On Enoch and Elijah - ܥܲܠ ܫܘܼܢܚܹܗ ܕܚܢܘܿܟ ܘܕܐܠܝܐ

1 :ܚܛܝܬܼܵܐ ܘܡܵܘܬܼܵܐ ܢܦ̣ܠܘ ܥܲܠ ܐܵܕܼܵܡ ܐܝܟ ܓܝܣܹ̈ܐ 2 ܘܐܲܫܠܲܚܘ ܫܲܒܼܩܘܼܗܝ ܕܠܵܐ ܢܟܣܝܼܬܼܵܐ ܥܪܛܠܐܝܼܬ. 3 :ܥܪܛܠܐܝܼܬ ܢܦ̣ܩ ܪܸܫ ܓܸܢܣܢ ܡ̣ܢ ܦܲܪܕܝܣܵܐ 4 ܘܝܸܬܼܒܼܘ ܒܸܐܒܼܠܵܐ ܐ̄ܚܝܢ̈ܝ ܢܲܦܫܹܗ ܥܲܠ ܡܦܩܬܹܗ. 5 :ܒܐܸܒܼܠܐ ܪܲܒܵܐ ܝܼܬܸܒܘ ܪ̈ܘܚܢܹܐ ܥܲܠ ܒܪܢܫܵܐ 6 ܕܫܡܥܘ ܕܥܐܝܼܕ ܕܢܸܫܪܲܝܘ [ܗ] ܡܘܬܐ ܠܪܘܟܼܵܒܼ ܦܓܼܪܹܗ. 7 :ܒܓܙܪ ܕܝܼܢܵܐ ܕܥܲܠ ܣܲܟܼܠܘܼܬܹܗ ܡܬܒܲܝܢܝܼܢ ܗ̄ܘ̣ܵܘ 8 ܘܡܥܩܝܼܢ ܗ̄ܘ̣ܵܘ ܕܐܝܟܢ ܐܒܕ ܨܠܸܡ ܒܪܵܢܝܵܐ. 9 :ܨܠܸܡ ܒܪܵ ܘܿܢܵܐ ܩ̣ܪܵܝܗܝ ܒܪܘܝܵܐ ܟܕ ܡܬܩܸܢ ܠܹܗ 10 ܘܕܫܡܥ̣ܘ ܛܒܵܐ ܕܗ̇ܦܟ ܠܐܪܥܹܗ ܗܦ̣ܟܘ ܐܬܬܢܚܘ. 11 :ܗܦܘܟ̣ܝܐ ܕܠܐ ܪܥܹܗ ܐܟ̣ܡܪ ܐܢܘܿܢ ܠܫܡܝ̈ܢܐ 12 ܘܦܣܩܘ ܣܒܼܪܵܐ ܕܠܵܐ ܬܘܼܒܼ ܦܢܐ ܠܘܵܬ ܚܲܝܘܵܬܐ. 13 :ܒܚܝܘܼܬ ܚܝܵܘ̈ܗܝ ܐܲܣ[...]ܪܝܼܢ ܗ̄ܘ̣ܵܘ ܟܕܐ ܬܬܩܢ 14 ܘܐܟܪܝܼܘ ܣܲܓ̣ܝ ܥܲܠ ܦܘܼܪܫܵܢܹܗ ܕܡ̣ܢ ܨܐܕܲܝܗܘܿܢ. 15 :ܚܘܼܒܵܠ ܦܓܼܪܗ ܡܟܼܪܐ ܗ̄ܘ̣ܵܐ ܠܗܘܿܢ ܠܒܲܪ ܡ̣ܢ ܛܲܟܼܣܼܵܐ 16 ܕܐܝܟܢ ܦܪܫܝܼܢ ܡ̣ܢ ܥܢܝܢܹܗ ܕܨܠܡܵܐ ܡܠܝܼܠܵܐ. 17 :ܒܲܡܠܝܼܠܘܼܬܹܗ ܬܗܝܼܪܝܼܢ ܗ̄ܘ̣ܵܘ ܕܟܼܡܵܐ ܫܒܝܼܚܵܐ 18 ܕܠܥܙܵܐ ܢܲܦܫܹܗ ܒܪ̈ܓܫܝ ܦܲܓܼܪܵܐ ܩ̈ܠܐ ܡܠܝܼ̈ܠܐ. 19 :ܗܢܝܼܝܼ ܗ̄ܘ̣ܵܐ ܠܗܘܿܢ ܩܵܠ ܢܥܡܬܹ̈ܗ ܩܕܵܡ ܣܟܼܠܘܼܬܹܗ 20 ܘܕܐܣܟܸܠ ܘܚ̣ܛܐ ܬܘܪܘ ܘܐܬܕ ܡܲܪܘ ܥܲܠ ܡܲܦܘܼܠܬܹܗ. 21 :ܚܛܝܼܬܵܐ ܣܚܲܦܬܹܗ ܠܨܠܡܵܐ ܐ̄ܚܢܵܐ ܕܫܡܝܢܹ̈ܐ 22 ܘܝܗܒܬܹܗ ܓܙܪܐ ܠܡܘܬܐ ܝܥܢܵܐ ܘܒܣܒܸܣ ܦܓܼܪܹܗ. 23 :ܐܝܟ ܕܒܡܝܵܬܐ ܚܝܪܝܢ ܗ̄ܘ̣ܵܘ ܒܹܗ ܒܡܝܬܐ ܕܥܘ̣ܠܵܐ 24 ܘܠܵܐ ܫܵܠܝܢ ܗ̄ܘ̣ܵܘ ܡ̣ܢ ܟܲܪ ܝܘܼܬܼܵܐ ܕܥܲܠ ܡܝܼܬܘܼܬܹܗ. 25 :ܡܝܼܬܼܵܐ ܚܲܫܒܘܼܗܝ ܡ̣ܢ ܥܕܢ̇ܐ ܕܐܸܟܲܠ ܦܹܐܪܵܐ 26 ܘܝܬܝܪܐܝܼܬ ܡ̣ܢ ܗ̇ܘ ܩܵܠܵܐ ܕܠܐ ܪܥܵܐ ܬܗܦܘܟ. 27 :ܠܐܪܥܵܐ ܗܦܪܗ ܗ̇ܘ ܦܘܩܕܢܵܐ ܠܐܪܥܢܝܵܐ 28 ܘܲܢܦܲܩ ܕܲܝܵܪ ܠܒܼܵܪ ܡ̣ܢ ܢܘܡ̈ܝܐ ܕܒܼܦܪܕܝܣܵܐ. 29 :ܠܒܲܪ ܡ̣ܢ ܐܬܪܐ ܕܥܡ̇ܪ ܗ̄ܘ̣ܵܐ ܒܹܗ ܥܡ̣ܪ ܡܝܘܬܐ 30 ܘܐܟܪܟ ܒܐܦܘ̈ܗܝ ܫܘܼܪܵܐ ܕܢܘܼܪ̈ܐ ܕܠܵܐ ܢܸܥܘܿܠ ܠܹܗ. 31 :ܒܫܘܼܪܵܐ ܕܢܘܼܪܐ ܡܬܒܩܝܢ ܗ̄ܘ̣ܵܘ ܪ̈ܘܚܢܝܹܐ 32 ܘܬܡܝܼܗܝܼܢ ܗ̄ܘ̣ܵܘ ܕܡܵܢܵܐ ܥܒܕܬ̤ ܪܓܬ̤ ܦܐܲܪܵܐ. 33 :ܪܓܲܬ ܦܐܪܐ ܕܚܲܩܬܹܗ ܠܐܕܵܡ ܡ̣ܢ ܦܪܕܲܝܣܵܐ 34 :ܘܚܕܝܼܘ ܕܲܝܘܹ̈ܐ ܘܐܟܼܪܝܼܘ ܟܢܫܹ̈ܐ ܕܫܡܝ̈ܢܹ̈ܐ 35 :ܒܪܝܬܵܐ ܟܠܗ̇ ܝܵܬܒܵܐ ܒܐܸܒܠܵܐ ܕܥܲܠ ܡܦܩܬܹܗ 36 ܘܲܚܢܝܼܓܼܵܐܝܼܬ ܡܒܟܼܝܐ ܗܘ̣ܬ ܠܗ̇ ܠܡܝܼܬܘܼܬ ܥܵܘ̣ܠܗ. 37 :ܐܲܝܟ ܒܹܝܬ ܒܪܐ ܥܒܼܝܼܕ ܗ̄ܘ̣ܵܐ ܥܵܠܡܵܐ ܥܲܠ ܒܲܪ ܢܫܵܐ 38 ܘܩܵܠ ܐܟܼܠܝ̈ܬܹܗ ܡܬܡܲܠܲܠ ܗ̄ܘ̣ܵܐ ܡ̣ܢܟܠܦܘܼ ܡܝܼ̈ܢ. 39 :ܡܠܝܼ̈ܠܹܐ ܘܚܪ̈ܫܹܐ ܡܒܲܟܹܿܝܢ ܗ̄ܘ̣ܵܘ ܠܵܗ̇ ܠܡܵܝܘܿܬܘܼܬܹܗ 40 ܘܠܵܐ ܫܵܠܹܝܢ ܗ̄ܘ̣ܵܘ ܡ̣ܢ ܬܢܚ̈ܬܐ ܕܥܲܠ ܚܘܼܒܵܠܹܗ. 41 :ܚܒܘܼܬܹܗ ܣܓܬ̤ ܠܐܲܦܵܘ̈ܗܝ ܣܝܵܓܼܵܐ ܕܢܘܼܪܵܐ 42 ܘܡܬܝܐܲܒܼ ܗ̄ܘ̣ܵܐ ܘܠܵܐ ܡܸܫܟܲܚ ܗ̄ܘ̣ܵܐ ܕܢܸܥܘܿܠ ܠܐܲܬܪܹܗ. pb. f.248r 43 :ܠܐܸܟܣܘܿܪܝܵܐ ܫܕܝܗܝ ܦܘܼܩܕܵܢܵܐ ܐܲܠܵܗܝܵܐ 44 ܘܐܲܝܟ ܣܵܪܘܿܚܵܐ ܡܬܗܦܟ ܗ̄ܘ̣ܵܐ ܒܐܲܪܥܵܐ ܕܟܘܼܒܹ̈ܐ. 45 :ܒܟܘܒܹ̈ܐ ܘܕܪܕܪܹ̈ܐ ܡܬܬܪܣܹܐ ܗ̄ܘ̣ܵܐ ܡܲܠܟܵܐ ܕܐܲܪܥܵܐ 46 ܘܥܦܝܦܐܝܼܬ ܡܬܬܢܲܚ ܗ̄ܘ̣ܵܐ ܥܲܠ ܡܘܼܟܵܟܹܗ. 47 :ܥܡܝܼܠ ܗ̄ܘ̣ܵܐ ܥܲܡܠܹܗ ܘܲܫܚܝܼܩܝ ܪܵܗܛܹܗ ܘܒܨܝܼܪ ܐܘܼܟܼܠܹܗ 48 ܘܲܡܕܲܘܲܕ ܗܘܐ ܫܘܚܠܵܦ ܙܒܼܢܹ̈ܐ ܕܒܝܘܡ̈ܬܹܗ. 49 :ܒܚܫܲܝ̈ ܢܲܦܫܹܗ ܚܫܝܼܫܝܼܢ ܗ̄ܘ̣ܵܘ ܡܠܝܼ̈ܠܹܗ ܘܚܲܪ̈ܫܹܐ 50 ܘܡܬܢܝܢ ܗ̄ܘ̣ܵܘ ܙܢܝ̈ ܥܩ̈ܬܹܗ ܒܩܠܵܐ ܘܫܸܬܩܵܐ. 51 :ܒܩܠܐ ܘܫܬܩܵܐ ܡܬܡܠܠ ܗ̄ܘ̣ܵܐ ܙܢܲܝ̈ ܥܵܩܬܹ̈ܗ 52 ܘܕܪܐ ܠܕܵܪܵܐ ܡܝܲܒܸܠ ܗ̄ܘ̣ܵܐ ܠܵܗ̇ ܠܟܪܝܘܼܬ ܚܲܝܵܘ̈ܗܝ. 53 :ܒܝܲܕܼ ܣܘܼܥܪܢܵܐ ܝܠܦܹܗ ܠܫܡܵܐ ܕܡܵܝܘܿܬܘܼܬܵܐ 54 ܘܫܲܪܝܼ ܡܵܘܬܵܐ ܡܚܲܒܸܠ ܝܲܠܕܵܘ̈ܗܝ ܕܠܵܐ ܚܵܘܣܵܢܵܐ. 55 :ܒܲܒܼܢܵܘ̈ܗܝ ܕܐܕܡ ܫܪܝ ܡܵܘܬܼܵܐ ܕܐܥܸܠ ܐܕܼܵܡ 56 ܘܒܲܠܥܹܗ ܠܒܹܝܠ ܒܘܼܟܼܪ̈ܐ ܪܚܝܼܡܵܐ ܕܙܲܕܝܼܩܘܼܬܼܵܐ. 57 :ܒܡܵܘܬܹܗ ܕܟܐܢܵܐ ܐܡܠܟ ܡܘܬܵܐ ܥܲܠ ܡܵܝܘ̈ܬܹܗ 58 ܘܗܘ̤ܘ ܐ̄ܢܫܵܐ ܥܒܼ̈ܕܐ ܠܡܵܘܬܵܐ ܘܠܐ ܟܠܩܪܨܵܐ. 59 :ܫܠܸܡܘ ܒ̇ܥܒܕܐ ܓܙܪ̈ܝ ܕܝܢܐ ܕܥܠ ܚܝܒ̈ܬܐ 60 ܘܚܵܒܼ ܘܐܬܡܒܟܹܿܢ ܟܝܵܢ ܡܝܘ̈ܬܐ ܒܡܝܘܬܘܼܬܵܐ. 61 :ܐܝܟ ܡܸܫܟܢܵܐ ܫܩܠܬܹܗ ܚܛܝܼܬܵܐ ܠܦܓܼܪܗ ܕܐܵܕܵܡ 62 ܘܝܗܒܬܹܗ ܠܡܵܘܬܵܐ ܕܢܬܬܪܣܹܐ ܒܗ ܐܵܣܘܛܵܐܝܼܬ. 63 :ܐܣܘܛܹܐܝܬ ܐܟ̇ܠ ܗ̄ܘ̣ܵܐ ܠܹܗ ܐܟܼܠܵܐ ܠܐܘܼܟܼܠܵܐ 64 ܘܕܠܵܐ ܚܵܘܣܵܢ ܘܥܒܲܣܒܸܣ ܗ̄ܘ̣ܵܐ ܠܹܗ ܚܪܡܵܐ ܠܫܲܒܝܐ. 65 :ܒܟܼܠܗܘܿܢ ܐ̄ܢܫ̈ܐ ܥܒܪ ܚܘܒܠܹܗ ܕܡܚܒܠܢܵܐ 66 ܘܠܐ ܦܵܫ ܐ̄ܢܫܐ ܕܠܐ ܩܬܬܼ ܒܹܗ ܛܦܪܐ ܕܡܘܬܵܐ. 67 :ܥܲܠ ܚܘܼܒܠܹܗ ܐܒܝܠܝܼܢ ܗ̄ܘ̣ܵܘ ܫܡܝܵܐ ܘܐܪܥܵܐ 68 :ܘܡܬܬܢܚܝܼܢ ܗ̄ܘ̣ܵܘ ܘܡܚܠܒܝܼܢ ܗ̄ܘ̣ܵܘ ܚܫܝܼܫܵܐܝܼܬ 69 :ܚܒܠ̈ܐ ܕܡܘܬܼܵܐ ܡܚܝܢ ܗ̄ܘ̣ܵܘ ܠܵܗ̇ ܠܟܼܠܵܗ̇ ܒܪܝܼܬܼܵܐ 70 ܘܡܣܟܝܵܐ ܗ̄ܘ̣ܵܬ ܕ[ܐܡܬܲܝ]ܬܘܠܸܕ ܣܒܼܪ ܚܘܼܬܵܐ. 71 :ܠܗܠܹܝܢ ܚܫܹ̈ܐ ܘܝܙܵܐ ܒܵܪܘܿܝܵܐ ܕܚܙܐ ܠܹܗ ܟܠ 72 ܘܐܫܡܲܥ ܡ̣ܢܫܠܝ ܣܲܒܼܪܵܐ ܛܵܒܼܵܐ ܠܕܠܵܐ ܣܲܒܼܪܵܐ. 73 :ܣܒܼܪܵܐ ܛܒܼܵܐ ܙܪܲܥ ܒܵܪܘܿܝܵܐ ܒܐܕܢܝ̈ ܐ̄ܩ̈ܐ 74 ܒܚܲܕ ܕܠܵܐ ܐܫܬܥܒܲܕ ܠܢܒܕܘܼܬ ܡܵܘܬܵܐ. 75 :ܚܲܕ ܒܪܢܫܵܐ ܢܛܲܪ ܒܲܙܗܝܼܪܘ ܕܠܐ ܚܘܼܒܵܠܵܐ 76 ܘܒܲܝܐܹܗ ܠܥܠܡܵܐ ܡ̣ܢ ܟܲܪܝܘܼܬܼܵܐ ܕܥܲܠ ܒܪܢܫܵܐ. 77 :ܠܒܘܝܐ ܐ̄ܢܫܐ ܫܢܝܗ ܠܚܢܘܿܟ ܪܚ̇ܡ ܐ̄ܢܫܐ 78 ܘܢܛܪܹܗ ܒܚܝܹ̈ܐ ܕܢܗܘܹܐ ܢܛܝܼܪ ܒܹܗ ܣܒܼܪܵܐ ܠܐ̄ܢܵܫܵܐ܀ 79 :ܣܒܼܪܐ ܐܟܼܪܸܙ ܒܝܲܕ ܫܘܢܹܝܗ ܕܗ̇ܘ ܫܲܦܝܼܪܵܐ 80 ܕܫܦ̣ܪ ܣܲܓܼܝ ܥܒܕܗ ܠܫܘܼܦܪܹܗ ܣܒܼܪܐ ܠܐ̄ܢܫܐ. 81 :ܫܦ̣ܪ ܠܲܡ ܟܐܢܵܐ ܟܬܝܼܒ ܥܲܠ ܟܹܐܢܵܐ ܒܣܦܪܹܗ ܕܡܘܼܬܫܹܐ 82 :ܘܡܸܛܠ ܕܫܦ̣ܪ ܢܛܪܗ ܠܫܘܦܦܪܹܗ ܒܓܙܵܐ ܕܚܝܹ̈ܐ: ܐܝܟ ܕܒܨܠܡܵܐ ܨܪܹܗ ܠܨܲܠܡܵܐ ܕܫܦܝܼܪ̈ܬܹܗ 83 ܘܡܫܚܗ ܚܟܹ̈ܐ ܠܵܐ ܡܝܘܬܐ ܕܠܵܐ ܢܬܚܒܲܠ. 84 :ܚܫ̈ܐ ܠܚܐܘܼܗܝ ܠܲܫܘܦܪܵܐ ܦܐܝܵܐ ܕܨܠܸܡ ܐܵܕܼܵܡ 85 ܘܚܕܬܹܗ ܒܲܚܢܘܿܟ ܠܗ̇ܘ ܬܘܼܩܢܵܐ ܕܚܒܸܠ ܡܘܬܵܐ. 86 :ܚܘܼܒܠ ܡܘܬܐ ܫܪܐ ܒܵܪܘܿܝܵܐ ܒܚܝܘ̈ܗܝ ܕܚܢܘܿܟ 87 ܘܒܝܐ ܐ̄ܢ̈ܫܐ ܕܠܵܐ ܬܘܼܒ ܢܟܼܪܘܢ ܥܲܠ ܚܘܼܒܵܬܐ. 88 :ܥܲܠ ܚܘܒܠܗܘܢ ܐܒܝܼܠܝܼܢ ܗ̄ܘ̣ܵܘ ܝܠܕܘܗ̇ܝ ܕܐܵܕܵܡ 89 ܡܢܗ ܕܐܕܡ ܥܕܡܵܐ ܕܫܦ̣ܪ ܚܢܘܿܟ ܠܐܠܵܐ. 90 :ܒܢܓܕ̈ܐ ܕܡܵܘܬܵܐ ܡܬܢܓܕܝܼܢ ܗ̄ܘ̣ܵܘ ܒܢܲܝ̈ ܡܝܘܬܵܐ 91 ܘܠܲܝܬ ܗ̄ܘ̣ܵܐ ܣܒܼܪܐ ܕܡܟܼܪܸܙ ܣܲܒܼܪܵܐ ܠܡܝܼܬܘܹܬ ܐ̄ܢܫܵܐ. 92 ܠܫܬܐ ܕܪ̈ܝܢ ܡܬܲܚ ܢܓܕܲܝ̈ܗܘܿܢ ܕܡܬܢܲܓܕܢܹ̈ܐ: pb. f.248v 93 ܘܒܫܝܠܝܵܐ ܫܡ̣ܥܘ ܒܪܬ̤ ܩܠܐ ܕܣܘܼܒܵܪ ܚ̈ܝܹܐ. 94 :ܒܕܪܐ ܕܫܒܼܥܵܐ ܫܡܥ̣ܘ ܡܝܘ̈ܬܐ ܣܒܪܬܵܐ ܕܚܲܝܹ̈ܐ 95 ܘܟܕ ܛܵܒܼ ܫܲܡܥܘܼܗ̇ ܠܐ ܣܦܩܘ ܐܕܪܸܟܼܘ ܚܲܬܝܼܬܵܐܝܐ. 96 :ܡܫܡܲܥ ܫܲܡܥܘܼܗ̇ ܠܗ̇ܝ ܒܪܬ ܩܵܠܵܐ ܕܚܝܘ̈ܗܝ ܕܲܚܢܘܿܟ 97 [ܘܡܬܕ] ܘܡܬܕܡܪܝܼܢ ܗ̄ܘ̣ܵܘ ܕܡܢܐ ܗ̣̄ܝ ܘܥܠܡ̇ܢ ܢܲܛܪܹܗ ܒܚ̈ܝܹܐ. 98 :ܟܠܗܘܢ ܫܡܥܘܼܗܝ ܠܫܸܡܵܥܐ ܛܵܒܼܵܐ ܕܫܘܼܢܵܝ ܟܹܐܢܵܐ 99 :ܘܠܵܐ ܝܵܕܥܝܼܢ ܗ̄ܘ̣ܵܘ ܠܡܸܚܢܵܐ ܠܫܝܼܫܵܐ ܕܚ̇ܝܬ ܡܝܼ̈ܬܹܐ 100 :ܠܘܓܲܠܝܵܐܝܼܬ ܝܲܠܦܘܼܗ̇ ܠܥܠܵܬܐ ܕܒܼܘܛܵܠ ܡܵܘܬܼܵܐ 101 :ܐܠܵܐ ܒܐ̄ܪܙܵܐ ܡܸܠܐ ܫܸܡܥܹܗ ܘܟܼܣܹܐ ܚܲܝܠܹܗ 102 :ܐ̄ܪܙܢܐܝܼܬ ܫܡܥܘܗ̇ ܠܗܵܕܹܐ ܪ̈ܘܚܢܝܹܐ 103 ܘܐ̄ܪܙܢܐܝܼܬ ܡܬܪܢܹܝܢ ܗ̄ܘ̣ܵܘ ܥܲܠ ܒܘܼܕܩܵܗ̇. 104 :ܒ[ܗܵܐ] ܐ̄ܪܵܙܵܐ ܫܠܚܘ ܟܪܝܘܼܬܗܘܿܢ ܪ̈ܚܡܲܝ ܐ̄ܢܫ̈ܐ 105 ܘܫܪܝܼܘ ܚܵܕܝܢ ܒܛܸܒܵܐ ܛܵܒܼܵܐ ܕܚܘܼܕܬ ܐ̄ܢܫܐ. 106 :ܒܐܒܼܠܐ ܪܒܵܐ ܝܬܝܼܒܝܼܢ ܗ̄ܘ̣ܵܘ ܥܲܠ ܒܲܪܢܫܑܵܐ 107 ܘܕܫܡ̣ܥܘ ܟܠܗܘܿܢ ܛܸܒܵܐ ܕܚܲܝܵܘ̈ܗܝ ܚܕܝܼܘ ܘܐܬܒܝܐܲܘ. 108 :ܚܝܵܘ̈ܗܝ ܕܲܚܢܘܿܟ ܒܝܐܘ ܐܢܘܿܢ ܠ[ܒ]ܡܝ̈ܢܹܐ 109 ܘܚܦܛܘ ܐܢܘܿܢ ܠܡܪܕܵܐ ܒܛܲܟܼܣܵܐ ܕܣܘܼܥܪ݁ܢܲܝܗܘܿܢ. 110 :ܥܒܪ ܦܘܩܕܢܵܐ ܪܦܝܗ ܠܚܘܒܗܘܿܢ ܕܠܘܵܬ ܐ̄ܢܫܵܐ 111 :ܘܠܐ ܨ̇ܒܹܝܢ ܗ̄ܘ̣ܵܘ ܠܡܫܚܠܦܲܘ ܙܘܵܥܘ̈ܗܝ ܕܐܐܪ 112 :ܥܲܡܠܵܐ ܣܪܝܼܩܵܐ ܚܲܫܒܘܼܗܝ ܠܥܲܡܥܵܐ ܕܚܠܵܦ ܐ̄ܢܫܵܐ 113 ܘܡܸܫܥܣܩܝܼܢ ܗ̄ܘ̣ܵܘ ܠܡܪܕܵܐ ܒܐܘܼܪܚܵܐ ܕܣܥܘܿܪܘܼܬܹܗ. 114 :ܪܸܡܙܵܐ ܟܣܝܵܐ ܫܥܒܸܕ ܐܸܢܘܿܢ ܠܡܥܡܲܠ ܣܲܓܝܼ 115 ܘܩܒܠ ܘܫܠܡܸܘ ܠܗ̇ܘ ܦܘܼܩܕܢܵܐ ܕܫܥܒܸܕ ܐܸܢܘܿܢ. 116 :ܠܦܘܩܕܵܢ ܟܣܝܵܐ ܫܠܸܡܘ ܪ̈ܘܚܢܹܐ ܡܫܡܫܲܝ̈ ܐ̄ܢܫ̈ܐ 117 ܘܝܬܝܪܐܝܼܬ ܡ̣ܢ ܫܘܢܹܝܗ ܕܚܢܘܿܟ ܘܲܠܟܼܵܐ. 118 :ܚܢܘܿܟ ܐܪܝܼܡܹܗ ܠܲܓܼܙܪ ܕܝܼܢܵܐ ܕܡܵܝܘܿܬܘܼܬܼܵܐ 119 ܘܫܝܸܢ ܐ̄ܢܫܐ ܘܫܡܝ̈ܢܐ ܒܫܘܼܢܝܵ ܚܲܝܵܘ̈ܗܝ. 120 :ܚܲܝܵܘ̈ܗܝ ܦܣܩܘܼܗ̇ ܠܐܘܼܪܚܵܐ ܕܡܵܘܬܼܵܐ ܐ̄ܪܙܢܐܝܼܬ 121 ܩܕܵܡ ܗ̇ܘ ܙܲܒܼܢܵܐ ܕܡܬܦܣܩܵܐ ܒܹܗ ܒܗܘܿܢ ܒܥܒܕ̈ܐ. 122 :ܗܡܝܪܐ ܕܫܝܢܐ ܢܣܒܹܗ ܨܐܕܵܘܗܝ ܡܵܪܹܗ ܕܥܵܠܡܵܐ 123 ܘܢܛܪܹܗ ܒܚ̈ܝܹܐ ܕܢܟܼܪܙ ܚܲܝܹ̈ܐ ܠܲܒܢܲܝ̈ ܓܸܢܣܹܗ. 124 :ܡܸܪܕܵܐ ܐܩܝܼܡܘ ܒܢܲܝ̈ ܡܵܪܘܿܕܵܐ ܥܲܠ ܡܪܟܠ 125 ܡܒܸܫ ܐܢܘܿܢ ܒܢܓܕ̈ܐ ܩܫܝ̈ܐ ܕܡܵܝܘܿܬܘܼܬܼܵܐ. 126 :ܒܡܘܬܼܵܐ ܢܓܕܗ̇ ܠܗ̇ܝ ܩܫܝܘܼܬܵܐ ܡܩܝܡܲܬܼ ܡܸܪܕܵܐ 127 ܘܚܢܗ̇ ܒܪ̈ܚܡܹܐ ܒܢܘܼܛܵܪ ܚܲܝܹ̈ܐ ܕܚܲܕ ܒܪܢܫܵܐ. 128 :ܚܲܕ ܒܪܢܵܫܐ ܓܒܼܵܐ ܒܚܲܕ ܛܵܘܪܵܐ ܕܥܸܣܪܵܐ ܕܵܪ̈ܝܼܢ 129 :ܘܠܒܟܹܗ ܨܐܕܵܘܗܝ ܐܝܟ ܡܫܟܢܵܐ ܚܠܵܦ ܚܝ̈ܒܹܐ. ܚܝܒܹ̈ܐ ܗ̄ܘ̣ܵܘ ܟܠܹܗ ܓܸܢܣܵܐ ܐܕܵܡܵܝܵܐ 130 ܘܡܸܫܬܘܕܝܢ ܗ̄ܘ̣ܵܘ ܘܠܵܐ ܦܪܥܝܼܢ ܗ̄ܘ̣ܵܘ ܚܘܒܲܬܼ ܚܵܘܒܹ̈ܐ. 131 :ܒܗܕܐ ܬܢܘܝ ܫܩܠܹܗ ܠܲܚܢܘܿܟ ܐܝܟ ܡܫܟܢܵܐ 132 ܕܢܗܘܘܿܢ ܥܗܕܝܼܢ ܠܡܦܪܲܥ ܚܘܼܒܵܐ ܠܡܬܩܢ ܟܠܵܐ. 133 :ܫܛܪܐ ܕܚܵܘ̈ܒܹܐ ܚܲܝܒܝܼܢ ܗ̄ܘ̣ܵܘ ܡ̣ܢ ܫܘܪܝܵܐ 134 ܘܕܠܵܐ ܦܪܥܘܼܗܝ ܦܪܥܘܼܗܝ ܒܲܚܢܘܿܟ ܟܕ ܠܵܐ ܨ̇ܒܝܢ. 135 :ܐܲܝܟ ܥܲܪܒܐ ܗܘ̤ܐ ܫܦܝܼܪܵܐ ܠܒܢܲܝ̈ ܓܸܢܣܹܗ 136 ܕܢܗܘܘܿܢ ܦܪܥܝܼܢ ܫܛܪ ܚܘ̈ܒܬܵܐ ܕܣܘܼܥܪ̈ܢܲܝܗܘܿܢ. 137 :ܒܝܲܕ ܥܠܠܬܐ ܐܲܠܸܦ ܐܸܢܘܿܢ ܠܡܦܪܲܥ ܚܘܒܵܐ 138 ܘܐܩܨܗ ܚܘܼܒܵܐ ܕܒܲܣܝܼܡܘܼܬܹܗ ܥܲܠ ܙܕܝ̈ܩܹܐ. 139 :ܠܘ ܙܕܝܩܹ̈ܐ ܥܨܐܘܗܝ ܘܥܒܼܕ ܫܝܢ̇ܐ ܠܐ̄̈ܢܫܐ 140 ܕܗܘ̤ ܝ̇ܕܥ ܗ̄ܘ̣ܵܐ ܩܕܼܵܡ ܕܢܫܝܼܢ ܫܝܢܵܐ ܥܒ̈ܕ. 141 ܚ̣ܙܵܐ ܗ̄ܘ̣̈ܐ ܠܚܘܼܒܹܗ ܫܝܢܵܐ ܕܥܒܼܕ ܒܙܒܼܢܹܗ ܕܲܚܢܘܿܟ: pb. f.249r 142 ܘܡܛܝܸܒܼ ܗ̄ܘ̣ܵܐ ܐܵܦ ܫܘܢܝܹܗ ܩܕܵܡ ܕܲܢܫܢܝܘܼܗܝ. 143 :ܝ̇ܕܥ ܗ̄ܘ̣ܵܐ ܠܗ̇ ܠܗܵܕܹܐ ܕܣܥ̣ܪ ܒܫܘܼܪܵܝ ܙܒܼܢܹ̈ܐ 144 ܘܥܲܠܝܵܐ ܗ̄ܘ̣ܵܬ ܠܹܗ ܗ̇ܝ ܕܲܥܬܝܼܕܵܐ ܒܙܒܼܢܵܐ ܕܬܼܪܹܝܢ. 145 :ܟܠܗܘܿܢ ܙܒܼܢܹ̈ܐ ܚܙܝܹܢ ܗ̄ܘ̣ܵܘ ܡܸܡܢܘܡ ܠܡܬܩܸܢ ܙܒܢܹ̈ܐ 146 ܘܡܛܟܣܝܼܢ ܗ̄ܘ̣ܘ ܫܘܚܠܦܲܝ̈ܗܘܿܢ ܥܲܕܠܵܐ ܢܸܗܘܘܿܢ. 147 :ܡܦܣ ܗ̄ܘ̣ܵܐ ܒܛܘܥܝܲܝ ܒܐܕܵܡ ܘܲܒܼܢܵܘ̈ܗܝ ܥܲܕ ܠܵܐ ܢܛܥܘܵܢ 148 ܘܡܛܝܸܒܼ ܗ̄ܘ̣ܵܐ ܕܢܫܪܐ ܡܵܘܬܵܐ ܘܢܥܒܲܪ ܛܘܥܝܲܝ. 149 :ܒܝܲܕ ܥܠܠ̈ܬܐ ܓܠܐ ܨܒܝܢܹܗ ܨܒ̇ܐ ܒܚܲܝܲܝ̈ܢ 150 ܘܝܗ̣ܒ ܠܲܢ ܣܒܼܪܐ ܒܝܲܕ ܫܘܼܢܵܝܵܐ ܕܐ̄ܢܫܐ ܕܡܢܝܢ. 151 :ܫܢܝ ܠܚܡܘܿܟ ܘܢܛܪܹܗ ܒܝܲܚܹ̈ܐ ܠܵܐ ܡܝܘ̈ܬܹܐ 152 ܘܒܫܘܢܹܝܗ ܐܩܢܝܼ ܣܒܼܪܵܐ ܠܟܸܣܪܵܐ ܕܪ̈ܝܢ. 153 :ܣܒܼܪܐ ܛܒܼܐ ܩܢܵܘ ܩܕܡ̈ܝܵܐ ܒܚܲܝܵܘ̈ܗܝ ܕܚܡܘܿܟ 154 ܘܐܝܟ ܗܕܝܼܐܐ ܗܘ̤ܐ ܫܘܢܹܝܗ ܠܕ ܒܬܪܟܢ. 155 :ܒܐܘܪܚܵܐ ܕܚ̈ܝܐ ܪܕܘ ܝܠܕܬܹ̈ܗ ܒܣܲܒܼܪܵܐ ܕܚܲܝܹ̈ܐ 156 ܘܫܪܝܼܘ ܬܵܢܝܼܢ ܐ̄ܪܙ ܚܲܝܲܝ̈ܗܘܿܢ ܕܪܵܐ ܠܕܪܵܐ. 157 :ܠܡܟ ܓܐܝܐܝܼܬ ܡܦܫܸܩ ܗ̄ܘ̣ܵܐ ܠܹܗ ܠܗܢܐ ܐ̄ܪܙܵܐ 158 ܟܲܕ ܬܢܐ ܗ̄ܘ̣ܵܐ ܙܢܲܝ̈ ܛܒ̈ܬܐ ܕܠܘܵܬ ܐ̄ܢܫܵܐ. 159 :ܢܘܿܚ ܐܲܝܟ ܪܲܥܡܵܐ ܡܫܡܲܥ ܗ̄ܘ̣ܵܐ ܠܹܗ ܠܩܵܠ ܒܘܪ̈ܟܬܹܗ 160 ܘܡܚܘܐ ܗ̄ܘ̣ܵܐ ܕܩܪܒ ܙܲܒܼܢܵܐ ܕܚܘܼܕܵܬ ܐ̄ܢܫܵܐ. 161 :ܒܝܲܕ ܒܘܼܪ̈ܟܵܬܹܗ ܓܠ̣ܐ ܙܕܝܼܩܵܐ ܨܒܝܵܢ ܡܪܹܗ 162 ܕܡܛܝܸܒܼ ܗ̄ܘ̣ܵܐ ܕܢܦܪܘܿܩ ܐ̄ܢܫܐ ܒܝܲܕ ܒܪܢܫܵܐ. 163 :ܨܝܕ ܐܒܼܪ ܗܵܡ ܫܠܡܘ ܟܠ ܩܠܝ̈ܢ ܛܥܝܢܲܝ̈ ܣܲܒܼܪܵܐ 164 ܕܒܲܠܡܹܐܝܢ ܚܘܒܹܗ ܢܝܝ ܣܟܼܟܝܵܐ ܕܥܸܣܪܝܼܢ ܕܪ̈ܝܼܢ. 165 :ܥܣܪܝܼܢ ܕܵܪ̈ܝܼܢ ܪܕܵܘ ܡ̣ܢ ܐܵܕܵܡ ܥܕܲܡܵܐ ܠܐܲܒܼܪܵܡ 166 ܡܵܚܘ ܪ̈ܗܛܲܝܗܘܿܢ ܒܲܠܡܐܹܝܢ ܫܲܝܢܵܐ ܕܚܲܕ ܒܲܪܢܫܵܐ. 167 :ܚܲܕ ܗ̄ܘ̣ܵܐ ܐܒܼܪܡ ܘܚܲܕ ܗ̄ܘ̣ܵܐ ܚܘܼܒܹܗ ܕܠܘܵܬ ܡܵܪܹܗ 168 ܘܡܸܛܠ ܚܘܼܒܹܗ ܥܒܼܕܗ ܠܡܹܐܢܵܐ ܠܟܢܘ̈ܬܹܗ. 169 :ܠܡܹܐܢܵܐ ܕܫܝܢܵܐ ܗܘ̤ܐ ܐܲܒܼܪܗܵܡ ܠܒܢܲܝ̈ ܓܸܢܣܹܗ 170 ܘܒܗ ܢܵܝܝ ܐܸܠܦܹ̈ܐ ܕܪܘܼܚ ܓܠܝܢܹ̈ܐ ܐܠܗܝܹ̈ܐ. 171 :ܡ̣ܢ ܐܒܪܗܵܡ ܫܪܝܼܘ ܐ̄ܢ̈ܫܐ ܒܪܸܚܡܲܬܼ ܩܘܼܫܬܼܵܐ 172 ܐܵܦ ܒܪܘܿܝܵܐ ܓ̣ܠܵܐ ܨܒܝܢܹܗ ܕܠܘܵܬ ܐ̄ܢܫܐ. 173 :ܚܲܕ ܨܒܝܼܢܵܐ ܗܘ̤ܵܐ ܠܐܲܗܐ ܠܘܵܬ ܒܪܢܫܑܵܐ 174 :ܘܒܕܩܹܗ ܒܟܐܢܹ̈ܐ ܒܝܲܕ ܥܠ̈ܠܬܐ ܕܟܼܠ ܐܣܟܹܝܡܝܼ̈ܢ 175 :ܠܐܒܼܕܡ ܐܡ̣ܪ ܕܒܝܲܕ ܙܪܥܹܗ ܡܒܪܟ ܥܡܡܹ̈ܐ 176 ܘܠܒܲܪ ܐܝܫܲܝ ܕܡ̣ܢ ܝܘܼܒܠܹܗ ܡܩܝܼܡ ܡܲܠܟܘܼܬܼܵܐ. 177 :ܚܲܕ ܒܬܲܪ ܚܲܕ ܝܒܠܘ ܐܢܘܿܢ ܠܫܘܼܘܵܕܝ ܡܸܠܵܘ̈ܗܝ 178 ܘܠܵܐ ܗ̄ܘ̣ܵܐ ܙܒܼܢܵܐ ܕܠܵܐ ܚܵܘܝܼ ܒܹܗ ܙܢܲܝ̈ ܨܒܼܝܢܹܗ. 179 :ܠܛܒ̈ܐ ܚܵܘܝܹܗ ܚܘܼܒܵܠ ܪܲܒܵܐ ܕܒܲܣܝܹܡܘܼܬܹܗ 180 ܕܢܸܗܘܘܿܢ ܙܪܥܝܼܢ ܣܒܼܪܵܐ ܛܵܒܼܵܐ ܒܵܐܕܢܲܝ̈ ܐ̄ܢܫ̈ܐ. 181 :ܒܟܼܠܗܘܿܢ ܙܒܼܢ̈ܐ ܙܲܪܥܹܗ ܠܙܲܪܥܵܐ ܕܦܘܼܪܩܵܢ ܐ̄ܢܫܵܐ 182 ܟܡܵܐ ܡܫܩܐ ܗ̄ܘ̣ܵܐ ܚܠܵܦ ܢܘܛ̈ܦܬܼܵܐ ܙܢܲܝ̈ ܓܸܠܝ̈ܢܹܐ. 183 :ܒܝܲܕ ܓܠܝ̈ܢܹܐ ܚܲܟܸܡ ܐ̄ܢܫ̈ܐ ܘܫܡܝ̈ܢܹܐ 184 ܕܢܸܗܘܘܿܢ ܝܕܥܝܼܢ ܠܡܪܕܵܐ ܒܐܘܼܚܵܐ ܕܫܸܡ ܐܝܼܬܘܼܬܵܐ. 185 :ܐܘܪܚܵܐ ܪܒܬܐ ܕܪܫ̣ ܒܢܒ̈ܬܿܐ ܠܡܸܪܕܵܐ ܨܹܐܕܵܘܗܝ 186 ܘܝܬܝܼܪ ܚܘܝܗ̇ ܒܒܲܪ ܬܘܬܒܹ̈ܐ ܢܒܝܼܵܐ ܘܟܵܗܢܵܐ. 187 :ܢܒܝܼܵܐ ܘܟܗܢܵܐ ܓܒ̣ܵܐ ܠܹܗ ܒܙܒܼܢܵܐ ܕܦܠܓܘܼܬ ܙܒܼܢܹ̈ܐ 188 ܕܢܗܘܹܐ ܡܚܵܘܹܐ ܙܢܲܝ̈ ܨܒܝܢܹܗ ܠܒܼܢܝ̈ܢܫܵܐ. 189 :ܟܠܹܗ ܚܲܝܠܵܐ ܕܣܥܘܿܪܘܬܹܗ ܐܫܠܸܡ ܒܐܝܵܕܘ̈ܗܝ 190 ܕܢܪܕܹܐ ܘܢܩܢܐ ܠܒܼܢܲܝ̈ ܥܡܹܗ ܒܕܚܠܲܬܼ ܩܘܼܫܬܼܵܐ. 191 :ܐܦܛܪܘܦܵܐ ܐܠܗܝܵܐ ܥܲܒܼܕܹܗ ܒܲܐܪܥܵܐ 192 ܕܢܸܗܘܹܐ ܙ̇ܐܵܢ ܥܒܼܕܲܝ̈ ܡܪܹܗ ܡ̣ܢ ܒܹܝܬ ܡܵܪܹܗ. pb. f.249v 193 :ܦܪܣܐ ܟܐܢܵܐ ܦܪܝܼܝܣ ܟܐܢܵܐ ܠܥܒܕ̈ܝ ܡܵܪܹܗ 194 ܘܚܲܟܼܝܵܡܵܐܝܼܬ ܝܗܒ̣ ܡܙܘܢܵܐ ܒܟܲܦܢܐ ܘܣܲܒܼܥܵܐ. 195 :ܒܢܓܕܵܐ ܕܟܦܫܵܐ ܪܕܵܐ ܠܡܵܪ̈ܘܿܕܹܐ ܕܠܘܼܩܒܵܠ ܡܵܪܹܗ 196 :ܘܐܠܸܦ ܐܸܢܘܿܢ ܕܠܵܐ ܢܫܬܩܠܘܿܢ ܥܲܠ ܒܵܪܘܿܝܵܐ 197 :ܩܕܠܵܐ ܩܲܫܝܵܐ ܩܢ̣ܵܘ ܡܵܪ̈ܘܕܹܐ ܒܢܲܝ̈ ܐܲܒܼܪܗܵܡ 198 ܘܐܝܟ ܕܒܼܢܝܵܪܵܐ ܟܒܸܫ ܐܢܘܿܢ ܒܲܪ ܬܘܬܒܹ̈ܐ. 199 :ܢܝܪܐ ܩܫܝܵܐ ܗܘ̤ܬ ܒܪܬ ܩܵܠܹܗ ܕܗ̇ܘ ܛܲܢܵܢܵܐ 200 ܘܟܒܸܫ ܐܸܢܘܿܢ ܠܒܲܥܪܝܼܪ̈ܝܹܐ ܟܲܕ ܠܵܐ ܨܵܒܹ̇ܝܢ. 201 :ܟܲܕ ܠܵܐ ܨܒܝܢ ܓܒ̣ܵܘ ܡܪܘܼܬܵܐ ܕܫܸܡ ܐܲܠܵܗܵܐ 202 ܘܟܲܕ ܠܵܐ ܡܢܚܝܢ ܐܲܣܠܝܼܘ ܘܫܕܵܘ ܠܦܘܠܝܼܚܵܢ ܕܝܘ̈ܐ. 203 :ܡ̣ܢ ܐܝܢܢܫܹܐ ܕܫܸܡ ܒܵܪܘܿܝܵܐ ܪܚܸܡܘ ܒܵܪܘܿܝܵܐ 204 ܘܡ̣ܢ ܛܢܦܘܬܵܐ ܕܦܬܟܼܪܘܬܼܵܐ ܣܢܵܘ ܥܸܢܝܵܢܵܗ̇. 205 :ܢܒܼܥܵܐ ܕܢܓܼܕ̈ܐ ܥܒܼܝܼܕ ܗ̄ܘ̣ܵܐ ܦܘܼܡܹܗ ܕܒܲܪ ܬܵܘܬܵܒܹ̈ܐ 206 ܘܡܲܫܩܹܐ ܗ̄ܘ̣ܵܐ ܠܗܘܿܢ ܙܢܲܝ̈ ܡܚܘ̈ܬܐ ܥܙܝܙܬ̈ܐ. 207 :ܐܝܟ ܕܠܫܒܼܛܵܐ ܐܚܝܼܕ ܗ̄ܘ̣ܵܐ ܠܹܗ ܦܘܼܩܕܵܢ ܡܵܪܹܗ 208 ܘܪܕܐ ܗ̄ܘ̣ܵܐ ܒܹܗ ܠܥܲܡܵܐ ܥܲܛܠܵܐ ܪܚ̇ܡ ܦܸܗܝܵܐ. 209 :ܒܟܼܠ ܐܣܟܹܝܡܝܼ̈ܢ ܟܒܫ ܐܸܢܘܿܢ ܟܐܢܵܐ ܠܥܛ̈ܠܐ 210 ܘܒܟܼܠ ܦܘܼܪ̈ܣܝܼܢ ܬܒܼܪܘܼܗܝ ܗܸܢܘܿܢ ܠܢܝܼܪܵܐ ܕܡܸܠܵܘ̈ܗܝ. 211 :ܢܝܼܪܵܐ ܗ̣̄ܝ ܩܫܝܵܐ ܫܩܝܘܼܬ ܡܸ̈ܠܹܐ ܕܒܲܢܒܝܼܘܼܬܵܐ 212 ܘܐܘܡܢܐܝܼܬ ܡܟܒܫ ܠܐܢ̈ܫܐ ܒܕܚܲܠܬ ܩܘܼܫܬܵܐ. 213 :ܒܚܝܼܪ ܒܲܐܟܪܹ̈ܐ ܗܘ̤ܐ ܐܠܝܼܵܐ ܒܢܒܝܼܘܼܬܹܗ 214 ܘܕܦܠܚ ܣܲܓܼܝܼ ܢܚ̣ ܒܠܡܐܢܵܐ ܕܪܡ ܡ̣ܢ ܩܸܢܛܵܐ. 215 :ܒܠܡܹܐܝܢ ܫܝܢܵܐ ܕܪܡ ܡ̣ܢ ܩܸܢܛܵܐ ܢܚ ܟܫܝܼܪܵܐ 216 ܘܕܪܫ ܐܘܼܪܚܵܐ ܠܦܠܝܲܝ̈ ܫܲܦܝܼܪ ܕܢܪܕܘܼܢ ܥܲܡܹܗ. 217 :ܒܐܘܼܚܵܐ ܫܦܝܼܬܵܐ ܕܠܵܐ ܬܘܩ̈ܠܬܐ ܪܕܐ ܙܕܝܼܩܵܐ 218 ܕܕܪܝܫܵܐ ܗ̄ܘ̣ܵܬ ܠܲܚܢܘܿܟ ܟܹܐܢܵܐ ܒܫܲܘܦܪܵܐ ܕܢܦܲܫܹܗ 219 :ܫܘܦܪܐ ܕܢܲܦܫܹܗ ܕܗ̇ܘ ܫܦܝܼܪܵܐ ܚ̣ܙܵܐ ܒܵܪܘܿܝܵܐ 220 ܘܢܛܪܹܗ ܠܚ̈ܝܹܐ ܕܠܵܐ ܢܸܬܼܚܲܒܠܘܿܢ ܫܘܦܪ̈ܐ ܕܢܦܫܹܗ. 221 :ܒܹܗ ܒܗܵܢ ܫܘܼܦܪܵܐ ܕܫܦܝܼܪ̈ܬܵܐ ܫܦ̣ܪ ܐܠܝܼܵܐ 222 ܘܣܥ̣ܪ ܨܐܸܢ ܕܵܘܗܝ ܗ̇ܝ ܕܐܣܬܥܪܬ̤ ܨܝܕ ܫܲܦܝܼܪܵܐ. 223 :ܠܚܲܕ ܦܘܼܪܥܢܵܐ ܐܲܫܘܝܼ ܐܸܢܘܿܢ ܠܕܟܝܲܝ̈ ܢܲܦܫܵܐ 224 ܘܠܵܐ ܝܗܒ̣ ܐܲܬܪܵܐ ܠܡܵܘܬܼܵܐ ܝܲܥܢܵܐ ܥܲܠ ܦܓܪ̈ܝܗܘܿܢ. 225 :ܠܥܸܠ ܡ̣ܢ ܡܵܘܬܵܐ ܐܲܪܝܲܡ ܐܸܢܘܿܢ ܠܥܒܕܹ̈ܐ ܛܵܒܹ̈ܐ 226 ܕܢܪܡܐ ܛܢܢܐ ܒܪܥܝܢ ܐ̄ܢܫܐ ܕܢܸܗܘܘܿܢ ܛܵܒܹ̈ܐ. 227 :ܠܐ̄ܢ̈ܫ ܐܠܦ ܒܲܬܪܹܝܢ ܐ̄ܢܫ̈ܐ ܕܫܲܢܝܼ ܨܹܐܕܵܘܗܝ 228 ܕܠܵܐ ܢܸܬܦܠܓܘܿܢ ܥܲܠ ܪܗܒܼܘܢܵܐ ܚܚܝ̇ܬ ܡܝܼ̈ܬܹܐ. 229 :ܣܝܡܲܬܼ ܚ̈ܝܐ ܣܝܼܡܵܐ ܗ̄ܘ̣ܵܬ ܠܹܗ ܕܢܓܼܠܐ ܠܐ̄ܢܫܐ 230 ܘܩܲܕܸܡ ܚܘܝܗ̇ ܒܲܬܪܹܝܢ ܓܲܒܼܪ̈ܝܢ ܚܢܘܿܟ ܘܐܠܝܼܵܐ. 231 :ܚܢܘܿܟ ܘܐܠܝܼܵܐ ܗܘ̤ܘ ܗܕ̈ܝܐܐ ܠܟܼܝܵܢ ܐ̄ܢܫܐ 232 ܕܢܸܪܕܘܢ ܐ̄̈ܢܫܐ ܒܐܘܼܪܚܵܐ ܕܚܝܹ̈ܐ ܠܵܐ ܡܝܘ̈ܬܐ. 233 :ܠܲܚܢܘܿܟ ܫܢܝܹܗ ܒܛܵܘܪܐ ܩܲܕܡܵܐ ܕܥܸܣܪܵܐ ܕܵܪ̈ܝܢ 234 ܘܒܲܪ ܬܵܘܬܒܹ̈ܐ ܒܬܪܝܢܵܐ ܕܡܨܥܲܬ ܙܒܢ̈ܐ. 235 :ܒܡܨܥܲܬܼ ܙܒܼܢܹ̈ܐ ܥܒܲܕ ܫܘܼܢܵܝܹܗ ܕܥܒܼܕܵܐ ܛܵܒܼܵܐ 236 ܕܢܸܗܘܹܐ ܡܥܗܸܕ ܩܕܡ̈ܝܬܵܐ ܘܐ̄ܚܪ̈ܝܬܐ. 237 :ܠܬܠܬܼ ܙܒܢܝܼ̈ܢ ܦܠܓܗ ܠܥܵܠܡܵܐ ܡܵܪܹܗ ܕܥܵܠܡܵܐ 238 ܘܟܼܠ ܚܲܕ ܙܒܼܢܵܐ ܫܩܠ ܚܲܕ ܐ̄ܢܫܐ ܘܢܛܪܹܗ ܒܝܼܚܲܝܹ̈ܐ. 239 :ܒܗ̇ܘ ܩܲܕܡܝܵܐ ܫܲܢܝܼ ܠܝܢܘܟ ܓܒܼܪܵܐ ܟܹܐܢܵܐ 240 ܘܒܬܪܝܢܐ ܕܒܲܪ ܐܹܠܝܼܵܐ ܢܒܝܐ ܒܚܝܼܪܵܐ. 241 :ܒܬܠܝܼܬܝܐ ܪܵܡܵܐ ܡܢܢ ܡܸܠܬܐ ܕܲܥܠܵܘܗܝ 242 ܘܠܐ ܡܨܐ ܦܘܼܡܵܐ ܕܢܹܐܡܲܪ ܕܟܼܡܵܐ ܫܒܝܼܚ ܫܘܼܢܵܝܹܗ. 243 ܐܲܝܟ ܕܒܼܕ ܪܓܼܵܐ ܪܕܵܐ ܨܒܝܢܹܗ ܒܫܘܼܠܸܡ ܙܒܼܢܹ̈ܐ: pb. f.250r 244 :ܘܕܪܸܓ ܐ̄ܢܫ̈ܐ ܡ̣ܢ ܡܟ̈ܬܐ ܠܫܒܝܼܚ̈ܬܐ 245 :ܒܨܝܼܪܘ̣ܵܐ ܙܒܼܢܵܐ ܕܫܲܢܹܝܗ ܠܲܚܢܘܵܟ ܡ̣ܢ ܕܐܠܝܵܐ 246 ܘܡܬܚܬܲܝ ܗ̄ܘ̣ܵܐ ܕܒܲܪ ܬܘܬܒ̈ܐ ܕܡ̣ܢ ܕܡܫܚܝܐ. 247 :ܚܢܘܿܟ ܕܐܫܢܝܼ ܐܡ̣ܪ ܒܠܚܘܕ ܥܲܠ ܫܘܼܢܹܝܗ̇ 248 ܘܠܵܐ ܒܕܩ ܠܲܢ ܕܐܝܟܵܐ ܫܢܝܹܗ ܘܐܲܝܟܵܐ ܣܡܹܗ. 249 :ܐ̄ܪܙܢܐܝܼܬ ܪܡܙ ܠܲܢ ܡܘܼܫܹܐ ܥܲܠ ܫܘܼܢܝܹܗ 250 ܘܠܵܐ ܦܫܸܩ ܠܲܢ ܕܡܢܐ ܗ̣̄ܝ ܥܸܠܬܐ ܕܐܫܬܢܝܼ ܒܵܗ̇. 251 :ܐܲܝܟ ܕܠܫܒܼܪܹ̈ܐ ܠܓܠܓ ܐܢܝܢ ܠܗܵܠܹܝܢ ܕܲܚܡܘܿܟ 252 ܒܗ̇ܝ ܕܫܒܼܪ ܗ̄ܘ̣ܵܐ ܗ̇ܘ ܕܘܼܒܵܪܵܐ ܕܫܘܼܪܵܝ ܙܒ̈ܢܹܐ. 253 :ܫܒܼܪ ܗ̄ܘ̣ܵܐ ܣܲܓܝܼ ܙܒܼܢܹܗ ܕܲܚܢܘܿܟ ܡ̣ܢ ܕܐܹܠܝܼܵܐ 254 ܪܒܨܝܼܪܝܼܢ ܗ̄ܘ̣ܵܘ ܙܢܲܝ̈ ܫܘܼܢܝܵܐ ܡ̣ܢ ܫܘܼܢܵܝܵܐ. 255 :ܩܵܠܵܐ ܫܚܝܼܡܵܐ ܫܡ̣ܥܘ ܩܲܕܡܵܝܹ̈ܐ ܒܫܲܪܒܹܗ ܕܲܚܢܘܿܟ 256 ܕܐܠܝܼܵܐ ܕܹܝܢ ܩ̈ܠܐ ܣܒܼܝܼ̈ܣܹܐ ܕܲܢܒܝܼܘܼܬܼܵܐ. 257 :ܩ̈ܠܹܐ ܣܒܼܝ̈ܣܹܐ ܡܫܬܥܝܼܢ ܗ̄ܘ̣ܵܘ ܥܲܠ ܐܹܠܝܼܵܐ 258 ܕܩܪܸܒܼ ܙܒܼܢܵܐ ܕܡܫܬܢܹܐ ܠܹܗ ܡ̣ܢ ܨܝܕ ܐ̄ܢܵܫܵܐ. 259 :ܢܒܼܝܵܐ ܠܚܒܼܪܹܗ ܡܫܬܥܹܐ ܗ̄ܘ̣ܵܐ ܫܡܥܵܐ ܕܩܲܒܸܿܠ 260 ܘܡܝܒܠܝܼܢ ܗ̄ܘ̣ܵܘ ܓܠܝܢܲܝ̈ܗܘܿܢ ܡ̣ܢ ܚܲܕ ܠܐ̄ܚܪܝܼܢ. 261 :ܡ̣ܢ ܚܲܕ ܠܐ̄ܚܪܹܝܢ ܡܬܝܒܸܿܠ ܗ̄ܘ̣ܵܐ ܝܘܿܡ ܫܘܢܝܹܗ 262 ܟܕ ܓܵܕܠܝܼܢ ܠܹܗ ܟܠܝܼܠ ܩܘܼܠܣܹ̈ܐ ܕܓܠܝܢܝ̈ [ܗܘܿܢ.] 263 :ܒܩܵܠ ܓܸܠܝܢܵܐ ܡܬܩܠܲܣ ܗ̄ܘ̣ܵܐ ܐܬܠܝܛ ܪܘܼܚܵܐ 264 ܘܡܙܚܝܼܢ ܗ̄ܘ̣ܵܘ ܢܒܝ̈ܐ ܕܪܘܼܚܐ ܠܐܲܬܠܝܛܘܼ [ܬܹܗ.] 265 :ܐܬܠܝܛܐܹܝܬ ܡܫܬܢܐ ܗ̄ܘ̣ܵܐ ܡ̣ܢ ܕܘܼܟ ܠܐ̄ܚܪܝܢ 266 ܘܟܲܕ ܝ̇ܕܥ ܗ̄ܘ̣ܵܐ ܡܣܬܲܪ ܗ̄ܘ̣ܵܐ ܠܹܗ ܠܝܘܿܡ ܫܘܼܢܹܝܗ. 267 :ܠܵܐ ܨ̇ܒܐ ܗ̄ܘ̣ܵܐ ܢܟܼܦܐ ܕܢܸܓܼܠܹܐ ܠܫܒܚܝܘܼܬܹܗ 268 ܕܠܵܐ ܢܨܘܲܕܘܼܢܵܝܗܝ ܦܚ̈ܐ ܨܢܝܼ̈ܥܹܐ ܕܫܘܼܒܼܚܵܐ ܣܪܝܼܩܵܐ. 269 :ܚܟܝܡܐܝܼܬ ܡܦܲܪ[ܢ]ܣ ܗ̄ܘ̣ܵܐ ܠܵܗ̇ ܠܗ̇ܝ ܕܐܣܬܪܲܬ̤ 270 ܥܕܡܵܐ ܕܒܼܩܹܗ ܪܘܼܚ ܓܸܠܝܢܵܐ ܕܒܟܼܘ̈ܙܹܐ. 271 :ܪܘܼܚ ܓܸܠܝܢܵܐ ܥܨܝܗܝ ܗ̄ܘ̣ܵܐ ܐܵܦܠܗ̇ ܕܢܓܠ̣ܐ ܕܟܣܝ̈ܢ 272 ܘܟܲܕ ܠܵܐ ܨ̇ܒܐ ܓ̣ܠܐ ܥܲܠ ܙܒܼܢܵܐ ܕܡܫܬܢܹܐ ܒܹܗ. 273 :ܥܠܬܢܐܝܼܬ ܪܟܸܒܼ ܥ̈ܠܠܹܐ ܩܕܼܵܡ ܬܠܡܝܼܪܹܗ 274 ܕܡܵܪܝܵܐ ܫܲܕܼܪܹܗ ܒܐܸܝܼܙܓܕܘܼܬܐ ܐܪܙܢܐܝܼܬ. 275 :ܐ̄ܪܙܢܐܝܼܬ ܡܚܵܘܹܐ ܗ̄ܘ̣ܵܐ ܠܹܗ ܠܐ̄ܪܙ ܫܘܼܢܹܝܹܗ 276 ܐܲܝܟ ܡܵܐ ܕܦܐܹܐ ܠܒܢܲܝ̈ ܐܪ̈ܙܹܐ ܐܠܗ̈ܝܹܐ. 277 :ܐܠܗ ܟܠܐ ܡܚܟܸܡ ܗ̄ܘ̣ܵܐ ܠܹܗ ܠܥܲܒܼܕܵܐ ܛܒܐ 278 ܕܢܥܸܒܼܕ ܛܟܼܣܐ ܠܫܘܼܢܵܝ ܚܲܝܹ̈ܐ ܠܵܐ ܡܝܘ̈ܬܐ. 279 :ܠܚ̈ܝܐ ܕܠܵܐ ܚܒܼܵܠ ܡܫܬܢܹܐ ܗ̄ܘ̣ܵܐ ܒܲܪ ܡܝܘܬ̈ܐ 280 ܘܚܲܟܝܼܡܐܝܼܐ ܝܲܩܪ ܐܢܘܿܢ ܩܕܵܡ ܡܝܘܬܹ̈ܐ. 281 :ܒܐܘܼܪܚܵܐ ܡܬܚܝܬܐ ܕܠܲܝܬ ܒܵܗ̇ ܡܝܼ̈ܐܹܐ ܥܬܝܼܪ ܗ̄ܘ̣ܵܐ ܕܢܸܪܕܹܐ 282 ܘܡܬܚܹܗ ܠܗܘܢܹܗ ܠܦܘܼܬ ܗ̇ܘ ܡܬܚܵܐ ܕܠܵܐ ܡܸܢܝܵܢܵܐ. 283 :ܒܥܝܢܵܐ ܕܪܘܼܚܵܐ ܚ̣ܙܝܗܝ ܚܲܙܝܵܐ ܠܗ̇ܘ ܒܘܼܣܡܵܐ 284 ܘܗܘܸܐ ܥܵܠܡܵܐ ܐܲܝܟ ܠܵܐ ܥܠܡܵܐ ܩܕܼܵܡ ܪܸܥܝܵܢܹ̈ܗ. 285 :ܥܠܡܵܐ ܐܚܪܢܵܐ ܚ̣ܙܵܐ ܒܲܚܙܲܬܵܐ ܠܵܐ ܡܓܫܡܬܼܵܐ 286 ܘܫܵܛ ܟܠܡܸܕܸܡ ܘܪܚܸܡ ܡܸܕܸܡ ܕܠܵܐ ܡܸܬܼܚܲܒܲܠ. 287 :ܚܙܵܐ ܕܟܼܡܵܐ ܪܲܒܼ ܗ̇ܘ ܕܘܒܵܪܐ ܕܡܫܢܹܐ ܠܹܗ 288 ܘܬܡܗ ܘܲܕܡܲܪ ܒܚܘܼܒܵܐ ܕܡܵܪܹܗ ܕܟܼܡܵܐ ܪܚܡܹܗ. 289 ܪܚܡܲܬܼ ܡܪܗ ܚ̣ܙܵܐ ܫܲܪܝܼܪܵܐ ܕܟܼܡܵܐ. 290 ܘܟܼܡܐ ܡܢܨܲܚ ܠܲܒܢܲܝ̈ ܒܲܝܡܹܗ ܒܲܫܒܼܚ̈ܬܼܵܐ. 291 :ܫܒܚܼܝ ܗ̄ܘ̣ܵܐ ܝܘܡܵܐ ܕܐܫܬܒܲܝܝ ܒܹܗ ܒܲܪ ܬܘܬܒܹ̈ܐ 292 ܘܗܕܝܼܪܝܼܢ ܗ̄ܘ̣ܵܘ ܙܢܲܝ̈ ܓܠܝܢ̈ܐ ܕܪܲܗܛܵܐ ܕܐܘܼܪܚܹܗ. 293 :ܚܙܵܬܐ ܕܬܲܗܪܵܐ ܚܙ̣ܵܐ ܟܲܕ ܨܝܼܪܵܐ ܠܥܸܠ ܡ̣ܢ ܐܲܪܥܵܐ 294 ܙܢܵܐ ܕܡܲܪܟܒܼܵܬܐ ܢܘܼܪܢܵܝܵܬܵܐ ܕܪܗܛܵܐ ܒܐܐܪ. 295 ܪ̈ܟܢܐ ܕܢܘܼܪܵܐ ܚ̣ܙܵܐ ܕܟܼܕܝܼܢܝܼܢ ܒܓܼܝܼ̈ܓܼܠܐ ܕܢܘܼܪܵܐ. 296 ܘܠܥܸܠ ܡܸܢܗܘܿܢ ܩܝܼܡ ܗܢܝܘܟܵܐ ܢܘܪܢܝܵܐ. 297 ܢܘܼܪܵܐ ܒܢܘܼܪܵܐ ܚܙ̣ܵܐ ܕܐܣܝܼܪܵܐ ܒܥܪ̈ܩܲܝ ܢܘܼܪܵܐ: pb. f.250v 298 ܘܡܬܕܡܲܪ ܗ̄ܘ̣ܵܐ ܒܪܲܒܘܼܬ ܫܘܼܒܼܚܵܐ ܕܐܬܚܘܼܝ ܠܹܗ. 299 :ܒܪܒܘܼܬ ܫܘܼܒܼܚܵܐ ܕܝܘܿܡ ܫܘܼܡܝܹܗ ܡܬܕܡܲܪ ܗ̄ܘ̣ܵܐ 300 ܘܠܵܐ ܣܒܿܥ ܗ̄ܘ̣ܵܐ ܠܡܸܚܙܵܐ ܫܲܦܝܼܪ ܠܕܫܦܝܼܪ̈ܲܢ. 301 :ܚܙܵܐ ܟܡܵܐ ܕܡܨܐ ܐ̄ܢܫܐ ܠܡܚܙܵܐ ܪ̈ܘܼܚܵܢܝܵܬܵܐ 302 ܘܦܵܫ ܡ̣ܢ ܬܲܗܪܵܐ ܘܦܢ̣ܵܐ ܠܡܡܠܠܵܐ ܕܥܲܡ ܬܠܡܝܼܕܹܗ. 303 :ܓܠ̣ܐ ܠܹܗ ܒܚܓܠܝܵܐ ܕܡܫܬܢܐ ܐ̄̈ܢܵܐ ܫܲܪܝܼܪܵܐܝܼܬ 304 ܘܦܩܕܗ ܠܡܫܐܲܠ ܐܝܕܵܐ ܕܦܐܝܐ ܠܪܒܵܐ ܠܡܬܠ. 305 :ܫܐ̇ܠ ܡܸܢܝ ܐܡ̣ܪ ܪܒܵܐ ܡܗܝܼܕܵܐ ܠܘܵܬ ܬܲܠܡܝܼܕܹܗ 306 ܘܣܒܼ ܠܵܟ ܡܕܡ ܕܗܵܘܹܐ ܥܲܡܵܟ ܘܡܢܨܲܝܝ ܠܵܟ. 307 :ܫܐܠ ܬܠܡܝܼܕܵܐ ܕܪܓܼܐ ܥܦܝܼܦܵܐ ܕܲܢܒܝܼܘܼܬܵܐ 308 ܘܚܟܡܹܗ ܪܒܹܗ ܕܐܝܟܵܢ ܢܸܫܐܠ ܘܐܝܟܵܢ ܢ̇ܣܒ. 309 :ܫܐܸܠ ܫܵܐܘܠܵܐ ܘܝܗ̣ܒ ܝܗܘܿܒܼܵܐ ܬܪܬܹܝܢ ܒܲܚܕܵܐ 310 ܘܫܪܝܼ ܢܒܝܼܵܐ ܕܢܪܕܐ ܒܐܘܼܪܚܵܐ ܕܠܐ ܚܙܝܵܐ ܠܹܗ. 311 :ܝܼܬܸܒ ܥܦܪܢܵܐ ܥܲܠ ܡܪ ܟܒܲܬܼܵܐ ܪܘܼܚܵܢܵܝܬܵܐ 312 ܘܐܚܲܕ ܒܐܝܼܕܵܘ̈ܗܝ ܥܪ̈ܩܹܐ ܕܢܘܼܪܵܐ ܘܠܵܐ ܐܬܚܪܟ. 313 :ܪܡܚܢܐܝܼܬ ܕܕܹܝܢ ܗ̄ܘ̣ܵܐ ܪܘܼܚܵܐ ܬܚܹܝܬ ܥܦܪܢܵܐ 314 ܘܡܕܒܲܪ ܗ̄ܘ̣ܵܐ ܦܓܼܪܐ ܠܪܘܼܚܵܐ ܘܪܘܼܚܵܐ ܠܦܲܓܼܪܵܐ. 315 :ܒܪܘܼܚ ܦܪܚ ܗ̄ܘ̣ܵܐ ܢܒܝܼܵܐ ܕܪܘܼܚܵܐ ܠܟܪ ܕܐܙܠ ܗܘܐ 316 :ܘܡܣܬܒܪܵܐ ܗ̄ܘ̣ܵܬ ܕܠܐܦܲܝ̈ ܪܘܡܵܐ ܡܸܬܥܠܹܐ ܗ̄ܘ̣ܵܐ 317 :ܠܐܦܝ̈ ܪܘܡܵܐ ܢ̇ܓܕ ܗ̄ܘ̣ܵܐ ܠܹܗ ܪܸܡܙܵܐ ܠܡܹܐܙܲܠ 318 ܠܵܘ ܠܫܡܝܵܐ ܐܸܠܵܐ ܠܐܬܪܐ ܕܪܵܡ ܡ̣ܢ ܐܲܪܥܵܐ. 319 :ܠܵܘ ܠܫܡܝܵܐ ܣܠܸܩ ܐܠܝܼܵܐ ܒܝܘܿܡ ܫܘܼܢܹܝܗ 320 ܐܠܵܐ ܠܐ ܝܟܵܐ ܕܐܸܫܬܢܝܼ ܗ̄ܘ̣ܵܐ ܚܢܘܿܟ ܒܲܪ ܓܸܢܣܹܗ. 321 :ܗܘ̤ ܗ̇ܘ̣ ܪܸܡܙܵܐ ܕܫܢܝܹܗ ܠܲܚܢܘܿܟ ܫܲܢܹܝܗ ܐܵܦܠܹܗ 322 ܘܒܚܲܕ ܐܬܪܵܐ ܬܚܹܗ ܐܸܢܘܿܢ ܕܢܸܗܘܘܿܢ ܐܟ̄ܚܕ. 323 :ܚܕܵܐ ܗ̄ܘ̣ܬ ܥܠܬܐ ܕܐܫܬܢܝܼܘ ܒܵܗ̇ ܡ̣ܢ ܨܝܕ ܐ̄ܢܫܵܐ 324 ܘܒܼܚܲܕ ܐܲܬܼܪܵܐ ܘܚܲܕ ܥܸܢܝܵܢܵܐ ܦܐܹܐ ܗ̄ܘ̣ܵܐ ܕܢܸܗܘܘܿܢ. 325 :ܒܫܘܒܼܚܵܐ ܒܠܚܘܕ ܥܒܼܕ ܦܘܼܪܫܢܵܐ ܟܕ ܡܫܬܢܝܼܢ 326 ܠܦܘܼܬ ܕܘܼܒܵܪܵܐ ܕܒܹܝܬ ܫܒܼܪܘܼܬܼܵܐ ܠܲܓܼܡܝܼܪܘܼܬܵܐ. 327 :ܫܒܼܪ ܗ̄ܘ̣ܵܐ ܙܲܒܢܵܐ ܕܐܫܬܢܝܼ [ܗ̄ܘ̣ܵܐ] ܒܹܗ ܚܢܘܿܟ ܫܲܦܝܼܪܵܐ 328 ܘܒܨܝܼܪܝܼܢ ܗ̄ܘ̣ܵܘ ܙܢܲܝ̈ ܫܘܢܹܝܗ ܕܡ̣ܢ ܐܹܠܝܼܵܐ. 329 :ܚܡܝܼܪ ܗ̄ܘ̣ܵܐ ܙܒܢܹܗ ܕܒܲܪ ܬܘܬܒܹ̈ܐ ܡ̣ܢ ܗ̇ܘ ܕܲ̇ܚܢܘܿܟ 330 ܘܫܒܼܚ̈ܝܢ ܗܘ̣̈ܝ ܐܦ ܕܡܘ̈ܬܐ ܕܝܘܿܡ ܫܘܢܹܝܗ. 331 :ܒܝܲܕ ܕܡܘ̈ܬܐ ܪ̈ܘܚܢܝܬܐ ܦܲܪܫ ܐܸܢܘܿܢ 332 ܕܢܓܠܐ ܠܐ̄ܢܫ̈ܐ ܥܲܠ ܦܘܼܪܫܵܢܵܐ ܕܗ̇ܘܐ ܠܚܲܪܬܵܐ. 333 :ܝܘܿܡ ܫܘܼܠܡܵܐ ܨܵܪ ܒܚܙܬܵܐ ܕܫܘܢܵܝ ܟܹܐܢܹ̈ܐ 334 ܘܝܬܝܪܐܝܼܬ ܒܝܘܿܡ ܫܘܢܹܝܗ ܕܒܲܪ ܬܘܬܒܹ̈ܐ. 335 :ܠܪܘܡܵܐ ܕܠܥܸܠ ܥܬܝܼܕ ܗ̄ܘ̣ܵܐ ܕܢܣܩܝܼܘܗܝ ܠܓܢܣܵܐ ܕܐ̄ܢܫܐ 336 ܘܩܕܡ ܨܪܗ̇ ܠܗ̇ܝ ܡܣܩܬܵܐ ܒܫܘܼܢܵܝ ܥܲܒܼܕܹܗ. 337 :ܠܪܵܘܡܵܐ ܬܠܹܐ ܗ̄ܘ̣ܵܐ ܚܝܵܪܵܐ ܕܪܗܛܵܐ ܕܗ̇ܝ ܡܪܟܒܼܬܼܵܐ 338 ܠܐܝܟܵܐ ܕܲܥܬܝܼܕ ܟܠܹܗ ܟܝܵܢܵܐ ܠܡܸ[ܬ]ܥܠܝܘ. 339 :ܒܗܵܕܹܐ ܬܸܢܘܵܝ ܐܡܝܼܪ ܕܣܠܸܩ ܒܲܪ ܬܘܬܒܹ̈ܐ 340 ܠܵܐ ܗ̄ܘ̣ܵܐ ܕܣܠܸܩ ܐܠܐ ܕܢܨܘܪ ܐ̄ܪܵܙ ܡܣܩܬܼܵܐ. 341 :ܐ̄ܪܵܙ ܡܣܩܬܵܐ ܨܵܪ ܒܲܚܙܵܬܵܐ ܕܐܫܬܢܝܼ ܒܵܗ̇ 342 ܕܗܵܟܼܵܢ ܣܠܸܩ ܟܝܵܢ ܡܝܘ̈ܬܹܐ ܒܐ̈ܪܙ ܡܲܣܲܩܬܹܗ. 343 :ܐܘܪܚܵܐ ܕܚ̈ܝܐ ܕܪܫ̣ܘ ܠܲܢ ܟܸܐܢܹ̈ܐ ܚܢܘܿܟ ܘܐܹܠܝܼܵܐ 344 ܘܢܚܘ ܒܲܠܡܹܐܢܵܐ ܕܫܘܼܠܵܡ ܐܘܼܪܚܵܐ ܕܠܐ ܡܝ̈ܘܬܹܐ. 345 :ܒܚܲܝܹ̈ܐ ܕܠܵܐ ܚܒ̣ܵܠ ܢܛܝܼܪܝܼܢ ܒܐܲܬܼܪܵܐ ܕܐܙܡܢܘ ܠܗ 346 ܘܟܼܝܵܢܐܝܼܬ ܡܢܝܢ ܚܝ̈ܐ ܒܡܸܕܸܡ ܕܲܒܼܨܝܼܪ. 347 ܒܡܸܕܸܡ ܕܒܼܨܝܼܪ ܚܐܝܢ ܟܸܐܢܹ̈ܐ ܟܲܪ ܕܐܝܬܲܝܗܘܿܢ. 348 ܒܚܹܝܠ ܗ̇ܘ ܪܘܼܚܵܐ ܕܦܫܝܼ̈ܩܵܢ ܠܹܗ ܐܵܦ ܥܣܩ̈ܬܐ. pb. f.251r 349 :ܒܚܝܹܠ ܦܘܼܩܵܕܢܹܗ ܢܛܝܼܪܝܼܢ ܒܐܪܥܵܐ ܐܪ̈ܥܢܝܹܐ 350 ܟܲܕ ܠܵܐ ܚܝܒܝܼܢ ܡܟ̣ܢ ܥܣܩ̈ܬܐ ܕܐܪ̈ܥܢܝܹܐ. 351 :ܒܹܗ ܒܟܝܵܢܐ ܡܠܹܐ ܢܘܝܢܐ ܡܟܢܝܢ ܚ̇ܐܹܝܢ 352 ܘܗܵܢܘ ܬܲܗܪܵܐ ܕܠܐ ܡܸܬܚܠܝܼܢ ܡ̣ܢ ܢܟܝܢܹ̈ܐ. 353 :ܬܗܪܐ ܗ̄ܘ̣ ܪܲܒܵܐ ܕܠܝܟܢ ܚ̇ܐܝܢ ܚܝܹ̈ܐ ܕܐ̄ܢܫܐ 354 ܘܠܵܐ ܡܸܫܬܲܚܩܝܼܢ ܡ̣ܢ ܚܘܬܚ̈ܬܐ ܕܓܠܠܹ̈ܐ ܫܚܝܼ̈ܩܹܐ. 355 :ܒܗܘܿܢ ܐܬܝܗܘܿܢ ܙܢܲܝ̈ ܚܘܬܚ̈ܬܐ ܕܠܚ̈ܝ ܐ̄ܢܫܐ 356 ܘܡܫܲܠܹܐ ܠܗܘܿܢ ܗ̇ܘ ܦܘܼܩܕܢܵܐ ܕܫܢܝܼ ܐܸܢܘܿܢ. 357 :ܗ̇ܘ ܦܘܩܕܢܵܐ ܡܫܠܐ ܡܸܢܗܘܿܢ ܙܢܲܝ̈ ܚܘܼܬܚ̈ܬܐ 358 ܘܠܵܐ ܡܬܪܦܝܢ ܡ̣ܢ ܥܢܝܢܐ ܕܫܒܼܚ̈ܝܬܐ. 359 :ܫܒܚܹܝ ܥܸܢܝܵܢܗܘܿܢ ܘܦܐܐ ܪܗܛܵܐ ܕܕܘܼܩܵܪ̈ܲܝܗܘܿܢ 360 ܘܡܲܢ̣ܘ ܣܦ̇ܩ ܕܢܬܢܐ ܗܸܪܓܐ ܕܐܡܝܼܢܝܼܢ ܒܹܗ. 361 :ܠܵܐ ܡܬܡܠܲܠ ܗܸܪܓܵܐ ܕܗܪܓܝܼܢ ܗܪ̈ܓܝ ܫܲܦܝܼܪ 362 ܘܣܗ̇ܕ ܦܘܠܘܿܣ ܕܐܙܠ ܒܙܒܢ ܘܨܬܼ ܥܢܝܵܢܗܘܿܢ. 363 :ܒܗ̇ܘ ܥܢܝ̈ܢܐ ܕܠܐ ܡܝܘܬ̈ܐ ܥܢܹܝܢ ܡܝܘ̈ܬܹܐ 364 ܘܥܲܡ ܠܐ ܓܫܝܼܡܹ̈ܐ ܡܗܲܠܠܝܼܬ ܩ̈ܠܐ ܪ̈ܘܚܢܹܝܐ. 365 :ܐܲܝܟ ܪ̈ܘܚܢܹܐ ܥܬܝܼܕܹܝܢ ܕܢܸܗܘܘܿܢ ܐܪ̈ܥܢܲܝܹ̇ܐ 366 :ܘܩܲܕܸܡ ܫܲܢܝܼ ܬܪܹܝܢ ܦܓܼܪ̈ܢܹܐ ܠܫܘܼܪܵܪ ܟܠܐ 367 :ܠܫܘܼܪܵܪ ܟܠܵܐ ܫܢܝܼ ܐܸܢܘܿܢ ܠܬܪܹܝܢ ܐ̄ܢܫܐ 368 :ܕܒܫܘܢܝܗܘܿܢ ܢܫܪܲܪܐ̄ܢܫܐ ܒܲܥܬܼܝܼܕ̈ܬܵܐ 369 :ܗܡܝܪ̈ܐ ܕܫܝܢܐ ܩܲܒܸܠܪ ܐܸܢܘܿܢ ܠܕܟܼܝܝ ܢܦܫܵܐ 370 ܕܗܘܹܐ ܩܲܝܡܵܐ ܫܲܝܢܵܐ ܕܐ̄ܢܫܵܐ ܠܘܵܬ ܒܵܪܘܿܝܵܐ. 371 :ܟܝܢܵܐ ܪܦܝܵܐ ܟܝܵܢ ܡܝܘܬܹ̈ܐ ܡ̣ܢ ܫܘܼܪܝܵܐ 372 ܘܕܠܵܐ ܛܲܟܼܣܵܐ ܡܥܕܝܢ ܦܗܝܢ ܒܪ̈ܓܝܓܬܐ. 373 :ܦܸܗܝܵܐ ܣܢܝܵܐ ܕܪ̈ܥܝܢܲܝܗܘܿܢ ܚ̣ܙܵܐ ܚ̇ܙܐ ܟܠ 374 ܘܢܣܒܼ ܡܢܗܘܿܢ ܬܪܹܝܢ ܡܫܟܢܹ̈ܐ ܕܢܸܗܘܘܿܢ ܨܹܐܕܵܘܗܝ. 375 :ܠܐܬ̤ܵܐ ܕܫܲܝܢܵܐ ܫܢܝܼ ܐܸܢܘܿܢ ܡ̣ܢ ܨܝܕ ܐ̄ܢܫܐ 376 ܕܢܸܗܘܘܿܢ ܐ̄ܢܫܐ ܢܛܪܝܼܢ ܚܘܼܒܵܐ ܠܘܿܬ ܟܣܝܘܼܬܹܗ. 377 :ܠܫܲܝܢܵܐ ܕܐ̄̈ܢܫܐ ܡܫܪܪܝܼܢ ܟܠܫܵܥ ܬܪܹܝܢ ܫܲܪܝܪܹ̈ܐ 378 ܘܡܚܲܨ ܠܹܗ ܒܗܸܪܓܵܐ ܛܒܼܵܐ ܕܪ̈ܥܝܲܢܝܗܘܿܢ. 379 :ܠܨܠܸܡ ܐ̄ܢܫܐ ܪܚܸܡ ܐܵܦ ܪܵܚܸ̇ܡ ܪܚܸ̇ܡ ܐ̄ܢܫܐ 380 ܘܒܟܼܠ ܥܠ̈ܠܢ ܗܕܐ ܒ̇ܥܐ ܕܢܚܘܢ ܐ̄ܢܫ̈ܐ. 381 :ܠܚ̈ܝܹܐ ܕܐ̄ܢܫܐ ܚܣܟ ܡ̣ܢ ܡܵܘܬܵܐ ܬܪܹܝܢ ܡܵܝܘ̈ܬܹܐ 382 ܕܒܝܲܚܝܲܝ̈ܗܘܿܢ ܢܥܗܕܘܢ ܠܐ̄ܢܫ̈ܐ ܥܲܠ ܚܲܝܲܘ̈ܗܘܿܢ. 383 :ܠܟܼܠܹܗ ܟܝܢܵܐ ܡܠܝܼܟܝܼܢ ܚܲܝܹ̈ܐ ܠܵܐ ܡܝܘ̈ܬܹܐ 384 :ܘܣܗܕ̈ܐ ܕܗܵܕܹܐ ܬܪܹܝܢ ܥܲܪ̈ܒܹܐ [ܗܘ̤ܵܘ ܚܝ̇ܗܘܿܢ ܠܡܵܝܘܿܬܘܼܬܼܗܘܿܢ] ܚܢܘܿܟ ܘܐܹܠܝܼܵܐ 385 :ܘܐܝܟ ܥܪ̈ܒܹܐ ܗܘ̤ܵܘ ܚܝ̈ܗܘܿܢ ܠܡܵܝܘܬܘܼܬܲܢ 386 ܕܠܵܐ ܢܬܪܦܹܐ ܡ̣ܢ ܬܘܟܼܠܢܵܐ ܕܚ̈ܝܹܐ ܡܠܝܼܟܹ̈ܐ. 387 :ܚܲܝܹ̈ܐ ܕܠܵܐ ܚܒܼܵܠ ܛܝܸܒܼ ܛܵܒܼܵܐ ܠܟܼܝܵܢ ܐ̄ܢܫܐ 388 ܘܟܬܒܼ ܐܢܘܿܢ ܒܬܪܹܝܢ ܣܸܦܪܹ̈ܐ ܘܣܵܗܕ̈ܐ ܬܠܵܬܼܵܐ. 389 :ܒܣܦܪܐ ܩܕܡܵܐ ܐܪܡܝܼܘ ܐܝܼܕܵܐ ܚܢܘܿܟ ܘܐܠܝܼܵܐ 390 ܘܒܬܪܝܢܵܐ ܚܲܕ ܥܪܒܼܵܐ ܘܣܗܕܵ[ܐ] ܒܚܝܼܪܵܐ. 391 :ܣܗܕܵܐ ܒܚܝܼܪܵܐ ܒܚܪ ܒܵܪܘܿܝܵܐ ܡ̣ܢ ܡܵܝܘ̈ܬܹܐ 392 ܕܢܗܘܹܐ ܣܗ̇ܕ ܥܲܠ ܛܒ̈ܬܐ ܕܒܢܲܝ̈ ܓܸܢܣܹܗ. 393 :ܠܣܗܕܘܬ ܐ̄ܢܫܐ ܗܵܘܝܵܐ ܒܐܲܪܥܵܐ ܟܠ ܣܗܕܘܼܬܼܵܐ 394 ܘܬܠܝܬܐܝܼܬ ܡܥܕܹܝܢ ܛ̇ܒܥܝܼܢ ܫܛܪ ܚܘ̈ܒܬܐ. 395 :ܫܛܪܐ ܕܚܘ̈ܒܹܐ ܟܬܲܒܼ ܒܵܪܘܿܝܵܐ ܒܹܝܬ ܠܹܗ ܠܐ̄ܢܫ̈ܐ 396 ܘܛܒܥܗ ܒܛܟܼܣܵܐ ܐܪܥܢܝܵܐ ܘܫܡܝܫܵܐ. 397 :ܬܠܵܬܐ ܣܗ̈ܕܐ ܥܒܼܕ ܒܹܗ ܣܗ̈ܕܐ ܒܫܛܪ ܚܲܝܲܝ̈ܢ 398 ܚܢܘܿܟ ܘܐܠܝܐ ܘܲܬܠܝܼܵܬܐܝܼܬ ܡܫܝܼܚܵܐ ܕܡܸܢܲܢ. 399 :ܡܫܝܼܚܵܐ ܕܡܸܢܲܢ ܛܒܥܗ ܒܲܕ ܡܹܗ ܠܫܛܪ ܚܲܝܲܝ̈ܢ 400 ܕܢܗܘܹܐ ܫܪܝܼܪ ܡܘܼܠܟܿܢ ܚ̈ܝܹܐ ܠܟܼܠܹܗ ܓܸܢܣܹܗ. 401 :ܒܡܘܬܹܗ ܚܪܪܢ ܡ̣ܢ ܥܲܒܼܕܘܼܬܼܵܐ ܕܒܝܼܫܵܐ ܘܡܵܘܬܼܵܐ 402 ܘܲܒܼܢܘܼܚܵܡܹܗ ܡ[ܠܸܟ ܠܲܢ] ܚܲܝܹ̈ܐ ܠܵܐ ܡܝܘ̈ܬܹܐ. 403 ܠܵܐ ܡܝܘܬܵܐ ܗܘ̤ܐ ܒܟܝܢܹܗ ܒܬܲܪ ܡܵܘܬܹܗ: pb. f.251v 404 ܕܢܸܗܘܘܿܢ ܚܲܝܵܘ̈ܗܝ ܣܗܕܹ̈ܐ ܒܚܝܼܪܹ̈ܐ ܠܓܸܢܣܵܐ ܕܐ̄ܢܫܐ. 405 :ܠܚܝܹ̈ܐ ܕܐ̄ܢܫܐ ܓܒܝܗܝ ܒܵܪܘܿܝܵܐ ܠܗ̇ܘ ܒܲܪܢܵܫܵܐ 406 ܘܐܪܝܼܡ ܕܪܓܹܗ ܠܕܲܪܓܼܵܐ ܪܡܵܐ ܕܐܠܗܘܼܬܹܗ. 407 :ܠܵܐ ܗ̄ܘ̣ܵܐ ܒܛܟܼܣܵܐ ܕܐܠܗܘܼܬܹܗ ܟܲܝ[ܐ]ܢܹ̄ܐ ܠܕܪܓܹܗ 408 ܐܠܵܐ ܒܛܲܟܼܣܵܐ ܕܗ̇ܘ ܛܘܼܟܵܣܵܐ ܕܠܲܝܬ ܠܹܗ ܦܸܚܡܵܐ. 409 :ܠܝܬ ܠܹܗ ܦܚܡܵܐ ܠܕܪܓܼܐ ܕܡܩ ܒܹܗ ܪܫܝܼܬ ܓܸܢܣܢ 410 ܘܠܵܐ ܡܬܦܚܡܵܐ ܪܫܢܘܼܬܹܗ ܥܲܡ ܕܥܒܝܼܕ̈ܐ. 411 :ܠܘ ܐܝܟ ܥܒܼܕܐ ܥܒܼܕܗ ܕܢܹܐܪܲܒܼ ܒܡܢܘ̈ܬܐ 412 :ܘܠܵܐ ܠܫܘܢܹܝܗ ܥܒܲܕ ܐܝܟ ܕܚܢܘܟ ܘܐܝܟ ܕܐܹܠܝܼܵܐ 413 :ܚܢܘܿܟ ܘܐܠܝܼܵܐ ܡ̣ܢ ܨܝܕ ܐ̄ܢܫܐ ܫܲܢܝܼ ܐܸܢܘܿܢ 414 ܘܐܥܡܲܪ ܐܢܘܿܢ ܒܐܬܪܵܐ ܐ̄ܚܪܢܵܐ ܕܐܝܬܼܘܗܝ ܒܐܲܪܥܵܐ. 415 :ܒܐܪܥܵܐ ܥܡܪܝܼܢ ܐܪ̈ܥܢܝܹܐ ܚܢܘܟ ܘܐܹܠܝܼܵܐ 416 ܘܒܹܗ ܒܟܼܝܢܵܐ ܕܡܝܘܬܘܬܐ ܢܛܝܼܪܝܼܢ ܒܐܲܪܥܵܐ. 417 :ܠܐܬܪܵܐ ܕܥܕܢ ܥ̣ܠܘ ܫܲܪܝܼܪܹ̈ܐ ܠܡܕܝܼܪܘܼ 418 :ܐܝܟܵܐ ܕܥܡܼܪ ܐܕܼܵܡ ܪܹܫܵܐ ܕܟܼܠܹܗ ܓܸܢܣܲܢ 419 :ܐܕܵܡ ܕܬܪܹܝܢ ܬܪܥܹܗ ܠܫܘܼܪܵܠ ܕܒܐܦܝ̈ ܐ̄ܢ̈ܫܐ 420 ܘܐܲܥܸܠ ܐ̄ܢܫܐ ܠܐܬܪܐ ܕܣܝܼܓ ܗ̄ܘ̣ܵܐ ܒܓܼܙܪ ܕܝܼܢܵܐ. 421 :ܒܓܼܙܪ ܕܝܢܐ ܟܠܹܝܢ ܗ̄ܘ̣ܵܘ ܐ̄ܢܫܐ ܡ̣ܢ ܗ̇ܘ ܐܲܬܼܪܵܐ 422 ܥܕܡܵܐ ܕܫܼܪܵܝܗܝ ܚܲܕ ܒܲܪ ܢܫܵܐ ܘܫܪܪ ܐ̄ܢܫܐ. 423 :ܚܲܕ ܒܪܢܫܵܐ ܡܫܝܼܚܵܐ ܕܡܸܢܲܢ ܥܠ ܠܹܗ ܠܘܼܩܕܵܡ 424 ܘܝܗ̣ܒ ܡܥܠܬܹܗ ܠܟܼܠܗܘܿܢ ܐ̄ܢܫ̈ܐ ܒܝܲܕ ܢܦܫ̈ܬܐ. 425 :ܚܢܘܿܟ ܘܐܠܝܼܵܐ ܥܠ̣ܘ ܗ̄ܘ̣ܵܘ ܒܲܠܚܘܿܕ ܒܦܓܼܪ ܘܒܪܘܼܚ 426 ܘܐܝܬܝܗܘܿܢ ܒܹܗ ܥܕܡܵܐ ܠܙܲܒܲܢܵܐ ܕܡܥܒܲܪ ܙܲܒܼܢܹ̈ܐ. 427 :ܡܥܒܪ ܙܒܢܹ̈ܐ ܥܠ ܠܹܗ ܠܘܼܩܵܕܵܡ ܒܪܘܼܚ ܠܵܘ ܒܦܓܼܪ 428 ܘܢܦ̣ܩ ܡܢܗ ܘܣܠܸܩ ܠܐܬܪܐ ܕܦܐܹܐ ܡܸܢܹܗ. 429 :ܠܐܬܢܪܐ ܕܪܘܡܐ ܕܪܵܡ ܡ̣ܢ ܪܘܡܵܐ ܣܠܸܩ ܪܫܝܬܲܢ 430 ܠܩܕܘܿܫ ܩܘܕܫ̈ܐ ܕܠܵܐ ܥܸܠܲܬ̤ ܠܹܗ ܪܓܼܠܵܐ ܕܐ̄ܢܫܵܐ. 431 :ܩܕܵܡ ܐܝܬܘܼܬܼܵܐ ܥܲܠ ܕܢܟܲܗܸܢ ܟܗܢܵܐ ܕܡܸܢܲܢ 432 ܒܐܬܪܐ ܕܕܟܹܐ ܡ̣ܢ ܢܟܼܝܢܹ̈ܐ ܘܡ̣ܢ ܡܟܝ̈ܢܹܐ. 433 :ܒܕܡܵܐ ܕܢܲܦܫܹܗ ܟܗܢ ܚܕܵܐ ܙܒܲܢ ܒܹܝܬ ܐܪ̈ܥܢܹܐ 434 ܘܣܦ̣ܩ ܕܒܚܵܐ ܕܩܲܕܝܼܫܘܼܬܹܗ ܚܠܵܦ ܟܠ ܒܸܪ̈ܝܵܢ. 435 :ܚܠܵܦ ܟܠ ܒܸܪ̈ܝܵܢ ܓܒܝܗܝ ܒܵܪܘܿܝܵܐ ܡ̣ܢ ܒܪ̈݁ܝܬܼܵܐ 436 ܘܩܲܒܠܹܗ ܠܡܵܘܬܹܗ ܐܝܟ ܦܘܼܪܩܵܢܵܐ ܚܠܵܦ ܡܝܘ̈ܬܹܗ. 437 :ܥܘܠ̣ܐ ܕܐ̄ܢܫܐ ܟܬܡܹܗ ܠܥܠܡܵܐ ܒܫܟܝܼܪ̈ܬܵܐ 438 ܘܦܢܐ ܛܒ̣ܵܐ ܘܕܲܟܼܝܹܗ ܒܡܵܘܬܵܐ ܕܚܲܕ ܒܲܪܢܫܵܐ. 439 :ܒܹܝܬ ܒܗ̇ܘ ܡܸܕܸܡ ܕܥܲܠ ܒܹܗ ܡܵܘܬܵܐ ܘܚܸܒܸܠ ܐ̄ܢܫܐ 440 ܒܗ ܥܠ̣ܘ ܚܲܝܹ̈ܐ [ܘܒܛܠ] ܡܘܬܵܐ ܡ̣ܢ ܐ̄ܢܫܘܼܬܼܵܐ. 441 :ܐܕܼܵܡ ܕܣܫܗ̇ ܠܐܘܼܪܚܵܐ ܕܡܵܘܬܵܐ ܒܪܓܲܬܼ ܦܐܪܵܐ 442 ܘܥܒܪ ܡܵܘܬܵܐ ܒܟܼܠܹܗ ܟܝܵܢܵܐ ܐܕܡܝܵܐ. 443 :ܥܒ̣ܪ ܦܘܩܕܢܵܐ ܫܥܒܸܕ ܐ̄ܢܫܐ ܠܥܒܕܘܼܬ ܡܵܘܬܵܐ 444 ܘܐܲܘܚܸܠܘ ܐ̄ܢܫܐ ܕܠܵܐ ܬܘܼܒܼ ܚ̇ܐܝܢ ܓܸܢܣܵܐ ܕܐ̄ܢܫܐ. 445 :ܠܣܒܼܪܵܐ ܕܐ̄ܢܫܵܐ ܓܒܼܵܐ ܒܵܪܘܿܝܵܐ ܬܠܵܬܐ ܐ̄ܢܫܐ 446 ܘܲܥܒܼܕ ܐܸܢܘܿܢ ܣܗ̈ܕܹܐ ܕܣܵܗܕܹܝܢ ܠܚ̈ܝܹܐ ܕܐ̄ܢܫܵܐ. 447 :ܠܚ̈ܝܹܵܐ ܕܐ̄ܢܫܐ ܣܗܕܹܝܢ ܒܐܪܥܵܐ ܚܢܘܿܟ ܘܐܠܝܼܵܐ 448 [...]ܫܝܼܬ ܚܲܝܹ̈ܢ ܠܥܸܠ ܒܲܫܡܝܵܐ ܡܫܪܲܪ ܚܲܝ̈ܢ. 449 :ܬܪܹܝܢ ܫܲܪܝܼܪܹ̈ܐ ܣܗܕܹܝܢ ܒܲܐܪܥܵܐ ܥܲܠ ܚܘܼܕܬܲܢ 450 ܘܚܲܕ ܒܲܫܡܲܝܵܐ ܡܚܬܸܡ ܡ̈ܠܹܐ ܕܠܥܸܠ ܘܕܠܬܲܝܬ. 451 :ܬܪܹܝܢ ܐܲܝܟ ܥܒܕ̈ܐ ܡܦܝܣܝܢ ܒܐܲܪܥܵܐ ܚܢܘܿܟ ܘܐܹܠܝܼܵܐ 452 ܘܚܲܕ ܐܝܟ ܡܲܠܟܵܐ ܫܪܹܐ ܒܫܡܝܐ ܘܦܩܕ ܒܐܪܥܵܐ. 453 :ܠܵܘ ܥܲܡ ܥܲܒܼܕܹ̈ܐ ܡܢܝܬܹܗ ܓܡܲܠܟܵܐ ܕܐܡܠܸܟ 454 ܘܠܵܐ ܫܘܠܛܢܹܗ ܐܲܝܟ ܫܘܼܠܛܵܢܵܐ ܕܒܢܲܝ̈ ܐܪܥܵܐ. 455 ܠܵܘ ܒܪܢܫܵܐ ܫܚܝܼܡܵܐ ܩܪܝܬܹܗ ܐܲܝܟ ܒܲܪܢܵܐ: pb. f.252r 456 ܘܠܵܐ ܠܫܘܢܹܝܗ ܐܲܝܟ ܫܘܼܢܵܝܵܐ ܕܒܢܝ̈ ܒܸܣܪܵܐ. 457 :ܠܵܐ ܢܸܬܠܲܕ ܠܘܢ ܗܪ̈ܛܝܼܩܹܐ ܐܝܟ ܕܡܥܕܝܼܢ 458 :ܕܐܢܐ ܠܵܐ ܡܥܕ ܐ̄ܢܵܐ ܠܡܬܠ ܐܲܬܼܪܵܐ ܠܥܘܕܠܲܝ̈ܗܘܿܢ 459 :ܝܕܥ ܐ̄ܢܵܐ ܠܗܘܿܢ ܕܥܠ݁̈ܐ ܡܪܟܒܝܼܢ ܐܲܝܟ ܨܝܕܹ̈ܐ 460 ܘܠܵܐ ܛܥܝܵܐ ܠܝܼ ܕܟܼܡ̇ܐ ܥܪܝܼܡܝܼܢ ܠܲܡܨܵܕ ܡ̈ܠܹܐ. 461 :ܡ̈ܠܹܐ ܨܵܝܕܝܼܢ ܨܝܕ̈ܝ ܡܠ̈ܐ ܕܗܝܡܢܘܼܬܼܵܐ 462 ܘܡܵܐ ܕܨܵܕܘ ܐܢܹܝܢ ܦܪ̣ܝܝ ܐܝܟ ܥܵܘܦܵܐ ܡ̣ܢ ܐܝܼܕܲܝ̈ܗܘܿܢ. 463 :ܠܵܐ ܡܬܬܨܝܼܕܵܐ ܗܲܝܡܢܘܼܬܼܵܢ ܒܐܝܕܲܝ̈ ܣܟܼܠܹ̈ܐ 464 ܒܕܠܵܐ ܣܦܩܝܼܢ ܠܡܐܚܲܕ ܚܲܝܠܵܗ̇ ܒܪ̈ܥܝܢܲܝܗܘܿܢ. 465 :ܡܚܝܼܠܝܼܢ ܣܓܝܼ ܡ̣ܢ ܕܲܠܡܹܐ ܚܲܕ ܕܪܐ ܒܓܼܠܝܵܐ 466 ܘܟܼܪܐ ܪܗܛܵܐ ܕܦܬܓܲܡܝ̈ܗܘܿܢ ܡ̣ܢ ܒܘܼܢܝܵܐ. 467 :ܠܵܐ ܡܨܝܢ ܠܡܨܵܕ ܡ̈ܠܹܐ ܒܡܸܠܹ̈ܐ ܐܝܟ ܡܵܐ ܕܪܵܢܹܝܢ 468 ܘܐܦܠܵܐ ܠܡܸܬܠ ܦܝܵܣܵܐ ܓܲܠܝܵܐ ܥܲܠ ܟܣܝ̈ܬܵܐ. 469 :ܟܣܝܵܐ ܡܸܢܗܘܿܢ ܡܠܬܵܐ ܚܠܝܡܬܵܐ ܕܗܲܝܡܢܘܼܬܵܐ 470 ܘܡܵܐ ܕܐܬܓܠܝܬ̤ ܒܦܘܼܡ ܝܵܕܘ̈ܥܹܐ ܬܘܲܪܘ ܘܐܬܕܡܲܪܘ. 471 :ܡܸܠܬܵܐ ܚܠܝܼܡܬܵܐ ܕܗܲܝܡܢܘܼܬܵܐ ܬܢܝ̇ܬ ܬܐܗܵܫܵܐ 472 ܘܠܵܐ [ܛܥ]ܝܐ ܠܝܼ ܕܡܸܬܬܲܒܠܝܼܢ ܒܵܗ̇ ܗܸܕܝܘܿܛܵܐܝܼܬ. 473 :ܠܵܐ ܗܕܝܘܛܹ̈ܐ ܠܵܘ ܣܟܼܠܐܝܼܬ ܣܕܪܸܬ ܡܸ̈ܠܹܐ 474 ܠܟܼܘܿܢ ܠܵܐ ܪ̈ܕܝܢ ܒܲܕ ܠܵܐ ܪܕܝܢ ܐ̄ܢܬܘܿܢ ܒܪܕܝܘܼܬ ܡ̈ܠܹܐ. 475 :ܠܵܐ ܝܵܕܥܝܼܢ ܐ̄ܢܬܘܿܢ ܠܡܸܪܕܵܐ ܒܐܘܼܪܚܵܐ ܕܗܲܝܡܢܘܼܿܬܼܵܐ 476 ܘܠܵܐ ܡܫܝܼܚ̈ܝܵܢ ܠܟܼܘܿܢ ܡ̈ܠܐ ܕܣܝܼ̈ܡܵܢ ܒܹܝܬ ܣܘܼܟܵܠܹܝ̈ܗ. 477 :ܒܠܵܐ ܒܘܼܝܢܵܐ ܡܸܬܬܩܠܝܼܢ ܐ̄ܢܬܘܿܢ ܐܲܝܟ ܕܒܟܼܐܦܵܐ 478 ܘܠܵܐ ܦܪܫܝܼܢ ܐ̄ܢܬܘܢ ܠܡܒܚܪ ܣܢܝܵܐ ܡ̣ܢ ܝܲܦܝܼܪܵܐ. 479 :ܫܦܝܼܪ ܐܡ̇ܪܬ ܒܫܪܒܵܐ ܕܐܡ̇ܪܬ ܥܲܠ ܒܲܪܢܵܫܵܐ 480 ܕܒܪܢܫܵܐ ܗ̄ܘ̣ܵܐ ܗ̇ܘ ܕܐܸܬܼܡܪܲܡ ܠܥܸܠ ܡ̣ܢ ܐ̄̇ܢܫܵܐ. 481 :ܒܪܢܫܵܐ ܗ̄ܘ̣ܵܐ ܕܐܟܼܪܸܙ ܣܲܒܼܪܵܐ ܠܒܢܝ̈ܢܫܵܐ 482 ܘܲܚܬܡܘ ܩ̈ܠܐ ܕܙܪܥ̣ܘ ܒܐܪܥܵܐ ܚܢܘܿܟ ܘܐܹܠܝܼܵܐ. 483 :ܒܪܢܫܵܐ ܗ̄ܘ̣ܵܐ ܕܣܠܸܩ ܘܐܡܠܟ ܠܥܸܠ ܒܫܡܲܝܵܐ 484 ܘܕܪܫ̣ ܐܘܼܪܚܵܐ ܕܢܸܗܘܘܿܢ ܐ̄ܢܫ̈ܐ ܫܡܝܢܝܹ̈ܐ. 485 :ܒܪܢܫܵܐ ܗ̄ܘ̣ܵܐ ܕܗܘ̤ܐ ܣܵܗܕܵܐ ܒܫܛܪ ܚܲܝܲܝ̈ܢ 486 ܘܐܪܡܝܼ ܐܝܕܵܐ ܘܚܬܡܹܗ ܒܲܕܡܹܗ ܕܠܵܐ ܢܬܕܓܲܠ. 487 :ܒܪܢܫܵܐ ܗ̄ܘ̣ܵܐ ܘܬܘܼܒ ܐܡ̇ܪ ܐ̄ܢܵܐ ܕܒܪܢܫܵܐ ܗ̄ܘ̣ܵܐ 488 ܘܐܸܢ ܚܡܝܼܬܝܼܢ ܗܪ̈ܛܝܼܒܹܐ ܢܩܥܘܿܢ ܣܲܓܝܼ. 489 :ܢܩܥܘܿܢ ܣܲܓܝܼ ܥܕܡܵܐ ܕܫܡ̇ܥ ܠܓܼܝܘܿܢ 490 ܡܝܠܸܠ ܥܲܡܗܘܿܢ ܐܲܝܟ ܗ̇ܘ ܩܵܠܵܐ ܕܩܕܵܡ ܡܵܪܲܢ. 491 :ܡܲܪܝܼܪܵܐܝܼܬ ܐܝܠܸܠ ܠܓܼܝܘܿܢ ܥܲܠ ܡܲܦܘܼܠܬܹܗ 492 ܘܣܓܝܼ ܕܡ̇ܐ ܩܵܠ ܬܲܠܡܝܼܕܹ̈ܐ ܠܕܗ̇ܘ ܕܪܒܐ. 493 :ܠܪܒܐ ܣܟܼܠܐ ܕܡ̇ܝܢ ܣܟܼ̈ܠܐ ܗܪ̈ܛܝܼܩܹܐ 494 ܘܠܵܐ ܡܸܣܬܟܠܝܼܢ ܕܡܚܒ ܚܝܒܝܢ ܒܩܵܠ ܡܸܠܝ̈ܗܘܿܢ. 495 :ܠܚܘܠܕܵܐ ܕܡ̇ܝܢ ܕܚܠܕܝܢ ܟܠܫܵܥ ܒܗܪܓܵܐ ܒܝܼܫܵܐ 496 ܘܡܵܐ ܕܨܵܬܼܘ ܩܵܐ̇̄ܐ ܕܡܸܠܲܬ ܩܘܼܫܬܼܵܐ ܦܩ̣ܪܘ ܘܐܫܬܚܝܢܘ. 497 :ܩܵܠ ܦܲܩܪܘܼܬܼܗܘܿܢ ܠܵܐ ܫܒܼܩܵܐ ܠܝܼ ܐܫܠܹܐ ܡܸܢܗܘܿܢ 498 ܘܠܵܐ ܝ̇ܗܸܒ ܠܝܼ ܕܐܥܒܪ ܐܢܘܿܢ ܕܠܵܐ ܪܫܝܢܵܐ. 499 :ܒܕܡܘܼܬ ܢܝܼܫܵܐ ܣܝܼܡ ܪܥܝܵܢܗܘܿܢ ܩܕܵܡ ܚܘܫܒܲܝ̈ 500 ܘܡܓܪܓܼ ܠܝܼ ܕܐܡܚܐ ܐܢܘܿܢ ܒܓܹܐܪܹ̈ܐ ܕܡܸܠܲܝ̈. 501 :ܒܡܠܹ̈ܐ ܪܓܼܝܼܓ ܐ̄ܢܵܐ ܕܐܸܡܚܹܐ ܐܸܢܘܿܢ ܒܟܠܠܕܢ̈ܝܼ̈ܢ 502 ܒܕܠܵܐ ܫ̇ܠܝܢ ܡ̣ܢ ܡܨܘܬܐ ܕܠܘܼܩܒܼܵܠ ܡܸܠܲܝ̈. 503 :ܒܗܪܓܵܐ ܕܡ̈ܠܐ ܗܘ̤ܵܐ ܠܝܼ ܗܸܪܓܵܐ ܠܡܬܗܲܓܵܝܘܼ 504 ܘܡܵܐ ܕܗܪܓܸܬ ܒܹܗ ܥܘܟܢܝ ܩܵܠ̇ܐ ܕܗܲܪ̈ܛܝܼܩܹܐ. 505 :ܫܠܘ ܡܸܢܝ ܐ̄ܢܫ̈ܐ ܩܥ̇ܝܬ ܨܐܕܲܝܗܘܿܢ ܒܟܼܠ ܐܣܟܹܝ̈ܡܝܼܢ 506 ܘܟܼܡܵܐ ܕܣܒܼܪܸܬ ܕܡܫܠܵܐ ܫ̇ܠܹܝܢ ܫܓܲܫܘ ܘܐܸܬܼܒܲܥܪܲܪܘ. 507 ܠܲܫܓܼܝܼܫܘܼܬܼܗܘܿܢ ܚܙܝ̇ܬ ܐܦ ܗܵܫܵܐ ܒܗܵܢܵܐ ܫܲܪܒܵܐ: pb. f.252v 508 ܘܫܒ̇ܩܸܬ ܡܠܬܝ ܕܐܸܟܹܐܐ ܒܡ̈ܠܹܐ ܕܓܘܼܕܦܲܝ̈ܗܘܿܢ. 509 :ܓܘܼܕܵܦܲܝ̈ܗܘܿܢ ܕܲܡܓܲܕܦܵܢܹ̈ܐ ܓܗܕܬ̤ ܡܠܬܝܼ 510 ܘܫܒܩܬ̤ ܡܠܬܗ̇ ܘܪܕܬ̤ ܒܐܘܼܪܚܵܐ ܕܠܘܼܩܒܼܵܠ ܥ̈ܛܠܹܐ. 511 :ܠܥܛܠ̈ܐ ܐܟܣܲܬܼ ܒܫܘܚܠܵܦ ܡ̈ܠܹܐ ܕܠܘܼܩܒܼܵܠ ܡ̈ܠܹܐ 512 ܘܠܠܐ ܪ̈ܕܝܐ ܪܚܝ̇ܬ ܒܦܝܣܵܐ ܕܫܪܝܼܪ̈ܬܼܵܐ. 513 :ܫܪܝܼܪܐܝܼܬ ܐܡ̇ܪܬ ܐܸܢܹܝܢ ܠܫܪܝܼܪ̈ܬܵܐ 514 ܕܡܢܐ ܗ̣̄ܝ ܥܠܝܬܐ ܫܠܛ ܡܘܬܵܐ ܒܐ̄̈ܢܫܐ ܕܡܸܢܲܢ. 515 ܐ̄ܢܫܐ ܕܡܸܢܢ ܚܙ̇ܝܬ ܕܐܬܥܠܝܼܘ ܠܥܸܠ ܡ̣ܢ ܡܵܘܬܼܵܐ. 516 ܘܪܟܒܲܬ̣ ܡ̈ܠܹܐ ܕܐܓܼܠܐ ܒܡܸܠܹ̈ܐ ܠܲܕܠܵܐ ܓܠܝܼ̈ܢ. 517 :ܠܠܵܐ ܓܠܝ̈ܬܐ ܒܥ̇ܝܬ ܕܐܫܬܥܹܐ ܩܕܼܵܡ ܫܵܡܘܿܥܹ̈ܐ 518 ܘܐܘܕܲܥ ܐܸܢܘܿܢ ܕܢܸܗܘܘܿܢ ܝܵܕܥܝܼܢ ܙܲܢܲܝ̈ ܟܛܣܝ̈ܬܐ. 519 :ܙܢܲܝ̈ ܟܣܝ̈ܬܐ ܟܣܐ ܗ̄ܘ̣ܵܐ ܒܫܪܒܵܐ ܕܗܵܠܹܝܢ ܕܬܢܝ̇ܬ 520 ܠܵܘ ܠܓܡܝܼܪܹ̈ܐ ܐܸܠܵܐ ܠܫܒܼܪܹܐ ܘܠܵܐ ܝܵܕܩܥܹ̈ܐ. 521 :ܠܠܵܐ ܝ̇ܕܘ̈ܥܹܐ ܓܠ̇ܝܬ ܥܠܠܬ̈ܐ ܕܫܘܢܝܵ ܐ̄ܢܫ̈ܐ 522 ܕܡܢܐ ܗ̣̄ܝ ܥܸܠܬܐ ܕܫܢܝܼܘ ܡܸܢܲܢ ܠܐܬܼܪܵܐ ܐ̄ܚܪܬܵܐ. 523 :ܠܐܬܪܵܐ ܐ̄ܚܪܹܢܐ ܫܲܬܝܼܘ ܡܢܲܢ ܚܢܘܿܟ ܘܐܹܠܝܼܵܐ 524 ܘܒܫܘܢܲܝܗܘܿܢ ܨܵܪܘ ܠܲܢ ܛܘܦܣܵܐ ܕܫܘܼܢܵܝ ܚܲܝܲܝ̈ܢ. 525 :ܚܲܝܹ̈ܐ ܚܕܬܹ̈ܐ ܐܫܬܘܕܝܼ ܠܲܢ ܪܚܸܡ ܓܸܢܣܲܢ 526 ܘܚܬܸܡ ܐܸܢܘܿܢ ܒܛܒܼ̈ܥܹܐ ܬܠܵܬܐ ܕܐ̄ܢܫܐ ܬܠܵܬܼܵܐ. 527 :ܐ̄ܢܫܐ ܬܠܬܐ ܐܡ̇ܪܸܬ ܐܸܢܘܿܢ ܠܬܠܬܲܝܗܘܿܢ 528 ܠܵܐ ܗ̄ܘ̣ܵܐ ܒܕܪܚܓܼܐ ܐܠܵܐ ܒܛܲܟܼܣܵܐ ܕܟܼܝܵܢ ܐ̄ܢܫܐ. 529 ܟܝܢܵܐ ܚܲܕ ܗ̄ܘ̣ ܕܬܠܬܝܗܘܿܢ ܒܦܓܼܪ ܘܒܪܘܼܚ. 530 ܕܪܓܹܐ ܠܵܐ ܫܘܐ ܫܕܠܵܐ ܕܡ̇ܝܢ ܥܒܕ̈ܐ ܠܡܵܪܐ. 531 :ܥܒܼܕܹ̈ܐ ܐܢܘܿܢ ܚܢܘܿܟ ܘܐܠܝܵܐ ܟܡܵܐ ܐܸܢ ܚܲܝܲܢ 532 ܡܫܝܼܚܵܐ ܕܡܢܢ ܡܪܐ ܗ̄ܘ̣ ܕܥܲܠ ܟܠ ܟܡܵܐ ܐܸܢ ܐ̄ܢܵܫܵܐ ܗ̣̄ܘ. 533 :ܚܢܘܿܟ ܘܐܠܝܼܵܐ ܒܐܲܪܥܵܐ ܢܛܝܼܪܝܼܢ ܥܲܕ ܢܘܼܚܡܵܐ 534 ܡܫܝܼܚܵܐ ܒܐܬܪܐ ܕܪܡ ܘܡܠܠܲܝ ܡ̣ܢ ܡܝܘ̈ܬܹܐ. 535 :ܠܵܐ ܡܝܬܵܐ ܗ̄ܘ̣ ܒܗ̇ܝ ܕܗܘ̤ܐ ܠܹܗ ܠܵܐ ܡܝܘܬܵܐ 536 ܘܗ̤ܘ ܒܠܚܕܵܘ ܩܲܒܠܵܗ̇ ܠܗܵܕܐ ܚܠܵܦ ܡܝܘ̈ܬܹܐ. 537 :ܚܠܦ ܡܝܘܬ̈ܐ ܓ̣ܒܝܗܝ ܒܪܘܿܝܵܐ ܡ̣ܢ ܡܝܘ̈ܬܐ 538 ܕܢܸܗܘܹܐ ܡܡܲܠܹܐ ܛܲܟܼܣܵܐ ܕܥܒܼܕ̈ܐ ܘܕܒܢܲܝ̈ ܚܸܐܪܹ̈ܐ. 539 :ܥܒܕܐ ܗ̄ܘ̣ ܐܦ ܗܘ̤ ܒܗ̇ܝ ܕܥܒ̇ܕܐ ܗ̄ܘ̣ ܕܡ̣ܢ ܥܒܘܕܐ 540 ܘܬܘܼܒ ܐܦ ܡܪܐ ܗ̄ܘ̣ ܒܕܢܣܒܼ ܕܪܓܼܐ ܐܠܗܝܵܐ. 541 :ܐܠܗܝܵܐ ܗ̄ܘ̣ ܡܸܛܠ ܕܪܓܹܗ ܕܪܵܡ ܡ̣ܢ ܟܠܐ 542 ܘܝܪܒܼ ܘܐܡܠܟ ܠܵܘ ܒܟܼܝܢܹܗ ܐܸܠܵܐ ܒܕܲܪܓܹܗ. 543 :ܒܕܪܓܹܗ ܝܼܪܸܒܼ ܗ̇ܘ ܒܪܢܵܫܵܐ ܕܡ̣ܢ ܐ̄ܢܫܘܼܬܲܢ 544 ܘܗܵܕܹܐ ܟܠܗ ܡܛܠ ܕܨܒܐ ܗ̇ܘ ܕܨܒܼܐ ܒܹܗ. 545 :ܐܠܗ ܟܠܐ ܨܒܼܵܐ ܕܢܟܢܝܼܘܗܝ ܒܫܸܡ ܪܲܒܘܼܬܹܗ 546 ܘܗܵܐ ܚܡܝܹܬܝܢ ܐ̄ܢܫܐ ܣܟܼܠ̈ܐ ܒܪܒܘܼܬܼ ܕܪܓܲܢ. 547 :ܐܪܐ ܣܟܼܠܐ ܠܡ̇ܢ ܟܪܝܐ ܠܟܼܘܿܢ ܥܲܠ ܪܘܡܪܵܡܲܢ 548 ܘܠܵܐ ܨܒܹܝܢ ܐ̄ܢܬܘܢ ܥܡܩܒܠܘܼ ܠܡܲܠܟܵܐ ܕܡܢܲܢ. 549 :ܐܪܐ ܐܢܫܵܐ ܚܕܘ ܕܗܘܲܝܬܘܿܢ ܐܠܗ̈ܝܹܐ 550 ܒܝܲܕ ܒܪܢܫܵܐ ܕܗܘ̤ܐ ܐܠܗ ܥܲܡ ܐܲܠܵܗܵܐ. 551 :ܐ̄ܢܫܐ ܕܡܢܢ ܥܡܼܪ ܒܗ ܡܸܠܬܼܵܐ ܒܪܐ ܕܐܠܗ̇ܐ 552 ܘܩ̣ܪܝܗܝ ܒܫܡܹܗ ܘܝܗ̣ܒܠܗ ܕܪܓܼܐ ܕܫܸܡ ܐܝܼܬܘܼܬܼܵܐ. 553 :ܫܡܗܹ̈ܐ ܝܗܒ̣ܠܹܗ ܘܐܦ ܣܘܥܪ̈ܢܹܐ ܕܪܡ̇ܝܢ ܡܸܢܹܗ 554 ܘܟܲܕ ܛܵܒܼ ܝܲܗ̄ܒܼܠܹܗ ܠܐ ܛܥܝܵܐ ܠܹܗ ܕܡܢܲܢ ܐܝܼܬܼܵܘܗܝ. 555 :ܡܢܲܢ ܐܝܼܬܼܵܘܗܝ ܘܚܠܦ ܚܲܝܲܝ̈ܢ ܣܠܸܩ ܘܐܸܬܼܪܡܕܼܵܡ 556 ܘܚ̇ܝܒܝܼܢܲܢ ܕܢܵܘܕܐ ܠܛܒܼܵܐ ܕܪܡܪܸܡ ܓܸܢܣܲܢ. 557 :ܬܘܼܕܝܼ ܠܛܵܒܼܵܐ ܢܐܡܲܪ ܟܠܹܗ ܟܝܵܢ ܡܝܘ̈ܬܹܐ 558 ܕܪܡܪܸܡ ܓܸܢܲܣܢ ܒܚܲܕ ܒܪܢܫܵܐ ܕܫܩܲܠ ܡܢܲܢ܀ pb. f.253r