On the Virgin Mary - ܥܲܠ ܡܵܪܬܿܝ ܡܲܪܝܲܡ

1 ܪܲܒܿܘܼܬܼ ܚܘܼܒܲܗ ܨܒܼܵܐ ܒܵܪܘܿܝܵܐ ܕܢܸܓܼܠܹܐ ܒܐ̄ܢܵܫ̈ܐ܆ 2 ܘܐܲܫܡܲܪ ܩܵܠܵܐ ܠܲܫܡܲܝܳܢܸ̈ܐ ܕܢܸܥܒܸܿܕ ܐ̄ܢܵܫ̈ܐ. 3 :ܒܪ̣ܵܐ ܟܠܡܸܕܼܡ ܡ̣ܢ ܠܵܐ ܡܸܕܲܡ ܘܠܵܐ ܐܸܬܼܡܲܠܲܟ 4 ܘܨܝܕܼ ܒܲܪܢܵܫܵܐ ܬܵܘ ܠܲܡ ܢܸܥܒܸܿܕ ܐ̄ܢܵܫ̈ܐ ܒܨܲܠܡܲܢ. 5 :ܥܒ݂ܲܕ ܪ̈ܘܼܚܵܢܹܐ ܘܠܵܐ ܨܒܼܵܐ ܒܲܕܹܩ ܨܠܸܡ ܐܝܲܬܘܼܬܹܗ 6 ܘܲܒܼܬܼܘܼܩܵܢܹܗ ܕܥܲܦܪܵܐ ܫܝܼܛܵܐ ܓܠ̣ܵܐ ܟܲܣܝܘܼܬܹܗ. 7 :ܒܬܘܼܒܵܢ ܟܠܵܐ ܠܵܐ ܒ̣ܥܵܐ ܥܸܕܼܪܵܐ ܘܠܵܐ ܡܵܠܘܿܕܵܐ 8 ܘܲܒܼܕܲܚܝܼܚܵܐ ܕܫܝܼܠ ܡ̣ܢ ܟܠܵܐ ܥܸܕܼܪܵܐ ܘܡܸܠܟܵܐ. 9 :ܐܝܲܬܼܝ ܒܪܝܼܬܼܵܐ ܕܠܵܐ ܐܝܼܬܹܝܗ̇ ܗ̄ܘ̣ܵܬܼ ܘܠܵܐ ܩܪ̣ܵܗ̇ ܨܲܠܡܹܗ 10 ܘܲܫܩ݂ܲܠ ܡܸܢܵܗ̇ ܡܢܵܬܐ ܟܣܚܵܬܐ ܘܲܩܪ̣ܵܗ̇ ܨܲܠܡܹܗ. 11 :ܒܚܸܕܡܵܐ ܣܲܓܪܵܗ̇ ܠܐܝܕܵܐ ܕܲܣܥܲܪ ܚܲܟܿܝܼܡܵܐܝܼܬܼ 12 ܕܲܢܚܲܟܸܿܡ ܒܵܗ̇ ܠܲܥܒܼ̈ܕܼ ܐܝܼܕܼܵܘ̈ܗܝ ܠܡܸܕܲܥ ܠܲܫܡܹܗ. 13 :ܫܸܡ ܐܝܼܬܼܘܼܬܹܗ ܨܒ̣ܵܐ ܕܲܢܒܲܕܸܡ ܒܲܨܠܸܡ ܐ̄ܢܵܫܵܐ 14 ܕܟܲܕܼ ܛܵܒܼ ܚܲܕܼ ܗ̄ܘ̣ ܐܝܼܬܼ ܗ̄ܘ̣ ܥܲܡܹܗ ܩܢܘܿܡ̈ܐ ܕܲܫܘܹܝܢ. 15 :ܐ̄ܪܵܙܵܢܵܐܝܼܬܼ ܓܠ̣ܵܐ ܠܲܥܒܼܵܕ̈ܘܗܝ ܚܹܝܠ ܟܲܣܝܘܼܬܹܗ 16 ܘܲܕܼܠܵܐ ܡܲܨܝܵܐ ܚܵܘܝܼ ܐܸܢܘܿܢ ܒܨܲܠܡܵܐ ܓܲܠܝܵܐ. 17 ܕܐܝܼܬܼܵܘܗܝ ܒܲܠܚܘܿܕܲ ܐܲܠܦܹܗ ܠܥܵܠܡܵܐ ܒܝܲܕܼ ܬܘܼܩܵܢܵܘ̈ܗܝ. 18 ܘܕܼܐܝܟܲܢ ܐܝܼܬܼܵܘܗܝ ܠܵܐ ܨܒ̣ܵܐ ܕܢܸܓܼܠܹܐ ܥܕܲܡܵܐ ܐܗܵܫܵܐ. 19 :ܠܚܲܪܬܼܵܐ ܕܥܲܡܠܹܗ ܢܲܛܪܹܗ ܠܐ̄ܪܵܙܵܐ ܕܒܼܘܼܕܵܩ ܒܢܘ̈ܡܹܐ 20 ܘܐܲܠܸܦ ܟܠܵܐ ܚܹܝܠ ܐܝܼܬܼܘܼܬܹܗ ܘܚܲܝܠܵܐ ܕܥܲܡܹܗ. 21 :ܠܥܹܝܢ ܟܠ ܐܲܫܡܲܥ ܗܵܝ̇ ܒܲܪܬܼ ܩܵܠܵܐ ܕܢܸܥܒܸܿܕ ܐ̄ܢܵܫܵܐ 22 ܘܐܸܬܿܕ ܡܲܪܘ ܒܵܗ̇ ܚܲܝܠܲܝ̈ ܪܵܘܡܵܐ ܕܡܵܢܲܐ ܗ̄ܝ̣ ܘܥܲܠ ܡ̇ܢ. 23 :ܒܬܲܗܪܵܐ ܪܲܒܵܐ ܩܵܡ̣ܘ ܪ̈ܘܼܚܵܢܹܐ ܟܲܕ ܨܵܬܼܘܫܲܡ̣ܢܘܼܗ̇ 24 ܘܲܒܼܚܲܕ ܬܿܘܼܬܼܵܗ̇ ܡܸܬܿܕܡܪܝܼܢ ܗ̄ܘ̣ܵܘ ܕܠܵܐ ܣܲܒܼܥܘܼܬܼܵܐ. 25 :ܡܵܢܲܐ ܗ̄ܝ̣ ܗܵܕܹ ܐܚܕܲܬܵܐ ܕܐܲܫܡܲܥ ܟܝܵܢܵܐ ܟܲܣܝܵܐ 26 ܘܲܠܡ̇ܢ ܩܵܪܹܐ ܥܸܕܪܵܐ ܥܲܡܹܗ ܒܬܼܘܼܩܵܢ ܨܲܠܡܹܗ. 27 :ܒܡ̇ܢ ܡܸܬܼܡܲܠܲܟ ܘܐܲܟܸܿܢ ܥܵܒܸ̇ܕ ܨܠܸܡ ܐܝܼܬܼܘܼܬܹܗ 28 ܘܐܲܝܟܲܢ ܡܲܨܝܵܐ ܕܢܸܬܿܕܲܡܹܐ ܠܹܗ ܥܒܼܵܕܼܵܐ ܕܐܝܼܕܼܵܘ̈ܗܝ. 29 :ܡ̇ܢ ܐܝܼܬܼ ܥܲܡܹܗ ܕܲܩܢܹܐ ܚܲܝܠܵܐ ܕܥܵܒܼܘܿܕܼܘܼܬܼܵܐ 30 ܕܲܡܙܡܸܢ ܠܹܗ ܠܘܬ ܬܘܼܩܵܢܵܐ ܕܲܨܠܸܡ ܨܲܠܡܹܗ. 31 :ܕܲܡܝܵܐ ܕܐܝܼܬܼܠܹܗ ܥܲܡ ܐܝܼܬܼܘܼܬܹܗ ܩܢܘܿܡܹ̈ܐ ܐ̄ܚܪ̈ܢܹܐ 32 :ܘܐܸܠܵܐ ܡ̇ܢܲܐ ܗ̄ܝ̣ ܗܵܝ̇ ܕܐܸܬܼܵܐ ܡܪܲܬ̤ ܕܬܼܵܘ ܥܲܡܝ ܢܸܥܒܸܿܕ 33 :ܐܸܠܘܼ ܐܸܡ݂ܲܪ ܕܬܼܵܐ ܐܲܝܟ ܕܲܠܚܲܕܼ ܡܸܣܬܲܒܼܪܵܐ ܗ̄ܘ̣ܵܬܼ 34 ܗܵܫܵܐ ܕܐܸܡ݂ܲܪ ܕܬܼܵܘ ܡܸܣܬܲ ܒܼܪܵܐ ܕܲܬܼܪܝܢ ܗܵܝܹ̇ܢ. 35 :ܠܵܘ ܓܲܠܝܵܐܝܼܬܼ ܝܠܸܦܘ ܪ̈ܘܼܚܵܢܹܐ ܗܵܕܹܐ ܕܐܸܡ̇ܪܹܬ 36 ܡ̣ܪܢܵܐ ܪܢܵܐܘܼܗ̇ ܕܡܲܢܵܘ ܚܲܝܠܵܐ ܕܲܟܼܣܹܐ ܒܫܸܡܢܵܐ. 37 ܡܸܫܡܲܥ ܒܲܠܚܘܿܕܼ ܫܲܡܢܘܼܗ̇ ܒܗܵܘܢܵܐ ܐ̄ܪܵܙܵܢܵܐܝܼܬܼ: 38 ܘܚܹܝܠ ܣܘܼܟܼܠܵܗ̇ ܠܵܐ ܣܦ݂ܲܩܘ ܐܲܕܼܪܸܟ̣ܘ ܚܲܬܿܝܼܬܼܵܐܝܼܬ. pb. f.27r 39 :ܗܵܕܹܐ ܒܲܠܚܘܿܕܼ ܨܒ̣ܵܐ ܒܵܪܘܿܚܵܐ ܕܢܵܘܕܲܥ ܐܸܢܘܿܢ 40 ܕܐܝܼܬܼ ܗ̄ܘ̣ ܥܲܡܹܗ ܡܸܕܹܗ ܕܲܟܼܣܹܐ ܥܲܡ ܟܲܣܝܘܼܬܹܗ. 41 :ܐ̄ܪܵܙܵܐ ܓܠ̣ܵܐ ܠܗܘܿܢ ܠܵܘ ܦܘܼܫܵܩܵܐ ܕܝܠܹܗ ܕܐ̄ܪܵܙܵܐ 42 ܕܡܵܐ ܕܡܸܬܼܒܲܕܲܩ ܠܵܐ ܢܸܬܼܟܼܪܹܐ ܩܕܼܵܡ ܥܲܝܢܲܝ̈ܗܘܿܢ. 43 :ܡܸܛܠܵܬܼܗܘܿܢ ܐܲܫܡ݂ܲܥ ܩܵܠܵܐ ܕܠܵܐ ܒܲܪܬܼ ܩܵܠܵܐ 44 ܘܠܲܝܘܼܠܦܢܗܘܿܢ ܬܲܗܝܼ ܥܲܡܠܹܗ ܠܸܫܬܿܐ ܝܵܘܡܝܼ̈ܢ. 45 :ܠܸܫܬܿܐ ܝܵܘܡܝܼ̈ܢ ܓܡ݂ܲܪܓܘܼ ܩܵܢܹܗ ܘܚܲܬܸܿܡ ܡܸܠܵܘ̈ܗܝ 46 ܘܒܲܫܒܼܝܼܥܵܝܵܐ ܢܵܚ̣ܵ ܟܲܕ ܠܵܐ ܢܚܲܚ̣ ܐܦܠܵܐ ܠܵܐܹ̇ܐ. 47 :ܒܝܵܘܡܵܐ ܕܫܬܿ ܐܲܫ̣ܡܲܥ ܩܵܠܵܐ ܗܵܘ̇ ܕܬܼܵܘܢܸܥܒܸܿܕܼ 48 ܘܥ̣ܒܲܕ ܨܲܠܡܵܐ ܘܐܸܣܲܪ ܒܹܗ ܡ̈ܠܝܼܠܹܗ ܘܚܲܪ̈ܫܹܐ. 49 ܒܲܦܓܼܪܵܐ ܘܢܲܦ̣ܫܵܐ ܪܲܟܸܿܒ̣ ܥܒܼܵܕܗ ܐܘܼܡܵܢܵܐܝܼܬܼ 50 ܕܢܸܗܘܹܐ ܕܵܡܹ̇ܐ ܠܲܫܡܲܝܵܫܹ̈ܐ ܘܠܲܐܪ݁ܥܵܢܵܝܹܐ. 51 :ܐܲܝܟ ܕܲܠܨܲܠܡܵܐ ܣܵܡܹܗ ܒܥܵܠܡܵܐ ܡܕܼܝܼܢܲܬܼ ܡܠܟܿܐ 52 ܕܲܢܚܘܪܘܼܢ ܒܹܗ ܡܠܝܼ̈ܠܹܐ ܘܚܲܪ̈ܫܹܐ ܚܘܼܒܵܢܵܐܝܼܬܼ. 53 :ܒܲܕܼ ܡܘܼܬܼ ܟܘܼܪܵܐ ܒܢ̣ܵܝܗܝ ܠܲܦܫܝܼܛܵܐ ܠܒܼܘܼܚܪܵܢ ܟܠܵܐ 54 ܕܢܸܒܼܩܹܐ ܒܪܸܬܼܚܹܗ ܦܵܪܘܿܫܘܼܬܼܐܕܣܵܡ̣ ܒܲܡ̈ܠܝܼܠܹܐ. 55 :ܒܐܲܬܼܪܵܐ ܦܲܐܝܵܐ ܐܸܥܸܠ ܣܵܡܹܗ ܕܢܲܛܸܢ ܒܹܗ ܟܠ 56 ܕܢܸܚܙܹܐ ܡܲܢ̣ܘܼ ܕܚܵܕܹ̇ܐ ܒܚܘܼܒܹܿܗ ܘܡܟܼܪܸܐ ܒܕܲܪܓܗ. 57 :ܠܟܸܢܫܲܝ̈ ܪܵܘܡܵܐ ܒܩ̣ܵܐ ܒܐܝܼܩܵܪܹܗ ܕܥܲܦܪܵܢܵܝܵܐ 58 ܘܐܸܫܪܚܢ ܡܸܢܗܘܿܢ ܕܙܹܐܦܵܐ ܗ̄ܘ̣ ܕܲܗܒܼܵܐ ܕܪܸ̈ܥܝܵܢܲܝܗܘܿܢ. 59 :ܬܚܘܼܡܵܐ ܣܵܡ̣ ܠܹܗ ܟܲܕܼܝܵܕܲܥ̇ ܠܹܗ ܕܠܵܐ ܢܵܛܲܪ ܗ̄ܘ̣ܵܐ 60 ܕܲܒܼܝܲܕ ܗܵܕܹܐ ܢܸܓܼܠܹܐ ܝܲܨܪܹܗ ܘܨܒܼܵܝܢ ܒܝܼܵܫܐ. 61 :ܡ̣ܢ ܚܲܕܼ ܦܹܐܪܵܐ ܟܠܝܗܝ ܕܐܝܼܠܵܢܵܐ ܕܠܵܐ ܢܸܩܪܘܿܒܼ ܠܹܗ 62 ܘܕܐܲܪܓܸܫ ܒܝܼܫܵܐ ܚ̣ܣܲܡ ܘܐܲܛܥܝܼܢ ܒܹܗ ܘܥܲܒܼܕܼ ܗܓܘܼܚܟܵܐ. 63 :ܚܣܵܡܵܐ ܥܵܘܪܵܗ̇ ܠܦܵܪܘܿܫܘܼܬܸܗ ܕܪܹܫܵܐ ܕܐܵܐܲܪ 64 ܘܠܵܐ ܨܒ̣ܵܐ ܕܢܸܚܙܵܐ ܫܘܼܦܪܵܐܦܲܐܝܵܐ ܕܒܲܨܠܸܡ ܐ̄ܢܵܫܵܐ. 65 :ܠܵܐ ܗ̄ܘ̣ܵܐ ܒܐ̄ܢܵܫܵܐ ܚܣ݂ܲܡ ܚܲܣܵܡܵܐ ܕܠܝܼܚ ܒܲܚܣܵܡܵܐ 66 ܐܸܠܵܐ ܒܐܝܼܬܼܝܵܐ ܕܟܲܢܝܼ ܠܐ̄ܢܵܫܵܐ ܒܲܨܠܸܡ ܨܲܠܡܹܗ. 67 :ܒܐܝܼܬܼܝܵܐ ܟܲܣܝܵܐ ܚܣ݂ܲܡ ܡܵܪܘܿܕܼܵܐ ܡܲܪܵܚܵܐܝܼܬܼ 68 ܘܲܕܼܠܵܐ ܐܸܫܟܲܚ ܕܢܲܟܹܿܐ ܠܥܲܣܝܵܐ ܐܲܟܿܝܼ ܠܨܲܠܡܹܗ. 69 :ܐܲܝܟ ܓܵܫܘܿܫܵܐ ܥ̣ܵܠ ܢܵܟܼܘܿܠܵܐ ܠܘܵܬܼ ܬܲܡܝܼܡܵܐ 70 ܘܒܲܙܲܗ ܠܥܘܼܬܼܪܹܗ ܘܲܫܠܲܚ̣ ܫܲܒܼܩܹܗ ܥܲܪܛܸܠܵܐܝܼܬܼ. 71 :ܒܨܲܥܪܹܗ ܐܲܣܒܲܪ ܕܲܡܨܲܥܲܪ ܗ̄ܘ̣ܵܐ ܠܫܸܡ ܒܵܪܘܿܝܵܐ 72 ܘܠܵܐ ܝܵܕܲܥ ܗ̄ܘ̣ܵܐ ܥܘܝܼܪ ܒܲܚܣܵܡܵܐ ܕܠܹܗ ܗܘ̤ ܡܲܒܼܐܸܫ. 73 :ܐܲܝܟ ܠܨܲ[...]ܡܵܐ ܕܲܡܠܸܟ ܡܲܠܟܹ̈ܐ ܪܵܓܸ̇ܡ ܗ̄ܘ̣ܵܐ ܠܹܗ 74 ܘܲܚܠܵܦ ܟܹܐܦܹܐ ܡܫܲܕܹܐ ܗ̄ܘ̣ܵܐ ܒܹܗ ܡܸ̈ܠܹܐ ܕܨܲܥܪܵܐ. 75 :ܒܲܚܣܵܡܵܐ ܠܲܡ ܟܠܵܟ ܒܵܪܘܿܝܵܐ ܡ̣ܢ ܐܝܼܠܵܢܵܐ 76 ܕܠܵܐ ܬܸܗܘܹܐ ܠܹܗ ܒܲܪܝܲܪܬܿܘܼܬܹܗ ܒܐܲܠܗܘܼܬܹܗ. 77 :ܐܲܠܵܗܘܼܬܼܵܐ ܩܢܹܐ ܐܝܼܠܵܢܵܐ ܕܲܟܼܠܵܟ ܡܸܢܹܗ 78 ܐܸܢ ܐܵܟܸ̇ܠ ܐܲܢ̄ܬ ܗܘ݂ܲܬܿ ܐܲܠܵܗܵܐ ܐܲܝܟ ܐܲܠܵܗܹ̈ܐ. 79 :ܗܵܠܹܝܢ ܡܸ̈ܠܹܐ ܫ̣ܕܵܐ ܒܹܗ ܒܝܼܫܵܐ ܒܲܨܠܸܡ ܛܵܒܼܵܐ 80 ܘܣܲܚܦܹܗ ܘܲܫ̣ܕܵܝܗܝ ܘܐܲܗܸܠ ܘܲܓܸܿܚܟ ܥܲܠ ܡܲܦܘܼܥܬܹܗ̇ 81 :ܒܗܵܢܵܐ ܒܸܙܚܵܐ ܚ̣ܵܪ ܐܵܦ ܛܵܒܼܵܐ ܡܠܹܐ ܛܵܒܼܘܼܬܼܵܐ 82 ܘܚܵܣ̣ ܥܲܠ ܨܲܠܡܹܗ ܕܠܵܐ ܒܲܙܲܚ ܡ̣ܢ ܡܵܪܘܿܕܼܵܐ. 83 :ܪܕܵܝܗܝ ܥܲܠ ܕܐܲܣܟܸܿܠ ܘܲܗܦܸܟ ܚܵܢܹ̇ܗ ܪܵܚܡܵܢܵܐܝܼܬܼ 84 ܕܠܵܐ ܢܸܫܬܲܒܼܗܲܪܢܐܵܐ ܕܣܲܚܦܹܗ ܚܲܪܡܵܢܵܐܝܼܬܼ. 85 :ܓܙܲܪ̣ ܠܚܘܼܡܵܐ ܕܡܠܙ ܡܵܘܬܿܐ ܥܲܠ ܣܲܟ̣ܠܘܼܬܹܗ 86 ܘܥܲܒܼܕܹܗ ܠܦܲܓܼܪܹܗ ܢܸܒܼܥܵܐ ܕܡܸܪܕܵܐ ܚܲܝܹ̈ܐ ܠܓܸܢܣܹܗ. 87 ܬܲܦܹ̈ܐ ܕܐ̄ܢܵܫܵܐ ܪܕܵܘ ܡ̣ܢ ܦܲܓܼܪܹܗ ܠܲܐܪܒܲܥ ܦܸܢ̈ܝܵܢ: pb. f.27v 88 ܘܲܡܠܵܗ̇ ܠܲܐܪܥܵܐ ܦܹܐܪܹ̈ܐ ܡܠܝܼ̈ܠܹܐ ܡ̣ܢ ܗܲܕܵܡܵܘ̈ܗܝ. 89 :ܦܹܐܪܹ̈ܐ ܚܲܝܹ̈ܐ ܐܲܦܪܝܼܘ ܡܸܢܹܗ ܕܲܩܛܝܼܠ ܒܐܘܼܟܠܵܐ 90 ܘܲܚ̣ܙܵܐ ܣܵܢܵܐܵܐ ܘܐܲܚܕܹܗ ܓܘܼܢܚܵܐ ܥܲܠ ܫܘܼܚܠܵܦܹܗ. 91 :ܣܒ݂ܲܪ ܕܐܸܢ ܐܵܟܸ̇ܠ ܡ̣ܢ ܐܝܼܠܵܢܵܐ ܡܝܼܬܼ ܘܲܠܥܵܠܲܡ 92 ܘܠܵܐ ܨܒ̣ܵܐ ܛܵܒܼܵܐ ܕܬܸܣܲܩ ܪܸܓܿܬܹܗ ܠܘܵܬܼ ܫܘܼܠܵܡܵܐ. 93 :ܣܲܡ ܚܲܝܘܼܬܼܵܐ ܕܡ̣ܢ ܚܲܝܘܼܬܹܗ ܣܡ ܒܹܗ ܦܲܓܼܪܵܐ 94 ܕܢܸܗܘܹܐ ܪܵܗܸ̇ܛ ܥܲܡ ܝܘܼܒܵܠܹܗ ܕܠܵܐ ܫܘܼܠܵܡܵܐ. 95 :ܒܙܲܪܥܵܐ ܕܡܸܢܹܗ ܝܲܒܸܿܠ ܢܲܛܪܹܗ ܠܲܫܡܵܐ ܕܝܲܗ̄ܒ̣ ܠܹܗ 96 ܕܠܵܐ ܢܸܬܼܓܲܪܕܹܐ ܡ̣ܢ ܝܲܠܕܹ̈ܬܹܗ ܫܸܡ ܪܲܒܿܘܼܬܹܗ. 97 :ܫܸܡ ܪܲܒܿܘܼܬܹܗ ܨܵܪ ܥܲܠ ܕܲܦܵܐ ܕܲܓܼܒܼܝܼܠܘܼܬܹܗ 98 ܘܕܲܠܚܲܝܗܝ ܒܝܼܫܵܐ ܗܦ݂ܲܟ ܬܘܼܒܼ ܨܵܪܹܿܗ ܒܫܹܝܬܼ ܬܸܢܵܝܵܢܘܼܬܼ. 99 :ܥܲܠ ܫܹܝܬܼ ܐܸܡ݂ܲܪ ܕܲܒܼܟܼܠ ܡܸܕܸܡ ܕܵܡܹ̇ܐ ܠܐܵܕܼܵܡ 100 ܒܗܵܝ̇ ܕܲܒܼܦܲܓܼܪܹܗ ܟܣܹܐ ܗ̄ܘ̣ܵܐ ܐ̄ܪܵܙܵܐ ܕܝܘܼܒܵܠ ܓܸܢܣܹܗ. 101 :ܠܩܵܐܹܝܢ ܘܗܵܒܹܝܠ ܠܵܐ ܩܪ̣ܵܐ ܐܸܢܘܿܢ ܨܲܠܡܹܗ ܕܐܵܕܼܵܡ 102 ܕܚܲܕܼ ܡܵܐܸ̇ܬܼ ܗ̄ܘ̣ܵܐ ܘܲܐܚܪܹܝܢ ܐܵܒܼ̇ܕܼ ܒܲܓܼܙܵܪ ܕܝܼܢܵܐ. 103 :ܒܲܬܼ ܠܝܼܬܼܵܝܵܐ ܕܐܵܘ ܠܸܕܼ ܐܵܕܼܵܡ ܫܪܵܬ̤ ܚܲܝܘܼܬܼܵܐ 104 ܘܫܲܦܝܼܪ ܟܲܢܝܹܗ ܐܵܦ ܒܲܪ ܥܲܡܪܲܡ ܨܲܠܡܹܗ ܕܐܵܕܼܵܡ. 105 :ܨܲܠܡܹܗ ܕܐܵܕܼܵܡ ܥܬܼܝܼܕ ܗ̄ܘ̣ܵܐ ܕܢܸܣܲܒܼ ܡܵܪܹܗ ܕܐܵܕܼܵܡ 106 ܩܲܕܲܡ ܣܵܡܹܗ ܡ̣ܢ ܫܘܼܪܵܝܵܐ ܒܵܐܕܼܵܡ ܘܲܒܼܢܵܘ̈ܗܝ. 107 :ܐܲܝܟ ܫܲܬܼܐ̱ܣܬܼܵܐ ܣܵܡܹܗ ܠܲܫܡܹܗ ܒܒܸܢܝܵܢ ܐ̄ܢܵܫܵܐ 108 ܕܢܸܗܘܘܿܢ ܒܵܢܹ̇ܝܢ ܚܲܕܼ ܥܲܠ ܚܲܒܼܪܹܗ ܨܠܸܡ ܗܵܘ̇ ܕܐܵܬܹ̇ܐ. 109 :ܒܗܵܕܹܐ ܬܸܢܘܲܝ ܡܸܬܼܡܲܠܲܟ ܗ̄ܘ̣ܵܐ ܢܸܥܒ[...] ܐ̄ܢܵܫܵܐ 110 ܘܲܒܼܗܵܢ ܛܲܟܼܣܵܐ ܩܵܪܹ̇ܐ ܗ̄ܘ̣ܵܐ ܠܹܗ ܨܠܸܡ ܟܲܣܝܘܼܬܹܗ. 111 :ܚܲܕ ܡ̣ܢ ܐ̄ܢܵܫܵܐ ܥܬܼܝܼܕ ܗ̄ܘ̣ܵܐ ܕܢܸܥܒܸܿܕ ܥܘܼܡܪܵܐ ܠܚܘܼܒܹܿܗ 112 ܘܩܲܕܡ ܘܲܩܪ̣ܵܝܗܝ ܠܬܼܘܼܩܵܢ ܐ̄ܢܵܫܵܐ ܨܠܸܡ ܟܲܣܝܘܼܬܼܵܐ. 113 :ܡ̣ܢ ܫܘܼܪܵܝܵܐ ܣܵܡ̣ ܥܲܠ ܐ̄ܢܵܫܵܐ ܫܸܡ ܐܝܼܬܼܘܼܬܹܗ 114 ܕܠܵܐ ܢܸܬܼܦܲܠܲܓܼ ܡܵܐ ܕܓܼܵܡܲ݁ܪ ܠܹܗ ܒܝܲܕ ܣܘܼܥܪ݁ܵܢܐ. 115 :ܠܫܘܼܠܵܡ ܙܲܒܼܢܹ̈ܐ ܢܛܝܼܪܵܐ ܗ̄ܘ̣ܵܬܼ ܠܹܗ ܗܵܕܹܐ ܕܲܣܥ݂ܲܪ 116 ܘܩܲܕܡ ܣܲܥܪܵܗ̇ ܐ̄ܪܵܙܵܢܵܐܝܼܬܼ ܥܲܕܓܵܡܲ݁ܪ ܠܵܗ̇. 117 :ܘܐܸܢ ܠܵܐ ܢܹܐܡܲܪ ܟܠ ܡ̇ܢ ܕܐܵܡܲܪ ܠܘܼܩܒܲܠ ܡܸܠܲܝ̈ 118 ܕܒܲܡ̇ܢ ܕܵܡܹ̇ܐ ܨܠܸܡ ܒܲܪܢܵܫܵܐ ܠܐܲܠܵܗܘܼܬܼܵܐ. 119 :ܐܲܝܟܲܢ ܡܲܨܝܵܐ ܕܝܵܢ ܟܲܣܝܵܐ ܕܠܵܐ ܪܘܼܟܵܒ̣ܵܐ 120 ܢܸܬܿܕܲܡܹܐ ܠܹܗ ܟܝܵܢܵܐ ܥܒܼܝܼܕܼܵܐ ܘܡܸܬܼ ܪܲܟܵܒܼܵܢܵܐ. 121 :ܐܲܝܟܲܢ ܡܸܫܟܲܚ ܠܡܸܗܘܵܐ ܥܒܼܝܼܕܼܵܐ ܐܲܝܟ ܥܵܒܼܘܿܕܼܵܐ 122 ܘܐܲܝܟܲܢ ܣܵܦܹ̇ܩ ܡܸܣܬܲܝܟܵܢܵܐ ܠܲܕܼܠܵܐ ܣܵܟܼܵܐ. 123 :ܐܲܝܟܲܢ ܢܲܫܲܪ ܕܨܲܠܡܵܐ ܗ̄ܘ̣ ܐ̄ܢܵܫܵܐ ܕܐܲܠܵܗܘܼܬܼܵܐ 124 ܕܗܵܐ ܠܲܝܬܿ ܣܵܟܼܵܐ ܘܠܵܐ ܪܘܼܟܵܒܼܵܐ ܠܲܐܠܗܘܼܬܼܵܐ. 125 :ܘܢܸܗܘܹܐ ܕܢܸܗܘܹܐ ܨܠܸܡ ܟܲܣܝܘܼܬܼܵܐ ܐܲܝܟ ܡܵܐ ܕܟܼܬܼܝܼܒܼ 126 ܐܲܝܟܵܘ ܕܲܗܘ̤ܵܐ ܕܗܵܐ ܐܸܬܼܚܲܒܲܠ ܘܲܗܦ݂ܲܟ ܠܲܐܪܥܹܗ. 127 :ܘܗܵܐ ܠܟܼܠ ܕܵܪ̈ܝܼܢ ܚܲܒܸܿܠ ܡܵܘܬܿܐ ܘܬܼܘܼܒܼ ܡܸܬܼ ܚܲܒܿܠܝܼܢ 128 ܘܐܲܝܟܵܘ ܨܲܠܡܵܐ ܕܗܵܐ ܠܲܝܬܿܕܘܡܝܵܐ ܒܲܒܼܢܲܝܵܢܵܫ̈ܐ. 129 :ܘܐܸܢ ܐ̄ܢܵܫ ܢܹܐܡܲܪ ܕܲܥܬܼܝܼܕܼ ܕܢܸܗܘܹܐ ܡܵܐ ܕܡܸܬܼ ܚܲܕܼܬܼ 130 ܗܵܐ ܐܵܦ ܬܲܡ̇ܢ ܠܵܘܒܐܝܼܬܼܘܼܬܼܵܐ ܡܨܐܡܸܬܿܕܲܡܹܐ. 131 :ܠܵܐ ܒܲܪܢܵܫܵܐ ܠܲܝܬܿ ܠܐܝܼܬܼܘܼܬܼܵܐ ܨܲܠܡܵܐ ܓܲܠܝܵܐ 132 ܘܠܵܐ ܕܠܵܐ ܠܲܥܒܼܝܼܪܹ̈ܐ ܕܢܸܗܘܘܿܢ ܕܲܡܹ̇ܝܢ ܠܲܕܼܠܵܐ ܡܵܘܬܿܐ. 133 :ܒܚܘܼܒܵܐ ܗ̄ܘ̣ ܒܲܠܚܘܿܕܲ ܡܨܹܐ ܕܢܸܬܿܕܲܡܘܿܢ ܐ̄ܢܵܫ̈ܐ ܕܲܣܝܵܐ 134 ܘܐܵܦ ܥܵܒܼܘܿܕܼܵܐ ܒܚܘܼܒܵܐ ܡܕܡܹܐ ܕܝܼܠܹܗ ܒܕܼܝܼܠܹܗ. 135 :ܒܚܘܼܒܵܐ ܟܲܢܝܹܗ ܠܲܨܠܸܡ ܐ̄ܢܵܫܵܬ ܨܠܸܡ ܟܲܣܝܘܼܬܹܗ 136 ܘܲܒܛܲܝܒܿܘܼܬܼܵܐ ܩܪ̣ܵܝܗܝ ܒܲܫܡܵܗܹ̈ܐ ܕܪܵܡܹܝܢ ܡܸܢܹܗ. 137 :ܒܛܲܝܒܿܘܼ ܝܲܗ̣̄ܒܼ ܠܹܗ ܒܫܘܼܪܵܝ ܙܲܒܼܢܹ̈ܐ ܫܸܡ ܐܝܼܬܼܘܼܬܹܗ 138 ܕܲܢܨܘܼܪ ܐ̄ܪܵܙܵܐ ܕܗܵܝ̇ ܕܲܥܬܝܼܪܵܐ ܒܫܘܼܠܵܡ ܙܲܒܼܢ̈ܐ. 139 ܒܫܘܼܠܵܡ ܙܲܒܼܢܹ̈ܐ ܡܫܲܪܲܪ ܗ̄ܘ̣ܵܐ ܠܹܗ ܠܲܫܡܵܐ ܕܨܲܠܡܵܐ: pb. f.28r 140 ܥܲܠ ܗܵܝ̇ ܩܲܕܲܡ ܨܵܪܦܸܠܵܐܬܹ̈ܐ ܒܲܥܬܝܼܕܼܵܬܹ̈ܐ. 141 :ܒܗܵܢ ܫܘܼܠܵܡ̇ܐ ܡܸܬܼܩܹܐ ܗ̄ܘ̣ܵܐ ܡ̣ܢ ܫܘܼܪܵܝܵܐ 142 ܘܥܲܠ ܗܵܢ ܣܲܒܼܪܵܐ ܡܪܲܡܪܸܡ ܗ̄ܘ̣ܵܐ ܠܵܗ̇ ܠܲܓܼܒܼܝܼܠܘܼܬܹܗ. 143 :ܡܸܛܠ ܗܵܕܹܐ ܓܒ̣ܵܐ ܠܹܗ ܥܲܡܵܐ ܚܲܕܼ ܡ̣ܢ ܥܲܡܡܹ̈ܐ 144 ܘܦܪܲܫܹܗ ܡ̣ܢ ܟ̇ܠ ܕܢܗܘܹܐ ܢܛܝܼܪ ܒܹܗ ܚܡܝܼܪ ܚܲܝܘܼܬܼܵܐ. 145 :ܡܸܛܠ ܗܵܕܹܐ ܝܲܩܲܪ ܟܹܐܢܹ̈ܐ ܚܲܕܼ ܒܵܬܲܪ ܚܲܕ 146 ܕܢܸܗܘܘܿܢ ܢܵܛ̇ܪܝܼܢ ܐ̄ܪܵܙܵܐ ܕܲܟܼܣܹܐ ܒܗܲܕܵܡܲܝ̈ܗܘܿܢ. 147 :ܐܵܦ ܙܲܕܲܝܩܹ̈ܐ ܒܗܵܕܹܐ ܬܸܢܘܲܝ ܫܠܸܡܘ ܠܲܚ̈ܕܵܕܼܵܐ 148 ܘܝܲܒܸܿܠ ܘܐܲܫܠܸܡܘ ܚܡܝܼܪܵܐ ܕܲܒܼܗܘܿܢ ܡ̣ܢ ܚܲܕܼܠܲܐܚܪܹܝܢ. 149 :ܐܵܕܼܵܡ ܝܲܗܒܹܿܗ ܠܫܹܝܬܼ ܕܐܸܬܼܟܲܢܝܼ ܒܲܫܡܵܐ ܕܨܲܠܡܵܐ 150 ܘܡ̣ܢ ܫܹܝܬܼ ܠܲܚܢܘܿܟ ܘܲܠܠܡܟ ܘܲܠܢܘܿܚ ܡܢܝܼܚ ܠܲܐܠܵܗܵܐ. 151 :ܢܘܿܚ ܐܸܬܼܢܲܒܲܝܼ ܘܝܲܗ ܒܹܿܗ ܠܲܒܼܪܹܗ ܒܝܲܕ ܒܘܼܪ̈ܟܵܬܼܵܐ 152 ܒܪܝܼܟ ܠܲܡ ܡܵܪܝܵܐ ܐܲܠܵܗܹܗ ܕܫܹܝܡ ܕܫܲܝܢܸܢ ܒܲܒܡܹܗ. 153 :ܡ̣ܢ ܫܹܝܡ ܫܲܢܝܼ ܒܝܲܕ ܝܘܼܒܵܠܵܐ ܠܘܵܬܼܐܲܒܼܪܵܗܵܡ 154 ܘܐܲܒܼܪܵܡ ܢܵܛܪܹܗ ܒܲܚܦܝܼܛܘܼܬܼܵܐ ܛܵܒܼ ܡ̣ܢ ܛܠܢܵܫ. 155 :ܐܵܦ ܒܵܪܘܿܝܵܐ ܕܲܚ̣ܙܵܝܗܝ ܕܲܚܦܝܼܛ ܠܡܸܛܲܪ ܨܲܠܡܹܗ 156 ܓܒܼܵܝܗܝ ܘܐܲܩܝܼܡܹܗ ܐܲܦܸܛܪܘܿܦܵܐ ܠܓܲܙܵܐ ܕܲܫܡܹܗ. 157 :ܒܹܗ ܨܒ̣ܵܐ ܕܢܸܓܼܠܹܐ ܓܲܙܵܐ ܪܲܒܿܐ ܕܣ̣ܵܡ ܒܐܲܒܼܵܗܵܘ̈ [...] 158 ܘܒܹܗ ܐܸܫܬܵܘܕܝܼ ܕܲܢܒܲܪܸܟ ܟܠ ܒܙܲܪܥܵܐ ܕܡܸܢܹܗ. 159 :ܠܙܲܪܥܹܗ ܐܲܩܝܼܡ ܩܝܵܡܵܐ ܪܲܒܿܐ ܕܠܵܐ ܡܸܬܿܕܲܓܲܠ 160 ܘܚܲܬܸܿܡ ܩܝܲܡܒܹܿܗ ܒܝܲܕܼ ܡܵܘܡ̈ܬܼܵܐ ܕܠܵܐ ܡܸܫܬܲܪܝܵܐ. 161 :ܗܵܕܲܐ ܗ̄ܝ̣ ܥܸܠܬܼܵܐ ܕܓܲܒܼܝܘܼܬܼܐܲܒܼܪܵܡ ܘܲܕܼܝܲܠܕܼܵܘ̈ܗܝ 162 ܕܢܸܗܘܹܐ ܢܵܛܲ̇ܪ ܣܝܼܡܲܬܼ ܚܲܝܹ̈ܐ ܥܲܕ ܡܸܬܓܲܠܝܵܐ. 163 :ܘܐܸܠܵܢܹܐ ܡܲܪܒܲܪ ܐܲܒܼܵܪܗܵܡ ܣܵܢܹ̇ܐ ܠܥܲܡܡܹ̈ܐ 164 ܕܡܸܛܠ ܡܵܢܵܐ ܕܒܼܵܝܗܝ ܒܵܪܘܿܝܵܐ ܝܲܬܿܝܼܪ ܡ̣ܢ ܟܠ. 165 :ܠܡ̇ܢ ܠܹܗ ܒܲܠܚܘܿܕܲ ܝܲܗ̣̄ܒܼ ܢܵܡܘܿܣܵܐ ܕܡܲܩܢܹܐ ܚܲܝܹ̈ܐ 166 ܘܢܲܟܼܪܝܼ ܠܥܲܡܡܹ̈ܐ ܡ̣ܢ ܢܵܡܘܿܣܵܐ ܕܲܟܼܣܹܐ ܒܓܼܵܘܹܗ. 167 :ܐܸܢ ܕܝܼܠܹܗ ܗܘ̤ ܟܠܹܗ ܓܸܢܣܵܐ ܐܕܼܵܡܵܝܵܐ 168 ܠܡ̇ܢ ܚܲܕܼ ܓܵܒܹ̇ܐ ܘܠܲܐ ܚܪܹܝܢ ܡܲܣܠܹܐ ܒܡܲܣܲܒܼ ܒܐܲܦܹ̈ܐ. 169 :ܡܲܣܲܒܼ ܒܲܐܢܹ̈ܐ ܗ̄ܝ̣ ܕܲܠܚܲܕܼ ܡܵܘܪܸܒܼ ܘܠܲܐܚܪܹܝܢ ܡܲܙܥܲܪ 170 ܘܠܵܐ ܟܹܐܢܘܼܬܼܵܐ ܕܟܲܪ̣ ܚܲܕܼ ܐܸܢܘܿܢ ܠܵܘ ܚܲܕ ܐܸܢܘܿܢ. 171 :ܐܸܢ ܒܵܪܘܿܝܵܐ ܗ̄ܘ̣ ܕܝܼܠܹܗ ܐܸܢܘܿܢ ܥܲܡܵܐ ܘܥܲܡܡܹ̈ܐ 172 ܠܡ̇ܢ ܫܵܘܝܵܐ ܒܵܪܘܿܝܘܼܬܹܗ ܐܲܝܟ ܕܲܫܘܹܐ ܗܘ̤. 173 :ܠܵܐ ܫܲܘܝܘܼܬܼܵܐ ܡܸܬܼܚܲܙܝܵܐ ܒܵܗ̇ ܒܓܲܒܼܝܘܼܬܼ ܥܲܡܵܐ 174 ܐܸܢ ܠܵܐ ܫܲܠܝܼܛ ܠܡܸܬܼܒܲܣܵܡܘܼ ܠܥܲܡܡܹ̈ܐ ܒܛܘܼܒܼܵܗ̇. 175 :ܠܵܐ ܒܲܪܐܲܒܼܪܵܡ ܠܵܐ ܬܸܦܠܓܹܝܗ̇ ܠܫܵܘܝܘܼܬܼܓܸܢܣܲܢ 176 ܘܠܵܐ ܬܲܪܡܹܐ ܠܲܢ ܗܸܪܬܼܵܐ ܒܹܝܬܼ ܠܲܢ ܘܲܠܥܵܒܼܘܿܕܲܢ. 177 :ܓܒܼܝܼܬܼܵܟ ܥܸܠܬܐ ܗ̄ܝ̣ ܕܟܲܣܝܵܐ ܒܓܼܵܘܗ̇ ܣܝܼܡܲܬܼ ܚܲܝܹ̈ܐ 178 ܫܒܼܘܿܩ ܡܸܬܼܢܲܚܡܵܐ ܡܵܝܘܿܬܼܘܼܬܲܢ ܒܝܲܚܹ̈ܐ ܕܡܸܢܵܟ. 179 :ܠܚܲܝܹ̈ܐ ܕܐ̄ܢܵܫ̈ܐ ܓܒ̣ܵܟ ܒܵܪܘܿܝܵܐ ܘܣ̣ܵܘ ܒܵܟ ܚܲܝܹ̈ܐ 180 ܡ̇ܢ ܟܲܪܝܵܐ ܠܵܟ ܕܚܵܐܹ̇ܝܢ ܐ̄ܢܵܫ̈ܐ ܒܚܲܘܼܬܼ ܚܲܝܹ̈ܟ. 181 :ܡܸܛܠ ܟܠܵܐ ܗ̄ܘ̣ܵܬܼ ܓܲܒܼܝܘܼܬ ܕܐܲܒܼܪܵܡ ܘܲܒܼܢܵܘ̈ܗܝ 182 ܕܐܲܝܟ ܗܲܕܲܝܵܐܐ ܢܚܵܘܘܿܢ ܐܘܼܪܚܵܐ ܠܐ̄ܢܵܫ̈ܐ ܠܚܲܝܹ̈ܐ. 183 :ܚܲܝܹ̈ܐ ܟܣܹܝܢ ܗ̄ܘ̣ܵܘ ܒܗܵܘ̇ ܕܘܼܒܵܪ̈ ܐܢܵܡܘܿܣܵܝܵܐ 184 ܘܡܸܬܼܝܲܒܠܝܼܢ ܗ̄ܘ̣ܵܘ ܡ̣ܢ ܚܲܕ ܠܲܐܚܪܹܝܢ ܐ̄ܪܵܙܵܟܵܐܝܼܬܼ. 185 :ܡ̣ܢ ܐܲܒܼܪܵܗܵܡ ܚ̣ܙܲܩ ܡܘܼܠܟܵܢܵܐ ܘܲܫ̣ܪܵܐ ܒܕ̈ܘܝܼܕܼ 186 ܘܡ̣ܢ ܨܹܝܕܼ ܕܵܘܝܼܕ ܡܲܢܲܥ ܘܲܡܛ̣ܵܐ ܥܕܲܡܵܐ ܠܡܲܪܝܲܡ. 187 :ܒܡܲܪܝܲܡ ܣܲܝܸܟ ܪܲܗܛܵܐ ܕܐܘܼܪܚܹܗ ܡܘܼܠܟܵܢ ܚܲܝܹ̈ܐ 188 ܘܲܒܼܗܲܕܵܡ̈ܝܹܗ̇ ܥܵܠ̣ ܢܵܚ̣ ܘܲܫܪ̣ܵܐ ܐܲܝܟ [...] ܒܲܠܡܹܐܢܵܐ. 189 :ܠܡܹܐܢܵܐ ܕܫ̣ܵܝܢܵܐ ܗܘ̤ܵܬܼ ܒܲܪܬܼ ܐ̄ܢܵܫܵܐ ܠܓܸܢܣܵܐ ܕܐ̄ܢܵܫܵܐ 190 ܘܠܵܐ ܬܘܼܒܼ ܫܲܚܸܩܘܼܗܝ ܓܲܠ̈ܠܹܐ ܒܫ̈ܝܼܵܐ ܕܡܵܝܘܿܬܼܘܼܬܼܵܐ. 191 :ܒܲܕܼ ܡܘܼܬܼ ܐܸܠܦܵܐ ܛܥܲܢܬܹܗ ܒܥܘ̣ ܒܵܗ̇ ܠܟܼܠܹܗ ܓܸܢܣܲܢ 192 ܘܐܲܦܩܲܬ̤ ܘܣܵܡܬܹܗ ܒܲܣܦܲܪܝܲܡܵܐ ܕܡܲܠܟܿܘܼܬܼܪܵܘܡܵܐ. 193 ܚܲܕ ܪܘܼ ܚܵܢܵܐ ܢܚܸܬܼ ܡ̣ܢ ܪܵܘܡܵܐ ܡ̣ܢ ܨܹܝܕ ܟܲܣܝܵܐ܆ 194 ܘܬܲܪܨܵܗ̇ ܕܬܸܪܕܐ ܩܲܠܝܼܠܐܝܼܬ ܠܘܲܥܕܼܵܐ ܕܪܘܡܐ. pb. f.28v 195 ܣܒܼܪܬܐ ܘܚܵܕܲܬܵܐ ܐܲܦܸܠ ܒܐܸܕܢ̈ܝܹܗ̇ ܘܒܲܪܬܼ ܡܝܘ̈ܬܹܐ܆ 196 ܘܬܸܗܪܲܬ̤ ܣܲܓܝܼ ܒܚܲܕܬ ܘܲܬܼ ܩܵܠܵܐ ܕܡܲܠܸܠ ܥܲܡܵܗ̇. 197 :ܒܲܛܢܵܐ ܚܲܕܬܵܐ ܕܠܵܐ ܙܘܼܘܵܓܼܵܐ ܐܲܟܪܸܙ ܥܝܼܪܵܐ 198 ܘܩܲܒܸܠܬܹܗ ܗ̤ܝ ܒܗܲܝܡܵܢܘܼܬܼܵܐ ܕܠܵܐ ܦܘܼܠܵܓܼܵܐ. 199 :ܒܗܲܝܡܢܘܼܬܼܵܐ ܫܸܠܡܲܬ̤ ܡܲܪܝܲܡ ܠܲܫܡܲܝܢܵܐ 200 ܐܝܟ ܡܵܐ ܕܫܸܠܡܲܬ̤ ܐܲܪܥܵܐ ܒܵܪ̈ܫܹܝܬ ܠܩܵܠ ܒܵܪܘܿܝܵܐ. 201 :ܗ̇ܘ ܦܘܼܩܕܵܢܵܐ ܕܪܲܡܲܙ ܠܐܲܪܥܵܐ ܘܒܸܛܢܲܬ̤ ܠܐܵܕܼܵܡ 202 ܗܘ̤ ܨܪ ܒܐܲܪܥܵܐ ܕܡܲܪܒܲܥ ܓܘܼܫܡܵܗ̇ ܠܐܵܕܼܵܡ ܕܲܬܼܪܹ̈ܝܢ. 203 :ܗ̇ܘ ܐܘܼܡܵܢܵܐ ܕܲܫܩ݂ܲܠ ܥܲܦ[ܪܵ]ܐ ܕܠܵܐ ܒܐܝܼ̈ܕܼܵܝܵܐ 204 ܗܘ̤ ܪܲܟܸܿܒܼ ܒܵܗ̇ ܦܲܓܼܪܵܐ ܕܲܕܡܐ ܠܗ̇ܘ ܩܲܕܡܵܝܵܐ. 205 :ܗܵܝ̇ ܐܝܼܬܼܘܼܬܼܵܐ ܕܢܸܦܚܲܬ̤ ܒܐܵܕܼܵܡ ܪܘܼܚ ܚܲܝܘܼܬܼܵܐ 206 ܗ̤ܝ ܒܲܪܬܼ ܐ̄ܢܵܫ̈ܐ ܕܐܝܼܬܹܝܗ̇ ܐ̄ܚܵܢܵܬܵܐ ܠܗܵܝ̇ ܕܲܒܼܪܵܫܝܼܬܼ. 207 :ܒܲܙܢܵܐ ܚܲܕܬܵܐ ܕܕܼܵܡܹ̇ܐ ܠܵܐ ܕܼܵܡ ܓܼܒ̣ܠܹܗ ܠܐܵܕܼܵܡ 208 ܕܢܸܗܘܸܐ ܕܵܡܹ̇ܐ ܐܵܕܼܵܡ ܠܐܵܕܼܵܡ ܒܟܼܠܗܹܝܢ ܕܐܵܕܼܵܡ. 209 :ܡܸܢܹܗ ܕܡܸܕܼܪܵܐ ܐܵܕܼܵܡܝܵܐ ܫܩ݂ܲܠ ܨܒܼܝܵܢܹܗ 210 ܘܪܲܟܸܿܒܿ ܘܥܲܒܼܕܹܗ ܐܘܼܡܵܢܵܐܝܼܬܼ ܒܦܲܓܼܪܵܐ ܐܘܢܲܦ̣ܫܵܐ. 211 :ܨܠܸܡ ܗܵܘ̇ ܨܲܠܡܵܐ ܕܚܲܒܸܿܠ ܡܵܘܬܵܐ ܚܲܕ ܬܵܐܒܐܝܼܕܹܗ 212 ܘܒܼܵܗ̇ ܒܲܕ ܡܘܼܬܼܵܐ ܨܲܪܹܗ ܒܕܲܦܵܐ ܦܲܓܼܪܵܢܵܝܵܐ. 213 :ܣܲܡ ܚܲܝܘܼܬܼܵܐ ܡܲܕܟ ܪܸܡܙܹܗ ܥܲܡ ܨܘܼܪ̈ܬܹܗ 214 ܕܢܗܘܹܐ ܣܵܦܸܩ̇ ܕܢܸܬܸܿܠ ܚܲܝܹ̈ܐ ܒܦܲܓܼܪܹ̈ܐ ܡܝܼ̈ܬܹܐ. 215 :ܐܲܝܟ ܕܲܠܢܵܘܣܵܐ ܒܢ̣ܵܝܗܝ ܠܥܡܘܼܪܝܵܐ ܕܐܲܠܵܗܘܼܬܹܗ 216 ܕܲܢܩܲܒܸܿܠ ܒܹܗ ܣܸܓܼܕܲܬܼ ܚܘܼܒܵܐ ܡ̣ܢ ܟܠ ܒܸܪ̈ܝܵܢ. 217 :ܡ̣ܢ ܟܠ ܒܸܪ̈ܝܵܢ ܚ̣ܠܲܛ ܒܹܗ ܒܡܸܕܼܪܵܐ ܕܲܓܼܒܼܝܼܠܘܼܬܹܗ 218 ܕܢܹܐܣܘܿܪ ܒܹܗ ܟܠ ܒܫܲܝܢܵܐ ܫ̣ܪܵܐ ܥܒ̣ܵܪ ܦܘܼܩܕܵܢܵܐ. 219 :ܡܠܝܼ̈ܠܹܐ ܘܚܲܪ̈ܫܹܐ ܚܒ݂ܲܫ ܒܲܣܝܵܓܼܵܐ ܕܦܲܓܼܪܹܗ ܘܢܲܦ̣ܫܹܗ 220 ܕܲܢܚܘܼܪܘܼܢ ܒܹܗ ܐܲܝܟ ܕܲܒܼܨܠܡܵܐ ܩܢܹܐ ܟܠ ܕܡܘ̈ܢ. 221 ܐܲܝܟ ܕܲܠܡܲܫܟܿܢܵܐ ܕܚܘܼܒܵܐ ܥܲܒܼܕܗ ܠܹܗ ܘܲܠܟܼܠܵܐ. 222 ܕܲܢܕܲܝܪܘܼܢ ܒܹܗ ܥܒܼܝܼ̈ܕܹܐ ܒܚܘܼܒܵܐ ܘܗ̤ܘ ܒܨܒܼܝܵܢܵܐ. 223 :ܐܲܠܵܗܘܼܬܹܗ ܓ̣ܠܵܐ ܠܥܒܼܕܵܘ̈ܗܝ ܒܗܵܕܹܐ ܕܲܥܒ݂ܲܕ 224 ܕܢܗܘܘܿܢ ܚܵܢܹ̇ܝܢ ܠܢܝܼܫܵܐ ܬܪܝܼܨܵܐ ܕܒܼܘܼܕܵܩ ܒܢܘܿܡܹ̈ܐ. 225 :ܩܢܘܿܡܹ̈ܐ ܕܥܲܡܹܗ ܕܲܟܼܣܹܝܢ ܗ̄ܘ̣ܵܘ ܒܹܗ ܒܲܕܩ ܒܐܝܼܕܹܗ 226 ܘܐܲܝܟ ܕܲܒܼܨܒܼܥܵܐ ܚܵܘܝܼ ܐܸܢܘܿܢ ܒܝܲܕܼ ܪܘܼܟܵܒܹܗ. 227 :ܝܠܕܹܗ ܟܲܣܝܵܐ ܐܲܟܼܪܸܙ ܒܲܐܪܥܵܐ ܒܚܲܕ ܬܘܼܬܼ ܒܲܛܢܵܗ̇ 228 ܘܐܲܠܸܦ ܕܐܝܼܬܼ ܠܹܗ ܝܲܠܕܵܐ ܕܲܫܘܹܐ ܥܲܡ ܐܝܼܬܼܘܼܬܹܗ. 229 :ܒܲܫܡܵܐ ܕܝܲܠܕܹܗ ܟܲܢܝܹܗ ܠܝܲܠܕܹܗ ܕܐܵܕܼܵܡ ܕܲܬܼܪܹܝܢ 230 ܕܢܸܕܪܘܿܫ ܐܘܼܪܚܵܐ ܕܐܲܒܼܵܗܘܼܬܼܵܐ ܘܕܼܝܼܠܝܼܕܼܘܼܬܼܵܐ. 231 :ܒܲܪ ܥܸܠܝܵܐ ܩܪ̣ܵܝܗܝ ܐܵܦ ܥܝܼܪܵܐ ܐܲܝܟ ܕܐܸܬܼܦܲܩܲܕ 232 ܕܢܸܓܼܠܹܐ ܒܲܫܡܹܗ ܥܲܠ ܗܵܘ̇ ܝܲܠܕܵܐ ܕܠܵܐ ܡܸܬܼܗܲܩܲܒܼ. 233 :ܠܕܲܪܓܼܵܐ ܪܵܡܵܐ ܕܡܸܠܬܹܗ ܕܐܲܒܼܵܐ ܥܬܼܝܼܕ ܗ̄ܘ̣ܵܐ ܕܢܸܣܲܩ 234 ܘܩܲܕܸܡ ܨܵܪܹܗ ܠܕܲܪܓܼܵܐ ܒܲܫܡܹܗ ܩܕܼܵܡ ܣܘܼܥܪ̈ܵܢܹܐ. 235 :ܚܲܕ ܥܲܡ ܝܲܠܕܵܐ ܕܠܵܐ ܫܘܼܪܵܝܵܐ ܥܬܼܝܼܕܼ ܗ̄ܘ̣ܵܐ ܕܢܸܗܘܹܐ 236 ܘܣܵܡ̣ ܥܲܠ ܪܹܫܹܗ ܫܸܡ ܐܝܼܬܼ ܘܼܬܹܗ ܒܲܕܼܡܘܼܬܼ ܬܵܓܼܵܐ. 237 :ܬܵܓܼܵܐ ܘܕܲܪܓܼܵܐ ܝܲܗ̣ܒܼ ܠܹܗ ܒܛܲܝܒܿܘܼ ܠܒܲܪ ܡܵܘܝܬܹ̈ܐ 238 ܘܐܲܠܵܗܵܐܝܼܬܼ ܪܲܡܪܸܡ ܒܲܛܢܹܗ ܘܝܼܠܝܼܕܼܘܼܬܹܗ. 239 :ܡܸܛܠ ܟܠܵܐ ܓܒܼܵܝܗܝ ܡ̣ܢ ܟܠܵܐ ܐܲܝܟ ܪܹܫܝܼܬܼܵܐ 240 ܕܲܢܪܲܥܹܐ ܒܹܗ ܟܠ ܥܲܡ ܝܵܬܹܗ ܘܗ̤ܘ ܟܠܵܐ. 241 :ܠܥܸܠܲܬܼ ܫܲܝܢܵܐ ܩܪ̣ܵܝܗܝ ܘܐܲܩܝܼܡܹܗ ܒܹܝܬܼ ܠܹܗ ܠܐ̄ܢܵܫ̈ܐ 242 ܕܢܸܗܘܹܐ ܡܫܲܝܸܢ ܦܠܝܼܓܼܘܼܬܼ ܐ̄ܢܵܫܵܐ ܒܫܲܝܢܵܐ ܕܲܫܡܹܗ. 243 :ܫܠܵܡܵܐ ܝܲܗ̣̄ܒܼ ܠܵܗ̇ ܐܵܦ ܓܲܒܼܪܝܼܠ ܠܐܸܡܹܗ ܒܒܲܛܢܹܗ 244 ܘܚܹܝܠ ܥܸܠܵܝܵܐ ܙܲܡܸܢ ܘܲܩ̣ܪܵܐ ܕܢܸܚܘܬܲ ܨܹܐܕܝܗ̇. pb. f.29r 245 :ܪܘܼܚܵܐ ܘܚܲܝܠܵܐ ܐܲܓܸܿܢ ܐܲܟܼܚܲܕܼ ܥܲܠ ܝܵܠܸܕܼܬܼܗ 246 :ܘܓܲܡܪܘܼܗܝ ܨܐܕܼܵܘܗܝ ܠܲܫܡܵܐ ܪܲܒܵܐ ܕܥܲܡ ܒܲܪܟܲܣܝܵܐ 247 :ܠܵܘ ܒܲܪܟܲܣܝܵܐ ܐܸܬ̣ܵܐ ܠܝܲܠܕܵܐ ܦܲܓܼܪܢܵܝܵܐ 248 ܒܲܪܒܲܪܬܼ ܐ̄ܢܵܫܵܐ ܗ̄ܘ̣ ܕܲܢܚܸܬܼ ܨܐܕܵܘܗܝ ܨܒܼܝܵܢ ܟܣܲܝܵܐ. 249 :ܨܒܼܝܵܢ ܟܲܣܝܵܐ ܢܚܸܬܼ ܡ̣ܢ ܪܵܘܡܵܐ ܠܵܘ ܟܲܣܝܘܼܬܼܵܐ 250 ܘܲܫ̣ܪܵܐ ܒܟܲܪܣܵܐ ܠܵܘ ܒܲܟܼܝܵܢܵܐ ܐܸܠܵܐ ܒܚܘܼܒܿܐ. 251 :ܕܲܢܨܘܼܪܵ ܨܲܠܡܵܐ ܦܲܓܼܪܵܢܵܝܵܐ ܢܚܸܬܼ ܨܒܼܝܵܢܹܗ 252 ܠܵܐ ܗ̄ܘ̣ܵܐ ܕܲܢܨܘܼܪ ܗܘ̤ ܠܲܩܢܘܿܡܹܗ ܕܐܝܼܬܼܵܘܗܝ ܡܸܡܬܘܿܡ. 253 :ܕܢܸܙܪܘܲܥ ܚܲܝܹ̈ܐ ܒܡܵܝܘܿܬ ܬܘܼܬܼܵܐ ܐܲܓܸܢ ܒܐܲܚܪܹܝܢ 254 ܘܠܵܘ ܕܲܢܓܿܝܸܢ ܡܢܝܼܢ ܚܲܝܘܼܬܼܵܐ ܒܝܲܕܼ ܬܘܼܩܵܢܵܐ. 255 :ܘܐܸܢ ܠܵܐ ܐܲܝܟܿܐ ܡܲܨܝܵܐ ܕܢܸܗܘܸܐ ܗܵܘ̇ ܡܵܐ ܕܗܵܘܹ̇ܐ 256 ܘܠ̇ܐ ܡܸܣܬܲܪܲܩ ܡ̣ܢ ܗܵܝ̇ ܕܐܝܼܬܼܵܘܗܝ ܘܐܲܟܸܢ ܗܵܘܹ̇ܐ. 257 :ܗܘܵܝܵܐ ܚܲܕܼܬܵܐ ܫܪܵܝܵܐ ܗ̄ܘ̣ ܟܠܹܗ ܕܗܵܘ̇ ܩܲܕܼܡܵܝܵܐ 258 ܕܠܵܐ ܡܹܨܐ ܕܲܢܦܘܼܫ ܟܲܕ ܡܸܬܿܬܲܩܲܢ ܐܲܝܟ ܕܐܝܼܬܼܵܘܗܝ ܗ̄ܘ̣ܵܐ. 259 :ܐܝܼܬܼܝܵܐ ܐܝܼܬܼܵܘܗܝ ܝܲܠܕܹܗ ܕܐܲܒܼܵܕܼ ܠܵܐ ܙܲܒܼܬܢܵܐ 260 ܘܐܸܢ ܗܘ̤ ܕܐܸܬܼܵܐ ܠܝܲܠܕܵܐ ܕܲܬܼܪܹܝܢ ܒܛܲܠ ܡ̣ܢ ܕܐܝܼܬܼܵܘܗܝ. 261 :ܕܠܵܐܪܘܼܟܵܒܼܵܐ ܗ̄ܘ̣ ܘܲܕܼܠܵܐ ܣܵܟܼܵܐ ܐܲܝܟ ܝܵܠܘܿܕܹܗ 262 ܘܐܸܢ ܐܸܣܬܲܝܲܟ ܒܟܲܪ ܣܵܐ ܕܲܒܸܣܪܵܐ ܗܘ̤ܵܐ ܐܲܝܟ ܟܠ ܐ̄ܢܵܫ. 263 :ܟܠ ܕܐܝܼܬܼ ܠܲܐܒܼܵܐ ܐܝܼܬܼܠܹܗ ܐܵܦ ܠܹܗ ܕܠܵܐ ܫܘܼܪܵܝܵܐ 264 ܘܐܸܢ ܐܸܬܿܬܲܩܲܢ ܡ̣ܢ ܪܘܿܚܩܘܼܕܼܫܵܐ ܥܒܼܝܼܕܼܵܐ ܗ̄ܘ̣ ܟܠܹܗ. 265 ܪܘܼܚܵܐ ܐܸܡ݂ܲܪ ܕܓܲܒܼܠܹܗ ܒܟܲܪܣܵܐ ܠܗܵܘ̇ ܕܲܒܼܟܲܪܣܵܐ. 266 ܐܸܢ ܗܵܟܲܢܵܐ ܗ̄ܘ̣ ܓܒ̣ܝܼܕܼܵܐ ܗ̄ܘ̣ ܡܵܕܝܢ ܘܠܵܘ ܥܒܼܘܕܼܵܐ. 267 :ܠܵܐ ܒܲܪܢܵܫܵܐ ܠܲܝܬܿ ܥܵܒܼܘܕܼܵܐ ܕܥܵܒܸ̇ܕܼ ܗܘ̤ ܠܹܗ 268 ܘܠܵܐ ܒܲܪ ܦܸܡܹܗ ܡܨܹܐ [...]ܝܘܿܗܝ ܐܲܝܟ ܕܲܠܫܲܪܒܿܐ. 269 :ܠܲܝܬܿ ܠܲܟܼܝܵܢܵܐ ܕܐܝܼܬܼܵܘܗܝ ܡܸܡܬܼܘܿܡ ܕܢܸܗܦܘܿܟ ܢܸܗܘܸܐ 270 ܘܠܵܐ ܠܠܵܐ ܣܵܟܲܐ ܕܢܹܐܚܘܿܕܼ ܣܟܼܵܐ ܠܠܵܐ ܣܘܼܝܵܟܹܗ. 271 :ܠܝܼ ܠܵܐ ܢܸܗܘܸܐ ܕܐܹܡܲܪ ܕܐܝܼܬܼܝܵܐ ܗܘ̇ܝܵܐ ܩܲܒܸܿܠ 272 ܘܚܲܣܝ ܠܝܼ ܕܐܲܫܲܪ ܕܠܲܐ ܚܝܼܕ ܣܵܟܼܵܐ ܢܣܲܝܸܟ ܒܸܣܪܵܐ. 273 :ܠܵܐ ܡܩܲܒܸܿܠ ܐ̄ܢܵܐ ܡܸܕܼܡ ܕܲܥܣܸܩ ܠܡܸܬܼ ܩܲܒܵܠܘܼ 274 ܘܠܵܐ ܫܵܠܸ̇ܡ ܐ̄ܢܵܐ ܠܠܵܐ ܫܲܠܡܘܼܬܼܵܐ ܕܬܼܘܼܩܵܢ ܟܲܣܝܵܐ. 275 :ܠܵܐ ܡܗܲܝܡܸܢ ܐ̄ܢܵܐ ܕܲܕܠܵܐ ܫܘܼܪܵܝ ܗܘ̤ܵܐ ܫܘܼܪܵܝܵܐ 276 ܘܠܵܐ ܕܡܲܬܼܩܸܢ ܟܠ ܬܲܩܸܢ ܗܘ̤ ܠܹܗ ܒܸܣܪܵܢܵܐܝܼܬܼ. 277 :ܠܒܸܣܪܵܐ ܬܲܩܸܢ ܪܸܡܙܹܗ ܒܟܲܪܣܵܐ ܒܸܣܪܵܢܵܝܬܿܐ 278 ܕܲܢܚܲܕܼ ܬܼܒܹܗ ܒܸܣܪܵܐ ܕܲܒܼܠܝܼ ܒܡܵܝܘܿܬܼܘܼܬܼܵܐ. 279 :ܠܒܸܣܪܵܐ ܪܲܟܸܿܒܼ ܒܲܙܢܵܐ ܚܲܕܬܵܐ ܕܠܵܐ ܙܘܼܘܵܓܼܵܐ 280 ܘܲܡܠܵܝܗܝ ܪܘܼܚܵܐ ܕܢܵܘܠܸܕܼ ܐ̄ܢܵܫܵܐ ܪܘܼܚܵܢܵܐܝܼܬܼ. 281 ܒܚܲܝܠܵܐ ܕܪܘܼܚܵܐ ܓܲܡܪܹܗ ܠܒܲܛܢܹܗ ܘܲܠܡܵܘܠܕܗ. 282 ܘܩܲܕܲܝܼܫ ܥܲܒܼܕܗ ܗܲܝܟܲܠ ܩܘܼܕܼܫܵܐ ܠܨܒܼܝܵܢ ܚܘܼܒܹܗ. 283 :ܡ̣ܢ ܫܘܼܪܵܝܵܐ ܕܲܓܼܒܼܝܼܠܘܼܬܹܗ ܥܡܲܪ ܒܹܗ ܚܘܼܒܹܿܗ 284 ܘܠܵܐ ܦܪ݂ܲܫ ܡܸܢܹܗ ܘܠܵܘ ܬܘܼܒܼ ܦܵܪܸܫ ܐܘܵܡܸܬܼܪܲܚܲܩ. 285 :ܥܲܡܹܗ ܗܲܠܸܟ ܗܵܘ̇ ܨܒܼܝܵܢܵܐ ܕܨܵܪܹܗ ܒܟܲܪܣܵܐ 286 ܘܲܒܼܚܹܝܠ ܚܲܝܠܹܗ ܚܣܢ ܟܠ ܚܝܲܠܝܼ̈ܢ ܘܐܲܡܠܸܟ ܥܠ ܟܠ. 287 :ܚܲܕ ܐܵܡܲ݁ܪ ܐܵܢܵܐ ܠܹܗ ܘܲܠܚܲܝܠܵܐ ܕܲܣܥܲܪ ܒܹܗ ܟܠ 288 ܚܲܕܼ ܠܵܘ ܐܲܝܟ ܦܲܪ̈ܝܼܫܹܐ ܟܲܕܼ ܚܵܠܹ̇ܛ ܐ̄ܢܵܐ ܟܝܵܢܹ̈ܐ ܦܪ̈ܝܼܫܹܐ. 289 :ܚܲܕ ܩܵܪܹ̇ܐ ܐܢܵܐ ܠܨܒܼܝܵܢ ܟܲܣܝܵܐ ܘܦܲܓܼܪܵܐ ܓܲܠܝܵܐ 290 ܘܟܲܕܼ ܛܵܒܼ ܗܵܟܲܢ ܠܵܐ ܡܸܙܸ̇ܓܼ ܐ̄ܢܵܐ ܟܲܣܝܵܐ ܒܓܲܠܝܵܐ. 291 :ܠܵܐ ܛܵܥܝܵܐ ܠܝܼ ܕܐܝܼܬܼ ܦܘܼ̈ܪܫܵܢܵܐ ܒܹܝܬܼ ܚܲܕܼ ܠܲܐ ܚܪܹܝܢ 292 ܡܸܛܠ ܕܲܒܼܨܝܼܪ ܟܵܝܵܢܵܐ ܥܒܼܝܼܕܼܵܐ ܡ̣ܢ ܥܵܒܼܘܕܼܵܐ. 293 :ܠܵܐ ܡܕܼܵܘܸܕܼ ܐ̄ܢܵܐ ܛܲܟܼܣܵܐ ܬܲܩܢܵܐ ܕܲܟܼܝܵܢ ܟܲܣܝܵܐ 294 ܘܠܵܐ ܫܵܪܹ̇ܐ ܐ̄ܢܵܐ ܘܝܵܢ̈ܝܵܬܼܵܐ ܕܲܦܓܼܪܵܐ ܓܲܠܝܵܐ. 295 :ܟܲܣܝܵܐ ܟܣܝܵܐ ܗ̄ܘ̣ ܟܡܵܐ ܐܸܢ ܬܸܚܠܘܿܛ ܦܲܓܼܪ̈ܢܵܝܵܬܼܵܐ 296 ܘܲܦܓܼܪܵܐ ܦܲܓܼܪܵܐ ܗ̄ܘ̣ ܟܡܵܐ ܐܸܢ ܬܸܡܙܘܿܓܼ ܪ̈ܘܼܚܵܢܵܝܵܬܼܵܐ. 297 ܠܵܐ ܡܸܬܡܲܙܓܼ ܟܝܵܢܵܐ ܟܣܝܵܐ ܒܦܲܓܼܪܵܐ ܐܸܠܵܐ ܒܚܘܼܒܵܐ: pb. f.29v 298 ܘܠܵܐ ܡܸܬܼܚܲܠܲܛ ܓܲܠܝܵܐ ܒܟܸܣܝܵܐ ܐܸܠܵܐ ܒܲܫܡܵܐ. 299 :ܒܲܫܡܵܐ ܡܲܨܝܵܐ ܗ̄ܝ̣ ܕܢܸܩܪܹܐ ܐܸܢܘܿܢ ܚܲܕܼ ܒܐܝܼܬܼܘܼܬܼܵܐ 300 ܟܲܕܼ ܠܵܐ ܛܵܢܹ̇ܐ ܦܘܼܪ̈ܫܵܢܵܝܗܘܿܢ ܐܲܝܢܵܐ ܕܩܵܪܹ̇ܐ. 301 :ܒܗܵܕܹܐ ܬܸܢܘܲܝ ܩܪܹܝ̇ܬܼ ܐܸܠܵܐ ܬܪܹܝܢ ܚܲܕܼ ܚܘܼܒܵܐ 302 ܒܲܪ ܐܝܼܬܼܘܼܬܼܵܐ ܐܘܒܲܪ ܐ̄ܢܵܫܘܼܬܼܵܐ ܚܲܕܼ ܦܲܪܨܘܼܦܵܐ. 303 :ܒܪܵܐ ܕܐܲܠܵܗܵܐ ܨܒ̣ܵܐ ܨܒܼܝܵܢܹܗ ܒܒܲܪ ܢܵܫܘܼܬܼܵܐ 304 ܘܝܲܗ̣̄ܒܼ ܠܹܗ ܕܝܼܠܹܗ ܘܲܢܣܲܒ̣ ܕܝܼܠܹܗ ܠܵܘ ܒܲܟܼܝܵܢܵܐ. 305 :ܒܝܼܠܝܼܕܼܘܬܹܗ ܕܠܵܐ ܫܘܼܪ̈ܵܝܵܐ ܝܲܩܲܪ ܝܲܠܕܹܗ 306 ܘܒܲܫܘܼܠܛܵܢܹܗ ܕܠܵܐ ܫܘܼܠܵܡܵܐ ܪܲܡܪܸܡ ܕܲܪܓܹܗ. 307 :ܒܕܲܪܓܼܵܐ ܪܵܡܵܐ ܕܐܲܠܵܗܘܼܬܹܗ ܩ̣ܪܵܝܗܝ ܘܐܲܩܝܼܡܹܗ 308 ܕܢܸܗܘܸܐ ܡܡܲܠܹܐ ܕܘܼܟܲܬܼ ܟܲܣܝܵܐ ܠܲܥܒܼܵܕܼ ܐܝܼܕܼܵܘܗܝ 309 :ܚܠܵܦ ܟܲܣܝܘܼܬܹܗ ܗܘ̤ܵܬܼ ܓܲܠܝܘܼܬܹܗ ܕܨܲܠܡܵܐ ܓܲܠܝܵܐ 310 ܕܲܒܼܓܲܠܝܘܼܬܹܗ ܢܲܟܼܪܸܙ ܚܲܝܠܵܐ ܕܲܟܣܹܐ ܒܹܗ ܟܠ. 311 :ܐܲܝܟ ܫܝܼܦܘܿܪܵܐ ܩܪ̣ܵܐ ܠܲܥܒܼܝܼ̈ܕܹܐ ܝܲܥܕܹܗܓܲܠܝܵܐ 312 ܥܲܠ ܗܵܘ̇ ܝܲܠܕܵܐ ܕܝܼܠܝܼܕܼ ܡܸܡܬܘܿܡ ܕܠܵܐ ܫܘܼܪܵܝܵܐ. 313 :ܕܝܼܠܹܗ ܐܝܼܬܼܵܘܗܝ ܒܲܛܢܵܐ ܘܝܲܥܕܵܐ ܦܲܓܼܪܵܢܵܝܵܐ 314 ܟܲܕܼ ܠܵܐ ܡܫܵܘܬܸܿܦ ܡܸܠܬܹܗ ܕܐܲܒܼܵܐ ܒܲܦܓܼܪ̈ܵܢܝܵܬܹܗ. 315 :ܕܝܼܠܹܗ ܒܲܛܢܵܐ ܘܕܲܝܠܹܗ ܝܲܠܕܵܐ ܘܕܼܝܼܠܹܗ ܕܙܘܿܪܬܵܐ 316 ܘܗܘ̤ܝܘܼ ܕܩܲܪܸܒܼ ܕܒܚܵܐ ܠܟܲܣܝܵܐ ܚܠܵܦ ܬܘܼܩܵܢܹܗ. 317 :ܗܘ̤ ܝܸܢܸܩ ܚܲܠܒܼܵܐ ܘܠܹܗ ܛܥܲܢ ܒܘܼܪ̈ܟܹܿܐ ܘܢܲܫܸܩ ܦܘܿܡ݂ܵܐ 318 ܘܗܘ̤ܝܘܼ ܕܫܲܦܸܦ ܥܲܡ ܝܲܠܘܕܹ̈ܐ ܒܲܝܢܵܬܼ ܫܘܼܩܹ̈ܐ. 319 :ܘܗܘ̤ ܐܸܬܼܪܲܒܲܝ ܒܝܲܕ ܡܘܼܫܚ̈ܵܬܼܵܐ ܕܩܲܠܝܼܠ ܩܲܠܝܼܠ 320 ܘܗܘ̤ ܬܘܼܒܼ ܩܲܒܸܿܠ ܚܹܝܠ ܚܸܟܼܡ̈ܵܬܼܵܐ ܒܚܲܝܠܵܐ ܕܪܘܼܚܵܐ. 321 :ܗܘ̤ ܓܡܲܪ ܙܸܕܼܩܵܐ ܕܢܵܘܟܘܿܣ ܪܘܼܚܵܐ ܫܢ̈ܝܵܐ ܬܠܵܬܼܝܼܢ 322 ܘܗܘ̤ ܦܪܲܥ̣ ܚܵܘܒܵܐ ܠܲܐܠܵܗ ܟܠܵܐ ܘܪܲܥܝܼ ܠܟܼܠܵܐ. 323 :ܗܘ̤ܝܘܼܕܲ ܥ̣ܡܲܕܼ ܐܲܝܟ ܚܲܣܝܼܪܵܐ ܡ̣ܢ ܝܘܿܚܲܢܵܢ 324 ܘܲܠܗܲܕܵܡܵܘ̈ܗܝ ܩܒܲܪܟܵܪܘܿܙܵܐ ܒܩܲܒܼܪܵܐ ܕܡܲܝܵ̈ܐ. 325 :ܗܘ̤ܝܘܼ ܕܩܲܒܸܿܠ ܚܲܝܠܵܐ ܕܪܘܼܚܵܐ ܒܐܵܬ̤ܵܐ ܕܝܵܘܢܵܐ 326 ܘܥܵܠܘܗܝ ܐܲܣܗܸܕ ܩܵܠܹܗ ܕܐܲܒܼܵܐ ܕܫܲܪܝܼܪ ܚܘܼܒܹܗ. 327 :ܗܘ̤ ܨܵܡ̣ ܘܲܫܦܸܢ ܠܦܘܼܬܼ ܕܲܟܼܝܵܢܵܐ ܬܵܒܲܥ̇ ܗ̄ܘ̣ܵܐ ܠܹܗ 328 ܗܘ̤ܝܬܼ ܕܐܸܚܲܕܼ ܕܲܟܪܐ ܒܚܘܼܪܒܿܐ ܚܲܣܝܼܢܵܐ. 329 :ܕܝܼܠܹܗ ܟܲܦܢܵܐ ܘܕܼܝܼܠܹܗ ܨܲܗܵܝܵܐ ܘܕܼܝܼܠܹܗ ܫܸܢܵܬܼܵܐ 330 ܘܗܘ̤ ܠܐܝ̤ ܘܝܼܬܸܒܼ ܘܲܫܐܸܠ ܡ̈ܝܵܐ ܕܲܢܦܝܼܓܼ ܨܲܗܝܹܗ. 331 :ܕܝܼܠܹܗ ܦܲܓܼܪܵܐ ܡܸܬܼܚܲܙܝܵܢܵܐ ܡܩܲܒܸܿܠ ܚܲܫܹ̈ܐ 332 ܘܕܲ ܝܼܠܹܗ ܢܲܦ̣ܫܵܐ ܛܥܝܼܢܲܬܼ ܝܘܼܩܪܵܐ ܕܦܪܵܘܿܫܘܼܬܼܵܐ. 333 ܕܝܼܠܹܗ ܩܸܢܛܵܐ ܘܕܼܝܼܠܹܗ ܕܘܥܬܿܐ ܘܕܼܝܼܠܹܗ ܨܠܘܿܬܼܵܐ. 334 ܘܗܘ̤ ܐܸܬܼܚܲܝܲܠ ܡ̣ܢ ܪܘܼܚܵܢܵܐ ܕܠܵܐܢܸܬܼ ܪܲܦܹܐ. 335 :ܗܘ̤ ܒܥܸܠܝܼܬܼܵܐ ܘܗܘ̤ ܒܹܝܬܼ ܕܝܼܢܵܐ ܘܗܘ̤ ܒܓܼܵܓܼܘܿܠܬܿܐ 336 ܘܗܘ̤ ܝܘܼܕܩܲܒܸܿܠ ܪܘܼܩܵܐ ܛܲܡܲܐܐ ܡ̣ܢ ܦܘܼܡ ܛܲܡ̈ܐܹܐ. 337 :ܕܝܼܠܹܗ ܨܠܝܼܒܼܵܐ ܘܕܼܝܼܠܹܗ ܨܨ̈ܐ ܘܕܼܝܼܠܹܗ ܪܘܡܚܵܐ 338 :ܘܗܘ̤ܝܘܼ ܕܐܲܪܟܸܿܢ ܪܹܫܹܗ ܒܩܲܝܣܵܐ ܘܐܲܫܠܸܡ ܪܘܼܚܹܗ 339 :ܦܲܓܼܪܵܐ ܗ̄ܘ̣ ܕܲܝܼܠܹܗ ܕܲܗܘ̤ܵܐ ܒܩܲܒܼܪܵܐ ܬܠܵܬܼܵܐ ܝܵܘܡܵܝܼ̈ܢ 340 ܘܢܲܦ̣ܫܵܐ ܗܝ̣ ܕܝܼܠܹܗ ܕܫܲܢܝܲܬ̤ ܠܲܥܸܕܢ ܘܲܦܢܵܬ̤ ܨܐܕܼܵܘܗܝ. 341 :ܘܗܘ̤ܝܘܼ ܕܐܲܓܸܿܣ ܒܹܝܬܼ ܥܲܢܝܼ̈ܕܹܐ ܕܠܵܐ ܢܸܟܼܝܵܢܵܐ 342 ܘܗܘ̤ ܐܸܬܼܢܲܚܡ ܒܚܝܹܠ ܒܵܪܘܿܝܵܐ ܕܼܵܟܣܹܐ ܗ̄ܘ̣ ܒܹܗ. 343 :ܒܹܗ ܗܘ̤ ܟܣܹܗ ܗ̄ܘ̣ܵܐ ܚܲܝܠܹܗ ܪܲܒܵܐ ܕܡܸܠܬܹܗ ܕܐܲܒܼܵܐ 344 ܘܲܒܼܚܹܝܠ ܚܲܝܠܹܗ ܡܸܬܼܚܲܝܲܠ ܗ̄ܘ̣ܵܐ ܠܡܸܚܣܲܢ ܚܲܫܘ̈ܗܝ. 345 :ܒܹܗ ܥܵܘܲܡܲ݁ܪ ܗ̄ܘ̣ܵܐ ܒܪܵܐ ܕܐܲܠܵܗܵܐ ܨܒܼܝܵܢܵܐܝܼܬܼ 346 ܘܟܲܕܼ ܒܹܗ ܟܣܹܐ ܗ̄ܘ̣ܵܐ ܠܵܐܡܫܵܘܬܸܦ ܗ̄ܘ̣ܵܐ ܒܲܡܚܝܼ̈ܠܬܹܗ. 347 :ܒܹܗ ܡܲܥܝܵܬܝܼܬܼ ܡ̣ܢ ܟܲܕܼ ܣܲܒܿܪܵܗ̇ ܥܝܼܪܵܐ ܠܐܸܡܹܗ 348 ܒܹܗ ܒܨܒܼܝܵܢܵܐ ܕܠܵܐ ܡܸܬܼܢܲܫܲܩ ܕܐܲܝܟܲܢ ܘܕܡܵܐ. 349 :ܒܹܗܩܕܼܵܡ ܚܲܫܹ̈ܐ ܘܒܼܵܬܲܪ ܚܲܫܹ̈ܐ ܕܠܵܐ ܫܘܼܢܵܝܵܐ 350 ܒܹܗ ܥܲܠ ܐܲܪܥܵܐ ܘܒܹܗ ܒܲܫܡܲܝܵܐ ܕܠܵܐ ܫܘܼܠܵܡܵܐ. 351 ܠܵܐ ܐܵܡܲ݁ܪ ܐ̄ܢܵܐ ܕܫ̣ܵܢܝ ܡܸܢܹܗ ܚܹܝܠ ܐܝܼܬܼܘܼܬܼܵܐ: pb. f.30r 352 ܠܵܐ ܒܲܦܓܼܪ ܘܠܵܐ ܟܲܕܼ ܫܲܠܚܵܗ̇ ܠܡܵܘܝܬܼܘܼܬܼܵܐ. 353 :ܚܲܕܼ ܥܲܡ ܐܝܼܬܼܝܵܐ ܡܵܢܹ̇ܐ ܐ̄ܢܵܐ ܠܹܗ ܡܸܛܠ ܕܲܪ̈ܓܹܿܗ 354 ܘܚܲܕܼ ܩܵܪܹܵܐ ܐ̄ܢܵܐ ܒܪܵܐ ܕܐܲܠܵܗܵܐ ܘܠܲܡܢܬܼܵܐ. 355 :ܠܵܐ ܐܵܡܲ݁ܪ ܐ̄ܢܵܐ ܬܪܹܝܟ ܕܐܵܡܲ݁ܪ ܗܲܕܵܝܘܿܛܵܐ 356 ܚܲܕ ܐܡ̇ܪ ܐ̄ܢܵܐ ܟܡܵܐ ܐܸܢ ܛܵܠܸܡ ܟܲܕܼܵܒܼܵܬܝܼܬܼ. 357 :ܠܐ ܛܵܠܘܡܵܐ ܠܵܐ ܬܵܛܠܘܡܲܝܢܝ ܐܲܝܟ ܕܲܡܥܵܕܼ ܐܲܢ̄ܬ 358 ܠܵܐ ܫܡܝܼܥ ܠܵܟ ܡܸܢܝ ܕܲܒܼܪܵܐ ܙܐܝܼܬܼ [ܘܒܼܪܵܐ] ܠܐܲܠܗܵܐ. 359 :ܟ̄ܠܵܐ ܡܲܪܵܚܵܐ ܠܵܐ ܬܸܥܕܘܼܠܲܝܢܝ ܡܲܪܵܚܵܐܝܼܬܼ 360 ܠܵܐ ܚܙܹܐ ܐܢܵܐ ܠܵܟ ܒܲܕ ܪܕܢܐ ܠܒܪ ܡ̣ܢ ܐܘܼܪܚܵܐ. 361 :ܠܐ ܚܸܪܝܵܝܵܐ ܠܵܐ ܬܸܬܼܥܣܩ ܠܘܼܩܒܠ ܡܸܠܲܝ̈ 362 ܠܵܐ ܪܓܼܝܼܫ ܐܲܢ̄ܬܿ ܒܝܼ ܘܲܣܛܝܼܬܼ ܡ̣ܢ ܡܬܘܿܡ ܡ̣ܢ ܘܠܝܼܬܼܵܐ. 363 :ܠܵܐ ܙܹܐܦܵܢܵܐ ܠܵܐ ܬܸܩܛܲܪܓܼܝܼܢܝ ܩܕܡ ܙܹܐܦܵܢܹ̈ܐ 364 ܠܵܐ ܒܩܐ ܐ̄ܢܵܐ ܠܵܟ ܕܕܼܵܡ ܬܸܬܼܩܲܒܲܠ ܣܵܗܕܘܼܬܼ ܡܸܠܲܝ̈ܟ. 365 :ܡܵܐ ܠܵܟ ܨܐܕܲܝ ܥܘܼܝܼܪ ܒܲܚܣܵܡܵܐ ܕܠܵܐ ܒܘܼܝܵܢܵܐ 366 ܕܲܢܨܝܼܬܿ ܡܲܓܲܢ ܥܲܡ ܦܸܬܼܓܼܵܡܝ̈ ܐܲܝܟ ܕܲܒܼܟܹܐܢܘܼ. 367 :ܡܵܐ ܠܝܼ ܥܲܡܵܟ ܓܲܒܼܪܵܐ ܟܬܿܝܼܫܵܐ ܡܠܹܐ ܚܸܪ̈ܝܵܢܹܐ 368 ܕܲܡܓܲܪܸܓܼ ܐ̄ܢܵܐ ܥ̈ܠܠܹܐ ܒܪܘܼܓܼܙܵܐ ܕܬܸܬܼܟܲܬܲܫ ܥܲܡܝܼ. 369 :ܒܓܲܢܲܝ̈ܟ ܟܲܣܝܵܐ ܕܲܥܡ݂ܲܪܚܘܼܒܹܿܗ ܒܲܦܓܼܪܲܢ ܓܲܠܝܵܐ 370 ܕܐܝܼ ܒܡܲܪ̈ܵܚܹܐ ܕܲܡܨܲܚܝܼܢ ܠܵܟ ܒܚܵܫܘܿܫܘܼܬܼܵܐ. 371 :ܒܓܲܢ ܐܝܼܬܼܘܼܬܼܵܟ ܐܝܼܬܝܵܐ ܕܐܝܼܬܼܵܘܗܝ ܕܠܵܐ ܫܘܼܪܵܝܵܐ 372 ܫܲܬܸܩ ܩܠܹܐ ܕܲܡܬܲܚܡܝܼܢ ܠܵܟ ܒܟܲܪܣܵܐ ܕܒܸܣܪܵܐ. 373 :ܡܸܛܠܬܼܵܟ ܩܵܥܹ̇ܝܢ ܥܲܡ̇ܢ ܒܢܲܝ̈ ܚܸܪ̈ܝܵܢܹܐ 374 ܕܲܩܪܹܝܢܲܢ ܠܵܟ ܒܲܫܡܵܐ ܚܲܝܵܐ ܕܲܦܐܹܐ ܠܲܫܡܵܟ. 375 :ܥܲܠ ܚܲܝܘܼܬܼܵܟ ܟܬܼܝܼܫܝܼܢ ܟܠܫܵܥ ܕܲܢܡܝܼܬܼܘܿܢܵܗ̇ 376 ܘܲܕܼܠܵܐ ܡܲܨܝܵܐ ܗܵܐ ܡܡܝܼܬܝܼܢ ܠܵܟ ܟܲܕܵܒܼܵܐܝܼܬܼ. 377 :ܠܡܵܘܬܿܐ ܟܼܝܼܠܵܟ ܪܓܼܝܼܓܼܝܼܢ ܣܲܓܲܝ ܡܝܼܬܹ̈ܐ ܕܥܵܘܠܵܐ 378 ܘܠܵܐ ܡܸܬܼܒܿܝܼܢܝܼܢ ܕܪܵܡ ܗ̄ܘ̣ ܟܝܵܢܵܟ ܡ̣ܢ ܢܸܟܼܝܵܢܹ̈ܐ. 379 :ܡ̇ܢ ܪܵܚܝܹ̇ܢ ܐܢ̄ܬܿܘܿܢ ܡܲܠܝܲܝ̈ ܪܘܼܓܼܙܵܐ ܠܡܸܩܛܲܠ ܚܲܝܹ̈ܐ 380 ܕܗܵܐ ܠܲܝܬܿ ܦܘܼܪܣܵܐ ܕܢܵܘܦܘܿܢ ܚܲܝܹ̈ܐ ܡ̣ܢ ܚܲܝܲܝ̈ܗܘܿܢ. 381 :ܡ̇ܢ ܠܵܐܹ̇ܝܬܿܘܿܢ ܠܡܸܚܒܲܫ ܪܘܼܚܵܐ ܒܓܼܵܘ ܗܲܕܼܵܡܹ̈ܐ 382 ܕܗܵܐ ܠܵܐ ܣܵܦ̇ܩܝܼܢ ܫܡܲܝܵܐ ܘܐܲܪܥܵܐ ܕܲܢܣܲܝܼܕܘܼܢܵܝܗܝ. 383 :ܠܡܢ ܣܢܝܼܢ ܐ̄ܢܬܘܿܢ ܠܐܲܝܢܵܐ ܕܐܡܪ ܕܐܝܼܬܼܝܵܐ ܠܵܐ ܡܝܼܬ 384 ܕܗܵܐ ܐܸܢ ܐܡܪ ܘܐܸܢ ܠܵܐ ܐܡܪ ܗܘ̤ ܠܵܐ ܡܵܐܝܬܼ. 385 :ܡ̇ܢ ܣ̇ܩܪܝܼܢ ܐܢܬܘܿܢ ܠܐܲܝܢܵܐ ܕܡܪܝܼܡ ܫܝܼܛܵܐ ܦܓܪܢ 386 ܕܗܵܐ ܐܸܢ ܡܵܘܪܸܒܼ ܘܐܸܢ ܠܵܐ ܡܵܘܪܸܒܼ ܒܫܘܼܒܼܚܵܐ ܡܲܡܠܸܟ. 387 ܡ̇ܢ ܝ̇ܬܪܝܼܢ ܐܢܬܘܿܢ ܕܲܡܡܬܝܼܢ ܐܢܬܘܿܢ ܠܠܵܐ. 388 ܡܵܝܘܿܬܼܵܐ ܘܡ̇ܢ ܚܣܪܝܼܢ ܐܢܬܘܿܢ ܕܡܡܠܟ ܦܓܼܪܲܢ ܥܡ ܐܝܼܬܘܼܬܼܵܐ. 389 :ܠܡܢ ܠܵܐ ܓܠܝܵܐ ܕܐܝܼܬܝܼܵܐ ܪܵܡ ܗܘ̤ ܡ̣ܢ ܢܸܟܼܝܵܢܹ̈ܐ 390 :ܘܡ̣ܢ ܠܵܐ ܝܵܕܥ ܕܕܡܝܘܬܐ ܗܘ̣ ܚܲܫܵܐ ܘܡܘܬܐ 391 :ܘܲܟܼܒܲܪ ܐܸܠܘ ܩܢܝܢ ܗܘ̣ܘ ܚܲܪ̈ܫܹܐ ܦܘܼܡܹ̈ܐ ܡܠܝܼ̈ܠܹܐ 392 :ܗܵܘܹܝ̇ܢ ܗ̄ܘ̣ܵܘ ܠܲܢ ܚܲܒܼܪܹ̈ܐ ܒܗܵܕܹܐ ܕܐܝܼܬܼܝܵܐ ܠܵܐܡܝܼܬܼ 393 :ܟܒܲܪ ܐܸܠܘܼ ܐܝܼܬܼ ܦܪܵܘܿܫܘܼܬܼܵܐ ܒܠܵܐ ܦܵܪ̈ܘܿܫܹܐ 394 ܒܵܣ̇ܪܝܼܢ ܗ̄ܘ̣ܵܘ ܠܹܗ ܠܲܐܝܢܵܐ ܕܡܲܚܸܫ ܠܲܟܼܝܵܢ ܟܲܣܝܵܐ. 395 :ܬ̇ܘ ܫܲܬܿܝܼܒܹ̈ܐ ܕܘܼܢܘ ܟܹܐܢܵܐܝܼܬܼ ܥܲܡ ܡܲܠܵܠܹܐ 396 ܕܲܡܚܲܦܝܼܢ ܠܹܗ ܠܲܩܘܼܫܬܐ ܓܲܠܝܵܐ ܒܣܪܵܘܿܒܼܘܼܬܼܵܐ. 397 :ܒܗܲܬܼܘ ܘܐܸܬܼܟܚܕܼܘ ܐܵܦܢ ܩܠܝܼܠ ܩܵܢܝܲܝ̈ ܡܸܠܬܐ 398 ܦܘܼܫܘ ܡ̣ܢ ܗܸܪܓܵܐ ܕܚܵܫܘܿܫܘܼܬܼܵܐ ܕܠܵܐ ܚܵܫܘܿܫܵܐ. 399 :ܫܠ̣ܵܘ ܠܵܐ ܬܸܩܥܘܿܢ ܡܲܪܵܚܵܐܝܼܬܼ ܥܲܡ ܐܝܼܬܼܘܼܬܼܵܐ 400 ܕܕܲܠܡܵܐ ܬܸܗܘܘܿܢ ܚܲܒܼܪܹ̈ܐ ܒܕܝܼܢܵܐ ܠܐܵܟܸ̇ܠ ܩܲܪܨܵܐ. 401 ܠܐܵܟܸ̇ܠ ܩܲܪܨܵܐ ܕܵܡܹ̇ܐ ܛܢܵܢܵܐ ܕܪܸ̈ܥܝܵܢܲܝܟܿܘܿܢ: pb. f.30v 402 ܕܒܼܐܸܣܟܹܿܝܡ ܚܘܼܒܵܐ ܡܲܨܲܚܹܐ ܐܵܦ ܗܘ̤ ܠܲܫܡܵܐ ܣܓܼܝܼܕܼܵܐ. 403 :ܠܡ̇ܢ ܗܵܘܹ̇ܝܢ ܐܢ̄ܬܿܘܿܢ ܚܲܒܼܪܹ̈ܐ ܠܒܼܝܼ̈ܫܹܐ ܓܠܝܼܙܲܝ̈ ܗ̇ܘܢܵܐ 404 ܘܡܸܬܼܢܲܟܼܪܝܼܢ ܐܢ̄ܬܿܘܿܢ ܡ̣ܢ ܛܵܒܼ̈ܬܼܵܐ ܕܠܵܐ ܫܘܼܠܵܡܵܐ. 405 :ܥܪܘܿܩ ܚܲܠܵܫܹ̈ܐ ܡ̣ܢ ܥܸܢܝܵܢܹܗ ܕܩܵܛܸ̇ܠ ܐ̄ܢܵܫܵܐ 406 ܘܬܼܵܘ ܐܸܬܼܓܵܘܲܣܘ ܒܚܲܝܹ̈ܐ ܕܲܟܼܣܹܝܢ ܒܗܲܝܡܵܢܘܼܬܼܵܐ. 407 :ܢܗܲܝܡܸܢ ܕܐܝܼܬܼܝܵܐ ܠܒܸܫ ܨܒܼܝܵܢܹܗ ܦܲܓܼܪܵܐ ܕܡܸܢܲܢ 408 ܘܓܲܡܪܹܗ ܒܚܲܫܹ̈ܐ ܘܐܲܓܼܙܲܪ ܒܐܝܼܕܹܗ ܚܲܝܹ̈ܐ ܠܟܠ̣ܵܗ̇. 409 :ܠܥܸܠܲܬܼ ܚܲܝܹ̈ܐ ܢܲܣܒܹܿܗ ܡܸܢܲܢ ܐܲܝܟ ܪܹܫܝܼܬܼܵܐ 410 ܘܲܩܪ̣ܵܝܗܝ ܒܲܫܡܹܗ ܕܢܸܬܸܿܠ ܒܲܫܡܹܗ ܚܲܝܹ̈ܐ ܠܟܠܐ. 411 :ܒܐܢܫܐ ܕܡܸܢܢ ܝܵܗ̣̄ܒܼ ܠܢ ܚܲܝܹ̈ܐ ܨܒܼܝܢ ܟܣܝܵܐ 412 ܘܗܘ̣ܝܘ̣ ܐ̄ܢܵܫܐ ܕܡܝܼܬܼ ܘܐܸܬܼܢܲܚܲܡ ܘܲܚܝܵܐ ܘܐܲܚܝܼ. 413 :ܗܘ̣ܝܘ̣ ܕܫ̣ܪܐ ܦܟܼܪܹ̈ܐ ܕܲܫܝܘܠ ܡ̣ܢ ܥܲܢܝܼ̈ܕܹܐ 414 ܘܢܦ̣ܩ ܐܲܟܼܪܸܙ ܣܒܲܪܬܵܐ ܚܕܲܬܵܐ ܕܚܝܲܬ ܡܝܼ̈ܬܹܐ. 415 :ܗܘ̤ ܡܝܼܬ ܘܲܚܝܵܐ ܒܚܹܝܠ ܚܲܝܘܼܬܼܵܐ ܕܫܪܝܵܐ ܗܘܬ ܒܹܗ 416 ܘܟܲܕܼ ܗܘ̤ ܒܡܵܘܬܵܐ ܚܲܝܘܼܬܼ ܚܲܝܵܘ̈ܗܝ ܠܥܸܠ ܡ̣ܢ ܡܵܘܬܵܐ. 417 :ܠܵܐ ܫܒܼܩܵܐ ܗ̄ܘ̣ܵܐ ܗܵܘ̇ ܨܒܼܝܵܢܵܐ ܕܲܠܘܹܐ ܗ̄ܘ̣ܵܐ ܠܹܗ 418 ܘܠܵܐ ܐܗܡܝܼ ܗ̄ܘ̣ܵܐ ܡ̣ܢ ܥܘܼܕܼܪܵܢܹܗ ܒܥܕܲܢ ܚܲܫܵܐ. 419 :ܥܲܡܹܗ ܒܕܼܝܼܢܵܐ ܘܥܲܡܹܗ ܒܩܲܝܣܵܐ ܘܥܲܡܹܗ ܒܩܲܒܼܪܵܐ 420 ܘܟܲܕܼ ܛܵܒܼ ܥܲܡܹܗ ܒܲܡܚܝܼ̈ܠܵܬܹܗ ܠܵܐ ܐܸܫܬܵܘܬܲܦ. 421 :ܟܝܵܢ ܡܵܝܘܿܬܹ̈ܐ ܒܕܼܝܼܠܹܗ ܩܲܒܸܿܠ ܟܝܵܢܵܝ̈ܬܹܗ 422 ܘܲܟܼܝܵܢ ܟܲܣܝܵܐ ܒܕܼܝܼܠܹܗ ܩܵܘܝܼ ܕܠܵܐ ܫܘܼܚܠܵܦܵܐ. 423 :ܠܵܐ ܐܸܫܬܲ ܚܠܲܦ ܘܬܼܘܼܒܼ ܐܵܡܲ݁ܪ ܐ̄ܢܵܐ ܕܠܵܐ ܐܸܫܬܲܚܠܲܦ 424 ܘܐܸܢ ܐ̄ܢܵܫ ܚܡܝܼܬܼ ܬܘܼܒܼ ܢܸܬܼܚܲܡܲܬܼ ܕܠܵܐ ܐܸܫܬܲ ܚܠܲܦ. 425 :ܗܵܘ̇ ܕܐܸܫܬܲ ܚܠܲܦ ܟܝܵܢ ܐܲܢܵܫܘܼܬܼܵܐ ܗ̄ܘ̣ ܩܲܢܝܼܬܼ ܚܲܫܹ̈ܐ 426 ܕܲܫ̣ܠܚ ܚܲܫܹ̈ܐ ܘܲܠܒܸܿܫ ܫܘܼܒܚܵܐ ܕܠܵܐ ܡܵܝܘܿܬܹ̈ܐ. 427 :ܡܵܝܘܿܬܼܵܐ ܗ̄ܘ̣ܵܐ ܕܚܲܫ̣ ܒܲܙܩܝܦܵܐ ܣܛܲܪ ܡ̣ܢ ܡܸܠܬܼܵܐ 428 ܘܲܒ̣ܚܹܝܠ ܡܸܠܬܐ ܚܣܢܗ ܠܡܵܘܬܵܐ ܘܦܲܠܓ ܚܲܝܹ̈ܐ. 429 :ܡܵܝܘܼܬܵܐ ܗܘ̣ܐ ܘܬܘܼܒܼ ܐܡܪ ܐ̄ܢܐ ܕܡܵܝܘܼܬܵܐ ܗܘ̣ܵܐ 430 ܘܟܲܕ ܛܵܒ ܗܵܟܲܢ ܚܲܕ ܩܵܪܹܐ ܐ̄ܢܵܐ ܠܹܗ ܘܲܠܡܸܬܐ. 431 :ܗܘ̤ ܒܲܕܼܝܵܢܹܗ ܣܒ̣ܠ ܡܵܟܵܬܵܐ ܕܲܡܟ̣ܵܢܲܢ ܒܹܗ 432 ܘܲܒܢܹܣܝܵܢܹܗ ܝܼܠܸܦ ܕܢܲܥܕ ܪܠܲܕܼܡܹܬ ܢܣܝܼܢ. 433 :ܒܝܲܕ ܙܵܟܘܼܬܹܗ ܝܗܒ̣ ܘܼܵܟܼܘܼܬܵܐ ܠܝܢܝܵܒܘܼܬܲܢ 434 ܘܲܒ̣ܚܘܼܡܣܵܢܹܗ ܓܼܕܠ ܠܲܟܼܝܵܢܲܢ ܟܠܝܼܠ ܬܫܒܘܼܚܬܐ. 435 :ܒܫܘܼܒܚܵܐ ܪܲܒܿܐ ܟܲܠܠܹܗ ܚܲܝܠܵܐ ܕܥܵܡܲܪ ܗܘ̣ܵܐ ܒܹܗ 436 ܘܙܲܡܸܢ ܙܲܩܪ̣ܵܐ ܥܝܼܪܹ̈ܐ ܘܐ̄ܢܵܫܹ̈ܐ ܕܲܢܫܲܒܚܘܼܫܵܝܗܝ. 437 :ܠܥܝܼܪܹ̈ܐ ܘܐ̄ܢܵܫܹ̈ܐ ܚܵܘܝܼ ܫܘܼܒܚܹܗ ܘܪܲܒܘܼܬܼ ܕܲܪܓܹܗ 438 ܘܟܲܢܸܫ ܐܸܢܘܿܢ ܕܢܸܬܼܒܲܩܘܿܢ ܒܹܗ ܒܝܘܿܡ ܣܘܼܠܵܩܹܗ. 439 :ܐܲܪܒܥܝܼܢ ܝܵܘܡܝܼ̈ܢ ܒܐܲܪܥܵܐ ܫܲܒܼܩܹܗ ܡ̣ܢ ܕܐܸܬܼܢܲܚܲܡ 440 ܕܲܢܫܲܪܲܪ̈ ܒܵܗ̇ ܒܲܦܓܼܪܢܘܼܬܹܗ ܦܠܝܼܓܘܼܬܼ ܓܸܢܣܹܗ. 441 :ܠܫܘܼܪܵܪ ܓܸܢܣܹܗ ܚܵܘܝܼ ܒܲܦܓܼܪܹܗ ܨܨܹ̈ܐ ܘܪܘܼܡܚܵܐ 442 ܘܐܸܟܲܠ̣ ܘܐܸܫܬܿܝܼ ܒܵܬܲܪ ܕܲܗܘ̤ܵܐ ܠܵܐ ܡܵܝܘܿܬܼܵܐ. 443 :ܒܟܼܠܗܝܢ ܓܲܡܪܹܗ ܚܲܝܠܐ ܟܲܣܵܝܵܐ ܕܡܲܓܸܿܢ ܗ̣ܘܵܐ ܒܹܗ 444 ܘܡ̣ܢ ܕܐܸܫܬܲܡܠܝܼ ܐܲܣܩܹܗ ܠܪܵܘܡܵܐ ܠܥܸܠ ܡ̣ܢ ܟܠܵܐ. 445 :ܫܒ̣ܚܼܝ ܗܘ̣ܵܐ ܣܲܓܝܼ ܝܘܿܡ ܡܲܣܲܩܬܼܗ ܡ̣ܢ ܟܠ ܝܵܘܡ̈ܝܼܢ 446 ܘܲܗܕܝܼܪ̈ܐ ܗܘܵܬ̤ ܐܘܼܪܚܵܐ ܕܲܕܪܲܫ ܠܐܲܦܲܝ̈ ܪܘܵܡܸܵܐ. 447 :ܟܸܢܫܝܼ̈ܢ ܟܸܢܫܝܼ̈ܢ ܩܵܡܘ ܪ̈ܘܼܚܵܢܹܐ ܕܢܸܬܒܲܩܘܿܢ ܒܹܗ 448 ܕܐܲܝܟܲܢ ܦܵܪܲܚ ܦܲܓܼܪܵܐ ܒܐܵܐܲܪ ܕܠܵܐ ܒܲܥܝܵܕܵܐ. 449 :ܚܕܲܬܵܐ ܚܙ̣ܘ ܒܹܗ ܥܝܼܪܹ̈ܐ ܘܐܢܫ̈ܐ ܒܪܹܫ ܐ̄ܢܵܫܘܼܬܼܵܐ 450 ܕܦܬ̣ܚ ܬܪ̈ܥܹܐ ܕܐܲܚܝܼܕܝܼܢ ܗܘ̣ܘ ܒܐܲܦܝ̈ ܐܢܫ̈ܐ. pb. f.31r 451 :ܚܝܵܪܵܐ ܕܟܼܠܵܗ̇ ܒܹܗ ܡܲܩܸܬܼ ܗܘ̣ܵܐ ܪܘܼܚܵܢܵܐܝܼܬܼ 452 ܥܕܡܵܐ ܕܡܛܐ ܠܐܲܝܟܵܐ ܕܠܵܐ ܐܝܼܬܼ ܦܘܼܪܣܵܐ ܠܡܸܚܡܙܵܐ. 453 :ܪܸܡܙܵܐ ܟܣܝܵܐ ܐܲܥܒܲܪ ܩܘܼܕܡܘܗܝ ܘܐܸܠܵܐ ܕܪܵܘܡܵܐ 454 ܘܥܠ ܘܐܸܬܼܒܲܩܝܼ ܒܗ̇ܘ ܬܘܼܩܵܢܵܐ ܕܠܵܐ ܡܸܬܼܚܲܒܲܠ. 455 :ܠܡܲܫܟܿܢܵܐ ܪܲܒܵܐ ܘܲܡܫܲܠܡܵܢܵܐ ܥܲܠ ܕܲܢܫܡܸܫ 456 ܘܠܵܐ ܬܘܼܒܼ ܡܲܫܠܸܡ ܕܲܪܓܹܗ ܠܐܚܪܝܼܢ ܒܬܪ ܙܲܒܼܢܵܐ. 457 :ܥܡ ܐܝܼܬܘܼܬܵܐ ܠܒܸܟ ܫܘܼܠܛܵܢܵܐ ܕܠܵܐ ܫܘܼܠܵܡܵܐ 458 ܘܠܕܪܕܪܝܢ ܡܲܡܠܸܟ ܫܲܒܸܛܹܗ ܥܠ ܟܠ ܘܒܟܼܠ. 459 :ܡ̇ܢ ܠܵܐ ܢܸܬܼܗܲܪ ܒܪܒܘܬ ܕܲܪܓܼܵܐ ܐܲܠܵܗܵܝܵܐ 460 ܕܥܒܕܢ ܥܡܹܗ ܝܪ̈ܬܹܐ ܒܫܘܒܼܚܹܗ ܘܲܒܼܫܘܼܠܛܵܢܹܗ. 461 :ܡ̇ܢ ܠܵܐ ܢܘܼܕܹܐ ܒܚܸܟܡܲܬ ܩܘܫܬܵܐ ܕܠܵܐ ܡܸܬܼܕܪܟܵܐ 462 :ܕܥܠܝܼ ܣܡܹܗ ܠܲܥܒܲܕܼ ܐܝܼܕܼܵܘ̈ܗܝ ܥܡ ܪܒܘܼܬܹܗ 463 :ܡ̇ܢ ܠܵܐ ܢܫܒܚ ܠܐܘܡܢܘܬܐ ܕܚܝܠ ܥܒܼܘܲܕܵܐ 464 ܕܐܣܪܹܗ ܥܠܵܡܿܐ ܒܚܲܕ ܕܒܲܪܢܵܫܵܐ ܘܩܪܝܼܡ ܒܲܫܡܹܗ. 465 :ܚܲܕܼ ܒܲܪܢܵܫܵܐ ܨܵܪ ܨܒܼܝܵܢܹܗ ܒܲܕܼܡܘܼܬܼ ܨܲܠܡܵܐ 466 ܘܐܲܣܸܩ ܣܵܡܹܗ ܠܥܸܠ ܡ̣ܢ ܟܠܐ ܕܲܢܕܘܼܢ ܟܠܵܐ. 467 :ܐܲܝܟ ܡܲܚܙܵܝܼܵܬܼܵܐ ܣܵܡܹܗ ܒܪܵܘܡܵܐ ܠܥܠ ܡ̣ܢ ܟܠܵܐ 468 ܕܲܒܼܓܼܠܝܘܬܹܗ ܢܸܚܙܘܢ ܫܘܼܦܪܐ ܕܟܲܣܝܘܼܬܼ ܟܣܝܵܐ. 469 :ܒܦܲܓܼܪܵܢܘܼܬܹܗ ܨܒܼܵܐ ܕܲܢܚܵܘܹܐ ܚܘܼܒܹܗ ܠܟܼܠܵܐ 470 ܕܠܵܐ ܢܸܫܬܲܚܩܘܢ ܠܡܸܒܼܥܵܐ ܒܥܵܬܼܵܐ ܕܥܲܠ ܟܲܣܝܘܼܬܹܗ. 471 :ܒܹܗ ܬܲܚܸܡ ܟܠ ܡ̣ܢ ܥܘܼܩܵܒܼܵܐ ܕܠܵܐ ܡܸܬܼܥܲܩܲܒܼ 472 ܘܨܐܕܼܵܘܗܝ ܐܲܦܢܝܼ ܚܝܵܪܵܐ ܕܟܼܠܵܐ ܕܠܵܐ ܬܘܼܒܼ ܢܸܦܗܘܿܢ. 473 :ܫܡܲܝܵܐ ܕܲܬܼܪܹܝܢ ܥܲܒܼܕܹܗ ܠܦܲܓܼܪܹܗ ܒܗܵܘ̇ ܬܘܼܩܵܢܵܐ 474 ܕܢܸܗܘܸܐ ܡܡܲܠܹܐ ܕܘܼܟܲܬܼ ܢܘܼܗܪܵܐ ܘܕܼܘܼܟܲܬܼ ܥܲܝܢܹ̈ܐ. 475 :ܢܘܼܗܪܵܐ ܗ̄ܘ̣ ܟܠܵܗ̇ ܠܲܕܼܡܸܬܼ ܒܲܩܹܐ ܒܢܲܗܝܼܪܘܼܬܹܗ 476 ܘܐܲܝܟ ܠܵܟ ܡܸܕܸܡ ܚܫܝܼܒ̣ ܢܲܗܝܼܪܵܐ ܒܦܸܚܡܵܐ ܕܢܘܼܗܪܹܗ. 477 :ܒܐܸܣܦܹܝܪ ܦܲܓܼܪܹܗ ܟܣܹܐ ܨܒܼܝܵܢܵܐ ܡ̣ܢ ܟܠ 478 ܘܗܘ̤ ܝܥܵܒܸ̇ܕ ܠܹܗ ܦܐܹܐ ܒܲܚܙܵܬܼܵܐ ܠܥܹܝܢ ܚܲܙ̈ܝܹܐ. 479 :ܐܲܝܟ ܙܲܠܝܼܩܹ̈ܐ ܢܵܦܩܵܐ ܡܸܢܹܗ ܚܸܟܼܡܲܬܼ ܩܘܼܫܬܿܐ 480 ܘܲܡܚܲܟܸܿܡ ܟܠ ܒܗܵܝ̇ ܝܼܕܲ ܥܬܼܵܐ ܕܠܵܐ ܡܸܬܿܕܲܪܟܵܐ. 481 :ܠܵܘ ܚ̣ܟܼܡ̈ܬܼܵܐ ܡܲܠܸܦ ܬܲܡ̇ܢ ܪܲܒܿܐ ܕܪ̈ܲܒܹܐ 482 ܠܬܲܠܡܝܼܕܼܘܼܬܼܵܐ ܡܢܝܼܚ ܡ̣ܢ ܥܲܡ̈ܐܹܐ ܕܠܵܐ ܬܸܬܼܦܲܫܲܚ. 483 :ܒܲܠܡܹܐܝܢ ܫܲܝܢܵܐ ܡܲܫܪܵܐ ܠܐ̄ܢܵܫ̈ܐ ܘܲܠܪ̈ܘܼܚܵܢܹܐ 484 ܘܠܵܐ ܬܘܼܒܼ ܗܵܪܓܝܼܢ ܒܲܐܝܠܹܝܢ ܕܲܠܐܝܼܘܒܥܘܼܡܪܵܐ ܕܙܲܒܼܢܵܐ. 485 :ܨܠܕܵܘܗܝ ܢܵܐܸܚ̇ ܪܲܗܛܹܐ ܪܗܓ[...] ܕܡܸ̈ܠܹܐܘܲܕܼܣܘܼܥܪ̈ܢܹܐ 486 ܘܠܲܝܬܿ ܕܲܡܫܲܐܸܠ ܕܡܵܢܲܐ ܗ̣̄ܝ ܗܵܕܹܐ ܘܡܸܛܠ ܡܵܢܵܐ. 487 :ܠܵܐ ܐ̄ܢܵܫ ܒܵܥܹ̇ܐ ܕܐܲܝܟܵܘ ܟܲܣܝܵܐ ܕܠܵܐ ܡܸܬܼܥܲܩܲܒ̣ 488 ܕܡܸܬܼ ܥܲܩܪܵܐ ܠܵܗ̇ ܒܥܵܬܵܐ ܕܲܥܠܵܘܗܝ ܡ̣ܢ ܪܸܥܝܵܢܵܐ. 489 :ܠܵܐ ܡܨܐ ܬܲܡ̇ܢ ܥܒܼܝܼܕܼܵܐ ܕܢܹܐܡܲܪ ܥܲܠ ܥܵܒܼܘܿܕܼܵܐ 490 ܕܐܲܚܝܸܕܼ ܒܲܐܦܘ̈ܗܝ ܬܪܲܥ ܨܒܼܝܵܢܵܐ ܕܠܵܐ ܡܸܫܬܼܚܠܲܦ. 491 :ܠܵܐ ܡܸܬܲܦܲܠܲܓܼ ܕܐܲܝܟܲܢ ܐܝܼܬܼܵܘܗܝ ܟܣܹܐ ܡ̣ܢ ܟܠܵܐ 492 ܕܲܡܫܲܠܹܐ ܠܹܗ ܚܘܼܒܵܐ ܠܝܲܨܪܹܗ ܕܠܵܐ ܢܼܬܼܦܲܠܲܓܼ. 493 :ܒܡܸܬܼܚܲܙܝܵܢܵܐ ܚܵܙܹ̇ܐ ܠܟܲܣܝܵܐ ܠܵܘ ܒܲܚܙܬܼܵܐ 494 ܘܒܹܗ ܡܸܬܼܡܲܠܝܵܐ ܪܸܓܲܬܼ ܢܲܦܫܹܗ ܕܠܵܐ ܚܘܼܣܪܵܢܵܐ. 495 :ܬܲܡ̇ܢ ܫܵܠܡܵܐ ܗܵܝ̇ ܕܲܟܼܬܼܝܼܒܼܵܐ ܕܨܲܠܡܵܐ ܗ̄ܘ̣ ܐܢܵܫܑܵܐ 496 ܕܡܸܬܼܒܲܕܲܩ ܒܹܗ ܨܠܸܡ ܐܝܼܬܼܘܼܬܼܵܐ ܠܥܹܝܢ ܟܠ ܒܸܪ̈ܝܵܢ. 497 ܬܲܡ̇ܢ ܗ̄ܘ̤ܵܐ ܡܵܪܵܐ ܠܒܼܠܵ[...] ܒܗܘܿܢ ܒܥܩ̈ܕܹܐ: pb. f.31v 498 ܕܡܲܡܠܸܟ ܥܲܠ ܟܠ ܘܡܸܫܬܲ ܥܒܲܕܼ ܟܠ ܬܚܬ ܫܘܼܠܛܵܢܹܗ. 499 :ܬܡ̇ܢ ܒܵܗܬܝܼܢ ܫܐܕ̈ܐ ܕܐܲܩܠܝܼܘ ܥܠ ܡܵܪܘܿܬܹܗ 500 ܘܠ̇ܝܦܝܼܢ ܒܘܪܟܐ ܘܲܡܩܲܕܫܝܼܢ ܠܹܗ ܟܲܕ ܠܵܐ ܨܵܒܼܝܼܢ. 501 :ܬܡ̇ܢ ܒܲܛܠܝܼܢ ܣܸܕ̈ܩܹܐ ܦܠܝܼ̈ܓܹܐ ܕܗܲܪ̈ܵܛܝܼܩܹܐ 502 ܕܠܵܐ ܬܘܼܒܼ ܡܩܵܘܝܼܢ ܒܚܫܘܫܘܬܐ ܕܠܵܐ ܝܼܕܥܬܵܐ. 503 ܬܡܢ ܫܵܠܹܐ ܩܪܵܒܵܐ ܕܥܲܬܼܕܘ ܠܘܩܒܲܠ ܟܲܣܝܵܐ. 504 ܘܬܿܡ̇ܢ ܢܵܐܹ̇ܚ ܩܸܐܪܣܵܐ ܕܲܣܕܲܪܘ ܠܘܼܩܒܲܠ ܓܲܠܝܵܐ. 505 ܬܵܡ̇ܢ ܡܵܘܕܹܝܢ ܒܬܼܪ̈ܬܝܼܢ ܕܡܘ̈ܢ ܫܪܝܼܪ̈ܬܼܵܐ. 506 :ܕܡܘܼܬܼܵܐ ܕܥܒܼܕܵܐ ܘܕܲܥܵܒܼܘܿܕܼܵܐ ܚܲܕ ܦܲܪܨܘܿܦܵܐ 507 ܚܲܕ ܦܲܪܨܘܼܦܵܐ ܬܵܡ̇ܢ ܡܵܘܕܝܢ ܛܠ ܠܸܫܵܢܝܼ̈ܢ. 508 :ܘܚܲܕ ܩܘܼܕܼܵܫܵܐ ܬܵܢܹ̇ܝܢ ܟܠܫܵܥ ܠܡܸܠܬܐ ܘܦܲܓܼܪܵܐ 509 ܠܦܲܓܼܪܵܐ ܘܡܸܠܬܐ ܣܓܲܪܝܼܢ ܟܠܫܵܥ ܒܲܚܕܼܵܐ ܐܫܘܝܘܼ. 510 :ܟܲܕ ܡܸܣܬܲܟܠܝܼܢ ܕܲܬܼܪܹܝܢ ܗܵܘܹ̇ܝܢ ܘܚܲܕ ܡܸܬܼܟܲܪ̈ܙܝܼܢ 511 ܬܗܪܵܐ ܪܲܒܿܐ ܚܵܙܝܹ̇ܿܢ ܬܲܡ̇ܢ ܒܝܲܕ ܣܓܼܕܲܬܼܗܘܿܢ. 512 :ܕܥܲܡ ܥܵܒ̣ܿܘܕܼܵܐ ܡܩܲܒܸܿܠ ܥܒܼܝܕܼܵܐ ܣܸܓܼܕܼܬܼ ܚܘܼܒܵܐ 513 ܠܬܲܗܪܵܐ ܫܲܘܝܵܐ ܘܲܙܥܘܿܪ ܗܵܘܢܵܐ ܕܢܸܬܿܕܡܪܒܵܗ̇. 514 :ܕܐܲܝܟܲܢ ܣܵܓܼܕܵܐ ܒܪ̈ܝܼܬܼܵܐ ܗ̣ܝ ܠܵܗ̇ ܒܗܲܝܟܲܠ ܦܲܓܼܪܵܐ 515 ܡܲܢ̣ܘ ܡܸܫܟܲܚ ܕܢܸܬܼܒܲܩܹܐ ܒܵܗ̇ ܚܲܬܝܼܬܼܵܐܝܼܬܼ. 516 :ܘܡܲܢ̣ܘܼ ܕܲܡܨܹܐ ܕܢܹܐܡܲܪ ܕܲܟܼܡܵܐ ܗ̄ܝ̣ ܘܡܵܢܵܐ ܗ̄ܘ̣ ܚܲܝܠܵܗ̇ 517 :ܚܹܝܠ ܐܝܼܬܘܼܬܼܵܐ ܣܵܦܸܩ ܒܠܚܘܕ ܕܢܹܐܡܲܪ ܕܟܼܡܵܐ ܗܝ̣ 518 ܘܗܘ̤ ܝܕܥ ܠܵܗ̇ ܕܐܝܟܵܐ ܣܲܥܪܵܗ̇ ܐܘܼܡܵܢܐܝܼܬܼ. 519 :ܐܘܡܢܘܬܐ ܗ̣ܝ ܕܝܠܗ ܗܕܐ ܐܘܡܢܘܬܐ 520 ܕܗܘ̇ ܐܘܼܡܵܢܵܐ ܕܒܼܪܵܐ ܕܒܼܪܵܐ ܒܪܝܼܬܼܵܐ ܡ̣ܢ ܠܵܐ ܡܸܕܡ. 521 :ܐܘܡܵܢܵܐܝܼܬ ܪܲܟܸܒ ܥܲܒܼܕܹܗ ܐܲܝܟ ܬܲܪܥܝܼܬܹܗ 522 ܘܛܵܟ ܡ̣ܢ ܥܵܠܡ ܣܝܼܡܵܐ ܗܘܼܬܼ ܠܵܗ̇ ܘܐܲܝܟ̣ܢ ܣܲܥܪܵܗ̇. 523 :ܒܚܪܬܐ ܣܲܥܪܵܗ̇ ܟܕ ܝܕܥ ܠܵܗ̇ ܡ̣ܢ ܫܘܼܪܵܝܵܐ 524 ܘܚܲܙܝܵܐ ܗܘ̤ܵܬ ܠܹܗ ܟܲܕ ܠܵܐ ܬܸܗܘܸܐ ܐܲܝܟ ܗܵܝ̇ ܕܲܗܘ̤ܵܬܼ. 525 :ܒܫܘܼܠܵܡ ܙܲܒܼܢܹ̈ܐ [...] ܨܒܼܝܵܢܹܗ ܓܡܝܼܪ ܒܐܝܼܬܼܘܼܬܹܗ 526 ܘܐܲܫܦܲܠ ܚܘܼܒܹܿܗ ܥܲܠ ܟܠ ܘܲܒܼܟ̣ܠ ܥܲܬܿܝܼܪܵܐܝܼܬܼ. 527 :ܥܘܼܬܼܪܵܐ ܪܲܒܵܐ ܕܐܲܠܵܗܘܼܬܹܗ ܓܠ̣ܐ ܠܥܒܼܕܘ̈ܗܝ 528 ܘܐܲܩܝܼܡ ܐ̄ܢܵܫܵܐ ܕܢܸܗܘܹܐ ܡܦܲܪܢܸܣ ܕܝܼܠܹܗ ܒܕܼܝܼܠܹܗ. 529 :ܚܲܕ ܫܲܠܝܼܛܵܐ ܓܒ̣ܵܐ ܡ̣ܢ ܐ̄ܢܵܫܵܐ ܐܲܝܟ ܨܒܼܝܵܢܹܗ 530 ܘܛܲܒܼܥܹܗ ܒܲܫܡܹܗ ܘܝܲܗ̣̄ܒ ܠܹܗ ܕܲܪܓܼܵܐ ܕܢܲܡܠܸܟ. 531 :ܘܲܢܕܘܢ ܒܕܘܼܟܲܬ ܚܘܼܒܹܗ ܩܵܪܝܗܝ ܘܐܩܝܡܹܗ ܩܕܡ ܬܘܩܵܢܵܘܗܝ 532 ܕܢܸܗܘܹܐ ܡܡܲܠܐ ܕܘܼܟܲܬ ܝܵܬܹܗ ܕܠܵܐ ܡܸܬܼܚܲܙܝܵܐ. 533 :ܕܘܼܟܲܬܼ ܐܝܼܬܝܵܐ ܡܡܲܠܹܐ ܬܡ̇ܢ ܠܥܝܼܪܹ̈ܐ ܘܐ̄ܢܵܫ̈ܐ 534 :ܘܒܚܙܬ̣ ܦܲܓܼܪܹܗ ܢܲܚܵܐ ܚܙܬܐ ܘܫܠܝܐ ܒܥܵܬܼܵܐ 535 :ܗܵܕܵܐ ܗ̣ܝ ܥܸܠܬܐ ܕܪܒܘܬ ܕܲܪܓܹܗ ܘܲܕܫܘܼܠܛܵܢܹܗ 536 ܕܢܗܘܐ ܡܲܟܼܪܸܙ ܚܝܠ ܟܲܣܝܘܼܬܼܵܐ ܒܝܲܕ ܓܲܠܝܘܼܬܼܵܐ. 537 :ܬܪܬܝܢ ܥܠܠ̈ܢ ܟܣܝ̈ܢ ܒܲܫܡܹܗ ܘܛܵܒܼ ܝܩܝܼܪ̈ܲܢ 538 :ܚܕܵܐ ܕܐܝܼܬܘܼܬܼܵܐ ܘܚܕܵܐ ܕܚܘܒܐ ܕܠܘܬ ܟܠܐ 539 :ܠܵܐ ܡܨܝܵܐ ܗܘܼܬܼ ܕܢܸܚܙܘܢ ܥܒܼܝܼܪ̈ܐ ܠܐܝܼܬܝܵܐ ܓܢܝܼܙܵܐ 540 ܘܒܲܝܐ ܐܢܘܢ ܒܚܙܬܼ ܦܲܓܼܪܹܗ ܕܠܵܐ ܢܸܫܬܲܚܩܘܢ. 541 :ܓܠܝܙܝܼܢ ܗܘܘܿ ܬܘܼܒܼ ܡ̣ܢ ܚܘܼܠܛܵܢܵܐ ܐܲܠܵܗܵܝܵܐ 542 ܘܲܥܒܼܕ ܦܘܼܣܵܐ ܕܠܵܐ ܡܸܬܼܡܲܠܲܠ ܘܵܫܬܸܦ ܘܫܘܬܦ ܐܸܢܘܿܢ. 543 :ܪܲܒܵܐ ܗܝ̣ ܣܲܓܝܼ ܘܠܵܐ ܡܸܬܕܲܪܟܿܐ ܥܸܠܲܬܼ ܚܲܝܹ̈ܢ 544 ܘܲܟܼܡܵܐ ܕܢܹܐܡܲܪ ܚܲܣܝܼܪܝܼܢܢ ܕܢܹܐܡܲܪܕܲܡܵܐ ܗ̄ܝ̣ pb. f.32r 545 :ܫܡܲܝܵܐ ܘܐܲܪܥܵܐ ܐܸܢܗܘ̤ ܕܢܗܘܘܿܢ ܦܲܘܼܡܹ̈ܐ ܚܠܵܦܲܝܢ 546 ܠܵܐ ܡܨܝܢ ܣܦܵܩ̇ܝܼܢ ܕܢܸܫܬܲ ܥܘܼܢܵܗ̇ ܐܲܟܼܡܵܐ ܕܐܝܼܬܹܝܗ̇. 547 :ܘܟܲܕ ܛܵܒܼ ܪܲܒܵܐ ܘܠܵܐ ܡܸܬܿܕܲܪܟܿܐ ܡ̣ܢ ܟܠ ܒܸܪ̈ܝܵܢ 548 ܒܢܲܝ̈ ܚܸܪ̈ܚܹܵܐ ܐܵܦ ܠܵܐ ܕܐܝܼܬܹܝܗ̇ ܡܸܕܹܡ ܚܲܫܒܿܘܼܗ̇. 549 :ܥܵܘܠܵܐ ܥܠܲܝܟܿܘܿܢ ܗܲܪ̈ܛܝܼܩܹܐ ܟܡܵܐ ܐܲܥܘܠܬܿܘܿܢ 550 ܕܲܛܠܲܡܬܿܘܼܢܲܝܗܝ ܠܛܒܐ ܕܠܵܐ ܐܝܼܬܼ ܦܸܚܡܵܐ ܠܚܘܼܒܹܗ. 551 :ܐܵܪܵܐ ܟܬܼܝܼ̈ܫܹܐ ܕܠܐ ܡܸܬܼܪܲܚܝܢ ܡ̣ܢ ܚܸܪ̈ܝܵܢܹܐ 552 ܠܡ̇ܢ ܣܵܬ̇ܪܝܼܢ ܐܢ̄ܬܿܘܿܢ ܪܵܘܡܵܐ ܪܲܒܿܐ ܕܒܸܢܝܵܢ ܩܘܼܫܬܿܐ. 553 :ܐܵܪܵܐ ܢܟܼܝܼ̈ܠܹܐ ܕܲܢܟܼܝܼܠܝܼܢ ܛܵܒ̣ ܐܵܦ ܡ̣ܢ ܒܝܼܫܹ̈ܐ 554 ܡ̇ܢ ܣܵܕܼܩܝܼܢ ܐܢ̄ܬܿܘܿܢ ܐܵܘܝܘܼܬܼ ܐ̄ܢܵܫ̈ܐ ܘܐܲܠܵܗܘܼܬܼܵܐ. 555 :ܐܲܠܵܗܘܼܬܼܵܐ ܨܒܼܬ̤ ܕܲܬܼܝܲܩܲܪ ܐ̄ܢܵܫܵܐ ܒܕܼܝܼܠܹܗ 556 ܠܟܼܘܿܢ ܡ̇ܢ ܒܝܪܫܵܐ ܕܲܗܘ̤ܵܘ ܐ̄ܢܵܫ̈ܐ ܒܢܝ̈ ܐܲܠܵܗܵܐ. 557 :ܐܝܼܬܼܝܵܐ ܫܘܼܬܿܦ ܠܲܥܒܼܕ ܐܝܼܕܼܵܘ̈ܗܝ ܒܪܲܒܿܘܼܬܼ ܕܲܪܓܹܗ 558 ܠܟܼܘܿܢ ܡ̇ܢ ܥܛܠܵܐ ܠܡܸܫܬܵܘܬܵܦܘܼ ܒܛܲܝܒܿܘܼ ܡܲܓܿܢ. 559 :ܦܘܼܫܘ ܚܸܪ̈ܚܵܐ ܡ̣ܢ ܬܲܟܼܬܿܘܼܫܵܐ ܕܠܘܼܩܒܲܠ ܗܵܕܹܐ 560 ܘܚܘܼܪܘ ܘܐܸܬܼܒܩܵܘ ܕܥܝܼܪܹ̈ܐ ܘܐܢܫ̈ܐ ܒܵܗ̇ ܬܲܗܝܼܪܝܼܢ. 561 :ܚܙ̣ܘ ܪ̈ܒܘܬܐ ܕܫܡܝ̈ܬܐ ܕܲܢܩܲܠܣܝܼܢ ܠܵܗ̇ 562 ܘܠܵܐ ܫܠܝܼܘ ܡ̣ܢ ܡܬܘܼܡ ܠܲܡܫܲܒܵܚܘܼ ܕܲܟܼܡܵܐ ܫܒܚܵܐ. 563 :ܫܲܦܝܼܪ ܬܲܩܢܲܬ̤ ܕܲܗܘ̤ܵܘ ܐ̄ܢܵܫ̈ܐ ܐܲܠܵܗܵܝܹ̈ܐ 564 ܘܠܵܐ ܐ̄ܢܵܫ ܣܵܦܸܩ̇ ܕܢܸܦܪ ܘܲܥ ܛܲܝܒܿܘܼ ܠܡܬܩܢܢܗ̇. 565 :ܫܲܦܝܼܪ ܐܲܡܸܠܟ ܟܝܵܢܵܐ ܥܒܼܝܼܵܕܼܵܐ ܥܲܡ ܥܵܒܼܘܿܕܼܵܐ 566 ܘܠܲܝܬܿ ܒܲܥܒܼܝܼ̈ܕܐ ܕܲܡܨܹܐ ܕܢܸܥܕܘܿܠ ܕܥܲܠ ܡ̇ܢ ܗܵܟܲܢ. 567 :ܠܵܐ ܟܹܝܬܼ ܬܸܥܕܘܿܠ ܗܲܪܣܝܘܛܵܐ ܚܲܣܝܼܪ ܗܵܘܢܵܐ 568 ܠܗܵܝ̇ ܝܼܕܲܥܬܐ ܕܫܲܦܝܼܪ ܥܸܒܼܕܲܬ̤ ܟܠܡܵܐ ܕܥܸܒܼܕܲܬ̤. 569 :ܬܵܐ ܐܸܢ ܨܵܒܹܝܬ̇ ܩܲܠܸܣ ܘܐܵܘܪܸܒܼ ܥܲܡ ܟܠ ܒܸܪ̈ܝܵܢ 570 ܠܗܵܘ̇ ܐܘܼܡܵܢܵܐ ܕܫܵܘܬܦ ܥܡܠܗ ܥܲܡ ܪܲܒܿܘܼܬܹܗ܀