Literal and Spiritual Commentary on Jeremiah - ܦܘܼܫܩܐ ܕܬܠܬܐ ܕܟܬܒܐ ܕܐܪܡܝܐ ܢܒܝܐ ܣܘܼܥܪܢܝܐ ܘܪܘܼܚܢܝܐ
ܬܘܼܒ ܟܿܬܒܝܼܢܢ ܒܙܥܘܼܪ̈ܝܬܐ ܡܼܢ ܦܘܼܫܩܐ ܕܐܪܡܝܐ ܢܒܝܐ ܥܠ ܚܝܠܐ ܕܡܦܼܩܬܐ ܕܫܒܥܝܼܢ ܘܒܿܬܪ ܗܿܢܐ ܥܡܼܠܐ ܟܿܬܒܝܼܢܢ ܒܡ̈ܢܘܬܐ ܐܝܟ ܒܪܬ݀ ܩܿܪܐ ܦܫܝܼܛܬܐ ܕܢܿܒܝܐ܆ ܒܪܡ ܕܝܢ ܣܘܼܟܠܐ ܥܠ ܟܿܠ ܚܕ ܡܼܢ ܦܬܓ̈ܡܐ܆
ܡܛ݀ܠ ܓܝܪ ܕܒܦܘܼܫܩܐ ܩܕܡܝܐ ܒܐܪܝܼܟܘܼܬ pb. 278 ܡܼ̈ܠܐ ܦܫܩܼܢܢ ܠܢܒܝܘܼܬܐ ܕܐܪܡܝܐ. ܐܬܿܝܢܢ ܬܢܢ ܕܦܘܼ̈ܬܚܐ ܕܡ̈ܠܼܐ ܕܐܪܡܝܐ ܙܥܘܼܪܝܬܐ ܘܣܢܝܼ̈ܩܬ ܥܠ ܢܘܼܗܪܐ ܕܗܿܢܐ ܟܬܒܐ. ܐܝܟ ܣܘܼܟܠܐ ܕܫܒܥܝܼܢ ܐܝܼܬܘܗܝ.. ܢܒ̈ܝܐ ܒܥܡ̈ܡܼܐ ܝܗܒܿܬܟ ܗ̄ ܡܛ݀ܠ ܕܐܬܢܼܒܝܼ ܥܠ ܒܟܠ̈ܝܐ ܘܫܪܟܐ ܕܥܡܼ̈ܡܐ ܐܟܡܼܐ ܕܥܠ ܝܼܣܪܐܝܠ.. ܬܪܬܝܢ ܒܝܼܫ̈ܢ ܥܒܼܕ ܥܡܝ ܗ̄ ܦܬܟܪ̈ܐ ܕܥܒܼܕ ܡܝܼܟܐ ܒܫܝܼܠܘܼ ܘܝܘܪܒܥܡ ܘܨܠܡܐ ܕܐܪܒܥ ܐܦܝܼ̈ܢ ܕܢܫܚܐ.. ܚܦܼܪܘ ܠܗܘܿܢ ܓܘܼܒ̈ܐ ܪ̈ܥܝܼܥܐ ܗܿܢܘܿܢ ܕܠܐ ܡܿܨܝܢܼ ܡ̈ܝܐ ܠܡܐܼܚܕ ܗ̄ ܟܕ ܫܒܼܩܘ ܠܐܠܗܐ ܘܠܘܿܬ ܫܐܕ̈ܐ ܘܦܬܟܪ̈ܐ ܘܚ̈ܫܐ ܫܟܝܼܪ̈ܐ ܐܛܠܝܼܘ ܗܿܢܘܿܢ ܕܡܼܢ ܫܡܝ̈ܢܝܬܐ ܓܠܝܼܙܝܼܢ ܘܒܐܪ̈ܥܢܝܬܐ ܛܡܝܼܪܝܼܢ ܒܚܦܼܪ̈ܐ ܘܓܘܼ̈ܒܐ ܡܬܝܼܠܝܼܢ ܘܗܿܢܘܿܢ ܕܒܗܿܠܝܢ ܢ݀ܦܠܝܼܢ ܕܢܐܚܼܕܘܢ ܠܗܿܠܝܢ ܐܠܗܝܬܐ ܠܐ ܡܫܼܟܚܝܼܢ .ܐܘܼܪܚܐ ܕܡܨܪܝܢ ܗ̄ ܕܦܬܟܪܢܘܼܬܐ.. ܡ̈ܝܐ ܕܓܝܼܚܘܿܢ ܗ̄ ܝܘܼܠ̈ܦܢܐ ܫܐܕ̈ܢܝܐ. ܩܨܼܡܐ ܚܪ̈ܫܐ. ܢܝܛܪܘܢ ܗ̄ ܒܘܪܩ. ܐܢ ܬܬܚܘܪܝܼܢ ܒܢܬܪܐ ܐܘܟܝܬ ܢܝܛܪܘܢ ܕܕܒ̈ܚܼܐ ܠܐ ܡܚܣܿܝܢ ܠܟܝ ܒܕܠܐ ܡܫܼܟܚܝܼܢ. ܚܙܝ ܐܘܼܪ̈ܚܬܐ ܕܝܼܠܟܝ. ܒܒܝܬ ܩܒܘܼܪ̈ܐ ܗ̄ ܒܚ̈ܫܐ ܫܟܝܼܪ̈ܐ. ܒܕܚܠܬ݀ ܦܬܟܪ̈ܐ.. ܐܡܿܪ ܠܩܝܣܐ. ܕܐܒܐ ܕܝܼܠܝ ܐܝܼܬܝܟ ܘܠܟܐܦܐ ܕܐܢܬ ܝܼܠܕܬܝܼܢܝ ܗ̄ ܦܬܟܪ̈ܐ ܕܡܼܢ ܩܝܣ̈ܐ ܘܟܐܦܼ̈ܐ ܡܬܼܪܟܒܝܼܢ. ܕܠܡܐ ܡܕܒܪܐ ܗܘܝܿܬ ܠܝܼܣܪܐܝܠ ܗ̄ ܕܠܐ ܚܝ̈ܠܐ ܘܬܕܡܪ̈ܬܐ ܘܫܪܟܐ ܕܙܢ̈ܝܐ ܕܒܛܝܠܘܼܬܐ ܕܥܠܝܗܘܿܢ. ܒܢ̈ܝܐ ܪ̈ܚܝܼܩܐ ܗ̄ ܡܼܢ ܐܠܗܐ ܡܛ݀ܠ ܒܝܼܫܘܼܬܗܘܿܢ܀ ܘܠܐ ܢܐܼܡܪܘܢܼ ܩܒܘܼܬܐ ܕܕܝܬܩܐ ܘܠܐ ܬܣܼܩܝ ܥܠ ܠܒܼܐ ܗ̄ ܘܗܿܕܐ ܐܬܡܼܠܝܬ݀ ܟܕ ܕܢܚܼ ܠܗܿܢܘܿܢ ܕܥܠ ܐܪܥܐ ܡܫܝܼܚܐ ܘܝܗܼܒ ܕܝܬܩܐ. ܡܛ݀ܠ ܕܥܿܒܪܐ ܒܣܒܼܪܬܗ ܕܡܪܢ. ܬܘܼܒ ܥܠ ܛܒ̈ܬܐ ܕܗܼܘ̈ܝ ܠܗܘܿܢ ܒܿܬܪ ܦܘܼܢܝܐ ܪܡܙ. ܒܫܡܐ ܓܝܪ ܕܩܐܒܘܼܬܐ ܠܩܕܡ̈ܝܬܐ ܪܡܿܙ. ܘܐܢ ܩܐܒܘܼܬܐ ܕܒܕܘܼܟܬ݀ ܐܠܗܐ ܗܘܬ݀ ܠܐ ܡܬܼܒܥܝܐ ܚܕ ܟܡܼܐ ܐܚܪ̈ܢܝܬܐ ܠܐ ܡܬܼܒ̈ܥܝܢ. ܢܩܼܪܘܿܢ ܠܐܘܿܪܫܠܡ ܟܘܼܪܣܝܗ ܕܡܪܝܐ ܗ̄ ܐܘܿܪܫܠܡ ܕܐܬܼܩܪܝܬ݀ ܟܘܼܪܣܝܐ ܕܡܪܝܐ ܐܝܼܬܝܗܘܿܢ ܫܠ̈ܝܼܚܐ ܩܕܝܼ̈ܫܐ ܕܒܗܘܿܢ ܐܬܬܢܝܼܚ ܘܫܼܪܐ ܡܪܝܐ. ܘܢܬܼܟܢܫܘܢܿ ܒܗܿ ܟ݀ܠܗܘܢܿ ܥܡ̈ܡܼܐ ܗ̄ ܘܗܿܕܐ ܕܗܿܫܐ ܡܬܼܚܙܝܐ ܒܥܒܿܕܐ ܒܿܬܪ ܕܢܚܗ ܕܡܫܝܼܚܐ܀ ܟܪܘܿܒܘ ܗ̄ ܠܐܪܥܐ ܕܠܒܼܐ ܘܨܪܘ ܒܦܘܼܩ̈ܕܢܐ. ܟܘܼ̈ܒܐ ܗ̄ ܟܕ ܡܿܠܝܢܼ ܐܢܬܘܿܢ ܚܛܝܼܬܐ ܕܬܙܕܪܥܼܝ ܒܢܘܿܢ ܡܠܼܬܐ ܘܬܘܥܐ ܦܥܐܪ̈ܐ ܠܐ ܡܫܟܼܚܐ.. ܣܼܩܼܘ ܥܠ ܡܓ̈ܕܠܐ ܗ̄ ܗܝ̈ܟܠܐ ܘܕܒ̈ܚܼܐ ܘܕܫܪܟܐ ܗ̄ ܗܿܠܝܢ ܕܒܝܘ̈ܡܝ ܒܒ̈ܠܝܐ ܐܬܡܼ̈ܠܝܼ: ܠܐ ܕܝܢ ܗܼܘܐ ܓܡܘܼܪܝܐ. ܡܛ݀ܠ ܕܢܦܼܟܘ ܒ݀ܬܪܟܢ ܒܢܼܘ. ܒܝܘܡ̈ܝ ܙܘܼܪܒܒܝܠ ܘܝܫܘܿܥ ܒܪ ܝܘܼܙܕܩ ܘܥܙܪܐ. ܣܡ̈ܟܐ ܗ̄ ܐܝܿܠܝܢ ܕܢ݀ܛܪܝܼܢ ܗܼܘܘ ܦܘܼܩ̈ܕܢܐ ܕܠܐ ܐܙܠܼܘ ܒܫܒܼܝܐ ܐܟܘܿܬܗ ܕܐܪܡܝܐ ܘܫܪܟܐ ܕܐܟܢ̈ܐ ܕܕ݀ܡܝܢ ܠܗ܆ ܓܪܕܝ ܡܦܘܼܚܐ ܗ̄ ܐܟܡܼܐ ܕܡܐ ܕܨܪܦܝܼܢ ܘܒ݀ܚܪܝܼܢ ܘܡܿܕܟܝܢ ܣܐܡܐ ܐܘܿ ܕܗܒܐ ܕ݀ܡܝܢ ܒܗ ܐܒܪܐ ܒܓܘ ܟܘܼܪܐ. ܕܢܥܼܪܒ ܘܢܬܼܛܠܩ ܐܒܪܐ ܥܡ ܢܘܼܪܐ ܕܠܐ ܢܐܼܟܝܼ̄ܘ ܠܕܗܒܐ ܘܒܛܘܼܠܩܐ ܕܐܒܪܐ ܡܬܓܼܡܪܐ ܨܪܝܼܦܘܼܬܗ pb. 279 ܕܣܐܡܐ. ܗܿܟܢܐ ܠܡ ܐܦ ܠܗܘܿܢ ܢܒܝܐ ܨܿܪܦ ܪܝܼܩܐܝܼܬ. ܐܣܬܼܦܩܬ݀ ܗ̄ ܒܛܝܼܠ ܡܦܘܼܚܐ ܡܠܼܬܐ ܕܢܒܝܘܼܬܐ. ܡܼܢ ܢܘܼܗܪܗܘܿܢ ܗ̄ ܡܪܕܘܼܬܐ ܕܐܝܬܝܼ ܥܠܝܗܘܿܢ. ܘܐܒܪܐ ܗ̄ ܝܘܼܩܪܐ ܕܥܠܝܗܘܿܢ. ܟܣܼܦܐ ܡܣܼܠܝܐ ܩܼܪܘ ܐܢܿܢ ܗ̄ ܐܝܟ ܕܒܕܡܘܼܬܐ ܨܒܼܐ ܕܢܚܿܘܐ ܡܣܼܬܠܝܢܘܼܬܐ ܡܬܼܐܡܪܐ ܥܠ ܡܦܫܼܪ̈ܝ ܣܐܡܐ ܕܐܡܼܬܝ ܕܠܐ ܐܬ݀ܐ ܠܕܘܼܟܝܐ ܚܿܠܛܝܼܢ ܒܗ ܐܒܪܐ ܘܢܚܿܫܐ ܘܦܪܙܠܐ ܐܟܡܿܢ ܕܢܫܼܒܘܿܩ ܬܛܪܗ ܒܝܕ ܪܬܼܚܐ ܕܢܘܼܪܐ ܒܗܿܠܝܢ ܡܼܬܕܟܐ. ܠܐ ܡܬܚܼܒܟ ܥܡܼܗܘܿܢܘܠܐ ܡܬܼܦܫܪ ܘܡܣܠܝܐ ܡܬܼܚܫܒ ܘܕܠܡܕܡ ܠܐ ܟܿܫܪ. ܐܣܬܻܼܦܩܬ݀ ܗ݀ܝ ܕܝܠܕܬ݀ ܫܒܼܥܐ ܗ̄ ܨܗܝܘܿܢ. ܝܠܕܬ݀ ܫܒܼܥܐ ܗ̄ ܥܓܠܼܐ ܒܡܕܒܪܐ. ܘܬܪܝܢ ܦܬܟܪ̈ܐ ܕܝܘܪܒܥܡ ܘܨܠܡܐ ܕܡܢܫܐ ܕܐܪܒܥ ܐܦ̈ܝܼܢ܀ ܗܿܐ ܡܫܿܕܪ ܐܢܼܐ ܨܝ̈ܕܐ ܣܓܝ̈ܐܐ ܗ̄ ܗܿܠܝܢ ܘܐܦܿܢ ܥܠ ܥܡ̈ܡܼܐ ܕܫܒܼܘ ܐܢܘܿܢ ܐܡܝܼܪ̈ܢ. ܐܠܐ ܐܦ ܥܠ ܫܠ̈ܝܼܚܐ ܙܕܿܩ ܕܢܬܢܼܣܒܘܢܿ ܐܦ ܗܼܢܘܢܿ ܓܝܪ ܨܝ̈ܕܐ ܕܒܢܝ̈ܢܫܐ ܐܫܬܼܡܗܘ ܡܼܢ ܡܪܝܐ. ܗܿܐ ܝܘܡ̈ܬܐ ܐܬܿܝܢ ܐܡܿܪ ܡܪܝܐ ܘܐܩܿܝܼܡ ܠܕܘܝܼܕ ܡܘܥܝܼܬܐ ܕܙܕܝܼ̄ܩܘܼ ܗ̄ ܡܫܝܼܚܐ ܗ݀ܘ ܕܐܫܝܥܐ ܐܡܼܪ ܥܠܘܗܝ ܕܢܦܼܪܥ ܢܘܼܪܒܐ ܡܼܢ ܓܘܼܙܥܗ ܕܐܝܼܫܝ. ܘܢܡܼܠܟ ܗ̄ ܪܘܼܚܢܝܐܝܼܬ. ܕܝܼܢܐ ܗ̄ ܕܐܟܿܠܩܪܨܐ ܘܕܝܘܼ̈ܕܝܐ. ܕܐܫܼܬܘܙܒܘ ܗ̄ ܫܠ̈ܝܼܚܐ ܘܫܪܟܐ ܕܝܘܼ̈ܕܝܐ ܕܗܝܡܼܢܘ ܢܫܼܪܐ ܟܕ ܬܟܝܼܠ ܗ̄ ܒܣܼܒܪܐ ܕܥܠ ܐܠܗܐ ܘܕܩ̄ܝܡܼ. ܗܘܼ ܓܝܪ ܗܘܼܐ ܠܢ ܡܼܢ ܐܠܗܐ ܙܕܝܼܩܘܼܬܐ ܘܩܕܝܼܫܘܼܬܐ ܘܦܘܼܪܩܢܐ. ܗܿܐ ܝܘܡ̈ܬܐ ܗ̄ ܗܿܢܘܢܿ ܕܒܗܘܿܢ ܡܫܝܼܚܐ.. ܕܝܬܩܐ ܚܿܕܬܐ ܗ̄ ܐܘܢܓܠܝܘܿܢ. ܠܐ ܐܝܟ ܗ݀ܝ ܕܝܬܩܐ ܗ̄ ܒܕ ܗ݀ܝ ܥܠ ܒܣܪ̈ܢܐ ܦܩܿܕܐ ܘܡܚܿܦܛܐ ܘܗܿܕܐ ܥܠ ܪ̈ܘܼܚܢܝܬܐ. ܗ݀ܝ ܒܕܒ̈ܚܐ ܡܬܼܪ̈ܓܫܢܐ ܗܿܕܐ ܒܕܒ̈ܚܼܐ ܕܬܘܕܝܼܬܐ. ܗ݀ܝ ܕܡܘܼܠ̈ܟܢܐ ܡܬܼܪ̈ܓܫܢܐ ܒܥܿܠܡܐ ܗܿܢܐ ܡܫܼܬܘܕܝܐ ܗܿܕܐ ܡܘܼܠ̈ܟܢܐ ܡܬܼܝܕ̈ܥܢܐ ܕܒܥܿܠܡܐ ܡܬܼܝܕܥܢܐ. ܡܛ݀ܠ ܕܗܿܢܘܿܢ ܠܐ ܩܘܝܼܘ ܒܕܝܬܩܐ ܕܝܼܠܝ ܗ̄ ܠܐ ܢܛܼܪܘ ܐܝܿܠܝܢ ܕܦܩܿܕܬ ܐܠܐ ܒܟܿܠܙܒܢ ܠܗܿܕܐ ܡܣܧܠܝܢ ܗܼܘܘ ܘܠܘܿܬ ܦܬܟܪ̈ܐ ܦܿܢܝܢ ܗܼܘܘ. ܒܣܝܿܬ ܕܝܢ ܒܗܘܿܢ ܡܛ݀ܠ ܗܿܠܝܢ. ܥܒܼܕ ܕܝܢ ܕܝܬܩܐ ܚܿܕܬܐ ܚܠܼܦ ܗܿܕܐ ܠܘ ܡܛ݀ܠ ܕܐܒܼܣܝܼܘ ܒܗ݀ܝ ܩܕܡܝܬܐ ܘܠܐ ܩܘܝܼܘ ܒܗܿ ܐܠܐ ܡܛ݀ܠ ܕܒܗܘܿܢ ܐܒܣܼܝܼ. ܐܠܨܬ݀ ܕܐܚܪ̈ܢܐ ܢܩܼܪܐ ܗ̄ ܥܡ̈ܡܼܐ ܟ݀ܠܗܘܿܢ ܘܕܝܬܩܐ ܢܥܼܒܕ ܕܠܐ ܕܡܿܝܐ ܠܗ݀ܝ. ܒܕ ܗ݀ܝ ܒܚܕܐ ܕܘܼܟ ܗ̄ ܒܐܘܿܪܫܠܡ ܡܫܼܬܡܠܝܢ ܗܼܘܘ ܓܡܝܼܪܐܝܼܬ ܗܿܠܝܢ ܕܒܗܿ ܘܙ݀ܕܩ ܕܗܿܕܐ ܚܿܕܬܐ ܕܒܟܿܠܗܘܿܢ ܡܬܼܟܪܙܐ ܕܠܘ ܐܝܟ ܗ݀ܝ ܬܗܘܼܐ. ܐܠܐ ܘܐ݀ܦܢ ܠܟܿܠܗܘܿܢ ܥܡ̈ܡܼܐ ܐܬܝܗܼܒܬ ܐܠܐ ܠܘܼܩܕܡ ܠܒܝܬܐ ܕܝܼܣܪܐܝܠ ܐܡܿܪ ܕܣܿܐܡ ܡܛ݀ܠ ܕܡܢܼܗܘܿܢ ܐܬܚܼܙܝܼ ܘܒܡܣܥܝܘܼܬܗܘܿܢ ܣܡܗܿ ܘܠܗܘܿܢ ܦܩܼܕܗܿ ܘܗܼܢܘܿܢ ܗܼܘܘ ܥܠܬܼܐ ܕܬܥܒܼܪܝ ܠܘܿܬ ܥܡ̈ܡܼܐ. ܢܡܘܿܣܐ ܕܝܢ ܕܗܿܕܐ ܒܬܪܥܝܼܬܐ ܐܡܿܪ ܕܡܬܼܝܼܗܒ ܘܥܠ ܚܕܝܐ ܡܬܼܢܬܒ ܠܦܘܼܪܫܐ ܕܗ݀ܝ ܘܠܘ ܒܠܘܼܚ̈ܐ ܟܐܦܢܝ̈ܬܐ ܗܿܘܝܢ ܦܘܼ̈ܩܕܐ ܕܗܿܕܐ ܐܠܐ ܒܚ̈ܝܠܐ pb. 280 ܡܬܼܝܕ̈ܥܢܐ ܕܗܘܢܐ ܠܐ ܡܬܼܛܥ̈ܝܢܐ ܐܝܼܬܝܗܘܿܢ ܒܕܠܐ ܦܢܼܘ ܗܿܢܘܿܢ ܕܗܝܡܼܢܘ ܘܩܒܠܼܘܐܢܘܿܢ ܠܘܿܬ ܣܓܕܬ݀ ܦܬܟܪ̈ܐ ܐܝܟ ܕܦܢܼܐ ܠܝܼܣܪܐܝܠ ܗ݀ܘ ܕܕܝܬܩܐ ܩܕܡܝܬܐ ܠܗ ܐܬܝܗܼܒܬ݀ ܘܡܫܿܪܪ ܠܗܿܕܐ ܟܕ ܡܘܣܿܦ ܘܐܡܿܪ. ܕܠܐ ܬܘܼܒ ܢܠܦܼܘܢܼ ܓܒܪ ܠܚܒܪܗ ܗ̄ ܠܗܿܠܝܢ ܐܦ ܦܘܠܠܘܿܣ ܡܦܫܿܩ. ܘܡܛ݀ܠ ܫܘܼܒܩܢܐ ܕܚܛ̈ܗܐ ܘܕܘܼܟܝܐ ܘܬܚܦܝܼܣ ܗ̄ ܗܿܠܝܢ ܡܕܝܼ̈ܢܬܐ ܐܢܝܢ ܕܒܡܨܪܝܢ ܒܝܕ ܠܡ ܡܕܐܬܐ ܕܦܪܥܘܢ ܢܪܥܘܼܢܟܝ.. ܐܢܼܗܪܘ ܠܟܘܿܢ ܫܪܓܐ ܗ̄ ܢܡܘܿܣܐ ܦܘܼܩ̈ܕܢܐ.. ܠܝܼܛ ܗܼܘ ܓܒܪܐ ܕܣܒܼܪ ܠܐܒܿܝ ܕܐܬܝܼܠܕ ܠܟ ܒܪܐ ܕܟܪܐ ܘܣܒܪ ܕܡܚܕܝܘܼ ܚܕܝܗ ܗ̄ ܡܼܢ ܟܕ ܥܒܼܪ ܐܕܡ ܦܘܼܩܕܢܐ ܠܘ ܕܟܪܝܐ ܡܬܼܝܠܕܝܢ ܗܼܘܘ ܐܝܿܠܝܢ ܕܡܼܬܝܠܕܝܢ ܥܕܡܐ ܠܡܫܝܼܚܐ. ܐܠܐ ܒܢ̈ܝܐ ܘܢܩܒܼ̈ܬܐ ܡܬܼܩܪܝܢ ܗܼܘܘ ܡܛ݀ܠ ܕܐܬܢܩܼܒܬܢ ܗܘܼܐ ܟܝܿܢܐ ܐܢܫܝܐ ܘܐܬܪܦܝܼ ܒܚܛܝܼܬܐ. ܥܕܡܐ ܕܐܬܝܼܠܕ ܡܫܝܼܚܐ. ܐܝܟ ܕܐܡܼܪ ܢܒܝܐ ܬܦܼܠܛܝ ܘܬܐܼܠܕܝ ܕܟܪܐ. ܟܕ ܗ݀ܝ ܕܝܿܠܕܐ ܠܒܬܘܼܠܬܐ ܩܿܪܐ. ܕܟܪܐ ܩܪܐ ܠܡܫܝܼܚܐ. ܒܙܒܼܢܐ ܕܐܬܝܼܠܕ ܐܪܡܝܐ ܐܢܫ ܣܒܼܪ ܠܐ ܒܥܼܘܗܝ ܕܐܬܝܼܠܕ ܠܟ ܒܪܐ ܕܟܪܐ. ܘܐܒܘܼܗܝܗ ܕܐܪܡܝܐ ܚܕܝܼ ܐܟܡܿܢ ܕܒܒܪܗ ܡܬܼܒܛܠܠܐ ܚܛܝܼܬܐ. ܐܪܡܝܐ ܟܕ ܐܬܥܠܼܡ ܘܚܙܼܐ ܕܠܐ ܐܝܼܬ̄ܘ ܗ݀ܘ ܕܟܪܐ ܕܥܬܝܼܕ ܕܢܬܼܝܼܠܕ ܡܼܢ ܒܬܘܼܠܬܐ ܘܠܐ ܡܿܨܐܼ ܕܢܒܼܛܠ ܠܚܛܝܼܬܐ ܥܠܗ݀ܝ ܠܼܛ ܠܗ݀ܘ ܕܗܿܢܐ ܣܼܢܝܐ ܣܡܼ ܥܠܘܗܝ ܘܐ݀ܦܢ ܠܐ ܝܿܕܥ ܗܼܘܐ ܗ݀ܘ ܕܐܡܼܪ. ܬܚܝܬ ܠܘܛܬܐ ܗ݀ܘ. ܡܛ݀ܠ ܕܚܛ̈ܗܐ ܕܝܼܕܥܬܐ ܘܕܠܐ ܝܼܕܥܬܐ ܡܬܬܼܒܥܝܼܢܢ. ܘܣܿܛܢܐ ܐܥܒܼܕ ܗܿܕܐ ܕܬܒܼܛܠܝ ܢܒܝܘܼܬܐ ܕܥܠ ܡܫܝܼܚܐ. ܘܒܢܝ̈ܢܫܐ ܢܬܦܼܣܩ ܠܗܘܿܢ ܣܒܼܪܗܘܿܢ ܡܢܼܗ. ܘܐܪܡܝܐ ܠܣܿܛܢܐ ܠܛܼ ܒܝܕ ܗ݀ܘ ܓܒܪܐ ܐܟܡܼܐ ܕܐܬܬܼܠܝܼܛ ܣܿܛܢܐ ܒܝܕ ܚܼܘܝܐ.. ܫܥܘܼܬܐ ܠܝܬ ܠܗ ܒܓܠܥܕ ܗ̄ ܟܗܿܢܐ ܐܘܿ ܐܣܿܝܐ.. ܛܝܪܐ ܡܨܝܪܬܐ ܗܘܼܬ ܠܝܼ ܝܪܬܘܼܬܝ ܗ̄ ܐܟܙܼܢܐ ܕܛܝܪܐ ܡܬܼܪܟܒܐ ܐܘܟܝܼܬ ܡܬܼܬܨܝܼܪܐ ܡܼܢ ܕܡ̈ܘܼܬܐ ܣܓܝ̈ܐܬܐ ܘܓܘ̈ܢܐ ܗܟܿܢܐ ܘܗܼܢܘܿܢ ܐܬܕܡܝܼܘ ܒܙܟܘܼܪ̈ܐ ܘܩܨܘܿ̈ܡܐ. ܒܚܪ̈ܫܐ ܒܐܬܘܪ̈ܝܐ. ܒܡܨܪ̈ܝܐ. ܒܟܿܠ ܥܡ̈ܡܝܼܢ.. ܒܦܘܼܠܚܢܐ ܕܦܬܟܪ̈ܐ ܡܫܚ̈ܠܼܦܐ ܘܒܥܒܿܕ̈ܐ ܡܦ̈ܬܼܟܐ ܕܪܘܼܫܥܐ. ܘܛܝܪܐ ܚܿܕܪܐ ܠܗܿ ܗ̄ ܥܡ̈ܡܼܐ ܢܘܼܟܪ̈ܝܐ ܕܐܬܿܝܢ ܥܠܝܗܿ.. ܢܒ̈ܝܐ ܕܡܓܿܢܒܝܼܢ ܦܬܓܡ̈ܝ ܗ̄ ܗܿܢܘܿܢ ܕܓ̈ܠܐ. ܡܐ ܕܫܿܡܥܝܼܢ ܠܫܪܝܼܪ̈ܐ ܕܐܡܿܪܝܼܢ ܕܐܬܿܐ ܪܘܓܙܐ ܐܘܿ ܡܕܡ ܐܚܪܝܢ ܓܿܠܝܢ ܗܼܘܘ ܗܼܢܘܢܿ ܠܐܚܪ̈ܢܐ ܟܣܝܐܝܼܬ ܘܡܿܦܩܕܝܼܢ ܗܼܘܘ ܕܠܐ ܬܬܓܼܠܐ. ܘܐܢ ܗܘܼܬ ܢܐܼܡܪܘܢܿ ܕܚܼܢܢ ܐܡܼܪܢܗܿ. ܘܣܿܗܕܝܼܢ ܦܠܢ ܘܦܠܢ.ܘܐܢ ܠܐ ܗܘܬ݀ ܩܛܪܓܼܘ ܠܢܒ̈ܝܐ ܫܪܝܼܪ̈ܐ. ܢܩܒܼܬܐ ܬܚܒܼܒܝ ܓܒܪܐ ܗ̄ ܡܬܼܛܥܐ ܓܙܪ ܕܝܼܢܐ ܩܕܡܝܐ. ܘܟܢܘܼܫܬܐ ܕܠܗܿ ܩܿܪܐ ܢܩܒܼܬܐ ܗܿܦܟܐ ܠܘܿܬ ܐܠܗܐ ܒܬܝܿܒܘܼܬܐ ܘܪܚܡܐ ܠܗ܆ ܒܫܢܿܬܐ ܓܝܪ ܪܒܝܼܥܝܬܐ ܕܝܘܼܝܩܝܼܡ ܕܒܗܿ ܐܡܼܠܟ ܢܒܘܼܟܕܢܿܨܪ ܘܣܠܼܩ ܥܠ ܐܘܿܪܫܠܡ ܐܝܼܬ̄ܘ ܫܘܼܪܝܐ ܕܫܒܥܝܼܢ ܫܢ̈ܝܼܢ ܕܫܘܼܥܒܕܐ ܕܐܡܼܪ ܐܪܡܝܐ. ܫܘܼܠܡܗܝܢ ܒܫܢܿܬܐ ܩܕܡܿܝܬܐ ܕܟܘܼܪܫ ܦܪܣܝܐ܆ pb. 281 ܒܫܿܢܬܐ ܓܝܪ ܪܒܝܼܥܝܬܐ ܕܝܘܝܿܩܝܼܡ ܟܕ ܫܒܼܐ ܠܐܘܿܪܫܠܡ ܢܒܘܟܕܢܨܪ ܐܬܢܒܝܼ ܐܪܡܝܐ ܥܠ ܐܘܿܪܫܠܡ ܘܥܡ̈ܡܼܐ ܕܚܕܪ̈ܝܗܿ ܕܡܫܼܬܥܒܕܝܢ ܠܢܒܘܼܟܕܢܨܪ ܘܠܒܪܗ ܘܠܒܪ ܒܪܗ. ܘܡܛ݀ܠ ܫܘܼܠܡܐ ܕܝܼܠܗܝܢ ܟܬܼܒ ܥܙܪܐ. ܕܒܫܿܢܬܐ ܚܕܐ ܠܟܘܼܪܫ ܡܠܟܐ ܕܦܿܪܣ ܠܫܘܼܠܡܐ ܦܬܓܡܐ ܕܒܝܕ ܐܪܡܝܐ. ܐܥܝܼܪ ܡܪܝܐ ܪܘܼܚܗ ܕܟܘܼܪܫ ܘܐܥܒܪ ܩܿܠܐ ܒܡܠܟܘܼܬܗ ܕܢܣܼܩ ܥܡܐ ܠܐܘܿܪܫܠܡ ܕܢܒܼܢܘܼܢܗܿ. ܘܡܼܢ ܫܢܬ݀ ܐܪܒܥ ܕܝܘܼܝܩܝܼܡ ܥܕܡܐ ܠܫܢܿܬܐ ܩܕܡܿܝܬܐ ܕܟܘܼܪܫ ܫܒܥܝܼܢ ܐܢܝܢ ܫܢ̈ܝܐ. ܐܡܠܼܟ ܓܝܪ ܢܒܘܼܟܢܕܨܪ ܐܪܒܥܝܼܢ ܘܬܠܬ ܫܢ̈ܝܼܢ ܐܟܡܼܐ ܕܟܬܝܼܒ ܐܦ ܒܚܘܼܫܒܢܐ ܕܬܐܘܢ ܘܡܟܬܒܢܘܼܬ ܙܒ̈ܢܼܐ.. ܐܘܿ ܠܡܪܕܘܼܟ ܒܪܗ ܬܪܬܝܢ ܫܢ̈ܝܼܢ ܘܦܠܓܗܿ. ܘܒܝܠܛܫܨܪ ܒܪܗ ܐܪܒܥ ܫܢ̈ܝܼܢ ܘܦܠܓܗܿ܇ ܘܕܪܝܘܿܫ ܫܒܥܣܪ̈ܐ ܫܢ̈ܝܼܢ ܘܦܠܓܗܿ. ܘܝܬܝܼܪ ܩܠܝܠ. ܒܨܚܚ ܝܚ̄ ܫܢ̈ܝܼܢ. ܘܒܫܢܬ ܬܪܬܝܢ ܕܟܘܼܪܫ . . . . . . ܠܐ ܟܬܼܒܘ ܐܪܡܝܐ ܘܕܢܝܐܝܠ ܥܠ ܐܘܿ ܠܡܕܪܘܟ ܡܕܡ ܡܛ݀ܠ ܕܠܐ ܗܘܼܐ ܒܝܘܡ̈ܬܗ ܥܠ ܕܢܝܐܝܠ ܓܠܝܢܐ ܐܘܿ ܬܕܡܘܪܬܐ ܐܝܟ ܕܗܘܼܐ ܒܝܘܡ̈ܝ ܒܝܼܠܛܫܨܪ ܘܕܪܝܘܿܫ. ܘܐܪܡܝܐ ܠܫܡ ܢܒܘܼܟܢܕܢܨܪ ܠܚܘܼܕ ܐܕܟܪ ܒܗ݀ܝ ܕܐܡܼܪ ܕܢܫܼܬܥܒܕܘܢܼ ܠܗ ܥܡ̈ܡܼܐ ܘܠܒܪܗ ܘܠܒܪ ܒܪܗ. ܘܒܣܦܪ ܡ̈ܠܟܘܬܐ ܟܬܝܼܒ ܐܘ ܠܡܕܪܘܼܟ ܕܒܫܢܬ݀ ܬܠܬܝܢ ܘܐܪܒܥ ܕܝܘܪܝܩܝܼܡ. ܐܘܿ ܠܡܪܕܘܼܟ ܒܪ ܢܒܘܼܟܢܕܨܪ ܘܐܦܼܩ ܠܝܘܼܝܩܝܼܡ ܡܼܢ ܒܝܬ ܐܣܝܼܪ̈ܐ ܘܥܒܼܕܗܿ ܡܼܢ ܐܟܿܠܝ ܦܬܘܿܪܗ ܐܢܫ̈ܝܼܢ ܡܼܢ ܡܦܫܩ̈ܢܐ܆ ܠܫܘܼܪܝܐ ܕܫܒܥܝܼܢ ܫܢ̈ܝܼܢ ܡܼܢ ܫܘܼܪܝܐ ܕܡܠܟܘܼܬܗ ܕܨܕܩܝܐ ܡܿܢܝܢ ܠܗܝܢ ܘܡܝܬܝܢ ܬܚܘܝܼܬܐ ܠܙܟܪܝܐ ܕܐܡܼܪ ܕܒܫܼܢܬ݀ ܬܪ̈ܬܝܢ ܕܕܪܝܘܫ ܬܪܝܢܐ ܕܒܿܬܪ ܩܘܠܣܘܣܿܣ ܐܡܼܪ ܡܠܐܟܐ. ܗܿܫܐ ܫܥܒܝܼܢ ܫܢ̈ܝܼܢ ܡܿܓܢ ܡܪܝܐ ܥܠ ܐܘܪܫܠܡ ܘܒܝܬܐ ܚܪܼܒ. ܘܐܢ ܢܡܼܢܐ ܐܢܫ ܡܼܢ ܫܢܿܬܐ ܐܚܪܝܬܐ ܕܨܕܩܝܐ ܘܥܐܕܡܐ ܠܫܥܿܬܐ ܩܕܡܿܝܬܐ ܕܟܘܼܪܫ ܚܡܫܝܼܢ ܫܢ̈ܝܼܢ ܗܘ̈ܝܢ. ܐܠܐ ܐܡܿܪܝܼܢܢ ܕܠܐ ܐܪܡܝܐ ܡܕܿܓܠ ܐܦܿܠܐ ܙܟܪܝܐ ܡܛ݀ܠ ܕܫܒܥܝܼܢ ܫܢ̈ܝܼܢ ܕܐܡܼܪ ܐܪܡܝܐ ܐܚܪ̈ܢܝܬܐ ܐܢܝܢ ܡܼܢ ܗܿܠܝܢ ܕܐܡܼܪ ܙܟܪܝܐ. ܘܗܿܠܝܢ ܕܐܡܼܪ ܐܪܡܝܐ ܐܫܼܬܡ̈ܠܝܼ ܒܫܢܬ݀ ܬܪ̈ܬܝܢ ܕܟܘܼܪܫ ܘܗܿܢܝܢ ܫܒܥܝܼܢ ܕܙܟܪܝܐ ܐܚܪ̈ܢܝܬܐ ܐܢܝܢ ܡܛ݀ܠ ܕܗܿܢܝܢ ܕܐܪܡܝܐ ܡܼܢ ܫܘܼܪܝ ܫܘܼܥܒܕܐ ܘܥܕܡܐ ܠܫܘܼܪܝ ܡܦܩܼܬܐ ܘܒܢܝܿܢܐ ܐܢܝܢ. ܗܿܠܝܢ ܫܒܥܝܼܢ ܕܢܒܝܘܼܬܗ. ܘܫܒܥܝܼܢ ܕܐܡܼܪ ܙܟܪܝܐ ܐܝܼܬܘܗܝ ܫܘܼܪܝܗܝܢ ܡܼܢ ܚܘܼܪܒܐ ܕܝܩܕܢܐ ܕܒܝܬܐ ܐܡܚܪܝܐ ܗ݀ܘ ܕܗܼܘܐ ܒܝܘܡ̈ܝ ܨܕܩܝܐ. ܥܕܡܐ ܠܙܒܼܢܗ ܗ̄ ܥܕܡܐ ܠܫܢܬ ܬܪܬܝܢ ܕܕܪܝܘܿܫ ܬܪܝܢܐ ܦܪܣܝܐ ܕܗܘ̈ܝܢ ܗ݀ܟܘܬ ܫܒܥܝܼܢ ܫܢ̈ܝܼܢ ܗܿܟܢܐ. ܡܼܢ ܫܢ̈ܝܐ ܕܢܒܘܼܟܕܢܨܪ ܥܣܪܝܼܢ ܘܐܪܒܥ ܘܦܠܓܗܿ.. ܐܘܠܡܪܕܘܼܟ ܬܪܬܝܢ ܘܦܓܠܗ ܘܒܝܠܛܫܨܪ ܐܪܒܥ ܘܦܠܓܗܿ. ܕܪܝܘܿܫ ܡܕܝܐ ܝܚ̄. ܟܘܪܫ ܬܫܥ ܫܢ̈ܝܼܢ ܘܦܠܓܗܿ. ܘܒܡܒܐܣܘܿܣ ܬܡ̈ܢܐ ܫܢ̈ܝܼܢ ܘܝܪ̈ܚܐ ܬܡܢܝܐ. ܘܒܫܿܢܬܐ ܕܬܪܬܝܢ ܕܕܪܝܘܿܫ ܐܡܼܪ ܡܠܐܟܐ pb. 282 ܒܙܟܪܝܐ ܕܥܕܡܐ ܠܐܡܼܬܝ ܘܫܪܟܐ. ܕܗܿܐ ܫܒܥܝܼܢ ܫܢ̈ܝܼܢ ܪܓܿܙܬ ܥܠ ܐܘܿܪܫܠܝܡ܀
ܬܘܼܒ ܟܘܼܢܫܐ ܬܪܝܢܐ ܘܢܘܼܗܪܐ ܕܟܬܒܐ ܕܐܪܡܝܐ ܢܒܝܐ ܐܝܟ ܒܪܬ݀ ܩܿܠܐ ܦܫܝܛܬܐ ܕܝܼܠܗ ܕܒܪ ܨܠܝܼܒܝ ܡܢܿܚܐ ܐܝܼܬܘܗܝ ܐܪܡܝܐ ܡܼܢ ܥܬܘܼܬ ܘܒܦܢܛܘܦܘܠܝܣ ܕܡܨܪܝܢ ܐܬܪܓܼܡ ܒܟܐܦ̈ܐ ܘܡܝܼܬ ܘܓܪ̈ܡܘܗܝ ܐܠܟܣܢܕܪܘܿܣ ܐܘܒܼܠ ܦܐܠܟܣܢܕܪܝܐ܀ ܨܚܚܐ ܩܕܡܝܐ ܥܕܠܐ ܐܘܿܨܪܟ ܒܟܪܣܐ ܗ̄ ܝܼܕܥܿܬܟ ܕܚܿܫܚ ܐܢܬ ܕܬܗܼܘܐ ܢܒܝܐ ܠܥܡܐ. ܚܘܼܛܪܐ ܕܠܘܼܙܐ ܚܿܙܐ ܐܢܼܐ ܗ̄ ܠܘܼܙܐ ܒܟܝܿܢܗ ܚܡܝܼܡ ܘܩܿܕܡ ܒܦܪܥܗ ܠܟܿܠܗܘܿܢ ܐܝܼܠ̈ܢܐ ܐܚܪ̈ܢܐ ܘܒܗܿܢܐ ܚܘܝܼ ܕܡܣܗܒ ܫܒܼܝܐ ܕܐܿܬܐ ܥܠܝܗܘܿܢ. ܘܬܘܼܒ ܚܘܼܛܪܐ ܕܠܘܼܙܐ ܡܛ݀ܠ ܡܛܝܒܘܼܬܗ ܘܩܠܝܼܠܘܼܬܗ ܘܩܫܝܘܼܬܗ ܕܐܝܟ ܕܒܗ ܪܕܐ ܐܢܘܿܢ ܐܠܗܐ. ܩܕܣܐ ܕܬܿܦܐܼ ܚܿܙܐ ܐܢܼܐ ܗ̄ ܕܡܫܼܬܓܪ ܕܐܝܼܬܝܗܿ ܓܗܢܐ. ܩܕܣܐ ܕܬܿܦܐܪ ܠܡܕܝܼܢܬܐ ܡܫܿܡܗ. ܐܦ̈ܘ̄ ܡܼܢ ܓܪܒܝܐ ܗ̄ ܒܝܕ ܒܒܠ̈ܝܐ ܘܡ̈ܠܟܘܬܐ ܕܝܼܠܗܘܿܢ ܡܫܼܬܓܪ. ܘܗ݀ܘ ܕܠܐ ܡܬܼܪܕܐ ܒܡܪܕܘܼ̄ ܕܚܘܼܛܪܐ ܒܝܩܕܢܐ ܕܢܘܼܪܐ ܢܦܿܠ. ܐܡܿܠܠ ܥܡܼܗܘܿܢ ܕܝܼܢܐ ܗ̄ ܐܬܿܬܝܕܼܢ ܥܡܼܗܘܿܢ. ܐܝܟ ܡܕܝܼܢܬܐ ܬܩܝܼܦܬܐ ܗ̄ ܕܠܐ ܡܬܟܼܒܫܐ. ܟܿܠ ܐܟܘ̈ܠܝܗܘܿܢ ܢܬܼܛܢܦܘܢܿ ܗ̄ ܥܠ ܕܐܟܿܠܝܼܢ ܪ̈ܝܫܝܬܐ ܐܝܟ ܟܗ̈ܢܐ ܘܢ݀ܡܘܿܣ ܡܪܗܘܿܢ ܐܝܟ ܕܐܬܦܼܩܕܘ ܠܐ ܢܛܿܪܝܼܢ܀ ܐܪ̈ܝܘܬܐ ܠܒܒܠ̈ܝܐ ܩܿܪܐ ܨܚܚܐ ܕܬܪܝܢ ܡܦܣ ܘܬܚܦܝܣ ܡܕ̈ܝܼܢܬܐ ܐܢܝܢ ܕܡܨܪ̈ܝܐ. ܘܗ݀ܝ ܕܢܪܥܘܼܢܟܝ ܪܝܼܫܐ ܪܝܼܫܐ ܗ̄ ܫܿܒܝܢ ܘܫܿܩܠܝܼܢ ܡܢܼܟܝ ܪܝܼܫܝܪܬܐ ܐܟܡܿܢ ܕܗܼܢܘܿܢ ܫܪܘܐܝܼܬ ܫܒܼܘ ܘܐܚܼܪܒܘ ܡܢܼܗܘܿܢ. ܒܙܒܼܢܐ ܕܡܿܕܒܪ ܗܼܘܐ ܠܟܝ ܗ̄ ܟܕ ܝܨܝܼܦ ܗܘܼܐ ܕܝܼܠܗܘܿܢ ܘܡܿܬܪܣܐ ܗܿܘܐ ܠܗܘܿܢ ܐܝܟ ܕܢܗܼܘܐ ܗܼܘ ܙܒܢܼܐ ܕܡܕܒܪܢܘܼܬܐ ܡܼܢ ܡܦܩܼܬܐ ܕܡܨܪܝܢ ܥܕܡܐ ܠܙܒܼܢܐ ܕܢܒܝܘܼܬܐ ܒܐܘܼܪܚܐ ܗ̄ ܐܘܼܪܚܐ ܐܡܿܪ ܠܬܕܡܘܼܪܬܐ ܘܡܕܒ̄ܪܢܘܼ ܘܓܢܡܒܪܘܼܬܐ ܘܦܘܼܪܣܐ. ܡܝ̈ܐ ܕܢܫܝܼܚܘܪ ܗ̄ ܬܘܼܒ ܐܡܿܪ ܥܠ ܓܝܼܚܘܿܢ ܕܡܨܪܝܢ ܐܘܟܝܼܬ ܫܝܼܚܘܿܪ ܘܦܪܬ ܘܕܩܠܬ݀ ܡܐܪܙ ܥܠ ܓܘܣܗܘܿܢ ܕܒܡܨܪ̈ܝܐ ܘܐܬܘܼܪ̈ܝܐ. ܐܬܼܪܕܝ ܒܡܣܡ ܒܪܝܼܫܐ. ܘܬܝܿܒܘܼܬܟܝ ܬܟܣܼܟܝ ܗ̄ ܒ݀ܣܪܐ ܘܡܟܣܐ ܠܟܝ ܕܠܘ ܒܫܪܪܐ ܗܘܼܬ݀ ܐܠܐ ܐܝܟ ܕܒܐܣܟܡܐ. ܬܒܿܪܬ ܢܝܼܪܟܝ ܗ̄ ܕܒܡܨܪܝܢ ܐܬܼܟܕܢܬܝ. ܘܡܪܼܕܬܝ ܐܝܟ ܓܦܼܬܐ ܗ̄ ܒܕܡܘܼܬ ܓܦܼܬܐ ܓܒܝܼܬܐ ܕܡܿܪܕܐ ܡܼܢ ܦܠܚܐ ܘܡܼܢ ܦܐܪ̈ܐ ܘܪܚܡܿܐ ܕܘܼܡܝܐ ܕܐܝܼܠ̈ܢܐ ܐܚܪ̈ܢܐ. ܐܝܟ ܥܪܕܐ ܕܡܬܼܝܠܦ ܒܨܒܝܿܢ ܢܦܫܼܗ ܗ̄ ܗܿܟܢ ܫܪܝܬܝ ܡܼܢ ܨܘܪܟܝ ܢܝܼܪܐ ܕܐܠܗܐ. ܣܩܼܬܝ ܪܝܼܚܐ ܐܝܟ ܝܿܪܘܿܕܐ ܗ̄ ܐܝܟ ܕܦܿܗܐ ܝܪܘܿܕܐ ܦܗܼܝܬܝ ܒܿܬܪ ܦܬܟܪ̈ܐ. ܡܕܒܪܐ ܗܘܝܿܬ ܠܝܼܣܪܐܝܠ ܗ̄ ܕܠܐ ܚ̈ܝܠܐܘܐܬܘ̈ܬܐ. ܕܠܡܼܐ ܛ݀ܥܝܐ ܒܬܘܼ̄ ܥܘܼܕܢܗܿ. ܕܐܢ ܗܿܠܝܢ ܗ̄ ܕܐܢ ܗܿܠܝܢ ܠܦܘܼܢ̈ܝܐ ܘܨܒ̈ܬܼܐ ܡܣܿܟܝܢ. ܥܡܝ ܠܡܿܢܐ ܛܢܼܝ ܕܡܿܨܐܼ ܐܢܼܐ ܕܐܬܿܠ ܠܗ ܛܒ̈ܬܐ. ܠܐ ܗܼܘܐ ܒܦܘܼܠܫܬܐ ܗ̄ ܕܠܘ ܒܛܘܼܫܝܐ ܣܿܓܕܝܼܢ ܠ̈ܫܐܕܐ pb. 283 ܡܼܢ ܕܡܝܘܼܬܐ ܕܓܢܒܐ. ܕܬܿܪܥ ܟܣܝܐܝܼܬ ܠܐܣܼܬܐ ܕܓܿܢܒ. ܠܡܿܢܐ ܡܙܕܠܠܬܝ ܠܡܬܼܢܐ ܗ̄ ܠܡܼܬܓܘܣܘܼ ܒܡܨܪܝܐ ܐܝܟ ܕܐܬܬܟܼܠܠܬܝ ܥܠ ܐܬܘܼܪ̈ܝܐ ܒܙܼܒܢ ܐ݀ܚܪܝܢ ܐܦ ܡܼܢ ܡܨܪܝܢ ܬܒܗܬܝܼܢ ܗ̄ ܟܕ ܢܫܒܼܘܢܟܝ ܡܨܪ̈ܝܐ. ܐܝܟ ܕܒܗܼܬܬܝ ܡܼܢ ܐܬܘܿܪ ܗ̄ ܟܕ ܐܬܐܼܣܪ ܡܢܫܐ ܒܫܒܝܼܬܐ:: ܨܚܚܐ ܕܬܠܬܐ܆ ܐܢ ܢܫܼܒܘܿܩ ܓܒܪܐ ܠܐܢܬܬܗ ܗ̄ ܒܢܡܘܿܣܐ ܥܠ ܙܢܿܝܘܼܬܐ ܐܡܝܼܪܐ ܬܢܢ ܕܝܢ ܥܠ ܫܘܼܚܛܐ ܕܪܥܝܿܢܐ ܕܡܼܢ ܕܚܠܼܬ݀ ܐܠܗܐ ܐܡܝܼܪܐ. ܐܦ ܕܚܠ̈ܝ ܐܠܗܐ ܒܛܘܼܦܣܐ ܕܐܢܬܬܐ ܡܬܼܡܬܠܝܼܢ ܒܟܬܒ̈ܐ ܡܛ݀ܠ ܗܝܡܢܘܼܬܗܘܿܢ. ܐܡܿܪ ܓܝܪ ܕܐܢ ܡܬܼܦܢܝܢ ܠܘܿܬܝ ܡܩܿܒܠ ܐܢܼܐ ܠܗܘܿܢ ܘܫܿܪܐ ܐܢܼܐ ܠܢܡܘܿܣܐ ܡܛ݀ܠ ܬܝܿܒܘܼܬܗܘܢ. ܐܢܬܝܙܢܝܼܬܝ ܒܪ̈ܥܘܬܐ. ܐܢܬܝ ܓܪܬܝ ܒܦܬܟܪ̈ܐ ܗܿܠܝܢ ܕܠܦܘܼܬ ܡܣܒܪܢܼܘܬܐ ܕܐܝܿܠܝܢ ܕܣܿܓܕܝܼܢ ܠܗܘܿܢ ܡܕܒܪ̈ܢܐ ܡܫܼܬܟܚܝܼܢ. ܐܝܟ ܢܥܒܐ ܒܡܕܒܪܐ ܗ̄ ܚܕ ܚܕ ܡܢܼܗܘܿܢ ܩܕܡ ܦܬܟܪܗ ܡܬܼܟܦܦ ܗܼܘܐ. ܒܝܬ ܥܝ̈ܢܐ ܕܐܢܬܐ ܙ݀ܢܝܼܬܐ. ܥ݀ܡܘܼܪܬܐ ܕܝܼܣܪܐܝܠ ܗ̄ ܠܡܠܟܘܼܬܐ ܕܐܦܪܝܡ. ܙܕܩܬ݀ ܢܦܫܼܗܿ ܗ̄ ܡܫܼܬܟܚܝܼܢ ܒܢ̈ܝ ܫܿܡܪܝܼܢ ܕܐܫܼܬܒܝܼܘ ܠܐܬܘܿܪ ܕܙܕܝܼܩܝܼܢ ܡܼܢ ܒܢ̈ܝ ܝܼܗܘܼܕܐ ܕܡܬܢܒܝܬ ܥܠܗܘܿܢ. ܙܠܝ ܠܓܪܒܝܐ ܗ̄ ܠܐܬܘܿܪ. ܠܢܒܝܘܼܬܐ ܩܿܪܐ ܡܐܼܙܠܬܐ. ܬܘܼܒܘ ܒܢ̈ܝܐ ܬܝܒ̈ܐ ܘܐܣܿܐ ܬܝܿܒܘܼܬܟܘܿܢ ܗ̄ ܕܡܫܼܟܚܝܼܢ ܠܡܬܼܒܘܼ. ܪ̈ܥܘܬܐ ܐܝܟ ܠܟܝ ܗ̄ ܙܘܼܪܒܒܝܠ ܘܝܫܘܿܥ ܘܢܚܡܝܐ. ܥܠ ܫܒ̈ܝܼܠܐ ܒܟܬܐ ܗ̄ ܥܠ ܕܐܫܼܬܒܝܼܘ ܘܐܬܓܠܼܘܝܼܘ. ܠܕܓܠܘܼܬܐ ܪܡܘܼܬܐ ܘܥܘܼܫܢܐ ܕܛܘܼܪ̈ܐ ܗ̄ ܠܕܓܠܘܼܬܐ ܗܿܘ ܬܘܼܠܟܢܢ ܥܠ ܦܬܟܪ̈ܐ ܕܣܝܼܡܝܼܢ ܒܪ̈ܡܬܐ ܘܒܥܘܼܫܢܐ ܕܛܘܼܪ̈ܐ ܒܗܼܬܬܐ ܐܟܠܬ݀ ܠܐܘܬ݀ ܐܒܗ̈ܝܢ ܗ̄ ܗ݀ܕܐ ܡܿܘܕܥܐ ܥܠ ܐܒܕܢܐ ܕܟ݀ܠܡܕܡ ܕܐܝܼܬ ܗܼܘܐ ܠܗܘܿܢ ܕܗܼܘܐ ܒܝܕ ܫܒܼܝܐ. ܐܠܐ ܘܬܘܼܒ ܪܡܿܙܐ ܐܦ ܗܿܝ ܕܒܟܬܝܼܫܘܼܬܗܘܿܢ ܗܼܢܘܿܢ ܠܕܝ̈ܘܐ ܒܢ̈ܝܗܘܿܢ ܥܡ ܚܝܘ̈ܬܐ ܕܒܿܚܝܼܢ ܗܘܘ. ܘܢܟܼܣܗܝܗܘܿܢ ܠܗܘܿܢ ܡܩܿܪܒܝܼܢ ܗܼܘܘ. ܢܕܡܟ ܒܒܗܼܬܬܢ ܘܢܟܼܣܼ̈ܝܢ ܟܠܢ ܗܿܠܝܢ ܚܦܼܪܢ ܗ̄ ܢܕܿܡܟ ܒܒܿܒܝܠ ܒܒܗܼܬܬܢ ܘܢܟܼܣ̈ܝܢ ܠܢ ܗܿܠܝܢ ܫܒܥܝܼܢ ܫܢ̈ܝܼܢ ܕܚܼܦܪܢ ܗ̄ ܕܒܗܼܬܬܢ܆ ܨܚܚܐ ܕܐܪܒܥܐ ܫܪܓܐ ܗ̄ ܢܡܘܿܣܐ ܢܼܘܗܪܐ ܕܝܼܕܥܬܐ. ܥܠ ܟܘܼܒ̈ܐ ܗ̄ ܥܠ ܦܬܟܪ̈ܐ ܕܕܡܝܢ ܠܟܘܼ̈ܒܐ ܡܟܝ̈ܢܐ. ܩܼܪܘ ܫܝܼܦܘܪܐ ܗ̄ ܠܡܼܬܛܝܒܘܼ ܠܩܪܒܐ. ܐܬܟܒܼܢܘ ܣܩܼ̈ܐ ܗ̄ ܟܒܪ ܬܒܼܛܠܝ ܒܝܼܫܬܐ. ܐܝܟ ܥܢܼܢܐ ܢܣܼܩ ܗ̄ ܒܒܿܠܝܐ. ܡ̈ܥܝ ܡ̈ܥܼܝ ܟܝܒܝܼܢ ܗ̄ ܟܕ ܚܙܝܿܬ ܠܒܒܠ̈ܝܐ ܕܥܠܼܘ ܠܐܪܥܐ. ܬܘܼܒ ܒܝܕ ܠܒܼܐ ܘܡܥ̈ܝܼܐ ܘܬܐܠ̈ܘܬܐ ܠܡܠ̈ܟܐ ܘܠܚܝܠ̈ܘܬܐ ܕܝܼܣܪܐܝܠ ܡܫܿܘܕܥ ܕܡܿܕܒܪܝܼܢ ܠܝܼܣܪܐܝܠ ܐܟܡܼܐ ܕܗܿܠܝܢ ܐܚܝܼܕܝܼܢ ܠܦܓܪ̈ܐ ܘܡܕܿܒܪܝܼܢ. ܡ̈ܥܼܝ ܡ̈ܥܼܝ ܗ̄ ܥܠ ܕܡܫܼܬܒܝܢ ܒܟܐܒ ܡܥ̈ܝܐ. ܬܠ̈ܘܬܗ ܕܟܿܝܒܝܼܢ ܥܠ ܟܪ̈ܟܐ ܪܡܿܙ. ܗ̄ ܥܠ ܪܘܪ̈ܒܢܐ ܥܡܐ. ܬܒܪܐ ܥܠ ܬܒܪܐ ܗ̄ ܫܡܘܿܥܬܐ ܡܫܼܟ̈ܢܝ ܘܝܪ̈ܝܼܥܬܝ ܗ̄ ܚܣ̈ܢܼܐ ܘܬܡܕܝܼ̈ܢܬܐ. ܘܟܪܡܠܐ ܠܐܘܿܪܫܠܡ ܩܿܪܐ. ܠܣܪܝܼܩܘܼܬܐ ܡܨܛܒܼܬܐ ܐܢܬܝ ܗ̄ ܝܬܝܼܪ ܡܼܢ ܚܝ̈ܝܟܝ ܘܠܘܿܬܟܝ ܗܼܘ ܓܿܒܐ ܠܗܘܿܢܐܬܟܼܪܟܘ ܒܫܘܼ̈ܩܐ ܗ̄ ܡܣ̈ܟܼܢܐ pb. 284 ܘܗܿܢܘܿܢ ܕܒܗܘܿܢ ܝܿܬܒܝܼܢ܆ ܨܚܚܐ ܕܗ̄ ܘܒܥܼܘ ܒܦܠ̈ܛܘܬܗܿ ܗ̄ ܒܥܬܝܼܪ̈ܬܐ ܐܢܫ ܕܥܿܒܕ ܕܝܼܢܐ ܐܘܿ ܒܡܣܼ̈ܟܢܐ ܕܒܢܼܐ ܗܝ̄ܡ ܐ݀ܦܠܐ ܚܕ. ܬܒܪ ܢܝܼܪܐ ܦܣܼܩ ܚܙܩ̈ܐ ܗ̄ ܥܿܬܝܼܪ̈ܐ ܘܡܣܼ̈ܟܢܐ. ܪܘܼܚܐ ܕܡܠܝܐ ܡܼܢ ܗܿܠܝܢ ܬܐܼܬܐ ܠܝܼ ܗ̄ ܗܘܼ ܢܒܝܐ ܐܡܿܪ. ܕܐܢܿܐ ܪܘܼܚܐ ܕܡܼܢ ܐܠܗܐ ܫܪܝܼܪܐ ܩܒܿܠܬ ܗ݀ܘ ܕܐܝܼܬ̄ܘ ܡܠܼܝܐ ܘܡܫܡܼܠܝܐ ܒܡܘܗ̈ܒܬܗ. ܢܬܼܒܪ ܐܢܘܢܿ ܐܪܝܥܐ ܗ̄ ܠܒܒ̈ܠܝܐ܇ ܕܐܒ̈ܝ ܪܡܫܐ ܗ̄ ܚܝܠ̈ܘܬܗ. ܢܗܼܘܘܿܢ ܠܥܠܥܠܐ ܗ̄ ܠܝܿܛܝܼܢ ܗܼܘܘ ܠܢܒ̈ܝܐ ܫܪܝܼܪ̈ܐ ܕܢܫܼܬܩܠܘܢܼ ܐܝܟ ܕܒܥܠܥܠܐ ܘܢܐܼܒܕܘܢܼ ܐܝܟ ܗ݀ܝ ܕܣܼܩ ܩܪܚܐ. ܘܒܩܪ̈ܚܝܢ ܕܠܚ ܐܢܘܢܿ. ܥܡܐ ܡܼܢ ܪܘܼܚܩܐ ܗ̄ܒܒܠ̈ܝܐ. ܥܫܝܼܢܐ ܗ̄ ܬܩܝܼܦܐ. ܕܡܼܢ ܝܘܡ̈ܝ ܢܡܪܘܿܕ ܡܬܼܝܒܠܐ ܡܠܟܘܼܬܗܘܢ. ܐܝܟ ܝܡܐ ܕܡܬܟܬܫ ܗ̄ ܕܡܫܼܬܓܫ ܒܓ̈ܠܠܘܗܝ. ܐܝܟ ܩܠܘܿܒܝܐ ܕܡܿܠܐܼ ܦܪ̈ܚܬܐ ܗ̄ ܐܝܟ ܦܪܚܬܐ ܕܨܝܕܐ ܚܒܪܬܗܿ ܗܿܟܢܐ ܒܬܝ̈ܗܘܿܢ ܡܿܠܝܢܼ ܢܟܼܠܐ ܠܢܦܫ̈ܬܐ ܕܥܐܠ̈ܢ ܠܗܘܿܢ ܨܚܚܐ ܕܘ̄ ܒܝܬ ܟܪܡ ܗ̄ ܡܕܝܼܢܬܐ ܕܝܘܼ̈ܕܝܐ ܐܝܼܬܝܗܿ. ܩܘܼܡ ܢ݀ܣܒ ܒܛܗܪܐ ܗ̄ ܥܠ ܓܠܝܘܼܬܗ ܘܦܫܝܩܘܼ̄ܗ ܕܣܘܼܥܪܢܐ. ܢ݀ܣܩ ܥܠܝܗܿ ܒܠܠܝܐ ܗ̄ ܥܠ ܙܒܢܼܐ ܕܒܗ ܡܬܬܼܚܕܐ ܐܡܿܪ. ܟܢܫܼܬ݀ ܒܝܼܫܬܗܿ ܐܝܟ ܕܟܿܢܫ ܓܘܼܒܐ ܡܘ̈ܗܝ ܗ̄ ܡ̈ܝܐ ܕܐܬܿܝܢ ܠܗ ܡܼܢ ܓܒ̈ܝܼܢ. ܠܡܿܢ ܐܡܿܪ ܘܐܣܿܗܕ ܗ̄ ܡܛ݀ܠ ܕܟܿܠܗܘܿܢ ܢܟܘܼܠ̈ܬܢܝܼܢ. ܕܘܬ̈ܩܐ ܗ̄ ܢܒ̈ܝܐ. ܩ݀ܠ ܫܝܼܦܘܪܐ ܗ̄ ܩܿܠܐ ܕܡ̈ܠܝܗܘܿܢ. ܫܡܼܥܘ ܥܡ̈ܡܼܐ ܗ̄ ܠܚܢ̈ܦܼܐ ܩܿܪܐ ܡܛ݀ܠ ܕܫܒܼ̈ܛܐ ܫܒܿܝܢܼ ܗܼܘܘ܆ ܕܥܝ ܥܕܬܐ ܕܒܗܘܿܢ ܗ̄ ܠܗܿܕܐ ܡܿܐܪܙ. ܠܐ ܒܣܡܼܘ ܠܝܼ ܗ̄ ܠܐ ܨܒܝܿܬ ܒܗܘܿܢ. ܐܝܟ ܢܚܿܫܐ ܘܦܪܙܠܐ ܗ̄ ܒܟܿܠܗܘܿܢ ܥܒܕܿܝ̈ܗܘܿܢ. ܢܟܠܐ ܚܿܠܛܝܼܢ ܘܕܡܿܝܢ ܠܢܚܿܫܐ ܘܦܪܙܠܐ (ܗ̄ ܒܟܿܠܗܘܿܢ) ܕܡܐ ܕܐܬܚܼܒܠܘ ܒܓܘ ܢܘܼܪܐ ܠܐ ܡܬܼܕܟܝܢ ܘܡܼܢ ܚܕ̈ܕܐ ܠܐ ܡܬܼܦܪܫܝܼܢ. ܐܝܟ ܪ̈ܟܫܐ ܐܘܼܫ̈ܢܐ ܥܿܗܪ̈ܐ ܗ̄ ܡܼܢ ܡܢܿܬܐ ܕܪ̈ܟܫܐ ܕܐܡܿܪ ܕܠܘ ܠܕܒܢ̈ܢܫܐ ܕܡܿܝܐ ܗܘܼܬ ܫܘܬܦܘܼܬܗܘܿܢ ܐܠܐ ܠܕܚܝ̈ܘܬܐ ܦܩܪ̈ܬܐ ܘܡܫܝܼܚ̈ܢܬ ܒܪܓܼܬܐ܆ ܨܚܚܐ ܕܙܙ ܗܝܟܠܗ ܕܡܪܝܐ ܗ̄ ܠܐ ܬܣܼܒܪܘܢ ܕܟܕ ܐܝܼܬܝܟܘܿܢ ܒܝܼ̈ܫܐ ܒܥܠܼܬܐ ܕܗܝܟܠܐ ܬܬܦܼܨܘܢ ܡܼܢ ܫܒܼܝܐ ܐܠܐ ܒܥܒܿܕ̈ܐ ܛܒ̈ܐ ܗܿܘܐ ܒܪܢܫܐ ܗܝܟܠܐ ܕܐܠܗܐ. ܠܡܥܼܒܕ ܙܘܼܬܪ̈ܐ ܐܝܼܬܝܗܘܿܢ ܐܝܟ ܠܒܘ̈ܬܐ ܘܡܬܼܥܒܕܝܼܢ ܡܼܢ ܣܡܝܼܕܐ ܕܦܝܼܠ ܒܡܫܼܚܐ ܘܕܒܫܼܐ. ܐܟܼܠܘ ܒܣܼܪܐ ܗ̄ ܕܕܒܚܼܐ ܕܫܐܕ̈ܐ ܐܘܿ ܟܿܠ ܒܣܼܪܐ ܕܠܐ ܦܩܝܼܕ. ܠܐ ܦܩܕܿܬ ܐܢܘܢܿ ܒܝܘܡܐ ܕܐܣܩܿܬ ܗ̄ ܡܚܿܘܐ ܕܠܘ ܡܛ݀ܠ ܕܚܿܫܚܝܼܢ ܠܗ ܕܒܚܼ̈ܐ ܒܥܼܐ ܐܢܘܢܿ ܐܠܐ ܕܒܥܼܠܬܗܘܢ ܢܩܼܪܒ ܐܢܘܢܿ ܠܘܿܬܗ. ܓܘܿܙܝ ܣܥܪܟܝ ܗ̄ ܐܘܿܪܫܠܡ. ܕܪܐ ܥܒܘܿܪܐ ܩܿܪܐ ܠܗܘܿܢ ܡܛ݀ܠ ܕܟܿܠܗܘܿܢ ܒܫܒܼܝܐ ܥܒܿܪܝܼܢ ܡܼܢ ܐܬܪܗܘܿܢ ܐܘܿ ܒܡܿܘܬܐ: ܨܚܚܐ ܕܚ̄ ܘܢܦܼܩܘܢܼ ܓܪ̈ܡܐ ܕܡ̈ܠܟܐ ܗ̄ ܡܛ݀ܠ ܚܒܿܠܗܘܿܢ ܕܡܼܢ ܒܥܠܒܒ̈ܐ ܘܡܛ݀ܠ ܣܝܼ̈ܡܬܗܘܢܿ ܡܣܼܬܪ̈ܬܐ ܘܡܛܫ̈ܝܬܐ ܚܘܼܪܒܐ ܐܝܼܬܝܗܿ ܦܠܪܓܐ ܘܐܦ ܝܓܠܐ ܡܬܼܩܪܝܐ ܘܕ݀ܡܝܐ ܠܣܪܟܝܐ. ܝܿܕܥ ܙܒܢܼܐ ܗ̄ ܡܦܣܐ pb. 285 ܒܘܼܥܪ̈ܐ ܕܐܝܼܬ ܠܗܿ ܟܝܿܢܐܝܼܬ ܕܐܡܼܬܝ ܡܿܫܢܝܐ ܡܼܢ ܐܬܪܐ ܠܐܬܪܐ ܬܥܒܼܕܝ ܒܢ̈ܝܐ. ܐܦ ܣܢܘܼܢܝܼܬܐ ܘܟܘܼܪܟܡܝܐ ܗ̄ ܝܿܕܥܝܼܢ ܙܒܢܼܐ ܕܐܡܼܬܝ ܐܬܿܝܢ ܠܘܿܬܢ ܘܐܡܼܬܝ ܡܫܿܢܝܢ. ܠܝܬ ܥܢܒܼ̈ܐ ܒܓܼܦܬܐ ܗ̄ ܠܗܘܿܢ ܡܿܬܠ ܒܐܝܼܠ̈ܢܐ ܕܐܬܢܟܼܪܝܼܘ ܠܦܐܪ̈ܐ ܛܒ̈ܐ ܐܠܐ ܥܒܼܕܘ ܚܪ̈ܘܼܒܐ ܘܐܬܓܼܙܝܼܘ ܡܼܢ ܛܒ̈ܬܐ. ܝܗܒܿܬ ܠܗܘܿܢ ܘܥܒܼܪ ܐܢܝܢ ܗ̄ ܥܠ̈ܠܬܐ ܛܒ̈ܬܐ ܕܗܼܘ̈ܝ ܠܗܘܿܢ. ܘܡܛ݀ܠ ܒܝܼܫ̈ܬܗܘܿܢ ܥܒܼܪ̈ܝ ܥܡܼܗܘܿܢ܀ ܨܚܚܐ ܕܛ ܫܥܘܼܬܐ ܠܝܬ ܒܓܠܥܕ ܗ̄ ܛܘܪܐ ܗܿܘ ܓܠܥܕ ܕܒܐܬܪܗܘܿܢ. ܘܣܡܼܡܼܢܐ ܠܟܐܒ̈ܐ ܫܟܝܼܚܝܼܢ ܒܗ ܘܗܿܘܝܢ ܒܗ ܪ̈ܗܼܛܢܐ ܘܨܪܘܐ ܐܝܟ ܗܿܝ ܕܣܩܝ ܠܓܠܥܕ ܘܣܒܝ ܪ̈ܗܛܢܐ ܗ̄ ܡܼܢ ܗܿܝ ܕܠܗܘܿܢ ܝܼܕܝܼܥܐ ܗ̄ ܩܐܪܘܼܬܐ ܗܿܝ ܕܡܫܼܟܚܘ ܠܡܼܪܟܟܘܼ ܒܝܕ ܥܨ̈ܒܐ ܠܟܐܒ̈ܐ ܩܫܼ̈ܝܐ. ܗ݀ܕܐ ܐܡܪ ܕܡܪܚܼܡܢܘܼܬܐ ܕܢܒܝܘܼܬܐ ܕܥܿܨܒܐ ܠܗܘܿܢ ܠܐ ܩܪܝܼܒܐ. ܐܘܿ ܐܠܗܐ ܕܐܝܼܬܘܗܝ ܐܣܿܝܐ ܕܒܢܝ̈ܫܢܐ ܠܐ ܫܒܝܼܚܐ ܗܼܘܐ ܕܢܐܼܣܐ ܐܢܘܿܢ. ܬܘܼܒ ܫܥܘܼܬܐ ܟܗ̈ܢܐ. ܡܼܢ ܕܢ ܐܫܼܬܡܥ ܗ̄ ܐܘܼܪܚܐ ܕܐܙܿܠܝܼܢ ܗܼܘܘ ܒܗܿ ܕܢܣܓܼܕܘܢ ܠܥܓܠܐ ܒܗܿ ܐܬܼܐ ܠܗܘܿܢ ܛܒܼܐ ܕܒܿܒܠܝܐ ܚܘ̈ܘܬܐ ܠܒܒܠ̈ܝܐ ܩܿܪܐ. ܒܠܝܿܬ ܒܥܩܿܬܝ ܗ̄ ܐܡܿܪ ܥܡܐ ܕܐܫܼܬܒܝܼ܆ ܡܼܢ ܒܝܼܫܬܐ ܠܒܝܼܫܬܐ ܢܦܩܼܘ ܗ̄ ܕܥܕ ܦ݀ܠܛܝܼܢ ܡܼܢ ܒܝܼܫܬܐ ܕܡܨܪܝ̈ܝܐ ܡܢܥܬ݀ ܗܿܝ ܕܒܿܒܝܠ. ܟ݀ܠ ܐܚܡܟܠ܇ ܗ̄ ܐܝܟ ܓܐܪܐ ܫܢܝܼܢܐ ܐܝܼܬܘܗܝ ܠܫܼܢܗܘܿܢ ܥܠ ܚܕ̈ܕܐ. ܘܡܫܼܟܢܝ ܐܬܒܼܙܙ ܗ̄ ܐܘܿܪܫܠܡ. ܛܘܼ̈ܢܒܐ ܗ̄ ܡܕܝܼ̈ܢܬܐ ܕܚܕܪ̈ܝܗܿ. ܗܿܢܘ ܟܐܒܝ ܗ̄ ܥܠ ܟܦܢܐ ܕܩܼܕܡ ܠܫܒܼܝܐ. ܩܨܝܼ̈ܨܝ ܦܐܬܐܗ̄ ܗܿܢܘܢܿ ܕܡܣܦܪܝܼܢ ܫܘܼܡܿܬܗܘܿܢ. ܨ̄ ܕܝ ܐܬܘ̈ܬܐ ܕܫܡܿܝܐ ܗ̄ ܟܘ̈ܟܒܐ ܢܗܝܼܪ̈ܐ. ܩܦ̈ܠܘܼܛܐ ܗ̄ ܨܨ̈ܐ ܓܠܝܼ̈ܠܝ ܪܝܼܫܐ. ܠܩܿܠܐ ܕܓܙܝܼܪܬܐ ܪܒܬܼܐ ܗ̄ ܐ݀ܦܢ ܡܬܼܩܪ̈ܝܢ ܐܣ̈ܐ ܓܙܝܼܪ̈ܬܐ ܐܠܐ ܗܿܪܟܐ ܥܠ ܟܫܝ̈ܬܐ ܕܩܝ̈ܣܐ ܐܡܿܪ ܕܡܬܓܙܪܝܢ ܒܦܪܙܠܐ ܨ܆ ܕܝܐ ܥܒܼܕܬ ܛܢܦܘܼܬܐ ܗ̄ ܨܠܡܐ ܕܥܒܼܕ ܡܢܫܐ. ܘܒܣܼܪ ܩܘܼ̄ܕ ܢܥܼܒܪܘܢ ܗ̄ ܕܠܐ ܙܠܿܚܝܼܢ ܡܼܢ ܕܡܗ ܥܠ ܡܕܒܚܐ. ܢܚܒܠ ܩܝܣܐ ܒܠܚܡܗ ܗ̄ ܩܝܣܐ ܠܩܢܘܿܡܗ ܩܿܪܐ ܘܦܐܪܗ ܕܩܝܣܐ ܕܐܝܼܬܘܗܝ ܠܚܡܗ ܠܡܼ̈ܠܐ ܕܢܒܝܘܼܬܐ ܘܐܡܿܪ ܕܓܡܝܼܪܐܝܼܬ ܢܚܿܒܠܼ ܠܢܒܝܐ ܘܠܡܼ̈ܠܘܗܝ. ܫ݀ܠܡܐ ܥܠ ܡܪܢ ܕܚܒܠܼܘ ܝܘܼܕ̈ܝܐ ܩܝܣܐ ܒܙܩܝܼܦܗ. ܒܪܡ ܕܝܢ ܡܡܿܠܠ ܐܢܼܐ ܥܡܟ ܗ̄ ܠܡܐܼܠܦ ܨܿܒܐ ܐܢܼܐ. ܐܝܟ ܕܒܥܨܝܢܐ ܡܫܿܐܠ ܐܢܼܐ ܨ ܕܝܒ ܕܟܗܝܼܢܝܼܢ ܫܩܪ̈ܐ ܗ̄ ܡܪ̈ܚܐ. ܢܨܒܬ݀ ܐܢܘܿܢ ܗ̄ ܢܨܒܼܬܐ ܡܼܢ ܐܒܪܡ. ܐܝܿܟܘ ܓܙܪܐ ܕܐܬܝܼܗܒ ܠܟܝ ܗ̄ ܕܒܝܘ̈ܡܝ ܕܘܝܼܕ ܗܿܘܐ ܗܼܘܐ ܐ̈ܠܦ ܐ̈ܠܦܝܼܢ ܕܗܿܐ ܓܡܼܪܘ ܘܐܘܦܝܼܘ ܠܗ. ܣܘܼܕܪܐ ܕܟܬܼܢܐ܆ ܨ ܕܓ̄ ܘܒܡ̈ܝܐ ܠܐ ܬܼܨܒܥܝܼܘܗܝ ܗ̄ ܠܥܡܐ ܕܐܥܬܼܩܘ ܘܒܠܝܼܘ ܐܬܚܒܼܠܘ ܨܿܐܪ ܗܼܘܐ ܐܬܓܠܓܠܘ ܫܦܘܼܠ̈ܝܟܝ ܗ̄ ܐܬܓܠܝܼܘ ܘܐܬܩܦܼܘ̄ ܒܫܼܒܝܐ ܥܠ ܕܪܗܛܬ݀ ܥܩܒܼܗܿ ܒܿܬܪ ܦܬܟܪ̈ܐ. ܢܬܡܼܠܐ ܚܡܪܐ ܗ̄ ܪܘܝܘܬܐ ܕܡܼܢ ܚܫܐ ܕܐܬܿܐ ܥܠܝܗܘܿܢ܆ ܥܕܠܐ ܢܚܼܫܟ ܗ̄ ܚܫܘܼܟܐ ܠܥܩܿܬܐ ܩܿܪܐ. ܐܝܟ pb. 286 ܕܠܐ ܡܫܼܟܚ ܗܢܕܘܝܐ: ܕܢܫܼܚܠܦ ܗ̄ ܥܠ ܥܣܼܩܘܼܬܐ ܕܨܒܝܿܢܗܘܿܢ ܕܡܼܢ ܒܝܼܫܘܼܬܐ ܠܛܒܿܬܐ ܢܐܼܬܘܢܼ ܐܡܼܪ ܗܿܕܐ܆ ܘܙܢܝܘܼܬܐ ܕܙܢܝܘܼܬܟܝ ܗ̄ ܦܬܟܪ̈ܐ ܘܕܡܼ̈ܘܬܐ ܕܒܒܝܬ ܣܓܕ̈ܬܐ ܣܝܼܡܝܼܢ ܗܼܘܘ. ܘܿܝ ܠܟܝ ܐܘܿܪܫܠܡ܀ ܠܐ ܬܬܼܕܟܝ ܗ̄ ܐܠܐ ܐܬܕܟܝܼܬܝ܆ ܨܚܚܐ ܕܝܕ̄ ܘܨܘܼܚܝܼܬܗܿ ܗ̄ ܩ݀ܠܐ ܪܡܐ ܕܒܝܕ ܚܫ̈ܐ ܡܬܼܬܙܥܩ. ܣܩܼܬܝ ܪܘܼܚܐ ܐܝܟ ܝܪܘܪܐ ܗ̄ ܢ݀ܬܦ ܣܘܦܐ ܕܐܐܪ ܕܠܐ ܗܢܝܿܢ ܡܛ݀ܠ ܝܒܝܼܫܘܼܬܐ ܕܡܘܩܕܐ ܠܗ. ܡܬܐܡܪܐ ܥܠ ܚܝܘܼܬܐ ܗܿܕܐ ܕܐܡܼܬܝ ܕܢܡܘܼܬ ܚܕ ܡܼܢ ܒܢ̈ܝܗܿ ܠܐ ܡܬܒܝܐܐ ܥܕܡܐ ܕܡܿܝܬܐ ܐܦ ܗܼܝ ܨ ܕܝܗ ܐܢ ܢܩܘܼܡ ܡܘܿܫܐ ܘܫܡܘܿܐܝܠ ܠܡܒܼܥܐ ܗ̄ ܨܠܝܼ ܐܪܡܝܐ ܥܠ ܡܛܪܝܐ ܘܠܐ ܐܫܬܼܡܼܥ ܘܒܝܐܼܗ ܘܐܡܼܪ ܠܗ ܕܐܢ ܡܫܼܬ̈ܡܥܢܐ ܠܐ ܐܫܼܬܡܥܘ ܐܦܠܐ ܬܼܟܪܐ ܠܟ. ܚܕ ܨܠܝܼ ܒܡܕܒܪܐ ܘܐܚܪܢܐ ܒܐܪܥ ܡܘܼܠܟܢܐ. ܥܠ ܒܝܼܫܘܼܬܐ ܕܝܘܼ̈ܕܝܐ ܐܘܕܥ ܒܕܠܐ ܐܬܥܼܢܝܼ.. ܐܠܬ݀ ܝܠܕܬ݀ ܫܒܥܐ ܗ̄ ܒܟܼܬ݀ ܠܐܝܐ ܕܝܠܕܬ݀ ܫܒܼܥܐ ܠܝܥܩܘܿܒ ܕܐܫܼܬܒܝܼܘ. ܪܘܼܒܝܠ ܘܫܡܥܘܢܿ ܘܐܝܼܣܟܪ ܘܐܦܪܝܡ ܡܼܢ ܫܿܡܪܝܼܢ. ܥܪܒܬ݀ ܫܡܼܫܗܿ ܗ̄ ܠܚܝ̈ܝܗܘܿܢ ܩܿܪܐ ܫܡܼܫܐ ܗܿܢܐ ܕܐܦܿܠܐ ܠܡܫܼܫܐ ܡܿܨܝܢܼ ܗܼܘܘ ܕܢܚܼܙܘܢܼ. ܒܦܠܓܘܼܬ ܝܘܡ̈ܝܗܿ ܗ̄ ܥܠ ܕܒܣܝܦܐ ܡܝܼܬܘ ܘܠܘ ܒܡܿܘܬܐ ܟܝܿܢܐ. ܘܫܪܟܒܗܘܿܢ ܠܚܪܬܐ ܐܫܠܼܡ ܗ̄ ܠܝܼܗܘܼܕܐ ܘܐ̈ܠܘܝܐ. ܘܟܿܠܗܘܿܢ ܡܿܨܚܝܢ ܠܝܼ ܗ̄ ܕܟܿܠܗܘܿܢ ܡܛ݀ܠ ܢܒܝܘܼܬܝ ܩܫܝܼܬܐ ܕܥܠܝܗܘܿܢ ܡܨܿܚܝܢ ܠܝܼ. ܡܒܼܙܚ̈ܢܐ ܗ̄ ܗܿܢܘܿܢ ܕܡܿܡܝܩܝܼܢ ܗܼܘܘ ܒܢܒܝܘܼܬܗ. ܡܛ݀ܠ ܕܪܘܓܙܐ ܡܠܝܬܼܢܝ ܗ̄ ܐܝܟ ܗܿܝ ܕܡܿܢ ܕܡܘܣܿܦ ܝܼܕܥܬܐ ܡܘܣܿܦ ܟܐܒܐ. ܠܡܿܢܐ ܗܼܘܐ ܟܐܒܝ ܥܫܝܼܢ ܘܡܚܘܼܬܝ ܗ̄ ܟܐܒܐ ܕܬܪܥܝܼܬܗ ܕܢܒܝܐ ܐܝܼܬܘܗܝ ܗܼܘܐ ܗܿܝ ܕܠܐ ܥܕܟܝܼܠ ܚܙܼܐ ܗܼܘܐ ܡܦܩܢܐ ܕܡܼ̈ܠܐ ܕܢܒܝܘܼܬܗ ܘܟܕ ܡܬܡܝܩ ܗܼܘܐ ܡܼܢ ܗ݀ܘ ܥܡܐ ܠܐ ܫܪܝܼܪܐ. ܡܬܼܬܥܝܼܩ ܗܼܘܐ ܘܗܘܝܿܬ ܠܝܼ ܐܝܟ ܡ̈ܝܐ ܟܕ̈ܒܐ ܗ ܡ̈ܝܐ ܕܒܘܼܚܪܢܐ ܕܒܪܫܝܼܥܘܼܬܐ ܕܟܗ̈ܢܐ ܐܬܓܕܠܼܘ ܘܒܝܬ ܕܐܣܼܟܠܘ ܠܕܠܐ ܐܣܼܟܠܘ ܠܐ ܦܿܪܫܝܼܢ ܗܼܘܘ ܬܘܼܒ ܐܟܙܼܢܐ ܕܡ̈ܝܐ ܕܩ̈ܒܝܬܐ ܡܼܢ ܡܛܪܐ ܗܿܘܝܢ ܩܠܝܼܠ ܙܒܢܼܐ ܘܒܿܬܪܟܢ ܡܬܟܕܒܝܼܢ ܠܕܐܝܟ ܗܿܠܝܢ ܩܿܪܐ ܐܦ ܢܘܼܟܪ̈ܝܐ. ܐܢ ܬܬܼܘܼܒ ܐ݀ܦܢܝܟ ܘܩܕܡܝ ܬܩܘܼܡܝܗܿ ܥܠ ܒܪܘܿܝܟ ܘܥܒܼܕ ܐܡܠܼܟ ܕܐܬܬܠܼܡܕ ܠܗ ܐܡܝܼܪܐ. ܝܩܝܼܪܐ ܡܼܢ ܙܠܝܼܠܐ ܐܝܟ ܦܘܼܡܝ ܬܗܼܘܐ ܗ̄ ܐܝܟ ܦܘܼܡܐ ܕܡܪܝܐ ܕܐܠܦܼ ܬܝܿܒܘܼܬܐ ܠܒܢܝ̈ܢܫܐ. ܗܿܝ ܕܡܬܼܦܩܕ ܢܒܝܐ ܕܠܐ ܢܣܼܒ ܐܢܬܬܐ. ܕܡܿܝܐ ܕܐܝܼܬ ܗܼܘܐ ܠܗ܆ ܨܒܝܿܢܐ ܠܗܿܢܐ ܣܘܼܥܪܢܐ. ܗܿܐ ܐܢܿܐ ܡܫܿܕܪ ܐܢܼܐ ܨܝ̈ܕܐ ܗ̄ ܢܒ̈ܝܐ ܘܫܠ̈ܝܼܚܐ ܕܨܕܘ ܘܐܘܒܼܕܘ ܠܫܐܕܗܐ ܡܪ̈ܘܕܐ ܡܼܢ ܟܿܠ ܛܘܼܪ̈ܐ ܘܪ̈ܡܬܐ ܕܥܠܝܗܘܿܢ ܡܼܣܬܓܕܝܼܢ ܗܼܘܘ ܒܝܕ ܨܠ̈ܡܐ. ܚܛܝܼܬܗ ܕܝܼܗܘܼܕܐ ܟܬܝܼܒܐ ܒܩܢܝܐ ܗ̄ ܕܗܿܢܐ ܟܿܠܗ ܠܒܝܼܫܐ ܠܗܘܿܢ ܚܛܝܼܬ ܘܩܒܝܼܥܐ ܘܠܐ ܡܬܼܠܚܝܐ ܡܼܢ ܠܒܼܗܘܿܢ ܒܕܡܘܼܬ ܐܬܘ̈ܬܐ ܗܿܠܝܢ. ܕܒܠܩܢܝܐ ܕܦܙܠܐ ܓܠ̈ܝܼܦܢ. ܛܦܪܐ ܕܫܡܝܼܪܐ ܗ̄ ܟܐܦܐ. ܘܥܠ ܝܘܼܕܐ ܡܫܠܡܢܐ ܫܠ̈ܡܢ ܕܐܫܠܼܡ ܪܒܗ ܘܟܬܝܼܒܐ ܚܛܝܼܬܗ ܘܠܐ pb. 287 ܡܬܼܠܚܝܐ ܡܼܢ ܠܒܼܗܘܿܢ ܒܕܡܘܼܬ ܐܬܘ̈ܬܐ ܗܿܠܝܢ ܕܒܩܢܝܐ ܕܦܪܙܠܐ ܓܠ̈ܝܼܦܢ. ܛܦܼܪܐ ܕܫܡܝܼܪܐ ܗ̄ ܟܐܦܐ. ܘܥܠ ܝܘܼܕܐ ܡܫܠܡܢܐ ܫܠ̈ܡܢ ܕܐܫܼܠܡ ܪܒܗ ܘܟܬܝܼܒܐ ܚܛܝܼܬܗ ܘܠܐ ܡܬܼܠܚܝܐ. ܢܫܼܐ ܒܚܘܼ̈ܠܢܐ ܒܡܕܒܪܐ ܗ̄ ܠܐܟܿܠܩܪܨܐ ܡܿܬܠ ܒܗܿܕܐ ܕܐܬܪܕܦܼ ܒܝܕ ܨܝ̈ܕܐ ܫܠ̈ܝܼܚܐ ܡܼܢ ܢܦܼܫ̈ܬܐ ܕܡ̄ܗܼ̈ܝܡ ܘܐܙܼܠ ܫܪܼܐ ܒܚܘ̈ܠܢܐ ܒܐܪܥܐ ܡܠܝܼܬܐ ܕܠܐ ܡܘܥܝܐ. ܡܪܝܐ ܚܝܠܝ ܘܡܥܕܪܢܝ ܗ̄ ܐܦܿܠܢ ܐܪܙܗܿ ܒܦܘܼܢܝܐ ܕܡܼܢ ܒܒܝܠ ܐܫܼܬܡܫ ܐܠܐ ܫܪܪܗ ܒܝܕ ܡܪܢ ܐܣܬܼܥܪ. ܥܫܝܼܢ ܠܒܼܐ ܡܼܢ ܟܿܠ ܐܢܫܐ ܗ̄ ܕܐ݀ܦܢ ܥܡܝܼܩ ܗܼܘ ܒܪܢܫܐ ܒܚܘܼܫ̈ܒܘ̄ ܘܠܐ ܡܬܼܕܪ̈ܟܢ ܬܪ̈ܥܝܬܗ ܡܼܢ ܒܢܝܢ̈ܫܐ ܐܚܪ̈ܢܐ. ܠܘ ܗܿܟܢܐ ܐܦ ܡܼܢ ܕܝܼܠܝ ܡܿܪܕܐ ܬܪܥܝܼܬܗ. ܐܝܟ ܚܓܠܐ ܕܩܿܪܐ ܗ̄ ܐܟܙܼܢܐ ܕܩܩܒܢܐ ܕܓܿܢܒ ܒܝܼ̈ܥܐ ܡܼܢ ܩ̈ܢܐ ܕܚܓ̈ܠܐ ܘܐܚܪ̈ܢܐ ܝܿܬܒ ܥܠܝܗܝܢ ܘܝܿܠܕ. ܘܡܐ ܕܪܒܼܘ ܐܙܿܠ ܟ݀ܠ ܚܕ ܠܘܿܬ ܐܒ̄ܘܼ ܘܫܿܒܩܝܼܢ ܠܗ ܟܕ ܐ݀ܠܐ ܠܩܢܘܿܡܗ. ܗܿܟܢܐ ܗܿܘ ܒܒܿܠܝܐ ܕܩܢܼܐ ܥܘܼܬܪܐ ܕܠܐ ܒܕܝܼܢܐ. ܒܦܠܓܘܼܬ ܝܘܡ̈ܘܗܝ ܢܫܼܒܩܝܼܘܗܝ ܗ̄ ܟܕ ܫܢܼܐ ܢܒܘܟܕܢܨܪ ܘܢܦܼܩ ܠܕܒܪܐ. ܐܘܿ ܪܡܙ ܥܠ ܒܝܠܛܫܨܪ ܕܐܬܩܼܛܠ ܘܚܪܒܬ݀ ܡܠܟܘܼܬܗ. ܟܘܼܪܣܝܐ ܕܐܝܼܩܪܐ ܕܐܬܼܬܪܝܼܡ ܡܼܢ ܠܘܼܩܕܡ ܗ̄ ܐܡܿܪ ܥܠ ܒܘܼܛܠܐ ܕܡܠܟܘܼܬܗܘܿܢ. ܐܬܪܐ ܕܡܩܕܫܗ ܗ̄ ܠܐܬܪܐ ܘܠܡܕܝܼܢܬܐ ܕܒܗܿ ܒܿܢܐܼ ܗܝܟܠܐ ܐܡܿܪ. ܝܘܡܗ ܕܒܪܢܫܐ ܠܐ ܪܓܿܬ ܗ̄ ܚܠܘܿܠܗ. ܕܘܼܒܪܗ. ܪ̈ܓܝܓܬܗ. ܫܒܝܼ̈ܚܬܗ ܡܕܡ ܕܢܦܼܩ ܡܼܢ ܣܼܦ̈ܘܬܝ ܗ̄ ܢܒܝܘܼܬܐ ܨܠܘܿܬܐ ܕܥܠ ܥܡܗ. ܢܒܝܘܼܬܐ ܠܬܒܿܪܐ ܗ̄ ܠܩܼܛܠܐ. ܘܚܕ ܬܪܝܢ ܬܒܿܪܐ ܗ̄ ܠܒܝܼ̈ܫܐ ܕܣܝܼܡܝܼܢ ܥܠܝ ܠܡܩܼܛܠܢܝ ܨܚܚܐ ܕܝܚ̄܆ ܐܢ ܢܥܼܢܕ ܡܼܢ ܛܘܿܪ ܬܕ̈ܝܐ ܬܠܓܐ ܘܡܼܢ ܠܒܢܢ ܗ̄ ܕܠܐ ܥܿܢܕ ܡܢܼܗܘܿܢ ܬܠܓܐ ܐܡܿܪ ܡܛ݀ܠ ܕܥܕܠܐ ܦܫܪ ܩܕܡܝܐ ܢܚܿܬ ܥܠ̄ܘ ܐܚܪܢܐ ܘܩܿܪܐ ܠܗ ܛܘܼܪ ܬܕ̈ܝܐ ܡܛ݀ܠ ܕܒܕܡܘܼܬ ܬܪܝܢ ܬܕ̈ܝܐ ܢ݀ܦܩܝܼܢ ܡܢܼܗ ܡ̈ܝܐ. ܡ̈ܝܐ ܩܪܝܼܪ̈ܐ ܢܘܼܟܪ̈ܝܐ ܗ̄ ܚܕ̈ܬܐ ܕܠܐ ܐܚܼܡ ܐܢܘܿܢ. ܒܫܒ̈ܝܼܠܐ ܕܥܿܠܡ ܗ̄ ܡܼܢ ܙܒܢ ܡܘܿܫܐ ܐܬܓܼܙܪ ܥܠܝܗܘܿܢ ܫܒܼܝܐ: ܨܚܚܐ ܕܝܛ̄ ܒܓܒܘܓܐ ܕܦܚܪܐ ܘܬܒܘܼܪܝܗܝ ܗ̄ ܟ݀ܗܢܐ ܨܿܐܪ ܕܡܬܼܬܒܪܝܼܢ ܩܕܡ ܒܥܠܕܒ̈ܒܐ. ܒܓܒܘܿܓܐ ܕܡ̈ܝܐ ܕ݀ܡܐ ܠܐܦܘܿܠܐ ܕܬܪ̈ܬܝܢ ܐܕ̈ܢܬܐ. ܬܘܿ ܢ݀ܬܚܫܒ ܡܚܼܫܒܬܐ ܘܫܪܟܐ ܗ̄ ܕܐܢ ܡܫܼܬܒܩ ܐܪܡܝܐ ܠܡܬܼܢܒܝܘܼ ܡܬܼܬܦܝܼܣ ܠܗ ܥܡܐ ܘܡܐ ܕܗܝܡܼܢܘܼܗܝ ܡܬܼܒܨܪ ܐܝܼܩܪܐ ܕܗ̈ܢܐ ܢܡܘܿܣܐ ܘܐܦ ܗܼܘ ܢܡܘܿܣܐ ܡܬܒܼܛܠ ܠܗ ܗܿܘ ܕܡܿܠܐܼ ܡܘܼܠܟܢ ܛܒ̈ܬܐ ܠܥܿܠܡܐ܆ ܬܘܿ ܢ݀ܡܚܝܼܘܗܝ ܒܥܝܢܗ ܗ̄ ܢ݀ܩܛܠܝܼܘܗܝ ܘܠܐ ܢ݀ܫܡܥ ܩܿܠܐ ܕܡ̈ܠܼܘܗܝ ܐܬܦܼܪܥ ܒܝܼܫܬܐ ܚܠܼܦ ܛ݀ܒܬܐ ܗ̄ ܐܬܦܼܪܥ ܒܝܼܫܬܐ ܕܩܛܼܠܐ ܚܠܦܼ ܬܟܫܼܦܬܐ ܕܚܠܼܦܝܗܘܿܢ. ܠܐ ܦܫܚܘܿܪ ܩܿܪܐ ܗ̄ ܦܫܚܘܿܪ ܩܿܪܐ ܠܟܗܝܼܢܘܼܬܐ ܘܛܒ̈ܬܐ. ܐܠܐ ܬܘܬܒܐ ܘܚܕܘܪ̈ܐ ܗ̄ ܕܢ݀ܚܬ ܠܒܿܒܝܠ ܒܬܘܬܒܘܼܬܐ ܘܡܨܛܪܟ ܘܚܿܕܪ ܐܝܟ ܒܢ̈ܝ ܥܝܼܠܝܼ. ܫܕܠܼܬܢܝ ܡܪܝܐ ܘܐܫܬܕܿܠܬ ܗ̄ ܒܗ݀ܝ pb. 288 ܕܥܿܪܩ ܘܠܐ ܡܬܼܢܒܐ ܘܐܬܥܼܨܝܼ ܘܐܫܼܬܪܪ. ܙܟܼܝܬܢܝ ܗ̄ ܥܠ ܕܗܦܼܟ ܡܼܢܕܪܝܼܫ ܕܢܡܼܠܠ. ܢܦܫܼܗ ܕܡܣܼܟܢܐ ܗ̄ ܕܐܪܡܝܐ.. ܝܬܒܿܬ ܒܥܘܼܡܩܐ ܗ̄ ܩܿܪܐ ܠܗܿ ܗܿܟܢ ܡܛ݀ܠ ܛܘܼܪ̈ܐ ܕܟܪܝܼܟܝܼܢ ܗܼܘܘ ܠܗܿ. ܥܡܝܼܩܬ ܦܩܥܼܬܐ. ܡܛ݀ܠ ܕܥܬܝܼܕܐ ܗܼܘܬ݀ ܕܬܬܕܝܼܫܝ ܡܼܢ ܒܥܠܕܒ̈ܒܐ܆ ܠܐ ܬܒܼܟܘܢܿ ܥܠ ܡܝܼܬܐ ܗ̄ ܕܡܬܼܥܦܐ ܝܕܘܼ̈ܥܘܗܝ. ܐܠܐ ܥܠ ܕܐܙܿܠ ܘܠܐ ܗܿܦܟ ܗ̄ ܐܙܿܠ ܒܫܒܼܝܐ ܘܡܿܐܬ ܘܠܐ ܚܿܙܐ ܐܪܥܗ. ܫܿܠܘܿܡ ܗ̄ ܝܘܼܝܿܩܝܼܡ. ܩܒܘܼܪܬ݀ ܚܡܪܐ ܢܬܩܼܒܪ ܗ̄ ܕܠܒܪ ܡܼܢ ܬܪ̈ܥܝܗܿ ܕܐܘܿܪܫܠܡ ܐܫܼܬܕܝܼ. ܡܿܡܠܟ ܐܢܬ ܕܐܢܬ ܡܬܼܚܕܐ ܒܐܪ̈ܙܐ ܗ̄ ܕܠܥܿܠܡ ܪܢܝܼܬ ܕܡܡܠܟ ܐܢܬ ܕܗܿܐ ܡܬܼܚܬܪ ܐܢܬ ܒܐܪ̈ܙܐ. ܟܘܼܬܒܘܼܗܝ ܡܿܟܪܙܐ ܗ̄ ܡܣܠܝܐ ܕܠܐ ܡܘܠܕ ܒܢ̈ܝܐ ܘܡܨܠܚ. ܘܠܐ ܝܼܬܒ ܒܪܗ ܥܠ ܟܘܼܪܣܝܗ ܐܠܐ ܡܡܿܠܟ ܒܕܘܼܟܬܗ ܕܕܗ ܨܕܩܝܐ. ܘܓܠܥܕ ܐܢܬ ܗܼܘ ܪܝܼܫ ܠܒܼܢܢ ܗ̄ ܓܠܥܕ ܛܘܼܪܐ ܗܿܘ ܕܒܦܢܝܼܬܐ ܕܬܝܡܢܐ ܩܝܿܡܐ ܐܝܼܬܘܗܝ ܡܢܿܬܐ ܕܝܼܠܗܘܿܢ ܕܝܼܣܪ̈ܠܝܐ ܘܡܛܠܗܿܕܐ ܠܡܠܟܘܼܬܐ ܕܝܼܠܗܘܿܢ ܡܫܿܡܗ ܛܘܪ ܓܠܥܕ ܠܥܕܡܐ ܘܠܐܘܿܪܫܠܡ ܛܘܼܪܐ ܕܠܒܼܢܢ. ܐܒ̄ܘܼ ܐܟܼܠ ܘܐܫܼܬܝܼ ܗ̄ ܐܡܿܪ ܥܠ ܚܙܩܝܐ ܐܘܿ ܝܘܿܫܝܐ ܐܒܘܼܗܝ ܕܝܼܠܗ ܕܝܘܼܝܿܩܝܼܡ ܕܐܟܼܠ ܘܐܫܼܬܝܼ ܘܠܐ ܪܕܦ ܒ݀ܬܪ ܥܿܠܘܿܒܘܼܬܐ ܘܒܢܝܿܢܐ ܘܪܚܼܡܬ݀ ܟܣܼܦܐ ܐܠܐ ܒܡܫܘܼܚܬܐ ܐܬܼܕܒܼܪ. ܐܘܿ ܪ̈ܥܘܬܐ ܕܡܘܿܒܕܝܼܢ ܗ̄ ܐܘܿ ܡ̈ܠܟܐ ܡܒܿܕܪܝܼܢ ܥܢ̈ܐ ܕܡܪܥܝܼܬܝ ܘܐܟܿܢܫ ܥܝܢ̈ܝ ܗ̄ ܠܙܘܼܪܒܒܝܼܠ ܘܝܫܘܿܥ ܒܪ ܝܘܼܙܕܩ. ܘܐ݀ܩܝܼܡ ܠܕܘܝܼܕ ܨܡܼܚܐ ܗ̄ ܐܦܢ ܥܠ ܙܘܼܪܒܒܝܼܠ ܐܡܝܼܐ ܐܠܐ ܥܠ ܡܪܢ ܫܿܠܡܐ. ܠܘ ܓܝܪ ܙܘܼܪܒܒܝܠ ܐܬܩܼܪܝܼ ܙܕܩܢ ܐܘܟܝܼܬ ܡܢܿܬܢ ܘܝܪܬܘܼܬܢ ܐܠܐ ܡܪܢ ܡܿܢܘܼ ܩܡܼ ܒܐܪܙܗ ܕܡܪܝܐ ܗ̄ ܡܼܢ ܢܒ̈ܝܐ ܕܓ̈ܠܐ ܘܠܐ ܚܕ.. ܡܠܟܐ ܐܪܫܟܝܐ ܗ̄ ܫܡܐ ܗܿܢܐ ܥܠ ܪܒܘܼܬܐ ܘܟܗܝܼܢܘܼܬܐ ܡܿܘܕܥ ܘܐܟܘܿܬܗ ܗ݀ܘ ܕܕܝܪܐ ܕܐܬܢ ܘܓܦܼܬܐ ܕܣܒܡܐ ܥܠ ܣܘܓܐܐ ܕܛܒ̈ܬܐ ܪܗܡܙܢ. ܘܐܫܟܼܚ ܪ̈ܚܡܼܐ ܒܡܕܒܪܐ ܗ̄ ܥܡܐ ܕܒܝܬ ܝܼܣܪܐܝܠ ܕܐܫܬܼܒܝܼ ܘܐܝܼܬܘܗܝ ܒܒܿܒܝܠ ܘܒܿܐܬܘܪ ܘܐܝܟ ܕܒܡܕܒܪܐ ܚܣܝܼܪ ܡܼܢ ܟܿܠܗܝܢ ܛܒ̈ܬܐ ܐܫܟܼܚ ܪ̈ܚܡܼܐ ܡܼܢ ܐܠܗܐ܆ ܣܐܘܪܝܐ܀ ܐܫܟܿܚܬ ܪܼ̈ܡܐ ܗ̄ ܒܙܒܢ ܩܪܒܐ ܣܓܝ̈ܐܐ ܡܼܢ ܡܡܚ̈ܝܐ ܡܫܼܬܟܚܝܼܢ ܕܠܐ ܒܠܥܼܘ ܠܡܿܘܬܐ ܘܠܗܿܠܝܢ ܩܿܪܐ ܪ̈ܚܡܼܐ ܕܐܬܦܼܨܝܼܘ ܡܼܢ ܩܛܠܼܐ ܡܫܡܼܠܝܐ. ܡܼܢ ܪܘܼܚܩܐ ܡܪܝܐ ܐܬܚܼܙܝ ܠܝܼ. ܗ̄ ܡܼܢ ܝܘܡ̈ܬܐ ܕܡܢܼܩܕܝܼܡ ܕܫܘܼ̈ܘܕܝܐ ܘܩܝ̈ܡܐ ܕܠܘܿܬ ܐܠܗܐ. ܡܢܼܗܡ ܢܢܗܼܡ ܥܠ ܕܝܪܗ ܗ̄ ܐܘܿܪܫܠܡ.. ܝܗܝ ܝܗܝ ܗ̄ ܒܪܬ݀ ܩܿܠܐ ܐܝܼܬܝܗܿ ܕܝܗܿܒܐ ܚܝܠܐ ܠܕܝܘܿܫܐ. ܣܘܼܥܪܢܗ ܕܡܪܝܐ ܗ̄ ܡܣܡ ܒܪܝܼܫܐ ܕܓܙܼܪ. ܬܒܼܢܐ ܒܥܒܘܕܐ ܗ̄ ܡ̈ܠܼܐ ܕܪܘܼܚܐ ܒܚܠ̈ܡܼܐ ܟܕ̈ܒܐ. ܫܐܼܠܘ ܐܢ ܝ݀ܠܕ ܕܟܪܐ ܗ̄ ܡܼܢ ܕܚܠܼܬܐ ܕܒܒܠ̈ܝܐ ܟ݀ܠ ܓܒܪܐ ܐܝܟ ܝܿܠܕܬܐ ܣܝܼ̈ܡܢ ܐܝܼܕ̈ܘܗܝ ܥܠ ܓܒ̈ܘ̄. ܗܿܝ ܕܢܦܼܠܚܝܘܼܢܝܗܝ ܘܠܒܪܗ ܗ̄ ܠܢܒܘܟܕܢܨܪ ܘܠܒܪܗ ܐܘܠܡܪܕܘܼܟ ܘܠܒܪ ܒܪܗ ܒܝܠܛܫܨܪ. ܘܠܕܘܝܼܕ ܡܠܟܗܘܿܢ ܗ̄ ܠܙܘܪܒܒܝܠ ܕܡܬܼܝܒܠ ܡܼܢܗ..܆ pb. 289 ܩܠܐܒܪܡܬܐ ܘܫܪܟܐ ܗ̄ ܥܠ ܒܢ̈ܝ ܒܢܝܿܡܝܢ ܒܪ ܪܚܝܠ ܪܡܿܙ ܕܡܫܼܬܒܝܢ ܘܢ݀ܚܬܝܼܢ. ܪܘܼܚܢܐܝܼܬ ܥܠ ܫܒܪ̈ܐ ܕܩܼܛܠ ܐܝܪܘܕܝܼܣ ܒܪ ܕܩܒܝܼܪ̈ܐ ܪܚܝܠ. ܐܝܼܬ ܗܼܘܐ ܬܓܪܐ ܠܕܡ̈ܥܝܟܝ ܗ̄ ܕܗܿܦܟܝܼܢ ܒܢܝ̈ܟܝ ܠܬܚܘܼܡܗܘܿܢ ܗ̄ ܠܦܪܕܝܣܐ. ܗܘܿܝܬ ܐܝܟ ܥܓܼܠܐ ܕܚܫܠܬ݀ ܡܠܟܘܼܬܗܘܿܢ. ܒܪܐ ܗܿܘ ܠܝܼ ܝܩܝܼܪܐ ܐܦܪܝܡ ܗ̄ ܡܛ݀ܠ ܬܝܿܒܘܿܬܗ. ܒܪܐ ܡܪܐ ܚܿܕܬܐ ܗ̄ ܕܡܪܦܝܐ ܟܢܘܼܫܬܐ ܠܬܟܪ̈ܐ ܘܣܿܓܕܐ ܠܐܠܗܐ. ܢܩܒܼܬܐ ܬܚܒܒܼܝ ܓܒܪܐ ܗ̄ ܠܥܡ̈ܡܼܐ ܩ݀ܪܐ ܢܩܒܼܬܐ ܕܡܙܢܝܢ ܗܼܘܘ ܒܦܬܟܪ̈ܐ ܘܗܼܢܘܿܢ ܪܗܼܛܘ ܡܼܢ ܢܦܼܫܗܘܢܿ ܠܘܿܬ ܓܒܪܐ ܡܫܝܼܚܐ ܘܡܝܿܒܒܝܼܢ. ܘܠܐ ܢܠܼܦܘܢܿ ܬܘܼܒ ܓܒܪܐ ܠܐܚܘܼܗܝ ܗ̄ ܠܟܿܠܢܫ ܐܝܼܬܝܗܿ ܝܼܕܥܬܐ ܕܐܠܗܐ ܡܫܡܼܠܝܬܐ ܐܦܿܢ ܐܚܪܢܝܐܝܼܬ ܡܠܦܝܼܢ. ܐܠܐ ܝܼܕܥܬܐ ܕܐܠܗܐ ܢܨܝܼܒܐ ܒܗܘܿܢ܇ ܘܢܣܒܿܬ ܐܫܛܪܐ ܕܙܒܝܼܢܬܐ ܕܚܬܝܼܡ ܘܕܠܐ ܡܚܬܡ ܗ̄ ܬܪܝܢ ܐܫܛܪ̈ܝܢ ܥ݀ܒܕܝܼܢ ܗܼܘܘ ܒܝܢܬܗܘܢܿ ܚܕ ܕܡܬܼܛܒܥ ܗܼܘܐ ܘܡܫܪܪ ܠܙܒܝܼܢܬܐ ܘܐܚܪܢܐ ܦܪܫܓܢܗ ܐܘܟܝܼܬ ܢܘܼܣܟܗ ܕܡܬܼܢܛܪ ܗܼܘܐ ܠܥܘܼܗܕܢܐ܆ ܥܓܼܠܐ ܕܦܣܼܩܘ ܠܬܪܝܢ ܘܥܒܼܪܘ ܒܝܢܬ ܦܠ̈ܓܘܗܝ ܗ̄ ܕܐܝܿܟܢܐ ܗܿܘ ܕܐܬܦܼܣܩ ܘܐܫܼܬܕܝܼ ܡܛ݀ܠ ܫܪܪܐ ܕܩܝܿܡܐ ܗܿܟܢܐ ܐܦ ܗܼܢܘܢܿ ܡܛ݀ܠ ܕܓܠܘܼܬܐ ܕܩܝܿܡܗܘܿܢ ܡܬܼܦܣܩܝܼܢ ܒܣܦܝܐ ܕܒܒ̈ܠܝܐ ܘܕܠܐ ܩܒܘܼܪܬܐ ܡܫܼܬܕܝܢ. ܝܘܼܢܕܒ ܒܪ ܪܟܒ ܗ݀ܘ ܕܦܓܼܥ ܒܝܿܗܘ ܐܘܬܒܼܗ ܥܡܗ ܒܩܪܘܿܟܐ ܕܡܿܝܐ ܕܡܼܢ ܫܪܒܬܐ ܕܟܗ̈ܢܐ ܗܼܘܐ. ܒܠ̈ܝܐ ܕܣܚܘ̈ܬܐ ܗ̄ ܪ̈ܘܼܩܥܐ ܕܡܿܟܦܪܝܼܢ ܗܼܘܘ ܒܗܘܿܢ ܪ̈ܟܫܐ. ܩܿܡܝܼܢܐ ܗ̄ ܒܿܢܘܿܢܐ. ܦܨ̈ܝܼܢ ܗ̄ ܡܢܘ̈ܬܐ ܗܿܠܝܢ ܕܡܦܠܓܝܼܢ ܝܘܼܕ̈ܝܐ ܥܠ ܟܪ̈ܒܝܗܘܿܢ ܐܝܟ ܕܐܦ ܚܢܢ ܓܘܼܕ̈ܐ. ܢܚܠܐ ܕܓܼܪܒ ܗ̄ ܙܘܝ̈ܬܐ ܕܘܼܟ̈ܝܬܐ ܐܢܝܢ ܕܡܬܩܪ̈ܝܢ ܗܿܟܢ. ܐܪܡܝܼܘ ܠܐܪܡܝܐ ܡܼܢ ܟܘܬ݀ ܓܘܼܒܐ ܠܓܘܼܒܐ ܗ̄ ܡܼܢ ܠܥܠ ܠܬܚܼܬ ܐܚܼܬܘܼܗܝ ܗ̄ ܡܼܢ ܒܝܬܐ ܥܠܝܬܐ ܠܬܚܬܝܐ. ܡܠܟܐ ܐܫܼܬܡܥ ܠܦܝܿܣܗ ܕܥܒܼܕ ܐܡܠܟ ܟܘܼܫܝܐ ܒܕ ܐܬܟܼܚܕ ܡܼܢ ܓܒܪܐ ܢܘܼܟܪܝܐ ܕܫܪܝܼܪ ܠܗ ܐܠܗܐ. ܘܡܚܿܒ ܠܢܒܝܐ ܝܬܝܼܪ ܡܢܼܗܘܿܢ. ܢܒܘܼܙܪܕܢ ܪܒ ܕܚ̈ܫܐ ܗ̄ ܪܒܐ (ܡܓܝܼܪ̈ܣܐ) ܗܼܘܐ ܕܗܿܠܝܢ ܕܡܬܼܩܪܝܢ ܕܒܡܓ ܪܒ ܕܚ̈ܫܐ. ܪܒ ܡܓܝܼܪ̈ܣܐ ܗ̄ ܕܛܒܚ̈ܐ ܐܘܟܝܼܬ ܕܩܕܪ̈ܐ ܕܡܠܟܐ ܘܝܗܼܒܠܗܘܿܢ ܢܒܘܙܪܕܢ ܡܘܗ̈ܒܬܐ ܒܐܘܼܪܚܐ ܘܫܼܪܝܗܝ ܗ̄ ܩܒܘܼܬܐ ܝܗܼܒ ܠܗ ܕܐܝܼܬ ܗܼܘܐ ܒܗܿ ܐܪ̈ܙܐ ܘܣܦܼܪ̈ܐ ܘܡ̈ܐܢܐ ܕܬܫܡܼܫܬܐ. ܕܫܐܼܠ ܡܢܼ ܘܣܬܼܪ ܐܢܘܢܿ ܒܛܘܼܪܐ ܒܡܥܪܬܐ ܥܕܡܐ ܕܢܩܘܼܡ ܢܒܝܐ ܒܦܘܼܢܝܐ ܘܒܟܬܒܐ ܕܡܩܼܒ̈ܝܐ ܪܡܿܙ ܥܠ ܗܿܠܝܢ. ܡܛܠܐ ܠܛܝܼܢܐ ܩܿܪܐ. ܡܠܒܢܐ ܕܠ̈ܒܼܢܐ.. ܩܿܝܡܬܐ ܗ̄ ܗ݀ܝ ܕܒܝܬ ܫܡܫ ܗܝܟܠܐ ܕܫܡܼܫܐ ܘܡܪ̈ܟܒܼܬܗ. ܡܠܟܬ݀ ܫܒܐ ܩܿܪܝܢ ܠܐܣܬܪܐ ܐܘܝܟܼܬ ܦܪܘܕܝܛܝ. ܐܘܣܼܦ ܡܪܝܐ ܕܘܼܘܢܐ ܥܠ ܟܐܒܝ ܗ̄ ܒܪܘܿܝܟ ܣܿܒܪ ܗܼܘܐ ܕܡܿܩܒܠ ܢܒܝܘܼܬܐ ܡܼܢ ܐܪܡܝܐ ܐܝܟ ܝܫܘܿܥ ܡܼܢ ܡܘܿܫܐ ܘܐܠܝܐ. ܘܫܡܼܥ ܕܡܬܼܥܩܪ ܒܝܬܐ ܘܚܿܪܒ ܡܩܕܫܐ܆ ܠܐ ܬܒܼܥܐ ܠܕܪܘܪ̈ܒܢ ܡܼܢܟ ܗ̄ ܠܡܟܿܣܘ ܠܡ̈ܠܟܐ ܘܟܗ̈ܢܐ pb. 290 ܐܬܕܟܪ ܠܡܘܿܫܐ ܕܐܫܬܼܐܠ ܘܠܐܪܡܝܐ ܕܥܪܼܩ. ܠܐ ܬܒܼ݁ܐ ܠܕܪܘܪ̈ܒܢ ܡܢܼܟ ܗ̄ ܐܢܿܐ ܡܪܝܐ ܝܿܕܥ ܐܢܼܐ ܠܐܝܿܠܢ ܕܚܫ̈ܚܢ ܠܟ. ܕܝܿܕܥ ܐܝܿܢܐ ܚܫܿܚ ܕܢܗܼܘܐ ܒܪ ܐܪܙܐ ܘܩܪܝܼܒܐ ܡܨܥܝܐ. ܪܘܪ̈ܒܬܐ ܠܓܠܝܢܐ ܕܢܒܝܘܼܬܐ ܩܿܪܐ ܕܒܿܥܐ ܗܼܘܐ ܘܡܬܼܪܓܪܓ ܠܗܿ ܒܪܘܝܿܟ. ܡܛ݀ܠ ܚܘܼܒܗ ܕܨܝܕ ܐܠܗܐ ܘܡܛ݀ܠ ܕܣܿܩܪ ܗܼܘܐ ܥܡܐ ܠܒܪܘܿܟ ܩܒܼܠ ܓܠܝܢܐ ܐܝܟ ܕܠܒܘܼܝܐܐ ܕܢܦܼܫܗ ܘܐܬܬܼܚܡ ܕܠܐ ܢܒܼܥܐ ܢܒܝ̄ܘܼ. ܘܐܝܼܬ ܕܐܡܿܪܝܼܢ ܕܐܬܝܗܼܒܬ݀ ܠܗ. ܢܚܡܠܝܐ ܗ̄ ܚܿܠܡ ܚܠܼ̈ܡܐ. ܐܡܘܢܿ ܕܡ̈ܝܐ ܗ̄ ܐܠܟܣܢܕܪܝܐ. ܡܨܝܪܬܐ ܩܿܪܐ ܠܡܨܪܝܢ ܕܓܙܝܼܪܝܼܢ ܡܛ݀ܠ ܝܘܣܦ ܗ̄ ܦܪܥܘܢܿ ܚܓܝܼܪܐ ܡܠܟܐ ܕܡܨܪܝܢ ܕܫܿܪܐܼ ܗܼܘܐ ܥܠ ܢܗܪܐ ܦܪܬ ܒܟܪܡܘܿܫ ܗ̄ ܐܡܿܪ ܥܠ ܙܒ̈ܢܼܐ ܕܣܠܼܩܘ ܡܨܪ̈ܝܐ ܡܼܢ ܐܪܥܗܘܿܢ ܠܐܬܪ̈ܘܬܐ ܕܩܪܝܼܒܝܼܢ ܠܦܪܬ ܘܬܡܿܢ ܐܩܒܼܠ ܐܢܘܢ ܩܪܒܐ ܕܒܿܒܠ̈ܝܐ ܘܚܼܪܒܘ ܠܡܨܪ̈ܝܐ.. ܣܩܝ ܠܓܠܥܕ ܘܣܩܝ ܒܬܘܼܠܬܐ ܗ̄ ܥܠ ܣܢܝܼܩܘܼܬܐ ܕܗܿܘܝܐ ܠܗܿ ܥܠ ܓܠܥܕ ܐܡܿܪ ܘܬܘܼܒ ܕܢܚܼܘܐ ܕܠܐ ܡܨܝܐ ܕܢܩܼܒܠܘܼܢܝܗܝ ܡܨܪ̈ܝܐ ܠܥܘܼܕܪܢܐ ܕܢܦܼܫ̈ܬܗܘܿܢ. ܓܒܪ ܒܓܒܪܐ ܐܬܼܛܪܝܼ ܗ̄ ܡܨܪܝܐ ܒܡܨܪܝܐ ܘܢܦܼܠܘ ܬܪ̈ܝܗܘܿܢ. ܕܠܘܿܚܐ ܘܡܿܥܒܪ ܙܒ̈ܢܼܐ ܗ̄ ܕܟܗܝܼܢܘܼܬܗ ܘܕܡܠܟܘܼܬܗ ܒܗ݀ܝ ܕܗܼܘܐ ܥܠܼܬܐ ܠܚܘܼܪܒܐ ܕܐܪܥܗ ܡܛ݀ܠ ܕܣܠܼܩܘ ܠܐܬܪ̈ܘܬܐ ܘܡܚܼܐ ܥܡܼܗܘܿܢ ܩܪܒܐ. ܥܗܓܠܬܐ ܫܦܝܼܪܬܐ ܡܨܝܪܬܐ ܗ̄ ܡܠܟܘܼܬܐ ܕܡܨܪ̈ܝܐ. ܡܛ݀ܠ ܛ݀ܒܬܐ ܘܡܛ݀ܠ ܣܿܓܝܐܘܼܬ ܦܬܟܪ̈ܐ ܕܣܿܓܕܐ ܠܗܘܿܢ܀ ܗܿܐ ܡܿܝܬܐ ܐܢܼܐ ܥܠ̈ܝܡܐ ܗ̄ ܒܒܠ̈ܝܐ. ܘܠܨܘܪ ܘܠܨܝܕܢ ܘܠܓܙܪ̈ܬܐ ܕܩܦܘܼܕ̈ܩܝܐ. ܚܠܼܛ ܒܡܚܘܼܬܗܘܿܢ. ܘܠܦܠ̈ܫܬܝܐ ܩܿܪܐ ܩܦܘܼܕ̈ܩܝܐ. ܐܘܿ ܣܦܣܝܼܪܗ ܕܡܪܝܐ ܗ̄ ܣܦܣܝܼܪܗ ܚܠܼܛ ܒܡܚܘܼܬܗܘܿܢ ܘܠܦܠ̈ܫܬܝܐ ܩܿܪܐ ܩܦܘܼ̈ܕܩܝܐ. ܘ݀ܝ ܠܢ݀ܒܘܿ ܗ̄ ܕܐܬܒܼܙܙܬ݀ ܡܼܢ ܒܒܠ̈ܝܐ. ܒܡܣܩܬܐ ܕܠܘܼܚܝܬ݀ ܟܕ ܒܟ̈ܝܢ ܘܣܠ̈ܩܢ ܗ̄ ܠܦܘܼܬ ܦܬܟܪ̈ܝܗܘܿܢ ܕܢܼܗܘܘܢܿ ܠܗܘܢܿ ܡܥܕܪ̈ܢܐ. ܗܒ ܟܠܝܼܠܐ ܠܡܘܼܐܒ ܡܛ݀ܠ ܕܚܼܪܒ ܚܪܒܐ ܠܘ ܠܡܘܼܐܒ ܐܠܐ ܕܡܘܼܐܒ. ܠܐ ܣܪܩܼܘ ܡܼܢ ܡܿܐܢܐ ܠܡܿܐܢܐ ܗ̄ ܡܼܢ ܐܬܪܐ ܠܚܒܪܗ ܒܫܒܼܝܐ ܠܐ ܢܦܩܼܘ. ܛܥܡܼܗܘܿܢ ܒܗܘܿܢ ܗ̄ ܥܘܼܬܪܗܘܢܿ. ܒܼܗܬ ܡܘܼܐܒ ܡܼܢ ܟܘܼܡܘܿܫ ܦܬܟܪܗ. ܘܟܿܠܗܝܢ ܕܗܼ̈ܘܝ ܠܡܘܼܐܒ ܕܥܠ ܕܐܥܝܼܩ ܠܝܼܣܪܐܝܠ ܠܢܒܘܼܟܕܢܨܪ܆ ܓܘܼܙܥܐ ܠܚܘܼܛܪܐ ܩ݀ܪܐ ܕܝܬܝܼܪ ܚܠܝܼܡ ܘܥܿܒܐܼ ܘܫܪܝܼܪ. ܗ݀ܝ ܕܥܡܘܿܪܬܐ ܕܒܪܬ݀ ܕܝܒܘܢ ܡܕܝܼܢܬܐ ܡܫܡܗܬܐ ܕܡܘܼܐܒ̈ܝܐ ܥܠ ܟܿܠܗܘܿܢ ܐܡܿܪ. ܡܛ݀ܠ ܕܒܙܘܿܙܐ ܕܡܘܼܐܒ ܣܠܼܩ ܥܠܝܟܝ ܗ̄ ܗ݀ܘ ܕܬܼܐ ܠܡܒܼܪ ܐܢܘܿܢ. ܥܠ ܐܪܥܐ ܕܡܫܘܪ ܐܘܿ ܗܿܟܢܐ ܡܬܼܩܪܝܐ ܗܘܬ݀ ܐܘܿ ܡܼܢ ܡܢܿܬܐ. ܬܐܒܬܐ ܗܿ̄ ܗܿܦܟܬܐ ܗܿܝ ܗܼܘܘ ܐܝܟ ܝܘ̈ܢܐ ܒܓܕ̈ܢܦܐ ܗ̄ ܕܒܫܩܝܼ̈ܦܐ ܘܒܕܘܼܟ̈ܝܬܐ ܕܪ̈ܡܢ ܥܡܼܪܘ ܡܼܢ ܩܕܡ ܒܥܠܕܒ̈ܒܝܗܘܿܢ. ܥܙܝܼܪ ܘܣܒܡܐ ܡܕܝܼ̈ܢܬܐ ܕܡܘܼ̈ܐܒܝܐ. ܐܪܥܐ ܕܟܪܡܠܐ ܕܟܪ̈ܡܐ ܐܝܼܬܝܗܿ. ܐܘܠ̈ܘܼܢܝܟܝ ܗ̄ ܥܘܼܡ̈ܩܐ ܘܢܚ̈ܠܐܐܢܝܢ ܘܕܘܼܟ̈ܝܬܐ. ܕܣܿܓܝ ܟܗ̈ܝܼܢܢ. ܬܝܡܢ ܡܕܝܼܢܬܐ ܥܫܝܼܢܬܐ ܕܐܕܘܼ̈ܡܝܐ. ܕܝܪܐ ܕܐܬܢ ܗ̄ ܠܡܠܟܘܼܬܗ pb. 291 ܡܫܿܡܗ ܐܘܿ ܠܡܢܿܬܐ܇ ܡܼܢܗܿ ܕܝܬܝܼܪ ܟܗܝܼܢܐ ܘܛ݀ܒܐ ܐܘܿ ܕܒܝܬ ܡܥܡܪܐ ܗܘܬ݀ ܒܙܒܢ ܕܐܬܢ ܚܟܝܼܡܐ ܡܕܢܚܐ. ܡܼܢ ܥܘܼܫܢܐ ܕܝܘܿܪܕܢܢ ܠܕܝܪܐ ܕܐܬܢ ܗ̄ ܣܠܼܩ ܒܿܒܠܝܐ ܥܠ ܐܕܘܼ̈ܡܝܐ. ܘܡܛ݀ܠ ܕܐܒܼܐܫܘ ܠܒܢܗܝ ܝܼܗܘܼܕܐ ܕܐܚܝܼܕܝܼܢ ܗܼܘܘ ܫܘܼܠܛܢܐ ܥܠ ܝܘܿܪܕܢܢ. ܩܨܝܼ̈ܨܝ ܦܐܬܐ ܗ̄ ܠܛܝ̈ܝܐ ܩܿܪܐ. ܪܘܼܚܐ ܕܝܢ ܠܦܢܝ̈ܬܐ ܩܿܪܐ. ܚܨܘܼܪ ܡܕܝܼܢܬܐ ܕܛܝ̈ܝܐ ܚܿܪܒܐ ܠܥܿܠܡ. ܥܝܼܠܡ ܓܝܪ ܛܘܼܪܐ ܗܿܘ ܙܥܘܿܪܐ. ܚܨܘܪ ܓܝܪ ܒܡܨܥܬ݀ ܛܝ̈ܝܐ ܝܿܬܒܐ ܘܛܝ̈ܝܐ ܥܡܿܪܝܼܢ ܒܗܿ. ܗܘܿܝ ܗܘܝ ܐܝܟ ܥܨܘܿܪܐ ܗ̄ ܘܝܿܠܟܝ ܘܝܿܠܟܝ. ܐܪܕܛ ܗ̄ ܩܪܕܘ ܐܝܼܬܝܗܿ. ܐܫܟܢܙ ܢ݀ܩܦܐ ܠܗܿܝ ܕܐܪܡܢ ܐܘܿ ܐܪܐܢ ܐܘܿ ܣܓܣܛܢ ܐܝܼܬܝܗܿ. ܢܝܿܥܘܢܿ ܐܝܟ ܓ̈ܕܝܐ ܕܐܪ̈ܝܘܬܐ ܗ̄ ܢ݀ܥܪܝܢ ܘܡܪܝܼܡܝܼܢ ܩ݀ܠ ܢܗܼܡܬܗܘܿܢ. ܕܐܦܪܝܡ ܡܼܢ ܡܫܩܠܐ ܕܡܘܼܐܒ. ܪ̈ܝܫܝܗܘܿܢ ܡܣܿܦܪܝܼܢ ܗ̄ ܚܪ̈ܝܼܒܝܗܘܿܢ. ܕܩܢ̈ܝܗܘܿܢ ܗ̄ ܡܕܝܼ̈ܢܬܗܘܿܢ. ܦܐܬܗ ܗ̄ ܪ̈ܝܼܫܢܐ ܕܐܪܥܗܘܿܢ. ܠܝܬ ܚܟܡܼܬܐ ܒܬܝܡܢ ܗ̄ ܕܠܐܚܪ̈ܢܐ ܡܠܦܐ ܗܘܬ݀. ܥܡܩܼܘ ܠܡܬܒܘܼ ܗ̄ ܐܬܬܼܟܠܘ ܥܠ ܫܝܢܐ. ܡܣܬܪ̈ܬܗ ܗ̄ ܡܕܝܼ̈ܢܬܗ ܕܥܿܪܩ ܠܗܝܢ. ܟܿܣܐ ܐܫܼܬܝܼܘ ܗ̄ ܕܢܝܐܝܠ ܘܚܒܼܪ̈ܘܗܝ ܘܚܙܩܝܐܝܠ ܕܐܫܼܬܒܝܼܘ ܗ̄ ܕܢܝܐܝܠ ܘܚܒܼܪ̈ܘܗܝ ܘܚܙܩܝܐܝܠ ܕܐܫܼܬܒܝܼܘ.. ܚܘܘ ܒܥ̈ܡܼܡܐ ܗ̄ ܕܐܬܬܼܚܕܬܬ݀ ܒܒܿܝܠ. ܪ̈ܥܘܬܐ ܐܛܥܝܼܘ ܗ̄ ܡ̈ܠܟܐ ܕܫܒܼܘ ܐܢܘܿܢ ܟܢܼ̈ܫܐ ܕܥ̈ܡܼܡܐ ܗ̄ ܡ̈ܕܝܐ ܘܥܝܼ̈ܠܡܝܐ ܘܦܪ̈ܣܝܐ. ܐܩܿܠܟ ܡܼܢ ܟܐܦܐ ܗܼ̄ ܒܝܕ ܫܦܼܠܐ ܪܕܡܿܝܬܐ ܐܢܼܐ. ܥܠܝܟ ܘܐ݁ܒܕܟ ܩܠܝܼܠܐ. ܘܕܩܠܝܼܠ ܡܢܼܗ ܢܪܼܗܛ ܕܐܬܬܼܚܕܬ݀ ܒܿܒܝܠ. ܐܝܟ ܐܕܪܐ ܗ̄ ܕܪܟܬܗ ܩܿܪܐ ܠܡܿܘܬܗ ܕܒܝܼܠܛܫܨܪ ܐܝܿܟܢܐ ܕܐܬܬܼܚܕܬ݀ ܐܪܫܟܝܬܐ. ܬܫܼܒ̄ܘܿ ܕܟܿܠܗܿ ܐܪܥܐ ܗ̄ ܐܪܫܟܝܬܐ ܡܬܼܦܫܩܐ ܐܪܙܦܬܐ ܘܠܐܪܥܐ ܕܟ̈ܠܕܝܐ ܩܿܪܐ ܗܿܟܢ ܡܛ݀ܠ ܕܒܗܿ ܐܝܟ ܕܒܐܪܙܦܬܐ ܪܕܐ ܡܪܝܐ ܠܟܿܠܗܘܿܢ ܥܡ̈ܡܼܐ ܘܡܛ݀ܠ ܕܠܐ ܝܿܕܥܘ ܠܐܠܗܐ ܕܐܘܪܒ ܐܢܘܢܿ ܐܬܬ݀ ܥܠܝܗܘܿܢ ܡܪܕܘܼܬܐ. ܒܝܼܠ ܗ̄ ܦܬܟܪܐ ܕܒܒ̈ܠܝܐ܀ ܐܘܼܠ̈ܝܬܐ ܐܢܫ̈ܝܼܢ ܐܡܿܪܝܼܢ ܕܒܡܨܪܝܢ ܥܒܼܕ ܐܢܝܢ. ܗܘܼܘ ܐܠܘܨ̈ܝܗܿ ܠܪܝܼܫܢܐ ܗ̄ ܐܣܼܩܘ ܠ̈ܘܿܝܐ ܠܟܿܠ ܨܒܘܼ ܕܒܥܼܘ ܠܡܣܼܥܪ ܒܐܘܿܪܫܠܡ. ܗܘܼܘ ܪܘܪ̈ܒܢܝܗܿ ܐܝܟ ܐܝ̈ܠܐܗ̄ ܐܝ̈ܠܐ ܙܥܘܼܪ̈ܝ ܠܒܼܐ ܐܙܠܼܘ ܕܠܐ ܚܝܠܐ ܩܕܡ ܒܥܠ̈ܕܒܒܐ. ܚܙܝܿܬ ܠܥܡܼ̈ܡܐ ܕܥܠܼܘ ܠܡܼܩܕܫܟ ܗ̄ ܠܡܒܼܙܘ ܘܠܡܣܼܚܦܘܼ. ܝܗܒܼܘ ܪܓܼܬܗܘܿܢ ܒܡܐܟܘܼܠܬܐ. ܠܡܦܼܢܝܘܼ ܢܦܫܼܐ ܗ̄ ܐܘܿ ܕܐܟܠܼܘ ܒܣܼܪܐ ܕܒܢ̈ܝܗܘܿܢ ܐܘ ܟܿܠ ܕܐܝܼܬ ܠܗܘܿܢ ܝܗܼܒܘ ܚܠܦ ܡܐܟܘܼܠܬܐ ܠܡܦܼܢܝܘܼ ܢܦܫܼܐ. ܗܘܼܘ ܒܢ̈ܝ ܫܘ̈ܡܝܼܢ ܗ̄ ܠܦܘܼܬ ܕܐܫܼܬܦܠܘ ܘܗܘܼܘ ܐܝܟ ܫܩܼ̈ܡܐ ܙܥܘܿܪ̈ܐ ܒܫܼܒܝܐ ܗܿܢܘܢܿ ܕܩܕܡ ܫܒܼܝܐ ܠܐܪ̈ܙܐ ܕ݀ܡܝܢ ܗܼܘܘ. ܩܪܝܿܬ ܠܪ̈ܚܿܡܝ ܠܥܘܼܕܪܢܝ ܗ̄ ܐܘܿ ܦܬܟܪ̈ܐ ܐܘܿ ܢܒ̈ܝܐ ܕܓ̈ܠܐ ܐܘܿ ܐܕܘܼ̈ܡܝܐ ܘܥܡܘܼ̈ܢܝܐ. ܕܚܕܪ̈ܝܗܘܿܢ. ܐܝܬܐ ܝܘܡܐ ܕܩܼܪܝܬ ܗ̄ ܢܐܼܬܐ ܠܡ ܝܘܡܐ ܕܢܛܪܬ ܠܗܘܿܢ. ܘܢܗܼܘܘܢܿ ܫܒܼ̈ܝܐ ܐܟܘܿܬܝ ܟܿܠܗܘܿܢ ܡܚܣ̈ܕܢܝ܆ ܐܝܿܟܢܐ ܐܥܝܼܒ ܡܪܝܐ ܒܪܘܓܗ ܗ̄ ܐܚܼܕ ܡܪܝܐ ܒܪܘܓܗ ܠܒܪܬ ܨܗܝܘܿܢ ܘܐܥܡܼܛ ܠܫܘܼܒܚܗ ܗܕܝܼܪܐ. ܬܘܼܒ ܐܝܟ ܕܒܥܝܒܐ ܐܘܟܝܼܬ ܣܦܛܐ ܐܘܿ ܩܒܘܼܬܐ ܐܬܚܡܼܠܘ pb. 292 ܒܪܘܓܙܐ. ܘܠܐ ܐܬܕܟܼܪܘ ܟܘܼܒܫܐ ܕܪ̈ܓܠܘܗܝ ܕܐܝܼܬܘܗܝ ܗܝܟܠܐ. ܐܬܪܐ ܕܩܡܼ̈ܝ ܪ̈ܓܠܝ ܡܠܐܟܐ. ܩܿܠܐ ܝܗܒܼܘ ܒܢ̈ܝܼ ܐܘܿܪܫܠܡ ܗ̄ ܗ݀ܕܐ ܐܡܼܪ ܥܠ ܓܥܿܬܐ ܕܗܘܬ݀ ܡܢܼܗܘܿܢ ܒܫܿܥܬܐ ܕܥܠܼܘ ܪ̈ܕܘܿܦܐ ܠܡܚܼܪܒ ܐܢܘܿܢ. ܒܚܘܼܕܬܐ ܕܨܿܦܪܐ ܗ̄ ܨܿܦܪܐ ܗ̄ ܨܿܦܪܐ ܠܦܘܼܪܩܢܐ ܕܗܘܼܐ ܠܗܘܢ ܩ݀ܪܐ. ܢܫܼܩܘܿܠ ܢܝܼܪܟ ܒܛܠܝܘܼܬܗ ܗ̄ ܐܪܙ ܥܡ̈ܡܐ ܨܿܐܪ. ܢܝܼܪܐ ܩ݀ܪܐ ܠܕܘܼܒܪ̈ܐ ܕܩܕܝܼܫܘܼܬܐ. ܟܬܼܒ ܒܠܚܘܼܕܘܗܝ ܘܢܫܼܬܘܿܩ ܗ̄ ܒܒܬܘܿܠܘܼܬܐ ܥܡ ܡܫܘܚܕܘܼܬܐ. ܘܢܬܼܠ ܒܥܦܪܐ ܦܘܼܡܗ ܗ̄ ܥܠ ܓܠܝܼܙܘܼ ܕܡܼܢ ܡܐܟ̈ܠܬܐ ܪܡܿܙ. ܡܛ݀ܠ ܕܐܝܼܬ ܣܒܼܪܐ ܗ̄ ܐܝܼܬ ܠܡ ܦܘܼܪܥܢܐ ܠܗܿܠܝܢ ܒܫܡܿܝܐ. ܘܢܬܼܠ ܦܟܗ ܠܡܿܢ ܕܡܿܚܐ ܠܗ ܗ̄ ܗܿܕܐ ܐܝܼܬܝܗܿ ܗ݀ܝ ܕܡܪܢ ܐܠܦܼ. ܡܛ݀ܠ ܕܠܐ ܥܿܢܐ ܡܼܢ ܠܒܼܗ ܗ̄ ܠܦܘܼܬ ܕܐܢ ܒܥܕܢܐ ܕܐܘܼܠ̈ܨܢܐ ܕܐ̈ܠܝܼܨܐ ܠܐ ܥܿܢܐ ܠܗܘܿܢ ܡܛܾܠ ܚܛܗ̈ܝܗܘܿܢ. ܕܢܼܬ ܡܪܝܐ ܕܝܼܢܐ ܕܢܦܼܫܝ ܗ̄ ܥܠ ܕܚܪܒ ܠܒܒܠ̈ܝܐ ܘܦܿܪܩ ܠܗܘܿܢ. ܡܪܝܐ ܫܡܿܥܬܐ ܚܣܼܕܗܘܿܢ ܗ̄ ܕܐܕܘܼ̈ܡܝܐ ܕܓܠܼܘ ܓܠܘ܆ ܐܝܿܟܢܐ ܡܼܣܬܠܐ ܕܗܒܐ ܛ݀ܒܐ ܗ̄ ܥܡܐ ܓܒܝܐ. ܟܐܦ̈ܐ ܕܩܘܼܕܫܐ ܗ̄ ܒܢ̈ܝ ܟܗ̈ܢܐ ܕܒܫܘܼܩܐ ܡܼܢ ܟܦܼܢܐ ܡܝܼܬܘ ܥܡ ܐܒܗ̈ܝܗܘܿܢ ܐܬܚܼܪܒܘ. ܓܠ̈ܝ ܐܝܟ ܝܪܘܼܪ̈ܐ ܬܕ̈ܝܗܼܝܢ ܘܐܝܢ̈ܩܼܝ ܗ̄ ܐܘܿ ܥܠ ܕܠܝܬ ܗܼܘܐ ܠܗܝܢ ܚܠܒܐ ܡܼܢ ܒܠ̈ܝ ܣܝܒܪܬܐ. ܐܘܿ ܥܠ ܕܒܫܼܒܝܐ ܕܠܐ ܬܚܡܼܨܬܐ. ܓܠ̈ܝܼ ܬܕ̈ܝܗܝܢ ܘܐܝ̈ܢܩܼܝ ܒܢ̈ܝܗܝܢ. ܝܪܘܼܪ̈ܐ ܚܝܘ̈ܬܐ ܐܢܝܢ ܒܥܕܝܪ̈ܝܬܐ ܘܒܚܘܼܪܒܐ ܥ݀ܡܪ̈ܢ ܘܬܕ̈ܝܐ ܐܝܼܬ ܒܚܕܝ̈ܝܗܝܢ ܐܝܟ ܐܝܟ ܕܢܫ̈ܐ ܘܡܕܿܡܐ ܠܗܝܢ ܠܒܢ̈ܬ ܨܗܝܘܿܢ ܫܒܝܼܚ̈ܬܐ ܕܠܗܿܢܐ ܨܥܪܐ ܐܬܡܼ̈ܛܝܼ ܩܕܡ ܪ̈ܕܘܿܦܐ ܕܐܝܟ ܚܝ̈ܘܬܐ ܗܿܠܝܢ ܕܓܠ̈ܝܢ ܬܕܝ̈ܗܝܢ ܘܠܐ ܝܢܩ̈ܢ ܒܢܝ̈ܗܝܢ. ܕܒܼܩ ܠܫܼܢܗ ܕܝܠܘܕܐ ܠܫܡ̈ܝ ܚܟܗ ܗ̄ ܡܼܢ ܨܗܝܐ ܕܫܒܼܝܐ. ܫܐܼܠܘ ܠܚܡܐ ܗ̄ ܡܼܢ ܟܦܼܢܐ. ܗܿܐ ܪܡܝܢ ܒܫܘܼ̈ܩܐ ܘܒܩܝܼܩ̈ܠܬܐ ܗ̄ ܕܒܿܒܝܠ. ܡܼܢ ܓܘܒܐ ܬܚܝܬܝܐ ܗ̄ ܐܝܟ ܕܦܪܥܼܬ ܠܗܿܠܝܢ ܕܐܪܡܝܘܼܢܝ ܒܓܘܼܒܐ. ܦܪܘܿܥ ܐܢܘܢܿ ܐܦ ܠܒܒ̈ܠܝܐ. ܕܐܚܼܬܘ ܠܥܡܐ ܠܓܘܼܒܐ ܐܘܟܝܼܬ ܒܿܒܝܠ. ܢܦܼܫܢ ܢܥܠ ܠܚܡܐ ܗ̄ ܝܗܒܼܢܢ ܢܦܫܼܢ ܚܠܼܦ ܠܚܡܐ. ܕܠܐ ܕܡܼܢ ܩܕܡ ܚܪܒܐ ܢܩܼܛܠܢ ܟܦܢܼܐ. ܡܨܪ̈ܝܐ ܝܗܒܼܘ ܐܝܼܕܐ ܗ̄ ܐܪܦܝܼܘ ܒܢ ܐܝܼܕ̈ܝܐ. ܢܦܼܠ ܟܠܝܼܠܐ ܕܪܝܼܫܢ ܗ̄ ܨܕܩܝܐ ܡܠܟܘܼܬܢ ܟܗܢܘܼܬܢ. ܥܠ ܕܚܼܛܝܢܢ ܗ̄ ܗܿܐ ܡܫܼܬܒܝܢܢ. ܐܢܬ ܡܪܝܐ ܠܥܿܠܡ ܗ̄ ܕܐ݀ܦܢ ܚܼܪܒ ܡܩܕܫܐ. ܐܠܐ ܟܘܼܪܣܝ ܫܘܼܒܚܟ ܩܝܿܡ ܒܫܡܿܝܐ ܛ̈ܠܝܐܫܐܼܠܘ ܠܚܡܐ ܗ̄ ܟܕ ܚܒܝܼܫܝܼܢ ܗܼܘܘ. ܐܝܟ ܬܢܘܼܪܐ܆ ܐܬܩܼܦܕܘ ܗ ܐܩܢܐܘ ܐܩܢܥܼܘ ܦܪ̈ܨܘܼܦܝܢ ܡܼܢ ܟܦܼܢܐ ܡܼܢ ܐܘܼܠ̈ܝܬܐ ܦܘܼܫܥܐ ܬܼܢܝܢܝܐ܆ ܗܘܼܘ ܪܘܪ̈ܒܢܝܗܿ ܐܝܟ ܐܝ̈ܠܐ ܕܥܿܪܩܝܼܢ ܡܼܢ ܨܝ̈ܕܐ. ܢܕܬܐ. ܓܥܝܼܨܘܼܬܐ܆ ܗܒܘ ܪܓܬܗܘܿܢ ܒܡܐܟܘܼܠܬܐ ܗ̄ ܗ݀ܘ ܕܒܩܠܝܼܠ ܡܐܟܘܼܠܬܐ. ܗܘ ܡܐ ܕܐܝܼܬ ܗܼܘܐ ܠܗܘܿܢ. ܕܪܓܝܼܓ ܗܼܘܐ ܘܫܦܝܼܪ ܝܿܗܒܝܼܢ ܗܼܘܘ ܡܣܬ݀ ܕܬܟܼܬܪܝ ܒܗܘܿܢ ܢܦܼܫܗܘܿܢ. ܒܐܝܼܕ̈ܘܗܝ ܐܣܼܬܪܓܘ ܢܝܼܪ̈ܘܗܝ ܗ̄ ܐܝܼܕ̈ܘܗܝ ܡܿܢ ܕܐܠܗܐ ܢܝܼܪܐ ܗ̄ ܕܒܒ̈ܠܝܐ. ܗܘܼܘ ܒܢ̈ܝ ܫܘܼܡ̈ܝܼܢ ܗ̄ pb. 293 ܚܝܠܬܢܘܼܬܗ ܕܒܥܠܕܒܒܐ ܫܩܼܦܬ݀ ܘܐܬܪܬ݀ ܐܢܘܿܢ ܡܼܢ ܚܝ̈ܐ. ܐܝܟ ܫܘܼ̈ܡܐ ܡܼܢ ܐܝܼ̈ܠܢܐ. ܦܐܪ̈ܘܗܝ ܓܝܪ ܕܗܿܢܐ ܐܝܼܠܢܐ. ܒܓܒ̈ܘܗܝ ܕܩܝܣܐ ܗܿܘܐ ܡܬܼܚܒܠܝܼܢ ܕܝܢ ܘܢ݀ܬܪܝܼܢ ܐܡܝܼܢܐܝܼܬ ܟܕ ܫܝܘܼܒܝܼܢ ܘܚܪܒܝܼܢ ܓܘܝ̈ܗܘܿܢ. ܐܥܝܼܒ ܡܪܝܐ ܒܝܕ ܪܘܓܙܗ ܗ̄ ܐܥܡܼܛ ܘܐܚܼܫܟ ܐܝܟ ܕܒܝܕ ܥܢ̈ܢܐ ܕܐܐܪ ܕܢܚ̈ܬܐ ܐܟܙܼܢܐ ܕܩܒ̈ܘܬܐ ܘܐܟܼܙܢܐ ܕܢܚ̈ܬܐ ܡܬܼܪܒܨܝܼܢ ܘܡܬܼܚܦܝܢ ܒܣ̈ܦܼܛܐ ܗܿܟܢܐ ܝܼܣܪܐܝܠ ܐܬܚܼܡܠ ܒܪܘܓܙܐ ܐܝܟ ܕܒܥܝ̈ܒܐ. ܐܦ ܢܒ̈ܝܐ ܐܫܟܼܚܘ ܚܙܼܘܐ ܗ̄ ܥܠ ܢܒ̈ܝܐ ܕܓ̈ܠܐ ܐܡܼܪ ܕܡܛܥܝܼܢ ܗܼܘܘ ܠܥܡܐ. ܛܒܼܚܬ ܘܠܐ ܚܣܼܬ ܗ̄ ܐܝܟ ܚܝܠܬܢܐ ܕܫܿܩܠ ܠܛܠܝܐ ܘܥܠ ܫܘܼܥܐ ܡܚܒܿܛ ܠܗ ܒܪܡ ܒܝܼ ܢܬܘܼܒ ܘܢܗܦܼܟ ܐܝܼܕܗ ܟ݀ܠܗ ܝܘܡܐ ܗ̄ ܠܐܡܝܼܢܘܼܬܐ ܕܝܼܠܗܝܢ. ܕܒܝܼܫ̈ܬܐ ܩܿܪܐ. ܘܐܝܼܕܐ ܠܡܥܼܒܕܢܘܼܬܐ ܘܠܫܘܼܠܛܢܐ ܕܒܥ̈ܠܕܒܒܐ ܕܡܐ ܕܡܫܪܝܢ ܗܼܘܘ ܘܡܫܿܠܡܝܢ. ܬܘܼܒ ܥܠܝܗܘܿܢ ܦܿܢܝܢ ܗܼܘܘ ܠܡܫܼܪܝܘܼ ܦܠܢܝܼ ܒܩܼܛܡܐ ܗ̄ ܥܪܓܠܼܢܝ ܘܐܝܟ ܕܠܡܦܼܠܗ ܠܫܡܝܼܕܐ. ܟܬܼܒ ܒܠܚܘܼܕܘܗܝܗ̄ ܥܠ ܫܠܼܝܐ ܘܕܚܼܠܬܐ ܕܒܐܠܗܐ ܐܡܿܪ. ܡܛ݀ܠ ܕܠܐ ܥܿܢܐ ܡܼܢ ܠܒܼ̈ ܗ̄ ܠܒܝܼ̈ܫܐ ܘܠܡܪ̈ܚܐ ܠܐ ܥܿܢܐ ܐܠܗܐ ܐܦܿܢ ܩܿܪܝܢ ܠܗ ܫܒܗܪܢܐܝܼܬ. ܗ݀ܝ ܕܡܿܢܐ ܡܬܼܚܫܒ ܒܪܢܫܐ ܕܚܝ ܒܡܿܠܐܼ ܩܠܝܼܠ ܕܠܐ ܢܘܕܐ ܒܣܟܠܘܼܬܗ ܘܢܼܫܐܠ ܫܘܼܒܩܢܐ. ܥܕܠܐ ܢܡܘܼܬ ܘܢܐܼܙܠ ܠܫܘܼܢܩܐ. ܠܐ ܬܪܟܢ ܐܕܢܟ ܗ̄ ܠܐ ܬܗܼܡܐ ܡܼܢ ܨܠܘܿܬܝ ܕܟܝܘܼ ܢܙܝܼܪ̈ܝܗܿ ܡܼܢ ܬܠܓܐ ܗ̄ ܐܝܿܠܝܢ ܕܐܝܟ ܢܡܘܿܣܐ ܡܬܼܢܙܪܝܼܢ ܗܼܘܘ ܘܦܪܝܼܫܝܼܢ ܼܡܢ ܟܿܠܗ ܥ݀ܠܡܐ. ܣܡܼܩܘ ܓܪ̈ܡܝܗܘܿܢ ܡܼܢ ܣܘܪܕܘܢ ܘܡܼܢ ܣܦܝܼܠܐ ܗ̄ ܟܐܦ̈ܐ ܐܢܝܢ ܛܒ̈ܬܐ ܗܿܠܝܢ ܕܐܝܟ ܕܠܕܡܘܼܬܐ ܕܫܘܼܚܠܦܗܘܿܢ ܐܚܪ̈ܝܐ ܐܝܬܝܼ ܐܢܘܿܢ ܡܛ݀ܠ ܕܠܥܼܠ ܩܼܪܐ ܐܢܘܢܿ ܚܠܒܐ ܘܬܠܓܐ. ܡܛ݀ܠ ܡܝܬܪܘܼܬܗܘܿܢ. ܢܕܘ ܪܘܪ̈ܒܢܝܗܿ ܘܐܬܦܠܼܦܠܘ ܗ̄ ܐܬܬܼܙܝܼܥܘ ܘܢܦܠܼܘ ܡܼܢ ܕܚܠܼܬܐ. ܠܐ ܐܫܼܟܚܘ ܒܒ̈ܠܝܐ ܕܢܩܪܒܘܢܼ ܠܠܒܘܼܫ̈ܝܗܘܿܢ ܐܝܟ ܥܝܿܕܐ ܕܩܪ̈ܒܬܢܐ ܡܛ݀ܠ ܕܡܚܒܠܝܼܢ ܗܼܘܘ ܒܕܡܐ. ܦܪܨܘܼܦܗ ܕܡܪܝܐ ܦܠܓ ܐܢܘܢܿ ܗ̄ ܠܡܨܪ̈ܝܐ ܘܠܝܘܼܕ̈ܝܐ ܐܡܿܪ ܕܠܐ ܐܬܼܘ ܡܨܪ̈ܝܐ ܠܥܘܼܕܪܢܐ ܕܝܘ̈ܕܝܐ ܕܩ̈ܕܩܐ ܐܡܿܪ ܥܠ ܫܒܪ̈ܐ ܕܫܪܝܼܘ ܠܡܗܼܠܟܘܼ. ܕܝܗܼܒܘ ܐܝܼܕܐ ܚܠܼܦ ܕܐܛܿܪܦ. ܪܗܛܢܗܘܿܢ. ܗ̄ ܡܪ̈ܗܛܝܗܘܿܢ. ܐܘܼܠ̈ܝܬܐ ܐܡܿܪܝܼܢ ܕܩܕܡ ܫܒܼܝܐ ܘܚܘܼܪܒܐ ܕܐܘܿܪܫܠܡ ܥܒܼܕ ܐܢܝܢ ܘܐܝܼܬ ܕܐܡܿܪܝܼܢ ܒܿܬܪ ܚܘܼܪܒܐ ܒܡܨܪܝܢ. ܗܿܝ ܕܩܢܐܘ ܐܝܟ ܣܠܩܐ ܕܟܡܝܼܕ ܘܡܚܒܠ ܘܡܚܪܟ ܡܼܢ ܓܠܝܼܕܐ. ܢܘܼܪܐ ܕܒܝܬ ܩܘܼܕܫܐ ܒܓܘܼܒܐ ܫܕܐܘܗܿ ܘܟܕ ܣܠܼܩܘ ܥܡܐ ܘܐܬܼܒܢܝܼ ܗܝܟܠܐ ܘܐܣܼܬܕܪ̈ܝ ܨܒܼ̈ܘܬܐ ܕܕܒ̈ܚܼܐ. ܡܼܢ ܣܝܿܢܐ ܕܓܘܼܒܐ ܪܣܼ ܥܠ ܕܒ̈ܚܼܐ ܘܒܡܿܥܒܕܢܘܼ ܐܠܗܝܿܬܐ ܕܠܿܩܬ݀ ܢܘܼܪܐ ܐܝܟ ܕܟܬܼܒ ܥܙܪܐ ܣܿܦܪܐ܀ ܬܘܼܒ ܦܘܼܫܩܐ ܕܬܠܬܐ ܕܟܬܒܐ ܕܐܪܡܝܐ ܢܒܝܐ ܣܘܼܥܪܢܝܐ ܘܪܘܼܚܢܝܐ ܡܦܼܬܟܐ ܐܪܡܝܐ ܫܼܪܝܼ ܒܢܒܝܘܼܬܗ ܡܼܢ ܫܢܬ݀ ܟܓ̄ ܕܝܘܡܐ ܘܠܘ ܒܙܒܢ ܚܘܼܪܒܐ ܫܠܼܡ ܠܢܒܝܘܼܬܐ ܐܠܐ ܥܕܡܐ pb. 294 ܕܥܠܼܘ ܠܡܨܪܝܢ ܟܡܝܘܼܬܐ ܕܐܪܥܒܝܼܢ ܫܢ̈ܝܼܢ ܡܛ݀ܠ ܕܝܿܕܥ ܗܼܘܐ ܐܠܗܐ ܠܩܫܘܼܬܗ ܕܥܡܐ ܕܠܐ ܡܬܼܬܦܝܼܣ ܐܠܐ ܐܝܟ ܕܠܒܘܼܚܪܢ ܪܥܝܢܗܘܿܢ ܘܟܐܢܘܼܬܗ ܕܐܠܗܐ ܠܐ ܫܬܩ ܡܼܢ ܕܢܪܬܐ ܐܢܘܿܢ ܒܝܕ ܢܒ̈ܝܐ ܐܟܡܿܢ ܕܢܬܘܼܒܘܢ. ܘܟܿܠܗܿ ܢܒܝܘܼܬ ܕܐܕܡ̈ܝܐ ܥܒ ܕܒܝܬ ܝܼܗܘܼܕܐ ܐܝܼܬܝܗܿ ܒܗ݀ܝ ܕܥܼܣܪܐ ܫܒܼ̈ܛܐ ܡܼܢ ܫܢܬ ܫܬ ܕܚܙܩܝܐ ܘܬܫܥ ܕܗܘܼܫܥ ܒܪ ܐܿܠܐ ܫܿܒܝܢܼ ܗܼܘܘ ܡܼܢ ܐܬܘܼܪ̈ܝܐ ܥܕܡܐ ܠܫܘܼܪܝ ܢܒܝܘܼܬܗ ܕܐܪܡܝܐ ܐܝܼܬ ܫܢ̈ܝܐ ܬܫ̈ܥܝܼܢ ܘܬܪ̈ܬܝܢ. ܩܒܘܼܬܐ ܐܡܿܪܝܼܢ ܗܼܘܘ ܕܗܘܼ ܐܪܡܝܐ ܛܫܼܝܬܗܿ ܒܡܥܼܪܬ ܘܐܘܼܠ̈ܝܬܐ ܒܡܨܪܝܢ ܪܟܒܼ ܐܢܝܢ ܥܠ ܐܘܿܪܫܠܡ. ܘܢܘܼܪܐ ܕܒܝܬ ܩܘܼ̄ܕ ܟܗܢܐ ܫܕܐܘܼܗܿ ܒܓܘܼܒܐ ܕܠܐ ܬܬܼܛܡܐܐ ܡܼܢ ܒܒܠ̈ܝܐ ܘܟܕ ܣܠܼܩܘ ܘܐܬܼܒܢܝܼ ܗܝܟܠܐ. ܡܼܢ ܫܝܿܢܐ ܕܘܼܒܐ ܪܣܼܘ ܥܠ ܕܒܚܼ̈ܐ ܘܒܡܥܼ̄ܒܕܢܘܼ ܕܐܠܗܐ ܣܠܼܩܬ݀ ܢܘܼܪܐ ܡܼܢ ܣܝܿܢܐ ܘܐܘܩܕܬ݀ ܠܕܒܚܼ̈ܐ ܘܠܗܿܠܝܢ ܡܟܬܒ ܥܙܪܐ ܘܗܘܼ ܐܟܼܬܒ ܠܢܒܝܘܼܬܗ. ܐܚܪ̈ܢܐ ܐܡܿܪܝܼܢ ܕܒܪܘܿܟ ܐܝܼܬܝܗܿ ܘܚܕܐ ܙܒܢ ܐܘܩܼܕܗܿ ܝܘܼܝܩܝܼܡ ܘܡܢܼܕܪܝܼܫ ܟܬܒܼܗܿ܆ ܦܬܓܡܗ ܕܡܪܝܐ ܗ̄ ܡܥܒܕܢܘܼܬܗ. ܡܛ݀ܠ ܕܒܡܼ݁ܒܕܢܘܼܬܐ ܐܠܗܝܿܬܐ ܡܬܼܐܡܪܝܼܢ ܦܬܓܡ̈ܐ. ܥܕܠܐ ܐܨܿܘܪܟ ܒܟܪܣܐ ܗ̄ ܝܼܕܝܼܥܬܐ ܩܿܪܐ ܬܢܢ ܠܗ݀ܝ ܕܝܿܕܥ ܗܼܘܐ ܘܡܦܼܣ ܗܼܘܐ ܒܢܒܝܐ ܕܫܿܘܐ ܠܒܝܬܝܘܼܬܗ ܘܡܛ݀ܠ ܕܝܿܕܥ ܗܼܘܐ ܕܥܿܪܩ ܢܒܝܐ ܡܼܢ ܗܿܝ ܕܢܬܢܼܒܐ ܩܕܡ ܚܘܝܼܗ. ܕܠܘ ܐܝܟ ܕܐܬܿܝ ܓܒܼܝܗܝ ܐܠܐ ܡܼܢ ܟܕ ܨܪܗ ܘܓܒܠܼܗ ܐܟܡܼܐ ܕܐܦ ܠܟܿܠܢܫ ܝܿܕܥ ܩܕܡ ܗܘܝܘܗ. ܛܿܠܐܼ ܐܢܼܐ ܗ̄ ܢܒܝܐ ܕܝܢ ܡܛ݀ܠ ܕܚܼܙܐ ܡܚܝܼܠܘܼܬܗ ܘܩܫܝܘܼܬܐ ܕܥܡܐ ܘܥܣܼܩܘܼ̄ ܕܢܒ̄ܝܘܼ ܠܒܼܟ ܥܠܼܬܐ ܕܛܠܝܘܼܬܐ܆ ܠܐ ܬܐܡܼܪ ܕܛܿܠܐܼ ܐܢܼܐ ܗ̄ ܐ݀ܦܢ ܒܡܠܼܬܐ ܠܒܒܼܗ ܐܠܐ ܥܕܟܝܼܠ ܡܚܝܼ̄ܠܘܼ ܡܢܘܠܐ ܗܘܬ݀ ܠܗ. ܘܐܘܫܼܛ ܡܪܝܐ ܐܝܼܕܗ ܗ̄ ܐܝܼܕܐ ܠܡܥܒܕܢܘܼܬܗ ܫܡܼܗ ܕܒܕܡܘܼܬ ܐܝܼܕܐ ܕܒܪܢܫܐ ܐܬܩܼܪܒܬ݀ ܠܦܘܼܡܗ. ܐܝܿܟܢܐ ܕܡܼܢ ܓܘܼܫܡܢܝܬܐ ܢܩܒܼܠ ܚܝܠܐ ܠܐ ܡܬܼܚܙܝܢܐ ܒܢܦܼܫܗ. ܗܿܐ ܝܗܒܿܬ ܦܬܓܡ̈ܝ ܗ̄ ܒܗܿܕܐ ܚܘܝܼ ܕܟ݀ܠܗܝܢ ܐܝܿܠܝܢ ܕܡܼܠܠ ܢܒܝܐ ܡܼܢ ܐܝܼܕܐ ܗ݀ܝ ܕܐܬܩܼܪܒܬ݀ ܠܦܘܼܡܗ ܐܬܢܣ̈ܟܝܢ ܒܢܦܼܫܗ. ܚܙܝܼ ܕܐܫܠܿܛܬܝ ܗ̄ ܐܡܿܪ ܥܠ ܥܡ̈ܡܼܐ ܘܥܠ ܡ̈ܠܟܘܬܐ ܐܝܿܠܝܢ ܕܗܘܼ ܢܒܝܐ ܒ݀ܬܪܟܢ ܡܬܼܕܟܪ ܠܗܘܿܢ ܒܛܒܿܬܐ ܐܘܿ ܒܒܝܼܫܬܐ. ܠܡܥܩܼܪ ܘܠܡܣܼܬܪ ܗ̄ ܡܬܼܢܒܐ ܥܠ ܥܩܘܼܪܝܐ ܕܐܝܿܠܝܢܕ ܠܐ ܡܬܼܬܦܝܼܣܝܼܢ ܘܥܠ ܒܢܝܿܢܐ ܥܩܘܼܪܝܐ ܕܐܝܿܠܝܢ ܕܠܐ ܡܬܼܬܦܝܼܣܝܼܢ ܘܥܠ ܒܢܝܿܢܐ ܕܡܫ̈ܬܼܡܥܢܐ. ܡܣܪܗܒ ܐܢܼܐ ܥܠ ܦܬܓܡ̈ܝ ܗ̄ ܡܚܿܘܐ ܕܟܐܡܼܬ݀ ܐܦ ܒܝܼܫܬܐ ܗ݀ܝ ܕܥܬܝܼܕ ܐܠܗܐ ܠܐܘܿܪܫܠܝܡ ܡܣܪܗܒܐ ܣܿܓܝܼ ܠܡܐܼܬܐ ܒܝܕ ܒܒܿܠ̈ܝܐ. ܩܕܣܐ ܕܬܦܿܐܼ ܗ̄ ܥܠ ܬܦܿܝܐ ܩܕܣܐ ܡܕܝܼܢܬܐ ܘܥܡܘܿܪ̈ܝܗܿ ܐܢܘܿܢ ܘܒܗܿܝ ܕܬܿܦܐܼ ܐܘܟܝܼܬ ܡܼܫܬܓܪ ܪܡܿܙ ܥܠ ܥܩ̈ܬܐ ܕܐܝܬܝܼܘ ܒܒܠ̈ܝܐ ܥܠ ܝܼܗܘܼܕ. ܡܼܢ ܓܪܒܝܐ ܗ̄ ܒܒܿܝܠ. ܡܬܼܦܬܚܐ ܒܝܼܫܬܐ ܥܠ ܟܿܠܗܘܿܢ ܝܿܬܒ̈ܝ ܐܪܥܐ ܐܘܟܝܼܬ ܝܘܼ̈ܕܝܐ. ܐܣܘܼܪ ܚܨ̈ܝܟ ܘܩܘܼܡ ܗ̄ ܒܚܦܝܼܛܘܼܬܐ ܘܒܥܝܼܪܘܼܬܐ pb. 295 ܫܡܠܐ ܥܒܿܕܐ ܕܠܗ ܐܬܩܼܝܼܬ. ܕܠܡܼܐ ܐܬܿܒܪܟ ܗ̄ ܕܐܢ ܠܐ ܡܬܼܬܦܝܼܣ ܐܢܬ ܕܬܐܡܼܪ ܠܗܘܿܢ ܣܿܐܡ ܐܠܗܐ ܒܪܝܼܫܟ. ܐܝܟ ܩܪܝܼܬܐ ܕܡܫܪܪܐ ܒܫܘܼܪܐ ܘܥܡܘܼܕܐ ܕܦܪܠܐ ܕܠܐ ܡܬܼܚܣܢ ܨ̄ܛ ܕܒ̄ ܐܬܕܿܟܪܬ ܠܟܝ ܛܠܝܘܼܬܟܝ ܗ̄ ܐܬܕܟܿܪܬ ܠܟܝ ܗܿܫܐ ܗܿܫܐ ܛܝܒܘܼܬܐ ܗܿܝ ܕܣܿܥܪܬ ܠܟܝ ܒܡܨܪܝܢ ܘܒܡܕܒܪܐ ܟܕ ܡܣܿܝܒܪܝܼܢ ܐܢܬܘܿܢ ܗܼܘܝܬܘܿܢ ܕܘ̈ܘܼܢܐ ܘܐܘܼܠ̈ܨܢܐ ܕܐܘܼܪܚܐ. ܕܚܘܼܪܒܐ. ܩܕܝܼܫ ܝܼܣܪܐܝܠ ܗ̄ ܦܪܫܿܬܗ ܠܝܼ ܠܝܼܣܪܐܝܠ ܐܝܟ ܪܝܼܫܝܼܬܐ ܡܼܢ ܟܿܠܗܘܿܢ ܥܡ̈ܡܼܐ ܘܦܩܿܕܬܗ ܕܐܦ ܗܼܘ ܪܝܼܫܐ ܕܟ݀ܠܗܝܢ ܥ̈ܠܠܬܗ ܢܬܼܠ ܠܟܗ̈ܢܐ. ܟܿܠ ܐܢܩܠ̈ܝܗܘܿܢ ܗ̄ ܗܿܠܝܢ ܗܿܟܝܼܠ ܓܙܿܪܬ ܬܡܿܢ ܘܦܩܿܕܬ ܕܐܢ ܐܢܫ ܢܟܐ ܐܢܘܿܢ ܒܡܣܡ ܒܪܝܼܫܐ ܕܡܘܬܐ ܢܬܚܼܝܒ. ܒܝܼܫܬܐ ܬܐܼܬܐ ܗ̄ ܥܠ ܒܥܠܕܒܒ̈ܝܗܘܿܢ. ܘܐܙܼܠܘ ܒܿܬܪ ܠܐ ܡܕܡ ܗ̄ ܠܦܬܟܪ̈ܐ ܩܿܪܐ ܕܡܕܡ ܠܝܬ ܐܢܘܿܢ ܘܐܦܠܐ ܪܓܝܼܫܝܼܢ ܕܐܝܼܬܝܗܘܿܢ ܘܐܦ ܗܿܢܘܢܿ ܕܠܗܘܿܢ ܦ݀ܠܚܝܼܢ ܠܐ ܡܕܡ ܝܿܬܪܝܼܢ. ܕܕܒܪܢ ܒܡܕܒܪܐ ܗ̄ ܬܪܣܼܝܢ ܒܐܬܪܐ ܚܘܼܪܒܐ ܘܫܗܼܝܐ. ܒܐܪܥܐ ܨܕܝܼܬܐ ܗ̄ ܒܡܕܒܪܐ ܗ݀ܘ ܚܘܼܪܒܐ ܕܡܿܠܐܼ ܗܼܘܐ ܢܟܝ̈ܢܐ ܕܟ݀ܠ ܓܢܣܼ ܘܚܘ̈ܘܬܐ ܩܛܘ̈ܠܐ܆ ܓܘܼܒܐ ܠܒܼܙܬܐ ܗ̄ ܡܬܐܼܡܪ ܥܒܕܐ ܕܦܓܪܐ ܐܦ ܕܬܪܥܝܼܬ ܘܕܕܘܼܒܪ̈ܐ ܒܝܼܫ̈ܐ. ܘܐܡܿܪ ܕܐܠܘܼܠܐ ܐܝܼܬܘܗܝ ܥܡܐ ܗܿܢܐ ܥܒܕܐ ܕܚܛܝܼܬܐ ܠܐ ܡܫܼܬܒܐ ܗܼܘܐ ܘܡܬܼܒܙܙ. ܘܟܕ ܓܠܝܐ ܕܐ݀ܦܢ ܡܬܼܐܡܪ ܥܒܕܐ ܕܚܛܝܼܬܐ ܐܦ ܥܒܕܐ ܝܼܠܝܼܕ ܒܝܬܐ ܐܠܐ ܬܢܢ ܡܛ݀ܠ ܕܒܣܘܼܩܒܠܐ ܕܠܘܿܬ ܥܒ̈ܕܐ ܐܬܬܼܣܝܼܡܬ݀ ܥܠ ܒܪܐ ܡܿܘܕܥ ܗܿܕܐ ܕܝܼܠܝܼܕ ܝܬܐ ܢܢܼܗܡܘܢܿ ܥܠܝܗܘܿܢ ܐܪ̈ܝܘܬܐ ܗ̄ ܡܿܠܦ ܥܠ ܡܐܼܬܝܼܬܐ ܕܒܒܠ̈ܝܐ. ܕܐܝܿܟܢܐ ܕܠܐ ܥܡܠܐ ܐܚܿܕܝܼܢ ܠܝܼܗܘܼܕ ܘܡܛ݀ܠ ܪܝܼܫܢܘܼܬܗܘܿܢ ܘܚܝܠܬܢܘܼܬܗܘܿܢ ܩ݀ܪܐ ܠܒܒ̈ܠܝܐ ܐܪ̈ܝܘܬܐ. ܢܪܥܘܼܢܟܝ ܗ̄ ܫܿܒܝܢ ܘܫܿܩܠܝܼܢ ܡܢܼܟܝ ܪ̈ܝܼܫܖܝܖܬܐ. ܗܿܠܝܢ ܩܕܡ ܒܒ̈ܠܝܐ ܒܡܿܘܬܗ ܕܝܘܿܫܝܐ ܚܪܼܒܘ ܘܫܒܼܘ ܡܢܼܗܘܿܢ. ܒܙܒܼܢܐ ܕܡܿܕܝܪ ܗܼܘܐ ܗ̄ ܒܙܒܼܢܐ ܗ݀ܘ ܕܝܨܝܼܦ ܗܼܘܐ ܕܝܼܠܟܘܢ ܘܡܬܿܪܣܐ ܠܟܘܢܿ ܐܝܟ ܕܢܗܼܐܘ ܙܒܢܼܐ ܕܡܕܒܪܢܘܼܬܐ ܡܼܢ ܡܦܩܼܬܐ ܕܡܼܢ ܡܨܪܝܢ ܥܕܡܐ ܠܙܒܢܼܐ ܕܢܒܝܘܼܬܐ ܗܿܕܐ. ܐܘܼܪܚܐ ܐܡܿܪ ܠܬܕܡܪ̈ܬܐ ܘܚܝ̈ܠܐ ܘܦܘܼܪܩܢܐ܆ ܡ̈ܝܐ ܕܫܝܼܚܘܼܪ ܗ̄ ܢܝܠܘܿܣ ܐܘܟܝܼܬ ܓܝܼܚܘܿܢ ܕܡܨܪܝܢ. ܠܐܬܘܼܪܝܐ ܠܡܫܼܬܐ ܗ̄ ܡ̈ܝܐ ܕܢܗܪܐ ܠܦܪܬ ܘܕܩܠܬ݀ ܕܐܬܘܿܪ ܩܿܪܐ ܡܿܘܕܥ ܒܝܕ ܗܿܠܝܢ ܥܠ ܓܘܣܗܘܿܢ ܕܒܡܨܪ̈ܝܐ ܘܒܐܬܘܼܪ̈ܝܐ ܠܣܼܒܪܐ ܕܥܘܼܕܪܢܗܘܿܢ ܒܗ݀ܘ ܙܒܢܼܐ ܩܝܿܡ ܗܼܘܐ ܫܪܟܐ ܕܐܬܘܼܪ̈ܝܐ ܘܡܠܟܘܼܬܗܘܿܢ. ܬܕܪܟܝܟܝ ܒܝܼܫܬܟܝ ܗ̄ ܗܝܼ ܢܦܫܼܟܘܢ ܘܡܪ̈ܕܘܬܐ ܕܐܬܝ̈ܢ ܥܠܝܟܘܢ ܒܣܪ̈ܢ ܘܡܟܒܫܩ̈ܢ ܠܟܘܿܢ ܕܠܘ ܒܫܪܪܐ ܐܝܼܬܝܗܿ ܬܝܿܒܘܼܬܟܘܢܿ ܐܠܐ ܒܡܛܥܝܢܘܼܬܐ. ܐܬܗܦܟܼܬ ܥܠܝ ܗ̄ ܕܟܕ ܐܢܿܐ ܡܼܢ ܙܪܥ ܕܐܒܪܗܡ ܝܒܿܠܬܘܢ ܥܠܝ ܒܕܡܘܼܬ ܓܦܼܬܐ ܥܒܝܼܬܐ ܕܡܪܕܐ ܡܼܢ ܦܠܚܐ ܘܡܼܢ ܦܐܪ̈ܐ ܘܪ̈ܚܡܐ ܕܘܼܡܝܐ ܕܐܝܼܠ̈ܢܐ ܢܘܼܟܪ̈ܝܐ. ܘܐܢ ܬܬܚܼܘܪܝܼܢ ܒܢܬܼܪܐ ܗ̄ ܠܘ ܓܝܪ ܐܝܟ ܕܡܚܘܪܝܼܢ ܢܬܼܪܐ ܘܟܒܪܝܼܬܐ ܡ̈ܐܢܐ ܡܫܼܟܚܝܼܢ pb. 296 ܐܦ ܚܛ̈ܗܐ ܠܡܕܟܝܘܼ ܐܠܐ ܐܝܟ ܨܘܼܒܥ ܕܙܚܘܼܪܝܼܬܐ ܕܠܘ ܪܗܝܼܒܐܝܼܬ ܡܬܼܚܘܪ. ܗܿܟܢܐ ܐܬܟܬܡܼܬܘܢ ܒܥܘܠܟܘܢ. ܡܛ݀ܠܗ݀ܝ ܕܠܐ ܨ݀ܒܝܢ ܐܢܬܘܢܿ ܠܡܥܼܒܪ ܡܢܼ̈. ܟܿܠ ܡܼܢ ܕܒ݀ܥܐ ܠܗ ܗ̄ ܐܢ ܐܢܫ ܨ݀ܒܐ ܕܢܐܼܠܦ ܥܠ ܗܿܠܝܢ ܕܐܬܐܼܡܪ̈ܝܼܢ ܥܠ ܟܢܘܼܫܬܐ ܗ݀ܕܐ ܕܐܢ ܫܪܝܼܪ̈ܢ ܐܘܿ ܠܐ. ܠܐ ܡܫܬܼܚܩ ܣܿܓܝܼ ܒܒܥܿܬܐ ܐܠܐ ܓܠܝܐܝܼܬ ܒܗܘܿܢ ܒܣܘܼܥܪ̈ܢܐ ܡܫܟܼܚ ܠܗܘܿܢ ܠܘܿܬܗ. ܟܠܝ ܪ̈ܓܠܝܟܝ ܗ̄ ܦܘܼܫܝ ܐ݀ܦܢ ܗܿܫܐ ܡܼܢ ܫܪܝܼܚܘܼܬܐ ܕܦܬܟܪ̈ܐ ܗ݀ܝ ܕܒܗܿ ܥܪܛܠ ܘܚܦܝܝ ܩܕܡ ܫܐܕ̈ܐ ܩܝܿܡܐ ܐܢܬܝ. ܐܢ ܓܝܪ ܗܿܕܐ ܕܬܥܒܼܕܝܼܢ ܐܦ ܐܢܿܐ ܠܐ ܡܿܪܦܐ ܐܢܼܐ ܠܟܝ. ܠܡܣܼܒܠ ܚܕܐ ܡܼܢ ܒܝܼ̈ܫܬܐ ܕܟܦܼܢܐ ܘܨܗܝܐ ܘܥܪܛܠܝܘܼܬܐ. ܐܢܬܘܢܿ ܕܪܐ ܗ̄ ܐܦ ܐܢܬܘܿܢ ܕܗܿܫܐ ܐܝܼܬܝܟܘܢܿ ܒܕܪܐ ܗܿܢܐ ܘܟܪ̈ܝܼܟܢ ܠܟܘܢܿ ܥܩ̈ܬܐ ܕܥܘ ܢܦܫܼܟܘܢܿ ܘܦܢܼܘ ܠܘܿܬܝ ܘܐܣܼܬܟܠܘ ܠܡܐܼܛܒܢܘܼܬܝ ܕܠܘܿܬܟܘܿܢ. ܡܿܢܐ ܐܡܼܪ ܥܡܝ ܗ̄ ܗܿܕܐ ܥܠ ܪܥܝܿܢܐ ܕܢܦܼܫܗܘܿܢ ܣܿܐܡ ܠܗܿ ܘܠܘ ܕܒܩܿܠܐ ܩܿܥܝܢ ܗܼܘܘ ܕܠܐ ܦ݀ܢܝܢܢ ܠܐܠܗܐ. ܗ݀ܝ ܕܢܚܼܬܢ ܗ̄ ܥܠ ܡܨܛܠܝܢܘܼܬܗܘܿܢ ܘܡܦܘܼܠܬܗܘܿܢ ܕܡܼܢ ܐܠܗܐ ܡܿܘܕܥܐ. ܘܗܿܝ ܕܠܐ ܢܐܼܬܐ ܠܘܿܬܟ ܗ̄ ܥܠ ܩܫܝܘܼܬ ܩܕܠܗܘܿܢ ܘܚܘܼܒܗܘܿܢ ܕܠܘܼܬ ܦܬܟܪ̈ܐ ܡܒܿܕܩܐ. ܕܠܡܼܐ ܛܥܿܝܐ ܗ̄ ܠܐ ܡܫܼܟܚܐ ܐܪܐ ܟܡܐ ܕܬܚܼܙܐ ܐܢܬܬܐ ܢܝܿܚ̈ܐ ܐܘܿ ܛܘܼܪ̈ܦܐ ܕܬܼܛܥܐ ܝܘܡ̈ܬܐ ܕܒܬܘܼ̄ܠܘܗ ܗܿܢܘܢܿ ܕܒܗܘܿܢ ܡܬܓܐܝܬܐ ܗܘܬ݀ ܘܡܬܼܦܢܩܐ ܒܝܬ ܐܒܗ̈ܝܗܿ܆ ܥܡܝ ܕܝܢ ܛܥܼܢܝ ܗ̄ ܟܕ ܠܐ ܝܬܝܼܘ ܥܠ ܒܿܠܗܘܿܢ ܚܕܐ ܡܼܢ ܡܐܛܒ̈ܢܘܬܐ ܕܠܘܿܬܗܘܢܿ ܣܥܿܪܬ ܡܼܢ ܫܘܼܪܝܐ ܘܥܬܕܡܐ ܠܗܿܫܐ. ܠܡܿܢܐ ܡܬܩܢܬܝ ܗ̄ ܡܿܘܕܥ ܒܗܿܕܐ ܕܠܘ ܡܼܢ ܟܿܠܗ ܠܒܼܗܘܿܢ ܫܿܐܠܝܼܢ ܗܼܘܘ ܪ̈ܚܡܼܐ. ܐܠܘܼ ܓܝܪ ܒܫܪܪܐ ܐܬܩܼܢܘ ܣܘܼܥܪ̈ܢܝܗܘܿܢ ܘܦܢܼܘ ܡܼܢ ܣܢܝ̈ܬܗܘܿܢ ܘܠܘ ܗܿܠܝܢ ܒܝܼܫ̈ܬܐ ܕܬܼܢܐ ܡܛܿܬܠܗܘܿܢ ܡܫ̈ܬܼܟܚܢ ܗܼܘ̈ܝ ܒܗܘܿܢ. ܠܐ ܗܼܘܐ ܒܦܘܼܠܫܬܐ ܗ̄ ܐܝܿܟܐܢ ܐܚܿܘܢ ܠܗܿܠܝܢ ܕܫܿܐܠܝܼܢ ܠܝܼ ܪ̈ܚܡܼܐ ܟܕ ܠܘ ܒܛܘܼܫܝܐ ܚܿܛܝܢ ܘܣܿܓܕܝܼܢ ܠܫܐܕ̈ܐ ܘܐܦܿܠܐ ܒܕܡܘܼܬܐ ܕܓܢܿܒܐ ܕܟܣܝܐܝܼܬ ܬܪܥ ܐܣܼܬܐ ܘܓܿܢܒ ܐܠܐ ܓܠܝܐܝܼܬ ܠܥܝܼܢ ܟܿܠ ܣܿܓܕܝܼܢ ܠܦܬܟܪ̈ܐ ܬܚܝܬ ܟ݀ܠ ܐܝܼܠܝܢ ܣܿܓܕܝܼܢ ܠܦܬܟܪ̈ܐ. ܠܡܿܢܐ ܡܙܕܠܠܬܝ ܗ̄ ܠܡܿܢܐ ܡܗܦܟܬܝ ܘܡܬܢܝܬܝ ܐܘܼܪ̈ܚܬܟܝ ܘܡܐܼܬܝܼܬܟܝ ܕܠܘܿܬ ܡܨܪ̈ܝܐ. ܘܡܬܬܓܪܐ ܐܢܬܝ ܨܥܪܐ ܘܩܠܠܐ ܠܩܢܘܿܡܟܝ. ܡܐ ܕܣܿܒܠܐ ܐܢܬܝ ܟܿܠ ܒܝܼܫ̈ܢ ܡܼܢ ܒܒܠ̈ܝܐ. ܐܦ ܡܼܢ ܠܘܿܬ ܗܿܢܐ ܬܦܼܩܝܼܢ ܗ̄ ܬܦܼܩܝܼܢ ܠܡ ܐܦ ܡܼܢ ܠܘܿܬ ܗܿܢܐ ܡܠܟܐ ܕܡܨܪ̈ܝܐ ܣܦܝܼܩܬܐ ܟܕ ܣܝ̈ܡܢ ܐܝܼܕ̈ܝܟܝ ܥܠ ܪܝܼܫܟܝ ܘܡܝܠܠܐ ܡܐ ܕܕܒܪܝܼܢ ܠܟܝ ܒܒܠ̈ܝܐ ܒܫܒܼܝܐ܀ ܨܚܚܐ ܕܬܠܬܐ ܐܢ ܢܫܼܒܘܿܩ ܓܒܪܐ ܠܐܢܬܬܗ ܘܬܐܼܙܠܠܝ ܗ̄ ܒܬܚܘܝܼܬܐ ܗܿܕܐ ܩ݀ܪܐ ܠܗܘܿܢ ܠܬܝܿܒܘܼܬܐ. ܗܿܕܐ ܣܿܗܕܘܼܬܐ ܐܡܝܼܪܐ. ܘܗܿܪܟܐ ܥܠ ܙܢܿܝܘܼܬܐ ܕܪܥܝܢܐ ܐܡܝܼܪܐ. ܐܦ ܓܝܪ ܕܚ̈ܠܝ ܐܠܗܐ ܒܐܢܬܬܐ ܡܬܡܼܬܠܝܼܢ ܒܟ̈ܬܒܐ ܡܛ݀ܠ ܗܝܡ̄ܢܘܼ ܕܒܐܠܗܐ. ܘܠܦܘܼܬ ܢܩܝܼܦܘܼܬܐ. ܡܬܐܼܡܪ ܓܘܪܐ ܐܦ ܙܢܝܘܼܬܐ ܕܦܓܪܐ ܘܕܢܦܼܫܐ. ܐܡܿܪ ܠܘܿܬܗܘܿܢ ܐܝܟ ܕܠܘܿܬ ܐܢܬܬܐ. ܕܐܢܗܘܼ ܠܡ ܕܬܬܦܼܢܝܢ ܠܘܿܬܝ pb. 297 ܫܪܝܼܪܐܝܼܬ ܠܐ ܡܣܿܠܐ ܐܢܼܐ ܠܟܝ ܐܝܟ ܒܝܼܫܘܼܬܟܝ. ܐܢܿܐ ܐܢܼܐ ܕܫܥܿܬܐ ܡܼܢ ܗ݀ܝ ܕܦܩܿܕܬ ܒܢܡܘܿܣܐ ܘܡܬܼܦܢܐ ܐܢܼܐ ܠܘܿܬܟܘܢܿ ܘܝ݀ܨܦ ܐܢܼܐ ܕܝܼܠܟܘܢ. ܘܐܢܬܝ ܙܟܼܝܼܬܝ ܗ̄ ܡܚܿܘܐ ܕܡܛ݀ܠ ܡܿܢܐ ܐܝܼܬܝܗܿ ܠܣܗܕܘܼܬܐ. ܘܐܢܬܝ ܠܡ ܓܪܬܝ ܒܦܬܟܪ̈ܐ ܘܒܫܐܕ̈ܐ ܗܿܠܝܢ ܕܠܦܘܼܬ ܡܣܼܒܪܢܘܼܬܐ ܕܐܝܿܠܝܢ ܕܣܿܓܕܝܼܢ ܠܗܘܿܢ. ܬܘܼܒܘ ܠܘܿܬܝ ܗ̄ ܡܚܿܦܛ ܠܗܘܿܢ ܠܘܿܬ ܬܝܒܘܼܬܐ܀ ܐܪܝܼܡܝ ܥܝܢܝ̈ܟܝ ܥܠ ܗ̄ ܒܗܿܠܝܢ ܡܟܿܣ ܘܡܿܦܪܫܣܐ ܚܛܗ̈ܝܗܘܿܢ ܡܼܢ ܙܢܝܼܘܬܟܝ ܕܥܡ ܦܬܟܪ̈ܐ. ܠܐ ܐܡܢܼܬܝ ܠܡܼܫܕܪܘܼ ܠܘܿܬ ܥܡܼ̈ܡܐ ܪ̈ܚܝܼܩܐ ܠܡܼܝܬܝܘܼ ܠܟܝ ܕܡܼܘ̈ܬܗܘܿܢ. ܘܡܼܢ ܫܪܝܼܚܘܼܬܟܝ ܣܿܓܝܐܬܐ ܐܡܝܼܢܐܝܼܬ ܡܣܿܟܝܐ ܗܼܘܝܬܝ ܠܡܼܛܪ ܘܥܕܝ̈ܗܘܿܢ ܘܨܘܼܒ̈ܝܗܘܿܢ ܕܠܘܿܬܟܝ ܕܒܕܡܘܼܬ ܢܥܒܐ ܗ݀ܘ ܕܐܡܝܼܢ ܠܡܼܛܪ ܐܘܼܪܚܐ ܕܥܘܼܪ̈ܒܐ ܠܡܘܼܠܝܐ ܕܣܘܼܢܩܢܗ. ܚܙܼܝܬ ܡܕܡ ܕܥܒܼܕܬ ܗ̄ ܨ݀ܒܐ ܕܡܼܢ ܗܿܪܟܐ ܐܝܟ ܕܒܦܚܼܡܐ ܢܟܣ ܠܕܒܝܬ ܝܼܗܘܼܕܐ ܟܕ ܡܣܼܬܒܪܝܼܢ ܗܼܘܘ ܒܝ̈ܬܝܐ ܠܐܠܗܐ ܝܬܝܼܪ ܡܼܢ ܝܼܣܪ̈ܠܝܐ ܐܫܼܬܟܚܘ ܕܚܒܼܠܘ ܣܘܼܥܪ̈ܢܝܗܘܿܢ. ܡܛܿܠܗܿܕܐ ܡܬܦܼܩܕ ܢܒܝܐ ܒܓܠܝܢܐ ܒܝܘܡ̈ܘܗܝ ܕܝܘܼܫܝܐ ܕܐܝܿܟܢܐ ܕܟܢܘܼܫܬܐ ܗܿܝ ܕܒܫܿܡܪܝܼܢ ܥܿܡܪܐ ܗܼܘܬ݀ ܫܒܼܩܬ݀ ܠܐܠܗܐ ܘܐܙܠܬ݀ ܘܐܬܢܩܼܦܬ݀ ܠܦܬܟܪ̈ܐ ܘܐܫܬܼܒܝܬ݀ ܒ݀ܬܪܟܢ. ܓܿܕܫ ܠܗܿܕܐ ܟܢܘܼܫܬܐ ܕܝܼ̈ܘܼܕܐ ܐܢ ܠܐ ܦ݀ܢܝܐ ܠܘܿܬ ܐܠܗܐ. ܙܕܩܬ݀ ܢܦܼܫܗܿ ܗ̄ ܠܘ ܕܗܿܢܘܢܿ ܐܡܿܪܝܼܢ ܗܼܘܘ ܕܙܕܝܼܩܝܼܢ ܗܼܘܘ ܕܒܝܬ ܝܼܗܘܼܕܐ ܐܠܐ ܕܗܘܼ ܢܒܝܐ ܐܝܟ ܕܡܼܢ ܐܠܗܐ ܐܡܼܪ ܗܿܕܐ ܕܡܫܼܬܟܚܝܼܢ ܐܝܿܠܝܢ ܕܐܫܼܬܒܝܼܘ ܠܐܬܘܿܪ ܕܙܕܝܼܩܝܼܢ ܡܼܢ ܐܝܿܠܝܢ ܕܗܿܫܐ ܡܬܼܢܒܐ ܐܢܬ ܥܠܝܗܘܿܢ ܘܠܐ ܫܿܡܥܝܼܢ. ܒܓܪܒܝܐ ܗ̄ ܒܐܬܘܿܪ. ܠܘ ܟܕ ܒܣܘܥܪܢܐ ܐܫܼܬܕܪ ܢܒܝܐ ܠܬܡܿܢ ܠܘܿܬ ܝܼܣܪ̈ܠܝܐ ܐܝܟ ܝܘܢܢ ܐܠܐ ܡܐܼܙܠܬܗ ܕܠܘܿܬܗܘܿܢ ܐܝܼܬܝܗܿ ܢܒܝܘܼܬܗ ܕܥܠܝܗܘܿܢ. ܗܿܢܐ ܪܥܝܿܢܐ ܣܿܓܝܼ ܡܫܼܬܟܚ ܒܟ̈ܬܒܐ. ܠܐ ܐܿܠܡ ܐܢܼܐ. ܗ̄ ܠܐ ܢܛܿܪ ܐܢܼܐ ܠܪܘܓܙܝ. ܘܡܚܼܕܐ ܡܩܿܦ ܥܠ ܛܒ̈ܬܐ ܕܗܘ̈ܝܢ ܠܗܘܿܢ ܒܦܘܼܢܝܗܘܿܢ ܘܕܡܬܩܪܝܢ ܒܢ̈ܝܐ ܕܐܠܗܐ. ܠܐ ܬܬܕܟܪܝ ܬܘܼܒ ܕܝܬܩܝ ܗ̄ ܗܿܟܐ ܐܡܿܪ ܕܗܘ̈ܝܢ ܬܡܝܼܗ̈ܬܐ ܗܿܠܝܢ ܕܦܘܼܢܝܐ ܕܒܦܚܼܡܐ ܕܝܼܠܗܘܿܢ. ܢܬܚܼ̈ܠܦܢ ܗܿܠܝܢ ܕܗܼ̈ܘܝ ܒܡܦܼܩܬܗܘܿܢ ܕܡܼܢ ܡܨܪܝܢ ܘܠܐ ܫܘ̈ܝܢ ܕܢܬܼܕܟܪ̈ܢ ܡܛ݀ܠ ܪܒܘܼܬܐ. ܕܗܿܠܝܢ ܕܒܦܘܼܢܝܐ. ܒܫܼܡܐ ܓܝܪ ܕܩܒܘܼܬܐ ܚܿܒܫ ܠܟܿܠܗܝܢ ܩܕܡ̈ܝܬܐ ܐܟܡܿܢ ܕܣܦܼܪ̈ܐ ܕܒܗܘܿܢ ܟ݀ܠܗܝܢ ܗܿܠܝܢ ܩܕܡ̈ܝܬܐ ܪ̈ܫܝܼܡܢ ܗܼܘ̈ܝ ܘܐܡܿܪ ܕܐܢ ܩܒܘܼܬܐ ܕܒܕܘܼܟܬ݀ ܐܠܗܐ ܐܝܼܬܝܗܿ ܗܘܼܬ݀ ܡܛ݀ܠ ܬܡܝܼܗ̈ܬܐ ܕܒܗܿ ܠܐ ܡܬܼܒܥܝܐ ܚܕ ܟܡܼܐ ܐܚܪ̈ܢܝܬܐ ܠܐ ܡܬܼܒ̈ܥܝܢ ܗܼܘ̈ܝ. ܐܝܟ ܡܕܓܠܐܼ ܐܢܬܬܐ ܒܚܒܼܪܬܗܿ ܗ̄ ܒܗܿܕܐ ܡܟܣ ܠܗܘܿܢ. ܩܿܠܐ ܥܠ ܫܒ̈ܝܼܠܐ ܗ̄ ܩܿܠܐ ܓܝܪ ܕܒܟܿܬܐ ܐܫܬܡܼܥ ܕܗܿܢܘܿܢ. ܥܠ ܫܒ̈ܝܼܠܐ ܐܡܿܪ ܗܿܢܘܿܢ ܕܒܗܘܿܢ ܪܕܝܢ ܗܼܘܘ ܠܐܬܘܿܪ ܘܠܒܿܒܝܠ. ܒܿܥܘܿܬܐ ܗ̄ ܕܫܿܐܠܝܼܢ ܗܼܘܘ ܫܘܼܘܙܒܐ ܕܡܼܢ ܥܩ̈ܬܗܘܿܢ. ܘܠܐܠܗܐ ܒܐܘܼܠ̈ܨܢܝܗܘܿܢ ܡܬܼܥܗܕܝܼܢ ܗܼܘܘ ܕܥܩܒܼܘ pb. 298 ܐܘܼܪ̈ܚܬܗܘܿܢ ܗ̄ ܐܘܼܪ̈ܚܬܗܘܿܢ ܠܣܘܼܥܪ̈ܢܝܗܘܿܢ ܡܥܩܼ̈ܡܐ ܕܫܒܼܩܘ ܠܐܠܗܐ ܘܣܓܼܕܘ ܠܦܬܟܪ̈ܐ. ܬܘܼܒܘ ܠܘܿܬܝ ܒܢ̈ܝܐ ܗ̄ ܬܘܼܒܘ ܠܡ ܡܼܢ ܟܿܠܗܿ ܢܦܫܼܟܘܿܢ. ܕܐܩܿܒܠ ܒܿܥܘܿܬܟܘܢ܆ ܐ݀ܣܝܘܼܬܐ ܓܝܪ ܕܬܝܿܒܘܼܬܐ ܐܝܼܬܝܗܿ ܡܬܼܩܒܠܢܘܼܬܗܘܿܢ ܕܠܘܿܬܗ. ܕܗܿܐ ܚܢܢ ܕܝܼܠܟ ܗ̄ ܡܿܘܕܥ ܒܗܿܕܐ ܥܠ ܪܥܝܿܢܐ ܡܛܝܒܼܐ ܕܙ݀ܕܩ ܕܢܼܗܘܐ ܠܗܘܿܢ. ܫܪܝܼܪܐܝܼܬ ܠܓܕܠܘܼܬܐ ܗ̄ ܡܠܦ ܕܟܕ ܐܬܐܼܘܝܼܘ ܐܘܕܝܼܘ ܥܠ ܡܣܛܝܢܘܼܬܗܘܿܢ ܘܕܗܘܼܝܘܼ ܐܠܗܗܘܿܢ ܕܡܼܢ ܪܝܼܫܝܼܬܐ. ܘܥܘܼܫܢܐ ܕܛܘܼܪ̈ܐ ܗ̄ ܥܿܕܠܝܼܢ ܠܦܘܼܠܚܢ ܗܢܘܢܿ ܩܕܡ ܦܬܟܪ̈ܐ. ܪ̈ܡܬܐ ܘܥܼܫܢܐ ܕܛܘܼܪ̈ܐ ܩܿܪܐ ܠܕܘܼܟ̈ܝܬܐ ܒܕܗܝܢ ܣܿܓܕܝܼܢ ܗܼܘܘ ܠܫܐܕ̈ܐ. ܗܿܫܐ ܠܡ ܫܪܝܼܪܐܝܼܬ ܝܼܕܥܢ ܘܐܣܼܬܟܠܢ ܕܕܓܠܘܼ̄ ܘܪܘܼܫܥܐ ܦ݀ܠܚܝܼܢ ܗܼܘܝܢ ܒܗܿܠܝܢ ܪ̈ܡܬܐ ܘܛܘܼܪ̈ܐ. ܘܒܗܼܬܬܐ ܐܟܼܠܬ݀ ܗ̄ ܒܗܿܕܐ ܐܦ ܠܐܒܗ̈ܝܗܘܿܢ ܡܨܿܥܪܝܼܢ ܐܝܟ ܕܠܐܢܫ̈ܐ ܕܟܿܠܗܘܿܢ ܝܘܡ̈ܬܗܘܿܢ ܒܒܗܼܬܬܐ ܕܦܘܼܠܚܢܐ ܕܦܬܟܪ̈ܐ ܐܦܩܼܘ. ܘܐܦ ܩܢܝܿܢܗܘܿܢ ܘܒܢ̈ܝܗܘܿܢ ܘܥܠܗܿܕܐ ܐܫܬܼܒܝܼܘ. ܘܗܿܕܐ ܐܡܿܪ ܕܐܦ ܐܒܗ̈ܝܢ ܘܐܚ̈ܝܢ ܘܫܫܼܒܝܐ ܐܢܘܿܢ ܥܠܗܿܕܐ ܐܫܼܬܒܝܼܘ. ܡܛ݀ܠ ܗܿܝ ܕܟܿܠܗܘܿܢ ܝܘܡ̈ܬܗܘܿܢ ܐܦܩܼܘ ܐܢܘܢܿ ܒܦܘܼܠܚܢ ܦܬܟܪ̈ܐ ܘܟ݀ܠܗ ܪܗܼܛܗܘܿܢ ܕܒܠܝ̈ܠܝ ܐܝܼܡܡ ܠܦܬܟܪ̈ܐ ܡܩܿܪܒܝܼܢ ܗܼܘܘ ܘܥܠܗܿܕܐ ܩܛܦܼܘ ܒܗܬܼܬܐ ܘܨܥܪܐ ܕܫܒܼܝܐ ܐܓܪܐ ܕܦܘܼܠܚܢܗܘܿܢ ܨ̄܆ ܕܕ̄ ܐܢ ܬܬܘܼܒ ܗ̄ ܐܢ ܒܩܘܼܫܬܐ ܘܠܘ ܒܙܐܦܐ ܬܬܼܘܼܒ ܐܘܿܟܝܼܬ ܬܬܦܼܢܐ ܠܘܿܬܝ ܡܩܿܒܠ ܐܢܼܐ ܠܟ܇ ܘܝܿܗܒ ܐܢܼܐ ܠܟ ܐܓܪܐ ܕܬܝܿܒܘܼܬܐ ܒܛܝܼܠܘܼܬܝ ܕܥܠܝܟ܀ ܓܙܘܿܪ ܠܡܪܝܐ ܗ̄ ܐܡܿܪ ܕܒܢܦ̈ܫܼܬܟܘܿܢ ܗܼܘܘ ܗܝ̈ܟܠܼܐ ܠܐܠܗܐ ܘܠܘ ܒܓܙܘܼܪܬܐ ܕܦܓܪܐ. ܘܐܥܒܼܪܘ ܥܘܼܪܠܘܼܬܐ ܗ̄ ܠܐ ܡܬܼܬܦܝܼܣܢܘܼܬܐ ܘܢܘܼܟ̄ܪܝܘܼ ܕܡܼܢ ܐܠܗܐ. ܘܠܐ ܬܘܼܒ ܬܙܪܥܘܢܿ ܥܠ ܟܘܼܒ̈ܐ ܗ̄ ܠܐ ܬܦܠܼܚܘܢܼ ܥܡ ܦܬܟܪ̈ܐ ܕܕܡܿܝܢ ܠܟܘܼܒ̈ܐ ܡܟܝ̈ܢܐ ܘܐܟܚܕܐ ܡܣܿܪܩܝܼܢ ܠܟܘܢܿ ܡܼܢ ܥܠ̈ܠܬܐ ܕܦܘܼܠܚܢܐ ܘܡܼܢ ܚ̈ܝܐ ܕܢܦܼܫܐ ܘܕܦܓܪܐ. ܐܢܗܼܪܘ ܠܟܘܢܿ ܫܪܓܐ ܗ̄ ܝܼܕܥܬܐ ܫܪܝܼܪܬܐ ܗ݀ܝ ܕܒܗܿ ܡܨܝܬܘܿܢ ܠܡܼܕܥ ܐܝܿܠܝܢ ܕܡܥܕܪ̈ܢ ܠܟܘܿܢ. ܘܟܕ ܡܬܼܠܚܡ ܠܗܘܿܢ ܒܝܼܫ̈ܬܐ ܕܠܐ ܡܩܼ̈ܘܝܢ ܒܩܫܝܘܼܬܗܘܿܢ ܐܡܼܪ. ܚܘܘ ܗܿܕܐ ܒܝܼܗܘܼܕ ܗ̄ ܠܘ ܟܕ ܦ݀ܩܕ ܕܚܘܘ ܘܐܫܼܡܥܘ ܐܠܐ ܗ݀ܝ ܕܥ݀ܒܪܝܼܢ ܗܼܘܘ ܥܠܝܗܘܿܢ ܒܥ̈ܠܕܒܒܐ. ܡܐ ܕܐ݀ܬܝܢ ܐܡܼܪ. ܒܗ݀ܝ ܕܗܝܼ ܕܚܠܼܬܐ ܕܡܼܢ ܒܥ̈ܠܕܒܒܐ ܐܿܠܨܐ ܗܘܬ݀ ܠܗܘܿܢ ܕܗܿܕܐ ܢܐܼܡܪܘܢܿ ܘܢܣܼܥܪܘܢ ܠܡܥܼܒܕ ܐܪܥܟ ܠܚܘܼܪܒܐ ܗ̄ ܕܫܒܼܝܐ ܘܕܚܪܒܐ ܘܢܦܼܢܐ ܡܕܪܟ ܠܟܘܢܿ. ܒܒܿܥܘܼ ܡܼܢܟ ܗ̄ ܡܫܿܪܐ ܢܒܝܐ ܒܒܥܘܿܬܐ ܕܚܠܼܦܝܗܘܿܢ. ܡܛܥܝܼܘ ܐܛܥܝܿܬ ܗ̄ ܐܡܿܪ ܕܐܘܿ ܡܪܐ ܟܿܠ. ܐܝܟ ܡܛܥܝܿܢܐ ܡܬܼܚܙܐ ܐܢܼܐ ܗܿܫܐ ܩܕܡ ܥܡܐ. ܫܠܡܐ ܡܿܟܪܙ ܗܘܝܿܬ ܠܗܘܿܢ ܒܗܿܠܝܢ ܩܕܡ̈ܝܬܐ ܘܗܿܫܐ ܦ݀ܩܕ ܐܢܬ ܠܝܼ ܕܐܡܿܪ ܫܒܼܝܐ ܘܚܪܒܐ ܕܩܪܝܼܒܝܼܢ ܘܥܠ ܬܪܥܐ ܩܝܿܡܝܼܢ. ܒܗܿ ܒܙܒܼܢܐ ܗ݀ܘ. ܘܠܐ ܠܡܚܼܡܠ ܗ̄ ܒܙܒܼܢܐ ܕܐܬܿܝܢ ܥܠܝܟܘܢܿ ܒܥܠܕܒ̈ܒܐ ܗܿܠܝܢ ܡܬܼܐܡܪ̈ܢ ܥܠܝܟܘܢܿ ܡܢܼܗܘܢܿ ܕܣܘܼܥܪ̈ܢܐ ܕܠܪܘܼܚܐ ܗܿܝ ܕܥܠܥܠܐ pb. 299 ܗ݀ܝ ܕܡܬܼܟܪܟܐ ܒܡܕܒܪܐ ܠܟܼܐ ܘܠܟܼܐ ܘܠܗܼܠ ܘܠܘ ܬܪܝܼܨܐܝܼܬ ܢ݀ܫܒܐ ܠܦܢܝܼܬܐ ܐܝܿܕܐ ܕܗܝܼ ܘܠܝܬ ܠܡܪܕܐ ܒܗܿ ܥܒܘܼܪܐ ܘܠܡܚܡܼܠ ܐܕܪܐ. ܕܡܐ ܥܡܐ ܗܿܢܐ. ܒܗܿܝ ܕܐܫܬܼܟܚ ܕܗܘܼܐ ܟ݀ܠܗ ܥܡܐ ܘܟܪ̈ܘܼܟܝܐ ܕܝܼܠܗܘܿܢ ܦܬܟܪ̈ܐ ܒܛܝܼ̈ܠܐ ܘܣܪ̈ܝܼܩܐ. ܪܘܼܚܐ ܕܝܢ ܕܡܠܝܐ ܡܼܢ ܗܿܠܝܢ ܗ̄ ܗܿܕܐ ܓܝܪ ܢܒܝܐ ܐܡܼܪܗܿ ܥܠ ܢܦܼܫܗ ܐ݀ܦܢ ܠܡ ܗܿܠܝܢ ܗܿܟܢܐ. ܒܪܡ ܐܢܿܐ ܠܡ ܪܘܼܚܐ ܕܡܼܢ ܐܠܗܐ ܫܪܝܼܪܐܝܼܬ ܩܒܿܠܬ ܗ݀ܘ ܕܐܝܼܬܘܗܝ ܡܠܝܐ ܒܡܘܗ̈ܒܬܗ ܘܡܫܡܼܠܝܐ. ܐܝܟ ܢ݀ܛܪ̈ܝ ܚܩܠ̈ܬܐ ܗ̄ ܐܝܟ ܗ݀ܘ ܕܚܿܙܐ ܠܫܒܼ̈ܝܐ ܕܡܕܝܼ̈ܢܬܐ ܐܡܼܪ ܗܿܕܐ ܕܗܿܟܢ ܠܡ ܢ݀ܛܪܝܼܢ ܗܼܘܘ ܠܡܕܝܼܢܬܐ ܘܟܪܝܼܟܝܼܢ ܠܗܿ ܒܙܗܝܼܪܘܼ̄ ܐܝܟ ܕܠܐ ܐܢܫ ܡܼܢ ܥܿܡܘܿܪ̈ܝܗܿ ܢܫܬܼܘܙܒ. ܡܛ݀ܠ ܕܠܝܼ ܡܪܝܡܼܪܬ݀ ܗ̄ ܗܿܕܐ ܗܿܝ ܥܠܼܬܐ ܕܐܫܼܬܒܝܬ݀. ܗܿܕܐ ܗܿܝ ܒܝܼܫܘܼܬܟܝ ܕܡܪܬ ܗ̄ ܣܘܼܥܪ̈ܢܝܟܝ ܒܝܼ̈ܫܐ ܗܼܢܘܿܢ ܐܪܡܝܼܘܟܝ ܒܥܩ̈ܬܐ ܕܡܟ̈ܐܒܢ ܠܢܦܫܐ܀ ܡܥ̈ܝ ܡܥ̈ܝ ܗ̄ ܗܘܼ ܢܒܝܐ ܢܣܼܒ ܠܗ ܥܠܘܗܝ ܠܚܫܗܘܿܢ ܒܝܕ ܠܒܼܐ ܡܫܿܘܕܥ ܥܠ ܢܦܼܫܐ ܕܥ݀ܡܪܐ ܒܠܒܼܐ ܘܒܝܕ ܡ̈ܝܐ ܥܠ ܟܪܣܐ ܘܕܠܘܼܚܝܐ ܘܕܚܘܼ̈ܫܒܐ ܕܢܿܦܠܝܼܢ ܗܼܘܘ ܒܗܘܿܢ ܝܘܼܕ̈ܝܐ. ܒܗܿܝܢ ܓܝܪ ܗܼܘܘ ܠܡܚܼܫ ܗܼܘ ܢܒܝܐ. ܒܝܕ ܠܒܼܐ ܘܡܥܼ̈ܝܐ ܘܬܠ̈ܘܬܐ ܕܟ݀ܠܗ ܦܓܪܐ ܒܕܩ ܠܛܟܼ̈ܣܐ ܕܐܚܝܼܕܝܼܢ ܒܥܿܠܡܐ ܟܿܠܗ. ܚܝܠ̈ܘܬܐ ܛܦܼܣ ܒܡܥ̈ܝܐ ܒܗ݀ܝ ܕܐܝܟ ܬܘܼܪܣܝܐ ܘܩܘܼܝܡܐ ܕܟܿܠܗܿ ܡܠܟܘܬܐ ܣܝܼܡܝܼܢ ܒܕܡܘܼܬ ܡܥ̈ܝܐ. ܪܘܪ̈ܒܢܐ ܒܕܡܘܼܬ ܬܠ̈ܘܬܐ ܠܓܦܪܐ ܠܥܡܐ ܘܠܚܝ̈ܠܘܬܐ ܐܚܿܕܝܼܢ ܗܼܘܘ ܘܡܠܟܐ ܒܓܘ ܟܿܠܗܘܿܢ ܐܝܟ ܠܒܼܐ ܕܒܗ ܥܡܿܪܐ ܢܦܫܐ. ܬܒܪܐ ܥܠ ܬܒܿܪܐ ܗ̄ ܒܗܿܕܐ ܡܠܦ ܕܠܘ ܒܠܚܘܼܕ ܐܪܒܥ ܙܒ̈ܢܝܼܢ ܬ݀ܒܪܝܼܢ ܠܗܘܿܢ ܒܥܠܕܒ̈ܒܐ. ܬܪܬܝܢ ܒܙܒܢ ܝܘܼܝܩܝܼܡ ܘܚܕܐ ܕܝܘܼܟܢܝܐ ܘܐܚܪܬܐ ܕܨܕܩܝܐ ܐܠܐ ܐܦ ܟܦܼܢܐ ܘܡܿܘܬܢܐ ܕܩܕܡ ܫܒܼܝܐ ܘܒܗ ܒܫܒܼܝܐ ܕܒܒ̈ܠܝܐ ܐܬܿܐ ܥܠܝܗܘܿܢ ܬܒܿܪܐ ܕܒܒܠ̈ܝܐ ܘܬܒܿܪܐ ܕܟܦܼܢܐ ܘܡܘܬܢܐ. ܘܗܐ ܬܘܗ ܗ̄ ܥܠ ܫܒܼܝܐ ܘܚܘܼܪܒܐ ܓܡܝܼܪܐ ܡܿܐܪܙ. ܬܘܼܗ ܘܒܘܼܗ ܕܗܘܬ݀ ܐܪܥܐ ܕܝܼܠܗܘܿܢ ܨܗܝܼܬܐ ܘܨܕܝܼܬܐ. ܘܐܘܣܼܦ ܒܙܒܼܢ ܫܒܝܗܘܿܢ ܐܦ ܫܡܿܝܐ ܡܬܼܚܙܝܐ ܕܚܫܘܼܟܐ ܘܐܪܥܐ ܕܨܕܝܐ ܡܼܢ ܥܡܘܿܪ̈ܝܗܿ ܘܐܦ ܛܘܼܪ̈ܐ ܘܪ̈ܡܬܐ ܡܼܢ ܕܠܚܼܬܐ ܘܬܘܼܩܦܐ ܕܒܥ̈ܠܕܒܒܐ ܡܣܼܬܒܪܝܼܢ ܕܐܬܦܼܪܩܘ ܘܐܫܼܬܪܝܼܘ ܡܼܢ ܕܘܼܟ̈ܝܬܗܘܿܢ. ܡܿܢܐ ܬܥܼܒܕܘܢ ܗ̄ ܡܐ ܕܐܬܿܝܢ ܥܠܝܟܝ ܫܒ̈ܝܼܐ. ܒܙܝܼܙܬܐ ܩܪܗܿ ܡܛ݀ܠ ܕܥܬܝܼܕܐ ܗܘܬ݀ ܕܬܬܒܼܙܙܝ ܡܕ ܬܨܒܼܬܝܼܢ ܒܬܨܒܝܼܬܐ ܗ̄ ܕܠܡܼܐ ܡܣܒܪܐ ܐܢܬܝ ܕܣ̈ܦܩܢ ܕܢܥܕܪ̈ܢܟܝ ܗܿܢܝܢ ܕܥܒܿܕܐ ܗܼܘܝܬܝ ܒܥܐܕ̈ܐ ܕܦܬܟܪ̈ܐ. ܘܡܫܼܟܚܝܼܢ ܡܫܿܘܙܒܝܼܢ ܠܟܝ ܡܼܢ ܫܒܼܝܐ. ܠܐ. ܐܠܐ ܠܣܪܝܼܩ̄ܘܼ ܫܼܪܟ ܨܒܬܼܟܝ. ܨܕܝܼܕܐ ܗ̄ ܟܘܼܚܠܐ. ܡܛ݀ܠ ܕܩܿܠܐ ܐܝܟ ܟܪܝܼܗܬܐ ܗ̄ ܠܐ ܠܡ ܦܪܝܼܫܝܼܢ ܩ̈ܠܐ ܡܚܝܼ̈ܠܐ ܕܚܫ̈ܐ ܕܡܫܡܥܐ ܐܢܬܝ ܒܙܒܢܼܐ ܕܥܩ̈ܬܟܝ ܡܼܢ ܕܟܪ̈ܝܼܗܬܐ ܡܢܘܠ̈ܬܐ܇ ܘܠܐ ܡܫܚܿܠܦܝܼܢ ܟܐܒ̈ܐ ܕܐܬܿܝܢ ܥܠܝܟܝ ܡܼܢ ܕܝܠ̈ܕܬܐ ܨ̄܆ ܕܗ̄ ܐܬܟܼܪܟܘ ܒܫܘܼܩ̈ܝܗܿ ܗ̄ ܢܒܝܐ ܡܼܢ ܕܝܼܠܦ ܒܓܠܝܢܐ ܕܡܼܢ pb. 300 ܐܠܗܐ ܕܠܝܬ ܒܥܡܐ ܕܐܘܿܪܫܠܡ ܐ݀ܦܢ ܚܕ ܕܫܪܝܼܪ ܒܪܥܝܿܢܗ ܘܣܿܥܪ ܡܝܬܪ̈ܬܐ. ܐܗܦܼܟ ܡܠܼܬܗ ܠܘܿܬ ܐܠܗܐ ܘܐܡܼܪ. ܡܪܝܐ ܥܝܢ̈ܝܟ ܗ̄ ܐܢܬ ܒܠܚܘܼܕܝܟ ܛܪܝܗܝ ܠܫܪܪܐ ܠܘܿܬܟ ܡܛ݀ܠ ܕܝܘܼܕ̈ܝܐܐܬܟܼܪܗܘ ܠܗܘܿܢ ܡܼܢ ܗܝ̄ܡ ܕܨܝܕܝܟ. ܫܪܝܼܪܐܝܼܬ ܟܿܠܗܘܿܢ ܬܒܼܪܘ ܗ̄ ܥܬܝܼܪ̈ܐ ܘܡܣ̈ܟܼܢܐ ܒܝܕ ܟܐܒ̈ܐ ܕܠܐ ܡܬܬܼܦܝܼܣܢܘܼܬܐ ܚܙܝܿܬ ܐܢܘܿܢ. ܢܝܼܪܐ ܘܚܢ̈ܩܐ ܠܫܘܼܠܛܐܢ ܕܐܠܗܐ ܕܥܠܝܗܘܿܢ ܩ݀ܪܐ. ܢܬܼܒܪ ܐܢܘܢܿ ܐܪܝܐ ܗ̄ ܚܠܼܦ ܡܪܘܿܕܘܼܬܗܘܿܢ ܢܬܼܬܒܪܘܢܼ ܡܼܢ ܐܪ̈ܝܘܬܐ ܘܢܡܼܪ̈ܐ ܒܥܠܕܒ̈ܒܐ ܐܪ̈ܝܘܬܐ ܩܼܪܐ ܐܢܘܿܢ ܡܛ݀ܠ ܡܪܚܘܼܬܗܘܿܢ ܘܚܛܘܿܦܘܼܬܗܘܿܢ ܘܢܡܼܪ̈ܐ ܡܛ݀ܠ ܩܠܝܼܠܘܼܬܗܘܿܢ ܘܡܚܒܠܢܘܼܬܗܘܿܢ.. ܘܒܝܬ ܙܢܝ̈ܬܐ ܐܬܟܬܼܫܘ ܗ̄ ܡܦܿܪܣܐ ܠܣܘܼܥܪ̈ܢܝܗܘܿܢ ܕܗܿܢܐ ܟܿܠܗ ܐܫܼܬܪܚܘ ܒܛܢܦܘܼܬܐ ܕܙܢܝܘܼܬܐ ܐܝܿܟܢܐ ܕܠܐ ܒܗܬܼܬܐ ܚܕ ܡܼܢ ܚܕ ܢܚܼܛܦܘܢܼ ܠܢܫ̈ܐ ܙܢܝ̈ܬܐ ܒܬܟܬܘܼ̈ܫܐ ܘܩܪܒܐ ܕܥܡ ܚܕ̈ܕܐ. ܐܝܟ ܪ̈ܟܫܐ ܗ̄ ܡܼܢ ܡܢܿܬܐ ܕܪ̈ܟܫܐ ܕܐܡܿܪ ܚܘܝܼ ܕܠܘ ܠܒܢܝ̈ܢܫܐ ܕܿܡܝܐ ܗܘܬ݀ ܫܘܬܦܘܼܬܗܘܿܢ ܘܙܘܼܘܓܗܘܿܢ ܐܠܐ ܠܕܚܝ̈ܘܬܐ ܒܥܪܝܼܪ̈ܝܬܐ. ܡܛ݀ܠ ܕܪ̈ܟܫܐ ܡܐ ܕܪܘܝܢ ܒܪܓܬܐ ܡܚܿܘܝܢ ܠܠܐ ܡܛܟܣܘܼܬܗܘܢܿ ܕܒܫܘܬܦܘܼܬܐ. ܘܥܠܗ݀ܝ ܢܒܝܐ ܒܙܕܩܐ ܕܡܝܼ ܠܫܪܝܼܚܘܼܬܗܘܿܢ ܕܒܙܢܝܘܼܬܐ ܠܪ̈ܟܫܐ. ܥ݀ܗܪ̈ܐ ܗ̄ ܦܩܪ̈ܐ ܘܡܫܚ̈ܢܝ ܒܪܓܬܐ ܐܘܟܝܬ ܒܚܫ̈ܐ ܥܿܠܡܢܐܝܼܬ ܠܡܐܼܡܪ ܐܘܼܫܢܐ ܗ̄ ܫܪܝܼܚܐ. ܥܠ ܗܿܠܝܢ ܠܐ ܗ̄. ܠܐ ܠܡ ܬܒܿܥ ܐܢܼܐ ܚܠܼܦ ܗܿܠܝܢ ܒܝܼܫ̈ܬܐ ܕܓܠܝܐܝܼܬ ܩܕܡܝ ܣܿܥܪܝܼܢ. ܘܥܠܗ݀ܝ ܫܒܼܩ ܠܒܥ̈ܠܕܒܒܐ ܕܢܐܼܬܘܢܼ ܥܠܝܗܘܿܢ. ܣܩܼܘ ܒܫܘܼܪ̈ܐ ܘܥܩܘܿܪܘ ܗ̄ ܚܪܘܿܒܘ ܠܟܿܠ ܡܕܡ ܕܐܝܼܬ ܠܝܘܼܕ̈ܝܐ ܐܝܿܟܐܢ ܕܐܦܿܠܐ ܫܘܼܪ̈ܐ ܕܡܕܝܼܢܬܗܘܿܢ ܬܪܦܘܢܼ ܕܠܐ ܣܚܘܼܦܝܐ. ܥܡܐ ܡܼܢ ܪܘܼܚܩܐ ܗ̄ ܥܡܐ ܕܢܘܼܟܪܝ ܒܗܘܼܦܟܗ ܘܪܚܝܼܩ ܛܘܪܐ ܡܢܼܟܘܢܿ. ܥܡܐ ܕܢܘܼܟܪܝ ܒܗܘܼܦܟܗ ܘܪܚܝܼܩ ܛܘܪܐ ܡܢܼܟܘܢܿ ܥܡܐ ܗ݀ܘ ܕܡܼܢ ܥ݀ܠܡܐ ܗ̄ ܕܩܕܝܼܡ ܘܡܣܬܬ ܒܐܪܥܗ ܡܼܢ ܪܘܡܐ ܝܘܡ̈ܬܐ ܒܗܿܠܝܢ ܥܠ ܩܕܝܼܡܘܼܬܐ ܕܡ̄ܠܟܘ ܕܒܒܠ̈ܝܐ ܪܡܿܙ ܐܝܟ ܕܗ݀ܘ ܕܡܼܢ ܥ݀ܠܡ ܐܘܟܝܼܬ ܕܡܼܢ ܢܡܪܘܼܕ ܩܕܡܝܐ ܕܡ̈ܠܟܐ ܡܬܼܝܒܠܝܼܢ܆ ܘܓܓܪ̈ܬܗ ܦܬܝܼ̈ܚܢ ܗ̄ ܒܗܿܕܐ ܡܚܿܘܐ ܥܠ ܝܥܢܘܼܬܗ ܕܒܒܠܝܐ ܘܪܚܡܼܬ݀ ܕܡܐ ܕܐܝܼܬ ܠܘܿܬܗ ܡܿܘܕܥ. ܠܐ ܐܣܿܝܼܦܟܘܢܿ ܗ̄ ܐܝܟ ܥܝܿܕܐ ܕܢܒ̈ܝܐ ܚܿܠܛ ܥܡ ܡܥܝܼܩ̈ܢܝܬܐ ܣܒܪܐ ܕܦܘܼܢܝܐ. ܐܫܬܼܟܚ ܒܥܡܝ ܚܛ̈ܝܐ ܗ̄ ܒܿܬܪܟܢ ܡܟܣ ܠܗܘܿܢ ܒܗܿܠܝܢ ܦܚ̈ܐ ܘܣܝ̈ܓܐ ܩܿܪܐ ܠܢܟܝ̈ܢܐ ܘܣܘܓ̈ܦܢܐ. ܘܐܝܟ ܩܠܘܼܒܝܐ ܗ̄ ܕܡܿܝܐ ܡܫܓܫܢܘܼܬܗܘܿܢ ܩܛܘܿܠܬܐ ܗ݀ܝ ܕܒܗܿ ܨ݀ܝܕܝܼܢ ܗܼܘܘ ܚܒܪ̈ܝܗܘܿܢ ܠܡܿܘܬܐ ܒܕܡܘܼܬ ܦܪܚܬܐ ܒܩܠ̈ܝܗܿ ܗܢ̈ܝܐܐ ܡܿܓܪܓܐ ܠܦܚܪܬܐ ܐܚܪܬܐ ܠܡܐܬܼܐ ܠܘܿܬܗܿ ܘܠܡܦܼܠ ܒܦܚܐ ܗ݀ܘ ܕܨܿܠܐܼ ܚܕܪ̈ܝܗ ܠܨܝ̈ܕܐ. ܩܠܘܼܒܝܐ ܡܿܐܢܐ ܗܿܘܐ ܕܒܗ ܚܿܒܫܝܼܢ ܨܝ̈ܕܐ ܦܪ̈ܚܬܐ. ܢܒ̈ܝܐ ܐܬܢܼܒܝܼܘ ܫܘܼܩܪܐ ܗ̄ ܢܒ̈ܝܐ ܕܓ̈ܠܐ ܒܫܡܐ ܕܒܥܠܐ ܡܬܼܢܒܝܢ ܗܼܘܘ. ܟܗ̈ܢܐ ܐܚܼܕܘ ܗ̄ ܟܠܼܘ ܣܦܼܘ̈ܬܗܘܢܿ ܡܼܢ ܝܘܼܠܦܢܐ ܐܠܗܿܝ܆ ܨ ܕܘ̄ ܓܙܼܘ ܒܢ̈ܝ ܒܢܝܿܡܝܢ ܗ̄ ܒܢ̈ܝ ܒܢܝܿܡܝܢ ܥܠ ܟ݀ܠܗ ܥܡܐ ܕܝܘܼܕ̈ܝܐ ܐܡܿܪ. ܕܡܬܼܚܪܒܝܼܢ ܠܡ ܟܿܠܗܘܿܢ ܡܼܢ ܐܘܿܪܫܠܡ. ܘܒܩܿܠܐ pb. 301 ܩܪܼܘ ܗ̄ ܥܠ ܒܒܠ̈ܝܐ ܐܡܿܪ ܡܐ ܕܐܿܬܝܢ ܥܠܝܗܘܿܢ ܩܿܪܝܢ ܒܫܝܼܦܘܼܪ̈ܐ ܘܪܝܒܝܼܢ ܒܩܿܠܐ ܐܝܟ ܕܢܪܡܘܢ ܕܚܠܼܬܐ ܒܥܡܐ. ܥܠ ܒܝܬ ܟܪܡ ܗ̄ ܟܪܡ ܡܕܝܼܢܬܐ ܝܼܕܝܼܥܬܐ ܕܒܝܬ ܒܢܝܿܡܝܢ ܟܕ ܡܼܢ ܗܿܢܐ ܫܒܼܛܐ ܠܟܿܠܗܘܿܢ ܝܘܼܕ̈ܝܐ ܐܡܿܪ ܫܩܼܠܘ ܐܬ݀ܐ ܗ̄ ܣܝܼܡܝܼܢ ܐܬ݀ܐ ܕܙܟܘܼܬܗܘܿܢ ܐܝܟ ܗ݀ܝ ܕܥܒܼܕܘ ܐܬܘ̈ܬܗܘܿܢ ܐܬܘ̈ܬܐ. ܢ݀ܣܒ ܥܠܝܗܿ ܒܛܗܪܐ ܗ̄ ܒܗܿܕܐ ܥܠ ܓܠܝܘܼܬܗ ܘܦܫܝܼܩܘܼܬܗ ܕܣܘܼܥܗܢܐ ܫܘܕܥܼ ܘܗ݀ܝ ܕܒܠܼܠܝܐ ܥܠ ܙܒܼܢܐ ܕܒܗ ܡܬܬܼܚܕܐ ܡܕܝܼܢܬܐ ܪܡܿܙ. ܘܗ݀ܝ ܩܪܝܼܬܐ ܕܐܬܦܩܼܕܬ݀ ܗ̄ ܒܿܬܪ ܕܚܦܼܛ ܠܒܥܠܕܒ̈ܒܐ ܕܢܥܼܒܕܘܢ ܥܠܝܗܿ ܟܡ̈ܐܢܐ ܐܡܼܪ. ܘܟ݀ܠܗ ܥܘܼܫܩܗܿ ܗ̄ ܐܫܠܼܡܗܿ ܠܗܘܿܢ ܐܠܗܐ ܡܛ݀ܠ ܥܫܘܼ̈ܩܝܐ ܘܛܠܘܼ̈ܡܝܐ ܕܒܓܘܗܿ. ܐܝܟ ܕܟܿܢܫ ܓܘܼܒܐ ܡܘ̈ܗܝ ܗ̄ ܐܝܿܟܢܐ ܓܝܪ ܕܓܘܼܒܐ ܒܝܕ ܐܘܼܡܢܘܼܬܐ ܘܥܡܠܐ ܡܬܼܬܩܢ ܕܢܗܼܘܐ ܡܩܒܿܠ ܡ̈ܝܐ ܡܼܢ ܟܿܠܗܘܿܢ ܚܕܪ̈ܘܗܝ ܗܿܟܢܐ ܐܦ ܗܿܕܐ ܒܝܕ ܚܘܼܫ̈ܒܐ ܣܓܝ̈ܐܐ ܐܬܬܼܩܢܬ݀ ܢܦܫܼܗܿ ܕܬܗܼܘܐ ܣܿܦܩܐ ܠܡܐܼܚܕ ܣܿܟܐ ܕܟ݀ܠܗܝܢ ܒܝܼܫ̈ܬܐ. ܒܟܐܒ̈ܐ ܘܡܚܘ̈ܬܐ ܗ̄ ܩܒܠܼܝ ܬܘܼܪܨܐ ܒܝܕ ܡܚܘ̈ܬܐ ܗܿܠܝܢ ܩܠܝܼܠ ܕܐܝܬܝܿܬ ܥܠܝܟܝ ܥܕܡܐ ܠܗܿܫܐ. ܕܠܡܐ ܟܝ ܐܬܚܼܡܬ ܥܠ ܐܦ̈ܝ ܥܨܝܝܘܼܬ ܟܒܝ. ܬܢܼܕ ܠܝܼ ܡܢܼܟܝ ܘܐܣܿܠܝܟܝ ܠܓܡܿܪ ܘܐ݀ܥܒܕ ܠܐܪܥܟܝ ܐܝܟ ܡܒܕܪܐ ܚܪܒܐ. ܘܐܢܬܝ ܚܡܼܬܗ ܕܡܪܝܐ ܗ̄ ܕܠܘ ܒܠܚܘܼܕ ܠܐ ܨܿܒܝܼܬܘܿܢ ܕܬܬܼܪܨܘܢܼ ܐܠܐ ܐܦ ܡܡܿܝܩܝܢ ܐܢܬܘܿܢ ܒܡܼܬܪܨܢܟܘܢܿ. ܐܬܡܠܝܼܬܝ ܘܠܐܝܼܬ ܐܟܝܠܝ ܘܐܫܘܼܕܝ ܗ̄ ܣܒܼܥܘ ܡܟܝܼܠ ܡܼܢ ܦܐܪ̈ܝ ܦܘܼܡܟܘܢܿ ܚܡܼܬܐ ܘܪܘܓܙܐ ܡܼܢ ܠܘܿܬܗ ܗ݀ܘ ܕܣܦܿܩ ܕܠܟܠܟܘܢܿ ܢܡܼܠܐ ܪܘܝ̄ܘܼ ܕܥܩ̈ܬܐ ܘܢܫܼܬܦܥ ܘܢܬܐܼܫܕ ܪܘܓܗ ܐܦ ܥܕ [] ܠܗܿܢܘܢܿ ܕܡܬܼܝܠܕܝܼܢ ܡܢܼܗܘܿܢ. ܘܠܘ ܚܡܼܬܐ ܡܬܼܡܠܝܢ ܗܼܘܘ ܐܠܐ ܡܕܡ ܕܡܘܠܕܐ ܗܘܬ ܚܡܼܬܐ ܡܛ݀ܠ ܕܡܼܢ ܙܥܘܼܪܗܘܿܢ ܗ̄ ܫܿܘܝܢ ܓܝܪ ܟܿܠܗܘܿܢ ܠܡܣܿܡ ܒܪܝܼܫܐ ܡܛ݀ܠ ܕܡܼܢ ܫܿܘܝܢ ܓܝܪ ܟܿܠܗܘܿܢ ܠܡܣܿܡ ܒܪܝܼܫܐ ܡܛ݀ܠ ܕܡܼܢ ܢܒ̈ܝܐ ܕܓ̈ܠܐ ܘܥܕܡܐ ܠܟܗ̈ܢܐ ܟܿܠܗܘܿܢ ܥܿܒܕܝܼܢ ܫܘܼܩܐ. ܘܡܐܣܿܝܢ ܬܒܿܪܗܿ ܕܒܪܬ݀ ܥܡܝ ܒܒܙܼܚܐ ܗ̄ ܒܫܘܼ̈ܘܕܠܐ ܓܝܪ ܕܓ̈ܠܐ ܕܡܚܝܠܝܼܢ ܬܪܥܝܼܬܐ ܗܿܢܘܢܿ ܕܡܼܢ ܟܕܘܼ ܚܛܗ̈ܝܗܘܢ ܩܪܝܼܒܝܼܢ ܠܬܒܿܪܐ ܕܠܐ ܡܬܼܐܣܐ. ܩܘܼܡܘ ܥܠ ܐܘܪ̈ܚܬܐ ܗ̄ ܫܐܼܠܘ ܘܝܼܠܦܘ ܡܼܢ ܐܘܼܪ̈ܚܬܐ ܐܘܟܝܼܬ ܢܒ̈ܝܐ ܘܢܡܘܿܣܐ ܟܿܠܗܘܿܢ ܣܘܼܥܪ̈ܢܐ ܕܗܘܼܘ ܒܥܿܠܡܐ ܡܼܢ ܕܐܬܒܼܪܝܼ ܘܥܕܡܐ ܠܘܿܬܟܘܢܿ. ܘܡܢܼܗܘܿܢ ܡܿܨܝܢܼ ܐܢܬܘܢܿ ܕܬܣܼܬܟܠܘܢܿ ܥܒܿܕ̈ܐ ܕܒܪܘܿܝܘܼܬܝ ܘܡܕܒܪܢܘܼܬܝ. ܕܘܩܐ ܗ̄ ܢܒܝܐ. ܠܩܿܠ ܫܝܼܦܘܼܪܐ ܗ̄ ܕܬܫܼܡܥܘܢܼ ܠܩܿܠܐ ܕܡ̈ܠܝܗܘܿܢ ܘܠܐ ܫܡܼܥܬܘܿܢ. ܫܡܼܥܘ ܥܡܼ̈ܡܐ ܗ̄ ܩܿܪܐ ܠܥܡܼ̈ܡܐ ܠܣܗܕܘܼܬܐ ܕܢܫܼܡܥܘܢܼ ܐܝܿܠܝܢ ܡܛܝܒܼ ܐܠܗܐ ܕܢܝܬܐ ܥܠ ܥܡܐ ܫܡܼܥܘ ܐܢܬܘܢܿ ܥܡ̈ܡܼܐ ܘܟܢܘܼܫܝܐ ܕܐܝܼܬ ܒܗܘܿܢ ܕܠܗܘܿܢ ܩܿܪܐ ܥܕܬܐ. ܡܛ݀ܠ ܕܠܐ ܠܦܬܓܡ̈ܝ ܕܒܝܕ ܢܒ̈ܝܐ ܨܿܒܐ ܠܡܫܼܡܥ ܥܡܐ ܘܐܦܿܠܐ ܠܢܡܘܿܣܝ ܕܝܗܒܿܬ ܠܗܘܿܢ. ܒܚܘܼܪܒܐ ܝܗܒܿܬܟ ܗ̄ ܐܝܟ ܕܡܼܢ ܦܪܨܘܼܦ ܐܠܗܐ ܠܘܿܬܗ ܕܢܒܝܐ ܕܠܥܡܐ ܗܿܢܐ ܐܝܼܬܘܗܝ ܚܪܝܝܐ ܐܩܿܝܼܡܬܟ ܐܝܟ ܐܘܼܡܢܐ. ܐܝܿܢܐ ܕܒܝܕ ܟܘܼܪܐ ܡܕܿܟܐ ܨܒܼ̈ܘܬܐ ܕܐܦ ܐܢܬ ܬܒܼܚܘܼܪ ܘܬܕܥ ܬܪ̈ܥܝܬܗܘܿܢ ܘܣܘܼܥܪ̈ܢܝܗܘܿܢ. ܘܬܟܣܼ pb. 302 ܐܢܘܿܢ ܥܠ ܐܦܝ̈ܗܘܿܢ. ܐܝܟ ܢܚܿܫܐ ܓܝܪ ܘܦܪܙܠܐ ܗ̄ ܒܟܿܠܗܘܿܢ ܥܒܿܕ̈ܝܗܘܿܢ ܢܟܼܠܐ ܚܿܠܛܝܼܢ ܘܕ݀ܡܝܢ ܠܢܚܿܫܐ ܘܦܪܙܠܐ ܕܡܐ ܕܐܬܚܒܼܠܘ ܒܓܘ ܢܘܼܪܐ ܠܐ ܡܬܼܕܟܝܢ ܘܦܪܝܼܫܝܼܢ ܡܼܢ ܚܕ̈ܕܐ. ܗܿܟܢܐܐܦ ܗܼܢܘܿܢ ܡܥܪܙܠܝܼܢ ܘܕܢܬܼܕܟܘܿܢ ܡܼܢ ܥܘܠܐ ܠܐ ܨ݀ܒܝܢ. ܓܪܕܝܼ ܡܦܘܼܚܐ ܗ̄ ܒܛܠܬ݀ ܘܒܛܝܼܠܐ ܡܠܼܬܐ ܕܢܒܝܘܼܬܐ. ܡܼܢ ܢܘܼܗܪܗܘܿܢ ܗ̄ ܡܼܢ ܡܪ̈ܕܘܬܐ ܕܐܬܼܝ̈ ܥܠܝܗܘܿܢ. ܘܐܒܪܐ ܝܘܼܩܪܐ ܕܡܪ̈ܕܘܬܐ. ܘܣܪܝܼܩܐܝܼܬ ܨܪܦ ܨܪܘܿܦܐ ܗ̄ ܗ݀ܘ ܕܝܿܗܒ ܡܠܼܬܐ ܕܢܒ̈ܝܘܼ ܘܐܝܬܝܼ ܡܪ̈ܕܘܬܐ ܬܩܝܼ̈ܦܬܐ ܡܛ݀ܠ ܕܒܝܕ ܗܿܠܝܢ ܟ݀ܠܗܝܢ ܠܐ ܐܬܕܟܝܬ݀ ܒܝܼܫܘܼܬܗ ܕܥܡܐ. ܟܣܼܦܐ ܡܣܠܝܐ ܗ̄ ܡܛ݀ܠ ܕܠܐ ܐܬܬܼܪܨܘ ܒܗܿܠܝܢ ܟ݀ܠܗܝܢ. ܣܐܡܐ ܡܣܠܝܐ ܕܠܡܕܡ ܠܐ ܚܿܫܚ ܙ݀ܕܩ ܕܢܬܼܩܪܘܢܿ. ܒܬܚܘܝܼܬܐ ܡܚܿܘܐ ܠܡܣܼܬܠܝܢܘܼܬܗܘܢܿ ܐܘܼܡ̈ܢܐ ܡܦܫܪ̈ܝܐ ܣܐܡ̈ܐ ܐܡܼܬܝ ܕܡܬܼܥܣܩ ܥܠܝܗܘܿܢ ܘܠܐ ܡܬܼܕܟܐ ܚܿܠܛܝܼܢ. ܥܡܗ ܕܐܒܪܐ ܘܦܪܙܠܐ ܘܢܚܿܫܐ ܘܕܐܟܘܿܬܗܘܿܢ. ܘܟܕ ܫ݀ܓܪܝܼܢ ܠܗܿܘܢ ܫܿܒܩ ܣܐܡܐ ܬܛܪܼܗ ܒܗܘܿܢ ܘܡܬܼܕܟܐ. ܘܐܢ ܒܗܿܠܝܢ ܠܐ ܡܬܼܕܟܐ ܘܠܐ ܡܬܼܚܒܟ ܒܗܘܿܢ ܡܬܚܼܫܒ ܡܣܠܝܐ ܘܕܠܡܕܡ ܠܐ ܟܿܫܪ. ܘܡܿܬܠ ܢܒܝܐ ܠܝܘܼܕ̈ܝܐ ܒܣܐܡܐ ܕܐܬܒܼܚܪܘ ܒܐܘܼܠ̈ܨܢܐ. ܘ.ܡܛܾ݀ ܕܐܬܕܟܝܼܘ ܡܼܢ ܨܐܐܘܼܬܗܘܿܢ ܒܝܕ ܢܡܘܿܣܐ ܐܫܼܬܕܪܘ ܢܒܝ̈ܐ ܘܐܝܟ ܡܦܘܼܚܐ ܕܐܘܼܡܢܐ ܢܦܼܚܘ ܒܗܘܿܢ ܡܠܼܬܐ ܕܢܒܝܘܼܬܐ ܘܣܼܡ ܕܝܢ ܠܒܘܼܚܪܢܐ ܢܘܼܪܐ ܕܥܩܼ̈ܬܐ ܘܡܪ̈ܕܘܬܐ. ܗܿܢܘܿܢ ܕܝܢ ܒܿܬܪ ܟܿܠܗܘܿܢ ܩܘܝܼܘ ܒܚܛܗ̈ܝܗܘܢܿ ܘܡܛܿܠܗܿܕܐ ܐܣܼܬܠܝܼܘ ܒܕܡܘܼܬ ܣܐܡܐ ܕܠܐ ܟܿܫܪ܆ ܨ̄ ܕܙܙ̄ ܗܝܟܠܗ ܕܡܪܝܐ ܗ̄ ܡܬܼܦܩܕ ܢܒܝܐ ܕܢܐܼܡܪ ܠܗܿܢܘܿܢ ܕܡܨܿܠܝܢ ܒܗܝܟܠܐ ܕܢܐܼܨܦܘܢܼ ܕܡܝܬܪܘܼܬܐ ܘܠܐ ܢܬܬܼܟܠܘܢܼ ܥܠ ܡ̈ܠܐ ܕܛ݀ܥܝܘܼܬܐ ܘܐܡܿܪܝܼܢ. ܗܝܟܠܗ ܕܡܪܝܐ ܗ̄ ܠܐ ܬܣܼܒܪܘܢ ܟܕ ܐܝܬܝܟܘܢܿ ܒܝܼ̈ܫܐ ܒܥܠܼܬ݀ ܗܝܟܠܐ ܬܬܼܦܨܘܢܼ ܡܼܢ ܫܒܼܝܐ. ܐܠܐ ܠܐ ܘܿܠܐ ܠܟܘܢܿ ܠܡܕܥ ܕܥܒܿܕ̈ܐ ܫܦܝܼܪ̈ܐ ܡܬܼܒܥܝܢ ܗܿܢܘܢܿ ܕܡܿܨܝܢܼ ܕܐܦ ܠܒܪܢܫܐ ܢܥܼܒܕܘܢܼ ܗܝܟܠܐ ܕܐܠܗܐ ܙܠܼܘ ܠܐܬܪܝ ܗ̄ ܙܠܼܘ ܠܫܝܼܠܘܼ ܕܐܫܪܝܿܬ ܫܡܝ ܬܡܿܢ ܒܩܕܡܝܬܐ. ܘܚܙܼܘ ܐܝܿܟܢܐ ܚܼܪܒ ܡܛ݀ܠ ܒܝܼܫܘܼܬܗ ܕܥܡܐ. ܫܝܼܠܘܼ ܩ݀ܪܐ ܠܐܬܪܐ ܗ݀ܘ ܕܒܗ ܩܕܡܐܝܼܬ ܢܩܝܼܫ ܗܼܘܐ ܡܫܟܢ ܙܒܢܼܐ ܐܬܚܼܪܒ ܟܕ ܡܝܼܬ ܥܝܼܠܝܼ ܘܐܬܬܼܒܪܬ݀ ܩܒܘܼܬܐ. ܙܘܼܬܪ̈ܐ ܕܡܩܪܒܝܼܢ ܠܟܘܟܒܬܐ ܗ̄ ܠܥܘܙܝ ܠܦܪܘܕܝܼܛܝ ܕܡܘܼܬ ܠܒ̈ܘܬܐ ܐܢܘܢܿ ܙܘܼܬܪ̈ܐ ܕܡܬܼܥܒܕܝܼܢ ܡܼܢ ܣܡܝܼܕܐ ܕܠܝܼܫ ܒܡܫܼܚܐ ܘܕܒܫܼܐ. ܐܝܟ ܕܒܘ̈ܫܐ ܕܐܦܫ̈ܬܐ. ܕܠܦܐ ܦܩܕܿܬ ܐܢܘܿܢ. ܘܠܐ ܥܠ ܕܒܼܚܐ ܗ̄ ܒܿܥܐ ܕܢܚܘܐ ܕܠܘ ܡܛܾ݀ ܕܚܿܫܚܝܼܢ ܕܒܼ̈ܚܐ ܒܥܼܐ ܐܢܘܿܢ. ܐܠܐ ܕܠܗܘܿܢ ܨܿܒܐ ܕܢܩܼܪܒ ܐܢܘܢܿ ܠܘܿܬܗ ܒܝܕ ܕܒܚ̈ܐ ܘܐܡܿܪ ܕܐܢܿܐ ܥܠ ܐܚܪ̈ܢܝܬܐ ܦܩܿܕܬ ܐܢܘܢܿ ܗܿܠܝܢ ܕܠܝܼ ܦܐܝ̈ܢ ܘܠܗܘܿܢ ܡܥܕܪ̈ܢܐ ܐܝܟ ܗܿܝ ܕܠܐ ܨܿܒܐ ܡܪܝܐ ܒܕ̈ܒܼܚܐ ܐܟܡܿܢ ܕܫܿܡܥ ܒܩ݀ܠܗ. ܓܘܿܙܝ ܣܥܪܟܝ ܗ̄ ܡܿܘܕܥ ܥܠ ܒܝܼܫ̈ܬܐ ܕܐܬ̈ܝܢ ܥܠܝܗܘܿܢ ܩܪܒܼ ܠܗ ܡܟܝܼܠ ܙܒܢܼܐ ܕܐܦ ܣܥܪܟܘܿܢ ܬܓܼܙܘܢܼ ܡܐ ܕܡܬܼܕܒܪܝܼܬܘܿܢ ܡܼܢ ܫܒ̈ܝܐ ܒܫܒ̈ܝܼܠܐ ܕܠܐ ܝܿܕܥܝܼܢܬܘܢ ܠܗܘܿܢ. ܟܕ ܡܬܼܚܫܚܝܼܢ ܒܐܘܼܠ̈ܝܬܐ ܡܪܝܼܪ̈ܬܐ ܡܼܢ ܥܩ̈ܬܟܘܿܢ. ܘܫܒܩܼܗ ܠܕܪܐ ܗ̄ ܕܪܐ ܥܒܘܿܪܐ ܩܼܪܐ ܐܢܘܿܢ pb. 303 ܐܟܡܿܢ ܕܒܝܕ ܫܼܒ̈ܝܐ ܐܘܿ ܡܘ̈ܬܢܐ ܟܿܠܗܘܿܢ ܥܿܒܪܝܼܢ ܗܼܘܘ ܡܼܢ ܐܬܪܗܘܿܢ܀ ܘܢܦܼܩܘܢܼ ܓܪ̈ܡܐ ܗ̄ ܥܡ ܐܚܪ̈ܢܝܬܐ ܡܚܒܼܠ̈ܬܐ ܕܥܿܒܕܝܼܢ ܗܼܘܘ ܒܗܘܿܢ ܒܥܠܕܒ̈ܒܐ ܐܝܟ ܕܐܡܼܪ ܡܼܢ ܠܥܼܠ. ܐܦ ܠܓܪ̈ܡܝܗܘܿܢ ܕܪܝܢ ܗܼܘܘ ܡܼܢ ܩܒܪ̈ܝܗܘܿܢ ܘܩܕܡ ܢܗܝܼܪ̈ܐ ܘܫܡܼܫܐ ܗܿܢܘܢܿ ܕܠܗܘܿܢ ܦ݀ܠܚܝܼܢ ܗܼܘܘ ܫ݀ܛܚܝܼܢ ܗܼܘܘ ܠܗܘܿܢ ܘܐܢܬܘܿܢ ܢܬܘܼܒܘܢܼ ܗ̄ ܐܡܿܪ ܕܐ݀ܦܢ ܡܬܼܐܠܨܝܼܢ ܡܼܢ ܩܛܝܼܪܐ ܕܗܿܢܝܢ ܕܐܬܝ̈ܢ ܥܠܝܗܘܿܢ ܘܢܬܼܦܢܘܢܼܿ ܠܘܿܬ ܐܠܗܐ. ܠܐ ܢܬܘܼܒܘܢ ܗ̄ ܠܐ ܢܩܒܼܠ ܐܢܘܢܿ ܒܗ݀ܝ ܕܡܦܣ ܒܗܘܿܢ ܕܠܘ ܫܪܝܼܪܐܝܬ ܬܝܿܒܝܼܢ ܠܘܿܬܗ. ܡܛܿܠܡܿܢܐ ܡܚܿܘܝܢ ܦܪܨܘܼܦܐ ܕܬܝܿܒܘܼܬܐ ܒܡܪܚܘܼܬܐ ܗ̄ ܥܡܐ ܗܿܢܐ ܕܒܐܘܿܪܫܠܡ. ܟܕ ܬܪܥܝܼܬܐ ܕܝܼܠܗܘܿܢ ܠܐܦܝ̈ܗܘܿܢ ܠܐ ܫܿܠܡܐ. ܐܦ ܚܘܼܪܒܐ ܐܘܟܝܼܬ ܦܝܠܪܓܐ ܕܗܘܼ ܚܓܠܐ ܘܕܡܿܝܐ ܠܟܘܼܪܟܝܐ ܐܘܿܟܝܼܬ ܩܘܼܪܢܐ. ܝܿܕܥܐ ܙܒܢܼܗܿ ܗ̄ ܡܦܣܐ ܒܘܥ̈ܕܐ ܟܝܢ̈ܝܐ ܕܐܝܼܬ ܠܗܿ ܕܐܡܼܬܝ ܡܫܿܢܝܐ ܡܼܢ ܐܬܪܐ ܠܐܬܪܐ ܐܚܪܢܐ. ܐܘܿ ܕܬܥܼܒܕܝ ܒܢ̈ܝܐܼ. ܣܢܘܼܢܝܼܬܐ ܒܪܬ݀ ܪܘܼܚܐ ܡܬܼܩܪܝܐ. ܟܘܼܪܟܝܐ ܟܪܘܙܓ ܦܕܘܪ. ܐܝܿܟܐܢ ܐܡܿܪܝܼܢ ܕܚܟܝܿܡܐ ܗ̄ ܪܫܐ ܠܗܘܿܢ ܥܠ ܥܘܠܗܘܿܢ ܕܒܚܕ̈ܕܐ ܘܡܛ݀ܠ ܐܣܛܪܐ ܕܟܕܒ̄ܘܼ ܕܟ݀ܬܒܝܢ ܗܼܘܘ. ܘܢܿܡܘܿܣܗ ܕܡܪܝܐ ܗ̄ ܐܚܝܼܕܝܼܢܢ ܟܕ ܐܝܿܠܝܢ ܡܢܼܟܘܢܿ ܗܿܘܝܢ ܢܘܼܟܪ̈ܝܼܝܼܢ ܠܝܼܕܥܬܐ ܕܚܟܝܼ̈ܡܐ ܘܠܢܡܘܿܣܐ ܕܐܠܗܐ ܫܪܝܼܪܐܝܼܬ ܠܕܓܠܘܼܬܐ ܗ̄ ܕܗܿܕܐ ܠܡ ܨܒܘܼܬܐ ܕܡܠܝܐ ܒܗܬܼܬܐ ܥ݀ܒܕܝܼܢ ܗܿܢܘܿܢ ܕܒܗ ܒܢܡܘܿܣܐ ܠܘܼܩܕܡ ܘܒܝܼܥܬܗܘܿܢ ܡܣܿܟܠܝܼܢ. ܣܿܦܪ̈ܐ ܕܝܢ ܕܐܝܼܬܝܗܘܿܢ ܡܠ̈ܦܝ ܢܡܘܿܣܐ ܗܿܢܘܢܿ ܕܐܠܚܪ̈ܢܐ ܘܿܠܐ ܠܗܘܿܢ ܕܢܬܼܪܨܘܢ. ܗܢܼܘܿܢ ܥ݀ܠܒܝܼܢ ܒܕܓܠܘܼܬܐ ܠܐܚܪ̈ܢܐ. ܟ݀ܬܒܝܼܢ ܕܝܢ ܟܬܒ̈ܐ ܕܥܘܠܐ ܘܚܩ̈ܠܬܐ ܘܒ̈ܬܐ ܘܩܢܝ̈ܢܐ ܕܐܚܪ̈ܢܐ. ܚܿܛܦܝܼܢ ܡܓܢ ܕܠܐ ܛܝܼܡ̈ܐ. ܠܝܬ ܥܢܼ̈ܒܐ ܒܓܦܼܬܐ ܗ̄ ܒ݀ܥܐ ܕܢܘܕܥ ܐܢܘܿܢ ܥܠ ܒܝܼܫ̈ܬܐ ܕܡܕܪ̈ܟܢ ܠܗܘܿܢ ܒܡܐܼܬܝܼܬܐ ܕܒܥ̈ܠܕܒܒܐ ܘܫ̈ܒܼܝܐ ܘܟܦܼ̈ܢܐ ܕܩܕܡ ܫܒܼܝܐ. ܘܠܐ ܬܐܢ̈ܐ ܗ̄ ܝܗܒܿܬ ܠܗܘܿܢ ܡܼܢ ܩܕܝܼܡ ܫܦܝܼܥܐܝܼܬ ܟ݀ܠܗܝܢ ܥ̈ܠܠܬܐ ܘܦܐܪ̈ܐ ܘܡܛ݀ܠ ܕܝܢ ܕܠܝܿܗܘܼܒܗܘܿܢ ܠܐ ܝܼܕܥܘ. ܥܒܼܪܘ ܡܢܼܗܘܿܢ ܟܕ ܢܣܿܒ ܐܢܼܐ ܠܗܘܿܢ ܡܢܗܘܿܢ ܝܬܝܼܒܝܼܢܢ. ܘܢ݀ܫܬܘܿܩ ܬܡܿܢ ܗ̄ ܐܡܿܪ ܥܡܐ ܡܼܢ ܝܬܝܼܪܘܼ ܝ݀ܬܒܝܼܢܢ ܒܫܘܼܪ̈ܝܐ ܕܢܣܿܚܘܼܦ ܠܒܥܠ̈ܕܒܒܐ ܠܐ ܡܿܨܝܢܢܼ ܐܦܿܠܐ ܕܢܣܿܝܒܪ ܠܟܦܼܢܐ. ܦ݀ܩܚܐ ܗܿܝ ܠܢ ܕܢܿܥܘܿܠ ܠܡܕܝܼ̈ܢܬܐ ܚܣܝܼ̈ܢܬܐ. ܘܢܿܫܬܘܿܩ ܗ̄ ܘܬܡܿܢ. ܡܛ݀ܠ ܕܡܪܝܐ ܐܠܗܢ ܗ̄ ܗܘܼ ܐܝܬܝܼ ܥܠܝܢ ܫܬܼܩܐ ܗܿܢܐ ܕܒܩܼܠܗܝܐ. ܫܥܘܼܬܐ ܠܝܬ ܒܓܠܥܕ ܗ̄ ܡܬܼܦܫܟ ܢܒܝܐ ܕܒܟܿܠܗ ܗܿܢܐ ܓܙܿܡܐ ܠܐ ܐܬܼܦܢܝܼܘ ܘܐܡܿܪ ܟܕ ܡܫܿܐܠ ܐܝܟ ܕܒܦܘܼܫܟܐ ܡܛ݀ܠ ܐܝܿܕܐ ܟܝ ܠܐ ܐܫܟܼܚ ܥܡܐ ܠܡܬܼܐܣܝܘܼ ܡܼܢ ܟܐܒܼܗ ܕܟܦܼܢܐ ܘܕܫܒܼܝܐ. ܐܣܝܐ ܠܡ ܠܝܬ ܠܗܘܿܢ ܐܘܿ ܣܡ̈ܡܼܢܐ ܐܝܿܠܝܢ ܕܒܗܘܿܢ ܡܫܼܟܚ ܗܼܘܐ ܕܢܬܼܐܣܐ ܠܝܬ. ܓܠܥܕ ܛܘܼܪܐ ܗܿܘ ܡܼܢ ܡܢܿܬܐ ܕܐܪܥܗܘܿܢ ܗ݀ܘ ܕܐܝܟ ܕܣܿܗܕܐ ܟܬܒܐ ܣܓ̈ܝܐܐ ܫܟܝܼܚܝܼܢ ܒܗ. ܫܥܘܼܬܐ ܐܘܟܝܼܬ ܩܪܘܼܬܐ ܠܡܪܟܼܟܘܼ ܒܥܨ̈ܒܐ ܐܦ ܠܟܐܒ̈ܐ ܩܫܼ̈ܝܐ ܘܐܩܩܿܒ ܕܢܒܝܘܼܬܐ ܗܿܝ ܕܒܡܪܼܚܡܢܘܼܬܐ ܗܼܘܬ݀ ܥܿܨܒܐ ܠܗܘܿܢ ܠܐ ܩܪܝܼܒܐ. ܐܘܿ ܐܣܿܝܐ ܗ̄ ܐܘܿܠ ܐܠܗܐ ܕܐܝܼܬܘܗܝ ܐܣܿܝܐ. ܕܒܢܝ̈ܢܫܐ ܠܐ ܫܟܝܼܚ ܗܼܘܐ ܕܢܐܼܬܣ ܐܢܘܿܢ ܘܥܠܗܿܝ ܠܐ ܐܬܐܼܣܝܼܘ. ܘܡܛܿܠܡܿܢܐ ܠܐ ܣܠܩܼܬ pb. 304 ܗ̄ ܘܡܛ݀ܠܗܿܕܐ ܠܐ ܐܬܐܼܣܝܼܘ ܡܛ݀ܠ ܕܗܼܢܘܿܢ ܠܐ ܨܒܼܘ ܠܡܬܼܐܣܝܘܼ ܘܠܘ ܡܛ݀ܠ ܕܠܐ ܫܟܝܼܚ ܗܼܘܐ ܣܡܐ ܐܘܿ ܐܣܝܐ ܨܚܚܐ ܕ[ܛ̄] ܡܿܢ ܕܝܢ ܝܗܼܒ ܗ̄ ܡܟܝܼܠ ܚܿܐܫ ܥܠܝܗܘܿܢ ܟܕ ܫܿܐܠ ܡܒܘܼܥܐ ܕܕܡ̈ܥܼܐ ܡܛ݀ܠ ܬܒܪܗ ܕܥܡܐ ܘܝܐܝܼܒ ܕܢܗܼܘܐ ܒܡܕܒܪܐ ܒܝܬ ܒܘܬܐ ܕܥܒܪ̈ܝܐ ܐܘܼܪܚܐ ܝܬܝܼܪ ܡܼܢ ܩܪܝܼܒ̄ܘܼ ܕܝܼܠܗܘܿܢ ܓܿܝܪܝܼܢ ܗ̄ ܡܛ݀ܠܗܿܕܐ ܡܿܣܠܐ ܠܗܘܿܢ ܥܠ ܕܒܢܦܼܫܐ ܘܦܓܪܐ ܐܝܼܬܗܘܿܢ ܓܝܪ̈ܐ. ܘܫܼܕܘ ܠܫܼܢܗܘܿܢ ܗ̄ ܕܗܿܢܐ ܟܿܠܗ ܩܿܫܐܼ ܟܐܒܐ ܕܠܫܼܢܗܘܿܢ ܠܐܝܿܢܐ ܕܢ݀ܦܠ ܒܗ. ܕܠܐ ܒܨܝܼܪ ܡܼܢ ܐܝܿܢܐ ܕܒܿܠܥ ܒܓܐܪܐ ܕܢܿܦܩ ܡܼܢ ܩܫܝܼܬܐ ܚܝܠܬܢܝܼܬܐ ܡܘܬܒܟ ܒܓܘ ܢܟܼܠܐ ܗ̄ ܒܢܟܼܠܐ ܘܒܓܠܘܼܬܐ ܐܝܼܬܘܗܝ ܟܿܠܗ ܣܒܼܪܗܘܿܢ. ܘܡܬܪܥܝܢ ܕܣܿܦܩ ܗܼܘ ܠܗܘܿܢ ܗܿܢܐ. ܕܐܦ ܡܘܬܒܐ ܫܪܝܼܪܐ ܢܬܼܠ ܠܗܘܿܢ. ܐܟܡܿܢ ܕܥܠܘܗܝ ܕܢܟܼܠܗܘܿܢ ܬܟܝܼܠܝܼܢ ܠܐ ܐܬܦܼܢܝܼܘ ܠܘܿܬܝ. ܘܢܕܥܘܼܢܢܝ ܕܐܗܿܘܐ ܠܗܘܿܢ ܡܥܕܪܢܐ. ܥܠ ܛܘܼܪ̈ܐ ܐܫܿܩܘܿܠ ܗ̄ ܡܼܢ ܛܘܼܪ̈ܐ ܓܝܪ ܘܡܼܢ ܕܘܼ̈ܟܝܬܐ ܟܗܝܼ̈ܢܬܐ ܕܠܗܘܿܢ ܩ݀ܪܐ ܕܝܪ̈ܐ ܡܿܘܕܥ ܥܠ ܥܩ̈ܬܐ ܕܐܬܝ̈ܢ ܥܠܝܗܘܿܢ ܘܚܿܪܒܐ ܟܿܠܗ ܐܪܥܐ ܘܨܪܝܐ ܡܼܢ ܒܢܝ̈ܢܫܐ ܘܒܥܝܼܪ̈ܐ. ܩܼܪܘ ܠܐܠ̈ܝܬܐ ܗ̄ ܐܝܟ ܕܢܪ̈ܟܼܟܢ ܥܠܝܢ ܩܝܼ̈ܢܬܐ ܩ̈ܠܐ ܚܢܝܼܓܐ ܕܐܘܼܠ̈ܝܬܐ܆ ܡܛ݀ ܠܕܣܠܼܩ ܡܿܘܬܐ ܗ̄ ܐܡܿܪ ܥܠ ܡܐܬܝܼܬܗ ܕܒܒܠܝܐ ܗ݀ܘ ܕܡܼܢ ܒ̈ܬܐ ܘܟܘ̈ܐ ܘܡܼܢ ܐܓܪ̈ܐ ܠܟܿܠܗܘܿܢ ܡܟܿܢܫ ܗܼܘܐ ܨܝܕ ܡܿܘܬܐ ܚܢܝܼܓܐ. ܘܐܦܿܩܘܕ ܥܠ ܟܿܠ ܕܓܙܪ ܗ̄ ܡܛ݀ܠ ܕܐܝܼܬ ܗܼܘܐ ܒܗܘܿܢܐܢܫ̈ܐ ܣܟܼ̈ܠܐ ܕܡܣܒܪܝܼܢ ܗܼܘܘ ܕܣܿܦܩ ܠܗܘܢܿ ܫܡܐ ܕܐܠܗܐ ܕܥܠܝܗܘܿܢ ܐܬܩܼܪܝܼ ܘܓܙܘܼܪܬܐ ܕܦܓܪܐ ܘܥܠܗܿܕܐ ܡܟܣ ܠܗܘܿܢ. ܕܗܿܐ ܐܦ ܥܡ̈ܡܼܐ ܕܢܘܼܟܪ̈ܝܼܝܢ ܠܕܚܠܬ݀ ܐܠܗܐ. ܐܝܼܬ ܗܼܘܐ ܒܗܘܿܢ ܕܓܙܝܼܪܝܼܢ ܘܡܛ݀ܠ ܕܒܢܦܼܫܐ ܠܐ ܐܝܼܬܝܗܘܿܢ ܕܐܠܗܐ ܡܣ̈ܠܝܐ ܐܢܘܢܿ ܨܚܚܐ ܕܝ̄܆ ܠܝܬ ܐܟܘܿܬܟ ܗ̄ ܡܦܿܢܐ ܡܠܼܬܗ ܢܒܝܐ ܠܘܿܬ ܐܠܗܐ ܘܐܡܿܪ. ܕܪܒ ܐܢܬ ܘܪܒ ܫܡܟ ܗ̄ ܠܘ ܥܠ ܪܒܘܼܬܗ ܕܐܠܗܐ ܡܿܠܦ ܢܒܝܐ ܐܠܐ ܐܡܿܪ ܕܠܘܿܬ ܗܿܢܐ ܕܪܡ ܘܫܒܝܼܚܐ ܒܟܝܿܢܗ ܘܐܝܼܬܘܗܝ ܥܠܼܬܐ ܕܟܿܠ. ܙܕܿܩ ܕܠܘܿܬܗ ܢܬܩܼܪܒܘܢ ܟܿܠܗܘܿܢ ܒܢܝܢ̈ܫܐ. ܝܿܗܒ ܩܿܠܐ ܕܪܓܘܿܫܐ ܗ̄ ܥܠ ܚܣܝܼܢܘܼܬܗ ܕܡܛܪܐ ܡܠܦ ܕܡܐ ܕܝܿܗܒ ܩܿܠܐ ܥܫܝܼܢܐ ܐܦ ܠܒܢܝ̈ܢܫܐ ܥܒܿܕ ܕܢܪܓܫܘܢܼ ܒܗ. ܘܡܣܩ ܥܢ̈ܢܼܐ ܡܼܢ ܗ̄ ܡܠܦ ܕܐ݀ܦܢ ܡܛܪܐ ܡܼܢ ܫܡܿܝܐ ܡܬܼܚܙܐ ܕܢܚܿܬ ܒܪܡ ܡܼܢ ܐܦܝ̈ ܐܪܥܐ ܡܼܬܓܫܡ ܐܐܪ ܘܛܥܿܢ ܡܝ̈ܐ ܡܼܢ ܝܡ̈ܡܼܐ ܘܢܗܪ̈ܘܬܐ ܘܡܣܩ ܠܪܘܡܐ ܘܡܚܼܕܐ ܙ݀ܠܚ ܥܠ ܐܪܥܐ. ܫܼܛܐ ܟܿܠ ܒܪܢܫ ܗ̄ ܟܿܠ ܡܿܢ ܕܡܼܢ ܝܼܕܥܬܐ ܕܐܠܗܐ ܗܿܘ ܕܥܒܼܕ ܗܿܠܝܢ ܟ݀ܠܗܝܢ ܘܡܕܒܪ ܠܗܝܼܢ ܡܬܼܪܚܩ. ܘܠܦܬܟܪ̈ܐ ܡܬܼܩܪܒ ܒܫܿܛܝܘܼܬܐ ܐܝܼܬܘܗ ܘܒܐܒܝܼܕܘܼܬ ܗܘܢܐ. ܟܢܫܼ ܡܼܢ ܐܪܥܐ ܗ̄ ܡܦܢܐ ܡܠܼܬܗ ܠܘܿܬ ܟܢܘܼܫܬܐ. ܦܬܟܪ̈ܐ ܓܝܪ ܐܝܿܠܝܢ ܕܡܛ݀ܠܬܗܘܿܢ ܗܿܐ ܩܪܝܼܒܬܝ ܕܬܨܥܪܝܼܢ ܡܼܢ ܫܒ̈ܝܐ ܟܢܫܼܝ ܐܢܘܿܢ ܡܼܢ ܐܪܥܐ ܗ̄ ܠܘ ܠܘܿܬܟܝ ܒܐܝܼܩܪܐ ܐܠܐ ܟܢܫܼܝ ܐܢܘܢܿ ܘܫܕܝ ܐܢܘܢܿ ܡܢܼܟܝ ܘܐܬܪܚܼܩ ܡܢܗܘܿܢ. ܡܛ݀ܠ ܕܗܿܐ ܐܢܿܐ ܡܿܥܪܩܠ ܐܢܼܐ ܗ̄ ܡܿܪܡܐ ܐܢܼܐ ܠܗܘܿܢ ܒܒܝܼܫ̈ܬܐ. ܥܘܼܪܩܐ ܓܝܪ ܡܕܘܕܘܼܬܐ ܥܿܒܕ. ܢܒܼܥܘܼܢܢܝ ܘܢܫܼܟܚܘܼܢܢܝ ܗ̄ ܐܟܡܿܢ ܕܡܢܼܗܝܢ ܕܥܩ̈ܬܐ ܕܐܬܝ̈ܢ ܥܠܝܗܘܿܢ ܢܕܥܘܼܢܝܗܝ pb. 305 ܕܗܘܼܝܘܼ ܐܠܗܐ ܫܪܝܼܪܐ. ܪܕܝܼܢܝ ܡܪܝܐ ܗ̄ ܡܼܢ ܦܪܨܘܼܦܗ ܕܥܡܐ ܐܡܿܪ ܟܕ ܫܿܐܠܝܼܢ ܕܠܘ ܠܦܘܼܬ ܚܛܗ̈ܝܗܘܿܢ ܒܪܘܓܙܐ ܢܬܼܬܕܝܼܢܘܿܢ ܐܠܐ ܒܪ̈ܚܼܡܐ ܢܬܚܼܫܚ ܥܡܼ̈ܘܿܢ. ܗܿܕܐ ܗܿܝ ܓܝܪ ܗܿܝ ܕܒܕܝܼܢܐ ܢܬܼܚܫܚ. ܕܠܡܼܐ ܗ̄ ܕܠܐ ܐ݀ܫܬܦܠ܀ ܨܚܚܐ ܕܝܐ ܠܡܿܢܐ ܚܒܝܼܒܬܝ ܗ̄ ܚܒܝܼܒܬܐ ܠܗ ܠܥܡܐ ܩܿܪܐ: ܒܝܬܐ ܠܗܝܟܠܐ ܘܠܐܪܥ ܕܡܘܼܠܟܢܐ. ܛܢܦܘܼܬܐ ܠܒܝܼ̈ܫܬܗܘܿܢ. ܘܒܣܼܪ ܩܘܼܕܡܘܗܝ ܗ̄ ܡܿܥܒܪ ܐܢܼܐ ܠܟܝ ܡܼܢ ܐܪܥܐ ܗܿܕܐ ܕܬܘܼܒ ܠܐ ܐܬܿܡܨܐ ܠܡܕܒܼܚܘܼ ܕܒܼ̈ܚܐ ܘܬܐܼܟܘܿܠܝ ܒܣܼܪܐ ܩܕܡܝܐ. ܘܗܿܕܐ ܣܿܒܪ ܐܢܼܐ ܕܠܐܒܝܕ ܛܢܦܘܼܬܟܝ ܢܣܬܼܝܒ ܒܣܼܪܐ ܩܕ̄ ܕܕܒ̈ܚܼܐ ܕܦܿܪܫ ܗܼܘ ܠܫܡܝ. ܙܝܬܐ ܥܒܝܼܛܐ ܗ̄ ܥܒܼܕܟܝ ܒܝܬܝܬܐ ܕܝܼܠܗ ܘܡܠܟܝ ܟܗܝܼܢܘܼܬܐ ܕܟܿܠ ܛܒ̈ܢ. ܐܝܟ ܙܝܬܐ ܕܣܒܝܼܣ ܒܐܦܪ̈ܘܗܝ ܘܣܘ̈ܟܘܗܝ.. ܠܩܿܠܐ ܕܓܙܝܼܪܬܐܗ̄ ܒܿܬܪ ܕܟܝܢܝܗܿ ܙܝܬܐ ܩܪܗܿ ܓܙܝܼܪܬܐ ܘܒܗܿܕܐ ܐܘܕܥܼ ܥܠ ܢܘܼܪܐ ܕܡܿܘܩܕܐ ܗܘܬ݀ ܠܗܿ. ܐܦܿܢ ܐܣܼ̈ܐ ܡܬܩܼܪ̈ܝܢ ܓܙܝܼܪ̈ܬܐ܇ ܐܠܐ ܗܿܪܟܐ ܠܟܿܫܝܼܬܐ ܕܩܝ̈ܣܐ ܐܡܿܪ. ܟܫܝܼܬܐ ܗܿܕܐ ܕܩܝ̈ܣܐ. ܫܒܘܿܩܘ ܥܠܝܗܿ ܢܘܼܪܐ ܕܬܘܩܼܕܝܼܗܿ. ܘܬܚܒܼܠܝ ܟ݀ܠܗܝܢ ܣܘ̈ܟܝܗܿ ܗ̄ ܥܿܡܘܿܪ̈ܝܗܿ. ܡܪܝܐ ܚܘܢܝ ܗ̄ ܡܫܼܬܥܐ ܢܒܝܐ ܥܠ ܒܝܼܫ̈ܬܐ ܕܣܒܼܠ ܡܼܢ ܥܡܐ ܛ݀ܠ ܢܒܝܘܼܬܗ ܘܡܨܿܠܐ ܕܢܬܼܦܪܩ ܡܼܢ ܒܝܼܫܘ̄ܬܗ. ܡܪܝܐ ܚܘܢܝ ܘܐܕܿܥ ܗ̄ ܓܠܝܼ ܠܼ ܗ̄ ܡܪܝܐ. ܘܐܘܕܥܝܢܝ ܬܪܥܝܼܬܗܘܿܢ ܕܝܘܼܕ̈ܝܐ ܘܡܿܢܐ ܥܠܝ ܡܬܼܚܫܒܝܼܢ ܫܪܝܼܪܐܝܼܬ ܚܘܝܼܬܼܢܝ ܗ̄ ܘܐܬܓܼܡܪܬ݀ ܒܥܘܿܬܗ ܒܗ݀ܝ ܕܐܘܕܝܼܘ ܠܐܠܗܐ ܕܚܼܘܝܗ ܚܘܼܫܒܗܘܢ ܕܥܠܘܝܗ. ܢܚܒܼܠ ܩܝܣܐ ܒܠܚܡܗ ܗ̄ ܩܝܣܐ ܠܩܢܘܿܡܗ ܩܿܪܐ ܘܦܐܪܐ ܐܘܟܝܼܬ ܠܚܡܐ ܠܢܒܝܘܼܬܗ ܘܟܕ ܬܗܿܪ ܒܡܕܒܪܢܘܼܬܐ ܐܠܗܿܝܬܐ ܐܡܿܪ ܠܘܿܬ ܐܠܗܐ. ܙܕܝܼܩ ܐܢܬ ܡܪܝܐ. ܕܐܕܿܘܿܢ ܥܡܟ ܗ̄ ܪܒܐ ܗܼܘܐ ܢܒܝܐ ܕܢܐܼܠܦ ܘܢܠܼܦ ܠܐܚܪ̈ܢܐ. ܕܡܿܢܐ ܗܿܝ ܥܠܼܬܐ ܕܡܓܪ ܐܠܗܐ ܪܘܼܚܗ ܠܪ̈ܫܝܼܥܐ ܕܠܐ ܬܒܼ݁ܬܐ. ܒܪܡ ܠܡܐܼܠܦ ܨܿܒܐ ܐܢܼܐ ܘܒܒܨܿܬܐ ܡܫܿܐܠ ܐܢܼܐ ܕܡܿܢܐ ܗܿܝ ܥܠܼܬܐ ܕܟܗܝܼܢܘܼܬܐ ܕܪ̈ܫܝܼܥܐ ܘܡܨܠܚܢܘܼܬܐ ܕܥܿܘ̈ܠܐ. ܩܪܝܼܒ ܐܢܬ ܡܪܝܐ ܒܦܘܼܡܗܘܢ ܗ̄ ܒܦܘܼܡܐ ܒܠܚܘܼܕ ܡܿܘܕܝܢ ܠܟ ܘܪܥܝܿܢܐ ܫܪܝܼܪܐ ܠܐ ܩܿܢܝܢ ܠܘܿܬܟ. ܬܬܐܼܒܠܝ ܐܪܥܐ ܗ̄ ܡܛܿܠܡܿܢܐ ܡܪܕܘܼܬܐ ܕܐܝܟ ܗܿܕܐ ܬܬ݀ ܥܠ ܐܪܥܐ ܘܐܬܚܒܼ̈ܠܝ ܛܒ̈ܬܗܿ ܒܝܕ ܒܝܼܫܘܼܬܐ ܕܥܡܘܼܪ̈ܝܗܿ. ܒܨܝܼܪܘܼܬ ܡܛܪܐ ܐܘܿ ܟܦܢܼܐ ܐܝܼܬ ܗܼܘܐ ܒܗ݀ܘ ܙܒܢܼܐ ܕܐܡܼܪ ܢܒܝܐ ܡ̈ܠܼܐ ܗܿܠܝܢ. ܗܿܐ ܥܡ ܪ̈ܓܠܝܐ ܪܗܼܛܬ ܘܐܠܝܘܼܟ ܘܐܝܿܟܢܐ ܥܿܒܪ ܐܢܬ ܥܘܼܫܢܗ ܕܝܘܿܪܕܢܢ ܠܗܿܠܝܢ ܕܡܕܒܪܢܘܼܬܐ ܕܫܐܼܠ ܢܒܝܐ ܡܛܿܠܬܗܝܢ ܐܡܼܪ܆ ܪ̈ܓܠܝܐ ܕܝܢ ܘܐܪܥ ܕܫܠܡܐ ܠܗܿܠܝܢ ܕܒܢܝ̈ܢܫܐ. ܘܗܿܕܐ ܒ݀ܥܐ ܐܢܼܐ ܠܡܐܼܡܪ ܒܝܕ ܗܿܠܝܢ. ܕܐܢ ܬܪ̈ܥܝܬܐ ܕܒܢܝ̈ܢܫܐ ܡܪ̈ܕܢ ܡܢܼܟ ܘܟܡܼܐ ܙܒ̈ܢܝܼܢ ܟܕ ܣܿܒܪ ܐܢܬ ܕܒܚܘܼܒܐ ܘܫܠܡܐ ܐܝܼܬܝܗܘܿܢ ܥܡܟ ܗܼܢܘܿܢ ܕܝܢ ܡܬܼܦܪܣܝܢ ܠܡܩܼܛܠܟ ܐܝܿܟܢܐ ܠܗܿܠܝܢ ܕܝܼܠܝ ܨܿܒܐ ܐܢܬ ܠܡܥܼܩܒܘܼ ܘܠܬܪܥܝܼܬܐ ܪܡܬܐ ܕܐܠܗܘܼܬܝ ܠܡܒܼܚܪ ܘܠܡܼܕܥ. ܫܒܿܩܬ ܒܝܬܝ ܗ̄ pb. 306 ܟܕ ܡܬܼܦܢܐ ܠܘܿܬ ܥܡܐܐܡܿܪ ܫܒܿܩܬ ܝܪܬܘܼܬܝ ܗ̄ ܐܗܡܝܿܬ ܡܢܼܗܘܿܢ ܡܛ݀ܠ ܚܛܗ̈ܝܗܘܿܢ ܕܢܬܡܼܣܪܘܢܿ ܩܕܡ ܒܥܠܕܒ̈ܒܝܗܘܿܢ. ܐܪܝܼܡܬ݀ ܥܠܝ ܒܩܿܠܗܿ ܗ̄ ܒܗܿܝ ܕܟܕ ܩܥܿܝܐ ܗܘܬ݀ ܠܐܠܗܐ ܒܪܘܡܐ ܕܩܿܠܗܿ ܘܡܓܿܕܦܐ ܥܠܘܗܝ܀ ܨ̄܆ ܕܝܒ̄ ܛܝܪܐ ܡܨܝܪܬܐ ܗ̄ ܒܦܘܼܠܚܢܐ ܕܦܬܟܪ̈ܐ ܡܫܚܠ̈ܦܐ ܘܒܥܒܿܕ̈ܐ ܡܦܬܼ̈ܟܐ ܕܥܘܠܐ. ܘܛܝܪܐ ܗ̄ ܥܡ̈ܡܼܐ ܡܦܪ̈ܫܐ ܘܢܘܼܟܪ̈ܝܐ ܗܿܢܘܿܢ ܕܩܠܝܼܠܐܝܼܬ ܐܬܿܝܢ ܘܚܿܕܪܝܼܢ ܠܗܿ ܡܼܢ ܟ݀ܠ ܓܒ̈ܝܼܢ. ܛܝܪܐ ܩܿܪܐ ܠܒܙܝܼܩܐ. ܐܚܪ̈ܢܐ ܐܡܿܪܝܼܢ ܕܦܪܚܬܐ ܚܕܐ ܐܝܿܬ ܡܼܢ ܓܦ̈ܝܗܿ ܐܘܼܟܡ ܘܡܐ ܕܦܿܪܚܐ ܠܥܼܠ. ܡܛ݀ܠ ܕܓܦ̈ܝܗܿ ܐܦ ܗܝܼ ܡܬܼܚܙܝܐ ܐܝܟ ܗ݀ܘ ܕܚܘܪܐ ܘܡܐ ܕܝܿܬܒܐ ܥܠ ܐܪܥܐ ܡܬܚܙܝܐ ܐܝܟ ܗ݀ܘ ܕܐܘܼܟܡܐ. ܥܠܗܿܝ ܐܡܼܪ ܛܝܪܐ ܡܨܝܪܬܐ ܕܐܟܙܼܢܐ ܕܚܘܝܼܘ ܒܢ̈ܝ ܝܼܣܪܐܝܠ ܓܘ̈ܢܐ ܡܫܚܼܠ̈ܦܐ܀ ܙܠܼܘ ܟܢܫܼܘ ܗ̄ ܠܥܡܼ̈ܡܐ ܩܪܼܐ ܚܝܘܼܬܐ ܕܕܒܪܐ ܡܛ݀ܠ ܒܥܪܝܼܪܘܼܬܗܘܢܿ. ܪ̈ܥܘܬܐ ܣܓܝ̈ܐܐ ܗ̄ ܪ̈ܥܘܬܐ ܩܿܪܐ ܠܡܕܒܪ̈ܢܐ ܕܒܒ̈ܠܝܐ. ܟܪܡܐ ܠܥܐ ܩܿܪܐ. ܣܘܼܕܪܐ ܕܟܬܢܐ ܗ̄ ܐܬܦܼܩܕ ܢܒܝܐ ܕܢܐܼܣܘܼܪ ܣܘܼܕܪܐ ܒܚܨ̈ܘܗܝ ܘܗܿܢܐ ܣܘܼܕܪܐ ܠܐ ܢܫܝܼܓܝܼܘܗܝ ܒܡ̈ܝܐ. ܕܒܗܿܕܐ ܬܪ̈ܬܝܢ ܡܒܿܕܩ. ܢܩܝܼܦܘܼܬܐ ܐܠܗܐ ܐܩܼܦ ܐܢܘܿܢ ܠܘܿܬܗ ܘܐܣܼܪ ܐܢܘܿܢ ܒܗ. ܒܗܿܝ ܕܐܦܼܩ ܐܢܘܿܢ ܡܼܢ ܡܨܪܝܢ ܘܡܠܝܼ ܠܗܘܿܢ ܣܘܼܢܩ̈ܢܝܗܘܿܢ. ܘܗܼܢܘܢܿ ܕܝܢ ܠܐ ܢܩܦܼܘ ܠܚܘܼܒܗ ܕܠܘܿܬܗܘܿܢ ܡܛ݀ܠ ܒܝܼܫܘܼܬܗܘܿܢ ܘܨܿܐܬܐ ܕܚܛܗ̈ܝܗܘܿܢ ܘܗܿܕܐ ܗܿܝ ܗܿܝ ܕܒܡ̈ܝܐ ܠܐ ܬܼܨܒܥ̄ܝܼܘ ܨ ܕܝܓ̄ ܙܠ ܠܦܪܬ ܘܛܡܘܼܪܝܗܝ ܗ̄ ܡܛ݀ܠ ܕܠܐ ܕܿܟܝܢܼ ܗܼܘܘ ܥܠܗܿܝ ܐܬܦܼܩܕ ܢܘܼܒܠ ܢܛܡܼܪ̄ܝܼܘ. ܘܒܿܬܪ ܙܒܼܢܐ ܦܩܼܕܗ ܕܡܼܢܕܪܝܼܫ ܢܝܬܝܘܼܗܝ. ܗܿܐ ܡܚܒܠ ܘܠܡܕܡ ܗ̄ ܕܐܝܼܬܝܗܝܢ ܗܿܠܝܢ ܐܬܘ̈ܬܐ ܕܒܥܡܐ ܗܘ̈ܝܢ ܕܢ݀ܦܩ ܡܼܢ ܐܪܥܐ ܒܫܒܼܝܐ. ܠܐܦ̈ܝ ܦܪܬ ܢܗܪܐ ܠܒܿܒܝܠ ܘܬܡܿܢ ܡܼܢ ܐܠܗܐ ܡܫܼܬܕܐ ܘܡܫܼܬܒܩ ܐܝܟ ܣܘܼܕܪܐ ܕܐܬܚܒܼܠ ܒܦܪܬ. ܗܒܼܘ ܠܡܪܝܐ ܐܠܗܟܘܿܢ ܗ̄ ܒܗܿܠܝܢ ܡܚܿܫ ܠܗܘܿܢ. ܘܥܕܠܐ ܢܬܬܼܒܪ̈ܢ ܗ̄ ܚܫܘܼܟܐ ܘܬܘܼܩ̈ܠܬܐ ܠܥܩ̈ܬܐ ܕܗܘ̈ܝܢ ܗܼܘ̈ܝ ܒܫܼܒܝܐ ܩܿܪܐ. ܘܛ̈ܠܠܝ ܡܿܘܬܐ ܗ̄ ܠܐܘܼܠ̈ܨܢܐ ܕܡܡܛܝܼܢ ܠܡܿܘܬܐ ܡܫܿܡܗ. ܢܘܼ̈ܪܐ ܕܝܢ ܠܦܘܼܪܩܢܐ ܘܠܓܗܿܝܬܐ ܕܡܼܢ ܒܝܼܫ̈ܬܐ. ܘܕܐܝܟ ܗܿܕܐ ܐܡܿܪ ܕܐܢ ܠܐ ܬܫܼܡܥܘܢܼ ܠܡ̈ܠܼܝ ܡܕܪ̈ܟܢ ܠܟܘܿܢ ܥܩ̈ܬܐ. ܩܘܼܪ̈ܝܐ ܕܬܝܡܢܐ ܐܬܬܚܼ̈ܕܝ ܗ̄ ܥܠ ܬܪ̈ܬܝܢ ܡܒܿܕܩܐ. ܚܕܐ ܕܡܬܼܬܚ̈ܕܢ ܗܼܘ̈ܝ ܡܼܢ ܒܥܠܕܒ̈ܒܐ ܘܐܚܪܬܐ ܕܡܐ ܕܡܬܼܟܢ̈ܝܢ ܗܼܘ̈ܝ ܘܡܫܬܼܒ̈ܩܢ ܠܝܬ ܕܦ݀ܬܚ ܠܗܝܢ ܒܬܪ̈ܬܝܗܝܢ ܓܝܪ ܗܿܠܝܢ ܒܨܪܝܼܟܘܼܬܐ ܗܘ̈ܝܢ ܗܼܘ̈ܝ. ܐܡܼܪ ܕܝܢ ܥܠ ܩܘܼܪ̈ܝܐ ܕܥܡܐ ܗܿܢܝܢ ܕܐܝܼܬܝܗܝܢ ܒܬܝܡܢܐ. ܐܝܿܢܘ ܓܙܪܐ ܗ̄ ܡܥܝܼܪ ܠܗܘܿܢ ܒܗܿܠܝܢ ܕܢܚܼܙܘܢܼ ܒܗܿܢܝܢ ܕܡܣܼܬܥܪ̈ܢ ܠܘܿܬܗܘܿܢ. ܕܐܬܝܼܗܒ ܠܟܝ ܗ̄ ܐܝܿܟܘ ܓܙܪܐ ܡܠܝܼܠܐ ܕܥܡܼܟܝ ܕܐܝܼܬܘܗܝ ܡܫܟܼܚܐ ܒܒܛܝܼܠܘܼܬܝ ܐܡܝܼܢܬܐ ܕܥܠܘܗܝ. ܐܒܼܕ ܠܗ ܓܝܪ ܘܣܼܦ ܟܿܠܗ ܒܐܝܼܕܐ ܕܫܒ̈ܝܐ. ܒܣܘܓܐܬ݀ ܚܘܒ̈ܝܗܘܿܢ ܗ̄ ܚܘܒ̈ܝܟܘܢ ܣܓܝ̈ܐܐ ܐܝܬܝܼܘ ܥܠܝܟܘܿܢ ܒܗܼܬܬܐ ܘܥܪܛܠܝܘܼܬܐ ܕܒܗܿ ܡܛܫ̈ܝܬܐ pb. 307 ܕܣܘܼܥܪ̈ܢܝܟܘܿܢ ܛܢ̈ܦܼܐ. ܐܬܓܠ̈ܝܼܝܢ ܐܬܚܼܘ̈ܝܼܝܼܢ ܠܟܿܠ ܐܢܫ. ܐܬܓܠܓܼܘ ܗ̄ ܐܬܩܒܼܠܘ ܘܐܬܓܠܝܼܘ ܫܦܘܼ̈ܠܐ ܕܟܢ̈ܦܼܐ ܕܟܘܼܬܝܼܢܐ. ܐܝܟ ܕܠܐ ܡܫܟܼܚ ܗܢܕܘܿܝܐ ܗ̄ ܝܘܼܠܦܢܗܘܿܢ ܓܝܪ ܕܒܒܝܼܫܬܐ ܥܠ ܡܣܬܬܘܼܬܗܘܿܢ ܕܒܗܿ ܒܒܝܼܫܬܐ ܐܡܿܪ. ܡܨܝܐ ܗܿܝ ܕܢܐܬܼܐ ܐܢܫ ܡܼܢ ܒܝܼܫܬܐ ܠܛܒܿܬܐ ܐܢ ܢܨܒܐܼ. ܗ݀ܘ ܕܝܢ ܕܒܝܼܫܬܐ ܡܫܼܬܣܐ ܒܗ ܘܠܛܢܦܘܼܬܐ ܡܚܒ ܗܿܢܐ ܒܨܒܝܿܢܗ ܟܝܿܢܐ ܕܠܐ ܡܫܼܬܚܠܦ ܡܼܢ ܒܝܼܫܬܐ ܡܩܒܿܠ ܐܝܟ ܗܢܕܘܿܝܐ ܘܢܡܼܪܐ. ܕܡܛ݀ܠ ܕܐܨܛܒܥܼܘ ܒܓܼܕܫܐ ܟܝܿܢܝܐ ܠܐ ܡܿܨܝܢܼ ܡܫܼܬܚܠܦܝܼܢ ܠܡܕܡ ܐܚܪܝܢ܀ ܡܛ݀ܠ ܕܛܥܝܬܝܼܢܝ ܘܐܬܬܼܟܠܠܬ. ܘܓܘܪܟܝ ܘܨܗܠܟܝ ܗ̄ ܚܠܼܦ ܕܫܒܩܬܝܼܢܝ ܘܛܥܝܬܝܼܢܝ ܟܕ ܒܢܟܼܦܘܼܬܐ ܥܿܡܪ ܗܘܝܿܬ ܥܡܟܝ ܘܐܬܬܼܟܠܠܬܝ ܥܠ ܦܬܟܪ̈ܐ ܘܫܐܕ̈ܐ ܕܓ̈ܠܐ ܐܥܿܒܕܟܝ ܚܼܣܕܐ ܩܕܡܝܗܘܿܢ. ܓܘܪܐ ܐܡܿܪ ܗܿܪܟܐ ܠܫܘܼܚܛܗܘܿܢ ܕܥܡ ܫܐܕ̈ܐ ܕܒܝܕ ܣܓܕܬ݀ ܦܬܟܪ̈ܐ. ܨܗܠܐ ܕܝܢ ܠܫܪܝܼܚܘܼܬܗܘܿܢ ܝܬܝܼܪܬܐ ܘܠܡܬܼܬܙܝܥܢܘܼܬܗܘܿܢ ܕܒܗܿ ܒܪܓܼܬܐ ܕܦܬܟܪ̈ܐ. ܘܙܝܢܘܼ̄. ܗ̄ ܕܡܐ ܕܩܡܼܬܘܿܢ ܥܪܛܠ ܩܕܡ ܒܥܠܒ̈ܒܝܟܘܿܢ ܘܓܠܝܿܬ ܡܛܫܝ̈ܬܟܘܿܢ ܩܕܡܝܗܘܿܢ ܗܿܝܕܝܢ ܡܬܼܚܙܝܐ ܙܢܝܘܼܬܟܘܢܿ ܗܿܝ ܕܢܦܼܫܐ ܘܟܣܝܼܬܐ ܐܘܟܝܼܬ ܦܬܟܪ̈ܐ ܕܒܒܝܬ ܣܓܕܬ݀ ܦܬܟܪ̈ܐ ܣܡܼܬܘܢ ܠܟܿܠܗܘܿܢ ܪ̈ܚܝܼܩܐ. ܘܝܿܠܟܝ ܐܘܿܪܫܠܡ ܕܠܐ ܬܬܼܕܟܝܢ ܡܛ݀ܠ ܕܠܐ ܐܬܕܟܝܼܬܝ ܐܡܼܬܝ ܒܣܘܼܟܠܐ. ܘܐܢܕܝܢ ܠܐ܆ ܐܝܿܟܢܐ ܐܡܿܪ ܠܗܿ ܕܬܘܼܒܝ ܐܠܐ ܗܿܕܐ ܐܡܿܪ ܕܘ݀ܝ ܠܟܘܿܢ ܐܘܼܪ̈ܫܠܡܝܐ ܠܐ ܨܒܝܬܘܿܢ ܠܡܥܼܪܩ ܡܼܢ ܛܢܦܘܼܬܟܘܿܢ. ܘܠܡܬܼܕܟܝܘ ܡܼܢ ܪܘܼܫܥܟܘܿܢ. ܒܿܬܪ ܗܿܠܝܢ ܡܿܘܕܥ ܠܗܘܿܢ ܥܠ ܒܨܝܼܪܘܼܬ ܡܛܪܐ ܕܟܼܒܪ ܢܬܘܼܒܘܼܢ ܘܢܒܼܥܘܢܿ ܡܼܢ ܐܠܗܐ ܘܢܬܼܠ ܡܛܪܐ ܡܛ݀ܠ ܕܐܦ ܚܝܘ̈ܬܐ ܕܕܒܪܐ ܐܬܛܪ̈ܦܼܝ ܒܨܗܝܐ ܨ ܕܝܕ̄ ܨܘܼܚܬܗܿ ܗ̄ ܩܿܠܐ ܗܪܡܐ ܕܒܝܕ ܚܫܐ ܕܩ݀ܥܝܐ ܗܘܬ݀ ܐܘܿܪܫܠܡ ܡܼܢ ܨܗܼܝܐ ܣܠܼܩ ܘܐܫܬܼܡܥ ܠܟܿܠ ܐܝܟ ܝܪܘܼܪ̈ܐ ܗ̄ ܢܬܦܼܘ ܠܗܘܿܢ ܣܘܩܐ ܕܐܐܪ ܕܠܐ ܝܘܼܬܪܢ ܡܛ݀ܠ ܝܒܝܼܫ̄ܘܼ ܗܿܝ ܕܡܿܘܩܕܐ ܗܘܬ݀ ܠܗܘܿܢ ܡܼܢ ܓܠܝܼܙܘܼܬ ܡܛܪܐ. ܡܬܼܐܡܪ ܥܠ ܝܪܘܪܐ ܚܝܘܼܬܐ ܕܐܡܼܬܝ ܕܢܡܘܼܬ ܚܕ ܡܼܢ ܒܢ̈ܝܗܿ ܠܐ ܡܣܝܒܪܐ ܡܼܢ ܥܩܿܬܐ ܘܠܐ ܡܬܼܒܝܝܐ ܥܕܡܐ ܕܡܿܝܬܐ ܒܠܚܘܼܕ ܕܝܢ ܥܕܡܐ ܕܡܿܝܬܐ ܣܝܿܩܐ ܪܘܼܚܐ. ܡܛ݀ܠ ܕܐܦ ܢܒܝܐ ܗ̄ ܥܠ ܟܦܼܢܐ ܘܥܠ ܫܒܼܝܐ ܡܿܚܘܐ ܒܝܕ ܗܿܕܐ ܐܟܡܿܢ ܕܡܛܾ݀ ܕܠܐ ܩܕܡܼܘ ܝܼܕܥܘ ܠܐܠܗܐ ܚܿܕܪܝܼ[] ܒܐܠܝܼܨܘܼܬܐ ܕܟܦܼܢܐ ܒܐܪ̈ܥܬܐ ܐܝܿܠܝܢ ܕܠܐ ܝܼܕ̈ܝܼܥܢ ܗܼ̈ܘܝ ܠܗܘܿܢ ܡܢܼܩܕܝܼܡ. ܘܡܼܢ ܕܬܢܼܐ ܙܢܝܐ ܡ̈ܠܝ ܨܠ̈ܘܿܗ̄ ܥܢܝܼܗܝ ܡܪܝܐ܆ ܨ܆ ܝܗ̄ ܐܢ ܢܩܘܼܡ ܡܘܿܫܐ ܗ̄ ܡܛ݀ܠ ܕܐܦܝܼܣ ܢܒܝܐ ܙܒܢܬܐ ܘܬܪܬܝܢ ܘܐܬܼܟܠܝܼ ܕܠܐ ܬܨܪܠܐ ܥܠ ܥܡܐ ܗܿܢܐ ܕܠܐ ܢܬܬܼܥܝܼܩ. ܕܡܛ݀ܠ ܒܨܝܼܪܘܼܬܗ ܟܐܼܡܬ݀ ܠܐ ܡܬܩܼܒܠܐ ܒܥܘܿܬܗܿ ܡܿܒܝܐܐ ܠܗ ܗܿܫܐ. ܐܢ ܡܘܿܫܐ ܒܡܕܒܪܐ ܘܫܡܘܿܐܝܠ ܒܐܪܥܐ ܕܡܘܼܠܟܢܐ ܨܠܝܼܘ ܘܪܥܝܼܘ ܠܐܠܗܐ ܥܠ ܥܡܐ. ܗܿܫܐ ܐܠܘܼ ܚܝܼܝܢ ܗܼܘܘ ܘܡܿܨܠܝܢ ܠܐ ܫܿܡܥ ܗܿܘܝܬ ܠܗܘܿܢ ܒܗ݀ܝ ܕܥܒܼܪܬ݀ ܒܝܼܫܘܼܬܐ ܕܗ݀ܢ ܥܡܐ ܠܕܩܕ̈ܡܝܐ ܓܙܝܿܬ ܘܐܘܒܿܕܬ ܗ̄ ܒܟܿܠ ܡܪܕܘܼܬܐ ܫܚܿܩܬ ܐܢܘܿܢ ܘܡܼܢ ܣܘܼܥܪ̈ܢܝܗܘܢܿ ܒܝܼ̈ܫܐ ܠܐ ܐܬܟܼܠܝܼܘ. ܠܠܬ݀ ܝܠܕܬ݀ ܫܒܼܥܐ ܗ̄ ܠܘ ܥܠ ܐܢܬܬܐ ܐܢܫ ܐܡܼܪ ܗܿܕܐ ܐܠܐ ܥܠ ܟܿܠܗ ܥܡܐ ܘܠܗܘܿܢ ܩܿܪܐ ܝܠܕܬ ܫܒܼ݁ܐ ܟܕ ܡܚܿܘܐ ܥܠ ܣܿܓܝܐܘܼܬܗܘܿܢ ܘܫܘܼܡܠܝܐ pb. 308 ܕܡܘܠܕܗܘܿܢ ܗܿܘ ܩܕܡܝܐ. ܥܪܒܬ݀ ܫܡܼܫܗܿ ܗ̄ ܕܡܼܢ ܗ݀ܘ ܡܢܝܿܢܐ ܕܠܐ ܣܿܟܐ ܐܬܼܘ ܠܘܿܬ ܗܿܝ ܕܒܦܘܼܡܐ ܕܣܝܦܐ ܢܬܚܼܒܘܿܢ. ܫܡܼܫܐ ܩܿܪܐ ܠܚ̈ܝܐ ܕܝܼܠܗܘܿܢ ܗܿܢܘܿܢ ܕܒܗܘܿܢ ܐܦ ܠܫܡܼܫܐ ܡܫܟܚܝܼܢ ܗܼܘܘ ܠܡܚܼܙܐ ܒܦܠܓܘܼܬ ܝܘܡ̈ܝܗܘܿܢ ܐܡܼܪ ܥܠ ܕܒܦܘܼܐ ܕܣܝܦܐ ܢܬܚܼܪܒܘܿܢ. ܫܡܼܫܐ ܩܿܪܐ ܠܚܝ̈ܐ ܕܝܼܠܗܘܿܢ ܗܿܢܘܢܿ ܕܒܗܘܿܢ ܐܦ ܠܫܡܼܫܐ ܡܫܟܚܝܼܢ ܗܼܘܘ ܠܡܚܼܙܐ ܒܦܠܓܘܼܬ ܝܘܡ̈ܝܗܘܿܢ ܐܡܼܪ ܥܠ ܕܒܦܘܼܡܐ ܕܣܝܦܐ ܡܝܼܬ ܛܠ̈ܝܐ ܘܩܫܝ̈ܫܐ ܘܠܘ ܒܡܿܘܬܐ ܟܝܿܢܝܐ. ܘܝܿܠܝܼ ܐܡܝ ܕܝܼܠܕܬܝܼܢܝ ܗ̄ ܡܫܿܪܐ ܢܒܝܐ ܠܡܬܼܢܐ ܐܘܠ̈ܨܢܐ ܕܣܒܼܠ ܡܼܢ ܥܡܐ ܡܛ݀ܠ ܢܒܝܘܼܬܗ. ܟܕ ܠܘ ܒܐܒܗ̈ܐ ܕܐܘܠܕܘܼܗܝ ܡܬܥܕܠ ܐܠܐ ܠܥܡܐ ܥܿܕܠ ܘܡܟܣ ܒܝܕ ܘܿܝܐ ܝܿܗܒ ܠܩܢܘܿܡܗ. ܓܒܪ ܕܝܢ ܘܓܒܪ ܘܡܟܣܝܢ ܗ̄ ܡܫܿܡܗ ܗܼܘ ܠܗ ܕܝܿܢܐ ܘܡܣܟܢܐ ܡܛܿܠܗ݀ܝ ܕܡܬܼܢܒܐ ܗܼܘܐ ܠܗܘܿܢ ܗܿܠܝܢ ܕܕܝܼܢܐ ܘܡܟܣܢܘܼܬܐ. ܠܐ ܐܫܿܒܩܟ ܒܛܒܿܬܐ ܗ̄ ܠܘ ܠܢܒܝܐ ܐܬܐܡܼܪܬ݀ ܗܿܕܐ ܐܠܐ ܠܥܡܐ ܕܪܕܦ ܗܼܘܐ ܠܢܒܝܐ ܠܐ ܐܫܿܒܩܟ ܠܡ ܕܠܐ ܬܒܥܼܬܐ. ܡܛ݀ܠ ܗܿܠܝܢ ܕܨܝܕ ܢܒܝܐ ܣܿܥܪ ܐܢܬ. ܐܠܐ ܒܥܓܠ ܡܿܝܬܐ ܐܢܼܐ ܥܠܝܟ ܒܒܿܠܝܐ ܘܗܼܘ ܬܒܿܥ ܠܟ. ܝܿܕܥ ܐܢܬ ܗ̄ ܠܝܼ ܘܠܗܿܢܘܢܿ ܘܡܛ݀ܠ ܗܿܕܐ ܡܦܝܼܣ ܪܘܼܚܐ ܘܬܫܒܼܩܢܝ ܒܐܝܼܕ̈ܝܗܘܢܿ. ܡܛ݀ܠ ܕܪܘܓܙܐ ܡܠܝܼܬܢܝ ܗ̄ ܪܘܓܙܐ ܡܠܼܝܬܢܝ ܡܛ݀ܠ ܝܼܕܥܬܐ ܕܣܡܼܬ ܒܝܼ ܠܘܼܩܒܠ ܟܿܠܗܘܿܢ ܣܘܼܥܪ̈ܢܐ ܒܝܼ̈ܫܐ ܕܡܣܼܬܥܪܝܼܢ ܡܼܢ ܥܡܐ. ܠܡܿܢܐ ܗܘܼܐ ܟܐܒܝ ܥܫܝܼܢ ܗ̄ ܗܿܢܐ ܗܼܘܐ ܟܐܒܐ ܕܬܪܥܝܼܬܗ ܗܿܝ ܕܠܐ ܥܕܟܝܼܠ ܚܿܙܐ ܗܼܘܐ ܡܦܩܢܐ ܕܡܼ̈ܠܐ ܕܢܒܝܘܼܬܗ ܘܡܛܾ݀ ܕܡܼܬܡܝܩ ܗܼܘܐܐܝܟ ܫܪܝܼܪܐ ܡܬܼܬܥܝܼܩ ܗܼܘܐ ܘܐܡܿܪ. ܘܗܘܝܿܬ ܠܝܼ ܐܝܟ ܡ̈ܝܐ ܟܕ̈ܒܐ ܗ̄ ܡܝ̈ܐ ܟܕܒ̈ܐ ܩܿܪܐ ܠܗܿܢܘܢ ܕܠܐ ܡܣܿܬܬܝܼܢ ܘܡܗܝܡܢܝܼܢ ܘܒܡܒܘܼ̈ܥܝܗܘܿܢ. ܐܠܐ ܡܼܢ ܡܛܪܐ ܐܘܿ ܬܠܓܐ ܗܿܘܝܢ ܘܠܝܬ ܐܢܘܿܢ. ܗܿܟܢܐ ܓܝܪ ܕܡ̈ܝܢ ܡ̈ܠܝ ܩܕܡ ܥܡܐ. ܒܗ݀ܝ ܕܐܡܿܪ ܟܿܠ ܝܘܿܡ. ܘܡܦܼܩܢܐ ܕܒܥܒܿܕܐ ܠܝܬ ܠܗܝܢ. ܐܢ ܬܬܼܘܼܒ ܐܦܿܢܝܟ ܗ̄ ܐܠܗܐ ܕܝܢ ܐܡܼܪ ܠܗ ܚܠܼܦ ܡ̈ܠܘ̄ ܕܐܢܗܼܘ ܕܬܬܦܢܐ ܡܼܢ ܚܘܼ̈ܫܒܐ ܕܐܝܟ ܗܿܠܝܢ ܘܬܦܼܘܫ ܡܼܢ ܩܘܼܛܥܐ ܕܐܫܼܬܠܛ ܒܢܦܼܫܟ ܠܘܿܬܝ ܡܦܿܢܐ ܐܢܼܐ ܠܟ ܘܩܕܡܝ ܡܩܝܼܡ ܐܢܼܐ ܠܟ ܗ̄ ܡܚܿܘܐ ܐܢܼܐ ܠܟ ܡܢܼܗܘܿܢ ܕܣܘܼܥܪ̈ܢܐ ܕܣܿܓܝܼ ܡܓܠܐ ܐܦ̈ܐ ܐܝܼܬ ܠܟ ܩܕܡܝ. ܘܐܢ ܬܦܼܩ ܝܩܝܼܪܐ ܡܼܢ ܗ̄ ܘܐܦܿܢ ܠܚܕ ܒܪܢܫܐ ܒܠܚܘܼܕ ܬܫܟܼܚ ܠܡܠܼܕܪܘܼ ܘܡܼܢ ܙܠܝܼܠܘܼܬܐ ܘܣܪܝܼܩܘܼܬܐ ܬܦܢܝܼܘܗܝ ܠܘܿܬ ܘ݀ܠܝܬܐ. ܐܝܟ ܦܘܼܡܝ ܬܗܼܘܐ ܗ̄ ܚܿܫܒ ܐܢܼܐ ܠܟ ܡܝܩܼܪܐ ܐܝܟ ܡܼ̈ܠܐ ܕܢܦ̈ܩܼܢ ܡܼܢ ܦܘܼܡܝ܀ ܨ܆ ܕܝܘ̄ ܠܐ ܬܣܼܒ ܠܟ ܐܢܬܬܐ ܗ̄ ܐܬܦܼܩܕ ܢܒܝܐ ܕܠܐ ܢܣܼܒ ܐܢܬܬܐ ܒܕ ܕܡܿܝܐ ܕܐܝܼܬ ܗܼܘܐ ܠܗ ܨܒܝܿܢܐ ܕܢܣܼܩ ܘܐܬܼܟܠܝܼ. ܕܢܫܼܩܘܿܠ ܐܢܬܬܐ ܐܝܟ ܕܢܼܗܘܐ ܕܡܘܼܬܐ ܠܥܡܐ ܕܣܪܝܼܩܐܝܼܬ ܢܣܼܒܘ ܢܫ̈ܐ ܘܐܘܠܼܕܘ ܒܢ̈ܝܐ ܒܕ ܠܐ ܡܫܼܬܒܩܝܼܢ ܠܘܿܬ ܒܢܝ̈ܗܘܿܢ. ܘܢܫ̈ܝܗܘܿܢ ܡܛ݀ܠ ܕܡܫܼܬܒܝܢ ܘܡܬܼܩܛܠܝܼܢ. ܗܿܐ ܝܘܡ̈ܬܐ ܐܬܿܝܢ ܗ̄ ܚܿܠܛ ܥܡ ܠܘܼܚ̈ܡܐ ܒܘܼܝܐܐ ܝܘܡ̈ܬܐ ܕܐܬܿܝܢ ܥܠ ܝܘܡ̈ܬܐ ܕܦܘܼܢܝܐ ܐܡܿܪ. ܕܚܝ ܗܼܘ ܡܪܝܐ ܕܐܣܼܩ ܗ̄ ܒܗܿܠܝܢ ܡܠܦ ܕܗܿܢܐ ܟܿܠܗ ܪܘܪ̈ܒܢ ܛܒ̈ܬܐ ܕܦܘܼܢܝܐ ܡܿܢ ܕܒܿܒܝܠ ܐܝܟ ܕܢܬܼܚ̈ܦܝܢ ܘܠܐ ܢܐܬܼܝ̈ܢ ܠܥܘܼܗܕܢܐ ܕܬܡܝܼܗ̈ܬܐ ܕܣܥܼܪ ܗܼܘ ܟܕ ܗܼܘ ܡܪܝܐ ܒܡܣܼܩܬܐ ܕܡܼܢ ܡܨܪܝܢ. ܘܚܠܦ ܗܿܝ pb. 309 ܕܒܙܼܒܢ ܡܬܼܡܫܚܝܼܢ ܗܼܘܘ ܒܒܪܬ݀ ܩܿܠܐ ܗܿܕܐ ܕܚܕ ܗܼܘ ܡܪܝܐ ܕܐܣܼܩܢ ܡܼܢ ܒܒܿܝܠ. ܗܿܐ ܡܫܿܕܪ ܐܼܐ ܨܝ̈ܕܐ ܗ̄ ܬܘܼܒ ܗ݀ܦܟ ܕܢܡܼܠܠ ܥܠ ܫܒܼܝܐ. ܨܝ̈ܕܐ ܠܒܥܠ̈ܕܠܒ̄ ܩܿܪܐ. ܡܪܝܐ ܚܝܠܝ ܗ̄ ܥܠ ܗܿܠܝܢ ܕܦܘܼܢܝܐ ܕܥܡܐ ܘܥܡܼ̈ܡܼܐ. ܘܒܝܬ ܓܘܣܝ ܗ̄ ܡܛ݀ܠ ܕܝܼܠܦܼܘ ܚܬܝܼܬܐܝܼܬ ܟܿܠܗܘܿܢ ܥܡܘܿܪ̈ܝܗܿ ܕܐܪܥܐ. ܕܐܢܬ ܗܼܘ ܡܥܕܪܢܐ ܘܒܝܬ ܓܘܣܐ ܕܥܡܐ. ܐܬܿܝܢ ܠܘܿܬܟ ܡܼܢ ܟܿܠܕܘܿܟ ܘܣܿܓܕܝܼܢ ܠܟ. ܚܛܝܼܬܗ ܕܝܼ̈ܘܼܕܐ ܗ̄ ܒܗܿܠܝܢ ܡܟܣ ܠܗܘܿܢ ܨܚܚܐ ܕܝܙܙ̄ ܘܒܛܦܼܪܐ ܕܫܡܝܼܪܐ ܗ̄ ܫܡܝܼܪܐ ܟܐܦܐ ܗܿܘ ܐܘܼܟܡܐ ܘܒܡܕܡ ܠܐ ܡܬܼܬܒܪ. ܠܝܼܛ ܗܼܘ ܗ̄ ܠܐܿܛ ܢܒܝܐ ܠܡܿܢ ܕܡܬܼܪܚܩ ܡܼܢ ܐܠܗܐ ܘܡܬܼܬܟܠ ܥܠ ܒܪܫܝܐ ܕܢܦܼܪܩܝܼܘܗܝ. ܢܗܼܘ ܐܝܟ ܥܩܼܪܐ ܗ̄ ܐܡܿܪ ܕܡܿܢ ܕܡܬܼܪܚܩ ܡܼܢ ܐܠܗܐ ܠܐ ܡܫܼܬܟܚ ܠܗ ܡܕܡ ܕܗܢܝܿܢܐ ܕܡܿܩܝܼܡ ܠܚܝܘ̈ܗܝ ܐܠܐ ܢܕܪܟܝܼܘܗܝ ܝܩܕܢܐ ܕܥܩܿܬܐ ܗܿܘ ܕܒܕܡܘܼܬ ܫܡܼܫܐ ܠܥܩܼܪܩܐ ܕܣܝܼܡ ܒܦܼܩܥܬܐ ܘܠܝܬ ܠܗ ܫܩܘܼܬܐ ܡܚܿܒܠ ܘܡܛܿܠܩ. ܒܪܝܼܟ ܗܼܘ ܓܒܪܐ ܗ̄ ܝܿܗܒ ܒܘܼܪܟܬܐ ܠܓܒܪܐ ܕܬܟܝܼܠ ܥܠ ܐܠܗܐ. ܢܗܼܘܐ ܐܝܟ ܐܝܼܠܢܐ ܗ̄ ܕܐܟܙܼܢܐ ܕܐܝܼܠܢܐ ܕܢܨܝܼܒ ܥܠ ܡ̈ܝܐ ܒܕܘܼܟ̈ܝܬܐ ܕܝܿܥܐ ܒܗܝܢ ܝܒܠܐ. ܡܫܪܪܝܼܢ ܥܩܼܪ̈ܘܗܝ ܘܠܐ ܕܚܿܠ ܡܼܢ ܚܘܼܡܐ ܡܛ݀ܠ ܫܩܘܼܬܐ ܕܐܡܝܼܢܐ ܒܥܩܼܪܗ. ܘܐܦ ܛܪ̈ܦܘܗܝ ܪܘܙܝܼܢ ܗܿܟܢܐ ܐܝܼܬܘܗܝ ܗ݀ܘ ܕܐܠܗܐ ܐܝܼܬ ܠܗ ܡܥܕܪܢܐ ܕܠܐ ܡܼܢ ܡܕܡ ܕܒܝܼܫ ܡܬܼܢܟܐ ܘܟܿܠܗܝܢ ܛܒ̈ܬܐ ܟܝܢܼ̈ܫܢ ܠܘܿܬܗ܇ ܥܫܼܢ ܠܒܼܐ. ܘܒܿܚܪ ܟܘܼܠ̈ܝܬܐ ܗ̄ ܐܡܿܪ ܕܐ݀ܦܢ ܥܡܝܼܩ ܒܪܢܫܐ ܒܚܘܼܫ̈ܒܘܗܝ ܘܠܐ ܡܬܕܪ̈ܟܢ ܬܪ̈ܥܝܬܗ ܡܼܢ ܐܢܫ̈ܐ. ܒܪܡ ܠܘ ܗܿܟܢܐ ܐܦ ܡܼܢܝ ܕܝܼܠܝ ܡܬܼܚܦܝܐ ܬܪܥܝܼܬܗ ܐܠܐ ܠܟܿܠܗܝܢ ܕܝܼܠܗ ܒ݀ܨܐ ܐܢܼܐ ܘܡܿܕܪܟ ܐܢܼܐ. ܐܝܟ ܚܓܼܠܐ ܕܩ݀ܪܐ ܠܐܝܿܠܢ ܗ̄ ܨ݀ܒܐ ܕܢܪܫܐ ܐܢܘܿܢ ܥܠ ܥܠܘܿܒܘܼܬܐ ܐܝܟ ܩܘܼܒܢܐ ܕܩ݀ܪܐ ܠܘ ܠܒܢܘ̈ܗܝ ܐܦܿܠܐ ܠܢܩܼܒ̈ܬܐ ܐܠܐ ܠܕܟܪ̈ܐ ܩ݀ܪܐ ܠܗܘܿܢ ܠܘ ܠܛܒܿܬܐ ܐܠܐ ܠܡܿܘܬܐ. ܗ݀ܘ ܕܐܦ ܗܼܘ ܠܚܪܬܐ ܠܗ ܡܬܼܩܪܒ ܗܿܟܢܐ. ܐܦ ܥܿܠܘܿܒܐ ܠܘ ܠܩܪ̈ܝܼܒܘܗܝ ܐܠܐ ܠܢܘܼܟܪ̈ܝܐ ܩ݀ܪܐ ܒܝܕ ܦܘܼܪ̈ܣܐ ܘܡܫܿܓܫ ܠܗܘܿܢ ܐܝܟ ܚܓܠܐ ܘܢܿܣܒ ܩܢܝܿܢܗܘܿܢ ܘܡܡܝܼܬ ܠܗܘܿܢ ܠܗܘܿܢ. ܘܐܦ ܗܼܘ ܒܿܬܪܟܢ ܡܼܢ ܒܢܝ̈ܢܫܐ ܐܘܿ ܡܼܢ ܕܝܼܢܐ ܕܐܠܗܐ ܡܬܼܬܨܝܼܕ ܘܠܡܿܘܬܐ ܡܫܼܬܠܡ. ܟܘܼܪܣܝܐ ܕܐܝܼܩܪܐ ܗ̄ ܟܘܼܪܣܝܐ ܠܡܠܟܘܼ̄ ܩܿܪܐ. ܘܐܬܪܐ ܕܡܩܕܫܐ ܠܐܪܥܐ ܘܠܡܕܝܼܢܬܐ ܕܒܗܿ ܒܿܢܐܼ ܗܝܟܠܐ. ܘܗܿܕܐ ܐܡܿܪ ܕܠܡܠܟܘܼܬܐ ܗܿܕܐ ܪܡܬܐ ܕܡܢܼܩܕܝܼܡ ܐܝܼܬܝܗܿ ܗܘܬ݀ ܡܫܼܒܚܬܐ ܡܛ݀ܠ ܐܬܪܐ ܗܿܢܐ ܩܕܝܼܫܐ ܠܐ ܙ݀ܕܩ ܗܼܘܐ ܕܒܣܘܼܥܪ̈ܢܐ ܕܠܐ ܠܿܚܡܝܼܢ ܠܗ ܠܐܬܪܐ ܘܠܡܼܩܕܫܐ ܘܠܢܡܘܿܣܐ ܬܬܚܼܫܚ. ܣܒܼܪܗ ܕܝܼܣܪܐܝܠ ܡܪܝܐ ܗ̄ ܠܐ ܙ݀ܕܩ ܠܗ ܕܢܗܼܘܐ ܣܒܼܪܐܐܚܪܢܐ ܣܛܪ ܡܼܢ ܐܠܗܐ ܡܕܒܪܢܗ. ܟܿܠ ܕܫܒܼܩܘܼܟ ܢܒܼܗܬܘܿܢ ܗ̄ ܠܘܿܬܐܠܗܐ ܐܦܼܢܝܼ ܠܡܠܼܬܗ ܘܨܿܒܐ ܕܢܘܕܥ ܕܠܩܢܘܿܡܗܘܿܢ ܡܘܒܕܝܼܢ. ܒܗ݀ܝ ܕܫܒܼܩܘ ܠܐܠܗܐ. ܒܐܪܥܐ ܢܬܟܼܬܒܘܢ ܗ̄ ܒܗܿܕܐ ܥܠ ܡܣܡܒܪ̈ܝܼܫܐ ܕܥܬܝܼܕܝܼܢ. ܪ̈ܫܝܼܥܐ ܠܡܩܼܒܠܘܼ ܪܡܿܙ ܘܥܠ ܡܘܼܟܟܗܘܿܢ ܬܚܘܼܒܐ ܕܚܠܼܦ ܗ݀ܝܕ ܡܬܼܟܬܒܝܼܢ ܒܣܼܦܪ ܚ̈ܝܐ ܐ݀ܒܕܝܼܢ ܒܐܪܥܐ ܘܠܐ ܦ݀ܢܝܢ ܠܚ̈ܝܐ. ܐܣܢܼܝ ܡܪܝܐ ܗ̄ ܦܘܼܪܩܢܗ pb. 310 ܘܐ݀ܣܝܘܼܬܗ ܘܬܫܼܒܘܿܚܬܗ ܐܡܿܪ ܠܫܘܼܪܐ ܕܦܬܓܼ̈ܡܘܗܝ ܟܕ ܒܿܥܐ ܡܼܢ ܐܠܗܐ ܕܢܥܼܒܕ ܠܗܿܠܝܢ ܠܡ̈ܠܼܘܗܝ ܫܘܼܠܡܐ ܕܙ݀ܕܩ. ܕܐܢܿܐ ܒܒܝܼܫܬܐ ܗ̄ ܠܐ ܐܗܡܝܿܬ ܡܼܢ ܕܚܠܼܬܟ ܒܟܿܠܗܝܢ ܒܝܼ̈ܫܬܐ ܕܐܬܼܝ̈ ܥܠܝ. ܘܝܘܡܗ ܕܒܪܢܫܐ ܗ̄ ܕܘܼܒܪܗ ܘܫܟܚ̈ܬܗ ܘܫܪܟܐ ܕܪ̈ܓܝܓܬܗ ܠܐ ܪܓܿܬ܆ ܨܚܚܐ ܕܝܚ̄ ܫܐܼܠܘ ܒܝܬ ܗ̄ ܫܐܼܠܘ ܒܝܬ ܥܡ̈ܡܼܐ ܡܿܢܘܼ ܥܒܼܕ ܐܝܟ ܝܣܪ̈ܠܝܐ ܕܐܪܦܝܼܘ ܠܐܠܗܗܘܿܢ. ܘܪܗܼܛܘ ܨܝܕ ܦܬܟܪ̈ܐ. ܐܢ ܥܿܢܕ ܡܼܢ ܛܘܼܪܐ ܗ̄ ܡܝ̈ܐ ܩܪܝܼܪ̈ܐ ܘܢܘܼܟܪ̈ܝܐ ܩܿܪܐ ܠܡ̈ܝܐ ܕܬܠܓܐ. ܢܘܼܟܪ̈ܝܐ ܐܢܘܿܢ ܡܛ݀ܠ ܕܠܘ ܡܼܢ ܐܪܥܐ ܘܡܼܢ ܡ̈ܝܐ ܡܩܘ̈ܝܢܐ ܢ݀ܒܥܝܼܢ ܐܝܟ ܟܝܿܢܐ ܕܡܒܘܼ̈ܥܐ. ܠܐ ܥܿܢܕ ܬܠܓܡܐ ܡܛ݀ܠ ܕܥܕ ܦܿܫܪ ܩܕܡܝܐ ܢܚܿܬ ܐܚܪܢܐ ܥܠܘܗܝ ܩܿܪܐ ܠܗ ܛܘܿܪ ܬܕ̈ܝܐ ܡܛܾ݀ ܕܒܕܡܘܼܬ ܬܪܝܢ ܬܕ̈ܝܐ ܢ݀ܦܩܝܼܢ ܡܢܼ̈ ܡ̈ܝܐ. ܡܛ݀ܠ ܕܛܥܼܐܘܼܢܝ ܥܡܝ ܗ̄ ܒܝܕ ܗܿܠܝܢ ܡܿܘܕܥ ܕܡ̈ܝܐ ܕܬܠܓܐ ܠܐ ܡܿܨܝܢܼ ܕܢܓܘܼܙܘܢܼ ܟܕ ܠܘ ܡܼܢ ܡܥ̈ܝܼܢܐ ܐܢܘܿܢ. ܥܡܐ ܕܝܢ ܗܿܢܐ ܠܝܼ ܕܐܝܿܬܝ ܠܗܘܿܢ ܐܒܐ ܘܝܨܘܿܦܐ ܠܓܡܿܪ ܛܥܼܐܘܼܢܝ ܘܠܦܬܟܪ̈ܐ ܣܪ̈ܝܼܩܐ ܪܚܡܼܘ. ܘܐܬܬܩܼܠܘ ܒܐܘܼܪ̈ܚܬܗܘܿܢ ܗ̄ ܐܘܼܪܚܐ ܩܿܪܐ ܠܥܝܕ̈ܝܗܘܿܢ ܘܗܘܼܦ̈ܟܝܗܘܿܢ ܩܕܡ̈ܝܐ ܘܐܡܿܪ ܕܐܬܕܡܝܼܘ ܗܿܫܐ ܠܐܒܗ̈ܝܗܘܿܢ ܩܕܡ̈ܝܐ ܘܪܕܘ ܒܬܘܫܐ ܐܟܘܿܬܗܘܢ. ܐܘܼܪܚܐ ܕܠܐ ܕܪܝܼܫܐ ܡܫܿܡܗ ܠܗ ܠܦܘܼܠܚܢܐ ܕܦܬܟܪ̈ܐ ܡܛ݀ܠ ܕܠܘ ܒܙܕܩܐ ܡܬܼܦܠܚܝܼܢ ܗܼܘܘ. ܐܝܟ ܪܘܼܚܐ ܕܫܘܒܐ ܐܒܿܕܪ ܐܢܘܿܢ. ܚܪܒܐ ܕܗܿܢܘܿܢ ܕܡܿܝܬܝܼܢ ܡܫܿܘܕܥܐ ܗܿܕܐ ܘܦܘܠܓܐ ܕܗܿܢܘܿܢ ܕܡܫܼܬܒܝܢ. ܪܘܼܚܐ ܕܫܘܒܐ ܝܩܕܢܐ ܥܒܿܕܐ. ܘܐܦ ܥܡܝܼܩܬܐ ܗܿܦܟܐ ܘܙܠܿܚܐ ܘܐܝܿܠܝܢ ܕܡܬܼܒܕܪܝܼܢ ܡܢܘ̈ܬܐ ܡܼܢ ܟܢܘܼܫܬܐ ܩܕܡܿܝܬܐ ܐܝܼܬܝܗܘܿܢ ܘܐܡܿܪ ܕܡܛ݀ܠ ܕܠܝܼ ܣܢܼܘ ܘܠܓܠ̈ܝܼܦܐ ܐܚܒܼܘ. ܐܪܬܚܼ ܥܠܝܗܘܿܢ ܥܩ̈ܬܐ ܕܫܒܼܝܐ ܘܐܘܩܼܕ ܐܢܘܿܢ ܐܝܟ ܕܒܪܘܼܚܐ ܕܫܘܒܐ. ܘܐܝܿܠܝܢ ܕܡܫܼܬܚܪܝܼܢ ܡܢܼܗܘܿܢ ܐܒܿܕܪ ܐܢܘܿܢ ܒܟܿܠܗܝܢ ܐܪ̈ܥܬܐ. ܬܘܿ ܢ݀ܬܚܫܒ ܡܚܼܫܒܬܐܗ̄ ܡܚܿܘܐ ܒܝܕ ܗܿܕܐ ܥܠ ܝܨܪܐ ܡܪܝܼܪܐ ܕܐܝܼܬ ܗܼܘܐ ܠܗܘܿܢ ܠܘܿܬܗ ܕܐܢܗܼܘ ܠܡ ܕܡܫܼܬܒܩ ܐܪܡܝܐܕܢܬܢܼܒܐ ܫܿܡܥ ܠܗ ܥܡܐ ܘܡܐ ܕܫܡܼܥܘܼܗܝ ܡܬܼܒܨܪ ܐܝܼܩܪܐ ܕܟܗ̈ܢܐ. ܐܚܝܼ̈ܕܝ ܢܡܘܿܣܐ ܘܡܬܼܒܛܠ ܢܡܘܿܣܐ ܗ݀ܘ ܕܡܠܼܟ ܛܒ̈ܬܐ ܠܥܡܐ ܘܡܬܼܬܫܝܼ̈ܛܢ ܬܪ̈ܝܥܬܐ ܕܚܟܝܼ̈ܡܐ ܡܠ̈ܘܿܟܝܼܢ. ܘܡܣܼܬܠܝܐ ܢܒܝܘܼܬܐ ܗܿܝ ܕܡܫܼܬܘܕܝܐ ܠܢ ܛܒ̈ܬܐ܆ ܢܡܚܝܼ̄ܘ ܒܠܫܼܢܗ ܗ̄ ܢ݀ܩܛܠܝܼܘܗܝ ܘܐܝܟ ܕܠܐ ܬܘܼܒ ܢܡܠܼܠ ܘܢ݀ܫܡܥ ܩܿܠܐ ܕܡܼܠ̈ܘܗܝ. ܨ̄܆ ܕܝܛ̄ ܙܠ ܘܙܒܼܢ ܠܟ ܒܓܒܘܓܐ ܗ̄ ܦ݀ܩܕ ܕܢܙܒܼܢ ܒܓܒܘܿܓܐ ܘܢܦܘܿܩ ܠܢܚܠܐ ܕܒܪܗܢܘܡ ܗ̄ ܫܡܐ ܗܿܘ ܕܓܒܪܐ ܡܪܗܿ ܕܕܘܼܟܬܐ ܘܬܡܿܢ ܩܝܿܡܝܼܢ ܗܼܘܘ ܦܬܪ̈ܐ ܕܝܘܼܕ̈ܝܐ. ܢܨ̈ܠܢ ܬܪ̈ܬܝܢ ܗ̄ ܕܗܿܟܢ ܠܡ ܬܩܝܼ̈ܦܢ ܡܚܘ̈ܬܐ ܕܐܬ̈ܝܢ ܥܠܝܟܘܿܢ ܕܐܦܿܠܐ ܐܕܢܐ ܕܒܪܢܫܐ ܡܫܟܼܚܐ ܕܬܣܝܒܼܪܝ ܫܡܼܥܗܝܢ. ܘܗ݀ܝ ܕܢܨܠ̈ܢ ܐܕ̈ܢܐ ܐܬܿܝܐ ܕܡܼܢ ܗܿܝ ܕܡܥܕܐ ܠܡܼܗܘܐ ܡܼܢ ܨܕܝܐ ܘܫܗܝܐ ܕܕܘܼ̈ܟܝܬܐ ܚܪ̈ܒܬܐ ܕܫܿܡܥ ܐܢܫ ܒܐܕܢܘ̈ܗܝ ܒܗܝܢ ܐܝܟ ܨܠܠܬܐ ܡܕܡ. ܘܡܼܢ ܒ݀ܪܬ ܕܐܬܠܚܼܡ ܠܗܘܿܢ ܡܕܡ pb. 311 ܕܐܬܦܩܼܕ ܡܼܢ ܐܠܗܐ. ܬܒܼܪ ܠܓܒܘܓܐ ܠܥܝܼܢ ܓܒܪܐ ܕܥܡܗ ܗ̄ ܕܒܝܕ ܡܠܼܬܐ ܘܣܘܼܥܪܢܐ ܢܒܼܕܩ ܥܠ ܒܝܼܫ̈ܬܐ ܕܐܬܝ̈ܢ ܥܠܝܗܘܿܢ ܗܿܟܢܐ ܢܬܬܼܒܪ ܥܡܐ ܗܿܢܐ ܐܝܟ ܡܿܐܢܐ ܕܦܚܪܐ. ܒܓܒܘܓܐ ܕܡܿܐ ܠܐ ܦܘܼܠܐ ܘܐܝܼܬ ܠܗ ܬܪܬܝܢ ܐܕ̈ܢܬܐ ܘܩܛܝܼܢ ܦܘܼܡܗ܀ ܨ܆ ܕܥܣܪܝܼܢ ܘܫܡܼܥ ܦܚܫܘܿܪ ܗ̄ ܐܪܡܝܐ ܟܕ ܥܼܠ ܠܡܕܝܼܢܬܐ. ܗܿܟܘܬ ܫܪܝܼ ܓܿܙܡ ܠܥܡܐ ܦܚܫܘܿܪ ܕܝܢ ܟ݀ܗܢܐ ܡܚܝܼܗܝ ܘܚܒܼܫܗ ܠܢܒܝܐ. ܘܠܝܘܡܐ ܐܚܪܢܐ ܟܕ ܐܦܩܼܗ ܐܡܼܪ܆ ܕܠܐ ܗܼܐܘ ܦܫܚܘܿܪ ܬܬܼܩܪܐ ܗ̄ ܟܗܝܼܢܐ. ܗܿܢܐ ܫܡܐ ܥܠ ܟܗܝܼܢܘܼܬܐ ܘܛܒ̈ܬܐ ܪܡܿܙ. ܐܠܐ ܬܘܬܒܐ ܗ̄ ܐܟܡܿܢ ܕܥܬܝܼܕ ܕܢܚܼܕܘܿܪ ܘܢܬܼܬܘܬܒ ܒܐܪܥܐ ܕܒܥ̈ܠܕܒܒܐ. ܫܕܠܼܬܢܝ ܡܪܝܐ ܗ̄ ܡܛ݀ܠ ܕܒܫܘܼܪܝܐ ܒܥܼܐ ܢܒܝܐ ܕܠܐ ܢܬܢܼܒܐ. ܐܬܥܼܨܝܼ ܕܝܢ ܘܐܬܢܼܒܝܼ ܕܠܐ ܨܒܝܿܢܗ. ܘܐܡܿܪ ܕܫܕܠܬܼܢܝ ܡܪܝܐ ܐܬܬܦܝܼܣܿܬ ܠܟ ܘܚܣܢܼܬܢܝ ܒܗܿܕܐ ܕܟܕ ܠܐ ܨܿܒܐ ܐܢܼܐ ܫܕܪܬܼܢܝ. ܠܚܣܼ̈ܕܐ ܗ̄ ܗܘܼ ܢܒܝܐ ܡܬܼܡܝܩ ܗܼܘܐ ܘܡܬܼܚܣܕ ܡܼܢ ܥܡܐ ܡܛ݀ܠ ܦܬܓܡܗ ܕܡܪܝܐ ܕܡܡܿܠܠ ܗܼܘܐ ܠܗܘܿܢ. ܫܒܚܼܘ ܠܡܪܝܐ ܕܦܼܨܝܼ ܗ̄ ܒܗܿܕܐ ܪܡܿܙ ܥܠ ܫܘܼܘܙܒܗ ܕܡܢܼܗܘܿܢ. ܠܝܼܛ ܗܼܘ ܝܘܡܐ ܗ̄ ܒܝܕ ܝܘܡܐ ܠܿܐܛ ܠܗܿܢܘܢܿ ܕܐܿܠܨܝܼܢ ܠܗ ܕܢܬܡܼܪܡܪ ܢܗܼܘܐ ܓܒܪܐ ܗ݀ܘ. ܝܘܼܒܒܐ ܒܛܗܪܐ ܗ̄ ܐܟܚܼܕܐ ܬܪ̈ܬܝܗܝܢ ܢܫܡܼܥ ܥܠܼܬܐ ܕܡܛ݀ܠ ܩܛܝܼ̈ܠܐ ܘܝܘܼܒܒܐ ܕܩܪ̈ܢܬܐ ܕܫܒ̈ܝܐ ܕܐܬܿܝܢ ܥܠܘܗܝ. ܢܫܼܡܥ ܘܢܚܼܙܐ ܒܟܿܠܗܝܢ ܫܥ̈ܘܗܝ ܕܝܘܡܐ ܥܕܡܐ ܕܡܬܼܒܠܥ ܟܿܠܡܕܡ ܕܐܝܼܬ ܠܗ. ܒܕܡܘܼܬ ܩܘܼܪ̈ܝܐ ܕܣܼܕܘ̈ܡܝܐ ܘܗܘܬ݀ ܠܝ ܩܒܪܐ ܗ̄ ܦܩܚܚܐ ܗܘܬ݀ ܠܝܼ ܕܐܡܿܘܬ ܒܟܪܣܗܿ ܕܐܡܝ ܘܐܬܿܩܼܒܪ ܘܠܐ ܐ݀ܦܘܿܩ ܠܥܿܠܡܐ. ܘܐܡܿܪ ܕܒܛܝܼܢܘܼܬܝ ܙܕܿܩ ܗܼܘܐ ܕܬܫܼܬܪܐ ܬܿܡܢ ܘܬܬܚܒܼܠܝ ܒܕܡܘܼܬ ܕܐܝܿܠܝܢ ܕܡܬܬܣܝܼܡܝܼܢ ܒܩܼܒܪܐ ܘܗܿܘܝܢ ܡܕܪܐ ܨܚܚܐ ܕܟ̄ܐ ܕܘܼܢܘ ܒܨܿܦܪܐ ܗ̄ ܥܝܼܪܐܝܼܬ ܠܡ ܝܼܨܦܘ ܕܟܐܢܘܼ̄ ܒܩ̄ܠܝܼܠܘܼ. ܥܕܠܐ ܬܦܼܘܿܦܝ ܐܝܟ ܗ̄ ܡܼܢ ܩܕܡ ܕܠܐ ܬܦܘܿܩܝ ܐܝܟ ܢܘܼܪܐ ܚܡܼܬܝ ܐܬܒܩܼܘ ܐܝܿܟܢܐ ܡܿܘܕܥ ܥܠ ܚܐܪܘܼܬܐ. ܐܢ ܒܿܥܐ ܐܢܫ ܡܐ ܕܣܝܼܡ ܣܝܦܐ ܕܪܘܓܙܐ ܥܠ ܩܕܠܗ ܡܥܿܒܪ ܠܗ. ܗܿܐ ܐܢܿܐܥܠܝܟܝ ܝܬܒܿܬ ܗ̄ ܬܘܼܟܠܢܗܘܿܢ ܕܥܠ ܡܕܝܼܢܬܐ ܐ݀ܥܒܕ ܒܗܘܿܢ ܕܢܡܼܪܕܘܢ. ܝܿܬܒܬ ܒܥܘܼܡܩܐ ܩ݀ܪܐ ܠܗܿ ܒܗܿܝ ܕܐܝܼܬ ܚܕܪ̈ܝܗܿ ܛܘܼܪ̈ܐ ܕܪܘܪ̈ܒܝܼܢ ܡܼܢܗܿ ܘܥܘܼܡ̈ܩܐ ܕܟܪܝܼܟܝܼܢ ܠܗܿ ܡܼܢ ܓܒ̈ܐ ܬܠܬܐ. ܥܡܝܼܩܬ݀ ܦܩܼܥܬܐ ܐܝܼܬܝܗܿ ܡܛ݀ܠ ܕܕܘܼܟܬܐ ܕܐܝܼܬܝܗܿ ܗܿܟܢܐ. ܟܒܪ ܕܝܢ ܡܛ݀ܠ ܕܥܬܝܼܕܐ ܗܼܘܬ ܕܬܬܼܕܝܼܫܝ ܡܼܢ ܒܥܠܕܒ̈ܒܐ܀ ܨ܇ ܕܟܒ̄ ܓܠܥܕ ܐܢܬ ܗܼܘ ܗ̄ ܓܠܥܕ ܛܘܼܪܐ ܕܒܦܢܝܼܬܐ ܬܝܡܢܝܬܐ ܕܠܒܼܢܢ ܣܝܼܡܐ ܘܐܝܼܬܘܗܝ ܒܐܪܥܐ ܕܝܼܣܪܐܝܠ ܘܠܡܠܟܘܼܬܗܘܿܢ ܩܿܪܐ ܛܘܼܪܐ ܕܓܠܥܕ ܘܠܐܘܿܪܫܠܡ ܛܘܿܪ ܠܒܼܢܢ. ܘܒܿܥܐ ܕܢܐܡܼܪ ܕܐܢܬ ܗܼܘ ܡܠܟܐ ܕܕܿܡܐ (ܐܢܬ ܠܛܘܼܪܐ) ܒܟܗܝܼܢܘܼܬܗ ܠܠܒܼܢܢ. ܫܡܼܥ ܐܝܿܠܝܢ ܕܡܬܼܐܡܪ̈ܢ ܠܟ ܡܢܼܝ ܘܐܢ ܠܐ ܫܿܡܥ ܐܢܬ ܩܠܝܼܠܐܝܼܬ ܡܿܝܬܐ ܐܢܼܐ ܥܠܝܟ ܒܥ̈ܠܕܒܒܐ. ܕܠܟܿܠܟܘܢܿ ܒܣܝܦܐ pb. 312 ܡܚܒܠܝܼܢ. ܢܦܼܩܘܢܼ ܓܒ̈ܝܐ ܗ̄ ܥܠ ܚܪܒܐ ܕܚܝܠ̈ܘܬܐ ܩܪ̈ܒܬܢܐ ܪܡܿܙ. ܡܡܠܟ ܐܢܬ ܕܐܢܬ ܡܬܼܚܕܐ ܗ̄ ܣܿܒܪ ܐܢܬ ܕܠܥܿܠܡܐ ܡܿܩܘܝܐ ܡܠܟܘܼܬܟ ܘܠܐ ܡܫܼܬܪܝܐ. ܐܪ̈ܙܐ ܠܚܝܠ̈ܘܬܗ ܩܿܪܐ. ܗܿܠܝܢ ܘܕܡܼܢ ܠܥܼܠ ܥܠ ܝܘܼܝܩܝܼܡ ܪ̈ܡܙܢ. ܐܒܘܼܟ ܐܟܼܠ ܗ̄ ܐܒܘܼܗܝ ܩܿܪܐ ܠܚܙܼܩܝܐ ܐܘܿܠ ܠܝܘܫܝܐ ܐܒ̄ܘܼ ܕܝܼܠܗ ܕܝܘܼܝܩܝܼܡ ܗ݀ܝ ܕܐܟܼܠ ܘܐܫܼܬܝܼ ܠܘ ܐ݀ܣܘܿܛܐܝܼܬ ܐܠܐ ܡܟܣ ܠܗܿܢܐ ܕܠܐ ܨܿܠܐܼ ܗܼܘܐ ܐܒܘܼܟ ܒܿܬܪ ܥܿܠܘܿܒܘܼܬܐ ܘܪܚܼܡܬ݀ ܒܢ̈ܝܐ ܕܒܥܼܡ̈ܠܐ ܕܐܚܪ̈ܢܐ ܐܟܘܿܬܟ ܐܠܐ ܒܡܫܘܼܚܬܐ ܕܒܼܪ ܚܝ̈ܘܗܝ ܘܥܠܗ݀ܝ ܐܛܒܿܬ ܠܗ ܐܘܟܝܼܬ ܣܥܿܪܬ ܠܘܿܬܗ ܛܒ̈ܬܐ. ܣܩܝ ܠܠܒܼܢܢ ܘܐܙܥܩܼܝ ܗ̄ ܡܼܢ ܛܘܼܪܐ ܕܠܒܼܢܢ ܘܡܬܢܝܼܢ ܘܥܒܪ̈ܝ ܝܡܐ. ܨ݀ܒܐ ܕܢܘܕܥ ܥܠ ܟܿܠܗܿ ܐܪܥܗܘܿܢ ܘܐܡܿܪ ܕܟܿܠ ܐܝܿܟܐ ܕܐܝܼܬܝܟܘܿܢ ܘܥܿܡܪܝܼܢ ܐܢܬܘܿܢ ܐܝܟ ܒܠܒܼܢܢ ܘܫܪܟܐ ܓܥܬܐ ܡܪܝܼܪܬܐ ܡܿܙܥܩܝܼܢ ܐܢܬܘܢܿ ܥܠ ܢܦܫܼܟܘܢ ܟܕ ܩ݀ܪܝܢ ܐܢܬܘܿܢ ܠܟܘܿܢ ܡܥܕܪ̈ܢܐ ܡܼܢ ܒܥ̈ܠܕܒܒܐ ܕܟܪܝܼܟܝܼܢ ܠܟܘܢܿ. ܐܬܬܼܒܪܘ ܟܿܠܗܘܿܢ ܪ̈ܚܡܿܝܟܝ ܗ̄ ܘܠܝܬ ܐܢܫ ܕܡܿܥܕܪ ܠܟܝ. ܝܿܬܒܬ݀ ܒܠܒܼܢܢ ܗ̄ ܐܢܬܘܿܢ ܕܬܟܝܼܠܝܼܢ ܐܢܬܘܿܢ ܥܠ ܪܘܡܐ ܘܚܣܝܼܢܘܼܬܐ ܕܡܕܝܼܢܬܟܘܢܿ ܐܝܟܐܝܿܠܝܢ ܕܒܪܝܼܫܗ ܕܛܘܼܪ ܠܒܼܢܢ ܝܿܬܒܝܼܢ ܘܬܡܿܢ ܒܪܝܼܫܐ ܕܐܪܙܐ ܪܡܐ ܡܐܩܢܝܼܢ. ܠܐ ܪܚܝܼܩ ܣܿܓܝܼ ܥܕܢܐ ܕܒܗ ܚܒ̈ܠܐ ܐܝܟ ܕܝܠܕܬܐ ܢܡܼܛܘܢܿ ܥܠܝܟܘܿܢ. ܟܘܼܬܒܘܼܗܝ ܠܓܒܪܐ ܗܿܢܐ ܡܟܙܪܐ ܗ̄ ܥܠ ܝܘܼܟܢܝܐ ܗܒܪ ܝܘܼܝܩܝܡ ܐܡܿܪ ܘܠܘ ܟܕ ܦ݀ܩܕ ܕܢܟܬܒܘܼܢܝܗܝ ܐܡܼܪ ܟܘܼܬܒܘܼܗܝ ܐܠܐ ܗܿܝ ܕܗܿܘܝܐ ܗܘܬ݀ ܐܡܼܪ ܕܡܫܼܬܩܠ ܘܡܬܼܟܪܙ ܐܘܟܝܼܬ ܡܣܬܼܠܐ ܡܼܢ ܡܠܟܘܼܬܐ. ܡܛ݀ܠ ܕܓܒܪܐ ܒܝܘܡ̈ܬܗ ܠܚܘܼܕ ܗ̄ ܡܛ݀ܠ ܙܘܪܒܒܝܠ ܐܡܝܼܪܐ ܘܝܼܕܝܥܐ ܡܼܢ ܗ݀ܝ ܕܒܿܬܪ ܦܘܼܢܝܐ ܒܪ ܒܪܗ ܕܝܘܼܟܢܝܐ ܡܠܼܟ܀ ܨܚܚܐ ܕܟܓ̄ ܐܘܿ ܪ̈ܥܘܬܐ ܕܡܘܒܕܝܼܢ ܘܡܒܕܪܝܼܢ ܗ̄ ܟ݀ܠ ܚܕ ܓܝܪ ܡܢܼ̈ܘܿܢ ܐܝܟ ܚܝܠܗ ܚܿܛܦ ܗܼܘܐ ܘܒܿܐܙ ܠܐܝܿܠܝܢ ܕܡܚܝܼܠܝܼܢ ܡܢܼܗ܆ ܒܕܪܬܘܿܢ ܠܥܢ̈ܝ ܗ̄ ܒܥܠܼܬܟܘܿܢ ܐܬܒܼܕܪܘ ܥܡܐ ܒܐܬܪ̈ܘܬܐ ܢܘܼܟܪ̈ܝܐ ܒܫܼܒܝܐ: ܘܐܢܿܐ ܐܟܿܢܫ ܫܪܟܐ ܗ̄ ܠܐ ܫܿܒܩ ܐܢܼܐ ܠܗܘܿܢ ܬܘܼܒ ܕܢܕܚܠܘܢܼ ܡܼܢ ܐܢܫ ܐܘܿ ܢܬܼܒܕܪܘܢܼ ܐܝܟ ܕܡܢܼܩܕܝܼܡ ܘܐܩܝܼܡ ܠܕܘܝܼܕ ܨܡܼܚܐ ܕܙܕܝܼܩܘܼ̄ ܗ̄ ܐܡܿܪ ܥܠ ܙܘܼܪܒܒܝܠ ܕܗܿܟܢ ܡܦܪܓ ܘܥ݀ܒܕ ܠܗ ܐܠܗܐ ܢܗܝܼܪܐ ܒܙܟܘܼܬܐ ܐܝܟ ܫܡܼܫܐ ܘܡܿܕܒܪ ܠܡܠܟܘܼܬܐ ܒܙܕܝܼܩܘܼܬܐ ܘܒܣܘܼܟܠܐ܇ ܡܪܝܐ ܙܕܩܼܢ ܗ̄ ܡܼܢ ܦܘܼܪܩܢܐ ܗܿܘ ܕܗܿܘܐ ܒܐܝܼܕ̈ܘܗܝ ܘܥܒ̈ܕܘ̄ ܡܝܬܪ̈ܐ ܕܡܪܝܐ ܐܝܼܬܘܗܝ ܥܡܗ ܘܥܡ ܟ݀ܠܗ ܥܡܐ ܘܗܼܢܘܢܿ ܐܝܼܬܝܗܘܿܢ ܡܢܿܬܗ ܘܝܪܬܘܼܗ̄ ܘܙܕܩܗ܆ ܥܠ ܢܒ̈ܝܐ ܐܬܬܼܒܪ ܠܒܝ ܗ̄ ܡܛ݀ܠ ܕܩܕܡ ܝܼܕܥ ܕܐܝܿܢܐ ܪܘܓܙܐ ܡܛܝܒܼ ܕܢܐܼܬܐ ܥܠ ܢܒ̈ܝܐ ܕܓ̈ܠܐ ܡܛ݀ܠ ܟܕܒܘܼܬܗܘܿܢ ܥܠܗܿܕܐ ܐܬܬܼܚܕ ܒܪܥܼܠܐ܆ ܘܡܚܡܼܣܢܝܼܢ ܐܝܼܕ̈ܝܗܘܿܢ ܗ̄ ܗܿܕܐ ܡܚܿܘܝܐ ܕܟܿܠܗܿ ܚܦܝܼܛܘܼܬܗܘܿܢ ܕܢܒ̈ܝܐ ܕܓ̈ܠܐ ܗܿܕܐܐܝܼܬܝܗܿ ܗܘܬ݀ ܕܢܟܼܠܘܢܿ ܠܥܡܐ ܕܠܐ ܢܬܼܦܢܘܢܿ ܠܘܿܬ ܐܠܗܐ: ܘܕܢܚܼܦܛܘܢܼ ܐܢܘܿܢ ܥܠ ܦܘܼܠܚܢܐ ܕܒܝܼܫ̈ܬܐ܆ ܐܘܿܟܠ ܐܢܘܿܢ ܡܪܪܐ ܗ̄ ܐܘܼܠܨܢܐ ܡܪܝܼܪܐ: ܡܿܢܘܼ ܓܝܪ pb. 313 ܒܐܪܙܗ ܗ̄ ܙܕܿܩ ܠܘܼܩܕܡ ܠܡܐܼܠܦ ܕܡܢܘܼ ܡܢܼܗܘܿܢ ܟܕ ܐܬܡܼܛܝܼ ܠܘܿܬ ܪܘܡܗ ܕܐܠܗܐ ܕܢܥܘܿܠ ܥܡܗ ܒܐܪܙܐ ܘܢܫܼܡܥ ܡܢܼܗ ܦܬܓܡܐ ܒܐܪܙ ܡܛ݀ܠ ܥܡܐ ܘܡܿܪ ܕܐܦܠܐ ܚܕ ܡܢܼܗܘܿܢ ܐܫܼܬܘܝܼ ܠܗܿܕܐ.. ܚܿܠܡܬ ܚܠܡܼܐ ܗ̄ ܩܪܝܼܒ ܐܢܼܐ ܘܝܿܕܥ ܐܢܼܐ ܡܠ̈ܝܗܘܿܢ ܕܓܠ̈ܬܐ ܕܢܒ̈ܝܐ ܗܿܠܝܢ ܕܡܛܒܒܝܼܢ ܥܠ ܢܦܼܫܗܘܿܢ ܕܡܢܼܝ ܐܫܼܬܕܪܘ ܘܐܢܿܐ ܠܐ ܓܠܝܿܬ ܠܗܘܿܢ ܚܙܼܘܐ ܟ݀ܐܐ ܒܗܘܿܢ ܥܙܝܼܙܐܝܼܬ ܕܠܐܢܡܼܪܚܘܢܼ ܠܡܡܼܠܠܘܼ ܒܕܓ̄ܠܘܼ ܒܫܡܗ. ܘܗ݀ܘ ܕܚܿܙܐ ܚܠܡܼܐ ܐܝܟ ܚܠܼܡܐ ܢܐܼܡܪܝܼܘܗܝ. ܘܠܐ ܢܛܥܼܐ ܕܓܠܝܢܐ ܡܼܢ ܐܠܗܐ ܗܼܘܐ ܥܠܘܝܗ. ܠܡܿܢܐ ܚܿܠܛܝܼܢ ܗ̄ ܓܠ̈ܝܢܐ ܕܫܐܕ̈ܐ ܒܓ̈ܠܝܢܐ ܕܡܼܢ ܐܠܗܐ. ܠܡܿܢܐ ܚܿܠܛܝܼܢ ܬܒܼܢܐ ܕܦܪܝܼܫ ܠܝܩܕܢܐ ܒܥܒܘܼܪܐ ܕܐܝܼܬܘܗܝ ܬܘܼܪܣܝܐ ܘܩܘܼܝܡܐ ܕܒܢܝ̈ܢܫܐ. ܡܿܗܦܟܝܼܢ ܠܫܢ̈ܝܗܘܿܢ ܗ̄ ܒܗܿܕܐ ܥܠ ܕܓܠܘܼܬܐ ܕܝܠܼܗܘܿܢ ܪܡܿܙ ܕܡܼܢ ܗܿܝ ܠܗ݀ܝ ܡܫܿܢܝܢ ܗܼܘܘ. ܘܡܐ ܕܠܐ ܐܫܼܬܪܪܬ݀ ܩܕܡܝܬܐ ܕܓܿܒܠܝܼܢ ܗܼܘܘ ܐܚܪܬܐ ܕܕܓܠܐ ܡܢܼܗܿ. ܡܓܢܿܒܝܼܢ ܦܬܓܡ̈ܝ ܗ̄ ܟܕ ܒܕܓܠܘܿܬܐ ܒܫܡܗ ܕܡܪܝܐ ܡܣܼܬܟܡܝܼܢ ܗܼܘܘ ܡܩܿܕܡܝܼܢ ܗܼܘܘ ܨܝܕ ܚܕ̈ܕܐ ܘܣܿܝܡܝܼܢ ܡܠܼܬܐ ܝܿܕܐ ܕܗܝܼ݂ ܕܟܿܠܗܘܿܢ ܗܝܼ ܗܿܝ ܡܠܼܬܐ ܕܢܐܼܡܪܘܼܢܗܿ ܒܫܘܝܘܼ ܐܝܟ ܕܠܐ ܢܬܟܼܕܒܘܢܿ. ܬܘܼܒ ܡܚܟܡ ܠܗܘܿܢ ܕܐܝܿܟܢܐ ܙ݀ܕܩ ܠܗܘܿܢ ܕܢܕܥܘܢ ܓܠܝܢܢܐ ܕܗܿܘܐ ܠܘܿܬ ܐܢܫ.ܗܿܟܢܐ ܠܡ ܬܐܡܼܪܘܿܢ ܓܒܪ ܠܚܒܪܗ ܘܓܒܪ ܠܐܚܘܼܗܝ܀ ܡܿܢܐ ܥܢܼܐ ܡܪܝܐ ܘܡܿܢܐ ܡܠܼܠ ܡܪܝܐ ܗ̄ ܗܿܠܝܢ ܗܿܟܝܼܠ ܐܣܬܼܟܠܘ ܠܡܫܼܐܠܘܼ ܘܠܡܐܼܠܦ ܡܼܢ ܐܝܿܠܝܢ ܕܐܝܼܬ ܠܗܘܿܢ ܓܠ̈ܝܢܐ ܕܡܿܢܐ ܐܬܪܥܝܼ ܡܛܿܠܬܢ ܐܠܗܐ. ܕܠܐ ܬܬܼܕܟܪܘܢܿ ܗ̄ ܠܐ ܬܐܡܼܪܘܢܿ ܬܘܼܒ ܡܕܡ ܕܠܐ ܝܿܕܥܝܼܢ ܐܢܬܘܿܢ ܘܠܐ ܬܬܕܟܼܪܘܢܿ ܦܬܓܡܗ ܕܡܪܝܐ ܒܦܘܼܡܟܘܢܿ. ܡܐ ܕܠܐ ܐܝܼܬܘܗܝ ܒܫܪܪܐ ܠܘܿܬܟܘܿܢ. ܡܛ݀ܠ ܕܦܬܓܡܐ ܢܗܼܘܐ ܗ̄ ܗܘܼ ܢܐܡܼܪܝܼܘܗܝ ܩܕܡ ܐܚܪ̈ܢܐ. ܡܐ ܕܐܝܼܬܘܗܝ ܠܘܿܬܗ ܘܝܿܕܥ ܠܗ ܘܠܐ ܢܼܬܕܡܘܢܿ ܠܗ ܠܦܬܓܡܐ. ܗܿܦܟܝܼܢ ܐܢܬܘܿܢ ܦܬܓܡ̈̄ܘ ܗ̄ ܗܿܕܐ ܡܟܣܼܢܘܼܬܐ ܐܝܼܬܝܗܿ ܕܠܘܿܬܗܘܿܢ ܕܡܿܡܪܚܝܼܢ ܐܢܬܘܿܢ ܡܛ݀ܠ ܒܝܼܫܘܼܬܟܘܿܢ ܘܗܿܦܟܝܼܬܘܿܢ ܒܝܼܫ̈ܬܐ ܠܛܒ̈ܬܐ ܘܛܒ̈ܬܐ ܠܒܝܼܫ̈ܬܐ܀ ܨ: ܕܟܕ ܬܪܬܝܢ ܡܣ̈ܐܢܐ ܕܬ̈ܐܢܐ ܗ̄ ܐܝܼܬܘܗܝ ܕܝܢ ܗܿܢܐ ܚܼܙܘܐ ܒܘܼܕܩܐ ܕܬܪܝܢ ܣܘܼܥܪ̈ܢܐ ܕܗܿܘܝܢ ܗܼܘܘ ܒܥܡܐ ܒܡܣ̈ܐܢܬܐ ܕܬܐܢ̈ܐ ܚ̈ܠܝܬܐ ܡܿܘܕܥ ܥܠ ܒܛܝܼ̄ܠܘܼ ܕܐܠܗܐ ܕܥܠ ܫܒܝܼܬܐ ܕܥܡܐ ܗܿܘ ܕܥܡ ܝܘܒܟܝܐ ܢܚܼܬ ܠܒܿܒܝܠ. ܒܗ݀ܝ ܕܒܝܼܫ̈ܢ ܬܐܢܝ̈ܗܿ. ܡܠܦ ܥܠ ܗܿܢܘܢܿ ܕܒܡܕܝܼܢܬܐ ܕܬܚܝܬ ܡܠܟܘܼܬܗ ܕܨܕܩܝܐ ܐܝܿܠܝܢ ܕܒܡܼܐܬܝܼܬܐ ܕܒܒܠ̈ܝܐ ܐܬܡܼܣܝܼܘ ܗܼܘܘ ܘܐܬܚܒܼܠܘ ܟܿܠܗܘܿܢ ܡܛ݀ܠ ܥܘܠܗܘܿܢ ܨܚܚܐ ܕܟܗ̄ ܣܒܼܪ ܟܿܣܐ ܗ̄ ܠܘ ܟܿܣܐ ܕܫܪܪܐ ܐܝܼܬܘܗܝ ܐܠܐ ܢܒܝܘܼܬܐ ܕܥܠܘܗܝ ܕܣܘܼܥܪܢܐ ܕܐܘܼܠܨܢܗܘܿܢ. ܐܝܿܠܝܢ ܕܡܿܫܕܪ ܐܢܼܐ ܗ̄ ܠܘ ܡܼܢ ܐܬܪܐ ܠܐܬܪܗ ܫܕܪܗ ܐܠܐ ܠܗܿ ܠܢܒܝܘܼܬܐ ܕܥܠ ܥܡ̈ܡܼܐ ܗܿܘܝܐ ܗܘܬ݀ ܐܝܟ ܕܡܫܼܬܕܪܢܘܼܬܐ ܕܠܘܿܬܗܘܿܢ ܕܥܡ̈ܡܼܐ ܚܿܫܒ ܠܗܿ. ܘܐܫܩܝܿܬ ܠܟܿܠܗܘܿܢ ܗ̄ ܐܬܢܒܝܿܬ ܥܠܝܗܘܿܢ ܡܿܘܕܥܐ ܕܐܡܿܪܬ ܘܐܘܕܿܥܬ ܥܠ ܒܝܼܫ̈ܬܐ ܕܐܬܝ̈ܢ ܥܠܝܗܘܿܢ. ܘܡܠܟܐ ܐܪܫܟܝܐ ܗ̄ ܪܡܿܙ pb. 314 ܥܠ ܡܠܟܐ ܕܒܿܒܝܠ. ܫܡܐ ܕܐܪܫܟܝܐ ܥܠ ܪܒܘܼ̄ ܘܟܗܝܼܢܘܼܬܐ ܡܿܘܕܥ ܘܐܟܘܿܬܗ ܐܦ ܗ݀ܘ ܕܣܒܡܐ. ܘܐܢܬܘܿܢ ܡܙܼܟܐ ܬܙܼܟܘܿܢ ܗ̄ ܠܐ ܠܡ ܡܨܝܐ ܕܬܙܼܟܘܢܿ ܒܗܿܝ ܕܠܐ ܡܿܨܝܐ ܕܬܡܼܕܘܢ ܡܼܢ ܡܣܡܒܪܝܼܫܐ ܘܠܐ ܬܚܼܫܘܿܢ. ܡܼܢ ܡܪܘܡܐ ܢܢܼܗܡ ܗ̄ ܗ݀ܝ ܕܢܢܼܗܡ ܥܠ ܬܩܝܼܦ̄ܘܼ ܘܕܚ̄ܝܼܠܘܼ ܕܦܘܼܩܕܢܗ ܡܿܘܕܥܐ ܘܕܠܝܬ ܐܢܫ ܡܼܢ ܥܡ̈ܡܼܐ ܠܡܣܼܡ ܡܫܼܟܚܝܼܢ ܩܕܡܘܗܝ ܐܡܼܪܗ ܕܝܢ ܡܼܢ ܪܡܘܼܬܐ ܕܐܪ̈ܝܘܬܐ ܕܠܘܼܩܕܡ ܢܿܗܡܝܼܢ ܘܡܪܥܿܠܝܼܢ ܒܢܗܼܡܬܗܘܢܿ ܚܝܘ̈ܬܐ ܘܟܢ ܬ݀ܒܪܝܼܢ ܠܗܝܢ. ܥܠ ܕܝܪܗ ܗ̄ ܥܠ ܐܘܿܪܫܠܡ. ܡܢܼܗܿ ܓܝܪ ܡܿܫܪܐ ܠܘܼܩܕܡ ܒܚܪܒܐ ܘܗܿܝܕܝܢ ܥܠ ܥܡܼ̈ܡܼܐ܀ ܝܗܝ ܝܗܝ ܗ̄ ܠܗܿܕܐ ܬܘܼܒ ܕܡܘܼܬܐ ܕܥܨܘܿܪ̈ܐ ܘܣܓܘ̈ܠܐ ܕܚܡܪܐ ܡܚܿܘܐ ܠܗ ܗܿܢܘܿܢ ܟܕ ܥܿܨܪܝܼܢ ܗܿܟܢ ܥܿܢܝܢ ܘܐܡܿܪܝܼܢ ܝܗܝ ܗ̄ ܥܒܪܐܝܼܬ ܘܡܿܘܕܥ ܕܒܗܿܕܐ ܕܡܘܼܬܐ ܡܬܼܥܨܪܝܼܢ ܒܢܝ̈ܢܫܐ ܒܦܘܼܩܕܢܐ ܕܐܠܗܐ ܗܿܘܐ ܕܡܼܛܠ ܚܛܗ̈ܝܢ ܠܬܒܼ݁ܬܐ ܕܚܕ̈ܕܐ ܡܩܝܼܡ ܠܗܘܿܢ܇ ܡܼܛܐ ܪܓܘܼܫܝܐ ܗ̄ ܪܓܘܼܫܝܐ ܥܠ ܟܢܘܼܫܝܐ ܕܥܡ̈ܡܼܐ ܘܫܓܘܼܫܝܗܘܿܢ ܘܪܘܒܗܘܿܢ ܡܒܿܕܩ. ܘܗܿܐ ܡܼܢ ܟܕܘܼ ܫܪܝܬ݀ ܚܪܒܐ ܒܥܡܼ̈ܡܐ ܘܐܒܝܼܕܐ ܒܐܝܼܕܐ ܡܬܼܝܒܠܐ ܥܕܡܐ ܠܥܒܪ̈ܐ ܒܪ̈ܝܐ ܕܐܪܝܥܐ. ܗܿܐ ܒܝܼܫܬܐ ܢܩܿܦܐ ܗ̄ ܒܝܼܫܬܐ ܘܥܠܥܠܐ ܠܫܒܼܝܐ ܕܝܼܠܗܘܿܢ ܩܿܪܐ ܕܚܕ ܠܚܕ ܫܿܒܝܢ. ܘܒܗ݀ܝ ܕܬܕܩܼܠܝ ܗ̄ ܥܠܥܠܐ ܥܡ ܗ݀ܝ ܕܣܚܿܦܐ ܐܦ ܩܠܝܼܠܐ. ܐܝܠܼܠܘ ܪ̈ܥܘܬܐ ܗ̄ ܪ̈ܥܘܬܐ ܠܡܕܒܪ̈ܢܐ ܠܐܝܿܠܝܢ ܕܐܝܼܬܝܗܘܿܢ ܡܫܼܡܗ̈ܐ ܒܝܬ ܒܢܝ̈ܢܫܐ ܘܕܟܪܗ ܕܥ̈ܢܐ ܘܟܗܝܼ̈ܢܝ ܒܥܠܿܡܐ. ܘܡܠܦ ܕܟܿܠܗܘܢ ܬܓ̈ܡܼܐ ܒܿܥܐ ܟܿܠ ܚܕ ܡܢܼܗܘܿܢ ܕܢܬܼܠ ܬܒܥܼܬܐ: ܨ: ܕܟܘ̄ ܥܒܕ ܠܟ ܢܝܼܪܐ ܗ̄ ܣܿܐܡ ܓܠܝܢܐܐܚܪܢܐ ܕܗܿܘܐ ܥܠܘܗܝ ܒܡܠܟܘܼܬܗ ܕܚܙܩܝܐ. ܦܩܼܕ ܠܗ ܐܠܗܐ ܕܢܬܼܠܐ ܢܝܼܪܐ ܘܚ̈ܢܩܐ ܒܨܘܪܗ ܘܐܝܟ ܕܢܐܼܠܦܘܢ ܫܡܘܼ̈ܥܐ ܕܗܿܟܢ ܡܿܥܒܕ ܠܗܘܿܢ ܐܠܗܐ. ܘܢܝܼܪܐ ܫܪܝܼܪܐ ܕܩܝܣܐ ܣܼܡ ܥܠ ܨܘܪܗ ܢܒܝܐ ܐܝܟ ܕܢܠܦ ܕܗܿܟܢ ܡܫܿܥܒܕ ܠܗܘܿܢ ܒܒܿܠܝܐ. ܐܝܟ ܕܐܦ ܢܝܼܪܐ ܡܫܥܒܕܢܐ ܗܿܘ ܕܬܘܼܪ̈ܐ ܘܗܘܼ ܢܓܿܕ ܠܗܘܿܢ ܠܘܿܬ ܦܘܼܠܚܢܐ ܘܠܘܿܬ ܥܡ̈ܡܼܐ ܐܚܪ̈ܢܐ ܠܘ ܢܝܼܪܐ ܫܕܪ ܐܠܐ ܡ̈ܠܼܘܗܝ ܕܥܠܘܗܝ ܕܢܝܼܪܐ ܗ̄ ܢܒܝ̄ܘܼ ܕܥܠ ܫܘܼܥܒܕܗܘܿܢ ܘܡܿܠܟ ܠܥܡܐ. ܐܦ ܗܿܢܐܐܬܼܦܪܩ ܠܡܕܒܪܢܘܼܬܐ ܕܟܿܠܗ ܥܿܠܡܐ. ܘܐܫܼܬܡܼܥ ܠܐܠܗܐ ܘܒܿܬܪܟܢ ܐܬܼܒܝܬܝܼ ܠܗ. ܐܦ ܚܝܘܼܬܐ ܕܕܒܪܐ ܗ̄ ܓܠܝܐ ܗܿܝ ܕܐܢ ܒܢܝ̈ܢܫܐ ܡܼܬܥܒܕܝܼܢ ܠܗ ܕܐܝܼܬܝܗܘܿܢ ܡܪ̈ܝܐ ܕܚܝ̈ܘܬܐ. ܐܦ ܗܼܢܝܢ ܚܝ̈ܘܬܐ ܥܡܗܘܿܢ ܐܝܟ ܡܪ̈ܝܗܝܢ. ܘܠܒܪܗ ܗ̄ ܠܗ ܠܢܒܘܟܕܢܨܪ ܘܠܒܪܗ ܐܘܿ ܠܡܪܕܘܟ ܘܠܒܪ ܒܪܗ ܒܝܼܠܛܫܨܪ. ܘܐܢܬܘܿܢ ܠܐ ܬܼܫܡܥܘܿܢ ܠܢܒܝܝ̈ܟܘܿܢ ܗ̄ ܡܿܠܟ ܠܒܢ̈ܝ ܥܡܗ ܕܒܚܦܝܼܛܘܼܬܐ ܙܕܿܩ ܕܢܫܼܬܥܒܕܘܢܼ ܠܗ ܘܠܐ ܢܬܼܬܟܠܘܢܿ ܥܠ ܡܼ̈ܠܐ ܕܢܒ̈ܝܐ ܕܓܼ̈ܠܐ ܘܕܩܨ̈ܘܿܡܐ ܘܕܚܪ̈ܫܐ ܕܐܡܿܪܝܼܢ ܠܗܘܿܢ ܕܠܐ ܬܫܼܬܥܒܕܘܢܼ ܠܡܠܟܐ ܕܒܒܿܝܠ. ܡܛ݀ܠ ܕܫܘܼܩܪܐ ܡܡܿܠܠܝܼܢ ܟܿܠܗܘܿܢ. ܘܐܦܿܠܐ ܫܪܝܼܪܐ ܗܿܝ ܕܡܬܼܐܡܪܐ ܡܢܼܗܘܿܢ ܕܡ̈ܐܢܐ ܕܐܫܼܬܒܩܠܘ ܡܼܢ ܒܝܬܗ ܕܡܪܝܐ ܩܠܝܼܠܐܝܼܬ ܦܿܢܝܢ ܠܕܘܼܟܬܗܘܿܢ ܥܠ ܥܡܘܼܪ̈ܐ pb. 315 ܗ̄ ܐܡܿܪ ܕܟܿܠܗܘܿܢ ܡ̈ܐܢܐ ܕܐܫܬܼܚܪܘ ܠܒܒܿܝܠ ܢܐܙܼܠܘܿܢ ܒܫܒܼܝܐ. ܓܡܣ̈ܐ ܕܐܡܼܪ ܬܢܢ ܐܘܿ ܥܡܘܿܪ̈ܐ ܐܢܘܿܢ ܕܫܿܩܠܝܼܢ ܡ̈ܝܐ ܐܝܟ ܛܪ̈ܘܼܢܐ܀ ܨܚܚܐ ܕܟܚ̄ ܗܿܟܢܐ ܐܡܿܪ ܡܪܝܐ. ܠܟܿܠܗܿ ܫܒܝܼܬܐ ܗ̄ ܟܬܼܒ ܐܓܪܬܐ ܠܫܒܝܼܬܐ ܕܢܚܼܬܬ݀ ܥܡ ܝܘܿܟܢܝܐ ܘܠܝܼܕ̈ܝܼܥܐ ܕܒܗܿ ܟܕ ܡܿܠܟ ܠܗܘܿܢ ܕܠܐ ܢܫܼܡܥܘܢ ܠܡܛܢܝ̈ܢܐ ܕܒܝܢܬܗܘܿܢ ܘܢܕܥܘܿܢ ܕܫܒܥܝܼܢ ܫ̈ܢܝܼܢ ܦܣܝܼܩ ܥܠܝܗܘܿܢ ܕܢܼܬܒܘܢ ܒܒܒܿܝܠ. ܘܒܿܬܪܟܢ ܗ݀ܦܟܝܼܢ. ܡܛ݀ܠ ܕܐܢܿܐ ܝܿܕܥ ܐܢܼܐ ܗ̄ ܐܢܿܐ ܠܡ ܝܿܕܥ ܐܢܼܐ ܕܐܝܿܠܝܢ ܐܢܝܢ ܕܡܥܕܪ̈ܢ ܠܟܘܿܢ ܘܡܛܿܠܗܿܕܐ ܐܦ ܡܬܪܥܐ ܐܢܼܐ ܥܠܝܗܝܢ ܕܒܙܒܼܢܐ ܕܘܿܠܐ ܐܓܿܡܘܿܪ ܐܢܝܢ ܠܘܿܬܟܘܿܢ ܨܚܚܐ ܕܟܛ̄ ܡܚܼܫܒܬܐ ܕܫܠܡܐ ܗ̄ ܕܛܒ̈ܬܐ ܘܠܘ ܕܒܝܼܫ̈ܬܐ. ܠܚܪܬܐ ܣܒܼܪܬܐ ܗ̄ ܣܒܪܐ ܥܠ ܥܬܝܼܕ̈ܬܐ ܡܒܿܕܩ. ܟܕ ܣܒܪܐ ܬܢܢ ܚܠܼܦܘܗܝ ܕܫܘܼܡܠܝܐ ܕܛܒ̈ܬܐ ܣܿܡܗ ܘܐܡܿܪ. ܕܣܒܪܐ ܗܿܢܐ ܕܗܿܫܐ ܐܝܼܬ ܠܟܘܿܢ ܕܦܿܢܝܬܘܿܢ ܠܐܪܥܟܘܿܢ. ܠܚܪܬܐ ܡܫܿܕܪ ܐܢܼܐ ܠܗ ܠܘܿܬܟܘܢ ܒܣܘܼܥܪܢܐ܀ ܢܚܡܠܝܐ ܗ̄ ܚܿܠܡ ܚܠ̈ܡܼܐ ܗ̄ ܩܿܠܐ ܕܙܘܥܬܐ ܗ̄ ܐܡܪ ܐܝܟ ܕܡܼܢ ܥܡܐܗ݀ܘ ܕܡܼܢ ܙܘܥܬܐ ܕܡܼܢ ܛܒܼܐ ܕܒܝܼܫ̈ܬܐ ܕܐܬܝ̈ܢ ܗܼ̈ܘܝ ܥܠܘ̄ ܒܬܘܪܐ ܡܩܝܼܡܐ ܗܼܘܬ݀ ܠܗ܆ ܨܚܚܐ ܕܠ̄ ܕܫܐܼܠܘ ܘܚܼܙܘ ܐܢ ܝܿܠܕ ܕܟܪܐ ܗ̄ ܐܡܿܪ ܕܟܕ ܡܘܠܕܐ ܕܢܫ̈ܐ ܠܚܘܼܕ ܐܝܼܬܘܗܝ ܘܗܿܢܝܢ ܡܬܐܠ̈ܦܨܢ ܒܟ̈ܐܒܐ ܕܥ̈ܘܼܠܐ. ܡܿܢܐ ܗܿܝ ܗܿܕܐ ܕܗܿܐ ܓܒܪ̈ܐ ܡܝܠܠܝܼܢ ܘܒܣܝܼܡܿܐ ܕܐܝܼܕ̈ܝܗܘܿܢ ܕܥܠ ܓܣ̈ܝܗܘܿܢ ܐܘܟܝܼܬ ܓܒܝ̈ܗܘܿܢ ܡܚܿܘܝܢ ܕܡܘܼܬܐ ܚܿܕܬܐ ܕܚܒ̈ܠܐ ܕܡܘܠܕܐ ܕܓܒܪ̈ܐ. ܘܕܡ̈ܝܢ ܐܦܝ̈ܗܘܿܢ ܠܐܝܿܠܝܢ ܕܡܘܩ̈ܕܢ ܠܢܘܼܪܐ ܒܝܕ ܫܐܘܼܠܐ ܚܘܝܼ ܥܠܝܗܝܢ ܕܒܝܼ̈ܫܬܐ ܘ݀ܝ ܕܪܒ ܗܼܘ ܘܝܡܐ ܗ̄ ܪܒܐ ܩ݀ܪܐ ܠܗ ܡܛ݀ܠ ܥܙܝܼܙܘܼܬܐ ܕܒܝܼ̈ܫܬܐ ܕܗܘ̈ܝܢ ܒܗ ܥܠܝܗܘܿܢ ܕܝܘܼ̈ܕܝܐ. ܘܙܒܼܢ ܥ݀ܩܬܐ ܗܿܘ ܗ̄ ܘܐ݀ܦܢ ܐܝܼܬܘܗܝ ܗܿܢܐ ܫܒܼܝܐ ܝܘܡܐ ܡܪܝܼܪܐ ܘܕܥܩܬܐ ܠܝܥܩܘܿܒ ܐܠܐ ܢܩܝܼܦ ܠܗ ܦܘܼܪܩܢܐ ܡܛ݀ܠ ܕܒ݀ܬܪ ܫܒܼܝܐ ܢܩܼܦ ܦܘܼܢܝܐ. ܐܬܿܒܪ ܢܝܼܪܗ ܗ̄ ܒܝܘܡܐ ܠܡ ܕܦܘܼܢܝܐ ܬܒܿܪ ܐܢܼܐ ܠܗ ܠܫܘܼܠܛܢܐ ܕܒܒܠ̈ܝܐ ܡܢܼܟ ܓܡܝܼܪܐܝܼܬ ܘܫܿܪܐ ܐܢܼܐ ܠܟܘܿܢ ܘܠܐܚܪ̈ܢܐ ܡܼܢ ܫܘܼܥܒܕܗܘܿܢ.. ܘܢܦܠܚܼܘܢܼ ܠܡܪܝܐ ܗ̄ ܐܝܿܟܢܐ ܕܡܬܼܩܪܐ ܗܼܘܐ ܥܡܐ ܝܥܩܘܿܒ ܘܝܼܣܪܐܝܠ ܡܛ݀ܠ ܕܡܢܼ̈ ܡܬܼܝܒܠܝܼܢ. ܗܿܟܐܢ ܘܠܡ̈ܠܟܐ ܒܫܡ ܕܘܝܼܕ ܩܿܪܝܢ ܗܼܘܘ ܥܠ ܕܡܢܼܗ ܡܬܼܝܒܠܝܼܢ ܗܼܘܘ ܘܗܿܪܟܐ ܕܘܝܼܕ ܠܙܘܿܪܒܒܝܼܠ ܩܿܪܐ. ܘܐܕܿܪܟ ܒܕܝܼܢܐ ܗ̄ ܗܿܫܐ ܡܩܿܒܠ ܐܢܼܐ ܠܡܪܕܘܼܬܐ ܒܟܐܢܘܼܬܐ. ܐܝܿܢܐ ܓܝܪ ܕܦܘܼܪܥܢ ܚܘ̈ܒܘܗܝ ܡܩܒܿܠ ܡܼܢ ܕܝܢܿܐ ܟܐܼܢܐ ܡܬܐܼܡܪ ܙܟܝܐ. ܘܗܘܼ ܦܘܼܢܝܟ ܠܘ ܡܛ݀ܠ ܙܟܝܘܼܬܟ ܐܝܼܬܘܗܝ ܐܠܐ ܒܡܪܚܡܼܢܘܼܬܐ ܡܣܼܬܥܪ. ܟܿܠ ܐܟܘܿܠ̈ܝܟܝ ܗ̄ ܚܠܦ ܕܗܼܘܝܬܘܿܢ ܒܙܝܼ̈ܙܐ ܘܐܬܐܼܟܠܬܘܿܢ ܡܼܢ ܒܥ̈ܠܕܒܒܐ ܕܠܐ ܪ̈ܚܼܡܐ ܡܗܿܦܟ ܐܢܼܐ ܠܒܝܼܫ̈ܬܐ ܥܠܝܗܘܿܢ ܘܡܫܿܠܡ ܐܢܼܐ ܠܗܘܿܢ ܒܐܝܼܕܐ ܕܐܚܪ̈ܢܐ ܕܢܐܼܟܠܘܢ ܐܢܘܿܢ ܘܢܒܼܙܘܢܼ ܐܢܘܿܢ. ܘܬܬܒܼܢܐ ܩܪܝܼܬܐ ܗ̄ ܐܘܿܪܫܠܡ. ܘܬܠܠܐ ܠܪܡܬܐ ܕܒܢܝܐ ܗܘܬ݀ ܥܠܘܗܝ. ܘܢܘܣܐ ܗ̄ ܠܗܝܟܠܐ ܡܫܿܡܗ. ܒܙܕܩܗ ܢܬܩܼܢ ܗ̄ ܠܦܘܼܬ ܫܘܼܘ̈ܕܝܐ ܕܥܠܘܗܝ ܡܬܼܬܩܢ pb. 316 ܘܡܨܛܒܼܬ݀ ܒܟܿܠܗܘܿܢ ܐܣܼܟ̄ܡܘܗܝ܀ ܨܚܚܐ܆ ܕܠܐ̄ ܐܫܼܟܚ ܪ̈ܚܼܡܐ ܗ̄ ܥܡܐ ܗܿܢܐ ܕܒܝܬ ܝܼܣܪܐܝܠ. ܗ݀ܘ ܕܡܼܢ ܟܕܘܼ ܐܫܼܬܒܝܼ ܘܐܝܼܬܘܗܝ ܒܐܬܘܿܪ ܘܒܿܒܝܠ ܐܝܟ ܕܒܡܕܒܪܐ ܚܣܝܼܪ ܡܼܢ ܛܒ̈ܬܐ ܐܫܟܼܚ ܪ̈ܚܡܼܐ ܩܕܡ ܐܠܗܐ. ܐܐܪ ܕܐܝܼܬܝܗܘܿܢ ܐ݀ܦܢ ܒܥܘܡܩܐ ܕܫܒܼܝܐ ܪ̈ܡܝܢ܇ ܡܼܢ ܪܘܼܚܩܐ ܡܪܝܐ ܗ̄ ܟܕ ܐܝܿܬܝܢ ܒܐܬܪܐ ܕܛ݀ܒ ܪܚܝܼܩ ܘܡܒܥܼܕ ܡܼܢ ܩܕܡ ܙܒܢܼܐ ܣܿܓܐܐ ܕܡܦܩܼܢܗܘܿܢ ܕܡܘܼ̈ܠܟܢܐ ܠܥܒܿܕܐ. ܐܬܚܼܙܝܼ ܠܢ ܐܠܗܐ ܘܠܒܼܒܢ ܘܐܡܼܪ ܠܢ ܕܡܚܿܕܬ ܐܢܼܐ ܠܟܘܿܢ ܪܚܡܼܬܐ ܗܿܝ ܩܕܡܿܝܬܐ ܕܡܼܢ ܐܒܗ̈ܬܐ ܩܕܡ̈ܝܐ.ܘܡܩܿܘܐ ܒܚܘܼܒܐ ܕܠܘܿܬܢ ܟܡܼܐ ܕܩܝܿܡ ܥܿܠܡܐ܆ ܘܪܚܡܼܬܗ ܕܠܘܿܬܢ. ܢܓܼܕܬܢ ܒܥܩ̈ܬܐ ܘܫܼܒܝܐ ܘܠܛܝܒܘܼܬܐ ܕܠܘܿܬܗ ܐܦܢܝܼܬ ܠܢ. ܒܒܟܿܬܐ ܢܐܼܙܠܘܢܼ ܗ̄ ܒܫܒܼܝܐ. ܘܒܪ̈ܚܼܡܐ ܐܬܼܘ ܒܦܘܼܢܝܐ܆ ܪܚܝܠ ܒ݀ܟܝܐ ܗ̄ ܒܝܕ ܪܚܝܠ ܡܿܘܕܥ ܥܠ ܫܒܛܐ ܕܒܢܝܿܡܝܢ ܘܕܝܼܗܘܼܕܐ. ܐܡܗ ܓܝܪ ܕܒܢܝܿܡܝܢ ܐܝܼܬܝܗܿ ܗܘܬ݀ ܪܚܝܠ. ܩ̈ܠܐ ܕܒܟܼܝܐ ܡܼܢ ܬܪ̈ܝܗܘܿܢ ܗܿܠܝܢ ܫܒܼ̈ܛܐ ܡܫܼܬܡܥܝܼܢ ܗܼܘܘ ܒܫܒܼܝܐ ܕܒܒܿܠܝܐ. ܘܡܼܢ ܒܟܼܝܐ ܕܪܚܝܠ ܐܠܦܼ ܚܫܐ ܕܐܒܗ̈ܐ ܘܕܒܢ̈ܝܐ ܐܟܚܼܕܐ. ܐܝܼܬ ܐܓܪܐ ܗ̄ ܡܪܚ̄ܡ ܕܗܿܘܝܐ ܠܘܿܬܗܘܿܢ ܘܦܘܼܢܝܐ ܕܠܐܬܪܗܘܿܢ. ܫܡܿܥܬ ܠܐܦܪܝܡ ܗ̄ ܥܠ ܥܣܪܐ ܫܒܼ̈ܛܐ ܪܡܿܙ ܕܐܬܼܒܝܼܘ ܡܼܢ ܐܬܘܿܪܝܐ. ܒܪܘܼܚ ܫܡܼ݁ ܢܒܝܐ ܕܡܿܘܕܝܢ ܒܚܛܗ̈ܝܗܘܿܢ ܘܫܿܐܠܝܼܢ ܓܗܿܝܬܐ ܕܡܼܢ ܥܩܬܗܘܿܢ. ܪܕܝܬܼܢܝ ܡܪܝܐ ܗ̄ ܐܢܬ ܟܐܢܐܝܼܬ ܪܕܝܬܼܢܝ. ܘܐܬܪܕܝܿܬ ܗ̄ ܐܢܿܐ ܒܕܚܿܫܬ ܣܦܩܿܬ ܐܬܬܘܝܿܬ ܥܠ ܚܛܗ̈ܝ. ܐܝܟ ܥܓܠܼܐ ܗ̄ ܒܥܪܝܼܪܝܐ ܗܿܘܝܬ ܡܼܢ ܩܕܝܼܡ ܘܠܐ ܡܫܝܢܐ ܒܕܡܘܼܬ ܥܓܼܠܐ ܕܠܐ ܣܝܼܡ ܥܠܘܗܝ ܢܝܼܪܐ. ܐܬܝܼܝܒܝܢܝ ܗ̄ ܗܒܠܝܼ ܐܬܪܐ ܠܬܝܿܒܘܼܬܐ ܘܐܬܿܘܒ ܠܘܿܬܟ ܩܠܝܼܠܐܝܼܬ. ܒܗܿܬܬ ܗ̄ ܩܒܿܠܬ ܒܗܼܬܬܐ ܩܕܡ ܫܒ̈ܝܐ ܡܛ݀ܠ ܚܘ̈ܒܝ ܘܐܬܬܟܣ݀ܬ ܡܢܼܗܘܿܢ ܡܼܢ ܣܘܼܥܪ̈ܢܐ ܕܝܼܠܝ ܘܡ̈ܠܝ ܒܕܡܘܼܬ ܚܝܘܼܬܐ ܕܬܟܿܣܝܼܢ ܠܗܿ ܒܦܓܘܼܕܬܐ. ܒܪܐ ܗܿܘ ܠܝܼ ܝܩܝܼܪܐ ܗ̄ ܡܼܢ ܦܪܨܘܼܦ ܐܠܗܐ ܠܘܿܬ ܥܡܐ. ܐܡܿܪ ܕܐܢ ܡܿܢܐ ܐܢܼܐ ܠܗܘܿܢ. ܡܛ݀ܠ ܕܒܙܒܼܢܐ ܗ̄ ܒܙܒܢܼܐ ܕܘܿܠܐ ܡܼܬܕܟܪ ܐܢܼܐ ܠܗ ܘܡܡܿܠܠ ܐܢܼܐ ܘܦ݀ܩܕ ܐܢܼܐ ܡܛ݀ܠܬܗ ܕܢܦܼܢܐ. ܡܛ݀ܠ ܕܒܼܪܐ ܗ̄ ܒܪܝܼܬܐ ܚܿܕܬܐ ܩܿܪܐ ܬܢܢ ܠܫܘܼܚܠܦܐ ܕܡܼܢ ܣܢܼܐܬܐ ܠܘܿܬ ܪܚܡܼܬܐ. ܐܟܡܿܢ ܕܥܡܐ ܗܿܘ ܕܡܢܼܩܕܝܼܡ ܐܪܦܝܼ ܠܐܠܗܐ ܘܫܢܝܼ ܠܘܿܬ ܦܬܟܪ̈ܐ. ܘܟܕ ܩܼܪܐ ܐܢܘܿܢܘܠܐ ܐܬܦܼܢܝܼܘ ܗܿܫܐ ܡܼܢ ܢܦܼܫܗܘܿܢ ܪܗܼܛܘ. ܨܝܕ̄ܘ ܘܥܩܒܼܘ ܥܠܘܗܝ. ܐܝܟ ܐܢܬܬܐ ܕܡܛ݀ܠ ܪܚܡܼܬܗ ܕܠܘܿܬ ܓܒܪܐ ܪܗܛܐ ܒ݀ܬܪܗ ܘܡܿܥܩܒܐ ܥܠܘܗܝ ܘܗ݀ܝ ܕܚܿܕܬܐ ܗܿܕܐ ܗܿܝ ܕܗܿܢܝܢ ܢܫ̈ܐ ܢܒܼܥ̈ܝܢ ܠܗܝܢ ܓܒܪ̈ܐ ܒܕܡܘܼܬ ܓܒܪ̈ܐ ܕܝܘܡܢ ܒ݀ܥܝܢ ܠܗܘܿܢ ܢܫ̈ܐ.. ܕܐܒܗ̈ܐ ܐܟܼܠܘ ܒܣܼܪ̈ܐ ܗ̄ ܒܣܼܪ̈ܐ ܥܢ̈ܒܼܐ ܕܠܐ ܒܫܝܼ̈ܠܢ ܐܘܟܝܼܬ ܒܣܝܼܪ̈ܐ. ܠܐ ܬܘܼܒ ܢܐܼܡܪ ܐܢܫ ܕܡܬܼܬܕܝܼܢ ܐܢܫ ܒܚ̈ܛܗܐ ܕܐܒ̄ܘܼ ܐܠܐ ܟܿܠܡܼܢ ܕܚܿܛܐ ܒܩܢܘܿܡܗ ܡܬܼܬܒܥ. ܒܣܪ̈ܐ ܠܚܛ̈ܗܐ ܩܿܪܐ. ܩܗܿܝܐ ܕܫܢܼ̈ܐ ܠܡܣܡ ܒܪܝܫܐ ܕܚܠܦ ܚܛ̈ܗܐ.. ܕܝܬܩܐ ܚܿܕܬܐ ܠܐ ܗ̄ pb. 317 ܕܝܬܩܐ ܩܿܪܐ ܠܩܝ̈ܡܐ ܕܥܡܼܗܘܿܢ ܘܦܘܼܩ̈ܕܢܐ ܝܗܼܒ ܠܗܘܿܢ ܘܠܡܘܼܟܟܐ ܕܠܘܿܬ ܐܒܗ̈ܝܗܘܿܢ. ܩܿܪܐ ܕܝܬܩܐ ܝܿܪܬܘܬܐ ܕܗܿܠܝܢ. ܘܦܘܼܩ̈ܕܢܐ ܡܢ̈ܘܬܐ ܕܥܠܝܗܝܢ. ܬܢܢ ܩܿܪܐ ܠܕܝܬܩܐ ܠܦܘܼܪܩܢܐ ܘܦܘܼܢܝܐ ܕܗܿܘܐ ܠܗܘܿܢ ܡܼܢ ܫܒܼܝܐ. ܚܿܕܬܐ ܩܿܪܐ ܠܗܿ ܡܛ݀ܠ ܕܠܐ ܡܬܼܒܛܠܐ. ܕܡܝܬܪܐ ܡܼܢ ܩܕܡܝܬܐ ܗ̄ ܡܛ݀ܠ ܚܘܼܒܐ ܘܝܼܕܥܬܐ ܕܠܘܿܬ ܐܠܗܐ ܩܢܼܘ ܒܦܘܼܢܝܐ ܡܼܢ ܥܠܬ݀ ܥܩ̈ܬܐ ܕܣܒܼܠܘ. ܩܕܡ̈ܝܐ ܬܠܬܐ ܝܪ̈ܚܬܐ ܟܬܼܪܘ ܘܣܓܼܕܘ ܠܦܬܟܪ̈ܐ. ܗܿܠܝܢ ܬܠܬܡ ܡܐܐ ܘܚܡܫܝܼܢ ܫܢ̈ܝܼܢ. ܩܘܝܼܘ ܒܕܚܠܬ݀ ܐܠܗܐ.. ܐܬܿܠܝܼܘܗܝ ܠܢܡܘܿܣܝ ܗ̄ ܢܡܘܿܣܐ ܩܿܪܐ ܠܫܪܪܐ ܕܗܝ̄ܡ ܕܒܐܠܗܐ. ܘܢܐܼܡܪܘܢܼ ܕܕܥܼܘ ܠܡܪܝܐ ܗ̄ ܠܘ ܥܠ ܟܿܠܡܕܡ ܐܡܼܪ. ܕܠܐ ܣܢܝܼܩܝܼܢ ܕܢܐܼܠܦܘܢ ܘܢܠܼܦܘܢ ܠܚܕ̈ܕܐ ܐܠܐ ܥܠ ܐܠܗܐ ܒܠܚܘܿܕ ܟܿܠܗܘܿܢ ܒܢܝܢܫ̈ܐ ܝܿܕܥܝܼܢ ܠܗ ܕܚܕ ܗܼܘ܀ ܪ̈ܡܬܐ ܕܓܼܪܒ ܘܙܘ̈ܝܬܐ ܕܘܼ̈ܟܝܬܐ ܐܢܝܢ ܕܡܬܼܩܪ̈ܝܢ ܗܿܟܢ. ܡܓܕܠܐ ܕܚܢܢܐܝܠ ܠܒܪ ܡܼܢ ܡܕܝܼܢܬܐ ܐܝܼܬܘܗܝ܀ ܨܚܚܐ ܕܠܒ̄ ܙܒܼܢ ܠܟ ܚܩܠܝ ܗ̄ ܦ݀ܩܕ ܐܠܗܐ ܕܢܙܼܒܢ ܚܩܠܐ ܕܒܪ ܕܕܗ ܐܝܿܟܢܐ ܕܢܕܥ ܥܡܐ ܕܢܛܝܼܪ ܠܗܘܿܢ ܦܘܼܢܝܐ ܘܡܐ ܕܦܢܼܘ ܠܐܪܥܗܘܿܢ ܐܝܟ ܢܡܘܿܣܐ ܙ݀ܒܢܝܼܢ ܗܼܘܘ ܘܡܙܿܒܢܝܼܢ ܚܩ̈ܠܬܐ܀ ܨ: ܕܠܓ ܒܕܪܬܐ ܕܒܝܬ ܡܛܪܬܐ ܗ̄ ܕܒܝܬ ܐܣܝܼܪ̈ܐ ܕܡܠܟܐ. ܘܛܒܼܥ ܐܫܛܪܐ ܒܣܗܕܘܼܬܐ ܕܐܢܫ̈ܐ ܫܪܝܼܪ̈ܐ ܘܝܗܼܒ ܐܢܘܿܢ ܠܒܪܘܿܟ ܕܢܣܝܼܡ ܐܢܘܿܢ ܒܡܿܐܢܐ ܕܦܚܪܐ ܥܕܡܐ ܕܡܬܼܒܥܝܢ. ܬܘܼܒ ܡܬܼܢܒܐ ܥܠ ܦܘܼܢܝܐ ܘܕܝܿܗܒ ܠܗܘܿܢ ܠܒܼܐ ܚܼܕܬܐ. ܘܕܡܿܝܐ ܠܗ݀ܝ ܕܬܝܩܐ ܚܿܕܬܐ ܟܐܡܼܬ݀ ܕܡܫܚܠܦ ܠܗ ܠܚܘܼܫܒܢܗܘܢ ܘܠܨܒܝܿܢܗܘܿܢ ܠܡܝܬܪܘܼܬܐ ܓܡܝܼܪܬܐ ܒܝܕ ܬܕܡܪ̈ܬܐ ܕܚܿܙܝܢ ܒܦܘܼ̈ܢܝܐ. ܪܘܼܚܐ ܗܿܪܟܐ ܠܨܒܝܿܢܐ ܩܿܪܐ܀ ܠܐ ܚܿܙܐ ܐܢܬ ܡܕܡ.. ܥܡܐ ܩܕܡܝ ܗ̄ ܠܐ ܫܿܡܥ ܐܢܬ ܡܿܢܐ ܐ݀ܡܪܝܼܢ ܒܗܝܼ̈ܬܐ ܗܿܠܝܢ ܕܡܪܓܙܝܼܢ ܠܝܼ ܒܥܒܕܿܝ̈ܗܘܿܢ ܘܒܓܘܼܕ̈ܦܝܗܘܿܢ ܥܡ ܐܚܪ̈ܢܝܬܐ ܕܣܿ݁ܪܝܼܢ ܘܡܠܠܝܼܢ. ܐܦ ܗܿܕܐ ܐܡܿܪܝܼܢ ܕܐܣܼܠܝܼ ܐܠܗܐ ܠܥܡܐ ܕܓܼܒܐ ܘܒܼܛܠ ܠܫܘܼܘ̈ܕܝܘܗܝ ܕܠܘܿܬ ܐܒܗ̈ܬܐ܀ ܬܪ̈ܬܝܢ ܫܪ̈ܒܬܐ ܠܕܒܝܬ ܝܼܣܪܐܝܠ ܘܝܼܗܘܼܕܐ ܩܿܪܐ.. ܒܗܿܕܐ ܬܪܥܝܼܬܐ ܒܝܼܫܬܐ ܦ݀ܣܩܝܼܢ ܗܼܘܘ ܠܣܒܪܗ ܕܥܡܐ ܕܠܐ ܠܦܘܼܢܝܐ ܢܣܼܟܐ ܘܠܐ ܣܒܪܐ ܕܐܠܗܐ ܢܩܼܘܐ ܠܘܿܬܗ. ܘܠܥܡܝ ܡܿܪܓܙܝܼܢ ܗ̄ ܡܛ݀ܠ ܕܡܐ ܕܡܬܼܬܦܝܼܪܝܼܢ ܗܼܘܘ ܥܡܐ ܡܼܢ ܡ̈ܠܝܗܘܿܢ ܕܡܛܥ̈ܝܢܐ ܢܿܦܩܝܼܢ ܗܼܘܘ ܠܗܘܿܢ ܓܡܝܼܪܐܝܼܬ ܐܦ ܡܢܼܗ ܕܫܡܐ ܕܣܝܼܡ ܗܼܘܐ ܥܠܝܗܘܿܢ. ܐܢ ܡܫܟܚܝܼܢ ܐܢܬܘܿܢ ܠܡܒܼܛܠܘܼ ܕܘܼܒܪ̈ܝ ܗ̄ ܗܿܦܟ ܕܢܡܼܠܠ ܥܠ ܦܘܼܢܝܐ ܘܡܿܫܪܪ ܠܗܿܠܝܢ ܒܬܚܘ̈ܝܬܐ ܕܐܟܙܼܢܐ ܕܠܐ ܡܫܼܬܪܝܢ ܢܡܘܿܣ̈ܐ ܘܬܚܘܼ̈ܡܐ ܕܣܝܼܡ ܐܠܗܐ ܠܒܪܝܼܬܐ ܘܝܘܼܒܠܐ ܕܐܝܼ̈ܡܡܐ ܘܠܝ̈ܠܘܬܐ ܠܐ ܡܬܼܒܛܠܝܼܢ ܗܿܟܢܐ ܠܐ ܡܨܝܐ ܕܢܗܡܼܐ ܡܢܼܗܘܢܿ ܘܢܣܼܠܐ ܐܢܘܿܢ ܡܼܢ ܒܝܬܝܘܼܬܐ ܕܝܼܠܗ܆ ܨܚܚܐ ܕܠܕ ܘܢܫܼܒܘܿܩ ܓܒܪܐ ܥܼܒܕܗ ܗ̄ ܨܿܒܐ ܢܒܝܐ ܕܢܟܣܼ ܐܢܘܿܢ ܥܠ ܕܐܬܬܼܘܝܼܘ ܒܛܒܿܬܐ ܕܥܼܪܘ ܟܕ ܚܙܼܘ ܕܩܪܝܼܒܝܼܢ ܒܒܠ̈ܝܐ. ܡܼܢ ܕܐܩܝܼܡܘ ܩܝܿܡܐ ܘܚܪܼܪܘ ܥܒܕܿܝ̈ܗܘܿܢ. ܘܢܟܣܼܘ ܬܘܪܐ ܘܦܣܼܩ̄ܘܼ pb. 318 ܠܬܪܝܢ ܘܥܒܼܪܘ ܒܝܢܬ ܦܠ̈ܓܘܗܝ ܐܝܟ ܕܠܫܘܼܪܐ ܕܩܝܿܡܗܘܿܢ. ܒܿܬܪ ܕܝܢ ܕܝܼܠܦܼܘ ܕܗܦܼܟܘ ܒܒ̈ܠܝܐ ܡܛ݀ܠ ܚܝܠܐ ܕܢܦܼܩ ܡܼܢ ܡܨܪܝܢ ܐܝܟ ܕܠܥܘܼܕܪܢܗܘܿܢ ܬܘܼܒ ܗܦܼܟܘ ܘܫܥܒܼܕܘ ܠܥܒ̈ܕܐ ܘܪܫܐ ܠܗܘܿܢ ܢܒܝܐ܆ ܕܐܝܿܟܢܐ ܐܩܝܼܡܬܘܿܢ ܩܝܿܡܐ܀ ܛܘܫܬܘܿܢ ܫܡܝ ܗ̄ ܒܣܝܐ ܘܚܫܝܼܡܐ ܚܫܼܒܬܘܼܢܝܗܝ ܠܫܡܝ܀ ܐܬܿܠ ܠܓܒܪ̈ܐ ܕܥܒܼܪ܀ ܒܝܬ ܦܠ̈ܓܘܗܝ ܗ̄ ܪܫܐ ܠܗܘܿܢ ܥܠܗ݀ܝ ܕܠܐ ܐܫܼܪܘ ܓܡܝܼܪܐܝܼܬ ܐܠܐ ܗܦܼܟܘ ܘܫܼܪܐܘ̄ ܩܠܝܼܠܐܝܼܬ ܘܥܠܗܿܕܐ ܐܡܿܪ ܕܐܬܿܠ ܠܓܒܪ̈ܐ ܕܥܒܼܪܘ ܥܠ ܩܝܿܡܝ ܥܓܼܠܐ ܗ̄ ܠܘ ܥܓܼܠܐ ܝܿܗܒ ܗܼܘܐ ܠܗܘܿܢ. ܠܐ ܗ݀ܘ ܕܐܬܦܣܼܩ ܘܠܐ ܐܚܪܢܐ ܐܠܐ ܛܘܼܦܣܗ ܘܕܡܘܼܬܗ ܣܿܐܡ ܗܼܘܐ ܒܗܘܿܢ ܕܐܝܿܟܢܐ ܕܗ݀ܘ ܕܐܬܦܣܼܩ ܘܐܫܼܬܕܝܼ ܡܛ݀ܠ ܫܪܪܐ ܕܩܝܿܡܐ ܗܿܟܢܐ ܐܦ ܗܼܢܘܢܿ ܡܛ݀ܠܕܓܠܘܼ̄ ܕܩܝܿܡܗܘܿܢ ܡܬܼܦܣܩܝܼܢ ܗܼܘܘ ܒܣܝ̈ܦܐ ܕܒܒ̈ܠܝܐ ܘܕܠܐ ܩܒܘܼܪܬܐ ܡܫܼܬܕܝܢ܀ ܨ܇ ܕܝܗ̄ ܙܠ ܠܘܿܬ ܒܢ̈ܝ ܪܟܒܝܼܡ ܗ̄ ܗܿܠܝܢ ܡܼܢ ܫܪܒܬܐ ܗܘܼܘ ܕܟܗ̈ܢܐ ܘܡܬܼܝܒܠܝܼܢ ܡܼܢ ܝܘܼܢܕܒ ܗ݀ܘ ܕܦܓܼܥ ܒܝܿܗܘܼ ܘܝܼܬܒ ܥܡܗ ܒܡܪܟܒܼܬܐ. ܗܿܢܐ ܝܘܼܢܕܒ ܟܕ ܚܙܼܐ ܠܥܡܐ ܕܣܼܛܐ ܠܒܝܼܫ̈ܬܐ. ܓܒܼܐ ܕܢܚܼܐ ܒܡܝܬܪܘܼܬܐ ܘܒܢܙܝܼܪܘܼܬܐ ܕܡܼܢ ܚܡܪܐ ܘܡܣܼܪܩܘܼܬܐ ܘܥܿܡܪ ܗܼܘܐ ܒܡܫܼ̈ܟܢܐ ܠܒܪ ܡܼܢ ܡܕܝܼܢܬܐ ܐܝܟ ܐܒܗ̈ܬܐ ܘܒܢ̈ܘ̄ ܩܒܼܠܘ ܡܠܦܢܘܼܬܗ. ܘܡܼܢ ܦܚܼܡܐ ܕܗܿܠܝܢ ܐܟܣܼ ܢܒܝܐ ܠܥܡܐ ܕܠܐ ܢܛܪܪܘ ܢܡܘܿܣ̈ܐ ܕܐܠܗܐ. ܣܒ ܠܟ ܡܓܠܼܬܐܗ̄ ܦܩܼܕܗ ܕܢܟܼܬܘܿܒ ܠܟܿܠܗܿ ܢܒܝܘܼܬܗ ܒܣܼܦܪܐ ܘܟܕ ܟܬܼܒܗܿ ܒܪܘܿܟ ܦܩܼܕܗ ܕܢܩܼܪܐ ܠܢܒܝܘܼ̄ ܒܗܝܟܠܐ. ܘܟܕ ܡܿܘܕܥ ܝܘܼܬܪܢܐ ܐܡܼܪ ܛܟ ܬܦܼܠ ܒܿܥܘܼܬܗܘܿܢ ܗ̄ ܟܒܪ ܡܨܝܐ ܕܢܚܼܫܘܢܼ ܥܡܐ ܡܼܢ ܩܫܝܘܼܬܐ ܕܡ̈ܠܼܐ ܘܢܬܟܫܼܦܘܿܢ ܠܐܠܗܐ ܥܠ ܣܟܠ̈ܘܬܗܘܿܢ ܘܐܦ ܐܠܗܐ ܢܬܼܪܥܐ ܠܗܘܿܢ. ܪܘܪ̈ܒܢܐ ܐܘܕܥܼܘ ܗܿܕܐ ܠܡܠܟܐ ܘܫܕܪ ܐܝܬܝܼ ܠܡܓܠܼܬܐ. ܘܟܕ ܠܐ ܣܝܒܼܪ ܗܘܼ ܝܘܼܝܩܝܼܡ ܕܬܬܩܼܪܐ ܟܿܠܗܿ܀ ܘܨܪܐܘܼܗܿ ܒܙܡܠܝܐ ܕܣܿܦܪܐ ܘܫܼܕܐܘܼܗܿ ܒܢܘܼܪܐ ܕܥܠ ܩܿܡܝܼܢܐ ܐܘܟܝܼܬ ܟܢܘܼܿܢܐ. ܦܨܝܼ̈ܢ ܡܢܘ̈ܬܐ ܕܦܘܠܓܐ ܕܟܪܟܐ ܐܟܙܢܼܐ ܕܓܘܼܪ̈ܐ ܕܟܬܒ̈ܐ ܕܝܼܠܢ. ܨ܆ ܕܠܙܙ ܫܕܪ ܡܠܟܐ ܨܕܩܝܐ ܗ̄ ܡܫܼܬܥܐ ܢܒܝܐ ܕܐܡܼܠܟ ܒܿܬܪ ܝܘܼܝܩܝܼܡ ܝܘܿܟܢܝܐ ܒܪܗ ܘܡܼܢ ܕܐܫܼܬܒܝܼ ܠܒܿܒܝܠ ܝܘܿܟܢܝܐ ܐܡܠܼܟ ܚܠܼܦܘܗܝ ܡܠܟܐ ܕܒܿܒܝܠ. ܘܒܪܝܫ ܡܠܟܘܼܬܗ ܗ̄ ܒܿܬܪ ܙܒܢܐ ܩܠܝܠ ܡܼܪܘܕܘ ܥܠ ܢܒܘܼܟܕܢܨܪ ܗ݀ܘ ܕܐܡܠܼܟܗ ܘܒܗܿ ܒܢܫܢܿܬܐ ܗ݀ܝ ܐܬܼܘ ܟܠ̈ܕܝܐ ܘܝܼܬܒܘܼ ܚܕܪ̈ܝ ܐܘܿܪܫܠܡ. ܘܟܕ ܫܡܼܥܘ ܟܠ̈ܕܐ ܛܒܼܐ ܕܡܨܪ̈ܝܐ ܕܡܛܝܒܝܼܢ ܕܢܐܼܬܘܢܼ ܠܥܘܼܕܪܢܗ ܕܥܡܐ ܫܢܝܼܘ ܠܗܘܿܢ ܡܼܢ ܐܘܿܪܫܠܝܡ. ܘܗܘܬ݀ ܪܘܚܬܐ ܩܠܝܼܠ ܠܥܡܐ ܠܡܥܼܠ ܘܠܡܦܼܩ. ܘܐܦ ܢܒܝܐ ܢܦܼܩ ܡܼܢ ܐܘܿܪܫܠܡ ܠܡܐܼܙܠ ܠܐܪܥܐ ܕܒܢܝܿܡܝܼܢ ܠܡܼܦܠܓܘܼ ܬܡܿܢ ܡܢܿܬܐ ܥܡ ܥܡܐ ܗ̄ ܐܢܫ̈ܝܼܢ ܐܡܿܪܝܼܢ ܕܢܦܼܩ ܕܢܚܼܙܐ ܝܪܬܘܼܬܐ ܗܿܝ ܕܙܒܼܢ ܡܼܢ ܕܕܗ. ܐܘܿ ܟܒܪ ܗܼܘܐ ܠܗ ܡܕܡ ܥܡ ܐܢܫ ܠܡܦܠܓܼܘܼ ܥܒܘܼܪܐ ܐܘܿ ܦܐܪ̈ܐ ܕܐܝܼܠ̈ܢܐ. ܐܚܪ̈ܢܐ pb. 319 ܐܡܿܪܝܢ ܐܝܟ ܝܘܢܝܐ. ܕܠܚܡܐ ܢܦܼܩ ܕܢܙܼܒܢ ܡܛ݀ܠ ܚܒܘܼܫܝܐ ܕܒܡܕܝܼܢܬܐ.. ܓܒܪܐ ܦܩܘܿܕܐ ܗ̄ ܐܚܼܕܗ ܗܿܢܐ ܕܡܫܠܛ ܗܼܘܐ ܥܠ ܬܪܝܥܐ ܕܡܕܝܢܬܐ ܠܐܪܡܝܐ ܒܕܣܿܒܪ ܗܼܘܐ ܕܠܘܿܬ ܟ̈ܠܕܝܐ ܥܿܪܩ. ܪܘܪ̈ܒܢܐ ܟܕ ܐܬܚܼܡܬܘ ܐܪܡܼܝܘܼܗܝ ܡܼܢ ܟܘܬ ܓܘܼܒܐ ܠܓܘܼܒܐ ܡܼܢ ܦܘܼܡܗ ܥܠܝܐ ܕܓܘܼܒܐ. ܠܘ ܓܝܪ ܒܬܪܥܐ ܓܘܝܐ ܕܒܝܬ ܐܣܝܼܪ̈ܐ ܗ݀ܘ ܕܡܬܼܩܪܐ ܓܘܼܒܐ ܐܥܠܘܼܗܝ ܐܝܟ ܫܪܟܐ ܕܐܣܝܼܪ̈ܐ ܐܠܐ ܡܼܢ ܒܝܬܐ ܥܠܝܐ ܗ݀ܘ ܕܝܿܬܒܝܼܢ ܗܼܘܘ ܒܗ ܢ݀ܛܘܿܪ̈ܐ ܒܠܠܝܐ ܗܿܢܘܢ ܕܐܚܝܼܕܝܼܢ ܗܼܘܘ ܠܘܿܬܗܘܿܢ ܪܝܼܫܗܿ ܕܫܝܼܫܠܬܐ ܗܿܝ ܕܡܬܼܩܪܝܐ ܬܢܘܼܪܐ ܡܼܢ ܬܡܿܢ ܓܝܪ ܫܕܐܘܼܗܝ ܠܢܒܝܐ ܠܬܚܼܬ ܠܐܫܼܬܗܕܓܘܼܒܐ܀ ܓܪܝܼܨܬܐ ܕܠܚܐܡ ܗ̄ ܐܦ ܠܚܡܐ ܡܛܪ ܢܦܼܫ ܝܿܗܒܝܼܢ ܗܼܘܘ ܠܗ ܩܠܘܪܐ ܚܕ ܡܼܢ ܙܥܘܿܪܐ ܕܫܘܼܩܐ. ܘܒܿܬܪ ܝܘܡ̈ܬܐ ܩܼܪܝܗܝ ܨܕܩܝܐ ܘܒܿܬܪ ܕܡܠܼܠ ܥܡܗ ܐܦܝܼܣܗ ܢܒܝܐ ܕܠܐ ܢܫܼܬܕܐ ܬܘܼܒ ܬܡܿܢ. ܘܦܩܼܕ ܡܠܟܐ ܕܢܫܼܬܒܩ ܒܕܪܬܐ ܕܒܝܬ ܐܣܝܼܪ̈ܐ. ܘܒܗܿ ܒܕܪܬܐ ܩܒܼܠ ܓܠܝܢܐ ܕܢܐܼܡܪ ܠܥܡܐ. ܕܐܢ ܠܐ ܫܿܠܡܝܼܢ ܠܡܠܟܐ ܕܒܿܒܝܠ ܒܚܪܒܐ ܘܟܦܼܢܐ ܢ݀ܦܠܝܼ. ܟܕ ܫܡܼܥܘ ܡܠ̈ܘܗܝ ܐܪܡܼܝܘܼܗܝ ܒܓܘܼܒܐ ܕܣܝܿܢܐ ܘܥܒܕ ܐܡܠܟ ܟܘܫܝܐ ܐܦܝܼܣ ܠܡܠܟܐ ܘܡܛ݀ܠ ܕܐܝܼܬܘܗܝ ܕܗܿܐ ܓܒܪܐ ܢܘܼܟܪܝܐ ܕܫܠܼܡ ܠܕܚܠܬ݀ ܐܠܗܐ ܐܬܟܼܚܕ ܡܢܼܗ ܘܐܫܼܬܡܥ ܠܗ܆ ܨ̄܆ ܕܠܚ̄ ܒܠ̈ܝܐ ܕܣܚܼ̈ܘܬܐ ܗ̄ ܪ̈ܘܼܩܥܐ ܒܠ̈ܝܐ ܕܡܟܿܦܪܝܼܢ ܒܗܘܿܢ ܪ̈ܟܫܐ ܡܐ ܕܡܿܣܚܝܼܢ ܠܗܘܿܢ. ܐܢ ܬܦܼܘܿܩ ܠܘܿܬ ܪܘܪ̈ܒܢܐ ܗ̄ ܡܠܟܐ ܫܐܼܠ ܠܐܪܡܝܐ ܕܡܿܢܘ ܨܒܝܿܢܗ ܕܐܠܗܐ ܕܥܠܝܗܘܿܢ ܘܢܒܝܐ ܦܢܝܼ. ܕܐܢ ܢ݀ܦܩ ܐܢܬ ܠܘܿܬ ܟ̈ܠܕܝܐ ܚܿܝܐ ܐܢܬ. ܘܡܼܢ ܕܠܐ ܫܡܼܥ ܡܠܟܐ ܐܡܼܪ ܢܒܝܐ. ܢܫܼ̈ܐ ܕܐܝܼܬ ܒܝܬ ܡܠܟܘܼܬܐ ܒܫܒܼܝܐ ܢܦ̈ܩܢ ܠܘܿܬ ܪܘܪ̈ܒܢܐ ܕܡܠܟܐ ܕܒܿܒܝܠ ܘܗܼܢܝܢ ܐܡܿܪ̈ܢ܆ ܐܛܥܝܘܼܟ ܘܙܟܼܐܘܼܟ ܗ̄ ܐܢ ܠܐ ܫܿܠܡ ܐܢܬ ܒܨܒܝܿܢܟ ܠܢܿܒܘܼܟܕܢܨܪ ܗܿܕܐ ܓܿܕܫܐ ܠܟ. ܕܗܢܼܝܢ ܢܫܼ̈ܝܟ ܡܟܣ̈ܢ ܘܡܨܛܪ̈ܓܢ ܠܟ ܩܕܡ ܪܘܪ̈ܒܢܐ ܕܡܠܟܐ ܕܒܒܿܝܠ ܟܕ ܐܡܪ̈ܢ ܠܟ ܕܐܢܬ ܐܣܟܼܠܬ ܒܢܦܼܫܟ ܕܐܬܬܟܼܠܬ ܥܠ ܐܢܫ̈ܐ ܡܛܥ̈ܝܢܐ ܗܿܢܘܢܿ ܕܡܿܚܘܝܢ ܗܼܘܘ ܠܟ ܐܦ̈ܐ ܕܚܘܼܒܐ ܘܡܼܬܢܒܝܢ ܗܼܘܘ ܠܟ ܛܒ̈ܬܐ. ܘܙܟܼܐܘܼܟ ܗ̄ ܚܝܒܼܘܼܟ ܘܫܕܐܘܼܟ ܒܡܣܡ ܒܪܝܼܫܐ ܕܫܒܼܝܐ ܒܕܡܘܼܬ ܐܢܫ ܕܡܬܼܛܒܥ ܒܣܝܿܢܐ ܘܡܬܚܼܢܩ ܗܼܢܘܢܿ ܕܝܢ ܗܦܼܟܘ ܠܒܣܼܬܪܗܘܿܢ ܒܗܿܝ ܕܠܐ ܠܩܢܘܿܡܗܘܿܢ ܐܫܟܼܚܘ ܕܢܫܼܘܙܒܘܢܿ ܡܼܢ ܒܝܼܫܬܐ ܐܦܿܠܐ ܠܟ ܥܕܪܘ ܐܠܐ ܫܒܼܩܘܼܟ ܘܐܬܪܚܩܼܘ ܡܼܢ ܨܝܕܝܟ ܘܐܬܛܒܼܥܘ ܕܝܢ ܐܦ ܗܼܢܘܢܿ ܒܒܐܪܐ ܗ݀ܝ ܕܥܬܼܕܘ. ܡܠܟܐ ܕܝܢ ܐܝܟ ܚܠܼܡܐ ܚܫܼܒ ܠܡ̈ܠܼܘܗܝ ܕܢܒܝܐ ܘܐܣܼܒܪ ܕܠܐ ܗ̈ܘܝܢ. ܝܼܬܒ ܕܝܢ ܗܼܘ ܢܒܝܐ ܒܕܪܬܐ ܗܿܝ ܕܒܝܬ ܐܣܝܼܪ̈ܐ ܟܕ ܐܣܝܼܪ ܒܫܝܼܫܠܬܐ ܥܕܡܐ ܠܝܘܡܐ ܕܐܬܟܒܼܫܬ݀ ܐܘܿܪܫܠܡ ܒܐܝܼܕܐ ܕܢܒܘܙܪܕܢ ܗܿܢܐ ܪܝܼܫܐ ܐܝܼܬܘܗܝ ܕܗܿܢܘܿܢܿ ܕܡܬܼܩܪܝܢ ܒܠܫܼܢܐ ܟܠܕܝܐ ܪܒܡܓ܆ ܨ܆ ܡ̄ ܪܝܼܫܐ ܕܡܓܝܼܪ̈ܣܐ ܗ̄ ܕܒܛܚ̈ܐ. ܫܪܝܼ ܕܝܢ ܥܠܝܗܘܿܢ ܩܪܒܐ ܒܫܢܬ݀ pb. 320 ܚܕܥܣܪ̈ܐ ܠܨܕܩܝܐ ܘܒܝܪܚܐ ܕܚܡܫܐ ܕܗܘܼ ܐܒ ܢܣܼܒ ܫܘܼܠܡܐ ܩܪܒܐ. ܒܚܘܼܪܒܐ ܓܡܝܼܪܐ ܕܡܕܝܼܢܬܐ ܘܫܒܼܝܐ ܕܥܡܘܪ̈ܝܗܿ. ܘܝܗܼܒ ܢܒܘܙܪܕܢ ܡܘܗ̈ܒܬܐ ܠܢܒܝܐ ܘܫܪܝܗܝ ܗ̄ ܝܗܼܒ ܠܗ ܩܒܘܼܬܐ ܘܡ̈ܐܢܐ ܐܚܪ̈ܢܐ ܕܬܫܡܼܫܬܐ ܘܥܠܗܿܟܢ ܟܬܝܼܒ ܒܟܬܒܐ ܕܡܩ̈ܒܝܐ. ܘܐܪܡܝܐ ܛܫܝܼ ܠܩܐܒܘܼܬܐ ܒܡܥܼܪܬܐ ܒܛܘܼܪܐ ܘܠܡ̈ܐܢܐ܆ ܨ. ܕܡܐ ܘܡܚܼܐܘܼܗܝ ܠܓܕܠܝܐ ܗ̄ ܡܫܼܬܥܐ ܥܠ ܩܼܛܠܗ ܕܓܠܝܐ ܒܪ ܐܝܚܩܝܼܡ ܗ݀ܘ ܕܐܬܬܼܣܝܼܡ ܦܩܘܿܕܐ ܥܠ ܫܪܟܐ ܕܥܡܐ ܕܠܐ ܐܫܼܬܒܝܼܘ ܠܒܿܒܝܠ. ܥܠܬܼܐ ܕܝܢ ܕܒܗܿ ܩܛܠܼ ܐܫܡܥܝܼܠ ܡܼܢ ܙܪܥ ܕܡܠܟܘܼܬܐ. ܐܬܬܼܙܝܼܥ ܒܚܣܿܡܐ ܥܠ ܓܕܠܝܐ ܕܐܝܿܟܢܐ ܟܕ ܡܠܟܘܼܬܐ ܕܝܼܠܗܘܿܢ ܐܣܬܚܼܦܬ݀ ܗܿܢܐ ܟܕ ܒܨܝܼܪ ܗܼܘ ܘܼܡܢ ܛܘܼܗܡܐ ܙܥܘܿܪܐ ܡܕܿܒܪ ܪܝܼܫܢܘܼܬܐ ܕܥܡܐ܆ ܗܿܠܝܢ ܬܡܢܝܢ ܓܒܪ̈ܐ ܕܐܬܼܘ ܡܼܢ ܫܝܼܠܘܼ ܘܫܟܝܼܡ ܘܫܿܡܪܝܼܢ ܕܓܪܥܝܼܢ ܕܩܢ̈ܝܗܘܿܢ ܘܡܿܨܪܝܢ ܠܒܘܼܫ̈ܝܗܘܿܢ ܕ݀ܡܝܐ ܕܡܛ݀ܠ ܚܘܼܪܒܐ ܕܡܕܝܼܢܬܐ ܥܒܼܕܘ ܗܿܟܢܐ. ܘܐܦ ܠܗܿܠܝܢ. ܩܼܛܠ ܐܢܘܿܢ ܐܝܼܫܡܥܝܼܠ ܒܕܕܚܠ ܕܕܠܡܼܐ ܢܬܼܒܥܘܼܢܝܗܝ ܕܡܐܕܓܠܝܐ ܚܕܘ̈ܬܐ ܒܚܩܠܐ ܗ̄ ܓܘܼ̈ܒܐ ܕܐܝܟ ܐܘܼܨܪ̈ܐ ܣܝܼܡܝܼܢ ܒܗܘܿܢ ܚ̈ܛܐ ܘܣܥܪ̈ܐ ܨ܆ ܕܡܒ̄ ܐܢ ܬܣܝܼܡܘܢ ܐܦܝ̈ܟܘܿܢ ܗ̄ ܗܿܪܟܐ ܐܫܼܬܥܝܼ ܥܠ ܡܥܠܬܗܘܿܢ ܕܝܼܠܗܘܿܢ ܕܠܡܨܪܝܢ. ܣܒ ܠܟ ܟܐܦ̈ܐ ܗ̄ ܡܫܼܬܥܐ ܥܠ ܓܠܝܢܐ ܕܩܒܼܠ ܡܛ݀ܠ ܕܬܚܦܝܼܣ ܡܕܝܼܢܬ݀ ܡܠܟܘܼܬܐ ܕܡܨܪ̈ܝܐ. ܣܒ ܠܟ ܟܐܦ̈ܐ ܪܘܪ̈ܒܬܐ ܘܩܒܘܿܥ ܐܢܝܢ ܒܛܝܼܢܐ. ܠܗܿܢܐ ܕܝܢ ܩܿܪܐ ܡܠܛܐ. ܘܫܘܐ ܕܘܼܟܬܐ ܒܕܡܘܼܬ ܠܒܼܬܐ ܕܘܼܝܚܬܐ ܕܕ݀ܡܝܐ ܠܒܐܡܐ. ܗܿܕܐ ܓܝܪ ܡܿܘܕܥ ܗܿܝ ܕܡܠܒܢܐ.. ܒܬܪܥܐ ܕܒܝܬ ܦܪܥܘܿܢ ܗ̄ ܠܘ ܒܗ ܒܬܪܥܐ ܐܠܐ ܠܒܪ ܡܼܢ ܬܪܥܐ ܐܝܿܟܢܐ ܕܢܬܼܡܨܘܢܼ ܕܢܚܼܙܘܢ ܗܿܢܘܢܿ ܕܥܿܐܠܝܼܢ ܐܝܿܟܢܐ ܕܢܬܼܡܨܘܢܼ ܕܢܚܼܙܘܢ ܗܿܢܘܢܿ ܕܥܿܐܠܝܼܢ ܘܢ݀ܦܩܝܼܢ ܘܝܘܼ̈ܕܝܐ ܕܥܪܩܼܘ ܠܬܡܿܢ܆ ܘܟܕ ܡܿܘܕܥ ܠܬܘܼܩܢܐ ܕܕܘܼܟܬܐ ܐܡܿܪ. ܕܗܿܐ ܡܫܿܕܪ ܐܢܼܐ ܘܡܿܝܬܐ ܐܢܼܐ ܗ̄ ܕܝܿܬܒ ܗܿܪܟܐ ܒܕܘܼܟܬܐ ܗܿܕܐ. ܥܠ ܟܘܼܪܣܝܗ ܘܡܐ ܕܟܒܼܫܗܿ ܠܡܕܝܼܢܬܐ ܘܐܚܼܪܒܗܿ ܐܦ ܙܝܢܗ ܫܿܩܠ ܡܢܼܗ ܘܡܬܼܬܢܝܼܚ ܗ̄ ܠܟܿܠܗܘܿܢ ܡܨܪ̈ܝܐ ܠܚܪܒܐ ܘܫܒܼܝܐ ܘܡܿܘܬܐ܆ ܨܚܚܐ ܕܡܓ̄ ܘܢܬܼܥܛܦܝܼܗܿ ܐܪܥܐ ܗ̄ ܕܢܟܢܫܝܗܿ ܠܟܿܠܗܿ ܡܨܪܝܢ ܠܘܿܬܗ ܘܡܼܢ ܟ݀ܠܗܝܢ ܦܢܝ̈ܬܗܿ ܢܫܼܩܠܝܼܗܿ. ܒܕܡܘܼܬ ܪܥܝܐ ܕܡܬܼܥܛܦ ܠܒܘܼܫܗ ܒܝܘܡܐ ܩܪܝܼܒܐ ܐܘܿ ܒܙܒܢ ܡܛܪܐ܆ ܘܢܦܘܿܩ ܡܼܢ ܗ̄ ܘܟܕ ܡܿܚܪܒ ܠܡܠܟܘܼܬܐ ܕܡܨܪܝܢ ܒܡܕܡ ܠܐ ܡܬܼܢܟܐ ܘܢܬܼܒܪ ܩܝܡ̈ܬܐ ܗ̄ ܗܝܟܠܐ ܕܫܼܡܫܐ ܕܒܗܿ ܒܕܡܝܼܢܬܐ ܕܢܬܼܢܒܐ ܥܠ ܟܿܠܗܘܿܢ ܝܘܼܕ̈ܝܐ ܕܢܚܼܬܘ ܠܬܡܿܢܐ ܘܡܟܣ ܠܗܘܿܢ ܥܠ ܥܒܕ̈ܝܿܗܘܿܢ ܒܝܼ̈ܫܐ ܕܦ݀ܠܚܝܼܢ ܐܦ ܗܿܫܐ ܒܡܨܪܝܢ ܐܝܬܝܼܘ ܥܠܝܗܘܿܢ ܫܒܼܝܐ ܘܒܘܼܕܪܐ ܨ܆ ܕܡ̄ܕ ܦܬܓܡܐ ܕܐܡܼܪܬ ܠܢ ܗ̄ ܠܘܼܩܒܠ ܡܕܡ ܕܐܡܼܪ ܢܒܝܐ ܦܢܝܼܘ ܠܗ ܒܡܪܚܘܼܬܐ. ܗܿܟܢܐ ܢܫܝ̈ܗܘܿܢ ܐܡܪ̈ܢ ܘܫܪܟܐ. ܡܠܟܬ ܫܡܿܝܐ ܩܿܪܐ ܠܟܘܟܒܬܐ ܕܗܝܼ ܐܣܬܪܐ ܘܪܐܦܢ ܘܥܘܙܝ ܐܘܟܝܼܬ ܦܪܘܕܝܛܝ܆ ܘܐܚܪ̈ܢܐ ܟܐܘܿܢ ܩ݀ܪܝܢ pb. 321 ܠܗ. ܒܪܡ ܟܐܘܿܢ ܩܪܘܿܢܘܿܣ ܐܝܼܬܘܗܝ ܬܘܕܝܼܬܐ ܕܝܼܠܗܝܢ ܘܕܓܒܪ̈ܝܗܝܢ ܚܘ̈ܝܼܝܼܢ ܢܫ̈ܐ ܠܢܒܝܐ ܕܪܫܼܐ ܐܢܝܢ ܘܐܘܕ̈ܥܝܢ ܕܒܠܥܕ ܨܒܝܿܢܐ ܕܓܒܪ̈ܝܗܝܢ ܠܐ ܣܓܼ̈ܕܝ ܠܨ̈ܠܡܐ. ܘܦܠ̈ܝܼܛܝ ܚܪܒܐ ܗ̄ ܢܒܝܐ ܟܕ ܫܡܼ݁ ܗܿܠܝܢ ܐܬܢܼܒܝܼ ܥܠܝܗܘܿܢ ܫܒܼܝܐ܀ ܘܦܠ̈ܝܼܛܝ ܗ̄ ܐܡܿܪ ܥܠ ܗܿܢܘܿܢ ܕܥܪܩܼܘ ܠܡܨܪܝܢ ܕܙܥܘܿܪ̈ܐ ܘܒܨܝܼܪ̈ܐ ܡܿܪܦܐ ܐܢܼܐ ܡܢܼ̈ܘܢܿ. ܘܗܿܟܐ ܠܟܘܿܢ ܗ̄ ܗܼܢܘܢܿ ܡܐ ܕܦܿܢܝܢ ܠܐܪܥܗܘܿܢ ܒܙܒܢܼܐ ܕܦ݀ܩܕ ܐܢܼܐ ܥܠܝܗܘܿܢ ܢܗܼܘܘܢܿ ܡܫܼܬܘܕܝܢ ܚܛܗ̈ܝ̄ܗ ܘܛܢܦܘܼܬܐ ܘܟܐܢܘܼܬܐ ܕܐܒܕܢܗܘܿܢ. ܦܬܓܡܐ ܕܡܿܢ ܢܫܼܪ ܗ̄ ܬܚܘܝܼܬܐ ܕܗܿܠܝܢ ܡܬܓܼܡܪ̈ܢ ܡܠܼ̈ܝ ܕܥܠܝܗܘܿܢ ܘܝܿܠܦܝܼܢ ܢܗܝܼܪܐܝܼܬ ܠܡܕܥ ܐܢ ܦܬ̈ܓ ܕܝܼܠܝ ܫܪܝܼܪܝܢ ܘܐܢ ܕܝܼܠܗܘܿܢ. ܗܿܐ ܡܫܠܡ ܐܢܼܐ ܠܗ ܗ̄ ܩܿܒܥ ܐܢܼܐ ܠܗ ܠܣܗܕܘܼܬܐ ܩܕܡܝܗܘܢܿ ܒܦܝܿܥܘܢܿ ܗ݀ܘ ܕܡܬܼܩܪܐ ܚܓܝܼܪܐ ܕܡܫܠܡ ܐܢܼܐ ܕܠܗ ܒܐܝܼܕܐ ܕܢܒܘܟܕܢܨܪ ܐܝܟ ܕܠܨܕܩܝܐ. ܨ̄܆ ܕܡܗ̄ ܦܬܓܡܐ ܕܐܡܼܪ ܐܪܡܝܐ ܠܒܪܘܿܟ ܗ̄ ܫܘܼܠܡܐ ܗܿܟܝܼܠ ܕܟܬܒܐ ܕܢܒܝܐ ܡܣܼܬܒܪ ܕܗܿܪܟܐ ܐܝܼܬܘܗܝ ܐܟܡܼܐ ܕܗܝܼ ܬܫܥܝܼܬܐ ܕܝܘܼܒܠܐ ܕܙܒܼ̈ܢܐ ܡܿܘܕܥܐ ܗܿܝ ܕܡܼܢ ܫܢܬ݀ ܬܠܬܥܣܪ̈ܐ ܕܝܘܿܫܝܐ ܡܫܿܪܐ ܒܢܒܝܐ ܥܕܡܐ ܠܗܿܢܐ ܓܠܝܢܐ ܐܚܪܢܐ ܕܩܒܼܠ ܒܡܨܪܝܢ ܚ̈ܙܼܘܐ ܕܝܢ ܗܿܪܟܐ ܘܠܬܚܼܬ ܡܬܚܼܙܝܢ ܩܕܝܼܡܝܼܢ ܐܢܘܢܿ ܠܐܝܿܠܝܢ ܕܐܡܼܪ ܘܚܼܙܐ ܢܒܝܐ ܒܡܨܪܝܢ ܘܠܝܬ ܣܕܪܐ ܠܡ̈ܠܼܐ ܘܝܕ̈ܝܼܥܐ ܡܼܢ ܗ݀ܝ ܕܐܡܼܪ ܕܒܝܘܡ̈ܝ ܝܘܼܝܩܝܼܡ ܗܼܘܐ ܓܠܝܢܐ ܗܿܢ ܐܡܼܪ ܠܒܪܘܿܟ ܒܪ ܢܝܪܝܐ܀ ܥܠܝܟ ܒܪܘܟ ܗ̄ ܡܛ݀ܠܬܟ ܩܒܿܠܬ ܓܠܝܢܐ ܗܿܢܐ ܘܥܠܝܟ ܐܬܦܩܿܕܬ ܕܐܬܿܢܒܐ. ܘܐܝܿܠܝܢ ܐܢܝܢ ܡܠܼ̈ܘܗܝ ܕܓܠܝܢܐ ܡܿܝܬܐ ܘܐܡܿܪ. ܐܡܼܪܬ ܕܘ݀ܝ ܐܘܣܼܦ ܡܪܝܐ ܗ̄ ܣܿܓܝܼ ܡܥܩ ܐܢܼܐ ܘܐܡܼܪܬ ܒܚܘܼܫ̈ܒܝܟ ܘܠܘ ܒܩܿܠܐ ܕܟܿܠܝܘܿܡ ܒܝܘܿܡ ܥܩ̈ܬܐ ܚܕ̈ܬܬܐ ܦܓ̈ܥܢ ܒܝܼ ܡܼܢ ܥܡܐ ܘܒܟܿܠܗܝܢ ܗܿܠܝܢ ܠܚܕ ܣܒܪܐ ܡܣܿܟܐ ܗܿܘܝܬ ܕܡܼܢ ܐܠܗܐ ܢܗܼܘܐ ܘܡܛ݀ܠ ܕܠܐ ܐܫܬܘܝܿܬ ܠܗ ܝܬܝܼܪܐܝܼܬ ܣܓܝܬ݀ ܥܠܝ ܥܩܿܬܐ. ܠܐܝܿܬ ܒܬܢܚ̈ܬܝ ܗ̄ ܡܛ݀ܠ ܕܒܗܿܠܝܢ ܚܘܼܫ̈ܒܐ ܗܿܪܓ ܐܢܬ ܘܐܝܼܬܝܟ ܒܬܢܚ̈ܬܐ ܘܐܦܿܠܐ ܚܕ ܢܝܿܚܐ ܗܿܘܐ ܠܟ ܡܼܢ ܨܝܕܝ ܒܝܕ ܓܠܝܢܐ ܕܢܒܝܘܬܐ ܕܐܥܿܒܕ ܥܠܝܟ. ܫܡܥ ܡܘܿܢ ܐܡܿܪ ܠܟ ܐܠܗܐ. ܗܿܐ ܡܕܡ ܕܒܢܼܝܬ ܐܢܿܐ ܣܿܚܦ܆ ܗܿܝ ܓܝܪ ܕܗܿܐ ܠܘ ܐܝܟ ܕܒܒܘܼܝܐܐ ܐܘܿ ܡܟܣ̄ܢܘܼ ܐܡܝܼܪܐ. ܐܠܐ ܗ݀ܝ ܕܡܛܝܒܼܐ ܗܘܬ ܠܟܧܠܗ ܥܡܐ ܘܕܐܦ ܠܗ ܠܗ ܗ݀ܟܘܬ. ܡܕܪܟܐ ܗܘܼܬ ܡܒܿܕܩܐ ܗܿܕܐ ܘܠܘ ܒܚܡܼܬܐ ܟܣܼܗ. ܥܠ ܕܐܬܪܥܝܼ ܒܢܦܫܼܗ ܕܫܿܘܐ ܠܢܒܝܘܼܬܐ. ܘܡܕܡ ܕܢܨܒܼܬ ܗ̄ ܕܐܦܢ ܠܡ ܒ̈ܬܐ ܘܟܪ̈ܡܐ ܘܟ݀ܠܡܕܡ ܕܐܝܼܬ ܠܟ ܡܼܬܥܩܪܝܼܢ ܥܡ ܕܟ݀ܠܗ ܥܡܐ ܐܠܐ ܠܘܿܬܟ ܡܛ݀ܠ ܛ݀ܒܘܼܬ ܢܦܼܫܟ ܘܚܘܼܒܟ ܕܠܘܿܬܝ ܗܿܕܐ ܣܿܥܪ ܐܢܼܐ ܕܟܿܠ ܐܝܿܟܐ ܕܬܐܙܼܠ ܐܗܿܘܐ ܠܟ ܡܢܛܪܢܐ. ܘܝܼܕܝܼܥܐ ܡܼܢ ܗܿܝ ܕܐܡܼܪ ܒܿܬܪܟܢ ܐܢܬ ܕܝܢ ܒܥܼܝܬ ܪܘܪ̈ܒܬܐ ܗ̄ ܡܬܼܪܓܪܓ ܗܼܘܐ ܒܪܘܿܟ ܠܢܒܝܘܼܬܐ ܘܥܠܗ݀ܝ ܡܿܝܩܪ ܗܘܼܐ ܠܢܒܝܐ ܘܢܩܝܼܦ ܠܗ. ܘܐܚܪܬܐ ܕܣܒܝܼܪ ܗܼܘܐ ܡܼܢ ܥܡܐ pb. 322 ܕܢܒܝܐ ܗܿܘ ܘܐܣܼܒܪ ܒܢܦܼܫܗ ܕܫܿܘܐ ܕܬܬܝܼܗܒܝ ܠܗ ܢܒܝܘܼܬܐ ܥܠܗ݀ܝ ܐܡܼܪ ܠܘܿܬܗ. ܕܐܢܿܐ ܡܪܝܐ ܝܿܕܥ ܐܢܼܐ ܡܘܿܢ ܚܿܫܚ ܠܟ ܘܡܿܢ ܙܕܿܩ ܕܢܗܼܘܐ ܠܝܼ ܒܪ ܐܪܙܐ ܒܢܒܝܘܼܬ. ܐܬܟܠܝܼ ܕܝܢ ܒܡ̈ܠܼܐ ܗܿܠܝܢ ܕܠܐ ܢܒܼ݁ܐ ܢܒܝܘܼܬܐ. ܐܝܼܬ ܕܐ݀ܡܪܝܼܢ ܕܒܿܬܪ ܟܢ ܡܠܼܠ ܢܒܝܘܼܬܐ. ܘܐܦ ܚܙܼܝܢܢ ܠܟܬܒܐ ܕܢܒܝ̄ܘܼܗ ܐܢܕܝܢ ܕܝܼܠܗ ܗܼܘ. ܐܠܗܐ ܗܿܘ ܠܚܘܿܕ ܝܿܕܥ. ܐܬܬܼܙܝܼܥܘ ܗܿܠܝܢ ܚܘܼܫ̈ܒܐ ܒܢܦܫܼܗ ܕܒܪܘܿܟ ܒܙܒܼܢܐ ܕܐܘܩܼܕ ܝܘܼܝܩܝܼܡ ܠܟܬܒܗ ܕܐܪܡܝܐ ܕܐܨܼܚ ܗܼܘ ܒܪܘܿܟ ܕܐܬܼܢܒܝܼ ܥܠܘܗܝ ܢܒܝܐ ܗܿܠܝܢ ܡܛ݀ܠ ܡܚܡܼܣܢܢܘܼܬܗ ܕܥܡ ܢܒܝܐ ܐܝܟ ܕܐܢܫ̈ܝܼܢ ܐܡܿܪܝܼܢ܆ ܨܚܚܐ ܕܡܘ̄ ܘܗܼܘܐ ܦܬܓܡ̄ܗ ܕܡܪܝܐ ܗ̄ ܡܬܼܢܒܐ ܕܐܝܿܠܝܢ ܣܿܒܠܝܢ ܡܨܪ̈ܝܐ ܡܼܢ ܒܒܠ̈ܝܐܐܡܼܬܝ ܕܣܠܩܼܘ ܥܠ ܡܕܝܼ̈ܢܬܐ ܕܣܘܼܪܝܐ ܕܢܣܼܒܘܿܢ ܐܢܝܢ. ܡܛ݀ܠ ܕܥܫܝܼܢܝܼܢ ܗܼܘܘ ܒܗܿܘ ܙܒܼܢܐ. ܘܗܿܢܐ ܩܪܒܐ ܩܕܝܼܡ ܠܗ݀ܘ ܒܐܪܥܗܢܿܢ ܐܣܬܼܥܪ. ܦܪܥܘܿܢ ܚܓܝܼܪܐ. ܐܘܿ ܐܟܝ ܕܡܼܢ ܝܘܼܒܠܐ ܕܚܕ ܡܚܿܓܪ ܗܼܘܐ ܩ݀ܪܐ ܠܗ ܗ݀ܟܢ ܐܘܿ ܓܿܕܫܐ ܕܚܓܝܼܪܐ ܗܼܘܐ ܒܪ̈ܓܠ̄ܘ. ܫܩܘܿܠܘ ܙܝܢܐ ܘܣܟܼܪܐ ܗ̄ ܠܡܨܪ̈ܝܐ ܐܡܿܪ ܒܡܗܠܢܘܼܬܐ ܐܢܗܘܼ ܠܡ ܕܐܝܼܬ ܠܟܘܢܿ ܚܝܠܐ ܕܣܿܦܩ. ܐܬܚܫܼܚܘ ܒܥܝܿܕܟܘܢܿ ܘܐܩܪܒܘ ܘܐܙܟܼܘ. ܣܩܝ ܠܓܠܥܕ ܗ̄ ܐܡܿܪ ܕܬܣܼܩܝ ܠܓܠܥܕ ܐܝܟ ܕܢܚܼܘܐ ܕܒܛ̈ܠܢ ܟ݀ܠܗܝܢ ܨܒܘ̈ܬܗܘܿܢ ܘܚܫ̈ܚܬܐ ܕܬܐܓܪ̈ܬܐ ܕܐ̈ܠܦܐ ܘܠܐ ܬܘܼܒ ܣܿܠܩܝܼܢ ܡܨܪ̈ܝܐ ܠܓܠܥܕ ܠܡܼܝܬܝܘܼ ܪ̈ܗܛܢܐ ܕܐܦܠܐ ܡܨܪ̈ܝܐ ܡܨܝܐ ܕܢܩܼܒܠܘܢܼ ܐܣܿܝܘܼܬܐ ܕܥܘܼܕܪܢܐ ܕܢܦܼܫܗܘܿܢ܇ ܒܬܘܼܠܬܐ ܩ݀ܪܐ ܠܗܿ ܡܛ݀ܠ ܟܗܝܼܢܘܼܬܗܿ ܘܡܫܪܬܚܘܼܬ ܥ̈ܠܠܬܗܿ. ܘܡܛ݀ܠ ܗ݀ܝ ܕܠܐ ܥܕܟܝܼܠ ܐܬܚܒܼܠܬ݀ ܗܘܼܬ ܡܠܟܘܼܬܗܘܿܢ ܒܐܝܼܕܐ ܕܥܡ̈ܡܼܐ ܐܚܪ̈ܢܐ. ܕܓܒܪܐ ܒܓܒܪܐ ܗ̄ ܗܼܢܘܢܿ ܡܨܪ̈ܝܐ ܡܛ݀ܠ ܕܫܪܝܼܘ ܥܪܩܝܼܢ ܡܼܢ ܩܪܒܐ ܒܪܗܝܼܒܘܼܬܗܘܿܢ ܡܬܛܪܝܢ ܗܼܘܘ ܡܼܢ ܚܕ̈ܕܐ ܘܡܬܼܩܛܠܝܼܢ ܗܼܘܘ. ܗܿܢܐ ܩܪܒܐ ܕܡܨܪ̈ܝܐ ܒܣܘܼܪܝܐ ܗܼܘܐ. ܚܘܘ ܒܡܨܪܝܢ ܗ̄ ܡܫܼܬܥܐ ܥܠ ܩܪܒܐ ܕܗܼܘܐ ܠܒܒܠ̈ܝܐ ܥܡ ܡܨܪ̈ܝܐ ܒܣܘܼܪܝܐ ܗܼܘܐ. ܚܘܘ ܒܡܨܪܝܢ ܗ̄ ܡܫܼܬܥ ܥܠ ܩܪܒܐ ܕܗܼܘܐ ܠܒܒܠ̈ܝܐ ܥܡ ܡܨܪܝ̈ܝܐ ܒܗܿ ܒܡܨܪܝܢ. ܘܐܫܡܼܥܘ ܒܡܓܕܘܿܠ ܗ̄ ܠܡܕܝܼ̈ܢܬܐ ܕܡܨܪܝܢ ܪܡܿܙ ܕܢܫܼܡ̈ܥܢ. ܐܬܛܝܒܼܘ ܘܐܬܬܩܼܢܘ ܗ̄ ܐܡܿܪ ܠܡܨܪ̈ܝܐ ܕܐܢ ܡܫܟܚܝܼܬܘܢ ܠܡܐܼܪܥ ܠܗܿܠܝܢ ܕܐܬܝ̈ܢ ܥܠܝܟܘܢ ܐܬܛܝܒܼܘ ܘܩܘܼܡܘ ܘܐܬܩܼܢܘ ܠܟܘܿܢ ܐܝܿܠܝܢ ܕܚܫ̈ܚܢ ܠܟܘܿܢ܆ ܠܩܪܒܐ ܕܥܡܼܗܘܿܢ. ܩܘܼܡܘ ܢܿܗܦܘܼܟ ܗ̄ ܐܡܿܪ ܡܼܢ ܦܪܨܘܼܦ ܡܥܕܪ̈ܢܐ ܘܐܓܝܼܪ̈ܐ ܕܥܡ ܡܨܪ̈ܝܐ ܕܐܡܼܪܘ ܐܝܿܠܝܢ ܕܐܬܦܠܼܛܘ ܡܼܢ ܚܪܒܐ ܟܕ ܡܚܦܛܝܼܢ ܠܚܕ̈ܕܐ ܕܬܘܿ ܢܥܪܘܿܩ ܠܐܬܪ̈ܘܬܢ܀ ܘܩܼܪܘ ܬܡܿܢ ܫܡܗ ܗ̄ ܐܝܿܠܝܢ ܕܡܬܼܦܠܛܝܼܢ ܗܼܘܘ ܡܼܢ ܚܪܒܐ ܐܡܿܪܝܼܢ ܗܼܘܘ ܕܕܠܘܿܚܐ ܐܝܼܬܘܗܝ ܦܪܥܘܢܿ ܘܡܿܥܒܪ ܙܒ̈ܢܼܐ ܕܟܗܝܼܢܘܼܬܗ ܘܕܡܠܟܘܼܬܗ ܘܗܘܼ ܗܼܘܐ ܥܠܼܬܐ ܕܚܪܒܗܿ ܕܐܪܥܐ ܕܝܼܠܗ ܥܠ ܕܣܠܩܼܘ ܠܐܬܪ̈ܘܬܐ ܕܣܘܼܪܝܐ ܕܫܠܝܼܛܝܼܢ ܥܠܝܗܘܿܢ ܒܒܠ̈ܝܐ ܘܐܩܼܪܒ ܥܡܼܗܘܿܢ. ܡܨܪܝܢ ܥܓܠܼܬܐ ܗ̄ ܩܿܪܐ ܠܡܠܟܘܼܬܗܘܿܢ ܥܓܠܬܐ ܐܘܟܝܼܬ ܐܪܘܢܝܼܬܐ. ܡܛ݀ܠ ܚܝܠܬܢܘܼܬܐ ܘܥܘܼܫܢܐ ܕܩܢܝܐ pb. 323 ܗܘܼܬ. ܫܦܝܼܪܬܐ ܘܡܨܝܪܬܐ ܡܛ݀ܠ ܫܘܼܦܪܐ ܕܛܒ̈ܬܐ ܕܩܢܝܐ ܗܘܼܬ. ܘܣܿܓܝܐܘܼܬܐ ܘܡܦܼܬܟܘܼܬܐ ܕܦܬܟܪ̈ܐ ܕܣܿܓܕܐ ܗܘܬ݀ ܠܗܘܿܢ. ܚܝܠܐ ܗ̄ ܚܝܠܐ ܬܘܼܒ ܕܡܼܢ ܓܪܒܝܐ ܐܡܿܪ ܠܒܒܠܝܐ ܒܗ݀ܝ ܕܗܿܟܢ ܣܝܼܡܐ ܒܿܒܝܠ ܠܘܼܩܒܠ ܡܨܪܝܢ. ܐܝܟ ܚܼܘܝܐ ܕܪܫܿܦ ܗ̄ ܠܚܝܠܐ ܕܒܒܠ̈ܝܐ ܩܿܪܐ ܚܼܘܝܐ ܕܒܕܡܘܼܬ ܚܘܘ̈ܬܐ ܡܡܿܬܝܼܢ ܗܼܘܘ ܘܩܿܛܠܝܼܢ ܠܡܨܪ̈ܝܐ. ܥܠ ܐܡܘܿܢ ܕܡ̈ܝܐ ܗ̄ ܐܠܟܣܢܕܪܝܐ ܒܗ݀ܘ ܙܒܢܼܐ ܡܫܼܡܗܬܐ ܗܘܬ݀ ܘܪܝܼܫܐ ܕܐܬܪܐ ܡܛ݀ܠ ܕܐܡܘܢܿ ܦܬܟܪܐ ܕܡܨܪ̈ܝܐ ܒܗܿ ܣܝܼܡ ܗܼܘܐ. ܕܡ̈ܝܐ ܩ݀ܪܐ ܠܗܿ ܥܠ ܣܘܓܐܐ ܕܒܢܝ̈ܢܫܐ ܕܒܗܿ܆ ܨ܆ ܕܡܙܙ̄ ܕܢܬܢܼܒܐ ܥܠ ܦܠ̈ܫܬܝܐ ܗܿܢܘܿܢ ܕܒܐܝܼܕܐ ܕܒܒܠ̈ܝܐ ܡܬܼܚܪܒܝܼܢ. ܡܚܿܘܐ ܕܡܐ ܕܐܿܬܝܢ ܒܒܠ̈ܝܐ ܥܠ ܦܠ̈ܫܬܝܐ ܐܚܿܕܝܢ ܠܩܘܼܪ̈ܝܐ ܕܝܼܠܗܘܿܢ ܘܠܐ ܡܿܨܐܼ ܐܢܫ ܕܢܩܼܘܼܡ ܠܘܼܩܒܠܗܘܿܢ ܘܡܬܡ̈ܬܚܢ ܥܩ̈ܬܐ ܕܦܠ̈ܫܬܝܐ ܘܡܬܼܡ̈ܛܝܢ ܐܦ ܥܕܡܐ ܠܨܘܪ ܘܠܨܝܕܢ. ܐܘܿ ܣܦܣܝܼܪܗ ܗ̄ ܣܦܣܝܼܪܗ ܡܫܿܡܗ ܠܚܪܒܐ ܕܒܒܠ̈ܝܐ ܗܿܝ ܕܡܫܼܬܕܪܐ ܗܘܼܬ ܥܠ ܦܠ̈ܫܬܝܐ. ܒܗ݀ܘ ܕܐܝܟ ܨܒܝܿܢܗ ܕܡܪܝܐ ܡܼܫܬܡܠܝܐ ܗܘܼܬ ܒܗܘܿܢ. ܐܬܚܠܝ ܒܚܠܬܟܝ ܗ̄ ܠܘ ܟܕ ܒ݀ܥܐ ܐܢܼܐ ܢܒܝܐ ܦ݀ܩܕ ܠܗܿ ܕܬܫܼܠܐ. ܐܠܐ ܟܕ ܡܬܼܕܡܪ ܒܣܿܓܝܐܘܼܬ ܩܛܝܼ̈ܠܐ ܘܕܡܛܿܠܡܿܢܐ ܡܨܠܚܝܼܢ ܗܿܢܘܿܢ ܕܚܿܪܒܝܼܢ ܟܕ ܠܐ ܡܬܼܢܟܝܢ ܘܡܼܚܕܐ ܦܫܩܼ ܕܡܪܝܐ ܦܩܼܕܗ܆ ܨ: ܕܡܚ̄ ܗܿܟܢܐ ܐܡܿܪ ܗ̄ ܡܬܼܢܒܐ ܥܠ ܡܘܼܐܒ̈ܝܐ ܕܐܦ ܗܼܢܘܢܿ ܡܫܬܼܒܝܢ ܡܼܢ ܒܒܠ̈ܝܐ. ܘ݀ܝ ܠܢ݀ܒܘܼ ܗ̄ ܢ݀ܒܘܼ ܘܩܘܼܪܝܼܬܝܼܡ ܡܕܝܼ̈ܢܬܐ ܐܢܝܢ ܕܡܘܼܐܒ̈ܝܐ ܘܐܡܿܪ ܕܟ݀ܠܗܝܢ ܡܬܼܒܙܙ̈ܢ ܘܟܿܠܗܝܢ ܒܒܗܼܬܐ ܗܘ̈ܝܢ. ܒܚܫܼܒܘܢ ܐܬܼܚܫܚܘ ܗ̄ ܡܐ ܠܡ ܕܐܬܼܘ ܒܒܠ̈ܝܐ ܠܚܫܼܒܘܢ ܠܘܼܩܕܡ ܡܬܼܚܫܒܝܼܢ ܥܠܝܗܘܢܿ ܕܡܘܼܐܒ̈ܝܐ ܐܒܕܢܐ ܘܗܿܝܕܝܢ ܡܘܿܒܕܝܼܢ ܠܗܘܿܢ. ܐ݀ܦܢ ܡܫܼܬܩ ܗ̄ ܕܬܫܬܼܩܘܢܿ ܠܐ ܡܨܝܐ ܡܛ݀ܠ ܕܠܐ ܝܿܗܒܝܼܢ ܠܟܘܢܿ ܫܒ̈ܝܐ ܕܬܫܼܬܩܘܿܢ ܐܠܐ ܘܐ݀ܦܢ ܡܫܟܼܚܐ ܕܐܝܿܟܢ ܕܗܘܼ ܢܗܼܘܐ ܠܟܘܿܢ ܐܬܪܐ ܕܒܝܬ ܥܪܘܿܩܝܐ ܘܡܪܕܐ ܕܒܗ ܬܣܼܬܬܪܘܢ ܐܝܟ ܕܬܬܼܒܘܿܢ ܒܫܠܼܝܐ ܒܓܘ ܬܘܼܟܠܢܟܘܿܢ. ܬܚܼܙܘܢܿ ܠܚܪܒܐ ܕܒܥ̈ܠܕܒܒܐ ܕܚܿܕܪܐ ܠܟܘܢܿ.. ܗܒ ܟܠܝܼܠܐ ܠܡܘܼܐܒ ܗ̄ ܟܠܝܼܠܐ ܒܬܠܬܐ ܙܢܝ̈ܐ ܩ݀ܪܐ ܟܬܒܐ ܠܡܠܟܘܼܬܐ ܠܟܗܢܘܼܬܐ ܠܡܕܡ ܕܐܝܼܬܘܗܝ ܡܫܼܡܠܝܐ ܐܝܟ ܗܿܝ ܕܬܫܼܒ̄ܘ ܢܼܗܘܐ ܠܟܘܿܢ ܟܠܝܼܠܐ ܕܡܩܿܕܫ ܒܚܓܐ ܗ̄ ܫܘܼܡܠܝܐ. ܗܿܪܟܐ ܠܡܠܟܘܼܬܐ ܩܿܪܐ ܟܠܝܼܠܐ ܘܗ݀ܝ ܕܗܒܘ ܬܠܝܼܬܐܝܼܬ ܡܬܼܦܫܩܐ. ܚܕܐ ܐܝܟ ܕܐܠܗܐ ܝܗܼܒ ܠܡܘܼܐܒ̈ܝܐ ܡܠܟܘܼܬܐ. ܐܢܿܐ ܝܗܒܿܬ ܠܗܘܿܢ ܠܡ܆ ܐܚܪܬܐ ܗܒܘ ܗ̄ ܦ݀ܩܕ ܠܒܒ̈ܠܝܐ ܕܪܦܝܼܘ ܐܢܝܢ ܩܠܝܼܠ. ܕܬܠܬ ܗܒ ܐܢܬ ܡܘܼܐܒ ܟܠܝܼܠܐ ܐܘܟܝܼܬ ܡܠܟܘܼܬܐ ܠܢܒܘܼܟܕܢܨܪ ܠܝܼܛ ܗܼܘ ܟ݀ܠ ܕܢܥܒܼܕ܀ ܡܼܢ ܕܡܐ ܗ̄ ܠܘܛܬܐ ܓܝܪ ܥܠ ܡܣܡ ܒܪܝܼܫܐ ܡܿܘܕܥܐ ܘܐܡܿܪ ܬܘܼܒ ܕܚܪܒܐ ܕܡܘܼ̈ܐܒܝܐ. ܥܒܿܕܐ ܕܡܪܝܐ ܐܝܼܬܘܗܝ ܘܠܡܣܿܡ ܒܪܝܼܫܐ ܫܿܘܝܢ ܐܢܬܘܿܢ ܐܘܿ ܒܒܠ̈ܝܐ. ܐܢܗܼܘ ܕܬܬܼܚܙܘܢܿ ܡܐܝܼ̈ܢܐ ܘܪ̈ܦܝܐ ܒܥܒܿܕܐ ܗܿܢܐ ܕܩܼܛܠܐ ܘܕܡܘܼܐܒ̈ܝܐ ܕܐܬܓܥܠ pb. 324 ܠܟܘܢܿ ܡܼܢ ܐܠܗܐ. ܫܠܝܢ ܡܘܼܐܒ̈ܝܐ ܗ̄ ܐܦ ܓܝܪ ܫܿܘܝܢ ܐܢܬܘܿܢ ܠܩܼܛܠܐ ܟܕ ܒܗܿܢܐ ܫܠܝܼܐ ܘܢܘܚܐ ܐܝܼܬܝܟܘܢܿ ܘܕ݀ܡܝܢ ܐܢܬܘܿܢ ܠܚܡܪܐ ܕܩܿܐܡ ܥܠ ܬܛܪܗ ܒܕܠܐ ܐܣܼܬܦܩ ܡܼܢ ܡܐܢܐ ܠܡܐܢܐ܆ ܘܛܥܡܼ̈ ܘܚܝܠܐ ܡܬܼܢܛܪ ܒܗ. ܐܠܐ ܠܐ ܦܪܫܼܬܘܿܢ ܘܝܼܕܥܬܘܢܿ ܠܗܿܘ ܕܝܗܼܒ ܠܟܘܿܢ ܫܠܼܝܐ ܗܿܢܐ܀ ܩܝܿܡ ܒܗܘܿܢ ܛܥܡܼܗܘܿܢ ܗ̄ ܡܛ݀ܠ ܕܠܐ ܐܙܠܼܘ ܒܫܒܼܝܬܐ ܡܼܢ ܐܬܪܐ ܠܐܬܪܐ ܐܚܪܢܐ. ܢܛܝܼܪ̈ܢ ܠܘܿܬܗܘܿܢ ܟ݀ܠܗܝܢ ܨܒܼܘ̈ܬܗܘܿܢ ܘܛܟܣܼ̈ܐ ܘܥܝܼܗܕܐ ܕܙܒܼܢ ܟܗܝܼܢܘܼܬܗܘܿܢ܆ ܡܐܢܝ̈ܗܘܿܢ ܢܣܕܩܘܢܼ ܗ̄ ܚܡܪܐ ܟܡܼܐ ܕܓܪ̈ܒܘܗܝ ܩܝܿܡܝܼܢ ܐ݀ܦܢ ܡܬܼܒܨܪ ܚܝܠܐ ܘܡܼܣܬܦܩ ܡܼܢ ܡܐܢܐ ܠܡܐܢܐ. ܒܪܡ ܢܛܝܼܪ ܚܡܪܐ. ܡܐ ܕܝܢ ܕܡ̈ܐܢܘܗܝ ܕܚܡܪܐ ܠܐ ܡܬܼܢܛܪ. ܗ݀ܝ ܕܓܿܕܫܐ ܠܡܘܼ̈ܐܒܝܐ. ܡܐ ܕܗܼܢܘܢܿ ܥܡ ܛܒ̈ܬܗܘܿܢ ܡܬܼܥܩܪܝܼܢ ܡܼܢ ܐܪܥܗܘܿܢ. ܐܬܬܼܒܪ ܚܘܼܛܪܐ ܗ̄ ܓܘܙܥܐ ܩ݀ܪܐ ܠܦܫܚܬܐ ܐܘܟܝܼܬ ܠܫܒܘܼܩܐ ܥܒܝܐ ܘܝܬܝܼܪ ܫܪܝܼܪܐ ܒܗܿܠܝܢ ܡܿܘܕܥ ܥܠ ܡܠܟܘܼܬܐ ܕܡܘܼܐܒ̈ܝܐ܆ ܕܪܒܐ ܗܼܘܬ݀ ܘܬܩܝܼܦܐ ܗܼܘܬ݀ ܡܼܢ ܡܠܟܘܼܬܐ ܕܥܡ̈ܡܼܐ ܕܚܕܪ̈ܝܗܿ. ܚܘܼܬܝ ܡܼܢ ܐܝܼܩܪܐ ܗ̄ ܐܡܿܪ ܕܠܝܬ ܠܗܘܿܢ ܟܘܼܪܣܝܐ ܕܡܠܟܘܼܬܐ ܘܗܿܘܝܢ ܐܢܬܘܿܢܡܫܼܥ̈ܒܕܐ ܘܐܝܟ ܥܒ̈ܕܐ ܥܠ ܐܪܥܐ ܒܨܥܪܐ ܬܬܼܒܘܢܿ܀ ܒܪܬ ܪܝܒܘܢܿ ܗ̄ ܪܝܒܘܢܿ ܡܕܝܼܢܬܐ ܡܫܡܼܗܬܐ ܕܡܘܼܐܒ̈ܝܐ ܘܒܝܕ ܗܿܕܐ ܥܠ ܟ݀ܠܗܝܢ ܡܕܝܼ̈ܢܬܗܘܿܢ ܪܡܿܙ. ܡܛ݀ܠ ܕܒܙܘ̈ܙܐ ܗ̄ ܠܘ ܕܡܘܼܐܒ̈ܝܐ ܒܿܙܝܢ ܐܡܿܪ. ܐܠܐ ܒܙܘܿܙܐ ܐܡܼܪ ܕܣܠܼܩ ܥܠ ܡܘ.ܼܐܒ̈ܝܐ ܡܛ݀ܠ ܕܗ݀ܘ ܕܐܬܿܠ ܥܠܝܟܘܢ ܠܡܒܼܙ ܐܨܠܚ ܘܣܥܼܪ ܒܟܘܢܿ ܟܿܠ ܕܨ݀ܒܐ. ܘܥܠ ܗܷ ܒܨܥܪܐ ܬܬܼܒܘܢ ܘܬܬܡܼܟܟܘܿܢ܀ ܒܐܪܢܘܢ ܗ̄ ܐܪܢܘܿܢ ܡܕܝܼܢܬܐ ܗܿܝ ܕܡܘܼ̈ܐܒܝܐܐܘܿ ܬܚܘܼܡܐ ܕܝܼܠܗܘܿܢ ܘܝܼܠܠܬܐ ܩܿܪܐ ܠܩܥܿܬܐ ܕܗܿܘܝܐ ܡܼܢ ܚܫܐ܆ ܕܩܥܿܬܐ ܕܝܢ ܡܼܢ ܒܘܓܢܐ ܘܟܐܒܐ ܡܪܝܼܪܐ ܘܐܡܿܪ ܕܐܦ ܬܡܿܢ ܒܐܪܢܘܢܿ ܗܿܠܝܢ ܣܿܥܪܝܼܢ ܡܘܼܐܒ̈ܝܐ ܩܕܡ ܒܥܠܕܒܒ̈ܐ ܕܝܼܠܗܘܿܢ. ܡܛ݀ܠ ܕܐܬܬܼܒܪ ܡܘܼܐܒ ܗ̄ ܡܼܢ ܥܠܬ݀ ܚܛܗ̈ܝܗܘܿܢ ܥܠ ܡܫܿܘܪ ܗ̄ ܗܿܟܢܐ ܡܬܼܩܪܐ ܗܘܬ݀ ܐܪܥܗܘܿܢ ܐܘܿ ܡܼܢ ܡܢܿܬܐ ܥܠ ܟܿܠܗܿ ܐܪܥܗܘܿܢ ܐܡܿܪ ܐܬܓܕܡܬ݀ ܗ̄ ܡܬܓܕܡܐ. ܘܐܦ ܗܿܝ ܕܕܪ̈ܥܝܗܿ ܐܬܬܼܒܪ ܕܡܬܼܬܒܪܐ ܐܝܼܬܝܗܿ. ܩܪܢܐ ܘܕܪܥܐ ܥܠ ܚܝܠܗ ܢܿܣܒ ܠܗܝܢ. ܕܐܘܼܘܗܝ ܗ̄ ܠܒܥ̈ܠܕܒܒܘܗܝ ܕܡܘܼܐܒ ܦ݀ܩܕ ܡܛ݀ܠ ܕܐܬܼܬܪܝܼܡ ܡܘܼܐܒ ܥܠ ܥܡܗ ܕܡܪܝܐ ܐܪܡܼܐܘܼܘܗܝ. ܒܕܘܝܘܼܬܐ ܡܪܝܼܪܬܐ. ܘܢܬܼܛܪܦ ܡܘܼܐܒ ܟܬܝܼܒܬܗ ܗ̄ ܘܗܿܢܐ ܢܗܼܘܐ ܡܣܡ ܒܪܝܼܫܗ ܐܝܿܟܢܐ ܕܡܐ ܕܩܒܼܠܗ ܢܬܼܕܡܐ ܠܪܘܝܐ. ܐܘܿ ܠܐܝܿܢܐ ܕܝܿܩܕ ܡܼܢ ܡܪܬܐ ܕܒܓܘܗ ܗܿܢܘܿܢ ܕܟܕ ܡܫܼܬܠܗܒܝܼܢ ܡܼܢ ܛܘܼܪܦܐ ܕܐܚܝܼܕ ܠܗܘܿܢ ܗܿܦܟܝܼܢ ܕܠܐ ܫܠܼܘܐ ܘܡܬܝܼܒܝܼܢ ܡܐܟܘܼܠܬܗܘܿܢ ܘܐܦ ܡܕܡ ܕܐܝܼܬ ܒܓܘܗܘܿܢ. ܗܿܟܢܐ ܘܐܦ ܡܫܼܐܩ ܡܐ ܕܪܘܝܼ ܒܟܗܝܼܢܘܼܬܗ ܘܒܥܘܼܬܪܗ ܕܡܼܢ ܠܓܘ ܢܒܼܠܥ ܒܟܐܒ̈ܐ ܡܪܝܼܪ̈ܐ ܥܕܡܐ ܕܗܿܦܟ ܡܬܝܼܒ ܡܐܣܼܠܬܗ ܘܗܿܘܐ ܓܘܼܚܟܐ ܠܐܚܪ̈ܢܐ ܐܝܟ ܕܓܚܝܼܟ ܗܼܘ ܥܠ ܐܚܪ̈ܢܐ. ܥܡܗ ܩܪܒܐ ܗ̄ pb. 325 ܕܠܡܼܐ ܡܕܼܡ ܓܢܒ ܡܢܼܟ ܝܼܣܪܐܝܠ. ܘܡܛ݀ܠܗܿܕܐ ܐܬܼܝܬ ܥܠܘܗܝ ܠܡܬܼܒܥ ܘܠܡܣܼܒܥ ܕܝܼܠܟ ܡܢܼܗ. ܕܢܗܼܘܐ ܠܟ ܓܘܼܚܟܐ ܐܝܟ ܡܚܝܼܠܐ ܡܐ ܕܚܿܪܒ ܐܢܬ ܠܗ. ܐܘܿ ܕܠܡܼܐ ܬܘܼܒ ܒܕܡܘܼܬ ܓܢ̈ܒܐ ܐܝܿܠܝܢ ܕܒܛܘܼܫܝܐ ܘܒܠܝ̈ܠܘܬܐ ܟܿܣܝܼܢ ܠܡܓܢܼܒ ܘܠܡܼܚܛܦ. ܘܥܠ ܙܥܘܿܪܐ ܒܠܚܘܕ ܢ݀ܦܠܝܼܢ. ܗܿܟܢܐܐܦ ܗܼܘ ܐܝܼܬܘܗܝ ܗܼܘܐ. ܘܠܐ ܣܿܦܩ ܗܼܘܐ ܕܒܓܠܝܐ ܢܥܼܒܕ ܥܡܟ ܩܼܪܒܐ: ܫܒܘܿܩܘ ܩܘܼܪ̈ܝܐ܆ ܒܓܕܢ̈ܦܐ ܐܡܿܪ ܥܡܼܪ ܒܫܦܝܼ̈ܦܐ ܘܒܕܘܼ̈ܟܝܬܐ ܕܪ̈ܡܢ. ܐܝܟ ܕܬܣܼܬܬܪܘܢܿ ܡܼܢ ܩܕܡ ܒܥ̈ܠܕܒܒܝܟܘܢܿ ܒܕܡܘܼܬ ܦܬܪܚܬܐ ܕܡܿܩܢܐ ܒܓܕܢ̈ܦܐ ܡܼܢ ܡܚܝܼܠܘܼܬܐ ܘܕܚܼܠܬܐ ܟܝܿܢܝܬܐ ܕܢܩܝܼܦܐ ܠܗ. ܫܡ̈ܥܢ ܪܘܪ̈ܒܢܐ ܗ̄ ܓܐܝܘܼܬܐ. ܨܝܕ ܒܢܝ̈ܢܫܐ ܐܝܼܬܝܗ. ܘܪܡܘܼܬܐ ܘܡܫܼܩܠܘܼܬܐ ܘܚܬܝܼܪܘܼܬܐ ܕܒܙܒܼܢܐ ܕܡܨܠܚܢܘܼ̈. ܘܡܬܼܐܡܪܐ ܗܿܟܢܐ ܐܦ ܗܿܪܟܐ. ܕܗܿܐ ܠܡ ܡܼܢ ܙܒܢܼܐ ܣܿܓܝܐܐ ܫܡܝܼܥ ܠܢ ܥܠ ܡܘܼܐܒ̈ܝܐ ܕܢܦܝܼܚܝܼܢ ܒܡܨܠܚܢܘܼܬܗܘܿܢ ܘܝܬܝܼܪܐܝܼܬ ܪܘܪ̈ܒܢܝܗܘܢܿ ܪܡܝܼܢ ܘܡܿܫܩܠܝܼܢ ܣܿܓܝܼ ܐܝܟ ܗ݀ܘܕ ܠܐ ܡܙܼܕܟܝܢ. ܐܠܐ ܒܪܡ ܥܬܝܼܕܝܢ ܕܢܬܼܡܟܟܘܢܿ ܩܿܨܘܿ̈ܡܘܗܝ ܗ̄ ܩܿܪܐ ܩܨܘܼ̈ܡܐ ܠܟܘܼܡܪ̈ܐ ܕܐ̈ܠܗܝܗܘܿܢ ܗܿܢܘܿܢ ܕܛܒ̈ܬܐ ܡܬܼܢܒܝܢ ܗܼܘܘ ܥܠܝܗܘܿܢ ܘܠܘ ܒܝܼ̈ܫܬܐ.. ܐܝܠܼܠܘ ܗܼܢܘܢܿ ܡܘܼܐܒ̈ܝܐ ܥܠܝܟܘܿܢ ܗ̄ ܡܼܢ ܟ݀ܠ ܐܬܪܐ ܩܥܼܘ ܐܢܬܘܢܿ ܡܘܼܐܒ̈ܝܐ ܥܠܝܟܘܢܿ ܡܼܢ ܟ݀ܠ ܟܪ ܕܐܝܼܬܝܟܘܢܿ܆ ܕܥܡܿܪܝܼܢ ܒܒܝܬܗ ܕܡܘܼܐܒ ܢܗܼܘܘܢܿ ܪܢܝܢ ܘܡܼܬܡܠܟܝܼܢ ܥܠܝܗܘܿܢ ܒܝܼ̈ܫܬܐ ܒܥ̈ܠܕܒܒܐ܆ ܡܼܢ ܒܟܿܬܐ ܕܥܙܝܼܪ ܘܣܒܡܐ ܡܕܝܼ̈ܢܬܐ ܕܡܘܼܐܒ̈ܝܐ ܐܢܝܢ. ܘܟܕ ܫܩܝܼ̈ܠܢ ܗܼܘ̈ܝ ܡܢܼܗܘܿܢ ܠܐܡܘܼܪ̈ܝܐ. ܗܿܫܐ ܗܦܝܼ̈ܟܢ ܗܼܘ̈ܝ. ܘܒܩܘܼܪ̈ܝܐ ܕܐܡܘܼܪ̈ܝܐ ܟܬܝܼܒܝܼܢ ܗܿܠܝܢ ܫܡ̈ܗܐ ܕܐܚܼܕܘ ܐܢܝܢ ܘܒܢܼܘ ܒܢ̈ܝ ܪܘܼܒܝܠ. ܘܐܡܿܪ ܕܐܝܟ ܒܟܼܝܐ ܐܘܟܝܼܬ ܫܒܼܝܐ ܕܓܕܫ ܠܝܥܙܼܝܪ ܘܐܦ ܠܗܿܕܐ ܢܓܼܕܫ ܒܟܼܝܐ ܥܠ ܐܘܼܠܨܢܗܿ ܕܡܼܢ ܫܒ̈ܝܐ ܡܿܘܕܥ. ܩܪܗܿ ܓܦܼܬܐ ܡܛ݀ܠ ܟܗܝܼܢܘܼܬܗܿ. ܘܥܕܡܐ ܠܐܠܣ ܗ̄ ܟܗܝܼܢܐ ܗܘܬ݀ ܘܫܦܝܼܪܐ. ܐܠܣ ܡܕܝܼܢܬܐ. ܗܿܟܢܐ ܠܡ ܡܬܼܝܒ̈ܠܢ ܥܩ̈ܬܐ ܥܕܡܐ ܠܗܿܕܐ ܕܐܝܼܬܝܗܿ ܪܓܝܓܬܐ ܘܡܨܒܼܬܐ ܒܕܡܘܼܬ ܥܓܠܬܐ ܬܘܼܠܬܐ ܐܘܟܝܼܬ ܬܘܼܪܬܐ. ܒܪܬ ܬܠܬ ܫܢ̈ܝܐ. ܠܟܝ ܐܡܿܪ ܗܼܘܐ ܥܠ ܡܘܼܐܒ ܗ̄ ܗܿܕܐ ܥܠ ܚܕܘܼܬܐ ܢܿܣܒ ܠܗܿ ܐܟܡܿܢ ܕܗܘܼ ܥܡܐ ܘܢܒܝܐ ܐܡܿܪ ܗܼܘܐ ܕܐܢܿܐ ܠܡ ܡܛ݀ܠ ܕܗܿܠܝܢ ܝܠܦܿܬ ܕܗܿܠܝܢ ܗܘ̈ܝܢ ܠܡܘܼܐܒ̈ܝܐ. ܚܿܕܐ ܐܢܼܐ ܒܢܦܼܫܝ. ܘܐܝܟ ܕܒܩܿܠܐ ܘܒܟܢܼܪܐ ܠܗܿܠܝܢ ܙܡܿܪ ܐܢܼܐ. ܕܚܠܼܬܐ ܘܓܘܼܡܨܐ ܗ̄ ܠܗܝܢ ܟܕ ܠܗܝܢ ܩܿܪܐ ܕܚܠܼܬܐ ܘܦܚܐ. ܝܼܕܝܼܥܐ ܗܿܝ ܕܠܘܼܩܕܡ ܒܕܚܼܠܬܐ ܡܬܬܼܚܕܝܼܢ ܗܼܘܘ ܡܼܢ ܚܙܼܬܐ ܕܒܥ̈ܠܕܒܒܐ. ܥܪܩܼܘ ܠܕܘܼܟ̈ܝܬܐ ܚܣܝܼ̈ܢܬܐ ܕܒܟܦܼܢܐ ܘܨܗܝܐ ܐܝܟ ܓܘܼܡܨܐ ܠܗܘܿܢ ܐܚ̈ܕܢ ܗܼܘ̈ܝ ܘܟܡܼܐ ܙܒܢ̈ܝܼܢ ܡܼܢܗܝܢ ܕܕܘܼ̈ܟܝܬܐ ܕܚܒܘܼܫܝܐ ܐܦܩܼܘ ܐܢܘܿܢ ܘܢܦܼܠܘ ܒܦܚܼ̈ܐ ܕܫܒܼܝܐ. ܡܛ݀ܠ ܕܢܘܼܪܐ ܢܦܩܼܬ݀ ܗ̄ ܢܘܼܪܐ ܓܝ ܠܩܪ̈ܒܐ ܘܩܛܠܼܐ pb. 326 ܕܩܿܐܡ ܥܠܝܗܘܿܢ ܐܡܼܪ. ܡܼܢ ܚܫܼܒܘܿܢ ܘܟܪܟܐ ܕܣܚܼܝܘܢܿ ܐܡܿܪ܆ ܡܛ݀ܠ ܕܡܼܢ ܬܡܿܢ ܐܬܿܝܢ ܥܠܝܗܘܿܢ. ܘܬܐܼܟܘܿܠ ܦܐܬܗ ܕܡܘܼܐܒ ܗ̄ ܡܼܢ ܦܐܬܐ ܐܘܟܝܼܬ ܦܪܨܘܼܦܐ ܕܐܝܼܬܘܗܝ ܐܝܼܩܪܐ ܘܗܪܕܐ ܕܒܪ ܐܢܫܐ ܐܘܕܥܼ ܥܠ ܚܒܿܠܐ ܕܡܩܒܠܐ ܦܐܝܘܼܬܗܘܿܢ ܘܨܒܬܼܗܘܿܢ ܕܡܘܼ̈ܐܒܝܐ ܨ܆ ܕܡ̄ܛ ܗܿܟܢܐ ܐܡܿܪ ܗ̄ ܡܬܼܢܒܐ ܥܠ ܒܢ̈ܝ ܥܡܘܢܿ ܕܒܗ ܒܙܒܼܢܐ ܐܫܼܬܒܝܼܘ ܡܼܢ ܒܒܠ̈ܝܐ ܥܠ ܕܡܪܡܼܪܘ ܠܐܠܗܐ ܘܐܒܐܼܫܘ ܠܥܡܗ܀ ܒܢ̈ܝܐ ܠܝܬ ܗ̄ ܡܠܟܘܼܡ ܦܬܟܪܐ ܗܼܘܐ ܕܥܡܘܼ̈ܢܝܐ ܘܐܦ ܗܼܢܘܿܢ ܕܡܠܟܘܼܡ ܡܬܼܩܪܝܢ ܗܼܘܘ ܡܛ݀ܠ ܕܦ݀ܠܚܝܼܢ ܠܗ. ܡܼܢ ܓܕ ܐܬܕܒܪ ܥܠ ܬܪܝܢ ܫܒܼ̈ܛ ܘܦܠܓܗ ܕܡܼܢ ܡܕܢܚܐ ܕܝܘܿܪܕܢܢ ܝ݀ܬܒܝܼܢ ܗܼܘܘ ܐܟܡܿܢ ܕܟܕ ܐܟܪܟܼܘ ܥܡܼܗܘܿܢ ܒܙܼܒܢ ܚܛܦܼܘ ܡܢܼܗܘܿܢ ܩܘܼܪ̈ܝܐ ܘܡܕܝܼ̈ܢܬܐ. ܘܟܕ ܐܫܼܬܒܝܼܘ ܬܘܼܒ ܡܼܢ ܐܬܘܼܪ̈ܝܐ ܐܚܼܕܘ ܥܡܘܼ̈ܢܝܐ ܠܟܿܠܗܿ ܐܪܥܗܘܿܢ ܘܣܿܒܪܝܼܢ ܕܬܘܼܒ ܠܐ ܦ݀ܢܝܢ ܘܥܠܗ݀ܝ ܡܬܼܠܚܡ ܥܠܝܗܘܿܢ ܐܠܗܐ ܥܠ ܕܦܣܼܩܘ ܣܒܼܪܐ ܕܬܘܼܒ ܠܐ ܗܿܦܟ ܥܡܐ ܘܐܦ ܗܿܢܘܿܢ ܕܐܫܼܬܒܝܼܘ ܠܐ ܦ݀ܢܝܢ. ܕܠܡܐ ܠܝܬ ܒܢ̈ܝܐ ܕܠܝܪܬܘܼܬܐ ܕܙܪܥܗܘܿܢ ܝܿܪܬܝܼܢ ܐܪܩܼܕܘ ܘܐܬܟܼܬܫܘ ܗ̄ ܥܡ ܚܕ̈ܕܐ. ܗܿܝ ܕܐܬܟܬܼܫܘ ܥܠ ܒܬܝܼܫܘܼܬܗܘܿܢ ܕܒܥܩܿܬܐ ܡܿܘܕܥܐ. ܘܗܿܕܐ ܐܡܿܪ ܕܗܿܐ ܠܡ ܥܕܢܐ ܕܟܿܠܟܘܢܿ ܫܘܝܐܝܼܬ ܡܬܼܐܒܠܝܼܢ ܐܢܬܘܢܿ ܘܡܬܼܟܬܫܝܼܢ. ܡܿܢܐ ܠܡ ܡܫܼܬܒܚܬܝ ܒܥܘܼܡ̈ܩܝܟܝ ܗ̄ ܒܗܿܕܐ ܥܠ ܛܒ̈ܬܗܿ ܕܡܠܟܘܼܬܐ ܡܚܿܘܐ ܘܥܠ ܥ̈ܠܠܬܐ ܫܡ̈ܝܼܢܬܐ ܕܡܼܢ ܐܪܥܐ ܥܿܦܝܼܢ ܗܼܘܘ܆ ܥܘܼܡ̈ܩܐ ܓܝܪ ܦܩܼܥ̈ܬܐ ܡܬܼܐܡܪ̈ܢ ܡܼܢ ܦܚܡܼܐ ܕܛܘܼܪ̈ܐ ܘܪ̈ܡܬܐ܆ ܐܘܼܠ̈ܘܢܐ ܗ̄ ܝܪܬܘܼܬܐ ܕܐܢܫ ܐܢܫ. ܕܘܼܟ̈ܝܬܐ ܕܛ݀ܒ ܟܗܝܼ̈ܢܢ܀ ܒܪܬܐ ܗ̄ ܠܗܿ ܠܡܠܟܘܼܬܐ ܕܥܡܘܼ̈ܢܝܐ ܩܿܪܐ ܒܪܬܐ ܐܝܟ ܒܪܬܐ ܐܝܿܕܐ ܕܐܝܼܬܝܗܿ ܠܐܒܗ̈ܝܗܿ ܚܒܝܼܒܬܐ ܘܪܚܝܼܡܬܐ܀ ܗܿܟܢܐ ܐܡܿܪ ܡܪܝܐ ܗ̄ ܡܬܼܢܒܐܥܠ ܐܕܘܼ̈ܡܝܐ ܕܝܬܝܼܪ ܡܼܢ ܐܚܪ̈ܢܐ ܣܿܢܝܢ ܗܼܘܘ ܠܥܡܐ. ܘܥܠܗ݀ܝ ܐܬܚܼܪܒܘ ܡܼܢ ܒܒ̈ܠܝܐ܀ ܡܦܫܼ̈ܩܢܐ ܐܡܿܪܝܼܢ ܕܐܕܘܼ̈ܡܝܐ ܡܼܢ ܥܡܐ ܐܬܚܼܪܒܘ ܒܿܬܪ ܦܘܼܢܝܐ. ܐܘܿ ܛܟ ܬܪܬܝܢ ܙܒܢ̈ܝܼܢ ܐܬܚܼܪܒܘ܆ ܩܕܡܝܬ݀ ܡܼܢ ܒܒܠ̈ܝܐ ܘܐܚܪܬܐ ܡܼܢ ܥܡܐ ܒܿܬܪ ܦܘܼܢܝܐ. ܠܝܬ ܚܟܼܡܬܐ ܒܬܝܡܢ ܗ̄ ܬܝܡܢ ܡܕܝܼܢܬܐ ܗܘܬ݀ ܥܫܝܼܢܬܐ ܕܐܕܘܼ̈ܡܝܐ. ܐܠܗܐ ܗܿܘ ܕܟ݀ܠ ܝܿܕܥ ܐܡܼܪ ܕܚܟܡܼܬܐ ܠܝܬ ܒܥܡܘܿܪ̈ܝܗܿ ܕܬܝܡܢ. ܐܒܼܕ ܡܠܟܐ ܗ̄ ܐܫܼܬܩܠܬ݀ ܚܟܼܡܬܗܘܿܢ ܘܐܒܕܬ݀ ܒܗ݀ܝ ܕܐܬܚܼܙܝܬ݀ ܠܐ ܐܝܼܬܝܗܿ ܗܘܼܬ ܠܗܘܿܢ ܐܝܟ ܕܡܣܒܪܝܼܢ ܗܼܘܘ ܥܠ ܢܦܫܼܗܘܿܢ. ܥܡܘܿܪ̈ܐ ܕܕܪܢ ܗ̄ ܕܪܢ ܐܝܼܬܝܗ ܡܕܝܼܢܬܐ ܛܪܩܬܐ ܕܐܕܘܼ̈ܡܝܐ ܠܘ ܕܒܫܒܼܝܐ ܡܥܩܡܝܼܢ ܗܼܘܘ ܥܡܘܪ̈ܝܗܿ ܠܡܬܼܒ ܐܠܐ ܡܼܢ ܩܕܡ ܫܒܼܝܐ ܠܦܘܼܬ ܚܘܼܫܒܗܘܿܢ ܡܛ݀ܠ ܚܣܝܼܢܘܼܬܐ ܕܡܕܝܼܢܬܗܘܢܿ ܐܢ ܩܛܘܿܦ̈ܐ ܗ̄ ܐܡܿܪ ܕܠܐ ܠܩܿܛܘ̈ܦܐ ܕܡܿܝܢ ܗܼܘܘ ܫܒܝܘ̈ܗܝ ܘܐܦܿܠܐ ܠܓܢ̈ܒܐ ܒܗ݀ܝ ܕܩܛܘܼ̈ܦܐ ܫܿܒܩܝܼܢ ܒܘܼܥܪܐ ܘܓܢ̈ܒܐ ܕܒܠܠܝܐ ܓܿܢܒܝܼܢ ܠܘ pb. 327 ܟ݀ܠ ܡܕܡ ܠܡܓܢܼܒ. ܗܿܗܘܿܢ ܕܝܢ ܕܠܗܘܿܢ ܫܿܒܝܢ ܗܼܘܘ ܗܿܟܢܐ ܝܨܝܼܦܝܼܢ ܗܼܘܘ ܕܐܢܫ ܡܢܼܗܘܿܢ ܠܐ ܢܫܬܼܚܪ. ܕܢܬܩܼܛܠ ܐܘܿ ܕܢܫܼܬܒܐ܀ ܘܐܬܛܫܝܼܘ ܘܠܐ ܐܫܼܬܒܝܼܘ ܡܛ݀ܠ ܗ݀ܝ ܕܐܬܒܼܕܪܘ ܡܼܢ ܬܡܿܢ ܠܬܡܿܢ. ܫܒܘܿܩ ܝܬܡ̈ܝܟ ܗ̄ ܒܗܿܕܐ ܡܚܿܘܐ ܒܘܼܝܐܐ ܕܠܐ ܢܬܬܼܥܝܼܩ ܣܿܓܝܼ ܥܠ ܐܝܿܠܝܢ ܕܦܝܿܫܝܼܢ ܡܼܢ ܚܪܒܐ ܒܝܬ ܡܿܘܬܐ ܘܐܪܡܠܘܼܬܐ ܘܒܐܬܪ̈ܘܬܐ ܡܬܼܒܕܪܝܼܢ. ܐܢ ܝܿܕܥܝܼܢ ܕܡܼܢ ܐܠܗܐ ܐܬܼܐ ܥܠܝܗܘܿܢ ܫܒܼܝܐ ܘܡܿܘܕܝܢ ܒܚܛܗ̈ܝܗܘܿܢ ܗܼܘ ܝܿܨܦ ܕܝܼܠܗܘܿܢ. ܛܒܼܐ ܫܡܼܥܢ ܗ̄ ܢܒܝܐ ܐܡܼܪ ܗܿܕܐ ܕܓܠܝܢܐ ܗܼܘܐ ܠܘܿܬܗ ܘܫܡܼܥ ܛܒܼܐ ܒܝܼܫܐ ܥܠ ܐܕܘܼ̈ܡܝܐ. ܐܝܙܓܕܐ ܗ̄ ܡܠܐܟܐ ܐܘܿ ܦܘܼܩܕܢܐ ܕܐܠܗܐ ܕܡܿܝܬܐ ܠܒܥܠ̈ܕܒܒܐ ܠܩܪ̈ܒܐ ܕܥܡ ܐܕܘܼ̈ܡܝܐ. ܩܘܼܡ ܢ݀ܣܩ ܗ̄ ܡܬܼܐܡܪ̈ܢ ܐܝܟ ܕܡܼܢ ܗܿܢܘܿܢ ܕܐܬܟܼܢܫܘ ܒܦܘܼܩܕܢܐ ܘܡܫܼܬܒܩܢܘܼܬܐ. ܗܿܐ ܐܝܟ ܐܪܝܐ ܢ݀ܣܩ ܗ̄ ܐܝܟ ܐܪܝܐ ܚܝܠܬܢܐ ܣܠܼܩ ܒܒ̈ܠܝܐ ܥܠ ܐܕ̈ܘܼܡܝܐ ܕܐܚܼܪܒܘ ܠܡܠܟܘܼܬܐ ܕܝܘܼ̈ܕܝܐ. ܕܐܚܝܼܕܐ ܫܘܼܠܛܢܐ ܥܠ ܝܘܿܪܕܢܢ ܟܕ ܡܼܢ ܡܢܿܬܐ ܕܝܘܿܪܕܢܢ ܕܥܿܒܪ ܒܗܿ ܒܐܪܥܐ ܐܡܿܪ ܥܠ ܟܿܠܗܿ. ܕܝܪܐ ܕܐܬܢ ܠܡܠܟܘܼܬܐ ܕܐܕܘܼ̈ܡܝܐ ܩܿܪܐ ܐܘܿ ܠܡܢܿܬܐ ܡܢܼܗܿ ܕܝܬܝܼܪ ܟܿܗܝܼܢܐ ܗܼܘܬ ܘܡܬܩܪܝܐ ܗܼܘ ܐܬܢ ܐܘܟܝܼܬ ܡܥܡܪܐ ܕܐܬܢ ܚܟܝܼܡܐ ܡܕܢܝܚܐ. ܡܿܢܘܼ ܓܝܪ ܐܟܘܿܬܝ ܗ̄ ܡܿܢܘܼ ܕܕܡܿܐ ܠܝ ܒܚܝܠܐ ܘܒܐܠܗܘܼܬܐ ܕܡܫܼܟܚ ܕܢܣܼܥܘܿܪ ܐܝܿܠܝܢ ܕܣܿܥܪ ܐܢܼܐ. ܡܿܢܘܼ ܢܣܼܗܕܢܝ ܗ̄ ܣܿܗܕܘܼܬܐ. ܬܪܬܝܢ ܡܚܿܘܝܐ. ܡܚܿܝܒܐ ܘܡܙܿܟܝܐ ܘܬܓܿܠܝܐ ܘܡܿܠܦܐ ܠܐܚܪ̈ܢܐ ܗ݀ܘ ܡܕܡ ܕܡܣܗܕܐ ܥܠܘܗܝ ܘܐܡܿܪ ܬܢܢ ܕܡܿܢܘܼ ܡܿܨܐܼ ܡܩܛܪܓ ܠܝܼ ܐܝܟ ܕܡܼܢ ܥܒܿܕ̈ܝ ܕܠܘ ܒܬܪܝܼܨܘܼܬܐ ܣܿܥܪܬ ܗܿܠܝܢ. ܐܘܿ ܡܼܢ ܡܿܢܘܼ ܣܢܝܼܩ ܐܢܼܐ ܕܐܠܿܦ ܕܐܝܿܟܢܐ ܘ݀ܠܐ ܠܝܼ ܕܐܣܿܥܘܿܪ ܐܝܿܠܝܢ ܕܨ݀ܒܐ ܐܢܼܐ. ܫܡܼܥܘ ܬܪܥܝܼܬܗ ܗ̄ ܝܬܒ̈ܝ ܬܝܡܢ ܗ̄ ܘܡܘܢܿ ܐܝܼܬܘܗܝ ܕܐܬܚܫܼܒܢ ܐܡܿܪ ܕܢܓܼܪܘܢܼ ܐܢܘܿܢ ܒܨܝܼܪ̈ܐ ܗ̄ ܡܐ ܕܐܬܚܼܪܒܘ ܐܕܘܼ̈ܡ̄ ܡܼܢ ܒܒܠ̈ܝܐ ܒܩܪܒܐ ܗܿܝܕܝܢ ܐܝܿܠܝܢ ܕܡܬܼܦܠܛܝܼܢ ܡܼܢ ܚܪܒܐ ܡܫܠܡ ܠܗܘܿܢ ܒܝܕ ܒܨܝܼܪ̈ܐ ܘܡܚܝܼ̈ܠܐ ܕܒܒܠ̈ܝܐ ܘܓܿܐܪܝܼܢ ܘܡܿܦܩܝܼܢ ܠܗܘܿܢ ܒܫܒܼܝܐ ܘܡܪܦܝܢ ܠܗܿ ܠܟܿܠܗܿ ܐܪܥܗܘܿܢ ܒܚܘܼܪܒܐ ܘܒܨܕܝܘܼܬܐ ܒܗܼܬܬ݀ ܚܡܬ ܗ̄ ܡܬܢܼܒܐ ܥܠ ܕܪܡܣܘܿܩ ܕܐܝܼܬܝܗܿ ܗܼܘܬ݀ ܐܦ ܗܝܼ ܡܕܝܢܬ݀ ܡܠܟܘܼܬܐ ܕܐܕܘܼ̈ܡܝܐ. ܡܛ݀ܠ ܕܫܡܘܿܥܬܐ ܗ̄ ܚܡܬ ܘܪܦܕ ܡܕܝܼ̈ܢܬܐ ܐܢܝܢ ܕܐܕܘܼ̈ܡܝܐ ܘܥܠܗܿܕܐ ܢܦܼܠ ܒܗܘܿܢ ܙܘܥܐ ܘܠܐ ܐܫܼܟܚܘ ܠܗܘܿܢ ܝܢܿܚܐ. ܕܐܝܿܟܢܐ ܐܫܼܬܒܩܬ ܗ̄ ܒܕܡ ܡܬܼܕܡܪ ܢܒܝܐ ܗܿܕܐ ܐܡܪ. ܕܐܝܿܟܢܐ ܐܫܼܬܒܩܬ݀ ܡܼܢ ܒܥܠ̈ܕܒܒܐ ܩܪܝܼܬܐ ܕܚܕܘܼܬܐ ܘܕܬܫܼܒܘܿܚܬܐ ܕܬܩܼܘܐ ܐܝܟ ܕܐܝܬܝܗܿ ܡܼܢ ܩܕܝܼܡ ܐܠܐ ܚܪܒܬ݀ ܠܗܿ. ܗ݀ܟܢܐ ܐܡܿܪ ܡܪܝܐ pb. 328 ܗ̄ ܡܬܼܢܒܐ ܥܠ ܒܢ̈ܝ ܩܕܪ ܐܘܟܝܼܬ ܐܝܼܫܡܥ̈ܝܼܠܝܐ ܕܡܬܼܚܪܒܝܼܢ ܡܼܢ ܒܒܠ̈ܝܐ ܡܛ݀ܠ ܕܐܪܓܙܼܘ ܠܐܠܗܐ ܒܕܘܼܒܪ̈ܝܗܘܿܢ ܢܕܝܼ̈ܕܐ ܘܒܣܓܕܬ݀ ܦܬܟܪ̈ܐ.. ܩܘܼܡܘ ܣܩܼܘ ܥܠ ܩܪܕܘܼ ܗ̄ ܩܪ̈ܕܘܝܐ ܗܼܢܘܢܿ ܐܢܘܿܢ ܒܢ̈ܝ ܐܝܼܫܡܥܝܼܠ ܐܘܟܝܼܬ ܛܝ̈ܝܐ ܘܠܗܘܿܢ ܩܿܪܐ ܒܢ̈ܝ ܡܕܢܚܐ. ܩܘܼܡܘ ܣܩܼܘ ܐܦ ܥܠ ܛܝ̈ܝܐ ܘܣܝܼܡܗ ܒܪ̈ܝܼܫܝܗܘܿܢ ܘܠܘ ܒܚܝܠܗܘܿܢ ܐܨܠܼܚܘ ܒܒܠ̈ܝܐ ܥܠ ܥܡ̈ܡܼܐ ܐܠܐ ܐܠܗܐ ܐܩܝܼܡ ܐܢܘܢܿ ܠܬܒܼܥܬܐ ܕܡܣܼܟܠ̈ܢܐ.. ܩܨܝܼܨ̈ܝ ܦܐܬܐ ܗ̄ ܠܛܝ̈ܝܐ ܩܿܪܐ ܗ݀ܟܢ ܡܛ݀ܠ ܕܓܪܥܝܼܢ ܗܼܘܘ ܘܡܚܿܒܠܝܼܢ ܗܼܘܘ ܦܐܬܐ ܕܕܩ̈ܢܝܗܘܿܢ. ܪ̈ܘܼܚܐ ܕܝܢ ܠܦܢܝ̈ܬܐ ܐܡܿܪ. ܐܢܿܐ ܠܡ ܡܪܝܐ ܒܝܕ ܒܒܠ̈ܝܐ ܠܛܝܝ̈ܐ ܐܚܿܪܘܿܒ ܘܐܝܿܠܝܢ ܕܦܿܪܫܝܼܢ ܡܢܼܗܘܿܢ ܐܒܿܕܪ ܐܢܘܿܢ ܒܟܿܠ ܦܢ̈ܝܢ. ܐܘܟܝܼܬ ܒܝܬ ܥܡܡܼܗܐ ܐܚܪ̈ܢܐ ܘܠܘ ܒܝܬ ܩܨܝܼܨ̈ܝ ܦܐܬܐ ܘܡܼܢ ܟ݀ܠ ܥܒܕܿܝܗܘܿܢ ܗ̄ ܘܗܿܠܝܢ ܠܡ ܕܣܿܥܪ ܐܢܼܐ ܒܗܘܿܢ ܠܘ ܒܐܝܼܕܐ ܕܒܒ̈ܠܝܐ ܠܚܘܼܕ ܐܠܐ ܒܐܝܼܕܐ ܕܟܿܠܗܘܿܢ ܥܡܡܼ̈ܐ ܕܚܕܪ̈ܝܗܘܿܢ ܕܒܿܐܙܝܼܢ ܠܗܘܿܢ. ܘܬܗܼܘܐ ܚܨܘܪ ܗ̄ ܡܕܝܼܢܬܐ ܕܒܢ̈ܝ ܩܕܪ ܐܝܼܬܝܗܿ. ܘܝܘܡܢ ܩܝܿܡܐ ܘܗܼܢܘܢܿ ܥܿܡܪܝܼܢ ܒܗܿ ܘܐܝܼܬܝܗܿ ܒܡܼܨܥܬ݀ ܡܕܒܪܐ ܘܪܚܝܼܩܐ ܡܼܢ ܝܬܒܐ ܕܪ̈ܘܼܡܝܐ ܘܦܪ̈ܣܝܐ. ܚܘܼܪܒܐ ܠܥܿܠܡ ܗ̄ ܥ݀ܠܡ ܕܗܿܪܟܐ ܛܘܿܪ̈ܐ ܗ݀ܘ ܙܥܘܿܪܐܘܕܪܐ ܚܕ ܐܝܟ ܗ݀ܝ ܕܐܩܝܼܡܬܢܝ ܩܕܡܝܟ ܠܥܿܠܡ ܟܕ ܛ݀ܒ ܒܪܢܫܐ ܒܿܬܪ ܡܿܘܬܗ ܠܐ ܩܿܐ ܒܗܝܟܠܐ. ܘܥܠ ܙܢܝ̈ܐ ܕܥܿܠܡ ܟܬܒܼܢܢ ܒܟܬܒܐ ܕܡܡܠܠܘܼܬ ܐܠܗܘܼܬܐ ܘܟܝ̈ܢܐ ܡܬܼܝܕ̈ܥܢܐ ܘܡܼܬܪ̈ܓܫܢܐ. ܗܿܫܐ ܬܒܿܪ ܐܢܼܐ ܩܫܼܬܗ ܗ̄ ܡܬܼܢܒܐ ܥܠ ܥܝܼܠܡ. ܩܫܼܬܗ ܕܥܝܼܠܡ ܪܝܼܫ ܓܢܒܪܘܼܬܗܘܿܢ ܗ̄ ܐܡܿܪ ܕܓܝܼܪܐܝܼܬ ܡܒܿܛܠ ܐܢܼܐ ܠܗܘܿܢ ܡܼܢ ܩܪܒܐ ܘܡܠܟܘܼܬܐ. ܘܥܠܗ݀ܝ ܐܡܼܪ ܕܬܒܿܪ ܐܢܼܐ ܠܗܿܘ ܘܠܘ ܕܫ݀ܩܠ ܐܢܼܐ ܠܗܿ.. ܪܝܼܫ ܓܢܒܪܘܼܬܗܘܿܢ ܗ̄ ܡܼܢ ܚܕ ܙܝܢܐ ܐܘܕܥ ܥܠ ܚܝܠܬܢܘܼܬܗ ܐܘܿ ܟܒܪ ܒܗܿ ܒܐܘܼܡܢܘܼܬܐ ܕܟܫܛܘܼܬܐ ܡܕܪܫܝܼܢ ܗܼܘܘ ܥܝܼ̈ܠܡܝܐ ܐܘܟܝܼܬ ܗܘܼ̈ܙܝܐ ܡܢܼܩܕܝܼܡ ܝܬܝܼܪ ܡܼܢ ܙܝ̈ܢܐ ܐܚܪ̈ܢܐ܀ ܡܼܢ ܐܪܒܥ ܪ̈ܘܼܚܐ ܗ̄ ܪܘܼܚܐ ܘܙܘܝ̈ܬܐ ܕܐܡܼܪ ܬܢܢ ܥܠܦܢܝ̈ܬܐ ܡܿܘܕܥ ܥܠ ܐܝܿܠܝܢ ܕܡܢܼܗܝܢ ܐܡܿܪ ܕܡܿܝܬܐ ܥܡ̈ܡܼܐ ܪ̈ܚܝܼܩܐ ܥܡ ܒܒܠ̈ܝܐ ܕܢܥܪܕ ܠܥܝܼ̈ܠܡܝܐ ܫܒܼܝܐ܆ ܨ܆ ܕܚܡܫܝܼܢ ܦܬܓܡܗ ܕܡܪܝܐ ܕܐܡܿܪ ܗ̄ ܡܫܿܪܐ ܢܬܼܢܒܐ ܥܠ ܒܿܒܝܠ ܘܡܠܟܘܼܬܗܿ ܕܡܬܼܚܪܒܝܼܢ ܐܟܡܼܐ ܕܡܠ̈ܟܘܬܐ ܐܚܪ̈ܢܝܬܐ. ܘܒܗܿܕܐ ܢܩܼܢܐ ܒܘܼܝܐܐ ܠܥܡܐ ܕܥܬܝܼܕܝܼܢ ܠܡܚܼܙܐ ܫܦܼܠܗܿ ܕܒܿܒܝܠ ܕܫܦܠܬ݀ ܐܢܘܿܢ. ܒܐܝܼܕܗ ܕܐܪܡܝܐ ܗ̄ ܡܛ݀ܠ ܕܐܡܝܼܪ ܥܠܗܘܿܢ ܡܫܚܼܠܦܐܝܼܬ ܒܝܕ ܢܒ̈ܝܐ. ܥܠܗ݀ܝ ܐܡܼܪ ܕܒܐܝܼܕܗ ܐܬܡܼܠܠ ܡܼܢ ܐܠܗܐ ܥܠܝܗܘܿܢ ܕܒܒܠ̈ܝܐ ܘܒܝܕ ܦܬܓܼܡܐ ܕܐܡܼܪ ܐܘܕܥ ܥܠ ܟ݀ܠܗܝܢ ܐܝܿܠܝܢ ܕܗܿܪܟܐ ܐܡܼܪ ܡܛ݀ܠܬܗܘܿܢ.. ܚܘܘ ܒܥܡ̈ܡܼܐ ܗܿܠܝܢ ܕܡܬܼܐܡܪ̈ܢ ܘܡܛ݀ܠ ܡܦܘܼܠܬܗ ܕܒܒܠܝܐ ܕܢܫܡܼܥܘܢܼ ܘܢܕܥܼܘܢܿ ܐܝܿܟܢܐ ܕܢܐܼܬܘܢܿ ܩܠܝܼܠܐܝܼܬ pb. 329 ܘܢܚܪܒܘܼܢܗܿ ܠܒܿܒܝܠ. ܘܫܩܘܿܠܘ ܐܬ݀ܐ ܕܙܿܟܘܼܬܗܘܢܿ ܘܢܚܘܘܼܢܗܿ ܠܥܡ̈ܡܐ ܘܡܐ ܕܚܿܙܝܢ ܠܗܿ ܝܬܝܼܪ ܢܬܚܼܝܠܘܢܿ. ܘܢܪܼܗܛܘܢ ܡ̈ܕܝܐ ܥܠ ܒܒܠ̈ܝܐ ܘܠܗ ܠܣܼܒܪܐ ܕܙ݀ܟܘܼܬܐ ܕܗܿܘܝܐ ܠܗܘܿܢ ܐܬ݀ܐ ܡܟܿܢܐ ܠܗܿ. ܢܦܼܠ ܒܝܼܠ ܗ̄ ܒܝܼܠ ܐܘܟܝܼܬ ܙܘܿܣ ܘܡܪܘܕܟ ܦܬܟܪ̈ܐ ܐܢܘܿܢ ܕܒܒ̈ܠܝܐ. ܡܗܠܿܟܝܼܢ ܘܒܟܝܢ ܗ̄ ܡܗܠܟܼܝܢ ܗܼܘܘ ܓܝܪ ܡܛ݀ܠ ܕܪܗܝܼܒܝܼܢ ܗܼܘܘ ܠܡܐܼܬܐ ܠܐܘܿܪܫܠܡ ܘܒܿܟܝܢ ܗܼܘܘ. ܡܛ݀ܠ ܕܡܬܼܕܟܪܝܼܢ ܥܩ̈ܬܗܘܿܢ ܕܒܫܒܼܝܐ ܒܿܥܝܢ ܗܼܘܘ ܠܡܪܝܐ ܐܠܗܗܘܿܢ ܕܡܛ݀ܠ ܕܠܐ ܝܕܥܘܼܗܝ ܩܕܡ ܫܒܼܝܐ. ܣܒܼܠܘ ܗܿܠܝܢ ܟ݀ܠܗܝܢ ܒܝܼܫ̈ܬܐ. ܥܠ ܐܘܼܪ̈ܚܬܗܿ ܕܨܗܝܘܿܢ ܗ̄ ܡܛ݀ܠ ܕܡܣܪܗ ܒܐܝܼܬ ܡܗܿܠܟܝܼܢ ܗܼܘܘ. ܚܕܐ ܕܐܬܦܼܠܛܘ ܡܼܢ ܥܒܕܘܼܬܐ ܘܕܬܪܬܝܢ ܕܠܩܝܼܩܝܼܢ ܗܼܘܘ ܠܚܼܙܬܗܿ ܕܨܗܝܘܿܢ. ܕܬܠܬ ܕܡܼܢ ܢܘܓܪܐ ܕܫܒܼܝܗܘܿܢ ܠܐ ܡܦܣܝܼܢ ܗܼܘܘ ܒܐܘܼܪܚܐ ܐܠܐ ܠܟܿܠ ܕܦܓܿܥ ܗܼܘܐ ܒܗܘܿܢ ܡܫܿܐܠܝܼܢ ܗܼܘܘ ܘܪܕܝܢ ܬܪܝܼܨܐܝܼܬ. ܬܘܿ ܢ݀ܬܠܘܐ ܠܡܪܝܐ ܗ̄ ܥܠܼܬܐ ܕܡܣܪܼܗܒܘܼܬܗܘܿܢ ܗܿܕܐ ܗܘܬ݀ ܟܕ ܡܓܪܓܝܢ ܠܚܕ̈ܕܐ ܕܬܘܿ ܢ݀ܪܕܐ ܬܪܝܼܨܐܝܼܬ ܕܠܐ ܬܘܼܗܝܐ ܕܢ݀ܬܡܢܥ ܠܘܿܬ ܡܪܝܐ ܕܐܝܼܬܝܗܘܿܢ ܫܘܼܘ̈ܕܝܘܗܝ ܥܡܢ ܬܪ̈ܝܼܨܐ ܩܝܿܡܐ ܠܫܘܼܘ̈ܕܝܘܗܝ ܕܠܘܿܬܗܘܿܢ ܩܿܪܐ ܘܗܿܝ ܕܠܐ ܡܬܼܛܥܐ ܕܗܘܼ ܐܠܗܐ ܠܐ ܛܥܿܐ ܠܩܝܡ̈ܘܗܝ ܩܕܡ̈ܝܐ ܘܐܚܪ̈ܝܐ ܕܠܘܿܬ ܒܢܝ̈ܢܫܐ. ܐܝܟ ܥܢ̈ܐ ܐܒܝܼܕܬܐ ܗ̄ ܐܝܟ ܕܡܼܢ ܦܪܨܘܼܦ ܐܠܗܐ ܐܡܿܪ. ܗܿܢܐ ܥܡܐ ܕܕܝܼܠܝ ܥܒܿܕܬܗ ܛܥܼܐܘܐܒܼܕ ܡܼܢ ܨܝܕܝ ܒܕܡܘܼܬ ܥܢ̈ܐ ܕܠܝܬ ܠܗܿ ܪܥܝܐ. ܪ̈ܥܘܬܗܘܿܢ ܗ̄ ܡܕܒܪ̈ܢܝܗܘܿܢ. ܘܥܠ ܛܘܼܪ̈ܐ ܗ̄ ܒܗܿܝ ܕܐܠܼܦܘ ܐܢܘܢܿ ܠܡܼܦܗܐ ܒܛܘܼܪ̈ܐ ܠܡܼܣܓܕ ܘܠܡܕܒܚܘܼ ܠܦܬܟܪ̈ܐ. ܡܼܢ ܛܘܼܪ̈ܐ ܠܪ̈ܡܬܐ ܗ̄ ܘܐܦ ܗܼܢܘܢܿ ܡܿܢ ܕܛܥܼܘ ܒܿܬܪ ܡܕܒܪ̈ܢܝܗܘܿܢ. ܫܠܡܼܘ ܠܗܘܿܢ ܒܟܿܠܡܕܡ ܕܐܡܿܪܝܼܢ ܠܗܘܿܢ ܘܫܦܼܪܘ ܠܗܘܿܢ ܒܟܿܠܡܕܡ܆ ܒܥܝܢ̈ܝܗܘܿܢ ܟ݀ܠܡܕܡ ܕܥ݀ܒܕܝܼܢ ܡܛ݀ܠ ܗܿܕܐ ܡܼܢ ܗܿܢܐ ܛܘܼܪܐ ܠܗ݀ܘ ܘܡܼܢ ܪܡܬܐ ܠܚܼܒܪܬܗܿ. ܫܢܝܼܘ ܒܿܬܪ ܦܬܟܪ̈ܐ. ܘܡܟܝܼܠ ܛܥܐܘܘܼܗܝ ܠܨܘܒܐ ܗ݀ܘ ܕܐܝܼܬܘܗܝ ܗܼܘܐ ܠܗܘܿܢ ܢܝܿܚܐ ܗܿܕܐ ܓܝܪ ܡܿܘܕܥܐ ܗܿܝ ܕܡܪܒܥܗܘܢ ܒܗ݀ܝ ܕܓܠܝܐ ܕܐܝܿܟܐ ܕܪܫܥܐ ܥ̈ܢܐ ܬܡܿܢ ܡܬܼܬܢܝܼܚܐ ܘܡܬܓܘܪܪܐ. ܘܟܿܠ ܡܿܢ ܕܐܫܼܟܚ ܐܟܼܠ ܗ̄ ܥܠ ܕܐܗܼܡܝܼܬ ܡܢܼܗܘܿܢ. ܥܪܩܼܘ ܡܼܢ ܒܿܒܝܠ ܗ̄ ܦܢܼܘ ܠܐܬܪܟܘܿܢ. ܒܗܼܬܬ݀ ܐܡܟܘܿܢ ܗ̄ ܡܚܿܘܐ ܕܗܼܢܘܢܿ ܘܐܒܗ̈ܝܗܘܿܢ ܗܘܼ ܥܠܼܬܐܕܫܒܼܝܐ. ܐܡܼܗܘܿܢ ܓܝܪ ܘܝܿܠܕܬܗܘܿܢ ܠܟܢܼܫܬܐ ܩܿܪܐ ܒܗܝܼܬܐ ܗܼܘܬ݀ ܡܛ݀ܠ ܣܘܼܥܪ̈ܢܝܗܿ ܒܝܼ̈ܫܐ ܘܡܚܦܪܐ ܗܘܼܬ ܒܦܘܼܠܚܢ ܦܬܟܪ̈ܐ ܕܡܛ݀ܠܬܗܘܿܢ ܣܒܼܠܘ ܫܒܼܝܐ. ܦܬܼܚ ܡܪܝܐ ܐܘܨܪܗ ܗ̄ ܥܠ ܒܿܒܝܠ ܡܚܿܘܐ ܒܗܿܕܐ ܕܦܫܝܼܩܐܝܼܬ ܡܬܼܚܫܚ ܒܣܘܼܥܪܢܐ ܕܡܕܒܪܢܘܼܬܗ ܘܐܝܿܟܢܐ ܕܠܛܒ̈ܬܐ ܐܝܟ ܫܦܝܼܥܐ ܡܕܡ ܡܪܕܐ ܠܡܣܡ ܒܪܝܼܫܐ ܐܝܟ ܕܡܼܢ ܐܘܨܪ̈ܐ ܡܕܡ ܡܿܝܬܐ ܠܗ ܥܠ ܒܝܼ̈ܫܐ. ܡܛ݀ܠ ܕܥܒܿܕܐ ܗܿܘ ܗ̄ ܠܗܿܢܐ ܩܪܒܐ ܕܥܡ ܟ̈ܠܕܝܐ ܦܪܫܼ ܐܠܗܐ ܢܦܼܫܗ. ܠܩܪܒܐ ܩܼܪܐ ܥܒܿܕܐ܆ ܘܢܫܼܠܐ ܠܐܪܥܐ ܗ̄ ܡܢܝܼܚܐ ܐܠܗܐ ܠܐܪܥܐ ܕܒܒ̈ܠܝܐ. ܡܼܢ ܦܘܼܠܚܢܐ pb. 330 ܕܥܡܘܿܪ̈ܝܗܿ. ܬܒܝܠ ܗ̄ ܠܗܿ ܠܒܿܒܝܠ ܩܿܪܐ܆. ܗܿܐ ܡܕܝܠ ܐܢܼܐ ܗ̄ ܐܡܿܪ ܥܠ ܡܕ̈ܝܐ ܡܛ݀ܠ ܡܪܝܼܪܘܼܬܗܘܿܢ ܘܠܐ ܡܪܚܡܢܘܼܬܗܘܿܢ ܠܒܼܐ ܗܿܟܝܼܠ ܠܢܦܼܫܗܘܿܢ ܐܡܿܪ. ܘܪܘܼܚܐ. ܚܪ̈ܡܐ ܐܦ ܓܝ ܕܐܝܟ ܗܿܟܢܐ ܐܝܼܬܝܗܘܿܢ ܡܕ̈ܝܐ ܕܠܐ ܠܡܚܼܡܘܼ ܝܿܕܥܝܼܢ ܡܐ ܕܡܫܼܬܠܛܝܼܢ ܐܦܿܠܐ ܡܬܼܪܡܝܢ. ܕܢܩܼܠܘܢܼ ܦܝܿܣܐ ܡܼܢ ܐܢܫ ܨ܆ ܕܢܐ̄ ܟܣܐ ܕܕܗܒܐ ܗ̄ ܟ݀ܣܐ ܩܿܪܐ ܠܒܒܿܝܠ ܡܛ݀ܠ ܕܒܗܿ ܪܕܐ ܠܟܿܠܗܘܿܢ ܥܡ̈ܡܼܐ ܡܛ݀ܠ ܚܛܗܝ̈ܗܘܿܢ. ܕܕܗܒܐ ܩܪܼܗܿ ܡܛ݀ܠ ܪܒܘܼܬܐ ܘܫܒܝܼܚܘܼܬܐ܇ ܕܝܼܠܗܿ ܕܡܠܟܘܼܬܐ.. ܐܫܼܬܝܼܘ ܟܿܠܗܘܿܢ ܗ̄ ܩܒܠܼܘ ܟܿܠܗܘܿܢ ܡܣܡ ܒܪܝܼܫܐ ܕܚܝܿܒܝܼܢ ܗܼܘܘ ܘܩܡܼܘ ܒܕܠܘܼܚܝܐ ܘܒܛܘܼܪܦܐ܆ ܣܒܼܪܘ ܣܡܡ̈ܢܐ ܗ̄ ܦ݀ܩܕ ܠܥܡܘܿܪ̈ܝܗܿ ܦܘܼܪܣܐ ܕܟܒܼܪ ܬܫܬܼܘܙܒܝ ܡܼܢ ܐܒܕܢܐ. ܐܣܝܼܢܗܿ ܠܒܒܿܝܠ ܗ̄ ܘܟܕ ܒ݀ܥܐ ܕܢܚܼܘܐ ܕܠܐ ܡܨܝܐ ܕܬܩܒܼܠܝ ܦܘܼܪܣܐ ܐܡܼܪ ܗܿܕܐ ܢܫܼܒܩܝܗܿ ܗ̄ ܗ݀ܝ ܕܗܿܘܝܐ ܗܘܬ݀ ܡܒܿܕܩ ܐܝܟ ܗܿܝ ܕܗܝܼ ܦܝܿܫܐ ܗܘܼܬ ܕܠܐ ܬܘܼܪܨܐ ܘܥܡ̈ܡܼܐ ܟܿܠܗܘܿܢܦ݀ܢܝܢ ܠܕܘܼܟ̈ܝܬܗܘܿܢ.. ܥܕܐ ܠܕܝܼܢܗ ܗ̄ ܕܝܼܢܗܿ ܓܝܪ ܐܡܼܪ ܕܠܚܘܼܝܒܗܿ ܘܠܬܒܼܥܬܗܿ ܟܐܢܬܐ ܘܗ݀ܝ ܕܥܕܡܐ ܠܫܡܿܝܐ ܘܥܢ̈ܢܐ ܐܝܼܬܘܗܝ ܐܘܿ ܥܠܗ݀ܝ ܕܗܿܢܝܢ ܗܿܠܝܢ ܕܗܘ̈ܝܢ ܗܼ̈ܘܝ ܠܘܿܬܗܿ ܒܐܝܼܕ̈ܝ ܡܕܝ̈ܐ. ܝܼܕܝܼܗܥܬܐ ܗܘ̈ܝܢ ܗܼܘ̈ܝ. ܘܛܒܝܼ̈ܒܬܐ ܒܥܿܠܡܐ ܟ݀ܠܗ ܒܕܡܘܼܬ ܫܡ̈ܝܐ. ܘܥܢ̈ܢܐ ܕܐܝܼܬܝܗܘܿܢ ܠܥܼܠ ܡܢܼܢ ܘܠܐ ܡܫܟܼܚܐ ܕܢܬܼܛܫܘܢܿ. ܥܠ ܫܘܼܪܐ ܕܒܒܿܝܠ ܫܩܘܿܠܘ ܗ̄ ܠܗܘܿܢ ܓܝܪ ܠܡ̈ܕܝܐ ܦ݀ܩܕ ܕܫܩܘܿܠܘ ܐܬ݀ܐ ܕܙܟܘܼܬܟܘܿܢ ܘܩܒܘܿܥܘ ܒܫܘܼܪ̈ܝܗܿ ܕܒܿܒܝܠ. ܗܿܕܐ ܕܐܝܼܬܝܗܿ ܕܥܝܿܕܐ ܕܐܝܿܠܝܢ ܕܟ݀ܒܫܝܼܢ ܡܕܝܼ̈ܢܬܐ. ܘܐܩܝܼܡܘ ܡܛܪ̈ܬܐ ܕܚܝܠ̈ܘܬܐ ܕܡܢܼܟ݀ܠ ܓܒ̈ܝܼܢ ܐܝܟ ܕܠܐ ܢܫܼܬܘܙܒ ܐܢܫ ܕܠܐ ܢܐܒܼܕ ܘܢܼܚܘܼܬ ܘܢܬܼܛܒܥ ܐܝܟ ܕܒܨܿܡܪܬ ܚܢܘܿܩܬܐ. ܡܛ݀ܠ ܕܥܗܒܼܕ ܡܪܝܐ ܒܡ̈ܝܐ ܣܓܝ̈ܐܐ ܗ̄ ܕܐܝܼܬܝܗܿ ܗܘܼܬ݀ ܣܓܝܐܬ ܒܐܢܫܘܼܬܐ. ܡܼܛܐ ܩܨܼܟܝ ܗ̄ ܘܐܡܿܠܟܝ ܐܢܫ̈ܐ ܐܝܟ ܩܡܨܐ ܗ̄ ܡܕ̈ܝܐ ܕܐܿܬܝܢ ܕܢܚܪܒܘܼܢܟܝ. ܗܘܝ ܗܘܝ ܗ̄ ܘ݀ܝ ܠܟܝ ܘ݀ܝܠܟܝ ܒܒܿܝܠ ܡܿܢܐ ܓܕܫܼܟܝ. ܐܒܿܕܪܟܝ ܒܥܡ̈ܡܐ ܗ̄ ܘܠܟܿܠܗܘܿܢ ܥܡ̈ܡܼܐ ܘܡܠ̈ܟܘܬܐ ܕܡܫܿ݁ܒܕܝܼܢ ܗܼܘܘ ܠܗܿ ܠܒܿܒܝܠ. ܕ݀ܚܝܩ ܐܠܗܐ ܡܼܢ ܒܿܒܝܠ ܒܝܘܡܐ ܕܡܦܘܼܠܬܗܿ ܘܐܦ ܠܥܡܘܪ̈ܝܗܿ ܡܦܩ ܡܼܢ ܓܘܗܿ ܒܐܝܼܕܐ ܕܡ̈ܕܝܐ. ܗܿܐ ܐܢܿܐ ܥܠܝܟ ܛܘܼܪܐ ܗ̄܆ ܟܕ ܡܬܼܠܚܡ ܡܠܟܐ ܕܒܿܒܝܠ ܩܪܼܝܗܝ ܛܘܼܪܐ ܡܛ݀ܠ ܪܘܡܗ ܘܚܠܬܢܘܼܬܗ ܐܝܟ ܕܩܼܪܝܗܝ ܢܫܼܪܐ ܡܛ݀ܠ ܚܪܝܼܦܘܼܬܗ ܘܩܠܝܼܠܘܼܬܗ ܘܐܪܝܐ ܡܛ݀ܠ ܠܒܝܼܒ̄ܘܼܗ ܘܓܢܒܪܘܼܬܗ. ܡܚܒܠܢܐ ܩܼܪܝܗܝ ܡܛ݀ܠ ܗ݀ܘ ܕܠܐܪ̈ܥܬܐ ܘܠܥܡ̈ܡܼܐ ܚܒܠ ܒܩܪ̈ܒܐ ܘܫܒܼ̈ܝܐ. ܘܗ݀ܝ ܕܐܢܿܐ ܥܠܝܟ ܐܪܿܝܼܡ ܐܝܼܕܝ ܥܠܝܟ. ܘܐܩܿܠܟ ܡܼܢ ܟܐܦܐ ܗ̄ ܠܗ ܩܼܪܐ ܛܘܼܪܐ ܘܠܚܝܠ̈ܘܬܗ ܟܐܦܐ ܕܐܡܼܬܝ ܕܡܼܫܬܩܠܝܼܢ ܐܘܟܝܼܬ ܡܬܼܢܩܠܝܼܢ ܚܝܠ̈ܘܬܐ ܐܦܠܐ ܡܠܟܐ ܦܿܐܫ. ܘܝܩܝܼܕܐ ܐܡܿܪ ܠܛܘܼܪܐ ܡܛ݀ܠ ܡܣܡ ܒܪܝܼܫܐ ܕܐܝܟ ܢܘܼܪܐ ܡܿܘܩܕ ܠܗܘܿܢ. pb. 331 ܘܐܚܪܬܐ ܕܠܐ ܬܩܿܢܐ ܡܠܟܘܼܬܗܘܿܢ ܡܘܿܩܕ ܠܗܘܿܢ. ܡܛ݀ܠ ܕܛܘܼܪ̈ܐ ܘܟܐܦ̈ܐ ܕܝܿܩܕܝܼܢ ܠܐ ܚܿܫܚܝܼܢ. ܡܕܡ ܕܦܼܫ ܒܗܘܿܢ. ܩܼܪܘ ܫܝܼܦܘܼܪܐ ܗ̄ ܦ݀ܩܕ ܠܡܠܐܟܐ ܐܘܿ ܠܢܒܝ̈ܐ ܕܢܫܩܼܠܘܢܼ ܐܬܘ̈ܬܐ ܡܼܚܘܘܢܼ ܠܥܡ̈ܡܼܐ ܕܐܝܟ ܕܒܩܿܠ ܫܝܼܦܘܼܪܐ ܟܡܼܫܘܢܼ ܐܢܘܿܢ ܕܢܐܼܬܘܿܢ ܥܠ ܒܿܒܝܠ ܘܢܚܪܼܒܘܼܢܗܿ ܕܐܪܕܛ ܘܕܐܪܡܢ ܗ̄ ܚܿܫܒ ܠܡܠ̈ܟܘܬܐ ܕܩܼܪܐ ܕܢܚܪܒܘܼܢܗܿ. ܐܪܕܛ ܩܪܕܘ ܐܝܼܬܝܗܿ ܘܒܢ̈ܝ ܣܢܚܪܝܼܒ ܠܛܘܼܪܐ ܕܩܪ̈ܕܘܝܐ. ܐܪܕܛ ܥ[]ܩܼܘ ܟܕ ܩܼܛܠܘ ܠܐܒܘܼܗܘܿܢ. ܐܫܟܢܙ ܠܗ݀ܝ ܕܐܪܡܢ ܢܩܿܦܐ ܘܐܪܢܣܓܝܼܣܢ ܐܝܼܬܝܗܿ. ܝܬܒ̈ܝ ܡܨܪܘܬܗܿ ܠܡܕܝ̈ܐ ܘܠܡܥܕܪܗܢܝܗܘܿܢ ܩܿܪܐ ܝ̈ܬܒܝ ܡܨܪܘܬ. ܐܡܼܪܬ݀ ܐܘܿܪܫܠܡ ܗ̄ ܐܝܟ ܕܡܼܢ ܦܪܨܘܼܦ ܡܕܝܼܢܬܐ ܐܘܿ ܟܢܘܼܫܬܐ ܣܿܐܡ ܕܡܒܿܓܢܐ ܥܠ ܒܒܠ̈ܝܐ܆ ܐܟܠܼܢܝ ܘܒܙܼܢܝ ܗ̄ ܠܐ ܐܪܦܝܼ ܡܕܡ ܒܓܘܝ ܐܠܐ ܠܡܼܢܗܝ ܕܨܒܼܗܘܬܐ ܐܟܼܠ ܘܡܢܼܗܝܢ ܫܩܼܠ. ܡܠܼܐ ܟܪܣܗ ܡܼܢ ܥܘܼܕܢܝ ܗ̄ ܟ݀ܠܗܝܢ ܝܩܝܼܪ̈ܬܐ ܕܐܝܼܬ ܗܼܘ̈ܝ ܠܝܼ ܕܒܗܝܢ ܡܬܼܥܕܪܐ ܗܿܘܝܬ ܘܐܘܟܝܼܬ ܡܬܦܼܫܩܐ ܫܕܐ ܐܢܝܢ ܒܟܪܣܗ. ܘܠܝܼ ܐܛܥܝܢܼܝ ܒܐܘܼܪ̈ܚܬܐ ܢܘܼܟܪ̈ܝܬܐ ܕܢܦܼܫܐ ܘܕܦܓܪܐ ܥܕܡܐ ܕܐܘܒܼܕܢܝ܆ ܗܿܐ ܕܐ݀ܢ ܐܢܼܐ ܝܼܢܟܝ ܗ̄ ܡܐ ܠܡ ܕܐܢܿ ܐܢܼܐ ܕܝܼܢܐ ܬܪܝܼܨܐ ܡܼܢ ܒܒ̈ܠܝܐ ܘܦܿܪܥ ܐܢܼܐ ܠܗܘܿܢ ܗ݀ܘ ܡܕܡ ܕܣܥܼܪܘ ܒܟܘܢܿ܀ ܐܝܟ ܐܪ̈ܝܘܬܐ ܢܢܗܼܡܘܢܿ ܗ̄ ܒܗܿܠܝܢ ܥܠ ܠܒܝܼܒ̄ܘܼ ܘܚܝ̄ܠܬܢܘܼ ܕܩܿܢܝܢܼ ܗܼܘܘ ܒܒܠ̈ܝܐ ܒܩܕܡܝܬܐ ܡܿܘܕܥܐ ܘܐܡܿܪ ܕܗܿܢܘܿܢ ܒܕܡܘܼܬ ܐܪ̈ܝܘܬܐ ܥܠ̈ܝܡܐ ܢܿܗܡܝܼܢ ܗܼܘܘ ܘܐܝܟ ܓܕ̈ܝܐ ܕܐܪ̈ܝܘܬܐ ܢ݀ܥܪܝܼܢ ܗܼܘܘ ܥܠ ܥܡ̈ܡܼܐ ܡܫܿܬܩ ܐܢܼܐ ܘܡܡܿܟܟ ܐܢܼܐ ܠܗܘܿܢ ܒܚܡܼܬܐ ܕܪܘܓܙܝ ܕܐܫܿܕ ܐܢܼܐ ܥܠܝܗܘܿܢ. ܡܫܬܝܐ ܗ̄ ܠܡܣܡ ܒܪܝܼܫܐ ܩܿܪܐ܆ ܦܘܿܩܘ ܡܼܢ ܓܘܗܿ ܗ̄ ܡܚܿܦܛ ܠܥܡܐ ܠܡܦܼܢܐ ܠܐܘܿܪܫܠܡ. ܘܬܕܚܼܠܘܿܢ ܡܼܢ ܛܒܼܐ ܕܡܣܡ ܒܪܝܼܫܐ ܕܐܿܬܐ ܥܠ ܒܿܒܝܠ. ܘܢܐܼܬܐ ܒܗܿ ܒܫܢܿܬܐ ܗܿܝ ܗ̄ ܐܡܿܪ ܕܛܒܼܐ ܕܫܢܿܬܐ ܩܕ̄ܡ. ܛܒܼܐ ܕܙܘܥܼܬܐ. ܡܐ ܕܕܪܝܘܿܫ ܡܕܝܐ ܥܠ ܒܒܿܝܠ ܡܫܼܬܠܛ. ܘܒܿܬܪܗܿ ܕܫܢܿܬܐ ܗ̄ ܐܡܬܼܝ ܕܟܘܼܪܫ ܦܪܣܝܐ ܡܼܢ ܐܝܼܕܐ ܕܡ̈ܕܝܐ ܫܘܼܠܛܢܐ ܘܡܠܟܘܼܬܐ ܚܿܛܦ ܗܼܘܐ ܘܚܠܦܝܗܘܿܢ ܡܡܿܠܟ ܗܼܘܐ. ܘܗܿܝ ܕܫܿܘܬܐ ܒ݀ܬܪ ܫܢܿܬܐ ܠܘ ܕܗܿܟܢ ܚܕ ܒܿܬܪ ܚܕ. ܐܡܿܪ. ܐܠܐ ܥܠ ܙܒܢܼܐ ܟܡܼܐ ܕܗܼܘ ܕܗܿܘܐ ܗܼܘܐ. ܒܡܼܨܥܬܐ ܕܒܝܬ ܡܠܟܘܼܬܐ. ܗܿܢܐ ܪܥܝܼܢܐ ܣܿܓܝܼ ܡܫܼܬܟܚ ܒܟܬܒ̈ܐ܀ ܕܢܐܼܬܘܿܢ ܥܡ̈ܡܼܐ ܗ̄ ܥܡ̈ܡܼܐ ܘܐܡ̈ܘܼܬܐ ܠܒܒܠ̈ܝܐ ܩܿܪܐ. ܘܗܿܝ ܕܢܐܼܬܘܢܿ ܣܪܝܼܩܐܝܼܬ ܥܠ ܥܡܼܠܗܘܿܢ ܟܿܠܗ ܩܕܡܝܐ ܡܚܿܘܐ ܐܟܡܿܢܕܐܢܫ ܕܐܫܼܬܚܼܩܘ ܘܐܩܼܪܒܘ ܘܩܼܛܠܘ ܘܟܢܫܼܘ ܘܠܐ ܩܕܝܼܘ ܠܥܘܼܬܪܐ ܒܢܘܼܪܐ ܢܬܛܪ̈ܦܢ ܗ̄ ܐܡܿܪ ܥܠ ܦܘܼܪܥܢܐ ܕܩܒܼܠܘ ܡܼܢ ܡ̈ܕܝܐ ܗܿܢܘܿܢ ܕܐܝܟ ܕܒܢܘܼܪܐ ܛܠܩܼ ܐܢܘܿܢ. ܠܫܝܪܝܐ ܒܪ ܢܝܼܪܝܐ ܗ̄ ܬܢܿܐ ܬܫܥܝܼܬܐ ܕܒܣܦܪ ܡܠ̈ܟܐ ܥܠ ܩܪܒܐ ܕܗܘܼܐ ܠܒܒ̈ܠܝܐ ܥܡ ܝܘܼܕ̈ܝܐ ܟܕ ܡܿܘܕܥ ܕܒܫܢܬ݀ ܟܡܼܐ ܕܨܕܩܝܐ ܫܪܝܼ ܘܒܟܡܼܐ ܫܩܼܠ ܫܘܼܠܡܐ ܘܡܼܢ ܕܬܢܿܐ ܗܿܠܝܢ ܕܟܬܝܼ̈ܒܢ ܒܫܘܼܠܡܐ ܕܣܦܼܪ ܡ̈ܠܟܐ ܥܕܡܐ ܠܫܘܼܠܡ ܣܦܼܪܐ ܒ݀ܬܪܟܢ ܡܪܟܒ ܠܐܘܼܠ̈ܝܬܐ ܕܥܠ ܚܪܒܐ ܕܡܕܝܼܢܬܐ ܟܕ ܬܢܿܐ ܒܗܝܢ ܕܐܝܿܠܝܢ ܚܫ̈ܐ ܣܒܼܠܘ ܝܘܼܕ̈ܝܐ ܡܼܢ ܒܒܠ̈ܝܐ ܘܟܦܼܢܐ ܘܩܼܛܠܐ ܘܫܒܼܝܐ pb. 332 ܘܕܚܛ̈ܗܐ ܗܼܘܘ ܥܠܼܬܐ ܕܗܿܠܝܢ ܘܡܒܿܕܩ ܒܗܝܢ ܥܠ ܦܘܼܢܝܐ ܘܡܣܒܪܝܼܫܐ ܕܐܬܿܐ ܥܠ ܥܡ̈ܡܼܐ ܕܚܕܪ̈ܝܗܘܿܢ. ܘܩܕܡ ܫܒܼܝܐ ܟܕ ܗܼܘ ܥܕܟܝܼܠ ܒܐܘܿܪܫܠܡ ܪܟܼܒ ܐܢܝܢ. ܐܚܪ̈ܢܐ ܐܡܿܪܝܼܢ ܕܒܿܬܪ ܫܒܼܝܐ ܟܕ ܥܠܼ ܠܡܨܪܝܢ ܥܡ ܝܘܼܕ̈ܝܐ ܕܦܫܼܘ ܡܼܢ ܫܒܼܝܐ ܘܒܡܫܘܼܚܬܐ ܪܟܼܒ ܐܢܝܢ ܐܘܠ̈ܝܬܐ ܕܐܪܡܝܐ ܐܝܿܟܢܐ ܝܬܼܒܬ݀ ܒܠܚܘܼܕܝܗܿ ܗ̄ ܗ݀ܝ ܕܐܝܿܟܢܐ ܕܦܘܼܫܟܐ ܘܕܕܘܼܡܪܐ ܐܝܼܬܝܗܿ ܥܠ ܨܒܼ̈ܘܬܐ ܚܕ̈ܬܬܐ ܘܓܢܝܼ̈ܚܬܐ ܕܠܐ ܡܬܼܗܝܡ̈ܢܢ ܗܼܘܝ ܕܗܼܘ̈ܝܢ ܘܥܠܗ݀ܝ ܢܒܝܐ ܟܕ ܐ݀ܠܐ ܗܼܘܐ ܒܚܫܐ ܘܬܡܿܗ ܘܡܼܬܕܡܪ ܐܡܼܪ. ܕܐܝܿܟܢܐ ܐܘܿܪܫܠܡ ܡܕܝܼܢܬܐ ܟܗܝܼܢܬܐ ܘܡܫܡܼܗܬܐ ܘܣܓܝܐܬ݀ ܒܥܡܐ ܕܡܼܢ ܟܿܠ ܐܬܪܐ ܠܗܿ ܨܝܿܒܝܼܢ ܗܼܘܘ. ܗܿܫܐ ܦܝܼܝܼܫܐ ܒܠܚܘܼܕܝܗܿ ܐܝܟ ܐܪܡܠܬܐ ܘܡܓܙܝܬ݀ ܡܼܢ ܒܢ̈ܝܗܿ ܘܡܼܢ ܓܒܪ̈ܝܗܿ ܗܘܼܬ ܠܡܕܐܬܐ ܗ̄ ܡܐܕܬܐ ܓܝܪ ܐܬ݀ܐ ܗܿܝ ܕܫܘܼܥܒܕܐ ܘܐܡܿܪ. ܕܗ݀ܝ ܡܼܢ ܩܕܝܼܡ ܡܫܬܼ̈ܥܒܕܢ ܗܼܘ̈ܝ ܠܗܿ ܡܕܝܼ̈ܢܬܐ ܐܚܪ̈ܢܝܬܐ ܝܘܡܿܢܐ ܗܝܼ ܡܫܼܬܥܒܕܐ ܘܝܿܗܒܐ ܡܐܕܬܐ ܠܐܚܪ̈ܢܐ ܐܟܿܡܢ ܕܐܝܿܠܝܢ ܕܐܫܼܬܒܝܼܘ ܫܘܼܘܕܥܐ ܕܥܒܕܘܼܬܐ ܕܗܿܢܘܿܢܕܫܒܼܘ ܐܢܘܿܢ ܛܥܝܼܢܝܼܢ ܗܼܘܘ. ܒܟܼܬ ܒܠܠܝܐ ܗ̄ ܠܠܝܐ ܠܚܫܘܼܟܐ ܕܥܩ̈ܬܐ ܩܿܪܐ ܘܐܡܿܪ ܕܟܕ ܒܗܿܠܝܢ ܟܾܿܠܗܝܢ ܒܝܼܗܫܬܐ ܐܚܝܼܕܐ ܗܼܘܬ݀ ܡܕܝܼܢܬܐ. ܥܡܘܿܪ̈ܝܗܿ ܠܐ ܫܿܠܝܢ ܗܼܘܘ ܡܼܢ ܒܟܼܝܐ ܐܡܝܼܢܐ܆ ܓܠܝܼܬ ܝܼܗܘܼܕܐ ܗ̄ ܐܬܓܠܼܘܝܼܘ ܐܘܟܝܼܬ ܐܫܼܬܒܝܼܘ ܘܗܿܟܢ ܥܫܼܢܬ݀ ܒܝܼܫܬܐ ܕܒܒܠ̈ܝܐ ܥܕܡܐ ܕܓܠܝܼܘ ܐܢܘܢܿ ܡܼܢ ܐܪܥܗܘܢ ܝܬܒܬ݀ ܒܝܬ ܥܡ̈ܡܼܐ ܗ̄ ܡܼܢ ܩܕܝܼܡ ܓܝܪ ܒܟܗܝܼܢܘܬܐ ܟܕ ܝܿܬܒܝܼܢ ܗܼܘܘ ܒܝܬ ܥܡ̈ܡܼܐ ܛ݀ܒ ܐܫܟܼܚܘ ܢܝܿܚܐ ܘܒܗܝܼܠܘܼܬܐ ܗܼܘܘ ܐܠܘܨ̈ܝܗܿ ܠܪܝܫ ܗ̄ ܗ݀ܝ ܕܗܘܼܘ ܠܪܝܼܫ ܥܠ ܡܨܠܚܢܘܼܬܐ ܕܝܼܠܗܘܿܢ ܐܡܿܪ. ܘܗ݀ܝ ܕܫܠܝܼܘ ܥܠ ܢܝܿܚܐ ܘܗܢܝܿܢܐ ܕܗܼܘܐ ܠܗܘܿܢ ܡܢܼܗܿ ܕܐܟܘܼܿܬܗܘܿܢ ܕܥܠ ܥܡܐ. ܐ̈ܠܘܿܨܐ ܠܒܒܠ̈ܝܐ ܩ݀ܪܐ ܐܬܕܟܪܬ݀ ܐܘܿܪܫܠܡ ܝܘܡ̈ܝ ܗ̄ ܝܘܡ̈ܝ ܫܘܼܥܒܕܗܿ ܕܡܼܢ ܒܒ̈ܠܝܐ ܘܡܿܢܘܼ ܐܬܕܟܪܬ ܟܿܠܗܝܢ ܪ̈ܓܝܓܬܗܿ ܗ̄ ܟܗܢܘܼܬܐ ܘܡܠܟܘܼܬܐ ܘܢܒܝܘܼܬܐ ܘܛܒ̈ܬܐ ܕܒܗܝܢ ܡܬܼܦܪܦܥܐ ܗܼܘܬ݀ ܡܢܼܩܕܝܼܡ. ܗܘܼܬ݀ ܢܕܬܐ ܗ̄ ܐܘܼܢܬܐ ܓܥܝܼܨܬܐ ܘܬܣܠܘܼܬܐ ܡܬܦܼܫܩܝܼܢ. ܘܐܬܕܟܪܬ݀ ܚܪܬܗܿ ܗ̄ ܫܘܼܠܡܗܿ. ܛܡܐܼܘܼܬܐ ܩܿܪܐ ܠܓܘܪܐ ܘܠܙܢܝܘܼܬܐ ܘܡܼܢ ܗܿܠܝܢ ܕܦܓܪܐ ܡܿܘܕܥ ܥܠ ܗܿܠܝܢ ܕܢܦܼܫܐ ܘܐܡܿܪ ܕܠܘ ܒܫܓܼܡܐ ܢܦܠܼܘ ܝܘܼܕ̈ܝܐ ܒܬܢܼܚ̈ܬܐ ܐܠܐ ܡܛ݀ ܠܗܿܠܝܢ. ܝܗܼܒܘ ܪܓܼܬܗܘܿܢ ܗ̄ ܒܡܕܡ ܩܠܝܼܠ ܐܢ ܡܫܼܬܟܚ ܗܼܘܐ ܟ݀ܠܡܕܡ ܪܓܝܓܐ ܘܫܦܝܼܪܐ ܕܐܝܼܬ ܗܼܘܐ ܠܗܘܿܢ ܝܿܗܒܝܼܢ ܗܼܘܘ. ܐܝܿܟܢܐ ܕܟܕ ܡܬܼܬܪܣܝܼܢ ܬܟܼܬܪܝ ܒܗܘܿܢ ܢܦܼܫܐ ܩܠܝܼܠܐ. ܠܐ ܠܟܘܢܿ ܟܿܠ ܥ݀ܒܪ̈ܝ ܐܘܼܪܚܐ ܩܿܪܐܼ ܠܟܿܠ ܒܪܢܫܐ ܕܒܥܿܠܡܐ ܕܚܿܙܝܢ ܘܫܿܡܥܝܼܢ ܘܐܡܿܪ ܕܐܢܬܘܿܢ ܟܠܟܘܢܿ ܒܢܝ̈ܢܫܐ ܕܐܝܼܬܝܟܘܢ ܗܿܫܐ ܒܥܿܠܡܐ ܐܘܿ ܕܥܬܝܼܕܝܼܢ ܠܡܗܼܘܐ ܚܘܼܪܘ ܘܚܙܼܘ ܐܝܿܠܝܢ ܚ̈ܫܐ ܡܪܝܼܪ̈ܐ ܐܣܒܼܠܢܝ ܕܝܿܢܐ ܟܐܢܐ. ܐܝܿܟܢܐ ܕܟܕ ܗܿܠܝܢ ܕܝܼܠܝ ܬܚܼܙܘܿܢ ܬܙܕܗܼܪܘܢܿ ܘܠܐ ܬܪܫܼܥܘܢܿ. ܫܕܪ ܢܘܼܪܐ ܗ̄ ܐܠܗܐ. ܐܬܼܬܥܝܼܪܘ pb. 333 ܥܠܝ ܗ̄ ܠܗ ܐܡܿܪܬ ܕܫܕܪ ܥܠܝ ܢܘܼܪܐ ܘܚܪܒܐ ܡܛ݀ܠ ܚܛ̈ܗܝ ܗܿܢܘܿܢ ܕܗܿܫܐ ܥܠܝ ܐܬܬܥܼܝܼܪܘ ܘܐܙܝܼܥܘ ܠܐܠܗܐ ܕܢܬܒܥܼܢܝ ܘܢܫܼܥܒܕܢܝ. ܢܝܼܪܝ ܓܝܪ ܠܫܘܼܥܒܿܕܐ ܡܟܢܐ܇ ܢܝܼܪ̈ܘܗܝ ܕܐܡܼܪ ܣܿܓܝܐܝܼܬ ܥܠ ܪܒܘܼܬܗ ܕܡܘܼܟܟܐ ܚܘܝ܀ ܘܗܿܝ ܕܐܣܼܬܪܓܘ ܗ̄ ܕܐܬܟܼܫܝܼܘ ܚܕ ܥܠ ܚܕ ܘܗܿܕܐ ܥܠ ܣܿܓܝܐܘܼܬ ܫܘܼܥܒܕܐ ܘܝܘܼܩܪܐ ܡܒܿܕܩܐ ܐܝܕ̈ܘܗܝ ܡܿܢ ܕܐܠܗܐ. ܢܝܼܪܐ ܕܝܢ ܕܒܒܠ̈ܝܐ. ܟܒܼܫ ܟܿܠܗܘܿܢ ܗ̄ ܡܟܟ ܘܕܫܼ ܐܢܘܿܢ ܡܪܝܐ ܠܟܠܿܗܘܿܢ ܓܒܪ̈ܐ ܚܝܠ̈ܬܢܐ ܘܐܦ ܠܝܼ ܒܪ̈ܓܼܠܐ ܕܒܒܠ̈ܝܐ ܒܡܨܥܬ݀ ܫܘܼ̈ܩܐ ܕܡܕܝܼ̈ܢܬܐ. ܩܪܐ ܥܠܝ ܥܕܥܐܕܐ ܗ̄ ܒܣܓܝܐܘܼܬܐ ܐܝܬܝܼ ܥܠܝ ܠܒܒ̈ܠܝܐ ܐܟܙܼܢܐ ܕܡܬܟܼܢܫ ܗܼܘܐ ܥܡܐ ܡܼܢ ܟ݀ܠ ܕܘܼܟ ܠܥܕܥܐܕܐ. ܘܗܿܠܝܢ ܚܪܒܼ ܠܥܠ̈ܝܡܐ ܘܠܚܝܠ̈ܬܢܐ. ܘܗܘܼܘ ܒܢ̈ܝ ܫܩܡܝܼܢ ܗ̄ ܠܘ ܡܛ݀ܠ ܕܥܫܼܢ ܒܥܠܕܒ̈ܐ ܗܼܘܘ ܒܢ̈ܝ ܫܩ̈ܡܼܐ ܐܘܟܡܝܼܬ ܫܩܼܦܬ݀ ܘܐܘܒܫܼܬ݀ ܘܐܬܪܬ݀ ܐܢܘܿܢ ܡܼܢ ܚ̈ܝܐ ܐܝܟ ܫܩܼ̈ܡܐ ܡܼܢ ܐܝܼܠ̈ܢܐ ܫܩܼ̈ܡܐ ܬܐܢ̈ܐ ܐܢܝܢ ܒܪ̈ܝܬܐ ܗܿܠܝܢ ܡܐ ܕܢ݀ܬܪ̈ܢ ܡܼܢ ܪܘܼܚܐ ܠܡܕܡ ܠܐ ܚܫܚ̈ܢ ܡܛ݀ܠ ܕܦܐܪ̈ܘܗܝ ܕܗܿܢܐ ܐܝܼܠܢܐ ܒܓܒ̈ܘ̄ ܕܩܝܣܗ ܗܿܘܝܢ ܘܡܬܼܚܒܠܝܼܢ ܘܢܿܬܪܝܼܢ ܐܡܝܼܢܐܝܼܬ ܟܕ ܫܝܡܝܼܢ ܘܚܪܘܿܒ ܓܘܢܗܘܿܢ ܘܠܐ ܚܿܫܚܝܼܢ ܠܡܐܟܘܼܠܬܐ. ܒܗܿܕܐ ܕܡܘܼܬܐ. ܐܦ ܒܢ̈ܝ ܝܼܗܘܼܕܐ ܡܼܢ ܩܼܛܠܐ ܘܟܦܼܢܐ ܐܬܚܒܼܠܘ ܘܝܼܒܼܫܘ. ܫܡܼܘ ܕܡܬܼܬܢܝܼܚܐ ܐܢܼܐ ܗ̄ ܡܦܝܼܣܝܼܢ ܗܼܘܘ ܠܐܠܗܐ ܕܢܫܼܡܥ ܘܢܩܒܼܠ ܒ݀ܥܘܿܬܗܘܿܢ ܘܢܗܼܘܐ ܠܗܘܿܢ ܡܒܝܐܢܐ ܒܥܒܿܕܐ. ܟܿܠܗܘܿܢ ܒܥܠܕܒ̈ܒܝ ܗ̄ ܟܿܠܗܘܿܢ ܐܝܿܠܝܢ ܕܣܿܢܝܢ ܠܝܼ ܟܕ ܚܙܼܘ ܘܫܡܼܥܘ ܒܝܼܫ̈ܬܐ ܕܐܝܿܬܝ ܒܗܝܢ ܚܕܝܼܘ. ܗ݀ܝ ܕܚܕܝܼܘ ܠܗ݀ܝ ܕܫܡܼܥܘ ܒܒܝܼܫܬܝ ܢܩܝܼܦܐ. ܠܘ ܠܗܿܝ ܕܐܢܬ ܥܒܼܕܬ ܠܝܼ. ܘܪܥܝܿܢܐ ܗܿܟܢܐ ܗܿܘ. ܘܡܛ݀ܠ ܕܐܢܬ ܦܩܕܬ ܕܐܬܿܢܣܐ ܒܒܝܼܫܬܐ ܘܥܩ̈ܬܐ. ܘܐܦ ܠܒܥ̈ܠܕܒܒܝ ܗܼܘܐ ܐܬܪܐ ܕܢܚܼܙܘܿܢ ܠܝܼ܀ ܐܝܿܬܐ ܝܘܬܡܐ ܗܿ ܗ݀ܘ ܝܘܡܐ ܕܥܩܿܬܐ ܕܥܠܝ ܐܝܬܝܼܬ ܡܛ݀ܠ ܚܛܗ̈ܝ. ܐܦ ܥܠܝܗܘܿܢ ܕܒܥܠ̈ܕܒܒܝ ܐܝܬܐ ܡܛ݀ܠ ܕܐܟܘܿܬܝ ܐܝܼܬܝܗܘܿܢ ܒܚܛ̈ܗܐ ܘܒܛܥܿܝܘܼܬܐ ܢܩܼܒܠܘܢ ܡܣܡܒܪܝܼܫܐ ܐܝܟ ܗܿܢܐ ܕܝܼܠܝ܀ ܐܘܼܠܝܼܬܐ ܕܬܪܬܝܢ ܐܝܿܟܢܐ ܐܥܝܼܒ ܡܪܝܐ ܗ̄ ܐܦ ܗܿܪܟܐ ܡܬܕܡܪܢܐܝܼܬ ܐܡܼܪ ܕܐܝܿܟܢܐ ܠܡ ܗܼܘܬ ܗܿܕܐ ܕܠܥܡܐ ܕܨܗܝܘܿܢ ܕܐܝܼܬܘܗܝ ܗܼܘܐ ܗܕܝܼܪܐ ܒܢܘܼܗܪܐ ܕܛܒ̈ܬܐ ܐܥܡܼܛ ܘܐܚܼܫܟ ܥܠܘܗܝ ܡܪܝܐ ܐܝܟ ܕܒܝܕ ܥܢܼܢܐ ܕܐܐܪ܆ ܘܐܥܝܼܒܗ ܠܫܡܼܫܐ ܒܦܠܓܘܼܬ ܝܘܡܘ̈ܝ܆ ܐܥܝܼܒ ܗ̄ ܐܚܼܫܟ ܐܥܡܼܛ ܐܝܼܬܝܗܿ܆ ܐܪܡܝܼ ܡܼܢ ܫܡܿܝܐ ܗ̄ ܐܝܟ ܕܡܼܢ ܡܿܝܐ. ܒܝܘܡܐ ܕܚܡܼܬܐ ܗ̄ ܒܙܒܼܢܐ ܠܡ ܕܐܬܚܼܡܬ ܐܠܗܐ ܥܠ ܝܘܼ̈ܕܝܐ ܡܛ݀ܠ ܪܘܼܫܥܗܘܿܢ. ܐܦܿܠܐ ܠܕܘܼܟܬܐ ܝܩܝܼܪܬܐ ܕܒܗܿ ܡܣܼܬܓܕ ܗܼܘܐ ܘܐܬܕܟܼܪ ܘܚܼܣ ܥܠܝܗܿ܀ ܕܠܗ ܩܿܪܐ ܟܘܼܒܫܐ ܗ̄ ܠܐܘܿܪܫܠܡ. ܐܗܼܦܟ ܝܡܝܼܢܗ ܗ̄ ܝܡܝܼܢܗ ܠܡܥܼܒܕܢܘܼܬܗ ܡܥܕܪܢܝܼܬܐ ܩܿܪܐ ܘܐܡܿܪ ܕܐܪܝܡܘ ܠܥܘܼܕܪܢܗ ܕܡܼܢ ܩܕܡܝܢ. ܗ݀ܘ ܕܐܝܟ ܐܦܝ̈ pb. 334 ܬܪܥܐ ܟܠܼܐ ܗܼܘܐ ܡܼܢܢ ܒܝܼ̈ܫܬܐ. ܬܘܼ̈ܢܝܐ ܗ̄ ܬܘܼܢܝ̈ܐ ܐܡܿܪ ܠܒܝ̈ܫܬܐ ܕܗܘܼ̈ܝ ܠܗܘܿܢ ܐܘܿ ܕܐܝܼܬܝܗܝܢ ܒܗܝܢ ܐܘܼܠ̈ܝܬܐ ܬܘܼܒ ܐܝܿܠܝܢ ܕܒܗܝܢ ܗܿܢܝܢ ܕܬܘܼܢܝܐ ܒܩܝܼܢ̈ܬܐ ܚܢܝܓ̈ܬܐ ܡܬܒܼ̈ܟܝܢ ܗܼܘ̈ܝ ܐܝܿܟܢܐ ܕܗܘܼ ܢܒܝܐ ܥܒܿܕ. ܩ݀ܠܐ ܝܗܒܼܘ ܗ̄ ܟܕ ܢܣܼܒܘ ܒܥܠܕܒ̈ܒܐ ܚܝܠܐ ܕܡܼܢ ܐܠܗܐ ܟܿܠܗܘܿܢ ܠܗܝܟܠܐ ܐܬܟܢܼܫܘ ܐܝܟ ܕܒܝܘܡ̈ܬܐ ܕܟܢܘܼܫܝܐ ܕܥܕܥ̈ܐܕܥ ܕܥܡܐ. ܘܚܠܼܦ ܩ̈ܠܐ ܕܬܘܕܝܼܬܐ ܓܘܼܕ̈ܦܐ ܘܒܙܚܼܐ ܕܥܠ ܗܝܟܠܗ ܩ݀ܥܝܢ ܗܼܘܘ. ܐܬܚܼܫܒ ܡܪܝܐ ܗ̄ ܐܢܫܐܝܼܬ ܗܿܕܐ ܐܡܼܪܗܿ ܡܛ݀ܠ ܝܘܼܠܦܢܐ ܕܝܼܠܢ ܡܛ݀ܠ ܕܕܠܐ ܚܘܼܫܒܐ ܘܡܠܼܬܐ ܠܐ ܣ݀ܦܩܝܼܢܢ ܠܡܼܕܥ ܡܕܡ. ܐܪܡܝܼ ܚܘܼܛܐ ܗ̄ ܐܝܟ ܕܒܚܘܼܛܐ ܡܫܼܚܗܿ ܐܠܗܐ ܠܐܘܿܪܫܠܡ. ܘܐܫܠܼܡܗܿ ܠܪܘܓܙܐ ܘܠܡܣܒܪܝܼܫܐ ܒܝܼܫܐ ܗ݀ܘ ܕܒܝܗ ܡܬܼܛܒܥܐ ܗܘܬ݀ ܐܝܟ ܕܒܼܗܘܬܐ ܕܡ̈ܝܐ܆ ܠܐ ܐܗܦܼܟ ܗ̄ ܠܐ ܠܒܼܟ ܐܝܼܕܗ ܡܼܢ ܡܚܘܼܬܗܿ ܥܕܡܐ ܕܛܒܥܼܗܿ. ܐܦ ܢܒ̈ܝܐ ܠܐ ܗ̄ ܥܠ ܢܒ̈ܝܐ ܕܓ̈ܠܐ ܐܡܿܪ ܗ̄ ܠܘ ܐܟܡܿܢ ܕܡܼܢ ܐܠܗܐ ܡܩܒܿܠܝܼܢ ܗܼܘܘ ܓܠ̈ܝܢܐ ܐܠܐ ܠܦܘܼܬܡܕܡ ܕܡܛܥܝܢ ܢܒܝܘܼܬܐ. ܐܝܿܟܘ ܥܒܘܼܪܐ ܘܚܡܪܐ ܗ̄ ܐ݀ܦܢ ܠܟܿܠ ܡܘܼܫ̈ܚܢ ܡܚܒܿܠ ܗܼܘܐ ܟܦܼܢܐ ܐܠܐ ܝܬܝܼܪܐܝܼܬ ܠܥܘܼ̈ܠܐ ܘܠܛ̈ܠܝܐ ܗܿܢܘܿܢ ܕܟܕ ܚܿܡܝܢ ܒܥܘܼܒܐ ܕܐܡܼܗ̈ܬܗܘܿܢ. ܘܡܼܢ ܒܠܝ ܬܘܼܪܣܝܐ ܡܫܿܐܠܝܢ ܗܼܘܘ ܕܐܝܿܟܐ ܐܢܘܿܢ ܥܒܘܼܪܐ ܘܚܡܪܐ ܘܡܫܼܚܐ ܗܿܢܘܿܢ ܕܒܙܼܒܢ ܡܿܠܝܢܼ ܗܼܘܘ ܡܢܼܗܘܿܢ ܟܠ ܫܘܼ̈ܩܐ ܕܡܕܝܼ̈ܢܬܐ. ܟܕ ܐܬܛܪܦܼܘ ܗ̄ ܛܘܼܪܦܐ ܩ݀ܪܐ ܠܫܘܼܢܩܐ ܗ݀ܘ ܕܟܡܼܐ ܕܗܼܘ ܡܣܝܿܒܪܝܼܢ ܗܼܘܘ ܠܗ ܠܚܫܐ ܕܟܦܼܢܐ ܘܟܢ ܢ݀ܦܩܐ ܗܘܼܬ ܢܦܫܼܗܘܿܢ ܡܼܢ ܦܓܪܐ. ܟܕ ܐܬܐܫܼܕܘ ܗ̄ ܟܕ ܐܫܝܼܕܘܼܬܐ ܕܢܦܫܼ̈ܬܗܘܿܢ ܠܫܘܼܢܝܗܝܢ ܕܡܼܢ ܦܓܪ̈ܝܗܝܢ ܐܡܿܪ. ܡܿܢܐ ܐ݀ܣܗܕܟܝ. ܡܼܢ ܐܝܿܟܐ ܐܝܿܬܐ ܠܟܝ ܣܗ̄ܕܘܼ ܕܕܡܿܝܐ ܠܗܿܠܝܢ ܕܗܼ̈ܘܝ ܨܝܕܝܟܝ. ܐܝܢ ܢܬܩܼܛܠ ܒܡܫܼܟܢܗ ܕܡܪܝܐ ܟܗܿܢܐ ܘܢܒܝܐ ܗ̄ ܠܐ ܡܬܼܚܙܝܐ ܕܐܬܩܼܛܠ ܒܗܝܟܠܐ ܢܒܝܐ ܫܪܝܼܪܐ ܡܛ݀ܠ ܕܐܪܡܝܐ ܐܝܼܬ ܗܼܘܐ ܒܗܿܘ ܙܒܢܼܐ.ܐܠܐ ܗܿܕܐ ܐܝܟ ܕܒܫܘܼܐܠܐ ܪܥܘܼܡܐ ܐܡܿܪ ܠܗܿܕܐ. ܘܟܐܡܿܢ ܕܨ݀ܒܐ ܕܢܚܼܘܐ ܕܠܐܢܫ ܐܚܪܝܢ ܠܐ ܥܒܼܕ ܐܝܟ ܡܕܡ ܕܠܗܘܿܢ ܥܒܼܕ ܐܝܿܟܢܐ ܕܐܦ ܢܫܼ̈ܐ ܡܼܢ ܥܠܼܬ݀ ܟܦܼܢܐ ܢܐܟܼ̈ܠܢ ܒܢܝܗ̈ܝܢ. ܛܒܝܚܼܬ ܘܠܐ ܚܣܼܬ ܗ̄ ܠܟܿܠܗܝܢ ܩܘܡ̈ܬܐ ܕܥܡܐ ܚܫܼܒܬ݀ ܚܡܼܬܟ ܒܡܿܘܬܐ ܩܫܼܝܐ. ܘܗܿܝ ܕܛܒܼܚܬ ܐܟܙܼܢܐ ܕܢܣܼܒ ܐܢܫ ܚܝܠܬܢܐ ܠܥܘܼܠܐ ܘܒܪܘܓܙܐ ܥܠ ܐܪܥܐ ܢܚܒܼܛܝܼܘܗܝ ܘܢܬܼܒܪ ܓܪ̈ܡܘܗܝ ܘܠܒܼܣܪܗ ܢܦܣܼܩ ܘܗܿܠܝܢ ܠܘ ܐܠܗܐ ܥܒܕ ܐܢܝܢ ܐܘܿ ܒܣܘܼܥܢܪܐ ܗܼܘ̈ܝ ܐܡܿܪ ܢܒܝܐ ܐܠܐ ܕܢܒܼܕܩ ܥܠ ܩܫܝܘܼܬܐ ܕܡܚܘܼܬܐ ܘܠܐ ܡܚܪܡܼܢܘܬܐ ܕܒܒ̈ܠܝܐ܀ ܐܘܼܠܝܬܐ ܕܬܠܬ ܐܝܼܠ ܓܢܡܒܪܐ ܗ̄ ܐܠܗܐ ܚܝܠܬܢܐ. ܚܙܝܼ ܫܘܼܥܒܕܝ ܗ̄ ܘܝܐܿܢܘ ܫܘܼܥܒܕܐ ܡܚܿܘܐ ܒܫܼܒܛܐ ܕܪܘܓܗܗ̄ ܗܿܢܘ ܫܘܼܥܒܿܕܐ ܡܪܝܼܪܐ ܕܕܠܐ ܪ̈ܚܼܡܐ ܐܬܚܼܫܚܘ ܠܘܿܬܢ ܕܒܘܼܪ̈ܝܢ ܫܒܼ̈ܛܐ ܕܪܘܓܙܐ ܗܿܪܟܐ ܠܡܼܚܘܼܬܗ ܘܠܡܕܘܼܬܐ ܩܫܝܼܬܐ ܗܿܝ ܕܒܪܘܓܙܐ ܗܿܘܝܐ ܐܡܿܪ. ܒܪܡ ܒܝܼܫ ܢܬܘܼܒ ܗ̄ ܒܗܿܕܐ ܡܫܘܕܥ ܥܠ ܝܐܝܼܒܘܼܬܐ ܕܗܿܢܘܿܢ ܕܕܠܐ pb. 335 ܣܒܥܐ ܡܫܥܼܒܕܝܼܢ ܗܼܘܘ ܠܗܘܿܢ ܘܟܕ ܡܫܿܠܡܝܼܢ ܬܘܼܒ ܥܠܝܗܿ ܕܡܪܕܘܼܬܐ ܗ݀ܦܟܝܼܢ ܗܼܘܘ. ܘܢܗܦܼܟ ܐܝܼܕܗ ܗ̄ ܘܗ݀ܝ ܕܢܗܼܦܟ ܥܠ ܬܟܝܼܒܘܼܬܐ ܕܫܘܼܥܒܿܕܐ ܡܒܿܕܩܐ. ܝܘܡܐ ܓܝܪ ܠܐܡܝܼܢܘܼܬܐ ܕܝܼܠܗܝܢ ܕܒܒܝܼܫܬܐ ܡܟܿܢܐ ܘܐܝܼܕܐ. ܠܡܥܼܒܕܢܘܼܬܐ ܘܠܫܘܼܠܛܢܐ ܕܝܼܠܗܘܿܢ ܕܒܥܠܕܒ̈ܒܐ ܘܫܿܐܠ ܕܢܫܼܬܘܙܒ ܡܢܼܗܘܿܢ ܒܠܝܼ ܡܫܼܟܚ ܗ̄ ܡܼܢ ܡܢܘ̈ܬܐ ܗܿܠܝܢ ܕܚܫܒ ܠܟܿܠܗ ܒܪ ܐܢܫܐ ܐܡܿܪ. ܡܐ ܓܝ ܪܕܡܫܼܟܐ ܘܒܣܼܪܐ ܒܿܠܝܢ ܘܓܪ̈ܡܐ ܡܬܼܬܒܪܝܼܢ ܠܝܬ ܩܘܼܝܐ ܬܘܼܒ ܠܦܓܪܐ ܕܒܪܢܫܐ. ܘܐܟܪܟܼܢܝ ܡܼܪܕܐ ܗ̄ ܐܝܟ ܕܒܚܣܢܐ ܡܕܡ ܡܡܪܕܐ ܚܒܼܫ ܐܢܘܿܢ ܒܥܠܕܒܒܐ ܒܥܩܿܬܐ ܕܚܘܼܪܒܐ ܗ݀ܘ ܕܐܝܬܝܼ ܥܠܝܗܘܿܢ. ܕܐܒܐ ܟܡܢܐ ܗ̄ ܒܕܡܘܼܬ ܕܐܒܐ ܕܟ݀ܡܢ ܠܡܚܼܛܦ ܐܡܼܪܐ ܘܓܘܼܪܝܐ ܕܐܪܝܐ ܕܝܿܬܒ ܒܛܘܼܫܝܐ ܠܡܬܼܒܪ ܚܝܘ̈ܬܐ ܗܿܟܢܐ ܐܦ ܥܠܝܢ ܟܡܼܢ ܒܥܠܕܒܒܐ ܘܚܼܛܦ ܘܬܼܒܪܢ ܘܦܬܼܠ ܘܚܒܼܠ ܐܢܘܿܢ ܠܣܘܼܥܪ̈ܢܝܢ ܦܫܼܝ̈ܛܐ ܘܫܪܝܼܪ̈ܐ܆ ܘܬܒܼܪ ܒܟ̈ܐܦܐ ܗ̄ ܕܗܿܟܢ ܩܫܝܐܝܼܬ ܡܚܢܼܝ ܒܥܠܕܒܒܐ ܘܬܒܼܪܢܝ ܒܕܡܘܼܬ ܐܝܿܢܐ ܕܒ݀ܠܥ ܒܟ̈ܐܦܐ ܥܠ ܦܟܘ̈ܗܝ ܘܡܬܼܬܒܪ̈ܢ ܫܢܼ̈ܘܗܝ ܘܡܬܚܼܒܛ ܥܠ ܐܪܥܐ ܘܒܕܡܗ ܡܬܦܼܠܦܠ ܒܥܦܪܐ ܘܩܼܛܡܐ. ܦܠܼܢܝ ܒܩܼܛܡܐ ܗ̄ ܦܠܦܠܼܟܝ ܘܥܪܓܠܼܟܝ ܘܚܠܼܛܢܝ ܒܩܛܡܼܐ. ܐܬܛܥܝܿܬ ܡܼܢ ܫܠܡܐ ܗ̄ ܡܼܢ ܣܘܿܓܐܐ ܕܛܘܼܪ̈ܒܐ ܕܐܩܝܼܡܘܼܢܝ ܒܗܘܿܢ ܒܥܠܕܒ̈ܒܝ ܫܠܡܐ ܟܿܠܗ ܐܒܥܼܕ ܡܢܼܝ. ܘܛܥܝܿܬ ܛܒܿܬܐ ܗ̄ ܐܡܿܪ ܕܠܐ ܦܫܼ ܒܝܼ ܥܘܼܗܕܢܐ ܕܛܒ̈ܬܐ ܘܐܦܿܠܐ ܕܢܛܝܼܪ̈ܢ ܕܢܗܼ̈ܘܝܢ ܒܦܘܼܢܝܐ. ܕܡܪܪܐ ܘܓܕ̈ܕܐ ܟܿܠܗܝܢ ܠܥܩ̈ܬܐ܇ ܕܒܗ ܒܫܘܼܥܒܕܐ ܩܿܪܐ ܡܛ݀ܠ ܬܩܝܼܦܘܼܬܗܝܢ ܘܐܡܿܪ ܡܛ݀ܠ ܕܐܢܬ ܝܬܝܼܪ ܡܼܢ ܟ݀ܠ ܝ݀ܕܥ ܐܢܬ ܠܐܘܼܠ̈ܨܢܝܢ. ܘܐܬܥܼܗܕ ܠܢ ܒܠܚܘܼܕ. ܣܿܦܩܐ ܗܿܝ ܠܢ ܗܿܕܐ ܠܡܦܼܢܝܘܼ ܢܦܼܫܢ ܠܘܿܬܢ. ܗܿܕܐ ܗܿܝ ܗܿܝ ܕܐܦܢܐ ܢܦܫܝ ܥܠܝ. ܗ݀ܕܐ ܐܬܝܼܒ ܥܠ ܠܒܼܝ ܗ̄ ܐܡܿܪ ܕܐܢܗܼܘ ܕܫܪܝܼܪܐܝܼܬ ܐܝܼܬܝܗܝܢ ܗܿܠܝܢ ܕܐܡܿܪܬ ܕܐܒܿܥܐ ܘܐܬܟܼܫܦ ܩܕܡ̄ܘ ܘܐܝܿܬܐ ܥܠ ܒܠܝ ܗܿܕܐ ܘܐܗܿܝܡܢ ܕܫܿܡܥ ܠܝܼ ܕܠܐ ܦܘܠܓܐ ܐܝܼܬܝܗܿ. ܕܐܦ ܠܝܼ ܠܣܘܼܟܝ ܘܠܣܒܼܪܐ ܕܠܘܿܬܗ ܒܥܒܿܕܐ ܐ݀ܚܙܝܼܘ̄. ܚܼܣܕܐ ܬܢܢ ܠܪ̈ܚܡܼܐ ܩܿܪܐ ܕܢܐܼܡܪ ܕܡܛ݀ܠ ܕܡܪܚܡܢܐ ܗܿܘ ܓܡܝܼܪܐ ܐܠܐ ܩ݀ܛܥ ܠܗܿ ܠܒܣܝܼܡܘܼܬܗ ܡܼܢ ܒܢܝܢ̈ܫܐ ܐ݀ܦܢ ܟܡܼܐ ܢܗܼܘܘܿܢ. ܗܼܢܘܢܿ ܡܣܼܟܠ̈ܢܐ ܘܒܝܼ̈ܫܐ. ܒܚܘܼܕܬܐ ܕܨ݀ܦܪܐ ܗ̄ ܐܡܿܪ ܕܐܢ ܚܢܢ ܢܿܐܨܦ ܕܐܝܿܟܢܐ ܘܿܠܐ ܢܫܿܐܠ ܡܢܼ̈. ܠܗ ܗܿܟܢ ܦܫܝܼ̈ܩܢ ܗܿܠܝܢ ܕܝܼܠܢ ܒܙܒܼܢܐ ܙܥܘܿܪܐ ܠܡܫܚܼܠܦܘܼ ܠܛܒܬܐ ܒܕܡܘܼܬ ܨܿܦܪܐ ܕܡܐ ܕܕܿܢܚ ܩ݀ܦܠ ܠܚܫܘܼܟܘܼܬܐ ܡܼܢ ܩܕܡܘܗܝ. ܐܡܿܪܬ ܢܦܼܫܝ ܙܕܿܩ ܠܗܿ ܕܬܐܡܼܪܝ ܗ̄ ܕܬܬܚܼܫܒܝ ܕܐܠܗܐ ܒܠܚܘܼܕܘܗܝ ܐܝܼܬܘܗܝ ܠܗܿ ܣܼܒܪܐ ܘܡܢܿܬܐ ܘܝܪܬܘܼܬܐ. ܛ݀ܒ ܡܪܝܐ ܠܡܿܢ ܗ̄ ܡܚܿܘܐ ܕܣܿܓܕ ܡܥܿܕܪ ܬܘܼܟܠܢܐ ܕܥܠ ܐܠܗܐ. ܛ݀ܒ ܠܓܒܪܐ ܕܢܫܼܩܘܿܠ ܗ̄ ܡܼܢ ܚܕ ܓܒܪܐ ܥܠ ܓܒܪ̈ܐ ܘܢܫܼ̈ܐ ܪܡܿܙ. ܘܢܝܼܪܐ ܥܠ ܦܘܼܠܚܢܐ ܕܢܡܘܿ̈ܣܐ ܕܐܠܗܐ ܡܒܿܕܩ. ܘܟܬܼܒ ܒܠܚܘܕ̄ܘ ܗ̄ ܟܕ pb. 336 ܡܫܼܬܡܥ ܠܦܘܼܩ̈ܕܢܐ ܐܘܿ ܡܬܼܥܢܘܐ ܫܠܼܝܐ ܐܟܙܢܼܐ ܕܐܠܝܐ ܘܐܠܝܼܫܥ ܕܠܐ ܩܿܢܝܢܼ ܗܼܘܘ ܢܫ̈ܐ ܘܩܢܝ̈ܢܐ. ܢܬܼܠ ܒܥܦܪܐ ܦܘܼܩܡܗ ܗ̄ ܥܠ ܡܘܼܟܟܐ ܪܡܙܐ ܗ݀ܕܐ ܕܗܿܢܐ ܠܡ ܟ݀ܠܗ ܛܒܿܐ ܕܚܼܠܬ݀ ܐܠܗܐ ܠܡܿܢ ܕܐܚܝܼܕ ܠܗܿ ܕܐܦ ܡܚܘ̈ܬܐ ܘܡܘܼܟܟܐ ܡܣܿܝܒܪ ܡܛ݀ܠܬܗܿ ܟܕ ܠܐ ܡܬܼܟܫܠ. ܡܛ݀ ܕܠܐ ܛ݀ܥܐ ܡܪܝܐ ܗ̄ ܐܢܿܐ ܠܡ ܠܟܿܠ ܐܢܫ ܡܿܠܟ ܐܢܼܐ ܘܟ݀ܠܢܫ ܣܿܗܕ ܕܐܦܿܢ ܡܗܼܡܐ ܡܼܢܢ ܐܠܗܐ ܡܛ݀ܠ ܚܛܗ̈ܝܢ ܐܠܐ ܕܢܛܥܝܢ ܘܢܢܟܪܝܢ ܡܼܢ ܒܝܬܝܘܼܬܗ ܠܐ ܡܪܦܝܢ ܠܗ ܪ̈ܚܼܡܘܗܝ. ܕܠܐ ܥܿܢܐ ܗ̄ ܠܡܪ̈ܚܐ ܘܠܒܝܼܫ̈ܐ ܠܐ ܥܿܢܐ ܘܡܥܕܪ ܡܛ݀ܠ ܕܫܒܗܪܢܐܝܼܬ ܩܿܪܝܢ ܠܗ. ܘܡܡܟܟ ܒܢ̈ܝ ܗ̄ ܡܛ݀ܠܗ݀ܝ ܕܣܿܒܪܝܼܢ ܕܐܝܼܬܝܗܘܢܿ ܓܢܒܪ̈ܐ܆ ܠܡܟܒܼܫܘܼ ܬܚܝܬ ܪ̈ܓܠܘܗܝ ܗ̄ ܡܫܚܼܠܦܐ ܡܠܼܬܐ ܘܗܿܟܢ ܗܼܝ ܕܐ݀ܦܢ ܓܢܒܪ̈ܐ ܘܪܘܪ̈ܒܢܐ ܐܢܘܢܿ ܒܢܝܢ̈ܫܐ ܐܝܿܠܝܢ ܕܡܡܿܪܚܝܼ ܘܩܝܿܡܝܼܢ ܠܩܘܼܒܠܗ ܠܐ ܦܫܝܼܩܐܝܼܬ ܟܿܒܫ ܠܟܿܠܗܘܿܢ ܒܝܕ ܡܪܕܘܼܬܐ. ܘܐܝܟ ܕܒܐܣܘܼܪܐ ܦ݀ܟܪ ܠܗܘܿܢ ܬܚܝܬ ܪ̈ܓܠܘܗܝ. ܡܼܢ ܦܘܼܡܗ ܕܥܠܝܐ ܠܐ ܢܦܼ̈ܩܢ. ܡܢܼܗ ܓܝܪ ܐܝܼܬܝܗܝܢ ܒܝܼܫ̈ܬܐ ܠܒܝܼܫ̈ܐ ܘܛܒ̈ܬܐ ܠܛܒ̈ܐ. ܟܕ ܒܝܼܫ̈ܬܐ ܬܢܢ ܠܡܪ̈ܕܘܬܐ ܩܿܪܐ. ܡܿܢܐ ܡܬܼܚܫܒ ܒܪܢܫܐ ܕܚܝ ܗ̄ ܡܿܠܐܼ ܩܠܝܼܠ. ܘܓܒܪܐ ܗ̄ ܕܘܿܠܐ ܕܢܘܕܐ ܒܣܟܠܘܼܬܗ ܘܢܫܼܐܠ ܪ̈ܚܡܼܐ ܘܠܐ ܢܐܙܼܠ ܠܬܫܢܝܼܩܐ. ܛܠܠܼܬ ܒܪܘܓܙܟ ܘܐܥܒܼܪܬ ܨܠܘܿܬܢ ܕܢܐܼܡܪ ܕܡܛ݀ܠ ܕܐܪܓܼܙܬ. ܐܫܚܼܟܬܝܗܝ ܠܐܐܪ ܡܢܼܢ ܒܗܿܝ ܕܪܟܒܼܬ ܐܢܝܢ ܠܥܢ̈ܢܐ ܒܕܡܼܘܬ ܬܛܠܝܼܠܐ ܕܒܝܬܐ. ܘܟܠܼܝܬ ܐܢܘܿܢ ܡܢܼܢ ܠܙܠ̈ܝܼܩܐ ܕܢܘܼܗܪܐ. ܘܒܗ ܒܚܫܘܼܟܐ ܪܕܦܼܬܢ ܘܩܼܛܠܬܢ ܕܠܐ ܚܘܣܢ ܘܐܦܿܠܐ ܟܕ ܨܠܝܼܢ ܩܕܡܿܝܟ ܐܬܼܦܢܝܼܬ ܥܠܝܢ ܒܪ̈ܚܼܡܐ ܡܨܕܘܼ ܨܕܘܼܢܝ ܗ̄ ܕܡܓܢ ܠܡ ܐܚܼܕܘܼܢܝ ܘܩܛܠܘܼܢܝ ܒܒܠ̈ܝܐ. ܘܐܝܟ ܨܼܦܪܐ ܕܢ݀ܦܠܐ ܒܦܚܐ. ܟܕ ܠܐ ܚܝܿܒ ܐܢܼܐ ܠܗܘܿܢ ܡܕܡ. ܫܬܼܩܘ ܒܓܘܼܒܐ ܗ̄ ܐܝܟ ܕܒܓܘܼܒܐ ܕܣܝܿܢܐ ܛܡܼܪܘ ܐܢܘܿܢ ܠܚܝ̈ܝ ܒܥܩ̈ܬܐ. ܫܼܕܘ ܒܝܼ ܟܐܦ̈ܐ ܗ̄ ܪܒܝܼܘ ܐܢܝܢ ܠܒܝܼܫ̈ܬܐ ܒܡܚ̈ܘܬܐ ܘܒܡ̈ܠܐܼ ܕܒܙܼܚܐ ܘܕܓܘܼܕܦܐ ܕܐܝܟ ܕܒܟ̈ܐܦܐ ܒܝܼ ܫܿܕܝܢ ܗܼܘܘ. ܛܦܼܘ ܡ̈ܝܐ ܠܥܼܠ ܡܼܢ ܪܝܼܫܝ ܗ̄ ܕܗܿܟܢܐ ܐܣܼܓܝܼܘ ܐܢܘܿܢ ܠܢܣܝܼܘ̈ܢܝ ܥܕܡܐ ܕܣܠܼܩܘ ܘܚܦܼܝܘܼܢܝ ܠܡܣܼܒ ܢܦܫܼܝ ܡܢܼܝ. ܐܝܿܢܐ ܕܡܣܼܬܚܠܦ ܒܓܘܼܒܐ ܘܒܿܬܪܟܢ ܫܕܝܢ ܒܗܿ ܟܐܦ̈ܐ ܘܒܿܬܪܟܢ ܣܿܩܝܼܢ ܡ̈ܝܐ ܠܥܼܠ ܡܼܢ ܪܝܼܫܗ ܘܚܢܩܝܼܢ ܠܗ. ܩܪܝܿܬ ܫܡܟ ܡܪܝܐ ܗ̄ ܩܪܝܿܬ ܫܡܟ ܘܝܕܿܥܬ ܕܐܢܬ ܗܼܘ ܠܚܘܼܕܝܟ ܡܿܨܐܼ ܐܢܬ ܠܡܫܼܚܠܦܘܼ ܠܙܒܼܢܐ ܕܥܩ̈ܬܐ ܠܚܕܘܼܬܐ ܩܠܝܼܠܐܝܼܬ. ܘܡܼܢ ܥܩ̈ܬܗ ܕܫܒܼܝܐ ܗܿܢܝܢ ܕܝܬܝܼܪ ܡܼܢ ܓܘܼܒܐ ܥܡܝܼܩܐ ܥܣܼ̈ܩܢ ܠܡܣܼܩ ܡܢܼܗܝܢ ܐܪܝܼܡܬܢܝ ܘܕܐܠܝܼܬܢܝ. ܠܐ ܬܪܟܼܢ ܐܕܢܟ ܗ̄ ܐܝܟ ܕܒܫܼܐܠܬܐ ܐܡܿܪ ܠܐ ܬܗܼܡܐ ܡܼܢܢ ܒܥܩ̈ܬܢ. ܐܠܐ ܨܠ̈ܘܬܢ. ܘܠܐ ܬܫܼܢܐ ܡܼܢ ܠܘܿܬ. ܘܗ݀ܝ ܕܐܪܟܢ ܐܕܢܟ ܡܼܢ ܕܡܘܼܬܐ ܕܗ݀ܠ ܕܠܐ ܢܫܡܼܥ ܘܩܿܪܐ ܠܗ ܐܢܫ ܕܢܬܼܦܢܐ ܘܢܫܼܡܥ ܐܘܠܝܬܐ ܕܐܪܒܥ ܐܝܿܟܢܐ ܡܣܼܬܠܐ ܕܗܒܐ ܗ̄ ܡܬܼܕܡܪܢܐܝܼܬ ܐܡܝܼܪܐ ܕܗܒܐ ܩܿܪܐ ܠܗܘܿܢ ܡܛ݀ܠ ܓܒܝܘܼܬܗܘܿܢ. ܘܨܘܪܒܥܐ ܫܦܝܼܪܐ ܗ̄ ܡܛ݀ܠ ܟܗܝܼܢܘܼܬܗܘܿܢ ܘܫܘܼܦܪܗܘܿܢ pb. 337 ܘܫܿܢܐ ܗ̄ ܘܦܟܗ ܘܡܬܼܚܒܠ. ܡܫܼܬܕ̈ܝܢ ܟܐܦ̈ܐ ܗ̄ ܠܥܡܐ ܩ݀ܪܐ ܟܐܦܐ ܕܩܘܼܕܫܐ ܡܛ݀ܠ ܡܝܩܪܘܼܬܗܘܿܢ ܕܡܼܢ ܟܿܠܗܘܿܢ ܥܡ̈ܡܼܐ ܗ݀ܝ ܕܗܘܬ݀ ܠܗܘܿܢ ܒܝܬܝܘܼܬܐ ܕܠܘܿܬ ܐܠܗܐ. ܒܢ̈ܝ ܨܗܝܘܿܢ ܝܩܝܼܪܐ܆ ܕܦܚܪܐ ܓܠܝܐܝܼܬ ܡܚܘܿܐ ܡܛ݀ܠ ܒܝܬܝܘܼܬܐ ܘܡܥܕܪܢܘܼܬܐ ܩܼܪܐ ܐܢܘܿܢ ܟܐܦ̈ܐ ܛܒ̈ܬܐ. ܘܠܘ ܡܛ݀ܠ ܫܪܝܼܪܘܼܬܗܘܿܢ ܘܚܝܠܬܢܘܼܬܗܘܿܢ ܓܥܼ̈ܝ ܐܝܟ ܝܪܘܼܪܐ ܗ̄ ܒܢ̈ܬܐ ܨܗܝܘܿܢ ܠܗܿܢܐ ܨܿܥܪܐ ܡܛ̈ܝܼ ܩܕܡ ܫܒ̈ܝܐ ܘܐܙܕ̈ܠܠܝ ܐܝܟܢܐ ܕܒܕܡܘܼܬ ܚܝܘ̈ܬܐ ܐܘܟܝܼܬ ܝܪܘܪ̈ܐ ܒܡܕܒܪܐ ܥܡܿܪ̈ܢ ܘܣܿܓܝܼ ܚ̈ܐܫܢ ܟܕ ܡܬܼܬܨܝܼܕܝܼܢ ܒܢܝ̈ܝܢ ܝܬܝܼܪ ܡܼܢ ܚܝܘ̈ܬܐ ܐܚܪ̈ܢܝܬܐ. ܘܐܝܼܬ ܠܗܝܢ ܬܪܝܢ ܬܕ̈ܝܐ ܒܚܕܝ̈ܝܗܝܢ ܐܝܟ ܕܢܫܼ̈ܐ ܘܠܘ ܐܝܟ ܕܚܝܘ̈ܬܐ܆ ܕܟܝܼܘ ܢܙܝܼܪ̈ܝܗܿ ܗ̄ ܢܙܝܼܪ̈ܐ ܩܿܪܐ ܠܗܘܿܢ ܠܗܿܢܘܢܿ ܕܐܝܟ ܫܡܼܫܘܢܿ ܘܫܡܘܿܐܝܠ. ܟܕ ܕܟܝܘܼܬܐ ܘܬܠܓܐ ܘܚܠܒܐ ܐܡܿܪ ܗܼܘܐ. ܠܗܘܿܢ ܠܙܕܝܼ̈ܩܐ ܕܢܙܝܼܪܘܼܬܐ. ܘܡܼܢ ܬܚܘܝܼܬܐ ܕܢܙܝܼܪܘܼܬܐ ܐܡܿܪ ܥܠ ܪ̈ܝܼܫܢܐ ܘܕܡܥܠܝܢ ܒܡܝܬܪܘܼܬܐ ܡܼܢ ܟܿܠܗ ܥܡܐ ܗܿܢܘܢܿ ܕܡܢܼܩܕܝܼܡ ܚܘܪ̈ܝܼܢ ܗܼܘܘ ܒܡܝܗܥܝܬܗܘܿܢ. ܟܡܼܐ ܕܫܘܼܚܠܦܐ ܒܝܼܫܐ ܠܐ ܐܕܪܟ ܐܢܘܢܿ. ܡܼܢ ܣܘܼܪܕܘܿܢ ܗܘܼܝܘܼ ܝܐܩܘܼܬ ܘܣܦܝܼܠܐ ܠܙܘܼܪܕ. ܘܗܿܕܐܐܡܿܪ ܕܟܕ ܡܢܼܩܕܝܼܡ ܚܘܪ̈ܝܼܢ ܗܼܘܘ ܐܝܟ ܚܠܒܐ ܗܿܫܐ ܐܬܗܦܼܟܘ ܘܗܘܼܘ ܣܘܼ̈ܡܩܐ ܘܡܟ̈ܬܼܡܐ ܐܝܟ ܗܿܠܝܢ ܟܐܦ̈ܐ ܒܗܿܠܝܢ ܡܿܘܕܥ. ܕܥܠ ܕܐܬܟܬܼܡܘ ܒܚܛܗ̈ܐ ܐܬ̈ܝ ܥܠܝܗܘܿܢ ܥܩ̈ܬܐ ܥܕܘ ܪܘܪ̈ܒܢܝܗܿ ܒܫܘܼ̈ܩܝܗܿ ܗ̄ ܐܬܬܙܝܼܥܘ ܘܬܘܼܪܘ ܡܼܢ ܕܚܠܼܬܐ ܘܟܕ ܪܗܛܝܼܢ ܒܝܢܬ݀ ܫܘܼ̈ܩܐ ܕܡܕܝܼܢܬܐ ܠܟܼܐ ܘܠܟܼܐ ܐܬܩܼܛܠܘ ܘܐܫܼܬܕܝܼܘ ܘܒܗ ܒܕܡܼܗܘܿܢ ܐܬܦܠܼܦܠܘ ܐܝܿܟܢܐ ܕܐܦܿܠܐ ܩܛܘܿܠ̈ܐ ܐܬܡܼܨܝܼܘ ܠܡܩܼܪܒܘܼ ܠܢܚܬ̈ܝܗܘܿܢ. ܦܪܘܿܫܘ ܡܢܼܗܘܿܢ ܗ̄ ܐܡܿܪܝܼܢ ܗܼܘܘ ܒܥ̈ܠܕܒܒܐ ܠܚܕ̈ܕܐ ܕܐܬܪܚܼܩܘ ܠܟܘܢܿ ܡܢܼܗܘܢܿ ܕܝܘܼܕ̈ܝܐ ܕܐܬܩܼܛܠܘ ܡܼܢܢ ܘܥܒܼܪܘ. ܘܠܐ ܬܩܼܘܘܿܢ ܨܝܕܗܝܗܘܿܢ ܡܛ݀ܠ ܕܛܡܼ̈ܐܐ ܐܢܘܿܢ ܘܡܚܒܠܝܼܢ ܢܚܬܝ̈ܟܘܿܢ ܒܕܡܼܗܘܢܿ. ܐܡܼܪܘ ܒܝܬ ܥܡ̈ܡܼܐ ܗ̄ ܚܘܘ ܗܢܼܝܢ ܗܿܠܝܢ ܐܝܿܟܢܐ ܕܐܦ ܥܡ̈ܡܼܐ ܪ̈ܚܝܼܩܐ ܢܫܼܡܥܘܿܢ ܕܡܛ݀ܠ ܒܝܼܫ̈ܬܐ ܣܓ̈ܝܐܬܐ ܕܣܥܼܪܘ ܝܘܼܕ̈ܝܐ ܒܣܘܼܥܪ̈ܢܐ ܛܢ̈ܦܼܐ. ܠܐ ܡܫܼܟܚܐ ܕܬܘܼܒ ܢܥܡܼܪܘܢ ܒܐܪܥܗܘܿܢ ܐܝܟ ܕܡܼܢ ܩܕܝܼܡ. ܥܕ ܩܝܿܡܝܼܢܢ ܗ̄ ܐܡܝܼܢܐܝܼܬ ܩܝܿܡܝܼܢ ܗܼܘܘ ܘܚܿܝܪܝܼܢ ܘܡܣܟܝܢ ܠܡܠ̈ܟܐ ܕܫܕܪܘ ܒܿܬܪܗܘܿܢ ܕܢܐܼܬܘܢ ܠܥܘܼܕܪܢܗܘܢ ܘܡܼܢ ܗܿܕܐ ܡܕܡ ܠܐ ܝܼܬܪܘ. ܐܠܐ ܚܼܫܟܐ ܕܥܝ̈ܢܐ ܕܒܝܕ ܚܘܪܐ ܐܡܝܼܢܐ. ܕܩܼܘ ܕܘ̈ܩܝܼܢ ܗ̄ ܕܘ̈ܩܐ ܠܐܝܙܓ̈ܕܐ ܩܿܪܐ. ܕܫܕܪܘ ܠܘܿܬ ܡܨܪ̈ܝܐ ܘܟܘܼܫ̈ܝܐ ܕܢܐܼܬܘܢܿ ܠܥܘܼܕܪܢܗܘܿܢ. ܬܘܼܒ ܡܬܼܩܪܝܢ ܕܘ̈ܩܐ ܐܝܿܠܝܢ ܕܩܝܿܡܝܼܢ ܥܠ ܕܘܼܟ̈ܝܬܐ ܪ̈ܡܬܐ ܘܡܣܿܒܪܝܢ ܥܠܡܐ ܥܠ ܡܐܬܝܼܬܐ ܕܡܥܕܪ̈ܢܝܗܘܿܢ. ܦܪܨܘܼܦܗ ܕܡܪܝܐ ܗ̄ ܐܠܗܐ ܒܝܕ ܓܠܝܢܗ ܐܪܡܝܼ ܕܚܠܼܬܐ ܒܡܨܪ̈ܝܐ. ܘܦܠܓܼܘ ܡܼܢ ܚܕ̈ܕܐ ܠܗܘܿܢ ܘܠܝܘܼܕ̈ܝܐ pb. 338 ܘܠܐ ܢܘܣܼܦ ܠܡܚܼܪ ܗ̄ ܡܛܿܠ ܕܠܐ ܫܦܼܪܘ ܠܗ ܝܘܼܕ̈ܝܐ. ܠܐ ܡܫܼܟܚ ܗܼܘܐ ܕܢܚܼܙܐ ܘܢܥܕܪ ܐܢܘܿܢ. ܒܐܦ̈ܝ ܟܗܢܢܐ ܗ̄ ܠܐ ܡܼܢ ܟܗ̈ܢܐ ܐܬܟܼܚܕܘ ܒܒܠ̈ܝܐ ܐܦܠܐ ܥܠ ܐܢܫ̈ܐ ܣܒ̈ܐ ܪܚܡܼܘ. ܨܕܘ ܠܕܩܕܩܝܼܢ ܗ̄ ܐ݀ܦܠܐ ܐܗܡܝܼܘ ܡܼܢ ܙܥܘܿܪ̈ܝ ܩܘܡܬܐ ܘܡܗܠ̈ܝܟ ܒܫܘܼ̈ܩܐ. ܐܠܐ ܕܐܦ ܠܗܘܿܢ ܩܛܼܠܘ ܕܠܐ ܪ̈ܚܼܡܐ ܘܠܡܼܢܗܘܿܢ ܫܒܼܩܘ. ܪܘܼܚܐ ܕܐܦ̈ܝܼܢ ܡܫܝܼܚܗ ܗ̄ ܡܫܝܼܚܐ ܩ݀ܪܐ ܠܨܕܩܐ. ܕܐܬܬܚܼܕܘ ܒܐܝܼܕܐ ܕܒܒܠ̈ܝܐ ܐܝܟ ܕܒܓܘܼܡܨܐ ܪܘܼܚܐ ܕܐܦܝ̈ܗܘܿܢ ܐܡܿܪ ܠܗ ܕܐܟܙܼܢܐ ܕܐܐܪ ܗܿܢܐ ܐܘܟܝܼܬ ܪܘܼܚܐ ܢ݀ܫܒ ܒܢ ܘܒܝܕ ܣܘܩܗ ܡܿܚܐ ܠܢ ܘܡܦܿܨܚ ܠܐܦ̈ܝܢ. ܗܿܟܢܐ ܐܦ ܡܠܟܐ ܕܒܛܟܼܣܐ ܡܗܿܠܟ ܢ݀ܛܪ ܘܡܢܝܼܚ ܠܒܢ̈ܝ ܐܢܫ̈ܐ ܐܝܟ ܪܘܼܚܐ ܕܐܐܪ ܘܢܫܡܼܬܐ ܕܚ̈ܝܐ. ܐܬܕܟܪ ܡܪܝܐ ܗ̄ ܡܩܦ ܒܐܣܟܡܐ ܕܨܠܘܿܬܐ ܘܒܥܿܘܬܐ ܘܡܬܿܢܐ ܥܠ ܥܩ̈ܬܐ ܕܣܒܼܠ ܥܡܐ ܒܫܒܼܝܐ. ܘܡܦܝܼܣ ܠܐܠܗܐ ܕܢܐܼܨܠ ܕܝܼܠܗܘܿܢ. ܡܛ݀ܠ ܕܣܿܓܝܼ ܐܨܼܛܥܪܘ ܘܐܬܛܪܦܼܘ ܡܼܢ ܫܒ̈ܝܐ. ܡܿܢ ܒܟܣܼܦܐ ܗ̄ ܡܼܢ ܣܿܓܝܐܘܼܬܗ ܕܐܘܼܠܨܢܐ ܐܦܿܠܐ ܒܡܕܡ ܕܫܟܝܼܚ ܗܼܘ ܠܢ ܐܫܬܼܠܛܢ ܠܡܬܚܼܫܚܘܼ. ܐܠܐ ܒܛܝܼ̈ܡܐ ܝܩܝܼܪ̈ܐ ܡ̈ܝܐ ܘܩܝܘ̈ܡܐ ܫܿܩܠܝܼܢ ܗܼܘܝܢ ܥܠ ܟܬܦ̈ܬܢ ܘܡܥܠܝܼܢ ܗܼܘܝܢ ܠܡܕܝܼܢܬܐ ܘܡܼܢ ܩܕܡ ܚܪܒܐ ܘܫܒܼܝܐ ܕܫܒ̈ܝܐ. ܡܨܪ̈ܝܐ ܝܗܼܒܘ ܐܝܼܕܐ ܗ̄ ܐܫܼܬܘܕܝܼܘ ܕܢܐܼܬܘܢ ܠܥܘܼܕܪܢܗܘܿܢ ܘܐܝܟ ܕܠܫܪܝܼܪܘܼܬܐ ܕܥܘܼܕܪܢܗܘܿܢ ܐܘܫܼܛܘ ܠܢ ܝܡܝܼܢܐ ܕܐܬܿܝܢ ܘܐܬܘܼܪܝܐ ܗ̄ ܐܦ ܠܐܬܘܼܪ̈ܝܐ ܡܚܿܘܐ ܕܐܫܼܬܘܕܝܼܘ ܕܢܥܕܪܘܿܢ ܐܢܘܿܢ. ܘܕܥܒ̈ܕܐ ܐܫܼܬܠܛܘ ܒܢ ܗ̄ ܥܒܿܕܐ ܘܐܓܝܼܪ̈ܐ ܕܒܒ̈ܠܝܐ ܗ̄ ܠܒܒ̈ܠܝܐ ܩ݀ܪܐ ܥܒ̈ܕܐ ܥܠ ܕܐܝܼܬܝܗܘܿܢ ܡܼܢ ܙܪܥܗ ܕܚܡ ܥܒܕܐ ܒܗ݀ܝ ܕܡܠܟܘܼܬܐ ܕܢܡܼܪܘܿܕ ܐܚܝܼܕܝܼܢ ܗܼܘܘ ܗ݀ܘ ܕܡܼܢ ܚܡ ܡܬܝܒܠ ܕܐܬܩܼܪܝܼ ܥܒܕ̈ܐ ܕܥܒܕ̈ܐ ܠܐܚܘ̈ܗܝ ܘܗܿܫܐ ܫܥܼܒܕܘ ܠܒܢ̈ܝ ܫܝܼܡ ܒܘܼܟܪܐ܆ ܒܢܦܼܫܢ ܢܥܠ ܠܚܡܐ ܗ̄ ܨܿܒܐ ܕܢܘܕܥ ܕܒܛܘܼܪܦܐ ܢܦܼܩ ܠܥܡܐ ܒܡܐܼܬܝܬܐ ܕܒܒܠ̈ܝܐ ܘܠܚܡܐ ܘܡ̈ܝܐ ܘܩܝ̈ܣܐ ܡܼܢ ܕܘܼ̈ܟܝܬܐ ܪ̈ܚܝܼܩܬܐ ܒܛܝܼ̈ܡܐ ܘܥܠ ܬܟܦ̈ܬܗܘܿܢ ܛ݀ܥܢܝܼܢ ܗܼܘܘ ܘܡܿܥܠܝܢ ܠܐܘܿܪܫܠܝܡ. ܘܡܼܢ ܩܕܡ ܚܪܒܐ ܗ̄ ܡܼܢ ܩܕܡ ܥܡܐ ܕܒܡܕܒܪܐ ܡܼܢ ܩܕܡ ܗܿܢܘܢܿ ܕܐܬܼܘ ܥܠܝܗܘܿܢ ܡܼܢ ܡܕܒܪܐ. ܡܫܒ̈ܝܼܢ ܐܝܟ ܕܡܼܢ ܬܢܘܼܪܐ ܗ̄ ܗܿܠܝܢ ܡܥܕ̈ܢ ܠܡܓܼܕܫ ܡܼܢ ܚܣܝܼܪܘܼܬܐ. ܘܩܢܼܐܘ ܗ̄ ܐܬܚܼܪܟܘ ܡܼܢ ܟܦܼܢܐ܀
Corpus Text ID:
Source:
Homs, Syria Syriac Orthodox Archdiocese of Homs MS 12 SOAH 00012 http://syriaca.org/manuscript/2296 https://w3id.org/vhmml/readingRoom/view/502623Preparation of Electronic Edition:
TEI XML encoding by James E. Walters.Syriac text transcribed by Michael Oez.
Open Access and Copyright:
Note:
Dionysius bar Salibi, “Literal and Spiritual Commentary on Jeremiah - ܦܘܼܫܩܐ ܕܬܠܬܐ ܕܟܬܒܐ ܕܐܪܡܝܐ ܢܒܝܐ ܣܘܼܥܪܢܝܐ ܘܪܘܼܚܢܝܐ” based upon , Digital Syriac Corpus, last modified April 12, 2018, https://syriaccorpus.org/243.Show Citation Styles