Narsai: On the Four Evangelists - ܥܲܠ ܫܠܝܼܚܹ̈ܐ

1 :ܡܲܠܟܿܐ ܕܪܵܘܡܵܐ ܥܒ݂ܲܕ ܡܸܫܬܿܘܼܬܼܵܐ ܪܘܼܚܵܢܵܝܬܿܐ 2 ܘܫܲܕܲܪ ܥܲܒܼܕܘ̈ܗܝ ܕܢܩܪܘܢ ܟܠܵܐ ܠܲܝܚܘܿܠ ܚܘܼܒܹܗ. 3 :ܙܲܡܸܢ ܘܲܩܪ̣ܵܐ ܠܲܫܡܝ̈ܢܐ ܘܠܲܐܪ̈ܥܵܢܹܐ 4 ܘܫܲܕܲܪ ܥܲܠܒܼܕܘ̈ܗܝ ܕܢܩ̇ܪܘܢ ܟܠܵܐ ܠܲܚܲܠܘܿܠ ܚܘܼܒܹܗ. 5 :ܙܲܡܸܢ ܘܲܩܼܪܵܐ ܠܲܫܡܝ̈ܢܐ ܘܠܲܐܪ̈ܥܵܢܵܝܹܐ 6 ܘܛܲܝܸܒܼ ܐܘܼܟܼܠܵܐ ܪܘܼܚܵܢܵܝܵܐ ܕܠܵܐ ܡܸܬܼܚܵܒܲܠ. 7 :ܐܲܣܡܸܟ ܐܸܢܘܿܢ ܒܗܲܝܟܲܠ ܦܲܓܼܪܵܐ ܡܸܬܼܚܲܙܝܵܢܵܐ 8 ܘܚܵܘܝܼ ܐܸܢܘܿܢ ܚܹܝܠ ܪܲܒܿܘܼܬܹܗ ܒܪܸ̈ܓܼܫܐ ܓ̈ܠܝܐ. 9 :ܒܪܸܫ ܒܲܪ ܢܵܫܵܐ ܣܡܹܗ ܠܬܼܵܓܼܐ ܕܐܲܠܵܗܘܼܬܼܵܐ 10 ܕܢܸܚܙܘܢ ܐܢ̈ܫܐ [...]ܪ̈ܘܼܚܵܢܵܝܹܐ ܟܣܝܵܐ ܒܓܸܠܝܐ. 11 :ܠܵܐ ܡܲܨܵܝܵܐ ܗ̄ܘ̣ܵܬܼ ܕܬܸܚܙܝܼܘܗܝ ܠܲܒܼܪܵܐ ܘܬܸܬܼܒܲܩܹܐ ܒܹܗ 12 ܘܥܲܠ ܗܵܝ̇ ܚܵܘܝܼ ܫܘܼܒܼܚܹܗ ܒܦܲܓܼܪܵܐ ܠܥܹܝܢ ܚܲܙ̈ܝܹܐ. 13 :ܫܘܼܒܼܚܹܗ ܠܥܹܝܢ ܬܘܼܩܢܵܘ̈ܗܝ ܠܵܘ ܐܝܼܬܼܘܼܬܹܗ 14 ܘܚܹܝܠ ܪܲܒܿܘܼܬܹܗ ܓܠ̣ܵܐ ܠܲܥܒܼܵܕܵܘ̈ܗܝ ܠܵܘ ܟܲܣܝܘܼܬܹܗ. 15 :ܢܚܬܹܿܐ ܕܦܲܓܼܪܐ ܠܒܸܫ ܨܒܼܝܵܢܵܐ ܡܸܠܬܐ ܕܡܸܢܹܗ 16 ܘܬܲܪܓܸܡ ܒܐܝܼܕܹܗ ܚܹܝܠ ܒܘܼܕܵܩܵܐ ܕܲܣܬܝܼܪ̈ܵܬܹܗ. 17 :ܟܸܢܵܪ ܒܣܪܵܐ ܪܘܼܚܵܢܵܝܵܐ ܪܲܟܸܿܒܼ ܚܘܼܒܹܿܗ 18 ܕܢܲܚܕܐ ܒܹܗ ܠܪ̈ܘܼܚܵܢܵܝܹܐ ܘܦܓܼܪ̈ܢܝܐ. 19 :ܒܡܸܢܝ̈ ܦܲܓܼܪܵܐ ܢܩ̣ܫ ܨܒܼܝܵܢܹܗ ܐܲܝܟ ܕܲܒܨܒܼܥܵܐ 20 ܘܲܬܼܗܲܪܘ ܐ̄ܢܵܫ̈ܐ ܘܪ̈ܘܚܵܢܵܝܹܐ ܒܚܲܠܝܘܬܼ ܩܵܠܹܗ. 21 :ܦܐܐ ܗܘ̣ܵܐ ܚܵܠܘܼܠܵܐ ܕܥܒܼܝܼܕܼ ܟܵܣܝܼܵܐ ܠܲܥܒܼܕܼ ܐܝܼܕܼܵܘ̈ܗܝ 22 ܘܗܢܝܼ ܗܘ̣ܵܐ ܛܵܒܼ ܙܡܪ ܟܣܝܘܬܹܗ ܒܐܲܒܿܘܼܒܼܘ ܒܸܣܪܵܐ. 23 :ܠܲܥܒܼܵܕܼ ܐܝܼܕܼܵܘ̈ܗܝ ܥܒܕ ܡܸܫܬܿܘܼܬܼܵܐ ܠܵܘ ܠܚܢܵܢܹܗ 24 ܕܗܘ̤ ܠܵܐ ܣܢܝܼܩܵܐ ܗܘ̣ ܕܥܲܡ ܐܝܼܬܼܘܼܬܹܗ ܐܝܬܵܘܗܝ ܛܘܼܒܹܗ. 25 ܠܨܠܡܹܗ ܝܩܪ ܒܝܲܕ ܗ̇ܝ ܕܓܼܠܵܐ ܥܠ ܐܝܼܬܼܘܼܬܹܗ. 26 :ܠܵܘ ܬܵܘܣܦܬܼܵܐ ܥܒܕ ܠܲܟܼܝܵܢܹܗ ܒܐܝܠܝܢ ܕܲܩܢܹܐ 27 :ܠܲܝܬ ܠܹܗ ܕܢܹܐܪܲܒܼ ܐܵܘ ܕܢܸܬܿ ܒܲܨܲܪ ܡ̣ܢ ܡ̇ܢ ܕܐܝܼܬܼܵܘܗܝ 28 ܘܠܵܐ ܩܢܹܐ ܟܝܵܢܹܗ ܕܢܚܕܐ ܘܢܲܟܼܪܹܐ ܒܝܲܕ ܕܡܸܬܼܚܲܘܝܼ̈ܢ. 29 :ܠܲܡܠܝܼܠܘܼܬܼܵܐ ܨܒܼܵܐ ܕܲܢܚܲܕܼܬܼ ܒܐܲܝܠܹܝܢ ܕܣܥ̣ܪ 30 ܘܒܼܵܗ̇ ܬܘܼܒܼ ܬܲܪܓܸܿܡ ܚܹܝܠ ܚܸܟܼܡ̈ܬܼܵܐ ܕܟܲܣܝܘܼܬܼ ܚܘܼܒܹܗ. 31 :ܠܲܨܠܸܡ ܨܲܠܡܹܗ ܝܲܩܲܪ ܡ̣ܢ ܟܠ ܐܲܝܟ ܕܲܠܨܲܠܡܵܐ 32 ܘܒܼܐܝܼܕܹܗ ܐܲܦܨܲܚ ܠܲܟܼܡܝܼܪܘܼܬܼܵܐ ܕܪܸܕܼܦܲܬ̤ ܫܲܝܢܵܐ. 33 :ܚܛܝܼܬܼܵܐ ܕܐܢܫ̈ܐ ܕܠܚܬܗ ܠܫܝܢܐ ܘܫ̣ܪܬ̤ ܚܘܼܒܵܐ 34 ܘܲܒܼܒܲܪ̈ܢܵܫܵܐ ܨܒ̣ܐ ܕܲܢܫܲܝܸܢ ܟܠ ܥܲܡ ܚܘܼܒܹܿܗ. 35 :ܚܲܕܼ ܡ̣ܢ ܐܢܫܵܐ ܓܒ̣ܵܐ ܨܒܼܝܵܢܹܗ ܘܲܩܪ̣ܵܝܗܝ ܒܲܫܡܹܗ 36 ܘܒܼܐܝܼܕܹܗ ܐܲܦܝܼ ܠܲܡܠܝܼܠܘܼܬܼܵܐ ܠܘܵܬܼ ܝܼܕܲܥܬܹܗ. 37 ܠܪܸܚܡܲܬܼ ܚܘܼܒܹܿܗ ܩܪ̣ܐ ܡܸܫܬܿܘܼܬܼܵܐ ܕܥܒ̣ܕ ܠܩܪܗ: pb. f.51v 38 ܘܨܐܕܵܘܗܝ ܟܲܢܸܫ ܠܲܫܡܝ̈ܢܐ ܘܠܙܪ̈ ܥܢܝܐ. 39 :ܠܒܢܝ̈ ܓܢܣܗ ܫܲܡ݂ܲܗ ܥܒ̈̇ܕܐ ܘܡܸܫܬܲܕܪ̈ܵܢܹܐ 40 ܘܙܲܡܲܢ ܟܠܵܐ ܠܲܚܠܘܼܠ ܚܲܝܹ̈ܐ ܪ̈ܘܼܚܵܢܵܝܹܐ. 41 :ܪܡܙܹܗ ܡܲܠܸܠ ܒܸܠܫܵܢ ܒܫܪܵܐ ܥܲܡ ܦܓܪ̈ܢܐ 42 ܘܚܲܟܸܿܡ ܐܸܢܘܿܢ ܕܐܲܝܟܲܢ ܢܨܘܼܕܘܼܢ ܐܢܫ̈ܐ ܠܚܚ̈ܐ. 43 :ܚܲܝܠܹܗ ܚܲܝܸܠ ܠܲܡܚܝܼܠܘܼܬܼܵܐ ܕܪ̈ܥܝܢܝܟܘܢ 44 ܕܲܢܫܝܼܢܘܼܢܵܝܗܝ ܠܥܵܠܡܵܐ ܦܠܝܼܓܼܐ ܒܩܵܠ ܡܲܠܝ̈ܗܘܿܢ. 45 :ܚܘܼܒܹܗ ܡܕܟ ܐܝܟ ܣܲܡܡܵܢܹ̈ܐ ܥܲܡ ܡܠܝ̈ܗܘܿܢ 46 ܕܢܐܣܘܢ ܟܹܐܒܹ̈ܐ ܕܦܲܓܼܪܵܐ ܘܢܲܦ̣ܫܵܐ ܒܵܦܸܬܼܓܼܵܡܲܝ̈ܗܘܿܢ. 47 :ܫܪܵܪܹܗ ܐܲܠܒܸܫ ܒܲܕ ܡܘܼܬܼ ܙܲܝܢܵܐ ܠܪܸ̈ܥܝܵܢܲܝܟܿܘܿܢ 48 ܕܢܙܟܘܢ ܛܘܼܥܝܲܝ ܕܲܙܪܲܥ ܒܝܼܫܵܐ ܒܐܪܫܐ ܕܐ̄ܢܵܫܵܐ. 49 :ܚܢܵܢܵܐ ܕܲܪ̈ܲܚܡܹܐ ܡܫ̣ܝܼܚ ܙܵܘܥܲܝܗܘܿܢ ܐܲܝܟ ܐܲܬܼܠܹ̈ܝܛܹܐ 50 ܕܬܸܫܪܲܥ ܐܸܢܘܿܢ ܐܝܼܕܼܵܐ ܕܫܹܐܕܹ̈ܐ ܒܐܓܘܢ ܥܲܡ̈ܠܹܐ. 51 :ܣܲܝܦܵܐ ܕܪܘܼܚܵܐ ܐ̇ܘܚܸܕܼ ܐܸܢܘܿܢ ܠܡܸܚܪܲܒܼ ܥܵܘܠܵܐ 52 ܕܢܒܗܬܼ ܣܢܐܐ ܘܕܩ̇ܛܠܝܢ ܠܹܗ ܐܢܵܫܐ ܕܲܩܛ̣ܠ. 53 :ܚܹܝܠ ܥܘܼܕܪܵܢܹܗ ܐܲܠܒܸܫ ܐܸܢܘܿܢ ܐܲܝܟ ܫܸܪ̈ܝܵܢܹܐ 54 ܕܠܵܐ ܢܸܬܼܩܲܒܼܥܘܢ ܓܹܐܪܹ̈ܐ ܕܢܸܟܼܠܹܗ ܒܗܕܡܝ̈ܗܘܢ. 55 :ܗܲܝܡܵܢܘܼܬܼܵܐ ܐܵܘ ܚ̣ܕ ܐܸܢܘܿܢ ܒܲܕ ܡܘܼܬܼ ܣܲܟܪܵܐ 56 ܕܲܢܣܲܬܪܘܢ ܒܵܗ ܦܲܓܼܪܵܐ ܘܢܲܦ̣ܫܵܐ ܡ̣ܢ ܢܸܟܼܝܵ̈ܢܹܐ. 57 :ܪܘܿܚܵܢܵܐܝܼܬܼ ܐܲܠܒܸܿܫ ܐܸܢܘܿܢ ܙܢܲܝ̈ ܬܲܟܼܬܘܼܫܵܐ 58 ܕܢܸܗܘܘܢ ܝܵܕ ܥܝܼܢ ܠܡܹܐܚܲܕܼ ܕܼܪܵܐ ܥܲܡ ܚܘܼܬܼܚܵܬܹ̈ܐ. 59 :ܥܲܡ ܟܠ ܘܲܒܼܟܼܠ ܐܲܥܢܝܼ ܐܸܢܘܿܢ ܒܗܸܪܓܵܐ ܕܥܲܡ̈ܠܹܐ 60 ܘܲܒܼܢܸܣܝܵܢܵܐ ܩܢ̣ܘ ܕܘܼܪܵܫܵܐ ܕܪ̈ܘܼܚܵܢܝܵܬܼܵܐ. 61 :ܚܝܹܠ ܚܸܟܡ̈ܬܼܵܐ ܕܟܼܠ ܐܘܼܡܵܢܘܼ ܝܠܸܦܘ ܡ̣ܢ ܪܘܼܚܵܐ 62 ܘܲܥܬܼܪ ܘܐܲܥܬܲܪ ܡ̣ܢ ܓܲܙܲܝ̈ܗܘܿܢ ܠܲܕܼܡܸܣܟܹܝܢܝܼ̈ܢ. 63 ܢܘܼܗܪܵܐ ܘܡܸܠܚܵܐ ܗܘ̤ܵܘ ܒܲܒܼܪܝܼܬܼܵܐ ܣܘܼܥܪ̈ܢܲܗܘܿܢ. 64 ܘܐܲܢܗܲܪܘ ܥܲܛ̈ܠܹܐ ܘܐܲܩܝܼܢܘ ܛܲܥܡܵܐ ܠܲܕ ܦܲܟܼܝܼܗܝܼܢ. 65 :ܪܲܕܼܦܘܼܗ̇ ܠܛܘܼܥܝܲܝ ܒܨܚܡܵܐ ܫܒܼܝܼܚܵܐ ܕܕܼܘܼܒܵܪ̈ܲܝܗܘܿܢ 66 ܘܐܸܕܲܢܚܘ ܢܘܼܗܪܵܐ ܕܙܲܕܲܝܩܘܼܬܼܵܐ ܒܹܝܬܼ ܚܸܫܘܼܪܹ̈ܐ. 67 :ܥܩܲܪܵܘ ܚܲܢܦܘܼܬܼܵܐ ܒܸܢܝܵܢ ܙܹܐܦܵܐ ܕܒ̣ܢܘ ܫܐܕ̈ܐ 68 ܘܒ̣ܢܘ ܩܘܼܫܬܵܐ ܫܪܵܪܵܐ ܕܲܟܼܝܵܐ ܕܫܸܡ ܒܵܪܘܿܝܵܐ. 69 :ܣܲܚܸܦܘ ܢܵܘ̈ܣܹܐ ܕܲܦܬܲܟܼܪܘܼܬܼܵܐ ܕܨܸܒܸܬܼܘ ܕܝܘܹ̈ܐ 70 ܘܫܲܟܼܠܸܠܘ ܚܘܼܒܵܐ ܘܗܲܝܲܡܵܢܘܼܬܼܵܐ ܒܪܸܥܝܵܢ ܐܢܫ̈ܐ. 71 :ܪܕܲܦܘ ܥܲܪܦܸܠܵܐ ܕܫܸܡ ܐܲܠܵܗܹ̈ܐ ܡ̣ܢ ܟܠ ܥܡܡܝ̈ܢ 72 ܘܚܙ̣ܐ ܥܠܡܐ ܨܡ̇ܚܐ ܦܲܐܝܵܐ ܕܚܲܕܼ ܐܲܠܗܐ. 73 :ܗܘ̤ܘ ܩ̈ܠܝܗܘܿܢ ܒܲܕܼܡܘܼܬܼ ܪܲܥܡܵܐ ܒܹܝܬܼ ܐܲܪ̈ܥܵܢܹܐ 74 ܘܢܵܕܼܘ ܛܲܒܿܝܼ̈ܥܹܐ ܘܩܵܡ̣ܘ ܝܲܩܝܼܪܹ̈ܐ ܠܩܵܠ ܡܸܠܲܝ̈ܗܘܿܢ. 75 :ܡܨܝܼܕܬܵܐ ܕܚܘܼܒܵܐ ܠܒ̣ܟ ܙܘܥܝ̈ܗܘܢ ܪܘܼܚܵܢܵܐܝܼܬܼ 76 ܘܦܪܣܘܗ̇ ܥܲܠ ܟܠ ܘܨܵܕܲܬ̤ ܡ̣ܢ ܟܠ ܛܵܒܹ̈ܐ ܘܒܼܝܼܫ̈ܐ. 77 :ܨܵܕܼܵܘ ܡ̣ܢ ܝܲܡܵܐ ܘܨܵܕܼܘ ܡ̣ܢ ܝܼܒܼܫܵܐ ܨܲܝܕܵܐ ܡܠܝܼܠܵܐ 78 ܘܩܒܘ ܐܢܘܢ ܐܝܟ ܩܘܪܒܢܐ ܠܡܲܠܟܐ ܕܪܵܘܡܵܐ. 79 :ܐܦ ܗܘ̤ ܡܠܟܿܐ ܡܨܝܼܕܬܵܐ ܟܢܝܵܗ̇ ܠܟܼܵܪܘܙܘܬܗ 80 ܕܦܲܪܣܵܗ̇ ܚܘܼܒܹܿܗ ܥܲܠ ܟܠ ܥܲܡܡܝܼ̈ܢ ܒܐܝܼܕܼܵܐ ܕܥܲܒܼܕܵܘ̈ܗܝ. 81 :ܒܝܲܕ ܣܘܼܥܪ݁ܢܐ ܓܲܡܪܘܗ̇ ܫܠܝܼܚܹ̈ܐ ܠܗܵܝ̇ ܒܲܪܬܼ ܩܵܠܵܐ 82 ܕܬܲܠܡܸܕܘ ܘܲܐܥܡܸܕܘ ܠܟܼܠܗܘܿܢ ܥܲܡܡܹ̈ܐ ܒܫܸܡ ܐܝܼܬܼܘܼܬܼܵܐ. 83 :ܫܡܵܗܹ̈ܐ ܬܠܵܬܼܵܐ ܩܲܒܸܿܠܘ ܡܸܢܹܗ ܒܲܕܼܡܘܼܬܼ ܛܲܒܼܥܵܐ 84 ܘܲܛܒܲܥ̣ܘ ܐܢܵܫ̈ܐ ܘܡܚ̣ܵܘ ܐܸܢܘܿܢ ܪܘܼܚܵܢܵܐܝܼܬܼ. 85 :ܬܠܝܼܬܼܵܝܘܼܬܼܵܐ ܪܫܲܡ̣ܘ ܥܲܠ ܙܘܵܥܹ̈ܐ ܘܥܲܠ ܗܲܕܵܡܹ̈ܐ 86 ܟܢܹܐܠܲܦ ܟܠܢܵܫ ܠܲܡܩܲܕܵܫܘܼ ܠܲܫܡܵܐ ܣܓܼܝܼܕܼܵܐ. 87 :ܒܪܘܼܫܡܵܐ ܚܲܝܵܐ ܛܲܡܘܼܗ̇ ܠܥܵܢ̈ܐ ܕܓܸܢܣܵܐ ܕܐܢܵܫܵܐ 88 ܘܟܲܢܸܫܘ ܐܲܥܠܘܼܗ̇ ܠܲܛܝܵܪ ܚܲܝܹ̈ܐ ܪ̈ܘܼܚܵܢܵܝܹܐ. 89 :ܪܸܥܝܵܐ ܕܪܘܼܚܵܐ ܐܵܘܟܸܠܘܿ ܐܸܢܘܿܢ ܠܥܲܪ̈ܒܐ ܡܠܝܼ̈ܠܐ 90 ܘܥܲܠ ܡܲܒܿܘܼ̈ܥܹܐ ܕܫܸܩܬܼܵܐ ܢܝܼܚܵܐ ܐܲܣܡܸܟ ܐܸܢܘܿܢ. pb. f.52r 91 :ܕܥ̇ܘ ܬܲܩܢܵܐܝܼܬ ܘܛܲܟܸܿܣܘ ܘܲܣܥܲܪܘ ܚܲܟܿܝܼܡܵܐܝܼܬ 92 ܘܚܲܟܸܿܡܘ ܐܸܡܪܹ̈ܐ ܘܲܢܩܵܘ̈ܬܼܐ ܒܪܸܚܡܲܬܼܩܘܼܫܬܼܵܐ. 93 :ܣܥܲܪ̣ܘ ܕܲܟܼܪ̈ܝܼܗܘܿܢ ܥܨܲܒܼ݂ܘ ܕܬܼܒܼܝܼܪ̈ܵܢ ܒܥ̣ܵܘ ܕܐܲܒܲܝܼܕ̈ܢ 94 ܘܬܲܪܣܝܼܘ ܘܢܛ̣ܪܘ ܠܟܼܠܗ̇ ܥܵܢ̈ܐ ܐܲܝܟ ܚܲܕ ܓܘܼܫܡܵܐ. 95 :ܐܲܝܟ ܡܲܚܙܝܼܬܼܵܐ ܩܒܼܝܼܥ ܗ̄ܘ̣ܵܐ ܟܠܫܵܥ ܩܕܼܵܡ ܡܲܕܼܥܲܝ̈ܗܘܿܢ 96 :ܗܵܘ̇ ܦܸܬܼܓܼܵܡܵܐ ܕܲܠܘܵܬܼ ܫܸܡ̣ܥܘܿܢ ܕܪܵܚ̇ܡ ܐܲܢ̄ܬܿ ܠܝܼ 97 :ܢܚܘܼܒܵܐ ܪܲܒܵܐ ܓܘܼܕܪܘ ܨܒܼܝܼܢܹܗ ܕܪ̈ܵܥܹܐ ܥܵܢ̈ܐ 98 ܥܕܲܡܵܐ ܠܡܵܘܬܵܐ ܣܵܥ̣ܵܘ ܥܲܠ ܚܲܫܹ̈ܐ ܒܪܸܚܡܲܬܼ ܐ̄ܢܵܫܐ. 99 :ܠܐܢܵܫܵܐ ܐܲܚܸܒ̣ܘ ܡ̣ܢ ܟܠܡܸܕܡ ܐܲܝܟ ܕܐܸܬܼܦܲܩܕܘ 100 ܘܸܡܠ ܐ̄ܢܵܫܵܐ ܢܣ̣ܵܘ ܚܲܝܲܝ̈ܗܘܿܢ ܘܲܪܚܸܡܘܡ̇ܘܬܼܵܐ. 101 :ܠܐܢܵܫܵܐ ܝܲܩܪܘ ܡܸܛܠ ܚܘܼܒܹܿܗ ܕܪܵܚܸ̇ܡ ܐܢܵܫܵܐ 102 ܕܲܚ̣ܙܵܘ ܕܲܕܡܵܐ ܪܲܚܡܹܗ ܠܐܵܢܵܫܵܐ ܡ̣ܢ ܟܠܡܸܕܹܡ. 103 :ܚܙܵܘ ܕܒܼܚܘܼܒܹܿܗ ܠܒܸܫ ܨܒܼܝܵܢܹܗ ܕܡܘܼܬܸܵܐ ܕܥܲܒܼܕܵܐ 104 ܕܲܢܪܝܼܡ ܐ̄ܢܵܫܵܐ ܡ̣ܢ ܡܘܼܡܼܵܐ ܟܵܟܼܵܐ ܠܘܵܬܼ ܪܒܿܘܼܬܼܵܐ. 105 :ܒܚܘܼܒܹܿܗ ܕܲܡܝܼܘ ܘܲܪܚܸܡܪ ܐ̄ܢܵܫܵܐ ܩܪ̈ܝܲܝ ܒܲܫܡܹܗ 106 ܘܐܲܠܸܦܘ ܐܢܘܢ ܕܢܦܢܘܢ ܨܐܕܡܗܝ ܒܐܘܼܪܚܵܐ ܕܩܘܼܫܬܿܐ. 107 :ܐܲܝܟ ܨܒܹܝܵܫܹܗ ܗܲܕܼܟܼܘ ܣܲܡܵܐ ܠܟܼܕܪ̈ܗܵܢܲܝܗܘܿܢ 108 ܘܐܲܫܩܝܼܘ ܐܸܢܘܿܢ ܚܢܵܢܵܐ ܘܪ̈ܲܚܡܹܐ ܕܠܵܐ ܢܸܫܬܲܚܩܘܵܢ. 109 :ܒܪ̈ܲܚܡܹܐ ܐܲܣܝܼܘ ܒܪ̈ܝܼܗܹܐ ܕܐܲܓܲܪܘ ܒܟܹܐܒܹ̈ܐ ܕܥܵܘܠܵܐ 110 ܘܒܲܚܵܘܣܵܢܵܐ ܥܨܲܒ̣ܘ ܡܝܬ̈ܐ ܕܲܬܼܪܲܪ ܒܝܼܫܵܐ. 111 :ܚܢܵܢܵܐ ܛܲܦܝܼܘ ܠܲܚܒܼܵܪ̈ܵܝܵܬܼܵܐ ܕܪܸ̈ܓܼܫܹܐ ܘܙܵܘ̈ܥܹܐ 112 ܘܐܲܫܝܼܓܼܘ ܐܸܢܘܿܢ ܒܡ̈ܝܬܐ ܢܝܼܚܹ̈ܐ ܕܡܲܥܡܘܿܕܲܝܼܬܼܵܐ. 113 :ܐܲܝܟ ܕܲܒܼܟܼܘܼܪܵܐ ܐܲܥܸܠܘ ܢܣܟܘܼܗܝ ܠܦܲܓܼܪܵܐ ܘܢܲܦ̣ܫܵܐ 114 ܘܲܡܪܲܩ̣ܘ ܡܸܢܗܘܿܢ ܨܵܐܬܼܵܐ ܣܢܝܼܬܼܵܐ ܕܥܵܘ ܠܵܐ ܣܲܢܝܵܐ. 115 :ܐܲܝܟ ܦܲܚܵܪܹ̈ܐ ܢܲܦܸܨܘ ܐܸܢܘܿܢ ܠܡܹܐܢܹ̈ܐ ܡ̈ܠܝܼܠܹܐ 116 ܘܚܲܕܼܬܼܘ ܐܸܢܘܿܢ ܒܲܬܼܝܵܒܼܘܼܬܼܵܐ ܓܒܝܠܬܵܐ ܚܕܲܬܵܐ. 117 :ܐܘ ܡܵܝ̈ܘܬܼܐ ܟܝܵܢܵܐ ܕܚܸܨܦܵܐ ܢܩܹܐ ܠܲܬܼܒܼܵܪܵܐ 118 ܕܲܗܦܲܟܼܘ ܚܲܕܼܬܼܘ ܗܲܕܵܡ̈ܝܗܘܿܢ ܘܲܗܘ̤ܵܘ ܕܲܗܒܼܵܐ. 119 :ܐܘ ܐܲܪ̈ܥܵܢܹܐ ܒܢܲܝ̈ ܕܲܚܝܼܝܵܐ ܕܫܝܼܛ ܒܲܚܙܵܬܹܗ 120 :ܕܐܲܩܢܝܼܘ ܓܘܼܫܡܵܐ ܕܲܫܡܝ̈ܢܐ ܠܫܝܼܛܘܼܬܼ ܐܢܵܫܵܐ 121 :ܐܘ ܡܣܟܢ̈ܐ ܕܚܵܒ̣ ܐܸܒܘܼܗܘܿܢ ܘܙܲܒܸܢܘ ܐܸܢܘܿܢ 122 ܘܲܙܒܢܘܼܗܝ ܠܥܵܠܡܵܐ ܒܥܘ̣ܬܼܪܵܐ ܕܟܲܢܸܫܘ ܒܝܲܕ ܥܡܠܝ̈ܗܘܿܢ. 123 :ܥܬ݂ܲܪ ܡ̣ܢ ܓܲܙܵܐ ܕܚܲܕܼ ܕܐܸܬܼܝܲܩܲܪ ܒܫܸܡ ܒܪܘܿܝܵܐ 124 ܘܐܲܥܬܲܪܘ ܠܐܢܵܫܵܐ ܒܲܕܼܠܵܐ ܕܝܼܠܗܘܵܢ ܐܲܝܟ ܕܲܒܼܕܼܝܼܠܹܗܘܢ 125 :ܒܲܕܼܠܵܐ ܕܝܼܠܗܘܿܢ ܚܲܪܲܪܘ ܕܝܼܠܗܘܿܢ ܡ̣ܢ ܥܒܼܕܘܼܬܼܵܐ 126 ܘܐܲܟܼܬܸܒܼܘ ܐܸܢܘܿܢ ܫܛܵܪ ܚܹܐܪܘܼܬܼܵܐ ܒܠܵܐ ܡܵܝܘܿܬܹ̈ܐ. 127 :ܙܲܝܢܵܐ ܕܪܝܼܚܵܐ ܢܣܲܒ̣ܘ ܡ̣ܢ ܡܲܠܟܵܐ ܪܘܼܚܵܢܵܝܵܐ 128 ܘܒܹܗ ܐܸܬܼܢܲܨܚܘ ܠܥܹܝܢ ܪ̈ܘܼܚܵܢܹܐ ܘܦܲܓܼܪܵܢܝܐ. 129 :ܫܒܸܝܬܼܵܐ ܕܐ̄ܢܵܫܵܐ ܦܲܪܩ̣ܘ ܡ̣ܢ ܡܵܘܬܵܐ ܘܡ̣ܢ ܣܵܛܵܢܵܐ 130 ܘܚܲܪܲܪܘ ܐܸܢܘܿܢ ܡ̣ܢ ܫܘܼܥܒܵܕܼܵܐ ܕܦܘܼܠܚܵܢ ܥܵܘܠܵܐ. 131 :ܩܪܵܒܼܵܐ ܥܒܲܕܼܘ ܗ̄ܘ̣ܵܘ ܥܲܡ ܚܲܣܝܼܢܵܐ ܕܫܲܥܒܸܿܕ ܐܢܵܫܵܐ 132 ܘܐܲܥܕܝܼܘ ܡܸܢܹܗ ܫܒܼܝܼܬܼܵܐ ܕܲܕܼܒܲܪ̣ ܡ̣ܢ ܣܸܕܲܪ̈ܲܝܗܘܿܢ. 133 :ܒܣܲܝܦܵܐ ܕܲܪܘܚܵܐ ܚܲܪܕܘ ܡܲܫܪܝܼܬܹܗ ܕܼܒܼܥܸܠܕܲܪܵܐ 134 ܘܐܲܫܦܸܠܘ ܣܸܕܼܪܹ̈ܐ ܕܚܲܝ̈ܠܵܘܵܬܹܗ ܩܕܼܵܡ ܦܲܓܼܪ̈ܢܐ. 135 ܚܵܒ̣ ܚܲܣܝܼܢܵܐ ܕܫܲܥܒܲܕܼ ܐ̄ܢܵܫ̈ܐ ܗܲܢܨܚ̣ 136 ܐܢܵܫܵܐ ܘܥܘ̇ܩ̣ܘ ܕܝܘܸ̈ܐ ܡ̣ܢ ܩܵܠ ܐܢܵܫ̈ܐ ܠܒܝܼܫ̈ ܪܘܼܚܵܐ.ܢ 137 :ܒܪܘܼܚܵܐ ܐܲܩܪܸܒ̣ܘ ܪ̈ܘܼܚܵܢܵܝܹܐ ܫܡ ܦܲܓܼܪ̈ܢܵܝܹܐ 138 ܘܲܙܟܼܵܘ ܐܢܵܫ̈ܐ ܠܒܼܫܲܝ̈ ܚܲܫܹ̈ܐ ܘܠܵܐ ܚܫܘܿܫܹ̈ܐ. 139 :ܬܲܗܪܵܐ ܪܲܒܑܵܐ ܣܥ݂ܲܪ ܚܘܼܡܣܵܢܵܐ ܒܪܸܚܡܲܬܼ ܟܹܐܢܹ̈ܐ 140 ܕܐܲܩܠܝܼܘ ܓܘܼܫܡܵܐ ܡܬܼܚܲܙܝܵܬܵܐ ܠܘܼܩܒܲܠ ܪܘܼܚܵܐ. 141 :ܫܒܝܼܚ ܬܲܟܼܬܘܼܫܵܐ ܕܚܵܘܝܼܘ ܒܐܲܪܥܵܐ ܒܝܲܕ ܥܲܡܠܲܝ̈ܗܘܿܢ 142 ܘܲܙܥܘܿܪܦܘܡܵܐ ܕܢܸܬܼܢܹܐ ܫܲܪܒܵܐ ܕܢܼܨܚܵܢܲܝ̈ܗܘܿܢ. pb. f.52v 143 :ܐܲܪܝܟ ܪܲܗܛܵܐ ܕܕܼܘܼܒܵܪ̈ܵܝܗܘܿܢ ܡ̣ܢ ܡܘܼܫܚ̈ܵܬܼܵܐ 144 ܘܲܒܝܼܪ ܗܵܘ ܢܵܐ ܕܢܸܚܙܘܿܩ ܥܲܡܗܘܿܢ ܠܘܵܬܼ ܫܘܼܠܵܡܵܐ. 145 :ܕܚܸܠ ܐܵܓܼܘܿܢܵܐ ܕܐܸܬܼܟܲܬܲܫܘ ܒܹܗ ܥܲܡ ܚܘܼܬܼܚ̈ܵܬܹܐ 146 :ܘܩܲܢܝܼܛ ܠܸܒܵܐ ܠܲܡܬܲܢܵܝܘܼܬܼܵܐ ܥܲܠ ܚܲܫܲܝ̈ܗܘܿܢ 147 :ܩܸܢܛܵܐ ܘܚܒܼܵܐ ܡܠܹܐ ܦܵܣܘܿܩܵܐ ܕܩܸܪ̈ܝܵܢܲܝܗܘܿܢ 148 ܥܲܡ̈ܠܹܐ ܕܚܝܼܠܝܼܢ ܟ̈ܠܝܼܠܹܗ ܫܒܼܝܼܚ̈ܝܼܢ ܛܘܼܒܼ ܠܲܕܼܡܲܚܸܒܼ. 149 :ܒܚܘܼܒܵܐ ܗ̄ܘ̣ ܡܸܫܟܲܚ ܗܵܘܢܵܐ ܠܡܸܩܪܵܐ ܒܣܘܼܥܪ̈ܢܝܗܘܢ 150 ܘܗܘ̤ ܡܚܵܘܹܐ ܠܹܗ ܠܲܐܝܢܵܐ ܕܡܲܚܸܒ ܫܒܼܝܼܠ ܥܲܡ̈ܠܲܝܗܘܿܢ. 151 :ܒܗܲܝܡܵܢܘܼܬܼܵܐ ܡܨܸܐ ܪܸܥܝܵܢܹܗ ܠܡܚܙܲܩ ܥܲܡ̈ܗܘܿܢ 152 ܘܗ̤ܝ ܡܠܲܒܿܒܼܵܐ ܠܹܗ ܕܠܵܐ ܢܸܬܼܪܲܦܹܐ ܡ̣ܢ ܕܲܡܠܝܼܟ̈ܝܼܢ. 153 :ܣܲܒܼܪܵܐ ܡܚܸܦܸܛ ܠܝܲܨܪܵܐ ܟܲܣܝܵܐ ܥܲܡ ܟܲܣܝ̈ܬܼܵܐ 154 ܘܗܘ̤ ܡܚܲܝܸܠ ܠܹܗ ܠܲܡܕܵܫ ܚܲܫܹ̈ܐ ܒܝܲܕܼ ܚܘܼܡܣܵܢܵܐ. 155 :ܚܘܼܒܵܐ ܘܣܲܒܼܪܵܐ ܘܗܲܝܡܵܢܘܼܬܼܵܐ ܠܒܸܫܘ ܢܲܨܝܼܚܹ̈ܐ 156 ܘܲܒܼܗܘܿܢ ܐܲܩܪܸܒ̣ܘ ܥܲܡ ܟܠ ܚܲܫܝܼ̈ܢ ܕܲܟܼܣܹܝܢ ܘܲܓܼܠܹܝܢ. 157 :ܒܗܘܿܢ ܐܸܬܼܚܙܲܩܘ ܐܲܝܟ ܕܲܒܼܙܲܝܢܵܐ ܠܘܼܩܲܒܲܠ ܒܝܼܫܵܐ 158 ܘܒܼܐܝܼܕܼܗܘܿܢ ܐܲܩܪܸܒܼܘ ܥܲܡ ܪ̈ܘܼܚܵܢܹܐ ܘܥܲܡ ܦܲܓܼܪ̈ܢܹܐ. 159 :ܥܲܠ ܬܘܼܡܼܠܵܢܗܘܿܢ ܢܚܸܬܼܘ ܠܐܵܓܼܘܿܢܵܐ ܕܥܲܡ̈ܠܹܐ ܩܫ̈ܝܵܐ 160 ܕܲܕܼܵܫ̣ܘ ܥܲܠ ܚܲܫܹ̈ܐ ܘܫܵܛ̣ܘ ܠܲܢܚܵܝܹ̈ܐ ܐܲܝܟ ܠܵܐ ܐ̄ܢܵܫܵܐ. 161 :ܒܠܵܐ ܚܵܫܘܫܹ̈ܐ ܕܲܡܝܼܘ ܚܘܼܒܿܗܘܿܢ ܒܐܵܝܠܹܝܢ ܕܲܣܥܲܕܘ 162 ܘܲܣܢ̣ܘ ܚܲܝܹ̈ܐ ܘܲܪܚܸܡܘ ܡܵܘܬܵܐ ܕܠܵܐ ܒܲܥܝܵܕܼܵܐ. 163 :ܠܒܲܪ ܡ̣ܢ ܛܲܟܼܣܵܐ ܫܵܛ̣ܘ ܠܲܢܚܵܝܵܐ ܘܠܲܐܣܝܼܪܘܼܬܹܗ 164 ܘܲܗܘ̤ܵܘ ܣܵܢ̈ܐܹܐ ܠܐܲܪ̈ܥܵܢܝܵܬܼܵܐ ܘܐܲܚܸܒܼ ܠܕܲܠܥܸܠ. 165 :ܠܕܲܠܥܸܠ ܐܲܚܸܒܼܘ ܟܲܕܼ ܛܵܒܼ ܟܲܣܝ̈ܵܢ ܡ̣ܢ ܚ̈ܲܙܵܝܹ̇ܐ 166 ܘܲܣܢ̣ܵܘ ܠܕܲܠܬܲܚܬܿ ܟܲܕ ܛܵܒܼ ܓܲܠܝ̈ܵܢ ܠܪܸ̈ܓܼܫܹܐ ܘܙܵܘ̈ܥܹܐ. 167 :ܒܪܸܚܡܲܬ ܚܘܼܒܵܐ ܕܲܥܬܼܝܼܪ̈ܲܬܼܵܐ ܫܵܛ̣ܘ ܕܥܲܠ ܐܲܪܥܵܐ 168 ܘܐܲܠܸܦܘ ܐ̄ܢܵܫ̈ܐ ܕܢܸܗܘܘܿܢ ܣܵܢ̇ܝܼܢ ܠܲܐܪ̈ܥܵܢܝܵܬܼܵܐ. 169 :ܗܘܲܝ̤̈ ܟܲܣܝ̈ܵܬܼܵܐ ܩ̣ܕܼܵܡ ܥܲܝܢܲܝ̈ܗܘܿܢ ܐܲܝܟ ܓܲܠܝܵܬܼ̈ܐ 170 ܘܲܒܫ݂ܲܥ ܐܸܢܹܝܢ ܐܲܝܟ ܡܲܚܙܝܼܬܼܵܐ ܩܕܼܵܡ ܘܟܲܕ ܥܗܘܿܢ. 171 :ܐܲܝܟ ܕܲܒܨܒܼܥܵܐ ܚܵܘܝܼܘ ܐܸܢܹܝܢ ܠܐܲܪ̈ܥܵܢܝ̈ܵܬܼܵܐ 172 ܕܚܘܪܘ ܡܵܝܘܬܹ̈ܐ ܘܲܚ̣ܙܵܘ ܫܘܼܦܪܐ ܕܲܟܼܣܹܐ ܒܪܵܘܡܵܐ. 173 :ܐܲܝܟ ܕܲܠܫܲܒܼܪܹ̈ܐ ܓܲܪܸܓܼܘ ܐܢܵܫܵܐ ܨܝܕ ܕܲܡܠܝܼܟܼ̈ܢ 174 ܘܐܲܝܟ ܕܲܒܼܚܲܠܒܼܵܐ ܬܲܪܣܝܼܘ ܐܸܢܘܿܢ ܒܐܘܼܟܼܠܵܐ ܕܪܘܼܚܵܐ. 175 :ܣܡ ܚܲܝܘܼܬܼܵܐ ܐܲܪܡܚܲܘ ܒܐܪܥܐ ܕܡܵܝܘܿܬܘܼܬܼܵܐ 176 ܘܫܲܪܝܼܘ ܚܵܐܝ̈ܢ ܡܝܼ̈ܬܼܵܐ ܕܥܵܘ ܠܵܐ ܠܩܵܠ ܡܸܠܲܝ̈ܗܘܿܢ. 177 :ܩܵܠܹ̈ܐ ܚܲܕܬܹ̈ܐ ܫܡ݂ܲܥܘ ܡܵܝܘ̈ܬܹܐ [ܡ̣ܢ ܡܵܝܘ̈ܬܹܐ] 178 ܕܩܵܥܹ̇ܝܢ ܐܢܵܫ̈ܐ ܒܐܸܕܼܢܲܝ̈ ܐ̄ܢܵܫܵܐ ܒܘܼܛܵܠ ܡܵܘܬܼܵܐ. 179 :ܣܒܲܪܬܼܵܐ ܚܕܲܬܼܵܐ ܐܝܬܝܼܘ ܐ̄ܢܵܫ̈ܐ ܠܲܒܼܢܲܝ̈ܢܵܫܵܐ 180 ܢܘܼܚܵܡ ܦܲܓܼܪܵܐ ܘܦܘܼܪܩܵܢ ܢܲܦ̣ܫܵܐ ܘܚܘܼܕܵܬܼ ܟܠܵܐ. 181 :ܐܲܝܟ ܕܡ̣ܢ ܫܸܢܬܵܐ ܐܲܥܝܼܪܘ ܐ̣ܢܘܿܢ ܠܲܒܼܢܝ̈ܫܵܐ 182 ܘܢܵܕܼܘ ܛܲܒܹܝܼ̈ܥܹܐ ܠܩܵܠ ܚܘܼܕܵܬܼܵܐ ܕܲܦܓܼܪܵܐ ܘܢܲܦ̣ܫܵܐ. 183 :ܫܸܡ ܐܝܼܬܼܘܼܬܼܵܐ ܐܲܠܸܦܘ ܟܠܵܐ ܠܡ̣ܬ ܗܲܓܵܝܼܘܼ 184 ܩܡܘܿܡ̈ܐ ܬܠܵܬܼܵܐ ܕܠܵܐ ܡܸܣܬܲܕܩܝܼܢ ܒܝܲܕܼ ܫܘܼܚܠܵܦܵܐ. 185 :ܣܸܦܪܵܐ ܚܲܕܬܼܵܐ ܟܬܲܒܼܘ ܗܸܕܝܘ̈ܛܹܐ ܠܲܡܠܝܼܠܘܼܬܼܵܐ 186 ܚܲܟܸܿܡܘ ܐܸܢܘܿܢ ܠܡܸܩܪܵܐ ܐܲܒܼܵܐ ܘܲܒܼܪܵܐ ܘܪܘܼܚܵܐ. 187 :ܫܡܵܗܹ̈ܐ ܬܠܵܬܼܵܐ ܟܬܲܒܼܘ ܥܲܠ ܠܘܼܚܹ̈ܐ ܕܪܸ̈ܥܝܵܢܲܝܗܘܿܢ 188 ܚܲܕܼ ܐܝܼܬܼܘܬܼܵܐ ܕܠܲܝܬܼ ܫܘܼܪܵܝܵܐ ܠܐܲܡܝܼܢܘܼܬܹܗ. 189 :ܟܝܵܢܵܐ ܕܲܠܒܸܫ ܦܲܓܼܪܵܐ ܪܫܲܡ̣ܘ ܒܲܕܼ ܝܘܿܬܼܵܐ 190 ܕܢܸܗܘܘܿܢ ܩܵܪܹܝܢ ܡܸܠܬܼܵܐ ܘܦܲܓܼܪܵܐ ܟܲܣܝܵܐ ܒܓܸܠܝܐ. 191 ܕܡܘܼܬܼܵܐ ܕܥܲܒܼܕܵܐ ܘܲܕܼܥܵܒܼܘܿܕܵܐ ܪܫܲܡ̣ܘ ܒܹܝܬܼ ܚܘܼܩܹ̈ܐ: pb. f.53r 192 ܕܢܸܚܙܹܐ ܟܠܢܵܫ ܨܠܸܡ ܟܲܣܝܘܼܬܼܵܐ ܒܪܸ̈ܓܼܫܹܐ ܓ̈ܠܝܐ. 193 :ܐܲܠܵܗܘܼܬܼܵܐ ܥܲܡ ܐ̄ܢܵܫܘܼܬܼܵܐ ܙܡܲܪܘ ܩܵܠܲܝ̈ܗܘܿܢ 194 ܘܚܲܕܝܼ ܙܡܲܪܗܘܿܢ ܠܪ̈ܘܼܚܵܢܵܝܹܐ ܘܦܓܪ̈ܢܝܐ. 195 :ܒܲܪ ܐܝܼܬܼܘܼܬܼܵܐ ܘܒܲܪ ܐ̄ܢܵܫܘܼܬܼܵܐ ܩܪܵܘ ܚܲܕ ܝܲܠܕܵܐ 196 ܚܲܕ ܡ̣ܢ ܪܵܘܡܵܐ ܘܚܲܕ ܡ̣ܢ ܥܘܼܡܩܵܐ ܡܸܠܬܼܵܐ ܘܲܦܓܼܪܵܐ. 197 :ܟܲܣܝܵܐ ܘܓܲܠܝܵܐ ܐܲܟܼܪܸܙܘ ܘܐܲܠܸܦܘ ܠܲܒܼܢܲܝ̈ܢܵܫܵܐ 198 ܕܢܸܩܢܘܿܢ ܣܲܒܼܪܵܐ ܒܡܸܬܼܚܲܙܝܵܢܵܐ ܨܝܕܼ ܐܝܼܬܼܘܼܬܼܵܐ. 199 :ܒܲܦܝ̈ [ܒ]ܦܲܓܼܪܵܐ ܬܲܪܥܵܐ ܬܲܚܸܡܘ ܪܸ̈ܓܼܫܹܐ ܘܙܵܘܥܹ̈ܐ 200 ܕܠܵܐ ܢܫܸܬܲܚܩܘܢ ܒܲܒܼܥܵܬܼ ܟܲܣܝܵܐ ܕܠܵܐ ܡܸܬܼܕܲܪܟܿܐ. 201 :ܦܓܼܪܢܘܼܬܼܵܐ ܠܒܸܕܘ ܒܐܝܼܕܲܝ̈ܗܘܿܢ ܐܲܝܟ ܡܲܚܙܝܼܬܼܵܐ 202 ܘܚܵܘܝܼܘ ܠܥܵܠܡܵܐ ܚܹܝܠ ܟܣܝܘܼܬܼܵܐ ܒܪܸ̈ܓܼܫܹܐ ܓ̈ܠܝܼܵܐ. 203 :ܫܸܡ ܐܲܠܵܗܵܐ ܨܵܪܘ ܥܲܠ ܕܲܦܵܐ ܦܓܼܪܢܝܐ 204 ܘܲܠܒܲܪܢܵܫܵܐ ܟܲܢܝܘܼܗܝ ܒܲܫܡܵܐ ܐܲܠܗ̇ܝܵܐ. 205 :ܐܲܠܵܗ ܒܲܪܢܵܫ ܩܪܵܘ ܠܐܝܼܬܼܘܼܬܼܵܐ ܘܲܠܐܢܵܫܘܼܬܼܵܐ 206 ܒܪܵܐ ܕܐܲܠܵܗܵܐ ܕܥܡ݂ܲܪ ܚܘܼܒܹܗܒܢܵܘܣܵܬ ܕܦܲܓܼܪܲܢ. 207 :ܪܘܼܚܵܐ ܟܲܣܝܵܐ ܓܠ̣ܵܐ ܠܗܘܿܢ ܐܪ̈ܵܙܹܐ ܕܣܬܼܝܼ̈ܬܼܵܐ 208 ܘܐܲܗܕܓܼܝܘ ܐܸܢܘܿܢ ܬܲܪ̈ܬܹܿܝܢ ܕܲܡܘ̈ܵܢ ܚܲܕܲܦܪܨܘܿܦܵܐ. 209 :ܗܘ̤ܝܘܼ ܓܠ̣ܵܐ ܠܗܘܿܢ ܐܪ̈ܵܙܹܐ ܟܣ̈ܝܵܐ ܕܠܵܐ ܝܵܕܼܥܝܼܢ ܗ̄ܘ̣ܵܘ 210 ܘܚܲܟܸܿܡ ܐܸܢܘܿܢ ܕܐܝܟܲܢ ܢܵܘܕܘܢ ܡܸܠܬܼܵܐ ܘܦܲܓܼܪܵܐ. 211 :ܟܝܢ̈ܐ ܦܲܪܸܫܘ ܚܲܕ ܡ̣ܢ ܚܲܒܸܪܹܗ ܐܲܝܟ ܕܐܝܼܬܲܝܗܘܿܢ 212 ܕܠܵܐ ܢܸܬܼܒܲܨܪ ܟܝܵܢ ܐܝܼܬܼܘܼܬܼܵܐ ܒܦܲܓܼܪܲܢ ܕܲܠܒܸܫ. 213 :ܠܟܹܠ ܚܲܕ ܡܸܢܗܘܿܢ ܙܲܕܸܩܘ ܝܲܗܒ̣ܘ ܠܹܗ ܗܵܘ̇ ܡܵܐ ܕܲܩܢܹܐ 214 ܕܢܹܐܠܲܦ ܟܠܢܵܫ ܕܠܵܐ ܡܼܬܼܡܲܙܲܓܼ ܐܝܼܬܼܝܵܐ ܒܦܲܓܼܪܲܢ. 215 :ܠܐܝܼܬܼܝܵܐ ܝܲܗܒ̣ܘ ܠܹܗ ܓܠܝܼܙܘܼܬܼ ܡ̣ܢ ܟܠ [ܐܲܝܟ] ܕܲܦܐܹܐ ܠܹܗ 216 ܘܦܲܓܼܪܵܐ ܩܪ̣ܵܐܘܼܗܝ ܡܸܬܼܚܲܙܝܵܢܵܐ ܐܲܝܟ ܡܵܐ ܕܐܝܼܬܼܵܘܗܝ. 217 :ܠܠܵܐ ܚܵܫܘܿܫܵܐ ܥܲܠܝܼܘ ܘܣ̇ܡܘܼܗܝ ܠܥܸܠ ܡ̣ܢ ܚܲܫܹ̈ܐ 218 :ܘܲܠܡܵܝܘܿܬܼܵܐ ܟܲܣܝܘܼܗܝ ܒܢܲܚܬܿܐ ܕܡܵܝܘܿܬܼܘܬܼܵܐ 219 :ܦܲܪܸܫܘ ܘܐܲܫܘܝܼܘ ܡܸܛܠ ܬܲܪܬܹܝܢ ܐܲܝܟ ܝܵܕܘ̈ܥܹܐ 220 ܕܠܵܐ ܢܸܬܿܕܵܘܕܘܢ ܪ̈ܵܕܝܲܝ ܒܐܘܼܪܚܵܐ ܕܦܸܬܼܓܼܵܡܲܝ̈ܗܘܿܢ. 221 :ܩܲܢܝܼܛܝܼܢ ܗ̄ܘ̣ܵܘ ܕܕܲܠܡܵܐ ܢܲܛܥܹܐ ܐܢܵܫ ܡ̣ܢ ܩܘܼܫܬܵܐ 222 ܘܢܸܚܣܲܪ ܪܲܗܛܵܐ ܪܲܗܛܵܐ ܪܲܓܼܡܝܼܪܘܼܬܼܵܐ ܕܫܸܡ ܒܵܪܘܿܝܵܐ. 223 :ܝܲܨܝܼܦܝܼܢ ܗ̄ܘ̣ܵܘ ܕܦܘܼܠܚܵܢ ܚܲܝܹ̈ܐ ܪ̈ܘܼܚܵܢܵܝܹܐ 224 ܕܲܕܠܡܵܐ ܢܸܐܥܹܐ ܝܲܥܪܵܐ ܕܛܘܼܥܝܲܝ ܒܙܲܪܥܵܐ ܛܵܒܼܵܐ. 225 :ܙܗܝܼܪܝܼܢ ܗ̄ܘ̣ܵܘ ܛܵܒܼ ܒܒܸܢܝܵܢ ܚܘܼܒܵܐ ܘܗܲܝܡܢܘܼܬܼܵܐ 226 ܕܕܲܠܡܵܐ ܢܒܼܢܘܿܢ ܦܥ̈ܠܹܐ ܢܟܼܝܼ̈ܠܹܐ ܥܡܝܼܪܵܐ ܘܚܲܒܬܼܵܐ. 227 :ܒܥܲܝܢܵܐ ܟܣܝܼܬܼܵܐ ܡܸܬܼܒܲܩܝܢ ܗ̄ܘ̣ܵܘ ܒܲܥܬܼܕ̈ܬܼܵܐ 228 ܕܗܵܘܹ̇ܝܢ ܐ̄ܢܵܫ̈ܐ ܣܬܪ̈ܝ ܩܘܼܫܬܵܐ ܘܒܲܢܝܲܝ̈ ܙܹܐܦܵܐܘ 229 :ܓܲܠܝܵܐ ܗ̄ܘ̣ܵܬܼ ܠܗܘܿܢ ܕܠܵܒܼܫܝܼ̇ܢ ܕܹܐܒܹ̈ܐ ܕܘܿܡܝܵܐ ܕܥܪ̈ܒܹܐ 230 ܘܡܢܟܿܬܝܼܢ ܠܵܗ̇ ܠܵܠܢ̈ܐ ܕܐܢܵܫ̈ܐ ܒܐܸܣܟܹܝܡ̈ܝܗܘܿܢ. 231 :ܒܒܼܝܼܫܘܼܬܼ ܝܲܨܪܵܐ ܕܗܲܪ̈ܵܛܝܼܩܹܐ ܡܸܬܼܒܲܩܝܼܢ ܗ̄ܘ̣ܵܘ 232 ܕܡܸܬܠܲܝܼܚܝܼܢ ܠܹܗ ܠܢܲܚܬܿܐ ܦܲܐܝܵܐ ܕܗܲܝܡܵܢܘܼܬܼܵܐ. 233 :ܚܙ̣ܸܵܘ ܕܲܥܬܼܝܼܕܼܝܼܢ ܐܢܵܫܵܐ ܠܡܸܛܠܲܡ ܦܲܓܼܪܵܐ ܕܡܸܢܲܢ 234 ܘܩܕܡ ܥܲܩܪܘܼܗܝ ܠܝܲܥܪܵܐ ܣܲܝܢܵܐ ܕܪܸ̈ܥܝܵܢܲܝܗܘܿܢ. 235 :ܫܸܡ ܐܢܵܫܘܼܬܼܵܐ ܙܪܲܥ̣ܘ ܩܲܕܼܡܵܝܲ[ܐ]ܬܼ ܒܐܸܕܢܲܝ̈ ܐܢܵܫܵܐ 236 ܘܐܲܢܸܢ ܘܒܲ[...]ܘ ܥܲܠ ܐܝܼܬܼܘܼܬܼܵܐ ܕܟܲܣܝܵܐ ܡ̣ܢ ܟܠ. 237 :ܚܲܟܿܝܼܡܵܐܝܼܬܼ ܝܼܠܸܦ ܫܪܵܪܵܐ ܓܲܠܝܵܐ 238 ܨܒܼܝܵܢ ܟܲܣܝܵܐ ܘܲܗܲܝܟܲܠ ܦܲܓܼܪܵܐ ܬܪܹܝܬ ܕܲܗܘ̤ܵܘ ܚܲܕܼ. 239 :ܡ̣ܢ ܫܝܼܛܵܬܼ̈ܐ ܠܲܫܒܼܝܼܚ̈ܬܼܵܐ ܕܲܪܲܓܼܘ ܐܸܢܘܿܢ 240 ܕܵܗܟܲܢ ܦܩܸܕ ܛܲܟܼܣܵܐ ܬܲܩܢܵܐ ܠܲܐܝܢܵܐ ܕܡܲܠܸܦ. 241 :ܦܲܓܼܪܵܢܘܼܬܼܵܐ ܐܲܫܩܝܼܘ ܐܢܵܫ̈ܐ ܒܲܕܼ ܡܘܼܬܼ ܚܲܠܒܼܵܐ 242 ܘܐܲܟܼܢ ܩܲܪܸܒܼܘܿ ܐܘܼܟܼܠܵܐ ܕܡܝܼܪܵܐ ܕܐܲܠܗܘܼܬܼܵܐ. 243 ܗܵܠܹܝܢ ܢܸܫܫܹ̈ܐ ܦܪܲܣ̣ ܒܲܒܼܪܝܼܬܼܵܐ ܨܝܼܕܲܝ̈ ܢܘܼܢܹ̈ܐ: pb. f.53v 244 :ܘܚܲܒܼܫܘܼܗܝ ܠܥܵܠܡܵܐ ܒܲܡܨܝܼܪ̈ܵܬܼܵܐ ܕܦܸܬܵܓܼܡܲܝ̈ܗܘܿܢ 245 :ܒܗܵܠܹܝܢ ܦܘܼܪ̈ܣܹܐ ܦܠܵܚܘܼܗ̇ ܠܲܐܪܥܵܐ ܡܲܠܝܼܬܼ ܟܘܼܒܹ̈ܐ 246 ܘܐܵܘܥܝܼ ܥܘܼܒܵܗ̇ ܦܹܐܪܹ̈ܐ ܕܫܘܼܒܼܚܵܐ ܠܲܡܬܿ ܩܢܵܢܹܗ. 247 :ܗܵܠܹܝܢ ܡܸ̈ܠܹܐ ܙܪܲܥ̣ܘ ܐܲܟܵܪܹ̈ܐ ܪ̈ܘܼܚܵܢܵܝܹܐ 248 ܘܲܫܘ݂ܲܚ ܕܲܪܥܵܐ ܕܗܲܝܡܵܢܘܼܬܼܗܘܿܢ ܒܐܲܪܥܵܐ ܕܐ̄ܢܵܫ̈ܐ. 249 :ܗܵܕܹܐ ܐܘܼܪܚܵܐ ܕܪܲܫ̣ܘ ܗ̣̄ܕܼܝܹ̈ܐܐ ܕܗܲܝܡ̇ܢܘܼܬܼܵܐ 250 ܘܫܲܪܝܼܘ ܪܵܕܹܝ̇ܢ ܥܝܼܪܹ̈ܐ ܘܐ̄ܢܵܫܵܐ ܠܘܼܥܕܵܐ ܕܫܝܢܵܐ. 251 :ܒܗܵܠܹܝܢ ܩܵܠܹ̈ܐ ܫܲܝܸܢܘ ܐܢܵܫ̈ܐ ܥܲܡ ܪ̈ܘܼܚܵܢܹܐ 252 ܘܐܲܥܢܝܼܘ ܐܸܢܘܿܢ ܒܗܲܪܓܵܐ ܛܵܒܼܵܐ ܕܪܸܥܝܵܢ ܚܲܝܹ̈ܐ. 253 :ܒܗܵܢܵܐ ܚܝܲܠܵܐ ܚܣ݂ܲܢܘ ܬܲܟܼܬܘܼܫܵܐ ܕܥܲܡ ܣܵܛܵܢܵܐ 254 ܘܦܲܪܹܣܝܼܘ ܐܕ̈ܙܹܐ ܕܐܲܠܸܦܘ ܫܹܐܕ̈ܐ ܠܲܒܼܢܝ̈ܫܐ. 255 :ܒܗܢ ܥܘܼܕܢܐ ܢܲܨܚ̣ܘ ܘܐܸܬܼܟܼܠܵܠܘ ܒܟܸܣܝܵܐ ܘܓܸܠܝܵܐ 256 ܘܲܩܓܵܘ ܕܲܪܓܼܵܐ ܕܪܲܒܵܢܘܼܬܼܵܐ ܒܲܬܼܪܹܝܬ ܥܵܠܡܹ̈ܐ. 257 :ܫܸܡ ܒܵܪܘܿܝܵܐ ܠܒܸܫܘ ܐܲܝܟ ܙܲܝܢܵܐ ܘܐܲܩܪܸܒܼܘ ܥܲܡ ܟܠ 258 ܘܲܡܕܸܕܘ ܪܵܘܡܵܐ ܘܟܼܠܡܵܐ ܕܐܝܬܼܵܘܗܝ ܠܘܼܩܒܲܠ ܫܘܼܬܼܵܐ. 259 :ܚܙܩ̣ܘ ܙܵܘܥܝ̈ܗܘܢ ܥܲܡ ܦܲܓܼܪ̈ܝܗܘܢ ܠܟܼܠ ܐܬܪ̈ܘܢ 260 ܘܐܲܣܝ̣ܘ ܟܹܐܒܹ̈ܐ ܘܢܲܚܡܘ ܡܝܼܬܹ̈ܐ ܘܲܪܕܲܦܘ ܕܲܝܘܹ̈ܐ. 261 :ܦܲܠܸܓܼܘ ܥܲܡܡܹ̈ܐ ܘܲܡܕܼܝܼܢ̈̇ܬܼܵܐ ܠܦܘܼܠܚܵܢܲܝ̈ܗܘܿܢ 262 :ܕܟܼܠ ܚܲܕܼ ܡܸܢܗܘܿܢ ܢܚܵܘܹܐ ܒܘܼܩܝܹܗ ܒܝܲܕܼ ܣܘܼܪ̈ܵܢܹܐ 263 :ܚܙܩ̣ܘ ܥܲܠ ܬܸܢܘܲܝ ܕܗܵܝ̇ ܒܲܪܬܼܩܵܠܵܐ ܕܲܓܼܒܼܵܬ̤ ܐܸܢܘܿܢ 264 ܕܗܵܐ ܠܲܡ ܐܸܢܵܐ ܐܝܼܬܲܝ̇ ܥܲܡܟܼܘܿܢ ܥܕܡܐ ܠܥܵܠܲܡ. 265 :ܫܸܡܥܘܿܢ ܐܲܟܼܪܸܙ ܒܹܝܬܼ ܪ̈ܗܘܿܟܵܝܵܐ ܣܒܲܪܬܼܵܐ ܚܕܲܬܵܐ 266 ܐܲܠܵܗܘܼܬܼܵܐ ܕܠܸܒܼܫܲܬ̤ ܦܲܓܼܪܵܐ ܕܲܬܼܚܵܐ ܠܟܼܠܵܐ. 267 :ܨܐܵܕܸ̇ ܢܘܼܢܹ̈ܐ ܢܦܲܩ̣ ܩܲܕܼܡܝܑܼܬܼ ܕܲܢܨܘܼܕ ܥܲܡܡܹ̈ܐ 268 ܐܪܡܝܲ ܡܨܝܼܕܬܹܗ ܘܨܵܕܵܗ̇ ܠܐܸܡܵܐ ܕܲܡܕܼ̈ܝܼܢܬܼܵܐ. 269 :ܪܫ ܬܲܠܡܝܼ̈ܕܐ ܨܵܕܼ ܠܲܡܕܝܼܢܬܵܐ ܕܪܫܵܢܘܼܬܼܵܐ 270 ܘܐܲܥܸܠ ܚܲܒܼܫܵܗ̇ ܠܓܼܵܘ ܡ̣ܢ ܚܸܣܢܹ̈ܐ ܕܗܲܝܡܵܢܘܼܬܼܵܐ. 271 :ܒܘܼܟܼܪܵܐ ܕܒܲܒܲܪ ܘܐܵܘܕܼܝܼ ܒܲܒܼܪܵܐ ܕܒܲܪ ܐܲܠܵܗܵܐ ܗ̄ܘ̣ 272 ܗܘ̤ ܩܲܕܼܡܵܝܑܼܬܼ ܩܲܪܸܒܼ ܕܸܒܼܚܹ̈ܐ ܕܦܘܼܢܵܝ ܥܲܡܡܹ̈ܐ. 273 :ܣܵܡ̣ ܬܵܘܕܝܼܬܹܗ ܒܲܕܼ ܡܘܼܬܼ ܟܹܐܦܵܐ ܒܫܘܼܪܵܝ ܒܲܝܬܿܐ 274 :ܘܲܒ̣ܢܵܐ ܘܫܲܟܼܠܸܠ ܥܲܡܡܹ̈ܐ ܠܝܼܓܹ̈ܐ ܒܥܲܪ̈ܩܹܐ ܕܚܘܼܒܵܐ 275 :ܟܠ̣ܵܐ ܒܵܗ̇ ܒܪ ܗ̄ܘܿܡܹܐ ܘܙܵܥ̣ܘ ܒܸܢܝܵܢܹ̈ܐ ܕܲܦܬܲܟܼܪܘܼܬܼܵܐ 276 ܘܢܸܦܠܲܬ̤ ܛܘܼܥܝܲܝ ܕܨܲܒܸܬܘ ܫܹܕܹ̈ܐ ܠܒܸܢܝܵܢ ܙܹܦܵܐ. 277 :ܙܵܥ̣ܘ ܡ̣ܢ ܩܵܠܹܗ ܫܹܐܕܹ̈ܐ ܘܐ̄ܢܵܫ̈ܐ ܦܲܠܚܲܝ̈ ܫܹ̈ܐܕܹܐ 278 ܘܫܵܛ̣ܘ ܠܦܘܼܠܚܵܢܵܐ ܕܫܸܡ ܐܲܠܵܗܹ̈ܐ ܘܝܲܩ̣ܪܘ ܩܘܼܫܬܵܐ. 279 :ܐܵܦ ܝܘܿܚܲܢܵܢ ܢܚܸܡ ܩܵܠܹܗ ܠܐܲܦܸܣ̈ܝܹܐ 280 ܐܲܝܟ ܕܡ̣ܢ ܫܸܢܬܼܵܐ ܐܲܥܝܼܪܘ ܐܸܢܘܿܢ ܠܦܘܼܠܚܵܢ ܚܲܝܹ̈ܐ. 281 :ܒܲܕ ܡܘܼܬܼܪܲܥܡܵܐ ܗܘ̤ܵܬܼ ܒܲܪܬܼ ܩܵܠܹܗ ܒܐܲܪܥܵܐ ܥܩܲܪܬܵܐ 282 ܘܵܪܓܝܗ̇ ܠܥܘܼܒܵܐ ܒܡܸܛܪܵܐ ܚܝܐ ܕܡܠܬ̤ ܦܘܼܡܹܗ. 283 :ܐܲܪܡܝܼ ܒܵܓܼܵܘܗ̇ ܙܲܪܥܵܐ ܛܵܒܼܵܐ ܕܗܲܝܡܵܢܘܼܬܼܵܐ 284 ܒܝܲܕ ܣܘܼܥܪ̈ܵܢܹܐ ܓܲܡܪܹܐ ܠܲܫܡܵܐ ܕܐܸܬܼܟܲܢܝܼ ܒܹܗ. 285 :ܘܐܲܫ̣ܡܲܥ ܩܵܠܵܐ ܕܕܼܵܪ ܘܿܙܘܼܬܹܗ ܒܲܕܼܡܘܼܬܼ ܪܲܥܡܵܐ 286 ܒܪܲ ܥܡܵܐ ܕܩܵܠܹܗ ܢܲܚܸܡ ܡܝܼ̈ܬܹܐ ܕܡܝܼܬܼ ܒܲܚܛܝܼܬܼܵܐ. 287 :ܘܚܵܘܝܼ ܐܸܢܘܿܢ ܐܘܼܪܚܵܐ ܚܕܲܬܵܐ ܕܚܲܝܲܬܼ ܡܝܼ̈ܬܹ̈ܐ 288 ܡܲܬܼܝ ܐܲܠܸܦ ܒܹܝܬܼ ܥܸܠܼܪ̈ܝܹܐ ܬܠܝܼܬܼܵܝܘܼܬܼܵܐ. 289 :ܘܚܲܬܸܡ ܩ̈ܠܹܐ ܕܲܢܒܼܝܼܘܼܬܼܵܐ ܒܟܼܪܵܘܿܙܘܼܬܼܵܐ 290 ܫܲܪܲܪ ܐܢܘܿܢ ܒܝܲܕ ܡܘܼܠܟ̈ܢܹܐ ܕܲܠܘܵܬܼ ܟܹܐܢܹ̈ܐ. 291 :ܘܐܵܘܕܲܥܘ ܐܸܢܘܿܢ ܕܲܫܠܸܡܘ ܐ̄ܪ̈ܙܹܐ ܘܲܕܼܢܲܚ̣ ܩܘܼܫܬܵܐ 292 :ܚܲܕܝܹܗ ܠܐܲܒܼܪܵܡ ܕܲܗܘ̤ܵܘ ܥܲܡܡܹ̈ܐ ܐ̄ܚܢܹ̈ܐ ܕܚܘܼܒܹܗ 293 ܘܐܲܦܲܨܚ ܠܕܵܘܝܼܕܼ ܕܩܵܡ̣ ܡ̣ܢ ܙܲܪܥܹܗ ܡܲܠܟܵܐ ܕܲܟܼܬܼܝܼܒܼ. 294 :ܐܲܟ̇ܬܸܒܼ ܒܲܛܢܹܗ ܕܲܗܘ̤ܵܐ ܒܪܘܼܚܵܐ ܕܠܵܐ ܙܘܼܘܵܓܼܵܐ 295 ܘܐܲܝܟ ܥܸܩܪܵܐ ܫܘܲܚ̣ ܡ̣ܢ ܐܲܪܥܵܐ ܨܗܘܼܬܼܵܐ ܡܲܪܝܲܡ. pb. f.54r 296 :ܒܗܲܢܟܲܠ ܦܲܓܼܪܵܐ ܚܵܘܝܼ ܕܲܥܡܲܪ ܨܒܼܝܵܢ ܟܲܣܝܵܐ 297 ܘܲܩܪ̣ܵܝܗܝ ܒܲܫܡܵܐ ܒܲܪ ܐܲܗܵܠܵܐ ܕܥܸܠܝ ܡ̣ܢ ܟܠ. 298 :ܠܗܵܢܵܐ ܢܝܼܫܵܐ ܫܠܸܡ ܐܵܦ ܠܘܼܩܵܐ ܐܵܣܝܵܐ ܕܪܘܼܚܵܐ 299 ܘܐܲܝܟ ܕܲܒܼܣܲܡܵܐ ܐܲܣܝܼ ܒܡܸܠܵܘ̈ܗܝ ܠܐܵܓܸܒܼ̈ܛܵܝܹܐ. 300 :ܐܵܣܝܵܐ ܡܗܝܼܪܵܐ ܐܹܫܬܲܕܲܪ ܗ̄ܘ̣ܵܐ ܠܥܲܡܵܐ ܟܪܝܼܗ̄ܐ 301 ܕܢܸܥܨܘܿܒܼ ܟܹܐܒܼܵܘ̈ܗܝ ܒܝܲܕܼ ܣܲܡ̣ܡܵܢܹ̈ܐ ܐܲܠܵܗܹ̈ܝܐ. 302 :ܒܫܸܩ ܐܸܠܵܗܵܐ ܣܲܥܪܹܗ ܒܲܪ ܫܹܝܡ ܠܒܲܪ ܚܵܡ ܥܲܒܼܕܵܐ 303 ܘܣܡ ܠܹܗ ܣܲܡܵܐ ܕܚܹܐܪܘܼܬܼ ܢܲܦ̣ܫܵܐ ܥܲܠ ܪܸܥܝܵܢܹܗ. 304 :ܒܟܹܐܒܼܵܐ ܕܥܵܘܠܵܐ ܪܡܹܐ ܗ̄ܘ̣ܵܐ ܙܲܪܥܹܗ ܕܚܵܡ ܡܲܪܵܚܵܐ 305 ܘܥܲܠ ܥܸܒܼܪܵܝܵܐ ܘܥܲܨܒܹܗ ܒܪܘܼܚܵܐ ܘܟܲܣܝܼ ܥܵܘܠܹܗ. 306 :ܫܪܝܗܝ̣ ܡ̣ܢ ܢܝܼܪܵܐ ܕܥܲܒܼܕܘܼܬܼ ܥܵܘܠܵܐ ܕܲܒܝܼܠܵܘ̈ܛܵܬܼܵܐ 307 ܘܛܲܒܼܥܹܗ ܒܪܘܚܵܐ ܕܢܸܗܘܹܐ ܡܲܦܠܲܝܝ ܠܡܲܠܟܵܐ ܕܪܵܘܡܵܐ. 308 :ܦܐܹܐ ܗ̄ܘ̣ܵܐ ܩܵܠܹ̈ܐ [ܟܲܕ ܩܵܥܹ̇ܐ ܗ̄ܘ̣ܵܐ ܒܐܲܪܥܵܐ ܕܡܸܨܪܹܝܢ 309 :ܘܲܡܫܲܬܸܩ ܗ̄ܘ̣ܵܐ ܩܵܠܹ̈ܐ] ܕܛܘܼܥܝܲܝ ܒܟܼܵܪܘܿܙܘܼܬܼܵܐ 310 :ܪܲܒ ܗ̄ܘ̣ܵܐ ܢܒܼܓܵܐ ܕܡܸܠܲܬܼ ܦܲܘܡܹܗ ܛܵܒܼ ܡ̣ܢ ܓܝܼܚܘܿܢ 311 ܘܲܡܝܲܬܿܪܝܼܢ ܗ̄ܘ̣ܵܘ ܙܵܘܥܲܝ̈ ܢܦ݂ܲܫܹܗ ܡ̣ܢ ܫܲܬܿܝܼܩܹ̈ܐ. 312 :ܕܚܝܼܠ ܗ̄ܘ̣ܵܐ ܩܵܠܹܗ ܥܲܠ ܡܸܨܪ̈ܝܹܐ ܛܵܒܼ ܡ̣ܢ ܓܝܼܚܘܿܢ 313 ܘܲܡܝܲܬܿܪܝܼܢ ܗ̄ܘ̣ܵܘ ܚܪܘܕ̈ܐ ܕܥܲܡܹܗ ܡ̣ܢ ܝܼܣܪܵܝܹܠ. 314 :ܡܘܼܫܹܐ ܚܪܲܪ ܘܐܲܗܦܸܟ ܥܲܡܹܗ ܕܡܝܼܬܼ ܒܲܚܛܝܼܬܼܵܐ 315 ܘܠܘܼܩܵܐ ܚܲܪܲܪ ܘܐܲܗܦܸܟ ܥܲܡܹܗ ܒܣܲܒܼܪܵܐ ܘܚܲܝܹ̈ܐ. 316 :ܚܪ̈ܘܼܪܹܐ ܘܚܲܝܹ̈ܐ ܡܠ݂ܲܟ ܥܸܒܼܪܵܝܵܐ ܠܲܒܲܢܲܝ̈ ܓܸܢܣܹܗ 317 ܘܐܸܫܬܵܘܕܝܼ ܠܗܘܿܢ ܩܝܵܡܬܵܐ ܕܦܲܓܼܪܵܐ ܘܦܘܼܪܩܵܢ ܢܲܦ̣ܫܵܐ. 318 :ܡܵܪܩܘܿܣ ܪܲܒܿܝܼ ܙܲܪܥܵܐ ܕܲ[...]ܕܲܥ ܟܹܐܦܵܐ ܒܪ̈ܗܘܿܡܹܐ 319 ܘܐܲܫܩܝܼ ܒܡܸܠܵܘ̈ܗܝ ܚܲܠܝܘܼܬܼ ܩ̈ܠܐ ܠܦܹܐܪܹ̈ܐ ܡ̈ܠܝܼܠܹܐ. 320 :ܒܢ̣ܵܐ ܝܘܼܠܦܵܢܹܗ ܥܲܠ ܬܵܘܕܝܼܬܼܵܐ ܕܟܹܐܦܵܐ ܓܒܼܝܼܬܼܵܐ 321 ܘܠܵܐ ܐܸܬܼܪܲܦܝܼ ܡ̣ܢ ܡܲܚܫܘܼ̈ܠܹܐ ܕܪܚܵܐ ܕܛܘܼܥܝܲܝ. 322 :ܕܢܚ̣ ܐܲܝܟ ܫܸܡܡܵܐ ܫܪܵܪܵܐ ܕܡܸܠܵܘ̈ܗܝ ܒܹܝܬܼ ܪ̈ܗܘܿܡܵܝܹܐ 323 ܘܪܲܕܼܦܹܗ ܠܚܸܫܟܿܐ ܕܚܲܪܵܫܘܼܬܼܵܐ ܕܐܲܠܸܦ ܣܝܼܡܘܿܢ 324 :ܦܪܲܣܝܼ ܘܲܓܼܠ̣ܵܗ̇ ܠܐܘܼܡܵܢܘܼܬܹܗ ܕܗܵܘ̇ ܙܹܐܦܵܢܵܐ 325 ܘܦܲܟܿܗܵܗ̇ ܠܡܸܪܬܹܗ ܒܫܸܡ ܚܲܠܝܘܼܬܼܵܐ ܕܲܫܡܹܗ ܕܝܼܫܘܿܥ. 326 :ܥܩܲܪ̣ܙܝܼܙܵ ܢܵܘ̈ܗܝ ܘܕܲܟܿܝܼ ܝܲܥܪܵܐ ܕܡܲܘܼܬܹܗ 327 ܘܲܙܪ̣ܥ ܒܐ̄ܢܵܫ̈ܐ ܙܲܪܥܵܐ ܛܵܒܼܵܐ ܕܗܝܼܡܵܢܘܼܬܹܗ. 328 :ܒܗܲܝܼܡܢܘܼܬܼܵܐ ܫܲܪܝܼ ܘܫܲܠܸܡ ܒܲܕܡܘܼܬܼ ܚܲܒܼܪ̈ܵܘܗܝ 329 ܘܐܲܩܸܦ ܣܸܦܪܗ ܠܕܼܝܬܹܩܹܐ ܕܲܟܼܢܵܘ̈ܗܝ. 330 :ܒܐܲܪ݁ܒܿܥܵܐ ܣܵܦܪ̈ܐ ܚܲܬܼܡܵܗ̇ ܡܠܟܿܐ ܠܟܼܵܪܘܿܙܘܼܬܹܗ 331 ܘܐܲܪܡܝܼ ܐܝܼܕܼܵܐ ܬ̇ܡܵܢܝܵܐ ܘܫܲܒܼܥܝܼܢ ܒܦܘܼܪܩܵܢ ܥܲܡܡܹ̈ܐ. 332 :ܒܲܕ ܡܘܼܬܼܢܲܚܬܵܐ ܦܪܲܣ̣ ܝܘܼܠܦܵܢܹܗ ܒܐܲܪ̈ܒܲܥܦܸܢܝܵܢ 333 ܘܟܲܣܝܘܼܗܝ ܠܥܵܠܡܵܐ ܥܲܪܛܸܠܵܝܐ ܒܢܲܚܬܵܐ ܕܲܒܡܹܗ. 334 :ܫܡܵܐ ܡܫܝܼܚܵܐ ܠܒ̣ܟܘ ܒܐܕܝ̈ܗܘܢ ܘܒܙܘ ܥܝ̈ܗܘܢ 335 ܘܐܸܢ ܕܲܒܼܛܒܼܢܵܐ ܚܬܲܡܘ ܒܹܗ ܐܢܵܫ̈ܐ ܡ̣ܢ ܢܸܟܼܝܵܢܹ̈ܐ. 336 :ܐܲܝܟ ܚܲܕܼ ܓܘܼܫܡܵܐ ܚܫܲܒ̣ܘ ܠܲܚܕܵܕ̈ܐ ܟܲܕܼ ܣܲܓܝܼܐܝܼ̈ܢ 337 ܘܲܟܼܕܲܢܘ ܚܘܼܒܵܐ ܕܪܸ̈ܥܝܵܢܲܗܘܿܢ ܒܪܹܫܵܐ ܡܫܝܼܚܵܐ. 338 :ܦܐܹܐ ܗ̄ܘ̣ܵܐ ܟܢܘܼܫܝܵܐ ܕܗܲܕܡܲܝ̈ܗܘܿܢ ܕܲܡܫܝܼܚܹ̈ܐ 339 ܘܲܪܓܝܼܓܼ ܗ̄ܘ̣ܵܐ ܛܵܒܼ ܫܡܵܐ ܝܲܩܝܼܪܵܐ ܕܲܠܒܼܝܼܟܼܝܼܢ ܗ̄ܘ̣ܵܘ. 340 :ܒܲܕܼ ܡܘܼܬܼ ܨܲܠܡܵܐ ܨܝܼܪ ܗ̄ܘ̣ܵܐ ܡܫܝܼܚܵܐ ܩܕܼܵܡ ܡܲܕܥܗܘܿܢ 341 ܘܲܚܬܿ ܝܼܪܝܼܢ ܗ̄ܘ̣ܵܘ ܒܛܼܒܼܥܵܐ ܕܲܫܡܹܗ ܐܲܝܟ ܕܲܒܼܬܼܵܓܼܵܐ. 342 :ܠܲܝܬܿ ܗ̄ܘ̣ܵܐ ܡܸܕܹܡ ܥܲܝܢ̈ܝܗܘܿܢ ܐܸܠܵܐ ܡܫܝܼܚܵܐ 343 ܘܒܹܗ ܡܲܩܲܬܼ ܗ̄ܘ̣ܵܐ ܚܝܵܪܐ ܟܲܣܝܵܐ ܕܪܸ̈ܥܝܵܢܲܝܗܘܿܢ. 344 :ܠܵܐ ܚܫܝܼܒܼ ܗ̄ܘ̣ܵܐ ܠܗܘܿܢ ܕܐܝܼܬܼܵܘܗܝ ܡܸܕܹܡ ܥܘܼܡܪܵܐ ܕܙܲܒܼܢܵܐ 345 ܘܠܵܐ ܪܵܢܹܝ̇ܢ ܗ̄ܘ̣ܵܘ ܕܐܝܼܬܼ ܝܘܼܬܼܪܵܢܵܐ ܒܐܲܪ̈ܥܝܵܬܼܵܐ. pb. f.54v 346 :ܦܵܘܠܘܿ[ܣ] ܓܲܒܼܝܵܐ ܪܵܚܡܵܐ ܕܡܲܠܟܿܐ ܕܪܵܘܡܵܐ 347 ܕܡܝܼܬܼ ܗ̄ܘ̣ܵܐ ܟܲܕܼܝܲܝ ܘܝܲܝ ܗ̄ܘ̣ܵܐ ܟܲܕܼ ܡܝܼܬܼ ܘܫܝܼܛܘ ܗ̄ܘ̣ܵܐ ܘܲܫܒܼܝܼܝ. 348 :ܡܝܼܬܼ ܗ̄ܘ̣ܵܐ ܠܥܵܠܡܵܐ ܕܠܵܐ ܚ̇ܕܐ ܗ̄ܘ̣ܵܐ ܒܪ̈ܓܼܝܼܓܬܗ 349 ܘܝܲܝ ܗ̄ܘ̣ܵܐ ܒܲܣܒܼܪܵܐ ܕܗܵܘ̇ ܚܘܼܕܵܬܵܐ ܕܗܵܘܹ̇ܐ ܒܪܪܬܼܵܐ. 350 ܠܥܸܢܝܵܢ ܡܵܪܹܗ ܡܸܬܼܝܲܐܲܒܼ ܗ̄ܘ̣ܵܐ ܕܠܵܐ ܣܲܒܼܥܘܼܬܼܵܐ ܘܲܡܣܲܟܹܿܐ 351 ܗ̄ܘ̣ܵܐ ܕܢܚܸܙܝܘܼܗܝ ܒܐܲܦܹ̈ܐ ܕܠܵܐ ܡܲܚܝܼܬܼܵܐ. 352 :ܥܲܡܹܗ ܗܘ̤ܵܐ ܓܹܝܪ ܒܚܲܝܹ̈ܐ ܕܙܒܼܢܵܐ ܐ̄ܪܵܙܢܵܐܝܼܬܼ 353 ܐܸܠܵܐ ܪܓܼܝܼܓܼ ܗ̄ܘ̣ܵܐ ܕܢܸܗܘܹܐ ܥܲܡܹܗ ܒܲܓܼܡܝܼܪܘܼܬܼܵܐ. 354 :ܠܗܵܢ ܥܢܝܵܢܵܐ ܪܚܸܡܘ ܟܵܪ̈ܘܙܹܐ ܕܡܸܠܲܬܼ ܚܲܝܹ̈ܐ 355 ܘܟܲܕܼ ܒܲܐܪܥܵܐ ܗܘ̤ܵܘ ܠܵܘ ܒܐܲܪܥܵܐ ܗܘ̤ܵܘ ܐܸܠܵܐ ܨܹܐܕܵܘܗܝ. 356 :ܡܸܛܠ ܚܘܼܒܹܗ ܫܒܲܩ̣ܘ ܟܠܡܸܕܡ ܘܝܩܪܘ ܚܘܼܒܹܗ 357 ܘܲܗܘ̤ܵܘ ܣܵܗܕܹ̈ܐ ܕܟܼܵܪܘܿܙܘܼܬܹܗ ܨܹܝܕ ܐܢܵܫܘܼܬܼܵܐ. 358 :ܐܲܟܼܪܸܙܘ ܒܲܛܢܹܗ ܘܚܵܘܝܼܘ ܝܠܕܹܗ ܘܬܲܪܒܿܝܬ ܦܲܓܼܪܹܗ 359 ܘܲܪܫܲܡ̣ܘ ܚܲܫܹܗ ܘܨܵܪܘ ܢܘܼܚܵܡܹܗ ܕܩܵܡ ܘܐܸܣܬܲܠܲܩ. 360 ܫܡܲܥ̣ܘ ܒܲܪܬܼ ܩܵܠܵܐ ܕܦܲܩܸܕ ܐܸܢܘܿܢ ܕܬܲܠܡܸܕܼܘ ܘܐܲܥܡܸܕܼܘ. 361 :ܘܲܓܼܡ݂ܲܪܘ ܚܘܼܒܹܗ ܒܚܘܼܒܵܐ ܠܡܸܠܲܬܼ ܦܘܼܡܹܗ ܒܐܸܕܸܢܲܝ̈ ܟܠܢܵܫ 362 :ܢܦܲܩ̣ܘ ܠܲܣܝ̈ܓܼܐ ܘܒܹܝܬܼ ܐܘܼܪ̈ܚܵܬܼܵܐ ܒܵܬܲܪ ܐܢܵܫ̈ܐ 363 :ܘܟܲܢܸܫܘ ܡܲܠ̣ܵܘ ܒܹܝܬܼ ܡܸܫܬܘܼܬܼܵܐ ܛܵܒܹ̈ܐ ܘܒܼܝ̈ܫܹܐ 364 ܐܲܣܡܸܟܼܘ ܐܸܢܘܿܢ ܥܲܠ ܦܵܬܼܘܪܵܐ ܪܘܼܚܵܢܝܵܐ. 365 :ܘܐܲܫܩܝܼܘ ܐܢܘܿܢ ܣܲܡ ܚܲܝܘܼܬܼܵܐ ܒܐܪܵܙܵܐ ܕܕܼܵܡܹ̇ܐ 366 ܒܦܲܓܼܪܵܐ ܘܕܲܡ̇ܐ ܬܲܪܣܝܼܘ ܐܢܘܿܢ ܐܪܵܙܵܢܵܐܝܼܬܼ. 367 :ܕܢܹܐܠܲܦ ܟܠܵܢܵܫ ܕܲܕܦܲܓܼܪܵܢܵܐ ܗܘ̣ ܦܲܓܼܪܑܵ ܘܲܕܼܡܵܐ 368 ܒܐܘܼܟܼܠܵܐ ܕܪܘܼܚܵܐ ܥܲܝܸܕܼܘ ܐܸܡܘܿܢ ܠܥܲܡܡܹ̈ܐ ܝܲܥܢܹ̈ܐ. 369 :ܘܫܵܛ̣ܘ ܡܹܐܛܼܘܼܠܬܼܵܐ ܕܲܦܬܲܟܼܪܘܼܬܼܵܐ ܘܝܲܩܲܪܘ ܩܘܼܫܬܵܐ 370 ܒܐܸܣܛܲܠ ܫܘܼܒܼܚܵܐ ܟܣܲܝܼܘ ܐܸܢܘܿܢ ܠܥܪܪ݁ܛܸܠܵܝܹܐ. 371 :ܘܢܲܟܸܦܘ ܪܲܗܛܵܐ ܕܙܲܠܝܼܠܘܼܬܼܵܐ ܕܕܼܘܼܒܵܪܲܝܗܘܿܢ 372 ܒܣܲܒ̣ܪܵܐ ܘܚܲܝܹ̈ܐ ܫܲܪܲܪ ܐܸܢܘܿܢ ܨܝܕ ܡܘܼܠܟ̈ܢܐ. 373 :ܘܐܲܠܸܦ ܐܸܢܘܿܢ ܕܠܵܐ ܢܸܬܼܪܲܦܘܢ ܒܚܲܫܹ̈ܐ ܕܙܲܒ̣ܢܵܐ 374 :ܡܘܼܠܟܵܢ ܚܲܝܹ̈ܐ ܖܒܥ̣ܘ ܐܲܝܟ ܢܝܼܫܵܐ ܩܕܼܵܡ ܥܲܝܢܲܝ̈ܗܘܿܢ 375 ܕܢܸܗܘܘܿܢ ܚܵܢܹ̇ܝܢ ܒܗܲܝܡܵܢܘܼܬܼܵܐ ܠܘܵܬܼ ܕܲܥܬܼܝܼܕ̈ܢ. 376 :ܒܕܼܘܼܡܝܵܐ ܕܝܼܠܹܗ ܚܲܦܸܛܘ ܐܸܢܘܿܢ ܠܡܡܪܝܘ 377 ܘܗܢܘܢ ܫܪܝܼܘ ܐܲܝܟ ܪ̈ܒܢܐ ܩܕܼܵܡ ܬܲܠܡܝܕ̈ܐ. 378 :ܗܢܘ̣ܢ ܥܠ̣ܘ ܗܵܘ̣ܘ ܠܐ ܓܘܢ ܥܡ̈ܠܐ ܩܕܡ ܐܬܼܠܝܼ̈ܛܐ 379 ܘܗܢ̣ܘܢ ܚܘܝܼܘ ܙܢܝ̈ ܬܲܟܬܘܼܫܵܐ ܠܩܪ̈ܒܬܢܐ. 380 :ܚܵܣܢܘ ܟܠ ܚܝ̈ܠܝܢ ܒܚܝܠ ܥܘܼܕܼܪܵܢܵܐ ܐܲܠܵܗܵܝܵܐ 381 ܘܐܲܩܠܝܼܘ ܘܒܲܣܲܪܘ ܥܲܠ ܫܘܥܠܝܐ ܕܕܝܘ̈ܐ ܘܐܢܫ̈ܐ. 382 :ܫܛ̣ܘ ܠܘܚܡ̈ܐ ܘܕܫ̣ܘ ܠܲܓܼܙܵܡܹ̈ܐ ܕܡܲܠܟܵܐ ܛܪ̈ܘܢܐ 383 ܘܐܲܗܸܠܘ ܘܲܓܼܚܸܟܼܘ ܥܲܠ ܕܝ̈̇ܢܐ ܘܫܘܠܛܢ̈ܝܗܘܿܢ. 384 :ܫܪ̣ܘ ܝܘܠܦܢܐ ܕܟܸܢܼܒܲܬ̤ ܛܘܥܝܲܝ ܒܐܝܼܕܵܐ ܕܐܵܢܵܫ̈ܐ 385 ܘܲܟܼܬܲܒܼܘ ܣܦܪ̈ܐ ܕܚܲܕܼ ܝܘܠܦܵܢܵܐ ܕܐܲܠܵܗ ܟܠܵܐ. 386 :ܦܐܹܐ ܗ̄ܘ̣ܵܐ ܩܵܠܗܘܿܢ ܟܲܕܼ ܩܵܥܹ̇ܝܢ ܗ̄ܘ̣ܵܘ ܒܹܝܬܼ ܐܲܪ̈ܥܵܢܹܐ 387 ܐܲܒܼܵܐ ܘܲܒܼܪܵܐ ܘܪܘܼܚܵܐ ܕܩܘܕܼܫܵܐ ܚܕܼܵܐ ܐܝܼܬܼܘܼܬܼܵܐ. 388 :ܪܓܼܝܸܓܼ ܗ̄ܘ̣ܵܐ ܙܵܡܪܵܐ ܕܟܸܢܵܕ̈ܝܗܘܿܢ ܪ̈ܘܼܚܵܢܵܝܹܐ 389 ܟܲܕܼ ܙܵܡ̇ܝܪܝܼܢ ܗ̄ܘ̣ܵܘ ܡܸܠܬܐ ܘܦܲܓܼܪܵܐ ܒܪܵܐ ܕܐܲܠܵܗܵܐ. 390 :ܗܲܢܝܼܬܝܼ̈ܢ ܗ̄ܘ̣ܵܘ ܦܸܬܼܓܼܡܲܝ̈ܗܘܿܢ ܠܥܝܼܪܹ̈ܐ ܘܐ̈̄ܢܵܫ̈ܐ 391 ܟܲܕܼ ܙܵܪܥܝܼܢ ܗ̄ܘ̣ܵܘ ܣܒܲܪܬܼܵܐ ܚܕܲܬܐ ܕܥܸܠܲܬܼ ܫܲܝܢܵܐ. 392 :ܥܗܲܪܘ ܗ̄ܘ̣ܵܘ ܟܸܢܫ̈ܐ ܕܫܡܝ̈ܢܐ ܒܚܝܠܐ ܕܲܒܼܗܘܿܢ 393 ܟܲܕܼ ܚܵܣܢܹ̇ܝܢ ܗ̄ܘ̣ܵܘ ܟܠ ܝܘܼܠܦܵܢܝܼ̈ܢ ܒܚܲܝܠܹܗ ܕܝܼܫܘܿܥ. pb. f.55r 394 :ܒܬܲܗܪܵܐ ܩܵܡ̣ܘ ܗ̄ܘ̣ܵܘ ܪ̈ܘܼܚܵܢܵܝܹܐ ܒܐܵܓܼܘܢܲܝ̈ܗܘܿܢ 395 ܕܚܙ̣ܘ ܕܐܲܫܦܸܠ ܥܵܠܡܵܐ ܘܚܝܲܠܹܗ ܡ̣ܢ ܨܲܝܵܪܹ̈ܐ. 396 :ܚܙ̣̰ܵܘ ܕܲܠܒܼܝܼܫܝܼܢ ܟܝܵܢܵܐ ܕܒܸܣܪܵܐ ܡ̣ܬܼܚܲܒܿܠܵܢܵܐ 397 ܘܲܬܼܗܲܪܘ ܣܲܓܿܝܼ ܕܐܲܝܟܲܢ ܙܵܟܹ̇ܝܢ ܠܚܲܫܹ̈ܐ ܕܲܒܼܗܘܿܢ. 398 :ܐܘܒܣܪ̈ܢܐ ܕܫܵܛ̣ܘ ܠܲܟܼܝܵܢܵܐ ܘܠܲܐ ܣܝܼܪܘܼܬܹܗ 399 ܘܚܵܘܝܼܘ ܕܘܼܡܝܵܐ ܕܠܵܐ ܚܵܫܘܿܫܹ̈ܐ ܒܚܵܡܣܵܢܲܝ̈ܗܘܿܢ. 400 :ܐܘ ܐܪ̈ܥܢܐ ܕܲܥܡܲܪ̣ܘ ܒܐܲܪܥܵܐ ܟܪܝܼܗܘܼܬ ܓܘܼܫܡܵܐ 401 ܘܠܵܐ ܐܸܬܼܟܲܬܲܡܘ ܒܟܹܐܒܹ̈ܐ ܣܢ̈ܝܵܐ ܕܲܢܣܝܼܣܘܼܬܹܗ. 402 :ܐܘ ܬܲܓܵܪܹ̈ܐ ܕܼܪܕܼܵܘ ܒܐܘܼܪܚܵܐ ܡܲܠܝܲܬ ܩܸܢܛܵܐ 403 ܘܠܵܐ ܐܸܬܼܚܲܠܲܨܘ ܓܲܙܵܐ ܪܲܒܵܐ ܕܪܸ̈ܥܝܵܢܲܝܗܘܿܢ. 404 :ܐܘ ܡܲܠܵܚܹ̈ܐ ܕܝܼܬܸܒܼܘ ܒܐܸܠܦܵܐ ܒܝܲܡܵܐ ܫܓܼܝܼܫܵܐ 405 ܘܠܵܐ ܐܸܬܼܛܲܒܿܥܲܬ̤ ܗܲܝܡܵܢܘܼܬܼܗܘܿܢ ܒܹܝܬܼ ܡܲܚܫܘܼ̈ ܠܹܐ. 406 :ܐܘܿ ܟܢܪ̈ܐ ܙܡܪ̈ܝ ܠܝܘܿܡ ܬܠܝܼܬܼܵܝܘܼܬܼܵܐ 407 ܕܠܵܐ ܐܸܬܼܦܲܣܲܩ ܪܘܼܟܵܒܼ ܡܸܢܹ̈ܐ ܕܚܘܼܫܵܒܲܝܗܘܿܢ. 408 :ܐܘܿ ܐܲܬܼ̈ܠܹܝܛܹܐ ܐܲܚܕܼܵܝ̈ ܕܲܪܵܐ ܥܲܡ ܚܘܼܬܼܚ̈ܵܬܹܐ 409 ܕܠܵܐ ܩܲܬܼ̈ܝ ܐܝܼܕ̈ܐ ܕܐܲܚܘܿܕܲܝ̈ܗܘܿܢ ܒܗܲܕܼܵܡܲܝ̈ܗܘܿܢ. 410 :ܐܘܿ ܐܲܟܵܪܹ̈ܐ ܙܲܪ̈ܥܲܝ ܚܲܝܹ̈ܐ ܒܹܝܬܼ ܡܵܝܘܿܬܹ̈ܐ 411 ܕܥ̇ܕ ܚܲܢܦܘܼܬܼܵܐ ܝܲܥܪܵܐ ܕܐܲܥܝܼܘ ܫܹܐܕܹ̈ܐ ܒܐܵܢܵܫ̈ܐ. 412 :ܐܘܿ ܬܲܡܝܼܕܹ̈ܐ ܢܵܛܪ̈ܲܝ ܚܘܼܒܵܐ ܕܪܲܒܵܐ ܡܫܝܼܚܵܐ 413 ܕܠܵܐ ܐܸܬܼܪܲܦܝܼ ܚܵܙܘܵܐ ܕܚܘܼܒܗܘܿܢ ܡ̣ܢ ܨܹܝܕܼ ܡܵܪܪܗܘܿܢ. 414 ܒܨܝܼܪ ܗ̄ܘ̣ ܚܘܼܒܵܐ ܕܢܸܬܼܢܹܐ ܫܲܪܒܵܐ ܕܪܸ̈ܥܝܵܢܲܝܟܿܘܿܢ 415 ܘܠܵܐ ܡܨܹܐ ܗܵܘܢܵܐ ܕܲܢܨܘܿܪ ܨܵܠܡܵܐ ܕܢܸܨܚܵܢܲܝ̈ܟܿܘܿܢ. 416 :ܟܪܹܐ ܠܸܫܵܢܵܐ ܕܢܸܡܛܹܐ ܠܪܵܘܡܵܐ ܕܲܣܠܲܩܬܘܿܢ ܠܗ 417 ܘܡܲܬܝܼܢ ܝܲܨܪܵܐ ܕܢܸܡܛܹܐ ܥܲܡܟܼܘܿܢ ܠܲܠܡܹܐܝܢ ܚܲܝܹ̈ܐ. 418 :ܚܲܕ ܗܘ̤ ܒܲܠܚܘܿܕܼ ܡܨܐܹ ܕܲܢܨܘܿܪܝܼܘܗܝ ܠܨܲܠܡܵܐ ܕܚܘܼܒܿܟܘܿܢ 419 ܘܗܘ̤ܝܘܼ ܝܵܕܲܥ̇ ܕܢܸܡܢܹܐ ܥܲܡܠܹ̈ܐ ܕܐܵܓܼܘܿܢ̈ܝܟܿܘܿܢ. 420 :ܠܹܗ ܗ̄ܘ̣ ܓܲܠܝܵܐ ܕܲܟܼܡܵܐ ܚܲܫܬܿܘܢ ܡܸܛܠ ܚܘܼܒܹܿܗ 421 ܘܗܘ̤ ܡܦܣ ܕܐܲܝܟܲܢ ܢܸܬܸܿܠ ܐܲܓܼܪܵܐ ܠܨܒܼܝܵܢܲܝ̈ܟܿܘܿܢ. 422 :ܒܟܲܪܡܹܗ ܠܦܚܬܘܿܢ ܡ̣ܢ ܫܘܼܪܵܝܵܐ ܕܘܼܪܘܿܙܘܼܬܹܗ 423 ܘܗܘ̤ ܡܦܲܢܹܐ ܠܟܼܘܿܢ ܕܝܢܵܪ ܚܲܝܹ̈ܐ ܕܠܵܐ ܡܸܬܼܚܲܒܲܠ܀