Narsai: On John the Baptist - ܥܲܠ ܡܵܪܝ ܝܘܿܚܲܢܵܢ ܡܲܥܡܕܵܢ̇ܐ

pb. f.38r 4 ܥܕܲܡܵܐ ܕܲܙܟܼܵܐ ܘܚܲܕܼ ܙܲܟܝܵܐ ܙܲܟܲܝ ܐܸܢܘܿܢ. 5 :ܒܦܸܨܬܼܵܐ ܕܥܲܡ̈ܠܹܐ ܕܲܣܬܝܼܪ̈ܵܬܼܵܐ ܡܸܬܼܦܲܫܘܼܝܢ ܗ̄ܘ̣ܵܘ 6 ܥܕܲܡܵܐ ܕܐܸܝܬܼܵܐ ܫܪܵܪܵܐ ܠܓܸܠܝܵܐ ܘܐܲܢܝܼܚ ܐܸܢܘܿܢ. 7 :ܒܗܸܪܓܿܐ ܕܣܲܒܼܪܵܐ ܕܥܲܠ ܗܢ ܣܲܒܼܪܵܐ ܡܸܬܼܗ̣ܓܝܢ ܗ̄ܘ̣ܵܘ 8 ܥܕܲܡܵܐ ܕܓܼܵܫܘܼܗܝ ܒܪܸ̈ܓܼܫܹܐ ܓܲܠܝ̈ܐ ܘܟܸܢ ܐܸܬܼܒܲܝܲܐܘ. 9 :ܒܟܼܠ ܐܸܣܟܹܿܝܡܝܼ̈ܢ ܡܸܬܼܝܲܐܒܼܝܼܢ ܗ̄ܘ̣ܵܘ ܠܗܕ ܐܕܲܗܘ̤ܵܬܼ 10 ܥܕܡܐ ܕܗܘܸܬ ܘܟܢ ܢܵܚ̣ܝ ܪܗܛܵܐ ܕܐܓܼܘ̈ܢܲܝܗܘܿܢ. 11 :ܡ̣ܢ ܚܕ ܠܐܚܪܝܼܢ ܝܲܒܿܘܼܗܝ ܠܣܲܒܼܪܵܐ ܕܡܘܠܟܝ̈ܗܘܿܢ 12 ܥܕܡܐ ܕܣܝܟܹܗ ܚܲܕ ܓܸܠܝܢܐ ܕܥܠ ܚܲܕ ܟܹܐܢܵܐ. 13 :ܚܲܕ ܓܸܠܝܵܢܐ ܣܲܝܸܟ ܐܸܢܘܿܢ ܠܓܸܠܝܵܢܲܘ̈ܗܢ 14 ܘܣܵܗܸ̈ܕ ܩܠܐ ܕܐܲܢܚ̣ܝ ܩܵܠܵܐ ܕܓܸܠܝܵܢܝ̈ܗܘܿܢ. 15 :ܡ̣ܢ ܒܲܪܬܼ ܩܵܠܵܐ ܫܲܡܗܘܼܗ̇ ܠܗܵܕܹܐ ܒܩܵܠܵܐ ܓܲܐܝܵܐ 16 ܕܲܒܼܝܘܿܚܲܒܵܢ ܫܠܸܡܘ ܓܸܠܝ̈ܢܹܐ ܕܲܢܒܼܝܼܘܼܬܼܵܐ. 17 :ܐܘܿܪܝܬܐ ܠܲܡ ܘܐܪܵܙ ܓܸܠܝ̈ܢܐ ܕܲܢܒܼܝܼܘܼܬܼܵܐ 18 ܒܲܝܕܼ ܝܘܿܚܲܢܵܢ ܫܩ݂ܲܠܘ ܫܘܼܠܵܡܵܐ ܕܒܼܘܼܕܩܲܝ̈ܗܘܿܢ. 19 :ܝܲܠܕܗ ܫܠܝܗ ܠܪܗܛܵܐ ܕܐܪ̈ܙܐ ܘܲܕܼ ܦܠܐܬܼ̈ܐ 20 ܘܓܼܠ̣ܐ ܘܒܲܕܸܩ ܐܪܙ ܒܘܼܕܩܐ ܪܘܼܚܵܢܵܝܵܐ. 21 :ܒܝܲܠܕܹܗ ܕܟܹܐܢܵܐ ܓܠܵܬ̤ ܛܲܝܒܿܘܬܼܵܐ ܚܹܝܠ ܛܵܒܼܘܼܬܹܗ 22 ܘܕܼܪܫܲܬ̤ ܐܘܼܪܚܵܐ ܕܢܸܪܕܘܢ ܐܢܫ̈ܐ ܠܘܲܥܕ ܕܚܲܝܹ̈ܐ. 23 :ܐܲܝܟ ܗܲܕܝܼܵܠܐ ܗܘ̤ ܒܲܪ ܥܲܒܪܵܐ ܠܥܲܩܪܘܼܬܼ ܐ̄ܢܵܫ̈ܐ 24 ܘܫܲܪܝܼܘ ܡܦܪܝܢ ܦܹܐܪܹ̈ܐ ܕܫܘܼܒܼܚܵܐ ܠܢܸܩ ܒܵܪܘܿܝܵܐ. 25 :ܪܘܼܚ ܓܸܠܝܢܐ ܓܠ̣ܐ ܠܹܗ ܠܲܐܒܼܘܼܗܝ ܐܪܵܙ ܟܲܣܝ̈ܬܼܵܐ 26 ܘܐܵܘܕܝܼ ܘܐܸܡ݂ܲܪ ܒܪܝܼܟ ܒܵܪܘܿܝܵܐ ܕܲܣܥܲܪ ܥܲܡܹܗ. 27 :ܪܘܼܚܵܐ ܚܲܟܼܡܸܗ ܠܟܼܵܗܢܵܐ ܙܲܗܝܵܐ ܒܲܪ ܥܸܒܼܪ̈ܵܝܹܐ 28 ܘܓܼܠ̣ܵܐ ܘܚܵܘܝܼ ܕܲܩܪܸܒܼ ܙܒܼܢܵܐ ܕܦܘܼܪܩܵܢ ܐ̄ܢܫܵܐ. 29 :ܒܩܲܪܢܵܐ ܕܡܢܹܗ ܠܦܘܼܪܩܵܢ ܐ̄̈ܢܫܐ ܕܐܸܬܼܒܕܩ ܠܹܗ 30 ܕܒܼܵܗ̇ ܡܸܬܿܕܲܩܪܝܼܢ ܫܹܐܕܹ̈ܐ ܛܲܡܐܹ̈ܐ ܕܕܲܩܪܘܼܗܝ ܠܓܸܢܣܲܢ. 31 :ܒܥܸܠܲܬܼܝܲܠܕܗ ܓܠ̣ܐ ܠܲܢ ܐ̄ܪܙܵܐ ܕܦܘܼܪܒܵܢ ܚܲܝܲܝ̈ܢ 32 [ܝܣܝܼܪ...] ܓܠ̣ܵܐ ܠܲܢ ܐ̄ܪܵܙܵܐ ܕܦܘܼܪܩܵܢ ܚܲܝ̈ܢ ܒܡܵܪܵܐ ܕܟܼܠܵܐ. 33 ܘܟܲܢܹܝܗ ܠܲܒܼܪܹܗ ܚܢܵܢܵܐ ܚܵܐܸܢ ܠܲܕ ܚܲܝܵܒܼܝܼ̈ܢ 34 :ܫܸܡ ܝܼܘܿܚܲܢܵܢ ܫܡܵܐ ܕܚܢܵܢܵܐ ܕܚܵܐܸ̇ܢ ܐܢܫ̈ܐ 35 ܘܐܝܼܙܓܲܕܘܼܬܹܗ ܨܵܝܪܵܐ ܨܲܠܡܵܐ ܕܲܡܸܠܟ ܡܲܠܟܹ̈ܐ. 36 :ܐܲܝܟ ܐܝܼܙܓܲܕܵܐ ܢܦ̣ܩ ܟܵܪܘܿܙܵܐ ܩܕܼܵܡ ܗܵܘ̇ ܕܐܵܬܹ̇ܐ 37 ܘܚܵܘܝܹܗ ܠܕܸܢܚܹܗ ܠܲܫܡܝܢܹ̈ܐ ܘܠܐ ܪ̈ܥܢܝܐ. 38 :ܠܒܲܪ ܡ̣ܢ ܛܲܟܼܣܐ ܚܙ̣̰ܩ ܒܲܫܒܼܝܠܐ ܕܟܼܵܪܘܿܙܘܼܬܼܵܐ 39 ܘܟܕܼ ܝܲܠܘܕܐ ܗ̄ܘ̣ ܫܲܪܝܼ ܒܥܲܡ̈ܠܹܐ ܕܲܓܼܡܝܼܪܘܼܬܼܵܐ. 40 :ܐܹܝܘ ܠܲܓܼܡܝܼܪܵܐ ܕܟܲܕܼ ܠܵܐ ܓܡܝܼܪ ܗ̄ܘ̣ ܒܪܸ̈ܓܼܫܝ ܦܲܓܼܪܵܐ 41 ܕܓܲܡܪܹܗ ܪܘܼܚܵܐ ܠܐܝܼܙ ܓܲܕܘܼܬܼܵܐ ܕܲܩܕܼܵܡ ܡܲܠܟܿܐ. 42 :ܐܸ̇ܘ ܠܠܵܐ ܪܕܝܐ ܕܟܕ ܠܵܐ ܪܕܐ ܗ̄ܘ̣ܵܐ ܒܗܪ ܕܣܸܦܪܹ̈ܐ 43 ܚܲܟܸܿܡ ܗܵܘ ܢܹܗ ܠܲܡܚܲܟܿܡܵܢܹ̈ܐ ܘܒܪ̈ܝܲܝ ܣܸܦܪܹ̈ܐ. 44 :ܐܸܝܘ ܠܕܲܩܢܹܐ ܗܘ̣ܵܐ ܡܫܘܿܚܬܼܵܐ ܕܥܘ̤̈ܠܐ ܠܵܐܝܕܘ̈ܥܐ 45 ܕܐܲܩܢܝܼ ܛܲܥܡܵܐ ܕܡܗܵܢܘܼܬܼܵܐ ܠܟܼܠ ܡܘܼܫܚ̈ܵܬܐ. 46 :ܐܸܝܘ ܝܘܿܚܲܢܵܢ ܒܛܝܼܢ ܒܲܟܼܝܵܢܵܐ ܕܠܵܐ ܒܲܟܼܝܵܢܵܐ 47 ܕܗܘ̤ ܒܛܢܵܟ ܡܲܟܼܪܸܙ ܒܛܢܐ ܕܠܐ ܙܘܼܘܵܓܼܵܐ. 48 :ܕܠܵܐ ܙܘܼܘܵܓܼܵܐ ܒܛܝܼܢ ܗܘ̣ܐ ܡܐܟܿܐ ܕܐܢ̄ܬ ܐܝܼܙܓܼܕܹܗ 49 ܘܲܕܼܠܵܐ ܛܲܟܼܣܵܐ ܓܠܲܝܬܿܝܗܝ ܠܛܲܟܼܣܵܐ ܒܟܼܪܣܵܐ ܕܐܸܡܵܟ. 50 :ܒܟܲܪܣܵܐ ܕܐܸܡܵܟ ܚܙܝܬܿܗ̇ ܠܐܡܗ ܕܡܠܟ ܡܲܠܟܹ̈ܐ 51 ܘܲܓܠܲܝܬܿ ܠܐܸܡܵܟ ܕܬܸܒܪܹܝܗ̇ ܠܐܸܡܹܗ ܐܸܡܵܐ ܕܡܵܪ̈ܐ. 52 :ܐܡܵܐ ܕܡܪܵܐ ܩܪܬܗ̇ ܐܸܡܟ ܠܡܲܪܝܲܡ [...]ܗ 53 ܘܦܸܪܥܲܬ̤ ܛܲܝܒܿܘ ܒܵܗ̇ ܕܲܓܼܠ̣ܵܐ ܠܵܗ̇ ܐ̄ܪܙ ܟܣ̈ܬܐ. 54 :ܐܹܝܘ ܠܬܸܕܼܡܘܼܪܬܐ ܕܒܲܒܼܢ̈ܬܼܚܵܘܵܐ ܡܸܣܬܲܥܪܐ ܗ̄ܘ̣ܵܬܼ 55 ܕܡܸܬܼܪ̈ܟܼܢܢ ܗܘ̤̈ܝ ܠܡܸܦܪܲܥ ܛܲܝܒܿܘ ܠܥܘ̤̈ ܠܐ ܕܒܼܗܹܝܢ. pb. f.38v 56 :ܡܲܢ̣ܘ ܡ̣ܢ ܡܬܼܘܡ ܚܙ̣ܵܐ ܒܲܛܢ̈ܬܐ ܕܠܵܐ ܒܲܥܝܵܕܼܵܐ 57 ܕܡܸܬܼܢܒܝ̈ܢ ܗ̄ܘ̤̈ܝ ܥܲܠ ܕܲܒܿܘܼܬܼܵܐ ܕܲܒܥܘ̤̈ܠܝܗܝܢ. 58 :ܡ̇ܢ ܐܸܬܼܒܲܩܝܼ ܒܚܲܕ ܬܿܘܼܬܼ ܬܲܗܪܵܐ ܕܬܲܪ̈ܬܝܢ ܢܸܫܝܼ̈ܢ 59 ܕܲܒܛ̣ܢ ܡ̣ܢ ܫܠܝ ܠܒܲܪ ܡܢ ܛܲܟܸܣܵܐ ܕܪܕܐ ܒܢܸܫܹ̈ܐ. 60 :ܬܲܗܪܵܐ ܕܲܒܼܗܹܝܢ ܡܸܬܼ ܡܲܠܲܠ ܗ̄ܘ̣ܵܐ ܒܹܝܬܼ ܥܒܪ̈ܝܐ 61 ܘܬܼܡܝܼܗܝܼܢ ܗ̄ܘ̣ܵܘ ܒܒܛܢ̈ܐ ܚܕܬ̈ܐ ܕܠܐ ܒܲܥܝܵܕܵܐ. 62 :ܕܠܵܐ ܣܒ̣̱ܪ ܒܛܢܬ̤ ܐܸܡܹܗ ܕܥܒܕܐ ܘܐܸܡܹܗ ܕܡܵܪܵܐ 63 ܚܕܼܵܐ ܒܥܲܒܪܘܼܬܼܵܐ ܘܚܲܕܼܵܐ ܒܲܙܢܵܐ ܕܠܵܐ ܙܘܼܘܓܼܵܐ. 64 :ܗܵܪܟܿ ܫܸܠܡܲܬ̤ ܗܵܝ̇ ܕܲܟܼܬܼܝܼܒܼܵܐ ܥܲܠ ܐܲܒܼܪܵܗܵܡ 65 ܕܲܕܼܠܵܐ ܣܲܒܼܪܵܐ ܣܲܟܿܝܼ ܠܲܣܒܼܪܵܐ ܒܢ̈ܬܼ ܐܲܒܼܪܵܗܵܡ. 66 :ܣܲܒܼܪܵܠ ܛܵܒܼܵܐ ܩܢܬ̤ ܐܠܫܒܥ ܒܝܠܕܐ ܕܠܐ ܣܒ̣ܪ 67 ܘܗܘ̤ܐ ܝܲܥܕܗ̇ ܡܲܩܢܹܐ ܣܒܼܪܐ ܠܲܕܼܠܵܐ ܣܲܒܼܪܵܐ. 68 :ܣܒܲܪܬܼܵܐ ܛܵܒܼܬܼܵܐ ܛܥܝܼܢ ܝܘܿܚܲܢܵܢ ܒܪܸܫ ܠܸܫܵܢܹܗ 69 ܘܲܩ̣ܪܵܐ ܠܐ̄ܢܵܫ̈ܐ ܕܩ[...]ܘܼܡܘ ܐܸܬܼܠܲܒܲܒ̣ܘ ܘܲܩ̣ܢܵܘ ܣܲܒܼܪܵܐ. 70 :ܠܲܕܼܠܵܐ ܣܲܒܼܪܵܐ ܡܣܒ̇ܪ ܗܘ̣ܐ ܠܹܗ ܣܒܪܬܼܐ ܕܚܲܝܹ̈ܐ 71 ܘܲܡܬܿܪܓܸܡ ܗ̄ܘ̣ܵܐ ܙܢܲܝ̈ ܛܵܒܼܵܬܼܵܐ ܕܠܵܐ ܚܲܙܝ̈ܢ ܠܹܗ. 72 :ܐܸܝܘ ܝܘܿܚܲܢܵܢ ܫܒܼܝܼܪ ܗܕܡ̈ܐ ܘܲܓܼܡܝܼܪ ܢܲܣܲܫܵܐ 73 ܕܗ̄ܘ̤ܵܐ ܩܵܠ̇ܐ ܠܚܲܘܸܿܡ ܐ̄ܢܵܫ̈݁ܐ ܘܫܡܝܢ̈ܐ. 74 :ܐܸܝܘ ܠܵܟ ܓܲܒܼܪܵܐ ܕܟܲܕܼ ܠܵܐ ܓܡܝܼܪ ܐܲܢ̄ܬܿ ܒܛܲܟܼܣܵܐ ܕܓܼܒܼܪܹ̈ܐ 75 ܗܘܲܝܬ̇ ܐܝܼܙܓܲܕܵܐ ܡ̣ܢ ܐܲܠܵܗܵܐ ܠܘܵܬܼ ܐܢܫܘܬܢ. 76 :ܐܸܝܘ ܟܵܡܐ ܬܗܝܼܪܵܐ ܬܲܫܥܝܼܬ ܫܲܪܒܿܐ ܕܡܸܠܬܐ ܕܲܥܠܲܝܟ 77 ܘܠܵܐ ܐ̄ܢܵܫ ܝܵܕ̇ܥ ܠܡܸܫܬܲܥܵܝܘܼ ܙܢܲܝ̈ ܬܲܫܠܝܼܬܼܵܟ. 78 :ܙܢܲܝ̈ ܕܘܼܒܪ̈ܲܝܟ ܨܒܝ̇ܬܼ ܕܐܹܬܲܢܹܐ ܩܕܼܵܡ ܫܵܡܘܿܥܹܐ 79 ܘܩܲܢܝܛ ܪܸܥܝܵܢܝ ܕܕܼܵܡ ܠܵܐ ܢܸܣܦܲܩ ܠܛܲܟܼܣܵܐ ܕܫܲܪܒܵܟ. 80 :ܒܸܢܛܵܐ ܗ̄ܘ̣ ܪܲܒܿܐ ܠܡܸܫܬܲܥܵܝܘܼ ܙܢܲܝ̈ ܬܲܫܥܝܼܬܼܵܟ 81 ܘܡܲܪܵܚܘܼܬܼܵܐ ܗ̣̄ܝ ܠܡܸܬܼ ܥܲܠܵܝܘܼ ܠܪܵܘܡ̇ܐ ܕܫܲܪܒܵܟ. 82 :ܪܲܒܿ ܗ̄ܘ̣ ܫܲܪܒܵܟ ܡ̣ܢ ܟܠ ܫܲܪ̈ܒܲܝܢ ܕܲܒܼܢܲܝ̈ ܒܸܣܪܵܐ 83 ܘܪܵܡ̣ܵܐ ܒܥܵܬܼܵܟ ܠܦܘܼܬܼ ܕܡܵܥ̇ܠܝܬ ܡܢ ܝܠܘ̈ܕܐ. 84 :ܠܝܬܿ ܠܲܥܒܼܝܼܕܹ̈ܐ ܕܲܡܨܐ ܕܢܸܬܢܝܟ ܐܝܟ ܡܵܐ ܕܐܝܬܝܟ 85 ܐܸܠܵܐ ܐܸܢ ܚܕܼ ܗܵܘ̇ ܕܐܲܟܼܪܸܙ ܬܝܗܝ ܩܕܼܵܡ ܣܓܝ̈ܐܐ. 86 :ܩܵܕܼܵܡ ܣܲܓܿܝܼܐܹ̈ܐ ܓܠܲܝܬܝܗܝ ܠܐܪܵܙܵܐ ܕܦܘܼܪܩܵܢ ܐ̄ܢܵܫܵܐ 87 ܘܐܲܝܟ ܕܠܨܲܠܡܵܐ ܨܪܬܝܗܝ ܠܝܘܼܢܵܐ ܕܲܕܼܒܼܚܘܼܬܹܗ. 88 :ܠܚܘܼܪܒܿܐ ܢܲܓܼܕܵܟ ܪܘܼܚ ܓܸܠܝܢܐ ܥܲܠ ܗܢ ܫܪܒܿܐ 89 ܘܲܒܼܥܹ̇ܝܬܼ ܕܐܸܕܲܥ ܕܡܵܢܲܐ ܗ̣̄ܝ ܥܸܠܬܼܵܐ ܕܫܲܢܝܬ̇ ܠܚܘܼܪܒܵܐ. 90 :ܒܢܲܝ̈ ܦܲܠܚܘܼܬܼܵܟ ܫܸܡ̇ܥܹܬܼ ܕܬ̇ܝܢܢ ܫܲܪܒܿܐ ܕܲܥܠܲܝܟ 91 ܘܚܛܦܢܝ ܪܸܥܝܵܢܝ ܠܲܡܨܵܬܼ ܫܲܦܝܼܪ ܠܲܕܼ ܫܲܦܪ̈ܢ. 92 :ܨܠܸܡ ܕܘܼܒܵܪ̈ܲܝܟ ܚܙܹ̇ܝܬܼ ܟܲܕܼ ܨܵܝ̇ܪܝܢ ܨܝܕܝ̈ ܢܘܼܢܹ̈ܐ 93 ܘܝܸܗ̇ܒܹܬܼ ܬܲܪܥܝܼܬܼܝ ܠܡܸܬܼܒܲܩܵܝܘܼ ܒܲܦܐܝܘܼܬܼ ܥܲܡܠܲܝ̈ܟ. 94 :ܒܥܲܡ̈ܠܹܐ ܥܡܝܼ̈ܠܹܐ ܠܦܵܟ ܪܘܼܚܵܐ ܠܡܸܬܼ ܕܲܒܵܪܘ 95 ܘܟܲܕܼ ܡܵܝܘܿܬܼܵܐ ܐܲܢ̄ܬܿ ܨܵܪܬ̇ ܕܡܘ̈ܬܐ ܕܠܐ ܡܝܘ̈ܬܐ. 96 :ܚܲܝܠܵܐ ܕܪܘܼܚܵܐ ܗܘ̣ܵܐ ܠܟ ܪܒܐ ܘܡܚܥܡܢܐ 97 ܘܐܲܠܦܟ ܛܲܛܼܣܵܐ ܕܪܒܿ ܡ̣ܢ ܛܲܟܼܣܐ ܕܡܛܟܿܣ̈ܢܹܐ. 98 :ܠܪܲܒܵܢܘܼܬܼܵܐ ܪܘܚܢܵܝܬܿܐ ܗܘܲܝ̣ܬܿ ܬܲܠܡܝܼܕܵܐ 99 ܘܗ̤ܝ ܝܸܗܒܲܬ̤ ܠܵܟ ܕܪܓܼܵܐ ܪܵܡܵܐ ܕܡܲܠܦܵܢܘܼܬܼܵܐ. 100 :ܬܵܘ ܫܵܡܘ̈ܥܹܐ ܫܡ݂ܲܥܘ ܬܸܕܼܡܘܼܪܬܿܐ ܕܥܲܠ ܝܘܿܚܲܢܵܢ 101 ܕܡܸܬܼܪܲܒܿܐ ܗ̄ܘ̣ܵܐ ܕܠܵܐ ܬܲܪܒܿܝܼܬܼܵܐ ܕܲܡܪ̈ܲܒܿܝܵܢܹܐ 102 :ܐܢܵܫܐ ܠܐܢܵܫܵܐ ܡܥܕܝܢ ܡܩܢܝܢ ܥܝܼܕܹ̈ܐ ܘܛܲܟܼܣܹ̈ܐ 103 ܘܗܢ̇ܘ ܢܗܪܐ ܕܠܝܬܿ ܐܢܫܐ ܗܘܵܐ ܟܠܡܸܕܲܡ. 104 :ܛܵܒܼ ܡ̣ܢ ܟܠܢܵܫ ܓܡܝܼܪ ܗ̄ܘ̣ܵܐ ܛܲܟܼܣܐ ܕܪܲܒܵܐ ܒܚܘܼܪܒܿܐ 105 ܘܛܵܟ ܐܵܦ ܚܘܼܪܒܿܐ ܒܬܼܗܪܵܐ ܕܲܥܠܵܘܗܝ ܡܸܬܿܕܡܪ ܗ̄ܘ̣ܵܐ. 106 ܒܬܲܗܪܐ ܪܲܒܵܐ ܫܪܹܐ ܒܚܘܪܼܒܵܐ ܗ̄ܘ̣ܵܐ ܕܠܵܐ ܒܘܼܝܵܐܐ: pb. f.39r 107 ܘܐܲܝܟ ܦܪܵܘܿܫܵܐ ܡܸܬܿܬܲܡܲܗ ܗ̄ܘ̣ܵܐ ܒܫܲܝܢܵܐ ܕܫܝܢܹܗ. 108 :ܐܹܝܘ ܝܘܿܚܲܢܵܢ ܡܫܲܝܸܢ ܚܘܼܪܒܿܐ ܠܵܐ ܦܵܪܘܿܫܵܐ 109 ܘܐܲܦܢܝܼ ܘܫܲܝܸܢ ܠܦܵܪܘܿܫܘܼܬܼܵܐ ܕܲܡܕܘܕܐ ܗ̄ܘ̣ܵܬܼ. 110 :ܠܚܘܼܪܒܿܐ ܕܠܵܐ ܢܦܸܫ ܡܸܬܿܕܲܡܹܐ ܗ̄ܘ̣ܵܐ ܥܘܼܡܪܵܐ ܕܐ̄ܢܵܫ̈ܐ 111 ܘܲܡܓܲܙܝ ܗ̄ܘ̣ܵܐ ܡ̣ܢ ܛܵܒܼ̈ܬܼܵܐ ܕܪܸܚܡܲܬܼ ܩܘܼܫܬܿܐ. 112 :ܝܲܥܪܵܐ ܕܥܵܘܠܵܐ ܘܟܼܘܼܒ̈ܐ ܕܪܘܼܫܥܵܐ ܡܠܹܝܢ ܗ̄ܘ̣ܵܘ ܐܢܫ̈ܐ 113 ܘܲܚܢܝܼܩܵܐ ܗ̄ܘ̣ܵܬܼ ܚܲܝܘܼܬ ܐ̄ܢܫܵܐ ܘܠܵܐ ܐ̄ܢܵܫ ܐܲܪܓܸܿܫ. 114 :ܬܪܝܼܥ ܗ̄ܘ̣ܵܐ ܟܝܵܢܵܐ ܘܲܡܣܲܝܸܦ ܗ̄ܘ̣ܵܐ ܢܵܡܘܿܣ ܪܘܼܚܵܐ 115 ܘܕܼܵܝ̇ܒܝܼܢ ܗ̄ܘ̣ܵܘ ܠܹܗ ܚܲܫܹ̈ܐ ܘܫܹܐܕܹ̈ܐ ܒܲܥܪܝܼܪ̈ܝܹܐ. 116 :ܩܵܠ ܝܘܿܚܲܢܵܢ ܦܲܠܚܹܗ ܠܥܵܠܡܵܐ ܒܩܸܩܢܵܐ ܕܲܬܼܪܹܝܢ 117 ܘܲܚܠܵܦ ܙܲܪܥܵܐ ܙܪܲܥ ܒܹܗ ܣܲܒܼܪܵܐ ܕܫܘܼܒܼܩܵܢ ܥܵܘܠ̇ܐ. 118 :ܒܵܥܘܠܵܐ ܡܝܼܬܵܪܐ ܡܝܼܬܼ ܗ̄ܘ̣ܵܐ ܓܸܢܣܵܐ ܐܕܼܵܡܵܝܵܐ 119 ܘܢܵܕܼ ܡ̣ܢ ܥܵܘ ܠܹܗ ܐܲܝܟ ܕܡ̣ܢ ܫܸܢ̄ܬܿܐ ܒܩܵܠ ܫܘܼܒܼܩܵܢܵܐ. 120 :ܩܵܠ ܫܘܼܒܼܩܵܢܵܐ ܫܡ݂ܲܥܘ ܚܲܝܵܒܹ̈ܐ ܒܢܲܝ̈ ܚܲܝ̈ܒܹܐ 121 ܘܩܵܡ̣ܘ ܕܢܸܬܠܚܘܢ ܫܛܵܪ ܚܵܘܒ̈ܬܐ ܕܚܵܒ̣ܘ ܒܲܚܛܝܼܬܼܵܐ. 122 :ܫܛܵܪܵܐ ܕܚܵܘܒܹ̈ܐ ܘܬܲܒܼ ܗ̄ܘ̣ܵܐ ܐܕܼܵܡ ܒܲܥܕܢ ܐܲܬܼܪ̈ܐ 123 ܘܲܒܼܢܵܘ̈ܗܝ ܪܲܒܿܝܘܼܗܝ ܒܝܲܕܼ ܪܒܝܬܐ ܕܫܟܼܝܼܪ̈ܬܼܐ. 124 :ܒܫܘܝܪ̈ܬܼܐ ܡܸܬܼܗܦܟ ܗ̄ܘ̣ܵܐ ܓܸܢܵܣܐ ܕܐܢܵܫܵܐ 125 ܥܕܡܵܐ ܕܫܡ݂ܲܥܘ ܩܵܠ ܝܘܿܚܲܢܵܢ ܘܟܸܢ ܐܸܬܼܢܟܸܦܘ. 126 :ܒܗܵܕܹܐ ܬܸܢܘܲܝ ܓܒܵܝ̣ܗܝ ܗܵܘ̇ ܕܲܓܼܒ̣ܝܗܝ ܠܐܝܼܙܓܲܕܼܘܼܬܹܗ 127 ܕܢܸܗܘܹܐ ܡܫܲܝܢ ܗܸܪܬܼܵܐ ܕܥܵܠܡܹ̈ܐ ܢܒܝܼܫܵܐ ܕܫܲܝܢܵܐ. 128 :ܒܗܵܢܵܐ ܦܘܼܪܣܵܐ ܪܲܒܿܝܹܗ ܒܚܘܼܪܒܿܐ ܠܒܲܪ ܡ̣ܢ ܐܢܵܫܵܐ 129 ܕܢܸܗܘܹܐ ܝܵܕ̇ܥ ܠܡܫܝܢܘ ܦܠܝܼܓܼܘܼܬܼ ܐ̄̈ܢܵܫܵܐ. 130 :ܐܘܡܵܐܝܼܬܼ ܣܲܥܪܵܗ ܠܗܵܕܹܐ ܗܵܘ̇ ܝܵܕܲܥ ܟܠ 131 ܕܲܒܼܝܲܕܼ ܥܒܼܕܗ ܢܲܦܫܹܐ ܠܥܒܕܘ̈ܗܝ ܠܘܵܬܼ ܡܵܪܘܼܬܼܵܐ. 132 :ܢܝܼܫܵܐ ܕܫܲܝܢܵܐ ܣܵܡ̣ ܠܹܗ ܪܸܡܙܵܐ ܐܲܠܵܗܵܝܵܐ 133 ܕܢܸܚܢܹܐ ܠܩܘܼܒܼܠܹܗ ܒܙܵܘܥܲܝ̈ ܢܲܦܫ̣ܵܐ ܘܪܸ̈ܓܼܫܲܝ ܦܲܓܼܪܵܐ. 134 :ܠܟܼܠܹܗ ܒܟܼܠܹܗ ܐܲܠܒܸܿܫ ܪܘܼܚܵܐ ܙܲܝܢܵܐ ܕܪܘܼܚܵܐ 135 ܕܠܵܐ ܢܸܒܼܪܲܨ ܒܹܗ ܚܲܕܼ ܡ̣ܢ ܓܹܐܪ̈ܘܗܝ ܕܐܵܟܸ̇ܠ ܒܲܪܨܵܐ. 136 :ܐܵܟܸ̇ܠ ܩܲܪܨܵܐ ܥܬܼܝܼܕܼ ܗ̄ܘ̣ܵܐ ܕܢܲܩܪܸܒܼ ܥܲܡ ܚܘܼܫܒܼܵܘ̈ܗܝ 137 ܘܚܲܙ ܒܹܗ ܒܪܘܼܚܵܐ ܐܲܝܟ ܓܲܢܒܵܪܵܐ ܒܡܵܐ ܢܲܝ̈ ܙܲܝܢܵܐ. 138 :ܓܲܢ̄ܒܵܪܵܐܝܼܬܼ ܝܲܗ̣̄ܒܼ ܗ̄ܘ̣ܵܠ ܢܲܦ̣ܫܹܗ ܠܘܵܬܼ ܬܲܟܼܬܘܼܫܵܐ 139 ܥܕܲܡܵܐ ܠܡܵܘܬܵܐ ܥܲܙܝܼ ܢܲܦ̣ܫܹܗ ܒܩܸܐܪܣܵܐ ܕܠܘܼܩܒܲܠ. 140 :ܒܲܚܠܝܼܨܘܼܬܹܗ ܬܼܡܝܗܝܼܢ ܗ̄ܘ̣ܵܘ ܟܸܢܫܲܝ̈ ܪܵܘܡܵܐ 141 ܕܲܟܼܡܵܐ ܡܥܲܙܹܐ ܘܠܵܐ ܡܸܬܼܪܲܦܹܐ ܒܐܵܓܘܢ ܥܲܡ̈ܠܘܗܝ. 142 :ܒܲܠܒܼܝܒܼܘܼܬܹܗ ܬܲܡܝܼܗܝܼܢ ܗ̄ܘ̣ܵܘ ܫܹܐܕܹ̈ܐ ܛܪ̈ܘܼܢܹܐ 143 ܕܐܲܝܟܲܢ ܚܵܣܸ̇ܢ ܠܚܲܝܠܵܐ ܕܲܒܗܘܿܢ ܒܚܘܼܬܼ ܚܲܬܼ ܦܲܓܼܪܹܗ. 144 :ܒܲܬܼܪܹܝܢ ܩܸܐܪ̈ܣܹܐ ܩܫ̈ܝܐ ܪܡܹܐ ܗ̄ܘ̣ܵܐ ܒܪܡܵܝܘ̈ܬܐ 145 ܩܪܵܒܼܵܐ ܕܕܲܝܘܹ̈ܐ ܒܲܥܪ̈ܝܼܪܵܝܹܐ ܘܚܲܫܹ̈ܐ ܕܦܲܓܼܪܹܗ. 146 :ܕܲܝܘܹ̈ܐ ܒܢܸܟܼܠܵܐ ܡܸܨ ܛܲܢܥܝܼܢ ܗ̄ܘ̣ܵܘ ܕܲܢܪܲܦܘܢܝܗܝ 147 ܘܙܵܘܢܲܝ̈ ܢܲܦ̣ܫܵܐ ܒܝܲܕܼ ܚܘܼܬܼ̈ܚܵܬܵܐ ܕܲܪ̈ܓܼܝܼܓܼܵܬܼܵܐ. 148 :ܒܚܲܝܠܵܐ ܕܪܘܼܚܵܐ ܡܸܬܼܚܲܝܲܠ ܗ̄ܘ̣ܵܐ ܒܦܲܓܼܪܹܗ ܘܢܲܦ̣ܫܹܗ 149 ܘܒܹܗ ܚ̇ܣܢ ܗ̄ܘ̣ܵܐ ܠܲܪ̈ܓܼܝܼܓܼܵܬܹܗ ܘܪܸܓܲܬܼ ܒܝܼܫܵܐ. 150 :ܟܝܵܢܵܐ ܒܫܸܬܼܩܵܐ ܬܵܒܲ̇ܥ ܗ̄ܘ̣ܵܐ ܠܹܗ ܟܝܵܢ̈ܝܵܬܼܵܐ 151 ܘܕܲܝܘܹ̈ܐ ܒܢܸܟܼܠܵܐ ܨ̇ܠܝܢ ܗ̄ܘ̣ܵܘ ܠܹܗ ܦܲܚܹ̈ܐ ܕܢܸܟܼܠܵܐ. 152 :ܬܪܹܝܢ ܕܲܠܩܘܼܒܼ̈ܠܹܐ ܡܸܬܼܟܲܬܼܫܝܼܢ ܗ̄ܘ̣ܵܘ ܥܲܡ ܚܹܐܪܘܼܬܹܗ 153 ܘܗܘ̤ ܒܲܠܚܘܿܕܼܵܘܗܝ ܠܵܐ [ܐܲ]ܫܦܸܠ ܗ̄ܘ̣ܵܐ ܡ̣ܢ ܬܲܟܼܬܘܼܫܵܐ. 154 :ܒܲܥܡ̈ܝܼܠܵܬܼܵܐ ܡܸܬܼܥܡܸܠ ܗ̄ܘ̣ܵܐ ܒܦܲܓܼܪܹܗ ܘܢܲܦ̣ܫܹܗ 155 ܘܗܵܢܵܘ̇ ܬܸܡܗܵܐ ܕܲܥܡܝܼܠ ܘܲܫܚܝܼܩ ܘܐܲܩܪܸܒܼ ܘܲܙܟܼܵܐ. pb. f.39v 156 :ܡܲܙܠܗܸܙ ܘܲܒܨܝܼܪ ܬܘܼܪܣܵܝ ܦܲܓܼܪܹܗ ܡ̣ܢ ܕܲܥܝܵܕܼܵܐ 157 ܘܪܵܡ ܘܲܡܥܲܠܲܝ ܕܘܼܒܵܪ ܚܲܝܵܘ̈ܗܝ ܡ̣ܢ ܦܲܓܼܪ̈ܢܐ. 158 :ܒܩܡܨ̈ܐ ܫܝܼ̈ܛܹܐ ܘܼܕܒܼܫܵܐ ܕܒܼܪܵܐ ܡܸܬܿܬܲܪܣܹܐ [ܗ̣̄ܘܵܐ] 159 ܘܢܵܛ̇ܪ ܗ̄ܘ̣ܵܐ ܠܹܗ ܚܲܝܠܵܐ ܕܪܘܼܚܵܐ ܒܐܘܼܟܼܠܵܐ ܒܨܝܼܪܵܐ. 160 :ܚܲܝܠܵܐ ܕܚܲܝܠܹܗ ܠܡܘܼܫܹܐ ܪܲܒܿܐ ܒܨܵܘܡܵܐ ܥܦܝܼܦܵܐ 161 ܗܘ̤ ܐܲܫܪܝܼ ܒܹܗ ܚܘܼܡܣܵܢ ܢܲܦ̣ܫܵܐ ܩܕܼܵܡ ܚܘܼܬܼ̈ܚܵܬܹܐ. 162 :ܗܵܘ̇ ܦܘܼܩܕܵܢܵܐ ܕܝܲܗ̄ܒ̣ ܠܐܹܠܝܼܵܐ ܚܲܝܠܵܐ ܒܐܘܼܟܼܠܵܐ 163 ܗܘ̤ܝܘܼ ܚܝܲܠܹܗ ܠܡܸܝܣܲܢ ܚܲܫܹ̈ܐ ܕܲܪ̈ܓܼܝܼܓܼܵܬܼܵܐ. 164 :ܐܲܪܒܿܥܝܼܢ ܝܵܘܡܝܼ̈ܢ ܪܕܵܐ ܐܹܠܝܼܵܐ ܒܐܘܼܟܼܠܵܐ ܒܨܝܼܪܵܐ 165 ܝܘܿܚܲܢܵܢ ܕܹܝܢ ܫܢ̈ܝܐ ܬܠܬܼܝܼܢ ܒܐܘܼܟܼܠܵܐ ܙܥܘܿܪܐ. 166 :ܫܢ̈ܝܐ ܬܠܬܼܝܼܢ ܪܕܵܐ ܙܕܝܩܐ ܒܐܘܼܪܚܐ ܠܐܝܼܬܼܵܐ 167 ܘܟܲܕܼ ܠܐܹ̇ܐ ܗܘ̣ܐ ܗܘ̤ܵܬܼ ܠܹܗ ܐܘܼܪܚܵܐ ܐܲܝܟ ܠܵܐ ܥܣܲܩܬܼܵܐ. 168 :ܐܸܝܘܠܵܟ ܓܲܒܼܪܵܐ ܕܪ̈ܕܹܐ ܒܐܘܼܪܵܐ ܕܡܲܠܝܵܐ ܩܸܢܛܵܐ 169 ܕܠܵܐ ܐܲܙܝܼܥܘܼܟ ܙܢܲܝ̈ ܒܝܼܫܵܬܼ̈ܐ ܕܩܸܢܛܵܐ ܕܐܘܼܪܚܵܐ. 170 :ܐܹܝܘ ܠܚܲܡܝܼܡܵܐ ܕܡܸܬܼܓܵܘܙܹܿܠ ܗ̄ܘ̣ܵܐ ܒܚܘܼܒܵܐ ܕܡܵܪܹܗ 171 ܘܠܵܐ ܩܪ̣ܚܘܼ ܒܹܗ ܡ̣ܢ ܬܲܟܼܬܿܘܪܫܵܐ ܕܲܚܠܵܦ ܡܵܪܹܗ. 172 :ܐܹܝܘ ܠܦܪܵܘܘܿܫܵܐ ܕܲܡܙܹܝܢ ܗ̄ܘ̣ܵܐ ܒܙܲܝܢܵܐ ܕܥܲܡ̈ܠܹܐ 173 ܘܠܵܐ ܫܠܲܚ̣ܝ ܙܲܝܢܹܗ ܠܸܠܲܝ ܘܐܝܼܡܵܡ ܫܢܝ̈ܐ ܬܠܵܬܼܝܼܢ. 174 :ܐܸܘ̇ ܠܲܐܬܼܠܝܼܛܵܐ ܕܐܸܚܲܕ ܕܲܪܵܐ ܥܲܡ ܠܵܐ ܓܫܝܼܡܹ̈ܐ 175 ܘܠܵܐ ܩܲܬܼ ܛܸܦܪܹ̈ܐ ܪ̈ܘܼܚܢܝܵܬܼܐ ܒܪܘܼܟܵܒܼ ܦܲܓܼܪܹܗ 176 :ܐܹܝܘ ܠܬܲܟܼܬܘܫܵܐ ܕܠܲܝܬܿ ܠܹܗ ܦܸܚܡܵܐ ܒܹܝܬܼ ܐܲܪ̈ܥܵܢܹܐ 177 ܘܛܵܟ ܐܵܦ ܟܸܢܒܹ̈ܐ ܕܫܡܝ̈ܢܐ ܒܨܝܪܝܢ ܡܸܢܹܗ. 178 :ܐܸܝܘ ܠܪܸܥܝܵܢܵܐ ܕܲܟܼܡܵܐ ܚܲܡܣܸܢ ܒܲܥܡܝܼ̈ܠܵܬܼܵܐ 179 ܘܠܵܐ ܐܸܬܼܪܲܦܝܼ ܒܢܘܓܼܪܵܐ ܕܙܲܒܼܢܵܐ ܕܲܡܬܼܚܼܝ ܘܲܫܚܝܼܩ. 180 :ܐܸܝܘ ܠܹܗ ܪܡܵܐ ܟܡ̇ܐ ܛܥܢܢܘ ܝܘܼܩܪܵܐ ܕܚܘܼܬܼ ܚܵܬܼܝܗܘ̈ܢ 181 ܘܠܵܐ ܚܵܒ̣ܘ ܘܐܲܫܠܸܦܘ ܒܬܲܟܼܬܘܼܫ ܥܲܡ̈ܠܹܐ ܕܠܵܐ ܒܲܥܝܵܕܼܵܐ. 182 :ܕܠܵܐ ܒܲܥܝܵܕܵܐ ܪܕܵܐ ܝܘܿܚܲܢܵܢ ܒܐܘܼܪܚܵܐ ܕܥܲܡ̈ܠܹܐ 183 ܘܢܘܼܟܼܪ̈ܚܢ ܗ̄ܘ̣ܵܘ ܙܢܲܝ̈ ܕܘܼܒܵܪ̈ܵܘܗܝ ܠܲܕܼ ܡܵܝܘܿܬܹ̈ܐ. 184 :ܠܲܝܬܿ ܡܵܝܘܿܬܼܵܐ ܕܪ̈ܵܕܹܐ ܒܐܘܼܪܚܵܐ ܕܕܼܵܡܝܵܐ ܠܗܵܕܹܐ 185 ܘܠܵܐ ܐܲܪܥܵܢܵܐ ܕܥܲܙܝܼ ܒܩܸܐܪܣܵܐ ܕܥܲܙܝܼ ܒܹܗ ܗܘ̤. 186 :ܕܠܵܐ ܥܸܢܝܵܢܵܐ ܐܲܢܝܼ ܢܲܦ̣ܫܹܗ ܒܗܸܪܓܵܐ ܛܵܒܼܵܐ 187 ܘܠܵܐ ܡ̇ܢ ܢܸܬܼܗܲܪ ܕܠܵܐ ܚܲܠܨܬܗ ܡܲܐܝܢܘܼܬܼܵܐ. 188 :ܕܠܵܐ ܒܘܼܝܵܠܵܐ ܒܝܲܐ ܗܘ̤ ܠܹܗ ܒܲܕ ܠܵܐ ܓܲܠܝ̈ܢ 189 ܘܡ̇ܢ ܠܵܐ ܢܹܐܡܲܪ ܕܪܘܼܚܵܐ ܐܲܣܪܹܗ ܒܲܣܬܝܼܪ̈ܵܬܼܵܐ. 190 :ܐܲܝܟܵܐ ܗܘ̤ܵܘ ܟܲܝ ܚܲܫܹ̈ܐ ܠܙܝܼܙܹ̈ܐ ܕܲܒܼܢܝ̈ܢܫܐ 191 ܕܠܵܐ ܐܸܫܟܲܚܘ ܩܵܡ̣ܘ ܠܘܼܩܒܲܠ ܚܲܝܠܵܐ ܕܡܩܪܸܒܼ ܗ̄ܘ̣ܵܐ ܒܹܗ. 192 :ܐܝܟܢ ܩܸܪܬ̤ ܪܸܓܲܬܼ ܦܲܓܼܪܵܐ ܢܘܼܪܵܐ ܕܬܲܪ̈ܬܹܝܢ 193 ܘܠܵܐ ܒ̣ܪܲܨ ܪܹܚܝܵܐ ܕܚܲܡܝܼܡܘܼܬܹܗ ܒܦܲܓܼܪܹ̈ܐ ܕܟܹܐܢܹ̈ܐ. 194 :ܐܲܝܟܿܐ ܓܙܝܲܬ̤ ܪܸܚܡܲܬܼ ܟܸܣܦܵܐܡܥܝܼܢ ܒܝܼܫܬܹ̈ܐ 195 ܘܠܵܐ ܡܛ̣ܵܐ ܪܕܝܗ̇ ܠܪܵܘܡܵܐ ܕܢܲܦܫܹܗ ܕܚܠܝܼܨ ܢܲܦ̣ܫܵܐ. 196 :ܡܵܓܼܘܼ ܦܟܼܪܗ̇ ܠܪܸܚܡܲܬܼ ܟܸܣܦܵܐ ܢܸܨܐ ܨܢܝܥܐ 197 ܘܠܵܐ ܒܲܬܼ ܛܸܦܪ̈ܵܘܗܝ ܒܗܵܘ̇ ܪܸܥܝܵܢܵܐ ܩܲܠܝܼܝ̇ ܓܸܦܹ̈ܐ. 198 :ܡܲܢ̣ܘ ܫܠܝܗ̇ ܠܲܒܓܼܝܼܫܘܼܬܹܗ ܕܚܘܼܬܼܪܵܐ ܫܓܼܝܼܫܵܐ 199 ܘܠܵܐ ܢܕܬܼܘܲܒܼܠܲܛ ܠܗܵܘܢܵܐ ܬܲܩܢܵܐ ܕܓܲܒܼܪܵܐ ܬܲܩܢܵܐ. 200 :ܡ̇ܢ ܐܲܪܡܝܼ ܒܹܗ ܦܓܼܘܼ̈ܕܹܐ ܕܫܸܬܼܒܵܐ ܒܚܲܫܵܐ ܕܚܸܡܬܼܵܐ 201 ܘܠܵܐ ܐܸܬܼܒܲܥܪܲܪ ܐܲܝܟ ܡܵܐ ܕܲܡܢܵܕ ܠܡܸܕ ܠܲܚ ܢܲܦ̣ܫܵܐ. 202 :ܡܲܢ̣ܘ ܒܲܛܠܵܗ̇ ܠܚܵܣܘܿܡܘܼܬܼܵܐ ܩܵܛܠܲܬܼ ܐ̄ܢܵܫܵܐ 203 ܘܲܗܘ̤ܵܬܼ ܡܝܼܬܬܿܐ ܒܓܼܵܘ ܝܘܿܚܢܵܢ ܐܲܝܟ ܕܲܒܩܒܼܪܵܐ. 204 ܐܲܝܟ ܕܲܒܼܩܲܒܼܪܵܐ ܩܒܼܝܼܪܝܼܢ ܗ̄ܘ̣ܵܘ ܒܹܗ ܚܲܫܹ̈ܐ ܫܓܼܝܼܫܹ̈ܐ: pb. f.40r 205 ܟܲܕܼ ܚܲܝܼܢ ܗ̄ܘ̣ܵܘ ܠܵܐ ܚܲܝܼܢ ܗ̄ܘ̣ܵܘ ܠܚܹܐܪܘܼܬܼ ܢܲܦ̣ܫܹܗ. 206 :ܐܲܝܟ ܠܵܐ ܚ̈ܝܐ ܡܕܝܪܝܼܢ ܗ̄ܘ̣ܵܘ ܒܵܗ̇ ܒܡܵܝܘܿܬܼܘܼܬܹܗ 207 ܘܠܵܐ ܡܫܲܠ̣ܛ ܗ̄ܘ̣ܵܐ ܠܪܓܿܬܼܵܐ ܕܲܒܼܗܘܢ ܥܲܠ ܗܲܕܡܵܘ̈ܗܝ. 208 :ܫܲܠܝܼܛܝܼܢ ܗ̄ܘ̣ܵܘ ܕܲܢܙܝܼܥܘܢܵܝܗܝ ܐܲܝܟ ܕܲܠܐܢܵܫܵܐ 209 ܘܢܵܗܸ̇ܡ ܗ̄ܘ̣ܵܐ ܒܗܘܿܢ ܚܲܝܠܵܐ ܕܪܘܼܚܵܐ ܘܪܵܥ̇ܠܝܼܢ ܡܸܢܹܗ. 210 :ܙܵܘܥܵܐ ܘܩܸܢܵܐ ܪܡܹܐ ܗ̄ܘ̣ܵܐ ܒܚܲܫܹ̈ܐ ܕܲܒܼܝܘܿܚܲܢܵܢ 211 ܘܡܵܣܬܲܪܕܝܼܢ ܗ̄ܘ̣ܵܘ ܠܡܸܩܪܲܒܼ ܨܹܐܕܵܘܗ ܒܲܥܝܵܕܸܵܝ̈ܗܘܿܢ. 212 :ܚܵܐܸ̇ܫ ܗ̄ܘ̣ܵܐ ܒܗܘܿܢ ܐܲܝܟ ܚܵܫܘܿܫܵܐ ܒܚܲܫܲܝ̈ ܢܲܦ̣ܫܹܗ 213 ܘܡܸܬܼ ܥܲܠܐ ܗ̄ܘ̣ܵܐ ܒܝܲܕܼ ܚܘܼܡܣܵܢܹܗ ܡ̣ܢ ܚܲܫ̈ܝܗܘܿܢ. 214 :ܒܝܲܕܼ ܚܘܼܡܣܵܢܵܐ ܙܵܟܹ̇ܐ ܗ̄ܘ̣ܵܐ ܠܗܘܿܢ ܠܚܫܝ̈ ܐܢܫܐ 215 ܘܟܲܕ ܐܫܢܐ ܗ̄ܘ̣ܵܐ ܗܘ̤ܵܐ ܒܕܼܘܼܒܵܪ̈ܵܘܗܝ ܐܲܝܟ ܠܵܐ ܐܢܵܫܵܐ. 216 :ܐܝܟ ܠܵܐ ܐܢܵܫܵܐ ܗܘ̤ܵܐ ܙܲܕܲܝܩܵܐ ܠܒܲܪ ܡ̣ܢ ܐܢܫ̈ܐ 217 ܥܕܲܡܵܐ ܕܲܡܛ̣ܵܐ ܙܲܒܵܢܵܐ [ܕ]ܕܢܚܹܗ ܕܡܲܠܟܿܐ ܕܲܓܼܒ̣ܵܝܗܝ. 218 :ܒܫܘܼܠܵܡ ܙܲܒܼܢܹ̈ܐ ܕܢܲܚ̣ ܡ̣ܢ ܫܸܠܝܵܐ ܡܫܲܠܸܡ ܙܲܒܼܢܹ̈ܐ 219 ܘܫܲܪܝܼ ܩܵܥܹ̇ܐ ܕܫܠܸܡ ܙܲܒܼܢܵܐ ܕܡܵܝܘܿܬܼܘܼܬܼܵܐ. 220 :ܫܠܸܡ ܠܹܗ ܙܲܒܼܢܵܐ ܩܥ̣ܵܐ ܟܵܪܘܿܙܵܐ ܠܙܲܒܼܢܹܗ ܕܥܵܠܡܵܐ 221 ܘܡܲܛܝܼ ܙܲܒܼܢܵܐ ܕܡܸܦܛܲܪ ܙܲܒܼܢܵܐ ܕܲܡܠܹܐ ܙܲܒܼܢܵܐ. 222 :ܬܘܼܒܼܘ ܠܚܲܛܵܝܹ̈ܐ ܒܪ̣ܵܐ ܚܲܛܝܹ̈ܐ ܒܪܹܗ ܕܲܙܟܲܪܝܵܐ 223 ܘܐܲܠܸܦ ܐܸܢܘܿܢ ܕܢܸܥܛܘܢ ܥܵܘܠܵܐ ܒܡܲܥܡܘܿܕܼܝܼܬܼܵܐ. 224 ܡܲܥܡܘܿܕܝܼܬܼܵܐ ܕܚܘܼܣܵܝ ܚܵܒܹ̈ܐ ܦܬܲܚ ܒܲܪ ܥܩܪܹ̈ܐ 225 ܘܫܲܪܝܼ ܡܵܘ ܠܕ ܐ̄ܢܵܫ̈ܐ ܚܕܬܹ̈ܐ ܡ̣ܢ ܓܵܘ ܡܲܝ̈ܵܐ. 226 :ܐ̄ܪܵܙܚܘܼܕܵܬܼܵܐ ܐܲܟܼܪܸܙ ܩܵܠܵܐ ܕܫܝܼܦܘܿܪ ܩܵܠܹܗ 227 ܘܢܵܕܼܘ ܡ̣ܢ ܥܵܘܠܵܐ ܡܝܼܬܹ̈ܐ ܕܥܵܘܠܵܐ ܐܲܝܟ ܕܡ̣ܢ ܫܸܢܬܵܐ. 228 :ܒܫܸܢܬܐ ܕܥܵܘܠܵܐ ܘܛܲܒܿܝܼܠܝܼܢ ܗ̄ܘ̣ܵܘ ܒܢܲܝ̈ܐ ܒܼܪܵܗܵܡ 229 ܘܐܲܥܝܼܪ ܐܸܢܘܿܢ ܩܵܠ ܟܵܪܘܿܙܵܐ ܒܪܹܗ ܕܐܲܒܼܪܵܗܡ. 230 :ܒܫܸܡ ܐܲܒܼܪܵܗܵܡ ܚܬܼܝܼܪ ܗ̄ܘ̣ܵܐ ܥܲܡܵܐ ܥܛܸܠ ܪܸܥܝܵܢܵܐ 231 ܘܐܲܟܿܣܹܐ ܟܹܐܢܵܐ ܕܠܵܘ ܟܹܐܢܵܐܝܼܬܼ ܚܬܝܼܪ ܒܲܫܡܵܗܹ̈ܐ. 232 :ܠܵܐ ܬܸܬܼܚܲܬܪܘܢ ܒܫܸܡ ܐܲܒܼܪܵܗܵܡ ܒܢܲܝ̈ ܐܲܒܼܪܵܗܵܡ 233 ܘܠܵܐ ܬܸܬܲܟܠܘܢ ܥܲܠ ܫܘܼܡܵܗܵܐ ܓܠܝܼܙ ܡ̣ܢ ܪ̈ܚܡܹܐ. 234 :ܦܹܐܪ̈ܐ ܕܥܲܡ̈ܠܹܐ ܚܲܝ̇ܒܼܝܼܢ ܐܢ̄ܬܿܘܿܢ ܠܲܡܚܵܘܝܘܼ 235 ܦܪܘܿܥܘ ܕܲܟܼܝܵܐܝܼܬ ܚܵܘܲܬܼ ܚܘܒܹ̈ܐ ܠܗܵܘ̇ ܕܐܲܚܸܒܼܟܘܿܢ. 236 :ܗܵܠܹܝܢ ܩܵܠܹ̈ܐ ܙܪܲܥ̣ܘ ܝܘܿܚܲܢܵܢ ܒܐܸܕܼܢܲܝ̈ ܥܲܡܵܐ 237 ܘܫܲܪܝܼ ܟܠܢܵܫ ܠܡܬܼܠܚܘ ܫܛܵܪ ܚܘܒ̈ܵܬܗ. 238 :ܫܛܵܪ ܚܵܘܒ̈ܬܼܵܐ ܚܵܘܝܼ ܐܸܢܘܿܢ ܠܡܸܥܛܐ ܒܡܲܝ̈ܵܐ 239 ܥܲܕܼ ܐܵܬܹ̇ܐ ܗܵܘ̇ ܕܥܵܛܹ̇ܐ ܥܵܘܠܵܐ ܘܝܵܗܸ̇ܒܼ ܪܘܼܚܵܐ. 240 :ܒܡ̈ܝܵܐ ܒܲܠܚܘܿܕܼ ܥ̇ܛܐ ܗ̄ܘ̣ܵܐ ܠܗ ܠܥܵܘܠܵܐ ܕܥܲܡܵܐ 241 ܘܡܲܠܸܦ ܗ̄ܘ̣ܵܐ ܠܗܘܿܢ ܥܲܠ ܗܵܘ̇ ܕܐܵܬܹ̇ܐ ܒܵܬܲܪ ܡܠܵܘ̈ܗܝ. 242 :ܒܵܬܲܪ ܡܸܠܵܘ̈ܗܝ ܕܢܲܚ̣ ܗ̄ܘ̣ܵܐ ܕܸܢܚܵܐ ܡܲܦܨܲܚ ܟܠܵܐ 243 ܘܫܲܪܝܼ ܒܵܥܹ̇̄ܐ ܘܲܡܚܵܘܹܐ ܠܹܗ ܠܥܹܝܢ ܚܲܙ̈ܝܹܐ. 244 :ܒܓܸܠܝܐ ܚܘܝܗ̇ ܠܪܲܒܿܘܼܬܼ ܕܲܪܓܹܗ ܕܲܟܼܡܵܐ ܪܲܒܿܐ 245 ܘܲܟܼܡܵܐ ܒܨܝܼܪ ܗ̄ܘ̣ܵܐ ܐܸܢ ܡܸܬܼܦܲܚܲܡ ܥܲܡ ܪܲܒܼܘܼܬܹܗ. 246 :ܪܲܒܿ ܗ̄ܘ̣ ܠܲܡ [ܡܝ] ܐܲܝܟ ܡܵܐ ܕܪܵܡܝܼ̇ܢ ܫܡܲܝܵܐ ܡܸܢܲܢ 247 ܘܠܵܐ ܫܘ̇ܐ ܐܢܵܐ ܐܦܠܐ ܕܐܸܫܪܹܐ ܣܐܘܿܢܵܐ ܕܪܸܓܼܠܵܘܗܝ. 248 :ܡܲܠܟܐ ܗ̄ܘ̣ ܕܥܲܠ ܟܠ ܘܐܦ ܕܢܢܵܐ ܕܠܝܼܪܹ̈ܐ ܘܐ̄ܢܵܫܵܐ 249 ܘܠܲܝܬܿ ܒܲܥܒܼܝܼ̈ܕܹܐ ܕܠܵܘ ܠܹܗ ܣܵܓܸܕ ܐܲܝܟ ܕܲܠܡܵܪܵܐ. 250 :ܚܹܝܠ ܐܝܼܬܼܘܼܬܵܐ ܝܲܗ̣ܒܼ ܠܹܗ ܫܡܵܗܹ̈ܐ ܕܪܡܹ̇ܝܢ ܡܸܢܹܗ 251 ܥܲܠ ܗܵܝ̇ ܐܸܡ̇ܪܹܬܼ ܕܠܹܗ ܗ̄ܘ̣ ܣܵܓܼܕܝܼܢ ܥܝܼܪܹ̈ܐ ܘܐ̄ܢܵܫܵܐ. 252 ܠܵܘ ܒܲܟܼܝܵܢܵܐ ܩܢܹܐ ܟܘܼܢܵܝܵܐ ܕܣܸܓܼܕܲܬܼ ܟܠܵܐ. 253 ܟܝܵܢ̇ܐ ܕܥܲܠ ܟܠ ܥܲܒܼܪܹܗ ܕܢܸܗܘܹܐ ܡܝܲܩܲܪ ܡ̣ܢ ܟܠ: pb. f.40v 254 :ܒܪܲܒܿܘܼܬܼ ܕܲܪܓܹܗ ܬܸܗ̇ܪܹܬܼ ܐܸܢܵܐ ܕܐܝܼܬܲܝ ܥܲܒܼܕܹܗ 255 ܗܵܐ ܡܛܲܝܲܒ ܐ̄ܢܵܐ ܕܐܸܓܼܠܹܐ ܠܐ̄ܢܵܫܵܐ ܪܲܒܿܘܼܬܼ ܕܲܪܓܹܗ. 256 :ܡܸܛܠ ܐܢܵܫܵܐ ܝܲܩܪܹܗ ܒܲܫܡܵܐ ܪܵܚܸܡ ܐܢܵܫܵܐ 257 ܕܢܸܗܘܹܐ ܡܚܲܣܹܐ ܥܵܘܠܵܐ ܕܐ̄̈ܢܵܫܵܐ ܒܕܸܒܼܚܵܐ ܕܦܲܓܼܪܹܗ. 258 :ܥܵܘܠܵܐ ܕܐ̄ܢܵܫܵܐ ܕܲܠܚܹܗ ܠܫܲܝܢܵܐ ܕܲܒܼܢܲܝܢܵܫ̈ܐ 259 ܘܲܨܒ̣ܵܐ ܕܲܒܼܚܲܕܼ ܐ̄ܢܵܫܵܐ ܢܫܝܢ ܠܥܝܼܪܹ̈ܐ ܐ̄ܢܵܫܵܐ. 260 :ܗܵܠܹܝܢ ܐܲܟܼܪܸܙ ܥܲܒܼܕܵܐ ܛܵܒܼܵܐ ܩܕܼܵܡ ܡܵܪܹܟܿܠ 261 ܘܐܲܝܟ ܚܲܝܵܒܼܵܐ ܦܪܲܥ̣ ܬܵܘܕܲܝܼܬܼܵܐ ܠܡܵܪܵܐ ܕܲܓܼܒ̣ܵܝܗܝ. 262 :ܗ̇ܠܹܝܢ ܩܵܠܹ̈ܐ ܕܪܥ̣ ܥܸܒܼܪܵܝܵܐ ܒܲܒܼܢܲܝ̈ ܥܲܡܹܗ 263 ܘܛܲܝܸܒܼ ܐܸܢܘܿܢ ܠܲܡܩܒܼܵܠܘܼ ܠܡܲܠܟܿܐ ܕܲܕܼܢܲܚ̣. 264 :ܗܵܠܹܝܢ ܦܘܼܪ̈ܣܹܐ ܪܲܟܸܿܒܼ ܟܹܐܢܵܐ ܩܕܼܵܡ ܥܘ̈ܠܐ 265 ܕܲܒܼܟܼܠ ܦܘܼܪ̈ܣܝܼܢ ܢܸܣܢܘܢ ܥܵܘܠܵܐ ܕܐܲܣܢܝܼ ܐܸܢܘܿܢ. 266 :ܠܣܲܢܝܘܼܬܼ ܐܢܵܫܵܐ ܨܒ̣ܐ ܕܲܢܫܲܚܠܸܦ ܒܫܘܼܦܪܵܐ ܕܡܸܠܵܘ̈ܗܝ 267 ܘܩܲܕܫ ܡ̈ܝܐ ܘܚܲܣܝܼ ܐܸܢܘܿܢ ܡ̣ܢ ܚܵܘܒܲܝ̈ܗܘܿܢ. 268 :ܡܚܲܣܹܐ ܚܵܘܒܹ̈ܐ ܐܲܠܦܹܗ ܛܲܟܼܣܵܐ ܕܚܘܼܣܝ ܚܵܘܒܹ̈ܐ 269 ܕܢܸܕܪܘܿܫ ܐܘܼܪܚܵܐ ܠܗܵܘ̇ ܚܘܼܣܵܝܵܐ ܓܡܝܼܪܵܐ ܘܛܵܒ̣̱ܵܐ. 270 :ܠܵܐ ܓܡܝܼܪ ܗ̄ܘ̣ܵܐ ܛܵܒܼ ܗܵܘ̇ ܚܘܼܣܵܝܵܐ ܕܝܼܗ̣̄ܒܼ ܝܘܿܚܲܢܵܢ 271 ܒܲܕܼ ܠܵܐ ܡܨܐ ܗ̄ܘ̣ܵܐ ܠܡܸܬܲܠ ܪܘܼܚܵܐ ܥܲܡ ܚܘܼܣܵܝܵܐܘ 272 :ܒܡܝ̈ܐ ܒܲܠܚܘܿܕܼ ܡܸܫܬܵܘܕܹܐ ܗ̄ܘ̣ܵܐ ܠܡܚܲܣܵܝܘܼ 273 ܘܲܡܚܵܘܹܐ ܗ̄ܘ̣ܵܐ ܕܐܝܼܬܼ ܚܘܼܣܵܝܵܐ ܕܪܲܒܿ ܡ̣ܢ ܟܝܼܠܹܗ. 274 :ܗܵܐ ܠܲܡ ܐܵܬܹ̇ܐ ܓܲܒܪܵܐ ܒܵܬܲܪ ܪܲܒܼ ܗ̄ܘ̣ ܣܲܓܲܝܼ 275 ܕܫܵܒܸ̇ܩ ܥܵܘܠܵܐ ܘܡܲܩܢܹܐ ܪܘܼܚܵܐ ܘܝܵܗ̇ܒܼ ܚܲܝܹ̈ܐ. 276 :ܩܸܢܝܵܢ ܚܲܝܹ̈ܐ ܠܵܐ ܡܝܘܿܬܹ̈ܐ ܡܲܩܢܹܐ ܠܐ̄ܢܵܫܵܐ 277 ܘܠܵܐ ܬܘܼܒܼ ܩܵܢ̇ܛܝܼܢ ܡ̣ܢ ܫܘܼ ܚܠܵܦܐ ܕܡܵܝܘܿܬܼܘܼܬܼܵܐ. 278 :ܒܡܵܘܬܹܿܗ ܫ̇ܪܹܐ ܫܘܠܛܵܢ ܡܵܘܬܐ ܕܚܲܒܸܿܠ ܐ̄ܢܵܫܵܐ 279 ܘܣܚ̇ܦ ܪܵܘܡܵܐ ܕܚܬܝܪܘܬܐ ܕܫܹܐܕܹ̈ܐ ܛܪ̈ܘܼܢܹܐ. 280 :ܫܹܐܕܹ̈ܐ ܣܲܚܦܘܼܗܝ ܠܓܸܢܣܵܐ ܕܐ̄ܢܵܫܵܐ ܒܗܵܘܬܐ ܕܡܵܘܬܐ 281 ܘܩ̣ܵܡ ܒܲܪܢܵܫܵܐ ܘܣܚܦ ܐܢܘܢ ܒܗܵܘܬܼܵܐ ܕܲܚ̣ܦܲܪܘ 282 :ܒܥܘܡܩܵܐ ܕܥܵܘܠܵܐ ܡܚܵܝܗܝ ܣܵܛܵܢܵܐ ܠܪܹܫ ܐ̄ܢܵܫܘܼܬܲܢ 283 ܘܲܗܦ݂ܲܟ ܐ̄ܢܵܫܵܐ ܘܬܲܒܼܪܹܗ ܠܥܘܼܩܣܵܐ ܕܡܲܪܝܼܪܘܼܬܹܗ. 284 :ܒܟܼܠܹܗ ܓܸܢܣܵܐ ܦܸܪܚܲܬ̤ ܡܸܪܬܼܵܐ ܕܡܲܪܝܼܪܘܼܬܹܗ 285 ܘܡܸܢܹܗ ܕܓܸܢܣܲܢ ܗܘ̤ܵܐ ܡܐܣܝܢܐ ܘܐܲܣܝܼ ܠܟܹܐܒܲܝ̈ܢ. 286 :ܐܵܣܝܵܐ ܡܗܝܼܪܵܐ ܓܒ̣ܵܐ ܡ̣ܢ ܓܸܢܣܲܢ ܪܵܚܸ̇ܡܓܸܢܣܲܢ 287 ܘܐܲܠܦܹܗ ܕܢܲܐܣܹܐ ܟܹܐܒܹ̈ܐ ܕܓܸܢܣܹܗ ܒܣܲܡܵܐ ܕܪܘܼܚܵܐ. 288 :ܣܲܡܵܐ ܕܪܘܼܚܵܐ ܝܲܗܒ̣ ܠܹܗ ܪܸܡܙܵܐ ܐܲܠܵܗܵܝܵܐ 289 ܘܐܲܠܵܗܵܐܝܼܬܼ ܡܲܐܣܹܐ ܗ̄ܘ̣ܵܐ ܒܹܗ ܙܢܲܝ̈ ܒܝܼܫ̈ܬܐ. 290 :ܒܲܕܼ ܡܘܼܬܼ ܫܸܡܫܵܐ ܕܼܢܲܚ̣ ܓܸܠܝܵܢܹܗ ܒܹܝܬܼ ܚܸܫܘ̈ܟܹܐ 291 ܘܪܲܕܦܵܗ̇ ܠܛܘܥܝܲܝ ܕܲܦܪܝܼܣܵܐ ܗ̄ܘ̣ܵܬܼ ܥܲܠ ܟܠ ܘܲܒܼܟܼܠ. 292 :ܩܵܠ ܝܘܿܚܲܢܵܢ ܐܲܙܥܸܩ ܒܐܪܥܵܐ ܥܲܠ ܡܹܐܬܼܝܼܬܹܗ 293 ܘܪܸܥܠܲܬ̤ ܛܘܼܥܝܲܝ ܘܙܵܥ̣̈ ܫܲܬܼ ܐ̱ܣܸ̈ܐ ܕܒܸܢܝܵܢ ܥܵܘܠܵܐ. 294 :ܒܲܕ ܡܘܼܬܼ ܣܲܝܦܵܐ ܐܲܒܼܪܸܩ ܡ̣ܠܬܹܗ ܒܪܹܗ ܕܲܙܟܲܪܝܵܐ 295 ܘܲܬܼܡܲܗܘ ܫܹܐܕܹ̈ܐ ܒܚܲܪܝܼܦܘܼܬܼܵܐ ܕܡܸ̈ܠܝ ܦܘܼܡܹܗ. 296 :ܐܲܝܟ ܕܲܒܼܣܲܝܦܵܐ ܚܵܪܸܒܼ ܗ̄ܘ̣ܵܐ ܠܹܗ ܠܓܒܐ ܕܛܘܼܥܝܲܝ 297 ܘܡܸܬܼ ܚܲܝܠܝܼܢ ܗ̄ܘ̣ܵܘ ܣܸܕܼܪ̈ܲܝ ܩܘܼܫܬܐ ܒܲܠܒܼܝܼܒܼܘܼܬܹܗ. 298 :ܦܠܚܵܐ ܠܒܼܝܼܒܼܵܐ ܓܒ̣ܵܐ ܠܹܗ ܡܲܠܟܿܐ ܘܫܲܕܲܪ ܩܘܼܕܡܵܘܗܝ 299 ܘܚܲܙܩܹܗ ܒܚܲܝܠܵܐ ܕܠܵܐ ܡܸܬܼܚܲܣܢܵܐ ܚܲܣܝܼܢܘܼܬܹܗ. 300 :ܒܲܙܝܢܹܗ ܚܬܼܝܼܪ ܗ̄ܘ̣ܵܐ ܠܦܚܐ ܚܝܼܨܵܐ ܒܲܪ ܥܸܒܼܪ݁ܝܹܐ 301 ܘܠܵܐ ܡܲܫܦܸܠ ܗ̄ܘ̣ܵܐ ܡ̣ܢ ܬܲܟܼܬܘܼܫܵܐ ܕܥܲܡ ܕܲܠܩܘܼܒܠܵܐ. 302 :ܒܟܼܠ ܬܲܟܼܬܘܼܫ̈ܝܼܢ ܗ̄ܘ̣ ܙܵܟܹ̇ܐ ܗ̄ܘ̣ܵܐ ܠܲܒܥܸܠܕܵܪܪܵܐ 303 ܘܲܟ̣ܡܵܐ ܕܙܵܟܹ̇ܐ ܥܲܡ ܙܵܟܼܘܼܬܼܵܐ ܡܸܬܼܟܲܬܲܫ ܗ̄ܘ̣ܵܐ. 304 ܕܠܵܐ ܣܲܒܼܥܘܼܬܼܵܐ ܪܵܗܸ̇ܛ ܗ̄ܘ̣ܵܐ ܒܵܗ̇ ܒܐܘܼܪܚܵܐ ܕܥܲܡ̈ܠܹܐ: pb. f.41r 305 ܘܠܵܐ ܡܲܡܐܸܢ ܗ̄ܘ̣ܵܐ ܡ̣ܢ ܬܲܟܼܬܘܼܫܵܐ ܕܠܘܼܩܒܲܠ ܥܵܘܠܵܐ. 306 :ܠܘܼܩܒܲܠ ܥܵܘܠܵܐ ܛܠܝܼܢ ܗ̄ܘ̣ܵܐ ܙܲܝܢܹܗ ܠܸܠܝ ܐܝܼܡܵܡ 307 ܘܗܲܢܝܼ ܗ̄ܘ̣ܵܐ ܠܹܗ ܩܸܐܪܣܵܐ ܕܥܲܡ̈ܠܹܐ ܡ̣ܢ ܒܘܼܣܵܡܵܐ. 308 :ܠܥܘܠܘܬܹܗ ܕܥܵܘܠܵܐ ܣܢܝܐ ܣܢܹܐ ܕܲܕܝܼܩܵܐ 309 ܘܡܸܬܼܦܲܪܣ ܗ̄ܘ̣ܵܐ ܕܢܥܛܝܘܗܝ ܠܲܫܡܹܗ ܡ̣ܢ ܐܢܵܫܘܼܬܼܵܐ. 310 :ܐܢܵܫܵܐ ܪܚܸܡ ܗ̄ܘ̣ܵܐ ܡܸܛܠ ܚܘܼܒܹܿܗ ܪܵܚܸܡ ܐܢܵܫܵܐ 311 ܘܡܸܬܼܝܲܐܒܼ ܗ̄ܘ̣ܵܐ ܕܢܹܐܣܘܿܪ ܐ̄ܢܵܫܵܐ ܒܪܸܚܡܲܬ ܡܵܪܹܗ. 312 :ܒܪܸܚܡܲܬܼ ܡܵܪܹܗ ܟܕܝܼܢ ܗ̄ܘ̣ܵܐ ܚܘܼܒܹܗ ܕܥܲܒܼܕܵܐ ܛܵܒܼܵܐ 313 ܘܲܡܣܲܟܹܿܐ ܗ̄ܘ̣ܵܐ ܠܗܵܝ̇ ܒܲܪܬܼ ܩܵܠܵܐ ܕܥܲܒܼܕܵܐ ܛܵܒܼܵܐ. 314 :ܥܲܒܼܕܵܐ ܛܵܒܼܵܐ ܗܘ̤ܵܐ ܝܘܿܚܲܢܵܢ ܠܡܵܪܵܐ ܛܵܒܼܵܐ 315 ܘܛܵܒܼܵܐ ܕܲܚ̣ܙܵܐ ܛܵܒܼܘܼܬ ܥܲܡܠܹܗ ܛܲܒܼܥܹܗ ܒܲܫܡܹܗ. 316 :ܒܲܫܡܹܗ ܛܲܒܼܥܹܗ ܠܒܲܪ ܐܲܒܼܪܵܗܵܡ ܛܒܸܝܥ ܒܲܓܼܙܘܼܪܬܐ 317 ܘܐܵܘܚܸܕܼ ܒܐܝܼܕܹܗ ܣܲܝܦܵܐ ܕܪܘܼܚܵܐ ܠܡܸܚܪܲܒܼ ܥܵܘܠܵܐ. 318 :ܥܵܘܠܵܐ ܕܐ̄ܢܵܫܵܐ ܐܲܩܝܼܡ ܡܸܪܕܵܐ ܥܲܠ ܟܹܐܢܘܼܬܼܵܐ 319 ܘܲܒܼܝܘܿܚܲܢܵܢ ܨܒ̣ܵܐ ܕܲܢܡܲܟܿܟܼܵܗ̇ ܠܲܛܪܘܼܢܘܼܬܹܗ. 320 :ܠܩܸܛܠܹܗ ܕܥܵܘܠܵܐ ܪܓܼܝܼܓܼ ܟܹܐܢܵܐ ܣܵܢ̇ܐ ܥܵܘܠܵܐ 321 ܘܠܵܐ ܫܠ̇ܐ ܗ̄ܘ̣ܵܐ ܡ̣ܢ ܬܲܟܼܬܘܼܫܵܐ ܕܥܲܡ ܒܝܼܫ̈ܬܼܵܐ. 322 :ܥܕܲܡܵܐ ܠܡܵܘܬܿܐ ܝܗ̣ܒܼ ܗܘ̣ܵܐ ܢܲܦ̣ܫܹܗ ܠܡܸܬܼܟܲܬܵܫܘܼ 323 ܘܡܝܼܬܼ ܟܲܕ ܠܵܐ ܡܝܼܬܼ ܕܡܢܘܬܗ ܣܲܒܼܪܐ ܗ̄ܘ̣ ܕܚܵܝܲܬܼ ܡܝܼܬܹ̈ܐ. 324 :ܒܩܸܐ ܪܣܵܐ ܕܥܵܘܠܵܐ ܡܝܼܬܼ ܙܲܕܿܝܼܩܵܐ ܥܵܘܠܵܐܝܼܬ 325 ܘܲܗܘ̤ܐ ܡܵܘܬܹܗ ܣܵܗܕܐ ܐܒܚ[...]ܐ ܕܟܼܵܪܘܿܙܘܼܬܹܗ. 326 :ܠܘܼܩܒܲܠ ܡܲܠܟܿܐ ܛܪܘܼܢܵܐ ܕܥܵܘܠܵܐ ܐܸܙܕܝܢ ܗ̄ܘ̣ܵܐ 327 :ܘܐܲܪܝܼܡ ܡܸܠܬܹܗ ܘܦܲܪܣܝܼ ܘܲܓܼܠܵܗ̇̄ ܠܙܲܠܝܼܠܘܼܬܹܗ 328 :ܙܲܠܝܠܵܐܝܼܬ ܡܸܬܼܗܲܦܟ ܗ̄ܘ̣ܵܐ ܙܲܠܝܼܠ ܢܦ̣ܫܐ 329 ܘܠܲܒܼܝܼܒܼܵܐܝܼܬܼ ܩܵܡ̣ ܩܲܕܲܝܼܫܵܐ ܠܘܼܩܒܲܠ ܥܵܘܠܹܗ. 330 :ܥܲܠ ܢܵܡܘܿܣܵܐ ܐܲܠܵܗܵܝܵܐ ܡܸܫܬܲ ܥܠܹܐ ܗ̄ܘ̣ܵܐ 331 ܕܡܚܬܡ ܗ̄ܘ̣ܵܐ ܕܠܐ ܬܸܬܼ ܚܠܲܟ ܫܘܵܬܦܘܼܬܼܵܐ. 332 :ܠܫܵܘܬܵܦܘܼܬܼܵܐ ܕܐܲܢ̄ܬܼܬܼ ܐܲܚܘܼܗܝ ܥܠ̣݂ܲܫ ܥܘܠܐ 333 ܘܛܲܢ ܝܘܚܢܢ ܚܠܵܦ ܢܡܘܣܐ ܕܬܚܡ ܗܕܐ. 334 :ܚܠܵܦ ܢܵܡܘܿܣܵܐ ܛܲܢ ܗ̄ܘ̣ܵܐ ܛܢܵܢܵܐ ܡܵܢܘܿܣܵܝܵܐ 335 ܒܲܕ ܡܘܼܬܼ ܦܝܼܬܚܸܣ ܕܛܲܢ ܘܐܸܬܼ ܥܲܙܲܙ ܥܲܠ ܙܲܢܝ̈ܐ. 336 :ܥܲܠ ܙܲܢ̈ܝܐ ܠܚܝܼܡ ܢܵܡܘܿܣܵܐ ܒܦܘܼܡ ܙܲܕܝܼܩܹ̈ܐ 337 ܘܐܲܡܝܼܢ ܚ̇ܪܒܼ ܙܢܲܝ̈ ܙܢܝܘܼܬܼܵܐ ܒܐܝܼܕܼܵܐ ܕܟܹܐܢܹ̈ܐ. 338 :ܠܙܲܡܪܝܼ ܕܙܲܢܝܼ ܩܲܛܠܹܗ ܒܣܲܝܦܵܐ ܢܵܡܘܿܣܵܝܵܐ 339 ܘܲܠܹܗ ܪܘܿܕܲܣ ܒܡܲܪܣܵܢܘܼܬܼܵܐ ܕܡܸܠܲܬܼ ܪܘܼܚܵܐ. 340 :ܒܦܝܼܢܚܸܣ ܚܵܘܝܼ ܛܢܵܢܵܐ ܪܲܒܿܐ ܢܵܡܘܿܣ ܪܘܼܚܵܐ 341 ܘܲܒܼܝܘܿܚܲܢܵܢ ܥܲܙܝܼܙܘܼܬܼܵܐ ܕܡܲܟܣܵܢܘܼܬܼܵܐ. 342 :ܬܲܡ̇ܢ ܒܲܕܼܡܵܐ ܬܲܒܼܥܹܗ ܠܥܵܘ ܠܵܐ ܕܲܒܼܥܵܘܵܠܹ̈ܐ 343 ܘܗܵܪܟܿܐ ܒܡܸܠܬܼܵܐ ܕܚܲܪܝܼܦܐ ܗ̄ܘ̣ܵܬܼ ܛܵܒܼ ܡ̣ܢ ܣܲܝܦܵܐ. 344 :ܣܲܝܦܵܐ ܕܡܸܠܬܹܿܗ ܐܲܪܝܼܡ ܟܹܐܢܵܐ ܥܲܠ ܗܹܪܘܕܣ 345 ܘܠܵܐ ܐܸܬܼܟܲܚܲܕܼ ܡ̣ܢ ܫܘܼܠܛܵܢܵܐ ܘܬܵܓܼܵܐ ܕܲܥܠܵܘܗܝ. 346 :ܠܗܵܘ̇ ܦܸܬܼܓܼܡܵܐ ܕܬܲܪܓܸܿܡ ܕܵܘܝܼܕܼ ܥܗܲܕܼ ܝܘܿܚܲܢܵܢ 347 ܘܲܠܒ̣ܝܼܒ̣ܵܐܝܼܬܼ ܐܲܟܼܣܹܗ ܠܡܲܠܟܿܐ ܠܒܼܝܼܒ̣ ܒܲܚܛܝܼܬܼܵܐ. 348 :ܚܛܝܼܬܼܵܐ ܒܝܼܫܬܼܵܐ ܕܒܸܝܫܵܐ ܡ̣ܢ ܟܠ ܣܓܲܪ ܗܪܘܕܲܣ 349 ܕܲܥܠ݂ܲܒܼ ܐܲܚܘܼܗܝ ܒܫܵܘܬܵܦܘܼܬܼܵܐ ܕܐܲܢ̄ܬܲܬܼ ܐܲܚܘܼܗܝ. 350 :ܒܲܐܢ̄ܬܲܬܼ ܐܲܚܼܗܝ ܡܸܫܬܲܛܹܐ ܗ̄ܘ̣ܵܐ ܫܝܼܛܵܐ ܣܲܟܼܠܵܐ 351 ܘܕܲܚܙ̣ܵܐ ܟܹܐܢܵܐ ܛܲܢ ܘܐܸܬܼ ܥܲܙܲܙ ܥܲܠ ܫܝܼܛܘܼܬܹܗ. 352 :ܐܹܝܘ ܠܲܬܼܕܲܨ̇ܐ ܟܡܵܐ ܚܢܵܐ ܠܢܝܼܫܵܐ ܕܲܬܼܪܝܼܨܘܼܬܼܵܐ 353 ܘܦܲܪܣܝܼ ܘܐܲܟܿܣܗ̇ ܠܕܲܓܵܠܘܼܬܼܵܐ ܠܥܹܝܢ ܣܲܓܿܝܼ̈ܐܹܐ. 354 ܝܵܕܲܥ̇ ܗ̄ܘ̣ܵܐ ܠܵܗ̇ ܠܕܲܓܵܠܘܼܬܼܵܐ ܕܐܕܘܡܝܐ: pb. f.41v 355 ܘܩܲܕܡ ܩܲܓܠܗ̇ ܥܕܲ ܩܛܠܐ ܠܗ ܡܪܚܵܐܝܼܬܼ. 356 :ܒܒܹܝܬܼ ܐܲܣܝܪܹ̈ܐ ܚܒܫܗ ܠܟܹܐܢܵܐ ܥ̇ܘܠ ܡ̣ܢ ܟܠ 357 ܘܡܸܨ ܛܲܢܲܥ ܗ̄ܘ̣ܵܐ ܕܐܲܝܟܲܢ ܢܸܓܼܡܘܿܪܪܸܓܼܬܼ ܝܲܨܪܹܗ. 358 :ܠܩܸܛܠܹܗ ܪܓܼܝܼܓܼ ܗ̄ܘ̣ܵܐ ܘܲܡܣܟܹܿܐ ܗ̄ܘ̣ܐ ܠܝܵܘܡܵܐ ܕܡܵܘܬܹܗ 359 ܕܡܵܐ ܕܡܝܼܬܼ ܟܹܐܢܵܐ ܢܲܝܬܹܿܐ ܠܓܼܠܝܵܐ ܙܲܠܝܼܠܘܼܬܹܗ. 360 :ܬܢܘܲܝ ܒܝܼܫܬܿܐ ܗܹܪܙܹܕܣ ܥܒ݂ܲܕ ܘܗܪܘܕܲܝܵܐ 361 ܕܲܢܕܲܥܟܿܘܢܝܗܝ ܠܢܘܼܗܪܐ ܕܦܲܪܣܝ ܠܥܵܘܠܵܐ ܕܲܒܗܘܿܢ. 362 :ܐܪܵܙܐ ܕܥܵܘܠܵܐ ܚܫ݂ܲܠܘ ܥܘ̈ܠܐ ܒܹܝܬܼ ܚܲܕܼ ܠܲܐܚܪܹܝܢ 363 ܕܲܢܫܲܬܿ ܩܘܢܝܗܝ ܠܩܵܠ ܫܝܦܘܪܵܐ ܡܫܲܬܸܩ ܥܵܘܠܵܐ. 364 :ܦܲܚܹ̈ܐ ܕܢܟܼܠܵܐ ܨܠܘ ܢܟܼܘ̈ܠܐ ܠܬܲܡܝܼܩ ܢܵܦ̣ܫܵܐ 365 ܘܠܵܐ ܝܵܕܥܝܼܢ ܗ̄ܘ̣ܵܘ ܕܡܵܐ ܕܨܵܝ̇ܪܝܼܢ ܠܗ ܬܘܼܒܼ ܡܬܿܬܿܨܝܼܕܝܼܢ. 366 :ܠܝܵܘܡܵܐ ܕܝܲܠܕܗ ܢܛܪܗ ܡܠܟܐ ܠܟܼܠܵܐ ܕܠܒܲܗ 367 ܕܲܒܼܝܘܿܡ ܥܹܐܕܵܐ ܢܸܓܠܐ ܢܟܼܠܵܐ ܕܲܡܣܲܬܿ ܪܒܹܗ. 368 :ܢܸܟܠܵܐ ܢܕܼܝܼܕܼܵܐ ܟܣܹܐ ܗ̄ܘ̣ܵܐ ܒܠܸܒܹܿܗ ܕܐܕܘܡܝܐ 369 ܘܲܡܣܲܘܿܝܝ ܗ̄ܘ̣ܵܐ ܕܐܡܲܬܼܝ ܢܸܓܼܠܹܐ ܒܝܫܘܼܬܼ ܝܲܨܪܹܗ. 370 :ܒܣܵܡܵܐ ܕܥܵܘܠܵܐ ܥܒܲܕ ܥܵܘܠܵܐ ܠܚܝܼܠܵܘ̈ܬܹܗ 371 ܘܙܲܡܸܢ ܘܲܩ̣ܪܵܐ ܠܪܹ̈ܫܲܝ ܥܲܡܵܐ ܕܢܚܕܘܢ ܥܲܡܹܗ. 372 :ܐܣܟܿܝܡ ܪܸܩܕܵܐ ܦܪܵܣ ܥܵܘܠܵܐ ܥܲܠ ܨܲܚܢܘܼܬܹܗ 373 ܘܥܲܠܲܬ̤ ܪܸܩܕܲܬ̤ ܒܲܪܵܬܼ ܫܵܛܝܬܼܵܐ ܕܡܸܫܬܼ ܛܹܐ ܒܵܗ̇. 374 :ܪܸܩܕܵܐ ܨܲܚܢܵܐ ܒܣܡ ܠܗ ܠܨܲܚܢܵܐ ܩܕܼܵܡ ܕܲܣܡܝܼܟܼܝܼܢ 375 ܘܲܒܼܫܘܼ[ܘ]ܕܵܝܵܘ̈ܗܝ ܡܸܫܬܲܒܼܗܲܪ ܗ̄ܘ̣ ܠܒܲܪ ܡ̣ܢ ܛܲܟܼܣܵܐ. 376 :ܦܠܓܿܘܼܬܼ ܢܸܟܼܣܵܘ̈ܗܝ ܩܲܨ ܠܵܗ̇ ܫܛܝܐ ܠܒܲܪܬܼ ܫܵܛܝܼܬܼܵܐ 377 ܘܠܵܐ ܨܒܲܬ̤ ܕܬܸܣܒ ܐܠܐ ܠܐܝܢܐ ܕܠܲܗ ܪܓܐ ܗܘ̤̇ܬ. 378 :ܪܸܓܬ̣ܐ ܒܝܼܫܬܐ ܪܓܲܬ̤ ܒܝܼܫܵܐ ܐܲܝܟ ܕܲܡܢܵܟ̣ܵܐ 379 ܕܦܸܬܼܚܲܬ̤ ܦܘܡܵܗ̇ ܘܫܐܠܲܬ̤ ܪܸܫܹܗ ܕܣܵܢܹ̇ܐ ܠܥܵܠܘܠܐ. 380 :ܐܘ ܠܵܟ ܥܵܘܠܵܐ ܟܡܵܐ ܥܵܘ̇ܠ ܐܢ̄ܬܿ ܘܲܓܼܠܹܐ ܥܵܘܠܵܟ 381 ܘܠܵܐ ܡܸܬܼܟܚܲܬܿ ܡ̣ܢ ܣܢܝܘܬܐ ܕܥܵܘܠܘܼܬܼ ܗ̄ܘ̣ܵܢ. 382 :ܐܘܵܟܡܵܐ ܡܲܩܠܹܐ ܟܪܘܡܵܐ ܕܚܘܼ ܨܦܟ ܒܡܸܫܬ ܡܥܬܲܝ̈ܟ 383 ܘܲܕܼܠܵܐ ܟܘܚܵܕܼ ܓܵܢܡ̇ܪܝܼܢ ܪܸܓܿܬܼܵܐ ܕܙܲܠܝܼܠܘܼܬܵܟ. 384 :ܗܲܒܼ ܠܝܼ ܒܦܝܼܢܟܼܵܐ ܪܫܹܗ ܕܟܹܐܢܵܐ ܒܥܵܬ̤ ܫܵܛܝܼܬܼܵܐ 385 ܘܠܵܐ ܐܸܬܼܟܲܚܕܲܬ̤ ܕܬܹܐ ܡܲܪ ܡܸܠܬܐ ܕܡܲܠܝܵܐ ܓܘܼܢܚܵܐ. 386 :ܓܘܼܢܚܵܐ ܪܲܒܿܐ ܘܥܵܘܠܵܐ ܥܦܲܝܼܦܵܐ ܟܣܐ ܗ̄ܘ̣ܵܐ ܒܡܸܠܬܼܵܗ̇ 387 ܘܗܵܢ̇ܘ ܢܸܡܗܵܐ ܘܲܬܼܡܲܗܘ ܘܲܬܼܘܲܗܘ ܨܝܬ̈ܝ ܡܠܬܼܵܗ̇. 388 ܡܵܘܬܹܗ ܕܟܹܐܢܵܐ ܫܐܲܠܵܬ̤ ܐܲܓܼܪܵܐ ܕܙܲܠܝܼܠܘܼܬܼܵܗ̇. 389 ܘܟܼܪܝܲܬ̤ ܠܹܗ ܠܲܡ ܠܡܲܠܟܿܐ ܕܲܫܡܲܥ ܫܲܡܥܵܐ ܕܡܵܘܬܿܐ. 390 :ܐܘ ܟܲܪ ܝܘܼܬܼܵܐ ܘܠܵܐ ܟܲܪܝܘܼܬܵܐ ܕܸܠܸܒܵܐ ܢܟܼܝܼܠܵܐ 391 ܕܲܥܛܝܼܦܵܐ ܗ̄ܘ̣ܵܬܼ ܐ̄ܣܟ̇ܝܡ ܟܲܪܝܘܼܬܼܵܐ ܚܵܕܼܝܵܐ ܘܕܼܵܝܨܵܐ. 392 :ܐܘ ܐܣܟܝܡܐ ܕܲܡܟܲܣܹܐ ܗ̄ܘ̣ܵܐ ܒܐܸܣܟܹܿܝܡ ܚܲܫ̇ܐ 393 ܘܡܣܪ̈ܗܒܼ ܗ̄ܘ̣ܵܐ ܕܢܹܐ ܫܘܕܲܠܲܕܼܡܵܐ ܚܲܪܡܵܢܵܐܝܼܬܼ. 394 :ܕܲܓܵܠܵܐܝܼܬܼ ܐܲܟܼܪܝܼ ܡܲܠܟܿܐ ܥܲܠ ܗܵܝ̇ ܕܐܲܟܼܪܝ 395 ܘܠܵܐ ܨܒܼܵܐ ܟܬܵܒܵܐ ܕܢܓܼܠܹܐ ܢܸܟ̣ܠܹܗ ܕܢܲܟܘܼܠܬܵܢܵܐ. 396 :ܗܵܟܲܢ ܝܵܕܼܵܥܵܐ ܕܲܓܵܠܘܼܬܼܵܐ ܕܬܲܛܥܹܐ ܒܐ̄ܢܵܫܵܐ 397 ܘܒܸܐ ܣܟܝܡ ܛܵܒܼܬܼܵܐ ܡܚܦܝܐ ܙܹܐܦܵܐ ܕܕܓܵܠܘܼܬܼܵܗ. 398 :ܕܲܓܵܠܘܼܬܼܵܐ ܦܪܲܣ̣ ܕܲܓܵܠܵܐ ܥܲܠ ܒܝܫܘܼܬܹܗ 399 ܘܫܲܕܲܪ ܦܘܩܹܗ ܠܪܹܫܹܗ ܕܟܹܐܢܵܐ ܟܼ̇ܕܼ ܠܵܐ ܨܵܒܹ̇ܐ. 400 :ܛܵܒܼ ܨܵܒܹ̇ܐ ܗ̄ܘ̣ܵܐ ܒܐܝܼܕܼܵܐ ܕܲܗ̣ܵܬ̤ ܐܲܝܟ ܨܒܼܝܵܢܹܗ 401 ܘܟܣܝܵܗ ܠܒܼܝܼܫܬܹܿܗ ܒܝܲܕ ܐܸܣܟܹܿܝܡܵܐ ܐܲܝܟ ܕܲܒܼܢܲܚܬܿܐ. 402 :ܡܸܛܠ ܕܝܼܡܵܐ ܡܸܬܢܟܠ ܗ̄ܘ̣ܵܐ ܦܬܼܝܼܠ ܪܸܥܝܵܢܵܐ 403 ܕܠܐ ܠܲܡ ܦܲܐܝܵܐ ܐܘ ܥܵܘܠܵܐ ܕܥܵܘ̇ܠ ܟܠܹܗ. 404 ܕܡܸܠܬܼܵܟ ܐܘ ܕܲܬܼܫܲܦܲܥ ܕܡܵܐ ܙܲܟܵܝܵܐ. 405 ܐܪܵܐ ܢܟܼܝܼܠܐ ܕܠܲܝܬܿ ܒܹܗ ܕܲܘܟܲܬܼܵܐ ܘܫܲܦܝܵܐ ܘܕܘܼܐ: pb. f.42r 406 ܐܲܝܕܐ ܒܝܼܫܵܐ ܕܲܓܵܠܘܼܬܼܵܐ ܐܵܘ ܫܸܩ ܩܸܛܠܵܐ. 407 :ܕܲܓܸܠ ܕܵܘܝܵܐ ܐܵܦܸܢ ܥܵܘܠܵܐ ܗ̄ܘ̣ ܕܲܢܕܲܓܸܿܠ ܐ̄ܢܵܫ 408 ܘܠܵܐ ܬܸܫܬܿܥܠܹܐ ܠܡܹܐ ܫܲܕܼ ܠܲܕܡܵܐ ܕܓܲܒܼܪܵܐ ܚܲܣܝܵܐ. 409 :ܐ̄ܣܟܹܿܝܡ ܡܵܘܡ̈ܬܼܵܐ ܠܒܸܫ ܥܵܘܠܵܐ ܒܲܕ ܡܘܼܬܼ ܢܲܚܬܿܐ 410 ܘܛܲܫܝܼ ܘܐܲܛܥܝܼ ܟܕܲ ܓܠܝܐ ܗ̄ܘ̣ܵܬܼ ܥܵܘܠܵܘܼܬܹܗ. 411 :ܐܘ ܐܸܣܣܟܹܝ[...]ܡܵܐ ܢܲܕܼܘܼܠܬܵܢܵܐ ܕܘܠܐ ܢܒܼܝܼܠܵܐ 412 ܕܠܵܐ ܒܗܸܬܼ ܘܲܐܟܼܪܝܼ ܥܲܠ ܣܘܼܪܚܵܢܵܐ ܡܠܹܐ ܛܲܢܦܘܼܬܼܵܐ. 413 :ܐܘ ܚܲܪ ܡܘܼܬܐ ܕܠܸܒܵܐ ܩܲܫܝܵܐ ܕܕܼܵܡܹ̇ܐ ܠܟܹܐܦܵܐ 414 ܕܠܵܐ ܐܸܬ̣ܪܟܸܿܟ ܓܘܼܢܚܵܐ ܕܲܩܫܹܐ ܡ̣ܢ ܟܠ ܓܘܼܢܚ̈ܝܼܢ. 415 :ܐܘܗ̇ ܡ̣ܢ ܐܲܢ̄ܬܿܬܼܵܐ ܕܡܲܠܝܵܐ ܚܘܼܨܦܵܐ ܕܙܲܠܝܼܠܘܬܼܵܐ 416 ܕܠܵܐ ܐܸܬܼܟܲܚܕܲܬ̤ ܕܬܹܐܫܘܕܲ ܠܲܕܼܡܵܐ ܩܕܼܵܡ ܣܲܓܿܝܼܠܹ̈ܐ. 417 :ܐܘ ܠܐܝܕ̈ܝܐ ܙܲܠܝܼܠܬ̈ܐ ܕܨܲܚܢܲܬܼ ܢܲܦ̣ܫܵܐ 418 ܕܛܲܥܝܼܢ̈ܵܢ ܗ̄ܘ̣ܲܝ̈ ܠܪܹܫܹܗ ܕܟܹܐܢܵܐ ܛܥܝܼܢ ܙܵܟܼܘܬܼܵܐ. 419 :ܐܘ ܠܒܼܒܼ̈ܬܼܵܐ ܡܲܪ̈ܵܚܵܬܼܵܐ ܕܪܸܡܲܬܼ ܥܲܝܢ̈ܐ 420 ܕܠܵܐ ܒܗ̈ܬܵܢ ܗ̄ܘ̣ܝ[ܢ] ܘܲܕܼܚܵܝܪ̈ܵܢ ܗ̄ܘ̣ܲܝ̈ ܒܲܕܼ ܡܹܗܕܟܹܐܢܵܐ. 421 :ܐܘ ܠܲܟܼܪܘܡܐ ܕܡܲܠܟܿܐ ܘܐܲܢ̄ܬܬܼܵܐ ܡܲܠܝ̈ܝ ܚܘܼܨܦܵܐ 422 ܕܲܢܗܲܦܟܿܝܼܢ ܗ̄ܘ̣ܵܘ [ܗܘܘ] ܕܡܵܐ ܙܲܟܵܝܵܐ ܒܬܼܘܼܩܵܢܲܝ̈ܗܘܿܢ. 423 :ܥܲܡ ܬܘܼܩܵܢ̈ܐ ܛܥܝܼܢܝܼܢ ܗ̄ܘ̣ܵܘ ܠܹܗ ܠܪܹܿܫܗ ܕܟܹܐܢܵܐ 424 ܘܠܵܐ ܙܵܝ̇ܥܝܼܢ ܗ̄ܘ̣ܵܘ ܡ̣ܢ ܟܹܐܢܘܼܬܼܵܐ ܕܟܣܝܵܐ ܗ̄ܘ̣[ܬܼ] ܒܹܗ̇. 425 :ܐܘ ܟܡܵܐ ܫܸܬܼܩܲܬ̤ ܐܵܦ ܟܹܐܢܘܼܬܼܵܐ ܒܗܵܢܵܐ ܪܘܼܫܥܵܐ 426 ܘܠܵܐ ܓܠܵܬ̤ ܚܲܝܠܵܐ ܕܛܲܢܵܢܗ̇ ܐܲܝܟ ܕܲܡܥܵܕܼܵܐ. 427 :ܡܵܨܝܵܐ ܗ̄ܘ̣ܵܬܼ ܓܝܼܪ ܕܲܬܼܙܝܼܥ ܠܲܐܪܥܵܐܘܬܸ ܒܼܠܲܠܝܵܐ ܐܸܢܘܿܢ 428 ܐܲܝܟ ܡܵܐ ܕܣܸܥܪܲܬ̤ ܠܗܵܝ̇ ܡܲܫܪܝܼܚܼܵܐ ܕܕܼܬܼܵܢ ܘܲܕܼܩܘܪܚ. 429 :ܫܵܘܹ̇ܝܢ ܗ̄ܘ̣ܵܘ ܓܹܝܪ ܠܗܵܝ̇ ܡܲܪ ܕܘܼܬܼܵܐ ܚܕܲܬܵܐ ܕܲܗܘ̤ܵܬ 430 ܘܬܼܘܼܒܼ ܫܵܪܹܝܢ ܗ̄ܘ̣ܵܘ ܠܦܘܼܬܼ ܗܵܘ̇ ܥܵܘܠܵܐ ܕܠܲܝܬܼ ܠܹܗ ܦܸܚܡܵܐ. 431 :ܠܲܝܬܿ ܠܹܗ ܦܲܚܡܵܐ ܠܥܵܘܠܵܐ ܢܕܼܝܼܕܼܵܐ ܕܲܣܓܲܪܘ ܝܲܨܚܢܹ̈ܐ 432 ܠܦܘܼܬܼ ܕܐܵܦܠܵܐ ܐܝܼܬܼ ܕܪܲܒ ܡ̣ܢ ܓܲܒܼܪܵܐ ܕܐܲܥܘܸܠܘ ܒܲܕܼܡܹܗ. 433 :ܠܲܝܬܿ ܒܝܼܠܝܼܕ̈ܐ ܕܪܲܒܿ ܘܲܡܥܲܠܝܼ ܡ̣ܢ ܝܘܿܚܲܢܵܢ 434 ܡܵܕܝܢ ܩܲܫܝܵܐ ܬܒܲܥܬܼܵܐ ܕܲܕܼܡܹܗ ܡ̣ܢ ܟܠ ܬܲܒܼ̈ܥܵܢ. 435 :ܠܲܕܲܡܹܗ ܕܲܚ̣ܣܝܵܐ ܚܙܝܹ̇ܬܼ ܟܲܕ ܪܵܕܹܐ ܒܐܝܼܕܲܝ̈ ܛܲܡ̈ܐܹܐ 436 ܘܐܲܚܕܢܝ ܓܘܼܢܚܵܐ ܕܡܲܢ̣ܘܼ ܠܡܲܢܘܼ ܕܟ̣ܵܐ ܒܲܛܠܘܼܡܝܵܐ. 437 :ܐܲܢ̄ܬܿܬܼܵܐ ܛܲܢܦܬܼܵܐ ܛܠܝܼܢܵܐ ܗ̄ܘ̣ܵܬܼ ܠܹܗ ܠܪܹܫܹܗ ܕܟܹܐܢܵܐ 438 ܘܡܲܗܠܵܐ ܗ̄ܘ̣ܵܬܼ ܒܹܗ ܕܐܲܝܟܵܐ ܗ̄ܝ̣ ܟܠܵܗ̇ ܛܲܢܵܢܘܼܬܼܵܟ. 439 :ܒܦܝܼܢܟܼܵܐ ܕܐܵܘ ܟܼܠܵܐ ܥܲܠ ܥܲܡ ܐܘܼܟܼܠܵܐ ܡܘܟܠ ܚܹܝ̈ܐ 440 ܘܗܵܢ̇ܘ ܓܘܼܢܚܵܐ ܕܐܲܝܟܲܢ ܐܲܟܼܠܘܗ̇ ܠܗܵܝ̇ ܫܵܪܘܼܬܼܵܐ. 441 :ܐܘ ܠܫܵܪܘܼܬܼܵܐ ܕܲܡܙܝܼܓܼܵܐ ܗ̄ܘ̣ܬܼ ܒܕܼܡ ܙܲܟܵܝܵܐ 442 ܘܐܲܝܟ ܕܲܠܚܡܪܵܐ ܡܸܬܼܠܲܗܩܝܼܢ ܗ̄ܘ̣ܵܘ ܠܲܕܼܡܹܗ ܕܟܲܣܝܵܐ. 443 :ܠܵܐ ܨܗܝܵܐ ܗ̄ܘ̣ܵܬܼ ܗܪܘܕܝܵܐ ܠܒܸܩܝܵܐ ܕܚܲܡܪܵܐ 444 ܐܲܝܟ ܕܲܪܓܼܝܼܬܼܵܐ ܕܬܹܐ ܚܘܕܼ ܪܹܫܹܗ ܕܟܹܐܢܐ ܒܐܝܕܝ̈ܗ̇. 445 :ܠܲܝܬܿ ܗ̄ܘ̣ܵܐ ܪܸܓܿܬܼܵܐ ܕܗܲܓܝܢܵܐ ܗ̄ܘܵܬܼ ܠܙܲܠܝܼܠܘܼܬܼܵܗ̇ 446 ܐܲܝܟ ܗܵܝ̇ ܪܸܓܼܬܼܵܐ ܕܬܸܚܙܹܝܗܝ ܠܲܕܼܡܹܗ ܕܪܵܕܹܐ ܒܐܲܪܥܵܐ. 447 :ܒܡܹܐܫܲܕܼ ܠܲܕܼ ܡܹܗ ܓܸܡܪܲܬ̤ ܪܓܬܼܵܗ̇ ܚܲܝܘܘܵܬܼܵܢܝܼܬܐ 448 ܘܒܲܕܼ ܡܘܼܬܼ ܚܲܝܘܼܬ̤ ܚܲܝܘܬܼܵܐ ܡܸܒܬܿܬܿ ܓܘܼܫܡܗ ܒܐܝܼܕܹ̈ܿܝܗ̇ ܘܵܙܘ̈ܥܹܝܗ̇. 449 :ܐܵܘ ܠܦܲܩܪܘܼܬܼܵܐ ܕܲܦܩܝܼܪܵܐ ܗ̄ܘ̣ܵܬܼ ܒܪܸܓܲܬ ܒܣܪܵܐ 450 ܘܕܲܓܵܐ ܣܲܒܼܥܲܬ̤ ܫܪܝܼܬ̤ ܕܬܹܐܟܘܠ ܒܸܣܪܵܐ ܕܐܢܵܫܵܐ. 451 :ܐܘ ܠܲܟܼܬܝܼܫܬܿܐ ܕܲܟܼܬܝܼܫܵܐ ܗ̄ܘ̣ܵܬܼ ܠܘܼܩܒܲܠ ܩܘܼܫܬܿܐ 452 [ܘ]ܠܵܐ ܬܼܬܸܪܚܝܬ̤ ܥܕܲܡܵܐ ܕܢܵܚܬ̤ ܒܕܼܡ ܫܲܪܝܼܪܵܐ. pb. f.42v 453 :ܐܵܘ ܠܫܵܛܝܼܬܼܵܐ [ܒ]ܡܸܫܬܲܛܝܵܐ ܗ̄ܘ̣ܵܬܼ ܢܲܪ̈ܓܸܝܼܵܓܬܵܐ 454 ܕܐܫܕܲܬ̤ ܡܸܪܬܼܵܗ̇ ܥܲܠ ܗܵܘ̇ ܕܲܕܠܵܗ̇ ܡ̣ܢ ܫܵܛܝܘܼܬܼܵܐ. 455 ܫܡ݂ܲܥ ܢܸܩܒܼ̈ܬܼܵܐ ܢܘܼܢܚܵܐ ܕܣܸܥܪܲܬ̤ ܐܲܢ̄ܬܿܬܵܐ ܦܩܲܪܬܵܐ. 456 ܕܲܗܘ̤ܵܬܼ ܟܲܠܒܿܬܼܵܐ ܘܢܸܟܼܬܲܬܼ ܦܲܓܼܪܹܗ ܕܓܲܒܼܪܵܐ ܟܸܐܢܵܐ 457 :[ܙܘܿܘ̈ܝ ܫܵܛܝܵ̈ܬܼܵܐ ܡ̣ܢ ܫܛܝܘܼܬܼܵܐ ܕܕܼܡܵܝܵܐ ܠܲܕܼܗܵܝ̇ 458 ܕܠܵܐ ܬܸܬܼܟܲܢܝܼ̈ܢ ܗܪܹܘܕܲܝܵܐ ܩܸܛܠܲܬ̤ ܟܹܐܢܵܐ.] 459 :ܬܡܲܗ ܘܐܬܼܕܲܪܢܸܫܹ̈ܐ ܕܫܒܼܝܼ̈ܢ ܠܲܪ̈ܓܼܝܼܓܼܵܬܼܵܐ 460 ܕܠܵܐ ܢܸܫܒܹܿܝܟܹܝܢ ܫܸܒܿܝܵܐ ܕܲܫܒܵܗ̇ ܠܚ̣ܵܘܵܐ ܒܲܥܕܢ. 461 :ܪܓܲܬܼ ܦܐܪܵܐ ܫܒܬܹܗ̇ ܠܚ̇ܘܵܐ ܐܲܝܟ ܕܲܠܒܼܒܼܒܼܝܵܐ 462 ܘܗ̤ܝ ܢܲܟܼܪܝܲܬܢ ܡ̣ܢ ܒܘܼܣܵܡܵܐ ܕܲܒܼܦܲܪ ܕܲܝܣܵܐ. 463 :ܠܲܝܬܿ ܓܲܠܝܘܼܬܼܵܐ ܕܠܵܐ ܗ̄ܘ̣ܵܐ ܐܢ̄ܬܿܝܢ ܗܘܲܝܼܬܹܿܝܢ ܥܸܠܬ̣ܵܗ̇ 464 :ܘܠܵܐ ܫܒ̣ܢ ܫܸܒܝܵܐ ܕܲܪ̈ܓܼܝܵܓܼܵܬܵܐ ܒܠܥܵܕܟܹܝܢ 465 :ܡܲܢܘ ܕܲܚܩܹܗ ܠܪܹܫ ܫܲܪ̈ܒܼܵܬܲܢ ܡ̣ܢ ܦܲܪܕܲܝܣܵܐ 466 ܠܵܐ ܗ̄ܘ̣ܵܐ ܪܸܓܬܼܵܐ ܕܠܵܐ ܒܘܼܝܵܢܵܐ ܕܐܸܡܟܹܝܢ ܚܵܘܵܐ. 467 :ܡܲܢ̣ܘܼ ܕܚܒܲܠ ܒܡܲܝ̈ܐ ܕܚ̈ܝܼܠܹܐ ܟܠ ܥܲܡ ܟܠܵܐ 468 ܠܵܘ ܨܲܚܢܘܼܬܼܵܐ ܘܙܲܠܝܠܘܼܬܼܵܐ ܕܲܒܼܢ̈ܬܼ ܩܵܐܹܝܢ. 469 :ܡܲܫ̣ܘ ܚܲܒܼܫܹܗ ܠܝܵܘܣܸܦ ܟܹܐܢܵܐ ܒܹܝܬܼ ܐܲܣܝܼܪܹ̈ܐ 470 :ܠܵܘ ܦܲܩܪܘܼܬܼܵܐ ܕܲܚܕܵܐ ܡܸܢܟܹܝܢ ܡܲܠܝܲܬܼ ܚܘܸܨܦܵܐ 471 :ܡܲܢ̣ܘܼ ܡܲܠܟܗ ܠܐܝܼܘܲܒܼ ܟܹܐܢܵܐ ܕܢܵܘܠܸܕܼ ܪܸܛܢܵܐ 472 ܠܵܘ ܒܲܪܬ ܚܵܘ̇ܐ ܕܕܵܡ̇ܐ ܡܸܠܟܵܗ̇ ܠܚܵܘܵܐ ܐܡܵܗ̇. 473 :ܡܲܢ̣ܘܼ ܥܲܒܼܕܹܗ ܓܘܼܚܟܵܐ ܠܫܸܡܫܘܿܢ ܓܲܢܒܲܪ ܒܚܲܝܠܵܐ 474 ܠܵܘ ܐܵܢܝܼܬܼܵܐ ܟܪ ܘܡܬܼܢܵܝܬܼܵܐ ܕܠܵܐ ܡܸܬܼܟܚܲܕܵܐ. 475 :ܡܲܢ̣ܘ ܣܵܡ̣ ܒܹܗ ܡܘܼܡܵܐ ܒܕܼܵܘܝܼܕ ܕܟܹܐܪܥܝܵܢܵܐ 476 ܠܵܐ ܗ̄ܘ̣ܵܐ ܚܙܬܼܵܐ ܕܐܸܠܥܵܐ ܪܦܝܼܬܼܵܐ ܕܡ̣ܢ ܣܸܕܪ̈ܝܼܟܹܝܢ. 477 :ܡܲܢ̣ܘܼ ܣܲܟܠܹܗ ܠܚܲܟܿܝܼܡ ܡ̣ܢ ܟܠ ܡܲܠܟܿܐ ܫܠܹܝܡܘܿܢ 478 ܠܵܘ ܫܘܼܓܼܵܫܵܐ ܕܙܲܠܝܼܠܬܼܵܐ ܕܐܸܬܼܢܲܩܲܦܝ̈ ܠܹܗ. 479 :ܡܲܢ̣ܘ ܥܲܒܼܕܗ ܠܐܚܵܒܼ ܣܵܢܐܐ ܕܫܲܦܝܼܪ̈ܵܬܵܐ 480 ܠܵܐ ܗ̄ܘ̣ܵܐ ܐܝܼܙܒܸܠ ܢܒܼܥܵܐ ܣ̇ܢܝܵܐ ܕܲܫܟܼܝܼܪܵܬܐ. 481 :ܛܲܟܿܣܝ ܪܗܛܵܐ ܕܝܲܨܪܵܐ ܕܢܲܦ̣ܫܹܟܼܝ ܘܲܕܼܒܼܵܒܼܵܬܹ̈ܟܼܝ 482 :ܕܠܵܐ ܢܸܬܿܬܲܩܠܘܼܢ ܪ̈ܵܕܝܲܝ ܒܐܘܼܪܚܵܐ ܒܲܫܒܼܝܠ ܥܲܝܢܲܝ̈ܟ 483 :ܚܘܼܪܝ ܬܲܩܢܵܐܝܼܬ ܘܨܲܒܸܿܬܼܝ ܢܲܦ̣ܫܟܼܝ ܒܲܟܼܢܝܼܟܼܘܼܬܼܵܐ 484 ܕܲܠܡܵܐ ܬܦܘܼܫܝܼܢ ܠܒܲܪ ܡ̣ܢ ܬܲܪܥܵܐ ܥܲܡ ܣܲܟܼܠ̈ܬܼܵܐ. 485 :ܛܲܝܒܼܝ ܡܸܫܚܵܐ ܘܦܘܿܩܝ ܒܲܠܘܝܼܬܼܵܐ ܕܚܲܟܿܝܼ̈ܡܵܬܼܵܐ 486 ܕܲܠܡܵܐ ܢܕܥܟ ܠܲܡܦܹܝܕܼ ܚܘܼܒܹܟܼܝ ܘܬܸܗܘܹܝܢ ܓܘܼܚܟܵܐ. 487 ܠܵܐ ܬܸܨܛܲܒܿܬܼܝܼܢ ܒܨܒܼܬܵܐ ܕܐܦܹ̈ܐ ܒܲܪ̈ܲܬܐ. 488 ܕܠܵܐ ܢܲܗܠܘܢ ܒܹܗ ܚܲܝܪ̈ܝ ܫܲܦܝܼܪ ܒܫܘܼܦܪܵܐ ܕܢܲܦ̣ܫܟܼܝ. 489 :ܟܠܵܝ ܗܼ̈ܠܟܼܵܬܲܡܼܝ ܥܲܡ ܒܵܒܼ̈ܬܼܟܼܝ ܡ̣ܢ ܣܢܝܵ̈ܬܼܵܐ 490 ܕܠܵܐ ܢܩܸܪܘܢܹܟܼܝ ܟܹܐܦܵܐ ܨܚܲܢܬܼܐ ܐܟܫܲܕܝܵܐ ܒܫܘܼܩܵܐ. 491 :ܚܘܼܪܝ ܘܐܬܒܝܢܲܝ ܕܦܲܚܵܐ ܗ̣̄ܝ ܥܲܝܢܹܟܼܝ ܘܨܒܼܬܐ ܕܐܲܦܲܝ̈ܟܝ 492 ܘܒܟܼܝ ܡܸܬܿܬܲܨܝܼܕܝܼܢ ܪܸ̈ܓܼܫܹܐ ܘܙܵܘܥܹ̈ܿܐ ܐܝܟ ܕܒܼܢܫܒܹ̈ܐ. 493 :ܦܚܐ ܐܢܵܬܝ ܟܠܹܟܼܝ ܕܛܡܝܼܪ ܒܐܲܪܥܵܐ ܩܕܼܵܡ ܗܲܠܘܼ̈ܬܼܵܐ 494 ܘܠܵܐ ܐ̄ܢܵܫ ܝܵܕܲܥ̇ ܕܐܲ[...] ܢܦ̇ܠ ܒܡܨܝܼܕܵܬ̈ܟܼܝ. 495 :ܒܩܸܛܪܹ̈ܐ ܨܢܝ̈ܥܹܐ ܙܩܝܼܪܝܼܢ ܢܸܫܒܹ̈ܐ ܕܲܪ̈ܓܼܝܼܓܼܵܬܼܟܼܝ 496 ܘܣܲܓܿܝܼ ܥܲܣܩܵܐ ܠܡܸܬܼ ܦܲܠܵܛܘܼ ܡ̣ܢ ܨܢܥܵܬܹܟ̈ܝ. 497 :ܠܚܲܓܼܠܵܐ ܕܵܡܵܝܵܐ ܐܢ̄ܬܝ ܕܩܵܪܹܐ ܠܡܵܘܬܼܵܐ ܠܲܒܼܢܲܝ̈ ܓܢܣܗ 498 ܘܲܒܥܸܥܡܵܬܹ̈ܗ ܩ̇ܛܸܠ ܚܲܒܼܪ̈ܘܗܝ ܘܡܼܐܸܬܼ ܐܵܦ ܗܘ̤. 499 :ܒܲܕܼ ܡܘܼܬܼ ܚܲܓܠܵܐ ܡܵܬ̇ܚܵܐ ܐܢ̄ܬܝ ܚܸܙܘܹܟܼܝ ܠܲܕܚܵܐ̇ܪ ܒܹܟܼܝ 500 :ܘܲܒܼܫܘܿܓܼܫܟܼܝ ܨܵܝ̇ܕܵܐ ܐܢ̄ܬ̇ܝ ܫܲܒܼܪܹ̈ܐ ܐܝܟ ܦܪܚܬܵܐ 501 :ܡܵܘܬܿܐ ܥܦܝܼܦܵܐ ܚܒܼܝܼܫ ܒܲܩܠܘܒܼܝܵܐ ܕܝܲܨܪܟܼܝ ܒܝܼܫܵܐ 502 ܘܩܵܪܹܐ ܠܐܢܵܫܵܐ ܠܘܵܬܼ ܐܲܒܼܕܵܢܵܐ ܐܲܝܟ ܕܲܠܫܲܝܢܵܐ. 503 ܠܠܸܩܛܵܐ ܕܵܡܹ̇ܐ ܡܲܡܠܠܐ ܕܦܘܼܡܹܟܼܝ ܩܕܼܵܡ ܗܸܕܝܘ̈ܛܹܐ: pb. f.43r 504 ܘܡܵܐ ܕܐܸܬܼܪܲܓܼܪܲܓܼܘ ܠܡܹܐ ܟܠ ܡܸܢܹܗ ܡܝܼܬܼ [ܘ]ܒܲܚܛܝܼܬܼܵܐ. 505 :ܠܲܝܬܿ ܨܲܝܵܕܵܐ ܕܲܡܩܝ[...] ܡܸܢܹܟܼܝ ܠܲܡܨܵܕܼ ܐܢܵܫ̈ܐ 506 ܘܠܲܝܬܿ ܦܵܪܲܚܬܼܵܐ ܕܩܵܪܝܵܐ ܫܲܦܝܼܪ ܐܲܝܟ ܫܘܼܓܫܟܼܝ. 507 :ܥܪܝܼܡܵܐܬ[...] ܣܲܓܝ ܠܐܘܼܡܵܢܘܼܬܼܵܐ ܕܨܵܝܕܵܐ ܐܢܵܫܵܐ 508 ܘܠܵܐ ܐ̄ܢܵܫ ܝܵܪܲܥ ܠܲܡܬܼܢܵܝܘܼ ܥܲܠ ܨܸܢ̈ܥܵܬܹܟܼܝ. 509 :ܚܲ[ܟܿܝܼܡ] ܝܲܨܪܹܟܼܝ ܠܡܸܩܪܵܐ ܒܣܸܦܪ̈ܵܘܗܝ ܕܩܵܛܹ̇ܠ ܐ̄ܢܵܫܵܐ 510 ܘܫܒ̣ܪ ܠܒܼܟܼܝ ܠܡܸܬܼܗܲܓܵ ܘܼܒܚܟܼܡܲܬܼ ܩܘܼܫܬܿܐ. 511 :ܗܘ̤ ܝܘܼܗܘ̤ܵܐ ܠܟܹܝ ܪܲܒܿܐ ܢܕܝܼܠܵܐ ܡ̣ܢ ܫܘܼܪܵܝܵܐ 512 ܘܒܲܟܼܬܼܝܼܒ̈ܬܹܗ ܩܪܝܬܿܝ ܘܐܸܬܼܗܲܓܝܼܬܿܝ ܘܲܚܛܲܝܬܿܝ ܘܐܲܚܛܝܼܬܿܝ. 513 :ܦܘܼܫ ܡ̣ܢ ܗܸܪܓܹܿܗ ܕܣܵܦܪܵܐ ܢܟܼܝܼܠܵܐ ܕܡܠܦ ܙܐܵܦܐ 514 ܘܬܼܵܝ ܘܐܸܬܼܗܲܓܵܝ ܒܣܸܦܪ̈ܲܝ ܪܘܼܚܵܐ ܕܡܩܢܝܢ ܚܲܝܹ̈ܐ. 515 :ܠܵܐ ܬܸܬܕܡܹܝܢ ܠܚܵܘܵܐ ܐܸܡܹܟܼܝ ܕܫܸܡܠܲܬ̤ ܡܸܠܟܹܿܗ 516 ܘܐܲܟܲܠܲܬ̤ ܦܸܐܪܸܵܐ ܘܝܸܠܕܲܬ̤ ܡܵܘܬܿܐ ܠܲܕܼܒܹܝܬܼ ܐܵܕܼܵܡ. 517 :ܗܵܐ ܦܣܝܼܩ ܣܲܒܼܪܵܐ ܘܲܩܛܝܼܠ ܡܵܘܬܵܐ ܒܦܹܐܪܵܐ ܕܡܸܢܹܟܼܝ 518 ܠܵܐ ܬܲܘܥܹܝܢ ܬܘܼܒܼ ܡܸܪܲܬܼ ܡܵܘܬܐ ܒܝܲܕܼ ܨܢܥܵܬܹ̈ܟܹܝ 519 :ܟܲܕܘ ܩܛܠܬܿܝܢ ܒܐܘܼܟܼܠܵܐ ܕܦܹܐܪܵܐ ܕܪܸܓܼܬܼ ܐܸܡܹܕܝ 520 ܠܵܐ ܬܡܝܼܬܼܝܼܢܵܢ ܒܪܸܓܲܬܼ ܦܲܓܼܪܹܟܼܝ ܐܲܝܟ ܕܒܼܦܹܐܪܵܐ. 521 :ܦܘܼܫܝ ܠܵܐ ܬܸܗܘܹܝܢ ܡܨܝܼܕܬܿܐ ܕܥܵܘܠܵܐ ܩܕܼܵܡ ܚܲܙ̈ܝܹܐ 522 ܕܗܵܐ ܐܸܬܼܦܲܟܲܪ̈ܝ ܟܠ ܡܘܼܫܚ̈ܵܬܼܵܐ ܒܢܸܫܒܵܐ ܕܐܲܦܲܝܟ̈ܝ. 523 :ܠܘܲܝ ܣܢܝܐ ܗܘܲܝ̣ܬܿܝ ܒܚܸܙܘܵܐ ܕܐܲܦܲܝ̈ܟܝ ܐܲܝܟ ܪܸܥܝܵܢܹܟܼܝ 524 ܕܕܼܵܡ ܓܵܥ̇ܨܝܼܢ ܗ̄ܘ̣ܵܘ ܫܲܒܼܪ̈ܲܝ ܠܸܒܵܐ ܡ̣ܢ ܣܢܝܘܬܹܟܼܝ. 525 :ܠܘܲܝ ܠܵܐ ܣܓܼܝ ܠܹܟܼܝ ܨܒܼܬܵܐ ܕܕܲܗܒܼܵܐ ܘܡܲܪ̈ܓܢܝܵܬܼܵܐ 526 ܟܒܲܪ ܡܲܗܡܝܼܢ ܗ̄ܘ̣ܵܘ ܪ̈ܵܚܡܲܝ ܨܒܼܬܵܐ ܡ̣ܢ ܥܢܝܵܢܵܟܼܝ. 527 :ܡ̇ܢ ܕܹܝܢ ܐܲܪܡܝܼ ܩܹܐܡܵܐ ܒܥܲܝܼܢ̈ܝܟܿܝ ܘܲܒܼܗܲܠܟܼܵܬܹܟܼܝ 528 ܘܐܲܥܸܠ ܚܲܒ̣ܫܹܟܝ ܒܓܼܵܘ ܢܝܡܪܬܿܐ ܥܲܡ ܚܝܘ̈ܬܼܵܐ. 529 :ܡ̇ܢ ܕܹܝܢ ܐܲܪܡܝܼ ܛܵܒܼܥܵܐ ܕܫܸܬܼ ܩܵܐ ܥܲܠ ܠܸܫܵܢܹܟܼܝ 530 ܟܒܲܪ ܦܐܸ̇ܫ ܗ̄ܘ̣ܵܐ ܡ̣ܢ ܕܲܠܡܸܚܪܲܒܼ ܣܸܕܼܪ̈ܲܝ ܩܘܪܫܬܿܐ. 531 :ܛܘܼܒܼܵܘ̈ܗܝ ܠܲܐܝܢܵܐ ܕܣܟܲܪ ܐܸܕܢܵܘ̈ܗܝ ܘܠܵܐ ܨܵܬܼܘ ܡܸܠܲܝ̈ܟܿܝ 532 ܘܲܗܘ̤ܵܐ ܚܲܪܫܵܐ ܠܘܵܬܼܥܸܢܝܵܢܵܐ ܕܙܲܠܝܼܠܘܼܬܼܟܼܝ. 533 :ܛܘܼܒܼܵܘ̈ܗܝ ܠܐܲܝܢܵܐ ܕ[...]ܕܼ ܥܲܡܹܟܼܝ ܗ̄ܘ̣ ܠܵܘ ܥܲܡܹܟܼܝ ܗ̄ܘ̣ 534 ܘܥܲܡ݂ܲܪ ܥܲܡܸܟܼܝ ܘܲܢܛܲܪ ܢܲܦ̣ܫܹܗ ܡ̣ܢ ܢܸܟܼܝܵܢܹ̈ܟܼܝ ܛܘܼ[...] 535 :ܠܲܐܝܵܢܵܐ ܕܠܵܐ ܛܥ̣ܵܐ ܒܫܲܪ ܒܹܟܼܝ ܢܝܼܫܵܐ ܕܡܸܠܵܘ̈ܗܝ 536 ܘܠܵܐ ܐܸܬܿܬܿܕܵܘܲܕ ܒܲܗܦܘܼ̈ܬܐ ܕܠܝܼܠܘܼܬܼܟܼܝ 537 :ܡܲܢ̣ܘܼ ܕܲܗܘ̤ܵܐ ܥܸܠܬܼܵܐ ܕܗܵܕܹܐ ܕܗܵܠܹܝܢ ܕܐܸܡ̇ܪܹܬܼ 538 ܠܵܐ ܗ̄ܘ̣ܵܐ ܚܘܼܨܦܵܐ ܕܗܪܘ̇ܕܝܵܐ ܕܲܥܠܲܒܼ ܠܲܕܟܼܠ. 539 :ܒܥܸܠܬܼܵܐ ܕܗܵܕܹܐ ܬܢܹ̇ܝܬܼ ܠܸܠܬܼ̈ܐ ܕܣܘܼܪ̈ܚܵܢܲܝܟܹܿܝܢ 540 ܕܐܸܓܼܠܹܐ ܠܐ̄ܢܵܫ̈ܐ ܕܲܟܼܡܵܐ ܒܝܼܫܵܐ ܒܝܼܫܬܐ ܕܢܸܫܹ̈ܐ. 541 :ܒܝܼܫܬܿܐ ܕܢܸܫܹ̈ܐ ܣܥܵܬ̤ ܘܐܸܬܿܬܿܪܝܼܡܲܬ̤ ܠܫܪ ܡ̣ܢ ܛܲܟܼܣܵܐ 542 ܘܚܸܠܛܹ̇ܬܼ ܫܲܪܒܿܐ ܕܲܫܟܼܝܼܪ̈ܵܬܼ ܟܹܝܢ ܒܫܲܪܒܹܿܗ ܕܟܹܐܢܵܐ. 543 :ܫܲܪܒܹܗ ܕܟܹܐܢܵܐ ܥܨܢܝ ܕܐܹܬܿܢܹܐ ܙܢܲܝ̈ ܣܲܟܼ̈ܠܵܬܼܵܐ 544 ܕܲܟܼܡܵܐ ܣܵܟ̈ܠܢ ܘܲܕܡܵܐ ܥܪ̈ܝܼܡܵܢ ܠܲܫܟܼܝܼܪ̈ܬܵܐ. 545 :ܡܵܘܬܹܿܗ ܕܟܹܐܢܵܐ ܩܪܵܢܝ ܘܐܲܥܝܼܪܵܢܝ ܐܲܝܟ ܕܡ̣ܢ ܫܸܢܬܼܵܐ 546 ܕܩܘܼܡ ܒܲܪ ܢܵܫܵܐ ܚܙܝܼ ܒܲܪܢܵܫܵܐ ܕܡܝܼܬܼ ܒܣܡܵܪܵܐ. 547 :ܣܡܵܕܵܐ ܕܥܵܘܠܵܐ ܥܒ݂ܲܕ ܥܵܘܠܵܐ ܠܚܲܝܠܵܘ̈ܬܹܗ 548 ܘܐܲܝܟ ܕܲܠܚܡܪܵܐ ܡ̣ܙܵܕܼ ܕܡ ܟܹܐܢܵܐ ܚܲܪ ܡܵܢܵܐܝܼܬܼ. 549 ܡܙܵܓܼܵܐ ܕܲܕܼܡܹܗ ܚܙ̣ܵܐ ܗܵܘ̇ ܕܲܓܼܒ̣ܵܝܗܝ ܠܐܝܙܲܓܼܕܘܼܬܹܗ: pb. f.43v 550 ܒܗܵܘ̇ ܐܣܟܹܿܝܡܵܐ ܕܡܸܬܼܒܲܩܹܐ ܗ̄ܘ̣ܵܐ ܒܲܕܼܡܹܗ ܕܗܵܒܹܝܠ. 551 :ܩܵܠܵܐ ܕܲܕܼܡܹܗ ܕܗܵܒܹܠ ܐܸܡ̣ܲܪ ܕܓܼܥ̇ܐ ܨܐܕܲܝ 552 ܘܛܵܟ ܓܵܥܹ̇ܐ ܗ̄ܘ̣ܵܐ ܕܡܹܗ ܕܝܘܿ ܚܲܢܵܢ ܝܲܬܝܼܪ ܡ̣ܢ ܕܗܵܘ̇. 553 :ܪܲܒܿ ܝܘܿܚܲܢܵܢ ܡ̣ܢ ܟܠ ܟܹܐܢܹ̈ܐ ܕܲܗܘ̤ܵܘ ܘܗܵܘܹ̇ܝܢ 554 ܡܵܕܹܝܢ ܝܲܩܝܼܪ ܡܵܘܬܹܗ ܚܢܝܼܓܼܵܐ ܡ̣ܢ ܟܠ ܡܵܘܬܿܝܼ̈ܢ. 555 :ܚܢܝܼܓܼ ܗ̄ܘ̣ ܡܵܘܬܹܿܗ ܕܡܝܼܬܼ ܒܲܣܡܵܟܵܐ ܡܠܹܐ ܨܲܚܢܘܼܬܼܵܐ 556 ܘܡܲܗ̈ ܠܵܢ ܗ̄ܘ̤̈ܝ ܒܹܗ ܙܲܠܝܼܠܵܬܼ̈ܐ ܒܲܪܬܼܵܐ ܘܐܸܡܵܗ̇. 557 :ܒܲܪܬܼܵܐ ܘܐܸܡܵܗ̇ ܛܥܝܼܢ̈ܢ ܗܘܲܝ̣̈ ܠܹܗ ܠܪܹܫܹܗ ܕܟܹܐܢܵܐ 558 ܘܲܡܨܲ ܥܪ̈ܵܢ ܗ̄ܘܲܝ̣̈ ܠܝܲܩܝܼܪܘܼܬܹܗ ܚܲܪܡܵܢܵܐܝܼܬܼ. 559 :ܐܘܚܲܪ̈ܡܵܬܼܵܐ ܟܡܵܐ ܣܥܲܝ̈ ܘܲܦܩܲܪ̈ܝ ܚܲܪܡܵܢܵܐܝܼܬܼ 560 ܕܒܲܙܚܝ̈ ܘܐܲܗܸܠܝ̈ ܒܟܼܗܢܵܐ ܕܫܲܡܸܫ ܬܲܪ̈ܬܹܝܢ ܒܲܚܕܼܵܐ. 561 :ܬܲܪ̈ܬܹܝܢ ܒܲܚܕܼܵܐ ܣܲܥ݂ܲܪ ܝܘܿܚܲܢܵܢ ܒܐܝܼܙܓܲܕܘܬܹܗ 562 ܕܫܲܠܸܡ ܪܲܗܛܵܐ ܐܲܪܥܵܢܵܝܵܐ ܘܲܓܼܠ̣ܵܐ ܪܘܼܚܵܐ. 563 :ܒܲܝܢܵܬܼ ܬܲܪ̈ܬܹܝܢ ܩܵܡ̣ ܟܵܪܘܿܙܵܐ ܘܡܲܠܸܠ ܩܘܼܫܬܼܵܐ 564 ܘܚܲܬ̣ܿܡ ܠܲܚܕܼܵܐ ܘܝܲܗ̣̄ܒܼ ܫܘܼܪܵܝܵܐ ܠܗܵܝ̇ ܕܲܥܬܼܝܼܕܵܐ. 565 :ܒܛܲܒܼܥܵܐ ܕܡܸܠܬܹܗ ܛܲܒܼܢܹܗ ܠܪܲܗܛܵܐ ܢܵܡܘܿܣܵܝܵܐ 566 ܘܲܦܬܲܚ̣ ܣܸܦܪܵܐ ܕܲܕܼܝܵܬܹܩܹܐ ܪܘܼܚܵܢܵܝܬܼܵܐ. 567 :ܣܸܦܪܵܐ ܒܣܸܦܪܵܐ ܚܲܠܸܦ ܣܵܦܪܵܐ ܡܗܝܼܪܵܐ ܕܣܵܦܵܦܪܹ̈ܐ 568 ܘܐܲܟܼܪܸܙ ܚܲܝܹ̈ܐ ܚܠܵܦ ܬܲܒܼ̈ܥܵܬܼܵܐ ܕܲܒܢܵܡܘܿܣܵܐ. 569 :ܢܚܹ̈ܐ ܚܲܕܬܹ̈ܐ ܓܠ̣ܵܐ ܠܲܢ ܣܦܵܪܵܐ ܡܚܲܟܸܿܡ ܣܵܦܪܹ̈ܐ 570 ܘܲܕܼܪܲܫ ܐܘܼܪܚܵܐ ܩܕܼܵܡ ܗܵܘ̇ ܕܐܵܬܹ̇ܐ ܕܢܲܚܸܐ ܠܐܢܫ̈ܐ. 571 :ܒܲܕܼ ܡܘܼܬ ܨܲܠܡܵܐ ܨܵܪܹܗ ܠܐܪܵܙܵܐ ܕܦܘܼܩܵܢ ܚܲܝܹ̈ܢ 572 ܘܩܲܕܼܡ ܘܲܩܪ̣ܵܝܗܝ ܒܲܫܡܵܐ ܕܐܸܡܪܵܐ ܡܸܛܠ ܕܸܒܼܚܹܗ. 573 :ܒܕܸܒܼܚܵܐ ܕܡܵܘܬܹܗ ܡܸܬܼܒܲܛܲܠ ܗ̄ܘ̣ܵܐ ܡܵܘܬܵܐ ܘܥܵܘܠܵܐ 574 ܘܒܲܕܩ ܐܸܢܹܝܢ ܩܕܼܵܡ ܣܘܼܥܪ̈ܵܢܹܐ ܐܲܝܟ ܗܵܘ̇ ܕܲܗܘ̤̈ܝ. 575 :ܐܹܝܘ ܝܘܚܲܢܵܢ ܡܒܲܕܸܩ ܐ̄ܪ̈ܙܹܐ ܓܼܠܹ̇ܐ ܕܟܲܣܝ̈ܵܢ 576 ܕܓܼܠ̣ܵܐ ܠܐܢܵܫܵܐ ܕܡܘܼܬܼܵܐ ܕܐ̄ܢܵܫܵܐ ܡܒܲܛܸܠ ܡܵܘܬܿܐ. 577 :ܐܸܝܘ ܪܲܒܵܐ ܪܲܒܿܘܼܬܼ ܛܵܒܼܬܼܵܐ ܕܐܸܬܼܝܲܗ ܒܲܬ̤ܝܲܗ ܠܵܟ 578 ܕܲܓܼܠܲܝ̇ܬ ܐ̄ܪܵܙܵܐ ܕܲܡܟܲܣܲܝ ܗ̄ܘ̣ܵܐ ܡ̣ܢ ܟܠ ܒܸܪ̈ܝܵܢ. 579 :ܫܒ̣ܝܼܚ ܨܒܼܝܵܢܹܗ ܕܲܨܒ̣̰ܵܐ ܘܥܲܒܼܕܵܟ ܒܲܪ ܨܒܼܝܵܢܹܗ 580 ܘܫܲܡܸܫ ܒܐܝܼܕܲܝ̈ܟ ܟܠܹܗ ܚܲܝܠܵܐ ܕܣܥ̇ܘܪܘܼܬܹܗ. 581 :ܫܵܘܹ̇ܐ ܠܫܘܼܒܼܚܵܐ ܗܵܘ̇ ܕܲܓܼܠܵܐ ܠܵܟ ܐܪܵܙ ܨܒܼܝܵܢܹܗ 582 ܘܢܲܪܡܘܢ ܐܝܼܕܵܐ ܥܝܼܪܹ̈ܐ ܘܐ̄ܢܵܫ̈ܐ ܕܫܵܘܹ̇ܐ ܠܫܘܼܒܼܚܵܐ܀