Narsai. “On the Ascension - ܥܲܠ ܣܘܼܠܵܩܹܗ ܕܡܵܪܲܢ.” Based upon BL Or. 5463. Digital Syriac Corpus. Last modified April 26, 2019. https://syriaccorpus.org/72.
    
        
            
                ܥܲܠ ܣܘܼܠܵܩܹܗ ܕܡܵܪܲܢ
            
            
                 f.186v 

                ܕܝܼܠܹܗ ܟܲܕ ܕܝܼܠܹܗ܀
                ܡܸܐܡܪܵܐ ܕܲܬܠܵܬܼܝܼܢ ܘܸܫܬܼܵܐ܀
                ܕܥܲܠ ܣܘܼܠܵܩܹܗ ܕܡܵܪܲܢ܀
                ܥܘܼܢܵܝܵܐ܀
                :ܒܪܝܼܟܘܼ ܡܫܝܼܚܵܐ ܕܲܒܝܘܿܡ ܣܘܼܠܵܩܹܗ
                ܐܲܣܩܲܝ ܘܐܵܘܬܒܲܢ ܥܲܡܹܗ ܒܲܫܡܲܝܵܐ܀
                ܐܚܲܝ̈܀
            
            
                 1 :ܒܫܝܛܘܼܬ ܡܸܕܪܲܢ ܬܗܪܸܬܼ ܣܲܓܿܝܼ ܕܟܼܡܐ ܝܼܪܸܒܼ
                 2 ܕܟܲܕ ܕܚܝܼܚܵܐ ܗ̄ܘ̣ ܩܥ̣ܵܐ ܫܘܼܠܛܵܢܵܐ ܘܐܲܡܠܟ ܥܲܠܘܠ.
                 3 :ܒܚܨܦܵܐ ܫܝܼܛܵܐ ܦܗ̇ܘ ܚܘܫܒܲܝ̈ ܟܡܵܐ ܐܬܪܡܪܲܡ
                 4 ܕܗܘ̤ܵܐ ܡܵܐܝܵܐ ܕܚ̇ܫܚ ܣܲܓܿܝܼ ܠܲܫܒܼܚܵܝ̈ܬܐ.
                 5 :ܒܡܝܘܬܘܬܐ ܡܥܝܬܼ ܚܫ̈ܐ ܒܨܝܬ ܕܬܐܒܩܹܐ
                 6 ܕܗܘ̤ܬ ܡ̣ܢܫܸܠܝ ܢܒܼܥܵܐ ܕܡܲܪܕܹܐ ܚܲܝܹ̈ܐ ܠܟܼܠܐ.
                 7 :ܒܛܝܢܵܐ ܓܒܝܐܐ ܕܪܘܟܵܒܼ ܦܓܼܪܢ ܫܚܩܢܝ ܪܸܥܝܵܢܝ
                 8 ܕܩܢܵܐ ܓܦ̈ܐ ܕܦܪܘܿܚܘܼܬܼܵܐ ܠܐܦܲܝ̈ ܪܵܘܡܵܐ.
                 9 :ܟܝܢܵܐ ܫܝܼܛܵܐ ܪܡܲܙܠܝܼ ܒܫܸܬܩܵܐ ܕܚܙܝܼ ܬܲܗܪܐ
                 10 ܕܟܼܡܵܐ ܝܪܒܲܬ̤ ܡܲܟܝܟܘܼܬܼܵܐ ܕܥܲܦܪܹܗ ܕܐܵܕܵܡ.
                 11 :ܚܫܘܿܫܘܼܬܼܵܐ ܡܥܝܲܬ̤ ܚܲܫܹ̈ܐ ܩܪܬ̤ ܚܦܛܬܢܝ
                 12 ܕܚܘܪ ܒܟܼܝܵܢܵܐ ܡ̣ܬܚܠܥܵܐ ܕܠܒܝܼܫ ܫܘܼܒܼܚܵܐ.
                 13 :ܡܸܕܪܵܐ ܪܦܝܵܐ ܕܡܬܪܝ ܩܚܫ̈ܐ ܩܪܢܝ ܘܐܥܝܼܪܵܢܝ
                 14 ܕܩܘܡ ܘܐܸܒܩܵܐ ܒܒܲܪ ܕܲܚܝܼܚܵܐ ܕܡܛܐ ܠܪ[...]ܥܐ.
                 15 :ܦܪܘܿܫܘܼܬܼܵܐ ܕܒܝܼ ܟܚܕܬܢܝ ܐܲܝܟ ܕܲܠܚܪܫܵܐ
                 16 ܕܢܫܡܲܝ ܚܸܟܵܐ ܦܪܘܿܥ ܬܵܘܕܝܼܬܼܵܐ ܠܡܵܘܪܸܒܼ ܓܸܢܣܵܟ.
                 17 :ܝܲܨܪܵܐ ܕܩܢܘܿܡܝ ܠܥܸܙ ܠܝܼ ܒܫܸܬܩܵܐ ܐ̄ܪܙܢܵܐܝܼܬܼ
                 18 ܕܐܦܸܢ ܡܠ݁̈ܐ ܗܲܒܼ ܪܘܡܪܡܵܐ ܠܚܲܬܼܢܵܐ ܕܪܵܘܡܵܐ.
                 19 :ܪܥܥܝܵܢܝ ܡܲܠܟܢܝ ܕܲܬܠܝܼ ܚܝܵܪܵܟ ܠܐܦܲܝ̈ ܪܵܘܡܵܐ
                 20 ܡܝܘܪ ܒܲܪܩܝܥܐ ܕܦܬܚ ܬܪ̈ܥܘܗܝ ܠܡܲܠܟܵܐ ܚܲܕܬܵܐ.
                 21 :ܠܩܵܠ ܟܵܪܘܿܙܵܐ ܪܘܼܚܵܢܵܝܵܐ ܢܵܕܘܚܘܫܒܲܝ̈
                 22 ܕܩܵܥܹܐ ܒܪܘܼܚܵܐ ܘܲܡܚܘܐ ܠܲܢ ܨܠܸܡ ܙܟܘܬܐ.
                 23 :ܠܣܦܪܵܐ ܚܲܕܬܵܐ ܕܕܝܬܩܹܐ ܚܲܕܬܵܐ ܫܸܡܥܸܬ
                 24 ܕܡܬܪܓܸܡ ܠܹܗ ܒܝܲܕ ܓܸܠܝܵܢܵܐ ܠܫܡܠܵܝ ܚܲܝܲܝ̈ܢ.
                 25 ܠܬܪܹܥܣܲܪܬܵܐ ܕܣܗܕܹ̈ܐ ܒܚܝܼܪܹ̈ܐ ܚ̇ܙܹܝܬ ܕܲܟܢܝܼܫܝܼܢ: 

                 f.187r 
                 26 ܘܡܫܐܠܝܼܢ ܗ̄ܘ̣ܵܘ ܥܲܠ ܦܘܼܢܝܵܐ ܕܡܲܠܟܘܼܬ ܪܵܘܡܵܐ.
                 27 :ܒܢܲܝ̈ ܦܠܛܝܼܢ ܟܢܫܘ ܨܝܕ ܡܲܠܟܵܐ ܕܲܢܫܲܐܠܘܼܢܵܝܗܝ
                 28 ܕܒܲܐܝܢܵܐ ܙܲܒܼܢܵܐ ܡܚܘܐ ܐ̄ܢܬ ܬܵܓܼܵܬ ܕܪܹܫܵܢܘܼܬܵܟ.
                 29 :ܓܠܝܼ ܘܒܕܸܩ ܠܲܢ ܐܸܢܗܘ̤ ܕܩܪܝܼܒ ܡܘܼܠܟܵܢ ܡܸܠܲܝ̈ܟ
                 30 ܘܝ̇ܗܒ ܐ̄ܢܵܐ ܐܲܓܼܪܵܐ ܠܙܪܥܹܗ ܕܐܒܼܪܵܡ ܐܲܝܟ ܕܐܫܬܘܕܝܼܬ.
                 31 :ܪܲܒܵܐ ܡܗܝܼܪܵܐ ܚܙܵܐ ܬܪܥܝܼܬܼܵܐ ܕܫܒܪ̈ܝ ܠܸܒܵܐ
                 32 ܘܲܟܼܠܵܐ ܐܸܢܘܿܢ ܡ̣ܢ ܫܘܼܐܠܵܐ ܒܸܪܪܢܵܝܵܐ.
                 33 :ܒܣܪܢܐܝܼܬ ܫܲܐܸܠܘ ܫܒܪܹ̈ܐ ܥܲܠ ܡܲܠܟܘܼܬܼܵܐ
                 34 ܘܲܡܚܕܸܡ ܟܠ ܒܪܸܒܼ ܐܸܢܘܿܢ ܠܲܓܼܡܝܲܪܘܼܬܼܵܐ.
                 35 :ܠܵܘ ܕܝܠܟܼܘܿܢ ܗ̄ܝ̣ ܠܡܸܕܲܥ ܙܲܒܼܢܵܐ ܕܫܘܼܠܵܡ ܙܲܒܼܢܹ̈ܐ
                 36 ܠܵܐ ܢܸܫܬܲܝܩܘܿܢ ܠܡܵܒܼܗܵܐ ܚܲܝܠܵܐ ܕܣܲܬܝܼܪ̈ܵܬܵܐ.
                 37 :ܕܝܼܠܟܘܿܢ ܗܕܐ ܗ̄ܝ̣ ܠܡܓܼܡܪ ܚܲܝܠܵܐ ܕܟܵܪܘܿܙܘܼܬܼܵܐ
                 38 ܘܬܸܗܘܘܿܢ ܣܵܗ̈ܕܐ ܕܐܘܼܪܚܵܐ ܚܲܕܬܵܐ ܕܕܪܫܬ̣ ܒܲܩܢܘܿܡܝ.
                 39 :ܠܟܼܘܿܢ ܒܥ̇ܐ ܐ̄ܢܵܐ ܕܲܬܚܲܬܡܘܼܢܵܗ̇ ܒܐܪܡܝܼ ܐܝܕܵܐ
                 40 ܠܕܝܵܬܸܩܹܐ ܕܡܬܒܸܬ ܒܲܕܡܵܐ ܠܲܒܼܢܘ̈ܗܝ ܕܐܵܕܵܡ.
                 41 :ܠܟܼܘܿܢ ܫܠ̇ܚ ܐ̄ܢܵܐ ܐܲܝܟ ܐܝܙܓܕ̈ܐ ܠܐܪ̈ܒܲܥܦܸܢܝܵܢ
                 42 ܕܬܦܢܘܿܢ ܥܡܡܹ̈ܐ ܠܲܐ̄ܚܡܵܘܼܬܵܐ ܕܒܹܝܬܼ ܐܲܒܼܪܗܵܡ.
                 43 :ܠܟܘܿܢ ܡܲܠܒܸܫ ܐ̄ܢܐ ܙܲܝܢܵܐ ܕܪܘܼܚܵܐ ܚ̇ܣܢ ܟܠܵܐ
                 44 ܠܡܵܐܚܲܕ ܕܪܼܵܐ ܥܲܡ ܚܲܣܝܼܢܵܐ ܕܫܥܒܸܕ ܐ̄ܢܫ̈ܐ.
                 45 :ܒܟܼܘܿܢ ܐܲܝܟ ܢܘܼܗܪܵܐ ܪܕܿܦ ܐ̄ܢܐ ܠܹܗ ܠܚܸܫܟܵܐ ܕܛܘܼܥܝܲܝ
                 46 ܡܲܕܠܸܩܲܝ̈ܗܘܿܢ ܡܲܢܗܲܪ ܐ̄ܢ̇ܐ ܠܹܗ ܠܥܵܠܡܵܐ ܣܡܝܵܐ.
                 47 :ܒܟܘܿܢ ܓ̇ܠܐ ܐ̄ܢ̇ܐ ܬܲܚܦܝܬ ܥܵܘ̣ܠܵܐ ܕܦܪ̣ܣ ܒܝܼܫܵܐ
                 48 ܘܣܕܸܩ ܐ̄ܢܵܐ ܠܹܗ ܠܢܚܬܐ ܣܢܝܵܐ ܕܙܩܪ ܒܲܥܕܢ.
                 49 :ܠܟܘܿܢ ܩܒܥ ܐ̄ܢܵܐ ܐܲܝܟ ܡܚܙܝܵܬܐ ܩܕܼܵܡ ܚܲܙܝܹ̈ܐ
                 50 ܕܢܸܚܙܘܿܢ ܐ̄ܢܫ̈ܐ ܠܲܩܢܘܿܡܲܝ̈ܗܘܿܢ ܘܢܸܣܢܘܿܢ ܥܘ̣ܠܵܐ.
                 51 :ܒܟܼܘܿܢ ܦܬܚ ܐ̄ܢܵܐ ܓܲܙܵܐ ܕܪܘܼܚܵܐ ܡܥܬܪ ܠܟܼܠܐ
                 52 ܦܘܩܘ ܗܒ̣ܘ ܐܓܼܪܐ ܚܪܘܪ̈ܐ ܕܚܲܝܹ̈ܐ ܠܡܝܘܿܬܘܼܬܼܵܐ.
                 53 :ܒܟܼܘܿܢ ܓ̇ܡܪ ܐ̄ܢܵܐ ܘܡܫܡܠܹܐ ܐ̄ܢܵܐ ܐ̄ܪ̈ܙܹܐ ܘܛܘܼܦ̈ܣܹܐ
                 54 ܦܫܸܩܘ ܘܐܕܢܚܘ ܒܐܕܢܝ̈ ܟܠ ܐ̄ܢܵܫ ܚܹܝܠ ܦܠܐܬ̈ܐ.
                 55 :ܒܟܼܘܿܢ ܕܪܸܫ ܐ̄ܢܵܐ ܐܘܼܪܚܵܐ ܕܪܘܼܚܵܐ ܠܐܪ̈ܥܢܝܹܐ
                 56 ܚܵܘܘ ܐܸܢܘܢ ܫܒܝܼܠ ܬܘܼܩܢܵܐ ܕܠܵܐ ܡܸܬܚܒܲܠ.
                 57 :ܒܟܼܘܿܢ ܓ̇ܠܹܐ ܐ̄ܢܵܐ ܕܝܼܢܹ̈ܐ ܩܫܲܝ̈ܵܐ ܘܪ̈ܲܚܡܹܐ ܫܦܝܼܥܹ̈ܐ
                 58 ܟܲܘܼܢܘ ܘܐܲܟܸܣܘ ܕܠܵܐ ܬܬܚܒܘܿܢ ܒܓܼܙܪ ܕܝܼܢܵܐ.
                 59 :ܫܲܠܸܡ ܪܲܒܵܐ ܠܘܵܬ ܬܲܠܡܝܼܵܕ̈ܘܗܝ ܛܲܟܼܣܹ̈ܐ ܕܲܦܐܹܝܢ
                 60 ܘܫܲܪܝ ܕܢܸܪܕܐ ܒܐܘܪܚܵܐ ܚܲܕܬܵܐ ܕܠܐܦܲܝ̈ ܪܵܘܡܵܐ.
                 61 :ܓܡܪ ܨܒܼܝܢܵܐ ܕܡܫܕܪܢܹܗ ܒܦܘܼܪܩܵܢ ܐ̄ܢܵܫ̈ܐ
                 62 ܘܫܲܡܠܝܼ ܥܒܕܐ ܕܣܵܥܘܿܪܘܼܬܹܗ ܕܚܠܦ ܟܠܐ.
                 63 :ܫܩܲܠ ܙܟܼܘܬܐ [ܠܘܩܒܼܵܠ] ܠܥܹܝܢ ܪ̈ܘܼܚܵܢܹܐ ܘܦܓܼܪ̈ܢܝܹܐ
                 64 ܘܙܚܲܝܘ ܛܥܢܘܼܗܝ ܡܠܝܼ̈ܠܐ ܘܚܪ̈ܫܹܐ ܒܚܘܼܒܵܐ ܕܲܦܐܹܐ.
                 65 :ܟܢܲܫܘ ܐܪ̈ܥܢܐ ܘܫܡܝ̈ܢܐ ܕܲܢܠܵܘܘܼܢܵܝܗܝ
                 66 :ܟܲܕ ܚܵܙܸܩ ܗ̄ܘ̣ܵܐ ܕ[ܐܙܠ] ܢܣܒ ܡܲܠܟܘܼܬ ܪܵܘܡܵܐ
                 67 :ܪܡܙܐ ܟܣܝܵܐ ܟܕܢ ܡܲܪܟܲܒܼܬܼܵܐ ܒܥܪܲܩܲܝ ܪܘܼܚܵܐ
                 68 ܘܦܲܓܸܕ ܠܵܐܐܲܪ ܠܲܪܟܼܘܿܒܼ ܡܲܠܟܵܐ ܕܲܙܟܼܵܐ ܘܲܣܠܸܩ.
                 69 :ܦܪܲܣ ܟܬܢ̈ܐ ܥܢ̈ܢܐ ܕܢܘܼܗܪܵܐ ܥܲܠ ܡܲܪܟܲܒܬܼܵܐ
                 70 ܘܝܬܸܒܼ ܡܲܠܟܵܐ ܘܣܡ ܠܹܗ ܪܸܡܙܵܐ ܬܓܼܵܐ ܒܪܸܫܹܗ.
                 71 :ܟܕܢܘ ܩܠܲܝ̈ܗܘܿܢ ܡܠܝܼܠܹ̈ܐ ܘܚܪ̈ܫܹܐ ܬܚܝܹܠ ܡܲܪܟܩܐ
                 72 ܘܲܡܙܲܚܝܼܢ ܗ̄ܘ̣ܵܘ ܟܲܣܝܵܐ ܒܓܲܠܝܵܐ ܐܝܼܬܝܐ ܒܦܲܓܼܪܵܐ.
                 73 :ܬܪܲܨ ܗܸܢܝܘܿܟܼܵܐ ܪ̈ܟܫܐ ܕܢܘܼܪܵܐ ܠܐܦܲܝ̈ ܪܵܘܡܵܐ
                 74 ܘܐܲܠܸܦ ܐܸܢܘܿܢ ܕܢܸܪܕܘܿܢ ܒܐܘܼܪܚܵܐ ܕܠܵܐ ܐܸܬܕܪܫܲܬ̤.
                 75 :ܗܘ̤ܵܐ ܦܘܩܕܢܵܐ ܐܲܝܟ ܫܝܼܦܘܿܪܵܐ ܒܐܕܢܲܝ̈ ܚܲܪ̈ܫܹܐ
                 76 ܕܦܬܲܚܘ ܬܲܪ̈ܥܹܐ ܕܢܥܘܿܠ ܡܲܠܟܵܐ ܒܫܘܼܒܼܚܵܐ.
                 77 :ܐܪܝܼܡ ܪܸܡܙܵܐ ܠܐܦܵܝ̈ ܬܲܪܥܵܐ ܢܚܬܐ ܕܡܲܝ̈ܵܐ
                 78 ܘܦܬܲܚ ܬܲܪܥܵܐ ܕܡܪܟܲܒܼ ܗ̄ܘ̣ܵܐ ܒܕܦܝ̈ ܡܲܝ̈ܵܐ.
                 79 :ܬܪܥܵܐ ܚܲܕܬܵܐ ܦܬܲܚ ܠܹܗ ܪܹܡܙܵܐ ܠܡܲܠܟܵܐ ܚܲܕܬܵܐ
                 80 ܕܠܵܐ ܕܪܟܲܬ̤ ܒܹܗ ܪܓܼܠܵܐ ܕܐ̄ܢܫ̈ܐ ܒܝܲܕ ܡܠܬܼܵܐ: 

                 f.187v 
                 81 ܗܘ̤ ܒܲܠܚܘܿܕܵܘ̈ܗܝ ܕܪܫܵܗ̇ ܠܐܘܼܪܚܵܐ ܕܡܠܟܘܼܬ ܪܵܘܡܵܐ.
                 82 ܘܥ̣ܠ ܕܢܟܗܸܢ ܒܩܕܘܿܫ ܩܘܼܕܫܹ̈ܐ ܐܲܝܟ ܪܲܒܟܘܼܡܪܹ̈ܐ.
                 83 :ܒܩܘܼܕܫܵܐ ܕܪܵܘܡܵܐ ܡܛܵܝܗܝ ܕܲܢܟܗܸܢ ܪܘܼܚܵܢܵܐܝܼܬܼ
                 84 ܒܐܲܬܪܵܐ ܕܲܗܝܵܐ ܕܠܵܐ ܡܸܬܟܲܬܲܡ ܒܐܪ̈ܥܢܝܵܬܵܐ.
                 85 :ܐܹܝܘ ܠܲܟܼܝܢܵܢ ܕܝܼܪܸܒܼ ܒܲܫܡܵܐ ܘܲܒܼܣܘܼܥܪ̈ܵܢܹܐ
                 86 ܕܲܣܠܸܩ ܘܐܸܡܠܸܟ ܠܥܸܠ ܡ̣ܢ ܪ̈ܫܹܐ ܘܫܠܝܼܛܢܹܐ.
                 87 :ܐܹܝܘ ܠܕܚܝܲܝܲܢ ܕܲܩܢܹܐ ܕܲܪܓܼܵܐ ܕܪܫܢܘܼܬܼܵܐ
                 88 ܘܫܥܒܸܕ ܕܠܵܐ ܬܚܹܝܬ ܫܘܼܠܛܵܫܹܗ ܡܠܝܼ̈ܠܹܐ ܘܚܲܪ̈ܫܹܐ.
                 89 :ܗܲܠܸܟ ܒܐܲܪܥܵܐ ܘܲܫܒܼܵܐ ܫܒܝܼܬܵܐ ܡ̣ܢ ܚܲܣܝܼܢܵܐ
                 90 ܘܲܕܒܼܪܗ̇ ܘܲܣܠܸܩ ܠܐܬܪܐ ܕܡܲܪܝܼܕ ܡ̣ܢ ܢܸܟܼܝ̈ܢܹܐ.
                 91 :ܡܲܟܸܿܟ ܘܫܕܹܐ ܛܪܘܼܢܵܐ ܕܲܡܪܲܕ ܡ̣ܢ ܡܲܥܟܘܼܬܹܗ
                 92 ܘܐܲܠܒܸܫ ܙܲܝܢܵܐ ܪܘܼܚܵܢܵܝܵܐ ܠܚܝܠܘ̈ܬܹܗ.
                 93 :ܐܠܸܦ ܐܢܘܿܢ ܚܹܝܠ ܬܟܼܬܘܼܫܵܐ ܪܘܼܚܵܢܵܐܝܼܬ
                 94 ܕܢܸܗܘܘܿܢ ܚܢܝܢ ܠܘܼܩܒܼܵܠ ܢܝܼܫܵܐ ܕܙܟܼܵܐ ܒܹܗ ܗܘ̤.
                 95 :ܚܘܝܼ ܐܸܢܘܿܢ ܫܒܝܼܠ ܡܲܣܩܬܼܵܐ ܕܐܘܼܪܚܵܐ ܕܪܵܘܡܵܐ
                 96 ܒܐܬ̤ܐ ܕܦܲܓܪܹܗ ܕܡܸܙܕܲܝܲܚ ܗ̄ܘ̣ܵܐ ܠܥܸܠ ܡ̣ܢ ܐܐܪ.
                 97 :ܓܲܪܓ ܐܸܢܘܿܢ ܕܢܚܘܪܘܢ ܒܹܗ ܗܲܢܝܼܵܐܝܼܬ
                 98 ܕܢܚܙܘܿܢ ܫܘܼܒܼܚܹܗ ܘܢܸܩܢܘܿܢ ܣܲܒܼܪܵܐ ܠܘ̇ܬ ܡܘܼܠܟܵܢܵܘ̈ܗܝ.
                 99 :ܓܲܫܸܡ ܠܐܐܲܪ ܐܲܝܟ ܡܲܪܟܼܒܼܬܵܐ ܩܕܼܵܡ ܥܲܝܢܝ̈ܗܘܿܢ
                 100 ܘܪܲܟܸܒ ܪܘܼܚܵܐ ܦܓܼܪܐ ܓܲܠܝܐ ܘܡܛܵܐ ܠܪܘܡܵܐ.
                 101 :ܫܠܲܚ ܨܐܕܲܝܗܘܿܢ ܡ̣ܢ ܪ̈ܘܚܢܹܐ ܕܲܡܙܲܚܝܼܢ ܠܹܗ
                 102 ܘܐܬܡܗܘ ܐܸܢܘܿܢ ܒܝܲܕ ܚܸܘܵܪܹ̈ܐ ܕܠܒܼܝܼܫܝܼܢ ܗ̄ܘ̣ܵܘ.
                 103 :ܒܲܠܒܘܿܫ ܢܘܼܗܪܵܐ ܚܵܘܝܼ ܐܸܢܘܿܢ ܠܫܡܝ̈ܢܹܐ
                 104 ܕܐܸܢ ܐܝܙܓܲܕܵܘ̈ܗܝ ܢܘܼܗܪܵܐ ܥܛܝܼܦܝܼܢ ܟܡܵܐ ܟܲܝ ܕܝܼܠܹܗ.
                 105 :ܢܚܬܐ ܕܢܘܼܗܪܐ ܣܓܼ ܒܐܦܲܝ̈ܗܘܿܢ ܕܠܵܐ ܢܸܫܬܲܚܩܘܿܢ
                 106 ܟܲܕ ܒܵܥܹܝܢ ܗ̄ܘ̣ܵܘ ܕܢܸܚܙܘܿܢ ܡܸܕܡ ܕܠܵܐ ܡܲܦܣ ܗ̄ܘ̣ܵܐ.
                 107 :ܬܪܹܝܢ ܚܘܫܒܹ̈ܐ ܓܲܪܸܓܼܘ ܐܸܢܘܿܢ ܠܐܪ̈ܥܢܝܐ
                 108 ܘܡܸܛܠ ܬܪܬܹܝܢ ܡܬܒܩܝ ܗ̣̄ܘܵܘ ܠܐܦܲܝ̈ ܪܵܘܡܵܐ.
                 109 :ܚܪܘ ܕܐܸܢ ܡܵܨܝܵܐ ܢܸܚܙܘܿܢ ܬܲܪ̈ܥܹܐ ܟܲܕ ܡܸܬܦܲܬܚܝܼ
                 110 ܐܘ ܕܲܠܡܵܐ ܟܲܝ ܡܫܬܚܠܦ ܠܗ̇ ܪܙܟܵܒܼ ܦܓܼܪܹܗ.
                 111 :ܪܢܹܝܢ ܗ̄ܘ̣ܵܘ ܓܹܝܪ ܕܐܲܝܟܵܢ ܣ̇ܠܸܩ ܦܲܓܼܪܵܐ ܠܪܘ[...]ܐ
                 112 ܘܐܝܟܢ ܥܵܐܸ̇ܠ ܩܢܹܐ ܪܘܼܟܵܒܼܵܐ ܒܬܲܪܥܵܐ ܕܐܲܚܝܼܕ.
                 113 :ܒܗܵܕܹܐ ܬܢܘܝ ܫܠܲܚ ܨܐܕܲܝܗܘܿܢ ܠܪ̈ܘܼܚܵܢܵܝܹܐ
                 114 ܕܢ̣ܫܪܹܐ ܩܸܢܛܵܐ ܐܵܦ ܦܘܼܠܓܼܵܐ ܕܪܸ̈ܥܝܵܢܲܝܗܘܿܢ.
                 115 :ܩܡ̣ܘ ܡ̣ܢ ܫܠܸܝܵܐ ܩܕܼܵܡ ܥܲܝܢܲܝ̈ܗܘܿܢ ܘܐܬܡܗܘ ܐܸܢܘܿܢ
                 116 ܕܠܵܐ ܒܲܗ ܠܟܼܝܵܬܐ ܩܪܸܒܘ ܨܐܕܝܗܘܿܢ ܐܠܐ ܡ̣ܢܫܸܠܝ.
                 117 :ܓܠܝܼܠܵܝܹ̈ܐ ܕܹܝܢ ܟܲܢܝܼܘ ܐܸܢܘܿܢ ܒܫܡܵܐ ܓܠܝܵܐ
                 118 ܘܚܵܘܝܼܘ ܐܸܢܘܿܢ ܕܡܦܣܝܼܢ ܗ̄ܘ̣ܵܘ ܒܗ̇ܘ ܕܐܣܬܠܲܩ.
                 119 :ܡ̇ܢ ܩܝܡܝܼܡ ܐ̄ܢܬܘܢ ܘܡܬܒܩܝܢ ܐ̄ܢܬܘܢ ܒܪܘܡܵܐ ܕܲܠܥܸܠ
                 120 ܡ̇ܢ ܫ̇ܚܩܝܼܢ ܐ̄ܢܬܘܿܢ ܒܐܝܕܐ ܕܥܣܩܐ ܠܚܢܲܝ̈ ܒܸܣܪܵܐ.
                 121 :ܝܠܦܘ ܡܢܢ ܐܲܝܟ ܫܪܝܼܪ̈ܐ ܕܣܬܿܝܪ̈ܬܐ
                 122 ܕܗܢܵܐ ܝܼܫܘܿܥ ܗܵܟܼܵܢ ܐܬ̇ܐ ܐܲܝܟ ܕܐܣܬܠܲܩܝ ܒܵܗ̇
                 123 :ܒܚܙܵܬܵܐ ܕܲܚܙܲܝܬܘܼܢܵܝܗܝ ܒܪ̈ܓܫܲܝ ܦܲܓܼܪܐ
                 124 ܒܵܗ ܗܘ̤ ܡܩܵܘܹܐ ܕܠܵܐ ܫܘܼܓܼܫܵܝܵܐ ܒܦܓܼܪܵܐ ܘܢܲܦܫܵܐ.
                 125 :ܒܵܗ̇ ܒܚܙܬܿܐ ܡܩܵܘܹܐ ܒܫܘܦܪܵܐ ܕܠܵܐ ܡܸܬܡܠܲܠ
                 126 ܘܲܥܬܝܼܕ ܕܢܸܐܬܹܐ ܒܫܘܼܠܵܡ ܙܒܢܹ̈ܐ ܠܒܘܼܚܪܵܢ ܟܠܵܐ.
                 127 :ܒܵܗ̇ ܒܲܚܙܵܬܵܐ ܕܦܓܼܪܐ ܓܲܠܝܵܐ ܡܦܫܵܐ ܟܣܝܼܬܼܵܐ
                 128 ܕܲܣܠܸܩ ܘܐܲܡܸܠܟ ܥܲܡ ܨܒܼܝܵܢܵܐ ܕܓܼܒܝܼܗܝ ܡ̣ܢ ܟܠ.
                 129 :ܒܵܗ̇ ܒܚܙܬܵܐ ܟܡܵܐ ܐܸܢ ܢܵܨܝܢ ܗܲܪ̈ܛܝܼܩܹܐ
                 130 ܒܵܗ̇ ܡܵܘܕܹܐ ܐ̄ܢܵܐ ܘܠܵܐ ܟ̇ܦܪ ܐ̄ܢܵܐ ܒܣܗܕܘܼܬ ܥܝܼܪܹ̈ܐ.
                 131 :ܠܵܐ ܡܕܓܠ ܐ̄ܢܵܐ ܠܪ̈ܘܚܢܝܹܐ ܣܗ̈ܕܹܐ ܒܚܝܼܪܹ̈ܐ
                 132 ܘܠܵܐ ܘܫܲܚܠܹܦ ܐ̄ܢܵܐ ܠܛܒܼܥܐ ܓܲܠܝܵܐ ܕܩܵܠ ܡܸܠܲܝ̈ܗܘܿܢ.
                 133 :ܠܵܐ ܡܥܒܲܪ ܐ̄ܢܵܐ ܠܒܢ̈ܬ ܩ̈ܠܐ ܕܥܒܕܝ̈ ܡܲܠܟܵܐ
                 134 ܘܠܵܐ ܡܥܨܐ ܐ̄ܢܵܐ ܠܐܦܛܪ̈ܘܦܹܐ ܕܪܸܡܙܵܐ ܟܣܝܐ.
                 135 ܫܪܝܼܪ ܘܲܒܼܚܝܼܪ ܫܛܪ ܡܣܲܩܬܵܐ ܕܪܫܝܼܬ ܓܸܢܣܲܢ: 

                 f.188r 
                 136 ܘܐܵܦ ܪ̈ܘܼܚܵܢܹܐ ܐܪܡܝܼܘ ܐܝܼܕܵܐ ܘܚܬܡܘ ܘܫܠܸܡܘ.
                 137 :ܒܐܘܼܪܚܵܐ ܕܡܠܬܹܗ ܕܗ̇ܘ ܕܐܣܬܠܲܩ ܪܕܵܘ ܐܦ ܗܸܢܘܿܢ
                 138 ܕܓܼܠܐ ܘܒܲܕܩ ܕܒܲܐܝܢܵܐ ܟܝܢܵܐ ܩܡ ܡ̣ܢ ܩܲܒܼܪܵܐ.
                 139 :ܓܘܫܘܠܲܡ ܘܚܙ̣ܵܘ ܕܘܟܲܬܼ ܪܘܼܡܚܵܐ ܘܕܘܟܲܬ ܨܨ̈ܐ
                 140 ܘܕܲܥܘ ܘܐܬܒܝܲܢܘ ܕܠܵܐ ܩܢܐ ܪܘܼܚܵܐ ܒܸܣܪܵܐ ܘܓܲܪ̈ܡܹܐ.
                 141 :ܒܸܣܪܵܐ ܘܓܲܪ̈ܡܹܐ ܚܵܘܝܼ ܐܸܢܘܿܢ ܠܣܗ̈ܕܐ ܕܡܵܘܬܹܗ
                 142 ܕܠܵܐ ܢܬܦܠܓܘܿܢ ܥܲܠ ܢܘܼܚܵܡܹܗ ܕܕܼܵܡ ܠܘ ܗܘ̤ܝܘ.
                 143 :ܚܵܘܝܼ ܒܦܓܼܪܗ ܨܨܹ̈ܐ ܘܪܘܼܡܚܵܐ ܠܒܢܲܝ̈ ܐ̄ܪܙܹܗ
                 144 ܒܵܬܲܪ ܕܗܘ̤ܵܐ ܠܵܐ ܡܝܘܬܐ ܘܠܵܐ ܚܵܫܘܿܫܵܐ.
                 145 :ܚܘܝܼ ܚܕܬܵܐ ܒܵܬܲܪ ܡܵܘܬܹܗ ܠܒܲܪ ܡ̣ܢ ܛܲܟܼܣܵܐ
                 146 ܕܐܟܲܠ ܘܐܫܬܼܝ ܥܲܡ ܟܵܪ̈ܘܿܙܵܘܗܝ ܘܫܲܪܪ ܐܸܢܘܿܢ.
                 147 :ܥܨ̣ܵܐ ܠܟܼܝܵܢܹܐ ܕܒܠܥܗ̇ ܫܘܼܒܚܵܐ ܠܚܵܫܘܿܫܘܼܬܹܗ
                 148 ܘܚܘܝܹܗ ܒܚܲܫܵܐ ܘܩܒܸܠ ܐܘܼܟܼܠܵܐ ܐܲܝܟ ܚܲܣܝܼܪܵܐ.
                 149 :ܕܚܵܘܝܼ ܚܲܫܵܐ ܒܠܵܐ ܚܵܫܘܿܫܵܐ ܫܲܪܝܼܪܵܐ ܠܲܢ
                 150 ܘܕܐܝܟܵܢ ܚܵܘܝܼ ܗܘ̤ܝܘ ܒܲܠܚܘܿܕ ܝ̇ܕܲܥ ܕܐܲܟܵܢ.
                 151 :ܕܐܸܟܲܠ ܘܐܸܫܬܝܼ ܠܵܐ ܡܕܓܠܝܼܢܢ ܠܲܒܼܢ̈ܬ ܩܵܠܵܘ̈ܗܝ
                 152 ܘܕܐܝܟܢ ܐܟܠ ܠܗ ܗܘ̤ ܓܠܝܐ ܕܐܣܗܕ ܕܐܟܠ.
                 153 :ܠܫܘܼܘܕܵܝ ܡܠܵܘ̈ܗܝ ܩܲܕܸܡ ܚܲܬܸܡ ܒܗܕܐ ܕܣܥ̣ܪ
                 154 ܕܐܡ̣ܪ ܕܥܬܝܼܕ ܕܢܹܐ ܟܘܿܠ ܥܲܡܗܘܿܢ ܒܡܲܠܟܘܼܢ ܪܵܘܡܵܐ.
                 155 :ܘܐܠܵܐ ܢܐܡܪܘܿܢ ܥܛܚ̈ܝ ܦܲܓܼܪܐ ܘܡܚܫܲܝ̈ ܡܠܬܼܵܐ
                 156 ܕܐܝܟܢ ܢܫܡܲܥ ܕܚܘܝ ܚܲܫܹ̈ܐ ܘܐܟܲܢ ܘܐܸܫܬܝܼܢ[...]
                 157 :ܬܵܘ ܬܪܓܡܘ ܠܲܢ ܣܦܪ̈ܐ ܚܕܬ̈ܐ ܕܟܵܪܘܿܙܘܼܬܼܵܐ
                 158 ܕܡܢܘ ܦܓܼܪܐ ܕܩܲܒܸܠ ܚܲܫܹ̈ܐ ܘܲܠܫܟ̈ܝܗܝ ܐܝܼܕܹ̈ܐ.
                 159 :ܐܸܢܗܘ̤ ܕܟܣܝܐ ܐܬ̣ܐ ܠܓܠܝܵܐ ܘܗܘ̤ܐ ܒܸܣܪܐ
                 160 ܠܡ̇ܢ ܚܘܝܼ ܠܲܢ ܚܲܫܹ̈ܐ ܒܦܲܓܪܹܗ ܡ̣ܢ ܕܐܸܬܢܚܲܡ.
                 161 :ܕܲܠܡܵܐ ܟܝܵܢܹܗ ܚܫܘܿܫܐ ܗ̄ܘ̣ܵܐ ܩܕܼܵܡ ܡܹܐܬܝܼܬܹܗ
                 162 ܘܲܠܫܘܼܪܵܪܵܐ ܕܚܫܘܿܫܘܼܬܹܗ ܚܵܘܝܼ ܚܲܫܹ̈ܐ.
                 163 :ܚܣ ܠܵܘ ܨܒܼܝܵܢܝ ܐܘܠܕ ܗܕܐ ܡܲܪܚܘܼܬܵܐ
                 164 ܛܢܵܢܵܐ ܣܟܼܠܐ ܕܡܡܙܓܼ̈ܢܹܐ ܥܨܢܝ ܘܐܡܪܬܿܗ.
                 165 :ܠܘ ܡ̣ܢ ܪܓܬܝ ܣܒܿܟܬܼ ܕܐܣܩ ܠܪܘܡܵܐ ܕܠܥܠ
                 166 ܠܗܘܿܢ ܨ̇ܒܐ ܐ̄ܢܐ ܕܐܚܸܬ ܠܐܲܪܥܵܐ ܕܟܼܡܵܐ ܐܡܪܲܚܘ.
                 167 :ܠܵܘ ܫܘܼܒܼܗܵܪܵܐ ܚܛܦܢܝ ܕܐܗܪܘܿܓܼ ܒܣܬܝܪ̈ܬܐ
                 168 ܠܫܘܥܠܝ ܡ̈ܠܐ ܕܓܘܕܵܦܲܝ̈ܗܘܿܢ ܒܥ̇ܝܬ ܕܐܩܦܝܝ.
                 169 :ܠܵܘ ܗ̄ܘ̣ܵܐ ܕܪܓܼܐ ܕܪܲܒܢܘܼܬܼܵܐ ܒܥ̇ܝܬ ܕܐܚܛܘܿܦ ܠܝܼ
                 170 ܫܒܪܼ̈ܝ ܠܸܒܵܐ ܩܪ̣ܵܘ ܗܦܢܐܝܼܬ ܘܠܵܐ ܒܣܡܬ̤ ܠܝܼ.
                 171 :ܢܗܘܢ ܗܲܦܟܼܘܗܝ ܠܢܝܼܫܵܐ ܕܩܒܲܠ ܒܪܸܫ ܙܵܟܘܼܬܹܗ
                 172 ܘܡܸܛܠ ܗܕܐ ܫܕܝܬ ܠܘܼܩܒܵܠܗܘܿܢ ܓܸܐܪܹ̈ܐ ܕܡܸܠܲܝ̈.
                 173 :ܥܡܝܪܐ ܘܚܒܬܐ ܒܥܘ ܪܸܢܣܝܼܡܘܿܢ ܒܒܸܢܝܢ ܩܘܼܫܬܼܵܐ
                 174 ܘܚܡܘ ܚܘܫܒܲܝ̈ ܐܲܝܟ ܕܒܼܢܘܼܪܵܐ ܕܐܘܩܸܕ ܐܸܢܘܿܢ.
                 175 :ܘܐܠܵܐ ܢܚܵܘܿܘܢ ܒܝܲܕ ܣܘܼܥܪ̈ܢܹܐ ܕܐܝܟܲܢ ܒܢܹܝܢ
                 176 ܘܐܠܸܦ ܢܝܫܵܐ ܕܪ̈ܥܝܢܲܝܗܘܿܢ ܕܐܝܟܢ ܚܵܢܝܼܢ.
                 177 :ܐܸܢ ܡ̣ܢ ܓܘܼܫܡܵܐ ܕܥܕܬܵܐ ܐܸܢܘܿܢ ܐܲܝܟ ܗܲܕܡܹ̈ܐ
                 178 ܡ̇ܢ ܣܢ̇ܝܢ ܠܹܗ ܠܫܡܵܐ ܡܫܝܼܚܵܐ ܪܫܵܐ ܕܓܘܼܫܡܵܐ.
                 179 :ܠܡܵܢܵܐ ܡܢܲܟܼܪܝܼܢ ܫܸܡ ܒܲܪܢܵܫܵܐ ܕܣܝܼܡ ܒܲܟܬ̈ܒܹܐ
                 180 ܘܡ̇ܢ ܥܛܝܢ ܠܫܸܡ ܐܝܼܩܵܪܵܐ ܕܩܒܸܠ ܓܸܢܣܲܢ.
                 181 :ܠܡܵܢܵܐ ܚܵܠܛܝܢ ܟܝܢܵܐ ܓܢܝܼܙܵܐ ܕܠܐ ܡܸܬܚܠܛ
                 182 ܘܡܵܢܵܐ ܡܡܲܙܓܝܼܢ ܐܦ ܟܣܝ̈ܬܐ ܕܠܵܐ ܡܸܬܡܙ̈ܓܼܵܢ.
                 183 :ܠܵܐ ܡܸܬܼܡܢܲܓܼ ܟܝܢܵܐ ܟܲܣܝܵܐ ܒܲܦܓܼܪܐ ܓܲܠܝܵܐ
                 184 ܡܵܐ ܡܣܬܼܝܼܟ ܠܵܐ ܩܵܢܹܐ ܣܟܼܵܐ ܒܡܸܣܬܝܟܢܵܐ.
                 185 :ܠܲܝܬ ܠܹܗ ܐܬܪܐ ܠܐܚܝܼܕ ܟܠܐ ܕܢܸܚܙܘܿܩ ܡܦܘܿܫ
                 186 ܕܠܒܲܪ ܡ̣ܢ ܟܠ ܘܠܓܼܘ ܡ̣ܢ ܟܠ ܟܝܵܢܹܗ ܡܲܡܠܸܟ.
                 187 :ܡܛܠ ܗܵܕܹܐ ܡܬܟܬܲܫ ܐ̄ܢܵܐ ܒܙܲܝܢܵܐ ܕܡܸܠܲܝ̈
                 188 ܕܐܸܚܪܘܿܒ ܣܸܕܪܹ̈ܐ ܕܡܚܫܲܝ̈ ܡܸܠܬܼܵܐ ܘܲܥܛܚ̈ ܦܲܓܼܪܵܐ.
                 189 ܡܬܚܬܝܼܢ ܡܠܬܐ ܠܚܵܫܘܿܫܘܼܬܼܵܐ ܕܒܸܣܪܵܐ ܫܝܼܛܵܐ: 

                 f.188v 
                 190 ܘܕܚܩܝܼܢ ܦܲܓܼܪܵܐ ܡ̣ܢ ܐܝܩܵܪܵܐ ܕܥܲܡ ܐܝܼܬܘܼܬܵܐ.
                 191 :ܩ̇ܥܝܢ ܥܝܼܪܹ̈ܐ ܕܣܠܸܩ ܘܐܲܡܠܸܟ ܒܹܗ ܒܲܟܼܝܢܹܗ
                 192 ܘܣܟܼܝܼܪ ܦܘܼܡܵܐ ܕܥܛܠܝ̈ ܠܸܒܵܐ ܡ̣ܢ ܒܘܼܝܵܢܵܐ.
                 193 :ܕܒܹܗ ܬܘܼܒ ܐܬ̇ܐ ܒܫܘܼܠܵܡ ܙܲܒܼܢܹ̈ܐ ܓܠ̣ܘ ܠܲܫܠܝܼܚܹ̈ܐ
                 194 ܘܠܵܐ ܨܝ̇ܬܝܢ ܠܵܗ̇ ܠܟܼܵܪܘܿܙܘܼܬܼܵܐ ܕܪ̈ܘܚܢܝܹܐ.
                 195 :ܒܲܪ ܓܢܣܢ ܗ̄ܘ̣ ܕܲܣܠܸܩ ܘܐܲܡܠܸܟ ܥܲܡ ܐܝܼܬܘܼܬܼܵܐ
                 196 ܘܠܵܘ ܐܝܼܬܘܼܬܼܵܐ ܢܚܬܲܬ̤ ܠܐܲܪܥܵܐ ܘܐܟܢ ܣܸܠܩܲܬ̤.
                 197 :ܟܝܵܢܵܐ ܗ̄ܘ̣ ܕܝܼܠܲܢ ܕܪܟܸܒ ܪܘܼܚܵܐ ܘܦܓܸܕ ܠܐܐܲܪ
                 198 ܘܙܝܲܚܘ ܛܲܥܢܘܼܗܝ ܡܠܝܼ̈ܠܹܐ ܘܚܲܪ̈ܫܹܐ ܡܛܠ ܟܣܝܵܐ.
                 199 :ܗܘܝ̤ܘ ܕܕܪܲܫ ܐܘܼܪܚܵܐ ܚܲܕܬܵܐ ܒܐܲܐܪ ܪܲܓܼܝܵܐ
                 200 ܘܐܵܝܥܝ ܓܼܦܹ̈ܐ ܕܦܪܘܿܚܘܼܬܼܵܐ ܕܠܵܐ ܒܲܟܼܝܢܹܗ.
                 201 :ܗܘܝ̤ܘ ܕܦܬܲܚ ܬܪ̈ܥܲܝ ܪܵܘܡܵܐ ܩܕܼܵܡ ܐܪ̈ܥܢܹܐ
                 202 ܘܥܲܠ ܕܢܟܗܢ ܒܩܕܘܿܫ ܩܘܼܕ̈ܫܐ ܚܠܵܦ ܚܲܝܲܝ̈ܗܘܿܢ.
                 203 :ܠܵܐ ܗ̄ܘ̣ܵܐ ܒܛܲܟܼܣ̇ܐ ܢܡܘܣܝܵܐ ܥܲܠ ܕܲܢܟܗܸܢ
                 204 ܐܠܐ ܒܕܡܵܐ ܕܕܝܵܬܸܩܹܐ ܚܲܕܬܵܐ ܕܝܼܠܹܗ.
                 205 :ܠܵܘ ܕܢܫܡܸܫ ܒܐܲܪ̈ܥܵܢܝܵܬܼܵܐ ܡܛܝܗܝ ܐܲܝܟ ܟܘܡܪܹ̈ܐ
                 206 ܠܫܡܝܵܐ ܥܲܠ ܕܲܢܚܣܹܐ ܟܠ ܒܕܸܒܚܵܐ ܕܢܲܦܫܹܗ.
                 207 :ܚܕܵܐ ܡܥܠܬܐ ܥܲܠ ܘܐܢܩܒܲܠ ܒܩܕܘܿܫ ܩܘܼܕ̈ܫܹܐ
                 208 ܘܠܵܐ ܬܘܼܒܼ ܦܣܸܩ ܙܲܒܼܢܵܐ ܠܡܲܚܬܹܗ ܘܪܲܒܘܼܬ ܕܲܪܓܹܗ.
                 209 :ܥܠ̣ ܘܐܬܚܘܼܝ ܩܕܵܡ ܚ̇ܙܐ ܟܠ ܕܲܚܙܹܐ ܗ̄ܘ̣ܵܐ ܠܹܗ
                 210 ܘܝܗ̣ܒ ܠܹܗ ܕܪܲܓܼܵܐ ܘܣܵܡ ܠܹܗ ܬܵܓܼܵܐ ܕܫܸܡ ܐܝܼܬܘܼܬܼܵܐ.
                 211 :ܩܲܪܒܹܗ ܒܚܲܝܵܠܐ ܕܪܸܡܙܵܐ ܟܲܣܝܵܐ ܠܕܪܓܼܵܐ ܕܲܠܥܸܠ
                 212 ܠܗ̇ܝ ܪܲܒܘܼܬܵܐ ܕܠܵܐ ܡܸܬܦܚܡܵܐ ܥܲܡ ܕܥܒܼܝܼ̈ܕܹܐܘ
                 213 :ܫܥܒܸܕ ܠܹܗ ܟܠ ܘܐܡܸܠܸܟ ܥܠ ܟܠ ܒܚܹܝܠ ܢܵܣܘܿܒܹܗ
                 214 ܘܩܒܸܠ ܕܢܕܘܢ ܠܪ̈ܘܚܵܢܹܝܵܐ ܘܦܓܼܪ̈ܢܝܹܐ.
                 215 :ܒܕܝܼܢܹܗ ܒܚ̇ܪ ܠܦܪܘܿܫܘܼܬܼܵܐ ܕܡܲܠܝܼܠܘܬܐ
                 216 :ܘܡܲܚܬܐ ܒܥ̇ܕܐ ܘܡ̈ܠܐ ܘܪܡܙܠ ܕܥܝ̈ܢܐ
                 217 :ܒܝܲܕ ܓܠܝܘܼܬܼܵܐ ܕܦܓܼܪܹܗ ܚܵܙܹܝܬ ܒܙܘ̈ܥܐ ܟܣܝ̈ܐ
                 218 ܠܗ̇ܝ ܟܣܝܘܼܬܼܵܐ ܕܡܣܝܵܐ ܡ̣ܢܟܠ ܘܓܼܠܐ ܠܗ̇ ܟܠ.
                 219 :ܒܹܗ ܡܸܬܒܩܝܼܢ ܒܪ̈ܓܼܫܹܐ ܕܲܠܒܲܪ ܐܲܝܟ ܕܒܓܠܝܐ
                 220 ܘܒܪܥܝܢܵܐ ܒܚܹܝܠ ܐܝܼܬܼܘܼܬܼܵܐ ܕܟܣܝܐ ܒܓܘܗ.
                 221 :ܒܢܝܪܐ ܕܚܘܼܒܹܗ ܟܕܝܼܢܝܼܢ ܐ̄ܟܚܕ ܥܝܼܪܹ̈ܐ ܘܐ̄ܢ̈ܫܐ
                 222 :ܘܲܡܙܲܚܝܢ ܠܹܗ ܐܲܝܟ ܕܠܨܠܡܵܐ ܕܡܲܠܟܵܐ ܟܲܣܝܵܐ
                 223 :ܒܦܓܼܪܹܗ ܚܵܙܹܝܢ ܦܓܼܪ̈ܢܝܐ ܠܗܕܡܲܝ̈ܗܘܿܢ
                 224 ܘܪ̈ܘܚܢܝܹܐ ܒܙܘܲܥܝ̈ ܠܲܩܢܘܿܡܲܝ̈ܗܘܿܢ.
                 225 :ܬܢܝܿܢ ܫܘܼܒܼܚܵܐ ܒܩܠܵܐ ܕܪ̈ܓܫܹܐ ܪܘܼܚܵܢܵܐܝܼܬ
                 226 ܘܡܩܕܫܝܼܢ ܠܹܗ ܒܗܲܢܝܼܐܘܼܬܵܐ ܕܪ̈ܥܝܢܲܝܗܘܿܢ.
                 227 :ܣܓܼܕܝܢ ܟܠܫܵܥ ܒܗܝܟܠ ܦܲܓܼܪܹܗ ܠܗܘܿ ܕܟܼܣܹܐ ܒܹܗ
                 228 ܘܡܩܪܒܝܼܢ ܠܹܗ ܕܒܼܚܹ̈ܐ ܟܣܝ̈ܐ ܕܪ̈ܥܝܢܲܝܗܘܿܢ.
                 229 :ܒܲܠܡܐܝܢ ܦܓܼܪܗ ܢܚܝܼܢ ܙܘ̈ܥܐ ܕܚܘܼܫܵܒܲܝ̈ܗܘܿܢ
                 230 ܡܵܐ ܕܡܸܫܬܲܚܩܝܼܢ ܒܒܥܬ ܟܣܝܵܐ ܕܠܵܐ ܡܬܕܪܟܵܐ.
                 231 :ܡܸܛܠܗܵܕܹܐ ܓܼܒܝܗܝ ܡ̣ܢ ܟܠܐ ܡܬܩܢ ܟܠܐ
                 232 ܕܢܡܠܐ ܒܗ̇ ܒܓܼܠܝܘܼܬܼ ܦܓܼܪܗ ܣܘܢܩ̇ܢ ܟܠܐ.
                 233 :ܣܢܝܼܩ ܗ̄ܘ̣ܵܐ ܥܒܼܝܼܕܵܐ ܕܬܒܼܥܹܐ ܟܠܫܵܥ ܡܕܡ ܕܟܼܣܹܐ
                 234 ܘܢܐܠܲܦ ܚܲܝܠܵܐ ܕܲܣܬܝܼܪ̈ܬܵܐ ܘܒܘܼܕܵܩܲܝ̈ܗܘܿܢ.
                 235 :ܘܕܠܵܐ ܡܨܝܐ ܕܟܝܢ ܟܣܝܐ ܢܐܬܐ ܠܓܠܝܐ
                 236 ܬܚܡ ܐܢܘܿܢ ܠܫܘܼܐܵܠܲܝܗ̈ܘܿܢ ܒܨܠܡܵܐ ܓܼܠܝܵܐ.
                 237 :ܪܗܛܝܼܢ ܟܠܫܵܥ ܒܐܸܣܛܵܕܝܘܿܢ ܕܫܸܡ ܐܝܼܬܘܼܬܼܵܐ
                 238 ܘܡܵܐ ܕܐܬܡܛܝܼܘ ܠܬܪܲܥ ܦܓܼܪܹܗ ܫܩܲܠܘ ܙܵܟܼܘܼܬܼܵܐ.
                 239 :ܗܘ̤ ܝ̇ܗܒܠܗ̇ ܠܐܲܬܼܠܹܝܛܘܼܬܼܵܐ ܕܪܸܥܝܢܲܝܗܘܿܢ
                 240 ܟܠܝܼܠܵܐ ܕܡܵܘܸܫܛ ܟܣܝܐ ܒܐܝܼܕܹܗ ܚܠܵܦ ܥܲܡܠܲܝ̈ܗܘܿܢ.
                 241 :ܒܐܝܕܵܐ ܕܦܓܼܪܹܗ ܝ̇ܗܒ ܐܲܕܼܪܵܐ ܡܵܪܹܐ ܟܪܡܵܐ
                 242 ܠܦܥ̈ܠܹܐ ܕܲܠܐܝܼܘ ܡܸܛܠ ܣܲܒܼܪܵܐ ܕܚܲܝܹ̈ܐ ܚܲܕܬܹ̈ܐ.
                 243 ܘܒܹܗ ܡܬܦܢ̈ܝܢ ܟܲܪܪܹ̈ܐ ܕܪܘܼܚܵܐ ܠܥܒܕܹ̈ܐ ܛܵܒܹ̈ܐ: 

                 f.189r 
                 244 ܕܢܣܲܒܼܘ ܟܸܣܦܵܐ ܘܦܲܪܢܸܣܘ ܫܲܦܝܼܪ ܘܫܬܲܪܘ ܘܐܲܥܬܲܪܘ.
                 245 :ܡܢܹܗ ܫܡ̇ܥ ܥܒܼܕܵܐ ܒܝܼܫܵܐ ܠܗܝ̇ ܒܲܪܬܵ ܩܵܠܵܐ
                 246 ܕܡܛܠ ܡܵܢܵܐ ܛܫܝܼܬ ܟܟܪܐ ܕܝܸܗܒܿܬܼ ܒܐܝܼܕܲܝ̈ܟ.
                 247 :ܥܡܹܗ ܥܐ̈ܠܢ ܚܟܝ̈ܡܬܼܵܐ ܠܓܼܢܘܿܢ ܚܲܬܼܢܵܐ
                 248 ܟܲܕ ܡܬܓܲܐ̈ܝܵܢ ܒܠܒܘܿܫ ܫܘܼܒܚܵܐ ܕܠܵܐ ܡܬܚܼܒܹܠ.
                 249 :ܗܘ̤ܝܘ ܡܦܢܹܐ ܠܘܵܬ ܣܟ̈ܠܬܐ ܕܠܵܐ ܩܢܝ̈ ܡܸܫܚܵܐ
                 250 ܕܙ̈ܠ ܐܬܒܣ̈ܡ ܡ̣ܢ ܥܡܠܝܟܝܢ ܐܲܝܟ ܕܲܕܚܸܡܬܹ̇ܝܢ.
                 251 :ܒܩܵܠ ܦܬܓܡܵܘ̈ܗܝ ܩܵܢܹܝܢ ܣܲܒܼܪܵܐ ܢܛܪ̈ܝ ܚܘܼܒܹܗ
                 252 ܘܢܦܩ̈ܢ ܠܐܘܪܥܹܗ ܠܡܸܣܒ ܐܲܓܼܪܵܐ ܚܠܦ ܥܡܠܲܝ̈ܗܘܿܢ.
                 253 :ܥܡܹܗ ܦܪܚܝܼܢ ܠܐܦܲܝ̈ ܪܵܘܡܵܐ ܒܓܸܦܹ̈ܐ ܕܪܘܼܚܵܐ
                 254 ܟܕ ܡܸܙܕܲܝܚܝܼܢ ܥܲܠ ܡܲܪܟܲܒܼܬܼܵܐ ܕܚܨܗ ܕܐܵܐܲܪ.
                 255 :ܒܐܬܸܐ ܓܠܝܼܵܬܐ ܕܐܣܬܠܲܩ ܒܗ̇ ܦܲܓܼܪܗ ܕܝܼܠܹܗ
                 256 ܒܵܗ̇ ܡܬܥܠܝܼܢ ܦܓܼܪ̈ܐ ܕܲܗܘ̤ܵܘ ܥܘܼܡܪܵܐ ܠܚܘܼܒܹܗ.
                 257 :ܥܢܢܵܐ ܛܥܢܬܹܗ ܐܲܝܟ ܡܪܟܒܬܼܵܐ ܟܕ ܣܵܠܸܩ ܗ̄ܘ̣ܵܐ
                 258 ܘܪܡܙܵܐ ܟܣܝܐ ܡܕܒܲܪ ܗܘ̣ܵܐ ܠܗ̇ ܐܝܟ ܗܢܝܟܐ.
                 259 :ܒܗ̇ ܒܕܡܘܬܵܐ ܥܢܢܹ̈ܐ ܕܢܘܼܗܪܵܐ ܛܥܢ̈ܐ ܦܓܪܹ̈ܐ
                 260 ܒܗ̇ܘ ܦܘܩܕܢܵܐ ܕܦܓܼܕ ܠܐܐܲܪ ܘܙܲ[...]ܝ ܦܲܓܼܪܹܗ.
                 261 :ܒܗ ܨܵܪܐܢܝܢ ܠܡܚ̈ܠܬܢ ܘܠܫܒܝܼܚܵܝ̈ܬܼܵܢ
                 262 ܘܪܫܡ ܐܢܝܢ ܠܟܬܝܒ̈ܬܐ ܒܕܦܐ ܕܦܓܼܪܹܗ.
                 263 :ܒܹܗ ܚܵܘܝܼ ܠܲܢ ܥܲܠ ܡܦܘܼܠܬܲܢ ܕܟܼܡܵܐ ܥܫܢܲܬ̤
                 264 ܘܒܹܗ ܒܕܸܩ ܠܲܢ ܥܲܠ ܦܘܪܩܢܲܢ ܕܟܼܡܵܐ ܡܥܠܲܝ.
                 265 :ܒܒܲܛܢܗ ܨܪܗ̇ ܠܓܼܒܝܼܠܘܼܬܲܢ ܡ̣ܢ ܕܲܝܚܝܼܝܵܐ
                 266 ܘܒܡܘ ܠܕܹܗ ܕܕܠܵܐ ܢܸܩܦܵܐ ܝܠܕܬܢ ܐܲܪܥܵܐ܆
                 267 :ܒܝܲܕ ܬܪܒܝܼܬܹܗ ܕܒܐܪ̈ܥܢܝܵܬܐ ܓ̣ܠܐ ܕܡܢܲܢ ܗ̄ܘ̣
                 268 ܘܕܣܒܼܠ ܚܫ̈ܐ ܚܘܝܼ ܟܝܢܹܗ ܕܡ̣ܢ ܡܵܝܘ̈ܬܐ ܗ̄ܘ̣.
                 269 :ܒܡܵܘܹܗ ܐܟܪܸܙ ܥܲܠ ܬܲܪܥܘܼܬܼܵܐ ܕܗܘ̤ܝܬ ܒܐܝܼܕܹܗ
                 270 ܘܒܢܘܚܡܹܗ ܫܪ̣ܐ ܠܲܚܛܝܼܬܵܐ ܘܒܲܛܸܠ ܡܵܘܬܵܐ.
                 271 :ܒܝܲܕ ܣܦܩܬܹܗ ܕܪܲܫ ܠܲܢ ܐܘܼܪܚܵܐ ܕܢܸܣܲܩ ܠܪܘܡܵܐ
                 272 ܘܲܒܼܙܘܼܚܵܝܹܗ ܪܲܡܪܵܡ ܦܓܼܪܢ ܡ̣ܢ ܕܲܚܝܼܚܵܐ.
                 273 :ܒܕܘܟܲܬ ܨܦܪܐ ܗܘ̤ܵܐ ܠܲܢ ܕܢܚܹܗ ܐܲܪܥܢܝܵܐ
                 274 ܘܫܘܼܠܡ ܝܘܡܵܐ ܪܗܛܵܐ ܕܐܘܪܚܹܗ ܕܠܐܦܝ̈ ܪܵܘܡܵܐ.
                 275 :ܢܦ̣ܩ ܡ̣ܢ ܨܦܪܐ ܘܠܚܗ̇ ܒܚ̈ܫܐ ܠܐܸܫܘܵܪ ܦܓܼܪܢ
                 276 ܘܢܚ ܒܠܡܹܐܢܵܐ ܕܪܘܡܵܐ ܕܠܥܸܠ ܐܝܟ ܕܒܪܡܵܫܐ.
                 277 :ܒܝܲܕ ܡܲܣܩܬܹܗ ܦܬܚܢܲܢ ܬܲܪ̈ܥܹܐ ܕܐܚܝܼܕܝܼܢ ܗ̄ܘ̣ܵܘ
                 278 ܘܐܥܠܲܢ ܥܡܗ ܠܩܕܘܿܫ ܩܘܿܕ̈ܫܐ ܕܠܐ ܡܲܦܣ ܗ̄ܘ̣ܵܐ.
                 279 :ܣܠܸܩ ܕܚܝܼܢܲܢ ܥܲܡ ܪܘܡܪܡܹܗ ܠܘܵܬ ܐܝܼܬܘܼܬܼܵܐ
                 280 ܘܝܼܬܼܒܼ ܥܲܦܪܲܢ ܒܛܲܟܸܣܵܐ ܕܡܲܠܟܵܐ ܩܢܹܐ ܫܘܼܠܛܢܵܐ.
                 281 :ܐܚܲܕ ܫܲܒܛܵܐ ܕܪܫܢܘܼܬܼܵܐ ܘܐܡܠܸܟ ܥܲܠ ܟܠ
                 282 ܘܫܪܝܼ ܦܩܕ ܒܕܠܐ ܕܝܼܠܹܗ ܐܲܝܟ ܥܒܼܘܿܕܵܐ.
                 283 :ܐܹܝܘ ܕܚܝܼܚܵܐ ܕܟܼܡܵܐ ܝܼܪܸܒܼ ܒܲܕܠܵܐ ܕܝܼܠܹܗ
                 284 ܐܝܘ ܡܝܘܬܵܐ ܕܦܠܓܼ ܚܲܝܹ̈ܐ ܡ̣ܢ ܕܐ̄ܚܪ̈ܢܹܐ.
                 285 :ܐܝܘ ܐܪܥܢܵܐ ܕܫܒܲܩ ܐܪܥܵܐ ܐܸܡܵܐ ܕܦܓܼܪܹܗ
                 286 ܘܥ݂ܲܠ ܕܢܕܝܲܪ ܒܥܘܼܒܵܐ ܕܐܸܡܵܐ ܕܠܵܐ ܒܲܟܼܝܵܢܹܗ.
                 287 :ܐܝܘ ܥܦܪܢܵܐ ܕܐܪܦܝܼ ܐܬܼܪܹܗ ܥܘܼܡܪܵܐ ܕܙܒܼܢܵܐ
                 288 ܘܲܣܠܸܩ ܠܐܲܬܪܵܐ ܕܠܲܝܢ ܫܘܼܠܡܵܐ ܠܐܡܝܢܘܼܬܼ
                 289 :ܐܹܝܘ ܒܲܪ ܛܘܗܡܵܐ ܐܕܡܝܵܐ ܓܒܝܼܠ ܡ̣ܢ ܐܲܪܥܵܐ
                 290 ܕܩܢܵܐ ܕܪܓܼܐ ܘܫܸܡ ܫܘܼܠܛܢܵܐ ܕܐܠܗܘܼܬܵܐ.
                 291 :ܪܟܒܼ ܝܩܝܼܪܵܐ ܓܸܦܹ̈ܐ ܕܪܘܼܚܵܠ ܘܦܪܚ ܒܐܐܪ
                 292 ܘܐܬܗܲܪ ܐܢܘܿܢ ܠܟܢܫܲܝ̈ ܪܵܘܡܵܐ ܒܩܲܠܝܼܠܘܼܬܹܗ.
                 293 :ܒܬܗܪܐ ܪܲܒܵܐ ܩܡ̣ܘ ܟܢܫܝ̈ܗܘܢ ܕܫܡܝ̈ܢܐ
                 294 ܟܲܕ ܚܙܝܢ ܗ̄ܘ̣ܵܘ ܦܓܼܪܵܐ ܕܦ̇ܪܚ ܕܠܵܐ ܒܲܥܝܕܵܐ.
                 295 :ܟܠܝܼܠܵܐ ܕܫܘܼܒܼܚܵܐ ܓܕܲܠܘ ܠܹܗ ܥܝܼܪܹ̈ܐ ܟܲܕ ܣ̇ܠܸܩ ܗ̄ܘ̣ܵܐ
                 296 ܕܚܙ̣ܘ ܕܲܕܲܪܲܫ ܐܘܼܪܚܵܐ ܠܐ̄ܢ̈ܫܐ ܠܘܵܬܼ ܟܸܢܫܲܝ̈ܗܘܿܢ.
                 297 :ܗܘ̤ܘ ܐܝܙܓܲܕܹ̈ܐ ܠܘܵܬ ܬܠܡܝܼ̈ܕܹܐ ܕܟܼܡܝܼܪܝܼܢ ܗ̄ܘ̣ܵܘ
                 298 ܘܐܦܨܚ ܐܸܢܘܿܢ ܒܝܲܕ ܚܸܘܪܹ̈ܐ ܕܠܒܼܝܼܫܝܼܢ ܗ̄ܘ̣ܵܘ.
                 299 ܚܘܼܒܵܐ ܘܪ̈ܚܡܹܐ ܩܢܵܘ ܨܝܕ ܓܸܢܣܲܢ ܒܝܲܕ ܡܲܣܲܩܬܹܗ: 

                 f.189v 
                 300 ܘܫܪܝܼܘ ܪܕܝܢ ܒܐܘܼܪܚܵܐ ܕܫܝܢܵܐ ܠܘܵܬ ܐ̄ܢܫܘܬܢ.
                 301 :ܟܡܝܼܪܝܼܢ ܗ̄ܘ̣ܵܘ ܛܵܒܼ ܥܲܠ ܡܦܘܠܬܲܢ ܡ̣ܢ ܫܘܼܒܵܝܵܐ
                 302 ܘܕܚܙ̣ܘ ܩܘܡܲܢ ܒܝܲܓ ܒܲܪ ܓܢܣܢ ܚܕܝܘ ܐ̄ܬ̄ܒ ܘܐܬܒܝܲܐܘ.
                 303 :ܒܥܪ ܦܘܩܕܢܵܐ ܣܓܼܗ̇ ܠܐܘܼܪܚܵܐ ܒܝܢܲܢ ܘܲܠܗܘܿܢ
                 304 ܘܲܫܪܝܗܝ ܒܕܡܹܗ ܠܓܼܙܪ ܕܝܼܢܵܐ ܕܣܓܼ ܚܘ̈ܒܬܲܢ.
                 305 :ܒܡܨܥܝܘܼܬܹܗ ܫܝܢ ܟܠܐ ܒܝܲܕ ܡܪܟܠ
                 306 ܘܫܪܪܗ ܠܫܝܢܵܐ ܕܚܘܕܬ ܟܠܐ ܒܝܲܕ ܡܣܲܩܬܹܗ.
                 307 :ܫܪ̣̰ܐ ܠܐܣܝܼܪܹ̈ܐ ܕܚܒܝܼܫܝܼܢ ܗ̄ܘ̣ܵܘ ܒܚܸܣܢܹ̈ܐ ܕܥܵܡ̣ܐ
                 308 ܘܒܲܝܐ ܐܢܘܿܢ ܒܲܫܒܼܚ̈ܝܵܬܵܐ ܕܩܲܒܸܿܠ ܘܝܼܪܬ.
                 309 :ܗܘ̤ ܒܲܩܢܘܿܡܹܗ ܗܘ̤ܐ ܡܲܚܙܝܼ̈ܬܐ ܕܫܦܝܼܪ̈ܵܬܵܐ
                 310 ܘܓܕܠ ܐܝܢܝܢ ܟܠܝܼ̈ܠܹܐ ܦܐܝܐ ܠܪܸܫ ܙܵܟܘܼܬܹܗ.
                 311 :ܒܒܛܢܗ ܫܘܼܒܼܚܵܐ ܠܐܠܗ ܟܠܐ ܡ̣ܢ ܬܘܼܩܵܢܵܘ̈ܗܝ
                 312 ܘܫܝܢܵܐ ܒܐܪܥܵܐ ܘܣܲܒܼܪܵܐ ܛܵܒܼܵܐ ܠܲܕܠܵܐ ܣܲܒܼܪܵܐ
                 313 :ܒܩܘܼܪܵܒܼ ܕܒܼܚܹ̈ܐ ܩܵܠ ܒܘܼܕܩܵܐ ܕܬܒܝܼܘܼܬܼܵܐ
                 314 ܕܗܵܐ ܣܝܼܡ ܠܓܙܪ ܕܝܼܢܵܐ ܘܠܐܬ̤ܐ ܕܫܲܝܢܵܐ.
                 315 :ܥܡܲܕܹܗ ܩܪܐ ܐܲܝܟ ܫܝܼܦܘܿܪܵܐ ܥܲܠ ܪܲܒܘܼܬܹܗ
                 316 ܘܩܵܠܹܗ ܕܐܒܼܐ ܡܲܟܼܪܸܙ ܚܘܼܒܹܗ ܘܪܒܘܼܬ ܕܲܪܓܹܗ.
                 317 :ܨܘܡܹܗ ܡܲܟܼܪܸܙ ܥܲܠ ܙܵܟܘܼܬܹܗ ܕܒܓܼܘ ܚܘܼܪܒܵܐ
                 318 ܕܚܣܢܹܗ ܒܪܸ̈ܓܼܫܹܐ ܦܓܼܪ̈ܢܹܝܐ ܠܚ̇ܣܸܢ ܟܠܵܐ.
                 319 :ܒܥܕܵܢ ܡܵܘܬܹܗ ܐܵܦ ܫܬܼܝܩܹ̈ܐ ܗܘ̤ܵܘ ܡܠܠܹ̈ܐ
                 320 ܕܥ̣ܨܐ ܐܢܘܿܢ ܪܸܡܙܵܐ ܟܲܣܝܵܐ ܘܲܩܢ̣ܵܘ ܚܲܝܠܵܐ.
                 321 :ܩܵܠ ܢܡܝܡܹܗ ܩܛܠܹܗ ܠܡܵܘܬܵܐ ܘܕܵܫ ܠܚܛܝܼܬܵܐ
                 322 ܘܩܥ̣ܘ ܡܝ̈ܬܐ ܒܐܕܢܲܝ̈ ܡܵܘܬܼܵܐ ܕܐܲܝܟܿܘܿ ܥܘܼܩܣܵܟ.
                 323 :ܒܝܘܿܡ ܡܲܣܩܬܹܗ ܩܪ̣ܵܐ ܠܐܪ̈ܥܢܹܐ ܘܲܠܫܡܝܼܢܹ̈ܐ
                 324 ܘܚܘܝܼ ܐܢܘܿܢ ܐܘܪܚܵܐ ܚܲܕܬܵܐ ܠܡܪܕܐ ܠܪܘܡܵܐ.
                 325 :ܢܦ̣ܩܘ ܒܲܠܘܼܝܬܹܗ ܪ̈ܘܼܚܢܝܹܐ ܘܦܓܼܪ̈ܢܝܹܐ
                 326 ܕܢܸܚܙܘܿܢ ܦܓܼܪܗ ܐܲܝܟ ܦܪܚ ܪܘܼܚܵܢܵܐܝܼܬܼ.
                 327 :ܗܲܢܝܼܵܐ [ܗ̄ܘ̣ܵܬ] ܚܙܵܬܵܐ ܕܦܲܓܼܪܹܗ ܠܐܪ̈ܥܢܝܹܐ
                 328 ܘܪܚܝܼܡ ܗ̄ܘ̣ܵܐ ܛܵܒܼ ܥܸܢܝܵܢ ܢܦܫܹܗ ܠܲܡܫܲܝ̈ܢܹܐ.
                 329 :ܠܵܐ ܣܒܼܥܐ ܗ̄ܘ̣ܵܬ ܥܲܝܢܵܐ ܕܒܸܣܪܵܐ ܠܡܸܬܒܲܩܵܝܘܼ
                 330 ܒܪ̈ܓܼܫܝ ܦܓܼܪܗ ܟܲܕ ܡܙܕܝܲܚ ܥܲܠ ܡܲܪܟܲܫܵܬܐ.
                 331 :ܠܐ ܡܢܚܝܢ ܗ̄ܘ̣ܵܘ ܪ̈ܘܚܢܝܹܐ ܢܦܘܫܘܢ ܡܸܢܹܗ
                 332 ܘܡܬ ܚܦܛܝܼܢ ܗ̄ܘ̣ܵܘ ܕܐܲܝܟܵܐ ܢܸܥܸܠܘܿܒܼ ܒܚܘܼܒܵܐ ܨܐܹܕܵܘܗܝ.
                 333 :ܦܐܹܐ ܗ̄ܘ̣ܵܐ ܘܪܓܝܼܓ ܐܦܗܘ̤ ܙܲܒܼܢܵܐ ܕܐܣܬܠܲܩ ܒܹܗ
                 334 ܘܥܸܠܒ ܗ̄ܘ̣ܵܐ ܠܹܗ ܠܐܣܦܹܝܪ ܫܡܫܵܐ ܪܲܗܛܵܐ ܕܐܘܼܪܚܹܗ.
                 335 :ܥܲܡ ܙܵܟܘܬܵܐ ܕܫܡܫܵܐ ܪܲܒܵܐ ܥܒܲܕ ܙܟܘܬܹܗ
                 336 ܘܦܪܣ ܢܘܼܗܪܵܐ ܕܟܼܵܪܘܿܙܘܼܬܹܗ ܠܐܲܪܘܥ ܦܸܢ̈ܝܵܢ.
                 337 :ܒܝܲܪܚܵܐ ܕܙܟܼܐ ܢܘܼܗܪܵܐ ܠܚܫܟܵܐ ܕܟ̣ܵܗ̇ ܠܲܚܛܝܼܬܵܐ
                 338 ܘܪܕܦܗ̇ ܠܛܘܥܝܲܝ ܢܚܬܐ ܣܢܝܵܐ ܕܙܩܪ ܒܝܼܫܵܐ.
                 339 :ܙܟܼܐ ܒܚܙܝܼܪܢ ܢܘܼܗܪܵܐ ܘܢܘܼܗܪܵܐ ܥܒܕܐ ܘܡܵܪܵܐ
                 340 ܘܚܒܼ ܚܫܘܟܼܵܐ ܥܲܡ ܚܸܫܘܿܟܼܵܐ ܠܸܠܚܐ ܕܛܘܼܥܝܲܝ.
                 341 :ܩܡ ܢܗܝܼܪܵܐ ܒܪܗܛܵܐ ܕܐܘܼܪܚܹܗ ܒܕܲܪܓܼܵܐ ܕܲܠܥܸܠ
                 342 ܘܣܡܹܗ ܠܚܸܫܟܵܐ ܒܕܪܓܼܵܐ ܕܲܠܬܲܚܬ ܐܲܝܟ ܕܲܒܼܩܲܒܼܪܵܐ.
                 343 :ܣܠܸܩ ܐܵܦ ܫܸܡܫܵܐ ܕܙܲܕܝܼܩܘܼܬܵܐ ܠܪܘܡܵܐ ܕܲܠܥܸܠ
                 344 :ܘܣܲܚܦܵܗ̇ ܠܛܘܥܝܲܝ ܘܠܕܵܪ̈ܵܘܙܝܗ̇ ܠܥܘܼܡܩܵܐ ܕܲܠܬܚܬ
                 345 :ܒܬܠܬ ܫܥܝܼ̈ܬ ܕܫܩܠ ܢܘܼܗܪܵܐ ܡ̣ܢ ܚܸܫܘܿܟܼܵܐ
                 346 ܘܦܣܩܗ ܠܪܗܛܗ ܘܬܚܡ ܡܠܝܗܝ ܒܕܪܓܼܐ ܕܲܠܬܲܚܬ.
                 347 :ܫܡܗܹ̈ܐ ܬܠܵܬܐ ܝܗ̣ܒ ܐܵܦ ܡܲܠܟܲܢ ܠܲܬܪܹܥܣܲܪܬܹܗ
                 348 ܘܒܼܗܘܢ ܦܣܩܘܼܗ̇ ܠܐܘܼܪܚܵܐ ܕܡܵܘܬܼܵܐ ܕܕܲܪܲܫ ܒܝܼܫܵܐ.
                 349 :ܢܚܸܬܘ ܙܠܝܼܩܵܘ̈ܗܝ ܠܐܲܪܥܵܐ ܟܠܵܗ̇ ܒܲܕܡܘ̣ܬ ܡܸܛܪܵܐ
                 350 ܘܪܓܝܼ ܥܘܼܒܵܗ̇ ܡܲܫܸܠܘ ܦܸܐܪܹ̈ܝܗ ܒܚܲܡܝܼܡܘܼܬܹܗ.
                 351 ܛܲܠܵܐ ܕܪ̈ܲܚܡܹܐ ܪܵܣ ܒܵܪܘܿܝܵܐ ܒܝܲܕ ܪܹܫܝܼܬܲܢ: 

                 f.190r 
                 352 ܘܲܫܘܿܚܘ ܦܸܐܪܹ̈ܐ ܕܙܲܕܝܼܩܘܼܬܼܵܐ ܒܲܐܪܥܵܐ ܕܲܢܦܫܲܢ.
                 353 :ܒܝܲܪܚܵܐ ܕܝܵܒܸܒܼ ܦܸܐܪܹ̈ܐ ܘܙܲܪ̈ܥܹܐ ܠܚܲܝܹ̈ܐ ܕܙܲܒܼܢܵܐ
                 354 ܒܟܪ ܦܸܐܪܹ̈ܐ ܕܡܲܩܢܼܐ ܚܲܝܹ̈ܐ ܕܠܵܐ ܫܘܼܠܵܡܵܐ.
                 355 :ܒܛܢܹܗ ܒܢܝܼܵܣܢ ܝܲܪܚܵܐ ܕܐܝܼܬܵܘܗܝ ܒܘܼܟܼܪܵܐ ܕܫܲܢ̄ܬܐ
                 356 ܘܝܲܠܕܹܗ ܒܟܵܢܘ̣ܿܢ ܝܲܪܚܵܐ ܕܒܐܙ ܢܘܼܗܪܵܐ ܠܚܸܫܟܵܐ.
                 357 :ܨܵܡ ܘܐܸܬܼܢܲܣܝܼ ܒܝܲܪܚܵܐ ܟܡܝܼܪܵܐ ܓܠܝܼܙ ܡ̣ܢ ܦܸܐܪܹ̈ܐ
                 358 ܘܒܟܪ ܦܸܐܪܹ̈ܐ ܕܚܘܼܡܣܵܢ ܢܲܦܫܹܗ ܡ̣ܢ ܚܘܼܬܚܵܬܹ̈ܐ.
                 359 :ܕܒܲܚ ܠܩܲܢܘܿܡܹܗ ܒܙܲܒܼܢܵܐ ܕܚܵܒܼ ܒܹܗ ܐܵܕܼܵܡ ܒܐܘܼܟܼܠܵܐ
                 360 ܘܿܪܥܝܼ ܒܕܒܼܚܹܗ ܠܡܵܪܵܐ ܘܥܲܒܼܕܵܘ̈ܗܝ ܘܐܲܦܨܚ ܐܸܢܘܿܢ.
                 361 :ܒܝܲܪܚܵܐ ܕܥܸܫܢܲܬ̤ ܚܲܝܵܒܘܼܬܹܗ ܕܐܵܕܵܡ ܒܲܥܕܢ
                 362 ܒܹܗ ܐܝܬ ܢܲܨܚ ܐܵܕܼܵܡ ܕܲܬܼܪܹܝܢ ܕܲܙܟܼܵܐ ܠܡܵܘܿܬܼܵܐ.
                 363 :ܒܙܲܒܼܢܵܐ ܕܲܢܦܲܩ ܝܵܪܬܵܐ ܫܦܐܵܐ ܡ̣ܢ ܝܲܪܬܘܼܬܹܗ
                 364 ܥܲܠ̣ ܟܲܫܝܼܪܵܐ ܠܐ ܬܲܪܐ ܕܚܲܝܹ̈ܐ ܕܠܵܐ ܡܸܬܼܚܲܒܲܠ.
                 365 :ܒܝܲܕ ܙܵܟܼܘܬܼܵܐ ܦܪܲܥ ܠܐܸܫܛܵܐ ܕܚܲܝܒܼܘܼܬܲܢ
                 366 ܘܟܲܬܒܢ ܥܲܡܹܗ ܒܫܲܝ̈ܐ ܘܝܵܪ̈ܬܹܐ ܕܥܘܼܬܼܪܵܐ ܕܲܢܣܲܒܼ.
                 367 :ܐܲܦܢܝܼ ܫܒܝܬܿܢ ܡ̣ܢ ܚܲܣܝܼܫܵܐ ܕܲܫܒܼܵܐ ܠܓܸܢܣܲܢ
                 368 ܘܐܲܣܩܵܗ̇ ܠܐܬܼܪܵܐ ܕܠܵܐ ܚܵܣܸܢ ܠܗ̇ ܙܲܝܢܵܐ ܕܢܸܟܼܠܹܗ.
                 369 :ܣܵܡܹܗ ܠܥܘܼܬܪܲܢ ܪܘܼܚܵܫܵܝܵܐ ܒܪܵܘܡܵܐ ܕܲܠܥܸܠ
                 370 ܕܠܵܐ ܡܸܬܚܲܒܲܠ ܡ̣ܢ ܢܸܟܼܝܵܢܹ̈ܐ ܕܲܪܓܼܝܼܓܼܵܬܐ.
                 371 :ܢܓܕ ܪܸܥܝܵܢܵܐ ܠܘܵܬܼ ܣܝܼ̈ܡܵܬܼܵܐ ܕܣܝܼܡܲܬ̣ ܢܲܦܫܲܢ
                 372 ܕܢܸܪܕܹܐ ܒܕܝܼܠܲܢ ܘܠܵܐ ܢܸܬܦܲܫܲܟ ܒܲܕܠܵܐ ܕܝܼܠܲܢ.
                 373 :ܚܵܘܹܝܢ ܕܝܼܠܲܢ ܕܢܸܪܚܲܡ ܕܝܠܸܢ ܐܲܝܟ ܦܵܪ̈ܘܿܫܹܐ
                 374 ܘܠܵܐ ܢܸܦܲܟܪ ܒܲܕܠܵܐ ܕܝܠܸ̇ܢ ܐܲܝܟ ܗܕܝܘ̈ܛܹܐ.
                 375 :ܚܕܡ ܢܲܦܫܲܢ ܒܝܲܕ ܡܘܼܠܟܵܢܹܐ ܕܲܥܬܼܝܼܕܵܬܵܐ
                 376 ܕܠܵܐ ܢܸܐܣܪܘܼܒܲܢ ܪܸ̈ܓܼܫܲܝ ܦܲܓܼܪܵܐ ܒܲܪܓܲܝܵܬܼܵܐ.
                 377 :ܣܵܡ ܠܲܢ ܡܝܼܠܵܐ ܕܫܝܼܢܵܐ ܒܐܘܼܪܚܵܐ ܕܲܪܕܵܐ ܒܵܗ̇ ܗܘ̤
                 378 ܘܐܲܠܦܲܢ ܕܲܕܡܵܐ ܘܐܲܝܟܵܢ ܢܸܪܕܹܐ ܠܘܥܪ̈ܐ ܕܚܲܝܹ̈ܐ.
                 379 :ܒܬܲܪܬܹ̇ܝܢ ܐܘܼܕ̈ܚܵܢ ܚܵܘܝܼ ܪܲܗܛܵܐ ܕܲܬܼܪܹܝܢ ܓܲܒ̈ܐ
                 380 ܕܟܼܠܢܵܫ ܢܸܪܕܹܐ ܒܐܲܝܕܵܐ ܕܨܵܒܹܐ ܒܝܲܕ ܚܹܐܕܘܬܹܗ.
                 381 ܠܐܘܼܪܚܵܐ ܕܚܲܝܹ̈ܐ ܩܪܵܗ̇ ܕܐܲܠܨܵܐ ܡܛܠ ܥܲܡܠܵܗ̇.
                 382 :ܘܗ̇ܝ ܕܐܲܒܼܪܵܢܵܐ ܩܪܵܗ̇ ܕܲܪܘܚܵܝܐ ܒܲܪ̈ܓܝܼܓܼܵܬܐ
                 383 :ܗܘ̤ ܒܲܩܢܘܿܡܹܗ ܓܡܪܹܗ ܠܪܲܗܛܵܐ ܕܐܘܼܪܚܵܐ ܕܚܲܝܹ̈ܐ
                 384 ܕܠܵܐ ܢܬܪܦܹܐ ܐܲܝܢܵܐ ܕܚܵܙܸܩ ܒܵܬܲܪ ܡܸܠܵܘ̈ܗܝ.
                 385 :ܗܵܐ ܚܙܲܩ ܡܲܠܟܵܐ ܒܐܘܼܪܚܵܐ ܚܲܕܬܐ ܕܡܲܠܟܵܐ ܕܪܵܘܡܵܐ
                 386 ܢܸܪܕܹܐ ܥܲܡܹܗ ܕܠܵܐ ܢܸܬܬܲܫܠܲܚ̇ ܡ̣ܢ ܓܲܝܵܣܹ̈ܐ.
                 387 :ܗܵܐ ܩܒܲܠ ܢܝܼܫܵܐ ܠܚܲܝܠܘܵܬܹܗ ܒܲܬܕܥ ܪܵܘܡܵܐ
                 388 ܢܸܚܢܹܐ ܠܩܘܼܒܼܠܹܗ ܒܙܲܘܥܲܝ̈ ܢܲܦܫܵܐ ܚܠܵܦ ܗܲܕܵܡܹ̈ܐ.
                 389 :ܗܵܐ ܦܬܲܚ ܬܲܪܥܵܐ ܕܐܸܣܛܵܕܝܼܘܿܢ ܠܒܹܝܬܼ ܡܲܠܟܘܼܬܼܵܐ
                 390 ܢܹܐܚܘܿܕ ܕܲܪܵܐ ܥܲܡ ܚܘܼܬܚܵܬܹܐ ܒܗܵܘܢܵܐ ܟܲܣܝܵܐ.
                 391 :ܗܵܐ ܚܫܲܠ ܙܲܝܢܵܐ ܪܘܼܚܵܢܵܝܵܐ ܠܢܲܦܫܵܐ ܘܦܲܓܼܪܵܐ
                 392 ܢܹܐܚܘܿܕ ܣܲܝܦܵܐ ܕܡܸܠܲܬܼ ܪܵܘܼܚܵܐ ܒܪܸܫ ܠܸܫܵܢܲܢ.
                 393 :ܒܚܲܫܵܘ̈ܗܝ ܦܲܠܚܵܗ̇ ܠܐܲܪܥܵܐ ܕܦܲܓܲܪܢ ܡܲܠܝܲܬ̤ ܝܲܥܪܵܐ
                 394 ܬܵܘ ܢܲܪܡܹܐ ܒܵܗ̇ ܙܲܪܥܵܐ ܛܵܒܼܵܐ ܘܢܘܥܐ ܚܲܝܹ̈ܐ.
                 395 :ܒܲܕܡܹܗ ܕܟܼܝܼ ܡܘܼܡܹ̈ܐ ܕܢܲܦܫܲܢ ܘܕܲܗܲܕܵܡܲܝ̈ܢ
                 396 ܕܠܵܐ ܢܸܬܟܲܬ̣ܿܡ ܒܲܪ̈ܓܼܝܼܓܼܵܬܐ ܕܝܲܨܪ̈ܢ ܒܝܼܫܵܐ.
                 397 :ܒܕܒܼܚܹܗ ܫܲܝܸܢ ܪܵܘܡܵܐ ܘܥܘܼܡܩܵܐ ܥܲܡ ܫܵܠܘܿܚܹܗ
                 398 ܠܵܐ ܢܸܬܼܦܲܟܲܗ ܫܲܝܢܵܐ ܕܟܼܠܵܐ ܒܝܲܕ ܪܲܦܝܘܲܬܢ.
                 399 :ܒܝܲܕ ܡܲܣܲܩܬܹܗ ܐܲܣܸܩ ܦܲܕܼܪܲܢ ܝܲܩܝܼܪ ܪܸ̈ܓܼܫܹܐ
                 400 ܢܸܩܢܹܐ ܓܸܦܹ̈ܐ ܒܙܵܘܥ[...]ܘܦܫܵܐ ܠܐܲܝܟܵܐ ܕܐܝܼܬܼܵܘܗܝ.
                 401 :ܦܵܘܠܘܿܣ ܩܵܥܹܐ ܒܲܘܼܬܼܝ̈ܩܵܬܹܗ ܐܲܝܟ ܫܝܼܦܘܿܪܵܐ
                 402 ܕܐܲܣܩܲܢ ܥܲܡܹܗ ܒܕ[...] ܕܲܡܛܵܝܗܝ ܡ̣ܢ ܝܲܡܝܼܢܵܐ.
                 403 ܡܝܼܬܢܲܢ ܥܲܡܹܗ ܘܐܲܚܝܢ ܥܲܡܹܗ ܕܡܸܬܲܢ ܐܝܼܬܼܵܘܗܝ.
                 404 ܘܐܲܣܩܲܢ ܥܲܡܹܗ ܐܲܝܟ ܗܲܕܵܡܹ̈ܐ ܡ̣ܢ ܪܸܫ ܓܘܼܫܡܵܐ.
                 405 :ܕܩܵܡ ܘܐܸܬܼܢܚܲܡ ܘܲܐܝܼܚ ܠܟܼܠܵܐ ܡܗܝܡܲܢ ܠܒܢ
                 406 ܣܠܸܩ ܬܲܐܡܸܠܟ ܠܥܸܠ ܡ̣ܢ ܟܠܵܐ ܫܲܪܝܼܪܵܐ ܠܲܢ.
                 407 ܒܚܘܼܒܵܐ ܕܢܲܦܫܲܢ ܢܛܪܚܘܼܒܹܗ ܗ̇ܘ ܕܲܦܐܹܐ ܠܹܗ: 

                 f.190v 
                 408 ܘܠܵܐ ܢܸܬܼܦܲܠܲܓ ܥܲܠ ܡܘܼܠܟܢܵܘ̈ܗܝ ܒܲܕܪ̈ܚܝܩܝܼܢ.
                 409 :ܥܲܡ ܪ̈ܘܼܚܵܢܹܐ ܢܸܣܗܸܕ ܟܠܫܵܥ ܥܲܠ ܡܲܣܲܩܬܹܗ
                 410 ܕܥܬܝܼܕ ܕܢܸܐܬܹܐ ܒܵܗ̇ ܒܲܚܙܵܬܵܐ ܕܐܸܣܬܲܠܲܩ ܒܵܗ̇.