Isaac of Nineveh: Discourse 58

ܛܘܼܒܼܵܘܗܝ ܠܡܲܢ ܕܚܲܝܹ̈ܐ ܙܥܝܼܪܹ̈ܐ ܚܵܝܹ̇ܐ ܒܥܵܠܡܵܐ ܗܵܢܵܐ! ܤܵܒܼܵܐ ܚܲܕܼ ܟܬܝܼ̈ܒܵܢ ܗ̣̄ܘܲܝ̈ ܠܹܗ ܥܲܠ ܐܸܤܹ̈ܐ ܟܠܗܹܝܢ ܕܩܸܠܵܝܬܹܗ: ܟܬܼܝܼ̈ܒܼܵܬܼܵܐ ܡܫܲܚ̈ܠܦܵܬܼܵܐ ܘܪܸ̈ܥܝܵܢܹܐ ܕܲܙܢ̈ܝܼܢ: ܘܡܸܠܹ̈ܐ ܬܡܝܼ̈ܗܵܬܼܵܐ ܘܲܡܫܲܚ̈ܠܦܵܬܼܵܐ ܕܟܼܠ ܪܸ̈ܥܝܵܢܝܼܢ. ܘܫܲܐܠܘܼܗܝ ܕܗܵܠܹܝܢ ܡܵܢܵܐ ܐܸܢܹܝܢ ܤܵܒܼܵܐ. ܐܵܡܲ݁ܪ ܠܗܘܿܢ: ܚܘܼ̈ܫܵܒܹܐ ܐܸܢܘܿܢ ܕܟܹܐܢܘܼܬܼܵܐ: ܕܥܵܒܼ̇ܪܝܼܢ ܒܝܼ ܡ̣ܢ ܡܲܠܲܐܟܼܵܐ ܕܲܠܘܵܬܼܝ: ܘܡ̣ܢ ܙܵܘ̈ܥܹܐ ܬܪ̈ܝܼܨܵܐ ܕܲܟܼܝܵܢܵܐ. ܘܪܵܫܹ̇ܡ ܐ̄ܢܵܐ ܠܗܘܿܢ ܒܙܲܒܼܢܵܐ ܕܐܝܼܬܲܝ ܒܗܵܠܹܝܢ ܐܵܘܵܢܹ̈ܐ: ܕܲܒܼܙܲܢܵܐ ܕܥܲܡܛܵܢܵܐ ܥܢܸܐ ܐ̄ܢܵܐ ܒܗܘܿܢ: ܘܦܵܪܩܝܼܢ ܠܝܼ ܡ̣ܢ ܛܵܥܝܘܼܬܼܵܐ. ܗܵܟܲܢܵܐ ܙܵܕܹܩ ܠܹܗ ܠܒܲܪܢܵܫܵܐ ܠܡܸܥܒܲܕܼ ܟܠܗܘܿܢ ܝܵܘ̈ܡܵܬܹܗ. ܠܤܵܒܼܵܐ ܚܲܕܼ ܝܵܗ̇ܒܿܝܼܢ ܗ̄ܘ̣ܵܘ ܠܹܗ ܛܘܼܒܼܵܐ ܚܘܼܫܵܒܼܵܘ̈ܗܝ: ܘܲܡܫܲܒܿܚܝܼܢ ܗ̄ܘ̣ܵܘ ܠܹܗ: ܕܲܚܠܵܦ ܥܵܠܡܵܐ ܕܥܵܒܲܪ: ܐܸܫܬܘܝܼܬܿ ܠܤܲܒܼܪܵܐ ܕܠܵܐ ܡܸܬܼܚܲܒܲܠ. ܐܵܡܲ݁ܪ ܠܗܘܿܢ ܗ̤ܘ ܤܵܒܼܵܐ. ܟܲܕܼ ܥܕܲܟܹܝܠ ܚܲܝ ܐ̄ܢܵܐ: ܡܵܢܵܐ ܝܵܗ̇ܒܿܝܼܢ ܐܢ̄ܬܿܘܿܢ ܠܝܼ ܛܘܼܒܼܵܐ؟ ܠܵܐ ܝܵܕܲܥ̇ ܐ̄ܢܵܐ ܡܵܢܵܐ ܓܵܕܹܫ ܠܝܼ ܥܕܲܡܵܐ ܠܡܵܘܬܿܝ. ܒܐܘܼܪܚܵܐ ܐܝܼܬܲܝ ܥܕܲܟܹܝܠ: ܠܵܐ ܫܲܪܝܼܪ ܠܝܼ ܛܘܼܒܼܵܐ: ܥܕܲܡܵܐ ܕܡܵܛܹ̇ܐ ܐ̄ܢܵܐ ܠܒܲܝܬܿܝ. ܫܲܪܝܼܪܵܐܝܼܬܼ: ܗܵܢܵܘ ܚܘܼܫܵܒܼܵܐ ܟܹܐܢܵܐ. ܙܵܕܹܩ ܕܹܝܢ ܕܲܢܤܝܼܡ ܢܝܼܫܵܐ ܠܙܵܟܼܘܼܬܼܵܐ: ܝܵܘܡܵܐ ܕܡܵܘܬܵܐ. ܡ̣ܢ ܩܕܼܵܡ ܡܵܘܬܵܐ: ܠܵܐ ܐܝܼܬܼܵܘܗܝ ܙܲܟܵܝܵܐ ܗܵܘ̇ ܕܡܸܬܼܢܲܨܚ. ܚܲܝܼܢ ܐܸܢܘܿܢ ܓܹܝܪ ܒܥܸܠܕܒܼܵܒܼܵܘ̈ܗܝ: ܘܐܘܼܪܚܵܐ ܐܝܼܬܼ ܩܕܼܵܡܵܘܗܝ: ܘܠܵܐ ܝܵܕܼܥ̇ ܒܡܵܢܵܐ ܡܸܬܼܡܲܨܲܥ. ܠܵܐ pb. 408 ܓܹܝܪ ܫܸܠܡܲܬ̤ ܐܘܼܪܚܹܗ: ܘܲܡܛ̣ܵܐ ܠܥܸܕܵܢܵܐ ܕܬܼܘܼܟܼܠܵܢܵܐ. ܘܗܵܟܲܢܵܐ: ܐܵܦܠܵܐ ܐܲܝܢܵܐ ܕܲܡܡܲܨܲܥ ܒܒܼܝܼ̈ܫܵܬܼܵܐ: ܐܝܼܬܼ ܠܹܗ ܦܤܵܩ ܪܲܒܼܪܵܐ. ܡܨܸܐ ܓܹܝܪ ܕܡܸܬܿܬܲܓܲܪ ܚܲܝܹ̈ܐ: ܚܲܝܲ ܓܹܝܪ ܥܕܲܟܹܝܠ. ܐܝܼܬܼ ܠܹܗ ܤܲܒܼܪܵܐ: ܐܲܟܼܘܵܬܹܗ ܕܗܵܘ̇ ܕܡܸܬܿܕܲܒܲܪ ܫܲܦܝܼܪ. ܡܵܢܵܐ ܡܩܲܦܲܚ ܐܲܢ̄ܬܿ ܠܚܲܛܵܝܵܐ: ܐܘܿ ܒܲܪܢܵܫܵܐ؟ ܠܵܐ ܓܹܝܪ ܥܕܲܟܹܝܠ ܥܲܠ̣ܘ ܥܲܡ̈ܠܲܝ ܬܹܐܓܼܘܼܪܬܵܟܼ ܕܝܼܠܵܟܼ ܠܲܠܡܹܐܢܵܐ: ܕܡܸܬܿܬܿܪܝܼܡ ܐܲܢ̄ܬܿ ܥܠܵܘܗܝ: ܠܵܐ ܦܤܝܼܩ ܤܲܒܼܪܹܗ ܡ̣ܢ ܠܘܵܬܼ ܐܲܠܵܗܵܐ. ܡܲܨܝܵܐ ܗ̣̄ܝ ܓܹܝܪ ܕܥܵܒܲܪ ܠܵܟܼ ܒܲܡܝܲܬܿܪܘܼܬܼܵܐ ܒܵܬܲܪ ܩܲܠܝܼܠ: ܘܡܸܬܼܩܲܪܲܒܼ ܠܘܵܬܼ ܐܲܠܵܗܵܐ ܝܲܬܝܼܪ ܡܸܢܵܟܼ. ܠܵܐ ܓܹܝܪ ܐܸܬ݂ܼܵܐ ܡܵܘܬܵܐ ܘܲܚܬܲܡ ܕܘܼܒܵܪܹܗ: ܐܵܦܠܵܐ ܕܝܼܠܵܟܼ. ܫܘܼܚ̈ܠܵܦܹܐ ܤܲܓܝܼ̈ܐܹܐ ܗܵܘܹ̇ܝܢ ܠܒܲܪܢܵܫܵܐ ܟܡܵܐ ܕܚܲܝ. ܐܲܠܵܗܵܐ ܓܹܝܪ ܠܫܘܼܠܵܡܵܐ ܗ̄ܘ̣ ܕܚܵܐܲܪ: ܘܠܵܘ ܠܗܵܠܹܝܢ ܕܗܵܘ̈ܝܵܢ ܒܲܡܨܲܥܬܼܵܐ. ܤܲܓܿܝܼ̈ܐܹܐ ܗܘ̤ܵܘ ܙܲܕܝܼ̈ܩܹܐ ܙܲܕܝܼ̈ܩܹܐ ܕܲܢܦܲܠ̣ܘ ܡ̣ܢ ܙܲܕܝܼܩܘܼܬܼܗܘܿܢ: ܘܲܤܠܸܩ̣ܘ ܚܲܛܵܝܹ̈ܐ ܘܩܵܡ̣ܘ ܒܕܼܘܼܟܲܬܼܗܘܿܢ. ܡܵܕܹܝܢ: ܠܵܐ ܢܸܬܿܬܿܪܝܼܡ ܙܲܕܝܼܩܵܐ: ܡܸܛܠ ܕܚܲܝ ܗ̄ܘ̣. ܘܠܵܐ ܢܸܦܤܘܿܩ ܚܲܛܵܝܵܐ ܤܲܒܼܪܹܗ: ܡܸܛܠ ܕܩܲܪܝܼܒܼ ܗ̄ܘ̣ ܠܹܗ ܐܲܠܵܗܵܐ ܐܸܢ ܒܵܥܹ̇ܐ. ܘܲܡܥܲܬܲܕܼ ܠܩܘܼܒܵܠܹܗ ܐܸܢܗ̤ܘ ܕܥܵܒܹ̇ܕܼ ܫܘܼܚܠܵܦܵܐ ܠܕܼܘܼܒܵܪܹܗ: ܘܦܵܢܹ̇ܐ ܠܘܵܬܹܗ. ܐܸܢ ܦܠܲܚܼܬܿ ܡܝܲܬܿܪܘܼܬܼܵܐ ܫܲܦܝܼܪ: ܘܠܵܐ ܐܲܪܓܸܫ̣ܬܿ ܒܲܛܥܵܡܬܼܵܐ ܕܥܘܼܕܼܪܵܢܵܗ̇: ܠܵܐ ܬܸܬܿܕܲܡܲܪ. ܥܕܲܡܵܐ ܕܡܸܬܼܡܲܟܲܟܼ ܒܲܪܢܵܫܵܐ: ܠܵܐ ܢܵܤܹ̇ܒܼ ܐܼܲܓܼܪܵܐ ܕܦܘܼܠܚܵܢܹܗ. ܦܘܪܥܵܢܵܐ ܠܵܐ ܗ̄ܘ̣ܵܐ ܠܦܘܼܠܚܵܢܵܐ ܡܸܬܿܒܿܗܸܒܼ: ܐܸܠܵܐ ܠܡܲܟܿܝܼܟܼܘܼܬܼܵܐ. ܐܲܝܢܵܐ ܕܛܲܠܡ̣ܵܗ̇ ܠܲܬܼܪܲܝܵܢܝܼܬܼܵܐ: ܐܵܘܒܸܿܕܼ ܠܩܲܕܼܡܵܝܬܼܵܐ. ܐܲܝܢܵܐ ܕܩܲܕܸܡ ܢܤܲܒܼ ܡܝܲܬܿܪܘܼܬܹܗ ܕܦܘܼܠܚܵܢܵܐ: ܗܘ̤ܵܐ ܩܲܕܼܡܵܝܵܐ ܠܗܵܘ̇ ܕܲܢܤܲܒܼ pb. 409 ܦܘܼܠܚܵܢܵܗ̇ ܕܲܡܝܲܬܿܪܘܼܬܼܵܐ. ܡܝܲܬܿܪܘܼܬܼܵܐ: ܐܸܡܵܐ ܗ̣̄ܝ ܕܥܵܩ̈ܬܼܵܐ. ܡ̣ܢ ܥܵܩ̈ܬܼܵܐ: ܡܸܬܼܝܲܠܕܵܐ ܡܲܟܿܝܼܟܼܘܼܬܼܵܐ. ܘܲܠܡܲܟܿܝܼܟܼܘܼܬܼܵܐ: ܡܸܬܼܝܲܗܒܵܐ ܡܵܘܗܲܒܼܬܼܵܐ. ܡܵܕܹܝܢ ܦܘܼܪܥܵܢܵܐ: ܠܵܐ ܠܲܡܝܲܬܿܪܘܼܬܼܵܐ: ܘܠܵܐ ܠܟܹܐܒܹ̈ܐ ܕܲܚܠܵܦܹܝܗ̇: ܐܸܠܵܐ ܠܡܲܟܼܝܼܟܼܘܼܬܼܵܐ ܕܡܢܗܘܿܢ ܡܸܬܼܝܲܠܕܵܐ. ܐܸܢܕܹܝܢ ܗܵܕܹܐ ܚܲܤܝܼܪܵܐ: ܤܪ̈ܝܼܩܵܢ ܐܸܢܹܝܢ ܩܲܕܼ̈ܡܵܝܵܬܼܵܐ. ܦܘܼܠܚܵܢܵܗ̇ ܕܲܡܝܲܬܿܪܘܼܬܼܵܐ: ܢܛܘܼܪܲܬܼ ܦܘܼܩܕܵܢܵܘ̈ܗܝ ܕܡܵܪܲܢ. ܡܝܲܬܿܪܘܼܬܹܗ ܕܦܘܼܠܚܵܢܵܐ: ܬܲܩܢܘܼܬܹܗ ܕܪܸܥܝܵܢܵܐ: ܕܡ̣ܢ ܡܲܟܿܝܼܟܼܘܼܬܼܵܐ ܘܲܙܥܝܼܪܘܼܬܼܵܐ ܡܸܬܼܩܲܝܡܵܐ. ܐܲܝܟܵܐ ܕܚܲܤܝܼܪ ܚܲܝܠܵܐ ܠܩܲܕܼ̈ܡܵܝܵܬܼܵܐ: ܗܵܕܹܐ ܡܸܬܼܩܲܒܿܠܵܐ ܚܠܵܦܲܝܗܹܝܢ. ܡܫܝܼܚܵܐ ܡܵܕܹܝܢ: ܠܵܘ ܠܦܘܼܠܚܵܢܵܐ ܕܦܘܼܩ̈ܕܵܢܹܐ ܒܵܥܹ̇ܐ: ܐܸܠܵܐ ܠܬܲܩܢܘܼܬܼܵܐ ܕܢܲܦܫܵܐ: ܗܵܝ̇ ܕܐܵܦ ܢܸܗܘܿܢ ܦܘܼܩ̈ܕܵܢܹܐ ܡܸܛܠܵܬܼܵܗ̇ ܤܵܡ̣ ܠܲܡܠܝܼ̈ܠܹܐ. ܦܲܓܼܪܵܐ ܦܵܠܲܚ ܒܝܲܡܝܼܢܵܐ ܘܲܒܼܤܸܡܵܠܵܐ: ܫܲܘܝܵܐܝܼܬܼ. ܪܸܥܝܵܢܵܐ ܕܹܝܢ: ܐܲܝܟܼ ܡܵܐ ܕܘܵܠܹ̇ܐ ܡܸܙܕܲܕܲܩ ܐܵܘ ܚܵܐܹ̇ܒܼ ܡܫܲܚܠܦܵܐܝܼܬܼ. ܐܝܼܬܼ ܕܲܒܲܨܒܼܘܼܬܼܵܐ ܕܤܸܡܵܠܵܐ: ܚܲܝܹ̈ܐ ܦܵܠܲܚ ܒܚܸܟܼܡܬܼܵܐ ܕܡ̣ܢ ܐܲܐܵܗܵܐ. ܘܐܝܼܬܼ ܕܲܚܛܝܼܬܼܵܐ ܡܸܬܿܬܲܓܲܪ: ܒܦܲܪܨܘܿܦܵܐ ܕܐܲܠܵܗܵܝ̈ܬܼܵܐ. ܒܘܼܨܵܪܹ̈ܐ ܕܲܒܼܚܲܕܼܚܕܼܵܝ̈ܬܼܵܐ ܕܲܒܼܗܘܿܢ ܡܸܫܬܲܟܼܚܝܼܢ ܐܲܝܠܹܝܢ ܕܲܙܥܝܼܪܝܼܢ: ܠܲܢܛܘܼܪܬܵܐ ܕܙܲܕܝܼܩܘܼܬܼܗܘܿܢ ܡܸܫܬܲܒܼܩܝܼܢ ܒܗܘܿܢ ܡ̣ܢ ܐܲܠܵܗܵܐ. ܕܢܸܗܘ̈ܝܵܢ ܠܗܘܿܢ ܠܥܸܠܬܼܵܐ ܕܡܲܟܿܝܼܟܼܘܼܬܼܵܐ: ܡܸܬܼܥܲܒܼܪ̈ܵܢܘܵܬܼܗܘܿܢ ܘܚܲܤܝܝܼܪ̈ܵܬܼܗܘܿܢ. ܘܗ̤ܝ ܡܲܟܿܝܼܟܼܘܼܬܼܵܐ: ܢܵܛ̇ܪܵܐ ܠܦܘܼܠܚܵܢܲܝ̈ܗܘܿܢ ܪܵܘܪ̈ܒܹܐ: ܠܵܘ ܒܲܠܚܘܿܕܼ ܕܡ̣ܢ ܪܵܡܘܼܬܼܵܐ ܢܸܬܼܢܲܛܪܘܼܢ: ܐܸܠܵܐ ܐܲܝܟܼ ܕܲܒܼܥܘܼܗܕܵܢܗܹܝܢ ܢܸܬܼܡܲܟܿܟܲܘܿܢ: ܕܐܲܓܼܪܵܐ ܝܲܬܝܼܪܵܐ ܢܸܤܒܼܘܼܢ. ܒܸܠܥܵܕܼ ܡ̣ܢ ܩܘܼܦܵܚܹ̈ܐ: ܠܵܐ ܡܸܬܼܢܲܛܪܵܐ ܡܵܘܗܲܒܼܬܼܵܐ. ܡܵܘܗܲܒܼܬܼܵܐ ܕܠܵܐ ܢܸܤܝܼ̈ܘܿܢܹܐ: ܠܐܲܒܼܕܵܢܵܐ pb. 410 ܕܲܡܩܲܒܹܠܵܢܹ̈ܝܗ̇ ܡܸܫܬܲܟܼܚܵܐ. ܐܸܢ ܦܠܲܚ̣ܬܿ ܫܲܦܝܼܪ ܩܕܼܵܡ ܐܲܠܵܗܵܐ: ܘܝܲܗ̣̄ܒܼܠܵܟܼ ܚܠܵܦ ܬܪܝܼܨܘܼܬܼܵܟܼ ܕܲܠܘܵܬܹܗ ܡܵܘܗܲܒܼܬܼܵܐ: ܐܲܝܟܼ ܕܲܢܓܲܪܓܼܵܟܼ ܝܲܬܿܝܼܪܵܐ ܘܲܢܚܲܕܹܝܟܼ ܒܦܘܼܠܚܵܢܵܟܼ: ܐܲܦܝܼܤܲܝܗܝ ܕܢܸܬܸܠ ܠܵܟܼ ܝܑܼܕܲܥܬܼܵܐ: ܕܬܸܕܲܥ ܐܲܝܟܲܢܵܐ ܡܸܬܼܒܿܥܸܐ ܠܡܸܬܼܡܲܟܵܟܼܘܼ. ܐܵܘ ܕܲܢܩܝܼܡ ܥܠܹܝܗ̇ ܩܲܤܛܘܼܢܵܪܹ̈ܐ: ܐܵܘ ܕܢܸܤܒܼܝܼܗ̇ ܬܘܼܒܼ ܡܸܢܵܟܼ: ܕܠܵܐ ܬܸܗܘܸܐ ܥܸܠܬܼܵܐ ܕܐܲܒܼܕܵܢܵܐ ܡܸܢܵܗ̇. ܠܵܐ ܗ̄ܘ̣ܵܐ ܕܟܼܠܢܵܫ ܗ̣̄ܝ ܠܡܸܛܲܪ ܥܘܼܗܪܵܐ ܕܠܵܐ ܢܸܟܼܝܵܢ. ܢܲܦܫܵܐ ܕܲܫܩܝܼܠܵܐ ܛܵܥܢܵܐ ܕܲܡܝܲܬܿܪܘܼܬܼܵܐ: ܘܲܒܼܚܲܬܝܼܬܼܘܼܬܵܐ ܕܕܸܚܠܲܬܼ ܐܲܠܵܗܵܐ ܚܵܝܵܐ: ܠܵܐ ܡܲܨܝܵܐ ܕܬܸܗܘܸܐ ܕܲܕܼܠܵܐ ܥܵܩ̈ܬܼܵܐ ܕܟܼܠܝܘܿܡ. ܠܝܼ̈ܦܵܢ ܐܸܢܹܝܢ ܡܝܲܬܿܪ̈ܵܬܼܵܐ ܘܥܵܩ̈ܬܼܵܐ ܒܲܚ̈ܕܼܵܕܹܐ. ܕܲܢܦܲܩ̣ ܡ̣ܢ ܐܘܼ̈ܠܨܵܢܹܐ: ܘܡ̣ܢ ܡܝܲܬܿܘܼܬܼܵܐ ܡ̣ܢ ܟܠ ܦܪܘܿܣ. ܕܩ̣ܵܘܝܼ ܒܲܡܝܲܬܿܪܘܼܬܼܵܐ: ܩ̣ܵܘܝܼ ܒܥܵܩ̈ܬܼܵܐ. ܐܸܢ ܐܸܬܼܝܲܐܲܒܼܬܿ ܠܲܡܝܲܬܿܪܘܼܬܼܵܐ: ܐܲܫܠܸܡ̣ܬܿ ܢܲܦܫܵܟܼ ܠܟܼܠ ܥܵܩ̈ܢ. ܡܝܲܬܿܪܘܼܬܼܵܐ: ܡܵܘܠܕܼܵܢܝܼܬܼܵܐ ܗ̣̄ܝ ܕܥܵܩ̈ܬܼܵܐ. ܥܵܩ̈ܬܼܵܐ: ܡܵܘ̈ܠܕܵܢܝܵܬܼܵܐ ܐܸܢܹܝܢ ܕܡܲܟܿܝܼܟܸܘܼܬܼܵܐ. ܠܵܐ ܓܹܝܪ ܨܵܒܹ̇ܐ ܐܲܠܵܗܵܐ: ܕܬܸܗܘܸܐ ܕܠܵܐ ܨܸܦܬܼܵܐ ܢܲܦܫܵܐ. ܘܐܲܝܢܵܐ ܕܲܠܗܵܕܹܐ ܪܵܐܹ̇ܓܼ: ܠܒܲܪ ܡ̣ܢ ܨܸܒܼܝܵܢܹܗ ܕܐܲܠܵܗܵܐ ܐܸܫ̇ܬܟܲܚ ܒܬܲܪܥܝܼܬܹܗ. ܨܸܦܬܼܵܐ ܕܹܝܢ: ܠܵܐ ܗ̄ܘ̣ܵܐ ܕܦܲܓܼܪ̈ܵܢܵܝܵܬܼܵܐ ܐܵܡܲ݁ܪ ܐܲܢ̄ܐ: ܐܸܠܵܐ ܕܬܼܘܼ̈ܟܹܐ ܕܢܲܩܝܼܦܝܼܢ ܠܗܹܝܢ ܠܲܡܝܲܬܿܪ̈ܵܬܼܵܐ. ܥܕܲܡܵܐ ܓܹܝܪ ܕܠܝܼܕܲܥܬܼܵܐ ܕܲܫܪܵܪܵܐ ܢܸܡܛܸܐ: ܕܐܝܼܬܹܝܗ̇ ܓܸܠܝܵܢܵܐ ܕܟܲܤ̈ܝܵܬܼܵܐ: ܒܝܲܕܼ ܢܸܤܝ̈ܘܿܢܹܐ ܡܸܬܼܩܲܪܒܼܝܼܢܲܢ ܠܘܵܬܼ ܡܲܟܿܝܼܟܼܘܼܬܼܵܐ. ܐܲܝܢܵܐ ܕܲܕܼܠܵܐ ܥܵܩ̈ܬܼܵܐ ܐܸܫܬܿܟܲܚ ܒܲܡܝܲܬܿܪܘܼܬܹܗ: ܬܲܪܥܵܐ ܠܪܵܡܘܼܬܼܵܐ ܐܸܬܼܦܬܲܚ ܠܹܗ. ܡܵܢ̣ܘܼ ܕܡܸܬܼܪܲܓܼܪܲܓܼ ܠܵܗ̇ ܠܗܵܕܹܐ: ܢܸܗܘܸܐ ܕܠܵܐ ܥܵܩܵܐ ܒܬܲܪܥܝܼܬܹܗ؟ ܠܵܐ ܡܲܨܝܵܐ ܕܲܠܒܲܪ ܡ̣ܢ ܥܸܠܬܼܵܐ ܕܩܘܼܦܵܚܹ̈ܐ: ܢܩܵܘܸܐ ܪܸܥܝܵܢܵܐ. ܒܡܘܼܟܵܟܼܵܐ. pb. 411 ܘܠܵܐ ܡܲܨܝܵܐ ܕܒܸܠܥܵܕܼ ܡܘܼܟܵܟܼܵܐ: ܢܸܬܼܐܡܸܢ ܒܥܸܢܝܵܢܵܐ ܕܬܲܟܼܫܲܦܬܼܵܐ ܠܘܵܬܼ ܐܲܠܵܗܵܐ ܫܲܦܝܵܐܝܼܬܼ. ܩܲܕܼܡܵܝܑܼܬܼ ܡ̣ܢ ܪܸܢܝܵܐ ܕܘܵܠܝܼܬܼܵܐ ܡܸܬܼܪܲܚܲܩ ܒܲܪܢܵܫܵܐ ܒܬܲܪܥܝܼܬܹܗ: ܘܗܵܝܕܹܝܢ ܡܸܬܼܩܲܪܒܼܵܐ ܠܘܵܬܹܗ ܪܘܼܚܵܐ ܕܪܵܡܘܼܬܼܵܐ. ܘܲܒܼܗܵܕܹܐ ܡܚܲܡܤܸܢ ܠܘܼܩܕܲܡ: ܘܗܵܝܕܹܝܢ ܡܸܬܼܪܲܚܲܩ ܡܸܢܹܗ ܡܲܠܲܐܟܼܵܐ ܕܲܒܼܛܝܼܠܘܼܬܼܵܐ. ܗܵܘ̇ ܕܲܟܼܡܵܐ ܕܩܲܪܝܼܒܼ ܠܹܗ: ܪܵܡܹ̇ܐ ܒܹܗ ܟ̱ܠܹܗ ܪܸܢܝܵܐ ܕܟܹܐܢܘܼܬܼܵܐ. ܡܵܐ ܕܹܝܢ ܕܛܲܠܡܹܗ ܠܗܵܢܵܐ: ܘܐܸܬܼܪܲܚܲܩ ܡ̣ܢ ܨܹܐܕܼܵܘܗܝ: ܗܵܕܹܝܢ ܩܵܪܹܒܼ ܠܘܵܬܹܗ ܢܘܼܟܼܪܵܝܵܐ: ܟܲܕܼ ܠܵܐ ܗܵܘܹ̇ܐ ܒܹܗ ܗܵܝܕܝܟ: ܐܵܦܠܵܐ ܚܲܕܼ ܪܸܢܝܵܐ ܟܹܐܢܵܐ. ܡ̣ܢ ܩܕܼܵܡ ܬܒܼܵܪܵܐ: ܪܵܡܘܼܬܼܵܐ: ܐܵܡܲ݁ܪ ܚܲܟܿܝܼܡܵܐ. ܘܲܩܕܼܵܡ ܡܵܘܗܲܒܼܬܼܵܐ: ܡܲܟܿܝܼܟܼܘܼܬܼܵܐ. ܒܲܟܼܡܵܝܘܼܬܼܵܐ ܕܪܵܡܘܼܬܼܵܐ ܕܡܸܬܼܚܲܙܝܵܐ ܒܵܗ̇ ܒܢܲܦܫܵܐ: ܥܲܠ ܡܲܬܼܩܵܠܵܐ ܕܲܬܼܒܼܵܪܵܐ ܕܩܲܝܼܒܼ ܕܢܸܫܬܲܕܲܤ ܥܠܹܝܗ̇ ܡ̣ܢ ܐܲܠܵܗܵܐ ܡܒܲܕܩܵܐ. ܘܠܵܐ ܒܚܲܕܼ ܡ̣ܢ ܚܛܗ̈ܝܼܢ ܡܸܬܼܪܲܚܲܩ ܐܲܠܵܗܵܐ ܡ̣ܢ ܒܲܪܢܵܫܵܐ: ܘܫܵܒܹ̇ܩ ܠܹܗ ܓܡܝܼܪܵܐܝܼܬܼ ܘܓܼܵܥ̇ܨܵܐ ܠܹܗ ܡܸܢܹܗ: ܥܕܲܡܵܐ ܕܢܸܫܟܲܚ ܥܢܸܐ ܪܸܥܝܵܢܹܗ ܒܥܸܢܝܵܢܵܐ ܕܪܵܡܘܼܬܼܵܐ ܐܵܘ ܕܓܼܘܼܕܵܦܵܐ. ܡܸܛܠܗܵܢܵܐ: ܐܵܦ ܥܸܠܬܼܵܐ ܗܵܘܝܵܐ ܠܲܬܼܪܲܝܵܢܵܐ ܩܲܕܸܡܵܝܬܼܵܐ. ܐܲܝܠܹܝܢ ܕܢܵܦ̇ܩܝܼܢ ܡ̣ܢ ܐܘܼܪܚܵܐ ܕܡܲܟܿܝܼܟܼܘܼܬܼܵܐ ܒܬܲܪܥܝܼܬܼܗܘܿܢ: ܘܡܸܫܬܲܠܚܝܼܢ ܡ̣ܢ ܥܘܼܕܼܪܵܢܵܐ ܐܲܠܵܗܝܵܐ: ܐܵܘ ܒܲܫܟܼܝܼܪܘܼܬܼܵܐ ܕܦܲܚܙܘܼܬܼܵܐ ܢܵܦ̇ܠܝܼܢ: ܐܵܘ ܒܓܼܘܼܕܵܦܵܐ ܕܥܲܠ ܨܸܒܼ̈ܘܵܬܼܵܐ ܐܲܠܵܗܵܝ̈ܬܼܵܐ: ܐܵܘ ܒܢܸܟܼܝܵܢܵܐ ܕܗܵܘܢܵܐ. ܐܲܝܠܹܝܢ ܕܒܲܡܝܲܬܿܪܘܼܬܼܵܐ ܕܕܼܘܼܒܵܪܹ̈ܐ ܡܸܬܿܬܿܪܝܼܡܝܼܢ: ܤܘܼܓܼܐܗܘܿܢ ܒܦܲܚܙܘܼܬܼܵܐ ܫܟܼܝܼܪܬܵܐ ܢܵܦ̇ܠܝܼܢ. ܐܲܝܠܹܝܢ ܕܹܝܢ ܕܒܼܝܼܕܲܥܬܼܵܐ ܘܕܼܘܼܒܵܪܵܐ ܕܪܸܥܝܵܢܵܐ: ܒܓܼܘܼܕܵܦܵܐ ܕܥܲܠ ܨܸܒܼ̈ܘܵܬܼܵܐ ܐܲܠܵܗܵܝ̈ܬܼܵܐ: ܐܵܘ ܒܛܲܪܝܘܼܬܼܵܐ ܕܗܵܘܢܵܐ. ܪܵܡܘܼܬܼܵܐ ܐܝܼܬܹܝܗ̇: ܠܵܘ ܐܸܡܲܬܼܝ ܕܢܸܥܒܲܪ pb. 412 ܒܪܸܥܝܵܢܵܐ ܚܘܼܫܵܒܼܵܗ̇ ܕܗܵܕܹܐ: ܐܵܦܠܵܐ ܐܸܢܗ̤ܘ ܕܢܸܓܼܕܲܫ ܘܢܸܙܕܟܸܐ ܡܸܢܵܗ̇ ܒܲܙܒܲܢ: ܐܸܠܵܐ ܗܵܝ̇ ܕܲܢܩܵܘܸܐ ܒܗ̇. ܓܲܠܝܵܐ ܗ̣̄ܝ ܕܲܠܗܵܘ̇: ܐܵܦ ܬܘܵܬܼܵܐ ܐܝܼܬܼ ܠܹܗ. ܗܵܢܵܐ ܕܹܝܢ ܡܵܐ ܕܐܲܚܒܼܵܗ̇: ܠܵܐ ܝܵܕܲܥ̇ ܕܢܸܬܿܬܿܘܸܐ. ܐܸܢ ܢܸܬܿܬܿܘܸܐ: ܐܵܦܠܵܐ ܡܟܲܬܲܪ ܒܵܗ̇. ܠܵܘ ܗܵܝ̇ ܕܢܸܚܛܸܐ ܐܵܘ ܕܢܲܪܫܲܥ ܒܝܼܫܵܐ ܥܲܠ ܐܲܠܵܗܵܐ: ܐܸܠܵܐ ܗܵܝ̇ ܕܲܢܩܵܘܸܐ ܒܵܗ̇ ܒܒܼܝܼܫܬܵܐ. ܗܵܝ̇ ܡܲܢ: ܬܵܚܘܿܒܼܘܼܬܹܗ ܕܲܟܼܝܵܢܵܐ ܡܫܵܘܕܥܵܐ. ܗܵܕܹܐ ܕܹܝܢ: ܡܲܪܚܘܼܬܼܵܐ ܕܨܸܒܼܝܵܢܵܐ. ܘܐܵܦ ܬܘܼܒܼ ܡ̣ܢ ܫܘܼܒܼܚܵܐ ܕܲܒܼܢܲܝ̈ܢܵܫܵܐ ܡܸܬܿܛܪܸܐ ܐ̄ܢܵܫ ܒܡܲܕܥܹܗ: ܘܡܸܬܼܡܚܸܐ ܒܫܵܢܝܘܼܬܼܵܐ. ܐܸܡܲܬܼܝ ܕܲܠܒܲܪ ܡ̣ܢ ܡܫܘܼܚܬܹܗ ܪܵܐܹܓܼ ܕܢܸܤܐܲܥܪܵܢ ܒܐܝܼܕܹܗ ܒܲܝܢܵܬܼܗܘܿܢ: ܡܸܛܠ ܕܬܹܐܪܲܒܼ ܬܸܫܒܿܘܿܚܬܼܵܐ ܕܪܲܒܼܘܼܬܹܗ. ܐܲܝܟܼ ܡܲܢ ܕܢܲܪܓܫܘܼܢ: ܕܩܲܪܝܼܒܼ ܤܲܓܝܼ ܠܐܲܠܵܗܵܐ. ܤܲܓܝܼ̈ܐܹܐ ܗܘ̤ܵܘ ܕܐܸܬܼܝܲܬܲܪܘ ܒܕܼܘܼܒܵܪܹ̈ܐ: ܘܝܼܪܸܒܼܘ ܒܡܵܘ̈ܗܒܼܵܬܼܵܐ ܕܡ̣ܢ ܐܲܠܵܗܵܐ: ܘܐܸܬܼܝܲܩܲܪܘ ܒܫܘܼ̈ܟܵܢܹܐ ܕܐܵܬܼ̈ܘܵܬܼܵܐ. ܘܒܼܵܬܲܪܟܸܢ ܩܲܒܸܠ̣ܘ ܫܘܼܚܠܵܦܵܐ: ܘܲܢܪܤܲܒܼܘ ܡܚܘܿܬܼܵܐ ܡ̣ܢ ܐܲܠܵܗܵܐ: ܗܵܢܘܿܢ ܕܗܵܟܲܢ ܐܸܬܼܝܲܩܲܪܘ ܗ̄ܘ̣ܵܘ ܡ̣ܢ ܩܕܝܼܡ. ܒܲܕܼܠܵܐ ܐܵܫܟܲܚܘ ܠܡܸܛܥܲܢ ܠܡܵܘ̈ܗܒܼܵܬܼܵܐ ܤܲܓܝܼ̈ܐܬܼܵܐ ܕܲܢܤܲܒܼܘ: ܘܐܸܬܿܕܒܲܪܘ ܠܪܵܡܘܼܬܼܵܐ: ܘܐܸܫܬܕܝܼܘ ܐܲܝܟܼ ܤܘܼܠܐܵܢܵܐ ܡ̣ܢ ܐܲܠܵܗܵܐ: ܘܲܗܘ̤ܵܘ ܝܲܬܝܼܪܹ̈ܐ ܠܪܲܒܘܼܬܼ ܛܲܟܼܤܵܐ ܕܒܹܗ ܐܝܼܬܲܝܗܘܿܢ ܗ̄ܘ̣ܵܘ. ܤܲܓܝܼ̈ܠܹܐ ܬܘܼܒܼ ܕܲܗܘ̤ܵܘ ܒܗܝܼ̈ܠܹܐ ܘܲܡܤܲܬ̈ܬܹܐ ܒܗܵܘܢܵܐ: ܘܲܬܼܩܝܼ̈ܠܵܢ ܡܸܠܲܝ̈ܗܘܿܢ: ܘܢܲܟܼ̈ܦܹܐ ܒܕܼܘܼܒܵܪ̈ܲܝܗܘܿܢ: ܘܲܪܓܼܝܼܓܼܝܼܡ ܒܝܼܕܲܥܬܼܗܘܿܢ: ܘܲܗܘ̤ܵܘ ܐܵܬ̤ܵܐ ܕܤܘܼܪܵܕܼܵܐ ܠܝܵܕܼܸܘܿܥܲܝ̈ܗܘܿܢ: ܘܲܚܙܵܬܼܵܐ ܡܲܠܝܲܬܼ ܒܸܟܼܝܵܐ ܠܚܲܙܵܝܹ̈ܐ. ܒܲܒܼܟܼܵܬܼܵܐ ܪܲܒܿܬܼܵܐ ܐܲܪܝܼܡ ܩܵܠܵܟܼ ܠܘܵܬܼ ܐܲܠܵܗܵܐ: ܘܲܫܐܲܠ pb. 413 ܡܲܟܿܝܼܟܼܘܼܬܼܵܐ. ܡܠܝܼ ܦܘܼܡܵܟܼ ܡ̣ܢ ܕܸܡܥܲܝ̈ܟ: ܘܦܲܠܦܸܠ ܪܹܫܵܟܼ ܒܥܲܦܪܵܐ. ܘܡ̣ܢ ܐܲܪܥܵܐ ܠܵܐ ܬܩܘܼܡ: ܘܪܹܫܵܟܼ ܡ̣ܢ ܐܲܪܥܵܐ ܠܵܐ ܬܪܝܼܡ: ܥܕܲܡܵܐ ܕܚܵܐܹ̇ܣ ܥܠܲܝܟܼ ܐܲܠܵܗܵܐ: ܘܡܲܥܒܲܪ ܠܵܟܼ ܡ̣ܢ ܚܲܝܹ̈ܐ ܗܵܠܹܝܢ ܟܲܕܼ ܫܵܠܹ̇ܡ ܐܲܢ̄ܬܿ. ܐܵܘ ܕܢܸܬܼܪܲܚܲܡ ܥܠܲܝܟ: ܘܢܸܬܸܠ ܠܵܟܼ ܡܲܟܿܝܼܟܼܘܼܬܼܵܐ. ܘܠܵܐ ܬܸܫܠܸܐ ܡ̣ܢ ܐܸܒܼܠܵܐ: ܥܕܲܡܵܐ ܕܡܲܪܓܸܫ ܐܲܢ̄ܬܿ ܒܢܲܦܫܵܟܼ ܕܲܢܤܲܒܼܬܿ. ܕܕܲܠܡܵܐ ܐܲܝܟܼ ܚܲܕܼ ܡ̣ܢ ܗܵܠܹܝܢ ܡܸܫܬܿܟܲܚ ܐܲܢ̄ܬܿ ܡܸܢܫܹܠܝ. ܘܐܵܦܸܢ ܢܤܲܒܼܬܿ: ܥܲܝܢܲܝ̈ܟ ܠܵܐ ܬܪܝܼܡ: ܘܠܲܫܡܲܝܵܐ ܠܵܐ ܬܸܚܙܸܐ. ܘܡ̣ܢ ܚܸܙܘܵܐ ܕܐ̄ܢܵܫܵܐ: ܚܝܵܪܵܟܼ ܠܵܐ ܬܸܡܠܸܐ. ܘܠܸܒܵܟܼ ܡ̣ܢ ܕܸܚܠܬܼܵܐ ܘܒܼܵܥܘܼܬܼܵܐ: ܠܵܐ ܢܢܘܼܚ. ܟܒܲܪ ܬܸܫܬܵܘܙܲܒܼ ܡ̣ܢ ܒܝܼ̈ܫܵܬܼܵܐ ܕܲܡܛܲܝ̈ܒܵܢ ܠܫܹ̈ܐܕܹܐ ܒܐܘܼܚܵܐ ܕܗܵܢܵܐ ܕܘܼܒܵܪܵܐ: ܡܠܸܐ ܥܲܡܛܵܢܵܐ ܘܩܲܛܝܼܢ ܐܘܼܪܚܵܐ: ܘܤܲܓܝܼ ܬܘܼܩ̈ܠܵܬܼܵܐ: ܡܲܪܝܼܕܼ ܒܝܼܕܲܥܵܬܼܵܐ ܕܡܸܬܿܕܲܪܟܵܢܘܼܬܹܗ ܠܲܟܼܝܵܢܵܐ ܕܐ̈ܢܵܫܵܐ. ܗܲܝܡܸܢܲܝܢܝ ܐܵܚܝ: ܘܐܲܫܲܪ ܠܡܸܠܲܬܼܝ: ܕܠܵܐ ܤܵܦܹ̇ܿܩ ܐܲܢ̄ܬܿ ܠܡܲܕܼܪܵܟܼܘܼ ܠܟܼܠܹܗ ܚܲܝܠܗܘܿܢ ܕܫܹ̈ܐܕܹܐ: ܘܠܵܐ ܤܵܦ̇ܩܵܐ ܝܑܼܕܸܥܬܼܵܟܼ ܠܡܸܤܡܲܟܼ ܩܕܼܵܡ ܨܸܢ̈ܥܵܬܼܗܘܿܢ. ܐܲܪܦܵܐ ܗܵܫܵܐ ܕܐܲܫܝܼܕܼ ܠܓܼܵܘ ܡܸܢܵܟܼ ܢܘܼܗܪܵܐ ܤܲܓܝܼܐܵܐ: ܗܵܘ̇ ܕܒܹܗ ܡܸܫܬܿܟܲܚ ܚܘܼܒܹܗ ܕܲܡܫܝܼܚܵܐ: ܘܲܚܡܝܼܠ ܐܲܢ̄ܬܿ ܠܓܼܵܘ ܡ̣ܢ ܫܘܼܪܵܐ ܕܪ̈ܲܚܡܹܐ ܐܲܠܵܗܵܝܹ̈ܐ: ܡܸܛܠ ܐܝܼܩܵܪܵܐ ܕܡܲܟܿܝܼܟܼܘܼܬܼܵܐ ܕܲܫܟܼܝܼܚܵܐ ܠܵܟܼ. ܐܸܢ ܠܓܼܵܘ ܡ̣ܢ ܥܲܡܛܵܢܵܐ ܕܢܸܤܝ̈ܘܿܢܹܐ ܬܸܥܘܿܠ ܟܲܕܸ ܢܲܪܚܸܩ ܗܵܢܵܐ ܢܘܼܗܪܵܐ: ܘܬܸܫܬܿܒܸܩ ܠܡܸܬܼܢܲܤܵܝܘܼ ܒܗܵܘ̇ ܚܵܫܟܵܐ ܥܲܒܿܝܼܛܵܐ ܕܢܲܦܫܵܐ: ܕܐܲܝܠܹܝܢ ܕܡ̣ܢ ܐܲܠܵܗܵܐ ܡܸܫܬܲܒܼܩܝܼܢ ܘܒܼܐܝܼ̈ܕܲܝ ܫܹ̈ܐܕܹܐ ܡܸܫܬܲܠܡܝܼܢ: ܗܵܝܕܹܝܢ ܝܵܕܲܥ̇ ܐܲܢ̄ܬܿ: ܕܡܸܫܬܿܟܲܚ ܐܲܢ̄ܬܿ ܩܕܼܵܡܲܝܗܘܿܢ: ܐܲܝܟܼ ܝܲܠܘܕܵܐ ܕܠܵܐ pb. 414 ܝܵܕܲܥ̇ ܠܐܲܝܟܵܐ ܢܹܐܙܲܠ. ܘܗܵܟܲܢܵܐ ܡܸܬܕܵܘܕܼܵܐ ܟ̱ܠܵܗ̇ ܝܑܼܕܲܥܬܼܵܟܼ: ܐܲܝܟܼ ܕܛܲܠܝܵܐ ܙܥܘܿܪܵܐ. ܘܗܵܢܵܐ ܪܸܥܝܵܢܵܐ ܡܫܲܪܪܵܐ ܕܒܲܐܠܵܗܵܐ: ܘܚܲܬܿܝܼܬܼܘܼܬܼܵܐ ܕܝܼܕܲܥܬܼܵܟܼ: ܘܬܲܪܥܝܼܬܼܵܟܼ ܚܠܝܼܡܬܼܵܐ: ܗܵܘ̈ܝܵܢ ܡܸܬܼܡܲܨ̈ܥܵܢ ܒܝܲܡܵܐ ܕܦܘܼ̈ܠܵܓܹܐ. ܒܲܚܕܼܵܐ ܡܨܸܐ ܐܲܢ̄ܬܿ ܙܵܟܹ̇ܐ ܐܲܢ̄ܬܿ ܠܗܘܿܢ: ܒܡܲܟܿܝܼܟܼܘܼܬܼܵܐ ܒܲܠܚܘܿܕܼ: ܡܵܐ ܕܩܲܕܼܡ̣ܬܿ ܐܸܚܲܕܼܬܿ ܠܗܵܕܹܐ: ܐܸܬܼܒܲܛܲܠ ܟ̱ܠܹܗ ܚܲܝܠܗܘܿܢ. ܠܵܐ ܡܵܐ ܕܫܲܦܝܵܐܝܼܬܼ ܬܸܪܕܹܐ ܒܚܲܕܼܘܼܬܼܵܟܼ ܕܒܲܐܠܵܗܵܐ: ܬܸܤܒܲܪ ܚܘܼܠܡܵܢܵܐ ܕܢܲܦܫܵܟܼ. ܐܸܠܵܐ ܐܸܡܲܬܼܝ ܕܐܲܤܝܼܪܘܼܬܼܵܐ ܕܲܒܼܨܸܒܼ̈ܘܵܬܼܵܐ ܠܵܐ ܡܕܼܵܘܕܼܵܐ ܪܸܥܝܵܢܵܟܼ ܡ̣ܢ ܚܘܼܒܵܐ ܕܐܲܠܵܗܵܐ ܘܲܕܼܩܲܪܝܼܒܼܵܐ: ܘܠܵܐ ܐܲܚܝܼܕܼܘܼܬܼܵܐ ܕܲܒܼܦܲܪ̈ܨܘܿܦܹܐ: ܡ̣ܢ ܡܲܪܢܝܼܢܬܼܵܟܼ ܕܲܒܼܡܵܪܲܢ. ܕܠܹܗ ܫܘܼܒܼܚܵܐ: ܘܠܲܢ ܢܢܲܛܲܪ ܒܩܲܪܝܼܒܼܘܼܬܹܗ ܘܲܒܼܥܸܢܝܵܢܹܗ. ܐܵܡܹܝܢ.