On Reproof - ܥܲܠ ܡܲܟܿܣܵܢܘܼܬܼܵܐ

1 :ܡܚܝܼܠ ܗ̄ܘ̣ ܟܝܵܢܵܐ ܡ̇ܝܘܿܬܼܵܐ 2 ܕܢܸܬܼܩܲܪܲܒܼ ܠܲܓܼܡܝܼܪܘܼܬܼܵܐ. 3 :ܕܒܸܣܪܵܐ ܘܲܕܡ̇ܐ ܠܵܐ ܡܸܫܟܲܚ 4 ܠܡܹܐܪܲܬܼ ܚܲܝܹ̈ܐ ܕܥܬܼܝܼܕܼܝܼܢ܀ 5 :ܣܝܼܡ ܗ̄ܘ̣ ܝܲܨܪܵܐ ܕܡܲܚܫܲܒܼܬܹܗ 6 :ܥܲܠ ܒܝܼܫܬܵܐ ܡ̣ܢ ܫܘܼܪܵܝܵܐ 7 :ܘܡ̇ܐ ܕܪܲܓܼ ܛܵܒܼܬܼܵܐ ܨܸܒܼܝܵܢܹܗ 8 ܢܲܓܼܕܹܿܗ ܝܲܨܪܹܗ ܠܒܼܝܼܫܵܬܼܵܐ. 9 :ܘܟܲܕܼ ܛܵܒܼ ܣܝܼܡܝܼܢ ܒܲܟܼܝܵܢܹܗ 10 ܬܪܹܝܢ ܚܘܼܫܵܒܹ̈ܐ ܕܲܠܩܼܘܼܒܼܠܵܐ. 11 ܙܵܟܹ̇ܐ ܝܲܨܪܹܗ ܠܲܟܼܝܵܢܹܗ: pb. 150 12 ܘܢܵܓܹܿܕ ܠܹܗ ܠܘܵܬܼ ܚܘܼܬܼܚܵܬܹ̈ܐ. 13 :ܡܫܲܥܒܸܿܕܼ ܨܸܒܼܝܵܢ ܚܹܐܪܘܼܬܹܗ 14 ܠܥܲܒܼܕܿܘܼܬܼܵܐ ܕܪܸܓܲܬܼ ܒܸܣܪܵܐ. 15 :ܘܲܕܒܼܝܼܪ ܟܠܹܗ ܒܲܩܛܝܼܪܵܐ 16 ܡ̣ܢ ܚܲܫܹ̈ܐ ܕܡܵܝܘܿܬܼܘܼܬܼܵܐ. 17 :ܠܵܐ ܗ̄ܘ̣ܵܐ ܠܛܵܒܼܬܼܵܐ ܕܨܵܒܹ̇ܐ ܒܵܗ̇ 18 ܡܸܫܟܲܚ ܣܵܥܲ݁ܪ ܨܸܒܼܝܵܢܹܗ. 19 :ܐܸܠܵܐ ܠܒܼܝܼܫܬܵܐ ܕܠܵܐ ܨܵܒܹ̇ܐ 20 ܥܵܨܹܐ ܠܹܗ ܝܲܨܪܹܗ ܠܡܸܣܥܲܪ. 21 :ܪܡܸܐ ܒܐܵܓܼܘܿܢܵܐ ܒܟܸܠܥܸܕܼܵܢ 22 ܟܲܕܼ ܡܸܬܼܟܲܬܲܫ ܥܲܡ ܝܲܨܪܹܗ. 23 :ܘܡܲܩܪܸܒܼ ܠܘܼܩܒܲܠ ܚܘܼܬܼܚܵܬܹ̈ܐ 24 ܒܙܲܝܢܵܐ ܕܚܹܐܪܘܼܬܼ ܨܸܒܼܝܵܢܹܗ. 25 :ܚܵܐܹ̇ܒܼ ܟܠܢܵܫ ܡ̣ܢ ܝܲܨܪܹܗ 26 ܘܡܸܫܬܲܥܒܲܕܼ ܠܲܪ̈ܓܼܝܼܓܼܵܬܼܵܐ. 27 :ܘܠܵܐ ܡܥܲܙ̣ܐ ܚܹܝܠ ܨܸܒܼܝܵܢܹܗ 28 ܩܕܼܵܡ ܚܹܐܦܵܐ ܕܪܸܓܲܬܼ ܒܸܣܪܵܐ. 29 :ܪܵܘܝܵܐ ܗ̄ܘ̣ ܡ̣ܢ ܟܠ ܒܲܪܢܵܫܵܐ 30 ܕܗܘ̤ ܥܲܡ ܢܲܦܫܹܗ ܡܸܬܼܟܲܬܲܝ. 31 :ܡܲܢ̣ܘܼ ܡܸܫܟܲܚ ܕܲܢܦܲܨܹܝܘܗܝ 32 ܡ̣ܢ ܚܲܫܹ̈ܐ ܕܡ̇ܝܘܿܬܼܘܼܬܼܵܐ. 33 :ܠܚܲܕܼ ܗ̄ܘ̣ ܙܵܕܼܩܵܐ ܙܵܟܼܘܼܬܼܵܐ 34 ܕܙܲܟܿܝܹܗ ܠܓܸܢܣܲܢ ܚܲܝܵܒܼܵܐ. 35 :ܕܐܲܡܚܸܠܬܹܗ ܡ̇ܝܘܿܬܼܘܼܬܼܵܐ 36 ܚܲܝܠܹܗ ܒܙܲܝܢܵܐ ܕܪܘܼܚܩܘܼܕܫܵܐ. 37 :ܠܵܟ ܡ̇ܪܝ ܦܲܐ̈ܝܵܢ ܬܲܪ̈ܬܲܝܗܹܝܢ 38 ܕܓܲܙܵܟ ܪܸܡܙܵܟ ܪܸܡܙܵܐ ܗ̄ܘ̣ ܕܲܚܢܵܢܵܟ. 39 :ܬܘܼܩܵܢܵܐ ܕܡ̣ܢ ܠܵܐ ܡܸܕܹܿܡ 40 ܘܲܚܘܼܕܵܬܼܵܐ ܕܠܵܐ ܡܸܬܼܚܲܒܲܠ. 41 :ܠܵܐ ܗ̄ܘ̣ܵܐ ܠܬܼܘܼܩܵܢܵܟ ܥܸܕܠܹ̇ܬܼ 42 ܕܲܩܪܹܝܬܹܗ ܠܝܲܨܪܲܢ ܒܝܼܫܵܐ. 43 :ܠܝܲܨܪܲܢ ܥܸܕܼܠܹ̇ܬܼ ܕܲܟܼܡܵܐ ܒܝܼܫ 44 ܕܡܲܩܪܸܒܼ ܠܘܼܩܒܲܠ ܨܸܒܼܝܵܢܲܢ. 45 :ܠܵܘ ܒܲܟܼܝܵܢܲܢ ܐܸܣܲܪܬܵܗ̇ 46 ܠܛܵܒܼܬܼܵܐ ܘܒܼܝܼܫܬܵܐ ܕܒܲܟܼܝܵܢܲܢ. 47 :ܐܸܠܵܐ ܠܚܹܐܪܘܼܬܼ ܨܸܒܼܝܵܢܲܢ 48 ܝܸܗ̄ܒܹܿܬܼ ܐܸܢܹܝܢ ܬܲܪ̈ܬܲܝܗܹܝܢ. 49 :ܨܸܒܼܝܵܢܲܢ ܗ̄ܘ̣ ܢܵܓܸ̇ܕ ܠܲܢ 50 ܠܘܵܬܼ ܚܲܫܹ̈ܐ ܕܡ̇ܝܘܿܬܼܘܼܬܼܵܐ. 51 :ܘܐܸܡܲܬܼܝ ܕܨܵܒܹ̇ܐ ܨܸܒܼܝܵܢܲܢ 52 ܡܸܬܼܥܲܠܸܐ ܠܥܸܠ ܡ̣ܢ ܚܲܫܹ̈ܐ. 53 :ܚܹܐܪܘܼܬܲܢ ܗ̄ܝܼ ܕܡܸܬܼܪܲܟܼܢܵܐ 54 ܠܥܲܒܼܕܿܘܼܬܼܵܐ ܕܪܸܓܲܬܼ ܒܸܣܪܵܐ. 55 :ܘܐܸܢ ܫܸܦܲ̄̇݁ܪ ܠܵܗ̇ ܡܸܬܼܚܲܪܪܵܐ 56 ܡ̣ܢ ܫܘܼܥܒܵܕܼܵܐ ܕܚܘܼܬܼܚܵܬܹ̈ܐ. 57 :ܘܟܲܕܼ ܛܵܒܼ ܩܲܢܝܵܐ ܚܹܐܪܘܼܬܲܢ 58 ܫܘܼܠܛܵܢܵܐ ܥܲܠ ܬܲܪ̈ܬܲܝܗܹܝܢ. 59 :ܡܚܝܼܠܘܼ ܟܝܵܢܲܢ ܡ̣ܢ ܗܵܕܹܐ 60 ܕܗܘ̤ ܒܲܠܚܘܿܕܼܵܘܗܝ ܢܸܙܕܲܕܲܩ. 61 :ܒܚܲܝܠܵܐ ܕܚܘܼܒܵܟ ܙܲܕܲܩܬܵܢ 62 ܟܲܕܼ ܥܸܫܢܲܬ̤ ܚܲܝܵܒܼܘܼܬܿܢ. 63 :ܘܐܩܸܨܬܵܗ̇ ܥܲܠ ܨܸܒܼܝܵܢܲܢ 64 ܠܙܵܟܼܘܼܬܼܵܐ ܕܪܲܒܿܘܼܬܼ ܚܲܝܠܵܐ. 65 :ܘܐܸܢ ܟܲܕܼ ܥܸܫܢܲܬ̤ ܣܲܟܼܠܘܼܬܿܢ 66 ܠܵܐ ܓܥ݂ܲܨ ܚܘܼܒܵܟ ܡ̣ܢ ܥܵܘ̣ܠܲܢ. 67 :ܟܡܵܐ ܗܵܫܵܐ ܕܚ̣ܵܢܘܼܢ ܪ̈ܲܚܡܲܝܟ 68 ܢܲܐܣܸܐ ܚܢܵܢܵܟ ܚܵܘ̈ܒܵܬܲܢ. 69 :ܘܐܸܢ ܟܲܕܼ ܡ̣ܝܼܬܼܢܲܢ ܒܲܚܛܵܗܲܝ̈ܢ 70 ܟܲܕܼ ܡ̣ܝܼܬܼܢܲܢ ܒܲܚܛܵܗܲܝ̈ܢ: pb. 151 71 ܡܫܝܼܚܵܐ ܡ̣ܝܼܬܼ ܘܐܲܚܝܼ ܠܟܼܠܲܢ. 72 :ܟܡܵܐ ܕܹܝܢ ܗܵܫܵܐ ܢܸܙܕܲܕܲܩ 73 ܠܲܕܼܡ̇ܐ ܕܩܲܕܲܫ ܛܲܡܐܘܼܬܲܢ. 74 :ܘܐܸܢ ܟܲܕܼ ܣܵܢ̈ܐܹܐ ܐܝܼܬܲܝܢ ܗ̣̄ܘܲܝܢ 75 ܒܡܵܘܬܵܐ ܕܲܒܼܪܵܟ ܪܲܥܝܼܬܵܢ. 76 :ܟܡܵܐ ܕܹܝܢ ܗܵܫܵܐ ܒܬܲܪܥܘܼܬܹܗ 77 ܢܸܗܘܸܐ ܒܚܲܝܵܘ̈ܗܝ ܫܵܘܬܵܦܹ̈ܐ. 78 :ܐܲܝܟܵܐ ܕܥܸܫܢܲܬ̤ ܣܲܟܼܠܘܼܬܲܢ 79 ܐܸܬܼܢܲܨܲܚ ܚܹܝܠ ܛܲܝܒܿܘܼܬܼܵܐ. 80 :ܡ̇ܕܹܝܢ ܩܲܝܵܡ ܣܘܼܟܵܝܵܐ 81 ܕܚܵܢܲܝܼܢ ܪ̈ܲܚܡܹܐ ܠܚܲܛܵܝܹ̈ܐ. 82 :ܥܵܘ̣ܠܲܢ ܡ̇ܪܝ ܣܵܓܼܵܗ̇ ܠܐܘܼܪܚܵܐ 83 ܕܡܲܪܕܿܝܼܬܼܵܐ ܕܿܠܘܵܬܼ ܓܵܘܣܵܟ. 84 :ܢܸܫܪܘܿܢ ܪ̈ܲܚܡܲܝܟ ܠܲܣܵܓܼܵܐ 85 ܕܣܵܓܲܬ̤ ܒܐܲܦܝ̈ܢ ܒܝܼܫܘܼܬܲܢ. 86 :ܥܲܪܦܸܠܵܐ ܕܲܪ̈ܓܼܝܼܓܼܵܬܼܵܐ 87 ܚܲܦܝܵܬܼܵܗ̇ ܠܦܵܪܘܿܫܘܼܬܲܢ. 88 :ܢܸܓܼܠܹܐ ܚܢܵܢܵܟ ܬܲܚܦܝܼܬܼܵܐ 89 ܕܦܸܪܣܲܬ̤ ܛܘܼܥܝܲܝ ܥܲܠ ܠܸܒܲܢ. 90 :ܠܵܐ ܝܼܕܲܥܬܼܵܐ ܕܪܸܥܝܵܢܲܢ 91 ܣܲܡܝܵܬܲܢ ܡ̣ܢ ܘܵܠܝܼܬܼܵܐ. 92 :ܢܸܕܢܲܚ ܨܸܡܚܵܐ ܕܝܼܕܲܥܬܼܵܟ 93 ܘܢܸܚܙܹܐ ܒܹܗ ܣܲܡܝܘܼܬܼ ܢܲܦܫܲܢ. 94 :ܚܘܼܬܼܚܵܬܹ̈ܐ ܕܲܪ̈ܓܼܝܼܓܼܵܬܼܵܐ 95 ܦܲܪܣܘܼܗ̇ ܠܡܸܠܚܵܐ ܕܝܘܼܠܦܵܢܵܟ. 96 :ܚܢܵܢܵܟ ܢܲܩܢܵܐ ܠܪܸܥܝܵܢܲܢ 97 ܛܲܥܡܵܐ ܚܲܠܝܵܐ ܕܐܵܘܒܸܿܕܢܲܢ. 98 :ܠܵܐ ܣܢܝ̣ܩ ܚܘܼܒܵܟ ܠܲܦܝܵܣܵܐ 99 ܕܲܩܕܼܵܡ ܕܲܢܦܝܼܣ ܝܵ̇ܕܲܥ ܐܲܢ̄ܬܿ. 100 :ܠܵܐ ܗ̄ܘ̣ܵܐ ܒܡܸܠܹ̈ܐ ܡܸܬܼܪܲܥܹܝܬܿ 101 ܕܥܲܕܼܠܵܐ ܢܡܲܠܸܠ ܓܲܒ̈ܝܵܢ ܠܵܟ. 102 :ܠܵܘ ܚܸܡܬܼܵܐ ܕܥܲܠ ܣܘܼܪ̈ܚܵܢܲܝܢ 103 ܐܲܪܓܸܿܙܬܼܵܟ ܟܲܝܕܼ ܐܲܪܫܥܢܲܢ. 104 :ܕܲܒܼܝܲܨܪܲܢ ܡܸܬܼܒܲܩܸܐ ܗ̣̄ܘܲܝܬܿ 105 ܥܲܕܼܠܵܐ ܢܹܐܬܸܐ ܠܲܗܘܵܝܵܐ. 106 :ܓܠܹܝܢ ܗ̄ܘ̣ܵܘ ܚܲܫܹ̈ܐ ܕܒܲܟܼܝܵܢܲܢ 107 ܠܝܼܕܲܥܬܼܵܟ ܥܲܕܠܵܐ ܢܸܗܘܸܐ. 108 :ܘܲܕܢܝܼ̈ܚܵܢ ܗ̣̄ܘܲܝ̈ ܠܲܒܼܨܵܬܼܵܟ 109 ܛܲܫ̈ܝܵܬܲܢ ܘܲܣܬܼܝܼܪ̈ܵܬܲܢ. 110 :ܝܵ̇ܕܲܥ ܗ̣̄ܘܲܝܬܿ ܕܲܡܫܲܥܒܸܿܕ ܠܲܢ 111 :ܝܲܨܪܵܐ ܕܒܲܢ ܠܲܪ̈ܓܼܝܼܓܼܬܼܵܐ 112 :ܘܲܡܦܵܣ ܗ̣̄ܘܝܬܿ ܕܲܒܼܝܲܕܼ ܡ̇ܘܬܵܐ 113 ܗܵܦܹ̇ܟ ܥܲܦܪܲܢ ܠܲܟܼܝܵܢܹܗ. 114 :ܒܣܘܼܢܩܵܢ ܚܲܝܵܘ̈ܗܝ ܚܵܐ̇ܲܪ ܗ̄ܘ̣ܵܝܬܿ 115 ܩܕܼܵܡ ܬܘܼܩܵܢܵܐ ܕܕܲܚܝܼܚܲܢ. 116 :ܘܲܡ̣ܠܲܝܬܵܝܗܝ ܠܓܸܢܣܲܢ ܚܲܝܹ̈ܐ 117 ܒܘܼܣܵܡܵܐ ܕܲܡܠܸܐ ܙܲܒܼܢܵܐ. 118 :ܝܵ̇ܕܲܥ ܗ̣̄ܘܲܝܬܿ ܕܲܬܼܪܹܝܢ ܥܘܼܡܪܹ̈ܐ 119 ܚܵܫ̇ܚܝܼܢ ܗ̄ܘ̣ܵܘ ܠܹܗ ܠܲܟܼܝܵܢܲܢ. 120 :ܐܲܪܥܵܐ ܠܫܲܒܼܪܘܼܬܼ ܪܸܥܝܵܢܲܢ 121 ܘܲܫܡܲܝܵܐ ܠܲܓܼܡܝܼܪܘܼܬܼܵܐ. 122 :ܟܣܸܐ ܗ̄ܘ̣ܵܐ ܐ̄ܪܵܙܵܐ ܕܦܘܼܪܩܵܢܲܢ 123 ܒܝܲܕܼܥܬܼܵܟ ܥܲܡ ܟܲܣܝܘܼܬܼܵܟ. 124 :ܘܟܲܕܼ ܡܲܛܝܼ ܙܲܒܼܢܵܐ ܕܲܦܣܲܩ̣ܬܿ 125 ܓܠ݂ܲܝܬܵܗ̇ ܠܟܲܣܝܘܼܬܼ ܨܸܒܼܝܵܢܵܟ. 126 :ܝܵ̇ܕܲܥ ܗ̣̄ܘܲܝܬܿ ܕܚܲܕ ܫܵܩܲܠ ܐܲܢ̄ܬܿ 127 ܐܲܝܟ ܪܹܫܝܼܬܼܵܐ ܡ̣ܢ ܓܸܢܣܲܢ. 128 :ܘܒܼܕܒܼܚܵܐ ܕܦܲܓܪܹܗ ܫܵܪܹܝܬܿ 129 ܓܲܙܵܪ ܕܝܼܢܵܐ ܘܡ̇ܘܬܼܵܐ ܕܲܥܠܲܝܢ. 130 :ܟܣܸܐ ܗ̄ܘ̣ܵܐ ܒܟܲܣܝܘܼܬܼ ܝܲܕܲܥܬܼܵܟ 131 ܪܘܼܡܪܵܡܹܗ ܕܓܸܢܣܲܢ ܫܛ̣ܵܐ. 132 :ܘܲܓܼܠܲܝܬܵܝܗܝ ܒܵܬܲܪ ܙܲܒܼܢܵܐ 133 ܠܥܘܼܬܵܕܼܵܐ ܕܟܲܣܝܘܼܬܼ ܚܘܼܒܵܟ. 134 :ܘܐܸܢܗܘ̤ ܕܗܵܠܹܝܢ ܓܲܠ̈ܝܵܢ ܗ̣̄ܘܲܝ̈ 135 ܠܝܼܕܲܥܬܼܵܟ ܥܲܕܼܠܵܐ ܢܸܗܘܸܐ. pb. 152 136 :ܒܝܵܨܪܲܢ ܝܲܬܼܝܪ ܚܵܐ̇ܪ ܗ̣̄ܘܲܝܬܿ 137 ܕܠܵܐ ܡܥܲܙܸܐ ܩܕܼܵܡ ܚܘܼܬܼܚܵܬܹ̈ܐ. 138 :ܐܲܢ̄ܬܿ ܐܲܝܬܿܝܼܬܵܢ ܠܲܗܘܵܝܵܐ 139 ܘܝܲܩܲܪܬܵܢ ܒܲܡܠܝܼܠܘܼܬܼܵܐ. 140 :ܐܲܢ̄ܬܿ ܐܲܦܢܝܼܬܵܢ ܡ̣ܢ ܬܵܘܫܵܐ 141 ܠܐܘܼܪܚܵܐ ܕܟܲܣܝܘܼܬܼ ܡ̇ܪܘܼܬܼܵܟ. 142 :ܒܪܵܦܝܘܼܬܼ ܢܲܦܫܲܢ ܐܸܬܼܒܲܨܲܪ 143 ܐܝܼܩܵܪܵܐ ܕܪܲܒܿܘܼܬܼ ܨܲܠܡܵܟ. 144 :ܘܐܲܪܝܼܡܲܢ ܚܹܝܐ ܥܘܼܕܼܪܵܢܵܟ 145 ܡ̣ܢ ܫܸܠܦܵܐ ܠܘܵܬܼ ܪܲܒܿܘܼܬܼܵܐ. 146 :ܛܵܠܘܿܡܘܼܬܲܢ ܫܲܚܠܸܦܬܼܵܟ 147 ܡ̣ܢ ܪ̈ܲܚܡܹܐ ܠܘܵܬܼ ܩܲܫܝܘܼܬܼܵܐ. 148 :ܘܲܗܘ̤ܸܵܐ ܚܘܼܒܵܟ ܡܸܨܥܵܝܵܐ 149 ܘܫܲܝܸܢ ܠܲܢ ܥܲܡ ܪܲܒܿܘܼܬܹܗ. 150 :ܕܝܼܠܵܟ ܗ̄ܘ̣ ܫܲܝܢܵܐ ܘܪ̈ܲܚܡܹܐ 151 ܕܐܲܢ̄ܬܿ ܫܲܝܸܢܬܵܢ ܥܲܡ ܝܵܬܹܗ. 152 :ܠܲܝܬܿ ܠܲܟܼܝܵܢܲܢ ܒܹܝܬܼ ܓܵܘܣܵܐ 153 ܐܸܠܵܐ ܚܢܵܢܵܟ ܣܵܡܹ̇ܟ ܟܠ. 154 :ܡܸܛܠܵܬܿܢ ܐܸܬܼܟܲܢܝܼܬܿ 155 ܒܲܫܡܵܗܹ̈ܐ ܕܢܘܼܟܼܪܵܝܝܼܢ ܠܵܟ. 156 :ܘܟܲܕܼ ܠܵܐ ܙܵܕܩܝܼܢ ܠܲܟܼܝܵܢܵܟ 157 ܫܩ݂ܲܠܬܿ ܐܸܢܘܿܢ ܡܸܛܠ ܚܘܼܒܵܟ. 158 :ܠܵܘ ܕܲܟܼܝܵܢܵܟ ܐܸܬܼܒܲܨܲܪ 159 ܒܲܫܡܵܗܹ̈ܐ ܡܚܝܼܠܹ̈ܐ ܕܝܼܠܲܢ. 160 :ܠܫܝܼܛܘܼܬܼܵܐ ܕܓܸܢܣܲܢ ܐܵܘܪܸܒܼܬܿ 161 ܕܟܲܢܝܼܬܿ ܢܲܦܫܵܟ ܒܲܫܡܸܗܲܝ̈ܢ. 162 :ܠܲܝܬܿ ܠܲܟܼܝܵܢܵܐ ܕܐܝܼܬܼܘܼܬܼܵܟ 163 ܐܲܬܼܪܵܐ ܕܬܸܚܙܘܿܩ ܐܵܘ ܬܸܫܪܸܐ. 164 :ܘܡܸܛܠ ܚܘܼܒܵܟ ܕܲܠܘܵܬܲܢ 165 ܐܸܬܿܝܬܿ ܨܹܐܕܲܝܢ ܒܲܟܼܝܵܢܵܟ. 166 :ܠܵܐ ܡܸܣܬܲܝܟܼܵܐ ܟܲܣܝܘܼܬܼܵܟ 167 ܒܲܚܙܵܬܼܵܐ ܕܥܲܝܢܲܝ̈ ܒܸܣܪܵܐ. 168 :ܘܲܒܼܦܲܓܼܪܲܢ ܐܲܝܟ ܡܲܚܙܝܼܬܼܵܐ 169 ܚ̣ܙܲܝܢܲܢ ܫܘܼܒܼܚܵܐ ܕܪܲܒܿܘܼܬܼܵܟ. 170 :ܠܵܐ ܢܵܚܹ̇ܬܼ ܐܵܦܠܵܐ ܣܵܠܹ̇ܩ 171 ܟܝܵܢܵܟ ܣܵܟܼܵܐ ܕܟܼܠ ܡܸܕܹܿܡ. 172 :ܘܲܒܼܡܲܚܲܬܿܬܼܵܐ ܕܨܸܒܼܝܵܢܵܟ 173 ܝܲܩܲܪܬܵܢ ܐܲܝܟ ܗܵܘ̇ ܕܲܢܚܸܬܿܬܿ. 174 :ܠܵܐ ܡܚܲܕܲܝܵܐ ܠܵܟ ܚܲܕܼܘܼܬܼܵܐ 175 ܘܠܵܐ ܡܥܝܼܩܵܐ ܠܵܟ ܟܲܪܝܘܼܬܼܵܐ. 176 :ܘܲܚܕܼܝܼܬܿ ܠܘܼܩܒܲܠ ܦܘܼܢܵܝܲܢ 177 ܘܢܲܫܸܩܬܵܢ ܒܲܒܼܪܵܐ ܙܥܘܿܪܵܐ. 178 :ܠܲܬܼܪܹܝܢ ܝܪ̈ܬܹܿܐ ܦܲܠܸܓܼܬܵܝܗܝ 179 ܠܓܲܙܵܐ ܪܲܒܵܐ ܕܚܸܟܼܡܵܬܸ̈ܟ. 180 :ܘܠܵܐ ܚܲܫܸܒܼܬܿ ܥܲܡ ܪܲܦܝܘܼܬܲܢ 181 ܥ̣ܿܠ ܒܘܼܕܵܪܵܐ ܕܩܸܢܝܵܢܵܟ. 182 :ܒܲܒܼܥܵܬܼܵܐ ܕܐܲܒܿܝܼܕܼܬܲܢ 183 ܢܦ݂ܲܩ ܨܼܒܼܝܵܢܵܐ ܕܐܝܼܬܼܘܼܬܼܵܟ. 184 :ܘܟܲܕܼ ܐܸܫܟܲܚܬܵܢ ܒܲܕܸܿܩܬܵܗ̇ 185 ܚܲܕܼܘܼܬܼܵܟ ܠܲܫܡܲܝܵܢܹ̈ܐ. 186 :ܒܐܸܣܛܲܠ ܫܘܼܒܼܚܵܐ ܟܲܣܝܼܬܵܗ̇ 187 ܠܓܲܠܝܘܼܬܼܵܐ ܕܣܲܢܝܼܘܼܬܼ ܥܵܘ̣ܠܵܢ. 188 :ܘܲܒܼܚܲܬܼܡ̇ܐ ܕܗܲܝܡܵܢܘܼܬܼܵܐ 189 ܫܲܪܲܪܬܿ ܨܹܐܕܲܝܢ ܫܘܼܘܕܵܝܵܟ. 190 :ܙܲܪܥܵܐ ܕܡܸܠܬܼܵܟ ܩܲܒܸܿܠܢܲܢ 191 ܘܫܲܘ݂ܲܝ ܒܲܢ ܦܹܐܪܵܐ ܕܚܲܝܹ̈ܐ. 192 :ܠܵܐ ܬܸܬܸܿܠ ܠܹܗ ܠܲܢܟܼܝܼܠܵܐ 193 ܕܢܲܪܡܸܐ ܒܢܲܦܫܲܢ ܙܝܼܙܵܢܵܘ̈ܗܝ. 194 :ܒܢܲܝܵ̈ܐ ܕܝܼܠܵܟ ܟܲܢܝܼܬܵܢ 195 ܒܚܘܼܒܵܐ ܘܠܵܐ ܗ̄ܘ̣ܵܐ ܒܲܟܼܝܵܢܵܐ. 196 :ܢܸܫܬܲܪܲܪ ܒܲܢ ܒܲܥ݁ܒܼܵܕܼܵܐ 197 ܫܡܵܐ ܕܲܒܼܪܘܼܬܼܵܐ ܕܐܲܩܢܝܼܬܵܢ. 198 ܠܥܘܼܡܪܵܐ ܕܲܠܥܸܠ ܙܲܡܢܬܵܢ: pb. 153 199 ܘܠܐ̄ܚܝܵܢܘܼܬܼܵܐ ܕܪ̈ܘܼܚܵܢܹܐ. 200 :ܠܵܐ ܢܛܲܒܿܥܲܢ ܥܵܘ̣ܠܵܐ ܕܢܲܦܫܲܢ 201 ܒܗܵܘܬܼܵܐ ܕܪܲܒܿܘܼܬܼ ܫܘܼܢܵܩܵܐ. 202 :ܣܲܒܼܪܵܐ ܕܪܲܒܿܘܼܬܼ ܡܘܼܠܟܵܢܲܝ̈ܟ 203 ܡܲܩܢܸܐ ܠܢܲܦܫܲܢ ܠܘܼܒܵܒܼܵܐ. 204 :ܕܲܟܼܡܵܐ ܐܸܢ ܢܸܥܫܲܢ ܥܵܘ̣ܠܵܐ 205 ܚܢܵܢܵܟ ܙܵܟܹ̇ܐ ܠܣܲܢ̈ܝܵܬܲܢ. 206 :ܒܡܵܘ̈ܡ̇ܬܼܵܐ ܕܠܵܐ ܡܸܫܬܲܪ̈ܝܵܢ 207 ܚܲܬܼܡܬܿ ܐܸܢܘܿܢ ܠܡܘܼܠܟܵܢܲܝ̈ܟ. 208 :ܘܒܲܟܼܝܵܢܵܟ ܪܲܒܵܐ ܝܲܡܲܬܿ 209 ܘܠܵܐ ܡܕܲܓܸܿܠ ܐܲܢ̄ܬܿ ܒܲܟܼܝܵܢܵܟ. 210 ܒܗܵܕܹܐ ܬܸܢܘܲܝ ܪܲܟܸܿܒܼܬܵܗ̇. 211 ܠܒܼܵܥܘܼܬܲܢ ܨܹܝܕܼ ܡ̇ܪܘܼܬܼܵܟ. 212 :ܕܪܸܡܙܵܐ ܗ̄ܘ̣ ܒܵܥܹ̇ܝܬܿ ܕܲܬܼܘܵܬܼܵܐ 213 ܘܠܵܐ ܡܲܩܨܲܬܿ ܩܲܕܼܡ̇ܝܵܬܼ̈ܐ. 214 :ܥܲܠ ܬܘܼܟܼܠܵܢܵܐ ܕܲܚܢܵܢܵܟ 215 ܡܸܬܼܟܲܫܦܝܼܢܲܢ ܚܵܐܹ̇ܢ ܟܠ. 216 :ܦܲܬܲܚ ܠܵܗ̇ ܬܲܪܥܵܐ ܠܬܲܟܲܫܲܦܬܲܢ 217 ܕܢܵܩ̇ܫܵܐ ܒܲܬܼܪܲܥ ܛܲܝܒܿܘܼܬܼܵܟ. 218 :ܟܐܝܼ ܒܟܹܐܢܘܼܬܼܵܟ ܒܲܣܝܼܡܵܐ 219 ܕܠܵܐ ܬܸܬܼܡܲܪܡܲܪ ܥܲܠ ܥܵܘ̣ܠܲܢ. 220 :ܢܫܲܝܢܵܟ ܚܘܼܒܵܐ ܕܨܸܒܼܝܵܢܵܟ 221 ܕܐܲܝܟ ܕܲܡܥܵܕܼ ܣܵܥܲܪ ܐܲܢ̄ܬܿ. 222 :ܠܵܐ ܬܼܬܼܒܲܩܸܐ ܝܼܕܲܥܬܼܵܟ 223 ܒܣܲܢ̈ܝܵܬܲܢ ܚܲܬܿܝܼܬܼܵܐܝܼܬܼ. 224 :ܘܠܵܐ ܬܲܥܸܠܲܝܢ ܠܲܒܼܨܵܬܼܵܐ 225 ܒܗܵܘ̇ ܕܝܼܢܵܐ ܕܒܼܵܚܲܪ ܟܠܵܐ. 226 :ܕܟܲܪܝܵܐ ܗ̄ܝܼ ܡܼܠܲܬܼ ܒܵܥܘܼܬܲܢ 227 ܘܠܵܐ ܡ̇ܛ̇ܝܵܐ ܠܪܵܘܡ̇ܐ ܕܲܠܥܸܠ. 228 :ܦܫܘܿܛ ܠܲܢ ܐܝܼܕܼܵܐ ܕܲܚܢܵܢܵܟ 229 ܘܢܸܣܲܩ ܒܵܗ̇ ܠܘܵܬܼ ܫܘܼܒܼܩܵܢܵܐ. 230 :ܕܝܲܩܝܼܪ ܓܸܦܹܗ ܕܪܸܥܝܵܢܲܢ 231 ܘܠܵܐ ܡܨܸܐ ܦܵܪܲܚ ܨܹܝܕܼ ܚܘܼܒܵܟ. 232 :ܒܓܸܦܸ̈ܐ ܕܪ̈ܲܚܡܲܝܟ ܢܸܬܿܕܲܠܸܐ 233 ܡ̣ܢ ܥܘܼܡܩܵܐ ܠܘܵܬܼ ܪܲܒܿܘܼܬܼܵܟ. 234 :ܕܥܲܡܘܼܛ ܢܘܼܗܪܵܐ ܕܝܼܕܲܥܬܲܢ 235 ܡ̣ܢ ܒܘܼܝܵܢܵܐ ܕܘܵܠܝܼܬܼܵܐ. 236 :ܢܸܕܼܢܲܚ ܢܘܼܗܪܵܐ ܕܝܼܕܲܥܬܼܵܟ 237 ܘܢܸܚܘܹܐ ܒܹܗ ܡܘܼܡܹ̈ܐ ܕܢܲܦܫܲܢ. 238 :ܕܥܲܒܼ݂ܕܲܢ ܥܵܘ̣ܠܵܐ ܢܘܼܟܼܪ̈ܵܝܹܐ 239 ܡ̣ܢ ܝܵܪܬܿܘܼܬܼܵܐ ܕܲܒܼܝܵ̈ܐ. 240 :ܒܛܲܟܼܣܵܐ ܕܟܲܠ̈ܒܹܿܐ ܢܸܬܿܬܿܪܣܸܐ 241 ܡ̣ܢ ܦܲܪ݁ܟܿܘܼܟܹܐ ܕܚܢܵܢܵܟ. 242 :ܕܠܵܐ ܛܥܲܢܢܲܢ ܝܘܼܩܪܹܗ ܕܝܵܘܡ̇ܐ 243 ܒܦܘܼܠܚܵܢ ܟܲܪܡ̇ܐ ܕܝܼܕܲܥܬܼܵܟ. 244 :ܠܵܐ ܡܸܬܿܛܲܠܡܵܐ ܬܵܘܕܿܝܼܬܲܢ 245 ܡ̣ܢ ܦܘܼܠܚܵܢܵܐ ܕܲܒܼܛܲܝܒܿܘܼ. 246 :ܟܡܵܐ ܐܸܢ ܪܲܒܵܐ ܣܲܟܼܠܘܼܬܲܢ 247 ܣܲܓܿܝܼ ܙܥܘܿܪܝܵܐ ܠܲܚܢܵܢܵܟ. 248 :ܘܐܸܢ ܠܲܝܬܿ ܦܸܚܡܵܐ ܠܒܼܝܼܫܘܼܬܲܢ 249 ܠܛܲܝܒܿܘܼܬܼܵܟ ܐܲܝܟ ܛܸܠܵܠܵܐ ܗ̄ܝܼ. 250 :ܕܝܼܠܵܟ ܗ̄ܘ̣ ܚܢܵܢܵܐ ܘܪ̈ܲܚܡܹܐ 251 ܘܠܲܝܬܿ ܦܸܚܡܵܐ ܠܥܘܼܬܹܪܹܗ ܕܚܘܼܒܵܟ. 252 :ܘܣܵܗܹ̇ܕܼ ܣܘܿܓܼܐܵܐ ܕܬܼܘܼܩܵܢܲܝ̈ܟ 253 ܕܒܼܪ̈ܲܚܡܹܐ ܬܲܩܸܢܬܿ ܐܸܢܘܿܢ. 254 :ܠܵܐ ܡܸܬܼܡܲܫܚܵܐ ܛܲܝܒܿܘܼܬܼܵܟ 255 ܘܠܵܐ ܡܸܬܿܬܿܟܼܝܼܠ ܓܲܙܵܐ ܕܪ̈ܲܚܡܲܝܟ. 256 :ܕܟܲܕܼ ܣܲܓܿܝܼܐܝܼܬܼ ܢܵܣܘܿܒܼܵܘ̈ܗܝ 257 ܢܵܣ̇ܒܿܝܼܢ ܘܐܝܼܬܼܵܘܗܝ ܐܲܝܟ ܕܐܝܼܬܵܘܗܝ. pb. 154 258 :ܡܸܢܹܗ ܥܵܬ̇ܪܝܼܢ ܪ̈ܘܼܚܵܢܹܐ 259 ܘܩܵܥܹ̇ܝܢ ܚܲܝܠܵܐ ܠܬܸܫܡܸܫܬܹܿܗ. 260 :ܘܒܼܚܹܝܠ ܡܸܠܬܹܗ ܡܸܬܼܚܲܝܠܝܼܢ 261 ܘܓܼܡ̇ܪܝܼܢ ܟܠܗܘܿܢ ܨܸܒܼܝܵܢܵܘ̈ܗܝ. 262 :ܒܹܗ ܡܸܬܼܡܲܠܹܝܢ ܣܘܼܢܩܵܢܹ̈ܐ 263 ܕܡ̇ܝܘܿܬܹ̈ܐ ܠܒܼܝܼܫܲܝ̈ ܦܲܓܼܪܵܐ. 264 :ܘܲܒܼܥܘܼܕܼܪܵܢܹܗ ܡܸܬܼܥܲܠܹܝܢ 265 ܠܥܸܠ ܡ̣ܢ ܚܲܫܹ̈ܐ ܕܒܲܟܼܝܵܢܵܐ. 266 :ܠܟܼܠ ܦܸܢ̈ܝܵܢ ܗܘ̤ ܡܸܬܼܿܦܲܠܲܓܼ 267 ܠܲܫܡܲܝܢܹ̈ܐ ܘܠܲܐܪ̈ܥܵܢܹܐ. 268 :ܘܠܲܡܠܝܼܠܹ̈ܐ ܘܚܲܪ̈ܫܹܐ ܙܵܐܹ̇ܢ 269 ܘܠܵܐ ܡܸܬܼܒܲܨܲܪ ܡ̣ܢ ܕܐܝܼܬܼܵܘܗܝ. 270 :ܠܵܐ ܡ̇ܕܹܝܢ ܬܹܐܚܘܿܕ ܬܲܪܥܵܐ 271 ܕܥܘܼܬܼܪܹܗ ܪܲܒܵܐ ܕܲܚܢܵܢܵܟ. 272 :ܘܠܵܐ ܡܸܬܼܟܲܠܝܵܐ ܒܵܥܘܼܬܹܿܢ 273 ܒܐܲܦܲܝ̈ ܬܲܪܥܵܐ ܕܣܲܟܼܠܘܼܬܲܢ. 274 :ܠܵܐ ܡ̇ܪܝ ܬܲܩܸܨ ܣܘܼܥܪ̈ܵܢܹܐ 275 ܕܒܼܝܼܫܘܼܬܼ ܝܲܨܪܵܐ ܕܟܼܝܵܢܲܢ. 276 :ܕܟܼܡܵܐ ܐܸܢ ܢܸܙܟܸܿܐ ܒܸܣܪܵܐ 277 ܐܵܦ ܟܲܕܼ ܙܵܟܹ̇ܐ ܚܲܝܵܒܼܵܐ ܗ̄ܘ̣. 278 :ܡܸܕܼܪܵܐ ܗ̄ܘ̣ ܟܠܹܗ ܬܘܼܩܵܢܲܢ 279 ܘܲܒܼܚܲܫܹ̈ܐ ܓܒܼܝܼܠ ܕܲܚܝܼܚܲܢ. 280 :ܘܲܡܢܵܬܼܵܐ ܕܚܵܝܹ̈ܐ ܕܲܩܢܹܐ 281 ܢܲܓܼܕܵܗ̇ ܒܵܬܼܪ ܚܘܼܬܼܚܵܬܼܵܘ̈ܗܝ. 282 :ܡܲܝܵ̈̄ܐ ܕܚܲܫܹ̈ܐ ܡܲܬܼܪܹܝܢ ܠܹܗ 283 ܠܥܲܦܪܹܗ ܕܦܲܓܼܪܵܢ ܡ̇ܝܘܿܬܼܵܐ. 284 :ܘܚܹܐܦܵܐ ܕܥܵܘ̣ܠܵܐ ܓܼܵܪܹܦ ܠܹܗ 285 ܘܡܲܚܸܬܼ ܠܹܗ ܠܘܵܬܼ ܡܘܼܟܵܟܼܵܐ. 286 :ܚܹܝܠ ܚܝܘܼܬܼܵܐ ܕܲܒܼܢܲܦܫܵܐ 287 ܢܵܓܼ̇ܕܵܐ ܠܹܗ ܠܘܵܬܼ ܛܵܒܼܵܬܼ̈ܐ. 288 :ܘܝܲܨܪܵܐ ܕܠܸܒܹܿܗ ܡܬܲܚܬܸܿܐ ܠܹܗ 289 ܠܥܘܼܡܩܵܐ ܪܲܒܵܐ ܕܒܼܝܼ̈ܫܵܬܵܐ. 290 :ܒܲܩܪ̈ܵܒܹܐ ܪܡܸܐ ܥܲܡ ܢܲܦܫܹܗ 291 ܘܡܸܬܼܟܲܬܲܫ ܥܲܡ ܚܘܼܫܵܒܼܵܘ̈ܗܝ. 292 :ܘܲܒܼܩܸܫܬܵܐ ܕܡ̇ܝܘܿܬܼܘܼܬܼܵܐ 293 ܫܵܕܹܐ ܓܹܐܪܹ̈ܐ ܒܗܲܕܵܡܵܘ̈ܗܝ. 294 :ܙܵܟܹ̇ܐ ܘܚܵܐܹ̇ܒܼ ܟܠܥܸܕܵܢ 295 ܘܠܵܐ ܦܵܐܹ̇ܫ ܡ̣ܢ ܬܲܟܼܬܿܘܼܫܵܐ. 296 :ܘܡܲܒܲܣܲܒܲܣ ܟܠܹܗ ܒܟܼܠܹܗ 297 ܡ̣ܢ ܡܲܚ̈ܘܵܬܼܵܐ ܕܲܚܛܗܹ̈ܐ. 298 :ܙܩܝܼܦܵܐ ܠܘܼܩܒܲܠ ܚܲܝܕܬܹܗ 299 ܡ̇ܝܘܿܬܼܘܼܬܼܵܐ ܕܒܲܟܼܝܵܢܹܗ. 300 :ܘܲܡܢܲܓܲܕܼܵܐ ܠܹܗ ܠܪܸܥܝܵܢܹܗ 301 ܚܵܫܘܿܫܼܬܼܵܐ ܕܗܲܕܵܡܵܘ̈ܗܝ. 302 :ܒܗܵܠܹܝܢ ܢܸ̈ܫ̈ܒܹܿܐ ܡܦܲܟܲܪ ܠܹܗ 303 ܝܲܨܪܵܐ ܕܲܛܫܸܐ ܒܗܲܕܵܡ̇ܘ̈ܗܝ. 304 :ܟܲܕܼ ܐܵܣܲܪ̇ ܠܹܗ ܒܫܸܫܠܬܼܵܐ 305 ܕܲܚܫܝܼܠܵܐ ܒܲܪ̈ܓܼܝܼܓܼܵܬܼܵܐ. 306 :ܢܸܫܪܹܝܗ̇ ܡ̇ܪܝ ܠܐܲܣܝܼܪܘܼܬܹܗ 307 ܩܠܝܼܕܼܵܐ ܕܪܸܡܙܹܗ ܕܵܚܢܵܢܵܟ. 308 :ܘܲܬܼܫܝܼܓܼ ܡܸܢܹܗ ܛܲܝܒܿܘܼܬܼܵܟ 309 ܨܵܐܬܼܵܐ ܕܟܲܬܿܡܲܬ̤ ܚܘܼܫܵܒܼܵܘ̈ܗܝ. 310 :ܢܸܦܘܿܩ ܠܲܪܘܲܚܬܼܵܐ ܕܪ̈ܲܚܡܲܝܟ 311 ܚܒܼܝܼܫܵܐ ܕܐܲܣܪܹܗ ܨܼܒܝܵܬܹܗ. 312 :ܘܢܸܬܼܒܲܝܲܐ ܡ̣ܢ ܟܲܪܝܘܼܬܹܗ 313 ܒܣܲܒܼܪܵܐ ܕܪܲܒܿܘܼܬܼ ܡܘܼܠܟܵܢܲܝ̈ܟ. 314 :ܢܸܗܘܸܐ ܚܢܵܢܵܟ ܗܲܕܿܝܼܐܵܐ 315 ܠܐܲܟܼܣ̄ܢܵܝܵܐ ܕܠܵܐ ܝܼܕܲܥܬܼܵܐ. 316 :ܘܢܲܠܦܝܼܘܗܝ ܐܘܼܪܚܵܐ ܕܢܸܪܕܹܿܐ ܒܵܗ̇ 317 ܠܐܵܘܵܢܹ̈ܐ ܕܡܲܠܟܿܘܼܬܼ ܪܵܘܡ̇ܐ. pb. 155 318 :ܢܸܦܩܘܼܢ ܪ̈ܲܚܡܲܝܟ ܒܲܒܼܥܵܬܹܗ 319 ܕܐܲܒܿܝܼܕܼܵܐ ܕܛܥ̣ܵܐ ܢܲܦܫܹܗ. 320 :ܘܢܲܦܢܹܝܘܗܝ ܚܘܼܒܵܟ ܠܲܦܝܵܣܵܐ 321 ܕܝܼܕܲܥܬܼܵܐ ܕܗܲܝܡܵܢܘܼܬܼܵܐ. 322 :ܪܸܡܙܵܟ ܢܸܟܼܠܸܐ ܒܐܸܫܵܬܹܗ 323 ܕܲܟܼܪܝܼܗܵܐ ܕܲܪܡܸܐ ܒܥܵܘ̣ܠܵܐ. 324 :ܘܒܸܐܣܦܘܼܓܵܐ ܕܒܲܣܝܼܡܘܼܬܼܵܟ 325 ܢܸܬܼܟܲܦܪܘܼܢ ܡܘܼܡܹ̈ܐ ܕܢܲܦܫܹܗ. 326 :ܐܸܢ ܥܘܼܕܪܵܢܵܟ ܠܵܐ ܡܲܕܼܪܸܟ 327 ܠܡܵܘܬܵܐ ܩܲܪܝܼܒܼ ܡ̣ܢ ܚܝܹ̈ܐ. 328 :ܘܐܸܢ ܣܲܡܵܟ ܠܵܐ ܡܲܐܣܸܐ ܠܹܗ 329 ܠܲܝܬܿ ܐܵܣܝܘܼܬܼܵܐ ܠܲܡܚܘܿܬܹܗ. 330 :ܦܟ݂ܲܗܘ ܣܲܡܡܵܢܹ̈ܐ ܐ̄ܢܵܫܝܹ̈ܐ 331 ܘܲܥܨܵܒܹ̈ܐ ܦܲܓܼܪܵܢܵܝܹܐ. 332 :ܘܟܹܐܒܹܗ ܕܥܵܘܠܲܢ ܝܘܿܡ ܡ݂ܢ ܝܘܿܡ 333 ܡܸܣܓܵܐ ܣܵܛܹܐ ܘܡܸܬܼܥܲܫܲܢ. 334 ܡܼܪܲܕܼܘ ܟܹܐܒܲܝ̈ܢ ܠܐܘܼܡܵܢܘܼܬܼܵܐ: 335 ܕܐܵܣܵܘܵܬܼܵܐ ܐܲܪ̈ܥܵܢܹܐ. 336 :ܘܲܙܩܲܦܘ̣ ܨܼܒܼܥܵܐ ܡ̣ܢ ܥܵܘ̣ܠܲܢ 337 ܪ̈ܘܚܵܢܹܐ ܘܦܲܓܼܪ̈ܵܢܵܝܹܐ. 338 :ܠܲܝܬܿ ܠܹܗ ܐܵܣܝܵܐ ܠܲܟܼܝܵܢܲܢ 339 ܐܲܝܟ ܣܲܟܵܐ ܕܪ̈ܲܚܡܹܐ ܕܝܼܠܵܟ. 340 :ܘܠܲܝܬܿ ܕܲܡܦܵܣ ܒܵܗ̇ ܒܲܡܚܘܿܬܹܗ 341 ܐܲܝܟ ܝܼܕܲܥܬܼܵܐ ܕܟܲܣܝܘܼܬܼܵܟ. 342 :ܠܵܘ ܐܲܢ̄ܬܿ ܐܲܗܡܝܼܬܿ ܡ̣ܢ ܟܹܐܒܲܢ 343 ܕܥܸܫܬܲܬ̤ ܣܲܓܿܝܼ ܣܲܟܼܠܘܼܬܲܢ. 344 :ܚܢܲܢ ܛܲܫܝܼܢܵܗ̇ ܠܲܡܚܘܿܬܲܢ 345 ܘܐܸܚܕܲܬ̤ ܢܘܿܡܹܐ ܒܗܲܕܵܡܲܝ̈ܢ. 346 :ܠܵܐ ܗ̄ܘ̣ܵܐ ܚܲܝܠܵܐ ܕܲܚܢܵܢܵܟ 347 ܐܸܬܼܦܲܟܲܗ ܡ̣ܢ ܥܘܼܕܪܵܢܵܐ. 348 :ܟܪ̈ܝܼܗܹܐ ܠܵܐ ܨܒܼܵܐ ܕܲܢܛܲܦܘܿܢ 349 ܣܲܡܵܐ ܕܪ̈ܲܚܡܹܐ ܠܫܘܼܚܢܲܝ̈ܗܘܿܢ. 350 :ܠܵܘ ܠܵܟ ܢܸܕܲܬ̤ ܡ̣ܢ ܥܵܘ̣ܠܵܐ 351 ܕܐܸܬܼܒܲܣܒܲܣܢܲܢ ܒܲܚܛܝܼܬܼܵܐ. 352 :ܠܲܢ ܗ̄ܘ̣ ܗܲܢܝܼ ܟܘܼܪܗܵܢܲܢ 353 ܕܠܵܐ ܢܲܨܪܸܦ ܠܲܢ ܣܲܡ ܚܲܝܹ̈ܐ. 354 :ܚܢܲܢ ܗ̄ܘ̣ ܡܚܲܝ̣ܢܲܢ ܠܲܩܢܘܿܡܲܢ 355 ܒܫܘܼ̈ܡܵܬܼܵܐ ܕܓܹܐܪ̈ܲܝ ܦܘܼܡܲܢ. 356 :ܘܲܣܓܼܝܼ ܨܘܼܠܦܵܬܹ̈ܗ ܕܦܲܓܼܪܵܢ 357 ܒܟܹܐܦܹ̈ܐ ܕܲܫܕ݂ܲܝ̈ ܣܸܦ̈ܘܵܬܲܢ. 358 :ܚܢܲܢ ܐܸܫܟܲܚܢܵܗ̇ ܠܝܼܕܲܥܬܼܵܐ 359 ܕܦܵܪܘܿܫܘܼܬܹܗ ܕܲܟܼܝܵܢܲܢ. 360 ܘܦܸܟܼܗܲܬ̤ ܡܼܠܲܬܼ ܒܘܼܝܵܢܢ. 361 ܒܥܸܢܝܵܢܵܐ ܕܙܲܠܝܼܠܘܼܬܼܵܐ. 362 :ܪܲܦܝܘܼܬܲܢ ܦܸܬܼܚܲܬ̤ ܬܲܪܥܵܐ 363 ܕܲܚܙܵܬܵܐ ܘܫܸܡܥܵܐ ܘܡܸܠܬܼܵܐ. 364 :ܘܥ݂ܲܠܘ ܣܵܢܐܸ̈ܐ ܘܚܲܠܸܨܘ ܥܘܼܬܼܪܵܐ 365 ܕܣܝܼ̈ܡܵܬܼܵܐ ܕܡܸܠܲܝ̈ ܪܘܼܚܵܐ. 366 :ܡܲܬܿܝܼܢܘܼܬܼܵܐ ܕܪܸܥܝܵܢܲܢ 367 ܠܵܐ ܐܵܘܓܲܪܬܲܢ ܡ̣ܢ ܨܲܦܪܵܐ. 368 ܘܲܢܦ݂ܲܩ ܝܵܘܡ̇ܐ ܥܲܡ ܫܵܥܵܘ̈ܗܝ. 369 ܘܠܵܐ ܦܠܲܚܢܲܢ ܒܹܗ ܝܘܼܬܼܪܵܢܵܐ. 370 :ܚܲܪܡܘܼܬܲܢ ܠܵܐ ܐܲܪܦܝܵܬܲܢ 371 ܕܢܸܩܢܸܐ ܪ̈ܲܚܡܹܐ ܚܠܵܦ ܡܫܝܼܚܵܐ. 372 :ܘܛܲܦܛܸܦ ܘܲܕܼܥܸܟ ܠܲܡܦܹܝܕܼܵܐ 373 ܕܢܲܗܝܼܪܵܐ ܕܟܲܣܝܘܼܬܼ ܢܲܦܫܲܢ. 374 :ܚܒܸܢܵܢܘܼܬܼܵܐ ܛܲܫܝܵܬܼܵܗ̇ 375 ܠܟܲܪܪܵܐ ܕܡܸܠܲܬܼ ܝܘܼܠܦܵܢܵܐ. 376 :ܘܠܵܐ ܦܲܠܸܓܲܢܵܝܗܝ ܠܲܣܢܝܼܩܹ̈ܐ 377 ܠܟܸܣܦܵܐ ܕܡܸܠܬܹܗ ܕܲܡܫܝܼܚܵܐ. pb. 156 378 :ܒܒܼܝܼܫܘܼܬܲܢ ܠܵܐ ܩܲܒܸܿܠܢܲܢ 379 ܫܘܼܒܼܩܵܢܵܐ ܕܪܲܒܿܘܼܬܼ ܥܵܘ̣ܠܵܐ. 380 :ܕܠܵܐ ܫܒܲܩ̣ܢܲܢ ܠܲܟܼܢܵܘܵܬܲܢ 381 ܚܙ̣ܵܬ̤ ܟܹܐܢܘܼܬܼܵܐ ܘܐܸܬܼܟܲܡܪܲܬ̤. 382 :ܥܲܠ ܫܘܼܥܵܐ ܕܩܲܫܝܘܼܬܼ ܠܸܒܲܢ 383 ܢܸܦܠܲܬ̤ ܡܸܠܲܬܼ ܝܘܼܠܦܵܢܵܐ. 384 :ܘܟܲܕܼ ܚ݂ܲܡ ܫܸܡܫܵܐ ܕܚܘܼܬܼܚܵܬܹ̈ܐ 385 ܚ̣ܡܵܐ ܘܝܼܒܸܫ̣ ܙܪܥܵܐ ܕܢܲܦܫܲܢ. 386 :ܥܲܠ ܝܲܕܼ ܐܘܼܪܚܵܐ ܕܪܸܥܝܵܢܲܢ 387 ܐܸܙܕܲܪܥܬ̤ ܡܸܠܲܬܼ ܚܲܝܹ̈ܐ. 388 :ܘܣܵܢܐܵܐ ܒܲܕܼܡܘܼܬܼ ܦܵܪܲܚܬܼܵܐ 389 ܚܲܛܦ̣ܵܗ̇ ܡ̣ܢ ܓܵܘ ܚܘܼܫܵܒܲܝ̈ܢ. 390 :ܒܹܝܬܼ ܟܘܼ̈ܒܹܿܐ ܕܲܪ̈ܓܼܝܼܓܼܵܬܿܢ 391 ܫܸܘܚܲܬ̤ ܫܸܒܿܠܵܐ ܕܚܲܝܘܼܬܼܵܐ. 392 :ܘܲܣܠܸܩ̣ ܝܲܥܪܵܐ ܕܣܲܢ̈ܝܵܬܲܢ 393 ܘܚܲܢ̣ܩܹܗ ܠܙܲܪܥܵܐ ܪܘܼܚܵܢܵܐ. 394 :ܚܘܼ̈ܬܼܚܵܬܹܐ ܕܒܲܢ ܠܵܐ ܝܲܗ̣̄ܒܼܘ ܠܲܢ 395 ܕܢܸܪܕܸܿܐ ܒܐܘܼܪܚܵܐ ܕܐܲܠܝܼܨܵܐ. 396 :ܘܲܚܙ݂ܲܩܢܲܢ ܥܲܡ ܣܲܓܿܝܼܐܹܐ 397 ܒܐܘܼܪܚܵܐ ܪܘܝܼܚܵܬܐ ܕܐܲܒܼܕܵܢܵܐ. 398 :ܝܘܼܩܪܵܐ ܕܫܸܢܬܼܵܐ ܕܲܚܛܝܼܬܼܵܐ 399 ܛܲܒܿܥܹܗ ܠܗܵܘܢܲܢ ܩܲܠܝܼܠܵܐ. 400 :ܘܠܵܐ ܐܸܬܿܬܿܥܝܼܪܲܬ̤ ܕܲܡܟܿܘܼܬܲܢ 401 ܕܩܲܒܸܿܠ ܛܘܼܒܼܵܐ ܕܲܡܠܝܼܟ. 402 :ܗܵܠܹܝܢ ܪ̈ܲܦܚܵܗܝ ܠܐܲܣܵܪܵܐ 403 ܕܫܲܝܢܲܢ ܕܲܠܘܵܬܼ ܡ̇ܪܘܼܬܼܵܟ. 404 :ܘܒܼܵܬܲܪ ܕܲܗܘ̤ܵܬܼ ܬܲܪܥܘܼܬܼܵܐ 405 ܐܲܪܓܸܙܬܼܵܟ ܛܵܠܘܡܘܼܬܲܢ. 406 :ܠܵܐ ܡ̇ܪܝ ܢܸܥܫܲܢ ܚܘܼܒܵܠܲܢ 407 ܘܢܸܬܿܛܲܒܲܥ ܒܵܗܿ ܒܲܚܛܝܼܬܼܵܐ. 408 :ܕܠܝܼܢ ܡ̣ܢ ܥܘܼܡܩܵܐ ܕܒܼܝܼ̈ܫܵܬܼܵܐ 409 ܐܲܝܟ ܕܲܠܫܸܡܥܘܿܢ ܡ̣ܢ ܝܲܡܵܐ. 410 :ܒܢܲܝܵ̈ܐ ܘܝܵܪ̈ܬܹܿܐ ܫܲܡܲܗܬܵܢ 411 ܒܥܘܼܬܼܪܵܐ ܕܪܲܒܿܘܼܬܼ ܡܘܼܠܟܵܢܲܝ̈ܟ. 412 ܠܵܐ ܢܸܬܿܕܲܓܿܠܘܼܢ ܫܘܼܘܕܵܝܲܝ̈ܟ. 413 ܘܢܸܗܘܸܐ ܠܥܘܼܬܼܪܵܟ ܘܼܟܼܪ̈ܵܝܹܐ. 414 :ܠܵܐ ܢܸܚܕܹܿܐ ܠܲܢ ܚܲܣܵܡܵܐ 415 ܟܲܕܼ ܫܵܒܲܩܝܼܢܲܢ ܝܵܪܬܿܘܼܬܼܵܟ. 416 :ܘܠܵܐ ܢܸܫܬܲܒܼܗܲܪ ܕܲܒܼܚܲܝܠܹܗ 417 ܒܲܙܹܗ ܠܥܘܼܬܼܪܵܐ ܕܐܲܩܢܝܼܬܵܢ. 418 :ܠܵܐ ܢܸܬܼܪܵܘܪܲܒܼ ܡܲܪܵܚܵܐ 419 ܕܲܒܼܙܲܝܢܹܗ ܙܟܼܵܗ̇ ܠܡܵܘܗܲܒܼܬܼܵܟ. 420 :ܘܠܵܐ ܢܹܐܡܲܪ ܕܲܫܒܹ̇ܝܬܼ ܐܸܢܘܿܢ 421 ܘܠܵܐ ܩܵܡ̣ ܒܐܲܦܲܝ̈ ܝܵܪ̈ܘܿܬܼܵܘܗܝ. 422 :ܠܵܐ ܢܸܚܕܿܘܿܢ ܫܹܐܕܹ̈ܐ ܛܲܡ̈ܐܹܐ 423 ܥܲܠ ܡܘܼܟܵܟܼܵܐ ܕܒܼܝܼܫܵܬܲܢ. 424 :ܠܵܐ ܢܹܐܡܲܪ ܪܹܫܵܐ ܕܐܵܐܲܪ 425 ܕܲܥܕܲܟܲܝܠ ܫܘܼܠܛܵܢܝ ܡܲܡܠܸܟ. 426 :ܢܲܦܢܹܝܢ ܚܘܼܒܵܟ ܠܲܦܝܵܣܵܐ 427 ܘܢܸܒܼܗܲܬܼ ܣܵܢ̇ܐܵܐ ܘܲܠܥܵܠܲܡ. 428 :ܕܠܝܼܠܵܐ ܗ̄ܝܼ ܣܲܓܿܝܼ ܠܲܚܢܵܢܵܟ 429 ܐܵܣܝܘܼܬܼܵܐ ܕܟܹܐܒܹ̈ܐ ܕܥܵܘ̣ܠܲܢ. 430 :ܘܲܦܫܝܼܩ ܗ̄ܘ̣ ܠܵܗ̇ ܠܛܲܝܒܿܘܼܬܵܟ 431 ܠܡܸܥܛܵܐ ܟܘܼܡܹ̈ܐ ܕܲܚܛܵܗܲܝ̈ܢ. 432 :ܠܵܐ ܬܲܩܸܨ ܠܲܢ ܕܲܚܛܲܝܢܲܢ 433 ܕܥܲܕܠܵܐ ܢܸܚܛܸܐ ܝܵ̇ܕܲܥ ܐܢ̄ܬܿ. 434 :ܕܒܸܣܪܵܐ ܘܲܕܼܡ̇ܐ ܠܵܐ ܡܸܫܟܲܚ 435 ܕܢܸܬܿܕܲܟܸܿܐ ܡ̣ܢ ܣܲܢ̈ܝܵܬܼܵܐ. 436 :ܘܐܸܢ ܠܵܐ ܫܵܘ̇ܝܵܐ ܒܵܥܘܼܬܲܢ 437 ܕܢܸܬܼܦܲܢ̈ܝܵܢ ܠܵܗ̇ ܫܹ̈ܐܠܵܬܼܵܗ̇. 438 :ܐܲܢ̄ܬܿ ܚܘܼܣ ܡܸܛܠ ܕܲܦܪܲܝܬܵܢ 439 ܒܢܲܝܵ̈ܐ ܘܝܵܪ̈ܬܹܿܐ ܕܪܲܒܿܘܼܬܼܵܟ. 440 :ܢܦܝܼܣܵܟ ܚܘܼܒܵܐ ܒܲܣܝܼܡܵܐ 441 ܘܲܢܫܲܝܢܵܟ ܥܲܡ ܒܝܼܫܘܼܬܲܢ. pb. 157 442 :ܘܢܸܗܘܸܐ ܚܢܵܢܵܟ ܡܸܨܥܵܝܵܐ 443 ܘܢܲܝܬܸܿܐ ܠܲܢ ܐܵܬܼܵܐ ܕܫܲܝܢܵܐ. 444 :ܠܵܐ ܝܵ̇ܕܲܥܝܼܢܲܢ ܕܢܨܲܠܸܐ 445 ܐܲܟܼܡܵܐ ܕܘܵܠܹ̇ܐ ܠܫܘܼܒܵܩܵܢܵܐ. 446 :ܬܦܝܼܣ ܛܲܝܒܿܘܼܬܼܵܐ ܥܲܠ ܐܲܦܲܝ̈ܢ 447 ܒܬܲܚܢܲܢܬܵܐ ܐܲܝܟ ܕܲܡܥܵܕܵܐ. 448 :ܢܦܝܼܣܵܟ ܥܲܡܵܗ̇ ܕܛܲܝܒܿܘܼܬܼܵܟ 449 ܐܵܦ ܪܹܫܝܼܬܼܵܐ ܕܡ̣ܢ ܓܸܢܣܲܢ. 450 :ܕܡܸܛܠ ܥܸܠܲܬܼ ܦܘܼܪܩܵܢܲܢ 451 ܐܲܫܘܝܼܬܵܝܗܝ ܥܲܡ ܪܲܒܿܘܼܬܼܵܟ. 452 :ܩܲܒܸܿܠ ܒܐܝܼܕܹܗ ܬܲܟܼܫܲܦܬܲܢ 453 ܕܡܸܨܥܵܝܵܐ ܕܓܲܒ݂ܲܬܿ ܡܸܢܲܢ. 454 :ܘܬܸܬܼܦܲܢܸܐ ܠܲܢ ܒܲܪ̄ܬܼ ܩܵܠܵܐ 455 ܕܬܲܪܥܘܼܬܼܵܐ ܘܲܕܼܫܘܼܒܩܵܢܵܐ. 456 :ܡܸܛܠ ܥܵܘ̣ܠܲܢ ܡܲܟܸܿܕܬܵܝܗܝ 457 ܕܲܒܼܚܲܫܹܗ ܢܪܝܼܡ ܡܘܼܟܵܟܼܢ. 458 :ܘܗܵܫܵܐ ܕܲܣܠܸ݂ܩ ܘܐܸܬܼܪܲܡܪܲܡ 459 ܣܲܒܼ ܒܐܲܦܲܝ̈ܢ ܡܸܛܠܵܬܹܗ. 460 :ܓ̣ܒܲܝܬܵܝܗܝ ܡܸܛܠ ܦܘܼܪܩܵܢܲܢ 461 ܕܬܲܚܸܐ ܒܚܲܝܵܘ̈ܗܝ ܡܝܼܬܼܘܼܬܲܢ. 462 :ܕܲܫܘܸܐ ܥܲܡܵܟ ܒܐܝܼܩܵܪܵܐ 463 ܘܲܒܼܫܘܼܠܛܵܢܵܐ ܕܐܝܼܬܼܿܘܼܬܵܐ. 464 :ܢܲܫܘܹܝܢ ܚܝܠܵܐ ܕܫܘܼܠܛܵܢܹܗ 465 ܕܢܸܣܲܒܼ ܡܲܓܵܢ ܫܘܼܒܼܩܵܢܵܐ. 466 :ܕܲܗܘ̤ܵܐ ܢܵܘܣܵܐ ܠܟܲܣܝܘܼܬܼܵܟ 467 ܠܲܥܡܘܼܪܝܵܐ ܨܸܒܼܝܵܢܵܝܵܐ. 468 ܢܸܣܲܒܼ ܡܲܓܵܢ ܫܘܼܒܼܩܵܢܵܐ. 469 :ܕܲܗܘ̤ܵܐ ܢܵܘܣܵܐ ܠܟܲܣܝܘܼܬܼܵܟ 470 ܠܲܥܡܘܼܪܝܵܐ ܨܸܒܼܝܵܢܵܝܵܐ. 471 :ܢܸܥܡܲܪ ܒܲܢ ܨܼܒܼܝܵܢ ܚܘܼܒܹܿܗ 472 ܘܲܢܕܿܟܹܿܝܢ ܡ̣ܢ ܣܲܢ̈ܝܵܬܼܵܐ. 473 :ܒܐܘܼܟܼܠܵܐ ܕܦܲܓܼܪܹܗ ܢܸܬܼܟܲܦܲܪ 474 ܣܝܵܢܵܐ ܕܥܵܘ̣ܠܵܐ ܡ̣ܢ ܠܸܒܲܢ. 475 :ܘܲܢܫܲܝܸܢ ܫܸܩܝܵܐ ܕܲܕܡܹܗ 476 ܠܲܕܠܝܼܚܘܼܬܹܗ ܕܪܸܥܝܵܢܲܢ. 477 :ܠܥܸܠܲܬܼ ܫܘܼܒܼܩܵܢܵܐ ܝܲܗ̣̄ܒܹܿܗ 478 ܘܲܠܪܲܗܒܼܘܿܢܵܐ ܕܛܵܒܼܬܼ̈ܐ. 479 :ܢܸܫܬܲܪܪ̈ܵܢ ܒܲܢ ܬܲܪ̈ܬܲܝܗܹܝܢ 480 ܫܘܼܒܼܩܵܢܵܐ ܘܪܲܗܒܼܗܘܿܢ ܚܲܝܹ̈ܐ. 481 :ܒܚܲܫܹܗ ܒܲܛܠܵܗ̇ ܠܚܛܝܼܬܼܵܐ 482 ܘܲܒܼܡܵܘܬܹ̇ܗ ܩܲܛ̣ܠܹܗ ܠܡܵܘܬܵܐ. 483 :ܕܠܵܐ ܢܸܬܿܬܿܥܝܼܪܘܢ ܩܵܛܘܿܠܲܝ̈ܢ 484 ܠܩܵܠ ܒܝܼ̈ܫܵܬܼܵܐ ܕܣܘܼܥܪ̈ܵܢܲܝܢ. 485 :ܒܣܲܒܼܪܵܐ ܕܗܵܠܹܝܢ ܡܘܼܠܟܵܢܹ̈ܐ 486 ܐܲܣܝܼܪ ܢܝܼܫܵܐ ܕܒܼܵܥܘܼܬܲܢ. 487 :ܠܵܐ ܢܸܬܿܕܲܓܲܠ ܬܘܼܟܼܠܵܢܲܢ 488 ܘܢܸܚܕܹܿܐ ܒܝܼܫܵܐ ܕܣܵܩܲ݁ܪ ܠܲܢ. 489 :ܬܪܹܝܢ ܥܲܪ݁ܵܒܹܐ ܝܸܗ̄ܒܲܬ̤ ܠܲܢ 490 ܗܲܝܡܵܢܘܼܬܼܵܐ ܕܪܸܥܝܵܢܲܢ. 491 :ܣܲܒܼܪܵܐ ܘܚܘܼܒܵܐ ܕܠܵܐ ܛܵܥܹ̇ܝܢ 492 ܪܵܚ̇ܡܘܼܬܼܵܐ ܕܩܲܪ̈ܝܼܒܲܝܗܘܿܢ. 493 :ܒܚܘܼܒܵܐ ܚܙܝܩܵܐ ܬܵܘܕܿܝܼܬܲܢ 494 ܘܥܲܠ ܣܲܒܼܪܵܐ ܣܝܼܡ ܬܘܼܟܼܠܵܢܲܢ. 495 :ܘܗܲܝܡܵܢܘܼܬܼܵܐ ܥܲܪܵܒܼܵܐ 496 ܕܠܵܐ ܡܸܬܿܕܲܓܿܠܝܼܢ ܫܘܼܘܕܵܝܹܗ. 497 :ܢܹܐܬܼܘܿܢ ܪ̈ܲܚܡܹܐ ܠܐܝܼܠܵܢ 498 ܡܸܛܠ ܗܵܠܹܝܢ ܡܘܼܠܟܵܢܹ̈ܐ. 499 :ܕܕܲܠܡܵܐ ܢܸܫܒܹܿܝܢ ܣܵܪܘܿܚܵܐ 500 ܘܢܸܥܒܸܿܕܼ ܐܢܘܿܢ ܕܲܓܵܠܹ̈ܐ. 501 :ܠܵܐ ܢܸܬܼܗܲܦ̈ܟܵܢ ܛܵܒܼܵܬ̈ܲܢ 502 ܠܒܼܝܼ̈ܫܵܬܼܵܐ ܡܸܛܠ ܕܲܚܛܲܝܢ. 503 :ܐܲܢ̄ܬܿ ܩܵܘܵܐ ܒܒܲܣܝܼܡܘܼܬܼܵܟ 504 ܘܠܲܢ ܐܲܦܢܵܐ ܠܨܸܒܼܝܵܢ ܚܘܼܒܵܟ. 505 ܠܵܐ ܣܢܝܼܩ ܥܘܼܬܼܪܵܐ ܕܝܼܕܲܥܬܼܵܟ: pb. 158 506 ܥܲܠ ܒܵܥܘܼܬܲܢ ܘܲܦܝܵܣܲܢ. 507 :ܕܛܵܒܼܬܼܵܐ ܟܠܵܗ̇ ܕܝܼܠܵܟ ܗ̄ܝ̣ 508 ܚܘܼܢ ܘܲܫܒܼܘܿܩ ܐܲܝܟ ܕܲܡܥܵܕܲܬܿ. 509 :ܠܲܝܬܿ ܠܹܗ ܡܸܕܲܡ ܠܲܥܒܼܝܼܕܼܵܐ 510 ܕܠܵܐ ܡ̣ܢ ܓܲܙܵܐ ܕܥܵܒܼܘܿܕܼܵܐ ܗ̄ܘ̣. 511 :ܕܐܵܦ ܗܘ̤ ܦܝܵܣܵܐ ܕܲܫܪܸܐ ܕܲܡܩܲܪܸܒܼ 512 ܒܥܘܼܕܪܵܢܵܐ ܕܡܸܢܹܗ ܝܲܠܦܹܗ. 513 :ܕܝܼܠܵܟ ܗ̄ܘ̣ ܚܹܝܠ ܚܸܟܼ̈ܡܵܬܼܵܐ 514 ܕܲܫܪܼܐ ܒܢܲܦܫܵܐ ܕܲܡܠܝܼܠܹ̈ܐ. 515 :ܘܡܸܢܵܟ ܢܲܣܒܿܘܼܗ̇ ܠܡܵܘܗܲܒܼܬܼܵܐ 516 ܕܒܼܘܼܝܵܢܵܐ ܘܦܵܪܘܿܫܘܬܼܵܐ. 517 :ܒܲܓܲܙܵܟ ܥܵܬܲܪܝܼܢ ܚܲܟܿܝܼܡܹ̈ܐ 518 ܘܲܒܼܥܘܼܕܪܵܢܵܟ ܙܲܕܝܼܩܹ̈ܐ. 519 :ܚܢܵܢܵܟ ܡܲܦܢܸܐ ܠܛܵܥܲܝܵ̈ܐ 520 ܘܡܲܣܓܸܿܐ ܣܲܒܼܪܵܐ ܠܐܲܒܼܝܼܕܹ̈ܐ. 521 :ܠܲܝܬܿ ܛܵܒܼܬܼܵܐ ܕܠܵܘ ܕܝܼܠܵܟ ܗ̄ܝܼ 522 ܘܠܵܐ ܡ̇ܘܗܲܒܼܬܵܐ ܕܠܵܐ ܪܸܡܙܵܟ. 523 :ܕܐܵܦ ܗܵܕܹܐ ܕܩܵܪܹܝܢܲܢ ܠܵܟ 524 ܐܲܢ̄ܬܿܘܼ ܩܪ݂ܲܝܬܵܢ ܘܐܲܠܸܦܬܵܢ. 525 :ܦܢܵܘ ܨܹܐܕܲܝ ܘܐܸܦܢܸܐ ܥܠܲܝܟܿܘܿܢ 526 ܬܲܪܓܸܿܡ ܪܘܼܚܵܐ ܒܲܢܒܼܝܹ̈ܐ. 527 :ܠܵܐ ܨܵܒܹ̇ܐ ܐ̄ܢܵܐ ܒܡܵܘܬܲܝ̈ܟܿܘܿܢ 528 ܐܸܠܵܐ ܒܦܘܼܪܩܵܢ ܚܲܝܲܝ̈ܟܿܘܿܢ. 529 :ܠܲܝܬܿ ܠܹܗ ܗܸܪܓܵܐ ܠܡܵܝܘܿܬܼܵܐ 530 ܕܠܵܐ ܪܸܓܿܬܼܵܐ ܕܡ̇ܝܘܿܬܼܘܼܬܼܵܐ ܗ̄ܘ̣. 531 :ܘܠܵܐ ܡܸܬܼܪܲܥܹܐ ܒܸܣܪܵܢܵܐ 532 :ܚܘܼܫܵܒܹ̈ܐ ܪ̈ܘܼܚܵܢܵܝܹܐ 533 :ܥܸܢܝܵܢ ܚܘܼܒܵܟ ܢܵܓܹ̇ܕ ܠܹܗ 534 ܡ̣ܢ ܚܸܫܟܵܐ ܠܘܵܬܼ ܢܲܗܝܼܪܵܐ. 535 :ܘܫܵܩܹ̇ܠ ܡܸܢܹܗ ܬܲܚܦܝܼܬܼܵܐ 536 ܕܲܦܪܝܼܣܵܐ ܥܲܠ ܪܸܥܝܵܢܹܗ. 537 :ܒܢܘܼܗܪܵܟ ܚܵܙܹ̇ܐ ܢܲܗܝܼܪܵܐ 538 ܘܒܼܝܼܕܲܥܬܼܵܟ ܩܵܢܹ̇ܐ ܚܲܝܹ̈ܐ. 539 :ܡܸܢܵܟ ܝܵܠܹ̇ܦ ܕܲܢܬܿܪܓܸܿܡ 540 ܘܒܼܕܝܼܠܵܟ ܡܲܠܸܦ ܠܲܐ̄ܚܪܹܝܢ. 541 :ܟܠ ܐܸܡܲܬܼܝ ܕܒܼܵܟ ܡܸܬܼܗܲܓܸܿܐ 542 ܥܘܼܬܼܪܹܗ ܣܵܓܹ̇ܐ ܘܡܸܬܼܝܲܬܲܪ. 543 :ܘܐܸܢܗܘ̤ ܕܫܵܒܹ̇ܩ ܥܸܢܝܵܢܸܟ 544 ܬܚܸܝ̣ܒܼ ܘܐܸܬܼܡܲܣܟܲܢ ܣܝܼܡܵܬܹ̈ܗ. 545 :ܐܲܣܝܼܪ ܥܘܼܬܼܪܹܗ ܒܛܲܝܒܿܘܼܬܼܵܟ 546 ܘܡܸܣܟܹܿܢܘܼܬܹܗ ܒܟܹܐܢܘܼܬܼܵܐ. 547 :ܘܐܸܢ ܐܸܙܕܲܕܲܩ ܐܸܬܼܢܲܨܲܚ 548 ܘܐܸܢܗܘ̤ ܕܲܚ̣ܛܵܐ ܐܸܬܼܩܲܦܲܚ. 549 :ܘܟܲܕܼ ܛܵܒܼ ܓܲܠ̈ܝܵܢ ܬܲܪ̈ܬܲܝܗܹܝܢ 550 ܕܲܒܼܕܝܼܠܵܟ ܪܲܒܹܐ ܘܚܵܐܹ̇ܒܼ. 551 :ܠܒܼܝܼܫ ܠܹܗ ܚܘܼܬܼܪܵܐ ܠܡܵܝܘܿܬܼܵܐ 552 ܘܡܸܫܬܲܒܼܗܲܪ ܒܲܕܼܠܵܐ ܕܝܼܠܹܗ. 553 :ܡ̇ܐ ܕܪܲܓܼ ܩܲܠܝܼܠ ܛܵܒܼܵܬܼ̈̄ܐ 554 ܐܵܣܩܹܗ ܚܘܼܬܼܪܹܗ ܠܲܫܡܲܝܵܐ. 555 :ܘܡ̇ܐ ܕܐܸܬܼܩܲܦܲܚ ܒܲܚܛܝܼܬܼܵܐ 556 ܦܲܣܝ̣ܩܹܗ ܠܣܲܒܼܪܹܗ ܒܩܘܼܛܵܥܵܐ. 557 :ܐܸܢܗܘ̤ ܕܩܵܢܹ̇ܐ ܒܘܼܝܵܢܵܐ 558 :ܐܲܫܝܼܛ ܘܐܗܸܠ ܕܲܕܼܘܸܐ ܡ̣ܢ ܐ̄ܢܵܫܵܐ 559 ܐܵܘ ܕܲܒܼܨܝܪ ܐܲܝܟ ܡܘܼܟܵܟܹܗ. 560 :ܕܡ̇ܐ ܕܟܲܢܸܫ ܥܘܼܬܼܪܵܐ ܒܥܲܡܠܵܘ̈ܗܝ 561 :ܒܲܕܿܪܹܗ ܒܪܲܦܝܘܼܬܼ ܪܸܥܝܵܢܹܗ 562 :ܒܣܲܟܼܠܘܼܬܿܢ ܐܸܒܲܕܼ ܥܘܼܬܼܪܲܢ 563 ܘܲܒܼܪܲܦܝܘܼܬܲܢ ܣܝܼ̈ܡܵܬܲܢ. 564 :ܘܐܲܙܥܲܪܢܲܝܗܝ ܠܐܝܼܩܵܪ ܨܲܠܡܲܢ 565 ܒܪܸܓܿܬܼܵܐ ܕܪܸܚܡܲܬܼ ܒܝܼ̈ܫܵܬܼܵܐ. 566 ܐܝܼܬܼܵܘܗܝ ܥܘܼܬܼܪܲܢ ܒܲܫܡܲܝܵܐ: pb. 159 567 ܘܪ̈ܵܢܹܝܢܲܢ ܒܐܲܪ̈ܥܵܢܝܵܬܼܵܐ. 568 :ܩܪܹܝܢܲܢ ܠܲܚܠܘܿܠ ܚܲܕ̈ܘܵܬܼܵܐ 569 ܘܦܵܗܹ̇ܠ ܒܥܲܦܪܵܐ ܪܸܥܝܵܢܲܢ. 570 :ܟܠܹܗ ܥܲܡܠܲܢ ܒܲܚܛܝܼܬܼܵܐ ܗ̄ܘ̣ 571 ܘܲܥܢܹܝܢܲܢ ܒܲܣܪ̈ܝܼܩܵܬܼܵܐ. 572 :ܘܠܵܐ ܣܵܦ̇ܩܵܐ ܠܹܗ ܠܲܬܼܥܵܫܲܢ 573 ܫܵܥܹ̈ܐ ܕܠܸܠܝܵܐ ܘܕܼܐܝܼܡܵܡܵܐ. 574 :ܐܲܡܝܼܢ ܦܵܠܲ݁ܚ ܒܲܪܢܵܫܲܢ 575 ܒܚܲܩܠܵܐ ܟܵܡܲܬܼ ܥܲܠ ܦܹܐܪܹ̈ܐ. 576 :ܘܟܲܕܼ ܛܵܠ̇ܡܵܐ ܠܹܗ ܥܲܠ̈ܠܵܬܼܵܐ 577 ܠܵܐ ܦܵܐܹ̇ܫ ܡ̣ܢ ܦܘܼܠܵܚܵܢܹܗ. 578 :ܟܕܹܝܢ ܦܲܓܼܪܵܐ ܘܙܵܘܥܲܝ̈ ܢܲܦܫܵܐ 579 ܒܢܝܼܪܵܐ ܩܲܫܝܵܐ ܕܲܚܛܝܼܬܼܵܐ. 580 :ܘܗܲܢܝܼ ܥܲܡܠܵܐ ܠܲܬܼܪ̈ܲܝܗܘܿܢ 581 ܘܠܵܐ ܪܓܼܝܼܫܝܼܢ ܕܟܼܡܵܐ ܫܚܝܼܩܝܼܢ. 582 :ܠܲܝܬܿ ܗܲܕܼܡ̇ܐ ܒܲܛܝܼܠܵܐ 583 ܕܠܵܐ ܟܲܫܝܼܪ ܠܲܪ̈ܓܼܝܼܓܼܵܬܵܐ. 584 :ܐܵܦܠܵܐ ܙܵܘܥܵܐ ܡܲܬܼܝܼܢܵܐ 585 ܕܠܵܐ ܪܵܗܹ̇ܛ ܨܹܝܕܼ ܚܘܼܬܼܚܵܬܹ̈ܐ. 586 :ܡ̇ܕܹܝܢ ܟܠܹܗ ܒܲܪܢܵܫܵܐ 587 ܡܲܩܪܸܒܼ ܟܠܫܵܥ ܥܲܡ ܢܲܦܫܹܗ. 588 :ܘܦܲܠܝܼܓܼ ܟܠܹܗ ܥܲܠ ܟܠܹܗ 589 ܘܫܵܕܹ̇ܐ ܓܹܐܪܹ̈ܐ ܒܲܩܢܘܿܡܹܗ. 590 :ܦܠܝܼܓܼ ܠܸܒܵܐ ܥܲܠ ܗܲܕܿܡܹ̈ܐ 591 ܘܗܲܕܵܡܹ̈ܐ ܥܲܠ ܪܹܥܝܵܢܵܐ. 592 :ܘܲܡܟܼܣܹܝܢ ܣܘܼܥܪ݁ܵܢܲܝܗܘܿܢ 593 ܚܲܕܼ ܡ̣ܢ ܚܲܕܼ ܟܲܕܒܼܵܐܝܼܬܼ. 594 :ܕܠܵܐ ܛܲܟܼܣܵܐ ܪܵܕܹܝܢ ܟܠܫܵܥ 595 ܗܲܕܵܡܹ̈ܐ ܘܙܵܘܥܲܝ̈ ܢܲܦܫܵܐ. 596 :ܟܲܕܼ ܪܵܗ̇ܛܝܼܢ ܒܐܸܣܛܵܕܼܝܼܘܿܢ 597 ܕܠܵܐ ܦܘܼܪܥܵܢܵܐ ܘܲܟܼܠܝܼܠܵܐ. 598 :ܚܝܵܪܵܐ ܕܥܲܝܢܲܝ̈ܢ ܙܲܠܝܼܠܵܐ ܗ̄ܘ̣ 599 ܘܫܸܡܥܵܐ ܕܐܸܕܢܲܝ̈ܢ ܟܲܕܵܒܼܵܐ ܗ̄ܘ̣. 600 :ܕܕܲܓܵܠ ܡܲܡܠܠܵܐ ܕܣܦ̈ܘܵܬܲܢ 601 ܘܠܵܐ ܫܲܪܝܼܪܝܼܢ ܦܸܬܼܓܼܵܡܲܝ̈ܢ. 602 :ܒܠܸܒܵܐ ܘܲܒܼܠܸܒܵܐ ܡܡܲܠܸܠ 603 ܕܲܝܵܢܵܐ ܥܲܡܟ ܩܲܪ̈ܝܼܒܼܵܘܗܝ. 604 :ܘܠܵܐ ܫܵܠ̈ܡܵܢ ܓܵܘܵܬܼ̈ܐ 605 ܒܲܥܒܼܵܕܹ̈ܐ ܠܒܲܪ̈ܵܝܵܬܼܵܐ. 606 :ܫܠܵܡܵܐ ܡܝܲܒܸܿܠ ܠܸܫܵܢܲܢ 607 ܘܟܲܡܝܼܢ ܙܹܐܦܵܐ ܒܪܸܥܝܵܢܲܢ. 608 :ܢܘܼܫ̈ܩܵܬܼܵܐ ܒܪܹܫ ܣܸܦ̈ܘܵܬܲܢ 609 ܘܣܲܝܦܵܐ ܠܛܝܼܫܵܐ ܒܚܘܼܫܵܒܲܝ̈ܢ. 610 :ܥܵܐܹ̇ܠ ܫܸܡܥܵܐ ܟܲܕܵܒܼܵܐ 611 ܘܡܲܦܸܩ ܐܝܼܙܓܲܕܐ ܕܚܸܡܬܼܵܐ. 612 :ܘܲܡܚܲܝܸܒܼ ܠܹܗ ܠܙܲܟܵܝܵܐ 613 ܘܡܲܙܲܟܸܿܐ ܠܹܗ ܠܚܲܝܵܒܼܵܐ. 614 :ܡܫܲܕܼܪ̈ܢ ܥܲܝܢܹ̈ܐ ܨܲܝܵܪ̈ܵܐ 615 ܒܵܬܼܵܪ ܨܲܝܕܼܵܐ ܕܨܲܚܢܘܼܬܼܵܐ. 616 :ܘܡܸܬܿܬܿܪܣܸܐ ܦܲܓܼܪܵܐ ܝܲܥܢܵܐ 617 ܒܲܥܠܘܼܒܼܝܵܐ ܕܲܟܼܢܘܬܹ̈ܗ. 618 :ܒܲܩܠܘܼܒܼܝܵܐ ܕܥܲܝܢܵܐ ܪܦܝܼܬܼܵܐ 619 ܣܝܼܡ ܝܲܨܪܵܐ ܐܲܝܟ ܦܵܪܲܚܬܼܵܐ. 620 :ܘܲܚܠܵܦ ܩܵܠܵܐ ܒܓܲܕܼ ܪܸܡܙܵܐ 621 ܡܫܲܓܸܿܫ ܠܹܗ ܠܝܲܨܪܵܐ ܪܲܦܝܵܐ. 622 :ܟܲܡܝܼܢ ܝܲܨܪܵܐ ܕܨܲܚܢܘܼܬܼܵܐ 623 ܠܓܼܵܘ ܡ̣ܢ ܕܲܦܵܐ ܕܒܼܵܒܼܵܬܼ̈ܐ. 624 :ܘܲܡܫܲܚܠܸܦ ܩܵܠܹ̈ܐ ܒܪܸܡܙܵܐ 625 ܕܡܸܬܼܥܲܪܩܲܠ ܨܲܝܕܼܵܐ ܒܢܸܫܒܵܘ̈ܗܝ. pb. 160 626 :ܐܘܿ ܥܲܝܢܵܐ ܠܲܡܦܹܝܕܼ ܢܘܼܗܪܵܐ 627 ܫܪܵܓܼܵܐ ܕܪ̈ܓܼܫܹܐ ܒܲܪ̈ܵܝܹܐ. 628 :ܕܲܗܘ̤ܵܬܼ ܥܸܠܲܬܼ ܬܘܼܩ̈ܠܵܬܼܵܐ 629 ܠܪܸ̈ܥܝܵܢܹܐ ܘܲܠܗܲܕܵܡܹ̈ܐ. 630 ܪܵܡܹ̇ܙ ܠܸܒܵܐ ܠܠܸܫܵܢܵܐ. 631 ܕܲܢܡܸܠܸܠ ܟܲܕܵܒܼܐܝܼܬܼ. 632 :ܘܟܲܕܼ ܠܵܐ ܐܝܼܬܼܵܘܗܝ ܣܘܼܥܪܵܢܵܐ 633 ܡܬܲܪܓܸܿܡ ܠܹܗ ܐܲܝܟ ܗܵܘ ܕܐܝܼܬܼܵܘܗܝ. 634 :ܒܟܸܢܵܪܵܐ ܕܦܘܼܡ̇ܐ ܢܵܩܹ̇ܫ 635 ܠܸܒܵܐ ܒܨܸܒܼܥܵܐ ܕܠܸܫܵܢܵܐ. 636 :ܘܠܵܐ ܫܵܠܹ̇ܡ ܩܵܠܵܐ ܕܡܸܢܹ̈ܐ 637 ܠܪܸܡܙܵܐ ܕܨܸܒܼܥܹܗ ܕܐܘܼܡ̇ܢܵܐ. 638 :ܙܵܡܲܪ ܒܹܗ ܐܲܝܟ ܐܲܒܿܘܼܒܼܵܐ 639 ܢܸܥ̈ܡܬܼܵܐ ܒܲܣܝܼ̈ܡܵܬܼܵܐ. 640 :ܘܗܲܢܝܼ ܫܸܡܥܵܐ ܩܲܕܼܡ̇ܝܵܐ 641 ܘܒܼܝܼܫܵܐ ܚܲܪܬܹܗ ܕܦܸܬܼܓܼܵܡܵܐ. 642 :ܐܵܦ ܦܘܼܡ̇ܐ ܬܲܦܵܐ ܪܲܓܼܝܵܐ 643 ܕܡܲܪܕܹܿܐ ܫܸܩܝܵܐ ܡܲܠܵܠܐ. 644 :ܕܗܸܦܟܲܬ̤ ܚܲܠܝܘܼܬܼ ܫܵܩܘܼܬܹܗ 645 ܘܲܗܘ̤ܵܬܼ ܡܸܪܲܬܼ ܒܝܼ̈ܫܬܼܵܐ. 646 :ܐܘܿ ܣܢܹܐܓܼܪܵܐ ܕܲܥܠܝܼܒܼܘܼܬܼܵܐ 647 ܕܲܗܦ݂ܲܟ ܘܲܗܘ̤ܵܐ ܥܵܠܘܿܒܼܵܐ. 648 :ܘܙܲܒܿܢܵܗ̇ ܠܚܹܐܪܘܼܬܼ ܫܘܼܠܛܵܢܹܗ 649 ܠܥܲܒܼܕܿܘܼܬܵܐ ܕܥܵܠܘܿܒܼܘܼܬܼܵܐ. 650 :ܐܘܿ ܠܸܫܵܢܵܐ ܐܝܼܙܓܲܕܵܐ 651 ܕܲܡܗܲܝܡܲܢ ܠܲܬܼܪܹܝܢ ܡܲܠ̈ܟܹܿܐ. 652 :ܕܐܲܪܡܝܼ ܗܸܪܬܼܵܐ ܠܗܲܕܵܡܹ̈ܐ 653 ܘܦܲܠܸܓܼ ܥܲܠ ܢܲܦܫܵܐ. 654 :ܐܘܿ ܟܸܢܵܪܵܐ ܡܲܠܵܠܵܐ 655 ܕܐܸܬܿܕܵܘܲܕܼ ܩܵܠ ܢܸܥ̈ܡܵܬܹܗ. 656 :ܐܘܿ ܡܛܲܟܿܣܵܢܵܐ ܕܚܲܪܫܘܼܬܼܵܐ 657 ܕܲܚܪܸ݂ܫ ܘܲܛܥ̣ܵ̄ܗ̇ ܠܘܵܠܝܼܬܼܵܐ. 658 :ܠܦܝܼܓܼܵܐ ܢܲܦܫܵܐ ܥܲܠ ܦܲܓܼܪܵܐ 659 ܘܦܲܓܼܪܵܐ ܠܵܐ ܫܘܵܐ ܥܲܡ ܢܲܦܫܵܐ. 660 :ܕܲܒܼܢܲܦܸܫܵܐ ܚܲܕܼ ܚܘܼܫܵܒܼܵܐ 661 ܘܦܘܼܡ̇ܐ ܡܬܲܪܓܸܿܡ ܕܲܠܩܘܼܒܼܠܵܐ. 662 :ܕܵܫ̣ܬܹܗ ܪܲܦܝܘܼܬܼ ܨܸܒܼܝܵܢܲܢ 663 ܠܲܟܼܝܵܢܵܐ ܘܲܠܢܵܡܘܿܣܵܐ. 664 :ܘܲܗܘ̤ܵܐ ܟܝܵܢܵܐ ܘܲܟܼܬܼܵܒܼܵܐ 665 ܝܲܬܿܝܼܪܵܐ ܠܡܲܪܵܚܘܼܬܿܢ. 666 :ܒܲܛܝܼܠ ܪܲܗܛܹܗ ܕܲܟܼܝܵܢܵܐ 667 :ܘܲܒܼ̈ܢܵܬܼ ܩܵܠܵܘ̈ܗܝ ܕܲܟܼܬܼܵܒܼܵܐ 668 :ܘܠܵܐ ܟܝܵܢܵܐ ܪܵܕܹܐ ܒܛܲܟܼܣܹܗ 669 ܘܠܵܐ ܒܦܘܼܩܕܵܢ̈ܘ̈ܗܝ ܕܲܟܼܬܼܵܒܼܵܐ. 670 :ܒܩܸܢܝܵܢܵܐ ܥܵܠܘܿܒܼܘܼܬܼܵܐ 671 ܘܲܒܼܙܘܼܘܵܓܼܵܐ ܫܘܼܚܵܛܵܐ. 672 :ܒܡܹܐܟܼܘܼܠܬܵܐ ܐܵܣܘܿܛܘܼܬܼܵܐ 673 ܘܲܒܼܫܸܩܝܵܐ ܪܵܘܝܘܼܬܼܵܐ. 674 :ܒܲܚܝܵܪܵܐ ܙܲܠܝܼܠܘܼܬܼܵܐ 675 ܘܲܒܼܫܸܡܥܵܐ ܟܲܕܼܒܼܘܼܬܼܵܐ. 676 :ܡܹܐܟܲܠܩܲܪܨܵܐ ܒܣܸܦ̈ܘܵܬܼܵܐ 677 ܘܣܲܡ ܡ̇ܘܬܵܐ ܒܪܹܫ ܠܸܫܵܢܵܐ. 678 :ܬܲܟܼܬܿܘܼܫܵܐ ܒܪܸܚܡܲܬܼ ܟܸܣܦܵܐ 679 ܘܩܹܐܪܣܵܐ ܒܟܼܘܼܢܵܫ ܡ̇ܡܘܢܵܐ. 680 :ܟܲܕܼ ܡܲܩܠܹܝܢ ܚܲܕܼ ܥܲܠ ܚܲܒܼܪܹܗ 681 ܕܐܲܝܢܵܐ ܢܸܥܠܘܿܒܼ ܝܲܬܿܝܼܪܵܐ. 682 :ܢܵܚ̇ܬܿܝܼܢ ܟܠܢܵܫ ܡ̇ܝܘܿܬܹ̈ܐ 683 ܠܐܵܓܼܘܿܢܵܐ ܕܪܸܚܡܲܬܼ ܫܘܼܒܼܚܵܐ. 684 :ܘܡ̇ܐ ܕܲܣܒ݂ܲܪܘ ܕܲܙܟܼܵܘܼ ܘܲܣܠܸܩܘ 685 ܪܗܸܛ ܫܘܼܒܼܚܵܐ ܘܚܲܝܸܒܼ ܐܢܘܿܢ. pb. 161 686 :ܠܵܐ ܠܬܲܟܼܬܿܘܼܫܗܘܿܢ ܙܵܟܼܘܼܬܼܵܐ 687 ܘܠܵܐ ܠܥܲܡܠܲܝ̈ܗܘܿܢ ܦܘܼܪܥܵܢܵܐ. 688 :ܕܠܵܐ ܚܵܢܹ̇ܝܢ ܠܘܼܩܒܲܠ ܢܝܼܫܵܐ 689 ܕܚܲܙܵܝܵܐ ܕܐܲܬܼܠܹܝܛܘܼܬܵܐ. 690 :ܛܠܝܼܡ ܨܵܘܡ̇ܐ ܒܝܲܕܼ ܫܘܼܒܼܗܵܪܵܐ 691 ܘܲܨܠܘܿܬܼܵܐ ܒܝܲܕܼ ܩܘܼܠܵܣܵܐ. 692 :ܘܒܲܛܝܼܠ ܦܘܼܠܚܵܢ ܙܸܕܩܵܬܼ̈ܐ 693 ܘܠܲܝܬܿ ܦܹܐܪܹ̈ܐ ܕܫܘܼܒܼܩܵܢ ܥܵܘ̣ܠܵܐ. 694 :ܟܪܝܼܗ ܦܲܓܼܪܵܐ ܒܪܸܓܲܬܼ ܒܸܣܪܵܐ 695 ܘܢܲܦܫܵܐ ܒܪܸܚܡܲܬܼ ܬܸܫܒܿܘܿܚܬܵܐ. 696 :ܘܣܲܡܝܵܐ ܥܲܝܢܵܐ ܕܬܲܪܥܝܼܬܼܵܐ 697 ܘܠܵܐ ܡܸܬܼܒܲܩܝܵܐ ܒܲܫܪܵܪܵܐ. 698 :ܡܚܝܼܠܝܼܢ ܪܸܓܼܫܹܐ ܒܲܪ̈ܵܝܹܐ 699 ܘܲܢܣܝܼܣܝܼܢ ܙܵܘܥܹ̈ܐ ܕܲܠܓܼܵܘ. 700 :ܘܒܲܛܝܼܠ ܪܲܗܛܵܐ ܕܲܬܼܪ̈ܲܝܗܘܿܢ 701 ܡ̣ܢ ܡܲܪܕܿܝܼܬܼܵܐ ܕܟܹܐܢܘܼܬܼܵܐ. 702 :ܒܐܸܫܵܬܼܵܐ ܕܥܵܘ̣ܠܵܐ ܩܲܫܝܵܐ 703 ܪܡܹܝܢ ܗܲܕܿܡܹ̈ܐ ܘܚܘܼܫܵܒܹ̈ܐ. 704 :ܘܛܲܒܝܼܥܵܐ ܢܲܦܫܵܐ ܘܦܲܓܼܪܵܐ 705 ܒܝܘܩܪܵܐ ܕܪܸܚܡܲܬܼ ܒܝܼ̈ܫܵܬܼܵܐ. 706 :ܐܘܿ ܒܲܪܢܵܫܵܐ ܡܠܸܐ ܚܲܫܹ̈ܐ 707 ܡܢ̣ܘ ܢܦܲܨܝܟ ܡ̣ܢ ܚܲܫܹ̈ܐ. 708 :ܒܥܝܼ ܘܐܸܬܼܟܲܫܲܦ ܐܸܢ ܡܲܨܝܵܐ 709 ܕܢܹܐܬܼܘܿܢ ܪ̈ܲܚܡܹܐ ܠܐܝܼܵܠܵܟ. 710 :ܐܸܢ ܪ̈ܲܚܡܹܐ ܠܵܐ ܡܲܐܣܹܝܢ ܠܵܟ 711 ܠܲܝܬܿ ܐܵܣܝܘܼܬܼܵܐ ܠܲܬܼܒܼܵܪܵܟ. 712 :ܘܐܸܢ ܠܵܐ ܩܵܝ̇ܡܵܐ ܛܲܝܒܿܘܼܬܼܵܐ 713 ܦܣܝܼܩ ܣܲܒܼܪܵܟ ܡ̣ܢ ܟܹܐܢܘܼܬܼܵܐ. 714 :ܛܵܒܼܵܐ ܕܓܲܒܼ݂ܠܹܗ ܠܲܟܼܝܵܢܲܢ 715 ܘܟܲܢܹܝܗ ܒܨܲܠܡܹܗ ܘܲܕܼܡܘܼܬܹܗ. 716 :ܦܪܘܿܩ ܨܲܠܡܵܟ ܘܲܥܒܼܵܕܼ ܐܝܼܕܲܝ̈ܟ 717 ܘܠܵܐ ܢܸܬܼܚܲܒܲܠ ܬܘܼܩܵܢܵܟ. 718 :ܒܲܫܡܵܐ ܕܨܲܠܡܵܟ ܝܲܩܲܪܵܢ 719 ܣܲܒܼ ܒܐܲܦܲܝ̈ܢ ܡܸܛܠ ܨܲܠܡܵܟ. 720 :ܒܢܲܝܵ̈ܐ ܩܪ̣ܵܝܬܵܢ ܠܵܐ ܢܸܗܘܸܐ 721 ܢܘܼܟܼܪ̈ܵܝܹܐ ܠܒܲܝܬܵܝܘܼܬܼܵܟ. 722 :ܒܨܝܼܪ ܗ̄ܘ̣ ܟܝܵܢܲܢ ܡ̣ܢ ܗܵܕܹܐ 723 ܘܠܵܐ ܫܵܘܹ̇ܐ ܠܲܫܡܵܐ ܕܨܲܠܡܵܟ. 724 :ܒܵܟ ܢܸܫܬܲܡܠܸܐ ܦܘܼܪܩܵܢܲܢ 725 ܐܲܝܟ ܬܘܼܩܵܢܲܢ ܩܲܕܡ̇ܝܵܐ. 726 :ܦܫܝܼܩ ܗ̄ܘ̣ ܠܪܸܡܙܵܡܟ ܩܲܠܝܼܠܵܐ 727 ܚܘܕܵܬܼܵܐ ܐܲܝܟ ܬܘܼܩܵܢܵܐ. 728 :ܘܠܵܐ ܡܸܬܼܥܵܘܲܟ ܨܸܒܼܝܵܢܵܟ 729 ܡܸܛܠ ܒܝܼܫܘܼܬܼ ܚܘܼܒܵܠܲܢ. 730 :ܒܪ̈ܲܚܡܹܐ ܘܚܘܼܒܵܐ ܬܲܩܸܢܬܵܢ 731 ܕܠܵܐ ܒܵܥܘܼܬܼܵܐ ܘܲܦܝܵܣܵܐ. 732 :ܐܵܦ ܗܵܫܵܐ ܒܪ̈ܲܚܡܹܐ ܘܚܘܼܒܵܐ 733 ܚܲܕܸܿܬܼ ܘܐܲܚܵܐ ܘܚܘܼܢ ܘܲܫܒܼܘܿܩ. 734 :ܠܵܐ ܓܹܝܪ ܫܵܘ̇ܝܵܐ ܒܵܥܘܼܬܲܢ 735 ܕܲܬܼܦܝܼܣ ܡܸܛܠ ܫܘܼܒܼܩܵܢܵܐ. 736 :ܪ̈ܲܚܡܹܐ ܘܚܘܼܒܵܐ ܢܸܬܼܢܲܨܚܘܼܢ 737 ܒܚܘܼܕܵܬܲܢ ܐܲܝܟ ܕܲܡܥܵܕܹܝܢ. 738 :ܠܵܐ ܡܸܬܼܒܲܥܝܵܐ ܒܵܥܘܼܬܼܵܐ 739 ܠܝܵܗܘܿܒܼܵܐ ܕܠܵܐ ܡܸܬܼܡܲܣܟܲܢ. 740 :ܐܵܦܠܵܐ ܦܝܵܣܵܐ ܚܵܫܲ݁ܚ ܠܹܗ 741 ܠܗܵܘ̇ ܕܲܩܕܼܵܡ ܟܠ ܝܵ̇ܕܲܥ ܠܹܗ. 742 :ܫܡܝܼܥ ܗ̄ܘ̣ ܠܹܗ ܩܵܠ ܒܵܥܘܼܬܲܢ 743 ܥܲܕܼܠܵܐ ܢܹܐܬܸܐ ܠܲܗܘܵܝܵܐ. 744 :ܘܲܕܼܢܝܼܚ ܗ̄ܘ̣ ܩܕܼܵܡ ܝܼܕܲܥܬܹܗ 745 :ܦܝܵܣܵܐ ܥܲܕܼܠܵܐ ܢܸܬܿܬܲܩܲܢ 746 :ܒܲܢ ܚܵܐ̇ܲܪ ܗ̄ܘ̣ܵܐ ܡܬܼܘܿܡ̇ܐܝܼܬܼ 747 ܘܡܸܬܼܒܲܩܸܐ ܗ̄ܘ̣ܵܐ ܒܟܼܠܥܸܕܵܢ. 748 :ܘܕܼܝܼܠܲܢ ܘܲܕܼܟܼܠ ܓܲܠ̈ܝܵܢ ܗ̣̄ܘܲܝ̈ 749 ܠܟܲܣܝܘܼܬܼܵܐ ܕܐܲܠܵܗܘܼܬܹܗ. pb. 162 750 :ܠܵܘ ܒܵܥܘܼܬܼܵܐ ܡܦܝܼܣܵܐ ܠܹܗ 751 ܠܚܲܝܠܵܐ ܕܗܵܠܹܝܢ ܚܸܟܼܡܵܬܹ̈ܗ. 752 :ܠܲܢ ܗ̄ܘ̣ ܒܵܥܹ̇ܐ ܕܲܢܚܵܘܸܐ 753 ܕܨܸܒܼܝܵܢܵܐ ܗ̄ܘ̣ ܚܵܛܹ̇ܐ ܘܬܼܵܐܹ̇ܒܼ. 754 :ܒܝܲܕܼ ܒܵܥܘܼܬܼܵܐ ܡܲܠܸܦ ܠܲܢ 755 ܕܠܵܐ ܗ̄ܘ̣ܵܐ ܩܛܝܪܵܐ ܡܲܚܛܸܐ ܠܲܢ. 756 :ܕܐܲܝܟ ܕܲܦܪ݂ܵܫܢܲܢ ܕܢܲܨܠܸܐ 757 ܦܫܝܼܩ ܗ̄ܘ̣ ܠܲܢ ܕܐܵܦܠܵܐ ܢܸܚܛܸܐ. 758 :ܗܵܘ̇ ܝܲܨܪܵܐ ܕܐܲܪܫܲܥ ܘܲܚ̣ܛܵܐ 759 ܗܘ̤ܝܘܼ ܕܲܦܪ݂ܵܫ ܘܐܸܙܕܲܕܲܩ. 760 :ܘܕܼܝܼܠܹܗ ܗ̄ܝܼ ܚܲܝܵܒܼܘܼܬܼܵܐ 761 ܘܙܵܟܼܘܼܬܼܵܐ ܕܲܬܼܘܵܬܼ ܢܲܦܫܵܐ. 762 :ܗܵܐ ܝܘܼܠܦܵܢܵܐ ܕܡܲܣܪܵܚ ܠܲܢ 763 ܒܵܪܘܿܝܵܐ ܒܝܲܕܼ ܒܵܥܘܼܬܼܵܐ. 764 :ܕܠܵܐ ܢܸܬܼܥܲܕܲܠ ܨܸܒܼܝܵܢܲܢ 765 ܒܬܼܘܼܩܵܢܲܢ ܐܲܝܟ ܕܲܒܼܒܼܝܼܫܵܐ. 766 :ܘܟܲܕܼ ܛܵܒܼ ܝܵ̇ܕܲܥ ܠܲܟܼܝܵܢܲܢ 767 ܕܕܝܼܠܹܗ ܐܸܢܹܝܢ ܬܲܪ̈ܬܲܝܗܹܝܢ. 768 :ܠܵܐ ܡܲܗܡܸܐ ܡ̣ܢ ܬܘܼܪܵܨܲܝܢ 769 ܡܸܛܠ ܚܘܼܒܹܿܗ ܕܲܠܘܵܬܲܢ. 770 :ܠܝܲܨܪܲܢ ܝܲܗ̣̄ܒܵܗ̇ ܠܙܵܟܼܘܼܬܼܵܐ 771 ܡܸܛܠ ܨܸܒܼܝܵܢ ܚܹܐܪܘܼܬܲܢ. 772 :ܘܟܲܕܼ ܗܘ̤ ܝܲܨܪܲܢ ܒܲܪ ܚܹܐܪܹ̈ܐ ܗ̄ܘ̣ 773 ܘܡܲܠܸܦ ܠܲܢ ܕܐܲܝܟܲܢ ܢܸܙܟܸܿܐ. 774 :ܐܲܢ̄ܬܿ ܡܵܪܝ ܐܲܫܪܝܼܬܿ ܒܲܟܼܝܵܢܲܢ 775 ܝܼܕܲܥܬܼܵܐ ܕܗܵܠܹܝܢ ܢܸܪܢܹܐ. 776 :ܐܲܢ̄ܬܿ ܐܲܠܸܦܬܵܢ ܕܐܲܝܟܲܢܵܐ 777 ܡܫܲܠܲܛ ܝܲܨܪܲܢ ܥܲܠ ܢܲܦܫܲܢ. 778 :ܘܐܵܘܕܲܥܬܵܢ ܐܲܝܟ ܝܵܕܲܘܿܥܵܐ 779 ܘܚܲܟܸܿܡܬܵܢ ܐܲܝܟ ܒܲܣܝܼܡܵܐ. 780 :ܩܲܒܸܿܠ ܡ̇ܕܹܝܢ ܒܵܥܘܼܬܲܢ 781 ܕܲܪܫܝܼܡ ܒܵܗ̇ ܨܠܸܡ ܚܸܟܼ̈ܡܵܬܼܵܟ. 782 :ܠܵܟ ܝܵܗ̇ܒܿܝܼܢܲܢ ܡ̣ܢ ܕܝܼܠܵܟ 783 ܩܲܒܸܿܠ ܒܐܝܼܕܲܢ ܡ̇ܘܗܲܒܼܬܼܟ. 784 :ܣܲܒܼ ܕܝܼܠܵܟ ܘܗܲܒܼ ܠܲܢ ܕܝܼܠܵܟ 785 ܕܠܵܟ ܦܐܹܐ ܠܡܸܬܲܠ ܡ̣ܢ ܕܝܼܠܵܟ. 786 :ܒܥܘܼܬܼܵܐ ܕܟܲܣܝܘܼܬܼ ܪܲܒܿܘܼܬܼܵܟ 787 ܚܵܪܲܬ̤ ܡܸܠܲܬܼ ܚܲܠܵܫܘܼܬܼܝ. 788 :ܘܐܸܬܼܪܲܓܼܪܓܲܬ̤ ܕܲܟܼܒܲܪ ܬܸܫܘܸܐ 789 ܠܢܸܬܼܪܵܐ ܙܥܘܿܪܵܐ ܕܡ̇ܘܗܲܒܼܬܼܵܟ. 790 :ܒܲܫܦܝܼܥܘܼܬܼ ܚܘܼܒܵܟ ܐܲܩܸܬܼ 791 ܚܝܪܵܐ ܕܪܸܥܝܵܢܝ ܡܸܣܟܹܿܢܵܐ. 792 :ܘܲܪܢܹ̇ܝܬܼ ܕܐܸܒܼܥܸܐ ܐܸܢ ܡܲܨܝܵܐ 793 ܠܡܸܣܲܒܼ ܡܲܓܵܢ ܫܘܼܒܼܩܵܢܵܐ. 794 :ܥܲܠ ܢܘܼܟܼܠܵܢܵܐ ܕܲܚܢܵܢܵܟ 795 ܚܸܙܩܲܬܼ ܒܲܠܘܝܼܬܼ ܝܘܼܠܦܵܢܵܐ. 796 :ܚܵܘܵܢܝ ܐܘܼܪܚܵܐ ܕܐܹܙܲܠ ܒܵܗ̇ 797 ܠܐܵܘܵܢܹ̈ܐ ܕܲܓܼܡܝܼܪܘܼܬܼܵܐ. 798 :ܦܫܘܿܛ ܠܹܗ ܐܝܼܕܼܵܐ ܠܛܲܒܿܝܼܥܵܐ 799 ܕܨܵܒܹ̇ܐ ܕܢܼܣܲܩ ܡ̣ܢ ܥܵܘ̣ܠܹܗ. 800 :ܒܚܹܝܠ ܥܘܼܕܼܪܵܢܵܟ ܢܸܬܼܚܲܝܲܠ 801 ܫܲܒܼܪܵܐ ܕܫܲܪܝܼ ܕܲܢܠܲܓܼܠܸܓܼ. 802 :ܪܸܓܲܬܼ ܚܘܼܒܵܐ ܡܥܝܼܪܵܐ ܠܝܼ 803 ܐܲܝܟ ܕܲܠܕܲܡܟܵܐ ܡ̣ܢ ܫܸܢܬܼܵܐ. 804 :ܒܨܲܦܪܵܐ ܕܪܸܡܙܵܟ ܬܸܬܼܪܕܸܦ 805 ܫܸܢܬܼܵܐ ܕܥܵܘ̣ܠܵܐ ܡ̣ܢ ܪܸܥܝܵܢܝ. 806 :ܠܘܼܩܒܲܠ ܢܘܼܗܪܵܐ ܕܝܼܕܲܥܬܼܵܟ 807 ܣܵܘ̇ܚܝܼܢ ܙܵܘܥܹ̈ܐ ܕܚܘܼܫܵܒܲܝ̈. 808 :ܓܠܝܼ ܬܲܚܦܝܼܬܼܵܐ ܕܥܲܡܛܵܢܵܐ 809 ܕܲܦܪܝܼܣܵܐ ܠܥܸܠ ܡ̣ܢ ܬܲܪܥܝܼܬܼܝ. 810 :ܢܵܡܘܿܣܵܐ ܪܘܼܚܵܢܵܝܵܐ 811 ܬܪܲܨ ܠܝܼ ܢܝܼܫܵܐ ܕܙܵܟܼܘܼܬܼܵܐ. pb. 163 812 :ܢܸܚܢܘܿܢ ܙܵܘܥܝ̈ ܥܲܡ ܡܸܠܲܝ̈ 813 ܠܘܵܬܼ ܩܘܼܫܬܵܐ ܢܝܼܫܵܐ ܕܚܲܝܹ̈ܐ. 814 :ܒܢܸܒܼܥܵܐ ܕܡܸܠܲܬܼ ܝܘܼܠܦܵܢܵܐ 815 ܒܥܹ̇ܝܬܼ ܕܐܲܦܝܼܓܼ ܨܲܗܹܝܗ ܕܪܸܥܝܵܢܝ. 816 :ܒܫܸܩܝܵܐ ܕܪܘܼܚܵܐ ܬܸܬܼܪܲܓܸܐ 817 :ܝܲܒܿܝܼܫܘܼܬܼܵܐ ܕܚܘܿܫܵܒܲܝ̈ 818 :ܒܟܸܣܦܵܐ ܕܡܸܠܬܼܵܟ ܨܵܒܹ̇ܐ ܐ̄ܢܵܐ 819 ܕܐܸܬܿܬܿܓܲܪ ܐܸܢ ܡܸܫܟܲܚܢܵܐ. 820 :ܒܫܵܥܹ̈ܐ ܚܕܲܥܣܲܪ ܡ̇ܘܓܲܪ ܐ̄ܢܵܐ 821 ܒܬܸܢܘܲܝ ܕܐܸܣܲܒܼ ܕܹܝܵܢܵܪܵܐ. 822 :ܕܠܵܐ ܛܸܥ̇ܢܹܬܼ ܝܘܼܩܪܹܗ ܕܝܵܘܡ̇ܐ 823 ܢܢܝܼܚܲܢܝ ܦܢܵܝܵܐ ܕܲܚܢܵܢܵܟ. 824 :ܕܲܒܼܣܘܼܥܪ݁ܵܢܹܐ ܠܵܐ ܚܸܫܹ̇ܬܼ 825 ܐܸܫܘܸܐ ܠܐܲܓܼܪܵܐ ܒܝܲܕܼ ܡܸܠܹ̈ܐ. 826 :ܒܗܸܪܓܵܐ ܕܡܸܠܹ̈ܐ ܨܵܒܹ̇ܐ ܐ̄ܢܵܐ 827 ܕܐܸܩܪܸܐ ܦܵܥܵܠܹ̈ܐ ܠܦܘܼܠܚܵܢܵܟ. 828 :ܫܡܲܥ ܡܸܠܲܝ̈ ܐܵܦܸܢ ܫܝܼ̈ܛܵܐ 829 ܕܐܸܗܘܸܐ ܒܟܲܪܡ̇ܟ ܦܲܠܵܚܵܐ. 830 :ܠܲܙܡܝܼܢܹ̈ܐ ܒܥܹ̇ܝܬܼ ܕܐܹܟܲܢܸܫ 831 ܠܲܚܠܘܿܠܵܐ ܪܘܼܚܵܢܵܝܵܐ. 832 :ܢܟܲܣܘܿܢ ܪ̈ܲܚܡܹܐ ܠܗ݂ܲܕܵܡܲܝ̈ 833 ܕܲܫܠܝܼܚܝܼܢ ܡ̣ܢ ܢܟܼܦܘܼܬܼܵܐ. 834 :ܢܸܦܘܿܩ ܚܘܼܒܵܟ ܥܲܡ ܡܸܠܲܝ̈ 835 ܒܵܬܲܪ ܥܸܪ݁ܒܹܿܐ ܐܲܒܿܝܼܕܹ̈ܐ. 836 :ܘܢܸܬܼܟܲܢܫܘܼܢ ܡ̣ܢ ܟܠ ܦܸܢ̈ܝܵܢ 837 ܠܲܛܝܵܪܵܐ ܦܲܐܝܵܐ ܕܪ̈ܲܚܡܲܝܟ. 838 :ܣܥܘܿܪ ܒܐܝܼܕܲܝ̈ ܐܲܝܟ ܕܲܡܥܵܕܲܬܿ 839 ܠܡܸܣܥܲܪ ܒܐܝܼܕܼܵܐ ܕܚܲܛܵܝܹ̈ܐ. 840 :ܘܐܸܢܗܘܸܐ ܥܸܠܲܬܼ ܝܘܼܬܼܪܵܢܵܐ 841 ܠܲܩܢܘܿܡܝ ܘܲܠܫܲܦܠܹ̈ܐ ܕܐܲܟܼܘܵܬܼܝ. 842 :ܚܲܓܼܠܵܐ ܩܵܪܹ̇ܐ ܠܘܵܬܼ ܡ̇ܘܬܵܐ 843 ܘܨܵܐܹ̇ܕܼ ܚܲܒܼܪ̈ܵܘܗܝ ܠܐܲܒܼܕܵܢܵܐ. 844 :ܒܲܩܪܵܝܬܵܐ ܕܡܸܠܲܝ̈ ܢܸܚܘܿܢ 845 ܡܝܼ̈ܬܹܐ ܕܡܝܼܬܼܘ ܒܲܚܛܵܗܲܝ̈ܗܘܿܢ. 846 :ܠܩܵܠ ܦܸܬܼܓܼܵܡܲܝ̈ ܢܸܬܿܬܿܥܝܼܪܘܼܢ 847 ܕܲܡ̈ܟܹܿܐ ܕܲܛܲܒܲܥܘ̣ ܒܲܚܛܝܼܬܼܵܐ. 848 :ܘܢܸܦܨܘܼܢ ܝܘܼܩܪܵܐ ܕܚܵܘܒܲܝ̈ܗܘܿܢ 849 ܒܫܸܡܥܵܐ ܨܲܦܪܵܐ ܬܪܲܝܵܢܵܐ. 850 :ܢܦܝܼܣܵܟ ܚܠܵܦܲܝ ܨܸܒܼܝܵܢܵܟ 851 ܕܠܵܐ ܣܵܦܹ̇̄ܩ ܐ̄ܢܵܐ ܠܲܦܝܵܣܵܟ. 852 :ܢܫܲܝܢܵܟ ܚܘܼܒܵܟ ܥܲܡ ܚܵܘܒܲܝ̈ 853 ܕܐܸܫܡܲܥ ܩܵܠܵܐ ܕܬܲܪܥܘܼܬܼܵܐ. 854 :ܢܹܐܬܼܐ ܠܲܢ ܛܲܠܵܐ ܕܪ̈ܲܚܡܲܟ 855 ܘܲܪ̈ܣܝܼܣܹܐ ܕܙܲܕܿܝܼܩܘܼܬܼܵܐ. 856 :ܘܢܲܦܪܲܥ ܢܘܼܪܒܵܐ ܕܲܬܘܵܬܼܵܐ 857 ܒܓܼܵܘ ܥܸܩܵܪܹ̈ܐ ܕܪܸܥܝܵܢܲܢ. 858 :ܢܵܘܥܹܐ ܙܲܪܥܵܐ ܪܘܼܚܵܢܵܐ 859 ܒܢܲܦܫܲܢ ܐܲܪܥܵܐ ܒܲܝܵܪܬܵܐ. 860 :ܘܢܸܛܥܲܢ ܦܹܐܪܹ̈ܐ ܕܚܲܕܼ̈ܘܵܬܼܵܐ 861 ܠܸܒܲܢ ܝܵܗܹ̇ܒܼ ܚܲܪ̈ܘܼܒܹܐ. 862 :ܢܸܬܼܪܲܓܸܿܐ ܒܩܵܠ ܦܘܼܩܕܵܢܲܝ̈ܟ 863 ܫܸܡܥܵܐ ܥܲܛܠܵܐ ܕܬܲܪܥܝܼܬܲܢ. 864 :ܘܬܸܗܘܸܐ ܐܘܼܪܚܵܐ ܡܲܫܡܲܥܬܲܢ 865 ܠܩܵܠܵܐ ܕܡܲܥܸܠ ܒܘܼܝܵܢܵܐ. pb. 164 866 :ܒܲܚܝܵܪܵܐ ܕܙܲܠܝܼܠܘܼܬܼܵܐ 867 ܚ̣ܫܸܟ ܠܲܡܦܹܝܕܼܵܐ ܕܪܸܥܝܵܢܲܢ. 868 :ܢܸܗܘܸܐ ܫܪܵܪܵܟ ܡܲܚܙܝܼܬܼܵܐ 869 ܘܢܸܡܪܘܿܩ ܒܵܗ̇ ܣܲܢܝܘܼܬܼ ܢܲܦܫܲܢ. 870 :ܦܘܼܡ̇ܐ ܕܲܗܘ̤ܵܐ ܡܲܥܒܲܪܬܵܐ 871 ܘܓܲܫܪܵܐ ܠܩܵܠܹ̈ܐ ܙܲܠܝܼܠܹ̈ܐ. 872 :ܢܸܙܡܲܪ ܒܹܗ ܩܵܠ ܨܸܒܼܝܵܢܵܟ 873 ܬܵܘܕܿܝܼܬܼܵܐ ܕܠܵܐ ܦܘܼܠܵܓܼܵܐ. 874 :ܢܸܬܼܩܲܕܲܫ ܗܲܝܟܲܠ ܦܲܓܼܪܲܢ 875 ܘܢܸܬܿܕܲܟܿܘܿܢ ܙܲܘܥܹ̈ܐ ܕܢܲܦܫܲܢ. 876 :ܘܢܸܥܡܲܪ ܒܲܢ ܣܲܒܼܪܵܐ ܘܚܘܼܒܵܐ 877 ܒܫܲܠܡܘܼܬܼܵܐ ܕܗܲܝܡܵܢܘܼܬܼܵܐ. 878 :ܢܹܐܡܲܪ ܕܝܼܢܵܐ ܒܲܪܢܵܫܲܢ 879 ܦܲܓܼܪܵܐ ܘܢܲܦܫܵܐ ܚܲܕܼ ܥܲܡ ܚܲܕܼ. 880 :ܘܒܲܓܼܙܵܪ ܕܝܼܢܵܐ ܕܟܹܐܢܘܼܬܼܵܐ 881 ܢܸܬܼܚܲܝܲܒܼ ܝܲܨܪܵܐ ܕܡܲܥܘܸܠ. 882 :ܢܙܲܕܸܿܩ ܠܵܗ̇ ܠܦܵܪܘܿܫܘܼܬܲܢ 883 ܙܵܟܼܘܼܬܼܵܐ ܐܸܢ ܡܸܬܼܢܨܚܐ. 884 :ܘܢܸܬܼܩܲܛܪܲܓܼ ܐܲܝܟ ܚܲܝܵܒܼܵܐ 885 ܚܘܼܬܼܚܵܬܼܵܐ ܪܦܸܐ ܒܐܵܓܼܘܿܢܵܐ. 886 :ܢܹܐܬܸܐ ܠܲܢ ܩܵܠ ܠܘܼܒܵܒܼܵܐ 887 ܕܲܡܚܲܝܸܠ ܡܲܫܪܝܼܬܼ ܦܲܓܼܪܲܢ. 888 :ܘܢܸܩܢܘܿܢ ܚܲܝܠܵܐ ܗܲܕܵܡܲܝ̈ܢ 889 ܒܬܲܟܬܿܘܼܫܵܐ ܕܠܘܼܩܒܲܠ ܚܲܫܹ̈ܐ. 890 :ܕܲܡܚܝܼܠ ܙܲܝܢܵܐ ܕܪܸܥܝܵܢܲܢ 891 ܩܕܼܵܡ ܚܘܼܬܼܚܵܬܹ̈̄ܐ ܕܲܒܼܟܲܛܝܵܢܲܢ. 892 :ܒܗܲܝܡܵܢܘܼܬܼܵܐ ܡܸܙܕܲܝܲܢ 893 ܣܲܟܿܪܵܐ ܡܩܲܒܿܠܲܬܼ ܥܲܣ̈ܩܵܬܼܵܐ. 894 :ܒܚܹܝܠ ܥܘܼܕܼܪܵܢܵܟ ܢܸܬܼܚܲܝܲܒܼ 895 ܛܪܘܼܢܵܐ ܝܲܨܪܵܐ ܣܵܪܘܿܚܵܐ. 896 :ܕܡܸܬܼܟܲܬܲܫ ܠܘܼܩܒܲܠ ܢܲܦܫܲܢ 897 ܒܙܲܝܢܵܐ ܕܚܹܐܪܘܼܬܼ ܨܸܒܼܝܵܢܲܢ. 898 :ܢܲܦܢܹܝܢ ܡ̇ܪܝ ܠܲܛܝܪܵ ܚܲܝܹ̈ܐ 899 ܚܢܵܢܵܟ ܒܵܥܹ̇ܐ ܠܐܲܒܿܝܼܪܹ̈ܐ. 900 :ܘܲܢܚܘܼܪܘܼܢ ܒܵܗܿ ܒܬܲܩܢܘܼܬܲܢ 901 ܥܝܼܪܹ̈ܐ ܡܫܲܡܫܲܝ̈ ܨܸܒܼܝܵܢܵܟ. 902 :ܢܸܩܪܹܝܢ ܩܵܠܵܟ ܒܲܣܝܼܡܵܐ 903 ܕܬܼܘܼܒܼܘܼܢ ܒܢܲܝ̈ܐ ܬܲܝܵܒܹ̈ܐ. 904 :ܘܫܠܲܚ ܘܥܵܘ̣ܠܵܐ ܕܐܲܣܢܝܼܟܿܘܿܢ 905 ܘܲܠܒܲܫܘ ܢܲܚܬܵܐ ܕܟܹܐܢܘܼܬܼܵܐ. 906 :ܥܵܘ̣ܠܲܢ ܐܲܫܠܲܚ ܢܲܟܼܦܘܼܬܲܢ 907 ܘܐܲܙܥܲܪ ܠܲܫܡܵܐ ܕܐܝܼܩܵܪܲܢ. 908 :ܒܢܲܚܬܵܐ ܕܪ̈ܲܚܡܲܝܟ ܢܸܬܼܟܲܣܸܐ 909 ܘܢܹܐܪܲܒܼ ܒܲܫܡܵܟ ܡܘܼܟܵܟܲܢ. 910 :ܚܛܝܼܬܼܵܐ ܩ̣ܛܲܠܬܹܗ ܠܲܟܼܝܵܢܲܢ 911 ܘܟܲܣܝܲܬ̤ ܒܐܲܦܲܝ̈ ܚܹܐܪܘܬܲܢ. 912 :ܒܪܸܡܙܵܐ ܚܲܝܠܵܟ ܢܸܬܼܢܲܚܲܡ 913 ܡ̣ܢ ܥܵܘ̣ܠܵܐ ܩܲܒܼܪܵܐ ܕܲܬܼܪܹܝܢ. 914 :ܒܲܚܛܵܗܲܝ̈ܢ ܐܸܙܕܲܒܲܢܢܲܢ 915 ܠܲܒܼܕܿܘܼܬܼܵܐ ܕܡܵܝܘܿܬܼܘܼܬܼܵܐ. 916 :ܒܟܸܣܦܵܐ ܕܚܘܼܒܵܟ ܢܸܬܼܚܲܪܲܪ 917 ܡ̣ܢ ܫܘܼܥܒܵܕܼܵܐ ܕܲܚܛܝܼܬܼܵܐ. 918 :ܣܲܢ̈ܝܵܬܲܢ ܐܲܣܢܝܼ ܫܘܼܦܪܵܐ 919 ܕܦܲܐܝܘܼܬܼܵܐ ܕܪܵܘܡ̇ܐ ܘܥܘܼܡܩܵܐ. 920 :ܘܲܒܼܒܼܝ̈ܫܵܬܲܢ ܐܸܬܼܝܲܒܲܫܘ 921 ܫܡܲܝܵܐ ܘܐܲܪܥܵܐ ܡ̣ܢ ܦܹܐܪܹ̈ܐ. 922 :ܒܩܲܫܝܘܼܬܼ ܥܵܘ̣ܠܲܢ ܐܸܫܬܲܚܠܲܦܘ 923 ܐܸܣܛܘܼܟܼܣܹ̈ܐ ܠܚܲܒܿܝܼܫܘܼܬܼܵܐ. 924 :ܕܝܼܒܸܫ̣ ܦܘܼܡܲܢ ܡ̣ܢ ܫܘܼܒܼܚܵܐ 925 ܝܼܒܸܫ̣ ܙܲܪܥܵܐ ܥܲܡ ܦܹܐܪܹ̈ܐ. 926 :ܕܲܗܘ̤ܵܐ ܥܲܩܪܵܐ ܪܸܥܝܵܢܲܢ 927 ܡ̣ܢ ܦܹܐܪܹ̈ܐ ܕܙܲܕܲܝܩܘܼܬܼܵܐ. 928 :ܟܵܡܲܬ̤ ܐܲܪܥܵܐ ܥܲܠ ܦܹܐܪܹ̈ܐ 929 ܘܠܵܐ ܝܵܠ̇ܕܵܐ ܠܲܢ ܬܘܼܪܣܵܝܵܐ. 930 :ܕܚܲܠܸܦܢ ܩܘܼܫܬܵܐ ܒܙܹܐܦܵܐ 931 ܘܠܵܐ ܡܩܵܘܹܝܢܲܢ ܒܲܫܪܵܪܵܐ. 932 :ܠܒܲܪ ܡ̣ܢ ܛܲܟܸܣܵܐ ܗܵܐ ܪܵܕܹܝܢ 933 ܫܘܼܚܠܵܦܹ̈ܐ ܕܩܲܝܛܵܐ ܘܣܲܬܼܘܵܐ. pb. 165 934 :ܟܡܝܼܪ ܣܲܬܼܘܵܐ ܠܒܲܪ ܡ̣ܢ ܛܲܟܼܣܵܐ 935 ܘܩܲܝܛܵܐ ܠܒܲܪ ܡ̣ܢ ܘܵܠܝܼܬܼܵܐ. 936 :ܟܲܕܼ ܪܵܕܹܝܢ ܠܵܗ̇ ܠܒܼܝܼܫܘܼܬܲܢ 937 ܒܥܲܪܝܵܐ ܘܚܘܼܡ̇ܐ ܕܠܵܐ ܛܲܟܼܣܵܐ. 938 :ܟܲܦܢܵܐ ܘܨܲܗܝܵܐ ܡܢܲܓܸܿܕܼ ܠܵܗ̇ 939 ܠܡܲܪܵܚܘܼܬܹܗ ܕܪܸܥܝܵܢܲܢ. 940 :ܘܠܵܐ ܪܓܼܝܼܫ ܠܸܒܲܢ ܛܲܒܿܝܼܥܵܐ 941 ܒܢܸܓܼܕܵܐ ܕܒܼܵܠܲܥ ܪܸܥܝܵܢܢ. 942 :ܐܲܣܝܼܪ ܦܲܓܼܪܲܢ ܒܟܼܠܥܸܕܵܢ 943 ܒܫܸܫܠܬܼܵܐ ܕܚܲܫܹ̈ܐ ܘܟܹܐܒܹ̈ܐ. 944 :ܘܲܪܗܝܼܒܼܵܐܝܼܬܼ ܕܵܒܼܪ ܠܲܢ 945 ܡ̇ܘܬܵܐ ܝܲܥܢܵܐ ܠܒܹܝܬܼ ܡܝܼ̈ܬܹܐ. 946 :ܙܩܝܼܦ ܫܲܒܼܛܵܐ ܕܪܹܫܵܢܘܼܬܼܵܐ 947 ܘܲܡܩܲܦܲܚܠܲܢ ܒܲܬܼܥܵܫܵܐ. 948 :ܟܲܕܼ ܬܵܒܲܥ̇ ܠܲܢ ܝܲܥܢܵܐܝܼܬܼ 949 ܟܣܸܦ ܪܹܫܵܐ ܘܫܸܩܠܹ̈ܐ ܚܲܕܼ̈ܬܹܐ. 950 :ܡܲܠ̈ܟܹܿܐ ܦܵܩ̇ܕܲܝܢ ܚܲܕܼܬܼܵܐܝܼܬܼ 951 ܘܪܹ̈ܫܵܢܹܐ ܕܠܵܐ ܚܵܘܣܵܢܵܐ. 952 :ܘܥܲܡ ܟܘܼܢܵܫܵܐ ܕܡ̇ܡܘܿܢܵܐ 953 ܣܵܓܹ̇ܐ ܥܵܘ̣ܠܵܐ ܘܡܸܬܼܥܲܫܲܢ. 954 :ܘܐܸܠܘܼܠܵܐ ܫܦܝܼܥܘܼܬܼ ܚܘܼܒܵܟ 955 ܘܥܘܼܬܼܪܵܐ ܕܪ̈ܲܚܡܲܝܟ ܣܲܓܵܝܼܐܹܐ. 956 :ܡܫܝܼܓܼ ܗ̄ܘ̣ܵܐ ܥܵܠܡܵܐ ܡ̣ܢ ܟܲܕܿܘܼ 957 ܒܡܵܡܘܿܠܵܐ ܕܩܲܫܝܘܼܬܼ ܥܵܘ̣ܠܲܢ. 958 :ܚܘܼܒܵܟ ܙܵܟܹ̇ܐ ܒܟܼܠܥܸܕܵܢ 959 ܠܣܲܓܿܝܐܘܼܬܼܵܐ ܕܒܼܝܼ̈ܫܵܬܲܢ. 960 :ܘܡܸܬܼܟܲܣܝܵܐ ܙܲܠܝܼܠܘܼܬܲܢ 961 ܒܢܲܚܬܵܐ ܦܲܐܝܵܐ ܕܥܘܼܕܼܪܵܢܵܟ. 962 :ܠܵܟ ܡܵܪܝ ܦܲܐܝܵܐ ܕܲܬܼܣܲܝܒܲܪ 963 ܥܲܣܩܘܼܬܼܵܐ ܕܒܼܝܼܫܘܼܬܼ ܝܲܨܪܲܢ. 964 :ܕܠܵܐ ܡܸܬܿܬܿܟܼܝܼܠ ܓܲܙܵܐ ܕܪ̈ܲܚܡܲܝܟ 965 :ܘܠܵܐ ܡܸܬܼܡܲܫܚܵܐ ܛܲܝܒܿܘܼܬܵܟ 966 :ܒܹܝܬܼ ܓܵܘܣܲܢ ܐܲܢ̄ܬܿ ܥܲܫܝܼܢܵܐ 967 ܘܲܡܥܲܕܿܪܵܢܵܐ ܕܲܟܼܝܵܢܲܢ. 968 :ܘܠܲܝܬܿ ܙܲܒܼܢܵܐ ܕܚܵܝܼܒܼ ܒܹܗ ܓܸܢܣܲܢ 969 ܕܠܵܘ ܥܘܼܕܪܵܢܵܟ ܙܲܟܿܝ ܠܲܢ. 970 :ܒܟܼܠܕܵܪ̈ܝܼܢ ܥܲܡ ܪ̈ܲܗܛܲܝܗܘܿܢ 971 ܪܵܕܹܐ ܚܢܵܢܵܟ ܒܲܣܝܼܡܵܐ. 972 :ܘܡܸܬܼܪܲܒܸܿܐ ܠܦܘܼܬܼ ܡܘܼܫܚܵܬܼ̈ܐ 973 ܕܲܥܠܲܝܡܘܼܬܼܵܐ ܘܣܲܝܒܿܘܼܬܼܵܐ. 974 :ܥܲܡܲܢ ܚܵܙ̇ܩܵܐ ܛܲܝܒܿܘܬܵܟ 975 ܘܠܵܐ ܦܵܝ̇ܫܵܐ ܡ̣ܢ ܟܲܪ ܕܐܝܼܬܿܝܼܢ. 976 :ܟܲܕܼ ܪܵܕܼܦܵܐ ܒܵܬܲܪ ܥܵܘ̣ܠܲܢ 977 ܕܠܵܐ ܢܸܦܢܸܐ ܘܢܸܥܡܲܪ ܥܲܡܲܢ. 978 :ܡܲܢ̣ܘܼ ܐܝܼܬܼ ܠܲܢ ܐܲܟܼܘܵܬܼܵܟ 979 ܚܲܢܵܢܵܐ ܪܵܚܹ̇ܡ ܓܸܢܣܲܢ. 980 :ܡܲܢ̣ܘܼ ܕܛܵܥܹ̇ܢ ܥܲܣ̈ܩܵܬܲܢ 981 ܒܲܕܼܡܘܼܬܼ ܚܘܼܒܵܟ ܒܲܣܝܼܡܵܐ. 982 :ܡ̣ܢ ܡܲܢ ܡܸܫܟܲܚ ܡܸܬܼܡܲܠܸܐ 983 ܣܘܼܢܩܵܢܲܢ ܐܲܝܟ ܒܹܝܬܼ ܓܲܙܵܟ. 984 :ܕܟܲܕܼ ܠܵܐ ܦܪܲܥ̣ܢܲܢ ܩܲܕܼܡ̇ܝܵܐ 985 ܫܦܝܼܥܵܐ ܒܪ̈ܲܚܡܹܐ ܡ̇ܘܗܲܒܼܬܼܵܟ. 986 :ܒܢܝܼܫܵܐ ܕܚܘܼܒܵܟ ܕܠܘܵܬܲܢ 987 ܚܵܝ̇ܪܵܐ ܡܸܠܬܼܵܐ ܕܒܼܵܥܘܼܬܲܢ. 988 :ܕܲܟܼܡܵܐ ܪܓܼܝܼܓܼ ܐܲܢ̄ܬܿ ܕܲܬܼܩܲܒܸܿܠ 989 ܦܝܵܣܵܐ ܕܚܠܵܦ ܚܲܛܝܹ̈ܐ. 990 ܕܲܡܟ̇ܝܢ ܘܲܫܠܹܝܢ ܒܲܥܵܝܹ̈ܐ: pb. 166 991 ܡ̣ܢ ܣܘܼܢܩܵܢܵܐ ܕܚܲܝܲܝ̈ܗܘܿܢ. 992 :ܘܩܵܥܹܐ ܚܢܵܢܵܟ ܐܲܝܟ ܪܲܥܡܐ 993 ܕܩܘܼܡܘ ܫܲܦܠܹ̈ܐ ܘܲܥܬܿܪܘ ܡܲܓܼܵܢ. 994 :ܠܵܘ ܨܸܒܼܝܵܢܲܢ ܚܵܛܹ̇ܦ ܠܲܢ 995 ܠܡܲܚܨܵܦܘܼ ܥܲܠ ܫܘܼܒܼܩܵܢܵܐ. 996 :ܐܲܢ̄ܬܿ ܓܲܪܸܓܼܬܵܢ ܕܲܢܩܲܪܸܒܼ 997 ܐܵܦܸܢ ܡܸܠܹ̈ܐ ܚܠܵܦ ܥܲܡܠܹ̈ܐ. 998 :ܢܸܬܼܡܲܠ̈ܠܵܢ ܐܲܝܟ ܨܸܒܼܝܵܢܵܟ 999 ܡܸܠܲܝ̈ ܦܘܼܡܲܢ ܕܲܠܘܵܬܼܵܟ. 1000 :ܘܕܲܫܠܝܼ̈ܚܵܢ ܡ̣ܢ ܣܘܼܥܪ̈ܵܢܹܐ 1001 ܐܲܠܒܸܿܫ ܐܸܢܹܝܢ ܥܘܼܕܪܵܢܵܟ. 1002 :ܡܲܢ̣ܘܼ ܡܸܫܟܲܚ ܡܸܣܬܲܟܲܠ 1003 ܒܫܲܪ̈ܥܵܬܵܐ ܕܡ̇ܝܘܿܬܼܘܼܬܼܵܐ. 1004 :ܘܡܲܢ̣ܘܼ ܕܲܡܨܸܐ ܕܢܸܙܕܲܕܲܩ 1005 ܡ̣ܢ ܛܲܫ̈ܝܵܬܼܵܐ ܕܠܵܐ ܓܲܠ̈ܝܵܢ. 1006 :ܐܲܢ̄ܬܿ ܐܲܫܪܵܐ ܒܲܢ ܒܘܼܝܵܢܵܐ 1007 ܕܢܸܬܼܚܲܟܲܡ ܒܲܣܬܼܝܼܪ̈ܵܬܲܢ. 1008 :ܐܲܢ̄ܬܿ ܐܲܠܸܦܲܝܢ ܕܐܲܝܟܲܢܵܐ 1009 ܢܡܲܕܸܿܟ ܣܲܡܵܐ ܠܟܼܘܼܪܗܵܢܲܢ. 1010 :ܣܲܝܲܥܹܝܗ̇ ܠܲܡܚܝܼܠܘܼܬܲܢ 1011 ܕܠܲܝܬܹܿܝܗ̇ ܒܸܠܥܵܕܼ ܥܘܼܕܪܵܢܵܟ. 1012 :ܠܵܐ ܬܲܗܡܸܐ ܡ̣ܢ ܥܘܼܕܼܪܵܢܲܢ 1013 ܕܲܠܡܵܐ ܢܹܐܒܲܕܼ ܘܲܠܥܵܠܲܡ. 1014 :ܒܩܲܝ̣ܢܵܗ̇ ܠܢܲܦܫܲܢ ܒܐܵܓܼܘܿܢܹ̈ܐ 1015 ܕܥܲܡܠܹ̈ܐ ܕܲܚܠܵܦ ܟܹܐܢܘܼܬܼܵܐ. 1016 :ܘܲܒܼܟܼܠ ܕܵܪܵܐ ܕܐܸܚܲܕܼܢܲܢ 1017 ܒܫܘܼ̈ܡܵܬܼܵܐ ܒܠܲܥ̣ܘ ܗܲܕܵܡܲܝ̈ܢ. 1018 :ܘܐܸܢܗܘ̤ ܕܐܝܼܬܼ ܗ̄ܘ̣ ܒܲܟܼܝܵܢܲܢ 1019 ܗܲܕܵܡܹ̈ܐ ܕܠܵܐ ܐܸܬܼܒܲܣܒܲܣܘ. 1020 :ܥܘܼܕܼܪܵܢܵܟ ܩ̣ܵܡ ܒܐܲܦܲܝ̈ܗܘܿܢ 1021 ܘܠܵܐ ܒܠܲܥ̣ܘ ܓܹܐܪܹ̈ܐ ܡ̣ܢ ܒܝܼܫܵܐ. 1022 :ܠܵܟ ܚܲܝܵܒܼܝܼܢ ܛܲܝܒܿܘܼܬܼܵܐ 1023 ܛܵܒܹ̈ܐ ܘܒܼܝܼܫܹ̈ܐ ܫܲܘܝܵܐܝܼܬܼ. 1024 :ܕܐܸܢ ܡܸܙܕܲܕܲܩܝܼܢ ܕܝܼܠܵܟ ܗ̄ܝܼ 1025 :ܘܐܸܢ ܚܵܛ̇ܝܼܢ ܒܵܟ ܡܸܬܼܚܣܹܝܢ 1026 :ܕܝܼܠܵܟ ܗ̄ܝܼ ܠܡܸܫܒܲܩ ܥܵܘ̣ܠܵܐ 1027 ܘܲܠܡܸܓܼܡܲܪ ܙܲܕܿܝܼܩܘܼܬܼܵܐ. 1028 :ܒܚܲܝܠܵܟ ܢܸܪܕܿܘܿܢ ܙܲܕܿܝܼܩܹ̈ܐ 1029 :ܘܲܒܼܥܘܼܕܪܸܵܢܵܟ ܚܲܛܵܝܹ̈ܐ 1030 :ܠܵܐ ܬܲܩܸܨ ܠܵܗ̇ ܠܫܲܒܼܪܘܼܬܲܢ 1031 ܫܲܪ̈ܥܵܬܼܵܐ ܕܠܵܐ ܝܼܕܲܥܬܼܵܐ. 1032 :ܟܲܕܼ ܛܵܒܼ ܝܲܨܪܲܢ ܡܲܚܛܸܐ ܠܲܢ 1033 ܚܵܛܹ̇ܐ ܘܠܵܐ ܪܓܼܝܼܫ ܟܲܕܼ ܚܵܛܹ̇ܐ. 1034 :ܠܵܐ ܬܸܚܫܘܿܒܼ ܥܲܡ ܪܲܦܝܘܼܬܲܢ 1035 ܛܠܘܼܡܝܵܐ ܕܲܥܒܼܵܪ ܦܘܼܩܕܵܢܲܝ̈ܟ. 1036 :ܕܐܸܢ ܦܘܪܥܵܢܵܐ ܬܵܒܲܥ̇ ܐܲܢ̄ܬܿ 1037 :ܠܵܐ ܡܨܸܐ ܐ̄ܢܵܫܵܐ ܕܠܵܐ ܢܸܚܛܸܐ 1038 ܘܠܵܐ ܡܸܙܕܲܕܲܩ ܡ̇ܝܘܿܬܼܵܐ. 1039 :ܕܓܼܒܼܝܼܠܬܹܿܗ ܡ̣ܢ ܕܲܚܝܼܵܐ ܗ̄ܝܼ 1040 ܘܕܲܚܝܼܝܵܐ ܠܕܝܼܠܹܗ ܪܵܚ̇ܡ. 1041 :ܒܥܲܦܪܹܗ ܪܵܢܹ̇ܐ ܥܲܦܪܵܢܵܐ 1042 ܘܲܠܥܲܦܪܹܗ ܗܵܦܹ̇ܟ ܟܠܝܘܿܡ. 1043 :ܘܛܵܠ̇ܩܝܼܢ ܚܲܝܵܘ̈ܗܝ ܐܲܝܟ ܗܸܒܼܠܵܐ 1044 ܘܠܵܐ ܡܸܬܼܒܲܩܸܐ ܒܫܘܼܠܵܡܵܐ. 1045 :ܡܲܟܿܣܵܐ ܠܹܗ ܡ̇ܝܘܿܬܼܘܼܬܼܵܐ 1046 ܕܠܵܐ ܢܸܠܐܹܐ ܒܐܲܪ̈ܥܢܝܵܬܵܐ. 1047 :ܘܪܵܕܹܝܢ ܠܹܗ ܚܲܫܹ̈̄ܐ ܘܟܹܐܒܹ̈ܐ 1048 ܘܗܲܢܝܼܐܵܐ ܠܹܗ ܐܸܫܵܬܹܗ. 1049 :ܚܢܵܢܵܟ ܢܸܪܕܲܘܿܦ ܟܘܼܪܗܵܢܹܐ 1050 ܕܲܟܼܝܵܢܲܢ ܪܵܚܹ̇ܡ ܟܹܐܒܹ̈ܐ. 1051 :ܘܬܸܬܼܡܲܕܸܿܟ ܦܲܟܿܝܼܗܘܼܬܹܗ 1052 ܒܛܲܥܡܵܐ ܚܲܠܝܵܐ ܕܦܘܼܩܕܵܢܲܝ̈ܟ. pb. 167 1053 :ܪܸܡܙ̇ܟ ܢܸܦܬܲܚ ܠܹܗ ܬܲܪܥܵܐ 1054 ܕܐܸܚܕܲܬ̤ ܒܐܲܦܵܘ̈ܗܝ ܪܲܦܝܼܘܼܬܹܗ. 1055 :ܘܢܸܫܪܸܐ ܡܸܢܹܗ ܫܸܫܠܬܼܵܐ 1056 ܕܐܲܪܡܝܼ ܥܵܘ̣ܠܵܐ ܒܲܩܕܵܠܹܿܗ. 1057 :ܢܥܝܼܪܝܼܘܗܝ ܩܵܠܵܟ ܒܲܣܝܼܡܵܐ 1058 ܠܕܲܡܟܵܐ ܕܲܛܒ݂ܲܥ ܒܲܚܛܝܼܬܼܵܐ. 1059 :ܘܲܢܝܲܒܸܿܒܼ ܥܲܡ ܪ̈ܘܼܵܢܹܐ 1060 ܫܘܼܒܼܚܵܐ ܠܚܵܐܹ̇ܝܢ ܚܲܛܝܹ̈ܐ ܀