Narsai. “On the Workers in the Vineyard - ܥܲܠ ܦܠܐܬܵܐ ܗ̇ܝ ܦܥ̈ܠܹܐ ܠܟܲܪܡܹܗ.” Based upon BL Or. 5463. Digital Syriac Corpus. Last modified April 26, 2019. https://syriaccorpus.org/74.
    
        
            
                ܥܲܠ ܦܠܐܬܵܐ ܗ̇ܝ ܦܥ̈ܠܹܐ ܠܟܲܪܡܹܗ
            
            
                 f.330v 

                ܕܝܠܹܗ ܟܲܕ ܕܝܼܠܹܗ.
                ܡܸܐܡܪܵܐ ܕܫܸܬܝ ܘܬܡܢܝܵܐ.
                ܕܥܒܼܝܕ ܠܹܗ ܥܲܠ ܦܠܐܬܵܐ ܗ̇ܝ ܕܓܲܒܼܪܵܐ ܕܢܦܲܩ ܒܨܦܪܵܬ ܕܢܹܐ[ܥܡܪ] ܦܥ̈ܠܹܐ ܠܟܲܪܡܹܗ܀
            
            
                 1 :ܩܵܠ ܫܝܦܘܿܪܵܬ ܕܢܚܹܗ ܕܡܪܲܢ ܐܙܥܸܩ ܒܐܲܪܥܵܐ
                 2 ܘܐܲܬܿܬܥܝܼܪ ܥܠܡܵܐ ܐܲܝܟ ܕܡ̣ܢ ܫܸܢܬܵܐ ܕܡܲܐܝܢܘܼܬܼܵܐ.
                 3 :ܒܡܐܝܼܢܘܼܬܼܵܐ ܕܡܸܟܼܘ ܡܵܝܘ̈ܬܹܐ ܐܲܝܟ ܕܒܫܢܬܐ
                 4 ܘܐܲܥܝܼܪ ܐܢܘܿܢ ܩܵܠܹܗ ܕܡܵܪܲܢ ܟܲܕ ܠܵܐ ܨܵܒܝܼܢ.
                 5 :ܠܵܐ ܨ̇ܒܝܢ ܗ̣̄ܘܵܘ ܕܡܟܹ̈ܐ ܕܥܘ̣ܠܐ ܠܡܸܣܢܵܐ ܥܘ̣ܠܵܐ
                 6 ܘܠܐ ܡܢܚܝܼܢ ܗ̄ܘ̣ܵܘ ܠܡܸܚܙܵܐ ܫܡܫܵܐ ܕܙܕܝܼܩܘܼܵܬܐ.
                 7 :ܠܸܠܝܵܐ ܕܛܘܥܝܲܝ ܪܚܝܼܡ ܗ̄ܘ̣ܵܐ ܥܠܝܼܗܘܿܢ ܕܒܢܲܝ̈ ܛܘܥܝܲܝ
                 8 ܘܠܐ ܪܓܼܝܼܓܼܢ ܗ̄ܘ̣ܵܘ ܠܡܨܬ ܩܠܐ ܕܕܢܚܹܗ ܕܩܘܼܫܬܵܐ.
                 9 :ܒܪܚܘܲܬܼ ܚܸܫܟܵܐ ܕܠܵܐ ܝܼܕܥܬܵܐ ܐܣܝܼܪܝܼܢ ܗ̄ܘ̣ܵܘ
                 10 ܘܗܢܝܼܝܼ ܗ̄ܘ̣ܵܐ ܠܗܘܿܢ ܒܹܝܬ ܐܣܝܼܪܹ̈ܐ ܕܫܟܝܼܪ̈ܬܐ.
                 11 :ܥܝܕܵܐ ܒܝܼܫܵܐ ܥܬܸܩ ܨܐܕܲܝܗܘܿܢ ܕܒܢܵܘ̈ܗܝ ܕܐܕܼܵܡ
                 12 ܘܪܚܸܡܘ ܘܲܐܚܸܒܘ ܠܫܟܝܼܪ̈ܬܐ ܐܲܝܟ ܦܐܝ̈ܬܐ.
                 13 :ܚܒܢܢܘܼܬܼܵܐ ܥܓܢܲܬ̤ ܐܸܢܘܿܢ ܒܫܸܬܩܵܐ ܕܛܘܥܝܲܝ
                 14 ܘܠܵܐ ܐܬܝܐܲܒܼܘ ܠܡܸܩܢܵܐ ܥܘܼܬܪܵܐ ܕܫܦܝܼܪܵܬܵܐ.
                 15 :ܕܠܐ ܦܘܠܚܢܵܐ ܕܫܦܝܪ̈ܬܐ ܗܘ̤ܘ ܡ̣ܢ ܕܗܘ̤ܵܘ
                 16 ܕܲܕܠܵܐ ܥܡܠܐ ܕܪܚܡܲܬ ܩܘܼܫܬܼܵܐ ܪܕܵܘ ܘܒܪܝܼܬܼܵܐ.
                 17 :ܚܒܢܢܐܝܬ ܡܬܡܦܟܝܼܢ ܗ̄ܘ̣ܵܘ ܒܣܘܥܪ̈ܟܵܝܗܘܿܢ
                 18 ܘܨܪܝܟܝܼܢ ܗ̣̄ܘܵܘ ܘܡܓܙܝܼܢ ܗ̄ܘ̣ܘ ܡ̣ܢ ܟܠ ܛܒ̈ܢ.
                 19 ܠܲܝܬ ܗ̄ܘ̣ܵܐ ܙܗܪܵܐ ܕܛܒܼ ܐܘ ܡܛܐܒܼ ܒܹܝܬ ܡܥܡܪܗܘܿܢ:܆
                 20 ܘܟܼܡܵܐ ܕܚ̇ܛܝܢ ܬܘܼܒܼ ܚ̇ܛܝܢ ܗ̄ܘ̣ܵܘ ܕܠܐ ܣܲܒܥܘܼܬܼܵܐ.
                 21 :ܥܘ̣ܠܵܐ ܒܥܘ̣ܠܵܐ ܚܠܝܼܛ ܗ̄ܘ̣ܵܐ ܒܥܘܼܡܪܵܐ ܕܗܘܦܟܿܝܼ̈ܗܘܿܢ
                 22 ܘܠܲܝܬ ܗ̄ܘ̣ܵܐ ܕܘܼܟܬܵܐ ܕܣܦܝܼܩܵܐ ܗ̄ܘ̣ܵܬ ܡ̣ܢ ܣܢܝ̈ܬܐ. 

                 f.331r 
                 23 :ܐܲܝܟ ܠܵܐ ܐ̄ܢܫ̈ܐ ܡܬܕܒܪܝܼܢ ܗ̄ܘ̣ܵܘ ܒܕܘܼܒܪ̈ܲܝܗܘܿܢ
                 24 ܥܕܡܵܐ ܕܐܬܼܐ ܚܲܕ ܒܲܪܢܫܵܐ ܘܚܲܟܸܡ ܐܸܢܘܿܢ.
                 25 :ܚܲܕ ܒܲܪܢܫܵܐ ܩܡ ܡ̣ܢ ܐ̄ܢ̈ܫܵܐ ܟܪ̈ܝܗܲܝ ܢܫܦܵܐ
                 26 ܘܐܚܠܹܡ ܐܸܢܘܿܢ ܡ̣ܢ ܟܘܪܗܢܵܐ ܕܠܵܐ ܝܕܥܵܬܐ.
                 27 :ܒܣܡܵܐ ܕܡܠܵܘ̈ܗܝ ܢܚܸܡ ܐܸܢܘܿܢ ܡ̣ܢ ܚܘܒܲܝ̈ܗܘܿܢ
                 28 ܘܚܵܘܝܼ ܐܢܘܿܢ ܫܒܝܼܠ ܢܘܼܚܡܵܐ ܕܫܦܝܼܪ̈ܬܵܐ.
                 29 :ܒܫܦܝܪ̈ܬܵܐ ܐܥܢܝܼ ܐܸܢܘܿܢ ܠܡܬܗܓܵܝܘܼ
                 30 ܕܠܵܐ ܬܘܼܒܼ ܢܦܢܘܿܢ ܠܗܸܪܓܵܐ ܕܥܘ̣ܠܵܐ ܒܹܗ.
                 31 :ܡ̣ܢ ܨܝܕ ܥܘ̣ܠܵܐ ܬܚܸܡ ܐܸܢܘܿܢ ܠܡܠܚ̈ ܥܘ̣ܠܵܐ
                 32 ܘܨܝܼܕ ܟܐܢܘܼܬܵܐ ܓܪܓ ܐܸܢܘܿܢ ܠܡܬܩܪܒܘ.
                 33 :ܒܗܪܓܵܐ ܛܒܵܐ ܐܥܢܝܼ ܐܸܢܘܿܢ ܪܵܚܡܵܐ ܛܵܒܼܵܐ
                 34 ܘܐܲܝܟ ܦܠܚܹ̈ܐ ܐܘܿܓܲܪ ܐܸܢܘܿܢ ܠܥܲܡܠܵܐ ܛܒܼܵܐ.
                 35 :ܠܦܘܼܠܚܵܢ ܐ̄ܢܫܐ ܐܬܼܵܐ ܐ̄ܢܫܵܐ ܕܡ̣ܢ ܐ̄ܢܫܘܼܬܼܵܐ
                 36 ܘܐܪܝܼܡ ܩܵܠܹܗ ܘܐܫܡܲܥ ܐܸܢܘܿܢ ܙܢܲܝ̈ ܦܘܠܚܢܹܗ.
                 37 :ܒܡܲܬܠܵܐ ܪܟܒܹܗ ܠܦܘܼܠܚܵܢ ܥܲܡܠܵܐ ܕܟܼܵܘܿܙܘܼܬܹܗ
                 38 ܘܐܪܙܢܐܝܼܬ ܩܪ̣ܵܐ ܠܡܠܠܹ̈ܐ ܠܩܸܪܝܵܢ ܚܘܼܒܹܗ.
                 39 :ܩܵܠ ܩܸܪܝܢܹܗ ܕܩܪܵܐ ܠܐ̄ܢܵܫܵܐ ܫܡ̣ܥܘ ܚܘܫܒܲܝ̈
                 40 ܘܢܕܘ ܡ̣ܢ ܫܸܬܩܵܐ ܕܪܡܹܝܢ ܗ̄ܘ̣ܵܘ ܒܹܗ ܐܲܝܟ ܕܡ̣ܢ ܫܢܬܼܵܐ.
                 41 :ܒܸܡܐܝܢܘܬܵܐ ܕܡ[...]ܟܝܼܢ ܗ̄ܘ̣ܵܘ ܙܘܥܲܝ̈ ܪܥܝܵܢܝ
                 42 ܘܩܡܘ ܕܢܨܘܼܬܘܢ ܩܠܵܐ ܕܡܟܼܪܸܙ ܐܓܼܪܐ ܛܒܼܵܐ.
                 43 :ܒܩܵܐܐ ܕܐܓܼܪܐ ܐܬܬܥܝܼܪ ܕܲܥܝܵܢܝ ܚܫܢܢ ܥܡ̈ܐܐ
                 44 ܘܫܪܝܼ ܡܪܟܸܒܼ ܫܥܝܼܬ ܡ̈ܠܹܐ ܕܙܢ̈ܝ ܟܘܹܫܪܵܐ.
                 45 :ܐܝܟ ܕܒܚܠܡܵܐ ܚ̣ܙܵܝܗܝ ܠܲܫܪܪܵܐ ܟܲܕ ܡܬܬܪܓܡ
                 46 ܕܣܒܼܪ ܕܡܨܐ ܠܡܦܠܲܚ ܥܲܡ̈ܠܹܐ ܒܛܟܼܣܵܐ ܕܡ̈ܠܹܐ.
                 47 :ܡ̈ܠܐ ܫܡ̣ܥ ܗ̄ܘ̣ܵܐ ܡ̣ܢ ܗ̇ܘ ܦܘܼܡܵܐ ܡܬܪܓܡ ܚ̈ܝܹܐ
                 48 ܘܲܩܪܸܒܼ ܕܢܨܘܼܬ ܨܘܬܐ ܕܡܠܹܐ ܦܘܼܠܚܵܢ ܥܲܡ̈ܠܹܐ.
                 49 :ܠܦܘܠܚܵܢ ܥܡ̈ܐܐ ܩܪ̣ܝܗܝ ܠܟܼܝܢܲܢ ܪܚ̇ܡ ܓܸܢܣܲܢ
                 50 ܘܫܕܲܪ ܨܐܕܲܝܢ ܚܲܕ ܡ̣ܢ ܓܸܢܣܲܢ ܕܢܩܪܹܝܢ ܨܐܕܵܘ̈ܗܝ.
                 51 :ܒܡܬ̈ܠܹܐ ܨܕܢ ܐܲܝܟ ܨܝܕܵܐ ܠܚܘܼܬ ܟܸܢܦܵܐ
                 52 ܘܐܥܸܠ ܚܒܫܲܢ ܠܓܼܵܘ ܡ̣ܢ ܡ̈ܠܹܐ ܕܟܼܪܘܿܙܘܼܬܹܗ.
                 53 :ܠܩܛܵܐ ܕܡ̈ܐܐ ܐܪܡܝ ܒܐܲܪܥܵܐ ܩܕܼܵܡ ܪܥܝܢܲܢ
                 54 ܘܚܬܚܸܬܼ ܢܓܕܢ ܐܲܝܟ ܕܠܠܘܦܵܐ ܠܘܵܬܼ ܡܐܟܼܘܠܬܼܵܐ.
                 55 :ܦܲܚܵܐ ܕܡܬܠ̈ܐ ܨܠܵܐ ܠܹܗ ܠܠܸܒܲܢ ܪܚ̇ܡ ܦܸܗܝܵܐ
                 56 ܕܠܵܐ ܬܘܼܒܼ ܢܦܗܹܐ ܒܲܪ̈ܓܼܝܓܼܵܐ ܐܲܝܟ ܕܒܩܕܡܵܐ.
                 57 :ܝ̇ܕܥ ܗ̄ܘ̣ܵܐ ܠܲܢ ܕܐܸܬܥܝܼܕܢܲܢ ܒܦܗܝܵܐ ܕܛܘܥܝܲܝ
                 58 ܥܠܗ̇ܝ ܚܒܼܫܲܢ ܠܓܵܘ ܡ̣ܢ ܢܫܒܹ̈ܐ ܕܡܲܠܦܢܘܼܬܹܗ.
                 59 :ܐܘܼܡܵܢܵܐܝܼܬ ܨܕܢܚܘܼܒܹܗ ܐܲܝܟ ܕܠܨܝܕܵܐ
                 60 ܘܐܚܲܕ ܒܐܦܝ̈ܢ ܬܪܲܥ ܝܼܘܠܦܵܢܵܐ ܕܡܠܝܼ̈ ܦܘܼܡܹܗ.
                 61 :ܒܥܸܕܵܢ ܨܦܪܐ ܢܦܩ ܕܢܨܘܕܘܢ ܨܝܕ ܝܘܼܠܦܢܹܗ
                 62 ܐܲܝܟ ܡܵܐ ܕܪܕܹܐ ܥܝܼܪܵܐ ܒܐܲܪܥܵܐ ܨܝܕ ܦܠܚ̈ܐ.
                 63 :ܒܨܦܪܐ ܡܘܓܸܪ ܟܠ ܕܐܓܝܪܵܐ ܗ̄ܘ̣ ܒܹܝܬ ܐܲܪ݁ܢܥܹܐ
                 64 ܘܒܹܗ ܒܥܝܕܵܐ ܩܪܲܢ ܐܵܦ ܡܪܲܢ ܠܦܘܼܠܚܵܢ ܚܘܼܒܹܗ.
                 65 :ܨܦܪܵܐ ܢܟܝܹܗ ܠܫܘܼܪܵܝ ܡܲܬܠܵܐ ܕܟܼܵܪܘܿܙܘܼܬܹܗ
                 66 ܘܐܲܝܟ ܕܒܨܦܪܵܐ ܩܪܲܢ ܠܥܒܕܐ ܕܦܘܼܠܚܵܢ ܟܪܸܡܹܗ.
                 67 :ܠܠܸܠܝܵܐ ܕܡܝܹܗ ܠܙܒܼܢܵܐ ܩܲܕܡܵܐ ܕܡܸܢܹܗ ܘܠܗܠ
                 68 ܘܐܲܝܟ ܐܝܼܡܡܵܐ ܠܥܸܕܵܢ ܡܲܬܠܵܐ ܕܡܲܠܦܢܘܼܬܹܗ.
                 69 :ܐܲܝܟ ܚܲܕ ܝܵܘܡܵܐ ܣܡܹ̇ܗ ܠܪܲܗܛܵܐ ܕܗܵܢ ܕܘܼܒܵܪܵܐ
                 70 ܠܠܝ ܐܝܼܡܵܡ ܐܲܝܟ ܡܵܐ ܕܩ̣ܪܵܝܗܝ ܡܘܫܹܐ ܒܪܵܫܝܼܬ.
                 71 :ܠܲܬܼܪܹܝܢ ܛܵܘܪܹ̈ܐ ܠܦܓܹܗ ܠܙܒܼܢܵܐ ܕܟܼܠܗܘܿܬ ܕܲܪܹ̈ܐ
                 72 ܘܲܠܚܲܕ ܝܗ̣ܒ ܠܹܗ ܫܥܹ̈ܐ ܕܠܸܠܝܵܐ ܘܚܲܕ ܕܐܝܼܡܡܵܐ. 

                 f.331v 
                 73 :ܠܛܵܘܪܵܐ ܕܥܪܟܲܢܝܹܗ ܠܸܠܝܵܐ ܡܸܛܠ ܛܘܠܝܲܝ
                 74 ܕܐܲܝܟ ܕܒܚܫܟܵܐ ܣܡܹܝܢ ܗ̄ܘ̣ܵܘ ܐ̄ܢܫܐ ܡ̣ܢ ܛܒܬܵܐ.
                 75 :ܠܙܒܼܢܵܐ ܕܝܸܠܹܗ ܩ̣ܪܵܝܗܝ ܐܡܡܵܐ ܡܸܛܠ ܩܘܿܫܬܼܵܐ
                 76 ܕܐܝܟ ܕܒܢܘܗܪܵܐ ܚܙ̣ܵܘ ܒܹܗ ܐ̄ܢܫ̈ܐ ܫܪܵܪܵܐ ܓܲܠܝܵܐ.
                 77 :ܫܪܪܵܐ ܓܲܠܝܵܐ ܐܲܟܼܪܸܙ ܩܠܹܗ ܒܐܕܢܲܝ̈ ܐ̄ܢܫ̈ܐ
                 78 ܘܨܬܘܼܗܝ ܐ̄ܢܵܫܐ ܐܲܝܟ ܕܠܐ̄ܢܫܵܐ ܕܡܲܟܼܪܸܙ ܩܘܼܫܬܼܵܐ.
                 79 :ܒܲܫܡܵܐ ܕܓܲܒܼܪܵܐ ܩܪ̣ܵܐ ܠܩܢܘܿܡܹܗ ܐ̄ܢܫܐ ܕܡܸܢܲܢ
                 80 ܘܟܪܘܿܙܘܼܬܹܗ ܩܪܵܗ̇ ܡܲܠܟܘܼܬܼܵܐ ܕܟܣܝܵܐ ܒܪܵܘܡܵܐܘ
                 81 :ܕܡܝܵܐ ܐܡ̣ܪ ܡܠܟܘܼܬ ܪܘܡܵܐ ܡܲܠܟܵܐ ܕܕܘܡܵܐ
                 82 ܠܓܒܼܪܵܐ ܕܢܦ̣ܩ ܒܥܕܵܢ ܨܦܪܵܐ ܕܢܐܓܼܘܿܪ ܦܥ̈ܐܹܐ.
                 83 :ܩܨ ܥܲܡ ܦܥ̈ܠܹܐ ܡ̣ܢ ܕܹܝܢܪܵܐ ܒܦܘܼܠܚܵܢ ܝܵܘܡܵܐ
                 84 ܘܫܕܲܪ ܐܸܢܘܿܢ ܠܡܦܠܲܚ ܟܲܪܡܵܐ ܕܘܼܚܢܝܵܐ.
                 85 :ܢܦܲܩ ܬܘܼܒܼ ܒܬܠܬ ܘܒܫܸܬ ܘܒܬܫܲܥ ܘܒܚܕܝܣܪ̈ܐ
                 86 ܘܐܲܓܲܪ ܐܸܢܘܿܢ ܒܬܢܘܵܝ ܕܐܓܼܪܵܐ ܐܲܝܟ ܩܕܡܝܹ̈ܐ.
                 87 :ܒܫ̈ܥܹܐ ܚܕܥܣܲܪ ܐܓܪ ܐܸܢܘܿܢ ܐܲܝܟ ܕܒܨܦܪܐ
                 88 ܘܠܹܗ ܬܘܼܒܼ ܠܐܓܼܪܵܐ ܐܫܘܝܼ ܐܸܢܘܿܢ ܒܚܕܵܐ ܫܘܝܼܘ.
                 89 :ܒܥܕܵܢ ܪܡܫܵܐ ܩ̣ܪܐ ܠܪܒܝܬܐ ܕܢܬܸܠ ܐܓܼܪܵܐ
                 90 ܘܝܗܒ̣ ܠܐ̄ܚܪ̈ܝܐ ܕܝܢܵܪ ܕܝܢܵܪ ܐܲܝܟ ܕܐܸܬܦܩܲܕ.
                 91 :ܦܥ̈ܠܹܐ ܩܕܡܹ̈ܐ ܚܙ̣ܵܘ ܡܘܗܒܼܬܼܵܐ ܕܝܗܒ̣ ܠܐܚܪ̈ܝܹܐ
                 92 ܘܣܒܼܪܘ ܕܠܗܘ̇ܢ ܝܬܲܝܼܪ ܝ̇ܗܸܒ ܠܦܘܼܬ ܥܸܕܵܢܵܐ.
                 93 :ܫܩ̣ܠܘ ܐܦ ܗܢܘܿܢ ܕܝܢܪ ܕܝܹܢܵܪ ܐܲܝܟ ܚܲܒܼܪ̈ܵܝܗܘܿܢ
                 94 ܘܫܪܝܼܘ ܬ̇ܢܹܝܢ ܙܢܝ̈ [...] ܪܘܼܓܢܵܐ ܒܪ̈ܥܝܢܲܝܗܘܿܢ.
                 95 :ܪܛܢܵܐ ܐܵܘܠܸܕܘ ܟܕܬܲܡܝܼܗܝܼܢ ܥܲܠ ܡܵܘܗ̇ܒܼܬܼܵܐ
                 96 ܕܡܸܛܠ ܡܢܵܐ ܥܒܲܕ ܫܘܝܘܼܬܼܵܐ ܒܦܘܪܥܵܢ ܐܲܓܼܪܵܐ.
                 97 :ܚܢܲܢ ܠܲܡ ܣܝܒܪܢ ܝܘܼܩܪܵܐ ܘܚܘܼܡܵܐ ܕܟܼܠܗ ܝܘܡܵܐ
                 98 ܘܗܠܹܝܢ ܕܐܘܿܓܲܪܘ ܒܚܕܵܐ ܫܥܵܐ ܫܩ̣ܠܘ ܐܟܘܿܬܢ.
                 99 :ܠܵܐ ܟܹܐܝܢ ܐܓܼܪܵܐ ܐܸܢ ܢܸܬܦܚܲܡ ܥܲܡ ܦܘܼܠܚܵܢܵܐ
                 100 ܘܠܵܐ ܫܘܹܐ ܥܲܡܠܵܐ ܕܚܕܵܐ ܫܥܵܐ ܘܟܸܠܹܗ ܝܘܡܵܐ.
                 101 :ܟܠܹܗ ܝܘܡܐ ܠܐܹܝܢ ܒܥ̇ܒܕܵܐ ܕܠܵܐ ܡܲܐܝܢܘܼ
                 102 ܘܡܢܐ ܗ̄ܝ̣ ܗܵܕܹܐ ܕܣܓܝܼ ܥܲܡܠܵܐ ܘܫܘܹܐ ܐܓܼܪܵܐ.
                 103 :ܡܵܪܹܐ ܒܲܝܬܵܐ ܚܙܵܐ ܦܠܚ̈ܝܹܐ ܕܐܘܠܸܕܘ ܪܸܛܢܵܐ
                 104 ܘܠܚܲܕ ܡܸܢܗܘܢ ܩ̣ܪܵܐ ܘܐܦܝܼܣܹܗ ܒܦܪܨܘܿܦ ܚܒܼܪ̈ܘܗܝ.
                 105 :ܚܒܼܪܝ ܐܡ̣ܪ ܠܹܗ ܘܩܪܝܗܝ ܚܒܼܪܹܗ ܒܣܝܡܐܝܼܬ
                 106 ܘܚܘܹܝܗ ܢܝܼܫܵܐ ܕܪܒܘܼܬ ܚܘܼܒܹܗ ܕܠܘܵܬ ܐ̄ܢܵܫܵܐ.
                 107 :ܠܵܐ ܡܥܘܸܠ ܐ̄ܢܵܐ ܒܦܘܼܪܥܵܢ ܐܓܼܪܵܐ ܐܲܝܟ ܡܵܐ ܕܣܒܼܪܬ
                 108 ܘܠܵܐ ܛܠܸܡ ܐ̄ܢܵܐ ܠܐܝܢܵܐ ܕܠܦܚܵܒܝ ܚܘܼܒܢܵܐܝܼܬ.
                 109 :ܒܚܲܕ ܕܝܢܪܐ ܩܨܬ ܥܲܡܟ ܘܐܲܢ̄ܬ ܩܗ̇ܕ ܐܲܢ̄ܬ
                 110 ܣܒܼ ܕܝܪܵܟ ܘܦܘܼܫ ܡ̣ܢ ܡ̈ܠܹܐ ܕܡܠܝܼ̈ܢ ܕܲܛܢܵܐ.
                 111 :ܫܠܡ ܡܠܹ̈ܐ ܕܬܪܓܸܡ ܡܪܲܢ ܐ̄ܪܙܟܐܝܼܬ
                 112 ܢܸܒܼܥܹܐ ܢܸܦܫܐ ܒܥܬܵܐ ܕܟܲܣܝܵܐ ܒܬܘܼܪ̈ܓܡܲܝܗܹܝܢ.
                 113 :ܒܥܬܵܐ ܒ̇ܥܐ ܟܠ ܬܘܪܓܡܵܐ ܕܒܦܠܐ̈ܬܐ
                 114 ܕܐܠܵܐ ܡܢܗܪܵܬ ܒܥܵܬܐ ܠܡ̈ܐܹܐ ܠܵܐ ܡܸܬܢܲܗܪ̈ܵܢ.
                 115 :ܢܘܗܪܵܐ ܕܬܪܝܢ ܒܥܵܬܐ ܕܒܥܝܵܐ ܕܡܸܠܹ̈ܐ
                 116 ܘܐܲܝܟ ܕܒܢܘܼܗܪܵܐ ܡܚܵܘܝܵܐ ܢܘܼܗܪܵܐ ܕܣܘܟܵܠ ܡܸܠܹ̈ܐ.
                 117 :ܠܲܝܬ ܢܲܥܝܼܪ̈ܵܐ ܕܪܲܒ ܡ̣ܢ ܢܘܗܪܵܐ ܕܡܠܲܝ̈ ܪܘܼܚܵܐ
                 118 ܘܠܐ ܚܟܼܡ̈ܬܐ ܕܩܢ̈ܝܢ ܚܲܝܠܵܐ ܐܲܝܟ ܚܟܡܵܬܗܹ̈ܝܢ.
                 119 :ܠܵܐ ܡܬܬܩ̈ܠܢ ܥܲܡ ܒܪ̈ܘܠܹܐ ܘܡܪ̈ܓܢܝܬܵܐ
                 120 ܘܠܵܐ ܡܬܦܝ̈ܡܵܢ ܥܲܡ ܟܠ ܡܸܕܸܡ ܕܝܲܩܝܼܪ ܦܸܚܡܹܗ.
                 121 ܒܨܝܼܪ ܟܠܡܸܕܡ ܟܲܕ ܢܬܦܚܲܡ ܒܫܘܼܦܪܵܐ ܕܒܼܗܹܝܢ: 

                 f.332r 
                 122 ܘܐܲܝܟ ܠܵܐ ܫܘܦܪܵܐ ܗ̄ܘ̣ ܟܠ ܫܦܝܼܪܵܐ ܕܕܼܵܡ ܪܓܲܢܗܘܿܢ.
                 123 :ܪ̈ܓܼܝܓܢ ܣܓܼܝ ܡ̣ܢ ܟܠ ܕܲܪܓܼܝܼܓ ܒܝܬ ܐܪ̈ܥܢܹܐ
                 124 ܘܛܟ ܪܓܲܬܗܹܝܢ ܫܒܬܹܗ ܠܥܠܡܵܐ ܨܝܕ ܪܓܬܗܹܝܢ.
                 125 :ܕܲܓܬܵܐ ܕܒܼܗܹܝܢ ܫܒܲܬ̤ ܠܐܪ̈ܥܢܹܐ ܘܠܫܡܝ̈ܢܹܐ
                 126 ܫܛܘ ܟܠܡܸܕܸܡ ܩܪܚܸܡܘ ܘܐܲܚܸܒܘ ܠܗܸܪܓܵܐ ܕܒܼܗܹܝܢ.
                 127 :ܗܪܓܵܐ ܕܒܼܗܝܢ ܪܚܡ̇ܬ ܐܦ ܐ̄ܢܐ ܟܲܕ ܠܵܐ ܪܚܡܸ̇ܬ
                 128 ܒܡ̈ܐܹܐ ܪܚܡܸ̇ܬ ܟܲܕ ܪܚܝܼܩ ܐ̄ܢܐ ܡ̣ܢ ܣܘܼܥܪ̈ܢܹܐ.
                 129 :ܪܓܬܐ ܪܓܬܢܝ ܕܐܪܓܼ ܡ̈ܐܹܐ ܕܠܵܐ ܣܘܼܥܪ̈ܢܹܐ
                 130 ܕܛܟ ܡ̣ܢ ܡܠܹ̈ܐ ܢܦܢܹܐ ܪܸܥܝܵܢܝ ܨܝܕ ܣܘܼܥܪ̈ܵܢܹܐ.
                 131 :ܐܝܟ ܕܠܫܒܪܐ ܓܲܪܓܼܢܝ ܕܲܥܝܵܢܝ ܨܝܕ ܝܘܼܠܦܵܢܵܐ
                 132 ܕܡ̣ܢ ܝܘܼܠܦܢܵܐ ܐܹܠܦ ܚܲܝܠܐ ܕܒܝܘܠܦܢܵܐ.
                 133 :ܠܒܹܝܬ ܝܘܠܦܢܵܐ ܕܪܒ ܡܲܠܦܢܹ̈ܐ ܒܥ̇ܝܬܼ ܕܐܬܩܪܲܒܼ
                 134 ܕܚܙܝܬܿ ܕܡܗܝܼܪ ܡܸܐܡܪܵܐ ܕܡܸܠܬܹܗ ܡ̣ܢ ܟܠ ܝܘܼܠܦܵܢ.
                 135 :ܡܸܐܡܪܵܐ ܛܵܒܼܵܐ ܫܡܥ̇ܬ ܕܐܡ̣ܪ ܒܐܕܢܲܝ̈ ܐ̄ܢܫ̈ܐ
                 136 ܘܫܚ̇ܩܬ ܐܢܵܐ ܠܝܼ ܕܐܕܲܥ ܘܐܘܕܲܥ ܡܐܡܪܵܐ ܕܫܡܥ̇ܬ.
                 137 ܛܒܵܐ ܕܐܓܪܵܐ ܕܝܗ̣ܒ ܠܐܓܝܼܪܹ̈ܐ ܐܬܼܐ ܠܐܕܢܝ̈.
                 138 ܘܒܼܥܝܬ ܕܐܘܓܪ ܐܦܸܢ ܩܲܠܝܼܠ ܒܫܘܼܠܵܡ ܝܵܘܡܵܐ.
                 139 :ܒܨܦܪܵܐ ܫܡ̇ܥܬܼ ܕܐܓܼܪ ܦܥ̈ܐܹܐ ܠܦܚܠܚܵܢ ܟܲܪ[ܡܹܐܗ]
                 140 ܘܩܨ ܕܝܢܪܵܐ ܠܚܕܵܐ ܫܵܥܵܐ ܘܠܚܕ ܥܣܪܹ̈ܐ.
                 141 :ܒܫܘܝܘܬܼ ܐܓܼܪܵܐ ܬܗܲܪܘ ܚܘܼܫܒܲܝ̈ ܡܚܝܲܠܲܝ̈ ܚܲܝܐܐ
                 142 ܕܡܵܢܵܐ ܗ̄ܝ̣ ܗܵܕܹܐ ܕܠܵܐ ܫܘܹܐ ܐܲܓܼܪܵܐ ܥܲܡ ܦܘܼܠܚܢܵܐ.
                 143 :ܡܢܘܼ ܡ̣ܢ ܡܬܘܩ ܩܨܕܝܼܢܪܵܐ ܠܫܥܹ̈ܐ ܬܪܥܣܲܪ
                 144 ܘܐܝܢܵܘ ܦܲܥܠܵܐ ܕܲܠܐܝܼ ܗܟܼܵܢ ܘܢܣܲܒܼ ܗܵܟ̣ܵܢ.
                 145 :ܠܲܝܬ ܥܬܝܪ ܕܐܸܓܪ ܦܲܥ̈ܐܹܐ ܒܟܼܠܗܹܝܢ ܫܥܹ̈ܐ
                 146 ܘܠܵܐ ܐܓܼܝܼܪܵܐ ܕܡܵܘܓܪ ܟܠܫܵܥ ܒܦܠܓܘܼܬ ܝܘܡܵܐ.
                 147 :ܢܘܼܟܼܪܝ ܫܡܥܹܗ ܕܗܵܢ ܦܘܼܠܚܢܵܐ ܠܟܼܠ ܦܘܼܠܚܢܝܼ̈ܢ
                 148 ܘܠܲܝܬ ܠܹܗ ܕܘܼܡܝܵܐ ܒܟܼܠ ܦܘܼܠܚܵܢܝܼ̈ܢ ܕܒܹܝܬ ܐܪ̈ܥܢܹܐ.
                 149 :ܠܵܐ ܕܡܝܘܼܬܹܗ ܥܨܬܵܢܝ ܕܐܒܼܠܹܐ ܒܥܬܐ ܕܥܵܠܘܗܝ
                 150 ܕܡܸܛܠ ܡܵܢܵܐ ܡܫܵܓܢܵܝ ܕܘܼܡܝܹܗ ܡ̣ܢ ܟܠ ܕܘܡܝ̈ܢ.
                 151 :ܕܘܡܝܹܗ ܓܪܓܼܢܝ ܕܐܨܘܿܪ ܕܘܼܡܝܹܗ ܒܣܡܵܐ ܕܡ̈ܠܹܐ
                 152 ܕܒܝܲܕ ܡܠܹ̈ܐ ܐܓܼܠܹܐ ܠܐ̄ܢܫ̈ܐ ܙܢܲܝ̈ ܕܡܘ̈ܬܹܗ.
                 153 :ܕܡܘܼܬܼܵܐ ܕܥܲܡܠܵܘ̈ܗܝ ܚܙܝ̇ܬ ܕܪܫܝܼܡܵܐ ܒܟܬܝܿ̈ܒܬܼܵܐ
                 154 ܘܡ̣ܢ ܕܟܬܝ̈ܒܵܢ ܒܥܝ̇ܬ ܕܡܬܝܼ̈ܒܵܢ ܠܲܕܠܵܐ ܟܬܝܼ̈ܒܵܢ.
                 155 :ܒܟܬܝܒ̈ܬܐ ܚܙ̇ܝܬ ܟܕ ܪܗ̇ܛ ܫܸܡ ܡܠܟܘܼܬܼܵܐ
                 156 ܘܥܡܹܗ ܕܫܡܵܬܐ ܓܲܒܼܪܵܐ ܕܐܓܪ ܦܥ̈ܠܹܐ ܠܟܪܡܹܗ.
                 157 ܠܐܓܪ ܦܥ̈ܠܹܐ ܕܡܝܼܗ ܠܓܒܼܪܵܐ ܕܡܟܼܪܙ ܩܘܼܫܬܼܵܐ.
                 158 ܘܟܪܘܿܙܘܼܬܹܗ ܩܪܵܗ̇ ܡܲܠܟܘܼܬܼܵܐ ܕܐܝܼܬܹܝܗ̇ ܒܪܘܡܵܐ.
                 159 :ܡܠܟܘܼܬ ܪܘܡܵܐ ܩܪܵܗ̇ ܠܲܣܒܪܬܵܐ ܕܐܟܼܪܙ ܒܲܐܪܥܵܐ
                 160 ܒܗ̇ܝ ܕܡܚܘܝܵܐ ܫܒܝܼܠ ܡܲܠܟܿܘܼܬܼܵܐ ܠܕܒܼܥܝܵܢ ܠܵܗ̇.
                 161 :ܫܒܝܼܠ ܡܥܟܘܬܵܐ ܕܪܫܬ̤ ܒܲܐܪܥܵܐ ܡܠܬܹܗ ܕܡܪܲܢ
                 162 ܘܐܠܦܬ̤ ܐ̄ܢܫ̈ܐ ܕܢܪܕܘܢ ܥܲܡܵܗ̇ ܠܐܝܟܵܐ ܕܐܝܼܬܹܝܗ̇.
                 163 :ܬܘܼܩܵܢ ܪܘܡܵܐ ܥܬܝܼܕ ܗ̄ܘ̣ܵܐ ܕܢܸܓܼܠܹܐ ܠܐܪ̈ܥܢܝܹܐ
                 164 ܘܨܪ ܕܡܘ̈ܬܹܗ ܒܹܝܬܼ ܐܪ̈ܥܢܹܐ ܥܕܠܵܐ ܢܸܗܘܹܐ.
                 165 :ܒܥܡ̈ܐܹܐ ܕܪܘܼܚܵܐ ܣܝܼܡܵܐ ܗ̄ܘ̣ܵܬ ܠܹܗ ܕܢܲܢܹܐ ܠܐ̄ܢܫ̈ܐ
                 166 ܘܐܥܢܝܼ ܐܢܘܿܢ ܦܓܪܢܐܝܼܬ ܩܕܼܵܡ ܣܘܥܪ̈ܢܹܐ.
                 167 :ܦܛܪܢܐܝܼܬ ܚܙ݂ܲܩ ܦܓܼܪܢܐ ܩܕܼܵܡ ܦܓܼܪ̈ܢܹܐ
                 168 ܘܚܘܝܼ ܠܐ̄ܢܫܐ ܠܡܸܕܪܐ ܒܐܘܼܪܚܐ ܕܪ̈ܘܚܢܝܵܬܼܵܐ.
                 169 :ܥܡܐܐ ܕܕܘܼܚܵܐ ܪܫ̣ܡ ܒܚܙܬܵܐ ܕܪܲܓܼܫܝ ܦܓܼܪܐ
                 170 ܘܫܲܪܝܼܘ ܐܢܫܵܐ ܠܡܸܚܢܵܐ ܠܢܝܼܫܵܐ ܕܟܼܣܹܐ ܒܪܵܘܡܵܐ. 

                 f.332v 
                 171 :ܐܘ ܬܸܕܡܘܪܬܵܐ ܕܗܘ̤ܵܬ ܒܐܵܪܥܵܐ ܒܹܝܬ ܐܪ̈ܥܢܹܐ
                 172 ܕܟܲܕ ܐܪ̈ܥܢܝܼܢ ܪܚܸܡܘ ܥܢܝܢܵܐ ܕܠܵܐ ܐܪ̈ܥܢܐ.
                 173 :ܩܵܠܵܐ ܚܕܬܵܐ ܫܡ݂ܲܥܘ ܐܪ̈ܥܢܹܐ ܡ̣ܢ ܐܘܥܢܵܐ
                 174 ܕܡܟܼܪܸܙ ܒܐܪܥܵܐ ܣܒܲܪܬܵܐ ܚܲܕܬܵܐ ܕܠܵܐ ܐܬܟܪܙܲܬ̤.
                 175 :ܒܬܢܘܝ ܕܐܓܼܪܐ ܚܬܚܸܬ ܐܸܢܘܿܢ ܠܒܢܲܝ̈ ܐܲܪܥܵܐ
                 176 ܘܪܗܸܛܘ ܨܐܕܵܘܗܝ ܘܩܲܒ̣ܠܘ ܐܸܢܘܿܢ ܚܘܼܒܵܢܵܐܝܼܬ.
                 177 :ܚܘܼܒܹܗ ܢܓܕܹܗ ܠܘܵܬ ܥܸܢܝܢܵܐ ܕܒܢܲܝ̈ ܓܸܢܣܹܗ
                 178 ܕܢܐܓܼܘܪ ܐܢܘܿܢ ܠܦܘܼܠܚܵܢ ܚܲܝܹ̈ܐ ܪ̈ܘܚܢܝܹܐ.
                 179 :ܙܢܲܝ̈ ܦܘܼܠܚܢܵܐ ܪܘܚܢܝܵܐ ܐܲܠܸܦ ܐܸܢܘܿܢ
                 180 ܕܡ̣ܢ ܥܡܠܝ̈ܗܘܿܢ ܢܸܩܢܘܿܢ ܚܲܝܹ̈ܐ ܠܵܐ ܡܝܘ̈ܬܹܐ.
                 181 :ܒܗܕܐ ܐܢܘܝ ܢܦ̣ܩ ܡ̣ܢ ܨܦܪܵܐ ܕܫܘܼܪܵܝ ܕܢܚܹܗ
                 182 ܟܕ ܠܹܗ ܠܕܼܢܚܹܗ ܟܢܝܼ ܨܦܪܵܐ ܘܫܘܪܝ ܝܘܡܵܐ.
                 183 :ܓܲܒܼܪܵܐ ܟܢܝܼ ܗܘ̤ ܠܲܩܢܘܿܡܹܗ ܒܗܝ ܕܐܵܦ ܓܲܒܼܪܵܐ ܗ̄ܘ̣
                 184 ܘܠܝܘܠܦܸܢܹܗ ܩ̣ܪܐ ܡܠܟܘܼܬܼܵܐ ܡܠܝܲܬ̤ ܚܲܝܹ̈ܐ.
                 185 :ܥܕܢ ܨܦܪܵܐ ܗܘ̤ܵܐ ܫܘܼܪܝܵܐ ܕܟܪܘܿܙܘܼܬܹܗ
                 186 ܘܦܥ̈ܠܹܐ ܕܨܦܪܐ ܫܠܝܼܚܹ̈ܐ ܬܪܥܣܲܪ ܕܐܘܓܲܪܘ ܥܲܡܗ.
                 187 :ܗܢܘܿܢ ܐܘܓܲܪܘ ܒܥܕܢ ܨܦܪܵܬ ܕܟܪܵܘܿܙܘܵܬܼܵܐ
                 188 ܘܗܢܘܿܢ ܐܢܘܢ ܕܛܥܢܘ ܝܘܼܩܪܵܐ ܕܟܼܠܹܗ ܝܵܘܡܵܐ.
                 189 :ܝܘܩܪܵܐ ܪܒܵܐ ܛܥܢܘ ܟܪܵܙܹܐ ܕܡܠܬܼ ܚ̈ܝܹܐ
                 190 ܒܗ̇ܝ ܕܩܫܹܐ ܗ̄ܘ̣ܵܐ ܫܘܪܵܝ ܙܒܼܪܵܐ ܕܟܪܘܿܙܘܬܼܵܐ.
                 191 :ܩܫܹܐ ܗ̄ܘ̣ܵܐ ܙܒܢܵܐ ܕܣܝܒܲܪܘ ܟܠܢܹ̈ܐ ܫܠܝܼܚܹ̈ܐ ܓܒܲܝ̈ܐ
                 192 ܘܛܵܒܼ ܥܙܝܼܙ ܗ̄ܘ̣ܵܐ ܩܪܒܼܵܐ ܚܕܢܦ̈ܐ ܘܕܝܗܘܕ̈ܝܹܐ 
                 193 :ܥܙܝܼܙܵܐ ܗ̄ܘ̣ܵܐ ܝܗܘܕܝܘܼܬܼܵܐ ܒܢܛܘܪ̈ܬܵܐ
                 194 ܘܚܡܝܡܵܐ ܗ̄ܘ̣ܵܬ ܐܵܦ ܚܲܢܦܘܼܬܼܵܐ ܒܪܚܡܲܬ ܫܸܐܕܹ̈ܐ.
                 195 :ܒܪܚܡܲܬ ܫܐܕܹ̈ܐ ܐܣܝܼܪܝܼܢ ܗ̄ܘ̣ܵܘ ܥܡܡܹ̈ܐ ܚܢ̈ܦܹܐ
                 196 ܘܡܣܬܬܐ ܗ̄ܘ̣ܬ ܪܚܡܲܬܿ ܫܸܐܕܹ̈ܐ ܩܪܸ̈ܥܝܢܲܝܗܘܿܢ.
                 197 :ܬܪܸܝܢ ܬܟܬܘ̈ܫܹܐ ܥܒܲܕܘ ܐܬܠܝ̈ܛܹܐ ܕܙܕܝܼܩܘܼܬܵܐ
                 198 ܥܲܡ ܚܢܦܘܼܬܼܵܐ ܘܝܗܘܕܝܘܼܬܵܐ ܫܩܝܼ̈ܦܹܐ ܪܡܹܐ.
                 199 :ܒܪܘܡܵܐ ܪܡܵܐ ܣܝܼܡ ܗ̄ܘ̣ܵܐ ܪܫܗ̇ ܕܝܗܘܕܝܘܼܬܼܵܐ
                 200 ܘܐܲܝܟ ܕܒܚܣܢܹ̈ܐ ܡܣܬܬܪܵܐ ܗ̄ܘ̣ܵܬ ܐܵܦ ܚܲܢܦܘܼܬܼܵܐ.
                 201 :ܚܣܝܼܟܝܼܢ ܗ̄ܘ̣ܵܘ ܫܸܡ ܐܲܠܵܗܹ̈ܐ ܕܠܵܐ ܐܠܗܹ̈ܐ
                 202 ܘܣܚܦܘ ܐܸܢܘܿܢ ܫܠܝܼܚܹ̈ܐ ܒܐܲܪܥܵܐ ܒܫܸܡ ܚܲܕ ܚܲܝܠܵܐ.
                 203 :ܫܸܡ ܚܲܕ ܚܝܠܵܐ ܐܲܟܼܪܸܙܘ ܒܐܪܥܵܐ ܐܪ̈ܥܢܝܹܐ
                 204 ܘܙܵܥܘ ܘܐܸܬܒܲܠܗܝܼܘ ܟܠ ܫܘܼܡܗܝܼ̈ܢ ܕܠܵܐ ܐܠܗܹ̈ܐ.
                 205 :ܠܵܐ ܐܠܗܹ̈ܐ ܥܩ̣ܪܘ ܡ̣ܢ ܐܪܥܵܐ ܐܲܠܗ̈ܝܹܐ
                 206 ܘܐܲܝܟ ܕܠܙܪܥܵܐ ܙܪܥܘܼܗܝ ܠܲܫܡܵܐ ܕܚܲܕ ܐܠܗܵܐ.
                 207 :ܐܲܝܟ ܕܠܚܪܵܐ ܥܵܕܘܼܗܝ ܠܝܥܪܵܐ ܕܦܬܼܪܘܼܬܼܵܐ
                 208 ܕܠܵܐ ܢܬܥܘܟ ܙܲܪܥܵܐ ܕܚܲܝܹ̈ܐ ܡ̣ܢ ܬܪܒܼܝܬܹܗ.
                 209 :ܕܬܪܒܝܼܬ ܙܲܪܥܵܐ ܚܨܝܼܦܝܢ ܗ̄ܘ̣ܵܘ ܦܥ̈ܠܹܐ ܛܒܹ̈ܐ
                 210 ܘܒܕܡܘܼܬ ܡܘܼܬ ܛܠܐ ܡܫܩܝܼܢ ܗ̄ܘ̣ܵܘ ܠܹܗ ܡܠܝ̈ ܪܘܼܚܵܐ.
                 211 :ܒܡܠܲܝ̈ ܪܘܼܚܵܐ ܦܠܚܝܼܢ ܗ̄ܘ̣ܵܘ ܠܹܗ ܠܟܪܡܵܐ ܕܐ̄ܢܵܫܐ
                 212 ܘܡܣܟܝܢ ܗ̄ܘ̣ܵܘ ܕܢܬܸܠ ܦܐܪܹ̈ܐ ܪ̈ܘܚܢܝܹܐ.
                 213 :ܒܩܢܛܵܐ ܘܚܘܼܒܵܐ ܡܬܩܪܒܝܼܢ ܗ̄ܘ̣ܵܘ ܨܝܕ ܦܘܼܠܚܢܹܗ
                 214 :ܕܠܵܐ ܢܸܬܒܣܪܘܢ ܡ̣ܢ ܗܘ̇ ܡܪܵܐ ܕܐܘܓܪܘ ܥܲܡܹܗ
                 215 :ܐܲܝܟ ܟܣܘܚܹ̈ܐ ܦܣܩܘ ܡܸܢܹܗ ܙܢܲܝ̈ ܒܝܼܫ̈ܬܐ
                 216 ܕܢܗܘܹܐ ܫܲܪܝܼܪ ܥܩܪ ܫܪ̈ܫܐ ܕܗܝܡܢܘܼܬܹܗ.
                 217 :ܒܗܲܝܡܢܘܬܵܐ ܡܣܬ̇ܬܝܼܢ ܗܘ̣ܘ ܠܗ̇ ܠܗܝܡܢܘܼܬܹܗ
                 218 ܕܠܵܐ ܢܟܘܼܢܵܝܗܝ ܫܘܒܵܐ ܘܥܪܝܵܐ ܕܪ̈ܓܝܼܓܬܐ.
                 219 ܣܓܼܝ ܣܘܹܝܢ ܗ̄ܘ̣ܵܘ ܕܲܢܢܲܛܪܘܼܢܵܝܗܝ ܡ̣ܢ ܢܸܟܝܵܢܹ̈ܐ: 

                 f.333r 
                 220 ܘܲܚܦܝܼܛܝܼܢ ܗ̄ܘ̣ܵܘ ܕܠܵܐ ܢܸܚܣܲܪ ܠܹܗ ܫܸܩܝܵܐ ܕܪܘܼܚܵܐ.
                 221 :ܘܥܲܡ̈ܐܹܐ ܦܲܠܚܘܼܗܝ ܘܲܒܼܦܸܬܓܼܵܡܹ̈ܐ ܣܲܡܸܟܘ ܣܵܘܟܵܘ̈ܗܝ
                 222 ܘܗܲܒܸܒܼܘ ܛܲܪܦܹ̈ܐ ܘܛܥܢ ܦܸܐܪܹ̈ܐ ܕܕܟܝܘܼܬ ܢܲܦܫܵܐ.
                 223 :ܦܸܐܪܹ̈ܐ ܕܟܼܝ̈ܵܐ ܛܥܝܼܢ ܗ̄ܘ̣ܵܐ ܟܲܪܡܵܐ ܓܠܝܼܙ ܡ̣ܢ ܦܸܐܪܹ̈ܐ
                 224 ܘܲܬܼܗܲܪܘ ܐ̄ܢܫ̈ܐ ܘܲܫܡܲܝܵܢܹ̈ܐ ܒܛܵܒܘܼܬܼ ܦܹܐܪ̈ܵܘܗܝ.
                 225 :ܬܲܗܪܬܐ ܪܲܒܵܐ ܒܫܘܼܚܠܵܦ ܙܲܒܼܢܵܐ ܕܟܲܪܡܵܐ ܕܥܲܡܡܹ̈ܐ
                 226 ܕܝܲܗ̣ܒ ܛܲܒܼ̈ܬܐ ܚܠܵܦ ܚܲܪ݁ܘܼܒܹܐ ܕܡܪܒܹܐ ܗ̄ܘ̣ܵܐ.
                 227 :ܙܢܲܝ̈ ܚܲܪ̈ܘܼܒܹܐ ܛܥܝܲܢ ܗ̄ܘ̣ܵܐ ܒܙܲܒܼܢܵܐ ܕܲܦܬܿܟܼܪܘܼܬܼܵܐ
                 228 ܘܲܕܝܲܗ̣̄ܒ ܢܲܦܫܹܗ ܠܦܘܼܠܚܵܢ ܪܘܼܚܵܐ ܛܥܢ ܒܘܼܪ̈ܟܵܬܼܵܐ.
                 229 :ܪܘܼܚܵܢܐܹܝܬ ܦܲܠܚܘܼܗܝ ܩܵܐܹ̈ܐ ܕܫܠܝܼܚܝܘܬܐ
                 230 :ܘܛܪܕܘ ܡܸܢܹܗ ܕܐܸܒܹ̈ܐ ܘܕܲܒܹ̈ܐ ܘܢܲܝ̈ ܒܝܼ̈ܫܵܐ
                 231 :ܙܢܲܝ̈ ܒ̈ܝܼܫܵܢܵܐ ܕܵܝܫܝܼܢ ܗ̄ܘ̣ܵܘ ܠܹܗ ܐܲܝܟ ܚܲܝ̈ܘܵܬܼܵܐ
                 232 ܘܣܓܼܘ ܒܐܲܦܲܝ̈ܗܘܿܢ ܙܢܲܝ̈ ܛܵܒܼ̈ܬܐ ܕܠܵܐ ܡܸܬܚܲܣܢܝܼܢ.
                 233 :ܣܝܵܓܼܵܐ ܪܡܵܐ ܥܒܲܕܘ ܠܹܗ ܠܪܲܪܡܵܐ ܐܲܠܵܗܵܝܵܐ
                 234 ܕܠܵܐ ܢܲܟܼܘܼܢܵܝܗܝ ܫܸܐܕܹ̈ܐ ܛܪ̈ܘܢܹܐ ܒܢܸܟܼܝܵܢܲܝ̈ܗܘܿܢ.
                 235 :ܡܲܓܼܕܠܵܐ ܕܫܘܼܒܼܚܵܐ ܒܢܵܘ ܒܲܡܨܥܬܹܗ ܠܲܡܫܲܒܵܚܘܼ
                 236 ܘܢܸܗܘܹܐ ܢ̇ܛܪ ܦܸܐܪܹ̈ܐܐ ܕܫܘܼܒܼܚܵܐ ܕܡܸܬܼܚܲܡܠܝܼܢ ܒܹܗ.
                 237 :ܐܵܦ ܡܲܥܨܲܪܼܬܵܐ ܕܡܲܥܡܘܿܕܝܼܬܼܵܐ ܥܒܕܘ ܠܲܡܝܼ̈ܕܹܐ
                 238 ܕܲܢܕܟܘܢ ܒܵܗ̇ ܡܘܼܡܹ̈ܐ ܕܲܦܓܼܪܵܐ ܘܲܕܪܸ̈ܥܝܵܢܹܐ.
                 239 :ܥܲܠܝܼܪܵܐܝܼܬ ܐܣܢܘ ܣܵܡܘ ܒܗ ܙܢܲܝ̈ ܛܵܒܼܬܐ
                 240 ܕܠܵܐ ܢܸܚܣܲܪ ܒܹܗ ܚܲܕ ܡ̣ܢ ܛܘܼܒܹ̈ܐ ܠܲܕܦܠܲܚ ܒܹܗ.
                 241 :ܚܝܠܵܐ ܕܪܘܼܚܵܐ ܚܲܟܸܡ ܐܸܢܘܿܢ ܠܡܸܣܥܲܪ ܗܵܠܹܝܢ
                 242 ܘܗܘ̤ ܝܲܗ̣ܒ ܚܲܝܠܵܐ ܒܪܸ̈ܥܝܵܢܲܝܗܘܿܢ ܠܡܸܦܠܲܚ ܐ̄ܢܫ̈ܐ.
                 243 :ܠܡܸܦܠܲܚ ܒܟܲܪܡܹܗ ܫܲܕܲܪ ܐܸܢܘܿܢ ܡܵܪܹܐ ܟܲܪܡܵܐ
                 244 ܘܐܲܝܟ ܨܒܼܝܵܢܹܗ ܓܡܲܪܘ ܨܒܼܝܵܢܹܗ ܒܦܘܼܠܚܵܢ ܟܲܪܡܹܗ.
                 245 :ܟܠܵܗ̇ ܕܓܬܹܗ ܕܡܵܕܐ ܟܲܪܡܵܐ ܓܡ݂ܲܪܘ ܦܠܲܚܹ̈ܐ
                 246 ܘܫܲܪܝܼܘ ܘܫܲܠܸܡܘ ܒܚܲܕ ܨܒܼܝܵܢܵܐ ܕܠܵܐ ܩܘܼܛܵܟܵܐ.
                 247 :ܠܵܐ ܐܬܩܛܥܘ ܪܸ̈ܥܝܵܢܲܝܗܘܿܢ ܒܦܘܠܚܵܢܲܝ̈ܗܘܿܢ
                 248 ܒܲܕ ܚܵܝܪܝܼܢ ܗ̄ܘ̣ܵܘ ܕܪܲܒ ܦܘܼܪܥܵܢܵܐ ܛܵܒܼ ܡ̣ܢ ܥܲܡ̈ܠܹܐ.
                 249 :ܙܥܘܿܪ ܗ̄ܘ̣ܵܐ ܥܲܡܠܵܐ ܟܲܕ ܢܸܬܼܦܲܚܲܡ ܥܲܡ ܦܘܼܪܥܵܢܵܐ
                 250 ܘܠܵܐ ܦܚ̈ܡܵܢ ܗ̈ܘ̣ܝ ܫܥ̈ܐ ܬܪܹܥܣܲܪ ܠܚܲܕ ܕܝܹܢܵܪܵܐ.
                 251 :ܚܲܕ ܕܝܼܢܵܪܐ ܩܨܵܐ ܗ̄ܘ̣ܵܐ ܛܵܒܼܵܐ ܠܦܵܠܚܹ̈ܐ ܛܵܒܹ̈ܐ
                 252 ܘܛܵܒܼ ܐܸܬܼܟܲܫܲܪܘ ܠܡܸܦܠܲܚ ܟܲܪܡܵܐ ܕܡܠܝܼܠܘܼܬܼܵܐ.
                 253 :ܟܲܕܡܵܐ ܡܠܝܼܠܵܐ ܦܠܲܚܘ ܦܲܠܵܚܹ̈ܐ ܕܙܲܕܝܼܩܘܼܬܼܵܐ
                 254 ܘܲܢܛܲܪܘ ܦܐܲܪ̈ܘܗܝ ܕܠܵܐ ܢܸܬܼܚܲܒܠܘܿܢ ܡ̣ܢ ܢܸܟܼܝܵܢܹ̈ܐ.
                 255 :ܫܡܵܗܹ̈ܐ ܬܠܵܬܵܐ ܥܒܲܕܼܘ ܠܹܗ ܫܘܼܪܐ ܠܫܘܼܛܵܪ ܚܲܝܵܘ̈ܗܝ
                 256 ܕܢܸܗܘܹܐ ܫܲܪܝܼܪ ܒܸܢܝܵܢ ܚܲܝܹ̈ܐ ܕܡܵܝܘܿܬܘܼܬܹܗ.
                 257 :ܝܵܕܥܝܼܢ ܗ̄ܘ̣ܵܘ ܠܹܗ ܠܪܘܼܟܵܒܼ ܦܲܓܼܪܹܗ ܕܡܸܫܬܲܝܵܢܵܐ ܗ̄ܘ̣
                 258 ܥܲܠ ܗ̇ܝ ܣܵܡܘ ܠܹܗ ܫܡܵܗܹ̈ܐ ܬܠܵܬܐ ܒܲܕ ܡܘܼܬ ܥܲܪ݁ܩܹܐ.
                 259 :ܒܥܲܪ̈ܩܹܐ ܕܪܘܼܚܵܐ ܒܢܵܘ ܒܲܢܵܝܹ̈ܐ ܠܒܸܢܝܵܢ ܐ̄ܢܵܫ̈ܐ
                 260 ܘܫܲܪܪܵܘ ܐܸܣܵܘ̈ܗܝ ܫܒܸܡ ܐܝܼܬܼܘܼܬܵܐ ܕܠܵܐ ܡܸܫܬܲܝܵܐ.
                 261 :ܫܸܡ ܐܝܼܬܘܬܼܵܐ ܣܵܡܘ ܩܲܕܡܝܼܬܼ ܐܲܝܟ ܫܲܬܸܐܣܬܼܵܐ
                 262 ܘܲܥܠܹܝܗ̇ ܫܲܟܼܠܸܠܘ ܟܠܹܗ ܪܵܘܡܵܐ ܕܬܵܘܕܝܼܬ ܐ̄ܢܵܫܵܐ.
                 263 :ܚܕܵܐ ܬܵܘܕܝܼܬܼܵܐ ܕܚܕ ܒܪܘܿܝܵܐ ܒܢܵܘ ܒܲܒܼܪܝܼܬܵܐ
                 264 ܘܚܲܕ ܫܘܼܡܵܗܵܐ ܐܲܟܼܪܸܙܘ ܒܐܲܪܥܵܐ ܠܫܵܡܘܿܥܲܝ̈ܗܘܿܢ.
                 265 :ܒܗܵܢ ܫܘܼܡܵܗܵܐ ܬܲܠܡܸܕܘ ܘܐܲܠܸܦܘ ܘܐܲܥܡܹܕܘ ܐ̄ܢܫ̈ܐ
                 266 ܘܲܟܼܕܢܘ ܟܠܵܗ̇ ܬܚܹܝܬܼ ܫܘܼܠܛܵܢܵܐ ܕܫܲܠܝܼܛ ܥܲܠ ܟܠ.
                 267 ܡ̣ܢ ܟܠ ܫܘܼܠܛܵܢ ܟܲܢܫܘ ܐܸܢܘܿܢ ܠܥܲܡܡܹ̈ܐ ܦܠܝܼ̈ܓܹܐ: 

                 f.333v 
                 268 ܘܐܲܠܸܦܘ ܐܸܢܘܿܢ ܠܲܡܵܝܼܩܵܪܘܼ ܠܚܲܕ ܫܘܼܠܛܲܢܐ.
                 269 :ܒܚܲܕ ܫܘܼܠܛܵܢܵܐ ܟܕܢܸܘ ܟܠ ܫܘܼܠܛܵܢ ܕܪܵܘܡܵܐ ܘܥܘܼܡܩܵܐ
                 270 ܘܲܠܓܼܘ ܡܸܢܹܗ ܚܒܲܫܘ ܟܠ ܒܸܪ̈ܝܵܢ ܡܠܝܼ̈ܠܹܐ ܘܚܲܪ̈ܫܹܐ.
                 271 :ܠܓܼܵܘ ܡ̣ܢ ܫܸܡܥܵܐ ܕܦܸܬܼܓܼܵܡܲܝ̈ܗܘܿܢ ܚܒܲܫܘ ܟܠ ܡܸܕܸܡ
                 272 ܐܲܪ̈ܥܵܢܵܝܹܐ ܘܲܡܫܲܝܵܢܹ̈ܐ ܕܠܵܐ ܪܘܼܟܵܒܵܐ.
                 273 :ܐܘ ܠܡܵܘܝܘܿܬܹ̈ܐ ܠܒܝܼܫܲܝ̈ ܦܲܓܼܪܵܐ ܡܸܬܼܚܲܒܠܵܢܵܐ
                 274 ܕܚܲܒܼܫܘܼܗܝ ܠܥܵܠܡܵܐ ܠܓܼܵܘ ܡ̣ܢ ܡܸ̈ܠܹܐ ܕܡܸܠܵܬܐ ܕܲܒܼܗܘܿܢ.
                 275 :ܐܘ ܠܲܐܪ̈ܥܵܢܹܐ ܛܥܝܢܲܝ̈ ܝܘܼܩܪܵܐ ܕܡܵܝܘܿܬܘܼܬܼܵܐ
                 276 ܕܣܠܸܩܘ ܫܲܠܸܒܼܕܘ ܟܸܢܫܲܝ̈ ܪܵܘܡܵܐ ܬܚܹܝܬܼ ܡܸܠܲܬܼܗܘܿܢ.
                 277 :ܐܘ ܠܨܵܝܵܕܹ̈ܐ ܨܵܝܕܲܝ̈ ܐܘܼܟܼܠܵܐ ܠܐܘܼܟܼܵܐܐ ܕܦܲܓܼܪܵܐ
                 278 ܕܨܵܕܘ ܠܲܡܠܝܼ̈ܠܹܐ ܘܐܵܘܼܟܼܠܘ ܐܸܢܘܿܬ ܐܘܟܼܠܵܐ ܐܘܟܼܠܵܐ ܕܪܘܼܚܵܐ.
                 279 :ܐܘ ܠܗܸܕܝ̈ܘܛܹܐ ܘܒܘܲܪ̈ܝ ܡ̣ܢ ܟܠ ܒܟܼܠ ܕܘܪ̈ܲܫܝܼܢ
                 280 ܕܕܲܪܫܘܼܗܝ ܠܥܵܠܡܵܐ ܒܪܲܗܛܵܪܘܼܬܵܐ ܕܠܵܐ ܚܙܝܵܐ ܠܹܗ.
                 281 :ܐܘ ܠܕܸܐܬܒܪܝܼܘ ܒܚܲܕ ܠܸܫܵܫܵܐ ܘܚܲܕ ܗܓܝܵܢܵܐ
                 282 ܕܬܲܪܓܹܡܘ ܥܲܡ ܟܠ ܐܲܝܟ ܗܸܓܝܵܢܵܐ ܕܠܸܫܵܢܲܝ̈ܗܘܿܢ.
                 283 :ܒܟܼܠ ܠܸܫܵܢܝܼ̈ܢ ܠܥܸܙܘ ܩܸܘܪ̈ܚܹܐ ܟܪ̈ܝܲܝ ܡܸܠܬܵܐ
                 284 ܘܲܠܟܼܠ ܗܡܡܝܼ̈ܢ ܦܫܩܘ ܚܲܝܠܵܐ ܕܲܒܡ݂ܲܠܲܝ̈ܗܘܿܢ.
                 285 ܒܚܹܝܠ ܡܸܠܲܝ̈ܗܘܿܢ ܬܗܲܪܘ ܘܲܠܥܡܡ̈ܝܼܢ ܩܢܝܼܝ̈ ܡܸܠܬܼܵܐ.
                 286 :ܕܟܲܡܵܐ ܚܲܣܝܼܢ ܚܲܝܠܐ ܕܲܒܼܗܘܿܢ ܡ̣ܢ ܟܠ ܚܲܝܠܝܼ̈ܢ
                 287 :ܟܠ ܥܲܡ ܟܠܐ ܚܒܼ ܡ̣ܢ ܚܲܝܠܵܐ ܕܲܒܨܝܼܵܕܹ̈ܐ
                 288 ܘܠܵܐ ܦܵܫ ܥܲܡܵܐ ܕܠܵܐ ܝܲܗ̄ܒ̣ ܐܝܼܕܵܐ ܠܚܲܝܠܵܐ ܕܲܒܼܗܘܿܢ.
                 289 :ܚܵܒܼܘ ܚܲܟܝܼ̈ܡܹܐ ܒܗܸܬܼܘ ܝܵܕܘ̈ܥܹܐ ܫܬܸܩܘ ܡܲܠܵܠܹ̈ܐ
                 290 ܘܩܵܠ ܗܸܕܝܘܿܛܹ̈ܐ ܪܵܥܹܡ ܒܐܲܪܥܵܐ ܐܲܝܟ ܫܝܼܦܘܿܪܵܐ.
                 291 :ܐܲܫܦܸܠ ܚܘܼܬܼܪܵܐ ܥܪܲܩ ܫܘܼܒܼܗܵܪܵܐ ܒܛܸܠ ܫܘܼܥܠܵܝܵܐ
                 292 ܘܲܡܟܝܼܟܘܼܬܵܐ ܣܒܼܝܼܣ ܩܘܼܠܵܣܵܗ̇ ܒܟܼܠ ܠܸܫܵܢܝܼ̈ܢ.
                 293 :ܗܘ̤ܘ ܐܲܝܟ ܠܵܐ ܗܘ̤ܘ ܟܠ ܝܘܼܠܦܵܢܲܝ̈ܢ ܕܒܼܕܘ ܕܲܝ̈ܘܹܐ
                 294 ܘܩܵܡ ܒܲܫܪܵܪܵܐ ܚܲܕ ܝܘܼܠܦܵܢܵܐ ܕܕܲܟܸܒܼܘ ܒܘܼܪܹ̈ܐ.
                 295 :ܥܪܲܩܘ ܗܲܓܵܓܹ̈ܐ ܕܦܹܐܘܛܘܼܬܵܐ ܘܕܪܗܛܪܘܼܬܼܵܐ
                 296 ܘܠܵܐ ܣܦܩܘ ܦܲܢܝܼܘ ܡܸܠܬܵܐ ܕܩܘܼܫܬܵܐ ܠܨܵܝܕ̈ܝܼ ܢܘܼܢܹ̈ܐ.
                 297 ܕܥܸܟܼܘ ܨܡܚܲܝ̈ܗܘܿܢ ܕܦܝܼܠܵܣܘܿܦܹ̈ܐ ܚܬܝܪ݁ܲܝ ܒܲܫܡܵܐ.
                 298 :ܘܥܦ ܢܗܝܼܪܵܐ ܕܲܒܼܡܸܠܲܝ̈ܗܘܿܢ ܕܒܘܪ̈ܝ ܡ̣ܢ ܟܠ
                 299 :ܒܘܼܪ̈ܝ ܡ̣ܢ ܟܠ ܐܲܠܸܦܘ ܡܸܕܡ ܕܪܲܒ ܡ̣ܢ ܡܸܕܸܡ
                 300 ܘܙܩܦܘ ܨܒܼܥܵܐ ܟܵܗܢܹ̈ܐ ܘܡܲܠ̈ܟܹܐ ܘܫܘܼܠܵܛܢܝܲܗ̈ܘܿܢ.
                 301 :ܚܲܕ ܫܘܼܠܛܵܢܵܐ ܩܒܲܥܘ ܐܲܝܟ [ܢܝܼܫܵܐ] ܩܕܼܵܡ ܟܠ ܥܲܡܡ̈ܝܼܢ
                 302 ܕܢܗܘܘܿܢ ܚܵܢܹܝܢ ܟܠ ܠܸܫܢܝܼ̈ܢ ܠܘܲܥܕܵܐ ܕܲܫܡܹܗ.
                 303 :ܫܡܵܐ ܕܐܝܼܬܘܼܬܼܵܐ ܕܐܝܼܬܹܝܗ̇ ܘܐܝܼܬܹܝܗ̇ ܐܲܟܼܪܸܙܘ ܒܲܐܪܥܵܐ
                 304 ܘܲܬܼܢܵܘ ܘܬܲܠܸܬܼ ܬܠܝܼܬܵܝܘܼܬܼܵܐ ܕܠܵܐ ܡܸܣܬܿܕܼܩܵܐ.
                 305 :ܬܠܵܬܵܐ ܫܡܲܗܹ̈ܐ ܣܵܡܘ ܠܲܩܢܘܿܡܹ̈ܐ ܐܲܝܟ ܕܐܸܬܦܲܩܲܕܘ
                 306 ܘܐܲܩܸܦܘ ܐܸܢܘܿܢ ܠܚܲܕ ܫܘܼܠܛܵܢܵܐ ܕܫܸܡ ܐܝܼܬܘܼܬܼܵܐ.
                 307 :ܥܲܡ ܐܝܼܬܘܼܬܵܐ ܡܢܵܘ ܐܵܦ ܐ̄ܪܵܙܵܐ ܕܦܲܓܼܪܵܢܘܼܬܼܵܐ
                 308 ܕܠܵܐ ܬܸܗܘܹܐ ܠܵܗ̇ ܬܠܝܼܬܵܝܘܼܬܵܐ ܪܒܝܼܥܵܘܼܬܼܵܐ.
                 309 :ܒܚܲܕ ܫܘܼܡܵܗܵܐ ܣܲܝܸܟܘ ܘܲܚܒܲܫܘ ܫܸܡ ܐ̄ܢܵܫܘܼܬܵܐ
                 310 ܒܪܵܐ ܕܐܲܠܵܗܵܐ ܘܒܲܪ̈ܢܵܫܘܼܬܵܐ ܚܲܕ ܦܲܪܨܘܵܦܐ.
                 311 :ܚܲܕ ܦܲܪܨܘܿܦܵܐ ܟܬܲܒܼܘܒܵܐܘܼܬܼܵܐ ܕܲܫܡܵܐ ܕܲܒܼܪܵܐ
                 312 ܡܸܠܬܹܗ ܕܠܲܒܼܵܐ ܕܐܝܼܬܼܵܘܗܝ ܡܸܡܬܘܿܡ ܘܐ̄ܢܵܫܵܐ ܕܡܸܢܲܢ.
                 313 :ܬܪܹܝܢ ܒܲܟܼܝ̈ܫܵܐ ܠܦܘܼܬܼ ܕܲܟܼܝܵܢܹܐ ܬܕܹܝܢ ܐܝܼܬܲܝܗܘܿܢ
                 314 ܘܚܲܕ ܦܲܪܨܘܿܦܵܐ ܐܲܝܟ ܡܸܢܝܵܢܵܐ ܕܠܵܐ ܡܸܫܬܿܚܲܠܦ.
                 315 ܠܵܐ ܡܸܫܬܲܚܠܲܦ ܡܸܢܝܵܢ ܐܲܒܼܵܐ ܘܲܒܼܪܵܐ ܘܪܘܼܚܵܐ: 

                 f.334r 
                 316 ܘܠܵܐ ܡܸܬܼܡܲܙܲܓܼ ܟܝܵܢ ܐܝܼܬܘܼܬܼܵܐ ܒܲܟܼܝܵܢ ܐ̄ܢܵܫܵܐ.
                 317 :ܒܕܝܼܠܹܗ ܡܩܵܘܹܐ ܟܝܵܢ ܐܝܼܬܼܘܼܬܵܐ ܥܲܡ ܐ̄ܢܵܫܘܼܬܼܵܐ
                 318 ܐܵܦ ܐ̄ܢܵܫܘܼܬܼܵܐ ܢܛܝܼܵܪܐ[...]ܬܵܗ ܥܲܡ ܐܝܼܬܘܼܬܵܐ.
                 319 :ܠܵܐ ܡܸܬܼܚܲܠ̈ܛܵܢ ܟܝܵܢܵܝܵܬܵܐ ܕܐܝܼܬ ܠܲܟܼܝܵܢܹ̈ܐ
                 320 ܘܝܲܬܝܵܪܬܝܼܬܼ ܟܝܵܢ ܥܵܒܼܘܿܕܵܐ ܥܲܡ ܕܥܒܝܼܪ̈ܕܹܐ.
                 321 :ܟܝܵܢ ܥܵܒܼܘܕܵܐ ܚܠܛܘ ܡܲܪ̈ܵܚܹܐ ܥܲܡ ܕܲܥܝܼܪ̈ܕܹܐ
                 322 ܘܬܘܿܪܬ ܣܲܓܼܝ ܕܟܼܡܵܐ ܐܲܡܪܲܚ ܝܲܨܪܵܐ ܕܐ̄ܢܵܫܵܐ.
                 323 :ܝܲܨܪܵܐ ܕܐ̄ܢܵܫܵܐ ܥܨܵܢܝ ܕܐܫܚܸܠܦ ܪܲܗܛܵܐ ܕܡܸܠܲܝ̈
                 324 ܘܫܒܼ̇ܩܸܬ ܡܸܠܲܬܝ ܘܲܪܕܹܝܬ ܒܐܘܼܪܚܵܐ ܕܡܸܠܬܐ ܘܦܲܓܼܪܵܐ.
                 325 :ܡܸܠܬܐ ܘܦܲܓܼܪܵܐ ܚܠܲܛܘ ܡܲܪ̈ܵܚܹܐ ܕܠܵܐ ܒܘܼܝܵܢܵܐ
                 326 ܘܛܢܬ̤ ܡܸܠܲܬܼܝ ܕܬܸܦܪܘܿܫ ܡܸ̈ܠܹܐ ܕܠܵܐ ܡܸܬܼܚܲܠ̈ܛܵܢ.
                 327 :ܗܵܢܵܐ ܛܢܵܢܵܐ ܗܘ̤ܵܐ ܠܹܗ ܠܪܸܥܝܵܢܝ ܒܟܼܠ ܬܘܼܪ̈ܓܵܡܝܼܢ
                 328 ܘܠܐ ܡܲܪܦܹܐ ܠܝܼ ܕܐܸܕܲܕܹܐ ܒܐܘܼܪܚܵܐ ܕܡ̣ܢ ܒܠܸܥܵܕܵܘܗܝ.
                 329 :ܐܘܼܪܚܵܐ ܕܡܲܬܠܵܐ ܕܦܲܥ̈ܐܹܐ ܕܐܵܘܓܲܪܘ ܪܡܝܵܐ ܗ̄ܘ̣ܵܬ ܠܝܼ
                 330 ܘܕܦܲܓܲܠ ܠܹܗ ܒܝܼ ܫܒܝܼܠ ܡܘܼܙܵܓܼܵܐ ܣܛܝܹܬܼ ܡ̣ܬ ܡܸܠܬܝ.
                 331 :ܡܠܬܝ ܫܸܒܼܩܸܬ ܕܐܟܣ ܡܸܠܬܼܵܐ ܕܒܕܝ̈ ܡܸ̈ܠܹܐ
                 332 ܘܲܦܢܹܝܬ ܕܐܸܪܕܹܐ ܒܲܫܒܝܼܠ ܡܸܠܬܼܵܐ ܕܢܸܦܩܲܬ ܡܸܢܗ̇.
                 333 :ܬܵܝ ܟܹܝܬܼ ܡܢܵܝ ܥܲܠ ܡܸܠܬܵܐ ܕܪܵܡܝܵܐ ܗ̄ܘ̣ܵܬ ܠܹܟܝ
                 334 ܘܪܕܝ ܒܐܘܼܪܚܵܐ ܕܲܕܪܲܫܘ ܦܲܥ̈ܐܹܐ ܒܦܘܼܠܚܵܢ ܟܲܪܡܵܐ.
                 335 ܒܲܠܘܝܼܬ ܦܲܥ̈ܐܹܐ ܕܦܲܠܲܚܘ ܫܦܝܼܪ ܪܓܼܝܼܓܼ ܐ̄ܢܵܐ ܕܐܸܚܙܘܿܩ.
                 336 ܕܕܲܡ ܐܸܬܵܘܬܲܦ ܒܦܘܼܪ̈ܥܢ ܐܲܓܼܪܵܐ ܕܡܘܼܠܟܵܢܲܝ̈ܗܘܿܢ.
                 337 :ܡܘܼܠܟܵܢܲܝ̈ܗܘܿܢ ܓܲܪ̈ܓܘܼܢܝ ܕܐܵܘܲܓܲܪ ܥܲܡ ܥܲܡܠܲܝ̈ܗܘܿܢ
                 338 ܕܛܟ ܢܸܗܘܹܐ ܠܝܼ ܡܠܘܿܠܵܐ ܕܡܸ̈ܠܹܐ ܠܥܲܠܲܬܼ ܚܲܝܹ̈ܐ.
                 339 :ܡܸܛܠ ܚܲܝܹ̈ܐ ܠܐܝܼܘ ܒܥܒܕܹܗ ܡܵܪܹܐ ܟܲܪܡܵܐ
                 340 ܘܲܛܥܢܲܘ ܝܘܼܩܪܵܐ ܕܥܲܡ̈ܐܹܐ ܩܫܲܝܵ̈ܐ ܕܟܼܠܹܗ ܝܵܘܡܵܐ.
                 341 :ܒܨܲܦܪܵܐ ܐܵܘܓܲܪܘ ܐܲܝܛ ܡܵܐ ܕܢܵܒܲܥ ܛܲܟܼܣܵܐ ܕܐܓܼܪܵܐ
                 342 ܘܥܲܡܹܗ ܕܪܲܗܛܵܐ ܕܫܵܥܲܝ̈ ܝܵܘܡܵܐ ܡܬܲܚܘ ܥܲܡܠܲܝ̈ܗܘܿܢ.
                 343 :ܟܠܹܗ ܝܵܘܡܵܐ ܠܐܝܼܘ ܟܲܫܝܼܪܹ̈ܐ ܒܦܘܼܠܚܵܢܲܝ̈ܗܘܿܢ
                 344 ܘܥܸܕܢ ܪܲܡܫܵܐ ܢܚܘ ܡ̣ܢ ܥܲܡܠܵܐ ܘܩܲܒܸܠܘ ܐܲܓܼܪܵܐ.
                 345 :ܘܡܸܛܠ ܐܲܓܼܪܵܬ ܣܒܲܠܘ ܟܠ ܥܲܡܠܝܼ̈ܢ
                 346 ܦܲܥ̈ܠܹܐ ܥܡܝܼ̈ܠܹܐ. ܘܠܲܚܲܕ ܢܝܼܫܵܐ ܚܢܵܘ ܩܲܕܵܡܝܼ̈ܐ ܘܲܕܒܵܬܲܪܗܘܿܢ.
                 347 :ܚܲܕ ܒܬܲܪܚܲܕ ܩܕܼܵܒܼܘ ܠܲܥܒܼܵܕܵܐ ܕܐܸܬܬܲܠܡܲܕܘ ܠܹܗ
                 348 ܘܒܲܚܕܵܐ ܫܘܝܘܼ ܦܠܲܚܘ ܦܘܼܠܚܵܢܵܐ ܕܡܲܩܢܹܐ ܚܲܝܹ̈ܐ.
                 349 :ܫܠܝܼܚܹ̈ܐ ܐܵܘܓܲܪܘ ܒܥܵܕܢ ܨܲܦܪܵܐ ܕܕܸܢܚܹܗ ܕܪܲܪܲܢ
                 350 ܘܛܢܢܘ ܝܘܼܩܪܵܐ ܕܒܸܙܚܵܐ ܩܲܫܝܵܐ ܕܥܲܡܵܐ ܘܥܲܡܡܹ̈ܐ.
                 351 :ܕܲܬܼܠܵܬܼ ܫܵܥܝܼ̈ܢ ܕܲܪܵܐ ܐ̄ܚܪܢܵܐ ܕܩܵܡ ܒܵܬܼܪܲܗܘܿܢ
                 352 ܘܲܪܕܵܘ ܒܐܘܼܪܚܵܐ ܕܥܲܡ̈ܐܹܐ ܫܚ̈ܝܼܩܹܐ ܕܲܫܠܝܼܚܘܼܬܵܐ.
                 353 :ܕܫܸܬܼܬܘܼܒܼ ܫܵܠܝܼ̈ܢ ܗܵܠܹܝܢ ܕܐܵܘܓܲܪܘ ܒܵܬܲܪ ܙܒܸܢܵܐ
                 354 ܘܨܵܪܘ ܕܡܸ̈ܘܵܬܹܗ ܕܗ̇ܘ ܕܘܒܼܵܪܵܐ ܒܕܘܼܒܵܪ̈ܲܝܗܘܿܢ.
                 355 :ܕܲܬܫܲܥ ܫܥܲܝܼ̈ܢ ܟܸܐܢܹ̈ܐ ܕܗܘ̤ܵܘ ܒܕ̇ܪ̈ܝܼܢ ܕܵܪ̈ܝܢ
                 356 ܘܩܲܒܸܠܘ ܝܘܩܪܵܐ ܕܲܨܥܝܼܪ̈ܵܬܐ ܐܲܝܟ ܩܲܕܡܵܝܹ̈ܐ.
                 357 :ܕܫܟ̈ܐ ܚܕܲܥܣܲܪ ܗܵܠܹܝܢ ܕܐܬܹܝܢ ܒܫܘܼܠܵܡ ܙܲܒܼ̈ܢܐ
                 358 ܘܩܵܢܹܝܢ ܚܘܼܒܵܐ ܕܠܵܐ ܡܸܬܼܦܪܦܹܐ ܩܕܼܵܡ ܚܘܼ̈ܬܼܚܵܬܹܗ.
                 359 :ܪܸܚܡܲܬܼ ܚܘܼܒܵܐ ܚܸܠܛܲܬܼ ܐܸܢܘܿܢ ܥܲܡ ܩܲܕܡܝܹ̈ܐ
                 360 ܘܫܲܩܲܠܘ ܐܲܓܼܪܵܐ ܥܲܡ ܛܘܼܵܝܒܹܐ ܕܪܲܥܝܵܢܲܝܗܘܿܢ.
                 361 :ܒܪܸ̈ܥܝܵܢܲܝܗܘܿܢ ܪܥܹܝܢ ܗ̄ܘ̣ܵܘ ܣܲܓܝܼ ܠܡܸܦܠܲܚ ܣܲܓܝܼ
                 362 ܥܲܠ ܗ̇ܝ ܩܲܒܸܠܘ ܐܲܓܼܪܵܐ ܕܝܲܬܝܼܪ ܡ̣ܢ ܦܘܼܠܚܵܢܵܐ. 
                 363 ܠܢܝܼܫܵܐ ܕܚܘܼܒܗܘܿܢ ܝܲܗ̣̄ܒ ܦܘܼܪܥܵܢܵܐ ܡܵܪܹܐ ܒܲܝܬܵܐ: 

                 f.334v 
                 364 ܕܲܒܼܝܲܕ ܚܘܼܒܗܘܿܢ ܢܓܲܪܓܼ ܠܐ̄ܢܵܫܵܐ ܠܡܸܪܚܲܡ ܚܘܼܒܵܐ.
                 365 :ܠܐ̄ܢܫ̈ܐ ܓܲܪܸܓܼ ܒܲܐܓܼܪܵܐ ܛܒܼܵܐ ܕܲܚܕܵܠ ܫܵܥܵܐ
                 366 ܕܠܵܐ ܢܸܬܼܪܦܘܿܢ ܐܵܦܸܢ ܩܲܠܝܼܠ ܙܒܲܢ ܚܲܝܲܝ̈ܗܘܿܢ.
                 367 :ܚܘܼܒܵܐ ܗ̄ܘ̣ ܒܵܥܹܐ ܒܝܲܚܹ̈ܐ ܙܥܘܿܪܹ̈ܐ ܘܲܒܼܣܲܓ̈ܝܼܐܹܐ
                 368 ܘܲܠܦܘܼܬ ܚܘܒܵܐ ܝܵܗܸܒ ܐܲܓܼܪܵܐ ܠܪ̈ܚܡܲܝ ܚܘܼܒܵܐ.
                 369 :ܡܛܠ ܚܘܼܒܵܐ ܝܲܩܲܪ ܐܸܢܘܿܢ ܠܦܲܥ̈ܐܹܐ ܐ̄ܚܵܪ̈ܝܹܐ
                 370 ܘܝܲܗ̣̄ܒ ܦܘܼܪܥܵܢܵܐ ܘܠܵܐ ܬܒܲܥ ܥܡ̈ܠܹܐ ܕܲܒܣܘܼܥܪ̈ܵܢܹܐ.
                 371 :ܒܨܝܼܪ ܗ̄ܘ̣ܵܐ ܣܲܓܝܼ ܥܲܡܠܵܐ ܙܥܘܿܪܵܐ ܕܲܚܕܵܐ ܫܵܥܵܐ
                 372 ܟܲܕ ܢܸܬܼܦܲܚܲܡ ܥܲܡ ܡܸܢܢܝܵܢܵܐ ܕܬܲܪܬܵܥܸܣܪܹ̈ܐ.
                 373 :ܐܘ ܠܵܟ ܚܘܿܒܵܐ ܕܲܒܼܡܲܚܒܢܹ̈ܐ ܟܡܵܐ ܝܲܩܝܼܪܵܐ ܐܲܢ̄ܬܿ
                 374 ܕܝܸܗ̇ܒܸܬ ܐܓܼܪܵܐ ܠܥܲܡ̈ܐܹܐ ܙܥܘܿܪܹ̈ܐ ܐܲܝܟ ܣܲܓܼܝܼܐܹ̈ܐ.
                 375 :ܙܥܘܿܪ ܗ̄ܘ̣ ܥܲܡܠܵܐ ܕܦܲܥ̈ܠܹܐ ܕܐܵܘܓܲܪܘ ܒܲܚܕܵܐ ܫܵܥܵܐ
                 376 ܘܣܵܡܹܗ ܚܘܼܒܵܐ ܥܲܡ ܡܲܬܼܩܵܠܵܐ ܕܬܲܪܪܵܥܸܣܪܹ̈ܐ.
                 377 :ܡܲܢ̣ܘ ܡܸܡܬܘܡ ܬܩܲܠ ܗܵܟܼܢܵܐ ܒܲܚܕܵܐ ܫܲܘܝܘܼ
                 378 ܘܣܸܠܩܲܬ̤ ܟܦܬܐ ܕܬܲܪܬܵܥܸܣܪܹ̈ܐ ܘܕܲܚܕܵܐ ܫܵܥܵܐ.
                 379 :ܒܲܚܕܵܐ ܫܲܘܝܘܼ ܣܠܸܩ ܡܸܢܵܝܵܢܵܐ ܕܣܲܓܝܼ ܘܲܙܥܘܿܪ
                 380 ܘܗܵܢܵܘ ܬܲܗܪܵܐ ܕܠܵܐ ܙܠ ܘܢܬܠ ܡܬܩܠ ܟܸܦܹ̈ܐ.
                 381 :ܗܵܪܟܵܐ ܢܬܗܲܪ ܐܲܝܢܵܐ ܕܝܵܕܲܥ ܠܡܚܪ ܫܲܦܝܼܪ
                 382 ܕܟܼܡܵܐ ܪܲܒܵܐ ܪܲܒܘܼܬ ܚܘܼܒܵܐ ܡ̣ܢ ܟܠ ܡܸܕܸܡ.
                 383 :ܪܲܒܘܼܬ ܚܘܼܒܵܐ ܥܨܲܬ̤ ܡܸܢܝܵܢܵܐ ܕܣܲܓܼܝ ܘܲܙܥܘܿܪ
                 384 ܘܦܸܚܡܲܬ̤ ܪܲܗܛܵܐ ܕܟܼܠܹܗ ܝܵܘܡܵܐ ܘܕܲܚܕܵܐ ܫܵܥܵܐ.
                 385 :ܕܡܹ̇ܐ ܕܘܼܡܝܵܐ ܕܕܡ̈ܝܢ ܚܘܼܒܵܐ ܒܗܵܢ ܣܘܼܥܪܵܢܵܐ
                 386 ܠܗ̇ܘ ܣܘܼܥܪܵܢܵܐ ܕܲܣܥ݂ܲܪ ܡܘܼܫܹܐ ܒܟܘܼܢܵܫ ܡܲܢܢܵܐ.
                 387 :ܟܝܐܐ ܠܪܹܫܵܐ ܦܲܩܸܕ ܡܘܼܫܹܐ ܠܡܸܠܩܲܛ ܡܲܢܢܵܐ
                 388 ܘܪܲܒܘܼܬ ܟܲܪܣܵܐ ܠܸܩܛܲܬ̤ ܣܲܓܝܼ ܠܒܲܪ ܡ̣ܢ ܟܲܝܐܵܐ.
                 389 :ܒܟܿܝܼܠܵܐ ܒܚܪܹܗ ܠܝܲܨܪܵܐ ܝܲܥܢܵܐ ܐܲܝܟ ܕܲܒܼܟܼܘܪܵܐ
                 390 ܘܲܦܪܣܝܼ ܘܲܓܠܵܗ̇ ܠܐܵܣܘܿܛܘܼܬܵܐ ܕܟܲܣܝܵܐ ܗ̄ܘ̣ܬ ܒܹܗ.
                 391 :ܡܵܐ ܕܐܸܬܝܲܥܢܲܬ̤ ܐܵܣܘܿܛܘܼܬܵܐ ܘܠܸܩܛܲܬ̤ ܣܲܓܝܼ
                 392 ܡܛܲܬ̤ ܨܝܕ ܟܲܝܠܵܐ ܘܲܗܘ̤ܵܐ ܥܲܡܠܵܗ̇ ܐܲܝܟ ܠܵܐ ܥܲܡܠܵܐ.
                 393 :ܐܘ ܠܟܼܘܼܢܵܫܵܐ ܕܡܸܬܿܟܲܢܲܫ ܗ̄ܘ̣ܵܐ ܕܠܵܐ ܣܲܒܼܥܘܼܬܵܐ
                 394 ܘܡܵܐ ܕܐܟܝܠܘܗܝ ܗܘ̤ܵܐ ܚܲܕ ܡܸܕܡ ܣܲܓܼܝ ܘܲܙܥܘܿܪ.
                 395 :ܐܘ ܠܦܘܼܩܕܵܢܵܐ ܕܪܵܕܹܐ ܥܲܡ ܟܠ ܘܲܡܚܲܟܸܡ ܟܠ
                 396 ܘܲܡܝܬܹܐ ܠܫܲܝܘܼ ܣܲܓܼܝܐܘܼܬܵܐ ܘܲܙܥܘܿܪܘܼܬܼܵܐ.
                 397 :ܣܲܓܝܼ ܗܘ̤ܵܐ ܛܵܒܼ ܥܲܡܠܵܐ ܪܲܒܵܐ ܕܟܼܠܹܗ ܝܵܘܡܵܐ
                 398 ܘܲܒܼܨܝܼܪ ܗ̄ܘ̣ܵܐ ܛܵܒܼ ܥܲܡܠܵܐ ܙܥܘܿܪܵܐ ܕܲܚܙ̣ܵܐ ܫܵܥܵܐ.
                 399 :ܗܘ̇ ܦܘܼܩܵܕܵܢܵܐ ܒܵܚܪ ܥܲܡ̈ܐܹܐ ܚܵܪ ܒܲܬܼܪ̈ܲܝܗܘܿܢ
                 400 ܘܬܩܠ ܐܸܢܘܿܢ ܒܗ̇ܘ ܐܸܣܟܹܝܡܵܐ ܕܟܲܝܠܹܗ ܕܡܲܢܢܵܐ.
                 401 :ܒܟܼܝܠܗ ܕܡܲܢܢܵܐ ܦܸܚܡܸ̇ܬ ܐܲܓܼܪܵܐ ܕܣܲܓܝܼ ܘܲܙܥܘܿܪ
                 402 ܠܵܐ ܗ̄ܘ̣ܵܐ ܕܦܵܚܸ̇ܡ ܐܸܠܵܐ ܕܕܵܡܹ̇ܐ ܠܦܘܼܬܼ ܬܚܘܝܼܬܵܐ.
                 403 :ܠܵܐ ܐܲܝܟ ܣܟܠܵܐܐ ܕܟܲܢܸܫ ܝܲܥܢܹ̈ܐ ܠܐܝܼܘ ܟܲܫܝܼܪܹ̈ܐ
                 404 ܘܠܵܘ ܐܲܝܟ ܩܲܠܝܼܠ ܕܠܩܸܛܘ ܬܲܩܢܹ̈ܐ ܦܠܲܚܘ ܢܨܲܚ̈ܐ.
                 405 :ܬܲܡ̇ܢ ܟܢܸܫܘ ܒܪܸܚܡܲܬ ܟܪܣܵܐ ܠܩܘܼܝܵܡ ܦܲܓܼܪܵܐ
                 406 ܘܗܵܕܟܵܐ ܥܲܙܝܼܘ ܒܥܲܡܠܵܐ ܩܲܫܝܵܐ ܒܬܸܢܵܘܝ ܕܐܲܓܼܪܵܐ.
                 407 :ܒܬܸܢܘܵܝ ܕܐܲܓܼܪܵܐ ܠܐܝܼܘ ܩܲܕܵܡ̈ܝܹܐ ܘܲܕܒܵܬܲܪܗܘܿܢ
                 408 ܘܲܠܦܘܼܬ ܚܘܼܒܵܐ ܢܣܲܒܼܘ ܦܘܼܪ̈ܥܵܢܹܐ ܕܨܒܼܝܵܢܲܝ̈ܗܘܿܢ.
                 409 :ܒܨܒܼܝܵܢ ܢܦܲܫܵܐ ܚܵܪ ܐܵܦ ܚܵܐܲܪ ܡܵܪܹܐ ܟܲܪܡܵܐ
                 410 ܘܠܹܗ ܠܨܹܒܼܝܵܢܵܐ ܝܲܗ̄ܒ̣ ܦܘܼܪܥܵܢܵܐ ܕܫܸܡ ܕܝܢܵܪܵܐ.
                 411 ܒܫܸܡ ܕܝܼܢܵܪܵܐ ܐܲܢܝܼܚ ܐܸܢܘܿܢ ܡ̣ܢ ܥܲܡܠܝ̈ܗܘܿܢ.
                 412 ܘܒܝܵܐ ܐܢܘܿܢ ܡ̣ܢ ܟܪܝܘܼܬܼܵܐ ܕܚܫܹ̈ܐ ܕܣܒܲܠܘ: 

                 f.335r 
                 413 :ܥܕܢ ܪܡܫܵܐ ܩ̣ܪܵܝܗܝ ܠܢܚܐ ܕܚܝܬ ܡܝܼ̈ܬܐ
                 414 ܕܡܵܐ ܕܐܬܢܚܲܡܘ ܢܚܘ ܡ̣ܢ ܥܡ̈ܠܐ ܕܡܝܘܿܬܘܼܬܼܵܐ.
                 415 :ܒܠܠܝܵܐ ܫܠܹܐ ܥܡܠܹܗ ܕܥܠܡܵܐ ܐܪܥܢܝܵܐ
                 416 ܘܒܹܗ ܬܘܼܒ ܕܢ̇ܚ ܕܘܼܒܵܪ ܚ̈ܝܹܐ ܠܵܐ ܡܝܘ̈ܬܹܐ.
                 417 :ܒܗ̇ܘ ܕܘܼܒܪܵܐ ܝܗ̇ܒ ܐܓܼܪܵܐ ܠܦܥ̈ܠܹܐ ܠܐܝ̈ܐ
                 418 ܘܬܩܸ̇ܠ ܥܡ̈ܐܹܐ ܠܦܘܼܬ ܨܒܝܼܢܵܐ ܕܐܝܠܹܝܢ ܕܥܡ݂ܲܠܘ.
                 419 :ܠܦܘܼܬ ܨܒܝܼܢܵܐ ܡ̣ܠܟ ܦܘܪܥܢܵܐ ܠܣܓܼܝ ܘܙܥܘܪ
                 420 ܘܝܗܒ̣ ܠܙܥܘܼܪܵܐ ܐܲܝܟ ܣܓܼܝܐܐ ܕܝܹܢܵܪ ܕܝܼܢ̣ܵܘ.
                 421 :ܕܝܢܪ ܕܝܢܪ ܫܩܲܠܘ ܗ̄ܘ̣ܵܘ ܐܚܪ̈ܝܹܐ ܩܕܼܵܡ ܩܕܡܝܹ̈ܐ
                 422 ܕܕܠܡܵܐ ܢܟܪܘܢ ܡܸܛܠ ܥܲܡܐܐ ܕܚܕܵܐ ܫܥܵܐ.
                 423 :ܙܥܘܿܪ ܗ̄ܘ̣ ܥܡܠܵܐ ܕܚܕܵܐ ܫܥܵܐ ܡ̣ܢ ܗ̇ܘ ܐܲܓܼܪܵܐ
                 424 ܘܡ̇ܢ ܠ̇ܐ ܢܬܗܲܪ ܒܪܒܘܼܬ ܚܘܼܒܹܗ ܕܝ̇ܗܒ ܐܓܼܪܐ.
                 425 :ܒܪܒܘܼܬ ܚܘܼܒܹܗ ܕܝ̇ܗܒ ܐܓܼܪܵܐ ܬܗ݂ܲܪܘ ܩܕܡܝܹ̈ܐ
                 426 ܘܣ[...]ܘ ܕܠܗܘ̇ܢ ܝܬܝܼܪܝܗ̇ܒ ܠܦܘܼܬ ܣܘܼܥܪܢܵܐ ܥܸܕܵܢܵܐ.
                 427 :ܠܦܘܼܬ ܥܸܕܢܵܐ ܡܬܪܥܹܝܢ ܗ̄ܘ̣ܵܘ ܦܥܵܐܐ ܥܡܝܼ̈ܐܹܐ
                 428 ܘܡܣܟܹܝܢ ܗ̄ܘ̣ܵܘ ܠܐܓܼܘܿܐ ܕܝܬܝܼܪ ܡ̣̤ ܫܘܼܘܕܵܝܵܐ.
                 429 :ܐܲܝܟ ܫܘܘܕܝܵܐ ܫܩܠܘ ܐܦ ܗܸܢܘܿܢ ܕܲܝܢܵܪ ܕܝܼܢܵܪ
                 430 ܘܐܟܪܝܼܘ ܣܓܝܼ ܕܠܐ ܣܠܸܩ ܣܒܼܪܵܐ ܠܘܼܬ ܦܘܪ ܥܢ̄ܐ.
                 431 :ܪܛܢܵܐ ܣܟܼܠܐ ܐܘܠܕ ܝܲܨܪܐ ܕܚܣܲܘܡܘܼܬܼܵܐ
                 432 ܕܡܸܛܠ ܡܢܵܐ ܗܘ̤ܬ ܫܘܝܘܼܬܵܐ ܒܦܘܪܥܵܢ ܐܓܼܪܵܐ.
                 433 :ܥܲܠ ܫܘܝܘܵܬܐ ܪܫܹܝܢ ܗ̄ܘ̣ܵܘ ܠܹܗ ܠܡܪܐ ܒܝܵܬܐ
                 434 ܕܥܠܡܢ ܐܫܘܝܼ ܥܡ[...] ܥܘܼܪܐ ܥܲܡ ܣܓܼܝܵܐܐ.
                 435 :ܠܡ̇ܢ ܠܲܡ ܐܫܘܼܬܼ ܦܥ̈ܠ̣ܐ ܐܚܪܵܝܐ ܕܚܕܵܐ ܫܵܥܵܐ
                 436 ܥܡܢ ܕ[...]ܩܠܢ ܝܘܼܩܪܹܗ ܘܚܘܼܡܹܗ ܕܟܼܠܹܗ ܝܵܘܡܵܐ܀
                 437 :ܠܡ̇ܢ ܝܗ̣ܒܬ ܐܓܼܪܵܐ ܠܕܠܵܐ ܐܘܓܪܘ ܒܛܘܼܣܵܐ ܕܝܼܠܲܢ
                 438 ܘܦܚܡܬ ܪܗܛܵܐ ܕܟܼܠܗ ܝܘܡܵܐ ܒܚܕܵܐ ܫܥܵܐ.
                 439 :ܠܲܢ ܘ̇ܠܐ ܗ̄ܘ̣ܐ ܕܢܣܒ ܝܬܝܼܪ ܕܠܐܸܝܢ ܝܲܬܝܼܪ
                 440 ܕܗܟܲܢ ܟܐܢܵܐ ܕܠܦܘܼܬ ܠܐܘܬܵܐ ܐܵܦ ܦܘܼܪܥܢܵܐ.
                 441 :ܡܪܹܗ ܐܓܼܪܵܐ ܚ̣ܙܵܐ ܥܸܕܠܝܵܐ ܕܩܕܡܹܗ ܠܚܘܼܒܹܗ
                 442 ܘܦܢ̣ܵܐ ܕܬܦܝܼܣ ܚܘܒܢܐܝܼܬ ܠܡܬ̇ ܠܡܬܥܕܠܢ̈ܐ.
                 443 :ܚܘܒܢܐܝܼܬ ܥܢܵܝܗܝ ܒܣܝܼܡܵܐ ܠܡܸܬܥܕܠܢܵܐ
                 444 :ܘܩ̣ܝܗܝ ܚܒܼܪܹܗ ܟܕܐܐ ܫ̇ܘܹܐ ܠܗܵܢ ܟܘܼܢܝܵܐ
                 445 :ܚܒܪܝ ܐܡ̣ܪ ܠܹܗ ܡܪܵܐ ܠܥܒܼܕܹܗ ܕܠܐ ܡܢܘܠ ܐ̄ܢܐ
                 446 ܘܠܐ ܡܕܓܠ ܐ̄ܢܐ ܒܬܢܘܝ ܕܐܓܼܪܵܐ ܕܩܨ̇ܬ ܥܲܡܵܟ.
                 447 :ܒܚܕ ܕܝܢܪܐ ܩܨܬ ܥܲܡܵܟ ܘܐܢܬ ܣܗ̇ܕ ܐܢܬ
                 448 ܣܒܼ ܐܢ̄ܬ ܕܝܼܠܵܟ ܘܠܐ ܢܢܥܕܲܠ ܒܪܒܘܼܬ ܪ̈ܚܡܲܝ.
                 449 :ܐܸܢ ܐ̄ܢܐ ܛܒ ܐ̄ܢܐ ܘܲܫܦܝܼܠ ܨܒܝܵܢܝ ܠܡܬܠ ܣܲܓܼܝ
                 450 ܡ̇ܢ ܟܪܝܵܐ ܠܵܟ ܘܡܬܥܕܠ ܐܢܬ ܠܒܲܪ ܡ̣ܢ ܛܲܟܼܣܵܐ.
                 451 :ܠܐ ܗ̄ܘ̣ܵܐ ܡܥܕܠ ܥܕܠ ܥܕܘܠܐ ܠܡܪܐ ܐܓܼܪܵܐ
                 452 ܘܠܵܐ ܬܘܼܒ ܡܪܵܐ ܪܫ̣ܐ ܠܐܓܼܝܼܪܹ̈ܐ ܐܲܝܟ ܡܵܐ ܕܟܬܝܒ.
                 453 :ܠܵܘ ܐܲܝܟ ܕܟܬܝܼܒ ܗܘ̤ܐ ܘܐܢܡܠܲܠ ܫܲܪܒܵܐ ܕܡ̈ܠܐ
                 454 ܘܠܵܘ ܐܲܝܟ ܠܐܗܘܼ̈ܝ ܬܪܓܸܡܘ ܐܢܝܢ ܐܡܘܪ̈ܝܗܹܝܢ.
                 455 :ܠܦܘܼܬ ܚܘܫܒܹ̈ܐ ܕܡܝܘܬܘܼܬܐ ܬܪܓܸܡܘ ܐܸܢܹܝܢ
                 456 ܕܢܟܠܘܢ ܚܨܪܐ ܕܡܬܥܕܠܢ̈ܐ ܕܠܐ ܢܬܥܕܠ.
                 457 :ܡܬܥܕܠܢ̈ܐ ܟܠܵܐ ܒܐܣܟܸܝܡܵܐ ܕܣܡ ܥܲܠ ܡܠܹ̈ܐ
                 458 ܕܐܸܢ ܐܝܼܬ ܕܥܕܠ ܕܢܫܡܲܥ ܡܸ̈ܠܹܐ ܕܠܐ ܢܬܥܕܲܠ.
                 459 :ܒܗܢܵܐ ܢܝܼܫܵܐ ܣܡ ܐܸܣܟܝܡܐ ܕܦܠܠܹܐ ܕܪܛܢܘ
                 460 ܠܐ ܗ̄ܘ̣ܐ ܕܪܛܢܘ ܐܠܐ ܕܠܐ ܐ̄ܢܫ ܢܘܼܠܸܕ ܪܸܛܢܵܐ.
                 461 :ܠܐ̄ܢܵܫ̈ ܐܠܸܦ ܒܐܣܟܹܝܢ ܪܸܛܢܵܐ ܘܩܵܠ ܡܪܫܘܼܬܼܵܐ
                 462 ܕܠܵܐ ܢܬܥܕܠܘܢ ܡܵܐ ܕܡܬܚܢܢܝܢ ܐ̄ܢܫ̈ܐ ܒܛܝܸܒܘ. 

                 f.335v 
                 463 :ܒܛܝܒܘܼ ܐܫܘܝܼ ܡܪܐ ܒܝܬܵܐ ܠܒܢܲܝ̈ ܒܲܝܬܹܗ
                 464 ܘܠܵܐ ܚ̇ܫܒ ܗ̄ܘ̣ܵܐ ܟܲܕ ܝܗ̇ܒ ܐܓܼܪܐ ܒܚܕܐ ܫܲܘܝܘ.
                 465 :ܒܫܘܝܘܼ ܝܗܒܹܗ ܠܐܓܼܪܐ ܕܦܥ̈ܠܹܐ ܠܵܐ ܗ̄ܘ̣ܵܐ ܡܓܢ
                 466 ܐܠܵܐ ܒܕܚܙܵܐ ܫܘܼܝܘܼܬ ܠܸܒܵܐ ܕܫܦܝܵܐ ܘܕܟܼܝܵܐ.
                 467 :ܫܘܝܘܼܬ ܚܘܼܒܵܐ ܚܙ̣ܵܐ ܚܙܝܵܐ ܕܲܣܬܝܼܪ̈ܬܵܐ
                 468 ܘܝܲܗ̣ܒ ܦܘܼܪܥܵ[...]ܐ ܠܥܡܠܵܐ ܙܥܘܪܐ ܥܲܡ ܣܓ̈ܝܐܐ.
                 469 :ܙܥܘܿܪ ܗ̄ܘ̣ܵܐ ܙܒܼܢܵܐ ܕܦܥ̈ܠܐ ܕܐܘܓܲܪܘ ܒܚܕܐ ܫܥܵܐ
                 470 ܘܒܪ ܗ̄ܘ̣ܵܐ ܐܓܼܪܵܐ ܠܦܘܼܬ ܨܒܼܝܢܵܐ ܕܡܛܝܲܒܼ ܗ̄ܘ̣ܵܐ.
                 471 :ܕܠܵܐ ܐܢܫ ܐܓܪܢ ܦܢܝܼܘ ܡܠܬܵܐ ܟܲܕ ܐܫܬܐܲܠܘ
                 472 ܐܲܝܟ ܐ̄ܢܫ ܟܐܡܲܪ ܕܠܵܐ ܐܝܬܲܝܢ ܗ̣ܘܝܢ ܒܙܒܲܢ ܥܡܠܵܐ.
                 473 :ܘܛܵܟ ܐܡ̇ܪܝܼܢ ܗ̄ܘ̣ܵܘ ܠܡܪܹܐ ܒܲܝܬܵܐ ܐܸܠܘ ܦܐܹܐ ܗ̄ܘ̣ܵܐ
                 474 ܕܐܠܘܿ ܗܘܝܢܲܢ ܒܫܘܼܪܵܝ ܝܘܡܵܐ ܥܡܠܲܢܢ ܣܲܓܿܝܼ.
                 475 :ܠܗܵܢ ܛܘܝܒܼܵܐ ܕܗܵܢ ܨܒܼܝܢܵܐ ܝܗܸܒ̣ ܗ̣̄ܘܵܐ ܐܓܼܪܵܐ
                 476 ܘܚܘܝܼ ܕܫ̇ܘܐ ܛܘܼܝܵܒܼ ܚܘܼܒܵܐ ܠܐܓܼܪܬ ܥܦܝܼܦܵܐ.
                 477 :ܐܸܓܼܪܵܐ ܥܦܝܦܵܐ ܐܚܪ̈ܝܹܐ ܫܩ̣ܠܘ ܗ̄ܘ̣ܵܘ ܥܲܡ ܩܲܕܼܡ̈ܝܹܐ
                 478 ܚܲܕ ܕܝܒܪܵܐ ܕܡܘܼܠܝܵܢ ܚܝܹ̈ܐ ܕܠܵܐ ܡܸܬܚܒܲܠ.
                 479 :ܠܡܘܠܟܢ ܚ̈ܝܹܐ ܠܵܐ ܡܝܘ̈ܬܐ ܩ̣ܪܵܐ ܕܝܹܢܪܵܐ
                 480 ܕܗܘܹܐ ܠܟܹܐܢܵܐ ܒܕܘܟܲܬܼ ܐܓܼܪܵܐ ܚܠܦ ܥܡܠܲܝ̈ܗܘܿܢ.
                 481 :ܚܠܵܦ ܥܡܠܝ̈ܗܘܢ ܢܣܒܝܼܢ ܐܓܼܪܵܐ ܒܟܹܐܢܘܼ
                 482 ܘܥܠܚܲܕ ܡܢܗܘܿܢ ܥܦܝܼܦ ܦܘܪܥܢܹܗ ܠܦܘܼܬ ܨܒܥܢܹܗ.
                 483 :ܠܦܘܼܬܼ ܨܒܝܢܵܐ ܫܩܠܘ ܦܘܪܥܵܢܵܐ ܐܚܪ̈ܝܐ ܘܩܕܡܹ̈ܐ
                 484 ܘܝܼܠܦܘ ܛܟܼܣܵܐ ܕܫܲܦܝܼܪ ܦܪܢܣ ܡܵܪܵܐ ܠܥܒܕܵܘ̈ܗܝ.
                 485 :ܛܟܼܣܵܐ ܪܒܵܐ ܝܠܦܘ ܟܠ ܕܵܪ̈ܝܼܢ ܒܗܢܵܐ ܛܟܼܣܵܐ
                 486 ܕܠܵܐ ܢܬܪܦܘܢ ܡܵܐ ܕܡܬܐܓܼܪܝܼܢ ܠܕܚܠܲܬܼ ܩܘܼܫܬܵܐ.
                 487 :ܠܕܪܹ̈ܐ ܕܐܬܹܝܢ ܐܩܢܝܼ ܣܲܒܼܪܵܐ ܒܫܘܝܘܼܬ ܐܓܼܪܵܐ
                 488 ܘܝܲܬܝܼܪ ܠܒܸܒ ܒܗ̇ܝ ܕܐ̄ܚܪ̈ܝܹܐ ܫܩ݂ܲܠܘ ܩܕܼܡܝܲܬ.
                 489 :ܐܚܪ̈ܝܹܐ ܐܡܝܼܪ ܕܫܩ̣ܠܘ ܐܲܓܼܪܵܐ ܩܕܼܵܡ ܩܕܡ̈ܝܹܐ
                 490 ܠܵܐ ܗ̄ܘ̣ܵܐ ܕܫܩ̣ܠܘ ܐܠܵܐ ܕܢܘܪܸܒ ܙܥܘܿܪܘܼܬ ܠܸܒܵܐ.
                 491 :ܚܲܕ ܗ̄ܘ̣ ܪܸܡܙܐ ܕܝ̇ܗܒ ܐܲܓܼܪܵܐ ܠܟܼܠ ܥܲܡ ܟܠܵܐ
                 492 ܘܠܲܝܬ ܬܘܗܝܵܐ ܒܹܝܬܼ ܡܘܗܒܬܵܐ ܘܠܡܘܗܒܬܼܵܐ.
                 493 :ܠܲܝܬ ܓܹܝܪ ܬܡ̇ܢ ܕܩܕܡ ܘܐܚܪܝ ܒܥܕܵܢ ܕܝܼܢܵܐ
                 494 ܕܚܲܕ ܗ̄ܘ̣ ܕܝܼܢܵܐ ܘܚܲܕ ܦܘܼܪܥܢܵܐ ܘܚܲܕ ܦܘܼܪܫܵܢܵܐ.
                 495 :ܒܪܡܙܵܐ ܗ̈ܝܘܢ ܟܠ ܕܡܬܝܼ̈ܒܵܢ ܥܲܠ ܗ̇ܘ ܝܘܡܵܐ
                 496 ܘܠܲܝܬ ܠܵܗ̇ ܦܸܚܡ̈ܐ ܠܩܠܝܼܠܘܼܬܹܗ ܕܗ̇ܘ ܦܘܼܩܕܵܢܵܐ.
                 497 :ܚܲܕ ܦܘܼܩܕܢܵܐ ܦܩ̇ܕ ܡ̣ܢ ܫܸܠܝ ܠܡܬܦܩܕܢܹ̈ܐ
                 498 ܘܩܡ ܟܠܡܸܕܡ ܐܝܟ ܗ̇ܘ ܕܦܩܝܼܕ ܡ̣ܢ ܫܘܼܪܝܵܐ.
                 499 :ܬܵܘ ܟܹܝܬ ܢܫܡܲܥ ܠܗ̇ܘ ܦܘܼܩܕܢܵܐ ܕܪܲܒ ܦܘܩܕܢܹܗ
                 500 ܘܢܛܲܪ ܛܲܟܼܣܵܐ ܩܕܼܵܡ ܗ̇ܘ ܝܵܘܡܵܐ ܕܡܛܟܣ ܟܠ.
                 501 :ܬܵܘ ܢܬܬܓܪ ܥܲܡ ܐܓܼܝܼܪܹ݁ܐ ܙܢܲܝ̈ ܛܒ̈ܬܐ
                 502 ܘܢܦܠܘܿܝܝ ܢܦܫܲܢ ܐܝܟ ܡܵܐ ܕܠܦܲܚܘ ܟܐܢܹ̈ܐ ܠܐ̄ܢܫ̈ܐ.
                 503 :ܟܐܢܹ̈ܐ ܠܐܢ̈ܫܐ ܦܠܚ̣ܘ ܕܟܼܝܼܐܹܝܬ ܐܲܝܟ ܕܠܟܼܪܡܵܐ
                 504 ܚܫܲܢ ܬܵܘ ܢܸܦܠܘܿܚ ܐܦܸܢ ܢܦܫܲܢ ܒܕܫܦܝܵܪ̈ܵܢ.
                 505 :ܒܕܫܦܝܪ̈ܢ ܢܥܢܹܐ ܢܦܫܲܢ ܥܲܡ ܗܕܡܲܝ̈ܢ
                 506 ܘܠܐ ܢܬܪܦܹܗ ܡ̣ܢ ܦܘܼܠܚܢܵܐ ܕܫܦܝܪ̈ܬܵܐ.
                 507 :ܒܦܓܼܪܵܐ ܘܢܦܫܵܐ ܢܦܠܘܿܚ ܟܠܢܵܫ ܦܘܼܠܚܵܢ ܚܝܹ̈ܐ
                 508 ܒܪ̈ܓܼܫܐ ܓܠܝ̈ܐ ܘܙܘܥ̈ܐ ܟܣܝ̈ܐ ܕܚܲܕ ܒܲܪܢܫܵܐ.
                 509 ܚܲܕ ܒܪܢܵܫܵܐ ܐܝܼܬܹܝܗ̇̄ ܢܦܫܲܢ ܥܲܡ ܗܕܡܲܝ̈ܢ: 

                 f.336r 
                 510 ܒܚܕ ܪܸܥܝܢܵܐ ܢܸܦܪܘܿܠ ܛܲܝܒܘܼ ܠܡܬܘܢܢܲܢ܀