܡ ܐܚܪܝܢ ܐܠܗܝܐ ܕܡܙܝܥ ܠܦܓܪܐ. ܡܟܢܐ ܡܝܬܪܘܬܐ ܗܼܝ ܗܕܐ ܐܡܿܪ ܐܢܐ. ܗܕܐ ܕܢܕܥ ܗܕܐ ܕܢܬܚܫܚ ܒܡܠܬܐ ܦܪܘܫܬܐ ܕܥܠ ܐܘܣܝܐ ܕܗܢܐ ܡܕܡ ܕܐܝܬ ܗܕܐ ܕܒܥܘܗܕܢܐ ܝܘܠܦܢܐ ܢܫܠܡ ܗܕܐ ܕܠܚܙܬܐ ܕܟܠ ܢܫܬܘܫܛ݀ ܘܬܐ ܠܘܬ ܢܦܫܟ ܘܫܐܠ ܕܐܢ ܡܫܚ ܟܝܢ ܕܦܓܪܐ ܕܢܕܥ ܩܘܝܡܐ ܕܥܠܡܐ ܘܣܘܪܥܢܐ ܕܐܣܛܘ̈ܟܣܐ ܘܫܘܪܝܐ ܘܚܪܬܐ ܘܡܨܥܝܘܬܐ ܘܡܢܝܢܐ ܘܚܠܦܐ ܕܥܕ̈ܢܐ ܘܫܘܚܠܦܐ ܕܙܒ̈ܢܐ ܘܚܘܕܪܐ ܕܫܢ̈ܝܐ ܘܣܕܝܪܘܬܐ ܕܟܘܟ̈ܒܐ ܘܟܡܐ ܐܚܪ̈ܢܝܬܐ ܕܒܢܣܝܢܐ ܕܡܚܪܘܬܐ ܘܕܚܫܘܒܘܬܐ ܘܕܡܢܝܘܬܐ ܐܬܦܪܣܘ ܒܢ̈ܝ ܐܢܫܐ ܗܠܝܢ ܓܝܪ ܕܠܐ ܓܫܘܡ ܐܢܝܢ. ܘܚܙܬܐ ܐܢܝܢ ܡܠܝܠܬܐ ܘܕܢܩܦ ܐܢܝܢ ܠܓܪ̈ܡܐ ܘܠܒܣܪܐ ܘܠܕܡܐ ܠܠܘܬܐ ܗܝ ܪܒܬܐ ܕܠܐ ܣܟܐ. ܘܫܦܝܪ ܗܝ ܕܢܫܬܐܠܘܢ ܗܿܢܘܢ ܕܣܒܪܝܢ ܥܠܝܗܝܢ ܗܟܢܐ ܕܡܛܠ ܕܟܠܗܘܢ ܚܝ̈ܠܐ ܕܦܓܪܐ ܗܠܝܢ ܚܡ̈ܫܐ ܪ̈ܓܫܝܢ ܠܒܝܟܝܢ ܐܝܢܐ ܡܢܗܘܢ ܚܙܬܐ ܕܝܘܠܦܢܐ ܡܟܢ ܕܢܠܦ ܠܒܪ ܐܢܫܐ. ܠܡܐ ܟܝ ܚܙܬܐ ܕܥܝ̈ܢܐ݀ ܐܠܐ ܗܕܐ ܒܠܚܘܕ ܕܓ̈ܘܢܐ ܘܕܐܣܟ̈ܡܐ ܐܝܬܝܗܿ ܦܪܘܫܘܬܐ. ܘܐܢ ܡܫܡܥܬܐ ܬܐܡܪ ܡܐܢܐ ܗܘ ܐܡܿܪ 24 ܐܢܬ ܕܩ̈ܠܐ ܩܛܝ̈ܢܐ ܘܥܒܝ̈ܐ ܡܩܒܠ ܘܠܐ ܗܘܐ ܕܚܙܬܐ ܡܠܝܠܬܐ ܘܛܥܡܬܐ ܬܘܒ ܗܟܘܬ ܪܓܫܬܐ ܗܘ ܕܚܝܠܘܬܐ ܘܕܣܝܒܪܬܐ ܕܐܟܘܬܗܿ ܘܡܪܝܚܢܘܬܐ ܒܘܩܐ ܐܝܬܘܗܝ ܕܪ̈ܝܚܢܐ ܘܠܐ ܗܘܐ ܕܝܘ̈ܠܦܢܐ ܘܬܘܒ ܗܕܐ ܪܓܫܬܐ ܕܥܠ ܟܘܠܗ ܓܘܫܡܐ ܡܬܚܝܐ ܠܚܡܝ̈ܡܐ ܘܠܩܪܝܪܐ ܘܠܩܫ̈ܝܐ ܘܠܪ̈ܟܝܟܐ ܩܪܒܐ. ܘܠܐ ܗܘܐ ܠܡܝܬܪܘܬܐ ܘܠܚܟܡܬܐ ܗܝ ܕܣܓܝ ܡܝܬܪܐ ܗܘܬ. ܘܐܝܟܐ ܠܗܿܢܝܢ ܚܝ̈ܘܬܐ ܕܠܐ ܡܠܬܐ݀ ܠܐ ܗܐ ܥܝ̈ܢܐ ܐܝܬ ܠܗܝܢ ܘܐܕ̈ܢܐ ܘܢܚܝܪ̈ܐ ܘܛܥܡܬܐ ܘܓܫܬܐ ܐܠܐ ܠܐ ܡܕܡ ܡܢ ܗܠܝܢ ܐܬܩܪܒ ܠܚܠܝܨܘܬܐ ܕܡܠܝܠܘܬܐ ܡܛܠ ܕܠܐ ܗܘܝ ܕܦܓܪܐ ܘܕܪܓܫܬܐ ܕܠܐ ܡܠܬܐ. ܗܠܝܢ ܝܘ̈ܠܦܢܐ ܕܦܝܠܘܣܦܘܬܐ ܒܠܚܘܕ ܡܩܒܠܐ ܘܒܠܚܘܕ ܒܓܢܣܐ ܕܒܢܝ ܐܢܫܐ ܥܡܪܐ݀ ܟܕ ܗܐ ܐܢ ܐܢܫ ܢܨܒܐ ܕܚܨܝܦܐܝܬ ܒܡܠܬܐ ܢܩܝܡ. ܘܢܐܡܪ ܕܡܕܡ ܝܬܝܪ ܡܢ ܗܠܝܢ ܚܝ̈ܘܬܐ ܕܠܐ ܡܠܬܐ ܠܝܬ ܠܢ ܕܒܕܡܘܬܐ ܕܗܠܝܢ [ܕܗܠܝܢ] ܡܬܝܠܕܝܢ ܐܢܚܢܢ ܘܡܬܚܒܠܝܢ ܐܢܚܢܢ. ܡܛܠ ܕܐܦ ܚܕܐ ܗܝ ܣܝܒܪܬܐ ܕܟܠܢ ܡܢ ܐܪܥ ܘܟܝܢܐ ܗܼܘ ܟܕ ܗܼܘ ܚܫܘܫܐ ܕܦܓܪܐ ܘܪܓܫܬܐ ܕܒܡܕܡ ܠܐ ܡܝܬܪܐ ܘܠܐܘܬܐ ܬܘܒ ܘܗܢܝܚܐ ܗܟܢܐ ܚܕ ܘܕܕܡܐ ܠܟܠܢ ܘܚܘܒܠܐ ܕܦܓܪܐ ܘܫܪܝܐ ܕܥܠ ܐܣܛܘܟ̈ܣܘܗܝ ܐܠܐ ܠܐ ܥܕܟܝܠ ܐܡܿܪ ܐܢܬ݀ ܕܡܢ ܗܿܢܘܢ ܒܕܡܘܬ ܗܕܐ ܚܝܘܬܐ ܡܠܝܠܬܐ ܐܬܩܪܒ ܠܚܙܘ̈ܢܐ ܕܠܐ ܓܫܘܡ. ܘܠܐ ܝܠܘܦܢܐ ܡܠܝܠܐ ܫܩܼܠ. ܘܠܐ ܡܪܕܘܬܐ ܣܿܐܡ ܒܥܘܢܕܢܗ݀ ܘܠܐ ܡ̈ܠܐ ܕܥܠ ܡܝܬܪܘܬܐ ܘܥܠ ܒܝܫܬܐ ܐܬܚܫܼܒ݀ ܘܦܝܠܘܣܦܘܬܐ ܘܐܦ ܠܐ ܠܬܪܥܝܬܗ ܐܬܼܬ ܡܡܬܘܡ. ܐܠܐ ܗܠܝܢ ܟܠܗܝܢ ܐܪܦܐ. ܡܛܠ ܕܠܐ ܠܟܘܠܗܘܢ ܒܢ̈ܝ ܐܢܫܐ ܐܝܬܝܗܝܢ. ܗܠܝܢ ܡܫܐܠ ܐܢܐ ܠܗܿ ܠܡܠܬܟ. ܐܢ ܡܕܝܢܬܐ ܡܡܬܘܡ ܐܬܥܒܕܬ ܡܢ ܠܐ ܡ̈ܠܝܠܐ݀ ܐܘ ܕܢܓܪܘܬܐ ܐܘ ܕܒܢܝܢܐ ܐܘ ܕܙܩܘܪܘܬܐ ܐܘ ܕܦܠܚܘܬܐ ܬܪܥܝܬܐ ܐܝܬ ܒܗܘܢ ܘܐܬܩܒܥܬ ܡܢܗܘܢ ܡܡܬܘܡ ܐܠܦܐ. ܘܐܘܡܢܘܬܐ ܬܡܝܗܬܐ ܕܩܘܒܪܢܛܘܬܐ ܘܐܦܢ ܥܕܡܐ ܠܬܪܥܝܬܗܘܢ ܐܬܬ. ܟܕ ܗܐ ܗܿܢܝܢ ܕܦܓܪܐ ܣܓܝܐܐ ܗܝ ܠܘܬܗܘܢ ܡܝܬܪܘܬܐ ܛܒ ܡܢ ܕܠܘܬܢ ܡܛܠ ܕܡܢ ܟܘܠܗܝܢ ܚܝܘ̈ܬܐ ܒܨܝܪ ܗܘ. ܘܐܝܟ ܕܙܡܪܝܢ ܦܘ̈ܐܛܐ ܡܚܝܠ ܗܘ ܓܢܣܐ ܕܒܢ̈ܝ ܐܢܫܐ ܒܪܒܘܬܐ ܕܝܢ ܕܦܓܪܐ ܠܐ ܡܫܟܚܐ ܕܢܐܡܪ ܟܡܐ ܒܨܝܪ ܡܢ ܕܦܝܠܐ ܒܚܝܠܐ ܕܝܢ ܘܒܝܬܝܪܘܬܐ 25 ܘܐܦܠ ܡܬܚܫܒ ܥܡ ܓܢܣܐ ܕܓܡ̈ܠܐ ܒܚܝܠܬܢܘܬܐ ܕܝܢ ܘܒܩܠܝܠܘܬܐ ܕܪ̈ܓܠܐ ܠܪ̈ܒܘܬܐ ܕܚܝ̈ܘܬܐ ܡܫܠܡ ܙܟܘܬܐ. ܟ̈ܠܒܐ ܕܝܢ ܥܩܒ̈ܬܢܐ ܕܒܬܪ ܪܝܚܐ ܕܢܚܝܪ̈ܝܗܘܢ ܝܿܠܦܝܢ ܕܢܗܠܟܘܢ. ܡܢܐ ܐܝܬ ܕܡܪܝܚܝܢ ܡܢܗܘܢ ܘܕܚܙܝܢ ܛܒ ܡܢ ܟܠ ܛܒ̈ܝܐ ܡܬܐܡܪܝܢ ܕܡܛܠ ܗܕܐ ܕܚܙܝܢ ܡܛܐ ܐܢܘܢ ܫܡܐ ܒܝܘܢܝܘܬܐ ܚ̈ܙܝܐ ܘܡܟܐ ܡܬܒܥܐ ܕܢܐܡܪ ܕܟܡܐ ܡܚܝܠ ܒܟܝܢܗ ܦܓܪܐ ܕܒܪ ܐܢܫܐ ܡܢ ܕ̈ܒܐ ܘܡܢ ܐܪ̈ܝܘܬܐ ܘܡܢ ܢܡܪ̈ܐ ܘܡܢ ܪ̈ܒܘܬܐ ܐܚܪ̈ܢܝܬܐ ܘܒܥܓܠ ܡܬܟܒܫ ܡܢ ܚܝ̈ܘܬܐ ܕܐܬܝܢ ܥܠܘܗܝ ܘܠܢܟܠܐ ܕܠܝܠ ܒܪܡ ܕܝܢ ܗܼܘ ܗܢܐ ܙܥܘܪܐ. ܟܠܗܝܢ ܗܠܝܢ ܕܐܬܐܡܼܪ ܐܡܬܝ ܕܨܿܒܐ ܡܫܥܒܕ݀ ܠܐ ܗܘܐ ܒܚܝܠܐ ܕܦܓܪܐ ܘܕܓܘܫܡܐ ܣܓܝ ܓܝܪ ܙܥܘܪ ܘܠܐ ܣܿܦܩ ܗܘ ܗܢܐ ܕܢܡܠܐ ܐܦܠܐ ܟܪܣܐ ܕܚܕܐ ܕܒܐ݀ ܐܠܐ ܐܝܬ ܒܗ ܟܝܢܐ ܡܕܡ ܕܡܝܬܪ ܡܢ ܦܓܪܐ. ܚܝܠܐ ܕܡܕܥܐ ܘܕܢܦܫܐ ܝܕܘܥܬܢܝܬܐ ܘܒܡܝܬܪܘܬܐ ܕܚܟܡܬܐ ܗܠܝܢ ܬܡܝܗ̈ܬܐ ܡܬܦܪܣ ܒܝܕ ܗܿܢܝܢ ܕܐܝܟ ܒܪܐ ܚܒܝܒܐ ܡܢ ܐܠܗܐ ܐܬܝܩܪܬ݀ܥܠ ܡܢܐ ܡܨܥܪ ܐܢܬ ܪܒܘܬܟ ܕܣܒܪ ܐܢܬ ܕܟܘܠܟ ܗܢܐ ܐܢܬ ܒܣܪܐ ܘܗܢܐ ܦܓܪܐ ܘܝܕܥܬܐ ܐܠܗܝܬܐ ܘܡܠܝܠܬܐ ܕܒܟ ܠܗܿܢܝܢ ܕܠܐ ܡܠܬܐ ܘܕܟܘܠܗܘܢ ܡܬܚܒܠܝܢ ܡܕܡܐ ܐܢܬ. ܘܠܐ ܟܝ ܡܦܝܣ ܠܟ ܐܦܠܐ ܗܼܘ ܟܝܢܐ ܕܚܝ̈ܘܬܐ ܕܠܐ ܡܠܬܐ ܘܐܦܠܐ ܗܢܐ ܫܡܐ ܕܓܘܐ ܕܠܐ ܡܠܬܐ ܘܐܦ ܠܐ ܗܕܐ ܬܫܡܫܬܐ ܓܠܝܬܐ ܕܚܘܫܚܐ ܕܒܗ ܕܢܛܥܢܘܢ ܘܕܢܦܠܚܘܢ ܠܐ ܡܢ ܡܬܘܡ ܐܫܬܐܠܘ ܡܛܠ ܕܠܟ ܝܼܗܒ ܐܠܗܐ ܫܘܠܛܢܐ ܘܡܠܟܘܬܐ ܕܗܠܝܢ ܟܠܗܝܢ ܀܀ ܀܀ ܡܚ. ܒܠܚܘܕܘܗܝ ܗܟܝܠ ܒܪ ܐܢܫܐ ܡܢ ܗܿܢܘܢ ܕܒܐܪܥܐ ܗܘ ܕܒܨܠܡ ܐܠܗܐ ܗܘܐ. ܡܘܒܠ ܘܡܝܬܐ ܠܟܪ ܕܨܒܐ ܒܙܒܢ ܟܕ ܕܒܪ ܠܚܝ̈ܘܬܐ ܗܿܢܝܢ ܕܥܗܢܢ ܠܪܗܛܐ. ܘܒܙܒܢ ܟܕ ܪܥܐ ܫܚܪ̈ܐ ܗܿܢܘܢ ܕܠܗܕܐ ܡܟܢܝܢ ܒܙܒܢ ܟܕ ܡܬܚܫܚ ܠܬܫܡܫܬܐ ܒܚܝ̈ܘܬܐ ܕܟ̈ܝܢܬܐ ܘܡܪܝܚ ܘܡܫܝܢ ܟܝܢܐ ܒܥܪܝܪܝܐ ܘܒܙܒܢ ܟܕ ܙܟܐ ܠܗ ܕܡܕܢܐ ܠܗ ܠܡܫܝܢܘܬܐ ܘܒܙܒܢ ܟܕ ܢܟܢܫ ܒܦܘܪܣܐ ܣܓܝ̈ܐܐ ܕܡܠܬܐ ܘܚܒܫ ܒܓܘ ܒܝܬܐ ܘܠܐ ܒܠܚܘܕ ܐܠܐ ܘܐܦ ܪܚܫܐ ܡܣܓܦܢܐ ܐܝܚܕ ܒܐܝܕܗ ܘܡܫܬܥܐ ܒܗܘܢ݀ ܘܗܿܢܘܢ ܕܢܫܡܝܢ ܡܘܬܐ ܫܕ̈ܝܝ ܡܪܬܐ ܫܥܬܐ ܥܒܕ ܐܢܘܢ ܠܗ ܀܀ ܀܀ 26 ܡܛ. ܒܠܚܘܕܘܗܝ ܒܪ ܐܢܫܐ ܡܢ ܗܿܢܘܢ ܕܒܐܪܥܐ ܠܐ ܐܬܛܦܝܣ ܕܒܡܕܒܪܐ ܒܡܥܪ̈ܐ ܘܒܪ̈ܡܬܐ ܢܥܡܪ ܘܡܕܝ̈ܢܬܐ ܒܫܘܪ̈ܐ ܒܢܐ. ܘܒܫ̈ܘܩܐ ܘܒܒܝܪ̈ܬܐ ܘܡܕܝܪ̈ܐ ܘܒܐܚܪ̈ܢܐ ܒܢܝܢܐ ܨܒܬ ܀܀ ܀܀ ܢܢ. ܒܠܚܘܕܘܗܝ ܒܪ ܐܢܫܐ ܡܢ ܗܿܢܘܢ ܕܒܐܪܥܐ ܠܐ ܒܐܣܟܡܐ ܕܠܐ ܡܫܚܠܦ ܡܢ ܚܘܫܚܐ ܕܚܝ̈ܘܬܐ ܕܠܐ ܡܠܬܐ ܐܬܦܪܣ ܣܝܒܪܬܐ ܗܼܢܘܢ ܓܝܪ ܒܓܠܝܙܘܬܐ ܕܝܕܥܬܐ ܡܬܚܫܚܝܢ ܒܠܘܕ ܒܥܘܕܪܢܐ ܕܟܝܢܐ. ܘܡܣܬܝܒܪܝܢ ܡܢܗ ܕܩܢܝܐ. ܟܕ ܠܐ ܦܠܝܼܚ ܘܟܕ ܠܐ ܡܕܟܝ ܡܢ ܥܣܒܐ݀ ܗܼܘ ܕܝܢ ܒܐܝܕܥܬܗ ܡܕܟܐ ܘܗܟܢܐ ܡܩܛܢ ܘܡܠܝܐܝܬ ܡܡܕܟ ܘܒܢܘܪܐ ܫܦܝܪ ܡܥܒܪ݀ ܘܚܞ̈ܛܐ ܐܡܬܝ ܕܨܿܒܐ ܥܿܒܕ ܠܚܡܐ ܘܐܬܒܛܠ ܠܗ ܕܢܡܕܟ ܡܐܟܘܠܬܐ ܕܠܣܝܒܪܬܐ ܕܚܘܠܡܢܐ ܬܗܼܘܐ ܘܟܠܗ ܚܘܫܚܐ ܕܡܢ ܟܪܡܐ ܘܡܢ ܙܝܬܐ. ܘܕܐܝ̈ܠܢܐ ܕܐܒܐ ܕܟܠ ܒܘܣ̈ܡܝܢ ܩܝܡ ܘܗܿܢܝܢ ܗܼܘ ܒܠܚܘܕܘܗܝ ܠܐܣܝܘܬܐ ܕܦܓܪܐ ܡܩܪܒ ܀ ܀ ܀܀ ܢܐ. ܒܠܚܘܕܘܗܝ ܗܗܢܐ ܡܢ ܗܿܢܘܢ ܕܒܐܪܥܐ ܒܢܡܘܣܐ ܘܒܡܠܬܐ ܥܘܡܪܐ ܕܕܘܒܪܐ ܕܛܟܣܐ ܐܫܟܚ݀ ܘܗܼܘܐ ܐܣܛܪܛܓܐ ܘܥܒܕ ܐܬܠܝܣ̈ܐ ܘܐܘܡ̈ܢܘܬܐ ܡܨܥܝ̈ܬܐ ܘܗܠܝܢ ܪ̈ܘܪܒܬܐ. ܕܝܘܠܦܢܐ ܒܡܝܬܪܘܬܐ ܡܠܝܠܬܐ ܡܣܪܚ ܀܀ ܀܀ ܢܒ. ܟܒܠܚܘܕܘܗܝ ܗܢܐ ܡܢ ܗܿܢܘܢ ܕܒܐܪܥܐ ܟܕ ܢܛܪ ܕܡܘܬܐ ܕܡܝܬܪܘܬܐ ܡܣܐܬܐ ܕܟܐܢܘܬܐ ܘܡܬܩ̈ܠܐ ܘܡܘܫܚ̈ܬܐ ܘܓܘܢ̈ܘܬܐ ܐܬܦܪܣ ܘܡܦܪܫ ܟܕ ܡܕܒܪ ܒܡܠܬܐ ܗܿܢܝܢ ܕܢܣܬܥܪܢ ܘܗܿܢܝܢ ܕܠܐ ܘܠܟܘܠ ܐܢܫ ܐܝܟ ܕܫ݀ܘܐ ܗܘ ܝܕܥ ܕܢܬܠ݀ ܢܘ̈ܢܐ ܠܡ ܓܝܪ ܘܦܪܚܬܐ ܘܚܝܘܬܐ ܐܟܠܝܢ ܠܚܕܕ̈ܐ. ܡܛܠ ܕܠܝܬ ܢܡܘܣܐ ܒܝܢܬܗܘܢ ܠܒܢ̈ܝ ܐܢܫܐ ܕܝܢ ܝܗܒ ܟܐܢܘܬܐ ܕܗܼܝ ܡܝܬܪܐ ܗܠܘܢ. ܣܓܝ ܫܦܝܪ ܡܣܬܒܪ ܠܝ ܕܐܡܿܪ ܚܕ ܡܢ ܦܘ̈ܐܛܐ ܀܀ ܀܀ ܢܓ. ܒܠܚܘܕܘܗܝ ܗܢܐ ܡܢ ܗܿܢܘܢ ܕܒܐܪܥܐ ܕܒܢܦܫܗ ܡܚܘܐ ܨܠܡܐ ܕܡܠܬܐ ܕܐܠܗܐ ܒܝܬ ܕܝܼܢܐ ܠܪܘܡܐ ܐܩܝܡ ܒܕܡܘܬܐ ܕܕܝܼܿܢܐ ܟܐܢܐ ܕܐܠܗܐ ܥܿܒܕ ܘܚܝ̈ܐ ܘܡܘܬܐ ܡܦܪܫ ܘܠܡܢܗܘܢ ܚܝ̈ܐ ܡܦܠܓ. ܘܠܡܢܗܘܢ ܡܘܬܐ ܝܿܗܒܼ ܀܀ ܀܀ ܢܕ. ܒܠܚܘܕܘܗܝ ܗܢܐ ܡܢ ܗܢܿܘܢ ܕܒܐܪܥܐ ܠܩܛܥܐ ܙܥܘܪܐ ܕܐܝܠܢܐ 27 ܚܝ̈ܘܗܝ ܡܗܝܡܢ ܘܚܡܬܐ ܕܐܠܦܪܘܬܐ ܐܫܟܚ ܘܠܐܠܗܐ ܥܠ ܚܨܐ ܕܝܡܐ ܡܕܒܪ ܘܒܥܘܡܩܐ ܕܐܘܣܝܐ ܪܛܝܒܬܐ ܢܦܫܗ ܐܪܦܝ ܘܠܡܘܬܐ ܕܩܐܡ ܥܠ ܓܒܗ ܕܚܩ. ܕܚܐܪ ܠܥܠ ܒܫܡܝܐ ܘܠܘܬ ܗܿܘ ܡܕܒܪܢܐ ܕܟܠ ܡܬܚܐ ܕܦܘܪܩܢܐ ܕܗܢܿܘܢ ܕܪܕܝܢ ܐܣܪ ܀܀ ܀܀ ܢܗ. ܒܪ ܐܢܫܐ ܒܠܚܘܕܘܝܗ ܡܢ ܗܿܢܘܢ ܕܒܐܪܥܐ ܝܘܠܦܢܐ ܕܡܪܕܝܬܐ ܕܟܘܟ̈ܒܐ ܐܫܟܚ ܟܕ ܡܗܠܝܟ ܠܬܚܬ ܒܦܓܪܐ ܘܝܩܝܪܘܬܗ ܕܡܝܘܬܐ ܠܒܝܫ ܠܥܠ ܒܬܪܥܝܬܗ ܣܠܩ. ܘܠܗ ܠܫܡܝܐ [ܠܫܡܫܐ] ܘܣܗܪܐ ܘܟܘܟ̈ܒܐ ܡܕܝܪ ܡܩܕܡܬܐ ܕܡܕܡ ܕܥܬܝܕ ܘܚܘܦܝܐ ܕܣܗܪܐ ܡܘܕܥ ܘܫܓܢܝܐ ܕܥܕ̈ܢܐ ܘܫܚܠܦܐ ܕܙܒ̈ܢܐ ܡܩܕܡ ܐܡܿܪ ܀܀ ܀܀ ܀܀ ܢܘ. ܒܪ ܐܢܫܐ ܒܠܚܘܕܘܗܝ ܡܢ ܗܿܢܘܢ ܕܒܐܪܥܐ ܐܬܚܼܙܝ ܡܥܕܪܢܗ ܕܟܝܢܐ ܘܦܘܪܣܐ ܕܐܣܝܘܬܐ ܐܫܟܚ ܘܚܝܠܐ ܕܥܩܪ̈ܐ ܘܕܣܡ̈ܡܢܐ ܘܡܘܙܓܐ ܘܚܘܠܛܢܐ ܒܡܬܩܐ ܘܒܫܘܝܘܬܐ ܒܪܥܝܢܗ ܐܩܼܦ. ܘܐܣܝܘܬܐ ܠܓܦܪ̈ܐ ܟܪ̈ܝܗܐ ܘܥܘܕܪܢܐ ܠܚܝ̈ܐ ܕܒܢ̈ܝ ܐܢܫܐ ܐܬܦܪܣ ܀ ܢܙ. ܒܠܚܘܕܘܗܝ ܗܢܐ ܡܢ ܗܿܢܘܢ ܕܒܐܪܥܐ ܐܬܚܼܙܝ ܡܥܕܪܢܗ ܕܟܝܢܐ ܘܦܘܪܣܐ ܕܐܣܝܘܬܐ ܐܫܟܚ ܘܚܝܠܐ ܕܥܩܪ̈ܐ ܘܕܣܡ̈ܡܢܐ ܘܡܘܙܓܐ ܘܚܘܠܛܢܐ ܒܬܩܠܐ ܘܒܫܘܝܬܐ ܒܪܥܝܢܗ ܐܩܼܦ. ܘܐܣܝܘܬܐ ܠܦܓܪ̈ܐ ܟܪ̈ܗܝܐ ܘܥܘܕܪܢܐ ܠܚܝ̈ܐ ܕܒܢ̈ܝ ܐܢܫܐ ܐܬܦܼܪܣ܀ ܢܙ. ܒܠܚܘܕܘܗܝ ܗܢܐ ܡܢ ܗܿܢܘܢ ܕܒܐܪܥܐ ܕܠܐ ܗܘܐ ܠܥܘܡܪܐ ܕܐܟ̈ܠܝ ܥܣܒܐ ܐܬܐ ܘܢܩܦ ܫܒܦܝܪ ܠܟܝܢܐ ܘܒܥܕܢܐ ܕܣܬܘܐ ܙܪܥܐ ܒܐܪܥܐ ܪܡܐ ܘܒܦܘܪܚܢܐ ܥܡܠܐ ܕܕܘܥܬܗ ܣܐܡ ܘܒܩܝܛܐ ܦܐܪ̈ܐ ܕܠܐܘܬܗ ܡܬܦܪܥ. ܀܀ ܀܀ ܀܀ ܢܚ. ܗܢܐ ܒܠܚܘܕܘܗܝ ܡܢ ܗܿܢܘܢ ܕܒܐܪܥܐ. ܒܐܝܕܥܬܐ ܡܠܝܠܬܐ ܝܘܠܦܢܐ ܕܟܠ ܘܡܪܕܘܬܐ ܘܪܘܟܒܐ ܕܡܘܣܩܘܪܘܬܐ ܘܒܘܩܝܐ ܕܒܡܡ̈ܠܠܐ ܟܢܫ. ܘܠܥܘܡܪܐ ܘܠܫܡܐ ܕܦܝܠܘܣܦܘܬܐ ܫܢܝ. ܘܐܣܬܪܗܒ ܠܪܚܡܬܐ ܕܡܝܬܪܘܬܐ ܕܒܢܦܗܫ ܘܠܐ ܗܘܐ ܒܪܓܫܐ ܕܦܓܪܐ݀ ܐܠܐ ܒܚܝܠܐ ܕܝܕܥܬܐ ܘܒܚܐܦܐ ܕܡܠܬܐ ܐܬܚܫܚ ܀ ܀ ܀ ܢܛ. ܒܪ ܐܢܫܐ ܒܠܚܘܕܘܗܝ ܡܢ ܗܿܢܘܢ ܕܒܐܪܥܐ ܬܫܥܝ̈ܬܐ ܕܗܼܢܝܢ ܕܐܣܬܥܪ ܡܢ ܩܕܝܡ ܒܙܒܢܐ ܩܕܡܝܐ ܫܩܼܠ ܒܥܘܗܕܢܗ ܘܥܡ ܗܿܢܘܢ ܕܠܝܬ ܐܢܘܢ ܐܝܟ ܕܥܡ ܗܿܢܘܢ ܕܩܪܝܒܝܢ ܡܡܠܠ ܘܬܪ̈ܥܝܬܐ ܕܚܟ̈ܝܡܐ ܗܿܢܘܢ ܕܡܬܬܘܡ ܗܘܘ ܡܒܚܢ݀ ܘܥܘܕܪܢܐ ܕܡܢ ܗܿܢܘܢ ܝܬܝܪ ܡܢ ܕܗܠܝܢ ܕܥܡܗ ܡܩܒܠ. ܘܒܚܝܠܐ 28 ܕܡܠܬܐ ܐܚܝܢܬܗܿ ܕܬܪܥܝܬܐ ܐܝܬܘܗܝ ܥܡ ܗܿܢܘܢ ܕܩܿܕܡܘ ܒܛܠܘ ܀ ܀ ܀܀ ܣ. ܒܠܚܘܕܘܗܝ ܗܢܐ ܡܢ ܗܿܢܘܢ ܕܒܐܪܥܐ ܫܦܝܪ ܩܠܐ ܗܢܐ ܕܗܓܝܢܐ ܒܡܢ̈ܘܬܐ ܕܫܪ̈ܝܢܐ ܬܩܢ݀ ܘܐܬܘ̈ܬܐ ܩܕ̈ܡܝܬܐ ܒܐܘܡܢܘܬܐ ܕܓܪܡܛܝܩܘܬܐ ܦܠܓ݀ ܘܓܒ̈ܐ ܕܡܠܬܐ ܘܚܝܠܐ ܐܫܟܚ݀ ܘܪܘܟܒܐ ܕܡ̈ܠܐ ܘܕܫܡ̈ܗܐ ܘܝܘܠܦܢܐ ܕܪܗܛܪܘܬܐ ܘܕܓܪܡܛܝܩܘܬܐ ܐܬܦܼܪܣ ܘܟܘܠܗܝܢ ܗܠܝܢ ܡܟܢܫ ܘܢܛܪ ܒܥܘܗܕܢܗ ܘܡܝܬܐ ܐܝܟ ܕܠܚܡܠܐ ܡ̈ܠܐ ܕܓܙܐ ܕܟܠ ܘܨܒ̈ܘܬܐ ܩܕܡ̈ܝܬܐ ܘܬܫܥܝ̈ܬܐ ܒܚܕܐ ܬܪܥܝܬܐ ܠܒܟ. ܘܗܼܢܝܢ ܗܠܝܢ ܐܡܬܝ ܕܨܿܒܐ ܐܝܟ ܕܡܢ ܡܒܘܥܐ ܕܠܐ ܓܿܐܙ݀ ܒܕܡܘܬ ܢܗܪܐ ܢܿܦܩ. ܘܡܫܡܥܬܐ ܕܗܿܢܘܢ ܕܩܪܝܒܝܢ ܡܛܝܦ ܀܀ ܀܀ ܣܐ. ܒܠܚܘܕܘܗܝ ܒܪ ܐܢܫܐ ܡܢ ܗܿܢܘܢ ܕܒܐܪܥܐ ܒܥܒܕ̈ܘܗܝ ܠܐܠܗܐ ܕܥܠ ܟܠ ܡܬܕܡܐ ܘܟܠ ܕܨܒܐ ܚܝ̈ܘܬܐ ܓܒܠ݀ ܘܠܗܝܠܐ ܗܕܐ ܕܠܐ ܢܦܫܐ ܡܫܚܠܦ ܠܕ̈ܡܘܬܐ ܘܠܨܘܪ̈ܬܐ ܘܐܣܟ̈ܡܐ ܕܟܠ ܚܝ̈ܘܢܿ ܒܗܢܐ ܟܝܢܐ ܪܕܘܝܐ ܪܡܐ ܕܒܥܒܘܕܐ ܕܟܠ ܒܚܝܠܐ ܡܠܝܠܐ ܛܐܢ݀ ܘܒܪ ܐܢܫܐ ܠܒܪ ܐܢܫܐ ܥܒܕ ܒܙܒܢ ܒܟܐܦ̈ܐ ܘܒܙܒܢ ܒܩܝ̈ܣܐ ܘܒܙܒܢ ܒܗܒ̈ܒܐ ܕܓܘ̈ܢܐ ܘܒܕܡ̈ܘܬ ܕܠܐ ܡܚܫܠܦܢ ܘܟܠ ܓܢܣ̈ܝܢ ܕܚܝ̈ܘܬܐ ܘܕܢܨܒ̈ܬܐ ܒܗܘܢ ܒܦܘܪ̈ܣܐ ܡܕܡܐ ܘܚܝܠܐ ܕܨܠܡܐ ܕܐܠܗܐ ܡܠܝܐܝܬ ܒܝܕ ܥܒܕ̈ܘܗܝ ܡܚܘܐ ܀܀ ܀ ܣܒ. ܒܠܚܘܕܘܗܝ ܗܢܐ ܡܢ ܗܿܢܘܢ ܕܒܐܪܥܐ ܠܟܪܟܐ ܕܫܡܝܐ ܒܐܪܥܐ ܕܡܗܠܟ ܥܠܝܗܿ ܕܡܼܝ݀ ܘܕܡܘܬܐ ܕܝܠܗܿ ܕܫܡܝܐ ܒܗܝܠܐ ܕܢܚܫܐ ܓܠܦ ܘܦܚܡܐ ܕܟܘܟ̈ܒܐ ܡܛܥܝ̈ܢܐ ܘܕܠܐ ܛܥܝܢ ܒܗ ܒܗܢܐ ܩܿܒܥ݀ ܘܛܘܪܐ ܕܥܕ̈ܢܐ ܘܕܙܒ̈ܢܐ ܒܐܘܡܢܘܐ ܓܒܘܠܬܐ ܣܿܕܪ ܘܨ̈ܠܡܐ ܕܚܝ̈ܘܬܐ ܡܢ ܠܒܪ ܐܟܪܟ. ܘܟܪܐ ܫܡܝܢܐ ܒܪܒܘܬܐ ܕܝܕܥܬܐ ܒܦܘܪܣܐ ܕܚܙ̈ܘܢܐ ܕܡܝ. ܘܐܪܦܝ ܐܝܟ ܐܠܗܐ ܕܫܡܝܐ ܕܥܠ ܐܪܥܐ ܗܘܦܟܗ ܡܬܟܪܟ ܥܡ ܟܘܠ݀ ܘܡܬܟܪܟ ܗܢܐ ܒܬܕܡܘܪܬܐ ܕܠܐ ܣܟܐ ܘܡܬܟܪܟܝܢ ܥܡ ܗܿܢܘܢ ܕܒܫܡܝܐ ܗܿܢܝܢ ܕܥܠ ܐܪܥܐ ܕܡܘܬܐ ܐܪܥܢܝܬܐ ܕܗܝܠܐ ܘܒܩܠܐ ܪܡܐ ܩܿܥܐ ܡܠܐܟܐ ܕܿܫܥܐ. ܘܐܟܚܕܐ ܟܘܠܗܘܢ ܒܚܕܐ ܪܘܦܐ ܡܬܙܝܥܝܢ ܘܬܪ̈ܥܐ ܗܿܢܘܢ ܡܢ ܢܦܫܗܘܢ ܒܡܐܬܝܐ ܕ̈ܫܥܐ ܡܬܦܬܚܝܢ ܘܕ̈ܡܘܬܐ ܕܦܪܚܬܐ ܕܠܐ ܢܦܫܐ ܕܒܚܕܪ̈ܘܗܝ ܣܝܡܝܢ ܒܨܘܨܝܐ ܡܡܠܠܝܢ ܘܣܗܪܐ ܕܥܠ ܐܪܥܐ ܡܢ 29 ܗܿܘ ܕܒܫܡܝܐ ܪܗܛ. ܘܡܫܚܠܦ ܠܗܘܢ ܢܚܫܐ ܗܘ ܒܢܦܫܗ ܠܐܣܟܡ̈ܘܗܝ ܒܕܡܘܬܐ ܕܣܗܪܐ ܘܟܕ ܦܠܓܗ ܗܘ ܘܟܕ ܚܣܝܪ ܘܟܕ ܡܠܐ ܡܚܘܐ ܢܘܗܪܐ ܕܡܢܗ. ܘܨܠܡ̈ܐ ܕܫ̈ܥܐ ܠܫ̈ܥܐ ܕܟܝܢܐ ܢܩܦܝܢ ܘܥܠܡܐ ܐܢܫܐ ܒܥܒܘܕܘܬܐ ܕܡܠܬܐ ܕܐܠܗܐ ܡܬܚܪܐ ܀܀ ܀܀ ܣܓ. ܒܠܚܘܕܘܗܝ ܒܪ ܐܢܫܐ ܡܢ ܗܿܢܘܢ ܕܒܐܪܥܐ ܒܡ̈ܠܐ ܕܠܐ ܡܬܡܠܠܢ ܠܟܝܢܐ ܕܕܝ̈ܘܐ ܟܣ̈ܝܐ ܕܠܐ ܡܬܚܙܐ ܒܨ̈ܠܘܬܐ ܕܪܚܝܡܢ ܠܐܠܗܐ ܘܒܚܝܠܐ ܕܕܠܚܬ ܐܠܗܐ ܕܡܠܬܐ ܘܕܥܘܡܪܐ ܕܢܛܪܘܕ ܠܪܘܚܩܐ ܡܫܟܚ. ܐܠܐ ܘܐܦ ܟܕ ܫܢܝ ܡܢ ܐܘܪܚܐ ܬܪܝܨܬܐ ܗܢܐ ܟܘܠܗ ܐܫܟܚ ܒܚܝܠܐ ܕܐܠܗܐ ܓܢܣܐ ܕܦܪܚ ܒܐܐܪ ܒܙܡܝܪ̈ܬܐ ܘܒܠܘܚܫܬܐ ܢܫܥܒܕ ܘܬܘܒ ܒܦܘܪܣܐ ܕܩܛܝܪܐ ܘܒܪ̈ܓܝܓܬܐ ܕܐܣܘܪ̈ܐ ܕܟܝܢܐ ܠܗܿܢܝܢ ܚܝ̈ܠܐ ܕܠܐ ܦܓܪ ܕܥܠ ܓܢܒ ܐܪܥܐ ܦܪ̈ܚܝܢ݀ ܐܝܟ ܕܠܨܦܪ̈ܐ ܕܦܪܚܢ ܚܿܛܦ. ܘܢܓܕ ܘܦܟܪ ܐܝܟܐ ܕܨܒܐ ܘܡܘܬܒ ܥܠ ܨ̈ܡܠܐ ܕܥܒܕ ܐܠܗ̈ܐ ܝܬܝܪ ܡܢ ܐܠܗܘܬܗ ܥܒܝܕܬܐ ܒܗܘܢ ܒܥܒܕ̈ܘܗܝ ܚܝܠܐ ܕܝܠܗ ܡܚܘܐ ܀ ܀ ܀܀ ܣܕ. ܒܠܚܘܕܘܗܝ ܒܪ ܐܢܫܐ ܡܚܘܐ ܡܝܬܪܘܬܗ ܕܐܣܘܝܐ ܝܕܘܥܬܢܝܬܐ ܕܠܐ ܓܫܘܡ ܟܡܐ ܐܝܬܝܗܿ ܘܡܩܝܡ ܚܝܠܐ ܕܝܠܗ ܕܠܐ ܡܫܬܥܒܕ ܘܠܐ ܡܬܒܨܪ ܡܢ ܒܝܫ̈ܬܐ. ܘܡܛܝܒ ܦܓܪܗ ܠܢܘܪܐ ܠܦܪܙܠܐ ܘܠܚܝ̈ܘܬܐ ܒܥܪܝܪܝܬܐ ܠܥܘܡܩ̈ܘܗܝ ܕܝܡܐ. ܘܠܘܬ ܟܘܠ ܕܡܘܢ ܕܫ̈ܢܕܐ ܡܩܪܒ ܘܗܼܘ ܗܢܐ ܟܝܢܗ ܝܕܥ. ܘܕܢܬܚܒܠ ܡܫܬܪܗܒ. ܘܪܕܐ ܘܡܫܬܪܐ݀ ܘܗܿܘ ܕܠܓܘ ܝܬܝܪ ܠܐ ܡܫܠܡ. ܘܕܐܚܪܢܐ ܗܘ ܠܒܪ ܡܢ ܗܘ ܕܒܠܥ ܡܩܝܡ ܟܕ ܩܥܐ ܡܚܝ ܡܚܝ ܠܐܘܪܢܩܐ [ܠܐܪܝܩܐ] ܠܝ ܓܝܪ ܠܐ ܡܚܐ ܐܢܬ. ܘܬܘܒ ܐܚܪܢܐ ܩܥܐ ܒܚܐܪܘܬܐ ܕܦܘܡܗ ܐܘܩܕ ܘܛܘܐ ܦܓܪܐ ܘܣܒܥ ܡܢܝ ܟܕ ܫܬܐ ܐܢܬ ܕܡܐ ܐܘܟܡܐ. ܩܕܡ ܓܝܪ ܕܢܚܬܘܢ ܟܘܟ̈ܒܐ ܠܐܪܥܐ ܘܬܣܩ ܐܪܥܐ ܠܫܡܝܐ. ܡܠܬܐ ܫܓܫܬܐ ܡܢܝ ܠܐ ܐܪܥܐ ܠܟ. ܘܚܕ ܡܢ ܪ̈ܚܡܘܗܝ ܕܐܠܗܐ ܟܕ ܡܣܝܒܪ ܗܘܐ ܒܝܫ̈ܬܐ ܗܠܝܢ ܒܢ̈ܬ ܩ̈ܠܐ ܐܣܪܚ݀ ܕܡܢܘܿ ܢܦܪܫܢܝ ܡܢ ܚܘܒܗ ܕܐܠܗܐ ܥܩܬܐ ܐܘ ܐܘܠܨܢܐ ܐܘ ܪܕܘܦܝܐ ܐܘ ܟܦܢܐ ܐܘ ܥܪܛܠܝܘܬܐ ܐܘ ܥܪܝܐ ܐܘ ܣܝܦܐ. ܘܐܦ ܐܢܐ ܕܝܢ ܚܙܝܬ ܗܫܐ ܡܢܗܘܢ ܟܕ ܡܬܚܨܝܢ ܥܝܢ̈ܝܗܘܢ ܘܡܢܗܘܢ ܕܒܟ̈ܘܝܐ ܡܢ ܪ̈ܓܠܝܗܘܢ ܡܬܓܠܙܝܢ ܘܡܢܗܘܢ ܕܡܙܕܩܖܦܝܢ. ܘܟܠܗ ܦܓܪܗܘܢ ܪܕܐ ܘܟܝܢܗܘܢ ܡܝܘܬܐ ܡܬܟܣܣ݀ ܘܐܝܕܥܬܐ ܪܚܡܬ ܐܠܗܐ ܗܿܝ 30 ܕܠܓܘ ܒܗܘܢ ܝܬܒܐ ܠܐ ܡܬܙܝܥܐ ܘܠܐ ܡܫܬܥܒܕܐ. ܘܐܦ ܠܐ ܠܗܿܢܝܢ ܩܫ̈ܝܬܐ ܡܫܠܡܐ. ܘܚܝܠܐ ܕܡܝܬܪܘܬܐ ܕܝܠܗܘܢ ܠܗܿܢܘܢ ܕܠܐ ܡܘܒܕ ܪܥܝܢܗܘܢ ܕܐܚܪܢܐ ܐܝܬܘܗܝ ܠܒ ܪܡܢ ܗܿܘ ܕܡܬܚܒܠ݀ ܡܩܝܡܝܢ ܓܠܝܐܝܬ ܀ ܀ ܀܀ ܣܗ. ܒܠܚܘܕܘܗܝ ܗܢܐ ܡܢ ܗܿܢܝܢ ܚܝܘ̈ܬܐ ܕܒܐܪܥܐ ܕܠܡܦܘܚܝܬܐ ܐܠܗܝܬܐ ܐܫܬܘܬܦ ܠܓܝܢܐ ܕܐܠܗܐ ܫܘܐ. ܘܥܡ ܡܠܐܟܐ ܕܐܠܗܐ ܡܡܠܠ. ܘܐܝܕܥܬܐ ܡܩܕܡܬܐ ܕܡܕܡ ܕܥܬܝܕ ܐܕܪܟ݀ ܒܙܒܢ ܒܝܕ ܚܠ̈ܡܐ ܕܫܢܬܐ ܘܒܙܒܢ ܟܕ ܓܝܪ ܒܚܝܠܐ ܐܠܗܝܐ ܠܒܝܫ ܪܘܚܐ ܗܟܢܐ ܕܐܦ ܢܒܝܘܬܐ ܕܡܕܡ ܕܥܬܝܕ ܢܐܡܪ ܘܫܘܬܦܘܬܗ ܕܥܡ ܐܠܗܘܬܐ ܒܝܕ ܓܠܝܘܬܐ ܕܗܿܢܝܢ ܥܒ̈ܕܐ ܢܫܪܪ ܀܀ ܀܀ ܀܀ ܣܘ. ܒܠܚܘܕܘܗܝ ܗܢܐ ܡܕܡ ܪܒܐ ܘܡܝܬܪܐ ܡܢ ܟܠ ܕܡܬܚܙܐ ܒܟܠ ܝܕܥ ܗܘ ܕܠܐܡܬܚܙܐ ܒܥ̈ܢܐ ܘܠܐ ܡܬܕܪܟ ܒܓܫܬܐ ܘܠܐ ܒܚܝܠܐ ܕܚܕ ܡܢ ܪ̈ܓܫܐ ܕܦܓܪܐ ܠܡܕܥܐ ܕܝܢ ܒܠܚܘܕ ܘܠܬܪܥܝܬܐ ܡܬܚܙܐ ܒܝܘܠܦܢܐ ܕܝܠܗ ܘܒܡܠܦܢܘܬܐ ܕܟܝܢܗ ܐܘܕܝ ܒܗ ܘܩܪܝܗܝ ܐܠܗܐ. ܘܫܒܚܗ݀ ܘܐܚܝܢܘܬܗ ܕܥܡ ܐܗܠܘܬܐ ܒܝܕ ܗܕܐ ܝܕܥܬܐ ܚܘܝ ܀܀ ܀܀ ܣܙ. ܒܠܚܘܕܘܗܝ ܗܢܐ ܚܙܝܐ ܩܡ ܕܥܒ̈ܕܐ ܪ̈ܘܪܒܐ. ܕܡܠܬܐ ܕܐܠܗܐ ܘܫܘܐ ܕܢܫܒܚ ܠܐܒܘܗܝ ܗܿܘ ܕܠܥܠ ܡܢ ܫܡܝܐ ܒܬܫ̈ܒܚܬܐ ܕܙܕܩܢ ܠܐܠܗܐ ܘܢܬܕܡܐ ܠܟܢܫܐ ܕܡܠܐܟ̈ܐ ܕܒܫܡܝܐ ܡܛܠ ܕܠܗ ܒܠܚܘܕܘܗܝ ܡܢ ܚܝ̈ܘܬܐ ܕܒܐܪܥܐ ܗܕܐ ܡܝܬܪܘܬܐ ܡܛܬܼ. ܘܒܐܝܕܗ ܠܗܿܘ ܕܗܼܘܝܘ ܥܠܬܐ ܕܟܠܗܝܢ ܛܒ̈ܬܐ ܡܢ ܬܪܥܝܬܐ ܕܟܝܢܗ ܝܕܥ. ܘܬܫܒ̈ܚܬܐ ܕܬܘܕܝܬܐ ܘܒܘܪ̈ܟܬܐ ܕܙܕܩܢ ܐܝܟ ܦܘܢܝܐ ܕܡܬܬܚܝܒ ܠܐܒܐ ܕܢܦܪܘܥ ܡܬܦܩܕ ܀܀ ܀܀ ܣܚ. ܣܗܕ̈ܘܬܐ ܕܗܠܝܢ ܟܠܗܝܢ ܗܼܝ ܡܠܬܐ ܕܡܠܦܢܘܬܐ ܕܡܪܕܘܬܐ ܐܠܗܝܬܐ ܡܫܪܪܐ ܕܟܝܢܐ ܕܠܐ ܡܿܐܬ ܘܒܪ ܓܢܣܐ ܕܒܢ̈ܝ ܡܕܝܢܬܐ ܕܒܫܡܝܐ ܗܢܐ ܐܝܬܘܗܝ ܒܠܚܘܕܘܗܝ ܡܢ ܗܿܢܘܢ ܕܥܠ ܐܪܥܐ. ܗܕܐ ܐܘܣܝܐ ܝܕܘܥܬܢܝܬܐ ܘܡܠܝܠܬܐ ܕܒܒܢ̈ܝ ܐܢܫܐ. ܘܕܝܠܕܐ ܐܝܬܘܗܝ ܚܒܝܒܐ ܕܡܠܬܐ ܐܠܗܝܐ ܦܪܘܩܐ ܕܓܘܐ ܕܟܘܠ݀ ܕܒܨܠܡܗ ܘܒܕܡܘܬܗ ܕܐܒܐ ܕܝܠܗ ܒܟܝܢܗ ܡܫܠܡ ܀ ܀ ܀܀ ܣܛ. ܐܠܘ ܗܟܝܠ ܗܕܐ ܚܝܘܬܐ ܡܠܝܠܬܐ ܗܢܐ ܕܐܫܬܘܬܦ ܠܗܕܐ ܟܠܗܿ 31 ܡܝܬܪܘܬܐ ܗܢܐ ܕܒܠܚܘܕܘܗܝ ܡܢ ܗܿܢܘܢ ܕܒܐܪܥܐ ܒܕܡܘܬ ܐܠܗܐ ܗܢܐ ܐܚܐ ܕܚܝ̈ܠܐ ܐܠܗ̈ܝܐ ܘܕܡܠܐܟ̈ܐ ܕܒܫܡܝܐ. ܒܟܝܢܗ ܡܬܕܒܪ ܗܘܐ ܒܘܠܝܬܐ ܘܢܩܦ ܗܘܐ ܠܢܡܘܣܐ ܐܠܗܝܐ ܡܢ ܩܕܝܡ ܟܒܪ ܐܬܚܪܪ ܗܘ ܡܢ ܗܢܐ ܥܡܘܪܐ ܐܪܥܢܐ ܘܡܬܚܒܠܢܐ ܘܟܕ ܐܝܬܘܗܝ ܗܘܐ ܒܥܢܝܢܐ ܕܐܪܥܐ ܐܝܟ ܕܒܫܘܢܝܐ݀ ܐܠܘ ܩܕܡ ܗܪܓ ܒܐܠܗ̈ܝܬܐ ܟܒܪ ܕܝܢ ܥܒܕ ܗܘܐ ܫܘܢܝܗ ܡܟܐ ܠܗܿܝܢ ܕܝܠܗ ܘܐܬܟܬܒ ܒܐܢܫܐ ܡܫܡ̈ܠܢܐ ܡܢ ܒܨܝܪܘܬܗ ܘܩܘܝܡܐ ܕܫܒܪܘܬܗ݀ ܗܟܢܐ ܗܟܝܠ ܐܠܨܐܝܬ ܒܪ ܐܢܫܐ ܡܬܚܒܠܢܐ ܘܡܫܬܪܝܢܐ ܠܒܫ ܦܓܪܐ ܒܡܪܚܡܢܘܬܐ ܕܐܒܘܗܝ ܕܠܐ ܠܥܠܡ ܬܗܘܐ ܠܗ ܒܝܬܫܐ ܘܕܠܐ ܣܒܐ ܢܬܐܣܪ ܒܡܬܚܒܠܢܐ ܒܥܓܠ ܕܝܢ ܢܫܪܐ ܡܬܩܒܠܢܐ ܘܢܩܒܠ ܫܘܬܦܘܬܐ ܕܗܿܢܘܢ ܕܠܐ ܡܬܚܒܠܝܢ݀ ܐܟܙܢܐ ܓܝܪ ܕܗܿܘ ܕܡܬܒܛܢ ܒܟܪܣܐ ܥܛܝܦ ܗܿܘ ܠܒܫܘܐ ܕܝܠܗܿ ܕܕܘܟܬܐ. ܘܠܗ ܠܗܢܐ ܡܐ ܕܿܐܬܐ ܙܒܢܐ ܕܚܘܪܩܢܐ ܕܝܪ̈ܚܐ ܫܠܚ ܠܗ ܗܿܘ ܕܡܬܝܠܕ݀ ܘܟܢ ܢܿܦܩ ܠܢܘܗܪܐ. ܘܪܘܚܐ ܕܡܝܬܐ ܣܐܩ. ܘܡܟܝܠ ܒܟܝܢܐ ܕܒܢ̈ܝ ܐܢܫܐ ܡܬܚܫܒ݀ ܐܟܘܬܗܿ ܕܗܕܐ ܘܐܦ ܗܼܘ ܓܢܣܐ ܡܫܠܡܢܐ ܕܡܣܬܒܪ ܒܝܬ ܒܢ̈ܝ ܐܢܫܐ ܠܩܘܒܠ ܗܘ ܡܝܬܪܐ ܝܠܘܕܐ ܗܘ ܘܥܕܟܝܠ ܒܐܪܥܐ ܒܛܝܢ. ܘܗܢܐ ܡܫܩܐ ܡܬܚܝܒܠܢܐ ܥܛܝܦ݀ ܘܠܗ ܠܗܕܐ ܐܠܨܐܝܬ ܒܡܪܚܡܢܘܬܐ ܕܡܘܗܒܬܐ ܪܒܬܐ ܕܐܠܗܐ ܘܠܐ ܕܢܫܠܚ ܐܝܟܢܐ ܕܠܐ ܠܥܠܡ ܒܗܿܢܝܢ ܒܨܝܪ̈ܬܐ ܢܫܬܚܩ ܘܢܦܘܩ ܒܙܒܢ ܠܢܘܗܪܐ ܘܢܫܢܐ ܠܥܘܡܪܐ ܕܠܐ ܡܬܚܒܠ݀ ܕܡܛܠ ܗܕܐ ܫܦܝܪ ܟܢܫ̈ܐ ܕܐܢܫܐ ܚܟܝ̈ܡܐ ܪ̈ܚܡܝ ܠܐܠܗܐ ܡܬܬܥܝܩܝܢ ܗܘܘ ܒܫܘܬܦܘܬܐ ܕܦܓܪܐ ܗܠܝܢ ܡܬܚܒ̈ܠܢܐ ܘܣܘܝܢ ܗܘܘ ܠܫܘܚܠܦܗܘܢ ܕܠܡܝܬܪܘܬܐ ܘܪܕܦܝܢ ܗܘܘ ܒܬܪ ܒܢ̈ ܝܓܢܣܗܘܢ ܘܒܢ̈ܝ ܡܕܝܢܬܗܘܢ ܕܠܥܠ ܐܝܟܢ ܕܐܝܬܘܗ ܝܗܘܐ ܗܿܘ ܕܐܡܪ ܒܒܪܬ ܩܠܐ ܠܐܝܗܬܐ ܕܘܝܐ ܐܢܐ ܒܪ ܐܢܐܫ. ܡܢܘ ܢܦܨܝܢܝ ܡܢ ܦܓܪܐ ܗܢܐ ܕܡܘܬܐ. ܘܬܘܒ ܐܦܢ ܒܦܓܪ ܚܝܝܢ ܐܢܚܢܢ ܐܠܐ ܠܐ ܗܘܐ ܕܒܣܪܐ ܦܠܚܝܢ ܐܢܚܢܢ ܘܠܥܬܐ ܡܝܬܐ ܘܐܡܪ. ܦܘܠܚܢܢ ܓܝܪ ܕܝܠܢ ܒܫܡܝܐ ܐܝܬܘܗܝ ܘܐܬܩܼܪܒܢ ܠܡܕܝܢܬܐ ܕܐܠܗܐ ܚܝܼܿܐ ܕܒܫܡܝܐ ܘܠܟܢܫܐ ܕܪ̈ܒܘܬܐ ܕܡܠܐܟ̈ܐ. ܘܠܥܕܬܐ ܕܒܘܟܪ̈ܐ ܕܪ̈ܫܝܡܝܢ ܒܫܡܝܐ. ܗܠܝܢ ܒܢ̈ܬ ܩ̈ܠܐ ܕܐܢܫܐ ܝܕܝܥܐ ܘܪ̈ܚܡܝ ܠܐܠܗܐ܀܀ ܀܀ 32 ܥ. ܐܢ ܕܝܢ ܣܓܝ̈ܐܐ ܗܠܝܢ ܕܪ̈ܓܝܓܬܐ ܕܗܪܟܐ ܕܚܡܝܢ [ܪܚܡܝܢ] ܕܒܬܪܥܝܬܗܘܢ ܥܕܡܐ ܠܗܫܐ ܫܒܪ̈ܝܢ. ܡܢܐ ܗܝ ܗܕܐ ܠܘܬ ܡܠܬܐ ܫܪܝܪܬܐ ܡܛܠ ܕܗܿܘ ܕܡܬܒܛܢ ܒܟܪܣܐ ܒܗܿܝ ܕܘܟܬܐ ܕܥܝܕܗ ܚܕܝ ܘܕܚܠ ܡܢ ܫܘܢܝܗ ܘܕܢܓܗܐ ܡܢ ܚܫܘܟܐ ܓܘܝܐ. ܡܢܐ ܕܢܿܦܩ ܠܢܘܗܪܐ ܒܟܐ. ܒܪܡ ܐܦ ܗܼܢܘܢ ܐܢ ܒܘܠܝܬܐ ܗܠܝܢ ܕܝܠܕܐ ܕܟܝܢܗܘܢ ܢܓܕܫܢ ܠܗܘܿܢ ܢܦܩܝܢ ܡܢ ܚܫܘܟܐ ܠܢܗܝܪܐ. ܘܫܦܝܪ ܘܒܐܣܟܡܐ ܡܬܝܠܕܝܢ ܘܒܥܕܢܐ ܒܙܒܢܐ ܕܙܕܩ ܐܬܝܠܕܘ ܘܢܫܡܬܐ ܘܣܘܦܐ ܕܟܝܢܐ ܩܒܠ݀ ܘܚܝ̈ܐ ܕܒܢ̈ܝ ܐܢܫ ܫܩܠ ܟܢܚ ܒܣܝܒܪ̈ܬܐ ܕܒ̈ܙܐ ܘܕܝܠܘܕܐ ܡܬܒܣܡ ܗܝܕܝܢ ܬܚܝܬ ܐܝܕܐ ܕܡܒܪܒܝܢܝܬܐ ܗܘܐ ܠܡܬܪ̈ܐܢܐ ܘܠܪ̈ܕܘܝܐ ܘܠܡ̈ܠܦܢܐ ܡܫܬܠܡ. ܥܕܡܐ ܕܠܓܒܪܐ ܡܫܠܡܢܐ ܢܦܘܩ݀ ܘܟܢ ܥܘܡܪܐ ܡܝܬܪܐ ܘܡܫܒܚܐ ܒܥܘܬܪܐ ܪܒܐ ܘܒܣܓܝܐܘܬܐ ܕܩܢܝܢܐ ܘܒܫܘܠܛܢܐ ܘܒܪܫܢܘܬܐ ܘܒܐܚܪ̈ܢܐ ܕܪ̈ܓܐ ܢܥܒܪ ܒܬܪܒܝܬܐ ܗܠܝܢ ܕܡܢ ܝܠܕܗ ܛܒܐ. ܘܗܿܝܢܝܢ ܕܡܢ ܡܪܕܘܬܐ ܐܫܬܪܬܚ [ܐܫܪ̈ܬܚܝ] ܘܪ̈ܒܘܬܐ ܐܚܪ̈ܢܝܬܐ ܕܠܚܝ̈ܐ ܕܥܘܡܪܐ ܕܗܢܝܢܐ ܐܪܡܼܝ܀ ܀ ܀܀ ܥܐ. ܘܐܢ ܕܝܢ ܗܦܘܟܝܐ ܕܗܿܘ ܕܡܬܒܛܢ ܒܟܪܣܐ ܕܠܐ ܒܟܝܢ ܢܣܬܩܒܠ ܕܐܝܠܝܢ ܒܡܦܩܗ ܕܒܝܠܕܐ ܢܩܦܢ ܠܗ. ܡܢܐ ܡܬܒܥܐ ܠܝ ܕܐܡܪ ܕܠܓܘ ܡܬܗܦܟ ܗܘ ܥܘܠܐ. ܘܟܿܦܪ ܡܢ ܡܦܩܗ ܕܠܢܘܗܪܐ ܘܚܿܐܫ ܗܦܘܟܝܐ ܕܠܐ ܒܟܝܢܐ ܒܡ̈ܐܢܐ ܕܦܙܠܐ ܗܿܢܘܢ ܕܠܡܘܠܕܢܘܬܐ ܡܛܣܝܒܝܢ ܩܛܝܪܐܝܬ ܘܒܐܘܪܨܢܐ ܡܬܬܠܝܢ ܒܗ. ܘܠܐ ܫܘܐ ܘܐܦ ܠܐ ܠܚܕܐ ܡܘܠܕܢܘܬܐ ܘܐܦ ܠܐ ܠܚ̈ܝܐ ܕܒܢ̈ܝ ܐܢܫܐ ܘܐܦܠܐ ܠܗܿܢܝܢ ܕܢܩܦܢ ܠܗܘܢ ܕܠܩܘܒܠܐ ܕܝܢ ܡܢ ܚܫܘܟܐ ܠܚܫܘܟܐ ܢܦܩ ܘܠܐ ܗܘܐ ܒܠܚܘܕ ܡܢ ܚܝ̈ܐ ܕܒܢ̈ܝ ܐܢܫܐ ܐܠܐ ܘܐܦ ܡܢ ܫܡܐ ܡܬܓܠܙ ܀ ܀ ܀܀ ܥܒ. ܐܟܘܬܗܝܢ ܗܟܝܠ ܕܗܠܝܢ ܦ ܗܿܘ ܕܥܒܪ ܒܥܘܡܪܐ ܐܢܫܝܐ ܕܥܠ ܐܪܥܐ. ܡܕܡ ܡܢ ܥܘܠܐ ܕܠܐ ܡܠܬܐ ܘܕܠܐ ܝܕܥܬܐ ܐܘ ܕܗܼܘ ܕܥܕܟܝܠ ܒܛܝܢ ܒܟܪܣܐ ܠܐ ܦܪܝܫ ܘܠܐ ܡܬܦܚܡ ܥܡ ܗܿܢܘܢ ܓܘܫ̈ܡܐ ܕܠܒܪ ܕܡܠܐܟ̈ܐ ܘܕܪ̈ܘܚܐ ܐܠܗ̈ܝܬܐ ܐܦ ܝܠܘܕܐ ܗܘ ܕܠܐ ܝܕܥܬܐ ܘܡܛܠ ܪܒܘܬܐ ܕܫܒܪܘܬܗ ܢܚܕܐ ܒܥܘܛܦܐ ܕܦܓܪܐ ܕܥܠ ܓܢܒܗ ܘܢܚܒ ܒܛܢ ܕܝܠܗ ܘܠܐ ܝܕܥ ܐܬܪܐ ܕܚܕܝܪ ܠܗ݀ ܐܝܟܐ ܕܩܛܠܐ 33 ܘܚܫܘܟܐ ܘܐܚܪ̈ܢܐ ܓܢܣ̈ܐ ܕܚܠܩܐ ܕܐܝܟ ܕܒܡܪ̈ܓܐ ܕܒܝܫ̈ܬܐ ܘܚܫܘܟܐ ܪܥܝܢ݀ ܐܡܿܪ ܚܕ ܡܢ ܐܢܫܐ ܥܬܝܩ̈ܐ ܟܕ ܡܘܕܥ ܥܠ ܐܐܪ ܗܢܐ ܕܥܠ ܐܪܥ ܪܛܝܒܐ ܘܥܡܘܛܐ ܕܣܓܝ̈ܐܐ ܡܘܙ̈ܓܐ ܡܢ ܪ̈ܒܘܬܐ ܕܥܛܪ̈ܐ ܕܡܢ ܐܪܥܐ ܐܝܬܘܗܝ ܢܣܒܪ ܕܝܢ ܐܢܫ ܕܐܝܬܘܗܝ ܐܦܢ ܛܒ ܝܠܘܕܐ ܗܘ. ܒܪܡ ܕܝܢ ܐܢ ܗܠܝܢ ܚܝ̈ܐ ܕܗܪܟܐ ܐܝܟ ܕܙܕܩ݀ ܠܟܝܢܗ ܢܥܒܪ ܘܥܘܡܪܐ ܕܐܟܘܬܗ ܢܦܪܘܥ ܠܢܡܘܣܐ ܕܟܝܢܗ ܕܠܐ ܢܬܪܥܐ ܠܒܪ ܡܢ ܡܫܘܚܬܐ ܕܩܘܡܬܗ ܘܠܐ ܢܒܥܘܛ ܠܟܝܐܢ ܕܒܕܡܘܬܐ ܐܡܐ ܛܥܝܢ ܠܗ݀ ܘܠܐ ܬܘܒ ܢܛܥܐ ܠܐܒܘܗܝ݀ ܐܠܐ ܢܕܥ ܠܐܒܐ ܕܝܠܗ ܕܒܫܡܝܐ ܠܗܿܘ ܦܪܘܩܐ ܕܓܘܐ ܕܟܠ. ܘܬܫܒܘܚܬܐ ܕܬܘܕܝܬܐ ܠܗ ܠܗܢܐ ܢܦܪܘܥ݀ ܡܛܠ ܕܫܘܬܦܗ ܠܛܒ̈ܬܐ ܘܒܡܪܕܘܬܐ ܕܟܐܢܘܬܐ ܢܬܪܒܐ. ܘܒܥܢܝܢܗ ܕܥܠ ܐܪܥܐ ܢܩܕܡ ܢܗܪܘܓ ܒܥܘܡܪܐ ܫܡܝܢܐ ܫܦܝܪ ܡܐ ܕܡܫܢܐ ܗܢܐ ܡܢ ܥܘܡܪܐ ܗܢܐ ܡܝܘܬܐ. ܘܫܠܚ ܡܢ ܦܓܪܐ. ܡܝܠܕܝܢ ܠܗ ܡܠܐܟ̈ܘܗܝ ܕܐܠܗܐ ܡܐ ܕܡܬܝܠܕ ܠܚܝ̈ܐ ܐܚܪ̈ܢܐ ܘܡܩܒܠܝܢ ܠܗ ܒܕܡܘܬ ܡܪܒܝܢܝܬܐ ܚܝ̈ܠܐ ܛܒ̈ܐ ܘܟܢ̈ܫܐ ܐܠܗ̈ܝܐ ܡܬܐܪܝܢ ܠܗ. ܘܠܫܘܡܠܐ ܕܛܒ̈ܬܐ ܗܿܘ ܡܠܬܗ ܕܐܠܗܐ ܗܘ ܡܠܦܢܐ ܕܥܢܝܢܐ ܕܒܫܡܝܐ ܐܝܟ ܕܠܒܪܐ ܚܒܝܒܐ ܕܒܪ ܘܒܝܘܠܦܢܐ ܕܡܠܟܘܬ ܫܡܝܐ ܕܪܐ ܘܡܐ ܕܥܒܕܗ ܡܫܠܡܢܐ ܘܚܟܝܡܐ ܠܗ ܠܐܒܘܗܝ ܡܠܟܐ ܕܟܘܠ ܝܗܒ ܠܗ݀ ܘܟܘܬܝܢܐ ܕܢܘܗܪܐ ܕܠܐ ܡܬܡܠܠ ܒܦܓܪܗ ܘܒܢܦܫܗ ܕܠܐ ܡܬܚܒܠ ܢܥܛܦܝܘܗܝ. ܐܝܟܢܐ ܕܡܟܝܠ ܘܐܦ ܠܟܘܠ ܥܘܕܪܢܐ ܕܓܘܐ ܢܗܘܐ. ܐܠܐ ܚܪܬܗ ܕܗܢܐ ܗܟܢܐ. ܗܿܘ ܕܝܢ ܕܕܝܨ ܠܘܩܒܠ ܡܪܕܝܬܐ ܕܟܝܢܗ݀ ܘܐܫܬܘܬܦ ܠܗܦܘܟܝܐ ܕܠܐ ܫܦܝܪ݀ ܘܠܐܪܥܐ ܐܡܗ ܕܛܥܝܢܐ ܠܗ ܨܥܪ݀ ܘܬܘܒ ܐܪܫܥ ܘܠܡܠܬܐ ܕܐܠܗܐ ܦܪܘܩܐ ܕܓܘܐ ܕܟܘܠ ܠܐ ܢܕܥ ܘܪ̈ܒܘܬܐ ܕܝܢ ܕܐܒܗ̈ܐ ܐܝܠܝܢ ܕܠܐ ܐܝܬܝܗܘܢ ܚܠܦ ܚܕ ܕܐܕܝܬܘܗܝ ܐܟܬܒ݀ ܘܐܠܗ̈ܐ ܗܿܢܘܢ ܕܡܢ ܡܬܘܡ ܠܐ ܐܝܬܝܗܘܢ ܚܠܦ ܗܿܘ ܚܕ ܒܠܚܘܕܘܗܝ ܕܐܝܬܘܗܝ ܫܪܪܐ ܫܡܗ. ܘܬܘܒ ܒܬܪ ܗܠܝܢ ܒܪ̈ܓܝܓܬܐ ܨܚܢ̈ܬܐ ܕܠܐ ܢܡܘܣ ܕܐܘܣܝܐ ܗܕܐ ܪܛܝܒܬܐ ܘܡܬܚܒܠܢܝܬܐ ܟܠܗ ܛܒܿܥ. ܘܗܿܢܝܢ ܠܐ ܗܘܐܐܝܟ ܗܿܘ ܥܘܠܐ ܕܠܐ ܒܨܒܝܢܗ݀ ܒܨܒܝܢܗ ܕܝܢ ܘܒܡܠܟܐ ܕܚܐܪܘܬܗ. ܓܒܐ ܠܗ ܗܠܝܢ ܒܝܫ̈ܬܐ ܘܣܥܪ ܕܐܝܟܢܐ ܗܘܿܝܐ ܚܪܬܗ ܓܠܝܐܝܬ ܕܡܘܬܗܿ ܕܬܚܘܝܬܐ ܡܘܕܥܐ ܠܐ ܗܘܐ ܓܝܪ ܦܪ̈ܨܘܦܐ ܦܨܝ̈ܚܐ ܘܓܘܚܟܐ ܕܡܠܐܟ̈ܐ. 34 ܛܒܐ ܚܙܝܢ ܠܗ. ܘܐܦܠܐ ܡܐ ܕܢܦܩ ܠܢܘܗܪܐ ܚܝ̈ܠܐ ܕܐܠܐܗ ܡܪ̈ܒܝܢܐ ܡܩܒܠܝܢ ܠܗ ܐܠܐ ܟܕ ܥܪܩ ܒܚܪܬܗ ܡܢ ܡܦܩܢܐ ܘܠܓܘ ܒܒܣܝܘܬܗ ܕܦܓܪܐ ܘܒܗܘܢ ܒܗܕ̈ܡܐ ܡܬܛܫܐ ܡܐ ܕܩܪܒ ܫܪܝܗ ܕܦܓܪܐ ܘܗܦܘܟܝܐ ܕܠܒܪ ܡܢ ܟܝܢܐ ܡܬܗܦܟ ܩܛܝܪܐܝܬ ܓܪܝܢ ܘܡܬܬܠܝܢ ܒܗ݀ ܗܿܢܘܢ ܕܠܗܕܐ ܦܩܝܕܝܢ ܘܗܝܕܝܢ ܡܢ ܒܬܪ ܫܘܢܝܗ ܕܡܢ ܗܪܟܐ ܟܕ ܡܬܐܢܩܐ ܘܡܬܢܚܐ ܢܦܫܗ ܕܘܝܐ ܘܠܐ ܗܘܐܢܘܗܪܐ ܘܠܐ ܚܝ̈ܐ ܕܛܒ̈ܬܐ. ܐܠܐ ܚܫܘܟܐ ܘܕܘܟܬܐ ܕܚܒܠܐ ܬܩܒܠܝܘܗܝ. ܘܕܝܢܗ ܕܐܠܗܐ ܠܡܛܢܦܐ ܘܠܛܡܐܐ ܐܝܟ ܕܠܨܚܢܐ ܘܢܕܝܕܐ ܠܬܕܟܝܬܐ ܕܒܝܕ ܢܘܪܐ ܘܡܣܡ ܒܪܝܫܐ ܢܫܡܠܝܘܗܝ ܡܛܠ ܕܠܐ ܐܬܬܪܐ ܒܡܠܬܐ ܘܠܐ ܢܩܦ ܠܢܡܘܣܐ ܐܠܗܝܐ ܟܕ ܡܫܟܚ ܗܘܐ. ܀܀ ܀܀ ܀܀ ܥܓ. ܗܿܘ ܓܝܪ ܕܒܬܚܘܝܬܐ ܝܠܘܕܐ ܒܛܝܢܐ ܒܨܝܪ ܗܘ ܕܒܟܘܠ ܘܒܟܘܠ ܡܕܡ ܡܢ ܚܝܠܐ ܚܣܝܪ ܗܘ݀ ܕܐܦ ܠܐ ܒܬܪܥܝܬܗܿ ܢܦܫܐ ܘܠܐ ܒܪ̈ܓܫܐ ܕܦܓܪܐ ܥܕܟܝܠ ܡܬܚܫܚ݀ ܗܿܘ ܕܝܢ ܕܥܕܟܝܠ ܡܕܥܐ ܫܒܪܐ ܒܒܢ̈ܝ ܐܢܫܐ ܥܡ ܗܿܢܘܢ ܕܠܐ ܓܫܘܡ ܘܐܠܗ̈ܝܐ ܡ̈ܠܝܠܐ ܗܿܢܘܢ ܕܒܫܡܝܐ ܘܐܝܟ ܕܒܦܘܚܡܐ ܕܒܘܩܝܐ ܡܝܠܐܝܬ ܝܠܘܕܐ ܫܦܝܪ ܡܬܐܡܪ ܘܐܦܢ ܐܝܬܘܗܝ ܕܚܟܝܡ ܡܢ ܟܘܠܗܘܢ ܒܢ̈ܝ ܐܢܫܐ. ܘܐܦܢ ܗܘ ܗܿܘ ܕܡܫܠܡܢ ܡܢ ܗܿܢܘܢ ܕܥܠ ܐܪܥܐ ܠܐ ܡܕܡ ܝܬܝܪ ܡܢ ܥܘܠܐ ܟܕ ܗܼܘ ܒܢܦܫܗ ܥܡ ܡܫܠܡܢܘܬܗ ܢܬܦܚܡ݀ ܡܐ ܕܐܬܐ ܕܝܢ ܠܓܒܪܐ ܕܐܝܟܢܐ ܗܘܐ ܒܡܝܬܪܘܬܐ ܕܠܝܠܐ ܗܝ ܗܟܢܐ ܕܢܬܒܩܐ. ܐܢ ܓܝܪ ܥܕܟܝܠ ܝܠܘܕܐ ܗܘ ܘܒܫܘܪܐ ܗܢܐ ܩܫܝܐ ܕܐܘܣܝܐ ܗܕܐ ܐܪܥܢܝܬܐ ܘܡܬܚܒܠܢܝܬܐ ܚܒܝܫ ܗܢܐ ܚܝܠܐ ܕܡܝܬܪܘܬܐܛܥܝܢ݀ ܕܠܐ ܗܘܐ ܒܠܚܘܕ ܗܠܝܢ ܕܥܠ ܐܪܥܐ ܢܕܥ. ܘܢܥܒܕ ܐܘܡܢܐܝܬ ܐܠܐ ܘܐܦ ܠܥܘܡܪܐ ܕܒܫܡܝܐ ܢܩܕܡ ܕܢܬܕܡܐ ܠܗ. ܠܐܠܗܐ ܘܢܥܒܕ ܐܡܬܝ ܕܨܿܒܐ ܕܡܘ̈ܬܐ ܕܗܿܢܝܢ ܕܒܫܡ̈ܝܐ ܘܕܗܿܢܝܢ ܕܒܐܪܥ ܗܠܝܢ ܟܠܗܝܢ ܕܗܟܘܬ݀ ܗܿܢܝܢ ܕܗܫܐ ܡܢܝܢ ܢܫܟܚ ܕܢܣܥܘܪ ܗܿܢܝܢ ܟܕ ܒܗܕܐ ܟܠܗܿ ܫܘܟܬܐ ܕܦܓܪܐ ܘܕܕܡܐ ܡܛܒܥ݀ ܘܐܝܟܢܐ ܘܿܠܐ ܠܐ ܕܢܣܒܪ ܕܣܥܪ ܡܐ ܕܢܦܩ ܠܡܫܘܚܬܐ ܡܫܠܡܢܝܬܐ ܕܩܘܡܬܐ ܕܓܒܪܐ ܘܐܫܬܪܝ ܡܢ ܦܟܪ̈ܐ ܗܠܝܢ ܢܟܘ̈ܝܐ ܘܡܬܚ̈ܒܠܢܐ ܘܕܗܠܝܢ ܪܕܘܝܐ ܘܪ̈ܛܝܒܐ ܕܦܓܪܐ ܘܐܫܬܘܬܦ ܠܥܘܡܪܐ ܕܠܐ ܡܬܚܩܠ݀ ܘܠܦܓܪܐ ܕܠܐ ܡܐܬ. ܐܢ ܓܝܪ ܗܘ ܙܪܥܗ ܒܠܚܘܕܘܗܝ ܕܚܝܠܐ 35 ܡܠܝܠܐ. ܗܢܐ ܟܘܠܗ ܥܠ ܐܪܥܐ ܚܝܠܬܢ ܘܡܫܟܚ ܟܕ ܥܕܡܫܐ ܠܐ ܩܒܠ ܦܪܥܗ ܡܫܠܡܢܐ ܐܠܐ ܘܐܦ ܟܕ ܒܕܘܟܬܐ ܪܛܝܒܬܐ ܕܫܘܟܬܐ ܕܦܓܪܐ ܡܬܚܒܠܢܐ ܐܪܡܐ ܡܫܟܚܐ ܕܡܢܗܪܟܐ ܢܕܥ ܟܡܐ ܐܝܬܘܗܝ ܦܪܥܐ ܕܦܐܪ̈ܐ ܡܫܠܡܢܐ ܕܙܪܥܐ ܕܒܢܦܫ̈ܬܐ ܡܐ ܕܐܫܬܘܬܦ ܠܦܘܠܚܢܐ ܕܙܕܩ ܘܐܫܬܚܠܦ ܡܟܐ ܘܐܬܢܨܒ ܒܕܘܟܬܐ ܡܝܬܪܬܐ ܒܐܪܥܐ ܛܒܬܐ ܘܛܥܝܢܬܐ. ܐܝܟܐ ܕܗܼܝ ܡܠܬܐ ܫܡܝܢܝܬܐ ܗܿܘ ܙܪܘܥܐ ܕܟܘܠ ܘܢܨܘܒܐ ܕܟܠܗܝܢ ܛܒ̈ܬܐ ܢܩܒܠ ܙܪܥܗ ܕܝܠܗ݀ ܘܒܡܪ̈ܓܐ ܕܢܦܫ̈ܬܐܕܠܐ ܦܓܪܐ ܘܕܠܐ ܓܫܘܡ ܐܝܟ ܕܒܦܪܕܝܣܐ ܕܪ̈ܚܡܝ ܠܐܠܗܐ ܗܼܘ ܢܨܒܬܐ ܕܝܠܗ ܢܫܩܐ ܘܢܪܒܐ ܠܫܠܡܘܬܐ ܘܠܫܘܪܬܚܐ ܕܛܒ̈ܬܐ ܪ̈ܘܪܒܬܐ ܢܩܪܒ܀ ܀ ܀܀ ܥܕ. ܝܕܥ ܐܢܬ ܕܝܢ ܪܒܘܬܐ ܕܡܫܠܡܢܘܬܗ ܡܝܬܪܬܐ ܕܒܪ ܐܢܫܐ ܡܢ ܫܘܚ̈ܠܦܘܗܝ ܕܗܪܟܐ ܘܬܪ̈ܒܝܬܗ ܐܢ ܬܬܚܫܒ ܕܗܘ ܥܘܠܐ ܕܗܫܐ ܐܬܝܠܕ ܠܐ ܡܝܬܪ ܡܕܡ ܡܢ ܬܘܠܥܐ ܕܐܦܠܐ ܒܕܡܘܬ ܚܝܠܘܬܐ ܕܠܐ ܡܠܬܐ ܒܪ̈ܓܫܐ ܕܦܓܪܐ ܡܬܚܫܚ. ܒܪܡ ܕܝܢ ܗܢܐ ܒܨܝܪܐ ܘܡܫܪܝܐ ܘܡܚܝܠܐ ܘܕܠܐ ܬܪܥܝܬܐ ܡܐ ܕܪܒܝ ܒܩܘܡܬܗ ܠܗܢܐ ܟܠܗ ܫܘܓܢܝܐ ܘܫܘܚܠܦܐ ܒܡܕܪܝܬܐ ܕܙܒ̈ܢܐܐܬܐ ܘܡܝܬܪܘܬܐ ܘܚܝܠܐ ܘܫܘܦܪܐ ܕܦܓܪܐ ܐܟܚܕܐ ܘܕܢܦܫܐܗܢܐ ܠܗ ܡܩܒܠ ܐܝܟܢ ܕܐܦܠܐ ܐܢ ܢܚܙܘܢܝܗܝ ܗܿܢܘܢ ܕܝܠܕܘܗܝ ܢܦܪܫܘܢ ܐܢ ܗܿܢܘ ܗܘ ܕܐܙܕܪܥ ܒܟܣܪܐ ܘܐܬܒܛܢ ܒܚܫܘܟܐ. ܘܐܢ ܗܢܐ ܗܘ ܗܿܘ ܕܡܢ ܚܫܘܟܐ ܢܦܩ. ܕܒܚܠܒܐ ܘܒܥܙܪ̈ܘܪܐ ܐܬܪܒܝ ܗܼܘܝܼܘ ܗܢܐ ܕܗܫܐ ܒܚܟܡܬܐ ܘܒܝܕܥܬܐ ܠܟܠܗ ܥܠܡܐ ܚܙܐ ܒܪ ܐܢܫܐ. ܗܿܘ ܕܟܠܗܝܢ ܗܠܝܢ ܕܥܠ ܐܪܥܐ ܡܫܥܒܕ ܐܢ ܕܝܢ ܢܫ ܐܫܟ ܕܒܦܘܚܡܐ ܕܚܝܠܐܐܠܗܝܐ ܘܕܡܠܐܟ̈ܐ ܘܕܗܿܘ ܝܠܘܕܐ ܕܗܫܐ ܐܬܝܠܕ ܒܡܨܥܬܐ ܠܓܒܪܐ ܡܫܠܡܢܐ ܢܣܝܡ ܠܐ ܡܫܟܚ ܫܘܝܘܬܐ ܫܠܡܬܐ ܕܠܝܘܕܐ ܠܘܬ ܓܒܪܐ ܡܫܠܡܢܐ ܐܘ ܕܓܒܪܐ ܡܫܠܡܢܐ ܠܘܬܚܝܠܐ ܡܝܪܬܐ ܕܣܓܝ ܚܣܝܪܐ ܐܝܬܘܬܗ ܕܥܘܿܠܐ ܡܢ ܓܒܪܐ ܡܫܠܡܢܐ ܝܬܝܪ ܡܢ ܚܣܝܪܘܬܗ ܕܗܢܐ ܡܢ ܚܝܠܐ ܕܡܠܐܟ̈ܐ݀ ܗܿܘ ܓܝܪ ܕܗܫܐ ܐܬܝܠܕ. ܥܘܿܠܐ ܐܢܫܐ ܘܐܦ ܠܐ ܠܗܿܢܝܢ ܚܝ̈ܘܬܐ ܕܠܐ ܡܠܬܐ ܕܗܫܐ ܐܬܝܠܼܕ ܒܐܝܬܘܬܗ ܕܡܐ. ܗܿܘ ܕܝܢ ܕܐܬܢܦܩ ܠܓܒܪܐ ܡܫܠܡܢܐ ܘܪܚܡܐ ܕܐܠܗܐ ܐܬܚܙܝ. ܡܢ ܗܪܟܐ ܡܬܫܘܬܦ ܠܪܘܚܐ ܐܠܗܝܬܐ ܘܥܡ ܡܠܐܟܐ ܡܡܠܠ݀ ܘܠܚܘܒܐ ܘܠܪܚܡܬܐ ܕܥܢܝܢܐ ܫܡܝܢܐ ܢܐܬܐ. ܘܒܥܘܡܪܐ ܢܟܦܐ 36 ܘܕܕܚܠܬ ܐܠܗܐ ܢܩܕܡ ܢܬܥܬܕ ܠܐ ܗܘܐ ܒܪܘܚܩܐ ܕܛܘܪܐ ܣܓܝܐܐ ܠܫܘܝܘܬܐ ܕܡܠܐܟ̈ܐ ܘܠܚܝ̈ܐ ܘܠܡܝܬܪܘܬܐ ܡܫܬܘܬܦ݀ ܗܕܐ ܕܐܦ ܡܠܬܐ ܗܠܝܬܐ ܡܚܘܝܐ ܟܕ ܐܡܪܝܐ ܡܢܘ ܒܪ ܐܢܫܐ ܕܥܗܕܬܝܗܝ݀ ܘܒܪ ܐܢܫܐ ܕܦܩܕܬܝܗܝ. ܒܨܪܬܝܗܝ ܩܠܝܠ ܡܢ ܡܠܐܟ̈ܐ. ܒܐܝܩܪܐ ܘܒܫܘܒܚܐ ܐܥܛܦܬܝܗܝ ܀܀ ܀܀܀ ܥܗ. ܐܢ ܗܟܝܠ ܗܼܘ ܝܠܘܕܐ ܡܐ ܕܪܒܝ ܒܩܘܡܬܗ ܕܝܟܢܗ ܘܠܣܒܪܬܐ ܘܠܡܪܕܘܬܐ ܕܙܕܩܐ ܠܗ ܐܬܡܛܝ. ܗܢܐ ܟܘܠܗ ܫܘܚܠܦܐ ܘܫܘܓܢܝܐ ܡܩܒܠ݀ ܘܠܐ ܐܢܫ ܡܫܟܚ ܕܠܐ ܢܗܡܢ ܠܫܘܚܠܦܗ ܡܛܠ ܓܠܝܘܬܗ ܕܢܣܝܢܐ. ܡܢܐ ܡܬܒܥܐ ܕܢܬܕܡܪ ܐܢ ܐܦ ܗܼܘ ܡܕܥܐ ܡܫܠܡܢܐ ܕܒܒܪ ܐܢܫܐ ܕܗܟܢܐ ܐܝܬܘܗܝ ܐܝܟ ܡܐ ܕܐܝܬܘܗܝ. ܕܥܟܝܠ ܛܠܐ ܗܘ ܒܦܘܚܡܐ ܕܫܠܡܘܬܐ ܕܪܒܘܬܗܘܢܿ ܕܡܝܪܬܐ ܡܐ ܕܢܦܩ ܠܫܘܠܡܐ ܕܬܪܒܝܬܐ ܕܩܘܡܬܐ ܕܝܠܗ ܒܫܘܝܘܬܐ ܐܝܟ ܡܠܐܟ̈ܐ ܗܿܘܐ. ܐܠܐ ܚܙܝܢ ܐܢܚܢܢ ܕܒܡܘܬܐ ܡܫܬܪܐ ܟܝܢܗ ܕܒܪ ܐܢܫܐ ܘܡܢܐ ܗܝ ܗܕܐ݀ ܠܐ ܗܐ ܡܢܗ ܝܬܝܪܐܝܬ ܡܫܪܝܢ ܐܢܚܢܢ ܥܠ ܢܦܫܐ. ܕܠܐ ܡܝܬܐ݀ ܐܢ ܓܝܪ ܟܕ ܡܛܒܥܐ ܒܦܓܪܐ ܡܬܚܒܠܢܐ ܘܡܝܘܬܐ. ܗܢܐ ܟܘܠܗ ܚܝܠܐ ܕܡܝܬܝܪܘܬܐ ܡܚܘܝܐ. ܗܢܐ ܕܩܿܕܡܬܼ ܡܠܬܢ ܚܘܝܬ ܡܐ ܕܐܬܦܼܪܫܬ ܡܢ ܫܘܬܦܘܬܗ ܕܡܬܚܒܠܢܐ݀ ܘܠܡܝܘܬܐ ܐܝܟ ܕܠܦܟܪܐ ܣܡܼܬ݀ ܐܝܟܢܐ ܠܐ ܗܝܕܝܢ ܝܬܝܪ ܡܢ ܕܗܫܐ ܒܚܝܠܐ ܕܝܠܗ ܕܠܐ ܥܘܟܪ ܬܣܥܘܪ ܠܐ ܚܙܝܬ ܕܐܦ ܡܟܐ ܒܝܫܐܝܬ ܣܥܪܐ݀ ܐܡܬܝ ܕܚܘܒܐ ܥܡ ܦܓܪܐ ܢܗܘܐ ܠܗܿ. ܐܢ ܕܝܢ ܬܟܦܘܪ ܫܘܬܦܘܬܗ ܗܼܝ ܒܢܦܫܗ ܗܿܘܝܐ. ܘܢܡ ܗܪܟܐ ܡܬܝܕܥܐ ܓܠܝܐܝܬ ܐܘܣܝܐ ܕܝܠܗ ܕܐ ܗܘܐ ܓܘܫܡܐ ܐܝܬܘܗܝ ܗܿܝ ܓܝܪ ܕܠܘܩܒܠ ܦܓܪܐ ܐܝܬܝܗܿ ܐܝܟܢܐ ܡܢܗ ܕܟܝܢܐ ܐܝܬܝܗܿ. ܚܠܝܡܢ ܐܢܝܢ ܓܝܪ ܬ̈ܥܝܬܗܿ ܕܢܦܫܐ ܐܡܬܝ ܕܟܪܝܗܝܢ ܚܫ̈ܘܗܝ ܕܦܓܪܐ ܘܚܫܟܐ ܗܼܝ ܗܕܐ ܘܥܡܛܐ݀ ܡܐ ܕܦܓܪܐ ܒܪ̈ܓܝܓܬܗ ܚܐܫ. ܕܡܛܠ ܗܕܐ ܐܡܬܝ ܕܡܬܠܠܐ ܢܦܫܐ ܟܠܗܿ ܪܚܡܐ ܠܦܓܪܐ. ܘܡܐ ܕܪܚܡܬ ܠܦܓܪܐ ܡܬܓܠܙܐ ܡܢ ܡܝܬܪܘܬܐ ܕܝܠܗ. ܡܐ ܕܐܬܚܝܠܬ ܕܝܢ ܠܘܩܒܠ ܦܓܪܐ ܘܥܼܪܩܬ ܡܢ ܚܫܐ ܕܪ̈ܓܝܓܬܐ ܡܬܚܟܡܐ. ܘܡܐ ܕܐܬܚܟܡܬ ܡܗܦܟܐ ܐܦܝ̈ܗܿ ܡܢ ܫܘܬܦܘܬܗ ܕܡܝܘܬܐ. ܘܡܢ ܕܘܟܬܗ ܠܐܝܕܥܬܐ ܢܟܦܬܐ ܢܦܫܗܿ ܝܗܒܐ ܘܡܢ ܚܐܦܐ ܕܟܝܠܢܗ ܕܦܓܪܐ ܩܠܝܠ ܡܫܬܐܠܐ. ܘܝܬܝܪܐܝܬ ܫܦܝܪ ܡܬܢܗܪܐ ܘܡܬܬܪܨܦܐ ܘܡܬܬܥܝܪܐ. 37 ܡܐ ܕܚܝܠܬܢܐܝܬ ܐܝܬܝܗܿ ܠܘܬ ܥܘܬܪܐ ܕܝܠܗܿ. ܘܗܝܕܝܢ ܒܐܝܕܥܬܐ ܘܒܚܟܡܬܐ ܘܒܟܘܠܗܿ ܡܝܬܪܘܬܐ ܡܫܘܬܦܐ ܐܡܬܝ ܕܡܢ ܙܘܥܐ ܕܚܫ̈ܘܗܝ ܕܦܓܪܐ ܡܗܦܟܐ ܐܦܝܗܿ ܐܠܐ ܘܐܦ ܠܐ ܡܫܘܝܐ ܕܒܥܝ̈ܢܐ ܕܦܓܪܐ ܬܬܩܪܒ ܘܐܦܠܐ ܒܐܚܪ̈ܢܐ ܪ̈ܓܫܘܗܝ ܬܣܥܘܪ ܐܡܬܝ ܕܥܠ ܡܝܬܪܘܬܐ ܡܬܚܫܒܐ ܘܡܐ ܕܥܡܨܬ ܕܝܢ ܚܝܠܬܢܐܝܬ ܘܠܓܘ ܗܼܝ ܠܗܿ ܚܡܠܬ. ܘܠܪܘܚܩܐ ܡܢ ܗܠܝܢ ܕܠܪ̈ܓܫܐ ܩܪܝܒܢ ܘܡܬܚܙܝܢ. ܐܙܠܬ ܘܠܗ ܠܦܓܪܐ ܒܠܚܘܕ ܩܪܝܒܐ ܘܒܥܝܢܐ ܕܝܢ ܕܢܦܐ ܠܐܚܪܢܐ ܓܒܐ ܡܦܢܝܐ. ܘܗܿܝ ܒܢܦܫܗܿ ܡܫܬܘܚܕܐ ܗܝܕܝܢ ܬܘܒ ܒܡܕܥܐ ܢܗܝܪܐ ܒܥܘܗܕܢܐ ܕܟܝܐ ܡܬܚܫܚܐ ܘܡܠܬܐ ܕܠܐ ܬܛܝܪܐ ܢܦܩܐ ܘܡܫܩܝܐ ܠܗ. ܘܚܝ̈ܠܐ ܟܠܗܘܢ ܡ̈ܠܝܠܐ ܕܠܐ ܥܘܬܟܪ ܣܥܪ̈ܝܢ. ܐܢ ܕܝܢ ܡܢ ܫܠܝ ܢܪܗܛ ܡܕܡ ܡܢ ܗܿܢܝܢ ܕܡܗܪܢ ܠܦܓܪܐ݀ ܐܝܟܢܐ ܕܓܠܐ ܚܙܬܐ ܕܥܝ̈ܢܐ ܓܠܙ. ܡܢ ܕܘܟܬܗ ܫܓܫ ܠܗܿ ܚܙܬܗܿ ܕܢܕܦܫܐ ܘܐܢ ܕܝܢ ܬܪܦܐ ܢܦܫܗܿ ܬܬܠ ܠܦܓܪܐ ܘܗܝܕܝܢ ܒܪܝܘܝܘܬܐ ܘܒܣܝܒܪ̈ܬܐ ܘܒܪ̈ܓܝܓܬܐ ܘܒܫܪܟܐ ܕܒܘܣܡ̈ܘܗܝ ܕܦܓܪܐ ܬܫܬܘܬܦ݀ ܡܚܝܠܐ ܒܗ ܠܒܝܫܬܐ ܘܒܕܡܿܘܬ ܚܝܘܬܐ ܒܝܫܬܐ ܘܒܥܪܝܪܝܬܐ ܗܿܘ ܦܓܪܐ ܡܬܚܒܠܢܐ ܩܐܡ ܥܠܝܗܿ. ܘܗܼܝ ܕܝܢ ܠܬܚܬ ܒܥܘܡܩܐ ܫܪܟܐ. ܘܛܘܥܝܝ ܘܣܟܠܘܬܐ ܘܟܘܠܗܿ ܠܠܘܬܐ ܡܬܡܠܝܐ ܡܢܐ ܗܟܝܠ ܡܬܒܥܐ ܕܢܕܚܠ ܡܢ ܡܘܬܐ ܕܦܘܪܫܢܐ ܗܿܘ ܕܚܪܘܕܐ ܕܢܦܫܐ ܡܢ ܦܓܪܐ ܘܥܠ ܡܢܐ ܣܝܡܗ ܕܗܿܘ ܒܨܝܪܐ ܠܐ ܠܥܘܕܪܢܗ ܕܗܿܘ ܡܝܬܪܐ ܢܩܒܠ݀ ܘܕܗܝܕܝܢ ܒܫܪܪܐ ܕܟܝܐܝܬ ܘܛܘܒܢܐܝܬ ܗܿܘܝܢ ܚܝܝ̈ܗܘܢ ܕܪ̈ܚܡܝ ܠܐܠܗܐ ܢܘܕܐ. ܐܡܬܝ ܕܡܿܕܡ ܠܐ ܢܥܟܪ ܐܢܘܢ. ܡܢ ܕܠܩܘܒܠܐ ܐܢ ܓܝܪ ܟܕ ܐܝܬܘܗܝ ܒܗܕܐ ܕܘܟܬܐ ܘܒܗܢܐ ܡܐܢܐ ܗܘ ܟܝܢܐ ܡܠܝܠܐ ܘܥܡܪ ܒܐܪܥܐ ܘܦܓܪܐ ܥܒܝܐ ܘܐܪܥܢܐ ܒܕܡܘܬ ܡܕܡ ܦܚܪܐ ܡܥܛܦ ܗܢܐ ܟܘܠܗ ܐܠܝܨ ܒܗܢܐ ܠܒܘܫܗ ܐܝܟܢܐ ܕܢܫܘܪ ܠܥܠ ܒܪܥܝܢܗ ܘܢܡܝܬ ܗܕ̈ܡܘܗܝ ܕܦܓܪܐ ܡܗܝܢ ܕܪ̈ܓܝܓܬܐ. ܒܝܕ ܡܣܝܒܪܢܘܬܐ ܘܟܠܝܢܐ ܕܪ̈ܓܝܓܬܐ ܡܣܬܪܗܒ ܕܝܢ ܘܡܣܪܗܒ ܠܥܘܡܪܐ ܕܗܿܢܘܢ ܕܠܐ ܦܓܪ. ܘܒܕܘܒܪ̈ܐ ܕܚܟܡܬܐ ܡܬܦܪܫ ܒܟܠ ܙܒܢ ܘܡܬܦܪܩ݀ ܡܢ ܚܘܠܛܢܗ ܕܒܨܝܪܐ ܘܒܥܓܠ ܕܢܡܘܬ ܒܟܠ ܙܒܢ ܡܩܕܡ ܡܬܦܢܩ ܐܢ ܢܫܬܪܐ ܒܙܒܢ ܡܢ ܦܟܪ̈ܘܗܝ ܘܢܘܥܐ ܓܦ̈ܐ ܡܢ ܗܪ̈ܓܘܗܝ ܕܗܪܟܐ ܘܡܢ ܢܘܦܩ̈ܘܗܝ ܘܟܢ ܦܪܚ ܒܥܘܢܕܢܗ 38 ܘܢܫܚܠܦ ܕܘܟܬܐ ܕܥܠ ܐܪܥܐ ܘܢܐܪܘܥ ܡܕܡ ܕܐܚܒ ܕܐܝܟܢܐ ܗܘܐܠܐ ܬܫܐܠ. ܥܢܝܢܐ ܓܝܪ ܕܫܘܐ ܥܡ ܕܡܠܐܟ̈ܐ ܕܒܫܡܝܐ ܡܐ ܕܩܒܠ ܒܗ ܒܦܓܪܗ ܕܡܫܚܠܦ ܟܝܢܗ ܡܢ ܚܒܠܐ ܠܠܐ ܚܒܠܐ ܘܕܡܘܬܐ ܕܢܘܗܪܐ ܘܕܡܘܬܐ ܕܨܡܚܐ ܗܘܐ ܒܗܿܘ ܐܣܟܡܐ ܕܐܦ ܓܢܣܐ ܕܡܠܐܟ̈ܐ ܐܠܗ̈ܝܐ ܚܝ̈ܝܢ ܐܝܟ ܡܠܬܐ ܕܐܚܝܕܐ ܕܡܝܐܝܬ ܐܦ ܒܗܿ ܒܡܝܬܪܘܬܐ ܕܗܢܘܟ ܐܟܚܕܐ ܘܕܠܐ ܡܝܘܬܘܬܐ ܡܫܬܘܬܦ. ܀܀ ܀܀ ܀܀ ܥܘ. ܐܟܙܢܐ ܓܝܪ ܕܗܢܐ ܐܣܟܡܐ ܕܥܠ ܗܢܐ ܙܪܥܐ ܕܢܦܠ ܥܠ ܐܪܥܐ ܣܝܡܐ ܠܣܓܝ̈ܐܐ ܟܣܝܐܝܬ ܡܠܬܐ ܗܝ ܕܡܬܦܪܐ ܙܪܥܘܢܐ ܗܿܝ ܕܕܗܐ ܐܠܨܐ ܒܗ ܒܙܪܥܐ ܫܠܝܐܠܬ ܕܝܢ ܒܕܡܘܬ ܦܪܚܪܘܚܝܬܐ ܠܓܘ ܒܗ ܒܓܦܪܐ ܥܒܝܐ ܚܒܝܫ. ܘܗܼܘ ܗܢܐ ܡܐ ܕܢܦܠ ܙܪܥܐ ܒܐܪܥܐ ܘܠܒܘܫܗ ܥܒܝܐ ܗܘ ܕܡܢ ܠܒܪ ܟܪܝܟ ܠܗ. ܒܚܒܠܐ ܐܫܬܪܝ݀ ܗܝܕܝܢ ܢܦܫܗ ܕܚܝ ܡܚܘܐ. ܘܚܝܠܐ ܕܒܗ ܡܙܝܥ ܘܠܒܟ ܡܢ ܗܝܠܐ ܕܬܚܘܬܘܗܝ ܘܗܝܕܝܢ ܡܫܪܐ ܕܢܣܥܘܪ ܘܕܢܩܒܠ ܟܝܢܗ ܚܝܠܐ ܘܠܒܘܫܗ ܗܿܘ ܕܡܢ ܠܒܪ ܥܬܝܩܐ ܘܥܒܝܐ ܫܠܚ ܘܚܕܬܐ ܕܝܢ ܕܡܝܬܪ ܣܓܝ ܡܢ ܥܬܝܩܐ ܠܒܫ ܀܀ ܀܀ ܥܙ. ܘܗܟܐܢ ܐܦ ܟܝܢܐ ܕܚܝܠܐ ܡܠܝܠܐ ܕܒܒܪ ܐܢܫܐ. ܕܕܗܫܐ ܒܦܓܪܐ ܡܬܚܒܠܢܐ ܐܣܿܪ ܘܒܨܝܪܐܝܬ ܡܢ ܚܝܠܐ ܕܢܦܫܗ ܣܿܥܪ ܐܢ ܕܝܢ ܢܬܚܪܪ ܡܢ ܡܬܚܒܠܢܐ ܕܚܕܪ ܠܗ ܘܢܩܒܠ ܕܘܟܬܐ ܕܒܫܡܝܐ. ܘܡܟܐ ܒܥܢܝܢܐ ܕܠܗܠ ܢܙܕܪܥ ܘܢܬܢܨܒ ܘܠܠܒܘܫܐ ܫܡܝܢܐ ܘܕܡܠܐܟ̈ܐ ܢܫܘܐ. ܕܐܝܟܢ ܗܘܐ ܡܐ ܕܐܫܬܘܬܦ ܠܚܝ̈ܐ ܕܟܝ̈ܐ ܘܐܬܚܪܪ ܡܢ ܫܘܬܦܘܬܐ ܕܠܘܬ ܡܝܘܬܐ ܠܐ ܗܘܐ ܕܝܢ ܠܝ ܘܿܠܐ ܠܝ ܕܐܡܿܪ ܩܪܝܒܐ ܗܝ ܕܝܢ ܠܟܠ ܡܢ ܕܚܙܐ ܡܢܗܿ ܕܬܚܘܝܬܐ ܠܐ ܗܘܐ ܓܝܪ ܟܘܠܗܿ ܚܛܬܐ ܡܬܚܒܠܐ. ܐܠܐ ܗܿܘ ܕܡܢ ܠܒܪ ܡܐ ܕܢܦܠ ܥܠ ܐܪܥܐ ܡܬܚܒܠ݀ ܘܗܿܝ ܕܠܓܘ ܡܠܬܐ ܟܣܝܬܐ ܘܚܝܠܐ ܚܝܠܐ ܕܒܗ ܚܝ ܘܡܩܘܐ ܘܡܝܬܪܐ ܗܘ ܡܢܗ ܗܘܐ. ܗܟܢܐ ܕܐܦ ܫܒ̈ܠܐ ܚܝ̈ܬܐ ܝܗܒ݀ ܘܕܢܨ̈ܒܬܐ ܗܝ ܗܼܝ ܡܠܬܐ ܘܕܟܘܠܗܘܢ ܙܪ̈ܥܘܢܐ ܗܟܢܐ. ܘܒܠܚܘܕܘܗܝ ܒܝ ܒܪ ܐܢܫܐ ܟܠܗ ܒܟܘܠܗ ܡܬܚܒܠ ܡܐ ܕܐܫܬܪܝ ܒܡܘܬܐ ܘܐܟܚܕܐ ܥܡ ܗܿܘ ܠܒܘܫܐ ܕܡܢ ܠܒܪ ܘܐܦ ܗܼܘ ܡܠܬܐ ܕܠܓܘ ܥܡܪ ܒܗ ܡܬܚܒܠ݀ ܘܝܕܥܬܐ ܗܝ ܕܠܐ ܓܫܘܡ ܗܝ ܕܐܫܬܘܬܦܬ ܠܗܠܝܢ ܟܠܗܘܢ ܚܝ̈ܠܐ ܗܿܝ ܕܡܛܠ ܡܝܬܪܘܬܗ ܠܐܠܗܐ 39 ܐܬܕܡܝܬ ܘܐܦ ܠܐ ܐܝܟ ܗܠܝܢ ܙܪ̈ܥܐ ܕܢܦܠܝܢ ܥܪ ܐܪܥܐ ܐܝܬܝܗܿ ܐܘ ܣܓܝ ܝܬܝܪ ܠܐ ܗܘܐ ܓܝܪ ܚ̈ܠܣܠܣܐ ܘܐܦܠܐ ܥܣ̈ܒܐ ܐܠܐ ܠܗܠܝܢ ܫܒ̈ܠܐ ܡܫܠܡ̈ܢܝܬܐ ܘܥܒ̈ܝܛܬܐ ܕܡܝܬܪܘܬܐ ܕܝܠܗ ܝܒܗ݀ ܗܝܕܝܢ ܐܡܬܝ ܕܢܓܗܐ ܡܢ ܚܒܠܐ ܐܪܥܢܐ. ܗܟܢܐ ܐܝܟ ܕܡܢ ܦܟܪ̈ܐ ܐܫܬܪܝ݀ ܘܠܐ ܗܘܐ ܣܟܠܐܝܬ ܥܢܝܢܐ ܕܒܫܡܝܐ ܡܢ ܗܿܘ ܕܥܠ ܐܪܥܐ ܚܠܦ݀ ܘܡܐ ܕܗܿܘܐ ܥܠ ܓܢܒ ܐܠܗܐ ܦܐܪ̈ܐ ܕܪܚܝܡܝܢ ܠܐܠܗܐ ܒܫܪܪܐ ܐܝܟ ܡܠܐܟ̈ܐ ܢܦܪܘܥ ܗܠܝܢ ܕܡܢ ܩܕܝܡ ܙܪܥܗܘܢ ܘܚܝܠܗܘܢ ܐܚܝܕ ܗܘܐ. ܒܦܓܪܐ ܡܝܘܬܐ ܘܐܝܟ ܕܒܐܬܘܢܐ ܐܠܝܨ ܗܘܐ. ܀܀ ܀܀ ܀܀ ܥܚ. ܟܕ ܗܠܝܢ ܟܘܠܗܝܢ ܐܬܐܡܼܪ ܠܬܚܘܝܬܐ ܕܐܘܣܝܐ ܝܕܘܥܬܢܝܬܐ ܘܡܠܝܠܬܐ ܕܒܒܪ ܐܢܫܐ ܡܟܝܠ ܠܕܒܬܪܗܝܢ ܢܐܬܐ ܒܡܠܬܢܿ ܐܠܘ ܗܟܝܠ ܗܿܘ ܒܪ ܐܢܫܐ ܕܐܬܪܒܝ ܒܥܢܝܢܐ ܕܥܠ ܐܪܥܐ. ܪܒܘܬܗ ܕܝܠܗ ܝܕܥ ܗܘܐ. ܘܒܒܛܝܠܘܬܐ ܕܝܘܠܦܢܐ ܕܐܠܗܐ ܐܝܬܘܗ ܝܗܘܐ ܠܐ ܐܝܬ ܗܘܐ ܠܗ ܥܘܟܪܐ ܕܠܐ ܡܐ ܕܐܓܗܝ ܡܟܐ. ܒܥܢܝܢܐ ܕܐܝܟ ܡܠܐܟ̈ܐ ܢܬܒܣܡ ܘܕܢܫܬܘܬܦ ܒܥܘܡܪܐ ܕܡܠܟܘܬܐ ܕܐܒܘܗܝ. ܕܒܡܝܐ ܡܛܠ ܕܝܢ ܕܠܐ ܗܘܐ ܚܕ ܒܪ ܐܢܫܐ ܘܠܐ ܬܪ̈ܝܢ ܘܠܐ ܗܘܐ ܩܝܠ ܣܓܝܐܐ ܐܠܐ ܟܘܠܗ ܓܢܣܐ ܡܠܝܠܐ ܕܥܠ ܐܪܥܐ ܕܚܝܠܐ ܕܫܘܠܛܢ ܢܦܫܗ ܩܒܠ. ܡܛܠ ܕܟܝܢܗ ܒܪ ܚܐܪ̈ܐ ܐܝܬܘܗܝ. ܕܡܢ ܡܠܬܐ ܐܠܗܝܐ ܡܠܟܐ ܙܪܥܐ ܕܡܠܟܘܬܐ ܩܒܠ. ܠܐ ܫܦܝܪ ܡܬܚܫܚ ܗܘܐ ܒܚܝܠܐ ܕܝܠܗ. ܐܠܐ ܗܿܢܝܢ ܐܚܪ̈ܢܝܬܐ ܟܘܠܗܝܢ ܕܠܚܫܚܬܐ ܕܦܓܪܐ ܐܠܨܢ ܘܡܥܕܪܢ ܠܥܘܡܪܐ ܒܝܕ ܐܘܡܢ̈ܘܬܐ ܡܨܥܝ̈ܬܐ ܥܡܠ ܗܘܐ ܒܟܘܠܗ ܫܘܒܗܪܐ ܘܡܬܦܪܣ ܗܘܐ ܦܘܠܚܢܐ ܕܐܪܥܐ ܘܬܘܩܢܐ ܕܐܠܦ̈ܐ ܘܬܐܓܘܪܬܐ ܘܙܒܝܢܬܐ ܕܩܢܝܢܐ. ܠܐ ܘܐ ܒܠܚܘܕ ܐܠܐ ܐܦ ܝܘܬܪܢܐ ܣܓܝܐܐ ܕܥܘܬܪܐ ܕܠܐ ܚܣܡ ܕܪ̈ܓܝܓܬܐ ܕܟܠ ܓܢܣ. ܡܢ ܟܘܠ ܕܘܟܐ ܡܫܬܪܬܚ ܗܘܐ݀ ܘܗܿܢܝܢ ܟܠܗܝܢ ܕܫܠܡܢ ܠܦܘܪܩܢܐ ܕܢܦܫܐ ܘܠܥܘܡܪܐ ܕܟܐܢܘܬܐ ܕܪܚܝܡ ܠܐܠܗܐ. ܗܢܝܢ ܗܠܝܢ ܡܢ ܥܩܪܗܝܢ ܡܢ ܬܪܥܝܬܗ ܚܒܠ ܘܛܘܥܝܝ ܕܡܝܬܪܘܬܐ ܕܝܠܗ ܘܕܓܢܣܗ. ܕܗܿܢܘܢ ܐܚ̈ܐ ܕܒܫܡܝܐ ܥܒܕ ܘܒܨܒܝܢܐ ܕܚܐܪܘܬܗ ܗܠܝܢ ܐܪ̈ܓܝܓܬܐ ܨܚ̈ܢܬܐ ܕܦܓܪܐ ܡܢ ܪܒܘܬܐ ܕܝܠܗ ܝܩܪ ܘܥܠ ܟܐܢܘܬܐ ܕܐܒܘܗܝ ܕܒܫܡܝܐ ܘܥܠ ܬܫܒܘܚܬܗ ܐܗܡܝ݀ ܘܗܿܢܝܢ ܚܘ̈ܬܚܬܐ ܕܠܐ ܡܠܬܐ ܕܫܒܪܘܬܐ ܘܫܪܓܪܓܝܬܐ ܓܒܐ. ܗܿܢܝܢ ܕܡܥܕܝܢ ܕܢܣܥܪܘܢ ܣܟ̈ܠܝܗܘܢ 40 ܕܫܒܪ̈ܐ ܕܡܢ ܝܘܠܦܢܐ ܘܡܪܕܘܬܐ ܕܒܛܝܠܘܬܐ ܕܗܿܢܘܢ ܕܡܘܪܟܝܢ ܪܥܝܢܗܘܢ ܥܪܩܝܢ ܘܗܠܝܢ ܕܚܠܝܢ ܒܗܢܐ ܙܒܢܐ. ܘܠܢܦ̈ܫܬܐ ܐܟܚܕܐ ܘܠܦܓܪ̈ܐ ܡܚ̈ܒܠܢ ܝܬܝܪ ܡܢ ܣܓܝ ܡܝܩܪܝܢ ܘܛܘܥܝܝ ܘܡܪܕܘܬܐ ܣܟܠܬܐ ܠܦܘܪܓܝܐ ܣܪܝܩܐ ܕܠܐ ܣܘܟܠ ܠܢܦܫ̈ܬܗܘܢ ܨܝܕܝܢ ܘܟܕ ܗܟܢܐ ܐܝܬܝܗܘܢ ܗܘܐ ܟܠܗܘܢ ܒܢ̈ܝ ܐܢܫܐ ܬܘܣܦܬܐ ܕܒܝܫܬܐ. ܗܿܘ ܚܣܡܐ ܣܢܐ ܛܒ̈ܬܐ ܘܢܟܘܠܐ ܕܫܦܝܪ̈ܬܐ ܥܠܝܗܘܢ ܟܡܝܢ ܗܘܐ. ܘܗܼܘ ܗܢܐ ܒܚܣܡܗ ܒܼܝܫܐ ܡܨܝܕ̈ܬܐ ܘܦܚ̈ܐ ܘܥܘܬܪܐ ܕܦܘܪܣܐ ܣܓܝܐܐ ܕܟܠ ܓܢܣ. ܠܘܩܒܠ ܦܘܪܩܢܐ ܕܟܠ ܬܩܢ݀ ܒܫܘܬܦܘܬܐ ܕܕ̈ܝܘܐ ܒܝܫ̈ܐ ܘܡܢ ܠܥܠ ܠܗܘܢ ܠܗܠܝܢ ܠܥܘܡܩܐ ܕܒܝ̈ܫܬܐ ܛܪܕ݀ ܕܠܐ ܢܚܙܘܢ ܟܠܗܘܢ ܗܠܝܢ ܥܠ ܐܪܥܐ ܘܢܥܒܪܘܢ ܥܠ ܢܡܘܣܐ ܕܟܝܢܗܘܢܿ ܘܦܪܥܐ ܕܒܝܫܬܐ ܒܗܘܢ ܚܠܦ ܙܪܥܐ ܕܡܝܬܪܘܬܐ ܢܣܘܚ݀ ܘܗܿܘ ܕܡܫܝܢ ܗܼܘܐ ܡܢ ܟܠ ܘܚܟܝܡ ܗܘܐ. ܘܡܠܝܠ ܗܘܐ ܡܢ ܟܠ ܕܥܠ ܐܪܥܐ݀ ܠܚܪܬܐ ܕܒܥܪܝܪܝܘܬܐ ܘܕܠܐ ܡܠܬܐ ܢܦܠ. ܐܝܟܢܐ ܕܢܒܟܐ ܚܕ ܡܢ ܪ̈ܚܡܝ ܠܐܠܗܐ ܥܠ ܗܦܘܟܝܐ ܕܡܦܘܠܬܗܘܢ݀ ܘܢܩܥܐ ܘܢܐܡܪ ܒܪ ܐܢܫܐ ܒܐܝܩܪܗ ܠܐ ܐܬܒܝܢܿ ܐܠܐ ܐܫܬܠܡ ܠܒܥܝܪܐ ܘܐܬܕܡܝ ܠܗܿ ܀܀ ܀܀ ܥܛ. ܡܛܠ ܗܠܝܢ ܗܟܝܠ ܕܡܝܐܝܬ ܦܪܘܩܐ ܪܒܐ ܕܪܒ ܡܢ ܒܢ̈ܝ ܐܢܫܐ ܡܬܒܥܐ ܗܘܐ ܠܗܘܿܢ ܘܗܢܐ ܐܝܬܘܗܝ ܗܘܐ. ܗܿܘ ܗܼܘ ܫܩܠ ܛܥܢܐ ܕܒܛܝܠ ܠܗ ܥܠ ܟܘܠ ܡܠܘܬܐ ܕܐܠܗܐ. ܗܿܘ ܕܥܠ ܢܦܫ̈ܬܐ ܡܠܝ̈ܠܬܐ ܕܥܠ ܐܪܥܐ ܒܕܡܘܬ ܐܒܐ ܛܒܐ ܘܚܒܝܒܐ ܒܥܒܕ̈ܐ ܚܘܝ ܒܛܝܠܘܬܗ. ܘܗܼܘ ܒܡܠܐܟܘܬܐ ܕܝܠܗ ܠܒܥܬܐ ܘܠܐܣܝܘܬܐ ܕܗܿܢܘܢ ܕܪܕܘ ܘܐܒܕܘ ܐܣܬܪܗܒ ܀ ܀ ܀ ܫܠܡ ܡܐܡܪܐ ܩܕܡܝܐ ܕܩܣܪܝܐ. Book 2 41 ܡܐܡܪܐ ܕܬܪ̈ܝܢ ܕܠܘܩܒܠ ܦܝ̈ܠܘܣܦܐ ܐ. ܐܠܗܐ ܦܪܘܩܐ ܐܘܼ ܚܒܝ̈ܒܝ. ܡܬܒܥܐ ܗܘܐ ܠܗ ܠܓܢܣܐ ܕܒܢ̈ܝ ܐܢܫܐ ܘܐܠܗܐ ܡܥܕܢܐ ܗܘ ܕܫܘܪܬܚܐ ܒܡܦ̈ܫܟܐ݀ ܘܚܝ̈ܐ ܕܗܿܢܘܢ ܕܫܕܝܢ ܠܡܘܬܐ ܒܠܚܘܕܘܗܝ ܡܫܟܚ ܠܡܬܠ. ܘܡܐܬܝܐ ܕܐܠܗܐ ܘܓܠܝܢܐ ܐܠܗܝܐ ܕܝܠܗ ܕܦܪܘܩܐ ܕܓܘܐ ܕܟܠ݀ ܗܢܐ ܕܐܡܪܝܢ ܐܢܚܢܢ ܕܕܢܚ ܠܒܢ̈ܝ ܐܢܫܐ ܐܠܨܐܝܬ ܡܛܠ ܕܒܪܚܬܐ ܕܒܝ̈ܫܬܐ ܘܒܥܘܡܩܐ ܕܛܥܝܘܬܐ ܕܠܐ ܐܠܗ ܘܒܫܢܝܘܬܐ ܕܐܠܗ̈ܐ ܣܓܝ̈ܐܐ ܘܒܚܣܡܐ ܕܚܘܦܛܐ ܕܕ̈ܝܘܐ ܟܠ ܡܐ ܕܥܠ ܐܥܪܐ ܐܬܚܒܠ ܗܘܐ ܀܀ ܀܀ ܀܀ ܒ. ܡܛܠ ܕܝܢ ܕܬܘܒ ܝܬܝܪܐܝܬ ܬܗܘܐ ܝܕܝܥܐ ܗܝ ܥܠܬܐ ܕܓܠܝܢܗ ܐܠܗܝܐ ܕܒܝܬ ܒܢ̈ܝ ܐܢܫܐ ܕܦܪܘܩܐ ܕܓܘܐ ܕܟܠ. ܢܫܪܐ ܡܟܝܠ ܩܕܡ ܟܠܡܕܡ ܥܠ ܡܦܘܠܬܗ ܪܒܬܐ ܕܓܢܣܐ ܕܒܢ̈ܝ ܐܢܫܐ ܘܥܠ ܪܘܫܥܗܘܢ ܕܠܐ ܢܡܘܣ. ܘܥܠ ܥܘܠܗܘܢ ܕܢܐܡܪ. ܘܗܝܕܝܢ ܬܘܒ ܥܠ ܟܣܝ̈ܬܐ ܕܐܪܙܐ ܕܝܠܘܦܢܐ ܕܓܠܝܢܐ ܐܠܗܝܐ ܢܫܢܐ ܀܀ ܀܀ ܓ. ܠܐ ܗܘܐ ܓܝܪ ܐܝܟ ܕܥܠ ܒܪ ܐܢܫܐ ܗܘ ܟܘܪܗܢܐ ܕܠܘܩܒܠ ܟܠܗܘܢ ܪܒܐ ܗܘܐ. ܠܗܠ ܕܝܢ ܡܢ ܟܘܠܗܿ ܒܝܫܬܐ ܘܣܢܝܘܬܐ ܕܒܪ ܗܘܐ ܒܕܡܘܬ ܚܘܒܠܐ ܠܒܝܫ ܡܘܬܐ ܠܟܠܗ ܓܢܣܐ ܐܢܫܝܐ ܪܥܐ ܗܘܐ ܗܼܘ ܕܝܘܐ ܒܼܝܫܐ. ܗܟܢܐ ܕܠܗܿܘ ܕܡܫܝܢ ܗܘܐ ܡܢ ܟܠ ܠܚܪܬܐ ܕܒܥܪܝܪܝܘܬܐ ܢܛܪܘܕ ܘܗܿܘ ܡܠܝܠܐ ܢܗܘܐ ܠܐ ܡܠܝܠܐ ܡܢ ܟܠ݀ ܘܡܢ ܟܕܘ ܠܐܠܗܐ ܕܠܥܠ ܡܢ ܟܠ݀ ܠܗܿܘ ܥܠܬܐ ܘܥܒܘܕܐ ܕܟܘܠ ܠܗܿܘ ܫܡܐ ܣܓܝܕܐ ܕܟܝܢܐ ܝܚܝܕܝܐ ܕܠܐ ܫܘܪܝ. ܘܠܗܿܘ ܕܐܝܬܘܗܝ ܩܕܡ ܟܠ. ܡܠܬܐ ܕܐܠܗܐ ܠܗܿܘ ܐܒܐ ܕܐܘܣܝܐ ܝܕܘܥܬܢܝܬܐ ܘܡܠܝܠܬܐ ܠܗܿܘ ܕܒܫܡܝܐ ܘܒܐܪܥܐ ܫܠܝܛ. ܠܗܿܘ ܕܒܟܠܙܒܢ ܩܪܝܒ ܠܗܢܐ ܥܠܡܐ ܘܐܝܬܘܗܝ. ܒܗ ܘܕܟܠܗܝܢ ܛܒ̈ܬܐ ܠܟܘܠ ܗܘ ܐܝܬܘܗܝ ܥܠܬܐ ܠܗܿܘ ܒܛܝܠܘܬܐ ܠܗܿܘ ܦܪܘܩܐ ܠܗܿܘ ܫܩܠ ܛܥܢܐ ܠܗܿܘ ܝܗܘܒܐ ܕܡܛܪܐ ܘܡܦܪܢܣܢܢܐ ܕܢܘܗܪܐ ܘܫܠܝܛܐ ܕܚܝ̈ܐ ܠܗܿܘ ܒܪܘܝܐ ܕܗܐ ܟܘܠ ܒܣܡܝܘܬܐ ܕܢܦܫܗܘܢ ܒܢ̈ܝ ܐܢܫܐ ܠܐ ܝܕܥܘܗܝ. ܘܠܫܡܠܐ ܘܠܣܗܪܐ 42 ܘܠܗ ܠܫܡܝܐ ܘܠܟܘܟܒ̈ܐ ܫܡܐ ܕܣܓܬܐ ܣܡܼܘ݀ܐ ܘܠܐ ܐܬܟܠܝܘ ܥܕܡܐ ܠܗܠܝܢ ܀܀ ܀܀ ܕ. ܐܠܐ ܐܦ ܠܐܘܣܝܐ ܚܡܝܡܬܐ ܘܩܪܝܒܬܐ ܘܪܛܝܒܬܐ ܘܝܒܝܫܬܐ ܠܗܘܢ ܠܡܝ̈ܐ ܘܠܗܿ ܠܐܪܥܐ ܘܠܐܐܪ ܘܠܢܘܪܐ ܗܠܝܢ ܕܟܝܢܗܘܢ ܕܠܐ ܢܦܫܐ ܗܘ ܘܕܠܐ ܡܠܬܐ ܒܗܝܢ ܒܥ̈ܝܢܝܢ ܚܙܝܢ ܐܢܚܢܢ݀ ܘܫܪܟܐ ܕܡܢܘ̈ܬܗ ܕܥܠܡܐ ܦܣܝܕܘܢ ܘܗܦܣܛܘܣ ܘܕܝܘܣ ܘܗܐܪܐ ܘܚܐܪ̈ܢܐ ܗܟܢܐ ܫܡܗܘ݀ ܘܒܟܘܢܝܐ ܕܐܠܗܐ ܝܩܪܘ. ܘܠܐ ܐܬܟܠܝܘ ܥܕܡܐ ܠܗܠܝܢ. ܀܀ ܀܀ ܀܀ ܗ. ܗܼܢܘܢ ܕܝܢ ܐܦ ܠܟܝܢܐ ܐܪܥܢܐ ܘܠܦܐܪ̈ܐ ܕܡܢ ܐܪܥܐ ܘܠܣܝܒܪ̈ܬܐ ܕܦܓܪ̈ܐ ܕܟܠ ܓܢܣ ܥܒܼܕܘ. ܐܠܗ̈ܐ ܕܡܛܪܐ ܘܩܘܪܝܐ ܘܕܝܘܢܣܘܣ ܘܐܚܪ̈ܢܝܬܐ ܐܚܘ̈ܬܗܝܢ ܕܗܠܝܢ ܥܒܕܘ ܦܬܟܪ̈ܐ ܘܠܐ ܐܬܟܠܝܘ ܥܕܡܐ ܠܗܠܝܢ݀ ܀܀ ܀܀ ܀܀ ܘ. ܐܠܐ ܐܦ ܠܡܚܫܒܬܐ ܕܝܠܗܿ ܕܬܪܥܝܬܗܘܢ ܘܠܗ ܠܡܠܬܐ ܬܪܓܡܢܝܗܝܢ ܕܗܠܝܢ ܕܢܩܪܝܘܢ ܐܠܗ̈ܐ ܠܐ ܐܬܚܒܢܢܘ݀ ܐܬܢܐ ܠܬܪܥܝܬܗܘܢ ܩܪܘ ܘܠܡܠܬܗܘܢ ܗܪܡܝܣ ܫܡܗܘ. ܘܠܗܠܝܢ ܚܝ̈ܠܐ ܫܟܝ̈ܚܐ ܕܝܘ̈ܠܦܢܐ ܡܢܡܘܣܝܢܐ ܘܡܘܣܐ ܩܘ. ܘܠܐ ܐܬܟܠܝܘ ܥܕܡܐ ܠܗܠܝܢ ܀܀ ܀܀ ܙ. ܟܕ ܪܒܝܢ ܕܝܢ ܒܣܓܝܐܘܬܐ ܕܥܬܐ ܘܒܪܒܘܬܗ ܕܫܘܪܥܐ ܠܚܫ̈ܐ ܕܝܠܗܘܢ ܗܠܝܢ ܕܘ݀ܠܐ ܗܘܐ ܕܢܪܚܩܘܢ ܐܢܘܢܿ ܘܒܡܠܬܐ ܢܟܦܬܐ ܢܐܣܘܢ ܐܢܘܢ ܗܿܢܘܢ ܥܒܕܘ ܐܢܘܢ ܐܠܗ̈ܐ ܠܗܿ ܠܪܓܬܐ ܕܝܠܗܘܢ ܘܠܗ ܠܟܘܪܗܢܐ ܨܚܢܐ ܘܚܫ̈ܐ ܕܢܦܫ̈ܬܐ ܘܠܗܘܢ ܠܗܕ̈ܡܐ ܝܩܝܪ̈ܐ ܕܠܘܬ ܣܘܪ̈ܥܢܐ ܣܪ̈ܝܚܐ ܘܠܡܢ̈ܘܬܗ ܕܦܓܪܐ݀ ܘܬܘܒ ܠܗܿ ܠܦܩܪܘܬܐ ܕܠܘܬ ܐܪ̈ܓܝܓܬܐ ܫܪ̈ܝܚܬܐ ܐܪܘܣ ܘܦܪܝܦܘܣ ܘܐܦܪܘܕܝܛܐ ܘܐܚܪ̈ܢܝܬܐ ܐܚܘ̈ܬܗܝܢ ܕܗܠܝܢ ܫܡܗܘ ܘܠܐ ܐܬܟܠܝܘ ܥܕܡܐ ܠܗܠܝܢ ܀܀ ܀܀ ܚ. ܐܠܐ ܐܦ ܠܘܬ ܝܠܕܐ ܕܦܓܪܐ ܘܠܘܬ ܥܘܡܪܐ ܕܠܬܚܬ ܡܝܘܬܐ ܢܦܠܘ. ܘܠܐܢܫ̈ܐ ܡܝ̈ܘܬܐ ܥܒܕܘ ܐܠܗ̈ܐ. ܘܒܬܪ ܡܘܬܐ ܕܓܘܐ. ܗܡ̈ܬܘܐ ܘܐܠܗ̈ܐ ܐܛܒܘ ܥܠܝܗܘܢ݀ ܕܥܠ ܓܢܒ ܩܒܪ̈ܐ ܘܒܝܬ ܓܠܡ̈ܐ ܠܐܘܣܝܐ ܐܠܗܝܬܐ ܕܠܐ ܡܝܬܐ ܣܒܪܘ ܕܡܬܟܪܟܐ ܘܠܐ ܐܬܟܠܝܘ ܥܕܡܐ ܠܗܠܝܢ ܀܀ ܀܀ ܀܀ ܛ. ܐܠܐ ܐܦ ܠܟܠ ܓܢ̈ܣܝܢ ܕܚܝ̈ܘܬܐ ܕܠܐ ܡܠܬܐ ܘܠܪܚܫܐ ܢܟܘܝܐ ܒܫܡܐ ܣܓܝܕܐ ܝܩܪܘ ܘܠܐ ܐܬܟܠܝܘ ܥܕܡܐ ܠܗܠܝܢ. ܀܀ ܀܀ ܀܀ 43 ܝ. ܐܠܐ ܘܐܦ ܐܝ̈ܠܢܐ ܦܣܩܘ. ܘܟ̈ܐܦܐ ܦܣܠܘ ܘܡܛܠܘܢ ܕܐܪܥܐ ܢܚܫܐ ܘܕܦܪܙܠܐ ܘܕܐܚܪܬܐ ܗܝܠܐ. ܥܩܒܼܘ ܘܚ̈ܙܘܐ ܕܢܩܒ̈ܬܐ ܘܐܣܟ̈ܡܐ ܕܓܒܪ̈ܐ ܕܟܪ̈ܐ ܘܕܡܘܬܐ ܕܚܝ̈ܘܬܐ ܘܕܪܚܫܐ ܓܒܠܘ. ܘܬܘܒ ܠܗܘܢ ܠܗܠܝܢ ܫܡܐ ܕܐܠܗ̈ܐ ܣܡܘ. ܘܠܐ ܐܬܟܠܝܘ ܥܕܡܐ ܠܗܠܝܢ ܀܀ ܀܀ ܝܐ. ܐܠܐ ܘܐܦ ܠܗܿܢܘܢ ܕܡܚܠܕܝܢ ܒܗܘܢ ܒܝܘܩ̈ܢܐ ܘܒܓܘܝܘܬܐ ܕܚܫܟܐ ܥܡܝܕܝܢ ܕܝ̈ܘܘܐ ܒܝܫ̈ܐ. ܒܢܘܩܝܐ ܘܒܣܘܬܐ ܕܕܒ̈ܚܐ ܡܫܡܝܢ ܘܗܘ ܫܡܐ ܕܐܠܗ̈ܐ ܣܡܼܘ ܠܗܘܢ. ܘܠܐ ܐܬܟܠܝܘ ܥܕܡܐ ܠܗܠܝܢ ܀܀ ܀܀ ܝܒ. ܐܠܐ ܐܦ ܗܼܘܢ ܒܐܣܘܪ̈ܐ ܐܝܠܝܢ ܕܗܿܢܘܢ ܕܚܪܫܘܬܐ ܡܣܠܝܬܐ ܘܒܙܡܝܪ̈ܬܐ ܘܒܠܘܚ̈ܫܬܐ ܕܩܛܝܪܐ ܕܠܐ ܢܡܘܣ ܠܚܝ̈ܠܐ ܕܠܐ ܡܬܚܙܝܢ ܕܒܐܐܪ ܦܪ̈ܚܝܢ ܫܟ̈ܢܐ ܠܗܘܢ ܢܓܕܘ ܘܬܘܒ ܡܥܕܪ̈ܢܐ ܒܗܘܢ ܒܗܠܝܢ ܥܠ ܛܥܝܘܬܐ ܕܐܠܗ̈ܐ ܕܥܒܕܘ. ܐܬܚܫܚܘ. ܘܠܐܢܫ̈ܐ ܗܟܝܠ ܡܝ̈ܘܬܐ ܐܚܪ̈ܢܐ ܥܒܕܘ ܐܠܗ̈ܐ ܠܐܚܪ̈ܢܐ. ܒܢ̈ܝ ܝܘܢ̈ܝܐ ܓܝܪ ܠܕܝܘܢܣܘܣ݀ ܘܠܗܪܩܠܣ ܘܠܐܣܩܠܦܝܣ ܘܠܐܦܠܘܢ. ܘܠܐܚܪ̈ܢܐ ܒܢ̈ܝ ܐܢܫܐ ܒܫܡܐ ܕܗܕ̈ܡܬܘܐ ܘܕܐܠܗ̈ܐ ܝܩܼܪܘ. ܐܓܒ̈ܛܝܐ ܕܝܢ ܠܗܘܪܘܣ ܘܠܐܝܣܝܘܣ ܘܠܐܘܣܝܪܝܣ ܘܠܐܚܪ̈ܢܐ ܬܘܒ ܒܢ̈ܝ ܐܢܫܐ ܕܕܡܝܢ ܠܗܠܝܢ ܐܠܗ̈ܐ ܣܒܪܘ ܥܠܝܗܘܢ݀ ܘܗܿܢܘܢ ܕܒܡܝܬܪܘܬܐ ܕܚܟܡܬܗܘܢ ܕܫܟܚܬܐ ܕܡܚܪܘܬܐ ܘܕܟܠܕܝܘܬܐ ܘܕܡܢܝܘܬܐ ܡܫܬܒܗܪܝܢ. ܠܐ ܝܕܥܘ ܠܐ ܐܫܬܟܼܠܘ. ܗܿܢܘܢ ܚܟܝ̈ܡܐ ܕܢܬܩܠܘܢ ܘܒܢܦܫܗܘܢ ܢܬܚܫܒܘܢ ܦܘܪܫܢܐ ܕܡܫܘܚܬܐ ܕܚܝܠܐ ܕܐܠܗܐ ܕܢܡ ܟܝܢܐ ܡܝܘܬܐ ܕܠܐ ܡܠܬܐ ܕܡܛܠ ܗܕܐ ܘܚܝ̈ܘܬܐ ܒܥܪܝܪܝܬܐ ܕܢܫܡܗܘܢ ܐܠܗ̈ܐ ܠܐ ܐܬܚܒܢܢ. ܘܒܢ̈ܝ ܦܝܢܝܩܐ ܕܝܢ ܠܡܩܘܬܪܘܪܘܢ ܘܠܐܘܣܘܪܘܢ ܘܠܐܚܪ̈ܢܐ ܬܘܒ ܒܢ̈ܝ ܐܢܫܐ ܡܝܘ̈ܬܐ ܕܫܝܛܝܢ ܡܢ ܗܠܝܢ ܐܠܗ̈ܐ ܫܡܗܘ. ܘܒܢ̈ ܐܪ̈ܒܝܐ ܠܕܘܣܐܪܝܢ ܘܠܐܘܒܕܘܢ ܘܗܿܢܘܢ ܓܘ̈ܬܝܐ ܠܙܠܡܟܘܣܝܢ ܘܩܝ̈ܠܝܩܝܐ ܠܡܘܣܦܘܣ ܘܬܝܒ̈ܝܐ ܠܐܡܦܝܐܪܣ ܘܠܘܬ ܐܚܪ̈ܢܐ ܬܘܒ ܐܚܪ̈ܢܐ ܕܒܟܝܢܗܘܢ ܠܐ ܡܕܡ ܦܪ̈ܝܫܝܢ ܡܢ ܡܝ̈ܘܬܐ ܗܕܐ ܕܝܢ ܒܠܚܘܕ ܕܒܫܪܪܐ ܒܢ̈ܝ ܐܢܫܐ ܐܢܘܢ ܒܫܡܐ ܕܐܠܗ̈ܐ ܝܩܪܘ ܐܢܘܢ ܀܀ ܀܀ ܀܀ ܝܓ. ܐܟܚܕܐ ܗܟܝܠ ܟܠܗܘܢ ܐܓ̈ܒܛܝܐ ܘܦܝܢ̈ܝܩܐ ܘܝܘ̈ܢܝܐ ܟܠܗ ܓܢܣܐ 44 ܡܝܘܬܐ ܐܝܟ ܟܡܐ ܕܕܢܚܗ ܕܫܡܫܐ ܡܢܗܪ ܠܡܢ̈ܘܬܗ ܕܥܠܡܐ ܘܠܗܘܢ ܠܐܣ̈ܛܘܟܣܐ ܘܠܦܐܪ̈ܐ ܕܫܘܚܝܢ ܡܢܐܪܥܐ. ܘܠܗܘܢ ܠܚܫ̈ܐ ܕܝܠܗܘܢ. ܘܬܘܒ ܐܦ ܠܫܢܝܘܬܐ ܕܕܝ̈ܘܐ ܘܠܫܪܓܪܓܝܬܐ ܘܩܕܡ ܗܠܝܢ ܠܒܢ̈ܝ ܐܢܫܐ ܡܝܘ̈ܬܐ ܕܒܣܩ̈ܘܒܠܐ ܐܢܫ̈ܝܐ ܐܬܚܫܚܼܘ. ܘܠܐ ܡܠܦܢܘܬܐ ܕܡܝܬܪܘܬܐ ܒܙܒ̈ܢܐ ܕܚܝ̈ܝܗܘܢ ܩܝܡܘ. ܘܠܐ ܝܘܠܦܢܐ ܕܥܘܡܪܐ ܢܟܦܐ ܠܒܢ̈ܝ ܐܢܫܐ ܐܬܦܪܣܘ ܘܠܐ ܬܓ̈ܡܐ ܕܦܝܠܘܣܦܘܬܐ ܚܘܝܘ ܘܠܐ ܥܒܕ̈ܐ ܡܥܕܪ̈ܢܐ ܐܫܟܚܘ ܘܠܐ ܬܠܡܝܕ̈ܐ ܕܡܝܬܪܘܬܗܘܢ ܐܪܦܝܘ ܘܠܐ ܡ̈ܠܐ ܘܠܐ ܡܟܬܒܢܘܬܐ ܕܫܠܡܐ ܠܚܝ̈ܐ ܛܒ̈ܐ ܐܫܠܡܘ݀ ܐܠܐ ܒܛܝܠܝܢ ܗܘܘ ܠܘܬ ܢܫ̈ܐ ܘܠܘܬ ܪ̈ܓܝܓܬܐ ܣܪ̈ܝܚܬܐ ܘܐܝܟ ܕܓܕܫ ܠܐ ܝܕܥܢܐ ܒܐܝܕܐ ܛܥܝܘܬܐ ܕܫܘܬܦܘܬܐ ܕܣܘܥܪ̈ܢܐ ܕܕ̈ܝܘܐ ܐܠܗ̈ܐ ܘܗܡ̈ܬܘܐ ܫܡܗܘ ܘܒܕ̈ܒܚܐ ܘܒ̈ܬܫܡܫܬܐ ܥܡ ܛܥܝܘܬܐ ܕܚܪ̈ܫܐ ܝܩܪܘ. ܘܢܘܣ̈ܐ ܘܗܝܟ̈ܠܐ ܒܡܕ̈ܝܢܬܐ ܘܒܩܘܪ̈ܝܐ ܒܢܼܘ. ܘܠܗܿܘ ܕܠܗܠ ܡܢ ܥܠܡܐ ܒܠܚܘܕܘܗܝ ܡܠܬܗ ܕܐܠܗܐ ܒܫܪܪܐ ܠܗܿܘ ܡܠܟܐ ܕܟܘܠ ܘܥܒܘܕܐ ܕܟܠ ܒܡܕܡ ܠܐ ܣܡܘܗܝ. ܘܗܼܢܘܢ ܗܠܝܢ ܗܢܐ ܟܘܠܗ ܪܒܝܢ ܗܘܘ ܒܫܢܝܘܬܐ ܘܒܡܚܒܠܘܬܐ ܕܪܥܝܢܐ ܐܝܟܢܐ ܕܡܢ ܕܘܟܬܗ ܠܒܢ̈ܝ ܐܢܫܐ ܐܝܠܝܢ ܕܐܣܬܩܒܠܘ ܐܠܗ̈ܐ ܢܩܪܘܢܿ ܘܡܢ ܕܘܟܬܗ ܠܗܘܢ ܠܗܠܝܢ ܚܫ̈ܐ ܕܡܝܘ̈ܬܐ ܢܩܦܘܢܿ ܘܓܘܪ̈ܐ ܕܠܐ ܢܡܘܣ݀ ܘܣܘܥܪ̈ܢܐ ܣܪ̈ܝܚܐ ܘܚܝ̈ܐ ܡܗܦ̈ܟܐ ܘܡܘ̈ܬܐ ܠܗܘܢ ܠܗܠܝܢ ܢܣܝܡܘܢ ܘܗܼܢܝܢ ܗܠܝܢ ܠܐ ܗܘܐ ܡܢ ܐܚܪ̈ܢܐ ܐܝܟ ܕܐܡܪܝܢ ܡܬܐܟܠܝܢ ܩܪ̈ܨܝܗܘܢ ܐܠܐ ܗܼܢܘܢ ܐܝܬܝܗܘܢ ܣܗܕ̈ܐ ܕܗܠܝܢ ܘܛܘܥܝܝ ܐܒ̈ܠܐ ܘܡܘ̈ܬܐ ܘܩܕܡ ܗܠܝܢ ܓܘܪ̈ܐ ܘܚܘ̈ܒܠܐ ܕܕܟܪ̈ܐ ܘܚ̈ܛܘܦܝܐ ܕܢܫ̈ܐ ܡܘܕܝܢܿ ܘܠܐ ܡܕܡ ܒܨܝܪ ܠܟܘܠܗܝܢ ܡܕܝ̈ܢܬܐ ܘܠܩܘܪ̈ܝܐ ܘܠܕܘܟܝ̈ܬܐ ܒܢܘ̈ܣܐ ܘܒܨܠ̈ܡܐ ܘܒܗܝ̈ܟܠܐ ܡܠܘ ܀܀ ܀܀ ܝܕ. ܘܠܐ ܗܘܐܗܕܐ ܒܠܚܘܕ ܐܠܐ ܐܦ ܡܢ ܗܠܝܢ ܡ̈ܠܐ ܕܥܒܕܘ ܥܠ ܐܠܗܝ̈ܗܘܢ ܙܘܕ̈ܐ ܕܚܝ̈ܐ ܣܪ̈ܝܚܐ ܘܕܠܐ ܢܡܘܣ ܢܣܒܘ݀ ܘܒܟܘܠ ܐܣܟ̈ܡܝܢ ܕܨܚܢܘܬܐ ܐܟܚܕܐ ܠܦܓܪ̈ܝܗܘܢ ܘܠܢܦܫ̈ܬܗܘܢ ܩܕܡܘ ܚܒܠܘ ܘܕܐܝܠܝܢ ܗܘܝ ܗܠܝܢ ܕܣܥܪ̈ܝܢ. ܗܘܘ ܟܕ ܡܬܕܡܝܢ ܒܐܠܗܝ̈ܗܘܢ ܡܢ ܩܘܪܒܐ ܫܠܝܛܐ ܕܢܬܒܩܐ ܡܢ ܗܕܐ ܦܝܢ̈ܝܩܐ ܕܫܒܒ̈ܝܢ݀ ܟܕ ܚܙܝܢ ܐܢܚܢܢ ܗܠܝܢ ܕܥܕܡܐ ܠܗܫܐ ܠܒܥܠܒܟ ܡܣܬܥܪܝܢ ܐܝܟܢܐ ܕܬܘܬܪ̈ܐ ܕܢܟܝܢܐ ܥܬܝܩ̈ܐ ܘܥܩܒ̈ܬܐ ܕܒܝ̈ܫܬܐ 45 ܡܚܒ̈ܠܬܐ ܥܕܡܐ ܠܗܫܐ ܡܬܚܦܛܢ ܬܡܢ ܕܠܐ ܠܘܩܕܡ ܢܫ̈ܐ ܕܬܡܢ ܒܫܘܬܦܘܬܐ ܕܢܡܘܣܐ ܡܬܟܕܢܢ. ܐܠܐ ܐܢ ܠܘܩܕܡ ܒܚܘܒܠܐ ܕܠܒܪ ܡܢ ܢܡܘܣܐ ܢܨܛܥܪܢ ܘܒܬܡܫܬܐ ܕܠܐ ܢܡܘܣ ܕܐܪܙܗ ܕܐܦܪܘܕܝܛܐ ܢܫܬܘܬܦܢ ܐܠܐ ܗܫܐ ܡܛܠ ܬܚܘܝܬܐ ܕܒܝܫ̈ܬܐ ܥܬܝ̈ܩܬܐ ܗܕܐ ܡܕܝܢ̈ܬܐ ܒܠܚܘܕܝܗܿ ܒܗܕܐ ܫܢܝܘܬܐ ܟܪܝܗܐ ܡܢ ܩܕܡ ܓܝܪ ܪܒܘܬܐ ܗܟܢܐ ܚܫܢ ܗܘܝ. ܟܕ ܝܬܝܪܐܝܬ ܟܘܪܗܢܐ ܕܕ̈ܝܘܐ ܐܚܝܕ ܗܘܐ ܀ ܀ ܀ ܝܗ. ܘܠܐ ܗܘܐ ܗܕܐ ܒܠܚܘܕ ܐܠܐ ܐܦ ܐܢܫܐ ܗܿܢܘܢ ܕܠܐܠܗ̈ܐ ܗܠܝܢ ܕܐܬܐܡܪܘ ܡܚܪܡܝܢ ܗܘܘ ܠܗܿܘ ܐܒܐ ܕܐܠܗ̈ܐ ܟܠܗܘܢ ܘܡܕܒܪܢܐ ܕܐܙܕܟܝ ܡܢ ܪܓܬܐ ܕܦܓܪܐ ܘܪܚܡ ܠܓܢܡܕܣ ܒܬܫܒ̈ܚܬܐ ܘܒܩܝ̈ܢܬܐ ܘܒܕ̈ܒܚܐ ܘܒܐܪ̈ܙܐ ܘܒܟ̈ܬܒܐ ܘܒܢܕܪ̈ܐ ܕܨܠܡܐ ܝܠܦܝܢ ܘܐܝܟ ܕܡܘܬܐ ܕܛܢܢܐ ܕܠܗܝ̈ܗܘܢ ܬܚܡܘܗܝ ܕܟܝܢܐ ܥܒܪܘ ܘܠܗܠ ܡܢ ܥܒܪ̈ܐ ܕܠܐ ܡܬܐܡܪܝܢ ܫܪܟܘ. ܘܗܿܢܝܢ ܕܠܡܫܡܥܬܐ ܠܐ ܫܪܝܪܝܢ ܚܕ ܠܚܕ ܕܠܐ ܕܚܠܬܐ ܨܥܪܘ ܕܟܪܐ ܥܠ ܕܟܪܐ ܒܗܬܬܐ ܥܿܒܕܝܢ ܗܘܘ. ܘܦܘܢܝ ܐܓܪܐ ܕܘܿܠܐ ܗܘܐ ܠܛܥܝܘܬܗܘܢ ܒܗܘܢ ܩܒܠܘܗܝ ܐܝܟ ܕܐܡܪܢ ܡ̈ܠܐ ܐܠܗܝ̈ܬܐ ܀܀ ܀܀ ܀܀ ܝܘ. ܘܠܐ ܗܘܐ ܗܕܐ ܒܠܚܘܕ ܐܠܐ ܐܦ ܠܬܪܥܝܬܐ ܕܓܘܐ ܐܗܦܟܘ݀ ܘܒܚܠܩܐ ܕܠܐ ܡܠܬܐ ܘܒܩܛܝܪܐ ܝܟܝܢܝܐ ܐܘܣܝܐ ܕܟܠ ܘܩܘܝܡܐ ܣܡܘܗܝ ܘܚܝ̈ܐ ܕܚܝ̈ܘܬܐ ܘܥܘܡܪܐ ܕܠܐ ܥܘܡܪܐ ܕܒܼܪܘ. ܘܠܐ ܐܘܣܝܐ ܕܢܦܫܐ ܥܩܒܘ ܘܠܐ ܥܠ ܕܝܢܐ ܟܐܢ̈ܐ ܐܠܗܝܐ ܣܒܪܘ. ܘܠܐ ܙܟܘܬܐ ܕܡܝܬܪܘܬܐ ܘܠܐ ܬܘܒ ܡܣܡ ܒܪܫܐ ܕܥܘܡܪܐ ܕܥܘܠܐ ܥܠ ܒܠܗܘܢ ܐܝܬܝܘ. ܀܀ ܀܀ ܀܀ ܝܙ. ܘܠܐ ܗܘܐ ܗܕܐ ܒܠܚܘܕ. ܐܠܐ ܐܦ ܒܡܨܥܬܐܕܬܝܛܪܘܢ ܒܪܗܛܐ ܐܝܟ ܪܡܟܐ ܡܗܠܟܝܢ ܗܘܘ ܐܟܚܕܐ ܣܒ̈ܐ ܘܥܠܝܡ̈ܐ ܘܐܡܗ̈ܬܐ ܥܡ ܒܢܝ̈ܗܘܢ ܘܒܢ̈ܬܗܘܢ ܘܢܩܦܐ ܕܥܒܕ̈ܐ ܘܟܠܗܿ ܣܪܝܚܘܬܐ ܘܦܩܪܘܬܐ ܠܒܝܫܝܢ ܗܘܘ. ܘܪܘܝܘܬܐ ܘܨܚܢܘܬܐ ܡܬܡܠܝܢ ܗܘܘ ܟܕ ܡܬܟܢܫܝܢ ܓܒܪ̈ܐ ܐܟܚܕܐ ܥܡ ܢܫ̈ܐ. ܘܡܢܐ ܟܝ ܣܥܪܝܢ ܗܘܘ ܕܫܦܝܪ. ܕܠܡܫܡܥܬܗܘܢ ܠܐ ܗܘܐ ܠܫܡܥܐ ܕܡ̈ܠܐ ܢܟܡܦ̈ܬܐ. ܘܕܕܚܠܬ ܐܠܗܐ ܡܫܡܠܝܢ ܗܘܘ. ܘܠܥܝܢܝ̈ܗܘܢ ܠܐ ܗܘܐ ܠܥܘܕܪܢܐ ܕܢܦܫܗܘܢ ܐܠܐ ܠܝܘܠܦܢܐ ܕܡ̈ܠܐ ܣܪ̈ܝܚܬܐ ܘܠܚܙܬܐ ܕܕܘܡܝܐ ܕܟܠܗܿ ܨܚܼܢܘܬܐ 46 ܐܝܟ ܗܿܢܝܢ ܗܘܝ ܓܝܪ ܠܗܘܢ ܗܠܝܢ ܕܠܚܙܬܐ ܕܟܠܗܘܢ ܟܢܫ̈ܐ ܒܛܝܠ ܗܘܐ ܠܗܘܢ ܥܠܝܗܝܢ ܕܒܗܝܢ ܚܪܝܢܐ ܕܫܢܝܘܬܐ ܕܪܟܫܐ ܘܦܘܪܓܝܐ ܕܥܘܠܐ ܕܥܠ ܗܿܢܘܢ ܕܡܬܐܟܠܝܘܢ ܡܢ ܚܝ̈ܘܬܐ ܘܩܠ̈ܝܬܐ ܦܪܟܬܐ ܘܕܠܐ ܒܢ̈ܝ ܐܢܫܐ ܕܗܿܢܘܢ ܕܒܠܘܕܪܘܬܐ ܡܬܩܛܠܝܢ ܘܬܘܒ ܓܘܚܟܐ ܨܚܢܐ ܕܥܠ ܣܪ̈ܝܚܬܐ ܘܪܘܓܪܓܐ ܣܟܠܐ ܕܡܢ ܙܡܐ ܘܚܙܬܐ ܨܚܢܬܐ ܕܡܬܕܡܝܝ ܒܢܫ̈ܐ ܘܩܥܬܐ ܚܣܝܢܬܐ ܕܥܠ ܙܡܝܪ̈ܬܐ݀ ܠܗܠܝܢ ܓܝܪ ܘܠܕܐܝܟ ܗܠܝܢ ܪ̈ܒܘܬܐ ܕܣܘܓܐܐ ܕܩܘ̈ܛܐ ܣܟ̈ܠܐ ܡܬܟܢܫܝܢ ܗܘܘ ܥܗܘܢ ܕܪ̈ܫܢܝܗܘܢ ܘܕܐܣܛܪ̈ܛܓܝܗܝܘܢ ܘܕܗܓܡܢ̈ܝܗܘܢ ܘܒܚ̈ܒܠܐ ܡܡ̈ܣܝ ܢܦܫ̈ܬܐ ܡܫܬܩܝܢ ܗܘܘ ܀܀ ܀܀ ܝܚ. ܘܠܐ ܗܘܐ ܗܕܐ ܒܠܚܘܕ ܐܠܐ ܘܐܦ ܒܝܬ ܝܘܠܦ̈ܢܐ ܕܡ̈ܠܐ ܕܠܐ ܐܠܗ ܒܥܡ̈ܡܐ ܘܒܡܕ̈ܝܢܬܐ ܒܢܘ. ܚܠܦ ܝܘ̈ܠܦܩܢܐ ܕܟܐܢܘܬܐ ܘܡܥܕܪ̈ܝ ܠܥܠܡܐ ܘܚܠܦ ܡܠܦܢܘܬܐܢܟܦܬܐ ܘܪܚܡܬ ܠܐܠܗܐ ܒܒܕܝܐ ܕܦܘ̈ܐܛܐ ܕܪܫܥܐ ܕܐܝܬ ܒܗܘܢ ܬܫܥܝ̈ܬܐ ܣܪ̈ܝܚܬܐ ܘܫܘܥܝ̈ܬܐ ܕܥܠ ܐܠܗ̈ܐ ܕܟܪ̈ܐ ܐܝܠܝܢ ܕܗܼܢܘܢ ܘܢܩ̈ܒܬܐ ܘܚܫܐ ܕܡܠܝܢ ܟܘܠܗܿ ܒܗܬܬܐ ܘܐܒ̈ܠܐ ܩܫ̈ܝܐ ܕܡܕܡ ܠܐ ܦܪ̈ܝܫܝܢ ܡܢ ܟܝ̈ܢܐ ܡܝܘ̈ܬܐ ܒܝܘܠܦܢܐ ܘܒܗܪܓܐ ܕܡܟܬܒܢܘܐ ܕܓܠܬܐ ܕܕܪ̈ܡܛܐ ܕܩܘܡܘܕܐ ܘܕܛܪܓܘܕܐ ܒܗܘܢ ܒܥܘܗܕܢ̈ܝܗܘܢ ܢܣܒܝܢ ܗܘܘ ܗܠܝܢ ܡܚܒ̈ܠܢܝܬܐ ܘܡܣܓܦ̈ܢܝܬܐ ܕܥܘܡܪܐ ܩܘܕܡܐ ܒܕܝܠܗܘܢ ܘܒܬܪܟܢ ܒܢܦܫ̈ܬܐ ܕܥܠܝܡ̈ܐ ܙܪܥܝܢ. ܗܘܘ. ܘܥܘܠܐ ܕܝܢ ܕܡܢ ܟܘܠ ܩܕܡܐ ܘܐܚܪܝܐ ܕܐܟܚܕܐ ܡܠܝܐܝܬ ܟܠܗܘܢ ܒܢ̈ܝ ܐܢܫܐ ܪ̈ܫܢܐ ܘܡܫܥܒܕ̈ܐ ܘܡ̈ܠܟܐ ܕܥܡ̈ܡܐ ܘܣܝܡ̈ܝ ܢܡ̈ܘܣܐ ܘܚܝ̈ܠܘܬܐ ܘܩܘ̈ܛܢܐ ܒܩܘܪ̈ܝܐ ܘܒܡܕ̈ܝܢܬܐ ܒܝܬ ܝܘܢ̈ܝܐ ܘܒܝܬ ܒܪܒܪܝܐ ܬܫܒܘܚܬܐ ܗܝ ܕܡܬܚܝܒܐ ܘܠܗ ܒܠܚܘܕܘܗܝ ܠܡܿܠܟܐ ܕܟܠ ܙܕܩܐ ܠܕܠܩܘܒܠܐ ܐܗܦܟܘܗܿܝ ܘܠܕ̈ܝܘܐ ܕܚܒܠܘ ܐܢܘܢܿ ܩܼܪܘ ܐܠܗ̈ܐ ܘܩܝ̈ܢܬܐ ܙܡܪܘ ܠܪܢܘܚܐ ܐܪ̈ܥܢܝܬܐ ܘܒܝ̈ܫܬܐ݀ ܘܠܐܣ̈ܛܘܟܣܐ ܕܠܐ ܢܦܫܐ ܘܠܡܢܘ̈ܬܗ ܡܬܪ̈ܓܫܢܝܬܐ ܕܥܠܡܐ ܘܟܢܫ̈ܐ ܕܚܝܘ̈ܬܐ ܡܠܝ̈ܠܬܐ ܕܥܠ ܐܪܥܐ ܠܐ ܬܒܫܘܚܬܐ ܕܟܗܢܐ ܘܐܦܠܐ ܐܚܝ̈ܝܗܘܢ ܕܒܫܡܝܐ ܡܠܐܟ̈ܐ ܩܕ̈ܝܫܐ ܘܪ̈ܘܚܐ ܐܠܗܝ̈ܬܐ ܬܗܿܢܘܢ ܕܠܡܿܠܟܐ ܕܟܠ ܡܫܒܚܝܢ ܠܐ ܦܪܥܘ ܬܫܒܘܚܬܐ ܬܫܒܘܚܬܐܕܫܠܡܐ ܠܕܗܿܢܘܢ ܐܠܐ ܠܒܪ ܡܢ ܘܠܝܬܐ ܘܐܝܕܐ ܕܠܐ ܫܠܡܐ ܙܡܪܝܢ. ܒܚ̈ܓܐ ܘܒܥܐܕ̈ܐ ܠܗܿܢܝܢ ܪ̈ܘܚܐ ܡܛܥܝ̈ܢܝܬܐ 47 ܕܡܫܓܝܢ ܠܥܠܡܐ. ܘܐܝܩܪܐ ܣܓܝܕܐ ܐܩܼܦܘ ܠܗܝܢ݀ ܗܟܢܐ ܕܡܟܝܠ ܟܘܠܗ ܐܣܛܘܟܣܐ ܕܐܪܥܐ ܫܠܡܐܝܬ ܥܡ ܟܠܗܘܢ ܥܡ̈ܡܐ ܕܒܟܠܗ ܒܪܝܬܐ ܠܐ ܡܕܡ ܝܬܝܪܢ ܗܘܘ ܡܢ ܐܠܦܐ ܕܒܟܝܡܘܢܐ ܐܝܬܝܗܿ ܕܬܒܪܗܿ ܩܫܝܐ ܡܬܠܚܡ ܗܘܐ ܒܥܓܠ ܒܡܚܫܘܠܐ ܐܚܪܝܐ ܕܐܒܕܢܐ ܕܟܠܗܿ ܀܀ ܀܀ ܝܛ. ܫܦܝܪ ܗܟܝܠ ܡܛܠ ܗܠܝܢ ܟܠܗܝܢ ܐܠܗܐ ܦܪܘܩܐ ܘܡܥܕܪܢܐ ܡܬܒܥܐ ܗܘܐ ܠܓܢܣܐ ܕܒܢ̈ܝ ܐܢܫܐ ܘܐܠܘ ܟܢ̈ܫܐ ܒܠܚܘܕ ܐܬܕܒܪܘ ܗܘܘ ܠܗܕܐ ܛܥܝܘܬܐ ܟܒܪ ܙܥܘܪܝܐ ܗܘܬ ܒܝܫܬܐ݀ ܗܫܐ ܕܝܢ ܡܠܝܐܝܬ ܪ̈ܫܐ ܕܡܕ̈ܝܢܬܐ ܘܡܕܒܪܢܐ ܕܥܡ̈ܡܐ ܘܡ̈ܠܟܐ ܕܕܘܟ̈ܝܬܐ ܘܪ̈ܫܢܐ ܕܐܬܪ̈ܘܬܐ ܘܦܨܓܪ̈ܝܒܐ ܕܥܡܡ̈ܐ ܫܠܡܐܝܬ ܐܟܚܕܐ ܟܠܗܘܢ ܒܗܿ ܒܛܥܝܘܬܐ ܕܕ̈ܝܘܐ ܕܐܠܗ̈ܐ ܣܓ̈ܝܠܐ ܟܪ̈ܝܗܝܢ ܗܘܘ. ܗܐ ܕܝܢ ܬܘܒ. ܐܦ ܗܿܢܘܢ ܕܡܫܬܒܗܪܝܢ ܗܘܘ ܒܝܬ ܝܘܢ̈ܝܐ ܒܦܝܠܣܦܘܬܐ ܘܕܝܕܥܬܐ ܝܬܝܪܬܐ ܝܬܝܪ ܡܢ ܒܢ̈ܝ ܐܢܫܐ ܣܓܗܝܐܐ ܐܝܬ ܒܗܘܢ ܡܫܬܘܕܝܢ ܗܘܘ. ܒܫܘ̈ܩܐ ܢܩܕܐܝܬ ܐܝܬܝܗܘܢ ܗܘܘ ܟܕ ܡܿܬܚܬܪ̈ܝܢ ܘܐܣ̈ܛܠܝܗܘܢ ܠܦܬܝܐ ܡܬܥܛܦܝܢ ܗܘܘ݀ ܘܒܐܪܥܐ ܪܒܬܐ ܘܐܪܝܟܬܐ ܛܥ̈ܝܐ ܗܘܘ. ܘܡܢ ܠܘܬ ܥܡ̈ܡܐ ܐܚܪ̈ܢܐ ܗܕܐ ܦܐܝܘܬܐ ܕܝܘܠܦܢܐ ܕܡ̈ܠܐ ܚܪܪܘ. ܡܢ ܗܪܟܐ ܡܚܪܘܬܐ ܘܡܢ ܐܚܪܢܐ ܓܒܐ ܚܫܘܒܘܬܐ. ܘܬܘܒ ܡ ܕܘܟܐ ܐܚܪܢܝܐ ܡܘܣܩܪܘܬܐ ܘܐܣܝܘܬܐ ܘܗܿܢܝܢ ܐܚܪ̈ܢܝܬܐ ܕܥܡ ܢܣܝܢܐ ܡܠܝܠܐ ܐܝܬܝܗܘܢ. ܗܠܝܢ ܕܝܢ ܘܕܐܟܘܬܗܝܢ ܡܢ ܟܠ ܕܘܟܐ ܟܢܫܘ ܘܒܬܪܥܝܬܐ ܡܝܘܬܬܐ ܘܕܠܐ ܐܠܗ ܢܦܠܘ. ܘܒܫܟܚܬܐ ܕܡ̈ܠܐ ܡܦܝܣ̈ܢܝܬܐ ܡܢܗܘܢ ܓܘܫ̈ܡܐ ܕܠܐ ܡܬܦܣܩܝܢ ܘܕܠܐ ܓܒ̈ܐ ܘܪ̈ܡܝܝ ܓܒ̈ܐ ܘܕܠܐ ܣܟܐ ܐܝܟ ܕܐܝܢ ܠܫܪܪܐ ܠܐ ܢܣܝܘ ܕܐܝܬܝܗܘܢ ܠܡ ܫܪܘܝܐ ܕܟܘܠ ܐܩܝܼܡܘ݀ ܘܗܼܢܘܢ ܗܠܝܢ ܐܦ ܚܪܬܐ ܕܛܘܒܢܘܬܐ ܬܚܼܡܘ ܢܝܚܐ. ܗܘ ܕܡܚܒܠܢܐ ܗܘ ܝܬܝܪ ܡܢ ܟܠܗܝܢ ܒܝܫ̈ܬܐ ܘܕܡܝܐܝܬ݀ ܡܢܐ ܓܝܪ ܢܗܘܐ ܠܗܘܢ ܕܡܝܩܪ ܡܢ ܢܝܚܐ ܠܗܿܢܘܢ ܕܠܐ ܒܛܝܠܘܬܐ ܘܠܐ ܐܠܗܐ ܘܠܐ ܢܦܫܐ ܕܠܐ ܡܝܬܐ ܘܠܐ ܐܘܣܝܐ ܝܕܘܥܬܢܝܬܐ ܘܠܐ ܡܠܬܐ ܕܐܠܗܐ ܗܿܘ ܕܠܥܠ ܡܢ ܟܘܠ ܘܠܐ ܫܘܪܝܐ ܘܠܐ ܚܪܬܐ ܕܐܝܬ ܒܗܢܐ ܡܕܡ ܕܐܝܬܘܗܝ ܣܼܡܘ ܘܒܠܚܘܕܝܗܘܢ ܗܠܝܢ ܕܠܐ ܡܠܬܐ ܘܕܠܐ ܢܦܫܐ ܕܓܘܫ̈ܡܐ ܕܠܐ ܡܬܦܣܩܝܢ ܘܐܝܬܝܗܘܢ ܕܝܢ ܓܘܫ̈ܡܐ ܩܛܝ̈ܢܐ ܘܡܛܠ ܡܝܬܪܘܬܐ ܕܙܥܘܪܘܬܗܘܢ݀ ܘܐܦܠܐ ܬܚܝܬ ܪ̈ܓܫܐ ܢܦܠܝܢ ܕܗܼܢܘܢ ܗܠܝܢ ܕܠܐ ܢܦܫܐ ܐܢܘܢ ܘܕܠܐ ܡܠܬܐ ܘܕܠܐ ܫܘܪܝܐ 48 ܩܕܡܘ ܘܕܠܐ ܝܠܝܕܝܢ ܘܕܠܐ ܣܟܐ ܒܣܓܝܐܘܬܗܘܢ ܘܡܢ ܙܒ̈ܢܐ ܕܠܐ ܡܬܥܒܪܝܢ ܐܝܟ ܕܐܣܬܩܒܠܘ ܐܙܕܪܩܘ ܒܪܡ ܕܝܢ ܟܕ ܗܟܢܐ ܐܝܬܝܗܘܢ ܕܗܢܼܘܢ ܐܝܬܝܗܘܢ ܥܠܝܬܐ ܕܬܨܒܝܬܐ ܕܟܠ ܐܡܼܪܘ ܘܠܐ ܐܠܗܐ ܘܠܐ ܒܛܝܠܘܬܐ ܘܠܐ ܡܠܬܐ ܕܚܙܐ ܘܠܐ ܕܫܠܝܛ ܥܠ ܟܠ݀ ܐܠܐ ܘܐܦܢ ܐܝܬܘܗܝ݀ ܠܐ ܠܗ ܬܗܼܘܐ ܐܝܬ ܨܒܘ ܘܐܦ ܠܐ ܠܐܚܪ̈ܢܐ ܢܬܠ. ܘܐܝܟ ܕܣܒܪ ܐܢܐ ܢܝܚܐ ܗܘ ܕܠܗܘܢ ܪܚܝܡ. ܘܐܦ ܠܗ ܠܐܠܗܐ ܝܗܒܘ ܐܝܟ ܗܿܢܝܢ ܕܝܢ ܕܒܝܬ ܐܦܝܩܘܪܘܣ ܘܕܡܘܩܪܛܣ ܟܕ ܩܝܡܝܢ ܣܥܪ̈ܝܗܘܢ ܗܘܘ ܦܝܠܘܣ̈ܦܐ ܘܟܘܠܗܿ ܡܫܠܡܢܘܬܐ ܕܗܿܢܘܢ ܒܡܨܥܬܐ ܕܒܝܬ ܝܘܢ̈ܝܐ ܕܚܝ̈ܐ ܗܘܬ. ܘܟܕ ܗܟܢܐܐܝܬܝܗܘܢ ܗܘܐ ܡܝܬܪ̈ܐ ܠܟܢ̈ܫܐ ܡܬܕܢܝܢ ܗܘܘ. ܘܒܙܒܢ ܠܘܬ ܗܝ̈ܟܠܐ ܥܡ ܩܘܛܢ̈ܐ ܡܗܠܟܝܢ ܗܘܘ. ܘܒܙܒܢ ܡܚܘܝܢ ܗܘܘ ܢܦܫܗܘܢ ܕܠܐܠܗ̈ܐ ܕܚܠܝܢ ܡܛܠ ܕܚܠܬܐ ܕܡܣܡ ܒܪܫܐ ܕܡܢ ܢܡܘܣܐ ܐܠܐ ܗܿܢܘܢ ܡܬܟ̈ܬܫܝ ܚܠܦ ܢܝܚܐ ܗܟܢܐ ܀܀ ܀܀ ܟܟ. ܐܚܪ̈ܢܐ ܕܝܢ ܬܚܘܡܝܗܿ ܕܒܛܝܠܘܬܐ ܥܕܐ ܠܣܗܪܐ ܩܒܼܥܘ. ܘܢ ܫܪܟܐ ܕܡܢܘ̈ܬܗ ܕܥܠܡܐ ܟܠܐܘܗܿ ܟܢܫܐ ܕܐܢܫܐ ܕܒܝܬ ܐܪܣܛܛܠܣ ܕܐܦ ܗܼܢܘܢ ܗܠܝܢ ܚܪܬܗܿ ܕܛܘܒܢܘܬܐ ܬܚܼܡܘ ܠܐ ܡܝܬܪܘܬܐ ܘܠܐ ܦܝܠܣܦܘܬܐ. ܐܠܐ ܐܢ ܥܡ ܥܘܬܪܐ ܕܩܢܝܢܐ ܘܥ ܡܫܘܪܬܚܐ ܕܕܗܒܐ ܘܕܣܐܡܐ ܬܣܬܩܒܠ. ܘܥܡ ܛܘܗܡܐ ܘܬܫܒܘܚܬܐ ܗܕܐ ܕܠܘܬ ܣܓ̈ܝܐܐ ܘܡܢܐ ܟܠܐ ܗܘܐ ܠܗܠܝܢ ܕܐܦ ܗܼܢܘܢ ܒܗܠܝܢ ܢܫܬܒܗܪܘܢ ܐܢܫܐ ܕܥܕܐ ܠܣܗܪܐ ܐܝܟ ܕܒܡܘ̈ܟܠܐ ܘܒܬܪܥܐ ܠܒܛܝܠܘܬܐ ܗܝ ܕܥܠ ܟܠ ܚܒܼܫܘ݀ ܘܕܡܝܘܬܬܐ ܗܝ ܢܦܫܐ ܝܕܘܥܬܢܝܬܐ ܘܡܠܝܠܬܐ ܕܒܒܪ ܐܢܫܐ ܐܡܼܪܘ ܘܕܡܕܡ ܠܐ ܐܝܬܝܗܿ ܐܠܐ ܐܟܘܬܗ ܕܦܓܪܐ ܘܐܝܟ ܓܘܢܗ ܘܐܝܟ ܕܡܘܬܗ ܘܐܦ ܐܢܛܠܟܝܐ ܡܥܕܝܢ ܕܢܩܪܘܢܗܿ ܘܠܘܬ ܚܪܬܐ ܕܛܒ̈ܬܐ ܠܐ ܫܠܡܐܝܬ ܥܘܡܪܐ ܕܦܝܠܘܣܦܘܬܐ ܘܐܦܠܐ ܡܝܬܪܘܬܐ ܕܪܫܢܘܬܐ ܣܼܡܘ. ܐܠܐ ܫܼܪܥܘ ܠܘܬ ܐܗܠܝܢ ܕܓܕܫܐ ܠܘܬ ܥܘܬܪܐ ܘܪܒܘܬܐ ܘܛܘܗܡܐ ܥܡ ܗܿܢܝܢ ܠܡ ܓܝܪ ܐܝܼܬܝܗܿ ܐܦ ܡܝܬܪܘܬܐ ܕܫܘܝܐ ܠܡܠܬܐ ܘܕܠܐ ܗܿܢܝܢ ܠܐ ܡܕܡ ܐܝܬܘܗܝ. ܘܠܐ ܡܕܡ ܝܬܝܪ ܐܝܬ ܠܚܟܝܡܐ݀ ܐܠܐ ܐܢ ܢܗܘܐ ܐܦ ܥܬܝܪܐ. ܘܐܦܠܐ ܠܗܘܿ ܕܥܠ ܢܟܦܘܬܐ ܒܛܝܠ ܠܗ ܡܕܡ ܛܒܬܐ ܩܪܝܒܐ ܠܗ. ܐܠܐ ܐܢ ܢܗܘܐ ܒܪ ܛܘܗܡܐ ܘܐܦܠܐ ܗܼܝ ܟܐܢܘܬܐ ܘܗܼܝ ܫܝܘܬܗܿ ܫܠܡܬܐ ܕܡܝܬܪܘܬܐ ܐܢ ܬܗܼܘܐ ܒܢܦܫܐ ܕܒܪ ܐܢܫܐ ܣܦܝܩܐܝܬ 49 ܗܘܐ ܒܥܘܡܪܐ ܕܛܘܒܢܘܬܐ݀ ܐܠܐ ܐܢ ܢܣܬܩܒܠ ܠܗ ܛܘܟܣܐ ܫܦܝܪ̈ܐ ܕܗܕ̈ܡܐ ܕܦܓܪܐ ܘܗܿܢܘܢ ܕܝܢ ܗܠܝܢ ܠܒܪ ܒܕܘܟܐ ܡܢ ܨܒܘ̈ܬܐ ܕܒܢ̈ܝ ܐܢܫܐ ܠܥܠ ܡܢ ܗܣܪܐ ܣܒܪܘ ܕܐܝܬܝܗܿ ܐܠܗܘܬܐ ܘܕܠܐ ܚܙܝܐ ܗܠܝܢ ܕܥܠ ܐܪܥܐ ܒܛܝܠܘܬܐ ܕܐܠܗܐ ܐܡܼܪܘ݀ ܘܐܦܠܐ ܠܗܿܘ ܦܪܘܩܐ ܕܓܘܐ ܕܟܠ ܡܠܬܐ ܕܐܠܗܐ ܠܗܿܘ ܡܢܛܪܢܐ ܕܟܠ ܝܕܥܘ. ܒܪܡ ܘܐܦ ܕܢܕܚܠܘܢ ܠܐܠܗ̈ܐ ܗܿܢܘܢ ܕܒܕܘ̈ܟܝܬܐ ܘܒܡܕ̈ܝܢܬܐ ܡܬܕܢܝܢ ܗܘܘ ܘܐܚܪ̈ܢܝܬܐ ܥܡ ܝܕܥܝ̈ܗܘܢ ܡܬܚܟܡܝܢ ܗܘܘ ܘܐܚܪ̈ܢܝܬܐ ܕܝܢ ܒܥܒܕ̈ܝܗܘܢ ܡܥܬܕܝܢ ܗܘܘ. ܘܡܘܡܬܐ ܕܐܠܗ̈ܐ ܒܟ̈ܬܒܝܗܘܢ ܘܒܡ̈ܠܝܗܘܢ ܕܓܘܐ ܥܿܒܕܝܢ ܗܘܘ ܒܬܪܥܝܬܗܘܢ ܕܝܢ ܠܐ ܗܟܢܐ ܐܝܬܝܗܿ ܗܘܿܬ ܐܠܐ ܠܫܘܦܪܢܘܬܐ ܕܠܘܬ ܣܓܝ̈ܐܐ ܕܢܥܒܕܘܢ ܗܕܐ ܡܬܕܢܝܢ ܗܘܘ. ܕܗܼܢܘܢ ܗܠܝܢ ܡܢ ܗܕܐ ܕܝ̈ܘܐ ܐܢܘܢ ܘܠܐ ܒܢ̈ܝ ܐܢܫܐ ܕܢ ܟܘܠܗܿ ܦܝܠܣܦܘܬܐ ܚܠܝܡܬܐ ܢܗܘܘܢ ܡܣܠܝܢ ܀܀ ܀܀ ܟܐ. ܐܚܪ̈ܢܐ ܕܝܢ ܠܒܪ ܡܢ ܗܠܝܢ ܕܡܫܬܒܗܪܝܢ ܕܦܝܠܘܣܦܐ ܐܢܘܢ ܡܝܬܪ̈ܐ ܒܦܘܡܐ ܕܠܐ ܐܗܠ ܐܡܼܪܚܘ ܕܢܐܡܪܘܢ ܕܐܠܗܐ ܓܘܫܡܐ ܗܘ ܘܡܕܡ ܠܐ ܦܪܝܫ ܟܝܢܗ ܡܢ ܢܘܪܐ ܗܕܐ ܕܝܢ ܛܥܝܘܬܐ ܐܚܪܬܐ ܕܐܣ̈ܛܐܝܩܐ ܗܿܢܘܢ ܕܥܠ ܗܢܐ ܥܠܡܐ ܡܬܪܓܫܢܐ ܕܗܼܘܝܘ ܐܠܗܐ ܐܡܼܪܘ ܘܝܘܠܦܢܐ ܕܪܫܥܐ ܘܕܟܠܗ ܡܚܒܠ ܐܩܡܘ. ܠܗܿ ܓܝܪ ܠܥܠܬܐ ܕܥܒܘܕܘܬܐ ܘܠܗܿ ܠܚܫܘܫܘܬܗܿ ܕܗܝܠܐ ܕܡܢ ܚܕܐ ܐܢܘܢ ܘܡܢܗܿ ܕܐܘܣܝܐ ܐܝܬܝܗܘܢ ܘܬܪ̈ܝܗܘܢ ܓܘܫ̈ܡܐ ܐܢܘܢ ܥܒܘܕ̈ܐ ܘܡܬܥܒܕ̈ܢܐ. ܘܗܼܘ ܡܠܟܐ ܕܟܠ ܐܠܗܐ ܕܥܠ ܟܠ ܡܢ ܢܘܪܐ ܡܬܪܓܢܫܬܐ ܡܕܡ ܠܐܦ ܪܝܫ ܐܠܐ ܐܦ ܡܬܚܒܟ ܐܟܚܕܐ ܥܡ ܟܠ ܡܢ ܢܘܪܐ ܡܬܪܓܫܢܝܬܐ ܡܕܡ ܠܐ ܦܪܝܫ ܐܠܐ ܐܦ ܡܬܚܒܟ ܐܟܚܕܐ ܥܡ ܟܠ ܐܝܟ ܢܘܪܐ ܒܡܪܕܝܬܐ ܒܙܒ̈ܢܐ ܕܚܪܝܩܝܢ ܘܪܒܐ ܗܝ ܒܝܫܬܐ ܕܡܫܬܚܠܦ ܠܡ ܐܠܗܐ ܘܬܘܒ ܡܬܓܘܙܠ݀ ܗܢܐ ܗܟܝܠ ܝܘܠܦܢܐ ܕܦܝ̈ܠܘܣܦܐ ܐܣܛܘܐܝܩ̈ܐ ܕܟܠܗ ܠܡ ܐܘܣܝܐ ܘܟܠܗ ܥܠܡܐ ܡܬܚܒܟ ܒܙܒܢ ܥܡܗ ܕܐܠܗܐ ܒܢܘܪܐ ܘܡܫܚܠܦ ܟܠ ܐܝܟ ܕܒܙܪܥܐ ܘܬܘܒ ܡܢܗ ܕܗܢܐ ܬܨܒܝܬܐ ܕܟܠ ܡܫܬܠܡ ܐܝܟ ܕܐܝܬܘܗܝ ܗܘܐ ܡܢ ܩܕܝܡ. ܘܐܠܗ̈ܐ ܗܠܝܢ ܟܠܗܘܢ ܐܝܟ ܟܠܗܝܢ ܡܢܘ̈ܬܗ ܕܥܠܡܐܡܛܠ ܕܐܦ ܕܟܘܠܗܿ ܕܡܢ ܡܢܘ̈ܬܗ ܐܬܩܝܡ ܗܼܘܝܘ ܐܝܬܘܗܝ ܐܠܗܐ ܡܠܝܐܝܬ ܟܠܗ ܥܠܡܐ ܘܗܼܢܘܢ ܗܠܝܢ ܬܘܒ ܠܗܕܐ ܢܦܫܐ ܝܕܘܥܬܢܝܬܐ ܘܡܠܝܠܬܐ ܕܒܒܪ ܐܢܝܐ. ܕܡܬܚܒܠܢܝܬܐ ܐܝܬܝܗܿ ܐܝܟ ܕܓܘܫܡܢܝܬܐ ܗܝ ܐܡܼܪܘ݀ ܡܢܐ ܓܝܪ ܟܿܠܐ ܗܘܐ ܠܗܿܢܘܢ ܕܠܘܩܒܠ ܐܠܗܐ 50 ܡܿܠܟܐ ܕܟܠ ܐܝܟ ܗܠܝܢ ܕܢܐܡܪܘܢ ܐܡܪܚܼܘ. ܘܗܼܢܝܢ ܢܦ̈ܫܬܐܬܘܒ ܕܡܢ ܗܝܠܐ ܐܢܝܢ ܘܡܢ ܓܘܫ̈ܡܐ ܬܚܡܘ. ܘܠܐ ܡܕܡ ܐܢܝܢ ܐܚܪܝܢ݀ ܐܠܐ ܝܚܒܘܪ̈ܐ ܕܓܘܫ̈ܡܐ ܘܥܛܪ̈ܐ. ܘܬܘܒ ܕܝܢ ܒܬܪ ܫܘܠܡܗ ܕܥܘܡܪܐ ܡܩܘܝܢ ܙܒܢ̈ܐ ܐܝܠܝܢ ܕܚܪܝܩܝܢ ܠܗܝܢ. ܘܠܐ ܗܘܐ ܕܟܠܗܘܢ ܐܠܐ ܒܠܚܘܕ ܢܦܫ̈ܬܐ ܕܦܝܠܘܣ̈ܦܐ ܘܠܚܪܬܐ ܕܝܢ ܥܡ ܝܩܕܢܐ ܕܟܠ ܘܐܦ ܗܼܢܝܢ ܝܩܕܢܿ ܐܟܚܕܐ ܥܡ ܐܠܗܐ ܘܥܡ ܟܠܗ ܥܠܡܐ ܘܐܟܚܕܐ ܡܫܪܝܢ ܢܦܫ̈ܬܐ ܗܠܝܢ ܕܥܘ̈ܠܐ ܘܕܙܕ̈ܝܩܐ ܘܗܿܢܝܢ ܕܟܐܢ̈ܐ ܥܡ ܕܠܐ ܐܠܗ ܡܢ ܚܕܐ ܢܘܕܐ [ܢܘܪܐ] ܐܝܟ ܗܿܘ ܕܡܬܢܣܟܝܢ. ܘܬܘܒ ܡܕܪܝܫ [ܡܢܕܪܝܫ] ܡܬܝܠܕܝܢ ܥܠ̈ܡܐ ܡܢ ܐܟܠܢܐ ܗܢܐ ܕܢܘܪܐ ܕܟܠ ܕܠܐ ܦܪ̈ܝܫܝܢ ܒܡܕܡ ܘܒܟܠ ܡܕܡ ܕܝܢ ܠܩܕ̈ܡܝܐ ܗܟܢܐ ܕܐܝܟ ܕܡܢ ܠܥܠ ܬܘܒ ܗܼܢܘܢ ܒܗܿܢܘܢ ܢܬܝܠܕܘܢ ܘܡܫܠܡܢܘܬܐ ܗܼܝ ܟܕ ܗܝ ܬܬܝܠܕ ܘܥܘܡܪ̈ܐ ܬܘܒ ܗܟܢܐ ܕܒܟܠ ܡܕܡ ܕܡܝܢ ܘܠܐ ܡܫܚܠܦܝܢ ܘܐܣܟ̈ܡܐ ܘܥܝ̈ܕܐ ܘܕܘܒܪ̈ܐ ܘܚܫ̈ܐ ܗܼܢܘܢ ܒܗܿܢܘܢ ܢܗܘܘܿܢ ܘܗܟܢܐ ܐܦ ܐܒ̈ܠܐ ܐܝܩܪ̈ܐ ܘܢܝܚ̈ܐ ܘܥܩ̈ܬܐ ܗܼܢܘܢ ܒܗܿܢܘܢ ܠܗܘܢ ܠܗܿܢܘܢ ܬܘܒ ܢܣܬܩܒܠܘܢ ܐܝܟܢܐ ܕܬܘܒ ܗܠܝܢܐ ܘܒܝܫ̈ܬܐ ܕܐܝܠܝܘܢ ܢܣܬܒܪܢ ܘܬܘܒ ܐܢܛܘܣ ܘܡܠܛܘܣ ܘܣܡܐ ܕܡܘܬܐܕܣܘܩܪܛܣ ܘܬܘܒ ܚܪ̈ܝܢܐ ܕܝܠܗܘܢ ܕܦܝܠܘܣ̈ܦܐ ܘܦܠܓܘ̈ܬܐ ܗܼܢܝܢ ܒܗܿܢܝܢ ܘܚܪܬܐ ܬܘܒ ܟܠ ܡܕܡ ܒܢܘܪܐ ܢܬܐܟܠ. ܘܡܢ ܒܬܪ ܕܝܩܕ ܬܘܒ ܡܢ ܕܪܝܫ ܡܬܬܝܒ ܘܬܘܒ ܒܗܝܢ ܒܗܠܝܢ ܡܪ̈ܕܝܬܐ ܩܐܡ. ܐܠܐܐܦ ܗܠܝܢ ܗܟܢܐ ܒܩܛܝܪܐ ܠܛܥܝܘܬܗܘܢ ܢܩܝܦܝܢ ܗܘܘ ܀܀ ܀܀܀ ܟܒ. ܒܢ̈ܝ ܦܝܠܘܣ̈ܦܐ ܕܝܢ ܕܡܬܩܪܝܢ ܦܝܣܝܩ̈ܝܐ ܩܕ̈ܡܝܐ ܕܗܼܘܘ ܩܕܡ ܟܠܗܘܢ ܫܘܪܝܐ ܕܟܠ ܥܠ ܐܣܛܘܟܣܐ ܕܠܐ ܢܦܫܐ ܣܡܘܗܝ. ܘܠܐ ܠܐܠܗܐ ܘܠܐ ܠܒܛܝܠܘܬܐ ܘܠܐ ܠܒܪܘܝܐ ܘܠܐ ܠܥܒܘܕܐ ܕܟܠ ܝܕܥܘ. ܐܝܩܐ ܕܝܢ ܘܣܪܝܩܐܝܬ ܫܡܐ ܘܐܣܟ̈ܡܐ ܕܦܝܠܘܣ̈ܦܐ ܥܠ ܢܦܫܗܘܢ ܕܓܠܼܘ݀ ܡܢܗܘܢ ܓܝܪ ܕܐܪܥܐ ܫܘܪܝܐ ܕܟܠ ܡܕܡ ܘܐܘܣܝܐ ܝܒܝܫܬܐ ܐܡܼܪܘ݀ ܘܡܢܗܘܢ ܕܐܘܩܝܢܘܣ ܡܘܠܕܢܐ ܕܟܠ ܘܗܟܢܐ ܠܐܘܣܝܐ ܪܛܝܒܬܐ ܘܠܡܝ̈ܐ ܫܡܗ. ܘܡܢܗܘܢ ܢܘܪܐ ܘܡܢܗܘܢ ܐܐܪ ܘܡܢܗܘܢ ܡܘ̈ܙܓܐ ܕܡܢ ܗܠܝܢ ܘܐܠܗ̈ܐ ܣܓܝ̈ܐܐ ܕܟܪ̈ܐ. ܐܝܟܢܐ ܕܐܦ ܢܩ̈ܒܬܐ ܐܥܠܼܘ. ܘܡܫܬܘ̈ܬܐ ܘܝܠܕ̈ܐ ܕܒܢ̈ܝܐ ܒܡܘܬܪܐ ܟܝ̈ܢܝܐ ܠܒܕܝܐ ܕܫܘܥܝ̈ܬܐ ܕܦܘ̈ܐܛܐ 51 ܒܡ̈ܠܐ ܦܐܝ̈ܬܐ ܠܒܨܒܝܬܐ ܕܫܘܒܗܪܐ ܫܚܠܦܘ ܕܐܦ ܗܠܝܢ ܐܝܟ ܕܒܝܕ ܗܦܘܟܝܐ ܡܢ ܠܥܠ ܡܢ ܪܘܡܐ ܬܘܒ ܥܠ ܐܣܛܘܟ̈ܣܐ ܕܗܝܠܐ ܘܥܠ ܡܢܘ̈ܬܐ ܡܬܪ̈ܓܫܢܝܬܐ ܕܗܢܐ ܥܠܡܐ ܢܦܠܘ. ܀܀ ܀܀ ܀܀ ܟܓ. ܐܚܪ̈ܢܐ ܕܝܢ ܠܒܪ ܡܢ ܗܠܝܢ ܕܠܩܘܒܠܐ ܕܗܠܝܢ ܟܘܠܗܘܢ ܕܐܬܐܡܪܘ ܢܓܪܘ. ܘܕܠܝܬ ܠܡ ܕܡ ܒܗܢܐ ܕܐܝܬܘܗܝ ܐܠܗܝܐ ܐܦ ܠܐ ܐܠܗܐ ܕܥܠ ܟܘܠ݀ ܘܐܦ ܠܐ ܗܿܢܘܢ ܕܒܕܘܟܝ̈ܬܐ ܐܝܬܝܗܘܢ ܘܫܡܐ ܗܘܕܝܢ ܝܬܝܪܐ ܗܢܐ ܘܥܠ ܐܘܣܝܐ ܣܝܡ ܐܝܕܐ ܕܠܐ ܐܝܬܝܗܿ ܕܒܪܫܥܐ ܪܒܐ ܕܒܝܫ̈ܬܐ ܐܬܡܬܚܘ. ܀܀ ܀܀ ܀܀ ܟܕ. ܦܠܛܘܢ ܒܠܚܘܕܘܗܝ ܡܢ ܟܠܗܘܢ ܝܘܢ̈ܝܐ ܡܣܬܒܪ ܠܝ ܕܡܝܬܪܐܝܬ ܠܦܝܠܘܣܦܘܬܐ ܢܩܦ݀ ܘܬܪܝܨܐܝܬ ܥܠܘܗܝ ܕܛܒܐ ܕܐܝܬܘܗܝ ܩܕܡܝܐ ܘܥܠܬܐ ܕܟܠ ܐܚܝܕ. ܘܬܪܝܨܐܝܬ ܥܠ ܬܪܝܢܐ ܕܐܝܬܘܗܝ ܒܪܘܝܐ ܕܟܠ ܐܬܚܟܡ ܀ ܀܀܀ ܟܗ. ܗܢܐ ܐܦ ܕܥܒܝܕ̈ܐ ܐܢܘܢ ܫܡܝܐ ܘܫܡܫܐ ܘܣܗܪܐ ܘܟܘܟ̈ܒܐ ܘܡܠܝܐܝܬ ܐܟܚܕܐ ܟܠܗ ܥܠܡܐ ܕܡܢ ܐܠܗܐ ܕܟܘܠ ܗܘܘ݀ ܫܦܝܪ ܘܟܐܢܐܝܬ ܐܩܝܡ ܀܀ ܀܀ ܟܘ. ܗܢܐ ܘܐܦ ܥܠ ܐܘܣܝܐ ܕܢܦܫܐ ܕܕܠܐ ܓܫܘܡ ܐܝܬܝܗܿ݀ ܘܢܘܟܪܝܐ ܗܝ ܠܚܒܠܐ ܐܡܼ. ܗܢܐܐܦ ܥܠ ܐܣܝ̈ܣ ܝܕ̈ܘܥܬܢܝܬܐ ܝܕܥ݀ ܘܡܕܥܐ ܗܘ ܕܥܠ ܟܠ ܗܘ݀ ܕܐܢܚܢܢ ܡܠܬܐ ܕܐܠܗܐ ܩܪܝܢ ܐܢܚܢܢ ܠܗ. ܕܡܿܠܟܐ ܕܟܠ ܐܝܬܘܗܝ ܐܘܕܝ݀ ܕܠܗ ܠܗܢܐ ܐܦ ܥܠ ܟܠ ܫܠܛܗ ܒܕܡܘܬ ܩܘܒܪܢܛܐ ܕܫܦܝܪ ܘܬܩܢܐܝܬ ܥܠ ܟܘܠ ܒܛܝܠ ܠܗ݀ ܘܡܕܒܪ ܚܘܝ. ܗܢܐ ܒܠܚܘܕܘܗܝ ܡܢ ܟܘܠܗܘܢ ܝܘܢ̈ܝܐ ܥܠ ܡܠܬܐ ܕܐܠܗܐ ܒܪܘܝܗ ܕܥܠܡܐ ܐܟܘܬܢ ܕܝܠܢ ܐܘܕܝ ܘܕܢܫܡܥ ܡܢܗ ܩܪܝܒܐ ܗܝ݀ ܟܕ ܗܟܢܐ ܥܠ ܐܠܗܐ ܡܡܠܠ ܀܀ ܀܀ ܟܙ. ܘܐܝܩܪܐ ܢܦܪܘܥ ܠܐ ܠܗܿܘ ܕܫܢܬܐ ܘܠܗܿܘ ܕܝܪܚܐ. ܘܠܗܿܢܘܢ ܕܝܢ ܠܐ ܡܢܬܐ ܡܕܡ ܢܦܣܘܩ. ܘܐܦܠܐ ܙܒܢܐ ܕܒܗ ܪܕܐ ܠܗܿ ܠܡܘܙܠܬܗ ܘܡܫܠܡ ܠܗ ܥܠܡܐ ܡܬܚܡܙܝܢܐ ܗܘ ܕܛܟܣܗ ܡܠܬܐ ܕܐܠܗܐ ܡܢ ܟܠ ܕܒܗ ܐܝܢܐ ܕܛܘܒܢܐ ܗܘ ܩܘܕܡܐ ܡܬܕܡܪ ܘܒܬܪܟܢ ܩܢܐ ܚܘܒܐ ܕܢܬܒܩܐ ܐܝܟ ܟܡܐ ܕܡܫܟܚ ܟܝܢܐ ܡܝܘܬܐ ܀܀ ܀܀ ܟܚ. ܗܢܐ ܘܐܦ ܠܐܒܐ ܐܦ ܠܡܪܝܐ ܕܟܘܠ݀ ܘܡܕܒܪܢܐ ܕܟܠ ܡܕܡ 52 ܗܿܘ ܡܠܬܐ ܐܠܗܝܐ ܗܫܐ ܩܪܝܗܝ ܒܗܝܢ ܒܡ̈ܠܐ ܫܡܗܗ ܐܟܘܬܢ ܘܐܡܿܪ ܗܟܢܐ ܀܀ ܀܀ ܟܛ. ܗܕܐ ܐܓܪܬܐ ܐܢܬܘܢ ܟܠܟܘܢ ܕܐܝܬܝܟܘܢ ܬܠܬܐ ܬܩܪܘܢܗܿ. ܘܠܐ ܝܬܝܪܐܝܬ ܒܟܢܘܫܝܐ. ܘܐܢ ܕܝܢ ܠܐ ܒܝܬ ܬܪ̈ܝܢ ܒܓܘܐ ܐܝܟ ܚܝܠܗ݀ ܐܝܟ ܟܡܐ ܕܡܫܟܚܝܢ ܐܢܬܘܢ ܕܣܘܓܐܐ ܬܬܚܫܒܘܢ [ܬܬܚܫܚܘܢ] ܒܬܢܘܢܝ ܘܒܢܡܘܣܐ ܘܒܡܪܝܐ ܗܢܐ ܗܘ ܕܐܝܬܘܗܝ ܟܐܢܘܬܐ ܬܐܡܘܢ ܒܒܛܝܠܘܬܐ ܐܟܚܕܐ ܠܐ ܕܠܐ ܚܟܡܬܐ ܘܒܡܪܕܘܐ ܚܬܗܿ ܕܒܛܝܠܘܬܐ ܘܒܗܿܘ ܡܕܒܪܢܐ ܕܟܠ ܕܗܿܢܝܢ ܕܐܝܬܝܗܝܢ ܘܕܗܿܢܝܢ ܕܥܬܕܝܢ ܘܒܐܒܐ ܕܡܕܒܪܢܐ ܘܕܥܠܬܐ ܡܪܝܐ ܬܐܡܘܢ ܗܼܘ ܕܐܢ ܬܪܝܨܐܝܬ ܢܗܘܐ ܦܝ̈ܠܘܣܦܐ ܢܕܥܝܘܗܝ ܟܠܢ ܓܠܝܐܝܬ ܐܝܟ ܚܝܠܢ ܡܢ ܒܢ̈ܝ ܐܢܫܐ ܛܘܒ̈ܢܐ ܀ ܀ ܀܀ ܠ. ܗܢܐ ܘܐܦ ܕܗܘܐܕܝܢܐ ܟܐܢܐ ܕܐܠܗܐ ܘܦܪܥ ܠܐܢܝ ܐܢܫ ܐܝܟ ܕܫܘܐ ܐܠܦ ܘܚܪܬܐ ܕܛܒ̈ܬܐ ܗܕܐ ܕܡܬܕܡܝܢ ܒܐܠܗܘܬܐ ܘܡܬܢܩܦܝܢ ܘܡܬܬܐܡܝܢ ܒܡܝܬܪܘܬܐ ܣܓܝ ܐܠܗܐܝܬ ܚܘܝ. ܐܠܐ ܐܦ ܗܢܐ ܟܐܢܐܝܬ ܝܬܝܪ ܡܢ ܟܘܠܗܘܢ ܬܚܝܬ ܡܪܫܘܬܐ ܕܡܝܐܝܬ ܢܦܠ݀ ܡܛܠ ܡܢܐ ܡܛܠ ܕܠܐܠܗܐ ܕܐܝܬܘܗܝ ܝܕܥ݀ ܘܠܐ ܐܝܟ ܕܠܐܠܗܐ ܫܒܚܗ. ܘܛܫܝ ܕܝܢ ܫܪܪܐ ܘܕܓܠܬܐ ܠܣܓܝ̈ܐܐ ܐܣܪܚ݀ ܘܠܗܿܢܘܢ ܕܝܢ ܕܡܚܒ ܗܘܐ ܫܦܝܪ ܐܝܟ ܦܝܠܘܣܦܐ ܥܠ ܐܒܐ ܘܒܪܘܝܐ ܕܗܢܐ ܟܘܠ ܓܠܐ ܗܘܐ ܘܥܡ ܩܘܛܢ̈ܐ ܕܐܬܢ̈ܝܐ ܐܬܕܒܪ ܐܝܟ ܠܐ ܦܝܠܘܣܦܐ ܘܐܚܬ ܠܣܘܩܪܛܣ ܒܡܠܬܗ ܠܦܝܪܐܣ ܕܢܨܠܐ ܠܐܠܗܬܐ ܘܐܟܚܕܐ ܥܐܕܐ ܕܒܢܕܪܝܘܢ ܥܡ ܟܠܗ ܩܘܛܢܐ ܢܫܠܡ. ܘܗܼܘ ܕܝܢ ܬܘܒ ܐܡܪ ܥܠܘܗܝ ܥܠ ܪܒܗ ܕܟܕ ܩܪܝܒ ܫܘܠܡܐ ܕܥܘܡܪܗ ܦܩܕ. ܕܢܕܒܚܘܢ ܬܪܢܓܠܐ݀ ܘܠܐ ܐܬܚܡܨ ܘܠܐ ܐܬܚܦܝ݀ ܡܝܬܪܐ ܕܦܝܠܘܣ̈ܦܐ ܕܠܐܒܐ ܕܦܝܠܘܣܦܘܬܐ ܕܝܠܗ ܒܝܕ ܗܝܠܐ ܥܒܝܕܬܐ ܘܐܪܥܢܝܬܐ ܘܕܡܐ ܙܥܘܪܐ. ܘܦܓܪܐ ܕܦܪܚܬܐ ܡܝܬܐ ܕܢܚܣܘܢ ܠܐܠܗܐ ܦܩܕ. ܘܗܘ ܬܘܒ ܕܝܘ̈ܐ ܫܡܗ ܠܗܿܢܘܢ ܕܒܡܕܝ̈ܢܬܐ ܡܬܝܩܪܝܢ ܘܫܦܝܪ ܥܒܕ ܗܕܐ ܐܠܐ ܘܐܦ ܕܡܩܕܡܝܢ ܝܕܥܝܢ ܡܢ ܒܢ̈ܝ ܐܢܫܐ ܡܝܘ̈ܬܐ ܐܘܕܝ. ܕܗܼܢܘܢ ܐܝܬܝܗܘܢ ܘܫܪܝܪܬܐ ܐܡܪ. ܒܪܡ ܕܝܢ ܡܠܟ ܕܠܗܘܢ ܠܗܠܝܢ ܐܝܟ ܕܠܐܠܗ̈ܐ ܢܣܓܕܘܢ ܘܕܥܡ ܟܢܫ̈ܐ ܐܬܬܚܬܝ ܠܛܥܝܘܬܐ ܕܗܠܝܢ ܫܦܝܪ ܐܦ ܒܥܠܬܗܘܢ ܢܬܟܬܒ ܡܛܘܠ ܕܒܐܣܟܡܐ 53 ܕܦܠܘܣܦܘܬܐ ܡܠܬܐ ܫܪܝܪܬܐ ܛܫܝ. ܘܒܕܓܠܬܐ ܢܦܫܗ ܐܕܢܝ ܫܡܥ ܕܝܢ ܐܝܠܝܢ ܐܡܼܪ ܦܛܝܡܐܘܣ [ܒܛܝܡܐܘܣ] ܀܀ ܀܀ ܠܐ. ܥܠ ܐܚܪ̈ܢܐ ܕܝܢ ܕܝܘ̈ܐ ܕܢܐܡܪ ܘܢܕܥ ܚܝܠܗܘܢ ܪܒܐ ܗܝ ܡܢܢ. ܢܬܛܦܝܣ ܕܝܢ ܠܗܿܢܘܢ ܕܡܢ ܩܕܡܝܢ ܐܡܼܪܘ ܕܒܢ̈ܝ ܐܠܗ̈ܐܐܢܘܢ ܐܝܟ ܕܐܡܼܪ ܘܓܠܝܐܝܬ ܠܐܒܗ̈ܐ ܕܝܠܗܘܢ ܝܕܥܝܢ ܠܐ ܗܟܝܠ ܡܫܟܚܐ ܕܠܒܢ̈ܝ ܐܠܗ̈ܐ ܠܐ ܢܫܪ ܟܕ ܗܐ ܕܠܐ ܕܡܘ̈ܬܐ ܘܕܠܐ ܬܚܘܝ̈ܬܐ ܫܪܝܪܬܐ ܐܡܪܝܢ ܐܠܐ ܐܝܟ ܕܥܠ ܐܝܠܝܢ ܕܕܝܠܗܘܢ ܐܢܝܢ ܐܡܪܝܢ ܕܡܫܬܥܝܢ݀ ܟܕ ܢܩܝܦܝܢ ܐܢܚܢܢ ܠܢܡܘܣܐ ܢܗܝܡܢ݀ ܗܟܢܐ ܗܟܝܠ ܐܝܟ ܕܗܼܢܘܢ ܐܡܪܝܢ ܝܠܕܐ ܕܥܠ ܗܿܢܘܢ ܐܠܗ̈ܐ ܢܗܘܐ ܘܢܬܐܡܪ ܕܒܢ̈ܝܐ ܕܐܪܥܐ ܘܕܫܡܝܐ ܐܘܩܝܢܘܣ ܘܛܬܐܘܣ ܗܘܘ ܘܕܝܠܗܘܢ ܕܗܠܝܢ ܦܪܘܩܘܣ ܘܩܪܘܢܘܣ ܘܪܗܐܐ ܘܡܢ ܩܪܘܢܘܣ ܘܪܗܐܐ ܙܘܣ ܘܗܐܪܐ ܘܐܚܪ̈ܢܐ ܗܿܢܘܢ ܕܝܕܥܝܢ ܐܢܚܢܢ ܕܟܠܗܘܢ ܐܚܝ̈ܗܘܢ ܕܗܠܝܢ ܕܡܬܐܡܪܝܢ ܘܬܘܒ ܐܚܪ̈ܢܐ ܒܢܝ̈ܗܘܢ ܕܝܠܗܘܢ ܕܗܠܝܢ ܀ ܀ ܀܀ ܠܒ. ܚܙܐ ܐܢܬ ܠܗ ܠܦܝܠܘܣܦܐ ܕܡܢ ܠܥܠ ܘܡܢ ܕܡܘ̈ܬܐ ܕܠܥܠ ܡܢ ܥܠܡܐ ܘܡܢ ܐܘܣܝܣ ܕܠܐ ܓܫܘܡ ܝܕܘܥܬܢܝ̈ܬܐ ܠܬܚܬ ܥܠ ܐܪܥܐ ܘܥܠ ܐܘܩܝܢܘܣ ܕܒܥܘܡܩܐ ܕܛܥܝܘܬܐ ܐܬܛܒܥ ܘܝܠܕܐ ܕܐܠܗ̈ܐ ܐܥܠ ܗܘ ܕܗܼܘ ܒܠܚܘܕܘܝ ܝܬܝܪ ܡܢ ܒܢ̈ܝ ܐܢܫܐ ܒܬܪܥܝܬܐ ܕܪܡ ܩܠܗܿ ܐܫܟܚ ܕܢܐܡܪ ܀܀ ܀ ܠܓ. ܡܢܐܗܘ ܕܐܝܬܘܗܝ ܒܟܠܙܒܢ ܘܕܢܗܘܐ ܠܐ ܐܝܬ ܠܗ. ܘܗܼܘ ܗܢܐ ܐܝܬܘܗܝ ܕܒܝܕܥܬܐ ܥܡ ܡܠܬܐ ܡܬܠܒܟ ܘܒܟܠ ܙܒܢ ܐܟܘܬܗ ܐܝܬܘܗܝ. ܘܗܿܘ ܕܝܢ ܕܒܪܓܫܬܐ ܕܠܐ ܡܠܬܐ ܡܣܬܒܪ ܘܗܘܐ ܘܡܬܚܒܠ ܕܢܗܘܐ. ܡܠܝܐܝܬ ܕܝܢ ܘܐܦܠܐ ܡܬܘܡ ܐܝܬܘܗܝ ܀܀ ܀܀ ܀܀ ܠܕ. ܠܗ ܗܟܝܠ ܠܗܢܐ ܗܘܼ ܗܢܐ ܙܪܝܙܐ ܠܗܿܘ ܕܗܿܘܐ ܘܡܬܚܒܠ݀ ܘܡܠܝܐܝܬ ܡܡܬܘܡ ܠܐ ܐܝܬܘܗܝ. ܡܛܠ ܗܘܝܗ ܘܪܕܝܗ ܗܫܐ ܒܫܡܐ ܕܐܠܗ̈ܐ ܡܝܩܪ ܘܬܘܒ ܗܼܘ ܟܕ ܗܼܘ ܟܕ ܡܟܣ ܠܗܢܿܘܢ ܡܒܕ̈ܩܢܐ ܕܗܕܐ ܬܫܥܝܬܐ ܕܐܠܗ̈ܐ ܐܡܼܪ ܥܠܝܗܘܢ ܕܠܐ ܗܘܐ ܡܢ ܕܡܘ̈ܬܐ ܘܡܢ ܬܚܘܝܬܐ ܫܪܝܪܬܐ ܗܕܐ ܛܥܝܘܬܐ ܕܗܼܢܘܢ ܐܠܗ̈ܐ ܐܣܪܚܘ. ܘܟܕ ܐܟܼܠ ܩܪ̈ܨܝܗܘܢ ܒܗܢܐ ܐܣܟܡܐ ܐܡܼܪ ܒܬܪܗ ܕܢܬܛܦܝܣ ܠܗܘܢ ܘܢܫܪ. ܟܕ ܗܐ ܠܐ ܡܕܡ ܒܫܪܪܐ ܐܡܪܝܢ. ܐܠܐ݀ ܐܦ ܟܕ ܩܪܐ 54 ܠܗܘܢ ܒܢ̈ܝ ܐܠܗ̈ܐ ܝܕܝܥ ܗܘ ܓܠܝܐܝܬ ܕܠܐܒܗܝ̈ܗܘܢ ܡܝܘ̈ܬܐ ܡܥܠ ܕܕܡܝܢ ܠܟܠ ܐܢܫ ܘܬܘܒ ܥܠ ܐܠܗ̈ܐ ܡܝܘ̈ܬܐ ܐܬܥܗܕ ܘܒܢ̈ܝܐ ܡܝܘ̈ܬܐ ܕܕܡܝܢ ܠܟܠ ܐܢܫ ܘܬܘܒ ܥܠ ܐܠܗ̈ܐ ܡܝܘ̈ܬܐ ܐܬܥܗܕ ܘܒܢ̈ܝܐ ܡܝܘ̈ܬܐ ܕܕܡܝܢ ܠܐܒܗܝ̈ܗܘܢ ܘܓܠܝܐܝܬ ܠܐܒܗ̈ܐ ܕܝܠܗܘܢ ܐܡܪܝܢ ܕܝܕܥܝܢ ܘܠܐ ܡܬܚܦܐ ܟܕ ܐܡܿܪ ܕܠܐ ܡܫܟܚܐ ܗܟܝܠ ܕܠܒܢ̈ܝ ܐܠܗ̈ܐ ܠܐ ܢܗܝܡܢ. ܘܡܢ ܕܘܟܬܗ ܐܟܠ ܩܪ̈ܨܝܗܘܢ ܕܝܠܗܘܢ ܕܕܠܐ ܕܡܘ̈ܬܐ ܘܕܠܐ ܬܚܘ̈ܝܬܐ ܫܪ̈ܝܪܬܐ ܐܡܼܪܘ. ܘܡܘܣܦ ܕܢܫܪ ܐܢܘܢ ܐܝܟ ܕܥܠ ܕܝܠܗܘܢ ܐܡܪܝܢ ܕܡܫܬܥܝܢ ܘܡܠܝܐܝܬ ܒܛܝܠܐܝܬ ܠܐ ܐܡܿܪ ܕܡܫܬܥܝܢ ܐܠܐ ܕܐܝܟ ܕܐܡܪܝܢ ܕܡܫܬܥܝܢ ܘܢܬܛܦܝܣ ܠܗܘܢ ܕܝܠܢ ܠܡ ܕܒܢ̈ܝ ܐܠܗ̈ܐ ܐܢܘܢ ܘܡܢ ܐܝܟܐ ܠܗ ܗܕܐ ܡܠܦ ܕܐܡܿܪ ܕܐܝܟܢܐ ܕܐܡܪܘ. ܗܼܢܘܢ ܓܝܪ ܐܡܪܘ ܗܕܐ ܘܠܐ ܗܘܐ ܐܢܐ. ܗܿܢܘ ܕܝܢ ܠܗܘܢ ܟܕ ܐܡܪܝܢ ܥܠ ܢܦܫܗܘܢ ܘܠܐ ܗܘܐ ܡܢ ܕܡܘ̈ܬܐ ܘܠܐ ܒܝܕ ܬܚܘܝ̈ܬܐ ܡܫܟܚܝܢ ܕܢܩܝܡܘܢ ܥܠ ܢܦܫܗܘܢ ܒܪܡ ܢܗܝܡܢ ܐܢܘܢ ܘܐܡܼܪ ܒܬܪܗ ܗܟܢܐ ܗܟܝܠ ܐܝܟ ܕܐܡܪܝܢ ܗܼܢܘܢ ܝܠܕܐ ܕܐܠܗ̈ܐ ܢܗܘܐ ܐܠܨܐܝܬ ܐܝܟ ܕܐܡܪܝܢ ܗܼܢܘܢ ܐܡܼܪ. ܠܐ ܓܝܪ ܐܝܟ ܕܝܠܝ ܐܠܐ ܐܝܟ ܣܒܪܐ ܕܗܼܢܘܢ ܢܬܐܡܪܢ ܠܡ ܗܠܝܢ܀܀ ܀܀ ܠܗ. ܚܙܐ ܐܢܬ ܗܟܝܠ ܕܠܛܥܝܘܬܐ ܡܠܟ ܕܘܿܠܐ ܕܢܩܦ ܘܡܛܠ ܐܝܕܐ ܥܠܬܐ ܡܩܝܡ ܕܠܐ ܡܛܠ ܡܕܡ ܐܚܪܝܢܿ ܐܠܐ ܡܛܠ ܢܡܘܣܐ ܗܿܢܘ ܕܝܢ ܡܛܠ ܡܘܬܐ ܕܬܠܐ ܡܢ ܢܡܘܣܐ. ܘܗܼܝ ܗܕܐ ܓܠܝܐܝܬ ܐܘܕܝ ܕܐܡܼܪ. ܕܟܕ ܢܩܝܦܝܢ ܐܢܚܢܢ ܠܢܡܘܣܐ ܢܗܝܡܢ. ܘܕܚܠܬܐ ܟܝ ܕܡܢ ܒܢ̈ܝ ܐܢܫܐ ܘܢܡܘܣܐ ܐܥܒܼܪܬ ܡܢ ܦܝܠܘܣ̈ܦܐ ܠܗܿܝ ܕܚܠܬܐ ܘܢܡܘܣܐ ܕܫܪܪܐ. ܘܐܝܟܐ ܐܢܝܢ ܗܠܝܢ ܡܝܬܪ̈ܬܐ ܘܚܟܝ̈ܡܬܐ ܕܗܕܼܘ ܠܫܢܐ ܦܐܝܐ ܕܒܐܝܕܗܝܢ ܡܠܝܐܝܬ ܒܠܫܢܐ ܬܡܝܗܐ ܗܟܢܐ ܪܘܪܒܐܝܬ ܐܡܿܪ ܗܘܐ. ܀܀ ܀܀ ܀܀ ܠܘ. ܡܢ ܡܪܕܘܬܐ ܓܝܪ ܠܐ ܢܡܘܣܐ ܘܐܦܠܐ ܚܕ ܛܟܣܐ ܡܝܬܪ ܘܐܦ ܠܐ ܟܐܢܐ ܗܕܐ ܕܡܕܥܐ ܢܫܬܡܥ ܠܡܕܡ ܐܘ ܢܫܬܥܒܕ ܐܠܐ ܪܫܐ ܐܝܬܘܗܝ ܕܟܘܠ݀ ܐܢ ܫܪܝܪܐܝܬ ܒܪ ܚܐܪ̈ܐ ܐܝܬܘܗܝ ܒܟܝܢܗ ܘܗܼܘܝܘ ܗܢܐ ܗܿܘ ܕܐܡܼܪ ܕܠܐܝܟܐ ܕܐܢܫ ܣܐܡ ܢܦܫܗ ܕܣܒܪ ܕܡܝܬܪܐ ܗܝ݀ ܬܡܢ ܘܠܐ ܐܝܟ ܕܣܒܪ ܐܢܐ ܕܢܩܘܐ ܒܡܚܫܘܠܐ ܟܕ ܠܡܕܡ ܠܐ ܢܚܫܘܒ ܠܐ ܠܡܘܬܐ ܘܐܦ ܠܐ ܠܡܕܡ ܐܚܪܝܢ ܩܕܡ ܣܢܝ̈ܬܐ ܘܒܬܪܗܝܢ ܐܡܼܪ ܕܗܕܐ ܓܝܪ ܕܢܕܚܠ ܡܢ ܡܘܬܐ ܐܘ ܓܒܪ̈ܐ ܠܐ ܗܘܐ ܡܕܡ ܗܝ 55 ܐܚܪܝܢ ܐܠܐ ܕܢܒܣܪ ܐܢܫ ܕܚܟܝܡܐ ܗܿܘ. ܟܕ ܠܐ ܗܘܐ ܚܟܝܡܐ ܀ ܀ ܀ ܠܙ. ܥܠ ܡܢܐ ܗܟܝܠ ܐܘ ܚܟܝܡܐ ܒܬܪ ܗܠܝܢ ܒܢ̈ܬ ܩ̈ܠܐ ܡܢ ܡܘܬܐ ܐܬܙܪܥܬ ܘܠܐܠܗ̈ܐ ܡܝ̈ܘܬܐ ܡܛܠ ܢܡܘܣܐ ܡܬܕܢܐ ܐܢܬ ܕܬܝܩܪ ܘܥܠ ܡܢܐ ܕܝܢ ܠܒܢ̈ܝ ܐܠܗ̈ܐ ܗܿܢܘܢ ܕܕܢܫܪ ܐܢܘܢ ܘܕܢܬܛܦܝܣ ܠܗܘܢ ܡܫܘܝܬ. ܒܡܠܬܟ ܡܟܐܪ ܐܢܬ ܘܡܦܠܥ ܐܢܬ ܕܠܐ ܡܕܡ ܚܠܝܡܐܝܬ ܘܐܦܠܐ ܡܕܡ ܡܢ ܬܚܘ̈ܝܬܐ ܥܠ ܐܒܗ̈ܐ ܕܝܠܗܘܢ ܐܡܼܪܘ ܘܐܝܟܢܐ ܟܕܒܗܠܝܢ ܐܟܠ ܐܢܬ ܩܪ̈ܨܝܗܘܢ ܠܒܢ̈ܝ ܐܢܫܐ ܡܠܟ ܐܢܬ ܕܢܫܪܘܢ ܐܢܘܢܿ ܘܕܐܝܠܝܢ ܐܢܘܢ ܐܒܗ̈ܬܐ ܕܗܠܝܢ ܢܬܒܩܐ ܀܀ ܀܀ ܠܚ. ܠܐܪܥܐ ܠܡ ܘܠܫܡܝܐ ܗܼܘܘ ܒܢ̈ܝܐ ܐܘܩܝܢܘܣ ܘܛܬܐܣ ܘܬܘܒ ܦܪܘܩܘܣ ܘܩܪܢܘܣ ܘܪܗܐܐ. ܘܟܢ ܡܢ ܒܬܪ ܗܠܝܢ ܟܠܗܘܢ ܙܘܣ ܘܗܐܪܐ݀ ܙܘܣ ܡܢ ܒܬܪ ܐܪܥܐ ܘܫܡܝܐ ܙܘܣ ܒܬܪ ܩܪܘܢܘܣ ܘܪܗܐܐ ܡܢ ܒܬܪ ܗܠܝܢ ܟܠܗܘܢ ܡܢܐ ܐܡܿܪ ܐܢܬ ܐܘ ܙܪܝܙܐ. ܐܝܟܘ ܙܘܣ ܗܿܘ ܪܒܐ ܗܿܘ ܕܒܫܡܝܐ ܡܪܟܒܬܐ ܕܦܪܚܐ ܪܕܦ. ܐܘ ܠܐ ܗܘܐ ܕܝܠܟ ܗܘܬ ܡܠܬܐ ܗܿܝ ܕܟܠ ܐܢܫ ܩܥܐ ܥܠܝܗܿ ܘܡܬܕܡܪ ܟܕ ܐܡܿܪ ܐܢܬ ܗܟܢ. ܀܀ ܀܀ ܀܀ ܠܛ. ܗܼܘ ܗܟܝܠ ܙܘܣ ܪܒܐ ܒܫܡܝܐ ܪܕܦ ܡܪܟܒܬܐ ܕܦܪܚܐ ܘܕܒܪ. ܘܠܗ ܠܗܢܐ ܢܩܝܦܝܢ ܚܝ̈ܠܘܬܐ ܕܐܠܗ̈ܐ ܘܕܕ̈ܝܘܐ ܀܀ ܀܀ ܡ. ܐܠܐ ܗܠܝܢ ܠܐ ܝܕܥ ܐܢܐ. ܡܢ ܐܝܡܟܐ ܒܬܪ ܐܪܥܐ ܘܒܬܪ ܝܡܐ ܘܒܬܪ ܐܘܩܝܢܘܣ ܘܒܬܪ ܪܗܐܐ ܘܩܪܘܢܘܣ ܡܝܘ̈ܬܐ ܐܬܚܙܝ ܙܘܣ ܘܐܝܟܢܐ ܢܩܦܐ ܡܠܬܟ ܗܕܐ ܠܗܿܝ. ܢܬܛܦܝܣ ܠܗܿܢܘܢ ܕܐܡܼܪܘ ܡܢ ܩܕܡܝܢ. ܕܒܢ̈ܝ ܐܠܗ̈ܐ ܐܝܬܝܗܘܢ ܐܝܟ ܕܐܡܪܝܢ ܘܓܠܝܐܝܬ ܠܐܒܗ̈ܐ ܕܝܠܗܘܢ ܝܕܥܝܢ ܠܐ ܗܟܝܠ ܡܫܟܚܐ ܕܠܒܢ̈ܝ ܐܠܗ̈ܐ ܠܐ ܢܫܪ ܟܕ ܗܐ ܕܠܐ ܕܡܘ̈ܬܐ ܘܕܠܐ ܬܚܘ̈ܝܬܐ ܫܪܝܪܬܐ ܐܡܪܝܢ ܘܡܘܣܦ ܗܟܢܐ ܗܟܝܠ ܐܝܟ ܕܗܼܢܘܢ ܐܡܪܝܢ ܝܠܕܐ ܕܥܠ ܗܠܝܢ ܐܠܗ̈ܐ ܢܗܘܐ ܘܢܬܐܡܪ݀ ܘܚܙ ܒܬܪܗܿ ܡܠܬܐ ܐܪܝܟܬܐ ܘܬܫܥܝܬܐ ܗܝ ܕܝܠܕܐ ܕܐܠܗ̈ܐ ܕܐܡܪܝܢ ܦܘ̈ܐܛܐ. ܘܥܠܝܗܿ ܡܫܪܪ ܠܢ ܘܐܡܿܪ ܕܢ ܩܪܘܢܘܣ ܘܪܗܐܐ ܙܘܣ ܘܗܐܪܐ ܘܒܘܠܗܘܢ ܗܝܠܢ ܕܝܕܥܝܢ ܐܢܚܢܢ ܘܐܚܝ̈ܗܘܢ ܕܗܠܝܢ ܡܬܐܡܪܝܢ ܟܘܠܗܘܢ ܘܬܘܒ ܐܚܪ̈ܢܐ ܒܢܝ̈ܐ ܕܝܠܗܘܢ ܕܗܠܝܢ ܀܀ ܀܀ 56 ܡܐ. ܡܬܒܩܐܐܢܬ ܒܗ ܗܟܝܠ ܟܕ ܡܫܬܥܐ ܗܢܐ ܓܒܪܐ݀ ܘܡܫܬܥܐ ܠܐ ܗܘܐ ܠܐܝܠܝܢ ܕܠܐ ܩܫܝܢ. ܠܐ ܒܪܫܥ ܘܒܗܠܝܢ ܕܠܩܘܒܠܐ ܕܦܝܠܘܣܦܘܬܐ ܕܝܠܗ. ܗܼܘ ܗܘܐ ܓܝܪܗܢܐ ܗܘ ܕܒܦܘܠܝܛܝܐ ܢܩܕܐܝܬ ܠܗܿܢܘܢ ܕܗܪܟܐ ܩܪܐ ܠܗܘܢ ܒܢ̈ܝ ܐܠܗ̈ܐ ܡܠܝܐܝܬ ܠܗܿܢܘܢ ܩܕܗܡܝܐ ܕܥܠ ܐܠܗܘܬܗܘܢ ܐܫܬܥܝܘ ܠܗ ܠܗܡܪܘܣ ܘܠܗܣܝܕܘܣ ܘܩܕܡ ܗܠܝܢ ܠܐܪܦܘܣ ܡܢ ܦܘܠܛܝܐ ܕܝܠܗ ܠܪܘܚܩܐ ܛܪܕ ܘܗܫܐ ܡܠܟ ܗܘ ܦܝܠܘܣܦܐ ܕܠܗܘܢ ܠܗܠܝܢ ܢܗܝܡܢ݀ ܟܕ ܡܫܡܗ ܠܗܘܢ ܒܢ̈ܝ ܐܠܗ̈ܐ. ܘܐܠܗ̈ܐ ܒܬܪ ܐܪܥܐ ܘܫܡܝܐ݀ ܘܒܬܪ ܐܘܣܝܐ ܪܛܝܒܬܐ ܗܿܝ ܕܩܪܐ ܠܗ ܐܘܩܝܢܘܣ ܒܝܠܕܐ ܘܒܚܒܠܐ ܒܥܐ ܘܠܗܿܘ ܐܒܐ ܕܟܠܗܘܢ ܒܢ̈ܝ ܐܢܫܐ ܘܕܐܠܗ̈ܐ. ܘܗܐܪܐ ܘܗܿܢܢ ܐܚܪ̈ܢܐ ܕܒܬܪܗܘܢ ܕܐܡܼܪ ܕܡܬܐܡܪܝܢ ܐܚܝ̈ܗܘܢ ܘܒܢܝ̈ܗܘܢ ܕܗܠܝܢ ܕܡܢ ܪܥܐ ܐܝܬܝܗܘܢ ܘܡܢ ܐܘܩܝܢܘܣ ܡܘܕܐ ܘܒܬܪܟܢ ܕܢܣܓܕܘܢ ܠܗܘܢ ܐܝܟ ܕܠܐܠܗ̈ܐ ܡܠܟ ܘܐܝܟܐ ܗܝ ܗܼܝ ܪܒܘܬܐ ܕܐܘܣ̈ܝܣ ܝܕܘܥ̈ܬܢܝܬܐ ܘܐܝܟܐ ܗܝ ܕܡܘܬܐ ܕܠܐ ܓܫܘܡ ܕܠܗܠ݀ ܡܢ ܥܠܡܐ ܐܘ ܗܿܝ ܬܫܥܝܬܐ ܐܠܗܝܬܐ ܕܥܠ ܟܝܢܐ ܕܠܐܓܘܢܐ ܘܕܠܐ ܕܡܘܬܐ. ܘܐܢ ܕܝܢ ܟܠ ܢܦܫ ܠܐ ܡܝܬܐ ܠܡܢܐ ܠܡܝ̈ܘܬܐ ܡܫܥܒܕ ܐܢܬ. ܠܐ ܡܝ̈ܘܬܐ ܘܠܓܘܫ̈ܡܐ ܕܕ̈ܝܘܐ ܠܗܿܘ ܕܠܐ ܓܫܘܡ ܘܠܐܘܣܝܐ ܝܕܘܥܬܢܝܬܐ ܘܡܠܝܠܬܐ ܠܗܿܢܘܢ ܕܒܪܓܫܬܐ ܘܡܬܚܒ̈ܠܢܐ ܫܦܝܪ ܗܟܝܠ ܡܣܬܒܪ ܠܝ ܕܠܗܢ ܓܒܪܐ ܝܬܝܪ ܢ ܫܪܟܐ ܐܥܕܘܠ݀ ܟܕ ܗܐ ܚܘܒ ܢܓܕ ܠܝ ܠܘܬܗ ܡܛܠ ܐܚܝܢܘܬܐ ܕܝܘ̈ܠܦܢܘܗܝ ܗܿܢܘ ܓܝܪ ܒܠܚܘܕܘܗܝ ܡܢ ܟܠܗܘܢ ܝܘ̈ܢܝܐ ܡܣܬܒܪ ܠܝ ܕܢܩܦ ܠܬܪ̈ܥܐ ܒܪ̈ܝܐ ܕܫܪܪܐ ܘܐܚܝܢܘܬܐ ܕܠܘܬܢ ܒܡ̈ܠܐ ܣܓܝ̈ܐܬܐ ܚܘܝ. ܐܠܐ ܠܐ ܢܬܝܩܪ ܗܢܐ ܓܒܪܐ ܡܢ ܫܪܪܐ ܕܡܛܠ ܗܕܐ. ܡܣܬܒܪ ܠܝ ܕܡܢ ܟܠܗܘܢ ܝܬܝܪܐܝܬ ܒܗ ܐܬܥܕܠ݀ ܗܿܘ ܓܝܪ ܕܪܚܡܐ ܗܘ ܕܢܚܐ ܘܐܝܠܝܢ ܕܢܩܦܢ ܠܝܘܠܦܢܐ ܣܥܪ ܠܡܘܬܐ ܩܪ̈ܨܘܗܝ ܢܬܐܟܠܘܢܿ ܘܟܕ ܣܒܪ ܕܠܝܬ ܐܠܗ̈ܐ ܒܪܡ ܕܝܢ ܢܬܕܢܐ ܕܐܝܟ ܕܐܚܪ̈ܢܐ ܚܝ̈ܐ ܠܐ ܝܕܥ݀ ܐܠܐܗܠܝܢ ܕܩܪ̈ܝܒܝܢ ܒܠܚܘܕ ܀܀ ܀܀ ܡܒ. ܦܪ̈ܦܛܝܛܝܩܐ ܕܝܢ ܗܟܐܢ ܠܣܒܪܐ ܕܕܐܡ ܠܕܗܢܐ ܡܫܪܝܐܢ ܕܗܕܐ ܦܝܠܘܣܦܘܬܐ ܢܩܦܘ݀ ܘܕܣܒܪܘ ܕܡܝܘܬܬܐ ܗܝ ܢܦܫܐ ܕܒܒܢ̈ܝ ܐܢܫܐ ܘܕܡܘܬܗ ܘܓܘܫܡܗ ܕܐܢܛܠܟܝܐ ܐܝܬܘܗܝ ܐܡܼܪܘ݀ ܚܠܦ ܚܝ̈ܐ ܗܠܝܢ. ܕܗܪܟܐ ܕܠܗܘܢ 58 ܒܠܚܘܕ ܝܕܥܘ ܬܚܝܬ ܣܓܝ̈ܐܐ ܢܦܠܘܢ ܘܕܠܐ ܐܝܬܝܗܘܢ ܐܠܗ̈ܐ ܡܢ ܡܬܘܡ ܗܿܢܘܢ ܕܐܝܟ ܢܡܘܣܐ ܕܦܘܠܝܛܝܐ ܣܒܪܘ ܡܛܠ ܕܚܠܬܐ ܕܡܘܬܐ ܘܡܛܠ ܡܣܡ ܒܪܫܐ ܕܡܢ ܢܡܘܣܐ ܢܬܕܢܘܢ ܀ ܀ ܀܀ ܡܓ. ܘܐܣ̈ܛܘܐܝܩܐ ܬܘܒ ܕܐܠܼܦܘ ܕܓܘܫܡܐ ܐܝܬܘܗܝ ܟܠ݀ ܘܕܗܢܐ ܥܠܡܐ ܡܬܪܓܫܢܐ ܗܼܘܝܘ ܒܠܚܘܕܘܗܝ ܐܝܬܘܗܝ ܐܠܗܐ ܘܕܐܠܗ̈ܐ ܐܝܬܝܗܘܢ ܡܢ̈ܘܬܗ ܕܗܢܐ ܢܦܫܗܘܢ ܐܦܝܣܘ ܐܝܠܝܢ ܕܠܗܠܝܢ ܝܘ̈ܠܦܢܝܗܘܢ ܢܩܦܢ ܢܣܥܪܘܢ ܘܐܦܢ ܣܢܝ̈ܬܐ ܐܝܬܝܗܝܢ ܕܡܛܠ ܗܕܐ ܕܠܡܢ̈ܘܬܗ ܕܥܠܡܐ ܐܠܗ̈ܐ ܩܪܘ ܘܠܐܘܣܝܐ ܐܪܥܢܝܬܐ ܣܓܕܘ ܠܒܪ ܡܢ ܥܕܠܝܐ ܟܝ ܢܗܘܘܢ݀ ܘܗܼܢܘܢ ܕܝܢ ܕܬܚܡܘ ܕܐܣ̈ܛܘܟܣܐ ܐܝܬܝܗܘܢ ܫܘܪܝܐ ܕܟܘܠ ܢܩܦܐܝܬ ܠܐܣ̈ܛܘܟܣܐ ܢܣܓܕܘܢ ܀܀ ܀܀ ܀܀ ܡܕ. ܘܗܼܘ ܕܝܢ ܕܐܝܟ ܕܒܓܠܢܐ ܐܠܗܝܐ ܬܚܡ. ܕܡܢܐ ܗܘ ܕܐܝܬܘܗܝ ܟܒܠ ܙܒܢ ܘܕܢܗܘܐ ܠܐ ܡܫܟܚ ܘܡܢܐܗܘ ܕܒܝܕܥܬܐ ܥܡ ܡܠܬܐ ܡܠܒܟ ܘܒܟܠ ܙܒܢ ܐܟܘܬܗ ܘܐܝܟ ܟܟܡܐ ܕܝܐܬܘܗܝ ܗܘܐ ܐܡܪ ܘܓܠܝܐܝܬ ܘܒܫܡ̈ܗܐ ܓܠܝܐ ܫܦܝܪ ܘܚܟܝܡܐܝܬ ܬܫܥܝܬܐ ܐܠܗܝܬܐ ܫܪܝܪܬܐ ܐܝܟ ܟܝܢܐ ܡܠܠ ܒܗܠܝܢ ܕܐܡܼܪ. ܗܼܘ ܗܟܝܠ ܐܠܗܐ݀ ܐܝܟܢܐ ܕܐܦ ܡܠܬܢ ܥܬܝܩܬܐ ܫܘܪܝܐ ܘܚܪܬܐ ܘܡܨܥܝܘܬܐ ܕܗܢܐ ܟܠ ܡܕܡ ܕܐܝܬܘܗܝ ܐܚܝܕ ܘܬܪܝܨܐܝܬ ܡܫܠܡ ܟܕ ܪܕܐ ܐܝܟ ܟܝܼܢܐ. ܠܗ ܕܝܢ ܒܟܠ ܙܒܢ ܢܩܝܦܐ ܟܐܢܘܬܐ ܟܕ ܠܗܿܢܘܢ ܕܡܦܝܫܝܢ ܡܢ ܢܡܘܣܐ ܐܠܗܝܐ ܣܝܡܐ ܒܪܫܗܘܢ ܘܐܝܟܢܐ ܐܦܝܫ ܡܢ ܢܡܘܣܐ ܐܠܗܝܐ ܘܒܨܝܪܐܝܬ ܚܫܒ ܠܟܐܢܘܬܐ ܕܥܠ ܟܘܠ ܘܗܠܝܢ ܢܡܘ̈ܣܐ ܕܡܝܘ̈ܬܐ ܐܣܪܚ ܠܢ ܘܡܢ ܡܘܬܐ ܗܢܐ݀ ܦܝܠܘܣܦܐ ܕܚܠ ܗܢܐ ܕܠܢܦܫܐ ܠܥܠ ܡܢ ܟܦܦܐ ܕܫܡܝܐ ܡܫܕܪ ܐܠܐ ܠܐ ܡܣܬܒܪܐ ܠܝ. ܕܚܠܝܡܐܝܬ ܢܛܪ ܗܘ ܗܢܐ ܓܒܪ ܕܗܝ ܗܕܐ ܢܦܫܐ ܕܒܢ̈ܝ ܐܢܫܐ ܠܐ ܡܝܘܬܬܐ ܗܝ. ܡܛܠ ܕܥܒܕ ܠܗ ܝܘܠܦܢܗ ܕܓܘܐ. ܠܐ ܗܘܐ ܓܝܪ ܒܠܚܘܕ ܕܒܢ̈ܝ ܐܢܫܐ ܐܠܐ ܐܦ ܕܟ̈ܠܒܐ ܘܕܩܘ̈ܦܐ ܘܕܫܘܫ̈ܡܢܐ ܘܕܪ̈ܟܫܐ ܘܕܚܡܪ̈ܐ ܘܕܫܪܟܐ ܕܚܝܘ̈ܬܐ ܕܠܐ ܡܠܬܐ ܕܢܦܫܗܘܢ ܠܐ ܡܝܘܬܬܐ ܗܝ. ܘܕܡܕܡ ܠܐ ܦܪܝܫܐ ܡܢ ܢܦܫܐ ܕܦܝ̈ܠܘܣܦܐ ܒܐܘܣܝܐ ܕܝܠܗܿ ܐܓܒܛܐܝܬ ܐܡܼܪ ܕܣܒܪ ܕܗܼܢܝܢ ܗܠܝܢ ܡܫܚܠܦܢ ܟܠ ܓܢܣ̈ܐ ܕܦܓܪܐ ܘܒܟܝܢܐ ܕܚܝܘ̈ܬܐ ܗܠܝܢ 59 ܕܒܢ̈ܝ ܐܢܫܐ ܡܫܬܦܟܢ ܕܡܛܠ ܗܠܝܢ ܐܦ ܒܗܕܐ ܢܣܬܠܐ. ܐܝܟܢܐ ܕܒܡܕܡ ܐܫܪ ܘܒܐܚܪܢܐ ܓܒܐ ܕܓܠ ܘܐܦܢ ܓܝܪ ܬܡܝܗܐ ܗܘ ܗܐ ܓܒܪܐ ܕܠܥܒܘܕܐ ܘܠܒܪܘܝܐ ܕܗܢܐ ܟܠ ܐܫܟܚ ܕܢܕܪܟ ܐܠܐ ܡܛܠ ܕܠܐ ܐܦܩܗܿ ܠܡܠܬܐ ܕܟܐܢܘܬܐ ܒܟܠ ܐܢܫ ܝܬܝܪܐܝܬ ܢܬܥܕܠ݀ ܡܛܠ ܕܝܕܥ ܠܐܠܗܐ ܘܠܐ ܐܝܟ ܕܠܐܠܗܐ ܫܒܚܗ. ܐܠܐ ܣܓܕ ܘܫܡܫ ܠܒܪܝܬܐ ܠܒܪ ܡܢ ܒܪܘܝܗ. ܘܐܠܗ̈ܐ ܡܫܡܗ ܘܣܓܕ ܠܗܿܢܘܢ ܕܒܓܘ̈ܫܡܐ ܕܡܬܚܙܝܢ ܩܒܝܥܝܢ ܠܫܡܫܐ ܘܣܗܪܐ ܘܟܘ.̈ܟܒܐ ܐܟܚܕܐ ܘܒܚܕܐ ܡܘܕܐ ܕܥܒܝܕ̈ܐ ܐܢܘܢܿ ܘܡܬܚ̈ܒܠܢܐ ܡܪ̈ܟܒܐ ܒܟܝܢܗܘܢ ܘܢ ܢܘܪܐ ܘܡܢ ܐܪܥܐ ܘܡܢ ܫܪܟܐ ܕܐܣ̈ܛܘܟܣܐ ܐܟܚܕܐ ܘܣܓܕ ܘܡܝܩܪ ܘܐܠܗ̈ܐ ܠܗܘܢ ܠܗܠܝܢ ܩܪܐ. ܘܗܝܕܝܢ ܬܘܒ ܡܢ ܒܬܪܟܢ ܕܡܫܬܪ̈ܝܢܐ ܐܢܘܢ ܘܡܬܚ̈ܒܠܢܐ ܗܼܢܘܢ ܗܠܝ ܡܘܕܐ ܘܕܢܫܡܥܝܘܗܝ ܩܪܝܒܐ ܗܝ݀ ܟܕ ܐܡܿܪ ܒܛܝܡܐܘܣ ܀܀ ܀܀ ܡܗ. ܐܠܗܐ ܕܐܠܗ̈ܐ ܕܐܢܐ ܒܪܘܝܟܘܢ ܟܠ ܡܕܡ ܗܟܝܠ ܕܐܬܐܣܪ ܡܫܬܪܝܢܐ ܗܘ. ܕܒܗܕܐ ܕܡܛܠ ܕܡܗܼܘܐ ܗܘܝܬܘܢ ܠܐ ܡܝܘ̈ܬܐ ܠܐ ܐܝܬܝܟܘܢ. ܘܐܦ ܠܐ ܠܐ ܡܫܬܪ̈ܝܢܐ ܡܠܝܐܝܬ ܘܬܘܒ ܕܝܢ ܥܠ ܗܘܝܗܘܢ ܕܡܢ ܐܝܟܢܐ ܐܝܬܘܗܝ݀ ܘܐܝܟܢܐ ܡܬܬܚܡ݀ ܟܕ ܐܡܪ ܕܡܕܡ ܕܢܘܪܐ ܠܘܬ ܐܐܪ ܗܟܢܐ ܐܐܪ ܠܘܬ ܡܝ̈ܐ. ܘܡܝ̈ܐ ܠܘܬ ܐܪܥܐ݀ ܕܡܢܗܘܢ ܐܣܪ ܘܐܩܝܡ ܫܡܝܐ݀ ܡܬܚܙܝ̈ܢܐ ܘܡܬܪ̈ܓܫܢܐ ܘܒܝܕ ܗܠܝܢ ܘܡܢ ܗܠܝܢ ܕܗܟܢܐ ܐܢܘܢܿ ܘܡܢܝܢܗܘܢ ܐܪ̈ܒܥܐ ܓܘܫܡܗ ܕܥܠܡܐ ܗܘܐ. ܘܐܡܿܪ ܒܬܪܗ. ܘܠܗܘܝܐ ܕܙܒܢܐ ܡܛܠ ܕܢܗܘܐ ܙܒܢܐ ܫܡܫܐ ܘܣܗܪܐ ܘܚܡܫܐ ܐܚܪ̈ܢܐ ܟܘܟ̈ܒܐ ܕܐܝܬ ܠܗܘܢ ܟܘܢܝܐ ܡܛܥܝܢܐ ܠܬܚܘܡܐ ܘܠܢܛܝܪܘܬܐ ܕܡܢܝܢܐ ܕܙܒܢܐ ܗܘܘ. ܘܓܘܫ̈ܡܐ ܕܝܢ ܥܒܕ ܐܢܘܢ ܠܚܕ ܚܕ ܡܢܗܘܢ ܐܠܗܐ. ܘܣܡ ܐܢܘܢ ܒܡܪܕܝܬܐ. ܘܬܘܒ ܐܡܼܪ ܥܠ ܫܡܝܐ ܕܐܝܟܐܢ ܐܝܬܘܗܝ ܗܘܐ ܒܟܠܙܒܢ ܟܕ ܠܝܬ ܠܗ ܫܘܪܝܐ ܕܗܘܝܐ ܘܐܦܠܐ ܚܕ ܐܘ ܗܘܐ ܒܫܘܪܝܐ ܕܪܫܝܬܐ ܐܝܕܐ ܕܗܝ. ܘܗܝܕܝܢ ܡܦܢܐ ܦܬܓܡܐ ܗܘ ܠܢܦܫܗ ܟܕ ܐܡܿܪ ܡܗܘܐ ܗܘܐ ܘܡܬܚܞܙܝܢܐ ܗܘ ܓܝܪ ܘܡܬܪܓܫܢܐ ܐܝܬܘܗܝ. ܘܓܘܫܡܐ ܐܝܬ ܠܗ. ܘܟܠܗܘܢ ܐܝܠܝܢ ܕܗܟܢܐ ܡܬܪ̈ܓܫܢܐ ܐܢܘܢ ܘܐܝܠܝܢ ܕܡܬܪ̈ܓܫܢܐ ܐܢܘܢ ܒܣܒܪܐ ܡܬܠܒܟܝܢ ܘܐܬܚܙܝܘ ܕܗܘ̈ܝ ܐܢܘܢ ܀܀ ܀܀ 60 ܡܘ. ܗܿܘ ܗܟܝܠ ܕܗܟܢܐ ܥܠ ܗܠܝܢ ܫܦܝܪ ܘܬܩܢܐܝܬ ܐܡܿܪ݀ ܠܐ ܗܘܐ ܒܪܘܚܩܐ ܡܢ ܣܒܪܐ ܚܠܝܡܐ ܫܪܥ ܕܩܪܐ ܐܢܘܢ ܐܠܗ̈ܐ ܘܐܘܕܝ ܕܥܒܝܕ̈ܐ ܐܢܘܢ ܡܢ ܗܝܠܐ ܡܬܚܒܠܢܝܬܐ ܕܓܘܫ̈ܡܐ ܕܢܘܪܐ ܘܕܡܝ̈ܐ ܘܐܘܕܝ ܕܥܒܝܕ̈ܐ ܐܢܘܢ ܡܢ ܗܝܠܐ ܡܬܚܝܒܠܢܝܬܐ ܕܓܘܫ̈ܡܐ ܕܢܘܪܐ ܘܕܡܝ̈ܐ ܘܕܐܐܪ ܘܕܐܪܥܐ ܕܡܫܬܪ̈ܝܢܐ ܐܢܘܢ ܒܟܝܢܗܘܢ ܘܡܬܚܒ̈ܠܢܐ ܐܡܿܪ ܘܬܘܒ ܠܗܘܢ ܟܕ ܗܼܢܘܢ ܐܠܗ̈ܐ ܡܝܩܪ̈ܐ ܡܫܡܗ. ܡܢܐ ܗܟܝܠ ܫܘܬܦܘܬܐ ܐܝܬ ܠܫܡܐ ܘܠܐܝܩܪܐ ܕܗܼܘ ܥܠܬܐ ܕܟܠܡܕܡ ܠܘܬ ܓܘܫ̈ܡܐ ܡܬܪ̈ܓܫܢܐ ܘܡܫܬܪ̈ܝܢܐ. ܐܘ ܐܝܕܐ ܫܘܬܦܘܬܐ ܕܡܠܬܐ ܡܘܦܐ ܠܗܿܘ ܕܐܝܬܘܗܝ ܒܟܠܙܒܢ ܘܕܢܗܘܐ ܠܐ ܡܫܟܚ ܠܘܬ ܗܿܘ ܕܗܘܐ ܒܟܠܙܒܢ ܘܡܡܬܘܡ ܠܐ ܐܝܬܘܗܝ ܐܝܟܢܐ ܕܠܗܠܝܢ ܐܠܗ̈ܐ ܐܠܗܐ ܢܩܪܐ. ܐܢ ܓܝܪ ܒܫܪܪܐ ܐܠܗܐ ܗܘ. ܗܿܘ ܕܐܝܬܘܗܝ ܒܟܠ ܙܒܢ ܘܕܢܗܘܐ ܠܝܬ ܠܗ ܟܠ ܡܐ ܕܠܐ ܗܘܐ ܗܟܢܐ ܠܐ ܗܘܐ ܐܠܗܐ ܘܐܢ ܕܝܢ ܐܠܗܐ ܗܘ ܗܿܘ ܕܗܼܘܐ ܒܟܠܙܒܢ ܘܡܡܬܘܡ ܠܐ ܐܝܬܘܗܝ. ܐܝܢܐ ܕܐܚܪܢܝܐܝܬ ܗܘ ܠܐ ܗܘܐ ܐܠܗܐ ܘܐܝܕܐ ܡܠܬܐ ܐܝܬ ܕܪܫܝܥ ܡܢ ܗܕܐ. ܬܪܝܢ ܓܝܪ ܕܠܩܘܒܠܐ ܒܟܝܢܗܘܢ ܗܘ ܕܒܡܠܬܐ ܘܒܝܕܥܬܐ ܡܬܠܒܟ ܘܗܿܘ ܕܒܪܓܫܬܐ ܕܠܐ ܡܠܬܐ ܡܣܬܒܪ ܘܗܼܘ ܡܟܢ ܕܢܣܥܘܪ ܘܗܼܘ ܕܢܚܫ ܐܝܟܢܐ ܗܠܝܢ ܕܠܩܘܒܠܐ ܠܚܕ ܫܡܐ ܢܫܘܘܢ. ܕܡ̈ܝܐ ܗܝ ܓܝܪ ܕܐܟܙܢܐ ܕܐܢܫ ܢܬܕܡܪ ܒܚܟܡܬܐ ܕܪܝܫ ܢܓܪ̈ܐ ܘܠܥܒܕܐ ܗܘ ܕܡܢܗ ܗܘܐ ܠܗ ܠܐܝܩܪܐ ܢܩܦ ܘܠܛܟܣܐ ܢܗܦܘܟ. ܘܠܐܠܦܐ ܐܢ ܐܢܫ ܢܩܪܐ ܩܘܒܪܢܛܐ ܘܗܢܝܘܟܐ ܠܡܪܟܒܬܐ ܕܪ̈ܟܫܐ. ܗܟܢܐ ܗܟܝܠ ܣܓܝ ܐܣܟܠ ܗܘ ܕܠܒܪܝܬܐ ܕܐܠܗܐ ܐܡܪܚ ܕܢܩܪܐ ܐܠܗ̈ܐ ܟܕ ܗܐ ܠܐ ܛܥܝܐ ܠܗ. ܐܠܐ ܐܦ ܓܠܝܐܝܬ ܐܘܕܝ ܕܒܐܣܘܪܐ ܕܐܠܗܐ ܒܪܘܝܐ ܕܟܠ ܐܣܝܪ̈ܝܢ ܘܡܢ ܐܣܛܘܟ̈ܣܐ ܕܠܐ ܢܦܫܐ ܢܘܪܐ ܘܡܝ̈ܐ ܘܐܐܪ ܘܐܪܥܐ ܐܬܩܝܡܘ. ܐܠܐ ܘܐܦ ܗܢܐ ܗܟܢܐ ܀܀ ܀܀ ܡܙ. ܘܡܢܐ ܡܬܒܥܐ ܠܝ ܗܫܐ ܕܠܓܠܝܢܐ ܐܝܬܐ ܕܐܝܟܢܐ ܐܝܟ ܕܒܣܕܪܐ ܐܬܟܢܫܘ ܚܟܝ̈ܡܐ. ܘܐܬܦܣܩܘ ܥܠ ܚܕܕ̈ܐ ܘܐܬܦܪܫܘ ܘܐܝܟ ܕܒܣܕܝܪܘܬܐ ܕܩܪܒܐ ܘܕܬܟܬܘܫܐ ܐܙܕܝܢܘ ܠܘܩܒܠ ܚܕܪ̈ܐ ܚܝܠܬܢܐܝܬ ܘܕܐܪܥܘ ܕܝܢ ܒܣܟܪ̈ܐ ܘܒܪܘܡܚܐ ܘܒܚܝܠܐ ܕܓܒܪ̈ܐ ܚܕ ܡܢ ܐܢܫܐ ܦܘ̈ܐܛܐ ܢܐܡܪ ܟܕܗܐ ܣܘܓܐܐ ܕܫܓܘܫܝܐ ܡܥܒܒ ܗܘܐ ܕܡܚܒ̈ܠܢܐ ܘܕܡܬܚ̈ܒܠܢܐ ܬܟܬܘܫܐ ܓܝܪ ܕܓܢܒܪ̈ܐ ܠܩܪܒܐ ܕܝܠܗܘܢ ܕܠܘܬ ܚܕܕ̈ܐ ܦܠܛܘܢ ܩܪܐ ܟܕ ܐܡܿܪ ܗܟܢܐ ܀܀ ܀܀ 61 ܡܚ. ܘܗܐ ܡܬܕܡܐ ܗܘܐ ܒܝܢܬܗܘܢ ܐܝܟ ܗܿܘ ܕܬܟܬܘܫܐ ܕܓܢܒܪ̈ܐ ܐܝܬ ܗܘܐ ܡܛܠ ܚܪܝܢܐ ܕܥܠ ܐܘܣܝܐ ܕܠܘܬ ܚܕܕ̈ܐ ܀܀ ܀܀ ܡܛ. ܐܠܐ ܗܼܘ ܦܠܛܘܢ ܥܠ ܗܿܢܘܢ ܕܡܢ ܩܕܡܘܗܝ ܐܘ ܥܠ ܗܿܢܘܢ ܕܥܡܗ ܗܘܘ ܦܝܠܘܣ̈ܦܐ݀ ܗܠܝܢ ܐܡܼܪ ܘܕܐܝܠܝܢ ܕܝܢ ܐܦ ܗܼܘ ܒܬܪܗ ܩܥܐ ܗܿܢܘܢ ܕܠܒܫܘ ܙܝܢܐ ܠܩܘܒܠܗ ܓܠܝܐ ܗܝ ܣܗܕܘܬܐ. ܡܢ ܬܠܡܝܕܘܬܐ ܓܝܪ ܕܡ̈ܠܘܗܝ ܫܢܝ ܐܪܣܛܛܠܣ ܘܟܘܠܗ ܟܢܫܗ ܕܗܢܐ ܕܣܕܪ ܠܘܩܒܠ ܦܠܛܘܢ ܘܐܚܪ̈ܢܐ ܬܘܒ ܒܬܪܟܢ ܩܡܘ ܒܬܪ ܙܒܢ ܥܠܝܡ̈ܐ ܘܗܿܢܝܢ ܚܟܝ̈ܡܬܐ ܕܣܒܪܗ ܕܐܪܣܛܛܠܣ ܐܟܣܼܘ. ܘܠܐܣ̈ܛܘܐܝܩܐ ܡܢ ܐܚܪܢܐ ܓܒܐ ܚܢܝܢ ܗܘܘ. ܐܚܪ̈ܢܐ ܣܩܦ̈ܛܝܩܐ ܕܝܢ ܠܦܪܪܗܘܢ ܘܠܐܦܘܟܐ ܐܣܪܚܘ ܘܐܟܚܕ ܥܠ ܟܘܠ ܐܢܫ ܓܚܟܘ. ܟܠܗܘܢ ܓܝܪ ܡܠܝܐܝܬ ܩܪܒܐ ܪܒܐ ܕܢܦܫ̈ܬܐ ܠܘܩܒܠ ܚܕܪ̈ܐ ܠܒܫܘ. ܘܒܨܝ ܩܠܝܠ ܐܝܟ ܕܒܪ̈ܘܡܚܐ ܘܒܣܟܪ̈ܐ ܒܝܕ ܡ̈ܠܐ ܐܙܕܝܢܘ ܘܐܩܪܒܘ. ܘܚܕ ܠܚܕ ܐܪܡܝܘ. ܘܐܝܟܐ ܕܠܐ ܙܕܩ ܗܘܐ ܐܬܦܪܫܘ. ܘܐܝܟܐ ܕܐܠܨܐ ܗܘܬ ܕܡܢ ܟܠܗ ܚܝܠܗܘܢ ܢܬܟܬܫܘܢܿ ܠܐ ܝܕܥܢܐ ܐܝܟܢܐ ܐܫܬܘܝܘ. ܘܝܬܝܪܐܝܬ ܒܛܥܝܘܬܐ ܕܐܠܗ̈ܐ ܣܓܝ̈ܐܐ. ܐܬܐܘܝܘ ܗܿܝ ܕܩܕܡ ܟܠ ܐܢܫ ܘܝܬܝܪ ܡܢ ܟܠܗܘܢ ܒܢ̈ܝ ܐܢܫܐ ܝܕܥܝܢ ܗܘܘ ܕܠܐ ܡܕܡ ܗܝ. ܗܿܢܘ ܕܝܢ ܐܦܝܩܘܪ̈ܝܐ ܥܡ ܐܘܣ̈ܛܐܝܩܐ ܘܐܪ̈ܣܛܛܠܝܩܐ ܥܡ ܦܠܛܘ̈ܢܝܩܐ ܘܦܝܣܝܩ̈ܝܐ ܥܡ ܣܩܦ̈ܛܝܩܐ ܐܟܚܕܐ ܥܡ ܢܫܝ̈ܗܘܢ ܘܒܢ̈ܬܗܘܢ ܘܥܡ ܟܢܫܐ ܕܐܢܫܐ ܗܕ̈ܝܘܛܐ ܠܗܝ̈ܟܠܐ ܐܙܠܝܢ ܗܘܘ. ܘܠܦܬܟܪ̈ܐ ܕܠܐ ܢܦܫܐ ܕܒܕܡܘܬ ܒܢ̈ܝ ܐܢܫܐ ܒܢܕܪܐ ܐܝܟ ܕܠܐܠܗ̈ܐ ܕܢܣܓܕܘܢ ܡܬܕܢܝܢ ܗܘܘ ܘܒܢܘܩܝܐ ܘܒܣܘܬܐ ܘܒܕܡܐ ܘܒܕ̈ܒܚܐ ܕܚܝ̈ܘܬܐ ܕܠܐ ܡܠܬܐ ܕܡܝܩܪܝܢ ܠܗܠܝܢ ܕܢܦܫܗܘܢ ܡܚܝܘܢ ܗܘܘ ܘܒܗܕܐ ܚܕܐ ܒܠܚܘܕ ܒܥܠܕܒܒܘܬܗܘܢ ܕܠܘܬ ܚܕܕ̈ܐ ܫܪܝܢ ܗܘܘ. ܒܗܕܐ ܕܟܠܗܘܢ ܒܛܝܠܐܝܬ݀ ܥܠ ܗܕܐ ܛܥܝܘܬܗܘܢ ܡܘܕܝܢ ܗܘܘ. ܘܐܝܟܐ ܕܫܪܝܪܬܐ ܓܠܝܐ ܗܘܬ ܠܗܘܢ ܕܠܩܘܒܠܗܿ ܕܗܕܐ ܣܿܥܪܝܢ ܗܘܘ. ܕܙܕܩ ܗܘܐ ܕܐܝܟܐ ܕܐܝܕܥܬܗܘܢ ܫܪܝܪܬܐ ܐܝܬܝܗܿ ܗܘܬ ܬܡܢ ܢܚܘܘܢ ܐܦ ܐܣܟܡܗܘܢ ܫܪܝܪܐ. ܕܢܬܟܬܫܘܢ ܚܠܦܝܗܿ ܘܢܩܪܒܘܢܿ ܘܐܢ ܡܬܒܥܐ ܘܐܦ ܕܢܡܘܬܘܢ ܚܠܦ ܫܪܝܪܬܐ. ܕܠܝܠܐܝܬ ܒܚܘܒܐ ܢܩܒܠܘܢ ܐܝܟ ܐܢܫܐ ܕܡܫܬܒܗܝܪܢ ܕܦܝܠܘܣ̈ܦܐ ܐܢܘܢ ܗܼܢܘܢ ܕܝܢ ܗܠܝܢ ܒܗܕܐ ܐܝܬܝܗܘܢ ܗܘܘ ܪ̈ܚܡܐ ܕܚܕܕ̈ܐ ܒܗܕܐ ܕܡܬܟܢܫܝܢ ܗܘܘ 62 ܠܕܓܠܘܬܐ ܘܒܗܿܢܘܢ ܕܠܐ ܘܿܠܐ ܗܘܐ ܕܢܬܟܬܫܘܢܿ ܡܛܠ ܟܣܝܘܬܐ ܕܗܠܝܢ ܕܠܐ ܝܕܝܥܢ ܥܠ ܗܠܝܢ ܕܐܝܟ ܕܚܠܦ ܫܪܝܪܬܐ ܡܬܚܪܝܢ ܗܘܘ ܘܕܠܝܠܐܝܬ ܒ̈ܛܠܢܝܬܐ ܡܬܟܬܫܝܢ ܗܘܘ. ܟܕ ܫܕܝܢ ܘܚܢܝܢ ܠܚܕܕ̈ܐ ܒܪ̈ܒܘܬܐ ܕܡܚܘ̈ܬܐ ܕܡ̈ܠܐ ܘܡܢܐ ܡܬܒܥܐ ܠܝ ܕܬܟܬܘܫܗܘܢ ܕܚܟ̈ܝܡܐ ܕܠܘܬ ܚܕܕ̈ܐ ܘܡ̈ܠܝܗܘܢ ܕܠܩܘܒܠܐ ܘܩܪܒܗܘܢ ܕܓܘܐ ܕܐܩܝܡܘ. ܕܢܦܠܘ ܒܗ. ܡܛܠ ܕܐܬܚܫܚܘ ܒܚܟܡܬܐ ܐܢܫܝܬܐ. ܘܒܚܘܫܒܐ ܕܬܪܥܝܬܐ ܡܝܘܬܬܐ. ܘܠܐ ܐܣܬܩܒܠ ܠܗܘܢܐܠܗܐ ܡܠܦܢܐ. ܀ ܀ ܀܀ ܢܢ. ܡܢܐ ܗܟܝܠ ܠܡܐ ܟܝ ܠܝܬ ܗܘܐ ܠܗܘܢ ܐܠܗܐ. ܠܗܿܢܘܢ ܕܥܠ ܗܠܝܢ ܐܬܟܬܫܘ. ܘܗܐ ܣܓܝ ܗܘ ܠܘܬܗܘܢ ܟܢܫܐ ܕܐܠܗ̈ܐ ܕܗܿܘ ܕܡܢ ܕܠܦܘܣ ܘܕܗܿܘ ܕܡܢ ܡܠܝܛܘܣ ܩܿܨܡ ܗܘܐ݀ ܘܕܐܚܪܢܐ ܡܢ ܓܒܐ ܐܚܪܢܐ. ܩܿܥܐ ܗܘܐ ܐܠܐ ܘܐܦܠܐ ܚܕ ܡܢ ܗܠܝܢ ܐܫܟܚ ܕܢܗܘܐ ܡܠܦܢܐ ܠܗܿܢܘܢ ܚܟ̈ܝܡܐ ܕܢܕܪܟܘܢ ܫܪܪܐ. ܣܓܕܝܢ ܗܘܘ ܕܝܢ ܟܠܗܘܢ ܐܝܟ ܐܒܗܝ̈ܗܘܢ ܠܗܠܝܢ. ܘܕܐܠܗ̈ܐ ܐܢܘܢ ܡܘܕܝܢ ܗܘܘ ܟܘܠܗܘܢ ܝܘܢ̈ܝܐ ܘܠܐ ܡܕܡ ܝܬܝܪ ܐܬܥܕܪܘ ܠܡܫܟܚܢܘܬܐ ܕܝܘ̈ܠܦܢܐ ܐܠܗ̈ܝܐ݀ ܟܕ ܗܐ ܠܐ ܡܕܡ ܥܘܟܪܐ ܐܝܬ ܗܘ ܠܗܘܢ ܕܡܢ ܕܘܟܬܗ ܒܫܪܪܐ ܢܬܪܕܘܢ ܕܢܬܚܫܚܘܢ ܒܐܠܗ̈ܐ ܡܠܦܢ̈ܐ ܗܿܢܘܢ ܕܥܠ ܐܪܥܐ ܩܪ̈ܝܒܝܢ ܠܗܘܢ ܘܠܐ ܢܬܟܬܫܘܢ ܘܠܐ ܢܗܪܘܢ ܥܡ ܚܕ̈ܕܐ. ܐܠܐ ܕܢܫܬܩܿܘܢ ܡܢ ܡܨܘܬܐ. ܘܢܫܐܠܘܢ ܠܐܠܗ̈ܐ ܥܠ ܗܠܝܢ ܕܚܪܝܢ ܘܫܪܝܪܬܐ ܐܝܟ ܕܡܢ ܡܐܣܝ̈ܢܐ ܢܐܠܦܘܢ ܘܢܬܥܕܪܘܢ ܘܩܘܕܡܐ ܘܿܠܐ ܗܘܐ ܠܒܝܬ ܐܦܝܩܘܪܣ ܕܢܐܠܦܘܢ ܕܠܐ ܢܗܘܘܢ ܕܠܐ ܐܠܗ̈ܐ. ܘܠܐ ܢܫܬܥܒܕܘܢ ܠܢܝܚܐ. ܘܠܐ ܢܬܠܠܠܘܢ ܒܗܿܢܝܢ ܕܓܘܚܟܐ ܕܠܓܘܫ̈ܡܐ ܩܛܝ̈ܢܐ ܕܠܐ ܡܬܦܣܩܝܢ ܚܝܠܐ ܕܥܒܘܕܘܬܐ ܕܥܠܡܐ ܢܣܝܡܘܢ ܐܠܐ ܢܬܛܦܝܣܘܢ ܡܢܗܘܢ ܕܐܠܗ̈ܐ ܟܕ ܡܬܪܕܝܢ ܗܠܝܢ ܕܥܠܝܗܘܢ ܘܠܒܝܬ ܐܪܣܛܛܠܣ ܕܝܢ ܕܒܗܝܢ ܒܥܝܢܝ̈ܗܘܢ ܚܙܝܢ ܗܝ̈ܟܠܐ ܘܚܘ̈ܓܒܐ ܘܨܠ̈ܡܐ ܥܠ ܐܪܥܐ. ܠܐ ܗܘܐ ܕܚܕ ܐܠܐ ܕܪ̈ܒܘܬܐ ܒܟܠ ܡܕܝܢܬܐ ܘܒܟܠ ܕܘܟ̈ܝܢ ܥܠ ܚܝܠܗܘܢ ܕܗܠܝܢ ܘܠܐ ܗܘܐ ܕܢܒܚܢܘܢ ܘܡܢܗ ܕܣܘܥܪܢܐ ܠܐ ܬܘܒ ܠܥܠ ܡܢ ܫܡܝܐ ܘܐܦܠܐ ܠܥܠ ܡܢ ܣܗܪܐ ܢܚܒܫܘܢ ܡ̈ܠܐ ܕܥܠ ܒܛܝܠܘܬܐ. ܐܠܐ ܢܬܛܦܝܣܘܢܿ ܕܐܦ ܥܠ 63 ܐܪܥܐ ܐܝܬ ܐܠܗ̈ܐ ܘܒܛܝܠ ܠܗܘܢ ܥܠ ܒܢܝ̈ ܐܢܫܐ ܕܥܡܗܘܢ ܐܢܘܢܿ ܘܕܢܐܠܦܘܢ ܡܢܗܘܢ ܕܝܠܗܘܢ ܕܗܠܝܢ ܫܠܝܛ ܗܘܐ ܠܗܘܢ ܘܠܐ ܬܘܒ ܢܬܟܬܫܘܢ ܥܡ ܗܿܢܘܢ ܕܣܕܪܝܢ ܠܘܩܒܠܗܘܢ ܕܐܝܟܢܐ ܡܝܘܬܬܐ ܗܝ ܢܦܫܐ ܐܘ ܠܐ ܡܝܘܬܬܐ ܐܝܬܝܗܿ. ܘܢܫܐܠܘܢ ܕܝܢ ܠܐܠܗܐ ܕܩܪܝܒ. ܘܢܩܒܠܘܢ ܐܝܟ ܕܡܢ ܐܠܗ̈ܐ ܡܠܬܐ ܫܪܝܪܬܐ݀ ܗܟܢܐ ܐܦ ܠܣܛܘܐܝܩ̈ܐ ܘܗܟܢܐ ܐܦ ܠܦܠܛܘܢܝܩ̈ܐ. ܗܟܢܐ ܘܐܦ ܠܣܩ̈ܦܛܝܩܐ ܗܿܢܘܢ ܕܡܬܩܪܝܢ ܦܪ̈ܕܗܘܢܝܐ ܗܟܢܐ ܬܘܒ ܘܐܦ ܠܗܢܿܘܢ ܕܡܢ ܩܕܝܡ ܕܐܬܩܼܪܝܘ ܦܝܠܘܣ̈ܦܐ ܦܝܣ̈ܝܩܝܐ ܕܠܐ ܢܦܝܫܘܢ ܡܢ ܚܢܝܐ ܕܫܪܝܪܬܐ ܘܠܐ ܐܝܟ ܗܿܘ ܕܡܫܬܥܝܢ ܒܩܘܦ̈ܣܐ ܦܝܣ̈ܝܩܝܐ ܕܠܐ ܢܦܝܫܘܢ ܡܢܚܢܝܐ ܕܫܪܝܪܬܐ ܘܠܐ ܐܝܟ ܗܿܘ ܕܡܫܬܥܝܢ ܒܩܘܦ̈ܣܐ݀ ܟܠ ܕܐܬ݀ܐ ܠܪܥܝܢܗܘܢ ܢܣܒܪܘܢ ܥܠܘܗܝ ܕܫܪܪܐ ܗܘ. ܐܠܐ ܢܫܐܠܘܢ ܥܠ ܟܠܡܕܡ ܕܠܐ ܝܕܝܥ ܠܐܠܗ̈ܐ ܗܿܢܘܢ ܕܥܡܪܝܢ ܥܡܗܘܢܿ ܐܠܐ ܐܦܠܐ ܚܕ ܡܢ ܚܟ̈ܝܡܐ ܣܥܪ ܗܠܝܢ. ܘܐܦܠܐ ܠܬܪܥܝܬܗ ܐܬܝ. ܘܠܡܐ ܟܝ ܕܠܐ ܐܠܗ ܗܘܘ. ܘܒܐܠܗ̈ܐ ܒܪܥܝܢܐ ܕܪܫܥܐ ܡܐܢܬ ܠܗܘܢ ܘܒܥܕܘ ܗܕܐ ܐܠܐ ܗܟܢܐ ܕܠܐ ܐܠܗ ܟܠܗܘܢ ܐܟܚܕܐ. ܘܝܬܝܪܐܝܬ ܦܝܠܘܣ̈ܦܐ ܡܬܚܞܙܝܢ ܕܐܝܬܝܗܘܢ ܘܡܢ ܒܢ̈ܝ ܐܢܫܐ ܣܟ̈ܠܐ ܣܓܝ ܒܝܫܝܢ. ܗܿܢܘܢ ܕܥܠ ܡܣܒܐ ܕܢܫ̈ܐ ܘܥܠ ܡܪܕܝܬܐ ܕܐܘܪܚܐ ܘܥܠ ܣܡܝܘܬܐ ܘܥܠ ܟܘܪܗܢܐ ܕܦܓܪܐ. ܕܢܫܐܠܘܢ ܠܐܠܗ̈ܐ ܠܐ ܡܐܢܬ ܠܗܘܢܿ ܘܗܿܢܘܢ ܕܠܝܠܐܝܬ ܡܫܬܡܥܝܢ ܗܘܘ. ܘܠܗܿܢܘܢ ܕܒܥܝܢ ܡܢܗܘܢ ܕܠܐ ܚܣܡ. ܩܨܡܝܢ ܗܘܘ. ܘܗܐ ܠܐ ܘܿܠܐ ܗܘܐ ܠܗܘܢ ܠܚܟܝ̈ܡܐ ܕܥܠ ܦܓܪ̈ܝܗܘܢ ܐܠܐ ܡܛܠ ܐܣܝܘܬܐ ܕܢܦܫܗܘܢ ܢܫܐܠܘܢ ܠܗܿܢܘܢ ܐܠܗ̈ܐ ܕܥܡܗܘܢܿ ܕܣܓܕܝܢ ܗܘܘ ܠܗܘܢ ܘܡܝܩܪܝܢ. ܘܕܗܕܐ ܕܝܢ ܘܐܦܠܐ ܚܕ ܡܢ ܗܿܢܘܢ ܦܝܠܘܣ̈ܦܐ ܬܡܝ̈ܗܐ ܣܥܪ ܚܕܐ ܡܢ ܬܪ̈ܬܝܢ ܡܩܘܝܐ ܕܢܕܥ. ܐܘ ܕܗܠܝܢ ܠܐ ܐܝܬܝܗܘܢ ܚܟ̈ܝܡܐ ܐܘ ܕܗܿܢܘܢ ܠܐ ܐܝܬܝܗܘܢ ܐܠܗ̈ܐ ܐܢ ܓܝܪ ܟܕ ܒܫܪܪܐ ܐܠܗ̈ܐ ܗܘ. ܫܝܛܝܢ ܗܘܘ ܠܗܘܿܢ ܠܐ ܚܟܝ̈ܡܐ ܐܝܬܝܗܘܢ ܘܣܟ̈ܠܐ ܘܗܕ̈ܝܘܛܐ ܘܐܢ ܕܝܢ ܒܫܪܪܐ ܗܼܢܘܢ ܠܚܘܒܐ ܕܚܟܡܬܐ ܐܬܩܪܒܘ ܘܒܝܕܥܬܐ ܐܬܝܬܪܘ ܝܬܝܪ ܡܢ ܣܓܝ̈ܐܐ݀ ܓܠܝܐ ܗܝ ܗܕܐ ܕܒܚܘܫܒܐ ܢܟܦܐ ܓܚܟܘ ܥܠ ܣܟܠܘܬܐ ܕܣܓܝ̈ܐܐ ܘܕܡܝܐܝܬ. ܀܀ ܀܀ ܀܀ ܢܐ. ܘܐܢ ܕܝܢ ܐܝܬܝܗܘܢ ܗܘܐ ܒܫܪܪܐ ܗܿܢܘܢ ܕܡܬܐܡܪܝܢ ܐܠܗ̈ܐ ܡܛܠ ܡܢܐ ܟܝ ܡܛܬ ܐܢܘܢ ܕܒܥܢܝܢܐ ܕܥܠ ܐܪܥܐ ܢܥܡܪܘܢ. ܘܐܘ ܡܠܝܐܝܬ ܡܛܠ ܥܘܕܪܢܐ ܕܓܘܐ ܕܟܠܗܘܢ ܒܢ̈ܝ ܐܢܫܐ. ܘܐܢ ܕܝܢ ܗܕܐ ܗܝ ܡܛܠ ܡܢܐ ܠܐ ܐܪܦܝܘ ܗܠܝܢ 64 ܬܫܥܝ̈ܬܐ ܣܪ̈ܝܩܬܐ ܘܗܠܝܢ ܕܡܥܕܪܝܢ ܠܩܢܝܢܐ ܕܡܿܝܬܪܘܬܐ ܠܟܠ ܐܢܫ ܐܟܪܙܘ. ܘܡܛܠ ܡܢܐ ܠܐ ܗܼܢܘܢ ܠܢܦܫܗܘܢ ܝܼܗܒܘ ܕܢܣܝܡܘܢ ܢܡܘ̈ܣܐ ܠܒܢ̈ܝ ܐܢܫܐ ܟܕ ܬܪ̈ܝܨܝܢ ܕܘܒܪ̈ܐ ܕܓܘܐ ܘܣܘܥܪ̈ܢܐ ܕܠܚܝ̈ܐ ܡܝܬܪܐ ܠܟܘܠ ܐܢܫ ܛܟܣܘ. ܘܡܛܠ ܡܢܐ ܠܐ ܝܬܝܪܐܝܬ݀ ܥܠ ܐܣܝܘܬܐ ܕܚܫ̈ܐ ܕܢܦܫ̈ܬܐ ܛܒ ܡܢ ܕܦܓܪ̈ܐ ܐܬܒܼܛܠ ܠܗܘܢ ܘܝܬܝܪܐܝܬ ܡܢ ܣܟܠܘܬܐ ܘܡܢ ܗܕܝܘܛܘܬܐ ܛܒ ܡܢ ܕܡܢ ܚܘܣܪܢܐ ܕܩܢܝܢܐ ܚܪܪܘ ܠܗܿܢܘܢ ܕܥܪܩܘ ܠܘܬܗܘܢܿ ܘܟܕ ܚܿܙܝܢ ܠܐܢܫܐ ܕܐܚܼܒܘ ܚܟܡܬܐ ܕܒܐܝܡܡܐ ܘܒܠܠܝܐ ܡܛܠ ܫܟܚܬܐ ܕܫܪܪܐ ܕܘܝܢ ܘܒܫܚܩܐ ܘܒܡܟܬܫܐ ܡܠܬܐ ܕܥܠ ܕܚܠܬܐ ܕܝܠܗܘܢ ܕܗܠܝܢ ܐܠܗ̈ܐ ܒܥܝܢ ܗܘܘ. ܘܬܘܒ ܠܓܘ ܥܠܝܢ ܗܘܘ ܠܒܝܬ ܩܨ̈ܡܐ ܘܡܕܒܚܝܢ ܗܘܘ ܐܝܟ ܐܒܗܝ̈ܗܘܢ ܘܡܝܩܪܝܢ ܗܘܘ ܠܗܘܢ ܒܐܝܩܪ̈ܐ ܗܿܢܘܢ ܕܐܚܝܕܝܢ ܗܘܘ ܒܥܝܕܐ ܥܠ ܡܢܐ ܠܐ ܒܒ̈ܢܬ ܩ̈ܠܐ ܕܚܘܒܐ ܩܒܠܼܘ ܐܢܘܢ ܘܡܛܠ ܠܐܘܬܗܘܢ ܫܒܚܘ ܐܢܘܢ ܘܟܢ ܡܢ ܬܟܬܘܫܗܘܢ ܕܥܡ ܚܕܕ̈ܐ ܫܪܘ ܐܢܘܢ ܘܥܘܕܪܢܐ ܡܢ ܠܐܘܬܗܘܢ ܝܗܒܘ ܠܗܘܢ ܕܢܬܚܟܡܘܢ ܒܐܠܗܐ ܒܫܪܪܐ ܘܢܗܘܘܢ ܦܝܠܘܣ̈ܦܐ ܘܚܟܬܐ ܕܦܝܠܘܣܦܘܬܐ ܫܪܝܪܬܐ ܕܠܐ ܡܕܓܠܐ ܐܠܦܘ ܐܢܘ. ܘܡܛ ܠ ܕܝܢ ܕܗܕܐ ܠܐ ܣܥܼܪܘ݀ ܠܟܠ ܐܢܫ ܓܠܝܐܝܬ ܥܒܕܘ݀ ܕܢܕܥ݀ ܕܠܐ ܗܼܢܘܢ ܐܝܬܝܗܘܢ ܐܠܗ̈ܐ ܘܐܦ ܠܐ ܗܿܢܘܢ ܕܡܫܬܒܗܪܝܢ ܕܦܝ̈ܠܣܘܦܐ ܐܢܘܢ ܠܫܡܐ ܗܢܐ ܫܘܝܢ݀ ܐܢ ܓܝܪ ܐܝܬܝܗܘܢ ܗܘܐ ܒܫܪܪܐ ܚܟܝ̈ܡܐ . ܠܐ ܡܡܬܘܡ ܣܒܪܝܢ ܗܘܘ ܥܠܝܗܘܢ ܕܐܠܗ̈ܐ ܐܢܘܢ ܟܕ ܡܕܡ ܕܫܘܐ ܠܐܠܗ̈ܐ ܠܐ ܝܗܒܘ ܠܗܘܢ ܘܠܐ ܐܫܟܚܘ ܕܢܠܦܘܢ ܗܠܝܢ ܕܐܠܗܘܬܐ ܠܗܿܢܘܢ ܕܥܠ ܝܕܥܬܐ ܕܝܠܗܘܢ ܒܛܝܠܝܢ ܗܘܘ. ܀܀ ܀܀ ܢܒ. ܘܗܿܢܘܢ ܕܝܢ ܕܠܐ ܗܘܐ ܗܟܢܐ ܐܝܬܝܗܘܢ ܗܘܐ. ܐܠܐ ܡܬܕܢܝܢ ܗܘܘ ܠܣܓܝ̈ܐܐ ܘܐܠܗ̈ܐ ܩܿܪܝܢ ܗܘܘ ܠܗܿܢܘܢ ܕܝܬܝܪ ܡܢ ܟܠ ܐܢܫ ܝܕܥܝܢ ܗܘܘ ܚܬܝܬܐܝܬ ܕܠܐ ܐܝܬܝܗܘܢ ܐܝܢܐ ܫܡܐ ܫܘܝܢ ܕܢܗܘܐ ܠܗܘܢܿ ܠܐ ܡܕܡ ܡܬܒܥܐ ܠܝ. ܕܐܡܼܪ ܝܬܝܪ݀ ܐܠܐ ܕܗܿܢܘܢ ܕܩܘܨ̈ܬܗܘܢ ܡܢܙܠܝܢ ܗܘܘ݀ ܐܟܚܕܐ ܥܡ ܚܢܘ̈ܝܐ ܘܓܒܪ̈ܐ ܡܣ̈ܠܝܐ ܘܢܫ̈ܐ ܙܢ̈ܝܬܐ ܠܗܝ̈ܟܠܐ ܐܙܠܝܢ ܗܘܘ. ܘܡܢܐ ܟܝ ܫܐܠܝܢ ܗܘܘ ܗܠܝܢ ܚܟܝ̈ܡܐ ܡܢ ܐܠܗ̈ܐ ܗܿܢܝܢ ܕܠܦܝܠܘܣ̈ܦܐ ܡܥܕܪ̈ܢ ܠܐ ܐܝܬ ܐܢܫ ܕܢܐܡܪ ܥܠܝܗܘܢ ܘܗܟܢܐ ܟܝ ܠܐ ܐܣܬܩܒܠ ܠܗܘܢ ܐܠܗܐ ܡܠܦܢܐ ܠܡܪܕܘܬܐ 65 ܕܥܘܕܪܢܐ ܐܠܐ ܐܝܬܝܗܘܢ ܗܘܐ ܠܡ ܐܝܟ ܕܐܡܪ̈ܝܢ ܩܨܡ̈ܐ ܚܫ̈ܚܐ ܘܡܥܕܪ̈ܢܐ ܕܥܘܡܪܐ ܕܣܓܝ̈ܐܐ ܠܫܟܚܬܐ ܐܢ ܢܣܬܩܒܠ ܘܢܥܪܘܩ ܥܒܕܐ ܐܘ ܡܐܢܐ ܢܐܒܕ ܐܘ ܠܙܒܝܢܬܐ ܕܡܩܪܝܬܐ ܐܘ ܠܬܐܓܘܪܬܐ ܐܘ ܠܡܣܒܐ ܕܐܢܬܬܐ ܐܘ ܠܐܚܪ̈ܢܝܬܐ ܐܝܠܝܢ ܕܕܡܝܢ ܠܗܝܢ ܕܥܠܝܗܝܢ ܕܗܠܝܢ ܠܐܠܗܝ̈ܗܘܢ ܒܕܡܐ ܙܥܘܪܐ ܕܬܪܢܓܠܐ ܐܘ ܒܢܟܣܬܐ ܕܕܟܪܐ ܐܘ ܕܬܘܪܐ ܘܒܠܒܘ̈ܬܐ ܘܒ̈ܠܓܢܐ ܐܘ ܒܩܠܝܠ ܩܡܚܐ ܐܘ ܒܟܠܝ̈ܠܐ ܕܙܒܢܝܢ. ܡܬܡܗܝܢ ܗܘܘ ܘܡܬܕܡܪܝܢ. ܘܠܐ ܐܝܬ ܗܘܐ ܠܗܘܢ ܡܠܦܢܐ ܫܪܝܪܐ ܐܠܗܐ ܥܠ ܗܠܝܢ ܕܫܠܡܢ ܠܡܝܬܪܘܬܐ ܘܠܐ ܥܠ ܗܠܝܢ ܕܐܣܝܘܬܐ ܕܢܦܫܐ. ܘܠܐ ܚܕ ܕܡܛܠ ܗܕܐ ܡܣܬܒܪܝܢ ܠܝ ܗܠܝܢ ܚܟܝ̈ܡܐ ܕܒܩܪܒܐ ܕܠܘܬ ܚܕܕ̈ܐ ܚܠܝܨܐܝܬ ܠܐܝܘ. ܘܣܘܓܐܐ ܐܥܫܢܘܗܝ ܠܦܘܪܫܢܗܘܢ ܕܠܘܬ ܚܕܕ̈ܐ ܘܡܢ ܝܕܥܬܐ ܫܪܝܪܬܐ ܕܐܠܗܐ ܐܦܝܣܘ ܘܗܟܐ ܒܡܠܬܐ ܐܠܗ̈ܐ ܘܒܢ̈ܝ ܐܠܗ̈ܐ ܘܗܡ̈ܬܘܐ ܘܕ̈ܝܘܐ ܛܒ̈ܐ ܐܝܬܝܗܿ ܗܘܬ. ܕܢܫܡܥ ܡܢܗܘܢ ܘܒܥܒܕ̈ܐ ܟܠ ܕܠܩܘܒܠܐ ܘܕܠܩܘܒܠܐ ܒܕܠܩܘܒܠܐ ܡܫܬܒܗܪܝܢ ܗܘܘ. ܐܟܙܢܐ ܕܐܢ ܐܢܫ ܢܨܒܐ ܕܢܚܘܐ ܫܡܫܐ ܘܢܗܝܪ̈ܐ ܕܒܫܡܝܐ ܠܗܿܘ ܕܠܥܠ ܠܐ ܢܨܒܐ ܕܢܪܝܡ ܥܝܢܘ̈ܗܝ. ܘܠܬܚܬ ܥܠ ܐܪܥܐ ܐܝܕ̈ܘܗܝ ܢܪܡܐ ܘܢܫܕܐ ܢܦܫܗ ܥܠ ܐܪܥܐ ܘܒܛܝܢܐ ܘܒܣܝܢܐ ܗܠܝܢ ܚܝ̈ܠܐ ܕܒܫܡܝܐ ܢܒܥܐ. ܐܟܘܬܗܝܢ ܕܗܠܝܢ ܗܟܝܠ ܐܦ ܟܠܗ ܓܢܣܐ ܕܒܢ̈ܝ ܐܢܫܐ ܐܟܚܕܐ ܥܡ ܦܝܠܘܣ̈ܦܐ ܘܥܡ ܡ̈ܠܟܐ ܒܫܢܝܘܬܐ ܕܬܪܥܝܬܐ ܘܒܛܥܝܘܬܐ ܕܕܝܘ̈ܐ ܒܝܼܫ̈ܐ ܠܗܿܝ ܐܘܣܝܐ ܝܕܘܥܬܢܝܬܐ ܘܐܠܗܝܬܐ ܕܠܗܠ ܡܢ ܫܡܝܐ ܘܠܗܠ ܡܢ ܥܠܡܐ ܠܬܚܬ ܒܕܘܟܐ ܒܗܘ̈ܝܐ ܕܓܘܫ̈ܡܐ ܘܒܚܫ̈ܐ ܕܡܝ̈ܘܬܐ ܘܕܠܐ ܡܝܬܝܢ ܐܬܛܦܼܝܣ ܗܘܐ ܕܐܝܬܝܗܿ. ܘܟܕ ܗܕܐ ܟܘܠܗܿ ܫܢܝܘܬܐ ܕܬܪܥܝܬܐ ܡܗܪܐ ܗܘܬ ܠܟܠܗܿ ܓܢܣܐ ܕܒܢ̈ܝ ܐܢܫܐ݀ ܐܝܟܢܐ ܠܐ ܚܠܝܡܐܝܬ ܐܡܼܪܢ ܕܐܠܗܐ ܦܪܘܩܐ ܘܓܠܝܢܐ ܐܠܗܝܐ ܘܡܥܪܕܢܐ ܕܓܘܐ ܕܟܠ݀ ܡܬܒܥܐ ܗܘܐ ܠܥܘܡܪܐ ܕܝܠܢ ܀܀ ܀܀ ܢܓ. ܘܗܢܐ ܬܘܒ ܟܘܠܗܘܢ ܐܬܕܒܼܪܘ ܗܘܘ ܠܫܢܝܘܬܐ ܣܓܝ̈ܐܐ. ܐܝܟܢܐ ܕܐܦ ܪ̈ܚܘܡܝܗܘܢ ܢܕܒܚܘܢ ܠܗܿܢܘܢ ܕܡܣܬܒܪܝܢ ܐܠܗ̈ܐ. ܘܠܐ ܢܥܒܕܘܢ ܚܘܣܝܐ ܥܠ ܟܝܢܗܘܢ ܐܠܐ ܘܐܦ ܠܝܚܝܕ̈ܝܗܘܢ ܘܠܪ̈ܚܘܡܐ ܕܒܢܝ̈ܗܘܢ ܒܢܫܝܘܬܐ ܘܒܩܦܪܘܬܐ. ܕܪܥܢܐ ܢܩܛܠܘܢܿ ܘܐܝܕܐ ܓܝܪ ܫܢܝܘܐ ܐܝܬ ܕܪܒܐ ܡܢ ܗܕܐ ܕܢܕܒܚܘܢ ܒܢ̈ܝ 66 ܐܢܫܐ ܘܟܘܠܗܝܢ ܡܕ̈ܝܢܬܗܘܢ ܘܟܘܠܗܘܢ ܒ̈ܬܝܗܘܢ ܒܕܡܐ ܕܢܦܫ̈ܬܗܘܢ ܢܛܢܦܘܢܿ ܐܘ ܠܐ ܗܐ ܥܠܝܗܝܢ ܕܗܠܝܢ ܒܢ̈ܝ ܝܘܢ̈ܝܐ ܡܣܗܕܝܢ ܘܟܘܠܗܿ ܡܟܒܬܢܘܬܐ ܥܘܗܕܢܗܝܢ ܕܗܠܢܝ ܡܠܝܐ ܀܀ ܀܀ ܢܕ. ܠܩܪܘܢܘܣ ܓܝܪ ܒܢ̈ܝ ܦܝܢܝܩܐ ܒܟܠ ܫܢܐ ܕܒ̈ܚܝܢ ܗܘܘ ܪ̈ܚܘܡܝܗܘܢ ܘܝܚܝܕ̈ܐ ܕܒܢܝ̈ܗܘܢ ܘܠܗ ܠܗܢܐ ܬܘܒ ܐܦ ܒܪܗܕܣ ܒܫܬܬܐ ܒܝܪܚܐ ܟܢܘܢ ܒܪ ܐܢܫܐ ܡܬܕܒܚ ܗܘܐ. ܘܗܼܘ ܗܢܐ ܥܝܕܐ ܣܓܝ ܐܚܕ ܗܘܐ ܘܟܢ ܐܫܬܚܠܦ݀ ܠܚܕ ܓܝܪ ܡܢ ܗܿܢܘܢ ܕܡܬܚܝܒܝܢ ܓܠܝܐܝܬ ܠܡܘܬܐ ܥܕܡܐ ܠܥܝܕܐ ܕܩܪܘܢܘܣ ܢܛܪܘܗܝ. ܘܟܕ ܡܛܐ ܥܐܕܐ ܐܦܩܘܗܝ ܠܓܒܪܐ ܠܒܪ ܡܢ ܬܪܥܐ ܠܘܩܒܠ ܨܠܡܐ ܕܐܪܣܛܘܒܘܠܐ ܘܐܫܩܝܘܗܝ ܚܡܪܐ ܘܩܛܠܘܗܝ. ܀܀ ܀ ܢܗ. ܒܗܕܐ ܕܝܢ ܕܡܬܩܪܝܐ ܗܫܐ ܣܠܡܝܢܐ ܘܡܢ ܩܕܝܡ ܩܘܪܘܢܝܐ ܒܝܪܚܐ ܕܡܬܩܪܐ ܒܝܬ ܩܘܦܪ̈ܝܐ ܐܦܪܘܕܘܝܣܝܘܣ ܒܪ ܐܢܫܐ ܡܬܕܒܚ ܗܘܐ. ܠܐܪܓܘܠܐ ܒܪܬ ܩܩܪܘܦܣ ܘܟܠܬܗ ܕܐܪܓܘܠܝܕܣ ܘܩܘܝ ܗܢܐ ܥܝܕܐ ܥܕܡܐ ܠܙܒܢܗ ܕܕܝܘܡܕܣ ܘܟܢ ܐܫܬܚܠܦ ܐܝܟܢܐ ܕܠܗ ܠܕܝܘܡܕܣ ܒܪ ܐܢܫܐ ܢܕܒܚܘܢ ܘܒܚܕ ܕܝܢ ܛܝܪܐ ܗܘ ܗܝܟܠܐ ܕܐܬܢܐ ܘܕܪܓܘܠܐ ܘܕܕܝܘܡܕܣ ܗܿܘ ܕܝܢ ܕܡܬܕܒܚ ܗܘܐ. ܡܐ ܕܢܓܕܝܢ ܗܘܘ ܠܗ ܒܢ̈ܝ ܩܘܡܬܗ ܬܠܬ ܙܒܢ̈ܝܢ ܠܥܠܬܐ ܡܬܟܪܟ ܗܿܘܐ. ܘܟܢ ܟܘܡܪܐ ܡܚܐ ܗܘܐ ܠܗ ܒܠܘܟܝܬܐ ܥܠ ܐܣܛܘܡܟܗ ܘܗܝܕܝܢ ܠܗ ܠܗܿܘ ܟܠܗ ܥܠ ܢܘܪܐ ܕܡܟܢܫܐ ܡܘܩܕ ܗܘܐ. ܘܠܗ ܕܝܢ ܠܗܢܐ ܢܡܘܣܐ ܕܝܦܠܝܘܣ ܡܿܠܟܐ ܕܩܦܪܘܣ ܫܪܝܗܝ ܒܙܒܢܐ ܕܣܠܘܩܘܣ ܗܿܘ ܕܗܘܐ ܡܡܠܠ ܥܠ ܐܠܗܐ. ܘܠܥܝܕܐ ܗܢܐ ܠܕܒܚܐ ܕܬܘܪܐ ܫܚܠܦܗ. ܀܀ ܀܀ ܀܀ ܢܘ. ܫܼܪܐ ܕܝܢ ܐܦ ܒܗܠܝܘܦܘܠܣ ܕܐܓܒܛܘܣ ܗܢܐ ܢܡܘܣܐ ܕܡܬܕܒܚܝܢ ܗܘܘ ܒܢ̈ܝ ܐܢܫܐ ܐܡܘܣܝܘܣ ܐܝܟܢܐ ܕܡܣܗܕ ܡܢܬܐܘܣ ܒܗܿܢܝܢ ܕܥܠ ܪ̈ܝܫܢܝܬܐ ܘܥܠ ܟܐܢܘܬܐ ܀ ܀ ܀܀ ܢܙ. ܡܬܕܒܚܝܢ ܗܘܘ ܕܝܢ ܐܦ ܠܗܐܪܐ ܘܡܬܓܒܝܢ ܗܘܘ ܐܝܟܢܐ ܕܡܬܒܥܝܢ ܥܓ̈ܠܐ ܕܟ̈ܝܐ ܘܡܬܢܟܣܝܢ. ܘܡܬܕܒܚܝܢ ܗܘܘ ܕܝܢ ܒܝܘܡܐ ܬܠܬܐ ܕܚܠܝܗܘܢ ܕܩܐܪܘܬܐ ܦܩܕ ܐܡܘܣܝܘܣ ܐܟܘܬܗܘܢ ܫܘ̈ܝܐ ܕܢܬܬܣܝܡܘܢ ܀܀ ܀܀ ܢܚ. ܕܒܚܼܝܢ ܗܘܘ ܕܝܢ ܐܦ ܒܟܝܘܣ ܠܡܪܝܘܣ ܕܝܘܢܣܘܣ ܒܪ ܐܢܫܐ ܟܕ 67 ܡܦܫܚܝܢ ܠܗ. ܘܒܛܢܐܕܘܣ ܐܝܟܢܐ ܕܐܡܿܪ ܐܘܗܠܦܝܘܣ ܗܿܘ ܩܪܝܣܛܝܐ ܀ ܀ ܀܀ ܢܛ. ܘܐܦ ܠܩܕܡ̈ܘܢܝܐ ܐܝܟܢܐ ܕܐܡܼܪ ܐܦܠܘܕܘܪܘܣ ܠܐܪܣ ܕܒܚܼܝܢ ܗܘܘ ܒܪ ܐܢܫܐ ܒܢ̈ܝ ܦܝܢܝܩܐ ܕܝܢ ܒܐܒ̈ܠܝܗܘܢ ܪ̈ܘܪܒܐ ܐܘ ܕܩܪ̈ܒܐ ܐܘ ܕܡܘ̈ܬܢܐ ܐܘ ܕܟ̈ܦܢܐ ܕܒܚܼܝܢ ܗܘܘ ܚܕ ܡܢ ܚܒܝܒ̈ܝܗܘܢ ܕܡܬܓܒܐ ܠܩܪܘܢܘܣ ܘܡܠܝܐ ܗܝ ܗܕܐ ܡܟܬܒܢܘܬܐ ܕܦܝܢܝܩܐ ܗܿܢܘܢ ܕܐܬܒܚܼܘ ܗܿܝ ܕܣܐܒܘ ܝܬܘ [ܣܐܢܟܘܢܝܬܘ] ܒܠܫܢܐ ܕܦܝܢܝ̈ܩܐ ܐܬܟܬܼܒܬ. ܦܝܠܘܢ ܕܝܢ ܒܝܒܠܘܣ ܠܠܫܢܐ ܕܝܘܢܝ̈ܐ ܒܝܕ ܬܡ̈ܢܐ ܣܦܪܝܢ ܬܪܓܡܼܗ ܀܀ ܀܀ ܣ. ܐܝܣܛܪܘܣ ܕܝܢ ܐܡܪ ܕܩܘܪܐܛܐܘܣ ܡܢ ܩܕܝܡ ܒܟܢܘܫܝܐ ܕܕܒ̈ܚܐ ܓܒ̈ܝܐ ܛܠܝ̈ܐ ܕܒܚܝܢ ܗܘܘ. ܐܬܒܛܠܼܘ ܕܝܢ ܕܒ̈ܚܐ ܕܒܢ̈ܝ ܐܢܫܐ ܡܠܝܐܝܬ ܕܒܟܠ ܕܘܟܐ ܐܡܼܪ ܦܠܠܣ ܗܿܘ ܕܪ̈ܘܪܒܐܝܬ ܥܠ ܐܪ̈ܙܐ ܕܡܝܬܪܐ ܟܢܫ ܒܝܘܡ̈ܝ ܗܕܪܝܢܘܣ ܡܠܟܐ ܀ ܀ ܀܀ ܣܐ. ܡܬܕܒܚܐ ܗܘܬ ܕܝܢ ܒܠܕܝܩܝܐ ܕܣܘܪܝܐ ܒܟܠ ܫܢܐ ܠܐܬܢܐ ܒܬܘܠܬܐ ܝܘܡܢܐ ܕܝܢ ܐܝܠܬܐ ܀܀܀ ܣܒ. ܘܐܦ ܩܪ̈ܒܕܢܝܐ ܗܿܢܘܢ ܕܒܠܝܒܝܐ ܥܿܒܕܝܢܗܘܘ ܗܢܐ ܕܒܚܐ݀ ܗܢܐ ܕܐܦܝܩܪܝܛܣ ܫܬܩܗ ܘܕ̈ܘܡܛܐܢܐ ܕܝܢ ܕܒܐܪܒܝܐ ܒܟܠ ܫܢܐ ܕܒܚ̈ܝܢ ܗܘܘ ܛܠܝܐ. ܗܿܘ ܕܬܚܝܬ ܥܠܬܐ ܩܿܒܪܝܢ ܗܘܘ ܠܗ. ܘܡܬܚܫܚܝܢ ܗܘܘ ܒܗ ܐܝܟ ܕܒܦܬܟܪܐ ܀ ܀ ܀܀ ܣܓ. ܦܝܠܠܪܟܘܣ ܕܝܢ ܐܟܚܕܐ ܕܟܠܗܘܢ ܝܘܢܝ̈ܐ ܕܒܚܼܝܢ ܗܘܘ ܒܢ̈ܝ ܐܢܫܐ ܡܢ ܩܕܡ ܕܢܦܩܘܢ ܠܩܪܒܐ ܐܟܼܬܒ ܀ ܀ ܀܀ ܣܕ. ܘܡܪܦܐ ܐܢܐ ܠܗܘܢ ܠܬܪ̈ܩܝܐ ܠܘܣܩ̈ܘܬܝܐ ܘܕܐܦ ܐܬܢ̈ܝܐ ܠܒܪܬܗ ܕܐܪܟܬܐܣ ܘܕܦܪܟܣܝܬܐܘܣ ܩܿܛܠܘܼ. ܐܠܐ ܥܕܡܐ ܠܗܫܐ ܠܡܢ ܛܥܝܐ ܕܒܡܕܝܢܬܐ ܪܒܬܐ ܒܥܐܕܐ ܕܕܝܘܣ ܕܠܛܝܐܪܝܘܣ ܡܬܕܒܚ ܒܪ ܐܢܫܐ. ܥܕܡܐ ܕܝܢ ܠܗܫܐ ܠܐ ܗܘܐ ܒܐܪܩܕܝܐ ܒܠܚܘܕ ܠܠܘܓܩܘܣ [ܠܠܘܩܐܝܘܣ] ܘܐܦ ܠܐ ܒܩܪܒܕܢܝܐ ܠܩܪܘܢܘܣ ܐܟܚܕܐ ܟܠܗܘܢ ܕܒܚܼܝܢ ܒܢ̈ܝ ܐܢܫܐ. ܐܠܐ ܡܛܠ ܥܘܗܕܢܐ ܕܢܡܘܣܐ ܒܟܠ ܫܢܐ ܕܡܐ ܕܢܦܫܗܘܢ ܒܟܠ ܙܒܢ ܙܠܚܼܝܢ ܥܠ ܥܠܘ̈ܬܐ ܘܥܠ ܗܠܝܢ ܘܐܦ ܦܝܠܘܣ̈ܦܐ ܓܒ̈ܝܐ ܡܿܣܗܕܝܢ ܕܗܟܢܐ ܐܢܝܢ ܕܝܕܘܪܘܣ ܕܝܢ ܗܘ 68 ܕܒܝܬ ܣܝܡܬ ܟܬܒ̈ܐ ܐܙܥܼܪ ܐܡܼܪ ܕܒܢ̈ܝ ܠܝܒ̈ܝܐ ܡܐܬܝܢ ܛܠܝܝ̈ܢ ܡܢ ܪܘܪ̈ܒܢܐ ܓܠܝܐܝܬ ܕܒܚܼܘ݀ ܠܩܪܘܢܘܣ ܠܐ ܒܨܝܪ ܡܢ [ܥܠ] ܗܠܝܢ ܕܝܢ ܐܘܣܦܼܘ ܗܼܢܘܢ ܠܕ̈ܒܚܐ [ܡܢ] ܬܠܬܡܐܐ ܐܚܪ̈ܢܝܢ݀ ܗܿܘ ܕܝܢ ܕܐܟܬܒ ܡܟܒܬܢܘܬܐ ܕܪ̈ܗܘܡܝܐ ܕܫܡܗ ܕܝܘܢܣܝܘܣ ܐܡܼܪ ܕܕܝܘ ܘܐܦܠܘܢ ܒܥܼܘ ܒܙܒܢ ܕܒ̈ܚܐ ܕܒܢ̈ܝ ܐܢܫܐ ܒܐܝܛܘܠܝܐ ܡܢ ܗܿܢܘܢ ܕܡܬܩܼܪܝܢ ܐܒܝܪܓܝܢܘ ܘܗܿܢܘܢ ܕܐܬܒܥܼܝܘ ܒܟܠܗܘܢ ܦܐܪ̈ܐ ܘܒܗܒ̈ܒܐ ܗܼܝ ܓܒܝܬܐ ܕܒܼܚܘ ܠܐܠܗ̈ܐ ܘܡܛܠ ܕܝܢ ܕܠܐܕܒܼ̇ܘ ܒܢ̈ܝ ܐܢܫܐ ܒܟܠ ܓܢܣܝܢ ܕܐܒ̈ܠܐ ܢܦܼܠܘ. ܘܠܐ ܩܘܕܡܐ ܗܘܐ ܠܗܘܢ ܢܝܚܐ ܡܢ ܒܝܫ̈ܬܐ ܥܕܡܐ ܕܥܣܼܪܘ ܢܦܫܗܘܢ ܗܟܢܐ ܗܟܝܠ ܟܕ ܡܥܣܪ̈ܐ ܕܒܢ̈ܝ ܐܢܫܐ ܡܬܓܒܼܝܢ ܗܘܘ ܘܡܼܬܕܒܚܝܢ ܗܘܘ ܠܗ ܠܕܝܘܣ ܘܠܐܦܠܘܢ ܥܠܬܐ ܠܚܘܪܒܐ ܕܐܪܥܐ ܗܼܘܘ. ܘܗܢܐ ܟܠܗ ܚܘܒܠܐ ܕܢܦܫ̈ܬܐ ܠܥܘܡܪܐ ܕܒܢ̈ܝ ܐܢܫܐ ܡܘܒܼܕ ܗܘܐ. ܐܝܟܐ ܕܐܚܪܢܐ ܣܿܒܪܐ ܕܦܘܪܩܢܐ ܠܐ ܡܫܟܚܝܢ ܗܘܘ ܕܢܟܬܒܘܢ݀ ܐܠܐ ܗܿܘ ܕܡܢ ܐܠܗܐ ܦܪܘܩܐ ܕܗܼܘ ܒܠܚܘܕܘܗܝ ܘܠܐ ܗܘܐ ܐܚܪܢܐ ܠܓܢܣܐ ܡܝܘܬܐ ܡܬܒܥܐ ܗܘܐ ܀܀ ܀܀܀ ܣܗ. ܘܒܗܠܝܢ ܕܢܦܫܐ ܗܟܢܐ ܐܝܬܝܗܘܢ ܗܘܐ ܟܠܗܘܢ ܒܢ̈ܝ ܐܢܫܐ ܕܒܟܘܠ ܕܘܟܐ. ܘܠܐ ܣܦܼܩ ܠܗܘܢ ܕܝܢ ܒܬܪ ܗܠܝܢ ܗܕܐ ܕܒܝܫܐܝܬ ܢܣܥܪܘܢܿ ܐܠܐ ܐܦ ܒܪ̈ܒܘܬܐ ܐܚܪ̈ܢܝܬܐ ܕܡܢ ܠܒܪ ܒܟܠ ܕܘܟܐ ܘܒܟܘܠ ܡܕܝܢܐ ܒܐܒ̈ܠܐ ܕܠܐ ܐܣܝܘܬܐ ܡܫܬܚܼܩܝܢ ܗܘܘ݀ ܐܟܚܕܐ ܓܝܪ ܟܠܗܘܢ ܥܡ̈ܡܐ ܕܒܟܠܗ ܒܪܝܬܐ ܒܪܒܪ̈ܝܐ ܘܝܘܢܝ̈ܐ݀ ܐܝܟܢܐ ܕܡܢ ܣܘܥܪܢܐ ܕܫܢܝܘܬܐ ܕܕܝ̈ܘܐ ܡܫܝܚܼܝܢܝܢ ܗܘܘ݀ ܒܟܘܪܗܢܐ ܩܫܝܐ ܘܒܝܼܫܐ. ܡܫܬܓܫܼܝܢ ܗܘܘ. ܐܝܟܢܐ ܕܕܠܐ ܚܘܠܛܢܐ ܘܕܠܐ ܬܪܥܘܬܐ ܗܘ ܒܗ ܓܢܣܐ ܕܒܢ̈ܝ ܐܢܫܐ ܢܗܿܘܐ ܕܗܪܟܐ ܘܠܗܠ ܗܘ ܓܘܫܡܐ ܪܒܐ ܕܟܝܢܐ ܕܓܘܐ ܚܛܝܦ ܗܘܐ. ܕܒܟܘܠ ܙܘܝ̈ܬܗ ܕܐܪܥܐ ܡܕܝܪܝܢ ܗܘܘ ܒܢ̈ܝ ܐܢܫܐ ܘܒܕܘܒܼܪ̈ܝܗܘܢ ܘܒܢܡ̈ܘܣܝܗܘܢ ܡܬܟܬܫܼܝܢ ܗܘܘ ܥܡ ܚܕܕ̈ܐ. ܘܠܐ ܗܘܐ ܗܕܐ ܒܠܚܘܕ ܐܠܐ ܐܦ ܒܥܪܝܪܝܐ ܗܿܘܝܢ ܗܘܘ ܒܬܟܝܒܘܬܐ ܕܩܝܡܝܢ ܗܘܘ ܠܘܩܒܠ ܚܕܕ̈ܐ ܐܝܟܢܐ ܕܒܟܠܙܒܢ ܘܒܟܠܗ ܥܘܡܪܗܘܢ ܒܬܟ̈ܬܘܫܐ ܕܠܘܩܒܠ ܚܕܕ̈ܐ. ܘܒܩܪܒܐ ܢܒܛܠܘܢܿ ܗܟܢܐ ܕܠܐ ܢܫܬܠܛ ܡܢ ܕܨܿܒܐ ܕܒܬܐܓܘܪܬܐ ܠܕܘܟܐ ܢܕܪܐ. ܐܠܐ ܐܢ ܐܙܕܝܢ ܒܐܣܟܡܐ ܕܩܪܒܐ ܘܒܩܘܪ̈ܝܐ ܘܒܐܓܘܪ̈ܣܐ ܣܝ̈ܦܐ ܢܠܒܫܘܢ ܦ̈ܠܚܝ ܐܪܥܐ. 69 ܘܝܬܝܪ ܡܢ ܗܿܢܘܢ ܡܐܢ̈ܐ ܕܡܬܒܥܝܢ ܠܦܘܠܚܢܐ ܕܐܪܥܐ ܥܘܬܪܐ ܕܙܝܢܐ ܢܩܢܘܢܿ ܘܗܕܐ ܕܢܓܝܣܘܢ ܘܢܓܢܒܘܿܢ ܒܢ̈ܝ ܐܢܫܐ ܡܢ ܫܒܒܝ̈ܗܘܢ ܒܕܘܟܬܐ ܕܡܝܬܪܘܬܐ ܣܝܡܐ ܗܘܬ ܠܗܘܢ ܘܡܣܗܕܐ ܥܠ ܡܠܬܢ ܟܘܠܗܿ ܡܟܬܒܢܘܬܐ ܕܝܘܢ̈ܝܐ ܘܕܒܪܒܪܝܐ݀ ܟܬܒ̈ܐ ܓܝܪ ܗܿܢܘܢ ܕܐܝܬ ܒܝܬ ܝܗܘܕ̈ܝܐ ܡܠܦܝܢ݀ ܕܡܢ ܩܕܡ ܙܒܢܐ ܕܐܓܘܣܛܘܣ ܘܕܛܝܒܪܝܘܣ ܕܒܝܘ̈ܡܬܗܘܢ ܗܘ ܦܪܘܩܐ ܗܢܐ ܕܝܠܢ ܐܬܚܼܙܝ ܒܠܥܡܐ ܡܢ ܩܕܝܡ ܡܠܝܐܝܬ ܒܟܠ ܡܕܝܢܬܐ ܘܒܟܠ ܩܘܪ̈ܝܐ ܡܠܟ̈ܐܐܝܬ ܗܘܐ ܘܪ̈ܫܢܐ ܕܐܬܪ̈ܘܬܐ ܀ ܀ ܀ ܣܘ. ܡܢ ܕܘܟܬܗ ܗܟܝܠ ܝܗܘܕ̈ܝܐ ܡܢ ܒܬܪ ܡܦܩܬܐ ܕܡܢ ܡܨܪܝܢ ܕܒܝܕ ܡܘܫܐ ܕܐܬܼܘ ܠܐܪܥܐ ܕܦܠܣܛܝܢܐ ܬܠܬܝܢ ܡܠܟ̈ܐ ܒܡܢܝܢܐ ܪܕܦܼܘ ܡܢ ܡܕ̈ܝܢܬܗܘܢ ܘܩܘܝܘ ܕܝܢ ܕܠܐ ܐܬܥܩܼܪܘ ܟܕ ܒܥܡܘܪ̈ܝܗܘܢ ܘܒܥܘܡܪܗܘܢ ܘܒܡܠܟ̈ܝܗܘܢ ܡܬܚܫܚܝܢ ܗܘܘ ܗܿܢܘܢ ܕܥܡܪܝܢ ܒܓܙܐ ܘܒܐܫܩܠܘܢ ܘܐܝܘܦܐ ܝܚܝܕܐܝܬ ܘܐܙܘܛܣ ܬܘܒ ܒܢܦܫܗܝܢ ܡܪܝܕܢ ܗܘܝ. ܘܣܩܝܬܘܦܠܣ ܘܡܕ̈ܝܢܬܐ ܗܠܝܢ ܕܚܕܪ̈ܝܗܿ ܗܟܢܐ ܡܡܠܟܢ ܗܘܝ ܐܝܟܢܐ ܕܡܢ ܗܠܝܢ ܢܣܬܩܒܠ. ܕܒܬܟܬܘܫܐ ܘܒܩܒܪ̈ܒܐ ܕܥܡ ܫܒܒܝ̈ܗܘܢ ܟܠܗ ܙܒܢܐ ܕܚܝܝ̈ܗܘܢ ܢܒܛܠܘܢ ܘܟܕ ܕܝܢ ܐܦ ܒܐܘܪܫܠܡ ܗܝܟܠܐ ܬܡܝܗܐ ܐܬܒܼܢܝ. ܕܒܢܼܝܗܝ ܫܠܝܡܘܢ ܡܢܐ ܡܬܒܥܐ ܠܡܐܡܪ. ܟܡܐ ܩܪ̈ܒܐ ܒܬܪܟܢ ܘܐܦ ܡܢܗ ܕܥܡܐ ܕܝܗܘܕ̈ܝܐ ܐܬܢܩܡܼܘ. ܡܛܠ ܡܗܡܝܢܘܬܗܘܢ ܕܡܢ ܣܓܕܬܐ ܕܐܠܗܗܘܢ ܕܡܛܠܬܗ ܘܐܦ ܗܼܢܘܢ ܐܬܦܪܫܼܘ ܡܢ ܚܕܕ̈ܐ. ܘܩܡܼܘ ܠܘܩܒܠ ܢܦܫܗܘܢ ܕܐܬܚܫܼܚܘ ܒܡ̈ܠܟܐ ܡܦܪ̈ܫܐ ܘܒܥܠܕ̈ܒܒܐ ܕܡܢܗܘܢ ܠܗܿܝ ܕܡܬܩܪܝܐ ܗܘܬ ܫܡܪ̈ܝܢ ܡܢ ܩܕܝܡ. ܘܗܫܐ ܣܒܛܣܛܝܐ ܡܕܝܢܬܐ ܕܡܠܟܘܬܐ ܐܚܝܕܝܢ ܗܘܘ. ܘܡܢܗܘܢ ܒܐܘܪܫܠܡ ܥܡܪܝܢ ܗܘܘ. ܘܒܟܠܙܒܢ ܥܡ ܒܢ̈ܝ ܥܡܗܘܢ ܡܩܼܪܒܝܢ ܗܘܘ. ܘܗܢܘܢ ܥܡܗܘܢ ܀܀ ܀܀ ܀܀ ܣܙ. ܐܟܘܬܗܝܢ ܕܝܢ ܕܗܠܝܢ ܚܫܼܝܢ ܗܘܘ ܐܦ ܗܿܢܘܢ ܕܥܡܪܝܢ ܗܘܘ ܒܐܪܥܐ ܕܐܪܒܝܐ. ܣ̈ܓܝܐܝܢ ܗܘܘ ܓܝܪ ܘܐܦ ܒܗܢܘܟ ܪ̈ܫܢܐ ܕܕ̈ܘܟܝܬܐ ܘܐܦ ܠܣܘܪ̈ܝܝܐ ܕܘܟܝ̈ܬܐ ܕܝܠܗܘܢ ܕܠܐ ܐܢܫ ܢܬܚܠܛ ܒܗܝܢ ܘܠܐ ܐܢܫ ܢܥܒܼܪ ܒܗܝܢ ܢܛܪ̈ܝܢ 70 ܗܘܘ ܟܕ ܡܚܼܪܒܝܢ ܗܘܘ ܒܟܠܙܒܢ ܐܪܥܐ ܕܒܢ̈ܝ ܬܚܘܡܗܘܢ ܘܟܕ ܒܟܠܙܒܢ ܒܚܒܘܫܝܐ ܕܡܕ̈ܝܢܬܐ ܘܒܫܒܝܐ ܕܚܕܕ̈ܐ ܡܬܚܼܫܚܝܢ ܗܘܘ. ܘܠܐ ܗܘܐ ܗܕܐ ܒܠܚܘܕ ܐܠܐ ܘܐܦ ܟܠܗ ܠܝܒܝܐ ܘܐܓܒܛܘܣ ܠܗܠܝܢ ܟܠܗܘܢ ܪ̈ܫܢܐ ܘܡ̈ܠܟܐ ܡܫܬܥܒܕܝܢ ܗܘܘ ܐܝܟ ܡܐ ܕܐܠܗ̈ܐ݀ ܘܐܠܗ̈ܐ ܐܝܬ ܗܘܐ ܠܗܘܢ ܪ̈ܒܘܬܐ ܒܩܘܪ̈ܝܐ ܘܒܡܕ̈ܝܢܬܐ ܡܦܪ̈ܫܐ ܘܡ̈ܠܟܐ ܗܟܢܐ. ܗܿܢܘܢ ܕܐܦ ܢܡܘ̈ܣܐ ܕܠܩܘܒܠܐ ܛܟܼܣܘ ܠܗܘܢܿ ܘܡܫܟ̈ܚܢܐ ܕܟܠ ܕܡ̈ܘܢ ܕܐܠܗ̈ܐ ܗܿܢܘܢ ܗܼܘܘ ܕܡܢ ܗܕܐ ܥܕܡܐ ܠܗܫܐ ܕܘܟܝ̈ܬܐ ܒܝܬ ܐܓܒ̈ܛܝܐ ܡܫܬܡܗܢ ܘܢܡ̈ܘܣܐ ܕܗܿܢܘܢ ܕܒܕ̈ܘܟܝܬܐ ܐܚܼܝܕܝܢ ܘܐܟܚܕܐ ܐܦ ܐܠܗ̈ܐ ܘܐܦ ܢܡ̈ܘܣܐ ܠܗܿܢܘܢ ܕܬܚܝܬ ܐܝܕܝܗܘܢ ܡܬܦܪܣܼܝܢ ܘܒܥܠܕ̈ܒܒܐ ܘܣ̈ܢܐܐ ܠܒܢ̈ܝ ܫܒܒ̈ܘܬܗܘܢ ܥܬܕܘ ܐܢܘܢ ܕܡܢ ܗܕܐ ܐܦ ܗܠܝܢ ܟܠܗ ܙܒܢܐ ܕܥܘܡܗܘܢ ܒܬܟ̈ܬܘܫܐ ܫܿܠܼܡܘ. ܘܠܘܬ ܚܕܕ̈ܐ ܐܫܬܓܫܘ. ܐܝܟ ܟܡܐ ܕܣܓܝ̈ܐܐ ܪ̈ܫܢܐ ܕܕ̈ܝܘܐ ܒܝ̈ܫܐ ܡܬܚܫܼܚܝܢ ܗܘܘ. ܕܡܢ ܗܪܟܡܢ ܕܝܢ ܘܐܦ ܛܥܝܘܬܐ ܕܐܠܗ̈ܐ ܣܓܝ̈ܐܐ ܫܿܪܝܬ݀ ܐܝܟ ܡܕܡ ܟܘܪܗܢܐ ܒܝܼܫܐ ܘܡܚܒܠܢܐ ܕܢܦܫ̈ܬܐ ܘܠܫܪܟܐ ܕܕܘ̈ܟܝܬܐ ܕܥܡܡܐ ܪܥܼܐ ܗܘܐ. ܘܐܝܬܝܗܘܢ ܗܘܘ ܐܓܒ̈ܛܝܐ ܝܬܝܪ ܡܢ ܟܠܗܘܢ ܒܢ̈ܝ ܐܢܫܐ ܒܣܓܕܬܐ ܕܐܠܗ̈ܐ ܘܝܬܝܪ ܡ ܟܠ ܐܢܫ ܡܫܟܚܼܝܢ ܗܘܘ ܚܟܝܡܐܝܬ ܕܢܝܩܪܘܢ ܐܢܘܢܿ ܐܠܐ ܕܐܝܠܝܢ ܗܘܘ ܦܐܪ̈ܐ ܕܦܘܪܥܢܐ ܕܣܓܕܬܗܘܢ ܠܐ ܬܫܐܠ ܠܐ ܗܘܐ ܓܝܪ ܗܠܝܢ ܥ̈ܠܠܬܐ ܕܡܬܚܼܙܝܢ ܗܫܐ ܒܥܝ̈ܢܐ ܕܫܝܢܗܘܢ ܘܕܐܘܝܘܬܗܘܢ ܕܠܘܬ ܚܕܕ̈ܐ ܐܝܼܬ ܗܘܐ ܡܢ ܩܕܝܡ ܐܠܐ ܟܠܗܝܢ ܕܠܩܘܒܠܐ ܕܗܠܝܢ. ܕܡܛܠ ܗܕܐ ܒܩܪ̈ܒܐ ܘܒ̈ܬܟܬܘܫܐ ܕܠܘܩܒܠ ܚܕܕ̈ܐ݀ ܟܘܠܗ ܙܒܢܐ ܕܥܘܡܗܘܢ ܐܫܬܼܚܩܘ ܘܒܕܐܡ ܘܩܛܠܐ ܕܢܦܫܗܘܢ ܐܪ̈ܥܬܐ ܕܝܠܗܘܢ ܡܠܼܘ݀ ܟܕ ܗܼܢܘܢ ܐܠܗ̈ܐ ܦܘܪܥܢܐ ܕܣܓܕܬܗܘܢ ܗܿܢܝܢ ܘܕܐܝܟ ܗܠܝܢ ܣܘܪ̈ܥܢܐ ܡܨܝܒܝܢ ܗܘܘ ܠܗܘܢ ܀ ܀܀ ܣܚ. ܘܐܢ ܕܝܢ ܠܐ ܠܟܠ ܐܢܫ ܝܕܝܥܢ ܗܠܝܢ. ܡܘ ܡܢ ܪ̈ܚܡܝ ܩܪܝܢܐ ܕܗܠܝܢ ܕܝܘܢ̈ܝܐ ܛܥܝܢ ܠܗ. ܗܘ ܩܪܒܐ ܕܦܠܠܘܦܘ̈ܢܣܝܐ ܘܐܬܢܝ̈ܐ ܗܘ ܕܐܟܬܒ ܬܘܩܝܕܝܕܣ ܐܝܟܐ ܕܡܩܼܪܒܝܢ ܗܘܘ ܝܘܢܝ̈ܐ ܥܡ ܝܘ̈ܢܝܐ. ܕܐܝܟܐ ܠܦܘܛܝܪ̈ܐܐ ܚܒܼܫܘ. ܘܐܝܟܢܐ ܠܬܝܒ̈ܐܐ ܘܠܦ̈ܠܛܐܐ ܐܕܪܟܼܘ ܘܐܝܟܐ ܬܪ̈ܩܝܐ ܘܡܩܕ̈ܘܢܝܐ ܒܙܒܢ ܠܐܬܢܝ̈ܐ ܡܥܼܕܪܝܢ ܗܘܘ ܘܒܙܒܢ ܠܗܘܢ ܠܗܠܝܢ ܒܥܠܕ̈ܒܒܐ ܗܘܘ. 71 ܘܐܝܟܢܐ ܐܬܢܝ̈ܐ ܠܩܘܪܢܬܘܣ ܚܒܫܼܘ. ܘܐܝܟܐ ܐܪܥܐ ܕܐܦܝܪܘܪܝܐ ܘܕܛܪ̈ܙܐܢܝܐ ܐܚܼܪܒܘ݀ ܘܐܝܟܐ ܠܠܩܕ̈ܡܘܢܝܐ ܐܚܼܪܒܘ.ܘܗܼܢܘܢܬܘܒ ܐܟܘܬܗܝܢ ܡܢ ܠܩܕ̈ܡܘܢܝܐ ܚܫܼܘ. ܟܕ ܐܬܘ ܠܐܛܛܝܩܐ ܘܐܪܥܐ ܕܐܬܢ̈ܝܐ ܐܚܪܒܘ ܘܒܙܒܢ ܐܚܪܝܢ ܐܘ̈ܠܢܬܝܐ ܥܡ ܐܬܢܝ̈ܐ ܐܩܪܒܼܘ. ܘܗܼܢܘܢ ܬܘܒ ܥܡ ܐܚܪ̈ܢܐ ܘܗܼܢܘܢ ܥܡ ܫܒܒܝ̈ܗܘܢ ܘܟܠܗܝܢ ܕܡ̈ܘܬܐ ܕܩܪܒܐ ܡܬܥܬܪܢ ܗܘܝ ܠܘܬܗܘܢ ܬܟܬܘܫܐ ܕܒܐܠܦ̈ܐ ܘܬܟܬܘܫܐ ܕܒܝܒܫܐ. ܘܬܟܬܘܫܐ ܡܢ ܪ̈ܟܫܐ݀ ܘܗܠܝܢ ܟܘܠܗܝܢ ܟܕ ܐܠܗ̈ܐ ܐܝܟ ܕܐܢܫ ܢܐܡܪ݀ ܒܗ݀ܘ ܙܒܢܐ ܪ̈ܒܘܬܐ ܡܠܝܢ ܗܘܘ݀ ܒܝܬ ܝܘܢ̈ܝ ܘܠܐ ܗܘܐ ܒܠܚܘܕ ܐܠܐ ܘܐܦ ܡܬܕܒܪܝܢ ܗܘܘ ܥܡ ܒܢ̈ܝ ܐܢܫܐ݀ ܘܡܬܝܩܼܪܝܢ ܗܘܘ ܘܡܫܼܬܡܫܝܢ ܗܘܘ. ܠܐ ܗܘܐ ܐܝܟ ܕܗܫܐ ܐܠܐ ܐܝܟ ܕܐܡܪܝܢ ܐܝܟ ܐܒܗܝ̈ܗܘܢ ܕܠܗܿܢܘܢ ܥܬܝ̈ܩܐ ܣܓܕܝܢ ܗܘܘ. ܠܗܘܢ ܘܡܫܠܼܡܝܢ ܐܝܟܢܐ ܕܪ̈ܚܡܐ ܢܗܘܘܢ ܠܗܘܢ ܘܢܡܠܠܘܢܿ ܥܡܗܘܢ ܕܐܠܗ̈ܐ ܕܥܡܗܘܢ ܐܝܬܝܗܘܢ ܗܘܐ. ܘܥܡܗܘܢ ܥܿܡܼܪܝܢ ܗܘܘ ܥܠ ܐܪܥܐ. ܘܣܓܝ̈ܐܬܐ ܒܩܨ̈ܡܐ ܘܒܓ̈ܠܝܢܐ ܡܥܕܪܝܢ ܗܘܘ ܠܗܘܢܿ ܐܠܐ ܦܐܪ̈ܐ ܕܐܝܩܪܐ ܕܐܠܗ̈ܐ ܗܠܝܢ ܗܘܘ. ܩܪ̈ܒܐ ܘܬܟܬܘ̈ܫܐ ܘܚܘܪ̈ܒܐ ܘܫܒ̈ܝܐ ܀܀ ܀ ܣܛ. ܘܐܢ ܕܝܢ ܨܿܒܐ ܐܢܬ ܕܒܐܝܠܝܢ ܕܥܬܝܩܢ ܡܢ ܗܠܝܢ ܬܬܒܩܐ ܚܘܪ ܒܪܥܝܢܟ ܒܗܿܘ ܕܒܕܠܦܘܣ ܩܕܡ ܝܘܢܝ̈ܐ ܝܼܬܒ ܥܠܘܗܝ ܕܦܝܬܝܘܣ. ܐܡܿܪܢܐ ܗܿܘ ܕܠܘܬ ܟܠܗܘܢ ܝܘܢܝ̈ܐ ܡܼܬܟܪܙ. ܘܠܗܿܘ ܠܘܕܝܐ ܗܘ ܗܢܐ ܩܿܥܐ݀ ܘܐܬܟܪܗ ܟܕ ܐܡܿܪ ܕܝܕܥܢܐ ܡܝܢܝܐ ܕܚܠܐ ܘܟܝܠܗ ܕܝܡܐ ܘܠܚܪ̈ܫܐ ܨܐܬ ܐܢܐ݀ ܘܠܕ̈ܘܓܐ ܫܡܥܢܐ݀ ܘܗܼܘ ܕܝܢ ܠܗ ܠܗܢܐ ܐܓܪܐ ܕܗܕܐ ܙܡܝܪܬܐ ܫܕܪ ܠܒܢ̈ܐ ܕܕܗܒܐ ܡܢ ܬܪ̈ܬܝܢ ܟܟܪ̈ܝܢ. ܘܦܝ̈ܠܣܐ ܕܕܗܒܐ ܘܐܓܢ̈ܐ ܗܟܢܐ ܐܠܐ ܠܗ ܠܩܪܘܣܣ ܒܒܢ̈ܬ ܩܠܗ ܗܢܐ ܟܠܗ ܐܬܟܼܪܗ. ܘܠܗܿܢܘܢ ܕܝܢ ܒܢ̈ܝ ܒܝܬܗ ܠܐ ܡܕܡ ܥܕܪ ܗܢܐ ܟܠܗ ܐܠܗܐ ܕܢܥܡܪܘܢ ܫܠܝܐܝܬ ܘܢܟܦܐܝܬ ܐܠܐ ܥܠ ܐܬܢܝ̈ܐ ܡܪܝܪܡ ܗܘܐ ܦܝܣܝܣܛܪܛܘܣ ܟܕ ܦܝܬܝܘܣ ܚܿܙܐ ܗܘܐ. ܒܝܬ ܝܘܢܝ̈ܐ ܘܫܪܟܐ ܕܐܠܗ̈ܐ ܫܠܝܛܝܢ ܗܘܘ ܥܠܝܗܘܢ݀ ܘܐܦ ܫܘܬܦ̈ܐ ܗܘܘ ܒܩܪܣܐ݀ ܘܒܢ̈ܝ ܐܪܓܘܣ ܡܬܟܬܫܝܢ ܗܘܘ ܥܡ ܩܘܪ̈ܢܬܝܐ ܘܠܩܕܡܘܢ̈ܝܐ ܥܡ ܛܪ̈ܘܙܢܝܐ ܘܠܘܩܪ̈ܐ ܬܘܒ ܥܡ ܐܚܪ̈ܢܐ ܝܘ̈ܢܝܐ ܡܿܩܼܪ̈ܒܝܢ ܗܘܘ. ܘܩܪܩܘܪ̈ܝܐ ܥܡ ܐܚܪ̈ܢܐ ܘܡܣܢܐ ܐܬܬܚܕܬ 72 ܐܪ̈ܒܥ ܡܢ ܠܩܕܡ̈ܘܢܝܐ ܘܐܪܩܕ̈ܝܐ ܐܬܚܒܼܫܘ ܗܘܘ݀ ܘܕܐܘܪ̈ܟܘܡܢܝܐ ܘܫܘܪ̈ܝܗܘܢ ܐܬܥܼܩܪܘ ܗܘܘ. ܘܐܬܢܝ̈ܐ ܠܐܓܝܢܝܛܘܣ ܙܟܼܘ ܗܘܘ. ܘܬܘܒ ܡܓܪܝܘܣ ܠܩܘܪ̈ܢܬܝܐ ܘܠܩܕ̈ܡܘܢܝܐ ܠܐܬܢ̈ܝܐ ܘܐܬܢܝ̈ܐ ܠܒܘ̈ܐܛܐ ܘܠܘܩܪ̈ܐ ܠܦܘܩ̈ܝܐ. ܘܗܠܝܢ ܟܠܗܘܢ ܝܘܢ̈ܝܐ ܠܝܘ̈ܢܝܐ ܘܐܠܗ̈ܐ ܕܝܢ ܕܝܿܬܒܼܝܢ ܗܘܘ ܥܠ ܓܢܒ ܙܘܣ݀ ܟܕ ܗܠܝܢ ܟܘܠܗܝܢ ܗܿܘܝܢ ܗܘܝ. ܗܼܘ ܦܝܬܝܘܣ ܗܿܘ ܩܠܪܝܘܣ݀ ܗܿܘ ܕܘܕܘܢܐܘܣ ܗܘ ܕܒܒܪܩܒܝܪܣ ܗܠܝܢ ܕ̈ܒܚܐ ܕܡܢ ܕܝ̈ܘܐ. ܘܗܠܝܢ ܕ̈ܒܚܐ ܕܡܐܐ ܬܘܪ̈ܐ ܕܒܥܝܪܐ ܘܕ̈ܒܚܐ ܕܒܢ̈ܝ ܐܢܫܐ ܕܚܒܝܒܝ̈ܗܘܢ ܘܟܒܪ ܡܛܠ ܕܕ̈ܝܘܐ ܗܘܘ. ܘܣܘܬܐ ܡܠܼܝܢ ܗܘܘ. ܫܦܝܪ ܚܿܕܝܢ ܗܘܘ ܘܡܩܒܼܠܝܢ ܘܟܕ ܡܫܝܼ̇ܚܝܢܝܢ ܗܘܘ ܕܝܢ ܒܗܕܐ ܫܢܝܘܬܐ ܒܝܫܬܐ ܘܪܚܡܬ ܩܪܒܐ. ܘܥܠ ܚܕܕ̈ܐ ܦܩܝܼܪܝܢ ܗܘܘ. ܠܐ ܟܠܼܘ ܐܢܘܢ ܟܕ ܗܐ ܥܡܗܘܢ ܐܝܬܝܗܘܢ ܗܘܘ ܐܠܗ̈ܐ ܝܘܢ̈ܝܐ ܗܿܢܘܢ ܪ̈ܚܡܐ ܘܝܨ̈ܘܦܐ ܗܿܢܘܢ ܪ̈ܚܡܝ ܝܘ̈ܢܝܐ݀ ܗܿܢܘܢ ܡܢܛܪ̈ܢܐ ܒܪܡ ܕܝܢ ܐܢ ܘܿܠܐ ܕܫܪܝܪܐܝܬ ܢܐܡܪ. ܗܼܢܘܢ ܪ̈ܚܡܝ ܩܪܒܐ. ܗܼܢܘܢ ܣ̈ܢܝܝ ܒܢܝ̈ ܐܢܫܐ. ܗܿܢܘܢ ܡ̈ܬܟܼܬܫܝ ܥܡ ܐܠܗܐ. ܗܼܢܘܢ ܓܝܪ ܗܘܼܘ ܥܠܬܐ ܠܗܠܝܢ ܟܠܗܝܢ. ܡܛܠ ܕܪ̈ܚܡܝܢ ܗܘܘ ܩ̈ܛܠܐ ܕܒܢ̈ ܐܢܫܐ. ܘܡܢ ܕܘܟܬܗ ܐܡܬܝ ܕܠܐ ܫܠܝܛ ܗܘܐ ܠܗܘܢܿ ܕܒܝܕ ܩܪ̈ܒܐ ܒܝܕ ܕܒ̈ܚܐ ܕܒܢ̈ܝ ܐܢܫܐ ܕܒܟܘܠ ܡܕܝܢܐ ܡܬܡܼܠܝܢ ܗܘܘ݀ ܕܒܢܘܩܝܐ ܕܕܡܐ ܕܒܢ̈ܝ ܐܢܫܐ ܚܲܕܝܢ ܗܘܘ܀܀ ܀ ܥ. ܚܕܐ ܗܝ ܗܟܝܠ ܡܢ ܬܪ̈ܬܝܢ ܕܐܘ ܠܐ ܡܕܡ ܗܘܘ ܘܛܥܝܘܬܐ ܒܝܫܬܐ ܠܒܢ̈ܝ ܐܢܫܐ ܕܗܝܕܝܢ ܚܝܕܐ ܗܘܬ ܕܠܨ̈ܠܡܐ ܕܠܐ ܢܦܫܐ ܐܝܟ ܕܠܐܠܗ̈ܐ ܢܝܩܪܘܢܿ ܘܣܪܝܩܐܝܬ ܘܒܛܠܐܝܬ ܚܒܝ̈ܒܐ ܕܝܠܗܘܢ ܢܕܒܚܘܢ ܒܫܢܝܘܬܐ. ܐܘ ܕܐܢ ܐܝܼܬ ܗܘܐ ܒܗܘܢ ܚܝܠܐ ܕܡܝܐ ܕܡܠܝܐܝܬ ܐܘ ܥܒܕ ܛܒ̈ܬܐ ܐܝܬܘܗܝ ܗܘ ܐܐܘ ܥܒܕ ܒܝܫ̈ܬܐ. ܐܢ ܐܠܗ̈ܐ ܗܘܘ ܗܟܝܠ ܛܒ̈ܐ. ܒܟܝܢܗܘܢ ܘܥܠ ܐܪܥܐ ܐܝܬܝܗܘܢ ܗܘܘ ܘܡܨܥܬܐ ܕܡܕܝܢܬܐ ܐܚܝܕܝܢ ܗܘܘ. ܠܐ ܗܘܐ ܣܦܝܩܐܝܬ ܣܿܥܼܪܝܢ ܗܘܘ. ܗܕܐ ܐܠܐ ܠܥܘܕܪܢܐ ܘܠܦܪܘܩܢܐ ܕܗܢܘܢ ܕܥܡܪܝܢ ܗܘܘ ܥܡܗܘܢܿ ܘܐܢ ܕܝ̈ܘܐ ܗܘܘ ܒܝܫ̈ܐ ܟܠ ܕܠܩܘܒܠܐ ܣܿܥܼܪܝܢ ܗܘܘ ܕܛܒ̈ܬܐ ܘܐܝܕܐ ܗܝ ܗܟܝܠ ܡܟܣܢܘܬܐ ܫܪܝܪܬܐ ܕܗܠܝܢ. ܐܠܐ ܗܼܢܘܢ ܦܐܪ̈ܐ ܕܡܢ ܡܦܪܢܣܢܘܬܐ ܕܝܠܗܘܢ ܡܢ ܦܐܪ̈ܘܗܝ ܓܝܪ ܡܬܝܕܥ ܗܘ ܐܝܠܢܐ܀ ܀ ܀܀ 73 ܥܐ. ܥܕܢܐ ܗܘ ܗܟܝܠ ܕܢܬܒܩܐ ܕܩܪ̈ܒܐ ܘܬܟ̈ܬܘܫܐ ܠܐ ܕܒܥܠܕ̈ܒܒܐ ܘܠܐ ܕܒܪܒܪܝܐ ܕܩܼܡܘ ܠܘܩܒܠ ܝܘܢܝ̈ܐ ܐܠܐ ܕܝܠܗܘܢ ܕܝܘܢܝ̈ܐ ܕܠܗܘܢ ܠܐܠܗ̈ܐ ܕܐܒܗܝ̈ܗܘܢ ܡܟܬܼܒܝܢ ܗܘܘ ܘܫܢܝܝܢ ܗܘܘ. ܥܠ ܚܕܕ̈ܐ ܐܝܠܝܢ ܐܢܘܢ ܦܐܪ̈ܐ ܘܐܠܗ̈ܐ ܕܠܓܘ ܡܢ ܬܪ̈ܥܐ ܩܪ̈ܝܒܝܢ ܗܘܘ. ܘܒܟܠܗ ܝܘܡܐ ܡܬܝܩܪܝܢ ܗܘܘ ܡܢ ܒܢ̈ܝ ܡܕܝܢܬܗܘܢ݀ ܡܢܐ ܕܫ݀ܘܐ ܗܘܐ ܠܗܕܐ ܣܓܕܬܐ ܝܿܗܒܝܢ ܗܘܘ ܠܗܿܢܘܢ ܕܣܿܓܕܝܢ ܠܗܘܢܿ ܐܘ ܕܩܕܡ ܟܠܡܕܡ ܫܝܢܐ ܒܥܘܡܪܐ ܫܠܝܐ ܘܢܝܚܐ. ܢܥܡܪܘܢ ܘܟܢ ܢܡܘܣ̈ܐ ܬܩ̈ܢܐ ܘܢܛܝܪܘܬܐ ܕܛܒ̈ܬܐ ܕܐܝܬܝܗܢ. ܐܢ ܗܟܝܠ ܐܝܟ ܗܿܢܝܢ ܗܘܝ ܗܠܝܢ ܕܐܬܩܼܕܡ ܐܬܐܡܼܪ ܠܐ ܡܕܡ ܡܬܒܥܐ. ܕܢܬܦܠܓ ܥܠ ܐܘܣܝܐ ܕܡܦܪ̈ܢܣܢܐ ܛܒ̈ܐ. ܘܐܢ ܕܝܢ ܚܪܬܐ ܕܒܝܫ̈ܬܐ ܠܟܠܗ ܒܝܬ ܝܘܢܝ̈ܐ ܐܚܼܝܕܐ ܗܘܬ. ܘܐܠܗ̈ܐ ܣܓܝܐܝܢ ܗܘܘ ܡܢ ܒܢ̈ܝ ܐܢܫ ܥܡܘܪ̈ܐ. ܘܠܐ ܗܘܐ ܒܟܘܠ ܡܕܝܢܐ ܒܠܚܘܕ ܐܠܐ ܐܦ ܒܒ̈ܬܐ ܡܬܝܩܼܪܝܢ ܗܘܘ. ܘܟܕ ܡܬܝܩܼܪܝܢ ܗܘܘ. ܠܐ ܡܕܡ ܝܬܝܪ ܝܼܗܒܘ ܠܗܿܢܘܢ ܕܡܝܼܩܪܝܢ ܠܗܘܢܿ ܐܠܐ ܩ̈ܛܠܐ ܕܩܪ̈ܒܐ ܘܚܘܪ̈ܒܐ ܕܩܘܪ̈ܝܐ ܘܥܩܘܪ̈ܝܐ ܕܡܕ̈ܝܢܬܐ ܘܫܒܝܐ ܘܓܘܠܝܐ. ܟܕ ܝܘܢ̈ܝܐ ܥܠ ܝܘܢ̈ܝܐ ܒܗܠܝܢ ܡܫܝܼܚܝܢܝܢ ܗܘܘ. ܡܢܐ ܚܣܝܪ ܕܢܕܥ ܘܢܐܡܪ݀ ܐܠܐ ܚܕܐ ܡܢ ܬܪ̈ܬܝܢ ܕܡܣܼܬܒܪܢ݀ ܐܘ ܓܝ ܠܐ ܡܕܡ ܡܫܟܼܚܝܢ ܗܘܘ. ܐܠܗ̈ܐ ܡܛܠ ܕܠܐ ܡܕܡ ܗܘܘ. ܘܗܟܢܐ ܐܦ ܡܢ ܥܠܬܐ ܕܒܝܫ̈ܬܐ ܪ̈ܚܝܩܼܝܢ ܗܘܘ. ܐܘ ܕܚܿܝܠܐ ܡܕܡ ܩܢܝܢ ܗܘܘ. ܘܗܼܢܘܢ ܗܘܘ ܥܠܬܐ ܕܒܝܫ̈ܬܐ. ܐܘ ܕܡܪܦܝܢ ܗܘܘ ܕܗܠܝܢ ܗܟܢܐ ܢܗܘܝܢ. ܐܘ ܕܗܼܢܘܢ ܣܥܪܝܢ ܗܘܘ ܠܗܝܢ. ܐܢ ܗܟܝܠ ܗܼܢܘܢ ܗܘܘ ܥܒܘܕ̈ܐ ܕܒܝܫ̈ܬܐ ܡܣܼܬܥܪܢ ܗܘܝ ܡܗܼܡܝܢ ܗܘܘ ܬܘܒ ܡܫܠܡ̈ܢܐ ܐܢܘܢ ܕܪ̈ܚܡܝܗܘܢ ܘܠܐ ܗܘܐ ܡܥܕܪ̈ܢܐ ܐܠܐ ܢܟܘ̈ܠܐ ܘܡܛܠ ܗܕܐ ܒܝ̈ܫܐ. ܀܀ ܀܀ ܀܀ ܥܒ. ܐܢ ܓܝܪ ܠܐ ܐܠܗ̈ܐ ܗܘܘ. ܘܐܦܠܐ ܒܟܝܢܐ ܕܡܝܬܪ ܡܢ ܕܝܠܢ ܐܝܬܼܝܗܘܢ ܗܘܐ݀ ܐܠܐ ܐܢܫܐ ܗܘܘ ܐܚܪܢܝܐܝܬ ܕܠܒܝܫܝܢ ܢܟܦܘܬܐ ܡܛܠ ܡܝܬܪܘܬܗܘܢ ܘܡܛܠ ܚܟܡܬܗܘܢܿ ܠܐ ܟܝ ܡܬܩܼܪܒܝܢ ܗܘܘ ܠܡܨܥܬܐ ܘܠܪ̈ܚܡܝܗܘܢ ܡܢ ܬܟܬܘܫܐ ܫܲܪܝܢ ܗܘܘ݀ ܐܘ ܟܕ ܒܡܠܬܐ ܡܦܼܝܣܝܢ݀ ܐܘ ܟܕ ܒܚܿܝܠܐ ܡܦܼܪܩܝܢ݀ ܘܠܪܘܚܩܐ ܡܢ ܚܕܕ̈ܐ ܡܫܲܢܝܢ ܠܗܘܢ. ܘܐܝܠܝܢ ܕܙܕܩܢ ܡܿܠܟܼܝܢ ܗܘܘ ܠܗܘܢ 74 ܟܕ ܣܿܥܪܝܼܢ ܥܒܿܕܐ ܕܐܢܫܐ ܛܒ̈ܐ. ܘܡܢ ܒܥܠܕܒܒܘܬܗܘܢ ܫ݀ܪܝܼܢ ܠܗܘܢܿ ܘܡܟܿܢܫܼܝܢ ܠܗܘܢ. ܠܫܢܐ݀ ܟܕ ܗܐ ܪ̈ܚܡܝܗܘܢ ܐܢܘܢ. ܀ ܀܀܀ ܥܓ. ܡܢܐ ܗܟܝܠ ܘܐܢܫܐ ܛܒ̈ܐ ܗܕܐ ܣܿܥܪܝܼܢ ܗܘܘ݀ ܐܠܘ ܐܣܬܩܼܒܠܘ ܗܘܘ݀ ܘܐܠܗ̈ܐ ܕܝܢ ܟܕ ܩܪܝܒܝܢ ܘܥܡܗܘܢ ܐܢܘܢ ܘܒܡܨܥܬܐ ܕܝܘܢܝ̈ܐ ܡܬܗܦܟܼܝܢ ܘܡܢ ܟܠܗܘܢ ܡܬܝܩܼܪܝܢ ܗܘܘ ܡܢ ܪ̈ܚܡܝܗܘܢ ܐܗܡܼܝܘ ܟܕ ܡܫܠܡܼܝܢ ܠܕܡܐ ܘܠܚܪܒܐ ܘܠܩܛܠܐ ܕܢܦܫ̈ܬܗܘܢ݀ ܘܐܝܟܢܐ ܡܛܠ ܕܠܐ ܡܫܟܚܼܝܢ ܗܘܘ ܕܢܥܕܪܘܢ ܐܢܘܢ ܐܘ ܟܕ ܡܫܼ̣ܚܝܢ ܠܐ ܨܿܒܝܼܢ ܗܘܘ ܐܢ ܓܝ ܟܕ ܡܫܟܚܼܝܢ ܠܐ ܨܿܒܝܢ ܗܘܘ݀ ܠܐ ܗܘܐ ܥܒܿܕܐ ܕܡܥܕܪ̈ܢܐ ܝܿܗܒܝܢ ܗܘܘ ܠܗܿܢܘܢ ܕܡܝܿܩܪܝܼܢ ܠܗܘܢ ܐܠܐ ܕܒܥܠܕ̈ܒܒܐ ܘܕܢܘ̈ܟܠܐ ܗܿܢܘܢ ܓܝܪ ܕܡܫܟܚܼܝܢ ܗܘܘ ܕܢܦܪܩܘܢ ܒܝܫ̈ܬܐ. ܘܗܼܝ ܗܕܐ ܠܐ ܥܿܒܼܕܝܢ ܗܘܘ ܡܕܡ ܡܢ ܒܥܠܕ̈ܒܒܐ ܠܐ ܝܬܝܪܝܢ ܗܘܘ. ܘܐܢ ܕܝܢ ܟܕ ܨܿܒܼܝܢ ܠܐ ܡܫܟܚܼܝܢ ܗܘܘ ܫ݀ܘܝܼܢ ܐܢܘܢ ܠܫܘܒܩܢܐ ܡܛܠ ܡܚܝܠܘܬܗܘܢ݀ ܘܐܢ ܗܟܢܐ ܗܟܝܠ ܐܝܬܝܗܘܢ ܗܘܐ ܛܒܐ ܕܐܠܗ̈ܐ ܐܢܘܢ ܝܬܝܪܐ ܗܘ. ܘܫܡܐ ܗܢܐ ܕܡܥܕܪ̈ܢܐ ܐܢܘܢ ܠܐ ܗܘܐ ܫܪܝܪܐܝܬ ܡܟܬܒܼܝܢ ܗܘܘ. ܥܠܝܗܘܢ ܕܐܦܠܐ ܠܒܢ̈ܝ ܐܢܫܐ ܠܦܘܪܩܢܐ ܥܲܕܪܘ ܡܛܠ ܡܝܚܠܘܬܐ ܕܟܝܢܗܘܢ ܀܀ ܀܀ ܥܕ. ܘܐܢ ܕܝܢ ܢܿܣܪܚܘܢ ܥܠܝܢ ܚܠܩܐ ܐܝܟܢܐ ܕܠܟܠ ܡܕܡ ܘܐܦ ܠܗܘܢ ܠܐܠܗ̈ܐ ܐܚܝܕ ܘܕܗܢܐ ܗܘ ܥܠܬܐ ܕܩܪܒܐ ܘܕܟܠ ܡܕܡ ܕܗܿܘܐ ܒܝܬ ܒܢ̈ܝ ܐܢܫܐ ܗܼܘܝܘ ܟܠܗ ܥܘܡܪܢ ܡܬܗܦܟ ܡܐ ܕܐܬܒܼܛܠ ܗܿܘ ܡܕܡ ܕܒܢ ܗܘ݀ ܘܝܘܠܦܢܐ ܒܝܫܐ ܘܪܓܐ [ܘܕܓܠܐ] ܚܠܦܘܗܝ ܥܼܠ ܥܠܝܢ. ܘܗܟܢܐ ܐܦ ܣܒܪܐ ܕܝܠܗܘܢ ܕܐܠܗ̈ܐ ܡܬܒܼܛܠ ܠܗ ܕܠܐ ܡܕܡ ܡܫܟܚܼܝܢ ܠܒܪ ܡܢ ܗܠܝܢ ܕܚܠܝܩܢ. ܗܠܝܢ ܕܐܝܟܢܐ ܕܗܼܘ ܐܠܨܐ ܕܢܓܕܫܢ ܘܐܦܢ ܟܕ ܠܐ ܨܿܒܼܝܢ ܐܠܗ̈ܐ. ܘܗܟܢܐ ܬܘܒ ܒܛܝܠܘܬܐ ܕܗܿܢܘܢ ܕܚ̈ܠܝ ܠܐܠܗ̈ܐ. ܘܗܟܢܐ ܬܘܒ ܒܛܝܠܘܬܐ ܕܗܿܢܘܢ ܕܚ̈ܠ ܠܐܠܗ̈ܐ ܣܦܝܩܬܐ ܘܣܪܝܩܬܐ ܗܿܘܝܐ ܕܠܗܿܢܘܢ ܕܡܕܡ ܠܐ ܡܫܟܚܼܝܢ ܠܡܥܒܕ ܡܝܩܼܪܝܢ ܀ ܀ ܀܀ ܥܗ. ܐܠܐ ܒܗܕܐ ܐܬܠܒܼܟܘ ܗܿܢܘܢ ܬܡܝܗ̈ܐ ܕܠܝܬ ܒܗܘܢ ܚܝܠܐ ܕܢܥܕܪܘܢ ܠܒܝܫ̈ܬܐ ܕܒܢ̈ܝ ܐܢܫܐ ܘܕܚܕܝܢ ܒܬܫ̈ܥܝܬܐ ܕܥܠ ܐܠܗܘܬܗܘܢ ܣܪ̈ܝܚܬܐ ܘܡܣ̈ܠܝܬܐ ܘܒܕ̈ܒܚܐ ܒܝܼ̈ܫܐ ܘܕܠܐ ܢܡܘܣ ܕܒܢ̈ܝ ܐܢܫܐ ܐܬܚܼܙܝܘ ܓܠܝܐܝܬ݀ ܡܢ ܗܠܝܢ ܗܟܝܠ ܘܿܠܐ ܕܢܣܒܪ ܥܠܝܗܘܢ ܕܗܠܝܢ ܐܠܗ̈ܐ ܕܣܿܥܼܪܝܢ ܗܘܘ ܥܡ ܒܢ̈ܝ 75 ܐܢܫܐ ܕܗܝܕܟܝܢ ܗܠܝܢ ܡܛܠ ܕܟܝܢܗܘܢ ܪܚܿܡ ܒܝܫ̈ܬܐ ܗܘܐ ܘܪܚܿܡ ܩܪ̈ܒܐ ܡܢܗܘܢ ܕܥܒܕ̈ܐ ܐܬܟܣܣܘ ܀ ܀ ܀ ܥܘ. ܘܡܢ ܕܘܟܬܗ ܗܫܐ ܒܙܒܢ ܕܝܠܢ. ܟܕ ܢܫܬ ܟܘܠܗܿ ܒܛܝܠܘܬܐ ܕܥܠ ܗܠܝܢ ܕܐܬܐܡܼܪܘ. ܘܗܠܝܢ ܕܗܼܘ ܟܘܪܗܢܐ ܥܬܝܩܐ ܐܬܒܨܪ ܟܘܠܗܝܢ ܡܕ̈ܝܢܬܐ ܘܕܘܟ̈ܝܬܐ ܒܥܡ̈ܡܐ ܘܒܐܬܪ̈ܘܬܐ ܒܫܝܢܐ ܥܡܝܩܐ ܥܡܪܢ ܘܐܣܝܐ ܟܠܗܿ ܘܐܘܪܘܦܐ ܘܠܝܒ̈ܝܐ ܘܐܓܒܛܘܣ ܕܡܢ ܩܕܝܡ ܠܐ ܡܕܡ ܡܝܼܬܪܢ ܗܘܝ ܡܢ ܐܠܦܐ ܕܒܡܚܫܘܠܐ ܐܝܬܝܗܿ݀ ܗܿܝ ܕܡܢ ܟܠܗܘܢ ܓܒܝܗ̈ ܐܟܚܕܐ ܪ̈ܘܚܐ ܩܫܝ̈ܬܐ ܘܥ̈ܠܥܠܐ ܠܒܟܗܿ. ܘܠܟܐ ܘܠܗܠ ܒܟܘܟܝܬܐ ܛܒܥܗ. ܗܫܐ ܒܨܚܘܐ ܕܢܝܚܐ ܘܒܫܠܐ ܕܡܒܪܩ. ܘܒܦܨܝܚܘܬܐ ܕܣܘ̈ܟܝܢܐ ܕܫܝܢܐ ܡܬܬܪܝܨܢ ܘܠܚܢ ܕܗܘ ܩܘܒܪܢܛܐ ܕܟܘܠ ܡܟܬܒܢ. ܘܗܿܢܝܢ ܟܘܠܗܝܢ ܗܫܐ ܟܕ ܗܼܘ ܕܒܕܠܦܝܘܣ [ܕܒܕܠܦܘܣ] ܚܼܪܒ ܘܟܕ ܗܼܘ ܦܝܬܝܘܣ ܕܥܟ. ܘܟܕ ܥܘܗܕܢܐ ܕܫܪܟܐ ܕܐܠܗ̈ܐ ܡܠܝܐܝܬ ܡܢ ܡܫܡܥܬܐ ܕܒܢ̈ܝ ܐܢܫܐ ܐܬܥܼܛܝ ܘܠܐ ܐܝܢܐ ܕܗܼܘ ܩܛܝܪܐ ܕܚܠܩܐ ܘܠܐ ܕܝ̈ܘܐ ܪ̈ܚܡܝ ܩܪ̈ܒܐ ܠܡܕ̈ܝܢܬܐ ܫܓܼܫܝܢ ܡܢ ܟܕ ܓܝܪ ܒܟܠܗܿ ܒܪܝܬܐ ܕܒܢ̈ܝ ܐܢܫܐ. ܒܟܠܗܝܢ ܡܕ̈ܝܢܬܐ ܘܒܟܘܠܗܝܢ ܩܘܪ̈ܝܐ ܘܒܟܠܗܝܢ ܕܘܟܝ̈ܬܐ ܝܘܠܦܢܐ ܕܦܘܪܩܢ ܐܚܕ݀ ܘܡܢ ܟܕ ܬܘܒ ܠܐ ܢܣܐ ܕܕܝ̈ܘܐ ܐܠܐ ܒܠܚܘܕܘܗܝ ܗܘ ܡܿܠܟܐ ܕܟܠ ܐܗܠܐ. ܘܗܼܘ ܒܪܘܝܐ ܕܟܠܗ ܥܠܡܐ ܡܠܬܗ ܕܐܠܗܐ ܘܠܬ ܟܠܗܘܢ ܒܢ̈ܝ ܐܢܫܐ ܒܪܒܪܝܐ ܘܝܘܢ̈ܝܐ ܡܬܝܕܥ ܘܡܫܬܒܼܚ݀ ܐܫܬܪܝܼܬ ܟܠܗܿ ܡܠܬܐ ܕܚܠܩܐ. ܘܒܪܘܚܩܐ ܟܘܠܗ ܩܛܝܪܐ ܥܿܒܕ ܩܪܒܐ ܐܝܬܘܗܝ. ܘܡܠܬܐ ܕܝܢ ܐܠܗܝܐ ܥܿܒܕ ܫܝܢܐ ܒܟܠܗܿ ܐܪܥܐ ܡܙܕܡܪ ܘܠܐܠܗܐ ܐܒܘܗܝ ܓܢܣܐ ܕܒܢ̈ܝ ܐܢܫܐ ܡܩܼܦ݀ ܘܫܝܢܐ ܘܪܚܡܘܬܐ ܠܟܠܗܘܢ ܥܡ̈ܡܐ ܡܨܝܼܒ. ܘܗܫܐ ܟܕ ܠܐ ܗܿܢܝܢ ܕܐܠܗ̈ܐ ܡܣܬܥܪܢܿ ܘܐܦܠܐ ܗܿܢܝܢ ܕܗܼܘ ܩܪܒܗܘܢ ܕܠܘܬ ܚܕܕ̈ܐ ܡܬܩܝܡܢ ܟܕ ܒܟܘܠܗܿ ܐܪܥܐ ܗܝ̈ܟܠܐ ܗܿܢܘܢ ܕܒܪܘܡܐ ܡܩܝܡܼܝܢ ܗܘܘ. ܡܢ ܩܕܝܡ ܬܚܝܬ ܚܪܬܗ ܕܚܘܪܒܐ ܢܦܼܠܘ ܘܐܠܗ̈ܐ ܗܿܢܘܢ ܟܠܗܘܢ ܕܡܢ ܩܕܝܡ ܒܟܠ ܕܘܟܐ ܩܿܥܼܝܢ ܗܘܘ݀ ܡܢ ܒܗܬܬܐ ܐܘ ܡܢ ܕܚܠܬܐ ܫܬܩܼܘ. ܘܐܟܚܕܐ ܟܘܠܗܝܢ ܡܕ̈ܝܢܬܐ ܘܥܡ̈ܡܐ ܘܐܬܪ̈ܘܬܐ ܒܝܡܝܢܐ ܕܚܘܒܐ ܐܫܬܝܼܢܘ݀ ܘܬܚܝܬ ܚܕܐ ܪܫܢܘܬܐ ܡܢ ܥܘܡܩܐ ܕܡܛܟܣܘܬܐ ܐܟܚܕܐ ܘܕܐܘܝܘܬܐ ܡܬܒܡܼܝܢ݀ ܡܢ ܕܩܝܡ ܕܝܢ ܟܕ ܠܐ ܠܐܠܗ̈ܐ 76 ܝܬܝܪ ܣܓܝ ܐܦ ܡܢ ܚܒܝ̈ܒܝܗܘܢ ܡܝܩܼܪܝܢ ܗܘܘ ܕܒܐܝܢܼܐ ܩܘܝܡܐ ܕܥܘܡܪܐ ܟܠܗ ܒܝܬ ܝܘܢ̈ܝܐ ܘܒܝܬ ܒܪܒܪܝܐ ܐܝܬܘܗܐ ܗܘܐ. ܠܐ ܡܕܡ ܡܬܒܥܐ ܕܢܘܪܟ ܡܠܬܢܿ ܟܕ ܒܙܥܘܪ̈ܝܬܐ ܗܼܢܝܢ ܨܒܘ̈ܬܐ ܐܬܓܠܝ݀ ܐܠܐ ܗܠܝܢ ܥܬܝܩ̈ܬܐ ܕܡܟܬܒܢܘܬܐ ܐܝܟ ܗܟܢܐ ܀ ܀ ܀܀ ܥܙ. ܗܠܝܢ ܕܝܢ ܚܕ̈ܬܬܐ ܡܢܐ ܐܢܫ ܢܐܡܪ ܕܟܡܐ ܡܢ ܒܬܪ ܐܠܟܣܢܕܪܘܣ ܡܩܕܘܢܝܐ ܩܠܝܠ ܡܢ ܩܕܡ ܕܢܚܗ ܕܦܪܘܩܢ. ܪܫܢܘܬܐ ܣܓܝ̈ܐܬܐ ܐܬܩܝܼܡ [ܐܬܩܝ̈ܡܝ] ܐܘܪܐܘܣ ܓܝ ܐܚܘܗܝ ܕܐܠܟܣܢܕܪܘܣ ܡܠܟܘܬܐ ܕܡܩܕܘܢܝܐ ܡܩܒܠ݀ ܘܕܗܿܢܘܢ ܕܒܐܘܪܘܦܐ ܐܢܛܝܦܛܪܘܣ ܠܒܝܟ ܗܘܐ. ܘܦܛܘܠܡܐܘܣ ܠܐܓܒܛܘܣ ܘܠܐܠܟܣܕܪܝܐ ܐܚܝܼܕ ܗܘܐ. ܘܠܦܝܢܝܩܐ ܕܝܢ ܘܠܩܝܠܐ ܣܘܪܝܐ ܣܠܘܩܘܣ ܡܕܒܼܪ ܗܘܐ. ܘܦܝܠܘܛܘܣ ܠܩܝܠܝܩܝܐ ܘܐܢܛܝܓܘܢܘܣ ܠܐܣܝܐ ܘܩܣܢܕܪܘܣ ܠܩܪܝܐ. ܘܠܐܘܢܘܣ ܠܗܠܠܣܦܛܢܘܣ ܘܐܘܡܢܣ ܠܦܦܠܓܘܢܝܐ ܘܠܝܣܝܡܟܘܣ ܕܗܿܢܝܢ ܕܥܠ ܓܢܒ ܬܪܩܐ ܕܡܢ ܗܪܟܐ ܐܟܙܢܐ ܕܒܫܒܩܐ ܠܩܪܒܐ ܕܥܠ ܚܕܕ̈ܐ ܢܦܩܼܝܢ ܗܘܘ. ܗܼܢܘܢ ܘܗܿܢܘܢ ܕܩܒܼܠܘ ܪܫܢܘܬܗܘܢ ܦܛܘܠܡܐܘܣ ܓܝܪ ܗܿܘ ܒܪ ܓܠܘܣ ܚܟܫܥܣܪܐ ܙܒ̈ܢܝܢ ܡܢ ܐܓܒܛܘܣ ܡܪܕܝܬܗ ܥܒܲܕ ܘܣܠܘܩܘܣ ܠܦܛܠܡܐܘܣ ܡܿܠܟܐ ܕܡܩܕܘ̈ܢܝܐ ܐܪܥܼ ܘܐܬܩܼܛܠ݀ ܘܦܪܛܝܩܘܣ ܠܐܓܒܛܘܣ ܒܚܿܝܠܐ ܥܠ ܘܦܛܘܠܡܐܘܣ ܠܩܘܦܪܘܣ ܠܒܼܟ. ܘܕܡܛܪܝܣ ܠܣܝܪܝܐ ܚܛܦܼ. ܘܐܚܪܢܐ ܬܘܒ ܠܐܚܪܬܐ ܕܘܟܬܐ ܐܙܼܠ݀ ܘܒܚܝܠܐ ܕܠܣܛܝܘܬܐ ܠܒܢ̈ܝ ܬܚܘܡܗ ܠܒܼܟ. ܀܀ ܀܀ ܀܀ ܥܚ. ܗܟܢܐ ܗܟܝܠ ܗܚܕܐ ܒܪܬ ܚܕܐ. ܒܗ ܒܙܒܢܐ ܡܫܬܠܡܢ ܗܘܝ. ܒܟܠܗܘܢ ܓܒܝܗ̈ ܕܒܪܝܬܐ ܘܕܠܐ ܫܝܢܐ ܘܕܠܐ ܬܪܥܘܬܐ. ܒܥܠܕܒܒܘܬܗܘܢ ܕܠܘܬ ܚܕܕ̈ܐ ܡܬܪܒܝܐ ܗܘܬ ܟܕ ܣܓܕܬܐ ܕܐܠܗ̈ܐ ܣܓܝ̈ܐܐ ܟܗܝܢܐ ܗܘܬ ܒܗܿܘ ܙܒܢܐ. ܘܢܘ̈ܣܐ ܘܚܘ̈ܓܒܐ ܘܗܝ̈ܟܠܐ ܒܟ̈ܘܠܗܝܢ ܡܕ̈ܝܢܬܐ ܡܝܬܪܐܝܬ ܡܬܩܢܼܝܢ ܗܘܘ ܠܗܘܢ݀ ܘܒܢܕܪ̈ܐ ܣܓܝ̈ܐܐ ܡܬܨܒܬܼܝܢ ܗܘܘ ܗܝ̈ܟܠܐ ܘܡܠܬܐ ܕܥܠ ܐܠܗ̈ܐ ܣܓܝܐܐ ܗܘܬ݀ ܠܘܬ ܡ̈ܠܟܐ ܕܗܝܕܟܝܢ݀ ܘܥܡ̈ܡܐ ܘܩܘ̈ܛܢܐ ܒܩܘܪܝܐ ܘܒܟܠ ܕܘܟܐ. ܗܟܢܐ ܕܐܦ ܒܒ̈ܬܐ ܘܒܗܘܢ ܒܒܝܬ ܓܙ̈ܝܗܘܢ ܘܒ̈ܬܘܢܝܗܘܢ ܓܘ̈ܝܐ ܒܥܠܘ̈ܬܐ ܘܒܨ̈ܠܡܐ ܗܿܢܘܢ ܕܐܒܗܝ̈ܗܘܢ ܡܝܩܪܝܢ ܗܘܘ. ܒܪܡ ܕܝܢ ܟܕ ܗܟܢܐ ܐܝܬܝܗܘܢ 77 ܗܘܐ݀ ܠܐ ܡܕܡ ܡܢ ܐܢܫܐ ܕܝܘ̈ܢܐ ܕܢܦܫ̈ܬܗܘܢ ܒܫܢܝܘܬܐ ܗܦܝܟܢ ܡܝܬܝܪܢ ܗܘܘ. ܕܟܘܠܗ ܙܒܢܐ ܕܚܝ̈ܝܗܘܢ ܒܕܡܐ ܕܒܢ̈ܝ ܐܬܪܗܘܢ ܡܛܢܦܼܝܢ ܗܘܘ. ܘܕܝܘ̈ܢܝܢ ܗܘܘ ܒܫܪܪܐ݀ ܒܩܪ̈ܒܐ ܕܥܠ ܚܕܕ̈ܐ݀ ܘܒܬܟܝܒܘܬܐ ܕܚܒܘܫܝܐ ܕܡܕ̈ܝܢܬܐ ܟܕ ܕ̈ܝܘܐ ܡܫܓܚ ܥܠܡܐ݀ ܗܘܿܝܢ ܗܘܘ ܠܗܘܢ ܡܥܕܪ̈ܢܐ ܒܗܠܝܢ ܀܀ ܀܀ ܀܀ ܥܛ. ܘܗܿܢܘܢ ܕܝܢ ܕܡܣܬܒܪܝܢ ܗܘܘ ܐܠܗ̈ܐ ܕܩܨ̈ܡܐ ܘܝܕܥܬܐ ܡܩܕܡܬܐ ܠܣܓܘܕ̈ܝܗܘܢ ܝܿܗܒܼܝܢ ܗܘܘ. ܘܠܐ ܐܬܒܝܢܼܘ ܕܢܩܕܡܘܢ ܢܕܥܘܢ݀ ܘܐܦ ܠܐ ܕܢܩܿܕܡܘܢ ܢܐܡܪܘܢ ܐܒܕܢܐ ܕܝܠܗܘܢ ܗܿܘ ܕܒܕܢܚܗ ܕܦܪܘܩܢ ܕܒܝܬ ܒܢ̈ܝ ܐܢܫܐ ܠܟܠܗܘܢ ܓܕܫܼ ܐܢܘܢܿ ܘܗܕܐ ܬܚܘܝܬܐ ܐܝܬܝܗܿ ܪܒܬܐ ܕܥܠ ܒܨܝܪܘܬܐ ܕܝܠܗܘܢ ܘܡܟܣܢܘܬܐ ܗܝ ܫܪܝܪܬܐ ܕܥܠ ܗܿܢܘܢ ܩܨ̈ܡܐ ܕܡܢ ܩܕܝܡ. ܒܬ ܟܠܗܘܢ ܝܘܢ̈ܝܐ ܡܬܟܪܙܝܢ ܗܘܘ. ܘܠܐ ܐܢܫ ܗܟܝܠ ܡܢ ܩܨܘ̈ܡܐ ܠܗܿܘ ܕܢܚܗ ܕܦܪܘܩܢ ܕܒܝܬ ܒܢ̈ܝ ܐܢܫܐ ܩܕܡ ܐܡܼܪ. ܐܦܠܐ ܝܘܠܦܢܐ ܚܕܬܐ ܕܡܢܗ ܠܟܠܗܘܢ ܥܡ̈ܡܐ ܐܬܝܼܗܒ݀ ܐܠܐ ܘܐܦ ܠܐ ܗܼܘ ܦܝܬܝܘܣ ܘܐܦ ܠܐ ܐܚܪܢܐ ܡܢ ܕܝ̈ܘܐ ܪ̈ܘܪܒܐ ܚܘܪܒܐ ܕܢܦܫܗ ܩܿܕܡ ܝܕܥ ܐܦ ܠܐ ܩܿܕܡ ܐܡܼܪ ܥܠ ܗܿܘ ܕܥܬܝܕ ܗܘܐ ܕܢܐܬܐ ܡܚܪܒܢܐ ܘܥܩܘܪܐ ܕܟܠܗܘܢܿ ܐܦ ܠܐ ܥܠ ܗܿܢܘܢ ܟܠܗܘܢ ܕܡܢ ܥܡ̈ܡܐ ܝܘܢ̈ܝܐ ܘܒܪܒܪܝܐ ܕܡܫܢܝܢ ܡܢ ܛܥܝܘܬܐ ܕܐܠܗ̈ܐ. ܣ̈ܓܝܐܐ ܘܝܕܥܝܢ ܠܐܠܗܐ ܕܥܠ ܟܠ ܩܿܕܡ ܚܼܙܐ ܀܀ ܀܀ ܦ. ܡܿܢܘ ܕܝܢ ܩܨܘܡܐ ܐܘ ܢܚܫܐ ܐܘ ܡܿܢܘ ܗܡܬܘܐ ܐܘ ܕܝܘܐ ܐܘ ܐܠܗܐ ܕܩܕܡ ܩܼܨܡ ܕܗܠܝܢ ܕܝܠܗܘܢ ܦܐܝ̈ܬܐ ܕܥܒܢ݀ ܡܐ ܕܕܢܚ ܡܢ ܕܗܼܘ ܚܕܬܐ ܒܥܘܡܪܐ ܕܒܢ̈ܝ ܐܢܫܐ ܘܝܕܥܬܐ ܕܐܠܗܐ ܗܘ ܕܠܥܠ ܡܢ ܟܘܠ ܘܥܠ ܟܘ.ܠ ܘܣܓܕܬܗ ܠܟܠܗܘܢ ܥܡ̈ܡܐ ܡܫܬܡܠܡܐ. ܡܿܢܘ ܚܘܒܠܐ ܕܗܝܟ̈ܠܐ ܕܝܠܗܘܢ ܘܚܪܬܐ ܕܚܘܪܒܗܘܢ ܐܬܢܒܼܝ. ܘܡܿܢܘ ܥܠ ܦܬܟܪ̈ܐ ܕܒܟܠ ܕܘܟܐ. ܕܡܢ ܕܗܒܐ ܘܡܢ ܣܐܡܐ ܐܝܬܝܗܘܢ ܢܣܟܗܘܢ ܕܒܝܕ ܢܘܪܐ ܘܫܘܚܠܦܗܘܢ ܕܡܢ ܚܙܬܐ ܕܠܐ ܚܫܚܐ. ܠܚܫܬܐ ܡܝܬܪܬܐ ܕܠܒܢ̈ܝ ܐܢܫܐ ܣܒܪ ܘܕܡܬܢܣܟܝܢ ܐܠܗܝ̈ܗܘܢ ܒܒܙܚܐ ܘܠܒܨܝܪܘܬܐ ܕܘܝܐܝܬ ܠܡܢܘ̈ܢ ܡܢ̈ܘܢ ܡܬܦܣܩܼܝܢ݀ ܡܢܘ ܡܢ ܡܬܘܡ ܡܢ ܐܠܗ̈ܐ ܐܬܕܟܪ. ܘܐܝܟ ܟܝ ܐܝܬܝܗܘܢ ܗܘܐ ܫ̈ܩܠ ܛܥܢܐ ܕܗܠܝܢܕܠܐ ܥܕܪܘ ܗܝ̈ܟܠܝܗܘܢ ܟܕ ܡܬܥܩܪܝܢ ܡܢ ܒܢ̈ܝ ܐܢܫܐ. ܘܐܝܟܐ ܗܘܘ ܗܿܢܘܢ ܕܡܢ ܩܕܝܡ ܩܪ̈ܒܐ ܥܿܒܼܕܝܢ ܗܘܘ. ܕܒܒܝ̈ܫܬܐ ܕܝܠܗܘܢ ܠܥܩܘܪ̈ܐ ܕܝܠܗܘܢ ܚܿܙܼܝܢ. ܟܕ 78 ܐܝܬܝܗܘܢ ܒܫܝܢܐ ܥܡܝܩܐ ܘܬܕܡܪܘܬܐ ܕܝܠܗ ܕܡܠܬܐ ܗܕܐ ܗܝ. ܕܟܕ ܡܬܚܒܠܼܝܢ ܗܘܘ ܗܝ̈ܟܠܝܗܘܢ ܫܝܢܐ ܡܪܒܝܢܐ ܕܫܦܝܪ̈ܬܐ ܘܛܒܐ ܐܚܝܕ ܗܘܐ ܠܥܘܡܪܐ ܕܒܢ̈ܝ ܐܢܫܐ ܘܕܠܩܘܒܠܐ ܕܝܢ ܟܠܗܝܢ ܓܿܕܫܼܢ ܗܘܝ. ܟܕ ܒܫܝܢܐ ܐܝܬܝܗܘܢ ܗܘܘ ܐܠܗ̈ܐ. ܩܪ̈ܒܐ ܗܟܝܠ ܒܝܬ ܒܢ̈ܝ ܐܢܫܐ ܘܬܟܬܘܫܐ ܘܫܓܘܫܝܐ ܘܚܒܘܫܝܐ ܕܡܕܝ̈ܢܬܐ ܒܝܕ ܡܟܬܒܢܘܬܐ ܕܩܿܕܡܼܢ ܐܡܪܢ ܐܬܚܿܘܼܝ ܒܟܗܝܢܘܬܐ ܕܐܠܗ̈ܐ ܘܒܚܘܪܒܐ ܕܝܢ ܕܝܠܗܘܢ ܕܗܠܝܢ ܟܘܠܗ ܫܝܢܐ ܘܛܒ̈ܬܐ ܕܠܐ ܚܣܡ ܕܡܢ ܗܪܟܐ. ܓܠܝܐ ܗܝ ܠܟܠ ܡܢ ܕܡܬܚܫܒ ܕܠܐ ܗܘܐ ܐܠܗ̈ܐ ܗܘܘ. ܘܐܦ ܠܐ ܕܝ̈ܘܐ ܛܒ̈ܐ. ܐܠܐ ܒܝ̈ܐܫ ܕܠܩܘܒܠܐ. ܘܡܚܒ̈ܠܢܐ ܐܝܬܝܗܘܢ ܗܘܘ ܗܿܢܘܢ ܕܟܗܝܢܘܬܗܘܢ ܥܠܬܐ ܗܘܬ݀ ܕܒܝܫܼܬܐ ܕܒܢ̈ܝ ܐܢܫܐ. ܘܥܩܘܪܝܐ ܕܝܠܗܘܢ ܡܐܬܝܐ ܕܛܒ̈ܬܐ ܠܟܘܠ ܐܢܫ ܩܿܝܒܝܿ ܐܠܐ ܕܐܝܟܐܢ ܕܒܫܓܘܫܝܐ ܐܝܬܘܗܝ ܗܘܐ ܒܝܬ ܝܘܢ̈ܝܐ ܡܢ ܩܕܝܡ. ܘܐܕܝܢܐ ܥܡ̈ܡܐ ܕܒܟܠܗܿ ܐܪܥܐܡܫܬܓܫܝܢ ܗܘܘ ܐܝܟ ܕܒܙܥܘܪ̈ܝܬܐ ܝܕܥܝܢ ܀ ܀ ܀܀ ܦܐ. ܘܕܐܝܟܢܐ ܕܝܢ ܕܘܒܪ̈ܐ ܕܡܫܠܦ ܐܣܟܡܗܘܢ ܠܟܘܠܗ ܥܘܡܪܗܘܢ ܗܿܦܟܼܝܢ ܗܘܘ. ܡܢ ܗܡܟܐ [ܐܝܡܟܐ] ܫܠܝܛ ܕܢܬܒܝܢ ܠܐܓܒ̈ܛܝܐ ܓܝܪ ܢܡܘܣܐ ܐܝܬ ܗܘܐ ܕܢܣܒܘܢ ܒܢܫ̈ܐ ܐܚܘ̈ܬܗܘܢ ܘܠܦܪ̈ܣܝܐ ܕܢܫܬܘܬܦܘܢ ܥܡ ܐܡܗ̈ܬܗܘܢ ܫܘܬܦܘܬܐ ܕܥܘܠܐ ܘܕܪܫܥܐ. ܘܐܚܪ̈ܢܐ ܕܝܢ ܠܒܢ̈ܬܗܘܢ ܒܚܘܒܠܐ ܕܠܐ ܢܡܘܣ. ܡܛܢܦܝܢ ܗܘܘ݀ ܘܕܗܠܝܢ ܥܕܡܐ ܗܘ ܠܢܩܒܬܐ ܐܬܟܠܝ ܗܘܐ ܪܘܫܥܗܘܢ ܕܝܠܗܘܢ ܕܝܢ ܕܚܟܝܡ̈ܝ ܒܟܠ ܝܘܢ̈ܝܐ ܘܐܦ ܥܠ ܕܟܪ̈ܐ ܫܘܬܦܘܬܐ ܕܠܒܪ ܡܢ ܟܝܢܐ ܫܢܼܝܬ ܗܘܬ݀ ܐܠܐ ܘܐܦ ܒܩܒܘܪܝܐ [ܒܩܒܘܪܐ] ܡܢܗܘܢ ܗܕܐ ܒܐܪܥܐ ܢܟܣܘܢ ܡܣܬܒܪܐ ܗܘܬ ܕܟܐܢܐ ܘܠܐܚܪ̈ܢܐ ܗܕܐ ܕܠܢܘܪܐ ܢ݀ܫܠܼܡܘܢܿ ܘܐܚܪ̈ܢܐ ܕܝܢ ܗܠܝܢ ܐܝܟ ܕܪܫܥܐ ܐܢܝܢ ܐܪܦܝܘ ܐܢܝܢ ܘܠܟܠܒ̈ܐ ܘܠܛܝܪܐ ܡܝ̈ܬܝܗܘܢ ܣܝܡܼܝܢ ܗܘܘ. ܘܐܚܪ̈ܢܐ ܠܐܟܣ̈ܢܝܐ ܐܝܠܝܢ ܕܐܬܝܢ ܗܘܘ ܠܘܬܗܘܢ ܩܿܛܠܼܝܢ ܗܘܘ. ܘܐܚܪ̈ܢܐ ܕܝܢ ܐܦ ܡܢܗ ܕܒܣܪܐ ܕܒܢ̈ܝ ܐܢܫܐ ܛܿܥܡܼܝܢ ܗܘܘ. ܘܬܘܒ ܐܢܫܝܢ ܠܚܒܝ̈ܒܝܗܘܢ ܐܝܠܝܢ ܕܩܫܝܢ ܡܢ ܩܕܡ ܕܢܕܪܟ ܐܢܘܢ ܡܘܬܐ ܡܩܿܕܡܼܝܢ ܗܘܘ ܐܟܿܠܼܝܢ ܠܗܘܢ ܟܕ ܕܒܿܚܝܼܢ ܠܗܘܢ ܠܘܩܕܡ ܘܠܐܚܪ̈ܢܐ ܠܐܝܠܝܢ ܕܩܪܒܼܘ ܠܣܝܒܘܬܐ ܡܢ ܫܩܝܦܐ ܫܼ݀ܕܝܢ ܗܘܘ. ܘܐܚܪ̈ܢܐ ܠܪܒܘܝܩܬܐ ܡܫܿܠܡܼܝܢ ܗܘܘ. ܘܐܚܪ̈ܢܐ 79 ܠܟ̈ܠܒܐ ܪ̈ܡܝܢ ܗܘܘ ܠܗܘܢ ܟܕ ܚܿܝܼܝܢ. ܘܐܚܪ̈ܢܐ ܟܕ ܡܿܝܬܼܝܢ. ܘܐܚܪ̈ܢܐ ܩܿܒܪܝܢ ܗܘܘ ܥܡܗܘܢ ܘܐܚܪ̈ܢܐ ܥܠ ܢܘܪܐ ܩܿܛܠܼܝܢ ܗܘܘ ܠܚܝ̈ܐ ܗܿܢܘܢ ܕܪ̈ܚܡܼܝܢ ܗܘܘ ܗܿܢܘܢ ܕܡܼܝܬܘ܀ ܦܒ. ܗܟܢܐ ܗܟܝܠ ܟܘܠܗ ܓܢܣܐ ܕܒܢܝ̈ ܐܢܫܐ ܠܚܪܬܐ ܡܟܝܠ ܕܒܥܪܝܪܝܘܬܐ ܐܬܕܒܪ ܗܘܐ. ܘܗܼܘ ܕܐܝܬܘܗܝ ܗܘܐ ܡܠܝܠܐ. ܗܼܘܐ ܠܐ ܡܠܝܠܐ ܡܢ ܟܘܠ݀ ܘܠܝܬ ܗܘܐ ܐܚܪܢܐ ܡܢ ܗܿܢܘܢ ܕܥܠ ܐܪܥܐ. ܕܒܝܼܫ ܗܘܐ ܡܢ ܒܪ ܐܢܫܐ ܕܒܟܠܗܘܢ ܚܫ̈ܐ ܨܚ̈ܢܐ ܡܬܕܒܪ ܗܘ ܘܒܟܠܗ ܒܝܫܘܬܐ ܕܐܣܟ̈ܡܐ ܬܪܥܝܬܗ ܚܿܒܼܠ ܗܘܐ ܐܝܟܐ ܕܒܥܓܠ ܘܐܦ ܡܢܚܘܫܒܐ ܕܒܟܝܢܗ ܢܫܢܐ݀ ܘܠܐ ܗܿܢܝܢ ܕܢܦܫܗ ܘܠܐ ܗܿܢܝܢ ܕܦܓܪܗ. ܘܠܐ ܗܿܢܝܢ ܕܠܒ ܪܡܢ ܗ ܢܣܥܘܪ ܫܦܝܪ݀ ܐܠܐ ܒܝܼܫܬܐ ܥܠ ܒܝܫܼܬܐ ܒܟܘܠ ܕܘܟܐ ܢܚܫ. ܚܝܝ̈ܗܘܢ ܓܝܪ ܕܒܢ̈ܝ ܐܢܫܐ ܡܬܦܿܠܓܝܼܢ ܒܗܿܢܝܢ ܕܢܦܫܐ ܘܒܗܿܢܝܢ ܕܦܓܪܐ ܘܒܗܿܢܝܢ ܕܠܒܪ ܘܒܟܠ ܐܣܟ̈ܡܝܢ ܛܥܝܘܬܐ ܕܕܝ̈ܘܐ ܠܒܟܼܬ. ܘܠܥܘܡܪܐ ܕܒܢ̈ܝ ܐܢܫܐ ܚܿܒܠܼܬ ܗܘܬ. ܐܝܟܢܐ ܕܗܿܢܝܢ ܕܢܦܫܐ ܢܬܟܬܫܢ ܥܡܗܘܢ ܒܫܢܝܘܬܐ ܕܐܚܝܕܐ ܗܘܬ ܠܗܘܢ ܕܣܓܕܬܐ ܕܕ̈ܝܘܐ ܘܒܣܟܠܘܬܐ ܘܒܣܡܝܘܬܐ ܕܡܢ ܫܪܪܐ ܕܥܠܘܗܝ ܐܦ ܓܢܣܐ ܕܦܝܠܘܣ̈ܦܐ ܡܫܬܓܫ ܗܘܐ. ܘܗܠܝܢ ܕܦܓܪܐ ܒܕ̈ܒܚܐ ܕܒܢܗܝ ܐܢܫܐ ܕܒܟܠܗܿ ܐܪܥ ܘܬܘܒ ܒܣܘܥܪ̈ܢܐ ܣܪ̈ܝܚܐ ܘܕܠܐ ܢܡܘܣ ܘܒܚܘܒ̈ܠܐ ܕܠܒܪ ܡܢ ܟܝܢܐ ܘܗܿܢܝܢ ܕܠܒܪ ܡܢܗܘܢ ܒܗܕܐ ܕܡܕ̈ܝܢܬܐ ܘܕܘܟܝ̈ܬܐ. ܘܥܡ̈ܡܐ ܟܠܗܘܢ ܒܙܒܢ ܒܡܢ̈ܘܬܐ ܡܦܿܪܫܼܝܢ ܗܘܘ. ܘܒܙܒܢ ܟܕ ܡܬܟܿܢܫܼܝܢ ܗܘܘ ܠܘܩܒܠ ܚܕܕ̈ܐ. ܡܬܟܿܬܫܼܝܢ ܗܘܘ ܘܒܚܘܪܒܐ ܘܒܚܒܘܫܝܐ ܕܡܕ̈ܝܢܬܐ ܕܥܠ ܚܕܕ̈ܐ ܡܫܬܚܿܩܼܝܢ ܗܘܘ. ܘܙܥܘܪ ܗܘ ܠܝ ܢܘܓܪܗ ܕܝܘܡܐ. ܐܢ ܟܠܗܝܢ ܗܠܝܢ ܕܟܘܪܗܢܐ ܥܬܝܩܐ ܕܠܟܠܗ ܓܢܣܐ ܕܒܢ̈ܝ ܐܢܫܐ ܐܚܝܼܕ ܗܘܐ. ܐܫܿܬܥܐ ܕܡܛܠ ܗܕܐ ܝܬܝܪܐܝܬ ܐܠܗܐ ܦܪܘܩܐ ܐܝܟ ܕܠܗܿܢܘܢ ܕܫܕܝܼܢ ܠܚܪܬܐ ܕܒܝ̈ܫܬܐ ܘܐܣܝܘܬܐ ܘܥܘܕܪܢܐ ܠܐ ܗܘܐ ܐܚܪܢܐ ܐܠܐ ܒܝܕ ܕܢܚܐ. ܡܝܬܪܐ ܐܠܗܝܐ ܠܗܢܐ ܥܘܡܪܐ ܕܝܠܢ ܡܬܒܼ݁ܐ ܗܘܐ ܀ ܀ ܀܀ ܦܓ. ܡܢܐ ܗܟܝܠ ܒܬܪ ܗܠܝܢ ܠܗܿܘ ܡܠܬܐ ܐܒܘܗܘܢ ܕܡܠܝ̈ܠܐ ܕܢܣܥܘܪ ܙܕܩܼ ܗܘܐ. ܠܗܿܘ ܦܪܘܩܐ ܕܟܘܠ ܠܗܿܘ ܡܢܛܪܢܐ ܠܗܿܘ ܒܛܝܠܘܬܐ ܠܗܿܘ ܪܥܝܐ ܕܥܪ̈ܒܐ ܡ̈ܠܝܠܐ ܕܥܠ ܐܪܥܐ ܕܠܐܝܩܪܐ ܪܒܐ ܠܐܘܣܝܐ ܝܕܘܥܬܢܝܬܐ ܘܡܠܝܠܬܐ 80 ܕܒܒܢ̈ܝ ܐܢܫܐ ܐܣܩܼ݀ ܘܗܼܝ ܠܥܘܡܩܐ ܪܒܐ ܕܒܝ̈ܫܼܬܐ ܢܦܠܼܬ݀ ܘܕܗܼܘ ܒܐܝܕ̈ܝ ܢܦܫܗ ܥܠܬܐ ܕܐܒܕܢܗ ܥܠܘܗܝ ܢܓܼܕ ܠܗ݀ ܠܝܕܘܥܗ ܢܚܙܗ݀ ܘܗܕܐ ܗܝ ܟܝ ܫܦܝܪܐ ܕܢܥܒܪ ܐܢܫ ܥܠ ܦܘܪܩܢܐ ܕܚܒܝ̈ܒܘܗܝ ܘܢܗܡܐ ܡܢܗܘܢ ܕܠܐ ܚܘܣܢ ܟܕ ܗܟܢܐ ܐܒܿܕܝܼܢ ܗܿܢܘܢ ܕܠܒܛܝܠܘܬܐ ܥܠܝܬܐ ܕܡܢ ܠܘܬܗ ܫܘܼܘ. ܐܠܐ ܘܐܦܠܐ ܩܘܒܪܢܛܐ ܡܡܬܘܡ ܡܬܩܪܐ ܚܟܝܡܐ ܐܢ ܡܿܫܠܼܡ ܐܠܦܐ ܥܡ ܐܢܫܘܬܗ ܕܬܛܒܥ݀ ܟܕ ܗܼܘ ܡܢ ܠܘܬܗ ܡܕܡ ܠܦܘܪܩܢܐ ܕܗܿܢܘܢ ܕܪܕܝܢ ܗܘܘ݀ ܥܡܗ ܠܐ ܐܬܦܿܪܣܼ ܘܐܦܠܐ ܪܒ ܚܝܠܐ ܡܡܬܘܡ ܗܟܢܐ ܗܘܐ ܠܐ ܚܝܘܣܐ ܕܠܗܿܢܘܢ ܒܢ̈ܝ ܚܝܠܗ ܕܠܐ ܢܩܡܬܐ ܠܒܥܠܕܒܒ̈ܘܗܝ ܢܫܠܡ. ܘܐܦܠܐ ܪܥܝܐ ܛܒܐ ܡܢ ܗܿܘ ܥܪܒܐ ܕܛܥܐ ܡܢ ܥܢܗ ܕܠܐ ܚܫܐ ܡܗܡܐ ܐܠܐ ܠܗܠܝܢ ܕܫܟܝܚܼܝܢ ܘܒܕܘܟܬܐ ܙܗܝܪܬܐ ܐܝܬܝܗܘܢ ܡܪܦܐ ܘܡܛܠ ܫܟܚܬܐ ܕܗܿܘ ܕܛܥܐ ܟܘܠ ܡܕܡ ܚܿܐܫ. ܘܐܢ ܘܠܐ ܕܐܦ ܥܡ ܚܝ̈ܘܬܐ ܒܥܪܝܪܝܬܐ ܡܬܟܬܫ ܐܠܐ ܠܐ ܗܘܐ ܕܥܪ̈ܒܐ ܕܠܐ ܡܠܬܐ ܐܝܬܝܗܿ ܗܘܬ ܒܛܝܠܘܬܗܿ ܕܡܠܬܐ. ܦܪܘܩܐ݀ ܕܗܿܘ ܟܠ ܡܕܡ ܡܛܠ ܚܝܠܘܬܐ ܡܠܝܠܬܐ ܐܬܛܝܒ݀ ܒܪ ܐܢܫܐ ܗܘܐ ܝܪ ܕܝܠܗ ܡܢ ܚܝ̈ܘܬܐ ܕܥܠ ܐܪܥܐ ܪܚܝܡ ܠܐܠܗܐ ܘܒܪ ܐܢܫܐ ܗܘ ܕܠܗ ܐܦ ܓܢܣܐ ܕܚܝ̈ܘܬܐ ܕܠܐ ܡܠܬܐ ܕܢܫܬܥܒܕܘܢ ܐܝܟ ܐܒܐ ܐܫܠܡ. ܘܒܪ ܐܢܫܐ ܗܘ ܕܠܗ ܐܦ ܡܪܕܝܬܐ ܕܝܡܐ ܝܗܼܒ. ܘܐܪܥܐ ܒܟܘܠ ܢܨܒ̈ܬܐ ܨܿܒܼܬ݀ ܗܿܘ ܕܠܗ ܐܦ ܗܼܢܘܢ ܓܢ̈ܣܐ ܣܝ̈ܚܐ ܕܒܥܘܡܩܐ ܟܣܝܐ ܘܦܪܚܬܐ ܕܒܪܘܡܐ ܬܚܝܬ ܐܝܕܗ ܥܿܒܕ ܘܒܪ ܐܢܫܐ ܗܘ ܕܠܗ ܚܝܠܐ ܕܝܕܥܬܐ ܠܡܩܒܠܢܘܬܐ ܕܟܘܠ ܓܢܣ ܕܝܘܠܦܢܐ ܝܗܒ݀ ܘܠܗ ܐܦ ܚܙܘ̈ܢܐ ܕܒܡܫܝܐ ܓܠܐ ܘܪ̈ܗܛܘܗܝ ܕܫܡܫܐ ܘܫܘ̈ܚܠܦܘܗܝ ܕܣܗܪܐ ܘܡܪܕܝܬܗܘܢ ܕܟܘܟ̈ܒܐ ܕܛܥܝܢ ܘܕܠܐ ܛܥܝܢ ܓܠܐ ܀ ܀ ܀܀ ܦܕ. ܡܢܐ ܗܟܝܠ ܒܬܪ ܗܠܝܢ ܘܿܠܐ ܗܘܐ ܕܢܗܘܐ ܚܓܝܪ ܫܩܠ݀ ܛܥܢܗ ܕܐܒܐ ܘܗܘܬ ܦܫܝܓܐ ܒܛܝܠܘܬܐ ܕܥܠ ܟܘܠ ܠܘܬ ܐܣܝܘܬܐ ܕܐܘܣܝܐ. ܡܠܝܠܬܐ ܕܒܒܢ̈ܝ ܐܢܫܐ. ܕܕܗܿܢܝܢ ܐܚܪ̈ܢܝܬܐ ܕܦܓܪܐ ܘܕܗܢܐ ܥܠܡܐ ܡܬܪܓܫܢܐ ܬܪܝܨܐܝܬ ܒܛܝܠ ܠܗ݀ ܘܟܘܠ ܓܢ̈ܣܢܝ ܕܣܝܒܪ̈ܬܐ ܠܒܢ̈ܝ ܐܢܫܐ. ܘܟܡܘܠ ܓܢܣ ܕܐܣܝܘܬܐ ܘܕܚܘܠܡܢܐ ܕܦܓܪܐ ܘܪܒܘܬܐ ܘܚܝܠܐ݀ ܘܫܘܦܪܐ ܘܥܘܬܪܐ ܘܦܘܢܩ̈ܐ ܘܫܘܪ̈ܬܚܐ ܕܩܢܝܢܐ ܠܚܘܫܚܐ ܝܗܒ݀ ܘܒܗܿܢܝܢ ܕܡܝܬܪܢ ܒܒܢ̈ܝ ܐܢܫܐ. ܘܒܗܿ ܒܢܦܫܗܘܢ 81 ܘܒܗܿ ܒܐܘܣܝܐ ܝܕܘܥܬܢܝܬܐ ܕܐܣܟܠܘ. ܐܦܠܐ ܚܕܐ ܒܛܝܠܘܬܐ ܢܥܒܕ ܐܠܐ ܗܟܢܐ ܕܡܝܐܝܬ. ܥܕܠ ܐܢܫ ܠܢܫܝܫܘܬܐ. ܝܬܝܪܐܝܬ ܠܐ ܠܗܿܘ ܥܪܒܐ ܕܛܥܐ ܡܢ ܥܢܐ. ܐܠܐ ܠܡܗܡܝܢܘܬܐ ܕܪܥܝܐ ܘܐܦ ܠܐ ܬܘܒ ܝܬܝܪܐܝܬ ܠܗܿܢܘܢ ܕܟܪ̈ܝܗܝܢ ܒܢܦܫܗܘܢ ܘܒܝܫܐܝܬ ܐܝܬܝܗܘܢܿ ܐܠܐ ܠܒܣܝܢܐ ܘܠܢܫܝܫܝܘܬܐ ܕܐܣܝܐ ܐܢ ܗܼܘ ܕܟܠ ܓܢܣ̈ܢܝܢ [ܓܢܣ̈ܝܢ] ܕܣܡܡ̈ܢܐ ܕܐܣܝܘܬܐ ܘܕܥܘܕܪܢܐ ܠܐ ܢܬܠ ܠܗܿܢܘܢ ܕܣܢܝܩܝܢ݀ ܘܡܕܝܢ ܟܠܗ ܩܛܝܪܐ ܩܪܐ ܗܘܐ ܠܗ ܠܡܢܛܪܢܐ ܘܕܦܪܘܩܐ ܕܟܠ ܠܐܣܝܘܬܐ ܕܥܪ̈ܒܐ ܕܝܠܗ ܀ ܀ ܀܀ ܦܗ. ܕܡܝܐܝܬ ܗܟܝܠ ܗܘ ܡܪܚܡܢܐ ܡܠܬܗ ܕܐܠܗܐ ܐܝܟ ܪܥܝܐ ܛܒܐ ܘܦܪܘܩܐ ܘܡܢܛܪܢܐ. ܟܕ ܒܝܼܫ ܒܝܼܫ ܐܝܬܝܗܿ ܗܘܬ ܪܡܟܗ ܡܠܝܠܬܐ ܕܥܠ ܐܪܥܐ ܓܠܝܐܝܬ ܐܫܘܼܝ ܕܢܥܒܕ ܕܢܚܗ ܐܠܗܝܐ. ܟܕ ܗܐ ܘܐܦ ܠܐ ܚܕ ܙܒܢܐ ܡܬܘܡ ܐܥܒܼܪ ܕܠܐ ܒܗ ܗܿܢܝܢ ܕܒܛܝܠܘܬܐ ܕܝܠܗ ܒܦܘܪܢܣܐ ܕܟܠ ܓܢܣ. ܕܛܒ̈ܬܐ ܠܗܿܢܘܢ ܕܣܢܝܩܝܢ ܡܡܿܠܐܼ ܗܘܐ. ܒܟܠܙܒܢ ܗܟܝܠ ܡܢ ܡܬܘܡܘܗܝ ܕܟܠ ܥܠܡ. ܒܗܿܢܝܢ ܕܐܪܥܐ ܚܿܐܪ ܗܘܐ. ܘܣܿܥܼܪ ܗܘܐ ܘܒܙܒܢ̈ܐ ܕܡܬܒܥܝܢ ܦܘܪ̈ܢܣܐ ܕܡܢ ܠܘܬܗ ܕܠܐ ܚܣܡ. ܝܿܗܒܼ ܗܘܐ ܘܕܠܐ ܥܕܠܝ ܠܟܠ ܐܢܫ ܫܩܠ ܛܥܢܐ ܕܒܛܝܠܘܬܗ ܕܥܠ ܒܢ̈ܝ ܐܢܫܐ ܡܿܚܘܼܐ ܗܘܐ. ܗܟܢܐ ܕܐܦ ܒܓܠܝܢܐ ܕܡܠܐܟ̈ܐ ܘܒܩܝܘ̈ܡܐ ܡܫܡܫ̈ܢܐ ܩܕ̈ܝܫܐ ܕܐܠܗܐ݀ ܠܗܿܢܘܢ ܕܫ݀ܘܼܝܢ ܗܘܘ ܒܒܢ̈ܝ ܐܢܫܐ ܡܕܪܫܼ ܗܘܐ݀ ܘܒܢܒܝܘܬܐ ܘܒܥܢ̈ܝܢܐ ܐܠܗܘܬܗ ܕܐܒܘܗܝ ܘܥܘܡܪܐ ܕܒܡܝܬܪܘܬܐ ܠܗܿܢܘܢ ܕܡܫܟܚܝܢ ܗܘܘ ܕܒܐܪܙܐ ܕܣܓܕܬܐ ܕܐܠܗܐ ܢܬܪܕܘܢܿ ܡܣܒܪ ܗܘܐ. ܘܒܗܿܘ ܙܒܢܐ ܟܕ ܠܐܒܗ̈ܬܢ ܐܝܟ ܕܠܗܿܢܘܢ ܕܥܕܟܝܠ ܫܒܪ̈ܝܢ ܘܠܐ ܡܢܣܝܢ ܒܒܝ̈ܫܬܐ ܡܪܕܘܬܐ ܕܡܢܗ ܝܿܗܒܼ ܗܘܐ ܀ ܀ ܀܀ ܦܘ. ܡܛܠ ܕܝܢ ܕܒܗܦܘܟܝܐ ܕܠܐ ܫܦܝܪ ܡܢ ܚܐܪܘܬܗܘܢ ܘܡܢ ܬܪܥܝܬܐ ܕܨܒܝܢܗܘܢ ܩܡܼܘ. ܘܡܢ ܥܘܡܪܐ ܕܡܝܬܪܘܬܐ ܠܒܝ̈ܫܼܬܐ ܢܦܠܼܘ ܕܡܝܐܝܬ ܐܝܟ ܐܣܝܐ ܕܢܦܫ̈ܬܐ. ܗܼܘ ܬܘܒ ܡܠܬܗ ܕܐܠܗܐ ܠܗܿܢܘܢ ܕܗܢܐ ܟܘܪܗܢܐ ܣܿܝܼܒܪܘ ܒܥܘܕܪ̈ܢܐ ܕܦܚܡܝܢ ܡܬܢܩܡ ܗܘܐ. ܒܣܡ̈ܡܢܐ ܡܪܝܪܐ ܠܗܿܢܘܢ ܕܒܡܘܗܒܬܗ ܠܐ ܐܬܝܼܬܪܘ ܡܗܦܟ ܗܘܐ. ܗܠܝܢ ܗܟܝܠ ܟܐܒ̈ܐ ܩܫ̈ܝܐ ܕܒܝܼ̈ܫܬܐ ܒܡܘ̈ܬܢܐ ܘܒܟ̈ܦܢܐ ܘܒܩܪ̈ܒܐ ܘܒܝܩܕ̈ܢܐ ܘܒܛܘ̈ܦܢܐ ܡܬܢܿܩܼܡ ܗܘܐ. ܘܗܟܢܐ ܠܗܢܘܢ 82 ܕܗܠܝܢ ܡܬܒܥܝܢ ܗܘܝ ܠܗܘܢܿ ܠܘܬܗ ܡܦܢܐ ܗܘܐ ܘܒܙܒܢ ܠܟܘܠ ܟܠܗ ܥܘܡܪܐ ܕܒܝ ܗܘܐ. ܒܐܒܕܢܐ ܕܡܝ̈ܐ ܘܒܙܒܢ ܒܡܛܪ̈ܐ ܣܓܝ̈ܐܐ ܕܒܕ̈ܘܟܝܬܐ ܘܒܡܚܘ̈ܬܐ ܕܒܪ̈ܩܐ ܘܒܟܘ̈ܝܐ ܘܒܓܠܝܙܘܬ ܕܡܛܪ̈ܐ ܒܪܫܐ ܕܪ̈ܫܝܥܐ ܣܿܐܡܼ ܗܘܐ. ܘܬܘܒ ܕܝܢ ܒܡܝܬܪܘܬܐ ܕܡܪܚܡܢܘܬܗ ܒܗܘܢ ܒܥܒܕ̈ܐ ܡܟܣܢܘܬܐ ܘܡܠܦܢܘܬܐ ܡܫܪܪ ܗܘܐ ܥܠ ܛܥܝܘܬܐ ܕܕ̈ܝܘܐ. ܘܗܝ̈ܟܠܐ ܕܝܠܗܘܢ ܕܐܠܗ̈ܐ ܗܿܢܘܢ ܕܡܣܬܒܪܝܢ ܗܘܘ. ܘܚܘ̈ܓܒܐ ܥܡܗܘܢ ܕܨܠܡ̈ܐ ܘܕܕ̈ܝܘܐ ܒܐܒܕܢܐ ܕܡܚ̈ܘܬܐ ܕܒܪ̈ܩܐ ܡܚܿܒܼܠ ܗܘܐ ܘܗܟܢܐ ܡܢܟܦ ܗܘܐ ܠܗܿܢܘܢ ܣܟ̈ܠܐ. ܘܠܐ ܗܘܐ ܒܠܚܘܕ. ܐܠܐ ܡܠܦ ܗܘܐ ܕܒܚܘܫܒܐ ܢܦܪܫܘܢ ܕܠܐ ܡܢ ܡܬܘܡ ܐܝܬܝܗܘܢ ܐܠܗ̈ܐ ܗܿܢܘܢ ܕܐܦܠܐ ܕܢܣܝܥܘܢ ܢܦܫܗܘܢ ܡܫܟܚܝܢ ܘܐܦܠܐ ܒܢ̈ܝ ܒܬܐ ܕܐܠܗܐ ܡܿܠܟܐ ܕܟܠ ܐܝܬܝܗܘܢܿ ܐܘ ܪ̈ܚܡܐ ܗܿܢܘܢ ܕܗܼܘ ܡܩܪܒ ܥܡܗܘܢܿ ܐܝܟܢܐ ܓܝ ܗܿܘ ܥܠܬܐ ܕܟܠܗܝܢ ܛܒ̈ܬܐ. ܠܐܒܕܢܐ ܕܒܝܕ ܢܘܪܐ ܕܝܠܗ ܡܿܫܠܼܡ. ܗܘܐ ܠܗܝ̈ܟܠܐ ܗܿܢܘܢ ܕܠܐܝܩܪܗ ܒܢܼܝܢ ܗܘܘ. ܐܠܘ ܠܐ ܠܡܟܣܢܘܬܐ ܕܛܝܥܘܬܐ ܕܝܠܗܘܢܿ ܗܠܝܢ ܣܿܥܼܪ ܗܘܐ. ܐܢ ܓܝܪ ܨܿܒܐ ܗܘܐ ܕܕܝ̈ܘܐ ܗܿܢܘܢ ܕܒܗܘܢ ܥܡܪܝܢ ܢܬܝܩܪܘܢܿ ܡܛܠ ܡܢܐ ܗܝ̈ܟܠܝܗܘܢ ܕܗܠܝܢ ܥܡܗܘܢ ܕܦܬܟܪ̈ܐ ܡܚܿܒܼܠ ܗܘܐ ܡܢ ܠܥܠ ܡܢ ܪܘܡܐ ܒܓܐܪ̈ܐ ܕܡܢ ܐܠܗܐ ܡܫܬܕܪܝܢ ܠܗܿܢܘܢ ܒܕܗܘܢ ܥܿܡܼܪܝܢ ܠܪܘܩܚܐ ܛ݀ܪܕ ܗܘܐ ܘܡܠܝܐܝܬ ܒܗܕܐ ܡܿܟܼܪܙ ܗܘܐ ܒܗܘܢ ܒܥܒܕ̈ܐ ܒܡܫܡܥܬܐ ܕܟܠ ܐܢܫ ܟܕ ܩܿܥܐ ܕܫܬܘܩܘ ܡܢ ܛܥܝܘܬܐ ܕܕܝ̈ܘܐ. ܘܕܐܠܗ̈ܐ ܣܓܝ̈ܐܐ ܘܒܗܘ ܡܪܐ ܕܫܡܝܐ ܘܕܐܪܥܐ. ܘܕܟܠܗ ܥܠܡܐ ܕܐܝܬܘܗ ܝܐܠܗܐ ܐܘܕܘ ܒܗܿܘ ܦܪܘܩܐ ܒܗܿܘ ܡܬܪܣܝܢܐ ܒܗܿܘ ܡܢܛܪܢܐ ܗܿܘ ܕܒܗܝܢ ܒܥܝ̈ܢܝܗܘܢ ܚܿܙܼܝܢ ܗܘܘ ܒܙܒܢ ܟܕ ܒܦܘܪ̈ܢܣܐ ܕܡܛܪܐ ܕܒܙܒܢܗܘܢ ܘܒܦܐܪ̈ܐ ܛܥܝ̈ܢܝ ܟܘܠ ܕܡܢ ܐܪܥܐ ܘܒܥܘܬܪܐ ܘܒܒܘܣܡܐ ܕܠܐ ܚܣܡ ܒܛܝܠܘܬܗ ܕܥܠܝܗܘܢ ܓܠܝܐܝܬ ܡܚܿܘܼܐ ܗܘܐ. ܘܒܙܒܢ ܕܝܢ ܒܡܚܘ̈ܬܐ ܕܡܢ ܐܠܗܐ ܡܫܬܕܪܢ ܘܒܗܿܢܝܢ ܡܪ̈ܕܘܬܐ ܕܡܢ ܠܘܬܗ ܐܝܟ ܕܒܥܪ̈ܩܐ ܡܗܦܟ ܗܘܐ. ܠܗܿܢܘܢ ܕܒܛܒ̈ܬܐ ܕܡܢ ܠܘܬܗ ܡܬܦܪܢܣܢ ܠܐ ܡܪܓܫܼܝܢ ܗܘܘ. ܘܠܐ ܗܘܐ ܒܠܚܘܕ ܐܠܐ ܐܦ ܒܬܟܝܒܘܬܐ ܕܒܪ̈ܩܐ ܘܕܝܩܕ̈ܢܐ ܕܥܠܝܗܘܢ ܕܗܼܢܘܢ ܕܣܒܪܝܢ ܗܘܘ ܕܐܠܗ̈ܐ ܐܢܘܢ ܠܛܥܝܘܬܐ ܕܝܠܗܘܢܐ ܡܐܣܐ ܗܘܐ. ܗܟܢܐ ܕܐܦ ܒܝܕ ܒܡܐܢ̈ܐ ܕܒܢ̈ܝ ܐܢܫܐ ܝܿܩܕܝܼܢ ܗܘܘ. ܗܝ̈ܟܠܐ ܕܐܠܗ̈ܐ 83 ܥܡܗܘܢ ܕܗܿܢܘܢ ܕܥܿܒܕܝܼܢ ܗܘܘ ܠܗܘܢ ܐܠܗ̈ܐ ܘܓܠܝܐܝܬ ܡܟܣܢܘܬܐ ܕܛܥܝܘܬܗܘܢ ܠܗܿܢܘܢ ܕܚܿܙܼܝܢ ܡܚܿܘܼܝܢ ܗܘܘ. ܐܠܐ ܩܕ̈ܡܝܬܐ ܟܕ ܚܿܙܝܼܢ ܗܘܘ ܗܠܝܢ ܗܿܢܘܢ ܣܓܕ̈ܝ ܠܐܠܗ̈ܐ ܠܐ ܡܕܡ ܝܬܝܪ ܐܝܬ ܗܘܐ ܠܗܘܢ ܠܘܬ ܬܘܪܨܐ ܕܝܠܗ ܕܪܘܫܥܗܘܢ܀ ܀ ܀܀ ܦܙ. ܘܬܘ ܒܕܝܢ ܐܦ ܟܕ ܠܗܘܢ ܠܐܠܗ̈ܐ ܡܗܿܝܡܢܼܝܢ ܗܘܘ ܕܒܝܕ ܩܨܡ̈ܐ ܡܿܘܼܕܝܢ ܗܘܘ ܕܠܐ ܡܕܡ ܡܫܟܚܝܢ ܗܘܘ ܕܢܥܒܕܘܢ ܠܒܪ ܡܢ ܗܠܝܢ ܕܚܠܝܩܼܿܢ. ܚܠܩܐ ܓܝܪ ܐܝܬܘܗܝ ܥܠܬܐ ܕܟܘܠ ܡܕܡ ܠܐ ܐܣܿܬܟܠܼܘ ܘܠܐ ܐܬܚܿܫܒܼܘ. ܕܡܛܠ ܕܐܚܝܕ ܗܘܐ ܠܗܘܢ ܚܠܩܐ ܘܐܦ ܠܗܘܢ ܠܐܠܗ̈ܐ ܣܪܝܩ ܗܘܐ ܣܒܪܐ ܕܥܠܝܗܘܢܿ ܕܡܕܡ ܠܒܢ̈ܝ ܐܢܫܐ ܠܐ ܕܢܥܕܪܘܢ ܘܠܐ ܕܢܥܝܩܘܢ ܡܫܟܚܝܢ ܘܒܠܚܘܕ ܟܝ ܐܢ ܘܠܐ ܠܗ ܠܚܠܩܐ ܐܝܟܢܐ ܕܕܟܠ ܡܕܡ ܗܼܘܝܘ ܥܠܬܐ ܕܢܝܩܪܘܢ ܙܕܩ ܗܘܐ. ܒܪܡ ܕܝܢ ܘܐܦ ܠܗܢܐ ܕܩܛܝܪܐ ܗܘ ܕܠܐ ܡܫܬܚܠܼܦ݀ ܐܦ ܠܐ ܫܘܠܛܢܐ ܕܢܦܫܗ ܐܝܬ ܗܠ. ܐܠܐ ܠܗܿܘ ܕܡܪܐ ܗܘ ܕܗܢ ܘܐܦ ܕܟܠ ܡܕܡ ܢܕܥܘܢܿ ܒܙܒܢ ܟܕ ܒܦܪܘܢܣܐ ܕܟܠ ܓܢܣ ܕܛܒ̈ܬܐ ܝܕܥܬܐ ܕܝܠܗ ܡܚܿܘܼܐ ܗܘܐ. ܘܒܙܒܢ ܠܛܥܝܘܬܐ ܕܐܠܗ̈ܐ ܣܓܝ̈ܐܐ ܘܕܕܝܘܐ ܒܝܕ ܦܩ̈ܥ ܘܒܪ̈ܩܐ ܡܟܣ ܗܘܐ݀ ܡܢ ܕܘܟܬܗ ܕܝܢ ܡܟܬܒܢܘܬܐ ܗܘ ܗܝܟܠܐ ܕܒܕܠܦܘܣ ܕܦܝܬܝܘܣ ܗܿܘ ܕܡܬܟܪܙ ܗܘܐ ܠܘܩܕܡ ܚܕܐ ܙܒܢ ܝܩܕܢܐ ܣܝܒܪ. ܘܗܼܢܘܢ ܕܝܢ ܟܕ ܡܩܘܝܢ ܒܛܥܝܘܬܗܘܢ ܐܦ ܕܬܪܬܝܢ ܙܒ̈ܢܝܢ ܐܩܝܡܘܗܝ ܘܐܠܗܐ ܕܬܪܬܝܢ ܙܒ̈ܢܝܢ ܚܒܠܗ. ܘܗܼܢܘܢ ܐܦ ܕܬܠܬ ܙܒ̈ܢܝܢ ܚܕܬܘܗܝ ܘܗܼܘ ܬܘܒ ܠܐ ܠܗܝܟܠܐ ܐܠܐ ܠܗܿܘ ܕܝܘܐ ܕܥܡܪ ܗܘ.ܐ ܒܬܘܢܗ ܡܠܝܐܝܬܗ ܛܪܕ ܡܢ ܕܘܟܬܗ ܒܝܕ ܕܢܚܗ ܐܠܗܝܐ. ܐܝܟܐܢ ܕܬܘܒ ܗܫܐ ܠܐ ܢܗܘܐ ܗܘ ܒܝܬ ܩܨܡܐ. ܘܠܐ ܢܣܥܘܪ ܬܡܢ ܗܿܘ ܕܡܢ ܩܕܝܡ ܠܝܘ̈ܢܝܐ ܡܿܛܥܼܐ ܗܘܐ ܀܀ ܀܀ ܦܚ. ܘܗܼܘ ܗܝܟܠܐ ܕܐܪܛܡܝܣ ܕܒܐܦܣܘܣ ܬܠܬ ܙܒܢ̈ܝܢ ܐܬܼܐ ܠܚܘܪܒܐ ܒܙܒܢ ܟܕ ܐܘܩܕܝܗܝ ܐܡܙ̈ܘܢܣ. ܘܒܙܒܢ ܡܢ ܗܪܘܕܘܕܣ ܚܕ ܡܢ ܗܿܢܘܢ ܕܥܡܪܝܢ ܒܐܦܣܘܣ. ܘܠܚܪܬܐ ܡܢܗ ܕܐܠܗܐ ܕܥܠ ܟܠ ܐܝܟܢܐ ܕܗܫܐ ܒܙܒܢ ܒܬܪ ܕܢܚܗ ܕܦܪܘܩܢ݀ ܠܐ ܡܕܡ ܝܬܝܪ ܘܐܦܠܐ ܬܡܢ ܐܠܐ ܢܝܫܐ ܪܒܐ ܕܙܟܘܬܐ ܕܚܘܪܒܐ ܢܬܚܐ. ܀܀ ܀܀ 84 ܦܛ. ܘܐܦ ܒܐܪܓܘܣ ܕܝܢ ܗܝܟܠܐ ܕܗܐܪܐ ܕܐܬܚܿܒܼܠ ܒܙܒܢ ܒܝܕ ܢܘܪܐ ܡܬܥܗܕܝܢ. ܘܐܦ ܗܿܘ ܕܒܐܒܘܣ ܗܘ ܗܟܢܐ. ܟܕ ܐܬܘ ܬܝܒ̈ܝܐ ܘܐܘܩܕܘܗܝ. ܘܐܘܩܕܘ ܥܡܗ ܐܢܫܐ ܚܡܫܡܐܐ. ܀܀ ܀܀ ܀܀ ܨ. ܐܠܐ ܘܐܦ ܗܿܘ ܨܠܡܐ ܕܒܐܠܘܡܦܝܐ ܕܕܝܘܣ ܕܒܪܩܐ ܒܙܒܢ ܡܚܝܗܝ ܡܬܐܡܪ ܀܀ ܀܀ ܨܐ. ܐܝܟܢܐ ܕܐܦ ܗܿܘ ܕܒܪܗܘܡܐ ܗܝܟܠܐ ܕܗܣܛܝܐ ܗܘ ܕܡܬܩܪܐ ܕܟܠ ܐܠܗ. ܟܕ ܐܟܚܕܐ ܐܠܗ̈ܐ ܐܝܟ ܕܕܡܝܐ ܬܡܢ ܥܡ ܚܕܕ̈ܐ ܟܢܝܫܼܝܢ ܗܘܘ. ܕܒܒܪܩܐ ܬܘܒ ܐܬܚܿܒܼܠ݀ ܡܟܬܒܢܘܬܐ ܕܪ̈ܗܘܡܝܐ ܡܠܦܐ ܀܀ ܀܀ ܨܒ. ܘܬܘܒ ܒܙܒܢ ܒܗܿܘ ܕܡܬܩܪܐ ܠܘܬܗܘܢ ܩܦܝܛܘܠܝܣ ܦܩܥܐ ܡܢ ܠܥܠ ܡܢ ܫܡܝܐ ܢܦܼܠ݀ ܘܠܗܿܘ ܒܝܬ ܟܘܠ ܗܝ̈ܟܠܝܢ ܚܿܒܠܗ ܀܀ ܀܀ ܨܓ. ܘܒܗܠܝܢ ܗܟܝܠ ܟܠܗܝܢ ܡܪ̈ܕܘܬܐ ܗܘ ܒܛܝܠܘܬܐ ܕܥ ܟܘܠ ܡܠܬܗ ܕܐܠܗܐ ܠܗܿܢܘܢ ܒܢ̈ܝ ܐܢܫܐ ܣܓܕ̈ܝ ܠܕ̈ܝܘܐ ܡܢ ܟܠ ܥܠܡ ܡܢܟܦ ܗܘܐ݀ ܘܠܐ ܗܘܐ ܒܠܚܘܕ ܐܠܐ ܕܫܒܚܘܢ ܠܐܒܘܗܝ ܐܦ ܡܢ ܩܕܝܡ ܒܝܘ̈ܠܦܢܐ ܕܙܕܩܝܢ ܐܠܗܐ ܪܕܐ ܗܘܐ. ܘܡܠܦܢܘܬܐ ܕܡܒܥܕܐ ܠܥܘܡܪܐ ܘܢܡܘ̈ܣܐ ܐܠܗ̈ܝܐ ܘܡ̈ܠܐ ܕܟܐܢܘܬܐ ܒܕܡܘܬ ܥܣ̈ܒܐ ܕܛܒ̈ܬܐ ܘܣܡ̈ܡܢܐ ܕܦܘܪܩܢܐ ܕܢܦܫ̈ܬܐ ܡܠܝ̈ܠܬܐ ܒܓܢܣܐ ܡܝܘܬܐ ܐܪܡܝ ܗܘܐ. ܗܟܢܐ ܗܟܝܠ ܡܢ ܩܕܝܡ ܒܝܕ ܢܒܝ̈ܐ ܕܠܘܬ ܥܒܪ̈ܝܐ ܐܢܫܐ ܡܫܘܬܦ̈ܝ ܒܪܘܚܐ ܐܠܗܝܬܐ. ܘܬܘܒ ܒܥܘܬܩܐ ܡܢ ܩܕܝܡ ܒܝܕ ܐܚܪ̈ܢܐ ܪ̈ܚܡܝ ܠܐܠܗܐ. ܘܬܘܒ ܒܬܪ ܗܠܝܢ ܒܝܕ ܗܿܢܘܢ ܕܒܬܪܟܢ ܠܒܝܫܝ ܐܠܗܘܬܐ ܠܐܣܝܘܬܐ ܕܝܠܗܘܢ ܩܿܪܐ ܗܘܐ ܠܗܿܢܘܢ ܕܫܕܝܢ ܗܘܘ ܠܡܘܬܐ ܘܫܘܪܝܐ ܕܢܡܘ̈ܣܐ ܐܠܗ̈ܝܐ ܘܕܡܪܬܝܢܘܬܐ ܡܦܬܟܬܐ ܘܕܝ̈ܘܠܦܢܐ ܕܟܠ ܓܢܣ ܘܕܡ̈ܠܐ ܡܩܕ̈ܡܬܐ ܘܕܢܒܝܘܬܐ ܕܡܕܡ ܕܥܬܝܕ ܘܚܘܒܐ ܕܥܘܡܪܐ ܕܣܓܕܬܐ ܕܐܠܗܐ ܒܢܦܫ̈ܬܐ ܕܒܢ̈ܝ ܐܢܫܐ ܙܪܥ ܗܘܐ. ܕܡܢ ܗܪܟܐ ܐܝܟ ܕܡܢ ܡܒܘܥܐ ܡܟܝܠ ܘܐܦ ܒܟܠܗܝܢ ܡܢܘܬܗܿ ܕܒܪܝܬܐ ܗܠܝܢ ܙܪ̈ܥܐ ܘܕܘܒܪ̈ܐ ܡ̈ܠܝܠܐ ܣܿܘܚܼܝܢ ܗܘܘ. ܘܡܟܝܠ ܢܡܘ̈ܣܐ ܘܣܝ̈ܡܝ ܢܡܘ̈ܣܐ ܠܘܬ ܟܠܗܘܢ ܥܡ̈ܡܐ ܡܬܚܙܼܝܢ ܗܘܘ. ܘܫܡܐ ܕܡܝܬܪܘܬܐ ܘܕܦܝܠܘܣܦܘܬܐ ܠܘܬ ܒܢ̈ܝ ܐܢܫܐ ܡܬܝܕܥ ܗܘܐ. ܘܚܘܒܐ ܐܝܬܘܗܝ ܗܘܐ ܕܫܦܝܪ̈ܬܐ ܘܒܥܬܐ ܕܫܟܚܬܗ 85 ܕܫܪܪܐ݀ ܠܘܬ ܣܓܝ̈ܐܐ ܡܬܬܙܝܥ ܗܘܬ. ܗܟܡܢܐ ܕܐܦ ܒܒܘܣܪܢܐ ܒܨܝܪܐ ܐܝܬ ܗܘܐ ܕܛܥܝܘܬܐ ܕܐܒܗܝ̈ܗܘܢܿ ܘܗܼܢܝܢ ܕܣܓܕܬܐ ܕܪܚܡܬ ܐܠܗܐ ܠܘܬ ܝܕ̈ܘܥܐ ܡܣܬܒܪܢ ܗܘܝ. ܘܫܪܪܐ ܡܬܒܥܐ ܗܘܐ. ܘܣܓܝ ܗܘܐ ܕܝܢ ܦܘܪܫܢܐ ܕܥܠ ܗܕܐ ܠܘܬ ܣܓܝ̈ܐܐ ܘܬܟ̈ܬܘܫܐ ܘܣܕ̈ܩܐ ܕܗܢܿܘܢ ܕܥܠ ܝܘܠܦܢ̈ܐ ܡܬܚܼܪܝܢ ܗܘܘ݀ ܘܗܟܐ ܗܿܢܝܢ ܕܒܛܝܠܘܬܐ ܕܥܠ ܒܢ̈ܝ ܐܢܫܐ ܣܘܓܐܐ ܡܢ ܟܘܠ ܥܠܡ. ܫܩܠ ܛܥܢܐ ܕܙܕܩ ܠܟܠ ܐܢܫ ܘܕܦܚܡ ܡܚܘܝܐ ܗܘܬ. ܀܀ ܀܀ ܀܀ ܨܕ. ܡܛܠ ܗܟܝܠ ܕܪܒ ܗܘܐ ܡܟܝܠ ܗܿܘ ܫܘܚܠܦܐ ܕܠܡܝܬܪܘܬܐ ܒܟܠ ܐܢܫ ܕܐܫܬܝܢ ܗܘܐ ܥܘܡܪܐ ܕܒܢ̈ܝ ܐܢܫܐ݀ ܘܕܗܼܘ ܕܘܒܪܐ ܕܓܘ ܩܪܝܒܐܝܬ ܠܒܣܝܡܘܬܐ ܡܢ ܗܿܝ ܒܥܪܝܪܝܘܬܐ ܩܕܡܝܬܐ ܐܬ݀ܚܠܼܦ ܗܘܐ. ܕܡܝܐܝܬ ܗܼܘ ܦܪܘܩܐ ܕܓܘܐ. ܕܟܘܠ ܗܘ ܡܪܚܡܢܐ ܡܠܬܗ ܕܐܠܗܐ ܝܬܝܪܐܝܬ ܫܦܝܪ ܕܠܝܠܐܝܬ ܒܙܒܢܐ ܕܙܕܩ ܗܘܐ ܕܢܚܗ ܐܠܗܝܐ ܥܿܒܼܕ ܗܘܐ. ܘܗܘ ܒܡܠܐܟܘܬܐ ܕܢܦܫܗ ܡܟܝ ܐܬܐ. ܘܐܠܗܐ ܕܫܪܪܐ ܒܝܕ ܡܐܢܐ ܐܢܫܝܐ ܚܘܼܝ ܠܒܢ̈ܝ ܐܢܫܐ ܗܿܢܘܢ ܕܐܪܚܢܝܐܝܬ ܕܢܕܥܘܢ ܫܪܪܪܐ ܠܐ ܡܫܟܚܼܝܢ ܗܘܘ݀ ܘܡܚܿܘܼܐ ܗܘܐ ܕܝܢ ܐܠܗܐ ܕܫܪܪܐ ܒܝܕ ܥܒܕ̈ܐ ܐܠܗܝ̈ܐ ܘܕܬܡܪ̈ܬܐ ܬܡܝܗ̈ܬܐ ܘܝܘܠܦܢܐ ܕܡܠܦܢܘܬܐ ܫܡܝܢܝܬܐ ܕܥܠ ܡܠܟܘܬܐ ܕܐܠܗܐ ܕܥܠ ܟܠ ܓܠܝܢ ܗܘܘ. ܕܒܐܝܕ̈ܝܗܘܢ ܡܟܝܠ ܠܟܠܗ ܓܢܣܐ ܕܒܢ̈ܝ ܐܢܫܐ݀ ܐܝܟܢܐ ܕܩܕܡ ܐܬܥܕܪ ܗܘܐ. ܒܝܕ ܗܠܝܢ ܕܩܼܕܡܢ ܐܡܼܪܢ ܒܝܘܠܦܢܐ ܫܡܝܢܐ ܪܕܐ ܗܘܐ ܡܢ ܩܕܝܡ ܕܝܢ ܗܕܐ ܠܐ ܡܫܟܼܚܐ ܗܘܬ݀ ܕܒܡ̈ܠܐ ܕܠܝܕܥܬܐ ܫܠܡܬܐ ܕܐܠܗܐ ܘܠܥܘܡܪܐ ܡܝܬܪܐ ܕܢܟܦܘܬܐ. ܘܕܟܐܢܘܬܐ ܡܩܪܒܢ ܢܢܟܦ ܠܗܿܢܘܢ ܕܠܚܪܬܐ ܕܒܝܼ̈ܫܬܐ ܐܬܛܪܕܘ ܗܘܘ ܕܡܛܠ ܗܕܐ ܒܕܡܘܬ ܒܢ̈ܝ ܐܣܘ̈ܬܐ ܕܠܗܿܢܘܢ ܕܟܪ̈ܝܗܝܢ ܘܒܚ̈ܫܐ ܕܟܐܒ̈ܐ ܩܫ̈ܝܐ ܢܣܝܣܝܢ ܠܐ ܗܘܐ ܣܝܒܪܬܐ ܚܠܝܡܬܐ ܗܿܝ ܕܠܚܝ̈ܠܬܢܐ ܫܠܡܐ ܡܬܩܢܝܢ. ܐܠܐ ܒܡܥܝܩ̈ܢܝܬܐ ܘܒܡܟܐܒ̈ܢܝܘܬܐ ܡܩܪܒܝܢ ܐܣܝܘܬܗܘܢ ܐܢ ܘܿܠܐ ܕܒܟ̈ܘܝܐ ܘܒܫܩ̈ܘܬܐ ܡܪܝܪܬܐ ܠܬܘܟܣܐ ܕܚܫ̈ܐ ܕܢܩܪܒܘܢ ܠܐ ܡܫܬܐܠܝܢ ܘܣܝܒܪ̈ܬܐ ܠܐ ܗܘܐ ܗܠܝܢ ܕܠܚܠܝܡ̈ܐ ܙܕܩܢ݀ ܐܠܐ ܗܿܢܝܢ ܕܠܟܪ̈ܝܗܐ ܥܗܢܢ. ܘܡܐ ܕܐܬܚܠܼܡܘ ܕܝܢ ܡܟܝܠ ܠܣܝܒܪ̈ܐ ܚܠܝܡ̈ܬܐ ܘܚܝ̈ܠܬܢܝܬܐ ܡܫܘܬܦܝܢ ܠܗܘܢ܀ ܀ ܀܀ ܨܗ. ܗܟܢܐ ܗܟܝܠ ܘܐܦ ܗܼܘ ܦܪܘܩܐ ܕܓܘܐ ܕܟܘܠ݀ ܐܝܟ ܪܥܝܐ ܘܐܣܝܐ 86 ܕܥܪ̈ܒܘܗܝ ܡܠܝ̈ܠܐ݀ ܗܠܝܢ ܕܥܠ ܐܪܥܐ ܩܕܡ ܕܢܚܗ ܐܚܪܝܐ ܐܠܗܝܐ ܠܗܿܢܘܢ ܕܠܪ̈ܒܘܬܐ ܕܫܢܝܘܬܐ ܕܐܠܗ̈ܐ ܣܓܝܐܐ ܐܬܼܘ ܗܘܘ. ܘܒܒܝܼ̈ܫܬܐ ܕܚܘܒ̈ܠܐ ܕܪܥܝܢܐ ܘܒܒܥܪܝܪܝܘܬܐ ܦܩܝܪܝܼܢ ܗܘܘ ܒܡܣܡ ܒܪܝܫܐ ܡܪܝܪܐ ܪܕܐ ܗܘܐ ܘܒܡ̈ܘܬܢܐ ܘܒܟܦ̈ܢܐ ܘܒܬܟܝܒܘܬܐ ܕܩܪ̈ܒܐ ܕܠܘܩܒܠ ܚܕܕ̈ܐ݀ ܘܬܘܒ ܐܦ ܒܡܛܪܐ ܣܓܝܐܐ ܘܒܓܠܝܙܘܬܐ ܕܡܛܪ ܘܒܡܚܘ̈ܬܐ ܒܝܫ̈ܬܐ ܕܒܪ̈ܩܐ ܗܿܢܝܢ ܩܫܝ̈ܬܐ ܡܒܛܠ ܗܘܐ݀ ܐܠܐ ܘܐܦ ܒܡܟܣܢܘܬܐ ܕܛܥܝܘܬܐ ܕܐܠܗ̈ܐ ܣܓܝ̈ܐܐ ܒܢܩ̈ܡܬܐ ܕܡܚܘ̈ܬܐ ܕܒܪ̈ܩܐ ܕܝܠܗܘܢ ܕܦܬܟܪ̈ܐ ܠܣܓܕܝ ܠܕ̈ܝܘܐ ܝ݀ܗܼܒ ܗܘܐ ܕܢܚܙܘܢ ܀ ܀ ܀܀ ܨܘ. ܘܗܼܘ ܬܘܒ ܐܝܟ ܐܒܐ ܛܒܐ݀ ܗܟܢܐ ܠܣܟ̈ܠܐ ܪܕܐ ܗܘܐ ܘܒܗܘܢ ܒܦܘܪܢܣܐ ܕܛܒ̈ܬܐ ܥܬܝܕ̈ܬܐ ܕܠܐ ܚܣܡ ܠܗܘܢ ܡܘܗ̈ܒܬܐ ܕܡܢܗ ܝܿܗܼܒ ܗܘܐ. ܡܛܪ ܕܒܙܒܢܗܘܢ ܘܛܥܝܢܘܬܐ ܕܦܐܪ̈ܐ ܘܚܘܠܦܐ ܕܥܕ̈ܢܐ ܘܝܘܒܠܐ ܕܚܝ̈ܘܬܐ ܘܦܘܪܣܐ ܡܠܝܠܐ ܕܟܘܠ ܓܢܣ. ܕܐܘܡܢܘܬܐ ܕܙܪ̈ܥܝܗܝܢ ܕܝܠܗܝܢ ܕܗܠܝܢ ܘܚܘܫܒܗܝܢ ܒܢܦܫ̈ܬܐ ܕܒܢ̈ܝ ܐܢܫܐ ܪܡܐ ܗܘܐ. ܘܗܘ ܬܘܒ ܐܦ ܫܘܪܝܐ ܕܡ̈ܠܐ ܐܠܗ̈ܝܬܐ ܘܕܝܘܠܦܢܐ ܕܕܚܠܬ ܐܠܗܐ ܘܡܥܠܢܘܬܐ ܘܚܘ̈ܩܐ ܘܪ̈ܫܝܬܐ ܕܢܡܘ̈ܣܐ ܐܠܗ̈ܝܐ݀ ܐܝܠܝܢ ܕܫܠܡܢ ܗܘܝ ܠܒܢ̈ܝ ܐܢܫܐ ܕܗܝܕܟܝܢ ܒܝܕ ܢܒܝ̈ܐ ܗܿܢܘܢ ܕܡܬܟܪܙܝܢ ܠܘܬ ܥܒܪ̈ܝܐ ܙܪܥ ܗܘܐ. ܘܗܘ ܬܘܒ ܐܦ ܒܝܕ ܐܚܪ̈ܢܐ ܣܓܝ̈ܐܐ ܥܘܕܪܢܐ ܕܥܗܢ ܠܒܢ̈ܝ ܐܢܫܐ ܕܗܝܕܟܝܢ ܡܢ ܒܛܝܠܘܬܐ ܕܝܠܗ ܝܿܗܒܼ ܗܘܐ. ܀܀ ܀܀ ܀܀ ܨܙ ܡܛܠ ܗܟܝܠ ܕܡܢ ܗܠܝܢ ܡܟܝܠ ܠܡܫܝܢܘܬܐ ܘܠܡܪܝܚܘܬܐ ܐܫܿܬܚܠܼܦ ܗܘܐ ܥܘܡܪܐ ܕܒܢ̈ܝ ܐܢܫܐ. ܘܡܛܝܒ ܗܘܐ ܠܡܩܒܠܘ ܝܘܠܦܢܐ ܡܫܡܠܝܐ ܕܥܠ ܐܠܗܐ ܫܦܝܪ ܬܘܒ ܗܼܘ ܦܘܪܩܐ ܕܓܘܐ ܕܟܠ ܡܠܬܐ ܝܚܝܕܝܐ ܕܐܠܗܐ ܡܿܠܟܐ ܕܟܠ ܒܙܒܢ ܕܥܗܢ ܗܘܐ ܓܠܝܢܐ ܐܠܗܝܐ ܕܝܠܗ ܒܗܘܢ ܒܥܒܕ̈ܐ ܚܿܘܼܝ. ܐܠܐ ܟܕ ܗܠܝܢ ܫܦܝܪ ܣܝܡܢ݀ ܥܕܢܐ ܗܘ ܕܠܗܠܝܢ ܕܒܬܪܗܝܢ ܢܦܘܩ ܀ ܫܠܡ ܡܐܡܪܐ ܕܬܪ̈ܝܢ ܕܩܣܪܝܐ. Book 3 87 ܣܦܪܐ ܕ̈ܬܠܬܐ ܕܩܣܪܝܐ. ܐ. ܡܛܠ ܗܟܠܝ ܕܡܢ ܐܝܠܝܢ ܕܐܬܐܡܼܪ ܡܟܝܠ ܠܡܫܝܢܘܬܐ ܘܠܡܪܝܚܘܬܐ ܐܫܬ݀ܚܠܼܦ ܗܘܐ ܥܘܡܪܐ ܕܒܢ̈ܝ ܐܢܫܐ. ܘܡܛܝܒ ܗܘܐ ܠܡܩܒܠܘ ܝܘܠܦܢܐ ܡܫܡܠܝܐ ܕܥܠ ܐܠܗܐ ܫܦܝܪ ܬܘܒ ܗܼܘ ܦܪܘܩܐ ܕܓܘܐ ܕܟܠ ܡܠܬܐ ܝܚܝܕܝܐ ܕܐܠܗܐ ܡܿܠܟܐ ܕܟܠ݀ ܒܙܒܢܐ ܕܥܗܢ ܗܘܐ ܓܠܝܢܐ ܐܠܗܝܐ ܕܝܠܗ ܒܗܘܢ ܒܥܒܕ̈ܐ ܚܿܘܝܼ. ܡܢ ܕܘܟܬܗ ܓܝܪ ܒܚܕܐ ܕܗܼܘ ܐܬܚܙܼܝ ܒܥܠܡܐ ܘܗܿܢܝܢ ܕܗܝܼ ܥܬܝܩܘܬܐܕܡܥܒܕܢܘܬܐ ܕܕ̈ܝܘܐ ܐܝܟ ܕܒܗܦ̈ܘܟܝܐ ܕܡܐܟܢܐ ܫܪܝܐ ܢܿܣܒܢ ܗܘܝ. ܘܣܒܪ̈ܬܐ ܕܓܠܝܢ ܥܠ ܛܒ̈ܬܐ ܠܟܠܗܘܢ ܥܡ̈ܡܐ ܡܬܟܪܙܢ ܗܘܝ. ܘܐܠܗܐ ܕܥܠ ܟܘܠ ܡܚܣܝܢܐ ܠܒܢ̈ܝ ܐܢܫܐ ܡܣܬܒܪ ܗܘܐ. ܘܟܠܗܿ ܛܥܝܘܬܐ ܕܐܠܗ̈ܐ ܣܓܝ̈ܐܐ ܡܣܬܚܦܐ ܗܘܬ݀ ܘܡܫܬܕܝܢ ܗܘܘ ܡܢ ܕܘܟܬܗ ܟܘܠܗܘܢ ܥܒܕ̈ܐ ܕܕ̈ܝܘܐ. ܘܬܘܒ ܠܝܬܗܘܐ ܒܢ̈ܝ ܐܢܫܐ ܕܡܬܕܒܚܝܢ݀ ܘܠܐ ܗܿܢܝܢ ܕܡܢ ܩܕܝܡ ܡܚܿܒܼܠܢ ܗܘܝ ܠܗ ܠܥܠܡܐ ܩܛܠܐ ܕܒܢ̈ܝ ܐܢܫܐ ܘܬܘܒ ܠܝܬ ܗܘܐ ܐܒܝ̈ܐ ܘܪ̈ܫܢܐ ܣܓܝ̈ܐܐ ܘܛܪ̈ܘܢܐ ܘܐܘܚܕܢܐ ܕܩܘ̈ܛܢܐ. ܘܬܘܒ ܠܝܬ ܗܘܐ ܗܿܢܝܢ ܕܡܛܠ ܗܕܐ ܡܬܩܿܝܡܼܢ ܗܘܝ ܒܟܠ ܡܕܝܢܐ ܘܒܟܠ ܕܘܟܐ ܚܪܒܐ ܘܚܒܘܫܝܐ ܕܡܕ̈ܝܢܬܐ ܐܠܐ ܐܠܗܐ ܚܕ ܠܟܘܠ ܐܢܫܐ ܡܬܟܼܪܙ ܗܘܐ ܘܡܠܟܘܬܐ ܚܕܐ ܕܪ̈ܗܘܡܝܐ ܥܠ ܟܠ ܐܢܫ ܣܿܘܚܐ ܗܘܬ. ܘܐܬܒܿܛܠܼܬ ܗܘܬ ܡܠܝܐܝܬ ܒܥܠܕܒܒܘܬܐ ܕܫܐ ܫܝܢܐ ܘܕܠܐ ܬܪܥܘܬܐ ܕܡܢ ܥܠܡ ܕܥܡ̈ܡܐ݀ ܘܐܟܙܢܐ ܕܝܢ ܕܝܕܥܬܐ ܕܚܕ ܐܠܗܐ ܠܟܠܗܘܢ ܒܢ̈ܝ ܐܢܫܐ ܡܫܬܠܡܐ ܗܘܬ݀ ܘܕܘܒܪܐ ܚܕ ܕܙܕܝܩܘܬܐ ܘܕܟܐܢܘܬܐ ܕܝܕܥܬܐ ܕܐܠܗܐ ܕܒܡܠܦܢܘܬܗ ܕܦܪܘܩܢ݀ ܐܟܘܬܗܝܢ ܕܝܢ ܐܦ ܡܿܠܟܐ ܚܕ ܒܚܕܐ ܒܗ ܒܚܕ ܙܒܢܐ ܥܠ ܟܘܠܗܿ ܡܿܠܟܘܬܐ ܕܪ̈ܗܘܡܝܐ ܐܬܩܿܝܼܡ ܗܘܐ ܘܫܝܢܐ ܥܡܝܩܐ ܐܚܕ ܗܘܐ ܠܟܠ ܡܕܡ݀ ܘܐܟܚܕܐ ܘܒܚܕ ܙܒܢܐ ܐܝܟ ܕܡܢ ܪܡܙܐ ܕܚܕ ܐܠܗܐ ܫ݀ܘܚܼܝܢ ܗܘܘ ܒܒܢ̈ܝ ܐܢܫܐ ܬܪ̈ܝܢ ܦܩ̈ܚܐ ܕܛܒ̈ܬܐ ܝܘܠܦܢܐ ܕܙܕܩܐ ܘܡܿܠܟܘܬܐ ܕܪ̈ܗܘܡܝܐ ܘܡܢ ܩܕܝܡ ܓܝܪ ܗܕܐ ܛܥܝܘܬܐ ܕܕ̈ܝܘܐ ܩܿܫܝܐܝܬ ܠܥܡ̈ܡܐ ܡܫܿܥܼܒܕܐ ܗܘܬ. ܘܕܐܝܟܢܐ ܡܦܿܪ̈ܫܼܝܢ ܗܘܘ ܠܪ̈ܒܘܬܐ ܟܘܠ݀ 88 ܘܡܢܗܘܢ ܒܦܘܪܫܢܐ ܠܣܘܪܝܐ ܐܚܿܝܼܕܝܢ ܗܘܘ. ܘܐܚܪܢܐ ܥܠ ܐܣܝܐ. ܡܡܠܟܝܢ ܗܘܘ݀ ܐܚܪ̈ܢܐ ܕܝܢ ܥܠ ܡܩܕܘܢܝܐ ܘܠܡܨܪܝܢ ܦܣܼܩܘ ܐܚܪ̈ܢܐ ܘܠܒܼܟܘ ܘܐܚܪ̈ܢܐ ܬܘܒ ܗܟܘܬ݀ ܠܐܬܪܐ ܕܐܪܒܝܐ ܘܬܘܒ ܒܦܠܣܛܝܢܐ ܓܢܣܐ ܕܝܗܘܕ̈ܝܐ ܐܚܝܕ ܗܘܐ. ܘܒܟܠ ܩܘܪ̈ܝܐ ܘܒܟܠ ܡܕܝܢܬܐ ܘܒܟܠ ܕܘܟܐ ܐܝܟ ܕܡܢ ܢܝܘܬܐ ܚܕ ܠܚܕ ܐܝܟ ܡܫܝ̈ܚܢܐ ܘܐܝܟ ܕܝܘ̈ܢܐ ܒܫܪܪܐ ܠܩܪܒܐ ܘܠܬܟܬܘܫܐ ܒܛܝܠܝܢ ܗܘܘ. ܐܡܝܪܐ ܗܝ ܣܦܩܐܝܬ ܒܗܠܝܢ ܩܕ̈ܡܝܬܐ ܀ ܀ ܀܀ ܒ. ܐܠܐ ܓܝܪ ܡܠܝܐܝܬ ܐܝܟ ܕܡܢ ܚܕ ܫܒܩܐ ܬܪ̈ܝܢ ܚܝ̈ܠܝܢ ܪ̈ܘܪܒܐ ܢܒܼܥܘ ܘܠܟܠ ܫܝܢܘ. ܘܠܪܚܡܘܬܐ ܟܢܫܘ ܡܿܠܟܘܬܐ ܕܪ̈ܗܘܡܝܐ ܕܡܢ ܗܝܕܝܢ ܐܬܚܼܙܝܬ. ܚܕܐ ܡܿܠܟܘܬܐ ܘܚܝܠܗ ܕܦܪܘܩܐ. ܕܟܠ ܡܥܕܪܢܗ ܐܟܚܕܐ. ܘܒܚܕܐ ܥܡ ܚܕ̈ܕܐ ܣܘܼܚ ܘܐܬܩܿܝܼܡ ܡܝܬܝܪܘܬܗ ܓܝܪ ܕܦܪܘܩܢ ܐܠܗܝܬܐ ܪܫܢܘܬܐ ܕܕ̈ܝܘܐ ܣܓܝ̈ܐܐ ܘܐܠܗ̈ܐ ܣܓܝ̈ܐܐ ܣܿܚܦܼܐ ܗܘܬ. ܘܚܕܐ ܡܿܠܟܘܬܐ ܕܐܠܗܐ ܠܟܠܗܘܢ ܒܢ̈ܝ ܐܢܫܐ ܠܝܘ̈ܢܝܐ ܘܠܒܪܒܪܝܐ ܘܠܗܿܢܘܢ ܕܒܥܒܪ̈ܝܗܿ ܕܐܪܥܐ ܡܿܟܼܪܙܐ ܗܘܬ. ܡܿܠܟܘܬܐ ܕܝܢ ܕܪ̈ܗܘܡܝܐ݀ ܒܗܿܝ ܕܩܿܕܡܼܘ ܐܬܥܩܼܪܘ ܗܿܢܘܢ ܕܗܼܢܘܢ ܗܘܼܘ ܥܠܬܐ ܕܪ̈ܫܢܐ ܣܓܝ̈ܐܐ ܟܠ ܕܩܪܝܒ ܡܫܿܥܼܒܕܐ ܗܘܬ. ܘܠܚܕܐ ܫܠܡܘܬܐ ܘܐܘܝܘܬܐ ܟܘܠܗ ܓܢܣܗ ܡܣܪܗܒܐ ܕܬܩܦ. ܘܗܐ ܡܟܝܠ ܣܘܓܐܐ ܕܥܡ̈ܡܐ ܟܿܢܼܫܬ. ܥܬܝܕܐ ܗܝ ܕܝܢ ܒܥܓܠ ܕܥܕܡܐ ܠܥܒܪ̈ܝܗܿ ܕܐܪܥܐ ܬܠܒܘܟ. ܟܕ ܡܠܦܢܘܬܗ ܕܦܪܘܩܢ ܥܡ ܚܝܠܐ ܐܠܗܝܐ ܡܩܕܡ ܡܛܝܒ ܠܗ ܟܘܠ ܘܡܩܝܡ ܒܫܘܝܘܬܐ ܘܗܕܐ ܗܝ ܗܟܝܠ ܬܕܡܘܪܬܐ ܪܒܬܐ ܠܐܝܠܝܢ ܕܒܪܚܡܬܐ ܕܫܪܪܐ ܡܩܝܡܝܢ ܪܥܝܢܗܘܢ ܘܠܐ ܡܨܛܒܝܢ ܕܢܚܣܡܘܢ ܒܫܦܝܪ̈ܬܐ ܐܟܚܕܐ ܓܝܪ ܛܥܝܘܬܐ ܕܕ̈ܝܘܐ ܒܝܫ̈ܐ ܡܬܟܣܐ ܗܘܬ. ܘܐܟܚܕܐ ܘܐܦ ܒܥܠܕܒܒܘܬܐ ܘܬܟܬܘܫܐ ܕܥܡ̈ܡܐ ܕܡܢ ܥܠܡ ܡܫܬܼܪܐ ܗܘܐ ܘܬܘܒ ܐܟܚܕܐ ܐܠܗܐ ܚܕ ܘܚܕܐ ܝܕܥܬܐ ܕܝܠܗ ܒܝܕ ܡܠܦܢܘܬܗ ܕܦܪܘܩܢ. ܠܟܠ ܐܢܫ ܡܬܟܪܙܐ ܗܘܬ. ܘܐܟܚܕܐ ܐܦ ܡܿܠܟܘܬܐ ܚܕܐ ܕܪ̈ܗܘܡܝܐ ܒܒܢ̈ܝ ܐܢܫܐ ܡܫܬܕܪܐ [ܡܫܬܪܪܐ] ܗܘܬ ܘܐܟܚܕܐ ܟܠܗ ܓܢܣܐ ܕܒܢ̈ܝ ܐܢܫܐ ܠܫܝܢܐ ܡܫܬ݀ܚܠܼܦ ܗܘܐ. ܘܡܘܕܝܢ ܗܘܘ ܟܠܗܘܢ ܒܐܚܘܬܐ ܕܚܕ̈ܕܐ ܘܟܝܢܐ ܕܝܠܗܘܢ ܝܿܠܦܼܝܢ ܗܘܘ. ܡܢ ܕܘܟܬܗ ܕܝܢ ܐܝܟ ܕܡܢ ܚܕ ܐܒܐ ܐܬܝܼܠܕܘ. ܘܐܝܟ ܒܢ̈ܝܐ ܕܚܕ ܐܠܗܐ ܘܕܐܡܐ ܚܕܐ ܕܟܐܢܘܬܐ ܘܕܫܪܪܐ ܡܫܝܢܐܝܬ ܒܫܠܡܐ ܠܚܕܕ̈ܐ 89 ܡܩܒܠܝܢ ܗܘܘ. ܗܟܢܐ ܕܡܢ ܗܝܕܝܢ ܡܕܡ ܠܐ ܒܨܝܪܐ ܟܠܗܿ ܒܪܝܬܐ ܡܢ ܚܕ ܒܝܬܐ ܘܚܕ ܓܢܣܐ ܢܡܘܣܝܐ ܘܫܠܛ ܠܡܢ ܕܡܚܒ ܕܒܬܐܓܘܪܬܐ ܢܫܕܪ ܘܠܡܪܕܐ ܠܟܠ ܐܝܟܐ ܕܐܢܫ ܨܿܒܐ ܒܕܠܝܠܘܬܐ ܣܓܝܐܬܐ. ܘܗܢܘܟ ܕܡܢ ܡܥܪܒܐ ܕܠܐ ܡܚܫܘܠܐ ܢܐܬܘܢ ܠܡܕܢܚܐ. ܘܬܘܒ ܕܗܠܝܢ ܕܗܪܟܐ ܠܬܡܢ ܐܝܟ ܕܠܒܝܬ ܐܒܗܝܗܘܢ ܢܫܿܢܼܘܢ ܐܝܟ ܡ̈ܠܐ ܕܢܒܝܘܬܐ ܥܬܝܩܬܐ ܘܡܫܩ̈ܠܝܐ ܕܢܒ̈ܝܐ ܪ̈ܒܘܬܐ ܐܚܪ̈ܢܝܬܐ ܗܿܢܝܢ ܕܠܝܬ ܠܢ ܒܛܠܢܐ ܕܗܫܐ ܢܐܡܪ݀ ܒܪܡ ܕܝܢ ܗܠܝܢ ܕܥܠ ܦܪܘܩܢ ܘܥܠܝܗܿ ܕܡܠܬܐ ܕܐܠܗܐ ܗܟܢܐ ܩܿܥܝܢ݀ ܕܢܐܚܘܕ ܡܢ ܝܡܐ ܠܝܡܐ ܘܡܢ ܢܗܪ̈ܘܬܐ ܥܕܡܐ ܠܣܘܦܝܗܿ ܕܐܪܥܐ ܘܬܘܒ ܕܢܣܘܚ ܒܝܘ̈ܡܬܗ ܙܕܩܐ. ܘܣܘܓܠܐ ܕܫܠܡܐ. ܘܬܘܒ ܕܢܪܥܘܢ ܣܦܣܪ̈ܝܗܘܢ ܠܫܣܟ̈ܝ ܦܕܢܐ ܘܪ̈ܘܡܚܝܗܘܢ ܠܡܓ̈ܠܐ. ܘܠܐ ܢܣܒ ܥܡܐ ܥܠ ܥܡܐ ܣܝܦܐ. ܘܠܐ ܢܐܠܦܘܢ ܩܪܒܐ܀ ܀ ܀܀ ܓ. ܗܠܝܢ ܐܬܩܿܕܡ ܗܘܝ ܐܬܐܡܼܪ ܘܒܒ̈ܢܬ ܩ̈ܠܐ ܕܥܒܪ̈ܝܐ ܗܐ ܙܒܢܐ ܣܓܝܐܐ ܐܬܟܼܪܙ ܗܘܝ. ܗܫܐ ܗܢܝܢ ܒܥܒܕܗܝܢ ܟܕ ܡܬܚܙܝܢ ܒܙܒܢܢ ܣܗܕܘܬܐ ܕܒܢ̈ܬ ܩܠܐ ܥܬܝܩ̈ܬܐ ܡܫܪܢ ܐܢܬ ܕܝܢ ܐܢ ܪܓܐ ܠܟ ܬܚܘ̈ܝܬܐ ܐܚܪ̈ܢܝܬܐ ܠܡܝܬܪܘܬܐ ܕܫܪܪܐ ܕܠܐ ܗܘܐ ܟܝܢܐ ܡܝܘܬܐ ܐܝܬܘܗܝ ܗܘܐ. ܐܠܐ ܡܠܬܐ ܕܐܠܗܐ ܒܫܪܪܐ. ܘܚܝܠܗ ܕܐܠܗܐ ܦܪܘܩܐ ܐܬܓܠܼܝ ܒܥܠܡܐ ܠܐ ܒܡ̈ܠܐ ܐܠܐ ܒܥܒܕ̈ܐ ܩܒܠ ܐܢܝܢ. ܦܬܚ ܥܝ̈ܢܐ ܕܬܪܥܝܬܟ ܘܬܪ̈ܥܘܗܝ ܕܪܥܝܢܟ ܐܓܝܚ. ܘܟܢܘܫ ܢܦܫܟ ܣܓܝ ܠܘܬܟ݀ ܘܐܬܚܿܫܒ ܘܫܐܠ ܐܢܬ ܠܢܦܫܟ. ܘܐܟ ܕܡܢ ܐܚܪܢܐ ܡܫܬܐܠ ܐܢܬ. ܗܟܢܐ ܟܝܢܗܝܢ ܕܨܒ̈ܘܬܐ ܒܨܝ ܀ ܀ ܀܀ ܕ. ܡܢܘ ܡܡܬܘܡ ܡܢ ܗܿܢܘܢ ܕܡܢ ܥܠܡ. ܒܪ ܐܢܫܐ ܡܝܘܬܐ ܡܿܠܟܐ ܐܘ ܦܝܠܘܣܦܐ ܐܘ ܣܿܐܡ ܢܡܘܣܐ ܐܘ ܢܒܝܐ ܝܘܢܝܐ ܐܘ ܒܪܒܪܝܐ ܕܗܕܐ ܟܠܗܿ ܡܝܬܪܘܬܐ ܫܩܼܠ݀ ܠܐ ܡܢ ܒܬܪ ܡܘܬܗ݀ ܐܠܐ ܟܕ ܚܝ ܘܐܝܬ ܒܗ ܢܫܡܬܐ. ܘܬܣܓܝ ܡܫܟܚ݀ ܗܟܢܐ ܕܒܟܠܗ ܐܪܥܐ ܢܬܟܼܪܙ݀ ܘܡܫܡܥܬܐ ܘܠܫܢ̈ܐ ܕܟܠܗܘܢ ܥܡܡ̈ܐ ܕܥܠ ܐܦܝ ܟܘܠܗܿ ܬܒܝܠ݀ ܢܡܠܐ ܫܡܗ ܐܠܐ ܗܕܐ ܘܠܐ ܐܢܫ ܣܥܪ ܐܠܐ ܐܢ ܦܪܘܩܢ. ܒܠܚܘܕ ܕܐܡܼܪ ܠܬܠܡܝܕ̈ܘܗܝ ܒܡܠܬܐ ܘܒܥܒܕܐ ܫܿܠܡ. ܕܙܠܘ ܘܬܠܡܕܘ ܠܟܠܗܘܢ ܥܡ̈ܡܐ ܐܡܼܪ ܠܗܘܢ ܕܩܿܕܡ ܐܡܼܪ ܘܩܿܕܡ ܓܼܠܐ. ܕܘܿܠܐ ܕܬܬܟܼܪܙ ܣܒܪܬܗ ܒܟܠܗܿ ܒܪܝܬܐ ܠܣܗܕܘܬܐ ܕܟܠܗܘܢ ܥܡ̈ܡܐ. ܘܥܡܗܿ ܕܡܠܬܐ ܐܦ ܥܒܕܐ 90 ܐܝܬܝ݀ ܡܢ ܕܟܬܗ ܓܝܪ ܘܠܐ ܗܘܐ ܒܪܘܚܩܐ ܟܠܗܿ ܒܪܝܬܐ ܡ̈ܠܘܗܝ ܡܬܡܠܝܐ ܗܘܬ ܀ ܀ ܀܀ ܗ. ܡܢܐ ܗܟܝܠ ܐܝܬ ܠܗ ܠܡܐܡܪ ܥܠ ܗܕܐ݀ ܠܗܿܘ ܕܠܘܩܒܠ ܫܪܪܐ ܡܡܪܚ ܕܢܚܘܪ ܡܐ ܕܡܢ ܟܠ ܡ̈ܠܝܢ ܡܝܬܪܐ ܗܝ ܣܗܕܘܬܐ ܒܝܕ ܚܙܬ݀ ܐܠܐ ܟܕ ܡܫܢܝܬ ܡܢ ܩܕܡܝܬܐ ܬܐ ܠܐܚܪܝܬܐ ܘܐܬܚܿܫܒ ܒܝܢܝܟ ܘܠܢܦܫܟ ܀܀ ܀܀ ܘ. ܐܝܢܐ ܟܝܢܐ ܡܝܘܬܐ ܡܢ ܟܠ ܥܠܡ ܐܬܚܼܙܝ ܐܝܟ ܗܢܐ ܕܦܩܕ ܢܡܘ̈ܣܐ ܟܐܢ̈ܐ ܘܢܟ̈ܦܐ ܒܡܠܬܐ ܒܠܚܘܕ ܕܠܐ ܟܬܒܐ. ܘܠܗܘܢ ܠܗܠܝܢ ܒܝܕ ܬܠܡܝܕ̈ܘܗܝ ܡܢ ܥܒܪ̈ܝܗܿ ܕܐܪܥ ܥܕܡܐ ܠܪܝܫܗܿ ܕܒܪܝܬܐ ܫܲܕܪ ܘܝܘ̈ܠܦܢܘܗܝ ܒܟܠܗܿ ܐܪܥܐ ܦܬܚ. ܗܟܢܐ ܕܠܡܫܡܥܬܐ ܕܟܠܗܘܢ ܒܢ̈ܝ ܐܢܫܐ ܕܒܪܒܪܝܐ ܐܟܚܕܐ ܘܕܝܘ̈ܢܐ ܣܦܝܩܐܝܬ ܘܒܥܓܠ ܘܟܠܝܘܡ ܝܘܠܦܢ̈ܐ ܕܙܕܩܐ ܕܐܫܬܠܡܘ ܡܢܗ ܢܬܼܟܪܙܘܢܿ ܐܠܐ ܠܐ ܡܫܟܚ ܐܢܬ ܐܚܪܢܐ ܐܢ ܬܒܥܐ ܘܗܼܘ ܗܢܐ ܥܒܿܕܐ ܕܚܝܠܗ ܗܘ ܕܦܪܘܩܐ ܕܟܠܢ ܒܠܚܘܕ ܐܠܐ ܘܐܦܠܐ ܗܕܐ ܡܦܝܣܐ ܠܗ݀ ܠܗܿܘ ܕܠܐ ܡܬܛܦܝܣ݀ ܡܕܝܢ ܗܼܘ ܢܐܡܼܪ ܠܢ. ܨܒܝܢ ܐܢܚܢܢ ܕܢܐܠܦ ܀ ܀ ܀܀ ܙ. ܡܢܘ ܡܡܬܘܡ ܡܢ ܒܢ̈ܝ ܐܢܫܐ ܕܐܫܿܬܒܚܼܘ ܒܚܟܡܬܐ ܠܥܝܕ̈ܝܗܘܢ ܒܪܒܪܝܐ ܘܒܥܪܝܪܝܐ ܕܥܡ̈ܡܐ ܒܪܒܪܝܐ ܒܢܡܘ̈ܣܘܗܝ ܡܪ̈ܚܡܢܐ ܫܪܐ ܕܬܘܒ ܗܿܢܘܢ ܕܡܬܬܠܡܕܝܢ ܡܢܗܘܢ ܒܣܩܝܬܝܐ ܠܐ ܢܐܟܠܘܢ ܒܢ̈ܝ ܐܢܫܐ݀ ܘܠܐ ܒܝܬ ܦܪ̈ܢܣܝܐ ܢܣܒܘܢ ܐܡܗ̈ܬܗܘܢ݀ ܘܠܐ ܐܚܪ̈ܢܐ ܢܪܡܘܢ ܡܝ̈ܬܝܗܘܢ ܠܟ̈ܠܒܐ݀ ܘܠܐ ܐܚܪ̈ܢܐ ܢܫܠܡܘܢ ܠܐܝܠܝܢ ܕܣܒܝܢ ܠܚܢܘܩܝܐ. ܘܠܐ ܐܚܪ̈ܢܝܬܐ ܐܚܘ̈ܬܗܝܢ ܕܗܠܝܢ ܒܥܪܝܪܝܬܐ ܘܕܚܝ̈ܘܬܐ ܢܣܬܥܪܢ ܠܘܬ ܐܚܪ̈ܢܐ ܐܠܐ ܙܥܘܪܝܢ ܐܢܝܢ ܗܠܝܢ ܬܚܘ̈ܝܬܐ ܕܓܠܝܢܐ ܕܐܠܗܘܬܗ ܕܦܪܘܩܐ ܕܟܠܢ. ܚܙܝ ܕܝܢ ܘܐܦ ܐܚܪ̈ܢܝܬܐ ܟܕ ܡܬܚܫܒ ܐܢܬ ܒܝܢܝܟ ܘܠܢܦܫܟ ܀܀ ܀܀ ܚ. ܡܢܘ ܡܡܬܘܡ ܒܪ ܐܢܫܐ ܡܝܘܬܐ ܕܒܗܠܝܢ ܟܠܗܘܢ ܙܒ̈ܢܐ ܡܢ ܟܠܗܘܢ ܪ̈ܫܝܢܐ ܐܟܚܕܐ ܘܡ̈ܠܟܐ ܘܚܝ̈ܠܘܬܐ ܘܟܢܫ̈ܐ ܘܩܘ̈ܛܢܐ ܘܥܡ̈ܡܐ ܐܘܣܦ ܕܝܢ ܕܐܦ ܐܠܗ̈ܐ ܗܿܢܘܢ ܕܡܣܬܒܪܝܢ ܠܘܬ ܣܓܝ̈ܐܐ ܐܩܪܒܘ ܥܡܗ. ܘܒܟܠ ܙܒܢ ܡܩܪܒܝܢ ܥܡܗ ܘܡܝܬܪܘܬܗ ܕܪܒܐ ܡܢ ܒܢ̈ܝ ܐܢܫܐ ܚܿܘܼܝ. ܗܟܢܐ ܕܝܘܡ ܡܢ ܝܘܡ ܗܘܼܬ ܪܘܙܐ ܘܗܘܬ ܡܬܚܕܬ ܡܠܦܢܘܬܗ ܒܟܘܠܗ ܥܠܡܐ ܀܀ ܀܀ 91 ܛ. ܘܡܢܘ ܐܚܪܢܐ ܡܢ ܥܠܝܡ ܗܐ ܡܢ ܕܐܬܩܝܡ ܥܘܡܪܐ ܕܒܢ̈ܝ ܐܢܫܐ݀ ܕܨܿܒܐ ܕܢܩܝܡ ܥܡܐ ܥܠ ܫܡܗ. ܗܿܝ ܕܠܐ ܐܫܬܡܼܥܬ ܡܡܬܘܡ ܘܗܼܘ ܗܢܐ ܠܐ ܗܘܐ ܒܓܘܢܝܐ ܒܕܘܟܐ ܕܐܪܥܐ ܟܣܝܐܝܬ ܐܠܐ ܥܠ ܟܠܗܿ ܐܪܥܐ ܕܬܚܝܬ ܫܡܫܐ ܐܘܬܒ ܒܚܝܠܐ ܕܫܘܠܛܢܐ ܕܐܠܗܘܬܗ ܘܫܘܠܡܐ ܠܨܒܝܢܗ ܣܡ. ܘܝܕܥܬܐ ܕܚܕ ܐܠܗܐ ܗܿܘ ܕܠܗܠ ܡܢ ܫܡܝܐ ܡܠܟܐ ܕܟܠܗ ܥܠܡܐ. ܘܕܚܠܬܗ ܠܟܠܗܘܢ ܒܢ̈ܝܐܢܫܐ ܕܥܠ ܐܦܝ ܟܠܗܿ ܐܪܥ ܠܥܡ̈ܡܐ ܒܪܒܪܝܐ ܘܝܘ̈ܢܝܐ ܐܫܠܡ ܀ ܀ ܀܀ ܝ. ܡܢܘ ܡܡܬܘܡ ܕܣܼܡ ܕܢܠܦ. ܘܒܬܪ ܕܣܼܡ ܠܗ ܐܝܟ ܗܢܐ ܢܝܫܐ ܠܬܘܪܨܐ ܒܥܒܕܗ ܐܝܬܝ݀ ܘܒܥܓܠ ܒܝܕ ܣܘܥܪܢܗ ܓܠܐ ܓܒܪܚܡܬ ܐܠܗܐ ܗܝ ܕܝܬܝܪܐܝܬ ܟܠܗܘܢ ܦܘܡ̈ܐ ܕܠܐ ܬܪ̈ܥܐ ܣܒܪ. ܘܐܠܗܐ ܕܠܥܠ ܡܢ ܟܠ ܐܟܪܙ. ܘܕܠܗܢܐ ܒܠܚܘܕ ܒܫܪܪܐ ܢܕܥܘܢ ܠܟܠܗܘܢ ܥܡ̈ܡܐ ܦܕ ܘܡܛܠ ܨܿܒܐ ܗܘ ܡܕܡ ܕܪܚܝܡ ܥܠ ܐܠܗܐ ܫܘܐ ܠܣܘܝܥܗ. ܕܗܿܘ ܕܗܼܘܐ ܠܗ ܐܝܙܓܕܐ ܘܠܥܘܕܪܢܗ݀ ܝܘ̈ܠܦܢܐ ܕܝܢ ܕܥܡ ܗܕܐ ܟܪܘܙܘܬܐ ܐ݀ܫܬܠܼܡܘ݀ ܘܠܡܫܡܥܬܐ ܕܟܡܠܗܘܢ ܒܢ̈ܝ ܐܢܫܐ ܐܬܩܿܒܼܠܘ ܘܒܥܒ̈ܕܐ ܐܫܬܼܪܘ ܘܐܝܟܢܐ ܐܝܬܝܗܘܢ ܚܙܝ ܘܪܢܝ ܀܀܀ ܝܐ. ܡܢܘ ܐܚܪܢܐ ܡܢ ܡܡܬܘܡ ܕܠܢܦܫ̈ܬܐ ܕܒܢ̈ܝ ܐܢܫܐ ܒܢܘܗܪܗ ܡܠܝܠܐ ܐܕܢܚ݀ ܘܥܬܕ ܐܢܝܢ ܕܢܓܚܟܢ ܒܛܥܝܘܬܐ ܕܕ̈ܝܘܐ ܕܐܒܗܝ̈ܗܘܢ ܘܬܘܒ ܠܩܝ̈ܣܐ ܘܠܟܐܦ̈ܐ ܘܠܗܝܠܐ ܕܠܐ ܢܦܫܐ ܠܐ ܢܩܦܘܢ ܫܡܐ ܐܠܗܝܐ ܀܀ ܀܀ ܝܒ. ܠܡܨܪ̈ܝܐ ܕܝܢ ܕܡܝܬܪܝܢ ܗܘܘ ܡܢ ܟܠ ܐܢܫ. ܒܕܚܠܬܐ ܕܕ̈ܝܘܐ ܕܡܢܗܘܢ ܢܦܩܼܬ ܘܐܦ ܠܒܝܬ ܝܘ̈ܢܝܐ ܛܥܗܝܘܬܐ ܕܐܠܗ̈ܐ ܣܓ̈ܝܐܐ݀ ܡܢܘ ܐܚܪܢܐ ܠܒܪ ܡܢ ܦܘܪܩܢ ܐܦܝܼܣ ܕܡܟܝܠ ܠܐ ܗܘܘ ܫܛܝܢ ܘܕܠܐ ܬܘܒ ܠܒܥܝܪܐ ܘܠܪܚܫܐ ܘܠܚܝ̈ܘܬܐ ܨܥܝܪ̈ܬܐ ܕܠܐ ܡܠܬܐ ܫܡܐ ܣܓܝܕܐ ܢܬܠܘܢܿ ܘܒܠܚܘܕ ܠܚܕ ܐܠܗܐ ܕܠܥܠ ܡܢ ܟܠ ܢܕܥܘܢܿ ܘܒܟܠ ܡܘ̈ܬܝܢ ܚܠܦ ܟܐܢܘܬܗ ܢܬܟܬܫܘܢܿ ܀܀ ܀܀ ܀܀ ܝܓ. ܡܢܘ ܕܝܢ ܡܢ ܥܠܡ ܕܠܫܪܒܬܐ ܢܟܘܝܬܐ ܘܡܚܒܠܢܝܬܐ ܕܕ̈ܝܘܐ ܠܗܿܝ ܕܡܢ ܩܕܝܡ ܟܘܠܗ ܓܢܣܐ ܕܒܢ̈ܝ ܐܢܫܐ ܪܥܝܐ ܗܘܬ. ܘܒܝܕ ܡܙܝܥܢܘܬܐ 92 ܕܨܠܡܐ ܛܘܥܝܝ ܨܓܝ̈ܐܬܐ ܒܝܬ ܒܢ̈ܝ ܐܢܫܐ ܡܚܿܘܼܝܐ ܗܘܬ݀ ܟܣܝܐܝܬ ܘܒܐܝܕܐ ܥܫܝܢܬܐ ܘܒܚܝܠܐ ܕܝܠܘܦܢܗ ܕܡܬܟܪܙ ܒܟܠ ܕܘܟܐ. ܐܝܟ ܕܠܚܝ̈ܘܬܐ ܒܼܝܫ̈ܬܐ ܡܢ ܪ̈ܡܟܐ ܕܒܢ̈ܝ ܐܢܫܐ ܛܪܕ ܕܬܘܒ ܕ̈ܝܘܐ ܒܡܒܘ̈ܥܐ ܘܒܥܝ̈ܢܬܐ ܠܐ ܢܩܨܡܘܢܿ ܘܬܘܒ ܪ̈ܘܚܐ ܐܪ̈ܥܢܝܬܐ. ܘܡܫܝܓܬ ܥܠܡܐ ܓܢܣܐ ܕܒܢ̈ܝ ܐܢܫܐ ܠܐ ܢܛܥܝܢ ܫܬܩܬ ܠܗܿ ܗܟܝܠ ܥܝܢܐ ܕܩܣܛܝܐ ܘܕܩܠܦܘܢܣ ܐܚܪܬܐ ܥܝܢܐ݀ ܘܐܚܪ̈ܢܐ ܡܒܘ̈ܥܐ ܕܩܨ̈ܡܐ ܫܬܩܘ ܦܝܬܝܘܣ ܘܩܠܪܝܘܣ ܘܢܡܐܘܣ ܗܿܘ ܕܒܕܠܦܘܣ ܘܡܠܝܛܘܣ ܗܿܘ ܕܒܩܠܦܘܢ ܘܒܠܒܕܝܐ ܕܡܢ ܩܕܝܡ ܡܫܬܒܗܪ ܗܘܐ. ܘܠܝܘܠܦܢܗ ܕܡܫܝܚܐ ܟܠܗܘܢ ܐܫܠܡܘ݀ ܐܝܟܘ ܐܡܦܝܠܟܘܣ ܘܡܘܦܣܘܣ ܠܝܬ ܐܢܫ ܒܕܘܟܐ ܐܝܟܘ ܐܡܦܝܐܪܘܣ ܘܐܣܩܠܦܝܘܣ ܐܝܟܘ ܗܘ ܕܒܐܡܘܢ ܘܒܡܕܒܪܐ ܕܠܝܟ̈ܝܐ ܐܠܗ̈ܐ ܟܠܗܘܢ ܠܬܚܬ ܡܢ ܐܪܥܐ ܚܠܼܕܘ ܟܕ ܙܝܥܝܢ ܡܢ ܫܡܗ ܕܦܪܘܩܢ. ܐܟܘܬܗܘܢ ܕܪ̈ܫܢܝܗܘܢ ܗܿܢܘܢ ܕ̈ܙܠܝܩܐ ܕܐܠܗܘܬܗ ܟܕ ܡܗܠܼܟ ܗܘܐ ܒܝܬ ܒܢ̈ܝ ܐܢܫܐ ܠܐ ܣܝܼܒܪܘ ܘܩܫܝܐܝܬ ܡܒܿܓܢܼܝܢ ܗܘܘ ܟܕ ܩܿܥܼܝܢ ܡܐ ܠܢ ܘܠܟ ܝܫܘܥ ܒܪܗ ܕܐܠܗܐ ܘܐܡܪܝܢ ܕܐܬܝܬ ܕܡܢ ܩܕܡ ܙܒܢܐ ܬܫܢܩܢܝ݀ ܝܕܥܝܢ ܐܢܚܢܢ ܠܟ ܡܢ ܐܢܬ ܕܡܩܕܫܗ ܐܢܬ ܕܐܠܗܐ. ܕ̈ܝܘܐ ܕܝܢ ܡܨܪ̈ܝܐ ܟܕ ܫܡܥܝܢ ܕܡܬܟܙܪܐ ܒܟܘܠܗܿ ܐܪܥܗܘܢ ܡܠܦܢܘܬܗ ܕܦܪܘܩܢ ܕܠܐ ܡܕܡ ܐܢܘܢ ܐܘܕܝܘ݀ ܘܕ̈ܘܟܝܬܐ ܕܥܝܕ̈ܝܗܘܢ ܐܪܦܝܼܘ ܕܢܚܪܒܢ ܥܡ ܢܘ̈ܣܐ ܘܦܬܟܪ̈ܐ. ܘܩܒܠܼܘ ܥܠܝܗܘܢ ܥܪܘܩܝܐ ܘܫܘܢܝܐ ܟܕ ܛܪܝܕܝܢ ܠܪܘܚܩܐ ܡܢ ܚܝܠܐ ܐܠܗܝܐ. ܘܟܠܗܘܢ ܩܨܡ̈ܐ ܕܟܘܠ ܕܘܟܐ ܐܬܚܿܒܠܼܘ݀ ܘܒܠܚܘܕ ܡܫܝܚܐ ܐܠܗܝܐ. ܘܟܠܗܘܢ ܩܨܡ̈ܐ ܕܟܘܠ ܕܘܟܐ ܐܬܚܿܒܠܼܘ ݀ ܘܒܠܚܘܕ ܡܫܝܚܐ ܕܐܠܗܐ݀ ܘܚܕ ܒܠܚܘܕܘܗܝ ܐܠܗܐ ܕܒܐܝܕܗ ܐܬܟܼܪܙ ܠܘܬ ܟܘܠ ܐܢܫ ܡܫܬܒܚ ܀ ܀ ܀܀ ܝܕ. ܡܢܘ ܕܝܢ ܐܚܪܢܐ ܐܝܟ ܗܢܐ ܦܘܪܩܐ ܕܝܠܢ ܕܒܝܕ ܩܪܝܢܗ ܘܒܝܕ ܨ̈ܠܘܬܐ ܕܟ̈ܝܬܐ ܕܒܐܝܕܗ ܠܐܠܗܐ ܕܠܥܠ ܡܢ ܟܠ ܡܫܬܕܪܢ ܕܠܗܿܢܝܢ ܬܘܬܪܐ ܕܕ̈ܝܘܐ ܒܝܼ̈ܫܐ ܡܢ ܦܓܪܐ ܐܢܫܝܐ ܝܗܒ ܫܘܠܛܢܐ ܕܢܪܕܦܘܢ ܠܐܝܠܝܢ ܕܕܟܝܐܝܬ ܘܕܠܐ ܙܐܦܐ ܡܬܩܪܒܝܢ ܠܥܘܡܪܐ ܡܝܬܪܐ ܕܚܟܡܬܐ ܕܐܫܬܠܡܼܬ ܡܢܗ ܀܀ ܀܀ ܝܗ. ܬܫܡ̈ܫܬܐ ܕܝܢ ܡ̈ܠܝܠܬܐ ܕܠܐ ܕܡܐ ܗܿܢܝܢ ܕܒܝܕ ܨ̈ܠܘܬܐ ܘܡ̈ܠܐ ܐܠܗ̈ܝܬܐ ܟܣ̈ܝܬܐ ܡܢܘ ܐܚܪܢܐ ܐܫܠܡ ܠܩܪ̈ܝܒܘܗܝ ܕܢܥܒܕܘܢ ܐܠܐ ܗܢܐ ܒܠܚܘܕ ܕܡܛܠ ܗܕܐ ܒܟܘܠܗܿ ܒܪܝܬܐ ܕܒܢ̈ܝ ܐܢܫܐ ܡܕܒ̈ܚܐ ܕܠܐ ܢܘܪܐ ܘܬܫܡܫܬܐ 93 ܕܙܕܩܐ ܠܐܠܗܐ ܘܦܘܪܫܢܐ ܕܥܕ̈ܬܐ ܘܕ̈ܒܚܐ ܝܕ̈ܘܥܬܢܐ ܘܡ̈ܠܝܠܐ ܕܒܬܫܡ̈ܫܬܐ ܕܠܐܠܗܐ ܝܐܝܢ ܠܚܕ ܒܠܚܘܕܘܗܝ ܐܠܗܐ ܡܠܟܐ ܕܟܠ ܡܢ ܟܠܗܘܢ ܥܡ̈ܡܐ ܕܢܫܬܕܪܘܢ ܐܩܝܡ ܀ ܀܀ ܝܘ. ܘܠܕܒ̈ܚܐ ܗܢܘܢ ܕܒܝܕ ܕܡܐ݀ ܘܛܢܦܘܬܐ ܘܬܢܢܐ ܘܢܘܪܐ ܡܫܬܠܡܝܢܿ ܘܠܩ̈ܛܠܐ ܕܒܢ̈ܝ ܐܢܫܐ ܗܢܘܢ ܦܪܟܐ ܘܫܢ̈ܝܐ ܘܕܠܐ ܢܬܕܒܚܘܢ ܒܢ̈ܝ ܐܢܫܐ݀ ܡܢܘ ܟܣܝܐܝܬ ܘܒܚܝܠܐ ܕܠܐ ܡܬܚܙܐ ܕܥܟ ܘܥܒܕ ܕܬܘܒ ܠܐ ܢܣܬܥܪܢ ܗܟܢܐ ܕܐܦ ܡܟܬܒܢܘܬܐ ܕܝܘ̈ܢܝܐ ܬܣܗܕ ܕܠܐ ܗܘܐ ܡܢ ܩܕܝܡ. ܐܠܐ ܡܢ ܒܬܪ ܝܘܠܦܢܐ ܐܠܗܝܐ. ܕܦܪܘܩܢ ܒܙܒܢܗ ܕܗܕܪܝܢܘܣ ܟܠܗܘܢ ܕܒ̈ܚܐ ܕܒܢ̈ܝ ܐܢܫܐ ܕܒܟܠܗܿ ܐܪܥܐ ܐܫܬܼܪܝܘ ܀܀ ܀܀ ܝܙ. ܟܕ ܬܚܘ̈ܝܬܐ ܗܠܝܢ ܟܠܗܝܢ ܓܠܝ̈ܬܐ ܥܠ ܚܝܠܗ ܐܠܗܝܐ ܕܦܪܘܩܐ ܕܟܠܢ ܡܫܪܢܿ ܡܢܘ ܕܗܟܢܐ ܢܦܫܗ ܕܦܪܙܠܐ ܗܝ. ܕܠܐ ܢܗܣܕ ܥܠ ܫܪܪܐ. ܘܠܚܝܠܗ ܐܠܗܝܐ ܘܚܝܘܬܗ ܢܘܕܐ ܕܚܝ̈ܐ ܐܢܘܢ ܓܝܪ ܘܠܐ ܗܘܐ ܕܡܝܬܐ ܗܠܝܢ ܣܘܥܪ̈ܢܐ ܚܙܬܐ ܓܝܪ ܕܡܕܡ ܕܪܚܝܩ ܐܡܪܝܢ ܕܡܕܡ ܕܡܬܚܙܐ ܐܝܬܘܗܝ. ܀܀ ܀܀ ܀ ܝܚ. ܡܢ ܕܘܟܬܗ ܕܝܢ ܐܬܡܠܼܝ ܘܡܢܬܡܠܝ݀ ܓܢܣܐ ܡܬܟܬܫ ܥܡ ܐܠܗܐ ܫܿܓܼܫ ܗܘܐ ܠܥܘܡܪܐ ܕܒܢ̈ܝ ܐܢܫܐ ܘܡܘܒܠ ܗܘܐ ܘܡܝܬܐ ܘܣܓܝ ܡܫܟܼܚ ܗܘܐ. ܡܛ ܠܕܝܢ ܕܡܢ ܒܢ̈ܝ ܐܢܫܐ ܐܬܛܪܕ. ܫܕܐ ܗܘܐ ܥܠ ܐܪܥܐ ܡܣܠܝܐ ܕܬܣܠܘܐܐ ܕܠܐ ܢܫܡܬܐ ܘܕܠܐ ܙܘܥܬܐ ܘܕܠܐ ܩܠܐ ܘܬܘܒ ܠܝܬ ܡܠܬܗܘܢ ܐܦܠܐ ܕܘܟܪܢܗܘܢܿ ܀܀ ܀܀ ܀܀ ܝܛ. ܟܝܢܐ ܓܝܪ ܗܢܐ ܗܘ ܕܡܝܬܐ ܘܗܼܘ ܕܬܘܒ ܠܐ ܐܝܬܘܗܝ. ܠܐ ܡܕܡ ܗܘ. ܘܗܿܘ ܕܠܐ ܡܕܡ ܗܘ. ܐܦ ܠܐ ܡܕܡ ܥܿܒܕ ܗܿܘ ܕܝܢ ܕܣܿܥܪ ܒܟܠ ܙܒܢ. ܘܥܒ ܒܟܠܫܥ. ܘܝܬܝܪ ܡܢ ܐܝܠܝܢ ܕܚܝ̈ܝܢ ܡܫܟܚ݀ ܐܝܟܢܐ ܢܣܬܒ ܪܕܠܐ ܐܝܬܘܗܝ ܘܐܦܢ ܓܝܪ ܠܐ ܡܬܚܙܐ ܠܥܝ̈ܢܐ ܕܦܓܪܐ ܐܠܐ ܠܐ ܗܘܐ ܒܪ̈ܓܫܐ ܗܘ ܦܘܪܫܢܐ ܘܐܦܠܐ ܓܝܪ ܡ̈ܠܐ ܕܐܘܡܢܘܬܐ ܘܠܐ ܚܞܙܬܐ ܕܝܘܾ̈ܦܢܐ ܒܪ̈ܓܫܐ ܕܦܓܪܐ ܡܬܒܩܝܢ ܐܢܚܢܢ ܐܦܠܐ ܡܕܥܐ ܕܒܪ ܐܢܫܐ. ܚܕ ܟܡܐ ܠܐܠܗܐ ܘܠܚܝܠܗ ܕܐܠܗܐ ܚܿܙܐ ܐܢܫ ܡܡܬܘܡ ܒܥܝ̈ܢܐ. ܐܠܐ ܗܠܝܢ ܡܢ ܥܒܕܗܝܢ ܗܘ ܡܟܢܢ ܕܢܬܝܕܥܢ ܕܡܛܠ ܗܕܐ ܐܦ ܥܠ ܦܪܘܩܐ ܕܟܠܢ ܠܚܝܠܗ ܟܣܝܐ. ܘܠܐ ܕܡܢ ܥܒܕ̈ܘܗܝ 94 ܢܬܝܕܥ݀ ܘܢܦܪܫ ܕܐܢ ܘܠܐ ܕܢܘܕܐ ܕܕܚܝܐ ܐܢܝܢ ܗܠܝܢ݀ ܕܣܬܥܪܢ ܡܢܗ ܥܕܡܐ ܠܗܫܐ. ܘܐܢ ܕܐܝܢܐ ܕܠܐ ܐܝܬܘܗܝ ܢܐܡܪ ܐܘ ܠܠܐ ܗܝ ܗܕܐ ܘܠܐ ܡܬܩܝܡ ܫܘܐܠܗܿ. ܗܿܘ ܓܝܪ ܕܠܐ ܐܝܬܘܗܝ ܒܟܠ ܦܨ̈ܝܢ. ܓܠܝܐ ܗܝ ܕܠܐ ܐܝܬܘܗܝ ܘܠܐ ܡܕܡ ܡܫܟܚ ܠܐ ܕܢܣܥܘܪ ܘܠܐ ܕܢܥܒܕ ܗܿܢܘܢ ܓܝܪ ܟܝܢܐ ܕܡܝܬܐ ܕܚܝ̈ܐ ܕܝܢ ܕܠܩܘܒܠܗܿ ܘܡܟܝܠ ܙܒܢܐ ܗܘ ܕܢܬܒܩܐ ܒܣܘܥܪ̈ܢܘܗܝ ܕܦܪܘܩܢ ܕܒܝܘ̈ܡܬܢ ܘܕܐܠܗܐ ܚܝܐ ܥܒܕܐ ܚܝܐ ܢܚܙܐ. ܥܒܕ̈ܐ ܓܝܪ ܚܝ̈ܐ ܕܐܠܗܐ ܐܢܘܢ ܚܝܐ ܒܫܪܪܐ. ܗܿܘ ܕܚܝ ܒܣܘܥܪ̈ܢܘܗܝ ܘܐܝܠܝܢ ܐܢܘܢ ܗܠܝܢ ܟܕ ܡܫܐܠ ܐܢܬ ܝܠܦ ܀ ܀ ܀܀ ܟܟ. ܐܢܫ̈ܝܢ ܡܬܟ̈ܬܫܝ ܥܡ ܐܠܗܐ ܩܕܡ ܩܠܝܠ ܒܢܝ̈ܢܘܗܝ ܕܠܨ̈ܠܘܬܐ ܒܥܨܝܢܐ ܣܓܝܐܐ ܘܒܚܝܠܐ ܪܒܐ ܘܒܐܝܕܐ ܥܫܝܢܬܐ ܡܢ ܫܬܐܣܝ̈ܗܘܢ ܟܕ ܚܿܦܪܝܢ ܣܚܼܦܘ. ܘܥܒܕܘ ܐܢܝܢ ܠܥܕ̈ܬܗ ܕܠܐ ܢܬܚܙܝܢ݀ ܘܒܟܠ ܦܘܪ̈ܣܝܢ ܥܡ ܕܠܐ ܡܬܚܙܐ ܒܥܝ̈ܢܐ ܡܩܪ̈ܒܝܢ ܗܘܘ. ܟܕ ܫܕܝܢ ܘܚܢܝܢ ܒܪ̈ܒܘܬܐ ܕܡܚ̈ܘܬܐ ܕܡܠܐ ܗܘ ܕܝܢ ܟܕ ܠܐ ܡܬܚܙܐ ܟܣܝܐܝܬ ܐܬܢܩܡ ܡܢܗܘܢܿ ܘܗܼܢܘܢ ܬܘܒ ܠܐ ܐܝܬܝܗܘܢ ܗܘܐ ܒܚܕ ܪܡܙܐ ܕܐܠܗܐ ܗܿܢܘܢ ܕܩܕܡ ܩܠܝܠ ܡܦܢ̈ܩܐ ܗܘܘ ܘܛܘܒ̈ܢܐ ܗܿܢܘܢ ܕܒܐܝܩܪܐ ܡܢ ܟܠ ܐܢܫ ܐܝܟ ܐܠܗ̈ܐ ܡܫܬܒܚܝܢ ܗܘܘ݀ ܘܒܚܘܕܪܐ ܕ̈ܫܢܝܐ ܣܓܝ̈ܐܬܐ ܢܨܝܚܐܝܬ ܡܠܟܘܬܗܘܢ ܬܪܨܘ. ܩܕܡ ܓܝܪ ܕܢܩܪܒܘܢ ܥܡ ܗܢܐ ܐܚܪܝܐ ܫܝܢܐ ܗܘܐ ܠܗܘܢ ܘܪܚܡܘܬܐ݀ ܟܕ ܕܝܢ ܐܫܬ݀ܚܠܼܦܘ݀ ܘܥܡ ܐܠܗܐ ܕܢܬܟܬܫܘܢ ܐܡܪܚܼܘ. ܘܠܐܠܗܝ̈ܗܘܢ ܕܢܗܘܘܢ ܠܗܘܢ ܡܥܫܢ̈ܢܐ ܘܕܢܬܟܬܫܘܢ ܩܕܡܝܗܘܢ ܠܘܩܒܠ ܗܢܐ ܕܝܠܢ ܣܕܪܘ. ܡܢ ܕܘܟܬܗ ܒܚܕܐ ܪܘܦܐ ܘܒܪܡܙܐ ܕܐܠܗܐ ܘܒܚܝܠܐ ܕܗܿܘ ܕܐܬܟܬܫܘ ܥܡܗ. ܡܣܡ ܒܪܝܫܐ ܝܿܗܒܘ ܟܠܗܘܢ ܕܡܪܚܘܬܗܘܢ ܗܟܢܐ ܕܐܫܠܼܡܘ ܠܗܿܘ ܕܐܩܼܪܒܘ ܥܡܗ݀ ܘܝܿܗܒܘ ܠܗ ܚܨܐ ܘܠܐܠܗܘܬܗ ܐܘܕܝܼܘ ܘܐܪܦܝܼܘ ܘܐܦܼܣܘ ܕܠܩܘܒܠܐ ܕܗܠܝܢ ܕܡܢ ܩܕܝܡ ܐܡܪܚܼܘ݀ ܗܼܘ ܕܝܢ ܢܝܫܐ ܕܙܟܪܘܬܐ ܒܪܫܥܬܗ ܒܟܠܗܿ ܐܪܥܐ ܐܩܝܡ ܒܘܒܢܘ̈ܣܐ ܕܕܟܝܢ ܘܡܦܪ̈ܫܝܢ ܐܝܟ ܕ̈ܠܨܠܘܬܐ ܠܟܠܗܿ ܒܪܝܬܐ ܬܘܒ ܐܝܟ ܕܡܢ ܩܕܝܡ ܨܿܒܬ. ܗܟܢܐ ܕܒܟܠ ܩܘܪ̈ܝܐ ܘܒܟܠ ܡܕܝܢܐ ܘܒܟܠ ܕܘ̈ܟܝܢ ܘܒܡܕܒܪܐ ܕܒܪܒܪܝܐ ܕܘܟܝ̈ܬܐ ܩܕ̈ܝܫܬܐ ܘܦܪ̈ܝܫܬܐ ܠܚܕ ܐܠܗܐ ܡܿܠܟܐ ܕܟܠ ܠܗܿܘ ܕܐܝܬܘܗܝ ܡܪܐ ܕܟܘܠ ܩܕܫ. ܕܡܢܗܿ ܗܕܐ ܠܫܡܗ ܕܡܪܗܝܢ ܗܿܢܝܗܢ ܕܐܬ݀ܦܪܫ ܫܘܼܝ. ܘܠܐ ܗܘܐ ܡܢ ܒܢ̈ܝ 95 ܐܢܐ ܐܣܬܩܒܠ ܠܗܝܢ ܗܢܝܐ ܟܘܢܝܐ ܐܠܐ ܕܡܢܗ ܕܡܪܐ ܕܟܘܠ݀ ܕܡܛܠ ܗܕܐ ܠܫܡܐ ܕܒܝܬ ܡܪܘܬܐ ܫܼܘܝ݀ ܐܘ ܡܢ ܕܨܒܐ ܢܬܩܪܒ ܠܡܨܥܬܐܬ ܘܢܐܠܦ ܡܢ ܒܬܪ ܗܢܐ ܟܠܗ ܣܘܚܦܐ ܘܚܘܪܒܐ. ܡܢܘ ܒܢܝ̈ܢܐ ܕܐܝܟ ܗܠܝܢ ܒܟܘܠܗܿ ܒܪܝܬܐ. ܡܢ ܐܪܥ ܠܘܪܡܐ ܐܩܝܼܡ. ܘܡܢܘ ܠܗܠܝܢ ܕܦܣܝܩ ܗܘܐ ܟܠܗ ܣܒܪܗܝܢ ܠܚܘܕܬ ܬܚܢܐ ܕܡܝܪܬ ܣܓܝ ܡܢ ܩܕܡܝܐ ܐܫܘܼܝ݀ ܘܬܕܡܘܪܬܗܿ ܪܒܬܐ ܕܡܠܬܐ ܕܚܬ ܐܢܝܢ݀ ܠܐ ܗܘܐ ܡܢ ܒܬܪ ܡܘܬܗܘܢ ܕܗܿܢܘܢ ܡܬܟܬܫܝ ܥܡ ܐܠܗ̈ܐ ܐܠܐ ܟܕ ܐܝܬܝܗܘܢ ܒܥܠܡܐ ܗܼܢܘܢ ܗܿܢܘܢ ܕܥܩܪܘ ܒܝܕ ܦܘܡܗܘܢ ܘܒܝܕ ܟܬܒܗܘܢ ܝܠܕܐ ܚܕܬܐ ܕܠܘܩܒܠ ܡܪܚܘܬܗܘܢ ܢܟܪܙܘܢܿ ܘܗܼܝ ܗܕܐ ܣܥܼܪܘ݀ ܠܐ ܗܘܐ ܟܕ ܐܝܬܝܗܘܢ ܒܢܝܚܐ ܘܒܪܥܝܢܐ ܕܡܪܚܡܢܘܬܐ ܕܒܢ̈ܝ ܐܢܫܐ. ܕܠܐ ܐܢܫ ܢܣܒܪ ܐܠܐ ܟܕ ܡܬܛܪܕܝܢ ܒܡܚܘܬܐ ܕܐܠܗܐ ܀ ܀ ܀ ܟܐ. ܗܪܘ ܕܝܢ ܐܦ ܡܢ ܒܬܪ ܗܿܢܘܢ ܟܠܗܘܢ ܣ̈ܬܘܐ ܕܐܪܕܘܦܝܐ ܘܒܗ ܒܚܘܪܦܗܝܢ ܕܒܝܼܫ̈ܬܐ ܡܚܒ̈ܢܐ ܕܥܘܡܪܐ ܕܚܟܡܬܐ ܪ̈ܒܘܬܐ ܕܓܒܪ̈ܐ ܘܕܢܫ̈ܐ ܟܘܡܪ̈ܬܐ ܘܟܢܫ̈ܐ ܕܒܬܘ̈ܠܬܐ ܕܒܩܕܝܫܘܬܐ ܫܠܡܬܐ ܟܠܗ ܙܒܢܐ ܕܚܝ̈ܝܗܘܢ ܐܬܩܝܡܘ ܒܝܘܠܦܢܐ ܕܝܕܥܬܗ ܐܠܗܝܬܐ ܢܗܪ ܘܒܟܠܗܿ ܒܪܝܬܐ ܩܝܡ. ܀܀ ܀܀ ܟܒ. ܓܘ̈ܠܙܢܐ ܕܝܢ ܕܡܢ ܡܐܟ̈ܠܬܐ ܘܝܘ̈ܡܬܐ ܣܓܝ̈ܐܐ ܕܠܐ ܣܝܒܪ̈ܬܐ ܘܡܕܡܟܐ ܕܐܪܥܐ ܘܕܠܐ ܚܡܪܐ ܒܨܒܝܢܗܘܢ ܢܣܝܒܪܘܢ ܘܕܒܡܣܝܒܪܢܘܬܐ ܕܥܘܡܪܐ ܩܫܝܐ ܘܚܝܠܬܢܐ ܢܬܚܫܚܘܢ ܥܡ ܢܟܦܘܬܐ. ܡܢܘ ܢܫ̈ܐ ܘܪ̈ܒܘܬܐ ܕܛ̈ܠܝܐ ܘܣܘܓܐܐ ܕܓܒܪ̈ܐ ܐܦܝܣ ܕܒܣܝܒܪ̈ܬܐ ܡܠܝ̈ܠܬܐ ܢܦܫ̈ܬܐ ܡܠܝ̈ܠܬܐ ܚܕ ܕܚܕ ܒܝܕ ܩܪܝܢܐ ܐܠܗܝܐ ܥܒܕ ܕܢܚܠܦܘܢ ܡܢ ܣܝܒܪܬܐ ܕܦܓܪܐ ܀܀ ܀ ܟܓ. ܘܡܢܘ ܠܓܒܪ̈ܐ ܒܪܒܪܝܐ ܘܩܘܪ̈ܝܝܐ ܘܢܫ̈ܐ ܘܛ̈ܠܝܐ ܘܪ̈ܒܘܬܐ ܕܥܒܕ̈ܐ ܣܓܝ̈ܐܐ ܕܥܡ̈ܡܐ ܐܠܦ ܕܢܒܣܪܘܢ ܥܠ ܡܘܬܐ ܘܕܢܬܛܦܝܣܘܢ ܕܢܦܫܗܘܢ ܠܐ ܡܝܬܐ ܘܥܝܢܐ ܕܕܝܢܐ ܓܠܝܬܐ ܐܝܬ ܕܚܙܝܐ ܣܘܥܪ̈ܢܝܗܘܢ ܕܒܢ̈ܝ ܐܢܫܐ ܕܟ̈ܐܢܐ ܘܕܪ̈ܫܝܥܐ. ܘܕܢܣܒܪܘܢ ܠܕܝܢܗ ܕܐܠܗܐ ܕܡܛܬܗܝܢ ܕܗܝܠܢ ܘܿܠܐ ܠܗܘܢ ܕܢܬܒܛܠ ܠܗܘܢ ܥܠ ܥܘܡܪܐ ܕܟܐܢܘܬܐ ܘܕܢܟܦܘܬܐ݀ ܐܢ ܓܝܪ ܗܟܢܐ ܠܐ ܢܗܘܘܢܿ ܠܐ ܡܫܟܚܐ ܕܐܚܪܢܝܐܝܬ ܢܬܟܕܢܘܢ ܒܢܝܪܐ ܕܟܐܢܘܬܐ ܕܗܼܝ ܗܕܐ ܡܢ ܗܢܐ ܒܠܚܘܕ ܡܬܩܪܐ ܡܢܢ ܐܠܗܐ ܥܕܡܐ ܠܗܫܐ ܡܣܬܥܪܐ. ܀܀ ܀܀ ܀܀ 96 ܟܕ. ܐܠܐ ܗܠܝܢ ܢܪܦܐ ܐܢܝܢ ܘܐܚܪܢܝܐܝܬ ܕܝܢ ܠܗܿܘ ܕܪܥܝܢܗ ܕܟܐܦܐ ܗܘ. ܘܐܦ ܡܢ ܗܠܝܢ ܢܩܿܪܒ ܠܗ ܫܘܐܠܐ ܟܕ ܡܫܐܠܝܢ ܐܢܚܢܢ ܠܗ ܗܟܢܐ ܐܘ ܐܢܬ ܒܪܬ ܩܠܐ ܡܠܝܠܬܐ ܐܦܩ ܠܐ ܡܢ ܠܒܐ ܛܥܘܫܐ ܐܠܐ ܦܐܪܐ ܕܢܦܫܐ ܝܕܘܥܬܢܝܬܐ ܘܡܠܝܠܬܐ ܐܣܪܚܼ ܘܐܡܿܪ ܒܝܢܝܟ ܘܠܢܦܫܟ. ܟܕ ܣܓܝ ܗܪܓ ܐܢܬ݀ ܀܀ ܀܀ ܀܀ ܟܗ. ܡܢܘ ܐܚܪܢܐ ܡܢ ܡܬܘܡ ܡܢ ܗܿܢܘܢ ܕܐܬܟܼܪܙܘ ܡܢ ܥܠܡ ܐܝܟ ܗܢܐ ܕܡܬܩܪܐ ܡܢܢ ܐܠܗܐ ܕܒܒܢ̈ܬ ܩ̈ܠܐ ܕܢܒ̈ܝܐ ܡܢ ܠܥܠ ܡܢ ܩܕܡ ܪ̈ܒܘܬܐ ܕܙܒ̈ܢܐ ܐܬܝܕܼܥ ܘܐܬܩܝܡ ܘܐܬܟܪܙ ܠܘܬ ܗܿܢܘܢ ܩܕ̈ܡܝܐ ܪ̈ܚܡܝ ܠܐܠܗܐ ܒܢ̈ܝ ܥܒܪ̈ܝܐ. ܗܿܢܘܢ ܕܐܦ ܕܘܟܬܐ ܕܓܠܝܢܗ ܘܙܒܢܐ ܕܡܐܬܝܬܗ ܘܐܣܟܡܐ ܕܥܘܡܪܗ ܘܚܝܠܐ ܘܡ̈ܠܘܗܝ ܘܣܘܥܪ̈ܢܘܗܝ ܩܿܕܡܘ ܒܟ̈ܬܒܐ ܕܐܠܗܘܬܐ ܟܬܒܼܘ܀܀ ܀ ܟܘ. ܐܘ ܡܢܘ ܕܗܟܢܐ ܒܥܓܠ ܐܬܚܼܙܝ ܬܒܘܥܐ ܡܢ ܐܝܠܝܢ ܕܐܡܼܪܚܘ ܥܠܘܗܝ ܕܢܡ ܕܘܟܬܗ ܕܐܪܫܼܥܘ ܒܗ ܒܚܝܠܗ ܟܣܝܐ ܒܪܝܫܐ ܕܟܠܗ ܥܡܐ ܕܝܗܘܕ̈ܝܐ ܣܼܡ ܘܡܠܝܐܝܬ ܐܬܪܐ ܕܡܿܠܟܘܬܗܘܢ ܡܢ ܫܬܐܣ̈ܘܗܝ ܣܚܼܦ݀ ܘܗܼܘ ܗܝܟܠܗܘܢ ܐܟܚܕܐ ܥܡ ܩܘܕ̈ܫܘܗܝ ܠܐܪܥܐ ܐܚܼܬ ܀ ܀ ܀܀ ܟܙ. ܘܡܢܘ ܕܡ̈ܐ ܡܩܕ̈ܡܬܐ ܕܥܠܝܗܝܢ ܕܗܠܝܢ ܕܥܠ ܓܒܪ̈ܐ ܪܫܝܥܐ ܘܥܠ ܥܕܬܗ ܕܐܬܩܡܬ݀ ܡܢܗ ܒܟܠܗ ܒܪܝܬܐ ܓܠܝܐܝܬ ܘܒܗܝܢ ܒܨܒ̈ܘܬܐ ܩܕܡ ܐܡܪ ܘܚܿܘܼܝ ܫܪܪܗܝܢ ܒܥܒܕܗܝܢ ܐܝܟ ܗܢܐ ܦܪܘܩܢ ܕܝܠܢ. ܕܥܠ ܗܝܟܠܐ ܕܪ̈ܫܝܥܐ ܐܡܼܪ. ܕܗܐ ܫܒܝܼܩ ܒܝܬܟܘܢ ܚܪܒܐ. ܘܠܐ ܬܦܘܫ ܟܐܦܐ ܥܠ ܟܐܦܐ ܒܕܘܟܬܐ ܗܕܐ ܕܠܐ ܬܫܬܪܐ ܘܥܠ ܥܕܬܗ ܕܝܢ ܐܡܿܪ ܕܥܠ ܗܕܐ ܟܐܦܐ ܐܒܢ̈ܝܗܿ ܠܥܕܬܝ ܘܡܘ̈ܟܠܐ ܫܕܝܘܠ ܠܐ ܢܚܣܢܘܢܗܿ. ܀܀ ܀܀ ܟܚ. ܘܕܗܕܐ ܕܝܢ ܕܐܢܫܐ ܡܣܟ̈ܢܐ ܘܩܘܪ̈ܝܝܐ ܡܢ ܨܝܕܘܬܐ ܠܫܘܠܛܢܐ ܢܫܚܠܦ݀ ܘܠܗܘܢ ܠܗܠܝܢ ܢܥܒܕ ܣܝ̈ܡܝ ܢܡܘ̈ܣܐ. ܘܡ̈ܠܦܢܐ ܕܟܠܗܿ ܒܪܝܬܐ ܕܒܢ̈ܝ ܐܢܫܐ ܐܝܟܢ ܡܣܬܒܪܐ ܠܟ ܕܐܫܬܘܕܝ ܠܗܘܢܿ ܗܝܕܝܢ ܘܒܡܠܬܐ ܐܡܼܪ ܘܒܥܒܕܐ ܥܒܼܕ ܐܢܘܢ ܨܝܕ̈ܐ ܕܒܢ̈ܝ ܐܢܫܐ. ܘܗܕܐ ܟܘܠܗܿ ܡܝܬܪܘܬܐ ܘܚܝܠܐ ܝܼܗܒ ܠܗܘܢܿ ܗܟܢܐ ܕܐܦ ܡܟܬܒܢܘܬܐ ܢܛܟܣܘܢܿ ܘܟܬܒ̈ܐ ܢܫܠܡܘܢܿ ܘܠܗܘܢ ܠܗܠܝܢ ܗܟܢܐ ܢܫܪܪ. ܕܒܟܠܗܿ ܒܪܝܬܐ ܒܟܠ ܠܫܢ̈ܝܢ ܕܝܘ̈ܢܝܐ ܘܕܒܪܒܪܝܐ 97 ܢܬܩܒܠܘܢ. ܘܠܘܬ ܟܠܗܘܢ ܥܡ̈ܡܐ ܢܬܝܠܦܘܢܿ ܘܢܬܗܝܡܢܘܢܿ ܕܡ̈ܠܐ ܕܟܬܝܒܢ ܒܗܘܢܿ ܕܐܠܗܐ ܐܢܝܢ ܀ ܀ ܀܀ ܟܛ. ܘܐܝܟܢܐ ܕܝܢ ܡܬܚܙܝܐ ܠܟ ܕܗܼܘ ܩܿܕܡ ܐܡܼܪ ܡܕܡ ܕܥܬܝܕ ܘܠܬܠܡܝܕ̈ܘܗܝ ܩܿܕܡ ܐܣܗܕ. ܕܡܛܠ ܗܕܐ ܕܡܘܕܝܢ ܒܗ݀ ܩܕܡ ܡ̈ܠܟܐ ܘܩܕܡ ܗܓܡܘ̈ܢܐ ܥܬܝܕܝܢ ܕܢܐܬܘܢ ܘܕܢܬܣܝܡ ܒܪܫܗܘܢ ܘܕܢܣܝܒܪܘܢ ܫܢܕ̈ܐ ܩܫ̈ܝܐ ܀܀ ܀܀ ܠ. ܘܗܕܐ ܕܝܢ ܕܢܥܬܕ ܐܢܘܢ ܕܒܨܒܝܢܗܘܢ ܢܣܝܒܪܘܢ ܘܒܙܝܢܐ ܕܟܐܢܘܬܐ ܐܝܟ ܐܕܡܘܣ ܗܟܢܐ ܡܫܪܪܐܝܬ ܢܦܫܗܘܢ ܢܙܝܿܢܘܢ ܕܢܬܚܙܘܢ ܒܐܝܓܘܢܐ ܕܗܿܢܘܢ ܕܠܘܩܒܠܗܘܢܿ ܐܝܟܢܐ ܠܐ ܠܟܠ ܡ̈ܠܝܢ ܥܒܪܐ ܀܀ ܀܀ ܀܀܀܀ ܀܀ ܠܐ. ܘܕܠܐ ܗܘܐ ܒܠܚܘܕ ܠܗܿܢܘܢ ܕܢܩܦܝܘܗܝ. ܐܠܐ ܐܦ ܠܗܿܢܘܢ ܕܩܒܼܠܘ ܡܢܗܘܢ. ܘܬܘܒ ܐܦ ܠܗܿܢܘܢ ܕܢܡ ܒܬܪܟܢ ܗܿܘܝܢ݀ ܘܠܗܿܢܘܢ ܕܥܕܡܐ ܠܗܫܐ ܒܙܒܢܢ ܗܟܢܐ. ܚܝܠܬܢܘܬܐ ܒܢܦܫܗܘܢ ܢܩܒܘܥ. ܕܟܕ ܡܕܡ ܕܫ݀ܘܐ ܠܡܘܬܐ ܠܐ ܣܥܼܪܘ ܟܠܗܘܢ ܡܣܡ ܒܪ̈ܝܫܐ. ܘܟܠܗܘܢ ܕܡ̈ܘܬܐ ܕܫܢܕ̈ܐ ܒܚܘܒܐ ܕܡܛܠ ܟܐܢܘܬܗ ܕܐܠܗܐ ܕܠܥܠ ܡܢ ܟܠ ܢܣܝܒܪܘܢ ܐܝܟܢܐ ܠܐ ܠܟܠ ܬܕܡܪ̈ܢ ܥܿܒܪܐ ܀ ܀ ܀܀ ܠܒ. ܐܠܐ ܡܢܘ ܡܡܬܘܡ ܡܢ ܡ̈ܠܟܐ ܕܗܢܐ ܟܠܗ ܙܒ̈ܢܐ ܒܐܘܚܕܢܗ ܫܿܠܡ. ܘܡܢܘ ܕܙܟܼܐ ܗܟܢܐ ܒܬܪ ܡܘܬܗ ܘܢܝܫܐ ܕܙܟܘܬܐ ܥܠ ܒܥܠܕ̈ܒܒܘܗܝ ܡܩܝܡ. ܘܟܠܗܘܢ ܐܬܪ̈ܘܬܐ ܘܕܘ̈ܟܝܬܐ ܘܡܕ̈ܝܢܬܐ ܕܝܘ̈ܢܝܐ ܘܕܒܪܒܪܝܐ ܡܫܥܒܕ. ܘܒܚܝܠܐ ܟܣܝܐ ܕܝܡܝܢܐ ܕܠܐ ܡܬܚܙܝܐ ܠܕܩܒܘܠܗ ܡܩܦܚ. ܀܀ ܀܀ ܀܀ ܠܓ. ܪܝܫܐ ܕܝܢ ܕܗܠܝܢ ܟܠܗܝܢ ܕܐܬܐܡܼܪ ܫܝܢܐ ܗܘ ܗܢܐ ܕܒܝܕ ܚܝܠܐ ܕܝܠܗ ܒܟܠܗ ܐܪܥܐ ܐܬܦܪܢܼܣ ܕܐܝܠܝܢ ܕܙܕܩܢ ܩܿܕܡܼܢ ܐܡܼܪܢ ܥܠܘܗܝ. ܘܐܝܢܐ ܗܘ ܦܘܡܐ ܕܥܫܘܩܐ ܕܠܐ ܣܒܪ. ܕܗܟܢܐ ܒܥܒ̈ܕܐ ܥܡ ܡܠܦܢܘܬܗ ܪܗܛ ܚܘܒܐ ܘܐܘܝܘܬܐ ܒܟܠܗܘܢ ܥܡ̈ܡܐ ܕܒܟܠܗ ܥܠܡܐ ܘܕܡܠܬܐ ܕܡܢܗ ܐܙܕܪܥܼܬ ܒܟܠܗܘܢ ܥܡ̈ܡܐ. ܘܙܥܘܪ ܗܘ ܝܘܡܐ ܚܕ ܕܬܚܘ̈ܝܬܗ ܓ̈ܠܝܬܐ ܕܚܝܠܐ ܐܠܗܝܐ ܕܡܠܬܐ 98 ܕܐܠܗܐ ܦܘܪܩܐ ܕܟܠ ܗܿܢܝܢ ܕܥܕܡܐ ܠܗܫܐ ܡܬܚܘܝܢ. ܕܐܢܣܐ ܕܒܗ ܐܟܢܫ ܘܐܚܘܐ݀ ܕܠܐ ܗܘܐ ܐܢܫ ܡܡܬܘܡ ܘܡܢ ܥܠܡ. ܠܐ ܠܘܬ ܝܘܢ̈ܝܐ ܕܐܝܟ ܗܢܐ ܚܝܠܐ. ܡܝܬܪܐ ܘܐܠܝܐ ܚܿܘܼܝ ܐܝܟ ܡܐ ܕܗܢܐ ܕܡܬܟܼܪܙ ܠܘܬ ܟܠ ܐܢܫ ܕܐܝܬܘܗܝ ܦܘܪܩܐ ܕܟܠ݀ ܘܡܠܬܐ ܚܝܕܝܐ ܕܐܠܗܐ ܕܠܥܠ ܡܢ ܟܠ݀ ܘܡܢܐ ܐܡܪܢܐ ܥܠ ܒܢ̈ܝ ܐܢܫܐ ܕܗܐ ܘܐܦܠܐ ܡܢ ܗܿܢܘܢ ܕܡܬܩܪܝܢ ܠܘܬ ܟܠܗܘܢ ܥܡ̈ܡܐ ܐܠܗܐ ܐܬܚܼܙܝ. ܥܠ ܐܪܥܐ ܟܝܢܐ ܐܝܟ ܗܢܐ݀ ܐܘ ܢܚܘܐ ܡܢ ܕܨܿܒܐ. ܘܢܬܩܪܒ ܟܠ ܦܝܠܘܣܦܐ ܕܐܝܬ ܘܢܐܡܪ ܠܢ ܡܢܘ ܡܢ ܟܠ. ܥܠܡ ܘܡܡܬܘܡ ܐܫܬܡܥ ܐܠܗܐ ܐܘ ܗܪܘܣ ܕܠܝܘܠܦܢܐ ܕܚܝ̈ܐ ܕܠܥܡ ܘܕܡܠܟܘܬܐ ܕܫܡܝܐ ܡܕܡ ܕܠܐ ܗܘܐ ܚܕܬܐܝܬ ܠܒܢ̈ܝ ܐܢܫܐ ܐܫܠܡ ܐܝܟ ܗܢܐ ܦܪܘܩܐ ܕܝܠܢ ܕܒܝܘܠܦ̈ܢܘܗܝ ܕܚܟܡܬܐ ܕܣܘܓܐܐ ܕܪ̈ܒܘܬܐ ܒܟܠܗܿ ܒܪܝܬܐ ܥܒܕ ܕܢܬܕܪܫܘܢ. ܘܐܦܝܣ ܕܢܪܕܦܘܢ ܒܬܪ ܥܘܡܪܐ ܫܡܝܢܐ ܘܠܚܝ̈ܐ ܗܠܝܢ ܕܙܒܢܐ ܢܒܣܪܘܢܿ ܘܠܐܘܢ̈ܐ ܫܡ̈ܝܢܐ ܕܢܛܝܪܝܢ ܠܢܦܫ̈ܬܐ ܕܪܚܼܡܢ ܠܐܠܗܐ ܢܣܒܪܘܢ܀ ܀ ܀܀ ܠܕ. ܡܢܘ ܡܢ ܡܬܘܡ ܐܠܗܐ ܐܘ ܗܪܘܣ ܕܡܠܝܐܝܬ ܡܢ ܡܕܢ̈ܚܘܗܝ ܕܫܡܫܐ ܘܥܕܡܐ ܠܡܥܪ̈ܒܘܗܝ݀ ܒܥܓܠ ܘܐܝܟ ܩܠܝܠܘܬܐ ܕܪܗܛܗ ܕܫܡܫܐ ܒܙ̈ܠܝܩܘܗܝ ܢܗܝܪ̈ܐ ܕܝܘܦܢܗ ܐܕܢܚܼ ܘܢܗܪ. ܗܟܢܐ ܕܒܟܠܗ ܐܪܥܐ ܟܠܗܘܢ ܥܡ̈ܡܐ ܠܚܕ ܐܠܗܐ ܚܕܐ ܘܗܼܝ ܬܫܡܫܬܐ ܢܫܠܡܘܢܿ ܀܀ ܀܀ ܀܀ ܠܗ. ܡܢܘ ܡܡܬܘܡ ܐܠܗܐ ܐܘ ܗܪܘܣ. ܕܥܡ ܟܠܗܘܢ ܐܠܗ̈ܐ ܘܗܪܘܣ ܝܘܢܝ̈ܐ ܘܒܪ̈ܒܪܝܐ ܐܬܟܬܼܫ݀ ܘܣܼܡ ܢܡܘܣܐ ܕܚܕ ܡܢܗܘܢ ܠܐ ܢܣܬܒܪ ܐܠܗܐ. ܘܕܣܼܡ ܢܡܘܣܐ ܐܦܝܼܣ. ܘܒܬܪܟܢ ܐܩܼܪܒܘ ܥܡܗ ܟܠܗܘܢ. ܘܟܕ ܗܼܘ ܚܕ ܗܘ. ܟܘܠܗ ܚܝܠܐ ܕܠܩܘܒܠܗ ܣܚܼܦ ܘܐܬܚܼܙܝ ܕܡܝܼܬܪ ܗܘ ܡܢ ܟܠܗܘܢ ܐܠܗ̈ܐ. ܘܪܗܘܣ ܕܡܢ ܥܠܡ. ܗܟܢܐ ܕܒܟܠܗ ܒܪܝܬܐ ܕܒܢ̈ܝ ܐܢܫܐ ܡܠܬܐ ܝܚܝܕܝܐ ܕܐܠܗܐ ܢܬܩܪܐ ܡܢ ܟܠܗܘܢ ܥܡ̈ܡܐ ܀܀ ܀܀ ܠܘ. ܡܢܘ ܡܡܬܘܡ ܐܠܗܐ ܐܘ ܗܪܘܣ ܕܡܠܝܐܝܬ ܠܟܘܠܗܘܢ ܥܡ̈ܡܐ ܕܥܡܪܝܢ ܒܐܣܛܘܟܣܐ ܪܒܐ ܕܟܠܗܿ ܐܪܥܐ. ܠܗܿܢܘܢ ܕܒܐܪܥܐ ܘܠܗܿܢܘܢ ܕܒܝܡܐ ܐܫܠܡ ܕܒܟܠ ܫܒ̈ܝܢ ܒܝܘܡܐ ܕܡܬܩܪܐ ܒܝܬ ܝܘܢ̈ܝܐ ܕܫܡܫܐ ܕܢܥܒܕܘܢ ܥܐܕܐ ܒܩܕܝܫܘܬܐ ܕܢܦܫܐ ܘܕܦܓܪܐ ܘܕܢܬܟܢܫܘܢ ܐܟܚܕܐ ܘܕܠܐ ܗܘܐ ܦܓܪ̈ܝܗܘܢ 99 ܢܫܡܥܘܢܿ ܐܠܐ ܢܦܫܿܬܗܘܢ ܒܝܕ ܝܘܠܦܢܐ ܐܠܗܝܐ ܥܬܕ ܕܢܚܘܢ [ܕܢܐܚܘܢ] ܀ ܀܀ ܠܙ. ܡܢܘ ܐܠܗܐ ܐܘ ܗܪܘܣ ܕܟܕ ܗܟܢܐ ܐܩܪܒܼܘ ܥܡܗ݀ ܐܝܟ ܗܢܐ ܕܝܠܢ. ܢܝܫܐ ܕܙܟܘܬܐ ܕܠܘܩܒܠ ܒܥܠܕܒܒ̈ܘܗܝ ܐܩܝܡ ܗܼܢܘܢ ܓܝܪ ܠܐ ܫܠܝܼܘ. ܡܢ ܪܫܐ ܘܥܕܡܐ ܠܚܪܬܐ. ܕܥܡ ܝܘܠܦܢܗ ܘܥܡ ܥܡܗ ܢܬܟܼܬܫܘܢ ܘܗܼܘ ܟܕ ܠܐ ܡܬܚܙܐ ܟܣܝܐܝܬ ܠܗܿܢܘܢ ܣܚܼܦ݀ ܘܠܗܠܝܢ ܕܝܠܗ ܥܡ ܒ̈ܬܐ ܐܠܗܐ ܠܬܫܒܘܚܬܐ ܪܒܬܐ ܐܝܿܬܼܝ. ܘܡܢܐ ܘܿܠܐ ܕܒܡ̈ܠܐ ܠܚܝ̈ܠܘܗܝ ܐܠܗ̈ܝܐ ܕܦܘܪܩܐ ܕܟܠܢ ܕܡܝܬܪܝܢ ܡܢ ܟܠ ܡ̈ܠܝܢ ܢܨܒܐ ܕܢܟܢܫ݀ ܕܗܐ ܐܦ ܟܕ ܫܬܝܩܝܢ ܐܢܚܢܢ݀ ܗܼܢܝܢ ܨܒ̈ܘܬܐ ܩܿܥܝܢ. ܠܐܝܠܝܢ ܕܩܿܢܼܝܢ ܐܕ̈ܢܐ ܕܢܦܫܐ ܀ ܀ ܀܀ ܠܚ. ܗܢܐ ܢܘܟܪܝ ܗܘ ܒܫܪܪܐ. ܘܡܕܡ ܕܠܐ ܡܣܬܒ ܪܘܡܢ ܥܠܡ ܗܕܐ ܗܝ ܚܕܐ ܨܒܘܬܐ ܐܝܬܝ ܥܠܡܐ ܕܒܢ̈ܝ ܐܢܐ. ܘܡܡܬܘܡ ܗܢܐ ܒܠܚܘܕ ܒܪܐ ܕܐܠܗܐ ܒܫܪܪܐ ܐܬܚܼܙܝ ܠܗܿܢܘܢ ܕܒܐܪܥܐ ܕܒܐܝܕܗ ܟܠܗ ܓܢܣܐ ܕܒܢ̈ܝ ܐܢܫܐ ܡܥܠܢܐ ܕܟܐܢܘܬܐ ܕܫܪܪܐ ܒܟܝܢܗ ܩܿܒܼܠ. ܗܟܢܐ ܕܡܟܝܠ ܒܟܠܗܿ ܒܪܝܬܐ ܕܒܢ̈ܝ ܐܢܫܐ ܕܘܟ̈ܝܬܐ ܕܡ̈ܠܐ ܐܠܗܝ̈ܬܐ ܘܕܡܪܕܘܬܐ ܘܕܝܘܠܦܢܐ ܐܠܗܝܐ ܢܬܩܝܡܢܿ ܘܐܢܫܐ ܒܪܒܪܝܐ ܘܒܥܪܝܪܝܐ ܠܡܫܝܢܘܬܐ ܢܫܚܠܦܘܢ ܬܪܥܝܬܗܘܢ ܗܟܢܐ ܕܫܝܘܬܗ ܡܠܝܠܬܐ ܕܢܦܫܗܘܢ ܡܝܬܪܘܬܗ ܕܝܠܗ ܬܩܒܼܠ݀ ܕܒܐܝܕܗ ܠܐܒܘܗܘܢ ܕܒܡܫܡܫܐ ܝܕܥܘ. ܠܗ ܠܗܿܘ ܦܪܘܩܐ ܕܟܘܠ݀ ܠܡܠܬܐ ܝܚܝܕܝܐ ܕܐܠܗܐ ܡܿܠܛܐ ܕܟܠ ܘܠܗ ܠܗܢܐ ܘܒܐܝܕܗ ܠܗܿܘ ܕܐܝܬܘܗܝ ܥܠܬܐ ܕܟܠܗܝܢ ܛܒ̈ܬܐ. ܬܫܒ̈ܚܬܐ ܕܡܬܚܝܒܢ ܘܒܘܪ̈ܟܬܐ ܘܬܘ̈ܕܝܬܐ ܕܙܕܩܢ ܢܦܢܘܢܿ ܗܟܢܐ ܕܡܟܝܠ ܬܫܒ̈ܚܬܐ ܕܟܐܢܘܬܐ ܘܬܘܕ̈ܝܬܐ ܕܫܠܡܢ ܠܕܟܢܫܐ ܕܡ̈ܠܐܟܐ ܕܒܫܡܝܐ. ܘܐܦ ܡܢ ܥܡܘܪ̈ܘܗܝ ܕܐܣܛܘܟܣܐ ܕܐܪܥܼܐ ܒܟܠ ܐܝܡ̈ܡܝܢ ܘܒܟܠ ܠܝ̈ܠܘܢ ܢܫܬܕܪܘܢܿ ܀܀ ܀܀ ܀܀ ܠܛ. ܣܘܥܪ̈ܢܐ ܗܟܝܠ ܕܦܘܪܩܢܐ ܘܡܥܕܪ̈ܝ ܠܥܠܡܐ݀ ܕܕܢܚܐ ܐܠܗܝܐ ܕܒܝܬ ܒܢ̈ܝ ܐܢܫܐ ܕܡܠܬܐ ܕܐܠܗܐ ܗܠܝܢ ܘܪ̈ܒܘܬܐ ܐܚܪ̈ܢܝܬܐ ܕܐܟܘܬܗܝܢ ܕܡܛܠܬܗܝܢ ܐܬܼܐ ܠܥܠܡܐ ܕܒܢ̈ܝ ܐܢܫܐ. ܘܠܐ. ܗܘܐ ܐܝܟ ܕܒܥܝܕܗ ܥܒܕ ܗܕܐ ܗܘ ܕܕܠܐ ܓܫܘ ܗܘ. ܘܒܟܠܗ ܥܠܡܐ ܟܣܝܐܝܬ ܥܒܕ ܘܒܗܘܢ ܒܥܒܕ̈ܘܗܝ ܠܗܿܢܘܢ ܕܒܫܡܝܐ ܘܠܗܿܢܘܢ ܕܥܠ ܐܪܥܐ ܣܘܥܪ̈ܢܘܗܝ ܪ̈ܘܪܒܐ ܡܚܿܘܐ. ܚܕܬܐܝܬ 100 ܕܝܢ ܘܒܐܣܟܡܐ ܕܢܘܟܪܝ ܠܥܝܕܗ. ܒܝܕ ܡܐܢܐ ܓܝܪ ܡܝܘܬܐ ܐܝܟ ܡܿܠܟܐ ܕܒܝܕ ܬܪܓܡܢܐ ܓܠܝܐܝܬ ܡ̈ܠܘܗܝ ܘܕܘܒܪ̈ܘܗܝ ܕܥܡ ܒܢ̈ܝ ܐܢܫܐ ܚܿܘܝ ܕܠܡܝܘܬܐ ܒܝܕܕܕܡܐ ܠܗ ܐܬܒܛܠܼ ܠܗ ܕܢܚܐ ܐܠܐ ܡܛܠ ܕܐܬܚܼܙܝܬ ܕܠܐ ܗܘܬ ܚܕܐ ܐܠܐ ܥܠ̈ܠܬܐ ܐܢܝܢ ܣܓܝ̈ܐܬܐ ܕܡܛܠܬܗܝܢ ܦܪܘܩܐ ܕܟܠ ܕܢܚܗ ܐܠܗܝܐ ܒܝܬ ܒܢ̈ܝ ܐܢܫܐ ܥܿܒܕ ܘܠܐ ܕܒܬܪܗܝܢ. ܘܐܦ ܡܛܠ ܐܝܕܐ ܥܠܬܐ ܒܡܐܢܐ ܐܢܫܝܐ ܐܬܚܫܚܼ݀ ܘܐܬܼܐ ܠܕܘܒܪܐ ܕܒܝܬ ܒܢ̈ܝ ܐܢܫܐ. ܒܙܥܘܪܝܬܐ ܢܐܡܪ ܘܐܝܟܢܐ ܐܚܪܢܝܐܝܬ ܐܘܣܝܐ ܐܠܗܝܬܐ ܟܣܝܬܐ ܕܠܐ ܡܬܚܙܝܐ ܘܠܐ ܡܬܓܫܐ. ܗܼܘ ܗܿܘ ܡܕܥܐ ܕܠܐ ܦܓܪܐ ܘܕܠܐ ܓܘܫܡܐ ܡܠܬܐ ܕܐܠܗܐ ܠܒܢ̈ܝ ܐܢܫܐ ܦܓܪ̈ܢܐ ܕܡܛܒܥܝܢ ܒܥܘܡܩܐ ܕܒܝܼ̈ܫܬܐ ܘܒܗܘ̈ܝܐ ܘܥܠ ܐܪܥܐ ܠܐܠܗܐ ܒܥܝܢ ܘܐܚܪܢܝܐܝܬ ܠܐ ܡܫܟܚܼܝܢ ܗܘܘ ܐܘ ܕܠܐ ܨܿܒܝܢ ܕܒܗܿܘ ܒܪܘܝܐ ܕܒܪܝܬܐ ܕܟܠ݀ ܘܥܒܘܕܐ ܢܬܒܩܘܢ ܢܦܫܗ ܡܚܿܘܐ ܗܘܐ. ܐܠܐ ܒܪܘܟܒܐ ܐܢܫܝܐ ܘܒܐܣܟܡܐ ܕܝܕܥ ܠܢ. ܐܝܟ ܕܒܝܕ ܬܪܓܡܢܐ ܐܝܟܢܐ ܓܝܪ ܐܚܪܢܝܐܝܬ ܠܠܐ ܓܘܫܡܐ ܕܐܠܗܐ ܚܿܙܝܼܢ ܗܘܝ ܥܝ̈ܢܐ ܕܦܓܪܐ. ܘܐܝܟܢܐ ܕܝܢ ܠܗܿܘ ܟܣܝܐ ܕܠܐ ܡܬܚܙܐ ܟܝܢܐ ܡܝܘܬܐ ܡܫܟܼܚ ܗܘܐ ܠܗܿܘ ܕܡܢ ܪܒܘܬܐ ܕܥܒܕ̈ܘܗܝ ܠܐ ܝܕܥܘܗܝ ܡܛܠ ܗܕܐ ܗܟܝܠ ܡܬܒܥܐ ܗܢܐ ܠܗ ܡܐܢܐ ܡܝܘܬܐ ܘܥܘܕܪܢܐ ܕܦܚܼܡ ܠܥܢܝܢܐ ܕܒܝܬ ܒܢ̈ܝ ܐܢܫܐ ܡܛܠ ܕܗܕܐ ܪܚܝܡܐ ܗܘܬ ܠܗܘܢܿ ܐܡܪܝܢ ܓܝܪ ܕܟܠ ܡܕܡ ܠܡܕܡ ܕܕܡܐ ܠܗ ܪܚܡ. ܐܟܙܢܐ ܓܝܪ ܕܡܿܠܟܐ ܪܒܐ ܣܓܝ ܡܬܒܥܐ ܠܗ ܡܬܪܓܡܢܐ ܕܒܢ̈ܬ ܩ̈ܠܐ ܕܡܿܠܟܐ ܠܩܘ̈ܛܢ ܗܿܢܘܢ ܕܡܫܿܓܢܝܢ ܒܡܫܡܥܬܐ ܘܠܡܕ̈ܝܢܬܐ ܢܐܡܪ. ܗܟܢܐ ܘܐܦ ܠܡܠܬܐ ܕܐܠܗܐ ܕܥܬܝܕ ܗܘܐ ܕܠܐܣܝܘܬܐ݀ ܕܢܦܫ̈ܬܐ ܕܒܦܓܪܐ ܘܥܠܐܪܥܐ ܢܦܫܗ ܢܚܘܐ ܡܬܒܥܐ ܗܘܐ ܠܗ ܡܨܥܝܐ ܐܝܟ ܬܪܓܡܢܐ ܘܪܟܘܒܐ ܓܘܫܡܢܐ ܘܗܢܐ ܐܝܬܘܗܝ ܗܘܐ ܡܐܢܐ ܐܢܫܝܐ ܕܒܐܝܕܗ ܗܠܝܢ ܟܣܝ̈ܬܐ ܕܐܠܗܘܬܐ ܕܐܝܟܢܐ ܐܢܝܢ ܠܒܢ̈ܝ ܐܢܫܐ ܓܼܠܐ ܘܠܐ ܗܘܐ ܒܠܚܘܕ ܐܠܐ ܐܦ ܠܗܿܢܘܢ ܕܚܕܝܢ ܒܪܓܫܬܐ ܕܗܿܢܝܢ ܕܡܬܚܙܝܢ ܘܒܨ̈ܠܡܐ ܘܒܓ̈ܠܦܐ ܕܦܬܟܪ̈ܐ ܕܠܐ ܢܦܫܐ ܠܐܠܗܐ ܒܥܝܢ. ܘܒܗܝܠܐ ܘܒܓܘ̈ܫܡܐ ܡܬܪܓܪܓܝܢ ܗܘܘ݀ ܕܐܝܬܘܗܝ ܐܠܗܐ ܘܠܐܢܫܐ ܡܝ̈ܘܬܐ ܒܟܝܢܗܘܢ ܡܛܘܠ ܡܚܝܠܘܬܗܘܢ ܘܫܪܒܘܬܐ ܕܪܥܝܢܗܘܢ ܐܠܗ̈ܐ ܫܿܡܥܘ݀ ܕܗܼܘ ܗܟܐܢ ܐܦ ܡܠܬܗ ܕܐܠܗܐ ܡܪܚܡܢܐ ܢܦܫܗ ܚܿܘܼܝ ܕܡܛܠ ܗܕܐ ܗܝܟܠܐ 101 ܕܩܕܝܫ ܡܢ ܟܠ ܗܘ ܠܢܼܦܫܗ. ܘܡܐܢܐ ܓܘܫܡܢܐ ܥܿܬܼܕ ܘܡܥܡܪܐ ܪܓܘܫܬܢܐ ܠܚܝܠܐ ܡܠܝܠܐ ܘܨܠܡܐ ܕܟܝܐ ܘܕܡܝܬܪ ܒܟܠ. ܘܡܢ ܟܠ ܦܬܟܪ̈ܝܢ ܕܠܐ ܢܦܫܐ ܡܝܿܩܼܪ ܗܘ ܓܝܪ ܕܡܢ ܗܝܠܐ ܕܠܐ ܢܦܫܐ ܕܒܕܡܘܬܐ ܕܨܠܡܐ ܕܢܚܫܐ ܘܕܦܪܙܠܐ ܘܕܕܗܒܐ ܘܓܪܡܦܝܠܐ ܘܕܟ̈ܐܦܐ ܘܕܩ̈ܝܣܐ ܕܗܝܠܐ ܠܛܥܝܘܬܐ ܕܫ̈ܛܝܐ ܕܒܐܕܐ ܕܐܢܫܐ ܩܝܢ̈ܝܐ ܐܬܬܩܼܢ ܫܠܡܐܝܬ ܗܼܘܐ ܡܥܡܪܐ ܠܕܝ̈ܘܐ ܨܠܡܐ ܕܝܢ ܐܠܗܝܐ ܕܒܚܟܡܬܐ ܕܚܝܠܐ ܐܠܗܝܐ ܡܦܬܟ ܐܫܬܘܬܦ ܠܚܝ̈ܐ ܘܠܐܘܣܝܐ ܝܕܘܥܬܢܝܬܐ ܨܠܡܐ ܕܡܠܐ ܟܠܗܿ ܡܝܬܪܘܬܐ ܨܠܡܐ ܐܠܗܝܐ ܡܥܡܪܐ ܕܡܠܬܐ ܕܐܠܗܐ ܘܢܘܣܐ ܩܕܝܫܐ ܕܐܠܗܐ ܩܕܝܫܐ ܕܒܚܝܠܐ ܕܪܘܚܐ ܩܕܝܫܬܐ ܐܬܛܝܼܒ. ܕܗܿܘ ܕܥܡܼܪ ܗܘܐ ܒܗ ܐܝܟ ܕܒܝܕ ܬܪܓܡܢܐ ܥܡ ܡܝܘ̈ܬܐ ܒܝܕ ܒܪ ܓܢܣܗܘܢ ܐܝܬܘܗܝ ܗܘܐ ܘܡܬܝܕܥ ܗܘܐ ܐܠܐ ܠܐ ܢܦܠ ܗܘܐ ܒܕܡܘܬܐ ܕܚܫ̈ܝܗܘܢܿ ܘܠܐ ܒܐܣܟܡܐ ܕܢܦܫܐ ܕܒܪ ܐܢܫܐ ܒܦܓܪܐ ܐܣܝܼܪ ܗܘܐ. ܘܐܦܠܐ ܟܕ ܡܬܚܙܐ ܗܘܐ ܙܥܘܪܐ. ܗܼܘ ܒܗ ܡܢ ܐܠܗܘܬܗ ܡܫܬܚܠܦ ܗܘܐ݀ ܐܟܙܢܐ ܓܝܪ ܕܙܠܝܩ̈ܐ ܕܢܘܗܪܐ ܕܫܡܫܐ ܡܕܡ ܠܐ ܚܫ̈ܝܢ ܟܕ ܡܠܝܢ ܟܠ ܡܕܡ ܘܠܦܓܪ̈ܐ ܡܝ̈ܘܬܐ. ܘܕܠܐ ܕܟܝ̈ܢ ܢܩܦܝܢ ܗܟܢܐ ܝܬܝܪ ܡܢ ܣܓܝ ܚܝܠܐ ܕܠܐ ܓܫܘܡ ܡܠܬܐ ܐܠܗܐ ܡܕܡ. ܒܐܘܣܝܐ ܕܝܠܗ ܠܐ ܚܿܐܫ. ܘܠܐ ܡܣܬ݀ܓܦ݀ ܐܦܠܐ ܡܡܬܘܡ ܒܿܨܪ ܗܘ ܡܢܗ݀ ܟܕ ܕܠܐ ܓܫܘܡ ܠܓܘܫܡܐ ܢܩܦ݀ ܗܟܢܐ ܗܟܝܠ ܦܪܘܩܐ ܕܟܠ. ܗܼܘ ܢܦܫܗ ܡܥܕܪܢܐ ܘܦܪܘܩܐ ܠܟܠ ܐܢܫ ܝܿܗܒ݀ ܒܝܕ ܡܐܢܐ ܐܢܫܝܐ ܕܐܣܼܪܚ ܐܟܙܢܐ ܕܓܒܪܐ ܕܡܘܣܩܪܐ ܕܒܝܕ ܟܢܪܐ ܨܿܒܐ ܕܢܚܘܐ ܚܟܡܬܗ. ܫܘܥܝܬܐ ܕܝܢ ܕܝܘܢ̈ܝܐ ܡܠܦܐ ܕܐܪܦܘܣ ܠܡ ܒܙܡܪܗ ܠܟܠܗܘܢ ܓܢܣ̈ܐ ܕܚܝܘܬܐ ܡܪܓܪܓܝ ܗܘܐ. ܘܡܫܿܝܼܢ ܗܘܐ. ܚܡܬܗܘܢ ܕܒܥܪܝܪܝܐ ܒܝܕ ܡܐܢܐ ܩܒܝܥܐ ܟܕ ܡܬܢܩܫܢ ܒܗ ܡܢ̈ܐ. ܘܗܕܐ ܡܙܕܡܪܐ ܒܟܢ̈ܫܐ ܕܝܘܢ̈ܝܐ ܘܡܬܗܝܡܢܐ ܕܟܢܪܐ ܕܠܐ ܢܦܫܐ ܡܪܝܿܚ ܚܝ̈ܘܬܐ ܘܐܦ ܐܝ̈ܠܢܐ ܘܠܒ̈ܠܘܛܐ ܡܫܚܠܼܦ ܕܕܡܝܢ ܠܡܘܣܩܪܘܬܐ. ܗܢܐ ܗܟܝܠ ܡܠܐ ܟܠ ܚܟ̈ܡܢ ܘܟܠ ܦܘܪ̈ܫܢܝܢ ܡܠܬܐ ܕܐܠܗܐ ܠܢܦܫ̈ܬܐ ܕܒܢ̈ܝ ܐܢܫܐ. ܕܒܟܘܠ ܐܫܟ̈ܡܝܢ ܕܒܝܫ̈ܬܐ ܟܕܝܼܢܢ ܗܘܝ ܟܘܠܗܝܢ ܐܣ̈ܘܬܐ ܐܣܚܪܼ. ܡܐܢܐ ܡܘܣܩܪܐ ܒܐܝܕ̈ܘܗܝ ܫܩܼܠ ܥܒܿܕܐ ܕܚܟܡܬܗ݀ ܘܠܗ ܠܒܪ ܢܫܐ ܙܡܝܪ̈ܬܐ ܘܠܘܚܫ̈ܐ ܒܐܝܕܗ ܠܡ̈ܠܝܠܐ ܘܠܐ ܗܘܐ ܠܚܝ̈ܘܬܐ ܕܠܐ ܡܠܬ ܢܩܫ ܘܠܟܠ ܐܣܟ̈ܡܝܢ ܒܥܪܝܪܝܐ ܕܝܘܢ̈ܝܐ 102 ܘܕܒܪܒܪ̈ܝܐ ܘܚܫ̈ܐ ܕܢܦܫ̈ܬܐ ܥܓܠܪ̈ܐ ܘܕܚ̈ܝܘܬܐ ܒܣܡ̈ܡܢܐ ܕܝܘܠܦܢܗ ܐܠܗܝܐ ܐܣܼܝ ܘܠܢܦܫ̈ܬܐ ܟܪ̈ܗܝܬܐ ܗܿܢܝܢ ܕܠܐܠܗܐ ܒܗܘ̈ܝܐ ܘܒܓܘܫ̈ܡܐ ܒܿܥܼܝܢ ܗܘܝ ܐܝܟ ܐܣܝܐ ܡܝܬܪܐ ܒܥܘܪܕܢܐ ܒܪ ܓܢܣܗܝܢ ܘܕܕܡܐ ܠܗܝܢ ܐܠܗܐ ܒܒܪ ܐܢܫܐ ܚܿܘܼܝ. ܘܬܘܒ ܥܠ ܦܓܪ̈ܐ ܠܐ ܗܘܐ ܒܨܝܪ ܡܢ ܕܥܠ ܢܦܫ̈ܬܐ ܐܬܒܛܼܠ ܠܗ ܘܠܥܝ̈ܢܐ ܕܦܓܪܐ ܕܒܢ̈ܝ ܐܢܫܐ ܗܿܢܝܢ ܕܒܝܕ ܦܓܪܐ ܣܿܥܼܪ ܗܘܐ. ܡܥܬܕ ܗܘܐ ܕܢܚܙܝܢ ܬܕܡܪ̈ܬܐ ܬܡܝ̈ܗܬܐ ܘܐܬܘ̈ܬܐ ܘܚܝ̈ܠܐ ܐܠܗܝ̈ܐ ܘܠܡܫܡܥܬܐ ܬܘܒ ܕܦܓܪܐ ܝܘܠܦܢ̈ܐ ܗܠܝܢ ܕܒܝܕ ܠܫܢܐ ܕܦܓܪܐ ܡܟܪܙ ܗܘܐ. ܟܠܗܝܢ ܕܝܢ ܗܠܝܢ ܡܫܿܠܼܡ ܗܘܐ ܒܝܕ ܦܓܪܐ ܕܫܩܼܠ ܐܝܟ ܕܒܝܕ ܬܪܓܡܢܐ ܠܗܿܢܘܢ ܕܐܚܪܢܝܐܝܬ ܠܐ ܡܫܟܚܼܝܢ ܗܘܘ. ܐܠܐ ܐܢ ܗܟܢܐ ܒܠܚܘܕ ܕܢܪܓܫܘܢ ܒܐܠܗܘܬܗ ܘܗܼܝܢ ܡܫܬܡܫܢ ܗܘܝ ܒܨܒܝܢܐ ܕܐܒܘܗܝ. ܟܕ ܗܼܘ ܬܘܒ ܡܩܿܘܼܐ ܗܘܐ. ܕܠܐ ܗܝܠܐ ܘܕܠܐ ܓܫܘܡ ܐܝܟ ܡܐ ܕܐܝܬܘܗܝ ܗܘܐ ܠܘܩܕܡ ܠܘܬ ܐܒܘܗܝ ܟܕ ܠܐ ܐܫܬܚܼܠܦ ܒܐܝܬܘܬܗ. ܘܠܐ ܐܬܚܿܒܼܠ ܡܢ ܟܝܢܗ ܘܐܦ ܠܐ ܒܐܣܘܪ̈ܐ ܕܦܓܪܐ ܐܬܦܟܼܪ ܘܐܦ ܠܐ ܕܗܪܟܐ ܐܝܟܐ ܕܐܝܬܘܗܝ. ܗܼܘܐ ܡܐܢܗ ܐܢܫܝܐ ܒܠܚܘܕ ܐܝܬܘܗܝ. ܗܘܐ. ܘܡܢ ܕܘ̈ܟܝܬܐ ܐܚܪ̈ܢܝܬܐ ܕܟܠ ܕܢܗܘܐ ܟܿܠܐܼ ܗܘܐ. ܐܠܐ ܕܝܢ ܐܦ ܗܝܕܝܢ ܟܕ ܒܝܬ ܒܢ̈ܝ ܐܢܫܐ ܡܬܕܒܪ ܗܘܐ ܠܟܘܠ ܡܿܠܐܼ ܗܘܐ. ܘܥܡ ܐܒܘܗܝ ܐܝܬܘܗܝ ܗܘܐ ܘܒܗ ܐܝܬܘܗܝ ܗܘܐ ܘܕܟܠ ܡܠܝܐܝܬ ܘܐܦ ܗܝܕܝܢ ܕܗܿܢܘܢ ܕܒܫܡܝܐ ܘܕܗܢܿܘܢ ܕܥܠ ܐܪܥܐ ܒܛܝܠ ܗܘܐ ܠܗ. ܘܠܐ ܡܡܬܘܡ ܡܢ ܩܪܝܒܘܬܗ ܕܠܟܠ ܒܕܡܘܬܗ ܐܬܚܒܼܫ. ܘܐܦ ܠܐ ܕܢܣܥܘܪ ܒܥܝܕܗ ܐܠܗܐܝܬ ܐܬܥܲܟܪ ܐܠܐ ܗܿܢܝܢ ܕܡܢܗ ܝܗܒ ܗܘܐ ܠܒܪ ܐܢܫܐ ܘܗܿܢܝ ܕܡܢ ܒܪ ܐܢܫܐ ܗܼܘ ܠܐ ܢܣܒ ܗܘܐ ܘܡܢ ܚܝܠܐ ܐܠܗܝܐ ܠܡܝܘܬܐ ܡܦܪܢܣ ܗܘܐ ܘܗܼܘ ܡܢ ܫܘܬܦܘܬܗ ܕܡܝܘܬܐ ܠܐ ܡܩܿܒܼܠ݀ ܘܠܐ ܡܬܛܡܐ ܗܘܐ. ܗܿܘ ܕܕܠܐ ܓܫܘܡ ܗܘ. ܟܕ ܡܬܝܼܠܕ ܗܘܐ ܓܘܫܡܐ. ܘܐܦ. ܠܐ ܒܐܝܬܘܬܗ ܚܿܐܫܼ ܗܘܐ ܗܿܘ ܕܕܠܐ ܚܫܐ ܗܘ݀ ܬܘܒ ܟܕ ܡܬܦܪܫ. ܠܗ ܡܝܘܬܐ. ܡܛܠ ܕܐܦܠܐ ܟܢܪܐ. ܐܢ ܗܟܢܐ ܗܝ ܟܕ ܡܬܬܒܪ ܐܘ ܡܢܘ̈ܗܝ ܡܬܦܣܩܢ ܚܐܫ ܡܕܡ ܗܘ ܕܢܦܫ. ܘܐܦܠܐ ܟܕ ܡܬܬܣܝܡ ܒܪܫܐ ܕܦܓܪܐ ܕܓܒܪܐ. ܚܟܝܡܐ. ܚܟܡܬܐ ܕܚܟܝܡܐ ܐܘ ܢܦܫܗ ܕܒܓܦܪܐ ܕܡܝܐܝܬ ܐܡܪܝܢ ܐܢܚܢܢ ܕܡܬܦܣܩܐ ܘܝܩܕܐ ܗܟܢܐ ܝܬܝܪ ܡܢ ܣܓܝ 103 ܙܕܩ ܕܢܐܡܪ ܕܐܦܠܐ ܚܝܠܐ ܕܡܠܬܐ ܐܠܗܝܐ ܣܘܓܦܢܐ ܡܕܡ ܡܢ ܚܫ̈ܘܗܝ ܕܦܓܪܐ ܢܣܼܒ݀ ܡܛܠ ܕܐܦܠܐ ܬܚܘܝܬܗ ܕܢܘܗܪܐ ܡܕܡ ܡܬܛܡܐ݀ ܟܕ ܙܠܝܩ̈ܐ ܕܫܡܫܐ ܡܢ ܫܡܝܐ ܠܐܪܥܐ ܡܫܬܕܪܝܢ ܘܠܣܝܿܢܐ ܘܠܛܝܢܐ ܘܠܟܠ ܛܢܦ̈ܘܢ ܢܩܦܝܢ ܕܢܢܗܪܘܢ ܓܝܪ ܐܦ ܗܼܢܘܢ ܡܢ ܨܡܚܗ ܕܢܘܗܪܐ݀ ܠܐ ܡܕܡ ܟܿܠܐ ܕܢܐܡܪ ܢܘܗܪܐ ܕܝܢ ܠܐ ܛܝܢܐ ܗܘܐ ܐܦܠܐ ܫܡܫܐ ܡܬ݀ܛܡܐ ܒܚܘܠܛܢܗ ܕܦܓܪܐ. ܟܕ ܗܐ ܗܠܝܢ ܠܐ ܗܼܘܝ ܢܘܟܪܝܢ ܒܒܝܢܗܝܢ ܡܢ ܓܘܫ̈ܡܐ ܗܘ ܕܝܢ ܕܠܐ ܗܝܠܐ ܘܕܠܐ ܓܫܘܡ. ܡܠܬܐ ܕܐܠܗܐ ܕܗܼܘ ܚܝܲܐ ܐܝܬܘܗܝ ܘܗܼܘ ܢܘܪܗܐ ܗܘ ܝܕܘܥܬܢܐ ܠܟܘܠ ܕܩܪܒ ܒܚܝܠܐ ܕܠܐ ܓܫܘܡ ܐܠܗܝܐ ܐܠܨܐ ܠܗܢܐ ܕܢܚܼܐ ܘܒܢܘܗܪܐ ܡܠܝܠܐ ܢܗܘܐ. ܗܟܢܐ ܐܦ ܠܦܓܪܐ ܐܝܢܐ ܕܩܪܒ ܗܘܐ ܗܢܐ ܐܬܩܕܫ. ܠܗ ܘܒܪܫܥܬܗ ܢܗܪ ܠܗ݀ ܘܟܠ ܟܘܪ̈ܗܢܝܢ ܘܟܠ ܟܐܒ̈ܝܢ ܘܟܠܗܘܢ ܚܫ̈ܐ ܡܫܢܝܢ ܘܡܩܒܠ ܕܝܢ ܡܢ ܡܠܝܘܬܐ ܡܕܡ ܕܚܣܝܪ ܕܡܛܠ ܗܕܐ ܠܟܠܗ ܥܘܡܪܐ ܗܟܢܐ ܡܫܠܡ ܗܘܐ. ܟܕ ܙܒܢ ܡܚܘܐ ܗܘܐ ܨܠܡܗ ܒܚܫ̈ܐ ܕܕܡܝܢ ܠܕܝܠܢ. ܘܒܙܒܢ ܠܡܠܬܐ ܠܐܠܗܐ ܠܗ ܓܿܠܐܼ ܗܘܐ݀ ܒܥܒܕ̈ܘܗܝ ܪ̈ܘܪܒܐ ܘܒܣܘܥܪ̈ܢܘܗܝ ܬܡܝ̈ܗܐ ܐܝܟ ܐܠܗܐ. ܘܟܕ ܡܩܕܡ ܐܡܿܪ ܡܕܡ ܕܥܬܝܕ ܕܢܗܘܐ ܒܡ̈ܠܘܗܝ ܡܩܕ̈ܡܬܐ ܘܠܗܿܘ ܕܠܣܓܝ̈ܐܐ ܠܐ ܡܬܚܼܙܐ ܗܘܐ݀ ܡܠܬܐ ܕܐܠܗܐ ܒܗܘܢ ܒܥܒܕ̈ܐ ܡܚܘܐ ܗܘܐ ܒܣܘܥܪ̈ܢܐ ܬܡܝ̈ܗܐ ܒܐܬܘ̈ܬܐ ܘܒܬܕܡܪ̈ܬܐ ܘܒܚܝ̈ܠܐ ܦܪ̈ܝܫܐ ܘܬܘܒ ܒܝܘ̈ܠܦܢܐ ܐܠܗ̈ܝܐ ܕܠܥܠ݀ ܠܘܬ ܗܿܝ ܡܕܝܢܬܐ ܫܡܝܢܬܐ ܠܢܦܫ̈ܬܐ ܕܒܢ̈ܝ ܐܢܫܐ ܡܥܬܕܝܢ ܕܢܩܪܒܘܢ ܐܢܝܢ. ܕܢܣܬܪܗܒܘܢ ܠܘܬ ܒܢ̈ܝ ܡܕܝܢܬܗܘܢ ܕܠܥܠ݀ ܐܝܟ ܕܠܘܬ ܐܚܝ̈ܗܘܢ ܘܒܢ̈ܝ ܓܢܣܗܘܢ ܘܕܠܐܒܘܗܘܢ ܕܒܫܡܝܐ ܢܕܥܘܢ ܘܠܡܝܬܪܘܬܗ ܕܓܢܣܗܘܢ ܕܐܘܣܝܐ ܝܕܘܥܬܢܝܬܐ ܘܡܠܝܠܬܐ ܡܿܠܦܝܢ݀ ܕܠܐ ܢܛܥܘܢܿ ܘܕܗܟܢܐ ܡܢ ܕܘܟܬܗ ܢܥܡܪܘܢ ܥܡ ܟܠܗ ܢܟܦܘܬܐ ܘܩܕܝܫܘܬܐ ܡܿܪܬܼܐ ܗܘܐ. ܗܟܢܐ ܕܫܘܢܝܗܘܢ ܕܡܟܐ ܠܬܡܢ ܕܠܝܠܐ ܘܕܠܐ ܟܠܝܢ ܢܥܒܕܘܢ ܘܕܥܬܝܕܝܢ ܕܒܥܓܠ ܚܝ̈ܐ ܕܠܥܠܡ ܕܠܘܬ ܐܠܗܐ ܡܿܠܟܐ ܕܟܠ. ܘܢܘܗܪܐ ܕܠܐ ܡܬܡܠܠ. ܘܡܿܠܟܘܬܐ ܕܫܡܝܐ ܥܡ ܟܢܫ̈ܐ ܕܡܠܐܟ̈ܐ ܩܕ̈ܝܫܐ ܢܩܿܒܠܘܢܿ ܀ ܀܀܀ ܡ. ܗܟܢܐ ܗܟܝܠ ܗܼܘ ܡܠܬܐ ܝܚܝܕܝܐ ܕܐܠܗܐ ܕܐܬܚܫܼܚ ܗܘܐ ܒܡܐܢܐ ܐܢܫܝܐ ܘܬܪܓܡܢܐ ܕܝܠܗ ܐܩܝܼܡ ܟܠ ܡܕܡ ܚܠܦ ܐܣܝܘܬܐ ܕܒܢ̈ܝ ܐܢܫܐ ܒܨܒܝܢܐ 104 ܕܐܒܘܗܝ ܡܫܡܼܫ ܗܘܐ. ܡܫܡܼܫ ܗܘܐ. ܟܕ ܡܗܘܐ ܕܠܐ ܗܝܠܐ ܘܕܠܐ ܓܫܘܡ ܐܝܟ ܡܐ ܕܡܢ ܩܕܝܡ ܐܝܬܘܗܝ ܗܘܐ ܠܘܬ ܐܒܘܗܝ. ܘܒܝܕ ܒܒܪ ܐܢܫܐ ܐܠܗܐ ܠܒܢ̈ܝ ܐܢܫܐ ܡܚܿܘܼܐ ܗܘܐ. ܒܣܘܥܪ̈ܢܐ ܪ̈ܘܪܒܐ ܘܒܥܒܕ̈ܐ ܬܡܝ̈ܗܐ ܒܚܝܠܐ ܐܠܗܝܐ ܘܒܚܟܡܬܐ ܕܫܪܪܐ ܝ݀ܘܠܦܢܐ ܙܪܥ ܗܘܐ ܘܡܠܦ ܗܘܐ ܗܿܢܝܢ ܘܐܚܝܢ̈ܝܬܝܗܢ݀ ܠܐ ܗܘܐ ܒܨܝܪ ܡܢ ܡܐ ܕܥܿܒܼܕ ܗܘܐ. ܘܥܿܒܼܕ ܗܘܐ ܠܐ ܗܘܐ ܒܨܝܪ ܡܢ ܡܐ ܕܡܠܼܦ ܗܘܐ. ܘܡܫܿܠܡ ܗܘܐ ܝܘܠܦܢܐ ܕܚܝ̈ܐ ܘܡ̈ܠܐ ܕܢܘܗܪܐ ܠܐ ܗܘܐ ܒܟܬܒܐ ܕܩܪܛܐܣܐ ܪܡܼܐ ܗܘܐ. ܠܐ ܒܡܫܟܐ ܡܚ̈ܒܠܐ ܕܚܝ̈ܘܬܐ. ܐܠܐ ܒܗܝܢ ܒܢܦ̈ܫܬܐ ܕܬܠܡܝܕ̈ܘܗܝ ܐܝܟ ܕܒܠܘܚ̈ܐ ܝܕܘܥ̈ܬܢܝܬܐ ܝܘܠܦܢܐ ܕܥܠ ܡܿܠܟܘܬܐ ܕܐܠܗܐ ܪܫܼܡ ܗܘܐ ܒܟܘܠܗ ܡܠܦܢܘܬܗ ܕܥܠ ܨܒܘܬܐ ܕܫܡܝܐ ܡ̈ܠܐ ܟܣ̈ܝܬܐ ܕܠܐ ܐܫܬܼܡܥ ܡܡܬܘܡ ܡܫܬܠܡܢ ܗܘܝ݀ ܘܥܘܗܕܢܐ ܕܥܘܡܪܐ ܕܠܘܬ ܐܠܗܐ ܘܐܒܐ ܕܒܫܡܝܐ ܕܢܦܫ̈ܬܐ ܕܥܠ ܐܪܥܐ ܪܚܡܬ ܠܐܠܗܐ ܗܘ ܕܐܦ ܒܨܠܘܬܐ ܡܪܓܪܓ ܗܘܐ ܕܢܩܪܘܢ ܘܢܐܡܪܘܢ ܐܒܘܢ ܕܒܫܡܝܐ ܘܝܕܥܬܐ ܕܓܢܣܗܘܢ ܕܠܥܠ ܒܝܕ ܗܠܝܢ ܕܡܠܼܦ ܗܘܐ ܡܫܿܠܡ ܗܘܐ. ܕܢܬܒܝܢܘܢ݀ ܐܢ ܕܝܢ ܡܚܒ ܐܢܬ ܕܐܦ ܒܚܙܬܗܝܢ ܕܗܠܝܢ ܬܫܘܬܦ݀ ܠܝܬ ܚܣܡܐ ܒܗܕܐ ܕܬܬܩܪܒ ܠܡܫܡܥܬܐ ܕܟܬܒ̈ܐ ܕܬܠܡܝܕ̈ܘܗܝ ܘܬܕܥ ܡܟܬܒܢܘܬܗ ܒܟܠ ܓܒ̈ܝܢ ܕܥܠ ܣܘܥܪ̈ܢܘܗܝ ܘܥܠ ܡ̈ܠܘܗܝ ܗܟܢܐ ܕܒܫܪܪܐ ܬܚܙܝܘܗܝ ܐܠܗܐ ܘܡܠܬܐ ܕܐܠܗܐ ܐܝܟ ܐܝܟܢܐ ܐܝܬܘܗܝ ܗܘܐ ܒܝܕ ܬܪܓܡܢܐ ܥܡ ܒܢ̈ܝ ܐܢܫܐ ܒܕܡܘܬܐ ܕܚܫ̈ܐ. ܘܐܝܟ ܐܝܟܢܐ ܡܡܠܠܼ ܗܘܐ. ܥܡ ܡܝܘ̈ܬܐ ܗܿܘ ܕܠܐ ܡܿܐܬ݀ ܘܐܝܟ ܐܝܟܢܐ ܡܢ ܟܝܢܐ ܐܢܫܝܐ ܠܒܫܼ ܗܘܐ ܨܠܡܐ ܗܿܘ ܕܕܠܐ ܓܫܘܡ ܗܘ. ܘܐܝܟܐ ܐܝܟܢܐ ܡܙܝܥ ܗܘܐ ܨܠܡܗ ܗܿܘ ܐܠܗܐ ܕܒܗ. ܘܐܝܟܐ ܐܝܟܢܐ ܒܢ̈ܬ ܩ̈ܠܐ ܡܪܦܐ ܗܘܐ. ܘܝܘܠܦܢܐ ܐܠܗܝܐ ܡܣܪܚܼ ܗܘܐ. ܘܟܘܠ ܟܘܪ̈ܗܢܝܢ ܘܟܐܒ̈ܝܢ ܡܿܐܣܼܐ ܗܘܐ ܦܪܘܩܐ ܕܟܘܠ݀ ܘܐܝܟ ܐܝܟܢܐ ܕܠܝܠ ܗܘܐ ܠܥܒܕ̈ܐ ܛܒ̈ܐ ܗܿܘ ܕܠܝܬ ܒܗ ܒܝܫܼ̈ܬܐ ܘܐܝܟܐ. ܘܐܝܟܢܐ ܗܿܢܝܢ ܕܡܡܬܘܡ ܥܝ̈ܢܐ ܠܐ ܚܼܙܝ. ܘܠܡܫܡܥܬܐ ܕܒܢ̈ܝ ܐܢܫܐ ܠܐ ܐܬܼܝ. ܒܣܘܥܪ̈ܢܘܗܝ ܪ̈ܘܪܒܐ ܡܫܿܠܡ ܗܘܐ ܘܗܟܢܐ ܠܬܠܡܝܕ̈ܘܗܝ ܠܪܝܫܐ ܕܡܝܬܪܘܬܐ ܕܠܘܬ ܐܠܗܐ ܡܩܿܪܒܼ ܗܘܐ ܘܡܚܿܟܼܡ ܗܘܐ ܠܗܘܢ ܒܚܝܠܐ ܕܠܐ ܡܬܡܠܠ݀ ܘܥܿܒܼܕ ܗܘܐ ܠܗܘܢ ܟܪ̈ܘܙܐ ܫܪܝܪܐ ܕܐܠܗܘܬܗ ܘܗܟܢܐ ܬܘܒ ܠܗܿܢܘܢ ܕܢܦܫ̈ܬܗܘܢ ܒܟܘܠ ܚ̈ܛܗܝܢ ܡܚܒܠܢ ܡܿܐܣܼܐ 105 ܗܘܐ ܘܒܙܒܢ ܠܚܫ̈ܐ ܥܘܕܪ̈ܢܐ ܐܝܠܝܢ ܕܙܕܩܝܢ ܝܿܗܒܼ ܗܘܐ ܘܒܙܒܢ ܚܙܬܐ ܕܐܪܙܐ ܕܝܘܠܦܢܐ ܕܐܠܗܘܬܗ ܠܗܿܢܘܢ ܕܡܫܟܚܼܝܢ ܕܢܩܒܠܘܢ ܡܿܫܠܼܡ ܗܘܐ ܠܒܥܠܕ̈ܒܒܘܗܝ ܕܝܢ ܕܫܪܪܐ ܡܢܐ ܡܬܒܥܐ ܕܢܐܡܪ ܐܝܟܢܐ ܒܡܣܟܢܘܬܐ ܕܙܕܩܐ ܫܦܝܪ ܘܢܝܚܐܝܬ ܡܩܲܒܠ ܗܘܐ. ܟܕ ܡܿܐܣܼܐ ܗܘܐ ܐܦ ܠܗܠܝܢ ܐܟܚܕܐ ܘܒܓܠܝܘܬܐ ܕܡ̈ܠܘܗܝ ܪܕܐ ܗܘܐ. ܘܐܝܟܢܐ ܢܦܫܗ ܠܟܘܠ ܐܢܫ ܡܟܝܟܐܝܬ ܝܿܗܼܒ ܗܘܐ. ܐܝܟ ܡܥܕܪܢܐ ܘܐܝܟ ܢܓܝܪ ܪܘܚܐ. ܘܚܫܘܫܐ ܘܐܝܟ ܐܣܝܐ ܠܐ ܗܘܐ ܕܢܦܫ̈ܬܐ ܒܠܚܘܕ ܐܠܐ ܘܐܦ ܕܦܓܪܐ. ܕܡܛܠ ܗܕܐ ܫܘܡܗܐ ܕܫܡܐ ܕܝܫܘܥ ܩܕܡܼܬ ܢܨܒܼܬ ܥܠ ܦܪܘܩܢ ܒܪܬ ܩܠܐ ܕܥܒܪܝܐ ܟܕ ܢܣܒܐ ܠܗ ܠܝܫܘܥ ܐܝܟ ܐܣܝܐ ܕܟܠ ܘܫܘܡܗܐ ܕܐܣܝܘܬܐ ܠܗ ܠܝܫܘܥ ܒܗܘܢ ܒܥܒܕ̈ܐ ܚܿܘܼܝ ܘܠܢܦ̈ܫܬܐ ܕܒܢ̈ܝ ܐܢܫܐ ܒܝܘܠܦܢܐ ܫܡܝܢܐ ܪܕܐ ܗܘܐ. ܘܕܦܓܪܐ ܟܘܠ ܚܫ̈ܝܢ ܘܟܐܒ̈ܝܢ ܘܟܘܪ̈ܗܢܝܢ ܡܿܐܣܼܐ ܗܘܐ ܒܚܿܝܠܐ ܕܡܠܬܐ ܡܐܣܝܢܝܬܐ ܘܒܙܒܢ ܠܓܪ̈ܒܐ ܒܦܓܪ̈ܝܗܘܢ ܡܕܟܼܐ ܗܘܐ. ܘܒܙܒܢ ܒܦܘܩܕܢܐ ܠܕ̈ܝܘܐ ܕܒܒܢ̈ܝ ܐܢܫܐ ܛܪܕ ܗܘܐ. ܘܬܘܒ ܒܙܒܢ ܠܗܿܢܘܢ ܕܒܟܘܪܗܢܐ ܫܚܝܩܼܝܢ ܗܘܘ ܐܣܝܘܬܐ ܕܠܐ ܚܣܡ ܝܿܗܒܼ ܗܘܐ. ܘܒܙܒܢ ܠܗܿܘ ܕܡܪܦܐ ܗܘܐ ܦܓܪܗ. ܘܟܠܗܘܢ ܗܕ̈ܡܘܗܝ ܡܫܪܝܢ ܗܘܘ݀ ܒܡܠܬܐ ܒܠܚܘܕ ܐܡܿܪ ܕܩܘܡ ܣܒ ܥܪܣܟ ܘܗܠܟ. ܘܗܿܘ ܡܕܡ ܕܦܩܕ ܠܗ ܥܒܕ ܘܠܣܡ̈ܝܐ ܬܘܒ ܒܙܒܢ ܚܙܬܐ ܕܢܘܗܪܐ ܝܿܗܼܒ ܗܘܐ݀ ܘܗܟܢܐ ܬܘܒ ܒܙܒܢ ܐܢܬܬܐ ܕܬܪܝܥܐ ܗܘܬ ܡܪܕܝܬܐ ܕܕܡܗܿ. ܘܒܚܘܕܪܐ ܕܫ̈ܢܝܐ ܣܓܝ̈ܐܬܐ ܡܢ ܟܐܒܗܿ ܫܚܝܩܐ ܗܘܬ. ܡܛܠ ܕܚܼܙܬ ܕܪ̈ܒܘܬܐ ܕܟܢ̈ܫܐ ܚܕܝܪܝܢ ܠܗ݀ ܘܠܐ ܫܿܒܩܼܝܢ ܗܘܘ ܠܗܿ ܕܬܒܪܘܟ ܘܬܒܥܐ ܕܬܓܗܐ ܡܢ ܟܐܒܗܿ݀ ܐܬܚܿܫܒܼܬ ܕܐܦܢ ܠܩܪܢܐ ܕܡܪܛܘܛܗ ܬܩܪܘܒ݀ ܘܚܼܠܕܬ ܘܠܒܼܟܬ ܩܪܢܐ ܕܡܪܛܘܛܗ݀ ܘܐܟܚܕܐ ܐܦ ܐܣܝܘܬܐ ܕܡܢ ܒܝܫܬܐ ܠܒܟܼܬ݀ ܘܒܪܫܥܬܗ ܗܘܼܬ ܚܠܝܡܬܐ ܟܕ ܛܥܝܢܐ ܬܚܘܝܬܐ ܪܒܬܐ ܕܚܝܠܗ ܕܡܠܬܐ ܐܠܗܐ ܚܪܢܐ ܕܝܢ ܓܒܪܐ ܥܒܼܕ ܡܿܠܟܐ. ܡܛܠ ܕܥܒܝܼܕ ܗܘܐ ܒܝܫܼܐܝܬ ܛܠܝܗ. ܢܦܼܩ ܩܕܡܘܗܝ ܘܒܪܫܥܬܗ ܩܒܠܗ ܟܕ ܡܐܣܝ݀ ܘܐܚܪܢܐ ܬܘܒ ܒܪܬܗ. ܪܒ ܟܢܘܫܬܐ ܗܘܐ ܕܝܢ ܕܝܗܘܕ̈ܝܐ. ܐܠܐ ܗܢܐ ܡܢ ܒܬܪ ܕܡܝܼܬܬ. ܘܡܢܐ ܡܬܒܥܐ ܕܢܐܡܪ ܕܐܝܟܢܐ ܐܚܪܢܐ ܡܝܬܐ ܡܢ ܒܬܪ ܐܪ̈ܒܥܐ ܝܘܡ̈ܝܢ ܒܚܿܝܠܐ ܕܦܪܘܩܐ ܕܟܘܠ ܩܡ. ܟܕ ܫܡܼܥ ܒܠܚܘܕ ܒܪܬ ܩܠܐ ܕܩܪܬܗ݀ ܕܡܠܬܐ 106 ܡܚܝܢܝܬܐ ܕܟܠ݀ ܐܘ ܕܐܝܟܢܐ ܥܠ ܝܡܐ ܐܝܟ ܕܥܠ ܐܪܥܐ ܝܒܝܫܬܐ ܗ̈ܠܟܬܗ ܥܿܒܼܕ ܗܘܐ ܘܠܥܠ ܡܢ ܚܨܐ ܕܡܝ̈ܐ ܕܢܗܠܟ ܡܐܢܗ ܥܒܕ ܐܘ ܕܐܝܟܢܐ ܟܕ ܪ̈ܕܝܢ ܬܠܡܝܕ̈ܘܗܝ ܘܗܼܘܐ ܥܠܝܗܘܢ ܟܝܡܘܢܐ ܟܿܐܐ ܒܝܡܐ ܘܒܡܚܫ̈ܘܠܐ ܘܒܪܘܚܐ. ܘܒܡܠܬܐ ܦܩܼܕ ܘܗܼܢܝܢ ܒܪܫܥܬܗ ܫܬܼܩ. ܕܐܬܬܙܝܥ ܐܝܟ ܕܡܢ ܒܪܬ ܩܠܐ ܕܡܪܗܝܢ݀ ܠܚܡܫܐ ܕܝܢ ܐܠܦܝܢ ܟܠܗܘܢ ܕܓܒܪ̈ܐ ܟܕ ܐܝܬ ܥܡܗܘܢ ܟܢܫܐ ܕܪ̈ܒܘܬܐ ܕܢܫ̈ܐ ܘܕ̈ܛܠܝܐ ܡܢ ܚܡܫ ܓܪܝܨܢ ܒܡܢܝܢܐ ܡܿܠܐܼ. ܘܣܿܒܼܥ ܗܟܢܐ ܕܗܢܐ ܟܠܗ ܝܘܬܪܢܐ ܫܩܠܼܘ ܕܣܦܩ ܕܢܡܿܠܐ ܬܪ̈ܥܣܪ ܩܘ̈ܦܝܢܝܢ݀ ܠܡܢܘ ܠܐ ܡܬܡܗܐ. ܘܠܒܥܬܐ ܕܥܠ ܚܝܠܗ ܟܣܝܐ. ܕܡܝܐܝܬ ܩܪܝܐ ܀܀ ܀܀ ܡܐ. ܡܢ ܐܚܪ̈ܢܝܬܐ ܗܟܝܠ ܣܓܝ̈ܐܬܐ ܬܕܡܪ̈ܬܐ ܪ̈ܘܪܒܬܐ ܫܩܼܠ ܡܢ ܕܨܒܼܐ. ܗܝܡܢܘܬܐ ܫܪܝܪܬܐ ܘܬܚܘܝܬܐ ܓܠܝܬܐ݀ ܕܥܠ ܓܠܝܢܐ ܕܐܠܗܘܬܗ ܕܦܪܘܩܢ݀ ܝܬܝܪܐܝܬ ܕܝܢ ܒܗܕܐ ܐܢ ܡܬܒܩܐ ܐܦ ܕܩܕܡ ܝܕܥ ܡܕܡ ܕܥܬܝܕ. ܒܚܝܠܐ ܐܠܗܝܐ ܘܠܫܘܚܠܦܗ ܪܒܐ ܕܥܠܡܐ ܕܒܢ̈ܝ ܐܢܫܐ ܕܠܡܝܬܪܘܬܗ ܥܬܝܕ ܕܢܗܘܐ ܩܿܕܟ ܐܟܼܪܙ݀ ܘܕܗܼܘ ܗܘܐ ܥܒܘܕܐ ܕܗܕܐ ܩܿܕܡ ܐܡܼܪ ܘܒܗܘܢ ܒܥܒܕ̈ܐ ܗܝܡܢܗ ܠܫܘܕܝܗ. ܘܐܚܪ̈ܢܝܬܐ ܪ̈ܘܪܒܬܐ ܕܥܠ ܣܓܝ̈ܐܬܐ ܕܐܟܘܬܗܝܢ ܡܫܟܚ ܐܢܫ ܐܢ ܒܒܛܝܠܘܬܐ ܢܒܥܐ ܡܢ ܡ̈ܠܘܗܝ ܡܩܕ̈ܡܬܐ ܘܡܢ ܫܘܠܡܗܝܢ ܬܚܘ̈ܝܬܐ ܓ̈ܠܝܬܐ ܕܐܠܗܘܬܗ ܕܗܼܢܝܢ ܗܠܝܢ ܐܦ ܐܢܚܢܢ ܒܙܒܢܐ ܕܘܿܠܐ ܢܒܚܢ. ܕܗܫܐ ܕܝܢ ܕܩܕܡ ܥܝ̈ܢܝܢ ܕܠܐ ܬܬܡܬܚ ܠܗܿ ܡܠܬܢ ܠܪܘܚܩܐ ܕܥܠ ܟܠܗܘܢ ܥܒܕ̈ܘܗܝ ܪ̈ܘܪܒܐ ܬܩܿܘܐ. ܘܗܼܘ ܡܘܬܗ ܗܘ ܕܣܝܒܪ ܬܪܓܡܢܐ ܠܒܘܫܐ ܕܡܠܬܐ ܕܐܠܗܐ ܘܨܿܠܡܐ ܗܘ ܕܐܬܓܠܝ ܟܘܠ ܐܢܫ ܡܘܕܐ ܒܗ ܀ ܀ ܀܀ ܡܒ. ܗܼܘ ܡܘܬܗ ܗܟܝܠ ܕܐܬܟܼܪܙ ܫܘܬܦ ܗܘ ܠܬܕܡܘܪܬܐ ܕܠܐ ܗܘܐ ܐܝܟ ܫܪܟܐ ܕܟܘܠ ܐܢܫ ܗܼܘܐ ܠܐ ܗܘܐ ܓܝܪ ܒܟܘܪܗܢܐ ܐܬܚܒܼܠ݀ ܘܠܐ ܒܡܚܢܘܩܝܬܐ ܘܠܐ ܒܢܘܪܐ ܘܐܦܠܐ ܒܗ ܒܙܩܝܦܐ ܢܝܫܐ ܕܙܟܘܬܐ ܒܕܡܘܬܐ ܕܫܪܟܐ ܕܥܒܕ̈ܝ ܒܝܫ̈ܬܐ ܐܬܦܣܼܩ ܒܦܪܙܠܐ ܘܐܦܠܐ ܡܕܡ ܩܠܝܠ ܡܢ ܚܕ ܡܢ ܒܢ̈ܝ ܐܢܫܐ ܚܼܫ. ܗܿܢܘܢ ܕܡܥܕܝܢ ܕܢܩܛܠܘܢ ܘܡܘܬܐ ܕܩܛܝܪܐ ܣܿܝܒܼܪ ܐܠܐ ܗܼܘ ܒܠܚܘܕܘܗܝ ܒܨܒܝܢܗ ܐܫܼܠܡ ܡܐܢܗ ܠܗܿܢܘܢ ܐܟ̈ܠܝ ܩܪܨܐ ܘܗܼܘ ܒܥܓܠ ܡܢ ܐܪܥܐ ܐܬܥܼܠܝ ܀܀ ܀܀ 107 ܡܓ. ܗܿܘ ܕܝܢ ܩܥܼܐ ܣܓܝ ܘܕܠܐܒܘܗܝ ܪܘܚܗ ܐܫܠܼܡ. ܐܡܼܪ ܘܫܪܝܐ ܗܘ ܡܢ ܢܦܫܗ. ܘܫܘܢܝܐ ܡܢ ܦܓܪܐ ܥܒܼܕ ܕܡܛܠ ܗܕܐ ܩܕܡ ܡܘܬܗ ܠܬܠܡܝܕ̈ܘܗܝ ܗܼܝ ܗܕܐ ܡܫܠܼܡ ܗܘܐ ܟܕ ܡܿܠܦ ܘܐܡܿܪ ܕܠܐ ܐܢܫ ܢܣܒ ܠܗܿ ܠܢܦܫܝ ܡܢܝ. ܘܐܝܬ ܠܝ ܫܘܠܛܢܐ ܕܐܣܝܡܝܗܿ݀ ܘܬܘܒ ܐܝܬ ܠܝ ܫܘܠܛܢܐ ܕܐܣܒܝܗܿ݀ ܘܬܘܒ ܕܐܢܐ ܐܢܐ ܪܥܝܐ ܛܒܐ. ܘܝܕܥܢܐ ܠܕܝܠܝ ܘܝܕܥܝܢ ܠܝ ܕܝܠܝ ܘܢܦܫܝ ܣܿܐܡ ܐܢܐ ܚܠܦܝ ܥܪ̈ܒܝ. ܘܥܠܬܐ ܕܡܘܬܗ ܒܙܥܘܪ̈ܝܬܐ ܐܩܝܡ ܟܕ ܐܡܿܪ. ܕܐܠܐ ܢܦܠܐ ܦܪܕܬܐ ܕܚܛܬܐ ܒܐܪܥܐ ܘܡܝܬܐ. ܗܼܝ ܒܠܚܘܕܝܗܿ ܡܩܘܝܐ. ܐܢ ܕܝܢ ܡܝܬܐ ܦܐܪ̈ܐ ܣܓܝ̈ܐܐ ܡܝܬܝܐ ܀܀ ܀܀ ܡܕ. ܕܡ̈ܘܬܐ ܗܟܝܠ ܕܐܝܟ ܗܠܝܢ ܟܕ ܡܫܠܡ ܠܘܬ ܡܘܬܗ. ܫܪܝܐ ܗܘ ܡܢ ܢܦܫܗ. ܘܫܘܢܝܐ ܡܢ ܦܓܪ̈ܐ ܥܿܒܼܕ ܗܘܐ ܒܬܪܟܢ ܕܝܢ ܐܫܬܩܠ ܦܓܪܗ ܡܢ ܝܕܘ̈ܥܘܗܝ ܘܐܫܬܠܡ ܠܩܒܘܪܐ ܕܙܕܩ݀ ܘܬܘܒ ܠܝܘܡܐ ܕܬܠܬܐ ܩܒܼܠܗ ܠܗܿܘ ܗܘ ܕܡܢ ܩܕܝܡ ܫܢܝ ܡܢܗ ܒܨܒܝܢܗ. ܘܬܘܒ ܗܼܘ ܢܦܫܗ ܒܦܓܪܐ ܘܒܓܘܫܡܐ ܠܗ ܠܗܿܘ ܕܐܝܟ ܡܐ ܕܐܝܬܘܗܝ ܗܘܐ ܡܢ ܩܕܝܡ ܠܬܠܡܝܕ̈ܘܗܝ ܚܿܘܼܝ. ܠܗܿܢܘܢ ܕܩܠܝܠ ܡܠܠ ܥܡܗܘܢܿ ܘܙܒܢܐ ܙܥܘܪܐ ܗܘܐ ܥܡܗܘܢܿ ܘܐܣܬܠܼܩ ܠܐܝܟܐ ܕܐܝܬܘܗܝ ܗܘܐ. ܘܩܕܡ ܥܝ̈ܢܝܗܘܢ ܡܪܕܝܬܗ ܘܣܘܠܩܗ ܕܠܫܡܝܐ ܥܒܼܕ ܕܗܿܢܘܢ ܕܐܦ ܓܘܥܠܢܐ ܕܥܠ ܣܘܥܪ̈ܢܐ ܐܫܠܼܡ ܠܗܘܢܿ ܘܡܠܦ̈ܢܐ ܕܟܠܗܘܢ ܥܡ̈ܡܐ ܕܕܚܠܬ ܐܠܗܐ ܕܠܥܠ ܥܒܼܕ ܐܢܘܢ܀ ܀܀ ܡܗ. ܡܢܐ ܗܟܝܠ ܒܬܪ ܗܢܠܝ ܚܣܝܪ݀ ܐܘ ܕܗܢܐ ܪܝܫܐ ܕܟܘܠ݀ ܕܐܝܕܐ ܥܠܬܐ ܗܼܘܬ ܠܗ ܢܐܡܪ ܐܡܿܪܢܐ ܕܝܢ ܥܠ ܫܘܠܡܐ ܕܥܘܡܪܗ ܕܐܬܡܠܼܠ ܡܢ ܟܠ ܐܢܫ ܘܥܠ ܐܣܟܡܐ ܕܚܫܗ ܘܥܠ ܬܕܡܘܪܬܐ ܪܒܬܐ ܕܩܝܡܬܗ. ܕܡܢ ܒܬܪ ܡܘܬܗ. ܘܒܬܪ ܚܙܬܗܝܢ ܕܝܢ ܕܗܠܝܢ ܥܠ ܬܚܘ̈ܝܬܐ ܬܘܒ ܐܬ݀ܝܼܢ ܐܢܚܢܢ݀ ܘܠܗܝܢ ܠܗܠܝܢ ܒܣܗܕ̈ܘܬܐ ܓ̈ܠܝܬܐ ܡܫܪܪܝܢ ܐܢܚܢܢ ܒܡܐܢܐ ܗܟܝܠ ܡܝܘܬܐ ܡܛܠ ܥ̈ܠܠܬܐ ܐܝܠܝܢ ܕܩܕܡܼܢ ܐܡܼܪܢ ܐܝܟ ܕܒܨܠܡܐ ܕܝܐܐ ܠܐܠܗܐ ܐܬܚܫܼܚ ܘܠܗ ܘܒܐܝܕܗ ܐܝܟ ܡܿܠܟܐ ܪܒܐ ܒܝܕ ܬܪܓܡܢܐ ܢܦܩܗ ܠܥܘܡܪܐ ܕܒܢ̈ܝ ܐܢܫܐ. ܘܟܠܡܕܡ ܕܫ݀ܘܐ ܠܚܝܠܐ ܐܠܗܝܐ ܣܥܼܪ ܀܀ ܀܀ ܡܘ. ܐܠܘ ܗܟܝܠ ܐܚܪܢܝܐܝܬ ܡܢ ܒܬܪ ܕܘܒܪ̈ܘܗܝ ܕܒܝܬ ܒܢ̈ܝ ܐܢܫܐ. 108 ܥܒܼܕ ܗܘܐ ܕܠܐ ܢܬܚܙܐ. ܘܡܢ ܫܠܝ ܦܪܚܼ. ܘܟܣܝܐܝܬ ܓܢܒ ܬܪܓܢܗ. ܘܒܥܪܘܩܝܐ ܠܨܠܡܗ ܐܬܒܛܠ ܠܗ ܕܢܓܕܝܘܗܝ ܡܢ ܡܘܬܐ ܐܘ ܬܘܒ ܠܡܝܘܬܐ ܗܘ ܒܝܕ ܢܦܫܗ ܒܚܒܠܐ ܘܒܐܒܕܢܐ ܐܡܝܫ ܠܫܪܓܪܓܝܬܐ ܡܬܕܡܐ ܗܘܐ ܠܣܓܝ̈ܐܐ ܀ ܀܀ ܡܙ. ܘܐܦܠܐ ܗܼܘ ܠܗ ܡܕܡ ܕܙܕܩ ܣܥܼܪ ܗܘܐ. ܕܐܝܬܘܗܝ ܚܝ̈ܐ ܘܡܠܬܐ ܕܐܠܗܐ ܘܚܝܠܐ ܕܐܠܗܐ݀ ܠܐܒܕܢܐ ܕܝܢ ܘܠܚܒܿܠܐ ܠܗ ܠܬܪܓܡܢܗ ܕܝܠܗ ܐܫܼܠܡ ܀܀ ܀܀ ܡܚ. ܘܐܦܠܐ ܗܿܢܝܢ ܕܣܥܼܪ ܠܘܩܒܠ ܕܝܘ̈ܐ. ܒܝܕ ܬܟܬܘܕܫܗ ܕܥܡ ܡܘܬܐ ܫ݀ܘܝܢ ܗܘܝ ܠܫܘܠܡܐ ܀ ܀ ܀ ܡܛ. ܘܐܦ ܠܐ ܡܬܝܕܥ ܗܘܐ ܕܠܐܟܐ ܕܐܝܬܘܗ ܗܝܘܐ ܫܪܟ ܀܀ ܀܀ ܢܢ. ܘܐܦܠܐ ܡܬܗܝܡܢ ܗܘܐ. ܠܗܿܢܘܢ ܕܠܐ ܫܠܡ ܠܗܘܢܿ ܘܐܦ ܠܐ ܡܬܚܙܐ ܗܘܐ ܕܡܝܬܪ ܗܘܐ ܟܝܢܗ ܡܢ ܡܘܬܐ ܀܀ ܀܀ ܢܐ. ܐܦܠܐ ܠܡܝܘܬܐ ܡܢ ܟܝܢܐ ܕܢܦܫܗ ܡܚܪܪ ܗܘܐ ܀ ܀܀ ܢܒ. ܘܐܦܠܐ ܠܡܝܘܬܐ ܡܢ ܟܝܢܐ ܕܢܦܫܗ ܡܚܪܪ ܗܘܐ ܀ ܀܀ ܢܒ. ܘܐܦܠܐ ܠܬܠܡܕ̈ܘܗܝ ܕܢܫܝܚܘܢ ܥܠ ܡܘܬܐ ܡܦܝܣ ܗܘܐ ܀܀ ܀܀ ܢܓ. ܘܐܦܠܐ ܣܒܪܐ ܕܚܝ̈ܐ ܕܠܘܬ ܐܠܗܐ݀ ܕܡܢ ܒܬܪ ܡܘܬܐ ܠܗܿܢܘܢ ܕܡܬܩܪܒܝܢ ܠܝܘܠܦܢܗܘܢ ܡܩܝܡ ܗܘܐ ܀܀ ܀܀ ܢܕ. ܘܐܦܠܐ ܫܘܪܝܐ ܕܡ̈ܠܘܗܝ ܡܫܠܡ ܗܘܐ. ܘܐܦܠܐ ܠܢܒܝ̈ܘܬܐ ܕܥܠܘܗܝ ܕܩܿܕܡ ܐܬܐܡܼܪ ܫܘܠܡܐ ܕܥܗܢ ܝܿܗܒ ܗܘܐ ܀܀ ܀܀ ܢܗ. ܘܐܦܠܐ ܠܐܝܓܘܢܐ ܐܚܪܝܐ ܕܟܘܠ ܙܟܿܐ ܗܘܐ ܕܗܼܘ ܗܢܐ ܐܝܬܘܗܝ ܗܘܐ ܠܘܩܒܠ ܡܘܬܐ ܗܝ ܕܒܗܿܢܝܢ ܟܠܗܝܢ. ܡܛܠ ܕܙܕܩ ܗܘܐ ܕܝܬܝܪ ܡܢ ܟܘܠ ܠܡܐܢܐ ܡܝܘܬܐ ܒܬܪ ܕܫܠܡ ܬܫܡܫܬܐ ܗܝ ܕܫܡܫ ܠܡܠܬܐ ܕܐܠܗܐ ܕܚܪܬܐ ܕܝܐܝܐ ܠܐܠܗܐ ܬܣܬܩܒܠ ܠܗ. ܒܗܿ ܒܗܕܐ ܒܛܟܣܐ ܕܡܘܬܐ ܗܘܐ݀ ܬܪ̈ܬܝܢ ܐܢܝܢ ܓܝܪ ܫܪܟܢ ܒܫܘܠܡܐ݀ ܕܐܘ ܠܚܒܐ ܘܠܐܒܕܢܐ ܢܫܠܡܗ ܠܟܠܗ݀ ܘܕܟܠܗ ܐܝܓܘܢܐ ܡܦܩܢܐ ܕܡܢ ܥܠܡܐ ܕܒܗܬܬܐ ܢܥܒܕ ܐܘ ܕܡܝܬܪ ܗܘ ܡܢ ܡܘܬܐ ܠܗ ܠܗܿܘ ܢܚܘܐ ܘܒܚܝܠܐ ܐܠܗܝܐ ܠܡܝܘܬܐ ܠܐ ܡܝܘܬܐ ܢܩܝܡ. ܩܕܡܝܬܐ ܗܟܝܠ ܠܐ ܗܘܬ ܕܝܠܗ ܕܫܘܪܝܐ݀ ܠܐ ܗܘܬ ܓܝܪ ܕܢܘܪܐ ܕܬܩܪ ܘܐܦܠܐ 109 ܕܢܘܗܪܐ ܕܢܚܫܟ. ܗܟܐ ܘܐܦ ܠܐ ܕܚܝ̈ܐ ܕܢܡܝܬܘܢܿ ܘܐܦܠܐ ܕܡܠܬܐ ܐܠܗܐ. ܕܕܠܐ ܒܘܠܝܬܐ ܢܣܥܘܪ.ܐܝܕܐ ܗܟܝܠ ܡܠܬܐ ܐܝܬ ܗܘܬ ܠܗ ܠܗܿܘ ܕܡܫܬܘܕܐ ܗܘܐ ܚܝ̈ܐ ܠܐܚܪ̈ܢܐ݀ ܕܡܢ ܡܐܢܗ ܢܗܡܐ ܟܕ ܡܬܚܒܠ ܘܠܨܠܡܗ ܠܐܒܕܢܐ ܢܫܠܡ. ܘܠܬܪܓܡܢܐ ܕܐܠܗܘܬܗ ܠܚܘܒܠܐ ܕܡܘܬܐ ܢܬܠ݀ ܠܗܿܘ ܕܩܿܕܡ ܡܠܼܟ ܠܓܘܣ̈ܢܘܗܝ ܚܝ̈ܐ ܕܠܐ ܡܝ̈ܬܝܢ. ܡܕܝܢ ܗܿܝ ܕܬܪ̈ܬܝܢ ܐܠܨܐ ܗܘܬ. ܐܡܪܢ ܕܝܢ ܗܕܐ ܢܚܘܐ ܕܡܝܬܪ ܗܘ ܡܢ ܡܘܬܐ. ܘܐܝܟܢܐ ܗܟܝܠ ܘܠܐ ܗܘܐ ܕܢܥܒܕܝܗ ܗܕܐ ܟܣܝܐܝܬ ܟܝ ܘܒܓܢܘܒܬܐ. ܐܘ ܓܠܝܐܝܬ ܩܕܡ ܟܠ ܐܢܫ ܘܕܢܝܚܐܝܬ. ܐܠܐ ܐܠܘ ܡܛܫܝܐܝܬ ܘܟܣܝܐܝܬ ܐܣܬܥܼܪ ܗܘܐ ܗܢܐ ܥܒܿܕܐ. ܘܠܐܢܫ ܠܐ ܐܬܝܕܥ ܗܘܐ. ܠܐܢܫ ܠܐ ܡܗܢܐ ܗܘܐ. ܘܕܐܬܟܼܪܙ ܕܝܢ ܘܐܫܬܡܼܥ ܠܟܠ ܐܢܫ ܠܟܘܠܗܘܢ ܒܢ̈ܝ ܐܢܫܐ ܥܘܕܪܢܐ ܕܡܢ ܬܕܡܘܪܬܐ ܝܗܒ݀ ܫܦܝܪ ܗܟܝܠ ܡܛܠ ܕܘܿܠܐ ܗܘܐ ܕܢܚܘܐ ܕܡܝܬܪ ܗܘ ܡܐܢܗ ܡܢ ܡܘܬܐ݀ ܘܗܼܝ ܗܕܐ ܢܣܥܘܪ݀ ܠܐ ܗܘܐ ܟܣܝܐܝܬ ܐܠܐ ܩܕܡ ܥܝ̈ܢܐ ܕܒܢ̈ܝ ܐܢܫܐ ܠܐ ܥܪܩ ܡܢ ܡܘܬܐ ܗܼܘܐ ܗܘܐ ܠܗ ܓܝܪ ܐܪܗܝܒܐ ܘܡܣܬܒܪ ܗܘܐ ܕܒܨܝܪ ܗܘܐ ܡܢ ܡܘܬܐ. ܘܗܼܝ ܗܕܐ ܢܣܥܘܪ݀ ܠܐ ܗܘܐ ܠܗ ܓܝܪ ܐܪܗܝܒܐ ܘܡܣܬܒܪ ܗܘܐ ܕܒܨܝܪ ܗܘ ܡܢ ܡܘܬܐ. ܒܝܕ ܕܝܢ ܬܟܬܘܫܗ ܕܥܡ ܡܘܬܐ ܐܝܟ ܕܥܡ ܒܥܠ ܕܪܗ݀ ܠܡܝܘܬܐ ܠܐ ܡܝܘܬܐ ܐܩܝܼܡ ܘܐܝܓܘܢܐ ܐܚܪܢܐ ܗܢܐ ܕܚܠܦ ܦܘܪܩܢܐ ܕܟܠ ܘܚܝ̈ܐ݀ ܕܠܐ ܡܝܬܝܢ ܩܒܠ. ܗܘ ܓܝܪ ܩܕܡܝܐ ܠܘܩܒܠ ܕܝ̈ܘܐ ܐܣܬܥܪ ܗܘܐ ܠܣܘܚܦܐ ܕܛܥܝܘܬܐ ܕܐܠܗ̈ܐ ܣܓܝ̈ܐܐ. ܕܟܕ ܫܪܝ ܗܘܐ ܕܢܬܝܕܥ ܒܝܬ ܒܢ̈ܝ ܐܢܫܐ. ܘܥܬܝܕ ܗܘܐ ܕܒܥܓܠ ܢܬܟܪܟ ܒܫܚܪ̈ܐ ܕܒܢ̈ܝ ܐܢܫܐ ܡܝܬܪܐܝܬ ܐܬܚܼܙܝܬ ܠܗ ܕܐܠܨܐ ܕܩܕܡ ܟܠ ܠܒܥܠܕ̈ܒܒܐ ܘܠܣ̈ܢܐܐ ܕܒܢ̈ܝ ܐܢܫܐ ܠܗܘܢ ܠܗܿܢܘܢ ܕܡܢ ܩܕܝܡ ܙܐܦܢܐܝܬ ܐܠܗ̈ܐ ܐܣܬܒܼܪܘ ܐܝܟ ܕܠܪ̈ܫܢܝܗܿ ܕܒܝܼܫܬܐ. ܘܚܝ̈ܘܬܐ ܒܥܪܝܪܬܐ ܢܛܪܘܕ ܡܢ ܕܘܟܬܗ ܕܝܢ ܠܐܪܥܐ ܕܒܥܠܕ̈ܒܒܐ ܘܕܣ̈ܢܐܐ ܕܒܪܗ ܠܡܐܢܗ ܗܘ ܡܠܬܐ ܕܐܠܗܐ ܗܝ ܕܩܪܝܗ ܡ̈ܠܐ ܕܐܪܙܐ ܚܘܪܒܐ ܕܡܢ ܛܒ̈ܬܐ ܘܬܡܢ ܐܪ̈ܒܥܝܢ ܐܝܡ̈ܡܝܢ ܘܠܝ̈ܠܘܬܐ ܕܐܟܘܬܗܘܢ ܥܒܕ ܘܣܥܪ ܗܠܝܢ ܕܚܕ ܡܢ ܡܝ̈ܘܬܐ ܠܐ ܝܕܥ ܐܦ ܠܐ ܥܝܢܐ ܕܒܢ̈ܝ ܐܢܫܐ ܚܼܡܙܬ ܣܗܕ̈ܘܬܐ ܕܝܢ ܕܢܒܝ̈ܘܬܐ ܡܠܦܢ݀ ܕܠܗܿܢܝܢ ܡܦܩ̈ܢܐ ܕܡܟܬܒܢ̈ܘܬܐ ܕܢܒܝܘ̈ܬܐ ܫܿܠܡ. ܕܒܗܝܢ ܟܬܝܒ ܕܝܫܘܥ ܠܡ ܡܬܕܒܪ ܗܘܐ ܒܪܘܚܐ ܕܩܘܕܫܐ ܠܡܕܒܪܐ ܕܢܬܢܣܐ ܡܢ ܣܛܢܐ. ܘܗܼܘܐ ܬܡܢ ܐܪ̈ܒܥܝܢ ܐܝܡ̈ܡܝܢ ܘܐܪ̈ܒܥܝܢ ܠܝ̈ܠܘܢܿ ܘܗܼܘܐ ܥܡ ܚܝ̈ܘܬܐ. ܘܐܝܠܝܢ ܐܢܝܢ 110 ܗܠܝܢ. ܐܠܐ ܪ̈ܫܢܐ ܕܕ̈ܝܘܐ ܕܠܗܘܢ ܒܐܣܟܡܐ ܕܦܠܐܬܐ ܓܪܣܐ ܘܚܪܡܢܐ ܘܐܪܝܐ ܘܬܢܝܢܐ ܡܛܠ ܕܡܘܬܐ ܕܒܝܫܘܬܗܘܢ ܪܘܚܞܐ ܩܕܝܫܬܐ ܒܦܪܨܘܦܗ. ܗܟܢܐ ܐܡܪܐ ܗܘܬ ܘܡܫܡܗܐ. ܕܥܠ ܓܪܣܐ ܘܥܠ ܚܪܡܢܐ ܬܕܪܘܟ. ܘܬܕܘܫ ܐܪܝܐ ܘܬܢܝܢܐ. ܘܐܚܪ̈ܢܝܬܐ ܕܝܢ ܗܠܝܢ ܕܐܣܬܥܼܪ ܒܡܕܒܪܐ݀ ܡܒܕܩܐ ܗܘܬ ܗܼܝ ܡܠܬܐ ܟ ܕܐܡܿܪܐ ܗܟܢܐ ܒܦܪܨܘܦܐ ܕܡܐܢܐ ܕܫܩܠ݀ ܕܒܙܝܢܐ ܬܚܕܪܟ ܩܫܬܗ. ܘܠܐ ܬܕܚܠ ܡܢ ܕܚܠܬ ܕܠܠܝܐ ܘܡܢ ܓܐܪܐ ܕܦܪܚ ܒܐܝܡܡܐ ܘܡܢ ܨܒܝܘܬܐ ܕܡܗܠܟܐ ܒܚܫܘܟܐ. ܘܡܢ ܪܘܚܐ ܕܫܝܕܐ ܒܛܗܪܐ. ܢܦܠܘܢ ܡܢ ܣܛܪܟ ܐܠܦ̈ܐ ܘܪ̈ܒܘܬܐ ܡܢ ܝܡܝܢܟ. ܘܠܘܬܟ ܠܐ ܢܬܩܪܒܘܢܿ ܀܀ ܀܀ ܀܀ ܢܘ. ܗܠܝܢ ܒܦ̈ܠܐܬܐ ܘܒܐܪ̈ܙܐ ܡܬܐܡܪܢ ܗܘܝ. ܥܠ ܐܝܓܘܢܐ ܕܒܡܕܒܪܐ. ܕܗܿܘܐ ܠܡܐܢܐ ܕܦܘܪܩܢܐ ܕܥܡ ܪ̈ܘܚܐ ܕܠܐ ܡܬܚܙܝܢ݀ ܠܝ̈ܠܘܬܐ ܗܟܝܠ ܗܠܝܢ ܟܠܗܘܢ ܘܐܝܡ̈ܡܐ ܕܐܟܘܬܗܘܢ ܐܬܟܬܼܫ ܥܡ ܟܘܠܗ ܓܢܣܐ ܕܬܚܝܬ ܐܐܪ ܘܠܗ ܠܗܢܐ ܠܐ ܗܘܐ ܠܢܗܘܓܪܐ ܛܪܕܗ ܗܘ ܡܠܬܐ ܕܐܠܗܐ. ܘܠܟܠܗ ܟܢܫܐ ܕܒܥܠܕ̈ܒܒܐ ܪܕܦ݀ ܠܐ ܗܘܐ ܐܝܟ ܐܠܗܐ ܒܚܝܠܐ ܕܠܐ ܓܫܘܡ ܥܪܛܠܝܐ. ܐܠܐ ܒܝܕ ܦܓܪܐ ܕܫܩܼܠ. ܡܿܛܠ ܕܡܢ ܩܕܝܡ ܟܘܠܗ ܓܢܣܐ ܕܒܢ̈ܝ ܐܢܫܐ ܠܗܘܢ ܠܗܠܝܢ ܐܝܟ ܕܠܐܠܗ̈ܐ ܡܫܥܒܼܕ ܗܘܐ. ܕܡܛܠ ܗܕܐ ܝܬܝܪܐܝܬ ܠܗ ܠܗܢܐ ܟܠܗܝܢ ܫܪ̈ܒܬܐ ܕܕܝ̈ܘܐ ܫܥܒܕ ܡܛܠ ܓܝܪ ܕܘܿܠܐ ܗܘܐ ܕܠܗܿܘ ܕܐܙܕܟܼܝ ܗܘܐ. ܘܠܒܥܠܕ̈ܒܒܘܗܝ ܠܐ ܬܪܝܨܐܝܬ ܡܫܥܒܼܕ ܗܘ.ܐ. ܠܐ ܗܘܐ ܒܠܚܘܕ ܡܚܪܐܐ. ܐܠܐ ܐܦ ܙܟܝܐ ܕܒܥܠܕ̈ܒܒܘܗܝ ܠܐ ܬܪܝܨܐܝܬ ܡܫܥܒܼܕ ܗܘܐ. ܠܐ ܗܘܐ ܒܠܚܘܕ ܡܚܪܪܐ. ܐܠܐ ܐܦ ܙܟܝܐ ܕܒܥܠܕ̈ܒܒܘܗܝ ܢܥܒܕܝܘܗܝ. ܘܢܚܘܐ ܕܡܝܬܪ ܗܘ ܪܚܡܗ ܡܢ ܕܝ̈ܘܐ ܗܿܢܘܢ ܕܡܢ ܩܕܝܡ ܡܣܬܒܪܝܢ ܗܘܘ ܐܠܗ̈ܐ ܗܿܘ ܕܒܨܠܡܗ ܘܒܕܡܘܬܗ ܥܿܒܼܕܗ ܡܛܠ ܫܘܬܦܘܬܗܿ ܕܡܠܬܐ ܐܝܟ ܕܟܬܝܒ ܒܡ̈ܠܐ ܕܪܐܙܐ ܀ ܀ ܀܀ ܢܙ. ܡܛܠ ܗܟܝܠ ܕܐܝܓܘܢܐ ܕܠܘܩܒܠ ܗܠܝܢ ܫܠܡ ܗܘܐ. ܣܠܼܩ ܗܘܐ ܡܟܝܠ ܠܒܝܫ ܙܟܘܬܐ ܦܪܘܩܐ ܕܟܠܢ݀ ܘܐܬܐ ܠܥܘܡܪܐ ܕܒܝܬ ܒܢ̈ܝ ܐܢܫܐ. ܘܡܚܼܪܪ ܗܘܐ ܢܦܫ̈ܬܗܘܢ ܟܕ ܫܪܐ ܠܗܝܢ ܡܢ ܐܣܘܪ̈ܐ ܕܕܝ̈ܘܐ݀ ܘܟܕ ܓܼܠܐ ܠܬܠܡܝܕ̈ܘܗܝ ܗܿܢܝܢ ܟܣܝ̈ܬܐ ܐܚܞܪ̈ܢܝܬܐ. ܘܗܿܢܝܢ ܕܣܥܼܪ ܠܘܩܒܠ ܒܥܠܕ̈ܒܒܐ ܕܠܐ ܡܬܚܙܝܢ ܘܐܡܿܪ ܗܟܢܐ ܘܡܩܝܡ ܐܬܠܒܒܘ ܐܢܐ ܙܟܝܬܗ ܠܥܠܡܐ. ܘܐܣܟܡܐ ܕܙܟܘܬܗ ܐܠܦ݀ ܒܝܕ ܗܠܝܢ ܕܠܬܠܡܝܕ̈ܘܗܝ ܒܦ̈ܠܐܬܐ ܐܡܼܪ ܕܠܐ 111 ܐܢܫ ܡܫܟܚ ܕܢܥܘܠ ܠܒܝܬܗ ܕܚܣܝܢܐ ܘܢܚܛܘܦ ܡܐܢ̈ܘܗܝ ܐܠܐ ܐܢ ܠܘܩܕܡ ܢܐܣܪܗ ܠܚܣܝܢܐ ܘܗܝܕܝܢ ܐܦ ܒܝܬܗ ܢܒܘܙ݀ ܐܣܪܗ ܗܟܝܠ ܠܚܣܝܢܐ ܘܛܪܕܗ ܠܟܠܗ ܓܢܣܐ ܕܕܝ̈ܘܐ݀ ܘܒܪ ܫܥܬܗ ܢܦܫ̈ܬܐ ܕܒܢ̈ܝ ܐܢܫܐ ܕܝܠܗ ܥܒܕ ܗܘܐ. ܕܡܢ ܡܪܝܪܘܬܐ ܘܡܢ ܥܒܕܘܬܐ ܕܐܠܗ̈ܐ ܣܓܝ̈ܐܐ. ܘܡܢ ܛܥܝܘܬܐ ܡܚܼܪܪ ܗܘܐ ܠܗܝܢ ܐܠܐ ܗܢܐ ܐܝܓܘܢܗ ܩܕܡܝܐ ܕܠܘܩܒܠ ܕܝ̈ܘܐ. ܐܫܬܠܼܡ ܗܘܐ ܒܫܘܪܝܐ ܕܓܠܝܢܗ ܕܒܝܬ ܒܢ̈ܝ ܐܢܫܐ. ܗܼܘ ܕܝܢ ܐܚܪܝܐ ܐܝܬܘܗܝ ܫܪܝܐ ܕܐܘܚܕܢܗ ܕܡܘܬܐ݀ ܘܠܐ ܗܘܐ ܓܝܪ ܕܗܿܘ ܕܗܘܐ ܡܝܬܪܐ ܡܢ ܠܐ ܐܠܗ. ܘܡܢ ܛܥܝܘܬܐ ܕܕܝ̈ܘܐ. ܘܠܡܠܬܐ ܐܠܗܐ ܐܬܢܩܦ݀ ܕܐܝܩܪܐ ܕܫ݀ܘܐ ܠܗܢܐ ܥܒܕܗ ܢܩܒܠ ܙܟܘܬܐ ܕܠܘܩܠ ܡܘܬܐ. ܗܼܢܘܢ ܓܝܪ ܫܐܕ̈ܐ ܕܟܢܝܫܝܢ ܗܘܘ ܠܩܒܠܗ ܘܪܫܗܘܢ ܕܝܠܗܘܢ ܕܗܠܝܢ ܐܟܚܕܐ ܥܡ ܪ̈ܘܚܞܐ ܕܥܡܗܘܢ ܕܒܐܐܪ ܕܥܠ ܐܪܥܐ. ܟܕ ܠܐ ܡܬܚܙܝܢ ܠܥܝ̈ܢܐ ܕܡܝ̈ܘܬܐ ܡܕܝܪ̈ܝܢ ܒܬܟܬܘܫܗ ܩܕܡܝܐ ܚܨܗܘܢ ܐܫܠܼܡܘ ܘܠܐܬܠܣܐ ܕܬܪ̈ܝܢ ܚܝܪܝܢ ܗܘܘ. ܟܕ ܡܩܿܘܼܝܢ ܠܡܦܝܢܗ ܐܚܪܝܐ ܕܡܢ ܥܠܡܐ. ܘܠܥܘܢܕܢܗ ܕܡܝܘܬܐ ܕܒܕܡܘܬܐ ܕܟܠܗܘܢ ܒܢ̈ܝ ܐܢܫܐ ܗܘܐ ܡܣܟܝܢ ܗܘܘ݀ ܠܐ ܓܝܪ ܣܒܲܪܘ ܕܡܢ ܡܬܘܡ ܟܝܢܐ ܡܝܘܬܐ ܗܘܐ ܕܡܝܬܝܪ ܡܢ ܡܘܬܐ ܘܡܘܬܐ ܐܝܬܘܗܝ ܡܿܠܟܐ ܕܓܘܐ ܕܟܠ. ܕܗܿܢܘܢ ܕܚܕܐ ܙܒܢ ܐܬܢܣܼܝܘ ܒܝܠܕܐ ܕܡܝ̈ܘܬܐ݀ ܐܠܐ ܗܼܢܘܢ ܣܒܪܘ ܕܡܢ ܟܠ ܒܝ̈ܫܢ ܗܢܐ ܗܘ ܕܠܐ ܐܢܫ ܥܪܩ ܡܢܗ ܘܠܐ ܡܫܢܐ. ܗܿܘ ܕܝܢ ܕܡܢ ܒܬܪ ܢܝܫܐ ܕܙܟܘܬܐ ܩܕܡܝܐ ܕܠܘܩܒܠ ܕܝ̈ܘܐ. ܒܥܓܠ ܐܦ ܠܘܩܒܠ ܡܘܬܐ ܡܬܟܬܫܼ ܗܘܐ. ܐܟܙܢܐ ܕܝܢ ܕܐܠܘ ܐܢܫ ܨܿܒܐ ܗܘܐ ܕܢܚܘܐ ܡܐܢܐ ܕܠܐ ܝܩܕ݀ ܘܬܡܝܬܝܪ ܗܘ ܟܝܢܗ ܡܢ ܢܘܪܐ݀ ܠܐ ܗܘܐ ܐܚܪܢܝܐܝܬ ܗܕܐ ܬܕܡܘܪܬܐ ܡܩܝܡ ܗܘܐ ܐܠܐ ܕܟܕ ܢܿܫܠܡܗ ܠܢܘܪܐ ܠܗܿܘ ܕܐܚܝܕ ܒܐܝܕܗ ܘܒܬܪܟܢ ܢܣܒܝܘܗܝ ܡܢ ܢܘܪܐ ܟܕ ܫ݀ܠܡ ܘܠܐ ܡܚܒܠ ܐܟܘܬܗܿ. ܕܗܕܐ ܘܐܦ ܡܠܬܗ ܕܐܠܗܐ ܡܝܚܢܝܬܐ ܕܟܠ݀ ܠܡܐܢܐ ܡܝܘܬܐ ܕܐܬܚܫܼܚ ܒܗ ܠܦܘܪܩܢܐ ܒܝܬ ܒܢ̈ܝ ܐܢܫܐ ܨܒܼܐ ܕܢܘܕܥ ܕܡܝܬܝܪ ܗܘ ܡܢ ܡܘܬܐ ܘܢܚܘܐ ܕܫܘܬܦܗ ܠܚܝ̈ܐ ܕܝܠܗ݀ ܘܠܠܐ ܡܝܘܬܘܬܐ ܫܦܝܪ ܘܡܝܬܪܐܝܬ ܐܝܟ ܕܚܫܚ ܡܕܒܪ ܗܘܐ ܠܗܿ ܠܨܒܘܬܐ ܘܠܦܓܪܐ ܙܒܢܐ ܙܥܘܪܐ ܐܪܦܝܗܿ ܘܠܡܝܘܬܐ ܠܡܘܬܐ ܐܫܠܼܡ ܠܡܣܟܢܘܬܐ ܕܟܝܢܗ݀ ܘܬܘܒ ܠܐ ܗܘܐ ܠܢܘܓܪܐ ܠܗ ܠܗܿܘ ܡܢ ܡܘܬܐ ܐܪܝܡܗ 112 ܠܬܚܘܝܬܐ ܕܚܝܠܐ ܐܠܗܝܐ ܕܒܐܝܕܗ ܚܝ̈ܐ ܕܠܥܠܡ ܕܐܬܟܼܪܙܘ ܡܢܗ ܕܡܝܬܝܪܢ ܐܢܘܢ ܡܢ ܟܠ ܡܘ̈ܬܝܢ ܚܿܘܝ. ܀܀ ܀܀ ܀܀ ܢܚ. ܥܠܬܐ ܗܟܝܠ ܩܕܡܝܬܐ ܐܝܬܝܗܿ ܗܕܐ ܕܬܪ̈ܬܝܢ ܕܝܢ ܗܕܐ ܬܚܘܼܝܬܐ ܕܒܦܓܪܐ ܥܡܪ ܚܝܠܐ ܐܠܗܝܐ݀ ܡܛ ܠܓܝܪ ܕܡܢ ܩܕܝܡ ܠܗܿܢܘܢ ܕܐܙܕܟܼܝܘ ܡܢ ܡܘܬܐ ܠܒܢ̈ܝ ܐܢܫܐ ܡܝ̈ܘܬܐ ܒܫܪܪܐ ܕܚܪܬܐ ܕܓܘܐ ܐܬܚܼܙܝܬ ܒܗܘܢܿ ܐܠܗ̈ܐ ܥܿܒܕܝܢ ܗܘܘ ܠܗܘܢ ܒܢ̈ܝ ܐܢܫܐ. ܘܗܪܘܐܣ ܘܐܠܗ̈ܐ ܡܫܡܗܝܢ ܗܘܘ ܠܗܿܢܘܢ ܕܡܢ ܡܘܬܐ ܐܚܝܕܝܢ ܗܘܘ ܒܗ. ܒܗܕܐ ܫܦܝܪ ܚܿܘܼܝ ܢܦܫܗ. ܘܡܛܠ ܗܕܐ ܥܠܬܐ ܗܼܘ ܡܪܚܡܢܐ ܡܠܬܗ ܕܐܠܗܐ ܟܝܢܐ ܕܡܝܬܪ ܡܢ ܡܘܬܐ ܠܒܢ̈ܝ ܐܢܫܐ ܚܿܘܝ. ܘܠܗ ܠܡܝܘܬܐ ܡܢ ܒܬܪ ܫܪܝܗ ܠܚܝ̈ܐ ܬܢܝ̈ܢܐ ܐܝܬܝܗܿ ܘܢܝܫܐ ܕܙܟܘܬܐ ܕܚܝ̈ܐ ܕܠܐ ܡܝܬܼܝܢ ܕܠܘܩܒܠ ܡܘܬܐ ܠܟܘܠ ܐܢܫ ܐܫܠܼܡ ܕܢܚܙܘܢ ܘܕܒܠܚܘܕ ܒܗܐܢ ܕܐܝܬܘܗܝ ܐܠܗܐ ܫܕܪܪܐ. ܒܡܘܬܐ ܡܠܦ ܕܢܘܕܘܢ ܗܿܘ ܕܟܠܝܠ ܙܟܘܬܐ ܕܠܘܩܒܠ ܡܬܘܐ ܒܪܫܗ ܐܣܼܪ ܀ ܀ ܀܀ ܢܛ. ܥܠܬܐ ܕܝܢ ܕܬܠܬ ܕܡܘܬܐ ܦܘܪܩܢܐ ܐܝܬܝܗܿ ܗܕܐ ܕܒܡ̈ܠܐ ܟܣܝ̈ܬܐ ܐܝܬܝܗܿ ܘܐܝܠܝܢ ܐܢܝܢ ܗܠܝܢ ܕܒ̈ܚܐ ܕܚܠܦ ܕܡ̈ܟܐ ܕܟܠܗܘܢ ܒܢ̈ܝ ܐܢܫܐ ܡܬܩܛܠ ܗܘܐ ܕܒܚܐ ܡܗܦܟܢܐ ܕܡܢ ܛܥܝܘܬܐ ܕܕܝ̈ܘܐ ܕܒܚܐ ܗܟܝܠ ܚܕ ܘܩܘܪܒܢܐ ܪܒܐ ܘܕܡܝܬܪ ܡܢ ܟܠ ܕܒܚ̈ܝܢ ܦܓܪܐ ܕܦܪܘܩܢ ܕܒܕܡܘܬ ܐܡܪܐ ܕܚܠܦ ܟܠܗ ܓܢܣܐ ܕܒܢ̈ܝ ܐܢܫܐ ܐܬܕܒܼܚ ܘܕܟܘܠܗܘܢ ܥܡ̈ܡܐ݀ ܗܿܢܘܢ ܕܒܪܘܫܥܐ ܕܐܒܘܗ̈ܝܗܘܢ ܕܛܥܝܘܬܐ ܕܕ̈ܝܘܐ ܐܚܼܝܕܝܼܢ ܗܘܘ. ܚܠܦ ܢܦܫ̈ܬܗܘܢ ܣܠܩ. ܘܟܠܗ ܡܟܝܠ ܚܝܠܐ ܕܕ̈ܝܘܐ ܕܠܐ ܕܟܐ ܘܠܐ ܩܕܝܫ ܡܣܬܚܼܦ ܗܘܐ ܘܡܫܬܪܝܐ ܗܘܬ ܘܡܬܚܒܠܐ ܡܢ ܕܘܟܬܗܿ ܒܚܝܠܐ ܡܝܬܪܐ݀ ܟܠܗܿ ܛܥܝܘܬܐ ܣܪܝܩܬܐ ܘܐܪܥܢܝܬܐ݀ ܗܿܘ ܗܟܝܠ ܕܡܢ ܒܢ̈ܝ ܐܢܫܐ ܕܒܚܐ ܕܦܘܪܩܢܐ ܗܘ ܡܐܢܐ ܦܓܪܢܐ ܕܝܠܗ ܕܡܠܬܐ ܐܠܗܐ݀ ܚܠܦ ܕܡ̈ܟܐ ܕܟܠܗܘܢ ܒܢ̈ܝ ܐܢܫܐ ܡܬܕܒܚ ܗܘܐ ܘܗܢܐ ܗܘܐ ܕܝܢ ܗܿܘ ܕܒܡܐܟܠ ܩܪܨܐ ܕܒܢ̈ܝ ܐܢܫܐ ܕܒܚܐ ܠܡܘܬܐ ܐܫܬܠܡ ܕܥܠܘܗܝ ܒܢ̈ܬ ܩ̈ܠܐ ܕܡ̈ܠܐ ܐܠܗܝ̈ܬܐ ܩܿܥܼܝܢ ܒܙܒܢ ܟܕ ܐܡܪܢ ܗܟܢܐ. ܗܐ ܐܡܪܗ ܕܐܠܗܐ݀ ܗܐ ܡܢ ܕܫܩܠ ܚܛܝܬܗ ܕܥܠܡܐ. ܘܒܙܒܢ ܕܝܢ ܟܕ ܡܩܕܡܢ ܡܟܪܙܢ ܗܟܢܐ ܕܐܝܟ ܐܡܪܐ 113 ܠܢܟܣܬܐ ܐܬܕܒܪ݀ ܘܐܝܟ ܢܩܝܐ ܩܕܡ ܓܙܘܙܐ ܫܬܝܩ ܗܘܐ. ܘܗܼܝ ܥܠܬܐ ܡܠܦܐ ܟܕ ܐܡܪܐ ܫܪܝܪܐܝܬ ܚܫ̈ܝܢ ܗܼܘ ܣܝܒܪ ܘܟܐܒ̈ܝܢ ܗܼܘ ܣܒܼܠ ܘܐܢܚܢܢ ܚܫܒܢܼܝܗܝ ܟܬܝܫܐ ܘܡܡܚܝܐ ܕܐܠܗܐ ܘܡܡܟܟܐ. ܗܼܘ ܡܬܩܛܠ ܡܛܠ ܚܛܗ̈ܝܢ. ܘܡܬܡܟܟ ܡܛܠ ܥܘܠܢ. ܡܪܕܘܬܐ ܕܫܠܡܢ ܥܠܘܗܝ݀ ܘܒܫܘܡ̈ܬܗ ܢܬܐܣܐ݀ ܟܠܢ ܐܝܟ ܥܢܐ ܛܥܼܝܢ݀ ܘܐܢܫ ܠܣܛܪܗ ܦܢܼܝܢ. ܘܡܪܝܐ ܐܦܓܥ ܗ ܚ̈ܛܗܐ ܕܟܠܢ݀ ܗܿܘ ܡܐܢܐ ܗܟܝܠ ܓܦܢܪܐ ܕܡܠܬܐ ܕܐܠܗܐ ܡܛܠ ܗܠܝܢ ܥܠ̈ܬܐ ܡܬܕܒܚ ܗܘ. ܗܼܘ ܕܝܢ ܟܗܢܐ ܪܒܐ. ܗܿܘ ܕܠܐܠܗܐ ܡܿܠܟܐ ܕܟܠ ܘܡܪܐ ܕܟܠ ܡܟܗܢܿ ܐܚܪܢܐ ܗܘ ܠܒܪ ܡܢ ܕܒܚܐ ܡܠܬܐ ܕܐܠܗܐ ܘܚܝܠܐ ܕܐܠܗܐ ܘܚܟܡܬܐ ܕܐܠܗܐ. ܘܠܗ ܠܡܝܘܬܐ ܠܐ ܗܘܐ ܠܢܘܓܪܐ ܥܠܝܗ ܡܢ ܡܘܬܐ ܘܠܗ ܠܗܢܐ ܪܫܝܬܐ ܕܦܘܪܩܢܐ ܕܟܠܢ ܘܕܚܝ̈ܐ ܕܠܘܬ ܐܠܗܐ ܕܠܐ ܡܝܬܝܢ ܒܫܘܬܦܘܬܐ ܐܩܝܡ. ܘܢܝܫܐ ܠܒܝܫ ܒܙܟܘܬܐ ܕܠܘܩܒܠ ܡܘܬܐ݀ ܘܠܘܩܒܠ ܣܘܥܪ̈ܢܐ ܕܕܝ̈ܘܐ ܘܗܿܢܝܢ ܕܕܒܚܐ ܕܒܢ̈ܝ ܐܢܫܐ ܐܩܝܡ ܕܡܢܗܕܐ ܐܬܣܼܝܡ ܠܗ ܘܐܦ ܫܡܐ ܕܡܫܝܚܐ ܕܒܝܬ ܥܒܪ̈ܝܐ ܒܗܢܐ ܐܣܟܡܐ ܕܪܒ ܟܗ̈ܢܐ ܢܦܼܩ ܬܪ̈ܝܗܘܢ ܗܟܝܠ ܫܡ̈ܗܐ ܩܒܠ݀ ܕܕܒ̈ܚܐ ܕܦܘܪܩܢܐ ܫܡ ܕܝܫܘܥ ܡܘܕܥ ܘܪܕܪܒ ܟܗ̈ܢܐ ܡܠܬܐ ܕܐܠܗܐ ܗܿܘ ܕܚܠܦ ܟܠܢ ܡܟܗܢ ܥܝܕܐ ܕܥܒܪ̈ܝܐ ܥܠ ܡܫܝܚܐ ܡܒܕܩ ܀܀ ܀܀ ܣ. ܒܬܪ ܗܠܝܢ ܕܐܬܐܡܼܪ ܘܐܦ ܐܚܪܬܐ ܥܠܬܐ ܪܒܬܐ ܐܝܬ ܕܡܘܬܐ ܦܘܪܩܢܐ ܗܕܐ ܕܡܬܐܡܪܐ. ܡܛܘܠ ܓܝܪ ܕܠܗܘܢ ܠܬܠܡܝܕ̈ܘܗܝ ܒܥܝܢ̈ܝܗܘܢ ܐܠܨܐ ܗܘܬ ܕܢܚܙܘܢ ܚ̈ܝܐ ܕܡܢ ܒܬܪ ܡܘܬܐ ܝܠܕܐ ܬܢܝܢܐ ܓܠܝܐܝܬ ܕܥܠܘܗܝ ܣܒܪܗܘܢ ܕܢܬܠܘܢ ܡܠܦ ܗܘܐ ܘܡܛܠܬܗ ܐܦ ܡܓܪܓܼ ܗܘܐ ܠܗܘܢ ܕܢܚܣܡܢܘܢ ܒܢܝܪܐ ܕܟܐܢܘܬܐ. ܫܦܝܪ ܗܕܐ ܕܢܚܙܘܢ ܒܥܝܢ̈ܝܗܘܢ ܐܫܠܡ ܠܗܘܢ݀ ܘܠܐ ܗܘܐ ܠܗܘܢ ܓܝܪ ܠܗܿܢܘܢ ܕܥܬܝܕܝܢ ܕܢܬܩܪܒܘܢ ܠܥܘܡܪܐ ܕܟܐܢܘܬܐ ܕܩܕܡ ܟ ܠܗܢܐ ܝܘܠܦܢܐ ܕܐܠܨܐ ܕܒܝܕ ܚܙܬܐ ܓܠܝܬܐ ܢܩܒܠܘܢܿ ܘܝܬܝܪ ܡܢ ܣܓܝ ܠܗܿܢܘܢ ܕܥܬܝܕܝܢ ܗܘܘ ܕܒܥܓܠ ܒܟܘܠܗܿ ܒܪܝܬܐ ܢܟܪܙܘܢܗܿ ܘܐܝܕܥܬܐ ܕܐܠܗܐ ܕܐܬܝܼܗܒܬ ܡܢܗ ܠܟܠܗܘܢ ܥܡ̈ܡܐ ܒܝܬ ܟܠܗܘܢ ܒܢ̈ܝ ܐܢܫܐ ܢܕܢܚܘܢ ܕܗܼܢܘܢ 114 ܗܠܝܢ ܦܝܣ ܪܒܐ ܘܿܠܐ ܗܘܐ ܕܢܣܒܘܢ ܕܚܝ̈ܐ ܕܡܢ ܒܬܪ ܡܘܬܐ ܐܝܟܢܐ ܕܕܠܐ ܕܚܠܬܐ ܘܕܠܐ ܙܘܥܬܐ ܕܡܢ ܡܘܬܐ݀ ܗܢܐ ܐܝܓܘܢܐ ܕܠܘܩܒܠ ܛܥܝܘܬܐ ܕܐܠܗ̈ܐ ܣܓܝ̈ܐܐ ܒܛܥܝܘܬܗܘܢ ܢܩܒܠܘܢ ܐܠܘ ܓܝܪ ܠܐ ܐܬܕܪܫܼܘ ܗܘܘ ܕܢܒܿܣܪܘܢ ܥܠ ܡܘܬܐ ܘܐܦܠܐ ܡܡܬܘܡ ܡܬܛܝܒܝܢ ܗܘܘ ܕܢܬܩܪܒܘܢ ܠܐܘ̈ܠܨܢܐ ܕܡܛܠ ܗܕܐ ܝܬܝܪܐܝܬ ܡܙܝܢ ܗܘܐ ܠܗܘܢ ܠܘܩܒܠ ܚܝܠܬܢܘܬܗ ܕܡܘܬܐ݀ ܘܠܐ ܗܘܐ ܒܡ̈ܠܐ ܘܒܒܢܬ ܩ̈ܠܐ݀ ܡܫܠܡ ܗܘܐ ܠܗܘܢ ܗܢܐ ܝܘܠܦܢܐ. ܘܐܦܠܐ ܒܡ̈ܠܐ ܕܦܝܣܐ݀ ܘܡܢ ܕܡܘ̈ܬܐ ܥܠ ܢܦܫܐ ܕܠܐ ܡܝܬܐ ܐܝܟ ܒܢ̈ܝ ܐܢܫܐ ܣܿܕܪ ܗܘܐ. ܐܠܐ ܒܗ ܒܥܒܕܐ ܢܝܫܐ ܕܙܟܘܬܐ ܕܠܘܩܒܠ ܡܘܬܐ ܡܚܘܐ ܗܘܐ. ܠܗܘܢ ܀ ܀ ܀܀ ܣܐ. ܐܝܬܘܗܝ ܗܘܐ ܓܝܪ ܡܢ ܩܕܝܡ ܡܘܬܐ ܕܚܝܠܐ ܠܟܠܗܘܢ ܒܢ̈ܝ ܐܢܫܐ ܡܚܒܠܢܗ ܕܓܢܣܢ ܡܝܘܬܐ ܫܪܝܐ ܡܣܬܒܪ ܗܘܐ ܕܟܠܗ ܟܝܢܐ ܕܒܪ ܐܢܫܐ ܕܢܦܫܐ ܐܟܚܕܐ ܘܕܦܓܪܐ ܘܫܠܛܢܗ ܕܗܢܐ. ܘܠܝܬ ܗܘܐ ܐܢܫ ܡܢ ܡܬܘܡ ܕܐܫܟܚܼ ܕܠܗܢ ܕܚܝܠܐ ܡܢ ܒܢ̈ܝ ܐܢܫܐ ܢܒܛܠ݀ ܘܟܠܗܘܢ ܣܿܦܘܕܝܢ ܗܘܘ ܒܕܚܠܬܐ ܙܥܘܪ̈ܐ ܘܪ̈ܘܪܒܐ ܘܪ̈ܝܫܐ ܘܡܫܥܒܕ̈ܐ ܡܠܟ̈ܐ ܐܟܚܕܐ ܘܩܘܛܢ̈ܐ ܘܟܢ̈ܫܐ ܟܠܗܘܢ ܕܥܡ̈ܡܐ ܘܫܪ̈ܒܬܐ ܕܡܢ ܡܘܬܐ ܘܠܝܬ ܗܘܬ ܒܘܝܐܐ ܡܢ ܗܕܐ ܒܝܫܼܬܐ ܠܒܢ̈ܝ ܐܢܫܐ ܠܐ ܡܠܬܐ ܘܠܐ ܐܣܟܡܐ ܘܠܐ ܥܘܡܪܐ ܘܠܐ ܬܪܥܝܬܐ ܕܚܟ̈ܝܡܐ ܘܠܐ ܡܟܬܒܢܘܬܐ ܕܩܕ̈ܡܝܐ ܘܠܐ ܢܒܝܘܬܐ ܕܢܒ̈ܝܐ ܘܠܐ ܓܠܝܢܐ ܕܡܠܐܟ̈ܐ. ܘܡܝܬܪ ܗܘܐ ܡܢ ܟܠ݀ ܘܠܥܠ ܡܢ ܟܠ ܗܘܐ. ܘܙܟܘܬܐ ܕܠܥܠ ܡܢ ܟܠ݀ ܐܚܝܕ ܗܘܐ. ܗܿܘ ܡܘܬܐ ܕܿܡܐ ܫܒܗܪܢܐ ܚܬܝܪܐ. ܕܠܗ ܡܫܥܒܕ ܗܘܐ. ܟܠܗ ܓܢܣܐ ܡܝܘܬܐ ܘܒܟܠܗܝܢ ܥܘ̈ܠܘܬܐ ܡܬܗܦܟ ܗܘܐ. ܘܒܛܢܦܘ̈ܬܐ ܕܕܡܐ ܘܒܣܘܪ̈ܥܢܐ ܕܠܐ ܙܕܩܝܢ. ܘܒܛܥܝܘܬܐ ܕܟܠ ܦܘܪ̈ܣܝܢ. ܕܪܫܥܐ ܒܼܝܫܐ ܕܠܐ ܐܠܗ. ܕܟܠܗܝܢ ܓܝܪ ܗܠܝܢ ܡܘܬܐ ܐܝܬܘܗܝ ܗܘܐ ܥܠܬܐ. ܐܝܟ ܕܬܘܒ ܓܝܪ ܠܐ ܐܝܬܝܗܘܢ ܒܬܪ ܡܘܬܐ ܗܠܝܢ ܕܫ݀ܘܝܢ ܠܡܘܬܐ ܣܓܝ̈ܐܐ ܒܕܘܒܪ̈ܝܗܘܢ ܣ݀ܥܪܝܼܢ ܗܘܘ݀ ܘܐܝܟ ܕܬܚܝܬ ܡܣܡ ܒܪܫܐ ܠܐ ܡܫܥܒܕܝܢ ܡܛܠ ܗܢܐ ܫܪܝܐ ܕܡܢ ܡܘܬܐ ܥܘܡܪܐ ܚܿܝܼܝܢ ܗܘܘ ܕܠܐ ܥܘܡܪܐ ܘܠܐ ܐܠܗܐ ܒܬܪܥܝܬܗܘܢ ܢܿܣܒܼܝܢ ܗܘܘ ܘܠܐ ܕܝܢܐ ܟܐܢܐ ܕܐܠܗܐ. ܘܠܐ ܥܘܗܕܢܐ ܕܐܘܣܝܐ ܝܕܘܥܬܢܝܬܐ ܕܢܦܫ̈ܬܗܘܢ ܡܚܼܝܢ ܗܘܘ. ܒܚܕ ܕܝܢ ܫܠܝܛܐ ܩܫܝܐ ܡܘܬܐ ܡܬܚܿܫܚܼܝܢ ܗܘܘ. ܘܚܒܠܐ ܕܡܢ ܗܢܐ ܕܐܝܬܘܗܝ ܫܪܝܐ 115 ܕܟܠ ܢܦܫܗܘܢ ܐܦܝܣܘ ܘܐܠܗܐ ܥܬܝܪܐ ܡܛܠ ܗܕܐ ܦܠܘܛܘܢ ܠܗ ܠܡܘܬܐ ܩܪܘ. ܘܡܘܬܐ ܐܝܬܘܗܝ ܗܘܐ ܠܗܘܢ ܐܠܗܐ ܠܐ ܒܠܚܘܕܘܗܝ. ܐܠܐ ܐܦ ܗܠܝܢ ܡܝܩܪ̈ܬܐ ܕܩܕܡܘܗܝ ܗܠܝܢ ܕܠܚ̈ܝܐ ܕܪܓܬܐ. ܫ݀ܠܡܼܢ ܗܘܝ ܠܗܘܢܿ ܐܠܗ̈ܐ ܗܟܝܠ ܐܝܬ ܗܘܐ ܠܗܘܢ ܗܿܝ ܪܓܬܐ ܕܦܓܪܐ ܐܠܗܐ ܣܝܒܪܬܐ ܐܠܗܐ ܙܪܥܐ ܕܢܦܠ ܒܐܪܥܐ. ܐܠܗܐ ܗܒܒܐ ܕܗܢܐ. ܐܠܗܐ ܦܩ̈ܚܐ ܕܐܒ̈ܒܢܐ ܐܠܗܐ ܒܣܡܐ ܕܒܪܘܝܘܬܐ ܐܠܗܐ ܪܚܡܬܐ ܕܦܓܪܐ ܐܠܗܐ ܗܝ ܪܓܬܐ ܕܗܠܝܢ݀ ܡܢ ܗܪܟܐ ܐܪ̈ܙܐ ܕܕܡܛܪܐ ܘܕܦܪܣܝܦܘܢܐ ܘܚܛܘܦܝܐ ܕܩܘܪܐ ܕܠܫܝܘܠ ܘܬܘܒ ܦܘܢܝܗ ܕܗܕܐ ܡܢ ܗܪܟܐ ܥܐܕ̈ܘܗܝ ܕܕܝܘܢܣܘܣ ܘܗܪܩܠܣ ܕܐܙܕܟܼܝ ܐܝܟ ܕܡܢ ܐܠܗܐ ܪܒܐ ܡܢ ܪܘܝܘܬܐ ܡܢ ܗܪܟܐ ܐܪ̈ܙܐ ܕܓܝܪܘܬܐ ܕܐܪܘܣ ܘܕܐܦܪܘܕܝܛܐ. ܡܢ ܗܪܟܐ ܙܘܣ ܕܫܢܐ ܒܬܪ ܢܫ̈ܐ݀ ܘܪܚܡ ܠܓܢܡܕܣ ܒܕܝܐ ܕܫܘ̈ܥܝܬܐ ܕܐܠܗ̈ܐ ܪ̈ܚܡܝ ܪܓܬܐ ܘܪ̈ܚܡܝ ܚܫ̈ܐ ܨܚ̈ܢܐ. ܘܕܟܠܗܝܢ ܗܠܝܢ ܡܘܬܐ ܐܝܬܘܗܝ ܗܘܐ ܥܠܬܐ. ܚܪܬܐ ܓܝܪ ܘܫܘܠܡܐ ܕܟܠ ܫܪܝܐ ܘܚܘܒܠܐ ܕܢܦܫ̈ܬܐ ܐܟܚܕܐ ܘܕܦܓܪܐ ܡܘܬܐ ܣܒܿܪܘ ܕܐܝܬܘܗܝ ܘܕܚܝ̈ܐ ܐܚܪ̈ܢܐ ܠܝܬ ܐܠܐ ܗܠܝܢ ܕܦܓܪܐ ܘܕܓܘܫܡܐ ܥܘܡܪܐ ܕܒܝܫ ܡܢ ܟܠܗ ܟܝܢܐ ܕܚܝ̈ܘܬܐ ܕܠܐ ܡܠܬܐ ܥܿܡܪܝܢ ܗܘܘ. ܕܥܠܝܗܘܢ ܕܗܠܝܢ ܪܚܿܡܼ ܗܘ ܡܿܠܟܐ ܕܟܠ ܡܠܬܗ ܕܐܠܗܐ ܒܪܡܙܐ ܕܡܪܚܡܢܘܬܗ ܕܐܒܘܗܝ ܘܠܡܥܕܪܘܬܗܘܢ ܐܣܬܪܗܒܼ ܐܝܟ ܡܿܠܟܐ ܕܣܓܝ ܡܪܚܡܢ ܘܡܟܣܢܘܬܐ ܕܠܘܩܒܠ ܡܘܬܐ ܒܝܕ ܟܝܢܐ ܐܢܫܝܐ ܐܬܦܼܪܣ ܗܘܐ ܟܕ ܗܼܘ ܐܝܬܘܗܝ ܚܝܼܿܐ ܘܡܠܬܐ ܕܐܠܗܐ ܘܚܞܝܠܐ ܕܐܠܗܐ. ܐܠܐ ܠܐ ܗܘܐ ܒܠܥܕ ܗܿܘ ܕܡܬܥܕܪ ܠܗܘ ܕܚܝܠܐ ܕܒܒܢ̈ܝ ܐܢܫܐ ܥܒܕ ܕܢܬܟܣܣ ܕܡܛܠ ܗܕܐ ܒܙܝܢܐ ܐܢܫܝܐ ܐܬܚܫܼܚ ܘܒܦܓܪܐ ܡܝܘܬܐ. ܗܿܘ ܕܕܠܐ ܓܫܘܡ ܗܘ. ܠܡܘܬܐ ܒܝܕ ܡܝܘܬܐ ܙܟܐ. ܕܡܢ ܗܪܟܐ ܐܪܙܐ ܕܝܠܗ. ܩܕܡܝܐ ܕܦܓܪܐ ܡܣܬܥܪ ܗܘܐ. ܘܡܢ ܗܪܟܐ ܢܝܫܐ ܕܙܟܘܬܐ ܕܨܠܝܒܐ. ܘܡܢ ܗܪܟܐ ܥܘܗܕܢܐ ܕܚܝ̈ܐ ܕܠܐ ܡܝܬܝܢ ܠܥܠܡ ܕܘܟܪܢܗ ܩܲܕܝ. ܒܙܝܢܐ ܓܝܪ ܡܝܘܬܐ ܐܬܚܫܼܚ ܘܬܕܡܘܪܬܐ ܪܒܬܐ ܠܟܠ ܐܢܫ ܚܿܘܝ. ܢܝܫܐ ܕܙܟܘܬܐ ܕܚܝ̈ܐ ܕܠܐ ܡܝܬܝܢ ܕܐܩܝܡ ܠܘܩܒܠ ܡܘܬܐ. ܐܪܦܝܗܿ ܓܝܪ ܠܡܝܘܬܐ ܠܡܟܘܠܬܐ ܕܚܝܘܬܐ. ܘܗܼܘ. ܒܪ ܫܥܬܗ ܒܩܝܣܐ ܐܬܩܒܼܥ. ܕܙܩܝܦܘܬܐ ܐܝܟܢܐ ܕܠܟܠ ܐܢܫ ܟܝܢܐ ܡܝܘܬܐ ܢܬܝܕܥ݀ ܘܡܢ ܡܕܡ ܠܐ ܬܬܟܣܐ ܗܕܐ ܕܐܣܬܥܼܪܬ. ܠܐ ܡܢ 116 ܒܢ̈ܝ ܐܢܫܐ ܘܠܐ ܡܢ ܕܝܿܘܐ. ܘܠܐ ܡܢ ܚܝܠ̈ܐ ܡܝܬܪ̈ܐ. ܘܠܐ ܗܘܐ ܓܝܪ ܕܟܠܗܘܢ ܚܬܝܬܐܝܬ ܢܚܙܘܢܗ ܠܡܝܘܬܐ ܐܝܟ ܕܒܬܝܛܪܘܢ ܪܒܬܐ. ܟܕ ܡܘܕܐ ܥܠ ܟܝܢܐ ܕܢܦܫܗ݀ ܘܒܬܪܟܢ ܢܐܬܐ ܡܘܬܐ ܐܝܟ ܚܝܘܬܐ ܒܝܫܼܬܐ. ܘܠܗ ܡܢܐ ܐܝܬܘܗܝ ܗܘܐ ܢܟܣ. ܘܗܝܕܝܢ ܚܝܠܐ ܕܚܝ̈ܐ ܒܬܪ ܡܘܬܐ ܢܐܬܐ. ܘܠܟܠ ܐܢܫ ܬܘܒ ܙܟܪܘܬܐ ܕܠܘܩܒܠ ܡܘܬܐ. ܢܩܝܡ. ܟܕ ܠܡܝܘܬܐ ܠܐ ܡܝܘܬܐ ܢܚܘܐ. ܫܒܩܗ ܗܘܐ ܗܟܝܠ ܩܠܝܠ ܙܒܢܐ ܠܦܓܪܐ ܗܿܘ ܚܝܠܐ ܕܐܚܝܕ ܗܘܐ ܠܗ. ܕܡܠܬܐ ܕܐܠܗܐ. ܘܗܿܘ ܐܬܬܠܝ ܥܠ ܩܝܣܐ ܙܒܢܐ ܙܥܘܪܐ ܘܐܝܬܘܗܝ ܗܘܐ ܡܝܬܐ݀ ܐܠܐ ܠܐ ܗܘܐ ܡܠܬܐ ܡܚܝܢܝܬܐ ܕܟܠ ܐܝܬܝܗܿ ܡܝܬܐ. ܡܝܘܬܐ ܕܝܢ ܥܠ ܟܝܢܗ ܕܢܦܫܗ ܡܘܕܐ ܗܘܐ ܘܒܬܪܟܢ ܗܿܘ ܡܝܬܐ ܕܐܬܬܚܕ ܡܢ ܡܘܬܐ ܕܗܫܐ ܡܢ ܒܢ̈ܝ ܐܢܫܐ ܡܫܬܩܠ ܗܘܐ. ܠܒܛܝܠܘܬܐ ܕܥܝܕܐ ܫܿܘܐ ܗܘܐ. ܠܩܒܘܪܐ ܐܝܟ ܢܡܘܣܐ ܕܒܢ̈ܝ ܐܢܫܐ ܡܫܬܠܡ. ܗܘܐ. ܗܼܘ ܕܝܢ ܩܒܪܐ ܡܥܪܬܐ ܗܘܬ ܕܚܕܬܐܝܬ ܐܬܦܣܩܼܬ ܡܥܪܬܐ ܕܗܫܐ ܒܟܐܦܐ ܐܬܢܩܼܪܬ ܗܘܬ. ܕܠܐ ܢܣܝܼܬ ܗܘܬ ܦܓܪܐ ܐܚܪܢܐ. ܘܠܐ ܗܘܐ ܓܝܪ ܕܠܗܘ ܒܠܚܘܕܘܗܝ ܬܒܛܠ ܠܗܿܘ ܡܝܬܐ. ܕܬܡܗܐ ܒܠܚܘܕܘܗܝ. ܬܡܝܗܐ ܗܝ ܕܝܢ ܠܡܚܙܝܗ. ܐܦ ܗܿܝ ܟܐܦܐ ܕܒܐܪܥܐ ܫܦܝܬܐ ܒܠܚܘܕܝܗܿ ܬܪܝܨܐܝܬ ܩܝܡܐ ܘܒܠܚܘܕ ܚܕܐ ܡܥܪܬܐ ܠܓܘ ܒܗ ܐܚܝܕܐ ܕܕܠܡܐ ܟܕ ܢܗܼܘܝܢ ܒܗ ܣܓܝ̈ܐܬܐ ܬܚܦܝܗܿ ܬܕܡܘܪܬܐ ܕܗܿܘ ܕܙܟܼܝܗܝ ܠܡܘܬܐ. ܣܝܡ ܗܘܐ ܗܟܝܠ ܡܝܬܐ ܬܡܢ݀ ܡܐܢܗܿ ܕܡܠܬܐ ܚܝܬܐ. ܘܟܐܦܐ ܪܒܬܐ ܠܡܥܪܬܐ ܐܚܝܕܐ ܗܘܬ. ܘܣܓܝ ܒܗܕܐ ܡܫܬܒܗܪ ܗܘܐ ܡܘܬܐ ܐܝܟ ܕܗܐ ܠܡ. ܐܦ ܠܗܢܐ ܥܡ ܗܿܢܘܢ ܕܡܢ ܥܠܡ ܠܒܼܟ ܬܚܝܬ ܐܝܕܗ ܐܠܐ ܟܕ ܥܕܟܝܠ ܙܒܢܐ ܕܬ̈ܠܬܐ ܝܘ̈ܡܝܢ ܠܐ ܥܒܪܘ ܗܼܢܘܢ ܚܝ̈ܐ ܬܘܒ ܢܦܫܗܘܢ ܚܿܘܝܼܘ ܒܬܪ ܡܟܣܢܘܬܐ ܕܣܦܩܐ ܠܘܩܒܠ ܡܘܬܐ. ܐܠܘ ܓܝܪ ܩ݀ܕܡ ܩܡ ܗܘܐ ܒܥܓܠ. ܘܐܦ ܠܐ ܡܣܬܒܪ ܗܘܐ ܡܝܬ. ܐܠܐ ܟܕ ܒܫܪܪܐ ܡܬܬܪܝܡ ܗܘܐ. ܘܒܫܪܪܐ ܡܼܝܬ ܗܘܐ. ܘܒܙܒܢܐ ܠܡܘܬܐ ܒܫܪܪܐ ܣܝܒܪ ܗܘܐ. ܗܝܕܝܢ ܕܝܢ ܗܼܝ ܡܠܬܐ ܕܐܠܗܐ ܡܚܝܢܝܬܐ ܕܟܠ݀ ܣܒܪܐ ܕܢܛܝܪ ܗܘܐ ܠܟܠܗܘܢ ܒܢ̈ܝ ܐܢܫܐ. ܒܝܕ ܝܠܕܐ ܬܢܝܢܐ ܕܗܼܘ ܡܝܘܬܐ ܡܚܘܐ ܗܘܐ ܀܀ ܀܀ ܣܒ. ܡܢܐ ܗܟܝܠ ܒܬܪ ܗܠܝܢ ܗܘܐ. ܠܐ ܗܘܐ ܐܢܐ ܡܟܝܠ ܗܼܘܐ ܐܢܐ ܠܟ ܡܠܦܢܐ ܥܠ ܗܿܢܝܢ ܕܐܣܬܥܪ. ܗܿܢܝܢ ܕܝܢ ܕܚܙܘ ܐܢܝܢ ܗܼܢܘܢ ܢܗܘܘܢ ܣܗܕ̈ܐ 117 ܡܝܬܪ̈ܐ ܕܫ݀ܘܝܢ ܠܫܪܪܐ ܗܿܢܘܢ ܕܒܝܕ ܕܡܗܘܢ ܘܒܝܕ ܢܦܫܗܘܢ ܒܚܙܬܐ ܕܝܠܗܘܢ ܕܣܘܥܪ̈ܢܐ ܠܫܪܪܗܘܢ ܗܝܡܼܢܘܗܝ. ܘܠܟܠܗܿ ܒܪܝܬܐ ܒܚܝܠܐ ܕܗܿܘ ܕܡܣܗܕܝܢ ܗܘܘ ܥܠܘܗܝ݀ ܟܐܢܘܬܐ ܕܡܢܗܘܢ ܡܬܟܪܙܐ ܗܘܬ ܡܠܘ. ܗܿܢܘܢ ܗܟܝܠ ܕܗܘܘ ܚܿܙܝܐ ܕܗܠܝܢ ܕܐܣܬܥܼܪ ܗܘܝ ܗܝܕܝܢ. ܘܒܗܝܢ ܒܥܝ̈ܢܝܗܘܢ ܚܼܙܘ ܝܠܕܐ ܬܢܝܢܐ. ܕܐܕܪܟ ܐܢܘܢ ܒܗܝܢ ܒܣܗܕ̈ܘܬܗܘܢ ܐܫܠܡܼܘ ܠܐ ܗܘܐ ܓܝܪ ܥܕܡܐ ܠܡܠܬܐ ܘܠܒܪܬ ܩܠܐ ܡܫܬܡܼܥܢ ܗܘܝ ܠܗܘܢܿ ܗܠܝܢ ܕܐܣܬܥܼܪ ܐܠܐ ܐܦ ܒܥܒܕܐ ܡܬܚܼܙܝܢ. ܗܘܝ ܘܡܬܓܫܼܢ ܗܘܝ ܚܬܝܬܐܝܬ ܡܢ ܗܿܢܘܢ ܕܐܣܗܕ. ܥܠܝܗܝܢ ܕܡܛܠ ܗܕܐ ܐܦ ܗܼܢܘܢ ܕܒܚܙܬܐ ܘܒܫܪܪܐ ܓܠܝܐܝܬ ܐܕܪܟܼܘ. ܘܕܢܝܫܐ ܕܙܟܘܬܐ ܕܠܘܩܒܠ ܡܘܬܐ ܚܲܙܘ ܗܘܘ. ܫܦܝܪ ܝܠܦܼܘ ܕܢܫܝܚܘܢ ܥܠ ܡܘܬܐ ܘܗܼܝ ܗܕܐ ܠܬܠܡܝܕ̈ܝܗܘܢ ܡܠܦܝܢ ܗܘܘ ܕܫܪܪܐ ܕܚܝ̈ܐ ܕܠܐ ܡܝܼܬܝܢ ܡܢ ܦܪܘܩܗܘܢ ܩܒܼܠܘ݀ ܘܗܟܢܐ ܕܝܢ ܘܐܦ ܟܠܗ ܓܢܣܐ ܡܝܘܬܐ ܡܢ ܒܬܪܟܢ ܐܬܢܦܼܫ ܗܘܐ ܡܢ ܙܘܥܬܐ ܕܡܘܬܐ ܡܛܠ ܕܗܿܘ ܕܡܢ ܩܕܝܡ ܕܚܝܠ ܗܘܐ. ܩܕܡ ܟܠ ܐܢܫ ܐܬܟܣܼܣ݀ ܘܚܝ̈ܐ ܕܡܢ ܒܬܪ ܡܘܬܐ ܗܝܡܢܘܬܐ ܫܪܝܪܬܐ ܢܣܒܼܘ. ܠܐ ܗܘܐ ܒܡ̈ܠܐ ܕܐܘܡܢܘܬܐ ܕܣܘ̈ܦܣܛܐ ܘܐܦ ܠܐ ܒܫܟܚܬܐ ܕܡ̈ܠܐ ܡܦܝܣܢ̈ܬܝܐ ܐܠܐ ܒܗܘܢ ܒܥܒܕ̈ܐ ܕܠܢܘܗܪܐ ܢܦܼܩܘ. ܘܬܘܒ ܠܐ ܐܝܟ ܕܡܢ ܩܕܝܡ ܕܚܠܼܘ ܡܢ ܡܘܬܐ ܐܠܐ ܓܚܼܟܘ ܣܘܓܐܐ ܘܪܘܒܐܝܬ ܒܫܥܬܗ ܕܡܕܚܠܢܐ. ܗܟܢܐ ܕܐܦ ܕܢܪܕܦܘܢ ܒܬܪ ܡܘܬܐ ܡܛܠ ܚܘܒܐ ܕܚܝ̈ܐ ܕܒܬܪܗ ܕܠܐ ܡܝܼܬܝܢ ܀ ܀ ܀܀ ܣܓ. ܡܢ ܗܪܟܐ ܡܟܝܠ ܒܛܝܠܘܬܐ ܠܒܢ̈ܝ ܐܢܫܐ ܗܘܿܝܐ ܗܘܬ ܥܠ ܥܘܡܪܐ ܩܕܝܫܐ ܘܢܟܦܐ ܘܚܦܝܛܘܬܐ ܥܠ ܟܠܗܿ ܡܝܬܪܘܬܐ ܘܥܘܗܕܢܐ ܕܐܠܗܐ ܘܡܠܬܐ ܣܓܝ̈ܐܬܐ ܕܥܠ ܟܐܢܘܬܐ ܕܫܪܪܐ ܘܗܦܘܟܝܐ ܕܡܢ ܒܝ̈ܫܬܐ ܘܡܢ ܠܐ ܐܠܗ݀ ܘܠܐ ܗܘܐ ܒܠܚܘܕ ܐܠܐ ܐܦ ܥܠ ܚܝ̈ܐ ܕܡܢ ܒܬܪ ܡܘܬܐ ܬܪ̈ܥܝܬܐ ܫܪܝܪܬܐ ܠܘܬ ܟܘܠ ܐܢܫ ܡܟܝ ܡܬܬܙܝܥܼܢ ܗܘܝ. ܘܪܥܝܢܐ ܬܪܝܨܐ ܘܫܪܝܪܐ ܕܥܠ ܕܝܢܼܐ ܟܐܢܐ ܕܠܘܬ ܐܠܗܐ ܡܿܠܟܐ ܕܟܠ ܕܡܛܠ ܗܕܐ ܡܢ ܗܝܕܟܝܢ ܟܠܝܗ ܓܢܣܐ ܕܒܢ̈ܝ ܐܢܫܐ ܕܒܡ̈ܠܐ ܕܠܐ ܡܬܡܠܠܢ݀ ܠܡܝܬܪܘܬܐ ܐܫܬܚܠܦ. ܒܦܪܨܘܐ ܕܦܬܟܪ̈ܐ ܪܐܩ. ܘܕܐܫ ܢܡܘ̈ܣܐ ܕܕܝ̈ܘܐ ܕܠܐ ܙܕܩܝܢ. ܘܥܠ ܛܥܝܘܬܐ ܥܬܝܩܬܐ ܕܡܫܠܡܢܘܬܐ ܕܐܒܗ̈ܘܗܝ ܡܓܚܟ. ܀܀ ܀܀ ܀܀ 118 ܣܕ. ܡܢ ܗܪܟܐ ܡܟܝܠ ܒܢ̈ܝ ܐܢܫܐ ܒܝܘܠܦܢܐ ܫܡܝܢܐ ܘܒܡ̈ܠܐ ܕܝܕܥܬܐ ܕܐܠܗܐ ܡܬܪܕܝܢ ܗܟܢܐ ܕܬܘܒ ܒܗܕܐ ܒܪܝܬܐ ܕܡܬܚܙܝܐ ܒܥܝ̈ܢܐ ܕܦܓܪܐ ܠܐ ܢܬܗܪܘܢ ܘܐܦ ܠܐ ܡܕ ܚܝܪܝܢ ܠܥܠ݀ ܘܚܙܝܢ ܫܡܫܐ ܘܣܗܪܐ ܘܟܘܟ̈ܒܐ ܥܕܡܐ ܠܗܠܝܢ ܢܩܝܡܘܢ ܬܡܗܗܘܢ ܠܗܿܘ ܕܝܢ ܕܠܗܠ. ܡܢ ܗܠܝܢ݀ ܠܗܿܘ ܟܣܝܐ ܕܠܐ ܡܬܚܙܐ ܠܗܿܘ ܒܪܘܝܐ ܕܟܘܠ݀ ܕܐܝܬܘܗܝ ܥܒܘܕܐ ܕܟܠ ܡܕܡ ܢܘܕܘܢܿ ܘܕܠܗ ܒܠܚܘܕܘܗܝ ܢܕܚܠܘܢ ܐܬܝܠܦܘ ܀ ܀ ܀܀ ܣܗ. ܘܬܘܒ ܠܐ ܐܝܟ ܕܡܢ ܩܕܝܡ ܠܗܢܐ ܟܝܢܐ ܕܦܓܪܐ ܕܕ̈ܘܝܐ ܘܡ̈ܬܚܒܠܢܐ ܘܕܠܐ ܢܦܫܐ ܘܕܠܐ ܡܠܬܐ ܐܦܠܐ ܠܐܣ̈ܛܘܟܣܘܗܝ ܩܕ̈ܡܝܐ݀ ܐܪܥܐ ܘܡܝ̈ܐ ܘܐܐܪ ܘܢܘܪܐ ܗܘ ܐܝܢܐ ܕܒܝܘܠܦܢܐ ܚܕܬܐ ܐܬܪܕܝ ݀ ܠܐ ܣܒܪ ܕܐܝܬܝܗܘܢ ܐܠܗ̈ܐ ܕܡܝܬܪܘܬܐ ܕܢܦܫܗ ܕܝܠܗ ܣܓܝ݀ ܐܝܬܝܗܿ ܒܪܒܘܬܐ ܡܢܗܘܢ ܐܬܝܠܦ ܀܀ ܀܀ ܣܗ. ܘܬܘܒ ܠܐ ܐܝܟ ܕܡܢ ܩܕܝܡ ܠܗܢܐ ܟܝܢܐ ܕܦܓܪܐ ܕܕ̈ܘܝܐ ܘܡ̈ܬܚܒܠܢܐ ܘܕܠܐ ܢܦܫܐ ܘܕܠܐ ܡܠܬܐ ܐܦܠܐ ܠܐܣ̈ܛܘܟܣܘܗܝ ܩܕ̈ܡܝܐ݀ ܐܪܥܐ ܘܡܝ̈ܐ ܘܐܐܪ ܘܢܘܪܐ ܗܘ ܐܝܢܐ ܕܒܝܘܠܦܢܐ ܚܕܬܐ ܐܬܪܕܝ݀ ܠܐ ܣܒܪ ܕܐܝܬܝܗܘܢ ܐܠܗ̈ܐ ܕܡܝܬܪܘܬܐ ܕܢܦܫܗ ܕܝܠܗ ܣܝܓ݀ ܐܝܬܝܗܿ ܒܪܒܘܬܐ ܡܢܗܘܢ ܐܬܝܠܦ ܀܀ ܀܀ ܣܘ. ܘܬܘܒ ܠܐ ܐܝܟ ܕܡܢ ܩܕܝܡ ܠܚܫ̈ܐ ܕܝܠܗ ܗܘܐ ܥܒܕܐ ܘܐܦܠܐ ܡܢ ܪ̈ܓܝܓܬܐ ܨܚ̈ܢܬܐ ܡܙܕܟܐ. ܡܙܕܟܐ ܗܘܐ ܕܝܢ ܗܝܕܝܢ ܘܠܐ ܙܟܐ. ܘܗܼܘ ܬܘܒ ܠܗ ܐܠܗ̈ܐ ܥܿܒܕ ܗܘܐ. ܕܗܼܝ ܒܝܫܬܐ ܡܢ ܥܩܪܗܿ ܡܢ ܬܪܥܝܬܗ ܘܡܢ ܢܦܫܗ ܘܟܘܠܗܿ ܪܓܬܐ ܒܝܫܬܐ ܘܫܛܝܘܬܐ ܕܢܒܛܠ ܐܬܦܩܕ ܗܟܢܐ ܕܐܦܠܐ ܢܡܪܚ ܠܡܚܪ ܒܐܢܬܬܐ ܒܪܓܬܐ. ܣܚܝܚܬܐ ܀ ܀ ܀ ܣܙ. ܘܬܘܒ ܠܐ ܐܝܟ ܕܡܢ ܩܕܝܡ ܒܬܪܓܢܐ ܕܢܦܫܗ ܬ݀ܡܗ ܘܡܡܪܚ ܕܢܫܡܗܝܘܗܝ ܐܠܗܐ. ܘܐܦ ܠܐ ܐܬܢܐ ܩܪܐ ܠܬܪܥܝܬܐ ܕܝܠܗ. ܘܐܦ ܠܐ ܐܚܪ̈ܢܝܬܐ ܕܫܥܬܐ ܕܐܟܘܬܗܝܢ݀ ܠܗܿܘ ܕܝܢ ܕܠܗܠ ܡܢ ܟܘܠ ܡܠܬܐ ܕܐܠܗܐ݀ ܘܠܗ ܠܐܘܡܢܐ ܕܟܘܠ ܚܟܡܬܗ ܕܐܠܗܐ ܕܟܠ ܒܠܚܘܕ ܐܝܬܘܗܝ ܦܪܘܩܗ ܝܕܥ ܘܡܒܪܟ. ܀܀ ܀܀ ܀܀ ܣܚ. ܘܬܘܒ ܠܐ ܐܝܟ ܕܡܢ ܩܕܝܡ ܠܐܢܫܐ ܡܝܘ̈ܬܐ ܕܒܡܦܩܢܐ ܕܒܗܬܬܐ ܫܿܢܼܝܘ ܡܢ ܥܠܡܐ ܘܠܡܘܬܐ ܐܘܚܕܢܐ ܕܚܝ̈ܝܗܘܢ ܐܫܠܡܼܘ݀ ܗܪܘܐܣ ܘܐܠܗ̈ܐ ܡܫܡܗ ܘܩ݀ܪܐ ܕܠܚܕ ܒܠܚܘܕ ܕܡܝܬܪ ܡܢ ܡܘܬܐ ܘܙܟܝܐ ܕܐܚܝܕ ܢܝܫܐ ܕܙܟܘܬܐ ܕܠܘܩܒܠ ܚܝܠܬܢܘܬܗ ܕܡܘܬܐ݀ ܠܗ ܠܦܪܘܩܗ ܡܟܬܒ ܀ ܀ ܀܀ ܣܛ. ܘܬܘܒ ܠܐ ܐܝܟ ܕܡܢ ܩܕܝܡ ܒܦܬܟܪ̈ܐ ܕܠܐ ܢܦܫܐ ܬܡܗ݀ ܘܐܦܠܐ ܠܟܝܢܐ ܕܠܐ ܡܠܬܐ ܘܕܚܝ̈ܘܬܐ ܒܕ̈ܚܠܬܐ ܕܕ̈ܝܘܐ ܠܒܪ ܡܢ ܟܝܢܐ ܡܝܩܪ. ܓܚܟ 119 ܕܝܢ ܥܠ ܛܥܝܘܐ ܕܐܒܗ̈ܘܗܝ ܘܡܢ ܐܣܟܡܗܘܢ ܕܐܝܬܘܗܝ ܕܠܐ ܝܕܥܬܐ ܕܐܠܗܐ ܘܕܠܐ ܚܙܬܐ ܡܗܦܟ ܐܦܘ̈ܗܝ܀ ܀ ܀܀ ܥ. ܘܬܘܒ ܠܐ ܐܝܟ ܕܡܢ ܩܕܝܡ ܒܕܡܘܬܐ ܕܕܝ̈ܘܐ ܒܝܼ̈ܫܐ ܘܠܐ ܒܫܪܓܪܓܝܬܐ ܕܛܥܝܘܬܐ ܕܪ̈ܘܚܐ ܐܪ̈ܥܢܝܬܐ ܬܡܗ. ܕܒܚܝܠܐ ܚܝܠܬܢܐ ܕܚܕܐ ܡܠܬܐ ܡܿܠܟܐ ܕܟܠ ܐܣܝܪ ܘܒܐܝܕܗ ܕܢܫܪܐ ܘܠܗ ܓܢܣܐ ܕܐܟ̈ܠܝ ܩܪܨܐ ܕܒܢ̈ܝ ܐܢܫܐ. ܘܢܒܛܠ ܘܢܛܪܘܕ ܡܢ ܦܓܪ̈ܐ ܘܡܢ ܢܦܫ̈ܬܐ ܠܗܘܢ ܠܗܿܢܘܢ ܣܘܓܦܢܐ ܐܬܝܠܦ܀ ܀ ܀܀ ܥܐ. ܘܬܘܒ ܠܐ ܗܘܐ ܐܝܟ ܕܡܢ ܩܕܝܡ ܒܢܘܩܝܐ ܘܒܣܘܬܐ ܘܠܐ ܒܕܡܐ ܘܒܕ̈ܒܚܐ ܡܬܛܡܐ. ܐܦ ܠܐ ܒܕ̈ܒܚܐ ܕܚܝ̈ܘܬܐ ܕܠܐ ܡܠܬܐ. ܚܕ ܟܡܐ ܒܩܛܠܐ ܕܒܢ̈ܝ ܐܢܫܐ ܘܒܕ̈ܒܚܐ ܕܒܢ̈ܝ ܐܢܫܐ ܠܐ ܫܦܪ ܢܦܫܗ ܕܐܬܝܠܦ ܕܐܠܗܐ ܠܐ ܣܢܝܩ ܥܠ ܡܕܡ ܘܠܐ ܚܕܝ ܒܗܝܠܐ ܕܦܓܪܐ ܐܦܠܐ ܒܬܢܢܐ ܕܕܒܚܐ ܐܪܥܢܐ. ܒܠܚܘܕ ܕܝܢ ܒܡܕܥ ܢܗܝܪܐ ܘܒܕܟܝܘܬܐ ܕܢܦܫܐ ܘܒܩܕܝܫܘܬܐ ܕܕܥܘܡܪܐ. ܘܒܕ̈ܒܚܐ ܕܠܐ ܬܢܢܐ ܘܕܠܐ ܕܡܐ. ܗܠܝܢ ܕܒܝܕ ܡ̈ܠܐ ܕܐܪ̈ܙܐ ܗܿܢܝܢ ܕܗܼܘ ܦܪܘܩܐ ܕܟܠ݀ ܒܟܠܗܿ ܒܪܝܬܐ ܕܒܢ̈ܝ ܐܢܫܐ ܠܥܘܗܕܢܐ ܕܝܠܗ ܕܢܫܬܠܡܢ ܛܟܣ. ܀܀ ܀܀ ܀܀ ܥܒ. ܘܬܘܒ ܠܐ ܐܝܟ ܕܡܢ ܩܕܝܡ ܠܣܝܒܪ̈ܬܐ ܕܦܓܪܐ ܘܠܪܘܝܘܬܐ ܘܐܦܠܐ ܠܗܿ ܠܪܓܬܐ ܘܠܗܘܢ ܘܠܚܫ̈ܘܗܝ ܡܡܪܚ ܕܢܩܪ̈ܐ ܐܠܗ̈ܐ ܕܕܢܡܝܬ ܗܕ̈ܡܘܗܝ ܕܥܠ ܐܪܥܐ ܡܢ ܒܢ̈ܬ ܩ̈ܠܐ ܕܦܪܘܩܗ ܐܬܝܠܦ ܀܀ ܀܀ ܥܓ. ܘܬܘܒ ܠܐ ܡܬܙܝܥ ܟܕ ܫܿܡܥ ܥܠ ܡܘܬܐ݀ ܐܦܠܐ ܥܠ ܫܪܝܐ ܕܢܦܫܗ ܕܥܡ ܦܓܪܐ ܕܚܿܠ݀ ܐܦܠܐ ܠܡܘܬܐ ܩܿܪܐ ܐܠܗܐ ܕܠܚܕ ܒܠܚܘܕܘܗܝ ܕܠܥܠ ܡܢ ܟܠ. ܡܚܝܢܐ ܡܠܬܗ ܕܐܠܗܐ ܕܐܝܬܘܗܝ ܦܪܘܩܗ ܘܙܟܝܐ ܕܡܘܬܐ ܡܟܬܒ݀ ܀܀ ܀܀ ܀܀ ܥܕ. ܒܗܠܝܢ ܟܠܗܘܢ ܗܟܝܠ ܝܘܠܦܢ̈ܐ ܕܟܐܢܘܬܐ ܡܙܿܝܢ ܗܘ ܕܐܬܪܕܝ݀ ܒܝܘܠܦܢܐ ܚܞܕܬܐ ܐܦܠܐ ܠܗܿܢܘܢ ܕܡܫܝܚܝܢ ܕܢܬܟܬܫܘܢ ܥܡ ܐܠܗܐ ܡܫܠܡ ܥܠ ܫܪܪܐ. ܩܐܡ ܕܝܢ ܒܬܪܥܝܬܐ ܡܫܪܪܬܐ ܩܕܡ ܢܘܪܐ ܘܩܕܡ ܦܪܙܠܐ ܘܩܕܡ ܚܝܘ̈ܬܐ ܒܥܪܝܪܬܐ ܡܣܝܒܪ ܘܩܕܡ ܥܘܡܩ̈ܘܗܝ ܕܝܡܐ. ܘܩܕܡ ܫܪܟܐ ܕܕ̈ܚܠܬܐ ܕܡܘܬܐ. ܘܡܫܬܥܝܢ ܒܗ ܒܡܘܬܐ ܗܿܘ ܕܡܢ ܩܕܝܡ ܩܫܼܐ ܗܘܐ. ܘܠܡܫܡܥܬܐ 120 ܕܚܝܠ ܗܘܐ ܛ̈ܠܝܐ ܘܢܫ̈ܐ ܒܟܝܢܗܝܢ ܐܢܫܐ ܕܝܢ ܒܪܒܪ̈ܝܐ ܐܟܚܕܐ ܘܝܘ̈ܢܝܐ ܥܠ ܚܝ̈ܐ ܕܠܐ ܡܝܬܝܢ ܕܦܝܣܐ ܪܒܐ ܕܡܢ ܩܝܡܬܗ ܕܦܪܘܩܢ ܢܣܒܼܘ݀ ܒܬܪ ܥܘܡܪܐ ܕܚܟܡܬܐ ܡܝܬܪܬܐ ܘܕܕܚܠܬ ܐܠܗܐ ܪ̈ܕܦܝܢ݀ ܘܢܝܫܐ ܕܙܟܘܬܗܘܢ ܕܥܠ ܡܘܬܐ ܘܕܚܝ̈ܐ ܕܠܥܠܡ ܕܒܬܪܟܢ ܕܠܦܪܘܩܗܘܢ ܡܟܬܒܝܢ݀ ܀܀ ܀܀ ܀܀ ܥܗ. ܡܢ ܗܪܟܐ ܡܟܝܠ ܗܼܘ ܗܿܘܓܢܣܐ ܕܒܢ̈ܝ ܐܢܫܐ ܡ̈ܠܝܠܐ ܕܡܛܠ ܗܕܐ ܡܛܬܗ ܕܥܠ ܐܪܥܐ ܢܥܡܪ. ܗܼܘ ܗܢܐ ܐܝܟ ܟܝܢܗ ܣܿܥܪ݀ ܘܥܘܗܕܢܗ ܕܐܠܗܐ ܡܠܐ ܛܒ̈ܬܐ ܕܟܠ ܡܬܝܠܦ ܕܢܚܐ. ܘܢܩܦܐ ܠܢܒܝܘܬܐ ܕܢܒܝ̈ܐ. ܕܡܢ ܠܥܠ ܡܢ ܩܕܡ ܪ̈ܒܘܬܐ ܕ̈ܫܢܝܐ ܟܕ ܡܩܕܡܢ ܡܟܪܙܢ ܗܟܢܐ݀ ܕܢܬܕܟܪܘܢ ܘܢܬܦܢܘܢ ܠܘܬ ܡܪܝܐ ܐܠܗܗܘܢ ܟܘܠܗܘܢ ܥܒܪ̈ܝܗ ܕܐܪܥܐ. ܘܩܕܡܘܗܝ ܢܣܓܕܢ ܟܠܗܝܢ ܫܪ̈ܒܬܐ ܕܥܡ̈ܡܐ. ܡܛܠ ܕܕܡܪܝܐ ܗܝ ܡܿܠܟܘܬܐ. ܘܗܼܘܝܘ ܫܠܝܛ ܥܠ ܥܡܡ̈ܐ. ܀܀ ܀܀ ܀܀ ܥܘ. ܡܢ ܗܪܟܐ ܒܟܘܠܗܿ ܒܪܝܬܐ ܕܒܢ̈ܝ ܐܢܫܐ ܕܘܟܝ̈ܬܐ ܘܝܘ̈ܠܦܢܐ ܐܬܩܝܡܘ. ܘܡ̈ܠܐ ܕܐܠܗܐ ܘܝܘܠܦܢܐ ܕܥܘܡܪܐ ܢܟܦܐ ܘܕܕܚܠܬ ܐܠܗܐ ܠܡܫܡܥܬܐ ܕܟܠܗܘܢ ܥܡ̈ܡܐ ܡܬܟܪܙܝܢ ܀܀ ܀܀ ܥܙ. ܡܢ ܗܪܟܐ ܒܟܘܠ ܡܕܝܢܐ ܘܒܟܠ ܕܘܟ̈ܝܢ ܟܢܫ̈ܐ ܕܡܢ ܟܘܠ ܠܡܠܬܐ ܕܐܠܗܐ ܡܚܝܢܝܬܐ ܕܟܘܠ ܒܬܫܒ̈ܚܬܐ ܕܙܟܘܬܐ ܡܝܩܪܝܢ. ܀ ܀ ܀܀ ܥܚ. ܡܢ ܗܪܟܐ ܩܝ̈ܢܬܐ ܕܫܠܡܢ ܠܕܟܢ̈ܫܐ ܕܡ̈ܠܐܟܐ ܕܒܡܫܝܐ ܠܐܠܗܐ ܡܿܠܟܐ ܕܟܠ. ܐܦ ܓܢܣܐ ܕܒܢ̈ܝ ܐܢܫܐ ܡܫܿܠܡ. ܘܬܡܟܝܠ ܐܟܚܕܐ ܥܡ ܗܿܢܘܢ ܕܠܘܬ ܐܠܗܐ ܕܠܥܠ ܡܢ ܟܠ ܡܕܝܪ̈ܝܢ. ܪ̈ܘܚܐ ܘܚܝ̈ܠܐ ܝܕܘܥ̈ܬܢܐ. ܕܠܐ ܓܫܘܡ ܐܦ ܗܠܝܢ ܕܠܬܚܬ ܡܛܬܼ ܐܢܘܢܿ ܕܥܡܪܝܢ ܒܐܣܛܘܟܣܐ ܕܐܪܥܐ. ܘܢܦ̈ܫܬܐ ܡ̈ܠܝܠܬܐ ܕܙܕܝܩ̈ܐ ܒܝܕ ܦܓܪܐ ܕܠܒܝܫܝܢ ܐܝܟ ܕܒܝܕ ܡܐܢܐ ܕܡܘܣܩܘܪܘܬܐ ܩܝ̈ܢܬܐ ܕܙܕܩܢ ܘܒܘܪ̈ܟܬܐ ܕܡܬܬܚܝܒܢ ܠܚܕ ܦܪܘܩܗܘܢ ܘܥܠܬܐ ܕܟܘܠܗܝܢ ܛܒ̈ܬܗܘܢ ܡܫܕܪܝܢ݀ ܘܗܿܝ ܕܠܐ ܗܘܼܬ ܡܡܬܘܡ. ܗܫܐ ܒܟܠܗܿ ܒܪܝܬܐ ܕܒܢ̈ܝ ܐܢܫܐܦܐܪܐ ܕܡܬܬܚܝܒ ܠܐܠܗܐ ܡܿܠܟܐ ܕܟܠ ܒܟܘܠܗ ܝܘܡܐ ܒܗܝܢ ܒܫ̈ܥܐ ܘܒܗܘܢ ܒܥܕ̈ܢܐ ܫܘ̈ܝܐ ܟܠܗ ܓܢܣܐ ܕܒܢ̈ܝ ܐܢܫܐ݀ ܐܝܟ ܕܡܢ ܚܕܐ ܬܢܘܝ ܦܪܥܢ ܀܀ ܀ 121 ܥܛ. ܗܫܐ ܗܢܝܢ ܫܪ̈ܒܬܐ ܕܕ̈ܝܘܐ ܘܫܘ̈ܥܝܬܐ ܕܐܠܗ̈ܐ ܕܣܐܒܘ. ܐܬܚܒܠ ܒܙܒܢܐ ܕܐܬܛܥܝ݀ ܡܬܚܕܬܐ ܕܝܢ ܠܘܬ ܟܠ ܐܢܫ ܘܡܬܥܠܡܐ ܡܠܬܗ ܕܡܫܝܚܐ݀ ܗܫ̈ܐ ܢܡܘ̈ܣܐ ܘܩܪ̈ܝܢܐ ܐܠܗܝ̈ܐ ܒܟܠܗܿ ܐܪܥܐ ܡܬܟܪܙܝܢ. ܘܠܟܘܠܗܘܢ ܒܢ̈ܝ ܐܢܫܐ ܡܢܟܦܝܢ. ܘܡܪܕܘܬܐ ܕܕܚܠܬ ܐܠܗܐ ܒܫܪܪܐ ܟܠܗܝܢ ܕܘܟ̈ܝܬܐ ܕܒܪܒܪܝܐ ܘܕܝܘ̈ܢܝܐ ܡܠܝ. ܗܫܐ ܢܘܟܡܪ̈ܝܝ ܒܢ̈ܬ ܩ̈ܠܐ ܘܣ̈ܓܝܐܝ ܒܢ̈ܬ ܩ̈ܠܐ ܕܠܫܢ̈ܐ ܒܚܕ ܐܣܟܡܐ ܕܥܘܡܪܐ ܘܒܚܕܐ ܬܢܘܝ. ܒܘܪ̈ܟܬܐ ܕܫܠܡܢ ܡܕܪ̈ܝܢ ܠܒܪܘܝܐ ܕܟܠ ܘܚܕܐ ܡܠܬܐ ܘܗܼܘ ܢܡܘܣܐ ܘܐܪܙܐ ܚܕ ܕܝܐܐ ܠܐܠܗܐ. ܘܠܗ ܠܕܘܒܪܐ ܢܩܦܝܢ. ܗܫܐ ܪܘܟܒܐ ܚܕ ܕܢܦܫ̈ܬܐ ܘܫܠܡܘܬܐ ܕܝܘܠܦܢܐ ܒܟܠܗܿ ܒܪܝܬܐ ܐܬܩܝܼܡ. ܘܡܢ ܕܘܟܬܗ ܠܚܕ ܐܠܗܐ ܕܠܗܠ ܡܢ ܟܘܠ ܡܪܐ ܕܟܠܗ ܥܠܡܐ ܐܟܚܕܐ ܥܡ ܗܿܢܘܢ ܕܥܡܪܝܢ ܒܡܕܢܚܐ݀ ܗܿܢܘܢ ܕܡܛܬܼ ܐܢܘܢ ܕܒܡܥܪ̈ܒܝ ܫܡܫܐ ܢܥܡܪܘܢܿ ܒܚܕܐ ܪܘܦܐ ܕܥܕܢܐ ܒܗܘܢ ܒܝܘ̈ܠܦܢܐ ܡܫܒܚܝܢ ܘܠܐ ܠܐܚܪܢܐ ܐܠܐ ܒܠܚܘܕ ܠܡܫܝܚܐ ܕܐܠܗܐ ܕܐܝܬܘܗܝ ܥܠܬܐ ܕܥܘܕܪܢܗܘܢ ܡܟܬܒܝܢ. ܘܠܗ ܩܪܝܢ ܦܪܘܩܐ ܐܟܚܕܐ ܥܡ ܗܿܢܘܢ ܕܒܬܝܡܢܐ ܗܿܢܘܢ ܕܒܡܢܬܐ ܕܓܪܒܝܐ ܐܚܼܕܘ. ܘܠܗ ܠܐܠܗܐ ܒܗܝܢ ܒܡ̈ܠܐ ܡܝܩܪܝܢ ܗܟܢܐ ܕܬܘܒ ܠܐ ܒܥܓܠ ܡܬܦܪܫ ܒܪܒܪܝܐ. ܘܐܦܢ ܒܒܪܬ ܩܠܐ ܡܣܬܒ ܪܡܢ ܝܘܢܝܐ ܘܐܦ ܠܐ ܕܐܚܪܢܐ ܗܘ ܝܘܢܝܐ ܠܒܪ ܡܢ ܒܪܒܪܝܐ ܠܝܬ ܓܝܪ ܠܘܬ ܐܠܗܐ ܒܪܒܪܝܐ ܘܠܐ ܝܘܢܝܐ݀ ܡܛܠ ܕܟܘܠ ܡܢ ܕܕܚܠ ܡܢ ܐܠܗܐ ܚܟܝܡܐ ܗܘ. ܘܗܫܐ ܐܓܒ̈ܛܝܐ ܘܣܘܪ̈ܝܝܐ ܘܣܩ̈ܝܬܝܐ ܘܐܝ̈ܛܠܝܐ ܘܡܘܪ̈ܝܐ ܘܦܪ̈ܣܝܐ ܘܗܢܕ̈ܘܝܐ. ܐܟܚܕܐ ܟܘܠܗܘܢ ܒܝܘܠܦܢܗ ܕܡܫܝܚܐ ܐܬܚܿܟܡܼܘ ܘܒܗܝܢ ܡܬܚܟܡܝܢ. ܘܕܢܫܝܚܘܢ ܥܠ ܡܘܬܐ ܟܠܗܘܢ ܐܟܚܕܐ ܡܬܕܪ̈ܫܝܢ݀ ܘܢܫܘܛܘܢ ܠܗܠܝܢ ܚܝ̈ܐ ܚܕ ܕܝܢ ܣܒܪܐ ܛܒܐ ܕܒܡܘܠܟܢܐ ܕܡܠܬܐ ܦܪܘܩܢ ܡܣܪܚܝܢ. ܐܠܐ ܘܐܦ ܚܝ̈ܐ ܕܢܦܫܐ ܕܠܐ ܡܝܬܝܢ ܒܥܘܡܪܐ ܕܒܪ̈ܟܝ ܫܡܝܐ ܘܡܠܟܘܬܐ ܕܐܠܗܐ ܕܠܗܿܢܘܢ ܕܡܟܐ ܐܬܘܥܕܘ ܐܝܟ ܓܘܥܠܢܐ ܕܐܫܬܘܕܝ ܠܗܘܢ ܕܢܣܒܘܢ ܝܠܦܼܘ݀ ܕܒܗܘܢ ܒܥܒܕ̈ܐ ܠܫܘܕܝܐ ܫܪܪ. ܗܘܼ ܦܪܘܩܗܘܢ ܒܝܕ ܬܟܬܘܫܗ ܕܥܡ ܡܘܬܐ. ܕܒܗ ܠܡܘܬܐ ܕܕܚܝܠ ܗܘܐ ܥܠ ܟܠ ܐܢܫ ܠܬܠܡܝܕ̈ܘܗܝ ܕܠܐ ܡܕܡ ܗܘ ܚܿܘܝ. ܘܚܝ̈ܐ ܕܡܠܝܟܝܢ ܗܘ ܡܢܗ ܠܗܝܢ ܠܥܝ̈ܢܝܗܘܢ ܒܝܕ ܚܙܬܐ ܓܠܝܬܐ ܐܩܝܡ ܕܢܚܙܘܢ ܘܪܫܝܬܐ ܕܣܒܪܢ ܘܕܚܝ̈ܐ ܕܦܓܪܢ 122 ܕܠܐ ܚܒܠܐ ܘܕܢܦܫܐ ܕܠܐ ܡܝܬܐ ܘܕܪܒܘܬܢ ܕܐܝܟ ܡܠܐܟ̈ܐ ܠܗ ܠܗܿܘ ܨܠܡܗ ܒܢܘܚܡܗ ܥܒܲܕ ܀ ܀ ܀܀ ܦ. ܣܘܥܪ̈ܢܐ ܗܟܝܠ ܕܦܘܪܩܢܐ ܘܡܥܕܪ̈ܝ ܠܥܠܡܐ ܕܓܠܝܢܐ ܕܡܠܬܗ ܕܐܠܗܐ ܕܒܝܬ ܒܢ̈ܝ ܐܢܫܐ ܗܠܝܢ݀ ܐܢ ܕܝܢ ܡܢ ܝܬܝܪܘ ܐܢܫ ܢܨܒܐ ܕܐܦ ܒܪ̈ܒܘܬܐ ܕܬܚܘ̈ܝܬܐ ܐܚܪ̈ܢܝܬܐ ܢܫܬܪܬܚ ܕܥܠ ܚܝܠܐ ܐܠܗܝܐ ܒܛܠܢܐ ܕܢܦܫܗ ܡܬܒܥܐ ܠܗ݀ ܠܒܘܚܢܐ ܕܗܠܝܢ ܕܐܬܟܬܼܒ ܥܠܘܗܝ. ܕܡܢܗܝܢ ܙܥܘܪ̈ܝܬܐ ܡ̈ܠܐ ܡܩܕ̈ܡܬܐ ܕܥܠ ܣܘܥܪ̈ܢܐ ܕܥܬܝܕܝܢ ܗܘܘ ܕܢܗܘܘܢ ܡܢܗ. ܡܛܠ ܬܚܘ̈ܝܬܐ ܕܥܠ ܐܠܗܘܬܗ݀ ܕܩܕܡ ܐܟܼܪܙ ܡܢ ܡܟܬܒܢܘܬܐ ܕܬܠܡܝܕ̈ܘܗܝ ܐܓܒܐ ܘܠܗܢܘܟ ܕܠܐ ܝܕܥܝܢ ܒܫܘܪܝܐ ܕܡܠܬܝ ܐܚܪܬܐ ܐܣܝܡ ܀ ܫܠܡ ܣܦܪܐ ܕ̈ܬܠܬܐ ܀ ܕܩܣܪܝܐ ܀ Book 4 123 ܣܦܪ̈ܐ ܕܐܪ̈ܒܥܐ ܀ ܕܩܣܪܝܐ ܀ ܐ. ܡܢܗ ܡܟܝܠ ܫܦܝܪܐ ܕܢܫܡܥ ܡܢ ܦܪܘܩܐ ܕܓܘܐ ܕܟܘܠ ܕܥܡ ܒܢ̈ܝ ܐܢܫܐ ܡܡܠܠ ܘܒܕܡܘܬ ܐܒܐ ܛܒܐ ܥܡ ܒܢܘ̈ܗܝ ܐܝܟ ܝܠܘܕܐ ܗܘܐ. ܘܡܦܢܐ ܦܬܓܡܐ ܐܝܟ ܟܡܐ ܕܡܫܟܚ ܟܝܢܐ ܕܡܝ̈ܘܬܐ ܕܢܫܡܥ. ܒܝܕ ܗܿܘ ܡܐܢܐ ܕܢܣܒܼ. ܐܝܟ ܕܒܝܕ ܬܪܓܡܢܐ݀ ܟܕ ܓܝܪ ܕܢܚܗ ܐܠܗܝܐ ܕܒܝܬ ܒܢ̈ܝ ܐܢܫܐ ܥܿܒܼܕ ܗܘܐ. ܣܓܝ̈ܐܬܐ ܐܚܪ̈ܢܝܬܐ ܬܚܘ̈ܝܬܐ ܓ̈ܠܝܬܐ ܕܚܝܠܐ ܕܐܠܗܘܬܗ ܒܝܕ ܣܘܥܪ̈ܢܐ ܕܚܿܘܝ. ܐܢ ܐܢܫ ܨܿܒܐ ܡܫܟܚ ܕܡܢ ܟ̈ܬܒܐ ܕܥܠܘܗܝ ܢܟܢܫ. ܘܠܐ ܬܘܒ ܙܥܘܪܝܐ ܡܟܣܢܘܬܐ ܕܗܿܘܝܐ ܥܠ ܫܪܪܗ݀ ܐܦ ܗܕܐ ܕܡܢ ܒܢ̈ܬ ܩ̈ܠܐ ܕܝܠܗ ܡܬܩܝܡܐ ܕܗܼܢܝܢ ܗܠܝܢ ܐܠܨܐ ܕܢܩܿܪܒ ܠܗܿܢܘܢ ܕܠܐ ܕܠܝܠܐܝܬ ܠܣܘܥܪ̈ܢܘܗܝ ܬܡܝ̈ܗܐ ܐܠܗ̈ܝܐ ܫܠܡܝܢ ܕܢܗܝܡܢܘܢ ܐܦ ܒܗܿܢܝܢ ܐܚܪ̈ܢܝܬܐ ܕܥܠܘܗܝ ܡܬܟܪܙܢܿ ܘܠܐ ܙܥܘܪܝܐ ܬܚܘܝܬܐ ܕܐܦ ܒܝܕ ܚܝܠܐ ܕܡ̈ܠܘܗܝ ܠܐܝܠܝܢ ܕܐܝܬ ܒܗܘܢ ܪܥܝܢܐ ܝܿܗܒܢ. ܐܟܙܢܐ ܓܝܪ ܕܙܒܢ̈ܬܐ ܣܓܝ̈ܐܬܐ ܐܦ ܠܗܿܢܘܢ ܕܒܥܝ̈ܢܝܢ ܠܐ ܚܼܙܝܢ ܐܢܚܢܢ݀ ܘܒܠܚܘܕ ܒܪܬ ܩܠܗܘܢ ܫܡܥܝܢ ܐܢܚܢܢ. ܝܕܥܝܢ ܐܢܚܢܢ ܘܦܪ̈ܫܝܢ ܐܢܚܞܢܢ ܡܢܗ ܕܫܡܥܐ ܠܗܿܘ ܕܐܡܼܪ ܐܢ ܝܘܢܝܐ ܢܣܬܩܒܠ. ܘܐܢ ܪܗܘܡܝܐ ܘܐܢ ܘܐܦ ܐܓܒܛܝܐ. ܘܐܢ ܒܩܘܡܬܗ ܣܒܐ ܐܝܬܘܗܝ ܐܘ ܥܠܝܡܐ. ܘܐܢ ܕܐܢܬܬܐ ܗܝ ܐܘ ܕܓܒܪܐ ܢܥܡܬܐ. ܘܐܢ ܕܚܟܝܡܐ ܘܕܡܠܝܠܐ ܐܘ ܕܠܩܘܒܠܐ ܕܣܟܠܐ ܘܕܗܕܝܘܛܐ ܐܝܬܝܗ ܒܪܬ ܩܠܐ ܐܟܘܬܗܝܢ ܕܝܢ ܕܗܠܝܢ. ܐܦܢ ܠܐ ܗܘܬ ܕܒܥܝ̈ܢܝܢ ܢܣܬܩܒܠ ܘܢܚܙܐ ܣܘܥܪ̈ܢܐ ܐܠܗ̈ܝܐ ܗܿܢܘܢ ܕܟܕ ܥܠ ܐܪܥܐ ܥܢܝܢܗ ܥܒܼܕ ܗܘܐ ܡܠܬܐ ܕܐܠܗܐ ܣܥܪ݀ ܐܠܐ ܐܦ ܡܢ ܡܠܦܢܘܬܐ ܕܝܠܗܝܢ ܕܡ̈ܠܘܗܝ ܕܢܘܪܟܝܐ ܒܪܬ ܩܠܗ ܘܠܬܪܥܝܬܐ ܕܓܘܐ ܥܿܒܪܐ ܘܡܢ ܝܕܥܬܐ ܡܩܕܡܬܐ ܕܗܢܝܢ ܕܥܬܝܕܢ ܕܩܿܕܡ ܐܡܼܪ. ܘܡܢ ܗܿܢܝܢ ܕܐܫܬܘܕܝ. ܕܐܦ ܒܙܒ̈ܢܐ ܕܒܬܪܟܢ ܢܥܒܕ ܘܡܢ ܡܦܩܢܐ ܕܗܿܢܝܢ ܕܐܬܩܕܡ ܐܬܐܡܼܪ ܘܕܗܠܝܢ ܫܘ̈ܠܡܐ ܕܥܕܡܐ ܠܗܫܐ ܩܕܡ ܥܝ̈ܢܝܢ ܡܢ ܚܝܠܐ ܕܝܠܗ 124 ܡܣܬܥܪܝܢ ܠܐ ܗܘܼܬ ܒܨܝܪܐ ܬܚܘܝܬܐ ܕܗܿܘܝܐ ܥܠ ܗܠܝܢ ܕܥܠ ܐܠܗܘܬܗ ܡܣܗܕܢ݀ ܗܼܢܝܢ ܓܝܪ ܬܕܡܪ̈ܬܐ ܕܡܢܗ ܐܣܬܥܪ ܡܬܦܠܓܢ ܒܙܒ̈ܢܐ ܒܗܿܘ ܕܥܒܼܪ ܕܒܗ ܥܢܝܢܘ̈ܗܝ ܕܥܠ ܐܪܥܐ. ܕܥܒܕ ܡܬܥܗܕܝܢ ܘܒܗܿܘ ܕܡܢ ܒܬܪܟܢ ܗܘ ܕܥܕܡܐ ܠܘܬܢ ܕܝܠܢ ܡܬܚ݀ ܗܼܢܘܢ ܓܝܪ ܣܘܥܪ̈ܢܐ ܪ̈ܘܪܒܐ ܕܡܢ ܩܕܝܡ ܥܒܼܕ ܟܕ ܐܝܬܘܗܝ ܗܘܐ ܥܡ ܒܢ̈ܝ ܐܢܫܐ ܠܗܿܢܘܢ ܕܐܣܬܩܒܠܘ ܒܗܿܘ ܙܒܢܐ ܓܠܝܐܝܬ ܫܠܝܛ ܗܘܐ ܕܢܚܙܘܢܿ ܘܗܼܢܝܢ ܕܝܢ ܗܠܝܢ ܠܢ ܟܣܝܢ ܐܢܝܢ݀ ܘܟܕ ܠܐ ܡܬܚܙܝܢ ܣܝܡܼܢ ܘܗܟܢܐ ܬܘܒ ܐܦ ܗܠܝܢ ܕܒܙܒܢܢ ܕܝܠܢ ܐܝܟ ܡ̈ܠܘܗܝ ܡܩܕܡ̈ܬܐ ܒܛܟܣܗܝܢ ܐܫܬܠܡ ܘܒܗܘܢ ܒܥܒ̈ܕܐ ܥܕܐܡ ܠܗܫܐ ܠܢ ܡܬܚܙܝܢ݀ ܠܗܿܢܘܢ ܕܗܝܕܟܝܢ ܘܒܗܿܘ ܙܒܢܐ ܕܡܬܩܕܡܢ ܗܘܝ ܡܬܐܡܪ̈ܢ ܥܕܟܝܠ ܡܦܩܢܗܝܢ ܕܝܠܗܝܢ ܕܨܒܘ̈ܬܐ ܠܐ ܝܕܝܥ ܗܘܐ. ܘܟܒܪ ܡܬܣܒܪ ܗܘܐ ܠܐܝܠܝܢ ܕܠܐ ܡܗܝܡܢܝܢ ܕܠܐ ܡܫܟܚܐ ܕܢܗܘܝܢ ܐܠܐ ܕܡܝܐ ܕܐܦ ܗܝܕܟܝܢ ܠܗܿܢܘܢ ܕܡܪ̈ܝ ܪܥܝܢܐ ܗܘܘ ܒܐܣܟܡܗܘܢ ܕܟܕ ܛܒ ܠܐ ܚܙܝܢ ܗܘܘ ܡܦܩܢܗܝܢ ܕܡ̈ܠܐ ܡܩܕ̈ܡܬܐ ܒܪܡ ܕܢܗܝܡܢܘܢ ܐܢܝܢ ܡܛܠ ܫܪܟܐ ܕܣܘܥܪ̈ܢܘܗܝ ܗܿܢܘܢ ܓܝܪ ܕܒܗܝܢ ܒܥܝܢ̈ܝܗܘܢ ܚܿܙܼܝܢ ܗܘܘ ܚܝ̈ܠܐ ܓ̈ܠܝܐ ܕܐܠܗܐ ܘܬܕܡܪ̈ܬܐ ܘܣܘܥܪ̈ܢܐ ܬܡܝ̈ܗܐ ܘܥܒܕ̈ܐ ܕܠܟܠܗ ܟܝܢܐ ܡܝܘܬܐ ܡܟܣܝܢ ܐܝܟܢܐ ܠܐ ܕܡܝܐ ܕܠܐ ܒܠܚܘܕ ܠܗܿܢܝܢ ܕܡܬܚܼܙܝܢ ܗܘܝ ܗܝܕܟܝܢ ܐܠܐ ܡܢ ܗܿܢܝܢ ܐܦ ܒܗܿܢܝܢ ܕܠܙܒ̈ܢܐ ܕܡܢ ܒܬܪܟܢ ܝܕܥܬܐ ܡܩܕܡܬܐ ܡܫܪܪܝܢ ܡܛܝܒܐܝܬ ܢܗܝܡܢܘܢ݀ ܐܝܟܢܐ ܕܬܘܒ ܘܐܦ ܠܢ ܕܝܠܢ ܙܕܩ ܕܡܢ ܗܠܝܢ ܬܕܡܪ̈ܬܐ ܕܒܗܝܢ ܒܥܝ̈ܢܝܢ ܡܩܒܠܝܢ ܐܢܚܢܢ ܘܐܦ ܠܗܿܢܝܢ ܕܗܝܕܟܝܢ ܡܢ ܬܠܡܝܕ̈ܘܗܝ ܐܣܬܗܕܝܢ ܢܫܠܡ. ܗܿܢܝܢ ܓܝܪ ܕܒܡܫܡܥܬܐ ܒܠܚܘܕ ܠܩܕ̈ܡܝܐ ܐܫܬܠܼܡ݀ ܠܢ ܒܗܝܢ ܒܥܝ̈ܢܝܢ ܡܬܚܙܝܢ ܘܠܗܿܢܘܢ ܕܠܐ ܡܚܒܠ ܪܥܝܢܗܘܢ ܣܦܩܢ ܕܢܗܘܝܢ ܬܚܘ̈ܝܬܐ ܠܚܘܬܡܐ ܕܗܿܢܝܢ ܕܐܬܟܬܼܒ. ܘܐܝܠܝܢ ܐܢܝܢ ܗܠܝܢ ܕܗܝܕܝܢ ܠܐ ܐܝܬܝܗܢ ܗܘܐ ܘܠܐ ܐܬܩܝܡ ܗܘܝ ܥܕܟܝܠ ܘܠܐ ܣܠܼܩ ܗܘ ܥܠ ܪܥܝܢܐ ܕܒܢ̈ܝ ܐܢܫܐ. ܘܐܬܐܡܼܪ ܕܝܢ ܡܢܗ ܒܝܕܥܬܐ ܡܩܕܡܬܐ ܐܠܗܿܝܬܐ ܘܒܙܒ̈ܢܐ ܕܡܢ ܒܬܪܟܢ ܐܫܬܠܼܡ ܘܥܗܕܡܐ ܠܗܫܐ ܒܙܒܢܐ ܕܝܠܢ ܡܬܚܙܝܢ. ܡܢ ܗܠܝܢ ܩܪܝܒܐ ܗܝ ܕܢܕܥ. ܀܀ ܀܀ ܀܀ ܒ. ܓܝܪܐ ܚܕ ܫܒܝܚܐ ܡܢ ܦܠܚܘܬܐ ܕܪܫܢܘܬܐ ܘܕܪܒܘܬܐ ܕܪ̈ܗܘܡܝܐ ܐܚܝܕ 125 ܗܘܐ ܡܛܠ ܕܛܠܝܗ ܚܒܝܒܐ ܡܫܪܝܢ ܗܘܘ ܗܕܡ̈ܘܗܝ ܘܐܪܡܐ ܒܒܝܬܗ ܟܕ ܚܙܐ ܠܦܪܘܩܢ ܕܐܝܠܝܢ ܚܝ̈ܠܐ ܒܐܚܪ̈ܢܐ ܡܚܿܘܐ ܗܘܐ. ܘܡܐܣܐ ܠܟܪ̈ܝܗܐ. ܘܟܡܠ ܟܐܒܝ̈ܢ ܘܟܠ ܟܘܪ̈ܗܢܝܢ ܡܚܠܡ. ܦܪܫ ܒܪܥܝܢܗ ܕܠܐ ܗܘܐ ܕܒܪ ܐܢܫܐ ܐܝܬܝܗܿ ܗܕܐ ܬܕܡܘܪܬܐ݀ ܘܐܬܩܪܒ ܠܗ ܐܝܟ ܕܠܐܠܗܐ ܟܕ ܠܐ ܚܪ ܒܗܿܘ ܡܐܢܐ ܕܦܓܪܐ ܕܡܬܚܙܐ݀ ܕܒܐܝܕܗ ܕܡܝܘܬܐ ܗܠܝܢ ܡܝܬܪ̈ܬܐ ܕܝܠܗ ܓܿܠܐ. ܗܘܐ. ܢܦܼܠ ܘܣܓܼܕ ܩܕܡܘܗܝ ܘܒܿܥܼܐ ܗܘܐ ܘܡܬܟܬܫ ܕܢܐܪܥܝܘܗܝ ܐܦ ܠܗ ܒܛܠܝܗ ܥܘܕܪܢܐ ܕܡܢ ܐܠܗܐ. ܘܟܡܕ ܐܡܼܪ ܠܗ ܦܪܘܩܢ݀ ܕܐܢܐ ܐܬ݀ܐ ܘܐܣܝܘܗܝ݀ ܦܢܝ ܠܗ ܦܬܓܡܐ ܗܘܼ ܟܠܝܪܟܐ݀ ܠܗܕܐ ܓܝܪ ܪܫܢܘܬܐ ܕܒܝܬ ܪ̈ܗܘܡܝܐ ܫܿܘܐ ܗܘܐ. ܘܐܡܼܪ ܠܗ ܡܪܝ݀ ܠܐ ܫ݀ܘܐ ܐܢܐ ܕܬܥܘܠ ܬܚܝܬ ܡܛܠܠܝ. ܐܠܐ ܐܡܼܪ ܒܡܠܬܐ ܒܠܚܘܕ ܘܢܬܐܣܐ ܛܠܝܐ ܘܐܦ ܐܢܐ ܓܝܪ ܓܒܪܐ ܐܢܐܢ ܕܒܫܘܠܛܢܐ. ܘܐܝܬ ܬܚܝܬ ܐܝܕܝ ܐܣܛܪ̈ܛܝܘܛܐ ܘܐܡܿܪ ܐܢܐ ܠܗܢܐ ܕܙܠ ܘܐܙܠ ܘܠܐܚܪܢܐ ܕܬܐ ܘܐܬܐ. ܘܠܥܒܕܝ ܐܡܪ ܐܢܐ ܕܥܒܕ ܙܦܠܢ ܘܥܿܒܕ݀ ܡܢܐ ܗܟܝܠ ܣܥܼܪ ܗܘ ܦܪܘܩܢ ܥܠ ܗܕܐ ܒܥܘܬܐ ܫܡܥ. ܠܐ ܡܢܝ ܐܠܐ ܡܢܗ ܕܡܟܬܒܢܐ. ܟܕ ܗܟܢܐ ܒܗܘܢ ܒܗ̈ܓܝܢܐ ܡܠܦ݀ ܟܕ ܫܡܥ ܕܝܢ ܝܫܘܥ ܐܬܕܡܼܪ ܘܐܡܼܪ ܠܗܿܢܘܢ ܕܢܩܝܦܝܢ ܠܗ. ܕܐܦܠܐ ܒܝܬ ܐܝܣܪܝܠ ܐܫܼܟܚܬ ܐܝܟ ܗܕܐ ܗܝܡܢܘܬܐ݀ ܐܡܪܢܐ ܠܟܘܢ ܕܝܢ ܕܣܓܝ̈ܐܐ ܢܐܬܘܢ ܡܢ ܡܕܢܚܐ ܘܡܢ ܡܥܪܒܐ ܘܢܣܬܡܟܘܢ ܥܡ ܐܒܪܗܡ ܘܥܡ ܐܝܣܚܩ ܘܥܡ ܝܥܩܘܒ ܒܡܠܟܘܬܐ ܕܫܡܝܐ. ܘܒܢ̈ܝܗܿ ܕܝܢ ܕܡܿܠܟܘܬܐ ܢܦܩܘܢ ܠܚܫܘܟܐ ܒܪܝܐ. ܘܟܢ ܒܬܪ ܗܠܝܢ ܡ̈ܠܐ ܐܡܼܪ ܠܟܠܝܪܟܐ. ܙܠ ܐܝܟܢܐ ܕܗܝܡܼܢܬ ܢܗܘܐ ܠܟ. ܘܐܬܚܼܠܡ ܛܠܝܗ ܡܢ ܗܿܝ ܫܥܬܐ ܘܟܕ ܗܦܼܟ ܟܠܝܪܟܐ ܠܒܝܬܗ ܒܗܿ ܒܫܥܬܐ ܐܫܟܚ ܠܛܠܝܗ ܟܕ ܚܠܝܡ ܀܀ ܀܀ ܓ. ܥܡ ܟܡܐ ܗܟܝܠ ܫܘܠܛܢܐ ܒܪܬ ܩܠܗ ܕܦܪܘܩܢ ܢܦܩܼܬ݀ ܘܟܡܐ ܡܝܬܪܘܬܐ ܚܘܼܝܬ. ܘܟܡܐ ܚܝܠܐ ܡܠܝܐ ܗܘܬ. ܘܟܡܐ ܐܦ ܡܪܚܡܢܘܬܐ. ܘܐܦ ܕܠܝܠܘܬܐ ܕܠܥܘܕܪ̈ܢܐ ܫܦܝܪ̈ܐ ܗܟܢܐ ܕܡܛܝܒܐܝܬ ܢܫܬܘܕܐ ܡܐܬܝܗ. ܘܐܝܟܐ ܕܝܢ ܐܦ ܗܼܝ ܬܕܡܘܪܬܐ ܕܥܡܗ ܕܣܘܥܪܢܐ. ܕܠܐ ܡܫܟܚܐ ܕܐܝܟ ܕܙܕܩ ܢܕܥܝܗܿ. ܗܕܐ ܓܝܪ ܕܠܐ ܝܬܝܪ ܢܐܡܪ ܠܟܠܝܪܟܐ ܐܠܐ ܕܐܝܟܢܐ ܕܗܝܡܼܢܬ ܢܗܘܐ ܠܟ. ܘܥܡܗܿ 126 ܕܡܠܬܐ ܐܦ ܐܣܝܘܬܐ ܢܬܠ ܠܒܪܗ ܐܝܟܐܢ ܕܠܐ ܕܐܠܗܐ ܒܫܪܪܐ ܡܠܠ݀ ܒܝܕ ܒܪܬ ܩܠܐ ܡܝܘܬܬܐ ܡܚܘܝܐ. ܘܐܢ ܕܝܢ ܠܗܕܐ ܩܫܝܐܝܬ ܐܢܫ ܢܬܛܦܝܣ݀ ܡܛܠ ܡܝܬܪܘܬܐ ܕܝܠܗܿ ܕܬܕܡܘܪܬܐ. ܐܠܐ ܥܠ ܡܠܬܗ ܡܩܕܡܬܐ ܠܐ ܙܕܩܐܝܬ ܡܬܥܠܠ ܕܒܗ ܡܟܣܢܘܬܐ ܪܒܬܐ ܕܝܠܗ ܕܣܘܥܪܢ ܡܬܚܘܝܐ ܐܢ ܐܢܫ ܢܣܒ ܒܪܥܝܢܗ ܕܒܗܿܘ ܙܒܢܐ݀ ܚܕ ܗܘܐ ܪܗܘܡܝܐ ܗܿܘ ܕܩܪܒ ܨܝܕ ܦܪܘܩܢ ܟܠܝܪܟܐ ܗܘ ܕܬܘܕܝܬܐ ܪܒܬܐ ܘܡܝܬܪܬܐ ܕܒܗ ܛܒ ܡܢ ܥܡܐ ܕܝܗܘܕ̈ܝܐ ܚܿܘܝ݀ ܘܗܼܘ ܩܪܘܩܢ ܕܝܠܢ ܕܣܓܝ̈ܐܐ ܚܠܦ ܚܕ ܢܗܘܘܢܿ ܗܿܢܘܢ ܕܐܝܟ ܗܘ ܥܬܝܕܝܢ ܕܢܬܩܪܒܘܢ ܠܗ ܡܢ ܗܿܢܘܢ ܕܒܣ̈ܩܝ ܝܘܡܐ ܘܒܓܒܐ ܕܡܕܢܚܐ ܘܒܡܥܪ̈ܒܝ ܫܡܫܐ ܥܡܪܝܢ ܐܬܢܒܝ ܗܿܢܘܢ ܕܒܝܕ ܝܕܥܬܐ ܕܝܠܗ ܘܬܘܕܝܬܐ ܕܒܗ ܠܐܝܩܪܐ ܫܘܝܐܝܬ ܥܡ ܐܒܗ̈ܬܐ ܕܥܒܪ̈ܝܐ ܠܘܬ ܐܠܗܐ ܢܫܘܘܢ݀ ܘܕܗܼܘ ܕܝܢ ܐܒܐ ܕܐܒܗܝ̈ܝܗܘܢ ܕܗܼܢܘܢܿ ܗܘ ܕܡܬܟܪܙ ܐܒܪܗܡ. ܗܘ ܕܢܦܩ ܡܢ ܐܒܗܘ̈ܗܝ ܕ̈ܠܝ ܦܬܟܪ̈ܐ ܘܫܚܠܦ ܥܘܡܪܗ݀ ܘܡܢ ܛܥܝܘܬܐ ܕܐܠܗ̈ܐ ܣܓܝ̈ܐܐ. ܠܚܕ ܐܠܗܐ ܕܠܥܠ ܡܢ ܟܠ ܝܕܥ ܘܩܕܡ ܐܡܼܪ. ܕܕܕܡܝܢ ܠܗ ܠܗܢܐ ܘܠܒܢ̈ܘܗܝ ܠܐܝܣܚܩ ܘܠܝܥܩܘܒ. ܪ̈ܒܘܬܐ ܒܟܠܗܿ ܒܪܝܐ ܕܒܝܢ̈ܝ ܐܢܫܐ ܢܗܘܘܢ ܘܗܼܢܘܢ ܗܿܢܘܢ ܝܬܝܪܐܝܬ ܗܼܢܘܢ ܥܡܡܐ ܕܒܡܕܢܚܐ ܘܗܿܢܘܢ ܕܒܡܥܪ̈ܒܝ ܫܡܫܐ ܥܡܪܝܢ ܘܡܘܣܦ ܥܠܝܗܘܢܿ ܘܪܒܘܬܗܿ ܕܝܠܗܿ ܕܡܠܬܐ ܡܩܕܡܬܐ ܕ̈ܿܢܘܢ ܠܡ ܝܗܘܕ̈ܝܐ ܗܼܢܘܢ ܒܢܝ̈ܗܘܢ ܕܗܿܢܘܢ ܪ̈ܚܡܝ ܠܐܠܗܐ ܕܒܐܒܪܗܡ ܡܫܬܒܗܪܝܢ ܘܒܐܝܣܚܩ ܘܒܝܥܩܘܒ ܡܛܠ ܕܩܡܼܘ ܠܩܘܒܠܗ ܘܠܐ ܗܝܡܼܢܘ ܒܗ. ܐܝܟ ܕܐܬܓܠܼܙܘ ܠܗܘܢ ܡܢ ܢܘܗܪܐ ܕܝܕܥܬܐ ܢܦܩܘܢ ܠܡ ܠܚܫܘܟܐ ܒܪܝܐ ܠܠܐ ܝܕܥܬܗܘܢ ܘܠܣܟܠܘܬܗܘܢ ܐܚܪܝܬܐ ܘܠܓܠܝܙܘܬܐ ܕܢܗܪܐ ܦܪܘܩܐ. ܗܟܢܐ ܩܿܕܡ ܐܡܼܪ ܕܗܪܟܐ ܙܕܩ ܕܢܣܝܡ ܪܥܝܢܢ ܒܗܘܢ ܒܫ̈ܘܠܡܐ ܘܒܗܝܢ ܒܥܝ̈ܢܝܢ ܢܩܒܠ ܕܐܝܟܢܐ ܝܗܘܕ̈ܝܐ ܗܿܢܘܢ ܕܡܫܬܒܗܪܝܢ ܕܡܢ ܓܢܣܐ ܐܢܘܢ ܕܗܿܘܢ ܐܢܫܐ ܕܐܬܐܡܼܪ ܪ̈ܚܡܝ ܠܐܠܗܐ ܡܣ̈ܠܝܐ ܗܘܘ. ܠܐ ܗܘܐ ܡܢ ܡܿܠܟܘܬܗ ܕܐܠܗܐ ܒܠܚܘܕ ܐܠܐ ܘܐܦ ܡܢܗܿ ܕܝܠܗܿܕܐܡܐ ܕܡܕ̈ܝܢܬܗܘܢ ܡܝܬܪܬܐ ܕܒܝܬ ܡܿܠܟܘܬܐ ܕܒܗܿ ܒܠܚܘܕ ܣܝܼܡ ܗܘܐ ܢܡܘܣܐ ܕܬܫܡܫܬܗܘܢ ܙܗܝܬܐ ܢܫܠܡܘܢܿ ܘܥܼܒ̈ܕܐ ܚܠܦ ܒܢ̈ܝ ܚܐܪ̈ܐ ܗܘܘ. ܗܿܢܘܢ ܕܡܢ ܩܕܝܡ ܒܢ̈ܝ ܐܒܗ̈ܐ ܗܘܘ ܡܝܬܪ̈ܐ. 127 ܘܒܚܘܠܛܢܐ ܥܡ ܥܡ̈ܡܐ ܢܘܟܪ̈ܝܐ ܡܕܡ ܕܠܐ ܫܠܛ ܠܗܘܢ ܒܐܪܥܐ ܕܠܐ ܕܝܠܗܘܢ ܛܝܥܢ݀ ܕܐܦ ܠܐ ܕܢܚܙܘܢ ܡܢ ܪܘܚܩܐ ܗܝ ܐܪܥܐ ܕܣܓܕܬܗܘܢ ܡܦܣ ܠܗܘܢ. ܘܕܠܐ ܪ̈ܫܢܐ ܘܕܠܐ ܡܠܟ̈ܐ ܗܿܢܘܢ ܕܒܡܫܠܡܢܘܬܐ ܠܘܬܗܘܢ ܡܫܬܠܛܝܢ ܗܘܘ ܩܡܘ ܘܠܗܿܢܘܢ ܕܠܗܝܟܠܗܘܢ ܡܢ ܫܬ ܐܣ̈ܘܗܝ [ܫܬܐܣ̈ܘܗܝ] ܥܩܼܪܘ. ܘܠܟܠܗ ܥܡܠܗܘܢ ܟܒܼܫܘ ܡܫܥܒܕܝܢ. ܠܐ ܢܒܝܐ ܥܡܗܘܢ ܐܝܬ ܐܝܟ ܕܢ ܩܕܝܡ ܐܦܠܐ ܓܠܢܐ ܐܝܟ ܕܡܢ ܩܕܝܡ. ܘܐܦ ܠܐ ܥܘܕܪܢܐ ܘܣܘܥܪܢܐ ܕܐܠܗܐ݀ ܘܗܠܝܢ ܟܠܗܝܢ ܡܠܝܐܝܬ ܠܐ ܡܢ ܩܕܝܡ݀ ܐܠܐ ܡܢ ܒܬܪ ܕܐܗܦܟ ܦܪܘܩܢ ܐܦܘܗܝ ܡܢܗܘܢ ܐܬܝ ܥܠܝܗܘܢ ܐܟܘܬܗܝܢ ܕܡ̈ܠܘܗܝ ܡܩܕ̈ܡܬܐ ܘܗܿܢܝܢ ܕܥܠ ܝܗܘܕ̈ܝܐ ܐܝܟ ܗܟܢܐ ܀܀ ܀܀ ܓ. ܚܠܦ ܕܝܢ ܗܿܘ ܚܕ ܟܠܝܪܟܐ ܕܒܗܿܘ ܙܒܢܐ ܩܼܪܒ ܗܘܐ ܠܦܪܘܩܢ ܡܢܝܢܐ ܕܐܢܫܐ ܕܠܐ ܡܬܐܡܪ ܡܢ ܟܠܗܘܢ ܥܡ̈ܡܐ ܠܐ ܗܘܐ ܟܠܝܪ̈ܟܐ ܒܠܚܘܕ ܐܠܐ ܐܦ ܣܘܓܐܗܘܢ ܕܚܝ̈ܠܘܬܐ ܕܪ̈ܗܘܡܝܐ ܗܟܢܐ ܕܐܦ ܪ̈ܒܘܬܐ ܕܪ̈ܫܢܐ ܘܕܗ̈ܓܡܘܢܐ ܗܿܢܘܢ ܕܒܥܡ̈ܡܐ ܘܒܐܬܪ̈ܘܬܐ ܫܠܝܛܝܢ݀ ܘܕܐܚܪ̈ܢܐ ܐܝܠܝܢ ܕܣܓܝ ܒܐܝܩܪܐ ܕܪܒܘܬܐ ܡܢ ܗܠܝܢ ܡܥܠܝܢ ܗܼܢܘܢ ܗܗܠܝܢ ܕܒܒ̈ܬܐ ܕܡܿܠܟܘܬܐ ܡܬܓܐܝܢ ܐܟܘܬܗ ܕܗܿܘ ܟܠܝܪܟܐ ܠܗ ܠܡܫܝܚܗ ܕܐܠܗܐ ܡܬܩܪܒܝܢ ܘܒܝܕ ܡܠܦܢܘܬܗ ܕܝܠܗ݀ ܠܐܠܗܗܘܢ ܕܗܿܢܘܢ ܐܢܫܐ ܪ̈ܚܡܝ ܐܠܗܐ ܕܒܝܬ ܥܒܪ̈ܝܐ ܕܢܚܼܘ ܝܕܥܘ݀ ܘܠܦܘܪܥܢܐ ܫܘܝܐܝܬ ܐܟܘܬܗܘܢ ܕܗܿܢܘܢ ܡܢ ܠܘܬ ܐܠܗܐ ܡܿܠܟܐ ܕܟܠ ܫܼܘܘ݀ ܐܢ ܕܝܢ ܐܢܫ ܢܣܝܡ ܒܪܥܝܢܗ. ܕܟܡܐ ܣܘܓܐܐ ܕܟܪ̈ܝܣܛܝܢܐ ܡܬܐܡܪ ܕܐܝܬ ܘܥܕ̈ܬܐ ܕܪ̈ܒܘܬܐ ܕܟܢ̈ܫܐ ܒܐܪܥܐ ܕܦܪ̈ܣܝܐ ܘܕܗܢܕ̈ܘܝܐ ܗܿܢܘܢ ܕܒܡܕ̈ܢܚܘܗܝ ܕܫܡܫܐ ܥܡܪܝܢ݀ ܘܐܝܟܢܐ ܒܝܕ ܡ̈ܠܘܗܝ ܕܝܠܗ ܕܦܪܘܩܢ ܠܘܬܗܘܢ ܕܗܿܢܘܢ ܢܫ̈ܐ ܒܬܘ̈ܠܬܐ ܡܚܒܢ ܘܓܒܪ̈ܐ ܠܩܕܝܫܘܬܐ ܫܠܡܬܐ ܡܫܢܝܢ݀ ܘܠܡܣܝܒܪܢܘܬܐ ܕܥܘܡܪܐ ܕܦܝܠܘܣܦܘܬܐ ܘܕܢܟܦܘܬܐ ܘܪ̈ܒܘܬܐ ܕܡܘ̈ܕܝܢܐ ܕܐܠܗܐ ܒܗܘܢ ܒܗܿܢܘܢ ܕܚ̈ܝܝܢ. ܀܀ ܀܀ ܀܀ ܗ. ܘܐܝܟܢܐ ܗܼܢܘܢ ܗܿܢܘܢ ܒܗܿܘ ܕܡܢ ܙܪܥܐ ܕܐܒܪܗܡ ܕܢܼܚ݀ ܕܡܫܝܚܗ ܗܘ ܕܐܠܗܐ ܡܘܕܝܢ݀ ܘܒܝܕ ܝܠܕܐ ܚܕܬܐ ܕܒܗ ܒܢ̈ܝܐ ܕܐܒܪܗܡ ܗܿܘܝܢ. ܘܠܗܿ ܠܗܿܝ ܡܠܬܐ ܕܦܪܘܩܢ ܡܩܕܡܬܐ ܡܚܬܡܝܢ݀ ܘܗܼܘ ܗܟܢܐ ܕܝܢ ܐܦ ܒܡܢ̈ܘܬܐ 128 ܕܡܥܪ̈ܒܘܗܝ ܕܥܠܡܐ ܟܠܗܘܢ ܐܣܦ̈ܢܝܐ ܘܓ̈ܠܠܝܐ. ܘܐܪ̈ܥܬܐ ܕܡܘܪ̈ܝܐ ܘܕܐܦܪ̈ܝܐ ܘܒܗ ܒܐܘܩܝܢܘܣ ܘܒܒܘܪܛܢܝܐ ܠܡܫܝܚܐ ܡܟܬܒܝܢ ܘܠܐܠܗܗ ܕܐܒܪܗܡ ܘܕܐܝܣܚܩ ܘܕܝܥܩܘܒ. ܐܦ ܕܝܥܘ݀ ܘܠܗ ܐܦ ܒܨܠܘܬܗܘܢ ܩܪܝܢ. ܘܫܘ̈ܬܦܐ ܕܝܠܗܘܢ ܕܗܠܝܢ݀ ܒܣܓܕܬܐ ܕܐܠܗܐ ܐܬܚܙܝܘ݀ ܐܢ ܐܢܫ ܗܟܝܠ ܗܼܢܝܢ ܗܠܝܢ ܢܣܒ ܒܪܥܝܢܗܿ ܗܝܕܝܢ ܢܣܬܟܠ ܕܐܝܢܐ ܗܘܐ ܚܝܠܐ ܕܗܿܝ ܡܠܬܐ ܕܩܕܡܼܬ ܐܟܼܪܙܬ ܘܐܡܼܪܬ ܕܣܓ̈ܝܐܐ ܡܢ ܡܕܢܚܐ ܘܡܢ ܡܥܪܒܐ ܢܐܬܘܢ ܘܢܣܬܡܟܘܢ ܒܥܘܒܗ ܕܐܒܪܗܡ ܕܐܝܣܚܩ ܘܕܝܥܩܘܒ ܒܡܿܠܟܘܬܐ ܕܫܡܝܐ ܗܿܢܝܢ ܗܟܝܠ ܥܡ ܟܝܠܝܪܟܐ ܘܐܦ ܒܙܒܢ̈ܐ ܕܝܢ ܐܚܪ̈ܢܐ ܟܕ ܥܡ ܡܠܦܢ̈ܐ ܕܝܗܘܕ̈ܝܐ ܡܡܠܠ ܗܘܐ. ܕܕܡܝܢ ܠܗܿܢܝܢ ܐܬܢܒܼܝ. ܘܒܗܢܐ ܐܣܟܐ ܐܡܼܪ݀ ܡܐ ܕܚܙܼܝܬܘܢ ܠܐܒܪܗܡ ܘܠܐܝܣܚܩ ܘܠܝܥܩܘܒ ܘܠܟܠܗܘܢ ܢܒܝ̈ܐ ܒܡܿܠܟܘܬܗ ܕܐܠܗܐ ܘܐܢܬܘܢ ܬܦܩܘܢ ܠܒܪ ܘܢܐܬܘܢ ܡܢ ܡܕܢܚܐ ܘܡܢ ܓܪܒܝܐ ܘܡܢ ܬܝܡܢܐ. ܘܢܣܬܡܟܘܢ ܒܡܿܠܟܘܬܗ ܕܐܠܗܐ. ܕܗܼܢܝܢ ܗܠܝܢ ܫܪܪܗܝܢ ܓܠܝܐܝܬ ܒܝܕ ܡܬܦܢܝܢܘܬܐ ܕܟܠܗܘܢ ܥܡ̈ܡܐ ܕܠܘܬ ܐܠܗܐ ܕܥܠ ܟܠ ܡܚܘܝܢ ܗܠܝܢ ܗܟܝܠ ܠܗܿܢܘܢ ܐܡܼܪ ܥܠ ܡܬܦܢܝܢܘܬܐ ܕܟܠܗܘܢ ܥܡ̈ܡܐ ܕܠܘܬ ܐܠܗܐ ܕܥܠ ܟܘܠ ܀ ܀ ܀܀ ܘ. ܘܕܒܝܕ ܐܝܠܝܢ ܐܢܫܐ ܥܬܝܕ ܗܘܐ݀ ܕܒܥܓܠ ܩܪܝܢܐ ܕܥܡ̈ܡܐ ܢܥܒܕ݀ ܝܿܠܦ ܐܢܬ ܡܢܗܿ ܕܡܟܬܒܢܘܬܐ ܕܝܠܗܘܢ ܕܬܠܡܝܕ̈ܘܗܝ ܕܒܗܢܐ ܐܣܟܡܐ ܐܝܬܝܗܿ ܟܕ ܥܒܲܪ ܗܘܐ ܝܫܘܥ ܥܠ ܓܢܒ ܝܡܬܐ ܕܓܠܝܠܐ. ܚܼܙܐ ܬܪ̈ܝܢ ܐܚܝ̈ܢ ܠܫܡܥܘܢ ܕܡܬܩܪܐ ܟܐܦܐ ܘܠܐܢܕܪܝܘܣ ܐܚܘܗܝ ܟܕ ܪܡܝܢ ܡܨܝܕ̈ܬܐ ܒܝܡܐ ܐܝܬܝܗܘܢ ܗܘܘ ܓܝܪ ܨܝܕ̈ܐ ܘܐܡܪ ܠܗܘܢܿ ܬܘ ܒܬܪܝ ܘܐܥܿܒܕܟܘܢ ܨܝܕ̈ܐ ܕܒܢ̈ܝ ܐܢܫܐ ܘܗܼܢܘܢ ܒܗܿ ܒܫܥܬܐ ܐܪܦܼܝܘ ܡܨܝܕ̈ܬܗܘܢ ܘܐܙܠܼܘ ܒܬܪܗ. ܘܟܕ ܫܢܝ ܡܢ ܬܡܢ. ܚܙܐ ܬܪ̈ܝܢ ܐܚܝ̈ܢ ܠܝܥܩܘܒ ܒܪ ܙܒܕܝ. ܘܠܝܘܚܢܢ ܐܚܘܗܝ ܒܣܦܝܢܬܐ ܥܡ ܙܒܕܝ ܐܒܘܗܘܢܿ ܘܩܼܪܐ ܐܢܘܢ ܘܗܼܢܘܢ ܒܗܿ ܒܫܥܬܐ ܐܪܦܝܘܗܿ ܠܣܦܝܢܬܐ ܘܠܐܒܘܗܘܢ ܘܐܙܠܼܘ ܒܬܪܗ. ܘܐܚܪܢܐ ܕܝܢ ܡܟܬܒܢܐ ܕܬܪ̈ܬܝܢ ܙܒܢ̈ܝܢ ܐܡܼܪ ܠܗ ܠܫܡܥܘܢ ܐܟܘܬܗܿ ܕܗܕܐ ܡܠܬܐ ܡܩܕܡܬܐ ܐܟܬܒ݀ ܟܕ ܓܝܪ ܟܢܫܐ ܣܓܝܐܐ ܩܿܐܡܼ ܗܘܐ ܠܥܠ ܡܢܗ ܕܝܫܘܥ. ܐܡܼܪ ܕܣܠܩ ܠܚܕܐ ܡܢ ܣܦܝ̈ܢܐ ܗܿܝ ܕܐܝܬܝܗ ܗܘܬ ܕܫܡܥܘܢ. ܘܟܕ ܝܿܬܒ ܒܗܿ ܡܬܪܓܡ ܗܘܐ ܠܟܢܫܐ ܡܢ ܒܬܪ ܕܝܢ 129 ܡܠܦܢܘܬܐ ܕܣܦܩܐ ܡܛܠ ܕܙܕܩ ܗܘܐ ܕܐܦ ܥܒܿܕܐ ܐܠܗܝܐ ܢܘܣܦ ܥܠ ܡ̈ܠܘܗܝ ܠܥܘܪܕܢܐ ܕܗܿܢܘܢ ܕܚܙܝܢ ܦܩܼܕ ܠܫܡܥܘܢ ܕܢܫܕܐ ܡܨܝܕܬܗ ܠܨܝܕܐ. ܘܗܼܘ ܐܡܪ ܠܗ ܕܒܟܘܠܗ ܠܠܝܐ ܠܐܼܝܢ ܘܡܿܕܡ ܠܐ ܐܫܟܼܚܢ. ܥܠ ܡܠܬܟ ܕܝܢ ܕܝܠܟ ܐܫܕܐ ܡܨܝܕܬܐ ܘܡܕܡ ܕܐܬܦܩܕ ܥܒܕ݀ ܘܟܕ ܕܝܢ ܚܒܫ ܣܘܓܐܐ ܕܢܘ̈ܢܐ ܣܓܝ ܡܨܛܪܝܢ ܗܘܝ ܡܨܝܕ̈ܬܗܘܢ ܕܝܩܪ ܗܘܝ ܡܢ ܣܘܓܐܐ ܘܩܪܘ ܠܗܿܢܘܢ ܕܒܣܦܝܢܬܐ ܕܥܠ ܓܒܗܘܢ ܕܢܥܕܪܘܢ ܐܢܘܢ. ܘܟܢ ܟܕ ܐܣܩ ܐܢܘܢ ܠܢܘ̈ܢܐ ܡܠܼܘ ܐܢܝܢ ܠܣܦ̈ܝܢܐ ܬܪ̈ܬܝܗܝܢ ܐܝܟܢܐ ܕܐܬܠܨܝܢ ܕܢܛܒܥܢ ܕܥܠܝܗܝܢ ܕܗܠܝܢ ܐܬܕܡܼܪ ܫܡܥܘܢ ܘܬܗܼܪ ܘܐܘܕܝ݀ ܕܠܐ ܫ݀ܘܐ ܕܢܬܩܪܒ ܨܐܝܕ̈ܘܗܝ ܦܪܘܩܢ݀ ܗܼܘ ܕܝܢ ܟܕ ܚܿܘܝ ܠܗ ܕܡܘܬܐ ܕܡܕܡ ܕܥܬܝܕ ܓܠܼܐ ܐܦ ܦܘܫܩܗ݀ ܘܐܡܼܪ ܠܗ ܝܫܘܥ ܠܐ ܬܕܚܠ ܡܢ ܗܫܐ ܒܢ̈ܝ ܐܢܫܐ ܬܗܼܘܐ ܨܿܐܕ ܠܚܝ̈ܐ݀ ܠܐܢܫܐ ܓ̈ܠܝܠܝܐ ܕܠܐܡܕܡ ܝܕܥܝܢ. ܝܬܝܪ ܡܢ ܒܪܬ ܩܠܐ ܣܘܪܝܝܬܐ ܘܐܦ ܗܼܝ ܐܘܡܢܘܬܐ ܒܨܝܪܬܐ ܘܬܚܘܒܬܐ ܕܨܝܕܘܬܐ ܕܡܬܕܒܪ̈ܝܢ ܗܘܘ ܒܗܿ ܫܦܝܪ ܦܪܘܩܢ ܕܝܠܢ ܨܝܕ̈ܐ ܕܒܢ̈ܝ ܐܢܫܐ ܘܟܪ̈ܘܙܐ ܕܡܠܦܢܘܬܗ ܕܢܥܒܕ ܐܢܘܢ ܐܫܬܘܕܝ݀ ܘܥܼܒܕ ܐܢܘܢ ܘܠܐ ܕܓܠܗ ܠܫܘܕܝܗ ܘܚܿܘܝ ܚܝܠܐ ܕܐܠܗܐ ܣܥܘܪܐ ܕܨܒܘܬܐ ܐܝܕܐ ܕܠܟܠܗ ܡܝܬܪܘܬܐ ܕܒܢ̈ܝ ܐܢܫܐ ܡܟܣܝܐ݀ ܐܠܘ ܓܝܪ ܠܡ̈ܠܝܠܐ ܘܠܚܟܝ̈ܡܐ ܘܠܗܿܢܘܢ ܐܢܫܐ ܫܒܝ̈ܚܐ ܘܥܬܝܪ̈ܐ ܕܒܝܬ ܝܗܘܕ̈ܝܐ ܩܪܒ ܨܝܿܕ̈ܘܗܝ. ܘܒܗܘܢ ܐܬܚܫܚ ܕܢܗܘܘܢ ܡ̈ܠܦܢܐ ܠܡ̈ܠܘܗܝ ܟܒܪ ܕܡ̈ܝܐ ܗܘܬ ܕܐܢܫ ܢܼܣܒܪ ܗܘܐ ܕܐܢܫܐܝܬ ܐܬܥܬܕܬ ܗܼܝ ܨܒܘܬܐ ܗܟܢܐ ܓܝܪ ܣܘܓܐܗܘܢ ܕܒܢ̈ܝ ܐܢܫܐ ܡܥܕܝܢ ܕܢܫܬܥܒܕܘܢ ܐܘ ܒܡܘܗ̈ܒܬܐ ܕܡܢ ܥܬܝܪ̈ܐ ܢܬܚܬܚܬܘܢ ܐܘ ܒܡܝܬܪܘܬܐ ܕܡ̈ܠܐ ܘܒܫܪܓܪܓܝܬܐ ܕܚܟܡܬܐ ܢܛܥܘܢ ܐܘ ܡܢ ܪܒܘܬܐ ܕܦܪ̈ܨܘܦܐ ܫܒܝ̈ܚܐ ܢܕܚܠܘܢ݀ ܗܼܘ ܕܝܢ ܠܐ ܗܘܐ ܐܝܟ ܕܒܗܠܝܢ ܬܠܡܝ̈ܕܐ ܐܬܚܫܚ݀ ܐܠܐ ܒܕܠܩܘܒܠܐ ܒܡܣ̈ܟܢܐ ܘܒܫ̈ܝܛܐ ܘܕܒܡܠܬܗܘܢ ܗܕܝܘܛܝܢ ܘܣܘܪ̈ܝܝܐ ܒܒܪܬ ܩܠܗܘܢ ܒܐܣܟܡܗܘܢ ܡܟܝ̈ܟܐ ܘܒܨܝܪ̈ܐ ܥܒܿܕܗ ܓܠܝܐܝܬ ܐܕܢܼܚ݀ ܕܒܠܚܘܕ ܒܚܝܠܐ ܐܠܗܝܐ ܐܬܚܫܼܚ ܗܿܘ ܕܚܿܘܝ ܕܠܘܩܕܡ ܒܚܕܐ ܒܪܬ ܩܠܐ ܩܪܐ ܐܢܘܢܿ ܘܕܢܩܦܘܢ ܠܗ ܥܒܲܕ ܐܢܘܢܿ ܘܟܢ ܐܫܬܘܕܝ ܕܨܝܕ̈ܐ ܘܟܪ̈ܘܙܐ ܕܒܢ̈ܝ ܐܢܫܐ ܢܥܒܕ ܐܢܘܢ ܐܝܟܢܐ ܕܚܠܦ ܡܨܝܕ̈ܬܐ ܗܠܝܢ ܕܐܝܬ ܗܘܝ ܠܗܘܢ ܢܣܒܘܢ ܡܢܗ ܗܕܐ ܡܨܝܕܬܐ ܕܡܢ ܟܠ ܡ̈ܠܝܢ ܕܢܡܘܣܐ ܘܕܢܒ̈ܝܐ. ܘܕܗܠܝܢ ܕܝܘܠܦܢܐ 130 ܐܠܗܝܐ ܐܬܓܕܠܼܬ. ܘܢܪܡܘܢ ܒܝܡܐܐܢܫܝܐ ܕܥܠܡܐ ܘܢܚܫܒܘܢ ܟܐ ܕܡܫܟܚܝܢ ܟܕ ܡܠܝܢ ܡܨܝܕ̈ܬܗܘܢ ܡ̈ܠܝܠܬܐ ܡܢ ܟܘܠ ܓܢܣ̈ܝܢ ܕܢܘ̈ܢܐ ܡ̈ܠܝܠܐ݀ ܐܠܐ ܗܠܝܢ ܟܕ ܒܗܿܘ ܙܒܢܐ ܒܒܪܬ ܩܠܐ ܡܫܬܡܥܢ ܗܘܝ݀ ܡ̈ܠܐ ܗܘܝ ܘܩ̈ܠܐ݀ ܘܡܕܡ ܝܬܝܪ ܠܬ ܗܘܐ. ܥܒܕܗ ܕܝܢ ܕܝܠܗ ܕܚܝܠܐ ܐܠܗܝܐ݀ ܠܐ ܗܘܐ ܠܢܘܓܪܐ ܐܩܝܡ ܐܢܝܢ. ܘܗܼܢܝܢ ܗܠܝܢ ܕܒܝܕ ܡ̈ܠܐ ܐܬܩܕܡ ܗܘܝ ܐܬܐܡܼܪ ܒܗܘܢ ܒܥܒܕ̈ܐ ܫ݀ܠܡ ܐܢܝܢ. ܐܝܟܢ ܕܒܙܒܢ ܙܥܘܪܐ ܐܟܚܕܐ ܠܟܠܗܿ ܒܪܝܬܐ ܕܒܢ̈ܝ ܐܢܫܐ ܪ̈ܒܘܬܐ ܕܣܘܓܐܐ ܕܟܢ̈ܫܐ ܕܡܢ ܗܿܢܘܢ ܐܢܫܐ ܡܣ̈ܟܢܐ ܘܗܕ̈ܝܘܛܐ ܢܩܢܐ ܘܢܬܡ̈ܠܝܢ ܥܕ̈ܬܗ ܒܟܠ ܐܬܪܐ ܕܝܘ̈ܢܝܐ ܘܒܪܒܪܝܐ. ܡܛܠ ܗܿܘ ܚܕ ܫܘܪܝܐ [ܫܘܕܝܐ] ܕܒܪܬ ܩܠܐ ܐܠܗܝܬܐ ܕܒܗܿ ܠܐ ܗܘܐ ܕܢܿܠܦ ܐܢܘܢ ܠܬܠܡܝܕ̈ܘܗܝ ܐܠܐ ܕܗܼܘ ܢܥܒܕ ܐܢܘܢ ܨܝܕ̈ܐ ܕܒܢ̈ܝ ܐܢܫܐ ܐܫܬܼܘܕܝ. ܘܡܟܝܠ ܠܐ ܗܘܐ ܕܩܿܕܡ ܝܕܥ ܒܠܚܘܕ ܘܠܐ ܕܩܿܕܡ ܐܡܪ ܡܕܡ ܕܥܬܝܕ ܐܠܐ ܕܐܦ ܥܒܘܕܐ ܕܗܕܐ ܟܠܗܿ ܝܕܥܬܐ ܐܬܚܼܙܝ ܐܡܿܪ ܒܡܠܬܐ ܘܥܒܕ ܒܥܒܕܐ ܐܩܝܡ ܗܿܘ ܡܕܡ ܕܥܬܝܕ ܒܝܕ ܬܚܘܝܬܐ ܘܕܡܬܐ ܘܒܐܝܕܗ ܕܣܘܥܪܢܐ ܫ݀ܠܡ. ܠܗܿܢܘܢ ܓܝܪ ܕܒܥܘܬܩܐ ܡܢ ܩܕܝܡ. ܒܚܫܟܐ ܕܡܢ ܢܘܗܪܐ ܕܫܪܪܐ ܘܐܝܕܥܬܐ ܕܐܠܗܐ ܒܠܠܝܐ ܠܐܼܝܘ ܘܡܕܡ ܠܦܘܪܩܢܐ ܕܢܨܘܕܘܢ ܠܐ ܐܫܟܼܚܘ. ܕܢܚ ܗܘ ܒܨܡܚܗ. ܘܠܗܿܢܘܢ ܕܒܐܝܡܡܐ ܘܒܢܘܗܪܐ ܗܘܘ ܦܩܕ. ܠܐ ܒܐܘܡܢܘܬܗܘܢ ܕܝܠܗܘܢ. ܠܐ ܕܢܬܬܟܠܘܢ ܥܠ ܡܠܬܗ ܘܢܪܡܘܢ ܡ̈ܨܝܕܬܗܘܢ ܒܥܘܡܩܐ. ܘܗܼܢܘܢ ܕܝܢ ܗܢܐ ܟܠܗ ܣܘܓܐ ܕܢܘ̈ܢܐ ܟܢܫܘ. ܐܝܟܐ ܕܢܨܛܪܘܢ ܡ̈ܐܢܐ ܕܡܨܝܕ̈ܬܗܘܢ ܘܢܬܐܠܨܢ ܣܦܝ̈ܢܐ ܡܢ ܝܘܩܐ ܕܠܥܘܡܩܐ ܢܫܪܟܢ. ܘܡܛܠ ܕܝܢ ܕܟܕ ܗܠܝܢ ܗܟܢܐ ܡܣܬܥܪܢ ܗܘܝ ܠܫܡܥܘܢ ܠܬܗܪܐ ܘܠܕܚܠܬܐ ܕܠܐ ܙܥܘܪܝܐ ܐܝܬܝ. ܐܠܐ ܗܿܢܝܢ ܐܡܼܪ ܠܗ ܦܪܘܩܢ. ܠܐ ܢܬܗܪܢܟ ܗܠܝܢ ܫܥܬܐ ܐܢܝܢ݀ ܓܝܪ ܥܕܟܝܠ ܘܕܡܘܬܐ ܕܡܕܡ ܕܥܬܝܕ ܗܠܝܢ ܓܝܪ ܢܘ̈ܢܐ ܐܢܘܢ ܕܠܐ ܢܥܡܬܐ ܘܕܠܐ ܡܠܬܐ݀ ܘܗܿܢܝܢ ܣܦܝ̈ܢܐ ܘܡܨܝܕ̈ܬܐ ܕܡܢ ܗܝܠܐ. ܕܠܐ ܢܦܫܐ ܐܬܬܩܼܢ݀ ܐܠܐ ܠܐ ܗܘܐ ܐܝܟ ܗܠܝܢ ܐܢܝܢ ܕܡܘ̈ܬܐ ܕܗܠܝܢ. ܩܠܝܠ ܗܟܝܠ ܒܬܪܟܢ. ܗܿܢܘܢ ܕܝܢ ܒܪܫܥܬܗ ܗܫܐ ܘܡܢ ܕܘܟܬܗ ܒܢ̈ܝ ܐܢܫܐ ܕܬܗܼܘܐ ܨܿܐܕ ܠܚܝ̈ܐ ܘܡܢ ܗܕܐ ܨܝܕܘܬܐ ܠܐܝܬܐ ܕܠܐ ܝܘܬܪܢ ܬܓܗܐ ܘܨܿܝܕܐ ܕܚܝ̈ܘܬܐ ܡ̈ܠܝܠܬܐ ܚܠܦ ܗܠܝܢ ܕܠܐ. ܡܠܬܐ ܬܗܼܘܐ ܘܠܐ ܬܘܒ ܡܢ ܥܘܡܩ̈ܘܗܝ ܕܝܡܐ. ܐܠܐ ܡܢ ܡܪܝܪܘܬܐ ܕܣܢܝܘܬܗ 131 ܕܥܘܡܪܐ. ܘܡܢ ܬܘ̈ܢܐ ܕܚܫܟܐ ܕܠܐ ܐܠܗܐ ܘܡܢ ܒܝܫܼܬܐ ܠܢܘܗܪܐ ܝܕܘܥܬܢܐ ܘܠܣܘܩܐ ܕܟܝܐ ܬܓܼܕ ܠܗܿܢܘܢ ܕܡܢܟ ܡܬܬܨܝܕܝܢ. ܗܿܢܘ ܕܝܢ ܬܨܘܕ ܐܢܘܢ ܠܚܝ̈ܐ ܒܝܕ ܗܕܐ ܕܚܝ̈ܐ ܘܠܐ ܗܘܐ ܡܘܬܐ. ܡܨܝܒ ܐܢܬ ܠܗܘܢܿ ܗܿܢܘܢ ܓܝܪ ܢܘ̈ܢܐ ܕܡܢ ܝܡܐ. ܕܒܚܫܘܟܐ ܒܥܘܡܩܐ ܡܢ ܩܕܝܡ ܚܝܝܢ. ܒܪܫܥܬܗ ܕܢܘܗܪܐ ܘܣܘܩܐ ܡܩܒܠܝܢ ܐܒܕܝܢ. ܗܿܢܘܢ ܕܝܢ ܕܡܢ ܒܢ̈ ܝܐܢܫܐ ܒܐܝܕ̈ܝܟ ܡܬܨܝܕܝܢ ܡܢ ܚܫܘܟܐ ܕܠܐ ܝܕܥܬܐ ܡܫܬܚܠܦܝܢ ܘܠܚܝ̈ܐ ܐܠܗܝ̈ܐ ܡܬܨܝܕܝܢ ܕܡܛܠ ܗܕܐ ܕܬܗܘܐ ܨܿܐܕ ܠܚܝ̈ܐ ܞܡܢ ܗܫܐ ܠܒܢ̈ܝ ܐܢܫܐ ܐܡܼܪ ܗܿܢܝܢ ܒܚܝܠܐ ܐܠܗܝܐ ܩܿܕܡ ܐܡܼܪ ܦܪܘܩܢ. ܘܗܼܢܝܢ ܒܗܘܢ ܒܥܒܕ̈ܐ ܕܡܗܝܡܢܢ ܘܫܪܝܪܢ ܚܿܘܝ ܗܼܘ ܦܪܘܩܢ ܗܼܘ ܗܟܝܠ ܨܝܕܐ ܗܘ ܪܡܐ ܡܨܝܕܬܐ ܕܡܢ ܡ̈ܠܐ ܟܣܝ̈ܬܐ ܒܚܝܠܐ ܐܠܗܝܐ ܐܬܓܼܕܠܬ ܠܐ ܡܫܟܚܐ ܕܒܡܢܝܢܐ ܢܠܒܘܟ ܚܙܬܐ ܕܝܢ ܕܡܕܡ ܕܟܣܐ ܡܕܡ ܕܡܬܚܙܐ ܐܝܬܘܗܝ ܗܿܢܝܢܗ ܓܝܪ ܕܗܘ ܥܘܡܪܐ ܐܪܝܟܐ ܕܥܠܡܐ ܗܘ ܕܡܢ ܩܕܡ ܕܢܚܗ ܐܠܗܝܐ ܕܦܪܘܩܢ ܠܐ ܣܝܒܪ ܗܿܢܝܢ. ܕܠܐ ܡܘܫܐ ܗܿܘ ܕܣܼܡ ܢܡܘܣܐ ܠܥܒܪ̈ܝܐ. ܘܠܐ ܢܒܝ̈ܐ ܕܐܠܗܐ. ܗܿܢܘܢ ܕܡܢ ܒܬܪ ܡܘܫܐ ܘܠܐ ܪ̈ܒܘܬܐ ܕܐܚܪ̈ܢܐ ܨܝܕ̈ܐ ܕܝܘܠܦܢܐ ܕܐܠܗܐ ܕܠܒܢ̈ܝ ܐܢܫܐ ܡܢ ܩܕܝܡ ܫܩܼܠܘ. ܘܣܓܝ ܠܐܼܝܘ ܒܟܠܗ ܠܠܝܐ ܕܡܢ ܩܕܡ ܕܢܚܗ ܕܝܠܗ ܠܐ ܐܫܟܼܚܘ ܕܢܣܥܪܘܢ. ܗܿܢܝܢ ܗܿܘ ܓܝܒܪܐ ܓܠܝܠܝܐ ܗܿܘ ܡܣܟܢܐ ܗܿܘ ܒܪܒܪܝܐ ܒܒܪܬ ܩܠܗ ܗܘ ܗܼܘ ܫܡܥܘܢ ܣܥܼܪ ܬܚܘ̈ܝܬܐ ܕܝܢ ܕܗܿܢܝܢ ܕܗܝܕܟܝܢ ܐܫܬܠܡ ܡܢ ܫܡܥܘܢ ܗܼܢܝܢ ܐܢܝܢ ܥܕ̈ܬܐ ܕܕܢܚܝܢ ܥܕܡܐ ܠܗܫܐ ܕܝܬܝܪ ܣܓܝ ܡܢ ܗܿܢܝܢ ܣܦܝ̈ܢܐ ܢܘ̈ܢܐ ܡ̈ܠܝܠܐ ܡܠܝܢ ܐܝܟ. ܗܕܐ ܕܐܝܬܝܗܿ ܩܣܪܝܐ ܕܦܠܣܛܝܢܐ. ܘܐܝܟ ܗܕܐ ܕܐܝܬܝܗܿ ܒܐܢܛܘܟܝܐ ܕܣܘܪܝܐ. ܘܐܝܟ ܗܕܐ ܕܐܝܬܝܗܿ ܒܡܕܝܢܬܐ ܕܪ̈ܗܘܡܝܐ. ܠܗܿܢܝܢ ܓܝܪ ܥܕ̈ܬܐ ܘܠܗܿܢܝܢ ܟܠܗܝܢ ܕܥܠ ܓܒܗܝܢ ܕܗܼܘ ܫܡܥܘܢ ܐܩܝܡ ܐܢܝܢ ܡܬܥܗܕܝܢ݀ ܠܗܿܢܝܢ ܓܝܪ ܕܒܐܓܒܛܘܣ ܘܒܗܿ ܒܐܠܟܣܢܕܪܝܐ ܬܘܒ ܗܼܘ݀ ܠܐ ܗܘܐ ܒܐܕܝܗ ܐܠܐ ܒܝܕ ܡܪܩܘܣ ܗܿܘ ܕܐܬܬܠܡܕ ܠܗ ܐܩܼܝܡ. ܕܗܼܘ ܒܐܝܛܠܝܐ ܘܒܥܡ̈ܡܐ ܗܿܢܘܢ ܕܥܠ ܓܒܗ. ܐܡܝܢ ܗܘܐ ܘܠܗ ܠܬܠܡܝܕܗ ܠܡܪܩܘܣ ܡܠܦܢ̈ܐ ܘܨܝܕ̈ܐ ܠܗܿܢܘܢ ܕܒܐܓܒܛܘܣ ܥܒܸܕ ܘܣܝܡ ܪܥܝܢܟ ܐܦ ܥܠ ܫܪܟܐ ܕܬܠܡܝܕ̈ܘܗܝ ܕܦܪܘܩܢ ܗܿܢܘܢ ܕܐܫܬܘܕܝ ܕܢܥܒܕ ܐܢܘܢ 132 ܨܝܕ̈ܐ ܕܒܢ̈ܝ ܐܢܫܐ. ܘܒܥܒܕܐ ܡܠܬܗ ܚܿܘܼܝ. ܥܕܡܐ ܗܟܝܠ ܠܗܫܐ ܗܼܘ ܣܥܪ ܘܒܥܕ ܕܒܟܘܠܗܿ ܐܪܥܐ ܩܪܝܒ ܘܠܟܘܠܗܿ ܒܪܝܬܐ ܕܒܢ̈ܝ ܐܢܫܐ ܡܨܝܕܬܐ ܡܠܝܠܬܐ ܕܝܠܗ ܡܠܐ ܘܡܢ ܟܠ ܓܢܣ̈ܝܢ ܢܘ̈ܢܐ ܡ̈ܠܝܠܐ ܕܒܪܒܪ̈ܝܐ ܘܕܝܘ̈ܢܝܐ ܢܓܕ ܡܢ ܥܘܡܩܐ ܕܒܝ̈ܫܼܬܐ ܘܡܢ ܚܫܘܟܐ ܕܠܐ ܐܠܗ ܠܢܦ̈ܫܬܐ ܕܒܢ̈ܝ ܐܢܫܐ ܡܦܢܐ ܠܗܝܢ ܒܟܠ ܝܘܡ̈ܝܢ ܘܒܟܠ ܫ̈ܥܝܢ. ܠܘܬ ܢܘܗܪܐ ܕܝܕܥܬܐ ܕܐܠܗܐ ܕܡܢܗ ܐܫܬܠܡܼܬ ܕܗܼܢܝܢ ܟܕ ܗܟܢܐ ܒܥܝ̈ܢܝܢ ܡܬܚܙܝܢ݀ ܡܣܬܒܼܪ ܠܝ ܕܣܗܕܘܬܐ ܕܠܐ ܦܘܠܓ ܕܕܢܚܗ ܐܠܗܝܐ ܕܦܪܘܩܢ݀ ܡܩܝܡܢ ܀ ܙ. ܨܿܒܐ ܐܢܬ ܕܝܢ ܕܐܦ ܡܠܬܐܕ ܬܠܬ ܬܫܡܥ ܕܒܪܬ ܩܠܐ ܐܠܗܝܬܐ ܕܩܕܡܼܬ ܐܡܼܪܬ. ܕܬܠܡܝܕ̈ܘܗܝ ܒܟܘܠܗ ܥܠܡܐ ܢܕܢܚܘܢ ܫܡܥ ܘܐܦ ܗܕܐ݀ ܐܝܬܝܗ ܕܝܢ ܒܗܢܐ ܐܣܟܡܐ ܐܢܬܘܢ ܐܢܘܢ ܢܘܗܪܗ ܕܥܠܡܐ݀ ܘܠܐ ܡܫܟܚܐ ܡܕܝܢܬܐ ܕܥܠ ܛܘܪܐ ܒܢܝܐ ܕܬܛܫܐ. ܘܠܐ ܡܢܗܪܝܢ ܫܪܓܐ ܘܣܝܡܝܢ ܠܗ ܬܚܝܬ ܣܐܬܐ ܐܠܐ ܥܠ ܡܢܪܬܐ. ܘܡܢܗܪ ܠܟܠ ܕܐܝܬ ܒܒܝܬܐ. ܗܟܢܐ ܢܢܗܪ ܢܘܗܪܟܘܢ ܩܕܡ ܒܢ̈ܝ ܐܢܫܐ ܕܢܚܙܘܢ ܥܒܕ̈ܝܟܘܢ ܛܒ̈ܐ ܘܢܫܒܚܘܢ ܠܐܒܘܟܘܢ ܕܒܫܡܝܐ ܬܘܒ ܗܪܟܐ ܠܗܿܢܘܢ ܨܝܕ̈ܐ݀ ܠܗܿܢܘܢ ܕܡܢ ܐܪܥܐ ܕܓܠܝܠܐ ܢܦܩܘ݀ ܓܘܢܝܐ ܕܝܢ ܐܝܬܝܗܿ ܕܗܟܢܐ ܡܬܩܪܝܐ ܕܝܗܘܕ ܕܥܠ ܚܨܐ ܕܝܡܐ ܣܝܡܐ. ܕܥܠܝܗܿ ܐܦ ܡܢ ܢܒ̈ܝܐ ܐܫܥܝܐ ܐܟܚܕܐ ܟܕ ܡܘܕܥ ܥܠ ܟܣܝܘܬܗܿ ܕܐܪܥܐ. ܘܐܟܚܕܐ ܐܦ ܥܠ ܕܢܚܗ ܕܦܪܘܩܢ ܕܬܡܢ ܡܣܒܪ ܗܘܐ ܘܩܥܼܐ ܓܠܝܠܐ ܕܥܡ̈ܡܐ ܥܡܐ ܕܝܿܬܒ ܒܚܫܘܟܐ ܚܼܙܘ ܢܘܗܪܐ ܪܒܐ݀ ܠܗܿܢܘܢ ܗܟܝܠ ܕܡܢ ܗܪܟܐ ܢܦܼܩܘ ܐܢܫܐ ܒܨܝܪ̈ܐ ܘܬܚܘ̈ܒܐ ܘܗܕ̈ܝܘܛܐ ܒܡܠܿܬܗܘܢ ܘܡܣܟܢܐ ܒܥܘܡܪܗܘܢ. ܠܗܘܢ ܠܗܿܢܘܢ ܨܝܕ̈ܐܐܡܼܪ. ܕܢܗܘܘܢ ܢܘܗܪܗ ܕܥܠܡܐ ܘܒܥܒܕܗ ܫܪܪܗ ܠܗܢܐ ܫܘܕܝܐ. ܕܗܿܘ ܗܘ ܫܡܥܘܢ ܕܐܬܩܼܪܝ ܟܐܦܐ ܕܡܢ ܟܦܪܢܚܘܡ ܕܐܝܬܝܗܿ ܩܪܝܬܐ ܕܓܠܝܠܐ ܢܦܘܩ ܘܢܢܗܪ ܪ̈ܒܘܬܐ ܕܢܦܫ̈ܬܐ ܕܒܢ̈ܝ ܐܢܫܐ ܒܢܘܗܪܐ ܕܝܕܥܬܐ ܕܐܠܗܐ ܘܢܬܝܕܥ ܒܟܠܗܿ ܒܪܝܬܐ ܥܕܡܐ ܠܐܬܪ̈ܘܬܐ ܕܡܥܪܒܐ. ܘܢܗܘܐ ܕܘܟܪܢܗ ܥܕܡܐ ܠܗܫܐ ܠܘܬܗܘܢ ܕܪ̈ܗܘܡܝܐ ܝܬܝܪ ܡܢ ܗܿܢܘܢ ܕܡܢ ܩܕܝܡ ܗܘܘ. ܐܝܟܐܢ ܕܐܦ ܠܒܝܬ ܩܒܘܪܐ ܫܒܝܚܐ ܩܕܡܝܗܿ ܕܡܕܝܢܬܐ ܢܫܘܐ ܘܢܪܗܛܘܢ ܠܗ ܐܝܟ ܕܠܢܘܣܐ ܪܒܐ ܘܗܝܟܠܐ ܕܐܠܗܐ ܪ̈ܒܘܬܐ ܕܟܢܫ̈ܐ ܕܡܿܠܟܘܬܐ ܕܪ̈ܗܘܡܝܐ ܐܝܟܢܐ ܠܐ ܫܪܪܐ ܡܣܗܕܐ ܠܗܿܘ ܕܐܡܼܪ ܠܬܠܡܝܕ̈ܘܗܝ ܕܐܢܬܘܢ ܐܢܘܢ 133 ܢܘܗܪܗ ܕܥܠܐܡ ܗܟܢܐ ܕܝܢ ܬܘܒ ܐܦ ܕܝܘܚܢܢ ܒܪ ܙܒܕܝ ܗܘ ܕܒܨܝܕܘܬܐ ܥܡ ܐܒܘܗܝ ܘܐܚܘ̈ܗܝ ܟܕ ܡܬܩܢ ܡܨܝܕܬܐ ܚܙܝܼܗܝ. ܘܠܗ ܠܩܪܝܢܐ ܘܠܫܘܕܝܐ ܐܫܘܝܼܗ݀ ܒܟܠܗܿ ܒܪܝܬܐ ܕܢܚܼ ܫܡܗ݀ ܘܡ̈ܠܘܗܝ ܠܢܦܫ̈ܬܐ ܕܒܢ̈ܝ ܐܢܫܐ ܡܢܗܪܝܢ ܒܝܕ ܡܟܬܒܢܘܬܐ ܕܐܘܢܓܠܝܘܢ ܕܐܫܬܠܡ ܡܢܗ. ܕܠܟܠ ܠܫ̈ܢܝܢ ܕܝܘ̈ܢܝܐ ܘܕܒܪܒܪܝܐ ܐܬܬܪܓܼܡ ܘܠܡܫܡܥܬܐ ܕܟܠܗܘܢ ܥܡ̈ܡܐ ܒܟܠ ܝܘܡ̈ܝܢ ܡܬܟܼܪܙ݀ ܘܝܬܝܪܐܝܬ ܘܐܦ ܒܝܬ ܩܒܘܪܐ ܕܡܘܬܗ ܕܗܢܐ ܒܐܦܣܘܣ ܕܐܣܝܐ ܫܒܝܚܐܝܬ ܡܝܩܪ ܘܥܘܗܕܢܐ ܕܢܘܗܪܐ ܕܡܝܬܪܘܬܗ ܕܠܐ ܢܬܛܥܐ ܠܥܠܡ ܡܚܿܘܐ. ܗܟܢܐ ܐܦ ܕܦܘܠܘܣ ܫܠܝܚܐ ܕܡܝܐܝܬ ܟܬܒ̈ܘܗܝ ܒܟܠܗܿ ܒܪܝܬܐ ܡܬܟܪܙܝܢ ܘܡܢܗܪܝܢ ܠܢܦ̈ܫܬܐ ܕܒܢ̈ܝ ܐܢܫܐ ܐܦ ܡܘܕܝܢܘܬܐ ܕܡܘܬܗ ܘܒܝܬ ܩܒܘܪܐ ܕܥܠܘܗܝ ܡܝܬܪܐܝܬ ܘܪ̈ܘܪܒܐܝܬ ܒܪܗܘܡܐ ܡܕܝܢܬܐ ܥܕܡܐ ܠܗܫܐ ܡܫܬܒܚ݀ ܘܡܢܐ ܡܬܒܥܐ ܕܢܐܡܪ ܕܐܦ ܗܿܘ ܕܘܒܪ ܕܒܟܠܗܿ ܒܪܝܬܐ ܒܐܝ̈ܕܗܘܢ ܕܝܠܗܘܢ ܕܬܠܡܝܕ̈ܘܗܝ ܕܦܪܘܩܢ ܐܬܩܿܝܼܡ. ܒܕܡܘܬ ܚܙܬܐ ܕܢܝܫܐ ܕܙܟܪܘܬܐ ܡܕܝܢܬܐ ܡܫܡܗܬܐ ܕܒܟܣܝܐ ܡܕܡ ܠܝܬ ܒܗܿ. ܐܠܐ ܒܡܨܥܬܐ ܕܟܠܗܝܢ ܡܕ̈ܝܢܬܐ ܐܚܝܼܕ ܢܩܦܐܝܬ ܐܝܟ ܒܪܬ ܩܠܗ ܕܦܪܘܩܢ. ܕܡܝܐ ܠܡܕܝܢܬܐ ܕܠܥܠ ܡܢ ܛܘܪܐ ܣܝܡܐ ܘܗܼܝ ܡܠܬܐ ܗܝ ܕܥܠ ܪܒܗܘܢ ܐܟܼܪܙܘ. ܠܐ ܗܘܐ ܐܝܟ ܕܬܚܝܬ ܣܐܬܐ ܐܬܚܦܝܼܬ ܘܠܛܘܥܝܝ ܘܠܚܫܘܟܐ ܐܫܬܠܡܼܬ݀ ܐܠܐ ܐܝܟ ܕܥܠ ܡܢܪܬܐ ܪܡܬܐ ܠܥܠ ܘܒܪܘܡܐ ܠܥܠܝܘܬܐ ܐܬܪܝܡܼܬ݀ ܘܐܕܢܚܼܬ ܠܟܠܗܘܢ ܕܒܗ ܒܒܝܬܐ ܕܒܟܠܗ ܥܠܡܐ ܘܐܝܬܝܗܿ ܕܝܢ ܝܕܥܬܐ݀ ܡܩܕܡܬܐ ܘܢܒܝܘܬܐ ܘܠܐ ܗܘܐ ܡܦܩܕܢܝܬܐ ܒܠܚܘܕ ܐܠܐ ܐܦ ܡܒܕܩܢܝܬܐ ܕܡܕܡ ܕܥܬܝܕ ܗܕܐ ܕܢܢܗܪ ܢܘܗܪܟܘܢ ܩܕܡ ܒܢ̈ܝ ܐܢܫܐ ܢܘܗܪܐ ܕܝܢ ܠܟܠܗܘܢ ܡܠܝܐܝܬ ܫܡܗ. ܕܐܡܼܪ ܕܐܢܬܘܢ ܐܢܘܢ ܢܘܗܪܗ ܕܥܠܡܐ ܘܠܐ ܗܘܐ ܢܘܗܪ̈ܐ ܣܓܝ̈ܐܐ݀ ܐܠܐ ܐܟܚܕܐ ܟܠܗܘܢ ܚܕ ܢܘܗܪܐ. ܐܝܟܢܐ ܕܡܢ ܫܘܝܘܬܐ ܐܟܚܕܐ ܕܟܠܗܘܢ ܕܢܚܐ ܠܟܠܗ ܥܠܡܐ ܗܘܐ. ܕܝܠܗ ܗܘܬ ܓܝܪ ܒܠܚܘܕ ܕܢܐܡܪ ܕܐܢܐ ܐܢܐ ܢܘܗܪܗ ܕܥܠܡܐ. ܘܥܠܘܗܝ ܫܪܝܪܐܝܬ ܐܬܐܡܼܪܬ ܕܐܝܬܘܗܝ ܗܘܐܢܘܗܪܐ ܕܐܬܼܐ ܠܥܠܡܐ ܕܡܢܗܪ ܠܟܠ݀ ܐܢܫ݀ ܐܠܐ ܟܕ ܗܠܝܢ ܗܟܢܐ ܐܬܐܡܼܪ. ܘܐܫܬ݀ܠܡ ܚܙܝ ܐܝܟܢܐ ܐܦ ܗܢܝܢ ܬܘܒ ܐܡܼܪ ܠܬܠܡܝܕ̈ܘܗܝ ܘܦܪܫ ܕܡܕܡ ܕܐܡܪܢܐ ܠܟܘܢ ܒܚܫܘܟܐ ܐܡܼܪܘ ܐܢܬܘܢ 134 ܒܢܗܝܪܐ ܘܡܕܡ ܕܫܡܥܝܢ ܐܢܬܘܢ ܒܐܕ̈ܢܝܟܘܢ ܐܟܼܪܙܘ ܥܠ ܐܓܪ̈ܐ. ܘܠܐ ܬܕܚܠܘܢ ܡܢ ܗܠܝܢ ܕܩܛܠܝܢ ܦܓܪܐ. ܘܢܦܫܐ ܠܐ ܡܫܟܚܼܝܢ ܕܢܩܛܠܘܢܿ ܕܚܠܘ ܕܝܢ ܝܬܝܪܐܝܬ ܡܢ ܗܿܘ ܕܡܫܟܚ ܕܐܦ ܢܦܫܐ ܘܐܦ ܦܓܪܐ ܢܘܒܕ ܒܓܗܢܐ ܘܐܦ ܒܝܕ ܗܿܢܝܢ ܒܫܘܪܝܗܘܢ ܕܝܠܗܘܢ ܕܬܠܡܝܕ̈ܘܗܝ݀ ܟܕ ܠܐ ܝܕܥܝܢ ܗܘܘ ܠܗܝܢ ܠܨܒ̈ܘܬܐ݀ ܘܐܝܟ ܗܿܘ ܕܒܚܘܫܟܐ ܐܝܬܝܗܘܢ ܗܘܐ ܝܕܥܬܐ ܕܢܘܗܪܐ ܐܫܬܘܕܝ݀ ܘܠܗܿܢܘܢ ܕܟܣܝܐܝܬ ܘܒܚܫܘܟܐ ܟܕ ܠܐ ܡܬܚܙܐ ܫܡܼܥܝܢ ܗܘܘ ܦܘܩܕ̈ܢܘܗܝ ܕܓܠܝܐܝܬ ܢܟܪܙܘܢܝܗܝ ܠܘܬ ܟܠ ܐܢܫܐ ܐܬܢܒܼܝ. ܘܐܪܬܼܝ ܐܢܘܢ ܕܠܐ ܢܒܗܬܘܢ݀ ܐܠܐ ܐܘܠܨܢܐ ܒܟܘܠܗܿ ܢܦܫܗܘܢ ܢܣܝܪܘܢܿ ܘܢܟܪܙܘܢܝܗܝ ܠܡܫܡܥܬܐ ܕܟܠ ܐܢܫ ܘܠܐ ܢܬܩܢܼ̰ܘܢ ܡܢ ܗܿܢܘܢ ܕܠܓܪܐ ܡܝܘܬܐ ܩ݀ܛܠܝܢ ܢܦܫܐ ܓܝܪ ܠܐ ܡܬܩܛܠܐ ܡܢ ܒܢ̈ܝ ܐܢܫܐ. ܡܛܠ ܕܕܠܐ ܓܫܘܡ ܗܝ. ܘܠܐ ܡܝܬܐ ܒܠܚܘܕ ܓܝܪ ܐܠܗܐ ܗܘ ܡܫܟܚ ܕܐܟܚܕܐ ܠܦܓܪܐ ܘܠܢܦܫܐ ܢܩܛܘܠ݀ ܘܢܣܝܡ ܒܪܫܐ. ܬܬܢܛܪ ܕܝܢ ܕܒܝܕ ܗܠܝܢ ܕܢܦܫܐ ܕܕܠܐ ܓܫܘܡ݀ ܗܝ ܐܠܦ݀ ܘܬܓܡܐ ܕܦܝܠܘܣܦܘܬܐ ܒܙܥܘܪ̈ܝܬܐ ܐܩܝܡ. ܕܠܬܡܠܝܕ̈ܘܗܝ ܒܫܘܪܝܐ ܐܡܪ ܕܢܥܒܕ ܐܢܘܢ ܨܝܕ̈ܐ ܕܒܢ̈ܝ ܐܢܫܐ. ܘܒܚܪܬܐ ܓܝܠܐܝܬ ܕܡܢ ܕܘܟܬܗ. ܢܬܠܡܕܘܢ ܠܟܠܗܘܢ ܥܡ̈ܡܐ. ܥܡ ܚܝܠܐ ܕܝܠܗ ܐܬܢܒܝ. ܡܢ ܐܘܓܠܝܘܢ ܕܡܬܝ ܀ ܚ. ܡܢ ܒܬܪ ܩܝܡܬܗ ܕܡܢ ܒܪܝܬ ܡܝ̈ܬܐ ܟܘܠܗܘܢ ܐܟܝܚܕܐ ܕܐܬܦܩܕ ܠܗܘܢ ܐܙܠܼܘ ܠܓܝܠܐ ܐܝܟܐ ܕܐܡܪ ܠܗܘܢ . ܘܟܕ ܚܙܼܐܘܗܝ ܡܢܗܘܢ ܣܓܕܘ ܠܗ ܘܡܢܗܘܢ ܐܬܦܠܓܼܘ݀ ܗܼܘ ܕܝܢ ܩܪܒ ܨܐܕܝܗܘܢ ܘܡܠܠ ܥܡܗܘܢ ܐܡܼܪ ܐܬܝܼܗܒ ܠܝ ܡܢ ܐܒܝ ܟܘܠ ܫܘܠܛܢ ܕܒܫܡܝܐ ܘܒܐܪܥܐ. ܙܠܘ ܘܬܠܡܼܕܘ ܠܟܠܗܘܢ ܥܡ̈ܡܐ. ܘܐܥܡܕܘ ܐܢܘܢ ܒܫܡ ܐܒܐ ܘܒܪܐ ܘܪܘܚܐ ܕܩܘܕܫܐ. ܘܐܠܼܦܘ ܐܢܘܢ ܕܢܛܪܘ ܟܘܠ ܡܐ ܕܦܩܼܕܬܟܘܢ ܘܗܐ ܐܢܐ ܥܡܟܘܢ ܐܢܐ ܟܠܗܘܢ ܝܘܡ̈ܬܐ ܥܕܡܐ ܠܫܘܠܡܗ ܕܥܠܡܐ. ܚܙܝ ܕܝܢ ܒܗܿܢܝܢ ܗܘ ܚܘܫܒܗܘܢ ܕܬܠܡܝܕ̈ܘܗܝ ܘܙܗܝܪܘܬܐ ܕܪܥܝܢܗܘܢ ܕܠܐ ܗܘܐ ܟܠܗܘܢ ܣܓܼܕܘ ܠܗ. ܟܕ ܚܙܘܘܗܝ ܐܠܐ ܡܢܗܘܢ ܡܗܝܡܢܐܝܬ ܘܚܒܝܒܐܝܬ ܗܕܐ ܣܥܼܪܘ. ܘܡܢܗܘܢ ܕܗܫܐ ܟܠܼܘ݀ ܕܠܐ ܕܠܝܠܐܝܬ ܘܠܐ ܡܣܪܗܒܐܝܬ ܢܫܠܡܘܢ ܠܗܕܐ ܬܕܡܘܪܬܐ ܥܡ ܒܩܝܐ ܕܝܢ ܣܓܝܐܐ ܘܥܡ ܟܠܗܿ 135 ܙܗܝܪܘܬܐ݀ ܟܢ ܠܚܪܬܐ ܐܦ ܗܼܢܘܢ ܐܬܛܦܝܣܘ ܘܢܦܩܘ ܠܘܬ ܟܠܗܘܢ ܒܢ̈ܝ ܐܢܫܐ. ܗܼܢܘܢ ܗܼܘܘ ܟܪ̈ܘܙܐ ܕܩܝܡܬܗ ܡܛܠ ܕܝܢ ܕܒܡܟܬܒܢܘܬܐ ܕܢܒ̈ܝܐ ܒܦܪܨܘܦܐ ܕܝܠܗ ܐܡܝܪܐ ܗܘܬ. ܒܢܒܝܘܬܐ ܕܫܼܐܠ ܡܢܝ ܘܐܬܠ ܠܟ ܥܡ̈ܡܐ ܠܝܪܬܘܬܟ. ܘܐܘܚܕ̈ܢܝܟ ܥܒܪܝܗܿ ܕܐܪܥܐ. ܐܝܟܢܐ ܕܣܗܕܘܬܐ ܕܢܒܝܘܬܐ ܒܥܒܕܐ ܗܫܐ ܐܫܠܬܡܼܬ. ܐܡܼܪ ܠܬܠܡܝܕ̈ܘܗܝ ܕܐܬܝܗܼܒ ܠܝ ܟܘܠ ܫܘܠܛܢ ܐܝܟ ܕܒܫܡܝܐ ܐܦ ܕܒܐܪܥܐ. ܕܗܠܝܢ ܓܝܪ ܕܒܫܡܝܐ ܕܡܢ ܥܠܡ ܐܚܝܕ ܗܘܐ. ܡܠܟܘܬܗܝܢ. ܘܕܗܿܢܝܢ ܕܢ ܕܒܐܪܥܐ ܕܗܫܐ ܐܬܝܗܼܒ ܠܗ ܐܡܼܪ ܡܢ ܐܒܘܗܝ ܢܩܦܐܝܬ. ܐܝܟ ܗܿ ܕܫܼܐܠ ܡܢܝ ܘܐܬܠ ܠܟ ܥܡ̈ܡܐ ܠܝܪܬܘܬܟ݀ ܡܢ ܩܕܝܡ ܓܝܪ ܐܝܟ ܕܡܣܗܕ ܡܘܫܐ. ܟܕ ܡܦܠܓ ܡܪܝܡܐ ܥܡ̈ܡܐ݀ ܐܩܝܡ ܬܚܘܡܐ ܕܥܡ̈ܡܐ ܠܡܢܝܢܐ ܕܡ̈ܠܐܟܐ ܕܐܝܬܝܗܘܢ ܗܘܘ ܡ̈ܠܐܟܐ ܕܐܠܗܐ ܫ̈ܠܝܛܐ ܒܟܠ ܕܒܐܪܥܐ ܡܢ ܩܕܝܡ. ܟܕ ܕܝܢ ܐܬܗܦܟܼܬ ܐܢܫܘܬܐ ܥܠ ܛܥܝܘܬܐ ܕܐܠܗ̈ܐ ܣܓ̈ܝܐܐ ܘܡ̈ܠܐܟܐ ܗܿܢܘܢ ܕܫܠܝܛܝܢ ܡܢܕܡ ܕܢܥܕܪܘܢ ܥܠ ܗܕܐ ܠܐ ܐܫܟܼܚܘ. ܗܼܘ ܡܟܝܠ ܦܪܘܩܐ ܕܓܘܐ ܕܟܘܠ ܒܝܕ ܕܢܚܗ ܐܠܗܝܐ ܡܢ ܒܬܪ ܙܟܘܬܐ ܕܠܘܩܒܠ ܡܘܬܐ ܡܠܦ݀ ܕܠܐ ܬܘܒ ܠܡ̈ܠܐܟܐ݀ ܐܠܐ ܠܗ ܡܢ ܐܒܘܗܝ ܫܘܠܛܢܐ ܕܥܡ̈ܡܐ. ܕܥܠ ܐܪܥܐ ܐܬܝܼܗܒ ܕܡܛܠ ܗܕܐ ܠܬܠܡܝܕ̈ܘܗܝ ܠܐ ܡܢ ܩܕܝܡ ܐܠܐ. ܗܫܐ ܦܩܕ ܕܢܬܟܪܟܘܢ ܘܢܬܠܡܕܘܢ ܠܟܠܗܘܢ ܥܡ̈ܡܐ ܐܠܨܐܝܬ ܕܝܢ ܐܘܣܦ ܐܦ ܐܪܙܐ ܕܬܕܟܝܬܐ ܘܠܐ ܗܘܐ ܓܝܪ ܠܗܿܢܘܢ ܕܡܢ ܥܡ̈ܡܐ ܡܬܦܢܝܢ݀ ܕܡܢ ܟܘܠܗܿ ܛܡܐܘܬܐ ܘܛܢܦܘܬܐ ܒܝܕ ܚܝܠܗ ܢܬܕܟܘܢܿ ܡܛܠ ܕܡܨܝܐܝܢ ܗܘܘ ܒܛܥܝܘܬܐ ܕܕ̈ܝܘܐ ܘܒܣܓܕܬܐ ܕܦܬܟܪ̈ܐ ܘܒܢܛܢܦܘܐ ܕܟܘܠ ܙܢ̈ܝܢ ܐܚܝܕܝܢ ܗܘܘ݀ ܘܗܫܐ ܩܘܕܡܐ ܡܢ ܥܘܡܪܐ ܨܚܢܐ ܘܕܠܐ ܢܡܘܣ ܐܫܬܚܠܦܘ݀ ܘܠܗܘܢ ܠܗܿܢܘܢ ܕܢܠܦܘܢ ܐܪܬܝ. ܡܢ ܒܬܪ ܬܕܟܝܬܐ ܗܿܝ ܕܒܝܕ ܐܪܙܐ ܕܝܘܠܦܢܗ݀ ܠܐ ܗܘܐ ܗܿܢܝܢ ܦܘܩܕ̈ܢܐ ܕܝܗܘܕ̈ܝܐ ܘܠܐ ܢܡܘܣܐ ܕܡܘܫܐ ܐܠܐ ܟܠܗܝܢ ܗܠܝܢ ܕܗܼܘܦܩܕ ܐܢܘܢ ܕܢܛܪܘܢ ܘܗܼܢܝܢ ܐܝܬܝܗܝܢ ܗܿܢܝܢ ܕܫܘܝܐܝܬ ܟܘܠܗܘܢ ܐܬܟܪܟܼܘ ܒܟܠܗܘܢ ܥܡ̈ܡܐ ܟܘܠܗܘܢ ܬܠܡܝܕ̈ܘܗܝ݀ ܘܠܟܠܗܝܢ ܥܕ̈ܬܐ ܕܒܟܠܗܿ ܒܪܝܬܐ ܐܫܼܠܡ. ܐܠܨܐܝܬ ܕܝܢ ܡܪܓܪܓ ܗܘܐ ܠܗܘܢ. ܘܥܒܕ ܠܗܘܢ ܕܕܠܝܠܐܝܬ ܢܬܬܟܠܘܢ ܕܢܬܟܪܟܘܢ ܒܟܠܗܘܢ ܥܡ̈ܡܐ ܘܢܬܠܡܕܘܢ ܟܠܗܘܢ ܓܢܣ̈ܐ ܕܒܢ̈ܝ ܐܢܫܐ ܒܝܕ ܗܿܘ ܫܘܕܝܐ ܕܡܠܟ ܠܗܘܢ ܕܐܡܿܪ ܕܗܐ ܐܢܐ 136 ܥܡܟܘܢ ܐܢܐ. ܥܠ ܗܕܐ ܓܝܪ ܡܠܬܐ ܕܫܘܕܝܐ ܥܒܿܕܐ ܐܘܣܦ ܘܒܚܝܠܐ ܐܠܗܝܐ ܥܡ ܚܕ ܚܕ ܡܢܗܘܢ ܐܝܬܘܗܝ ܗܘܐ ܘܥܡ ܟܠܘܢ ܐܟܚܕܐ ܩܪܝܒ ܗܘܐ. ܘܣܥܼܪ ܥܡܗܘܢ ܘܥܒܼܕ ܘܫܪܪܗܿ ܠܙܟܘܬܐ ܕܡ̈ܠܦܢܐ ܕܟܠܗܘܢ ܥܡ̈ܡܐ ܕܕܚܠܬ ܐܠܗܐ. ܕܡܢܗ ܐܫܬܠܡܼܬ ܥܒܼܕ ܐܢܘܢ. ܥܠ ܗܢܐ ܗܟܝܠ ܫܘܕܝܐ ܐܬܬܟܠܘ. ܘܡ̈ܠܘܗܝ ܒܥܒܿܕܐ ܡܠܘ ܡܢ ܕܘܟܬܗ. ܘܠܐ ܡܕܡ ܒܝܢܘ. ܘܥܡ ܟܘܠܗ ܥܬܝܕܘܬܐ ܢܦܩܼܘ݀ ܠܬܘܠܡܕܐ ܕܟܘܠܗܘܢ ܥܡ̈ܡܐ ܕܒܗ ܒܥܒܿܕܐ ܩܒܼܠܘ ܘܒܥܝ̈ܢܝܗܘܢ ܚܼܙܘ ܕܚܝ ܠܗܿ ܕܡܢ ܩܕܡ ܩܠܝܠ ܡܝܼܬ ܗܘܐ. ܘܠܗܿܘ ܕܝܡܘ ܒܟܦܘܪܝܐ ܡܛܠ ܗܠܝܢ ܕܓܕܫ ܠܗܘܢܿ ܠܗ ܠܗܢܐ ܓܠܝܐܝܬ ܘܒܦܪܨܘܦܗ ܕܩܪܝܒ ܚܼܙܘ. ܘܐܝܟ ܕܒܥܼܝܕܐ ܡܠܠ ܥܡܗܘܢ ܘܐܫܬܘܕܝ ܠܗܘܢ ܗܠܝܢ ܕܩܼܕܡܢ ܐܡܼܪܢ. ܘܠܐ ܡܫܟܚܝܢ ܗܘܘ ܕܠܐ ܢܗܝܡܢܘܢ ܠܡܘ̈ܠܟܢܘܗܝ ܡܛܠ ܚܙܬܗ ܕܡܬܒܼܩܝܢ ܗܘܘ ܒܗܿ. ܡܐܢܐ ܗܘܬ ܠܗܘܢ ܓܝܪ ܒܗܢܐ ܦܘܩܕܢܐ ܕܩܪܝܝܘܬܐ ܘܕܗܕܝܘܛܘܬܐ ܕܡܠܐ ܒܢܦܫܗܘܢ ܝܕܥܝܢ ܗܘܘ ܕܡܛܠ ܗܕܐ ܟܒܪ ܡܫܬܼܐܠܝܢ ܗܘܘ݀ ܘܒܙܕܩܐ ܡܬܚܫܒܼܝܢ ܗܘܘ. ܕܠܐ ܡܫܟܚܐ ܕܗܼܢܘܢ ܕܣܘܪ̈ܝܝܐ ܐܢܘܢ ܒܠܫܢܗܘܢ ܘܡܕܡ ܝܬܝܪ ܡܢ ܨܝܕܘܬܐ ܠܐ ܝܕܥܝܢ ܕܡ̈ܠܦܢܐ ܐܟܚܕܐ ܕܝܘ̈ܢܝܐ ܘܕܪ̈ܗܘܡܝܐ ܘܕܐܓܒ̈ܛܝܐ ܘܕܦܪ̈ܣܝܐ ܘܕܫܪܟܐ ܕܥܡ̈ܡܐ ܒܪ̈ܒܪܝܐ ܢܩܘܡܘܢ ܘܢܣܝܡܘܢ ܢܡܘ̈ܣܐ ܠܘܩܒܠ ܟܠܗܘܢ ܣܝ̈ܡܝ ܢܡ̈ܘܣܐ ܘܡ̈ܠܟܐ ܕܒܟܘܠܗܿ ܒܪܝܬܐ ܕܠܩܘܒܠܐ ܕܗܿܢܝܢ ܕܥܠ ܐܠܗ̈ܐ ܕܐܒܗ̈ܝܗܘܢ ܡܢ ܟܠ ܥܠ ܐܫܬ݀ܠܡ ܠܗܘܢܿ ܐܠܐ ܠܐ ܫܠܝܛ ܗܘܐ ܠܗܘܢ ܕܗܠܝܢ ܢܬܚܫܒܘܢ ܕܫܡܼܥܝܢ ܗܘܘ ܒܪܬ ܩܠܐ ܕܐܠܗܐ ܕܐܡܪܐ. ܠܗܘܢܿ ܕܗܐ ܐܢܐ ܥܡܟܘܢ ܐܢܐ ܟܘܠܗܘܢ ܝܘ̈ܡܬܐ. ܘܚܙܝܢ ܓܠܝܐܝܬ ܐܠܗܘܬܗ ܕܗܿܘ ܕܡܡܠܠ ܥܡܗܘܢ ܐܬܚܼܙܝܬ ܕܡܝܬܪܐ ܗܝ ܡܢ ܡܘܬܐ݀ ܕܡܛܠ ܗܕܐ ܐܦ ܕܚܠܬܐ ܥܠܼܬ ܗܘܬ ܥܠܝܗܘܢ ܐܠܐ ܢܫܡܥܘܢ ܕܡܢ ܗܪܟܐ ܐܘܠܨܢܐ ܒܟܘܠܗܿ ܢܦܫܗܘܢ ܣܝܒܼܪܘ. ܕܫܪܪܐ ܕܚܝ̈ܐ ܕܡܢ ܒܬܪ ܡܘܬܐ ܡܢܗ ܕܪܒܗܘܢ ܫܩܼܠܘ ܘܢܦܩܼܘ ܬܟܝܠܐܝܬ ܕܢܬܟܪܟܘܢ ܒܟܘܠܗܘܢ ܥܡ̈ܡܐ ܕܫܘܕ̈ܝܘܗܝ ܕܝܠܗ ܕܪܒܗܘܢ ܒܥܒܿܕܐ ܫܼܪܪܘ݀ ܗܼܘ ܕܝܢ ܥܠ ܡܘ̈ܠܟܢܘܗܝ ܕܠܘܬܗܘܢ ܡܠܬܐ ܝܬܝܪܬܐ ܐܘܣܼܦ ܘܝܬܝܪ ܡܢ ܟܠ ܬܡܗܝܢ ܥܕܡܐ ܠܗܫܐ ܡܚܿܘܐ ܗܕܐ ܕܐܡܼܪ ܠܗܘܢ ܕܗܐ ܐܢܐ ܥܡܟܘܢ ܐܢܐ ܟܠܗܘܢ ܝܘ̈ܡܬܐ. ܘܐܘܣܼܦ ܕܥܕܡܐ ܠܫܘܠܡܗ ܕܥܠܡܐ. ܗܝ ܕܠܐ ܗܘܐ ܒܠܚܘܕ ܥܠ 137 ܗܿܢܘܢ ܫܠܡܐ ܐܠܐ ܐܦ ܥܠ ܟܠܗܘܢ ܗܿܢܘܢ ܕܒܬܪܗܘܢ ܘܡܢܗܘܢ ܕܝܠܗܘܢ ܩܒܼܠܘ ܝܘܠܦܢܗ ܘܡܢ ܕܘܟܬܗ ܥܕܡܐ ܠܗܫܐ ܠܟܠܗܘܢ ܗܿܢܘܢ ܕܡܬܬܠܡܕܝܢ ܠܗ. ܩܪܝܒ. ܕܡܛܠ ܗܕܐ ܒܟܠ ܝܘ̈ܡܝܢ ܣܓܝܐ ܘܠܪܒܘܬܐ ܪܒܐ ܘܡܘܣܦܐ ܥܕܬܗ ܕܡܢܗ ܡܬܢܛܪܐ ܘܒܚܝܠܐ ܕܝܠܗ ܡܬܟܢܫܐ ܥܕܡܐ ܠܫܘܠܡܗ ܕܥܠܡܐ܇ ܥܠ ܡܬܦܢܝܢܘܬܐ ܕܟܠܗܘܢ ܥܡ̈ܡܐ ܕܠܘܬ ܐܠܗܐ. ܡܢ ܐܝܘܢܓܠܝܘܢ ܕܠܘܩܐ. ܛ. ܬܘܒ ܒܐܚܪܢܐ ܙܒܢܐ ܡܢ ܒܬܪ ܩܝܡܬܗ ܕܡܢ ܒܝܬ ܡܝ̈ܬܐ ܠܐܚܪ̈ܢܐ ܬܠܡܝܕ̈ܘܗܝ ܐܬܚܼܙܝ. ܘܠܗܘܢ ܟܕ ܦܠܝܓܝܢ ܥܕܟܝܠ ܘܠܐ ܡܗܝܡܢܝܢ ܠܗ݀ ܗܠܝܢ ܒܢ̈ܬ ܩ̈ܠܐ ܐܣܪܚܼ ܘܐܡܼܪ݀ ܗܠܢܝ ܐܢܝܢ ܡ̈ܠܐ ܕܡܠܠܼܬ ܥܡܟܘܢ ܟܕ ܥܕܟܝܠ ܥܡܟܘܢ ܗܘܝܬ ܕܘܿܠܐ ܕܢܫܠܡ ܟܠ ܡܕܡ ܕܟܬܝܒ ܥܠܝ ܒܢܡܘܣܐ ܕܡܘܫܐ ܘܒܢ̈ܒܝܐ ܘܒܡܙܡܘܪ̈ܐ ܗܝܕܝܢ ܦܬܚܞܼܘ ܪܥܝܢܗܘܢ ܕܢܣܬܟܠܘܢ ܟܬܒ̈ܐ. ܘܐܡܼܪ ܠܗܘܢ ܕܗܟܢܐ ܙܕܩ ܗܘܐ ܕܢܚܫ ܡܫܝܚܐ. ܘܕܢܩܘܡ ܡܢ ܒܝܬ ܡܝ̈ܬܐ ܠܬ̈ܠܬܐ ܝܘ̈ܡܝܢ ܘܢܬܼܟܪܙ ܒܫܡܗ ܬܝܒܘܬܐ ܘܫܘܒܩܢܐ ܕܚܛܗܐ ܒܟܠܗܘܢ ܥܡ̈ܡܐ ܘܫܘܪܝܐ ܡܢ ܐܘܪܫܠܡ ܘܐܢܬܘܢ ܐܢܘܢ ܣܗܕ̈ܐ ܕܗܠܝܢ. ܘܚܕܐ ܙܒܢܐܡܼܪ ܕܥܬܝܕ ܕܢܬܟܼܪܙ ܒܫܡܗ ܬܝܒܘܬܐ ܠܟܠܗܘܢ ܥܡ̈ܡܐ݀ ܐܢ ܗܘ ܥܒܿܕܐ ܠܐ ܢܩܦ ܠܗܿ ܠܡܠܬܐ. ܐܦܠܐ ܩܝܡܬܗ ܕܡܢ ܒܝܬ ܡܝ̈ܬܐ ܬܬܗܝܼܡܢ. ܐܢ ܕܝܢ ܐܦ ܥܕܡܐ ܠܗܫܐ ܗܿܢܝܢ ܕܡܠܬܐ ܡܩܕܡܬܐ ܕܝܠܗ ܒܥܒܿܕܐ ܫܪܟܢ. ܘܗܼܝ ܡܠܬܗ ܚܼܝܿܐ ܘܣܥܪܐ ܒܟܠܗ ܒܪܝܬܐ ܘܒܥܝ̈ܢܝܢ ܡܬܚܙܝܐ݀ ܡܟܝܠ ܠܐ ܘ݀ܠܐ ܕܠܗܿܘ ܕܗܕܐ ܡܠܬܐ ܐܡܼܪ ܠܐ ܢܗܝܡܢ. ܗܿܘ ܓܝܪ ܕܚܝܠܗ ܚܝܼ ܘܣܿܥܪ ܘܒܥܝ̈ܢܐ ܡܬܚܙܐ. ܥܠ ܗܢܐ ܐܠܨܐ ܣܓܝ ܩܘܕܡܐ ܕܢܘܕܐ ܕܚܝ ܗܘ. ܘܚܝ̈ܐ ܕܐܠܗܐ ܡܫܠܡ. ܗܿܘ ܕܥܒܕ̈ܘܗܝ ܚܝ̈ܐ ܡܬܚܙܝܢ ܕܫܠܡܝܢ ܠܒܢ̈ܬ ܩܠܗ. ܒܟܠܗܿ ܗܟܝܠ ܡܫܡܥܬܐ ܕܟܠܗܘܢ ܥܡ̈ܡܐ ܗܼܢܝܢ ܡ̈ܠܘܗܝ ܥܒܕ ܟܕ ܡܫܬܚܠܦܢ ܘܡܬܬܪܓܡܢ ܠܟܠ ܠܫܢ̈ܝܢ ܕܝܘܼ̈ܢܝܐ ܘܕܒܪܒܪܝܐ. ܐܝܟܢܐ ܕܝܘܠܦܢܗ ܢܗܘܐ ܫܡܝܥ ܠܟܠܗܘܢ ܥܡ̈ܡܐ ܘܠܡܬܦܢܝܢܘܬܐ ܘܠܬܝܒܘܬܐ ܢܣܩ ܪ̈ܒܘܬܐ ܕܟܢܫ̈ܐ ܕܗܢ̈ܘܢ ܕܡܢ ܩܕܝܡ ܒܛܥܝܘܬܐ ܕܐܠܗ̈ܐ ܣܓܝ̈ܐܐ ܘܕܣܓܕܬܐ ܕܦܬܟܪ̈ܐ ܥܘܠܐܝܬ ܘܒܡܕܡ ܕܠܐ ܝܐܐ ܡܬܕܒܪܝܢ ܗܘܘ. ܠܐ ܕܝܢ ܠܘܩܕܡ ܫܘܒܩܢܐ ܘܗܝܕܝܢ 138 ܬܝܒܘܬܐ ܐܠܐ ܠܘܩܕܡ ܬܝܒܘܬܐ ܘܟܢ ܫܘܒܩܢܐ ܕܢܟܪܙܘܢ ܦܩܕ ܠܗܿܢܘܢ ܓܝܪ ܕܬܝܒܘܬܐ ܕܟܝܬܐ ܕܚ̈ܛܗܐ ܩܕ̈ܡܝܐ ܚܿܘܝܼܘ ܛܝܒܘܬܗ ܕܦܪܘܩܢ ܫܘܒܩܢܐ ܕܣܘܥܪ̈ܢܝܗܘܢ ܕܝܼܗܒܬ ܠܗܘܢ ܕܡܛܠܬܗܘܢ ܘܐܦ ܡܘܬܐ ܩܒܼܠ݀ ܘܦܘܪܩܢܐ ܢܦܫܗ ܝܼܗܒ ܚܠܦ ܢܦܫ̈ܬܐ ܕܗܿܢܘܢ ܕܥܬܝܕܝܢ ܕܒܐܝܕܗ ܢܬܦܪܩܘܢܿ ܗܟܢܐ ܗܟܝܠ ܗܿܢܘܢ ܬܠܡܝܕ̈ܘܗܝ ܐܢܫܐ ܒܘܪ̈ܐ ܡܢ ܡܠܬܐ ܘܡܠܝܐܝܬ ܗܕ̈ܝܘܛܐ ܘܡܣ̈ܟܢܐ ܘܒܿܝܫ̈ܐ ܐܝܬܝܗܘܢ ܗܘܐ ܒܐܣܟܡܗܘܢ ܥܠ ܚܝܐ ܕܗܿܘ ܕܡܢ ܒܬܪ ܡܘܬܐ ܐܬܚܼܙܝ ܠܗܘܢܿ ܘܓܠܝܐܝܬ ܡܠܠ ܥܡܗܘܢ ܐܬܬܟܠܘ. ܘܡܢ ܡܕܝܢܬܐ ܐܘܪܫܠܡ ܫ݀ܪܝܘ. ܐܝܟ ܦܘܩܕ̈ܢܘܗܝ ܕܝܠܗ. ܘܠܟܠܗܘܢ ܥܡ̈ܡܐ ܢܦܩܼܘ݀ ܘܗܠܝܢ ܕܐܬܦܿܩܕܘ ܥܒܼܕܘ. ܘܡܟܪܙܝܢ ܗܘܘ ܬܝܒܘܬܐ ܠܟܠ ܐܢܫ ܘܫܘܒܩܢܐ ܕܗܿܢܘܢ ܚ̈ܛܗܐ ܩܕ̈ܡܝܐ ܕܢܦܫܐ. ܘܗܕܐ ܟܘܠܗܿ ܡܝܬܪܘܬܐ ܚܿܘܝܼܘ ܐܝܟܢܐ ܕܥܕܡܐ ܠܗܫܐ ܒܙܒܢ ܕܝܠܢ ܝܘܠܦܢܗܘܢ ܕܗܿܢܘܢ ܐܢܫܐ ܡܣ̈ܟܢܐ ܘܗܕܝܘ̈ܛܐ ܒܟܘܠܗ ܒܪܝܬܐ ܕܒܢ̈ܝ ܐܢܫܐ ܣܥܪ܀ ܕܐܝܟܢ ܣܘܥܪ̈ܢܘܗܝ ܢܗܘܘܢ ܫܡܥܝܢ݀ ܘܢܬܟܪܙܘܢ ܒܟܠܗ ܥܠܡܐ. ܡܢ ܐܘܢܓܠܝܘܢ ܕܡܬܝ. ܘܡܢ ܕܡܪܩܘܣ܀ ܝ. ܒܒܝܬ ܥܢܝܐ ܩܪܝܬܐ ܕܠܐ ܣܓܝ ܪܚܝܩܐ ܡܢ ܐܘܪܫܠܡ ܟܕ ܐܝܬܘܗܝ ܦܪܘܩܢ݀ ܘܠܘܬ ܡܢ ܕܗܼܘ ܫܡܥܘܢ ܡܙܡܢ ܗܘܐ ܘܟܕ ܣܡܝܟ ܬܡܢ ܐܢܬܬܐ ܚܕܐ ܢܣܒܬ ܫܛܝܦܬܐ ܕܦܘܪܣܡܐ ܕܝܩܝܪ̈ܝܢ ܕܡܘ̈ܗܝ ܘܐܬܬܼ ܐܫܦܥܬ ܥܠ ܪ̈ܓܠܘܗܝ ܘܬܠܡܝܕ̈ܘܗܝ ܕܝܢ ܟܿܐܝܼܢ ܗܘܘ ܒܗܿ ܘܡܬܥܼܕܠܝܢ ܗܘܘ ܒܡܕܡ ܕܗܘܐ. ܗܿܘ ܕܝܢ ܡܕܡ ܕܐܣܬܥܼܪ ܚܠܦ ܐܬ݀ܐ ܩܒܠܗ ܘܕܗܼܘ ܗܢܐ ܣܘܥܪܢܐ ܢܬܟܼܪܙ ܘܢܫܼܬܡܥ ܒܟܠܗ ܥܠܡܐ ܒܼܕܩ. ܘܐܬܢܒܼܝ ܗܟܢܐ ܘܐܡܼܪ݀ ܐܡܿܪ ܐܢܐ ܠܟܘܢ ܕܟܘܠ ܐܝܟܐ ܕܬܬܟܼܪܙ ܣܒܪܬܝ ܗܕܐ ܒܟܠܗ ܥܠܡܐ ܢܬܡܼܠܠ݀ ܘܐܦ ܡܕܡ ܕܥܒܼܕܬ ܗܕܐ ܠܕܘܟܪܢܐ ܕܝܠܗܿ. ܘܗܼܢܝܢ ܩܿܕܡ ܐܡܼܪ ܟܕ ܥܕܟܝܠ ܒܗܿܘ ܙܒܢܐ ܟܬܒܐ ܕܐܘܓܠܝܘܢ ܠܐ ܥܼܠ ܬܪܥܝܬܐ ܘܠܐ ܠܡܫܡܥܬܐ ܕܐܢܫ ܐܬܼܐ ܗܘܐ. ܘܗܿܘ ܡܕܡ ܕܐܣܬܥܼܪ ܐܝܟ ܕܕܡܝܐ݀ ܘܐܦܠܐ ܗܿܢܘܢ ܕܒܫܒܒܘܬܐ ܥܡܼܪܝܢ ܗܘܘ ܝܠܦܼܘ. ܐܠܐ ܒܠܚܘܕ ܗܿܢܘܢ ܕܐܣܬܩܒܼܠܘ. ܒܪܡ ܕܝܢ ܗܕܐ ܟܘܠܗܿ ܒܪܬ ܩܠܐ ܐܪܦܼܝ ܐܟܚܕܐ. ܘܕܢܬܟܪܙܘܢ ܐܘܢ̈ܓܠܝܐ ܕܡܬܟܬܒܝܢ ܬܠܡܝܕ̈ܘܗܝ ܒܟܘܠܗܿ ܥܠܡܐ 139 ܐܬܢܒܼܝ. ܘܥܒܕܐ ܐܘܣܦ ܥܠ ܡܠܬܐ ܐܟܚܕܐ ܘܐܡܼܪ ܕܥܡ ܗܿܢܘܢ ܠܡ ܣܘܥܪ̈ܢܘܗܝ ܕܒܐܘܢܓܠܝܘܢ ܐܦ ܡܕܡ ܕܐܣܬܥܼܪ ܡܢ ܗܕܐ ܐܢܬܬܐ ܢܬܟܬܒ ܘܢܬܡܼܠܠ ܒܟܠܗ ܥܠܡܐ ܠܕܘܟܪܢܐ ܕܝܠܗܿ݀ ܕܗܼܝ ܗܕܐ ܒܗ ܒܣܘܥܪܢܐ ܫܪܪܗ ܐܬܚܙܝ݀ ܠܝܬ ܓܝܪ ܥܡܐ ܘܠܐ ܐܬܪܐ ܘܠܐ ܕܘܟܬܐ ܕܠܗ ܒܗ ܕܘܟܪܢܗܿ ܕܗܿܝ ܐܢܬܬܐ ܡܬܡܠܠ ܕܒܐܘܢܓܠܝܘܢ ܕܥܠܘܗܝ ܐܬܟܬܼܒ݀ ܘܥܡ ܝܘܠܦܢܐ ܕܥܠܘܗܝ ܡܬܟܪܙ ܒܟܠܗ ܥܠܡܐ. ܗܿܢܝܢ ܗܟܝܠ ܥܠ ܗܕܐ ܘܥܠ ܥܕܬܗ ܕܝܢ ܫܡܥ ܡܢܐ ܐܫܬܼܘܕܝ܀ ܕܐܝܟܢܐ ܒܫܡܗ ܐܕܟܪ ܥܕܬܗ݀ ܟܕ ܥܕܟܝܠ ܠܐ ܐܝܬܝܗܿ ܗܘܬ. ܘܕܐܝܟܢܐ ܠܐ ܡܡܬܘܡ. ܙܟܝܢ ܠܗ ܬܪ̈ܥܐ ܕܡܘܬܐ ܐܡܪ ܡܢ ܐܘܢܓܠܝܘܢ ܕܡܬܝ܀ ܝܐ. ܟܕ ܫܿܐܠ ܐܢܘܢ ܒܙܒܢ ܠܬܠܡܝܕ̈ܘܗܝ ܕܡܢܐ ܐܡܪܝܢ ܥܠܘܗܝ ܒܢ̈ܝ ܐܢܫܐ݀ ܘܗܼܢܘܢ ܦܢܼܝܘ ܦܬܓܡܐ ܥܠ ܡܣܡ ܒܪܥܝܢܐ ܕܣܓ̈ܝܠܐ ܕܬܪ̈ܬܝܢ ܙܒܢ̈ܝܢ ܫܿܐܼܠ ܐܢܘܢ ܕܐܢܬܘܢ ܡܢܐ ܐܡܪܝܢ ܐܢܬܘܢ݀ ܘܟܕ ܐܡܼܪ ܠܗ ܫܡܥܘܢ ܐܢܬ ܗܘ ܡܫܝܚܐ ܒܪܗ ܕܐܠܗܐ ܚܲܝܐ ܦܢܝ ܠܗ ܦܬܓܡܐ ܘܐܡܼܪ ܛܘܒܝܟ ܫܡܥܘܢ ܒܪܗ ܕܝܘܢܢ݀ ܕܒܣܪܐ ܘܕܡܐ ܠܐ ܓܼܠܐ ܠܟ. ܐܠܐ ܐܒܝ ܕܒܫܡܝܐ. ܘܐܦ ܐܢܐ ܐܡܿܪ ܐܢܐ ܠܟ ܕܐܢܬ ܗܘ ܟܐܦܐ ܘܥܠ ܗܕܐ ܟܐܦܐ ܐܒܢܝܗܿ ܠܥܕܬܝ. ܘܡܘ̈ܟܠܐ ܕܫܝܘܠ ܠܐ ܢܚܣܢܘܢܗܿ. ܠܗܕܐ ܝܕܥܬܐ ܕܗܼܘܝܘ ܡܫܝܚ. ܒܪܗ ܕܐܠܗܐ ܚܲܝܐ. ܩܒܼܠ. ܘܟܐܦܐ ܡܛܠ ܕܠܐ ܡܨܛܪܝܐ ܘܠܐ ܡܬܙܝܥܐ ܕܡܝܐܝܬ. ܫܡܗ ܠܗܕܐ ܟܘܠܗܿ ܡܕܪܟܢܘܬܐ ܕܡܛܠ ܗܕܐ ܐܦ ܠܗ ܠܗܿܘ ܓܒܪܐ ܠܗ ܠܗܿܘ ܬܠܡܝܕܗ ܕܡܬܩܪܐ ܗܘܐ ܫܡܥܘܢ ܡܢ ܩܕܝܡ. ܟܐܦܐ ܩܪܝܼܗܝ. ܡܛܠ ܗܕܐ ܝܕܥܬܐ ܕܥܠܝܗܿ ܒܬܪܟܢ ܐܬܢܒܼܝ. ܘܐܡܼܪ ܕܥܠ ܗܕܐ ܟܐܦܐ ܐܒܢܝܗܿ ܠܥܕܬܝ ܘܡܘ̈ܟܠܐ ܕܫܝܘܠ ܠܐ ܢܚܣܢܘܢܗܿ ܘܐܬܢܼܒܝ ܐܟܚܕܐ ܡܕܡ ܕܥܬܝܕ ܘܕܗܼܘ ܢܒܢܝܗܿ ܐܫܬܘܕܝ ܘܥܒܕܐ ܠܫܘܠܡܐ ܢܝܬܐ. ܒܗܿܢܝܢ ܕܥܠ ܗܕܐ ܝܕܥܬܐ ܕܐܬܝܼܗܒܬ ܥܠܘܗܝ ܐܝܟ ܕܥܠ ܫܬܐܣܬܐ ܡܫܪܪܬܐ ܬܫܬܪܪ ܘܬܬܒܢܐ ܥܠܕܗ ܒܝܕ ܐܘܚܕܢܗ ܒܠܚܘܕ ܕܠܥܠܡ ܘܕܠܐ ܡܡܬܘܡ ܢܙܟܘܢܗܿ ܬܪ̈ܥܐ ܕܡܘܬܐ. ܗܼܘ ܫܘܠܡܐ ܝܬܝܪ ܡܢ ܟܠ ܡ̈ܠܝܢ ܚܿܘܝ. ܪ̈ܒܘܬܐ ܓܝܪ ܕܪ̈ܕܘܦܐ ܘܐܣܟ̈ܡܐ ܣܓܝ̈ܐܐ ܕܡܘܬܐ ܢܒܼܥܘ ܥܠ ܥܕܬܗ. ܘܠܐ ܡܕܡ ܐܫܟܚܼܘ ܥܠܝܗܿ. ܘܒܗܘܢ ܒܥܒܕ̈ܐ ܗܼܝ ܡܠܬܗ ܡܩܕܡܬܐ 140 ܫܪܪܗܿ ܓܠܝܐܝܬ ܒܝܕ ܫܘܠܡܐ ܚܿܘܝܼܬ. ܘܗܕܐ ܕܝܗ ܕܥܕܬܐ ܫܡܗ ܠܟܢܫܐ. ܗܿܘ ܕܥܬܝܕ ܗܘܐ ܕܥܠ ܫܡܗ ܢܬܩܝܡ. ܠܐ ܗܘܬ ܙܥܘܪܝܐ ܐܝܕܥܬܐ ܡܩܕܡܬܐ. ܟܢ̈ܫܐ ܓܝܪ ܗܿܢܘܢ ܕܝܗܘܕ̈ܝܐ ܟܢܘܫ̈ܬܐ ܡܬܩܼܪܝܢ ܗܘܘ. ܘܒܙܒܢܐ ܕܒܝܬ ܒܢ̈ܝ ܐܢܫܐ ܡܗܼܠܟ ܗܘܐ ܒܟܢܘܫܬܐ ܕܝܗܘܕ̈ܝܐ ܫܼܪܐ ܗܘܐ ܘܐܦܠܐ ܚܕܐ ܥܕܟܝܠ ܝܚܝܕܐܝܬ ܒܦܘܪܫܢܐ ܟܢܘܫܬܐ ܒܗܿܘ ܙܒܢܐ ܐܝܬ ܗܘܐ ܠܗ. ܘܡܢܘ ܕܠܐ ܢܬܕܡܪ ܕܐܝܟܢܐ ܗܿܢܝܢ ܟܢܘ̈ܫܬܐ ܕܡܢ ܒܬܪܟܢ ܒܙܒ̈ܢܐ ܪ̈ܚܝܩܐ ܐܚܪܝܬ ܥܠ ܫܡܗ ܐܬܩܝܡ ܩܿܕܡ ܝܕܥ݀ ܘܠܐ ܐܝܟ ܕܒܥܝܕܐ ܝܗܘܕܐܝܬ ܟܢܘ̈ܫܬܐ ܐܠܐ ܥܕ̈ܬܐ ܫܡܗ ܐܢܝܢ. ܘܐܘܣܦ ܕܡܘ̈ܟܠܐ ܕܫܘܝܠ ܠܐ ܢܚܣܢܘܢ ܐܢܝܢ݀ ܗܿܢܝܢ ܕܐܢܚܞܢܢ ܒܥܝ̈ܢܝܢ ܡܩܒܠܝܢ ܐܢܚܢܢ ܠܗܝܢ. ܘܠܐ ܙܕܩ ܕܒܡܠܬܐ ܡܩܕܡܬܐ ܒܠܚܘܕ ܢܬܕܡܪ ܐܠܐ ܘܐܦ ܒܫܘܕܝܗ݀ ܐܢܐ ܠܡ ܓܝܪ ܐܒܢܝܗܿ ܠܥܕܬܝ ܥܠ ܟܐܦܐ ܘܡܘ̈ܟܠܐ ܕܫܝܘܠ ܠܐ ܢܚܣܢܘܢܗ݀ ܢܕܐ ܕܐܦ ܒܥܒܕܐ ܩܪܝܒܐ ܗܝ ܕܢܚܙܝܗܿ. ܠܐ ܗܘܐ ܓܝܪ ܒܚܝܠܐ ܕܒܢ̈ܝ ܐܢܫܐ ܘܠܐ ܒܡܝܬܪܘܬܐ ܕܡܠ̈ܢܐ ܐܬܩܝܡܼܬ ܥܕܬܗ ܐܠܐ ܗܿܘ ܕܡܠܟ ܘܒܥܒܕܐ ܫܘܕܝܗ ܫܠܡ ܥܕܡܐ ܠܗܫܐ ܗܼܘ ܒܟܠܗܿ ܒܪܝܬܐ ܕܒܢ̈ܝ ܐܢܫܐ ܒܚܝܠܐ ܐܠܗܝܐ ܬܪܒܝܬܐ ܘܒܢܝܢܐ ܕܥܕܬܗ ܣܿܥܪ. ܥܠ ܦܠܓܘ̈ܬܐ ܕܒܒ̈ܬܐ ܘܒܛܘܗ̈ܡܐ. ܕܥܕܡܐ ܠܗܫܐ ܗܿܘܝܢ. ܡܛܠ ܝܘܠܦܢܗ. ܡܢ ܐܘܢܓܠܝܘܢ ܕܡܬܝ܀ ܝܒ. ܠܐ ܬܣܒܪܘܢ ܕܫܝܢܐ ܐܬ݀ܝܬ ܕܐܪܡܐ ܒܐܪܥܐ. ܠܐ ܐܬ݀ܝܬ ܕܐܪܡܢܐ ܫܝܢܐ݀ ܐܠܐ ܣܝܦܐ. ܐܬ݀ܝܬ ܓܝܪ ܕܐܦܿܠܘܓ ܓܒܪܐ ܥܠ ܐܒܘܗܝ. ܘܒܪܬܐ ܥܠ ܐܡܗܿ ܘܟܼܠܬܐ ܥܠ ܚܡܬܗܿ݀ ܘܒܥܠܕ̈ܒܒܘܗܝ ܕܓܒܪܐ ܒܢ̈ܝ ܒܝܬܗ. ܐܝܟ ܕܐܡܼܪ ܕܝܢ ܠܘܩܐ. ܣܿܒܪܝܢ ܐܢܬܘܢ ܠܡ ܕܫܝܢܐ ܐܬ݀ܝܬ ܕܐܪܡܐ ܒܐܪܥܐ. ܐܡܿܪܢܐ ܠܟܘܢ ܐܠܐ ܦܠܓܘ̈ܬܐ. ܢܗܘܘܢ ܓܝܪ ܡܢ ܗܫܐ. ܚܡ̈ܫܐ ܒܚܕ ܒܝܬܐ ܕܦܠܝܓܝܢ ܬܠ̈ܬܐ ܥܠ ܬܪ̈ܝܢ. ܘܬܪ̈ܝܢ ܥܠ ܬܠ̈ܬܐ. ܘܢܬܦܠܓ ܐܒܐ ܥܠ ܒܪܗ. ܘܒܪܐ ܥܠ ܐܒܘܗܝ. ܘܬܬܦܠܓ ܐܡܐ ܥܠ ܒܪܬܗܿ. ܘܒܪܬܐ ܥܠ ܐܡܗܿ. ܘܚܡܬܐ ܥܠ ܟܠܬܗܿ. ܘܟܠܬܐ ܥܠ ܚܡܬܗܿ. ܘܡܢܘ ܕܠܐ ܢܬܗܪ ܕܐܦܠܐ ܗܿܢܝܢ ܕܒܚܕ ܚܕ ܡܢ ܒ̈ܬܐ ܒܙ̈ܒܢܐ ܪ̈ܚܝܩܐ ܕܒܬܪܟܢ ܥܕܡܐ ܠܗܫܐ ܡܫܬܠܡܼܢ ܠܝܕܥܬܐ ܡܩܕܡܬܐ ܕܦܪܘܩܢ ܛܥܝ܆ ܐܝܟ ܗܿܘ ܓܝܪ ܕܩܪܝܒ ܠܗܝܢ ܠܨܒܘ̈ܬܐ ܘܒܝ̈ܬܒܐ ܕܟܠܗܘܢ 141 ܒܢ̈ܝ ܐܢܫܐ ܡܬܟܪܟ ܗܿܢܝܢ ܕܥܕܡܐ ܠܗܫܐ ܓܿܕܫܢ. ܠܬܠܡܝܕ̈ܘܗܝ ܩܕܡ ܗܘܐ ܐܡܼܪ. ܗܢܝܢ ܕܠܐ ܥܕܡܐ ܠܗܫܐ ܐܝܬܝܗܝܢ ܗܘܐ ܘܠܐ ܗܘܼܝ ܒܗܿܘ ܙܒܢܐ ܕܗܠܝܢ ܒܢ̈ܬ ܩ̈ܠܐ ܐܡܼܪ. ܐܦ ܠܐ ܓܝܪ ܥܕܟܝܠ ܗܼܘܘ ܗܘܘ ܥܒܕ̈ܐ ܗܝܕܝܢ. ܟܕ ܗܠܝܢ ܒܡܫܡܥܬܐ ܒܠܚܘܕ ܡܫܬܡܼܥܢ ܗܘܝ. ܗܫܐ ܕܝܢ ܕܒܝܕ ܥܒܕ̈ܐ ܠܫܘܠܡܐ ܡܠܬܐ ܡܩܕܡܬܐ ܐܬܼܬ. ܘܒܥܝ̈ܢܐ ܡܬܚܙܝܐ ܐܝܟܢܐ ܠܐ ܕܒܢ̈ܬ ܩ̈ܠܐ ܐܢܝܢ ܕܐܠܗܐ ܒܫܪܪܐ ܗܠܝܢ ܢܘܕܐ. ܟܠ ܡܢ ܕܡܥܬܕ ܕܢܬܪܥܐ ܘܠܝ̈ܬܐ. ܬܘܒ ܕܝܢ ܐܦ ܒܗܿܢܝܢ݀ ܐܢܐ ܠܡ ܐܬ݀ܝܬ ܕܐܦܠܘܓ ܘܐܪܡܐ ܣܝܦܐ. ܘܦܠܓܘ̈ܬܐ ܒܒܢ̈ܝ ܐܢܫܐ. ܕܒܗܕܐ ܐܦ ܒܗܝܢ ܒܥܝ̈ܢܝܢ ܚܙܝܢ ܐܢܚܢܢ݀ ܕܐܦܐ ܚܕܐ ܡܠܬܐ ܕܒܢ̈ܝ ܐܢܫܐ݀ ܠܐ ܕܦܝܠܘܣ̈ܦܐ ܘܠܐ ܕܢܒ̈ܝܐ ܘܠܐ ܕܝܘ̈ܢܝܐ ܘܠܐ ܕܒܪܒܪ̈ܝܐ ܐܝܟ ܗܢܐ ܚܝܠܐ ܡܡܬܘܡ ܚܿܘܝ. ܐܝܟܢܐ ܕܠܟܠܗܿ ܒܪܝܬܐ ܢܐܚܘܕ. ܘܠܟܠܗܘܢ ܒ̈ܬܐ ܢܬܦܠܓ ܘܢܒܪ ܘܢܦܪܫ ܒܟܠܗܘܢ ܓܢܣ̈ܐ ܒܟܘ̈ܠܗܝܢ ܫܪ̈ܒܬܐ. ܐܝܟܐܢ ܕܡܢܗܘܢ ܗܠܝܢ ܕܝܠܗ ܢܬܚܫܒܘܢ݀ ܘܡܢܗܘܢ ܕܠܩܘܒܠܐ ܕܗܠܝܢ ܢܗܘܘܢܿ ܘܒܠܚܘܕܘܗܝ ܗܘ ܦܪܘܩܢ ܕܝܠܢ ܘܗܼܝ ܡܠܬܗ ܕܐܠܗܐ ܕܗܕܐ ܢܣܥܘܪ ܐܫܬܘܼܕܝ ܘܒܗܘܢ ܒܥܒܕ̈ܐ ܫܪܪܗ ܠܫܘܕܝܐ. ܥܠܬܐ ܕܝܢ ܕܦܠܓܘ̈ܬܐ ܕܢܦܫ̈ܬܐ ܕܗܘܿܝܐ ܒܒ̈ܬܐ ܗܘ ܐܠܦ ܐܝܟܐܢ ܕܒܕܘܟܐ ܐܫܟܼܚܢ ܒܐܘܢܓܠܝܘܢ ܕܒܝܬ ܝܗܘ̈ܕܝܐ ܐܝܬܘܗܝ ܒܒܪܬ ܩܠܐ ܥܒܪܝܬܐ ܕܒܗ ܐܡܝܪ ܕܐܓܒܐ ܠܝ ܗܿܢܝܢ ܫܦܝܪ̈ܐ. ܫܦܝܪ̈ܐ ܗܿܢܘܢ ܕܝܼܗܒ ܠܝ ܐܒܝ ܕܒܫܡܝܐ. ܘܡܫܟܚܐ ܕܒܗܿ ܒܗܕܐ ܐܢܫ ܢܐܠܦ݀ ܕܐܝܟܐ ܒܟܠ ܒ̈ܬܝܢ ܕܒܗܘܢ ܡܠܬܗ ܕܝܫܘܥ ܙܟܼܬ. ܡܝܬܪ̈ܐ ܡܢ ܒܨܝܪ̈ܐ ܦܪܫܘ. ܐܢ ܗܟܝܠ ܐܢܫ ܢܦܚܡ ܒܝܬ ܐܚ̈ܐ. ܐܘ ܒܝܬ ܥܒܕ̈ܐ ܘܒܟܠܗܝܢ ܫܪ̈ܒܬܐ ܥܝܕ̈ܐ ܘܐܣܟ̈ܡܐ ܘܥܘܡܪ̈ܐ ܘܢܟܦܘܬܐ ܘܡܟܝܟܘܬܐ ܕܗܿܢܘܢ ܕܝܘܠܦܢܗ ܕܦܪܘܩܢ ܓܒܼܘ. ܗܿܢܘ ܕܝܢ ܕܗܿܢܘܢ ܕܐܬܓܒܼܝܘ ܡܢܗ݀ ܘܕܗܿܢܘܢ ܕܠܐ ܥܕܟܝܠ ܫܼܘܘ ܠܗ. ܝܕܥ ܒܐܝܢܐ ܚܝܠܐ ܐܬܚܫܼܚ݀ ܘܠܕܐ ܒܠܚܘܕ ܕܩܿܕܡ ܐܡܼܪ. ܡܕܡ ܕܥܬܝܕ ܐܠܐ ܐܦ ܕܥܒܕ̈ܐ ܐܝܬܝ ܒܬܪ ܡ̈ܠܘܗܝ ܥܡ ܐܚܪ̈ܢܝܬܐ ܘܥܡ ܗܿܢܝܢ ܕܟܬܝܒ ܕܐܡܼܪ ܕܐܓܒܐ ܠܝ ܫܦܝܪ̈ܐ ܫܦܝܪ̈ܐ ܗܿܢܘܢ ܕܝܼܗܒ ܠܝ ܐܒܝ ܕܒܫܡܝܐ. ܒܪܡ ܐܠܐ ܗܫܐ ܠܐ ܐܬ݀ܝܬ ܕܐܪܡܐ ܫܝܢܐ ܒܐܪܥܐ ܒܐܚܪ̈ܢܝܬܐ ܕܝܢ ܠܗܘܢ ܠܬܠܡܝܕ̈ܘܗܝ ܡܦܪܫ ܘܐܡܿܪ݀ ܕܫܝܢܐ ܡܪܦܐ ܐܢܐ ܠܟܘܢ ܫܝܢܐ ܕܝܠܝ ܝ݀ܗܒܢܐ ܠܟܘܢܿ ܠܐ ܗܘܐ ܐܝܟ ܕܝܿܗܒ ܥܠܡܐ 142 ܫܠܡܐ. ܘܐܦ ܐܢܐ ܗܟܘܬ ܝܿܗܒܢܐ ܫܠܡܐ. ܐܝܕܥܬܐ ܕܐܠܗܐ ܘܚܘܒܐ ܗܘ ܕܨܝܒ ܠܬܠܡܝܕ̈ܘܗܝ. ܘܗܕܐ ܕܢܦܫܐ ܕܠܐ ܬܫܬܓܫ. ܘܢܘܗܪܐ ܕܪܥܝܢܐ ܘܫܪܝܪܘܬܐ ܒܗܢܐ ܐܣܟܡܐ ܩܿܪܐ. ܗܼܢܝܢ ܗܟܝܠ ܘܐܦ ܥܠ ܗܠܝܢ݀ ܘܕܐܝܠܝܢ ܕܝܢ ܘܐܦ ܥܠ ܥܡܐ ܕܝܗܘ̈ܕܝܐ ܩܿܕܡ ܝܕܥ ܘܩ݀ܕܡ ܐܡܼܪ݀ ܩܪܝܒܐ ܗܝ ܕܡܢ ܗܠܝܢ ܢܬܒܩܐ ܀ ܕܐܝܠܝܢ ܥܠ ܥܡܐ ܕܝܗܘܕ̈ܝܐ. ܐܬܢܒܼܝ. ܒܡ̈ܬܠܐ ܡܢ ܐܘܢܓܠܝܘܢ ܕܡܬܝ܀ ܝܓ. ܟܕ ܟܢܝܫܝܢ ܐܟܚܕܐ ܒܐܘܪܫܠܡ ܪ̈ܝܫܐ ܕܥܡܐ ܕܝܗܘ̈ܕܝܐ. ܪ̈ܒܝ ܟܗ̈ܢܐ ܘܡܠܦ̈ܝ ܢܡܘܣܐ ܘܗܼܘ ܒܗ ܒܗܝܟܠܐ ܐܝܬܘܗܝ ܗܘܐ. ܗܿܢܘܢ ܕܥܬܝܕܝܢ ܗܘܘ ܕܥܠܘܝ ܢܡܪܚܘܢܿ ܘܚܘܪܒܐ ܗܿܘ ܕܡܕܪܟ ܗܘܐ ܠܗܘܢ ܥܠ ܗܕܐ ܡܪܚܞܘܬܐ ܡܟܣܝܐܝܬ ܒܗܢܐ ܐܣܟܡܐ ܒܡܠܬܐ ܩܿܕܡ ܐܡܼܪ. ܓܒܪܐ ܚܕ ܐܝܬ ܗܘܐ ܡܪܐ ܒܝܬܐ. ܢܨܒܼ ܟܪܡܐ ܘܐܚܕܪܗ ܣܝܓܐ ܘܚܦܼܪ ܒܗ ܡܥܨܪܬܐ ܘܒܢܼܐ ܒܗ ܡܓܕܠܐ ܘܐܫܠܡܼ̈ ܠܦ̈ܠܚܐ ܘܫܼܢܝ݀ ܟܕ ܕܝܢ ܩܲܪܒ ܙܒܢܐ ܕܦܐܪ̈ܐ ܫܕܪ ܥܒܕ̈ܘܗܝ ܠܘܬ ܦܠܚ̈ܐ ܕܢܝܬܘܢ ܠܗ ܦܐܪ̈ܐ. ܘܠܒܟܼܘ ܐܢܘܢ ܦܠܚ̈ܐ ܠܥܒܕ̈ܘܗܝ݀ ܘܠܡܢܗܘܢ ܡܚܼܘ ܘܠܡܢܗܘܢ ܪܓܡܼܘ. ܘܠܡܢܗܘܢ ܩ݀ܛܠܼܘ. ܘܬܘܒ ܫܕܪ ܐܚܪ̈ܢܐ ܥܒܕ̈ܐ ܕܣܓܝ̈ܐܝܢ ܡܢ ܩܕܡ̈ܝܐ. ܘܥܒܼܕܘ ܠܗܘܢ ܗܟܢܐ. ܠܚܪܬܐ ܕܝܢ ܫܼܕܪ ܒܪܗ ܘܐܡܼܪ ܕܟܒܪ ܢܒܗܬܘܢ ܡܢ ܒܪܝ. ܗܼܢܘܢ ܕܝܢ ܦܠܚ̈ܐ ܟܕ ܚܙܼܐܘܗܝ ܠܒܪܗ. ܐܡܼܪܘ ܒܝܢܬܗܘܢ ܗܿܢܘܢ ܝܪܬܗ ܬ݀ܘ ܢܩܛܠܝܘܗܝ ܘܬܗܼܘܐ ܝܪܬܘܬܐ ܕܝܠܢ݀ ܘܐܚܼܕܘܗܝ ܘܐܦܩܼܘܗܝ ܠܒܪ ܡܢ ܟܪܡܐ ܘܩܛܠܼܘܗܝ. ܡܐ ܕܐܬ݀ܐ ܗܟܝܠ ܡܪܗ ܕܟܪܡܐ. ܡܢܐ ܢܥܒܕ ܠܗܿܢܘܢ ܦܠܚ̈ܐ݀ ܐܡܪܝܢ ܠܗ ܕܒܝܼܫ ܼܝܫ ܢܿܘܒܕ ܐܢܘܢܿ ܘܟܪܡܐ ܢ݀ܫܠܡ ܠܐܚܪ̈ܢܐ ܦ̈ܠܚܐ. ܗܿܢܘܢ ܕܝܿܗܒܝܢ ܠܗ ܦܐܪ̈ܐ ܒܙܒܢܗܘܢܿ ܐܡܿܪ ܠܗܘܢ ܗܼܘ ܝܫܘܥ ܠܐ ܡܡܬܘܡ ܩܼܪܝܬܘܢ ܒܟܬܒܐ ܕܟܐܦܐ ܕܐܣܠܼܝܘ ܒܢ̈ܝܐ ܗܼܝ ܗܼܘܬ ܠܪܝܫ ܩܪܝܐ ܕܒܢܝܢܐ. ܡܢ ܠܘܬ ܡܪܝܐ ܗܘܼܬ ܗܕܐ. ܘܐܝܬܝܗܿ ܬܕܡܘܪܬܐ ܒܥܝ̈ܢܝܢ. ܡܛܠ ܗܢܐ ܐܡܿܪܢܐ ܠܟܘܢ ܕܬܫܬܩܠ ܡܢܟܘܢ ܡܿܠܟܘܬܐ ܕܐܠܗܐ ܘܬܝܼܗܒ ܠܥܡܐ ܕܝܿܗܒ ܦܐܪ̈ܐ. ܘܗܢܐ ܡܬܠܐ ܒܪܓܢܣܐ ܐܝܬܘܗܝ ܕܗܿܘ ܕܒܐܫܥܝܐ ܢܒܝܐ ܕܒܗ ܒܗܢܐ ܐܣܟܡܐ ܝܬܘܗܝ݀ ܟܪܡܐ ܗܘܼܐ ܠܚܒܝܒܝ ܒܩܪܢܐ ܕܐܬܪܐ ܫܡܝܢܐ. ܘܦܠܼܚܗ ܘܐܚܼܕܪܗ ܣܝܓܐ ܘܢܨܒܼ ܒܗ ܫܘܒ̈ܘܩܐ ܘܒܢܼܐ ܡܓܕܠܐ ܒܓܘܗ݀ ܐܦ 143 ܡܥܨܪܬܐ ܥܒܼܕ ܒܗ. ܘܣܟܼܝ ܕܢܥܒܕ ܥܢ̈ܒܐ ܘܥܒܿܕ ܚܪ̈ܘܒܐ ܐܠܐ ܗܢܐ ܕܠܘܬ ܢܒ̈ܝܐ [ܢܒܝܐ] ܩܪ̈ܨܘܗܝ ܕܟܪܡܐ ܐܟܼܠ݀ ܕܠܗ ܠܗܢܐ ܬܪܓܼܡܗ ܕܡܢܘ ܐܝܬܘܗܝ ܟܕ ܐܡܿܪ. ܕܟܪܡܗ ܓܝܪ ܕܡܪܝܐ ܨܒܐܘܬ. ܒܝܬܐ ܗܘ ܕܒܝܬ ܐܝܣܪܝܠ݀ ܘܓܒܪ̈ܐ ܕܡܢ ܝܗܘܕܐ ܢܨܒܬܐ ܚܕܬܐ ܘܚܒܝܒܬܐ݀ ܣܟܼܝܬ ܠܕܝܢܐ ܘܗܼܘܐ ܚܛܘܦܝܐ. ܘܠܙܕܝܩܘܬܐ ܘܗܐ݀ ܝܠܠܬܐ܀ ܝܕ. ܡܠܬܗ ܕܝܢ ܕܦܪܘܩܢ ܐܬܐܡܼܪ ܟܕ ܕܡܐ ܠܗܿܘ ܕܢܒܝܐ݀ ܐܝܟܢܐ ܕܢܬܝܕܥ ܘܢܬܒܕܩ ܠܗܿܢܘܢ ܕܩܪ̈ܝܒܝܢ ܘܫܡܥܝܢ݀ ܐܠܐ ܠܐ ܗܘܐ ܥܠ ܟܪܡܐ ܐܬܐܡܼܪ ܡܛܠ ܕܗܼܘ ܢܒܝܐ ܡܠܬܐ ܡܩܕܡܬܐ ܕܥܠܘܗܝ ܕܗܢܐ ܩܿܕܡ ܐܡܼܪ. ܘܗܿܢܝܢ ܕܒܢܒ̈ܝܐ ܫ̈ܠܼܝܢ ܗܘܝ ܗܼܢܝܢ ܗܘ ܒܡܬܠܗ ܣܼܡ ܐܡܪܢܐ ܕܝܠܢ ܗܠܝܢ݀ ܕܥܠ ܦܠܚ̈ܐ ܕܟܪܡܐ ܘܗܠܝܢ ܐܝܬܝܗܘܢ ܗܘܐ ܣܒ̈ܐ ܕܥܡܐ ܘܪ̈ܒܝ ܟܗ̈ܢܐ ܘܪ̈ܫܢܐ ܘܡ̈ܠܦܢܐ ܗܿܢܘܢ ܕܐܦ ܠܟܠܗ ܟܢܫܐ ܗܼܢܘܢ ܗܼܘܘ ܥܠܬܐ ܕܢܿܦܪܥܘܢ ܦܐܪ̈ܐ ܒܝ̈ܫܐ ܕܡܛܠܬܗܘܢ ܐܦ ܗܼܘ ܟܪܡܐ ܐܫܬܒܼܩ ܕܢܚܪܒ݀ ܗܿܢܘ ܕܝܢ ܟܠܗ ܥܡܐ ܕܝܠܗܘܢ ܘܣܝܓܗ ܐܬܥܩܼܪ݀ ܗܿܢܘܢ ܕܡܢ ܩܕܝܡ ܡܬܟܬܫܼܝܢ ܗܘܘ ܚܠܦ ܥܡܐ. ܘܠܥܡܐ ܥܡ ܕܘܟܬܗ ܢܛܪܝܢ ܗܘܘ݀ ܘܡܓܕܠܐ ܕܒܗ ܗܘ ܗܝܟܠܐ. ܘܡܥܨܪܬܐ ܡܿܕܒܚܐ. ܘܗܠܝܢ ܗܟܝܠ ܟܗܝܢ ܡܢ ܫܬ ܐܣܝ̈ܗܝܢ ܐܫܬܩܼܠ ܡܠܝܐܝܬ ܡܛܠ ܕܐܬܛܢܦܘ ܒܕܡܐ ܦܠܚ̈ܐ ܗܿܢܘܢܿ ܕܠܥܒܼܕ̈ܐ ܩܕ̈ܡܝܐ ܘܐܚܪ̈ܝܐ ܕܐܫܬܕܪܘ ܠܘܬܗܘܢ ܓܠܝܐܝܬ ܠܗܿܢܘܢ ܢܒ̈ܝܐ ܒܙܒܢ ܙܒܢ ܩܿܛܠܼܘ. ܘܡܣܿܗܕ ܥܠܝܗܿ ܕܡܠܬܐ ܟܬܒܐ ܥܬܝܩܐ ܘܡܢܢܒܝ̈ܐ ܐܠܝܐ ܕܒܨܠܘܬܗ ܠܐܠܗܐ ܐܡܼܪ. ܡܪܝ ܠܢܒ̈ܝܟ [ܠܢܒ̈ܝܝܟ] ܩܿܛܠܘ ܘܠܡܕܒܚܟ ܣܚܦܘ. ܘܐܫܬܚܪܬ ܐܢܐ ܒܠܚܘܕܝ ܘܒܥܝܢ ܕܢܣܒܘܢ ܢܦܫܝ. ܗܠܝܢ ܗܟܝܠ ܗܼܘܢܒܝܐ. ܒܝܕ ܨܠܘܬܗ ܠܪ̈ܫܢܐ ܕܥܡܐ ܕܝܗܘܕ̈ܝܐ ܡܩܛܪܓ ܗܿܢܘܢ ܕܝܢ ܠܐ ܣܦܩ ܗܠܘܢ ܛܘܢܦܐ ܕܕܡܐ ܕܢܒ̈ܝܐ. ܐܠܐ ܠܚܪܬܐ ܐܦ ܠܗ ܠܒܪܐ ܗܿܢܘܢ ܕܝܢ ܒܪܐ ܕܐܠܗܐ. ܠܐ ܗܘܐ ܟܕ ܠܐ ܝܕܥܝܢ ܠܗ. ܐܠܐ ܟܕ ܡܠܝܐܝܬ ܘܚܬܝܬܐܝܬ ܝܿܕܥܝܢ ܕܗܼܘܝܘ ܝܪܬܐ ܩܛܠܘ. ܗܿܢܝܢ ܕܝܢ ܗܼܘ ܦܪܘܩܢ ܩܕܡ ܚܫܗ ܥܠ ܢܦܫܗ ܐܡܬܠ݀ ܘܩܿܕܡ ܐܡܼܪ ܡܕܡ ܕܥܬܝܕ ܒܐܝܕܥܬܐ ܡܩܕܡܬܐ ܗܿܢܝܢ ܟܕ ܒܗ ܒܗܝܟܠܐ ܡܿܗܠܼܟ ܗܘܐ ܠܗܿܢܘܢ ܦ̈ܠܚܐ ܕܟܪܡܐ ܕܒܙܒܢܗ ܪ̈ܒܝ ܟܗ̈ܢܐ ܘܡ̈ܠܦܢܐ ܘܠܫܪܟܐ ܗܿܢܘܢ ܕܩܝܡܼܝܢ ܗܘܘ ܒܪܝܫ ܥܡܐ 144 ܘܣܓܝ ܓܠܝܐܝܬ ܒܝܕ ܡܬܠܐ ܥܿܬܕ ܐܢܘܢܿ ܕܗܼܢܘܢ ܓܙܪ ܕܝܢܐ ܕܠܘܩܒܠ ܢܦܫܗܘܢ ܢܦܩܘܢܿ ܡܫܐܠ ܠܗܘܢ ܗܟܝܠ ܒܚܪܬܗ ܕܡܬܠܐ ܘܐܡܿܪ ܕܡܐ ܕܐܬ݀ܐ ܡܪܗ ܕܟܪܡܐ ܡܢܐ ܢܥܒܕ ܠܗܿܢܘܢ ܦ̈ܠܚܐ ܘܗܿܢܘܢ ܕܝܢ ܕܥܕܟܝܠ ܠܐ ܐܣܬܼܟܠ ܕܥܠܝܗܘܢ ܐܬܐܡܼܪ ܡܿܝܬܝܢ ܓܙܪ ܕܝܢܐ ܠܘܩܒܠ ܢܦܫܗܘܢ ܘܐܡܪܝܢ݀ ܕܒܼܝܫ ܒܝܼܫ ܢܘܒܕ ܐܢܘܢܿ ܘܟܪܡܐ ܢܫܠܡ ܠܐܚܪ̈ܢܐ ܦܠܚ̈ܐ ܗܿܢܘܢ ܕܝܿܗܒܝܢ ܠܗ ܦܐܪ̈ܐ ܒܙܒܢܗܘܢܿ ܗܝܕܝܢ ܐܡܼܪ ܠܗܘܢ ܝܫܘܥ݀ ܠܐ ܡܡܬܘܡ ܩܪܝܬܘܢ ܒܟ̈ܬܒܐ ܕܟܐܦܐ ܕܐܣܠܼܝܘ ܒܢ̈ܝܐ ܗܼܝ ܗܘܼܬ ܠܪܝ ܩܪܝܢܐ ܕܒܢܝܢܐ. ܡܢ ܠܘܬ ܡܪܝܐ ܗܘܼܬ ܗܕܐ ܘܐܝܬܝܗܿ ܬܕܡܘܪܬܐ ܒܥܝ̈ܢܝܢ. ܣܓܝ ܢܩܦܐܝܬ ܡܢ ܒܬܪ ܡܠܬܗ݀ ܡܩܕܡܬܐ ܕܥܠ ܡܘܬܗ݀ ܡܢ ܣܗܕ̈ܘܬܐ ܕܢܒܝܘܬܐ ܩܝܡܬܗ ܕܡܢ ܒܝܬ ܡܝ̈ܬܐ ܒܕܩ. ܩܿܕܡ ܓܝܪ ܐܠܦܼ ܕܡܢ ܦ̈ܠܚܐ ܒܝܫܼ̈ܐ ܡܬܩܛܠ. ܒܪܗ ܕܡܪܗ ܕܟܪܡܐ. ܘܡܢܗܘܢ ܩܒܠ ܓܙܪܕܝܢܐ ܘܐܝܬܼܝ ܒܬܪܗܿ ܗܕܐ ܕܟܐܦܐ ܕܐܣܠܼܝܘ ܒܢ̈ܝ ܗܼܝ ܗܘܼܬ ܠܪܝܫ ܩܪܝܢܐ ܕܒܢܝܢܐ. ܕܒܢܒܝܘܬ ܐܡܬܼܠ ܥܠ ܩܝܡܬܗ. ܕܝܠܗ. ܡܢ ܒܬܪ ܓܝܪ ܕܐܬܠܼܝ ܗܼܘ ܡܢ ܦ̈ܠܚܐ ܗܿܢܘܢ ܕܐܦ ܒܢ̈ܝܐ ܕܐܝܬܘܗܝ ܟܐܦܐ ܡܝܩܪܬܐ ܕܥܠܘܗܝ ܐܡܿܪ ܐܫܝܥܐ. ܢܒܝܐ. ܕܗܐ ܣܿܐܡ ܐܢܐ ܒܨܗܝܘܢ ܟܐܦܐ ܒܚܪܬܐ ܘܡܝܩܪܬܐ ܪܝܫ ܐܣܬܐ. ܕܫܬ ܐܣܬܐ. ܘܡܢ ܕܢܗܝܡܢ ܒܗܿ ܠܐ ܢܿܒܗܬ. ܗܘܐ ܠܪܝܫ ܩܪܝܢܐ ܕܐܚܪܢܐ ܒܢܝܢܐ ܕܥܠܘܗܝ ܐܡܪܐ ܡܠܬܐ݀ ܘܕܐ ܐܝܬܝܗܿ ܬܕܡܘܪܬܐ ܒܥܝ̈ܢܝܢ ܕܥܠ ܥܕܬܗ ܒܝܕ ܗܿܢܝܢ ܚܿܘܼܝ. ܘܟܢ ܫܘܝܐܝܬ ܒܓܙܪ ܕܝܢܐ ܕܝܠܗܘܢ ܐܦ ܗܼܘ ܥܒܼܕ ܠܗܘܢ ܦܘܪܥܢܐ ܘܐܡܿܪ ܕܬܫܬܩܠ ܡܢܟܘܢ ܡܿܠܟܘܬܐ ܕܐܠܗܐ ܘܬܬܝܼܗܒ ܠܥܡܐ ܕܝܿܗܒ ܦܐܪ̈ܐ ܗܕܐ ܕܫܠܡܐ ܠܗܿܝ ܡܠܬܐ ܕܐܬܐܡܼܪܬ ܡܢܗܘܢ ܗܿܝ ܕܟܪܡܐ ܢܬܠ ܠܐܚܪ̈ܢܐ ܦܠܚ̈ܐ ܗܿܢܘܢ ܕܝ݀ܗܒܝܢ ܠܗ ܦܐܪ̈ܐ ܒܙܒܢܗܘܢ ܡܿܠܟܘܬܐ ܕܝܢ ܕܐܠܗܐ ܠܕܘܒܪ̈ܐ ܕܣܓܕܬܐ ܕܐܠܗܐ ܒܗܿܢܝܢ ܫܡܿܗ݀ ܗܘ ܕܡܫܬܩܠ ܡܢ ܗܢܝܢ ܦܠܚ̈ܐ ܐܡܿܪ ܘܣܓܝ ܓܠܝܐܝܬ ܐܬܚܼܫܚ݀ ܘܚܿܘܼܝ ܘܡܬܝܗܒ ܕܝܢ ܠܥܡܐ ܐܚܪܢܐ ܕܥܿܒܕ ܦܐܪ̈ܘܗܝ. ܘܗܢܐ ܐܝܬܘܗܝ ܥܡܐ ܕܟܪ̈ܣܛܝܢܐ ܕܒܟܠܗܿ ܒܪܝܬܐ ܦܐܪ̈ܐ ܕܫܠܡܝܢ ܘܙܕܩܝܢ ܠܕܘܒܪ̈ܐ ܕܐܠܗܐ ܒܗܘܢ ܘܥܒܕ̈ܐ ܘܒܡ̈ܠܐ ܒܟܠܝܘܡ ܡܚܘܐ܀ 145 ܥܠ ܡܣܠܝܢܘܐ ܕܝܗܘܕ̈ܝܐ ܐܟܚܕܐ. ܘܥܠ ܩܪܝܢܐ ܕܥܡ̈ܡܐ. ܘܥܠ ܗܿܢܘܢ ܕܟܕ ܠܐ ܫ݀ܘܝܢ ܡܬܟܢܫܝܢ ܒܥܕܬܗ. ܘܥܠ ܚܪܬܘܢ ܕܝܠܗܘܢ ܕܗܠܝܢ. ܡܢ ܐܘܢܓܠܝܘܢ ܕܡܬܝ܀ ܝܗ. ܒܬܪ ܡܬܠܐ ܗܢܐ ܕܐܬܩܕܡ ܐܬܐܡܼܪ ܡܠܬܐ ܕܟܬܒܐ ܐܠܗܝܐ ܡܟܬܒܐ. ܕܟܕ ܫܡܥܼܘ ܪ̈ܒܝ ܟܗ̈ܢܐ ܘܦܪ̈ܝܫܐ ܡ̈ܬܠܘܗܝ ܝܕܥܘ ܕܥܠܝܗܘܢ ܐܡܼܪ ܘܒܥܼܝܢ ܗܘܘ ܕܢܐܚܕܘܢܗ݀ ܘܕܚܠܼܝܢ ܗܘܘ ܡܢ ܥܡܐ. ܡܛܠ ܕܐܝܟ ܕܠܢܒܝܐ ܐܚܼܝܕܝܢ ܗܘܘ ܠܗ. ܘܦܢܝ ܠܗܘܢ ܦܬܓܡܐ ܝܫܘܥ ܘܐܡܼܪ ܠܗܘܢܿ ܬܘܒ ܒܡܬܠܐ. ܕܡܝܐ ܡܿܠܟܘܬܐ ܕܫܡܝܐ ܠܓܒܪܐ ܡܿܠܟܐ ܕܥܒܕ ܡܫܬܘܬܐ ܠܒܪܗ. ܘܫܕܪ ܥܒܼܕ̈ܘܗܝ ܕܢܩܪܘܢ ܠܡܙܡ̈ܢܐ ܠܡܫܬܘܬܐ ܘܗܿܢܘܢ ܠܐ ܨܒܼܘ ܕܢܐܬܘܢ ܘܬܘܒ ܫܕܪ ܥܒܕ̈ܘܗܝ ܐܚܪ̈ܢܐ ܘܦܿܩܕ ܐܢܘܢ ܕܐܡܼܪܘ ܠܡܙܡ̈ܢܐ ܕܐ ܫܪܘܬܝ ܡܛܝܒܐ݀ ܘܬܘܪ̈ܝ ܦܛܡܝ ܩܛܝܠܼܝܢ ܐܢܘܢ. ܘܟܠ݀ ܡܕܡ ܡܛܝܒ ܠܟܘܢ ܬ݀ܘ ܠܡܫܬܘܬܐ. ܗܼܢܘܢ ܕܝܢ ܒܣܘ ܐܘܙܠܼܘ݀ ܐܝܬ ܕܠܩܪܝܬܐ ܘܐܝܬ ܕܠܬܐܓܘܪܬܐ݀ ܘܗܿܢܘܢ ܕܝܢ ܫܪܟܐ ܠܒܼܟܘ ܠܥܒܼܕ̈ܘܗܝ ܘܨܥܼܪܘ ܘܩܿܛܠܼܘ. ܗܼܘ ܕܝܢ ܡܿܠܟܐ ܪܓܼܙ. ܘܫܕܪ ܚܝܠܗ ܘܩܿܛܠܼ ܠܗܿܢܘܢ ܩ̈ܛܘܠܐ ܘܡܕܝܢܬܗܘܢ ܐܘܩܼܕ. ܗܝܕܝܢ ܐܡܼܪ ܠܥܒܼܕ̈ܘܗܝ ܡܫܬܘܬܝ ܡܛܝܒܐ ܗܝ. ܘܗܿܢܘܢ ܕܡܙܡܢܝܢ ܗܘܘ ܠܐ ܫܼܘܝܢ ܗܘܘ ܠܗܿ. ܦܘܩܘ ܡܟܝܠ ܐܘܪ̈ܚܬܐ ܘܠܫܒ̈ܝܠܐ ܘܟܠ ܕܡܫܟܚܼܝܢ ܐܢܬܘܢ ܩܼܪܘ ܠܡܫܬܘܬܐ ܘܐܙܠܼܘ ܗܿܢܘܢ ܥܒܼܕ̈ܐ ܠܐܘܪ̈ܚܬܐ. ܘܟܿܢܫܘ ܟܠ ܕܐܫܟܼܚܘ ܛܒ̈ܐ ܘܒ̈ܝܼܫܐ ܒܡܬܠܐ ܕܝܢ ܩܕܡܝܐ. ܟܪܡܐ ܘܡܓܕܠܐ ܘܡܥܨܪܬܐ ܘܦܠܚ̈ܐ ܒܼܝ̈ܫܐ ܐܝܬ ܗܘܐ. ܘܥܒܼܕ̈ܐ ܩܕ̈ܡܝܐ ܘܐܚܪ̈ܝܐ. ܕܡܫܬܕܪ̈ܝܢ ܘܡܬܩܛܠܝܢ. ܘܒܚܪܬܐ ܒܪܗ ܡܪܗ ܕܟܪܡܐ ܐܦ. ܗܼܘ ܡܬܩܼܛܠ ܕܒܐܝܕܗܘܢ ܥܡܐ ܕܝܗܘ̈ܕܝܐ ܘܗܝܟܠܐ ܘܡܕܒܚܐ ܘܪ̈ܝܫܢܐ ܕܝܗܘ̈ܕܝܐ ܡܬܒܼܕܩܢ ܗܘܘ݀ ܘܢܒ̈ܝܐ ܩܕ̈ܡܝܐ ܘܐܚܞܪ̈ܝܐ ܘܠܚܪܬܐ ܕܝܢ ܒܪܗ. ܕܐܠܗܐ ܕܗܼܢܘܢ ܦܠܚ̈ܐ ܒܝܼ̈ܫܐ. ܗܢܿܘܢ ܕܩܝܡܝܢ ܗܘܘ ܒܪܝܫ ܥܡܐ ܩܿܛܠܼܘ ܀ ܀ ܀ ܝܘ. ܗܢܐ ܕܝܢ ܡܬܠܐ ܕܩܕܡ ܥܝ̈ܢܝܢ ܡܫܬܘܬܐ ܡܥܠ ܢܩܦܐ ܓܠܝܐܝܬ ܘܫܘܬܦܘܬܐ ܕܚܬܢܐ ܘܕܟܠܬܐ ܘܐܚܫܡܝܬܐ ܕܚܠܘܠܐ ܘܥܒܼܕ̈ܐ ܬܘܒ ܐܦ ܗܪܟܐ ܕܒܿܠܥܼܝܢ ܘܡܬܩܛܠܼܝܢ. ܘܩܕ̈ܡܝܐ ܕܡܙܕܡܢܝܢ ܘܐܚܪ̈ܝܐ ܡܚܘܐ ܕܝܢ ܒܝܕ ܗܿܢܝܢ ܬܘܒ ܡܟܣܝܐܝܬ ܗܿܢܝܢ ܕܒܬܪ ܩܝܡܬܗ ܕܡܢ ܒܝܬ ܡܝ̈ܬܐ ܓܕܫܢ ܚܬܢܐ ܓܝܪ 146 ܐܝܬܘܗܠ ܡܠܬܐ ܕܐܠܗܐ. ܘܟܠܬܐ ܢܦܫܐ ܡܠܝܠܬܐ ܕܡܫܬܘܬܦܐ ܠܗ. ܘܡܩܒܠܐ ܙܪܥܐ ܐܠܗܝܐ ܕܡܢ ܠܘܬܗ. ܘܫܘܬܦܘܬܐܐܠܗܝܬܐ ܘܡܠܝܠܬܐ ܕܥܕܬܗ ܘܒܬܪ ܗܠܝܢ ܣܡܟܐ ܡܠܝܠܐ ܘܐܚܫܡܝܬܐ ܕܚܠܘܠܐ ܕܣܝܒܪ̈ܬܐ ܐܠܗܝ̈ܬܐ ܘܫܡܝܢ̈ܝܬܐ ܥܒܼܕ̈ܐ ܕܝܢ ܗܪܟܐ ܡܙܡ̈ܢܢܐ ܠܐ ܗܘܐ ܥܠܝܗܘܢ ܕܗܿܢܘܢ ܕܡܢ ܩܕܝܡ ܠܟܪܡܐ ܐܫܬܕܪܘ݀ ܐܡܿܪ ܐܠܐ ܥܠ ܐܚܪ̈ܢܐ݀ ܗܿܢܘܢ ܓܝܪ ܐܝܬܝܗܘܢ ܗܘܐ ܢܒܝ̈ܐ ܘܗܠܝܢ ܫܠܝܚ̈ܐ ܕܝܠܗ. ܕܐܫܬܕܪܘ ܠܩܪܝܢܐ ܩܕܡܝܐ ܕܗܿܢܘܢ ܕܡܢ ܓܙܘܪܬܐ݀ ܟܕ ܓܝܪ ܡܫܕܪ ܗܘܐ ܠܗܘܢ ܒܫܘܪܝܐ ܡܪܬܐ ܗܘܐ ܠܗܘܢ ܘܐܡܿܪ ܒܐܘܪܚܐ ܕܥܡ̈ܡܐ ܠܐ ܬܐܙܠܘܢ ܘܠܡܝܕܢܬܐ ܕܫܡܪ̈ܝܐ ܠܐ ܬܥܠܘܢܿ ܐܠܐ ܙܠܘ ܠܟܘܢ ܝܬܝܪܐܝܬ ܥܠ ܢܩܘ̈ܬܐ ܕܛܥܝ ܡܢ ܒܝܬ ܐܝܣܪܐܝܠ ܘܠܗܘܢ ܠܗܠܝܢ ܗܟܝܠ ܠܘܩܕܡ ܡܙܡܢܼܝܢ ܗܘܘ ܥܒܼܕ̈ܐ ܘܟܕ ܠܐ ܐܫܬܼܡܥܘ ܠܩܪܝܢܐ ܘܐܦ ܕܬܪܬܝܢ ܙܒ̈ܢܝܢ ܫܼܕܪ ܡܣܒܪ̈ܢܐ ܣܓ̈ܝܐܐ ܘܡܟܪ̈ܙܢܐ ܕܐܘܢܓܠܝܘܢ ܗܿܢܘܢ ܕܗܼܘ ܓܒܼܐ ܡܢ ܒܬܪ ܬܪ̈ܥܣܪ ܫܠܝܚ̈ܐ. ܐܚܪ̈ܢܐ ܫܒܥܝܢ ܬܠܡ̈ܝܕܐ݀ ܕܐܦ ܗܼܢܘܢ ܗܿܢܘܢ ܠܥܡܐ ܕܝܗ̈ܘܕܝܐ ܠܘܩܕܡ ܡܣܒܪܝܢ ܗܘܘ ܘܩܪܝܢ ܠܣܡܟܐ ܕܕܝܬܩܐ ܚܕܬܐ ܘܡܕܡ ܠܐ ܣܥܼܪܘ݀ ܡܛܠ ܕܗܿܢܘܢ ܕܡܙܕܡܢܼܝܢ ܗܘܘ ܒܛܝܠܼܝܢ ܗܘܘ. ܒܬܐܓܪ̈ܬܗܘܢ ܗܿܢܘܢ ܕܒܬܪ ܕܠܐ ܐܫܬܡܼܥܘ ܠܩܪܝܢܐ ܕܥܒܕ̈ܐ ܠܡܢܗܘܢ ܨܥܼܪܘ ܘܠܡܢܗܘܢ ܩ݀ܛܠܼܘ݀ ܘܡܫܟܚܐ ܕܡܢܗ ܕܟܬܒܐ ܢܫܟܚ݀ ܠܟܡܐ ܡܢ ܬܠܡܝܕ̈ܐ ܕܦܪܘܩܢ ܒܗ ܒܐܘܪܫܠܡ ܘܒܫܪܟܐ ܕܝܗܘܕ ܒܙܒܢܐ ܕܒܬܪܟܢ ܩ݀ܛܠܘ ܡܢ ܕܘܟܬܗ ܗܟܝܠ ܩܕܡܐ ܐܣܛܦܢܘܣ ܡܢܗܘܢ ܐܬܩܼ̰ܠ ܒܟ̈ܐܦܐ݀ ܘܒܬܪܗ ܝܥܩܘܒ ܐܚܪܘܗܝ ܕܝܘܚܢܢ݀ ܘܬܘܒ ܒܬܪܗܘܢ ܗܿܘ ܕܗܼܘܝܘ ܩܕܡܐ ܨܿܒܐ ܟܘܪܣܝܐ ܕܥܕܬܐ ܕܬܡܢ ܝܥܩܘܒ ܕܐܫܬܡܗ ܐܚܘܗܝ ܕܡܪܢ݀ ܗܿܘ ܕܡܛܠ ܪܒܘܬܐ ܕܡܝܬܪ̈ܘܬܗ ܟܐܢܐ ܩܪܝܼܢ ܗܘܘ ܠܗ. ܗܿܢܘܢ ܕܒܗܿܘ ܙܒܢܐ ܘܠܗ ܠܗܢܐ ܝܗܘܕ̈ܝܐ ܒܟ̈ܐܦܐ ܩܛܠܘ ܘܕܐܝܟܢܐ ܕܝܢ ܐܦ ܒܢܓܕ̈ܐ ܠܫܠܝ̈ܚܐ ܨܥܼܪܘ. ܟܬܒܐ ܕܦܪܟܣܣ ܡܫܬܥܐ. ܘܗܠܝܢ ܩܕ ܕܢܗܘܝܢ ܒܕܝܥܬܐ ܐܠܗܝܬܐ ܩܕܡ [ܐܡܼܪ]. ܘܐܝܠܝܢ ܕܡܢ ܗܿܢܘܢ ܠܗܘܢ ܓܕܫܢ ܐܬܢܒܼܝ. ܘܒܝܕ ܡܬܠܐ ܩܕܡ ܕܢܗܘܝܢ ܡܕܡ ܕܥܬܝܕ ܩܕܡ ܐܡܼܪ ܒܝܕ ܗܢܝܢ ܕܐܡܼܪ ܕܗܼܘ ܕܝܢ ܡܿܠܟܐ ܪܓܙ ܥܠ ܨܥܪܐ ܘܥܠ ܩܛܠܐ. ܕܥܒܼܕ̈ܐ ܘܫܕܪ ܚܝܠܐ ܘܩ݀ܛܠ ܠܗܿܢܘܢ ܩܛܘ̈ܠܐ. ܘܡܕܝܢܬܗܘܢ ܐܘܩܼܕ. ܘܡܢܐ ܐܝܬ ܕܠܝܐ ܡܢ ܗܕܐ ܐܝܕܥܬܐ ܡܩܕܡܬܐ 147 ܘܫܘܠܡܗܝܢ ܕܝܠܗܝܢ ܕܨܒܘ̈ܬܐ ܚܝܠܐ ܓܝܪ ܕܪ̈ܗܘܡܝܐ ܒܬܪ ܩܠܝܠ ܙܒܢܐ ܐܬܼܐ ܘܚܫܒܗܿ ܠܡܕܝܢܬܐ ܘܒܢܘܪܐ ܠܗ ܠܗܝܟܠܐ ܚܿܒܼܠ. ܘܕܡܿܢ ܗܘܐ ܐܠܐ ܕܝܠܗ ܕܡܿܠܟܐ ܕܟܠ ܐܠܗܐ ܕܥܠ ܟܘܠ ܕܡܛܠ ܗܕܐ ܐܬܐܡܼܪܬ݀ ܕܗܼܘ ܕܝܢ ܡܿܠܟܐ ܫܼܕܪ ܚܝܠܗ ܘܩܿܛܠ ܠܗܿܢܘܢ ܩܛܘ̈ܠܐ ܘܠܡܕܝܢܬܗܘܢ ܐܘܩܼܕ ܥܕܡܐ ܗܟܝܠ ܠܗܫܐ ܒܗܝܢ ܒܥ̈ܢܐ ܬܘܬܪܐ ܕܝܩܕܢܐ ܕܕܘܟ̈ܝܬܐ ܕܡܕܝܢܬܐ ܠܗܿܢܘܢ ܕܠܗ ܠܐܬܪܐ ܐܙܠܝܢܿ ܩܪܝܒܐ ܗܝ ܕܒܥܝ̈ܢܝܗܘܢ ܢܚܙܘܢܿ ܘܕܐܝܟܢܐ ܗܿܢܘܢ ܩܛܘ̈ܠܐ ܕܫܠܝܚ̈ܐ ܐܬܒܼܟܘ ܒܚܒܘܫܝܐ. ܘܝܗܼܒܘ ܬܒܥܬܐ ܕܙܕܩܐ ܠܐ ܡܕܡ ܘܿܠܐ ܕܢܐܡܪ ܕܩܪܝܒܐ ܗܝ ܕܡܢ ܡܟܬܒܢܘܬܐ ܕܪ̈ܗܘܡܝܐ ܕܦܠܘܝܘܣ ܝܘܣܦ݀ ܗܠܝܢ ܕܥܠܝܗܘܢ ܐܣܬܼܥܪ ܢܫܒܟܚ. ܡܢ ܒܬܪ ܕܝܢ ܩܛܠܗܘܢ ܕܗܿܢܘܢ ܘܚܒܘܫܝܐ ܕܐܡܐ ܕܡܕ̈ܝܢܬܗܘܢ ܕܡܿܠܟܘܬܐ ܗܿܢܘܢ ܕܐܫܼܬܚܪܘ ܡܢ ܥܒܼܕ̈ܐ ܕܩܕܡܘ ܫܡܥܘ ܠܡܪܗܘܢ ܕܗܿܢܘܢ ܩܕ̈ܡܝܐ ܕܐܬܩܪܝܼܘ ܠܐ ܫ݀ܘܝܼܢ ܗܘܘ. ܐܠܐ ܙܠܘ ܠܐܘܪ̈ܚܬܐ ܘܠܫܒ̈ܝܠܐ ܘܟܠ ܕܡܫܟܚܝܢ ܐܢܬܘܢ ܩܼܪܘ ܠܡܫܬܘܬܐ݀ ܘܡܕܡ ܕܐܬܦܼܩܕ ܠܗܘܢ ܥܒܼܘ. ܐܡܼܪ ܠܗܘܢ ܗܟܝܠ ܗܼܘ ܦܪܘܩܢ ܡܢ ܒܬܪ ܩܝܡܬܗ. ܕܙܠܘ ܘܬܠܡܼܕܘ ܠܟܠܗܘܢ ܥܡ̈ܡܐ ܒܫܡܝ. ܘܗܼܢܝܢ ܐܡܿܪ ܗܘ ܕܡܢ ܩܕܝܡ ܦܿܩܕ ܕܒܐܪܘܚܐ ܕܥܡ̈ܡܐ ܠܐ ܬܐܙܠܘܢ ܘܒܠܚܘ ܠܝܗܘܕ̈ܝܐ ܢܟܪܙܘܢܿ ܐܠܐ ܟܕ ܗܼܢܘܢ ܠܡܙܡ̈ܢܢܐ ܨܥܪܘ. ܗܝܕܝܢ ܕܬܪܬܝܢ ܙܒ̈ܢܝܢ ܡܫܢܐ ܠܥܒܼܕ̈ܐ ܘܐܡܿܪ ܕܗܿܢܘܢ ܕܩܪܝܢ ܗܘܘ ܠܐ ܫ݀ܘܼܝܢ. ܙܠܘ ܠܟܘܢ ܠܐܘܪ̈ܚܬܐ ܘܠܫܒ̈ܝܠܐ ܘܟܘܠ ܕܡܫܟܚܝܢ ܐܢܬܘܢ ܩܪܘ ܠܡܫܬܘܬܐ. ܘܗܕܐ ܟܕ ܒܥܒܕܐ ܡܫܠܡܝܢ. ܢܦܼܩܘ ܠܟܠܗܿ ܒܪܝܬܐ ܘܐܟܼܪܙܘ ܠܟܠܗܘܢ ܥܡ̈ܡܐ ܩܪܝܢܐ ܐܠܗܝܐ ܘܫܡܝܢܐ ܘܟܢܫܘ ܟܡܐ ܕܐܫܼܟܚܘ ܒܝܼܫܗܐ ܘܛܒ̈ܐ. ܠܐܐܢܫ ܗܟܝܠ ܢܬܕܡܪ ܕܐܢ ܗܿܢܘܢ ܕܒܥܕܬܗ ܕܡܫܝܚܐ ܡܬܟܢܫܝܢ ܠܐ ܟܠܗܘܢ ܐܝܬܝܗܘܢ ܛܒ̈ܐ ܐܠܐ ܒܚܘܠܛܢܐ ܥܡ ܛܒ̈ܐ ܘܐܦ ܒܝܼ̈ܫܐ ܡܬܟܢܫܢܿ ܘܐܦ ܗܕܐ ܓܝܪ ܠܐ ܛܥܼܬ. ܠܕܝܥܬܐ ܡܩܕܡܬܐ ܕܦܪܘܩܢ. ܘܢܩܦܐܝܬ ܕܝܢ ܐܟܘܬܗܿ ܕܝܕܥܬܐ ܡܩܕܡܬܐ ܐܦ ܗܕܐ ܟܕ ܒܥܒܿܕܐ ܫܪܟܼܬ ܡܬܚܙܝܐ. ܘܕܗܿܢܘܢ ܗܟܝܠ ܕܟܕ ܠܐ ܫ݀ܘܝܼܢ ܡܬܟܢܫܝܢ ܒܥܕܬܗ ܕܐܝܕܐ ܚܪܬܐ ܗܿܘܝܐ ܠܗܘܢ ܡܚܿܘܐ. ܡܠܦ ܓܝܪ ܒܬܪܟܢ ܒܡܬܠܐ ܗܠܝܢ ܘܐܡܿܪ ܘܡܠܐ ܒܝܬ ܣܡܟܐ ܡܙܡ̈ܢܐ. ܘܟܕ ܥܠ ܕܝܢ ܡܿܠܟܐ. ܕܢܚܙܐ ܣܡܝ̈ܟܐ ܚܙܐ ܬܡܢ ܓܒܪܐ ܕܠܝܬ ܠܗ ܢܚ̈ܬܐ ܕܡܫܬܘܬܐ ܘܐܡܼܪ ܠܗ ܪܚܡܝ ܐܝܟܢܐ ܥܠܼܬ ܠܗܪܟܐ ܟܕ ܠܐ 148 ܠܒܝܫ ܐܢܬ ܢܚ̈ܬܐ ܕܡܫܬܘܬܐ ܗܼܘ ܕܝܢ ܫܬܼܩ ܠܗ. ܘܗܝܕܝܢ ܐܡܼܪ ܡܿܠܟܐ ܠܡܫܡ̈ܫܢܐ ܕܦܟܘܪܘ ܐܝܕ̈ܘܗܝ ܘܪ̈ܓܠܘܗܝ ܘܐܦܩܼܘܗܝ ܠܚܫܘܟܐ ܒܪܝܐ. ܬܡܢ ܢܗܘܐ ܒܟܝܐ ܘܚܘܪܩ ܫܢ̈ܐ. ܣܓ̈ܝܐܝܢ ܐܢܘܢ ܓܝܪ ܩܪ̈ܝܐ ܘܙܥܘܪ̈ܝܢ ܓܒ̈ܝܐ. ܒܗܝܢ ܒܡ̈ܠܐ ܡܩܕ̈ܡܬܐ ܘܐܦ ܠܗܿܢܘܢ ܕܠܐ ܬܪܝܨܐܝܬ ܡܬܕܒܪܝܢ ܒܥܕܬܗ ܩܿܕܡ ܕܪܐ. ܬܘܒ ܥܠ ܡܣܠܝܢܘܬܐ ܕܥܡܐ ܕܝܗܘܕ̈ܝܐ. ܡܢ ܐܘܢܓܠܝܘܢ ܕܡܬܝ. ܝܙ. ܚܘ̈ܘܬܐ ܝܠܕܐ ܕܐܟܕ̈ܢܐ ܐܝܟܢܐ ܬܥܪܩܘܢ ܡܢ ܓܗܢܐ. ܡܛܠ ܗܕܐ ܗܐ ܐܢܐ ܡܫܕܪܢܐ ܠܘܬܟܘܢ ܢܒ̈ܝܐ ܘܚܟܝ̈ܡܐ ܘܣܦܪ̈ܐ. ܡܢܗܘܢ ܬܩܛܠܘܢ ܘܬܙܩܦܘܢܿ ܘܡܢܗܘܢ ܬܢܓܕܘܢ ܒܟܢܘ̈ܫܬܟܘܢ ܘܬܪܕܦܘܢ ܐܢܘܢ ܡܢ ܡܕܝܢܐ ܠܡܝܕܢܐ. ܐܝܟܢܐ ܕܢܐܬܐ ܥܠܝܟܘܢ ܟܠܗ ܕܡܐ ܕܙܕ̈ܝܩܐ ܕܐܬܐܫܼܕ ܥܠ ܐܪܥܐ. ܡܢ ܕܡܗ ܕܗܒܝܠ ܘܥܕܡܐ ܠܕܡܗ ܕܙܟܪܝܐ ܒܪ ܒܪܟܝܐ. ܗܿܘ ܕܩܛܠܼܬܘܢ ܒܝܬ ܩܣܛܪܘܡܐ ܠܡܕܒܚܐ݀ ܐܡܿܪ ܐܢܐ ܠܟܘܢ ܕܢܐܬܝܢ ܗܠܝܢ ܟܠܗܝܢ ܥܠ ܗܕܐ ܫܪܒܬܐ݀ ܠܐ ܡܕܡ ܡܬܒܥ ܕܟܠ ܗܠܝܢ ܢܐܡܪ ܕܓܠܝܢ ܐܢܝܢ ܐܝܟܢܐ ܕܐܦ ܠܐ ܚܕ ܦܘܫܩܐ ܡܬܒܥܐ ܠܗܝܢ݀ ܕܒܗܘܢ ܒܥܒܕ̈ܐ ܒܙܒܢܐ ܕܒܬܪܟܢ ܐܫܬܡܠܝܝܢ. ܘܠܝܕܥܬܐ ܡܩܕܡܬܐ ܕܦܪܘܩܢ ܒܝܕ ܫܘܠܡܐ ܕܠܝܐ ܫܼܪܪܘ. ܡܬܢܓܕܝܢ ܓܝܪ ܫ̈ܠܝܚܐ ܡܢܗܘܢ ܕܝܗܘ̈ܕܝܐ ܒܙܒܢܐ ܕܒܬܪܟܢ ܒܗܿ ܒܐܘܪܫܠܡ ܟܕ ܐܦ ܢܦܼܩܘ ܡܢ ܟܢܘ̈ܫܬܗܘܢ ܟܕ ܚܕܝܢ ܕܫܼܘܘ ܕܚܠܦ ܫܡܐ [ܕܝܠܗ] ܢܨܛܥܪܘܢܿ ܘܒܟ̈ܐܦܐ ܐܬܪܓܡܼ ܡܢܗܘܢ ܐܣܛܦܢܘܣ ܘܝܥܩܘܒ ܐܬܩܼ̰ܠ ܒܣܝܦܐ. ܘܬܘܒ ܗܼܘ ܝܥܩܘܒ ܕܬܪ̈ܝܢ ܒܟ̈ܐܦܐ ܐܬܩܼܛܠ ܫܡܥܘܢ ܕܝܢ ܕܒܬܪ ܝܥܩܘܒ ܟܘܪܣܝܐ ܕܐܦܣܩܘܦܘܬܐ. ܕܒܐܘܪܫܠܡ ܩܒܼܠ݀ ܕܐܫܬܠܡ ܠܙܩܝܦܐ ܡܟܬܒܢܘܬܐ ܡܬܥܗܕ ܘܐܚܪ̈ܢܐ ܬܘܒ ܣܓܝ̈ܐܐ ܕܐܬܩܛܠܘ ܡܢ ܝܗܘܕ̈ܝܐ ܠܝܕܥܬܗ ܡܩܕܡܬܐ ܕܦܪܘܩܢ ܚܿܬܡܼܘ. ܕܡܛܠ ܗܠܝܢ ܟܠܗܝܢ ܠܫܪܒܬܐ ܕܗܢܐ ܟܠܗ ܐܡܪܚܼܬ ܕܝܢܐ ܕܡܢ ܐܠܗܐ ܐܬܢܩܼܡ ܡܢܗܿ݀ ܘܥܠܝܗܿ ܐܗܦܼܟ ܚܪܬܐ ܕܟܠܗܘܢ ܥܒܕ̈ܝܗܿ. ܡܢܗܿ ܓܝܪ ܕܗܿܝ ܫܪܒܬܐ ܐܬܥܼܩܪ ܗܝܟܠܗܘܢ ܘܡܕܒܚܗܘܢ ܘܐܫܬܪܝܬ ܡܿܠܟܘܬܐ ܗܿܝ ܕܡܢ ܐܒܗܝ̈ܗܘܢ ܒܡܫܠܡܢܘܬܐ ܥܕܡܐ ܠܗܿܘ ܙܒܢܐ ܐܬܢܛܪܬܼ. ܗܘܬ݀ ܘܚܐܪܘܬܗܘܢ ܐܫܬܩܼܠܬ ܡܢܗܘܢ ܘܒܗܘܢ ܒܥܒܕ̈ܐ ܐܬܚܼܙܝܬ ܕܗܼܘܬ ܬܒܥܬܐ ܕܟܠܗ ܕܡܐ ܕܙܕ̈ܝܩܐ ܡܢ ܗܿܝ ܫܪܒܬܐ ܢܩܦܐܝܬ ܐܝܟ ܡ̈ܠܘܗܝ ܡܩܕ̈ܡܬܐ ܕܦܪܘܩܢ݀ ܐܠܨܐ ܕܝܢ ܕܢܚܙܐ 149 ܕܥܡ ܐܝܢܐ ܟܘܠܗ ܫܘܠܛܢܐ ܘܡܢ ܐܝܢܐ ܚܝܠܐ ܐܬܐܡܼܪܬ ܕܗܐ ܐܢܐ ܡܫܕܪ ܐܢܐ ܠܘܬܟܘܢ ܢܒܝ̈ܐ ܘܚܟܝ̈ܡܐ݀ ܕܗܐ ܓܝܪ ܐܢܐ ܡܫܕܪ ܐܢܐ ܡܒܕܩܢܝܬܐ ܗܝ ܕܫܘܠܛܢܐ ܕܐܠܗܐ. ܘܕܒܐܦ̈ܝܗܘܢ ܠܪ̈ܝܫܢܐ ܕܝܗܘܕ̈ܝܐ ܚܘܘ̈ܬܐ ܝܠܕܐ ܕܐܟܕ̈ܢܐ ܢܩܪܐ. ܠܐ ܗܘܼܬ ܬܚܘܝܬܐ ܕܒܨܝܪܐ. ܘܒܬܪ ܟܠܗܝܢ ܥܠ ܐܒܕܢܐ ܕܥܬܝܕ ܗܘܐ ܕܢܕܪܟ ܐܢܘܢܿ ܡܠܬܐ ܡܩܕܡܬܐ ܫܪܪܗܝܢ ܕܗܠܝܢ ܕܡ̈ܠܐ ܒܝܕ ܫܘܠܡܗܝܢ ܚܿܘܝܼܬ. ܗܿܢܝܢ ܗܟܝܠ ܣܦܩܐܝܬ. ܬ݀ܐ ܕܝܢ ܢܩܦܐܝܬ ܢܬܒܩܐ݀ ܐܝܟܢܐ ܐܦ ܥܠܝܗܿ ܕܐܪܥܐ ܗܿܝ ܕܡܢ ܥܠܡ ܡܝܩܪܐ ܗܘܬ ܠܘܬܗܘܢܿ ܘܥܠ ܗܿܢܝܢ ܙܗ̈ܝܬܐ ܕܗܿܝ ܐܡܐ ܕܡܕܝ̈ܢܬܐ ܕܡܿܠܟܘܬܐ ܕܡܫܡܗܐ ܗܘܬ ܠܘܬܗܘܢ ܠܚܪܬܐ ܕܒܝ̈ܫܼܬܐ ܬܫܬܚܠܼܦ ܡܛܠ ܡܪܚܘܬܗܘܢ ܕܥܡܘܪ̈ܝܗܿ ܕܥܠܘܗܝ ܐܝܕܥܬܐ ܡܩܕܡܬܐ ܐܠܗܝܬܐ ܩܿܕܡ ܐܣܿܗܼܕ݀ ܕܐܦ ܡܒܟܐ ܒܟܐ ܥܠܝܗܘܢ ܡܛܠ ܡܪܚܡܢܘܬܗ ܀ ܥܠ ܚܘܪܒܐ ܕܗܝܠܟܐ ܀ ܕܐܘܪܫܠܡ ܀ ܝܚ. ܗܿܢܝܢ ܕܥܠ ܥܡܐ ܕܝܗܘܕ̈ܝܐ ܕܐܬܩܿܕܡ ܐܬܐܡܼܪ ܕܐܝܢܐ ܫܘܠܡܐ ܗܿܘܐ ܠܗܝܢ ܐܬܐܡܼܪ ܘܐܬܚܿܘܝ݀ ܡܛܠ ܕܝܢ ܕܐܦ ܥܠܝܗܝܢ ܕܝܠܗܝܢ ܕܕܘܟܝ̈ܬܐ ܗܼܘ ܡܠܬܐ ܕܐܠܗܐ ܐܬܢܒܼܝ. ܘ݀ܠܐ ܕܢܚܙܐ ܐܦ ܠܒܢ̈ܬ ܩܠܗ ܕܥܠ ܗܠܝܢ ܟܕ ܠܐ ܡܣܝܼܒܪܝܢ ܗܘܘ ܝܘܠܦܢܗ ܕܟܝܐ. ܘܠܐ ܓܠܝܘܬܗ ܘܠܐ ܡܟܣܢܘܬܗ ܪ̈ܫܢܐ ܕܝܗܘ̈ܕܝܐ ܥܒܲܕܘ ܕܡܢ ܕܝܢܬܗܘܢ ܢܓܗܘܢܿ ܡܢܗ݀ ܗܼܘ ܕܝܢ ܟܕ ܡܫܢܐ ܡܢ ܐܘܫܠܡ. ܗܠܝܢ ܒܢ̈ܬ ܩ̈ܠܐ ܥܠ ܡܕܝܢܬܗܘܢ ܐܡܼܪ ܐܘܪܫܠܡ ܐܘܪܫܠܡ ܕܩ݀ܛܠܼܬܝ ܢܒ̈ܝܐ ܘܪܓܡܼܬܝ ܠܗܿܢܘܢ ܕܐܫܬܼܕܪܘ ܠܘܬܟܝ. ܟܡܐ ܙܒ̈ܢܝܢ ܨܿܒܝܬ ܕܐܟܢܫܘ ܒܢܝ̈ܟܝ ܐܝܟ ܬܪܢܓܘܠܬܐ ܕܟܢܫܐ ܦܪ̈ܘܓܝܗܿ ܬܚܝܬ ܓ̈ܦܝܗܿ ܘܠܐ ܨܒܼܝܬܘܢ ܗܐ ܫܒܝܩ ܒܝܬܟܘܢ ܚܪܒܐ. ܐܡܿܪ ܐܢܐ ܠܟܘܢ ܕܝܢ ܕܠܐ ܬܚܙܘܢܢܝ ܡܢ ܗܫܐ ܥܕܡܐ ܕܬܐܡܪܘܢ ܒܪܝ ܗܘ ܕܐܬܼܐ ܒܫܡܗ ܕܡܪܝܐ ܕܢܦܘܬܐ ܛܡܐܬܐ ܙܒܢܐ ܕܒܬܪ ܟܢ ܐܣܬܥܼܪܬ ܡܢܗܘܢܿ ܘܗܕܐ ܐܝܬܝܗܿ ܗܿܘ ܪܘܫܥܐ ܕܐܡܪܚܼܘ݀ ܥܠ ܦܪܘܩܢ. ܘܙܕܩ ܗܘܐ ܕܠܐ ܒܠܚܘܕ ܥܡܘܪ̈ܝܗ ܕܡܝܕܢܬܐ. ܐܠܐ ܐܦ ܗܿܝ ܐܪܥܐ ܕܒܗܿ ܪ̈ܘܪܒܐܝܬ ܡܫܬܒܗܼܪܝܢ ܗܘܘ. ܗܿܢܝܢ ܕܫܿܘܝܢ ܠܗܿܢܝܢ ܕܣܥܼܪܘ ܥܡܘܪ̈ܝܗܿ ܬܚܞܫ݀ ܗܿܢܝܢ ܕܐܦ ܚܼܫܘ. ܠܐ ܗܘܐ ܠܢܘܓܪܐ ܟܕ ܪܗ̈ܘܡܝܐ ܐܬܼܘ ܥܠ ܡܕܝܢܬܐ ܘܠܥܡܘܪ̈ܝܗ 150 ܡܢܗܘܢ ܒܢܡܘܣܐ ܕܩܪܐ ܩ̰ܿܠܘ݀ ܘܠܡܢܗܘܢ ܒܟܦܢܐ ܚܿܒܠܼܘ. ܘܠܡܢܗܘܢ ܒܫܒܝܐ ܕܒܼܪܘ. ܘܠܡܢܗܘܢ ܪܕܦܼܘ݀ ܘܠܗܿ ܠܫܒܝܬܐ ܘܠܗܝܟܠܐ ܐܘܩܼܕ. ܘܠܚܪܬܐ ܕܚܘܪܒܐ ܐܪܡܝܼܘ݀ ܐܠܐ ܗܿܢܝܢ ܟܕ ܒܙܒܢܐ ܕܒܬܪܟܢ ܗܼܘܝ ܩ݀ܕܡ ܗܘ ܦܪܘܩܢ ܡܕܡ ܕܥܬܝܕ ܒܝܕܥܬܐ ܡܩܕܡܬܐ ܐܝܟ ܡܠܬܗ ܕܐܠܗܐ ܡܕܡ ܕܓܼܕܫܢ ܩܿܕܡ ܐܡܿ ܒܝܕ ܗܿܢܝܢ ܕܣܝܼܡܢ ܩܕܡܝܢ. ܒܢ̈ܝܗܿ ܕܝܢ ܕܡܕܝܢܬܐ ܡܫܡܗ ܠܟܠܗ ܥܡܐ ܕܝܗܘ̈ܕܝܐ ܘܒܬܝܗܘܢ ܩܿܪܐ ܠܗ ܠܗܝܟܠܐ. ܟܢ ܡܣܗܕ ܕܡܛܠ ܥܠܬܗܘܢ ܒܝܼܫܬܐ ܗܠܝܢ ܡܬܢܩܡܢ ܡܢܗܘܢ. ܡܛܠ ܕܗܼܘ ܙܒ̈ܢܬܐ ܣܓܝ̈ܐܬܐ ܕܢܟܢܫ ܒܢܝ̈ܗܘܢ ܬܚܝܬ ܢܝܪܐ ܕܣܓܕܬܐ ܕܐܠܗܐ ܨܿܒܐ݀ ܐܝܟ ܕܩܕܡ ܟܘܠ ܐܝܬܘܗܝ. ܘܡܢ ܥܠܡ ܒܛܝܠ ܗܘܐ ܠܗ ܥܠܝܗܘܢܿ ܘܒܝܕ ܚܕ ܚܕ ܡܢ ܢܒܝ̈ܐ ܒܟܠܗܘܢ ܕܪ̈ܝܗܘܢ ܪܕܐ ܗܘܐ ܠܗܘܢ ܘܩܪܐ݀ ܘܗܼܢܘܢ ܕܝܢ ܠܐ ܨܒܝܼܢ ܗܘܘ ܕܢܫܡܥܘܢܿ ܠܩܪܝܢܗ ܕܡܛܠ ܗܕܐ ܓܙܪ ܕܝܢܐ ܕܥܠܝܗܘܢ ܐܦܼܩ ܘܐܡܼܪ. ܕܗܐ ܫܒܝܩ ܒܝܬܟܘܢ ܚܪܒܐ. ܣܓܝ ܕܝܢ ܒܛܝܠܐܝܬ ܠܐ ܗܘܐ ܕܗܼܝ ܡܝܕܢܬܐ ܗܿܘܝܐ ܚܪܒܬܐ݀ ܐܠܐ ܕܗܲܘ ܒܝܬܐ ܕܒܗܿ݀ ܗܿܢܘܢ ܕܝܢ ܗܝܟܠܐ. ܗܿܘܢ ܕܠܐ ܬܘܒ ܕܝܠܗ ܐܦ ܠܐ ܕܒܝܬܐ ܐܕܠܗܐ ܨܿܒܐ ܕܢܬܩܪܐ ܐܠܐ ܕܕܝܠܗܘܢ ܗܘ ܐܡܿܪ ܘܕܗܼܘܐ ܕܝܢ ܚܪܒܐܐܬܢܒܝ. ܠܐ ܗܘܐ ܐܚܪܢܝܐܝܬ ܐܠܐ ܕܡܬܒܩ ܡܢ ܒܛܝܠܘܬܐ ܗܿܝ ܕܡܢ ܩܕܝܡ ܣܿܥܼܪܐ ܗܘܬ ܠܗ. ܕܡܛܠ ܗܕܐ ܐܡܿܪ ܕܗܐ ܫܒܝܩ ܒܝܬܟܘܢ ܚܪܒܐ. ܘܘܿܠܐ ܕܢܬܕܡܪ ܒܫܘܠܡܗܿ ܕܡܠܬܐ ܕܠܐ ܡܢ ܡܬܘܡ ܒܙܒܢ ܐܚܞܪܝܢ ܐܝܟ ܗܢܐ ܟܘܠܗ ܚܘܪܒܐ ܣܝܼܒܪܬ ܕܘܟܬܐ ܗܿܝ݀ ܐܦܠܐ ܒܗܿܘ ܙܒܢܐ ܕܡܛܠ ܣܓܝܐܘܬܐ ܕܪܫܥܗܘܢ ܘܕܣܓܬܕܗܘܢ ܕܦܬܟܪ̈ܐ ܘܛܘܢܦܐ ܕܒܕܡܐ ܕܢܒܝ̈ܐ ܡܢ ܒܒܠ̈ܝܐ ܐܬܥܩܼܪ ܗܘܐ. ܫܒ̈ܥܝܢ ܫܢ̈ܝܢ ܓܝܪ ܟܠܗ ܙܒܢ ܕܚܘܪܒܐ ܕܕܘܟܬܐ ܒܗܿܢܝܢ ܫܢܝ̈ܐ ܗܼܘܐ ܗܘܐ ܕܡܛܠ ܗܕܐ ܠܐ ܫܠܡܐܝܬ ܐܬܐܡܼܪܬ. ܗܘܬ ܠܗܘܢ ܒܗܿܘ ܙܒܢܐ ܕܗܐ ܫܒܝܩ ܒܝܬܟܘܢ ܚܪܒܐ. ܠܐ ܓܝܪ ܐܫܬܒܩ ܗܘܐ݀ ܕܐܣܬܩܒܠ ܠܗ ܣܘܥܪܢܐ ܒܬܪ ܩܠܝܠ ܙܒܢܐ ܕܠܗ ܠܚܘܕܬܐ ܡܝܬܪܐ ܕܪܒ ܡܢ ܩܕܡܝܐ ܫܿܘܐ ܐܝܟܢܐ ܕܩܿܕܡ ܐܡܼܪ ܚܕ ܡܢ ܢܒ̈ܝܐ. ܕܢܗܘܐ ܪܒ ܫܘܒܚܗ ܕܒܝܬܐ ܗܢܐ ܐܚܪܝܐ ܛܒ ܡܢ ܩܕܡܝܐ ܡܢ ܒܬܪ ܕܝܢ ܒܪܬ ܩܠܐ ܕܦܪܘܩܢ ܕܐܝܟܢܐ ܐܫܬܒܩܘ ܘܒܝܬܟܘܢ ܒܓܙܪܕܝܢܐ ܕܐܠܗܐ. ܠܚܪܬܐ ܕܚܘܪܒܐ ܐܬܼܐ ܠܗܿܢܘܢ ܕܠܗܝܢ ܠܕܘܟ̈ܝܬܐ ܐܙܠܝܢ ܗܿܝ ܚܙܬܐܝܬܝܪܐܝܬ ܫܘܠܡܐ ܕܡܠܬܐ 151 ܡܚܿܘܝܐ݀ ܘܗܿܘ ܙܒܢܐ ܕܫܢ̈ܝܐ ܣܓܝ̈ܐܬܐ ܘܢܓܝܪܐ ܗܘܐ ܐܝܟܢܐ ܕܠܐ ܒܠܚܕ ܐܥܦܐ ܢܗܘܐ ܕܚܘܪܒܐ ܕܫܒ̈ܥܝܢ ܫܢܝܢ݀ ܕܗܼܘܐ ܒܙܒܢܐ ܕܒܒ̈ܠܝܐ݀ ܐܠܐ ܐܦ ܥܠ ܐܪ̈ܒܥܐ ܐܥ̈ܦܝܢ ܢܥܒܪ ܘܠܓܙܪ ܕܝܢܗ ܕܦܪܘܩܢ ܡܫܪܪ. ܬܘܒ ܕܝܢ ܘܐܦ ܒܙܒܢ ܐܚܪܝܢ ܗܼܘ ܦܪܘܩܢ ܥܠ ܓܢܼܒ ܗܢܐ ܗܝܟܠܐ ܕܐܬܐܡܼܪ ܡܗܠܟ ܗܘܐ ܘܬܠܡܝܕ̈ܘܗܝ ܟܕ ܡܬܕܡܪܝܢ ܒܒܢܝܢܐ ܕܚܕܪ ܠܗ݀ ܘܒܪܒܘܬܗ ܕܝܠܗ ܕܗܝܟܠܐ ܘܒܫܘܦܪܗ ܡܚܿܘܼܝܢ ܗܘܘ ܠܗ. ܗܼܘ ܕܝܢ ܦܢܼܝ ܠܗܘܢ ܦܬܓܡܐ ܘܐܡܼܪ ܠܐ ܗܐ ܚܙܝܢ ܐܢܬܘܢ ܗܠܝܢ ܟܠܗܝܢ݀ ܐܡܿܪܢܐ݀ ܠܟܘܢ ܕܠܐ ܬܫܬܒܩ ܗܪܟܐ ܟܐܦܐ ܥܠ ܟܐܦܐ ܐܝܕܐ ܕܠܐ ܬܫܬܪܐ. ܘܕܐܝܢ ܫ݀ܘܐ ܗܘܐ ܠܬܕܡܘܪܬܐ ܟܠܗܿ ܒܢܝܢܗ ܘܟܠܗ ܨܒܬܐ ܐܚܪܝܐ ܕܗܝܟܠܐ ܕܬܡܢ ܡܚܿܘܝܢ ܟ̈ܬܒܐ ܡܛܠ ܕܝܢ ܬܚܘܝܬܐ ܥܕܡܐ ܠܗܫܐ ܫܪܟܢܐ ܢܛܝܪ ܕܒܗ ܥܩ̈ܒܬܐ ܡܬܕܟܪܢ. ܕܗܿܢܘܢ ܨܒ̈ܬܐ ܥ̈ܬܝܩܐ ܬܕܡܘܪܬܐ ܕܝܢ ܡܝܬܪܬܐ ܐܝܬܝܗܿ ܕܪܒܐ ܡܢ ܟܠ ܒܪܬ ܩܠܐ ܐܠܗܝܬܐ ܕܝܕܥܬܐ ܡܩܕܡܬܐ ܕܦܪܘܩܢ ܕܫܠܡܐܝܬ ܓܙܪ ܕܝܢܐ ܐܡܼܪܬ ܠܗܿܢܘܢ ܕܒܒܢܝܢܐ ܡܬܕܡܪܝܢ ܗܘܘ݀ ܕܠܐ ܬܫܬܒܩ ܒܕܘܟܬܐ ܕܡܬܕܡܪܝܢ ܗܘܘ ܒܗܿ ܟܐܦܐ ܥܠ ܟܐܦܐ ܕܠܐ ܬܬܥܩܼܪ݀ ܙܕܩ ܗܘܐ ܓܝܪ ܡܛܠ ܡܪܚܘܬܐ ܕܥܡܘܪ̈ܘܗܝ ܕܡܠܝܐܝܬ ܚܘܒܠܐ ܘܚܘܪܒܐ ܬܣܝܒ ܪܗܼܝ ܕܘܟܬܐ݀ ܡܛܠ ܕܒܝܬ ܡܥܡܪܐ ܗܘܬ ܕܐܢܫܐ ܪ̈ܫܝܥܐ ܘܕܐܝܟܢܐ ܗܿܢܝܢ ܕܡܠܬܐ ܡܩܕܡܬܐ ܒܥܒܕܐ ܫܪܟܝܢ݀ ܘܟܘܠܗ ܗܝܟܠܐ ܘܫܘܪܗ ܘܗܿܢܝܢ ܒܢܝ̈ܢܐ ܡܨܒ̈ܬܐ ܘܦ̈ܐܝܐ ܕܒܗܿ ܕܠܟܠ ܡ̈ܠܝܢ ܡܚܿܦܼܝܢ ܗܘܘ. ܘܚܘܪܒܐ ܡܢ ܗܿܘ ܙܒܢܐ ܕܡܐ ܠܗܫܐ ܣܝܒܼܪܘ. ܘܪܒܐ ܥܡ ܙܒ̈ܢܐ ܘܡܚܒܠ ܗܿܘ ܚܝܠܗܿ ܕܡܠܬܐ ܐܝܟܢܐ ܕܐܦ ܠܐ ܥܩ̈ܒܬܐ ܕܫ̈ܬܐܣܐ ܒܕ̈ܘܟܝܢ ܕܘܟܝܢ ܢܬܚܙܝܢ. ܫܠܝܛ ܠܟܠ ܕܢܨܒܐ ܕܒܥܝ̈ܢܘܗܝ ܢܚܙܐ ܘܐܢ ܕܝܢ ܢܐܡܪ ܐܢܫ ܕܩܠܝܠ ܕܘܟ̈ܝܬܐ ܥܕܟܝܠ ܩܿܝܡܝܢ݀ ܐܠܐ ܐܦ ܚܘܒܠܗܝܢ ܕܗܠܝܢ ܙܕܩ ܕܢܣܟܐܟܕ ܒܟܠܝܘܡ ܢܪܒܐ ܚܘܪܒܗܝܢ ܘܡܠܬܐ ܡܩܕܡܬܐ ܗܿܝ ܕܐܬܐܡܪܬ ܒܚܝܠܐ ܟܣܝܐ ܒܟܠܙܒܢ ܣܿܥܪܐ. ܝܕܥܢܐ ܕܝܢ ܕܫܿܡܥܬ ܡܢ ܐܢܫܝܢ ܕܬܪܓܡܘܗܿ ܠܗܕܐ ܒܪܬ ܩܠܐ ܕܣܝܡܐ ܩܕܡܝܢ ܐܪܚܢܝܐܝܬ ܠܐ ܗܘܐ ܠܡ ܓܝܪ ܥܠ ܟܠܗܘܢ ܒܢܝ̈ܐ ܐܬܐܡܼܪܬ. ܐܠܐ ܥܠ ܗܿܝ ܕܘܟܬܐ ܗܿܝ ܕܬܠܡܝܕ̈ܘܗܝ ܟܕ ܡܬܕܡܪܝܢ ܗܘܘ ܒܗܿ ܚܿܘܝܼܘ ܠܗ. ܥܠܝܗܿ ܓܝܪ ܐܡܼܪ ܗܕܐ ܡܠܬܐ ܡܩܕܡܬܐ ܘܬܘܒ ܕܝܢ ܟܬܒܐ ܕܬܠܡܝܕ̈ܘܗܝ ܕܥܠܘܗܝ ܡܠܦ. ܗܠܝܢ ܥܠ ܥܩܘܪ̈ܝܗܿ ܕܕܘܟܬܐ 152 ܥܠ ܚܒܘܫܝܗܿ ܕܡܕܝܢܬܐ ܡܢ ܐܘܓܠܝܘܢ ܕܠܘܩܐ. ܝܛ. ܘܟܕ ܚܙܗܿ ܠܡܕܝܢܬܐ ܒܟܼܐ ܥܠܝܗܿ ܘܐܡܪ ܐܠܘ ܝܕܥܬܝ ܐܦܢ ܒܗܢܐ ܝܘܡܐ ܗܠܝܢ ܕܫܠܡܟܝ݀ ܗܫܐ ܕܝܢ ܐܬܟܣܝ ܡܢ ܥܝ̈ܢܝܟܝ ܕܢܐܬܘܢ ܥܠܝܟܝ ܝܘ̈ܡܬܐ ܕܢܚܕܪܘܢܟܝ ܒܥܠܕ̈ܒܒܝܟܝ ܘܢܟܪܟܘܢܟܝ ܘܢܐܠܨܘܢܟܝ ܡܢ ܟܠܗܘܢ ܓܒܝ̈ܟܝ ܢܥܩܪܘܢܟܝ ܘܠܒܢܝ̈ܟܝ ܒܓܘܟܝ ܗܿܢܝܢ ܕܩܕܡ ܗܕܐ ܥܠܘܗܝ ܕܗܝܟܠܐ ܐܬܢܒܼܝ. ܗܿܢܝܢ ܕܝܢ ܕܣܝܡܢ ܩܕܡܝܢ ܥܠܝܗܿ ܕܝܠܗܿ ܕܡܕܝܢܬܐ ܗܿܝ ܕܡܕܝܢܬܗ ܕܐܠܗܐ ܡܫܡܗܝܢ ܗܘܘ ܠܗܿ ܝܗܘ̈ܕܝܐ ܡܛܠ ܗܝܟܠܗ ܕܐܠܗܐ ܕܒܗܿ ܒܢܼܐ ܗܘܐ. ܒܟܼܐ ܕܝܢ ܥܠܝܗܿ ܥܠ ܟܠܗܿ ܗܼܘ ܡܪܚܡܢܐ. ܠܐ ܗܟܢܐ ܥܠ ܒܢܝ̈ܢܗܿ݀ ܐܦ ܠܐ ܥܠ ܐܪܥܐ. ܐܝܟܢܐ ܕܥܠ ܢܦܫ̈ܬܐ ܕܥܡܘܪ̈ܝܗܿ ܩܘܕܡܐ ܘܥܠ ܐܒܕܢܗܘܢ ܡܪܚܡ. ܐܠܐ ܐܦ ܥܠܬܐ ܕܚܘܪܒܗܘܢ ܡܚܞܘܐ ܟܕ ܐܡܿܪ ܕܐܠܘ ܝܕܥܬܼܝ ܐܦܢ ܒܗܢܐ ܝܘܡܐ ܗܠܝܢ ܕܫܠܡܝܟ. ܡܒܕܩ ܕܝܢ ܥܠ ܡܐܬܝܬܗ ܕܝܠܗ݀ ܕܠܫܠܡܐ ܕܟܠܗ ܥܠܡܐ ܗܘܬ. ܗܼܘܝܘ ܓܝܪ ܕܥܠܘܗܝ ܐܬܐܡܼܪ ܕܢܕܢܚ ܒܝܘܡ̈ܬܗ ܙܕܩܐ. ܘܣܘܓܐܐ ܕܫܠܡܐ ܐܬܼܐ ܕܝܢ ܡܛܠܬܗ ܕܗܕܐ ܕܢܟܪܙ ܫܠܡܐ ܠܩܪ̈ܝܒܐ ܘܫܠܡܐ ܠܪ̈ܚܝܩܐ ܘܠܗܿܢܘܢܿ ܕܡܩܒܠܝܢ ܠܗ ܐܡܼܪ. ܫܠܡܐ ܫܒܩܢܐ ܠܟܘܢܿ ܫܠܡܐ ܕܝܠܝ ܝܿܗܒܢܐ ܠܟܘܢ ܗܿܘ ܫܠܡܐ ܕܟܠܗܘܢ ܥܡ̈ܡܐ ܕܒܟܠܗܿ ܒܪܝܬܐ ܕܗܝܡܢܘ ܒܗ݀ ܩܒܠܘ. ܗܘ ܕܝܢ ܥܡܐ ܕܡܢ ܓܙܪܬܐ ܕܠܐ ܗܝܡܢܘ ܒܗ݀ ܠܐ ܝܕܥܘ ܗܠܝܢ ܕܫܠܡܗ. ܕܡܛܠ ܗܕܐ ܐܡܼܪ ܒܬܪܗ݀ ܕܗܫܐ ܐܬܟܣܝ ܡܢ ܥܝ̈ܢܝܟܝ ܕܢܐܬܘܢ ܥܠܝܟܝ ܝܘ̈ܡܬܐ ܘܢܚܕܪܘܢܟܝ ܒܥܠܕܒ̈ܒܝܟܝ ܗܿܢܝܢ ܗܟܝܠ ܕܥܬܝܕܢ ܗܘܝ ܕܢܕܪܟܢ ܐܢܘܢ ܒܬܪ ܩܠܝܠ ܒܗܿܘ ܚܒܘܫܝܐ ܡܛܠ ܕܠܐ ܩܿܕܡܘ ܐܪܓܫܘ ܒܗܿܘ ܫܠܡܐ ܕܐܬܩܿܕܡ ܐܣܬܒܪ ܠܗܘܢܿ ܐܬܟܼܣܝ ܠܗ ܡܢ ܥܝܢ̈ܝܗܘܢܿ ܗܼܢܘܢ ܗܟܝܠ ܠܐ ܩܕܡܘ ܚܼܙܘ ܡܕܡ ܕܒܬܪܟܢ ܓܼܕܫ ܐܢܘܢܿ ܗܼܘ ܕܝܢ ܗܠܝܢ ܓܠܝܐܝܬ ܒܝܕ ܡܠܬܐ ܡܩܕܡܬܐ ܐܬܢܒܼܝ ܘܓܠܝܐܝܬ ܚܒܘܫܝܐ ܕܡܢ ܪ̈ܗܘܡܝܐ ܐܪܕܟ ܐܢܘܢ ܩܿܕܡ ܒܼܕܩ. ܢܐܬܘܢ ܠܡ ܓܝܪ ܥܠܝܟܝ ܝܘܡ̈ܬܐ ܡܛܠ ܕܠܐ ܝܕܝܥܬܼܝ ܗܠܝܢ ܕܫܠܡܟܝ. ܡܛܠ ܗܕܐ ܓܝܪ ܥܠܬܐ ܢܐܬܘܢ ܥܠܝܟܝ ܝܘܡ̈ܬܐ ܘܢܚܞܕܪܘܢܟܝ ܒܥܠܕܒ̈ܒܝܟܝ ܘܢܒܪܟܘܢܟܝ ܘܢܐܠܨܘܢܟܝ ܡܢ ܟܠ ܓܒ̈ܝܟܝ ܘܢܥܩܪܘܢܟܝ ܘܠܒܢܝ̈ܟܝ ܒܓܘܟܝ. ܡܟܬܒ ܕܝܢ ܒܝܕ ܗܢܝܢ ܐܟܣܡܐ ܕܩܪܒܐ ܗܿܘ ܕܗܼܘܐ 153 ܥܠܝܗܘܢ ܘܕܐܝܟܢܐ ܠܫܘܠܡܐ ܐܬ݀ܝ ܗܠܝܢ ܩܪܝܒܐ ܗܝ ܕܡܢ ܡܟܬܒܢܘܬܐ ܕܝܘܣܦ ܢܫܒܚ ܗܘ ܕܝܗܘܕܝܐ ܗܘܐ. ܘܡܢ ܫܒܛܐ ܕܝܠܗܘܢ ܕܝܗܘܕ̈ܝܐ ܐܬܝܼܠܕ ܡܢ ܐܢܫܐ ܝܕ̈ܝܥܐ ܘܡܫܡ̈ܐ ܒܗ ܒܥܡܐ ܒܙܒܢܐ ܕܚܒܘܫܝܐ ܟܠܗܘܢ ܐܝܠܝܢ ܕܐܣܬܼܥܪ ܒܗܘܢ ܐܟܼܬܒ ܘܕܫܠܡܢ ܒܥܒܕܗܝܢ ܠܗܝܢ ܡ̈ܠܐ ܡܩܕܡܬܐ ܕܩܡܝܢ ܚܿܘܝ ܀ ܬܘܒ ܥܠ ܚܒܘܫܝܗܿ ܕܡܕܝܢܬܐ ܡܢ ܐܘܢܓܠܝܘܢ ܕܠܘܩܐ ܟܟ. ܡܐ ܕܚܼܙܝܬܘܢ ܠܡ ܠܐܘܪܫܠܡ ܕܚܕܝܪ ܠܗܿ ܚܝܠܐ. ܕܥܘ ܕܩܪܒ ܚܘܪܒܗܿ. ܗܝܕܝܢ ܐܝܠܝܢ ܕܒܝܗܘܕ ܢܥܪܩܘܢ ܠܛܘܪܐ. ܘܐܝܠܝܢ ܕܒܓܘܗܿ ܐܢܘܢ ܢܫܠܡܘܢܿ ܘܐܝܠܝܢ ܕܒܐܕ̈ܝܕܝܗܿ ܐܢܘܢ ܠܐ ܢܥܠܘܢ ܠܓܘܗܿ݀ ܡܛܠ ܕܝܘ̈ܡܬܐ ܐܢܘܢ ܕܬܒܥܬܐ ܕܢܫܠܡ ܟܠ ܡܐ ܕܬܟܝܒ. ܘܝ ܕܝܢ ܠܒܛܢ̈ܬܐ ܘܠܐܝܠܝܢ ܕܡܝܢܩܢ ܒܗܢܘܢ ܝܘܡ̈ܬܐ. ܢܗܘܐ ܓܝܪ ܐܘܠܨܢܐ ܪܒܐ ܥܠ ܐܪܥܐ ܘܪܘܓܙܐ ܪܒܐ ܥܠ ܥܡܐ ܗܢܐ ܘܢܦܠܘܢ ܒܦܘܡܐ ܕܣܝܦܐ ܘܢܫܬܒܘܢ ܒܟܘܠܗܘܢ ܥܡ̈ܡܐ. ܘܐܘܪܫܠܡ ܬܗܼܘܐ ܡܬܕܝܫܐ ܡܢ ܥܡ̈ܡܐ ܥܕܡܐ ܕܢܫܠܡܘܢ ܙܒ̈ܢܐ ܕܥܡ̈ܡܐ ܟܕ ܠܥܠ ܡܢܗܿ ܐܡܿܪ݀ ܕܗܐ ܫܒܝܩ ܒܝܬܟܘܢ ܚܪܒܐ ܒܝܕ ܗܿܢܝܢ ܕܣܝܡܢ ܩܕܡܝܢ ܐܬܘ̈ܬܐ ܝܿܗܒ ܕܙܒܢܐ ܕܚܘܪܒܐ. ܐܚܪܝܐ ܕܕܘܟܬܐ ܗܿܢܝܢ ܕܡܚܿܘܐ ܘܐܡܿܪ ܕܡܐ ܕܚܙܝܬܘܢ ܠܐܘܪܫܠܡ ܕܚܝܪ ܠܗܿ ܚܝܠܐ. ܟܢ ܕܥܘ ܕܩܪܒ ܚܘܪܒܗܿ. ܠܐ ܠܡ ܓܝܪ ܐܢܫ ܢܣܒܪ݀ ܕܡܢ ܒܬܪ ܚܒܘܫܝܐ ܕܗܘܐ ܘܚܘܪܒܐ ܕܕܘܟܬܐ ܕܗܿܕܐ ܒܗ݀ ܕܐܚܪܢܐ ܚܘܕܬܐ ܗܿܘܐ ܠܗܿ. ܐܝܟܢܐ ܕܗܼܘܐ ܒܙܒܢܐ ܕܩܘܪܫ݀ ܡܿܠܟܐ ܕܦܪ̈ܣܝܐ ܘܒܬܟܢ ܒܕܐܢܛܝܟܘܣ ܐܦܝܦܢܣ ܘܬܘܒ ܒܕܦܘܡܦܝܘܣ ܙܒܢ̈ܬܐ ܓܝܪ ܣܓܝ̈ܐܬܐ ܕܚܒܘܫܝܐ ܣܝܒܼܪܬ ܕܘܟܬܐ ܘܠܚܘܕܬܐ ܡܝܬܪܐ ܒܬܪܟܢ ܫܘܼܬ. ܐܠܐ ܚܘܪܒܐ ܐܚܪܝܐ ܘܚܘܒܠܐ ܡܠܝܐ ܕܐܬ݀ܐ ܥܠܝܗܿ ܕܥܘ. ܡܐ ܕܚܙܝܬܘܢ ܕܡܢ ܚܝ̈ܠܘܬܐ ܡܫܬܚܒܫܐ. ܚܘܪܒܗ ܕܝܢ ܕܐܘܪܫܠܡ ܡܫܡܗܿ݀ ܚܘܒܠܐ ܕܗܝܟܠܐ ܘܒܘܛܠܐ ܕܗܿܢܝܢ ܕܡܢ ܩܕܝܡ ܒܗ ܐܝܟ ܢܡܘܣܐ ܕܡܘܫܐ ܡܫܬܡܫܢ ܗܘܝ. ܠܐ ܓܝܪ ܬܣܒܪ ܕܚܘܪܒܗܿ ܕܝܠܗܿ ܕܡܕܝܢܬܐ ܡܬܐܡܪ ܒܝܕ ܗܠܝܢ ܐܝܟܢܐ ܕܐܢܫ ܬܘܒ ܠܐ ܢܥܡܪ ܒܗܿ. ܐܡܿܪ ܓܝܪ ܒܬܪܗܿ ܕܡܬܝܬܒܐ ܡܕܝܢܬܐ ܠܐ ܗܘܐ ܡܢ ܝܗܘܕ̈ܝܐ ܐܠܐ ܡܢ ܥܡ̈ܡܐ ܟܕ ܗܟܢܐ ܐܡܿܪ݀ ܘܐܘܪܫܠܡ ܬܗܼܘܐ ܡܬܕܝܫܐ ܡܢ ܥܡ̈ܡܐ. ܘܡܟܝܠ ܝܕܥ ܠܗ ܕܡܬܝܬܒܐ ܡܢ 154 ܥܡ̈ܡܐ݀ ܚܘܪܒܗܿ ܕܝܢ ܩܪܐ݀ ܕܬܘܒ ܠܐ ܡܢ ܒܢܝ̈ܗܿ. ܘܠܐ ܬܫܡܫܬܐ ܕܒܢܡܘܣܐ ܡܬܩܝܡܐ ܒܗܿ. ܘܕܐܝܟܢܐ ܐܦ ܗܿܢܝܢ ܐܫܿܬܠܼܡ݀ ܠܐ ܡܬܒܥܝܢ ܡ̈ܠܐ ܣܓܝ̈ܐܬܐ ܡܛܠ ܕܩܪܝܒܐ ܗܝ ܕܒܥܝ̈ܢܝܢ ܢܚܙܐ ܕܝܗܘܕ̈ܝܐ ܒܟܠܗܘܢ ܥܡ̈ܡܐ ܡܒܕܪ̈ܝܢ ܘܥܡܘܪ̈ܐ ܢܘܟܪ̈ܝܐ ܘܒܢ̈ܝ ܓܢܣܐ ܐܚܪܢܐ ܒܗܿܝ ܕܡܢ ܩܕܝܡ ܐܘܪܫܠܡ ܘܗܐ ܡܢ ܐܠܝܘܣ ܗܪܕܝܢܘܣ ܥܡܘܪܗܿ ܐܠܝܐ ܐܬܟܢܝܬ. ܬܕܡܘܪܬܗܿ ܗܟܝܠ ܕܝܠܗܿ ܕܢܒܝܘܬܐ ܗܕܐ ܐܝܬܝܗܿ ܕܥܠ ܝܗܘܕ̈ܝܐ ܐܡܿܪ ܕܢܫܬܒܘܢ ܒܟܠܗܘܢ ܥܡ̈ܡܐ. ܘܥܠ ܥܡ̈ܡܐ ܕܐܘܪܫܡ ܬܗܼܘܐ ܡܬܕܝܫܐ ܡܢ ܥܡ̈ܡܐ. ܕܬܗܡܐ ܗܘ ܕܝܢ ܗܢܐ ܫܘܠܡܐ ܕܝܗ̈ܘܕܝܐ ܕ ܡܠܝܢ ܒܟܘܠܗܿ ܒܪܝܬܐ ܕܒܢ̈ܝ ܐܢܫܐ ܐܝܟܢܐ ܕܐܦ ܒܝܬ ܟܘܫ̈ܝܐ ܢܫܪܟܘܢ ܘܒܝܬ ܣܩ̈ܘܬܝܐ ܘܒܣܘܦܝܗܿ ܕܐܪܥܐ ܒܠܚܕ ܠܡܝܕܢܬܐ ܕܝܠܗܘܢ ܘܠܗܿܝ ܕܘܟܬܐ ܕܣܓܕܬܐ ܕܕܝܠܗܘܢ ܗܘܬ ܡܢ ܩܕܝܡ ܐܠܐ ܡܫܟܚܝܢ ܕܢܥܠܘܢ. ܘܐܠܘ ܐܝܬܝܗܿ ܗܘܬ ܗܼܝ ܡܕܝܢܬܐ ܚܪܒܬܐ ܡܠܝܐܝܬ ܘܕܠܐ ܥܡܘܪ̈ܐ ܟܒܪ ܣܒܿܪ ܗܘܐ. ܐܢܫ ܕܗܕܐ ܗܝ ܥܠܬܐ. ܗܫܐ ܕܝܢ ܡܢ ܥܡ̈ܡܐ ܢܘܟܪ̈ܝܐ. ܘܒܢ̈ܝ ܓܢܣܐ ܐܚܪܢܐ ܗܿܝ ܕܘܟܬܐ ܝܬܒܐ ܘܒܠܚܘܕ ܐܠܗܘܢ ܕܢܕܪܟܘܢ ܒܗ ܠܐ ܫܠܝܛ ܐܝܟܢܐ ܕܐܦܠܐ ܡܢ ܪܘܚܩܐ ܢܫܒܟܚܘܢ ܕܐܪܥܐ ܗܝ ܕܐܒܗ̈ܝܗܘܢ ܢܚܙܘܢ. ܗܿܢܝܢ ܒܗܢܐ ܐܣܟܡܐ ܐܫܿܬܠܡ. ܢܩܦܐܝܬ ܐܝܟ ܢܒܝܘܬܐ ܕܐܡܼܪܬ. ܕܢܫܬܒܘܢ ܒܟܠܗܘܢ ܥܡ̈ܡܐ. ܘܐܘܫܠܡ ܬܗܘܐ ܡܬܕܝܫܐ ܡܢ ܥܡ̈ܡܐ. ܡܘܕܥ ܕܝܢ ܐܦ ܐܣܟܡܐ ܕܝܠܗ ܕܫܒܝܐ. ܕܩܪܒܐ ܗܿܘ ܕܐܡܼܪ ܢܗܿܘܐ ܓܝܪ ܐܘܠܨܢܐ ܥܠ ܐܥܪܐ. ܘܪܘܓܙܐ ܪܒܐ ܥܠ ܥܡܐ ܗܢܐ. ܘܢܦܠܘܢ ܒܦܘܡܐ ܕܣܝܦܐ. ܗܿܢܝܢ ܕܝܢ ܕܐܝܟܢܐ ܒܕܘܟܝܬܗܝܢ ܐܣܬܥܼܪ ܘܕܐܝܟܢܐ ܗܿܢܝܢ ܕܐܬܩܿܕܡ ܐܬܐܡܼܪ ܡܢ ܦܪܘܩܢ ܐܫܬܠܼܡ ܒܥܒܕܐ ܫܠܝܛ ܕܡܢ ܡܟܬܒܢܘܬܐ ܕܦܠܘܝܘܣ ܝܘܣܦ ܢܐܠܦ. ܗܿܘ ܕܐܦ ܫܘܠܡܐ ܕܗܿܝ ܡܠܬܐ ܡܩܕܡܬܐ ܕܦܪܘܩܢ ܕܐܡܼܪ. ܕܘܝ ܕܝܢ ܠܒܛܢ̈ܬܐ ܘܠܗܿܢܝܢ ܕܡܝܢܩܢ ܒܝܘ̈ܡܬܐ ܗܿܢܘܢ ܓܠܝܐܝܬ ܚܿܘܼܝ݀ ܘܐܥܗܼܕ ܕܐܝܟܢܐ ܢܫܗܐ ܝܠܘܕ̈ܝܗܝܢ ܛ݀ܘܝܼ ܒܢܘܪܐ ܘܐܟܼܠ. ܡܛܠ ܥܝܫܢܘܬܗ ܕܟܦܢܐ ܕܐܚܼܕ ܠܡܕܝܢܬܐ. ܠܗ ܗܟܠܝ ܠܗܢܐ ܟܦܢܐ ܕܗܼܘܐ ܒܗܿ ܒܡܕܝܢܬܐ ܗܩܿܕܝܡ ܚܼܙܐ ܦܪܘܩܢ. ܘܡܠܼܟ ܠܬܠܡܝܕ̈ܘܗܝ ܕܒܚܒܘܫܝܐ ܕܥܬܝܕ ܗܘܐ ܕܢܐܬܐ ܥܠ ܝܗܘ̈ܕܝܐ ܠܐ ܗܘܐ ܐܝܟ ܕܠܕܘܟܬܐ ܚܣܝܢܬܐ ܘܕܡܬܢܛܪܐ ܡܢ ܐܠܗܐ ܢܬܓܘܣܘܢ ܒܡܕܝܢܬܐ ܗܝ ܕܚܫܼܘ 155 ܒܗܿ ܣܓܝ̈ܐܐ ܐܠܐ ܡܢ ܬܡܢ ܢܫܢܘܢ ܘܢܥܪܩܘܢ ܠܛܘܪܐ ܘܗܿܢܘܢ ܕܒܓܘܗܿ ܕܝܗܘܕ ܢܫܠܡܘܢ ܠܥܡ̈ܡܐ. ܘܗܿܢܘܢ ܕܒܐܪ̈ܥܬܗܿ ܠܐ ܢܬܓܘܣܘܢ ܒܗܿ. ܐܝܟ ܕܒܕܘܟܬܐ ܡܪܝܕܬܐ ܕܡܛܠ ܗܕܐ ܐܡܼܪ ܕܗܿܢܘܢ ܕܒܐܕ̈ܝܕܝܗܿ ܠܐ ܢܥܠܘܢ ܠܓܘܗܿ. ܕܝܘ̈ܡܬܐ ܐܢܘܢܕ ܕܬܒܥܬܐ ܕܢܫܠܡ ܟܠ ܡܐ ܕܬܟܝܒ݀ ܫܠܝܛ ܗܟܝܠ ܡܢ ܕܡܚܒ݀ ܕܡܦܢܗܝܢ ܕܗܠܝܢ ܢܐܠܦ. ܡܢ ܡܟܬܒܢܘܬܐ ܕܝܘܣܦ݀ ܐܢ ܕܝܢ ܙܕܩ ܕܐܢ ܙܥܘܪ̈ܝܬܐ݀ ܘܐܦ ܒܢܐ ܟܬܒܐ ܡܛܠ ܣܗܕܘܬܐ ܢܣܝܡ ܡܢܗ ܠܐ ܡܕܡ ܟܿܠܐ ܕܢܫܡܥܗ ܠܗܿ ܠܡܟܬܒܢܐ ܕܒܗܢܐ ܐܣܟܡܐ ܡܟܬܒ܀ ܀ ܕܝܘܣܦ ܡܢ ܫ̈ܬ ܕܡܟܬܒܢܘܬܗ ܀ ܟܐ. ܘܡܢܐ ܘ݀ܠܐ ܕܚܨܝܦܘܬܐ ܕܟܦܢܐ ܕܥܠ ܗܿܢܘܢ ܕܠܐ ܢܦܫܐ ܐܡܼܪ ܐܬ݀ܐ ܐܢܐ ܓܝܪ ܕܐܘܕܥ ܥܒܕ ܕܐܟܘܬܗ ܠܐ ܒܝܬ ܝܘ̈ܢܝܐ ܘܠܐ ܒܝܬ ܒܪܒܪܝܐ ܐܬܟܬܼܒ. ܕܙܘܥܬܐ ܗܘ ܓܝܪ ܕܢܬܐܡܪ ܘܠܐ ܡܬܗܝܡܢ ܠܫܡܝܐ ܘܐܢܐ ܕܠܐ ܐܣܬܒܪ ܠܒܢ̈ܝ ܐܢܫܐ ܕܒܬܪܟܢ ܕܕ̈ܓܠܬܐ ܡܫܬܥܐ ܐܢܐ ܟܒܪ ܡܪܦܐ ܗܘܝܬ ܠܗ ܠܚܫܐ ܒܣܝܡܐܝܬ ܐܠܘ ܠܐ ܕܣܓܝ̈ܐܐ ܣܗܕ̈ܐ ܐܝܬ ܠܝ. ܐܝܠܝܢ ܕܒܙܒܢ ܐܚܪܢܝܐܝܬ ܕܝܢ ܐܦ ܛܝܒܘܬܐ ܦܫܘܪܬܐ ܥܒܕ ܗܘܝܬ ܒܐܪܥܐ ܕܐܒܗ̈ܝ ܕܡܪܦܐ ܗܘܝܬ ܒܡܠܬܐ ܗܿܢܝܢ ܕܚܫܼܬ ܒܥܒܕܐ݀ ܐܢܬܬܐ ܚܕܐ ܡܢ ܗܿܢܘܢ ܕܒܥܒܪܐ ܕܝܘܪܕܢܢ ܥܡܪܝܢ. ܕܫܡܗܿ ܡܪܝܡ ܝܕܝܥܬܐ ܡܛܠ ܛܘܗܡܗ ܘܥܘܬܪܗܿ. ܥܡ ܣܓܝ̈ܐܐ ܒܐܘܪܫܠܡ ܐܬܓܘܣܼܬ ܘܥܡܗܘܢ ܐܬܚܒܼܫܬ. ܕܝܠܗܿ ܕܗܕܐ ܐܚܪ̈ܢܐ ܩܢܝ̈ܢܐ ܟܡܐ ܕܡܢ ܗܿܘ ܥܒܪܐ ܫܢܝܼܬ݀ ܘܐܝܬܼܝܬ ܠܡܕܝܢܬܐ ܛܪ̈ܘܢܐ ܚܛܦܼܘ݀ ܫܪܟܢܐ ܕܝܢ ܡܢ ܓܙܝܗܿ. ܕܐܦܢ ܠܣܝܒܪܬܐ ܬܬܦܪܣ ܒܟܠܝܘܡ ܫܘܪ̈ܝܢ ܗܘܘ ܘܚܞܛܦܝܢ ܦ̈ܠܚܐ ܘܚܡܬܐ ܩܫܝܬܐ ܥܠܐ ܗܘܬ݀ ܒܗܿ ܒܐܢܬܬܐ. ܘܙܒ̈ܢܬܐ ܣܓܝ̈ܐܬܐ ܟܕ ܡܨܥܪܐ ܗܘܬ. ܘܠܝܛܐ ܠܚܛܘ̈ܦܐ ܥܠܝܗܿ ܡܓܪܓܐ ܗܘܬ. ܠܗܘܢܿ ܟܕ ܕܝܢ ܠܐ ܒܚܡܬܗ ܐܢܫ ܘܠܐ ܟܕ ܡܪܚܡ ܥܠܝܗܿ ܩܛܠܗܿ݀ ܘܕܬܟܫܚ ܡܕܡ ܣܝܒܪܬܐ ܠܐܚܪ̈ܢܐ ܠܐܝܐ ܗܘܬ. ܡܢ ܟܠ ܕܘܟܐ ܘܦܘܫܟܐ ܗܼܘܐ ܠܗ. ܐܦ ܕܬܫܟܚ݀ ܘܗܼܘ ܟܦܢܐ ܒܓܘܗܿ ܘܒܡܥܝܗܿ ܫܪܟ. ܝܬܝܪ ܡܢ ܟܦܢܐ ܡܘܩܕܐ ܗܘܬ ܠܗܿ ܚܡܬܗܿ. ܘܒܥܠ ܡܼܠܟܐ ܢܣܼܒܬ ܠܗܿ ܚܐܦܐ ܥܡ ܩܛܝܪܐ ܘܥܠ ܟܝܢܐ ܣܥܼ݀ ܘܠܒܪܗܿ ܚܛܦܼܬ. ܐܝܬ ܗܘܐ ܠܗܿ ܕܝܢ ܥܘܠܐ ܕܝܿܢܩ. ܘܐܡܼܪܬ ܕܘܝܐ ܒܩܪܒܐ ܘܒܟܦܢܐ ܘܒܫܓܘܫܝܐ 156 ܠܡܢ ܢܛܪܐ ܐܢܐ ܠܟ. ܕܠܘܬ ܪ̈ܗܘܡܝܐ ܥܒܕܐ ܬܗܘܐ. ܐܦܢ ܛܒ ܬܚܘܐ ܠܘܬܗܘܢ ܡܩܕܡ ܠܗ݀ ܕܝܢ ܠܥܒܕܘܬܐ ܟܦܢܐ ܘܫܓܘܫ̈ܐ ܩܫܝܢ ܐܢܘܢܿ ܬ݀ܐ ܘܗܼܘܝ ܠܝ ܣܝܒܪܬܐ ܘܠܫܓ̈ܘܫܐ ܢܩܡܬܐ ܘܠܥܠܡܐ ܫܘܥܝܬܐ ܕܗܼܝ ܒܠܚܘܕܝܗܿ ܚܣܝܪܐ ܠܚܫܝ̈ܗܘܢ ܕܝܗܘ̈ܕܝܐ ܘܟܕ ܗܠܝܢ ܐܟܚܕܐ ܐܡܪܐ ܗܘܬ. ܩܛܠܬܗ ܠܒܪܗܿ ܘܟܢ ܛܘܝܬܗ. ܘܦܠܓܗ ܐܟܼܠܬ ܘܫܪܟܐ ܟܣܝܬ ܘܢܛܼܪܬ ܗܠܝܢ ܚܫ̈ܐ ܡܣܬ ܡܢ ܣܓܝ̈ܐܬܐ ܡܛܠ ܡܠܬܗ ܡܩܕܡܬܐ ܐܠܗܝܬܐ ܕܦܪܘܩܢ ܗܿܝ ܕܐܡܼܪܬ. ܕܘܝ ܕܝܢ ܠܛܒܢ̈ܬܐ ܘܠܐܝܠܝܢ ܕܡܝܢܩܢ ܒܗܿܢܘܢ ܝܘܡ̈ܬܐ݀ ܡܛܠ ܕܝܢ ܕܐܦ ܗܕܐ ܥܠ ܡ̈ܠܘܗܝ ܡܩܕ̈ܡܬܐ ܕܦܪܘܩܢ ܡܘܣܦܐ ܕܢܗܿܘܐ ܐܘܠܨܢܐ ܪܒܐ ܥܠ ܐܪܥܐ. ܘܪܘܓܙܐ ܪܒܐ ܥܠ ܥܡܐ ܗܢܐ. ܐܘ ܐܝܟ ܐܡܼܪ ܡܬܝ. ܢܗܿܘܐ ܓܝܪ ܒܗܿܘ ܙܒܢܐ ܐܘܠܨܢܐ ܪܒܐ ܕܠܐ ܗܘܐ ܐܟܘܟܬܗ ܡܢ ܫܘܪܝܗ ܕܥܠܡܐ ܘܥܕܡܐ ܠܗܫܐ ܘܠܐ ܢܗܘܐ ܫܦܝܪܐ ܗܝ ܕܢܫܡܥ ܡܢܗ ܕܡܟܬܒܢܐ ܟܕ ܫܘܠܡܗܝܢ ܕܝܠܗܝܢ ܕܗܠܝܢ ܗܟܢܐ ܡܟܬܒ ܀ . ܕܝܘܣܦ ܡܢ ܚܡ̈ܫ ܕܡܟܬܒܢܘܬܗ . ܟܒ. ܕܢܫܬܥܐ ܗܟܝܠ ܥܠ ܚܕܐ ܚܕܐ ܡܢ ܒܝܫܿܬܗܘܢ ܠܐ ܡܫܟܚܐ ܕܢܟܢܫ ܕܝܢ ܘܢܐܡܪ ܕܠܐ ܡܕܝܢܬܐ ܐܚܪܬܐ ܗܠܝܢ ܟܠܗܝܢ ܚܫܬ݀ ܐܦ ܠܐ ܫܪܒܬܐ ܡܡܬܘܡ ܗܘܬ ܝܠܘܕܬܐ ܕܒܝܼܫ̈ܬܐ ܐܝܟ ܗܕܐ ܠܗܿ ܓܝܪ ܠܡܕܝܢܬܐ ܣܚܼܦܘ ܗܿܘܢ ܘܕܪ̈ܗܘܡܝܐ ܢܬܟܬܒܘܢ ܟܕ ܠܐ ܨܿܒܝܢ ܐܠܨܝܢ ܗܘܘ. ܠܗܘܢ ܒܙܟܘܬܐ ܒܡܝܪܬܐ ܘܒܪܫܥܬܗ ܓܪܘ ܕܠܐ ܥܘܟܪ. ܠܘܬ ܗܝܟܠܐ ܘܢܘܪܐ ܕܝܩܕܐ ܒܗ ܡܢ ܡܕܝܢܬܐ ܥܠܝܬܐ ܚܙܘ. ܘܠܐ ܟܐܒ݀ ܠܗܘܢ ܘܠܐ ܒܟܼܘ. ܗܠܝܢ ܡܛܠ ܗܿܝ ܕܢܗܘܐ ܒܗܿܘ ܙܒܢܐ ܐܘܠܨܢܐ ܪܒܐ ܕܠܐ ܗܘܐ ܐܟܘܬܗ ܡܢ ܫܘܪܝܗ ܕܥܠܡܐ݀ ܕܐܦ ܗܼܝ ܗܕܐ ܕܐܬܩܕܡܼܬ ܐܬܐܡܼܪܬ. ܡܢ ܦܪܘܩܢ ܐܣܿܗܼܕ ܥܠܝܗܿ ܗܼܘ ܡܟܬܒܢܐ݀ ܕܟܠ ܟܠܠ ܒܬܪ ܐܪ̈ܒܥܝܢ ܫܢܝ̈ܢ ܒܙܒܢܐ ܕܐܣܦܣܝܢܘܣ ܡܿܠܟܐ ܕܪ̈ܗܘܡܝܐ ܐܫܬܠܡܼܬ. ܡܘܣܦ ܕܝܢ ܥܠ ܡ̈ܠܘܗܝ ܡܩܕ̈ܡܬܐ ܗܼܘ ܦܪܘܩܢ ܘܚܼܪܩ ܙܒܢܐ ܕܥܕܡܐ ܠܐܡܬܝ ܬܗܼܘܐ ܐܘܪܫܠܡ ܡܬܕܝܫܐ ܡܢ ܥܡ̈ܡܐ. ܐܡܼܪ ܓܝܪ ܕܥܕܡܐ ܕܢܫܠܡܘܢ ܙܒ̈ܢܐ ܕܥܡ̈ܡܐ ܘܒܗܕܐ ܒܕܩ ܥܠ ܫܘܠܡܗ ܕܥܡܐ ܀ 157 ܬܘܒ ܥܠ ܢܡ̈ܘܣܐ ܕܝܗܘܕ̈ܝܐ ܕܠܐ ܬܘܒ ܒܛܘܪ̈ܐ ܕܓܪܙܝܡ. ܘܠܐ ܒܐܘܪܫܠܡ ܢܫܬܠܡܘܢܿ ܘܥܠ ܬܫܡܫܬܐ ܕܙܕܩܐ ܠܐܠܗܐ. ܕܐܩܝܡܼܬ ܒܥܕܬܗ. ܡܢ ܐܘܢܓܠܝܘܢ ܕܝܘܚܢܢ. ܟܓ. ܥܠ ܓܢܒ ܗܕܐ ܡܕܝܢܬܐ ܕܫܒܒܘܬܢ ܢܐܦܘܠܣ ܕܦܠܣܛܝܢܐ ܕܠܐ ܗܘܬ ܙܥܘܪܐ ܐܠܐ ܐܦ ܡܕܝܢܬܐ ܗܝ ܝܕܝܥܬܐ ܐܢܬܬܐ ܫܡܪܝܬܐ ܩܪܒܬ ܠܗ. ܘܒܬܪ ܡ̈ܠܝܗܿ ܐܚܪ̈ܢܝܬܐ ܐܡܼܪܬ ܠܗ. ܡܪܝ ܚܙܝܐ ܐܢܐ ܠܟ ܕܢܒܝܐ ܐܢܬ. ܐܒܗ̈ܝܢ ܒܗܢܐ ܛܘܪܐ ܣܓܼܕܘ. ܘܐܢܬܘܢ ܐܡܪܝܢ ܐܢܬܘܢ ܕܒܐܘܪܫܠܡ ܗܝ ܕܘܟܬܐ ܐܝܟܐ ܘܿܠܐ ܕܢܼܣܓܕܘܢܿ ܥܠ ܗܠܝܢ ܗܼܘ ܦܪܘܩܢ ܗܢܐ ܦܘܢܝ ܦܬܓܡܐ ܐܡܼܪ ܠܗܿ. ܗܝܡܢܝܢܝ ܐܢܬܬܐ ܕܬܐܬܐ ܫܥܬܐ݀ ܘܗܫܐ ܐܝܬܝܗܿ. ܘܣܓܘܕ̈ܐ ܕܫܪܪܐ ܢܣܓܕܘܢ ܠܐܒܐ. ܒܪܘܚܐ ܘܒܫܪܪܐ ܐܦ ܐܠܐ ܓܝܪ ܐܝܟ ܗܠܝܢ ܒܿܥܐ ܕܢܣܓܕܘܢ ܠܗ. ܪܘܚܐ ܗܘ ܐܠܗܐ. ܘܗܿܢܘܢ ܣܕܓܕܝܢ ܠܗ ܒܪܘܚܐ ܘܒܫܪܪܐ ܙܕܩ ܕܢܣܓܕܘܢ ܘܐܦ ܒܝܕ ܗܠܝܢ ܡܿܠܝܐܝܬ ܐܝܕܥܬܐ ܡܩܕܡܬܐ ܐܝܕܐ ܕܠܐ ܙܥܘܪܝܐ ܚܿܘܝ. ܡܢ ܩܕܝܡ ܓܝܪ ܒܝܘܡ̈ܝ ܛܒܝܪܝܘܣ ܡܿܠܟܐ ܕܪ̈ܗܘܡܝܐ ܕܒܙܒܢܗ ܗܠܝܢ ܐܬܐܡܼܪ ܡܦܪܫܐܝܬ ܝܗܘܕ̈ܝܐ ܒܐܘܪܫܠܡ ܠܢܛܪܐ ܕܦܘܩܕܢܐ ܕܢܡܘܣܗܘܢ ܡܬܟܢܫܼܝܢ ܗܘܘ ܘܫܡܪ̈ܝܐ ܒܛܘܪܐ ܕܡܬܩܪܐ ܕܓܪܙܝܡ ܕܡܘܫܐ ܘܥܠ ܐܘܪܫܠܡ ܢܒܝܐ ܕܠܘܬ ܥܒܪ̈ܝܐ݀ ܓܙܪ ܕܝܢܐ ܕܝܢ ܢܦܼܩ ܕܒܪܬ ܩܠܐ ܐܠܗܝܬܐ ܕܦܪܘܩܢ ܕܠܐ ܬܘܒ ܒܐܘܪܫܠܡ ܘܠܐ ܒܛܘܪܐ ܕܓܪܙܝܡ ܡܟܝܠ ܢܣܓܕܘܢܿ ܗܿܢܘܢ ܕܒܗܠܝܢ ܕܘܟܝ̈ܬܐ ܡܚܡܣܢܝܢ. ܗܕܐ ܕܠܐ ܗܘܐ ܠܢܘܓܪܐ ܗܘܬ݀ ܒܙܒܢܐ ܕܒܬܪܟܢ. ܗܿܢܘܢ ܕܒܝܘ̈ܡܝ ܛܛܘܣ ܘܐܣܦܣܝܢܘܣ ܘܒܚܒܘܫܝܐ ܕܒܝܘ̈ܡܝ ܗܕܪܝܢܘܣ ܕܢܩܦܐܝܬ ܐܝܟ ܡ̈ܠܘܗܝ ܬܪ̈ܝܗܘܢܿ ܛܘܪ̈ܐ ܐܬܚܼܒܠܘ. ܗܘ ܓܝܪ ܕܥܠ ܓܢܒ ܡܕܝܢܬܐ ܢܐܘܣܦܘܠܣ ܒܨܠ̈ܡܐ ܕܠܐ ܙܕܩܝܢ ܘܒܦܬܟܪ̈ܐ ܘܒܕܒ̈ܚܐ ܘܒܫܘܦܐ ܕܕܡܐ ܐܬܛܢܼܦ ܘܐܣܬܠܼܝ ܗܼܘ ܕܝܢ ܗܝܟܠܐ ܕܒܐܘܪܫܡ ܡܢ ܫܬܐܣ̈ܘܗܝ ܐܬܥܼܩܪ ܘܒܚܘܪܒܐ ܐܚܪܝܐ ܘܝܩܕܢܐ ܗܢܐ 158 ܟܘܠܗ ܙܒܢܐ ܕܐܬܐܡܼܪ ܩܿܘܼܝ. ܘܒܥܒܿܕܐ ܡܢ ܗܿܘ ܙܒܢܐ ܘܥܕܡܐ ܠܗܫܐ ܡܫܬܠܡܐ ܡܠܬܗ ܡܩܕܡܬܐ ܕܦܪܘܩܢ݀ ܕܐܬܐܡܼܪܬ ܕܐܬܝܐ ܫܥܬܐ ܕܠܐ ܒܗܢܐ ܛܘܪܐ ܘܠܐ ܒܐܘܪܫܠܡ ܢܣܓܕܘܢܿ ܫܥܬܐ ܕܝܢ ܫܡܗ ܙܒܢܐ. ܕܠܐ ܥܕܟܝܠ ܩܪܝܒ ܗܘܐ ܐܠܐ ܥܬܝܕ ܗܘܐ ܕܢܗܘܐ. ܥܠ ܬܫܡܫܬܐ ܕܝܢ ܡܠܝܠܬܐ ܕܡܫܬܡܠܐ ܡܢܗ ܠܬܠܡܝܕ̈ܘܗܝ ܡܘܣܦ ܘܐܡܿܪ ܕܐܬܝܐ ܫܥܬܐ ܘܗܫܐ ܐܝܬܝܗܿ ܕܣ̈ܓܘܕܐ ܕܫܪܪܐ ܢܣܓܕܘܢ ܠܐܒܐ ܒܪܘܚܐ ܘܒܫܪܪܐ. ܐܠܨܐܝܬ ܕܝܢ ܗܪܟܐ ܕܗܫܐ ܐܝܬܝܗܿ ܐܘܣܼܦ. ܡܢ ܕܘܟܬܗ ܓܝܪ ܡܢ ܗܿܝ ܫܥܬܐ ܕܗܿܢܝܢ ܒܢ̈ܬ ܩ̈ܠܐ ܐܡܼܪ ܣܓܘ̈ܕܐ ܕܫܪܪܐ ܕܗܼܘܝܘ ܪܫܐ ܘܬܡܿܠܦܢܐ ܘܬܠܡܕ̈ܘܗܝ ܕܬܫܡܫܬܐ ܡܠܝܠܬܐ ܡܢܗ ܩܒܼܠܘ ܒܪܘܚܐ ܘܒܫܪܪܐ ܬܫܡܫܬܐ ܕܐܠܗܐ ܡܫܠܡܝܢ ܗܘܘ. ܘܡܠܬܐ ܕܥܠ ܟܠ ܒܝܕ ܗܿܢܝܢ ܐܬܢܒܝ ܟܕ ܡܒܕܩ ܕܠܐ ܬܘܒ ܒܛܘܪܐ ܘܠܐ ܒܓܘܢܝܐ ܕܐܪܥܐ ܡܦܪܫܐܝܬ ܐܠܐ ܒܟܠܗܿ ܒܪܝܬܐ ܗܿܢܘܢ ܕܣ̈ܓܘܕܐ ܐܢܘܢ ܒܫܪܪܐ ܢܣܓܕܘܢ ܠܐܠܗܐ ܕܥܠ ܟܘܠ݀ ܘܢܿܦܢܘܢ ܠܗ ܬܫܡܫܬܐ ܐܠܗܝܬܐ ܕܠܐ ܕܡܐ ܕܒܪܘܚܐ ܘܒܫܪܪܐ. ܡܫܬܠܡܢ ܘܠܐ ܒܕܡܘܬܐ ܘܠܐ ܒܐܝܠܝܢ ܕܗܼܘ ܢܝܫܐ ܐܝܟܢܐ ܕܐܝܬܝܗܝܢ ܗܘܐ ܗܿܢܝܢ ܕܡܘܫܐ ܕܡܢ ܝܗܘܕ̈ܝܐ ܘܡܢ ܫܡܪ̈ܝܐ ܡܬܢܛܪܢ ܗܘܝ ܒܝܕ ܩ̈ܛܠܐ ܘܕܒ̈ܚܐ ܘܠܒܘܢܬܐ ܘܢܘܪܐ݀ ܘܐܚܪ̈ܢܐ ܦܘܪ̈ܣܐ ܣܓܝ̈ܐܐ ܦܓܪ̈ܢܐ ܕܗܼܢܝܢ ܗܠܝܢ ܕܢܒܛܠܢ ܒܝܕ ܗܠܝܢ ܕܣܝܼܡܢ ܩܕܡܝܢ ܗܼܘ ܡܠܬܐ ܕܐܠܗܐ ܐܬܢܒܼܝ. ܘܡܟܝܠ ܒܫܪܪܐ ܘܒܪܘܚܐ ܗܿܢܘ ܕܝܢ ܒܐܣܟܡܐ ܐܠܗܝܐ ܒܢܦܫܐ ܘܒܪܥܝܢܐ ܬܫܡܫܬܐ ܕܙܕܩܐ ܠܐܠܗܐ ܕܢܦܢܘܢ ܣܓܘܕ̈ܐ ܕܫܪܪܐ ܐܡܼܪ. ܥܠ ܥܡܐ ܕܡܢ ܥܡ̈ܡܐ ܢܘܟܪ̈ܝܐ. ܡܬܩܝܡ. ܒܝܕ ܝܘܠܦܢܗ݀ ܡܢ ܐܘܢܓܠܝܘܢ ܕܝܘܚܢܢ. ܟܕ. ܐܢܐ ܐܢܐ ܪܥܝܐ ܛܒܐ ܘܝܕܥܢܐ ܠܕܝܠܝ ܘܝܕܥܝܢ ܠܝ ܕܝܠܝ݀ ܐܝܟܐ ܕܝܕܥ ܠܝ ܐܒܝ. ܘܐܢܐ ܝܕܥ ܐܢܐ ܠܐܒܝ. ܘܢܦܫܝ ܣܿܐܡ ܐܢܐ ܚܠܦ ܥܪ̈ܒܝ. ܘܐܚܪ̈ܢܐ ܥܪ̈ܒܐ ܐܝܬ ܠܝ. ܐܝܠܝܢ ܕܠܐ ܗܘܘ ܡܢܗܕܐ ܕܪܬܐ ܘܘܿܠܐ ܠܝ ܕܐܝܬܐ ܐܢܘܢ ܘܢܫܡܥܘܢ ܩܠܝ. ܘܬܗܼܘܐ ܚܕܐ ܥܢܐ ܘܚܕ ܪܥܝܐ. ܒܐܚܪ̈ܢܝܬܐ ܐܿܠܼܦ ܘܐܡܼܪ. ܕܠܐ ܐܬܿܝܬ݀ ܐܠܐ ܥܠ ܥܪ̈ܒܐ ܕܛܥܼܘ ܡܢ ܒܝܬ ܐܝܣܪܐܝܠ. ܘܠܥܡܐ ܕܝܗܘܕ̈ܝܐ ܒܝܕ ܗܢܐ ܐܣܟܡܐ ܩܪܝܼܗܝ ܘܒܝܕ ܗܠܝܢ ܕܣܝܼܡܢ ܩܕܡܝܢ ܐܬܢܒܼܝ ܕܠܐ ܗܘܐ ܒܠܚܘܕ ܗܿܢܘܢ ܕܡܢ ܝܗܘܕ̈ܝܐ ܕܐܬܬܠܡܼܕܘ ܠܗ ܒܡܢܝܢܐ ܕܥܢܗ݀ ܡܬܚܫܒܝܢ ܐܠܐ ܐܦ ܠܒܪ 159 ܡܢ ܗܿܝ ܕܪܬܐ ܗܟܢܐ ܕܝܢ ܡܥܕܐ ܗܝ ܡܠܬܐ ܬܩܪܐ ܒܙܒܢ݀ ܠܟܠܗ ܥܡܐ ܕܝܗܘ̈ܕܝܐ ܘܒܙܒܢ ܠܐܘܪܫܠܡ ܘܠܬܫܡܫܬܐ ܕܬܡܢ ܕܒܢܡܘܣܐ ܕܡܘܫܐ ܡܫܬܠܡܐ ܗܘܬ ܕܐܚܪ̈ܢܐ ܥܪ̈ܒܐ ܢܟܢܫ. ܐܝܠܝܢ ܕܠܐ ܗܘܘ ܡܢ ܗܿܝ ܕܪܬܐ. ܡܒܕܩ ܕܝܢ ܒܝܕ ܗܿܢܝܢ ܥܠ ܥܡ̈ܡܐ ܕܒܟܠܗܿ ܒܪܝܬܐ ܘܕܡܢܗܘܢ ܡܬܟܢܫܝܢ ܠܗ ܥܪ̈ܒܐ ܡ̈ܠܝܠܐ ܩܿܕܡ ܐܡܼܪ ܐܝܟܢܐ ܕܠܚܕܐ ܘܠܗܿ ܠܣܓܕܬܐ ܕܐܠܗܐ ܟܠܗܘܢ ܗܿܢܘܢ ܕܡܢ ܝܗܘ̈ܕܝܐ ܘܡܢ ܚܢ̈ܦܐ ܒܗ ܗܝܡܼܢܘ ܢܫܢܘܢܿ ܘܬܗܼܘܐ ܚܕܐ ܥܢܐ ܘܚܕ ܪܥܝܐ. ܥܕܬܐ ܕܝܠܗ ܗܿܝ ܕܡܢ ܝܗܘ̈ܕܝܐ ܐܟܚܕܐ ܘܡܢ ܥܡ̈ܡܐ ܐܬܩܿܝܡܼܬ݀ ܐܝܟ ܗܕܐ ܕܝܢ ܐܝܬܝܗܿ ܗܘܬ. ܒܫܘܪܝܐ ܕܟܪܘܙܘܬܐ ܕܣܒܪܬܐ ܐܟܚܕܐ ܓܝܪ ܟܢܫ̈ܐ ܣܓܝ̈ܐܐ ܕܝܗܘ̈ܕܝܐ ܕܡܫܝܚܐ ܕܐܠܗܐ ܗܼܘܝܘ ܐܬܛܦܝܼܣܘ. ܗܿܘ ܕܡܢ ܢܒ̈ܝܐ ܐܬܟܼܙ݀ ܘܥܡ ܗܿܢܘܢ ܕܗܝܡܼܢܘ ܒܗ ܡܢ ܥܡ̈ܡܐ ܒܚܕܐ ܥܕܬܐ ܡܬܟܢܫܼܝܢ ܗܘܘ ܬܚܝܬ ܐܝܕܐ ܕܚܕ ܪܥܝܐ ܕܝܠܗܿ ܕܡܠܬܐ ܕܐܠܗܐ. ܒܗܿ ܓܝܪ ܐܘܪܫܠܡ ܚܕ ܒܬܪ ܚܕ ܡܢ ܝܗܘܕ̈ܝܐ ܡܢ ܝܗܘܕ̈ܝܐ ܐܦܣܩܘ̈ܦܐ ܕܥܕܬܐ ܕܬܡܢ ܚܫܬܥܣܪ ܘܩܡܼܘ ܡܢ ܝܥܩܘܒ ܩܕܡܝܐ. ܘܪ̈ܒܘܬܐ ܐܝܬ ܗܘܝ ܕܝܗܘ̈ܕܝܐ ܐܟܚܕܐ ܘܕܚܢ̈ܦܐ. ܕܬܡܢ ܕܐܟܚܕܐ ܡܬܟܢܫܼܝܢ ܗܘܘ ܥܕܡܐ ܠܚܒܘܫܝܐ ܕܒܝܘܡ̈ܝ ܗܕܪܝܢܘܣ ܕܗܼܘܝܘ ܕܝܢ ܪܥܝܐ ܓܼܠܐ ܠܢ. ܗܿܘ ܕܙܒܢ̈ܬܐ ܣܓܝ̈ܐܬܐ ܒܒ̈ܢܬ ܩ̈ܠܐ ܕܢܒܝ̈ܐ ܐܬܟܼܪܙ ܗܿܢܝܢ ܕܩܪܝܢ ܗܘܝ ܠܡܠܬܐ ܕܐܠܗܐ ܘܕܐܝܬܘܗܝ ܪܥܝܐ ܕܢܦܫ̈ܬܐ ܕܒܢ̈ܝ ܐܢܫܐ ܐܝܟ ܕܥܪ̈ܒܐ ܡ̈ܠܝܠܐ ܡܠܦܲܢ ܗܘܝ. ܗܟܢܐ ܗܟܝܠ ܠܘܬ ܢܒ̈ܝܐ ܒܙܒܢ ܡܬܐܡܪܐ. ܕܡܪܝܐ ܢܪܥܝܢܝ ܘܡܕܡ ܠܐ ܢܚܣܪ ܠܝ݀ ܘܒܙܒܢ ܪܥܝܗ ܕܐܝܣܪܐܝܠ݀ ܚܘܪ ܕܡܕܒܪ ܐܝܟ ܥܢܐ ܠܝܘܣܦ. ܘܒܙܒܢ ܡܥܠ ܘܐܡܿܪ ܗܘ ܡܪܝܐ ܘܪܥܝܐ ܕܥܪ̈ܒܐ ܫܪܝܪܐܝܬ ܗܟܝܠ ܗܼܘܝܘ ܒܠܚܘܕܘܗܝ ܡܬܐܡܪ ܪܥܝܐ ܕܢܦ̈ܫܬܐ ܡ̈ܠܝܠܬܐ ܐܟܙܢܐ ܓܝܪ ܕܬܚܘܝܬܐ ܕܒܝܬ ܒܢ̈ܝ ܐܢܫܐ ܐܚܪܢܐ ܗܘ ܟܝܢܐ ܕܥܪ̈ܒܐ ܘܐܚܪܢܐ ܕܪܥܝܐ ܘܫܠܝܛ ܘܡܕܒܪ ܟܝܢܐ ܡܠܝܠܐܼ ܠܓܢܣܐ ܠܐ ܡܠܝܠܐ. ܗܟܢܐ ܐܦ ܥܠ ܡܝܬܪ̈ܬܐ ܪܥܝܐ ܡܠܬܗ ܗܘ ܕܐܠܗܐ. ܟܝܢܐ ܡܝܬܪܐ ܣܓܝ ܕܡܢ ܒܢ̈ܝ ܐܢܫܐ. ܐܢܚܢܢ ܕܝܢ ܥܡܗ. ܘܐܝܟ ܕܒܦܘܚܡܐ ܕܚܝܠܐ ܕܝܠܗ. ܠܐ ܡ̈ܠܝܠܐ ܐܢܚܢܢ ܡܢ ܟܠܗܘܢ ܥܪ̈ܒܐ. ܘܪܥܝܐ ܕܝܢ ܛܒܐ ܘܕܒܝܐ ܒܫܪܪܐ ܗܼܘܝܘ ܕܠܐ ܐܗܡܝ ܡܢ ܥܢܗ ܕܬܗܼܘܐ ܡܬܐܒܠܐ ܡܢ ܕܐܒ̈ܐ ܗܿܢܘܕ ܝܢ ܡܢ ܕܝ̈ܘܐ ܒܝܼ̈ܫܐ ܘܡܚܒ̈ܠܝ ܢܦܫ̈ܬܐ. ܗܿܘ ܕܐܠܨܐ ܕܢܚܞܘܪ 160 ܒܒܪܬܗ ܩܠܗ ܕܒܫܘܠܛܢܐ ܣܓܝܐܐ ܘܚܝܠܐ ܐܡܿܪ ܕܐܢܐ ܐܢܐ ܪܥܝܐ ܛܒܐ ܘܕܐܡܼܪ ܕܝܢ ܕܢܦܫܝ ܣܐܡ ܐܢܐ ܚܠܦ ܥܪ̈ܒܝ݀ ܥܠ ܡܘܬܗ ܒܐܪܙܐ ܐܡܼܪ ܐܟܚܕܐ ܘܐܦ ܥܠܬܐ ܐܠܦ ܕܠܦܘܪܩܢܐ ܕܢܦܫ̈ܬܐ ܕܥܒܪ̈ܒܐ ܡ̈ܠܝܠܐ ܝܗܼܒ ܢܦܫܗ ܘܗܕܐ ܕܐܚܪ̈ܢܐ ܥܪ̈ܒܐ ܐܝܬ ܠܝ ܡܚܘܝܢܝܬܐ ܗܝ ܕܩܢܝܢܝܗ ܕܝܠܗ. ܕܠܐ ܗܘܐ ܒܠܚܘܕ ܝܗܘ̈ܕܝܐ ܐܢܘܢ ܐܠܐ ܐܦ ܟܘܠܗܘܢ ܥܡ̈ܡܐ ܕܡܢ ܐܒܘܗܝ ܐܬܝܼܗܒ ܠܗ. ܐܝܟ ܗܿܝ ܕܫܿܐܠ ܡܢܝ ܘܐܬ݀ܠ ܠܟ ܥܡ̈ܡܐ ܠܝܪܬܘܬܟ ܀ ܕܐܝܟܢܐ ܡܘܬܗ ܥܠܬܐ ܗܘ ܕܦܘܪܩܢܐ ܕܣܓܝ̈ܐܐ. ܘܡܢ ܐܘܢܓܠܝܘܢ ܕܝܘܚܢܢ܀ ܟܗ. ܙܒܢ̈ܬܐ ܣܓܝ̈ܐܬܐ ܒܝܬ ܝܗܘܕ̈ܝܐ ܐܝܬܘܗܝ ܗܘܐ ܡܛܠ ܕܠܗܘܢ ܝܕܝܥܢ ܗܘܝ ܢܒܝ̈ܘܬܐ ܡܩܕ̈ܡܬܐ ܕܢܒܝ̈ܐ ܕܥܠܘܗܝ. ܡܛܠ ܕܝܢ ܕܐܦ ܝܘ̈ܢܝܐ ܒܙܒܢ ܩܪܒܼܘ ܠܘܬ ܬܠܡܝܕ̈ܘܗܝ ܘܒܥܝܢ ܗܘܘ ܕܢܚܙܘܢܝܗܝ. ܟܕ ܐܡܿܪܘ ܠܗ ܗܕܐ. ܟܬܝܒ ܕܐܡܼܪ ܕܐܬܬ ܫܥܬܐ ܕܢܫܬܒܚ ܒܪܗ ܕܐܢܫܐ݀ ܐܡܿܪܢܐ ܠܟܘܢ ܕܦܪܕܬܐ ܕܚܛܬܐ ܐܠܐ ܢܦܠܐ ܒܐܪܥܐ ܘܡܝܬܐ ܗܼܝ ܒܠܚܘܕܝܗܿ ܡܩܘܝܐ. ܐܢ ܕܝܢ ܡܝܬܐ ܦܐܪ̈ܐ ܣܓܝ̈ܐܐ ܡܝܬܝܐ ܓܠܝܐܝܬ ܘܐܦ ܒܝܕ ܗܿܢܝܢ ܒܐܪܙܐ ܐܡܼܪ. ܕܒܝܬ ܝܘ̈ܢܝܐ ܘܒܝܬ ܥܡ̈ܡܐ ܢܘܟܪ̈ܝܐ ܘܒܢ̈ܝ ܫܪܒܬܐ ܐܚܪܬܐ ܗܿܢܝܢ ܕܬܫܒܚ̈ܬܐ ܕܐܠܗܘܬܗ ܠܒܟܢ݀ ܠܐ ܗܘܐ ܓܝܪ ܟܕ ܥܡ ܝܗܘܕ̈ܝܐ ܐܝܬܘܗܝ ܗܘܐ ܘܡܡܠܠ݀ ܐܬܬܼ ܗܘܬ ܫܥܬܗ ܕܢܫܬܒܚ ܐܠܐ ܟܕ ܩܪܒܘ ܠܗ ܝܘ̈ܢܝܐ. ܡܿܩܦ ܕܝܢ ܒܬܪܗܿ ܐܠܨܐܝܬ ܘܡܚܘܐ ܥܠ ܡܘܬܗ ܘܥܠ ܩܝܡܬܗ ܘܥܠ ܩܪܝܢܐ ܕܥܡ̈ܡܐ ܕܗܘܐ ܒܗ. ܐܝܟܢܐ ܓܝܪ ܕܦܪܕܬܐ ܕܚܛܬܐ ܩܕܡ ܕܬܦܠ ܒܐܪܥܐ ܗܼܝܝ ܒܠܚܘܕܝܗ ܘܚܝܠܐ ܡܘܠܕ ܚܝ̈ܐ ܩܢܝܐ ܘܚܒܫܝܢ ܒܗܿ ܡ̈ܠܐ ܕܙܪܥܐ. ܕܫ̈ܒܠܐ ܥܬܝܕܢ ܕܢܦܪܥܢ ܡܢܗܿ ܡܢ ܒܬܪ ܕܝܢ ܕܢܦܠܐ ܒܐܪܥܐ ܐܝܟ ܗܿܘ ܕܚܼܝܐ ܒܬܪ ܡܘܬܗ ܘܟܢ ܣܓܝܐ ܘܫܒ̈ܠܐ ܣܓܝ̈ܐܬܐ ܡܢ ܚܝܠܗܿ ܕܝܠܗ ܡܦܪܥܐ ܐܟܘܬܗܝܢ ܕܗܠܝܢ ܐܦ ܥܠܘܗܝ ܐܡܼܪ ܕܢܗܘܝܢ. ܗܕܐ ܕܐܦ ܓܠܝܐܝܬ ܡܦܩܢܐ ܕܝܠܗܝܢ ܕܨܒܘ̈ܬܐ ܚܿܘܼܝ. ܕܠܐ ܗܘܐ ܒܠܚܘܕ ܝܘܢܝ̈ܐ ܒܬܪ ܡܘܬܗ ܐܠܐ ܣܘܓܐܐ ܕܥܡ̈ܡܐ ܡܢ ܚܝܠܐ ܕܝܠܗ ܘܡܢ ܦܘܪܢܣܐ ܕܐܠܗܘܬܗ ܩܒܼܠܘ. ܗܼܘܝܘ ܗܟܝܠ ܙܪܥܐ ܗܿܘ ܕܢܦܠ ܘܩܡ. ܗܼܘ ܕܡܝܼܬ ܘܚܼܝܐ. ܗܿܘ ܕܡܢ ܒܬܪ ܡܦܠܗ ܕܒܡܘܬܐ ܣܘܓܐܐ ܣܓܝ. ܗܿܘ ܕܐܪ̈ܥܬܐ ܕܥܡ̈ܡܐ ܒܩܝܡܬܗ ܒܕܡܘܬ ܚܩ̈ܠܬܐ ܡܿܠܼܝ ܒܚܝܠܐ ܐܠܗܝܐ ܕܠܐ ܡܬܡܠܠ݀ ܕܡܛܠ ܗܕܐ ܐܡܼܪ. ܕܚܨܕܐ ܣܓܝ ܘܦܥ̈ܠܐ 161 ܙܥܘܪܝܢ. ܘܬܘܒ ܕܐܪܝܡܘ ܥܝ̈ܢܝܟܘܢ ܘܚܙܘ. ܚܩ̈ܠܬܐ ܕܚܘܪ ܠܚܨܕܐ. ܗܿܢܝܢ ܕܐܦ ܒܕܩ ܥܠ ܗܿܢܘܢ ܕܒܬܪ ܡܘܬܗ. ܡܬܩܝܡܝܢ ܠܗ ܒܝܕ ܗܝܡܢܘܬܐ. ܕܒܗ ܕܟܝܬܐ. ܕܣܓܝܐܘܬܗܘܢ ܒܟܠܗܿ ܒܪܝܬܐ ܕܝܘ̈ܢܝܐ ܘܕܒܪܒܪܝܐ ܥܕܬܐ ܕܪ̈ܒܘܬܐ ܕܟܢ̈ܫܐ ܐܬܩܝܡ ܒܕܡܘܬ ܚܩ̈ܠܬܐ ܡ̈ܠܝܠܬܐ ܠܚܕܐ ܕܘܟܬܐ ܕܢܦܫܬܐ ܕܒܢ̈ܝ ܐܢܫܐ ܡܬܟܢܫܢ. ܠܐܕܪ̈ܐ ܕܥܕ̈ܬܐ ܕܝܠܗ. ܕܡܛܠ ܗܕܐ ܐܬܐܡܼܪܬ. ܕܗܿܘ ܕܐܚܝܕ ܪܦܫܐ ܒܐܝܕܗ. ܘܡܕܟܐ ܐܕܪ̈ܘܗܝ ܘܡܟܢܫ ܚ̈ܛܐ ܠܐܘܨܪ̈ܐ ܘܬܒܢܐ ܡܘܩܕ ܒܢܘܪܐ ܕܠܐ ܕܥܒܐ܀ ܕܐܝܟܢܐ ܐܝܪ ܪܒܗ ܫܡܥܘܢܿ ܪܫܐ ܕ̈ܬܠܡܝܕܐ. ܡܫܬܡܠ ܠܙܩܝܦܐ. ܘܡܫܢܐ ܡܢ ܥܘܡܪ̈ܐ. ܡܢ ܐܘܢܓܠܝܘܢ ܕܝܘܚܢܢ. ܟܘ. ܒܢ̈ܝ ܩܠܝܠ ܙܒܢܐ ܥܡܟܘܢ ܐܢܐ. ܘܬܒܥܘܢܢܝ ܐܝܟܢܐ ܕܐܡܼܪܬ ܠܝܗܘܕ̈ܝܐ ܕܠܐܝܟܐ ܕܐܙܠ ܐܢܐ. ܐܢܬܘܢ ܠܐ ܡܫܟܚܝܢ ܐܢܬܘܢ ܕܬܐܬܘܢ ܘܐܦ ܟܠܘܢ ܬܘܒ ܗܟܢܐ ܐܡܿܪ ܐܢܐ. ܐܡܼܪ ܠܗ ܫܡܥܘܢ ܟܐܦܐ. ܠܐܝܟܐ ܐܙܠ ܐܢܬ. ܘܦܢܝ ܠܗ ܦܬܓܡܐ ܝܫܘܥ. ܕܠܐܝܟܐ ܕܐܙܠ ܐܢܐ ܠܐ ܡܫܟܚ ܐܢܬ ܗܫܐ ܕܬܐܬܐ. ܐܬ݀ܝܬ ܕܝܢ ܒܬܪ ܙܒܢܜ ܘܬܘܒ ܕܝܢ ܒܚܪܬܗ ܕܟܬܒܐ. ܒܬܪ ܩܝܡܬܗ ܕܡܢ ܒܝܬ ܡܝ̈ܬܐ. ܐܡܼܪ ܝܫܘܥ ܠܟܐܦܐ. ܐܡܿܪܢܐ ܠܟ ܕܟܕ ܛܠܼܐ ܗܘܝܬ ܐܣܪ ܗܘܝܬ ܚܨ̈ܝܟ ܘܡܗܠܟ. ܠܐܝܟܐ ܕܨܿܒܐ ܐܢܬ. ܡܐ ܕܝܢ ܕܣܐܒܼܬ ܬܡܬܘܚ ܐܝܕ̈ܝܟ ܘܐܚܪ̈ܢܐ ܢܐܣܪܘܢ ܠܟ ܚܨ̈ܝܟ ܘܢܘܒܠܘܢܟ ܠܐܝܟܐ ܕܠܐ ܨܿܒܐ ܐܢܬ. ܗܠܝܢ ܕܝܢ ܕܐܡܼܪ ܕܢܘܕܥ ܒܐܝܢܐ ܡܘܬܐ ܡܫܒܚ ܠܐܠܗܐ. ܘܟܕ ܐܡܼܪ ܗܢܐ ܐܡܪ ܠܗ݀ ܬ݀ܐ ܒܬܪܝ ܘܡܢܘ ܕܠܐ ܢܬܕܡܪ ܟܕ ܗܠܝܢ ܐܡܼܪ ܠܬܠܡܝܕ̈ܘܗܝ ܡܛܝ̈ܒܐ ܘܕ̈ܠܝܠܐ ܐܝܬܝܗܘܢ ܗܘܐ. ܐܝܟܢܐ ܕܥܕܡܐ ܠܡܘܬܐ ܢܩܦܘܢܗ. ܠܐ ܗܘܐ ܓܝܪ ܟܕ ܡܛܥܐ ܠܗܘܢܿ ܘܣܒܪܐ ܕܛܒ̈ܬܐ ܡܟܬܒ݀ ܗܘܐ ܠܗܘܢܿ ܘܗܿܢܝܢ ܕܡܣܬܒܪܢ ܛܒ̈ܬܐ ܒܗܢܐ ܥܘܡܪܐ ܡܫܬܘܕܐ ܗܘܐ. ܘܒܗܢܐ ܐܣܟܡܐ ܡܫܕܠ ܗܘܐ ܠܗܘܢ ܘܗܿܢܝܢ ܕܡܣܬܒܪܢ ܛܒ̈ܬܐ ܒܗܢܐ ܥܘܡܪܐ ܡܫܬܘܕܐ ܗܘܐ. ܘܒܗܢܐ ܐܣܟܡܐ ܡܫܕܥܠ ܗܘܐ ܠܗܘܢ ܕܢܩܦܘܢܗ ܐܠܐ ܥܪܛܠܐܝܬ ܘܟܕ ܐ ܡܟܣܝܢ ܫܢܕ̈ܐ ܗܿܢܘܢ ܕܡܛܠܬܗ ܥܬܝܕܝܢ ܕܢܐܬܘܢ ܥܠܝܗܘܢܿ ܡܩܕܡ ܗܘܐ ܐܡܿܪ ܠܗ ܕܝܢ ܠܫܡܥܘܢܿ ܐܦ ܐܣܟܡܐ ܕܙܩܝܦܐ ܕܒܐܝܕܗ ܒܬܪܟܢ ܟܕ ܗܼܘܐ ܒܪܗܘܡܐ ܫܠܡ ܥܘܡܪܗ ܩܿܕܡ ܚܿܘܼܝ. ܒܗܿܝ ܕܐܡܼܪ ܕܡܐ ܕܣܐܒܼܬ ܬܡܬܘܚ ܐܝܕ̈ܝܟ ܘܐܚܪ̈ܢܐ ܢܐܣܪܘܢ ܠܟ ܚܨ̈ܝܟ. ܘܐܟܘܬܗܿ ܕܝܢ ܕܗܕܐ ܒܐܪܙܐ ܚܿܘܼܝ. ܐܦ ܒܗܿܝ ܕܐܡܼܪ ܕܠܐܝܟܐ ܕܐܙܠ ܐܢܐ ܗܫܐ ܠܐ ܡܫܟܚ ܐܢܬ ܕܬܐܬܐ݀ ܐܬ݀ܝܬ ܕܝܢ ܒܬܪ ܙܒܢ. ܗܠܝܢ ܓܝܪ ܠܐ ܗܘܐ 162 ܠܟܘܠܗܘܢ ܕܐܬܐܡܼܪ ܗܘܝ݀ ܐܠܐ ܒܠܚܘܕ ܠܫܡܥܘܢ݀ ܡܛܠ ܕܗܼܘܝܘ ܒܠܚܘܕܘܗܝ ܐܝܬ ܒܟܬܒܐ ܕܒܕܡܘܬܐ ܕܚܫܗ ܕܦܪܘܩܢ ܫ݀ܠܡ ܥܘܡܪܗ܀ ܐܝܟܢܐ ܠܫܪܟܐ ܕܬܠܡܝܕ̈ܘܗܝ. ܥܠ ܐܪ̈ܕܘܦܝܐ ܕܥܬܝܕܝܢ ܗܘܘ ܕܢܩܘܡܘܢ ܥܠܝܗܘܢ. ܒܙܒܢ ܙܒܢ ܩܿܕܡ ܐܡܲܪ. ܡܢ ܐܘܢܓܠܝܘܢ ܕܡܬܝ. ܟܙ. ܐܙܕܗܪܘ ܡܢ ܒܢ̈ܝ ܐܢܫܐ݀ ܢܫܠܡܘܢܟܘܢ ܓܝܪ ܠܪ̈ܫܢܝܗܘܢ ܘܢܢܓܕܘܢܟܘܢ ܒܟܢܘܫ̈ܬܗܘܢ ܘܩܕܡ ܗ̈ܓܡܘܢܐ ܘܡ̈ܠܟܐ ܢܝܬܘܢܟܘܢ ܡܛܠܬܝ ܠܣܗܕܘܬܗܘܢ ܕܝܠܗܘܢ ܘܕܥܡ̈ܡܐ. ܘܬܘܒ ܛܘܒܝܟܘܢ ܟܕ ܬܬܪܕܦܘܢ ܘܬܨܛܥܼܪܘܢ ܘܢܐܡܪܘܢ ܥܠܝܟܘܢ ܟܠ ܒܝ̈ܫܼܬܐ ܡܛܠܬܝ݀ ܚܕܘ ܘܕܘܨܘ ܕܐܓܪܟܘܢ ܣܓܝ ܒܫܡܝܐ ܗܟܢܐ ܓܝܪ ܪܕܦܼܘ ܠܢܒ̈ܝܐ ܕܩܕܡܝܟܘܢ. ܬܕܡܘܪܬܐ ܗܝ ܕܝܢ ܗܕܐ ܬܘܣܦܬܐ ܕܡܠܬܐ ܕܐܡܪܐ ܕܡܛܠܬܝ݀ ܠܐ ܓܝܪ ܣܦܩ ܗܘܐ ܗܕܐ ܕܢܩܕܡ ܢܕܥ ܒܠܚܘܕ ܘܕܢܩܕܡ ܢܐܡܪ ܐܪ̈ܕܘܦܝܐ ܕܥܬܝܕܝܢ ܗܘܘ ܕܢܗܘܘܢ ܥܠ ܬܠܡܝܕ̈ܘܗܝ ܐܠܐ ܐܦ ܥܠܬܗܘܢ ܚܿܘܝ ܕܐܡܪ ܕܡܛܠܬܗ ܗܠܝܢ ܡܣܝܒܪܝܢ݀ ܠܐ ܗܘܐ ܡܛܠ ܣܘܥܪ̈ܢܐ ܒܝܼ̈ܫܐ ܐܦܠܐ ܡܛܠ ܡܪܫܘܬܐ ܐܚܪܝܬܐ. ܐܠܐ ܕܟܠ ܡܕܡ ܡܛܠܬܗ ܓܼܕܫܢ ܠܗܘܢܿ ܩܿܕܡ ܐܣܿܗܕ ܗܕܐ ܕܒܥܒܕܐ ܩܪܝܒܐ ܗܝ ܕܢܕܥ݀ ܐܢ ܓܝܪ ܐܢܫ ܒܙܒܢܐ ܕܪܕܘܦܝܐ ܗܕܐ ܒܠܚܘܕ ܢܟܦܘܪ. ܕܠܐ ܐܝܬܘܗܝ ܟܪܣܛܝܢܐ ܐܫܬܪܝ ܡܢ ܟܠܗ ܥܕܠܝܐ ܘܡܢ ܟܠܗܿ ܥܠܬܐ ܕܡܐܟܠ ܩܪܨܐ݀ ܗܟܢܐ ܥܘܡܪܗܘܢ ܕܬܠܡܝܕ̈ܘܗܝ ܕܠܐ ܥܕܠܝܐ ܘܕܠܐ ܚܛܗ̈ܐ ܡܥܬܕ ܗܘܐ ܐܝܟܐܢ ܕܠܐ ܡܛܘܠ ܐܚܪܬܐ ܥܠܬܐ ܐܠܐ ܡܛܠ ܡܘܕܝܢܘܬܗܘܢ ܕܒܗ݀ ܒܠܚܘܕ ܘܣܗܕ̈ܘܬܗܘܢ ܟܘܠܗܝܢ ܒܝܼܫ̈ܬܐ ܢܣܝܒܪܘܢܿ ܡܠܝܐܝܬ ܕܝܢ ܡܫܕܠ ܗܘܐ ܠܗܘܢ ܘܥܒܕ ܗܘܐ ܠܗܘܢ ܡܛܝ̈ܒܐ ܒܗܿܝ ܕܡܦܚܡ ܗܘܐ ܠܗܿܢܘܢ ܢܒܝ̈ܐ ܩܕ̈ܡܝܐ ܪ̈ܚܡܝ ܠܐܠܗܐ ܐܝܟܢܐ ܠܡ ܓܝܪ ܕܪܕܦܘ ܠܢܒ̈ܝܐ ܕܩܕܡܝܟܘܢ ܗܟܢܐ ܐܦ ܠܟܘܢ ܥܬܝܕܝܢ ܕܕܠܐ ܥܠܬܐ ܢܛܪܕܘܢܿ ܘܒܕܡܘܬܐ ܕܢܒܝ̈ܐ ܢܬܣܝܡ ܒܪܫܟܘܢ ܡܛܠ ܕܣܓܕܝܢ ܐܢܬܘܢ ܠܐܠܗܐ ܕܥܠ ܟܘܠ݀ ܕܡܛܠ ܗܕܐ ܘܐܦ ܠܢܒ̈ܝܐ ܪܕܦܘ. ܘܗܕܐ ܕܝܢ ܕܢܩܕܡ ܢܐܡܪ. ܕܢܬܙܪܥܘܢ ܐܦ ܗ̈ܓܡܘܢܐ ܘܐܦ ܡ̈ܠܟܐ ܥܠ ܗܠܝܢ. ܒܗܿܘ ܙܒܢܐ ܟܕ ܩܪܝܒ. ܘܥܡ ܬܠܡܝܕ̈ܘܗܝ ܡܡܠܠ݀ ܘܗܟܢܐ ܢܓܕܫܢ ܘܒܥܒܕܐ ܢܫܪܟܢ ܡ̈ܠܘܗܝ ܐܝܟܢܐ ܠܐ ܪܒܐ ܗܝ ܡܢ ܬܕܡܘܪܬܐ݀ ܣܓܝ̈ܐܐ ܓܝܪ ܐܚܪ̈ܢܐ ܕܚܟܡܬܐ ܡܫܬܘܕܝܢ ܗܘܘ ܒܪ̈ܒܪܝܐ ܘܐܦ ܝܘܢ̈ܝܐ ܣܓܝ̈ܐܬܐ Page 163 [28*] ܥܡ ܬܠܡܝܕ̈ܝܗܘܢ ܡܠܠܘ݀ ܘܡܢܗܘܢ ܕܠܐ ܐܠܗ ܣܒܼܪܘ ܘܡܢܗܘܢ ܡܠܬܐ ܕܒܛܝܠܘܬܐ ܒܿܛܠܼܘ. ܘܡܢܗܘܢ ܐܦ ܠܗܿܢܘܢ ܕܡܣܬܒܪܝܢ ܐܠܗ̈ܐ ܠܘܬ ܣܓܝ̈ܐܐ ܘܡܢܗܘܢ ܪ̈ܫܢܐ ܕܬܓܡ̈ܐ ܒܝܼܫ̈ܐ ܩܡܼܘ݀ ܘܐܚܪ̈ܢܐ ܕܚܪܬܐ ܢܝܚܐ ܗܘ. ܘܐܚܪ̈ܢܐ ܕܢܝܚܐ ܕܠܐ ܦܘܪܫܢܐ ܘܐܝܟ ܕܐܣܬܩܒܼܠܘ ܐܡܼܪܘ. ܘܠܐ ܐܢܫ ܡܡܬܘܡ ܡܢ ܗܿܢܘܢ ܐܝܟ ܗܿܢܝܢ ܠܬܠܡܝܕ̈ܘܗܝ ܩܿܕܡ ܦܪܫ݀ ܘܐܦܠܐ ܪ̈ܕܘܦܝܐ ܝܕܥܝܢ ܐܢܚܢܢ݀ ܕܗܼܘܘ ܥܠܝܗܘܢ ܐܝܟ ܗܠܝܢ ܕܗܼܘܘ ܥܠ ܝܘܠܦܢܗܘܢ ܕܦܪܘܩܢ݀ ܐܝܟܢܐ ܗܟܝܠ ܠܐ ܢܬܕܡܪ ܘܕܒܢ̈ܬ ܩ̈ܠܐ ܐܢܝܢ ܕܐܠܗܐ ܒܫܪܪܐ ܢܘܕܐ ܗܿܢܝܢ ܕܠܐ ܒܠܚܘܕ ܒܝܕܥܬܐ ܡܩܕܡܬܐ ܐܠܗܝܬܐ ܩܿܕܡ ܐܣܿܗܕ ܪ̈ܘܕܦܝܐ ܕܐܬ݀ܝܢ ܥܠ ܬܠܡܝܕ̈ܘܗܝ. ܐܠܐ ܐܦ ܥܠܬܗܘܢ ܕܗܿܢܘܢ ܩܿܕܡ ܒܕܩ ܒܝܕ ܗܿܝ ܕܐܡܼܪ ܕܡܛܠܬܗ ܗܠܝܢ ܓܕܫܢ ܠܗܘܢܿ. ܕܐܝܟܢܐ ܐܦ ܗܿܢܘܢ ܕܒܢ̈ܝ ܓܢܣܐ ܐܢܘ݀ ܢܩܘܡܘܢ ܠܘܩܒܠ ܚܕ̈ܕܐ ܒܙܒܢܐ ܕܪܕܘܦܝܐ. ܡܢ ܐܘܓܠܝܘܢ ܕܡܬܝ. ܟܚ. ܢܫܠܡ ܐܚܐ ܠܐܚܘܗܝ ܠܡܘܬܐ ܘܐܒܐ ܠܒܪܗ. ܘܢܩܘܡܘܢ ܒܢ̈ܝܐ ܥܠ ܐܒܗܝ̈ܗܘܢ ܘܢܡܝܬܘܢ ܐܢܘܢ ܘܬܗܼܘܢ ܣܢܸܝܐܝܢ ܡܢ ܟܘܠ ܐܢܫ ܡܛܠ ܫܡܝ ܕܝܠܝ. ܡܢ ܕܢܣܝܒܪ ܕܝܢ ܥܕܡܐ ܠܚܪܬܐ ܗܢܐ ܢܚܐ. ܘܗܠܝܢ ܕܐܝܟܢܐ ܥܕܡܐ ܠܗܫܐ ܒܥܒܿܕܐ ܡܫܬܠܡܢ݀ ܡܢܐ ܡܬܒܥܐ ܕܣܓܝ̈ܐܬܐ ܢܐܡܪ ܕܗܿܢܘܢ ܥܒܕ̈ܐ ܡܢ ܟܠܗ ܫܡܥܐ ܡܝܬܪܝܢ ܒܗܝܢ ܓܝܪ ܒܥܝ̈ܢܝܢ ܚܙܝܢ ܟܡܐ ܐܝܟ ܗܠܝܢ ܒܙܒ̈ܢܐ ܕܐܪܕܘܦܝܐ ܘܒܙܒܢ ܕܝܠܢ ܗܘܝ. ܠܐ ܕܝܢ ܫܚܝܡܐܝܬ ܬܫܡܥ ܗܕܐ. ܕܢܿܫܠܡ ܐܚܐ ܠܐܚܘܗܝ ܠܡܘܬܐ ܗܼܘܬ ܓܝܪ ܐܦ ܗܕܐ ܐܝܟ ܬܪܥܝܬܐ ܦܫܝܛܬܐ. ܡܫܟܚܐ ܕܝܢ ܐܦ ܕܢܬܒܩܐ ܒܗܿ. ܘܢܕܥ ܕܐܝܟܐܢ ܐܚܐ ܠܐܚܘܗܝ ܠܡܘܬܐ ܡܫܠܡ. ܐܡܬܝ ܕܠܚܘܒܐ ܕܐܚܘܬܐ ܢܦܫܗ ܢܬܠ. ܘܢܓܒܐ ܪܚܡܼܬ ܚܝ̈ܐ ܘܢܟܦܘܪ ܒܐܠܗܐ ܘܝܬܝܪܐܝܬ ܠܐܚܘܗܝ ܕܒܥܐ ܡܢܗ ܘܡܦܝܣ ܠܗ. ܕܢܣܓܘܕ ܠܦܬܟܪ̈ܐ ܘܡܫܓܫ ܘܡܬܟܫܦ ܘܚܘܒܐ ܕܐܚܘܬܐ ܡܣܪܚ݀ ܢܦܝܣ ܡܢ ܥܘܗܕܢܐ ܕܦܘܩܕܢܐ ܕܦܪܘܩܢ݀ ܗܝܕܝܢ ܓܝܪ ܒܫܪܪܐ ܐܚܐ ܠܐܚܘܗܝ ܠܡܘܬܐ ܕܢܦܫܗ ܡܫܠܡ ܗܟܢܐ ܘܐܦ ܐܒܐ ܠܒܪܗ ܐܛܥܝܗ ܒܡ̈ܠܐ ܘܕܢܣܓܘܕ ܠܦܬܟܪ̈ܐ ܐܦܝܣܼܗ ܘܐܡܼܝܬܗ. ܗܟܢܐ ܐܦ ܒܢ̈ܝܐ ܠܐܒܗܝ̈ܗܘܢ ܠܪܚܡܬܐ ܕܝܠܗܘܢ ܢܓܕܘ ܐܢܘܢܿ ܘܚܝ̈ܐ ܗܿܢܘܢ ܕܙܒܢܐ. ܡܝ̈ܘܬܐ ܓܒܼܘ ܛܒ ܡܢ ܗܿܢܘܢ ܕܠܘܬ ܐܠܗܐ ܘܥܠܬܐ ܕܡܘܬܐ ܘܕܐܒܕܢܐ ܕܢܦܫܐ ܗܼܘܘ ܠܐܒܗܝ̈ܗܘܢ 164 ܣܓܝ̈ܐܬܐ ܕܝܢ ܐܝܟ ܗܿܢܝܢ ܒܙܒܢܐ ܕܐܪܕܘܦܝܐ ܒܥܝ̈ܢܝܢ ܚܼܙܝܢ. ܕܒܗܘܢ ܫܠܡܐ ܗܘܬ ܗܿܝ ܕܬܗܼܘܘܢ ܣܢܸܐܝܢ ܡܢ ܟܠ ܐܢܫ. ܡܛܠ ܫܡܝ ܕܝܠܝ. ܒܪܡ ܕܝܢ ܘܐܦ ܗܪܟܐ ܒܛܝܠܐܬ ܬܘܣܦܬܐ ܣܝܡܐ. ܗܿܝ ܕܠܐ ܡܛܠ ܐܚܪܢܐ ܣܘܥܪܢܐ ܣܢܝܐ. ܐܠܐ ܡܛܠ ܫܡܗ ܕܝܠܗ ܕܢܣܬܢܘܢ ܠܬܠܡܝܕ̈ܐ ܡܠܦܐ ܀ ܥܠ ܗܿܢܘܢ ܕܥܬܝܕܝܢ ܕܠܐ ܟܝܐܝܬ ܢܬܟܢܫܘܢ ܒܥܕܬܗ݀ ܘܥܠ ܡܣܡ ܒܪܫܐ ܕܐܬ݀ܐ ܥܠܝܗܘܢ. ܡܢ ܐܘܢܓܠܝܘܢ ܕܡܬܝ. ܟܛ. ܕܡܝܐ ܡܿܠܟܘܬܐ ܕܫܡܝܐ ܠܡܨܝܕܬܐ ܕܢܦܼܠ ܒܝܡܐ ܘܡܢ ܟܠ ܓܢܣ ܟܿܢܫܼܬ. ܘܟܕ ܡܠܼܬ ܐܣܩܘܗܿ ܠܣܦܪܐ ܘܝܬܼܒܘ ܓܿܒܼܘ ܕܛܒ̈ܝܢ ܘܣܡܘ ܒܡ̈ܐܢܐ ܘܒܝܼ̈ܫܐ ܫܼܕܘ. ܗܟܢܐ ܢܗܿܘ ܒܫܠܡܗ ܕܥܠܡܐ ܗܢܐ ܢܦܩܘܢ ܡ̈ܠܐܟܐ ܘܢܦܪܫܘܢ ܒܝܼ̈ܫܐ ܡܢ ܒܝܢܬ ܙܕ̈ܝܩܐ. ܘܢܪܡܘܢ ܐܢܘܢ ܒܐܬܘܢܐ ܕܢܘܪܐ݀ ܬܡܢ ܢܗܿܘܐ ܒܟܝܐ ܘܚܘܪܩ ܫܢ̈ܐ. ܡܨܝܕܬܐ ܗܪܟܐ ܒܐܣܟܡܐ ܕܡܠܬܐ ܠܝܘܠܦܢܗ ܕܡܢ ܪܥܝܢܐ ܡܦ̈ܬܟܐ. ܕܟܬܒ̈ܐ ܥܬܝܩ̈ܐ ܘܚܕ̈ܬܐ ܐܬܓܕܠ ܡܫܡܗ. ܝܡܐ ܕܝܢ ܠܥܘܡܪܐ ܕܓ̈ܠܠܐ ܕܒܢ̈ܝ ܐܢܫܐ ܕܐܝܬܘܗܝ ܩܫܝܐ ܒܣܘܥܪ̈ܢܘܗܝ ܡܛܠ ܒܝܼ̈ܫܬܐ ܕܒܗܘܢ ܕܡܢܗ ܕܥܘܡܪܐ ܐܝܟ ܕܡܢ ܝܡܐ ܡܨܝܕܬܐ ܕܐܬܩܿܕܡܼܬ ܐܬܐܡܼܪܬ ܪ̈ܒܘܬܐ ܚܛܦܐ ܠܥܠ݀ ܘܬܚܬܝܗܿ ܟܢܫ̈ܐ ܕܡܦܪܫܝܢ ܘܕܠܩܘܒܠܐ ܐܢܘܢ ܒܐܣܟܡܗܘܢ ܘܛܒ̈ܐ ܘܒܼܝ̈ܫܐ ܒܬܪܥܝܬܗܘܢ ܥܠܝܗܘܢ ܕܝܢ ܕܗܠܝܢ ܕܐܝܟ ܕܡܢ ܝܡܐ ܒܕܡܘܬ ܢܘ̈ܢܐ ܕܡܬܨܝܕܝܢ ܘܐܦ ܒܩܪܝܢܐ ܩܕܡܝܐ ܕܬܠܡܝܕ̈ܘܗܝ ܒܐܪܙܐ ܐܡܼܪ ܕܬܘ ܒܬܪܝ ܘܐܥܒܼܕܟܘܢ ܨܝܕ̈ܐ ܕܒܢ̈ܝ ܐܢܫܐ ܘܠܐ ܗܟܝܠ ܛܥܬܗ ܘܐܦ ܠܐ ܗܕܐ ܫܘܬܦܘܬܐ ܕܗܿܢܘܢ ܐܢܫܐ ܒܝܼܫ̈ܐ ܕܥܡ ܛܒ̈ܐ ܒܥܕܬܗ ܥܕܡܐ ܠܗܫܐ ܡܬܟܢܫܝܢ ܕܗܼܢܘܢ ܗܿܢܘܢ ܡܠܦ ܕܒܙܒܢܐ ܕܚܪܬܐ ܡܬܦܪܫܝܢ ܡܢ ܡܠܐܟ̈ܐ ܕܥܠ ܗܕܐ ܦܩܝܼܕܝܢ ܘܡܣܡ ܒܪܫܐ ܕܙܕܩ ܐܝܟ ܪܥܝܢܗ݀ ܕܚܕ ܚܞܕ ܡܢܗܘܢ ܡܬܦܪܥ ܀ ܕܐܝܟܢܐ ܡܛܥܝ̈ܢ ܘܡܫ̈ܓܝܢܐ. ܠܒܫܝܢ ܝܘܠܦܢܗ. ܘܒܐܣܟܡܐ ܡܕܢܝܢ ܠܗ ܢܦܫܗܘܢ. ܡܢ ܐܘܢܓܠܝܘܢ ܕܡܬܝ. ܠ. ܐܙܕܗܪܘ ܕܝܢ ܡܢ ܢܒܝ̈ܐ ܕܓ̈ܠܐ ܕܐܬܼܿܝܢ ܠܘܬܟܘܢ ܒܠܒܘܫܐ ܕܐܡܪ̈ܐ ܘܡܢ ܠܓܘ ܕܐܒ̈ܐ ܚܛܘ̈ܦܐ ܡܢ ܦܐܪ̈ܝܗܘܢ ܬܫܬܘܕܥܘܢ ܐܢܘܢܿ ܠܐ ܓܝܪ ܠܩܛܝܢ ܡܢ ܟܘܒ̈ܐ ܥܢ̈ܒܐ. ܘܠܐ ܬܐܢ̈ܐ ܡܢ ܕܪܕܪܐ. ܗܟܢܐ ܟܠ ܐܝܠܢܐ ܛܒܐ ܦܐܪ̈ܐ ܛܒ̈ܐ ܥܒܕ. 165 ܘܐܝܠܢܐ ܒܝܼܫܐ ܦܐܪ̈ܐ ܒܝܼܫ̈ܐ ܝܿܗܒ. ܡܢ ܗܿܢܘܢ ܕܠܐ ܐܗܠ ܕܣܒܪܐ ܕܐܚܪ̈ܢܐ ܕܒܙܒ̈ܢܐ ܕܒܬܪܟܢ ܒܒ̈ܢܬ ܩ̈ܠܐ ܕܟܬܒ̈ܐ ܕܐܠܗܘܬܗ ܒܐܣܟܡܐ ܐܬܚܫܼܚܘ ܘܫܡܐ ܟܪܣܛܝܢܘܬܐ ܠܒܫܘ݀ ܩܿܕܡ ܒܝܕܥܬܐ ܡܩܕܡܬܐ ܡܿܠܟ ܕܢܙܕܗܪ ܡܢܗܘܢ ܘܐܬܘ̈ܬܐ ܘܣܗܕ̈ܘܬܐ ܕܒܝܫܼܬܐ ܗܿܝ ܕܟܣܝܐ ܒܗܘܢ ܘܛܠܐ ܠܣܓܝ̈ܐܐ ܡܚܘܐ ܟܕ ܐܡܿܪ ܕܡܢ ܦܐܪ̈ܝܗܘܢ ܬܫܬܘܕܥܘܢ ܐܢܘܢܿ ܦܐܪ̈ܐ ܕܝܢ ܕܝܠܗܘܢ ܕܗܠܝܢ ܗܠܝܢ ܐܢܝܢ ܡ̈ܠܐ ܕܡܦܩܝܢ ܕܐܝܬܝܗܝܢ ܕܠܐ ܐܗܠ. ܘܐܣܟܡܐ ܕܥܘܡܪܗܘܢ ܕܠܐ ܗܘܐ ܬܪܝܨܐ ܐܠܐ ܡܗܦܟܐ. ܘܗܠܝܢ ܕܝܢ ܟܕ ܡܬܡܠܠܢ ܗܘܝ ܒܗܿܘ ܙܒܢܐ ܘܡܬܩܼܕܡܢ ܗܘܝ ܡܬܐܡܪܢ ܡܢ ܦܪܘܩܢ݀ ܘܐܦܠܐ ܚܕܐ ܣܗܕܘܬܐ ܒܚܙܬܐ ܠܗܿܢܘܢ ܕܒܗܿܘ ܙܒܢܐ ܓܠܝܐܝܬ ܠܟܠ ܐܢܫ ܐܬܚܼܙܝ݀ ܡܪ̈ܩܝܘܢܐ ܕܝܢ ܘܒܝܬ ܘܠܢܛܝܢܘܣ ܘܕܒܬ ܒܣܝܠܕܣ ܘܗ݀ܢܘܢ ܐܚܪ̈ܢܐ ܕܒܙܒܢܐ ܕܒܬܪܟܢ ܡܚܒܼ̈ܠܢܐ ܕܢܦ̈ܫܬܐ ܢܒܼܥܘ. ܒܪܕܝܨܢ ܘܗܿܘ ܕܐܬܡܠܝ ܘܒܙܒܢܢ ܫܢܝܐ ܒܪܥܝܢܗ ܕܫܡܗ ܗܘܐ ܟܘܢܝܐ ܠܣܕܩܐ ܕܡܢܝ̈ܢܐ ܕܗܘܼܘ ܡܒ̈ܥܢܐ ܕܝܘܠܦ̈ܢܐ ܕܓ̈ܠܐ ܕܠܐ ܐܠܗ. ܘܠܐ ܐܚܪܢܝܐܝܬ ܢܦܩܼܘ ܠܓܠܝܐ. ܐܠܐ ܟܕ ܠܒܝܫܝܢ ܡܢ ܠܒܪ ܡܫ̈ܟܐ ܕܐܡܪ̈ܐ ܕܦܪܘܩܢ݀ ܥܪ̈ܒܐ ܕܝܢ ܓܠܝܐܝܬ. ܠܬܠܡܝܕ̈ܘܗܝ ܫܡܗ ܘܐܡܪ ܕܥܪ̈ܒܝ ܕܝܠܝ ܩܠܝ ܫܡܥܝܢ ܘܬܘܒ ܕܗܐ ܐܢܐ ܡܫܕܪܢܐ ܠܟܘܢ ܐܝܟ ܥܪ̈ܒܐ ܒܝܢܝ ܕܐܒ̈ܐ ܚܛܘܦ̈ܐ ܗܿܢܘܢ ܡܛܥܝ̈ܢܐ ܟܡܐ ܪ̈ܒܘܬܐ ܚܼܛܦܘ ܡܢ ܥܢܗ ܕܦܪܘܩܢ ܕܡܕܢܝܢ ܢܦܫܗܘܢ ܒܐܣܟܡܐ ܕܠܡܫܝܚܐ ܘܠܝܘܠܦܢܗ ܕܡܫܝܚܐ ܢܩܝܦܝܢ. ܘܒܢ̈ܬܐ ܩ̈ܠܐ ܕܝ̈ܘܠܦܢܐ ܕܐܠܗܘܬܗ ܡܚܘܝܢ ܢܦܫܗܘܢ ܕܐܡܪܝܢ ܗܿܝ ܕܝܢ ܡܐܪܬܐ [ܡܪܬܐ] ܕܟܡܝܢܐ ܒܗܘܢ ܕܠܐ ܐܠܗ ܟܣܝܐܝܬ ܠܗܿܢܘܢ ܕܡܬܨܝܕܝܢ ܡܢܗܘܢ ܡܩܦܝܢ݀ܗܿܢܝܢ ܗܟܝܠ ܕܕܗܫܐ ܐܬܒܼܪܘ ܗܘܘ. ܡܛܠ ܡܬܕܢܝܢܘܬܗܘܢ ܕܥܪ̈ܒܐ ܐܢܘܢܿ ܒܬܪ ܙܒܢܐ ܐܬܓܠܼܝܘ ܕܕ̈ܐܒܐ ܐܢܘܢ ܚ̈ܛܘܦܐ݀ ܕܡܛܠ ܗܕܐ ܦܪܘܩܢ ܕܢܩܕܡ ܢܙܕܗܪ ܡܢܗܘܢ ܡܠܦ ܠܢ ܟܕ ܡܪܬܐ ܘܐܡܿܪ ܕܡܢ ܦܐܪ̈ܝܗܘܢ ܬܫܬܘܕܥܘܢ ܐܢܘܢ ܀ 166 ܕܐܝܟܐܢ ܢܣܬܒܪ ܐܦ ܗܼܘ. ܐܦ ܬܠܡܝܕ̈ܘܗܝ ܕܒܦܘܪ̈ܣܐ ܕܚܪ̈ܫܐ. ܘܒܫܘܬܦܘܬܐ ܕܕ̈ܝܘܐ ܠܒܼܟܘ ܠܒܢ̈ܝ ܐܢܫ̈ܐ . . ܠܐ. ܠܝܬ ܬܠܡܕܝܐ ܕܪܒ ܡܢ ܪܒܗ. ܘܐܦ ܠܐ ܥܒܕܐ ܡܢ ܡܪܗ. ܟܕܘ ܠܗ ܠܬܠܡܝܕܐ ܕܢܗܿܘܐ ܐܝܟ ܪܒܗ. ܘܠܥܒܼܕܐ ܐܝܟ ܡܪܗ. ܘܐܢ ܠܡܪܗ ܕܒܝܬܐ ܩܼܪܘ ܒܥܠܙܒܘܒ݀ ܟܐܡ ܝܬܝܪܐܝܬ ܠܒܢ̈ܝ ܒܝܬܗ݀ ܠܐ ܗܟܝܠ ܬܕܚܠܘܢ ܡܢܗܘܢ݀ ܠܝܬ ܓܝܪ ܡܕܡ ܕܡܟܣܝ ܕܠܐ ܢܬܓܠܐ. ܘܠܐ ܘܕܡܛܫܝ ܕܠܐ ܢܬܝܕܥ. ܕܕܝܘܐ ܗܘ ܒܼܝܫܐ ܒܥܠܙܒܘܒ ܘܪܫܐ ܕܕ̈ܝܘܐ ܐܝܬܘܗܣ ܣܒܼܪܘ ܝܗܘܕ̈ܝܐ ܘܡܓܕܦܝܢ ܗܘܘ ܥܠ ܦܪܘܩܢ. ܕܒܚܝܠܐ ܕܠܗ ܕܗܢܐ ܠܫܪܟܐ ܕܕܝ̈ܘܐ ܡܢ ܒ̈ܢܝ ܐܢܫܐ ܛܪܕ. ܗܿܘ ܕܝܢ ܠܗܿܢܘܢ ܕܗܠܝܢ ܣܒܼܪܘ݀ ܦܘܢܝ ܦܬܓܡܐ ܕܙܕܩ ܐܡܿܪ ܗܘ ܕܐܦ ܒܡ̈ܠܘܗܝ ܟܬܝܒ݀ ܘܠܬܠܡܝܕ̈ܘܗܝ ܕܝܢ ܩܿܕܡ ܐܡܼܪ ܕܐܦ ܗܿܢܘܢ ܢܣܬܒܪܘܢ ܕܒܫܘܬܦܘܬܐ ܕܕ̈ܝܘܐ ܘܕܚܪ̈ܫܐ ܙܟܼܘ ܠܒܢ̈ܝ ܐܢܫܐ ܕܗܼܝ ܗܕܐ ܟܕ ܡܢ ܣܓܝ̈ܐܐ ܐܬܡܠܠܼܬ ܡܠܬܗ ܡܩܕܡܬܐ ܕܦܪܘܩܢ ܚܿܬܡܼܬ ܘܫܪܪܬ ܡܿܣܗܕ ܕܝܢ ܕܡܫܬܪܐ ܗܘ ܗܢܐ ܡܣܡ ܒܪܥܝܢܐ ܕܥܠܝܗܘܢ ܡܢܗ ܕܥܘܡܪܗܘܢ ܘܐܣܟܡܗܘܢ ܘܡܢܗ ܕܝܘܠܦܢܗܘܢ ܕܟܝܐ. ܘܕܣܓܕܬܐ ܕܐܠܗܐ. ܕܡܛܠ ܗܕܐ ܐܡܼܪ ܠܐ ܬܕܚܠܘܢ ܡܢܗܘܢܿ ܠܝܬ ܓܝܪ ܡܕܡ ܕܡܟܣܝ ܕܠܐ ܢܬܓܠܐ. ܘܠܐ ܕܡܛܫܝ ܕܠܐ ܢܬܝܕܥ. ܗܼܘ ܗܟܝܠ ܙܒܢܐ ܢܓܝܪܐ ܐܟܼܣ ܗܠܝܢ ܕܡܢ ܩܕܝܡ ܠܣܓܝ̈ܐܐ ܛܥܝܢ ܗܘ. ܘܡܛܠ ܗܕܐ ܡܣܬܒܪܢ ܗܘܝ ܐܝܟܢܐ ܕܢܬܓܠܝܢ. ܘܠܓܠܝܐ ܢܐܬܝܢ ܗܿܢܝܢ ܕܝܘܠܦܢܐ ܕܣܓܕܬܐ ܕܐܠܗܐ ܘܬܓܡ̈ܘܗܝ ܘܦܘܩܕ̈ܢܘܗܝ ܠܟܠ ܐܢܫ ܡܟܝܠ ܐܬܝܕܥ݀ ܘܕܥܟ ܗܿܘ ܣܒܪܐ ܕܢܡ ܩܕܝܡ ܠܘܬ ܣܓܝ̈ܐܐ ܡܣܬܒܼܪ ܗܘܐ ܥܠܝܗܘܢܿ ܥܠ ܗܿܢܘܢ ܕܥܬܝܕܝܢ ܕܢܗܿܘܘܢ ܒܥܕܬܗ ܒܩܕܝܫܘܬܐ ܫܠܡܬܐ. ܘܒܥܘܡܪܐ ܕܠܐ ܢܣܝ݀ ܫܘܬܦܘܬܐ. ܡܢ ܐܘܢܓܠܝܘܢ ܕܡܬܝ ܀ ܠܒ. ܟܕ ܦܿܪܫ ܠܗܘܢ ܗܿܝ ܕܠܐ ܙܕܩ ܕܢܫܒܘܩ ܐܢܬܬܗ. ܕܠܐ ܡܠܬܐ ܕܓܘܪܐ. ܘܐܡܼܪܘ ܠܗ ܬܠܡܝܕ̈ܘܗܝ. ܕܐܢ ܗܟܢܐ ܗܝ ܥܠܬܐ ܕܓܒܪܐ ܥܡ ܐܢܬܬܐ. ܠܐ ܥܕܪ ܕܢܣܒ ܢܫ̈ܐ. ܥܠ ܗܠܝܢ ܟܬܝܒ ܕܐܡܼܪ. ܕܠܐ ܟܠ ܐܢܫ ܣܦܩ ܠܗܕܐ ܡܠܬܐ ܐܠܐ ܐܝܠܝܢ ܕܝܗܝܒ ܠܗܘܢܿ ܐܝܬ ܡܗܝ̈ܡܢܐ ܕܡܢ ܟܪܣܐ ܕܐܡܗܘܢ ܗܼܘܘ ܗܟܢܐ. ܘܐܝܬ ܡܗܝ̈ܡܢܐ ܕܡܢ ܒܢ̈ܝ ܐܢܫܐ ܗܘܼܘ ܡܗܝ̈ܡܢܐ 167 ܘܐܝܬ ܡܗܝ̈ܡܢܐ ܕܗܼܢܘܢ ܥܒܼܕܘ ܢܦܫܗܘܢ ܡܗܝ̈ܡܢܐ ܡܛܠ ܡܿܠܟܘܬܐ ܕܫܡܝܐ. ܡܢ ܕܡܫܟܚ ܕܢܣܝܒܪ ܢܣܝܒܪ ܕܠܐ ܐܢܫ ܡܡܬܘܡ ܒܓܠܝܢܐ ܕܒܝܬ ܒܢ̈ܝ ܐܢܫܐ ܝܬܝܪܐܝܬ ܕܝܢ ܒܥܡܐ ܕܝܗܘܕ̈ܝܐ ܐܝܬ ܗܕܐ ܒܪܬ ܩܠܐ ܐܡܼܪ. ܐܦܠܐ ܐܝܟ ܗܢܐ ܡܕܡ ܥܒܲܕ ܓܠܝܐ ܗܝ ܡܢܗܿ ܕܡܟܬܒܢܘܬܐ ܕܟܬܒ̈ܐ. ܘܕܒܟܠܗܿ ܕܝܢ ܒܪܝܬܐ ܘܕܒܟܠܗܘܢ ܥܡ̈ܡܐ ܒܡܕ̈ܝܢܬܐ ܘܒܩܘܪ̈ܝܐ ܪ̈ܒܘܬܐ ܠܐ ܗܘܐ ܕܓܒܪ̈ܐ ܐܠܐ ܐܦ ܕܢܫ̈ܐ ܩܕܝܫܘܬܐ ܫܠܡܬܐ ܘܒܬܘܠܘܬܐ ܢܛܪܘ ܡܛܠ ܣܒܪܐ ܘܣܘܟܝܐ ܕܡܿܠܟܘܬܐ ܕܫܡܝܐ ܕܠܗܿ ܡܟܐ ܒܥܓܠ ܕܢܬܥܬܕܘܢ ܝܠܦܘ ܒܗ ܒܢܣܝܢܐ ܚܙܝܢ ܒܪܡ ܕܝܢ ܫܘܠܡܗ ܕܩܪܝܢܐ ܕܝܕܥܬܐ ܡܩܕܡܬܐ ܠܐ ܗܘܐ ܫܚܝܡܐܝܬ ܗܘܐ݀ ܣܓܝ̈ܐܐ ܓܝܪ ܓܒܪ̈ܐ ܕܠܝܢ ܝܕܝܥܝܢ ܚܙܼܝܢ ܕܒܦܪ̈ܙܠܐ ܐܬܚܫܼܚܘ. ܘܦܓܪ̈ܝܗܘܢ ܥܒܼܕܘ ܡܗܝ̈ܡܢܐ ܠܐ ܡܛܠ ܐܚܪܬܐ ܥܠܬܐ ܐܠܐ ܡܛܠܬܗ ܕܝܠܗ ܕܣܒܪܐ ܕܡܿܠܟܘܬܐ ܕܫܡܝܐ. ܕܠܐ ܐܓܪܘ ܘܐܬܚܝܠܘ ܒܝܘܠܦܢܐ ܕܦܪܘܩܢ. ܐܠܐ ܦܫܝܛܐܝܬ ܘܚܪܝܦܐܝܬ ܩܪܒܼܘ ܠܗܿ ܠܣܒܘܬܐ ܕܐܦ ܥܠܝܗܘܢ ܕܗܠܝܢ ܝܕܥܬܐ ܡܩܕܡܬܐ ܕܦܪܘܩܢ. ܒܫܪܪܐ ܡܠܬܗ ܕܐܠܗܐ ܚܿܬܡܼܬ ܀ ܀ ܀܀ ܥܠ ܦܘܪܫܢܐ ܕܗܿܢܘܢ ܕܥܬܝܕܝܢ݀ ܕܠܐ ܫܘܝܐܝܬ ܢܩܒܠܘܢ ܙܪܥܐ ܕܝܘܠܦܢܗ. ܡܢ ܐܘܢܓܠܝܘܢ ܕܡܬܝ. ܠܓ. ܟܕ ܟܢܫܐ ܣܓܝܐܐ ܕܐܢܫܐ ܐܬܼܐ ܗܘܐ ܨܝܕܘܗܝ ܒܝܕ ܡܬܠܐ ܕܐܝܟܢܐ ܗܿܘܝܢ ܗܿܢܘܢ ܕܡܩܒܠܝܢ ܙܪܥܐ ܕܝܘܠܦܢܗ݀ ܗܟܢܐ ܟܕ ܐܡܿܪ ܐܬܢܒܼܝ. ܗܐ ܢܦܼܩ ܙܪܘܥܐ ܠܡܙܪܥ ܘܟܕ ܙܪܥܼ ܐܝܬ ܕܢܦܠܼ ܥܠ ܝܕ ܐܘܪܚܐ ܘܐܬܬܼ ܦܪܚܬܐ ܕܫܡܝܐ ܘܐܟܠܼܬܗ݀ ܘܐܝܬ ܕܢܦܠ ܥܠ ܫܘܥܐ ܐܝܟܐ ܕܠܝܬ ܗܘܐ ܥܦܪܐܣܓܝ. ܘܒܪܥܫܬܗ ܢܦܼܩ݀ ܘ.ܡܛܠ ܕܠܝܬ ܥܘܡܩܐ ܕܐܪܥܐ ܬܚܝܬ ܥܩܪܗ ܝܒܼܫ݀ ܘܐܝܬ ܕܢܦܠ ܒܝܬ ܟܘ̈ܒܐ. ܘܣܠܩܼܘ ܟܘ̈ܒܐ ܘܚܢܩܘܗܝ݀ ܘܐܝܬ ܕܢܦܼܠ ܒܐܪܥܐ ܛܒܬܐ ܘܝܿܗܒܬ ܦܐܪ̈ܐ ܐܝܬ ܕܒܡܐܐ ܘܐܝܬ ܕܒܡܬܝܢ ܘܐܝܬ ܕܒ̈ܬܠܬܝܢ ܘܒܬܪܗܝܢ ܩܿܥܐ ܘܐܡܿܪ ܕܡܢ ܕܐܝܬ ܠܗ ܐܕ̈ܢܐ ܕܢܫܡܥ ܢܫܡܥ. ܘܒܬܪܟܢ ܐܫܬܐܠ ܡܢ ܬܠܡܝܕ̈ܘܗܝ. ܕܡܢܐ ܗܘ ܦܘܫܩܗ ܕܡܬܠܐ. ܘܐܠܦ ܘܐܡܼܪ ܕܐܢܬܘܢ ܗܟܝܠ ܫܡܼܥܘ ܡܬܠܐ ܕܙܪܥܐ݀ ܟܠ ܕܫܿܡܥ ܡܠܬܐ ܕܡܿܠܟܘܬܐ ܘܠܐ ܡܬܒܝܢ ܒܗܿ. ܐܬ݀ܐ ܒܝܼܫܐ ܘܚܛܦ ܠܗܿܘ ܙܪܥܐ ܡܢ ܠܒܗ. ܗܿܢܘ ܗܿܘ ܕܥܠ ܝܕ ܐܘܪܚܐ ܡܙܕܪܥ݀ ܘܗܿܘ 168 ܕܥܠ ܫܘܥܐ ܐܙܕܪܥܼ. ܗܼܘ ܗܿܘ ܕܫܡܥ ܡܠܬܐ ܘܒܣܘܪܗܒܐ ܡܩܒܠ ܠܗܿ. ܘܠܐ ܡܫܬܪܪ ܒܗܿ. ܘܒܐܘܠܨܢܐ ܩܠܝܠ ܡܬܟܫܠ݀ ܘܗܿܘ ܕܢܦܠ ܒܝܬ ܟܘܒ̈ܐ ܗܼܘ ܗܿܘ ܕܫܡܥ ܡܠܬܐ ܘܨܦܬܐ ܕܥܠܡܐ ܘܛܘܥܝܝ ܕܥܘܬܪܐ ܚܢܩܐ ܠܗܿ ܠܡܠܬܐ ܘܕܠܐ ܦܐܪ̈ܝܢ ܗܿܘܐ. ܗܿܘ ܕܝܢ ܕܐܙܕܪܥܼ ܒܐܪܥܐ ܛܒܬܐ. ܗܿܘ ܗܘ ܕܫܡܥ ܡܠܬܐ ܘܡܬܒܝܢ ܒܗܿ. ܘܥܿܒܕ ܦܐܪ̈ܐ ܐܝܬ ܕܒܡܐܐ ܘܐܝܬ ܕܒܫܬܝܢ ܘܐܝܬ ܕܒܬܠܬܝܢ. ܘܡܢ ܐܝܟܐ ܐܝܬ ܗܘܐ ܠܟܝܢܐ ܐܢܫܝܐ ܕܠܐ ܒܠܚܘܕ ܒܝܕܥܬܐ ܡܩܕܡܬܐ ܡܕܡ ܕܥܬܝܕ ܢܩܕܡ ܢܐܡܪ ܐܠܐ ܕܐܦ ܐܣܟ̈ܡܐ ܕܓܢ̈ܣܐ ܕܢܦܫ̈ܬܐ ܢܦܪܫ. ܐܠܘ ܠܐ ܕܒܫܪܪܐ ܡܠܬܐ ܕܐܠܗܐ. ܐܝܬܘܗܝ ܗܘܐ ܗܿܘ ܕܗܝܕܝܢ ܐܬܢܒܼܝ ܐܟܚܕܐ ܘܐܠܼܦ݀ ܕܥܠܘܗܝ ܐܡܝܪ. ܚܝܐ ܗܝ ܓܝܪ ܡܠܬܐ ܕܐܠܗܐ. ܘܚܪܝܦܐ ܘܦܣܩܐ ܛܒ ܡܢ ܣܝܦܐ ܕܬܪ̈ܝܢ ܦܘܡܘ̈ܗܝ݀ ܘܥܒܪܐ ܥܕܡܐ ܠܡܢ̈ܘܬܐ ܕܢܦܫܐ ܘܕܦܓܪܐ. ܘܫܪ̈ܝܬܐ ܘܡܘܚܐ. ܘܕܝܿܢܐ ܡܚܫ̈ܒܬܐ ܘܬܪ̈ܥܝܬܐ. ܕܠܒܐ ܘܠܝܬ ܒܪ̈ܝܬܐ ܕܛܫܝܐ ܡܢܗ. ܕܡܛܠ ܗܕܐ ܦܘܪ̈ܫܢܐ ܕܢܦܫ̈ܬܐ ܕܥܬܝܕܝܢ ܕܒܙܒ̈ܢܐ ܕܒܬܪܟܢ ܢܩܒܠܘܢ ܝܘܠܦܢܗ. ܫܦܝܪ ܓܠܐ ܘܕ̈ܬܠܬܐ ܛܟ̈ܣܐ ܗܿܘܝܢ ܗܿܢܘܢ ܕܠܐ ܕܟܝܐܝܬ ܙܪܥ ܕܝܘܠܦܢܗ ܡܩܒܠܝܢ ܩܿܕܡ ܐܡܼܪ ܘ̈ܬܠܬܐ ܐܟܘܬܗܘܢ ܣܕܪ̈ܐ ܕܛܒ̈ܐ ܗܿܘܢ ܕܒܕܡܘܬ ܐܪܥܐ ܛܒܬܐ ܕܛܥܢܝܢ ܣܓܝ ܘܣܘܓܐܐ ܡܝܬܪܝܢ ܠܗܿ ܠܡܠܬܐ ܘܕܗܿܢܘܢ ܗܟܝܠ ܕܡܚܒܠܝܢ ܙܪܥܐ ܕܢܦܼܠ ܒܢܦܫ̈ܬܗܘܢ ܐܡܼܪ ܕܐܝ̈ܬܝܗܘܢ ܥ̈ܠܠܬܐ ܬܠܬ. ܐܘ ܓܝܪ ܡܢ ܡܚܫ̈ܒܬܐ ܕܥܘܡܪܐ ܘܒܛܝܠܘܬܐ ܕܗܿܢܝܢ ܕܠܐ ܐܠܨܢܿ ܘܡܢ ܥܘܬܪܐ ܘܡܢ ܦܘܢ̈ܩܐ ܡܛܒܥܝܢ ܠܗ ܠܙܪܥܐ ܕܒܗܘܢܿ ܘܕܡܝܢ ܠܗܿܢܘܢ ܕܒܟܘ̈ܒܐ ܐܬܚܢܼܩܘ. ܐܘ ܗܿܢܘܢ ܕܠܐ ܩܒܠܘܗܝ ܒܥܘܡܩܐ ܕܬܪܥܝܬܗܘܢ. ܘܒܥܓܠ ܕܥܟܝܢ ܡܐ ܕܐܕܪܟ ܐܢܘܢ ܐܘܠܨܢܐ ܐܘ ܗܿܝ ܥܠܬܐ ܕܬܠܬ݀ ܕܗܘ̈ܝܢ ܥܠܬܐ ܠܐܒܕܢܐ. ܕܙܪܥܐ ܕܒܗܘܢ ܕܡܫܠܡܝܢ ܡܫܡܥܬܗܘܢ ܟܕ ܫ݀ܪܝܢ ܠܗܿܢܘܢ ܕܨ݀ܒܝܢ ܕܢܛܥܘܢ ܘܢܚܛܦܘܢ ܙܪܥܐ ܕܢܦܼܠ ܒܢܦܫܗܘܢ݀ ܘܗܼܢܘܢ ܗܿܢܘܢ ܠܐ ܐܚܪܢܝܐܝܬ ܡܬܓܠܙܼܝܢ ܡܢ ܛܥܝܘܬܐ ܕܦܐܪ̈ܐ ܕܒܐܠܗܐ݀ ܐܠܐ ܐܝܟ ܚܕ ܡܢ ܗܿܢܘܢ ܐܣܟ̈ܡܐ ܕܐܬܐܡܼܪܘ ܗܿܢܘܢ ܕܝܢ ܕܐܝܬܝܗܘܢ ܕܠܩܘܒܠܐ ܕܗܠܝܢ ܕܒܢܦܫܐ ܕܟܝܬܐ ܘܒܪܥܝܢܐ ܚܒܝܒܐ ܙܪܥ ܕܦܘܪܩܢܐ ܩܒܼܠܘ ܬܘܒ ܐܝܟ ܚܝܠܗܿ ܕܝܠܗ ܕܢܦܫܗܘܢ ܡܘܪܒܝܢ ܣܓܝ ܦܐܪ̈ܝܗܘܢ ܘܐܦ ܦܘܪ̈ܫܢܐ ܕܝܠܗܢ ܕܗܠܝܢ ܡܕܡܐ ܠܐܪ̈ܥܬܐ ܛܒ̈ܬܐ ܘܫܦܝܪ̈ܬܐ ܠܗܿܢܝܢ ܕܥܒܕܢ ܚܕ ܒ̈ܬܠܬܝܢ 169 ܘܗܿܢܝܢ ܕܚܕ ܒܫܬܝܢ. ܘܗܿܢܝܢ ܕܚܕ ܒܡܐܐ݀ ܕܐܝܟ ܗܿܢܝܢ ܓܝܪ ܚܝ̈ܠܐ ܒܙܒܢ ܡܫܬܟܚܝܢ ܒܢܦ̈ܫܬܐ ܕܒܢ̈ܝ ܐܢܫܐ ܗܿܢܝܢ ܗܟܝܠ ܥܠ ܗܿܢܝܢ ܐܬܢܒܼܝ. ܥܠ ܣܓܝܐܘܬܐ ܕܝܢ ܕܗܿܢܘܢ ܕܥܬܼܝܕܝܢ ܕܒܝܘܠܦܢܐ ܕܡ̈ܠܘܗܝ ܢܛܥܢܘܢ ܦܐܪ̈ܐ ܒܙܒܢܐ ܐܚܪܢܐ ܗܟܢܐ ܩܿܥܐ ܘܐܡܿܪ ܕܚܨܕܐ ܣܓܝ ܘܦ̈ܥܠܐ ܙܥܘܪܝܢ. ܒܼܥܘ ܗܟܝܠ ܡܢ ܡܪܗ ܕܚܨܕܐ ܕܢܿܦܩ ܦܥ̈ܠܐ ܠܚܨܕܗ. ܘܬܘܒ ܥܠܝܗܘܢ ܕܗܠܝܢ ܒܐܚܪܢܐ ܙܒܢܐ ܐܡܼܪ. ܠܐ ܐܢܬܘܢ. ܐܡܪܝܢ ܐܢܬܘܢ݀ ܕܥܕܟܝܠ ܐܪ̈ܒܥܐ ܝܪ̈ܚܝܢ ܐܝܬ ܘܐܬ݀ܐ ܚܨܕܐ݀ ܐܪܝܡܘ ܥܝܢ̈ܝܟܘܢ ܘܚܼܙܘ ܚܩ̈ܠܬܐ ܕܚܘܪ ܡܟܝܠ ܠܚܨܕܐ. ܘܡܢܘ ܕܠܐ ܢܬܕܡܪ ܕܐܦ ܚܣܝܪܘܬܐ ܕܗܿܢܘܢ ܕܕܟܝܐܝܬ ܗܿܘܝܢ ܪ̈ܫܢܐ ܕܡܠܬܗ ܚܿܘܝܼ. ܘܐܡܼܪ ܕܦܥ̈ܠܐ ܙܥܘܪ̈ܝܢ. ܘܕܨܠܘܬܐ ܡܬܒܥܝܐ ܠܫܟܚܬܐ ܕܗܿܢܝܢ ܕܡܛܠ ܗܕܐ ܐܡܿܪ ܕܒܥܼܘ ܡܢ ܡܪܗ ܕܚܨܕܐ ܕܢܿܦܩ ܦܥ̈ܠܐ ܠܚܨܕܗ݀ ܡܐ ܕܐܡܿܪ ܕܝܢ ܕܢܦܼܩ ܙܪܘܥܐ ܠܡܙܪܥ݀ ܕܐܚܪܢܐ ܗܘ ܙܪܘܥܐ. ܒܗܠܝܢ ܚܿܘܝ݀ ܘܐܚܪܢܐ ܗܘ ܙܪܥܐ ܘܡܢ ܐܝܟܐ ܟܝ ܘܠܐܝܟܐ ܢܦܿܩ ܐܡܼܪ݀ ܘܒܝܕ ܡܬܠܐ ܕܢܩܝܦ ܠܗܢܐ ܐܠܦ ܕܒܗܢܐ ܐܣܟܡܐ ܐܝܬܘܗܝ ܀ ܥܠ ܝܘܠܦܢܐ ܕܣܒܪ̈ܐ ܐܚܪܢܐ ܕܥܬܝܕܝܢ ܕܢܙܕܪܥܘܢ ܥܡ ܡܠܬܗ݀ ܒܢܦܫܬܐ ܕܒܢ̈ܝ ܐܢܫܐ. ܘܡܢ ܐܘܢܓܠܝܘܢ ܕܡܬܝ. ܠܕ. ܐܚܪܢܐ ܡܬܠܐ ܐܘܣܦ ܘܐܡܼܪ ܕܕܡܝܐ ܡܿܠܟܘܬܐ ܕܫܡܝܐ ܠܓܒܪܐ ܕܙܪܥܼ ܙܪܥܐ ܛܒܿܐ ܒܩܪܝܬܗ. ܘܟܕ ܕܝܢ ܕܡܼܟܘ ܐܢܫܐ. ܐܬܼܐ ܒܥܠܕܒܒܐ ܘܙܪܥܼ ܙܝܙ̈ܢܐ ܒܝܢܬ ܚ̈ܛܐ ܘܐܙܠܼ. ܟܕ ܕܝܢ ܢܦܼܩ ܚ̈ܛܐ ܘܥܒܼܕ ܦܐܪ̈ܐ ܟܢ ܐܬܚܙܼܝܘ ܙܝܙ̈ܢܐ ܘܩܪܒܘ ܥܒܼܕ̈ܘܗܝ ܐܡܪܝܢ ܠܗ ܡܪܢ ܠܐ ܙܪܥܐ ܛܒܐ ܙܪܥܬܼ ܒܩܪܝܬܟ݀ ܡܢ ܐܝܡܟܐ ܒܗ ܙܝܙ̈ܢܐ. ܗܼܘ ܕܝܢ ܐܡܼܪ ܠܗܘܢܿ ܓܒܪܐ ܒܥܠܕܒܒܐ ܥܒܼܕ ܗܕܐ. ܐܡܪܝܢ ܠܗ ܨ݀ܒܐ ܐܢܬ ܗܟܝܠ ܕܢܐܙܠ ܢܠܩܘܛ ܐܢܘܢܿ ܗܼܘ ܕܝܢ ܐܡܼܪ ܠܗܘܢ ܠܐ. ܕܠܡܐ ܟܕ ܠܩܛܝܢ ܐܢܬܘܢ ܙܝܙ̈ܢܐ. ܬܥܩܪܘܢ ܥܡܗܘܢ ܐܦ ܚ̈ܛܐ. ܐܪܦܼܘ ܪܒܼܝܢ ܬܪܝܗܘܢ ܥܕܡܐ ܠܚܨܕܐ. ܘܒܙܒܢܐ ܕܚܨܕܐ ܐܡܿܪ ܐܢܐ ܠܚܨܘܕ̈ܐ ܠܩܼܘܛܘ ܠܘܩܕܡ ܙܝܙ̈ܢܐ. ܘܐܣܘܼܪܘ ܐܢܘܢ ܡܐܣܪ̈ܝܬܐ ܠܝܩܕܢܐ. ܘܚ̈ܛܐ ܟܿܢܫܘ ܠܐܘܨܪ̈ܐ. ܡܦܫܩ ܠܗ ܕܝܢ ܐܦ ܠܗܢܐ ܡܬܠܐ ܠܬܠܡܝܕ̈ܘܗ ܒܒܝܬܐ ܟܕ ܩܼܪܒܘ ܠܘܬܗ. ܘܐܡܪܝܢ ܠܗ ܦܫܩ ܠܢ ܡܠܬܐ ܕܙܝܙ̈ܢܐ ܕܩܪܝܬܐ. ܘܗܼܘ ܕܝܢ ܦܢܝ ܠܗܘܢ ܦܬܓܡܐ ܘܐܡܼܪ݀ ܙܪܘܥ ܕܙܪܥܐ ܛܒܐ ܐܝܬܘܗܝ ܒܪܗ ܕܐܢܫܐ. ܘܩܪܝܬܐ ܐܝܬܘܗܠ ܥܠܡܐ. ܘܙܪܥܐ 170 ܛܒܐ ܗܠܝܢ ܐܢܘܢ ܒܢ̈ܝܗܿ ܕܡܿܠܟܘܬܐ ܘܙܝܙ̈ܢܐ ܗܿܢܘܢ ܐܢܘܢ ܒܢܘ̈ܗܝ ܕܒܝܼܫܐ. ܘܒܥܠܕܒܒܐ ܕܙܪܥ ܐܢܘܢ ܐܝܬܘܗܝ ܐܟܠ ܩܪܨܐ ܘܚܨܕܐ ܐܝܬܘܗܝ ܫܘܠܡܗ ܕܥܠܡܐ ܘܚܨܘ̈ܕܐ ܡ̈ܠܐܟܐ ܐܢܘܢ ܐܝܟܢܐ ܗܟܝܠ ܕܡܬܠܩܛܝܢ ܙܝ̈ܢܐ ܘܢܿܦܠܼܝܢ ܒܢܘܪܐ. ܗܟܢܐ ܢܗܘܐ ܒܫܘܠܡܗ ܕܥܠܡܐ ܗܢܐ ܢܫܕܪ ܒܪܗ ܕܐܢܫܐ ܡܠܐܟ̈ܘܗܝ ܘܢܓܒܘܢ ܡܢ ܡܠܟܘܬܗ ܟܠܗܘܢ ܟܫ̈ܠܐ ܘܗܿܢܘܢ ܕܥܒܕܝܢ ܥܘܠܐ. ܘܢܪܡܘܢ ܐܢܘܢ ܒܓܗܢܐ ܕܢܘܪܐ. ܬܡܢ ܢܗܘܐ ܒܟܝܐ ܘܚܘܪܩ ܫܢ̈ܐ. ܘܗܝܕܝܢ ܙܕ̈ܝܩܐ ܢܢܗܪܘܢ ܒܡܿܠܟܘܬܗ ܕܐܒܘܗܘܢܿ ܡܿܢ ܕܐܝܬ ܠܗ ܐܕ̈ܢܐ ܕܢܫܡܥ ܢܫܡܥ݀ ܗܿܢܝܢ ܗܟܝܠ ܗܼܘ ܦܪܘܩܢ ܕܡܢܘ ܕܝܢ ܙܪܘܥܐ ܕܢܦܩܼ ܕܢܙܪܘܥ݀ ܘܡܢܐ ܗܘ ܙܪܥܐ ܕܐܪܡܼܝ ܗܿܘ ܦܘܫܩܗ ܕܡܠܬܐ [ܕܡܬܠܐ] ܚܘܝܼ. ܕܒܝܗ ܐܡܝܪܐ ܕܙܪܘܥܗ ܕܙܪܥܐ ܛܒܿܐ ܐܝܬܘܗܝ ܒܪܗ ܕܐܢܫܐ ܘܩܪܝܬܐ ܐܝܬܘܗ ܝܥܠܡܐ ܒܪܗ ܕܝܢ ܕܐܢܫܐ ܡܥܕ ܕܢܩܪܐ ܗܼܘ ܢܦܫܗ. ܡܛܠ ܡܥܒܪܬܗ ܕܒܝܬ ܒܢ̈ܝ ܐܢܫܐ. ܐܗܢܐ ܗܟܝܠ ܢܦܼܩ ܡܢ ܠܓܘ ܘܐܬܼܐ ܠܒܪ ܠܓܘ ܕܝܢ ܐܝܬܘܗܝ ܗܘܐ ܐܝܟܐ ܐܠܐ ܠܥܠ ܡܢ ܥܠܡܐ. ܕܬܡܢ ܐܝܬܘܗܝ ܗܘܐ. ܘܒܫܘܠܡܗ ܕܥܠܡܐ ܢܦܼܩ ܘܢܚܬ ܠܘܬܢ ܕܝܠܢ ܕܠܒܪ ܡܢ ܡܿܠܟܘܬܗ ܕܫܡܝܐ. ܘܐܝܬܝ ܥܡܗ ܙܪܥܐ ܫܡܝܢܐ ܗܿܘ ܕܒܢܦܫ̈ܬܐ ܕܒܢ̈ܝ ܐܢܫܐ ܐܝܟ ܕܒܐܪ̈ܥܬܐ ܡܦܪ̈ܫܬܐ ܙܪܥܼ݀ ܡܠܦܐ ܕܝܢ ܗܕܐ ܡܠܬܐ ܕܣܝܡܐ ܩܕܡܝܢ ܐܦ ܥܠ ܩܪܝܬܐ ܕܐܝܕܐ ܗܝ ܕܒܗܿ ܙܪܥܐ ܐܪܡܝ. ܕܐܡܼܪ ܕܝܢ ܕܩܪܝܬܐ ܐܝܬܘܗܝ ܥܠܡܐ܆ ܘܕܡܢ ܗܿܝ ܩܪܝܬܐ ܗܕܐ. ܕܠܐ ܗܘܬ ܕܐܚܪܢܐ ܐܠܐ ܕܝܠܗ. ܕܗܿܘ ܕܡܢ ܓܘܝܘܬܐ ܕܡܠܟܘܬܗ ܠܗܢܿܝܢ ܕܠܒܪ ܢܦܼܩ ܡܚܘܐ. ܕܐܡܿܪ ܕܩܼܪܒܘ ܥܒܼܪܐ ܘܐܡܪܝܢ ܠܗ݀ ܡܪܢ ܠܐ ܗܘܐ ܙܪܥܐ ܛܒܐ ܙܪܥܼܬ ܒܩܪܝܬܟ ܓܠܝܐܝܬ ܗܟܝܠ ܐܠܦ݀ ܕܕܝܠܗ ܗܝ ܐܦ ܗܕܐ ܩܪܝܬܐ. ܘܬܪܓܡܗ ܘܚܿܙܝ ܕܐܝܬܘܗܝ ܥܠܡܐ ܒܗܿܘ ܗܟܝܠ ܡܬܠܐ ܩܕܡܝܐ ܕܗܿܢܘܢ ܕܩܒܼܠܘ ܙܪܥܐ ܒܢܦܫ̈ܬܗܘܢ ܥܠ ܦܘܪ̈ܫܢܐ ܕܐܝܟܢܐ ܗܿܘܝܢ ܩܿܕܡ ܝܕܥ݀ ܒܗܕܐ ܕܝܢ ܕܣܝܼܡܐ ܩܕܡܝܢ ܥܠ ܝܘܠܦܢ̈ܐ ܗܦܝ̈ܟܐ ܕܛܘܥܝܝ ܕܗܪ̈ܣܝܘܛܐ ܕܠܐ ܐܠܗ. ܟܕ ܥܕܟܝܠ ܚܕ ܡܢܗܘܢ ܗܟܢܐ ܠܐ ܐܬܩܿܝܡ ܗܘܐ ܒܝܬ ܒܢ̈ܝ ܐܢܫܐ. ܒܪܡ ܕܝܢ ܠܐ ܛܥܬܗ ܗܕܐ ܕܥܬܝܕܐ ܗܘܬ ܕܬܗܼܘܐ ܡܛܠ ܓܝܪ ܕܒܙܒܢܐ ܕܒܿܬܪܟܢ ܒܟܠܗܿ ܐܪܥܐ. ܡܟܬܒܢܘܬܐ ܕܒܟܬܒ̈ܐ ܕܓ̈ܠܐ ܘܡ̈ܠܐ ܒܝܘܠܦܢܗ ܡܕܡܝܢ ܡܢ ܟܝܢܐ ܕܠܩܘܒܠܐ ܒܕܡܘܬ ܙܝܙܢ̈ܐ ܥܡ ܡܠܬܗ ܕܟܝܬܐ ܘܡܚܝܢܝܬܐ 171 ܕܝܘܠܦܢܗ ܐܙܕܪܥܼܘ݀ ܘܪ̈ܒܘܬܐ ܥܕܡܐ ܠܗܫܐ ܕܡܢܗܘܢ ܒܡܢܝ ܡܫܬܒܗܪܝܢ. ܘܡܢܗܘܢ ܒܡܪܩܝܘܢ ܘܡܢܗܘܢ ܒܐܚܪ̈ܢܐ ܡܢ ܗܿܢܘܢ ܕܣܒܪܐ ܐܚܪܢܐ ܕܠܐ ܐܠܗ. ܘܙܝܙ̈ܢܐ ܡܣܪܚܝܢ ܟܕ ܡܬܕܡܝܢ ܒܝܘܠܦܢܗ ܕܦܪܘܩܢ ܘܒܫܡܗ ܕܝܠܗ ܡܬܚܫܚܼܝܢ݀ ܘܟܬܒ̈ܐ ܕܐܘܢܓ̈ܠܝܐ ܒܕ̈ܝܐ ܐܚܝܕܝܢ. ܗܼܘ ܕܝܢ ܐܒܘܗܘܢ ܕܗܠܝܢ. ܕܗܼܘ ܩܕܡܝܐ ܙܪܥܼ ܐܢܝܢ ܒܢܦ̈ܫܬܐ ܕܗܿܢܘܢ ܕܕܩܒܼܠܘܗܝ. ܐܝܬܘܗܝ ܗܼܘ ܐܟܠ ܩܪܨܐ ܘܫܦܝܪ ܡܩܕܡ ܡܕܡ ܕܥܬܝܕ ܕܢܗܿܘܐ ܒܚܝܿܠܐ ܐܠܗܝܐ ܩܿܕܡ ܝܕܥ ܘܩܿܕܡ ܐܣܿܗܼܕ ܗܿܢܝܢ ܕܒܗܢܐ ܐܣܟܡܐ ܐܫܬ݀ܠܼܡ ܒܥܒ̈ܕܐ ܘܢܩܦܐܝܬ ܐܝܟ ܡ̈ܠܘܗܝ ܫܘܠܡܗܝܢ ܗܼܘܐ݀ ܐܟܙܢܐ ܗܟܝܠ ܕܗܠܝܢ ܒܫܪܪܐ ܚܿܘܝ. ܘܒܗܘܢ ܒܥܒܕ̈ܐ ܚܿܙܝܢ ܐܢܚܢܢ ܫܘܠܡܗܝܢ ܕܡ̈ܠܘܗܝ ܡܩܕ̈ܡܬܐ ܕܦܪܘܩܢ. ܗܟܢܐ ܙܕܩ ܕܐܦ ܥܠ ܫܪܟ ܢܣܒܪ ܕܗܿܘܝܢ ܘܐܝܠܝܢ ܐܢܝܢ ܗܠܝܢ ܗܘ ܚܨܕܐ ܘܫܘܠܡܐ ܘܡ̈ܠܐܟܐ ܚܨܘܕ̈ܐ. ܘܕܡܬܠܩܛܝܢ ܙܝܙ̈ܢܐ ܘܢܦܠܝܢ ܒܢܘܪܐ ܘܚܪܬܐ ܕܛܒ̈ܬܐ ܕܗܿܢܘܢ ܕܙܪܥܐ ܚܲܝܐ ܘܕܟܝܼܐ ܘܡܚܝܢܐ ܢܛܪܘ ܘܐܣܓܝܼܘ ܕܥܠܝܗܘܢ ܐܡܼܝܪܐ ܘܗܝܕܝܢ ܙܕܝ̈ܩܐ ܢܿܢܚܪܘܢ ܐܝܟ ܫܡܫܐ ܒܡܿܠܟܘܬܗ ܕܐܒܘܗܘܢܿ. ܥܠ ܗܿܢܘܢ ܕܥܬܝܕܝܢ ܕܒܒܕܼ̈ܝܐ ܢܫܡܗܘܢ ܢܦܫܗܘܢ ܡܫܝ̈ܚܝܐ. ܡܢ ܐܘܢܓܠܝܘܢ ܕܡܬܝ. ܠܗ. ܟܕ ܝܿܬܒ ܗܘܐ ܒܛܘܪ ܙܝ̈ܬܐ ܩܪܒܼܘ ܬܠܡܝܕ̈ܘܗܝ ܒܝܢܝܗܘܢ ܘܠܗ ܘܐܡܪܝܢ ܠܗ. ܐܡܼܪ ܠܢ ܐܡܬܝ ܗܠܝܢ ܢܗܼܘܝܢ. ܘܡܢܐ ܗܝ ܐܬ݀ܐ ܕܡܐܬܝܬܟ. ܘܕܫܘܠܡܗ ܕܥܠܡܐ. ܘܦܢܼܝ ܠܗܘܢ ܝܫܘܥ ܦܬܓܡܐ ܘܐܡܼܪ. ܚܙܘ ܕܠܡܐ ܐܢܫ ܢܛܥܟܘܢܿ ܣܓܝ̈ܐܐ ܓܝܪ ܢܐܬܘܢ ܒܫܡܝ ܘܢܐܡܪܘܢܿ ܕܐܢܐ ܐܢܐ ܡܫܝܚܐ ܘܠܣܓܝ̈ܐܐ ܢܛܥܘܢܿ ܘܬܘܒ ܒܬܪ ܙܥܘܪ̈ܝܬܐ ܐܡܼܪ. ܒܗܿܘ ܙܒܢܐ ܐܢ ܐܢܫ ܢܐܡܪ ܠܟܘܢܿ ܕܗܪܟܐ ܗܘ ܡܫܝܚܐ ܐܘ ܗܪܬܡܢ ܠܐ ܬܗܝܡܢܘܢܿ ܢܩܘܡܘܢ ܓܝܪ ܡܫܝ̈ܚܐ ܕܓ̈ܠܐ ܘܢܒܝ̈ܐ ܕܟܕܒܘܬܐ ܘܢܬܠܘܢ ܐܬܘ̈ܬܐ ܘܬܕܡܪ̈ܬܐ ܪ̈ܘܪܒܬܐ. ܐܝܟܢܐ ܕܢܛܥܘܢ ܐܢ ܡܫܟܚܐ ܐܦ ܠܓܒ̈ܝܐ. ܗܐ ܩܿܕܡܼܬ ܐܡܼܪܬ ܠܟܘܢ. ܐܢ ܗܟܝܠ ܢܐܡܪܘܢ ܠܟܘܢ ܕܗܐ ܒܕܒܪܐ ܗܘ ܠܐ ܬܦܩܘܢܿ ܐܘ ܕܗܐ ܒܬܘܢܐ ܗܘ ܠܐ ܬܗܝܡܢܘܢܿ ܐܟܙܢܐ ܓܝܪ ܕܒܪܩܐ ܒܿܪܩ ܡܢ ܡܕܢܚܐ݀ ܘܡܬܚܙܐ ܥܕܡܐ ܠܡܥܪܒܐ. ܗܟܢܐ ܬܗܼܘܐ ܒܐܬܝܬܗ ܕܒܪܗ ܕܐܢܫܐ.ܘܒܙܒܢܐ ܐܚܪܢܐ ܟܕ ܥܡ ܝܗܘ̈ܕܝܐ ܡܡܠܠ݀ ܗܠܝܢ ܐܘܣܼܦ ܘܐܡܼܪ 172 ܐܢܐ ܐܬ݀ܝܬ ܒܫܡܗ ܕܐܒܝ ܘܠܐ ܩܒܠܬܘܢܢܝ. ܘܐܚܪܢܐ ܐܢ ܢܐܬܐ ܒܫܡܐ ܕܢܦܫܗ ܠܗܿܘ ܬܩܒܠܘܢܿ ܗܿܢܝܢ ܕܥܠ ܗܿܘ ܚܠܦ ܡܫܝܚܐ ܟܕܒܐ ܕܡܣܟܝܢ ܩܿܕܡ ܐܡܼܪ ܟܕ ܡܿܙܗܪ ܠܬܠܡܝܕ̈ܘܗܝ ܚܕ ܕܝܢ ܐܚܪܢܐ ܕܒܚܪܬܐ ܚܿܘܝ ܒܐܓܪܬܐ ܕܬܣܠܘܢܝܩܐ ܐܠܐ ܕܐܦ ܩܕܡ ܗܘ ܐܚܪ̈ܢܐ ܗܿܘܝܢ ܒܕܘ̈ܟܝܬܐ ܗܘ ܦܪܘܩܢ ܩܿܕܡ ܐܡܼܪ. ܣܓܝ̈ܐܐ ܠܡ ܓܝܪ ܢܐܬܘܢ ܒܫܡܝ݀ ܘܢܐܡܪܘܢ ܕܐܢܐ ܐܢܐ ܡܫܝܚܐ ܘܠܣܓܝ̈ܐܐ ܢܛܥܘܢܿ ܗܘܘ ܕܝܢ ܒܬܪ ܡ̈ܠܘܗܝ ܣܓܝ̈ܐܐ. ܗܟܢܐ ܡܢ ܕܘܟܬܗ ܓܝܪ ܫܡܪ̈ܝܐ ܠܕܘܣܝܬܐܘܣ ܕܗܿܘܐ ܒܬܪ ܙܒܢܐ ܕܦܪܘܩܢ݀ ܕܗܼܘܝܘ ܢܒܝܐ ܗܿܘ ܕܐܬܢܒܼܝ ܥܠܘܗܝ ܡܘܫܐ ܐܬܛܦܝܣ ܘܐܛܥܼܝ ܐܢܘܢ ܕܢܐܡܪܘܢ ܕܗܼܘܝܘ ܡܫܝܚܐ݀ ܘܐܚܪܢܐ ܬܘܒ ܒܙܒܢܐ ܕܫ̈ܠܝܚܐ ܠܣܝܡܘܢ ܚܪܫܐ ܚܝܠܐ ܪܒܐ ܐܠܗܐ ܩܼܪܘ݀ ܘܕܗܼܘܝܘ ܡܫܝܚܐ ܣܒܼܪܘ݀ ܘܐܚܪ̈ܢܐ ܒܦܪܘܓܐ ܠܡܘܢܛܢܣ ܘܐܚܪ̈ܢܐ ܬܘܒ ܒܐܚܪܬܐ ܕܘܟܬܐ ܣܒܪܘ ܥܠ ܐܚܪ̈ܢܐ ܘܠܐ ܫܠܝܢ ܡܛܥܝ̈ܢܐ. ܘܠܐ ܓܝܪ ܕܢܣܒܪ ܕܐܦ ܣܓܝ̈ܐܐ ܐܝܟ ܗܠܝܢ ܗܿܘܝܢ. ܕܐܦ ܡܢܗܘܢ ܕܗܠܝܢ ܣܗܕܘܬܐ ܥܠ ܫܪܪܐ ܕܝܕܥܬܗ. ܡܩܕܡܬܐ ܕܦܪܘܩܢ ܢܣܒܐ. ܗܼܘ ܕܝܢ ܦܪܘܩܢ ܡܠܦ݀ ܕܠܐ ܬܘܒ ܒܕܘܟܬܐ ܚܕܐ ܗܘܿܝܐ ܡܐܬܝܬܗ ܡܫܒܚܬܐ ܕܬܪܬܝܢ ܐܝܟ ܗܿܝ ܩܕܡܝܬܐ. ܘܕܐܢܫ ܢܣܒܪ ܕܒܓܘܢܝܐ ܕܐܪܥܐ ܡܬܚܙܝܐ ܘܕܠܐ ܐܢܫ ܢܣܒܪ ܗܟܢܐ ܡܠܦ ܘܐܡܿܪ ܕܐܢ ܐܢܫ ܢܐܡܪ ܠܟܘܢ ܕܗܐ ܗܪܟܐ ܗܘ ܡܫܝܚܐ ܐܘ ܗܪܟܡܢ [ܗܪܬܡܢ] ܠܐ ܬܗܝܡܢܘܢ ܣܒܪ̈ܐ ܓܝܪ ܐܝܠܝܢ ܕܗܟܢܐ ܐܢܘܢ ܠܐ ܫܠܡܝܢ ܥܠܘܗܝ. ܐܠܐ ܕܡܫܝ̈ܚܐ ܐܢܘܢ ܕ̈ܓܠܝܐ ܘܕܢܒ̈ܝܐ ܕܟܕܒܘܬܐ. ܗܿܘ ܕܝܢ ܚܕܐ ܙܒܢ. ܒܐܣܟܡܐ ܕܒܪ ܐܢܫܐ. ܒܓܘܢܝܐ ܚܕܐ ܐܬܚܙܼܝ. ܘܡܐܬܝܬܗ ܕܬܪ̈ܬܝܢ ܡܫܒܚܬܐ ܕܡܢ ܫܡܝܐ ܕܐܝܟܢܐ ܗܿܘܝܐ ܡܿܠܦ ܘܐܡܿܪ ܕܐܝܟܢܐ ܓܝܪ ܕܒܪܩܐ ܢܿܦܩ ܡܢ ܡܕܢܚܐ ܘܡܬܚܙܐ ܥܕܡܐ ܠܡܥܪܒܐ. ܗܟܢܐ ܬܗܼܘܐ ܡܐܬܝܬܗ ܕܒܪܗ ܕܐܢܫܐ ܀ ܥܠ ܗܢܝܢ ܕܓܕܫܢ ܒܚܪܬܐ ܕܨ̈ܒܘܬܐ ܡܢ ܐܘܢܓܠܝܘܢ ܕܡܬܝ. ܠܿܘ. ܠܬܝܕܝܢ ܐܢܬܘܢ ܕܝܢ ܕܬܫܡܥܘܢ ܩܪ̈ܒܐ ܘܫܡܥܐ ܕܩܪ̈ܒܐ. ܚܼܙܘ ܕܠܡܐ ܬܬܼܙܝܥܘܢܿ ܘܿܠܐ ܓܝܪ ܕܢܗܼܘܝܢ ܐܠܐ ܠܐ ܥܕܟܝܠ ܚܪܬܐ. ܢܩܘܡ ܓܝܪ ܥܡܐ ܥܠ ܥܡܐ ܘܡܿܠܟܘܬܐ ܥܠ ܡܿܠܟܘܬܐ. ܘܢܗܿܘܘܢ ܟܦ̈ܢܐ ܘܡܘ̈ܬܢܐ ܘܙܘ̈ܥܐ ܒܕܘܟܐ ܕܘܟܐ ܗܠܝܢ ܕܝܢ ܟܠܗܝܢ ܪܫܐ ܐܢܝܢ ܕܬܢܚ̈ܬܐ ܗܝܕܝܢ ܢܫܠܡܘܢܟܘܢ ܠܐܘܠܨܢܐ 173 ܘܢܩܛܠܘܢܟܘܢ ܘܬܗܼܘܘܢ ܣܢܼܝܐܝܢ ܡܢ ܟܠܗܘܢ ܥܡ̈ܡܐ. ܡܛܠ ܫܡܝ ܕܝܠܝ݀ ܘܡܩܦ ܒܬܪܗ ܐܡܿܪ ܗܝܕܝܢ ܢܬܟܫܠܘܢ ܣܓܝ̈ܐܐ ܘܢܫܠܡܘܢ ܚܕ ܠܚܕ ܘܢܣܢܘܢ ܠܚܕܕ̈ܐ. ܘܣܓܝ̈ܐܐ ܢܒ̈ܝܐ ܕ̈ܓܠܐ ܢܩܘܡܘܢ ܘܢܛܥܘܢ ܠܣܓܝ̈ܐܐ ܘܡܛܠ ܣܓܝܐܘܬܗ ܕܥܘܠܐ ܢܦܘܩ ܚܘܒܐ. ܕܣܓܝ̈ܐܐ. ܡܿܢ ܕܝܢ ܕܢܣܒܪ ܥܕܡܐ ܠܚܪܬܐ ܗܢܐ ܢܚܼܐ. ܘܬܬܟܼܪܙ ܣܒܪܬܐ ܕܡܿܠܟܘܬܐ. ܒܟܠܗ ܥܠܡܐ ܠܣܗܕܘܬܐ ܕܟܠܗܘܢ ܥܡ̈ܡܐ ܘܗܝܕܝܢ ܬܐܬܼܐ ܚܪܬܐ ܓܠܝܐܝܬ. ܘܐܦ ܒܝܕ ܗܠܝܢ ܕܘܿܠܐ ܕܠܘܩܕܡ ܬܬܟܼܪܙ ܣܒܪܬܗ ܒܟܠܗܿ ܒܪܝܬܐ ܠܣܗܕܘܬܐ ܕܟܘܠܗܘܢ ܥܡ̈ܡܐ ܐܬܢܒܼܝ. ܘܗܝܕܝܢ ܬܼܐܬܐ ܚܪܬܐ. ܠܐ ܓܝܪ ܠܘܩܕܡ ܗܿܘܝܐ ܚܪܬܐ. ܕܥܠܡܐ ܕܐܬܟܼܪܙܬ ܐܠܐ ܡܐ ܕܠܒܟܼܬ ܡܠܬܗ ܒܟܠܗܘܢ ܥܡ̈ܡܐ ܐܝܟ ܟܡܐ ܕܚܣܝܪܝܢ ܗܟܝܠ ܥܡ̈ܡܐ ܕܠܐ ܐܬܟܼܪܙܬ ܒܗܘܢ ܣܒܪܬܗ. ܗܟܢܐ ܐܦ ܙܒܢܐ ܚܣܝܪ ܕܚܪܬܐ ܘܡܠܦ ܘܐܡܿܪ ܕܥܬܝܕܝܢ ܐܢܬܘܢ ܕܬܫܡܥܘܢ ܩܪ̈ܒܐ ܘܫܡ̈ܥܐ ܕܩܪ̈ܒܐ ܚܙܘ ܕܠܡܐ ܬܬܙܝܥܘܢܿ ܘܿܠܐ ܓܝܪ ܕܢܗܿܘܝܢ ܐܠܐ ܠܐ ܥܕܟܝܠ ܚܪܬܐ. ܐܡܬܝ ܕܝܢ ܗܿܘܝܐ ܗܕܐ ܡܚܘܝܐ ܘܐܡܿܪ. ܬܬܟܼܪܙ ܣܒܪܬܐ ܕܡܿܠܟܘܬܐ ܒܟܠܗܿ ܒܪܝܬܐ ܠܣܗܕܘܬܐ ܕܟܠܗܘܢ ܥܡ̈ܡܐ ܘܗܝܕܝܢ ܬܐܬܼܐ ܚܪܬܐ ܐܡܬܝ ܕܐܦ ܟܦ̈ܢܐ ܘܡܘ̈ܬܢܐ ܘܙܘ̈ܥܐ ܒܕܘܟܐ ܕܘܟܐ. ܘܩܝܡܝܢ ܥܡܐ ܥܠ ܥܡܐ. ܘܡܠܿܟܘܬܐ ܥܠ ܡܿܠܟܘܬܐ. ܘܗܿܘܝܢ ܐܪ̈ܕܘܦܝܐ ܥܫܝ̈ܢܐ ܘܐܘ̈ܠܨܢܐ ܪ̈ܘܪܒܐ ܘܒܬܪܗܝܢ ܐܡܿܪ. ܘܬܗܿܘܘܢ ܣܢܸܝܐܝܢ ܡܢ ܟܠܗܘܢ ܥܡ̈ܡܐ ܠܐ ܡܛܠ ܣܘܥܪ̈ܢܐ ܐܚܪ̈ܢܐ ܣܢ̈ܝܐ ܐܠܐ ܡܛܠ ܫܡܗ ܕܝܠܗ ܀ ܀܀ ܠܙ. ܗܠܝܢ ܬܚܘ̈ܝܬܐ ܕܕܢܚ ܐܠܗܝܐ ܕܦܪܘܩܢ ܕܥܕܡܐ ܠܗܫܐ ܒܥܝ̈ܢܐ ܡܬܚܙܝܢ ܡܚܘܝܢ̈ܝܬܐ ܕܡ̈ܠܐ ܐܟܚܕܐ ܘܕܥܒܕ̈ܐ ܐܠܗ̈ܝܐ ܡܢ ܩܕܝܡ ܓܝܪ ܒܢ̈ܬ ܩ̈ܠܐ ܡܫܬܡܼܥܢ ܗܘܝ. ܫܚܝܡܐܝܬ ܘܗܫܐ ܒܙܒ̈ܢܐ ܕܝܠܢ ܫܘ̈ܠܡܐ ܕܝܠܗܝܢ ܕܡ̈ܠܐ ܓܠܝܐܝܬ ܒܥܒܿܕܐ ܡܬܚܙܝܢ ܘܚܝ̈ܠܐ ܕܠܟܠܗ ܟܝܢܐ ܡܝܘܬܐ ܡܚܦܝܢ݀ ܘܐܢ ܕܝܢ ܐܢܫܝܢ ܠܐ ܢܬܛܦܝܣܘܢ ܠܗܝܢ. ܠܐ ܘܿܠܐ ܕܢܬܕܡܪ ܡܛܠ ܕܐܦ ܠܘܩܒܠ ܓܠܝ̈ܬܐ. ܡܿܥܕ ܗܘ ܒܪ ܐܢܫܐ ܕܢܩܘܡ. ܗܟܢܐ ܕܐܦ ܥܠ ܒܛܝܠܘܬܐ ܕܥܠ ܟܠ݀ ܡܼܡܪܚ ܕܒܡܠܘܗܝ ܕܠܩܘܒܠܐ ܢܐܡܪ. ܘܗܟܢܐ ܘܐܦ ܒܗ ܒܐܠܗܐ. ܟܿܦܪ. ܘܗܟܢܐ ܐܦ ܥܠ ܣܓܝ̈ܐܬܐ ܐܚܪ̈ܢܝܬܐ ܕܫܪܪܐ ܡܿܣܗܼܕ ܥܠܝܗܝܢ ܕܠܐ ܚܘ.ܡܨܐ ܡܬܟܬܫ. ܐܠܐ ܐܟܙܢܐ ܕܥܫܝܩܘܬܗܘܢ ܕܗܠܝܢ ܠܡܠܬܐ ܫܪܝܪܬܐ ܕܟܝܢܐ ܡܕܡ 174 ܠܐ ܡܣܓܦܐ. ܗܟܢܐ ܘܐܦ ܠܡܝܬܘܪܬܐ ܕܐܠܗܘܬܗ ܓܠܝܬܐ ܕܦܪܘܩܢ݀ ܒܝܫܘܬܐ ܕܠܐ ܗܝܡܢܘܬܗܘܢ ܕܐܢܫܝܢ ܠܐ ܡܕܡ ܡܣܓܦܐ. ܒܪܡ ܕܝܢ ܐܢ ܙܕܩ ܕܐܦ ܠܘܬ ܗܠܝܢ ܢܪܟܒ ܐܣܟܐ ܕܦܚܡ ܠܐܝܘܬܐ ܡܠܝܠܬܐ ܥܕܢܐ ܗܘ ܕܬܚܘ̈ܬܝܐ ܕܣܒܪܬܐ ܬܘܒ ܐܦ ܗܪܟܐ ܚܫܚܐܝܬ ܢܩܪܒ ܠܗܘܢܿ ܘܗܿܢܝܢ ܕܡܢ ܩܕܝܡ ܒܐܚܪ̈ܢܐ ܐܬܒܼܚܢ. ܐܦ ܗܫܐ ܐܝܟ ܕܠܗܿܢܘܢ ܕܠܐܝܠܝܢ ܕܐܬܐܡܼܪ ܠܐ ܐ ܐܬܛܦܼܝܣܘ ܢܫܬܥܐ. ܫܠܡ ܣܦܪܐ ܕܐܪ̈ܒܥܐ ܕܩܣܪܝܐ ܀܀ ܀܀ ܀܀ Book 5 ܀ ܣܦܪܐ ܕܚܡ̈ܫܐ ܕܩܣܪܝܐ ܀ ܐ. ܐܝܟ ܗܠܝܢ ܐܢܝܢ ܬܚܘ̈ܝܬܐ ܕܕܢܚܗ ܐܠܗܝܐ ܕܦܪܘܩܐ ܕܓܘܐ ܕܟܠ ܝܫܘܥ ܡܫܝܚܐ. ܕܥܕܡܐ ܠܗܫܐ ܒܥܝ̈ܢܐ ܡܬܚܙܝܢ ܡܚܘ̈ܝܢܝܬܐ ܕܡ̈ܠܐ ܐܟܚܕܐ ܘܕܥܒܕ̈ܐ ܐܠܗܝ̈ܐ ܡܢ ܩܕܝܡ ܓܝܪ ܒܢ̈ܬ ܩ̈ܠܐ ܡܫܬܡܼܥܢ ܗܘܝ ܫܚܝܡܐܝܬ ܕܡܩܕܡܢ ܐܡܪܢ ܥܠ ܨܒ̈ܘܬܐ ܕܥܬܝܕܢ ܗܘܝ ܕܢܗܿܘܝܢ ܗܿܢܝܢ ܕ̈ܬܠܡܝܕܘܗܝ ܟܕ ܩܪܝܼܒ ܗܘܐ ܩܕܡܝܗܘܢ ܐܢܬܒܼܝ. ܗܫܐ ܕܝܢ ܒܙܒ̈ܢܐ ܕܝܠܢ ܫܘܠܡܐ ܕܝܠܗܝܢ ܕܡ̈ܠܐ ܓܠܝܐܝܬ ܒܥܒܕ̈ܐ ܡܬܚܙܐ. ܘܚܝ̈ܠܐ ܕܠܟܠܗ ܟܝܢܐ ܡܝܘܬܐ ܡܚܦܼܝܢ. ܘܐܢ ܕܝܢ ܐܢܫܝܢ ܠܐ ܢܬܛܦܝܼܣܘܢܿ ܠܗܠܝܢ ܠܐ ܘܿܠܐ ܕܢܬܕܡܪ ܡܛܠ ܕܐܦ ܠܘܩܒܠ ܓܠܝ̈ܬܐ ܡܥܿܕ ܗܘ ܒܪ ܐܢܫܐ ܕܢܩܘܡ. ܗܟܢܐ ܘܐܦ ܥܠ ܒܛܝܠܘܬܐ ܕܥܠ ܟܘܠ ܡܡܼܪܚ ܕܒܡ̈ܠܘܗܝ ܕܠܩܘܒܠܐ ܢܐܡܪ ܘܗܟܢܐ ܘܐܦ ܒܗ ܒܐܠܗܐ ܟܦܪ. ܘܗܟܢܐ ܐܦ ܥܠ ܣܓܝ̈ܐܬܐ ܐܚܪ̈ܢܝܬܐ ܕܫܪܪܐ ܡܿܣܗܕ ܥܠܝܗܝܢ ܕܠܐ ܚܘܡܨܐ ܡܬܟܬܫ݀ ܐܠܐ ܐܟܙܢܐ ܕܥܫܝܩܘܬܗܘܢ ܕܗܠܝܢ ܠܡܠܬܐ ܫܪܝܪܬܐ ܕܟܝܢܐ ܡܕܡ ܠܐ ܡܣܓܦܐ݀ ܗܟܢܐ ܐܦ ܠܡܝܬܪܘܬܐܕܐܠܗܘܬܗ ܓܠܝܬܐ ܕܦܪܘܩܢ ܒܝܫܘܬܐ ܕܠܐ ܗܝܡܢܘܬܗܘܢ ܕܐܢܫܝܢ ܠܐ ܡܕܡ ܡܣܓܦܐ. ܡܕܝܢ ܐܦܠܐ ܕܒܡܠܬܐ ܢܫܘܬܦ ܐܢܘܢ ܠܗܠܝܢ ܫ݀ܘܝܢ. ܗܿܢܘܢ ܓܝܪ ܕܥܒܕ̈ܐ ܕܐܠܗܐ ܠܐ ܡܦܝܣܝܢ ܠܗܘܢܿ ܒܨܝܪܐ ܗܝ ܕܡܠܬܐ ܕܒܪ ܐܢܫܐ ܬܦܝܼܣ ܐܢܘܢ݀ ܒܪܡ ܕܝܢ ܡܢ ܝܬܝܪܘ ܬܘܒ ܗܿܢܝܢ ܠܘܩܒܠܗܘܢ ܢܣܒ݀ ܗܿܢܝܢ ܕܐܦ ܡܢ ܩܕܝܡ ܐܢܚܢܢ ܒܬܚܘ̈ܝܬܐ ܕܐܘܢܓܠܝܘܢܿ ܒܫ̈ܘܐܠܐ ܒܚܢ. ܐܢ ܗܟܝܠ ܐܢܫ ܡܢ ܒܬܪ ܗܢܐ. ܘܟܠܗ݀ ܫܪܪܐ ܢܚܨܦ݀ ܘܕܠܐ 175 ܚܘܡܨܐ ܢܡܪܚ ܕܢܐܡܪ ܕܠܐ ܗܘܐ ܐܝܟ ܕܣܒܪܝܢ ܐܢܚܢܢ ܥܠ ܡܫܝܚܗ ܕܐܠܗܐ ܐܝܬܘܗܝ ܐܠܐ ܕܓܒܪܐ ܗܘ ܚܪܫܐ ܘܡܛܥܝܢܐ ܘܡܫܓܝܢܐ ܢܩܪܒ ܠܗ ܐܝܟ ܕܠܫܒܪܐ ܒܬܪܥܝܬܗ ܗܼܢܝܢ ܗܠܝܢ ܕܐܦ ܡܢ ܩܕܝܡ ܒܚܢܢ ܐܢܝܢ ܀ ܠܘܩܒܠ ܗܿܢܘܢ ܕܣܒܼܪܘ ܥܠ ܡܫܝܚܗ ܕܐܠܗܐ. ܕܚܪܫܐ ܗܘܘܡܛܥܝܢܐ. ܒ. ܡܟܝܠ ܢܫܿܐ ܐܢ ܐܢܫ ܡܡܬܘܡ ܡܢ ܟܠ ܥܠܡ ܐܫܬܡܼܥ ܓܒܪܐ ܡܛܥܝܢܐ ܘܚܪܫܐ ܕܗܿܘܐ ܡܠܦܢܐ ܕܡܟܝܟܘܬܐ ܘܕܥܢܘܝܘܬܐ ܘܕܢܟܦܘܬܐ. ܘܕܟܘܠܗܿ ܡܝܬܪܘܬܐ ܐܚܪܝܬܐ. ܘܐܢ ܟܐܢܐ ܕܒܗܠܝܢ ܫܡ̈ܗܐ ܢܬܩܪܐ. ܗܿܘ ܕܐܦ ܠܐ ܕܢܚܘܪܘܢ ܒܢ̈ܫܐ ܒܪܓܬܐ ܨܚܢܬܐ ܡܦܣ. ܘܐܢ ܚܪܫܐ ܗܘ ܗܿܘ ܕܦܝܠܘܣܦܘܬܐ ܪܫܝܬܐ ܐܫܼܠܡ ܒܗܕܐ ܕܪܕܐ ܠܬܠܡܝܕ̈ܘܗܝ ܕܣܢܝ̈ܩܐ ܡܢ ܩܢܝܢܗܘܢ ܢܩܦܘܢ ܠܗ. ܘܡܪܚܡܢܘܬܐ ܘܦܫܝܛܘܬ ܐܝܕܐ ܣܓܝ ܬܬܝܬܪ ܠܘܬܗܘܢ ܘܐܢ ܚܪܫܐ ܗܘ ܗܿܘ ܕܡܢ ܟܢܘܫܝܐ ܕܩܘ̈ܛܢܐ ܒܥܪ̈ܝܪܝܐ ܕܫܓܘܫܝܐ ܟܿܠܐ. ܘܐܠܼܦ ܕܒܠܚܘܕ ܗܢܐ ܒܛܠܢܐ ܕܠܘܬ ܡ̈ܠܐ ܐܠܗܝ̈ܬܐ ܢܚܒܘܢ ܘܗܿܘ ܕܡܢ ܟܘܠܗܿ ܕܓܠܘܬܐ ܕܚܩ ܘܕܠܫܪܪܐ ܩܕܡ ܟܠ ܡܕܡ ܢܝܩܪܘܢ ܡܪܬܐ ܐܝܟܢܐ ܕܐܦ ܥܠ ܡܘܡܬܐ ܫܪܝܪܬܐ ܢܣܬܢܩܘܢܿ ܚܕ ܟܡܐ ܟܥܠ ܓܠܬܐ ܐܝܟܢܐ ܚܪܫܐ ܟܐܢܐܝܬ ܢܫܬܡܗ ܘܡܢ ܡܬܒܥܐ ܠܝ ܕܣܓܝ̈ܐܬܐ ܗܫܐ ܐܡܪ ܕܩܪܝܒܐ ܗܝ ܕܡܢ ܒܢ̈ܬ ܩ̈ܠܐ ܕܝܠܗ. ܗܿܢܝܢ ܕܥܕܡܐ ܠܗܫܐ ܒܟܠܗܿ ܐܪܥܐ ܡܬܼܟܪܙܢܿ ܢܕܥ ܕܐܝܢܐ ܗܘܐ ܐܣܟܡܐ ܕܕܘܒܪܐ ܕܐܙܕܪܥ ܡܢܗ ܒܥܠܡܐ ܕܡܢܗ ܠܐ ܗܘܐ ܒܠܚܘܕ ܕܠܐ ܗܘ ܚܪܫܐ ܗܘܘܡܛܥܝܢܐ݀ ܐܠܐ ܕܡܠܬܐ ܗܘ ܕܐܠܗܐ ܒܫܪܪܐܘܡܠܦܢܐ ܕܦܝܠܘܣܦܘܬܐ ܐܠܗܝܬܐ ܘܕܟܐܢܘܬܐ. ܘܿܠܐ ܗܘܐ ܕܗܕܐ ܦܝܠܘܣܦܘܬܐ ܥܠܡܝܬܐ ܕܓܘܐ. ܟܠ ܡܢ ܕܪܚܡ ܫܪܝܪܬܐ ܡܘܕܐ ܥܠܘܗܝ ܀܀ ܀܀ ܓ. ܐܠܐ ܗܠܝܢ ܕܐܣܟܡܐ ܕܝܘܠܦܢܗ ܐܝܟ ܗܟܢܐ. ܬ݀ܐ ܕܝܢ ܢܬܒܩܐ ܠܡܐ ܟܝ ܗܼܝ ܡܛܥܝܢܘܬܗ ܒܗܿܢܝܢ ܪ̈ܘܪܒܬܐ ܕܝܘܠܦܢܗ ܐܝܬܝܗܿ ܗܘܬ. ܘܠܐ ܗܐ ܗܟܝܠ ܠܐܠܗܐ ܡܿܠܟܐ ܕܟܠ ܠܗܿܘ ܒܠܚܘܕܘܗܝ ܥܠܬܐ ܕܟܠܗܝܢ ܛܒܬܐ ܟܬܝܒ ܥܠܘܗܝ. ܕܗܼܘ ܡܠܼܦ ܗܘܐ ܘܠܬܠܡܝܕ̈ܘܗܝ ܡܩܪܒ ܗܘܐ ܘܥܕܡܐ ܠܗܫܐ ܡ̈ܠܐ ܕܡܠܦܢܘܬܗ ܠܟܠ ܝܘܢ̈ܝܐ ܕܐܝܬ ܘܠܒܪ̈ܒܪܝܐ ܠܥܠ ܒܬܪܥܝܬܗܘܢ ܠܘܬ ܐܠܗ ܕܠܥܠ ܡܢ ܟܠ݀ ܠܘܬ ܗܿܘ ܥܒܘܕܐ ܕܫܡܝܐ ܘܕܐܪܥܐ. ܘܕܟܠܗ 176 ܥܠܡܐ ܡܣܩܢ݀ ܘܡܢ ܟܘܠܗ ܟܝܢܐ ܡܬܚܙܝܢܐ ܘܒܥܕܝܐ ܡܫܘܪܢ݀ ܠܡܐ ܟܝ ܗܕܐ ܗܝ ܡܛܥܝܢܘܬܗ݀ ܐܘ ܡܛܠ ܕܠܐ ܫܿܒܼܩ ܗܘܐ ܕܢܣܓܕܘܢ ܠܐܠ̈ܗܐ ܣܓܝ̈ܐܐ. ܠܗܿܢܘܢ ܕܡܢ ܗܿܝ ܣܓܕܬܐ ܕܐܠܗܐ ܒܠܚܘܕܘܗܝ ܓܠܝܐ ܕܠܐ ܡܬܕܓܠ݀ ܥܠ ܗܕܐ ܛܥܝܘܬܐ ܫܪܝܪܬܐ ܒܬܪ ܪܫܗܘܢ ܢܦܠܼܘ݀ ܐܠܐ ܗܕܐ ܠܐ ܗܘܼܬ ܚܕܬܐ ܘܐܦܠܐ ܡܠܬܐ ܕܝܠܗ. ܐܠܐ ܕܗܿܢܘܢ ܥܒܪ̈ܝܐ ܪ̈ܚܡܝ ܠܐܠܗܐ ܕܡܢ ܩܕܝܡ ܕܢܚܞܼܘ ܐܝܬܝܗܿ ܗܘܬ݀ ܕܡܢܗܘܢ ܐܦ ܗܿܢܘܢ ܦܝܠܘܣ̈ܦܐ ܚܕ̈ܬܐ ܗܠܝܢ ܪ̈ܘܪܒܬܐ ܐܬܥܕܪܘ. ܘܠܝܘܠܦܢܗܘܢ ܫܠܡܘ. ܘܡܫܬܒܗܪܝܢ ܕܝܢ ܐܦ ܗܿܢܘܢ ܚܟܝ̈ܡܐ ܕܝܘ̈ܢܐ ܒܩܨ̈ܡܐ ܕܐܠܗܝ̈ܗܘܢ ܟܕ ܗܟܢܐ ܠܥܒܪ̈ܝܐ ܡܕܟܪܝܢ ܒܠܚܘܕ ܠܟܠܕ̈ܝܐ ܚܟܡܬܐ ܡܛܬܼ ܘܥܒܪ̈ܝܐ ܠܐܠܗܐ ܡܿܠܟܐ ܕܟܠ ܐܝܬܝܐ ܕܢܦܫܗ ܕܟܝܐܝܬ ܣ݀ܓܕܝܼܢ ܀ ܀ ܀܀ ܕ. ܐܢ ܗܟܝܠ ܐܦ ܡܢ ܩܕܝܡ ܗܿܢܘܢ ܪ̈ܚܡܝ ܠܐܠܗܐ. ܗܿܢܘܢ ܕܝܬܝܪܐܝܬ ܐܦ ܩܨ̈ܡܐ ܐܣܿܗܼܕ ܥܠܝܗܘܢ ܠܘܬ ܐܠܗܐ ܕܠܥܠ ܡܢ ܟܠ݀ ܣܓܕܬܐ ܡܣܩܼܝܢ ܗܘܘ ܡܛܠ ܡܢܐ ܕܡܛܥܝܢܐ ܗܘ. ܘܠܐ ܗܘܐ ܕܡܠܦܢܐ ܗܘ݀ ܬܡܝܗܐ ܕܣܓܕܬܐ ܕܐܠܗܐ ܢܘܕܐ ܥܠ ܗܢܐ ܕܗܿܢܝܢ ܕܡ ܢܩܕܝܡ ܠܗܿܢܘܢ ܒܠܚܘܕܝܗܘܢ ܒܢ̈ܝ ܪ̈ܝܫܝ ܐܒܗ̈ܬܐ ܕܥܒܪ̈ܝܐ ܐܬܝܕܥ ܠܘܬ ܟܠܗܘܢ ܒܢ̈ܝ ܐܢܫܐ ܡܬܚ݀ ܐܝܟܢܐ ܕܠܐ ܬܘܒ ܐܝܟ ܕܡܢ ܩܕܝܡ ܐܢܫܐ ܙܥܘܪ̈ܐ. ܕܕܠܝܠܝܢ ܠܡܢܝܢܐ ܣܒܪܐ ܬܪܝܨܐ ܕܥܠ ܐܠܗܐ ܢܗܿܘܐ ܠܗܘܢ ܐܠܐ ܪ̈ܒܘܬܐ ܕܟܢ̈ܫܐ ܕܒܪܒܪܝܐ݀ ܐܟܚܕܐ ܗܿܢܘܢ ܕܡܢ ܩܕܝܡ ܒܥܪܝܪܝܐ ܗܘܘ ܘܕܚܟܝ̈ܡܐ ܘܕܐܢܫܐ ܝܘ̈ܢܝܐ ܗܿܢܘܢ ܕܒܕܡܘܬܐ ܕܢܒ̈ܝܐ ܩܕ̈ܡܝܐ ܘܕܐܢܫܐ ܟܐܢ̈ܐ. ܐܬܪܕܝܘ ܠܣܓܕܬܐ ܕܐܠܗܐ ܒܝܕ ܚܝܠܐ ܕܝܠܗ ܒܠܚܘܕܘܗܝ ܘܒܝܕ ܡܠܦܢܘܬܗ ܀ ܀܀ ܗ. ܐܠܐ ܐܦ ܒܗܕܐ ܕܬܠܬ ܢܬܒܩܐ݀ ܠܡܐ ܟܝ ܗܕܐ ܗܝ ܕܡܛܘܠܬܗܿ ܡܛܥܝܢܐ ܩܪܐܘܗܝ ܕܐܠ ܕܠܐ ܬܘܒ ܒܩܛܠܐ ܕܬܘܪ̈ܐ ܘܠܐ ܒܕ̈ܒܚܐ ܕܚܝ̈ܘܬܐ ܕܠܐ ܡܠܬܐ݀ ܘܠܐ ܒܕܡܐ ܘܒܢܘܪܐ ܘܠܐ ܒܥܛܪܐ ܕܡܢ ܐܪܥܐ. ܢܝܩܪܘܢ ܠܐܠܗܐ ܡܛܠ ܕܒܨܝܪܢ ܐܢܝܢ ܘܐܪ̈ܥܢܝܬܐ ܐܢܝܢ ܗܠܝܢ. ܘܚܿܘܝ ܕܠܐ ܫܠܡܢ ܡܡܬܘܡ ܠܗܿܘ ܟܝܢܐ ܠܐ ܡܝܘܬܐ ܕܠܐ ܓܫܘܡ ܘܦܪܫܼ ܕܝܢ ܕܡܢ ܟܠ ܕܒܚ̈ܝܢ ܗܕܐ ܡܩܒܠܐ ܘܝܐܝܐ ܠܐܠܗܐ ܕܢܛܪܘܢ ܦܘܩܕ̈ܢܐ ܐܠܗ̈ܝܐ ܘܒܐܝ̈ܕܗܘܢ ܒܗ ܒܦܓܪܗܘܢ ܘܒܢܦܫ̈ܬܗܘܢ ܢܬܕܟܘܢܿ ܘܒܪܥܝܢܐ ܢܗܝܪܐ ܘܒܝܘܠܦܢܐ ܕܣܓܕܬܐ ܕܐܠܗܐ. ܠܕܡܘܬܐ ܕܠܘܬ ܐܠܗܐ 177 ܐܠܼܦ ܕܢܬܒܛܠ ܠܗܘܢ ܕܢܬܕܡܘܢܿ ܘܐܢ ܕܝܢ ܐܢܫ ܡܢ ܝܘ̈ܢܝܐ ܢܥܕܘܠ ܠܗܠܝܢ ܢܕܥ݀ ܕܠܐ ܗܘܐ ܐܝܠܝܢ ܕܡܩܒܠܢ ܥܠ ܡ̈ܠܦܢܘܗܝ ܡܬܚܫܒ. ܗܿܢܘܢ ܕܣܓܝ̈ܐܬܐ ܥܠ ܗܕܐ ܛܟܣܘܼ. ܕܠܐ ܘܿܠܐ ܕܒܝܕ ܕܡܐ ܘܕܒ̈ܚܐ ܕܚܝܘ̈ܬܐ ܕܠܐ ܡܠܬܐ ܘܒܝܕ ܢܘܪܐ ܘܬܢܢܐ ܘܣܘܬܐ ܢܣܒܪܘܢ ܕܢܝܩܪܘܢ ܠܐܠܗܐ ܀ ܀܀ ܘ. ܒܬܪ ܗܠܝܢ ܝܕܥܼܢ ܕܝܠܦܼܢ ܡܢܗ ܕܒܥܝܕܐ ܗܘ ܥܠܡܐ. ܘܗܼܢܘܢ ܫܡܝܐ ܘܫܡܫܐ ܘܣܗܪܐ ܘܟܘܟ̈ܒܐ ܥܒܿܕܐ ܐܢܘܢ ܕܐܠܗ. ܘܕܠܐ ܟܐܢܐ ܕܠܗܠܝܢ ܐܠܐ ܠܗ ܠܥܒܘܕܐ ܘܠܒܪܘܝܐ ܕܟܠܗܘܢ ܢܣܓܘܕ ܫܦܝܪܐ ܗܝ ܗܟܝܠ ܕܢܚܙܐ ܕܠܡܐ ܟܝ ܐܛܥܝܢܝ ܕܗܢܐ ܐܣܟܡܐ ܝܠܦܼܢ ܡܢܗ. ܕܢܬܚܫܒ ܟܕ ܗܐ ܠܐ ܗܘܬ ܚܕܬܐ ܐܠܐ ܕܥܒܪ̈ܝܐ ܗܝ ܗܿܢܘܢ ܡܫܡ̈ܗܐ ܠܗܝܢ ܠܗܿܢܝܢ ܫܠܡܼܘ݀ ܕܥܒܝܕܐ ܗܘ ܐܦ ܗܘ ܫܡܝܐ ܘܫܡܫܐ ܘܣܗܪܐ ܘܟܘܟ̈ܒܐ ܘܟܠܗ ܥܠܡܐ ܕܐܬܥܒܼܕܘ ܡܢ ܗܿܘ ܟܒܪܘܝܐ ܕܟܠ ܐܡܼܪܘ. ܘܬܘܒ ܕܢܦܫܐ ܕܐܝܬ ܠܢ ܕܠܐ ܡܝܬܐ. ܘܕܐܦ ܠܐ ܡܕܡ ܕܡ̈ܝܐ [ܕܡܿܝܐ] ܠܚܝ̈ܘܬܐ ܕܠܐ ܡܠܬܐ ܐܠܐ ܕܡܘ̈ܬܐ ܕܚܝ̈ܠܐ ܕܐܠܗܐ ܐܝܬ ܒܗ ܐܠܦܼܢ ܕܢܣܒܪ ܘܕܗܟܢܐ ܢܩܢܘܢ ܘܢܗܿܘܘܢ ܘܢܕܥܘܢ ܟܠܗܘܢ ܒܪ̈ܒܪܝܐ ܘܗܕ̈ܝܘܛܐ ܪܕܐ. ܘܠܐ ܗܐ ܟܝ ܥܿܒܕܢ ܕܢܬܚܟܡ ܡܢ ܗܿܢܘܢ ܚܟܝ̈ܡܐ ܕܒܝܬ ܐܓܒ̈ܛܝܐ ܘܡܢ ܗܿܢܘܢ ܝܘܢ̈ܝܐ ܕܡܬܚܝܢ ܓܒܝܢ̈ܝܗܘܢ݀ ܗܿܢܘܢ ܕܐܡܼܪܘ ܕܠܐܡܕܡ ܡܝܬܪܐ ܢܦܐ ܕܒܒܪ ܐܢܫܐ ܒܐܘܣܝܐ ܕܝܠܗܿ ܡܢ ܚܐܦܝ ܘܦܘܪ̈ܬܥܢܐ ܘ̈ܬܘܠܥܐ ܘܕܒ̈ܒܐ݀ ܐܠܐ ܐܦܠܐ ܡܢ ܢܦܫܐ ܕܚܘܝܐ. ܘܕܐܟܕܢܐ ܘܕܕܒ̈ܒܐ ܘܕܢܡܪܐ ܘܕܚܙܝܪܐ ܢܦܫܐ ܕܝܠܗܘܢ ܒܐܘܣܝܐ ܕܝܠܗ ܠܐ ܡܕܡ ܦܪܝܫܐ ܀ ܀ ܀܀ ܙ. ܘܕܡܥܗܕ ܗܘܐ ܕܝܢ ܒܬܪ ܗܠܝܢ ܬܟܝܒܐܝܬ ܥܠ ܕܝܼܢܐ ܕܐܠܗܐ ܘܥܠ ܡܣܡ ܒܪ̈ܝܫܐ ܘܢܩ̈ܡܬܐ݀ ܕܠܐ ܡܫܟܚܐ ܕܢܫܬܐܠ ܡܢܗܝܢ ܥܠ ܪ̈ܫܝܥܐ ܡܟܼܬܒ ܗܘܐ. ܘܥܠ ܙܕܝ̈ܩܐ ܡܘܠܟܢܐ ܕܚܝ̈ܐ. ܕܠܥܠܡ ܘܕܡܿܠܟܘܬܐ ܕܫܡܝܐ ܘܕܥܘܡܪܐ ܛܘܒܢܐ ܕܥܡܗ ܕܐܠܗܐ ܘܠܡܢ ܟܝ ܡܛܥܐ ܗܘܐ ܘܠܐ ܝܬܝܪܐܝܬ ܡܪܓܪܓ ܗܘܐ ܕܢܣܬܪܗܒܘܢ ܠܡܝܬܪܘܬܐ ܡܛܠ ܙܟܘ̈ܬܐ ܕܢܛܝܪܢ ܠܙܕܝܩ̈ܐ ܘܢܥܪܩܘܢ ܘܢܕܚܘܢ ܡܢܗܘܢ ܟܠܗܿ ܒܝܼܫܬܐ ܡܛܠ ܗܿܢܘܢ ܡܣܡ ܒܪ̈ܝܫܐ ܕܥܠ ܪ̈ܫܝܥܐ ܣܝܼܡܝܢ݀ ܕܐܝܟ ܗܟܢܐ ܓܝܪ ܐܝܬܝܗܢ ܗܘܐ ܗܠܝܢ ܡܪ̈ܕܘܬܐ ܕܒ̈ܬܓܡܐ ܕܝܘܠܦܢܘ̈ܗܝ 178 ܕܦܪܘܩܢ ܚܒܝܫܢ݀ ܐܝܕܐ ܗܟܝܠ ܕܘܟܬܐ ܕܡܣܡ ܒܪܥܝܢܐ ܦܫܼܬ. ܕܢܣܒܪ ܥܠܘܗܝ ܕܡܛܥܝܢܐ ܗܘ ܘܚܪܫܐ. ܐܠܐ ܕܝܢ ܢܬܒܩܐ ܐܦ ܒܗܠܝܢ ܀ ܀ ܀܀ ܚ. ܚܪܫܐ ܐܡܬܝ ܕܠܚܒܪ̈ܘܗܝ ܒܗܿܢܝܢ ܕܗܼܝ ܒܝܼܫܬܐ ܡܫܘܬܦ ܐܝܟ ܐܝܠܝܢ ܒܢ̈ܝ ܐܢܫܐ ܥܿܒܕ ܠܗܘܢܿ ܠܐ ܗܘܐ ܚܪ̈ܫܐ ܟܝ ܘܡܛܥܝ̈ܢܐ ܘܥܒܕ̈ܝ ܣܡ̈ܡܢܐ ܕܒܟܠܡܕܡ ܕܡܝܢ ܠܗ. ܠܡܐ ܗܟܝܠ ܡܢ ܡܬܘܡ ܐܢܫ ܒܟܠܗ ܓܢܣܐ ܕܟܪ̈ܣܛܝܢܐ ܐܫܬܟܼܚ݀ ܡܢ ܝܘܠܦܢܗ ܕܦܪܘܩܢ. ܕܥܿܒܕ ܚܪ̈ܫܐ ܐܘ ܣܡܡ̈ܢܐ ܐܠܐ ܠܝܬ ܠܐܢܫ ܕܢܐܡܪ. ܘܕܠܩܘܒܠܐ ܕܝܢ ܕܗܕܐ ܡܬܚܙܝܢ ܕܠܡ̈ܠܐ ܗܘ ܕܦܝܠܘܣܦܘܬܐ ܐܠܗܝܬܐ ܡܫܢܝܢ. ܗܿܘ ܗܟܝܠ ܕܒܟܠܗܿ ܬܒܝܠ ܕܒܢ̈ܝ ܐܢܫܐ ܠܟܠܗܘܢ ܥܡ̈ܡܐ ܕܒܗ ܗܘ ܗܼܘܐ ܥܠܬܐ ܕܥܘܡܪܐ ܕܟܝܼܐ ܘܢܟܦܐ ܘܕܝܕܥܬܐ ܕܣܓܕܬܐ ܕܒܪܘܝܐ ܕܟܠ ܡܢܐ ܟܐܢܐܝܬ ܙܕܩ ܕܢܬܩܪܐ݀ ܐܠܐ ܗܕܐ ܕܒܫܪܪܐ ܗܼܘܝܘ ܦܪܘܩܐ ܕܓܘܐ ܕܟܠ. ܘܡܠܦܢܐ ܕܥܘܡܪܐ ܕܣܓܕܬܐ ܕܐܠܗܐ ܀܀ ܀܀ ܛ. ܘܗܿܢܘܢ ܕܝܢ ܕܡܢ ܪܫܝܬܐ ܢܩܦܘܗܝ ܘܗܿܢܘܢ ܕܒܬܪܟܢ ܕܩܒܼܠܘ ܡܫܠܡܢܘܬܐ ܕܥܢܝܢܗܘܢ ܕܗܿܢܘܢܿ ܗܢܐ ܟܘܠܗ ܪܚܝܩܝܢ ܗܘܘ ܡܢ ܡܣܡ ܒܪܥܝܢܐ ܒܝܼܫܐ ܘܡܪܝܪܐ݀ ܐܝܟܢܐ ܕܐܦ ܠܐ ܠܟܪ̈ܝܗܐ ܢܦܣܘܢ ܗܿܢܝܢ ܕܣܓܝܐܐ ܣܓܝ̈ܐܬܐ ܡܫܝܚܝܢ ܕܢܣܥܪܘܢܿ ܐܘ ܕܒܛܣܐ ܢܟܬܒܘܢܿ ܐܘ ܕܒܡܘܡ̈ܝܬܐ ܢܬܚܫܚܘܢ ܐܘ ܕܢܚܘܪܘܢ ܒܪܥܝܢܝܗܘܢ ܒܗܿܢܘܢ ܕܡܫܬܘܕܝܢ ܕܠܚܫܝܢ ܐܘ ܒܥܛܪܐ ܕܥܩܪ̈ܐ ܘܕܐܒܒ̈ܢܐ ܘܐܚܪ̈ܢܝܬܐ ܐܣ̈ܘܬܐ ܕܟܐܒ̈ܐ ܕܕܡܝܢ ܠܗܠܝܢ ܠܢܦܫܗܘܢ ܢܬܦܪܣܘܢܿ ܗܠܝܢ ܗܟܝܠ ܟܠܗܝܢ ܡܢ ܡܠܦܢܘܬܗ ܕܦܪܘܩܢ ܛܪܝܕܢܿ ܘܠܝܬ ܡܡܬܘܡ ܟܪܣܛܝܢܐ ܕܢܫܬܟܚ݀ ܕܡܬܚܫܚ ܒܡܘܡ̈ܝܬܐ ܘܐܦܠܐ ܒܠܘܚ̈ܫܬܐ ܐܘ ܒܦܘܪܣܐ ܕܟܬܒ̈ܐ ܕ̈ܛܐ ܘܐܦ ܠܐ ܒܐܚܪ̈ܢܐ ܐܣܟ̈ܡܐ ܕܐܝܟ ܗܠܝܢ. ܗܿܢܝܢ ܕܚܘܫܚܝܢ ܠܣܓܝ̈ܐܐ ܕܠܐ ܦܘܪܫܢܐ ܐܣܬܒܼܪ ܐܝܿܕܐ ܗܟܝܠ ܡܠܬܐ ܐܝܬ ܕܬܬܐܡܲܪ ܥܠ ܗܿܢܘܢ ܕܒܗܠܝܢ ܐܬܪܕܝܼܘ݀ ܕܢܣܬܒܪܘܢ ܕܡܢ ܪܒܐ ܚܪܫܐ ܐܬܬܠܡܼܕܘ ܟܕ ܗܐ ܟܘܠ ܡܢ ܕܡܫܬܘܕܐ ܡܕܡ ܝܘܠܦܢܐ ܡܟܣܢܘܬܗ ܪܒܬܐ ܫܘܬܦܘܬܐ ܗܝ ܕܬܠܡܝܕ̈ܘܗܝ ܐܢܫܐ ܗܟܝܠ ܐܘܡ̈ܢܐ ܘܝܕ̈ܘܥܐ ܡܠܝܐܝܬ ܥܠ ܗܿܘ ܕܗܼܘܐ ܠܗܘܢ ܥܠܬܐ ܕܝܘܠܦܢܗܘܢ ܐܡܪܝܢ ܕܡܝܬܪ ܗܘ ܡܢܗܘܢܿ ܐܟܙܢܐ ܓܝܪ ܕܐܦ ܐܣܘܬܐ ܗܿܘܝܢ ܣܗ̈ܕܐ ܕܬܘܪܨܐ ܕܝܘܠܦܢܗܘܢ ܕܪܒܗܘܢ ܗܘ. ܘܡܚܪ̈ܐ ܡܢܘ ܪܫܐ ܐܚܪܢܐ ܡܟܬܒܝܢ. ܠܗܘܢ ܐܠܐ ܐܢ ܡܚܪ̈ܐ 179 ܘܡ̈ܢܝܐ ܠܡܢ̈ܝܐ. ܘܐܟܘܬܗܝܢ ܕܗܠܝܢ ܘܐܦ ܕܓܒܪܐ ܚܪܫܐ. ܣܗ̈ܕܐ ܡܝܬܪ̈ܐ ܗܿܘܝܢ ܬܠܡܝܕ̈ܘܗܝ ܕܗܿܢܝܢ ܕܕܡܝܢ ܡܠܝܐܝܬ ܠܪܒܗܘܢ ܘܐܦ ܗܿܢܘܢ ܥܿܒܼܕܝܢ݀ ܐܠܐ ܘܐܦܠܐ ܐܢܫ ܡܡܬܘܡ ܒܗܠܝܢ ܟܘܠܗܝܢ ܫܢ̈ܝܐ ܐܫܬܟܼܚ ܚܪܫܐ ܬܠܡܝܕܗ ܕܦܪܘܩܢ݀ ܟܕ ܗܐ ܒܟܠ ܙܒ̈ܢܝܢ ܡ̈ܠܟܐ ܘܗܓܡ̈ܘܢܐ ܒܛܝܠܐܝܬ ܒܝܕ ܫܢܕ̈ܐ ܒܝܼܫ̈ܐ ܫܘܐܠܝܗܝܢ ܕܨܒ̈ܘܬܐ ܥܿܒܕܘ ܀ ܀ ܀܀ ܝ. ܘܗܟܢܐ ܕܝܢ ܘܐܦܠܐ ܐܢܫ ܚܪܫܐ ܐܝܬ ܗܘܐ ܬܠܡܝܕܗ݀ ܐܝܟܢܐ ܕܒܪ ܚܐܪ̈ܐ ܡܫܬܒܼܩ ܗܘܐ. ܘܠܒܪ ܡܢ ܟܠܗ ܕܝܢܼܐ. ܗܿܘ ܕܒܠܚܘܕ ܕܢܕܒܚ ܡܬܐܠܼܨ ܗܘܐ ܡܢܗܘܢ ܀ ܀ ܀܀ ܝܐ. ܕܠܐ ܕܝܢ ܬܪܕܐ ܡܠܬܢ ܠܒܪ ܡܢ ܟܬܒ̈ܐ݀ ܩܒܠ ܬܚܘܝܬܗܝܢ ܕܗܠܝܢ. ܐܦ ܡܢ ܡܟܬܒܢܘܬܐ ܕܗܿܢܘܢ ܩܕ̈ܡܝܐ ܝܕܘܥ̈ܘܗܝ ܘܬܠܡܝܕ̈ܘܗܝ ܕܦܪܘܩܢ ܒܟܬܒܐ ܕܦܪܟܣܣ ܕܝܠܗܘܢ ܠܗܿܢܘܢ ܕܡܬܩܼܪܒܝܢ ܗܘܘ ܠܝܘܠܦܢܗܘܢ ܡܢ ܥܡ̈ܡܐ ܗܟܢܐ ܥܒܲܕܘ ܐܢܘܢ݀ ܐܝܟܢܐ ܕܣܓܝ̈ܐܐ ܡܢܗܘܢ ܗܿܢܘܢ ܕܡܢ ܩܕܝܡ ܒܚܪܫܘܬܐ ܐܟܠܼܝܢ ܗܘܘ ܩܪ̈ܨܝܗܘܢ݀ ܗܢܐ ܟܠܗ ܢܫܚܠܘܢ ܐܣܟܡܗܘܢ ܐܝܟܢܐ ܕܠܡܨܥܬܐ ܕܟܢ̈ܫܐ ܢܡܪܚܘܢ ܕܢܝܬܘܢܿ ܗܠܝܢ ܟܬܒ̈ܐ ܡܣ̈ܠܝܐ ܕܡܢ ܩܕܝܡ ܡܛܫܝܢ ܗܘܘ ܠܘܬܗܘܢܿ ܘܠܗܘܢ ܠܗܠܝܢ ܩܕܡ ܟܠ ܐܢܫ ܠܢܘܪܐ ܢܫܠܡܘܢܿ ܫܡܼܥ ܕܝܢ ܗܿܝ ܡܟܬܒܢܘܬܐ ܕܥܠ ܗܠܝܢ ܐܝܟܐ ܐܝܬܝܗܿ ܀܀ ܀܀ ܝܒ. ܡܝܬܪ̈ܐ ܕܝܢ ܡܢ ܗܿܢܘܢ ܕܚܪܫܘܬܐ ܣܥܼܪܘ. ܐܥܼܠܘ ܟܬܒ̈ܝܗܘܢ ܘܐܘܩܕܘ ܩܕܡ ܟܠ ܐܢܫ ܘܚܫܼܒܘ ܕܡ̈ܝܗܘܢ ܘܐܫܬܟܚ ܕܫܿܘܼܝܢ ܪ̈ܒܘܬܐ ܚܡܫ. ܀܀ ܀܀ ܀܀ ܝܓ. ܐܝܟ ܗܿܢܝܢ ܗܟܝܠ ܐܝܬܝܗܘܢ ܗܘܐ ܬܠܡܝܕ̈ܘܗܝ ܕܦܪܘܩܢ݀ ܘܗܢܐ ܟܠܗ ܚܝܠܐ ܕܡܠܬܐ ܡܦܩܼܝܢ ܗܘܘ. ܒܡܡܠܠܗܘܢ ܕܥܡ ܫܡܘ̈ܥܐ ܐܝܟܢܐ ܕܢܬܩܒܥܢ ܒܥܘܡܩܐ ܕܝܠܗ ܕܢܦܫܗܘܢ ܘܢܩܫܢ ܘܢܚܢܝܢ ܠܡܣܡ ܒܪܥܝܢܐ ܕܐܢܫ ܐܢܫ ܐܝܟܢܐ ܕܬܘܒ ܠܐ ܢܣܝܒܘܢ ܕܢܛܫܘܢܿ ܗܠܝܢ ܕܡܢ ܩܕܝܡ ܛ݀ܥܼܝܢ ܗܘܘ ܒܗܝܢ ܣܓܝ̈ܐܐ. ܐܠܐ ܠܓܠܝܐ ܢܿܝܬܘܢ ܗܠܝܢ ܟܣ̈ܝܬܐ. ܘܗܼܢܘܢ ܥܠ ܢܦܫܗܘܢ ܘܥܠ ܒܝܫܘܬܗܘܢ ܗܿܝ ܩܕܡܝܬܐ ܢܗܘܘܢ ܣܗ̈ܕܐ݀ ܘܐܝܟ ܗܿܢܝܢ ܕܝܢ ܐܝܬܝܗܘܢ ܗܘܐ ܘܐܦ ܗܿܢܘܢ ܕܡܬܠܡܕܝܢ ܗܘܘ ܠܗܘܢ ܕܟ̈ܝܐ ܘܙܗ̈ܝܐ ܒܢܦ̈ܫܬܗܘܢ ܘܡܝܬܪ̈ܐ ܒܚܘܒܗܘܢ ܐܝܟܢܐ ܕܐܦܠܐ ܡܕܡ ܕܐܝܬ ܒܗ ܡܘܡܐ ܢܪܦܘܢ ܒܗܘܢ ܕܡܟܣܝ ܐܠܐ 180 ܢܫܬܒܗܪܘܢ ܘܢܬܚܬܪܘܢ ܒܫܘܚܠܦܗܘܢ ܕܡܢ ܒܝܫܘܬܐ ܠܡܝܬܪܘܬܐ. ܟܕ ܗܟܢܐ ܗܟܝܠ ܬܠܡܝܕ̈ܘܗܝ ܕܦܪܘܩܢ ܐܬܚܙܝܘ ܕܐܝܬܝܗܘܢ ܗܘܐ. ܐܝܟܢܐ ܠܐ ܠܘܩܕܡ ܣܓܝ ܡܝܬܪ ܐܦ ܪܒܗܘܢ ܐܢ ܕܝܢ ܐܦ ܡܢܗܘܢ ܕܬܠܡܝܕ̈ܐ ܨܒܝܬ ܕܬܕܥܝܘܗܝ ܠܪܒܗܘܢ ܕܐܝܟܢܐ ܐܝܬܘܗܝ ܗܘܐ. ܐܝܬ ܠܟ ܪ̈ܒܘܬܐ ܕܬܠܡܝܕ̈ܐ ܕܡ̈ܠܘܗܝ ܕܦܪܘܩ ܥܕܡܐ ܠܗܫܐ ܕܡܢܗܘܢ ܣܘܓܐܐ ܕܟܢ̈ܫܐ ܕܓܒܪ̈ܐ݀ ܐܝܬ ܕܐܙܕܝܢܘ ܠܘܩܒܠ ܐܪ̈ܓܝܓܬܐ ܕܟܝܢܗ ܕܦܓܪܐ. ܘܡܬܢܦܩܝܢ ܕܢܛܪܘܢ ܪܥܝܢܗܘܢ ܕܠܐ ܢܒܠܥ ܡܢ ܟܘܠܗܘܢ ܚܫ̈ܐ ܣܪܝܚܐ. ܗܿܢܘܢ ܕܟܠܗ ܥܘܡܪܗܘܢ ܒܕܟܝܘܬܐ ܣܐܒܘ. ܘܡܢ ܣܝܒܪ̈ܬܐ ܕܝܠܗܝܢ ܕܡ̈ܠܘܗܝ ܕܡܘ̈ܬܐ ܢܗܝܪ̈ܬܐ ܚܿܘܝܘ ܀܀ ܀܀ ܝܕ. ܘܠܐ ܗܘܐ ܒܠܚܘܕ ܓܒܪ̈ܐ ܠܘܬܗ. ܒܗܢܐ ܐܣܟܐܡ ܗܘܘ ܦܝܠܘܣ̈ܦܐ ܐܠܐ ܐܦ ܪ̈ܒܘܬܐ ܕܢ̈ܫܐ ܒܟܠܗܿ ܒܪܝܬܐ ܗܿܢܝܢ ܕܒܕܡܘܬ ܟܘܡܪ̈ܬܐ ܕܐܠܗܐ ܕܥܠ ܟܘܠ݀ ܠܬܫܡܫܬܐ ܥܠܝܬܐ ܐܚܒܝܢ. ܘܒܪܚܡܬܐ ܕܚܟܡܬܐ ܫܡܝܢܝܬܐ ܐܬܬܚܕܝܢ ܘܥܠ ܝܠܕܐ ܕܦܓܪܐ ܒܣܝܝܢ. ܘܟܘܠܗܿ ܒܛܝܠܘܬܐ ܥܠ ܢܦܫܗܝܢ ܥܒܕܝܢ݀ ܘܡܢ ܟܘܠܗܿ ܨܐܘܬܐ ܘܬܛܠܫܬܐ ܕܟܝܐܝܬ ܢܦܫܗܝܢ ܢܛܪܝܼܢ݀ ܘܠܟܠܗܿ ܩܕܝܫܘܬܐ ܘܒܬܘܠܘܬܐ ܐܚܒܼܝܢ݀ ܥܠ ܚܕ ܕܝܢ ܪܥܝܐ ܕܐܪܦܝ ܕܘܟܬܗ ܒܥܠܬܐ ܕܦܝܠܘܣܦܘܬܐ ܙܡܪܝܢ ܝܘ̈ܢܝܐ ܘܡܟܪܟܝܢ ܠܗ ܠܟܐ ܘܠܗܠ݀ ܐܝܬܘܗܝ ܕܝܢ ܗܢܐ ܕܡܘܩܪܝܛܘܣ ܘܡܬܕܡܪܝܢ ܒܩܪܛܘܣ ܚܕ ܡܢ ܕܗܼܘ݀ ܕܝܗܒ ܩܢܝܢܗ ܠܒܢ̈ܝ ܡܕܝܢܬܗ. ܘܗܼܘ ܢܦܫܗ ܠܒܟ. ܘܒܡܣܝܒܪܢܘܬܐ ܕܚܐܪܘܬܐ ܐܫܬܒܗܪ. ܗܿܢܘܢ ܕܝܢ ܡܡܪ̈ܝܢܐ ܕܡ̈ܠܘܗܝ ܕܦܪܘܩܢ. ܐܝܬܝܗܘܢ ܪ̈ܒܘܬܐ ܕܡܢܝ̈ܢܐ. ܘܠܐ ܗܘܐ ܚܕ ܘܠܐ ܬܪܝܢ ܕܙܒܢܘ ܩܢܝܢܗܘܢ ܘܠܒܝ̈ܫܐ ܘܠܣܢܝ̈ܩܐ ܝܼܗܒܘ. ܕܐܦ ܐܢܚܢܢ ܐܝܬܝܢ ܣܗܕ̈ܐ ܕܗܠܝܢ ܕܗܘܝܢ ܥܡ ܐܢܫܐ ܕܗܢܐ ܘܒܗܘܢ ܒܥܒܕ̈ܐ ܬܘܪܨܐ ܕܡܠܦܢܘܬܗ ܕܦܪܘܩܢ ܚܼܙܝܢ ܘܡܢܐ ܡܬܒܥܐ ܕܢܐܡܪ ܕܟܡܐ ܪ̈ܒܘܬܐ ܘܐܦ ܕܝܠܗܘܢ ܕܒܪܒܪܝܐ ܘܠܐ ܒܠܚܘܕ ܐܠܐ ܘܐܦ ܕܝܘܢ̈ܝܐ ܕܒܝܘܠܦܢܐ ܕܡ̈ܠܘܗܝ ܕܦܪܘܩܢ ܐܬܥܠܼܝܘ ܡܢ ܟܘܠܗܿ ܕܛܥܝܘܬܐ ܕܐܠܗ̈ܐ ܣܓܝ̈ܐܐ ܘܠܚܕ ܐܠܗܐ ܒܠܚܘܕܘܗܝ ܐܒܐ ܘܒܪܘܝܐ ܕܗܢܐ ܟܠܗ ܥܠܡܐ ܝܕܥܘ ܘܐܘܕܝܘ. ܗܿܘ ܕܡܢ ܩܕܝܡ ܚܕ ܦܠܛܘܢ ܝܿܕܥܗ. ܘܐܘܕܝ ܕܠܐ ܡܡܪܚ ܕܢܐܡܪܝܘܗܝ ܩܕܡ ܟܠ ܐܢܫ ܡܛܠ ܕܠܐ ܩܪܝܒ ܗܘܐ ܠܗ ܐܝܟ ܗܢܐ ܟܘܠܗ ܚܝܠܐ ܕܣܓܕܬܐ ܕܐܠܗܐ. ܗܿܢܘܢ 181 ܕܝܢ ܬܠܡܝܕ̈ܘܗܝ ܕܦܪܘܩܢ. ܗܿܢܘܢ ܕܒܡܥܕܪܢܘܬܗ ܕܪܒܗܘܢ ܠܐܒܐ ܘܠܒܪܘܝܐ ܕܟܘܠ݀ ܕܠܝܠܐܝܬ ܗܘܼܬ ܠܗܘܢ ܕܢܕܥܘܢܝܗܝ ܘܢܫܟܚܘܢܝܗܝ ܒܟܠܗ ܓܢܣܐ ܕܒܢ̈ܝ ܐܢܫܐ ܓܠܐܘܗܝ ܘܐܟܪܙܘ ܝܕܥܬܗ ܠܟܠܗܘܢ ܗܿܢܘܢ ܕܒܟܠܗܿ ܒܪܝܬܐ ܐܝܟܢܐ ܕܡܢ ܡܠܦܢܘܬܗܘܢ ܕܝܠܗܘܢ ܕܗܿܢܘܢ ܥܕܐ ܠܗܫܐ ܒܟܘܠܗܘܢ ܥܡ̈ܡܐ ܪ̈ܒܘܬܐ ܕܟܢ̈ܫܐ ܠܐ ܗܘܐ ܒܠܚܘܕ ܓܒܪ̈ܐ ܐܠܐ ܐܦ ܕܢܫ̈ܐ ܘܕ̈ܛܠܝܐ ܘܕܥܒܼܕ̈ܐ ܘܕܩܘܪ̈ܝܝܐ݀ ܗܢܐ ܟܠܗ ܡܢ ܗܿܘ ܦܝܠܘܣܦܐ ܠܐ ܚܣܝܪܝܢ ܐܝܟܢܐ ܕܠܥܒܘܕܐ ܘܠܒܪܘܝܐ ܕܗܢ ܐܟܠܗ ܥܠܡܐ. ܠܐ ܗܘܐ ܒܠܚܘܕ ܕܢܕܥܘܢܝܗܝ݀ ܐܠܐ ܐܦ ܕܢܗܘܘܢ ܠܗ ܐܝܙܓܕ̈ܐ ܒܟܠ ܕܘܟܐ ܐܝܟ ܗܟܢܐ ܗܘܝ. ܗܠܝܢ ܙܟܘ̈ܬܐ ܕܦܪܘܩܐ ܕܓܘܐ ܕܟܠ. ܗܠܝܢ ܡܛܥܝ̈ܢܝܬܐ ܕܗܿܘ ܕܐܣܬܒܪ ܡܛܥܝܢܐ ܟܕ ܗܐ ܗܠܝܢ ܬܠܡܝܕ̈ܘܗܝ ܒܠܚܘܕ ܘܝܕܘܥ̈ܘܗܝ ܕܡܢܗܘܢ ܙܕܩ ܗܘܐ ܕܠܪܒܗܘܢ ܕܐܝܟܢܐ ܐܝܬܘܗܝ ܗܘܐ ܢܕܥ ܀ ܀ ܀܀ ܝܗ. ܬܐ ܕܝܢ ܬܘܒ ܐܦ ܗܟܢܐ ܠܗܿ ܡܠܬܐ ܢܒܚܢ. ܚܪܫܐ ܐܡܿܪ ܐܢܬ ܥܠܘܗܝ ܐܘ ܐܢܬ. ܐܠܐ ܐܦ ܥܒܕ ܚܪ̈ܫܐ. ܨܢܝܥܐ ܘܡܛܥܝܢܐ ܩܪܐ ܐܢܬ ܠܗ݀ ܘܠܡܐ ܟܝ ܗܼܘ ܒܠܚܘܕܘܗܝ ܩܕܡܝܐ ܩܼܡ ܡܫܟܚܢܐ ܕܗܕܐ ܨܒܘܬܐ݀ ܐܘ ܕܡܝܐ ܗܝ ܐܟܘܬܗܿ ܕܥܝܕ̈ܐ ܕܠܡ̈ܠܦܢܐ ܙܕܩ. ܕܢܫܕܪܝܗܿ ܠܥܠܬܐ ܐܢ ܗܘ ܗܟܝܠ ܕܟܕ ܐܢܫ ܠܐ ܐܠܦܗ ܗܘ ܩܕܡܝܐ ܒܠܚܘܕܘܗܝ ܗܘܐ ܡܫܟܚܢܐ ܕܗܕܐ ܨܒܘܬܐ ܟܕ ܡܕܡ ܡܡܬܘܡ ܡܢ ܐܚܪ̈ܢܐ ܠܐ ܝܠܦ ܘܐܦܠܐ ܡܢ ܩܕܡܝܐ ܚܕܪ. ܘܐܝܟܐܢ ܠܐ ܙܕܩ ܕܢܘܕܐ ܥܠܘܗܝ ܕܟܝܢܐ ܗܘ ܐܠܗܝܐ ܗܿܘ ܕܕܠܐ ܟܬܒܐ ܘܕܠܐ ܡ̈ܠܐ ܘܕܠܐ ܡ̈ܠܦܢܐ ܗܘ ܡܠܦ ܡܢ ܢܦܫܗ݀ ܘܝܕܘܥܐ ܡܢ ܢܦܫܗ ܥܒܘܕܐ ܕܗܠܝܢ ܨܒܘ̈ܬܐ ܐܬܚܼܙܝ. ܟܕ ܗܐ ܠܐ ܡܫܟܚܐ ܕܝܘܠܦܢܐ ܕܐܘܡܢܘܬܐ ܕܩܝܢܝܘܬܐ ܘܠܐ ܕܝܕܥܬܐ ܡܠܝܠܬܐ ܘܠܐ ܕܐܣ̈ܛܘܟܣܐ ܩܕ̈ܡܝܐ ܕܠܒܪ ܡܢ ܐܢܫ ܡܪܬܝܢܐ ܘܡܠܦܢܐ ܢܩܒܠ݀ ܐܠܐ ܐܢ ܠܒܪ ܡܢ ܟܝܢܐ ܐܝܬܘܗܝ ܘܠܐ ܐܢܫ ܗܟܝܠ ܡܡܬܘܡ ܗܘ ܡܠܦ ܡܢ ܢܦܫܗ ܢܦܩ ܡܠܦܢܐ ܕܓܪܡܛܝܩܘܬܐ ܘܐܦܠܐ ܪܗܛܪܐ ܟܕ ܠܐ ܝܠܦ. ܘܐܦ ܠܐ ܐܣܝܐ ܐܝܬܝܐ ܘܐܦܠܐ ܢܓܪܐ ܘܐܦܠܐ ܥܒܘܕܐ ܕܐܚܪܬܐ ܐܘܡܢܘܬܐ ܟܕ ܗܐ ܙܥܘܪ̈ܝܬܐ ܐܢܝܢ ܗܠܝܢ ܘܕ̈ܒܢܝ ܐܢܫܐ ܢܝܢ. ܗܕܐ ܕܝܢ ܕܐܢܫ ܢܐܡܪ ܥܠ ܡܠܦܢܐ ܕܟܠܗܿ ܒܪܝܬܐ. ܕܒܢ̈ܝ ܐܢܫܐ ܗܘ ܕܥܒܕ ܬܕܡܪ̈ܬܐ ܗܿܢܝܢ ܕܟܬܝܒܢ ܒܟܬܒܐ. ܗܿܘ 182 ܕܬܠܡܝܕ̈ܘܗܝ ܕܡܢ ܢܦܫܗ ܗܟܢܐ ܗܘܐ. ܘܠܐ ܡܢ ܩܕܡ̈ܝܐ ܩܒܼܠ݀ ܘܠܐ ܡܢ ܡ̈ܠܦܢܐ ܚܕ̈ܬܐ ܐܬܥܕܪ ܕܐܟܘܬܗܝܢ ܕܩܕܡܘܗܝ ܥܒܼܕܘ. ܡܢܐ ܐܝܬ ܐܚܪܬܐ ܐܠܐ ܕܢܣܗܕܘܢ ܘܕܢܘܕܘܢ ܕܒܫܪܪܐ ܨܒܘܬܐ ܐܠܗܝܬܐ ܐܝܬܝܗܿ. ܘܡܢ ܟܘܠܗ ܟܝܢܐ ܕܒܢ̈ܝ ܐܢܫܐ ܡܝܬܪ ܀ ܀ ܀܀ ܝܘ. ܐܠܐ ܐܡܿܪ ܐܢܬ ܥܠܘܗܝ ܕܗܘܘ ܠܗܿ [ܠܗ] ܡ̈ܠܦܢܐ ܡܛܥܝ̈ܢܐ ܘܕܠܐ ܛܥܝܝܗܝ ܗܿܢܝܢ ܚܟܝܡ̈ܬܐ ܕܐܓ̈ܒܛܝܐ. ܘܗܿܢܝܢ ܟܣ̈ܝܬܐ ܕܡܢ ܩܕܝܡ ܠܘܬܗܘܢ ܡܬܟܪܙܢ ܗܘܝ. ܕܡܢܗܘܢ ܟܢܫ ܘܓܒܪܐ ܕܐܝܟ ܗܢܐ ܕܐܡܪܐ ܡܠܬܐ ܐܬܚܼܙܝ ܠܡܢܐ ܗܟܝܠ ܐܢ ܐܚܪ̈ܢܐ ܕܡܝܬܪܝܢ ܡܢܗ ܐ ܬܚܙܝܼܘ. ܘܩܕܝܡܝܢ ܠܗ ܒܙܒ̈ܢܐ ܘܡ̈ܠܦܢܘܗܝ ܐܢܘܢܿ ܐܢ ܒܐܓܒܛܘܣ ܘܐܢ ܐܝܟܐ ܕܗܼܘ. ܠܡܢܐ ܠܐ ܐܦ ܛܒܗܘܢ ܕܗܿܢܘܢ ܩܕܡ ܫܡܗ ܕܗܢܐ ܒܟܠܗܘܢ ܒܢ̈ܝ ܐܢܫܐ ܒܕܡܘܬܐ ܐܝܟ ܕܗܢܐ ܪܗܛ. ܘܠܡܢܐ ܠܐ ܐܦ ܬܫܒܘܚܬܐ ܕܗܿܢܘܢ ܥܕܡܐ ܠܗܫܐ ܐܝܟ ܕܗܢܐ ܡܬܟܪܙܐ ܘܡܢܘ ܚܪܫܐ ܡܢ ܗܿܢܘܢ ܕܡܢ ܥܠܡܐ ܒܪܒܪܝܐ ܐܘ ܝܘܢܝܐ ܕܩܡ ܡܠܦܢܐ ܕܗܠܝܢ ܬܠܡܝܕ̈ܐ ܘܗܼܘܐ ܪܫܢܐ ܕܗܠܝܢ ܟܠܗܘܢ ܢܡܘ̈ܣܐ ܘܡ̈ܠܐ ܐܝܟ ܗܠܝܢ ܕܚܿܘܝ ܚܝܠܗ ܕܦܪܘܩܐ ܕܓܘܐ ܕܟܠ. ܘܐܣܘ̈ܬܐ ܕܝܢ ܐܝܟ ܗܠܝܢ ܕܡܬܥܗܕܝܢ ܕܥܒܕ ܦܪܘܩܢ ܡܢܘ ܡܡܬܘܡ ܟܬܝܒ ܕܣܥܪ ܘܝܕܥܬܐ ܕܡܕܡ ܕܥܬܝܕ ܘܡ̈ܠܐ ܡܩܕ̈ܡܬܐ ܗܿܢܝܗܢ ܟܠܗܝܢ ܘܐܝܟ ܗܠܝܢ ܗܿܢܝܢ ܕܗܫܐ ܒܝܕ ܗܿܢܝܢ ܩܕܡ̈ܝܬܐ ܣܝܼܡܢ. ܡܢܘ ܕܝܢ ܡܢ ܟܠ ܥܠܡ ܐܚܪܢܐ ܗܼܘܐ ܩܕܡܘܗܝ ܐܘ ܕܒܬܪܗ ܐܫܠܡ ܡܬܥܗܕܝܢ. ܘܡܢܘ ܕܝܢ ܕܐܫܬܘܕܝ ܕܢܥܒܕ ܗܿܢܝܢ ܕܒܡܠܬܐ ܩܿܕܡ ܐܡܼܪ ܒܟܠܗܿ ܒܪܝܬܐ ܕܒܢ̈ܝ ܐܢܫܐ ܘܒܥܒܿܕܐ ܡ̈ܠܘܗܝ ܫܪܪ. ܐܝܟܢܐ ܕܥܕܡܐ ܠܗܫܐ ܒܙܒܢܢ ܕܝܠܢ ܒܟܠܗܿ ܐܪܥܐ ܒܥܝ̈ܢܝܢ ܢܬܚܙܘܢ ܫܘ̈ܠܡܐ ܕܡ̈ܠܘܗܝ ܡܩܕ̈ܡܬܐ ܘܕܡܢܘ ܕܝܢ ܡܡܬܘܡ ܬܠܡܝܕ̈ܘܗܝ ܘܚܙ̈ܝܐ ܕܝܠܗܝܢ ܕܨܒܘ̈ܬܐ ܒܝܕ ܒܘܚܪܢܐ ܕܢܘܪܐ ܘܕܦܪܙܠܐ ܕܫܪܪܐ ܕܥܠ ܐܦܝ ܗܠܝܢ ܕܐܣܗܼܕܘ ܥܠ ܪܒܗܘܢ ܚܬܡܘ݀ ܐܟܙܢܐ ܕܗܠܝܢ ܬܠܡܝܕ̈ܘܗܝ ܕܦܪܘܩܢ ܕܟܘܠܗܘܢ ܨܥܪܐ ܣܒܼܠܘ ܚܠܦ ܗܠܝܢ ܕܚܼܙܘ ܘܐܣܗܼܕܘ ܥܠܝܘܗ ܘܟܘܠܗܝܢ ܕܡܘ̈ܬܐ ܕܫܢܕ̈ܐ ܣܝܒܪܘ ܘܚܪܬܐ ܗܿܢܝܢ ܕܥܠܘܗܝ ܐܣܿܗܼܕܘ ܐܝܟ ܕܥܠ ܒܪܐ ܕܐܠܗܐ ܚܕ ܟܡܐ ܚܣܝܪܐ ܕܚܪ̈ܫܐ ܒܝܕ ܕܡܐ ܕܢܦܫܗܘܢ ܣܗܕ̈ܘܬܗܘܢ ܚܿܬܡܘ. ܡܢܘ ܕܝܢ ܡܡܬܘܡ ܡܢ ܚܪ̈ܫܐ ܐܦܢ ܠܪܥܝܢܗ ܐܬܬܼ ܕܟܢܘܫܝܐ ܕܥܡܐ ܚܕܬܐ 183 ܥܠ ܫܡܗ ܢܥܒܕ ܘܗܕܐ ܕܠܐ ܒܠܚܕ ܢܬܚܫܒܝܗ݀ ܐܠܐ ܐܦ ܕܢܥܒܕܝܗܿ ܠܚܘܫܒܗ ܐܝܟܢܐ ܕܠܐ ܠܟܠܗ ܟܝܢܐ ܕܒܢ̈ܝ ܐܢܫܐ ܡܟܣܝܐ ܘܗܕܐ ܕܢܣܝܡ ܢܡܘ̈ܣܐ ܕܠܩܘܒܠܐ ܕܛܥܝܘܬܐ ܕܐܠܗ̈ܐ ܣܓܝ̈ܐܐ ܗܠܝܢ ܕܠܘܩܒܠ ܬܓܡ̈ܐ ܕܡ̈ܠܟܐ ܘܕܣܝܡ̈ܝ ܢܡܘ̈ܣܐ ܩܕ̈ܡܝܐ ܘܕܦܝܠܘܣ̈ܦܐ ܘܕܦ̈ܘܐܛܐ ܘܕܡܡ̈ܠܠܝ ܥܠ ܐܠܗ̈ܐ ܘܠܗܘܢ ܠܗܿܢܘܢ ܢܫܕܪ ܘܢܚܘܐ ܒܙܒܢܐ ܕܥܘܡܪܐ ܣܓܝܐܐ ܕܠܐ ܡܙܕܟܝܼܢ ܘܠܐ ܚܿܝܒܝܼܢ ܀ ܀ ܀܀ ܝܙ. ܡܢܘ ܡܡܬܘܡ ܡܢ ܚܪ̈ܫܐ ܕܐܬܚܿܫܒ ܡܕܡ ܕܦܪܘܩܢ ܐܬܚܫܒ݀ ܐܠܐ ܐܦܢ ܐܬܚܫܒ ܐܠܐ ܟܒܪ ܠܐ ܐܡܼܪܚ ܕܢܫܝܚ݀ ܐܠܐ ܐܦܢ ܐܫܝܚ݀ ܐܠܐ ܟܒܪ ܠܐ ܣܥܪ. ܒܚܕܐ ܡܠܬܐ ܘܒܚܕܐ ܒܪܬ ܩܠܐ. ܐܡܼܪ ܠܬܠܡܝܕ̈ܘܗܝ݀ ܕܙܠܘ ܘܬܠܡܕܘ ܠܟܘܠܗܘܢ ܥܡ̈ܡܐ. ܒܫܡܝ ܘܐܠܦܼܘ ܐܢܘܢ ܟܠ ܡܕܡ ܕܦܩܕܬܟܘܢ ܘܥܒܿܕܐ ܐܩܦ ܠܗܿ ܠܡܠܬܐ. ܘܡܢ ܕܘܟܬܗ ܡܬܬܠܡܕܝܢ ܗܘܘ ܒܙܒܢܐ ܙܥܘܪܐ ܟܠܗܘܢ ܓܢ̈ܣܐ ܕܝܘ̈ܢܝܐ ܐܟܚܕܐ ܘܕܒܪܒܪܝܐ ܘܢܡܘ̈ܣܐ ܠܐ ܗܘܐ ܒܟܬܒܗ ܕܦܪܘܩܢ ܐܠܐ ܕܠܐ ܟܬܒܐ ܒܦܘܩܕܢܗ ܒܟܠܗܘܢ ܥܡ̈ܡܐ ܡܙܕܪܥܝܢ ܗܘܘ ܕܠܩܘܒܠܐ ܕܣܓܕܬܐ ܥܬܝܩܬܐ ܕܐܠܗ̈ܐ ܣܓܝ̈ܐܐ ܢܡܘ̈ܣܐ ܡܢܟ̈ܦܐ ܕܣܩܝ̈ܬܝܐ ܘܕܦܪ̈ܣܝܐ ܘܕܐܚܪ̈ܢܐ ܒܪܒܪܝܐ ܘܡܦܢܝ̈ܢܐ ܡܢ ܟܘܠܗ ܥܘܡܪܐ ܒܥܪܝܪܝܐ. ܘܕܠܐ ܢܡܘܣ݀ ܢܡܘ̈ܣܐ ܡܗ̈ܦܟܢܐ ܕܥܝܕ̈ܐ ܕܡܢ ܥܠܡ. ܕܒܝܬ ܝܘ̈ܕܝܐ. ܘܡ̈ܠܦܢܐ ܕܣܓܕܬܐ ܕܐܠܗܐ ܚܕܬܐ ܘܫܪܝܪܬܐ ܡܢܐ ܗܟܝܠ ܐܝܟ ܗܠܝܢ ܐܡܪܚܼܘ ܡܢ ܪ̈ܫܐ ܩܕ̈ܡܝܐ ܩܕܡ ܙܒܢܗ ܕܦܪܘܩܢ ܐܝܟܢܐ ܕܕܡܝܐܝܬ ܢܐܡܪ ܥܠܘܗܝ ܕܡܢ ܐܚܪ̈ܢܐ ܐܬܥܕܪ ܗܕܐ ܚܪܫܘܬܐ ܘܐܢ ܕܝܢ ܠܝܬ ܐܚܞܪܢܐ ܕܐܢܫ ܢܐܡܪ ܕܗܼܘܐ ܕܕܡܐ ܠܗ݀ ܠܐ ܐܢܫ ܗܟܝܠ ܗܘܐ ܠܗ ܥܠܬܐ ܠܗܕܐ ܟܠܗܿ ܡܝܬܪܘܬܐ ܘܥܕܢܐ ܗܘܐ ܡܟܝܠ ܕܢܘܕܐ ܕܟܝܢܐ ܗܘ ܢܘܟܪܝܐ ܐܠܗܝܐ. ܐܬܼܐ ܠܥܠܡܐ ܕܗܼܘ ܒܠܚܘܕܘܗܝ ܩܕܡܝܐ ܣܥܼܪ ܗܠܝܢ݀ ܕܡܢ ܡܬܘܡ ܒܝܬ ܒܢ̈ܝ ܐܢܫܐ ܠܐ ܡܬܥܗܕܢ ܀܀ ܀܀ ܀܀ ܝܚ. ܡܢ ܒܬܪ ܗܠܝܢ ܬܘܒ ܢܫܐܠ ܐܢ ܡܡܬܘܡ ܟܝ ܐܢܫ ܒܥܝ̈ܢܘܗܝ ܚܙܐ ܐܘ ܒܫܡܥܐ ܝܠܦ ܕܐܝܬ ܚܪ̈ܫܐ ܐܝܠܝܢ ܕܗܼܘ ܘܥܒܕ̈ܝ ܣܡܡ̈ܢܐ ܕܠܒܪ ܡܢ ܢܘܩ̈ܝܐ. ܘܕܒ̈ܚܐ ܘܩܪܝܢܐ ܕܕܝ̈ܘܐ ܡܚܪܫܝܢ. ܟܕ ܗܐ ܠܟܠ ܐܢܫ ܝܕܝܥ ܗܝ ܘܓܠܝܐ. ܕܟܠܗܿ ܚܪܫܘܬܐ ܒܝܕ ܗܠܝܢ ܗܘ ܡܥܕܐ ܕܬܫܬ݀ܠܡ. ܠܡܐ ܗܟܝܠ 184 ܐܦ ܥܠ ܦܪܘܩܢ ܐܘ ܥܠ ܬܠܡܝܕ̈ܘܗܝ ܐܘ ܥܠ ܗܿܢܘܢ ܕܥܕܡܐ ܠܗܫܐ ܡܬܕܒܪܝܢ ܒܝܘܠܦܢܗ݀ ܐܝܬ ܠܐܢܫ ܡܐܟܠ ܩܪܨܐ ܕܐܝܟ ܗܢܐ ܕܢܩܪܒ ܠܗܘܢ ܘܠܐ ܗܐ ܐܦ ܠܣܡ̈ܝܐ ܓܠܝܐ ܗܝ ܕܟܠ ܡܕܡ ܕܠܩܘܒܠܐ ܕܗܠܝܢ ܡܬܥܬܕܝܢ ܐܢܚܢܢ ܘܒܥܓܠ ܢܦܫܢ ܠܡܘܬܐ ܡܡܪܚܼܝܢ ܐܢܚܢܢ ܕܢܫܠܡ ܘܠܐ ܕܢܕܒܚ ܠܕ̈ܝܘܐ ܘܒܥܓܠ ܡܢ ܚܝ̈ܐ ܡܫܬܐܠܝܢ ܐܢܚܢܢ ܘܠܐ ܡܣܝܒܪܝܢ ܐܢܚܢܢ ܕܢܫܬܥܒܼܕ ܠܕܝ̈ܘܐ. ܘܡܢܘ ܕܝܢ ܕܠܐ ܝܕܥ ܕܐܝܟܢܐ ܥܡ ܫܡܗ ܕܝܠܗ ܕܦܪܘܩܢ ܘܥܡ ܨܠܘ̈ܬܐ ܕܟܝ̈ܬܐ ܠܟܠܗ ܓܢܣܐ ܕܕܝ̈ܘܐ ܕܢܛܪܘܕ ܚܒܝܒܐ ܥܠܝܢ. ܘܗܟܢܐ ܡܠܬܗ ܕܦܪܘܩܢ݀ ܘܝܘܠܦܢܐ ܕܡܢܗ ܕܣܓܝ ܗܘܿܝܢ ܡܝܬܪܝܢ ܟܠܢ ܥܒܕܢ ܡܢ ܗܢܐ ܚܝܠܐ ܕܠܐ ܡܬܚܙܐ ܘܠܐ ܡܬܒܚܪ. ܘܥܬܕܢ ܕܢܗܘܐ ܒܥܠܕܒ̈ܒܐ ܘܣ̈ܢܐܐ ܕܕܝ̈ܘܐ. ܘܠܐ ܗܘܐ ܪ̈ܚܡܐ ܘܒܢ̈ܝ ܥܝܕܐ. ܚܕ ܟܡܐ ܚܣܝܪܐ ܕܡܥܒ̈ܕܐ ܘܡܫ̈ܬܡܥܢܐ. ܗܿܘ ܗܟܝܠ ܕܐܝܟ ܗܠܝܢ ܡܫܠܡ ܗܘܐ ܠܗܠܝܢ ܡܬܛܦܝܣ̈ܢܘܗܝ ܐܝܟܢܐ ܗܼܘ ܗܘܐ ܗܘܐ ܥܒܕܐ ܕܕ̈ܝܘܐ ܘܐܝܟܐܢ ܡܕܒܚ ܗܘܐ ܠܪܘܚܐ ܒܝ̈ܫܬܐ݀ ܐܘ ܐܝܟܢܐ ܟܝ ܡܥܕܪ̈ܢܐ ܘܡܣܝ̈ܥܢܐ ܠܕܝܘܐ ܩܼܪܐ ܗܘܐ. ܡܐ ܕܟܠܗܘܢ ܕܝ̈ܘܐ ܘܟܠܗܝܢ ܪ̈ܘܚܐ ܛܢܦ̈ܬܐ ܐܝܟ ܕܡܢ ܚܕ ܡܢ ܫܢܕ̈ܐ ܘܡܣܡ ܒܪ̈ܝܫܐ ܕܟܝܢܗܘܢ ܥܕܡܐ ܠܗܫܐ ܡܢ ܫܡܐ ܕܝܠܗ ܡܬܙܝܥܝܢ ܘܡܫܢܝܢ ܘܦܪܩܝܢ ܡܢ ܩܕܡ ܚܝܠܗ. ܐܟܙܢܐ ܕܐܦ ܡܢ ܩܕܝܡ ܒܙܒܢܐ ܗܘ ܕܥܡ ܒܢ̈ܝ ܐܢܫܐ ܥܢܝܢܗ ܥܿܒܕ ܗܘܐ. ܘܟܕ ܠܐ ܡܣܝܒܪܝܢ ܗܘܘ ܚܙܬܗ. ܐܚܪܢܐ ܡܢ ܐܚܪܬܐ ܕܘܟܬܐ ܩܿܥܐ ܗܘܐ ܘܐܡܿܪ ܡܐ ܠܢ ܘܠܟ ܒܪܗ ܕܐܠܗܐ݀ ܐܬܝܼܬ ܡܢ ܩܕܡ ܙܒܢܐ ܕܬܫܬܢܕ ܒܢ ܀ ܀ ܀܀ ܝܛ. ܓܒܪܐ ܕܝܢ ܕܒܠܚܘܕ ܒܚܪܫܘܬܐ ܚܿܐܪ ܗܘܐ ܪܥܝܢܗ݀ ܘܡܠܝܐܝܬ ܥܠ ܨܒܘ̈ܬܐ ܡܣ̈ܠܝܬܐ ܡܫܝܚ ܗܘܐ. ܠܐ ܗܢܐ ܟܝ ܐܝܬܘܗܝ ܗܘܐ ܒܐܣܟܡܗ ܣܢܝܐ ܘܨܚܢܐ ܓܠܝܐܝܬ ܘܣܪܝܚܐ ܘܥܘܠܐ ܘܕܠܐ ܐܠܗ ܘܪܫܝܥܐ. ܘܟܕ ܗܟܢܐ ܗܘ ܡܢ ܐܝܡܟܐ ܐܘ ܐܝܟܢܐ ܗܿܢܝܢ ܕܣܓܕܬܐ ܕܐܠܗܐ ܡܠܦ ܗܘܐ ܠܐܚܪ̈ܢܐ ܐܘ ܗܿܢܝܢ ܕܥܠ ܢܟܦܘܬܐ ܐܘ ܗܿܢܝܢ ܕܥܠ ܝܕܥܬܐ ܕܐܠܗܐ݀ ܐܘ ܗܿܢܝܢ ܕܥܠ ܢܦܫܐ ܕܠܐ ܡܝܬܐ ܐܘ ܗܿܢܝܢ ܕܥܠ ܟܐܢܘܬܐ ܘܥܠ ܕܝܼܢܐ ܕܐܠܗܐ ܕܥܠ ܟܠ. ܘܠܐ ܗܐ ܟܝ ܐܝܙܓܕܐ ܗܼܘܐ ܗܘܐ ܕܠܩܘܒܠܐ ܕܟܘܠܗܝܢ ܗܠܝܢ ܟܕ ܣܿܥܪ ܗܠܝܢ ܕܢܩܦܢ ܠܣܢܝܘܬܐ ܘܒܐܠܗܐ ܟܿܦܪ ܗܘܐ ܘܒܒܛܝܠܘܬܐ ܕܐܠܗܐ ܘܥܠ ܕܝܼܢܐ ܕܐܠܗܐ ܘܥܠ ܟܐܢܘܬܗ ܐܝܟ ܕܥܠ 185 ܫܘܥܝܬܐ ܡܪܛܐ ܗܘܐ ܘܡܓܚܟ ܗܘܐ ܥܠ ܡ̈ܠܐ ܗܠܝܢ ܕܥܠ ܡܝܬܪܘܬܐ. ܘܥܠ ܢܦܫܐ ܕܠܐ ܡܝܬܐ. ܐܠܘ ܗܟܝܠ ܐܝܟ ܗܿܢܝܢ ܡܬܚܙܝܢ ܗܘܝ. ܘܐܦ ܥܠ ܗܢܐ ܕܝܠܢ. ܠܝܬ ܗܘܐ ܡܕܡ ܕܠܩܘܒܠܐ ܕܢܐܡܪ. ܘܐܢ ܕܝܢ ܒܟܠ ܡ̈ܠܘܗܝ ܘܒܟܠ ܣܘܥܪ̈ܢܘܗܝ. ܠܐܠܗܐ ܕܠܥܠ ܡܢ ܟܠ ܠܗܿܘ ܡܿܠܟܐ ܕܟܠ ܗܘ ܡܬܚܞܙܐ ܕܩܪܐ ܗܘܐ ܘܠܬܠܡܝܕ̈ܘܗܝ ܕܗܟܢܐ ܢܗܘܘܢ ܡܥܬܕ ܗܘܐ. ܘܐܢ ܗܼܘ ܢܟܦܐ ܗܘ ܘܡܠܦܢܐ ܕ̈ܡܠܐ ܕܢܟܦܘܬܐ ܘܐܢ ܥܒܘܕܐ ܗܘܐ ܘܡܟܪܙܢܐ ܕܟܐܢܘܬܐ ܘܕܫܪܪܐ ܘܕܡܪܚܡܢܘܬܐ ܘܕܟܠܗܿ ܡܝܬܪܘܬܐ ܘܐܢ ܡܚܘܝܢܐ ܗܘܐ ܕܣܓܕܬܐ ܕܐܠܗܐ ܡܿܠܟܐ ܕܟܠ ܐܝܟܢܐ ܠܐ ܢܩܦܐ ܠܗܿܢܝܢ ܕܠܐ ܡܕܡ ܢܣܒܪ ܥܠܘܗܝ ܕܒܚܪܫܘܬܐ ܥܿܒܕ ܗܠܝܢ ܣܘܥܪ̈ܢܐ ܬܡܝ̈ܗܐ ܐܠܐ ܕܒܚܝܠܐ ܗܘ ܟܣܝܐ ܘܐܠܗܝܐ ܒܫܪܪܐ ܕܣܿܥܪ ܢܘܕܐ. ܀܀ ܀܀ ܀܀ ܟܟ. ܗܠܝܢ ܗܟܼܝܠ ܠܘܩܒܠ ܗܿܢܘܢ ܕܒܦܘ̈ܡܐ ܕܠܐ ܐܠܗ ܕܐܡܪܚܘ ܕܢܓܕܦܘܢ ܥܠܘܗܝ ܘܐܢ ܕܝܢ ܢܫܬܚܠܦܘܢ ܘܢܘܕܘܢ ܥܠܘܗܝ݀ ܕܗܼܘ ܗܘܐ ܡܠܦܢܐ ܕܥܘܡܪܐ ܕܟܝܐ ܘܢܟܦܐ ܘܡܥܠܢܐ ܕܝܘܠܦܢܐ ܕܣܓܕܬܐ ܕܐܠܗܐ ܐܠܐ ܠܐ ܥܿܒܕ ܗܠܝܢ ܣܘܥܪ̈ܢܐ ܬܡܝ̈ܗܐ ܘܚܝ̈ܠܐ. ܘܬܕܡܪ̈ܬܐ ܕܟܬܝܒܢ ܥܠܘܗܝ݀ ܘܣܘܥܪ̈ܢܐ ܗܠܝܢ ܐܠܗ̈ܝܐ ܕܡܝܬܪܝܢ ܡܢ ܒܢ̈ܝ ܐܢܫܐ ܘܡܒܕܐ ܒܕܘ ܐܢܝܢ ܗܠܝܢ ܬܠܡܝܕ̈ܘܗܝ ܥܕܢܐ ܗܘ ܕܐܦ ܠܘܩܒܠ ܗܢܐ ܡܐܟܠ ܩܪܨܐ ܢܐܪܘܥ ܐܢܘܢܿ. ܠܘܩܒܠ ܗܿܢܘܢ ܕܠܐ ܡܗܝܡܢܼܝܢ ܠܣܗ̈ܕܘܬܐ ܕܬܠܡܝܕ̈ܘܗܝ ܕܦܪܘܩܢ ܕܥܠ ܬܕܡܪ̈ܬܐ ܕܣܘܥܪ̈ܢܘܗܝ ܀ ܟܐ. ܘܐܢ ܕܝܢ ܢܐܡܪܘܢ ܥܠܘܝܗ ܕܐܦ ܠܐ ܡܕܡ ܠܓܡܪ ܥܿܒܕ ܬܕܡܪ̈ܬܐ݀ ܐܦ ܠܐ ܣܘܥܪ̈ܢܐ ܬܡܝ̈ܗܐ ܡܢ ܗܿܢܘܢ ܕܐܣܿܗܼܕܘ ܥܠܝܘܗ ܬܠܡܝܕ̈ܘܗܝ ܐܠܐ ܡܒܕܐ ܒܿܕܘ ܐܢܝܢ. ܐܚܪܢܝܐܝܬ ܘܕܓܠܼܘ ܬܠܡܝܕ̈ܘܗܝ ܡܛܠ ܗܕܐ ܢܦܩܘܢ ܥܠܘܗܝ ܫܘܥ̈ܝܬܐ ܕܡ̈ܠܐ ܕܬܕܡܪܬܐ ܢܚܙܐ ܐܢ ܡܦܝܣܢܝܬܐ ܗܝ ܡܠܬܗܘܢ ܟܕ ܠܝܬ ܠܗܘܢ ܥܠܬܐ ܕܢܦܢܘܢ ܕܡܛܠܬܗ ܗܼܢܘܢ ܬܠܡܝܕ̈ܐ ܘܗܼܘ ܪܒܗܘܢ ܢܦܼܩܘ ܒܥܠܡܐ݀ ܗܿܘ ܓܝܪ ܕܡܠܦ ܫܘܪܝܐ ܕܡܕܡ ܝܘܠܦܢܐ ܡܫܬܘܕܐ ܘܗܿܢܘܢ ܬܘܒ ܬܠܡܝܕ̈ܐ ܠܡ̈ܠܐ ܘܠܘܝܠܦܢܐ ܐܘ ܠܐܘܡܢܘܬܐ ܡܕܡ ܡܚܞܒܝܢ. ܘܢܦܫܗܘܢ ܠܡܠܦܢܐ ܡܫܠܡܝܢ݀ ܐܝܕܐ ܗܟܝܠ ܥܠܬܐ ܐܝܬ ܠܐܢܫ ܕܢܐܡܪ ܥܠ ܬܠܡܝܕ̈ܘܗܝ 186 ܕܦܪܘܩܢ݀ ܡܛܠ ܥܢܝܢܗܘܢ ܕܥܡܗ. ܘܡܢܐ ܐܠܨܐ ܗܘܬ ܠܗܘܢ ܥܠ ܒܛܝܠܘܬܐ ܗܕܐ ܕܥܠܘܗܝ ܘܡܠܦܢܐ ܕܐܝܠܝܢ ܝܘ̈ܠܦܢܐ ܡܟܬܒܝܢ ܗܘܘ ܠܗ ܠܗܘܢܿ ܐܘ ܗܕܐ ܓܠܝܐ ܗܝ. ܡܠܝܐܝܬ ܓܝܪ ܗܠܝܢ ܕܡܢܗ ܝܠܦܘ. ܐܦ ܠܐܚܪ̈ܢܐ ܐܡܼܪܘ ܘܐܝܬܝܗܘܢ ܗܠܝܢ ܬܓ̈ܡܐ ܕܦܝܠܘܣܦܘܬܐ ܘܩܕܡ̈ܝܐ ܗܘܐ ܐܝܙܓܕܐ ܕܐܠܗܐ ܕܥܠ ܟܘܠ ܘܕܒܛܝܠܘܬܐ ܕܐܠܗܐ ܘܕܕܝܢܐ ܟܐܢܐ ܘܕܢܦܫܐ ܕܠܐ ܡܝܬܐ ܘܕܦܘܪܫܢܐ ܕܥܘܡܪܐ ܕܛܒ̈ܐ ܘܕܒܝ̈ܫܐ ܘܕܐܚܪ̈ܢܝܬܐ ܒܢ̈ܬ ܓܢܣܐ ܕܗܠܝܢ ܕܟܬܝܒܢ ܒܟܬܒܐ ܕܝܠܗܘܢܿ ܘܐܝܬ ܗܘܐ ܕܝܢ ܐܦ ܦܘܩܕܢܐ ܕܥܘܡܪܐ ܕܦܝܠܘܣܦܘܬܐ ܗܿܘ ܕܡܟܬܒ ܗܘܐ ܠܗܘܢ ܘܐܡܿܪ ܕܠܐ ܬܩܢܘܢ ܕܗܒܐ ܘܐܦ ܠܐ ܟܣܦܐ ܒܟܝܣ̈ܝܟܘܢ ܘܠܐ ܬܪܡܠܐ ܠܐܘܪܚܐ ܘܐܚܪ̈ܢܝܬܐ ܕܐܝܟ ܗܠܝܢ݀ ܐܠܐ ܒܠܚܘܕ ܢܦܫܗܘܢ ܠܒܛܝܠܘܬܐ ܕܡܕܒܪܢܐ ܕܟܠ ܢܫܠܡܘܢܿ ܘܠܐ ܢܐܨܦܘܢ ܡܛܠ ܚܣܝܪܘܬܐ ܘܐܝܟܢܐ ܡܪܬܐ ܗܘܐ ܠܗܘܢ ܕܢܬܚܫܟܘܢ ܕܡܝܬܪܢ ܡܢ ܗܠܝܢ ܕܦܩܕ ܡܘܫܐ. ܠܝܗܘ̈ܕܝܐ݀ ܗܘ ܓܝܪ ܠܗܿܢܘܢ ܐܝܟ ܕܠܐܢܫܐ ܕܕܠܝܠ ܗܘܐ ܠܗܘܢ ܩܛܠܐ ܣܡ ܢܡܘܣܐ ܕܠܐ ܬܩܛܠܘܢܿ ܘܗܟܢܐ ܕܝܢ ܕܠܐ ܢܓܘܪܘܢ ܐܝܟ ܕܠܐܢܫܐ ܦܚ̈ܙܐ ܘܓܝܪ̈ܐ ܘܬܘܒ ܕܠܐ ܢܓܢܼܒܘܢ ܐܝܟ ܕܠܐܢܫܐ ܕܝܐܐ ܠܗܘܢ ܥܒܕܘܬܐ ܘܕܠܐ ܢܛܠܡܘܢ ܐܝܟ ܕܠܐܢܫ ܥܠܘܒ̈ܐ ܘܠܗܠܝܢ ܕܝܢ ܝܕܥ ܕܙܕܩ ܕܗܠܝܢ ܢܡܘ̈ܣܐ ܠܐ ܡܬܒܥܝܢ ܠܗܘܢ ܐܠܐ ܝܬܝܪ ܡܢ ܟܠ ܡܕܡ ܗܕܐ ܬܐܩܪ ܒܥܝ̈ܢܝܗܘܢ ܕܠܐ ܬܚܫܼ ܢܦܫܗܘܢܿ ܘܡܢ ܠܬܚܬ ܡܢ ܕܪܥܝܢܗܘܢ ܐܝܟ ܕܡܢ ܥܩܪܐ ܢܒܓܝܗܿ ܕܒܝܫܼܬܐ ܢܥܩܪܘܢ ܘܢܬܢܦܩܘܢ ܕܢܙܟܘܢ ܠܚܡܬܐ ܘܠܟܠܗܿ ܪܓܬܐ ܣܪܝܚܬܐ ܗܿܢܘ ܕܝܢ ܕܐܦܠܐ ܕܢܪܓܙܘܢ ܡܛܠ ܡܝܬܪܘܬܐ ܕܢܦܫܗܘܢ ܕܠܐ ܚܫܐ ܘܕܠܐ ܢܚܘܪܘܢ ܒܐܢܬܬܐ ܒܪܓܬܐ ܨܚܢܬܐ. ܘܕܠܩܒܘܠܐ ܕܓܢܘܒܬܐ ܢܣܥܪܘܢ܇ ܕܐܦ ܕܝܠܗܘܢ ܢܬܠܘܢ ܠܗܿܢܘܢ ܕܣܢܝܩܼܝܢ ܘܕܐܦܠܐ ܢܫܬܒܪܗܘܢ ܒܗܕܐ ܕܠܐ ܛܠܡܝܢ ܠܐܚܪ̈ܢܐ݀ ܐܠܐ ܒܗܕܐ ܕܠܗܿܢܘܢ ܕܣܢܝܩܼܝܢ ܘܕܐܦܠܐ ܢܫܬܒܗܪܘܢ ܒܗܕܐ ܕܠܐ ܛܠܡܝܢ ܠܐܚܪ̈ܢܐ݀ ܐܠܐ ܒܗܕܐ ܕܠܗܿܢܘܢ ܕܨܿܒܝܢ ܕܢܛܠܡܘܢ ܐܢܘܢ ܕܠܐ ܪܘܓܙܐ ܡܣܝܒܪܝܢ. ܘܡܢܐ ܡܬܒܥܐ ܠܝ ܕܐܟܢܫ ܟܠܗܝܢ ܗܠܝܢ ܕܗܼܘ ܡܠܦ ܗܘܐ. ܘܗܼܢܘܢ ܝܠܦܝܢ ܗܘܘ. ܘܡܿܠܼܟ ܗܘܐ ܠܗܘܢ ܕܝܢ ܥܡ ܗܠܝܢ ܟܠܗܝܢ ܕܒܫܪܝܪܬܐ ܗܟܢܐ ܢܚܡܣܢܘܢ ܐܝܟܢܐ ܕܐܦ ܠܐ ܥܠ ܡܘܡܬܐ ܫܪܝܪܬܐ ܢܣܬܢܩܘܢ ܚܕ ܟܡܐ ܥܠ ܕܓܠܬܐ ܐܐܠܐ ܢܥܬܕܘܢ ܐܣܟܡܗܘܢ ܕܡܢ ܟܠ ܡܘ̈ܡܝܢ ܢܬܚܙܘܢ ܒܗ ܕܫܪܝܪܝܢ ܘܥܕܡܐ ܠܐܝܢ ܢܫܪܟܘܢܿ ܘܥܡ ܫܪܪܐ ܒܡܠܬܗܘܢ ܢܬܚܫܼܚܘܢ ܀܀ ܀܀ 187 ܟܒ. ܢܫܿܐܠ ܗܟܝܠ ܐܢ ܐܝܬ ܡܠܬܐ ܐܝܕܐ ܕܗܼܝ ܥܠ ܗܿܢܘܢ ܕܗܼܘܘ ܫܡ̈ܘܥܐ ܕܗܠܝܢ. ܘܡܢ ܕܘܟܬܗ ܐܦ ܡ̈ܠܦܢܐ ܕܬܠܡܝܕ̈ܐ ܐܚܪ̈ܢܐ ܕܝܠܗܝܢ ܕܗܠܝܢ ܩܡܼܘ. ܕܢܣܒܪ ܥܠܝܗܘܢ ܕܡܒܼܕܐ ܒܼܕܘ ܐܢܝܢ݀ ܗܠܝܢ ܟܠܗܝܢ ܕܐܣܿܗܼܕܘ ܕܣܥܼܪ ܪܒܗܘܢܿ. ܘܡܢܐ ܕܝܢ ܕܦܝܣܐ ܐܝܬ ܒܗܿ ܒܗܕܐ ܕܢܿܣܒܪ ܕܫܠܡܐܝܬ ܟܘܠܗܘܢ ܕܓܠܼܘ. ܘܐܝܬܝܗܘܢ ܒܡܢܝܢܐ ܗܿܢܘܢ ܬܪ̈ܥܣܪ ܗܿܢܘܢ ܓܒ̈ܝܐ ܘܫܒ̈ܥܝܢ ܫܪܟܐ ܐܚܪ̈ܢܐ ܗܿܢܘܢ ܕܐܦ ܕܫܕܪ ܐܢܘܢ ܐܡܝܪܐ ܩܕܡܘܗܝ ܬܪ̈ܝܢ ܬܪ̈ܝܢ ܠܟܠ ܕܘܟܐ. ܘܐܬܪܐ ܕܥܬܝܕ ܗܘܐ ܗܘ ܕܢܐܙܠ ܠܗ݀ ܐܠܐ ܐܦܠܐ ܚܕܐ ܡܠܬܐ ܐܝܬ ܕܬܬܐܡܪ ܕܢܕܓܠܝܘܗܝ ܠܗܢܐ ܟܘܠܗ ܟܢܫܐ ܕܐܢܫܐ ܕܐܚܒܼܘ ܥܘܡܪܐ ܕܟܝܐ ܘܕܣܓܕܬܐ ܕܐܠܗܐ ܘܠܥ ܟܠܗܘܢ ܒܢ̈ܝ ܒܝܬܗܘܢ ܐܗܡܼܝܘ. ܘܚܠܦ ܚܒܝܒܗܘܢܿ ܐܡܿܪܢܐ ܕܝܢ ܢܫܝ̈ܗܘܢ ܘܒܢܝ̈ܗܘܢ ܘܟܡܘܠܗ ܓܢܣܗܘܢ ܥܘܡܪܐ ܕܠܐ ܩܢܝܢܐ ܥܒܼܕܘ. ܘܣܗܕ̈ܘܬܗܘܢ ܕܥܠ ܪܒܗܘܢ ܫܠܡܐܝܬ ܐܝܟ ܕܡܢ ܚܕ ܦܘܡܐ ܒܝܬ ܟܘܠܗܘܢ ܒܢ̈ܝ ܐܢܫܐ݀ ܐܦܩܼܘ. ܀܀ ܀܀ ܟܓ. ܡܠܬܐ ܗܟܝܠ ܩܕܡܝܬܐ ܘܪܫܝܬܐ ܘܫܪܝܪܬܐ ܐܝܬܝܗܿ ܗܕܐ ܢܬܒܩܐ ܕܝܢ ܐܦ ܒܕܠܩܘܒܠܐ ܢܗܿܘܐ ܓܝܪ ܗܼܘ ܡܠܦܢܐ ܘܗܼܢܘܢ ܬܠܡܝܕ̈ܐ. ܘܟܢ ܐܝܟ ܕܒܫܪܒܗܿ ܕܡܠܬܐ ܕܗܘ ܠܐ ܗܿܢܝܢ ܕܐܬܩܕܡ ܐܬܐܡܼܪ ܢܿܠܦ ܐܠܐ ܕܠܩܘܒܠܐ ܕܗܠܝܢ ܕܢܥܒܪܘܢ ܥܠ ܢܡܘܣܐ ܒܥܓܠ ܘܕܢܿܪܫܥܼܘܢ ܘܕܢܥܘܼܠܘܢ ܘܕܢܥܠܼܒܘܢ ܘܕܢܕܓܠܼܘܢ ܘܕܢܕܓܠܼܘܢܿ ܘܕܢܐܡܼܘܢ ܘܕܢܥܒܼܕܘܢ ܣܢܝܗܬܐ. ܘܐܢ ܐܝܬ ܐܚܪܬܐ ܒܝܼܫܬܐ ܕܡܬܐܡܪܐ. ܗܠܝܢ ܕܝܢ ܟܠܗܝܢ ܡܠܝܐܝܬ ܢܘܟܪܝܼܝܢ ܐܢܝܢ ܡܢ ܝܘܠܦܢܗ ܕܦܪܘܩܢ݀ ܘܕܠܩܘܒܠܐ ܐܢܝܢ ܘܕܚܨܝܦܘܬܐ ܘܕܠܐ ܒܗܬܬܐ ܘܠܐ ܗܘܐ ܒܠܚܘܕ ܕܠܩܘܒܠܐ ܐܢܝܢ ܕܒܢ̈ܬ ܩܗܠܐ ܕܝܠܗ ܘܕܝܘܠܦܢܗ ܐܠܐ ܘܐܦ ܕܥܘܡܪܐ ܗܘ ܕܥܕܡܐ ܠܗܫܐ ܠܟܠܗܘܢ ܥܡ̈ܡܐ ܐܫܿܬܠܼܡ ܗܿܘ ܕܒܟܠܗܝܢ ܥܕ̈ܬܗ ܡܬܕܒܪ. ܒܪܡ ܕܝܢ ܘܐܦܢ ܡܠܬܐ ܕܓܠܬܐ ܐܝܬܝܗܿ ܘܠܐ ܕܡ̈ܝܐ ܬܬܝܼܗܒ ܐܟܘܬܗ ܕܫܪܒܐ ܕܐܗܡܼܝܢ ܐܝܟܢܐ ܕܐܦ ܗܟܢܐ ܗܠܝܢ ܕܣܝܼܡܢ ܩܕܡܝܢ ܢܬܒܩܼܝܿܢ. ܢܠܦ ܗܟܝܠ ܗܼܘ ܟܠܗܿ ܒܝܼܫܬܐ ܘܥܘܿܠܘܼܬܐ ܘܕܢܬܟܣܝܢ ܒܬܪ ܟܠܗܝܢ ܬܗܼܘܐ ܒܛܝܠܘܬܐ ܘܗܼܘ ܥܝܕܐ ܝܬܝܪ ܚܟܝܡܐܝܬ ܢܬܛܫܐ ܒܐܣܟܡܐ ܕܝܘܠܦܢܐ ܢܩܕܡܐ ܕܫܘܕܝܐ ܕܣܓܕܬܐ ܚܕܬܐ ܘܗܼܢܘܢ ܕܝܢ ܒܗܠܝܢ ܢܬܕܒܪܘܢ ܘܒܗܿܢܝܢ ܬܘܒ ܕܒܝܫܿܢ ܡܢܗܝܢ݀ ܡܛܠ ܕܩܕܡܼܬ 188 ܨܕܬ ܒܝܼܫܬܐ ܘܝܘܠܦܢܐ ܐܝܬܝܗܿ ܕܢܦܫܗ݀ ܘܠܪܒܘܬܐ ܕܝܢ ܒܡ̈ܠܐ ܕܒܿܕܝܐ ܢܪܝܡܘܢ ܠܪܒܗܘܢ ܟܕ ܠܐ ܚܝܣܝܢ݀ ܘܐܦ ܠܐ ܥܠ ܚܕܐ ܡܠܬܐ ܕܓܠܬܐ. ܘܟܘܠܗܝܢ ܬܕܡܪ̈ܬܐ ܕܣܘܥܪ̈ܢܐ ܬܡܝ̈ܗܐ ܒܒܕܝܐ ܢܫܡܗܘܢ ܥܠܝܘܗ ܝܐܝܟܢܐ ܕܢܬܕܡܪܘܢ ܘܐܦ ܒܗܘܢ ܘܢܬܠܘܢ ܠܗܘܢ ܛܘܒܐ ܕܫܘܼܘ ܕܢܗܘܘܢ ܬܠܡܝܕ̈ܐ ܠܕܐܝܟ ܗܢܐ ܀܀ ܀܀ ܟܕ. ܬ݀ܐ ܗܟܝܠ ܢܚܙܐ ܐܢ ܟܕ ܗܟܢܐ ܐܝܬܝܗܘܢ ܗܘܐ. ܡܫܟܚܐ ܗܘܬ ܕܢܬܩܝܡ ܡܕܡ ܕܣܥܼܘ ܥܠܘܗܝ ܐܡܪܝܢ ܓܝܪ ܕܒܝܫܼܬܐ ܠܒܝܼܫܬܐ ܪܚܡܐ ܘܠܐ ܗܘܐ ܠܛܒܬܐ. ܡܢ ܐܝܡܟܐ ܗܟܝܠ ܒܣܘܓܐܗܿܘܢ ܕܗܠܝܢ ܟܠܗܘܢ ܐܢܫܐ ܗܕܐ ܫܠܡܘܬܐ ܕܒܝܫܼܬܐ ܐܫܬܟܚܼܬ ܘܡܢ ܐܝܡܟܐ ܗܕܐ ܣܗܕܘܬܐ ܕܥܠܝܗܘܢ ܕܨܒܘܬܐ ܕܟܠܗܘܢ ܫܠܡܐܝܬ ܗܼܘܬ ܘܡܢ ܐܝܡܟܐ ܗܢܐ ܝܘܠܦܢܐ ܕܥܠ ܬܓ̈ܡܐ ܐܠܗܝ̈ܐ ܘܥܠ ܝܘ̈ܠܢܦܢܐ ܕܦܝܠܘܣܦܘܬܐ ܘܡܢ ܐܝܡܟܐ ܗܕܐ ܬܪܥܝܬܐ ܕܥܠ ܥܘܡܪܐ ܕܡܝܬܪܘܬܐ݀ ܘܡܢ ܐܝܡܟܐ ܗܕܐ ܡܠܦܢܘܬܐ ܕܥܪܘܩܝܐ ܕܡܢ ܒܝܫ̈ܬܐ ܢܘܡܢ ܐܝܡܟܐ ܗܕܐ ܝܕܥܬܐ ܕܐܝܟ ܗܠܝܢ ܡ̈ܠܐ ܘܡܟܬܒܢܘܬܐ ܘܡܢ ܐܝܡܟܐ ܗܕܐ ܙܗܝܘܬܐ ܕܗܢܐ ܕܘܒܪܐ ܘܥܢܝܢܐ. ܒܟܠܗܿ ܒܪܝܬܐ ܕܒܢ̈ܝ ܐܢܫܐ ܕܡܢܗܘܢ ܐܫܬܠܡܼܬ. ܘܡܢ ܐܝܡܟܐ ܗܢܐ ܟܘܠܗܿ ܚܝܠܐ. ܘܡܢ ܐܝܡܟܐ ܗܕܐ ܠܒܝܒܘܬ ܘܡܢ ܐܝܡܟܐ ܗܢܐ ܬܘܟܠܢܐ ܘܡܢ ܐܝܡܟܐ ܗܕܐ ܫܠܡܘܬܐ ܕܥܕܡܐ ܠܡܘܬܐ݀ ܘܓܒܪܐ ܕܝܢ ܕܒܝܫܼܬܐ ܘܡܪܝܪܬܐ ܐܝܟ ܕܢܐܡܪ ܐܢܫ ܡܿܠܼܦ ܗܘܐ. ܕܐܝܟ ܗܠܝܢ ܡܫܬܘܕܐ ܗܘܐ ܡܢܘ ܒܫܘܪܝܐ ܚܿܐܪ ܗܘܐ ܒܗ ܐܦܢ ܒܪܥܝܢܗ݀ ܒܪ ܢܐܡܪܘܢ ܕܚܪܫܐ ܐܠܐ ܬܠܡܝܕ̈ܘܗܝ ܕܝܠܗ݀ ܕܡܕܒܪܢܐ. ܘܐܦ ܠܐ ܒܡܕܡ ܒܝܫܼܝܢ݀ ܘܗܼܢܘܢ ܟܝ ܗܠܝܢ ܡܢ ܒܬܪ ܗܝ ܚܪܬܗܿ ܕܒܗܬܬܐ ܒܗܝܢ ܒܗܠܝܢ ܩܿܘܝܼܘ݀ ܘܥܠ ܗܿܘ ܕܒܝܬ ܡܝ̈ܬܐ ܐܡܼܪܘ ܕܐܠܗ ܗܘ݀ ܐܠܘ ܠܐ ܕܣܪܝܩܐܝܬ ܐܬܒܛܠ ܠܗܘܢܿ ܕܐܟܘܬܗܝܢ ܕܗܠܝܢ ܕܝܠܗ ܢܚܫܘܢܿ ܘܡܢܘ ܡܡܬܘܡ ܕܥܠ ܠܐ ܝܘܬܪܢ ܡܣܡ ܒܪܫܐ ܓܠܝܐܝܬ ܢܓܒܐ ܠܗ݀ ܐܠܘ ܓܝܪ ܪ̈ܚܡܝ ܩܢܝܢܐ ܗܼܘܘ ܘܡܚ̈ܒܝ ܝܘܬܪܢܐ ܐܝܬܝܗܘܢ ܗܘܘ݀ ܘܐܠܘ ܒܐܣܟܡܗܘܢ ܣܪ̈ܝܚܐ ܗܼܘܘ ܘܪ̈ܚܡܝ ܪ̈ܓܝܓܬܐ ܟܒܪ ܕܡܝܐ ܕܢܣܒܪ ܗܿܘܝܢ ܥܠܝܗܘܢ ܕܡܛܠ ܗܠܝܢ ܥܬܕܘܗܿ ܠܨܒܘܬܐ ܘܥܕܡܐ ܠܡܘܬܐ ܗܼܘܘ ܦܪܒܘܠܝܪ̈ܐ ܘܐܢ ܕܝܢ ܕܠܩܘܒܠܐ ܕܗܠܝܢ ܡܟܼܪܙܝܢ ܗܘܘ݀ ܘܡܠܝܐܝܬ ܠܡܫܡܥܬܐ ܕܟܠܗܘܢ ܟܢܫ̈ܐ ܩܿܥܼܝܢ ܗܘܘ݀ 189 ܘܒܥܓܠ ܐܦ ܒܡܠܦܢܘܬܐ ܕܟ̈ܬܒܐ ܡܪܬܼܝܢ ܗܘܘ. ܕܢܥܪܩܘܢ ܡܢ ܟܠܗܿ ܪܓܬܐ ܣܪܝܚܬܐ ܘܨܿܚܢܬܐ ܘܢܫܢܘܢ ܡܢ ܟܘܠܗܿ ܥܠܘܒܘܬܐ ܘܢܙܟܼܘܢ ܠܟܠܗܝܢ ܐܪ̈ܓܝܓܬܐ ܘܠܪܚܡܬ ܟܣܦܐ ܘܟܕ ܐܝܟ ܗܠܝܢ ܠܗܿܢܘܢ ܕܡܬܬܠܼܡܕܝܢ ܗܘܘ ܠܗܘܢ ܡܠܦܼܢ ܗܘܘ ܕܡܝܐ ܕܗܿܢܘܢ ܠܐ ܐܬܬܓܼܪܘ݀ ܘܠܐ ܥܘܬܪܐ ܟܿܢܫܼܘ݀ ܐܦܠܐ ܒܥܘܡܪܐ ܕܢܝܿ̇ܐ ܘܕܩܘܣܿܡܐ ܐܫܬܘܬܼܦܘ. ܘܡܟܕ ܗܟܝܠ ܒܚܕܐ ܡܢ ܗܠܝܢ ܠܐ ܐܬܕܒܲܪܘ ܘܐܝܟܐܢ ܡܣܝܼܒܪܝܢ ܗܘܘ ܕܚܠܦ ܠܐ ܡܕܡ ܡܣܡ ܒܪܫܐ ܒܝܼܫܐ ܘܬܒܥܬܐ ܢܩܒܠܘܢ ܚܠܦ ܣܗܕܘܬܗ ܒܠܚܘܕ ܪܒܗܘܢܿ ܗܘ ܕܬܘܒ ܠܐ ܐܝܬܘܗܝ ܗܘܐ. ܀܀ ܀܀ ܟܗ. ܘܬܬܝܗܒ ܗܕܐ ܢܝܩܪܘܢܝܗܝ ܟܕ ܥܕܟܝܠ ܥܡܗܘܢ ܗܘܐ. ܘܥܢܝ̈ܢܘܗܝ ܥܡܗܘܢ ܥܿܒܕ ܗܘܐ. ܘܒܡܛܥܝܢܘܬܐ ܐܝܟ ܕܢܐܡܪ ܐܢܫ ܡܿܛܥܼܐ ܗܘܐ ܠܗܘܢ ܡܢܐ ܗܟܝܠ ܕܐܦ ܡܢ ܒܬܪ ܡܘܬܗ݀ ܘܣܓܝ ܝܬܝܪܐܝܬ ܗܝܕܝܢ ܛܒ ܡܢ ܕܡܢ ܩܕܝܡ ܩܼܪܐܘܗܝ ܐܠܗܐ ܡܛܠ ܕܟܕ ܥܡ ܒܢ̈ܝ ܐܢܫܐ ܗܘܐ ܐܡܝܪܐ ܕܐܦ ܫܒܩܼܘܗܝ ܘܟܦܼܪܘ ܒܗ. ܒܗܿܘ ܙܒܢܐ ܟܕ ܗܼܢܘܢ ܢܟ̈ܠܘܗܝ ܡܥܬܕܝܢ ܗܘܘ݀ ܡܢ ܒܬܪ ܕܝܢ ܒܼܫܢܝ ܡܢ ܒܢ̈ܝ ܐܢܫܐ ܚܕܝܐܝܬ ܕܢܡܘܬܘܢ ܗܼܢܘܢܿ ܝܬܝܪܐܝܬ ܓܒܼܘ݀ ܘܠܐ ܕܢܫܢܘܢ ܡܢ ܣܗܕܘܬܗܘܢ ܛܒܬܐ ܕܥܠܘܝܗ. ܗܿܢܘܢ ܗܟܝܠ ܕܩܕܡ ܛܒܬܐ ܠܐ ܝܕܥܝܢ ܗܘܘ ܒܪܒܗܘܢ ܠܐ ܥܘܡܪܐ ܘܠܐ ܣܘܥܪܢܐ ܘܠܐ ܝܘܠܦܢܐ ܘܠܐ ܥܒܿܕܐ ܕܫܿܘܐ ܠܬܫܒܘܚܬܐ݀ ܘܐܦܠܐ ܒܡܕܡ ܐܬܥܕܪܘ ܡܢܗ݀ ܐܠܐ ܐܢ ܒܝܼܫܬܐ ܘܛܥܝܘܬܐ ܕܐܢܫܐ. ܐܝܟܢܐ ܡܝܬܼܝܢ ܗܘܘ ܕܠܝܠܐܝܬ݀ ܠܐ ܗܘܐ ܕܒܡܕܡ ܥܕܝܠܝܢ ܗܘܘ݀ ܐܠܐ ܡܛܠ ܕܗܿܢܝܢ ܙܗܝ̈ܬܐ ܘܕܬܫܒܚܬܐ ܥܠܘܗܝ ܐܣܿܗܼܕܘ݀ ܟܕ ܗܐ ܩܪܝܒܐ ܗܘܬ ܠܚܕ ܚܕ ܡܢܗܘܢ ܕܢܚܐ. ܕܠܐ ܩܢܛܐ. ܘܒܒܝܬܐ ܕܡܥܡܪܐ ܕܝܠܗ ܥܡ ܚܒܝ̈ܒܘܗܝ ܥܘܡܪܐ ܕܠܐ ܡܚܿܫܘܠܐ ܢܕܒܪ ܘܐܢܫܐ ܕܝܢ ܡܛܥܝ̈ܢܐ ܘ̈ܛܥܝܐ ܐܝܟܢܐ ܡܘܬܐ ܕܚܠܦ ܐܚܪܢܐ ܚܒܝܒܐܝܬ ܩܿܒܼܠܘ݀ ܗܿܘ ܕܚܬܝܬܐܝܬ ܝܬܝܼܪ ܡܢ ܟܠ ܐܢܫ ܝܿܕܥܝܢ ܗܘܘ ܕܐܦܠܐ ܒܡܕܡ ܐܝܟ ܕܢܐܡܪ ܐܢܫ ܗܘܐ ܠܗܘܢ ܥܠܬܐ ܠܛܒܬܐ ܐܠܐ ܡܠܦܢܐ ܕܟܠܗܝܢ ܒܝ̈ܫܼܬܐ ܓܒܪܐ ܓܝܪ ܕܩܢܼܐ ܪܥܝܢܐ ܘܡܝܬܪܘܬܐ ܚܠܦ ܙܟܘܬܐ ܛܒܬܐ ܐܘ ܚܠܦ ܓܒܪܐ ܡܝܬܪܐ ܟܒܪ ܒܘܠܝܬܐ ܡܡܬܘܡ ܡܘܬܐ ܕܥܡ ܬܫܒܘܚܬܐ ܢܣܝܒܪ݀ ܗܼܘ ܕܝܢ ܕܒܝܼܫܐ ܗܘ ܒܐܣܟܡܗ. ܐܝܟܢܐ ܕܒܠܚܘܕ ܒܬܪ 190 ܗܠܝܢ ܚܝ̈ܐ ܕܙܒܢܐ ܘܢܝܿ̇ܐ ܕܪ̈ܓܝܓܬܐ ܕܒܗܘܢ ܪܕܦ݀ ܠܐ ܡܡܬܘܡ ܓܒܼܐ ܩܕܡ ܚܝ̈ܐ ܡܘܬܐ. ܘܐܦܠܐ ܚܠܦ ܚܒܝܒ̈ܘܗܝ ܕܝܠܗ ܡܣܡ ܒܪܝܫܐ ܩܿܫܝܐ ܡܣܝܒܪ ܚܕ ܟܡܐ ܚܞܠܦ ܗܿܘ ܕܒܒܝܫܘܬܐ ܥܕܝܠ݀ ܐܝܟܢܐ ܗܟܝܠ ܬܠܡܝܕ̈ܘܗܝ ܕܗܢܐ ܕܐܬܐܡܼܪ ܐܢ ܡܛܥܝܢܐ ܗܘܐ ܘܚܪܫܐ ܘܠܐ ܟܣܝܐ ܗܘܬ ܡܢܗܘܢ ܕܗܟܢܐ ܗ. ܘܐܠܐ ܘܐܦ ܗܼܢܘܢ ܒܐܣܟܡܐ ܣܿܢܝܐ ܕܒܝܼܝܫ̈ܬܐ ܢܦܫ̈ܬܗܘܢ ܐܚܝܕܢ ܗܘܝ ܡܣܝܒܪܝܢ ܗܘܘ ܡܢ ܒܢ̈ܝ ܥܡܗܘܢ ܟܠܗܘܢ ܫܢܕ̈ܐ ܘܠܟܗ̈ܝܢ ܕܡ̈ܘܬܐ ܕܡܣܡ ܒܪ̈ܫܐ ܕܢܩܒܠܘܢ ܚܠܦ ܣܗܕܘܬܗܘܢ ܕܥܠܘܗܝ. ܠܐ ܕܝܢ ܝܬܝܗܿ ܗܕܐ ܕܟܝܢܐ ܕܒܝܼ̈ܫܐ ܚܼܙܝܬ ܓܝܪ ܣܓܝ̈ܐܐ ܕܥܡ ܗܿܢܘܢ ܕܚܿܝܝܼܢ. ܚܒܪܘܬܐ ܘܡܘܡܬܐ ܕܠܐ ܢܟܠܐ ܢܛܼܪܘ݀ ܘܒܪܫܥܬܗ ܕܡܝܼܬܘ ܫܼܪܘ ܐܢܝܢ ܠܗܠܝܢ ܕܣܡܼܘ ܒܝܢܬܗܘܢ݀ ܘܣܘܦ̈ܣܛܐ ܕܝܢ ܗܿܢܘܢ ܕܒܡܕ̈ܝܢܬܐ ܡܬܟܢܼܫܝܢ ܘܡܫܬܼܒܚܝܢ ܒܡܫܡܥܐ ܥܠ ܡܪܕܘܬܗܘܢ ܘܬܚܘܝܬܐ ܕܡ̈ܠܝܗܘܢ ܟܘܠܢ ܚܬܝܬܐܝܬ ܝ݀ܕܥܝܢ ܐܢܚܢܢ ܕܠܗܓ̈ܡܘܢܐ ܕܥܡ̈ܡܐ ܘܠܗܿܢܘܢ ܕܫܘܠܛܢܐ ܪܒܐ ܕܪܫܢܘܬܐ ܚܝܕܝܢ ܡܫܒ̈ܚܝܢ ܠܗܘܢ ܒܬܫܒ̈ܚܬܐ ܟܐ ܕܡܿܦܣ ܠܗܘܢ ܫܘܠܛܢܐ ܘܒܪ ܫܥܬܗ ܕܝܢ ܕܫܘܚܠܦܐ ܗܘܐ ܠܗܘܢܿ ܘܐܦ ܡܠܝܗܘܢ ܡܫܚܠܦܢ. ܘܬܘܒ ܠܐ ܨܿܒܝܢ ܕܢܥܒܕܘܢ ܕܘܪܢܐ ܕܗܿܢܘܢ ܕܡܢ ܩܕܝܡ ܡܛܠ ܕܚܠܬܐ ܕܗܿܢܘܢ ܕܒܗ ܒܙܒܢܐ ܐܚܝܕܝܢ ܀܀ ܀܀ ܟܘ. ܐܠܘ ܗܟܝܠ ܗܠܝܢ ܬܠܡܝܕ̈ܘܗܝ ܕܦܪܘܩܢ ܛܥܝ̈ܐ ܘܡܛܥ̈ܝܢܐ ܐܝܬܼܝܗܘܢ ܗܘܘ݀ ܐܘܣܼܦ ܕܝܢ ܐܦ ܗܕܐ. ܕܠܐ ܪܕܝܢ ܗܘܘ. ܘܡܠܝܐܝܬ ܗܕ̈ܝܘܛܐ ܗܘܘ. ܗܿܢܘܢ ܕܝܢ ܐܦ ܒܪܒܪܝܐ ܘܝܬܝܪ ܡܢ ܒܪܬ ܩܠܐ ܣܘܪܝܝܬܐ ܠܐ ܫܡܼܥܝܢ ܗܘܘ. ܐܝܟܢܐ ܡܢ ܒܬܪ ܕܫܢܝ ܪܒܗܘܢ ܡܢ ܒܝܬ ܒܢ̈ܝ ܐܢܫܐ ܠܟܠܗܿ ܒܪܝܬܐ ܢܦܼܩܘ ܘܐܣܿܗܼܕܘ ܥܠ ܐܠܗܘܬܗ ܘܒܐܝܕܐ ܟܝ ܬܪܥܝܬܐ ܥܠ ܗܕܐ ܐܫܬܕܠܼܘ ܕܢܡܪܚܘܢܿ ܘܒܐܝܢܐ ܚܝܠܐ ܡܕܡ ܕܐܫܝܼܚܘ ܣܥܼܪܘ݀ ܢܗܘܐ ܓܝܪ ܕܒܒ̈ܬܝܗܘܢ ܐܢܫܐ ܩܘܪ̈ܝܝܐ ܢܬܗܦܟܼܘܢ ܘܢܛܥܼܘܢܿ ܗܕܐ ܕܝܢ ܕܠܐܬܪܐ ܢܘܬܟܪܝܐ ܢܫܬܼܕܪܘܢ ܘܠܐ ܢܫܒܩܘܢܗܿ ܠܨܒܘܬܐ ܒܫܠܝܐ. ܐܠܐ ܢܟܪܙܘܢ ܠܟܠ ܐܢܫ ܫܡܗ ܕܦܪܘܩܢ݀ ܘܣܘܥܪ̈ܢܘܗܝ ܕܝܠܗ ܕܬܕܡܘܪܬܐ ܘܠܐ ܒܠܚܘܕ ܐܠܐ ܐܦ ܒܩܘܪ̈ܝܐ ܘܒܡܕ̈ܝܢܬܐ ܢܿܠܦܼܘܢ ܦܘܩܕ̈ܢܘܗܝ ܘܡܢܗܘܢ ܠܫܘܠܛܢܐ ܢܕܪ̈ܗܘܡܝܐ݀ ܘܠܗܕܐ ܡܕܝܢܬܐ ܕܡܿܠܟܘܬܐ ܢܬܦܠܓܘܢ݀ ܘܡܢܗܘܢ ܠܒܝܬ ܦܪ̈ܣܝܐ݀ ܘܡܢܗܘܢ ܠܒܝܬ ܐܪ̈ܡܢܝܐ. ܘܐܚܪ̈ܢܐ ܠܥܡܐ 191 ܕܦܪ̈ܬܘܝܐ. ܘܬܘܒ ܐܦ ܠܣܩ̈ܝܬܝܐ݀ ܘܡܢܗܘܢ ܐܦ ܥܕܡܐ ܠܣܘܦܝܗܿ ܕܒܪܝܬܐ. ܢܦܩܘܢ ܘܠܐܪܥܐ ܕܗܢܕ̈ܘܝܐ ܢܩܕܡܘܢ ܘܐܚܪ̈ܢܐ ܠܗܠ ܡܢ ܐܘܩܝܢܘܣ ܢܥܼܿܒܪܘܢ ܠܓܙܪ̈ܬܐ ܗܠܝܢ ܕܡܬܩܪܝܢ ܒܘܪܢܛܢܝܐ ܗܠܝܢ ܐܢܐ ܠܐ ܣܿܒܪ ܐܢܐ ܕܕܒܢ̈ܝ ܐܢܫܐ ܐܢܝܢ݀ ܚܕ ܟܡܐ ܕܒܨܝܪ̈ܐ ܘܕܗܕ̈ܝܘܛܐ ܘܟܡܐ ܚܣܝܪܐ ܕܡ̈ܛܥܝܢܐ ܘܚܪ̈ܫܐ ܀܀ ܀܀ ܟܙ. ܗܿܢܘܢ ܕܝܢ ܠܪܒܗܘܢ ܕܒܝܼܫܐ ܗܘܐ ܘܡܗܦܟܐ ܢܿܣܝܼܘ ܘܕܝܠܗ ܕܗܢܐ ܡܦܩܢܐ ܕܡܘܬܗ ܒܥܝ̈ܢܝܗܘܢ ܚܼܙܘ ܒܐܝܠܝܢ ܟܝ ܡ̈ܠܐ ܠܘܬ ܚܕܕ̈ܐ ܐܬܚܫܼܚܘ݀ ܒܗܕܐ ܕܫܠܡܐܝܬ ܥܠܘܗܝ ܢܒܕܘܢܿ ܐܝܟ ܕܡܢ ܚܕ ܦܘܡܐ ܓܝܪ ܟܠܗܘܢ ܬܕܟܝ̈ܬܐ ܕܓܪ̈ܒܐ ܘܛܪܕܐ ܕܕ̈ܝܘܐ ܘܩܝܡܬܐ ܕܡܝ̈ܬܐ ܘܚܙܬܐ ܕܣܡ̈ܝܐ ܘܪ̈ܒܘܬܐ ܕܐܣܘ̈ܬܐ ܐܚܪ̈ܢܝܬܐ ܕܗܼܘܝ ܡܢܗ ܐܣܿܗܼܕܘ ܀܀ ܀܀ ܟܚ. ܘܒܬܪ ܟܠܝܗ ܩܿܝܡܬܗ ܕܝܠܗ ܕܒܬܪ ܡܘܬܐ ܕܩܘܕܡܐ ܠܗܘܢ ܐܬܚܼܙܝܬ݀ ܗܠܝܢ ܓܝܪ ܟܕ ܠܐ ܗܘܼܝ ܘܠܐ ܐܫܬܡܼܥ ܡܡܬܘܡ ܒܙܒܢܝ̈ܗܘܢ ܕܝܠܗܘܢܿ ܐܝܟܢܐ ܕܡܢ ܚܕ ܦܘܡܐ ܐܣܿܗܼܕܘ݀ ܘܡܫܪܪܝܢ ܗܘܘ ܕܗܼܘܝ݀ ܘܥܕܡܐ ܠܡܘܬܐ ܢܗܝܡܢܘܢܗܿ ܠܣܗܕܘܬܗܘܢ ܐܘ ܕܠܡܐ ܟܝ ܐܬܟܿܢܼܫܘ݀ ܘܡܘܡܬܐ ܥܠܝܗܿ ܕܗܕܐ ܥܒܼܕܘ݀ ܘܬܿܢܘܝ ܣܡܼܘ ܒܝܢܬܗܘܢܿ ܕܢܒܕܘܢ ܘܢܕܓܠܘܢ ܗܠܝܢ ܕܡܢ ܡܬܘܡ ܠܐ ܗܘܼܝ. ܘܒܐܝܠܝܢ ܟܝ ܡ̈ܠܐ ܢܐܡܪ ܕܦܝܣܐ ܕܐܬܚܫܼܚܘ ܥܠ ܗܕܐ ܬܢܿܘܝ. ܐܘ ܕܠܡܐ ܟܝ ܒܕܐܝܟ ܗܠܝܢ ܐܢܫܐ ܚܒܝܒܝܢ ܠܗܿܘ ܕܐܬܡܠܝ ܘܡܢܬܡܠܝ݀ ܡܛܥܝܢܐ ܗܘܐ ܘܡܠܦܢܐ ܗܘܐ ܕܛܘܥܝܝ ܕܩܕܡ ܥܝ̈ܢܐ ܕܟܠܢ ܡܣܡ ܒܪܝܫܐ ܐܚܪܝܐ ܣܝܒܪ ܕܡܢܐ ܐܝܬܘܗܝ ܗܘܐ ܝܬܝܪ ܡܢ ܟܠ ܐܢܫܐ ܐܢܚܢܢ ܚܬܝܬܐܝܬ ܝܕܥܝܢ ܐܢܚܢܢ݀ ܡܛܠ ܕܐܢܚܢܢ ܗܘܿܝܢ ܒܢ̈ܝ ܐܪܙܐ ܕܟܣܝ̈ܬܗ ܘܐܝܟ ܕܟܝܼܐ ܠܣܓܝ̈ܐܐ ܡܬܞܚܙܐ ܗܘܐ ܘܕܡܕܡ ܝܬܝܪ ܐܝܬ ܠܗ ܡܢ ܣܓܝ̈ܐܐ ܪܢܐ ܗܘܐ. ܠܐ ܕܝܢ ܡܕܡ ܪܒ ܐܦܠܐ ܡܕܡ ܕܫܿܘܐ ܠܩܝܡܬܗ ܩܢܼܐ ܐܠܐ ܐܢ ܕܐܢܫ ܢܐܡܪ ܗܕܐ ܕܢܟܠܐ ܘܕܡܘܡܐ ܕܐܣܟܡܗ ܘܗܠܝܢ ܗܦܝܟܬܐ ܕܐܠܦܢ ܠܢ. ܘܗܢܐ ܫܘܒܗܪܐ ܕܛܘܥܝܝ ܕܚܠܦܝܗܝܢ ܕܗܠܝܢ݀ ܬܘ ܢܬܠ ܝܡܝܢܐ ܠܚܕܕ̈ܐ. ܘܟܠܢ ܐܟܚܕܐ ܢܣܝܡ ܬܢܘܝ ܒܝܢܬܢܿ ܕܫܠܡܐܝܬ ܛܥܝܘܬܐ ܢܦܩ ܥܠܘܗܝ ܒܝܬ ܟܠܗܘܢ ܒܢ̈ܝ ܐܢܫܐ. ܘܢܐܡܪ ܕܚܙܝܢܝܗܝ ܕܠܣܡ̈ܝܐ ܕܢܚܙܘܢ ܝܼܗܒ ܗܕܐ ܕܠܐ ܐܢܫ ܡܡܬܘܡ ܫܡܥ݀ ܘܠܓܪ̈ܒܐ ܕܟܝ ܘܠܡܝ̈ܬܐ ܐܚܼܝ݀ ܘܟܢܝܫܐܝܬ 192 ܢܐܡܪ݀ ܗܠܝܢ ܕܠܐ ܒܥܝ̈ܢܝܢ ܚܼܙܝܢ ܕܐܣܬܼܥܪ ܡܢܗ. ܐܦܠܐ ܒܐܕ̈ܢܝܢ ܫܡܼܥܢ ܕܐܬܐܡܼܪ ܘܗܠܝܢ ܕܐܝܟ ܕܒܫܪܪܐ ܐܣܬܥܪ ܢܬܚܪܐ ܐܠܐ ܘܐܦܢ ܗܼܘ ܥܘܢܕܢܗ ܐܚܪܢܐ ܐܬܟܼܪܙ݀ ܘܓܠܝܐܝܬ ܡܘܬܗ ܩܿܒܼܠ. ܐܝܟܢܐ ܕܠܐ ܐܢܫ ܐܫܟܼܚ ܕܢܛܫܝܘܗܝ. ܘܐܦ ܠܗܕܐ ܐܢܚܢܢ ܕܠܐ ܢܟܦܬܐ ܢܫܪܝܗܿ݀ ܟܕ ܡܿܣܗܕܝܢ ܐܢܚܢܢ ܚܨܝܦܐܝܬ ܕܩܼܡ ܡܢ ܒܝܬ ܡܝ̈ܬܐ ܘܥܡ ܟܠܢ ܗܘܐ. ܘܒܥܢܝܢܐ ܘܒܣܝܒܪ̈ܬܐ ܕܥܝܕ̈ܐ ܐܫܬܘܼܬܦ ܠܢ ܘܬܬܢܛܪ ܕܝܢ ܒܟܠܗܝܢ ܗܠܝܢ ܗܕܐ ܚܿܨܝܦܘܬܐ ܘܕܠܐ ܢܒܗܼܬ ܘܬܩܘܐ ܨܐܝܕܝܢ ܕܢܩܘܡ ܥܕܡܐ ܠܡܘܬܐ ܡܢܐ ܓܝܪ ܕܠܐ ܒܘܠܝܬܐ ܕܚܠܦ ܠܐ ܡܕܡ ܢܡܘܬ. ܘܡܿܢܐ ܡܥܝܩܐ ܕܡܛܠ ܠܐ ܡܕܡ ܕܘܠܐ ܢܓܕ̈ܐ ܘܫܢܕ̈ܐ ܒܓܦܪ̈ܝܢ݀ ܢܩܒܠ. ܘܐܢ ܡܬܒܥܐ ܕܐܦ ܒܚܒܘܫܝܐ ܢܗܘܐ ܘܒܨܥܪܐ ܘܒܐܘܠܨܢܐ ܚܠܦ ܠܐ ܡܕܡ ܫܪܪܐ݀ ܘܐܦ ܗܕܐ ܒܫܪܥܬܗ ܢܣܝܒܪ. ܘܢܓܕܠ ܕܝܢ ܟܠܢ ܐܟܚܕܐ ܫܠܡܐܝܬ ܘܢܒܕܐ ܚܠܦ ܠܐ ܡܕܡ ܝܘܬܪܢ ܠܐ ܕܝܠܢ ܘܠܐ ܕܗܿܢܘܢ ܕܡ̰ܿܥܼܝܢ ܐܢܚܢܢ ܠܗܘܢܿ ܘܐܦܠܐ ܕܝܠܗ ܕܗܿܘ ܕܗܿܢܝܢ ܕܓܠܘܬܐ ܕܐܠܗܐ ܗܘ ܡܢܢ ܥܠܘܗܝ ܡܬܐܡܼܪܢ݀ ܘܢܡܬܚܝܗܿ ܕܝܢ ܠܗܕܐ ܕܓܠܘܬܐ ܠܐ ܒܠܚܘܕ ܥܠ ܒܢ̈ܝ ܥܿܡܢ. ܐܠܐ ܐܦ ܠܘܬ ܟܠܗܘܢ ܒܢ̈ܝ ܐܢܫܐ ܢܦܘܩ݀ ܘܠܟܠܗܿ ܒܪܝܬܐ ܢܡܠܐ ܗܠܝܢ ܕܣܡܼܢ ܥܠܘܗܝ. ܘܒܪ ܫܥܬܗ ܡܢ ܗܪܟܐ ܢܣܝܡ ܢܡܘ̈ܣܐ ܠܟܠܗܘܢ ܥܡ̈ܡܐ ܡܗܦ̈ܟܐ ܕܣܒܪ̈ܐ ܕܥܠ ܐܠܗ̈ܐ ܕܐܒܗܝ̈ܗܘܢ ܗܿܢܘܢ ܕܡܢ ܥܠܡܐ ܠܘܬܗܘܢ ܫܼܘ. ܘܢܦܩܘܕ ܠܗܘܢ ܠܪ̈ܗܘܡܝܐ ܩܕܡ ܟܠܡܕܡ ܕܠܐ ܢܣܓܕܘܢ ܠܗܿܢܘܢ ܕܣܿܒܼܪܝܢ ܗܘܘ ܐܒܗܝ̈ܗܘܢ ܕܐܠܗ̈ܐ ܐܢܘܢܿ ܘܢܫܢܐ ܕܝܢ ܐܦ ܠܒܝܬ ܝܘ̈ܢܝܐ ܘܢܟܪܙ ܕܝܢ ܐܦ ܕܠܩܘܒܠܐ ܕܚܟܝܡ̈ܝܗܘܢ ܕܗܠܝܢ݀ ܘܠܐ ܢܪܦܐ ܐܦ ܠܐܓܒ̈ܛܝܐ݀ ܐܠܐ ܢܬܟܬܫ ܘܐܦ ܥܡ ܐܠܗܝ̈ܗܘܢ ܕܗܠܝܢ݀ ܘܠܐ ܢܡܬܘܚ ܠܘܩܒܠܗܘܢ ܗܿܢܝܢ ܕܡܘܫܐ ܕܡܢ ܩܕܝܡ ܗܼܘܝ ܥܠܝܗܘܢܿ ܐܠܐ ܡܘܬܗ ܕܝܠܗ ܕܡܠܦܢܢ ܐܝܟ ܡܕܡ ܡܕܚܠܢܐ ܢܣܝܡ ܠܘܩܒܠܗܘܢܿ ܘܗܿܘ ܛܒܐ ܕܥܠ ܐܠܗ̈ܐ ܕܡܢ ܠܘܬܗܘܢ ܡܢ ܥܠܡܐ ܒܝܬ ܟܠܗܘܢ ܒܢ̈ܝ ܐܢܫܐ ܢܦܼܩ݀ ܠܐ ܒܡ̈ܠܐ ܘܒܫܘܥ̈ܝܬܐ ܐܠܐ ܒܚܝܠܗ ܕܪܒܢ ܗܿܘ ܕܐܙܕܩܦ ܢܫܪܝܘܗܝ ܘܢܼܐܙܠ ܬܘܒ ܐܦ ܠܐܚܪܬܐ ܐܪܥܐ. ܕܒܪܒܪ̈ܝܐ ܘܗܿܢܝܢ ܕܠܘܬ ܟܠ ܐܢܫܐ ܢܗܦܟ. ܘܡܢ ܗܢܐ ܨܒܝܢܐ ܠܐ ܐܢܫ ܡܢܢ ܢܚܣܪ. ܠܐ ܗܘܐ ܓܝܪ ܐܬܠܣܐ ܗܘ ܙܥܘܪܐ ܗܠܝܢ ܕܡܡܼܪܚܝܢ ܐܢܚܢܢ. ܡܛܠ ܕܐܦܠܐ ܙܟܘ̈ܬܐ ܫܚܝܡ̈ܬܐ ܐܪܥܼܢ ܠܢ. ܐܠܐ ܐܝܟ ܕܕܡܝܐ 193 ܡܣܡ ܒܪܫܐ ܕܡܢ ܢܡ̈ܘܣܐ ܗܿܢܘܢ ܕܒܟܠ ܕܘܟܐ ܐܣܘܪ̈ܐ ܓܠܝܐܝܬ ܘܣܪ̈ܩܐ ܘܚܒܘܫܝܐ ܘܢܘܪܐ ܘܦܪܙܠܐ ܘܙܩܝ̈ܦܐ ܘܚܝ̈ܘܬܐ ܕܡܛܠ ܗܠܝܢ ܝܬܝܪܐܝܬ ܢܨܒܐ ܒܚܕܘܬܐ. ܘܠܘܬ ܗܠܝܢ ܒܝܼܫ̈ܬܐ ܐܟܚܕܐ ܢܫܪܟ ܕܕܡܿܘܬܐ ܠܡܠܦܢܢ ܩܢܝܢ ܐܢܚܞܢܢ. ܘܡܢܐ ܓܝܪ ܢܗܿܘܐ ܕܫܦܝܪ ܡܢ ܗܕܐ ܒܥܠܕ̈ܒܒܐ ܠܐܠܗܐ ܘܠܒܢ̈ܝ ܐܢܫܐ ܘܐܦ ܠܐ ܥܠ ܚܕ ܝܘܬܪܢ ܢܫܬܟܚ ܘܐܦ ܠܐ ܡܕܡ ܕܢܝܚܐ ܢܩܒܠ. ܘܐܦ ܠܐ ܚܒܝ̈ܒܝܢ ܢܚܙܐ݀ ܘܐܦܠܐ ܫܘܪܬܚܐ ܕܩܢܝܢܐ ܢܣܬܩܒܠ ܠܢ ܘܐܦܠܐ ܣܒܪܐ ܕܡܕܡ ܛܒܬܐ ܠܓܡܪ ܢܩܢܐ. ܐܠܐ ܣܪܝܩܐܝܬ ܘܒܛܠܐܝܬ ܢܛܥܐ ܘܠܐܚܪ̈ܢܐ ܢܿܛܥܐ. ܗܕܐ ܗܝ ܠܡ ܓܝܪ ܡܥܕܪܢܝܬܐ ܘܕܢܗܘܐ ܕܠܩܘܒܠܐ ܕܟܘܠܗܘܢ ܥܡ̈ܡܐ݀ ܘܢܬܟܬܫ ܥܡ ܐܠܗ̈ܐ. ܗܿܢܘܢ ܕܡܢ ܥܠܡ ܟܠ ܐܢܫ ܡܘܕܐ ܥܠܝܗܘܢܿ ܘܠܗܿܘ ܡܠܦܢܢ ܕܩܕܡ ܥܝ̈ܢܝܢ ܕܝܠܢ ܡܝܼܬ. ܕܐܠܗ ܐܝܬܘܗܝ ܘܒܪܐ ܕܐܠܗܐ ܢܟܪܙ݀ ܘܚܠܦܘܗܝ ܐܢܚܢܢ ܢܗܘܐ ܡܛܝܒܝܢ ܐܢܚܢܢ݀ ܕܢܡܘܬ ܟܕ ܠܐ ܡܕܡ ܫܪܪܐ. ܘܠܐ ܥܘܕܪܢܐ ܡܢܗ ܝܠܦܼܢ. ܘܡܛܠ ܗܕܐ ܕܢܫܒܚܝܘܗܝ ܠܫܡܗ݀ ܢܥܒܕ ܘܟܠܗܘܢ ܨܥܪ̈ܐ ܘܬܒܥ̈ܬܐ ܢܣܝܒܪ ܘܟܠܗܘܢ ܐܣܟ̈ܡܐ ܕܡܣܡ ܒܪ̈ܫܐ ܢܩܒܠ. ܚܠܦ ܠܐ ܡܕܡ ܫܪܪܐ. ܒܝܼܫܐ ܗܝ ܓܝܪ ܟܒܪ ܫܪܝܪܬܐ ܘܕܓܠܬܐ݀ ܐܝܬ ܒܗ ܕܠܩܒܘܠܐ ܕܒܝܼܫܬܐ݀ ܕܡܛܠ ܗܕܐ ܢܐܡܪ ܕܐܦ ܡܝ̈ܬܐ ܐܚܼܝ. ܘܐܦ ܓܪ̈ܒܐ ܕܟܼܝ. ܘܐܦ ܕܝ̈ܘܐ ܛܪܕ ܘܥܒܘܕܐ ܕܐܚܪ̈ܢܐ ܣܘܥܪ̈ܢܐ ܕܬܕܡܘܪܬܐ ܗܘܐ. ܟܕ ܠܐ ܡܕܡ ܕܐܝܟ ܗܠܝܢ ܒܗ ܝܕܥܝܢ ܐܢܚܢܢ ܘܠܢܦܫܢ ܟܠܗܝܢ ܗܠܝܢ ܢܒܕܐ. ܘܢܿܛܥܐ ܠܐܠܝܠܢ ܕܡܫܟܚܝܢ ܐܢܚܢܢ. ܘܐܢ ܕܝܢ ܐܢܫ ܠܐ ܢܬܛܦܝܣ݀ ܐܠܐ ܐܢܚܢܢ ܚܠܦ ܗܠܝܢ ܕܣܡܼܢ ܒܝܢܬܢ ܗܠܝܢ ܕܫ݀ܘܝܼܢ ܠܗܕܐ ܛܥܝܘܬܐ ܢܦܫܢ ܢܓܕ ܀܀ ܀܀ ܟܛ. ܘܡܬܚܙܝܢ ܠܟ ܟܝ ܗܠܝܢ ܕܕܦܝܣܐ ܐܢܝܢ ܘܡܦܝܣ ܐܢܬ ܥܕܟܝܠ ܢܦܫܟ ܕܐܟܘܬܗܝܢ ܕܗܠܝܢ ܒܼܕܘ݀ ܘܣܡܼܘ ܬܢܘܝ ܒܝܢܬܗܘܢ ܐܢܫܐ ܒܨܝܪ̈ܐ ܘܗܕ̈ܝܘܛܐ ܘܥܒܼܪܘ ܥܠ ܫܘܠܛܢܐ ܕܪ̈ܗܘܡܝܐ. ܐܘ ܕܐܝܟܐ ܟܝܢܐ ܐܢܫܝܐ ܕܩܸܢܐ ܪܚܡܬ ܚܝܘܬܐ ܕܝܠܗ݀ ܡܫܟܚ ܡܡܬܘܡ ܕܚܠܦ ܠܐ ܡܕܡ ܒܨܒܝܢܐ ܕܢܦܫܗ ܢܣܝܒܪ ܡܘܬܐ. ܐܘ ܕܐܝܟܢܐ ܬܠܡܝܕ̈ܘܗܝ ܕܦܪܘܩܢ ܠܗܕܐ ܟܘܠܗܿ ܡܝܬܪܘܬܐ ܕܫܢܝܘܬܐ ܐܬܕܒܪܘ ܕܟܕ ܠܐ ܡܕܡ ܣܘܥܪ̈ܢܐ ܕܬܕܡܘܪܬܐ ܚܼܙܘ ܕܐܣܬܥܼܪܘ ܡܢܗ ܡܢ 194 ܬܢܘܝ ܐܟܚܕܐ ܟܠܗܘܢ ܕܐܝܟ ܗܠܝܢ. ܢܒܕܘܢ ܘܬܘܒ ܡ̈ܠܐ ܕܓ̈ܠܬܐ ܥܠܘܗܝ ܢܛܟܣܘܢܿ ܘܚܠܦ ܗܠܝܢ ܕܠܝܠܐܝܬ ܢܗܘܘܢ ܡܝܬܝܢ ܀܀ ܀܀ ܠ. ܐܠܐ ܠܐ ܗܘܐ ܒܬܢܘܝ ܢܦܼܩܘ. ܥܠ ܗܕܐ ܟܪܘܙܘܬܐ ܕܥܠܘܗܝ ܐܦܠܐ ܣܡܼܘ ܒܝܢܬܗܘܢ ܘܡܢ ܐܝܡܟܐ ܠܗܘܢ ܗܕܐ ܫܠܡܘܬܐ ܕܣܗܕܘܬܗܘܢ ܕܥܠ ܣܘܥܪ̈ܢܘܗܝ݀ ܐܘ ܕܡܝܐ ܕܡܢ ܚܙܬܐ ܕܗܠܝܢ ܕܐܣܬܥܼܪ ܡܢܗ݀ ܚܞܕܐ ܗܝ ܓܝܪ ܡܢ ܬܪܬܝܢ ܕܐܘ ܣܡܼܘ ܬܢܘܝ ܒܝܢܬܗܘܢ ܘܒܕܘ݀ ܐܘ ܒܥܝ̈ܢܝܗܘܢ ܚܼܙܘ ܘܐܣܿܗܼܕܘ. ܐܢ ܗܟܝܠ ܗܼܢܘܢ ܚܙܘ ܫܪܪܐ. ܘܠܟܠ ܐܢܫ ܐܟܼܪܙܘ݀ ܫܿܘܝܢ ܐܢܘܢ ܕܢܬܗܝܡܢܘܢ ܕܐܡܼܪܘ ܥܠ ܦܪܘܩܗܘܢ ܕܐܠܗܐ ܗܘ ܕܚܝ̈ܠܐ ܐܠܗ̈ܝܐ ܘܬܕܡܪ̈ܬܐ ܘܣܘܥܪ̈ܢܐ. ܕܬܡܗܐ ܕܢܚܙܘܢ ܒܥܝ̈ܢܝܗܘܢ ܝܼܗܒ ܠܗܘܢ ܘܐܢ ܕܝܢ ܠܐ ܡܕܡ ܫܪܪܐ ܡܢ ܗܿܢܝܢ ܕܐܬܟܬܼܒܘ ܚܼܙܘ ܘܡ̈ܠܐ ܕܓ̈ܠܬܐ ܪܟܒܘ݀ ܘܟܢ ܝܡܝܢܐ ܥܡ ܚܕܕ̈ܐ ܘܡܘܡܬܐ ܘܬܢܘܝ ܥܒܼܕܘ ܥܠ ܗܕܐ ܕܠܐ ܡܕܡ ܫܪܝܪܬܐ ܢܐܡܪܘܢ ܘܒܕܘ ܘܕܓܠܬܐ ܥܠ ܪܒܗܘܢ ܐܣܿܗܼܕܘ݀ ܘܐܝܟܢܐ ܒܫܪܪܐ ܡܝܬܝܢ ܗܘܘ. ܚܠܦ ܠܐ ܡܕܡ ܫܪܪܐ ܘܠܐ ܢܘܪܐ ܘܠܐ ܦܪܙܠܐ ܘܠܐ ܚܝ̈ܘܬܐ ܒܥܪܝܪܬܐ ܘܠܐ ܥܘܡܩܐ ܕܝܡܐ ܗܕܐ ܫܘܥܝܬܗܘܢ ܕܒܕܘ ܥܠ ܪܒܗܘܢ ܐܫܟܚܘ ܕܢܕܓܠܘܢܗ. ܀܀܀ ܠܐ. ܐܠܐ ܡܢܐ ܐܡܿܪ ܐܢܬ ܕܠܐ ܣܟܝܘ ܘܠܐ ܣܒܼܪܘ݀ ܕܒܝܼܬܐ ܡܕܡ ܢܚܫܘܢ ܡܢ ܗܕܐ ܣܗܕܘܬܗܘܢ ܕܥܠܘܗܝ ܕܡܛܠ ܗܕܐ ܐܦ ܕܠܐ ܕܚܠܬܐ ܢܦܩܼܘ ܠܟܪܘܙܘܬܐ ܕܥܠܘܗܝ ܐܠܐ ܠܐ ܡܫܟܚܐ ܕܠܐ ܢܣܒܪܘܢ ܗܘܘ݀ ܕܟܠܗܝܢ ܒܝܼܫ̈ܬܐ ܚܫܼܝܢ ܗܘܘ. ܕܣܘܚܦܐ ܕܐܠܗܝ̈ܗܘܢ ܕܪ̈ܗܘܡܝܐܐܟܚܕܐ ܘܕܝܘܢ̈ܝܐ ܘܒܪܒܪ̈ܝܐ ܡܥܠܼܝܢ ܗܘܘ݀ ܘܗܼܘ ܕܝܢ ܟܬܒܐ ܕܥܠܝܗܘܢ ܓܠܝܐܝܬ ܡܚܿܘܐ݀ ܕܡܢ ܒܬܪ ܡܘܬܗ ܕܪܒܗܘܢ ܐܢܫܝܢ ܒܥܠܕ̈ܒܒܝܗܿ ܕܡܠܬܐ ܘܢܟܘܠܝܗܿ ܠܒܟܼܘ ܐܢܘܢ ܘܩܘܕܡܐ ܐܫܿܠܡܼܘ ܐܢܘܢ ܠܚܒܘܫܝܐ ܘܟܢ ܫܼܪܘ ܘܦܿܩܼܕܘ ܐܢܘܢ ܕܥܡ ܒܪ ܐܢܫܐ ܠܐ ܢܡܠܠܘܢ ܒܫܡܗ ܕܝܫܘܥ݀ ܘܟܕ ܐܫܟܚܼܘ ܐܢܘܢ ܒܬܪܟܢ ܕܓܠܝܐܝܬ ܠܟܢܫ̈ܐ ܗܠܢ ܕܥܠܘܗܝ ܡܠܦܼܝܢ ܗܘܘ. ܚܛܦܼܘ ܘܢܓܼܕܘ ܘܟܼܐܘ ܒܗܘܢܿ ܕܠܐ ܢܿܠܦܘܢ ܟܕ ܦܢܼܝ ܦܬܓܡܐ ܫܡܥܘܢ ܟܐܦܐ ܘܐܡܪ ܠܗܘܢܿ ܕܘܿܠܐ ܕܢܫܡܥ ܠܐܠܗܐ ܝܬܝܪܐܝܬ ܘܠܐ ܠܒܢ̈ܝ ܐܢܫܐ. ܒܬܪ ܗܠܝܢ ܒܟܐܦ̈ܐ ܐܬܪܓܼܡ ܐܣܛܦܢܘܣ ܘܡܼܝܬ݀ ܥܠ ܕܡܠܠܼ ܓܠܝܐܝܬ ܒܟܢܘܫܝܐ ܕܝܗܘܕ̈ܝܐ ܘܩܡ ܪܕܘܦܝܐ ܕܠܐ ܗܘܐ ܙܥܘܪ ܥܠ ܗܿܢܘܢ ܕܗܘܼܘ ܐܝܙܓܕ̈ܐ 195 ܠܫܡܗ ܝܫܘܥ݀ ܘܬܘܒ ܠܙܒܢܐܚܪܢܐ ܟܕ ܗܪܘܕܣ ܡܿܠܟܐ ܕܝܗܘܕ̈ܝܐ ܩܿܛܠܼ ܠܝܥܩܒ ܐܚܘܗܝ ܕܝܘܚܢܢ ܒܣܝܦܐ݀ ܠܫܡܥܘܢ ܟܐܦܐ ܗܼܘ ܗܢܐ ܒܦܟܪ̈ܐ ܚܒܼܫ. ܐܝܟܐܢ ܕܟܬܝܒ ܒܦܪܟܣܣ ܕܫ̈ܠܝܚܐ. ܘܟܕ ܗܼܢܘܢ ܗܠܝܢ ܚܫܼܘ. ܫܪܟܐ ܕܬܠܡܝܕ̈ܐ ܣܝܿܒܼܪܘ ܘܚܿܡܣܼܢܘ ܒܝܠܘܦܢܗ ܕܦܪܘܩܢ. ܘܩܿܘܼܝܘ ܘܬܘܒ ܝܬܝܪܐܝܬ ܥܠܘܗܝ ܘܥܠ ܥܒܕ̈ܘܗܝ ܕܬܕܡܘܪܬܐ ܠܟܠ ܐܢܫ ܣܿܒܼܪܘ݀ ܒܬܪ ܗܠܝܢ ܝܥܩܘܒ ܗܿܘ ܕܩܼܪܝܢ ܗܘܘ ܠܗ݀ ܗܿܢܘܢ ܕܡܢ ܩܕܝܡ ܒܐܘܪܫܠܡ ܥܿܡܪܝܢ ܗܘܘ ܟܐܢܐ. ܡܛܠ ܪ̈ܘܪܒܬܐ ܕܡܝܬܪܘܬܐ ܕܐܝܼܬ ܗܘܝ ܒܗ. ܐ݀ܫܬܐܠܼ ܡܢ ܪܒ ܟܗ̈ܢܐ ܘܡ̈ܠܦܢܐ ܕܥܡܐ ܕܝܗܘ̈ܕܝܐ݀ ܕܡܢܐ ܣܿܒܪ ܥܠ ܝܫܘܥ݀ ܘܟܕ ܦܢܼܝ ܠܗܘܢ ܦܬܓܡܐ ܕܒܪܐ ܗܘ ܕܐܠܗܐ. ܒܟ̈ܐܦܐ ܐܦ ܗܼܘ ܐܬܪܓܼܡ ܡܢܗܘܢܿ ܘܫܡܥܘܢ ܟܐܦܐ ܒܪܗܘܡ [ܒܪܗܘܡܐ] ܒܬܪ ܪܫܗ ܐܙܕܩܼܦ. ܘܦܘܠܘܣ ܐܫܬܩܼܠ. ܘܝܘܚܢܢ ܐܫܠܼܡ ܠܓܙܪܬܐ݀ ܘܟܕ ܗܼܢܘܢ ܗܠܝܢ ܚܫܼܝܢ ܗܘܘ. ܠܐ ܐܢܫ ܡܢ ܫܪܟܐ ܫܿܢܼܝ ܡܢ ܝܘܠܦܢܗ. ܘܟܠܗܘܢ ܡܼܨܠܢ ܗܘܘ ܕܢܓܕܫܼܢ ܠܗܘܢ ܗܠܝܢ ܕܕܡܝܢ ܠܕܗܿܢܘܢ ܕܐܬܩܿܕܡܼܘ ܐܬܐܡܼܪܘ ܡܛܠ ܣܓܕܬܐ ܕܐܠܗܐ ܕܡܛܠ ܗܕܐ ܬܘܒ ܝܬܝܪܐܝܬ ܥܠܘܗܝ ܕܦܪܘܩܢ ܘܥܠ ܣܘܥܪ̈ܢܘܗܝ ܬܡܝ̈ܗܐ ܓܝܠܐܝܬ ܡܿܣܗܼܕܝܢ ܗܘܘ ܀܀ ܀܀ ܠܒ. ܘܗܐ ܐܠܘ ܕܓ̈ܠܬܐ ܗܘܝ. ܘܒܬܢܘܝ ܒܕܘܼ ܐܢܝܢ. ܗܠܝܢ ܕܥܠܘܗܝ ܐܟܼܪܙܘ݀ ܕܢܬܕܡܿܪ ܘܿܠܐ ܕܐܝܟܢܐ ܗܢܐ ܟܠܗ ܟܢܫܐ ܗܕܐ ܫܠܡܘܬܐ ܕܥܠ ܒܕܝܗܘܢ ܥܕܡܐ ܠܡܘܬܐ ܢܛܼܪܘ݀ ܘܠܐ ܐܢܫ ܡܢ ܡܬܘܡ ܡܢܗܘܢ ܐܬܪܗܒ݀ ܡܛܠ ܗܠܝܢ ܕܓܼܕܫ ܠܗܿܢܘܢ ܕܩܿܕܡܼܘ ܐܬܩܿܛܠܼܘ. ܘܫܼܢܝ ܡܢܚܒܪܘܬܗܘܢܿ ܘܠܐ ܐܟܼܪܙ ܕܠܩܘܒܠܐ ܕܚܒܪܘܗܝ. ܘܠܓܼܠܝܐ ܐܝܿܬܝ ܗܠܝܢ ܕܣܿܡܼܘ ܒܝܢܬܗܘܢ ܐܠܐ ܐܦ ܗܿܘ ܕܡܠܐ ܪܚܡܬ ܟܣܦܐ ܠܒܥܕ̈ܒܒܐ ܐܡܼܪܚ ܢܿܫܠܡܝܘܗܝ ܗܘ ܒܐܝܕ̈ܘܗܝ ܒܪ ܫܥܬܗ ܚܛܦܼ ܥܠܘܗܝ݀ ܘܡܣܡ ܒܪܫܐ ܀܀ ܀܀ ܠܓ. ܘܗܕܐ ܕܝܢ ܐܝܟܢܐ ܠܐ ܡܠܝܐ ܬܕܡܘܪܬܐܕܐܢܫܐ ܡܛܥܝ̈ܢܐ ܘܗܕ̈ܝܘܛܐ ܕܠܐ ܕܢܡܠܠܘܢ ܘܠܐ ܕܢܫܡܥܘܢ ܝܬܝܪ ܡܢ ܒܪܬ ܩܠܐ ܕܐܒܗ̈ܝܗܘܢ ܝܕܥܝܢ݀ ܠܐ ܒܠܚܘܕ ܕܢܡܪܚܘܢ ܘܢܦܩܘܢ ܘܢܥܒܪܘܢ ܠܘܬ ܟܠܗܘܢ ܥܡ̈ܡܐ ܐܠܐ ܕܢܦܩܼܘ ܘܣܥܼܪܘܗܿ ܠܨܒܘܬܐ. ܘܐܬܚܫܒ ܕܝܢ ܕܐܝܟܢܐ ܗܼܝ ܗܕܐ ܕܐܦܠܐ ܚܕ ܡܢܗܘܢ ܡܡܬܘܡ ܡܠܬܐ ܕܠܩܘܒܠܐ ܢܦܼܩ ܥܠ ܣܘܥܪ̈ܢܘܗܝ ܕܪܒܗܘܢ ܐܢ ܓܝܪ ܥܠ ܟܠܗܝܢ 196 ܨܒܘ̈ܬܐ ܕܐܝܬ ܥܠܝܗܝܢ ܦܘܠܓܐ. ܘܒܚܪܝܢܐ ܗܠܝܢ ܕܓܘܐ ܒܝܬ ܕܝܼܢܐ ܕܒܢܡܘܣܐ ܫܠܡܘܬܐ ܕܣܗܕ̈ܐ ܡܚܬܡܐ ܠܡܕܡ ܕܐܝܿܬ ܥܠܘܝܗ ܦܘܠܓܐ ܘܢܡܘܼܣܐ ܕܐܠܗܐ ܐܡܼܪ݀ ܕܥܠ ܦܘܡ ܬܪ̈ܝܢ ܘ̈ܬܠܬܐ ܣܗ̈ܕܝܢ ܬܩܘܡ ܟܠ ܡ̈ܠܐ݀ ܐܝܟܢܐ ܠܐ ܫܪܪܐ ܢܬܩܝܡ. ܘܐܦ ܒܗܠܝܢ ܕܐܝܬܝܗܘܢ ܬܪ̈ܥܣܪ ܓܒ̈ܝܐ ܘܫ̈ܒܥܝܢ ܒܡܢܝܢܐ ܬܠܡܝܕ̈ܐ ܘܪ̈ܒܘܬܐ ܕܣܘܓܐܐ ܕܠܒܪ ܡܢ ܗܿܢܘܢ ܕܗܠܝܢ ܕܟܠܗܘܢ ܐܟܚܕܐ ܫܡܠܘܬܐ ܬܡܝܗܬܐ ܚܘܝܘ. ܘܐܣܿܗܼܕܘ ܥܠ ܗܠܝܢ ܕܐܣܬܥܼܪ ܡܢ ܦܪܘܩܢ݀ ܘܗܕܐ ܣܼܥܪܘ ܠܐ ܗܘܐ ܕܠܐ ܐܘܠܨܢܐ݀ ܐܠܐ ܒܝܕ ܡܣܝܒܪܢܘܬܐ ܕܫܢܕ̈ܐ ܘܕܟܠܗܘܢ ܨܥܪ̈ܐ ܘܕܢܓܕ̈ܐ ܘܕܚܒ̈ܘܫܝܐ ܘܕܡܘ̈ܬܐ ܕܡܛܠ ܗܕܐ ܐܦ ܗܼܢܘܢ ܡܢ ܐܠܗܐ ܐܬܗܝܡܢܘ ܗܘ ܕܠܡܠܬܐ ܗܝ ܕܒܐܝܕܗܘܢ ܐܬܟܼܪܙܬ ܒܟܠܗܿ ܒܪܝܬܐ ܕܒܢ̈ܝ ܐܢܫܐ ܥܕܡܐ ܠܗܫܐ ܒܟܠܗ ܥܠܡܐ ܡܫܪܪ. ܀܀ ܀܀ ܀܀ ܠܕ. ܗܠܝܢ ܗܟܝܠ ܐܬܒܼܩܝ ܕܝܗܒܢ ܠܗܝܢ ܒܡܗܡܝܢܘܬܐ ܫܘܪܝܐ ܕܠܐ ܒܘܠܝܬܐ. ܗܕܐ ܓܝܪ ܕܢܣܒܪ ܐܢܫ ܕܠܩܘܒܠܐ ܕܡܟܬܒܢܘܬܐ ܘܢܐܡܪ ܥܠ ܦܪܘܩܐ ܕܓܘܐ ܕܟܠ ܕܡܠܦܢܐ ܐܝܬܘܗܝ ܗܘܐ ܠܐ ܗܘܐ ܕܡ̈ܠܐ ܕܢܟܦܘܬܐ ܐܠܐ ܕܥܘܠܐ ܘܕܥܠܘܒܘܬܐ. ܘܕܟܘܠܗܿ ܨܚܢܘܬܐ ܘܗܿܢܘܢ ܬܠܡܝܕ̈ܘܗܝ ܗܼܢܝܢ ܗܠܝܢ ܡܢܗ ܝܼܠܦܘ݀ ܘܗܘܘ ܪ̈ܓܝ ܟܘܠ ܘܒܝܼ̈ܫܐ ܒܟܠ ܡܢ ܒܢ̈ܝ ܐܢܫܐ ܕܡܢ ܥܠ ܐܟܘܬܗ ܕܫܪܒܐ ܐܗܡܝܢ ܗܕܐ ܕܡܢ ܟܠ ܡܕܡ ܕܠܐ ܘܠܝܬܐ ܐܝܬܝܗܿ݀ ܕܡܝܐ ܓܝܪ ܕܐܟܙܢܐ ܕܐܦ ܥܠ ܡܘܫܐ ܕܐܡܼܪ ܒܢܡܘܣܐ ܕܠܐ ܬܩܛܘܠ ܘܠܐ ܬܓܘܪ ܘܠܐ ܬܓܢܘܒ ܘܠܐ ܬܣܗܕ ܣܗܕܘܬܐ ܕܫܘܩܪܐ. ܢܥܫܩܝܘܗܝ ܐܢܫ ܘܢܐܟܘܠ ܩܪ̈ܨܘܗܝ ܘܢܐܡܪ ܕܒܪܘܐ ܐܡܿܪ ܐܢܝܢ ܗܠܝܢ ܘܒܡܣܒܪ ܒܐܦ̈ܐ݀ ܨܿܒܐ ܗܘܐ ܓܝܪ ܕܡܫ̈ܬܡܥܢܘܗܝ ܐܦ ܕܢܩܛܠܘܢ ܘܢܓܘܪܘܢ ܘܢܣܥܪܘܢ ܕܠܩܘܒܠܐ ܕܗܠܝܢ ܕܚܿܘܝ ܢܦܫܗ ܕܣܡ ܢܡܘܣܐ. ܘܚܿܘܝ ܕܝܢ ܒܐܣܟܡܐ ܕܐܬܕܢܝ ܠܥܘܡܪܐ ܕܟܝܐ ܘܠܝܬ ܕܠܐ ܒܗܬܬܐ ܐܝܟ ܗܕܐ ܘܗܟܢܐ ܕܝܢ ܐܦ ܓܘ̈ܥܠܢܐ ܕܦܝܠܘܣ̈ܦܐ ܕܒܝܬ ܝܘ̈ܢܝܐ ܐܟܠ ܐܢܫ ܩܪ̈ܨܐ ܕܥܘܡܪܗܘܢ ܡܣܝܒܪܢܐ ܘܕܟܠܗܘܢ ܡ̈ܠܝܗܘܢ ܘܐܡܿܪ ܕܕܠܩܘܒܠܐ ܕܗܠܝܢ ܕܐܬܟܬܼܒܘ ܐܝܬܝܗܘܢ ܗܘܐ ܘܐܬܕܒܼܪܘ ܘܚܿܟܘܝܘ ܕܝܢ ܢܦܫܗܘܢ ܒܡܬܕܢܝܢܘܬܐ ܕܒܥܘܡܪܐ ܗܘܘ ܕܦܝܠܘܣܦܘܬܐ ܘܗܟܢܐ ܕܝܢ ܕܢܐܡܪ ܫܚܝܡܐܝܬ ܐܟܠ ܐܢܫ ܩܪ̈ܨܐ ܕܟܠܗܝܢ ܡܟܬܒ̈ܢܘܬܐ ܕܩܕ̈ܡܝܐ ܘܡܥܠܐ ܥܠ ܫܪܪܐ ܕܒܗܝܢ. 197 ܘܒܕܠܩܘܒܠܐ ܗܠܝܢ ܕܐܝܬ ܒܗܝܢ ܡܩܒܠ݀ ܐܠܐ ܐܟܙܢܐ ܕܠܐ ܡܐܢܐ ܠܡܢ ܕܐܝܬ ܒܗ ܪܥܝܢܐ. ܕܢܐܡܪ ܥܠ ܗܢܐ ܕܫܢܝܐ ܗܘ ܗܟܢܐ ܐܦ ܥܠ ܡ̈ܠܘܗܝ ܕܦܪܘܩܢ݀ ܘܥܠ ܬܠܡܝܕ̈ܘܗܝ ܐܢ ܐܢܫ ܫܪܪܐ ܕܒܗܝܢ ܢܦܟ ܘܣܒܪܐ ܕܠܩܘܒܠܐ ܕܗܠܝܢ ܕܐܠܦ ܢܢܣܐ ܕܢܣܝܡ ܥܠܘܗܝ ܒܪܡ ܕܝܢ ܐܬܝܼܗܒܬ݀ ܐܦ ܗܕܐ ܐܟܘܬܗ ܕܫܪܒܐ݀ ܐܝܟܢܐ ܕܢ ܝܬܝܪܘ ܐܦ ܒܡܗܝܡܢܘܬܐ ܕܠܐ ܒܘܠܝܬܐ ܬܬܚܙܐ ܕܠܐ ܩܝܡܐ ܡܠܬܗ ܕܗܿܘ ܕܠܩܘܒܠܐ ܀܀ ܀܀ ܠܗ. ܟܕ ܗܟܝܠ ܐܬܟܣܣ ܬܐ ܢܬܒܩܐ ܐܦ ܒܣܗܕܘܬܐ ܕܟ̈ܬܒܐ ܕܐܠܗܘܬܐ ܘܥܝܕܗܘܢ ܪܚܡ ܫܪܪܐ ܕܠܝܬ ܒܗ ܡܘܡܐ ܕܬܠܡܝܕ̈ܘܗܝ ܕܦܪܘܩܢ ܢܚܙܐ ܡܢ ܗܪܟܐ ܗܟܝܠ ܡܿܢ ܕܡܬܪܥܐ ܘܠܝܬܐ ܓܒܐ ܠܗܘܢ ܕܫܘܿܝܢ ܠܟܠܗܿ ܪܒܘܬܐ ܕܐܘܕܝܼܘ ܕܐܝܬܝܗܘܢ ܗܘܐ ܐܢܫܐ ܒܨܝܪ̈ܐ ܘܗܕ̈ܝܘܛܐ ܒܡܠܬܗܘܢ ܘܠܪܚܡܬܐ ܕܝܘܠܦܢܐ ܕܣܓܕܬܐ ܕܐܠܗܐ ܘܕܦܝܠܘܣܦܘܬܐ ܫܿܢܝܼܘ. ܘܐܚܒܼܘ ܥܘܡܪܐ ܡܣܝܒܪܢܐ ܘܐܠܝܨܐ ܒܝܕ ܨܘܡܐ ܘܟܠܝܢܐ ܕܚܡܪܐ ܘܕܒܣܪܐ ܘܕܐܚܪ̈ܢܐ ܡܘܟ̈ܟܐ ܣܓܝ̈ܐܐ ܕܦܓܪܐ ܕܒܝܕ ܨܠ̈ܘܬܐ ܘܒܥܘ̈ܬܐ ܗܿܢܝܢ ܕܠܘܬ ܐܠܗܐ ܘܣܓܝ ܝܬܝܪܐܝܬ ܒܝܕ ܢܟܦܘܬܐ ܪܫܝܬܐ ܘܩܕܝܫܘܬܐ ܕܦܓܪܐ. ܘܕܢܦܫܐ ܡܫܟܚܐ ܕܢܗܘܐ. ܘܡܢܘܢ ܕܠܐ ܢܬܕܡܪ ܒܗܘܢܿ ܕܡܛܠ ܡܝܬܪܘܬܐ ܕܚܟܡܬܐ ܕܐܦ ܡܢ ܢܫܝ̈ܗܘܢ ܗܠܝܢ ܕܒܢܡܘܣܐ ܝܗܝܒܢ ܠܗܘܢ ܡܬܓܠܼܙܝܢ ܘܠܐ ܡܢ ܪܓܬܐ ܕܟܝܢܐ ܡܬܢܓܕܝܢ. ܘܐܦ ܠܐ ܠܚܘܒܐ ܕܒܢ̈ܝܐ ܡܫܬܥܒܕܝܢ ܡܛܠ ܕܐܦܠܐ ܒܢ̈ܝܐ ܡܝ̈ܘܬܐ݀ ܐܠܐ ܗܿܢܘܢ ܕܠܐ ܡܝܬܝܢ ܐܚܒܼܘ. ܘܗܢܐ ܐܣܟܡܗܘܢ ܕܠܐ ܐܚܒܼܘ ܟܣܦܐ ܐܝܟܢܐ ܠܐ ܐܢܫ ܢܬܕܡܪ ܒܗ݀ ܘܗܕܐ ܢܕܡܝܗܿ ܡܢ ܗܿܝ ܕܠܐ ܥܼܪܩܘ. ܐܠܐ ܐܚܒܼܘ ܡܠܦܢܐ ܕܩܢܝܢܐ ܕܕܗܒܐ ܘܕܟܣܦܐ ܡܣܠܼܐ ܘܣܿܐܡ ܢܡܘ̈ܣܐ ܕܐܦ ܠܐ ܥܕܡܐ ܠܬܪܬܝܢ ܟܘ̈ܬܝܢܝܢ ܢܪܒܘܢ ܩܢܝܢܗܘܢ ܗܕܐ ܕܟܒܪ ܡܢ ܕܫܿܡܥ ܠܗܿ ܡܫܿܬܐܠ ܡܢ ܩܫܝܘܬܗ ܕܦܘܩܕܢܐ ܘܗܿܢܘܢ ܕܝܢ ܡܬܚܼܙܝܢ ܕܒܥܒܕܐ ܣܥܪܘܗܿ ܠܡܠܬܐ ܫܿܐܠ ܗܘܐ ܐܢܘܢ ܓܝܪ ܒܙܒܢ ܠܗܿܢܘܢ ܕܒܝܬ ܫܡܥܘܢ ܟܐܦܐ ܚܓܝܪܐ ܚܕ ܡܢ ܗܿܢܘܢ ܕܡܛܘܠ ܦܘܫܩܐ ܐܚܪܝܐ ܣܝܒܪܬܐ ܚܕܪܝܢ. ܘܟܕ ܠܝܬ ܠܗ ܠܫܡܥܘܢ ܟܐܦܐ ܡܕܡ ܕܢܬܠ ܠܗ. ܐܘܕܝ ܕܡܢ ܟܠܗ ܩܢܝܢܐ ܕܟܣܦܐ ܘܕܕܗܒܐ ܕܟܼܐ ܗܘ. ܘܐܡܼܪ ܕܕܗܒܐ ܘܟܣܦܐ ܠܝܬ ܠܝ. ܘܐܝܬܝ ܒܬܪܗ ܫܡܐ ܡܝܩܪܐ ܕܡܝܩܪ ܡܢ ܟܠܡܕܡ ܘܐܡܼܪ ܕܗܕܐ 198 ܕܐܝܬ ܠܝ ܝܿܗܒ ܐܢܐ ܠܟ݀ ܒܫܡܗ ܕܝܫܘܥ ܡܫܝܚܐ ܩܘܡ ܘܗܠܟ ܀܀ ܀܀ ܠܘ. ܘܟܕ ܟܡܝܪ̈ܬܐ ܡܦܩܕ ܗܘܐ ܠܗܘܢ ܡܠܦܢܗܘܢ ܚܝܪܝܢ ܗܘܘ ܒܗ. ܒܝܕ ܗܠܝܢ ܕܐܡܼܪ ܠܗܘܢ ܕܒܥܠܡܐ ܐܘܠܨܢܐ ܢܗܘܐ ܠܟܘܢܿ ܘܬܘܒ ܕܬܒܼܟܘܢ ܘܬܼܐܠܘܢ ܐܢܬܘܢ ܘܥܠܡܐ ܢܚܕܐ. ܐܝܟܢܐ ܗܼܢܘܢ ܠܐ ܡܬܚܙܝܢ ܗܘܘ ܓܠܝܐܝܬ ܕܒܐܣܟܡܗܘܢ ܫܪܝܪܐ ܘܥܡܝ̈ܩܐ ܐܝܬܝܗܘܢ ܗܘܐ ܕܠܐ ܥܪܩܼܘ ܡܢ ܗܿܢܘܢ ܢܘܦ̈ܩܐ ܕܢܦܫܐ ܘܠܐ ܪܕܦܘ ܒܬܪ ܗܠܝܢ ܪ̈ܓܝܓܬܐ ܘܐܦ ܪܒܗܘܢ ܕܝܢ ܕܠܐ ܗܘܐ ܒܡܛܥܝܢܘܬܐ ܫܿܕܠ ܐܢܘܢ ܘܗܠܝܢ ܕܢܝܚܐ ܡܿܠܼܟ ܠܗܘܢܿ ܘܥܒܕ ܐܢܘܢ ܕܝܠܗ݀ ܐܠܐ ܒܡܠܬܐ ܫܪܝܪܬܐ ܘܚܐܪܝܬܐ ܗܿܢܝܢ ܕܓܕܫܢ ܠܗܘܢ ܐܬܢܼܒܝ ܘܕܢܓܼܒܘܢ ܠܗܘܢ ܕܘܒܪܐ ܕܐܟܘܬܗ ܠܗܘܢ ܝܗܒ݀ ܐܝܟ ܗܠܝܢ ܕܝܢ ܐܝܬܝܗܝܢ ܗܘܐܐܦ ܗܿܢܝܢ ܕܥܠ ܪ̈ܕܘܦܝܐ. ܕܥܬܝܕܝܢ ܗܘܘ ܕܢܓܕܫܘܢ ܠܗܘܢ ܡܛܠ ܫܡܗ ܕܪܒܗܘܢ ܩ݀ܕܡ ܐܡܼܪ ܘܐܣܿܗܼܕ ܕܩܕܡ ܗܓܡ̈ܘܢܐ ܢܐܬܘܢ ܘܕܡܐ ܠܡ̈ܠܟܐ ܢܡܛܘܢܿ ܘܟܠܗܘܢ ܡܣܡ ܒܪ̈ܫܐ ܘܢܩ̈ܡܬܐ ܢܣܝܒܪܘܢ ܠܐ ܡܛܠ ܡܕܡ ܕܣܢܐ݀ ܘܐܦܠܐ ܡܛܠ ܐܚܪܝܬܐ ܥܠܬܐ ܕܘܿܠܝܬܐ ܐܠܐ ܡܛܠ ܗܕܐ ܒܠܚܘܕ ܡܛܠ ܕܣܗܕܘܬܗܘܢ ܕܥܠܘܗܝ ܗܕܐ ܕܥܕܡܐ ܠܗܫܐ ܒܥܝ̈ܢܝܢ ܚܼܙܝܢ ܐܢܚܢܢ ܕܗܘܿܝܐ ܘܘܿܠܐ ܕܢܬܕܡܪ ܒܡܠܬܗ ܡܩܕܡܬܐ ܣܗܕܘܬܐ ܓܝܪ ܕܥܠ ܫܡܗ ܕܦܪܘܩܢ ܘܬܘܕܝܬܐ ܕܒܗ ܡܥܕܐ ܗܿܝ ܕܬܓܘܙܠ ܚܡܬܐ ܕܪ̈ܫܢܐ ܐܦܢ ܓܝܪ ܡܕܡ ܕܣܢܐ ܠܐ ܢܗܘܐ ܣܥܝܪ ܠܗܿܘ ܕܡܘܕܐ ܕܒܡܫܝܚܐ ܣܷܿܡܼܝܢ ܒܪܫܗ ܘܡܨܥܪܝܢ ܠܗ ܡܛܠ ܫܡܗ݀ ܕܝܠܗ ܐܝܟ ܒܝܼܫܐ݀ ܕܒܝܼܫ ܡܢ ܟܠ ܡܕܡ. ܘܐܢ ܕܝܢ ܐܢܫ ܠܐ ܢܘܕܐ ܒܫܡܗ݀ ܘܢܟܦܘܪ ܕܠܐ ܐܝܬܘܗܝ ܬܠܡܝܕܗ ܕܡܫܝܚܐ ܡܫܬܒܼܩ ܒܪܫܥܬܗ ܒܪ ܚܐܪ̈ܐ ܘܐܦܢ ܒܨܒ̈ܘܬܐ ܣܓܝ̈ܐܬܐ ܣܢܝܬܐ ܢܬܬܚܕ ܘܡܢܐ ܡܬܒܥܐ ܕܣܓܝ̈ܐܬܐ ܐܟܢܫ ܘܐܢܣܐ ܕܥܘܡܪܗܘܢ ܕܬܠܡܝܕ̈ܘܗܝ ܕܦܪܘܩܢ ܐܟܿܬܒ݀ ܟܕ ܣܦܩܢ ܗܠܝܢ ܕܐܬܐܡܼܪ ܠܬܚܘܝܬܐ ܗܕܐ ܕܣܝܡܐ ܩܕܡܝܢ݀ ܕܥܠܝܗܝܢ ܕܝܢ ܬܘܒ ܗܠܝܢ ܢܘܣܦ݀ ܘܗܪܟܐ ܒܕܘܟܐ ܘܐܦ ܥܠ ܗܕܐ ܡܠܬܢ ܢܬܚܡ ܀ ܀ ܀܀ ܠܙ. ܡܬܝ ܫܠܝܚܐ ܥܘܬܡܪܗ ܩܕܡܝܐ ܠܐ ܗܘܐ ܡܢ ܥܢܝܢܐ ܡܝܬܪܐ ܐܝܬܘܗܝ ܗܘܐ ܐܠܐ ܡܢ ܗܿܢܘܢ ܕܒܡܟܣܘܬܐ ܘܒܥܠܘܒܘܬܐ ܒܛܝܠܝܢ. ܘܗܼܝ ܗܕܐ ܐܦܠܐ ܚܕ ܡܢ ܫܪܟܐ ܕܫ̈ܠܝܚܐ ܓܠܼܘ ܠܢ݀݁ ܠܐ ܝܘܚܢܢ ܫܠܝܚܐ ܕܥܡܗ݀ ܘܠܐ ܠܘܩܐ ܘܠܐ ܡܪܩܘܣ. ܗܿܢܘܢ ܡܟ̈ܬܒܢܐ ܕܫܪܟܐ ܕܐܘܢܓ̈ܠܝܐ. ܗܼܘ ܕܝܢ ܡܬܝ ܥܠ 199 ܥܘܡܪܗ ܕܝܠܗ ܐܟܬܼܒ ܘܒܛܪܓܢܐ ܗܼܘ ܥܠ ܢܦܫܗ ܗܘܐ. ܫܡܥ ܗܟܝܠ ܐܝܟܢܐ ܓܠܝܐܝܬ ܗܼܘ ܥܠ ܢܦܫܗ ܡܥܗܕ ܫܡܗ ܒܡܟܬܒܢܘܬܐ ܕܝܠܗ ܘܒܗܢܐ ܐܣܟܡܐ ܐܡܿܪ ܀ ܀ ܀܀ ܠܚ. ܘܟܕ ܥܒܼܪ ܡܢ ܬܡܢ ܝܫܘܥ. ܚܐ ܓܒܪܐ ܟܕ ܝܿܬܒ ܒܝܬ ܡܟܣ̈ܐ ܕܫܡܗ ܡܬܝ. ܘܐܡܼܪ ܠܗ ܬ݀ܐ ܒܬܪܝ. ܘܩܼܡ ܐܙܠܼ ܒܬܪܗ. ܘܗܼܘܐ ܕܟܕ ܣܡܼܝܟ ܒܒܝܬܐ ܘܗܐ ܣܓܝ̈ܐܐ ܡܟ̈ܣܐ ܘܚ̈ܛܝܐ ܣܡ̈ܝܟܼܝܢ ܗܘܘ ܥܡ ܝܫܘܥ ܘܥܡ ܬܠܡܝܕ̈ܘܗܝ ܘܬܘܒ ܟܕ ܥܒܼܪ ܒܬܪܗܝܢ ܘܚܘܫܒܢܐ ܕܫܪܟܐ ܕܬܠܡܝܕ̈ܐ ܡܢܐ݀ ܗܼܘ ܥܠ ܢܦܫܗ ܐܘܣܦ ܫܡܐ ܕܡܟܣܘܬܐ ܘܐܡܼܪ ܗܟܢܐ ܬܪ̈ܥܣܪ ܫ̈ܠܝܚܐ ܕܐܝܬܝܗܘܢ ܫܡܗܝ̈ܗܘܢ ܗܠܝܢ݀ ܩܕܡܝܐ ܫܡܥܘܢ ܗܿܘ ܕܐܬܩܪܝ ܟܐܦܐ ܘܐܢܕܪܝܘܣ ܐܚܘܗܝ ܘܝܥܩܘܒ ܒܪ ܙܒܕܝ ܘܝܘܚܢܢ ܐܚܘܗܝ ܘܦܝܠܝܦܘܣ ܘܒܬܘܠܡܝ ܘܬܐܘܡܐ ܘܡܬܝ ܡܟܣܐ. ܗܟܢܐ ܗܟܝܠ ܡܬܝ. ܡܛܠ ܡܝܬܪܘܬܐ ܕܡܟܝܟܘܬܗ ܐܣܟܡܗ ܪܚܡ ܫܪܪܐ ܚܘܝ݀ ܘܡܟܣܐ ܢܦܫܗ ܩܪܐ. ܟܕ ܠܐ ܛܫܝ ܥܘܡܪܗ ܩܕܡܝܐ݀ ܘܥܡ ܚ̈ܛܝܐ ܢܦܫܗ ܚܫܒ݀ ܘܕܫܠܝܚܐ ܕܥܡܗ ܢܦܫܗ ܕܬܪ̈ܝܢ ܡܢܐ. ܘܡܫܘܬܦ ܗܘܐ ܓܝܪ ܥܡ ܬܐܘܡܐ ܐܝܟܢܐ ܕܫܡܥܘܢ ܠܐܢܕܪܝܘܣ݀ ܘܝܥܩܘܒ ܠܝܘܚܢܢ݀ ܘܦܝܠܝܦܘܣ ܠܒܪ ܬܘܠܡܝ݀ ܘܩܿܕܡ ܣܡ ܠܬܐܘܡܐ ܘܝܩܪܗ ܐܝܟ ܕܠܡܝܬܪܐ ܠܫܠܝܚܐ ܕܥܡܗ ܟܕ ܫܪܟܐ ܕܐܘ̈ܢܓܠܣܛܐ ܕܠܩܘܒܠܐ ܕܗܕܐ ܥܒܼܕܘ. ܫܡܥ ܗܟܝܠ ܠܠܘܩܐ݀ ܐܝܟܢܐ ܟܕ ܡܕܟܪ ܠܡܬܝ ܠܐ ܗܘܐ ܡܟܣܐ ܡܫܡܗ ܠܗ. ܘܐܦܠܐ ܒܬܪ ܬܐܘܡܐ ܣܼܡܗܿ ܘܕܝܕܥ ܠܗ ܕܡܝܬܪܐ ܗܘ݀ ܩܕܡܐ ܠܗ ܡܢܐ. ܘܒܬܪܗ ܐܝܬܝ ܠܬܐܘܡܐ ܐܝܟܢܐ ܕܐܦ ܡܪܩܘܣ ܥܒܼܕ ܐܝܬܝܗܝܢ ܕܝܢ ܡ̈ܠܘܗܝ ܗܟܢܐ݀ ܘܟܕ ܗܼܘܐ ܝܘܡܐ ܩܼܪܐ ܠܬܠܡܝܕ̈ܘܗܝ݀ ܘܓܒܼܐ ܡܢܗܘܢ ܬܪ̈ܣܪ. ܗܿܢܘܢ ܕܫ̈ܠܝܚܐ ܫܡܝ ܐܢܘܢܿ ܫܡܥܘܢ ܗܿܘ ܕܩܪܝܗܝ ܟܐܦܐ. ܘܐܢܕܪܝܘܿܣ ܐܚܘܗܝ ܕܝܥܩܘܒ ܘܝܘܚܢܢ ܘܦܝܠܝܦܘܣ ܘܒܪ ܬܘܠܡܝ ܘܡܬܝ ܘܬܐܘܡܐ. ܗܟܢܐ ܗܟܝܠ ܠܘܩܐ ܠܡܬܝ ܝܩܪ ܐܝܟܢܐ ܕܫܠܡܼܘ ܠܗ ܗܿܢܘܢ ܕܡܢ ܪܫܝܬܐ ܚܙ̈ܝܐ. ܘܡܫܡ̈ܥܢܐ ܕܡܠܬܐ ܗܼܘ. ܘܗܟܢܐ ܕܝܢ ܡܬܝ ܒܡܟܝܟܘܬܐ ܢܦܫܗ ܐܙܥܪ݀ ܘܕܡܟܣܐ ܗܘ ܐܘܕܝ݀ ܘܒܬܪ ܫܠܚܐ ܕܥܡܗ ܢܦܫܗ ܕܬܪܝܢ ܡܢܐ. ܀܀ ܀܀ 200 ܠܛ. ܘܐܦ ܠܝܘܚܢܢ ܕܕܡܐ ܠܡܬܝ ܡܫܟܚ ܐܢܬ݀ ܒܐܓܪܬܐ ܓܝܪ ܕܝܠܗ ܗܘ ܘܐܦܠܐ ܥܘܗܕܐܢ ܕܢܦܫܗ ܥܒܼܕ ܗܘܐ. ܐܘ ܩܫܝܫܐ ܢܦܫܗ ܩܿܪܐ ܗܘܐ. ܘܠܐ ܡܬܘܡ ܫܠܝܚܐ ܘܠܐ ܐܘܢܓܠܣܛܐ. ܘܐܦ ܒܐܘܢܓܠܝܘܢ ܕܝܢ ܗܿܘ ܕܐܬܟܬܒ ܡܢܗ ܥܗܕ ܥܠ ܢܦܫܗ ܕܗܼܘ ܡܚܒ ܗܘܐ ܠܗ ܝܫܘܥ ܘܠܐ ܓܠܐ ܒܫܡܗ ܥܠ ܢܦܫܗ ܀܀ ܀܀ ܡ. ܘܫܡܥܘܢ ܕܝܢ ܟܐܦܐ ܘܐܦܠܐ ܠܡܟܬܒܢܘܬܐ ܕܐܘܢܓܠܝܘܢ ܐܬܩܪܒ ܡܛܠ ܡܝܬܪܘܬܐ ܕܕܚܠܬ݀ ܡܪܩܘܣ ܕܝܢ ܕܗܼܘܐ ܠܗ ܝܕܘܥܐ ܠܗܢܐ ܘܬܡܝܕܐ ܐܡܪܝܢ ܕܐܬܥܗܕ ܡ̈ܠܘܗܝ ܕܫܡܥܘܢ ܕܥܠ ܣܘܥܪ̈ܢܘܗܝ ܕܦܪܘܩܢ. ܗܿܘ ܕܟܕ ܩܼܪܒ ܒܡܟܬܒܢܘܬܗ ܠܗܿܢܝܢ ܕܟܕ ܫ݀ܐܠ ܝܫܘܥ ܕܡܢܐ ܐܡܪܝܢ ܥܠܘܗܝ ܒܢ̈ܝ ܐܢܫܐ. ܘܗܼܢܘܢ ܬܠܡܝܕ̈ܘܗܝ ܡܢܐ ܡܣܒ ܒܪܥܝܢܐ ܐܝܬ ܠܗܘܢ ܥܠܘܗܝ. ܘܥܢܝܗܝ ܫܡܥܘܢ ܘܐܡܼܪ ܠܗ. ܕܐܢܬ ܗܘ ܡܫܝܚܐ݀ ܘܐܦܠܐ ܕܦܢܝ ܠܗ ܦܬܓܡܐ ܝܫܘܥ ܘܐܦܠܐ ܕܐܡܼܪ ܠܗ ܡܕܡ ܐܟܬܒ݀ ܐܠܐ ܕܟܐܐ ܒܗܘܢ ܕܠܐܢܫ ܠܐ ܢܐܡܪܘܢܿ ܗܕܐ. ܘܗܼܢܝܢ ܐܟܬܒ ܡܪܩܘܣ ܟܕ ܠܐ ܩܪܝܒ ܗܘܐ ܠܝܫܘܥ݀ ܟܕ ܐܡܿܪ ܗܠܝܢ݀ ܐܠܐ ܡܢ ܫܡܥܘܢ ܫܡܥ ܟܕ ܡܠܦ ܠܗܝܢ݀ ܘܗܘ ܕܝܢ ܫܡܥܘܢ ܗܿܢܝܢ ܕܠܗ ܘܡܛܠܬܗ ܐܡܼܪ ܝܫܘܥ. ܒܣܗܕܘܬܐ ܕܝܠܗ. ܕܢܐܡܪ ܐܢܝܢ ܠܐ ܨܿܒܐ. ܐܝܠܝܢ ܗܘܝ ܕܝܢ ܗܠܝܢ ܕܐܬܡܼܪ ܠܗ݀ ܡܬܝ ܡܚܘܐ ܒܝܕ ܗܠܝܢ. ܐܢܬܘܢ ܕܝܢ ܡܢܐ ܐܡܪܝܢ ܐܢܬܘܢ ܕܐܝܬܝ. ܐܡܿܪ ܠܗ ܫܡܥܘܢ݀ ܐܢܬ ܗܘ ܡܫܝܚܐ ܒܪܗ ܕܐܠܗܐ ܚܝܲܐ. ܘܦܢܝ ܠܗ ܝܫܘܥ ܦܬܓܡܐ ܘܐܡܼܪ ܠܗ. ܛܘܒܝܟܝ ܫܡܥܘܢ ܒܪܗ ܕܝܘܢܢ݀ ܕܒܣܪܐ ܘܕܡܐ ܠܐ ܓܠܐܼ ܠܟ. ܐܠܐ ܐܒܝ ܕܒܫܡܝܐ݀ ܘܐܦ ܐܢܐܢ ܐܡܪܢܐ ܠܟ ܕܐܢܬ ܗܘ ܟܐܦܐ ܘܥܠ ܗܕܐ ܟܐܦܐ ܐܒܢܝܗܿ ܠܥܕܬܝ. ܘܡܘ̈ܟܠܐ ܕܫܝܘܠ ܠܐ ܢܚܣܢܘܢܗ݀ ܘܐܬܠ ܠܟ ܐܩܠܝܕ̈ܐ ܕܡܿܠܟܘܬܐ ܕܫܡܝܐ ܘܟܠ ܕܬܐܣܘܪ ܒܐܪܥܐ ܢܗܘܐ ܐܣܝܪ ܒܫܡܝܐ. ܘܟܠ ܕܬܫܪܐ ܒܐܪܥܐ ݀ ܢܗܘܐ ܫܪܐ ܒܫܡܝܐ. ܟܕ ܗܠܝܢ ܟܠܗܝܢ ܐܬܐܡܪ ܠܫܡܥܘܢ ܟܐܦܐ ܡܢ ܝܫܘܥ݀ ܡܪܩܘܣ ܐܦܠܐ ܚܕܐ. ܡܢܗܝܢ ܕܗܠܝܢ ܐܬܥܗܕ ܡܛܠ ܕܐܦܠܐ ܫܡܥܘܢ ܐܝܟ ܕܕܡܝܐ ܗܠܝܢ ܒܡܠܦܢܘܬܗ ܐܡܿܪ. ܗܠܝܢ ܗܟܝܠ ܫܡܥܘܢ ܟܐܦܐ ܫܦܝܪ ܫܬܩ ܥܠܗܝܢ ܕܡܛܠ ܗܕܐ ܐܦ ܡܪܩܘܣ݀ ܐܪܦܝ ܐܢܝܢ. ܗܿܢܝܢ ܕܝܢ ܕܟܦܘܪܘܬܗ ܠܘܬ ܟܠܗܘܢ ܒܢ̈ܝ ܐܢܫܐ ܐܟܪܙ. ܘܗܼܘ ܥܠ ܢܦܫܗ ܩܛܓܪܢܘܬܐ ܐܟܬܒ݀ ܘܕܒܼ̣ܐ ܥܠܝܗܿ ܡܪܝܪܐܝܬ ܡܫܟܚ ܐܢܬ ܕܝܢ ܠܡܪܩܘܣ ܕܡܟܬܒ 201 ܥܠܘܗܝ ܗܠܝܢ݀ ܘܟܕ ܐܝܬܘܗܝ ܫܡܥܘܢ ܒܕܪܬܐ ܐܬܬܼ ܠܘܬܗ ܚܕܐ ܡܢ ܐܡ̈ܗܬܐ ܕܪܒ ܟܗ̈ܢܐ ܘܟܕ ܚܙܬܗ ܕܫܚܢ݀ ܚܪܬ ܒܗ ܘܐܡܪܐ ܠܗ݀ ܘܐܦ ܐܢܬ ܥܡ ܝܫܘܥ ܗܘܝܬ ܢܨܪܝܐ ܘܗܼܘ ܟܦܪ ܘܐܡܼܪ ܕܠܐ ܝ݀ܕܥ ܐܢܐ ܘܠܐ ܪܓܝܫ ܐܢܐ ܡܢܐ ܐܡܪܐ ܐܢܬܝ. ܘܢܦܼܩ ܠܕܪܬܐ ܒܪܝܬܐ ܘܩܪܐ ܬܪܢܓܠܐ ܘܬܘܒ ܚܙܬܗ ܥܠܝܡܬܐ݀ ܘܫܪܝܬ ܕܬܐܡܪ ܠܗܿܢܘܢ ܕܩܝܡܝܢ݀ ܕܐܦ ܗܼܘ ܡܢܗܘܢ ܗܘ. ܘܗܼܘ ܬܘܒ ܟܦܪ ܘܒܬܪ ܩܠܝܠ ܬܘܒ ܗܿܢܘܢ ܕܩܝܡܝܢ ܐܡܼܪܘ ܠܗ ܠܫܡܥܘܢ ܕܒܫܪܪܐ ܡܢܗܘܢ ܐܢ. ܡܛܠ ܕܐܦ ܓܠܝܠܝܐ ܐܢܬ. ܗܼܘ ܕܝܢ ܫܪܝ ܕܢܚܪܡ ܘܢܐܡܪ ܕܠܐ ܝܕܥܢܐ ܠܗܜ ܠܗܢܐ ܓܒܪܐ ܐܡܪܝܢ ܐܢܬܘܢܿ ܘܒܪ ܫܥܬܗ ܩܪܐ ܬܪܢܓܠܐ. ܕܬܪ̈ܬܝܢ ܙܒܢ̈ܝܢ ܗܠܝܢ ܡܪܩܘܣ ܡܟܬܒ݀ ܘܗܠܝܢ ܫܡܥܘܢ ܟܐܦܐ ܥܠ ܢܦܫܗ ܡܣܗܕ ܗܠܝܢ ܓܝܪ ܟܘܠܗܝܢ ܕܡܪܩܘܣ ܐܡܪܝܢ ܕܥܘܗܕܢܐ ܐܢܝܢ ܕܡ̈ܠܘܗܝ ܕܫܡܥܘܢ ܀ ܀ ܀܀ ܡܐ. ܗܿܢܘܢ ܗܟܝܠ ܕܡܫܬܐܠܝܢ ܕܢܐܡܪܘܢ ܗܠܝܢ ܕܡܝܬܝܢ ܥܠܝܗܘܢ ܬܫܒܘܚܬܐ ܛܒܬܐ݀ ܘܡܐܟܠ ܩܪܨܐ ܕܥܠܝܗܘܢ ܕܠܐ ܢܬܛܥܐ ܠܥܠܡ ܡܟܬܒܝܢ ܥܠܝܗܘܢ ܘܩܛܪܓܢܘܬܐ ܕܣܟܠܘܬܗܘܢ ܣܼܝܡܝܢ ܥܠܝܗܘܢܿ ܗܠܝܢ ܕܠܐ ܐܢܫ ܝܕܥ݀ ܗܘܐ ܡܢ ܗܿܢܘܢ ܕܒܬܪܟܢ ܐܠܘ ܠܐ ܕܒܝܕ ܡܠܬܗܘܢ ܐܬܟܬܒܝܢ݀ ܐܝܟܢܐ ܠܐ ܡܒܪܝܢ ܐܢܘܢ ܡܢ ܟܠܗ ܚܫܐ ܕܪܚܡܬ ܢܦܫܗܘܢ ܘܡܢ ܡ̈ܠܐ ܕܓ̈ܠܬܐ ܘܕܓܠܝܐܝܬ ܬܚܘܝܬܐ ܕܚܘܒܐ ܕܪܚܡܬ ܫܪܪܐ. ܘܕܢܝܚܐܝܬ ܚܿܘܝܘ݀ ܟܐܢܐܝܬ ܢܘܕܐ ܥܠܝܗܘܢܿ ܗܠܝܢ ܗܟܝܠ ܕܐܣܟܡܐ ܕܐܝܟ ܗܢܐ ܚܿܘܝܘ. ܗܿܢܘܢ ܕܣܒܪܘ ܥܠܝܗܘܢ ܕܒܕܘ ܘܕܓܠܼܘ. ܘܡܢܣܝܢ ܕܐܝܟ ܡܛܥܝ̈ܢܐ ܢܓܕܦܘܢ ܥܠܝܗܘܢ ܐܝܟܢܐ ܠܐ ܢܗܘܘܢ ܓܘܚܟܐ ܘܪ̈ܚܡܐ ܕܚܣܡܐ ܘܕܛܢܢܐ ܘܒܥܠܕ̈ܒܒܐ ܕܫܪܪܐ ܢܫܬܟܚܘܢܿ ܐܝܟܢ ܓܝܪ ܠܐ ܐܝܬܝܗܘܢ ܗܟܢܐ. ܗܿܢܘܢ ܕܥܠ ܗܿܢܝܢ ܕܕܠܐ ܢܟܠܐ ܘܕܠܐ ܥܝܕܐ ܣܢܝܐ ܗܼܢܘܢ ܗܠܝܢ ܕܐܣܟ̈ܡܐ ܫܪܝܪܐ ܘܕ̈ܟܝܐ ܕܥܝܕܗܘܢ ܒܝܕ ܡܠܬܗܘܢ ܚܿܘܝܘ݀ ܕܚܪ̈ܥܐ ܐܢܘܢ ܘܣܦ̈ܣܛܐ ܨܢܝ̈ܥܐ ܐܡܼܪܘ ܥܠܝܗܘܢ ܘܗܿܢܝܢ ܕܠܝܬ ܐܢܝܢ ܒܼܕܘ݀ ܘܥܠ ܪܒܗܘܢ ܗܢܝܢ ܕܠܐ ܗܘܐ ܗܘ ܣܥܪ ܒܛܝܒܘܬܐ ܣܡܘ ܥܠܘܗܝ ܘܡܣܬܒܪ ܠܝ ܕܫܦܝܪܐ ܗܝ ܕܢܫܐܠ ܐܢܘܢܿ ܕܐܝܟܢܐ ܘܿܠܐ ܕܢܗܝܡܢ ܠܬܠܡܝܕ̈ܘܗܝ ܕܦܪܘܩܢ ܐܘ ܠܐ. ܘܐܢ ܒܠܚܘܕ ܠܗܠܝܢ ܐܢܫܐ ܠܐ ܢܿܗܝܼܡܢ. ܐܘ ܐܦ ܠܟܠܗܘܢ ܗܿܢܘܢ ܕܡܢ ܥܠܡ ܠܘܬ ܝܘܢ̈ܝܐ ܘܠܘܬ ܒܪܒܪܝܐ ܥܘܗܕܢܐ ܕܥܘܡܪܐ ܘܕܡ̈ܠܐ ܕܗܿܢܘܢ ܕܐܬܟܼܪܙܘ ܒܙܒܢ 202 ܙܒܢ ܒܙܟܘ̈ܬܐ ܐܝܠܝܢ ܕܗܼܘ ܐܟܬܒܘ. ܘܕܠܐܚܪ̈ܢܐ ܢܿܗܝܼܡܢ ܦܪܫܝܢ ܕܟܐܢܐ ܗܝ. ܘܠܗܿܢܘܢ ܟܝ ܒܠܚܘ̈ܕܝܗܘܢ ܠܐ ܢ݀ܗܝܼܡܢ݀ ܘܐܝܟܢܐ ܠܐ ܓܿܠܐܼ ܗܘ ܚܣܡܗܘܢ ܀܀ ܀܀ ܠܒ. ܘܡܢܐ ܕܝܢ ܗܿܢܘܢ ܕܕܓܠܘ ܥܠ ܪܒܗܘܢ ܘܗܿܢܝܢ ܕܠܐ ܗܘܼܝ ܡܢܗ ܐܝܟ ܕܗܼܘܝ݀ ܒܟܬܒܗܘܢ ܐܫܠܡܘ݀ ܘܐܦ ܗܿܢܝܢ ܟܝ ܚܫ̈ܐ ܘܗܿܢܝܢ ܟܡܝܪ̈ܬܐ ܕܓܼܠܘ ܥܠܘܗܝ ܘܡܫܠܡܢܘܬܗ ܕܒܚܕܐ ܡܠܬܐ ܕܬܠܡܝܕܗ ܘܩܛܓܪܢܘܬܐ ܕܗܿܢܘܢ ܕܥܫܩܘܗܝ ܘܡܓܚܟܢܘܬܐ ܘܒܘܙܚܐ ܕܕܝܼܢܐ ܘܨܥܪܐ ܒ̈ܘܠܥܬܐ ܕܥܠ ܦܟܘ̈ܗܝ݀ ܘܢܓܕ̈ܐ ܕܥܠ ܚܨܗ݀ ܘܟܠܝܠܐ ܕܡܢ ܟܘ̈ܒܐ ܕܐܬܣܝܼܡ ܠܗ ܒܨܥܪܐ ܘܠܒܘܫܐ ܕܙܚܘܪܝܬܐ ܕܒܐܣܟܡܐ ܕܟܠܡܕܝܐ ܐܠܒܫܘܗܝ݀ ܘܚܪܬܐ ܕܛܥܼܢ ܙܩܝܦܗ ܢܝܫܐ ܕܙܟܘܬܐ ܘܕܒܗܢܐ ܐܬܩܒܼܥ݀ ܘܒܐܝܕ̈ܘܗܝ ܘܒܪ̈ܓܠܘܗܝ ܐܬܚܼܙܪ݀ ܘܚܿܠܐ ܕܐܫܩܝܘܗܝ ܘܕܒܠܼܥ ܥܠ ܪܝܫܗ ܒܩܢܝܐ. ܘܕܡܬܚܣܕ ܗܘܐ ܡܢ ܗܿܢܘܢ ܕܚܝܪܝܢ ܗܘܘ ܒܗ. ܐܦ ܗܿܢܝܢ ܟܝ ܘܐܚܪ̈ܢܝܬܐ ܕܕܡܼܝܢ ܠܗܝܢ ܕܟܬܝܼܒܢ݀ ܘܿܠܐ ܕܢܣܒܪ ܕܡܼܒܕܐ ܒܼܕܘ ܐܢܝܢ ܬܠܡܝܕ̈ܘܗܝ݀ ܐܘ ܒܗܿܢܝܢ ܕܢ݀ܗܼܝܡܢ ܐܢܝܢ ܕܫܪܝܪܐܝܬ ܐܢܝܢ ܐܡܪܝܢ. ܘܒܗܿܢܝܢ ܕܬܫܒܘܚܬܐ ܕܠܐ ܢܿܗܝܼܡܢ ܐܢܝܢ ܘܐܝܟܢܐ ܢܬܩܝܡ ܗܢܐ ܬܓܡܐ ܕܠܩܘܒܠܐ݀ ܗܕܐ ܓܝܪ ܕܢܐܡܪܘܢ ܕܫܪܝܪܝܢ ܐܢܘܢ ܗܿܢܘܢ ܟܕ ܗܢܘܢܿ ܘܬܘܒ ܒܗ ܕܡܕܓܠܝܢ. ܠܐ ܡܕܡ ܗܝ ܐܚܪܝܢ ܐܠܐ ܕܠܩܘܒܠܐ ܒܗ ܥܠܝܗܘܢ ܢܐܡܪܘܢ ܘܐܝܕܐ ܗܝ݀ ܗܟܝܠ ܡܟܣܢܘܬܐ ܕܗܠܝܢ݀ ܐܠܘ ܓܝܪ ܗܢܐ ܢܝܫܐ ܣܝܼܡ ܗܘܐ ܠܗܘܢ ܕܢܒܕܘܢܿ ܘܒܡ̈ܠܐ ܕܓ̈ܠܬܐ ܢܪܝܡܘܢ ܠܪܒܗܘܢ ܘܒܝܕ ܬܕܡܪ̈ܬܐ ܢܨܒܬܼܘܢܝܗܝ ܠܐ ܡܡܬܘܡ ܗܼܢܘܢ ܠܘܩܒܠ ܢܦܫܗܘܢ ܗܼܢܝܢ ܕܐܬܩܕܡ ܐܬܐܡܼܪ ܡܟܬܒܼܝܢ ܗܘܘ ܘܐܦܠܐ ܓܠܼܝܢ ܗܘܘ ܠܒܢ̈ܝ ܐܢܫܐ ܗܠܝܢ ܕܒܬܪܟܢ ܕܗܿܘ. ܕܗܘܘ ܐܝܙܓܕ̈ܘܗܝ ܐܬܬܥܝܼܩ ܘܟܪܝܬ ܠܗ݀ ܘܐܫܬܓܼܫ ܒܢܦܫܗ. ܐܘ ܕܗܿܢܘܢ ܐܪܦܝܘܗܝ ܘܫܢܝܘ݀ ܐܘ ܕܗܼܘ ܓܒܝܐ ܕܟܘܠܗܘܢ ܫ̈ܠܝܚܐ ܘܬܠܡܝܕܗ ܗܿܘ ܗܘ ܫܡܥܘܢ ܟܐܦܐ ܕܡܬܼܟܪܙ ܕܠܐ ܣܪ̈ܩܐ ܘܕܠܐ ܠܘܚ̈ܡܐ ܕܫܢܕ̈ܐ ܬܠܬ ܙܒ̈ܢܝܢ ܟܦܼܪ ܒܗ݀ ܗܠܝܢ ܓܝܪ ܐܦܢ ܐܚܪ̈ܢܐ ܐܡܿܪܝܢ ܗܘܘ ܠܗܝܢ ܘܠܐ ܗܘܐ ܠܗܘܢ ܕܢܟܦܪܘܢ ܠܗܿܢܘܢ ܕܠܐ ܡܕܡ ܐܚܪܝܢ ܐܠܐ ܕܒܡ̈ܠܐ ܕ̈ܓܠܬܐ ܕܢܥܒܕܘܢ ܒܗ ܛܝܒܘܬܐ ܘܗܿܢܝܢ ܪ̈ܘܪܒܬܐ ܥܠ ܢܦܫܗܘܢ ܘܥܠܘܗܝ ܕܪܒܗܘܢ ܣܡܼܘ ܀ ܀܀ ܡܓ. ܘܐܢ ܕܝܢ ܪ̈ܚܡܝ ܫܪܝܪܬܐ ܒܗܿܢܝܢ ܬܫܥܝ̈ܬܗܘܢ ܟܡܝܪ̈ܬܐ ܕܥܠܘܗܝ 203 ܡܬܚܼܙܝܢ. ܣܓܝ ܝܬܝܪܐܝܬ ܐܦ ܒܗܿܢܝܢ ܫܒܝ̈ܚܬܐ ܐܝܬܝܗܘܢ ܗܟܢܐ. ܗܿܢܘ ܓܝܪ ܕܚܕܐ ܙܒܢ ܕܢܕܓܠܼܘܢ ܓܒܼܘ. ܡܢ ܗܠܝܢ ܕܥܩܬܐ ܘܠܐ ܗܘܐ ܝܬܝܪܐܝܬ ܕܢܥܪܩܘܢ ܐܘ ܒܝܕ ܫܬܩܐ ܐܘ ܒܝܕ ܒܦܘܪܝܐ ܕܥܠܝܗܝܢ ܡܛܠ ܕܠܐ ܡܫܟܚܼܝܢ ܗܘܘ. ܗܼܢܘܢ ܕܗܿܘܝܢ ܗܘܘ݀ ܒܬܪܟܢ ܕܢܟܣܘܢ ܗܠܝܢ ܕܫܬܝܩܢ ܡܛܠ ܡܢܐ. ܓܝܪ ܕܠܐ ܓܠܼܘ ܘܐܡܼܪܘ ܕܝܗܘܕܐ ܗܿܘ ܕܐܫܠܡܗ ܟܕ ܐܡܼܪܚ ܕܢܚܘܐ ܢܘܫܩܬܐ ܬܚܘܝܬܐ ܕܡܫܠܡܢܬܘܐ ܒܪܫܥܬܗ ܗܘܐ ܕܟܐܦܐ ܘܗܿܘ ܕܐܡܪܚ ܕܢܡܚܝܘܗܝ ܥܠ ܦܟܗ ܒܪܫܥܬܗ ܝܒܼܫܬ ܝܡܝܢܗ ܘܗܼܘ ܪܒ ܟܗ̈ܢܐ ܕܝܗܘܕ̈ܝܐ ܡܛܠ ܕܪܗܛ ܗܘܐ ܥܡ ܗܿܢܘܢ ܕܥܫܩܘܗܝ ܐܬܥܼܘܪ ܥܝ̈ܢܘܗܝ ܘܡܛܠ ܡܢܐ ܕܝܢ ܠܐ ܕܓܠܼܘ ܟܠܗܘܢ ܕܠܐ ܡܕܡ ܕܟܡܝܪܘܬܐ ܒܫܪܪܐ ܗܼܘܐ ܠܘܬܗ ܐܠܐ ܕܗܼܘ ܐܬܟܣܼܝ ܡܢܗܘܢ ܘܓܚܟ ܥܠ ܒܝܬ ܕܝܼܢܗܘܢ. ܘܗܿܢܘܢ ܕܐܟܠܝܢ ܗܘܘ ܩܪ̈ܨܘܗܝ ܒܫܪ̈ܓܪܓܝܬܐ ܕܡܢ ܐܠܗܐ ܐܫܬܕܪ ܛܥܼܘ݀ ܘܣܒܼܪܘ ܕܡܕܡ ܣܥܼܪܘ ܠܘܩܒܠ ܗܿܘ ܕܠܐ ܩܪܝܒ݀ ܘܡܢܐ ܠܐ ܟܝ ܫܒܝܚܐ ܗܼܘܬ ܗܕܐ ܡܢ ܗܿܝ ܕܢܒܕܘܢ ܕܡ̈ܝܬܐ ܐܚܼܝ݀ ܘܥܒܘܕܐ ܕܣܘܥܪ̈ܢܐ ܕܬܕܡܘܪܬܐ ܗܘܐ݀ ܗܕܐ ܕܢܟܬܒܘܢ ܕܠܐ ܡܕܡ ܐܢܫܝܐ ܘܠܐ ܡܝܘܬܐ ܓܼܕܫ ܠܘܬܗ. ܐܠܐ ܒܚܝܠܐ ܐܠܗܝܐ ܟܠ ܡܕܡ ܣܥܼܪ ܘܡܣܩܬܗ ܕܠܫܡܝܐ ܒܬܫܒܘܚܬܐ ܐܠܗܝܬܐ ܥܒܼܕ ܠܐ ܓܝܪ ܡܫܟܚܼܝܢ ܗܘܘ ܕܒܗܠܝܢ ܠܐ ܢ݀ܗܝܼܡܢܘܢ ܗܿܢܘܢ ܕܠܬܫܥ̈ܝܬܗܘܢ ܐܚܪ̈ܢܝܬܐ ܗܝܡܼܢܘ ܗܿܢܘܢ ܗܟܝܠ ܕܠܐ ܡܕܡ ܫܪܪܐ. ܡܢ ܗܿܢܝܢ ܕܥܩ̈ܬܐ ܘܕܟܡܝܪܘܬܐ ܥܛܘܼ݀ ܐܝܟܢܐ ܠܐ ܢܗܿܘܘܢ ܫܿܘܝܢ݀ ܐܦ ܒܫܪܟܐ ܕܐܚܪ̈ܢܝܬܐ ܬܕܡܪ̈ܬܐ ܕܐܣܿܗܼܕܘ ܥܠܘܗܝ ܕܠܒܪ ܡܢ ܡܣܡ ܒܪܥܝܢܐ ܒܝܼܫܐ ܐܝܬܝܗܘܢ ܣܦܩܐ ܗܟܝܠ ܘܐܦ ܣܗܕܘܬܐ ܕܗܿܢܘܢ ܕܥܠ ܦܪܘܩܢ. ܐܠܐ ܠܐ ܡܕܡ ܟܼܠܐ. ܕܡܢ ܝܬܝܒܘ ܘܐܦ ܒܝܘܣܦ ܣܗܕܐ ܥܒܪܝܐ ܢܬܚܫܚ ܗܘ ܕܒܬܡܢܥܣܪܐ ܕܬܫܥܝܬܗ ܕܪܫܝܬܐ ܕܝܗܘܕ̈ܝܐ ܟܕ ܡܟܬܒ ܗܿܢܝܢ ܕܒܙܒܢܐ ܕܦܝܠܛܘܣ ܐܬܕܟܪܗ ܠܦܪܘܩܢ ܒܗܠܝܢ݀ ܕܝܘܣܦ ܕܥܠ ܡܫܝܚܐ܆ ܡܕ. ܗܼܘܐ ܕܝܢ ܒܗܿܘ ܙܒܢܐ ܝܫܘܥ݀ ܓܒܪܐ ܚܟܝܡܐ݀ ܐܢ ܒܪ ܐܢܫܐ ܘܿܠܐ ܕܢܩܪܝܘܗܝ ܐܝܬܼܘܗܝ ܗܘܐ ܓܝܪ ܥܒܘܕܐ ܕܣܘܥܪ̈ܢܐ ܕܬܕܡܘܪܬܐ ܘܡܠܦܢܐ ܕܒܢ̈ܝ ܐܢܫܐ. ܗܿܢܘܢ ܕܢܝܚܐ ܒܫܪܪܐ ܩܒܼܠܘܗܝ݀ ܘܣܓܝ̈ܐܐ ܡܢ ܝܗܘܕ̈ܝܐ ܘܣܓܝ̈ܐܐ ܡܢ 204 ܚܢ̈ܦܐ ܟܢܫ. ܘܗܢܐ ܡܫܝܚܐ ܐܝܬܼܘܗܝ ܗܘܐ. ܘܠܗ ܒܼܕܡܘܬܐ ܕܐܢܫܐ ܪ̈ܫܢܐ ܩܕ̈ܡܝܐ ܕܠܘܬܢܿ ܟܕ ܣܼܡ ܒܪܝܫܗ ܦܝܠܛܘܣ ܙܩܝܦܐ. ܠܐ ܫܬܩܼܘ ܗܿܢܘܢ ܕܡܢ ܩܕܝܡ ܐܚܒܼܘܗܝ. ܐܬܚܙܝ ܠܗܘܢ ܓܝܪ ܠܬܠܬܐ ܝܘܿܡܝܢ ܬܘܒ ܟܕ ܚܼܝ. ܕܢܒ̈ܝܐ ܐܠܗܝ̈ܐ ܗܠܝܢ݀ ܘܣܓܝ̈ܐܬܐ ܐܚܪ̈ܢܝܬܐ ܥܠܘܗܝ ܐܡܼܪܘ ܕܡܢ ܬܡܢ ܥܕܡܐ ܠܗܫܐ. ܡܢ ܗܿܘ ܠܐ ܚܣܪ ܓܢܣܐ ܕܟܪ̈ܣܛܝܢܐ. ܀܀ ܀܀ ܀܀ ܡܗ. ܐܢ ܗܟܝܠ ܐܟܘܬܗ ܕܡܟܬܒܢܐ ܕܡܣܗܕ ܥܠܘܗܝ ܕܗܼܘܐ ܥܒܘܕܐ ܕܣܘܥܪ̈ܢܐ ܕܬܕܡܘܪܬܐ ܘܠܐ ܗܘܐ ܒܠܚܘܕ ܬܪ̈ܥܣܪ ܫܠܝܚ̈ܝܢ. ܘܠܐ ܫܒ̈ܥܝܢ ܬܠܡܝܕ̈ܐ ܬܠܡܼܕ ܠܗ. ܐܠܐ ܐܦ ܪ̈ܒܘܬܐ ܕܐܚܪ̈ܢܐ ܡܢ ܝܗܘ̈ܕܝܐ ܘܪ̈ܒܘܬܐ ܡܢ ܚܢ̈ܦܐ ܩܼܪܒ ܨܐܕܘܗܝ ܓܠܼܝܐ ܗܝ. ܕܡܕܡ ܝܬܝܪܐ ܩܢܐ. ܠܒܪ ܡܢ ܫܪܟܐ ܕܒܢ̈ܝ ܐܢܫܐ݀ ܐܝܟܢܐ ܓܝܪ ܐܚܪܢܝܐܝܬ ܡܩܪܒ ܗܘܐ ܠܘܬܗ. ܗܘ ܡܢ ܝܗܘ̈ܕܝܐ ܘܡܢ ܚܢ̈ܦܐ. ܣܓܝ̈ܐܐ ܐܠܘ ܠܐ ܕܒܬܕܡܪܬܐ ܘܒܣܘܥܪ̈ܢܐ ܬܡܝ̈ܗܐ ܘܒܝ̈ܘܠܦܢܐ ܢܘܟܪ̈ܝܐ ܐܬܚܫܼܚ݀ ܡܣܗܕ ܕܝܢ ܐܦ ܟܬܒܐ ܕܦܪܟܣܣ ܕܫ̈ܠܝܚܐ ܕܪ̈ܒܘܬܐ ܣܓܝ̈ܐܬܐ ܐܝܼܬ ܗܘܝ ܕܐܢܫܐ ܝܗܘ̈ܕܝܐ ܕܐܬܛܦܼܝܣܘ ܕܗܘܼܝܘ ܡܫܝܚܗ ܕܐܠܗܐ ܗܿܘ ܕܡܢ ܢܒ̈ܝܐ ܐܬܟܼܪܙ݀ ܐܦ ܒܡܟܬܒܢܘܬܐ ܐܝܬ. ܕܥܕܬܐ ܪܒܬܐ ܕܡܫܝܚܐ ܐܝܬ ܗܘܐ ܒܐܘܪܫܠܡ ܕܡܢ ܝܗܘܕ̈ܝܐ ܡܬܟܢܫܐ ܗܘܬ ܥܕܡܐ ܠܙܒܢܐ ܕܚܒܘܫܝܗ ܕܗܕܪܝܢܘܣ ܘܡܬܐܡܪܝܢ ܕܝܢ ܕܩܕ̈ܡܝܐ ܕܗܼܘܘ ܬܡܢ ܐܦܣܩܘ̈ܦܐ ܚܕ ܒܬܪ ܚܕ ܚܡܫܬܥܣܪ ܝܗܘ̈ܕܝܐ ܐܝܬܝܗܘܢ ܗܘܘ ܗܿܢܘܢ ܕܐܦ ܫܡܗܝܗܘܢ ܥܕܡܐ ܠܗܫܐ ܠܘܬ ܒܢ̈ܝ ܐܬܪܐ ܡܬܟܼܪܙܝܢ. ܐܝܟܢܐ ܕܐܦ ܡܢ ܗܠܝܢ ܡܫܬܪܐ ܟܠܗ ܡܐܟܠ ܩܪܨܐ ܕܠܘܩܒܠ ܬܠܡܝܕ̈ܐ ܡܐ ܕܩܕܡܝܗܘܢ ܘܠܒܪ ܡܢ ܣܗܕܘܬܗܘܢ ܡܘܕܝܢ ܥܠܘܗܝ ܕܣܓܝ̈ܐܐ ܡܢ ܝܗܘ̈ܕܝܐ ܘܡܢ ܚܢ̈ܦܐ ܗܼܘ ܡܫܝܚܗ ܕܐܠܗܐ ܒܝܕ ܗܠܝܢ ܥܒܕ̈ܐ ܕܬܕܡܪ̈ܬܐ ܕܣܥܼܪ ܬܚܝܬ ܐܝܕܗ ܥܒܼܕ ܀ ܀܀ ܡܘ. ܘܐܦ ܐܢܬ ܕܝܢ ܡܬܒܩܐ ܐܢܬ ܒܐܠܗܘܬܐ ܕܚܝܠܗ ܐܢ ܡܬܚܫܒ ܐܢܬ ܕܡܢܐ ܟܝ ܐܝܬܼܘܗܝ ܗܘܐ ܒܟܝܢܗ ܘܐܝܟܢܐ ܗܘܐ ܕܗܕܐ ܟܘܠܗܿ ܡܝܬܪܘܬܐ ܕܚܝܠܐ ܐܠܗܝܐ ܕܒܙܟܘܬܐ ܕܨܒܘ̈ܬܐ ܕܠܟܠܗܝܢ ܡ̈ܠܐ ܡܚܦܼܝܢ ܗܘܝ. ܐܬܚܫܒ ܓܝܪ ܗܿܝ ܕܐܦܠܐ ܐܢܫ ܡܢ ܡܬܘܡ ܕܢܡܘܣܐ ܕܝܠܼܗ݀ ܘܝܘܠܦܢܐ ܢܘܟܪܝܐ. ܒܟܠܗܘܢ ܥܡ̈ܡܐ ܢܙܪܘܥ. ܘܕܟܠܗ ܓܢܣܐ ܕܒܢ̈ܝ ܐܢܫܐ ܗܘ ܢܦܫܗ ܡܠܦܢܐ 205 ܕܣܓܕܬܐ ܕܚܕ ܐܠܗܐ ܕܠܥܠ ܡܢ ܟܠ݀ ܢܚܿܘܐ. ܘܒܗܿܢܘܢ ܕܩܘܪܝܝܢ݀ ܡܢ ܟܠܗܘܢ ܒܢ̈ܝ ܐܢܫܐ ܘܒܨܝܪܝܢ ܨܒܐ ܕܢܬܚܫܚ ܕܢܗܘܘܢ ܡܫܡ̈ܫܢܐ ܠܨܒܝܢܗ. ܘܕܡܝܐ ܕܐܢܫ ܢܣܒܪ ܕܕܠܐ ܒܘܿܠܝܬܐ ܥܒܼܕ ܗܕܐ. ܐܝܟܢܐ ܓܝܪ ܗܿܢܘܢ ܕܐܦܠܐ ܕܢܪܝܡܘܢ ܣܦܘ̈ܬܗܘܢ ܡܫܟܚܝܢ ܗܘܘ. ܡܠܦ̈ܢܐ ܕܚܕ ܒܪ ܐܢܫܐ ܡܡܬܘܡ ܗܿܘܝܢ ܗܘܘ. ܘܠܐ ܗܘܐ ܕܣܘܓܐܐ ܕܒܢ̈ܝ ܐܢܫܐ ܘܐܝܟܢܐ ܥܡ ܟܢܫ̈ܐ ܡܡܠܠܼܝܢ ܗܘܘ. ܗܿܢܘܢ ܕܠܒܪ ܡܢ ܟܘܠܗܿ ܡܪܕܘܬܐ ܐܝܬܝܗܘܢ ܗܘܐ. ܐܠܐ ܗܕܐ ܗܘܼܬ ܟܒܪ ܡܚܘܝܢܝܬܐ ܕܨܒܝܢܐ ܐܠܗܝܐ݀ ܩܼܪܐ ܐܢܘܢ ܓܝܪ ܐܝܟܢܐ ܕܐܦ ܒܩܕܡܝܬܐ ܚܿܘܝܢ. ܘܠܘܩܕܡ ܐܡܼܪ ܕܬ݀ܘ ܒܬܪܝ ܘܐܥܒܕܟܘܢ ܨܝܕ̈ܐ ܕܒܢ̈ܝ ܐܢܫܐ ܘܡܛܠ ܕܝܢ ܕܡܟܝܠ ܩܢܼܐ ܐܢܘܢ ܘܢܩܦܘܼܗܝ ܢܦܼܚ ܒܗܘܢ ܚܝܠܐ ܐܠܗܝܐ ܘܡܼܠܐ ܐܢܘܢ ܚܝܠܐ ܘܠܒܝܒܘܬܐ ܘܐܝܟ ܕܡܠܬܐ ܐܝܬܘܗܝ ܕܐܠܗܐ ܒܫܪܪܐ ܘܥܒܘܕܐ ܕܗܠܝܢ ܟܠܗܝܢ ܬܕܡܪ̈ܬܐ ܨܝܕ̈ܐ ܕܢܦܫ̈ܬܐ ܝܕ̈ܘܥܬܢܝܬܐ ܘܡܠܝ̈ܠܬܐ ܥܒܼܕ ܐܢܘܢܿ ܘܥܒܿܕܐ ܐܘܣܦ ܥܠ ܒܪܬ ܩܠܐ ܗܿܝ ܬ݀ܘ ܒܬܪܝ ܘܐܥܒܕܟܘܢ ܐܟܚܕܐ ܐܡܿܪ ܦܥ̈ܠܐ ܘܡ̈ܠܦܢܐ ܕܣܓܕܬܐ ܕܐܠܗܐ ܕܝܠܗ ܥܒܼܕ ܐܢܘܢ. ܘܟܢ ܠܟܠܗܘܢ ܥܡ̈ܡܐ ܕܒܟܠܗܿ ܒܪܬܐ ܫܼܕܪ ܐܢܘܢܿ ܘܚܿܘܝ ܕܡܟܪ̈ܙܢܐ ܐܝܬܝܗܘܢ ܕܘܝܠܦܢܐ ܕܝܠܗ ܘܡܢܘ ܕܠܐ ܢܬܕܡܪ ܘܕܡܝܐܝܬ ܠܐ ܢܿܗܝܼܡܢ ܥܠ ܗܕܐ ܬܕܡܘܪܬܐ ܕܠܐ ܡܣܬܒܪܐ ܕܠܐ ܐܢܫ ܡܡܬܘܡ ܡܢ ܗܠܝܢ ܒܢ̈ܝ ܐܢܫܐ ܕܗܼܘܘ ܡܝܬܪ̈ܐ ܐܟܬܼܒ ܕܐܬܚܼܫܚ ܐܝܟ ܗܕܐ. ܘܐܦܠܐ ܕܐܬ݀ܐ ܠܐܝܕܐ ܕܗܝ ܕܕܡܝܐ ܠܗܕܐ ܗܕܐ ܓܝܪ ܡܚܼܒ ܗܘܐ ܚܕ ܚܕ ܡܢܗܘܢ ܕܐܦܢ ܒܠܚܘܕ ܒܐܪܥܐ ܕܝܠܗ ܫܘܕܝܐ ܕܢܦܫܗ ܢܩܝܡ. ܘܢܡܘ̈ܣܐ ܕܐܬܚܙܝܼܘ ܠܗ ܕܫܦܼܝܪܝܢ ܒܥܡܐ ܚܕ ܕܝܠܗ ܢܫܟܚ ܕܢܫܪܪ ܗܿܘ ܕܝܢ ܕܠܐ ܡܕܡ ܐܢܫܐ ܘܡܝܘܬܐ ܐܬܚܫܼܚ݀ ܚܙܝ ܠܡܐ ܒܫܪܪܐ ܒܪܬ ܩܠܐ ܬܘܒ ܕܐܠܐ ܐܪܦܝ ܒܗ݀ ܒܡܠܬܐ ܕܐܡܼܪ ܠܗܿܢܘܢ ܬܠܡܕ̈ܘܗܝ ܬܚܘ̈ܒܐ ܕܙܠܼܘ ܘܬܠܡܼܕܘ ܠܟܠܗܘܢ ܥܡ̈ܡܐ. ܘܗܟܢܐ ܕܡܝܐܝܬ ܢܐܡܪܘܢ ܗܘܘ ܠܗ ܬܠܡܝܕ̈ܘܗܝ ܟܕ ܡܦܿܢܝܢ ܦܬܓܡܐ ܠܪܒܗܘܢ ܕܐܝܟܢܐ ܡܫܟܚܼܝܢ ܐܢܚܢܢ ܕܢܥܒܕ ܗܕܐ݀ ܐܝܟܢܐ ܓܝܪ ܠܪ̈ܗܘܡܐ ܢܟܼܪܙ. ܘܐܝܟܢܐ ܥܠ ܐܓܒ̈ܛܝܐ ܢܡܠܠ ܘܒܐܝܕܐ ܡܠܬܐ ܢܬܚܫܼܚ ܠܘܩܒܠ ܝܘܢ̈ܝܐ ܐܢܝܐ ܕܒܠܚܘܕ ܒܒܪܬ ܩܠܐ ܣܘܪܝܝܬܐ ܐܬܪܒܝܢ ܘܠܦܪ̈ܣܝܐ ܘܠܐܪ̈ܡܢܝܐ ܘܠܟܠܕ̈ܝܐ ܘܠܣܩ̈ܝܬܝܐ ܘܠܗܢܕ̈ܘܝܐ ܘܠܐܚܪ̈ܢܐ ܥܡ̈ܡܐ ܕܡܬܐܡܪܝܢ ܒܪ̈ܒܪܝܐ ܐܝܟܢܐ ܢܦܝܣ ܕܢܫܢܘܢ ܡܢ ܐܠܗ̈ܐ ܗܿܢܘܢ ܕܐܒܗܝ̈ܗܘܢ 206 ܘܠܚܕ ܒܪܘܝܐ ܕܟܠ ܢܣܓܕܘܢ ܘܥܠ ܐܝܕܐ ܕܝܢ ܡܝܬܪܘܬܐ ܕܡ̈ܠܐ ܢܬܬܟܠ݀ ܘܢܥܒܪ ܥܠܝܗܿ ܕܗܕܐ ܐܘ ܐܝܢ ܣܒܪܐ ܢܗܘܐ ܠܢ ܕܙܟܘܬܐ ܕܡܡܼܪܚܝܢ ܐܢܚܢܢ ܕܢܣܝܡ ܢܡܘ̈ܣܐ ܠܟܠܗܘܢ ܥܡ̈ܡܐ ܕܠܩܘܒܠܐ ܕܢܡܘ̈ܣܐ ܕܣܝܼܡܝܢ ܡܢ ܥܠܝܡ. ܥܠ ܐܠܗܝ̈ܗܘܢ ܘܥܠ ܐܝܢܐ ܚܝܠܐ ܐܝܬ ܠܢ. ܕܢܬܬܟܠ ܕܙܟܿܝܢ ܐܢܚܢܢ ܗܕܐ ܡܪܚܘܬܐ ܗܠܝܢ ܗܟܝ ܐܘ ܐܡܪܘ ܐܘ ܐܬܚܿܫܒܘ ܬܠܡܝܕ̈ܘܗܝ ܕܦܪܘܩܢ ܘܒܚܕܐ ܬܘܣܦܬܐ ܕܡܠܬܐ ܫܪܝܐ ܪܒܐ ܕܗܠܝܢ ܕܐܬܦܫܟܘ ܥܠܝܗܝܢ ܗܘ ܪܒܗܘܢ ܐܓܥܠ ܠܗܘܢ ܕܐܡܼܪ ܕܙܟܝܢ ܐܢܬܘܢ ܒܫܡܝ ܕܝܠܝ. ܠܐ ܗܘܐ ܓܝܪ ܫܚܝܡܐܝܬ ܘܕܠܐ ܦܘܪܫܢܐ ܕܢܐܙܠܘܢ ܘܢܬܠܡܕܘܢ ܠܟܠܗܘܢ ܥܡ̈ܡܐ ܦܩܕ ܐܠܐ ܥܡ ܬܘܣܦܬܐ ܡܝܬܪܬܐ ܗܝ ܕܐܡܼܪ ܕܒܫܡܝ ܕܝܠܝ ܡܛܠ ܓܝܪ ܕܚܝܠܐ ܕܫܡܗ ܗܢܐ ܟܠܗ ܐܝܬܘܗܝ ܐܝܟܢܐ ܕܐܡܼܪ ܫܠܝܚܐ ܕܝܗܒ ܠܗ ܐܠܗܐ ܫܡܐ ܕܡܝܬܪ ܡܢ ܟܠ ܫܡ̈ܗܝܢ ܕܒܫܡܗ ܕܝܫܘܥ ܟܠ ܒܪܟ ܬܟܘܦ݀ ܕܒܫܡܝܐ ܘܕܒܐܪܥܐ ܘܕܠܬܚܬ ܡܢ ܐܪܥܐ. ܕܡܝܐܝܬ ܗܟܝܠ ܡܝܬܪܘܬܐ ܕܚܝܠܐ ܟܣܝܐ ܕܟܣܐ ܡܢ ܣܓܝ̈ܐܐ ܕܒܫܡܗ ܚܿܘܝ. ܘܐܘܣܦ ܒܪܬ ܩܠܐ ܕܒܫܡܝ ܕܝܠܝ. ܘܟܢ ܐܦ ܐܬܢܒܼܝ ܚܬܝܬܐܝܬ ܡܕܡ ܕܥܬܝܕ ܘܐܡܼܪ ܕܘܿܠܐ ܕܬܬܟܼܪܙ ܣܒܪܬܝ ܗܕܐ ܒܟܠܗ ܥܠܡܐ ܠܣܗܕܘܬܐ ܕܟܘܠܗܘܢ ܥܡ̈ܡܐ. ܘܗܕܐ ܕܝܢ ܡܠܬܐ ܐܬܐܡܪܬ ܗܘܬ ܒܗܿܘ ܙܒܢܐ ܒܓܘܢܝܐ ܕܐܪܥܐ ܐܝܟܐܢ ܕܗܿܢܘܢ ܕܩܪܝܒܝܢ ܢܫܡܥܘܢ ܗܘܘ ܒܠܚܘܕ ܘܐܝܟܢܐ ܟܝ ܗܡܢܘܬܝ ܗܘܘ ܟܕ ܐܡܼܪ ܗܕܐ. ܐܠܘ ܠܐ ܡܢ ܐܚܪ̈ܢܐ ܥܒܕ̈ܐ ܐܠܗ̈ܝܐ ܕܐܣܬܥܼܪܘ ܡܢܗ݀ ܢܣܝܢܐ ܕܫܪܪܐ ܕܡ̈ܠܘܗܝ ܢܣܼܒܘ. ܗܕܐ ܓܝܪ ܕܗܝܡܢܘܬܝ ܕܐܡܼܪ ܡܐ ܕܐܬܚܫܒܬ ܐܠܨܐ ܠܟ ܕܬܘܕܐ ܟܕ ܦܩܕ ܓܝܪ ܠܐ ܐܢܫ ܐܫܬܐܠ ܐܠܐ ܐܬܬܟܼܠܘ ܥܠ ܪܡܙܗ ܘܐܝܟ ܡܘ̈ܠܟܢܘܝܗ ܠܟܠܗ ܓܢܣܐ ܕܒܢ̈ܝ ܐܢܫܐ ܬܠܡܼܕܘ ܘܡܢ ܐܪܥܐ ܕܝܠܗܘܢ ܠܘܬ ܟܠܗܘܢ ܥܡ̈ܡܐ ܢܦܼܩܘ݀ ܘܒܙܒܢܐ ܙܥܘܪܐ ܒܥܒܕܐ ܐܬܚܼܙܝ ܡ̈ܠܘܗܝ ܐܬܟܼܪܙܬ ܗܘܬ ܗܟܝܠ ܒܙܒܢܐ ܙܥܘܪܐ ܣܒܪܬܗ ܒܟܠܗܿ ܒܪܝܬܐ ܠܣܗܕܘܬܐ ܕܟܠܗܘܢ ܥܡ̈ܡܐ ܘܒܪ̈ܒܪܝܐ ܘܝܘ̈ܢܝܐ ܟܬܒ̈ܐ ܕܥܠ ܦܪܘܩܐ ܕܓܘܐ ܕܟܠ ܒܟܬܝܒ̈ܬܐ ܕܐܒܗܝ̈ܗܘܢ ܘܒܒܪܬ ܩܠܐ ܕܐܒܗ̈ܬܗܘܢ ܩܒܠܼܘ ܀ ܀ ܀ ܡܙ. ܒܦܘܫܟܐ ܕܝܢ ܩܿܐܡ ܐܢܫ ܘܿܠܝܐܝܬ. ܕܐܝܟܢܐ ܗܘܐ ܟܝ ܐܣܟܡܐ 207 ܕܡܠܦܢܘܬܗܘܢ ܕܬܠܡܝܕ̈ܘܗܝ ܕܦܪܘܩܢ. ܠܡܐ ܟܝ ܠܡܨܥܬܐ ܕܡܕܝ̈ܢܬܐ ܥܿܒܼܪܝܢ ܗܘܘ. ܘܟܢ ܒܡܨܥܬ ܫܘ̈ܩܐ ܩܿܥܼܝܢ ܗܘܘ. ܘܒܩܠܐ ܪܡܐ ܡܬܚܫܚܝܢ ܗܘܘ ܘܩܿܪܝܼܢ ܗܘܘ ܠܗܿܢܘܢ ܕܡܣܬܩܒܠܼܝܢ ܘܗܝܕܝܢ ܡܡܠܠܼܝܢ ܗܘܘ ܥܡ ܥܡܐ. ܘܐܝܕܐ ܗܘܬ ܟܝ ܡܠܬܗܘܢ ܕܐܡܼܪܝܢ ܗܘܘ ܠܥܡܐ. ܕܢܕܡܐ ܕܡܬܛܦܝܣܼܝܢ ܗܘܘ ܠܗܿ ܫܡܘ̈ܥܐ. ܘܐܝܟܢܐ ܕܝܢ ܡܡܠܠܼܝܢ ܗܘܘ ܩܕܡ ܥܡܐ. ܐܢܫܐ ܕܠܐ ܢܣܼܝܘ ܡ̈ܠܐ. ܘܡܢ ܟܠܗܿ ܡܪܕܘܬܐ ܪ̈ܚܝܩܝܢ݀ ܘܐܠܐ ܠܡܐ ܟܝ ܠܐ ܒܟܢܘܫܝܐ ܐܠܐ ܥܡ ܙܥܘܪ̈ܐ ܐܝܠܝܢ ܕܡܣܬܩܒܠܼܝܢ ܘܗܝܕܝܢ ܡܡܠܠܼܝܢ ܗܘܘ. ܘܒܐܝܠܝܢ ܗܟܝܠ ܘܒܕܐܝܟ ܐܝܠܝܢ ܡ̈ܠܐ ܡܬܚܫܚܝܢ ܗܘܘ ܠܦܝܣܐ ܕܫܡ̈ܘܥܐ. ܠܐ ܓܝܪ ܙܥܘܪ ܗܘܐ ܐܝܓܘܢܗܘܢ ܡܛܠ ܕܠܐ ܟܦܼܪܝܢ ܗܘܘ ܒܡܘܬܗ ܕܨܥܪܐ ܕܗܿܘ ܕܡܟܼܪܙܝܢ ܗܘܘ. ܐܦܢ ܗܕܐ ܓܝܪ ܢܟܣܼܘܢ ܗܘܘ ܘܠܐ ܢܘܕܘܢ ܗܘܘ ܩܕܡ ܟܠ ܐܢܫ. ܕܐܝܠܝܢ ܘܟܡܐ ܚܼܫ ܡܢ ܝܗܘܕ̈ܝܐ. ܘܗܿܢܝܢ ܙܗܝ̈ܬܐ ܘܫܒܝ̈ܚܬܐ ܒܠܚܘܕ ܢܦܩܘܢ݀ ܐܡܿܪ ܐܢܐ ܕܝܢ ܣܘܥܪ̈ܢܘܗܝ ܬܡܝ̈ܗܬܐ ܘܥܒܕ̈ܘܗܝ ܕܬܕܡܪܘܬܐ ܘܝܘ̈ܠܦܢܘܗܝ ܕܦܝܠܘܣܦܘܬܐ݀ ܘܐܦ ܠܐ ܗܟܢܐ ܦܫܝܩܐ ܗܘܬ ܡܠܬܐ ܕܢܥܒܕܘܢ ܠܗܿܢܘܢ ܕܫܡܥܝܢ ܕܕܠܝܠܐܝܬ ܢܫܠܡܘܢ ܠܡ̈ܠܝܗܘܢ ܡܛܠ ܕܒܪܬ ܩܠܗܘܢ ܢܘܟܪܐ ܗܘܬ݀ ܘܗܫܐ ܗܘ ܫܡܼܥܝܢ ܗܘܘ ܡ̈ܠܐ ܚܕ̈ܬܬܐ ܡܢ ܐܢܫܐ ܕܠܐ ܡܕܡ ܕܫܿܘܐ ܠܫܪܪܐ ܐܝܬ ܠܗܘܢ ܥܠ ܣܗܕ̈ܘܬܐ ܕܗܿܢܝܢ ܕܡܬܐܡܪܝܢ ܡܢܗܘܢܿ ܀܀ ܀܀ ܀܀ ܡܚ. ܒܪܡ ܕܝܢ ܐܠܐ ܐܣܬܒܼܪ ܕܦܝܣܐ ܐܢܝܢ ܗܠܝܢ ܕܐܬܐܡܼܪ ܗܫܐ ܕܠܗܿܘ ܕܗܼܘܘ ܐܝܙܓܕ̈ܘܗܝ ܒܙܒܢ ܐܟܼܪܙܘܗܝ ܕܐܠܗܐ ܗܘ݀ ܕܗܼܘܐ ܒܦܓܪܐܐܢܫܝܐ ܘܠܐ ܡܕܡ ܐܚܪܝܢ ܐܬܘܝܗ ܒܟܝܢܗ ܐܠܐ ܡܠܬܐ ܕܐܠܗܐ ܕܡܛܠ ܗܕܐ ܘܐܦ ܗܠܝܢ ܟܠܗܝܢ ܬܕܡܪ̈ܬܐ ܘܚܝ̈ܠܐ ܥܒܼܕ ܘܒܙܒܢ ܕܠܩܒܘܠܐ ܕܗܠܝܢ ܕܨܥܪܐ ܘܨܘܚ̈ܝܬܐ ܣܝܒܪ ܘܚܪܬܐ ܡܣܡ ܒܪܫܐ ܕܒܗܬܬܐ ܕܒܝܕ ܙܩܝܦܐ݀ ܗܿܘ ܕܣܝܡ ܥܠ ܗܢܘܢ ܕܒܝܼܫܝܢ ܡܢ ܟܠܗܘܢ ܒܢ̈ܝ ܐܢܫܐ ܒܣܘܥܪ̈ܢܝܗܘܢܿ ܘܡܢܘ ܕܠܐ ܒܘܿܠܝܬܐ ܢܓܚܼܟ ܗܘܐ ܥܠܝܗܘܢ ܐܝܟ ܕܠܘܩܒܠܐ ܐܡܪܝܢ. ܘܡܢܘ ܗܢܐ ܕܕܟܐܦܐ ܐܝܬܘܗܝ ܗܘܐ. ܪܥܝܢܗ ܕܕܠܝܠܐܝܬ ܢ݀ܗܝܼܡܢ ܐܢܘܢ ܕܐܡܼܪܘ ܕܚܼܙܝܗܝ ܒܬܪ ܡܘܬܗ ܕܩܼܡ ܡܢ ܒܝܬ ܡܝ̈ܬܐ ܠܗܿܘ ܕܐܦ ܠܐ ܟܕ ܒܝܬ ܚܝ̈ܐ ܗܘܐ ܕܢܥܕܪ ܢܦܫܗ ܐܫܼܟܚ݀ ܘܡܢܘ ܕܝܢ ܠܗܿܢܘܢ ܗܕ̈ܝܘܛܐ ܘܒܨܝܪ̈ܐ ܡܬܘܡ ܡܬܛܦܝܣ ܗܘ ܕܐܡܪܝܢ ܕܠܨܒܘ̈ܬܐ 208 ܕܐܒܗܝ̈ܟܘܢ ܬܒܣܪܘܢ ܠܠܠܘܬܐ ܕܚܟܝ̈ܡܐ ܕܡܢ ܥܠ ܬܥܕܠܘܢ ܘܒܠܚܘܕ ܠܢ ܬܬܛܦܝܣܘܢ. ܘܗܠܝܢ ܦܘܩܕ̈ܢܐ ܕܡܢ ܗܿܘ ܕܐܙܕܩܼܦ ܐܬܦܩܼܕܘ ܗܿܢܘ ܓܝܪ ܒܠܚܘܕܘܗܝ ܐܝܬܘܗܝ ܒܪܐ ܚܒܝܒܐ ܘܝܚܝܕܐ ܕܗܼܘ ܐܠܗ ܒܠܚܘܕܘܗܝ ܕܠܥܠ ܡܢ ܟܠ ܀܀ ܀܀ ܡܛ. ܐܢܐ ܗܟܝܠ ܒܚܘܒܐ ܕܫܪܪܐ݀ ܟܕ ܒܚܝ ܠܢܦܫܝ ܡܒܚܢ ܐܢܐ ܠܗܿ ܠܡܠܬܐ ܘܐܦܠܐ ܚܕ ܚܝܠܐ ܚܙܐ ܐܢܐ ܒܗܿ ܕܡܬܗܝܡܢ ܘܐܦ ܠܐ ܡܕܡ ܕܪܒ ܘܠܐ ܕܫܿܘܐ ܠܗܝܡܢܘܬܐ ܘܐܦܠܐ ܕܦܝܣܐ ܕܐܦܢ ܠܚܕ ܡܢ ܗܕ̈ܝܘܛܐ ܡܫܟܼܚ ܕܢܦܝܣ ܚܕ ܟܡܐ ܠܐܢܫܐ ܚܟܝ̈ܡܐ ܘܡ̈ܠܝܠܐ. ܒܪܡ ܕܝܢ ܐܠܐ ܬܘܒ ܡܐ ܕܚܼܪܬ ܒܗ ܒܚܝܠܐ ܕܡܠܬܐ ܘܒܫܘܠܡܐ ܕܝܠܗܘܢ ܕܥܒܿܕ̈ܐ ܕܐܝܟܢܐ ܣܘܓܐܐ ܕܪ̈ܒܘܬܐ ܐܦܝܼܣܘ. ܘܐܝܟܢ ܐܬܟܢܫ ܥܕ̈ܬܐ ܕܪ̈ܒܘܬܐ ܕܐܢܫܐ ܡܢܗܘܢ ܕܗܿܢܘܢ ܒܨܝܪ̈ܐ ܘܩܘܪ̈ܝܝܐ. ܘܠܐ ܗܘܐ ܒܕܘ̈ܟܝܬܐ ܟܣܝ̈ܬܐ ܘܕܠܐ ܝܕܝܥܼܢ ܐܠܐ ܝܬܝܪܐܝܬ ܒܡܕ̈ܝܢܬܐ ܪ̈ܘܪܒܬܐ ܐܬܒܢܝ. ܒܗܿ ܐܡܿܪ ܐܢܐ ܒܗܿܝ ܪܗܘܡܐ ܕܡܿܠܟܘܬܐ ܘܒܐܠܟܣܢܕܪܝܐ ܘܒܐܢܛܘܟܝܐ ܘܒܟܠܗܿ ܐܓܒܛܘܣ ܘܠܝܒܝܐ ܘܒܐܘܪܘܦܐ ܘܒܐܣܝܐ ܘܒܩܘܪ̈ܝܐ ܘܒܕܘ̈ܟܝܬܐ ܘܒܟܠܗܘܢ ܥܡ̈ܡܐ݀ ܬܘܒ ܡܢ ܩܛܝܪܐ ܡܬܐܠܨ ܐܢܐ. ܕܐܪܗܛ ܠܒܥܬܗܿ ܕܥܠܬܐ ܘܐܘܕܐ ܕܠܐ ܐܚܪܢܝܐܝܬ ܠܒܼܟܘ ܠܗܕܐ ܡܪܚܘܬܐ ܐܠܐ ܒܚܝܠܐ ܐܠܗܝܐ ܕܪܒ ܡܢ ܒܢ̈ܝ ܐܢܫܐ ܘܒܥܘܕܪܢܐ ܕܗܿܘ ܕܐܡܼܪ ܠܗܘܢܿ ܕܙܠܼܘ ܘܬܠܼܡܕܘ ܠܟܠܗܘܢ ܥܡ̈ܡܐ ܒܫܡܝ ܕܝܠܝ. ܘܟܕ ܐܡܼܪ ܠܗܘܢ ܕܝܢ ܗܕܐ ܐܩܦ ܠܗܿ ܫܘܕܝܐ ܕܒܗ ܐܬܥܬܕܘ ܕܢܬܠܒܒܘܢ ܘܕܠܝܠܐܝܬ ܢܬܠܘܢ ܢܦܫܗܘܢ ܠܗܠܝܢ ܕܐܬܦܩܕܘ ܐܡܼܪ ܠܗܘܢ ܓܝܪ ܘܗܐ ܐܢܐ ܥܡܟܘܢܐܢܐ ܟܠܗܘܢ ܝܘܡ̈ܬܐ ܥܕܡܐ ܠܫܘܠܡܗ ܕܥܠܡܐ݀ ܐܠܐ ܐܦ ܐܡܝܪܐ ܕܪܘܚܐ ܕܩܘܕܫܐ ܢܦܼܚ ܒܗܘܢܿ ܘܚܝܠܐ ܐܠܗܝܐ ܘܥܒܕ ܬܕܡܪ̈ܬܐ ܝܗܒ ܠܗܘܢܿ ܒܙܒܢ ܟܕ ܐܡܿܪ ܣܒܘ ܪܘܚܐ ܕܩܘܕܫܐ. ܘܒܙܒܢ ܐܡܿܪ ܠܗܘܢ ܕܟܪ̈ܝܗܐ ܐܣܼܘ. ܘܕܟܼܘ ܓܪ̈ܒܐ ܘܐܦܼܩܘ ܕܝ̈ܘܐ. ܡܓܢ ܢܣܒܬܘܢ ܘܡܓܢ ܗܒܘ. ܀܀ ܀܀ ܢܢ. ܚܙܐ ܐܢܬ ܗܟܝܠ ܐܦ ܐܢܬ݀ ܕܐܝܟܢܐ ܠܒܼܟܬ ܗܼܝ ܡܠܬܗܘܢ ܡܛܠ ܕܐܦ ܟܬܒܐ ܕܦܪܟܣܣ ܕܝܠܗܘܢ ܗܠܝܢ ܕܕܡܪܝܢ ܘܫܠܡܢ ܠܗܿܢܝܢ ܡܣܗܕ ܐܝܟܢܐ ܕܟܕ ܡܟܬܒܝܢ ܐܦ ܥܠܝܗܘܢ ܕܒܣܘܥܪ̈ܢܐ ܕܬܕܡܘܪܬܐ ܕܒܫܡܗ ܕܝܫܘܥ 209 ܡܢܗܘܢ ܗܿܘܝܢ ܗܘܘ. ܠܗܿܢܘܢ ܕܩܪܝܒܝܢ ܘܚܙܝܢ ܡܬܢܗܼܪ̈ܝܢ ܗܘܘ. ܡܬܗܼܪܝܢ ܗܘܘ ܕܝܢ ܐܝܟ ܕܕܡܝܐ ܠܗܿܢܘܢ ܕܚܙܝܢ ܠܘܩܕܡ ܒܝܕ ܥܒ̈ܕܐ. ܘܗܝܕܝܢ ܥܒܕܝܢ ܗܘܘ ܠܗܘܢܿ ܕܕܠܝܠܐܝܬ ܢܫܐܠܘܢ ܐܢܘܢ ܕܡܢܘ ܐܝܬܘܗܝ݀ ܗܢܐ ܕܒܚܝܠܗ ܘܒܫܡܗ ܬܕܡܘܪܬܐ ܗܘܬ. ܘܟܢ ܟܕ ܡܠܦܼܝܢ ܗܘܘ ܡܫܟܚܼܝܢ ܗܘܘ ܠܗܘܢ ܕܒܗܝܡܢܘܬܐ ܩܕܡܘܗܝ ܠܝܘܠܦܢܗܘܢ ܡܛܠ ܓܝܪ ܕܠܐ ܗܘܐ ܠܡ̈ܠܐ ܐܬܛܦܝܼܣܘ ܐܠܐ ܒܥܒܕ̈ܐ ܐܬܩܕܡܘ݀ ܕܠܝܠܐܝܬ ܥܿܒܼܕܝܢ ܗܘܘ ܠܗܘܢܿ ܕܢܫܠܡܘܢ ܠܗܠܝܢ ܕܡܬܐܡܪܢ ܘܒܥܓܠ ܕܝܢ ܐܢܫܝܢ ܕ̈ܒܚܐ ܘܢܘ̈ܩܝܐ ܐܝܟ ܕܐܠܗܐ ܐܢܘܢܿ ܐܡܝܪܐ ܕܩܪܒܘ ܠܗܘܢ. ܘܚܕ ܡܢܗܘܢ ܕܗܪܡܝܣ ܐܝܬܘܗܝ ܘܐܚܪܢܐ ܕܝܘܣ ܣܒܪܘ ܘܗܢܐ ܟܠܗ ܡܬܗܪܐ ܗܘܬ. ܠܬܪܥܝܬܗܘܢ ܬܚܘܝܬ ܕܥܒ̈ܕܐ ܕܬܕܡܪܘܬܐ ܘܟܕ ܗܟܢܐ ܐܝܬܝܗܘܢ ܗܘܐ ܟܠܗܝܢ ܗܠܝܢ ܕܥܠ ܦܪܘܩܢ݀ ܡܟܼܪܙܝܢ ܗܘܘ ܘܡܟܝܠ ܒܥܓܠ ܘܒܘܿܠܝܬܐ ܡܬܩܒܠܼܢ ܗܘܝ ܘܥܠ ܩܝܡܬܗ ܕܡܢ ܒܝܬ ܡܝ̈ܬܐ ܠܐ ܗܘܐ ܒܡ̈ܠܐ ܫܚܝ̈ܡܬܐ ܘܕܠܐ ܬܚܘ̈ܝܬܐ ܡܿܣܗܼܕܝܢ ܗܘܘ ܐܠܐ ܒܐܕܗܘܢ ܕܝܠܗܘܢ ܘܣܘܥܪ̈ܢܐ ܡܦܼܝܣܝܢ ܗܘܘ݀ ܘܡܚܿܘܝܢ ܥܒ̈ܕܐ ܕܚܝܐ ܀܀ ܀܀ ܢܐ. ܘܐܢ ܕܝܢ ܕܐܠܗܐ ܗܘ ܘܒܪܐ ܕܐܠܗܐ ܘܩܕܡ ܕܢܐܬܐ ܠܒܝܬ ܒܢ̈ܝ ܐܢܫܐ ܠܘܬ ܐܒܘܗܝ ܐܝܬܘܗܝ ܗܘܐ. ܡܟܼܪܙܝܢ ܗܘܘ ܘܥܠܝܗܿ ܕܗܕܐ ܐܝܟܢܐ ܠܐ ܐܘܣܦܘ ܝܬܝܪܐܝܬ ܕܠܩܘܒܠܐ ܘܣܒܼܪܘ ܕܠܐ ܡܫܟܚܐ ܘܠܐ ܡܬܗܝܡܢܐ݀ ܒܘܿܠܝܬܐ ܓܝܪ ܡܬܚܫܒܼܝܢ ܗܘܘ݀ ܕܠܐ ܡܫܟܚܐ ܕܥܒ̈ܕܐ ܗܠܝܢ ܕܕܒܢ̈ܝ ܐܢܫܐ ܢܣܬܒܪܘܢ ܕܐܝܬܝܗܘܢ ܗܠܝܢ ܕܗܿܘܝܢ ܐܠܐ ܕܐܠܗܐ ܐܦܢ ܛܒ ܐܢܫ ܠܐ ܢܐܡܪ ܀܀ ܀ ܢܒ. ܘܗܕܐ ܗܘܬ ܗܟܝܠ ܘܠܐ ܐܚܪܝܬܐ ܕܡܬܒܥܝܐ݀ ܕܒܐܝܢܐ ܟܝ ܚܝܠܐ ܐܬܗܝܡܼܢܘ ܬܠܡܝܕ̈ܘܗܝ ܕܦܪܘܩܢ ܠܗܿܢܘܢ ܕܡܢ ܫܘܪܝܐ ܫܡܥܘ ܐܢܘܢ ܐܝܟܢܐ ܠܝܘܢ̈ܝܐ ܐܟܚܕܐ ܘܠܒܪ̈ܒܪܝܐ ܐܝܟ ܕܥܠ ܡܠܬܐ ܕܐܠܗܐ ܕܢܪܢܘܢ ܥܠܘܗܝ ܐܦܝܼܣܘ ܘܐܝܟܢܐ ܒܡܨܥܬܐ ܕܡܕ̈ܝܢܬܐ ܘܒܟܠܗܝܢ ܩܘܪ̈ܝܐ ܐܩܝܡܘ ܒܝܬ ܝܘܠܦܢܐ ܕܣܓܕܬܐ ܕܐܠܗܐ ܕܠܥܠ ܡܢ ܟܠ݀ ܐܦ ܗܕܐ ܡܢܘ ܕܠܐ ܢܬܕܡܪ ܒܗܿ݀ ܘܢܬܚܫܒ ܒܝܢ̈ܘܗܝ ܠܢܦܫܗ ܘܢܬܪܥܐ ܕܠܐ ܗܘܬ ܐܢܫܝܬܐ ܗܼܝ ܗܕܐ ܕܠܐ ܡܡܬܘܡ ܒܙܒܢ ܐܚܪܝܢ ܡܢ ܩܕܝܡ ܬܚܝܬ ܐܝܕܐ ܕܚܕ ܫܘܠܛܢܐ ܕܪ̈ܗܘܡܝܐ ܢܗܘܘܢ ܥܡ̈ܡܐ ܣܓܝ̈ܐܐ ܕܟܠܗܿ ܒܪܝܬܐ ܐܠܐ ܡܢ ܙܒܢܗ ܕܦܪܘܩܢ ܕܝܠܢ. 210 ܒܪܫܥܬܗ ܓܝܪ ܕܥܒܪ ܗܘ ܠܒܝܬ ܒܢ̈ܝ ܐܢܫܐ ܓܼܕܫܘ ܕܐܦ ܗܠܝܢ ܕܪ̈ܗܘܡܝܐ ܢܪܒܝܢ݀ ܕܒܗܿܘ ܙܒܢܐ ܩܘܕܡܐ ܐܓܘܣܛܘܣ ܗܘܐ ܡܿܠܟܐ ܝܚܝ̈ܕܝܐ ܕܥܡ̈ܡܐ ܣܓܝ̈ܐܐ ܘܒܙܒܢܗ ܩܠܐܘܦܛܪܐ ܚܒܬ ܘܡܫܠܡܢܘܬܐ ܕܦ̈ܛܘܠܡܝܐ ܕܒܐܓܒܛܘܣ ܐܫܬܪܝܼܬ. ܡܢ ܗܿܘ ܓܝܪ ܙܒܢܐ ܘܥܕܡܐ ܠܗܫܐ ܡܿܠܟܘܬܐ ܗܝ ܕܡܢ ܥܠܡ. ܘܡܢܗܿ ܐܝܟ ܕܐܢܫ ܢܐܡܪ ܕܙܪܥܐ ܩܕܡܝܐ ܕܒܢ̈ܝ ܐܢܫܐ ܕܐܬܩܝܡܬ ܒܐܓܒܛܘܣ ܐܬܥܩܼܪܬ. ܘܡܢܗ ܕܝܢ ܕܗܿܘ ܙܒܢܐ ܘܐܦ ܥܡܐ ܕܝܗܘܕ̈ܝܐ ܗܘܐ ܡܫܒܥܐ ܠܪ̈ܗܘܡܝܐ ܘܐܦ ܕܣܘܪ̈ܝܝܐ ܗܟܢܐ ܘܕܦܘ̈ܕܩܝܐ ܘܕܡܩ̈ܕܘܢܝܐ ܘܕܒ̈ܝܬܘܢܝܐ ܘܕܝܘ̈ܢܝܐ ܘܕܢܟܢܫ ܘܢܐܡܪ ܕܫܪܟܐ ܕܟܠܗܘܢ ܗܿܢܘܢ ܕܬܚܝܬ ܐܝܕܐ ܕܫܘܠܛܢܐ ܕܪ̈ܗܘܡܝܐ. ܗܕܐ ܕܠܐ ܗܘܐ ܒܠܥܕ ܡܢ ܝܠܘܦܢܗ ܐܠܗܝܐ ܕܦܪܘܩܢܿ ܓܕܫܼܬ ܡܢܘ ܕܠܐ ܢܘܕܐ ܟܕ ܡܬܚܫܒ ܕܠܐ ܕܠܝܠ ܗܘܐ ܠܗܘܢ ܠܬܠܡܝܕ̈ܘܗܝ ܕܢܫܕܪܘܢ ܘܢܼܕܪܘܢ ܒܐܬܪ̈ܘܬܐ ܢܘܟܪ̈ܝܐ ܟܕ ܥܡ̈ܡܐ ܟܠܗܘܢ ܦܠܝܓܝܢ ܥܠ ܚܕܕ̈ܐ ܘܐܦܠܐ ܚܕ ܚܘܠܛܢܐ ܐܝܬ ܗܘܐ ܠܗܘܢ ܡܛܠ ܣܛܪ̈ܦܐ ܣܓܝ̈ܐܐ ܕܒܟܠ ܕܘܟܐ ܘܒܟܠ ܡܕܝܢܬܐ. ܘܒܥܩܘܪ̈ܝܗܘܢ ܕܝܢ ܕܗܠܝܢ ܕܠܐ ܕܚܠܬܐ ܒܥܓܠ. ܘܒܢܝܚܐ ܗܝܘ ܕܣܝܡܐ ܗܘܬ ܩܕܡܝܗܘܢ ܣܥܼܪܘ ܕܡܪܕܝܬܗܘܢ ܩ݀ܕܡ ܫܝܢ ܐܠܗܐ ܕܠܥܠ ܡܢ ܟܘܠ ܘܚܡܬܗܘܢ ܕܣܓܘܕ̈ܐ ܕܕܝ̈ܘܐ ܕܒܡܕ̈ܝܢܬܐ ܒܕܚܠܬܐ ܕܡܿܠܟܘܬܐ ܪܒܬܐ ܟܠܐ. ܐܬܚܫܒ ܓܝܪ ܐܢܬ ܕܐܠܘ ܠܝܬ ܗܘܐ ܡܕܡ ܕܟܿܠܐ ܗܘܐ ܠܗܿܢܘܢ ܕܬܡܝܗܝܢ ܗܘܘ ܒܛܥܝܘܬܐ ܕܐܠܗ̈ܐ ܣܓܝ̈ܐܐ ܕܢܬܟܬܫܘܢ ܥܡ ܝܘܠܦܢܗ ܕܡܫܝܚܐ. ܟܒܪ ܕܝܢ ܚܿܙܐ ܗܘܝܬ ܒܟܘܠ ܡܕܝܢܐ ܘܒܟܠ ܩܘܪ̈ܝܐ ܫܓܘܫ̈ܝܐ ܕܒܚܕܕ̈ܐ ܘܐܪ̈ܕܘܦܝܐ ܘܩܪ̈ܒܐ ܕܠܐ ܙܥܘܪ̈ܝܢ ܐܠܘ ܐܝܬ ܗܘܐ ܠܗܘܢ ܠܣܓܕ̈ܝ ܠܕܝ̈ܘܐ ܫܘܠܛܢܐ ܥܠܝܢ ܗܫܐ ܕܝܢ ܘܐܦ ܗܕܐ ܥܒܕܐ ܐܝܬܝܗܿ ܕܐܠܗܐ ܕܠܥܠ ܡܢ ܟܠ ܕܒܕܚܠܬܐ ܪܒܬܐ ܕܡܿܠܟܘܬܐ ܡܝܬܪܬܐ ܠܒܥܠܕܒ̈ܒܐ ܕܡܠܬܐ ܕܝܠܗ ܢܫܒܥܕ ܨܿܒܐ ܗܘ ܓܝܪ ܕܒܟܠܝܘܡܡ ܬܪܒܐ. ܘܒܟܠܗܘܢ ܒܢ̈ܝ ܐܢܫܐ ܬܫܘܼܚ. ܘܬܘܒ ܕܝܢ ܐܝܟܢܐ ܕܠܐ ܢܣܬܒܪ ܕܒܗܡܝܢܘܬܐ ܕܫ̈ܠܛܝܢܐ ܘܠܐ ܗܘܐ ܒܡܝܬܪܘܬܐ ܕܚܝܠܐ ܕܐܠܗܐ ܠܒܼܟ. ܐܡܬܝ ܐܢܫ ܡܢ ܛܪ̈ܘܢܐ ܢܫܬܩܠ ܒܒܝܫܘܬܐ ܘܢܣܝܡ ܕܢܬܟܬܼܫ ܥܡ ܡܠܬܗ ܕܡܫܝܚܐ ܐܦ ܠܗܢܐ ܕܢܣܥܘܪ ܨܒܝܢܗ ܡܗܡܐ ܗܘܐ ܐܠܗܐ ܕܟܠ ܐܟܚܕܐ. ܡܛܠ ܬܚܘܝܬܐ ܕܗܿܢܘܢ ܚ̈ܠܝܨܐ 211 ܕܒܣܓܕܬܐ ܕܐܠܗܐ ܘܐܟܚܕܐ ܘܐܟܚܕܐ ܕܝܢ ܡܛܠ ܕܠܟܠ ܐܢܫ ܬܬܚܙܐ ܓܠܝܐܝܬ. ܕܠܐ ܗܘܐ ܡܢ ܨܒܝܢܐ ܗܘ ܕܒܢ̈ܝ ܐܢܫܐ ܗܢܐ ܩܘܝܡܗ ܕܡܠܬܐ. ܐܠܐ ܡܢ ܚܝܠܐ ܕܝܠܗ ܕܐܠܗܐ ܘܒܪܫܥܬܗ ܡܢܘ ܕܠܐ ܢܬܕܡܪ ܒܗܿܢܝܢ ܕܡܥܕܢ ܕܢܓܕܫܢ ܒܙܒ̈ܢܐ ܕܐܝܟ ܗܟܢܐ. ܗܿܢܘܢ ܓܝܪ ܚ̈ܠܝܨܐ ܕܚܠܦ ܣܓܕܬܐ ܕܐܠܗܐ ܕܡܢ ܩܕܝܡ ܡܢ ܒܢ̈ܝ ܐܢܫܐ ܕܐܝܟܐܢ ܐܝܬܝܗܿ ܡܝܬܪܘܬܗܘܢ ܟܣܝܢ ܗܘܘ݀ ܒܗܿܘ ܙܒܢܐ ܠܟܠ ܐܢܫ ܡܬܓܠܝܢ ܗܘܘ ܘܡܬܚܙܝܢ ܕܡܨܛܒܬܝܢ ܒܙܟ̈ܘܬܐ ܕܡܢ ܠܘܬ ܐܠܗܐ . ܘܗܼܢܝܘܢ ܕܝܢ ܒܥܠܕ̈ܒܒܐ ܕܣܓܕܬܗ ܕܐܠܗܐ ܡܣܡ ܒܪ̈ܫܐ ܕܙܕܩܝܢ ܝܗܒܝܢ ܗܘܘ݀ ܟܕ ܒܡܚ̈ܘܬܐ ܕܡܢ ܐܠܗܐ ܡܫܬܕܪܢ ܗܘܘ ܘܟܘܠܗ ܓܘܫܡܗܘܢ ܒܚܫ̈ܐ ܩܫ̈ܝܐ ܕܠܐ ܡܬܐܣܝܢ ܡܬܚܒܠ ܗܘܐ. ܐܝܟܢܐ ܕܒܥܓܠ ܐܦ ܠܬܘܕܝܬܐ ܕܪܫܥܗܘܢ ܕܠܘܩܒܠ ܦܪܘܩܢ ܢܬܛܪܕܘܢ ܕܢܐܬܘܢ. ܘܗܼܢܘܢ ܕܝܢ ܫܪܟܐ ܟܠܗܘܢ݀ ܗܿܢܘܢ ܕܫܼܘܘ ܠܫܡܐ ܐܠܗܝܐ ܘܡܫܬܒܗܪܝܢ ܕܪܢܝܢ ܗܿܢܝܢ ܕܡܫܝܚܐ ܒܙܒܢܐ ܙܥܘܪܐ. ܐܬܢܦܩܼܘ ܒܢܣܝ̈ܘܢܐ݀ ܘܕܟܝܘܬܗ ܘܡܨܠܠܘܬܗ ܕܪܥܝܢܗܘܢ ܚܿܘܝܘ ܘܟܢ ܬܘܒ ܚܐܪܘܬܐ ܕܢܦܫܗܘܢ ܩܿܒܼܠܘ݀ ܘܒܥܓܠ ܣܥܼܪ ܐܢܘܢ ܐܠܗܐ ܘܠܪܒܘܬܐ ܒܟܠܝܘܡ ܒܐܝܕ̈ܝܗܘܢ ܡܕܢܚ ܠܗܿ ܠܡܠܬܐ ܦܪܘܩܐ ܀ ܫܠܡ ܠܡܟܬܒ ܚܡ̈ܫܐ ܣܦܪ̈ܝܢ ܐܘܣܒܣ ܩܣܪܝܐ ܕܡܬܩܪܝܢ ܕܕܢܚܐ ܐܠܗܝܐ ܀