Literal Commentary on Genesis - ܣܦܪܐ ܕܒܪܝܬܐ ܣܘܥܪܢܐܝܬ

ܣܦܪܐ ܓܝܪ ܐܝܼܬ̄ܘ ܒܠܫܢܐ ܥܒܪܝܐ ܟܕ ܡܬܼܦܫܩ ܠܣܘܼܪܝܝܐ ܟܬܒܐ ܡܫܼܬܡܗ ܣܦܪܐ: ܐܘܪܝܬܐ ܬܘܼܒ ܢܘܼܗܪܐ ܕܐܬܼܐ܆ ܐܚܪ̈ܢܐ ܐ݀ܡܪܝܼܢ ܕܐܒܪܗܡ ܡܼܢ ܐܘܿܪ ܕܟܠ̈ܕܝܐ ܐܝܼܬ̄ܘ ܗܼܘܐ: ܘܥܠ ܗ݀ܝ ܐܬܩܪܝܼ ܣܦܪܐ ܕܐܘܪܝܬܐ: ܥܠ ܫܡܐ ܕܐܘܿܪ: ܐܘܿܪ ܓܝܪ ܢܘܼܪܗܪܐ ܡܬܼܦܫܩ: ܐܝܟܢܐ ܕܡܬܼܩܪܐ ܚܧܢܝܬܐ ܡܼܢ ܚܪܢ: ܗܿܟܢܐ ܡܼܢ ܐܘܪ ܐܘܪܝܬܐ: ܒܪܝܫܝܼܬ ܠܡ ܒܼܪܐ ܐܠܗܐ ܝܿܬ ܫܡܝܐ ܘܝܿܬ ܐܪܥܐ ܗ̄ ܡܼܢ ܠܫܢܐ ܥܒܪܝܐ ܐܝܬܝܗܿ ܒܪܬ ܩܠܐ ܕܒܪܝܫܝܬ: ܗ̄ ܕܡܼܢ ܫܼܠܝ ܘܠܥܠ ܡܼܢ ܪܦܦܐ ܕܚܘܼܫܒܐ ܒܼܪܐ ܐܠܗܐ ܠܒܪ̈ܝܬܐ: ܐܚܪ̈ܢܐ ܐܡܼܪܘ ܕܒܪܝܫܝܼܬ ܠܥܠ ܡܼܢ ܙܒ̈ܢܐ: ܐܚܪ̈ܢܐ ܒܪܝܫܝܼܬ. ܩܕܡܝܬܐ ܐܝܬܝܗܿ܇ ܘܐ݀ܡܪܝܼܢܢ ܕܒܪܬ ܩܠܐ ܕܒܪܝܫܝܼܬ ܒܬܪܝܢ ܙܢܝ̈ܐ ܢ݀ܦܩܐ܇ ܡܬܘܿܡܐܝܬ ܐܝܟ ܕܐܡܼܪ ܬܐܘܠܘܓܘܣ ܕܡܿܢܘܼ ܩܫܝܼܫ ܡܼܢ ܗ݀ܝ ܕܒܪܝܫܝܬ܆ ܘܝܘܚܢܢ ܐܘܢܓܠܝܣܛܐ ܕܒܪܝܫܝܬ ܐܝܼܬܘܗܝ ܗܼܘܐ ܡܠܼܬܐ. ܗ̄ ܡܬܘܿܡܐܝܬ. ܒܙܢܐ ܐܚܪܢܐ ܢ݀ܦܩܐ: ܫܘܼܪܝܐ ܘܪܝܫܐ ܘܪܝܫܝܬܐ ܐܝܟ ܗ݀ܝ ܕܠܐ ܩܼܪܝܬܘܿܢ ܠܗܿܘ ܕܥܒܼܕ ܡܼܢ ܒܪܝܫܝܬ ܕܟܪܐ ܘܢܩܼܒܬܐ: ܘܗܿܘ ܕܡܼܢ ܒܪܝܫܝܬ ܩܿܛܠ ܐܢܫ̈ܐ: ܡܕܝܢ ܝܘܚܢܢ ܡܬܘܿܡܐܝܬ ܫܡܗ ܠܒܪܬ ܩܠܐ ܕܒܪܝܫܝܬ: ܘܡܘܫܐ ܒܙܢܐ ܕܫܘܼܪܝܐ ܘܪܝܫܐ ܘܫܘܼܪܝܐ ܘܐܡܿܪܝܼܢܢ ܕܗܢܐ ܫܘܼܪܝܐ ܘܪܝܫܝܬܐ ܕܒܪܬ ܩܠܐ ܕܒܪܝܫܝܬ ܕܡܘܫܐ: ܕܙܒܢܐ ܐܝܬܝܗܿ ܫܘܼܪܝܐ ܡܢܗܿ ܘܠܟܐ ܫܪܝܼ ܕܢܬܝܼܕܥ ܙܒܢܐ: ܡܕܝܢ ܕܒܪܝܫܝܬ ܪܝܫܐ ܘܪܝܫܝܼܬܐ ܡܬܼܦܫܩܐ: ܘܕܓ̈ܠܐ ܐܢܘܿܢ ܐܝܠܝܢ ܕܠܐ ܟܿܬܒܝܼܢ ܒܗܿ ܝܘ̄ܕ ܠܬܚܬ ܡܼܢ ܪܝܫ̄ ܐܘܿ ܩܿܪܝܢ ܠܗܿ ܥܒܝܐܝܬ ܕܠܐ ܝܘ̄ܕ: ܐܡܿܪ ܥܒܪܝܐ ܒܪܝܫܝܬ: ܕܠܗܠܝܢ ܡܿܣܠܐ ܝܥܩܘܿܒ ܐܘܪܗܝܐ ܘܡܘܫܐ ܒܪ ܟܐܦܐ: ܒܼܪܐ ܐܠܗܐ ܗ̄ ܥܒܼܕ܆ ܝܥܩܘܿܒ ܕܣܪܘܓ ܐܡܿܪ܇ ܗ݀ܝ ܓܝܪ ܕܒܼܪܐ ܡܫܘܕܥ ܕܡܼܢ ܠܐ ܡܕܡ ܒܼܪܐ ܠܒܪ̈ܝܬܐ: ܘܒܪܬ ܩܠܐ ܕܥܒܼܕ ܡܼܢ ܡܕܡ ܥܿܒܕ ܐܢܫ ܡܕܡ: ܬܢܢ ܕܝܢ ܫܘܝ̈ܢ ܐܢܝܢ: ܡܛܠ ܕܫܒܥܝܼܢ ܦܫܼܩܘ ܥܒܼܕ ܒܕܘܼܟܬ ܕܒܼܪܐ܀ ܫܡܐ ܕܐܠܗܐ ܡܢ ܥܒܪܝܐ ܢܣܝܼܒ: ܘܡܬܦܼܫܩ ܪܗܼܛܐ ܘܡܒܕܩ ܥܠ ܪܗܼܛܐ ܕܛܒܿܘܼܬܐ ܐܠܗܝܬܐ܆ ܕܚܕܪ̈ܝ ܟܿܠܗܘܿܢ ܗܘ̈ܝܐ: ܒܠܫܢܐ ܕܝܘܢ̈ܝܐ ܐܠܗܐ: ܐܬܐܘܣ ܡܬܼܐܡܪ. ܘܡܢ ܚܿܙܘܿܝܘܼܬܐ ܘܕܝܘܿܩܘܼܬܐ ܢܣܝܼܒ: ܕܚܿܙܐ ܘܕܐܩ ܐܠܗܐ܀ ܫܡܐ ܕܐܠܗܐ ܒܬܪܝܢ ܙܢܝ̈ܐ ܡܬܼܐܡܪ܆ ܐܫܝܼܠܐܝܬ ܐܝܟ ܕܐܬܩܪܝܼ ܒܗ ܡܘܫܐ ܐܠܗܐ ܕܦܪܥܘܿܢ: ܘܡܪܢܐܝܬ: ܗܿܘ ܕܡܬܼܩܪܐ ܒܗ ܡܬܘܡܐܝܬ ܒܪܘܝܐ: ܕܐܝܟ ܕܐܬܩܪܝܼ ܬܢܢ ܐܠܗܐ ܘܐܝܼܬ̄ܘ ܠܐ ܡܣܝܟܐ ܘܠܐ ܙܒܢܝܐ܀ ܝܿܬ ܫܡܝܐ ܩܕܝܼܡܘܼܬ ܣܝܿܡܐ ܐܝܬܝܗܿ ܐܝܟ ܠܫܢܐ ܥܒܪܝܐ. ܘܡܬܼܦܫܩܐ ܒܣܘܼܝܐܐ ܠܡܕ: ܘܩܿܪܝܢ ܠܗܿ ܥܒܪܐܝܼܬ ܐܬ .ܘܠܘ ܝܿܬ܇ ܕܒܼܪܐ ܠܡ ܐܠܗܐ ܠܡܫܝܐ ܘܠܐܪܥܐ: ܡܕܝܢ ܠܡܕ ܕܒܫܡܝܐ ܕܫܡܝܐ ܐܝܬܝܗܿ. ܡܪܝ ܐܦܪܝܡ ܐܡܿܪ. ܕܝܬ ܐܝܬܘܬܐ ܘܝܿܬ pb. 2 ܩܢܘܼܡܐ ܘܐܘܿܣܝܐ ܘܟܝܿܢܐ ܐܝܼܬ̄ܘ: ܡܿܕܝܢ ܠܝܬ ܩܢܘܼܡܐ ܕܫܡܝܐ ܘܐܪܥܐ ܒܼܪܐ ܐܠܗܐ܆ ܡܛܠ ܒܢܝܢ̈ܫܐ ܣܿܓܕܝܼܢ ܠܒܪ̈ܝܬܐ ܫܡܫܐ ܘܣܗܪܐ ܚܘܝܼ ܡܘܿܫܐ ܕܒܪ̈ܝܐ ܐܢܘܿܢ ܘܒܘܪܝܐ ܐܝܬ ܠܗܘܿܢ: ܘܠܗ ܘܿܠܐ ܠܡܣܼܓܕ ܘܠܘ ܠܣܓܝ̈ܝܐܐ܆ ܠܫܡܝܐ ܘܠܐܪܥܐ ܗ̄ ܫܡܝܐ ܩܿܪܐ ܬܢܢ: ܠܡܫܝܐ ܪ̈ܘܚܢܐ ܘܕܠܐ ܓܫܘܿܡ: ܘܢܗܝܼܪ̈ܐ ܕܒܗܿ ܠ̈ܡܠܐܟܐ܆ ܡܛܠ ܕܐܡܼܪ ܡܪܝ ܐܦܪܝܡ ܘܝܥܩܘܒ ܕܣܪܘܓ ܘܢܣܛܘܪ̈ܝܢܘ ܕܠܐ ܩܕܝܼܡܝܼܢ ܡ̈ܠܐܟܐܬ ܒܒܪܝ̈ܬܗܘܢ: ܘܒܣܝܠܝܘܣ ܐܡܿܪ܆ ܕܗܢܐ ܫܡܝܐ ܕܐܬܒܪܝܼ ܠܡ ܐܪܥܐ܆ ܗܼܘ ܕܐܝܼܬ̄ܘ ܪܩܝܼܥܐ܆ ܝܥܩܘܿܒ ܐܘܪܗܝܐ ܐܡܿܪ܆ ܕܫܡܝܐ ܩܿܪܐ ܠܐܐܪ ܘܢܘܼܪܐ: ܐܪܥܐ ܕܝܢ ܠܐܪܥܐ ܘܠܡܝ̈ܐ ܘܐܦܢ ܒܫܘܝܘܼܬܐ ܐܬܒܼܪܝܬ݀ ܫܡܝܐ ܘܐܪܥܐ: ܐܠܐ ܡܛܠ ܡܡܣܒܪܢܘܼܬܐ ܕܠܒܼܟܬ݀ ܕܐܡܿܪܝܼܢ: ܕܒܡܫܝܐ ܥܿܡܪ ܐܠܗܐ: ܘܐܝܬܝܗܿ ܕܡܣܼܬܒܪܐ ܕܪܡܐ: ܟܬܼܒ ܫܡܝܐ ܘܒܿܬܪܟܢ ܐܪܥܐ܆ ܘܒܫܘܝܘܼܬܐ ܐܬܒܪܝܼܘ ܐܪ̈ܒܥܬܝܗܘܿܢ ܐܣܛܘܟ̈ܣܐ܇ ܠܐ ܐܡܿܪ ܡܘܫܐ ܒܒܪܝܬܐ ܡ̈ܠܐܟܐ ܡܕܡ ܐܝܟܢܐ ܕܠܐ ܢܣܬܓܕܘܼܢ ܡܼܢ ܒܢܝܢܫ̈ܐ: ܐܦܢ ܒܫܪܒܐ ܕܗܓܪ ܡܠܠ ܥܠܝܗܘܿܢ. ܕܐܪܥ ܗܘܼܬ݀ ܬܘܗܘܒܘܗ: ܗܿܢܘ ܫܿܗܝܼܬܐ ܐܘܿܟܝܼܬ ܨܕܝܼܬܐ: ܫܒܥܝܼܢ ܐܡܿܪܝܼܢ ܕܠܐ ܡܬܚܙܝܿܢܝܼܬܐ ܘܠܐ ܡܬܩܢܬܐ ܗ̄ ܠܐ ܘܠܡܬܚܙܝܿܢܝܼܬܐ ܡܛܠ ܕܡܚܦܝܐ ܗܼܘܬܜ ܒܡ̈ܝܐ ܐܝܟ ܥܘܼܠܐ ܒܫܠܝܬܐ: ܘܙܠܐ ܢܗܝܼܪ ܗܼܘܐ ܐܐܪ [] ܕܐܡܝܼܪܐ ܥܠ ܐܪܥܐ ܕܐܝܬܝܗܿ ܗܼܘܬ݀ ܐܘ ܡܬܘܡܝܬܐ. ܐܡܼܪ ܐܠܐ ܥܠܥܠܐ: ܡܬܚܙܝܿܢܘܼܬܗܿ ܐܘܟܝܬ ܡܬܩܢܘܼܬܗܿ ܐܠܦܼ. ܘܐܢ ܓܘܼܫܡܐ ܗܿܝ ܐܝܟܢܐ ܠܐ ܡܬܼܚܙܝܐ: ܐܡܿܪܝܼܢܢ ܕܠܐ ܡܬܼܚܙܝܐ ܗܼܘܬ݀ ܡܛܠ ܕܡܚܦܝܐ ܒܡ̈ܝܐ: ܘܡܛܠ ܕܠܐ ܢܚܝܼܪ ܗܼܘܐ ܐܐܪ ܕܐܚܝܼܕ ܥܠܝܗܿ: ܘܡܛܠ ܕܠܝܬ ܗܼܘܐ ܐܢܫ ܕܚܿܙܐ ܠܗܿ: ܘܠܘ ܐܝܟ ܡ̈ܠܐܟܐ ܘܢܦܫ̈ܬܐ ܕܠܐ ܡܬܼܚ̈ܙܝܢ ܠ̈ܝܢܐ ܕܒܣܪܐ܆ ܡܿܕܝܢ ܒܐܪܒܥܐ ܙܢܝ̈ܐ ܡܬܐܡܼܪ ܠܐ ܡܬܚܼܙܝܿܢܐ: ܘܚܫܘܼܟܐ ܥܠ ܐܦܝ̈ ܬܗܘܡܐ ܗ̄ ܚܘܫܼܟܐ ܠܘ ܟܝܿܢܐ ܐܝܼܬ̄ܘ: ܐܠܐ ܓܠܝܼܙܘܼܬܐ ܕܡܼܢ ܢܘܼܗܪܐ: ܐܟܙܢܐ ܕܡܣܟܢܘܼܬܐ ܓܠܝܼܙܘܬܐ ܕܡܢ ܥܘܼܬܪܐ: ܘܣܡܝܘܼܬܐ ܓܠܝܼܙܘܼܬܐ ܕܡܼܢ ܚܙܝܐ: ܘܒܝܼܫܬܐ ܓܠܝܼܙܘܼܬܐ ܕܡܼܢ ܛܒܿܬܐ܆ ܘܗܿܘ ܡܐ ܕܐܝܼܬ̄ܘ ܛܠܠܐ ܒܐܝܼܡܡܐ ܗܿܟܢܐ ܐܝܼܬ̄ܘ ܚܫܘܼܟܐ ܒܠܠܝܐ: ܘܫܡܫܐ ܐܝܼܬ̄ܘ ܥܠܼܬܐ ܕܢܗܼܘܐ ܚܫܘܼܟܐ: ܐܦ ܕܢܬܼܒܛܠ ܟܕ ܗܿܘܐ ܫܡܫܐ ܠܥܠ ܡܼܢ ܐܪܥܐ ܡܬܼܒܛܠ ܚܫܘܼܟܐ: ܘܟܕ ܗܿܘܐ ܬܚܝܬ ܐܪܥܐ ܡܿܡܠܟ ܚܫܘܼܟܐ ܡܕܝܢ ܛܠܠܐ ܕܐܪܥܐ ܐܝܼܬ̄ܘ ܚܫܘܼܟܐ: ܡܿܕܝܢ ܚܫܘܼܟܐ ܠܝܬ̄ܘ ܐܘܿܣܝܐ: ܘܠܘ ܟܝܿܢܐ ܘܠܘ ܓܕܫܐ: ܐܠܐ ܓܠܝܼܙܘܬܐ ܕܢܼܘܗܪܐ܇ ܐܠܘܼ ܟܝܿܢܐ ܐܝܼܬ̄ܘ ܗܼܘܐ: ܚܫܘܼܟܐ ܡܿܟܬܪ ܗܼܘܐ ܟܕ ܕܢܚ ܫܡܫܐ ܐܟܡܐ ܕܐܐܪ ܡܿܟܬܪ܀ ܐܠܐ ܢܣܛܘܪ̈ܝܢܘ ܐ݀ܡܪܝܼܢ ܕܚܫܘܼܟܐ ܐܝܬ̄ܘܐ ܟܝܢܐ ܘܝܼܕܝܼܥܐ ܡܼܢ ܗ݀ܝ ܕܐܡܼܪ ܕܘܝܕ ܕܥܒܼܕ ܚܫܘܼܟܐ ܘܗܼܘܐ ܠܠܝܐ: ܥܒܿܕܐ ܥܠ ܟܝܢܐ ܡܿܘܕܥ. ܘܐ݀ܡܪܝܼܢܢ ܕܕܓ̈ܠܐ ܐܢܘܿܢ: ܗܐ ܓܝܪ ܐܡܝܼܪ ܡܿܢܘܼ ܥܒܼܕ ܦܐܩܐ ܐܘܿ ܚܪܫܐ: ܠܐ ܗܼܘܐ ܡܪܝܐ: ܘܟܿܠܢܫ ܝܿܕܥ ܕܟܐܩܘܼܬܐ ܘܐܘܿ ܕܘܓܼܘܼܬܐ ܠܘ ܟܝܿܢܐ ܐܢܘܿܢ ܐܠܐ ܓܠܝܼܙܘܬ ܡܠܼܬܐ ܘܫܡܼܥܐ. ܘܬܘܼܒ ܐܢ ܚܫܘܼܟܐ ܟܝܢܐ pb. 3 ܗܘ: ܓܘܼܫܡܐ ܗܘ ܐܘܿ ܠܐ ܓܫܘܿܡ. ܘܐܢ ܓܘܼܫܡܐ ܗܿܘ ܠܝܬ ܠܗ ܐܘܼܪܟܐ ܘܦܬܝܐ: ܘܥܘܼܡܩܐ ܐܝܟ ܓܘܼܫܡܐ܇ ܘܐܢ ܓܘܼܫܡܐ ܗܿܘ ܒܕܘܼܟܬܐ ܐܝܼܬܘܗܝ ܚܫܘܼܟܐ ܠܝܬܘܗܝ ܗܼܘ ܒܕܘܼܟܬܐ: ܟܕ ܓܝܪ ܐܚܿܕܝܼܢܢ ܬܪܥ ܘܥ݀ܒܕܝܼܢܢ ܚܫܘܼܟܐ. ܟܿܠ ܐܝܢ ܕܨܿܒܝܢܢ. ܟܕ ܠܐ ܡܕܡ ܡܥܠܝܼܢܢ ܠܒܝܬܐ: ܘܐܦܠܐ ܠܐ ܓܫܘܿܡ ܐܝܬ̄ܘ ܐܝܟ ܡ̈ܠܐܟܐ ܘܢܦܫ̈ܬܐ ܕܡܩܝܼܡܝܼܢ: ܐܘܿ ܐܝܟ ܠܐ ܓܫܘܿܡ ܕܡܩܝܼܡ ܒܓܘܼܫܡܐ: ܐܝܟ ܚܘܪܘܼܬܐ ܒܬܠܓܐ: ܘܐܘܼܟܡܘܼܬܐ ܒܥܘܼܪܒܐ܆ ܘܬܘܼܒ ܐܘܿܣܝܐ ܕܠܐ ܓܫܘܿܡ ܠܐ ܡܬܼܚܙܝܐ: ܘܚܫܘܼܟܐ ܡܬܼܚܙܐ܇ ܙܠܐ ܓܫܘܿܡ ܘܠܐ ܡܬܬܼܚܕ ܒܐܬܪܐ ܕܓܘܼܫܡܐ: ܘܚܫܘܼܟܐ ܒܐܐܪ ܓܘܼܫܡܐ ܡܬܼܚܙܐ: ܡܿܕܝܢ ܠܝܬܘܗܝ ܟܝܢܐ܆ ܐܠܐ ܓܕܫܐ ܘܓܠܝܼܙܘܼܬܐ ܕܡܼܢ ܢܘܼܗܪܐ܇ ܐܟܙܢܐ ܕܣܡܝܘܼܬܐ ܬܗܘܡܐ ܩܿܪܐ ܠܡܝ̈ܐ ܣܓ̈ܝܐܐ ܕܚܕܝܼܪܝܢ ܗܼܘܘ ܠܐܪܥܐ: ܚܫܘܼܟܐ ܗܘ ܐܡܿܪܝܼܢ ܐܢܫܝ̈ܢ ܕܥܢ̈ܢܐ ܥܒܕܘܼܗܝ . . . . . ܢܗܝܼܪܐ ܠܬܗܘ̈ܡܐ ܐܚܪ̈ܢܐ ܐܡܿܪܝܼܢ܇ ܕܚܫܘܼܟܐ ܗܿܘ ܕܐܝܼܬ̄ܘ ܥܡܛܩܢܐ ܕܚܒܝܼܫ ܗܼܘܐ ܒܝܬ ܫܡܝܐ ܠܐܪܥܐ܇ ܐܟܙܢܐ ܕܐܢܫ ܥܿܒܕ ܒܝܬܐ ܕܠܐ ܟܘ̈ܐ ܒܡܨܥܬܐ ܛܗܪܐ ܡܿܡܠܟ ܒܗ ܚܫܘܼܟ: ܗܿܟܢܐ ܐܝܼܬ̄ܘ ܗܼܘܐ ܗܿܘ ܚܫܘܼܟܐ: ܝܥܩܘܿܒ ܐܘܪܗܝܐ ܐ݀ܡܪ ܕܚܫܘܟܐ ܗܿܘ ܐܝܼܬ̄ܘ ܡܚܠܛܘܼܬܐ ܕܐܣܛܘ̈ܟܣܐ ܒܚܕ̈ܕܐ ܠܐ ܥܕܟܝܠ ܡܕܟܝܐ ܗܼܘܬ݀ ܢܘܼܪܐ ܡܼܢ ܐܪܥܐ: ܘܐܦܠܐ ܐܐܪ ܕܟܿܐܼ ܗܼܘܐ ܕܢܥܒܪ ܒܗ ܙܠܝܼܩܐ ܕܢܘܼܗܪܐ܀ ܚܫܘܼܟܐ ܗܿܘ ܐܝܼܬܘܗܝ ܥܪܦܠܐ ܕܡܼܢ ܪܛܝܼܒܘܼܬܐ ܕܠܗܓ̈ܐ ܘܐܝܼܬܘܗܝ ܥܡܘܼܛܐ: ܒܼܪܗܿ ܐܠܗܐ ܠܒܪܝܼܬܐ ܒܚܫܘܼܟܐ ܐܝܟܢܐ ܕܬܬܚܼܙܐ ܚܫܚܬܗܕܢܘܼܗܪܐ ܕܐܠܨܝܬܐ ܗܝ: ܘܐܪܙ ܒܪܝܼܬܐ ܕܝ݀ܬܒܐ ܗܘܬ݀ ܒܚܫܘܼܟܐ ܕܦܬܟܪ̈ܐ܆ ܘܐܬܢܗܼܪܬ݀ ܒܡܫܝܼܚܐ ܢܘܼܗܪܐ ܕܫܪܪܐ܀ ܘܪܘܚܗ ܕܐܠܗ ܡܿܪܚܦܐ ܗܼܘܬ݀ ܥܠ ܡܝ̈ܐ ܗ̄ ܐܢܫܝܼ̈ܢ ܐ݀ܡܪܝܼܢ ܕܥܠ ܪܘܚܐ ܒܪܝܼܬܐ ܐܝܬܝܗܿ ܡܠܬ ܪܘܼܚܐ ܕܐܠܗܐ: ܐܝܟܢܐ ܕܢܘܕܥ ܕܒܪܝܼܬܗ ܕܐܠܗܐ ܐܝܼܬܝܗܿ. ܘܐܡܼܪ ܥܠ ܫܡܝܐ ܘܥܠ ܐܪܥܐ ܘܥܠ ܬܗܘܡܐ ܝܼܬ ܡܝ̈ܐ܇ ܒܿܬܪܟܢ ܥܠ ܐܐܪ ܒܝܕ ܪܘܼܚܐ: ܘܥܠ ܢܘܼܪܐ ܒܝܕ ܢܘܼܗܪܐ܇ ܘܗ݀ܝ ܕܡܪܚܦܐ ܗܼܘܬ݀ ܠܡܫܝܐ ܘܫܘܼܢܝܐ ܩܿܪܐ ܪܘܚܦܐ: ܘܢܣܛܘܪܝܢܝ ܐ݀ܡܪܝܼܢ ܕܡܼܢ ܗ݀ܝ ܕܟܬܝܼܒ ܒܥܒܪܝܐ ܕܪܘܚܗ ܕܐܠܗܐ ܡܬܝܒܠ ܗܼܘܐ ܥܠ ܐܦܝ̈ ܡܝ̈ܐ. ܪܘܼܚܐ ܒܪܝܼܬܐ ܐܝܼܬ̄ܘ: ܘܠܐ ܠܚܡܐ ܕܪܘܼܚܐ ܩܕܝܼܫܐ ܢܫܼܪܐ ܥܠ ܚܫܘܼܟܐ܇ ܐܚܪ̈ܢܐ ܐ݀ܡܪܝܼܢ ܕܪܘܚܐ ܩܕܝܫܼܫܐ ܐܝܬ̄ܘ ܗܼܘܐ: ܘܝܼܕܝܼܥܐ ܗܕܐ ܕܕܘܼܟܬܐ ܕܒܪܘܝܘܼܬܐ ܐܝܬܝܗܿ܀ ܐܒܐ ܦܩܼܕ ܕܢܗܘܘܿܢ ܗܘ̈ܝܐ܆ ܘܒܼܪܐ ܥܒܼܕ: ܘܪܘܼܚܐ ܫܡܠܝܼ: ܘܫܡܐ ܕܪܘܼܚܦܐ ܕܐܠܗܐ ܐܝܼܬ̄ܘ: ܐܝܟ ܗ݀ܝ ܕܡܪܚܡܢܐ ܗܼܘ ܘܡܪܚܦܢ ܡܪܝܐ: ܡܪܚܦܢܘܼܬܐ ܕܨܒܝܢܐ ܐܝܬܝܗܿ: ܘܠܘ ܕܪܘܼܚܐ: ܒܪܝܼܬܐ ܗܜܝ ܕܩܛܝܼܪܐܝܬ ܢ݀ܫܒܐ: ܡܿܕܝܢ ܪܘܼܚܐ ܩܕ̄ ܐܝܼܬ̄ܘ: ܘܐܟܙܢܐ ܕܪܚܦ ܬܡܢ ܥܠ ܗܘ̈ܝ ܗܿܟܢܐ ܡܿܪܚܦ ܝܘܡܢ ܥܠ ܡܥܡܘܕܝܬܐ ܘܡܿܘܠܕ ܠܒܢܝ̈ܢܫܐ ܪ̈ܘܚܢܝܐ: ܘܐܟܙܢܐ ܕܬܪܢܓܘܠܬܐ ܡܿܪܚܦܐ ܥܠ ܒܥ̈ܐ ܘܡܫܪܝܐ ܒܗܘܿܢ ܡܬܬܙܝܼܥܢܘܬܐ: ܗܿܟܢܐ ܪܘܼܚܐ ܩܕܝܼܫܐ ܡܿܪܚܦ ܗܼܘܐ ܥܠ . ܘܡܿܩܢܐ ܗܼܘܐ ܒܗܘܿܢ ܬܢܝܼ̈ܢܐ ܕܢܗܘܘܿܢ ܚܝ̈ܘܬܐ pb. 4 ܕܟܿܠ ܓܢܣ ܠܐ ܐܬܥܗܕ ܠܐܐܪ ܐܘܿ ܡܛܿܠ ܪܟܝܼܟܘܼܬܗ ܘܡܫܦܢܘܼܬܗ ܕܠܘܬ ܟܝܿܢܐ: ܐܘܿ ܡܛܿܠ ܕܐܝܼܬ̄ܘ ܥܡܢ ܚܝܼܢܢ ܘܣܘܩܢ ܠܐ ܐܬܥܼܗܕܘ.. ܘܐܡܼܪ ܐܠܗܐ ܗܼܘܐ ܢܘܼܗܪܐ ܗ̄ ܙܿܕܩ ܗܼܘܐ ܕܒܒܪܘܝܘܼܬܐ ܡܼܢ ܢܘܼܗܪܐ ܢܫܪܐ: ܒܿܬܪ ܕܒܼܪܐ ܠܒܪܝܼܬܐ ܡܼܢ ܠܐ ܡܕܡ: ܐܠܗܐ ܐܒܐ ܐܡܼܪ ܠܒܪܗ ܝܚܝܕܝܐ ܩܕܝܼܫܐ ܕܢܗܼܘܐ ܢܘܼܗܪܐ ܘܗܼܘܐ ܢܘܼܗܪܐ ܘܠܘ ܒܪܬ ܩܠܐ ܡܬܪܓܫܢܝܼܬܐ ܐܫܼܡܥ ܐܠܗܐ ܗܿܝܕܝܟ܀ ܐ݀ܡܪ ܒܣܝܠܝܘܿܣ ܐܝܟܐ ܕܠܝܬ ܓܘܼܫܡܐ: ܐܦܠܐ ܦܘܼܡܐ ܕܡܿܡܠܠ܆ ܘܠܐ ܐܐܪ ܕܡܿܝܒܠ܆ ܐܦܠܐ ܡܫܡܥܬܐ ܕܡܩܒܠܐ܀ [] ܕܢܗܼܘܐ ܢܘܼܗܪܐ ܐܝܼܬܝܗܿ ܕܨܒܼܐ ܕܢܗܼܘܐ ܢܘܗܪܐ ܘܦܩܼܕ ܕܢܗܼܘܐ: ܘܗܢܐ ܢܘܼܗܪܐ ܝܠܕܐ ܗܿܘ ܕܢܘܼܪܐ܇ ܐܟܙܢܐ ܕܚܫܘܼܟܐ ܛܠܠܐ ܗܿܘ ܕܐܪܥܐ܀ ܥܡ ܐܣܛܘܟ̈ܣܐ ܐܬܒܪܗܝܝܢ ܐܝܢܝ̈ܘܬܗܘܿܢ ܥܡ ܢܘܼܪܐ: ܡܘܩܕܢܘܼܬܐ: ܘܢܗܝܼܪܘܬܐ܆ ܘܩܠܝܼܠܘܼܬܐ ܥܡ ܡܝ̈ܐ ܫܪܝܘܼܬܐ ܘܪܕܝܘܼܬܐ ܘܩܪܝܪܘܼܬܐ ܘܝܩܝܼܪܘܼܬܐ ܥܡ ܐܪܥ ܥܒܝܘܼܬܐ ܘܐܛܝܼܡܘܼܬܐ ܘܢܬܘܿܥܘܼܬܐ܆ ܥܡ ܐܐܪ [ܫܚܝܼܚܘܼܬܐ ܘܩܠܝܼܠܘܼܬܐ܆ ܘܟܕ ܦܩܼܕ ܐܠܗܐ ܕܢܘܼܗܪܐ ܢܗܼܘܐ: ܫܼܘܪܬ݀ ܢܘܼܪܐ ܠܥܠ ܡܼܢ ܟܿܠܗܝܢ ܐܣܛܘܟܣ̈ܐ ܘܐܫܬܦܝܼ ܐܐܪ: ܢܣܛܘܪ̈ܝܢܘ ܐ݀ܡܪܝܼܢ: ܕܠ̈ܡܠܐܟܐ ܐܘܠܕ: ܘܠܐ ܫܪܝܼܪܝܼܢ: ܡ̈ܠܐܟܐ ܒܪ̈ܝܐ ܐܢܘܿܢ ܘܡܫܒܚ̈ܢܐ ܘܗܕܐ ܕܘܼܟܬܐ ܕܒܪܘܝܘܼܬܐ ܐܝܬܝܗܿ. ܘܠܐ ܫܿܘܐܼ ܒܪܘܝܐ ܥܡ ܒܪܝܼܬܐ ܕܠܗܿ ܢܐܡܪ ܕܢܗܘܐ ܢܘܼܗܪܐ: ܘܝܼܕܝܥܐ ܡܼܢ ܗ݀ ܕܐܡܼܪ ܕܢ݀ܥܒܕ ܐܢܫ ܒܨܠܡܢ: ܘܥܠ ܐܒܐ ܘܪܘܼܚܐ ܐܡܝܼܪܐ: ܘܠܘ ܥܠ ܡ̈ܠܐܟܐ܆ ܘܡܼܢ ܩܠܐ ܗܢܐ ܕܢܗܼܘܐ ܢܘܼܗܪܐ ܐܬܝܼܕܥ ܫܡܐ ܕܐܠܗܐ ܠ̈ܡܠܐܟܐ: ܘܗܿܝܕܝܢ ܠܒܢܝ̈ܢܫܐ: ܘܗܘܼ ܐܠܗܐ ܐܡܼܪܗܿ܆ ܕܐܡܼܪ ܠܡ ܐܠܗܐ ܕܢܗܼܘܐ ܢܘܼܗܪܐ ܗ̄ ܢܥܘܿܠ ܢܘܼܗܪܐ ܗܿܘ ܕܡܼܢ ܢܘܼܪܐ ܘܢܬܚܘܐ ܘܢܢܗܪ ܐܬܼܐ ܓܝܪ ܡܼܢ ܢܘܼܪܐ ܐܢܗܪ ܒܐܐܪ ܕܠܥܠ ܡܼܢ ܡܝ̈ܐ ܆ ܘܡܬܼܟܪܟ ܗܼܘܐ ܠܚܘܼܕܪܗܿ ܕܐܪܥܐ: ܟܕ ܠܥܠ ܗܿܘܐ ܗܼܘܐ܇ ܡܿܫܡܠܐ ܗܼܘܐ ܨܦܪܐ ܘܟܕ ܠܬܚܬ ܡܿܫܡܠܐ ܗܼܘܐ ܠ̈ܝܠܘܬܐ: ܒܕܡܘܼܬ ܢܘܼܪܐ ܕܡܿܢܗܪܐ ܒܙܗܪܗܿ ܕܢܘܼܗܪܗܿ ܡܼܢ ܪܘܼܚܩܐ: ܗܿܟܢ ܐܫܬܡܠܝܼܘ ܬܠܬܐ ܝܘ̈ܡܐ܇ ܘܗܿܢܐ ܢܘܼܗܪܐ ܠܐ ܥܕܟܝܼܠ ܚܒܝܼܫ ܗܼܘܐ ܒܐܣܦܝܪܐ ܕܡܬܼܟܢܝܐ ܫܡܫܐ܇ ܡܫܚܠܦܼ ܢܘܼܗܪܐ ܗܿܘ ܡܼܢ ܗܿܘ ܕܐܪܒܥܐ. ܐܝܟܢܐ ܕܡܿܫܚܼܠܦ ܙܗܪܐ ܕܢܘܼܪܐ ܕܡܿܢܗܪ ܡܼܢ ܪܘܚܩܐ: ܡܼܢ ܠܡܦܝܕܐ ܢܗܝܼܪܐ ܗܿܘ ܕܣܝܼܡ ܒܡܨܥܬܐ܇ ܘܡܿܢܗܪ ܥܬܝܼܪܐܝܬ: ܫܡܫܐ ܕܝܢ ܕܒܝܘܡܐ ܪܒܝܼܥܝܐ ܐܬܬܼܩܢ: ܠܐ ܗܼܘܐ ܢܘܼܗܪܐ ܐܝܼܬ̄ܘ܇ ܐܘܿ ܙܗܪܐ ܕܢܘܼܪܐ܇ ܐܠܐ ܗܘܼ ܟܝܿܢܗ ܕܢܘܼܪܐ: ܗ݀ܝ ܡܨܠܠܬܐ: ܘܚܼܙܐ ܐܠܗܐ ܠܢܘܼܗܪܐ ܕܫܦܝܼܪ ܗ̄ ܕܐܝܟ ܨܒܝܿܢܗ ܐܬܒܪܝܼ: ܘܕܥܿܗܢ ܘܚܿܫܚ ܠܐܝܠܝܢ ܕܡܛܠܬܗܘܢܿ ܐܬܒܪܝܼ ܘܓܡܝܼܪ ܘܡܿܫܡܼܠܝ ܒܒܪ̈ܝܬܗ܇ ܘܐܩܢܝܼ ܐܢܝܢ ܠܒܪ̈ܝܬܐ ܓܘܢܐ ܫܦܝܼܪܐ ܘܢܗܝܼܪܐ܀ ܐܝܘܐܢܢܝܣ ܐܡܿܪ ܕܡܛܠ ܡܚܝܼܠܘܼܬܐ ܐܡܼܪ ܗܕܐ ܐܝܟܢܐ ܕܢܪܝܼܡ ܠܡܣܒܪܢܘܼܬܐ ܕܗܿܢܘܢ ܕܐܡܿܪܝܼܢ ܕܡܛܠ ܡܢܐ ܐܬܒܪܝܼ ܙܦܠܢ: ܘܕܐܠܗܐ ܠܚܘܕ ܐܝܼܬܝܗܿ ܕܢܚܙܐ ܗܿܘ ܕܫܦܝܼܪ܀ ܘܦܼܪܫ ܐܠܗܐ ܒܝܬ ܢܘܼܗܪܐ ܠܚܫܘܼ̣ܐ ܗ̄ ܦܪܫ ܒܝܬ ܥܕܢܐ ܗܿܘ pb. 5 ܕܐܚܝܼܕ ܗܼܘܐ ܚܫܘܼܟܐ܆ ܠܥܕܢܐ ܗܿ، ܕܐܡܼܠܟ ܢܘܼܗܪܐ܆ ܟܕ ܫܡܼܫ ܚܫܘܼܟܐ ܗܿܘ ܝܒ̄ ܫܥ̈ܝܼܢ: ܥܼܿܒܕܗ ܠܢܘܼܗܪܐ ܘܪܕܦܗ ܠܚܫܘܼܟܐ: ܘܒܗ݀ܝ ܕܦܼܪܫ ܬܚܼܡ ܠܟܿܠܚܕ ܡܢܗܘܿܢ. ܫܥ̈ܐ ܘܐܬܪ̈ܘܬܐ: ܕܟܕ ܡܿܫܡܠܐ ܚܕ ܡܢܗܘܢܿ ܫܥܘ̈ܗܝ ܠܥܠ ܡܼܢ ܐܪܥܐ܆ ܗܿܘ ܐܚܪܢܐ ܓܿܡܪ ܫܥ̈ܘܗܝ ܠܬܚܬ ܡܼܢ ܐܪܥܐ: ܡܿܫܢܐ ܗܿܘ ܥܠܝܐ ܠܬܚܬ ܘܗܿܘ ܬܚܬܝܐ ܠܥܠ܀ ܘܩܼܪܐ ܐܠܗܐ ܠܢܘܼܗܪܐ ܐܝܼܡܡܐ܆ ܘܠܚܫܘܼܟܐ ܩܼܪܐ ܠܠܝܐ. ܗ̄ ܐܪܒܥܐ ܫܡ̈ܗܐ ܣܼܡ ܗܪܟܐ: ܢܘܼܗܪܐ ܘܐܝܡܡܐ: ܘܚܫܘܼܟܐ ܘܠܠܝܐ: ܢܘܼܗܪܐ ܐܝܼܬ̄ܘ ܟܝܿܢܗ ܕܣܘܼܥܪܢܐ܇ ܘܐܝܡܡܐ ܐܝܼܬ̄ܘ ܥܕܢܐ ܕܒܗ ܡܫܼܬܠܛ ܢܘܼܗܐ ܠܥܠ ܡܼܢ ܐܠܥܐ܇ ܘܚܫܘܼܟܐ ܐܝܼܬ̄ܘ ܓܠܝܼܙܘܼܬܐ ܕܡܼܢ ܢܘܼܗܪܐ ܐܘܿܟܝܼܬ ܛܠܠܗܿ ܕܐܪܥ܆ ܠܠܝܐ ܕܝܢ ܐܝܼܬܘܗܝ ܥܕܢܐ ܕܒܗ ܡܫܬܼܠܛ ܚܫܘܼܟܐ ܠܥܠ ܡܼܢ ܐܪܥܐ܀ ܘܗ݀ܝ ܕܩܼܪܝܗܝ ܐܝܬܝܗܿ ܕܬܩܼܢܗ ܘܐܟܝܼܢܗ܆ ܕܢܩܘܼܡ ܠܥܠ ܡܼܢ ܐܪܥܐ: ܘܢܥܒܕ ܐܝܼܡܡܐ܀ ܘܗܝ ܕܠܚܫܘܼܟܐ ܩܼܪܐ ܠܠܝܐ: ܠܘ ܚܫܘܼܟܐ ܟܝܢܝܐ ܐܝܟ ܢܘܼܗܪܐ: ܐܠܐ ܗܘܼ ܐܐܪ ܠܿܒܫ ܟܿܠ ܓܘ̈ܢܝܼܢ ܚܿܘܪ ܒܐܝܼܡܡܐ: ܘܚܿܫܛ ܒܠܠܝܐ: ܐܝܟ ܕܩܿܕܚܐ ܢܘܼܪܐ ܘܕܿܥܟܐ܇ ܘܐܝܟ ܕܡܬܼܗܦܟܝܼܢ ܡܝ̈ܐ ܠܓܠܝܼܕܐ܇ ܘܐܝܟ ܕܡܫܚܠܦ ܚܡܪܐ ܠܐܘܟܡܘܼܬܗ ܠܚܘܪܘܼܬܐ܀ ܠܢܘܼܗܪܐ ܩܕܡ ܚܫܘܼܟܐ ܣܼܡ܇ ܟܕ ܚܫܘܼܟܐ ܩܕܝܼܡ ܒܗܜܝ ܕܐܡܼܪ܆ ܕܦܼܪܫ ܐܠܗܐ ܒܝܬ ܢܘܼܗܪܐ ܠܚܫܘܼܟܐ܇ ܘܐ݀ܡܪܝܼܢܢ ܕܐܝܟܢܐ ܕܢܚܘܐ ܕܢܘܼܗܪܐ ܒܪܝܼܬܐ ܗܿܘ: ܚܫܘܼܟܐ ܓܝܪ ܠܘ ܡܕܡ ܐܝܼܬ̄ܘ܀ ܘܗܘܼܐ ܪܡܫܐ ܘܗܼܘܐ ܨܦܪܐ ܝܘܡܐ ܚܕ ܗ̄ ܡܪܝ ܐܝܘܐܢܢܝܣ ܐܡܿܪ: ܕܪܡܫܐ ܡܿܢ ܩܿܪܐ ܠܫܘܼܠܡܗ ܕܐܝܼܡܡܐ: ܨܦܪܐ ܓܝܪ ܡܿܫܡܗ ܠܫܘܼܠܡܗ ܕܠܠܝܐ: ܘܐ݀ܡܪ ܬܘܼܒ ܕܗܼܘܐ ܐܝܡܡܐ ܘܗܼܘܐ ܠܠܝܐ: ܫܘܼܠܡܐ ܕܚܕ ܝܘܡܐ܆ ܗܢܐ ܐܡܿܪ ܕܐܝܼܡܡܐ ܩܕܝܼܡ ܠܠܠܝܐ܀ ܐܚܪ̈ܢܐ ܐ݀ܡܪܝܼܢ ܕܪܡܫܐ ܩܼܪܐ ܠܠܠܝܐܼ܆ ܨܦܪܐ ܕܝܼܢ ܩܼܪܐ ܡܘܫܐ ܠܐܝܡܡܐ: ܘܐ݀ܡܪܝܼܢ ܕܗܘܼܐ ܠܠܝܐ ܘܗܘܼܐ ܐܝܡܡܐ܆ ܫܘܼܡܠܝܐ ܕܚܕ ܝܘܡܐ: ܡܛܠ ܕܐ݀ܡܪܝܼܢ ܗܿܠܝܢ ܕܠܠܝܐ ܩܕܝܼܡ ܠܐܝܡܡܐ܆ ܝܘܡܐ ܚܕ ܐܡܿܪ܆ ܘܠܘ ܩܕܡܝܐ: ܐܝܟܐܢ ܕܥܡ ܒܪܝܼܬܐܐܦ ܡܢܝܿܢܐ ܘܚܫܚܬܗ ܐܟܚܕܐ ܢܥܘܿܠ: ܡܛܠ ܕܚܕ ܘܬܪܝܢ ܘܬܠܬܐ ܡܢܝܿܢܐ ܐܢܘܿܢ܀ ܬܘܼܒ ܡܬܼܩܪܐ ܚܕ: ܘܐܦ ܩܕܡܝܐ: ܚܕ ܡܿܢ ܡܬܩܼܪܐ: ܡܛܠ ܕܠܝܬ ܐܚܪܢܐ ܩܕܡܘܗܝ: ܘܩܕܡܝܐ ܡܬܼܩܪܐ: ܡܛܠ ܕܐ݀ܬܝܢ ܐܚܪ̈ܢܐ ܒܿܬܪܗ܀ ܬܘܼܒ ܚܕ ܠܦܚܼܡܐ ܕܬܪܝܢ ܡܬܐܼܡܪ܀ ܐܝܢܐ ܠܡ ܩܕܝܼܡ: ܐܝܡܡܐ ܐܘܿ ܠܠܝܐ ܘܐ݀ܡܪܝܼܢܢ: ܕܒܣܠܝܘܿܣ ܘܐܝܘܐܢܢܝܣ ܐܡܿܪܝܼܢ܆ ܕܐܝܼܡܡܐ ܡܛܠܿ ܕܐܡܿܪܝܼܢ ܕܚܫܘܼܟܐ ܗܿܘ ܕܦܪܝܼܣ ܗܼܘܐ ܥܠ ܬܗܘܡܐ ܩܕܡ ܕܢܬܼܒܪܐ ܢܘܼܗܪܐ܆ ܠܐ ܡܬܼܩܪܐ ܠܠܝܐ: ܐܠܐ ܚܫܘܼܟܐ: ܘܟܕ ܐܡܼܪ ܡܘܿܫܐ ܕܗܼܘܐ ܪܡܫܐ: ܠܘ ܠܗܿܘ ܚܫܘܼܟܐ ܩܼܪܐ ܪܡܫܐ: ܐܠܘܼ ܓܝܪ ܡܼܢ ܩܕܡ ܕܢܬܼܒܪܐ ܢܘܼܗܪܐ: ܠܐ ܡܬܼܩܪܐ ܠܠܝܐ ܐܠܐ ܚܫܘܼܟܐ: ܘܟܕ ܐܡܼܪ ܡܘܫܐ ܕܗܼܘܐ ܪܡܫܐ܆ ܠܘ ܠܗܿܘ ܚܫܘܼܟܐ ܩܿܪܐ ܪܡܫܐ: ܐܠܘܼ ܓܝܪ ܡܼܢ ܩܕܡ ܒܪܝܼܬܗ ܕܢܘܼܗܪܐ ܐܡܼܪ ܡܘܫܐ ܕܗܘܼܐ ܪܡܫܐ: ܓܿܕܫܐ ܗܼܘܬ݀ ܕܠܗܿܘ ܚܫܘܼܟܐ ܩܼܪܐ ܪܡܫܐ: ܐܢܓܝܪ ܒܿܬܪ pb. 6 ܕܗܼܘܐ ܢܘܼܗܪܐ ܐܡܼܪ ܡܘܫܐ ܕܗܘܼܐ ܪܡܫܐ: ܡܕܝܢ ܝܼܕܝܼܥܐ ܕܠܫܘܼܠܡܗ ܕܐܝܼܡܡܐ ܩܼܪܐ ܪܡܫܐ: ܟܕ ܐܝܼܡܡܐ ܫܠܡ ܫܥ̈ܘܗܝ܇ ܐܡܼܪ ܕܗܘܼܐ ܪܡܫܐ܆ ܘܐܦ ܐܘܢܓ̈ܠܝܣܛܐ ܬܘܼܒ܇ ܐܝܟ ܡܘܫܐ ܠܡ ܠܫܘܼܠܡܐ ܕܐܝܼܡܡܐ ܩܿܪܝܢ ܪܡܫܐ܆ ܒܪܡܫܐ ܠܡ ܕܢܿܓܗ ܚܕ ܒܫܒܐ܀ ܘܟܕ ܗܘܼܐ ܪܡܫܐ ܘܨܦܪܐ܇ ܢܘܼܗܪܐ ܐܝܼܬ̄ܘ ܘܠܘ ܚܫܘܼܟܐ܆ ܘܐܢ ܚܫܘܟܐ ܗܿܘ ܕܩܕܡ ܢܘܼܗܪܐ ܠܐ ܡܬܩܼܪܐ ܠܠܝܐ: ܘܒܿܬܪ ܕܐܬܒܪܝܼ ܢܘܼܗܪܐ܆ ܘܐܬܩܪܝܼ ܐܝܡܡܐ܆ ܘܒܿܬܪܟܢ ܟܕ ܗܘܼܐ ܚܫܘܼܟܐ ܒܿܬܪܗ ܐܬܩܪܝܼ ܠܠܝܐ: ܡܿܕܝܢ ܐܝܡܡܐ ܩܕܝܼܡ ܠܠܠܝܐ: ܘܗܿܠܝܢ ܡܬܪܥܝܢ ܒܣܝܠܝܘܿܣ ܘܐܝܘܐܢܢܝܣ. ܘܟܕ ܡܗܦܟܝܼܢܢ ܥܠ ܐܪ̈ܡܢܝܐ ܘܝܘ̈ܢܝܐ܇ ܕܐܝܟܢܐ ܐܪܒܥܣܪ̈ܐ ܡܼܢ ܪܡܫܐ ܡܿܫܪܝܢ ܗܼܘܘ ܝܘܕ̈ܝܐ ܕܢܥܒܕܘܼܢ ܒܗ ܦܨܚܐ܆ ܘܥܕܥܐܕܐ ܕܫܘܼܒܩܢܐ ܒܪܡܫܐ ܡܬܼܥܕܥܕ: ܡܿܦܢܝܢ ܗܼܢܘܿܢ ܕܐܝܟ ܢܡܘܿܣܐ ܕܫܡܫܐ ܩܕܝܼܡ ܐܝܼܡܡܐ ܠܠܠܝܐ: ܘܐܝܟ ܢܡܘܿܣܐ ܕܣܗܪܐ܇ ܠܠܝܐ ܩܕܝܼܡ ܠܐܝܼܡܡܐ. ܘܐܡܿܪܝܼܢܢ ܠܘܬܗܘܿܢ ܕܣܗܪܐ ܠܘ ܐܝܡ̈ܡܐ ܘܠ̈ܝܠܘܬܐ ܥܿܒܕ. ܐܦܠܐ ܨܦܪ̈ܐ ܘܪ̈ܡܫܐ: ܐܠܐ ܝܪ̈ܚܐ ܠܚܘܕ܀ ܬܘܼܒ ܐܡܿܪܝܼܢܢ ܕܦܕܝܼܡ ܠܠܝܐ ܠܐܝܼܡܡܐ: ܡܼܢ ܗ݀ܝ ܕܡܼܢ ܪܡܫܐ ܕܫܒܬܐ ܒܿܛܠܝܼܢ ܝܘܕ̈ܝܐ ܐܝܟ ܦܘܼܩܕܢܐ ܕܡܘܿܫܐ ܘܚܢܢ ܠܥܕܥ̈ܐܕܐ ܡܼܢ ܪ̈ܡܫܐ ܚܿܫܒܝܼܢܢ ܠܗܘܿܢ ܘܡܫܝܼܚܐ ܒܠܠܝܐ ܕܚܕ ܒܫܒܐ ܩܼܡ܆ ܕܩܕܡ ܐܝܼܡܡܐ܆ ܘܦܘܠܘܿܣ ܕܠܝܠܝ ܐܝܼܡܡ ܒܬܗܘܿܡܐ ܗܘܝܿܬ܀ ܘܫܡܝܐ ܘܐܪܥܐ ܐ݀ܡܪܝܼܢ ܐܢܫܝܼ̈ܢ܆ ܕܒܪܡܫܐ ܐܬܒܪܝܼܘ ܘܒܿܬܪ ܝܘܡܐ ܒܪܡܫܗ ܕܠܠܝܐ ܬܪܝܢܐ܇ ܐܬܩܪܝܼ ܪܩܝܼܥܐ܀ ܐܚܪ̈ܢܐ ܐ݀ܡܪܝܼܢ ܕܪܩܝܼܥܐ ܒܨܦܪܗ ܕܝܘܡܐ ܬܪܝܢܐ ܐܬܒܪܝܼ܀ ܟܝ̈ܢܐ ܕܐܬܒܪܝܼܘ ܡܼܢ ܠܐ ܡܕܡ: ܐܝܬܝܗܘܿܢ ܡ̈ܠܐܟܐ ܘܫܡ̈ܝܐ ܪ̈ܘܚܢܝܐ ܕܝܼܠܗܘܿܢ܇ ܘܐܪܥܐ ܘܡ̈ܝܐ ܘܐܐܪ ܘܢܘܼܪܐ ܘܢܦܫܐ ܕܒܪܢܫܐ܀ ܢܘܼܗܪܐ ܕܐܬܒܪܝܼ ܩܕܡܝܐ܇ ܓܪܝܓܘܪܝܘܿܣ ܕܢܘܣܐ ܘܝܥܩܘܿܒ ܐܘܪܗܝܐ ܐ݀ܡܪܝܼܢ ܕܙܗܪܐ ܘܙܠܝܼܩܐ ܕܢܘܼܪܐ ܕܐܬܼܒܪܝܬ݀ ܐܝܼܬ̄ܘ܇ ܐܟܡܐ ܕܚܫܘܼܟܐ ܛܠܠܐ ܕܐܪܥܐ: ܐܚܪ̈ܢܐ ܐܡܿܪܝܼܢ ܕܡܼܢ ܠܐ ܡܕܡ ܐܬܒܪܝܼܘ: ܘܠܐ ܫܪܝܼܪܝܢ ܟܝ̈ܢܐ ܕܐܬܒܪܝܼܘ ܡܼܢ ܠܐ ܡܕܡ: ܐܝܬܝܗܘܿܢ ܦܓܼܪ̈ܐ ܕܒܢܝܢ̈ܫܐ ܘܚܝ̈ܘܬܐ: ܘܒܥܝܪ̈ܐ ܘܦܪ̈ܚܬܐ ܘܐܝܼܠ̈ܢܐ ܘܥܣܒܐ ܘܕܐܟܘܬܗܘܢܿ: ܘܓܪܝܓܘܪܝܘܿܣ ܕܢܘܣܐ ܘܝܥܩܘܿܒ ܐܘܪܗܝܐ ܡܘܣܦܝܼܢ ܕܟܿܠܗܝܢ ܒܪ̈ܝܬܐ ܡܬܼܪ̈ܓܫܢܝܬܐ ܫܘܝܐܝܬ ܐܬܒܪ̈ܝܝܢ ܒܚܕ ܪܦܦܐ܆ ܫܡܝܐ ܘܐܪܥܐ ܘܟܘܟ̈ܒܐ ܘܐܝܼܠ̈ܢܐ ܘܚܝ̈ܘܬܐ ܘܒܪܢܫܐ܆ ܐܠܐ ܗ݀ܝ ܕܢܗܼܘܐ ܢܘܼܗܪܐ ܘܬܦܼܩܝ ܐܪܥܐ ܘܫܪܟܐ܀ ܡܠܼܬܐ ܕܛܘܼܟܣܐ ܐܝܬܝܗܿ: ܡܪܝ ܝܥܩܘܿܒ ܕܣܪܘܓ ܘܡܪܝ ܐܦܪܝܡ ܐܡܿܪܝܼܢ ܒܟܿܠ ܚܕ ܝܘܡܐ: ܚܕ ܡܕܡ ܒܼܪܐ: ܘܬܐܘܠܘܓܘܣ ܗܿܟܘܬ܀ ܘܡܛܠܗܕܐ ܒܼܪܐ ܐܠܗܐ ܠܒܪܝܼܬܐ ܒܫܬܐ ܝܘܡ̈ܝܼܢ܇ ܐܝܟܢܐ ܕܢܥܘܼܠ ܥܡ ܒܪܝܼܬܐ ܐܦ ܛܟܣܐ܀ ܐܝܘܐܢܢܝܣ ܒܦܘܼܫܩܐ ܕܝܘܿܚܢܢ܀ ܕܘܿܠܐ ܗܼܘܐ ܕܬܗܼܘܐ ܒܪܝܼܬܐ: ܐܠܐ ܠܘ ܟܿܠܗܿ ܐܟܚܕܐ: ܘܒܪܢܫܐ ܥܡ ܐܢܬܬܐ܇ ܐܠܐ ܐܦܠܐ ܐܟܚܕܐ ܥܒܼܕ܀ ܘܡܘܫܐ ܒܪ ܟܐܦܐ ܠܐܚܪ̈ܢܐ ܫܿܠܡ: ܘܐܡܿܪ pb. 7 ܕܡܘܫܐ ܟܬܼܒ: ܕܒܫܬܐ ܝܘܡ̈ܝܼܢ ܥܒܼܕ ܡܪܝܐ ܫܡܝܐ ܘܐܪܥܐ ܒܣܦܪܐ ܕܬܪܝܢ܀ ܘܐܡܼܪ ܡܘܫܐ ܒܪ ܟܐܦܐ: ܕܒܝܘܡܐ ܩܕܡܝܐ ܐܬܒܼܪܝܬ݀ ܫܡܝܐ ܘܐܪܥܐ ܘܡܝ̈ܐ ܘܐܐܪ ܘܢܘܼܪܐ܀ ܒܝܘܡܐ ܬܪܝܢܐ ܐܡܼܪ ܕܢܗܼܘܐ ܠܡ ܪܩܝܼܥܐ ܒܡܨܥܬܐ ܡܝ̈ܐ: ܘܢܗܼܘܐ ܦܿܪܫ ܒܝܬ ܡ̈ܝܐ ܠܡ̈ܝܐ ܗ̄ ܐܢܫ̈ܝܼܢ ܐܡܿܪܝܼܢ ܕܪܩܝܼܥܐ܆ ܡܼܢ ܐܪܒܥܐ ܐܣܛܘ̈ܟܣܝܐ ܡܿܪܟܒܼ܇ ܠܐ ܫܪܝܼܪܝܢ܇ ܐܪܝܣܛܘܛܠܝܣ ܐܡܿܪ ܕܐܣܛܘܟܣܐ ܚܡܝܼܫܝܐ ܐܝܼܬ̄ܘ܇ ܣܛܪ ܡܼܢ ܐܪܒܥܐ܇ ܡܛܠ ܕܡܿܫܚܠܼܦ ܙܘܥܗ ܡܼܢ ܕܗܿܠܝܢ܆ ܬܪܝܢ ܓܝܪ ܡܢܗܘܢܿ ܠܬܚܬ ܢ݀ܬܥܝܼܢ ܘܬܪܝܢ ܠܥܠ: ܘܗܘܼ ܚܘܼܕܪܢܐܝܬ ܡܬܬܙܝܼܥ: ܘܐܝܢܐ ܕܙܘܥܗ ܡܿܫܚܠܼܦ܇ ܐܦ ܐܘܿܣܝܐ ܕܝܼܠܗ ܐܫܝܥܐ ܐܡܼܪ ܕܪܩܼܥ ܠܫܡܝܐ ܐܝܟ ܬܢܢܐ: ܒܗܿܝ ܕܐܝܟ ܬܢܢܐ ܚܘܝܼ܇ ܕܓܘܼܫܡܐ ܩܛܝܼܢܐ ܘܣܚܝܼܚܐ ܐܝܼܬ̄ܘ܀ ܒܣܝܠܝܘܿܣ ܐܡܿܪ: ܕܪܩܝܼܥܐ ܟܝܢܐ ܕܡܿܩܼܝܡ ܐܝܼܬ̄ܘ ܘܠܐ ܡܬܼܕܪܟ ܡܼܢ ܡܬܼܪ̈ܓܫܢܐ: (ܒ̄ܨ ܐܚܪܢܐ ܡܫܬܪ̈ܓܢܐ) ܘܠܘ ܡܛܠ ܕܠܒܝܼܕ ܘܪܩܝܼܥ ܐܬܩܪܝܼ ܪܩܝܼܥܐ: ܐܠܐ ܠܦܚܼܡܐ ܕܩܠܝܼܠܘܼܬܗ ܕܗܿܘ ܐܬܪܐ ܥܠܝܐ ܕܒܗ ܣܝܼܡ܀ ܓܪܝܓܘܪܝܘܣ ܕܢܘܣܐ ܐܡܿܪ ܕܪܩܝܼܥܐ ܐܬܩܪܝܼ: ܡܛܠ ܕܐܝܼܬ̄ܘ ܬܚܘܼܡܐ ܓܘܼܫܡܢܝܐ ܘܐܝܬ ܠܗ ܐܣܟܡܐ ܘܓܘܢܐ ܒܝܬ ܒܪܝܼܬܐ ܓܘܼܫܡܢܝܬܐ ܠܪܘܚܢܝܬܐ܀ ܝܥܩܘܿܒ ܐܘܪܗܝܐ ܐܡܿܪ ܕܐܝܼܬܘܗܝ ܪܩܝܼܥܐ ܐܐܪ ܚܝܼܨܐ ܕܐܬܼܦܪܫ ܡܼܢ ܡ̈ܝܐ: ܘܐܬܼܚܝܕ ܘܐܫܼܬܪܪ ܐܝܟ ܗܿܘ ܕܚܒܝܼܫ ܒܙܩܐ܀ ܝܥܩܘܿܒ ܐܘܪܗܝܐ ܒܕܘܼܟ ܐܚܪܢ ܐܡܼܪ: ܪܩܝܼܥܐ ܡܼܢ ܡܝ̈ܐ ܐܝܼܬܘܗܝ: ܘܡܫܿܚܠܼܦ ܡܢܗܘܿܢ: ܡܛܠ ܕܐܬܠܼܒܕ ܘܐܬܪܩܥ: ܐܝܟ ܓܒܬܐ ܡܼܢ ܚܠܒܐ ܘܐܝܟ ܓܠܝܼܕܐ ܡܢ ܡܝ̈ܐ܇ ܘܡܝ̈ܐ ܕܐܬܓܼܫܡܘ ܘܓܠܼܕܘ: ܐܝܘܐܢܢܝܣ ܐܡܼܪ: ܕܪܩܝܼܥܐ ܡܢܐ ܐܝܼܬ̄ܘ ܘܠܐ ܐܢܫ ܢܒܼܨܐ܀ ܐܚܪ̈ܢܐ ܐܡܿܪܝܼܢ ܕܪܩܝܼܥܐ ܡܼܢ ܐܐܪ ܘܡܼܢ ܡܝ̈ܐ ܡܿܪܟܼܒ܇ ܫܡܝܐ ܒܠܫܢܐ ܝܘܢܝܐ ܐܘܪܐܢܘܿܣ ܡܬܼܩܪܐ ܐܘܿܟܝܼܬ ܬܚܘܼܡܐ ܕܡܼܢ ܠܥܠ܀ ܫܘܡܐ ܡܬܼܩܪܝܐ ܫܡܝܐ ܥܒܪܐܝܬ܀ ܘܫܘܡܐܝܡ ܣܓܝܐܢܐܝܬ: ܘܡܼܢ ܠܫܢܐ ܥܒܪܝܐ ܫܩܝܼܠ ܫܡܐ ܕܫܡܝܐ܀ ܢܗܼܘܐ ܪܩܝܼܥܐ ܒܡܨܥܬ ܡ̈ܝܐ: ܘܢܗܼܘܐ ܦܿܪܫ ܗ̄ ܒܪܫ ܫܥܬܗ ܐܬܦܼܠܓܘ ܡ̈ܝܐ ܠܬܠܬ ܡܢ̈ܘܬܐ ܫܘܝ̈ܬܐ: ܘܗ݀ ܝܡܢܬܐ ܡܨܥܝܬܐ: ܐܬܪܩܼܥܬ݀ ܘܗܼܘܬ݀ ܪܩܝܼܥܐ: ܘܗܿܝ ܡܢܬܐ ܥܠܝܬܐ ܩܡܼܬ݀ ܠܥܠ ܡܼܢ ܪܩܝܼܥܐ: ܘܗ݀ܝ ܡܢܬܐ ܬܚܬܝܬܐ ܦܫܼܬ݀ ܠܬܚܬ ܡܼܢ ܪܩܝܼܥܐ ܥܠ ܐܪܥܐ: ܘܐܝܟ ܒܡܝܘܼܬܐ ܕܗܿܘܝܢ ܡܝ̈ܐ ܕܠܥܠ ܡܼܢ ܪܩܝܼܥܐ ܗܿܟܢܐ ܗܿܘܝܢ ܐܦ ܗܿܠܝܢ ܕܥܠ ܐܪܥܐ܆ ܡܛܠ ܕܡܨܥܝܐ ܡܪܢܝܐ ܗܢܐ ܐܝܼܬ̄ܘ ܘܗܿܘ ܕܒܝܬ ܦܠܓܐ ܫܘܝܐ ܩܿܐܡ ܘܓܠܝܼܠܐ ܘܚܘܼܕܪܢܝܐ ܐܝܼܬ̄ܘ ܪܩܝܼܥܐ: ܘܟܪܝܼܟ ܘܥܦܝܼܩ ܠܢܘܼܪܐ ܘܠܐܐܪ ܘܠ̈ܡܝܐ ܘܠܐܪܥܐ: ܘܠܟܿܠܗܘܿܢ ܓܘܼܫ̈ܡܐ ܕܠܓܘ ܡܢܗ: ܐܝܟ ܩܠܦܬܐ ܒܪܝܬܐ ܕܥܦܝܼܩܐ ܠܒܥܬܐ: ܡܪܝ ܐܦܪܝܡ ܐܡܿܪ ܕܐܝܟ ܡܫܘܼܚܬܐ ܕܡܝ̈ܐ ܕܥܠ ܐܪܥ ܦܪܝܼܣܝܼܢ: ܗܿܟܢܐ ܐܝܬ̄ܘ ܪܩܝܼܥܐ ܡܛܠ ܕܡܢܗܘܿܢ ܗܘܼܐ܀ ܐܫܝܥܐ ܐ݀ܡܪ: ܕܗܿܘ ܕܐܩܝܼܡ ܫܡܝܐ ܟܦܬܐ܀ ܐܬܢܐܣܝܘܿܣ ܪܒܐ: ܘܓܪܝܓܘܪܝܘܣ ܕܢܘܣܐ pb. 8 ܐܡܪܝܼܢ ܕܡ̈ܝܐ ܕܠܥܠ ܡܼܢ ܫܡܝܐ ܡ̈ܠܐܟܐ ܐܢܘܿܢ܆ ܡܛܿܠ ܕܟܬܝܼܒ ܕܢܫܟܚܘܼܢ ܠܡܪܝܐ: ܡܿܕܝܢ ܡ̈ܠܐܟܐ ܐܢܘܿܢ ܕܡܫܒܚܝܼܢ ܘܡܝ̈ܐ ܕܝܘܿ̈ܒܐ ܐܝܟܢܐ ܩܿܝܡܝܼܢ ܠܥܠ܆ ܒܣܠܝܘܿܣ ܘܐܦܪܝܡ ܘܝܥܘܿܒ ܕܣܪܘܓ ܐܡܿܪܝܼܢ ܕܡ̈ܝܐ ܓܘܼܫܡ̈ܢܝܐ ܐܢܘܿܢ܆ ܘܡܘܫܐ ܒܪ ܟܐܦܐ ܠܗܿܠܝܢ ܫܿܠܡ: ܘܐܡܿܪ ܕܫܪܒܐ ܕܡ̈ܠܐܟܐ ܠܐ ܐܬܼܐ ܗܿܪܟܐ܆ ܥܕܡܐ ܠܗܪܟܐ܆ ܘܐܢ ܡܛܠ ܗ݀ܝ ܕܡܫܟܚܝܼܢ ܠܐ ܐܝܬܝܗܘܿܢ ܡ̈ܝܐ܆ ܡܿܕܝܢ ܘܗܐ ܟܬܝܼܒ ܕܫܡ̈ܝܐ ܡܫܼܬܥܝܢ ܫܘܼܒܚܗ ܕܐܠܗܐ: ܘܠܐ ܐܝܬܝܗܘܿܢ ܡ̈ܠܝܼܠܐ: ܘܪܩܝܼܥܐ ܡܿܚܘܐ ܥܒܿܕ̈ܘܗܝ: ܘܠܐ ܐܝܼܬ̄ܘ ܚܝܐ ܐܝܟ ܡ̈ܠܐܟܐ: ܘܛܠܐ ܘܓܠܝܼܕܐ ܦܩܝܼܕ ܕܢܫܒܚܘܼܢ: ܘܠܐ ܐܝܬܝܗܘܿܢ ܡ̈ܠܐܟܐ܆ ܬܘܼܒ ܟܕ ܚܙܐ ܙܒܢ ܐܡܼܪ ܕܘܝܕ ܕܫܒܚܘܼܗܝ ܟܿܠܗܘܿܢ ܡܠܐܟ̈ܘܗܝ: ܡܘܿܢ ܐܠܨܐ ܗܼܘܬ݀ ܕܡܼܢ ܕܪܝܫ ܢܩܪܐ ܐܢܘܿܢ ܡ̈ܝܐ: ܘܢܐܡܪ ܡ̈ܝܐ ܕܠܥܠ ܡܢ ܫܡܝܐ ܢܫܒܚܘܼܢ ܠܡܫܗ ܕܡܪܝܐ: ܐܟܙܢܐ ܕܩܿܝܡܝܢ ܡ̈ܝܐ ܬܚܝܬ ܐܪܥܐ ܥܠ ܠܐ ܡܕܡ ܟܕ ܪܡܼܙܐ ܕܐܠܗܐ ܠܒܝܼܟ ܠܗܘܿܢ: ܗܿܟܢܐ ܩܿܝܡܝܼܢ ܠܥܠ ܡܼܢ ܫܡܝܐ ܕܠܐ ܩܒ̈ܝܬܐ: ܘܟܕ ܪܡܘܐ ܐܠܗܝܐ ܐܚܝܼܕ ܠܫܪܝܘܼܬܗܘܿܢ܀ ܡܪܝ ܐܦܪܝܡ ܐܪܒܥ ܣܘܼܥܪ̈ܐ ܐ݀ܡܪ: ܕܐܝܬ ܠܥܠ ܡܼܢ ܪܩܝܼܥܐ܆ ܡ̈ܝܐ ܡ̈ܠܐܟܐ܇ ܫܡ̈ܝܐ ܪ̈ܘܚܢܐ ܕܒܗܘܿܢ ܥܿܡܪܝܼܢ. ܘܢܗܘܘܿܢ ܘܢܘܼܗܪܐ ܫܒܝܼܚܐ ܕܡܙܠܓ ܡܼܢ ܫܡܝܐ: ܗܘܿ ܕܠܗ ܚܙܘ ܘܬܡܼܗܘ ܣܛܦܢܘܣ ܘܚܙܩܝܐܝܠ ܘܦܘܠܘܣ: ܝܥܩܘܿܒ ܕܐܘܪܗܝ ܐܡܿܪ܆ ܕܠܥܠ ܡܼܢ ܗܿܢܐ ܪܩܝܼܥܐ: ܐܝܼܬ ܐܐܪ ܪܛܝܼܒܐ ܕܡܿܘܠܕ ܥܢ̈ܢܐ: ܘܗܿܢܐ ܐܝܼܬ̄ܘ ܡܝ̈ܐ ܕܠܥܠ ܡܼܢ ܫܡܝܐ܆ ܠܐ ܕܝܒܝܼܢ ܡܝ̈ܐ ܗܿܠܝܢ: ܐܦܢ ܐܝܼܬ̄ܘ ܪܩܝܼܥܐ ܡܼܢ ܠܓܘ ܓܠܝܼܠܐ: ܡܛ ܠܕܡܼܢ ܠܥܠ ܫܘܝܐ ܘܫܛܝܼܚܐ ܐܝܼܬ̄ܘ: ܐܟܙܢܐ ܕܐܝܼܬ ܒ̈ܬܐ ܣܓܝ̈ܐܐ ܗ݀ܟܘܬ ܘܒܠ̈ܢܐܣ܀ ܐܚܪ̈ܢܐ ܐܡܿܪܝܼܢ ܕܠܐ ܡܬܬܙܝܼܥܝܼܢ ܡܝ̈ܐ ܗܿܠܝܢ܇ ܡܛܠ ܕܠܝܬ ܐܐܪ ܕܡܙܝܼܥ ܠܗܘܿܢ܆ ܘܥܠܗܿܝ ܠܐ ܡܙܕܠܥܝܼܢ܆ ܚܢܢ ܕܝܢ ܐܡܿܪܝܼܢܢ ܕܪܡܙܐ ܐܠܗܝܐ ܐܚܝܕ ܠܗܘܿܢ܀ ܡܘܿܫܐ ܒܪ ܟܐܦܐ ܐܡܿܪ ܕܦܘܼܩܕܢܐ ܕܐܠܗܐ ܕܦܩܼܕ ܕܡ̈ܝܐ ܕܠܬܚܬ ܢܚܬܘܼܢ: ܗܘܼ ܦܩܼܕ ܕܡܝ̈ܐ ܕܠܥܠ ܢܣܩܘܼܢ ܘܠܐ ܢܙܕܠܥܘܼܢ ܘܣܼܡ ܡܝ̈ܐ ܠܥܠ ܡܼܢ ܪܩܝܼܥܐ: ܐܝܟܢܐ ܕܠܐ ܢܬܦܫܪ ܟܝܢܗ ܡܢܚܡܝܼܡܘܼܬܐ ܕܫܡܫܐ ܗܿܘ ܕܡܬܼܟܪܟ ܬܚܘܬܘܗܝ: ܐܘܟܝܼܬ ܠܥܠ ܡܢܗ܇ ܘܟܿܠ ܟܡܐ ܕܡܿܚܡ ܠܗ ܫܡܫܐ ܡܼܢ ܠܬܚܬ܆ ܡܪܛܒܝܼܢ ܠܗ ܡ̈ܝܐ ܡܼܢ ܠܥܠ ܘܗܿܟܢܐ ܡܬܼܢܛܪ ܟܝܿܢܗ܀ ܐܢܫ̈ܝܼܢ ܐ݀ܡܪܝܼܢ ܕܒܝܘܡܐ ܕܬܪܝܢ ܒܡܥܪ̈ܒܝ ܫܡܫܐ ܐܬܒܪܝܼ ܪܩܝܼܥܐ܇ ܐܝܟܐ ܕܢܚܡܘܿܠ ܠܐܐܪ ܠܘܬܢ܇ ܘܢܗܘܐ ܒܕܘܼܟܬ ܐܪܥܐ ܠܩܕܝܼܫ̈ܐ ܒܫܘܼܠܡܐ܀ ܓܘܢܗ ܕܪܩܝܼܥܐ ܐܡܿܪ ܝܥܩܘܼܒ ܐܘܪܗܝܐ ܡܿܫܚܪ ܘܡܿܘܥܡ܆ ܕܬܗܘܡܐ ܥܡܝܼܩܐ: ܡܛܠ ܕܐܐܪ ܐܝܼܬ̄ܘ ܪܩܝܼܥܐ. ܘܐܐܪ ܚܠܝܼܠ ܘܥܡܝܼܩ: ܡܪܝ ܐܦܪܝܡ ܐܡܿܪ: ܕܪܩܝܼܥܐ ܐܝܼܬ̄ܘ ܡܝ̈ܐ ܕܪܩܝܼܥܝܼܢ ܘܡܠܒܕܝܼܢ: ܘܒܕܓܘܿܢ ܐܝܼܬ̄ܘ ܓܘܢܗ ܝܘܼܪܩܐ: ܐܝܟ ܕܚܿܙܝܢܢ ܠܓܘܢܐ ܕܡ̈ܝܐ ܕܐܝܼܬ̄ܘ ܝܘܼܪܩܐ: ܐܝܟ ܗܿܘ ܕܡܿܪܟܼܒ ܡܼܢ ܚܘܪܐ ܘܐܘܼܟܡܐ: ܘܡܬܼܩܪܐ pb. 9 ܬܘܼܒ ܓܘܢܐ ܕܣܦܝܼܠܐ܀ ܘܠܐ ܐܡܼܪ ܡܛܠ ܪܩܝܼܥܐ ܕܛܒ ܘܫܦܝܼܪ܇ ܡܛܠ ܕܠܐ ܡܿܨܒܼܬ ܗܼܘܐ ܒܫܡܫܐ ܘܣܗܪܐ ܘܟܘܟ̈ܒܐ܀ ܘܩܪܝܗܝ ܠܪܩܝܼܥܐ ܫܡܝܐ ܗ̄ ܡܛܠ ܕܬܩܼܢܗ ܘܣܡܗ ܠܥܠ ܡܢܢ: ܘܒܚܕ ܥܣܪ ܙܢܝ̈ܐ ܡܬܼܐܡܪ ܫܡܐ ܕܫܡܝܐ: ܐܝܟܢܐ ܕܚܘܝܼܢܢ ܒܟܬܒܐ ܕܥܒܼܕܢܢ ܒܦܣܝܼ̈ܩܬܐ ܥܠ ܟܿܠܗܝܢ ܕܡܬܼܚ̈ܙܝܢ ܘܕܠܐ ܡܬܼܚܙ̈ܝܢ܀ ܒܝܘܡܐ ܬܠܝܼܬܝܐ ܐܡܼܪ ܐܠܗܐ: ܢܬܟܢܫܘܼܢ ܡܝ̈ܐ ܕܠܬܚܬ ܠܐܬܪܐ ܚܕ ܘܬܬܚܼܙܐ ܝܒܝܼܫܬܐ ܗ̄ ܐܟܡܿܢ ܕܬܬܼܚܙܐ ܐܪܥܐ ܘܬܨܒܛܒܬܝ ܘܬܗܼܘܐ ܥܿܗܢܐ ܠܥܡܘܼܪܝܐ ܕܒܢܝ̈ܢܫܐ: ܘܢܐܥܘܿܢ ܒܗܿ ܐܝܼܠ̈ܢܐ: ܘܠܘ ܟܠܿܗܘܿܢ ܡ̈ܝܐ ܐܬܟܼܢܫܘ: ܐܠܐ ܗܿܢܘܢ ܕܡܬܼܒܥܝܢ ܗܼܘܘ ܠܝܡ̈ܡܐ: ܗܿܠܝܢ ܕܠܐܪܥ ܡܬܼܒܥܝܢ ܗܼܘܘ ܠܥܡܘܪ̈ܝܗܿ ܦܫܼܘ ܘܩܘܝܼܘ ܒܐܪܥܐ ܘܥܠ ܐܦܝ̈ܗܿ: ܘܡܼܢ ܒܪܬ ܩܠܐ ܕܐܠܗܐ ܕܐܡܼܪ ܕܢܬܟܢܫܘܼܢ ܡ̈ܝܐ: ܗܘܼܘ ܡܝ̈ܐ ܡܼܢ ܗ݀ܝ ܫܥܬܐ ܕܪܕܝܢ ܠܐܦܝ̈ ܠܬܚܬ ܘܒܪ ܫܥܬܗ ܠܐ ܐܬܟܠܝܼܘ ܡܼܢ ܡܕܡ ܐܦܠܐ ܡܼܢ ܛܘܪ̈ܐ: ܐܠܐ ܕܣܿܠܩܝܼܢ ܠܥܠ ܡܼܢ ܛܘܼܪܐ ܘܢ݀ܚܬܝܼܢ ܠܥܘܼܡ̈ܩܐ: ܠܐ ܡܬܼܟܠܝܢ ܐܝܟ ܦܘܼܩܕܢܐ ܕܐܠܗܐ: ܡܛܠ ܕܟܪܝܼܟܝܼܢ ܗܼܘܘ ܠܐܪܥܐ ܡ̈ܝܐ: ܐܝܟ ܫܠܝܬܐ ܠܥܘܼܠܐ܇ ܦܩܼܕ ܐܠܗܐ ܘܫܢܝܼܘ ܡܼܢ ܐܦܝ̈ܗܿ ܠܣܘ̈ܦܐ ܒܪ̈ܝܐ܆ ܬܩܢ ܓܝܪ ܒܪܘܝܐ ܕܘܼܟܝ̈ܬܐ ܠ̈ܡܝܐ ܐܝܟ ܓܪ̈ܒܐ ܘܝܨ̈ܦܐ܀ ܘܗ݀ܝ ܕܬܬܚܼܙܐ ܝܒܝܼܫܬܐ: ܠܘ ܡܼܢ ܫܡܫܐ ܝܒܫܼܬ݀ ܡܛܠ ܕܒܝܘܡܐ ܕܐܪܒܥܐ ܐܬܒܪܝܼ܇ ܐܠܐ ܘܒܪ ܫܥܬܗ ܫܢܝܼܘ ܡܝ̈ܐ ܒܦܘܼܩܕܢܐ܇ ܘܠܐ ܦܫܼܬ݀ ܒܐܪܥܐ ܪܛܝܼܒܘܬܐ ܣܟ܀ ܘܩܼܪܐ ܠܐܪܥܐ ܝܒܝܼܫܬܐ ܗ̄ ܐܪܥܐ: ܫܡܐ ܗܿܘ ܓܘܢܝܐ ܕܟܠܢܝܘܼܬܗܿ ܘܝܒܝܼܫܬܐ: ܫܡܐ ܕܝܼܠܢܝܐ ܘܡܢܬܝܐ ܐܝܼܬ̄ܘ ܡܛܠ ܕܝܒܝܼܫܘܼܬܐ: ܐܝܟܢܝܘܬܐ ܟܝܿܢܝܬܐ ܗܿܝ ܕܐܪܥܐ܀ ܬܘܼܒ ܫܡܐ ܕܐܪܥܐ: ܡܫܘܕܥܢܐ ܕܣܘܼܥܪܢܐ ܐܝܼܬ̄ܘ: ܗܿܘ ܕܣܝܼܡ: ܫܡܐ ܕܝܒܝܼܫܬܐ ܡܫܘܕܥܢܐ ܗܿܘ ܕܕܝܼܠ̈ܝܬܐ ܟܝܢ̈ܝܬܐ܀ ܘܠܟܢܘܼܫܝܐ ܕܡ̈ܝܐ ܩܼܪܐ ܝܡܡ̈ܐ ܗ̄ ܐܦܢ ܟܢܘܼܫܝܐ ܪܒܐ ܘܪܘܝܼܚܐ ܕܡܝ̈ܐ ܐܬܩܪܝܼ ܟܢܘܼܫܝܐ ܚܕ: ܐܠܐ ܐܝܬ ܝܡ̈ܡܐ ܣܓܝ̈ܐܐ: ܒܗ݀ܝ ܕܣܝܼܡܝܼܢ ܝܡ̈ܡܐ ܒܦܢܝ̈ܬܐ ܡܫܚ̈ܠܦܬܐ ܡܬܼܩܪܝܢ ܝܡ̈ܡܐ܆ ܘܒܗ݀ܝ ܕܡܦܠܚܝܼܢ ܠܘܬ ܚܕ̈ܕܐ: ܡܬܼܩܪܝܢ ܚܕ ܝܡܐ ܘܟܢܘܼܫܝܐ ܕܡ̈ܝܐ܇ ܒܝܘܡܐ ܬܠܝܼܬܝܐ: ܫܩܼܠܘ ܝܡܐ ܘܝܒܫܐ ܫܡ̈ܗܐ. ܐܟܡܐ ܕܐܝܼܡܡܐ ܘܠܠܝܐ ܘܨܦܪܐ ܘܪܡܫܐ ܒܝܘܡܐ ܩܕܡܝܐ܆ ܒܠܠܝܗ ܕܝܘܡܐ ܕܬܠܬܐ: ܦܩܼܕ ܐܠܗܐ ܘܐܬܟܢܼܫܘ ܡ̈ܝܐ. ܘܒܨܦܪܐ ܦܩܼܕ ܘܐܘܥܼܝܬ݀ ܐܪܥܐ ܙܪ̈ܥܐ ܘܐܝܼܠ̈ܢܝܐ܀ ܝܘܡܐ : ܥܦܝܼܦ ܥܒ̈ܕܐ ܐܝܼܬ̄ܘ: ܡ̈ܝܐ ܕܐܬܼܟܢܫܘ: ܘܐܪܥܐ ܕܐܘܥܼܝܬ݀: ܗܿܟܘܬ ܝܘܡܐ ܕܫܬܐ ܐܬܒܼܝܬ݀ ܒܗܿ ܚܝܘܬܐ: ܘܐܦ ܒܪܢܫܐ܀ ܘܩܕܡ ܒܪܝܼܬܗ ܕܫܡܫܐ ܐܘܥܼܝܬ݀ ܐܪܥܐ: ܐܝܟܢܐ ܕܢܬܟܘܿܣ ܠܡܪ̈ܚܐ ܕܐ݀ܡܪܝܢ ܒܡܥܒܕܢܘܬܐ ܕܫܡܫܐ ܡܿܘܥܝܬܐ ܐܪܥܐ܀ ܐܡܼܪ ܐܠܗܐ ܕܬܦܩܼܩܝ ܐܪܥܐ ܬܕܐܐ ܗ̄ ܐܝܟܢܐ ܕܢܗܘܘܿܢ ܬܕܐܐ ܘܙܪ̈ܥܐ܆ ܠܩܘܼܝܿܡܐ ܕܒܢܝ̈ܢܫܐ ܘܚܝ̈ܘܬܐ ܕܠܐ ܡܠܼܬܐ: ܬܕܐܐ ܘܥܣܒܐ ܘܙܪܥܐ܇ ܬܠܝܼܬܐܝܬ ܠܗܘܿܢ ܦܪ̈ܕܐ ܡܿܢ ܕܚܫ̈ܚܢ ܠܙܪܥܐ ܠܬܘܼܪܣܝܐ ܕܒܢܝ̈ܢܫܐ ܘܠܐܣܝܘܼܬܐ ܘܒܣܝܼܡܘܼܬ ܪܝܚܐ: pb. 10 ܒܙܢܐ ܕܚ̈ܛܐ ܘܣܥܪ̈ܐ ܘܟܘܼܫ̈ܢܐ ܘܕܘܼܚܢܐ: ܕܡܢܗܝܢ ܚܫܚ̈ܢ ܠܬܘܼܪܣܝܐ ܘܡܢܗܝܢ ܠܒܣܝܼܡܘܼܬ ܪܝܫܚܐ܀ ܕܒ̄܆ ܬܒܢܐ ܗܢܐ ܚܿܫܚ ܠܚܫܚܬܐ ܕܒܢܝ̈ܢܫܐ ܘܠܬܘܼܪܣܝܐ ܕܒܥܝܼܪ̈ܐ ܘܠܚܫܚܬܐ ܕܒܢܝ̈ܢܫܐ܀ ܘܡܼܢ ܟܬܢܐ ܐܘܿܟܝܼܬ ܥܡܪ ܟܘܼܒܐ ܕܡܘܝܥܐ ܐܪܥܐ ܗܘܐ ܠܒܘܼܫܐ܀ ܐܝܼܠ̈ܢܐ ܐܪܒܥ ܐܝܬ ܠܗܘܿܢ: ܦܐܪ̈ܐ ܡܿܢ ܠܬܘܼܪܣܝܐ ܛܪ̈ܦܐ ܕܚܿܫܚܝܼܝܢ ܠܐܣܝܘܼܬܐ ܘܒܣܝܼܡܘܼܬ ܪܝܚܐ܆ ܘܡܢܗܘܼܢ ܫܩ̈ܠܢ ܕܒܘܼܪ̈ܝܬܐ ܕܒܫܐ܀ ܕܕ̄܆ ܕܘܼܥܬܐ ܐܟܙܢܐ: ܕܟܝܐ܆ ܐܘܟܝܬ ܘܡܘܣܛܟܗ ܘܒܠܐܣܡܘܢ ܐܘܿܟܝܼܬ ܒܠܐܣܢ ܘܚܠܒܢܝܼܬܐ ܫܪܗܘܕ܇ ܘܙܒܬܐ ܕܡܼܢ ܐܪܙܐ ܘܥܝܛܪܢܐ ܕܡܼܢ ܥܩܪ̈ܐ ܕܐܪܒܥ ܩܝܣ̈ܐ ܕܚܫܚܝܼܢ ܠܬܛܠܝܼܠܐ: ܘܠܟܿܠ ܡܐܢܐ ܘܚܫܚܬܐ܀ ܣܼܡ ܬܕܐܐ ܘܙܪܥܐ ܩܕܡ ܐܝܼܠ̈ܢܐ܇ ܡܛܠ ܕܣܢܝܼܩܝܼܢܢ ܥܠܝܗܘܿܢ ܝܬܝܼܪ ܡܼܢ ܐܝܼܠ̈ܢܐ ܘܣܓܝܐܝܢ ܬܘܼܒ ܡܼܢ ܐܝܼܠ̈ܢܐ: ܘܒܗ݀ܝ ܕܐܡܼܪ ܕܬܦܼܩ܇ ܫܟܢ ܠܗܿ ܚܝܠܐ ܡܫܘܚܢܐ ܘܡܘܥܝܢܐ: ܕܐܡܝܼܢܐܝܬ ܡܿܦܩ ܡܿܘܥܐ܀ ܒܗ݀ܝ ܕܙܪܥܐ ܕܡܙܼܕܪܥ܆ ܫܟܢ ܠܐܝܠܝܢ ܕܝܿܥܝܢ ܚܝܠܐ ܡܝܒܠܢܐ ܘܡܿܘܠܕ ܡܿܝܒܠ ܠܟܝܢ̈ܝܗܝܢ ܐܡܝܼܢܐܝܬ: ܕܠܐ ܢܘܦܐ ܘܢܓܡܼܪ܇ ܘܒܗ݀ܝ ܕܐܡܼܪ ܠܕܢܣܗ܇ ܚܘܝܼ ܕܟܿܠ ܙܪܥܐ ܐܝܟ ܓܢܣܗ ܡܿܘܥܐ܇ ܐܢ ܚܛ̈ܐ ܡܙܕܪܥܝܼܢ ܒܗܿ: ܚܛ̈ܐ ܡܫܘܚܐ܀ ܬܕܐܐ ܡܬܼܩܪܐ: ܟܕ ܡܿܫܪܐ ܕܢܐܼܥܐ ܘܥܣܒܐ ܐܘܟܝܼܬ ܥܡܝܼܪܐ ܟܕ ܡܬܩܼܛܪ ܒܩܛܪܐ: ܙܪܥܐ ܡܫܬܼܡܗ ܟܕ ܡܫܒܠ. ܘܐܝܼܠܢܐ ܕܥܿܒܕ ܦܐܪ̈ܐ ܠܓܢܣܗ: ܫܟܢ ܚܝܠܐ ܡܝܒܠܢܐ ܠܟܝܢܗܘܿܢ ܕܠܐ ܢܬܼܛܠܩ: ܒܗ݀ܝ ܕܐܡܼܪ ܠܓܢܣܗ܇ ܕܐܝܼܠܢܐ ܕܚܙܘܪܐ: ܦܐܪ̈ܐ ܕܚܙܘܪܐ ܥܿܒܕ܇ ܘܠܘ ܪܘܡܢܐ܀ ܘܒܗ݀ܝ ܕܐܡܼܪ ܕܢܨܒܬܗ ܒܗ ܗ̄ ܚܘܝܼ ܕܠܘ ܡܼܢ ܦܐܪ̈ܘܗܝ ܕܐܝܼܠܢܐ ܡܙܕܪܥ ܘܝܿܥܐ ܒܐܪܥܐ ܒܕܡܘܼܬ ܙܪ̈ܥܐ: ܐܠܐ ܡܢܬܐ ܡܢܗ ܐܘܿܟܝܼܬ ܚܕ ܡܼܢ ܫܒܘܼ̈ܩܘܗܝ ܡܬܼܢܨܒ ܒܐܪܥܐ ܘܗܿܟܢܐ ܝܿܥܐ ܐܝܠܢܐ܀ ܕܢܨܒܬܗ ܒܗ ܥܠ ܐܪܥܐ ܗ̄ ܠܘ ܐܝܟ ܙܪܥܐ ܡܬܦܼܣܩ ܐܝܼܠܢܐ: ܕܒܿܬܪ ܕܡܬܢܣܒܝܼܢ ܚ̈ܛܐ: ܡܬܦܼܣܩ ܘܡܫܬܼܩܠ ܬܒܢܐ: ܐܠܐ ܥܠ ܐܪܥܐ ܘܒܓܘ ܐܪܥܐ ܡܿܟܬܪ ܐܝܼܠܢܐ ܘܐܦ ܡܼܢ ܒܿܬܪ ܕܫܿܩܠܝܼܢ ܦܐܪ̈ܘܗܝ ܘܗܕܐ ܗܼܝ ܗ݀ܝ ܕܥܠ ܐܪܥܐ܀ ܘܒܪ ܫܥܬܗ ܕܦܩܼܕ ܐܠܗܐ ܠܐܪܥܐ ܘܐܘܥܼܝܬ݀ ܡܕܡ ܕܠܐ ܐܝܼܬ̄ܘ ܒܗܿ ܒܚܝܠܐ: ܐܠܐ ܗܘܼ ܝܗܼܒ ܠܗܿ ܚܝܠܐ ܕܬܦܩܼܝ ܠܗܿܠܝܢ ܪܗܝܼܒܐܝܬ: ܘܟܕ ܓܡܝܼܪܝܼܢ ܘܡܫܡܠܝܢ ܐܘܥܝܬ݀ ܐܢܘܿܢ ܟܕ ܛܥܝܼܢܝܼܢ ܦܪ̈ܕܐ ܘܫܢ̈ܢܐ: ܘܦܐܪ̈ܐ ܕܐܝܼܠ̈ܢܐ ܟܕ ܒܫܝܼܠܝܼܢ: ܗ݀ܟܘܬ ܡܫܡܠܝܐ ܐܬܒܪܝܼ ܣܗܪܐ ܘܐܕܡ ܘܚܘܐ: ܝܼܕܝܼܥܐ ܬܘܼܒ ܡܛܠ ܕܚ̈ܝܘܬܐ ܘܦܪ̈ܚܬܐ ܘܒܢܝܢܫ̈ܐ ܥܠ ܡܐܟܘܿܠܬܐ ܣܢܝܼܩܝܼܢ ܗܼܘܘ: ܘܥܠܗܿܝ ܡܫܡ̈ܠܝܐ ܐܬܒܪܝܼܘ ܕܢܬܪܣܘܿܢ ܐܢܘܿܢ ܐܦ ܒܿܬܪ ܥܒܪ ܦܘܼܩܕܢܐ܀ ܘܗܿܘ ܦܘܼܕܩܢܐ ܕܐܡܼܪ ܕܬܦܩܼܝ ܐܪܥܐ ܥܕܟܝܼܠ ܗܐ ܡܬܓܼܡܪ ܒܣܿܓܝ ܕܘܟ̈ܝܬܐ܆ ܕܟܕ ܠܐ ܙܪܥܝܼܢ. ܡܘ̈ܥܝܢ: ܘܐܦ pb. 11 ܒܥܦܪܐ ܕܬܚܝܬ ܐܪܥܐ: ܟܕ ܣܿܠܩ ܠܐܦܝ̈ܗܿ: ܘܡܿܚܘܐ ܠܣܢܘܪܬܐ ܕܦܘܼܩܕܢܐ: ܘܐܝܬ ܙܪܥܐ ܕܥܠ ܪܝܫܐ ܐܝܼܬܘܗܝ. ܐܟܙܢܐ ܕܚ̈ܛܐ ܘܕܘܼܚܢܐ ܘܟܪܟܐ ܘܣܠܩܐ. ܘܐܝܬ ܕܒܥܩܪ̈ܐ ܐܟܙܢܐ ܕܟܘܼܪܟܡܐ ܕܘܒ̈ܨܠܐ ܓܠ̈ܕܢܝܐ܇ ܘܡܢܗܘܿܢ ܒܪܝܫܗܘܿܢ ܘܒܥܩܪܗܘܿܢ: ܐܟܙܢܐ ܕܩܢܝܐ ܘܟܪܬܐ: ܐܝܼ̈ܠܢܐ ܒܦܐܪ̈ܝܗܘܿܢ ܛܥܝܼܢܝܼܢ ܠܙܪܥܗܘܿܢ: ܐܟܙܢܐ ܕܓܘ̈ܙܐ ܘܠ̈ܘܙܐ ܘܙܘܙ̈ܦܐ ܘܚܙܘܪ̈ܐ܇ ܘܡܢܗܘܢ ܠܐ܀ ܥܠ ܐܪܒܥܐ ܚܝ̈ܠܐ ܣܢܝܼܩܝܼܢ ܢܨܒ̈ܬܐ܇ ܡܘܥܝܢܐ ܘܡܬܪܣܝܢܐ ܘܡܪܒܝܢܐ ܘܡܫܡܠܝܢܐ܇ ܘܒܛܘܼܪܐ ܝܿܥܝܢ ܢܨܒ̈ܬܐ ܣܓܝܐܝܬ: ܡܛܠ ܕܪ̈ܨܝܼܦܢ ܡܢܘ̈ܬܗܘܿܢ ܘܡܬܼܚܒܫܐ ܒܗܘܿܢ ܚܡܝܼܡܘܼܬܐ ܘܪܛܝܼܒܘܼܬܐ: ܘܡܿܘܥܝܢ ܐܝܼ̈ܠܢܐ ܝܬܝܼܪ ܡܼܢ ܦܩ̈ܥܬܐ: ܒܦܩ̈ܥܬܐ ܟܕ ܡܬܢܨܒܝܼܢ ܝܿܥܝܢ܀ ܒܢܝܼܣܢ ܐܬܒܼܪܝܬ݀ ܒܪܝܼܬܐ: ܘܒܿܬܪ ܥܒܪ ܦܘܼܩܕܢܐ ܗܘܼܘ ܟܘܼ̈ܒܐ ܒܘܪܕܐ: ܘܒܗܿܠܝܢ ܬܠܬܐ ܝܘܡ̈ܐ ܠܝܬ ܗܼܘܐ ܫܡܫܐ ܕܪܕܐ ܘܥܿܪܒ ܘܠܐ ܫܥ̈ܐ: ܘܐܦܠܐ ܛܠܠܐ ܠܛܘܼܪ̈ܐ ܘܪ̈ܓܘܠܐ ܒܗ݀ܝ ܕܟܿܠܗܘܿܢ ܢܗܝܼܪܝܢ ܗܼܘܘ: ܘܐܦܠܐ ܐܝܼܬ ܗܼܘܐ ܫܡ̈ܗܐ ܠܦܢܝ̈ܬܐ܇ ܒ݀ܬܪ ܕܕܢܚ ܫܡܫܐ ܒܡܕܢܚܐ܆ ܘܥܪܒ ܒܡܥܪܒܐ܇ ܘܣܠܼܩ ܪܕܐ ܒܬܝܡܢܐ. ܘܠܐ ܪܕܐ ܒܓܪܒܝܐ܇ ܫܩ̈ܠܝ ܫܡ̈ܗܐ ܦܢܝ̈ܬܐ܀ ܘܐܡܼܪ ܐܠܗܐ ܢܗܘܘܿܢ ܢܗܝܼܪ̈ܐ ܒܪܩܝܼܥܐ ܕܫܡܝܐ ܗ̄ ܒܝܘܡܐ ܪܒܝܼܥܝܐ ܐܡܼܪ ܠܗܿܠܝܢ܇ ܢܗܝܼܪ̈ܐ ܩܿܪܐ ܠܫܡܫܡܐ ܘܣܗܪܐ ܘܟܘܟ̈ܒܐ܇ ܘܡܘܫܐ ܢܗܝܼܪ̈ܐ ܩܼܪܐ ܐܢܘܿܢ ܟܬܒ̈ܐ ܕܒܿܬܪܟܢ ܩܼܪܘ ܐܢܘܿܢ ܫܡܫܐ ܘܣܗܪܐ ܘܟܘܟ̈ܒܐ܇ ܒܼܪܐ ܐܢܘܿܢ ܕܢܢܗܪܘܢܼ ܥܠ ܐܪܥܐ: ܐܪܥܐ: ܘܢܨܒܬ ܒܗܘܿܢ ܫܡܝܐ ܐܟܙܢܐ ܕܒܒ̈ܬܐ ܕܡ̈ܠܐ ܡܬܬܼܠܝܢ ܠܡܦܝ̈ܕܐ ܘܩܢ̈ܕܝܼܠܐ܀ ܠܡܢܗܪܘܼ ܥܠ ܐܪܥܐ ܗ̄ ܠܒܢܝ̈ܢܫܐ ܕܣܢܝܼܩܝܼܢ ܥܠܝܗܘܿܢ܀ ܠܡܼܦܪܫ ܒܝܬ ܐܝܡܡܐ ܠܠܠܝܐ ܗ̄ ܟܕ ܩܿܐܡ ܫܡܫܐ ܠܥܠ ܡܼܢ ܐܪܥܐ: ܥܿܒܕ ܐܝܼܡܡܐ: ܘܟܕ ܩܿܐܡ ܠܬܚܬ ܡܼܢ ܐܪܥܐ ܛܠܠܐ ܕܐܪܥܐ ܕܩܿܐܡ ܒܐܦ̈ܝ ܥܡܘܪ̈ܐ ܥܿܒܕ ܠܠܝܐ܀ ܘܗܘܘܿܢ ܠܐܬܘ̈ܬܐ ܘܠܙܒ̈ܢܐ ܗ̄ ܠܫܘܼ̈ܘܕܥܐ ܕܡܢܗܘܢܿ ܡܬܼܚܙܝܢ ܐܝܠܝܢ ܕܡܒܕܩܝܼܢ ܥܠ ܣܘܼܥܪ̈ܢܐ ܕܥܬܝܼܕܝܼܢ ܠܡܼܗܘܐ: ܐܝܟܢܐ ܕܡܛܪ ܘܝܒܫ̈ܢܐ ܩܿܪܐ ܐܬܘ̈ܬܐ܀ ܐܪܒܥܐ ܙܒܢ̈ܐ ܐܘܿܟܝܼܬ ܫܘܼܚ̈ܠܦܐ ܒܚܕ ܝܪܚܐ ܣܗܪܐ ܡܼܢ ܟܕ ܡܬܝܼܠܕ: ܘܥܕܡܐ ܠܫܒܥܐ ܝܘܡ̈ܝܼܢ܇ ܕܐܝܼܬ̄ܘ ܩܪܝܼܪܐ ܘܪܛܝܼܒܐ ܐܝܟ ܡ̈ܝܐ: ܘܡܼܢ ܫܒܥܐ ܠܐܪܒܬܥܣܪ ܚܡܝܼܡܐ ܘܝܒܝܼܫܐ ܐܝܟ ܢܘܼܪܐ: ܘܡܼܢ ܐܪܒܬܥܣܪ ܠܥܣܪܝܢ ܘܚܕ܇ ܚܡܝܼܡܐ ܘܪܛܝܼܒܐܐܝܟ ܐܐܪ܆ ܘܡܼܢ ܬܡܢ ܥܕܡܐ ܠܡܘܼܠܝܗܘܿܢ ܓܘܪܣܗ ܩܪܝܼܪܐ ܘܝܒܝܼܫܐ ܐܝܟ ܐܪܥܐ܇ ܐܦ ܫܡܫܐ ܬܘܼܒ ܗܿܟܘܬ ܥܿܒܕ ܙܒ̈ܢܐ܀ ܙܒ̈ܢܐ ܬܘܼܒ ܩܿܪܐ: ܐܡܬܝ ܕܢܿܚܬ ܫܡܫܐ ܘܩܿܐܡ ܒܕܪܓܐ ܬܚܬܝܐ ܕܬܝܡܢܐ܇ ܗܿܘܐ ܠܘܬܢ ܣܬܘܐ܇ ܘܐܡܬܝ ܕܣܿܠܩ ܠܕܪܓܐ ܥܠܝܐ ܕܓܪܒܝܐ ܥܿܒܕ ܩܝܛܐ: ܘܟܕ ܢܿܚܬ ܠܕܪܓܐ ܡܨܥܝܐ ܠܬܝܡܢܐ ܥܿܒܕ ܬܫܪ̈ܝܬܐ: ܘܠܝܘܡ̈ܬܐ ܘܠܫܢܝ̈ܐ ܗ̄. ܥܿܒܕ [ܠܝܘ̈ܡܬܐ] ܫܡܫܐ: ܒܗ݀ܝ ܕܡܼܢ ܠܠܝܐ ܘܐܝܼܡܡܐ ܡܬ[ܦܝܟ] ܝܘܡܐ: ܥܿܒܕ ܕܝܢ ܫܡܫܐ ܫ̈ܢܝܐ: ܒܗܿܝ ܕܟܕ ܡܿܫܪ ܡܼܢ ܪܝܫ ܐܡܪܐ ܠܐܦܝ̈ ܡܕܢܚܐ: ܥܿܒܕ pb. 12 ܡܪܕܝܼܬܗ ܒܦܘܫܐ ܕܡܼܢ ܐܣܦܝܪܐ: ܟܕ ܡܡܢܥ ܠܗ ܠܕܘܼ̣ܬܐ ܕܫܪܝܼ ܒܗܿ܆ ܥܿܒܕ ܫܘܼܡܠܝܐ ܕܫܢܬܐ ܕܐܝܬܝܗܿ ܝܘܡ̈ܬܐ ܬܠܬܡܐܐ ܘܫܬܝܢ ܘܚܡܫܐ ܘܫܥ̈ܐ ܫܬ܀ ܘܫܡܫܐ ܥܿܒܕ ܝܘܡ̈ܬܐ ܘܫܢ̈ܝܐ: ܘܟܕ ܩܿܐܡ ܒܡܕܢܚܐ ܥܿܒܕ ܨܦܪܐ. ܘܟܕ ܩܿܐܡ ܠܬܚܬ ܡܼܢ ܐܪܥܐ: ܥܿܒܕ ܠܠܝܐ: ܘܟܕ ܩܿܐܡ ܒܡܥܪܒܐ ܥܿܒܕ ܪܡܫܐ: ܣܗܪܐ ܠܐ ܥܿܒܕ ܠܚܕܐ ܡܼܢ ܗܿܠܝܢ܇ ܘܡܼܢ ܗ݀ܝ ܕܐܝܬ ܐܡܬܝ ܕܒܬܠܬܫܥ̈ܝܼܢ ܕܢܚ ܘܐܦ ܥܿܪܒ܆ ܘܐܝܬ ܐܡܬܝ ܕܒܬܫܥ: ܣܗܪܐ ܕܝܢ ܝܪ̈ܚܐ ܥܿܒܕ܇ ܡܛܠ ܕܒܪܝܫܐ ܕܟܿܠ ܝܪܚܐ ܡܬܼܚܙܐ ܘܥܕܡܐ ܠܦܠܓ ܡܫܼܬܡܠܐ܆ ܘܒܿܬܪܟܢ ܒܿܨܪ ܥܕܡܐ ܕܫܿܠܡ ܝܪܚܐ. ܘܝܪ̈ܚܘ̄ ܕܣܗܪܐ ܫܘܝܢܼ ܒܡܢܝܿܢܐ ܕܟܛ̄ ܘܣܗܪܐ ܒܠܫܢܐ ܥܒܪܝܐ ܘܝܘܢܝܐ܆ ܘܝܪܚܐ ܡܬܦܼܫܩ܀ ܘܥܒܼܕ ܐܠܗ ܬܪܝܢ ܢܗܝܼܪ̈ܐ ܪܘܪ̈ܒܐ ܗ̄ ܒܟܝܿܢܗܘܿܢ ܓܝܪ ܐܝܬ ܠܗܘܿܢ ܪܒܘܼܬܐ܆ ܘܠܘ ܒܦܚܼܡܐ ܕܚ̈ܕܕܐ: ܐܟܙܢܐ ܕܐܡܿܪܝܼܢܢ ܕܪܒܐ ܫܡܝܐ ܘܪܒܐ ܐܪܥܐ ܘܪܒ ܝܡܐ: ܡܿܕܝܢ ܗܿܠܝܢ ܒܓܘܼܫ̈ܡܝܗܘܿܢ ܘܒܟܝܿܢܗܘܿܢ ܪܒܝܢ: ܘܠܘ ܒܦܚܡܐ ܕܡܕܡ ܕܙܥܘܪ ܡܢܗܘܿܢ܀ ܢܗܝܼܪܐ ܪܒܐ ܠܫܘܼܠܛܢܐ ܗ̄ ܢܗܝܼܪܐ ܪܒܐ ܩܿܪܐ ܠܫܡܫܐ܇ ܒܦܚܡܐ ܕܣܗܪܐ ܒܗ݀ܝ ܕܐܦܢ ܬܪ̈ܝܗܘܿܢ ܪܘܪܒܝܼܢ܇ ܐܠܐ ܫܡܫܐ ܪܒ ܡܼܢ ܣܗܪܐ ܥܠܗܕܐ ܩܼܪܐ ܠܣܗܪܐ ܢܗܝܼܪܐ ܙܥܘܪܐ܀ ܘܬܘܼܒ ܩܼܪܐ ܠܫܡܫܐ ܢܗܝܼܪܐ ܪܒܐ: ܡܛܿܠ ܕܠܐ ܚܿܣܪ: ܣܗܪܐ ܕܝܢ ܚܿܣܪ܀ ܠܫܘܼܠܛܢܐ ܕܐܝܼܡܡܐ ܐܡܼܪ: ܒܗ݀ܝ ܕܐܠܗܐ ܐܫܠܼܛ ܒܐܝܼܡܡܐ: ܘܐܦ ܠܣܗܪܐ ܐܫܠܼܛ ܒܠܠܝܐ܆ ܕܒܗܿܝ ܕܐܘܣܦ ܟܘܟܒ̈ܐ܆ ܚܘܝܼ ܕܐܝܼܬ ܒܠ̈ܝܠܘܬܐ ܕܠܐ ܡܿܢܗܪܐ ܒܗܘܢܿ ܣܗܪܐ ܡܢܗܪܝܢ ܒܗܘܿܢ ܟܘܟ̈ܒܐ܀ ܘܝܗܼܒ ܐܠܗܐ ܒܪܩܝܼܥܐ ܗ̄ ܗ݀ܝ ܕܝܗܼܒ ܐܢܘܢܿ ܕܣܼܡ ܐܢܘܿܢ ܐܝܬܝܗܿ: ܘܠܘ ܕܩܒܼܥ ܐܢܘܿܢ ܐܝܟ ܨ̈ܨܐ ܒܬܪܥܐ܇ ܘܐܝܟ ܥܝ̈ܢܐ ܒܦܓܪܐܙ܇ ܐܠܐ ܦܩܼܕ ܕܢܗܘܘܿܢ ܒܡܫܝܐ: ܘܢܢܗܪܘܢܼ ܥܠ ܐܪܥܐ܀ ܒܝܘܡܐ ܪܒܝܼܥܝܐ ܒܼܪܐ ܐܠܗܐ ܠܢܗܝܪ̈ܐ ܘܠܘ ܒܩܕܡܝܐ ܕܢܣܼܬܒܪܘܢܼ ܘܢܣܬܓܕܘܢܼ܇ ܘܒܨܦܪܗ ܕܝܘܡܐ ܕܐܪܒܥܐ ܐܬܒܪܝܼܘ: ܘܐܠܘܼ ܒܠܠܝܐ ܐܬܒܪܝܼܘ܇ ܚܠܦ ܪܡܫܐ ܘܠܠܝܐ: ܐܝܼܡܡܐ ܗܿܘ ܗܼܘܐ: ܘܡܫܼܬܟܚ ܐܝܼܡܡܗ ܕܝܘܡܐ ܪܒܝܼܥܝܐ ܕܩܕܝܼܡ ܠܠܠܝܗ܇ ܘܫܡܫܐ ܟܕ ܐܝܼܬ̄ܘ ܒܪ ܚܕ ܒܝܘܡܐ ܘܒܪ ܐܪܒܥܐ ܐܬܒܪܝܼ: ܘܣܗܪܐ ܒܪ ܐܪܒܬܥܣܪ ܝܘܡ̈ܝܼܢ: ܘܝܼܕܝܼܥܐ ܕܟܕ ܡܿܠܐܼ ܐܬܒܪܝܼ ܡܼܢ ܗ݀ܝ ܕܐܬܩܪܝܼ ܢܗܝܼܪܐ ܪܒܐ: ܘܫܡܫܐ ܟܕ ܩܿܐܡ ܒܦܢܝܼܬܐ ܡܕܢܚܝܬܐ ܒܥܕܢ ܨܦܪܐ ܐܬܒܪܝܼ: ܘܣܗܪܐ ܒܗܿ ܒܫܥܬܐ ܟܕ ܡܿܠܐܼ ܘܩܿܐܡ ܒܦܢܝܼܬܐ ܡܥܪܒܝܬܐ܆ ܟܕ ܚܿܙܝܢ ܠܚ̈ܕܕܐ܀ ܐܚܪ̈ܢܐ ܐܡܿܪܝܼܢ: ܕܐܟܡܐ ܕܚܿܙܝܢܢ ܠܗ ܠܣܗܪܐ ܙܥܘܪܐ ܟܕ ܡܬܝܼܠܕ ܒܡܥܪܒܐ: ܗܿܟܢܐ ܐܬܒܪܝܼ ܐܦܢ ܐܣܦܝܪܗ ܡܫܡܠܝܬܐ ܐܝܬܝܗܿ ܗܼܘܬ݀܆ ܘܐܢ ܪ ܝܗ̄ ܝܘܡ̈ܬܐ ܐܬܒܪܝܼ ܡܼܢ ܡܠܝܘܼܬܗ ܠܡܠܝܘܼܬܗ ܡܬܼܡܢܐ ܣܗܪܐ ܘܗܿܢܘܿܢ ܝܗ̄ ܝܘ̈ܡܐ ܕܡܼܢ ܡܠܝܘܼܬܗ ܠܓܡܘܼܪܝܗ܆ ܗܘܼܘ pb. 13 ܠܗܘܿܢ ܝܬܝܼܪ̈ܐ ܠܪܗܛܐ ܘܡܢܝܢܐ ܕܝܪ̈ܚܐ܀ ܘܢܘܼܗܪܐ ܗܿܘ ܐܫܝܼܕܐ ܕܬܠܬܝܐ ܝܘ̈ܡܐ܆ ܐܫܝܼܕܐ ܗܼܘܐ. ܘܒܝܘܡܐ ܪܒܝܼܥܝܐ ܦܩܼܕ ܐܠܗܐ ܠܢܘܼܗܪܐ ܫܪܝܐ ܗܿܘ ܘܐܬܟܢܝܼ ܘܗܘܼܐ ܢܗܝܼܪܐ ܘܥܒܼܕ ܠܗܿܘ ܢܘܼܗܪܐ ܓܝܓܠܐ ܡܬܼܟܪܟܢܝܼܬܐ܀ ܝܥܩܘܿܒ ܐܘܪܗܝܐ ܐܡܿܪ܆ ܠܟܿܠܗ ܢܘܼܗܪܐ ܗܿܘ ܐܫܝܼܕܐ܆ ܕܬܠܬܐ ܝܘ̈ܡܬܐ ܩܕܡ̈ܝܐ܆ ܚܡܼܠ ܘܣܝܟܗ: ܡܛܠ ܕܐܫܝܼܕܐ ܗܼܘܐ ܘܠܐ ܡܛܟܣܐ܇ ܒܕܡܘܼܬ ܢܗܝܼܪܐ ܦܪܝܼܣ ܗܼܘܐ ܥܠ ܥܠܡܐ ܘܠܐ ܡܿܬܚܡ ܗܼܘܐ ܥܕ̈ܢܐ܀ ܘܠܐ ܪܕܐ ܗܼܘܐ ܘܠܐ ܡܿܘܕܥ ܗܼܘܐ ܫܥ̈ܐ܇ ܐܦܠܐ ܐܝܼܬ ܗܼܘܐ ܠܐ ܡܬܬܙܝܼܥܢܘܼܬܐ ܫܡܫܢܝܬܐ: ܐܠܐ ܡܬܼܐܫܕ ܗܘܐ ܡܼܢ ܫܠܝ ܒܥܕܢ ܘܡܬܩܼܦܣ ܗܼܘܐ ܒܥܕܢ ܪܡܫܐ ܐܝܟ ܚܟܼܡܬܐ ܕܒܪܘܝܐ܀ ܘܢܘܼܗܪܐ ܐܫܝܼܕܐ ܕܬܠܬܐ ܝܘܡ̈ܐ ܩܕܡ̈ܝܐ: ܙܗܪܐ ܕܢܼܘܪܐ ܗܿܝ ܕܠܥܠ ܐܝܼܬ̄ܘ ܕܡܿܢܗܪ ܒܐܐܪ: ܘܠܐ ܥܕܟܝܼܠ ܚܒܝܼܫ ܗܼܘܐ ܘܡܿܟܢܼܫ ܘܨܡܝܼܕ ܒܓܘ ܐܣܦܝܼܪܐ ܕܡܬܼܩܪܐ ܫܡܫܐ ܟܕ ܫܦܼܪܬ݀ ܠܥܒܘܕܐ ܕܢܨܡܘܿܕ ܘܢܟܢܫ ܠܐܫܝܼܕܘܬܗ ܕܢܘܼܗܪܐ ܒܓܘ ܡܐܢܐ: ܐܝܟܢܐ ܕܢܘܕܥ ܠܢ ܨܦܪܐ ܘܦܠܓܗ ܕܝܘܡܐ ܘܦܘܼܪܫܢܐ ܕܫܥ̈ܐ. ܟܿܠ ܓܝܪ ܕܢܘܼܗܪܐ ܝܼܠܝܼܕܐ ܗܿܘ ܕܢܘܼܪܐ ܐܘܟܝܼܬ ܫܡܫܐ: ܘܗܢܐ ܫܘܼܚܠܦܐ ܐܝܬ ܒܝܬ ܢܘܼܗܪܐ ܗܿܘ ܐܫܝܼܕܐ ܠܗܿܘ ܕܒܝܘܡܐ ܕܐܪܒܥܐ ܐܟܡܐ ܕܡܿܫܚܼܠܦ ܙܗܪܐ ܕܢܘܼܪܐ ܕܡܿܢܗܪ ܡܼܢ ܪܘܼܚܩܐ: ܡܼܢ ܠܡܦܝܕܐ ܕܣܝܼܡ ܒܡܨܥܬܐ ܘܡܿܢܗܪ ܥܬܝܪܐܝܬ܇ ܐܚܪܢܐ ܗܿܘ ܙܗܪܐ ܕܢܘܼܪܐ ܕܡܿܢܗܪ ܥܡܘܼܛܐܝܬ ܒܓܘ ܒܝܬܐ: ܘܐܚܪܢܐ ܗܿܘ ܠܡܦܝܕܐ ܐܘܿ ܫܪܓܐ ܕܐܚܝܼܕ ܠܗܿ ܠܢܘܼܪܐ ܡܠܘܿܢ ܕܝܢ ܗܘܼ ܟܝܢܗܿ ܢܨܝܼܚܐ ܕܢܘܼܪܐ: ܡܿܕܝܢ ܢܘܼܗܪܐ ܐܫܝܼܕܐ ܘܩܕܝܡܐ ܙܠܓܐ ܘܙܗܪܐ ܕܢܘܼܪܐ ܐܝܼܬܘܗܝ: ܫܡܫܐ ܕܝܢ ܕܒܝܘܡܐ ܕܪܒܝܼܥܝܐ ܐܬܬܼܩܢ. ܘܗܘܼ ܟܝܿܢܐ ܢܨܝܼܚܐ . ܘܕܣܿܓܝܼ ܐܝܬܝܗܿ ܡܥܒܕܢܝܼܬܐ܀ ܬܐܘܠܘܓܘܣ ܐܡܿܪ ܕܠܝܬ ܐܕܫܐ ܕܩܕܝܼܡ ܠ̈ܗܘܼܠܐ܇ ܐܠܐ ܫܡܫܐ܆ ܟܕ ܐܕܫܐ ܠܢܘܼܗܪܗ ܕܫܡܫܐ ܩܿܪܐ܇ ܗܘܼ̈ܠܐ ܕܝܢ ܠܓܘܼܫܡܗ ܕܫܡܫܐ: ܘܡܿܚܘܐ ܕܩܕܝܼܡ ܢܘܼܗܪܗ ܕܫܡܫܗ ܠܓܘܼܫܡܗ ܕܫܡܫܐ: ܘܗܘܿ ܢܘܼܗܪܐ ܐܫܝܼܕܐ ܙܗܪܐ ܘܙܠܝܼܩܐ ܕܢܘܼܪܐ ܐܝܼܬ̄ܘ ܗܼܘܐ܀ ܘܠܐ ܩܕܝܼܡ ܢܘܼܗܪܐ ܠܚܫܘܼܟܐ܆ ܒܗܿܝ ܕܐܣܛܘ̈ܟܣܐ ܫܘܝܐܝܬ ܐܬܒܪܝܼܘ: ܘܢܘܼܗܪܐ ܙܗܪܐ ܕܢܘܼܪܐ ܘܥܡܗܿ ܐܬܒܪܝܼ ܘܚܫܘܼܟܐ ܛܠܠܗܿ ܕܐܪܥܐ ܐܝܼܬ̄ܘ ܟܕ ܛܒ ܠܘ ܒܪܝܼܬܐ ܐܝܼܬܘܗܝ: ܐܠܐ ܓܠܝܼܙܘܬܐ ܗܿܘ ܕܢܘܼܗܪܐ ܚܫܘܼܟܐ܀ ܣܗܪܐ ܡܫܬܼܚܠܦܢܐ ܐܬܒܪܝܼ: ܐܝܟ ܟܝܢܐ ܕܒܢܝ̈ܢܫܐ ܕܪܒܐ ܘܙܿܥܪ ܒܣܝܒܘܼܬܐ ܘܥܘܼܢܕܢܐ: ܘܫܡܫܐ ܠܐ ܡܫܼܬܚܠܦܢܐ ܐܪܙ ܐܠܗܐ ܕܠܐ ܡܫܼܬܚܠܦ ܒܝܘܡܐ ܚܡܝܼܫܝܐ ܐܡܼܪ ܐܠܗ ܢܪܚܫܘܢܼ ܡܝ̈ܐ ܢܦܫ̈ܬܐ ܚܝ̈ܬܐ ܗ̄ ܘܐܦܢ ܠ̈ܡܝܐ ܦܩܼܕ ܐܠܗܐ ܘܐܘܠܕܘ ܪ̈ܚܫܐ܇ ܐܠܐ ܢܘܼ̈ܢܐ ܘܪ̈ܚܫܐ ܡܼܢ ܐܪܒܥܐ ܐܣܛܘܟ̈ܣܐ ܐܢܘܿܢ: ܐܟܡܐ ܕܬܕܐܐ ܘܙܪܥܐ ܐܦܢ ܡܼܢ ܐܪܥܐ ܐܢܘܿܢ: ܐܠܐ ܡܼܢ ܐܪܒܥܐ ܐܣܛܘ̈ܟܣܐ ܡܩܝܼܡܝܼܢ: ܡܛܠ ܕܥܠܒܐ ܪܛܝܼܒܘܼܬܐ ܘܪܓܝܘܼܬܐ ܒܢܘܼ̈ܢܐ ܘܦܪ̈ܚܬܐ܇ ܡܛܠܗܕܐ ܐܡܼܪ ܠ̈ܡܝܐ ܕܢܪܚܫܘܢܼ: ܐܟܡܐ ܕܣܓܝܐܐ ܩܫܝܘܼܬܐ ܕܐܪܥܐ ܒܙܪ̈ܥܐ܇ ܘܒܗܿܠܝܢ ܕܐܦܩܼܬ݀ ܐܪܥܐ: ܝܬܝܼܪ ܡܼܢ ܬܠܬܐ ܐܣܛܘ̈ܟܣܐ pb. 14 ܐܚܪ̈ܢܐ܀ ܒܼܪܐ ܬܘܼܒ ܐܠܗܐ ܠܒܪ̈ܝܬܐ ܠܐ ܚܝ̈ܬܐ ܒܙܢܐ ܕܥܣܒܐ ܘܐܝܼܠ̈ܢܐ ܘܫܡܫܐ: ܩܕܡ ܚܝ̈ܬܐ ܐܝܬܝܗܘܿܢ ܢܘ̈ܢܐ ܘܦܪ̈ܚܬܐ܆ ܐܝܟܐܢ ܕܠܐ ܢܣܼܬܒܪ̈ܢ ܐܠܗܐ ܚܝ̈ܬܐ ܐܢ ܐܬܒܪ̈ܝܝܢ ܩܕܡܐܝܬ܀ ܘܬܘܼܒ ܒܼܪܐ ܩܕܡܐܝܬ ܣܝܒܪܬܐ: ܗ݀ܝܕܝܢ ܐܝܠܝܢ ܕܡܣܼܬܝܒܪܝܼܢ܆ ܘܟܿܠܗ ܟܝܿܢܐ ܕܡ̈ܝܐ: ܟܿܠ ܟܪ ܕܐܝܼܬܘܗܝ ܗܼܘܐ ܟܕ ܦܩܼܕ ܐܠܗܐ ܕܢܪܚܫ: ܐܦܪܝܼ ܘܐܘܠܕ: ܐܢ ܒܝܡ̈ܡܐ ܘܐܢ ܒܩܒܝ̈ܬܐ ܘܢܚܪ̈ܘܬܐ ܘܡܥ̈ܝܼܢܐ ܘܐܢ ܒܬܠܝܼܠܘܼܬܐ ܘܪܛܝܼܒܘܼܬܐ ܐܝܿܕܐ ܕܗܝܼ܆ ܢܦܫ̈ܬܐ ܚܝ̈ܬܐ ܢܦܩܼ̈ܝ ܠܘܬ ܟܡܝܘܼܬܐ ܕܡ̈ܝܐ ܘܐܝܢܝܘܼܬܐ ܘܛܥܡܬܐ ܕܝܼܠܗܘܿܢ ܟܕ ܒܝܡ̈ܡܐ ܐܬܝܼܠܕܘ ܩܛ̈ܐ ܐܘܿܟܝܬ ܬܢܝܼ̈ܢܐ: ܕܡܐܬܝܢ ܡܝܼ̈ܠܐ ܗܿܘܝܢ ܚܕ ܡܢܗܘܿܢ܆ ܘܠܘ ܒܠܚܘܕ ܗܿܝܕܝܢ ܐܥܒܕ ܦܘܼܩܕܢܐ: ܐܠܐ ܐܦ ܗܫܐ ܡܿܥܒܕ ܘܡܿܦܩ ܢܦܫ̈ܬܐ ܚܝ̈ܬܐ: ܟܕ ܬܠܝܼܠܘܼܬܐ ܡܦܩܐ ܚܐܦܩ ܘܒܩ̈ܐ: ܢܦܫܐ ܚܝܬܐ ܩܿܪܐ ܠܡܕܡ ܕܡܿܩܼܝܡ ܘܚܝ ܘܡܿܪܓܫ܀ ܐܝܼܠ̈ܢܐ ܘܙܪ̈ܥܐ܀ ܡܢܦܫ̈ܐ ܡܬܼܐܡܪܝܼܢ܇ ܡܛܠ ܕܠܐ ܡܿܫܢܝܢ ܡܼܢ ܕܘܼܟܬܐ ܠܕܘܼܟܬܐ: ܗܿܠܝܢ ܕܒܡ̈ܝܐ ܐܝܬܝܗܘܿܢ ܡܢܦܫ̈ܐ ܡܛܠ ܕܪܒܝܢ ܘܐܝܬܝܗܘܿܢ ܚܝ̈ܐ ܕܡܬܬܙܝܼܥܝܼܢ ܡܼܢ ܕܘܼܟ ܠܕܘܼܟ: ܘܡܪ̈ܓܫܢܐ ܐܝܬܝܗܘܿܢ: ܡܛܠ ܕܒܟܿܠ ܡܐ ܕܓܿܫܦ ܒܗܘܿܢ ܡܪܓܫܝܼܢ܇ ܐܬܩܪܝܼܘ ܕܒܡ̈ܝܐ ܪ̈ܚܫܐ: ܡܛܠ ܣܓܝܐܘܬܗܘܿܢ ܬܘܼܒ: ܐܝܟܢܐ ܕܪ̈ܚܫܐ ܪܚܫ ܥܠ ܐܪܥܐ ܗܿܟܢܐ ܗܿܠܝܢ ܐܝܠܝܢ ܕܒܡ̈ܝܐ ܣܚ̈ܝܢ: ܢܘܼܢ̈ܐ ܬܘܼܒ ܥܠ ܕܠܝܬ ܠܗܘܿܢ ܪ̈ܓܠܐ ܒܟܿܠܗ ܓܘܼܫܡܗܘܿܢ ܣܿܚܝܢ ܘܪܚܫܝܼܢ ܒܡ̈ܝܐ: ܒܕܡܘܬ ܪ̈ܚܫܐ ܕܪܚܫ ܥܠ ܐܪܥܐ܀ ܘܦܪܚܬܐ ܬܦܼܪܚܝ ܥܠ ܐܪܥܐ ܗ̄ ܦܩܼܕ ܐܠܗܐ ܠ̈ܡܝܐ ܘܪܚܫܼܘ ܪ̈ܚܫܐ ܕܐܝܬ ܒܗ ܢܦܫܐ ܕܣܿܚܐ ܒܡ̈ܝܐ܆ ܘܐܚܪ̈ܢܐ ܓܢܣ̈ܐ ܕܦܪܚܬܐ ܕܦܪܚܐ ܒܫܡܝܐ܆ ܒܗ݀ܝ ܕܦܪܚ ܥܠ ܐܪܥܐ ܫܘܕܥ܆ ܕܒܿܬܪ ܕܦܪܚܐ: ܫܿܟܢܐ ܥܠ ܐܪܥܐ ܡܛܠ ܠܐܘܬܐ܆ ܘܡܛܿܠ ܬܘܪ̈ܣܝܐ ܕܢ݀ܣܒܐ ܡܼܢ ܐܪܥܐ܇ ܘܡܛܠܿ ܙܘܘܓܐ ܕܢܼܝܒܠ ܓܢܣܗܿ. ܒܗ݀ܝ ܕܥܠ ܐܦܝ̈ ܫܡܝܐ. ܕܐܦܢ ܡܬܼܥܠܝܐ: ܐܠܐ ܠܢܗܝܪ̈ܐ ܠܐ ܡܿܛܝܐ܆ ܐܠܐ ܒܐܐܪ ܗ݀ܘ ܕܐܝܼܬ̄ܘ ܪܟܘܼܒܗܿ: ܫܡܝܐ ܗܪܟܐ ܠܐܐܪ ܩܿܪܐ܀ ܥܒܼܕ ܐܠܗܐ ܠܦܪ̈ܚܬܐ ܪ̈ܓܠܐ܆ ܡܛܠ ܕܥܠ ܐܪܥܐ ܡܼܙܕܘܓܐ ܘܡܣܼܬܝܒܪܐ܀ ܘܓܦ̈ܐ ܐܟܡܿܢ ܕܬܡܼܪܕܝ ܡܼܢ ܒܥ̈ܠܕܒܒܐ܀ ܘܦܪܚܐ ܡܼܢ ܡ̈ܝܐ ܐܝܬܝܗܿ܇ ܡܼܢ ܗ݀ܝ ܕܐܦ ܡܼܢ ܝܡܐ ܣܘܼܡܩܐ: ܣܠܩܼܬ݀ ܣܠܘܝ܀ ܘܒܼܪܐ ܐܠܗܐ ܬܢܝܼ̈ܢܐ ܪܘܪ̈ܒܐ ܗ̄ ܬܢܝܼ̈ܢܐ ܠ̈ܢܘܼܢܐ ܪܘܪ̈ܒܐ ܘܠ̈ܩܛܐ ܡܿܫܘܕܥ܆ ܐܚܪ̈ܢܐ ܐ݀ܡܪܝܼܢ ܕܬܢܝܼ̈ܢܐ ܩܿܪܐ܆ ܠܗܿܠܝܢ ܕܡܼܢ ܓܢܣܐ ܕܚܘ̈ܘܬܐ: ܐ݀ܡܪܝܼܢܢ ܗ݀ܝ ܓܝܪ ܕܡܼܢ ܡܝ̈ܐ ܗܘܼܘ: ܐܦܢ ܥܿܡܪܝܼܢ ܒܐܪܥܐ ܐܟܡܐ ܕܦܪܚܬܐ ܡܼܢ ܡܝ̈ܐ ܗܼܘܬ܇ ܘܥܠ ܐܪܥܐ ܥܿܡܪܐ܀ ܘܟܿܠ ܢܦܫܐ ܕܐܪܚܼܫܘ ܡܝ̈ܐ ܗ̄ ܡܛܠܗܕܐ ܡܪܚܦܐ ܗܼܘܬ݀ ܪܘܼܚܐ ܩܕܝܫܐ ܥܠ ܡ̈ܝܐ ܐܝܟܢܐ ܕܬܫܟܼܢܝ ܠܗܘܿܢ ܚܝܠܐ ܡܘܠܕܢܐ܀ ܘܚܼܙܐ ܐܠܗܐ ܕܫܦܝܼܪ ܗ̄ ܚܠܦ ܗ݀ܝ ܕܛܒܿܐ ܘܚܿܫܚܐ ܘܡܘܬܪܐ܇ ܘܐܠܨܐ ܠܒܢܝ̈ܢܫܐ: ܙܿܕܩ pb. 15 ܕܬܬܢܣܼܒ ܗܕܐ܀ ܘܒܪܟ ܐܢܘܿܢ ܐܠܗܐ ܘܐܡܼܪ ܠܗܘܿܢ ܦܪܘ ܘܣܓܘ ܗ̄ ܒܪܟ ܐܢܘܿܢ ܡܛܠܿ ܕܐܝܬܝܗܘܿܢ ܚܝ̈ܬܐ ܡܢܦܫ̈ܬܐ ܘܡܛܠܿ ܕܢܣ̈ܓܝܢ܇ ܘܡܛܠܿ ܕܢܼܬܝܒ̈ܠܢ܆ ܘܢܩܘܼܡ ܓܢܣܗܝܢ ܘܠܐ ܢܘܦܼܐ܆ ܗܕܐ ܒܘܼܪܟܬܐ ܡܼܢ ܗܿܘ ܙܒܢܐ ܥܕܡܐ ܠܗܫܐ܇ ܒܗܝܢ ܡܟܬܪܐ ܘܡܬܼܝܒܠܐ܆ ܘܚܝ̈ܘܬܐ ܐܬܒܼܪ̈ܟܝ: ܘܠܘ ܥܣ̈ܒܐ ܘܙܪ̈ܥܐ: ܥܠ ܕܥܣ̈ܒܐ ܘܙܪ̈ܥܐ ܡܛܠܿ ܦܪ̈ܚܬܐ ܘܚܝ̈ܘܬܐ ܐܬܒܪܝܼܘ܆ ܘܐܝܼܠ̈ܢܐ ܬܘܼܒ ܘܥܣ̈ܒܐ ܠܐ ܡܿܝܬܝܼܢ܆ ܘܐܢ ܡܬܦܣܩܝܼܢ ܡܼܢ ܕܪܝܫ ܝ݀ܥܝܢ܇ ܘܡܼܢ ܡܝ̈ܐ ܘܚܘܼܠܛܢܐ ܕܥܡ ܐܪܥܐ ܫܿܘܚܝܼܢ܆ ܦܪ̈ܚܬܐ ܘܚܝ̈ܘܬܐ ܒܝܕ ܕܡܝ̈ܬܢ ܡܛܠܗܕܐ ܒܪܟ ܐܢܘܿܢ ܐܠܗܐ܀ ܘܐܡܼܪ ܐܠܗܐ ܬܦܼܩܝ ܐܪܥܐ ܢܦܫܐ ܚܝܬܐ ܠܓܢܣܗ ܗ̄ ܐܟܙܢܐ ܕܦܩܼܕ ܠ̈ܡܝܐ ܘܐܘܠܕܘ ܢܘܼ̈ܢܐ ܘܦܪ̈ܚܬܐ: ܗܿܟܢܐ ܦܩܼܕ ܐܠܗܐ ܠܐܪܥܐ ܘܐܦܩܼܬ݀ ܢܦܫ̈ܬܐ ܚܝ̈ܬܐ ܕܒܥܝܼܪܐ܆ ܘܢܦܫܐ ܕܒܥܝܼܪܐ: ܡܫܚܠܦܐ ܡܼܢ ܕܒܪܢܫܐ܆ ܗ݀ܝ ܡܿܢ ܡܼܢ ܐܪܥܐ ܐܬܩܼܝܡܬ݀ ܕܒܪܢܫܐ ܡܼܢ ܡܦܘܼܚܝܼܬܐ܇ ܢܦܫܐ ܕܚܝܘܬܐ ܕܡܐ ܐܝܼܬܘܗܝ: ܕܡܐ ܕܝܢ ܐܡܬܝ ܕܩܼܛܪ ܠܒܣܪܐ ܡܟܢ ܕܢܫܼܬܚܠܦ܇ ܘܒܣܪܐ ܐܡܬܝܕ ܡܬܼܚܒܠ܆ ܠܐܪܥܐ ܗܿܦܟ ܘܡܫܼܬܪܐ܇ ܐܪܥܢܝܬܐ ܗܿܝ ܡܿܕܝܢ ܢܦܫܐ ܕܒܥܝܼܪܐ: ܘܡܼܢ ܐܠܗܐܐܬܼܩܝܡܬ݀ ܘܐܬܒܼܪܝܬ܇ ܒܥܝܼܪܐ ܬܼܘܒ ܩܿܪܐ ܠܗܿܠܝܢ ܕܐܟܿܠܝܼܢ ܥܣܒܐ ܘܥܡܝܼܪܐ܇ ܐܟܙܢܐ ܕܚܡܪ̈ܐ ܘܬܘܪ̈ܐ ܘܥܪ̈ܒܐ: ܚܝ̈ܘܬܐ ܡܿܫܡܗ܇ ܠܗܿܠܝܢ ܕܐܟ̈ܠܢ ܒܣܪܐ܇ ܐܟܙܢܐ ܕܐܪܝܐ ܘܕܐܒܐ܀ ܪ̈ܚܫܐ ܡܿܫܡܗ ܠܗܿܠܝܢ ܕܚ̈ܠܕܢ ܒܥܦܪܐ ܘܐܪܥܐ܇ ܐܟܙܢܐ ܕܥܘܼܩܒܪ̈ܐ ܘܬܘ̈ܠܥܐ ܘܨܪܘܪ̈ܝܬܐ܀ ܚܝܘܬܐ ܕܐܪܥܐ ܠܓܢܣܗ ܗ̄ ܣܘܼܣܝܐ ܡܝܒܠ ܘܡܿܦܪܐ ܠܓܢܣܗ ܒܣܘܼܣܝܐ ܗܿܘ ܕܡܢܗ ܡܬܝܼܠܕ܀ ܘܐܡܼܪ ܐܠܗܐ ܢ݀ܥܒܕ ܐܢܫܐ ܒܨܠܡܢ ܐܝܟ ܕܡܘܼܬܢ ܗ̄ ܒܿܬܪ ܕܒܼܪܐ ܐܠܗܐ ܠܥܠܡܐ ܘܨܒܼܬܗ ܘܐܩܝܼܡܗ ܐܝܟ ܒܝܬ ܡܠܟܐ ܘܓܢܘܿܢܐ܇ ܒܼܪܐ ܠܒܪܢܫܐ ܘܐܥܼܠ ܣܡܗ ܒܗܿ܆ ܗ݀ܝ ܓܝܪ ܕܐܡܼܪ ܕܢ݀ܥܒܕ ܣܓܝܐܢܐܝܬ ܘܠܘ ܕܐ݀ܥܒܕ ܚܕܢܐܝܬ. ܫܘܕܥ ܠܢ ܕܠܘܬ ܒܪܐ ܘܪܘܼܚܐ ܐܡܼܪ: ܘܠܘ ܠܘܬ ܡ̈ܠܐܟܐ. ܠܐ ܓܝܪ ܡܿܫܘܐ ܒܪܘܝܐ ܢܦܫܗ ܥܡ ܒܪ̈ܝܐ܀ ܬܘܼܒ ܕܝܢ ܨܠܡܐ ܕܒܪܘܝܐ ܘܕܡ̈ܠܐܟܐ: ܠܘ ܚܕ ܐܝܬܘܗܝ: ܗ݀ܝ ܓܝܪ ܕܐܡܼܪ ܐܢܫܐ ܘܠܘ ܒܪܢܫܐ ܚܘܝܼ ܕܫܡܐ ܕܐܢܫܐ ܠܐܒܐ ܘܥܩܪܐ ܡܿܫܘܕܥ: ܫܡܐ ܕܒܪܢܫܐ ܠܗܿܘ ܕܡܬܼܝܠܕ ܡܼܢ ܐܢܫܐ܀ ܬܘܼܒ ܫܡܐ ܕܐܢܫܐ ܓܘܢܝܐ ܐܝܼܬܘ: ܘܒܗܿܠܝܢ ܬܪܝܢ ܩܢܘܼ̈ܡܐ ܠܟܿܠܗܘܿܢ ܒܢܝܢ̈ܫܐ ܒܼܪܐ܀ ܒܨܠܡܢ ܗ̄ ܐܝܟܢܐ ܕܐܠܗܐ ܐܝܼܬ̄ܘ ܪܝܫܐ ܘܫܠܝܼܛܐ ܥܠ ܟܿܠ: ܗܿܟܢܐ ܫܟܢ ܠܒܪܢܫܐ ܪܝܫܢܘܼܬܐ ܘܫܘܼܠܛܢܐ ܥܠ ܗܿܠܝܢ ܕܒܐܪܥܐ܀ ܬܘܼܒ ܐܝܬܘܗܝ ܨܠܡܐ ܒܚܐܪܘܼܬܐ ܘܫܠܝܼܛܘܼܬ ܒܝܿܬܐ ܕܫܟܢ ܠܗ܀ ܗ݀ܘ ܗܿܟܝܼܠ ܙܝܼܘܐ ܘܫܘܼܒܚܐ ܕܩܒܼܠ ܡܘܫܐ ܒܦܪܨܘܦܗ܇ ܐܕܡ ܒܟܿܠܗ ܦܓܪܗ ܩܒܼܠ܆ ܘܒܢܦܫܗ ܩܒܼܠ ܪܘܼܚܐ ܩܕܝܼܫܐ ܘܚܝ̈ܘܬܐ ܓܗܪ̈ܢ ܗܼܘ̈ܝ ܡܼܢ ܙܝܼܘܗ: ܘܡ̈ܠܐܟܐ ܬܗܼܪܘ ܒܗ: ܘܣܛܢܐ ܚܣܼܡ ܒܗ ܘܐܬܗܼܦܟ ܠܣܢܼܐܬܐ: ܘܐܝܟܢܐ ܕܐܝܼܬ̄ܘ ܐܠܗܐ ܚܿܙܐ ܠܟܿܠ ܡܪܢܐܝܬ: ܗܿܟܢܐ ܥܒܼܕ ܠܢܦܫܐ ܕܚܿܙܝܐ ܠܟܿܠ ܒܦܢܛܣܝܐ: pb. 16 ܘܐܝܟܢܐ ܕܐܠܗܐ ܐܝܼܬ̄ܘ ܚܟܝܼܡܐ ܒܟܝܿܢܗ: ܗܿܟܢܐ ܥܒܕܗܿ ܠܢܦܫܐ ܕܬܩܒܼܠܝ ܚܟܡ̈ܬܐ: ܘܐܝܟܢܐ ܕܐܠܗܐ ܡܿܦܪܢܣ ܠܒܪ̈ܝܬܐ ܟܕ ܠܐ ܡܬܼܚܙܐ܆ ܗܿܟܢܐ ܢܦܫܐ ܟܕ ܠܐ ܡܬܼܚܙܝܐ ܡܿܥܒܕܐ ܒܦܓܪܐ ܘܒܥܠܡܐ ܘܡܦܪܢܣܐ܀ ܢܦܫܐ ܐܝܬ ܠܗܿ ܡܠܼܬܐ ܘܪܘܼܚܐ܆ ܘܠܐܠܗܐ ܐܒܐ ܐܝܼܬ ܠܗ ܡܠܼܬܐ ܘܪܘܼܚܐ܆ ܕܡܘܼܬܐ ܐܝܬܝܗܿ܆ ܗܿܘ ܡܐ ܕܨܒܝܿܢܐܝܬ ܩܿܢܝܢܢ ܠܗ܆ ܩܕܝܼܫܘܼܬܐ ܡܪܚܡܢܘܼܬܐ܇ ܡܫܝܢܘܼܬܐ ܢܟܦܘܼܬܐ: ܗܕܐ ܗܿܝ ܕܡܘܼܬܐ ܐܠܠܗܝܬܐ: ܨܠܡܐ ܓܝܪ ܐܝܼܬ̄ܘ܇ ܗܿܘ ܡܐ ܕܟܝܿܢܐܝܬ ܩܢܝܢܢ ܠܗ ܐܟܡܐ ܕܚܐܪܘܼܬܐ ܘܫܘܼܠܛܢܐ ܕܥܠ ܚܝ̈ܘܬܐ ܘܪܝܼܨܘܼܬ ܩܘܡܬܐ ܕܐܝܬܝܗܿ ܢܦܫܢ ܠܐ ܡܬܼܚܙܝ̈ܢܝܼܬܐ܆ ܕܡܼܘܬܐ ܕܝܢ ܐܟܡܐ ܕܐܡܼܪܢܢ ܗܘܼܘ ܠܡ ܡܪ̈ܚܡܢܐ ܐܝܟܢܐ ܕܐܒܘܼܟܘܿܢ܀ ܒܨܠܡܢ ܘܕܡܘܼܬܢ ܐܡܼܪ܆ ܐܝܟܢ ܕܢܫܘܕܥ ܕܚܕ ܐܠܗܐ ܒܬܠܬܐ ܩܢܘܼ̈ܡܐ ܐܝܼܬ̄ܘ܀ ܢܫܠܛܘܼܢ ܒܢܘܼ̈ܢܝ ܝܡܐ ܘܒܦܪܚܬܐ ܗܿܢܐ ܐܝܼܬܘܗܝ ܨܠܡܐ ܕܐܠܗܐ ܕܝܗܼܒ ܫܘܼܠܛܢܐ ܠܒܢܝ̈ܢܫܐ ܥܠ ܗܿܠܝܢ ܕܒܡ̈ܝܐ: ܘܒܿܐܐܪ ܘܒܐܪܥܐ܀ ܘܒܼܪܐ ܐܠܗܐ ܠܐܕܡ ܗ̄ ܗܪܟܐ ܚܘܝܼ ܠܕܐ ܦܿܪܫܐ ܗܿܝ ܕܒܼܪܐ ܐܠܗܐ ܡܼܢ ܗܿܝ ܕܢ݀ܥܒܕ܀ ܐܚܪ̈ܢܐ ܐܡܿܪܝܼܢ܇ ܕܬܡܢ ܐ݀ܡܪ ܕܢ݀ܥܒܕ܆ ܟܕ ܚܿܚܘܐ ܕܦܓܪܐ ܡܼܢ ܐܣܛܘ̈ܟܣܐ ܐܬܥܼܒܕ܆ ܘܬܢܢ ܐܡܿܪ ܕܒܼܪܐ܇ ܟܕ ܡܿܠܦ ܕܢܦܫܐ ܡܼܢ ܠܐ ܡܕܡ ܐܬܒܼܪܝܬ݀܇ ܘܙܿܕܩ ܗܼܘܐ ܠܡ ܕܬܪ̈ܬܝܗܝܢ ܢܬܼܐܡܪ̈ܢ ܥܠ ܒܪܢܫܐܐ܀ ܘܐܢܫܐ ܐܡܼܪ ܠܥܠ܀ ܫܡܐ ܓܘܢܝܐ ܘܗܪܟܐ ܐܕܡ: ܕܨܒܼܐ ܕܢܦܪܫܝܼܘ̄ ܡܢ ܩܢܘ̈ܡܐ ܕܡܢܗ܀ ܐܚܪ̈ܢܐ ܐܡܿܪܝܼܢ ܕܫܡܐ ܕܐܕܡ ܘܐܢܫܐ܆ ܓܘܢ̈ܝܐ ܐܢܘܿܢ ܐܝܟ ܠܫܢܐ ܥܒܪܝܐ܀ ܘܒܨܠܡ ܐܠܗܐ ܒܪܝܗܝ ܗ̄ ܡܼܢ ܠܥܠ ܐܡܼܪ ܢ݀ܥܒܕ: ܕܢܘܕܥ ܕܬܠܬܐ ܩܢܘܼ̈ܡܐ ܐܝܼܬ̄ܘ: ܗܪܟܐ ܕܝܢ ܒܼܪܝܗܝ ܚܕܢܐܝܬ ܐܡܼܪ ܗ̄ ܕܚܕ ܐܠܗܐ ܐܝܼܬ̄ܘ܀ ܕܟܪ ܘܢܩܒܠܐ ܒܼܪܐ ܐܢܘܿܢ ܗ̄ ܟܕ ܐܕܡ ܠܚܘܕ ܐܝܬܘܗܝ ܐܡܼܪ ܗܕܐ: ܡܛܠ ܕܒܟܝܿܢܗ ܕܐܕܡ ܐܝܬܝܗܿ ܗܼܘܬ݀ ܚܘܐ: ܘܡܼܢ ܗܢܐ ܐܕܡ ܥܬܝܼܕܝܢ ܕܢܬܝܠܕܘܢܼ ܕܟܪ̈ܐ ܘܢܩܒ̈ܬܐ: ܘܒܪܟ ܐܢܘܿܢ ܐܠܗܐ ܘܐܡܼܪ ܦܪܘ ܘܣܓܘ ܗ̄ ܕܦܪܼܘ ܒܘܼܪܟܬܐ ܐܝܬܝܗܿ: ܘܗ݀ܝ ܕܫܠܛ ܐܢܘܿܢ ܒܢܘܼ̈ܢܝ ܝܡܐ܇ ܨܠܡܐ ܐܠܗܝܐ ܡܒܕܩܐ: ܘܗ݀ܝ ܕܣܼܡܗܿ ܠܡܠܼܬܐ ܣܓܝܐܢܐܝܬ: ܠܣܓܝܐܘܬ ܒܢܝ̈ܢܫܐ ܫܼܘܕܥܬ: ܘܫܠܡ ܐܠܗܐ ܥܒܿܕ̈ܘܗܝ ܒܝܘܡܐ ܫܬܝܬܝܐ ܗ̄ ܒܪܝܼܬܗ: ܠܝܬ ܒܪܝܼܬܐ ܐܚܪܬܐ ܣܛܪ ܡܼܢ ܗ݀ܠܝܢ ܕܗܼܘ̈ܝ ܒܗܿܠܝܢ ܝܘܡ̈ܬܐ: ܘܢܦܫܐ ܐܦܢ ܡܬܼܒܪܝܐ ܡܼܢ ܠܐ ܡܕܡ ܝܘܡܢ: ܐܠܐ ܢܦܫܐ ܕܐܕܡ ܘܚܘܐ ܒܝܘܡܐ ܫܬܝܼܬܝܐ ܐܬܒܪ̈ܝܝܢ܀ ܒܫܬܐ ܝܘܡ̈ܝܼܢ ܐܬܒܪܝܼ ܟܿܠ܆ ܐܪܙ ܚܬܝܼܬܘܬ ܣܘ̈ܦܐ܇ ܐܪܒܥ ܦܢܝ̈ܢ ܘܪܘܡܐ ܘܥܘܼܡܩܐ܇ ܘܒܫܒܝܼܥܝܐ ܐܬܬܢܝܼܚ: ܡܛܠ ܕܒܗ ܥܿܒܕ ܠܢܝܿܚܬܐ ܟܠܢܝܬܐ ܠܒܪܝܼܬܐ ܐܘܿܟܝܼܬ ܠܒܢܝ̈ܢܫܐ܀ ܘܫܠܡ ܐܠܗܐ ܥܒܿܕ̈ܘܗܝ ܗ̄ ܡܼܢ ܗ݀ܝ ܕܐܡܼܪ ܠܥܠ ܒܪܝܫܝܼܬܐ ܠܡ ܒܼܪܐ܇ ܫܘܼܪܝܐ ܐܝܬܝܗܿ: ܬܡܢ ܓܝܪ ܫܪܝܼ ܘܗܪܟܐ ܫܠܡ܇ ܘܐܬܬܢܝܼܚ ܐܠܗܐ ܒܝܘܡܐ ܫܒܝܼܥܝܐ ܗ̄ ܠܐ ܓܝܪ ܠܐܐ ܐܘܿ ܡܬܼܛܪܦ pb. 17 ܡܛܿܠ ܕܒܨܒܝܿܢܗ ܒܪܐ ܐܝܟ ܗ݀ܝ ܕܟܿܠ ܕܨܿܒܐ ܥܿܒܕ܆ ܐܠܐ ܗ݀ܝ ܕܐܬܬܢܝܼܚ ܐܝܬܝܗܿ ܕܫܠܡ ܥܒܿܕ̈ܘܝ ܕܒܼܪܐ܇ ܡܛܠ ܕܢܝܿܚܬܐ ܫܘܼܠܡܐ ܡܿܘܕܥܐ܀ ܬܘܼܒ ܒܗܘܿܢ ܒܥܒܿܕ̈ܐ ܕܒܼܪܐ ܐܬܬܢܝܼܚ: ܘܠܘ ܠܐܝܼ ܐܘܿ ܐܫܦܼܠ: ܬܘܼܒ ܟܕ ܨܿܐܪ ܠܢܝܿܚܬܗ ܕܐܠܗܐ ܕܐܬܒܼܣܪ ܕܐܬܬܢܝܼܚ ܒܩܒܪܐ܀ ܐܬܬܢܝܼܚ ܬܘܼܒ: ܟܕ ܪܫܼܡ ܠܢܝܿܚܬܐ ܕܥܬܝܼܕܐ ܕܩܕܝܼܫ̈ܐ ܒܥܠܡܐ ܕܥܬܝܼܕ: ܘܝܣܪ̈ܠܝܐ ܢܿܛܪܝܼܢ ܗܼܘܘ ܠܫܒܬܐ܇ ܡܛܠ ܕܒܗܿ ܐܬܬܢܝܼܚ ܐܠܗܐ܇ ܘܐܦ ܗܼܢܘܿܢ ܢܬܬܢܝܼܚܘܢ܀ ܘܐܚܪܬܐ ܕܢܬܥܗܕܘܢܼ ܠܐܠܗܐ ܕܒܼܪܐ ܠܒܪ̈ܝܬܐ ܘܒܫܒܩܘܼܢ ܠܣܓܼܕܬܐ ܕܨܠ̈ܡܐ: ܐܕܡ ܠܐ ܐܬܦܼܩܕ ܕܢܛܪ ܫܒܬܐ: ܡܛܠܿ ܕܝܿܕܥ ܗܼܘܐ ܠܩܒܪܘܝܗ܀ ܘܒܪܟ ܐܠܗܐ ܠܝܘܡܐ ܫܒܝܼܥܝܐ ܗ̄ ܡܛܠ ܕܠܐ ܐܬܝܩܪ ܒܒܪܝ̈ܬܐ ܕܒܼܪܐ ܒܗ܆ ܝܩܼܪܗ ܒܒܘܼܪܟܬܐ ܘܩܕܝܼܫܘܼܬܐ ܕܫܟܢ ܠܗ ܘܩܕܫܗ ܠܝܘܡܐ ܫܒܝܼܥܝܐ ܗ̄ ܦܪܫܗ ܩܕܝܼܫܐ ܩܪܝܼܫܐ: ܩܕܘܿܫܩܘܼܕܫ̈ܝܼܢ ܗ̄ ܦܘܼܪܫ ܦܘܼܪ̈ܫܝܼܢ ܡܬܼܦܫܩ ܡܼܢ ܥܒܪܝܐ ܠܣܘܼܪܝܝܐ ܗܿܠܝܢ ܬܘܠ̈ܕܬܐ ܕܫܡܝܐ ܘܕܐܪܥܐ ܗ̄ ܠܒܪ̈ܝܬܐ ܕܚܒܝܼܫ̈ܢ ܒܝܢܬܗܝܢ ܐܟܙܢܐ ܕܥܣ̈ܒܐ ܘܢܗܝܼܪ̈ܐ ܩܿܪܐ ܬܘ̈ܠܕܬܐ: ܐܘܿ ܠ̈ܡܠܐ ܕܒܪܘܝܘܼܬܐ܆ ܘܥܠ ܗܘܝܐ ܕܐܝܠܝܢ ܕܗܘܼ̈ܝ ܗܿܦܟ ܡܿܣܟܠ: ܒܗ݀ܝ ܕܬܘ̈ܠܕܬܐ܀ ܘܟܿܠܗܘܢ ܐܝܼܠ̈ܢܐ ܕܚܩܠܐ ܥܕܟܝܼܠ ܠܐ ܗܘܼܘ ܗ̄ ܗܪܟܐ ܗܦܼܟ ܥܠ ܬܫܥܝܼܬܐ ܕܫܘܼܪܝܐ ܕܐܡܼܪ ܕܐܝܬܝܗܿ ܗܼܘܬ݀ ܐܪܥܐ ܬܘܗܘܒܘܗ: ܕܒܗܿܘ ܥܕܢܐ ܠܐ ܐܝܬܝܗܿ ܗܼܘܬ݀ ܕܡܨܒܬܐ ܒܐܝܼ̈ܠܢܐ ܕܙܪ̈ܥܐ: ܐܟܡܐ ܕܒܝܘܡܐ ܕܬܠܬܐ ܕܐܬܟܼܢܫܘ ܡܢܗܿ ܡܝ̈ܐ ܘܐܘܥܼܝܬ݀܀ ܘܐܕܡ ܠܝܬ ܠܡܦܼܠܚ ܒܐܪܥܐ ܗ̄ ܗܦܼܟ ܕܢܡܼܠܠ ܗܪܟܐ܇ ܡܼܢ ܩܕܡ ܕܢܬܼܒܪܐ ܐܕܡ. ܘܿܠܘ ܐܟܡܐ ܕܚܼܙܝܬ ܕܗܘܼܐ ܐܕܡ ܒ݀ܬܪ ܕܐܬܒܪܝܼ܇ ܗܿܟܢܐ ܐܝܬ̄ܘ ܩܕܡ ܕܢܬܼܒܪܐ܇ ܡܕܝܢ ܠܬܘܚܪܬܗ ܕܒܿܬܪ ܒܪ̈ܝܬܐ܇ ܐܡܿܪ ܕܠܝܬ ܠܡܦܼܠܚ ܒܐܪܥܐ܀ ܘܒܡܘܼܥܐ ܣܿܠܩ ܗܼܘܐ ܡܼܢ ܐܪܥܐ ܗ̄ ܪܡܿܙ ܥܠ ܡܝ̈ܐ ܕܡܚܦܝܐ ܗܼܘܬ݀ ܒܗܘܿܢ ܐܪܥܐ: ܐܘܿ ܥܠ ܢܗܪܐ ܕܢܦܿܩ ܗܼܘܐ ܡܼܢ ܥܕܝܢ܀ ܘܓܒܼܠ ܡܪܝܐ ܐܠܗܐ ܠܐܕܡ ܗ̄ ܒܗ݀ܝ ܕܓܒܼܠ ܚܘܝܼ ܕܡܼܢ ܐܪܒܥܐ ܐܣܛܘܟ̈ܣܐ ܡܿܩܼܝܡ ܦܓܪܗ܆ ܘܒܗ݀ܝ ܕܐܡܼܪ ܥܦܪܐ: ܐܘܕܥ ܕܥܦܪܐ ܕܝܬܝܼܪ ܕܚܝܼܚ ܘܕܩܝܼܩ ܘܡܚܝܼܠ ܫܩܼܠ ܡܢܗ ܓܒܼܠܗ: ܚܕܐ ܡܿܢ: ܐܝܟܢܐ ܕܢܚܘܐ ܚܝܠܗ ܡܿܨܐܼ ܟܿܠ: ܘܕܢܘܕܥ ܕܡܬܼܚܒܠܢܐ ܐܝܼܬ̄ܘ ܐܕܡ ܐܢ ܥܿܒܪ ܥܠ ܦܘܼܩܕܢܐ: ܘܕܐܢ ܡܬܬܪܝܼܡ܇ ܢܬܥܗܕ ܠܥܦܪܗ ܡܚܝܼܠܐ܀ ܐܕܡܬܐ ܠܐܪܥܐ ܩܿܪܐ ܐܘܿ ܠܥܦܪܐ܀ ܐܚܪ̈ܢܐ ܐܕܡܬ ܣܘܼܡܩܬܐ܇ ܐܝܬܝܗܿ ܡܕܝܢ ܡܼܢ ܥܦܪܐ ܣܘܼܡܩܐ ܓܒܼܠܗ܇ ܡܚܕܐ ܥܡ ܥܦܪܐ ܗܿܘ ܕܢܣܼܒ܇ ܩܼܡ ܠܗ ܓܘܼܫܡܐ ܡܫܡܠܝܐ ܕܐܕܡ ܪܦܦ ܥܝܢܐ܀ ܐܣܬܟܡ ܐܠܗܐ ܕܡܘܼܬܐ ܕܒܪܢܐ܇ ܟܕ ܠܐ ܩܿܢܐܼ ܐܝܼܕ̈ܝܐ܆ ܚܘܝܼ ܕܐܝܼܬ ܠܗ ܐܝܼܕ̈ܝܐ ܘܓܒܼܠܗ ܠܒܪܢܫܐ܆ ܘܠܘ ܒܡܼܠܬܐ ܒܠܚܘܕ܀ ܐܠܐ ܘܒܥܒܿܕܐ ܕܐܝܼܕ̈ܝܐ܆ ܘܢܦܼܚ ܒܐܦܘ̈ܗܝ ܢܫܡܬܐ ܕܚ̈ܝܐ ܗ̄ ܢܫܡܬܐ ܠܢܦܫܐ ܩܿܪܐ: ܕܚܝ̈ܐ ܡܿܡܗ ܠܗܿ: ܡܛܠ ܕܐܝܬܝܗܿ ܚܝ̈ܐ ܒܟܝܿܢܗ܇ ܡܛܠ ܕܗ݀ܝ pb. 18 ܝܿܗܒܐ ܠܗ ܠܦܓܪܐ ܚܝ̈ܐ܀ ܗ݀ܝ ܕܢܦܼܚ ܐܡܼܪ ܬܐܘܠܘܓܘܣ܇ ܕܡܦܘܼܚܝܼܬܐ ܥܦܝܼܦܬܐ ܐܝܬ ܠܗ. ܡܘܫܐ ܒܪ ܟܐܦܐ ܐ݀ܡܪ: ܗ݀ܝ ܕܢܦܼܚ ܒܐܦܘ̈ܗܝ ܐܝܬܝܗܿ ܕܟܕ ܠܗ ܢܦܫܐ ܡܠܝܼܠܬܐ: ܘܢܦܼܚ ܒܗ ܡܥܒܕܢܘܼܬܐ ܕܪܘܚܐ ܩ̄ܕ. ܘܣܼܡ ܫܡ̈ܗܐ ܠܚܝ̈ܘܬܐ܆ ܐܝܟܐܢ ܕܢܒ̈ܝܐ ܩܒܼܠܘ ܡܥܒܕܢܘܬܐ ܕܪܘܼܚܐ܇ ܬܘܼܒ ܗ݀ܝ ܕܢܦܼܚ ܒܐܦ̈ܘܗܝ ܐܝܬܝܗܿ ܕܪܘܼܚܐ ܩ̄ܕ ܒܼܪܐ ܠܢܦܫܗ ܕܐܕܡ܆ ܘܨܠܡܗ: ܐܝܟܐܢ ܕܠܦܓܪܐ ܒܐܝܼܕ̈ܘܗܝ ܓܒܼܠ܀ ܘܗܘܼܐ ܐܕܡ ܠܢܦܫ ܚܝܐ ܗ̄ ܕܝܢ ܢܦܫ ܚܝܐ ܩܿܪܐ܇ ܠܢܦܫܐ ܚܝܬܐ܀ ܐܬܐܡܼܪ ܥܠ ܒܪܢܫܐ ܡܘܿܫܐ ܕܛܒ ܫܦܝܼܪ: ܡܛܠ ܕܒܨܒܝܿܢܗ ܣܝܼܡܐ ܗ݀ܝ ܕܢܗܼܘܐ ܛܒܿܐ ܘܫܦܝܼܪܐ܇ ܐܘܿ ܠܐ܀ ܩܕܡ ܥܒܪ ܦܘܼܩܕܢܐ: ܕܚܿܠ ܗܼܘܐ ܡܢܗ ܐܪܥܐ ܘܢܡܪܐ܇ ܡܫܬܥܒܕܝܼܢ ܗܼܘܘ ܠܗ ܐܣܛܘ̈ܟܣܐ܀ ܐܟܐ ܕܢܝܐܝܠ ܠܐ ܐܬܢܟܝܼ ܡܼܢ ܐܪ̈ܝܘܬܐ: ܘܛܠ̈ܝܐ ܙܟܘ ܠܢܘܼܪܐ ܘܡܘܫܐ ܦܠܼܓ ܠܝܡܐ: ܘܝܫܘܿܥ ܟܠܼܐ ܠܫܡܫܐ: ܘܥܠܡܐ ܡܬܼܩܪܐ ܒܪܢܫܐ: ܥܠ ܕܡܿܪܟܼܒ ܡܢ ܐܪܒܥܐ ܐܣܛܘ̈ܟܣܐ: ܘܡܬܼܩܪܐ ܥܠܡܐ ܢܘܪܐ: ܟܕ ܡܬܦܼܚܡ ܒܡ̈ܠܐܟܐ܇ ܥܠܡܐ ܙܥܘܪܐ ܡܬܼܩܪܐ܆ ܥܠܡܐ ܪܒܐ ܡܬܼܟܢܐ: ܡܛܠ ܬܡܝܼܗܘܼܬܐ [ܬ]ܘܼܩܢܗ: ܘܡܛܠ ܕܣܝܼܡ ܠܬܫܒܘ̄ܚܬܐ [] ܥܠܡܐ ܪܒܐ܀ ܘܢܨܼܒ ܡܪܝܐ ܐܠܗܐ ܦܪܕܝܫܐ [] ܩܕܝܼܡ ܗ̄ ܐܦܢ ܩܕܝܼܡܐ ܢܨܝܼܒܘܼܬܗ ܦܪܕܝܣܐ ܠܐܕܡ ܡܛܠ ܕܒܝܘܡܐ ܬܠܝܼܬܝܐ ܐܬܒܪܝܼ: ܐܠܐ ܥܠ ܬܫܥܝܼܬܗ ܗܦܼܟ ܡܘܫܐ: ܘܫܪܝܼ [ܕܢـ]ܡܠܐ ܐܝܠܝܢ ܕܠܐ ܐܫܬܥܝܼ ܥܠܝܗܝܢ ܠܥܠ܆ ܥܕܢ: ܒܘܼܣܡܐ ܡܬܦܼܫܩܐ܆ ܥܕܢ ܐܬܪܐ ܐܝܼܬܘܗܝ ܕܡܥܕܢ ܘܣܒܝܼܣ ܒܐܝܼ̈ܠܢܐ܇ ܘܒܗ ܢܨܼܒ ܦܪܕܝܣܐ ܐܠܗܐ܀ ܘܗ݀ܝ ܕܡܼܢ ܩܕܝܼܡ ܗ̄ ܩܕܡ ܕܢܬܼܒܪܐ ܐܕܡ܇ ܐܬܢܼܨܒ܆ ܡܪܝ ܐܦܪܝܡ ܐܡܿܪ ܕܚܘܼܕܪܐܝܬ ܟܪܝܼܟ ܦܪܕܝܣܐ ܠܐܪܥܐ: ܠܒܪ ܡܼܢ ܝܡܐ ܐܝܼܬ̄ܘ܇ ܐܚܪ̈ܢܐ ܐܡܿܪܝܼܢ ܕܠܓܼܘ ܡܼܢ ܝܡܐ ܕܒܡܕܢܚܐ ܐܝܼܬ̄ܘ܇ ܘܠܒܪ ܡܼܢ ܝܡܐ܀ ܐܚܪ̈ܢܐ ܐܡܿܪܝܼܢ ܕܠܓܘ ܡܼܢ ܝܡܐ ܐܝܼܬ̄ܘ: ܡܛܠ ܕܠܝܬ ܐܪܥܐ ܠܒܪ ܡܼܢ ܝܡܐ܆ ܘܠܐ ܡܿܨܐܼ ܐܢܫ ܕܢܡܼܛܐ ܠܦܪܕܝܣܐ: ܡܼܢ ܚܡܝܼܡܘܼܬܐ ܕܒܡܕܢܚܐ ܘܛܘܼܪ̈ܐ ܥܣܩ̈ܐ: ܘܣܼܡ ܬܡܢ ܠܐܕܡ ܕܓܒܼܠ ܗ̄ ܒܗ݀ܝ ܕܣܡܼܗ ܬܡܢ܇ ܐܘܕܥ ܥܠ ܐܝܩܪܐ ܟܢ ܠܗ ܕܠܐ ܫܒܩܼܗ ܕܢ݀ܪܥܐ ܒܐܪܥܐ ܐܝܟ ܚܝ̈ܘܬܐ܀ ܒܗ݀ܝ ܕܓܒܼܠ ܐܘܕܥ ܥܠ ܓܒܝܼܠܘܼܬܐ ܕܡܼܢ ܐܪܒܥܐ ܐܣܛܘܟ̈ܣܐ ܕܝܼܠܗ܆ ܘܕܠܘ ܒܡܼܠܬܐ ܠܚܘܕ ܐܬܒܪܝܼ ܐܝܟ ܚܝ̈ܘܬܐ: ܐܠܐ ܐܦ ܒܐܝܼܕ̈ܝܐ: ܘܕܠܘ ܒܒܛܢܐ ܐܬܒܪܝܼ ܐܝܟ ܕܝܘܡܢ: ܐܠܐ ܒܐܝܼܕ̈ܘܗܝ܆ ܘܒܐܝܢܐ ܐܣܟܡܐ ܐܬܓܠܝܼ ܐܠܗܐ ܠܐܕܡ ܟܕ ܓܒܼܠܗ: ܟܕ ܣܼܡ ܠܗ ܢܡܘܿܣܐ: ܘܢܣܼܒ ܡܢܗ ܐܠܥܐ: ܘܟܕ ܥܒܼܪ ܦܘܼܩܕܢܐ܀ ܦܝܠܘܟܣܝܢܐ ܐ݀ܡܪ: ܕܪܘܚܢܐܝܬ ܡܬܓܼܠܐ ܗܼܘܐ ܥܠܘܗܝ܇ ܟܕ ܠܚܙܬܐ ܕܗܘܢܗ ܡܬܼܓܠܐ܇ ܐܟܡܐ ܕܠ̈ܡܠܐܟܐ: ܟܕ ܪ̈ܓܫܐ ܕܦܓܪܐ ܠܐ ܡܪܓܫܝܼܢ ܗܼܘܘ ܒܡܬܓܠܝܢܘܼܬܗ܆ ܐܚܼܗܢܐ ܐܡܿܪܝܢ ܕܦܓܪܢܐܝܬ ܐܬܓܠܝܼ ܥܠܘܗܝ ܒܕܡܘܼܬܐ ܕܓܒܪܐ ܡܠܟܐ܆ ܘܟܕ ܠܐ ܩܿܢܐܼ ܗܼܘܐ ܐܝܼܕ̈ܝܐ ܘܐܦ̈ܐ ܘܦܘܼܡܐ pb. 19 ܐܬܢܼܚܬ ܘܚܘܝܼ ܕܐܼܝܬ ܠܗ ܘܓܒܠܗ: ܘܠܘ ܬܪܝܢ ܐܢܘܿܢ ܐܕܡ ܐܦܢ ܗܦܼܟ ܡܼܢܕܪܝܫ ܕܢܡܼܠܠ ܥܠ ܐܕܡ܇ ܐܟܡܐ ܕܗܦܼܟ ܕܢܡܼܠܠ ܕܬܢܝܐ ܥܠ ܚܝ̈ܘܬܐ ܘܐܝܼܠ̈ܢܐ ܘܦܪܕܝܣܐ ܘܢܗܪ̈ܐ܆ ܒܡܦܩܬܐ ܕܫܒܥܝܼܢ ܟܬܝܼܒ ܒܥܕܢ ܡܼܢ ܡܕܢܚܐ ܘܣܼܡ ܬܡܢ ܠܐܕܡ܆ ܒܗ݀ܝ ܕܒܡܕܢܚܐ ܣܝܼܡ ܦܪܕܝܣܐ܇ ܡܿܙܕܩ ܒܣܝܠܝܘܿܣ ܘܓܪܝܓܘܪܝܘܣ ܕܢܘܣܐ ܘܡܪܝ ܣܐܘܝܪܐ ܒܬܠܬܐ ܫܡ̈ܐ ܐܬܩܪܝܼ ܗܿܘ ܕܐܬܓܼܒܠ܆ ܐܢܫܐ: ܘܒܪܢܫܐ: ܘܐܕܡ: ܘܐܢܫܐ ܡܿܫܘܕܥ ܠܐܒܐ ܘܥܩܪܐ ܕܟܿܠܗܘܢ ܒܢܝܢ̈ܫܐ: ܒܪܢܫܐ ܝܠܕܐ ܗܿܘ ܘܒܪܐ ܕܡܼܢ ܐܢܫܐ܀ ܘܐܢܫܐ ܣܓܝܐܢܐܝܬ ܡܿܫܘܕܥ ܘܒܪܢܫܐ ܕܝܼܠܢܐܝܬ܀ ܐܕܡ ܠܘܬܢ ܕܝܼܠܢܐܝܬ ܡܬܼܐܡܪ: ܘܠܘܬ ܥܒܪ̈ܝܐ ܓܘܢܐܝܬ܇ ܠܟܠܗܘܢ ܒܢܝܢ̈ܫܐ ܡܿܘܕܥ܀ ܬܘܼܒ ܫܡܐ ܕܐܢܫ̈ܐ ܡܼܢ ܢܦܫܐ ܐܫܬܼܩܠ܆ ܘܫܡܐ ܕܐܕܡ ܡܼܢ ܦܓܪܗ ܢܣܝܼܒ܇ ܥܠ ܕܐܬܓܼܒܠ ܡܼܢ ܐܕܡܬܐ܆ ܘܣܼܡ ܬܡܢ ܠܐܕܡ ܗ̄ ܝܩܼܪܗ ܒܗܕܐ ܘܐܫܘܝܗ ܠܝܼܕܥܬܗ ܕܢܬܼܒܣܡ ܒܥܢܝܿܢܗ: ܘܡܠܝܗܝ ܚܟܼܡܬܐ ܘܫܟܢ ܠܗ ܢܒܝܘܼܬܐ ܘܟܗܢܘܼܬܐ ܘܡܠܟܘܼܬܐ: ܘܥܒܼܕܗ ܒܪ ܥܘܼܡܪܐ ܕܡܠܐܟܐ ܒܢܦܫܗ܆ ܘܥܒܼܕܗ ܠܦܓܪܗ ܩܠܝܼܠܐ ܘܠܘ ܝܩܝܼܪܐ ܐܟܡܐ ܕܗܿܫܐ ܘܐܘܥܝܼ ܡܪܝܐ ܡܼܢ ܐܪܥܐ ܟܿܠ ܐܝܼܠܢ ܕܪܓܝܓܼ ܗ̄ ܒܝܘܡܐ ܬܠܝܼܬܝܐ: ܟܕ ܐܦܩܼܬ݀ ܐܪܥܐ ܬܕܐܐ܆ ܐܘܥܝܼ ܡܪܝܐ ܠܐܝܼܠ̈ܢܐ ܗܿܠܝܢ: ܗܪܟܐ ܗܿܦܟ ܕܢܫܡܠܐ ܠܬܫܥܝܼܬܐ ܗܿܝ܀ ܗ݀ܝ ܕܐܘܥܝܼ: ܐܝܟ ܗ݀ܝ ܕܐܪ̈ܙܐ ܕܠܒܢܢ ܘܢܼܨܒ: ܐܘܪܥܐ ܡܫܡܝܢܐ ܡܦܫܝܩܢܐ ܨܘܒܝܢܝܐ ܐܡܿܪ: ܐܝܟ ܫܒܥܝܼܢ: ܒܗ݀ܝ ܕܐܡܼܪ ܡܘܫܐ ܕܐܘܥܝܼ ܡܪܝܐ ܬܘܼܒ ܡܼܢ ܐܪܥܐ ܩܝܣܐ ܕܪܓܝܓܼ ܠܚܙܼܘܐ܆ ܡܣܬܟܠܝܼܢܢ ܕܒܝܘܡܐ ܕܒܗ ܐܕܡܐ ܒܦܪܕܝܣܐ ܐܬܼܢܨܒ܇ ܗܘܼ ܦܪܕܝܣܐ ܘܐܘܥܝܼ ܠܐܝܼܠ̈ܢܐ܇ ܘܡܼܢ ܗ݀ܝ ܕܐܡܝܼܪܐ ܕܢܨܼܒ ܘܠܘ ܕܐܬܒܪܝܼ: ܡܛܠ ܕܗܿܘ ܕܐܬܼܢܨܒ ܡܼܢ ܢܨܒܼܬܐ ܢܣܝܼܒܐ܇ ܘܗܘܿ ܕܐܬܒܪܝܼ ܡܼܢ ܠܐ ܡܕܡ ܡܬܼܒܪܐ܀ ܡܕܝܢ ܒܝܘܡܐ ܕܫܬܐ ܐܬܼܢܨܒ ܦܪܕܝܣܐ ܘܠܘ ܒܝܘܡܐ ܕܬܠܬܐ ܐܬܒܪܝܼ ܥܡ ܥܣܒ̈ܐ ܘܐܝܼܠ̈ܢܐ܇ ܘܠܝܬ ܫܘܼܚܠܦܐ ܒܝܬ ܐܝܼܠ̈ܢܐ ܕܐܬܒܪܝܼܘ ܒܝܘܡܐ ܕܬܠܬܐ܇ ܠܗܿܠܝܢ ܕܒܦܪܕܝܣܐ܆ ܐܠܐ ܕܡܼܢ ܗܿܘ ܡܐ ܕܐܬܒܪܝܼ ܒܝܘܡܐ ܬܠܝܼܬܝܐ܀ ܡܢܗ ܐܬܼܢܨܒ ܒܦܪܕܝܣܐ ܒܝܘܡܐ ܫܬܝܼܬܝܐ: ܟܕ ܠܐ ܣܢܝܼܩ ܐܠܗܐ ܕܢܣܼܒ ܢܨܒܼܬܐ ܘܢܨܘܿܒ܆ ܘܐܝܼܠܢܐ ܕܚ̈ܝܐ ܒܡܨܥܬܐ ܕܦܪܕܝܣܐ: ܘܐܝܼܠܢܐ ܕܝܼܕܥܬܐ ܗ̄ ܬܪܝܢ ܐܝܠ̈ܢܐ ܐܘܥܝܼ ܡܪܝܐ ܒܡܨܥܬܐ܇ ܚܕ ܕܚܝ̈ܐ ܘܚܕ ܕܝܼܕܥܬܐ: ܘܐܝܟܢܐ ܬܪ̈ܝܗܘܿܢ ܒܡܨܥܬܐ: ܘܐܢܫܝܼ̈ܢ ܐܡܿܪܝܼܢ ܕܗܘܿ ܕܚ̈ܝܐ ܒܡܨܥܬܐ ܐܝܼܬ̄ܘ ܗܼܘܐ܆ ܘܗܘܿ ܕܝܼܕܥܬܐ ܥܠ ܓܒܗ܀ ܐܘܪܥܐ ܡܫ̄ܡ ܐܡܿܪ܆ ܕܐܝܼܠܢܐ ܕܚ̈ܝܐ ܡܬܝܕܥܢܐ ܐܝܼܬ̄ܘ: ܕܐܢ ܠܡ ܠܐ ܐܟܿܠ ܐܢܬ ܡܼܢ ܐܝܼܠܢܐ ܕܐܝܼܬ̄ܘ ܕܝܼܕܥܬܐ ܡܬܪܓܫܢܐ܇ ܡܼܢ ܗܕܐ ܚ̈ܝܐ ܝܪܬ ܐܢܬ: ܕܐܝܬܝܗܘܿܢ ܐܝܼܠܢܐ ܕܚ̈ܝܐ: ܡܛܠ ܕܠܐ ܟܬܝܼܒ ܥܠ ܐܝܼܠܢܐ ܕܚܝ̈ܐ ܕܝܼܥܐ: ܐܠܐ ܐܡܼܪ ܕܐܝܼܠܢܐ pb. 20 ܕܚ̈ܝܐ ܒܡܨܥܬܗ ܕܦܪܕܝܣܐ܀ ܘܓܪܝܓܘܪܝܘܣ ܕܢܘܣܐ ܐܡܿܪ: ܕܐܝܼܠ̈ܢܐ ܗܿܢܘܿܢ ܪ̈ܘܚܢܐ ܐܢܘܿܢ ܘܣܓܝ̈ܐܐ ܡܼܢ ܗܿܠܝܢ ܡܫܬܟܚܝܼܢ܇ ܡܛܠܿ ܕܒܬܪܥܝܼܬܐ ܫܿܘܚܝܼܢ ܩܠܝܼܠܐܝܬ: ܗܝ ܕܐܚܿܕܐ ܠܣܓ̈ܝܐܐ ܟܕ ܠܐ ܡܙܼܕܪܒܐ܀ ܡܘܫܐ ܒܪ ܟܐܦܐ ܐܡܿܪ: ܕܐܝܼܠ̈ܢܐ ܓܘܼܫܡ̈ܢܝܐ ܐܢܘܿܢ: ܘܬܪ̈ܝܗܘܿܢ ܒܡܨܥܬܐ ܐܢܘܿܢ: ܠܘ ܐܝܟ ܕܒܕܘܼܟܬܐ: ܡܛܠ ܕܠܐ ܡܨܝܐ ܕܬܪܝܢ ܓܘܼܫ̈ܡܐ ܢܗܘܘܿܢ ܣܝܼܡܝܼܢ ܒܚܕܐ ܕܘܼܟܬܐ ܕܝܼܠܢܝܬܐ: ܐܠܐ ܐܝܬܝܗܘܿܢ ܬܪ̈ܝܗܘܿܢ ܒܡܨܥܬܐ: ܠܘ ܐܝܟ ܣܝܼܡܝܼܢ ܒܚܕܐ ܕܘܼܟܬܐ ܕܝܼܠܢܝܬܐ܆ ܐܠܐ ܕܒܕܘܼܟܬܐ ܕܐܝܟ ܐܝܟܢ܇ ܒܗ݀ܝ ܕܟܕ ܡܿܫܚ ܐܢܫ ܡܼܢ ܬܪ̈ܝܗܘܿܢ ܐܝܼܠ̈ܢܐ ܗܿܠܝܢ܇ ܠܘܬ ܟܿܠܚܕ ܡܼܢ ܣܘܦ̈ܐ ܒܪ̈ܝܐ ܕܦܪܕܝܣܐ܇ ܡܫܟܚ ܠܗܘܿܢ܆ ܕܒܡܨܥܬܗ ܕܦܪܕܝܣܐ ܣܝܼܡܝܼܢ ܬܪ̈ܝܗܘܿܢ: ܣܝܼܡܝܼܢ ܓܝܪ ܒܡܨܥܬ ܐܝܼܠ̈ܢܐ ܘܒܡܨܥܬ ܦܪܕܝܣܐ ܣܒܝܼܣ ܒܡܘ̈ܥܝܬܐ ܘܥܠ ܓܢ̱ܒ ܚ̈ܕܕܐ ܣܝܼܡܝܼܢ ܘܝܼܕܝܼܥܐ: ܡܼܢ ܗ݀ܝ ܕܐܡܼܪ ܡܛܠܿ ܐܕܡ ܕܠܡܐ ܢܘܫܛ ܐܝܕܗ ܘܢܣܼܒ܇ ܗܿܘ ܓܝܪ ܕܡܿܘܫܛ ܐܝܼܕܗ܆ ܠܡܕܡ ܕܩܪܝܼܒ ܦܿܨܛ ܐܝܼܕܗ ܘܡܛܠ ܕܐܕܡ ܬܡܢ ܥܬܝܼܕ ܗܼܘܐ ܕܢܥܡܼܪ܆ ܥܠܗ݀ܝ ܒܡܨܥܬܐ ܗܘܼܘ ܐܝܼܠ̈ܢܐ. ܠܐܝܼܠܢܐ ܕܝܼܕܥܬܐ ܕܬܬܐ ܙܕܩܘ ܡ̈ܠܦܢܐ ܕܐܝܼܬܘܗܝ ܘܠܘ ܕܙܘܘܓܐ: ܐܘܿ ܐܝܼܠܢܐ ܕܓܦܬܐ: ܐܘܿ ܕܚܛܬܐ: ܐܝܼܠܢܐ ܕܚ̈ܝܐ ܐ݀ܡܪ ܡܘܫܐ ܒܪ ܟܐܦܐ: ܕܠܐ ܟܬܼܒܘ ܥܠܘܗܝ ܡ̈ܠܦܢܐ ܕܡܢܐ ܐܝܼܬ̄ܘ ܗܼܘܐ܀ ܘܢܗܪܐ ܢ݀ܦܩ ܗܼܘܐ ܡܼܢ ܥܕܢ ܠܡܫܩܝܘܼܬܗ ܕܦܪܕܝܣܐ ܗ̄ ܥܕܢ ܐܬܪܐ ܪܘܝܼܚܐ ܕܡܥܕܢܐ ܘܣܒܝܼܣ ܒܐܝܼ̈ܠܢܐ ܐܝܼܬ̄ܘ܆ ܘܦܪܕܝܣܐ ܐܝܼܬ̄ܘ ܕܘܼܟܬܐ ܡܝܬܪܬܐ ܕܒܥܕܢ ܕܚܿܫܚܐ ܠܥܡܘܼܪܝܐ ܕܒܢܝܢ̈ܫܐ܆ ܕܪܒ ܦܪܕܝܣܐ ܡܬܼܝܕܥ ܡܼܢ ܢܗܪܐ ܕܡܿܫܩܐ ܠܗ܇ ܘܒܿܬܪܟܢ ܡܬܼܦܠܓ ܠܐܪܒܥܐ ܪ̈ܝܫܐ܀ ܫܡܗ ܕܚܕ ܦܝܫܘܢ ܗ̄ ܝܘܢܝܐ ܕܘܢܒܝܣ ܩܿܪܐ ܠܗ: ܗܢܐ ܓܝܪ ܒܿܬܪ ܕܦܪܫ ܡܼܢ ܢܗܪܐ ܓܘܢܝܐ܀ ܢܿܚܬ ܘܥܿܒܪ ܬܚܝܬ ܐܪܥ ܕܐܘܩܝܐܢܘܣ. ܘܢ݀ܒܥ ܒܦܢܝܼܬܐ ܡܥܪܒܝܬܐ: ܘܡܬܟܪܟ ܒܓܪܒܝܐ ܘܐ݀ܬܐ ܠܐܬܪܐ ܕܗܢܕܘ: ܕܠܗܿ ܩܿܪܐ ܐܪܥܐ ܕܚܘܝܠܐ: ܘܡܣܦܩ ܒܝܡܐ ܕܗܢܕܘ: ܘܡܬܼܩܪܐ ܦܝܼܫܘܢ܇ ܒܗ݀ܝ ܕܬܚܝܬ ܝܡ̈ܡܬܐ ܥܒܪ ܐܝܟ ܕܒܣܘܿܓܐ: ܬܡܢ ܕܗܒܗܿ ܕܐܪܥܐ ܛܒ ܗ̄ ܐ݀ܡܪܝܼܢ ܕܣܘܿܓܐܐ ܕܚܠܐ ܕܣܦܬܗ ܕܗܢܐ ܢܗܪܐ ܘܒܓܘܗ ܕܗܿܒܐ ܛܒܿܐ܆ ܘܡܪ̈ܓܢܝܬܐ ܡܿܠܐܼ܀ ܒܪ̈ܘܠܚܐ ܠܡܪ̈ܓܢܝܬܐ ܩܿܪܐ܀ ܐܚܪ̈ܢܐ ܒܪ̈ܘܠܚܐ ܡܪ̈ܓܢܝܬܐ ܚܘܪ̈ܬܐ ܐܝܬܝܗܘܿܢ܇ ܘܒܪ̈ܘܠܐ ܟܐܦ̈ܐ ܛܒ̈ܬܐ܀ ܐܚܪ̈ܢܐ ܒܪ̈ܘܠܐ ܡܪ̈ܓܢܝܬܐ ܣܘܼܡ̈ܩܬܐ ܘܚܘܪ̈ܬܐ ܘܩܘ̈ܢܐܬܐ ܐܢܘܿܢ܀ ܘܫܡܗ ܕܢܗܪܐ ܬܢܝܿܢܐ ܓܝܚܘܢ: ܗܿܘ ܕܚܿܕܪ ܠܟܿܠܗܿ ܐܪܥܐ ܕܟܘܫ: ܝܘܢܝܐ ܢܝܠܘܣܿ ܩܿܪܐ ܠܗ܀ ܐܚܪ̈ܢܐ ܫܝܚܘܪ: ܘܗܢܐ ܟܕ ܡܬܼܦܪܫ ܡܼܢ ܗ݀ܘ ܢܗܪܐ ܪܒܐ: ܥܿܒܪ ܬܚܝܬ ܝܡܐ ܐܘܩܝܐܢܘܿܣ܆ ܘܓܣܐ pb. 21 ܒܬܝܡܢܐ. ܘܥܿܒܪ ܒܐܪܥܐ ܕܟܘ̈ܫܝܐ ܘܡܨܪ̈ܝܐ܆ ܘܡܬܼܚܠܛ ܒܐܕܪܝܐܣ ܣܡܐ ܗܘܿ ܕܥܠ ܓܢ̱ܒ ܡܨܪܝܢ܇ ܘܓܝܚܘܢ ܡܬܼܩܪܐ܇ ܡܛܠ ܕܓܿܐܚ ܘܡܿܫܩܐ ܠܐܪ̈ܥܬܐ ܕܚܕܪ̈ܘܗܝ ܡܟܐ ܘܡܟܐ܀ ܘܫܡܗ ܕܢܗܪܐ ܕܬܠܬܐ ܩܠܬ܆ ܘܚܪܝܼܦ ܘܣܿܩ ܘܢ݀ܚܬ ܐܝܟ ܕܐܠܝܼܨ ܘܕܩܠ ܠܥܒܘܪܐ ܒܥܪܒܠܐ: ܘܡܿܣܩ ܘܡܿܚܬ ܠܗ܀ ܦܪܬ ܡܬܼܩܪܐ ܥܠ ܕܐܝܼܬ̄ܘ ܡܦܪܝܢܐ ܘܡܿܦܪܐ: ܘܗܿܠܝܢ ܬܪ̈ܝܗܘܿܢ ܟܕ ܡܬܦܪܫܝܼܢ ܡܼܢ ܗ݀ܘ ܓܘܢܝܐ: ܢ݀ܒܥܝܼܢ ܒܡܨܥܬܗ ܕܥܠܡܐ ܒܩܪܝܼܒܘܼܬܐ ܕܚܕ̈ܕܐ ܘܡܣܦܩܝܼܢ ܒܝܡܐ ܬܝܡܢܝܐ ܕܒܨܪܐ܀ ܐܬܘܪ ܐܝܼܬ̄ܘ ܐܬܪܐ ܕܢܝܼܢܘܐ ܘܒܝܬ ܓܪ̈ܡܝ܀ ܘܕܒܼܪ ܡܪܝܐ ܠܐܕܡ ܘܫܒܼܩܗ ܒܦܪܕܝܣܐ ܕܥܕܢ ܗ̄ ܡܼܢ ܐܘܪܫܠܡ ܕܒܗܿ ܐܬܓܼܒܠ ܕܒܼܪܗ ܠܦܪܕܝܣܐ: ܘܒܐܘܪܫܠܡ ܡܝܼܬ܀ ܐܚܪ̈ܢܐ ܐ݀ܡܪܝܼܝܢ ܕܡܼܢ ܕܘܼܟܬܐ ܫܝܼܛܬܐ ܕܒܪܼܗ܇ ܠܕܘܼܟܬܐ ܡܥܠܝܬܐ܆ ܘܗ݀ܝ ܕܕܒܼܪܗ ܐܝܬܝܗܿ܇ ܕܐܡܼܪ ܠܗ ܕܙܠ ܘܐܙܼܠ: ܘܒܠܒܗ ܐܪܚܼܫ ܕܠܐܝܟܐ ܢܐܙܠ܆ ܐܝܟ ܓܠ̈ܝܢܐ ܕܗܼܘܘ ܥܠ ܢܒ̈ܝܐ܀ ܐܚܪ̈ܢܐ ܐ݀ܡܪܝܼܢ ܕܐܝܟ ܒܪܢܫܐ ܐܬܓܠܝܼ ܠܗ ܘܕܒܼܪܗ ܠܦܪܕܝܣܐ: ܡܘܫܐ ܒܪ ܟܐܦܐ ܐ݀ܡܪ: ܕܠܒܪ ܡܼܢ ܦܪܕܝܣܐ ܓܒܼܠܗ: ܘܕܒܼܪܗ ܐܝܟ ܕܕܒܼܪܗ ܠܚܢܘܟ ܘܚܒܩܘܩ ܘܦܝܼܠܝܼܦܘ݀ܣ: ܘܗܟܢܐ ܥܠܼ ܐܕܡ ܠܦܪܕܝܣܐ: ܘܫܒܩܼܗ ܒܦܪܕܝܣܐ ܕܥܕܢ ܕܢܦܠܚܝܼܘܗܝ ܗ̄ ܒܗ݀ܝ ܕܫܒܼܩܗ ܐܘܕܥ: ܕܢܥܒܼܪ ܒܗ: ܒܗ݀ܝ ܕܡܛܠܬܗ ܐܬܒܪܝܼ: ܘܗ݀ܝ ܕܠܐ ܟܬܪ ܒܗ ܡܼܢ ܕܝܼܠܗ ܗܼܘܬ݀: ܘܗ݀ܝ ܕܢܦܠܚܝܼܘ̄ ܘܢܛܪܝܼܘܗܝ: ܠܘ ܕܢܚܦܘܿܪ ܒܗ ܐܘܿ ܕܢܫܩܝܘܗܝ ܐܝܬܝܗܿ܇ ܐܠܐ ܕܢܬܩܢ ܒܗ ܕܘܼܟܬܐ ܠܡܥܡܪܗ܆ ܘܢܫܘܗ ܘܢܬܩܢ ܒܗ ܐܘܪ̈ܚܬܐ ܠܗܠ̈ܟܬܐ܇ ܐܝܟܢܐ ܕܠܐ ܢܗܘܐ ܒܛܝܼܠܐ܀ ܘܗ݀ܝ ܕܢܛܪܝܼܘ̄ ܗ̄ ܡܼܢ ܚܝ̈ܘܬܐ ܠܐ ܡܠ̈ܝܼܠܬܐ܆ ܡܛܠ ܕܗܿܢܝܢ ܠܐ ܦܠ̈ܚܢ ܐܦܠܐ ܢܛܪ̈ܢ܀ ܘܦܩܼܕ ܡܪܝܐ ܐܠܗܐ ܠܐܕܡ ܘܐܡܼܪ ܠܗ܆ ܕܡܼܢ ܟܿܠܗܘܿܢ ܐܝܼ̈ܠܢܐ ܕܒܦܪܕܝܣܐ ܡܐܼܟܠ ܬܐܟܘܿܠ ܗ̄ ܗܝ ܕܠܐ ܢܐܟܘܿܠ ܡܼܢ ܐܝܼܠܢܐ ܕܝܼܕܥܬܐ ܗܢܐ ܐܝܼܬܘܗܝ ܦܘܼܩܕܢܐ ܘܢܡܘܿܣܐ܇ ܘܢܡܘܿܣܐ ܒܬܪܝܢ ܙܢܝ̈ܐ ܡܬܐܼܡܪ܆ ܓܘܢܝܐ ܘܕܝܼܠܢܝܐ: ܘܓܘܢܝܐ ܐܝܬܘܗܝ܇ ܝܼܕܥܬܐ ܟܝܿܢܝܬܐ ܕܢܨܝܼܒܐ ܒܢ ܕܒܗܿ ܦܿܪܫܝܼܢܢ ܛܒ̈ܬܐ ܡܼܢ ܒܝܼܫ̈ܬܐ܆ ܘܕܝܼܠܢܝܐ ܐܝܟ ܢܡܘܿܣܐ ܕܣܼܡ ܠܕܒܝܬ ܢܘܿܚ ܕܠܐ ܢܐܟܠܘܢܼ ܕܡܐ: ܘܠܐܕܡ ܢܡܘܿܣܐ ܕܝܼܠܢܝܐ ܣܼܡ: ܕܠܐ ܢܐܟܘܿܠ ܡܼܢ ܐܝܼܠܢܐ ܕܝܼܕܥܬܐ: ܣܼܡ ܠܗ ܢܡܘܿܣܐ ܐܠܗܐ ܠܐܕܡ: ܕܢܕܥ ܕܐܝܼܬ ܠܗ ܒܪܘܝܐ: ܘܕܢܕܥ ܕܒܪܝܐ ܘܥܒܝܼܕܐ ܐܝܼܬ̄ܘ: ܘܕܢܚܘܐ ܠܚܐܪܘܼܬܐ ܕܝܗܼܒ ܠܗ. ܘܝܗܼܒ ܠܗ ܢܡܘܿܣܐ ܡܠܘܐܐ: ܘܢܘܼܪܐ ܕܒܘܼܚܪܢܐ ܠܨܒܝܿܢܗ ܐܟܘܢܐ ܕܒܝܕ ܩܝܣ̈ܐ ܡܬܒܼܚܪܐ ܐܘܡܢܘܼܬܗ ܕܢܓܪܐ ܐܢ ܚܬܝܼܬ ܒܐܘܡܢܘܼܬܐ: ܘܒܝܕ ܕܗܒܐ ܡܬܼܒܚܪܐ ܐܘܡܢܘܼܬܗ ܕܚܿܫܘܿܠܐ: ܗܿܟܢܐ ܒܝܕ ܢܡܘܿܣܐ ܐܬܒܼܚܪܬ݀ ܫܠܝܼܛܘܼܬ ܒܝܿܬܐ ܕܐܕܡ܇ ܘܐܫܬܟܼܚܬ݀ ܚܐܪܘܼܬܗ ܕܪܦܝܐ pb. 22 ܘܨܠܝܐ ܠܘܬ ܥܒܪ ܢܡܘܿܣܐ ܘܚܛܝܼܬܐ: ܣܼܡ ܠܗ ܬܘܼܒ ܢܡܘܿܣܐ ܟܕ ܩܿܕܡ ܝܿܕܥ ܕܠܐ ܢܿܛܪ ܠܗ: ܐܟܙܢܐ ܕܣܼܡ ܢܡܘܿܣܐ ܕܗܝܡܢܘܼܬܐ܇ ܟܕ ܝ݀ܕܥ ܕܣ̈ܓܝܐܐ ܠܐ ܢ݀ܛܪܝܼܢ ܠܗ: ܘܗܿܘܝܢ ܠܐ ܡܗܝܡ̈ܢܐ ܘܐܝܟܢ ܕܝ݀ܕܥ ܕܠܐ ܢ݀ܛܪ ܢܡܘܿܣܐ܇ ܗܿܟܢ ܟܕ ܝܿܕܥ ܗܼܘܐ ܕܒܿܬܪܟܢ ܐ݀ܬܐ ܘܦܿܪܩ ܠܗ ܡܼܢ ܚܛܝܼܬܐ܀ ܘܐܝܟܢ ܕܢܬܼܒܚܪ ܨܒܝܿܢܗ܀ ܬܘܼܒ ܣܼܡ ܠܗ ܢܡܘܿܣܐ ܟܕ ܝ݀ܕܥ ܕܠܐ ܢ݀ܛܪ ܠܗ܇ ܐܝܟܢ ܕܢܘܕܥ ܕܟܐܢܐܝܬ ܦܿܪܥ ܠܢܛܪ̈ܝ ܢܡܘ̈ܣܐ: ܛܒ̈ܬܐ܆ ܘܠܥܿܒܪ̈ܝ ܥܠ ܢܡܘ̈ܣܐ: ܫܘܼܢ̈ܩܐ܀ ܥܡ ܢܡܘܿܣܐ ܓܘܢܝܐ ܐܝܼܬܘܗܝ ܒܝܬ ܕܝܼܢܐ ܕܬܐܪܬܐ ܘܦܪܘܫܘܼܬܐ ܕܛܒܬܐ ܡܼܢ ܒܝܼܫܬܐ: ܣܼܡ ܠܗ ܢܡܘܿܣܐ ܕܝܼܠܢܝܐ ܕܠܐ ܢܦܗܐ ܪܥܝܢܗ ܒܣܪܝܼܩܘܼܬܐ: ܘܕܠܐ ܢܣܼܒܪ ܕܠܝܬ ܠܗ ܒܪܘܝܐ ܘܡܪܐ: ܘܢܣܒܪ ܕܝܼܠܗ ܐܢܝܢ ܒܪ̈ܝܬܐ ܘܠܝܬ ܠܗܝܢ ܡܪܐ܆ ܘܐܢ ܠܐ ܐܬܬܣܝܼܡ ܠܗ ܢܡܘܣܐ: ܐܡܿܪܝܼܢ ܗܼܘܘ ܡܪ̈ܚܐ: ܕܥܠ ܕܠܐ ܣܼܡ ܠܗ ܢܡܘܿܣܐ ܢܦܼܠ܀ ܘܠܡܢܐ ܒܡܐܟܘܿܠܬܐ ܣܼܡ ܠܗ ܢܡܘܿܣܐ: ܘܠܘ ܒܨܠ̈ܘܬܐ ܐܘܿ ܒܬܚܘܼ̈ܡܐ ܐܚܪ̈ܢܐ: ܘܐܡܿܪܝܼܢܢ ܕܥܠ ܕܪܓܬܐ ܥܩܪܐ ܗܝ܇ ܘܡܢܗܿ ܡܬܼܝܠܕܐ ܪܚܡܬ ܟܣܦܐ: ܘܫܘܼ̄ܒ ܣܪܝܼܩܐ܇ ܘܪܓܬ ܟܪܣܐ ܘܗܕܐ ܣܿܓܝܼ ܩܫܝܐ܇ ܡܛܠ ܕܒܠܥܕ ܟܣܦܐ ܘܫܘܼܒܚܐ ܣܪܝܼܩܐ ܚܿܝܐ ܐܢܫ: ܒܠܥܕ ܡܐܟܘܿܠܬܐ ܠܐ ܚܿܝܐ܆ ܘܥܠ ܗ݀ܝ ܕܐܝܬܝܗܿ ܚܫܐ ܩܕܡܝܐ ܘܥܣܩܐ ܡܐܟܘܿܠܬܐ: ܡܛܠܗܕܐ ܒܗܿ ܫܪܝܼ ܘܣܼܡ ܢܡܘܿܣܐ ܠܐܕܡ܀ ܘܐܝܟܢ ܠܡ ܒܪܝܗܝ ܐܟܘܿܠܐ. ܘܟܠܝܗܝ ܡܼܢ ܡܐܟܘܿܠܬܐ܀ ܘܐܡܿܪܝܼܢܢ ܪܓܬܐ ܒܬܪܝܢ ܙܢܝ̈ܐ ܐܝܬܝܗܿ: ܘܡܢܗܿ ܦܩܝܼܕܬܐ܇ ܐܝܟ ܗ݀ܝ ܕܢܪܓ ܐܢܫ ܠܐܣܘܿܛܘܼܬܐ ܘܪܘܝܘܼܬܐ ܘܠܙܢܝܘܼܬܐ܆ ܐܢ ܓܝܪ ܦܩܼܕܗ ܕܣܟ ܠܐ ܢܐܟܘܿܠ܆ ܘܡܬܼܩܛܪ ܗܼܘܐ ܒܪܘܝܐ: ܐܢܕܝܢ ܡܼܢ ܚܕ ܐܝܠܢܐ ܟܠܝܗܝ: ܐܝܟܢ ܕܢܒܚܘܿܪ ܠܨܒܝܿܢܗ܇ ܘܢܬܼܠ ܠܗ ܥܠܼܬܐ܆ ܕܟܕ ܢ݀ܛܪ ܠܗ ܢܐܟܘܿܠ ܡܼܢ ܐܝܼܠܢܐ ܕܚ̈ܝܐ: ܡܕܝܢ ܥܕܝܼܠ ܕܠܐ ܣܦܩܼܘ ܠܗ ܣܘܿܓܐܐ ܕܐܝܼ̈ܠܢܐ ܕܐܪܡܝܼ ܪܓܬܗ ܒܝܥܢܘܼܬܐ ܥܠ ܚܕ ܕܠܐ ܦܩܝܼܕ ܗܼܘܐ ܕܢܬܼܩܪܒ ܠܗ܀ ܡܛܠܿ ܕܒܝܘܡܐ ܕܡܢܗ ܬܐܟܘܿܠ ܡܘܬܐ ܬܡܘܼܬ: ܗ̄ ܐܦܢ ܟܝܿܢܐܝܬ ܠܐ ܡܝܼܬ: ܐܠܐ ܡܼܢ ܟܠܿܦܪܘܿܣ ܡܝܼܬܐ ܚܫܝܼܒ ܗܼܘܐ: ܘܕܟܝܿܢܐܝܬ ܡܝܘܿܬܐ ܐܬܒܪܝܼ܇ ܣܿܗܕܐ ܬܘܼܩܢܐ ܕܟܝܿܢܗ ܘܗܘܝܗ: ܘܐܣܟܡܐ ܕܕܟܪܐ ܘܢܩܒܬܐ܀ ܬܘܼܒ ܐܡܿܪܝܼܢܢ ܕܡܘܬܐ ܒܬܪܝܢ ܙܢ̈ܝܐ ܡܬܼܐܡܪ: ܡܘܬܐ ܕܚܛܝܼܬܐ ܘܕܟܝܢܐ: ܘܠܗܿܘ ܕܚܛܝܼܬܐ ܒܥܕܢܐ ܕܥܒܪ ܦܘܼܩܕܢܐ: ܡܝܼܬ ܡܘܬܐ ܕܟܝܢܐ܇ ܐܚܪܝܐ ܗܿܘ ܕܪܘܟܼܒܐ܇ ܘܐܦ ܠܗܢܐ ܡܝܼܬ: ܟܕ ܚܕ ܝܘܡܐ ܕܡܪܝܐ܇ ܐܝܟ ܐܠܦ ܫܢ̈ܝܼܢ ܕܥܠܡܐ ܗܢܐ ܐܝܼܬܘ܇ ܗܿܠܝܢ ܕܠܐ ܫܡܠܝܼ ܐܢܝܢ ܐܕܡ ܒܚ̈ܝܐ ܗܿܠܝܢ ܡܬܪ̈ܓܫܢܐ܆ ܬܫܥܡܐܐ ܘܬܠܬܝܢ ܫܢ̈ܝܐ ܚܝܼܐ ܘܗ݀ܝܕܝܢ ܡܝܼܬ܇ ܡܼܢ ܬܠܬ ܥ̈ܠܠܬܐ ܡܬܼܢܛܪ ܢܡܘܿܣܐ. ܐܘܿ ܡܼܢ ܪܚܡܼܬܐ ܕܠܘܬ ܣܝܘܿܡܐ: ܐܘܿ ܡܼܢ ܦܘܼܪܥܢܐ ܕܡܬܝܼܗܒ ܚܠܦ ܢܛܘܪܘܼܬܐ: ܐܘܿ ܡܼܢ pb. 23 ܡܣܡ ܒܪܝܫܐ ܕܡܬܼܬܝܬܐ ܥܠ ܡܬܼܥܒܪ̈ܢܐ܆ ܘܥܠܗܕܐ ܓܙܼܡ ܠܗ ܡܘܬܐ ܐܢ ܐ݀ܟܠ ܡܢܗ܆ ܘܐܢ ܠܐ ܐܟܿܠ ܚ݀ܝ ܠܥܠܡ ܘܐܟܿܠ ܡܼܢ ܐܝܼܠܢܐ ܕܚܝ̈ܐ: ܘܒܿܬܪ ܕܐܡܼܪ ܥܠ ܢܡܘܿܣܐ: ܐܬܼܐ ܕܢܐܼܡܪ ܥܠ ܬܘܼܩܢܗܿ ܕܚܘܐ܀ ܠܐ ܠܡ ܫܦܝܼܪܐ ܕܢܗܼܘܐ ܐܕܡ ܒܠܚܘܕܘܗܝ ܗ̄ ܒܩܠܐ ܡܬܪܓܫܢܐ ܐܬܐܡܼܪܬ݀: ܐܝܟ ܕܠܝܘܼܠܦܢܐ ܕܐܕܡ: ܕܢܐܼܠܦ ܕܐܠܗܐ ܒܪܘܝܐ ܐܝܼܬ̄ܘ܇ ܘܗܘܼ ܘܚܘܐ ܒܪ̈ܝܐ ܐܢܘܿܢ܀ ܘܐܢ ܡܬܬܪ̈ܝܼܡܐ ܗ݀ܝ ܕܠܐ ܫܦܝܼܪ: ܢܩܝܼܦܐ ܗ݀ܝ ܕܫܦܝܼܪ ܕܢܗܼܘܐ ܠܗ ܡܥܕܪܢܐ ܗ̄ ܠܥܠ ܐܡܼܪ ܕܢ݀ܥܒܕ ܐܢܫܐ ܒܨܠܡܢ ܟܕ ܡܿܫܘܕܥ ܠܬܠܬܐ ܩܢܘܼ̈ܡܐ ܬܢܢ ܐ݀ܥܒܕ ܚܕܢܐܝܬ ܫܘܼܘܕܥܐ ܕܚܕ ܟܝܢܐ܇ ܡܥܕܪܢܐ ܫܘܬܦܐ ܐܝܼܬ̄ܘ: ܡܿܥܕܪܐ ܠܗ ܒܡܘܠܕܐ ܕܒܢ̈ܝܐ ܘܒܬܪ ܒܝܼܬܗܘܢܿ܇ ܘܕܗܘܼ ܡܿܟܢܫ: ܘܗܝܼ ܡܛܟܣܐ ܡܼܢ ܠܓܘ ܘܡܫܬܘܬܦܐ ܠܗ ܒܚܕ̈ܘܬܐ ܘܥܩ̈ܬܐ܀ ܘܗ݀ܝ ܕܐܡܼܪ ܐܟܘܬܗ ܗ̄ ܕܫܿܘܝܐ ܠܗ ܒܟܝܿܢܐ: ܘܠܘ ܐܝܟ ܒܥܝܼܪ̈ܐ ܕܡܥܕܪ̈ܢ ܠܗ ܟܕ ܠܐ ܫܘ̈ܝܢ ܠܗ ܒܟܝܿܢܐ܀ ܐܢܓܝܪ ܗܘܼܬ݀ ܡܣܓܦܢܝܼܬܐ: ܥܠܗܿܝ ܣܿܡܟ ܥܕܠܝܐ: ܘܠܘ ܥܠ ܒܪܘܝܗܿ: ܐܟܙܢܐ ܕܒܼܪܐ ܐܝܼܕ̈ܝܐ ܘܥܝ̈ܢܐ: ܗܿܠܝܢ ܠܣܥܘܪ̈ܘܬܐ ܛܒ̈ܬܐ ܘܗܿܢܝܢ ܕܚ̈ܙܝܢ ܬܪ̈ܝܼܨܬܐ: ܐܢܕܝܢ ܐܝܼܕ̈ܝܐ ܓܢܒ̈ܢ ܘܥܝ̈ܢܐ ܚܝܪ̈ܢ ܙܠܝܼܠܐܝܬ܇ ܗܿܘ ܥܕܠܝܐ ܕܝܼܠܢ ܐܝܼܬ̄ܘ ܘܠܘ ܕܒܪܘܝܐ܀ ܘܓܒܼܠ ܡܪܝܐ ܐܠܗܐ ܡܼܢ ܐܪܥܐ ܟ݀ܠܗܿ: ܚܝܘܬܐ ܕܕܒܪܐ ܘܟ݀ܠܗܿ ܦܪܚܬܐ ܗ̄ ܥܠ ܩܕܡ̈ܝܬܐ ܪܡܙ܆ ܘܠܐ ܕܚܝ̈ܘܬܐ ܐܚܪ̈ܢܝܬܐ ܒܼܪܐ: ܘܕܗܿܠܝܢ ܕܟܪ̈ܐ ܘܢܩܒ̈ܬܐ ܐܬܒܪܝܼܘ: ܘܐܕܡ ܠܚܘܕܘܗܝ܇ ܘܠܘ ܡܬܓܒܠܘܼ ܐܬܓܒܼ̈ܠܝ ܚܝ̈ܘܬܐ ܡܛܠ ܕܐܦܩܼܬ݀ ܐܢܘܿܢ ܐܪܥܐ ܘܦܪܚܬܐ ܡܼܢ ܡܝ̈ܐ. ܐܠܐ ܒܗܿܘ ܕܓܒܼܠ ܐܘܕܥ ܕܡܼܢ ܡܝ̈ܐ ܘܐܪܥܐ ܐܝܬܝܗܿ ܦܪܚܬܐ ܘܚܝ̈ܘܬܐ܀ ܘܦܓܪ̈ܐ ܘܕܚܝ̈ܘܬܐ ܘܦܪ̈ܚܬܐ܆ ܒܡܠܼܬܐ ܦܿܩܘܿܕܬܐ ܐܬܓܼܒ̈ܠܝ:܆ ܘܕܒܪܢܫܐ ܒܐܝܼܕ̈ܝܐ ܕܐܠܗܐ܀ ܘܐܝܬܝܼ ܐܢܘܢ ܠܘܬ ܐܕܡ ܗ̄ ܡܼܢ ܛܘܼܪ̈ܐ ܘܡܕܒܪ̈ܐ ܟܢܼܫ ܐܢܘܿܢ ܪܡܙܗ: ܘܟܕ ܙܝܥ̈ܢ ܡܢܗ ܐܬܼܝ̈ ܐܝܟ ܕܠܘܬ ܫܠܝܼܛܐ: ܘܐܝܟ ܥܒ̈ܕܐ ܠܘܬ ܡܪܐ܀ ܕܢܚܙܐ ܡܢܐ ܩܿܪܐ ܠܗܘܢܿ ܗ̄ ܐܝܟ ܥܝܿܕܐ ܐܬܐܡܼܪܬ݀ ܗ݀ܝ ܕܢܚܙܐ܇ ܐܟܙܢܐ ܕܚܢܢ ܟܕ ܝ݀ܕܥܝܼܢܢ ܠܣܘܼܥܪܢܐ ܚܬܝܼܬܐܝܬ: ܐܡܿܪܝܼܢܢ ܕܫܐܠ ܠܦܠܢ ܕܚܼܙܐ ܐܝܟܢܢ ܐܡܿܪ ܠܗ: ܐܠܗܐ ܡܬܘܡܐܝܬ ܝܿܕܥ ܠܟܿܠܡܕܡ ܩܕܡ ܗܘܝܗ܀ ܡܛܠ ܕܩܿܪܐ ܠܗܘܢܿ ܐܕܡ ܢܦܫܐ ܚܝܬܐ ܗ̄ ܕܩܼܪܐ ܘܗܿܘ ܕܗܼܘ ܣܼܡ ܠܗܘܢܿ ܫܡܗ̈ܐ: ܘܒܗ݀ܝ ܕܢܦܫܐ ܚܝܬܐ: ܐܘܕܥ ܠܐܝܠܝܢ ܕܐܝܬ ܠܗܘܢܿ ܢܦܫܐ ܚܝܬܐ ܐܝܬܝܼ ܠܗ܀ ܘܗܿܘ ܗܼܘ ܫܩܼܠܗ ܗ̄ ܕܐܝܢܐ ܫܡܐ ܕܣܼܡ: ܒܗ ܐܬܩܼܪܝܬ݀ ܟܿܠ ܚܕܐ܀ ܢܘ̈ܢܐ ܘܪ̈ܚܫܐ ܘܙܪ̈ܥܐ ܘܐܝܼܠ̈ܢܼܐ: ܒܿܬܪܟܢ ܩܼܪܐ ܠܗܘܢܿ ܫܡ̈ܗܐ ܒܙܒܢܐ ܐܚܪܝܐ܀ ܐܚܪ̈ܢܐ ܐܡܿܪܝܼܢ ܕܥܠ ܫܘܼܠܛܢܐ ܕܝܗܼܒ ܐܠܗܐ ܠܒܢܝܢ̈ܫܐ ܥܠ ܚܝܘܬܐ ܘܒܥܝܪܐ ܪܡܿܙ: ܒܗ݀ܝ ܕܫܠܝܼܛܝܼܢ pb. 24 ܐܢܘܿܢ ܕܢܩܪܘܿܢ ܒܫܡ̈ܗܐ ܐܝܠܝܢ ܕܨܿܒܝܢ܆ ܡܛܿܠ ܕܚܝ̈ܘܬܐ ܠܐ ܡܣܼ̈ܬܟܠܢ ܗܼܘ̈ܝ ܠܫܡ̈ܗܐ ܕܒܗܘܿܢ ܐܬܩܪܝܼܘ: ܘܒܢܝܢ̈ܫܐ ܬܘܼܒ ܠܝܬ ܗܼܘܐ ܕܢܐܠܦܘܼܢ ܠܫܡ̈ܗܐ: ܘܟܿܠܚܕ ܡܼܢ ܥܡܡ̈ܐ ܗܐ ܩܿܪܐ ܠܚܝ̈ܘܬܐ ܒܠܫܢܗ܆ ܘܠܘ ܒܠܫܢܐ ܕܐܕܡ܀ ܐܚܪ̈ܢܐ ܐܡܿܪܝܼܢ ܕܥܠ ܡܠܝܼܠܡܘܬܐ ܕܝܗܼܒ ܠܗܘܿܢ ܐܠܗܐ ܠܒܢܝܢ̈ܫܐ ܪܡܿܙ܆ ܕܒܗܿ ܣܿܝܡܝܼܢ ܫܡ̈ܐ ܠܚܝ̈ܘܬܐ ܘܦܪ̈ܚܬܐ܆ ܘܗܕܐ ܗܿܝ ܗ݀ܝ ܕܟ݀ܠ ܕܩܼܪܐ ܠܗܘܢ ܐܕܡ ܢܦܫܐ ܚܝܬܐ ܗܿܘ ܗܼܘ ܫܡܗ܀ ܘܩܼܪܐ ܐܕܡ ܫܡ̈ܗܐ ܠܟܿܠܗܿ ܒܥܝܪܐ ܘܠܟܿܠܗܿ ܦܪܚܬܐ ܗ̄ ܒܩܠܐ ܡܬܪܓܫܢܐ ܘܡܫܬܼܡܥܢܐ: ܩܼܪܐ ܐܕܡ ܫܡ̈ܗܐ ܠܚܝ̈ܘܬܐ܆ ܥܠ ܪܘܡܐ ܕܐܪܥܐ ܝܼܬܒ ܠܒܪ ܡܼܢ ܦܪܕܝܣܐ ܟܕ ܠܒܝܼܫ ܫܘܼܒܚܐ ܐܝܟ ܙܠ̈ܝܼܩܝ ܫܡܫܐ ܘܥܿܒܪܝܼܝ ܩܘܼܕܡܘ̄ ܐܕܫ̈ܐ ܘܩܢܘܼ̈ܡܐ ܕܚܝ̈ܘܬܐ ܟܕ ܡܪܟܢ ܪܝܫܗܘܢܿ ܘܠܐ ܡܨܝܢ ܚ݀ܝܪܝܢ ܒܗ: ܡܛܠ ܫܘܼ̄ܒ ܦܐܝܐ ܕܠܒܝܼܫ ܗܼܘܐ: ܐܟܡܐ ܕܠܐ ܐܬܡܨܝܼܘ ܥܒܪ̈ܝܐ ܕܢܚܘܼܪܘܢܼ ܒܦܪܨܘܦܗ ܕܡܘܫܐ ܘܐܦܠܐ ܚܢܢ ܒܫܡܫܐ: ܟܕ ܩܿܪܐ ܗܼ،ܐ ܬܘܪܐ: ܥܿܒܪ ܗܼܘܐ ܩܕܡܘܗܝ ܘܐܙܿܠ ܗܼܘܐ܇ ܘܗܿܟܘܬ ܠܟܿܠܗܘܢܿ ܓܢܣ̈ܐ܇ ܟܕ ܡܼܢ ܪܘܼܚܐ ܩܕܝܫܐ ܡܬܼܐܪܙ ܗܼܘܐ܀ ܐܚܪ̈ܢܐ ܠܫܘܼܠܛܢܐ ܕܝܗܼܒ ܠܐܕܡ ܘܠ̈ܝܠܕܘܗܝ ܕܢܩܪܘܢܿ ܒܗ ܫܡ̈ܐ ܠܚܝܘ̈ܬܐ ܐܘܕܥ ܒܗ݀ܝ ܕܩܼܪ ܠܗܘܢܿ ܫܡ̈ܗܐ: ܘܐܕܡ ܠܐ ܐܫܬܼܟܚ ܠܗ ܡܥܕܪܢܐ ܐܟܘܬܗ ܗ̄ ܚܝ̈ܘܬܐ ܓܝܪ܇ ܐܟܚܕܐ ܐܬܒܪܝܼܘ ܕܟܪ̈ܐ ܘܢܩܒ̈ܬܐ. ܒܪܢܫܐ ܠܘ ܗܿܟܢܐ: ܐܠܐ ܐܕܡ ܐܬܩܪܝܼ ܘܒܿܬܪܟܢ ܚܘܐ: ܒܗܕܐ ܠܫܘܼܚܠܦܐ ܕܗܘܿܝܐ ܕܐܕܡ ܘܕܚܝ̈ܘܬܐ ܐܘܕܥ܀ ܘܐܪܡܝܼ ܐܠܗܐ ܫܠܝܐ ܥܠ ܐܕܡ ܘܕܡܼܟ ܗ̄ ܚܘܝܼ ܒܗܕܐ ܕܠܘ ܡܼܢ ܐܢܢܩܝ ܕܟܝܢܐ ܐܝܬܝܗܿ ܗܼܘܬ݀ ܫܢܬܐ܇ ܐܠܐ ܐܠܗܐ ܐܪܡܝܼ ܥܠܘܗܝ: ܘܫܠܼܝܐ ܘܬܡܼܗܐ ܕܐܪܡܝܼ ܥܠܘܗܝ. ܕܐܦܩܼܗ ܡܼܢ ܡܬܼܝܕ̈ܥܢܝܬܐ ܘܡܼܢ ܡܬܪ̈ܓܫܢܝܬܐ ܘܥܒܼܕܗ ܕܡܟܐ܆ ܕܠܐ ܢܪܓܫ ܒܗܝܢ܇ ܘܟܢܫ ܠܚܘܼܫ̈ܒܘ̄ ܡܼܢ ܦܗ̈ܝܐ ܥܠܡ̈ܢܝܐ܇ ܘܢܬܦܼܩ ܠܗܘܢܗ ܠܘܬܗ: ܒ݀ܬܪܟܢ ܐܪܡܝܼ ܥܠܘܗܝ ܓܠܝܢܐ ܠܦܘܼܬ ܚܝܠܗ: ܘܥܒܼܕܗ ܕܢܚܼܘܐ ܘܢܫܼܡܥ ܒܙܘ̈ܥܐ ܕܢܫܦܗ ܠܟܿܠܗܝܢ ܐܝܠܝܢ ܕܡܣܼܬܥܪ̈ܢ ܠܘܬܗ: ܐܝܟ ܗܿܘ ܕܒܥ̈ܝܢܐ ܕܦܓܪܐ ܚܿܙܐ ܘܫܿܡܥ ܒܐܕܢܐ ܟܕ ܡܫܼܬܩܠܐ ܡܢܗ ܐܠܥܐ ܘܡܬܬܼܩܢܐ ܐܢܬܬܐ܀ ܟܢܐ ܬܘܼܒ ܣܥܼܪ܇ ܠܘܬ ܢܒ̈ܝܐ ܒܓ̈ܠܝܢܐ܇ ܘܒ݀ܬܪܟܢ: ܒܪܡ ܕܝܢ ܠܢܒܝ̈ܐ: ܟܕ ܥܝܼܪܝܼܢ ܗܼܘܘ ܡܬܓܼܠܝܢ ܗܼܘܘ ܓܠ̈ܝܢܐ ܒܡܥܒܕܢܘܼܬܐ ܕܪܘܼܚܐ : ܠܐܕܡ ܕܝܢ ܟܕ ܕܡܼܟ܇ ܘܠܘ ܒܚܠܡܼܗ ܚܙܼܐ ܠܝܢܐ ܟܕ ܡܬܼܢܣܒܐ ܡܢܗ ܘܡܬܼܬܩܢܐ ܐܢܬܬܐ: ܠܐ ܒܥܠܘܗܝ ܗ̄ ܥܝܼܪܐܝܬ: ܐܠܐ ܒܓܠܝܢܐ ܐܠܗܝܐ: ܟܕ ܕܡܼܟ ܘܠܘ ܒܚܠܡܼܗ ܚܙܼܐ܇ ܠܐ ܢܣܒܼܗܿ ܡܢܗ ܠܐܠܥܐ ܟܕ ܥܝܼܪ: ܕܠܐ ܢܟܘܿܒ ܠܗ ܘܢܣܝܢܗܿ ܠܚܘܐ܇ ܘܐܢܕܝܢ ܠܐ ܟ݀ܐܒ ܗܼܘܐ ܠܗ: ܢܣܼܒܪ ܕܙܘܓܓܘܼܬܐ ܐܝܬܘܗܝ ܣܘܼܥܪܢܐ ܘܠܘ ܫܪܝܪܐ: ܡܕܝܢ ܢܦܼܠ ܫܠܼܝܐ pb. 25 ܥܠ ܐܕܡ ܐܬܓܠܝܼ ܥܠܘܗܝ ܐܠܗܐ܀ ܘܐܫܬܼܒܝܬ݀ ܠܗ ܚܘܬܐ ܕܗܘܢܐ: ܘܒܗܿ ܒܚܘܬܐ ܕܗܘܢܐ܆ ܚܕܐ ܕܐܬܢܼܣܒܬ݀ ܡܢܗ ܐܠܥܐ ܘܐܬܬܩܼܢܬ݀ ܐܢܬܬܐ܇ ܘܟܕ ܐܬܬܪܝܼܡ ܓܠܝܢܐ܆ ܫܢܼܝܬ݀ ܚܘܬܐ ܕܗܘܢܐ܆ ܘܐܬܼܢܛܪ ܒܥܘܼܗܕܢܗ: ܡܕܡ ܕܐܣܬܼܥܪ ܗܿܟܘܬܐ ܣܥܼܪ ܠܘܬ ܢܒ̈ܝܐ: ܘܢܣܼܒ ܚܕܐ ܡܼܢ ܐ̈ܠܥܘܗܝ ܘܐܘܚܕ ܒܣܪܐ ܚܠܦܝܗܿ ܗ̄ ܡܼܢ ܐܕܡ ܢܣܼܒܗܿ܆ ܘܠܘ ܡܼܢ ܥܦܪܐ: ܐܝܟܢܐ ܕܚܕ ܥܩܪܐ ܘܪܝܫܐ ܢܗܼܘܐ ܠܒܢܝܢ̈ܫܐ ܐܕܡ: ܘܕܠܐ ܢܐܡܪ ܐܢܫ ܕܐܚܪܢܐ ܗܿܘ ܓܒܘܿܠܐ ܕܐܕܡ: ܘܕܚܘܐ ܐܚܪܢܐ. ܘܕܢܐܣܘܿܪ ܚܘܼܒܗ ܕܓܒܪܐ ܒܐܢܬܬܐ: ܗܿܟܘܬ ܗܿܘ ܕܐܢܬܬܐ ܒܓܒܪܐ: ܘܬܫܠܼܡܝ ܡܠܼܬܐ ܕܕܟܪܐ ܘܢܩܒܐ ܒܼܪܐ ܐܢܘܿܢ: ܘܕܬܗܼܘܐ ܐܢܬܬܐ ܡܫܥܒܕܬܐ܇ ܡܼܢ ܩܕܡܘ̄ ܕܐܕܡ ܠܐ ܢܣܼܒܗܿ: ܘܕܠܐ ܬܒܥܐ ܩܕܝܼܡܘܼܬܐ ܘܬܫܼܬܥܠܐ ܡܼܢ ܒܣܬܪܗ ܠܐ ܫܩܼܠܗܿ܆ ܕܠܐ ܬܬܒܼܣܐ ܡܢܗ: ܘܗܝܼ ܬܒܼܣܐ ܒܗ܆ ܘܐܦܠܐ ܡܼܢ ܪܝܫܗ܇ ܕܠܐ ܬܒܼܥܐ ܪܝܫܢܘܼܬܐ: ܐܦܠܐ ܡܼܢ ܥܘܼܒܗ܇ ܕܠܐ ܣܿܓܝܼ ܬܗܼܘܐ ܡܬܚܼܬܢܐ܆ ܢܣܒܼܗܿ ܓܝܪ ܡܼܢ ܓܒܗ܇ ܐܝܟܢܐ ܕܬܗܼܘܐ ܒܛܟܣܐ ܡܨܥܝܐ ܘܡܼܢ ܓܒܐ ܕܝܡܝܼܢܐ ܠܐ ܢܣܼܒܗܿ܇ ܐܝܟܢܐ ܕܠܐ ܬܒܼܥܐ ܦܚܡܐ ܕܠܘܬܗ ܘܫܘܝܘܬܼܬܐ܆ ܫܩܼܠܗܿ ܡܼܢ ܓܒܐ ܕܣܡܠܐ: ܐܝܟܐܢ ܕܬܗܼܘܐ ܡܫܬܼܥܒܕܢܝܼܬܐ ܘܡܫܬܡܥܢܝܼܬܐ: ܘܢܘܕܥ ܕܡܚܝܼܠܐ ܐܝܟ ܓܒܐ ܕܣܡܠܐ: ܘܣܢܝܼܩܐ ܥܠ ܣܘܼܝܿܥܐ ܕܡܼܢ ܓܒܪܐ܀ ܘܗ݀ܝ ܕܢܣܼܒ ܐܠܥܐ܆ ܘܠܘ ܡܕܡ ܐ̱ܚܪܝܢ ܫܘܕܥ. ܐܢܬܬܐ ܡܫܡܠܝܬܐ ܐܝܬܝܗܿ܇ ܐܟܡܐ ܕܐܠܥܐ: ܫܟܼܝܚ ܓܝܪ ܒܐܠܥܐ ܒܣܪܐ ܘܓܪ̈ܡܐ ܘܓܝ̈ܕܐ ܘܕܡܐ: ܘܕܣܢܝܼܩܐ ܬܘܼܒ ܐܢܬܬܐ ܥܠ ܛܠܠܗ ܒܣܬܪܗ ܕܓܒܪܐ: ܐܟܡܐ ܕܣܢܝܼܩܐ ܐܠܥܐ ܥܠ ܕܪܥܐ: ܕܡܛܠ ܥܠܝܗܿ܆ ܘܢ݀ܛܪ ܠܗܿ܀ ܬܘܼܒ ܐܟܙܢܐ ܕܐܠܥܐ ܟܬܝܼܠܐ ܘܠܐ ܬܪܝܼܨܐ ܐܝܟ ܓܝܪ̈ܡܐ ܕܕܪܥܐ ܐܘܿ ܕܫܩ̈ܐ: ܗܿܟܘܬ ܐܢܬܬܐ ܐܝܟ ܕܒܣܘܿܓܐܐ ܠܐ ܬܪܝܼܨܐ ܐܠܐ ܨܢܝܼܥܐ: ܬܘܼܒ ܐܠܥܐ ܐܬܢܣܒܼܬ݀ ܟܕ ܨܝܪܐ ܠܕܦܢܗ ܕܡܪܝܐ: ܗ݀ܝ ܕܐܬܼܬܪܥܬ݀ ܒܓܓܘܿܠܬܐ: ܐܬܬܪܥ ܒܕܦܢܗ: ܐܝܟܢܐ ܕܢܐܣܐ ܘܢܚܣܐ ܠܐܢܬܬܐ ܗ݀ܝ ܕܡܼܢ ܣܛܪܐ ܐܬܼܝܠܕܬ݀܀ ܘܐܘܚܕ ܒܣܪܐ ܚܠܦܝܗܿ܆ ܝܘܢܝܐ܇ ܘܡܠܝܼ ܒܣܪܐ ܗ̄ ܡܛܠ ܗܕܐ ܡܠܝܼ ܒܣܪܐ ܚܠܦܝܗܿ ܕ=ܐܠܥܐ: ܐܝܟܐܢ ܕܠܐ ܢܬܬܥܝܼܪ ܘܢܪܓܫ ܒܟܐܒܐ ܡܛ݀ܠ ܚܣܝܼܪܘܼܬܐ ܘܢܣܢܝܗܿ ܠܐܢܬܬܐ: ܐܪܝܼܡ ܓܝܪ ܡܪܝܐ ܠܐܠܥܐ ܕܠܐ ܟܐܒܐ: ܘܡܠܝܼ ܒܣܪܐ ܒܕܘܼܟܬܐ ܗ݀ܝ ܕܚܣܝܼܪܐ ܟܕ ܠܐ ܐܪܓܫ ܐܕܡ ܒܚܕܐ ܡܢܗܝܢ܀ ܘܬܩܢ ܡܪܝܐ ܠܐܠܥܐ ܕܢܣܼܒ ܡܼܢ ܐܕܡ ܠܐܢܬܬܐ܇ ܗ̄ ܘܗ݀ܝ ܕܢܣܼܒ ܘܡܠܝܼ ܘܬܩܢ: ܒܚܕ ܪܦܦ ܥܝܢܐ ܣܥܼܪ ܐܢܝܢ ܐܠܗܐ: ܐܢܓܝܪ ܩܝܡܬܐ ܒܪܦܦܐ ܥܝܢܐ ܗܿܘܝܐ܇ ܐܝܟ ܕܐܡܼܪ ܦܘܠܘܿܣ: ܝܬܝܼܪ ܡܼܢ ܗܕܐ ܐܣܬܼܥܪܬ݀ ܨܝܕ ܐܕܡ ܒܬܘܼܦܢܐ ܕܚܘܐ܆ ܘܥܠ ܐܕܡ ܟܬܝܼܒ ܓܒܝܼܠܘܼܬܐ: ܡܛ݀ܠ ܕܥܦܪܐ ܥܠ ܓܒܝܼܠܘܼܬܐ ܣܢܝܼܩ܆ ܥܠ pb. 26 ܚܘܐ ܬܘܼܩܢܐ. ܕܡܩܕܡܐ ܗܘܬ݀ ܓܒܝܼܠܐ ܒܐܕܡ: ܘܥܠ ܬܘܼܩܢܐ ܣܢܝܼܩܐ ܗܼܘܬ݀ ܠܚܘܕ.. ܐܝܬܝܗܿ ܠܐܕܡ ܗ̄ ܠܘ ܡܼܢ ܕܘܼܟܬܐ ܠܕܘܼܟܬܐ܆ ܐܠܐ ܡܼܢ ܠܐ ܝܿܬܠܐ ܠܝܿܬܐ: ܟܕ ܡܬܩܢܐ ܘܥܒܝܼܕܐ ܐܢܬܬܐ ܐܝܬܝܗܿ ܠܘܬܗ܀ ܘܐܡܼܪ ܐܕܡ ܗܢܐ ܙܒܢܐ ܓܪܡܐ ܡܢ ܓܪ̈ܡܝ ܘܒܣܪܐ ܡܼܢ ܒܣܪܝ ܗ̄ ܗܕܐ ܐܝܼܬܝܗܿ ܢܒܝܘܼܬܗ ܕܐܕܡ܆ ܟܕ ܐܬܬܥܝܼܪ ܐܕܡ: ܠܗ݀ܝ ܕܒܫܢܬܗ ܚܼܘܐ ܟܕ ܡܬܬܼܩܢܐ܇ ܐܝܟܚܗܿ ܕܩܿܝܡܐ ܩܕܡܘܗܝ܆ ܘܐܬܬܙܝܼܥ ܒܪܘܼܚܐ ܘܐܬܢܒܝܼ ܕܗܢܐ ܠܡ ܙܒܢܐ ܓܪܡܐ ܗ̄ ܗ݀ܝ ܕܗܢܐ ܙܒܢܐ܆ ܠܘܼܩܒܠ ܙܒܢܐ ܕܚܝ̈ܘܬܐ ܕܐܝܬܝܼ ܐܠܗܐ ܠܘܬܗ ܕܢܣܝܼܡ ܠܗܘܢܿ ܫܡ̈ܗܐ ܐܬܐܡܼܪܬ݀܆ ܗܕܐ ܕܒܗܢܐ ܙܒܢܐ ܐܬܩܼܪܒܬ݀ ܠܝܼ: ܠܘ ܡܼܢ ܚܝ̈ܘܬܐ ܘܦܪ̈ܚܬܐ ܕܣܡܿܬ ܠܗܝܢ ܫܡ̈ܗܐ ܐܝܬܝܗܿ܆ ܐܠܐ ܗܕܐ ܡܼܢ ܟܝܿܢܝ ܐܝܬܝܗܿ: ܘܡܢܝ ܢܣܝܼܒܐ: ܘܡܼܢ ܗ݀ܝ ܕܚܼܙܐ ܒܗܘܢܗ ܟܕ ܕܡܼܟ ܠܬܘܼܩܢܐ ܕܚܘܐ. ܐܫܬܘܕܥ ܠܓܒܝܼܠܘܼܬܐ ܕܝܼܠܗܘܢܿ ܘܠܗܿܘ ܕܒܼܪܝܗܝ܇ ܗܿܟܘܬ ܡ̈ܠܐܟܐ܆ ܡܼܢ ܒܪܝܼܬܐ ܕܐܕܡ ܘܕܚܘܐ ܝܼܕܥܘ ܕܒܪ̈ܝܐ ܐܢܘܢܿ܆ ܘܐܫܼܬܘܕܥܘ ܠܒܪ̈ܘܝܗܘܢܿ܀ ܬܘܼܒ ܒܗܢܐ ܙܒܢܐ ܓܪܡܐ ܡܼܢ ܓܪ̈ܡܝ܇ ܗ̄ ܒܗܢܐ ܙܒܢܐ ܠܚܘܕ ܐܬܬܩܼܢܬ݀ ܐܢܬܬܐ: ܡܼܢ ܓܪܡܝ ܘܒܣܪܝ܇ ܒܙܒܢܐ ܕܒܿܬܪܟܢ ܡܼܢ ܚܘܼܠܛܢܐ ܕܓܒܪܐ ܘܐܢܬܬܐ ܡܬܼܝܠܕܐ ܢܩܒܬܐ܀ ܗܕܐ ܬܬܩܼܪܐ ܐܢܬܬܐ: ܡܛܠ ܕܡܼܢ ܓܒܪܐ ܢܣܝܼܒܐ ܗ̄ ܡܛܠ ܕܢܩܝܼܦܜܐ ܠܓܒܪܐ ܒܙܘܘܓܐ: ܡܬܼܩܪܝܐ ܐܢܬܬܐ: ܘܝܼܕܝܼܥܐ ܡܼܢ ܕܐܢܬܬܗ ܕܦܠܢ ܐܝܿܕܐ ܕܢܩܝܼܦܐ ܠܗ ܒܙܘܼܘܓܐ ܡܥܕܝܼܢܢ ܕܢܩܪܐ: ܘܦܘܠܘܣ ܠܗ݀ܝ ܕܢܩܝܼܦܐ ܒܙܘܘܓܐ ܢܡܘܿܣܝܐ ܩܼܪܐ ܐܢܬܬܐ܇ ܠܘ ܠܗ݀ܝ ܕܠܐ ܢܡܘܿܣܐܝܬ ܩܼܪܐ ܡܙܕܘܓܐ܇ ܐܘܿ ܠܝܬܘܗܝ܀ ܘܝܼܕܝܼܥܐ ܬܘܼܒ ܡܼܢ ܗ݀ܝ ܕܡܿܩܦ ܐܕܡ ܕܢܫܒܘܿܩ ܓܒܪܐ ܠܐܒܘܼܗܝ ܘܠܐܡܗ ܘܢܩܼܦ ܠܐܢܬܬܗ ܗ̄ ܡܼܢ ܢܩܝܼܦܘܼܬܐ ܐܬܝܼ ܫܡܐ ܕܐܢܬܬܐ܀ ܬܘܼܒ ܐܢܬܬܐ ܗ̄ ܐܢܬܬܐ: ܐܝܟ ܗܿܘ ܕܗܿܟܢ ܐ݀ܡܪܐ ܠܗ ܠܓܒܪܐ ܕܐܢܬܬܐ ܨܐܕܝ ܐܢ ܨ݀ܒܐ ܐܢܬ ܕܬܫܼܬܘܬܦ ܥܡܝ ܢܡܘܿܣܐܝܬ ܘܬܗܼܘܐ ܐܒܐ ܠܒܢ̈ܝܐ܀ ܝܥܩܘܿܒ ܐܘܪܗܝܐ ܐܡܿܪ ܒܠܫܢܐ ܥܒܪܝܐ ܠܚܡܝܼܢ ܦܬܓ̈ܡܐ ܗܿܠܝܢ ܝܬܝܼܪ ܡܼܢ ܠܫܢܐ ܐܚܪܢܐ: ܗܕܐ ܠܡ ܬܬܩܼܪܐ ܐܝܫܐ ܡܛܠ ܕܡܼܢ ܐܝܫ ܢܣܝܼܒܐ: ܘܐܝܫ ܐܝܬܘܗܝ ܓܒܪܐ: ܘܐܝܫܐ ܐܢܬܬܐ: ܘܡܼܢ ܗܪܟܐ ܡܬܼܝܕܥܐ ܕܒܠܫܢܐ ܥܒܪܝܐ ܡܠܼܠ ܐܠܗܐ ܥܡ ܐܕܡ: ܐܟܙܢܐ ܠܡ ܕܗܕܐ ܬܬܩܼܪܐ ܓܒܪܬܐ. ܡܛܠ ܕܡܼܢ ܓܒܪܐ ܢܣܝܼܒܐ܀ ܡܛܠ ܕܢܩܝܼܦܐ ܠܓܒܪܐ ܒܙܘܘܓܐ ܢܡܘܿܣܝܐ: ܐܡܼܪ ܕܢܫܒܘܿܩ ܠܐܒܐ ܘܠܐܡܐ ܘܫܪܟܐ܀ ܘܢܗܘܘܢܿ ܬܪܗܝܗܘܢܿ ܚܕ ܒܣܪ ܒܫܘܬܦܘܼܬܐ ܕܙܘܘܓܐ: ܘܒܝܠܕܐ ܕܡܼܢ ܬܪ̈ܝܗܘܢܿ ܡܬܼܩܝܡ ܡܼܢ ܙܪܥܐ ܕܓܒܪܐ ܘܕܐܢܬܬܐ ܡܬܼܩܝܡ ܥܘܼܠܐ܆ ܥܠ ܓܒܪܐ ܐܬܐܡܼܪܬ݀ ܗ݀ܝ ܕܢܫܒܘܿܩ: ܟܕ ܛܒ ܐܢܬܬܐ ܫܿܒܩܐ ܠܐܒܗ̈ܝܗܿ: ܡܛܠ ܕܪܝܫܐ ܗܘ: ܡܛܠ ܕܗܼܘ ܡܿܫܪܐ ܒܙܘܘܓܐ܀ ܗܘܼܘ ܬܪ̈ܝܗܘܢܿ pb. 27 ܥܪ̈ܛܠܝܢ ܘܠܐ ܒܿܗܬܝܼܢ ܗ̄ ܡܛܠ ܕܥܕܟܝܼܠ ܠܐ ܚܛܘ܇ ܘܠܒܝܼܫܝܼܢ ܗܼܘܘ ܫܘ̄: ܘܠ ܗ݀ܝ ܠܐ ܒܿܗܬܝܼܝܢ ܗܼܘܘ܆ ܘܡܼܢ ܡ̈ܐܢܐ ܓܘܼܫܡ̈ܢܝܐ ܥܪܛܠܝܼܝܼܢ ܗܼܘܘ: ܘܠܘ ܡܼܢ ܫܘܒܚܐ: ܘܠܝܬ ܗܼܘܐ ܠܗܘܢܿ ܚܘܼܫܒܐ ܕܥܿܕܠ ܗܼܘܐ ܠܗܘܢܿ ܥܠ ܐܦܝ̈ ܥܪܛܠܝܘܼܬܗܘܢ: ܘܚܘܝܐ ܥܪܝܼܡ ܗܼܘܐ ܡܼܢ ܟܠܗܿ ܚܝܘܿܬܐ ܗ̄ ܡܪܝ ܐܦܪܝܡ ܐ݀ܡܪ: ܕܚܘܝܐ ܓܘܫܡܢܐ ܡܠܠ ܥܡ ܐܢܬܬܐ: ܘܫܐܠ ܣܛܢܐ ܘܐܬܝܗܼܒܬ݀ ܠܗ ܠܚܘܝܐ ܡܠܼܬܐ ܘܝܼܕܥܬܐ ܐܝܟ ܕܠܒܘܼܚܪܢܗ ܕܐܕܡ܀ ܐܬܦܪܓܠ ܣܛܢܐ ܡܼܢ ܐܠܗܐ ܕܠܐ ܢܬܓܫܡ ܒܐܐܪ: ܘܠܐ ܢܥܘܿܠ ܒܚܝܘܿܬܐ ܐܚܪܬܐ: ܐܠܐ ܫܒܩܼܗ ܕܢܥܘܿܠ ܒܚܘܝܐ ܐܝܟ ܕܠܨܥܪܗ ܕܒܝܼܫܐ܇ ܐܠܐ ܐܪܥܗ ܠܚܘܐ ܣܘܼܥܪܢܐ: ܟܕ ܣܿܒܪܐ ܕܐܦ ܚܝܘ̈ܬܐ ܡܫܘ̈ܬܦܢ ܒܡܠܼܬܐ: ܠܐ ܓܝܪ ܢܣܼܝܬ݀ ܗܼܘܬ݀ ܠܣܘܼܥܪܢܐ ܥܕܟܝܠ܀ ܩܘܪܝܠܘܿܣ ܐ݀ܡܪ ܕܣܛܢܐ ܐܬܕܡܝܼ ܒܚܘܝܐ ܘܡܠܠ ܥܡ ܐܢܬܬܐ܀ ܝܥܩܘܿܒ ܕܣܪܘܓ ܐ݀ܡܪ܆ ܕܣܛܢܐ ܥܼܠ ܒܚܘܝܐ ܘܡܠܼܠ: ܘܡܘܫܐ ܒܪ ܟܐܦܐ ܐ݀ܡܪ ܗܿܟܘܬ ܘܡܫܪܪ ܠܗܕܐ܆ ܕܐܟܡܐ ܠܡ ܕܐܕܡ ܥܦܝܼܦܐ ܐܝܼܬܘܗܝ: ܘܦܪܕܝܣܐ ܥܦܝܼܦܐ ܐܘܟܝܼܬ ܓܘܼܫܡܢܝܐ ܘܪܘܼܚܐ: ܘܗܿܟܢܐ ܚܘܝܐ ܓܘܼܫܡܢܝܐ. ܘܣܛܢܐ ܪܘܼܚܢܝܐ. ܥܡܼܪ ܒܗܿ ܘܡܠܼܠ ܥܡ ܐܢܬܬܐ܀ ܘܡܼܢ ܚܝ̈ܘܬܐ ܐܝܼܬ̄ܘ ܘܠܘ ܡܼܢ ܪ̈ܚܫܐ ܡܛܠ ܕܨܢܝܼܥ ܗܼܘܐ ܝܬܝܪ ܡܼܢ ܚܝ̈ܘܬܐ ܐܚܪ̈ܢܝܬܐ܆ ܫܒܼܩܗ ܐܠܗܐ ܠܚܘܝܐ ܕܢܥ،ܿܠ ܠܦܪܕܝܣܐ ܥܡ ܣܛܢܐ ܕܒܗ ܥܡܼܪ܆ ܐܝܟܢܐ ܕܢܬܼܒܚܪ ܐܕܡ܇ ܐܢ ܢ݀ܛܪ ܦܘܼܩܕܢܐ ܐܘܿ ܠܐ: ܘܠܛܗ ܠܚܘܝܐ: ܐܝܟܢܐ ܕܢܚܫ ܠܣܛܢܐ: ܘܒܼܪܗ ܠܐܒܘܿܒܐ: ܐܝܟܢܐ ܕܢܥܝܼܩ ܠܗܿܘ ܕܙܡܿܪ ܒܗ ܒܝܼܫܐܝܬ: ܘܐܪܒܥ ܪ̈ܓܠܐ ܐܝܬ ܗܼܘܐ ܠܚܘܝܐ ܐܝܟ ܚܝ̈ܘܬܐ: ܘܒܪ ܫܥܬܗ ܕܐܘܒܕ ܪ̈ܓܠܘܗܝ ܚܫܼ ܘܐܬܬܥܝܼܩ ܣܛܢܐ: ܗ݀ܝ ܕܥܪܝܼܡ ܗܼܘܐ: ܡܼܢ ܨܢܝܼܥܘܼܬܐ ܐ݀ܬܝܐ: ܡܛܠ ܕܠܒܝܼܫܬܐ ܢܩܝܼܦܐ ܥܪܝܼܡܘܼܬܐ܀ ܘܐܡܼܪ ܚܘܝܐ ܠܐܢܬܬܐ ܫܪܝܪܐܝܬ ܘܫܪܟܐ ܗ̄ ܡܪܝ ܐܦܪܝܡ ܐ݀ܡܪ: ܕܫܡܼܥܗ ܣܛܢܐ ܠܦܘܼܩܕܢܐ ܕܐܬܬܣܝܼܡ ܠܐܕܡ: ܘܩܪܒ ܕܒܝܕ ܫܘܼܐܠܐ ܢܥܒܼܕ ܡܥܠܢܘܼܬܐ ܠܡܠܼܬܐ܆ ܥܒܼܕ ܡܘܫܐ ܒܪ ܟܐܦܐ ܦܘܼܫܩܐ ܠܒܪܝܼܬܐ: ܐܝܟܢܐ ܕܐܣܗܕ ܒܟܬܒܐ ܕܦܪܕܝܣܐ܇ ܘܥܒܼܕ ܟܬܒܐ ܠܘܼܩܒܠ ܐܪ̈ܣܝܣ ܐܟܡܐ ܕܟܬܼܒ ܒܫܬܐ ܝܘܡ̈ܐ ܕܝܼܠܗ܀ ܦܝܠܘܟܣܢܘܿܣ ܐ݀ܡܪ ܕܠܐ ܫܡܥܼܗ ܐܠܐ ܒܡܣܒܪܢܘܼܬܐ ܕܢܐܠܦܝܘܗܝ ܡܼܢ ܚܘܐ: ܐ݀ܡܪ ܡܪܝ ܐܦܪܝܡ ܕܐܬܒܪܝ ܐܕܡ ܘܟܕ ܥܼܠ ܠܦܪܕܝܣܐ: ܐܬܬܣܝܼܡ ܠܗ ܢܡܘܿܣܐ܆ ܘܒ݀ܬܪ ܕܣܼܡ ܫܡܗ̈ܐ ܠܚܝ̈ܘܬܐ܆ ܐܬܬܩܼܢܬ݀ ܚܘܐ: ܘܐܡܼܪܗܿ ܐܕܡ ܒܩܠܐ ܠܚܘܐ: ܘܫܡܥܼܗ ܐܟܿܠܩܪܨܐ: ܘܟܕ ܝܼܕܥ ܠܗ ܩܪܒ ܠܘܬ ܚܘܐ܀ ܐܚܪ̈ܢܐ ܐ݀ܡܪܝܼܢ ܕܒܥܕܢܐ ܕܐܬܒܪܝܼ ܐܕܡ ܐܬܒܼܝܬ݀ ܚܘܐ ܘܥܡܗ ܥܠܼܬ݀ ܠܦܪܕܝܣܐ ܘܐܟܚܕܐ ܩܒܼܠܬ݀ ܦܘܼܩܕܢܐ ܠܘ ܒܩܠܐ: ܐܠܐ ܒܠ̈ܒܘܬܗܘܢܿ ܛܒܥܼܗ ܡܬܝܕܥܢܐܝܬ: ܘܠܐ ܐܪܓܫ ܐܟܠܩܪܨܐ ܒܦܘܼܩܕܢܐ: ܘܝܼܕܝܼܥܐ ܡܼܢ ܗܜܝ ܕܕܠܩܘܼܒܠܐ ܕܦܘܼܩܕܢܐ ܫܐܼܠܗܿ܀ ܫܪܝܪܐܝܬ ܠܡ ܐܡܼܪ ܐܠܗܐ ܕܠܐ ܬܐܟܠܘܢܼ pb. 28 ܡܼܢ ܐܝܼܠ̈ܢܝ ܦܪܕܝܣܐ ܗ̄ ܟܕ ܘܒܗܕܐ ܡܕܡܝܘܼ ܕܡܝܼ ܘܐܣܼܒܪ ܕܢܡܘܿܣܐ ܐܬܬܣܝܼܡ ܠܗܘܢܿ܆ ܐܟܡܐ ܕܠܟܿܠܗܝܢ ܒܪ̈ܝܬܐ܆ ܒܦܠܓܗ ܕܝܘܡܐ ܕܥܪܘܒܬܐ: ܩܪܒ ܚܘܝܐ ܫܘܼܐܠܐ ܠܚܘܐ܀ ܘܐܡܼܪܬ݀ ܐܢܬܬܐ ܠܚܘܝܐ ܕܡܼܢ ܦܐܪ̈ܝ ܐܝܼܠ̈ܢܐ ܕܒܦܪܕܝܣܐ ܟܠܿܗܘܢܿ ܢܐܟܘܿܠ ܗ̄ ܠܘ ܐܟܡܐ ܕܫܐܼܠܬ ܐܘ ܚܘܝܐ ܟܠܼܝܢܢ ܡܼܢ ܟ݀ܠܗܘܢܿ ܐܝܼܠ̈ܢܐܼ܆ ܐܠܐ ܡܼܢ ܚܕ ܕܒܡܨܥܬܐ ܐܝܼܬ̄ܘ ܕܐܝܼܕܥܬܐ܆ ܘܐܡܼܪ ܚܘܝܐ: ܠܐ ܡܡܬ ܬܡܘܼܬܘܢܼ: ܠܡܠܼܬܐ ܕܐܠܗܐ ܨ݀ܒ ܕܢܕܓܠ܆ ܘܐܪܝܼܡܗܿ ܠܕܚܠܬܐ ܕܡܘܬܐ ܡܢܗܘܢ: ܘܒܗ݀ܝ ܕܐܡܿܪ ܕܝܿܕܥ ܐܠܗܐ ܕܒܝܘܡܐ ܕܐܟܿܠܝܼܢ ܐܢܬܘܿܢ ܡܢܗ ܡܬܦܬܼܚܢ ܥܝܢܝܟ̈ܘܿܢ ܘܗܿܘܝܢ ܐܢܬܘܿܢ ܐܝܟ ܐ̈ܠܗܐ: ܝܕ̈ܥܝ ܛܒܬܐ ܘܒܝܼܫܬܐ ܓܿܪܓ ܐܢܘܢܿ ܕܢܐܟܠܘܢܼ ܡܼܢ ܐܝܼܠܢܐ: ܐܠܗܘܼܬܐ ܫܪܝܐ ܒܦܐܪ̈ܘܗܝ: ܘܗ݀ܘ ܕܐܟܿܠ ܠܗܘܢܿ ܗܿܘܐ ܝܿܕܥ ܛ݀ܒܬܐ ܘܒܝܼܫܬܐ: ܐܝܟ ܐ̈ܠܗܐ: ܘܗ݀ܝ ܕܡܬܼܦ̈ܬܚܢ ܥܝܢܝ̈ܟܘܢܿ ܐܝܬܝܗܿ܇ ܕܗܿܘܝܬܘܿܢ ܚܪ̈ܝܦܐ ܘܡܗܝܼܪ̈ܐ ܒܝܼܕܥܬܐ ܘܒܗ݀ܝ ܕܐ̈ܠܗܐ: ܐܠܼܦ ܐܢܘܿܢ ܕܐܠܗܐ ܗܿܘ ܕܟܠܟܘܿܢ. ܣܓ̈ܝܐܐ ܐܝܬ ܐܟܘܬܗ ܘܙܪܥ ܒܗܘܢܿ ܣܓܕܬ ܦܬܟܪ̈ܐ ܗ݀ܝ ܕܒܿܬܪ ܙܒܢܐ ܥܠܼܬ܀ ܠܐ ܕܝܢ ܥܩܒܼܬ݀ ܚܘܐ ܥܡ ܚܘܝܐ: ܕܡܼܢ ܐܝܡܟܐ ܝܿܕܥ ܐܢܬ ܗܿܠܝܢ ܐܪ̈ܙܐ: ܘܟܕ ܥܝܢ̈ܝ ܦܬܝܼ̈ܚܢ: ܐܝܟܢܐ ܐܡܿܪ ܐܢܬ ܕܡܬܼܦ̈ܬܚܢ: ܘܙܠ ܐܟܘܿܠ ܐܢܬ ܩܕܡܐܝܬ: ܘܠܘ ܡܛܠ ܕܠܐ ܚܟܝܼܡܐ ܗܼܘܬ݀ ܫܬܩܼܬ݀ ܡܼܢ ܒܘܼܚܢܐ: ܐܠܐ ܫܪܝܪܐ ܩܒܼܠܬ݀ ܠ̈ܡܠܘܗܝ: ܘܫܐܬܼܠܗܒܬ݀ ܒܪܚܡܼܬܐ ܕܐܠܗܘܼܬܐ: ܘܚܙܼܬ݀ ܐܢܬܬܐ ܕܫܦܝܼܪ ܐܝܠܢܐ ܠܡܐܼܟܠ ܘܫܪܟܐ ܗ̄ ܡܼܢ ܩܕܝܼܡ ܚܿܙܐܼ ܗܼܘܐ ܠܚܘܐ ܦܫܝܛܐܝܬ: ܒܿܬܪ ܕܐܬܼܐ ܚܘܝܐ ܘܐܛܠܝܼ ܒܗܿ: ܚܙܬܗ ܠܐܝܼܠܢܐ ܕܫܦܝܼܪ ܠܡܐܼܟܠ ܘܪܓܝܓ ܠܡܚܼܙܐ: ܡܥܕܐ ܪܓܬܐ ܫܪܝܼܬܐ ܐܡܬܝ ܕܡܬܼܝܠܕܐ ܒܢܦܫܐ: ܕܬܫܦܼܪܝ ܠܡܕܡ ܕܡܬܼܚܙܐ ܠܗܿ: ܐܟܡܐ ܕܙܢܝ̈ܐ ܪܚܡܝܼܢ ܠܙܢܝ̈ܬܐ ܘܟܕ ܛܒ ܣܢܝ̈ܢ ܐܝܬ ܐܡܬܝ܀ ܘܪܓܬܐ ܗܿܘ ܠ̈ܥܝܢܐ ܗ̄ ܐܬܪܓܪܓܼܬ݀ ܕܬܚܙܝܘ̄ ܘܬܬܒܩܐ ܒܗ܀ ܘܪܓܝܓܼ ܐܝܠܢܐ ܠܡܚܼܪ ܒܗ ܗ̄ ܐܬܚܙܝܼ ܠܗܿ ܕܪܓܝܓܼ ܡܼܢ ܟ݀ܠܗܘܿܢ ܐܝܼܠ̈ܢܐ: ܟܕ ܠܘܬ ܐܝܼܠܢܐ ܐܫܬܼܚܠܦ: ܐܠܐ ܫܘܓܼܢܝܐ ܠܘܬ ܐܢܬܬܐ ܗܘܐ: ܡܼܢ ܛܥܝܘܼܬܐ ܕܣܛܢܐ: ܗܿܟܘܬ ܚܡܢܘܢ ܐܚܪܢܝܐܝܬ ܚܼܪ ܒܬܡܪ ܡܼܢ ܩܕܡ ܙܢܝܘܼܬܐ: ܘܗܿܟܘܬ ܒܙܢܝܘܼܬܐ: ܘܐܚܪܢܝܐܝܬ ܒܿܬܪ ܚܛܝܼܬܐ: ܟܕ ܠܘ ܫܘܼܦܪܗܿ ܐܫܬܓܢܝܼ: ܐܠܐ ܒ݀ܬܪ ܚܛܝܼܬܐ ܣܼܢܗܿ: ܘܠܘ ܟܕ ܡܬܼܒܩܝܐ ܒܗ: ܘܗܕܐ ܗܿܝ ܗ݀ܝ ܕܚܼܘܬ݀ ܐܢܬܬܐ ܠܐܝܼܠܢܐ܆ ܘܢܣܒܼܬ݀ ܡܼܢ ܦܐܪ̈ܘܗܝ ܘܐܟܠܼܬ݀ ܗ̄ ܡܛܠ ܕܨܒܼܬ݀ ܕܬܬܩܼܕܡܝ ܒܐܠܗܘܼܬܐ ܩܕܡ ܐܕܡ ܗ݀ܝ ܕܩܕܝܼܡ ܠܗܿ ܒܐܢܫܘܼܬܐ: ܘܬܗܼܘܐ ܠܗܿ ܦܩܘܕܬܐ ܘܠܐ ܐܬܦܪܣܼܝܬܜ ܒܪ ܫܥܬܗ: ܐܟܡܿܢ ܕܠܐ ܢܩܼܢܛ ܐܕܡ ܘܠܐ ܢܐܟܘܿܠ ܘܠܐ ܩܿܢܐ ܗܼܘܐ ܒܗܕܐ ܙܿܟܘܬܐ: ܡܛܠ ܕܦܘܼܪܣܝܐ ܕܚܘܐ ܟܠܝܗܝ ܡܼܢ ܡܐܟܘܠܬܐ: ܘܒܕܓܘܿܢ ܐܓܪ ܐܠܗܐ ܘܠܐ pb. 29 ܦܪܣܝܗܿ܆ ܡܛܠ ܕܐܓܘܿܢܐ ܕܬܪ̈ܝܗܘܢܿ ܐܝܬ̄ܘ: ܐܝܟܢܐ ܕܢܬܒܚܪܘܢܼ ܨܒܝ̈ܢܐ ܕܬܪܗܝܗܘܿܢ ܕܐܢ ܐ݀ܟܠ ܥܡܗܿ ܡܬܼܚܝܒ ܘܐܢ ܠܐ ܐܟܿܠ ܡܙܕܕܩ܀ ܘܝܗܼܒܬ݀ ܥܡܗܿ ܠܒܥܠܗܿ܆ ܘܐܡܿܪܝܼܢܢ ܕܠܐ: ܐܠܐ ܕܢܥܩܒܿ ܘܐܡܼܪܬ݀ ܠܗ ܟܠܡܕܡ ܕܐܡܼܪ ܠܗܿ ܚܘܝܐ܆ ܘܐܘܣܼܦܬ݀ ܐܚܪ̈ܢܝܬܐ ܕܡܩܢ̈ܝܢ ܦܝܿܣܐ: ܘܐܢ ܟܕ ܠܐ ܥܩܼܒ ܐܟܼܠ: ܠܐ ܡܬܼܪܫܐ ܗܼܘܐ: ܟܿܠ ܕܐܟܿܠ ܡܕܡ ܐܘܿ ܐܝܟ ܕܠܣܘܼܢܩܢܐ ܐܟܿܠ: ܐܘܿ ܐܝܟ ܕܠܪܓܬܐ ܘܐܕܡ ܐܝܟ ܕܠܪܓܬܐ ܐܟܼܠ ܡܼܢ ܐܝܼܠܢܐ܇ ܘܥܠܗ݀ܝ ܢܩܦܼܬ݀ ܚܛܝܼܬܐ ܠܪܓܬܐ ܐܢܓܝܪ ܡܼܢ ܐܝܼ̈ܠܢܐ ܐܚܪ̈ܢܐ ܐܝܟ ܕܠܣܘܼܢܩܢܗ ܐܟܼܠ ܠܐ ܡܬܼܚܝܒ ܗܼܘܐ܀ ܐܬܦܼܬ̈ܚܝ ܥܝ̈ܢܐ ܕܬܪ̈ܝܗܘܿܢ: ܠܘ ܐܝܟ ܦܘܼܬܚܐ ܕܐܡܼܪ ܠܗܘܿܢ ܚܘܝܐ: ܗ݀ܘ ܓܝܪ ܐܡܼܪ ܕܗܿܘܝܢ ܐܢܬܘܿܢ ܚܪ̈ܝܦܐ ܒܬܪܥܝܼܬܐ ܘܡܣܬܟܠܝܼܢ ܐܢܬܘܿܢ ܛܒܬܐ ܘܒܝܼܫܬܐ ܐܝܟ ܐ̈ܠܗܐ: ܗܿܢܐ ܦܘܼܬܚܐ ܐܝܼܬ̄ܘ܆ ܕܚܙܼܘ ܥܪܛܠܝܘܼܬܗܘܿܢ ܘܦܘܼܬܚܐ ܕܚܘܝܐ ܐܝܬ̄ܘ ܠܚܕܘܿܬܐ: ܗܢܐ ܕܝܢ ܠܒܗܼܬܬܐ ܐܡܼܪ ܕܐܬܼܦ̈ܬܚܝ ܥܝܢܝܗܗܘܿܢ: ܬܘܼܒ ܥܝ̈ܢܐ ܓܝܪ ܡܬܝܕܥܢ̈ܝܬܐ ܚܿܙܝܢ ܗܼܘܘ: ܡܛ݀ܠ ܕܟ݀ܠܗ ܒܪܢܫܐ ܚܿܘܐ ܗܼܘܐ ܒܥܝ̈ܢܐ ܡܬܝܕܥ̈ܢܝܬܐ ܘܠܝܬ ܗܼܘܐ ܣܘܼܢܩܢܐ ܥܠ ܥܝ̈ܢܐ ܕܦܓܪܐ: ܟܕ ܥܒܼܪܘ ܦܘܼܩܕܢܐ ܚܘܬܐ ܕܗܘܢܐ ܘܢܦܐ ܕܦܪܝܼܣܐ ܥܠ ܦܓܪܐ ܐܬܚܦܼܝܬ݀ ܥܡ ܟܝܿܢܐ ܕܢܦܫܐ ܕܐܬܚܦܝܼ: ܘܐܣܬܼܢܩܘ ܕܢܚܙܘܿܢ ܒܥܝ̈ܢܐ ܦܓܪ̈ܢܝܬܐ: ܘܒܗܿܠܝܢ ܚܙܼܘ ܠܦܘܪܣܝܗܘܿܢ: ܘܝܼܕܥܘ ܕܥܪ̈ܛܠܝܐ ܐܢܘܿܢ ܗ̄ ܒܗܼܬܘ ܒܥܪܛܠܝܘܼܬܗܘܿܢ ܡܛܠ ܕܚܛܝܼܬܐ ܐܩܦܼܠܬ݀ ܡܢܗܘܿܢ ܠܢܚ̈ܬܐ ܕܫܘܼܒܚܐ ܕܠܒܝܼܫܝܼܢ ܗܼܘܘ: ܩܕܡ ܥܒܪ ܦܘܼܩܕܢܐ: ܘܠܝܬ ܗܼܘܐ ܠܗܘܿܢ ܚܘܼܫܒܐ ܕܡܿܒܗܬ ܗܼܘܐ ܠܗܘܿܢ ܒܥܪܛܠܝܘܼܬܗܘܿܢ: ܒܿܬܪ ܕܫܼܛܘ܆ ܣܼܡ ܒܗܘܢܿ ܐܠܗܐ ܚܘܼܫܒܐ ܕܒܗܼܬܬܐ: ܐܝܟܐܢ ܕܢܩܦܚܝܗܿ ܠܚܛܝܼܬܐ ܘܢܕܥܟܝܗܿ: ܗ݀ܝ ܓܝܪ ܕܝܼܕܥܘ: ܕܒܗܼܬܘ ܐܝܬܝܗܿ܀ ܘܥܠ ܗܕܡ̈ܐ ܡܦܪ̈ܝܢܐ ܢܦܠܼܬ݀ ܩܕܡܐܝܬ ܒܗܼܬܬܐ ܘܕܚܠܼܬܐ: ܡܛ݀ܠ ܕܚܪܝܼܦ ܠܘܬܗܘܿܢ ܚܫܐ: ܘܐܦܢ ܫܘܼܒܚܐ ܐܬܩܼܦܠ ܡܢܗܘܢܿ: ܐܠܐ ܝܼܕܥܬܐ ܕܢܦܫܐ ܦܫܼܬ݀ ܠܘܬܗܘܿܢ: ܘܥܠܗܜܝ ܐܫܬܼܘܕܥܘ ܠܚܛܝܼܬܗܘܢܿ܀ ܘܕܒܩܼܘ ܛܪ̈ܦܐ ܕܬܐܢ̈ܐ ܗ̄ ܛܪܦܐ ܠܛܪܦܐ ܕܒܩܼܘ܇ ܐܝܟ ܛܘܼܦܣܐ ܕܦܪܙܘܡܐ ܥܒܼܕܘ ܡܐܢܐ ܡܚܝܼܠܐ ܘܕܡܬܼܦܪܟ ܡܼܢ ܫܡܫܐ: ܘܩܕܡܐܝܬ ܚܘܐ ܥܒܼܕܬ݀ ܠܗܿ ܦܪܙܘܡܐ܀ ܘܫܡܼܥܘ ܩܠܗ ܕܡܪܝܐ ܕܡܗܠܟ ܒܦܪܕܝܣܐ ܗ̄ ܙܒܢ̈ܬܐ ܣܓܝ̈ܐܬܐ܆ ܐܬܓܠܝܼ ܐܠܗܐ ܠܐܕܡ܇ ܐܢ ܡܬܝܕܥܢܐܝܬ ܘܐܢ ܡܬܪܓܫܢܐܝܬ: ܐܟܡܐ ܕܐ݀ܡܪܝܼܢ ܐܚܪ̈ܢܐ܆ ܐܠܐ ܡܫܝܢܐܝܬ ܐܬܓܠܝܼ ܗܪܟܐ ܕܝܢ ܡܬܪܓܫܢܐܝܬ ܐܬܓܠܝܼ ܒܛܘܼܦܣܐ ܕܒܪܢܫܐ: ܕܚܝܼܠܐܝܬ ܘܥܙܝܼܙܐܝܬ ܘܡܙܝܼܥ ܗܼܘܐ ܠܐܪܥܐ ܘܠܐܝ̈ܠܢܐ ܒܗܠ̈ܟܬܗ: ܐܝܟܐܢ ܕܢܘܕܘܢܼ ܒܣܟܠܘܼܬܗܘܿܢ܀ ܘܐܬܛܫܝܼܘ ܡܼܢ ܩܕܡ ܡܪܝܐ ܗ̄ ܥܪܩܘ ܡܼܢ ܩܕܡ ܐܠܗܐ ܘܡܼܢ ܐܝܼܠܢܐ ܗܿܘ ܕܐܟܼܠܘ ܡܢܗ܆ ܘܐܬܛܫܝܼܘ ܒܕܘܼܟܝ̈ܬܐ ܕܥܒܝܼ̈ܛܢ ܒܦܪܕܝܣܐ܆ pb. 30 ܚܕܐ. ܡܛܠ ܕܚܼܛܘ ܘܕܬܪܬܝܢ ܥܠ ܕܐܬܦܪܣܝܼܘ ܘܒܗܼܬܘ ܘܥܠ ܕܕܚܠܼܘ ܡܼܢ ܐܠܗܐ܀ ܘܩܪܼܐ ܐܠܗܐ ܘܐܡܼܪ ܐܝܟܐ ܐܢܬ ܐܕܡ ܗ̄ ܒܩܠܐ ܡܬܪܓܫܢܐ ܩܪܝܗܝ܆ ܘܠܘ ܟܕ ܠܐ ܝܿܕܥ ܐ݀ܡܪ ܐܝܟܐܢ ܐܢܬ ܐܕܡ: ܐܠܐ ܕܐܝܟܐ ܐܢܬ ܗ̄ ܚܙܝܼ ܘܐܣܬܟܠ ܒܐܝܿܕܐ ܠܐ ܢܡܘܣܝܘܼܬܐ ܣܝܼܡ ܐܢܬ܀ ܐܝܟܐ ܐܢܬ ܗ̄ ܕܗܘܼ ܡܟܣܢܐ ܠܩܢܘܼܡܗ܀ ܐܝܟܐ ܐܢܬ ܐܕܡ ܒܦܘܼܬܚܐ ܕܥܝ̈ܢܐ: ܐܘܿ ܒܣܡܝܘܼܬܐ܆ ܒܐܠܗܘܼܬܐ ܐܢܬ܆ ܐܘܿ ܒܒܗܼܬܬܐ: ܡܛܠܡܢܐ ܠܐ ܡܬܼܚܙܐ ܐܢܬ ܠܝܼ ܓܠܝܐܝܬ: ܐܝܟ ܕܒܟܿܠܙܒܢ܀ ܬܘܼܒ ܩܪܝܗܝ ܕܐܝܟܐ ܐܢܬ: ܐܝܟܢܐ ܕܢܬܼܠ ܠܗ ܦܪܗܣܝܐ ܠܘܬ ܡܠܼܬܐ ܘܬܝܿܒܘܼܬܐ܆ ܘܐܝܟ ܓܒܪ ܕܐܒܝܼܕ ܒܪܗ ܡܢܗ ܘܢܿܦܩ ܒܒܥܬܗ: ܗܿܟܢܐ ܐܡܼܪ ܠܗ ܕܐܝܟܐ ܐܢܬ: ܐܟܡܿܢ ܕܢܦܢܝܘܗܝ܆ ܒܗܿܘ ܕܐܬܓܠܝܼ ܥܠܝܗܘܢܿ ܠܘ ܕܢܘܒܕ ܐܢܘܿܢ ܒܿܥܐ ܗܼܘܐ܇ ܐܠܐ ܕܢܬܘܐ ܐܢܘܿܢ: ܘܕܢܠܦܝܼܘܗܝ ܕܐܝܟ ܕܠܐܒܝܼܕܐ ܩܿܥܐ ܘܩܿܪܐ ܠܗ܀ ܩܠܟ ܫܡܿܥܬ ܘܐܬܛܫܝܿܬ ܗ̄ ܚܕܐ ܡܛ݀ܠ ܕܕܚܼܠ܆ ܘܡܼܢ ܩܠ ܗܠ̈ܟܬܟ ܐܬܛܫܝܼ܆ ܘܐܚܪܬܐ ܡܛܿܠ ܥܪܛܠܝܘܼܬܐ ܕܐܥܠ ܥܠܘܗܝ ܥܒܪ ܦܘܼܩܕܢܐ܀ ܡܥܿܢܘܼ ܚܘܝܟ ܕܥܪܛܠܝ ܐܢܬ ܗ̄ ܟܕ ܨܒܼܐ ܕܢܦܪܣܝܗܿ ܠܣܟܠܘܼܬܗ ܫܐܼܠܗ: ܘܠܘ ܟܕ ܠܐ ܝܿܕܥ܀ ܗܐ ܡܼܢ ܐܝܼܠܢܐ ܕܦܩܿܕܬܟ ܕܠܐ ܬܐܟܘܿܠ ܡܢܗ ܐܟܠܼܬ ܗ̄ ܐܦ ܗܪܟܐ ܡܬܼܢܚܬܢܐܝܬ ܡܠܼܠ ܥܡܗ܇ ܕܟܒܪ ܡܼܢ ܐܝܼܠܢܐ ܕܦܩܿܕܬܟ ܕܠܐ ܬܐܟܘܿܠ ܡܢܗ ܐܟܠܼܬ: ܡܼܢ ܗܕܐ ܝܼܕܝܼܥܐ ܕܠܐܕܡ ܒܠܚܘܕ ܐܬܬܣܝܼܡ ܢܡܘܿܣܐ ܘܗܘܼ ܐܡܼܪܗ ܠܚܘܐ܀ ܐܚܪ̈ܢܐ ܐܡܿܪܝܼܢ ܕܐܦܢ ܠܘܬ ܐܕܡ ܡܠܼܠ ܐܠܗܐ: ܐܠܐ ܒܦܪܨܘܦܐ ܕܐܕܡ ܐܦ ܠܘܬ ܚܘܐ ܡܠܠ: ܐܝܟ ܗ݀ܝ ܕܟܕ ܡܼܢܕܪܝܫ ܒܦܪܨܘܦ ܓܒܪܐ: ܐܦ ܐܢܬܬܐ ܥܡܗ ܚܠܝܼܛܐ܀ ܡܿܢܘܼ ܚܘܝܼ ܠܟ ܕܥܪܛܠܝ ܐܢܬ ܗ̄ ܐܢ ܠܐ ܐܟܠܼܬ ܡܼܢ ܗܿܘ ܐܝܼܠܢܐ: ܠܐ ܝܿܕܥܬ ܗܼܘܝܬ ܕܥܪܛܠܝ ܐܢܬ ܗ̄ ܐܢܬܬܐ܆ ܕܝܗܼܒܬ ܥܡܝ ܗܝܼ ܠܡ ܐܥܒܼܕܬ݀ ܒܝܼ ܕܐ݀ܥܒܪ ܦܘܼܩܕܢܟ: ܘܡܦܩ ܒܪܘܚܐ ܣܦܝܼܩܐ܀ ܠܘ ܡܕܒܪܢܝܼܬܐ ܥܒܕܬܗܿ ܠܟ ܐܠܐ ܡܫܬܡܥܢܝܼܬܐ: ܐܠܐ ܠܐ ܨܒܼܐ ܐܠܗܐ ܕܢܟܣܝܼܘܗܝ: ܘܠܐܢܬܬܐ ܐܡܼܪ ܕܡܿܢܘ ܕܥܒܼܕܬ ܗ̄ ܢܝܼܚܐܝܬ ܫܐܼܠܗܿ: ܠܘ ܟܕ ܠܐ ܝܿܕܥ܀ ܚܘܝܐ ܐܛܥܝܢܝ ܗ̄ ܐܢܬܬܐ ܒܚܘܝܐ ܬܠܬ ܠܟܿܠܗܝܢ ܘܠܘ ܣܛܢܐ ܕܟܡܝܼܢ ܗܼܘܐ ܒܚܘܝܐ܆ ܘܐܡܼܪ ܡܪܝܐ ܠܚܘܝܐ: ܥܠ ܕܥܒܼܕܬ ܗܕܐ: ܠܝܼܛ ܐܢܬ ܡܼܢ ܟܿܠܗܿ ܒܥܝܼܪܐ ܗ̄ ܡܛܠ ܕܐܬܪܐ ܠܬܝܿܒܘܼܬܐ ܠܝܬ ܗܼܘܐ ܠܘܬ ܚܘܝܐ: ܐܘܿܟܝܼܬ ܐܟܿܠܩܪܨܐ ܐܟܡܐ ܕܠܘܬ ܕܡ܇ ܥܠܗ݀ܝ ܠܐ ܫܐܠܼܗ: ܐܠܐ ܠܛܗ ܟܕ ܒܝܕ ܠܘܛܬܐ ܕܩܒܼܠ ܚܘܝܐ ܡܬܪܓܫܢܐ ܐܬܚܝܒ ܡܬܼܝܕܥܢܐ܀ ܥܠ ܟܪܣܟ ܬܗܠܼܟ ܗ̄ ܬܘܒܕ ܐܢܝܢ ܠܪ̈ܓܠܝܟ: ܕܪ̈ܗܼܛܝ ܠܘܬ ܒܝܼܫܬܐ܆ ܘܬܪܫܘܿܦ ܥܠ ܟܪܣܟ: ܡܛ݀ܠ ܕܐܛܥܝܼܬ ܠܟܪܣܐ ܒܡܐܟܘܿܠܬܐ: ܥܠ ܣܛܢܐ ܡܬܦܼܫܩܐ ܗܿܟܢ: ܥܠ ܟܪܣܟ ܠܡ ܬܗܠܟ: ܡܛ݀ܠ ܕܐܘܒܼܕܬ ܠܦܘܼܠܚܢܟ ܪܘܚܢܝܐ ܕܒܫܡܝܐ܆ ܘܫܘܬܦܘܼܬܟ ܕܥܡ ܡ̈ܠܐܟܐ: ܘܐܛܥܝܼܬ ܠܕܒܝܬ ܐܕܡ: ܠܘ ܒܡܫܝܐ ܬܗܠܟ ܐܝܟ ܕܡܼܢ ܩܕܝܼܡ pb. 31 ܐܠܐ ܥܠ ܐܪܥܐ ܬܗܼܠܟ ܘܬܪܫܘܿܦ ܒܦܘܼܠܚܢܐ ܕܒܝܼܫ̈ܬܐ܀ ܘܥܦܪܐ ܬܐܟܘܿܠ ܗ̄ ܡܛܠ ܕܥܒܼܕܬ ܐܢܘܿܢ ܥܦܪܐ ܠܕܒܝܬ ܐܕܡ: ܘܐܦܢ ܠܟܿܠ ܚܘܝܐ ܒܣܪܐ ܘܪ̈ܚܫܐ: ܐܠܐ ܒܠܥܕ ܥܦܪܐ ܠܐ ܚܿܝܐ: ܐܟܙܢܐ ܕܒܢܝ̈ܢܫܐ ܐܬܦܩܼܕܘ ܕܒܕܘܼܥܬܐ ܢܐܟܠܘܢܼ ܠܚܡܐ܆ ܘܗܐ ܐ݀ܟܠܝܼܢ ܒܣܪܐ ܘܐܒܒ̈ܢܐ܀ ܥܠ ܐܟܿܠܩܪܨܐ ܗ̄ ܡܼܢ ܩܕܝܼܡ ܡܬܼܒܣܡ ܗܼܘܝܬ ܒܬܐܘܪ̈ܝܐܣ ܐܠܗܝ̈ܬܐ: ܘܒ݀ܬܪܟܢ ܕܢܦܠܼܬ ܬܬܪܥܐ ܡܚܫܒ̈ܬܐ ܐܪ̈ܥܢܝܬܐ ܘܥܦܪ̈ܢܝܬܐ: ܠܡܫܡܠܝܘܼ ܒܝܼܫܬܟ܀ ܘܒܥܠܕܒܒܘܼܬܐ ܐܣ݀ܝܼܡ ܒܝܢܟ ܠܐܢܬܬܐ ܗ̄ ܡܛ݀ܠ ܕܨܒܼܝܬ ܐܘ̃ ܚܘܝܐ ܕܬܥܒܼܕ ܒܥܠܕܒܒܘܼܬܐ ܒܝܬ ܠܗܿ ܠܐܠܗܐ܆ ܗ݀ܝ ܒܥܠܕܒܒܘܼܬܐ ܐ݀ܣܝܼܡ ܒܝܢܝܟ ܘܠܗܿ: ܘܢܥܪܩܘܢܼ ܡܢܟ ܐܝܟ ܕܡܼܢ ܒܥܠܕܒܒܐ ܘܡܟܝܿܢܐ܀ ܗܿܟܘܬ ܩܪܒܐ ܐܡܝܼܢܐ ܣܼܡ ܐܠܗܐ ܒܝܬ ܠܢ ܘܠܐܟܿܠܩܪܨܐ܇ ܚܠܦܪܚܡܘܼܬܐ ܒܝܼܫܬܐ ܕܚܘܝܼ ܠܐܕܡ܀ ܗܘܼ ܢܕܘܼܫ ܪܝܫܟ ܗ̄ ܠܫܘܼܠܛܢܟ ܘܪܝܫܢܘܼܬܟ: ܠܗܕܐ ܓܝܪ ܡܫܝܼܚܐ ܕܫܼܗܿ ܟܕ ܐܬܒܼܪܢܫ: ܬܘܼܒ ܡܛ݀ܠ ܕܓܣܼܐ ܘܡܠܼܠ ܥܘܠܐ ܪܝܫܟ܀ ܡܛ݀ܠ ܕܐܚܬܼܬ ܐܢܘܿܢ ܡܼܢ ܪܝܫܢܘܼܬܗܘܢܿ ܢܕܘܼܫܘܢ ܠܪܝܫܟ ܘܢܩܛܠܘܼܢܟ: ܘܐܡܬܝ ܕܪܝܫܗ ܕܚܘܝܐ ܡܬܼܪܨܨ ܟ݀ܠܗܧ ܚܝܘܼܬܗ ܐ݀ܒܕܐ܆ ܘܐܢܬ ܬܡܚܝܘܗܝ ܒܥܩܒܗ ܗ̄ ܕܪܗܼܛܬ݀ ܥܩܒܗ ܠܘܬ ܐܝܠܢܐ ܒܗܿ ܬܡܚܝܘܗܝ܀ ܘܗܘܼ ܢܕܘܼܫ ܪܝܫܟ ܗ̄ ܒܢܝܢ̈ܫܐ ܒܝܕ ܕܘܼܒܪ̈ܝܗܘܢܿ ܛܒ̈ܐ: ܕܝܫܝܼܢ ܘܡܒܛܠܝܼܢ ܠܨܢܥ̈ܬܟ܀ ܘܐܢܬ ܬܡܚܝܘܗܝ ܒܥܩܒܗ ܗ̄ ܐܢܬ ܬܛܪ ܠܗ ܥܩܒܐ: ܕܐܝܟܢ ܬܦܠܝܼܘܗܝ ܒܚܛܝܼܬܐ: ܐܠܐ ܠܐ ܡܿܨܐܼ ܐܢܬ ܒܗ: ܐܠܐ ܟܕ ܫܿܠܡ ܠܟ܀ ܬܘܼܒ ܕܫܐ ܕܐܟܿܠܩܪܨܐ܆ ܐܝܼܬ̄ܘ ܦܘܼܠܚܢܐ ܕܡܝܬܪܘܼܬܐ܀ ܬܘܼܒ ܥܩܒܐ ܠܢ ܠܬܠ̈ܡܝܼܕܐ ܕܡܫܝܼܚܐ ܩܿܪܐ: ܕܪܗܐ ܠܗܘܢܿ ܒܝܼܫܐ ܕܢܡܼܚܐ ܠܢ ܒܓܐܪ̈ܘܗܝ ܡܡܝܼܬ̈ܢܐ܀ ܘܠܐܢܬܬܐ ܐܡܼܪ ܡܣܓܝܘܼ ܐ݀ܣܓܐ ܟܐܒܝ̈ܟܝ ܗ̄ ܒܛܢܟܝ ܓܝܪ ܒܟܐܒ̈ܐ ܒ݀ܛܢܐ ܐܢܬܝ ܠܗܘܢܿ: ܘܝܠ̈ܕܝܟܝ ܒܥܩ̈ܬܐ ܝ݀ܠܕܐ ܐܢܬܝ ܠܗܘܢܿ ܡܼܢ ܥܠܬ ܚܫܐ ܕܟܐܒ̈ܐ: ܚܫ̈ܟܢ ܥܝ̈ܢܝܗܿ ܒܗ݀ܘ ܥܕܢܐ܀ ܘܥܠ ܒܥܠܟܝ ܬܬܦܢܝܼܢ ܗ̄ ܡܛܠ ܕܨܒܼܝܬ ܕܒܥܠܟܝ ܢܫܬܼܥܒܕ ܠܟܝ: ܥܠܗ݀ܝ ܕܢܡܠܐ ܠܟܝ ܣܘܼܢܩܢܟܝ: ܘܗܼܘ ܢܫܼܬܠܛ ܒܟܝ ܗ̄ ܡܛܠ ܕܒܥܼܝܬܝ ܕܬܫܬܼܠܛܝ ܥܠ ܒܥܠܟܝ܇ ܘܥܠܗ݀ܝ ܐܟܠܼܬܝ ܩܕܡܐܝܬ ܗܘܼ ܢܗܘܼܐ ܪܝܫܐ ܥܠܝܟܝ܀ ܠܐܕܡ ܐܡܼܪ ܥܠ ܕܫܡܼܥܬ ܒܩܠܐ ܕܐܢܬܬܟ ܗ̄ ܘܠܘ ܠܩܠܐ ܕܝܼܠܝ܆ ܠܝܼܛܐ ܐܪܥܐ ܡܛܠܬܟ: ܠܗ ܠܐ ܠܛ܆ ܠܐܝܼܩܪܐ ܕܨܠܡܗ܆ ܘܡܛ݀ܠ ܕܥܬܝܼܕܝܢ ܗܼܘܘ ܕܢܬܝܠܕܘܼܢ ܡܢܗ ܩܕܝܼܫ̈ܐ: ܕܠܐ ܢܬܬܠܝܼܛܘܢܼ ܥܡܗ: ܠܛ ܠܐܪܥ ܝܿܠܕܬܗ ܡܛܠܬܗ: ܒܟܐܒ̈ܐ ܬܐܟܠܝܗܿ ܗ̄ ܡܛ݀ܠ ܕܐܣܒܼܪܬ ܕܐܝܟ ܐܠܗܐ ܫܿܪܐ ܐܢܬ ܥܠ ܐܪܥܐ܇ ܒܢܝܿܚܬܐ: ܒܦܘܼܠܚܢܐ ܘܥܡܠܐ ܬܐܟܘܿܠ ܠܥ̈ܠܠܬܐ ܕܡܢܗܿ܀ ܟܘܼܒ̈ܐ ܘܕܪܕܪ̈ܐ ܬܘܥܐ ܠܟ ܠܟ ܗ̄ ܒܿܬܪ ܠܘܛܬܐ ܝܼܥܝܘ ܟܘܼܒ̈ܐ: ܬܘܼܒ ܟܘܼܒ̈ܐ ܘܕܪܕܪ̈ܐ ܩܿܪܐ ܠܥܡ̈ܠܐ ܩܫ̈ܝܐ ܕܡܬܦܠܚܝܼܢ ܒܗܿ: ܘܙܒܢ̈ܝܼܢ ܣܓܝ̈ܐܢ ܚܠܦ ܙܪܥܐ ܟܘܼܒ̈ܐ ܡܘܥܝܐ ܠܟ܀ pb. 32 ܘܕܪܕܪ̈ܐ ܟܘܼܒ̈ܐ ܐܢܘܿܢ: ܗܿܢܘܢ ܕܒܪܝܫܟ ܟܢܐ ܐܢܘܿܢ ܘܗܿܘܝܢ܀ ܘܬܐܟܘܿܠ ܥܣܒܐ ܗ̄ ܚܠܦ ܦܐܪ̈ܝ ܐܝܼܠ̈ܢܐ ܕܥܕܢ܀ ܬܘܼܒ ܕܠܚܘܕ ܕܡܼܢ ܦܐܪ̈ܐ ܕܐܪܥܐ ܬܬܬܪܣܐ: ܘܐܬܟܠܝܼ ܡܼܢ ܦܐܪ̈ܐ ܕܐܝܼ̈ܠܢܐ܆ ܥܠ ܕܒܥܠܬ ܐܝܼܠܢܐ ܚܼܛܐ: ܩܕܡ ܥܒܪ ܦܘܼܩܕܢܐ: ܟܿܠܝܢܼ ܗܼܘܘ ܡܼܢ ܒܣܪܐ܆ ܘܬܘܼܩܢܐ ܕܠܚܡܐ ܘܕܚܡܒܪܐ ܘܕܡܫܚܐ: ܐ݀ܡܪ ܚܕ ܡܼܢ ܡܦܫ̈ܩܢܐ܀ ܘܒܕܘܼܥܬܐ ܕܐܦ̈ܝܟ ܗ̄ ܒܥܡܠܐ ܥܣܩܐ ܐܟܿܠ ܠܚܡܐ ܐܢܫ ܘܐܦܢ ܡܠܟܐ ܐܝܼܬ̄ܘ܆ ܐܝܟ ܗ݀ܝ ܕܡܠܟܐ ܠܚܩܠܐ ܡܦܠܚ܀ ܥܕܡܐ ܕܬܗܦܘܿܟ ܠܐܪܥܐ܀ ܒܿܬܪ ܓܝܪ ܚܝ̈ܐ ܥܣܩ̈ܐ: ܠܚܪܬܐ ܡܿܐܬ ܐܢܬ܀ ܡܛ݀ܠ ܕܥܦܪܐ ܐܢܬ ܗ̄ ܗܪܟܐ ܝܼܕܥ ܐܕܡ ܕܡܼܢ ܥܦܪܐ ܓܒܝܼܠ: ܘܐܠܘܼ ܢܿܛܪ ܗܼܘܐ ܦܘܼܩܕܢܐ: ܠܐ ܗܿܦܟ ܗܼܘܐ ܠܥܦܪܐ ܐܘܿ ܡܿܐܬ ܗܼܘܐ܀ ܘܩܼܪܐ ܐܕܡ ܫܡܐ ܕܐܢܬܬܗ ܚܘܐ ܗ̄ ܐܘܿ ܟܕ ܐܬܬܩܼܢܬ݀ ܩܼܪܗܿ ܒܢܒܝܘܼܬܐ ܚܘܐ: ܐܘܿ ܗܪܟܐ ܒ݀ܬܪ ܕܝܼܠܦ ܡܼܢ ܐܠܗܐ ܕܒܟܐܒ̈ܐ ܝܿܠܕܐ ܒܢ̈ܝܐ܇ ܐܘܿ ܒܿܬܪ ܕܢܦܼܩ ܡܼܢ ܦܪܕܝܣܐ ܩܼܪܗܿ ܚܘܐ܀ ܡܛܠ ܕܗܝܼ ܗܘܼܬ݀ ܐܡܐ ܕܟ݀ܠ ܕܚܝ. ܗ̄ ܕܒܢܝ̈ܢܫܐ: ܡܛ݀ܠ ܕܓܒܪܐ ܙܪܥܐ ܒܠܚܘܕ ܪܡܿܐ ܒܐܢܬܬܐ: ܘܡܚܕܐ ܡܬܓܼܒܠ ܒܡܥܪܒܗܿ ܘܝܿܠܕܐ ܠܗ ܟܕ ܚܝ܆ ܘܒܬܪܝܢ ܫܡ̈ܗܐ ܐܬܩܼܪܝܬ݀ ܓܘܢܝܐ ܗܘ: ܘܚܘܐ ܕܩܢܘܼܡܐ ܕܝܼܠܢܝܐ܀ ܘܥܒܼܕ ܠܗܘܢܿ ܟܘܬܝ̈ܢܝܬܐ ܕܡܫܟܐ܇ ܘܐܠܒܫ ܐܢܘܿܢ ܗ̄ ܘܟܕ ܐܫܬܘܚܪ ܐܠܗܐ ܒܡܡܠܠܐ ܕܥܡܗܘܢܿ: ܝܼܒܫܘ ܛܪ̈ܦܐ ܘܢܬܼܪܘ ܘܒܗܼܬܘ܇ ܘܓܠܘ ܪ̈ܚܡܘܗܝ ܘܐܠܒܫ ܐܢܘܿܢ ܟܘܬܝܼܢ̈ܝܬܐ: ܬܘܠܘܓܘܿܣ ܐܡܿܪ ܕܩܠ̈ܦܐ ܕܐܝܼܠ̈ܢܐ ܟܕ ܡܬܚܒܛܝܼܢ ܘܡܬܛܒܚܝܼܢ ܘܡܬܦܠܚܝܼܢ: ܗܿܘܝܢ ܐܝܟ ܩܠ̈ܦܐ ܪ̈ܟܝܼܟܐ ܒܬܪ̈ܝܗܘܢ ܓܒ̈ܘܗܝ: ܐܝܟ ܗܿܢܐ ܟܪܛܝܣܐ ܕܡܼܢ ܗܢܕܪܘ ܡܬܼܬܝܬܐ: ܘܒܡܐܡܪܐ ܕܝܠܕܐ ܐܡܼܪ: ܕܒܣܪܐ ܗܿܢܐ ܥܒܝܐ ܐܝܼܬ̄ܘ: ܟܘܬܝܼܢ̈ܝܬܐ܀ ܓܪܝܓܘܪܝܘܿܣ ܕܢܘܣܐ ܐ݀ܡܪ ܕܟܘܬܝܢܝܬܐ ܐܝܬܝܼ ܠܗܘܿܢ܆ ܙܘܘܓܐ܆ ܒܛܢܐ: ܝܠܕܐ܆ ܣܝܒܪܬܐ܆ ܟܘܼܪܗܢܐ: ܡܘܬܐ: ܟܕ ܚܓܝܪ ܫܠܚܼܘ ܫܘܼܒܚܐ ܠܒܼܫܘ ܗܿܠܝܢ܀ ܐܬܢܐܣܝܘܿܣ ܘܐܦܪܝܡ ܐܡܿܪܝܼܢ: ܕܡܫ̈ܟܐ ܕܚܝ̈ܘܬܐ ܗܼܘ̈ܝ܀ ܝܥܩܘܿܒ ܕܣܪܘܓ ܐ݀ܡܪ. ܕܠܒܘܼܫܐ ܥܒܒܝܐ ܐܝܼܬܘܗܝ: ܕܕܡܿܠ ܠܟܘܼܬܝܼܢ̈ܝܬܐ܀ ܡܘܫܐ ܒܪ ܟܐܦܐ ܐܡܿܪ: ܕܡܫ̈ܟܐ ܕܚܝ̈ܘܬܐ ܗܼܘ̈ܝ܇ ܒܪܡܼܙܗ ܐܬܢܼܣܒ ܡܼܢ ܚܝ̈ܘܬܐ܇ ܡܛ݀ܠ ܕܣܘܿܓܐܐ ܕܚܝ̈ܘܬܐ ܒܪܐ܆ ܘܠܘ ܬܪܝܢ ܬܪܝܢ: ܘܡܪܝ ܐܦܪܝܡ ܐܡܿܪ ܕܩܕܡܝܗܘܢܿ ܐܬܢܣܼܟܘ ܚܝ̈ܘܬܐ: ܘܒܣܪܗܘܢܿ ܐܬܬܪܣܝܼܘ: ܘܡܫ̈ܟܐ ܠܒܼܫܘ܀ ܗܼܘܐ ܐܕܡ ܐܝܟ ܚܕ ܡܢܢ ܗ̄ ܟܕ ܡܿܗܠ ܒܐܕܡ: ܕܩܒܼܠ ܡ̈ܠܐ ܕܣܛܢܐ ܐܡܪܗܿ ܠܗܕܐ: ܐܝܟ ܗ݀ܝ ܕܡܪܝܐ ܢܡܝܩ ܒܗܘܢܿ܀ ܗ݀ܝ ܕܐܝܟ ܚܕ ܡܢܢܢ ܐܡܼܪܗܿ ܣܓܝܐܢܐܝܬ: ܟܕ ܪܡܿܙ ܥܠ ܬܠܬܐ ܩܢܘ̈ܡܐ܀ ܗܘܼܐ ܐܕܡ ܐܝܟ ܚܕ ܡܢܢ܆ ܥܠ ܕܡܪܕ ܥܠ ܡܪܗ܇ ܕܗܐ ܡܟܝܠ ܗܼܘܝܬ ܐܟܘܬܝ. ܐܝܟ ܗ݀ܝ ܕܥܠܗ݀ܝ ܕܐܬܼܝܬ ܚܒܪܝ܀ ܠܡܼܕܥ ܛܒܿܬܐ ܘܒܝܼܫܬܐ ܗ̄ ܒܫܘܼܪܝܐ ܒܚܘܼܫܒܐ ܝܿܕܥ ܗܼܘܐ ܠܛ݀ܒܬܐ ܘܒܝܼܫܬܐ: ܘܒܿܬܪ ܕܐܟܼܠ ܡܼܢ ܐܝܼܠܢܐ pb. 33 ܒܣܘܼܥܪܢܐ ܝܕܥܗܿ ܠܛܒܿܬܐ ܘܒܝܼܫܬܐ܀ ܒܗ݀ܝ ܕܗܼ،ܐ ܐܝܟ ܚܕ ܡܢܢ: ܡܩܛܪܓ ܗܼܘܐ ܠܨܒܝܿܢܗ ܕܐܕܡ: ܕܨܒܼܐ ܕܢܗܼܘ ܡܕܡ ܕܠܐ ܨܡܝܐ: ܠܐܢܫ ܕܢܗܘܐ ܐܠܗܐ܀ ܕܠܡܐ ܢܘܫܛ ܐܝܼܕܗ ܘܢܣܼܒ ܗ̄ ܕܐܝܟ ܕܐܡܼܪܚ ܘܢܣܼܒ ܡܼܢ ܐܝܼܠܢܐ ܕܝܼܕܥܬܐ ܒܿܬܪ ܦܘܼܩܕܢܐ ܗܿܟܢܐ ܡ̱ܿܪܚ ܥܠ ܐܝܼܠܢܐ ܕܚ̈ܝܐ܀ ܐܘܪܥܐ ܐ݀ܡܪ ܕܐܝܼܠܢܐ ܕܚ̈ܝܐ ܠܦܪܕܝܣܐ ܘܕܘܼܒܪܐ ܡܬܝܕܥܢܐ ܩܧܪܐ: ܘܟܕ ܥܒܼܪ ܦܘܼܩܕܢܐ ܐܦܩܼܗ ܡܢܗ ܐܟܡܿܢ ܕܠܐ ܢܬܢܼܛܪ ܒܦܪܕܝܣܐ ܒܠܐ ܡܝܘܿܬܘܼܬܐ܀ ܝܿܕܥ ܗܼܘܐ ܓܝܪ ܐܠܗܐ ܕܐܢ ܡܫܼܬܒܩ. ܣܿܥܐ ܐܦ ܥܠ ܐܝܼܠܢܐ ܕܚ̈ܝܐ܀ ܘܫܕܪܗ ܡܼܢ ܦܪܕܝܣܐ ܕܥܕܢ ܗ̄ ܛܪܕܗ ܡܼܢ ܢܝܿܚܐ ܠܦܘܼܠܚܢܐ ܕܐܪܥܐ ܕܢܓܝܼܪ ܘܩܿܫܐܼ ܥܡܠܗ܀ ܘܐܦܩܼܗ ܡܼܢ ܦܪܕܝܣܐ ܗ̄ ܡܼܢ ܒܘܼܣܡܐ ܕܒܦܪܕܝܣܐ ܟܠܝܗܝ: ܕܠܐ ܢܐܟܘܿܠ ܡܼܢ ܐܝܼܠܢܐ ܕܚ̈ܝܐ ܐܝܟܢܐ ܕܠܐ ܢܟܬܪ ܡܼܢ ܚܝ̈ܐ ܕܡܿܠܝܢܼ ܥܩ̈ܬܐ ܠܐ ܡܝܘܿܬܐܝܬ܀ ܐܦܩܼܗ ܡܼܢ ܦܪܕܝܣܐ: ܡܛ݀ܠ ܕܠܐ ܙܕܩ ܕܢܟܬܪ ܒܐܬܪܐ ܩܕܝܼܫܐ ܥܠ ܕܚܼܛܐ܀ ܐܦܩܼܗ ܬܘܼܒ ܐܝܟܢܐ ܕܢܕܥ ܣܟܠܘܼܬܗ ܘܢܩܪܒ ܬܝܿܒܘܼܬܐ: ܡܿܕܝܢ ܒܪ̈ܚܡܐ ܐܦܩܼܗ ܠܘ ܒܚܡܼܬܐ ܡܼܢ ܦܪܕܝܣܐ: ܘܐܦ ܥܡܠܐ ܘܛܘܼܪܦܐ ܡܿܘܬܪ ܠܒܢܝ̈ܢܫܐ ܝܬܝܼܪ ܡܼܢ ܢܝܿܚܐ܀ ܘܐܟܪܟ ܡܪܝܐ ܡܼܢ ܡܕܢ̈ܚܝ ܦܪܕܝܣܐ ܕܥܕܢ ܟܪܘܒܐ ܘܫܢܢܐ ܗ̄ ܡܼܢ ܓܒܐ ܡܕܢܚܝܐ ܕܦܪܕܝܣܐ ܥܠ ܐܕܡ ܘܬܡܢ ܐܝܬܝܗܿ ܐܘܪܚܐ܆ ܘܥܠܗܕܐ ܬܡܢ ܣܼܡ ܢܛܘܪܬܐ: ܣܼܡ ܢܛܘܪܐ ܠܥܕܢܐ܆ ܐܝܟܢܐ ܕܢܬܼܬܘܐ ܐܕܡ ܘܢܪܓܫ ܒܟܠܘܼܬܗ ܚܪܒܐ ܕܡܬܗܼܦܟܐ: ܕܡܬܬܙܝܼܥܐ ܗܼܘܬ݀ ܠܟܐ ܘܠܗܠ ܟܕ ܡܬܬܼܒܪܩܐ܀ ܟܪܘܒܐ ܠܡ ܚܕ ܡܼܢ ܡ̈ܠܐܟܐ ܐܝܼܬ̄ܘ ܗܼܘܐ܀ ܘܫܢܢܐ ܘܚܪܒܐ: ܕܡܘܼܬܐ ܕܪܘܡܚܐ: ܘܝܼܕܝܼܥܐ ܗܕܐ: ܡܼܢ ܗܝ ܕܒܪܘܡܚܐ ܐܬܕܒܩܪ ܡܪܝܐ ܒܕܦܢܗ: ܘܐܥܒܪ ܠܪܘܡܚܐ ܡܼܢ ܟܪܘܒܐ ܢܛܘܪܐ܀ ܐܚܪ̈ܢܐ ܐ݀ܡܪܝܼܢ ܕܫܢܢܐ ܕܚܪܒܐ ܩܿܪܐ: ܠܚܙܬܐ ܘܕܡܘܼܬܐ ܕܣܝܦܐ ܕܡܒܪܩ ܘܡܢܒܪܫ ܒܕܡܘܼܬܐ ܢܘܼܪܐ: ܘܟܪܘܒܐ ܗܿܟܘܬ܆ ܕܟܪܝܼܟ ܡܬܦܼܫܩ܆ ܚܙܬܐ ܡܕܡ ܚܝܠܬܢܝܼܬܐ ܐܝܬܝܗܿ: ܟܪܘܒܐ ܩܿܪܐ ܠܚܙܬܐ ܗ݀ܝ܇ ܡܛܠ ܚܝܠܬܢܘܼܬܗܿ: ܐܝܟ ܗ݀ܝ ܕܝܿܬܒ ܥܠ ܟܪ̈ܘܒܐ ܐܬܓܠܝ ܡܫܘܕܥܐ ܕܚܝܠܬܢܐܝܬ ܘܓܢܒܪܐܝܼܬ ܡܿܡܠܟ܆ ܘܗܿܠܝܢ ܒܚܕ ܝܘܡܐ ܗܘ̈ܝ܆ ܐܘܿ ܠܐ܀ ܘܐܢܫܝܼ̈ܢ ܐ݀ܡܪܝܼܢ ܕܒܚܕ ܝܘܡܐ ܗܘ̈ܝ܀ ܐܢܫܝܼ̈ܢ ܐܝܬ ܕܐ݀ܡܪܝܼܢ ܕܬܠܬܝܢ ܫܢܝܼ̈ܢ ܟܬܪ ܒܦܪܕܝܣܐ ܐܕܡ܇ ܐܟܘܢܐ ܕܡܫܝܼܚܐ ܬܠܬܝܢ ܫܢ̈ܝܼܢ ܟܬܪ ܒܥܠܡܐ܀ ܐܚܪ̈ܢܐ ܐ݀ܡܪܝܼܢ ܕܐܪܒܥܝܼܢ ܘܡܛܠܗܕܐ ܐܪܒܥܝܼܢ ܝܘܡ̈ܝܼܢ ܨܡܼ ܡܪܢ܀ ܒܿܬܪ ܡܦܩܬܐ ܕܐܕܡ ܕܡܼܢ ܦܪܕܝܣܐ: ܡܫܪܐ ܡܘܫܐ ܕܢܫܬܥܐ ܥܠ ܩܐܝܢ ܘܗܿܟܝܠ܀ ܘܚܟܼܡ ܐܕܡ ܠܚܘܐ ܐܢܬܬܗ ܘܒܼܛܢܬ݀ ܘܝܠܼܕܬ݀ ܠܩܐܝܢ܇ ܘܐܡܼܪ ܩܢܝܿܬ ܓܒܪܐ ܠܡܪܝܐ܀ ܝܘܢܝܐ ܩܢܝܿܬ ܒܪܢܫܐ ܒܝܕ ܐܠܗܐ ܗ̄ ܗܘܼܐ ܒܪܢܫܐ ܡܢܝ ܐܟܘܬܝ: ܟܕ ܠܐܠܗܐ ܡܩܦܐ ܠܥܼܠܬܐ ܕܝܼܠܝܼܕܘܼܬܐ܀ ܘܗ݀ܝ ܕܣܘܼܪܝܝܐ ܡܬܦܫܩܐ ܕܠܡܪܝܐ ܡܬܼܝܗܒܐ܇ ܥܒܝܼܕܘܼܬܗܿ: ܩܐܝܢ ܩܢܝܿܢܐ ܡܬܼܦܫܩ܀ ܘܒܿܬܪܟܢ ܝܠܼܕܬ݀ ܠܗܒܝܠ ܗ̄ ܝܼܗܝܼܒ ܠܐܠܗܐ: ܠܐ ܐܬܥܼܗܕ ܟܬܒܐ: pb. 34 ܠܐܚ̈ܘܬܐ ܕܐܬܝܼ̈ܠܕܝ ܥܡ ܐܚ̈ܐ ܕܝܼܠܗܝܢ ܕܩܐܝܢ ܘܗ݀ܒܝܠ ܐܝܬܝܼ ܠܥܘܼܗܕܢܐ: ܥܠ ܕܐܘܡܢܬܗܘܢܿ ܨܒܼܐ ܕܢܘܕܥ: ܐܦ ܓܝܪ ܒܢ̈ܝܐ ܘܒܢ̈ܬܐ ܗܘܼܘ ܠܐܕܡ ܣܛܪ ܡܼܢ ܗܿܠܝܢ ܘܫܬ܆ ܘܠܐ ܟܬܼܒ ܐܢܘܿܢ ܡܘܫܐ܀ ܘܝܼܕܝܼܥܐ ܡܼܢ ܕܟܬܼܒ ܒܿܬܪܟܢ ܘܐܘܠܕܘ ܠܡ ܒܢܝ̈ܐ ܘܒܢ̈ܬܐ܀ ܚܕ ܠܡ ܦܿܠܚ ܒܐܪܥܐ ܗ̄ ܩܿܐܝܢ ܙܿܪܥ ܚܛ̈ܐ ܘܓܘܡ̈ܐ ܘܫܪܟܐ܀ ܗܿܒܝܠ ܕܝܢ ܥܢ̈ܐ ܪܥܐ ܗܼܘܐ: ܘܥܿܡܪܝܼܢ ܗܼܘܘ ܒܫܦ̈ܘܠܝ ܛܘܼܪܐ܀ ܝܥܩܘܿܒ ܐܘܪܗܝܐ܆ ܦܩܼܕ ܠܡ ܐܠܗܐ ܕܚܬܐ ܕܩܐܝܢ ܢܣܒܝܗܿ ܗܒܝܠ܆ ܘܚܬܐ ܕܗܒܝܠ ܢܣܒܝܗܿ ܩܐܝܢ: ܘܡܛܠ ܕܫܦܝܼܪܐ ܗܼܘܬ݀ ܚܬܐ ܕܩܐܝܢ: ܡܿܠܟ ܠܗ ܣܛܢܐ ܕܠܗܿ ܢܣܼܒ ܠܗ ܐܢܬܬܐ: ܘܡܼܢ ܗܪܟܐ ܒܠܼܥ ܒܚܫܡܐ ܠܘܼܩܒܠ ܐܚܘܼܗܝ: ܘܟܕ ܠܐ ܐܨܛܒܝܼ ܩܐܝܢ: ܐܬܼܘ ܠܘܬ ܗ݀ܝ ܕܢܩܪܒܘܢ ܩܘܼܪ̈ܒܢܐ: ܘܬܠܬܐ ܝܪ̈ܚܐ ܩܘܝܼ ܗܿܒܝܠ ܠܩܐܝܢ: ܡܛ݀ܠ ܕܗܿܟܢ ܩܕܡܐ ܥܢ̈ܐ ܠܥܠܬܐ܆ ܕܘܼܟܬܐ ܓܝܪ ܦܪܝܼܫܬܐ ܐܝܼܬ ܗܼܘܐ ܠܗܘܢܿ ܕܒܗܿ ܡܩܪܒܝܼܢ ܗܼܘܘ ܩܘܼܪ̈ܒܢܐ ܗܼܢܘܿܢ ܘܐܒܘܼܗܘܿܢ܀ ܟܕ ܡܼܢ ܐܠܗܐ ܐܬܼܚܟܡܘ ܕܗܿܟܢܐ ܢܫܦܪܘܢܼ ܠܗ܆ ܘܐܝܟ ܒܪܢܫܐ ܡܬܼܓܠܐ ܗܼܘܐ ܥܠܝܗܘܿܢ ܐܠܗܐ: ܘܦܿܟܪܝܼܢ ܗܼܘܘ ܠܕܒܚܐ: ܘܢܘܼܪܐ ܢ݀ܚܬܐ ܗܼܘܬ݀ ܡܼܢ ܫܡܝܐ: ܙܐܟܠܐ ܗܼܘܬ݀ ܠܗ܀ ܐܚܪ̈ܢܐ ܐ݀ܡܪܝܼܢ܇ ܕܐܕܡ ܡܚܦܛ ܗܼܘܐ ܠܗܘܢܿ ܥܠ ܩܘܼܪ̈ܒܢܐ܇ ܕܟܒܪ ܢܫܦܪܘܢܼ ܠܐܗܐ ܘܢܚܛܘܿܦ ܐܢܘܿܢ ܠܦܪܕܝܣܐ܀ ܩܪܒ ܓܝܪ ܗܿܒܝܠ ܡܼܢ ܫܡ̈ܝܼܢܐ ܕܥ̈ܢܗ: ܘܩܐܝܢ ܡܼܢ ܙܪܥ ܝܒܝܼܫܐ ܘܣܦܪ̈ܐ ܕܚܩܠܗ: ܟܕ ܓܝܪ ܚܼܣ ܥܠ ܟܦ̈ܐ ܫܡ̈ܝܼܢܬܐ: ܥܠܗ݀ܝ ܐܣܬܠܝܼ ܩܘܼܪܒܢܗ ܘܠܐ ܝܼܩܕ܀ ܐܚܪ̈ܢܐ ܐ݀ܡܪܝܼܢ ܕܐܝܼܕܐ ܘܕܡܘܼܬܐ ܕܒܪܢܫܐ ܡܬܼܚܙܝܐ ܗܼܘܬ݀ ܠܐܦ̈ܝ ܩܘܼܪܒܢܐ ܗܿܘ ܕܡܬܩܼܒܠ ܗܼܘܐ܀ ܐܠܐ ܡܼܢ ܐܕܡ ܘܥܕܡܐ ܠܡܣܩܬܐ ܕܒܒܠ܆ ܢܘܼܪܐ ܡܛܩܠܐ ܗܼܘܬ݀ ܠܕܒܚ̈ܐ: ܐܝܟ ܕܒܝܘ̈ܡܝ ܢܘܚ ܘܐܒܪܗܡ ܘܐܠܝܐ܀ ܟܕ ܐܬܬܥܝܼܩ ܩܐܝܢ: ܐܬܓܠܝܼ ܥܠܘܗܝ ܐܠܗܐ ܘܐܪܬܝܗ ܕܠܐ ܢܩܛܘܿܠ ܠܐܚܘܼܗܝ: ܐܟܡܿܢ ܕܠܐ ܢܐܡܪ ܕܠܐ ܣܦܼܩܬ݀ ܠܗ ܕܠܐ ܩܘܼܪܒܢܝ ܩܒܠ: ܐܠܐ ܟܕ ܐܬܬܥܝܩܿܬ ܠܐ ܚܪ ܒܝܼ. ܘܐܚܪܬܐ ܕܢܥܒܕܝܼܘܗܝ ܐܡܬܝ ܕܢܩܛܘܿܠ ܕܠܐ ܡܦܩ ܒܪܘܚܐ: ܗܐ ܠܡ ܐܢ ܬܫܼܦܪ ܩܒܿܠܬ ܗ̄ ܐܢ ܬܫܦܪ ܒܨܒܝܿܢܟ: ܡܬܼܩܒܠ ܩܘܼܪܒܢܟ: ܘܐܢ ܠܐ ܬܫܼܦܪ܇ ܥܿܒܕ ܐܢܼܐ ܠܗܿ ܠܚܛܝܼܬܐ ܓܠܝܼܬܐ ܒܝܕ ܡܣܡ ܒܪܝܫܐ܇ ܐܝܟ ܨܒܘܼܬܐ ܕܣܝܼܡܐ ܒܬܪܥܐ܀ ܬܘܼܒ ܐܢ ܠܐ ܬܫܼܦܪ. ܥܿܒܕ ܐܢܼܐ ܠܟ ܡܛ݀ܠ ܚܛܗܟ ܕܫܬܐ ܒܬܪܥܐ ܠܥܠ̈ܘܠܐ܀ ܐܢܬ ܬܬܦܼܢܐ ܠܘܬܗ: ܘܗܼܘ ܢܫܬܼܠܛ ܒܟ ܗ̄ ܥܠ ܚܛܗܐ ܪܡܼܙ: ܟܕ ܫܿܒܩ ܠܡܪܝܐ ܘܠܐ ܫܿܦܪ ܠܗ܆ ܘܦܢܼܐ ܠܘܬ ܚܛܝܼܬܐ: ܡܫܬܼܠܛܐ ܒܗ܀ ܒܝܘܢܝܐ ܟܬܝܼܒ. ܠܘܬܟ ܡܬܦܢܝܿܢܘܼܬܐ ܕܝܼܠܗ ܘܐܢܬ ܬܗܼܘܐ ܠܗ ܪܝܫܐ ܗ̄ ܘܐܢ ܫܿܦܪ ܐܢܬ ܘܠܒܝܼܫ̈ܬܐ ܕܐܝܼܬ ܒܟ ܡܫܬܩ ܐܢܬ: ܠܘܬܝ ܦܿܢܝܐ ܪܝܫܢܘܬܐ ܕܥܠ ܗ݀ܒܝܠ: ܡܿܩܒܠ ܐܢܼܐ ܩܘܼܪܒܢܟ ܘܪܝܫܐ ܕܝܼܠܗ ܥܿܒܕ ܐܢܼܐ ܠܟ܀ pb. 35 ܝܘܢܝܐ ܚܼܛܝܬ: ܦܘܼܫ ܗ̄ ܫܬܘܿܩ ܗ̄ ܣܿܦܩ ܠܟ ܚܛܗܐ ܩܕܡܝܐ܇ ܘܦܘܼܫ ܡܼܢ ܕܠܡܬܚܫܒܘܼ ܐܝܟ ܗܿܠܝܢ܇ ܘܠܡܼܗܪܓ ܒܩܛܠܗ ܕܐܚܘܟ: ܝܘܢܝܐ ܛܪܝܦ ܒܐܦܝ̈ܟ ܕܒܼܚܟ ܗ̄ ܗܐ ܐܚܝܼܕ ܐܢ ܠܡ ܕܝܼܠܟ ܠܐ ܬܒܓܢ܀ ܢ݀ܪܕܐ ܠܡ ܠܦܩܥܬܐ ܗ̄ ܐܝܟܐ ܕܙܪܝܼܥ ܠܝܼ ܙܪܥܐ ܐܣܒܪ ܓܝܪ ܕܐܠܗܐ ܒܛܘܼܪܐ ܐܝܬܘܗܝ: ܘܠܘ ܒܕܘܼܟ ܐܚܪܝܢ: ܘܐܚܪܬܐ ܡܛ݀ܠ ܕܢܚܦܐ ܠܨܒܘܼܬܐ ܡܼܢ ܐܕܡ ܘܚܘܐ܀ ܩܼܡ ܩܐܝܢ ܥܠ ܗܿܒܝܠ ܐܚܘܼܗܝ ܘܩܛܠܗ ܗ̄ ܫܘܪ ܥܠܘ̄ ܘܚܢܩܼܗ: ܐܘܿ ܢܟܬ ܠܩܢܝܐ ܕܓܓܼܪܬܗ ܘܩܛܠܗ܀ ܐܚܪ̈ܢܐ ܐܡܿܪܝܼܢ ܕܣܛܢܐ ܐܣܼܬܟܡ ܐܝܟ ܗܿܘ ܕܢ݀ܟܣ ܚܒܪܗ ܒܟܐܦܐ ܘܚܘܝܼ ܠܗ: ܘܡܢܗ ܝܼܠܦ܀ ܐܚܪܗܢܐ ܕܒܗܿܘ ܡܕܡ ܕܢ݀ܟܣܝܼܢ ܗܼܘܘ ܠܚܝ̈ܘܬܐ܇ ܒܗ ܩܛܠܗ܀ ܐܚܪ̈ܢܐ ܕܒܚܘܼܛܪܐ ܩܛܠܗ܀ ܐܚܪ̈ܢܐ ܕܒܟܐܦ̈ܐ ܪܓܡܼܗ܀ ܐܚܪ̈ܢܐ ܕܒܣܟܬܐ ܕܦܪܙܠܐ܀ ܘܐ݀ܡܪܝܼܢ ܐܢܫܝܼ̈ܢ ܕܟܬܝܼܒ ܒܝܘܢܝܐ ܕܐܝܬܝܼ ܗܿܒܝܠ ܡܼܢ ܒܘܼܟܪ̈ܐ ܕܥܢ̈ܗ ܘܡܼܢ ܬܪܒܐ ܕܝܼܠܗܘܢܿ: ܘܝܼܕܝܼܥܐ ܕܐܠܐ ܩ݀ܛܠ ܐܢܫ ܠܥܪܒܐ܇ ܠܐ ܡܿܝܬܐ ܬܪܒܐ ܕܝܼܠܗ: ܡܕܝܢ ܒܦܪܙܠܐ ܩܛܠܗ܇ ܘܒܬܪܟܢ ܚܦܪ ܒܐܪܥܐ ܘܛܫܝܗ: ܘܡܼܢ ܐܝܟܐ ܝܼܠܦ ܠܡ ܠܩܼܛܠܐ: ܐ݀ܡܪܝܢ ܐܢܫܝܼ̈ܢ ܕܚܼܐܘ ܠܐܪ̈ܝܘܬܐ ܟܕ ܩܿܛܠܝܼܢ ܠܚܝ̈ܘܬܐ ܘܐܟܿܠܼܝܢ܇ ܙܠܩܛ̈ܘܬܐ ܟܕ ܚ̈ܢܩܢ ܠܥܘܩܒܪ̈ܐ ܘܐܟ̈ܠܢ: ܛܡܼܪܗ ܒܐܪܥܐ: ܐܝܟܐܢ ܕܠܐ ܢܪܓܫ ܐܕܡ܇ ܘܟܕ ܫܐܠܘ ܥܠܘܗܝ ܐܒܗ̈ܘܗܝ܇ ܐܡܼܪ ܕܠܦܪܕܝܣܐ ܐܬܥܠܝܼ: ܘܟܕ ܐܫܪܘܼܗܝ: ܒܿܬܪ ܬܪܝܢ ܝܘܡ̈ܝܼܢ ܐܬܓܠܝܪ ܡܪܝܐ ܥܠ ܩܐܝܢ ܘܟܕ ܠܐ ܬܘܝܼ܇ ܫܪܝܼ ܙܿܐܥ ܘܢ݀ܐܕ: ܘܟܕ ܚܙܐܘܼܗܝ ܒܐܘܼܠܨܢܐ: ܫܪܝܼܘ ܒܿܟܝܢ ܘܡܚܕܐ ܐܘܕܝܼ ܠܗܘܢܿ ܒܗ݀ܘ ܡܐ ܕܣܥܼܪ: ܘܐܙܼܠܘ ܐܦܩܼܘ ܠܩܛܝܼܠܐ ܘܩܒܪܘܼܗܝ ܘܫܪܝܼܘ ܒܿܟܝܢ ܠܩܛܝܼܠܐ ܘܡܠܙܥܐ܀ ܐܝܟܘ ܗܿܒܝܠ ܐܚܘܼܟ ܗ̄ ܐܬܓܠܝܼ ܥܠܘܗܝ ܡܪܝܐ: ܕܠܐ ܢܼܒܪ ܕܐܬܚܼܦܝܬ݀ ܡܢܗ ܨܒܘܼܬܐ: ܘܡܛ݀ܠ ܕܢܒܗܬܝܼܘ̄: ܒـܪ ܬܠܬܝܢ ܫܢ̈ܝܼܢ ܕܢܦܼܩ ܐܕܡ ܡܼܢ ܦܪܕܝܣܐ ܐܙܕܘܓ: ܘܒܿܬܪ ܫܒܥ ܫܢܝܼ̈ܢ ܕܐܬܝܼܠܕ ܩܐܝܢ܇ ܐܬܝܼܠܕ ܗܿܒܝܠ܀ ܐܝܟ ܡܐܬܝܢ ܘܚܡܫ ܫܢ̈ܝܼܢ ܐܝܬ ܗܼܘܐ ܠܐܕܡ ܟܕ ܐܬܩܼܛܠ ܗܿܒܝܠ܀ ܐܚܪ̈ܢܐ ܐ݀ܡܪܝܼܢ ܒܪ ܚܡܫܝܼܢ ܘܬܠܬ܀ ܩܠܐ ܕܕܡܗ ܕܐܚܘܟ ܓܿܥܐ ܠܘܬܝ: ܗ̄ ܕ ܫܬܝܼܩ ܠܘܬܝ ܓܿܥܐ ܐ݀ܕܘܢܼ ܕܝܼܢܗ: ܠܘ ܕܝܢ ܒܦܘܼܡܐ ܓܿܥܐ ܕܡܐ ܐܠܐ ܒܚܙܬܐ ܡܢܗܿ ܡܬܝܼܕܥ ܕܩܛܝܼܠ ܗܼܘ܀ ܠܝܼܛ ܐܢܬ ܡܼܢ ܐܪܥܐ ܗ̄ ܡܛܠ ܠܐ ܡܫܟܚ ܗܼ،ܐ ܠܦܠܚܗܿ ܡܼܢ ܥܠܼܬ ܙܘܥܐ: ܘܐܢ ܡܬܼܥܨܐ ܗܼܘܐ ܘܦܿܠܚ: ܛ݀ܠܡܐ ܗܼܘܬ݀ ܠܗ ܡܼܢ ܥܡܠܗ: ܘܗܕܐ ܗ݀ܝ ܕܠܐ ܬܘܣܦܝ ܬܬܼܠܝ ܠܟ ܚܝܠܗܿ: ܙܿܐܥ ܘܢܿܐܕ ܬܗܼܐ ܒܐܪܥܐ ܗ̄ ܕܐܦܠܐ ܒܚܕ ܥܕܢܐ ܢܗܼܘܐ ܠܟ ܢܦܐܫܐ: ܕܠܐ ܒܡܕܡܟܐ ܐܦܠܐ ܒܡܩܡܐ: ܐܘܿ ܒܡܓܣܼܐ܆ ܡܝܼܬ ܩܕܡܐܝܬ ܗܿܒܝܠ܆ ܐܟܡܿܢ ܕܫܘܼܪܝܐ ܕܡܘܬܐ ܚܕܬܐ ܗܘܐ܆ ܘܕܢܕܥ ܟܿܠܢܫ ܕܡܘܬܐ ܠܡ ܡܣܡ ܒܪܝܫܐ ܗܘ ܐܠܐ ܪ̈ܚܡܐ: ܘܐܠܐ ܗܿܘ pb. 36 ܕܐܠܗܐ ܣܗܕ ܥܠ ܩܕܝܼܫܘܬܐ܆ ܐܝܟܢ ܡܿܐܬ ܗܼܘܐ܀ ܪܒܐ ܗܿܝ ܣܟܠܘܼܬܝ ܡܼܢ ܕܠܡܫܼܒܩ ܗ̄ ܡܥܠܝܐ ܗܿܝ ܣܟܠܘܼܬܝ ܘܠܐ ܡܫܼܬܒܩܐ ܦܣܼܩ ܓܝܪ ܥܠ ܢܦܫܗ܆ ܕܠܐ ܫܿܘܐ ܠܫܘܼܒܩܢܐ܀ ܗܐ ܐܦܩܼܬܢܝ ܝܘܡܢܐ ܡܼܢ ܐܦܗܝ ܐܪܥܐ ܗ̄ ܡܼܢ ܕܘܼܟܬܐ ܦܪܝܼܫܬܐ ܕܒܗܿ ܡܩܪܒܝܼܢ ܗܼܘܘ ܕܒܚ̈ܝܗܘܢ܀ ܡܿܦܩ ܐܢܬ ܠܝܼ ܡܼܢ ܐܪܥܐ ܕܫܟܝܼܢܬܟ: ܐ݀ܡܪ ܝܘܢܝܐ܀ ܘܡܼܢ ܩܕܡܝܟ ܐ݀ܬܛܫܐ ܗ̄ ܒܕܠܐ ܩܪܝܼܒ ܐܢܼܐ ܠܕܘܟܬܐ ܐܝܿܕܐ ܕܒܗܿ ܡܬܓܼܠܐ ܐܢܬ܀ ܘܟܿܠܡܿܢ ܕܢܫܟܼܚܢܝ ܢܩܼܛܠܢܝ ܗ̄ ܛܠ ܕܢܦܼܩ ܡܼܢ ܩܪܝܼܒܘܼܬܐ ܕܐܒܗ̈ܘܗܝ: ܘܡܼܢ ܕܘܼܟܬܐ ܗܿܝ ܕܡܣܒܪ ܗܼܘܐ ܕܒܗܿ ܥܿܡܪ ܐܠܗܐ: ܕܢܿܐܕ ܕܠܝܼܠܐܝܬ ܡܬܼܢܒܐ ܡܼܢܟ݀ܠ ܕܦܿܓܥ ܒܗ ܘܟܒܪ ܐܦ ܡܼܢ ܚܝ̈ܘܬܐ ܩ݀ܢܛ ܗܼܘܐ ܕܡܼܢ ܥܠܼܬ ܚܛܝܼܬܐ ܕܐܕܡ ܘܕܝܼܠܗ: ܚܠܦ ܡܫܢܘܼܬܗܝܢ ܐܬܒܼܥܪܪܘ ܥܠܝܗܘܢܿ܀ ܠܘܝܛܬܐ ܕܩܿܐܝܢ ܗܼܘܬ݀ ܓܠܝܼܬܐ ܒܢܘܕܐ ܐܝܟܐܢ ܕܟ݀ܠܢܫ ܢܙܕܗܪ ܡܼܢ ܩܛܠܐ ܘܦܘܼܠܚܢܗ ܗܘܼܐ ܣܪܝܼܩܐ ܘܒܛܝܼܠܐ: ܐܝܟܢܐ ܕܢܫܬܘܕܥܘܢܼ ܝ̈ܠܕܘܗܝ ܠܚܛܝܬܗ ܘܢܬܒܝܢܘܢܼ ܒܚܝܠܗܿ ܕܠܘܛܬܐ܀ ܘܠܐ ܩܛܠܗ ܐܠܗܐ ܐܝܟ ܗ݀ܝ ܕܩܛܘܿܠܐ ܢܬܼܩܛܠ: ܡܛܠ ܕܠܐ ܬܬܓܙܐ ܐܪܥܐ ܡܼܢ ܒܢܝܢ̈ܫܐ: ܘܕܠܐ ܢܒܼܠܥ ܐܕܡ ܒܥܩܬܐ ܝܬܝܼܪܬܐ ܘܕܢܚܙܘܿܢ ܒܢܗܘܗܝ ܠܫܘܼܢܩܗ ܢܓܝܼܪܐ܆ ܘܢܥܪܩܘܢܼ ܡܼܢ ܩܼܛܠܐ܀ ܐܚܪܢܝܐܝܬ܀ ܗܐ ܐܦܩܼܬܢܝ ܝܘܡܢܐ܇ ܟܕ ܥܒܼܕܬ ܠܥܡܠܐ ܕܝܼܠܝ ܠܣܪܝܼܩܘܼܬܐ ܕܦܓܪܐ ܕܝܼܠܝ ܠܢܘܕܐ ܘܠܪܥܠܐ܀ ܘܡܼܢ ܩܕܡܝܟ ܐܬܛܫܐ ܗ̄ ܝܿܕܥ ܐܢܼܐ ܕܬܘܼܒ ܠܐ ܡܿܡܠܠ ܐܢܬ ܥܡܝ܇ ܘܐܦܠܐ ܐܢܿܐ ܐܝܼܬ ܠܝܼ ܓܠܝܘܼܬ ܐܦ̈ܐ ܕܐܒܿܥܐ ܡܢܟ ܡܕܡ ܒܨܠܘܿܬܐ: ܘܒܓܕܘܿܢ ܐܝܟ ܕܒܛܘܫܝܐ ܐܝܿܬܝ ܡܢܟ ܥܠ ܐܦܝ̈ ܟܘܚܕܝ܀ ܘܟܿܡܿܝܢ ܕܢܫܟܼܚܢܝ ܘܢܩܼܛܠܢܝ ܗ̄ ܠܗܕܐ ܒܿܥܐ ܐܢܼܐ: ܘܡܣܟܐ ܘܡܬܼܦܪܣ܆ ܕܬܘܼܒ ܬܗܼܘܐ܀ ܡܪܝܐ ܕܝܢ ܐܡܼܪ ܠܐ ܗܼܘܐ ܗܟܢܐ ܗ̄ ܠܐ ܐܬܠܐܐ ܢܦܫܟ܆ ܒܿܬܪ ܓܝܪ ܕܢܿܦܩ ܐܢܬ ܡܼܢ ܩܕܡܝ: ܟܕ ܡܬܼܦܪܣ ܕܬܬܩܼܛܠ ܘܬܓܼܗܐ ܢܦܫܟ ܡܼܢ ܫܘܼܢܩܐ ܘܪܥܠܐ܀ ܘܟܿܠ ܩܛܘܿܠܐ ܗ̄ ܣܛܪ ܡܢܟ ܟܿܠ ܩܛܘܿܠܐ ܢܬܼܩܛܠ ܐܢܬ ܕܝܢ ܠܐ ܒܗ ܒܙܢܐ܀ ܩܐܝܢ ܚܕ ܒܫܒܥܐ ܢܬܦܪܥ܆ ܝܘܢܝܐ ܫܒܥ ܬܒܥ̈ܢ ܫܿܪܐ: ܟܿܠ ܕܢܩܛܠܝܼܘܗܝ ܠܩܐܝܢ܀ ܥܒܪܝܐ܆ ܟܿܠܡܿܢ ܕܩܿܛܠ ܠܗ ܠܩܐܝܢ ܚܕ ܒܫܒܥܐ ܢܬܼܦܪܥ ܗ̄ ܠܐ ܠܡ ܡܬܩܼܛܠ ܐܢܬ ܐܝܟ ܕܣܿܒܪ ܐܢܬ: ܐܠܐ ܢ݀ܛܪ ܐܢܼܐ ܠܟ ܒܚ̈ܝܐ: ܐܝܟ ܕܬܗܼܘܐ ܬܚܘܝܼܬܐ ܠܟܿܠܗܘܢܿ ܩܛ̈ܘܿܠܐ: ܟܕ ܡܬܼܦܪܥ ܐܢܬ ܠܦܘܼܬ ܒܝܼܫ̈ܬܟ ܚܕ ܒܫܒܥܐ ܗ̄ ܡܣܡ ܒܪܝܫܐ ܓܡܝܼܪܐ: ܒܝܕ ܫܒܥܐ ܓܝܪ: ܥܠ ܫܘܼܡܠܝܐ ܕܓܙܪ ܕܝܼܢܐ ܐ݀ܡܪ: ܩܿܐܝܢ ܠܫܒܥܐ ܕܪ̈ܝܢ ܢܬܦܪܥ ܗ̄ ܒܗ݀ܝ ܕܒܫܬܐ ܝܘܡ̈ܝܼܢ ܗܼܘܬ݀ ܒܪܝܼܬܐ ܟܿܠܗܿ܆ ܘܒܫܒܝܼܥܝܐ ܐܬܬܢܝܼܚ ܘܐܫܬܡܠܝܼ ܟܿܠ ܡܕܡ ܓܝܪ ܕܡܿܫܡܼܠܝ:ܒܫܒܥܐ ܢܿܣܒ ܠܗ ܟܬܒ ܒܟܿܠܕܘܼܟ܀ ܡܪܝ ܐܦܪܝܡ ܠܫܒܥ pb. 37 ܬܒ̈ܥܬܐ ܐ݀ܡܪ ܐ ܠܝܼܛ ܐܢܬ ܡܼܢ ܐܪܥܐ ܒ ܠܐ ܬܘܣܦܝ ܕܬܬܼܠܝ ܠܟ ܚܝܠܗܿ ܓ ܙܘܥܐ ܐܡܝܼܢܐ ܕ ܪܬܝܼܬܐ ܕܦܓܪܐ ܗ ܡܬܕܟܪܢܘܼܬܐ ܕܒܝܬܝܘܼܬܐ ܐܠܗܝܬܐ ܘ ܐܬܐ ܕܣܼܡ ܒܗ ܙ ܬܚܘܼܡܐ ܕܒܝܬ ܠܗ ܠܐܒܗ̈ܘܗܝ܀ ܫܒܥܐ ܚܛ̈ܐ ܕܩܐܝܢ ܩܕܡܝܬ ܐ ܚܣܡܐ ܘܠܕܘ ܬܪܝܼܨܐܝܬ ܩܪܒ ܩܘܼܒܢܐ܆ ܘܡܛܠ ܗܕܐ ܐܣܬܠܝܼ ܒ ܕܟܕ ܝܼܠܦ ܡܼܢ ܐܠܗܐ ܕܫܦܼܪ ܠܐ ܫܦܪ ܓ ܚܘܫܒܐ ܒܥܪܝܪܝܐ ܕܥܠ ܩܛܠܐ ܕ ܢܟܠܐ ܕܢ݀ܪܕܐ ܠܡ ܠܦܩܥܬܐ ܗ ܕܕܓܠ ܟܕ ܐܫܬܐܠ ܘܐܡܼܪ ܕܠܐ ܝܿܕܥ ܐܝܟܘ ܘ ܩܛܠܐ ܕܐܠܦܼ ܠܥܠܡܐ ܩܛܠܐ ܘܙܡܼܢ ܠܐܒ̈ܗܘܗܝ ܐܒܠܐ܀ ܘܣܼܡ ܡܪܝܐ ܐܬ݀ܐ ܒܩܐܝܢ ܗ̄ ܐܢ ܒܿܥܐ ܗܼܘܐ ܕܢܫܕܐ ܢܦܫܗ ܒܝܡܐ: ܠܐ ܡܬܼܚܢܩ ܗܼܘܐ: ܘܐܢ ܡܬܼܦܪܣ ܗܼܘܐ ܕܢܦܠ ܒܢܘܼܪܐ ܠܐ ܝܿܩܕ ܗܼܐ: ܘܐܦܠܐ ܚܝ̈ܘܬܐ ܐܟ̈ܠܢ ܗܼܘ̈ܝ ܠܗ܆ ܐܢ ܨܿܒܐ ܗܼܘܐ. ܘܗܕܐ ܗܿܝ ܐܬ݀ܐ: ܕܡܼܢ ܐܢܫ ܠܐ ܡܬܼܩܛܠ. ܐܠܐ ܣܡܗ ܕܢܟܬܪ ܢܘܼܓܪܐ ܕܙܒܢܐ ܠܣܘܪܕܐ ܕܚܙܝ̈ܘܗܝ܀ ܘܢܦܼܩ ܩܐܝܢ ܘܝܼܬܒ ܒܐܪܥܐ ܕܢܘܕ ܗ̄ ܫܒܼܩܗܿ ܠܥܕܢ ܠܡܥܪܒܐ ܠܗ: ܘܝܼܬܒ ܠܗ ܠܐܦܝ̈ ܡܕܢܚܐ ܡܼܢ ܥܕܢ: ܐܘܿ ܕܘܼܟܬܐ ܗܿܟܢ ܡܬܼܩܪܐ ܗܼܘܬ݀ ܢܘܕ܇ ܐܘܿ ܥܠ ܙܘܥܗ ܘܢܘܕܗ ܕܩܐܝܢ ܐܫܬܡܼܗܬ݀ ܗܿܟܢ܀ ܘܚܟܼܡ ܩܐܝܢ ܐܢܬܬܗ܇ ܘܐܘܠܕ ܠܚܢܘܟ܇ ܘܗܘܼ ܒܢܼܐ ܩܪܝܼܬܐ ܗ̄ ܣܬܪܐ ܡܕܡ܀ ܘܝܒܠ ܕܝܢ ܗܘܼ ܐܫܟܚ ܐܘܡܢܘܼܬܐ ܕܢܚܘܼܛ ܡܫܟ̈ܢܐ܇ ܘܢܩܢܐ ܩܢܝܿܢܐ ܕܥ̈ܢܐ ܘܬܘܪ̈ܐ܀ ܠܬܘ̈ܠܕܬܐ ܕܩܐܝܢ ܡܼܬܥܗܕ ܘܠܫܢ̈ܝܗܘܢܿ ܠܐ: ܥܠ ܕܒܫܪܝܼܚܘܼܬܐ ܓܡܪܘ ܝܘܡ̈ܝܗܘܢܿ܀ ܘܠܡܟ ܢܣܼܒ ܠܗ ܬܪܬܝܢ ܢܫ̈ܐ ܗ̄ ܥܕܐ ܘܨܠܐ: ܠܗܿܠܝܢ ܦܩܼܕ ܕܢܨܒ̈ܬܢ ܠܒܢ̈ܬܗ܇ ܐܝܟܢܐ ܕܢܬܚܠܛܘܢܼ ܥܡܗܘܢܿ ܒܢ̈ܝ ܫܝܬ: ܩܐܝܢ ܓܝܪ ܗܿܘ ܕܒܗ ܡܬܼܚܣܕܝܼܢ ܗܼܘܝܢ ܕܐܝܼܬ̄ܘ ܐܒܐ ܕܝܼܠܢ: ܩܛܠܬܗ ܘܠܒܪܗ܆ ܘܡܟܝܠ ܥܒܼܪ ܠܗ ܚܣܕܐ ܝܘܒܠ ܐܚܐ ܕܥܠ ܡܼܢ ܒܢ̈ܝ ܩܐܝܢ܇ ܗܼܘ ܡܿܠܦ ܐܘܡܢܘܼܬܐ ܕܙܡܪܐ ܘܩܝܬܪ̈ܐ: ܘܬܘܒܠܩܝܢ ܗܘܼ ܐܒܥ ܢܚܫܝܘܼܬܐ ܘܩܝܢܝܘܼܬܐ ܥܕܡܐ ܠܗܢܐ ܒܡܐܢܐ ܕܦܪܙܠܐ ܠܐ ܡܬܚܫܚܝܼܢ ܗܼܘܘ ܩܕܡܗܝܐ: ܐܠܐ ܐܝܟ ܚܘܼܟܡܐ ܐܠܗܝܐ ܕܠܐ ܦܪܙܠܐ ܦܿܠܚܝܼܢ ܗܼܘܘ ܠܐܪܥܐ܇ ܘܡܼܢ ܩܝ̈ܣܐ ܥܿܒܕܝܼܢ ܗܼܘܘ ܡܕܡ ܕܕܡܿܐ ܠܐܪܙܦܬܐ ܘܟܠܒܬܐ ܘܣܕܢܐ: ܗܿܢܐ ܕܝܢ ܬܘܒܠܩܝܼܢ܇ ܐܫܟܚ ܐܘܡܢܘܼܬܐ ܕܦܪܙܠܐ܆ ܘܡܢܗ ܐܬܝܒܠܼܬܜ ܠܕܒܝܬ ܫܝܬ ܘܢܘܿܚ܆ ܘܡܢܗ ܐܬܡܼܨܥܘ ܠܡܥܼܒܕ ܩܒܘܬܐ܀ ܓܒܪܐ ܩܛܠܿܬ ܒܨܘܼ̈ܠܦܬܝ ܘܛܠܝܐ ܒܫܘܼܩܦܝ ܗ̄ ܥܒܪܝܐ ܠܫܘܼܡܗܬܝ ܐ݀ܡܪ܀ ܝܘܢܝܐ ܠܚܒܪ̈ܬܝ: ܐ݀ܡܪܝܼܢ ܐܢܫܝܼ̈ܢ܆ ܕܠܘ ܓܒܪܐ ܘܛܠܝܐ ܩܛܠ ܠܡܟ܇ ܐܠܐ ܠܩܐܝܢ ܠܚܘܕ: ܬܢܝܐ ܗܘ ܕܝܢ܇ ܐܝܟ ܗ݀ܝ ܕܒܨܘܼܠ̈ܦܬܝ ܘܒܫܘܼܩ̈ܦܝ: ܕܟܕ ܚܕܐ ܗܝ܆ ܦܠܓܗܿ: ܠܐ ܓܝܪ ܐܬܬܒܥ ܠܡܟ ܐܝܟ ܩܐܝܢ: ܡܛ݀ܠ ܕܒܠܐ ܝܼܕܥܬܐ ܩܼܛܠ܇ ܘܥܠ ܕܩܛܪܓ ܢܦܫܗ ܩܕܡ ܢܫ̈ܘܗܝ܀ ܩܐܝܢ ܚܕ ܒܫܒܥ ܢܬܦܪܥ. pb. 38 ܘܠܡܟ ܠܫܒܥܝܢ ܘܫܒܥܐ: ܗ̄ ܩܐܝܢ ܠܡ ܡܛܠ ܕܩܼܛܠ ܠܐܚܘܼܗܝ܆ ܠܡܟ ܕܝܢ ܒ݀ܬܪ ܕܚܼܙܐ ܠܫܘܼܢܩܐ ܕܩܐܝܢ ܐܡܪܚ ܕܢܩܛܘܿܠ ܒܫܒܥܐ ܐܥ̈ܦܐ ܙܕܩ ܕܢܫܼܬܢܩ: ܘܒܡܫܝܼܚܐ ܐܬܼܥܛܝܬ݀ ܚܛܝܼܬܗ ܕܠܡܟ: ܡܢܘ ܓܝܪ ܥܕܡܐ ܠܡܫܝܼܚܐ܆ ܫܒܥܝܢ ܘܫܒܥ ܕܪ̈ܐ ܐܝܬ܆ ܒ݀ܬܪ ܕܐܫܬܥܝܼ ܟܬܒܐ ܥܠ ܬܘܠ̈ܕܬܐ ܕܩܐܝܢ: ܐܬܼܐ ܠܡܫܬܥܝܘܼ ܥܠ ܝܘܼܒܠܐ ܕܡܼܢ ܫܝܬ܀ ܘܚܼܟܡ ܐܕܡ ܠܚܘܐ ܘܝܠܼܕܬ݀ ܠܫܝܼܬ ܗ̄ ܫܬܐܣܬܐ ܒ݀ܬܪ ܐܕܡ܇ ܐܝܟܢܐ ܕܟܕ ܫܝܬ ܡܬܼܚܙܐ ܗܼܘܐ ܠܚܘܐ ܐܘܿ ܠܐܚܪܝܢ ܡܣܬܼܒܪ ܗܼ،ܐ ܐܕܡ ܐܝܼܬܘܗܝ: ܗܕܐ ܕܬܘܼܒ ܠܐ ܗܼܘܐ ܒܐܚܪܝܢ܀ ܗ݀ܝ ܬܘܼܒ ܕܐܘܠܕ ܠܫܝܬ ܒܨܠܡܗ ܐܝܟ ܕܡܘܼܬܗ: ܡܛ݀ܠ ܨܠܡܐ ܐܠܗܝܐ ܪܡܿܙ ܕܒܗ ܐܬܒܪܝܼ ܐܕܡ: ܘܥܠ ܝܘܼܒܠܐ ܕܝܼܠܗ ܕܨܠܡܐ ܕܥܕܡܐ ܠܡܫܝܼܚܐ: ܡܛܠ ܕܗܒܝܠ ܡܝܼܬ: ܘܕܒܝܬ ܩܐܝܢ ܒܛܘܦܢܐ ܐ݀ܒܕܝܼܢ܇ ܡܕܝܢ ܠܘܬ ܓܢܣܐ ܕܫܝܬ ܢܗܘܐ ܩܘܼܝܡܐ ܕܨܠܡܐ ܥܕܡܐ ܠܓܡܝܼܪܘܼܬܐ܀ ܒܿܬܪܟܢ ܡ݁ܥܗܕ ܠܫܢܝ̈ܐ ܕܚܝ̈ܝܗܘܢܿ ܩܕܡ ܕܢܘܠܕܘܢܼ: ܕܢܬܝܼܕܥ ܕܟܡܐ ܫܢ̈ܝܐ ܐܝܬ ܠܗ ܠܥܠܡܐ: ܘܕܟܡܐ ܫܢ̈ܝܐ ܚܿܐܝܢ ܗܼܘܘ ܩܕܡ ܛܘܦܢܐ܇ ܘܕܐܬܒܨܪ̈ܝ ܫܢ̈ܝܐ ܒܿܬܪ ܛܘܦܢܐ܇ ܡܛܠ ܫܘܼܚܠܦܐ ܕܐܬܪܐ܀ ܐܚܪ̈ܢܐ ܐܡܿܪܝܢ ܡܛܠܗܕܐ ܚܿܐܝܢ ܗܼܘܘ ܩܕܡܝ̈ܐ ܣܿܓܝ: ܐܟܡܿܢ ܕܥܠܡܐ ܢܣܼܓܐ ܘܢܦܪܘܿܢ ܬܘܠ̈ܕܬܐ: ܒܿܬܪ ܓܝܪ ܕܥܡܬܐ ܡܠܼܬ݀ ܒܢܝܢ̈ܫܐ: ܐܬܼܒܨܪ ܬܚܘܼܡܐ ܕܚ̈ܝܐ: ܟܕܠ ܕܠܐ ܬܣܓܼܐ ܚܛܝܼܬܐ ܘܬܬܥܼܫܢܝ: ܘܐܬܒܨܪ ܟܝܠܐ ܕܫܢܝ̈ܝܐ܀ ܘܫܝܬ ܐܘܠ ܠܐܢܘܿܫ ܗ̄ ܚܝܠܬܢܘܼܬܐ ܐܘܿ ܡܬܦܼܫܩ ܒܫܡ ܡܪܝܐ܀ ܗܢܐ ܫܪܝܼ ܠܡܩܪܐ ܒܫܡܗ ܕܡܪܝܐ ܗ̄ ܦܼܪܫ ܢܦܫܗ ܠܐܠܗܐ܆ ܕܒܬܝܗ ܘܩܪܝܼܒܗ ܢܗܼܘܐ. ܘܐܪܚܼܩ ܡܼܢ ܕܒܝܬ ܩܐܝܢ܀ ܐܚܪ̈ܢܐ. ܐܠܦܼ ܠܡ ܐܢܘܿܫ: ܕܒܪܘܝܐ ܢܬܩܼܪܐ ܡܪܝܐ܇ ܡܛܠ ܕܡܢܗ ܫܪܝܼ ܕܢܬܝܼܕܥ ܫܡܐ ܕܡܪܝܐ: ܫܪܝܼ ܟܬܒܐ ܬ݀ܢܐ ܝܘܼܒܠܐ ܕܫܝܬ: ܡܬܼܚ ܠܬܫܥܝܼܬܐ ܡܼܢ ܐܕܡ ܥܕܡܐ ܠܝܥܩܘܿܒ ܘܒܢ̈ܘܗܝ܀ ܘܒܿܬܪ ܕܐܫܬܥܝܼ ܥܠ ܪ̈ܝܫܝ ܐܘܡܬܐ ܕܟܡܐ ܕܡܬܼܚ ܚ̈ܝܐ ܕܟܿܠܚܕ ܡܢܗܘܢܿ ܐܬܼܐ ܠܘܬ ܚܢܘܿܟ ܘܐܡܼܪ ܕܫܦܼܪ ܚܢܘܟ ܠܐܠܗܐ ܘܠܝܬܘܗܝ ܗ̄ ܫܢܝܗ ܐܠܗܐ ܠܚܢܘܿܟ ܐܝܟ ܙܠܝܼܩܐ ܘܐܝܟ ܕܠܒܘܼܝܐܐ ܕܒܢܝܢ̈ܫܐ ܕܥܬܝܼܕܝܼܢ ܒܙܒܢܐ ܕܘܿܠܐ ܕܢܥܠܘܢܼ ܠܦܪܕܝܣܐ: ܘܒܓܠܝܢܐ ܐܬܓܠܝܼ ܠܐܢܫ̈ܐ ܡܝܬܪ̈ܐ ܕܒܗܿܘ ܙܒܢܐ: ܕܚܢܘܿܟ ܐܫܬܢܝܼ ܠܦܪܕܝܣܐ: ܡܛܠ ܕܠܘ ܐܝܟ ܐܠܝܐ ܩܕܡ ܐܠܝܫܥ ܐܫܬܢܝܼ:: ܘܒܥܕܢ ܥܿܡܪܝܼܢ ܗܼܘܘ: ܥܕܡܐ ܕܥܠܼܬ݀ ܢܦܫܗ ܕܡܪܢ ܘܐܦ ܕܓܝܿܣܐ ܘܕܩܕܝܼܫ̈ܐ ܠܦܪܕܝܣܐ: ܘܡܚܕܐ ܥܠܼܘ ܚܢܘܟ ܘܐܠܝܐ ܥܡܗܘܢܿ ܓܘܼܫܡܢܐܝܬ. ܘܒܡܕܥܐ ܚܿ؛ܝܢ ܠܢܦܫ̈ܬܐ: ܐܝܟ ܕܚܿܙܝܢ ܩܕܝܼܫ̈ܐ ܠ̈ܡܠܐܟܐ ܘܠܘ ܒܥܝ̈ܢܐ ܕܦܓܪܐ܀ ܘܠܡܟ ܡܼܢ ܕܫܝܬ: ܐܘܠܕ ܒܪܐ ܘܩܼܪܐ ܫܡܗ ܢܘܿܚ ܗ̄ ܢܘܚܐ܀ ܘܡܼܢ ܐܪܥܐ ܕܠܛܗܿ ܡܪܝܐ ܗ̄ ܡܛܠ ܥ݀ܒ̈ܕܐ ܕܒܢܝܢ̈ܫܐ܀ ܐܚܪ̈ܢܐ ܐ݀ܡܪܝܼܢ ܕܢܘܿܚ ܡܢܝܼܚܢܐ ܡܬܼܦܫܩ܇ ܗܿܢܐ ܠܡ ܐܬܢܒܝܼ ܥܠ ܒܪܗ pb. 39 ܕܗܢܐ ܠܡ ܢܒܝܐܢ ܡܼܢ ܥܒܿܕ̈ܝܟ ܘܡܼܢ ܗ̄ ܡܛ݀ܠ ܕܠܐ ܩܿܛܦܝܼܢ ܗܼܘܝܢ ܦܐܪ̈ܐ ܡܼܢ ܐܪܥܐ ܡܛ݀ܠ ܚܛܝܼܬܗ ܕܐܕܡ: ܒܢܘܿܚ ܠܡ ܕܡܢܝ ܐܬܝܼܠܕ ܣܒܪܐ ܘܒܘܼܝܐܐ ܗܿܘܐ ܠܒܪܝܼܬܐ܀ ܘܚܼܙܘ ܒܢ̈ܝ ܐܠܘܗܝܡ ܠܒܢ̈ܬ ܐܢܫ̈ܐ ܕܫܦܝܼܪ̈ܢ ܗ̄ ܠܘ ܡ̈ܠܐܟܐ ܐܢܘܿܢ ܒܢ̈ܝ ܐܠܘܗܝܡ܆ ܐܠܐ ܒܢܗܝ ܫܝܬ: ܒܢ̈ܬ ܐܢ̈ܫܐ ܕܝܢ܇ ܠܒܢ̈ܬ ܩܐܝܢ: ܐܬܩܪܝܼܘ ܒܢ̈ܝ ܐܠܗܐ܆ ܡܛ݀ܠ ܓܠܝܢܗ ܘܨܘܒܗ ܕܠܘܬܗܘܢܿ܆ ܘܐܦܠܐ ܫ̈ܐܕܐ ܐܢܘܿܢ ܒܢ̈ܝ ܐܠܘܗܝܡ: ܘܝܼܕܝܼܥܐ ܡܼܢ ܗ݀ܝ ܕܐܡܼܪ ܕܚܒܠ ܟܿܠ ܒܣܪ ܐܘܪܚܗ܆ ܘܡ̈ܠܐܟܐ ܘܫ̈ܐܕܐ ܒܣܪܐ ܠܐ ܠܒܝܼܫܝܼܢ܀ ܠܐ ܬܥܡܼܪܝ ܪܘܼܚܝ ܒܐܢܫ̈ܐ ܠܥܠܡ ܗ̄ ܟܿܠܐ ܐܢܐܼ ܡܢܗܘܢܿ ܠܨܝܼܦܘܼܬܐ: ܗܿܝ ܕܡܬܼܚܬ݀ ܠܚܝ̈ܝܗܘܢܿ܇ ܩܿܪܐ ܟܬܒܐ ܠܐܘܼܟܦܢܐ ܐܘܿܟܝܼܬ ܝܨܝܼܦܘܼܬܐ ܕܪܘܼܚܐ: ܐܝܟ ܗ݀ܝ ܕܪܘܼܝܚ ܥܡܟܘܢܿ ܩܿܝܡܐ܀ ܡܛܠ ܕܒܣܼܪܐ ܗܘ ܗ̄ ܩܿܢܐܼ ܚܝ̈ܐ ܐܫ̈ܝܼܠܐ ܥܠ ܕܒܣܿܪ ܥܠ ܒܛܝܼܠܘܼܬܝ ܘܦܘܼܩ̈ܕܢܝ ܘܗܘܼܘ ܥܒ̈ܕܐ ܠܪܓܬܐ: ܟܿܠܐ ܐܢܼܐ ܡܢܗܘܢܿ ܝܨܝܼܦܘܼܬܝ: ܘܢܗܘܘܢܿ ܝܘܡ̈ܬܗ ܡܐܐ ܘܥܣܪܝܢ ܫܢ̈ܝܼܢ ܗ̄ ܥܠ ܕܪܐ ܗܿܘ ܕܐܪܫܼܥ ܪܡܿܙ: ܒܿܬܪ ܡܐܐ ܘܥܣܪܝܢ ܫܢ̈ܝܼܢ ܥܬܝܼܕܝܢ ܗܼܘܘ ܕܢܬܚܢܩܘܼ ܒܡ̈ܝܐ܀ ܒܢܬ ܓܝܪ ܚܡܫܡܐܐ ܫܢ̈ܝܼܢ ܕܢܘܿܚ ܐܬܐܡܼܪܬ݀ ܡܠܼܬܐ ܗܕܐ: ܘܒܫܢܬ ܚܡܫܡܐܐ ܕܢܘܿܚ ܐܬܓܠܝܼ ܠܗ ܕܢܙܼܕܘܓ܆ ܘܕܢܥܒܼܕ ܩܒܘܬܐ: ܘܒܿܬܪ ܡܐܐ ܫܢ̈ܝܼܢ ܕܬܘܼܩܢܗܿ ܒܫܢܬ ܫܬܡܐܐ ܕܢܘܚ܇ ܐܬܼܐ ܛܘܦܢܐ܀ ܐܚܪ̈ܢܐ ܐܡܿܪܝܼܢ ܕܠܐ ܒܿܨܪ ܐܠܗܐ ܡܼܢ ܚܘܼܪܩܢܗ܀ ܢܗܘܘܢܿ ܠܡ ܝܘ̈ܡܐ ܕܝܼܠܗܘܢܿ ܡܐܐ ܘܥܣܪܝܼܢ ܫܢ̈ܝܼܢ. ܠܘ ܓܝܪ ܒܫܢܬ ܚܡܫܡܐܐ ܕܢܘܿܚ ܗܘܼܐ ܓܙܪ ܕܝܼܢܐ ܗܢܐ ܕܢܗܘܘܢܿ ܝܘܡ̈ܬܗܘܢܿ ܡܐܐ ܘܥܣܪܝܼܢ ܫܢ̈ܝܼܢ: ܐܠܐ ܡܼܢ ܩܕܡ ܙܒܢܐ ܐܬܓܠܝܼ ܥܠܝܗܘܢܿ ܘܓܼܙܪ ܗܿܠܝܢ: ܟܕ ܐܝܼܬ̄ܘ ܢܘܿܚ ܒܪ ܐܪܒܥܡܐܐ ܘܬܡܢܝܼܢ ܫܢ̈ܝܼܢ܇ ܗܘܼܐ ܥܠܘܝܗ ܗܢܐ ܓܠܝܢܐ ܘܓܙܪ ܕܝܼܢܐ܆ ܘܒܫܢܬ ܚܡܫܡܐܐ ܕܢܘܿܚ܇ ܐܬܓܠܝܼ ܥܠܘܗܝ ܘܦܩܼܕ ܕܢܥܒܼܕ ܩܒܘܬܐ܀ ܘܒܿܬܪ ܡܐܐ ܫܢ̈ܝܼܢ ܐܬܼܐ ܛܘܦܢܐ: ܟܕ ܐ ܐܝܼܬܘܗܝ ܢܘܿܚ ܒܪ ܫܬܡܐܐ ܫܢ̈ܝܼܢ܀ ܡܼܢ ܐܕܡ ܠܛܘܦܢܐ ܥܣܪܐ ܕܪ̈ܐ܀ ܒܗܿܘ ܒܝܬ ܣܓܼܕܬܐ ܕܝܼܠܗܘܢܿ ܐܬܓܠܝܼ ܥܠܝܗܘܢܿ ܐܠܗܐ ܘܐܡܼܪ ܕܠܐ ܬܥܡܼܪܝ ܪܘܼܚܝ ܘܫܪܟܐ܀ ܩܕܝܼܫܐ ܣܐܘܝܪܐ ܐܡܿܪ ܕܒܫܢܬ ܚܡܫܡܐܐ ܕܢܘܿܚ ܐܬܐܡܼܪܬ݀ ܗܕܐ܀ ܘܒܫܢܬ ܫܬܡܐܐ ܐܝܬܝܼ ܛܘܦܢܐ ܟܕ ܒܿܨܪ ܠܥܣܪܝܼܢ ܫܢ̈ܝܼܢ ܥܠ ܪܒܘܼܬ ܪܘܼܫܥܐ ܕܝܼܠܗܘܢܿ܀ ܥܝܿܕܐ ܗܿܘ ܠܐܠܗܐ ܕܢܫܚܠܦ ܠܓܙܪ ܕܝܼܢܗ ܘܢܘܣܦ ܘܢܒܨܪ ܠܘܬ ܗ݀ܝ ܕܥܕܪܐ܆ ܐܝܟ ܕܥܒܼܕ ܠܘܬ ܢܝܼܢ̈ܘܝܐ ܘܕܘܝܕ܀ ܐܚܪ̈ܢܐ ܐ݀ܡܪܝܼܢ ܕܠܐ ܬܥܡܼܪܝ ܪܘܼܚܝ ܗ̄ ܠܐ ܢܥܡܪܘܢܼ ܒܗܘܢܿ ܚܝ̈ܝܗܘܢܿ ܬܫܥܡܐܐ ܫܢ̈ܝܼܢ܀ ܐܠܐ ܢܗܘܘܢܿ ܚܝ̈ܘܗܝ ܡܐܐ ܘܥܣܪܝܼܢ ܫܢ̈ܝܼܢ. ܡܛ݀ܠ ܕܝܨܪܗ ܒܝܼܫ ܗ̄ ܕܝܢ ܚܘܼܫܒܗ܀ ܘܓܢ̱ܒܪ̈ܐ ܗܼܘܘ ܗ̄ ܠܘ ܓܢ̱ܒܪ̈ܐ ܒܓܘܼܫܡܐ ܐ݀ܡܪ: ܐܠܐ ܠܓܢ̱ܒܪ̈ܝ ܒܪܘܼܫܥܐ ܘܬܟܝܼ̈ܠܝ ܥܠ ܢܦܫܗܘܢܿ: ܘܡܒܣܪ̈ܝ ܥܠ ܐܠܗܐ܀ ܘܚܼܙܐ ܡܪܝܐ ܒܝܼܫܬܐ ܕܐܢܫ̈ܐ ܕܣܓܼܝܬ݀ ܗ̄ ܓܝܪ ܒܝܼܫܬܐ ܘܚܛܝܼܬܐ ܐܥܝܼܪܬ݀ ܥܠܝܗܘܢܿ ܠܛܘܦܢܐ܀ ܘܐܬܬܘܝܼ ܡܪܝܐ ܥܠ ܕܥܒܼܕ pb. 40 ܠܐܕܡ ܗ̄ ܠܘ ܓܝܪ ܬܘܬܐ ܥܿܐܠܐ ܥܠ ܟܝܿܢܐ ܗ݀ܘ ܕܡܿܥܠܝ ܡܼܢ ܟܪܝܘܼܬܐ܀ ܫܝܼܠܐܝܬ ܓܝܪ ܐܡܝܼܪܐ܆ ܐܟܡܐ ܕܚܢܢ ܫܝܼܠܐܝܬ ܡܬܩܼܝܢܢ ܐ̈ܠܗܐ ܐܠܐ ܠܐ ܟܬܝܼܒܐ ܕܐܬܬܘܝܼ ܘܐܬܪܢܝܼ ܘܐܬܚܫܒ ܐܝܟܢ ܕܢܟܚܕ ܠ̈ܚܛܝܐ ܕܗܿܟܢܐ ܠܡ ܣܓܼܝܬ݀ ܒܝܼܫܘܼܬܗܘܢܿ܀ ܥܕܡܐ ܕܢܬܼܬܘܐ ܗܘܿ ܕܪܡ ܡܼܢ ܬܘܬܐ. ܘܐܝܟܢ ܕܟܕ ܗܕܐ ܢܫܡܥܘܢܼ ܢܙܕܗܪܘܢܼ ܐܝܟ ܗ݀ܝ ܬܘܼܒ ܕܐܬܬܘܝܿܬ ܕܐܡܠܿܟܬ ܠܫܐܘܠ. ܠܘ ܓܝܪ ܟܕ ܠܐ ܝܿܕܥ ܗ݀ܝ ܕܥܬܝܪܕܐ ܐܡܼܪ ܗܿܠܝܢ܀ ܐܠܐ ܕܢܒܕܩ ܥܠ ܪܘܼܫܥܐ ܕܗܿܠܝܢ ܘܕܗܢܐ ܡܿܕܝܢ ܠ̈ܚܛܝܐ ܨܒܼܐ ܕܢܬܘܐ܀ ܘܟ݀ܠ ܝܨܪܐ ܕܡܚܫܒܬܗ ܒܝܼܫ ܗ̄ ܨܒܝܿܢܐ ܕܡܚܫ̈ܒܬܗܘܢܿ ܒܝܼܫܐܝܬ ܡܬܗܼܦܟ ܗܼܘܐ܀ ܥܒܕ ܠܟ ܩܒܘܬܐ ܗ̄ ܐܟܡ ܕܒܡܼܠܬܐ ܐܡܼܪ ܠܗ: ܗܿܟܢܐ ܒܥܒܿܕܐ ܐܠܦܼܗ ܕܐܝܟܢܐ ܕܬܗܼܘܐ ܕܢܫܘܼܥܝܗܿ ܒܟܘܼܦܪܐ܆ ܩܨܐ ܕܟ݀ܠ ܒܣܪ܇ ܥܠ ܙܒ̈ܢܐ ܐ݀ܡܪ: ܝܘܢܝܐ: ܡܣܡ ܒܪܝܫܐ ܗ݀ܘ ܕܚܪܼܩܬ ܥܠܗܘܢܿ ܡܢܥ ܙܒܢܗ܀ ܐܢܬ ܕܝܢ ܥܒܼܕ ܠܟ ܩܒܘܬܐ ܕܩܝܣܐ ܕܥܪܩܐ܀ ܝܘܢܝܐ ܡܪܒܥܐ ܡܛܠ ܕܒܪܒܥܐܝܬ ܣܿܠܩ܇ ܐܡܿܪ ܙܘܝܕ̈ܢܐ ܗ̄ ܟܘ̈ܐ ܕܢܘܼܗܪܐ܀ ܝܘܢܝܐ ܩܢܐ ܐ݀ܡܪ: ܐܚܪ̈ܢܐ ܙܘܝܕ̈ܢܐ ܠܡ ܩܝܣ̈ܐ ܕܢ݀ܦܩܝܼܢ ܡܼܢ ܩܒܘܬܐ ܐܝܟ ܓܕܢ̈ܦܐ ܘܡܬܬܣܝܼܡܝܼܢ ܥܠܝܗܘܢܿ ܨܒܘ̈ܬܐ: ܥܠ ܐܡܐ ܣܝܼܟܝܗܿ ܗ̄ ܢܗܼܘܐ ܩܛܝܼܢ ܓܒܗܿ ܥܠܝܐ܀ ܡܼܢ ܠܬܚܬ ܦܬܝܐ: ܘܡܼܢ ܠܥܠ ܐܝܟ ܐܡܬܐ ܬܗܼ،ܐ ܩܛܝܼܢܐ܀ ܘܬܪܥܗܿ ܒܣܛܪܗܿ ܥܒܕ ܒܓܒܐ ܕܟܣܝܐ ܐܘܿܟܝܼܬ ܣܛܪܐ܀ ܒܢܝܢ̈ܫܐ ܘܒܥܝܼܪܐ ܘܦܪܚܬܐ ܒܡܕܝܪܐ ܥܠܝܐ ܥ݀ܡܪܝܼܢ ܗܼܘܘ܇ ܒܡܕܝܪܐ ܡܨܥܝܐ ܚܝ̈ܘܬܐ ܕܒܪܐ܆ ܘܒܬܚܬܝܐ ܪ̈ܚܫܐ܀ ܟ݀ܠ ܨܦܪ ܗ̄ ܠܨܦܪ̈ܐ ܕܦܿܪܚܝܼܢ ܩܿܪܐ܀ ܘܟ݀ܠ ܓܦ ܠܢܨܐ ܘܫܪܟܐ ܕܓܦ̈ܢܝܐ܀ ܡܼܢ ܕܟܝ̈ܬܐ ܫܒܥ ܫܒܥ ܐܥܼܠ ܠܟܘܝܠܐ ܘܡܼܢ ܛܡ̈ܐܬܐ ܬܪܝܢ ܬܪܝܢ. ܕܟܝ̈ܬܐ ܡܿܢ ܡܛܠ ܕܣܢܝܼܩ ܗܼܘܐ ܥܠܝܗܘܢܿ ܒܪܢܫܐ܀ ܙܕܩ ܕܢܣܓܝ̈ܢ: ܛܡ̈ܐܬܐ ܕܝܢ ܠܝܬ ܥܠܝܗܝܢ ܣܢܝܼܩܘܼܬܐ܇ ܡܼܢ ܗܕܐ ܦܼܪܫ ܢܘܿܚ ܠܕܟܝܼ̈ܬܐ: ܡܼܢ ܛܡ̈ܐܬܐ ܟܕ ܢܡܘܿܣܐ ܠܝܬ ܗܼܘܐ: ܘܐ݀ܡܪܝܼܢܢ ܕܟܕ ܚܼܛܐ ܐܕܡ ܣܘܿܓܐܐ ܡܼܢ ܚܝܘ̈ܬܐ ܘܦܪ̈ܚܬܐ ܠܐ ܐܫܬܼܥܒܕܘ ܠܒܪܢܫܐ ܘܠܐܝܠܝܢ ܕܠܐ ܡܬܚܫܚܝܼܢ ܗܼܘܘ ܒܗܝܢ ܘܥܪܩܝܼܢ ܡܢܗܝܢ܇ ܫܡܼܗ ܛܡ̈ܐܬܐ: ܘܠܗܿܢܝܢ ܕܠܐ ܕܚܠܝܼܢ ܗܼܘܘ ܡܢܗܝܢ ܩܪܼܐ ܕܟܝ̈ܬܐ ܘܦܩܼܕ ܕܫܒܥ ܫܒܥ ܢܥ̈ܠܢ܇ ܢܡܘܿܣܐ ܣܘܿܓܐܐ ܡܼܢ ܗܿܠܝܢ ܡܫܝ̈ܢܬܐ ܡܛܡܐ܀ ܐܦ ܟܕ ܢܦܼܩ ܡܼܢ ܩܒܘܬܐ ܢܘܿܚ܀ ܐܦܼܣ ܠܗ ܐܠܗܐ ܕܢܐܟܘܿܠ ܡܼܢ ܟ݀ܠܗܝܢ ܕܠܐ ܦܘܪܫܐ܀ ܘܪܡܙܐ ܐܠܗܝܐ ܟܢܫ ܐܢܝܢ ܠܩܒܘܬܐ ܕܟܪ̈ܐ ܘܢܩܒ̈ܬܐ܀ ܘܡܛܠ ܙܥܘܿܪܘܼܬ ܡܐܟܘܠܬܗܘܢܿ ܐܦܠܐ ܙܒܠܐ ܟܝܿܢܝܐ ܫܿܪܝܢ ܗܼܘܘ܀ ܐܪܒܥܝܼܢ ܝܘܡ̈ܝܼܢ ܗܘܼܐ ܡܛܪܐ܀ ܡܛ݀ܠ ܕܠܟܿܠܗܘܢܿ ܢܘܒܕ: ܠܐ ܓܝܪ ܣܿܦܩ ܗܼܘܐ ܠܣܓܝܐܘܬ ܗ̄ ܝܘܡܐ ܘܥܣܪܐ܀ ܡܛܠ ܕܥܼܪܩܘ ܣܘܿܓܐܗܘܢܿ ܠܛܘܼܪ̈ܐ ܘܠܚܘܼ̈ܠܢܐ: ܠܐ ܐܬܦܣܼܩ ܡܛܪܐ ܥܕܡܐ ܕܠܟܿܠܗܘܢܿ ܓܪܦ܀ ܘܐܟܡܐ ܕܒܪܢܫܐ ܒܡܪܒܥܐ ܒܫܘܼܡܠܝܐ ܕܐܪܒܥܝܼܢ ܡܫܬܼܡܠܐ܀ ܗܿܟܢܐ ܘܗܿܢܘܢܿ ܕܝܒܠ ܒܙܢܝܘܼܬܐ. ܠܐܕܫܐ ܕܒܪܢܫܐ ܕܒܐܪܒܥܝܼܢ pb. 41 ܡܫܼܬܡܐ. ܒܐܪܒܥܝܼܢ ܐܦ ܐܒܼܕܘ ܗܼܢܘܢܿ܀ ܐܢܫ̈ܝܼܢ ܐ݀ܡܪܝܼܢ ܕܡܝ̈ܐ ܐܥܠܼܘ ܥܡܗܘܢܿ܀ ܐܚܪ̈ܢܐ: ܕܡܼܢ ܠܒܪ ܫܿܬܝܢ ܗܼܘܘ: ܘܒܿܬܪܟܢ ܡܠܚܼܘ ܡ̈ܝܐ ܡܛܠ ܕܡܼܢ ܠܗܓܐ ܕܫܡܫܐ ܘܝܒܝܼܫܘܼܬܐ ܕܐܪܥܐ ܡܿܠܚܝܼܢ ܡ̈ܝܐ܀ ܐܓܡ̈ܐ ܓܝܪ ܘܦܨܝܼܕ̈ܐ ܡܛ݀ܠ ܕܠܐ ܪܕܝܢ: ܡܼܢ ܚܘܼܡܗ ܕܫܡܫܐ ܡܿܚܠܝܼܢ܀ ܘܟܕ ܝܿܒܫܝܼܢ: ܡܠܼܚܐ ܡܫܬܼܟܚܐ ܒܗܘܢܿ: ܐܚܪ̈ܢܐ ܐ݀ܡܪܝܼܢ ܕܡܼܢ ܫܘܪܬ ܡ̈ܝܐ ܕܝܡ̈ܡܐ ܡܠܼ̈ܝܚܐ ܗܼܘܘ܀ ܡܛ݀ܠ ܕܢܛܠܩܘܢܼ ܒܗܘܢܿ ܡ̈ܝܐ ܕܢܗܪ̈ܘܬܐ܀ ܐܟܡܿܢ ܕܠܐ ܢܣܓܘܢܿ ܘܢܛܝܦܘܢܼ ܠܥܡܪܬܐ܀ ܐܦ ܡܙܘܿܢܐ ܘܡܐܟܘܿܠܬܐ ܥܡ ܡ̈ܝܐ ܐܥܠܼܘ ܥܡܗܘܢܿ܀ ܘܗܼܘܐ ܠܡ ܠܫܒܥܐ ܝܘܡ̈ܝܼܢ: ܘܐܬܬܼܥܘ ܟ݀ܠ ܡܒܘܼ̈ܥܝ ܬܗܘܡܐ ܪܒܐ ܗ̄ ܗܿܘ ܡܐ ܕܡܒ̈ܘܼܥܐ ܕܝܡܡ̈ܐ ܘܢܗܪ̈ܘܬܐ ܓܿܣܝܢ ܗܼܘܘ ܡܝ̈ܐ ܘܡܬܩܘܛܝܼܢ ܗܼܘܘ܇ ܘܢܣ̈ܟܐ ܕܫܡܝܐ ܐܬܦܬܼܚܘ ܗ̄ ܡܣ̈ܘܟܐ: ܝܘܢܝܐ ܩܐܪܛܐܪܛܐ ܡܣܘ̈ܟܐ ܐܬܩܪܝܼܘ܀ ܡܛܠ ܕܐܝܟ ܕܡܼܢ ܡܐܢܐ ܡܬܢܣܟܝܼܢ ܗܼܘܘ܆ ܢܣ̈ܟܐ ܬܘܼܒ ܐ݀ܡܪ܇ ܐܝܟ ܕܡܼܢ ܣܝ̈ܠܘܢܐ ܢ݀ܚܬ ܗܼܘܐ ܡܛܪ ܘܓܿܐܚ ܘܢ݀ܚܬ ܡܼܢ ܡܝ̈ܐ ܕܠܥܠ ܡܼܢ ܪܩܝܼܥܐ ܐܢܫܝܼ̈ܢ ܐ݀ܡܪܝܼܢ ܕܟܪ ܕܐܝܬܝܗܘܢܿ ܗܼܘܘ ܗܘܼܐ ܛܘܦܢܐ܀ ܐܚܪ̈ܢܐ ܐ݀ܡܪܝܼܢ ܕܒܟܿܠܗܿ ܐܪܥܐ܆ ܘܝܼܕܝܼܥܐ ܡܼܢ ܗ݀ܝ ܕܐܬܼܬ݀ ܩܒܘܬܐ ܠܛܘܼܪ̈ܝ ܩܪܕܘ܀ ܘܐܢܫ̈ܝܼܢ ܐܡܿܪܝܼܢ ܕܟܕ ܥܼܠ ܢܘܿܚ ܘܟܿܠ ܕܥܡܗ ܠܩܒܘܬܐ܀ ܐܝܟ ܕܒܫܢܬܐ ܐܚܝܼܕܝܼܢ ܗܼܘܘ ܥܕܡܐ ܕܢܦܼܩܘ: ܘܐܠܐ ܐܝܟܢܐ ܚܿܐܝܢ ܗܼܘܘ܀ ܘܝܼܕܝܼܥܐ ܡܼܢ ܗܜܝ ܕܐܬܦܼܩܕ ܕܢܥܠܘܢܼ ܡܐܼܟܠܐ܀ ܒܩܝܛܐ ܓܝܪ ܫܪܝܼ ܛܘܦܢܐ ܕܠܐ ܢܣܼܬܒܪ ܕܓܕܫܢܐܝܬ ܗܘܼܐ ܡܛܜܠ ܣܓܝܐܘܬ ܡܛܪܐ܀ ܒܐܝܪ ܝܪܚܐ ܥܠܼܘ܆ ܕܗܿܟܘܬ ܢܦܼܩܘ܀ ܘܡܛ݀ܠ ܗܿܟܢ ܐܬܬܼܪܥܘ ܢܣ̈ܟܐ ܕܢܚܬܘܢܼ ܡ̈ܝܐ: ܥܠ ܡ̈ܝܐ܀ ܘܠܐ ܢܚܪܒܘܢܼ ܠܐܪܥܐ ܘܢܥܒܕܘܼܢܗܿ ܦܚ̈ܬܐ ܘܥܘܼܡ̈ܩܐ܆ ܥܘܿܠ ܠܡ ܐܢܬ ܘܒܢ̈ܝܟ ܘܐܢܬܬܟ܀ ܬܡܢ ܩܕܡܐܝܬ: ܛܟܼܣ ܒܿܬܪܗ ܠ̈ܒܢܘܗܝ ܟܕ ܟܠܐ ܠܗ ܡܼܢ ܙܘܘܓܐ܀ ܬܢܢ ܒܿܬܪܗ ܫܡܗ ܠܐܢܬܬܗ܀ ܟܕ ܡܦܣ ܠܗ ܕܢܙܕܘܓ: ܘܠܚܝ̈ܘܬܐ ܪ̈ܥܝܬܐ ܬܒܢܐ ܘܥܣܒܐ ܐܥܠ ܥܡܗ ܢܘܿܚ ܠܡܐܟܘܠܬܐ ܘܐܦ ܐܟܠ̈ܬ ܒܣܪܐ ܥܡܗܝܢ ܐܣܬܝܒܪ̈ܝ ܒܬܒܢܐ܀ ܗ݀ܝ ܕܐܬܕܟܪ ܐܠܗܐ ܠܢܘܿܚ ܥܠ ܝܨܝܼܦܘܼܬܐ ܕܐܠܗܐ ܕܥܠܘܗܝ ܡܒܕܩܐ܀ ܘܦܬܼܚ ܠܟܘܬܐ ܘܫܕܪ ܠܥܘܼܪܒܐ ܩܕܡܐܝܬ܀ ܘܡܛ݀ܠ ܕܡܥܕ ܫܿܟܢ ܥܠ ܫܠ̈ܕܐ܀ ܘܒܗܕܐ ܥܠܼܬܐ ܡܫܼܬܘܙܒ ܐܢ ܣܓܝ̈ܐܢ ܡܝ̈ܐ܀ ܗܢܐ ܕܝܢ ܟܕ ܐܫܟܼܚ ܫܠܕܐ ܘܫܪܝܼ ܐܟܿܠ ܘܠܐ ܗܦܼܟ܇ ܫܕܪ ܠܝܘܢܐ ܘܐܝܬܼܝܬ݀ ܛܪܦܐ ܕܙܝܬܐ ܠܫܘܼܘܕܥܐ ܕܝܒܝܼܫܘܼܬܐ ܕܐܪܥܐ܀ ܫܕܪ ܩܕܡܐܝܬ ܠܥܘܼܪܒܐ ܟܕ ܡܿܐܪܙ ܕܗܿܢܘܢܿ ܕܐܝܬܝܗܘܢܿ ܛܡܐܐ ܡܬܼܪܚܩܝܼܢ ܡܼܢ ܥܕܬܐ܀ ܘܠܐ ܗܿܦܟܝܼܢ ܠܗܿ܆ ܐܟܡܐ ܕܠܐ ܗܦܼܟ ܥܘܼܪܒܐ ܠܟܘܝܠܐ܀ ܝܘܢܐ ܕܗܦܟܼܬ݀܆ ܐܪܙ ܪܘܼܚܐ ܩܕܝܼܫܐ ܕܫܿܪܐ ܒܥܕܬܐ ܘܡܿܣܒܪ ܠܢ ܚ̈ܝܐ ܘܦܘܼܪܩܢܐ ܘܡܬܩܠܠܢܘܼܬܐ ܕܡܼܢ ܛܘܦܢܐ ܕܚܛܝܼܬܐ ܐ݀ܡܪܝܼܢ ܕܠܐ ܡܛܐ ܛܘܦܢܐ ܥܕܡܐ ܠܦܪܕܝܣܐ ܡܼܢ ܥܠܼܬ ܪ̈ܡܬܗ ܘܐܦܠܐ ܚܢܘܟ ܐܪܓܫܼ ܒܗ܀ ܐܚܪ̈ܢܐ ܐ݀ܡܪܝܼܢ ܕܫܢܬܐ ܘܥܣܪܐ ܝܘܡ̈ܝܼܢ ܗܘܼܘ ܒܩܒܘܬܐ܇ ܫܒܥܐ ܝܘܡ̈ܐ ܐܓܪ pb. 42 ܠܗܘܢܿ ܐܠܗܐ ܪܘܼܚܐ ܐܟܡܿܢ ܕܢܬܘܼܒܘܢܼ ܘܟܕ ܠܐ ܬܒܼܘ܀ ܫܪܝܼܘ ܡܛܪ̈ܐ ܒܥܣܪܐ ܒܐܝܪ ܥܠܼܘ. ܘܒܗܿܘ ܕܬܡܢܬܥܣܪ ܢܚܼܬ ܡܛܪܐ܀ ܘܒܢܼܐ ܠܡ ܢܘܿܚ ܡܕܒܚܐ ܗ̄ ܡܼܢ ܫܡܼܥܐ ܕܩܘܼܪ̈ܒܢܐ ܕܗܒܝܠ ܘܕܩܐܝܢ܆ ܝܼܠܦ ܕܢܩܪܒ ܕܒܚܼܐ܆ ܘܐܠܼܦ ܐܢܘܿܢ ܠܒܢܘ̈ܗܝ܆ ܕܗܕܐ ܢܣܥܪܘܢܼ: ܘܐܪܝܼܚ ܡܪܝܐ ܪܝܚܐ ܕܢܝܿܚܐ ܪܝܚܐ ܕܣܘܬܐ ܗ̄ ܪܝܚܐ ܕܗܝܼܢܐ ܘܒܣܝܼܡܐ ܗܢܝܐܝܬ ܓܝܪ ܩܒܼܠܗ ܠܕܒܚܗ ܐܝܟ ܐܢܫ ܕܣܿܐܩ ܪܝܚܐ ܗܢܝܐܐ ܘܒܣܝܼܡܐ ܘܡܬܬܢܝܼܚ܆ ܥܠ ܡܬܩܒܠܢܘܼܬܐ ܕܩܘܼܪܒܢܐ ܪܡܼܙ ܒܗܿܕܐ ܗ݀ܝ ܕܝܨܪܐ ܕܠܒܗ ܕܒܪܢܫܐ ܒܝܼܫ ܡܼܢ ܛܠܝܘܼܬܗ ܗ̄ ܨܒܝܢܗ܀ ܡܐ ܓܝܪ ܕܡܿܫܪܝܐ ܦܪܘܫܘܼܬܗ ܥܡ ܛܠܝܘܼܬܗ: ܡܼܨܛܠܐ ܠܘܬ ܒܝܼܫܬܐ ܐܦ ܦܿܩܚܐ ܗܿܝ ܡܟܝܼܠ܆ ܕܐܛܥܝܢ ܐܢܘܢܿ ܒܣܝܼܡܐܝܬ܀ ܙܪܥ ܘܚܨܕܐ ܗ̄ ܩܝܛܐ܆ ܫܘܼܚܠܦܐ ܩܝܛܝܐ܀ ܥܪܝܐ ܘܣܬܘܐ ܡܿܙܗܪ ܕܠܐ ܢܐܟܠܘܢܼ ܕܡܐ܀ ܡܛܠ ܕܡܿܫܩܐ ܠܠܒܐ ܘܡܿܥܒܐ ܠܗ܀ ܒܣܪܐ ܕܒܢܦܫܗ ܕܡܗ ܠܐ ܬܐܟܠܘܢܼܾ ܗ̄ ܕܚܢܝܼܩܐ܀ ܝܗܼܒ ܐܠܗܐ ܠܕܒܝܬ ܢܘܿܚ ܕܢܐܟܠܘܢܼ ܒܣܪܐ܆ ܕܠܐ ܕܝܢ ܢܣܒܪܘܢܼ ܕܐܦ ܠ̈ܚܕܕ ܫܠܝܼܛ ܠܗܘܢܿ ܠܡܐܼܟܠ܀ ܣܼܡ ܥܣܒܐ ܣܓܝܐܐ ܥܠ ܢܟܣܬܐ ܕܚܝ̈ܘܬܐ: ܕܠܗܿܘ ܕܐܚܝܼܕ ܒܗܝܢ ܛܟܣܐ ܕܢܦܫܐ: ܦܿܩܕ ܒܙܗܝܼܪܘܼ ܕܢܫܕܘܿܢܝܗܝ ܒܐܪܥܐ ܘܕܢܩܒܪܘܼܢܝܗܝ ܒܛܟܣܐ ܕܢܦܫܐ܀ ܢܦܫܐ ܠܡ ܕܟ݀ܠ ܒܣܪ ܕܡܐ ܗܼܝ ܪܘܼܚܐ ܢܦܫܢܝܬܐ ܕܡܙܝܼܥܐ ܠܗܘܢܿ. ܒܕܡܐ ܣܝܼܡܐ ܡܛܠ ܫܚܝܼܢܘܼܬܗ ܘܐܢ ܥܠ ܕܡܐ ܕܚܝ̈ܘܬܐ ܕܐܝܼܬ̄ܘ ܒܕܘܼܟܬ ܢܦܫܐ ܗܕܐ ܙܗܝܼܪܘܼܬܐ ܚܘܝܼ ܟܡܐ ܚܝܿܒ ܐܢܫ ܠܡܥܼܪܩ ܡܼܢ ܩܼܛܠܐ ܕܐܢܫ̈ܐ: ܒܕܠܐ ܡܨܝܐ ܠܡܐܼܫܕ ܢܦܫܗܘܢܿ ܕܐܝܬܝܗܿ ܠܐ ܡܝܘܿܬܬܐ ܡܼܢ ܚܕ ܟ݀ܠ ܚܝܘܼܬܐ ܐ݀ܬܒܥܝܼܘܗܝ ܗ̄ ܠܘ ܐܟܡܿܢ ܕܡܼܢ ܚܝܘ̈ܬܐ ܬ݀ܒܥ ܢܦܫܐ ܐܠܐ ܕܡܿܡܐ ܐܢܼܐ ܕܚܠܼܬܟܘܢܿ ܥܠ ܚܝ̈ܘܬܐ ܕܠܐ ܢܣܼܥ̈ܝܢ ܥܠܝܟܘܢܿ ܐܝܟ ܕܡܼܢ ܩܕܝܼܡ܀ ܐܝܟܢ ܠܢ ܬ݀ܒܥ ܕܡܐ ܕܐܢܫ̈ܐ ܡܼܢ ܚܝ̈ܘܬܐ܆ ܒܗܕܐ ܡܿܢ ܡܙܝܼܥ ܠܗܘܢܿ ܡܬܪܓܫܢܐܝܬ܀ ܕܐܢܗܘܼ ܕܚܝܘܬܐ ܬܩܼܛܘܿܠܝ ܠܒܪ̈ܝܬܐ܆ ܬܬܩܼܛܠܝ ܗ݀ܝ ܚܝܘܬܐ܀ ܡܬܼܝܕܥܢܐܝܬ ܡܛ݀ܠ ܕܠܒܪܢܫܐ ܥܬܝܼܕ ܕܢܩܝܼܡ: ܠܚܝܘܬܐ ܕܝܢ ܠܐ: ܘܗܐ ܐܬܦܪܥ ܒܪܢܫܐ ܘܐܬܬܒܼܥܬ݀ ܚܝܘܬܐ܀ ܒܨܠܡ ܐܠܗܐ ܥܒܝܼܕ ܐܕܡ ܗ̄ ܕܦܘܼܪܫܢܐ ܩܢܐ ܡܢ ܕܚܝ̈ܘܬܐ܀ ܘܡܿܢ ܕܒܗ ܡܿܣܟܠ ܒܐܠܗܐ ܡܿܣܟܠ ܕܒܨܠܡܗ ܐܬܥܼܒܕ܀ ܩܫܬܝ ܠܡ ܝܗܒܿܬ ܒܥܢ̈ܢܐ ܗ̄ ܕܕܚܼܠܘ ܕܠܡܐ ܡܼܢ ܕܪܝܫ ܡܢ ܡܛܪܐ ܢܣܘܼܦܘܢܼ ܝܗܼܒ ܠܩܫܬܐ ܐܬ݀ܐ܀ ܐܠܨܐ ܗܼܘܬ݀ ܓܝܪ ܥܠ ܡܛܪܐ܀ ܕܠܐ ܓܝܪ ܟܕ ܢܣ̈ܟܢ ܥܢ̈ܢܐ ܢܙܘܼܥܘܢܼ ܡܼܢ ܩܢܛܐ ܕܛܘܦܢܐ.. ܫܼܕܗܿ ܠܕܚܼܠܬܐ ܒܝܕ ܩܫܬܐ ܕܥܒܼܕܗܿ ܕܠܐ ܝܬܪܐ: ܟܕ ܡܿܘܕܥ ܥܠ ܒܣܝܼܡܘܼܬܗ܀ ܕܠܐ ܬܘܼܒ ܥܿܛܐ ܠܐܪܥܐ ܒܡ̈ܝܐ܀ ܘܐܝܟ ܗܿܘ ܗܕܐ ܐ݀ܡܪ܀ ܕܠܐ ܬܘܼܒ ܥܿܒܕ ܐܢܼܐ ܠܐܐܪ ܥܡܘܼܛܐ: ܐܠܐ ܡܬܼܚܙܝܿܢܐ ܡܛܠ ܦܨܝܼܚܘܼܬܗ ܟܕ ܗܝܼ ܩܫܬܐ ܒܠܟܝܼܕܘܼܬܐ ܕܥܢ̈ܢܐ ܠܐ ܗܿܘܝܐ܀ ܡܐ ܕܐܝܼܬ ܣܚܝܼܚܘܼܬܐ ܕܥܢ̈ܢܐ ܗܿܝܕܝܢ ܕܝܢ ܟܕ ܡܠܝܢ ܥܢ̈ܢܐ ܡܝ̈ܐ: pb. 43 ܘܫܿܟܢܥܠܝܗܘܢܿ ܫܡܫܐ ܒܐܬܪܐ ܗܿܘ. ܕܬܚܝܬ ܥ̈ܢܢܐ ܥܿܒܕ ܕܢܬܼܚܙܐ ܓܘܢܐ ܗܿܘ ܕܩܫܬܐ܀ ܗܕܐ ܕܐܦ ܒܟ̈ܣܐ ܕܙܓܘ̈ܓܝܬܐ ܡܥܕܐ ܕܬܣܬܼܥܪܝ܀ ܕܐܡܬܝ ܕܡܬܼܡܠܝܢ ܟܣ̈ܐ ܘܫܿܟܢ ܥܠܝܗܘܢܿ ܫܡܫܐ܆ ܐܠܨܐܝܬ ܒܙܠ̈ܝܼܩܐ ܕܬܚܝܬ ܟܣܐ܀ ܡܬܼܚܙܝܐ ܕܡܘܼܬܐܕ ܐܝܟ ܗܕܐ: ܘܕܐ ܩܫܬܐ ܡܼܢ ܫܘܼܝܐ ܕܒܪܝܼܬܐ ܗܼܘܬ݀ ܘܠܘ ܚܿܕܬܐ ܘܗܿܝ ܕܐܬܕܟܪ ܠܩܝܿܡܐ܀ ܠܘ ܟܕ ܛ݀ܥܐ ܐܠܗܐ ܡܕܡ ܐܡܝܼܪܐ: ܐܠܐ ܗܕܐ ܘܗܜܝ ܕܐܬܕܟܪ ܠܢܘܿܚ ܘܠܕܘܝܕ܀ ܒܙܢܐ ܡܨܠܝܢܐ ܡܬܐܼܡܪ̈ܢ ܠܘܬܗ܀ ܐܡܬܝ ܕܡܿܗܡܝ܀ ܘܡܬܼܩܪܐ ܘܠܐ ܥܿܢܐ܀ ܘܢܼܨܒ ܢܘܿܚ ܟܪܡܐ ܗ̄ ܟܪܡܐ ܓܝܪ ܐܝܼܬ ܗܼܘܐ ܡܼܢ ܫܘܼܪܝܐ ܐܠܐ ܐܬܼܚܒܠ ܒܛܘܦܢܐ܀ ܥܠ ܚܡܪܐ ܐܝܬ ܦܘܼܫܟܐ܀ ܐ̱ܢܫܝܼ̈ܢ ܐ݀ܡܪܝܼܢ ܕܢܘܿܚ ܫܪܝܼ ܥܿܨܪ ܚܡܪܐ܀ ܐܚܪ̈ܢܐ ܐ݀ܡܪܝܼܢ ܕܡܼܢ ܫܘܼܪܝܐ ܐܝܬ ܗܼܘܐ ܫܟܚܬܐ ܕܚܡܪܐ ܘܡܼܢ ܫܩܼܝܗ ܢܦܼܩ ܠܫܢܝܘܼܬܐ ܕܙ݀ܢܝܘܼܬܐ ܕܪܐ ܕܩܕܡ ܛܘܦܢܐ܀ ܗܘܼܘ ܠܡ ܒܢ̈ܝ ܢܘܿܚ ܫܝܼܡ ܐܘܿܟܝܼܬ ܫܡܐ ܛܒܐ܀ ܝܦܬ ܦܬܝܘܼܬܐ܀ ܚܡ ܐ ܒܘܼܗܝ ܕܟܢܥܢ ܗ̄ ܕܠܘ ܕܗܿܫܐ ܐܬܝܼܠܕ܀ ܒܿܬܪ ܓܝܪ ܬܠܬ ܐܪܒܥ ܫܢ̈ܝܼܢ ܐܬܝܼܠܕ: ܐܬܼܕܟܪܗ ܗܿܫܐ܀ ܡܛܠ ܠܘܛܬܐ ܕܥܬܝܼܕ ܠܡܐܼܡܪ ܡܛܠܬܗ܀ ܟܕ ܚܼ؛ܐ ܢܘܚ ܕܐܬܝܬܒ ܥܠܡܐ܇ ܫܪܝܼ ܥܿܒܕ ܒܐܪܥ ܘܢܨܼܒ ܟܪܡܐ܀ ܟܕ ܥܢܒ̈ܐ ܐܟܿܠ ܗܼܘܐ ܘܚܿܘܐ ܗܼܘܐ ܕܐܝܬ ܒܗܝܢ ܡ̈ܝܐ܀ ܥܨܼܪ ܐܢܝܢ ܘܐܝܟ ܕܡܼܢ ܣܘܼܝܿܥܐ ܐܠܗܝܐ܀ ܡܢܗ ܐܬܚܘܝܼ ܗܿܢܐ ܐܕܫܐ ܕܚܡܪܐ܀ ܐܫܬܝܼ ܘܪܘܝܼ ܘܐܬܓܠܝܼ ܒܓܘ ܡܫܟܢܗ܀ ܚܡ ܕܝܢ ܐܬܼܐ ܒܿܬܪ ܢܪܓܐ ܐܘܿ ܨܒܘܼܬܐ ܡܕܢܡ ܠܡܫܟܢܐ ܘܟܕ ܚܙܝܼܗܝ ܥܪܛܠܝܐ ܘܠܐ ܟܣܝܗ܀ ܐܗܼܠ ܒܗ ܐܟܡܿܢ ܕܠܐ ܪܚܿܡ ܠܡܦܼܠܚ܀ ܟܕ ܠܐ ܝܿܕܥ ܕܪܘܐ܀ ܘܟܕ ܐܙܼܠ ܐܡܼܪ ܠܐܚܘ̈ܗܝ܀ ܗܼܢܘܢܿ ܐܟܣܘܼܗܝ܆ ܘܢܣܼܒܘ ܒܪ ܒܣܬܪܐܝܬ ܠܡܪܛܘܛܐ ܥܠ ܟܬܦ̈ܬܗܘܢܿ ܘܐܙܠܼܘ ܘܟܣܝܘܼܗܝ܀ ܢܘܿܚ ܕܝܢ ܒܓܠܝܢܐ ܝܼܕܥ ܠܡܕܡ ܕܥܒܼܕ ܒܗ ܒܪܗ: ܘܐܡܼܪ ܠܝܼܛ ܟܢܥܢ܀ ܥܠ ܒܪ ܚܡ ܐܣܡܼܥܗܿ ܠܠܘܛܬܐ܀ ܕܚܠܦ ܕܗܼܘܐ ܚܡ ܒܪܐ ܒܝܼܫܐ ܘܨܥܪ ܠܐܒܘܼܗܝ܆ ܢܚܙܐ ܟܕ ܡܬܬܼܒܥ ܒܪܗ ܓܙܪ ܕܝܼܢܐ ܕܠܘܛܬܐ܆ ܘܢܗܼ،ܐ ܗܘܼ ܐܒܐ ܕܡܩܒܠܢܗܿ ܕܠܘܛܬܐ܀ ܐܚܪ̈ܢܐ ܐ݀ܡܪܝܼܢ ܕܟܢܥܢ ܚܼܙܐ ܠܥܪܛܠܝܘܼܬܐ ܕܩܫܝܼܫܗ ܩܕܡܐܝܬ: ܘܐܡܼܪ ܠܐܒܘܼܗܝ܀ ܐܘܿ ܥܠܼ ܚܡ ܘܚܼܙܐ ܠܟܢܥܢ ܫܒܪܐ܀ ܟܕ ܡܫܼܬܥܐ ܒܦܘܼܪܣܝܐ ܕܩܫܝܼܫܗ: ܘܐܙܼܠ ܘܐܘܕܥ ܠܚܘ̈ܗܝ܀ ܘܐܝܠܝܢ ܕܐ݀ܡܪܝܼܢ ܕܚܡ ܠܚܘܕ ܚܼ؛ܐ ܠܦܘܼܪܣܝ ܐܒܘܼܗܝ ܘܠܐ ܠܛܗ܀ ܥܠ ܕܥܡܗ ܐܫܬܼܘܙܒ ܒܟܘܝܪܠܐ ܘܩܒܠ ܒܘܼܪܟܬܐ ܡܼܢ ܐܠܗܐ܀ ܠܘܛܬܐ ܕܟܢܥܢ ܐ݀ܡܪܝܼܢ ܕܢܦܩܼܬ݀ ܒܥܒܿܕܐ ܒܟܢܥ̈ܢܝܐ ܕܗܘܼܘ ܥܒ̈ܕܐ ܒܝܘܡ̈ܝ ܝܫܘܥ ܒܪܢܘܢܿ܀ ܐ݀ܡܪܝܼܢ ܐܢܫܝܼ̈ܢ܀ ܐܢܓܝܪ ܟܕ ܝܼܕܥ ܢܘܿܚ ܕܙܢܝܘܼܬܐ ܐܝܬܝܗܿ ܥܠܼܬ ܚܛܝܼܬܐ܀ ܘܚܡܫܡܐܐ ܫܢ̈ܝܼܢ ܢܛܪ ܒܬܘܼܠܘܼܬܐ܀ ܐܢܗܼܘ ܕܐܫܬܝܼ ܗܼܘܐ ܚܡܪܐ ܩܕܡ ܛܦܘܢܐ ܘܢܣܼܒ ܗܼܘܐ ܢܣܝܿܢܗ܆ ܠܥܠܡ ܠܐ ܐܫܼܬܝܗ ܗܼܘܐ ܐܠܐ ܒܿܬܪ ܛܘܦܢܐ ܐܫܬܼܟܚ ܡܢܗ܀ ܘܥܠܗܿܝ ܪܘܼܐ ܘܛܒܼܥ ܒܫܢܬܐ܀ ܢܦܬܐ ܐܠܗܐ ܠܝܦܬ ܗ̄ ܒܣܓܝ݁̈ܐܬܐ pb. 44 ܕܗܘܝ̈ܢ ܡܢܗ܀ ܘܢܫܐ ܒܡܫܟܢܗ ܕܫܝܼܡ ܗ̄ ܟܕ ܫܼܪܬ݀ ܬܠܝܼܬܝܘܼܬܐ ܠܘܬ ܐܒܪܗܡ ܒܪ ܫܝܡ܀ ܐܘܐܡܬܝ ܕܫܼܪܐ ܒܡܫܟܢܐ ܡܬܼܝܕܥܢܐ ܐܘܿܟܝܼܬ ܒܒܬܘܼܠܘܼܬܐ ܡܠܼܬܐ ܕܐܒܐ܀ ܡܬܼܐܡܪܐ ܠܝܦܬ ܗܘܼܐ ܩܫܝܼܫܐ܆ ܟܕ ܬܢܐ ܟܬܒܐ ܕܫܪ̈ܒܬܐ ܠܝܦܬ ܡܩܫܝ܀ ܫܝܼܡ ܐܬܬܣܝܼܡ ܩܕܡܝܐ ܡܛܠ ܒܝܬܝܘܼܬܗ ܝܬܝܼܪܬܐ ܕܠܘܬ ܐܠܗܐ ܘܡܛ݀ܠ ܗ݀ܝ ܕܡܼܢ ܙܪܗܥ ܡܬܼܝܒܠ ܡܫܝܼܚܐ: ܐܟܡܐ ܕܐܒܪܗܡ ܐܫܬܡܝܼ ܒܘܼܟܪܐ ܕܬܪܚ: ܟܕ ܗܪܢ ܩܫܝܼܫ ܗܼܐ ܡܢܗ ܚܡ ܕܝܢ ܟܕ ܡܨܥܝܐ ܗܼܘܐ: ܟܢܝܬܗ ܚܛܝܼـܐ ܙܥܘܪܐ܀ ܦܘܠܓܼܐ ܕܐܪܥܐ ܗܘܼܐ ܠܬܠܬܐ ܒܢ̈ܝ ܢܘܚ܀ ܘܗܘܼܐ ܬܚܘܼܡܐ ܕܫܝܼܡ ܡܼܢ ܦܪܣ ܠܣܝܘܛܪܘܣ ܘܥܕܡܐ ܠܗܢܕܝܩܐ: ܡܿܬܚ ܥܕܡܐ ܠܢܝܢܘܩܘܪܘܪܐ ܘܥܕܡܐ ܠܓܙܝܕܪܐ܀ ܘܠܝܦܬܐ ܡܼܢ ܡܕܝ ܘܥܕܡܐ ܠܓܙܕܝܪܐ ܓܒܐ ܓܪܒܝܝܐ܀ ܒܢ̈ܝ ܝܦܬ ܓܡܪ ܓܘܬܝܐ ܘܓܪܡܢܝܩܝܐ ܘܣܪܡܛܝܐ܀ ܘܡܓܘܓܘ ܩܪ̈ܦܝܐ: ܘܦܪ̈ܣܝܐ܀ ܡܕܝ ܡܕܝ̈ܐ ܘܓܐܠ̈ܝܐ܀ ܘܬܝܪܣ ܬܪ̈ܩܝܐ܀ ܝܘܢ ܝܘܢ̈ܝܐ ܐܬܝܢ̈ܝ: ܘܣܓܣ̈ܛܝܢܝܐ ܬܘܒܝܠ ܘܐܝܣܘܪܝܐ ܘܐܣܝܐ܀ ܡܘܫܟ ܡܘܪ̈ܝܐ܀ ܒܢ̈ܝ ܓܡܪ. ܐܫܟܢܐ ܕܡܢܗ ܐܪ̈ܡܢܝܐ ܘܙܒܕܩ̈ܢܝܐ ܘܩܪ̈ܘܕܝܐ.. ܕܝܦܬ ܐܘܪ̈ܛܝܐ ܘܛܦ̈ܠܐ ܘܨܘܦ̈ܢܝܐ ܬܘܓܪܡܐ ܡܢܗ ܐ݀ܡܪܝܼܢ ܕܐܝܬܝܗܘܢܿ ܐܪ̈ܡܢܝܐ ܬܝܦ̈ܬܝܐ ܘܣܟ̈ܝܢܝܐ܀ ܘܒܢ̈ܝ ܝܘܢ ܠܐܝܫܐ ܐܬܢ̈ܝܐ ܬܘܪܫ ܦܘܛܢܘܣ: ܢܬܝܡ܀ ܟܝ̈ܬܝܐ: ܕܗܼܢܘܢܿ ܡܩܕܘ̈ܢܝܐ ܪ̈ܘܡܐܝ ܕܘܪܢܝܡ ܕܠ̈ܡܛܝܐ܀ ܕܡܢܗ ܠܡ ܪ̈ܘܡܐ܀ ܗܿܠܝܢ ܒܢ̈ܝ ܝܦܬ: ܘܐܝܬܝܗܘܢܿ ܒܡܥܪܒܐ ܘܓܪܒܝܐ܀ ܒܢ̈ܝ ܫܝܡ ܥܝܠܡ ܕܡܢܗ ܗܘܙ̈ܝܐ ܘܥܝܼܠ̈ܡܝܐ܀ ܘܐܬܘܪ ܦܪ̈ܬܘܝܐ ܘܐܬܘܪ̈ܝܐ ܐܪܦܟܫܪ ܐܪ̈ܡܝܐ. ܠܘܕ ܠܒܢ̈ܢܝܐ܀ ܐܪܡ ܚܪ̈ܢܝܐ ܣܘܪ̈ܝܝܐ܀ ܦܠܓ ܡܢܗ ܕܪ̈ܡܣܘܩܝܐ ܘܥܪ̈ܒܝܐ܀ ܐܠܡܘܕܕ: ܐܦܪ̈ܝܩܝܐ܀ ܫܠܦܝ ܣܟܝ̈ܢܝܐ܀ ܚܨܪܝܡܘܬ ܚܙܬܝܦ̈ܝܐ ܝܪܚ ܝܪ̈ܛܘܛܝܐ: ܗܕܘܪܘܡ ܐܪ̈ܓܝܒܝܐ ܐܘܙܠ ܐܝܙ̈ܠܝܐ: ܕܩܠܐ ܒܒ̈ܠܝܐ܀ ܚܘܟܒ ܚܘܪ̈ܝܐ܀ ܒܢ̈ܝ ܣܥܝܪ܀ ܒܪ ܟܡ̈ܢܝܐ܀ ܐܘܦܝܪ ܡܘܣܛܪ̈ܝܐ ܚܘܝܠܐ ܗܢܕ̈ܘܝܐ܀ ܡܼܢ ܒܢ̈ܝ ܟܢܥܢ ܐܝܬܝܗܘܢܿ ܒܢ̈ܝ ܫܝܼܡ ܝܪܬܘܬܗܘܢܿ ܡܕܢܚܐ ܟ݀ܠܗܿ ܘܡܢܬܐ ܡܼܢ ܡܕܢܚ ܬܝܡܢ܀ ܒܢ̈ܝ ܚܡ ܟܘܫ ܟܘܫ̈ܝܐ܀ ܡܨܪܝܡ ܡܨܪ̈ܝܐ܀ ܦܘܛ ܦܘ̈ܛܝܐ܀ ܟܢܥܢ ܟܢܥ̈ܢܝܐ܀ ܣܘܟܒܐܕ ܡܘܪ̈ܢܛܝܐ ܫܐܒܐ ܫܐܪ̈ܝܐ܀ ܘܢܡܪ̈ܝܐ ܘܦܪ̈ܘܓܝܐ ܘܒܝ̈ܬܘܢܝܐ ܘܓ̈ܐܠܛܝܐ ܘܦܡܦܘ̈ܠܝܐ: ܘܨܝܕܢ̈ܝܐ ܘܨܘܪ̈ܝܐ: ܘܐܦܣ̈ܝܐ ܘܦܘܢܝ̈ܩܝܐ: ܘܐܣܦܝܼܢ̈ܝܐ: ܐܬܪܗܘܢܿ ܬܝܡܢܐ ܘܩܠܝܼܠ ܡܼܢ ܡܥܪܒܐ܀ ܐܚܪ̈ܢܐ ܐ݀ܡܪܝܼܢ ܕܒܢ̈ܝܐ ܬܡܢܝܐ ܗܘܼܘ ܠܝܦܬ: ܠܫܬܐ ܡܢܗܘܢܿ ܐܬܝܼܗܒ ܠܟܿܠܚܕ ܠܫܢܐ ܘܠܫܪ̈ܒܬܗ: ܠܓܡܪ: ܩܫܘܢ ܬܪܝܢ ܐܚܪ̈ܢܐ: ܐܝܟ ܡܢܝܢܐ ܕܒܢ̈ܝܐ ܕܡܢܗܘܢܿ܀ ܗܿܟܢܐ ܠ̈ܫܢܐ ܠܚܕ ܚܕ ܡܢܗܘܢܿ ܐܬܝܼܗܒܘ܀ ܗܿܟܢܐ ܢܪܢܐ ܐܢܫ ܡܛܠ ܚܡ ܘܫܝܡ܀ ܠܗܫܢܐ ܓܝܪ ܕܐܬܦܠܓܘ ܐܝܟ ܡܦܩܬܐ ܕܫܒܥܝܼܢ ܫܬܝܼܢ ܐܝܬܝܗܘܢܿ܆ ܘܠ̈ܒܢܝܐ ܕܗܿܠܝܢ ܕܐܬܝܼܗܒܘ ܠ̈ܫܢܐ ܕܓܡܪ ܘܕܝܘܢ܀ ܘܠܐܚ̈ܝܗܘܢ ܠܐ: ܡܛܠ ܠܐ ܣܓܝܐܘܬܗܘܢ ܕܒܝܕ pb. 45 ܒܝܬܐ ܘܫܪܒܬܐ ܘܠܐ ܦܠܝܼܓܘܼܬܗܘܢܿ ܕܥܠ ܚܕ̈ܕܐ܀ ܘܠܫܪ̈ܒܬܐ ܕܗܿܠܝܢ ܐܬܦܠܓܼܘ ܠ̈ܫܢܐ ܢܓܘܓ܇ ܡܕܝ܇ ܘܐܠܝܫܐ: ܬܘܒܝܠ܀ ܡܫܟ܆ ܬܝܪܣ܇ ܐܫܟܢܙ: ܕܝܦܪ. ܬܘܓܪܡܐ܀ ܐܠܝܫܐ ܬܘܪܫܝܫ ܘܝܛܝܐ: ܪܘܕܝܐ: ܦܘܛ܇ ܣܐܒܐ܆ ܚܘܝܠܐ ܣܒܬܐ܇ ܘܣܒܬܒܐ: ܘܐܪܢ܇ ܩܘܪܝܬܝܡ ܠܘܕܝܡ܇ ܥܒܝܡ ܢܗܟܝܡ܀ ܝܦܬܘܚܡ ܦܬܘܪܣܝܡ ܟܣܠܘܚܝܡ. ܨܝܕܝܘܢ: ܚܝ̈ܬܝܐ: ܝܒܘܣ̈ܝܐ ܐܡܘܪ̈ܝܐ ܓܪ̈ܓܘܢܝܐ܇ ܚܘ̈ܝܐ܇ ܥܪ̈ܩܝܐ: ܣܝ̈ܢܝܐ܇ ܐܪ̈ܕܘܝܐ ܫܡܘܪ̈ܝܐ. ܢܥܡ̈ܬܝܐ܇ ܥܝܠܡ ܐܫܘܪ: ܠܘܕ ܩܝܢܢ܆ ܥܘܨ܇ ܚܘܠ: ܓܬܪ: ܡܫܟ: ܦܠܓ܆ ܐܠܡܘܕܕ: ܫܠܚ: ܚܨܪܡܘܬ: ܝܪܚ: ܗܕܘܪܡ܇ ܐܘܙܠ܆ ܕܩܠܐ: ܥܡܠ: ܐܒܝܡܠܠ܆ ܫܒܐ ܐܘܦܝܪ: ܚܘܝܠܐ: ܟܘܟܒ: ܘܐ݀ܡܪܝܼܢ ܕܠܘ ܫܒܥܝܼܢ ܘܬܪܝܢ ܠ̈ܫܢܐ ܐܢܘܢܿ ܐܠܐ ܫܬܝܢ: ܘܗܿܢܘܢܿ ܕܡܢܼܘ ܐܢܘܢܿ ܫܒܥܝܼܢ ܘܬܪܝܢ: ܡܛ݀ܠ ܕܟܕ ܡܿܢܝܢ ܠܪ̈ܝܫܝ ܫܪ̈ܒܬܐ ܕܐܬܼܦܠܓܘ ܠܫܢ̈ܝܗܘܢܿ: ܡܢܼܘ ܠܓܡܿܪ ܘܠ̈ܒܢܘܗܝ: ܟܕ ܛܒ ܙܕܩ ܗܼ، ܕܢܬܡܢܘܢܿ ܒܢ̈ܘ̄ ܠܚܘܿܕ ܘܠܘ ܗܼ، ܗܿܟܘܬ ܒܢ̈ܝ ܝܘܢ ܘܠܘ ܗܘܼ ܥܡܗܘܢܿ܆ ܗܿܟܢܐ ܟܘܫ ܘܡܨܪܝܡ܇ ܘܟܢܥܢ ܘܪܥܡܐ ܘܐܪܡ ܘܐܪܦܟܫܪ܇ ܘܫܠܚ ܘܩܝܢܢ ܘܥܒܪ ܘܝܩܛܢ: ܠܗܿܠܝܢ ܬܪܥܣܪ ܡܢܘ ܥܡ ܒܢܝ̈ܗܘܢܿ: ܥܠ ܗ݀ܝ ܣܠܩܼܘ ܠܫܒܥܝܼܢ ܘܬܪܝܢ܇ ܡܘܫܐ ܒܒܢ̈ܝܐ ܕܗܿܠܝܢ ܐ݀ܡܪ: ܕܗܘܼܐ ܦܘܼܠܓ ܠ̈ܫܢܐ: ܘܠܘ ܒܗܘܢܿ: ܘܥܠܗܕܐ ܠܐ ܡܬܼܥܗܕ ܠ̈ܒܢܝܐ ܕܗܿܢܘܢܿ ܐܚܪ̈ܝܐ܀ ܡܕܝܢ ܗܿܢܘܢܿ ܬܪܥܣܪ: ܟܒܪ ܡܝܼܝܼܬܝܼܢ: ܠܡܓܘܓ ܘܥܠܡ ܘܫܪܟܐ. ܐ݀ܡܪܝܼܢ ܡܛܠ ܕܐܦܢ ܐܘܠܕ ܒܢ̈ܝܐ ܬܪܝܢ ܘܬܠܬܐ ܟ݀ܠܚܕ܇ ܐܠܐ ܚܕ ܠܫܢܐ ܐܬܝܼܗܒ ܠܗܘܢܿ܆ ܐܠܐ ܡܛܠ ܕܠܐ ܦܠܝܼܓܝܼܢ ܗܼܘܘ܆ ܐܘܿ ܡܛ݀ܠ ܕܠܐ ܣܓܝܐܝܢ ܗܼܘܘ. ܐܘܿ ܡܛܠ ܕܚܕ ܒܪܐ ܐܘܠܕ ܟ݀ܠܚܕ ܡܢܗܘܢܿ܆ ܘܠܘ ܣܓ̈ܝܐܐ: ܘܐܦܠܐ ܡܘܫܐ ܟܿܬܼܒ ܥܠ ܗܿܠܝܢ ܕܐܬܼܦܠܓܘ ܠܗܘܢܿ ܠ̈ܫܢܐ܆ ܥܠ ܠܫܢܐ ܩܕܡܝܐ ܘܐܕܡܝܐ܇ ܐܡܿܪܝܼܢ ܘܐܫܝܼ̈ܢ ܕܣܘܪܝܝܐ ܐܝܼܬܘܗܝ܇ ܘܣܘܿܓܐܐ ܡܼܢ ܡܠ̈ܢܐ ܠܗܕܐ ܡܙܕܩܝܼܢ: ܝܥܩܘܿܒ ܐܘܪܗܝܐ ܘܡܘܫܐ ܒܪ ܟܐܦܐ ܘܩܠܝܡܝܣ ܥܒܪܝܐ܇ ܡܙܕܩܝܼܢ ܕܐܝܼܬ̄ܘ ܗܕܐ ܡܼܢ ܫܡ̈ܐ ܕܐܕܡ ܘܪ̈ܝܫܝ ܐܒܗ̈ܬܐ܆ ܕܥܒܪ̈ܝܐ ܐܢܘܢܿ ܘܡܼܢ ܠܫܢܐ܇ ܝܼܙܦ ܐܢܘܢܿ ܠܫܢܐ ܣܘܪܝܝܐ ܘܬܘܼܒ ܟ݀ܠܚܘܢܿ ܠ̈ܫܢܐ: ܡܼܢ ܗ݀ܝ ܕܟܬܝܼܒܐ܆ ܕܗܕܐ ܠܡ ܬܬܩܼܪܐ ܐܢܬܬܐ ܡܛܠ ܕܡܼܢ ܓܒܪܐ ܢܣܝܼܒܐ: ܠܝܬ ܠܗܿ ܓܝܪ ܢܩܝܼܦܘܼܬܐ ܒܠܫܢܢ: ܠܐ ܓܝܪ ܟܬܝܼܒܐ܆ ܕܗܕܐ ܠܡ ܬܬܩܼܪܐ ܓܒܪܬܐ. ܡܛ݀ܠ ܕܡܼܢ ܓܒܪܐ ܢܣܝܼܒܐ: ܒܠܫܢܐ ܥܒܪܝܐ ܟܬܝܼܒ܇ ܕܗܕܐ ܠܡ ܬܬܩܼܪܐ ܐܝܫܐ܆ ܡܛ݀ܠ ܕܡܼܢ ܐܝܫ ܢܣܝܼܒܐ: ܟܕ ܒܼܪܐ ܐܠܗܐ ܠܒܪ̈ܝܬܐ: ܥܕܡܐ ܠܒܪܝܼܬܗ ܕܐܕܡ܇ ܒܠܥܼܙܐ ܪܘܼܚܢܝܐ ܗܿܘ ܕܡܫܒܚܝܼܢ ܒܗ ܡ̈ܠܐܟܐ ܠܡܐܼܠܦ ܒܗ ܡܠܼܠ ܐܠܗܐ ܥܡ ܐܕܡ ܕܝܢ ܒܠܫܢܐ ܣܘܪܝܝܐ.. ܐܚܪ̈ܢܐ ܕܒܠܫܢܐ ܥܒܪܝܐ܀ ܗܢܐ ܐܚܪܝܐ ܫܪܝܪ: ܡܛܠ ܕܠܗܢܐ ܥܡܐ ܓܒܼܐ ܐܠܗܐ ܡܼܢ ܟ݀ܠܗܘܢܿ ܥܡ̈ܡܐ܀ ܢܡܪܘܕ ܐ݀ܡܪܝܼܢ ܕܡܼܢ ܫܪܒܬܐ ܕܡ ܐܝܼܬ̄ܘ܇ ܘܗܿܝ ܕܗܼܘܐ ܓܢ̱ܒܪܐ ܘܢܚܫܝܪܬܢܐ ܗ̄ ܕܐܝܟ ܨܒܢܐ ܕܐܠܗܐ ܡܬܼܢܨܚ ܗܼܘܐ: ܘܡܼܢ ܪܝܫ ܨܝܕܗ pb. 46 ܡܿܩܪܒ ܗܼܘܐ ܠܐܠܗܐ: ܘܐܩܪܒ ܥܡ ܒܢ̈ܝܐ ܕܡܓܕܠܐ: ܘܐܚܕܗܿ ܠܒܒܠ܀ ܡܛܠܗܢܐ ܡܬܼܐܡܪ ܗ̄ ܡܿܢ ܕܡܿܒܪܟ ܗܘܐ ܠܚܒܪܗ ܐ݀ܡܪ ܗܼܘܐ܀ ܕܗܘܼܬܐ ܓܒܪܐ ܐܝܟ ܢܡܪܘܕ܀ ܐܪܝܟ ܐܕܐܣܐ ܕܗܝܼ ܐܘܪܗܝ ܥܒܪܝܐ ܐܟܪ ܐ݀ܡܪ܀ ܘܐܟܪ ܘܢܨܝܼܒܝܼܢ ܘܟܠܝܐ: ܩܛܝܣܦܘܢ ܪܚܒܘܬ: ܐܪܒܝܠ ܕܗܝܼ ܗܝܼ ܚܘܪܝܒ܀ ܪܣܢ ܪܝܫܥܝܢܐ ܗܿ ܠܝܢ ܠܢܝܢܘܣ ܐܬܘܪܝܐ ܒܢ̈ܝܢ܀ ܐܚܪ̈ܢܐ ܐ݀ܡܪܝܼܢ܇ ܘܗ݀ܝ ܕܐܪܝܟ ܘܐܟܪ ܘܟܠܝܐ ܒܐܪܥܐ ܕܣܢܥܪܘ ܐܢܫ̈ܐ ܐܢܘܢܿ ܐܪܝܟ ܘܐܟܪ ܘܟܠܝܐ ܥܡ ܢܡܪܘܕ܀ ܘܗܘܼܘ ܗܿܠܝܢ܀ ܫܪܝܼܘ ܠܡܒܢܐ ܡܓܕܠܐ܀ ܘܟܕ ܠܡ ܫܩܼܠܘ ܡܼܢ ܡܕܢܚܐ ܗ̄ ܡܼܢ ܐܪܥܐ ܕܥܕܢ ܘܐܬܼܘ ܠܩܪܕܘ܆ ܐܫܟܼܚܘ ܦܩܥܬܐ ܒܐܪܥܐ ܕܣܢܥܪ ܗ̄ ܕܘܼܟܬܐ ܪܘܝܼܚܬܐ ܘܒܗܿ ܢܗܪ̈ܘܬܐ ܘܫܦܝܼܪܐ ܠܡܥܡܪܐ ܒܒܠ܀ ܒܬܚܘܼܡܐ ܕܣܢܥܪ ܗܼܝ: ܐܢܫ̈ܝܼܢ ܐ݀ܡܪܝܼܢ ܕܣܢܥܪ ܫܝܓܪ ܐܝܬܝܗܿ. ܗ݀ܝ ܕܝܘܡܢ ܐܪ̈ܐܒܝܐ ܣܝܢܓܪ ܩܿܪܝܢ ܠܗܿ܀ ܢ݀ܒܢܐ ܠܢ ܡܓܕܠܐ ܗ̄ ܡܛܠ ܓܝܪ ܕܫܡܼܥܘ ܡܼܢ ܢܘܿܚ ܘܒܢ̈ܘܗܝ ܕܡܛܠ ܚܛܝܼܬܐ ܐܬܼܐ ܛܘܦܢܐ ܐܣܒܼܪܘ ܕܠܝܬ ܠܐܠܗܐ ܬܘܼܒ ܡܣܡ ܒܪܝܫܐ ܘܒܢܼܘ ܡܓܕܠܐ ܐܟܡܿܢ ܕܟܕ ܚܿܛܝܢ ܘܡܿܝܬܐ ܛܘܦܢܐ ܢܣܬܬܪܘܢܼ ܘܠܐ ܢܐܒܕܘܢܼ܀ ܢ݀ܫܩ ܓܝܪ ܠܫܡܝܐ ܘܢܗܘܐ ܥܡܗ ܘܗܐ ܐܓܗܝܼܢܢ܀ ܬܘܼܒ ܢ݀ܪܡܐ ܠ̈ܒܢܐ ܗ̄ ܡܛܠ ܕܠܐ ܩܪܝܼܒܝܼܢ ܗܼܘܘ ܠܛܘܪ̈ܐ ܕܢܦܣܠܘܢܼ ܟܐܦ̈ܐ܇ ܐܬܦܪܣܘ ܕܢܦܠܚܘܢܼ ܠܠܒܬܐ ܒܢܘܼܪܐ܀ ܕܬܗܼܘܐ ܐܝܟ ܟܐܦܐ ܗ̄ ܩܪܡܝܕܐ: ܒܐܡܘ̈ܡܐ ܡܪܡܝܢ ܗܼܘܘ ܠ̈ܠܒܢܐ܀ ܘܗܿܘܝܐ ܠܗܘܢܿ ܠܒܬܐ ܕܦܚܪܐ ܚܠܦ ܟܐܦ̈ܐ܀ ܣܝܕܐ ܩܿܪܐ ܠܟܐܦ̈ܐ ܕܝܩ̈ܕܢ ܘܗܿܘܐ ܡܢܗܝܢ ܟܠܫܐ܀ ܗ݀ܝ ܕܝܢ ܕܠܡܠܛܐ ܗ̄ ܚܠܦ ܡܠܛܐ ܕܛܝܼܢܐ ܒܒ̈ܠܝܐ ܡܬܚܫܚܝܼܢ ܗܼܘܘ܆ ܘܚܠܦ ܓܨܐ܀ ܘܒܓܘ ܩܪܝܼܒܬܐ ܒܢܐܘܗܝ ܠܡܓܕܠܐ܀ ܢ݀ܥܒܕ ܠܢ ܫܡܐ ܗ̄ ܕܘܼܟܪܢܐ܀ ܘܢܚܬ ܡܪܝܐ ܕܢܚܼܙܐ ܗ̄ ܥܠ ܒܛܝܼܠܘܼܬܗ ܕܥܠܝܗܘܢܿ ܪܡܙܐ ܗ݀ ܕܢܚܼܬ: ܗܿܘ ܕܒܟ݀ܠܕܘܼܟ ܐܝܼܬ̄ܘ܀ ܗܿܟܘܬ ܘܗܿܝ ܕܢܚܼܙܐ: ܠܘ ܟܕ ܠܐ ܚܿܙܐ ܨܒܼܐ ܕܢܚܼܙܐ: ܐܠܐ ܥܠ ܒܛܝܼܠܘܼܬܗ ܡܿܘܕܥܐ܀ ܠܐ ܢܬܼܒܨܪ ܡܼܢܟܿܠ ܡܕܡ ܕܐܬܼܚܫܒܘ ܗ̄ ܕܝܿܕܥ ܐܢܼܐ ܠܚܘܼܫܒܗܘܢܿ: ܕܐܢ ܠܐ ܡܫܡܠܝܢ ܠܒܢܝܿܢܐ: ܠܐ ܦܿܝܫܝܼܢ ܘܡܬܼܚܫܒܝܼܢ: ܘܐܦܠܐ ܪܡܘܼܬܗܘܢܿ ܒܿܛܠܐ܀ ܬܘ ܢ݀ܚܘܿܬ ܢ݀ܦܠܓ ܠ̈ܫܢܐ ܗ̄ ܒܗܿܕܐ ܛܝܒܘܼܬܗ ܕܐܠܗܐ ܣܥܼܪܬ݀ ܐܢܘܿܢ ܕܢܚܼܬܬ݀ ܘܒܼܛܠܬ݀ ܐܢܘܢܿ ܡܼܢ ܗܿܘ ܥܡܠܐ ܣܪܝܼܩܐ܀ ܗ݀ܝܬ ܕܬܘ ܥܠ ܬܠܬܐ ܩܢܘ݁̈ܡܐ: ܢܣܛܘܪ̈ܝܢܘ ܡܬܚܪܝܢ ܟܕ ܐ݀ܡܪܝܼܢ: ܕܠܫܢܐ ܩܕܡܝܐ ܣܘܼܪܝܐܐ ܐܝܬܘܗܝ: ܘܥܡ ܐܝܠܝܢ ܕܝܿܬܒܝܼܢ ܒܒܒܠ ܐܫܬܼܒܩ: ܘܥܒܪܐ ܠܘ ܡܼܢ ܫܒܥܝܼܢ ܐܝܼܬ̄ܘ: ܐܠܐ ܡܼܢ ܐܒܪܗܡ ܐܬܼܝܒܠ ܘܡܼܢ ܣܘܿܓܐܐ ܕܠ̈ܫܢܐ ܐܬܼܩܝܡ: ܡܛܠ ܕܐܒܪܗܡ ܐܬܼܬܘܬܒ ܒܝܢܬ ܟܢܥ̈ܢܝܐ ܘܒܡܨܪܝܢ܀ ܬܘܼܒ ܠܐ ܢܬܼܒܨܪ ܡܼܢ ܟ݀ܠ ܕܐܬܼܚܫܒܘ ܗ̄ ܡܛܠ ܕܚܕ ܐܝܼܬ̄ܘ ܠܫܢܐ ܕܟܿܠܗܘܢܿ ܘܡܚܫܒܬܐ ܕܟܿܠܗܘܢ ܫܠܡܼܬ݀ pb. 47 ܕܢܒܢܘܢܿ ܡܓܕܠܐ ܠܫܘܘܙܒܐ ܕܡܼܢ ܛܘܦܢܐ ܘܠܩܘܡܐ ܕܠܘܩܒܠ ܐܠܗܐ: ܡܟܝܠ ܠܐ ܢܬܼܒܨܪ ܡܢܗܘܢܿ ܟ݀ܠܡܕܡ ܕܐܬܼܚܫܒܘ ܠܡܥܼܒܕ ܕܐܝܼܬ̄ܘ: ܕܠܐ ܡܕܡ ܡܼܢ ܐܝܠܝܢ ܕܐܝܬܝܗܝܢ ܕܡܠܘܐܐ ܕܒܢܝܿܢܐ ܢܬܼܒܛܠ܆ ܘܐܦܠܐ ܬܘܼܒ ܠܚܡܫܒܬܐ ܢܫܚܠܦ ܡܼܢ ܗܿܘ ܡܐ ܕܒܥܼܬ݀ ܕܬܣܥܘܿܪܝ܆ ܒܪ ܢ݀ܒܠܒܠ ܠ̈ܠܫܢܐ: ܘܗܐ ܐܬܒܛܠܼܬ݀ ܡܚܫܒܬܐ ܠܐ ܦܐܝܐ ܗܼܘܬ݀ ܕܠܡܚܫܬܐ ܢܫܚܠܦ܇ ܘܐܠܐ ܠܚܐܪܘܼܬܐ ܡܿܒܛܠ ܗܼܘܐ: ܗ݀ܝ ܕܝܗܼܒ ܠܗܿ ܫܘܼܠܛܢܐ ܕܬܣܥܘܪܝ ܐܝܠܝܢ ܕܒܿܥܝܐ܇ ܘܡܛܠܗܕܐ ܡܿܦܠܓ ܠܠ̈ܫܢܐ: ܘܠܚܐܪܘܼܬܐ ܠܐ ܡܿܫܚܠܦ: ܕܒܝܕ ܦܘܼܠܓܐ ܕܠ̈ܫܢܐ: ܢܒܛܠ ܠܒܢܝܫܢ̈ܐ: ܟܕ ܓܝܪ ܬ݀ܒܥ ܗܼܘܐ ܗܿܘ ܟܐܦܐ: ܚܒܪܗ ܨܒܘܼܬܐ ܐܚܪܬܐ ܡܿܘܫܛ ܗܼܘܐ܇ ܘܡܛ݀ܠ ܗܕܐ ܢܨܘ܇ ܘܒܢܝܿܢܐ ܐܬܼܒܛܠ: ܐܪܓܼܫܘ ܓܝܪ ܒܗ݀ܝ ܕܗܘܼܬ݀: ܘܟܿܠܚܕ ܥܡ ܒܢ̈ܝ ܒܝܬܗ ܘܠܫܢܗ ܐܬܦܠܼܓܘ ܘܐܬܒܼܕܪܘ܀ ܠܬܘ̈ܠܕܬܐ ܕܫܝܡ ܟܕ ܐܬܥܗܕ ܠܝܘܼܒܠܐ ܕܐܪܦܫܟܪܼ ܠܚܘܕ ܐܘܕܥ܆ ܡܛܠ ܕܡܢܗ ܡܬܼܝܒܠ ܐܒܪܗܡ܀ ܢܘܿܚ ܚܝܼܐ ܒܿܬܪ ܛܘܦܢܐ ܬܠܬܡܐܐ ܘܚܡܫܝܼܢ ܫܢܝܼ̈ܢ܆ ܘܠܐ ܐܕܪܟ ܠܦܘܠܼܓ ܠ̈ܫܢܐ܆ ܘܡܼܢ ܒܢܘ̈ܗܝ ܐܬܩܼܒܪ: ܘܫܝܼܡ ܚܝܼܐ ܒܿܬܪ ܛܘܦܢܐ ܚܡܫ ܡܐܐ ܫܢ̈ܝܼܢ܇ ܐܦܠܐ ܗܢܐ ܐܕܪܟ ܠܦܘܼܠܓ ܠ̈ܫܢܐ. ܘܚܼܝܐ ܐܪܦܟܫܪ ܐܪܒܥܡܐܐ ܘܬܠܬܝܢ ܘܬܡܢܐ. ܩܝܢܢ ܒܪ ܟܫܪ ܚܝܼܐ ܗܢܐ ܚܡܫܡܐܐ ܘܫܬܝܢ ܫܢ̈ܝܼܢ: ܗܢܐ ܥܒܼܪܗ ܠܦܘܠܼܓ ܠ̈ܫܢܐ: ܘܐܪܦܟܫܪ ܚܕ ܡܼܢ ܫܒܥܝܼܢ ܘܬܪܝܢ ܕܐܬܡܢܝܼ، ܡܼܢ ܐܢܫܝܼ̈ܢ ܐܝܼܬ̄ܘ: ܘܐܢܓܝܪ ܗܢܐ ܠܐ ܡܼܛܐ ܒܚ̈ܝܐ ܥܕܡܐ ܠܦܘܼܠܓ ܕܠ̈ܫܢܐ܇ ܗܿܟܘܬ ܐܦܠܐ ܗܿܢܘܿܢ ܚܕܥܣܪ ܐܚܪ̈ܢܐ ܦܫܼܘ ܒܚ̈ܝܐ ܕܢܬܼܦܠܓ ܠܗܘܢܿ ܠ̈ܫܢܐ܇ ܡܿܕܝܢ ܝܼܕܝܼܥܐ ܕܫܬܝܢ ܠ̈ܫܢܐ ܐܢܘܿܢ ܐܝܠܝܢ ܕܐܬܦܼܠܓܘ܀ ܦܠܓ ܒܿܬܪ ܦܘܼܠܓܐ ܐܬܝܼܠܕ܆ ܘܥܠܗܿܝ ܐܬܩܪܝܼ ܦܠܓ܀ ܡܼܢ ܣܪܘܓ ܐ݀ܡܪܝܼܢ ܕܗܘܼܘ ܦܬܟܪ̈ܐ ܘܨܠܡ̈ܐ ܒܥܠܡܐ: ܘܥܠܗܕܐ ܣܪܝܼܝܘܼܬܐ ܡܬܼܦܫܩ ܣܪܘܓ܀ ܗܪܢ ܒܪ ܬܪܚ ܡܝܼܬ ܒܐܘܪ ܕܟ̈ܠܕܝܐ܆ ܘܐܒܘܼܗܝ ܐܝܬ̄ܘ ܕܠܘܿܛ܆ ܘܠܘ ܕܡܠܟܐ ܘܕܐܣܟܐ܀ ܐܢܫܝܼ̈ܢ ܐ݀ܡܪܝܼܢ ܕܐܣܟܐ ܣܪܐ ܐܝܬܝܗܿ܆ ܡܛ݀ܠ ܫܘܼܦܪܗܿ ܐܬܩܼܪܝܬ݀ ܗܿܟܢ܀ ܐܣܟܐ ܣܐܡܐ ܡܬܼܦܫܩ: ܡܠܟܐ ܘܐܣܟܐ܆ ܒܢ̈ܬܗ ܐܢܝܢ ܕܗܪܢ ܐܚܘܼܗܝ ܕܬܪܚ ܗ̄ ܕܕܗ ܕܐܒܪܗܡ ܆ܫܡܐ ܕܗܢܐ ܗܪܢ ܠܝܬ ܒܟܬܒܐ. ܐܚܪ̈ܢܐ ܐ݀ܡܪܝܼܢ ܕܗܢܐ ܗܪܢ ܐܚܘܼܗܝ ܕܐܒܪܗܡ ܐܝܼܬܘܗܝ ܘܩܫܝܼܫ ܡܢܗ ܘܡܼܢ ܢܚܘܿܪ܆ ܘܟܬܒܐ ܡܛܠ ܡܝܬܪܘܼܬܗ ܕܐܒܪܗܡ ܩܕܡ ܗܪܢ ܘܢܚܘܪ ܣܿܐܡ ܠܗ: ܘܐܒܪܗܡ ܠܡ ܕܕܗܿ ܗܼܘܐ ܕܣܪܐ: ܘܒܪܬ ܗܪܢ ܘܚܬܗ ܕܠܘܛ: ܐܬܥܗܕ ܡܘܫܐ ܠܡܘܬܗ ܕܗܪܢ: ܡܛܠ ܕܒܢ̈ܬܗ ܢܣܼܒ ܐܒܪܗܡ ܘܢܚܘܪ ܕܐܝܬܝܗܘܢܿ ܡܠܟܐ ܘܐܣܟܐ ܕܗܝܼ ܣܪܐ: ܘܥܠܗܿܝ ܟܬܝܼܒ ܒܝܘܢܝܐ ܕܐܡܪ ܐܒܪܡ ܠܦܪܥܘܿܢ ܕܚܬܝ ܗܼܝ ܡܼܢ ܒܝܬ ܐܒܝ ܘܠܘ ܡܼܢ ܒܝܬ ܐܡܝ܆ ܐܠܗܐ ܐܙܝܼܥ ܠܐܒܪܡ ܘܠܬܪܚ ܕܢܦܩܘܢܼ ܡܼܢ ܐܘܿܪ ܕܟ̈ܠܕܝܐ ܡܛ݀ܠ ܕܢܬܦܪܫܘܢܼ ܡܼܢ ܥ̈ܝܕܐ ܚܢܦܗܝܐ ܘܣܓܕܬ ܦܬܟܪ̈ܐ.. ܐܚܪ̈ܢܐ pb. 48 ܐ݀ܡܪܝܢ: ܕܐܒܪܡ ܐܘܩܕ ܠܗܝܟܠܐ ܕܩܝܢܢ: ܘܐܙܼܠ ܗܪܢ ܕܢܕܥܗܟܝܗܿ ܝܼܩܕ܆ ܘܐܬܐܼܠܨ ܬܪܚ ܡܼܢ ܟ̈ܠܕܝܐ ܕܢܬܠܝܼܘܗܝ ܠܐܒܪܡ ܠܩܛܠܐ: ܘܡܛܠܗܕܐ ܥܪܩ ܡܼܢ ܐܘܪ ܕܟ̈ܠܕܝܐ܀ ܘܒܿܬܪ ܙܒܢܐ ܐܦ ܢܚܘܪ ܐܙܼܠ ܡܼܢ ܐܪܥܐ ܕܟ̈ܠܕܐ ܠܚܪܢ܀ ܐܬܦܩܼܕ. ܐܒܪܡ ܕܢܐܙܠ ܠܐܪܥܐ ܕܟܢܥܢ ܗ̄ ܐܡܬܝ ܕܡܬܼܪܚܩ ܡܼܢ ܐܒܗ̈ܘܗܝ ܡܣܬܼܦܩ ܕܢܩܒܠ ܠܓ̈ܠܝܢܐ: ܘܡܛܠ ܕܕܚܼܠ ܡܼܢ ܟܢܥ̈ܢܝܐ: ܫܢܝܼ ܡܼܢ ܬܡܢ ܠܛܘܼܪܐ ܡܼܢ ܡܕܢܚܐ ܠܒܝܬ ܐܝܠ: ܐܦܩܼܗ ܬܘܼܒ ܠܐܒܪܡ ܡܼܢ ܐܬܪܗ܇ ܡܛܠ ܕܝܿܕܥ ܕܬܝܼܕ ܕܢܕܥܝܼܘܗܝ ܗܼܘ ܘܙܪܥܗ ܕܠܐ ܢܦܘܼܫ ܥܠܡܐ ܟܕ ܠܝܬ ܒܗ ܐܢܫ ܕܝܿܕܥ ܠܐܠܗܐ܆ ܘܐܠܘܼ ܝܼܕܥ ܐܠܗܐ ܕܡܬܬܦܝܼܣܝܼܢ ܠܗ ܥܡ̈ܡܐ ܐܝܟ ܐܒܪܗܡ: ܩܼܪܐ ܗܼܘܐ ܐܢܘܿܢ ܒܝܕ ܝܘܢܢ: ܡܨܪ̈ܝܐ ܐܬܩܪܝܼܘ ܒܝܕ ܐܬܘ̈ܬܐ ܕܒܐܝܼ̈ܕܘܗܝ ܕܡܘܫܐ: ܘܕܠܐ ܨܒܘ: ܐܦܠܐ ܐܬܬܦܝܼܣܘ܀ ܐܬܓܠܝܼ ܐܠܗܐ ܥܠ ܐܒܪܡ܆ ܚܕܐ ܕܢܫܪܪܝܼܘܗܝ ܢܗܝܡ̄ ܘܕܠܐ ܢܫܒܘܿܩ ܕܢܦܗܐ ܒܿܬܪ ܐ̈ܠܗܐ܀ ܗ݀ܝ ܕܢܬܼܒܪ̈ܟܢ ܒܟ ܫܪ̈ܒܬܐ ܕܐܪܥܐ܇ ܠܘ ܒܐܒܪܗܡ ܢܦܩܼܬ݀ ܒܥܒܿܕܐ: ܐܠܐ ܒܡܫܝܼܚܐ ܗܿܘ ܕܡܼܢ ܙܪܥܗ ܕܐܒܪܗܡ ܕܢܚܼ: ܕܐܦܢܝܼ ܠܥܡ̈ܡܐ ܡܼܢ ܛܘܼܥܝܝ: ܘܚܪܪ ܐܢܘܢܿ ܡܼܢ ܠܘܛܬܐ ܗܝ ܕܠܐܛ ܗܼܘܐ ܢܡܘܿܣܐ ܠܣܓ̈ܕܝ ܦܬܟܪ̈ܐ: ܒܪܟܘ ܓܝܪ ܗܿܠܝܢ ܟܕ ܣܓܼܕܘ ܠܐܠܗܐ ܫܪܝܪܐ܀ ܘܐܙܼܠ ܥܡܗ ܠܘܛ ܗ̄ ܕܢܫܼܬܪܪ ܒܐܠܗܐ ܘܢܬܕܪܫ ܒܡܝܬܪܘܼܬܐ܀ ܘܒܢܼܐ ܬܡܢ ܡܕܒܚܐ ܗ̄ ܠܐܝܼܩܪܐ ܕܐܠܗܐ ܕܐܬܓܠܝܼ ܥܠܘܗܝ ܒܢܼܐ ܡܕܒܚܐ ܒܗܿ ܒܕܘܼܟܬܐ ܠܣܓܼܕܬܐ. ܘܩܼܪܐ ܒܫܡܗ ܕܡܪܝܐ ܗ̄ ܝܼܕܥ ܕܥܒܕܐ ܗܿܘ ܕܘܕܐܝܬ ܠܗ ܡܪܐ܀ ܘܗܼܘܐ ܟܦܢܐ ܘܢܚܼܬ ܠܡܨܪܝܢ: ܐܠܐ ܒܨܒܝܿܢܗ ܘܐܢ ܟܬܪ ܒܘܼܟܬܗ. ܐܠܗܐ ܙܿܐܢ ܗܼܘܐ ܠܗ. ܡܼܢ ܗܜܝ ܕܐܡܼܪ ܠܐܢܬܬܗ ܕܬܐܼܡܪܝ ܕܚܬܗ ܗܼܝ܆ ܘܝܼܕܝܼܥܐ ܕܥܕܟܝܠ ܠܐ ܡܫܪܪ ܗܼܢܘܐ ܒܕܚܼܠܬ ܡܪܝܐ܀ ܐܬܕܒܪܬ݀ ܐܢܬܬܐ ܠܒܝܬ ܦܪܥܘܿܢ ܗ̄ ܐܢܫܝܼ̈ܢ ܐ݀ܡܪܝܼܢ ܕܐܫܬܼܘܬܦ ܦܪܥܘܢ ܠܣܪܐ: ܘܝܼܕܝܼܥܐ ܡܼܢ ܗܿܝ ܕܐܡܼܪ ܟܬܒܐ ܕܠܐܒܪܡ ܛܐܒ ܡܛܠܬܗܿ: ܘܐܫܬܼܒܩܬ݀ ܣܪܐ ܕܬܬܓܝܪܝ ܡܛܠ ܕܡܚܣܕܐ ܗܼܘܬ݀ ܠܐܒܪܡ: ܕܗܘܼ ܐܝܬܘܗܝ ܥܩܪܐ܆ ܟܕ ܕܝܢ ܐܬܡܣܼܪܬ݀ ܒܐܝܼܕ̈ܝ ܦܪܥܘܢܿ ܘܠܐ ܒܼܛܢܬ݀: ܐܫܬܘܕܥܼܬ݀ ܕܡܢܗܿ ܐܝܬܝܗܿ ܥܩܪܘܼܬܐ: ܘܥܠܗ݀ܝ ܦܩܼܕܬ݀ ܠܗ ܒܿܬܪܟܢ ܕܢܥܘܿܠ ܥܠ ܐܡܬܗܿ܀ ܐܚܪ̈ܢܐ ܐ݀ܡܪܝܼܢ ܕܒܪ ܫܥܬܗ ܕܥܠܼܬ݀ ܠܒܝܬ ܦܪܥܘܢܿ܆ ܒܠܼܥ ܗܘܼ ܘܒܢ̈ܝ ܒܝܬܗ ܒܟܐܒ̈ܐ ܘܐܫ̈ܬܐ܆ ܘܐܬܬܙܝܼܥܘ ܕܢܐܡܪܘܢܼ ܕܠܐ ܐܝܬܝܗܿ ܒܪܝܼܟܬܐ ܐܢܬܬܐ ܕܢܣܒܼܢܢ: ܘܡܼܢ ܥܠܼܬ ܡܚܘ̈ܬܐ ܟܕ ܥܩܼܒܘ ܥܡܗܿ܆ ܓܠܼܬ݀ ܕܒܪܗܿ ܗܼܘ ܐܒܪܗܡ: ܘܩܼܪܐ ܦܪܥܘܿܢ ܠܐܒܪܡ ܘܪܫܝܗܝ ܘܡܚܘܿܬܐ ܠܡ ܥܘܟܬܗ ܡܼܢ ܙܘܘܓܐ ܘܐܢܓܝܪ ܒܿܬܪ ܙܢܝܘܼܬܐ ܡܚܝܗܝ ܠܦܪܥܘܿܢ܀ ܦܿܩܚܐ ܗܼܘܬ݀ ܕܩܕܡ ܚܛܝܼܬܐ ܢܒܠܥ܀ ܚܢܢ ܕܝܢ ܐ݀ܡܪܝܼܢܢ ܕܡܼܢ ܣܓ̈ܝܐܬܐ ܡܬܼܝܕܥܐ ܕܐܫܬܘܬܦ ܦܪܥܘܿܢ ܥܡ pb. 49 ܣܪܐ܇ ܚܕܐ ܡܿܢ ܕܐܬܒܪܬ݀ ܣܪܐ ܠܒܝܬ ܦܪܥܿܘܿܢ ܒܐܪܡ ܛܐܒ ܡܛܠܬܗܿ: ܘܗܘܼܘ ܠܗ ܥܢ̈ܐ ܬܘܪ̈ܐ ܘܚܡܪ̈ܐ܆ ܘܥܒ̈ܕܐ ܘܐܡܗ̈ܬܐ ܘܐܬܢ̈ܐ ܘܓܡ̈ܠܐ: ܘܠܡܢܐ ܐܡܼܪܬ ܕܚܬܝ ܗܼ ܘܢܣܿܒܬܗܿ ܠܝܼ ܐܢܬܬܐ ܐ݀ܡܪ ܟܬܒܐ ܒܿܬܪܟܢ: ܐܢܓܝܪ ܒܪ ܫܥܒܬܗ ܕܥܠܼܬ݀ ܠܒܝܬ ܦܪܥܘܢܿ ܐܝܟ ܕܐܡܼܪܘ ܐܢܫܝܼ̈ܢ ܒܠܥܼܘ: ܩܢܝܿܢܐ ܘܥܒ̈ܕܐ ܘܛܒ̈ܬܐ ܒܐܝܢܐ ܥܕܢܐ ܗܘܼܘ ܠܗ܀ ܬܘܼܒ ܟܬܝܼܒ ܒܿܬܪܟܢ܀ ܕܐܡܼܪܬ݀ ܣܪܐ ܕܗܐ ܟܠܢܝ ܡܪܝܐ ܡܼܢ ܝܠܕܐ܆ ܥܘ݀ܠ ܥܠ ܐܡܬܝ ܘܫܡܼܥ ܐܒܪܗܡ ܒܩܠܗܿ܀ ܡܛܠ ܓܝܪ ܕܣܿܒܪܐ ܗܼܘܬ݀ ܕܐܒܪܗܡ ܐܝܼܬܘܗܝ ܥܩܪܐ. ܟܕ ܓܝܪ ܐܫܬܘܘܬܦ ܥܡܗܿ ܦܪܥܘܿܢ ܠܐ ܒܛܢܼܬ݀: ܝܕܥܬ݀ ܗܝܼ ܕܐܝܬܝܗܿ ܥܩܪܬܐ ܘܥܠܗܿܝ ܐܡܪܼܬ݀ ܕܗܐ ܟܠܢܝ ܡܪܐ ܘܫܪܟܐ܇ ܐܣܼܬ݀ ܠܗ ܕܢܫܬܼܘܬܦ ܥܡ ܗܓܪ: ܘܝܼܕܝܼܥܐ ܡܼܢ ܗ݀ܝ ܕܐܫܼܬܘܬܦ ܥܡܗܿ ܦܪܥܘܿܢ ܒܗ݀ܝ ܕܠܐ ܟܬܝܼܒ ܒܗܿ ܒܕܘܼܟܬܐ ܕܠܐ ܐܬܩܼܪܒ ܠܗܿ܆ ܐܠܐ ܥܒܼܕܗܿ ܠܗܕܐ ܡܘܫܐ ܠܘܬ ܐܒܝܡܠܟ ܟܬܼܒ ܗܿܟܢܐ܆ ܕܒܗ ܒܠܠܝܐ ܐܬܓܠܼܝ ܒܚܼܙܘܐ ܐܠܗܐ ܥܠ ܐܒܝܡܠܟ ܘܐܡܼܪ ܠܗ: ܕܡܿܐܬ ܐܢܬ ܥܠ ܐܦܝ̈ ܐܢܬܬܐ ܕܕܒܪܪܬ܇ ܡܛܠ ܕܐܢܬܬܐ ܕܓܒܪܐ ܗܼܝ: ܘܐܒܝܼܡܠܟ ܠܐ ܩܪܒ ܠܗܿ܀ ܐܬܒܩܐ ܐܝܟܢܐ ܐܘܕܥ ܕܠܐ ܩܪܒ ܠܗܿ ܐܘܿܟܝܼܬ ܐܙܕܘܓ ܥܡܗܿ܆ ܠܘܬ ܦܪܥܘܿܢ܇ ܠܐ ܟܬܼܒ ܗܿܟܢܐ܇ ܡܕܝܢ ܡܪܝ ܐܦܪܝܡ ܫܪܝܼܪ ܬܢܢ: ܒ݀ܬܪ ܝܘܡ̈ܬܐ ܕܓܼܪ ܦܪܥܘܿܢ ܒܣܪܐ ܘܠܐ ܐܗܦܟܼܗܿ: ܒܠܼܥ ܥܠ ܕܟ݀ܠܢܐܝܬ ܡܿܛܝܒܼ ܗܼܘܐ ܕܢܣܒܝܗܿ ܡܼܢ ܐܒܪܗܡ: ܘܡܪܝ ܐܝܘܐܢܢܝܣ ܒܡܐܡܪܐ ܕܬܪܝܢ܇ ܐܘܣܛܘܓܪܝܘܣ ܣܿܗܕܝܢ ܠܗܿܠܝܢ܀ ܕܡܝܐ ܠܡ ܕܗܓܪ ܡܨܪܝܬܐ: ܗܪܟܐ ܝܗܒܼܗܿ ܦܪܥܘܿܢ ܠܐܒܪܡ܇ ܗܿܠܝܢ ܕܐܣܬܼܥܪ̈ܝ ܠܘܬ ܐܒܪܗܡ ܒܡܚܬܬܗ ܕܠܡܨܪܝܢ ܘܚܛܘܼܦܝܐ ܕܐܢܬܬܗ ܘܡܣܩܬܗ ܕܒܩܢܝܿܢܐܼ: ܠܡܚܬܬܗ ܕܥܡܐ ܘܢܣܝܘܿܢܐ ܕܩܼܡ ܥܠܘܗܝ ܕܡܼܢ ܬܡܢ ܨܝܪ̈ܢ ܗܼܘ̈ܝ܀ ܘܢܼܨܘ ܪ̈ܥܘܬܐ ܗ̄ ܒܥܼܠܬ ܡܨܘܬܐ ܕܗܿܠܝܢ܇ ܐܬܼܦܪܫ ܠܘܛ ܡܼܢ ܐܒܪܗܡ: ܕܠܐ ܢܫܬܓܫܘܢܼ ܒ݀ܬܪܟܢ ܗܿܢܘܢܿ ܥܡ ܚܕ̈ܕܐ ܐܣܬܼܥܪܬ݀ ܡܦܪܢܣܢܐܝܬ ܘܡܛܠ ܕܣܓܝ ܗܼܘܐ ܩܢܝܿܢܗܘܢܿ: ܘܡܛܠ ܕܢܬܼܢܨܚ ܐܒܪܗܡ ܐܒܐ ܕܡ̈ܠܟܐ ܘܦܘܼܢܝܐ ܕܩܢܝܿܢܐ ܕܠܘܬ ܠܘܛ: ܐܫܼܬܕܪ ܠܘܬ ܠܘܛ ܠܣܕܘܿܡ: ܕܢܬܚܝܒܘܢܼ ܣܕܘ̈ܡܝܐ ܡܛܠܬܗ܇ ܡܣܝܒܪܢܘܼܬܐ ܕܐܒܪܗܡ ܕܠܘܬ ܪ̈ܥܘܬܐ ܘܠܘܬ ܠܘܛ: ܝܗܒܼܬ݀ ܠܗ ܓܠܝܢܐ ܕܥܡ ܐܠܗܐ ܫܘܘ̈ܕܝܐ ܘܙܟܘܿܬܐ ܕܩܪ̈ܒܐ܀ ܗܿܝܕܝܢ ܕܐܬܚܪܝܼܘ ܠܘܿܛ ܘܪ̈ܥܘܬܗ ܥܡ ܗܿܠܝܢ ܕܐܒܪܗܡ ܫܼܒܝܐ ܐܬܬܓܪܼܘ ܠܗܘܢ܀ ܠܟ ܐܬܠܝܗܿ ܠܐܪܥܐ ܘܠܙܪܥܟ ܥܕܡܐ ܠܥܠܡ ܗ̄ ܐܝܟܢܐ ܐܫܬܡܼܠܝܬ݀ ܗܕܐ ܠܥܠܡ܇ ܘܐ݀ܡܪܝܼܢܢ ܒܬܠܬܐ ܙܢ̈ܝܐ ܡܬܐܼܡܪܐ ܗ݀ܝ ܕܠܥܠܡ: ܡܐ ܓܝܪ ܕܥܠ ܡܪܝܐ ܡܬܐܼܡܪܐ ܡܬܘܿܡܝܘܼܬܐ ܡܒܕܩܐ: ܗ݀ܝ ܕܠܥܠܡ ܐܢܬ ܗܘܼ ܡܪܝܐ ܗ̄ ܕܠܐ ܫܘܼܪܝܐ ܘܕܠܐ ܫܘܼܠܡ: ܥܠܡ ܕܝܢ ܕܐܝܼܬ ܠܗ ܫܘܼܪܝܐ ܘܠܝܬ ܠܗ ܫܘܼܠܡܐ: ܐܝܟ ܗ݀ܝ ܕܢܐܙܠܘܼܢ ܗܿܠܝܢ ܠ̈ܚܝܐ ܕܠܥܠܡ: ܥܠܡ ܕܐܝܼܬ ܠܗ ܫܘܼܪܝܐ ܘܫܘܼܠܡܐ. ܐܝܟ ܗܿܢܐ ܕܠܘܬ ܐܒܪܗܡ܇ pb. 50 ܘܐܝܟ ܗ݀ܝ ܕܫܠܝܡܘܢ ܕܐܪܥ ܠܥܠܡ ܩܝܿܡܐ: ܘܗ݀ܝ ܕܡܛܠ ܫܒܬܐ ܕܐܡܝܼܪܐ: ܢܡܘܿܣܐ ܠܥܠܡ ܠܕܪ̈ܝܟܘܿܢ܀ ܡܬܼܥܗܕ ܟܬܒܐ ܠܩܪܒܐ ܕܡܗܠܟܐ ܕܥܝܼܠܡ ܥܡ ܗܿܢܘܢܿ ܕܣܕܘܿܡ ܗ̄ ܕܢܠܦ ܠܢ ܥܠ ܗܝܡܢܘܼܬܗ ܕܐܒܪܗܡ ܕܒܐܠܗܐ ܕܒܬܠܬܡܐܐ. ܘܬܡܢܬܥܣܪ ܓܒܪ̈ܐ: ܐܡܼܪܚ ܕܢܪܕܘܿܦ ܠܥܡܐ ܣܓܝܐܐ ܕܥܡ ܡ̈ܠܟܐ ܘܢܥܕܐ ܠܒܙܼܬܐ܀ ܐܒܪܡ ܥܒܪܝܐ ܗ̄ ܥܒܪܝܐ ܐܬܩܪܝܼ ܥܠ ܕܡܼܢ ܥܒܪ ܐܬܝܼܠܕ܀ ܐܚܪ̈ܢܐ ܡܛ݀ܠ ܕܥܒܪ ܢܗܪܐܜ ܦܪܬ ܘܣܘܿܓܐܐ ܕܢܗܪ̈ܘܬܐ: ܥܕܡܐ ܕܐܬܼܐ ܠܐܪܥܐ ܕܟܢܥܢ܀ ܝܡܐ ܕܡܠܚܐ ܗ̄ ܡܠܚܐ ܣܓܝܐܐ ܗܿܘܝܐ ܒܗ: ܒܪ̈ܐ ܕܩܝܼܪܐ ܗ̄ ܩܝܼܪܐ ܣܓܝܐܐ ܗܿܘܐ ܬܡܢ: ܥܝܪ ܘܐܫܟܘܠ ܐܚ̈ܐ ܐܢܘܿܢ ܕܡܡܪܐ ܐܡܘܪܝܐ: ܘܗܼܢܘܿܢ ܒܥ̈ܠܝ ܩܝܿܡܗ ܕܐܒܪܡ ܗ̄ ܡܘܡ̈ܬܐ ܘܩܝ̈ܡܐ ܝܬ ܠܗܘܿܢ ܥܡ ܚ̈ܕܕܐ ܕܠܐ ܡܬܘܿܡ ܢܗܡܘܿܢ ܕܢܬܬܼܥܘܠ ܒܗ ܠܐ ܢܣܝܥܘܼܢܝܗܝ ܘܐܟܚܕ ܡܢܗܘܢܿ ܢܬܼܚܫܒ܀ ܘܡܠܟܝܙܕܩ ܡܠܟ ܫܿܠܝܡ ܗ̄ ܟܕ ܐܦܢܝܼ ܐܒܪܡ ܠܠܘܿܛ ܘܠܒܝܼܬܐ ܘܠܩܢܝܿܢܐ ܢܦܩܼܘ ܠܐܘܪܥܗ ܟܕ ܡܩܒܠܝܼܢ ܛܝܒܘܿܬܗ ܡܠܟܐ ܕܣܕܘܡ ܘܡܠܟܝܙܕܩ: ܐܒܘܼܗܝ ܕܡܠܟܝܙܕܩ ܐܝܪܐܠܝܡ܆ ܘܐܡܗ ܫܠܐܬܝܠ: ܘܡܠܟܝܙܕܩ ܐܦܼܩ ܠܚܡܐ ܘܚܡܪܐ ܗܿܘ ܕܝܼܬܪ ܡܼܢ ܩܘܼܪܒܢܐ ܐܝܟ ܥܝܼܕܐ ܕܒܥܕܬܐ: ܡܛ݀ܠ ܕܟܘܼܡܪܐ ܗܼܘܐ ܕܐܠܗܐ ܡܪܝܡܐ܆ ܘܡܪܝܐ ܐܙܝܼܥܗ ܕܢܦܘܿܩ ܡܛ݀ܠ ܕܡܥܠܝܢ ܗܼܘ ܡܼܢ ܐܒܪܡ: ܘܨܿܐܪ ܗܼܘܐ ܠܡܫܝܼܚܐ: ܘܒܗ ܐܬܒܼܛܠܬ݀ ܟܘܼܡܘܼܬܐ ܐܗܪܘܢܝܬܐ ܘܡܼܢ ܟܢܥ̈ܢܝܐ ܗܼܘܐ ܘܒܐܘܪܫܠܡ ܥܿܡܪ ܗܼܘܐ. ܘܒܗ݀ܝ ܕܒܪܟ ܠܐܒܪܗܡ: ܝܼܕܝܼܥܐ ܕܪܒ ܗܼܘܐ ܡܢܗ: ܘܟܿܠܗ ܙܪܥܐ ܕܐܗܪܘܢ ܘܠܘܝܼ ܐܬܼܒܪܟ ܒܝܕ ܐܒܪܡ: ܡܛܠ ܕܒܚܨܗ ܕܐܒܪܡ ܐܝܬܝܗܘܿܢ ܗܼܘܘ: ܘܟܘܡܘܼܬܗ ܠܘ ܡܼܢ ܐܚܪܝܢ ܩܒܼܠܗܿ܆ ܘܐܦܠܐ ܐܓܥܼܠܗܿ܇ ܡܼܢ ܐܠܗܐ ܩܒܼܠܗܿ ܟܣܝܐܝܬ܀ ܒܪܝܼܟ ܐܒܪܡ ܠܐܠܗܐ ܗ̄ ܠܐ ܐܡܼܪ ܢܒܪܟܟ ܡܪܝܐ: ܐܠܐ ܒܪܝܼܟ ܐܒܪܡ ܠܐܠܗܐ: ܕܝ݀ܕܥ ܐܢܼܐ ܠܡ ܡܼܢ ܟܕܘ ܕܐܒܪܡ ܒܪܝܼܟ ܘܡܿܒܼܪܟ ܠܠܐܠܗܐ ܕܥܒܼܕ ܫܡܝܐ ܘܐܪܥܐ܆ ܘܠܐ ܣܢܝܼܩ ܗܿܫܐ ܥܠ ܒܘܼܪܟܬܐ ܕܡܢܝ܀ ܗܒܠܝܼ ܢܦܫ̈ܬܐ ܘܩܢܝܿܢܐ ܗ̄ ܩܢܝܿܢܐ ܕܥܡܠܼܬ ܒܗ ܒܩܪܒܐ ܣܒ ܠܟ ܘܗܒܠܝܼ ܕܠܐ ܬܚܪܒܝ ܠܗܿ ܐܪܥܝ܀ ܕܠܐ ܬܐܡܼܪ ܕܐܢܿܐ ܐܥ݀ܬܪܬ ܠܐܒܪܗܡ ܗ̄ ܕܒܩܢܝܿܢܐ ܕܢܣܼܒ ܡܢܝ ܥܬܼܪ܀ ܠܐ ܬܕܚܠ ܐܒܪܡ ܐܢܿܐ ܐܣܿܝܥܟ ܗ̄ ܟܕ ܚܙܼܝܗܝ ܐܠܗܐ ܕܥܪܼܩ ܡܼܢ ܡܘܗܒܬܐ ܕܣܕܘ̈ܡܝܐ ܐܡܼܪ ܠܗ܆ ܕܒܐ ܬܣܼܒܪ ܕܠܐ ܦܐܪܐ ܬܗܼܘܐ ܥܠ ܕܠܐ ܢܣܼܒܬ ܡܕܡ ܡܼܢ ܡܠܟܐ ܕܣܕܘܿܡ: ܬܣܼܒ ܕܝܢ ܐܓܪܐ ܕܬܪܥܝܼܬܟ ܕܡܥܠܝܢ ܡܼܢ ܗܿܠܝܢ ܗ̄ ܠܐܪܥܐ ܗܕܐ ܠܟ ܐ݀ܬܠ: ܘܒܢ̈ܝܟ ܢܐܪܬܘܼܢܗܿ܀ ܘܟܕ ܐܒܪܡ ܕܚܼܠ ܕܠܡܐ ܢܬܟܢܫܘܢܼ ܥܠܘܗܝ ܡ̈ܠܟܐ ܕܐܥܕܝܼ ܡܢܗܘܢܿ ܒܙܬܐ܆ ܘܢܬܦܪܥܘܢܼ ܡܢܗ: ܐܬܓܠܝܼ ܥܠܘܗܝ ܡܪܝܐ ܘܐܡܼܪ ܠܐ ܬܕܚܼܠ܀ ܐܠܝܥܙܪ ܕܪܡܣܘܩܝܐ ܒܪ ܒܝܬܝ ܗ̄ ܡܼܢ ܕܪܡܣܘܿܩ ܗܼܘܬ݀ ܐܡܗ ܕܐܠܝܥܙܪ܀ ܒܡܢܐ ܐ݀ܕܥ ܗ̄ ܕܠܐ ܝܿܪܬ ܠܝܼ ܗܢܐ ܐܠܐ ܙܪܥܝ܀ ܐܚܪ̈ܢܐ ܐܝܟܢܐ ܐ݀ܕܥ ܗܿܕܐ ܗ̄ ܒܡܢܐ ܐ݀ܕܥ ܕܝܪܬ ܐܢܼܐ ܠܗܿ pb. 51 ܠܐܪܥܐ: ܕܣܓܝܐܝܢ ܥܡܘܪ̈ܝܗܿ܆ ܐܝܟܢܐ ܐ݀ܒܕܝܼܢ ܗܿܠܝܢ ܕܙܪܥܐ ܕܝܼܠܝ ܢܐܪܬܝܗܿ: ܘܐܡܼܪ ܠܗ ܣܒ ܠܟ ܥܓܠܐ ܬܘܠܬܐ ܗ̄ ܒܥܝܪܐ ܕܚܢ̈ܦܐ ܕܥܿܒܕܝܼܢ ܗܼܘܘ ܩܝܿܡܐ ܥܡ ܚܕ̈ܕܐ: ܐܩܝܼܡ ܐܠܗܐ ܥܡ ܐܒܪܡ: ܐܡܬܝ ܓܝܪ ܕܒܿܥܝܢ ܗܼܘܘ ܕܢܩܝܼܡܘܢܼ ܩܝܿܡܐ ܒܡܘ̈ܡܬܐ: ܥܡ ܚ̈ܕܕܐ: ܦܿܠܓܝܼܢ ܗܼܘܘ ܕܒ̈ܚܐ ܘܣܿܝܡܝܼܢ ܗܼܘܘ ܦܠܓܐ ܠܟܐ ܘܦܠܓܐ ܠܟܐ܇ ܘܛܥܿܢܝܼܢ ܗܼܘܘ ܢܗܝܼܪ̈ܐ ܘܥܿܒܪܝܼܢ ܒܡܨܥܬܐ. ܘܐܠܐ ܐܬܼܢܚܬ ܕܒܥܝܿܕܐ ܢܬܚܼܫܚ ܥܡ ܐܒܪܡ܇ ܘܬܗܝܼ ܠܣܘܼܥܪܢܐ ܥܕܡܐ ܠܪܡܫܐ܇ ܕܠܐ ܢܣܒܪ ܐܒܪܗܡ: ܕܗܿܘ ܢܘܼܗܪܐ ܡܼܢ ܙܿܠܝܼܩ̈ܝ ܫܡܫܐ ܐܝܼܬ̄ܘ܇ ܘܗܿܝܕܝܢ ܚܘܝܼ ܠܗ ܠܡܦܝܕܐ ܕܢܘܼܗܪܐ ܕܥܿܒܪ ܒܝܬ ܦܠ̈ܓܐ ܬܠܬ ܚܝ̈ܘܬܐ ܦܩܼܕ ܠܗ ܕܢܩܪܒ ܥܓܠܐ ܐܘܿܟܝܼܬ ܐܪܘܢܐ܀ ܘܕܟܪܐ ܗ̄ ܥܪܒܐ ܘܥܙܐ ܘܫܘܼܦܢܝܼܢܐ ܘܒܪ ܝܘܢܐ܀ ܥܕܠܐ ܬܘܠܬܐ ܗ̄ ܒܪ ܬܠܬ ܫܢ̈ܝܼܢ ܒܥܓܠܐ ܪܡܿܙ ܥܠ ܕܪܐ ܗܘܿ ܕܩܕܡܐܝܬ ܥܠܼ ܠܡܨܪܝܢ܇ ܕܩܿܢܐܼ ܗܼܘܐ ܚܝܠܐ ܘܠܐ ܡܿܟܒܼܫ ܗܼܘܐ܇ ܐܝܟ ܥܓܠܐ ܚܼܕܬܐ ܕܠܐ ܟܕܝܼܢ ܒܢܝܼܪܐ܆ ܒܕܟܪܐ ܪܡܿܙ ܥܠ ܕܪܐ ܕܬܪܝܢ ܕܙܥܘܪ ܘܡܟܝܼܟ ܡܼܢ ܥܓܠܐ܇ ܐܠܐ ܚܝܠܬܢ ܡܼܢ ܥܙܐ: ܒܥܙܐ ܪܡܿܙ ܥܠ ܫܘܼܥܒܿܕܐ ܩܫܝܐ ܕܕܪܐ ܬܠܝܼܬܝܐ܆ ܒܝܕ ܬܠܬ ܬܘ̈ܠܬܐ: ܥܠ ܬܠܬܐ ܕܪ̈ܝܢ ܡܿܘܕܥ: ܠܘܝܼ ܘܩܗܬ ܘܥܡܪܡ܀ ܥܠܗ݀ܝ ܕܦܠܓ ܐܢܘܿܢ ܫܘܝܐܝܬ ܕܟܿܚܐ ܡܢܟܘܿܢ ܣܕܝܪ̈ܝܢ ܡܢ̈ܘܬܗ ܚܕܐ ܠܘܩܒܠ ܚܕܐ܀ ܘܣܼܡ ܗܕܡܐ ܠܘܼܩܒܠ ܚܒܪܗ ܗ̄ ܗܕܐ ܕܩܛܝܼܪ ܥܣܡܗ ܠܘܼܩܒܠ ܗܿܘ ܕܩܛܝܼܥ ܟܕ ܒܝܕ ܦܘܼܠܓܐ ܕܗܕܡ̈ܐ ܡܿܘܕܥ ܥܠ ܫܚܝܼܩܘܬܗܘܢܿ܇ ܘܕܘܝܘܼܬܐ ܕܥܬܝܼܕܝܼܢ ܠܡܣܼܒܠ ܒܡܨܪܝܢ܇ ܗܿܝܕܝܢ ܠܘܼܩܒܠ ܚ̈ܕܕܐ ܣܝܼܡܝܼܢ ܗܼܘܘ: ܡܼܢ ܗܜܝ ܕܐܦ ܟܕ ܠܐ ܚܿܐܪ ܗܼܘܐ ܐܢܫ ܒܚܒܪܗ ܠܐ ܡܫܟܚܝܼܢ ܗܼܘܘ ܕܢܥܕܪܘܢܼ ܠ̈ܚܕܕܐ܀ ܦܪܚܬܐ ܕܝܢ ܠܐ ܦܠܓ: ܪܡܿܙ ܥܠ ܐܘܝܘܼܬܗܘܢܿ ܘܕܘܼܝܪܗܘܢܿ ܠܚܘܕܝܐ ܕܒܡܕܒܪܐ ܡܛ݀ܠ ܕܪܚܿܡ ܚܘܼܒܐ ܫܘܼܦܢܝܼܢܐ܀ ܒܝܘܢܝܐ ܕܝܢ ܥܠ ܦܘܼܢܝܗܘܢ ܕܠܐܪܥ ܕܟܢܥܢ ܪܚܿܡ ܫܝܢܐ ܝܘܢܐ܀ ܛܝܪܐ ܕܢܿܚܬ ܗܼܘܐ ܥܠ ܦܓܪ̈ܐ܇ ܐܪܙ ܒܛܝܼܠܘܼܬܐ ܐܠܗܝܿܬܐ ܕܢ݀ܛܪܐ ܠܗܘܢܿ ܡܛܠܬܗ܇ ܡܥܪ̈ܒܝ ܫܡܫܐ ܠܪܚܝܼܩܘܼܬܗ ܕܙܒܢܐ ܕܫܘܼܡܠܝܐ܀ ܫܠܝܐ ܕܢܦܼܠ ܥܠ ܐܒܪܗܡ: ܟܢܝܼܫܘܼܬ ܚܘܼܫܒܐ ܕܡܼܢ ܦܗܝܐ ܐܝܟ ܕܢܣܦܩ ܠܓܠܝܢܐ܀ ܢܘܼܪܐ ܕܐܟܠܼܬܜ ܠܕܒܚ̈ܐ ܡܘܕܥ ܕܒܗܢܝܐܘܬܐ ܐܬܩܼܒܠ ܩܘܼܪܒܢܗ܀ ܕܡܝܐ ܕܥܠ ܥܠܬܐ ܣܝܼܡܝܼܢ ܗܼܘܘ ܕܒ̈ܚܐ: ܘܥܠ ܦܬܘܪܐ ܕܠܥܠ ܡܼܢ ܥܠܬܐ ܣܕܝܼܪܝܢ ܗܼܘܘ܀ ܗܜܝ ܕܐܪܒܥܡܐܐ ܫܢ̈ܝܼܢ ܢܫܬܼܥܒܕ ܙܪܥܟ: ܥܠ ܕܠܐ ܐܫܪ ܠܐܠܗܐ ܘܨܒܼܐ ܕܒܡܘܗܡܬܐ ܢܩܝܼܡ ܥܡܗ ܩܝܿܡܐ: ܒܿܬܪ ܡܘܡ̈ܬܐ: ܣܼܡ ܥܒܕܘܼܬܐ ܥܠ ܙܪܥܗ܆ ܐܢܫܗܝܼܢ ܐ݀ܡܪܝܼܢ ܕܡܼܢ ܝܘܡܐ ܕܡܠܼܠ ܐܠܗܐ ܥܡ ܐܒܪܡ ܥܕܡܐ ܠܡܦܩܬܐ: ܡܬܼܚ̈ܫܒܢ ܐܪܒܥܡܐܐ ܫܢ̈ܝܼܢ܀ ܐܚܪ̈ܢܐ ܐ݀ܡܪܝܼܢ ܕܫܘܼܪܝܐ ܕܫ̈ܢܝܐ ܐܝܼܬ̄ܘ܆ ܟܕ ܐܬܝܼܠܕ ܐܝܼܣܚܩ ܘܫܘܡܝܼܠ ܒܿܬܪ ܡܩܦܬܐ܀ ܘܗ݀ܝ ܕܐܡܼܪ ܡܘܫܐ ܒܡܦܩܢܐ: ܕܒܿܬܪ ܐܪܒܥܡܐܐ ܘܬܠܬܝܢ ܫܢ̈ܝܼܢ ܢܦܼܩ pb. 52 ܝܼܣܪܐܝܠ ܡܼܢ ܡܨܪܝܢ ܡܿܘܕܥܐ ܕܡܼܢ ܟܕ ܗܼܘܐ ܩܝܿܡܐ ܥܡ ܐܒܪܡ: ܟܕ ܐܝܼܬܘܗܝ ܒܪ ܫܒܥܝܼܢ ܘܚܡܫ ܫܢ̈ܝܼܢ ܘܥܕܡܐ ܠܡܦܩܬܐ ܡܬܼܚܫ̈ܒܢ: ܘܝܼܕܝܼܥܐ ܗܕܐ ܡܼܢ ܗܜܝ ܕܟܬܝܼܒܐ ܒܡܩܦܬܐ ܕܫܒܥܝܼܢ: ܕܥܡܼܪܘ ܒܢ̈ܝ ܝܣܪܐܝܠ ܒܡܨܪܝܢ ܘܒܟܢܥܢ ܫܢ̈ܝܐ ܐܪܒܥܡܐܐ ܘܬܠܬܝܢ ܘܡܬܼܡܢܝܢ ܗܿܟܢܐ ܟܗ̄ ܩܕܡ ܕܢܬܝܼܠܕ ܐܝܼܣܚܩ: ܘܬܡܢܝܢ ܕܐܝܼܣܚܩ ܘܗܿܕܝܢ ܝܼܠܕ ܠܝܥܩܘܿܒ: ܘܝܥܩܘܿܒ ܒܪ ܬܡܢܝܼܢ ܘܫܒܥ ܐܘܠ ܕܠܠܘܝܼ܇ ܘܠܘܝܼ ܒܪ ܐܪܒܥܝܼܢ ܘܚܡܫ ܫܢ̈ܝܼܢ ܐܘܠܕ ܠܥܡܪܡ܇ ܘܥܡܪܡ ܒܪ ܫܒܥܝܼܢ ܫܢ̈ܝܼܢ ܐܘܠܕ ܠܡܘܫܐ: ܘܡܘܫܐ ܒܪ ܬܡܢܝܼܢ ܫܢ̈ܝܼܢ ܐܦܩ ܠܥܡܐ܀ ܡܼܢ ܐܪܡ ܠܡܘܫܐ ܫܬܐ ܐܢܘܿܢ ܕܪ̈ܐ: ܡܿܕܝܢ ܡܼܢ ܐܝܟܐ ܡܬܼܝܕܥܐ ܗ݀ܝ ܕܕܪܐ ܪܒܝܼܥܝܐ ܢܗܦܟܘܢܼ ܥܠ ܗܪܟܐ: ܟܕ ܡܘܫܐ ܠܐ ܥܼܠ ܠܐܪܥܐ ܕܡܘܼܠܟܢܐ: ܘܐ݀ܡܪܝܼܢܢ ܕܝܥܩܘܿܒ ܒܐܪܥܐ ܕܟܢܥܢ ܐܬܝܼܠܕ܇ ܘܕܪܐ ܕܬܪܝܢ ܠܘܝܼ܆ ܘܕܪܐ ܕܬܠܬܐ ܩܗܬ: ܘܗܿܠܝܢ ܢܚܼܬܘ ܠܡܨܪܝܢ: ܘܫܪܟܐ ܕܫܒ̈ܛܐ: ܘܕܪܐ ܪܒܝܼܥܝܐ ܗܿܘ ܕܗܦܼܟ ܠܐܪܥܐ ܕܟܢܥܢ ܡܼܢ ܡܨܪܝܢ: ܐܝܬܝܗܘܢܿ ܐܠܝܥܙܪ ܟܗܢܐ ܘܣܘܿܓܐܐ ܕܠܘܝܗܐ ܕܡܼܢ ܐܗܪܘܢ ܘܡܘܫܐ ܐܬܝܼܠܕܘ: ܘܡܛܠ ܕܩܗܬ ܒܪ ܟܢܥܢ ܐܬܝܼܠܕ܆ ܢܚܼܬܘ ܠܡܨܪܝܢ܇ ܘܒܡܨܪܝܢ ܐܘܠܕ ܠܥܡܪܡ: ܘܥܡܪܡ ܐܘܠܕ ܠܐܗܪܘܢ ܘܠܡܘܫܐ: ܘܐܗܪܘܢ ܐܘܠܕ ܠܐܠܝܥܙܪ ܕܐܝܼܬ̄ܘ ܪܒܝܼܥܝܐ ܡܼܢ ܩܗܬ: ܘܗܢܐ ܐܠܝܥܙܪ ܘܣܘܿܓܐܐ ܕܡܼܢ ܠ̈ܘܝܐ: ܥܡ ܝܫܘܿܥ ܒܪܢܘܿܢ ܕܐܝܬܝܗܘܿܢ ܒܢ̈ܝ ܕܪܐ ܪܒܝܼܥܝܐ ܥܠܼܘ ܠܐܪܥܐ ܕܡܘܼܠܟܢܐ: ܡܼܢ ܚܕܥܣܪ ܫܒ̈ܛܐ ܠܐ ܥܠܼܘ ܠܬܡܢ: ܣܛܪ ܡܼܢ ܝܫܘܥ ܘܟܠܒ ܒܪ ܝܘܦܢܐ܀ ܘܗ݀ܝ ܕܟܬܝܼܒ ܒܡܢܝܿܢܐ ܕܠܐ ܢܥܠܘܢܼ ܠܢܝܿܚܬܝ ܓܒܪ̈ܐ ܕܚܙܼܘ ܐܬܘ̈ܬܝ ܘܢܣܝܘܼܢܝ ܒܡܕܒܪܐ: ܥܠ ܫܒܗܛܐ ܐܚܪ̈ܢܐ ܐܡܝܼܪܐ: ܘܠܘ ܥܠ ܗܿܘ ܕܠܘܝܼ: ܫܒܛܐ ܓܝܪ ܕܝܘܣܦ ܠܬܪܝܢ ܐܬܦܼܠܓ: ܠܐܦܪܝܡ ܘܠܡܢܫܐ ܘܡܼܢ ܗܿܠܝܢ ܬܪܥܣܪ ܐܙܠܼܘ ܠܡܓܼܫܗܿ ܠܐܪܥܐ: ܘܠܘ ܡܼܢ ܗܿܘ ܕܠܘܝܼ: ܘܝܼܕܝܼܥܐ ܗܕܐ ܡܼܢ ܗܜܝ ܕܐܬܡܢܝܼܘ ܒܢ̈ܝ ܝܣܪܐܝܠ ܫܬܡܐܐ ܘܬܠܬܐ ܐ̈ܠܦܝܼܢ ܘܚܡܫܡܐܐ ܘܚܡܫܝܼܢ: ܒܟܬܒܐ ܕܡܢܿܝܢܐ: ܘܫܒܛܐ ܕܠܘܝܼ ܐܬܡܢܝܼ: ܘܚܘܼܫܒܢܗ ܠܡ ܠܐ ܐܬܩܼܒܠ: ܡܕܝܢ ܗ݀ܝ ܕܐܡܼܪ ܕܠܐ ܢܥܠܘܢܼ ܠܚܢܝܿܚܬܝ: ܥܠ ܬܪܥܣܪ ܐܚܪ̈ܢܐ ܐܡܝܼܪܐ ܣܛܪ ܡܼܢ ܗܿܘ ܕܠܘܝܼܠ ܕܥܠ ܐܠܝܥܙܪ ܘܣܘܿܓܐܐ ܕܠ̈ܘܝܐ܇ ܣܿܗܕ ܟܬܒܐ ܕܥܠ ܐܠܝܥܙܪ ܕܝܫܘܥ ܒܪܢܘܢ ܐܝܟ ܕܐܡܼܪܢܢ܇ ܡܝܼܬ ܠܡ ܐܠܝܥܙܪ ܒܿܬܪ ܡܘܼܠܟܢܐ܇ ܣܼܡ ܒܿܬܪܗ ܦܝܢܚܣ ܡܿܕܝܢ ܐܝܠܝܢ ܕܐܬܡܢܝܼܘ ܥܠܼܘ ܠܐܪܥܐ܆ ܘܠܘ ܠ̈ܘܝܐ ܕܠܐ ܐܬܡܢܝܼܘ ܠܐ ܥܕܟܝܼܠ ܫܠܡܼܘ ܚܘܒ̈ܝܗܘܢܿ ܕܐܡܘܪ̈ܝܐ ܗ̄ ܥܜܕܟܝܼܠ ܐܝܼܬ ܗܼܘܐ ܒܗܘܿܢ ܙܗܪܐ ܕܛܒܿܬܐ܀ ܘܨܥܪܬܗܿ ܡܪܬܗܿ ܠܗܓܪ ܗ̄ ܡ̈ܠܐ ܚܪ̈ܝܦܬܐ ܘܥܙܝܼ̈ܙܬܐ ܐܫܡܼܥܬܗܿ: ܐܘܿ ܨܥܪܬܗܿ ܘܡܚܬܗܿ ܡܼܢ ܩܕܡܗܿ ܗ̄ ܐܟܡܿܢ ܕܡܬܼܟܫܠ ܐܒܪܗܡ ܡܛܠܗܕܐ ܥܠ ܣܪܐ: ܡܛ݀ܠ ܕܗܓܪ ܟܕ ܒܛܢܼܬ݀ ܘܫܼܛܬ݀ ܠܣܪܐ: ܡܼܢ ܗܪܟܐ ܛܢܼܬ݀ ܣܪܐ ܐܝܟ ܕܡܼܢ ܩܕܝܼܡ pb. 53 ܠܗܓܪ ܨܒܼܬ݀ ܕܬܫܥܼܒܕܝ ܘܗܓܪ ܟܕ ܣܒܼܪܬ݀ ܕܟܕ ܥܿܪܩܐ܇ ܛܐܢ ܐܒܪܗܡ ܘܡܿܗܦܟ ܠܗܿ: ܘܝܬܝܼܪ ܡܫܼܬܠܛܐ ܥܠ ܣܪܐ: ܗܕܐ ܕܐܒܪܗܡ ܠܐ ܣܿܥܪ ܗܼܘܐ ܠܗܿ: ܘܡܪܝܐ ܕܝܢ ܠܐ ܫܒܩܼܗܿ ܐܟܡܿܢ ܕܠܐ ܬܟܼܪܐ ܠܐܒܪܗܡ܇ ܘܐܚܪܬܐ ܕܠܐ ܨܒܼܐ ܕܬܐܼܙܠܝ ܘܬܬܚܠܼܛܝ ܒܥܡ̈ܡܐ ܚܢ̈ܦܐ܆ ܟܕ ܒܛܢܐ ܡܼܢ ܐܒܪܗܡ܀ ܡܠܐܟܐ ܐܬܚܙܝܼ ܠܗܓܪ ܗ̄ ܐ݀ܡܪܝܼܢ ܐܢܫܝܼ̈ܢ ܕܗܘܼ ܒܪܐ ܗܿܘ ܡܠܐܟܐ ܕܬܪܥܝܼܬܐ ܪܒܬܐ ܕܐܒܐ ܐܝܬܘܗܝ: ܡܛܠ ܕܡܗܠܐ ܕܡܠܠ: ܥܠ ܡܪܘܬܐ ܡܒ̈ܕܩܢ܇ ܐܢܕܝܢ ܡܠܐܟܐ ܐܝܼܬܘܗܝ ܟܕ ܐܚܝܼܕ ܦܪܨܘܦܐ ܕܡܪܝܐ ܡܠܠ: ܘܠܘ ܒܦܪܨܘܦ ܩܢܘܼܡܗ ܘܗܪܟܐ ܠܡ ܐܬܓܠܝܼܘ ܡܠܐܟ̈ܐ ܩܕܡܐܝܬ ܘܠܐ ܝܼܕܝܼܥܬ ܕܪܘܚܢܐ ܗܘ: ܐܠܐ ܓܒܪܐ ܕܡܫܕܪ ܡܼܢ ܐܠܗܐ: ܡܛܠ ܠܡ ܕܗܓܪ ܐܡܬܐ ܗܿܝ: ܘܡ̈ܠܐܟܐ ܥܒ̈ܕܐ ܐܢܘܿܢ: ܠܚܡܐܝܬ ܠܗܿ ܐܬܚܘܝܼ ܩܕܡܐܝܬ: ܐܟܡܿܢ ܕܐܦ ܗܿܢܘܿܢ ܠܐܠܗܐ ܡܫܥܒܕܝܼܢ ܘܠܨܒܝܿܢܗ ܡܫܡܝܼܢ܀ ܘܢܗܼܘܐ ܥܪܕܐ ܕܒܢܝ̈ܢܫܐ ܗ̄ ܟܕ ܪܡܿܙ ܡܥܡܪܗ ܕܒܚܘܼܪܒܐ: ܗܕܐ ܚܝܘܬܐ ܒܚܘܼܪܒܐ ܥܿܡܪܐ܀ ܝܘܢܝܐ ܠܗܿܝ ܕܢܗܘܐ ܥܪܕܐ ܕܒܡܕܒܪܐ ܐ݀ܡܪ: ܗܢܐ ܗܗܼܘܐ ܒܪܢܫܐ ܕܥܿܡܪ ܒܡܕܒܪܐ܀ ܘܗ݀ܝ ܕܐܝܼܕܗ ܥܠ ܟ݀ܠ ܘܐܝܼܕܐ ܕܟ݀ܠ ܒܗ ܗ̄ ܥܠ ܙܒܢܐ ܘܙܘܼܒܢܐ ܐ݀ܡܪ: ܐܘܿ ܥܠ ܕܒܿܐܙ ܘܡܬܼܒܙܙ܀ ܘܥܠ ܬܚܘܼܡܐ ܕܟ݀ܠܗܘܿܢ ܐܚ̈ܘܗܝ ܫܿܘܐ ܒܡܼܬܚܐ ܕܥܘܼܡܪܗ: ܘܡܟܼܟܗ ܬܘܼܒ ܒܗ݀ܝ ܕܐ݀ܡܪ ܕܥܠ ܬܚܘܼܡܐ ܕܐܚ̈ܘܗܝ ܢܫܼܪܐ ܠܗ ܒܬܝܡܢܐ܀ ܫܡܥܝܼܠ܆ ܫܡܥܼܗ ܕܐܠܗܐ ܡܬܦܼܫܩ܇ ܘܗܢܐ ܚܼܙܘܐ ܚܙܝܿܬ ܡܼܢ ܒܿܬܪ ܕܚܼܙܢܝ ܗ̄ ܗܢܐ ܚܼܙܘܐ ܫܒܝܼܚܐ ܚܙܝ݀ܬ: ܡܼܢ ܒܿܬܪ ܚܙܬܗ ܩܕܡܝܬܐ܀ ܒܪܐ ܠܡ ܕܚܝܐ ܗ̄ ܕܐܠܗܐ ܗܿܘ ܕܚܙܼܢܝ ܒܝܕ ܒܛܝܼܠܘܬܗ: ܟܕ ܠܐܠܗܐ ܟܐܡܬ ܡܿܘܕܝܐ: ܐܡܿܪ ܡܟܬܒܢܐ ܕܗܕܐ ܒܪܐ ܒܝܬ ܪܩܡ ܠܓܕܪ ܐܝܬܝܗܿ܀ ܘܐܬܓܠܝܼ ܐܠܗܐ ܥܠ ܐܒܪܡ ܙܒܢ̱ܬ ܕܚܡܫ ܇ ܟܕ ܐܝܼܬ̄ܘ ܒܪ ܬܫܥܝܼܢ ܘܬܫܥ ܫܢ̈ܝܼܢ܀ ܐܢܿܐ ܐܢܼܐ ܐܠܝܫܕܝ ܐܠܗܐ ܗ̄ ܐܠܗܐ ܕܫܘܼ̈ܘܕܝܐ܀ ܐܚܪ̈ܢܐ ܐܠܗܐ ܓܢ̱ܒܪܐ܇ ܐܢܿܐ ܐܢܼܐ ܗܘܿ ܕܐܫܬܘܕܝܬܿ ܠܟ ܫܘܼ̈ܘܕܝܐ܀ ܫܦܪ ܩܕܡܝ ܘܗܘܝܼ ܕܠܐ ܡܘܼܡ ܗ̄ ܥܕܟܝܼܠ ܠܐ ܓܡܝܼܪ ܗܼܘܐ܀ ܘܝܼܕܝܼܥܐ ܡܼܢ ܗܜܝ ܕܥܪܼܩ ܠܡܨܪܝܢ ܒܥܠܬ ܟܦܢܐ: ܘܡܼܢ ܗ݀ܝ ܕܩܼܪܐ ܚܿܬܗ ܠܐܢܬܬܗ: ܘܡܼܢ ܗ݀ܝ ܕܐܫܬܘܕܝܼ ܠܗ ܕܢܗܼܘܐ ܙܪܥܟ ܐܝܟ ܟܘܟܒ̈ܐ ܕܒܫܡܝܐ: ܟܕ ܪܡܿܙ ܥܠ ܩܕܝܼ̈ܫܐ ܕܡܿܘܠܕ܇ ܐܝܟ ܚܠܐ ܕܥܠ ܣܦܬܗ ܕܝܡܐ܆ ܟܕ ܡܿܘܕܥ ܥܠ ܚܛ̈ܝܐ ܒܗ܀ ܘܡܼܢ ܗ݀ܝ ܕܐܣܼܬܢܩ ܥܠ ܩܝܡ̈ܐ ܕܡܘ̈ܡܬܐ܆ ܘܡܼܢ ܗ݀ܝ ܕܒܦܘܼܩܕܢ ܐܠܗܐ ܥܠܼ ܠܘܬ ܗܓܪ: ܒܿܬܪ ܕܡܠܼܟ ܠܗ ܡܪܝܐ ܕܒܪܟ ܡܼܢ ܚܨܟ ܝܿܪܬ ܠܐܪܥܐ: ܘܡܼܢ ܥܠܼܬ ܗܿܠܝܢ: ܐܡܼܪ ܠܗ ܕܗܘܝܼ ܕܠܐ ܡܘܼܡ: ܕܠܐ ܬܘܼܒ ܢܬܦܠܓ ܥܠ ܐܠܗܐ܇ ܐܠܐ ܕܢܬܼܥܠܐ ܡܼܢ ܗܿܠܝܢ: ܘܗܕܐ ܡܿܢ ܡܛ݀ܠ ܕܥܬܝܼܕ ܗܼܘܐ ܕܢܦܩܕܝܼܘܗܝ ܥܠ ܓܙܘܪܬܐ ܘܥܠ ܕܒܝܼܚܘܼܬܐ ܕܐܝܼܣܚܩ܇ ܐܒܪܗܡ ܟܕ ܐܬܥܗܕ ܠܗܿܠܝܢ: ܢܦܼܠ ܥܠ ܐܦܘ̈ܗܝ ܡܼܢ ܥܠܼܬ ܬܚܡܨܬܗ: ܘܣܼܡ ܒܘܼܪܟܐ ܟܕ ܡܿܘܕܐ ܥܠ ܐܝܠܝܢ ܕܐܫܬܘܕܝܼ ܠܗ: pb. 54 ܝܼܣܪܐܝܬ ܡܼܢ ܡܨܪܝܢ ܡܿܘܕܥ ܕܡܼܢ ܟܕ ܗܼܘܐ ܩܝܿܡܐ ܥܡ ܐܒܪܡ: ܟܕ ܐܝܼܬܘܗܝ ܒܪ ܫܒܥܝܼܢ ܘܚܡܫ ܫܢ̈ܝܼܢ ܘܥܕܡܐ ܠܡܦܩܬܐ ܡܬܼܚܫ̈ܒܢ: ܘܝܼܕܝܼܥܐ ܗܕܐ ܡܼܢ ܗ݀ܝ ܕܟܬܝܼܒܐ ܒܡܦܩܬܐ ܕܫܒܥܝܼܢ: ܕܥܡܼܪܘ ܒܢ̈ܝ ܝܣܪܐܝܠ ܒܡܨܪܝܢ ܘܒܟܢܥܢ ܫܢ̈ܝܐ ܐܪܒܥܡܐܐ ܘܬܠܬܝܢ ܘܡܬܼܡܢܝܢ ܗܿܟܢܐ ܟܗ̄ ܩܕܡ ܕܢܬܝܼܠܕ ܐܝܼܣܚܩ: ܘܝܥܩܘܿܒ ܒܪ ܬܡܢܝܼܢ ܘܫܒܥ ܐܘܠܕ ܠܠܘܝܼ܇ ܘܠܘܝܼ ܒܪ ܐܪܒܥܝܼܢ ܘܚܡܫ ܫܢ̈ܝܼܢ ܐܘܠ ܠܥܡܪܡ: ܘܥܡܪܡ ܒܪ ܫܒܥܝܼܢ ܫܢ̈ܝܼܢ ܐܘܠܕ ܠܡܘܫܐ: ܘܡܘܫܐ ܒܪ ܬܡܢܝܼܢ ܫܢ̈ܝܼܢ ܐܦܩ ܠܥܡܐ܀ ܡܼܢ ܐܒܪܡ ܠܡܘܫܐ ܫܬܐ ܐܢܘܿܢ ܕܪ̈ܐ: ܡܿܕܝܢ ܡܼܢ ܐܝܟܐ ܡܬܼܝܕܥܐ ܗ݀ܝ ܕܕܪܐ ܪܒܝܼܥܝܐ ܢܗܦܟܘܢܼ ܥܠ ܗܪܟܐ: ܟܕ ܡܘܫܐ ܠܐ ܥܼܠ ܠܐܪܥܐ ܕܡܘܼܠܟܢܐ: ܘܐܡܿܪܝܼܢܢ ܕܝܥܩܘܿܒ ܒܐܪܥܐ ܕܟܢܥܢ ܐܬܝܼܠܕ.. ܘܕܪܐ ܕܬܪܝܢ ܠܘܝܼ܆ ܘܕܪܐ ܕܬܠܬܐ ܩܗܬ: ܘܗܿܠܝܢ ܢܚܼܬܘ ܠܡܨܪܝܢ: ܘܫܪܟܐ ܕܫܒ̈ܛܐ: ܘܕܪܐ ܪܒܝܼܥܝܐ ܗܿܘ ܕܗܦܼܟ ܠܐܪܥܐ ܕܟܢܥܢ ܡܼܢ ܡܨܪܝܢ: ܐܝܬܝܗܘܢܿ ܐܠܝܥܙܪ ܟܗܢܐ ܘܣܘܿܓܐܐ ܕܠܘܝ̈ܐ ܕܡܼܢ ܐܗܪܘܢ ܘܡܘܫܐ ܐܬܝܼܠܕܘ: ܘܡܛܠ ܕܩܗܬ ܒܪ ܟܢܥܢ ܐܬܝܼܠܕ܆ ܢܚܼܬܘ ܠܡܨܪܝܢ܇ ܘܒܡܨܪܝܢ ܐܘܠܕ ܠܥܡܪܡ: ܘܥܡܪܡ ܐܘܠܕ ܠܐܗܪܘܢ ܘܠܡܘܫܐ: ܘܐܗܪܘܢ ܐܘܠܕ ܠܐܠܝܥܙܪ ܕܐܝܼܬ̄ܘ ܪܒܝܼܥܝܐ ܡܼܢ ܩܗܬ: ܘܗܢܐ ܐܠܝܥܙܪ ܘܣܘܿܓܐܐ ܕܡܼܢ ܠ̈ܘܝܐ: ܥܡ ܝܫܘܿܥ ܒܪܢܘܿܢ ܕܐܝܬܗܘܿܢ ܒܢ̈ܝ ܕܪܐ ܪܒܝܼܥܝܐ ܥܠܼܘ ܠܐܪܥܐ ܕܡܘܼܠܟܢܐ: ܡܼܢ ܚܕܥܣܪ ܫܒ̈ܛܐ ܠܐ ܥܠܼܘ ܠܬܡܢ: ܣܛܪ ܡܼܢ ܝܫܘܥ ܘܟܠܒ ܒܪ ܝܘܦܢܐ܀ ܘܗܜܝ ܕܟܬܝܼܒ ܒܡܢܝܿܢܐ ܕܠܐ ܢܥܠܘܢܼ ܠܢܝܿܚܬܝ ܓܒܪ̈ܐ ܕܚܙܼܘ ܐܬܘ̈ܬܝ ܘܢܣܝܘܼܢܝ ܒܡܕܒܪܐ: ܥܠ ܫܒ̈ܛܐ ܐܚܪ̈ܢܐ ܐܡܝܼܪܐ: ܘܠܘ ܥܠ ܗܿܘ ܕܠܘܝܼ: ܫܒܛܐ ܓܝܪ ܕܝܘܣܦ ܠܬܪܝܢ ܐܬܦܠܼܓ: ܠܐܦܪܝܡ ܘܠܡܢܫܐ ܘܡܼܢ ܗܿܠܝܢ ܬܪܥܣܪ ܐܙܠܼܘ ܠܡܓܼܫܗܿ ܠܐܪܥܐ: ܘܠܘ ܡܼܢ ܗܿܘ ܕܠܘܝܼ: ܘܝܼܕܝܼܥܐ ܗܕܐ ܡܼܢ ܗ݀ܝ ܕܐܬܡܢܝܼܘ ܒܢ̈ܝ ܝܣܪܐܝܠ ܫܬܡܐܐ ܘܬܠܬܐ ܐ̈ܠܦܝܼܢ ܘܚܡܫܡܐܐ ܘܚܡܫܝܼܢ: ܒܟܬܒܐ ܕܡܢܝܿܢܐ: ܘܫܒܛܐ ܕܠܘܝܼ ܐܬܡܢܝܼ: ܘܚܘܼܫܫܒܢܗ ܠܡ ܠܐ ܐܬܩܼܒܠ: ܡܕܝܢ ܗ݀ܝ ܕܐܡܼܪ ܕܠܐ ܢܥܠܘܼܢ ܠܢܝܿܚܬܝ: ܥܠ ܬܪܥܣܪ ܐܚܪ̈ܢܐ ܐܡܝܼܪܐ ܣܛܪ ܡܼܢ ܗܿܘ ܕܠܘܝܼ ܕܥܠ ܐܠܝܥܙܪ ܘܣܘܿܓܐܐ ܕܠ̈ܘܝܐ܇ ܣܿܗܕܐ ܟܬܒܐ ܕܥܠ ܐܠܝܥܙܪ ܕܝܫܘܥ ܒܪܢܘܢ ܐܝܟ ܕܐܡܼܪܢܢ܇ ܡܝܼܬ ܠܡ ܐܠܝܥܙܪ ܒܿܬܪ ܡܘܼܠܟܢܐ܇ ܣܼܡ ܒܿܬܪܗ ܦܝܢܚܣ ܡܿܕܝܢ ܐܝܠܝܢ ܕܐܬܡܢܝܼܘ ܥܠܼܘ ܠܐܪܥܐ: ܘܠܘ ܠ̈ܘܝܐ ܕܠܐ ܐܬܡܢܝܼܘ ܠܐ ܥܕܟܝܼܠ ܫܠܡܼܘ ܚܘܒ̈ܝܗܘܢܿ ܕܐܡܘܪ̈ܝܐ ܗ̄ ܥܕܟܝܼܠ ܐܝܼܬ ܗܼܘܐ ܒܗܘܿܢ ܙܗܪܐ ܕܛܒܿܬܐ܀ ܘܨܥܪܬܗܿ ܡܪܬܗܿ ܠܗܓܪ ܗ̄ ܡ̈ܠܐ ܚܪ̈ܝܼܦܬܐ ܘܥܙܝܼ̈ܙܬܐ ܐܫܡܼܥܬܗܿ: ܐܘܿ ܨܥܪܬܗܿ ܘܡܚܬܗܿ ܡܼܢ ܩܕܡܝܗܿ ܗ̄ ܐܟܡܿܢ ܕܡܬܼܟܫܠ ܐܒܪܗܡ ܡܛܠܗܕܐ ܥܠ ܣܪܐ: ܡܛ݀ܠ ܕܗܓܪ ܟܕ ܒܛܢܼܬ݀ ܘܫܼܛܬ݀ ܠܣܪܐ: ܡܼܢ ܗܪܟܐ ܛܢܼܬ݀ ܣܪܐ ܐܝܟ ܕܡܼܢ ܩܕܝܼܡ pb. 55 ܠܗܓܪ ܨܒܼܬ݀ ܕܬܫܥܼܒܕܝ ܘܗܓܪ ܟܕ ܣܒܼܪܬ݀ ܕܟܕ ܥܿܪܩܐ܇ ܛܐܢ ܐܒܪܗܡ ܘܡܿܗܦܟ ܠܗܿ: ܘܝܬܝܼܪ ܡܫܼܬܠܛܐ ܥܠ ܣܪܐ: ܗܕܐ ܕܐܒܪܗܡ ܠܐ ܣܿܥܪ ܗܼܘܐ ܠܗܿ: ܘܡܪܝܐ ܕܝܢ ܠܐ ܫܒܩܼܗܿ ܐܟܡܿܢ ܕܠܐ ܬܟܼܪܐ ܠܐܒܪܗܡ܇ ܘܐܚܪܬܐ ܕܠܐ ܨܒܼܐ ܕܬܐܼܙܠܝ ܘܬܬܚܠܼܛܝ ܒܥܡ̈ܡܐ ܚܢ̈ܦܐ܆ ܟܕ ܒܛܢܐ ܡܼܢ ܐܒܪܗܡ܀ ܡܠܐܟܐ ܐܬܚܙܝܼ ܠܗܓܪ ܗ̄ ܐ݀ܡܪܝܼܢ ܐܢܫܝܼ̈ܢ ܕܗܘܼ ܒܪܐ ܗܿܘ ܡܠܐܟܐ ܕܬܪܥܝܼܬܐ ܪܒܬܐ ܕܐܒܐ ܐܝܬܘܗܝ: ܡܛܠ ܕܡܗܠܐ ܕܡܠܠ: ܥܠ ܡܪܘܬܐ ܡܒ̈ܕܩܢ܇ ܐܢܕܝܢ ܡܠܐܟܐ ܐܝܼܬܘܗܝ ܟܕ ܐܚܝܼܕ ܦܪܨܘܦܐ ܕܡܪܝܐ ܡܠܠ: ܘܠܘ ܒܦܪܨܘܦ ܩܢܘܼܡܗ ܘܗܪܟܐ ܠܡ ܐܬܓܠܝܼܘ ܡܠܐܟ̈ܐ ܩܕܡܐܝܬ ܘܠܐ ܝܼܕܝܼܥܬ ܕܪܘܚܢܐ ܗܘ: ܐܠܐ ܓܒܪܐ ܕܡܫܕܪ ܡܼܢ ܐܠܗܐ: ܡܛܠ ܠܡ ܕܗܓܪ ܐܡܬܐ ܗܿܝ: ܘܡ̈ܠܐܟܐ ܥܒ̈ܕܐ ܐܢܘܿܢ: ܠܚܡܐܝܬ ܠܗܿ ܐܬܚܘܝܼ ܩܕܡܐܝܬ: ܐܟܡܿܢ ܕܐܦ ܗܿܢܘܿܢ ܠܐܠܗܐ ܡܫܥܒܕܝܼܢ ܘܠܨܒܝܿܢܗ ܡܫܡܝܼܢ܀ ܘܢܗܼܘܐ ܥܪܕܐ ܕܒܢܝ̈ܢܫܐ ܗ̄ ܟܕ ܪܡܿܙ ܡܥܡܪܗ ܕܒܚܘܼܪܒܐ: ܗܕܐ ܚܝܘܬܐ ܒܚܘܼܪܒܐ ܥܿܡܪܐ܀ ܝܘܢܝܐ ܠܗܿܝ ܕܢܗܘܐ ܥܪܕܐ ܕܒܡܕܒܪܐ ܐ݀ܡܪ: ܗܢܐ ܗܗܼܘܐ ܒܪܢܫܐ ܕܥܿܡܪ ܒܡܕܒܪܐ܀ ܘܗ݀ܝ ܕܐܝܼܕܗ ܥܠ ܟ݀ܠ ܘܐܝܼܕܐ ܕܟ݀ܠ ܒܗ ܗ̄ ܥܠ ܙܒܢܐ ܘܙܘܼܒܢܐ ܐ݀ܡܪ: ܐܘܿ ܥܠ ܕܒܿܐܙ ܘܡܬܼܒܙܙ܀ ܘܥܠ ܬܚܘܼܡܐ ܕܟ݀ܠܗܘܿܢ ܐܚ̈ܘܗܝ ܫܿܘܐ ܒܡܼܬܚܐ ܕܥܘܼܡܪܗ: ܘܡܟܼܟܗ ܬܘܼܒ ܒܗ݀ܝ ܕܐ݀ܡܪ ܕܥܠ ܬܚܘܼܡܐ ܕܐܚ̈ܘܗܝ ܢܫܼܪܐ ܠܗ ܒܬܝܡܢܐ܀ ܫܡܥܝܼܠ܆ ܫܡܥܼܗ ܕܐܠܗܐ ܡܬܦܼܫܩ܇ ܘܗܢܐ ܚܼܙܘܐ ܚܙܝܿܬ ܡܼܢ ܒܿܬܪ ܕܚܼܙܢܝ ܗ̄ ܗܢܐ ܚܼܙܘܐ ܫܒܝܼܚܐ ܚܙܝ݀ܬ: ܡܼܢ ܒܿܬܪ ܚܙܬܗ ܩܕܡܝܬܐ܀ ܒܪܐ ܠܡ ܕܚܝܐ ܗ̄ ܕܐܠܗܐ ܗܿܘ ܕܚܙܼܢܝ ܒܝܕ ܒܛܝܼܠܘܬܗ: ܟܕ ܠܐܠܗܐ ܟܐܡܬ ܡܿܘܕܝܐ: ܐܡܿܪ ܡܟܬܒܢܐ ܕܗܕܐ ܒܪܐ ܒܝܬ ܪܩܡ ܠܓܕܪ ܐܝܬܝܗܿ܀ ܘܐܬܓܠܝܼ ܐܠܗܐ ܥܠ ܐܒܪܡ ܙܒܢ̱ܬ ܕܚܡܫ ܇ ܟܕ ܐܝܼܬ̄ܘ ܒܪ ܬܫܥܝܼܢ ܘܬܫܥ ܫܢ̈ܝܼܢ܀ ܐܢܿܐ ܐܢܼܐ ܐܠܝܫܕܝ ܐܠܗܐ ܗ̄ ܐܠܗܐ ܕܫܘܼ̈ܘܕܝܐ܀ ܐܚܪ̈ܢܐ ܐܠܗܐ ܓܢ̱ܒܪܐ܇ ܐܢܿܐ ܐܢܼܐ ܗܘܿ ܕܐܫܬܘܕܝܬܿ ܠܟ ܫܘܼ̈ܘܕܝܐ܀ ܫܦܪ ܩܕܡܝ ܘܗܘܝܼ ܕܠܐ ܡܘܼܡ ܗ̄ ܥܕܟܝܼܠ ܠܐ ܓܡܝܼܪ ܗܼܘܐ܀ ܘܝܼܕܝܼܥܐ ܡܼܢ ܗܜܝ ܕܥܪܼܩ ܠܡܨܪܝܢ ܒܥܠܬ ܟܦܢܐ: ܘܡܼܢ ܗ݀ܝ ܕܩܼܪܐ ܚܿܬܗ ܠܐܢܬܬܗ: ܘܡܼܢ ܗ݀ܝ ܕܐܫܬܘܕܝܼ ܠܗ ܕܢܗܼܘܐ ܙܪܥܟ ܐܝܟ ܟܘܟܒ̈ܐ ܕܒܫܡܝܐ: ܟܕ ܪܡܿܙ ܥܠ ܩܕܝܼ̈ܫܐ ܕܡܿܘܠܕ܇ ܐܝܟ ܚܠܐ ܕܥܠ ܣܦܬܗ ܕܝܡܐ܆ ܟܕ ܡܿܘܕܥ ܥܠ ܚܛ̈ܝܐ ܒܗ܀ ܘܡܼܢ ܗ݀ܝ ܕܐܣܼܬܢܩ ܥܠ ܩܝܡ̈ܐ ܕܡܘ̈ܡܬܐ܆ ܘܡܼܢ ܗ݀ܝ ܕܒܦܘܼܩܕܢ ܐܠܗܐ ܥܠܼ ܠܘܬ ܗܓܪ: ܒܿܬܪ ܕܡܠܼܟ ܠܗ ܡܪܝܐ ܕܒܪܟ ܡܼܢ ܚܨܟ ܝܿܪܬ ܠܐܪܥܐ: ܘܡܼܢ ܥܠܼܬ ܗܿܠܝܢ: ܐܡܼܪ ܠܗ ܕܗܘܝܼ ܕܠܐ ܡܘܼܡ: ܕܠܐ ܬܘܼܒ ܢܬܦܠܓ ܥܠ ܐܠܗܐ܇ ܐܠܐ ܕܢܬܼܥܠܐ ܡܼܢ ܗܿܠܝܢ: ܘܗܕܐ ܡܿܢ ܡܛ݀ܠ ܕܥܬܝܼܕ ܗܼܘܐ ܕܢܦܩܕܝܼܘܗܝ ܥܠ ܓܙܘܪܬܐ ܘܥܠ ܕܒܝܼܚܘܼܬܐ ܕܐܝܼܣܚܩ܇ ܐܒܪܗܡ ܟܕ ܐܬܥܗܕ ܠܗܿܠܝܢ: ܢܦܼܠ ܥܠ ܐܦܘ̈ܗܝ ܡܼܢ ܥܠܼܬ ܬܚܡܨܬܗ: ܘܣܼܡ ܒܘܼܪܟܐ ܟܕ ܡܿܘܕܐ ܥܠ ܐܝܠܝܢ ܕܐܫܬܘܕܝܼ ܠܗ: pb. 56 ܢܗܼܘܐ ܫܡܟ ܐܒܪܗܡ: ܒܫܘܼܚܠܦܐ ܕܫܡܐ ܢܒܕܩ ܠܫܘܼܚܠܦܐ ܕܕܘܼܒܪܐ ܕܩܡܝܐ ܘܫܘܼܪܐ ܒܗܝܡܢܘܼܬܐ: ܐܒܪܡ ܐܒܐ ܠܡ ܪܡܿܙ ܗ̄ ܐܒܐ ܚܕ ܥܡܐ ܡܿܘܕܥ܀ ܐܒܪܗܡ ܐܒܐ ܕܥܡ̈ܡܐ܀ ܬܠܬ ܐܬܘ̈ܬܐ ܩܕܡ̈ܝܬܐ ܕܫܡ ܐܒܪܗܡ ܐܒܐ ܘܒܪܐ ܘܪܘܚܐ ܨܝܪ̈ܢ܆ ܐ܆ ܒ܆ ܪ܆ ܘܗ܆ ܗܝܡܢܘܬܐ: ܡ̄: ܡܥܡܘܕܝܬܐ܀ ܘܐܢܬܬܟ ܠܐ ܬܬܩܼܪܐ []ـܪܝ ܗ̄ ܫܡܐ ܕܡܿܘܕܥ ܥܠ ܡܦܪܝܢܘܼܬܐ: [ܬ]ܘܒ ܣܪܝ ܐܡܐ ܕܥܡܐ܆ ܘܫܪܐ ܕܥܡ̈ܡܐ: [ܬ]ܘܼܒ ܣܪܐ ܪܝܫܢܝܬܐ ܡܬܦܼܫܩܐ܀ ܐܝܣܚܩ [ܓ]ـܘܼܚܟܐ: ܐܟܡܿܢ ܕܗܘܼ ܡܿܚܕܐ ܠܐܒܗ̈ܘܗܝ܆ ܓܝܪ ܣܦܩܼܬ݀ ܗܝܡܢܘܼܬܐ ܘܫܘܼܚܠܦ [ܫ]ܡܐ ܕܐܒܪܗܡ: ܐܠܐ ܨܒܼܐ ܕܒܡܕܡ ܡܬܪܓܫܢܐ ܐܘܿܟܝܼܬ ܓܙܘܪܬܐ ܢܥܒܼܕ ܠܩܝܿܡܐ: []ܘܕܐ ܡܿܢ ܡܛܠ ܕܢܬܼܦܪܫ ܡܼܢ ܥܡ̈ܡܐ ܙܪܥܗ: ܢܬܚܼܠܛ ܒܗܘܢܿ: ܕܒܡܨܪܝܢ ܬܘܼܒ ܒܝܕ ܓܙܘܪܬܐ ܢܬܦܪܫܘܢܼ: ܘܒܗ̈ܕܐ ܒܪ̈ܝܐ ܠܐ ܣܝܼܡܬ݀ ܐܬ݀ܐ ܐܘܿܟܝܼܬ ܪܘܼܫܡܐ: ܕܠܐ ܢܬܼܚܒܠ []ܦܪܗܘܢ: ܓܙܘܪܬܐ ܕܒܗܕܡܐ ܡܦܪܝܢܐ ܘܦܐ []ܘܦܪܐ ܟܝܢܝܐ ܡܣܢܝܐ ܐܦܠܐ ܠܚܫܚܬܐ []ܬܐ ܕܝܼܠܗ ܡܥܘܟܐ܀ ܬܘܼܒ ܠܐ ܦܐܝܐ ܗܼܘܬ܀ [ܒ]ܚܕ ܡܼܢ ܗܕܡ̈ܐ ܒܪ̈ܝܐ ܬܗܼܘܐ ܐܬ݀ܐ: ܡܛ݀ܠ [] ܕܒܗܿܘ ܙܒܢܐ ܪܫܡܝܼܢ ܒܦܓܪ̈ܝܗܘܿܢ ܫܡܐ ܕܐܠܗܝ̈ܗܘܢܿ܇ ܘܠܐ ܦܐܝܐ ܗܼܘܬ݀ ܕܨܘܪ̈ܬܐ [ܗܘ]ܝܢ ܒܦܓܪܐ ܘܢܬܼܚܒܠ܇ ܐܠܐ ܒܗܿ ܒܒܪܝܼܬܐ [] ܗܼܘܐ ܕܢܗܼܘܐ ܦܘܼܪܫܢܐ܇ ܒܦܣܩ ܣܒܪܐ []: ܗܿܘ ܕܐܦܢ ܦܿܫ ܐܠܐ ܡܿܥܘܝܟ ܘܠܐ ܡܕܡ ܡܿܘܣܦ ܐܘ ܡܿܒܨܪ ܦܘܼܫܢܗ ܒܝܕ ܓܙܘܪܬܐ܆ ܥܒܼܕ ܦܘܼܫܢܗ ܒܝܬ ܓܙܝܪ̈ܐ ܠܥܘܼܪ̈ܠܐ: ܐܢܓܝܪ ܡܫܬܼܒܗܪ ܝܘܕܝܐ ܒܓܙܘܪܬܐ ܢܬܼܒܝܢ ܕܦܩܼܕ ܐܠܗܐ ܠܐܒܪܗܡ ܕܐܦ ܒܢ̈ܝ ܢܘܼܟܪ̈ܝܐ ܕܥܡܟ ܢܬܓܙܪܘܢܼ: ܕܐܢ ܓܝܪ ܡܥܠܝܬܐ ܗܿܝ ܕܓܙܪܬܐ ܡܼܢ ܫܘܼܪܝܐ ܕܫܘܼܘ̈ܕܝܐ ܐܬܝܗܼܒܬ݀ ܘܐܬܡܼܠܟܬ݀ ܛܒܬܐ ܠܟܿܠܗ ܓܘܐ: ܠܥܡܐ ܘܥܡ̈ܡܐ: ܘܒܗ ܒܝܘܡܐ ܕܝܝܼܠܝܼܕܘܬܐ ܠܐ ܦܩܼܕ ܕܢܬܼܓܙܪ ܐܢܫܝܼ̈ܢ ܡܛ݀ܠ ܪܥܕܘܼܬܐ ܕܒܣܪܐ ܕܕܠܡܐ ܢܬܼܢܟܐ ܗܿܘ ܕܝܼܠܝܼܕ: ܘܒܿܬܪ ܝܪܚܐ ܠܐ ܦܩܼܕ ܕܢܬܼܓܙܪ ܐܢܫ: ܕܠܐ ܣܿܓܝܼ ܢܬܼܥܫܢ ܒܣܪܐ ܘܢܥܼܫܢ ܟܐܒܐ ܒܐܪ̈ܙܢܝܬܐ ܕܟܬܒܐ܆ ܡܡܠܠܝܼܢܢ ܥܠܗܜܝ ܕܚܣܝܼܪܐ܀ ܘܥܠ ܫܡܥܝܠ ܫܡܥܿܬܟ ܗ̄ ܟܕ ܓܝܪ ܐܡܼܪ ܠܗ ܕܣܪܐ ܝܿܠܕܐ ܘܐܬܦܼܫܟ ܐܡܼܪ ܕܐܫܬܘܿܦ ܫܡܥܝܠ ܢܚܐ܆ ܘܥܠܗܕܐ ܐܡܼܪ ܢܚܐ ܘܬܪܥܣܪ ܪܘܪ̈ܒܢܐ ܢܘܠܕ ܕܐܝܬܝܗܘܢܿ ܒܢ̈ܝܐ ܕܡܼܢ ܚܨܗ ܘܐܬܩܪܝܼܘ ܪܘܪ̈ܒܢܐ܆ ܥܠ ܕܣܘܿܓܐܐ ܕܫܪ̈ܒܬܗܘܢܿ ܢܛܝܼܪܝܼܢ ܒܥܠܡܐ ܡܛܠ ܣܓܝܐܘܬܗܘܢܿ܀ ܐܬܓܠܝܼ ܐܠܗܐ ܥܠ ܐܒܪܗܡ ܒܝܬ ܒܠܘܼܛܐ ܕܡܡܪܐ ܗ̄ ܒܠܘܼܛܐ ܡܢܨܚܐ ܗܼܘܐ: ܘܡܡܪܐ ܐܝܼܬܘܗܝ ܪܚܫܗ ܕܐܒܪܗܡ܇ ܘܐܪܝܼܡ ܥܝܢܘ̈ܗܝ ܘܚܼܙܐ ܘܗܐ ܬܠܬܐ ܓܒܪ̈ܝܼܢ ܕܩܿܝܡܝܼܢ ܗ̄ ܗܓܪ ܐܝܬܝܗܿ ܗܼܘܬ݀ ܐܡܬܐ ܘܝܠܼܕܬ݀ ܥܒܕܐ: ܕܡܘܼܬ ܥܬܝܼܩܬܐ: ܒܓܕܘܿܢ ܡܠܐܟܐ ܕܐܝܼܬ̄ܘ ܥܒܕܐ ܣܒܼܪܗܿ: ܘܐܦ ܕܝܬܝܩܝ ܥܬܝܼܩܬܐ܆ ܒܝܕ ܡ̈ܠܐܟܐ ܠܡ ܐܬܝܗܒܼܬ݀܆ ܬܘܼܒ ܕܝܢ ܗܘܼ ܡܪܝܐ pb. 57 ܐܬܓܠܝܼ ܘܐܫܬܘܕܝܼ ܥܠ ܝܼܠܝܼܕܘܼܬܐ ܕܐܝܼܣܚܩ܀ ܒܪܐ ܐܬܓܠܝܼ ܟܕ ܠܿܘܝܢܼ ܠܗ ܬܪܝܢ ܡ̈ܠܐܟܐ: ܐܟܡܐ ܕܐܦ ܒܚܿܕܬܐ ܡ̈ܠܐܟܐ ܐܬܠܘܝܼܘ ܠܡܪܢ ܒܟܠܗܿ ܡܕܒܪܢܘܼܬܐ܇ ܘܒܩܝܡܬܗ ܬܪܝܢ ܡ̈ܠܐܟܐ ܐܝܼܬ ܗܼܘܐ ܠܘܬ ܩܒܪܐ܆ ܒܕܡܘܬܐ ܕܒܪܢܫܐ ܝܩܝܼܪܐ ܐܬܓܠܝܼ ܡܪܝܐ: ܘܗܿܟܘܬ ܡ̈ܠܐܟܐ: ܡܪܝܐ ܩܼܪܝܗܝ ܐܒܪܗܡ ܡܛ݀ܠ ܡܝܩܪܘܼܬܗ܆ ܘܗܘܼ ܐܪܚܼܫ ܒܠܒܗ ܕܢܩܪܝܘܗܝ ܗܿܟܢ: ܚܿܐܪ ܗܼܘܐ ܡܼܢ ܡܫܟܢܗ ܠܟܐ ܘܠܗܠ: ܕܡ ܐܢܫ ܥܿܒܪ܀ ܐܚܪ̈ܢܐ ܐ݀ܡܪܝܼܢ ܕܠܘ ܡ̈ܠܐܟܐ ܐܬܓܠܝܼܘ ܥܡ ܡܪܝܐ܆ ܐܠܐ ܗܿܢܘܢ ܬܠܬܐ ܩܢܘܼ̈ܡܐ ܘܝܼܕܝܼܥܐ ܠܡ ܡܼܢ ܗ݀ܝ ܕܐܪܙܐ ܕܬܠܝܼܬܝܘܼܬܐ ܐܬܓܠܝܼ ܒܕܡܘܼܬ ܬܠܬܐ ܓܒܪ̈ܝܼܢ܆ ܘܗܼܘ ܐܙܝܼܥܗ ܕܢܣܓܘܿܕ܇ ܘܡܼܢ ܗ݀ܝ ܕܡܪܝܐ ܐܢ ܐܫܟܚܿܬ ܪ̈ܚܡܐ ܒܥܝܢܝ̈ܟ ܘܫܪܟܐ: ܘܟܕ ܬܠܬܐ ܐܝܬܝܗܘܢ ܗܼܘܘ: ܙܕܩ ܗܼܘܐ ܕܢܐܡܪ ܕܒܿܥܐ ܐܢܼܐ ܡܢܟܘܿܢ ܐܠܐ ܐܦܢ ܬܠܬܐ ܐܝܬܝܗܘܢܿ ܗܼܘܘ ܒܩܢܘܼ̈ܡܐ: ܐܠܐ ܒܡܪܘܼܬܐ ܚܕ ܗܼܘ ܡܪܝܐ ܥܠܗ݀ܝ ܐܡܼܪ ܕܡܪܝܐ ܐܢ ܐܫܟܚܿܬ: ܘܩܼܪܐ ܢܦܫܗ ܥܒܕܐ: ܘܠܘܬ ܫܝܓܬܐ ܐܡܼܪ ܕܪ̈ܓܠܝܟܘܿܢ ܘܐܟܘܿܠܘ ܘܠܐ ܬܥܒܪܘܢܼ: ܕܡܒ̈ܕܩܢ ܬܠܬܐ ܩܢܘܼ̈ܡܐ ܚܕ ܡܪܝܐ: ܚܠܝܼܛܐ ܓܝܪ ܒܡܠܼܬܗ ܚܕܝܘܼܬܐ ܕܟܝܿܢܐ: ܘܦܪܝܼܫܘܬ ܩܢܘܼ̈ܡܐ: ܒܿܬܪ ܙܒܢܐ ܝܼܕܥ ܐܒܪܗܡ ܕܐܠܗܐ ܗܼܘܐ ܕܐܬܓܠܝܼ ܥܠܘܗܝ: ܘܐܝܟܢܐ ܠܡ ܐܟܿܪ ܐܠܗܐ: ܐܟܝܢܐ ܕܡܿܨܐܼ ܐܠܗ ܕܢܪܒܐ ܠܣܘܼܥܪ̈ܢܐ: ܗܿܟܢܐ ܡܿܨܐܼ ܡܿܒܨܪ: ܐܝܟܢ ܓܝܪ ܕܣܓܝܼ ܩܡܚܐ ܒܩܘܩܬܐ ܘܡܫܚܐ ܒܣܬܐ܆ ܘܠܚܡܐ ܒܕܒܪܐ܇ ܗܿܟܢ ܡܿܨܐܼ ܡܿܒܨܪ ܗܼܘܐ ܠܗܿܘ ܕܐܣܬܼܒܪ ܕܐܬܐܼܟܠ܆ ܘܠܘ ܡܐܼܒ ܐܒܼܕ܀ ܘܡܼܢ ܗ݀ܝ ܕܠܐ ܐܟܼܠ ܥܡܗܘܢܿ ܐܒܪܗܡ܇ ܐܠܐ ܒܿܬܪ ܣܓܼܕܬܐ ܩܼܡ ܠܥܠ ܡܼܢ ܪܝܫܗܘܢܿ ܡܬܝܕܥܐ ܕܠܘ ܡܠܐܟ̈ܐ ܠܥܠ ܡܼܢ ܪܝܫܗܘܢܿ ܡܬܝܕܥܐ ܕܠܘ ܡܠܐܟ̈ܐ ܗܼܘܘ: ܐܠܐ ܕܡܼܘܬܐ ܕܐܠܗ ܕܒܬܠܬܐ ܩܢܘܼܡ̈ܐ: ܬܠܬ ܣ̈ܐܬܝܼܢ ܗ̄ ܬܠܬܐ ܐܢܘܢܿ ܟܝ̈ܠܐ܀ ܢܫܝܼܦܐ ܩܿܪܐ ܠܣܡܝܼܕܐ: ܡܛ݀ܠ ܕܡܼܫܦ ܫܿܝܦܝܼܢ ܠܗ܀ ܦܩܼܕ ܣܪܐ ܕܬܠܘܼܫܝ: ܐܟܡܿܢ ܕܚܕܐ ܡܼܢ ܛܠ̈ܝܬܗ ܗܕܐ ܬܥܼܒܕܝ܀ ܥܓܠܐ ܡܢܗ ܛܘܝܐ ܥܒܼܕ ܘܡܢܗ ܒܘܼܫܠܐ܀ ܐܚܪ̈ܢܐ ܐ݀ܡܪܝܼܢ ܣܝܒܪܬܐ ܡܬܼܛܠܩܐ ܗܼܘܬ݀ ܟܕ ܡܿܣܒܪ ܐܒܪܗܡ ܐ݀ܟܠܝܼܢ ܐܟܝ ܗ݀ܝ ܕܐܫܝܼܓ ܪ̈ܓܠܝܗܘܢܿ ܐܝܟ ܡܓܫ̈ܡܐ ܟܕ ܠܐ ܣܿܒܪ ܗܼܘܐ ܕܪ̈ܘܼܚܢܐ ܐܢܘܢܿ ܒܟܝܿܢܐ ܓܝܪ ܠܐ ܡܓܫܡܐ: ܠܝܬ ܓܝܪ ܘܠܒܪ܀ ܐܝܟܐܢ ܗܿܝ ܣܪܐ ܐܢܬܬܟ ܗ̄ ܠܘ ܟܕ ܠܐ ܝܿܕܥ ܡܿܫܐܠ܆ ܐܠܐ ܐܝܟ ܕܠܐ ܢܬܼܘܗ ܡܿܫܐܠ܀ ܘܒܗ݀ܝ ܕܐܘܕܥ ܥܠ ܫܡܐ ܕܐܢܬܬܗ ܟܕ ܐܟܣܢܝܐ ܗܿܘ ܐܠܦܼܗ ܕܡܕܡ ܪܒܐ ܢܣܼܒܪ ܥܠܘܗܝ܀ ܘܗܘܼ ܒܣܬܪܗܿ ܗ̄ ܒ݀ܬܪ ܡܫܟܢܐ ܩܿܝܿܡܐ ܗܼܘܬ݀ ܐܦ ܒܣܬܪ ܡܫܟܢܐ ܕܣܪܐ ܫܡܝܼܟܝܼܢ ܗܼܘܘ܀ ܘܩܡܼܘ ܓܒܿܪܐ ܡܼܢ ܬܡܢ: ܘܚܪܼܘ ܠܐܦ̈ܝ ܣܕܘܿܡ ܗ̄ ܐܝܟ ܡܣܒܪܢܘܼܬܗ ܕܐܒܪܗܡ: ܥܕܟܝܼܠ ܓܒܿܪܐ ܩܿܪܐ ܠܗܘܢܿ܀ ܒ݀ܬܪ ܕܐܬܼܛܠܝܬ݀ ܣܪܐ ܘܐܬܦܬܼܚܬ݀ ܩܪܘܼܬܗܿ: ܘܝܠܼܕܬ݀ ܠܐܝܼܣܚܩ: ܠܐ ܬܘܼܒ ܐܙܕܘܓ ܥܡܗܿ ܐܒܪܗܡ܀ ܐܬܼܛܠܝܬ݀ ܓܝܪ: ܒܝܕ ܕܪܕܐ ܡܢܗܿ ܕܡܐ ܟܦܣܢܝܐ: ܗܿܘ ܕܣܢܝܼܩ ܗܼܘܐ ܕܢܬܪܒܐ ܒܗ ܥܘܼܠܐ ܘܒܿܬܪܟܢ ܢܫܬܼܚܠܦ ܠܚܠܒܐ ܒܬܕܝ̈ܐ܀ ܓܥܬܐ ܕܣܕܘܿܡ ܘܕܥܡܘܪܐ ܥܠܼܬ݀ ܠܘܬܝ ܗ̄ pb. 58 ܥܕܟܝܼܠ ܠܐ ܪܓܝܼܫ ܗܼܘܐ ܐܒܪܗܡ ܒܐܠܗܐ ܥܕܡܐ ܠܗܪܟܐ܀ ܓܥܬܐ ܠܡ ܕܐܝܠܝܢ ܕܡܨܛܥܪܝܼܢ ܡܼܢ ܣܕܘ̈ܡܝܐ ܥܠܼܬ݀ ܠܘܬܝ: ܐ݀ܚܘܿܬ ܐ݀ܚܙܝܐ ܐܢ ܐܝܟ ܓܥܬܐ ܕܥܠܼܬ݀ ܠܘܬܝ ܥܒܼܕܘ ܘܫܡܠܝܼܘ܀ ܘܐܠܐ ܐ݀ܕܥ ܗ̄ ܡܿܚܘܐ ܕܙܒܢܐ ܣܓܝܐܐ ܣܝܒܬܟܘܢܿ ܘܬܗܝܗ ܠܡܣܡ ܒܪܫܝܗܘܢܿ ܥܕܡܐ ܠܫܗܐ: ܐܦ ܠܕܝܿܢ̈ܐ ܡܣܪ̈ܗܒܐ ܛܒ ܡܟܚܕܐ ܗܼܘܬ݀: ܕܐܢ ܝܿܕܥ ܟܿܠ ܡܿܥܩܒ ܘܟܢ ܬ݀ܒܥ܆ ܟܡܐ ܝܬܝܼܪܐܝܬ ܠܗܘܢܿ ܙܕܩ ܕܢܥܩܒܘܢܼ: ܬܘܼܒ ܐ݀ܚܘܿܬ ܐܚ݀ܙܐ: ܗ̄ ܒܝܕ ܡ̈ܠܐܟܐ ܕܫܿܕܪܬ ܗܿܫܐ܆ ܐܢ ܗܿܟܢܐ ܐܝܼܬܝܗܘܢܿ: ܓܥܬܐ ܕܣܕܘܿܡ ܗ̄ ܓܥܬܐ ܕܚܛ̈ܗܐ ܕܠܒܪ ܡܼܢ ܟܝܢܐ ܕܗܿܢܘܿܢ ܥܠܼܬ݀ ܩܕܡܘܗܝ ܘܠܘ ܩܕܡ ܡ̈ܠܐܟܐ ܕܠܗܕܐ ܚܿܙܝܢ ܗܼܘܘ: ܘܠܐܠܗܐ ܓܿܥܝܢ ܗܼܘܘ ܕܠܗܕܐ ܢܫܚܠܦ ܐܘܿ ܢܒܛܠ ܐܘܿ ܢܟܐ܀ ܬܘܼܒ ܓܥܬܐ ܕܐܟܣ̈ܢܝܐ ܕܥܿܐܠܝܼܢ ܗܼܘܘ ܠܬܡܢ ܘܒܩܛܝܼܪܐ ܡܬܦܼܠܚܐ ܗܼܘܬ݀ ܒܗܘܢܿ ܫܟܝܼܪܘܼܬܐ ܥܠܼܬ݀ ܩܕܡܘܗܝ܀ ܬܘܼܒ ܩܠܐ ܕܓܥܬܐ ܩܿܪܐ ܠܥܒܿܕ̈ܐ ܕܣܕܘ̈ܡܝܐ ܕܥܠܼܘ ܩܕܡ ܕܝܼܢܗ ܐܝܟ ܕܩܠܐ ܕܕܡܐ ܕܐܚܘܼܟ ܓܿܥܐ ܠܘܬܝ܀ ܐ݀ܚܘܿܬ ܐܚܿܙܐ ܗ̄ ܒܝܕ ܡܚܬܬܐ ܘܡܣܩܬܐ ܡܿܒܕܩ ܥܠ ܒܛܝܼܠܘܼܬܐ ܘܦܘܼܪܥܢܘܼܬܐ ܕܒܢܩܡܬܐ ܕܡܢܗܘܢܿ ܥܠܡܢܐ ܠܐ ܩܿܪܐ ܠܣܕܘ̈ܡܝܐ ܠܬܝܿܒܘܼܬܐ܇ ܐܝܟ ܕܥܒܼܕ ܒܕܪܐ ܕܒܝܬ ܢܘܿܚ ܘܕܢܝܢܘ̈ܝܐ܀ ܘܐܡܿܪܝܼܢܢ ܥܠ ܕܝܿܕܥ ܗܼܘܐ ܕܠܐ ܗܿܦܟܝܼܢ ܗܼܘܘ܀ ܒܚܕ ܠܡ ܪܘܓܙܐ ܡܿܘܩܕ ܐܢܬ ܠܙܕܝܼܩ̈ܐ ܘܠܚܛ̈ܝܐ ܗ̄ ܘܢܚܼܬ ܥܡܗ ܐܠܗܐ ܥܕܡܐ ܠܥܣܪܐ ܙܕܝܼܩ̈ܝܢ ܘܗܘܼ ܐܬܪܐ ܓܠܝܼܙ ܗܼܘܐ ܡܼܢ ܙܕܝܼܩ̈ܐ: ܘܠܐ ܐܫܬܼܟܚ ܒܗ ܣܛܪ ܡܼܢ ܠܘܿܛ܀ ܘܐܬܼܘ ܬܪܝܢ ܡ̈ܠܐܟܐ ܠܣܕܘܿܡ ܒܪܡܫܐ ܗܞ ܒܐܣܟܡܐ ܕܐܢܫ̈ܐ ܩܕܝܼܫ̈ܐ ܐܬܼܘ܀ ܘܒܘܼܬܘ ܐܫܝܼܓܘ ܪ̈ܓܠܝܟܘܢܿ ܗ̄ ܩܕܡܐܝܬ ܡܫܝܼܓܝܼܢ ܘܟܢ ܠܥܣܝܼܢ ܘܡܓܣܝܢ: ܐܠܐ ܡܠܼܬܐ ܒܣܘܼܪܗܒܐ ܐܬܐܼܡܪܬ݀: ܐܢܫܝܼ̈ܢ ܐܡܿܪܝܼܢ ܕܒܪܐ ܘܪܘܼܚܐ ܗܼܘܘ ܕܐܙܼܠܘ ܠܣܕܘܿܡ: ܐܝܟ ܕܐܒܐ ܠܐܢܫ ܠܐ ܕܐ݀ܢ܇ ܦܫܼ ܡܼܢ ܡܐܼܙܠܬܐ܀ ܐܚܪ̈ܢܐ ܐ݀ܡܪܝܼܢ ܕܠܐ ܥܠܼܘ ܠܣܕܘܿܡ ܒܪܐ ܘܪܘܼܚܐ: ܠܐ ܓܝܪ ܫܿܘܝܢ ܗܼܘܘ ܠܗܕܐ: ܘܐܢ ܥܠܼܘ ܗܼܘܘ ܠܬܡܢܟܒܪ ܕܪܚܼܡܘ ܥܠܝܗܘܢܿ ܘܠܐ ܝܼܩܕܘ: ܘܝܼܕܝܼܥܐ ܡܼܢ ܗ݀ܝ ܕܠܘܬ ܐܒܪܗܡ ܓܒܪ̈ܐ ܩܿܪܐ ܟܬܒܐ ܠܬܠܝܼܬܝܘܼܬܐ ܘܟܕܐܙܠܼܘ ܠܣܕܘܡ: ܠܘ ܓܒܪ̈ܐ ܗܿܟܘܬ ܩܼܪܐ ܐܢܘܢ ܟܬܒܐ: ܐܠܐ ܡ̈ܠܐܟܐ: ܒܕܡܘܼܬ ܒܢܝܢ̈ܫܐ ܥܠܼܘ ܡ̈ܠܐܟܐ ܠܣܕܘܿܡ: ܕܢܚܼܘܐ ܐܢܘܢܿ ܠܘܿܛ ܘܠܘܬܗ ܢܫܪܘܢܿ: ܘܐܦ ܕܬܬܝܼܕܥܝ ܚܛܝܼܬܐ ܕܣܕ̈ܘܡܝܐ ܕܛܘܼܢܦܐ ܕܕܟܪ̈ܐ ܐܝܼܬ̄ܘ ܒܗ݀ܝ ܕܐܬܟܪܟܘܼܗܝ ܠܬܪܥܐ ܘܒܿܥܝܢ ܗܼܘܘ ܠܓܒܪ̈ܐ ܗܿܠܝܢ܀ ܘܢܦܼܩ ܠܘܛ ܘܣܓܼܕ ܠܗܘܢܿ܆ ܡܛ݀ܠ ܕܚܼܙܐ ܐܢܘܢܿ ܥܠ̈ܝܡܐ ܫܦܝܼܪ̈ܐ: ܘܕܚܼܠܘ ܕܠܐ ܢܪܓܫܘܢܼ ܒܗܘܢܿ ܣܕܘ̈ܡܝܐ ܘܢܟܘܿܢ ܐܢܘܢܿ ܨܒܼܐ ܕܢܫܘܙܒ ܐܢܘܢܿ ܒܒܝܬܗ ܡܼܢ ܛܢܦܘܼܬܐ: ܘܦܛܝܼܪܐ ܐܦܐ ܠܗܘܢܿ܀ ܡܛܠ ܣܘܼܪܗܒܐ ܠܐ ܬܒܐܫܘܢܼ ܐܚܗܝܐ ܗ̄ ܡܛ݀ܠ ܕܥܠܼܘ ܠܒܝܬܝ ܕܡܛܠ ܒܩܪ̈ܝܬܐܹ ܦܪܘܿܩ ܠܗܠ ܗ̄ ܐܬܪܚܩ ܠܟ܀ ܕܠܡܐ ܢܒܼܐܫ ܠܟ ܡܼܢ ܕܝܼܠܗܘܢܿ ܗ̄ pb. 59 ܢܘܼܟܪܝ ܐܬܪܐ ܐܢܬ܇ ܘܥܕܡܐ ܠܗܫܐ ܠܐ ܥܒܼܕܢܢ ܒܟ ܕܐܝܟ ܗܕܐ܇ ܗܿܫܐ ܐܢ ܠܐ ܡܿܦܩ ܐܢܬ ܠܗܿܠܝܢ: ܒܟ ܥܿܒܕܝܼܢܢ ܥܒܝܼܕܬܐ ܗܕܐ ܚܠܝܗܘܢܿ܆ ܡܛ݀ܠ ܓܝܪ ܕܐܪܚܩܼܘ ܗܼܘܘ ܡܼܢ ܐܠܗܐ܇ ܣܢܼܐܬܐ ܩܢܼܘ ܠܘܬ ܐܟܣ̈ܢܝܐ ܐܝܠܝܢ ܕܡܥܕܪܢܐ ܠܝܬ ܗܼܘܐ ܠܗܘܢܿ܀ ܒܠܥܼܘ ܒܫܪܓܪ̈ܓܝܬܐ ܗ̄ ܓܗܼܪ̈ܝ ܠܗܘܢܿ ܥܝܢ̈ܝܗܘܢܿ܀ ܘܚܬ̈ܢܝܟ ܘܒܢܝ̈ܟ ܘܒܢ̈ܬܟ ܘܟ݀ܠ ܕܐܝܼܬ ܠܟ ܐܦܼܩ܀ ܗܟܢܐ ܟܬܝܼܒ ܒܝܘܢܝܐ ܗ̄ ܬܪܬܝܢ ܒܢ̈ܬܐ ܠܐ ܒܥܝ̈ܠܬܐ ܐܝܼܬ ܗܼܘܐ ܥܡܗ ܒܒܝܬܐ: ܘܐܚܪ̈ܢܝܬܐ ܕܝܼܗܝܼ̈ܒܢ ܠܓܒܪ̈ܐ ܘܥܒ̈ܕܐ ܘܐܡܗ̈ܬܐ ܕܪܥܝܢ ܥܢ̈ܗ: ܘܝܼܕܝܼܥܐ ܕܥܘܼܬܪܐ ܐܝܬ ܗܼ،ܐ ܠܗ: ܡܼܢ ܗ݀ܝ ܕܐܒܪܗܡ ܡܛܠܬܗ ܪܕܦ ܘܐܥܕܝ ܩܢܝܿܢܗ܀ ܘܚܬ̈ܢܘܗܝ ܩܪܝܼܒܝܼܢ ܗܼܘܘ ܠܗ܇ ܡܛܠ ܕܡܼܢ ܒܢ̈ܝ ܣܕܘܿܡ ܐܝܬܝܗܘܢܿ ܗܼܘܘ: ܒܢܘ̈ܗܝ ܕܝܢ ܟܒܪ ܡܛܠ ܕܥܡ ܩܢܝܿܢܗ ܗܼܘܘ ܒܗ݀ܝ ܕܪܚܝܼܩܝܼܢ ܗܼܘܘ ܡܢܗ: ܠܐ ܐܬܡܨܝܼ ܕܢܩܼܪܐ ܐܢܘܿܢ܆ ܠܚܬ̈ܢܘܗܝ ܕܝܢ ܐܡܼܪ܆ ܘܫܪܝܼܘ ܡܓܚܛܝܼܢ ܒܗ: ܘܟܕ ܚܿܐܪ ܠܨܦܪܐ ܕܫܕܪ ܒܿܬܪ ܒܢ̈ܘܗܝ: ܐܡܼܪܘ ܠܗ ܡ̈ܠܐܟܐ܇ ܩܘܼܡ ܕܒܪ ܠܐܢܬܬܟ ܘܠܒܢ̈ܬܟ ܕܐܫܼܬ̈ܟܚܝ ܘܦܠܛ ܢܦܫܟ܀ ܘܐܫܬܼܘܚܪ ܠܘܿܛ ܗ̄ ܡܛ݀ܠ ܕܢܣܼܒ ܠܒܢܘ̈ܗܝ ܘܥܒ̈ܕܘܗܝ ܘܩܢܝܿܢܗ܀ ܝܘܢܝܐ ܐ݀ܡܪ ܐܬܕܠܚ ܗ̄ ܡܛܠ ܪܢܝܐ ܕܗܿܠܝܢ ܐܠܐ ܒܩܛܝܼܪܐ ܐܚܼܕܘ ܡ̈ܠܐܟܐ ܒܐܝܼܕܗ ܘܕܐܢܬܬܗ ܘܕܒܢ̈ܬܗ ܐܦܩܼܘ ܐܢܘܢܿ܀ ܠܐ ܬܬܦܼܢܐ ܠܒܣܬܪܟ ܗ̄ ܕܠܡܐ ܐܚܝܿܢܘܼܬܐ ܕܒ̈ܢܝܐ ܘܪܚܡܼܬܐ ܕܩܢܝ̈ܢܐ ܡܿܗܦܟܐ ܗܼܘܬ݀ ܠܗ ܠܒܣܬܪܗ܀ ܘܐܚܪܬܐ ܕܠܐ ܢܚܼܙܐ ܡܢܐ ܢ݀ܚܬ ܥܠ ܣܕܘܿܡ ܘܬܟܼܪܐ ܠܗ ܥܠ ܗܿܠܝܢ ܕܝܼܠܗ܀ ܠܐ ܐܫܬܼܘܙܒܘ ܒܢܘ̈ܗܝ ܕܠܘܿܛ: ܡܛܠ ܕܐܬܼܥܝܕܘ ܒܛܡܐܘܬܐ ܕܣܕ̈ܘܡܝܐ: ܒܥܼܐ ܠܘܿܛ ܕܢܬܼܦܠܛ ܠܨܥܪ: ܡܛܠ ܕܙܥܘܪܝܐ ܒܐܢܫܘܼܬܐ܀ ܠܐ ܠܡ ܐܗܿܦܘܿܟ ܩܪܝܼܬܐ ܗ̄ ܠܐ ܐ݀ܚܒܠ܀ ܨ݀ܥܪ ܡܬܼܦܫܩܐ ܒܿܠܥ܆ ܡܛܠ ܕܡܼܢ ܩܕܡ ܕܢܥܘܿܠ ܠܗܿ ܠܘܿܛ: ܐܬܒܠܥܼܘ ܡܼܢܫܠܝ ܥܡܘܪ̈ܝܗܿ܀ ܫܡܫܐ ܢܦܼܠ ܥܠ ܐܪܥܐ ܘܡܪܝܐ ܐܚܼܬ ܥܠ ܐܢܫ̈ܝ ܣܕܘܿܡ ܗ̄ ܐܢܫܝܼ̈ܢ ܐܡܿܪܝܼܢ ܕܥܢ̈ܢܐ ܥܡ ܛܘ̈ܦܐ ܕܡܛܪܐ ܘܢܘܼܪܐ ܘܟܒܪܝܼܬܐ ܟܕ ܡܚܠܛܝܼܢ ܡܡܛܪܝܼܢ ܗܼܘܘ ܥܠ ܣܕܘ̈ܡܝܐ܀ ܗܦܼܟ ܐܠܗܐ ܠܩܘܼܪ̈ܝܐ ܘܠܟܿܠܗ ܦܩܥܬܐ ܗ̄ ܦܩܥܬܐ ܠܣܿܕܘܿܡ ܩܿܪܐ: ܐܟܡܿܢ ܕܠܝܬ ܗܼܘܐ ܒܗܿ ܛܘܼܪܐ܀ ܘܠܟܿܠܗܘܢ ܝܬ̈ܒܝ ܐܪܥܐ ܗ̄ ܝܬܒ̈ܝ ܣܕܘܿܡ ܘܕܡܘ̈ܥܝܬܐ ܟܿܠܗܿ܀ ܐܬܦܼܢܝܬ݀ ܐܢܬܬܗ ܕܠܘܿܛ ܡܼܢ ܒܣܬܪܗ ܗ̄ ܡܼܢ ܒܣܬܪܗ ܕܠܘܿܛ܆ ܐܣܒܼܪܬ݀ ܕܡ̈ܠܐܟܐ ܡܛܥ̈ܝܢܐ ܐܢܘܿܢ ܘܬܗܼܝܬ݀ ܠܗܠ̈ܟܬܗܿ: ܐܘܿ ܚܫܼܬ݀ ܥܠ ܗܿܢܘܿܢ ܕܐ݀ܒܕܝܼܢ܀ ܩܿܝܡܬܐ ܕܡܠܚܐ ܗ̄ ܗܘܼܬ݀ ܐܢܬܬܗ ܕܠܘܿܛ ܡܠܚܐ: ܐܟܡܿܢ ܕܬܬܦܼܫܪܝ ܒܡܛܪܐ ܘܠܐ ܬܫܬܼܟܚܝ܆ܐܠܘܼ ܓܝܪ ܟܐܦܐ ܗܼܘܬ݀ ܒܿܬܪܟܢ ܐܝܟ ܐܠܗܐ ܣܓܼܕܘ ܗܼܘܘ ܠܗܿ ܚܢܿܦܿܐ܀ ܗܜܝ ܕܐܬܼܦܢܝܬ݀ ܐܝܟ ܐܢܫ ܕܐܦܢܝܼ ܐܦ̈ܘ̄ ܡܿܟܪܟ ܦܪܨܘܦܗ ܘܗܼܘܬ݀ ܐܝܟ ܐܣܛܘܢܐ ܕܡܠܚܐ: ܒܪܫܗܿ ܘܒܩܕܠܗܿ ܘܒܐܝܼܕ̈ܝܗܿ ܘܪ̈ܓܠܝܗܿ ܘܡܛܠ ܕܡܼܢ ܣܕܘܿܡ ܗܼܘܬ݀ ܐܬܗܦܼܟܬ݀ ܠܡܠܼܚܐ܀ ܫܕܪ ܠܠܘܿܛ ܡܼܢ ܗܦܝܼܟܬܐ ܗ̄ ܣܕܘܿܡ܇ ܘܣܠܼܩ ܠܘܿܛ ܘܝܼܬܒ ܒܛܘܼܪܐ ܗ̄ ܟܕ ܚܼܙܐ ܕܐܬܒܠܼܥܘ ܥܡܘܪ̈ܝܗܿ܇ ܕܚܼܠ pb. 60 ܘܟܕ ܠܐ ܝܕܥܬ݀ ܠܐܘܪܚܐ ܛܥܼܬ݀܀ ܡܿܘܕܥ ܟܬܒܐ ܠܩܝܿܡܐ ܕܒܥܼܐ ܐܒܝܼܡܠܟ ܕܢܩܝܼܡ ܥܡ ܐܒܪܗܡ܇ ܡܛܠ ܕܢܠܦ ܥܠ ܪܒܘܼܬܗ ܕܓܒܪܐ: ܕܡ̈ܠܟܐ ܨܿܒܝܢ ܗܼܘܘ ܕܢܬܚܙܘܢܿ ܠܗ܀ ܒܪ ܫܒܥ ܒܪܐ ܕܡܘܡ̈ܬܐ܀ ܙܒܝܼܢܬ ܒܫܒܥ ܦܪ̈ܬܐ: ܦܪܬܐ ܙܥܘܪܝܐ ܡܼܢ ܢܩܝܐ܀ ܐܠܗܐ ܢܣܝܼ ܠܐܒܪܗܡ ܗ̄ ܠܘ ܟܕ ܠܐ ܝܿܕܥ ܠܗ: ܐܠܐ ܕܢܠܦ ܠܥܡܐ ܥܠ ܬܡܝܼܡܘܼܬܗ ܕܐܒܪܗܡ ܘܥܠ ܗܝܡܢܘܼܬܗ: ܕܠܐ ܐܬܦܠܓ ܥܠ ܐܠܗܐ: ܘܕܢܓܠܐ ܠܚܘܼܒܗ ܐܝܟܢܐ ܕܟܿܠܢܫ ܢܬܕܡܐ ܒܗ܀ ܠܐܪܥܐ ܕܐܡܘܪ̈ܝܐ ܫܕܪܗ: ܡܛ݀ܠ ܕܠܐ ܬܪܓܫܝ ܣܪܐ ܘܬܥܼܘܟܝ ܠܐܪ̈ܙܐ: ܘܬܥܒܼܕܝ ܐܒܼܠܐ ܐܦܢ ܠܥܒܿܕܐ ܕܣܘܼܥܪܢܐ ܠܐ ܥܬܝܼܕ ܗܼܘܐ ܕܢܦܘܿܩ ܘܒܬܘܼܗܝܐ ܕܬܠܬܐ ܝܘܡ̈ܝܼܢ ܕܡܪܕܝܼܬܐ: ܝܬܝܼܪ ܢܨܝܼܚܐ ܘܒܩܝܐ ܢܬܚܙܐ ܐܒܪܗܡ: ܕܠܐ ܐܫܬܼܚܠܦ ܪܥܝܢܗ ܕܐܝܟܢ ܡܿܠܟ ܠܝܼ ܕܐ݀ܩܛܘܠܝܼܘܗܝ: ܠܗܿܘ ܕܐܫܬܘܕܝܼ܇ ܕܡܢܗ ܬܗܘܼܐ ܣܓܝܐܘܬܐ ܕܒܢܝ̈ܢܫܐ܀ ܬܪܝܢ ܥܠ̈ܡܐ ܒܼܪܐ ܐܠܗܐ ܐܟܡܐ ܕܬܪܬܝܢ ܕܝܬܝ̈ܩܐܣ ܘܬܪܝܢ ܒܢ̈ܝܐ ܕܐܒܪܗܡ: ܘܗܝ ܩܕܡܝܬܐ ܐܬܩܼܕܡܬ݀ ܒܚܝ̈ܘܬܐ ܘܒܦܪ̈ܚܬܐ: ܕܝܬܝܩܝ ܕܬܪܬܝܢ ܨܪܗܿ ܐܒܪܗܡ ܒܕܒܝܼܚܘܼܬܗ ܕܐܝܣܚܩ ܒܪܗ܆ ܕܗܿܟܢܐ ܐܦ ܐܒܐ ܡܿܫܕܪ ܠܒܪܗ ܘܡܬܕܒܚ ܚܠܦ ܥܠܡܐ: ܘܠܗܕܐ ܨܿܐܪ ܗܼܘܐ ܐܒܪܗܡ ܒܕܒܚܐ ܕܐܝܼܣܚܩ܀ ܠܐ ܛܥܼܡ ܐܝܼܣܚܩ ܡܘܬܐ: ܐܟܡܐ ܕܒܪܐ ܒܐܠܗܘܼܬܗ ܠܐ ܛܥܼܡ ܡܘܬܐ: ܗ݀ܝ ܕܨܠܚ ܩܝܣ̈ܐ ܠܥܠܬܐ܆ ܬܪܝܢ ܬܠܬܐ ܩܝ̈ܣܐ ܢܣܼܒ: ܐܝܟ ܬܘܚܕܐ܆ ܡܛܠ ܕܠܐܬܪܐ ܕܦܠܣܛܝܢܝ ܐܙܿܠ ܗܼܘܐ ܕܡܠܝܐ ܐܝܼܠ̈ܢܐ: ܘܛܘܼܪܐ ܕܐܡܘܪ̈ܝܐ: ܗܘܼܝܘܼ ܛܘܼܪܐ ܕܨܝܘܿܢ ܘܓܓܘܠܬܐ܀ ܐܪܦܝܼ ܠܥܠܝ̈ܡܐ ܠܬܚܬ܇ ܐܝܟ ܕܠܐ ܢܦܨܘܢ ܡܢܗ ܠܛܠܝܐ܆ ܘܐܝܟ ܡܓܚܟ ܥܡ ܐܝܣܚܩ ܦܟܼܪܗ: ܕܟܐܡܬ ܗܿܟܢܐ ܦܿܟܪܝܼܢ ܠ̈ܓܕܝܐ ܟܕ ܡܬܕܒܚܝܼܢ܀ ܐܬܬܙܝܼܥ ܛܠܝܐ ܩܕܡܐܝܬ ܕܢܫܐܠ ܕܐܝܟܘ ܐܡܪܐ: ܡܛܠ ܕܚܼܙܐ ܠܐܒܘܼܗܝ ܕܡܿܩܪܒ ܕܒܼܚ̈ܐ: ܘܒܛܝܼܠܘܼܬܐ ܬܘܼܒ ܐܙܝܼܥܬܗ ܕܢܫܐܠ: ܐܝܟܢܐ ܕܐܒܪܗܡ ܠܘܬ ܟܪܝܘܼܬܐ ܢܐܼܬܐ: ܘܐܒܪܗܡ ܠܐ ܐܬܬܥܝܼܩ ܐܘܿ ܐܬܦܠܼܓ ܒܗܝܡܢܘܼܬܐ܀ ܘܩܼܪܐ ܠܗ ܡܠܐܟܐ ܗ̄ ܒܪܐ ܡܠܐܟܐ ܕܬܪܥܝܼܬܐ ܪܒܬܐ ܗܿܘ ܕܐܒܐ ܗܿܘ ܕܩܼܪܝܗܝ܀ ܐܚܪ̈ܢܐ ܐܡܿܪܝܼܢ ܕܡܠܐܟܐ ܐܝܬܘܗܝ ܗܼܘܐ: ܘܐܦܢ ܐܝܬܘܗܝ ܗܼܘܐ ܢܒܝܐ ܐܒܪܗܡ: ܐܠܐ ܠܗܕܐ ܠܐ ܝܼܕܥ ܘܢܒܝܐ ܠܘ ܟܿܠ ܐܡܬܝ ܡܿܥܒܕ ܒܗ ܪܘܼܚܐ܀ ܘܐܢܫܝܼ̈ܢ ܐ݀ܡܪܝܼܢ ܥܠ ܗܿܘ ܐܡܪܐ ܕܡܼܢ ܐܝܼܠܢܐ ܐܬܝܼܠܕ ܠܥܠ ܡܼܢ ܟܝܢܐ ܕܢܨܘܼܪ ܠܡܫܝܼܚܐ ܗܘܿ ܕܐܬܝܼܠܕ ܡܼܢ ܒܬܘܼܠܬܐ ܕܠܐ ܙܘܘܓܐ܀ ܐܚܪ̈ܢܐ ܐ݀ܡܪܝܼܢ ܕܐܡܪܐ ܛܘܼܪܝܐ ܗܼܘܐ: ܐܚܪ̈ܢܐ ܐ݀ܡܪܝܼܢ: ܕܥ̈ܢܐ ܥܒܼܪܬ݀ ܡܼܢ ܩܕܡ ܝܘܡܐ ܕܐܒܪܗܡ ܐܘܿ ܕܐܫܢ ܐ̱ܚܪܝܢ ܕܥܪܼܩ ܘܛܥܼܐ ܒܡܕܒܪܐ: ܘܒܒܛܝܼܠܘܼܬܐ ܐܠܗܝܿܬܐ: ܗܿܘ ܐܡܪܐ ܐܬܬܠܝ ܬܡܢ܆ ܐܝܟܢܐ ܕܢܬܩܒܪܒ ܚܠܦ ܐܝܣܚܩ܀ ܐܚܪ̈ܢܐ ܐ݀ܡܪܝܼܢ ܕܠܐ ܐܝܠܢܐ ܐܬܝܼܠܕ: ܐܦܠܐ ܡܼܢ ܥܢ̈ܐ ܗܼܘܐ: ܐܠܐ ܒܗ ܒܥܕܢܐ ܒܼܪܝܗܝ ܐܠܗܐ ܠܐܡܪܐ ܘܠܐܝܼܠܢܐ ܥܡܗ: ܘܒܐܝܼܠܢܐ ܬܠܝܗܝ: ܐܝܟܢܐ ܕܢܗܼܘܐ ܦܫܝܼܩ ܠܗ ܕܢܚܙܝܘܗܝ ܡܼܢ pb. 61 ܪܘܼܚܩܐ܇ ܘܢܣܩܝܼܘܗܝ ܠܕܒܚܼܬܐ: ܘܒܗ݀ܝ ܕܠܐ ܫܒܼܩ ܕܢܬܼܕܒܚ ܐܝܼܣܚܩ ܐܠܼܦ ܕܠܐ ܢܕܒܚܘܢܼ ܒܢ̈ܝܗܘܢܿ܀ ܡܪܝܐ ܢܚܼܘܐ ܗ̄ ܐܟܡܿܢ ܝܘܡܢܐ ܕܡܪܝܐ ܒܛܘܼܪܐ ܐܬܚܙܝܼ܀ ܬܘܼܒ ܡܪܝܐ ܢܚܼܙܐ ܠܫܘܼܥܒܕܝ܆ ܠܡܬܬܦܝܼܣܢܘܼܬܝ܆ ܕܨܒܝܿܢܐܝܬ ܒܥܝܿܬ ܕܐܫܿܡܠܐ ܠܦܘܼܩܕܢܗ ܘܐ݀ܣܩ ܠܒܪܝ ܠܥܠܬܐ܀ ܬܘܼܒ ܐܒܪܗܡ ܐܡܼܪ ܕܐܠܗܐ ܢܚܙܐ ܠܗ ܥܪܒܐ܇ ܘܚܼܙܐ ܐܠܗܐ ܥܪܒܐ ܘܩܪܒܗ ܚܠܦ ܐܝܼܣܚܩ܇ ܡܕܝܢ ܡܼܢ ܗܜܝ ܕܐܡܼܪ ܐܒܪܗܡ ܠܐܝܼܣܚܩ ܕܡܪܝܐ ܢܚܼܙܐ܀ ܩܪܐܘܗܿ ܐܒܪܗܡ ܘܡܘܫܐ ܠܕܘܟܬܐ ܗܿܟܢ܀ ܗ݀ܝ ܠܡ ܝܕܥܿܬ ܕܕܚܠܗ ܐܢܬ ܕܐܠܗܐ. ܗ̄ ܕܐܘܕܥܬ݀ ܠܡ ܒܥܒܝܼܕܬܐ ܗܕܐ ܠ̈ܡܠܐܟܐ ܕܣܢܝܼܩܝܼܢ ܥܠ ܡܕܥܐ ܕܐܝܬܝܟ ܕܚܠܗ ܕܐܠܗܐ: ܐܬܼܘ ܠܝܘܡܐ ܬܠܝܼܬܝܐ ܐܪܙ ܩܝܡܬܐ ܕܠܬܠܬܐ ܝܘܡ̈ܝܼܢ܀ ܗ݀ܝ ܕܢܚܙܐ ܠܐܬܪܐ ܡܼܢ ܪܘܼܚܩܐ܀ ܥܠ ܕܒܿܬܪ ܙܒܢܐ ܪܚܝܼܩܐ ܢܫܩܼ̈ܠܢ ܗܼܘ̈ܝ ܫܘܾܡܐ: ܒܗܿ ܒܗܜܝ ܕܘܼܟܬܐ ܕܬܠܐܼ ܗܼܘܐ ܐܡܪܐ: ܒܗܿ ܐܬܬܠܝܼ ܡܪܢ ܒܙܩܝܼܦܐ܆ ܡܦ̈ܠܢ ܗܼܘ̈ܝ ܓܝܪ ܩܪ̈ܢܬܗ ܕܐܡܪܐ ܒܣܘ̈ܟܬܐ ܕܐܝܼܠܢܐ: ܘܒܪ ܬܡܢܐ ܗܼܘܐ ܫܢܝܼ̈ܢ ܐܝܼܣܚܩ ܒܗܿܘ ܙܒܢܐ܀ ܒܝܼ ܝܡܝܿܬ ܐܡܿܪ ܡܪܝܐ ܗ̄ ܐܠܘܼ ܐܡܼܪ ܕܒܝܼ ܝܡܝܿܬ ܐܡܿܪ ܡܪܝܐ ܗ̄ ܐܠܘܼ ܐܡܼܪ ܕܒܝܼ ܝܡܝܿܬ ܘܠܐ ܐܘܣܼܦ ܐ݀ܡܪ ܡܪܝܐ܇ ܡܫܬܼܩܠܐ ܗܼܘܬ݀ ܥܠ ܐܠܗܐ ܠܚܘܿܕ܆ ܒܗ݀ܝ ܕܐܡܼܪ ܒܝܼ ܝܡܝܿܬ ܐ݀ܡܪ ܡܪܝܐ ܡܬܼܢܣܒܐ ܥܠ ܡܠܐܟܐ: ܡܫܟܚܐ ܕܢܐܡܪ ܡܠܐܟܐ ܚܠܦ ܡܪܝܐ ܕܒܝܼ ܝܡܝ݀ܬ ܐ݀ܡܪ ܡܪܝܐ: ܘܒܟܘܟ̈ܒܐ ܡܿܕܡܐ ܠ̈ܟܐܢܐ ܘܙܕܝܼ̈ܩܐ ܕܡܼܢ ܙܪܥܗ܀ ܒܚܠܐ ܕܝܢ ܠܥܦܪ̈ܢܐ ܘܠܐܪ̈ܥܢܐ: ܘܙܪܥܐ ܕܝܼܠܗ ܩܿܪܐ ܠܡܫܝܼܚܐ ܕܒܗ ܐܬܼܒܪܟܘ ܥܡܡ̈ܐ ܠ݀ܐܛ ܗܼܘܐ ܠܗܘܢܿ ܢܡܘܿܣܐ܇ ܥܠ ܣܓܼܕܬ ܦܬܟܪ̈ܐ: ܐܬܼܒܪܟܘ ܕܝܢ ܟܕ ܗܝܡܼܢܘ ܒܡܫܝܼܚܐ܀ ܐܘܕܥ ܟܬܒܐ ܥܠ ܒܢ̈ܝܐ ܕܐܚܘܼܗܝ ܕܐܒܪܗܡ ܐܝܟܢܐ ܕܡܢܗܘܢܿ ܢܼܣܒ ܠܒܪܗ ܐܢܬܬܐ ܡܫܼܬܥܐ ܟܬܒܐ ܥܠ ܡܘܬܗܿ ܕܣܪܐ܀ ܡܢܝܢ ܫܢ̈ܝܗܿ ܡܬܼܥܗܕ ܕܢܠܦ ܕܟܡܐ ܚܝܼܬ݀ ܥܡ ܐܒܪܗܡ ܒܿܬܪ ܝܼܠܝܼܕܘܼܬܐ ܕܐܝܼܣܚܩ ܠܡܘܬܗܿ ܡܬܼܥܗܕ ܐܝܟܢܐ ܕܢܘܕܥ ܥܠ ܙܒܝܼܢܬܐ ܕܩܒܪܐ: ܘܕܐܝܟܢܐ ܐܬܩܒܼܪܬ݀: ܬܡܢ ܐܦ ܐܒܪܗܡ ܐܬܩܼܒܪ: ܘܗܝܼ ܐܬܝܗܿ ܐܪܥܐ ܕܡܘܼܠܟܢܐ܀ ܠܐ ܨܒܼܐ ܐܒܪܗܡ ܕܢܩܒܘܿܪ ܠܐܢܬܬܗ ܒܩܒܪܐ ܕܠܐ ܙܒܝܼܢܬܐ: ܕܠܐ ܟܕ ܙܪܥܝܼܢ ܘܚܿܨܕܝܼܢ ܢܒܕܪܘܢܼ ܓܪ̈ܡܝܗܿ: ܡܛ݀ܠ ܕܚܩܒܠܐ ܗܼܘܬ݀ ܒܝܬ ܩܒܘܪ̈ܐ܀ ܘܡܬ̈ܩܠܐ ܐܪܒܥܡܐܐ܇ ܐܘܿ ܙܘ̈ܙܐ ܗܼܘܘ ܐܘܿ ܐܣܬܝܪ̈ܐ܇ ܐܠܐ ܕܡܝܐ ܕܙܘ̈ܙܐ ܗܼܘܘ ܕܙܥܘܪܝܢ ܡܼܢ ܐܣܬܝܼܪ̈ܐ܀ ܟܣܦܐ ܕܢ݀ܦܩ ܠܬܓܪ̈ܐ ܗ̄ ܙܘ̈ܙܐ ܕܡܬܚܫܚܝܼܢ ܒܗܘܢܿ ܬܓܪ̈ܐ ܒܫܩܠܐ ܘܫܪܝܐ܀ ܡܥܪܬܐ ܐܥܝܼܦܬܐ ܗ̄ ܡܛܠ ܕܠܓܼܘ ܡܢܗܿ ܡܥܪܬܐ ܐܚܪܬܐ ܐܝܼܬ܀ ܟܣܦܐ ܫܠܡܐ ܗ̄ ܛܝ̈ܡܐ ܡܫܡܠ̈ܝܐ܀ ܢܣܼܒ ܐܒܪܗܡ ܠܩܢܛܘܪܐ ܐܢܬܬܐ ܒ݀ܬܪ ܡܘܬܐ ܕܣܪܐ: ܡܛܠ ܕܐܬܬܼܘܣܦ ܠܗ ܚܝܠܐ ܠܒܪ ܡܼܢ ܟܝܿܢܐ ܟܕ ܝܼܠܕ ܠܐܝܣܚܩ ܘܟܬܪ ܒܗ: ܡܛ݀ܠ ܡܦܪܝܢܘܼܬ ܒܢ̈ܝܐ ܘܢܣܼܒ ܚܕܐ ܡܼܢ ܐܡܗ̈ܬܗ: ܗ݀ܝ ܕܩܢܛܘܪܐ ܐܬܩܼܪܝܬ݀: ܘܠܘ ܡܛ݀ܠ ܪܓܬܐ ܫܩܼܠܗܿ܇ ܐܠܐ ܡܛܠ ܡܘܠܕܢܘܼܬ ܒܢ̈ܝܐ: ܘܕܒܢܘ̈ܗܝ ܢܬܒܕܪܘܢܼ ܒܟ݀ܠܕܘܟ܇ ܘܢܙܕܪܥܘܢܼ pb. 62 ܒܗܝܢ ܒܦܢܝ̈ܬܐ ܗܝܡܢܘܼܬܐ: ܫܬܐ ܓܝܪ ܒܢ̈ܝܐ ܝܠܼܕܬ݀ ܠܗ܆ ܘܠܒ̈ܢܝ ܒܢ̈ܝܐ ܕܬܪܝܢ ܡܬܥܼܗܕ ܡܘܫܐ܀ ܐܢܫܝܼ̈ܢ ܐܡܿܪܝܼܢ ܕܩܢܛܘܪܐ ܗܝܼ ܐܝܬܝܗܿ ܗܓܪ: ܒܿܬܪ ܡܘܬܐ ܕܣܪܐ ܝܼܨܦ ܐܒܪܗܡ []ܣܼܒ ܠܐܝܼܚܣܩ ܐܢܬܬܐ܀ ܘܩܼܪܐ ܐܒܪܗܡ ܠܥܒܕܗ ܣܒܐ ܪܒ ܒܝܬܐ ܗ̄ ܣܒܐ ܠܡ ܐ݀ܡܪܝܼܢ ܕܫܡܗ ܗܘܐ܆ ܘܠܘ ܕܩܫܝܼܫ ܒܫܢ̈ܝܐ܀ ܐܚܪ̈ܢܐ ܐ݀ܡܪܝܼܢ ܕܐܠܝܥܙܪ ܗܼܘܐ܀ ܣܝܼܡ ܠܡ ܐܝܼܕܟ ܬܚܝܬ ܚܨܝ ܘܐܘܿܡܝܟ ܒܡܪܝܐ ܗ̄ ܥܠ ܗܕܡ̈ܐ ܡܦܪ̈ܝܢܐ ܪܡܿܙ: ܗܘܿ ܕܓܙܝܼܪ ܒܦܘܼܩܕܢܐ ܐܠܗܝܐ: ܟܐܡܬ ܒܛܒܥܐ ܘܪܘܼܫܡܐ ܕܐܠܗܐ ܡܿܘܡܐ ܗܼܘܐ ܠܗ: ܐܘܡܝܗ ܒܐܠܗܐ ܕܫܡܝܐ ܘܕܐܪܥܐ: ܡܛܠ ܕܝܼܕܝܥ ܗܼܘܐ ܐܠܗܐ ܠܫܡܝ̈ܝܢܐ: ܥܬܝܼܕ ܗܼܘܐ ܕܢܬܝܼܕܥ ܐܦ ܠܐܪ̈ܥܢܐ ܒܒܣܪܐ ܐܘܿ ܦܓܪܢܝܐ܀ ܠܐ ܨܒܼܐ ܕܢܣܼܒ ܐܢܬܬܐ ܠܐܝܼܣܚܩ ܡܼܢ ܟܢܥ̈ܢܝܐ: ܕܠܐ ܒܝܕ ܚܘܼܠܛܢܐ ܕܥܡܗܘܢܿ: ܢܣܼ̈ܛܝܢ ܠܠܒܐ ܕܒܪܗ ܠܘܬ ܐܠܗܝ̈ܗܝܢ ܘܥܝܕܝ̈ܗܝܢ ܒܝܼܫ̈ܐ܇ ܢܣܼܒ ܐܢܬܬܐ ܢܘܼܟܪܝܬܐ܆ ܕܐܦܢ ܐܒܗ̈ܝܗܿ ܣܓ̈ܕܝ ܠܦܬܟܪ̈ܐ ܐܢܘܢܿ: ܐܠܐ ܗܝܼ ܟܕ ܡܬܼܥܝܕܐ ܥܡ ܐܝܼܣܚܩ ܝܿܠܦܐ ܠܢܡܘ̈ܣܘܗܝ ܘܒܗܿܘ ܒܢܐ ܬܚܝܬ ܚܨܐ ܐܘܿ ܥܛܡܐ ܡܿܘܡܝܢ ܗܼܘܘ: ܐܝܟ ܥܝܕܐ ܢܩܼܦ ܐܒܪܗܡ: ܠܒܪܝ ܠܐ ܬܗܼܦܟ ܠܬܡܢ ܗ̄ ܕܠܐ ܢܬܗܼܦܟ ܐܝܼܣܚܩ ܒܚܪ̈ܢܝܐ ܘܢܐܼܠܦ ܥܝܕ̈ܝܗܘܢܿ ܘܢܣܓܘܿܕ ܠܐܠ̈ܗܝܗܘܢܿ܆ ܘܐܚܪܬܐ ܡܛܠ ܕܐܠܗܐ ܡܠܼܟ ܠܐܒܪܗܡ ܕܢܬܼܠ ܠܗ ܐܪܥ ܕܒܗܿ ܥܿܡܪ ܗܼܘܐ ܘܠܙܪܥܗ܀ ܘܕܒܼܪ ܥܒܕܐ ܠܥܣܪܐ ܓܡ̈ܠܝܼܢ ܗ̄ ܐܛܥܢ ܥܠ ܓܡ̈ܠܐ ܡ̈ܐܢܐ ܕܕܗܒܐ ܘܥܒܘܪܐ ܘܚܡܪܐ: ܘܐܫܼܬܕܪ ܠܚܪܢ ܕܪܚܝܼܩܐ ܡܼܢ ܦܠܣܛܝܼܢܝ ܐܪܒܥܡܐܐ ܦܪ̈ܣܚܐ: ܐܪܡ ܩܿܪܐ ܠܚܪܢ ܘܒܝܬ ܢܗܪ̈ܝܢ܆ ܡܛ݀ܠ ܕܥܡ ܐܘܪܗܝ ܡܬܼܚܫܒܐ܀ ܘܟܕ ܡܿܨܠܐ ܐܬܼܬ݀ ܪܦܩܐ ܕܬܡܼܠܐ ܡ̈ܝܐ܇ ܘܡܼܢ ܕܐܡܼܪ ܠܗܿ ܕܐܫܩܐܝܼܢܝ ܘܐܡܼܪܬ݀ ܕܐܦ ܠܓܡ̈ܠܝܟ ܐ݀ܫܩܐ: ܐܫܬܘܕܥ ܕܗܝܼ ܐܝܬܝܗܿ ܐܢܬܬܐ ܕܡܿܟܪ ܠܐܝܣܚܩ: ܘܓܡܼܪܬ݀ ܠܡܫܩܝܘܼܬܗ ܗ̄ ܫܠܡܼܬ݀܀ ܩܕܫ̈ܐ ܕܕܗܒܐ ܡܬܩܠܐ ܡܬܩܠܗ ܗ̄ ܕܫܘܐ ܗܼܘܐ ܡܬܩܠܗܘܢܿ ܗ݀ܝ ܕܡܼܢ ܥܣܪܐ ܕܕܗܒܐ ܡܬܩܠܗܘܢܿ ܡܼܢ ܥܣܪܐ ܠܡ ܕܝܼܢܪ̈ܐ ܗܿܘܐ ܗܘܼܐ ܟܠ ܫܐܪܐ܆ ܫܐܪ̈ܐ ܕܝܢ ܙܥܘܪ̈ܐ ܘܠܘ ܪܘܪ̈ܒܐ܀ ܘܟܣܬܐ ܩܿܪܐ ܠܩܛܪ̈ܐ ܕܩܢܝܐ ܕܚ̈ܛܐ ܘܕܣܥܪ̈ܐ: ܐܘܿ ܠܣܥܪ̈ܐ܀ ܠܐ ܬܫܘܚܪܘܼܢܢܝ ܗ̄ ܠܐ ܬܘܚܪܘܼܢܢܝ ܠܘܬܟܘܿܢ ܒܕܐܨܠܚ ܐܠܗܐ ܣܘܼܥܪܢܝ܆ ܡܛܠ ܕܥܬܕ ܠܪܦܩܐ ܠܡܩܦܢܝ܀ ܚܬܢ ܗܘܝ ܠܐܠ̈ܦܐ ܗ̄ ܡܛܠܗܕܐ ܗܘܼܬ݀ ܥܩܪܬܐ: ܐܟܡܿܢ ܕܠܐ ܢܐܡܪܘܢܼ ܕܡܛܠ ܒܘܼܪܟܬܐ ܕܚ̈ܝܗܿ ܣܓܝܼܘ ܝܠ̈ܕܝܗܿ܆ ܐܠܐ ܕܬܬܝܼܕܥܝ ܕܒܨܠܘܿܬܐ ܕܐܝܼܣܚܩ ܒܛܢܼܬ܀ ܘܐܪܝܼܡܬ݀ ܪܦܩܐ ܥܝܢ̈ܝܗܿ ܘܚܼܙܬ݀ ܠܐܝܼܣܚܩ ܗ̄ ܓܒܪܐ ܗܼܘܐ ܕܫܘܼܦܪܐ ܐܝܼܣܚܩ: ܘܢܚ̈ܬܐ ܫܦܝܼܪ̈ܐ ܠܒܝܼܫ ܗܼ،ܐ ܘܐܟܡܿܢ ܕܫܡܝܼܥ ܗܼܘܐ ܠܗܿ ܠܪܦܩܐ ܡܼܢ ܥܒܕܐ ܡܛܠܬܗ ܝܕܥܼܬ݀ ܕܗܘܼܝܘܼܐ ܘܐܬܪܟܼܢܬ݀ ܥܠ ܓܡܠܐ ܗ̄ ܐܪܟܢܼܬ݀ ܪܝܫܗܿ ܟܕ ܡܬܼܟܚܕܐ ܗܼܘܬ݀ ܡܢܗܘܢܿ: ܕܡܼܢ ܕܫܐܼܠܬ݀ ܡܛܠܬܗ: ܘܟܕ ܝܕܥܬ݀ ܕܗܘܼܝܘܼ ܢܣܒܼܬ݀ ܐܪܕܝܼܕܐ ܘܐܬܟܣܼܝܬ݀ ܕܐܝܼܬܘܗܝ ܡܐܢܐ ܩܛܝܼܢܐ: ܘܗܜܝ ܚܿܙܝܐ ܠܐܢܫ ܡܼܢ ܠܓܘ ܒܗ: pb. 63 ܘܐܢܫ ܕܝܢ ܠܐ ܚܿܙܐ ܠܦܪܨܘܿܦܗܿ܀ ܘܐܥܠܼܗܿ ܐܝܼܣܚܩ ܠܡܫܟܢܐ ܕܣܪܐ ܗ̄ ܡܛ݀ܠ ܕܒܡܫܟ̈ܢܐ ܐܝܿܬܒܝܼܢ ܗܼܘܘ: ܐܝܟ ܛܝ̈ܝܐ ܕܒܡܕܒܪܐ܀ ܘܡܝܼܬ ܐܒܪܗܡ: ܘܐܬܟܢܼܫ ܠܘܬܗ ܥܡܗ܆ ܐܘܿܟܝܼܬ ܐܬܼܬܘܣܦ ܐܝܟ ܫܒܥܝܼܢ ܗ̄ ܐܪܙܐ ܕܩܝܡܬܐ ܕܦܓܪ̈ܐ ܡܬܬܨܝܼܪ ܒܗܿܠܝܢ ܡ̈ܠܐ ܕܐܦ ܒܢܦܫ̈ܬܗܘܢܿ ܚܝ̈ܢ ܠܐܠܗܐ܇ ܐܠܐ ܐܦ ܦܓܪܗܝܗܘܢܿ ܥܬܝܼܕܝܼܢ ܕܢܬܢܚܡܘܢܼ܆ ܬܘܼܒ ܬܘܣܦܬܐ ܥܠ ܡܕܡ ܕܡܫܼܬܪܐ ܡܛ݀ܠ ܠܐ ܗܘܝܐ ܘܐܠܘܼ ܟܿܠܗ ܒܪܢܫܐ ܡܫܼܬܪܐ ܡܛܠ ܐܝܟ ܕܐܦ ܦܓܪ̈ܐ܆ ܠܐ ܡܬܐܼܡܪܐ ܗܼܘܬ݀ ܕܐܬܼܬܘܣܦ ܦܠܢ ܥܠ ܥܡܗ ܘܐܦܠܐ ܕܐܬܟܼܢܫ܇ ܡܬܼܥܗܕ ܟܬܒܐ ܠܬܼܘܠ̈ܕܬܐ ܕܫܡܥܝܠ ܬܢܢ܇ ܡܛܠ ܕܩܕܡ ܒܕܩ ܕܝܒ̄ ܪܘܪ̈ܒܢܝܢ ܢܘܠܕ: ܨܒܼܬ݀ ܢܒܝܘܼܬܐ ܕܠܗܿܠܝܢ ܬܫܡܼܗܝ܆ ܘܠܡܥܡܪܗܘܿܢ܇ ܘܐܝܬܝܗܘܢܿ ܐܪ̈ܐܒܝܐ܇ ܘܐܝܬ ܡܢܗܘܢܿ ܕܣܿܠܩܝܼܢ ܒܝܘܼܒܠܐ ܥܕܡܐ ܠܫܡܥܝܠ ܘܠܐܒܪܗܡ ܘܐܕܡ: ܒܐܬܪܐ ܕܝܡܢ ܕܠܓܘ ܡܼܢ ܐܪ̈ܐܒܝܐ ܐܝܬ ܥܡܐ ܕܡܡܠܠܝܼܢ ܬܘܼܒ ܒܠܫܢܗܘܢܿ: ܘܠܐ ܝܘܕ̈ܝܐ ܐܢܘܿܢ ܐܦܠܐ ܟܪ̈ܣܛܝܢܐ ܘܐܦܠܐ ܠܡܚܡܕ ܫܿܠܡܝܼܢ: ܘܒܠܥܕ ܟܬܒܐ܆ ܘܐܝܟ ܕܗܿܠܝܢ ܕܡܿܢ ܝܘܼܒܠܐ ܕܐܒܐ ܣܿܠܩܝܼܢ ܒܫܪ̈ܒܬܐ ܥܕܡܐ ܠܢܘܿܚ ܘܐܕܡ܀ ܘܨܠܝܼ ܐܝܼܣܚܩ ܡܛܠ ܐܢܬܬܗ ܕܥܩܪܬܐ ܗܿܝ ܗ̄ ܓܒܼܐ ܐܠܗܐ ܠܥܩܪ̈ܬܐ ܕܠܐ ܣܘܼܟܝܐ ܐܢܫܝܐ ܢܐܼܠ̈ܕܢ܆ ܠܫܘܼܘܕܥܐ ܘܠܒܘܼܕܩܐ ܘܐܪܙܐ ܗܿܘ ܕܥܬܝܼܕ ܕܢܬܝܼܠܕ ܡܼܢ ܒܬܘܼܠܬܐ܀ ܘܒܼܛܢܬ݀ ܪܦܩܐ ܘܐܠܨܝܼܢ ܒܢ̈ܝܗܿ ܗ̄ ܡܫܘܪܝܼܢ ܒܟܪܣܗܿ ܘܥܿܨܝܢ܀ ܘܐܙܼܠܬ݀ ܕܬܫܼܐܠܝ ܡܼܢ ܡܪܝܐ ܗ̄ ܐܬܬܙܝܼܥܬ݀ ܡܼܢ ܛܝܒܘܼܬܐ ܕܬܟܬܘܫܐ ܕܥܘܼ̈ܠܐ܆ ܡܕܡ ܡܿܫܘܕܥ ܘܐܙܠܼܬ݀ ܠܕܘܼܟܬܐ ܦܪܝܼܫܬܐ ܕܣܓܼܕܬܐ ܠܘܬ ܡܠܟܝܙܕܩ ܐܘܿ ܐܢܫ ܐ̱ܚܪܝܢ: ܘܐܝܬ ܕܐܡܿܪܝܼܢ ܕܠܘܬ ܫܝܡ ܐܒܪܗܡ ܐܙܠܼܬ܀ ܡܛ݀ܠ ܕܚܝ ܗܼܘܐ ܒܗܿܘ ܙܒܢܐ܇ ܒܪ ܡܐܐ ܫܢ̈ܝܼܢ ܐܘܠܕ ܠܐܝܼܣܚܩ ܘܐܝܣܚܩ ܒܪ ܫܬܝܢ ܫܢ̈ܝܼܢ ܐܘܠ ܠܥܣܘܿ ܘܠܝܥܩܘܿܒ܇ ܘܐܒܪܗܡ ܚܝܼܐ ܡܐܐ ܘܫܒܥܝܼܢ ܘܚܡܫ ܫܢ̈ܝܼܢ: ܘܐܡܿܪܝܼܢܢ ܕܠܐ ܫܿܒܩܐ ܗܼܘܬ݀ ܠܐܒܪܗܡ: ܘܐܙܿܠܐ ܗܼܘܬ݀ ܨܝܕ ܡܠܟܝܙܕܩ: ܡܦܣܐ ܗܼܘܬ݀ ܓܝܪ ܕܐܒܪܗܡ ܓܒܝܐ ܗܼܘܬ ܘܢܒܝܐ: ܐܘܿ ܠܘܬ ܚܕ ܡܼܢ ܡܕܒ̈ܚܐ ܕܒܼܢܐ ܐܒܪܗܡ ܐܙܠܼܬ݀ ܘܨܠܝܼܬ݀ ܘܩܪܒܼܬ݀ ܕܒܚܼܐ: ܘܬܡܢ ܐܬܐܼܡܪ ܠܗܿ ܒܚܼܠܡܐ܀ ܘܟܿܠܗ ܥܙܩ̈ܬܐ ܕܣܥܪܐ ܗ̄ ܝܣܘܣ ܗܼܘܐ ܥܣܘ: ܘܣܥܪܬܢܐ: ܥܣܘ܆ ܣܥܪܬܢܐ ܡܬܦܼܫܩ: ܢܦܼܩ ܐܚܘܼܗܝ ܘܐܝܼܕܗ ܐܚܝܼܕܐ ܒܥܩܒܗ ܗ̄ ܟܐܡܬ ܕܠܐ ܫܿܒܩ ܐܢܼܐ ܠܟ ܕܡܼܢ ܩܕܡܝ ܬܦܘܿܩ: ܘܥܠ ܗܕܐ ܐܬܩܪܝܼ ܝܥܩܘܿܒ ܗ̄ ܐܚܝܼܕ ܒܥܩܒܗ: ܐܫܬܡܠܝܬ݀ ܗܕܐ ܘܙܟܝܗܿܝ: ܟܕ ܢܣܼܒ ܒܘܼܟܪܘܬܗ ܘܒܘܼܪ̈ܟܬܗ܀ ܝܥܩܘܿܒ ܬܡܝܼܡ ܘܥܿܡܪ ܒܡܫܟܢܐ ܗ̄ ܒܒܝܬܐ ܥܿܡܪ ܗܼܘܐ ܥܡ ܐܡܗ: ܘܡܿܫܡܠܐ ܗܼܘܐ ܥܒܿܕ ܕܒܝܬܐ܀ ܐܛܥܡܝܢܝ ܡܼܢ ܣܘܼܡ̈ܩܐ ܣܘܼܡܩܐ ܗܢܐ ܗ̄ ܐ݀ܡܪܝܼܢ ܕܛܠ̈ܦܚܐ ܕܦܠܣܛܝܼܢܝ ܣܘܡܩܝܼܢ ܘܕܡܿܝܢ ܠܣܪܝܩܘܢ ܐܘܿ ܠܕܡܐ܆ ܐܢ ܗܼܢܘܢܿ ܠܚܘܕܝܗܘܢܿ ܒ݀ܫܠܝܼܢ܇ ܘܐܢ ܥܡ ܡܕܡ ܐܚܪܝܢ܀ ܗ݀ܝ ܕܡܼܢ ܣܘܼܡ̈ܩܐ ܣܘܼܡܩܐ ܗܢܐ ܗ̄ ܗܒܠܝܼ ܡܼܢ ܛܠ̈ܦܚܐ ܗܿܠܝܢ pb. 64 ܣܘܼܡ̈ܩܐ܇ ܒܦܝܢܟܐ ܗܢܐ ܣܘܼܡܩܐ ܗ̄ ܕܢܚܫܐ ܘܒܿܬܪ ܕܙܒܢ ܒܘܼܟܘܼܬܗ ܒܒܘܼܫܠܐ ܕܛܠ̈ܦܚܐ: ܐܬܩܪܝܼ ܫܡܗ ܐܕܘܡ: ܕܡܝܐ ܕܝܥܩܘܿܒ ܣܼܡ ܠܗ ܗܢܐ ܫܡܐ܀ ܐܚܪ̈ܢܐ ܐܡܿܪܝܼܢ ܕܗܘܼ ܣܘܼܡܩܐ ܘܣܡܩܪܢܐ ܐܝܼܬ̄ܘ ܗܼܘܐ܇ ܘܐܡܼܪ ܕܐܛܥܡܝܢܝ ܡܼܢ ܣܘܼܡ̈ܩܐ ܠܝܼ ܠܣܘܼܡܩܐ: ܘܝܼܡܐ ܠܗ ܘܙܒܼܢ ܒܘܼܟܪܘܼܬܗ ܗ̄ ܒܗܿܘ ܙܒܢܐ ܝܩܝܼܪ̈ܢ ܗܼܘ̈ܝ ܡܘܡ̈ܬܐ ܘܠܐ ܡܬܕܓ̈ܠܢ ܗܼܘ̈ܝ ܘܒܙܗܝܼܪܘܬܐ ܡܬܼܢܛܪ̈ܢ ܗܼܘ̈ܝ ܘܡܢܐ ܐܝܼܩܪܐ ܐܝܼܬ ܗܼܘܐ ܠܒܘܼܟܪܘܼܬܐ܆ ܘܐܡܿܪܝܼܢܢ ܕܒܗܿܘ ܙܒܢܐ ܬܘܣܦܬܐ ܐܝܼܬ ܗܼܘܐ ܒܝܪܬܘܬܐ܀ ܘܐܙܼܠ ܐܝܼܣܚܩ ܠܘܬ ܐܒܝܡܠܟ ܗ̄ ܡܼܢ ܥܠܼܬ ܟܦܢܐ ܐܙܼܠ: ܘܠܐ ܐܝܼܬ̄ܘ ܗܘܼܐ: ܗܘܿ ܕܒܝܘܡ̈ܝ ܐܒܪܗܡ: ܐܠܐ ܐܚܪܢܐ܀ ܐܒܝܡܠܟ ܐܒܐ ܘܡܠܟܐ܀ ܘܐܕܝܼܩ ܐܒܝܼܡܠܟ ܘܚܼܙܐ ܠܐܝܣܚܩ ܟܕ ܡܓܚܟ ܗ̄ ܡܛܠ ܕܗܿܠܝܢ ܒܬ̈ܐ ܕܡ̈ܠܟܐ܆ ܐܘܿ ܥܠ ܬܝ̈ܒܐ ܘܥ̈ܠܝܬܐ ܕܫܘܼܪܐ ܡܿܗܠܟ ܗܼܘܐ: ܘܚܼܙܐ ܕܡܫܬܼܬܘܦ ܠܐܢܬܬܗ܇ ܗܕܐ ܗܿܝ ܕܡܓܚܟ܀ ܠܐ ܬܚܘܿܬ ܠܡܨܪܝܢ ܗ̄ ܠܐ ܝܗܼܒ ܐܠܗܐ ܠܐܝܼܣܚܩ ܕܢܚܘܿܬ ܠܡܨܪܝܢ: ܐܟܡܿܢ ܕܢܬܼܬܟܠ ܥܠܘܗܝ܆ ܘܕܠܐ ܬܫܦܼܪ ܒܥܝܢ̈ܘܗܝ ܡܨܪܝܢ ܘܢܬܼܒ ܒܗܿ ܘܢܬܼܚܠܛ ܒܥܝ̈ܕܝܗܘܢܿ: ܐܡܿܪ ܐܒܝܡܠܟ ܠܐܝܣܚܩ: ܡܢܐ ܗܿܘ ܗܕܐ ܕܥܒܼܕܬ ܠܢ: ܥܕ ܩܠܝܼܠ ܕܡܟ ܗܼܘܐ ܚܕ ܡܼܢ ܥܡܐ ܥܡ ܐܢܬܬܟ: ܘܡܿܝܬܐ ܗܼܘܝܬ ܥܠܝܢ ܚܛܗ̈ܐ: ܘܐܡܼܪ ܐܒܝܡܠܟ ܠܥܡܐ ܕܡܿܢ ܕܡܿܗܪ ܠܗܢܐ ܢܬܩܼܛܠ ܗ̄ ܐܬܒܩܐ ܒܢܟܦܘܼܬܐ ܕܚܢ̈ܦܐ ܕܐܝܟܢܐ ܥܪܩܝܼܢ ܗܼܘܘ ܡܼܢ ܓܘܪܐ܀ ܘܙܪܥ ܐܝܣܚܩ ܘܐܫܟܼܚ ܒܫܢ̱ܬܐ ܗ݀ܝ ܡܐܐ ܕܣܥܪ̈ܐ ܗ̄ ܟܘܪܐ ܚܕ ܥܿܒܕ ܗܼܘܐ ܡܐܐ܀ ܥܒܕܬܐ ܪܒܬܐ ܗ̄ ܥܒ̈ܕܐ ܘܐܡܗ̈ܬܐ ܘܓܡ̈ܠܐ ܘܩܢܝܿܢܐ ܘܒܥܝܼܪܐ܀ ܚܦܼܪܘ ܘܚܛܘ ܒܢܚܠܐ ܒܕܘܼܟܬܐ ܕܒܗܿ ܪܕܝܢ ܗܼܘܘ ܡ̈ܝܐ: ܕܡ̈ܝܐ ܚ̈ܝܐ: ܡ̈ܝܐ ܡܫܬ̈ܬܝܢܐ ܕܡܚܝܢ: ܐܘܿ ܡܛܠ ܕܪܕܝܢ: ܩܿܪܐ ܗܼܘܐ ܠܗܘܢܿ ܚܝ̈ܐ ܥܣܩܐ ܗ̄ ܥܣܩܘܼܬܐ܀ ܣܛܢܐ ܗ̄ ܕܠܩܘܼܒܠܝܘܼܬܐ ܐܝܟ ܗ݀ܝ ܕܐܩܝܼܡ ܡܪܝܐ ܣܛܝܢܐ ܠܫܠܝܡܘܢ. ܘܩܼܪܐ ܫܡܗܿ ܪܚܒܘܬ ܗ̄ ܪܘܚܬܐ܀ ܐܪܘܚ ܡܪܝܐ ܗ̄ ܫܪܬܚܼܢܝ ܠܡ ܐܠܗܐ܀ ܘܩܼܪܐ ܫܡܗܿ ܒܪ ܫܒܥ ܗ̄ ܝܗܼܒ ܠܢ ܐܠܗ ܒܪܐ ܕܣܒܥܘܼܬܐ܀ ܘܒܢܼܐ ܬܡܢ ܡܕܒܚܐ ܗ̄ ܗܪܟܐ ܐܬܟܗܢ ܐܝܼܣܚܩ ܟܕ ܐܬܓܠܝܼ ܥܠܘܗܝ ܡܪܝܐ: ܘܒܢܼܐ ܒܕܘܼܟܬܐ ܡܕܒܚܐ ܘܩܪܒ ܩܘܼܪ̈ܒܢܐ܀ ܗܐ ܠܡ ܣܐܟܿܬ ܗ̄ ܡܼܢ ܐܒܪܗܡ ܐܬܼܝܠܦ ܐܝܣܚܩ ܕܢܒܪܟ ܠܒܪܗ: ܝܿܕܥ ܗܼܘܐ ܕܠܥܒܿܕܐ ܢܦܩ̈ܢ: ܘܒܛܝܼܠܘܼܬܐ ܐܠܗܝܬܐ ܕܥܠ ܝܥܩܘܿܒ܆ ܐܥܒܼܕܬ݀ ܒܐܝܼܣܚܩ ܕܢܫܼܐܠ ܡܼܢ ܥܣܘܿ ܕܢܨܘܼܕ ܨܝܕܐ ܘܢܥܼܒܕ ܠܗ ܒܘܼܫܠܐ: ܐܝܟܢܐ ܕܟܕ ܬܫܡܼܥܝ ܐܡܗ ܪܦܩܐ ܕܬܦܼܩܕܝ ܠܝܥܩܘܿܒ ܘܢܬܩܢ ܡܐܟܘܿܠܬܐ ܘܢܣܼܒ ܠܒܘܼܪܟܬܐ: ܘܪܦܩܐ ܐܫܬܼܪܪܬ݀ ܕܒܘܼܪ̈ܟܬܐ ܢܦܩ̈ܢ ܠܥܒܿܕܐ: ܡܼܢ ܗܜܝ ܕܒܨܠܘܿܬܗ ܕܐܝܣܚܩ ܒܼܛܢܬ݀ ܘܝܠܕܬ݀ ܘܡܼܢ ܗ݀ܝ ܕܐܬܐܡܼܪܬ݀ ܠܗ ܒܢܒܝܘܼܬܐ ܕܪܒܐ ܢܫܬܼܥܒܕ ܠܙܥܘܪܐ܀ ܟܕ ܐܙܠܼܬ݀ ܠܡܫܼܐܠ ܡܼܢ ܡܪܝܐ܀ ܡܛܠ ܕܠܐ ܢܬܚܬܪܘܢܼ pb. 65 ܝܘ̈ܕܝܐ ܥܠ ܥܡ̈ܡܐ ܕܩܕܝܼܡܝܼܢ ܠܗܘܢܿ: ܦܣܼܩ ܐܠܗܐ ܠܪܡܘܼܬܗܘܢܿ: ܕܗܐ ܠܡ ܝܥܩܘܿܒ ܘܥܣܘܿ ܒܚܕ ܡܪܒܥܐ ܐܬܒܼܛܢܘ܇ ܘܪܒܐ ܐܫܬܼܥܒܕ ܠܙܥܘܪܐ܀ ܘܐܦܢ ܒܘܼܪ̈ܟܬܐ ܡܼܢ ܐܝܼܣܚܩ ܗܼܘ̈ܝ ܐܠܐ ܚܝܠܐ ܐܠܗܝܐ ܛܡܝܼܪ ܗܼܘܐ ܒܗܝܢ܀ ܘܐܡܼܪ ܝܥܩܘܿܒ ܕܐܢܿܐ ܠܡ ܫܥܥ ܗ̄ ܕܠܐ ܣܥܪܐ܆ ܡܐܢ̈ܐ ܪ̈ܓܝܼܓܐ ܗ̄ ܢܩ̈ܕܐ ܘܪ̈ܝܫܝܐ ܕܥܣܘܿ: ܘܡܫܟܐ ܕܓܕ̈ܝܐ ܗ̄ ܕܡܝܐ ܕܦܣܼܩܬ݀ ܐܢܘܿܢ ܠܡܫܟ̈ܐ܆ ܘܚܛܼܬ݀ ܐܢܘܿܢ ܥܠ ܫܥܥܘܼܬܐ ܕܨܘܪܗ܆ ܡܛ݀ܠ ܕܓܠܝܼܙ ܗܼܘܐ ܨܘܪܗ ܡܼܢ ܣܥܪܐ܀ ܠܐ ܐܬܬܗܝܼ ܐܝܣܚܩ ܡܼܢ ܒܘܼܪ̈ܟܬܐ ܡܛ݀ܠ ܕܐܠܗܐ ܐܙܝܼܥܗ܀ ܘܐܐܦܢ ܐܝܣܚܩ ܐܝܟ ܕܠܥܣܘܿ ܒܪܟ ܐܠܐ ܒܿܬܪ ܕܐܬܓܼܠܝܬ݀ ܨܒܘܼܬܐ ܒܪܟ ܐܝܣܚܩ ܠܥܣܘܿ ܒܘܼܪ̈ܟܬܐ ܐܚܪ̈ܢܬܝܐ ܘܗܿܠܝܢ ܩܕܡ̈ܝܬܐ ܕܒܫܡܗ܆ ܠܘܬ ܝܥܩܘܒ ܥܒܼܪ̈ܝ܇ ܝܼܕܝܼܥܐ ܬܘܼܒ ܡܼܢ ܗܝ ܕܐܘܣܦ: ܕܐܦ ܒܪܝܼܟ ܢܗܼ،ܐ܀ ܚܙܘ ܪܝܚܗ ܕܒܪܝ ܐܝܟ ܚܩܠܐ ܕܒܪܟܗܿ ܡܪܝܐ ܗ̄ ܗ݀ܝ ܕܚܼܙܘ ܠܐܡܗ ܕܝܥܩܘܿܒ ܘܠ̈ܛܠܝܐ ܕܩܿܝܡܝܼܢ ܩܕܡܘܗܝ ܐܡܼܪ: ܟܕ ܪܡܿܙ ܕܥܬܝܼ̈ܕܢ ܠܡ ܛܒ̈ܬܐ ܕܡܼܢ ܒܪܝ ܕܢܚ̈ܢ ܕܣܝܩܢ ܠܗܝܢ ܟ݀ܠܗܘܿܢ ܥܡܡ̈ܐ܇ ܠܘ ܒܪܝܚܐ ܓܘܼܫܡܢܝܐ ܗܼܘܐ: ܐܠܐ ܕܚܝܠܐ ܕܪܘܼܚܐ ܩܕܝܫܐ: ܒܝܕ ܪܝܫܚܐ ܡܒܕܩܐ ܥܠ ܛܒ̈ܬܐ ܕܥܬܝܼܕ̈ܢ܇ ܪܝܚܐ ܚܢܢ ܠܡ ܒܣܝܼܡܐ ܒܡܫܝܼܚܐ܀ ܦܚܼ ܓܝܪ ܠܐܝܼܣܚܩ ܡܼܢ ܝܥܩܘܿܒ ܪܝܫܚܐ ܡܕܡ ܡܬܝܕܥܢܐ ܗܘܿ ܕܡܼܢ ܙܪܥܗ ܥܬܝܼܕ ܗܼ،ܐ ܕܢܕܢܚ: ܕܐܝܼܬ̄ܘ ܡܫܝܼܚܐ܀ ܚܩܠܐ ܕܒܪܟܗܿ ܡܪܝܐ: ܦܪܕܝܣܐ ܐܝܼܬܘܗܝ ܪܘܼܚܢܐܝܬ܆ ܚܩܠܐ ܐܝܬܝܗܿ ܒܬܘܼܠܬܐ ܩܕܝܼܫܬܐ ܕܐܬܩܼܝܬ݀ ܒܪܝܼܟܬ ܒܢ̈ܫܐ ܡܼܢ ܡܠܐܟܐ܀ ܡܼܢ ܛܠܐ ܕܫܡܝܐ ܗ̄ ܥܠ ܒܛܝܼܠܘܼܬܐ ܐܠܗܝܬܐ ܕܗܿܘܝܐ ܥܠܘܗܝ ܡܼܢ ܠܥܠ ܪ݀ܡܙ܀ ܫܘܼܡܢܗܿ ܕܐܪܥܐ ܠܣܓܝܐܘܬܐ ܕܦܐܪܗܐ: ܛܠܐ ܕܫܡܝܐ: ܡܘܗ̈ܒܬܐ ܘܫܘܼ̈ܟܢܐ ܕܪܘܼܚܐ ܕܐܬܝܼܗܒ ܒܝܕ ܡܫܝܼܚܐ: ܠܫܠ̈ܝܼܚܐ ܕܐܝܬܝܗܘܢܿ ܡܼܢ ܙܪܥܗ ܕܝܥܩܘܿܒ܀ ܫܘܼܡܢܐ ܕܐܪܥܐ ܠܚܛ̈ܐ ܘܚܡܪܐ ܡܿܐܪܙ܆ ܕܡܬܝܼܠܝܼܢ ܒܦܓܪܐ ܘܕܡܐ܀ ܬܘܼܒ ܫܘܼܡܢܐ ܕܐܪܥ ܡܣܟܠ܆ ܕܟܕ ܐܪܥܐ ܐܬܬܠܝܼܛܬ݀ ܘܒܕܘܼܥ̈ܬܐ ܐܬܓܙܼܡܬ݀ ܕܡܬܼܐܟܠܐ ܕܒܡܫܝܚܐ ܐܫܬܪܝܼܘ ܗܿܠܝܢ ܘܡܠܼܟ ܡܠܟܘܼܬܐ ܕܫܡܝܐ ܕܠܗܿ ܩܿܪܐ ܫܘܼܡܢܗܿ ܕܐܠܪܥܐ: ܐܦ ܠܦܘܼܩ̈ܕܢܘܗܝ܀ ܬܘܗ ܐܝܣܚܩ ܬܘܗܬܐ ܪܒܬܐ ܗ̄ ܐܬܕܡܪ ܒܛܝܒܘܼܬܐ ܐܠܗܝܬܐ: ܕܟܕ ܗܝܼ ܠܐ ܨܿܒܝܐ ܒܗܝܢ ܨܢܥ̈ܬܐ ܒܛܝܼ̈ܠܢ ܐܢܝܢ܀ ܐܬܩܪܝܼ ܢܟܝܼܠܐ ܝܥܩܘܿܒ ܐܟܡܿܢ ܕܢܣܼܒ ܠܒܟܘܼܟܪܘܼܬܝ ܘܠܒܘܼܪܟܬܝ܀ ܐܢ ܬܬܘܼܒ ܢܥܼܒܪ ܢܝܼܗ ܡܼܢ ܨܘܪܟ ܗ̄ ܐܢ ܢܬܘܼܒܘܢܼ ܠܡ ܗܿܢܘܢܿ ܕܡܢܟ ܠܘܬ ܗܿܘ ܕܡܼܢ ܐܚܘܼܟ: ܘܢܩܒܠܘܢܼ ܠܢܝܼܪܗ ܒܣܝܼܡܐ܀ ܥܿܒܪ ܢܝܼܪܐ ܕܚܛܝܼܬܐ ܡܼܢ ܨܘܪ̈ܝܗܘܢ܀ ܕܬܬܘܼܒ ܬܫܼܠܛ ܐܡܼܪ ܗ̄ ܐܢܗܘܼ ܕܦܿܠܚ ܐܢܬ ܠܐܚܘܼܟ ܒܨܒܝܢܐ ܛ݀ܒܐ: ܡܦܠܥ ܐܢܬ ܠܢܝܼܪܗ ܡܼܢ ܨܘܪܟ܀ ܦܪܢ ܩܪܝܼܬܐ ܗܿܝ ܕܒܚܪܢ܀ ܐܪܡ ܡܬܼܩܪܐ ܐܬܪܐ ܕܚܪܢ܀ ܘܟܕ ܡܿܗܠܟ ܝܥܩܘܿܒ ܥܒܼܪ ܠܗ ܫܡܫܐ ܘܦܓܼܥ ܒܐܬܪܐ ܗ̄ ܕܘܼܟܬܐ ܕܪܚܝܼܩܐ ܡܢܗܘܢܿ ܫܒܥܐ ܦܪ̈ܣܝܐ܀ ܘܚܙܐ ܣܒܠܬܐ ܡܢܗܘܢܿ ܫܒܥܐ ܦܪ̈ܣܝܐ܀ ܘܚܙܐ ܣܒܠܬܐ ܘܫܪܟܐ ܗ̄ ܥܠܼܬܐ ܕܓܠܝܢܐ ܚܼܙܐ: ܐܝܟ pb. 66 ܕܠܠܘܒܒܗܼ ܕܐܦܢ ܥܪܝܼܩ ܡܼܢ ܒܝܬ ܐܒܘܼܗܝ: ܠܐ ܢܦܣܘܿܩ ܣܒܪܐ: ܡܛܠ ܕܐܠܗܐ ܒܟܿܠܕܘܼܟ ܐܝܼܬܘܗܝ܀ ܘܪܡܿܙ ܬܘܼܒ ܕܥܬܝܼܕܝܼܢ ܐܬܪ̈ܘܬܐ ܥ̈ܠܝܐ ܕܢܬܬܕܝܼܫܘܢܼ ܠܘܼܩܕܡ ܡܼܢ ܗܿܘ ܕܡܼܢ ܙܪܥܗ ܡܬܝܼܠܕ ܒܒܣܪ܆ ܘܒ݀ܬܪܟܢ ܡܼܢ ܟ݀ܠܗܘܢܿ ܙܕܝܼܩ̈ܐ ܥܕܡܐ ܠܪܝܫܗܿ ܣܿܠܩܝܼܢ ܗܼܘܘ ܟܕ ܠܓܘ ܠܐ ܥܿܐܠܝܼܢ ܗܼܘܘ: ܚܕܐ ܕܥܡ ܟܿܠܗܿ ܒܪܝܼܬܐ ܐܦ ܗܼܢܘܢ ܡܩܒܠܝܼܢ ܒܘܼܣܡܐ ܕܥܬܝܼܕ܀ ܒ̄: ܥܠ ܬܫܡܼܫܬܗܘܢܿ ܕܥܠ ܐܦܝܼܗܢ ܗܕܐ ܓܝܪ ܡܿܘܕܥܐ ܡܣܩܬܗܘܢܿ ܘܡܚܬܬܗܘܢܿ܀ ܗܿܝ ܕܡܪܝܐ ܠܥܠ ܡܢܗܿ ܩܿܐܡ: ܕܡܢܗ ܠܡ ܡܫܬܕܪܝܼܢ ܡ̈ܠܐܟܐ ܘܢܚܬܘܢܼ ܠܬܫܡܼܫܬܐ ܕܐܝܠܝܢ ܕܬܥܝܼܕܝܢ ܠܡܐܪܬܬ ܚܝ̈ܐ܀ ܘܦܓܼܥ ܒܐܬܪܐ ܗ̄ ܒܩܪܝܼܬܐ ܚܕܐ ܘܕܡܼܟ ܠܒܪ ܡܢܗܿ: ܘܒܕܘܼܟܬ ܒܣܕܝܐ܇ ܣܡܼ ܟܐܦܐ ܬܚܝܬ ܪܝܫܗ ܘܡܫܼܚܐ ܕܢܣܼܟ ܒܪܝܫܗܿ: ܕܙܝܬܐ ܗܼܘܐ ܘܡܼܢ ܩܪܝܼܬܐ ܗܼܘܐ܀ ܝܥܩܘܿܒ ܕܣܪܘܓ ܐ݀ܡܪ ܕܡܼܢ ܥܘܼܬܪܐ ܕܐܒܘܼܗܝ ܠܐ ܢܣܼܒ ܥܡܗ: ܐܠܐ ܐܢ ܚܘܼܛܪܐ ܘܡܫܚܐ܇ ܟܒܪ ܕܟܕ ܠܿܐܐܼ ܒܐܘܼܪܚܐ ܢܡܫܘܿܚ ܒܗ ܠܗܕܡ̈ܐ ܡܗ̈ܠܟܢܐ ܘܥܡ ܗܿܠܝܢ ܡܿܠܒܩ ܠܝܥܩܘܿܒ ܕܐܠܗܗ ܐܝܼܬܘܗܝ: ܘܡܘܗܒ̈ܬܐ ܘܫܟܢ ܠܗ ܗ̄ ܐܪܥ ܕܡܘܼܠܟܢܐ ܫܪܝܪܐܝܬ ܡܪܝܐ ܐܝܬ ܒܐܬܪܐ ܗܢܐ ܗ̄ ܐܣܒܪ ܕܡܣܝܟܐ ܗܿܘ ܐܠܗܐ ܘܬܪܥܐ ܐܝܬ ܠܫܡܝܐ܀ ܒܝܬ ܐܝܠ ܗ̄ ܒܝܬܐ ܕܐܠܗܐ: ܘܥܠ ܡܚܬܬܗ ܘܡܣܩܬܗ ܕܝܥܩܘܿܒ ܕܠܐܬܪܗ ܪܫܡܐ ܗܼܘܬ݀ ܣܒܠܬܐ ܕܕܚܼܠ ܝܥܩܘܿܒ: ܕܐܬܪܗܒ ܒܕܠܘ ܒܙܗܝܼܪܘܼܬܐ ܐܠܐ ܐܝܟ ܕܒܕܘܼܟܬܐ ܫܚܝܼܡܬܐ ܒܼܬ ܒܗܿ: ܟܐܦܐ ܠܡ ܠܥܕܬܐ ܪܡܙܐ܀ ܐܪܝܼܡ ܝܥܩܘܿܒ ܪ̈ܓܠܘܗܝ ܗ̄ ܕܫܪܝܼ ܠܡܦܼܣܥ ܘܠܡܪܕܐ܀ ܗ݀ܝ ܕܫܠܡ ܗܘܼ ܗ̄ ܚܠܝܼܡ ܗܼܘ: ܘܢܫܼܩܗܿ ܝܥܩܘܿܒ ܠܪܚܝܠ ܗ̄ ܠܘ ܒܚܫܐ ܐܠܐ ܐܝܟ ܥܝܕܐ ܕܣܘܪܝܐ ܕܡܢܫܩܝܼܢ ܠܩܪ̈ܝܼܒܝܗܘܢ܆ ܒܟܼܐ ܕܝܢ ܟܕ ܚܙܼܗܿ ܒܕܝܼܕܥ ܕܗܝܼ ܐܝܬܝܗܿ ܒܪܬ ܠܒܢ ܐܚܐ ܕܐܡܗ: ܒܟܼܝܐ ܕܚܕܘܿܬܐ ܘܠܘ ܕܥܩܬܐ܀ ܥܓܠ ܟܐܦܐ ܡܼܢ ܒܪܐ. ܗ̄ ܠܘ ܗܘܼ ܒܠܚܘܕܘܗܝ: ܐܠܐ ܪ̈ܥܘܬܐ ܕܐܝܼܬ ܗܼܘܐ ܥܡܗ ܡܛܠ ܕܪܒܐ ܗܼܘܬ݀ ܒܪܡ ܒܨܠܘܿܬܗ ܐܬܥܪܓܠܼܬ݀܀ ܪܚܝܠ ܐܡܪܬܐ ܐܘܿܟܝܼܬ ܢܩܝܐ ܡܬܦܼܫܩܐ܀ ܠܐܝܐ ܠܐܝܼܬ݀ ܒܕܒܚ̈ܐ܇ ܡܛܠ ܕܣܢ̈ܝܢ ܗܼܘ̈ܝ ܥܝܢ̈ܝܗܿ܆ ܝܿܐܝܿܐ ܗܼܘܬ݀ ܩܘܼܒܠܠܗܿ ܕܪܚܝܠ ܗ̄ ܕܡܼܢ ܟܿܠ ܓܒ̈ܝܼܢ ܦܐܝܐ ܗܼܘܬ݀܀ ܩܘܒܠܠܗܿ ܗ̄ ܦܓܥܐ ܕܐܦܝ̈ܗܿ: ܦܪܨܘܦܗܿ ܫܦܝܼܪ ܗܼܘܐ܀ ܪ̈ܟܝܟܢ ܗܼܘ̈ܝ ܥܝ̈ܢܐ ܕܠܐܼܝܐ ܗ̄ ܡܕܡܥܝܼܢ ܡܼܢ ܟܐܒܐ: ܕܗܼܘ̈ܝ ܠܡ ܒܥܝܢ̈ܘܗܝ ܫܒܥ ܫܢ̈ܝܼܢ ܐܝܟ ܝܘܡ̈ܬܐ ܙܥܘܪ̈ܐ ܗ̄ ܠܘ ܓܝܪ ܡܛܠ ܪܚܡܼܬܐ ܚܫܢܝܬܐ ܗܼܘܬ݀ ܗܕܐ: ܐܠܐ ܥܠ ܕܩܕܡܝܬܐ ܦܓܥܼܬ݀ ܒܗ ܪܚܡܗܿ: ܥܠ ܕܝܼܕܥ ܕܡܼܢ ܐܠܗܐ ܗܿܝ ܗܕܐ܀ ܒܿܬܪ ܓܝܪ ܕܦܠܼܚ ܫܒܥ ܫܢ̈ܝܼܢ ܒܪܚܝܠ ܘܥܠܼܬ݀ ܠܘܬܗ ܠܐܝܐ܆ ܥܒܼܕ ܒ݀ܬܪܟܢ ܡܟܝܼܪܘܼܬܐ ܕܪܚܝܠ ܫܒܘ̈ܥܐ ܕܝܘܡ̈ܬܐ ܘܡܚܕܐ ܫܪܝܼ ܦܿܠܚ ܫܒܥ ܫܢ̈ܝܢ ܥܒܕܘܼܬܐ ܡܛܠܬܗܿ܀ ܘܚܼܙܐ ܡܪܝܐ ܕܣܢܝܐ ܗܿܝ ܠܐܝܐ ܗ̄ ܠܘ ܒܨܒܝܢܗ pb. 67 ܐܝܬܝܗܿ ܗܼܘܬ݀ ܣܢܝܘܼܬܗܿ ܘܟܐܒ ܥܝܢ̈ܝܗܿ: ܘܦܬܼܚ ܡܪܝܐ ܡܪܒܥܗܿ ܗ̄ ܡܛܠ ܡܝܬܪܘܼܬ ܨܒܝܿܢܗܿ ܕܠܘܬܗ: ܘܡܛܠ ܗ݀ܝ ܕܠܗ ܦܿܠܚܐ ܗܼܘܬ݀: ܪܚܝܠ ܕܝܢ ܡܛܠ ܕܣܿܓܕܐ ܗܼܘܬ݀ ܠܦܬܟܪ̈ܐ܀ ܫܒܩܗܿ ܒܕܘܼܢܩܐ ܕܠܐ ܒܢ̈ܝܐ܇ ܐܦ ܠܐܝܐ ܥܩܪܬܐ ܗܼܘܬ݀ ܘܝܼܕܝܼܥܐ ܡܼܢ ܗ݀ܝ ܕܟܬܝܼܒ ܕܦܬܼܚ ܡܪܝܐ ܡܪܒܥܗܿ܆ ܕܠܐ ܬܝܬܼܢܐ ܠܗܿ ܟܘܿܠܢܐܝܬ: ܐܬܦܬܚ ܡܪܒܥܗܿ: ܪܘܒܝܠ ܡܬܼܦܫܩ ܪܒ ܗܼܘ ܐܠܗܐ܀ ܬܘܼܒ ܪܘܒܝܠ ܪܘܒܐ ܕܡܣܼܬܒܪ ܕܗܿܘܐ ܠܝ܆ ܘܡܼܢ ܗ݀ܝ ܕܕܠܐ ܒܨܒܝܿܢܗ ܫܩܠܼܢܝ ܒܥܠܝ܇ ܗܿܘ ܪܒܘܐ ܫܩܠܼܗ ܐܠܗ ܡܢܝ ܗ̄ ܐܝܠ܀ ܫܡܥܘܢ ܫܡܥܼܢܝ ܐܠܗܐ܀ ܠܘܝܼ ܕܝܢ ܕܢܬܼܠܘܐ ܠܝ ܒܥܠܝ܀ ܝܗܘܕܐ: ܬܘܕܝܼܬܐ܀ ܪܚܝܠ ܟܕ ܚܼܙܬ݀ ܠܒܢ̈ܝܐ ܕܠܐܝܐ ܐܡܼܪܬ݀ ܗܒܠܝܼ ܒܢ̈ܝܐ ܘܐܠܐ ܡܿܝܬܐ ܐܢܼܐ ܗ̄ ܕܩܿܛܠܐ ܠܡ ܢܦܫܝ: ܚܠܦ ܐܠܗܐ ܐܢܼܐ ܕܟܠܼܐ ܡܢܟܝ ܗ̄ ܐܝܟ ܗܿܘ ܕܐ݀ܡܪ: ܥܠ ܕܠܐ ܨܿܒܝܐ ܐܢܬܝ ܠܡܼܕܥ ܠܐܠܗܐ܀ ܡܛܠ ܚܘܼܒܟܝ ܕܠܘܬ ܦܬܟܪ̈ܐ܆ ܫܒܩܼܟܝ ܒܥܩܪܘܼܬܐ܀ ܗܒܠܝܼ ܒܢ̈ܝܐ ܘܐܠܐ ܡܿܝܬܐ ܐܢܼܐ ܗ̄ ܕܐܢ ܠܡ ܡܿܨܠܐ ܐܢܬ ܥܠܝ: ܐܝܟ ܐܒܪܗܡ ܥܠ ܣܪܐ ܘܐܝܣܚܩ ܥܠ ܪܦܩܐ܇ ܘܒܿܥܐ ܐܢܬ ܥܠ ܥܩܘܼܬܝ ܘܐܠܐ ܩܿܛܠܐ ܐܢܼܐ ܢܦܫܝ܀ ܬܘܼܒ ܡܛ݀ܠ ܕܚܼܙܬ݀ ܕܐܝܟ ܨܒܝܢ ܝܥܩܘܿܒ ܐܬܬܨܝܼܪܘ ܥܘܼ̈ܠܐ ܒܟܪ̈ܣܬܐ ܕܢܩ̈ܘܬܐ: ܐܣܒܼܪܬ݀ ܕܐܦ ܥܠ ܡܪܒܥܐ ܕܢܫ̈ܐ ܫܠܝܼܛ܀ ܬܘܼܒ ܟܕ ܐܙܕܘܓ ܥܡܗܿ ܙܒܢ̱ܬܐ ܕܬܪܬܝܢ ܘܠܐ ܒܼܛܢܬ݀: ܝܼܕܥ ܕܥܩܪܬܐ ܗܿܝ ܘܫܒܼܩܗܿ: ܘܟܕ ܚܙܬܗܿ ܠܚܬܗܿ ܕܣܓܝܼܘ ܒܢ̈ܝܗܿ ܛܥܼܬ݀ ܟܕ ܐ݀ܡܪܐ ܗܒܠܝܼ ܒܢ̈ܝܐ ܗ̄ ܕܡܟ ܥܡܝ ܘܙܪܘܿܥ ܒܝ ܟܿܠܝܘܿܡ ܟܒܪ ܡܦܪܝܐ ܐܢܼܐ: ܗܼܘ ܕܝܢ ܐܬܼܚܡܬ ܘܐܡܼܪ܀ ܠܘ ܐܠܗܐ ܐܢܼܐ ܗ̄ ܕܒܿܬܪ ܕܥܩܪܬܐ ܐܢܬܝ܇ ܡܢ ܐܠܨܐ ܕܢܿܙܪܘܿܥ ܒܚܩܠܐ ܕܠܐ ܡܝܬܝܐ ܦܐܪ̈ܐ܀ ܐܦܝܼܣܬ݀ ܪܚܝܠ ܕܢܥܘܿܠ ܥܠ ܐܡܬܗܿ: ܘܠܐ ܥܕܝܼܠ ܝܥܩܘܿܒ܇ ܡܛܠ ܕܠܘ ܡܼܢ ܫܪܝܼܚܘܼܬܐ ܥܠܼ ܥܠܝܗܿ ܐܠܐ ܡܛܠ ܕܪܚܼܡܬ݀ ܒܢ̈ܝܐ: ܘܒܦܘܼܩܕܢ ܪܚܝܠ: ܕܥܕܟܝܠ ܠܝܬ ܗܼ،ܐ ܢܡܘܿܣܐ ܕܟܿܠܐ ܡܼܢ ܗܿܠܝܢ܀ ܟܕ ܐܬܝܼܠܕ ܕܢ ܐܡܼܪܬ݀ ܪܚܝܠ: ܕܕܢܼܢܝ ܡܪܝܐ܇ ܡܛ݀ܠ ܕܐܨܛܼܠܝܬ݀ ܩܠܝܼܠ ܠܘܬ ܝܘܼܠܢܗ ܕܝܥܘܿܒ܀ ܕܢ ܕܝܼܢܐ܇ ܢܦܬܠܝܼ܆ ܬܟܫܼܦܬܐ܀ ܐܚܪ̈ܢܐ ܢܪܘܚ ܘܢܘܣܦ ܠܝܼ܀ ܘܠܐܝܐ ܟܕ ܩܡܼܬ݀ ܡܼܢ ܝܠܕܐ ܝܗܒܼܬ݀ ܐܡܬܗܿ ܠܝܥܩܘܿܒ: ܠܘ ܡܛ݀ܠ ܕܪܓܬܐ ܕܙܘܘܓܐ ܗܼܘܬ݀: ܐܠܐ ܡܛ݀ܠ ܡܘܠܕܘܼܬ ܒܢ̈ܝܐ܇ ܘܐܢ ܡܛܠ ܪܓܬܐ ܕܙܘܘܓܐ ܗܘܼܬ݀܇ ܠܐ ܫܿܒܩܐ ܗܼܘܬ݀ ܣܪܐ ܠܐܒܪܗܡ ܕܢܥܘܿܠ ܥܠ ܗܓܪ: ܘܠܐ ܪܚܝܠ ܘܠܐ ܠܐܝܐ ܠܐܡܗ̈ܬܗܝܢ ܓܕ܇ ܓܕܐ܆ ܒܥܝܕܐ ܓܝܪ ܕܚܢ̈ܦܐ ܡܥܝܕܝܼܢ ܗܼܘܘ܀ ܐܬܼܬ݀ ܓܕܝ ܗ̄ ܓܕܐ ܩܪܝܐ: ܠܫܘܼܪܬܚܐ ܕܒܢ̈ܝܐ܀ ܐܫܝܼܪ ܬܫܒܘ̄܀ ܗܿܝ ܕܒܬܫܒܘܿܚܬܝ ܕܫܒܼܚܢܝ ܒܝܬܐ܆ ܕܬܐܼܡܪܝ ܕܫܒܚܼܢܝ ܒܝܬܐ ܐܘܿܟܝܼܬ ܓܕܐ ܕܒܝܬܐ: ܐܚܪܢܐ ܕܫܒܚܼܢܝ ܠܡ ܡܪܝ ܘܥܒܼܕ ܠܝܼ ܒܝܬܐ ܘܡܫܒܚܐ ܐܢܼܐ ܠܗ ܐܦ ܐܢܿܐ ܗ̄ ܟܐܡܬ ܡܿܘܕܝܐ ܐܢܼܐ ܠܗ܀ ܝܒܪ̈ܘܚܐ ܕܚܙܘܪ̈ܐ ܕܒܪܐ: ܘܐܡܼܪܬ݀ ܠܝܐ ܝܗܼܒ ܠܝܼ ܐܠܗܐ ܐܓܪܝ: ܘܩܼܪܬ݀ ܫܡܗ ܐܝܣܟܪ ܗ̄ ܕܗܿ، pb. 68 ܡܕܡ ܕܡܣܼܥܪ ܣܥܿܪܬ ܗܿܘܝܬ ܡܼܢ ܐܠܗܐ܀ ܙܒܠܘܢ ܙܒܕܐ ܛ݀ܒܐ ܕܝܿܗܒ ܓܒܪܐ ܠܐܢܬܬܗ܀ ܝܘܣܦ: ܢܘܣܦ ܚܠܦ ܝܘܕ: ܢܘܢ ܐܝܬܝܗܿ ܐܘܿܟܝܼܬ ܬܘܣܦܬܐ: ܡܛܠ ܕܨܠܝܬ݀ ܕܢܘܣܦ ܠܗܿ ܐܠܗܐ ܐ̱ܚܪܢܐ܀ ܢܣܝܿܬ ܠܡ ܕܒܪܟܢܝ ܡܪܐ܀ ܒܝܘܢܝܐ: ܢܚܫܿܬܼ ܕܟܕ ܢܘܼܣܝܐ ܕܢܝܿܣ: ܘܢܚܫܐ ܕܢ݀ܚܫ ܚܕ ܐܢܘܢܿ܆ ܘܟܿܠ ܕܩܪܚ ܘܦܝܣܟܝ ܗ̄ ܩܪ̈ܚܐ ܩܪ̈ܚܝ ܪܝܫܐ ܗ̄ ܕܠܐ ܩܪ̈ܢܐ܀ ܐܚܪ̈ܢܐ ܐܡܿܪܝܼܢ ܘܩܿܪܝܢ ܩܪ̈ܚܐ. ܠܗܿܘ ܕܟܿܠܗ ܚܕ ܓܘܢܐ ܐܝܬ ܠܗ: ܒܝܬ ܩܪ̈ܢܬܗ ܩܠܝܼܠ ܚܘܪܘܼܬܐ ܐܘܿ ܐܘܼܟܡܘܼܬܐ: ܝܬܝܼܪܐܝܬ ܚܘܪܘܼܬܐ: ܡܫܬܼܟܚܐ ܒܕ ܐܝܟ ܗܿܠܝܢ ܦܝܣ̈ܟܝܐ ܗܞ ܒܟ̈ܠܢܝܐ: ܕܐܝܼܬܘܗܝ ܚܘܪܐ ܘܐܘܼܟܡܐ ܘܣܘܼܡܩܐ ܡܦܬܟ ܒܓܘܢܐ ܠܡ܀ ܐܟܡ ܠܡ ܒܚܘܪ̈ܬܐ܀ ܚܘܪ ܘܐܘܼܟܡ ܠܡ܀ ܒܕܪ̈ܐ ܠܡ ܗ̄ ܩܿܪܐ ܠܗܿܢܘܢܿ ܕܠܐ ܚܘܪܝܼܢ ܣܿܓܝܼ܀ ܙܩ̈ܬܐ ܕܕܥܨ ܚܘܼܛܪ̈ܐ ܐܢܘܢ ܕܕܘܼܠܒܐ ܘܠܘܼܙܐ ܫܩܼܠ ܘܕܥܼܨ: ܡܛ݀ܠ ܕܚܘܪܝܼܢ ܩܝܣ̈ܝܗܘܢ: ܡܐ ܕܡܬܼܩܠܦܐ ܩܠܦܬܗܘܢܿ܀ ܪ̈ܗܛܐ ܕܡ̈ܝܐ: ܐܓܘ̈ܓܐ ܐܢܘܢܿ܆ ܐܘ ܓܪ̈ܒܐ ܕܒܢܝܢ ܡܼܢ ܛܝܼܢܐ ܥܠ ܦܘܼܡ ܒܪܐ܀ ܗܿܠܝܢ ܗܿܟܝܼܠ ܙܩ̈ܬܐ ܕܥܒܼܕ ܓ̈ܠܐ ܕܒܿܬܪ ܕܚܼܙܐ ܠ̈ܡܠܐܟܐ ܕܥܼܨ ܐܢܘܢܿ ܗ̄ ܢܫܬܼܐܠ ܐܢܘܢܿ: ܥܒܼܕ ܕܝܢ ܗܕܐ܆ ܥܠ ܕܫܐܼܬܚܠܦܘ ܠܗܼܠܟܐ: ܡܼܢ ܬܢܘܝ ܩܕܡܝܬܐ ܕܣܼܡ ܥܡܗ ܕܡܝܐ ܕܒܩܠܦܬܐ ܕܙܩ̈ܬܐ ܫܡ ܐܕܘܢܝ ܪܫܝܼܡ ܗܼܘܐ܀ ܬܝܫ̈ܐ ܩܿܪܐ ܠܗܿܠܝܢ ܣܥܪ̈ܬܢܐ ܕܡܼܢ ܥ̈ܙܐ ܗܿܘܝܢ܀ ܕܟܪܐ ܩܿܪܐ: ܠܗܿܘ ܕܡܼܢ ܢܩܝܐ܀ ܘܒܟܿܠ ܫܢܐ ܕܚܡܐ ܥܢ̈ܐ ܗ̄ ܕܪܬܚܐ ܒܨܒܘܼܬܐ ܕܙܘܘܓܐ: ܒܟܝܼܪܝܬܐ ܗ̄ ܩܕܡܝܬܐ: ܒܙܒܢܐ ܠܡ ܕܩܕܡ ܨܘܡܐ܀ ܠܩܝܼܫܝܬܐ ܒܿܬܪ ܦܛܝܼܪܐ܀ ܗܿܝܕܝܢ ܕܢܚܡ̈ܝܢ: ܕܢܐܡܪ ܕܒܗܿܘ ܙܒܢܐ ܟܕ ܡܫܬܼܒܩ ܕܟܪܐ ܥܠ ܢܩܒܬܐ ܘܣܿܐܡ ܝܥܩܘܿܒ ܙܩ̈ܬܐ: ܕܟܕ ܡܙܕܘ̈ܓܢ ܚܝܪ̈ܢ ܠܙܩ̈ܬܐ ܕܚܝ̈ܡܢ ܘܚܡ̈ܢ܀ ܚܕܐ ܗܿܝ ܕܒܣܘܼܟܠܐ ܗ̄ ܚܒ̈ܨܢ ܠ̈ܚܕܕܐ ܘܚܡ̈ܢ ܒܨܒܘܼܬܐ ܕܙܘܘܓܐ ܘܪ̈ܬܚܢ: ܒܛܝܼܠܘܼܬܐ ܕܐܠܗܐ ܐܙܝܼܥܬܗ ܠܝܥܩܘܿܒ܇ ܕܢܣܝܼܡ ܙܩ̈ܬܐ: ܡܛ݀ܠ ܕܚܼܙܐ ܦܫܝܼܛܘܼܬܗ܀ ܦܘܼܢܝܗ ܕܝܥܩܘܿܒ ܠܐܬܪܗ: ܡܛܠ ܕܠܐ ܢܬܼܚܠܛ ܙܪܥܗ ܒܒܢ̈ܝ ܠܒܢ: ܘܢܬܚܼܠܛ ܒܥܝܕ̈ܝܗܘܢ ܘܢܣܓܘܿܕ ܠܐܠ̈ܗܝܗܘܢܿ܀ ܘܓܢܼܒܬ݀ ܪܚܝܠ ܠܨ̈ܠܡܐ ܗ̄ ܐܦܢ ܓܝܪ ܠܐܠܗܐ ܣܿܓܕܐ ܗܼܘܬ݀ ܡܛܠ ܕܦܬܼܚ ܠܡܪܒܥܗܿ ܘܡܛ݀ܠ ܡܪܬܝܢܘܼܬܐ ܕܒܥܠܗܿ: ܒܪܡ ܥܕܟܝܼܠ ܐܚܝܼܕܐ ܗܼܘܬ݀ ܒܚܘܼܒܐ ܕܨܠ̈ܡܐ܀ ܐܚܪ̈ܢܐ ܐܡܿܪܝܼܢ ܕܓܢܼܒܬ݀ ܐܢܘܢܿ: ܐܟܡܿܢ ܕܬܬܒܼܪܝ ܐܢܘܢܿ ܠܐ ܕܝܢ ܫܪܝܼܪܝܢ܀ ܨܠ̈ܡܐ ܦܬܟܪ̈ܘܢܐ ܙܥܘܪ̈ܐ܀ ܓܢܼܒ ܝܥܩܘܿܒ ܠܒܗ ܕܠܒܢ ܗ̄ ܠܐ ܐܘܕܥܗ ܥܠ ܡܐܙܠܬܗ: ܘܐܬܡܼܠܟ ܒܗ: ܡܢܓܼܒ ܓܢܼܒܗܿ ܠܬܪܥܝܼܬܗ: ܒܗܿܝ ܕܠܐ ܐܘܕܥܗ ܥܠ ܡܐܙܠܼܬܗ܀ ܒܥܫܝܼܛܐ ܕܓܡܠܐ ܗ̄ ܐܢܟܦܐ ܒܒܙܥܐ ܕܝܼܠܗ܀ ܣܡܼܬ݀ ܠܨܠ̈ܡܐ܀ ܐܘܪܚܐ ܠܝܼ ܕܢܫ̈ܐ ܗ̄ ܟܦܣܐ܀ ܐܬܓܠܝܼ ܐܠܗܐ ܥܠ ܠܒܢ ܕܢܒܘܿܙ ܠܩܢܝܿܢܐ ܕܝܥܘܿܒ: ܘܢܗܦܟ ܠܒܢ̈ܝ ܒܝܬܗ ܐܝܟ ܡܫܥ̈ܒܕܐ ܥܠ ܗ݀ܝ ܟܼܐܐ ܒܗ ܐܠܗܐ܀ ܐܬܥܗܕ ܟܬܒܐ : ܐܟܡܿܢ ܕܢܚܘܐ ܕܠܥܒܕ pb. 69 ܐܝܼܕ̈ܝܐ ܣܿܓܕܝܼܢ ܗܼܘܘ. ܘܐܕܢ ܐ̈ܠܗܐ ܗܼܘܘ: ܠܐ ܙܕܩ ܗܼܘܐ ܕܢܬܓܢܒܘܢܼ ܘܐܝܟܢ ܠܐ ܢܛܪܘ ܢܦܫܗܘܢܿ: ܠܘܬ ܡܿܢ ܕܢܫܬܟܚܘܢܼ ܐ̈ܠܝܟ ܠܐ ܢܚܐ: ܗ̄ ܪܓܡܝܼܢܢ ܠܗ ܒܟܐ̈ܦܐ: ܥܢ̈ܟ ܘܥܙ̈ܝܟ ܠܐ ܓܙܼ̈ܝ ܗ̄ ܠܝܬ ܗܼܘܐ ܒܗܝܢ ܕܥܩܪܐ ܐܘܿ ܕܢܓܙܝܐ܀ ܒܢ̈ܬܐ ܒܢ̈ܬܝ ܗ̄ ܒܢ̈ܝ ܒܢ̈ܬܝ ܒܢ̈ܝ ܐܢܘܿܢ܀ ܐ݀ܡܪ ܝܥܩܘܿܒ ܠܐܚ̈ܘܗܝ ܠܩܼܛܘ ܟܐܦ̈ܐ ܗ̄ ܐܚ̈ܘܗܝ ܩܿܪܐ ܠܪ̈ܚܿܡܘܗܝ ܕܐܬܚܝܢܘ ܗܼܘܘ ܥܡ ܠܒܢ܇ ܘܠܒܢ̈ܝ ܠܒܢ܇ ܐܘܿ ܠܐܓܝܪ̈ܐ ܘܡܫܥ̈ܒܕܐ ܕܠܒܢ ܩܼܪܐ ܐܚ̈ܘܗܝ ܡܛ݀ܠ ܬܡܝܼܡܘܼܬܗ܀ ܝܓܪܐ ܠܩܘܼܛܝܐ ܕܟܐܦ̈ܐ ܐ݀ܡܪ܀ ܩܼܪܐ ܫܡܗ ܓܠܥܕ ܘܕܘܩܐ܀ ܢܗܼܘܐ ܠܡ ܝܓܪܐ ܗܢܐ ܐܝܟ ܕܘܩܐ ܕܚܿܙܐ ܘܡܕܝܩ ܒܝܢܬܢ: ܕܠܐ ܢܥܒܪ ܥܠ ܩܝܿܡܐ ܕܚ̈ܕܕܐ܀ ܛܘܼܪܓܠܥܕ ܪܝܫ ܐܪܥܐ ܕܦܠܣܛ̈ܝܢܝܐ܀ ܘܐܬܡܛܝܼ ܝܥܩܘܿܒ ܠܐܪܥܐ ܕܟܢܥܢ܇ ܫܪܝܼ ܕܢܕܚܠ ܡܼܢ ܥܣܘ: ܫܼܪܗܿ ܐܠܗܐ ܠܕܚܼܠܬܗ ܒܝܕ ܓܘܼܕܐ ܕܡ̈ܠܐܟܐ ܕܒܕܡܘܼܬ ܦܠ̈ܚܐ ܡܙܝ̈ܢܐ ܐܬܚܙܝܼܘ ܠܗ: ܘܕܡܐ ܕܗܘܼ ܒܠܚܘܕܘܗܝ ܚܼܘܐ ܐܢܘܿܢ܀ ܘܩܼܪܐ ܠܐܬܪܐ ܡܚܢܝܡ ܗ̄ ܡܫܪܝܼܬܐ ܕܡ̈ܠܐܟܘ̄ ܕܡܪܝܐ ܚܕܝܼܪܐ ܠܕܚ̈ܠܘܗܝ܀ ܫܕܪ ܠܗ ܬܘܼܒ ܩܘܼܪ̈ܒܢܐ: ܟܕ ܡܿܡܠܐ ܠܗ݀ܝ ܕܠܐ ܬܩܘܼܡ ܠܘܼܩܒܠ ܒܝܼܫܐ܇ ܘܨܠܝܼ ܐܝܟ ܗܿܝ ܕܠܐ ܬܥܠ ܠܢ ܠܢܣܝܘܿܢܐ܀ ܟܕ ܦܫܼ ܝܥܩܘܿܒ ܒܠܚܘܕܘܗܝ ܐܬܟܬܫ ܥܡܗ ܓܒܪܐ ܗ̄ ܐܬܓܠܝܼ ܥܠܘܗܝ ܡܠܐܟܐ ܐܟܡܿܢ ܕܢܫܼܪܪܗ ܘܢܠܒܼܒܗ ܕܠܐ ܢܕܚܼܠ ܡܼܢ ܥܣܘܿ: ܘܡܿܚܓܪ ܠܗ ܡܼܢ ܚܪܘܬܗ: ܕܠܐ ܢܣܼܒܪ ܕܗܓܓܘܼܬܐ ܗܿܘ ܚܼܙܘܐ܀ ܬܘܼܒ ܡܛ݀ܠ ܕܐܫܬܘܕܝܼ ܕܢܥܼܣܪ ܠܐܠܗܐ ܘܠܥܣܘܿ ܥܣܼܪ܆ ܡܛܠܗܢܐ ܐܝܓܪ ܗ̄ ܕܢܬܼܠ ܠܗ ܡܥܣܪ̈ܐ ܘܡܼܢ ܩܢܼܛܐ ܝܗܼܒ ܠܡܥܣܪ̈ܐ ܠܢܣܘܿ܀ ܐܚܪ̈ܢܐ ܐܡܼܪܘ ܕܣܼܡ ܒܗ ܐܬ݀ܐ ܕܟܕ ܢܼܚܙܝܘܗܝ ܥܣܘܿ ܬܟܼܪܐ ܠܗ ܥܠ ܚܓܝܼܪܘܼܬܗ܀ ܐܚܪ̈ܢܐ ܐܡܼܪܘ܆ ܐܟܡܿܢ ܕܠܐ ܬܘܼܒ ܢܦܪܐ ܐܘܿ ܢܘܠܕ܀ ܚܢܢ ܕܝܢ ܐ݀ܡܪܝܼܢܢ: ܕܬܐܘܪܝܐ ܐ̱ܚܪܬܐ ܐܝܬ ܒܗܢܐ ܫܪܒܐ܀ ܗܿܝ ܓܝܪ ܕܐܥܒܼܪ ܠܒ̈ܢܘܗܝ ܒܝܘܪܕܢܢ܇ ܐܪܙ ܗܿܢܘܿܢ ܕܥܿܡܕܝܢ ܘܗܿܘܝܢ ܒܢ̈ܝܐ ܠܐܠܗܐ ܕܥܡܗܘܿܢ ܠܐ ܡܬܼܟܬܫ ܡܛܠ ܕܫܠܼܡܘ ܠܗ܀ ܝܥܩܘܿܒ ܕܦܫܼ ܒܥܒܪܐ ܕܝܘܪܕܢܢ ܐܪܙ ܥܡܐ ܕܝܘ̈ܕܝܐ ܕܠܐ ܥܡܼܕܘ ܘܥܒܪܘ ܒܝܘܪܕܢܢ: ܘܐܦܠܐ ܗܝܡܼܢܘ ܒܡܫܝܼܚܐ: ܘܥܠܗ݀ܝ ܐܬܟܼܬܫ ܥܡܗܘܢܿ܇ ܡܠܐܟܐ ܗܿܘ ܕܐܬܩܪܝܼ ܬܘܼܒ ܓܒܪܐ: ܗܘܼ ܡܠܼܬܐ ܐܠܗܐ ܐܝܼܬܘ̄ ܡܠܐܟܐ ܕܬܪܥܝܼܬܐ ܪܒܬܐ ܕܐܒܐ ܐܝܼܬ̄ܘ: ܕܟܕ ܐܬܚܙܝܼ ܦܓܪܢܐܝܬ: ܐܬܟܬܼܫܘ ܥܡܗ ܝܘ̈ܕܝܐ ܒܙܒܢܐ ܕܙܩܝܼܦܐ ܘܡܘܬܐ: ܘܒܗܿܠܝܢ ܐܙܕܟܝܼܘ ܡܛ݀ܠ ܕܡܙܕܝܿܢܘܼܬܐ ܕܡܫܝܼܚܐ ܦܘܼܪܩܢܐ ܠܥܠܡܐ ܗܘܼܬ݀܀ ܘܗ݀ܝ ܕܐܬܼܩܪܒ ܠܚܪܘܬܐ ܕܝܥܩܘܿܒ ܘܚܓܼܪ ܡܼܢ ܫܪܪܐ: ܒܠܠܝܐ ܗܘܼܐ ܬܟܬܘܫܐ ܐܪܙ ܗܿܢܘܢ ܕܒܠܠܝܐ ܕܛܥܝܘܼܬܐ ܘܠܐ ܝܼܕܥܬܐ ܙܩܦܼܘ ܠܡܫܝܼܚܐ: ܘܗ݀ܝ ܕܒܫܦܪܐ ܐܡܼܪ ܕܫܕܪܝܢܝ ܘܫܐܼܠ ܒܘܼܪܟܬܐ: ܐܪܙ ܗܿܢܘܿܢ ܕܒܿܬܪ ܚܫܐ ܘܩܝܡܬܐ ܫܐܼܠܘ ܕܢܬܼܒܪܟܘܢܼ ܘܢܥܠܘܢܼ ܠܣܒܪܬܐ܀ ܐܬܩܪܝܼ ܝܣܪܐܝܠ ܗ̄ ܚܿܙܐ ܠܐܠܗܐ: ܐܪܙ ܗܿܢܘܢܿ ܕܐܫܬܼܚܠܦܘ ܫܡܗ̈ܝܗܘܢܿ ܘܐܬܟܬܼܒܘ ܒܣܦܪܐ ܕܚ̈ܝܐ܀ ܬܘܼܒ ܡܠܐܟܐ ܩܪܒ ܘܟܒܫ ܥܠ pb. 70 ܓܝ̈ܕܐ ܕܚܪܘܬܗ: ܘܫܼܢܝܬ݀ ܚܝܘܬܐ ܡܢܗ: ܕܢܘܕܥܗ ܕܣܿܓܝܼ ܚܣܝܼܢ ܡܢܗ: ܘܒܨܒܝܢܗ ܗܘܼ ܡܬܼܡܝܛ ܩܕܡܘܗܝ܇ ܗ݀ܝ ܕܫܕܪܝܢܝ ܡܛܠ ܕܣܠܼܩ ܫܦܪܐ: ܥܠܼܬܐ ܝܗܼܒ ܠܝܥܩܘܿܒ ܐܟܡܿܢ ܕܢܫܐܼܠ ܒܘܼܪܟܬܐ܀ ܝܥܩܘܿܒ ܟܕ ܐܣܒܼܪ ܕܓܒܪܐ ܗܿܘ ܡܥܠܝܐ ܐܡܼܪ ܠܗ ܕܠܐ ܐ݀ܫܕܪܟ ܥܕܡܐ ܕܬܒܼܪܟܢܝ: ܕܐܕܿܥ ܠܡ ܡܼܢ ܒܘܼܪܟܬܟ ܕܠܐ ܡܬܚܼܡܬܬ ܥܠܝ: ܥܠ ܕܠܒܟܿܬ ܥܡܟ ܕܪܐ ܘܫܚܿܩܬܟ؟ ܡܠܐܟܐ ܕܝܢ ܒܿܬܪ ܕܒܪܟܗ: ܩܼܪܝܗܝ ܫܡܗ ܝܣܪܐܝܠ ܗ̄ ܓܒܪܐ ܚܿܙܐ ܠܐܠܗܐ܀ ܗ݀ܝ ܕܐܫܬܼܪܬ ܥܡ ܓܒܪܐ ܘܥܡ ܡܠܐܟܐ ܗ̄ ܠܘ ܕܬܪܝܢ ܐ݀ܡܪ܆ ܐܠܐ ܕܐܫܬܕܪܬ ܥܡ ܗܿܘ ܕܐܬܚܙܝܼ ܠܟ ܒܕܡܘܼܬ ܓܒܪܐ܆ ܒܪܓܬܐ ܐܝܬܝܗܿ ܗܼܘܬ݀ ܠܡܠܼܬܐ ܐܠܗܐ ܕܢܓܘܿܫ ܠܥܛܡܐ ܗܿܝ ܕܡܢܗܿ ܥܬܝܼܕ ܗܼܘܐ ܕܢܬܼܒܣܪ: ܘܢܩܝܼܡܝܗܿ ܒܕܚܠܼܬܐ ܘܪܦܘܼܬܐ ܥܕܡܐ ܕܡܿܡܢܥ ܙܒܢܐ ܕܡܬܓܠܝܢܘܼܬܗ܇ ܓܫܼܦ ܒܗܿ ܓܝܪ ܐܝܟ ܕܒܪܓܬܐ ܕܩܕܫܼܗ ܘܥܒܼܕܗ ܠܐܪܙܐ ܠܐ ܡܬܼܕܪܟܢܐ ܘܠܐ ܡܬܐܼܟܠܢܐ ܠܒܢ̈ܝ ܝܣܪܐܝܠ܀ ܦܢܘܐܝܠ ܐܦ̈ܐ ܕܐܠܗܐ܀ ܐܚܪ̈ܢܐ ܕܚܼܙܘܐ ܕܐܦ̈ܝ ܐܠܗܐ: ܡܿܣܡܐ ܡܼܢ ܚܪܘܼܬܗ ܗ̄ ܡܚܓܪܐ ܗܼܘܬ݀ ܚܕܐ ܥܛܡܗ: ܐܝܟ ܣܡܝܐ ܕܢܟܐ ܡܼܢ ܚܕܐ ܥܝܢܗ܀ ܚܪܘܬܐ ܪܝܫ ܥܛܡܐ ܗܘ: ܩܪܝܼܒܐ ܗܿܝ ܓܝܪ ܠܥܙܩܬܐ: ܗ݀ܝ ܕܡܬܼܩܪܝܐ ܣܝܼܪܐ ܗ݀ܝ ܕܫܼܢܬ݀ ܚܪܘܬܗ ܗ̄ ܕܫܢܼܝܬ݀ ܡܢܗܿ ܚܝܘܬܐ ܗ̄ ܬܢܒܼܬ݀ ܡܛܠ ܕܐܟܙܢܐ ܕܐܝܟܢܐ ܕܫܢܼܐ ܩܿܐܪ ܘܡܫܢܐ ܗܘܢܗ: ܗܿܟܘܬ ܐܦ ܡܕܡ ܕܬܢܿܒ܀ ܓܢܫܝܐ ܩܿܪܐ ܠܓܝܕܐ ܗܿܘ ܢܿܒܥ ܟܘܼܪܗܢܐ ܕܪ̈ܓܠܐ܀ ܠܐ ܐܟܿܠܝܼܢ ܒܢ̈ܝ ܝܣܪܐܝܠ ܠܗܢܐ ܓܝܕܐ. ܡܛܠܗܢܐ ܓܠܝܢܐ܇ ܐܥܒܼܪܘ ܐܠܗ̈ܐ ܢܡܼܪ̈ܝܐ ܗ̄ ܠܐܓܝܪ̈ܐ ܘܪ̈ܥܘܬܐ ܕܥܡܗ ܐܡܼܪ ܝܥܩܘܿܒ ܗܕܐ܀ ܣܓܼܕ ܝܥܩܘܿܒ ܠܥܣܘܿ ܟܕ ܚܙܝܗܝ ܗ̄ ܟܿܠ ܚܡܫ ܦܣܥ̈ܢ ܣܿܓܕ ܗܼܘܐ ܠܗ: ܐܝܟܢܐ ܕܢܪܝܚ ܠܚܡܼܬܐ ܕܥܣܘ ܡܿܛܝܼܒ ܗܼܘܐ ܕܢܟܐ ܠܝܥܩܘܿܒ܆ ܐܠܘܼܠܐ ܕܐܠܗܐ ܫܚܠܼܦ ܠܬܪܥܝܼܬܗ܀ ܗ݀ܝ ܕܠܪܓܠ ܥܒܿܕܬ ܐܘܿ ܠܪܓܠ ܗ̄ ܕܡܿܗܠܟ ܐܢܼܐ ܠܡ ܥܡܗܘܢܿ ܐܝܟ ܗܠܟܼܬܗܘܢܿ ܒܗ݀ܝ ܕܐܝܼܬ ܗܼܘܐ ܥܡܗܘܢܿ ܓܕ̈ܝܐ ܘܥܓ̈ܠܐ ܕܒܗ ܒܝܪܚܐ ܘܒܗܿ ܒܫܒܬܐ ܝܼܠܝܼܕܝܢ ܗܼܘܘ: ܐܟܡܿܢ ܕܠܐ ܡܿܨܝܢܼ ܕܥܡ ܥܣܘܿ ܢܗܠܟܘܢܼ܀ ܥܒܕܬܐ܆ ܠܡܪܥܝܼܬܐ ܕܥ̈ܢܐ ܘܒܩܪ̈ܐ ܡܿܫܡܗ܀ ܣܟܘܬ ܠܘ ܙܟܘܿܬܐ ܡܬܼܦܫܐ܇ ܐܠܐ ܡܫܟܢܐ ܐܘܿ ܡܛܠܬܐ܀ ܘܩܼܪܐ ܐܝܠ ܐܠܗܐ ܕܝܼܣܪܐܝܠ܆ ܕܝܼܢܐ ܐܬܪܓܪܓܼܬ݀ ܠܡܚܼܙܐ ܒܢ̈ܬ ܐܬܪܐ: ܘܚܼܙܗܿ ܫܟܝܼܡ ܒܪ ܚܡܘܪ ܪܝܫܐ ܕܡܕܝܢܬܐ: ܘܕܒܼܪܗܿ ܗ̄ ܚܒܼܠܗܿ܀ ܟܕ ܚܣܢܼܘ ܟܐܒܝ̈ܗܘܢ ܗ̄ ܬܩܦܼܘ ܘܥܫܼܢܘ ܟܐܒܝ̈ܗܘܢ܇ ܚܪܒܐ܆ ܣܝܦܐ܀ ܠܩܪܝܼܬܐ ܒܫܠܝܐ ܗ̄ ܟܕ ܠܐ ܐܪܓܫܼ ܐܢܫ܀ ܩܿܪܐ ܠܣܝܦܐ ܚܪܒܐ ܡܛܿܠ ܕܡܚܼܪܒ ܚܿܪܒ܀ ܫܒܼܩ ܐܠܗܐ ܕܢܬܼܚܪܒܘܢܼ ܫܟܝܼ̈ܡܐ: ܐܟܡܿܢ ܕܠܐ ܢܥܒܕܘܢܼ ܒܢ̈ܝ ܐܬܪܐ ܐܟܡܐ ܕܥܒܼܕܘ ܒܢ̈ܝ ܫܟܝܼܡ܀ ܐܗܪܬܘܿܢܢܝ ܗ̄ ܒܗܪܬܐ ܘܒܫܚܩܐ ܥܒܕܬܘܿܢܢܝ ܠܘܬ ܥܡܪ̈ܝ ܐܬܪܐ: ܡܛ݀ܠ ܗܕܐ ܚܪܒܐ ܕܥܒܼܕܬܘܢܿ܀ ܐܥܒܪܘ ܐ̈ܠܗܐ ܢܘܼܟܪ̈ܝܐ ܗ̄ ܐܡܿܪ ܗܼܘܐ ܠܒܢܗܘܗܝ܇ ܡܛܠ ܕܥܕܟܝܼܠ ܐܚ̈ܝܼܕܢ pb. 71 ܗܼܘ̈ܝ ܢܫܘ̈ܗܝ ܒܕܚܼܠܬ ܦܬܟܪ̈ܐ ܟܣܝܐܝܬ ܣܓ̈ܕܢ ܗܼܘ̈ܝ ܠܗܘܢܿ܀ ܐܬܕܟܘ ܦܩܼܕ ܐܠܗ ܕܢܬܚܠܠܘܢܼ ܡܼܢ ܨܐܘܬܐ ܕܦܓܪܐ܇ ܡܛܠ ܕܠܒܝܬܐ ܕܐܠܗܐ ܐܙܿܠܝܼܢ܀ ܐܬܥܗܕ ܠܡܘܬܐ ܕܕܒܘܪܐ ܕܢܘܕܥ ܕܣ̈ܓܝܐܐ ܐܬܼܘ ܠܘܬ ܝܥܩܘܿܒ ܡܼܢ ܒܝܬ ܐܒܘܼܗܝ ܕܡܢܗܘܢܿ ܕܒܘܼܪܐ ܕܐܝܟ ܐܡܐ ܐܝܢܩܼܬ݀ ܠܝܥܩܘܿܒ܆ ܒܩܕܡܝܬܐܐܦܢ ܐܫܬܼܚܠܦ ܫܡܗ ܕܝܥܩܘܿܒ܆ ܐܠܐ ܠܐ ܐܬܒܼܪܟ ܡܛ݀ܠ ܕܬܡܢ ܐܚܝܼܕ ܗܼܘܐ ܛܘܼܦܣܐ ܕܥܡܐ: ܬܢܢ ܐܬܓܠܝܼ ܥܠܘܗܝ ܘܒܪܟܗ܆ ܐܪܙ ܥܡ̈ܡܐ ܕܐܬܼܒܪܟܘ ܒܙܪܥܗ܀ ܐܬܥܗܕ ܠܡܘܬܐ ܕܪܚܝܠ ܡܛ݀ܠ ܒܢܝܡܝܢ ܕܒܡܘܠܕܗ ܠܡ ܡܝܼܬܬ݀܀ ܠܐ ܐܬܬܣܝܼܡܬ݀ ܪܚܝܠ ܒܩܒܪܐ ܕܐܒܪܗܡ܇ ܡܛܠ ܕܠܐ ܫܿܘܝܐ ܗܼܘܬ݀ ܕܬܬܣܝܼܡܝ ܥܠ ܛܘܼܒ̈ܢܐ ܡܛ݀ܠ ܪܚܡܼܬܗܿ ܕܠܘܬ ܦܬܟܪ̈ܐ܀ ܚܡܣܼܢܬ݀ ܟܕ ܝܠܼܕܬ݀ ܗ̄ ܐܙܕܟܝܬܜ ܠܡ ܡܼܢ ܟܐܒ̈ܐ ܕܝܠܕܐ ܘܡܝܼܬܬ܀ ܒܪ ܟܐܒ̈ܝ ܗ̄ ܒܪܐ ܕܟܐܒ̈ܐ: ܡܛܠ ܕܠܐ ܡܨܝܐ ܗܼܘܬ݀ ܒܗܿܝ ܫܥܬܐ ܠܡܡܠܠܘܼ ܡܼܢ ܟܐܒܐ܀ ܐܒܘܼ̄ ܩܼܪܝܗܝ ܒܢܝܡܝܢ ܗ̄ ܡܒܝܐܢܐ ܀ ܐܦܪܬ ܥܠ ܓܢ̱ܒ ܒܝܬ ܠܚܡ܀ ܩܿܝܡܬܐ ܥܠ ܩܒܪܗܿ ܗ̄ ܒܢܝܬܐ ܐܝܟ ܐܣܛܘܢܐ ܐܘܿ ܟܦܬܐ: ܐܝܣܚܩ ܒܪ ܡܐܐ ܘܬܡܢܝܼܢ ܫܢ̈ܝܼܢ ܥܢܼܕ ܘܐܬܬܣܝܼܡ ܒܩܒܪܐ ܕܐܒܪܗܡ܀ ܗܿܘ ܥ̈ܢܐ ܕܐܫܟܼܚ ܠܫܟܚܬܐ ܕܟܘܕ̈ܢܘܬܐ ܐܘܿܟܝܼܬ ܒܪ̈ܕܘܢܐ ܕܗܢܘܢܿ ܒܓ̈ܠܐ܆ ܥܠ ܕܪܥܐ ܗܼܘܐ ܚܡܪ̈ܐ ܕܨܒܥܘܢ ܐܒܘܼܗܝ܀ ܥܒܪܝܐ ܐܡܼܪ ܐܫܟܼܚ ܠܓܢ̱ܒܪܐ ܐܟܡܿܢ ܕܐܬܢܼܨܚ ܒܩܪܒܐ ܥܡ ܚܝܠܬܢܐ܀ ܐܚܪ̈ܢܐ ܐܡܿܪܝܼܢ܆ ܕܡܝ̈ܐ ܐܫܟܚ ܗܘܼ ܩܕܡܐܝܬ ܩܼܪܐ ܫܡܐ ܕܡܥܝܼܢܐ ܐܘܿܟܝܼܬ ܥܝܢܐ ܠ̈ܡܝܐ ܕܐܫܟܼܚ܀ ܝܘܿܒܒ ܠܡ ܕܡܼܢ ܥܣܘܿ ܗ̄ ܐܝܘܿܒ ܐܝܬܘܗܝ ܘܚܡܝܼܫܝܐ ܗܿܘ ܡܼܢ ܐܒܪܗܡ܀ ܡܫܙܗܒ ܠܘ ܢܿܣܟ ܕܗܒܐ ܐܝܼܬ̄ܘ: ܡܛܠ ܕܩܕܡܘܗܝ ܐܝܬ ܗܼܘܐ ܐܢܫܝܼ̈ܢ ܕܚܫܼܠܘ ܕܗܒܐ ܫܐܕ̈ܐ ܘܩܕܫ̈ܐ܇ ܐܠܐ ܗܫܐ ܐܒܥ ܠܐܘܡܢܘܼܬܐ ܕܡܝ̈ ܕܗܒܐ܀ ܐܬܥܗܕ ܟܬܒܐ ܠܬܘܠ̈ܕܬܐ ܕܥܣܘܿ ܕܢܚܘܐ ܕܠܐ ܐܬܚܼܠܛ ܥܡ ܝܥܩܘܿܒ: ܐܠܐ ܐܙܼܠ ܠܐܪܥܐ ܐ̱ܚܪܬܐ: ܘܥܡܠܝܩܗܝܐ ܒܢ̈ܝ ܥܣܘܿ ܐܢܘܿܢ: ܘܠܗܘܢܿ ܦܩܼܕ ܟܬܒܐ ܕܢܚܪܘܿܒ ܝܣܪܐܝܠ܀ ܝܘܣܦ ܠܡ ܒܪ ܝܙ̄ ܫܢ̈ܝܼܢ ܪܥܐ ܗܼܘܐ: ܗܿܟܘܬ ܒܫܒܬܥܣܪ̈ܐ ܫܢ̈ܝܼܢ ܐܙܕܒܢ: ܘܒܪ ܥܣܪܝܢ ܘܬܡܢܐ ܩܡܼܬ݀ ܡܪܬܗ ܥܠܘܗܝ ܘܐܬܚܼܒܫ ܬܪܬܝܢ ܫܢ̈ܝܼܢ: ܘܒܿܬܪ ܬܠܬ ܫܢ̈ܝܼܢ ܗܘܼܐ ܡܠܟܐ܀ ܘܟܕ ܐܝܼܬ̄ܘ ܒܪ ܠܛ̄ ܥܠܼ ܝܥܩܘܿܒ ܠܡܨܪܝܢ܀ ܥܣܪܝܢ ܘܬܪܬܝܢ ܫܢ̈ܝܼܢ ܐܬܐܼܒܠ ܝܥܩܘܿܒ ܥܠ ܝܘܣܦܐ܀ ܘܗܘܼ ܪܒܐ ܗܼܘܐ ܥܡ ܒܢ̈ܝ ܙܠܦܐ: ܒܗܕܐ ܥܠ ܡܟܝܼܟܘܼܬܗ ܪܡܿܙ ܟܬܒܐ ܕܠܐ ܦܼܪܫ ܗܼܘܐ ܢܦܫܗ ܒܐܝܩܪܐ ܡܕܡ ܡܼܢ ܒܢ̈ܝ ܐܡܗ̈ܬܐ: ܐܠܐ ܥܡܗܘܢܿ ܦܿܠܚ ܗܼܘܐ ܘܡܬܼܒܐ܀ ܘܐܝܬܝܼ ܝܘܣܦ ܛܒܗܘܢܿ ܒܝܼܫܐ ܠܐܒܘܼܗܘܿܢ ܗ̄ ܐܟܿܠ ܗܼܘܐ ܩܪ̈ܨܝܗܘܢܿ ܩܕܡ ܐܒܘܼܗܝ ܕܒܝܼܫ ܡܼܢ ܛܒܼܐ ܕܡܕܡܟܐ ܕܪܘܒܝܠ ܥܡ ܒܠܗܐ ܠܝܬ܇ ܘܠܘ ܗܢܐ ܠܚܘܿܕ܇ ܐܠܐ ܗܿܘ ܕܣܿܥܪܝܼܢ ܗܼܘܘ ܠܗ ܒܝܢܬ ܐܘܪ̈ܚܬܐ܇ ܡܼܢ ܚܛܘܼܦܝܐ ܘܒܼܙܬܐ ܕܫܒܒ̈ܝܗܘܢܿ ܘܙܢܝܘܼܬܐ: ܟܕ ܡܼܢ ܝܥܩܘܿܒ ܡܬܼܟܣܣܝܼܢ ܗܼܘܘ: ܝܿܕܥܝܼܢ ܗܼܘܘ pb. 72 ܕܝܘܣܦܐ ܗܼܘ ܗܿܘ ܕܡܿܘܕܥ ܥܠ ܕܐܝܟ ܗܿܠܝܢ: ܘܡܛܠܗܕܐ ܣܢܐܘܼܗܝ. ܝܥܩܘܿܒ ܕܝܢ ܪܚܡܼܗ ܝܬܝܼܪ ܡܼܢ ܟܿܠܗܘܿܢ ܡܛ݀ܠ ܕܚܼܙܝܗܝ ܕܢܟܦܼ: ܘܣܢ̈ܝܢ ܥܠܘܗܝ ܥܒܝܼ̈ܕܬܐ ܕܐܝܟ ܗܿܠܝܢ܀ ܒܪ ܣܝܒܘܼܬܐ ܗ̄ ܪܚܿܡ ܗܼܘܐ ܠܗ ܠܝܘܣܦ ܝܥܩܘܿܒ ܡܛܠ ܕܡܿܣܡܟ ܗܼܘܐ ܠܣܝܒܘܼܬܐ ܘܡܿܡܠܐ ܗܼܘܐ ܠܟܠܗܝܢ ܐܠܨܝ̈ܬܗ: ܐܝܟ ܕܦܿܐܐܼ ܠܒܢ̈ܝܐ ܫܪܝܪ̈ܐ܀ ܟܘܼܬܝܼܢܐ ܕܦܕܝ̈ܬܐ ܗ̄ ܡܫܡܠܝܬܐ ܕܦܕܝ̈ܬܗܿ ܥܡܗܿ ܙܩܝܪ̈ܢ܀ ܝܘܢܝܐ܆ ܟܘܼܬܝܼܢܐ ܡܦܬܟܬܐ ܗ̄ ܡܨܝܕܬܐ ܕܐܝܬ ܒܗܿ ܡܿܠܐܼ ܩܢܝܐ ܣܘܼܡܩܐ ܘܡܿܠܐܼ ܩܢܝܐ ܐܘܟܡܐ ܘܝܘܼܪܩܐ ܘܩܘܼܢܐܐ܀ ܫܡܥܘ ܚܠܡܐ ܗܢܐ ܗ̄ ܕܡܝܐ ܕܟܕ ܝ݀ܬܒܝܼܢ ܐܚܘ̈ܗܝ ܘܡܫܼܬܥܝܢ ܠ̈ܚܕܕܐ ܡܕܡ ܡܕܡ: ܐܡܼܪ ܝܘܣܦ ܕܐܢܿܐ ܠܡ ܚܙܝܿܬ ܒܚܠܡܝ ܕܐܙܕܩܼܦܬ݀ ܟܦܐ ܕܝܼܠܝ ܗ̄ ܚܨܿܘܿܕܐ ܐ݀ܣܪܝܼܢ ܠܟܦ̈ܐ ܓܘܼܪ̈ܙܐ ܓܘܼܪ̈ܙܐ܆ ܐܝܟ ܕܢܗܼܘܐ ܕܠܝܼܠ ܠܡܩܒܪܢܐ ܠܡܫܩܼܠ ܘܠܡܣܒܼܠ ܠܓܕܝܼܫ̈ܐ: ܟܦ̈ܐ ܩܼܪܐ ܠܐܚ̈ܘܗܝ: ܡܛ݀ܠ ܕܒܥܠܼܬ ܥܒܘܼܪܐ ܕܡܼܢ ܟܦ̈ܐ ܩܼܪܐ ܠܐܚ̈ܘܗܝ: ܡܛ݀ܠ ܕܒܥܠܼܬ ܥܒܘܼܪܐ ܕܡܼܢ ܟܦ̈ܐ ܐܙܠܼܘ ܠܡܨܪܝܢ ܘܣܓܼܕܘ ܠܗ܀ ܣܗܪܐ ܓܝܪ ܕܐܡܿܪ ܣܓܼܕ ܠܗ: ܗܿܗܢܘ ܕܝܢ ܒܝܕ ܫܡܫܐ ܘܣܗܪܐ ܥܠ ܐܒܘܼܗܝ ܘܐܡܗ ܡܿܘܕܥ: ܘܒܝܕ ܟܘܟ̈ܒܐ ܥܠ ܐܚ̈ܘ̄: ܐܝܟ ܕܐܠܘܼ ܩܿܝܡܐ ܗܼܘܬ݀ ܐܡܗ ܐܦ ܗܝܼ ܣܿܓܕܐ ܗܼܘܬ݀ ܠܗ: ܣܓܼܕܬ݀ ܠܗ ܕܝܢ ܒܝܕ ܐܒܘܼܗܝ: ܡܛܠ ܕܓܒܪܐ ܘܐܢܬܬܗ ܚܕ ܐܢܘܿܢ ܒܣܪܐ܆ ܒܛܝܼܠܘܼܬܐ ܚܘܝܼܬ݀ ܠܝܘܣܦ ܚ̈ܠܡܐ ܕܢܬܝܼܕܥ ܠܝܥܩܘܿܒ ܘܠܐܚܘ̈ܗܝ ܕܐܦ ܚ̈ܠܡܐ ܟܕ ܠܥܒܿܕܐ ܢܦܩܘܢܼ ܕܢܕܥܘܢܼ ܕܝܘܣܦ ܡܝܬܪ ܗܼܘ ܡܼܢ ܟܿܠܗܘܢܿ܇ ܘܕܒܒܛܝܼܠܘܼܬܐ ܐܫܬܼܘܙܒ ܡܼܢ ܩܼܛܠܐ ܘܐܫܬܼܕܪ ܠܡܨܪܝܢ ܩܕܡܝܗܘܢܿ: ܘܕܐܡܬܝ ܕܢܣܼܬܒܪ ܥܠ ܩܛܠܗ: ܢܬܒܝܐ ܐܝܟ ܡܬܦܫܟܢܐ ܕܠܐ ܡܝܼܬ ܝܘܣܦ ܡܛܠ ܕܚܠ̈ܡܐ ܥܕܟܝܼܠ ܠܐ ܢܦܼܩܘ ܠܥܒܿܕܐ܀ ܘܐܡܼܪ ܪܘܒܝܠ ܠܐ ܬܐܫܕܘܢܼ ܕܡܐ ܗ̄ ܦܨܝܗ ܡܼܢ ܩܼܛܠܐ ܠܝܘܣܦ ܘܨܿܒܐ ܗܼܘܐ ܕܢܗܦܟܝܼܘ̄ ܠܐܒܘܼ̄: ܘܗܿܠܝܢ ܨܿܒܐ ܗܼܘ ܕܢܣܥܘܪ: ܐܝܟܢܐ ܕܬܫܬܼܒܩܝ ܠܗ ܚܛܝܼܬܐ ܕܕܡܼܟ ܥܡ ܕܪܘܟܼܬܗ܀ ܐܪܡܝܘܼ̄ܝ ܒܓܘܼܒܐ ܗ̄ ܠܝܬ ܗܼܘܐ ܒܗ ܡ̈ܝܐ: ܡܛ݀ܠ ܕܒܙܒܢ ܣܬܘܐ ܥܿܐܠܝܼܢ ܗܼܘܘ ܠܗ: ܗܼܢܘܿܢ ܕܝܢ ܒܩܝܛܐ ܐܪܡܝܘܼܗܝ ܒܗ: ܪܢܘ ܕܝܢ ܕܡܼܢ ܟܦܢܐ ܘܨܗܝܐ ܡܿܐܬ܀ ܥܪ̈ܒܝܐ ܕܝܢ ܛܝ̈ܝܐ ܐܢܘܿܢ: ܪ̈ܗܛܢܐ ܠܡܫܚܐ ܕܐܦܘܪܣܡܐ ܩܿܪܐ: ܝܘܢܝܐ ܡܐܩܪ ܐܡܿܪ ܗ̄ ܐܣܛܩ̈ܛܐ܇ ܨܪܘܐ ܩܠܦܬܐ ܕܐ݀ܬܝܐ ܡܼܢ ܗܢܕܘ܀ ܐܚܪ̈ܢܐ ܐ݀ܡܪܝܼܢ ܕܕܨܪܘܐ ܡܘܕܟܐ ܕܡܬܼܩܪܐ ܐܨܘܪ ܐܝܼܬܘܗܝ܀ ܐܚܪ̈ܢܐ ܕܡܫܚܐ ܕܐܣܛܘܪܟܐ ܐܝܼܬܘܗܝ܇ ܡܕܝ̈ܢܝܐ ܬܘܼܒ ܠܛܝ̈ܝܐ ܩܿܪܐ: ܘܡܬܼܩܪܝܢ ܗܿܟܢ ܥܠ ܕܡܼܢ ܡܕܝܢ ܐܝܬܝܗܘܢܿ ܗܼܘܘ: ܥܣܪܝܢ ܕܟܣܦܐ: ܥܣܪܝܼܢ ܕܝܼܢܪ̈ܐ ܐܝܬܝܗܘܢܿ܇ ܢܦܿܠ ܫܡܐ ܕܟܣܦܐ ܥܠ ܕܗܒܐ ܘܥܠ ܣܐܡܐ܀ ܪܒ ܢܚܬ̈ܘܡܐ: ܣܘܼܪܝܝܐ ܪܒ ܕܚ̈ܫܐ ܠܪܝܫܐ ܕܦܘܓܐ ܐܘܿܟܝܼܬ ܫܪܛܐ ܩܿܪܐ܆ ܡܗܝܡܢܐ ܩܿܪܝܢ ܠܪܝܼܣܐ܇ ܘܐܦ ܠܗܿܢܘܿܢ ܕܐܝܬ ܠܗܘܿܢ ܢܫ̈ܐ ܘܫܪܝܼܪܝܼܢ ܘܡܗܝܡܢܝܼܢ ܒܐܝܠܝܢ ܕܡܬܼܓܥ̈ܠܢ ܠܗܘܢܿ܇ ܐܝܟ ܐܬܩܪܝܼ ܗܢܐ: ܐܦܢ ܓܝܪ ܒܝܼܫܘܼܬܐ ܗܼܘܬ݀ ܘܚܣܡܐ ܥܠܼܬܐ pb. 73 ܕܡܙܕܒܢܢܘܼܬܐ ܕܝܘܣܦ. ܐܠܐ ܫܒܼܩ ܐܠܗ ܕܬܗܼܘܐ ܗܕܐ܇ ܐܝܟ ܕܢܐܼܙܠ ܢܛܝܒ ܠܗܘܢܿ ܡܙܘܢܐ: ܐܝܟ ܕܗܘܼ ܐܡܼܪ ܠܐܚ̈ܘܗܝ ܕܠܐ ܗܼܘܐ ܐܢܬܘܢܿ ܫܕܪܬܘܿܢܢܝ ܠܗܪܟܐ ܐܠܐ ܐܠܗܐ ܠܡܣܡ ܠܟܘܢܿ ܫܪܟܢܐ܀ ܢܚܼܬ ܝܗܘܕܐ ܡܼܢ ܠܘܬ ܐܚܘ̈ܗܝ ܗ̄ ܐܬܼܦܪܫ ܡܼܢ ܠܘܬ ܐܚ̈ܘܗܝ܀ ܥܪܠܡܝܐ ܗ̄ ܪܥܝܐ ܡܼܢ ܬܡܢܬ܀ ܟܢܥܢܝܼܐ: ܡܛ݀ܠ ܕܐܦ ܦܠ̈ܫܬܝܐ ܡܼܢ ܟܢܥܢ ܐܢܘܿܢ: ܐܬܥܗܕ ܟܬܒܐ ܬܢܢ ܠܬܘ̈ܠܕܬܐ ܕܝܗܘܕܐ: ܐܝܟܢܐ ܕܢܠܦ ܥܠ ܚܛܗܐ ܕܥܝܼܪ ܘܐܘܢܢ ܕܒܥܼܘܠܗܘܢܿ ܡܝܼܬܘ܇ ܐܟܡܐ ܕܣܕܘ̈ܡܝܐ ܒܚܛܝܼܬܗܘܢܿ ܝܼܩܕܘ ܘܕܢܘܕܥ ܥܠ ܬܡܪ܀ ܞܚܛܝܼܬܐ ܕܥܝܪ ܘܐܘܢܢ ܕܒܥܘܠܗܘܢܿ ܡܝܼܬܘ: ܐܟܡܐ ܕܣܕܘܡ̈ܝܐ ܐܡܬܝ ܓܝܪ ܕܝܼܕܥܘ ܕܠܘ ܕܝܼܠܗܘܢܿ ܗܼܘ ܐܠܐ ܕܐܚ̈ܝܗܘܢܿ: ܟܕ ܡܙܕܘܓ ܗܼܘܐ ܚܕ ܡܢܗܘܢܿ ܠܘ ܒܡܪܒܥܐ ܠܙܪܥܐ ܪܡܐ ܗܼܘܐ: ܐܠܐ ܥܠ ܐܪܥ ܠܗܢܐ ܫܿܕܐ܀ ܘܥܠܗܕܐ ܐܡܝܼܬ ܐܢܘܿܢ ܡܪܝܐ܀ ܐܚܪ̈ܢܐܐܡܿܪܝܼܢ ܕܠܒܪ ܡܼܢ ܚܫܚܬܐ ܕܟܝܢܐ ܡܙܕܘܓ ܗܼܘܐ ܥܡ ܐܢܬܬܗ: ܘܥܠ ܗܕܐ ܐܡܝܼܬܗ ܡܪܝܐ: ܒܟܠܕܪ̈ܝܢ ܕܝܢ ܠܐܝܠܝܢ ܕܗܘܼܘ ܡܫܪ̈ܝܢܐ ܒܚܛ̈ܗܐ ܦܼܪܥ ܠܐܠܗܐ܇ ܗܕܐ ܣܥܼܪ܆ ܐܟܡܿܢ ܕܚܛܝܼܬܐ ܠܐ ܬܣܬܼܥܪܝ ܬܘܼܒ܀ ܩܿܐܝܢ ܬܘܼܒ ܩܼܛܠ: ܘܒܿܬܪܟܢ ܐܬܩܼܛܠ܆ ܒܢ̈ܝ ܕܪܐ ܕܢܘܿܚ ܙܢܝܼܘ: ܘܛܘܦܢܐ ܚܢܩ ܐܢܘܿܢ: ܣܕܘܡ̈ܝܐ ܫܪܝܼܘ ܒܛܢܦܘܼܬܐ ܕܕܟܪ̈ܐ ܘܝܼܩܕܘ ܒܢܘܼܪܐ ܘܟܒܪܝܼܬܐ܀ ܗܟܘܬ ܥܝܪ ܘܐܘܢܢ ܫܪܝܼܘ ܒܚܛܝܼܬܐ ܗܕܐ: ܘܐܡܝܼܬ ܐܢܘܢܿ ܡܪܝܐ܀ ܐܘܢܢ ܨܒܼܐ ܕܐܢܬܬܐ ܐܚܪܬܐ ܢܣܼܒ: ܐܟܡܿܢ ܕܥܠ ܫܡܗ ܢܘܠܕ ܇ܘܥܠܗܿܝ ܐܬܚܫܼܚ ܒܡܕܡ ܕܠܐ ܡܟܢ: ܐܟܡܿܢ ܕܠܐ ܢܩܝܼܡ ܝܪܬܐ ܠܐܚܘܼܗܝ܆ ܝܗܘܕܐ ܐܣܒܪ ܕܡܘܬܐ ܕܒܢ̈ܘܗܝ ܥܠܬܗ ܡܼܢ ܬܡܪ ܐܝܼܬܘܗܝ܇ ܘܥܠܗ݀ܝ ܟܠܼܐ ܠܫܢܐ ܒܪܗ ܡܢܗܿ: ܗܝܼ ܟܕ ܝܠܦܼܬ݀ ܗܕܐ: ܐܬܟܣܼܝܬ݀ ܒܐܪܕܝܼܕܐ: ܝܗܘܕܐ ܙܢܝܐ ܡܬܚܼܫܒ: ܬܡܪ ܕܝܢ ܠܐ: ܘܝܼܕܝܼܥܐ ܡܼܢ ܗ݀ܝ ܕܠܐ ܙܢܼܝܬ݀ ܥܡ ܐ̱ܚܪܝܢ܆ ܘܒܐܣܟܡܐ ܢܟܦܐ ܝܬܼܒܬ݀ ܒܐܘܪܚܐ: ܟܕ ܠܐ ܓ̈ܠܝܢ ܐܦ̈ܝܗܿ: ܘܐܬܦܪܣܼܬ݀ ܕܬܓܢܘܿܒܝ ܙܪܥܐ: ܡܛܠ ܕܩܒܼܪܬ݀ ܬܪܝܢ: ܘܫܛܘܼܗܿ ܘܐܡܿܪܝܼܢ ܗܼܘܘ ܕܥܩܪܬܐ ܗܿܝ܇ ܐܚܪ̈ܢܐ ܐܡܿܪܝܼܢ ܕܗܝܼ ܐܬܼܦܪܣܬ݀ ܕܬܩܛܘܿܠܝ ܠ̈ܥܘܼܠܐ܇ ܒܕܣܢܝܐ ܗܼܘܬ݀ ܠܓܒܪ̈ܝܗܿ: ܘܓܢܼܒܬ݀ ܙܪܥܐ ܡܼܢ ܝܗܘܕܐ ܕܢܫܬܪܪ: ܕܠܘ ܗܝܼ ܗܼܘܬ݀ ܥܠܼܬܐ ܕܐܒܕܢܐ ܕܓܒܪ̈ܝܗܿ܇ ܬܘܼܒ ܐܫܼܬܪܪܬ݀ ܕܒܙܪܥܗ ܕܐܒܪܗܡ ܢܬܒܪܟܘܢܼ ܥܡ̈ܡܐ܇ ܘܡܼܢ ܝܗܘܕܐ ܕܢܚ ܡܫܝܼܚܐ: ܘܥܠܗܿܝ ܨܒܼܬ݀ ܘܪܓܼܬ݀ ܕܟܒܪ ܢܗܼܘܐ ܠܗܿ ܙܪܥܐ ܡܢܗ ܘܢܗܼܘܐ ܪܝܫܐ ܠܥܡ̈ܡܐ܀ ܘܠܐ ܝܼܕܥ ܕܟܠܬܗ ܗܼܝ ܗ̄ ܒܗܕܐ ܚܘܝܼ ܕܐܝܼܬ ܗܼܘܐ ܢܡܘܿܣܐ ܡܼܢ ܩܕܝܼܡ ܕܠܐ ܢܬܩܪܒܘܢܼ ܚܡܗ̈ܐ ܠܟܠ̈ܬܗܘܢܿ܀ ܦܠܫܬ ܐܘܪ̈ܚܬܐ ܗ̄ ܕܘܼܟܬܐ ܕܣ̈ܓܝܐܢ ܫܒܝܼ̈ܠܝܗܿ܀ ܥܙܩܬܟ ܘܚܘܼܛܪܟ ܘܫܘܫܦܟ ܗ̄ ܬܠܬܐ ܣܗ̈ܕܐ ܒܥܼܬ݀ ܡܢܗ: ܫܘܼܫܦܐ ܡܢܕܝܼܠܐ ܡܕܡ ܠܒܝܼܟ ܗܼܘܐ: ܐܝܟ ܓܒܪ̈ܐ ܪܘܪ̈ܒܐ: ܚܘܼܛܪܐ ܕܝܢ ܠܒܝܼܟ ܗܼܘܐ܆ ܠܘ ܠܣܡܟܐ܇ ܐܠܐ ܒܐܝܼܩܪܐ܀ ܐܦܩܘܼܗܿ ܕܬܐܩܼܕܝ ܗ̄ ܐܦܢ ܢܡܘܿܣܐ ܟܬܝܼܒܐ ܠܝܬ ܗܼܘܐ܇ ܐܠܐ ܟܝܢܝܐ ܐܝܼܬ ܗܼܘܐ ܠܐܢܫ ܡܼܢ ܙܢܝܘܼܬܐ܇ ܘܐܠܘܼܠܐ ܓܝܪ pb. 74 ܢܡܘܿܣܐ ܟܝܿܢܝܐ܇ ܐܦܠܐ ܡܠ̈ܟܘܬܐ ܡܬܼܩܝ̈ܡܢ ܗܼܘ̈ܝ ܦܫܝܼܩ ܝܩܕܢܐ ܥܠ ܬܡܪ: ܡܛܠ ܕܠܘ ܙܢܝܼܬܐ ܓܠܝܼܬܐ ܐܝܬܝܗܿ ܗܼܘܬ݀܀ ܗ݀ܝ ܕܐܡܼܪ ܕܝܒܡܝܗܿ ܗ̄ ܠܫܘܬܦܘܼܬܐ ܕܥܡ ܐܢܬܬ ܐܚܐ ܩܿܪܝܢ ܗܿܟܢ܀ ܘܗܐ ܬܐܡ̈ܐ ܒܟܪܣܗܿ ܗ̄ ܕܬܡܪ܀ ܡܐ ܐܬܼܬܪܥܬ݀ ܥܠܝܟܝ ܬܘܼܪܥܬܐ ܗ̄ ܐܝܟ ܐܢܫ ܕܒܿܥܐ ܕܢܬܪܘܿܥ ܬܘܼܪܥܬܐ: ܨܒܼܐ ܐܚܘܼܟ ܕܢܬܪܘܿܥ ܥܠܝܟ ܬܘܪܥܬܐ: ܟܕ ܠܐ ܙܕܩܐ ܠܗ ܩܕܝܼܡܘܼܬ ܡܘܠܕܐ܀ ܦܪܨ ܗ̄ ܬܪܡܐ ܗ̄ ܐܬܬܼܪܥܬ݀ ܩܕܡܘ̄ ܬܘܼܪܥܬܐ ܕܡܪܒܥܐ: ܙܪܚ ܥܠ ܕܢܼܚ ܘܐܥܼܠ ܐܝܼܕܗ ܡܼܢ ܩܕܡ ܐܚܘܼܗܝ܇ ܐܘܿ ܡܛ݀ܠ ܙܚܘܪܝܬܐ ܐܬܥܢܝܼ ܙܪܚ܀ ܒܢ̈ܘܗܝ ܕܗܢܐ܇ ܙܡܪܝ܇ ܘܐܬܢ܆ ܘܗܡܢ: ܘܟܠܟܠ܆ ܘܕܕܪܥ܆ ܣܝܿܓܐ ܕܐܬܦܼܣܩ ܘܬܘܪܥܬܐ ܕܐܬܬܼܪܥܬ݀ ܡܣܟܠܐ ܕܡܕܡ ܕܠܒܪ ܡܼܢ ܟܝܢ ܗܘܼܐ ܬܡܢ܇ ܕܐܬܐܼܠܨܬ݀ ܕܬܐܼܡܪܝ ܚܝܬܐ ܗܿܠܝܢ܆ ܟܕ ܚܕ ܡܢܗܘܢܿ ܐܘܫܛ ܐܝܕܗ ܕܢܦܘܿܩ ܒܿܬܪܟܢ ܩܦܣܼܗܿ: ܘܢܦܼܩ ܐܚܘܼܗܝ: ܗܕܐ ܠܘ ܒܟܝܿܢܐ ܗ݀ܝ ܕܚܕ ܡܼܢ ܬܐܡ̈ܐ ܢܕܚܝܘܗܝ: ܟܝܢܐ ܠܡܦܩܬܐ ܘܢܗܦܘܿܟ ܘܢܥܘܿܠ܆ ܘܗܿܝܕܝܢ ܐܚܘܼܗܝ ܢܦܘܿܩ܀ ܐܢܬܬܐ ܡܪܬܗ ܕܝܘܣܦ܆ ܠܘ ܡܛܠ ܕܢܬܚܼܒܫ ܘܢܡܠܟ ܓܼܪܝܬ݀ ܒܗ. ܐܠܐ ܡܛܠ ܪܓܬܐ ܣܢܝܼܬܐ: ܐܠܗ ܕܝܢ ܠܒܝܼܫ̈ܬܐ ܐܗܦܟ ܐܢܝܢ ܠܛܒ̈ܬܐ܀ ܘܐܡܼܝܬ݀ ܐܢܬܬ ܡܪܗ ܥܝܢ̈ܝܗܿ ܗ̄ ܚܼܪܬ݀ ܒܗ ܘܠܒܟܼܬܗ ܘܐܚܼܕܬܗ ܒܠܒܘܼܫܗ ܗ̄ ܥܪܛܠܐܝܬ ܦܠܼܛ ܡܼܢ ܐܝܼܕ̈ܝܗܿ: ܐܝܟܢ ܕܢܬܼܢܨܚ ܒܢܟܦܘܼܬܐ܀ ܐܚܪ̈ܢܐ ܐܡܿܪܝܼܢ ܕܠܓܘܿܠܬܐ ܕܠܥܠ ܡܼܢ ܠܒܘܼܫܗ ܫܒܼܩ ܕܢܦܼܩ ܠܫܘܼܩܐ ܒܟܘܼܬܝܼܢܗ ܘܐܪܡܝܼ ܥܠܘܗܝ ܚܣܕܐ ܗ̄ ܪ̈ܡܐ ܘܛܝܒܘܼܬܐ: ܗܿܟܢ ܩܿܪܐ ܥܒܪܝܐ ܠܚܣܕܐ: ܐܝܟ ܗ݀ܝ ܕܡܘܗܒܬܐ ܒܥܝ̈ܢܝ ܟ݀ܠ ܒܪ̈ܝܬܐ: ܘܚܣ̈ܕܘܗܝ ܕܡܪܝܐ ܠܐ ܛ݀ܠܩܝܼܢ܀ ܐܚܪ̈ܢܐ ܐ݀ܡܪܝܼܢ ܡܛܠ ܕܓܠܝܐ ܗܼܘܬ݀ ܚܛܝܼܬܗ: ܐܦ ܡܼܢ ܟܿܠܢܫ ܡܬܼܚܣܕ ܗܼܘܐ: ܐܠܐ ܡܛ݀ܠ ܕܡܪܝܐ ܥܡܗ ܗܼܘܐ: ܠܐ ܕܚܿܠ ܗܼܘܐ ܡܼܢ ܚܣܕܐ ܡ܆ܛܠ ܕܟܐܢܐܝܬ ܡܬܼܚܣܕ ܗܼܘܐ܀ ܒܝܘܢܝܐ ܚܠܦ ܗ݀ܝ ܕܐܪܡܝܼ ܥܠܘܗܝ ܚܣܕܐ: ܐܫܦܼܥ ܥܠܘܗܝ ܪ̈ܚܡܐ ܟܬܝܼܒ: ܘܗܿܕܐ ܚܬܝܼܬܐ ܐܝܟ ܣܘܼܟܠܐ ܩܕܡܝܐ܀ ܡܛܠ ܕܚ̈ܛܗܐ ܗܼܘܘ ܥܠܼܬܐ ܕܢܬܚܫܒܘܢܼ ܪܒ ܫܩ̈ܘܬܐ ܘܢܚܬ̈ܘܡܐ ܥܠܗ݀ܝ ܐܬܥܗܕ ܐܢܘܿܢ ܡܘܫܐ: ܘܚܠ̈ܡܝܗܘܢܿ ܗܘܼܘ ܥܠܼܬܐ ܕܢܬܝܼܕܥ ܝܘܣܦ ܐܦ ܕܢܡܠܟ܀ ܪܓܼܙ ܦܪܥܘܿܢ ܥܠ ܬܪܝܢ ܡܗܝ̈ܡܢܐ ܗ̄ ܐܝܠܝܢ ܕܡܗܝܡܢܝܼܢ ܒܣܘܼܥܪ̈ܢܝܗܘܢܿ ܦܪܥܘܢܿ ܡܨܪܐܝܬ ܡܠܟܐ ܡܬܦܼܫܩ܀ ܚܠܡܼܘ ܬܪ̈ܝܗܘܢܿ ܚܠ̈ܡܐ ܗ̄ ܒܠܠܝܐ ܚܕ ܚܠܡܼܘ ܬܪ̈ܝܗܘܢ܀ ܪܒ ܫܩ̈ܘܬܐ ܒܚܠܡܝ ܚܙܝܿܬ ܗܐ ܓܦܬܐ ܩܕܡܝ ܗ̄ ܒܚܠܡܝ ܥ݀ܨܪܬ ܗܿܘܝܬ ܣܓܘܼܠܐ ܡܼܢ ܬܠܬܐ ܫܒܫ̈ܬܝܼܢ܀ ܒܿܬܪ ܬܠܬܐ ܝܘܡ̈ܝܼܢ ܬܗܼܦܘܿܟ ܥܠ ܫܕܬܟ ܗ̄ ܫܩܘܼܬܐ ܫܕܬܐ: ܠܡܐܢܐ ܕܫܩܝܘܼܬܐ ܩܿܪܐ܀ ܢܚܬܘܡܐ ܟܕ ܚܼ؛ܐ ܕܫܦܝܼܪ ܦܫܼܪ: ܐܡܼܪ ܬܠܬ ܣܠ̈ܝܼܢ ܗ̄ ܕܐܝܬ ܒܗܘܢܿ ܓܪ̈ܝܼܨܬܐ ܗ̄ ܠ̈ܚܡܐ ܕܓܪܡܒܐ ܕܥܠ ܪܝܫܝ ܗ̄ ܥܠ ܫܘܼܠܛܢܝ܀ ܚܝܘܬ ܟܢܦܐ ܗ̄ pb. 75 ܠ̈ܢܨܐ ܘܟܘܕܪ̈ܐ ܘܥܘܼܪ̈ܒܐ ܩܿܪܐ ܕܟܝܿܢܐܝܬ ܐܟܿܠܝܼܢ ܒܣܪܐ: ܘܦܫܼܪ ܠܗܢܐ ܕܡܬܼܦܣܩ ܪܝܫܗ܀ ܐܬܬܥܝܼܪ ܘܚܼܙܐ ܕܚܠܡܐ ܗܿܘ ܗ̄ ܚܠܡܐ ܠܡ ܗܢܐ ܒܡܕܩܢܐ ܗܿܘ ܕܣܘܼܥܪܢܐ ܘܠܘ ܦܗܝܐ ܗܿܘ ܕܪܓܪ̈ܓܝܬܐ ܡܕܡ܀ ܗ݀ܝ ܕܬܘܪ̈ܬܐ ܕܡܼܢ ܢܗܪܐ ܓܝܚܘܢ ܐܬܚܙ̈ܝܼ ܕܣܠ̈ܩܢ ܥܠ ܕܐܦ ܟܗܝܼܢܘܼܬܗܝܢ ܕܫܢ̈ܝܐ: ܘܡܓܙܝܘܼܬܗܝܢ ܡܼܢ ܢܗܪܐ ܐܝܬܝܗܿ ܕܣܿܠܩ ܘܡܿܫܩܐ ܠܗܿ ܠܐܪܥܐ: ܡܼܢ ܦܘܼܠܚܢܐ ܓܝܪ ܕܬܘܪ̈ܐ ܘܫܩܼܝܐ ܕܢܗܪܐ ܘܡܘܥܝܼܬܐ ܕܫܒ̈ܠܐ: ܗܿܘܝܐ ܕܗܝܼܢܘܼܬܐ܀ ܐܪܗܛܘܼܗܝ ܗ̄ ܡܼܢ ܓܘܼܒܐ ܗ̄ ܡܣܪܗܒܐܝܬ ܡܼܢ ܓܘܼܒܐ ܕܒܝܬ ܐܣܝܼܪ̈ܐ: ܡܛܠ ܕܒܝܬ ܐܣܝܼܪ̈ܐ ܐܝܟ ܓܘܼܒܐ ܐܝܼܬ̄ܘ ܠܟܿܠ ܕܡܬܼܪܡܐ ܒܗ܇ ܘܓܼܪܥ ܗ̄ ܣܦܪ ܣܥܪܗ܆ ܕܡܪܒܝܐ ܗܼܘܬ݀ ܒܝܬ ܐܣܝܼܪ̈ܐ܀ ܕܠܡܐ ܬܣܒܼܪ ܕܒܠܥܕ ܗ̄ ܠܡ ܬܣܒܼܪ܇ ܕܒܠܥܕ ܡܼܢ ܨܒܝܿܢܗ ܕܐܠܗܐ ܗܿܘܐ ܠܟ ܫܠܡܐ ܕܟܗܝܼܢܘܼܬܐ܆ ܒܝܕ ܥܙܩܬܐ ܕܣܼܡ ܒܐܝܼܕܗ ܦܪܥܘܿܢ ܗ̄ ܐܘܕܥ ܥܠ ܪܝܫܢܘܼܬܐ ܕܐܬܝܗܒܼܬ݀ ܠܗ: ܕܡܼܢ ܗܿܘ ܠܡ ܕܕܝܼܠܗ ܗܼܝ ܥܙܩܬܐ ܩܢܼܗܿ ܠܪܝܫܢܘܼܬܐ܀ ܘܐܠܒܼܫܗ ܒܘܼܨܐ ܗ̄ ܫܐܪܝܐ. ܗܿܘ ܕܟܕ ܨܿܒܥܝܼܢ ܠܗ ܗܿܘܐ ܐܪܓܘܢܐ܀ ܗܡܢܝܼܟܐ ܗ̄ ܙܘܢܪܐ܀ ܨܦܢܬܦܢܥܚ ܗ̄ ܨܦܢܬ ܒܠܫܢܐ ܡܨܪܝܐ ܡܫܟܚܢܐ ܕܟܣܝ̈ܬܐ ܡܬܦܼܫܩ܀ ܟܘܼܡܪܐ ܕܐܘܢ ܗ̄ ܐܝܘܦܘܠܝܣ܇ ܐܘܿܟܝܼܬ ܡܕܝܢܬ ܫܡܫܐ ܝܼܗܝܼܒܐ ܡܼܢ ܡܠܟܐ܇ ܡܛ݀ܠ ܕܫܡܫܐ ܪܝܫ ܟ݀ܠܗܘܢܿ ܐ̈ܠܗܐ ܚܫܝܼܒ ܗܼܘܐ ܠܗܘܢܿ܀ ܦܫܼ ܝܘܣܦ ܟܿܠܗ ܗܿܘ ܡܬܼܚܐ ܒܝܬ ܐܣܝܼܪ̈ܐ: ܡܛ݀ܠ ܕܐܪܡܝܼ ܣܒܪܘ ܥܠ ܪܒ ܫܩ̈ܘܬܐ ܕܢܬܕܟܪܝܘ̄ ܘܠܐ ܐܬܬܼܟܠ ܥܠ ܐܠܗܐ܀ ܒܪ ܬܠܬܝܼܢ ܫܢ̈ܝܼܢ ܦܫܼܩ ܝܘܣܦ ܠܚܠܼܡܐ ܠܦܪܥܘܢܿ܀ ܘܬܠܬ ܫܢ̈ܝܼܢ ܗܘܼܐ ܒܝܬ ܐܣܝܼܪ̈ܐ܆ ܥܒܘܼܪܐ ܕܚܡܼܠ ܝܘܣܦ ܒܫ̈ܢܝܐ ܟܗܝܼ̈ܢܬܐ: ܡܕܐܬܐ ܗܼܘܐ ܕܚܩ̈ܠܬܐ ܘܡܟܣܐ ܕܬܓܪ̈ܐ܆ ܘܡܼܢ ܐܪ̈ܥܬܐ ܕܦܪܥܘܢܿ܀ ܐܢܫܝܼ̈ܢ ܐܡܿܪܝܼܢ ܕܟܬܝܼܒܬܐ ܥܒܪܝܬܐ ܐܠܗܐ ܝܗܒܼܗ ܠܝܘܣܦ܇ ܡܛ݀ܠ ܚܘܼܫܒܢܐ ܕܥ̈ܠܠܬܐ: ܘܟܕ ܥܠ ܥܡܐ ܝܠܦܘܼܗܿ: ܐܠܐ ܠܐ ܫܪܝܼܪܐ܀ ܐܦܪܝܡ ܡܦܪܝܢܘܼܬܐ ܥܡ ܡܢܫܐ ܡܬܢܫܝܿܢܘܼܬܐ܀ ܐܢܫܝܼܢܝ ܐܠܗܐ ܥܡ̈ܠܝ ܕܒܥܒܕܘܼܬܐ ܘܒܒܝܬ ܐܣܝܼܪ̈ܐ ܘܒܒܝܬ ܐܒܝ ܗܿܘ ܕܐܬܓܿܠܙܬ ܡܢܗ: ܗܿܫܐ ܕܝܢ ܐܬܒܿܝܐܬ ܘܒܒܘܼܝܐܐ ܕܝܗܒܠܝܼ ܐܠܗܐ ܕܠܐ ܣܒܪܐ܀ ܟܕ ܐܦܪܝܡ ܒܐܪܥ ܕܫܘܼܥܒܕܝ ܗ̄ ܐܪܝܼܡܝܢܝ ܘܫܪܬܚܢܝ ܐܝܟ ܕܒܥܒܪܝܐ ܘܝܘܢܝܐ܇ ܒܟܿܠܗ ܥܠܡܐ ܗܘܼܐ ܟܦܢܐ ܘܟܕ ܥܠܼܬܐ ܕܟܦܢܐ ܡܛܪ ܗܿܝ ܕܠܐ ܢܿܚܬ: ܡܨܪܝܢ ܕܝܢ ܟܕ ܡܛܪܐ ܠܐ ܢܿܚܬ ܒܗܿ ܐܠܐ ܡܼܢ ܢܝܠܘܿܣ ܫܿܬܝܐ܆ ܥܠ ܡܢܐ ܗܘܼܐ ܒܗܿ ܟܦܢܐ ܘܐܡܼܪܝܼܢܢ ܕܢܝܠܘܿܣ ܥܠܼܬܐ ܕܫܦ̈ܥܘܗܝ ܡܛܪܐ ܘܬܠܓܐ ܕܢܿܚܬܝܼܢ ܥܠ ܛܘܪ̈ܐ ܐܝܬܝܗܿ ܟܕ ܦܿܫܪܝܼܢ ܫܿܦܥ: ܒܗܿܘ ܙܒܢܐ ܠܐ ܢܚܼܬ ܒܐܬܪ̈ܘܬܐ ܕܡܢܗܘܢܿ ܐܬܼܐ ܡܛܪܐ ܘܬܠܓܐ ܘܢܗܪܐ ܠܐ ܫܿܦܥ: ܘܗܘܼܐ ܟܦܢܐ܀ ܠܡܡܪ ܥܒܘܼܪܐ ܗ̄ ܠܡܼܙܒܢ: ܐܬܢܟܼܠ ܥܠܝܗܘܢܿ ܗ̄ ܠܐ ܓܠܼܐ ܠܗܘܢܿ ܢܦܫܗ. ܐܠܐ ܩܪܪܐ ܐܢܘܿܢ ܓܫܘ̈ܫܐ ܘܠܫܡܥܘܿܢ ܦܩܼܕ ܕܢܐܣܪܘܢܼ܀ ܡܛܜܠ ܕܗܘܼ ܣܿܘܐܼ ܕܢܙܕܒܢ ܝܘܣܦ܀ ܕܠܡܐ ܢܓܼܕܫ pb. 76 ܠܗ ܩܐܪܣܐ ܗ̄ ܣܘܼܩܒܠܐ܀ ܒܛܡ̈ܐ ܘܠܛܡ̈ܐ ܘܫܝܓܪ̈ܐ ܗ̄ ܚܕ ܐܢܘܿܢ ܓܢܣܐ: ܠܛܡܐ ܩܿܪܐ ܠܒܢܘܫܓ ܙܪ̈ܥܘܢܐ ܕܕܡܿܝܢ ܠܚܢܐ ܕܡܚܕܐ ܡܬܼܒܠܥܝܼܢ܀ ܒܛܡ̈ܐ ܒܢܘܫܓ ܡܨܥ̈ܝܐ ܡܬܼܒܠܥܝܼܢ܀ ܒܛܡ̈ܐ ܒܢܘܫܓ ܡܨܥܝ̈ܐ ܕܕܡܿܝܢ ܠܓܪ̈ܘܡ ܕܥܡܪ ܟܘܼܒ̈ܐ܀ ܫܝܓܪ̈ܐ ܠܘ ܠ̈ܘܼܙܐ ܐܢܘܢܿ܇ ܐܠܐ ܒܢܘܫܛ ܪܘܪ̈ܒܐ: ܗܿܢܘܢ ܕܠܡܚܣܢ ܡܬܼܬܒܪܝܼܢ ܒܕܣܿܓܝܼ ܩܫܝܐ ܩܠܦܬܗܘܢܿ܀ ܘܐܢܿܐ ܐܝܟ ܕܓܙܝ݀ܬ ܓܙܝ݀ܬ ܗ̄ ܦܪܝܼܫ ܐܢܼܐ ܗܿܫܐ ܒܡܓܙܼܝܘܼܬܐ ܡܼܢ ܐܝܢܐ ܕܠܐ ܐܘܠܕ ܡܛ݀ܠ ܕܠܝܬܘܗܝ ܝܘܣܦ ܘܫܡܥܘܿܢ܀ ܘܗܐ ܕܒܪܝܼܬܘܿܢ ܠܒܢܝܡܝܢ܀ ܒܙܒܢܬܐ ܩܕܡܝܬܐ ܗܼܢܘܿܢ ܣܓܼܕܘ ܠܝܘܣܦ܇ ܟܕ ܫܐܠ ܐܢܘܿܢ ܥܠ ܐܒܘܼܗܘܿܢ܇ ܒܕܘܼܟܬ ܦܪܨܘܦܐ ܕܐܒܘܼܗܘܢܿ ܕܐܡܗܘܢܿ ܣܓܼܕܘ ܠܡܘܼܠܝܐ ܕܚܠܡܗ: ܗ݀ܝ ܕܐܣܬܼܡܟ ܩܫܝܼܫܐ ܐܝܟ ܩܫܝܼܫܘܼܬܗ ܡܛ݀ܠ ܕܒܫܡܗ̈ܝܗܘܿܢ ܩܿܪܐ ܗܼܘܐ ܠܗܘܿܢ ܝܘܣܦ܇ ܘܡܘܬܒ ܠܟܿܠܚܕ ܒܛܟܣܗ܀ ܬܡܗ ܓܒܪ ܟ݀ܠܚܕ ܗ̄ ܬܡܼܗܘ ܕܡܼܢ ܐܝܟܐ ܝ݀ܕܥ ܫܡܗ̈ܝܗܘܿܢ܀ ܫܩ̈ܠܐ ܕܫܩܼܠܘ܇ ܕܡܕܡ ܕܐܫܬܼܚܪ ܫܩܼܠܘ ܠܒܝܬ ܡܫܪܝܗܘܿܢ ܘܕܡܝܐ ܕܒܡܢ̈ܘܬܐ ܐܬܬܣܝܼܡܬ݀ ܡܐܟܘܿܠܬܐ ܩܕܡܝܗܘܿܢ܀ ܐܣܩܦܐ ܕܣܐܡܐ ܕܗܘܼܝܘܼ ܡܒܘܓ܇ ܐܝܬ ܕܐ݀ܡܪܝܼܢ ܟܣܐ: ܘܐܡܿܪ ܝܘܣܦ ܠܒܪ ܒܝܬܗ ܘܣܡܗ ܒܛܥܢܐ ܕܒܢܝܡܝܢ: ܠܐ ܓܝܪ ܩܪܝܼܒܝܼܢ ܗܼܘܘ ܟܕ ܡܠܼܐ ܠܣܩ̈ܐ ܥܒܘܪܐ܀ ܡܢܚܫܘܼ ܡܢܚܫ ܒܗ ܗ̄ ܠܐ ܝܿܕܥܝܼܢ ܐܢܬܘܿܢ ܕܒܐܒܕܢܗ ܕܗܢܐ ܢܚܫܐ ܒܝܼܫܐ ܢܗܘܐ ܠܗ: ܟܕ ܥܠܼܬ ܐܝܼܩܪܗ ܘܕܪܓܗ ܗܿܢܐ ܐܝܼܬܘܗܝ: ܕܢܐܡܪ ܕܐܝܟ ܢܚܫܐ ܡܕܡ ܒܝܼܫܐ ܥܒܕܬܘܿܢ ܐܘܿ ܚܠܦ ܩܨܡܐ ܐܝܟ ܗ݀ܝ ܕܠܐ ܬܢܚܫ ܒܚܝܘܬ ܟܢܦܐ܀ ܡܛ݀ܠ ܕܢܒܼܩܐ ܐܢܘܿܢ ܣܼܡ ܠܐܣܩܦܐ ܒܛܥܢܐ: ܕܐܢ ܥܕܟܝܼܠ ܢܛܝܼܪܐ ܠܘܬܗܘܿܢ ܣܢܼܐܬܐ ܕܒܢ̈ܝ ܪܚܝܠ܀ ܫܕܪ ܝܘܣܦ ܥܓ̈ܠܬܐ ܒܿܬܪ ܐܒܘܼܗܝ ܗ̄ ܠܩܛܝܩܝܢ ܐܘܿ ܥܓܠ̈ܬܐ ܠܗܿܢܝܢ ܕܐܝܬ ܠܗܝܢ ܓܝ̈ܓܠܐ ܕܛܥ̈ܢܢ ܡ̈ܐܢܐ ܝܩܝܼܪ̈ܐ ܘܒܬܘܪ̈ܐ ܡܬܢܓ̈ܕܢ܀ ܝܗܘܕܐ ܡܠܠܐ ܗܼܘܐ܇ ܘܥܠܗܕܐ ܥܠܼ ܩܕܡ ܝܘܣܦ ܘܡܠܠ ܡܛܠ ܒܢܝܡܝܢ܇ ܗ݀ܝ ܕܫܦܝܼܪ ܦܬܓܡܐ ܒܥܝ̈ܢܝ ܦܪܥܘܿܢ ܗ̄ ܚܕܝܼ ܠܡ ܛܒ ܟܕ ܫܡܼܥ ܥܠ ܐܚܘ̈ܗܝ ܕܝܘܣܦ: ܐܟܡܿܢ ܕܠܘ ܥܒܕܐ ܥܒܝܼܕ ܠܗܘܿܢ ܫܠܝܼܛܐ: ܐܠܐ ܒܪ ܚܐܪ̈ܐ ܘܝܼܕܝܼܥ ܒܫܪܒܬܗ܀ ܥܣܪܐ ܚܡܪ̈ܐ ܟܕ ܛܥܝܼܢܝܼܢ ܡܼܢ ܛܘܼܒܗܿ ܕܐܪܥܐ ܥܒܘܼܪܐ ܘܠܚܡܐ ܘܚܡܪܐ܀ ܟܕ ܚܕܐ ܒܪܬܐ ܐܝܼܬ ܗܼ،ܐ ܠܗ: ܚܘܿܬ ܐܢܬ ܘܒܢ̈ܝܟ ܘܒܢ̈ܬܟ܇ ܘܐ݀ܡܪܝܼܢܢܕܠ̈ܢܫܐ ܕܒܢ̈ܘܗܝ ܒܢ̈ܬܐ ܕܝܼܠܗܘܿܢ ܩܼܪܐ ܒܢ̈ܬܗ܀ ܡܬܼܥܗܕ ܠܢܦܫ̈ܬܐ ܕܢܚܼܬܘ ܠܡܨܪܝܢ ܕܢܘܕܥ ܕܒܟܡܐ ܢܚܼܬܘ ܘܒܟܡܐ ܣܠܼܩܘ: ܘܕܟܕ ܝܒ̄ ܗܼܘܘ ܒܢܘ̈ܗܝ: ܒܛܝܼܠܘܼܬܐ ܗܘܼܬ: ܥܠܝܗܘܿܢ ܕܕܟܪ̈ܐ ܢܘܠܕܘܢܼ ܣܛܪ ܡܼܢ ܐܫܝܪ ܕܐܘܠܕ ܠܙܪܚ: ܘܐܟܝܢ ܕܟܕ ܢܣܿܒܝܼܢ ܢܫ̈ܐ ܡܼܢ ܥܡܡ̈ܐ ܢܣܓܘܿܢ: ܥܕܡܐ ܕܟܿܠܚܕ ܫܒܛܐ ܡܢܗ ܘܠܗ ܢܣܼܒ ܢܫ̈ܐ: ܘܠܐ ܢܣܬܼܢܩ ܥܠ ܫܒܛܐ ܐ̱ܚܪܢܐ܀ ܫܬܝܼܢ ܘܫܬ ܢܦܫ̈ܢ ܥܠܼ̈ܝ ܥܡ ܝܥܩܘܿܒ ܠܡܨܪܝܢ ܣܛܪ ܡܼܢ ܢܫ̈ܐ pb. 77 ܕܒܢ̈ܘܗܝ܇ ܟܕ ܡܬܡܼܢܝܢ ܥܡܗܘܿܢ ܝܘܣܦ ܘܐܦܪܝܡ ܘܬܠܬܐ ܒܢܘ̈ܗܝ ܕܡܢܫܐ ܘܒܢ̈ܘܗܝ ܕܡܟܝܪ ܬܠܬܐ܇ ܗܿܘܝܢ ܫܒܥܝܼܢ ܘܚܡܫ ܢܦܫ̈ܢ ܐܝܟ ܕܐܡܼܪ ܣܛܦܢܘܿܣ: ܗ݀ܝ ܕܪ̈ܥܝܝ ܥܢ̈ܐ ܐܢܘܿܢ ܥܒ̈ܕܝܟ ܗ̄ ܐܘܬܪ ܐܢܘܿܢ ܒܕ ܝܗܼܒ ܠܗܘܿܢ ܐܪܥ ܕܓܫܝܢ ܕܟܗܼܝܢܐ ܒܙܪ̈ܥܐ ܘܢܨܒ̈ܬܐ ܘܝܘܼܪܩܐ ܠܩܢܝܿܢܗܘܿܢ܇ ܡܣܠܝܢ ܡܨܪ̈ܝܐ ܗܼܘܘ܆ ܘܗܿܠܝܢ ܐ݀ܟܠܝܼܢ ܠܗܘܿܢ܀ ܬܘܼܒ ܐ̈ܠܗܐ ܕܣܿܓܕܝܼܢ ܗܼܘܘ ܠܗܘܿܢ ܡܨܪ̈ܝܐ: ܕܡܘܼܬܐ ܕܐܡܪ̈ܐ ܘܕܬܝܫ̈ܐ ܐܝܼܬ ܗܼܘܐ ܠܗܘܿܢ܇ ܘܠܗܿܘ ܡܐ ܕܣܿܓܕܝܼܢ ܗܼܘܘ ܠܗ܆ ܠܐ ܪܥܝܢ ܗܼܘܘ ܡܛܠ ܕܢܕܝܼܕ ܗܼ،ܐ ܥܠܝܗܘܿܢ. ܗ݀ܝ ܕܠܐ ܡܛܝܼܘ ܫܢ̈ܝ ܚܝ̈ܝ ܗ̄ ܒܗܿܘ ܙܒܢܐ ܒܨܝܼܪ ܗܼܘܐ ܝܥܩܘܿܒ ܡܼܢ ܐܒܗ̈ܘܗܝ ܚܡܫܝܼܢ ܫܢ̈ܝܼܢ܇ ܘܡܼܢ ܩܫܝܝܼܫܗ ܥܣܪܝܼܢ ܘܚܡܫ ܫܢ̈ܝܼܢ܇ ܒܪ ܡܐܐ ܘܬܠܬܝܢ ܫܢ̈ܝܼܢ ܐܝܼܬ̄ܘ ܗܼܘܐ܀ ܗܿܘ ܕܒܝܘܡ̈ܝ ܡܥܡܪܗܘܿܢ ܗ̄ ܐܦ ܗܼܢܘܿܢ ܠܡ ܒܬܘܬܒܘܼܬܐ ܘܐܟܣܢܝܘܼܬܐ ܐܬܗܦܼܟܘ ܒܚ̈ܝܐ ܗܿܠܝܢ܀ ܗ݀ ܕܬܪܣܝ ܝܘܣܦ ܠܕܒܝܬ ܐܒܘܼ̄ ܗ̄ ܕܐܦܢ ܠܡ ܝܩܝܼܪ ܗܼܘܐ ܥܒܘܼܪܐ: ܒܪܡ ܗܘܼ ܠܦܘܼܬ ܗܿܘ ܡܐ ܕܐܟ݀ܠܝܼܢ ܗܼܘܘ ܡܿܬܪܣܐ ܗܼܘܐ ܠܗܘܿܢ: ܕܠܐ ܢܐܟܠܘܢܼ ܩܪ̈ܨܘܗܝ ܕܗܐ ܠܡ ܡܿܒܕܪ ܠܥܒܘܼܪܐ܀ ܘܫܢܝܼ ܐܢܘܿܢ ܡܼܢ ܩܪܐ ܠܩܪܐ ܗ̄ ܐܝܟ ܕܢܬܝܕܥܘܢܼ ܠܟܿܠ܆ ܕܥܒ̈ܕܐ ܐܢܘܿܢ܇ ܡܼܢ ܗ݀ܝ ܕܒܐܪܥ ܕܠܐ ܕܝܼܠܗܘܿܢ ܝ݀ܬܒܝܼܢ: ܘܫܢܝܼ ܐܢܘܿܢ ܡܼܢ ܩܪܝܼܬܐ ܠܩܪܝܼܬܐ: ܩܪܐ ܩܘܼܪܝܐ ܐܝܬܝܗܿ܀ ܐܪܥܐ ܕܟܘܼܡܪ̈ܐ ܠܐ ܙܒܢ ܗ̄ ܡܛܠ ܕܐܦܣܘ̈ܢܝܬܐ ܗ̄ ܪ̈ܘܙܝܩܐ ܐܘܟܝܼܬ ܩܝܡܬܐ ܩܝܿܡܐ ܗܼܘܬ݀ ܠܗܘܿܢ ܡܼܢ ܡܠܟܐ ܐܘܿܟܝܼܬ ܩܛܐܕܝܩܝ ܐܘܟܝܼܬ ܡܘܗܒܬܐ܀ ܣܓܕ ܝܣܪܐܝܠ ܥܠ ܪܝܫ ܚܘܼܛܪܗ ܗ̄ ܣܼܡ ܐܦܘ̈ܗܝ ܥܠ ܐܝܼܕ̈ܘܗܝ: ܗܿܠܝܢ ܕܠܒܝܼܟ̈ܢ ܚܘܼܛܪܐ܇ ܘܐܝܟ ܗ݀ܘ ܕܐܫܬܡܠܝܼܘ ܫܘܼܘܕ̈ܝܐ ܕܠܘܬ ܐܒܘܼܗܝ ܟܕ ܠܘܬܗܘܿܢ ܡܬܼܬܘܒܠ ܗܼܘܐ ܘܡܬܩܼܒܪ܀ ܦܼܪܥ ܠܐܠܗ ܣܓܼܕܬܐ ܥܠ ܐܦܝ̈ ܗܕܐ: ܘܠܘ ܠܡ ܠܚܘܼܛܪܗ ܣܓܼܕ ܐܦܠܐ ܠܝܘܣܦ: ܐܠܐ ܠܐܠܗܐ ܗ݀ܘ ܕܐܝܟ ܨܒܝܿܢܗ ܫܡܠܝܼ ܘܓܡܼܪ ܫܘܼܘ̈ܕܝܘ̄܀ ܐܚܪ̈ܢܐܐ݀ܡܪܝܼܢ܇ ܕܣܪܡ ܚܘܼܛܪܗ ܠܦܬܝܐ܇ ܐܬܡܼܬܚ ܥܠܘܗܝ ܒܝܕ ܣܓܼܕܬܐ܀ ܨܪ ܛܘܼܦܣܐ ܕܨܠܝܼܒܐ ܒܝܕ ܕܚܘܼܛܪܐ ܗܘܼܐ ܕܘܼܟܬ ܓܒ̈ܐ܇ ܘܗܘ ܕܓܒܐ ܥܠܝܐ܇ ܘܒܝܕ ܗܢܐ ܐܪܙܐ ܣܓܼܕ ܠܐܠܗ ܟܕ ܡܿܘܕܐ ܘܡܫܼܬܪܪ ܕܥܬܝܼܕ ܒܪܗ ܕܢܡܼܠܐ ܠܫܐܼܠܬܗ܀ ܗ݀ܝ ܕܐܘܕܥܗ ܠܝܘܣܦ ܥܠ ܩܒܘܪܬܐ ܕܐܡܗ: ܐܝܟ ܕܢܚܼܦܛܗ ܕܠܗ ܠܘܬ ܐܒܗ̈ܘܗܝ ܢܩܒܘܿܪ: ܗ݀ܝ ܡܿܢ ܡܛ݀ܠ ܕܠܐ ܫܿܘܝܐ ܗܼܘܬ݀܆ ܠܐ ܐܬܩܒܼܪܬ݀ ܠܘܬܗܘܿܢ܀ ܥܠ ܫܡܐ ܕܐܚܝ̈ܝܗܘܢܿ ܢܬܩܪܘܿܢ ܗ̄ ܕܟܿܠܚܕ ܡܢܗܘܿܢ ܚܕ ܡܼܢ ܒܢ̈ܘܗܝ ܢܬܚܫܒ: ܐܝܟ ܪܘܒܝܠ ܘܐܝܟ ܝܗܘܕܐ ܕܟܐܡܬ ܪ̈ܝܫ ܫܒ̈ܛܐ ܗܿܘܝܢ܀ ܫܚܼܠܦ ܐܝܼܕ̈ܘܗܝ ܒܛܘܼܦܣܐ ܕܨܠܝܼܒܐ: ܐܦܢ ܐܪܙܐ ܚܡܝܼܠ ܗܼܘܐ ܒܗܝܢ ܐܠܐ ܕܢܩܫܫ ܠܙܥܘܪܐ ܨܒܼܐ: ܟܕ ܣܼܡ ܠܝܡܝܼܢܗ ܥܠ ܐܦܪܝܡ: ܐܡܼܪ ܓܝܪ: ܐܠܗ ܗ݀ܘ ܕܫܦܼܪܘ ܩܕܡܘ̄ ܐܒܗ̈ܝ܆ ܐܠܗܐ ܕܬܪܣܝܢܝ ܡܼܢ ܛܠܝܘܼܬܝ: ܘܡܠܐܟܐ pb. 78 ܕܦܨܝܢܝ ܡܼܢܟܿܠ ܒܝܼܫܐ ܗ̄ ܒܗ݀ܝ ܕܐܠܗ ܘܐܠܗܐ: ܠܐܒܐ ܘܪܘܼܚܐ ܐܠܦܼ: ܘܒܗ݀ܝ ܕܡܠܐܟܐ܆ ܠܡܠܐܟܐ ܕܬܪܝܥܼܬܐ ܪܒܬܐ ܩܿܪܐ: ܘܠܘ ܠܡܠܐܟܐ ܒܪܝܐ܆ ܐ ܡܬܼܬܠܘܬ ܥܒܕܐ ܥܡ ܡܪܐ܀ ܒܫܘܼܚܠܦ ܐܝܕ̈ܝܐ ܕܒܕܡܘܼܬ ܨܠܝܼܒܐ ܨܪ: ܕܐܡܬܝ ܠܡ ܪܘܼܫܡܐ ܗܿܢܐ ܡܬܼܓܠܐ ܗܿܝܕܝܢ ܬܠܝܼܬܝܘܼܬ ܩܢܘܼ̈ܡܐ ܡܬܼܬܘܕܝܐ ܘܒܪܘܼܫܡܐ ܕܨܠܝܼܒܐ ܡܬܒܪܟܝܼܢ ܥܡܡ̈ܐ܀ ܝܗܒܿܬ ܠܟ ܡܢܬܐ ܝܬܝܼܪܬܐ ܗ̄ ܐܡܼܪ ܥܠ ܫܟܝܼܡ ܕܗܝܼ ܗܝܼ ܫܟܪ ܐܘܿܟܝܼܬ ܫܟܪ܆ ܗ݀ܝ ܕܠܒܢ̈ܘܗܝ ܕܝܘܣܦ ܡܼܛܬ݀ ܒܚܪܬܐ܀ ܒܨܠܘܿܬܗ ܓܝܪ: ܐܝܟ ܕܒܣܝܦܐ ܘܩܫܬܐ ܐܩܼܪܒ ܥܡ ܗܿܢܘܿܢ ܕܒܥܿܝܢ ܗܼܘܘ ܕܢܐܬܘܿܢ ܢܚܪܒܘܼܢܝܗܝ: ܒܚܪܒܐ ܕܥܒܼܕܘ ܫܡܥܘܿܢ ܘܠܘܝܼ܀ ܗ݀ܝ ܕܒܡܐܐ ܢܩܘܿܢ ܙܒܝܼܢܐ ܠܗ ܗ̄ ܕܐܝܟ ܩܪܒܬܢܐ ܠܡ ܕܒܿܐܙ ܘܫܿܩܠ: ܐܦ ܗܘܼ ܒܥܡܠܗ ܫܩܼܠܗܿ: ܒܝܕ ܥܡܠܐ ܕܢܩܘܿܬܗ: ܒܿܬܪ ܗܿܠܝܢ ܡܿܫܪܐ ܒܒܘܼܪ̈ܟܬܐ܀ ܐܬܟܢܫܘ ܘܐ݀ܚܘܝܟܘܢܿ ܗ̄ ܒܗܕܐ ܡܿܘܕܥ ܕܢܒܝܘܼܬܐ ܐܝܬ ܒܡ̈ܠܘܗܝ: ܘܒܘܼܕܩܐ ܕܥܬܝܼܕܬܐ܀ ܪܘܒܝܠ ܒܘܼܟܝ ܐܢܬ ܗ̄ ܐܢܬ ܐܝܬܝܟ ܒܘܼܟܪܐ ܕܝܼܠܝ ܟܕ ܡܿܘܕܥ ܕܥܕܡܐ ܕܢܣܼܒܗܿ ܠܠܝܐ ܦܕ̄ ܢܛܪ ܒܬܘܼܠܘܼܬܐ܀ ܚܝܠܝ ܘܪܝܫܝ ܘܬܘܼܩܦܝ ܗ̄ ܕܟܿܠܗܿ ܚܝܠܬܢܘܼܬܝ ܘܬܘܼܩܦܝ܇ ܠܘܬ ܫܼܪܟܬ݀ ܕܐܝܬܝܟ ܒܘܼܟܪܐ܀ ܫܪܟܐ ܕܫܩܘܠܬܐ ܘܫܪܟܐ ܕܥܘܼܫܢܐ ܗ̄ ܕܗܘܼܝܬ ܠܡ ܥܣܩܐ ܒܙܢ̈ܝܟ: ܒܗܿܝ ܕܡܪܚܐܝܬ ܘܐܝܟ ܕܐ݀ܬܝܐ ܫܼܪܝܬ ܐܢܘܿܢ ܠܚܐܦ̈ܐ ܕܪ̈ܓܝܓܬܟ܇ ܐܟܚܕܐ ܡܼܢ ܫܩܘ̈ܠܬܐ ܥܫܝܼܢ̈ܬܐ ܘܠܐ ܡܬܛܥܢ̈ܢܝܬܐ ܐܝܬܝܗܿ ܡܼܢ ܫܩܘܒܠܬܐ܆ ܘܝܬܝܼܪ ܡܼܢ ܥܘܼܫܢܐ܀ ܛܥܝܬ ܠܡ ܐܝܟ ܡܝ̈ܐ ܠܐ ܬܦܘܼܫ ܗ̄ ܐܝܟ ܡ̈ܝܐ ܕܫܿܒܩܝܼܢ ܫܒܘܬܗܘܿܢ ܘܡܫܬܡܪܝܼܢ ܠܐܚܪܬܐ: ܐܦ ܐܢܬ ܐܫܬܼܡܪܬ ܘܐܬܐܫܼܕܬ ܒܕܡܘܿܬܗܘܢܿ ܥܠ ܒܠܗܐ ܕܪܘܼܟܬܝ܀ ܥܒܪܝܐ: ܦܚܼܙܬ ܠܡ ܐܝܟ ܡܝ̈ܐ: ܠܐ ܬܦܘܼܫ ܡܼܢ ܝܠܕܐ ܗ̄ ܠܐ ܠܡ ܦܿܐܫ ܐܢܬ ܘܠܐ ܩܿܐܪ ܐܢܬ ܐܝܟ ܡ̈ܝܐ ܚܡܝܼ̈ܡܐ: ܕܡܫܼܬܩܠܐ ܢܘܼܪܐ ܡܼܢ ܬܚܘܿܬܝܗܘܿܢ ܐܠܐ ܚܢܐ ܠܝ ܛܝܒܘܼܬܐ܇ ܘܡܿܘܠܕ ܐܢܬ܆ ܡܛ݀ܠ ܪ̈ܚܡܐ ܕܚܘܝܼܬ ܠܘܬ ܝܘܣܦ܇ ܫܡܥܘܿܢ ܘܠܘܝܼ ܐܚ̈ܐ ܗ̄ ܒܢ̈ܝ ܚܕܐ ܐܡܐ ܗ̄ ܡ̈ܐܢܐ ܕܪܘܓܙܐ ܩܼܪܐ ܐܢܘܿܢ: ܒܗ݀ܝ ܕܒܪܘܓܙܗܘܿܢ ܘܒܡ̈ܐܢܝ ܙܝܢܗܘܿܢ ܚܼܪܒܘ ܠܣܓ̈ܝܐܐ ܥܘܿܠܐܝܬ: ܗ݀ܝ ܕܡܼܢ ܟܝܢܗܘܿܢ ܒܐܪܙܗܘܿܢ ܠܐ ܥܠܼܬ݀ ܢܦܫܝ ܗ̄ ܕܨܒܝܿܢܗܘܿܢ ܘܝܿܬܗܘܿܢ ܐܝܼܬ̄ܘ ܗܼܘܐ ܐܪܙܐ ܕܐܘܒܕ ܠܚܟܝܼ̈ܡܐ܀ ܠܐ ܥܠܼܬ݀ ܢܦܫܝ ܐܝܟ ܕܨܒܝܿܢܗܘܿܢ ܘܝܿܬܗܘܿܢ ܗܼܘܐ ܐܪܙܐ ܠܐ ܥ݀ܠܬ ܘܠܐ ܐܫܬܘܕܥܿܬ ܒܗܿܢܐ ܐܪܙܐ܀ ܗ݀ܝ ܕܝܢ ܕܠܐ ܢܚܬܿܬ ܡܼܢ ܐܝܼܩܪܝ ܗ̄ ܒܗ݀ܝ ܕܐܠܗܐ ܐܪܡܝܼ ܕܚܠܼܬܗܗܘܿܢ ܘܠܐ ܐܗܼܪܘ ܠܢ ܘܠܐ ܒܨܪܘ ܡܼܢ ܝܼܩܪܝ: ܘܒܚܼܡܬܗܘܿܢ ܥܩܼܪܘ ܫܘܼܪܐ ܗ̄ ܠܚܡܘܪ ܕܐܝܟ ܫܘܼܪܐ ܟܪܝܼܟ ܗܼ،ܐ ܠܡܕܝܼܢܬܗ܀ ܐܦܿܠܓ ܐܢܘܢܿ ܒܥܩܘܿܒ ܗ̄ ܐܦܢ ܚܛܘ܇ ܐܠܐ ܡܬܚܢܢܝܼܢ܀ ܐܦܿܠܓ ܐܢܘܿܢ ܐ݀ܡܪ: ܒܗ݀ܝ ܕܠܘ ܒܚܕܐ ܕܘܼܟܐ ܩܢܝܢ ܗܼܘܘ ܐܪܥܐ܀ ܬܘܼܒ ܐܦܿܠܓ ܐܢܘܿܢ ܡܼܢ ܗ݀ܝ ܐܘܝܘܼܬܗܘܿܢ ܒܝܼܫܬܐ: ܒܝܕ ܒܢ̈ܝܗܘܿܢ ܦܝܢܚܣ ܒܪ ܠܘܝܼ ܕܩܼܛܠ ܠܙܡܪܝ ܒܪ ܣܠܘ ܡܼܢ ܫܒܛܐ ܕܫܡܥܘܢ pb. 79 ܕܙܢܝܼ ܒܡܕܝܢܝܬܐ܀ ܘܐܒܿܕܪ ܐܢܘܿܢ ܒܝܼܣܪܐܝܠ ܗ̄ ܒܗ݀ܝ ܕܠܘ ܒܟܿܠܗ ܝܣܪܐܝܠ ܡܒܕܪ ܗܼܘܐ܆ ܡܛܠ ܕܣܢܝܼܩܝܼܢ ܗܼܘܘ ܥܠ ܠ̈ܘܝܐ ܕܒܐܝܼ̈ܕܝܗܘܿܢ ܢܐܠܦܘܢܼ ܢܡܘܿܣܐ: ܘܢ݀ܣܒܝܼܢ ܗܼܘܘ ܢܕܪ̈ܐ ܘܡܥܣܪ̈ܐ ܡܼܢ ܥܡܐ: ܗܘܼܬ݀ ܬܘܼܒ ܗܕܐ ܒܫܡܥܘܿܢ ܡܛ݀ܠ ܕܙܥܘܪܝܐ ܗܼܘܬ݀ ܝܪܬܘܬܗ܇ ܐܬܦܼܫܛ ܘܝܼܪܬ ܒܪ̈ܝܫܝ ܟ݀ܠܗܘܿܢ ܐܚܘ̈ܗܝ܆ ܘܠܘ ܠܫܡܥܘܢ ܘܠܘܝܼ ܠܛܼ ܝܥܩܘܿܒ ܐܠܐ ܠܪܘܓܙܗܘܿܢ ܘܠܚܡܬܗܘܿܢ܀ ܝܗܘܕܐ ܠܟ ܢܘܕܐ ܐܚܝ̈ܟ ܗ̄ ܥܠ ܕܚܣܼܟܬ ܐܢܘܿܢ ܡܼܢ ܕܡܐ ܕܝܘܣܦ ܐܚܘܼܗܘܿܢ܀ ܬܘܼܒ ܢܘܕܘܿܢ ܠܟ ܐܚܝ̈ܟ ܗ̄ ܒܝܕ ܡܠ̈ܟܐ ܕܩܿܝܡܝܼܢ ܡܢܟ܀ ܡܼܢ ܩܼܛܠܐ ܒܪܝ ܣܠܼܩܬ ܗ̄ ܥܠ ܫܘܼܘܙܒܐ ܕܝܘܣܦ ܕܒܐܝܼܕ̈ܘܗܝ ܘܥܠ ܙܟܘܿܬܐ ܕܒܩܪ̈ܒܐ ܕܡ̈ܠܟܐ ܕܡܢܗ ܪܡܙܐ܀ ܒܪܼܟ ܘܪܒܼܥ ܐܝܟ ܐܪܝܐ ܗ̄ ܒܪܼܟ ܐܢܬ ܠܡ ܘܪܒܼܥ ܒܝܕ ܒܢܝ̈ܟ ܒܐܪܥܐ ܕܡܘܼܠܟܢܐ܇ ܐܝܟ ܐܪܥ ܚܝܠܬܢܐ܇ ܘܐܝܟ ܕܥܣܩܐ ܠܐܢܫ ܘܠܐ ܦܫܝܼܩܐ ܠܗ ܕܢܩܝܼܡ ܠܐܪܝܐ ܡܼܢ ܡܪܒܘܥܝܼܬܗ܆ ܗܿܟܢܐ ܕܠܐ ܕܠܝܼܠܐ ܠܐܢܫ ܠܡܩܡܘܼܬܟ ܡܼܢ ܐܪܥܟ ܒܝܕ ܫܒܼܝܐ܇ ܝܗܘܕܐ ܠܟ ܗ̄ ܗܿܠܝܢ ܥܠ ܡܫܝܼܚܐ ܪ̈ܙܢ: ܕܐܘܕܝܼܘ ܒܗ ܘܐܫܬܼܒܚ ܡܼܢ ܐܚܘ̈ܗܝ ܐܘܿܟܝܼܬ ܬܠܡܝܼ̈ܕܘܗܝ ܘܡܼܢ ܐܝܠܝܢ ܕܗܝܡܼܢܘ ܒܗ܀ ܐܝܼܕܟ ܥܠ ܩܕܠܐ ܗ̄ ܐܝܼܕ̈ܝܐ ܒܚܝܠܐ ܘܥܘܼܫܢܐ ܡܬܝܼ̈ܠܢ܀ ܒܥܕܠܒ̈ܒܐ ܫ̈ܐܕܐ ܘܝܘܕ̈ܝܐ ܕܐܬܟܼܦܦܘ ܬܚܝܬ ܢܝܼܪܗ܀ ܢܣܓܕܘܢܼ ܠܟ ܗ̄ ܐܒܐ: ܠܗܿܘ ܫܡܝܢܐ ܩܿܪܐ܀ ܒܢ̈ܝܐ ܠܐܝܠܝܢ ܕܗܝܡܼܢܘ ܘܣܓܼܕܘ ܠܒܪܐ ܘܝܕܥܘܼܗܝ ܕܐܠܗܐ ܐܝܼܬܘܗܝ܀ ܓܘܼܪܝܐ ܕܐܪܝܥ ܩܿܪܐ ܠܗ: ܡܛܠ ܚܝܠܬܢܘܼܬܐ ܘܥܘܼܫܢܐ ܕܝܼܠܗܘܿܢ ܕܒܗܘܿܢ: ܙܟܼܐ ܠܐܟܿܠܩܪܨܐ ܘܠܡܘܬܐ܀ ܡܼܢ ܩܼܛܠܐ ܒܪܝ ܣܠܩܼܬ ܗ̄ ܡܼܢ ܡܘܬܐ ܒܿܬܪ ܕܚܼܫ ܘܩܼܡ ܘܣܠܼܩ ܡܼܢ ܩܒܪܐ܀ ܒܝܘܢܝܐ ܡܼܢ ܡܘܥܝܼܬܐ ܗ̄ ܡܘܥܝܼܬܐ ܕܡܢܗܿ ܣܠܼܩ ܐܝܬܝܗܿ ܒܬܘܼܠܬܐ ܕܡܢܗܿ ܝܼܥܐ ܕܠܐ ܙܘܘܓܐ܀ ܒܪܟ ܘܪܒܼܥ ܗ̄ ܡܪܝܢ ܒܪܟ ܘܪܒܼܥ ܥܠ ܡܘܬܐ ܘܣܛܢܐ ܕܢܦܼܠ ܥܠ ܓܙܪܗ܀ ܘܡܿܢܘܼ ܢܩܝܼܡܝܼܘܗܝ ܡܢܗܘܿܢ܆ ܕܠܝܬ ܥܨܒܐ ܠܬܒܪܗܘܿܢ܀ ܬܘܼܒ ܒܪܟ ܗ̄ ܐܣܛܢܥ ܥܠ ܡܘܬܐ ܘܣܛܢܐ: ܥܕܡܐ ܕܢܦܼܠܘ ܒܡܨܝܼܕܬܗ܀ ܡܿܢܘܼ ܢܩܝܼܡܝܘ̄ ܗ̄ ܡܿܢܘܼ ܡܿܨܐܼ ܗܼܘ ܕܢܩܝܼܡܝܼܘ̄: ܠܗܿܘ ܕܒܝܕ ܚܫܗ ܘܡܘܬܗ ܙܟܼܐ ܠܐܟܿܠܩܪܨܐ: ܐܠܐ ܗܘܼ ܩܼܡ ܒܠܥܕ ܥܘܼܕܪܢܐ ܐܢܫܝܐ܀ ܒܝܘܢܝܐ: ܟܕ ܓܥܝܬ ܕܡܟܼܬ ܐ݀ܡܪ܆ ܝܼܕܝܼܥ ܕܨܒܝܿܢܐܝܬ ܓܥܼܐ ܘܕܡܝܼܟ ܒܡܘܬܐ܇ ܘܠܘ ܒܩܛܝܼܪܐ ܣܒܼܠܗ܇ ܠܐ ܢܥܢܼܕ ܫܒܛܐ ܡܼܢ ܝܗܘܕܐ ܗ̄ ܓܢܣܐ ܘܝܘܼܒܠܐ ܕܡܬܼܟܬܒ: ܘܠܐ ܫܘܼܠܛܢ ܕܝܼܠܗܘܢܿ ܕܒܚ̈ܕܕܐ ܠܐ ܢܥܼܢܕ ܪܝܫܐ ܗ̄ ܡܠܟܐ ܘܡܒܕܩܢܐ ܠܢܒܝܐ ܡܫܡܗ܀ ܥܕܡܐ ܕܢܐܬܼܐ ܡܿܢ ܕܕܝܼܠܗ ܗܼܝ ܗ̄ ܡܠܿܟܘܼܬܐ ܘܢܒܝܘܼܬܐ ܡܼܢ ܒܝܬ ܪ̈ܓܠܘܗܝ ܗ̄ ܡܼܢ ܝܘܼܒܠ̈ܘܗܝ܀ ܝܘܼܒܿܠܐ ܩܿܪܐ ܠܪ̈ܓܠܘܗܝ ܡܼܢ ܒܢܝܬ ܪ̈ܓܠܘܗܝ ܗ̄ ܡܼܢ ܗܕܐ ܡܦܪܝܢ ܪܕܐ ܙܪܥܐ ܕܡܢܗ ܝܘܼܒܠܐ܀ ܡܿܢ ܕܕܝܼܠܗ ܗܼܝ ܡܠܟܘܼܬܐ ܗ̄ ܡܫܝܼܚܐ ܕܡܐ ܠܡ ܕܐܬܿܐ ܡܫܝܼܚܐ ܡܫܬܼܩܠܐ ܡܠܟܘܼܬܐ ܡܼܢ ܝܘܕ̈ܝܐ ܘܐܚ݀ܕ ܠܗܿ ܐܝܪܘܕܝܣ ܐܢܛܝܦܛܪܘܣ ܢܘܼܟܪܝܐ: ܟܘܼܡܪܐ ܕܐܫܩܠܘܢ ܠܗ ܢܣܟܘܿܢ ܥܡ̈ܡܐ: pb. 80 ܗ̄ ܠܡܫܝܼܚܐ ܕܢܦܪܢܣ ܐܢܘܿܢ܀ ܗܘܼܝܘܼ ܣܘܼܟܝܐ ܕܥܡ̈ܡܐ܆ ܕܟܕ ܗܝܡܢܼܘ ܒܗ: ܡܿܣܟܝܢ ܕܗܘܼܝܘܼ ܕܡܩܝܼܡ ܠܗܘܿܢ ܡܼܢ ܡܘܬܐ܀ ܢܐܣܘܿܪ ܒܓܦܬܐ ܗ̄ ܒܟܢܘܼܫܬܐ: ܬܘܼܒ ܢܐܣܘܿܪ ܒܓܦܬܐ ܫܒܘܼܩܐ ܡܚܝܼܠܐ ܥܝܼܠܗ ܘܐܬܢܗ: ܕܢܚܘܐ ܕܒܚܫܐ ܡܚܝܼܠܐ ܐ݀ܣܪ ܠܥܕܬܐ ܥܡܗ: ܘܡܿܪܘܐ ܠܗܿ ܘܡܿܒܣܡ ܠܗܿ ܡܼܢ ܕܡܐ ܕܓܦܬܐ: ܘܠܗܿܢܘܿܢ ܕܒܥܪܝܼܪܝܼܢ ܐܝܟ ܥܝܼܠܐ ܡܫ̈ܝܢ ܘܪܟܒ ܠܗܘܿܢ ܒܝܕ ܡܠܼـܐ ܕܩܘܼܫܬܐ: ܘܗܕܐ ܐܫܬܡܼܠܝܬ݀ ܟܕ ܥܠ ܠܐܘܪܫܠܡ܆ ܢܚܘܪ ܒܚܡܪܐ ܠܒܘܼܫܗ ܗ̄ ܕܐܝܬܝܗܘܿܢ ܠܒܘܼܫܗ ܥܡ̈ܡܐ ܕܠܒܫܘܼܗܝ ܡܼܢ ܡ̈ܝܐ ܘܪܘܼܚܐ ܘܐܬܚܼܠܠܘ ܘܐܬܦܼܪܩܘ ܒܕܡܐ ܕܙܩܝܼܦܗ: ܘܒܦܓܪܗ ܘܕܡܗ ܡܬܚܠܠܝܼܢ ܘܡܬܼܕܟܝܢ܀ ܘܒܕܡܐ ܕܥܢ̈ܒܐ ܗ̄ ܚܡܪܐ ܕܡܫܬܼܚܠܦ ܠܕܡܐ ܘܥܕܬܐ ܒܗ ܡܬܼܕܟܝܐ܀ ܢܚܘܪ ܒܚܡܪܐ ܗ̄ ܚܡܪܐ ܚܫܗ ܘܠܒܘܼܫܗ: ܐܢܫܘܼܬܗ: ܐܬܚܘܪ ܓܝܪ ܦܓܪܗ ܒܚܫܗ ܘܒܕܡܐ ܕܥܢ̈ܒܐ ܗ̄ ܘܕܡܐ ܡܘܬܗ ܗ̄ ܒܡܘܬܗ ܢܣܚܐ ܠܬܟܣܝܼܬܗ ܐܘܟܝܼܬ ܐܢܫܘܼܬܗ܇ ܙܪ̈ܓܢ ܥܝܢܘ̈ܗܝ ܗ̄ ܐܝܬܝܗܘܿܢ ܥܝ̈ܢܐ ܢܒ̈ܝܐ ܕܕܝܩܝܼܢ ܒܪܘܼܚܐ ܐܝܠܝܢ ܕܥܬܝܼ̈ܕܢ ܗܘܝܼܘ ܓܝܪ ܒܚܡܪܐ ܐܘܿܟܝܼܬ ܒܝܼܕܥܬܐ ܪܘܚܢܝܬܐ ܘܢܦܩܼܘ ܡܼܢ ܡܬܼܪ̈ܓܫܢܝܬܐ ܐܝܟ ܐܝܠܝܢ ܕܪܘܝܢ ܒܚܡܪܐ ܘܢܦܩܝܼܢ ܡܼܢ ܗܘܢܗܘܢܿ܀ ܘܚܘܪ̈ܢ ܫܢ̈ܘܗܝ ܗ̄ ܫܠ̈ܝܼܚܐ ܘܡ̈ܠܦܢܐ ܕܕܟܝܢ ܡܼܢ ܛܘܼܠ̈ܫܐ ܕܥܠܡܐ܇ ܘܚܘܪܝܼܢ ܡܼܢ ܚܠܒܐ܇ ܡܛܠ ܕܐܬܬܪܝܼܡܘ ܒܝܼܕܥܬܐ ܘܕܟܝܘܼܬܐ܀ ܘܐܟܙܢܐ ܕܫ̈ܢܐ ܡܕܩ̈ܩܢ ܠܡܐܟܘܿܠܬܐ ܠܬܘܼܪܣ ܦܓܪܐ܇ ܗܿܟܢ ܫܠ̈ܝܼܚܐ ܘܬܠ̈ܡܝܼܕܐ ܘܡ̈ܠܦܢܐ ܡܕܩܩܝܼܢ ܠܝܘ̈ܠܦܢܐ ܐ̈ܠܗܝܐ ܘܡܿܬܪܣܝܢ ܠܢܦܫ̈ܬܐ܀ ܙܪ̈ܓܢ ܥܝܢ̈ܘ̄ ܡܼܢ ܚܡܪܐ ܗ̄ ܕܐܝܼܬ̄ܘ ܚܫܐ܀ ܚܘܪ̈ܢ ܫܢ̈ܘܗܝ: ܕܐܝܬ̄ܘ ܩܝܡܬܐ܀ ܙܪ̈ܓܢ ܗ̄ ܡܬܼܕܠ̈ܚܢ ܘܣܘܼ̈ܡܩܢ ܥܝܢܝ̈ܗܘܿܢ: ܚܘܪ̈ܢ ܫܢܗܘܗܝ ܗ̄ ܡܿܦܪܓ ܒܚܕܘܿܬܐ ܕܩܝܡܬܐ ܒܕܡܘܼܬ ܫ̈ܢܐ ܘܚܠܒܐ ܬܘܼܒ ܐ݀ܡܪ܆ ܕܐܦܢ ܚܿܐܫ ܘܡܿܐܬ: ܐܠܐ ܩܠܝܼܠܐܝܬ ܩܿܐܡ ܘܡܿܦܪܓ ܒܩܝܡܬܐ܆ ܕܢܚܙܐ ܦܨܝܼܚܘܼܬܐ ܕܢܘܼܚܡܗ ܠ̈ܡܠܐܟܐ ܘܠܒܢܝ̈ܢܫܐ: ܐܟܡܐ ܕܩܠܝܼܠܐܝܬ ܡܼܢ ܚܕܘܿܬܐ ܡܬܓ̈ܠܓܢ ܣܦܘ̈ܬܐ ܘܡܬܼܚܙܝܐ ܚܘܪܘܼܬܐ ܕܫܿܢܐ ܐܝܟ ܚܠܒܐ܀ ܬܘܼܒ ܐܝܟ ܕܡܟܣ̈ܝܢ ܫ̈ܢܐ ܬܚܝܬ ܣܦܘ̈ܬܐ: ܘܒܝܕ ܦܬܚܐ ܕܦܘܼܡܐ ܡܬܼܚܘܝܐ ܚܘܪܘܼܬܗܘܿܢ ܗܿܟܢܐ ܐܦ ܗܝܼ ܡܟܣܝܐ ܗܼܘܬ݀ ܬܫܒܘܿܚܬܐ ܒܙܒܢܐ ܕܚܫܗ܇ ܟܕ ܐܬܩܼܦܠ ܕܝܢ ܚܫܐ ܐܝܟ ܣܦ̈ܘܬܐ܇ ܐܦܪܓ ܗܘܼ ܒܩܝܡܬܐܐܝܟ ܫܢ̈ܐ܀ ܐܝܣܒܪ ܓܒܪܐ ܓܢ̱ܒܪܐ ܕܪܟܝܼܒ ܒܝܬ ܫܒ̈ܝܼܠܐ ܗ̄ ܒܝܬ ܝܪܬܘܬܐ ܘܒܡܨܥܬܐ ܕܗܿܠܝܢ ܐܝܼܬ̄ܘ ܬܚܘܼܡܗ܀ ܬܘܼܒ ܐ݀ܡܪ ܥܠ ܓܕܥܘܿܢ ܒܪ ܝܘܐܫ܀ ܗ݀ܝ ܕܗܘܼܐ ܠܡܕܐܬܐ ܗ̄ ܠܘ ܠܥܡ̈ܐ: ܐܠܐ ܠܒܢ̈ܝ ܠܘܝܼ: ܒܝܕ ܡܥܣܪ̈ܐ ܕܐܪܥܗ: ܙܒܠܘܢ ܥܠ ܣܦܪ̈ܝ ܝܡܐ ܢܫܼܪܐ ܗ̄ ܗܕܐ ܐܫܬܡܼܠܝܬ݀ ܟܕ ܐܬܦܠܓܼܬ݀ ܐܪܥܐ ܕܡܘܼܠܟܢܐ܀ ܕܢ ܢܕܘܢܼ ܥܡܗ ܗ̄ ܫܡܫܘܿܢ ܕܡܼܢ ܕܢ܇ ܕܢܼ ܠܟܿܠܗ ܥܡܐ: ܐܝܟ ܕܦܫܝܼܩ ܠܐܢܫ ܠܡܒܕܪܘܼ ܠܚܕ ܡܼܢ ܫܒ̈ܛܐ܀ ܢܗܼܘܐ ܕܢ ܚܘܝܐ ܕܥܠ ܐܘܼܪܚܐ: pb. 81 ܗܿܘܐ ܠܡ ܕܚܝܼܠ ܫܡܫܘܿܢ ܥܠ ܦܠ̈ܫܬܝܐ: ܐܝܟ ܚܘܝܐ ܚܪܡܢܐ ܕܢ݀ܟܬ ܠܣܘܼܣܝܐ ܒܥܩܒܗ ܗ̄ ܥܠܗ݀ܝ ܕܐܘܩܕ ܐܪܥܗܘܿܢ ܒܝܕ ܬܥ̈ܠܐ ܘܐܦܼܠ ܐܢܘܿܢ ܠܒܣܬܪܗܘܿܢ ܒܝܕ ܒܦܢܐ܀ ܐܝܟ ܕܒܝܘܢܝܐ ܕܟܿܡܢܝܼܢ ܠܗ ܦܠܫ̈ܬܝܐ ܒܝܕ ܕܠܝܼܠܐ ܐܝܟ ܚܘܝܐ ܚܪܡܢܐ ܕܟܡܝܼܢ ܘܡܦܠܝܼܢ ܠܗ ܡܼܢ ܪܘܡܐ ܪܒܐ ܕܚܝܠܬܢܘܼܬܗ܀ ܠܦܘܼܪܩܢܟ ܣܟܝܿܬ ܡܪܝܐ ܗ̄ ܠܦܘܼܪܩܢܐ ܕܡܪܝܐ ܡܿܣܟܐ ܒܗ݀ܝ ܕܐܡܼܪ ܠܐܠܗܐ ܕܚܝܠܝܢܝ ܒܠܚܘܕ ܙܒܢ̱ܬܐ ܚܕܐ܀ ܕܢ ܢܕܘܢܼ ܗ̄ ܐܢܫܝܼ̈ܢ ܐܡܿܪܝܼܢ ܕܥܠ ܫܡܥܘܢܿ ܢܦܼܩ̈ܝ ܗܿܠܝܢ ܒܥܒܿܕܐ܀ ܐܚܪ̈ܢܐ ܐܡܼܪܘ: ܕܥܠ ܐܢܛܝܟܪܝܣܛܘܿܣ ܕܐܝܼܬ̄ܘ ܡܼܢ ܫܒܛܐ ܕܕܢ ܥܬܝܼܕ̈ܢ ܕܢܗܼܘ̈ܝܢ܀ ܓܕ ܒܓܝܣܐ ܢܦܘܿܩ ܗ̄ ܒܝܘܡܗܝ ܝܫܘܿܥ ܒܪܢܘܿܢ ܐܬܡܼܠܝܬ݀ ܒܢܦܬܚ ܕܚܼܪܒ ܠܗܿܢܘܿܢ ܕܒܦܠܣܛܝܢܝ܀ ܓܕ ܒܓܝܣܐ ܗ̄ ܒܗ݀ܝ ܕܡܓܝܣ ܠܒܢ̈ܝ ܬܚܘ̈ܡܝܗܿ ܘܗܘܼ ܢܓܼܕ ܥܩܒܐ܆ ܒܗ݀ܝ ܕܗܘܼ ܒܣܘܼܥܪ̈ܢܐ ܡܫܪܐ ܕܓܝܿܣܘܼܬܐ: ܬܘܼܒ ܫܪܝܼ ܒܓܝܿܣܘܼܬܐ܆ ܥܡ ܝܫܘܿܥ ܒܪܢܘܿܢ: ܘܗܘܼ ܢܿܓܕ ܗܼܘܐ ܥܩܒܐ ܕܛܘܼܠܩܐ ܕܪܘܒܝܠ܀ ܬܘܼܒ ܢܦܘܿܩ ܠܡ ܒܓܝܣܐ ܥܡ ܗܿܢܘܿܢ ܐܪܒܥܝܼܢ ܐܠܦ̈ܝܼܢ ܟܕ ܡܙܝܢܝܼܢ ܐܙܿܠܝܼܢ ܗܼܘܘ ܩܕܡ ܫܬܡܐܐ ܐܠܦ̈ܝܼܢ܇ ܘܢܿܓܕ ܗܼܐܘ ܠܗܘܿܢ ܟܐܡܬ܇ ܘܗܼܢܘܿܢ ܐ݀ܬܝܢ ܒܬܪܗ ܐܝܟ ܕܒܥܩܒܐ܀ ܐܫܝܪ ܐ݀ܡܪ ܕܝܿܗܒ ܬܘܼܪܣܝܐ ܠܡ̈ܠܟܐ܆ ܒܡܫܚܐ ܢܩܕܐ ܘܒܚܡܪ̈ܢܐ ܦܪ̈ܫܝ ܛܥܡܐ ܕܗܿܘܝܢ ܒܐܪܥܗ܀ ܢܦܬܠܝܼ ܐܝܙܓܕܐ ܩܠܝܼܠܐ ܗ̄ ܡܛܠ ܟܗܝܼܢܘܼܬܐ ܕܐܪܥܗ ܪܡܿܙ܀ ܬܘܼܒ ܕܒܪܩ ܡܼܢ ܢܦܬܠܝܼ܇ ܡܣܒܪ ܫܡܘ̈ܥܬܐ ܫܦܝܼܪ̈ܬܐ ܗܿܘܐ: ܠܗܿܢܘܿܢ ܕܥܿܪܩܝܼܢ ܗܼܘܘ ܡܼܢ ܬܩܝܼܦܘܼܬܐ ܕܣܝܣܪܐ܀ ܝ݀ܗܒ ܡܐܡܪܐ ܫܦܝܼܪܐ ܢܦܬܠܝܼ ܗ̄ ܡܛܠ ܬܫܒܘ̄ ܕܫܒܼܚܬ݀ ܕܒܘܪܐ܀ ܒܪܐ ܕܬܪܒܝܼܬܐ ܝܘܣܦ ܗ̄ ܫܦܝܼܪܐ ܗܼܘܬ݀ ܠܡ ܬܪܒܝܼܬܐ ܕܒܗܿ ܡܪܒܝ ܗܼܘܝܬ ܘܐܦ ܐܢܬ ܫܦܝܼܪ ܪܒܐ ܗܼܘܝܬ ܒܗܿ ܒܬܪܒܝܼܬܐ ܕܡܫܬܡܥܘܼ ܕܠܘܬܝ܀ ܥܒܪܝܐ܆ ܒܪܐ ܕܦܪ̈ܝܘܬܐ ܗ̄ ܕܗܿܘܐ ܪܒܐ ܘܫܒܝܼܚܐ ܒܟܿܠܗܝܢ܀ ܣܩܝ ܥܝܢܐ܆ ܒܢܝܿܢܐ ܣܡܝܼܟܐ ܗ̄ ܕܣܿܡܟ ܒܬܘܼܟܠܢܗ ܥܠ ܐܠܗܐ܆ ܘܒܡܠܟܘܼܬܐ܇ ܕܣܩܝ ܕܢܐܡܪ ܕܣܿܠܩ ܒܡܝܬܪܘܼܬܐ܀ ܐܝܟ ܫܘܼܪܐ ܒܕܘܼܡ̈ܣܐ܇ ܗ݀ܝ ܕܝܢ ܕܥܝܢܐ܇ ܥܠ ܕܕܐܩ ܪ̈ܚܝܼܩܬܐ ܘܦܿܫܪ ܗܼܘܐ ܚܠ̈ܡܐ܀ ܐܚܪܢܝܐܝܬ ܗ̄ ܣܩܝ ܠܡ ܐܘ̃ ܥܝܢܐ ܢܗܝܼܪܬܐ ܘܕܡܠܝܐ ܣܟܘܼܠܬܢܘܼܬܐ܇ ܠܗܕܐ ܟ݀ܠܗܿ ܪܒܘܼܬܐ ܘܫܒܝܼܚܘܼܬܐ: ܕܐܝܟ ܒܢܝܢܐ ܕܫܘܼܪܐ ܠܐ ܡܬܬܙܝܼܥܢܐ ܐܝܬܝܟ ܒܗ܀ ܐܚܪ̈ܢܐ ܐܝܟ ܒܢܝܿܢܐ ܠܡ ܕܫܘܼܪܐ ܕܡܬܼܒܢܐ ܘܣܿܠܩ ܬܪܝܼܨܐܝܬ: ܘܫܦܝܼܪܐ ܥܝܢܐ ܕܚܙܬܗ: ܗܿܟܢܐ ܦܐܝܐ ܬܪܥܝܼܬܗ܇ ܐܝܟ ܥܒܪܝܐ܇ ܣܩܝ ܥܝܢܐ܆ ܕܒܢ̈ܬܐ ܕܡܗ̈ܠܟܢ ܒܫܘܼܪ̈ܐ ܗ̄ ܐܝܟ ܕܒܝܬ ܡܠܟܘܼܬܐ ܒܢ̈ܬ ܡ̈ܠܟܐ ܕܡܗ̈ܠܟܢ ܥܠ ܫܘܼܪܐ ܕܒܝܬ ܡܠܟܘܼܬܐ: ܘܐܬܒܝܢ ܒܗܢܐ ܕܐܝܟܢܐ ܣܠܼܩ ܘܐܬܼܕܪܓ܇ ܥܕܡܐ ܠܒܝܬ ܡܠܟܘܼܬܐ܇ ܐܬܚܪܝܼܘ ܥܡܗ ܘܣܓܝܼܘ ܗ̄ ܐ݀ܡܪ ܥܠ ܐܚܘ̈ܗܝ ܕܐܬܚܪܝܼܘ ܥܡܗ ܒܚܣܡܗܘܢܿ ܘܐܣܓܝܼܘ ܒܗ ܒܝܼܫܘܼܬܗܘܢܿ ܘܣܩܪܘܼܗܝ܀ ܗ݀ܝ ܕܗܦܟܼܬ݀ ܒܥܘܼܫܢܐ ܩܫܬܗ: ܥܠ ܕܐܡܼܪܕ ܡܼܢ ܚܣܡܐ ܘܢܟܼܠܐ pb. 82 ܕܐܚܘ̈ܗܝ܀ ܗܦܟܼܬ݀ ܘܦܫܼܬ݀ ܒܙܟܘܿܬܐ܀ ܐܬܼܒܕܪܘ ܕܪ̈ܥܐ ܕܐܝܼܕ̈ܘܗܝ ܗ̄ ܒܙܒܢܐ ܕܐܙܕܒܢ ܐܘܿ ܟܕ ܐܡܠܼܟ ܕܠܐ ܡܠܼܐ ܒܩܫܬܗ ܓܐܪ̈ܐ: ܘܫܼܕܐ ܒܐܚ̈ܘ̄ ܗܿܟܢ ܪܡܿܙ ܥܒܪܝܐ܇ ܦܫܼܘ ܠܗܘܢܿ ܕܪ̈ܥܐ ܕܐܝܼܕ̈ܘ̱܀ ܡܼܢ ܐܝܼܕ̈ܝ ܥܫܝܼܢܐ ܝܥܩܘܿܒ ܗ̄ ܡܼܢ ܗܿܘ ܕܐܥܫܼܢܢܝ ܠܘܼܩܒܠ ܠܒܝܢ ܘܥܣܘܿ ܗܘܼܬ݀ ܙܟܘܿܬܝ܀ ܡܼܢ ܫܝܡ ܪܥܝܐ ܕܟܐܦܐ ܗ̄ ܚܠܦ ܪܥܐ܇ ܐܕܘܢܝ ܐ݀ܡܪ ܥܒܪܝܐ܆ ܡܼܢ ܫܡ ܥܡ ܐܕܘܢܝ ܗܿܘ ܕܪܥܼܢܝ ܘܕܒܼܪܢܝ ܘܚܘܝܼ ܠܝܼ ܓܠܝܢܐ: ܟܕ ܣܝܼܡܐ ܟܐܦܐ ܬܚܝܬ ܪܝܫܝ: ܘܥܡܼܕܢܝ ܫܪܝܼܪܐ ܐܝܟ ܟܐܦܐ܀ ܒܘܼܪܟܬܐ ܕܫܡܝܐ ܡܼܢ ܠܥܠ ܗ̄ ܒܛܝܼܠܘܼܬܐ ܐܠܗܝܬܐ ܕܡܼܢ ܠܥܠ܀ ܒܘܼܪܟܬܐ ܕܬܗܘܡܐ ܪܒܝܼܥܝܐ ܡܼܢ ܠܬܚܬ ܗ̄ ܛܒ̈ܬܐ ܕܡܼܢ ܥܘܼܡܩܐ ܕܡܫܼܬ̈ܡܠܝܢ ܒܝܕ ܡܛܪܐ ܩܕܡܝܐ܆ ܪܒܝܼܥܝܐ ܠܡܛܪܐ ܩܕܡܝܐ ܡܫܡܗ܆ ܗܿܠܝܢ ܡܿܢ ܗܘ̈ܝܢ ܠܘܬܟ܇ ܥܠ ܕܝܩܼܪܬ ܠܬܕܝ̈ܐ ܘܠܒܪܒܥܐ ܕܐܘܠܕܟ ܗ̄ ܠܐܒܗ̈ܝܟ ܒܐܝܼܩܪܐ ܥܓܝܪ ܕܐܒܘܼܗܝ: ܚܠܼܛ ܐܦ ܕܐܡܗ܆ ܐܝܟ ܕܚܠܝܼܛܐ ܣܓܼܕܬܐ ܕܐܡܗ ܒܐܒܘܼܗܝ܀ ܒܘܼܪ̈ܟܬܗ ܕܐܒܘܼܟ ܥܣܼܢ̈ܝ ܥܠ ܒܘܼܪ̈ܟܬܐ ܗ̄ ܕܒܘܼܪ̈ܟܬܐ ܠܡ ܕܐܢܿܐ ܡܿܒܪܟ ܐܢܼܐ ܠܟ: ܥܫܝܼܢ̈ܢ ܡܼܢ ܐܝܠܝܢ ܕܐܢܿܐ ܡܼܢ ܐܒܗ̈ܝ ܐܬܒܪܟܿܬ܆ ܒܗܿܝ ܕܐܢܿܐ ܐܬܒܪܟܿܬ܇ ܡܼܢ ܐܒܐ ܕܠܐ ܚܿܙܐ: ܐܢܬ ܕܝܢ ܡܼܢ ܐܒܐ ܕܚܿܙܐ: ܘܥܝܢ ܒܓܠܐ ܩܝܡ̈ܢ ܠܘܬܟ܇ ܐܝܟ ܒܘܼܪ̈ܟܬܐ ܕܡܼܢ ܥܠܡ܀ ܘܐܝܟ ܪ̈ܡܬܐ ܗ̄ ܘܐܝܟ ܕܪ̈ܡܢ ܗܿܠܝܢ ܡܼܢ ܐܪܥܐ܇ ܗ݀ܟܘܬ ܕܪܡ ܐܢܬ ܡܼܢ ܐܚܝ̈ܟ܀ ܗ݀ܝ ܕܢܗܼܘ̈ܝܢ ܥܠ ܪܝܫܗ ܕܝܘܣܦ ܗ̄ ܚܠܦ ܕܐܚܼܬ ܠܐܚ̈ܝܟ ܘܬܪܣܝܼܬ ܐܢܘܿܢ ܒܟܦܢܐ ܟܕ ܚܝܒܝܼܢ ܡܘܬܐ: ܢܗܘܘܿܢ ܠܟ ܟܠܝܼܠܐ ܕܬܫܒܘ̄: ܒܢܝܡܝܢ ܕܐܒܐ ܚܛܘܿܦܐ ܗ̄ ܗܿܘ ܗܿܟܢ ܡܐ ܕܥܿܐܠ ܠܐܪܥܐ ܕܡܘܿܠܟܢܐ: ܘܣܿܥܪ ܣܘܼܥܪܢ ܕܕܡܿܐ ܠܣܕܘ̈ܡܝܐ: ܘܐܝܟ ܕܐܒܐ ܡܦܪܬ ܠܐܟܣ̈ܢܝܐ܇ ܐܟܡܐ ܕܣܥܪ ܒܓܥܒ ܒܗ݀ܝ ܕܪܡܬܐ܀ ܒܨܦܪܐ ܢܐܟܘܿܠ ܒܙܼܬܐ ܗܿܘ ܒܝܼܐܡܡܐ ܠܡ ܘܒܠܠܝܐ܇ ܐܝܟ ܡܐܟܘܿܠܬܐ ܕܐܠܨܐ ܥܠܝܗܿ: ܒܿܐܙ ܘܡܿܥܕܐ ܠܕܒܘܪܐ ܒܩܛܝܼܪܐ ܠܘܬ ܣܘܼܥܪܢܗ ܛܡܐܐ: ܬܘܼܒ ܕܐܒܐ ܚܛܘܿܦܐ: ܡܛܠ ܕܚܼܪܒ ܠܥܡܠܝܩ܇ ܐܘ ܡܛܠ ܕܚܼܛܦ ܡܼܢ ܚܛܐ ܠܒܬܘܼܠ̈ܬܐ ܒܿܬܪ ܕܐܬܚܼܪܒ ܥܡܗ܀ ܐܪܙܢܐܝܬ ܥܠ ܦܘܠܘܿܣ ܠܚܡ̈ܢ ܕܐܝܟ ܕܒܢܡܘܿܣܐ ܕܐܒܐ ܐܝܼܬ̄ܘ܀ ܒܪܡܫܐ ܒܚܪܬܐ ܥܠܼ ܠܣܒܪܬܐ: ܘܠܐܝܠܝܢ ܕܒܼܙ܆ ܡܼܢ ܕܪܝܫ ܫܪܝܼ ܡܿܥܕܪ܀ ܗ݀ܝ ܕܦܫܼܛ ܪ̈ܓܠܘܗܝ ܗ̄ ܕܒܢܝܿܚܐ ܡܝܼܬ ܒܪ ܩܡ̄ܙ ܫܢܝܼ̈ܢ܀ ܝܘܣܦ ܡܛܠ ܐܒܠܼܗ ܠܐ ܥܠܼ ܠܘܬ ܦܪܥܘܿܢ ܘܐܦܝܼܣ ܠܪܘܪ̈ܒܢܐ܀ ܐܒܝ ܠܡ ܐܘܡܝܢܝ ܗ̄ ܐܝܼܩܪܐ ܐܝܬ ܗܼܘܐ ܠܡܘܡ̈ܬܐ: ܣܒܐ. ܕܒܝܬܗ ܗ̄ ܠܣܒ̈ܐ ܡܝܩܪ̈ܐ ܕܒܝܬ ܐܒܘܼܗܝ܀ ܐܕܪ̈ܐ ܕܐܛܪ ܗ̄ ܐܛܪ ܡܨܪܐܝܬ ܩܒܪܐ܇ ܐܝܟ ܕܩܿܪܐ ܠܓܠܘܣܩܡܐ ܘܩܒܘܬܐ ܕܘܼܦܢܐ: ܐܪܕܐ ܐܡܼܪ: ܡܛܜܠ ܕܒܚܩܠܐ ܐܝܼܬ̄ܘ ܩܒܪܐ: ܟܕ ܐܝܬ ܚܕܪ̈ܘܗܝ ܐܕܪ̈ܐ ܫܒܥܐ ܝܘܡ̈ܝܼܢ ܥܒܼܕ ܬܡܢ ܐܒܼܠܐ܇ ܘܒܿܬܪ ܟܢ ܐܚܼܬܗܿ ܠܫܠܕܐ ܠܩܒܪܐ܀ ܘܡܝܼܬ ܝܘܣܦ ܒ݀ܬܪܟܢ ܒܪ ܡܐܐ ܘܥܣܪܝܢ ܫܢ̈ܝܼܢ܀ ܥܒܪܝܐ pb. 83 ܚܠܦ ܕܘܼܦܢܐ: ܐܪܘܢܐ ܐܘܿܟܝܼܬ ܩܒܘܬܐ ܐܡܿܪ܆ ܒܿܬܪ ܡܘܬܐ ܕܝܘܣܦ ܐܩܝܼܡܘ ܠܗ ܡܨܪܗܝܐ ܨܠܡܐ ܘܩܪܐܘܗܝ ܣܪܐܦܝܣ: ܘܐܝܟ ܐܠܗ ܐܬܚܫܒܘ ܠܘܬܗܘܿܢ܀ ܠܐ ܨܒܼܘ ܝܥܩܘܿܒ ܘܝܘܣܦ ܕܢܬܩܒܪܘܢܼ ܒܡܨܪܝܢ ܟܕ ܡܒܕܩܝܼܢ ܕܥܬܝܼܕ ܥܡܐ ܕܢܦܘܿܩ ܡܢܗܿ: ܘܐܢ ܓܪ̈ܡܝܗܘܢܿ ܬܡܢ ܠܐ ܕܢܼܘ ܕܢܫܬܒܩܘܢܼ܇ ܟܡܐ ܐܝܠܝܢ ܕܚܿܐܝܢ ܠܐ ܙܕܩ ܕܒܬܪܥܝܼܬܐ ܡܨܪܝܬܐ ܬܬܬܘܩܪܝ ܬܪܥܝܼܬܗܘܢܿ ܘܒܥ̈ܝܕܐ ܡܨܪ̈ܝܐ܀ ܘܡܛܠ ܕܥܬܝܼܕܝܢ ܕܢܫܬܥܒܕܘܢܼ ܡܼܢ ܡܨܪ̈ܝܐ ܡܿܦܩܕ ܕܢܬܬܟܠܘܢܼ ܥܠ ܐܠܗ ܕܢܣܩ ܐܢܘܢܿ܀ ܒܡܕܒܪܐ ܕܛܘܼܪ ܣܝܼܢܝ: ܐܟܬܼܒ ܡܘܫܐ ܠܗܢܐ ܟܬܒܐ ܒ݀ܬܪ ܙܒܢܐ ܐܬܝܼܗܒܘ ܥܣܪܐ ܦܬܓܡ̈ܝܼܢ ܕܟܬܝܒܝܼܢ ܒܠ̈ܘܼܚܐ ܕܟܐܦܐ܀