On the Temptation of Christ - ܥܲܠ ܕܪ̈ܵܘܗܝ ܕܡܵܪܲܢ

1 :ܐܵܕܲܡ ܨܲܠܡܵܐ ܡܲܠܵܠܵܐ 2 ܕܪܲܟܒܹܗ ܩܵܠܵܐ ܡ̣ܢ ܥܲܦܪܐ. 3 :ܐܝܼܩܵܪܵܐ ܕܫܝܛܘܼܬܼ ܡܸܕܪܹܗ 4 ܛܢܵܢܵܐ ܐܲܪܡܝܼ ܠܪ̈ܘܼܚܵܢܹܐ. 5 :ܒܢ̈ܬܼ ܩ̈ܠܐ ܕܐܸܬܼܡܲ̈ܠܲܠܝ ܗ̣̄ܘܲܝ̈ 6 ܥܲܠ ܬܘܼܩܵܢܹܗ ܕܡܵܝܘܿܬܼܵܐ. 7 :ܒܢܘܼܪܵܐ ܕܲܚܣܵܡܵܐ ܫܓܼܪ̈ܝܗܝ 8 ܠܣܵܛܵܢܵܐ ܪܹܫܵܐ ܕܐܵܐܲܪ. 9 :ܒܛܝܼܠܘܼܬܼܵܐ ܕܥܲܠ ܬܘܼܩܵܢܹܗ 10 ܕܠܲܚܬܹܗ ܠܣܵܢܐܵܐ ܒܲܚܣܵܡܵܐ. 11 :ܫܸܡ ܨܲܠܡܵܐ ܨܲܠܡܵܐ ܕܐܸܬܼܝܲܩܲܪ ܒܹܗ 12 ܓܲܪܓܹܗ ܕܢܸܥܒܸܿܕ ܬܲܟܼܬܘܼܫܵܐ. 13 :ܡܲܢ̣ܘ ܠܲܡ ܗܵܢܵܐ ܫܝܼܛܵܐ 14 ܕܲܟܼܝܵܢܹܗ ܡ̣ܢ ܕܲܚܝܼܚܵܐ ܗ̄ܘ̣. 15 :ܕܡܼܬܼܡܲܠܲܟ ܥܲܠ ܬܘܼܩܵܢܹܗ 16 ܘܟܸܢ ܡܲܝܬܹܗ ܠܹܗ ܠܲܗܘܵܝܵܐ. 17 :ܘܲܕܼܪܲܒܐ ܘܠܵܐ ܡܸܬܼܡܲܫܚܵܐ 18 ܘܪܡܵܐ ܡ̣ܢ ܟܠ ܕܥܒܝܕ ܗ̄ܘ̣. 19 :ܕܨܲܠܡܵܐ ܗ̄ܘ̣ ܕܝܼܠܹܗ ܩ̇ܪܐ ܠܗ 20 ܠܡܵܐܢܵܐ ܕܲܓܼܒܼܝܼܠ ܡ̣ܢ ܡܸܕܼܪܵܐ. 21 :ܕܠܚܬܼܗ ܡܸܪܬܹܗ ܠܚܲܣܵܡܵܐ 22 ܘܛܲܝܸܒܼ ܢܲܦ̣ܫܹܗ ܠܬܲܟܼܬܘܼܫܵܐ. 23 :ܘܲܠܒܸܫ ܙܲܝܢܵܐ ܕܨܢ̈ܥܬܿܐ 24 ܕܢܲܩܪܸܒܼ ܥܲܡܹܗ ܕܲܦܫܝܼܛܵܐ. 25 :ܒܥܘܼܬܵܕܼ ܢܸܟܼܠܹܗ ܚܵܐ̇ܪ ܗ̄ܘ̣ܵܐ 26 ܒܵܪܘܿܝܵܐ ܡ̣ܢ ܫܘܼܪܵܝܵܐ. 27 ܘܝܲܗܵܒ̣ ܠܹܗ ܐܲܬܼܪܵܐ ܕܢܸܬܼܟܲܬܹܿܫ 28 ܥܲܡ ܨܲܠܡܹܗ ܠܒܼܘܼܚܪܢ ܢܲܦ̣ܫܹܗ. 29 :ܚܵܒܼ ܨܲܠܡܹܗ ܕܦܓܼܢܝܐ 30 ܡ̣ܢ ܨܢܵܥܵܢܹܗ ܕܲܢܟܼܝܼܠܵܐ. 31 :ܘܕܲܕܼܢܹܗ ܒܢܝܼܪܵܐ ܕܲܚܛܝܼܬܼܵܐ 32 ܘܫܲܥܒܸܿܕܼ ܡܵܘܬܐ ܚܹܐܪܘܼܬܹܗ. 33 :ܗܘ̤ܵܬܼ ܠܹܗ ܡܲܦܵܘܼܠܬܼܵܐ 34 ܪܲܒܿܐ ܚܸܕܡܲܬܼ ܫܲܒܼܪܘܼܬܹܗ. 35 :ܘܗܦܟ ܩܛܪܓܼ ܨܸܒܝܢܗ 36 ܕܟܲܕܼ ܫܲܪܝܵܐ ܗ̄ܘ̣ ܫܲܥܒܸܿܕܼ ܢܲܦ̣ܢܹܗ. 37 :ܠܕܝܼܢܵܐ ܥܲܠ̣ ܥܲܡ ܚܹܐܪܘܼܬܹܗ 38 ܘܩܛܪܓܼ ܘܐܟܿܣ ܚܘܫܒܘ̈ܗܝ. 39 :ܕܐܠܘ ܥܲܙܝܼ ܒܐܓܘܢܐ 40 ܟܠܝܼܠܵܐ ܕܫܘܼܒܼܚܵܐ ܢܣܸ̇ܒ ܗ̄ܘ̣ܵܐ. 41 :ܡܠܹܐ ܙܲܒܼܢܵܐ ܚ̣ܒܼ ܡ̇ܝܘܬܼܵܐ 42 ܘܩܲܠܝܼܠ ܐܲܡܠܸܟ ܡܵܪܘܿܕܼܵܐ. 43 ܘܲܗܘ̤ܵܬܼ ܥܸܠܲܬܼ ܣܲܟܼܠܘܼܬܼܵܐ 44 ܝܘܼܠܦܵܢܵܐ ܠܲܕܼ ܒܵܬܲܪܟܸܢ. 45 :ܣܓ̇ܝ ܚܲܟܡܬ̤ ܡܦܘܼܠܬܐ 46 ܕܪܫ̣ ܛܘܫܡܢ ܠܲܒܼܢܲܝ̈ ܓܸܢܣܹܗ. 47 :ܕܒܲܚܛܝܼܬܼܵܐ ܩܢ̣ܵܘ ܒܘܼܝܵܢܵܐ 48 ܕܢܼܗܘܘܿܢ ܣܢ̈ܐܐ ܠܚܛܝܼܬܐ. 49 :ܠܝܘܼܬܼܪܵܢ ܥܒܕܗ̇ ܒܪܘܝܐ 50 ܠܣܲܟܼܠܘܼܬܹܗ ܕܪܲܫ̣ ܫܪ̈ܒܬܢ. 51 :ܕܓܠ̣ܐ ܒܗ̇ ܥܲܠ ܚܐܪܘܬܢ 52 ܕܠܵܐ ܢܸܬܼܥܲܕܲܠ ܒܓܼܒܝܠܬܢ. 53 :ܝܕ̇ܥ ܗ̄ܘ̣ܵܐ ܩܕܼܵܡ ܬܘܼܩܵܢܲܢ 54 ܕܗܵܕܹܐ ܥܵܕܼܪܵܐ ܠܲܟܼܝܵܢܲܢ. 55 :ܕܡܵܐ ܕܚܒ̣ ܒܨܝܢ ܚܐܪܘܬܗ 56 ܢܸܫܐܲܠ ܡܸܢܹܗ ܙܵܟܼܘܼܬܼܵܐ. 57 :ܘܟܲܕܼ ܕܝܼܠܹܗ ܗܝ̤ ܙܵܟܼܘܼܬܼܵܐ 58 ܝܹܿܗܒܵܗ̇ ܠܫܘܼܠܛܵܢ ܚܹܐܪܘܼܬܹܗ. 59 :ܕܢܹܐܠܲܦ ܕܲܟܼܡܵܐ ܡܲܚܸܒܼ ܠܹܗ 60 ܠܲܟܼܝܵܢܲܢ ܡܸܛܠ ܨܲܠܡܹܗ 61 :ܒܝܲܕܼ ܚܹܐܪܘܼܬܼܢ ܚܲܟܸܿܡ ܠܲܢ 62 ܡ̣ܢ ܫܘܼܪܵܝܵܐ ܕܬܼܘܼܩܵܢܲܢ. 63 :ܘܡܸܢܹܗ ܕܲܟܼܝܵܢܲܢ ܝܲܗܒ̣ ܠܲܢ 64 ܦܵܪܘܿܩܵܐ ܒܫܘܠܲܡ ܙܲܒܼܢܹ̈ܐ. 65 :ܒܬܼܘܼܩܵܢ ܐܵܕܼܵܡ ܩܲܕܼܡܵܝܵܐ 66 ܩܪܢ ܒܲܫܡܵܐ ܫܐܝܼܠܵܐ ܕܨܲܠܡܵܐ. 67 :ܘܒܲܕܼܒܼܝܼܠܹܗ ܕܐܵܕܼܵܡ ܕܲܬܼܪܹܝܢ 68 ܫܲܪܪܹܗ ܠܲܫܡܵܐ ܒܥܒܕܐ. 69 :ܡܸܢܹܗ ܕܲܟܼܝܵܢܲܢ ܪܲܟܸܿܒܼ 70 ܨܲܠܡܵܐ ܕܕܼܵܡ̇ܐ ܠܩܲܕܼܡܵܝܵܐ. 71 :ܕܲܢܚܵܘܹܐ ܕܠܵܐ ܡܲܣܠܹܗ ܠܹܗ 72 :ܠܟܼܝܵܢܲܢ ܡܸܛܠ ܕܲܚܛ̣ܐ 73 :ܒܠܘܼܚܵܡܵܐ ܫܕܵܝܗܝ ܠܟܝܢܢ 74 ܠܐܟܣܘܪܝܐ ܕܚܛܝܼܬܼܵܐ. 75 ܘܲܒܼܪ̈ܚܡܹܐ ܚܵܢܹܗ ܠܓܸܢܣܲܢ: ܒܝܲܕܼ ܡܸܨܥܵܝܵܐ ܒܲܪ ܓܸܢܣܲܢ. 76 :ܠܵܐ ܫܠ݂ܲܚ ܨܐܕܝܢ ܪ̈ܘܚܵܢܹܐ 77 ܕܢܲܦܢܘܼܢܲܢ ܨܝܕܼ ܝܲܕܼܥܬܹܗ. 78 :ܗܘ̤ ܫܲܝܸܢ ܠܲܢ ܥܲܡ ܝܵܬܹܗ 79 ܒܡܸܨܥܵܝܘܼܵܬܐ ܕܪܹܫܝܼܬܲܢ. 80 :ܠܫܘܼܪܵܪܵܐ ܕܲܫܡܵܐ ܕܨܲܠܡܵܐ 81 ܕܝܩܪܢ ܒܗ ܡ̣ܢ ܫܘܼܪܵܝܵܐ. 82 :ܨܵܪ ܨܲܠܡܵܐ ܒܓܼܘ ܗܕܡ̈ܐ 83 ܘܲܥܡ݂ܲܪ ܒܹܗ ܨܠܸܡ ܐܝܼܬܼܘܼܬܹ[...] 84 ܠܵܐ ܨܵܪܹܗ ܡ̣ܢ ܣܡܡܢܹ̈ܐ. pb. f.98r 85 ܕܡܸܬܼܡܕܹܝܢ ܒܙܪܥ ܐܢܫܐ. 86 ܒܚܝܠ ܪܘܚܐ ܪܟܸܿܒܼ ܥܒܕܗ. 87 ܡܸܢܹܗ ܕܡܕܪܐ ܐܢܫܝܐ. 88 :ܪܟܒ ܦܓܪܐ ܒܚܝܠ ܦܲܓܼܪ̈ܐ 89 ܘܢܦ̣ܚ ܢܲܦ݂ܫܵܐ ܒܚܝܹܠ ܪܘܼܚܵܐ. 90 :ܘܓܲܡܪܹܗ ܒܟܼܠܗܹܝܢ ܕܲܟܼܝܵܢܵܐ 91 ܒܒܛܢܐ ܘܝܠܕܐ ܩܬܲܪܒܿܝܼܬܼܵܐ. 92 :ܢܣܝܗ ܒܚܫ̈ܐ ܘܚܫܘܼܫ̈ܐ 93 ܒܟܲܦܢܵܐ ܘܨܲܗܝܵܐ ܐܲܝܟ ܟܠܢܫ. 94 :ܘܛܲܝܒܹܗ ܕܢܸܥܒܸܿܕܼ ܬܲܟܼܬܼܘܼܫܵܐ 95 ܥܲܡ ܚܲܣܝܼܢܵܐ ܚܠܵܦ ܓܸܢܣܹܗ. 96 :ܒܟܼܠܗܹܝܢ ܕܐܵܕܼܵܡ ܐܸܫܬܵܘܬܦ 97 ܒܕܡܘܼܬܼ ܐܕܼܡ ܩܲܕܡܵܝܵܐ. 98 :ܚܛܝܼܬܼܵܐ ܒܠܚܘܿܕ ܠܵܐ ܫܚܡܲܫ 99 ܕܲܒܼܚܹܝܠ ܪܘܼܚܵܐ ܐܸܬܼܢܲܨܲܚ. 100 :ܩ̈ܠܐ ܚܕܬ̈ܐ ܕܐܸܬܼ ܡܲܠܲܠ 101 ܒܒܲܛܢܹܗ ܘܝܲܠܕܹܗ ܘܥܡܕܡ. 102 :ܫܲܓܼܫܘܼܗܝ ܣܲܓܝܼ ܠܝܣܵܡܵܐ 103 ܘܙܵܥ̣ܘ ܣܸܕܼܪܹ̈ܐ ܕܚܝܠܘ̈ܬܗ. 104 :ܒܐܲܝܼܩܵܪ ܬܘܼܩܢܗ ܕܐܵܒܼܵܡ 105 ܚܣ݂ܲܡ ܒܐܵܕܼܵܡ ܘܐܲܩܪܸܒܼ. 106 :ܘܒܲܫܒܼܚ̈ܬܹܗ ܕܒܲܪ ܐܕܹܡ 107 ܐܸܬܼܡܪܡܪܡ ܘܣܥ̣ܪ ܙܲܝܢܹܗ. 108 :ܩܵܠ ܓܲܒܼܪ ܝܼܐܝܹܠ ܐܲܥܝܼܩܹܗ 109 ܟܲܕܼ ܡܠܸܠ ܥܲܡ ܝܠܕܬܗ. 110 :ܕܥܬܹܝܕܼܵܐ ܬܩܒܠ ܒܛܢܐ 111 ܒܙܢܵܐ ܚܕܬܼܐ ܕܠܵܐ ܙܲܪܥܐ. 112 :ܣܝܒܿܪ̈ܬܼܐ ܕܐܲܟܼܪܸܙܘ ܒܐܪܥܐ 113 ܪ̈ܘܼܚܵܢܹܐ ܒܝܘܿܡ ܡܵܘܠܵܕܹܗ. 114 :ܒܲܕܼܡܘܼܬܼ ܓܹܐܪܹ̈ܐ ܐܸܬܼܩܲܒܲܥܘܼ 115 :ܒܟܼܠܹܗ ܚܲܝܠܹܗ ܕܡܲܫܪܝܼܬܹܗ 116 :ܫܡ̣ܥ ܬܘܼܒܼ ܩܵܠܵܐ ܕܲܒܼܚܘܼܪܒܿܐ 117 ܕܗܵܐ ܐܡܪܐ ܡܕܲܟܿܐ ܡܘܼܡܹ̈ܐ. 118 :ܘܛܲܝܸܒܼ ܢܲܦ̣ܫܹܗ ܠܬܲܟܼܬܼܘܼܫܵܐ 119 ܕܠܵܐ ܢܸܙܕܲܕܼܩܘܼܢ ܚ̈ܛܵܝܹܐ. 120 :ܒܪܬܼ ܩܵܠܹܗ ܕܐܲܒܼܐ ܕܠܚܬܹܗ 121 :ܛܵܒܼ ܡ̣ܢ ܩ̈ܠܐ ܩܕܼܡ̈ܝܐ 122 :ܕܡܲܟܼܪܸܙ ܗ̄ܘ̣ܵܐ ܕܗܵܢ̇ܘ ܚܲܒܿܝܼܒܼܝ 123 ܘܲܒܼܪܵܐ ܕܓܼܡ̇ܪ ܨܒܼܝܢܹܗ. 124 :ܚܕܬܝܢ ܗ̄ܘ̣ܵܘ ܩ̈ܵܠܹܐ ܕܡܲܠܸܠܘ 125 ܟܵܪ̈ܘܵܙܘܗܝ ܥܲܠ ܓܸܠܝܵܢܹ̈ܐ. 126 :ܘܡܥܠܝ̈ܢ ܗܼ̄ܘ̣̈ܝ ܡ̣ܢ ܐܢܫ̈ܐ 127 ܢܫܝܘ̈ܬܐ ܕܥܲܠ ܕܢܚܹܗ. 128 :ܗܵܠܹܝܢ ܙܲܩܬܼܘܼܗܝ ܠܲܢܟܼܝܼܠܵܐ 129 ܘܐܲܙܝܼܠܘܼܗܝ ܛܒ̈ܐ ܚܲܕܬ̈ܐ. 130 :ܘܫܲܪܝܼ ܝܼ̇ܩܸܕܼ ܒܲܚܣܵܡܵܐ 131 ܛܵܒܼ ܡ̣ܢ ܙܲܒܼܢܵܐ ܩܲܕܼܡܵܝܵܐ. 132 :ܝܲܨܪܹܗ ܒܹܗ ܡܸܬܿܕܲܡܲܪ ܗ̄ܘ̣ܵܐ 133 ܥܲܠ ܗܵܠܹܝܢ ܕܐܼܬܼܡ̈ܲܠܲܠܝ ܗ̄ܘ̣̈ܝ. 134 :ܕܡܐ ܕܚ̣ܙܵܐ ܦܓܼܪܐ ܕܐܢܫܵܐ 135 ܫܡ̣ܥ ܡ̈ܠܐ ܕܪ̈ܡܵܢ ܡܸܢܹܗ. 136 :ܡܢ̣ܘ ܟܲܝ ܗܵܢܵܐ ܫܝܼܛܵܐ 137 ܡܵܝܘܿܬܼܵܐ ܡܥܲܛܸܦ ܚܲܫܹ̈ܐ. 138 :ܕܡܫܲܓܢܝܼܢ ܩ̈ܠܐ ܕܲܥܠܵܘܗܝ 139 ܘܠܵܐ ܕܡ̇ܝܢ ܠܟܢ̈ܬܗ. 140 :ܟܝܵܢܵܐ ܡܸܢܹܗ ܕܟܼܝܵܢܵܐ 141 :ܡܲܦܪܹܐ ܒܥܸܠܲܬܼ ܙܘܼܘܵܓܹܿܐ 142 :ܘܠܹܗ ܙܪܥܹܗ ܩܠܐ ܒܟܲܪܣܵܐ 143 ܠܒܲܪ ܡ̣ܢ ܙܲܪܥܵܐ ܐܢܵܫܵܝܵܐ. 144 :ܒܲܫܡܵܐ ܫܐܝܼܠܵܐ ܕܲܒܼܪܘܼܬܼܵܐ 145 ܩܪ̣ܐ ܐܢܘܢ ܠܒܢܝ̈ ܓܸܢܣܹܗ. 146 :ܘܒܲܫܡܵܐ ܕܲܒܼܪܘܼܬܼܐ ܕܝܠܗ 147 ܐܵܝܣܸܦ ܘܲܩ̣ܪܵܝܗܝ ܚܲܒܿܝܼܒܼܵܐ. 148 :ܝܲܗ̣ܒܼ ܛܲܝܒܲܘܼܬܼܵܐ ܠܲܕܼܠܝܼ̈ܠܹܐ 149 ܘܙܒܼܢܐ ܩܘܝܬ̤ ܨܐܕܝܗܘܢ. 150 :ܘܗܵܢܵܐ ܩܲܒܿܠܵܗ̇ ܠܡܵܘܗܲܒܼܬܼܵܐ 151 ܒܫܘܼܘܕܵܝܵܐ ܕܠܐ ܡܸܬܼܢܲܣܒܵܐ. 152 :ܐܢܵܫܵܐ ܗ̄ܘ̣ ܕܝܼܠܝܼܕܼ ܡ̣ܢ ܐܢܵܫܵܐ 153 :ܘܕܼܡ̇ܐ ܠܐܢܵܫܵܐ ܒܟܼܠ ܐܝܼܬܼܘܗܝ 154 ܟܡܵܐ ܐܸܢ ܥܸܠܲܝ ܬܘܼܩܵܢܹܗ. 155 :ܘܠܵܐ ܙܵܕܲܩ̇ ܠܝܼ ܕܐܸܬܼܪܦܐ 156 ܡ̣ܢ ܫܘܼܚܠܵܦ ܩܵܠܹ̈ܐ ܕܥܠܘܗܝ. 157 :ܒܙܲܝܢܵܐ ܕܪܓܬ̣ ܡܹܐܟܼܘܼܠܬܐ 158 ܙܵܕܡ ܠܝܼ ܕܐܲܩܪܸܒܼ ܥܲܡܹܗ. 159 :ܕܡܦܣ ܐ̄ܢܵܐ ܒܹܗ ܒܲܟܼܝܵܢܹܗ 160 ܩܐܸܣܝܼܪ ܗ̄ܘ̣ ܒܪ̈ܓܼܝܼܓܼܬܐ. 161 :ܒܗܠܝܢ ܡܸ̈ܠܟܐ ܡܒܲܝܵܐ ܗܘ̣ܵܐ 162 ܣܢܐܐ ܠܟܲܪܝܘܼܬܼ ܪܸܥܝܵܢܹܗ. 163 :ܟܲܕܼܒܥ̇ܐ ܗ̄ܘ̣ܵܐ ܕܲܒܼܚܘܼܪܒܿܐ 164 ܢܥܒܕܼ ܥܡܗ ܬܟܬܘܫܐ. 165 :ܪܓܬܼܦܹܐܪܐ ܥܵܗܸ̇ܕܼ ܗ̄ܘ̣ܵܐ 166 ܕܚܲܬܼܚܸܬܼ ܒܵܗ̇ ܠܐܵܕܼܡ ܩܕܡܐ. 167 :ܘܒܪܓܬܼ ܠܲܚܡܵܐ ܐܲܣܒܲܪ 168 ܕܚܣܸ̇ܢ ܠܹܗ ܠܐܵܕܼܵܡ ܕܲܬܼܪܹܝܢ. 169 ܝܲܗ̣ܒܼ ܠܹܗ ܐܲܬܼܪܵܐ ܒܵܪܘܝܵܐ: pb. f.98v 170 :ܐܲܝܟ ܕܲܒܙܲܒܼܢܵܐ ܩܲܕܼܡܵܝܵܐ 171 :ܕܢܸܬܼ ܟܲܬܲܫ ܥܲܡ ܒܲܪ ܐܵܕܼܵܡ 172 ܐܲܦܩܹܗ ܠܚܘܪܒܲܐ ܠܲܐܬܼܠܹܝܵܛܐ. 173 :ܐܲܝܟ ܪܸܓܿܬܹܗ ܕܩܵܛܸ̇ܠ ܐ̄ܢܵܫܵܐ 174 ܘܝܲܗܒ̣ ܠܹܗ ܓܼܪܓܹܐ ܒܝܲܕܼ ܨܵܘܡܵܐ 175 :ܐܲܪܒܿܥܹܝܢ ܠܸܠܝ ܐܝܡܵܡܹ̈ܐ 176 ܒܠܲܚܡܵܐ ܪܓܼܝܼܓܼ ܗ̄ܘ̣ܵܐ ܕܲܢܢܣܝܘܗܝ܀ 177 :ܒܗܵܘ̇ ܫܕܼܠܵܐ ܕܩܲܪܸܒܼ ܠܐܵܕܼܵܡ 178 ܘܕܲܚܙܵܬ̤ ܢܸܟܼܠܹܗ ܛܲܝܼܒܘܼܬܼܵܐ. 179 :ܙܲܝܸܢܬܹܗ ܒܨܵܘܡܵܐ ܠܩܘܼܒܼܠܹܗ 180 ܐܲܪܒܿܥܝܼܢ ܝܵܘܡ̈ܬܐ ܒܚܘܼܪܒܵܐ. 181 ܙܲܝܢܵܐ ܕܢܸܟܼܠܹܗ ܣܥ̇ܪ ܗ̄ܘ̣ܵܐ. 182 ܘܡܲܣܲܟܹܿܐ ܗܘ̣ܵܐ ܕܢܸܫܕܹܐ ܒܹܗ. 183 ܓܹܐܪܵܐ ܕܪܸܓܲܬܼ ܡܹܐܟܼܘܼܠܹܬܐ. 184 :ܐܲܪܒܿܥܝܼܢ ܝܵܘܡܵܬܼ̈ܐ ܐܲܚܵܕܼܗ̇ 185 ܠܒܹܝܬܼ ܬܲܟܼܬܘܼܫܐ ܕܐܲܬܼܠܝܛܐ. 186 :ܥܲܕܼ ܡܸܬܼܟܲܢܫܝܼܢ ܪ̈ܘܼܚܵܢܹܐ 187 ܚܙ̈ܝܐ ܕܐܬܼܠܝܛܘܼܬܼܵܐ 188 :ܒܫܘܼܠܵܡ ܐܲܪܒܿܥܝܼܢ ܝܵܘ̈ܡܵܬܼܵܐ 189 ܢܚܸܬܼܘ ܕܲܪܵܟܹ̈ܐ ܠܐܵܓܼܘܿܢܵܐ. 190 :ܐܲܬܼܠܹܝܛܵܐ ܕܙܲܕܝܼܩܘܼܬܼܵܐ 191 ܘܪܹܫܵܐ ܕܐܵܐܲܪ ܚܲܣܵܡܵܐ. 192 ܒܫܘܼܠܵܡ ܨܵܘܡܵܐ ܐܲܦܸܣ ܠܹܗ. 193 ܠܡܵܪܘܕܼܵܐ ܕܢܹܐܚܘܿܕܼ ܕܲܪܵܐ. 194 ܕܲܢܚܵܘܹܐ ܚܹܝܠ̣ ܙܵܟܼܘܼܬܹܗ 195 ܒܗܲܕܼܵܡܹ̈ܐ ܕܐܡܚܹܝܠ ܟܲܦܢܵܐ. 196 :ܒܥܸܠܲܬܼ ܠܲܚܡܵܐ ܐܸܬܼܩܲܪܲܒܼ 197 ܨܝܕ ܦܓܪܐ ܕܢܘ̇ܠ ܟܲܦܢܵܐ. 198 :ܟܲܕܼ ܣܵܒ̇ܪ ܗ̄ܘ̣ܵܐ ܕܢܓܲܕ ܠܗ 199 ܒܫܘܼܓܵܫܵܘ̈ܗܝ ܨܹܝܕ ܡܹܐܟܼܘܼܠܬܐ. 200 :ܗܵܐ ܠܲܡ ܙܲܒܼܢܵܐ ܕܡܸܬܼܒܲܥܝܵܐ 201 ܒܛܝܼܠܘܼ ܬܹܗ ܕܐܲܒ̣ܵܐ ܨܹܐܲܝܟ. 202 :ܐܸܢ ܕܲܒܼܪܵܐ ܐܲܢ̄ܬܿ ܫܲܪܝܼܪܵܐ 203 ܚܵܘܵܐ ܒܪܘܼܬܼܵܐ ܒܲܥܒܵܕܵܐ. 204 :ܒܚܘܼܪܒܿܐ ܐܝܼܬܼܝܟ ܕܡܢܟܼܪܝ 205 ܠܫܲܝܢܵܐ ܡܲܡܲܠܹܐ ܣܘܼܢܩܵܢܵܐ. 206 :ܘܲܫܚܝܼܩ ܦܲܓܼܪܵܐ ܡ̣ܢ ܟܲܦܢܵܐ 207 ܘܠܵܐ ܫܟܼܝܼܚܵܐ ܠܵܟ ܡܐܟܼܘܼܠܬܐ. 208 :ܦܩܘܿܕܼ ܠܟܝܼܫ̈ܐ ܡܸܫܬܿܡܥܝܼܢ 209 ܕܢܡܠܘܢ ܠܟ ܣܘܿܢܩܢܟ. 210 :ܫܲܚܠܸܦ ܟܹܐܦܹ̈ܐ ܠܘ̇ܬܼ ܠܲܚܡܵܐ 211 ܕܠܵܐ ܬܹܐ ܒܲܕܼ ܠܵܟ ܡ̣ܢ ܟܲܦܢܵܐ. 212 :ܐܸܡ݂ܲܪ ܡܸܠܬܐ ܒܫܘܼܠܛܵܢܵܐ 213 :ܐܲܝܟ ܕܲܦܐܹܐ ܠܩ̈ܠܐ ܕܥܠܝܼܟ 214 :ܕܠܟ ܢܸܬܼ ܡܲܠܹܐ ܣܘܼܢܩܵܢܵܐ 215 ܘܩ̈ܠܐ ܕܲܥܠܲܝܟ ܢܸܫܬܲܪܪܘܢ. 216 :ܠܵܐ ܥܣܩܵܐ ܠܚܲܝܠܵܐ ܕܲܩܢܹܐ ܐܢ̄ܬܿ 217 ܕܬܸܥܒܸܿܕܼ ܡܸܕܹܡ ܡ̣ܢ ܡܸܕܲܡ. 218 :ܕܗܵܐ ܐܵܦ ܟܹܐܢ̈ܐ ܩܕܡ̈ܝܐ 219 ܦܲܩ݂ܲܕܼܘ ܠܟܼܝ̈ܢܐ ܐܸܫܬܲܚܠܲܦܘ 220 :ܐܘ ܠܨܢܥܬܹ̈ܐ ܕܢܟܼܝܼܠܵܐ 221 ܕܟܣܝܐ ܒܗܹܝܢ ܟܵܦܘܿܪܘܼܬܼܵܐ. 222 ܟܲܕܼ ܡܲܚܸܬܼ ܡ̣ܢ ܨܹܝܕܼ ܩܘܼܫܬܵܐ 223 :ܠܛܘܿܥܝܲܝ ܕܝܼܠܹܗ ܠܫܵܡܘܼ̈ܥܵܘܗܝ 224 :ܐܘ ܦܘܼܪ̈ܣܹܐ ܕܪܲܟܸܿܒܼ ܢܸܟܼܠܵܐ 225 ܘܦܲܪܣܝܼ ܐܢܘܢ ܫܲܪܝܼܪ̈ܐ. 226 :ܐܘ ܦܚ̈ܐ ܕܛܡ݂ܲܪ ܙܹܐܦܵܐ 227 :ܘܲܦܣ݂ܲܩ ܐܢܘܢ ܩܲܠܝܼܠܐ 228 :ܢܚܸܬܼ ܐܲܬܼܠܝܵܛܐ ܦܓܪܢܐ 229 ܠܐܵܓܼܘܿܢܵܐ ܥܲܡ ܪܘܼܚܵܢܵܐ. 230 :ܘܚܒ̣ ܪܘܼܚܵܢܵܐ ܩܲܠܝܼܠܵܐ 231 ܡ̣ܢ ܦܓܼܪܢܐ ܝܩܝܪܐ. 232 :ܒܚܘܼܡܣܵܢܵܐ ܕܡ̣ܢ ܡܹܐܟܼܘܼܠܬܐ 233 ܐܲܩܪܸܒܼ ܥܲܡܹܗ ܒܝܲܕܼ ܙܵܘ̈ܥܹܐ. 234 :ܘܕܼܵܫܹ݂ܗ ܒܲܐܪܥܵܐ ܠܩܲܠܝܠܼܵܐ 235 ܝܲܩܝܼܪܵܐ ܠܒܼܝܼܫ ܗܲܕܵܡܹ̈ܐ. 236 :ܐܸܚܲܕܼ ܪܘܼܚܵܐ ܠܗܲܕܵܡܹ̈ܐ 237 ܦܪܵܘܿܚܵܐ ܠܝܲܩܝܼܪ ܓܘܼܫܡܵܐ. 238 :ܘܠܵܐ ܣܲܝܒܲܪ ܐܲܚܕܹܗ ܪܝܼܝܵܐ 239 ܠܦܲܓܼܪܵܢܵܐ ܩܢܹܐ ܩܢܹܐ ܪܘܼܟܵܒܼܵܐ. 240 :ܩܵܠܵܐ ܒܲܠܚܘܿܕܲ ܐܲܙܥܸܩ ܒܹܗ 241 ܦܲܓܼܪܢܐ ܒܪܘܼܚܵܢܵܝܵܐ. 242 :ܘܐܸܬܼܒܲܠܗܝܼ ܪܹܫܵܐ ܕܐܵܐܲܪ 243 ܡ̣ܢ ܦܸܬܼܓܼܵܡܹܗ ܕܥܲܦܪܵܢܵܐ. 244 :ܠܡܸܠܬܼܵܐ ܣܲܚܦܹܗ ܠܡܵܪܘܲܕܵܐ 245 ܘܠܵܐܩܵܡ݂ܲܬ̤ ܪܸܓܼܠܹܗ ܒܐܲܪܥܵܐ. 246 :ܕܲܡܨܹܐ ܗ̄ܘ̣ ܦܸܬܼܓܼܵܡ ܒܵܪܘܿܝܵܐ 247 ܕܢܲܚܹܐ ܠܐܢܫ̈ܐ ܕܠܵܐ ܐܘܼܟܼܠܵܐ. 248 :ܝܵܕܲܥ̇ ܐ̄ܢܵܐ ܕܚܝܹܠ ܒܵܪܘܿܝܵܐ 249 ܡܲܡܠܹܐ ܣܘܼܩܢܵܢ ܡܵܝܘܬܹ̈ܐ. 250 :ܐܸܠܵܐ ܠܡܸܫܐܲܠ ܥܘܸܕܪܵܢܵܐ 251 ܒܢܸܣܝܵܢܵܐ ܕܠܵܐ ܡܸܬܼܒܲܥܝܵܐ. 252 :ܙܸܠ ܝܼܠܲܦ ܡ̣ܢ ܩܲܕܼܡܵܝܹ̈ܐ 253 ܕܢܣܲܝܼܘ ܟܲܕܼ ܒܵܓܼ ܡܹܐܟܼܘܼܠܬܐ. 254 :ܕܐܵܘܒܸܿܕܼ ܐܸܢܘܿܢ ܢܸܣܝܵܢܵܐ 255 ܕܦܘܼܠܵܓܼܐ ܕܪܸ̈ܥܝܵܢܲܝܗܘܿܢ. 256 :ܠܐ ܬܸܩܪܲܒܼ ܠܝܼ ܚܘܼܬܼܚ̈ܵܬܹܐ 257 ܒܐܸܣܟܹܿܝܡ ܪܵܚܹ̇ܡ ܚܵܘܣܢܵܐ. 258 :ܝܼܵܕܲܥ̇ ܐ̄ܢܵܐ ܕܡܵܘܬܵܐ ܡܵܘܠܸܕܼ 259 ܡܸܠܟܵܡ ܠܐܲܝܢܵܐ ܕܫܵܡ̇ܥ ܠܹܗ. 260 ܠܵܐ ܬܵܘܫܸܛ ܠܝܼ ܒܝܲܕܸ ܐܘܼܠܵܐ: pb. f.99r 261 ܣܲܡ ܡܵܘܬܿܐ ܕܩܲܛܠܹܗ ܠܐܵܕܼܵܡ. 262 :ܕܲܓܵܠܘܼܬܼܵܐ ܗ̄ܘ̣ ܦܵܬܼܪܵܟ 263 ܙܹܠ ܐܸܬܼܒܲܣܲܡ ܡ̣ܢ ܕܝܼܠܵܟ. 264 :ܚܵܒܼ ܚܲܣܝܒܐ ܕܐܸܬܼܢܲܨܚ 265 ܒܩܪ̈ܒܐ ܥܲܡ ܣܲܓܼܝܹ̈ܐܹܐ. 266 :ܘܲܙܟ̣ܵܐ ܚܲܕܼ ܡ̣ܢ ܚܵܝܵܒܹ̈ܐ 267 ܒܝܲܕܸ ܙܲܝܢܵܐ ܪܘܼܚܵܢܝܵܐ. 268 :ܣܠܸܩ ܡܵܪܘܕܼܵܐ ܟܲܕܼ ܒܲܗܝܼܬܼ 269 ܡ̣ܢ ܐܵܓܼܘܿܢܵܐ ܩܲܕܼܡܵܝܵܐ. 270 :ܘܚܲܠܸܦ ܕܘܟܲܬܼ ܬܲܟܼܘܼܫܵܐ 271 ܘܙܲܝܢܵܐ ܠܩܸܐܪܣܵܐ ܬܪܲܝܵܐ. 272 :ܠܣܲܒܼܪܵܐ ܣܪܝܼܩܵܐ ܡܣܲܟܹܿܐ ܗ̄ܘ̣ܵܐ 273 ܘܡ̣ܢ ܬܲܟܼܬܘܼܫܵܐ ܠܣܲܟܼܬܘܼܫܵܐ. 274 :ܟܲܕܼ ܣܵܒܼ̇ܪ ܗ̄ܘ̣ܵܐ ܕܩܲܝܵ̈ܡܝܼܢ 275 ܚܲܫܹ̈ܐ ܕܨܵܝ̇ܕܝܢ ܩ̈ܠܝܠܐ. 276 :ܐܸܢ ܗܘ̤ ܕܣܲܪ ܥܲܠ ܠܲܚܡܵܐ 277 ܘܕܵܫܹܗ ܠܟܲܦܢܵܐ ܒܚܘܼܟܣܵܢܵܐ. 278 :ܒܥܸܩܪܵܐ ܕܪܸܚܡܲܬܼ ܟܸܣܦܵܐ 279 ܡܫܲܗܹܐ ܐ̄ܢܵܐ ܚܹܝܠ ܚܘܼܡܣܵܢܹܗ. 280 :[ܘ]ܡܵܐ ܐܸܢ ܒܲܣܲܪ ܥܲܠ ܟܲܦܢܵܐ 281 ܘܐܲܫܝܼܛ ܪܸܓܲܬܼ ܡܹܐܟܼܘܼܠܬܐ. 282 :ܡܵܝܘܿܬܼܵܐ ܗ̄ܘ̣ ܒܲܪ ܡܵܝܘܿܬܹ̈ܐ 283 ܕܡܵܐ ܕܲܙܟ̣ܵܐ ܚܵܒܼ ܒܐܲܚܪܹܬܿܐ. 284 :ܙܟ̣ܵܘ ܣܲܓܼܝܼܐܹ̈ܐ ܒܝܲܕܼ ܨܵܘܡܵܐ 285 ܘܚܲܝܸܒܼ ܐܸܢܘܿܢ ܡܵܡܘܲܢܵܐ. 286 :ܫܛ̣ܵܘ ܣܲܓܿܝܼܐܹ̈ܐ ܠܚܲܡܪ̈ܵܢܹܐ 287 ܘܐܲܪܘܝܼܬܼ ܐܸܢܘܿܢ ܒܲܚܣܡܵܐ. 288 :ܒܥܸܩܵܪܐ ܕܪܸܚܡܲܬܼ ܟܸܣܦܵܐ 289 ܙܵܕ̇ܩ ܠܝܼ ܕܐܲܩܪܸܒܼ ܥܲܡܹܗ. 290 :ܕܡܸܢܹܗ ܫܵܘܚ̈ܵܢ ܒܝܼܫ̈ܬܼܵܐ 291 ܘܛܵܥܢ̈ܢ ܦܹܐܪܹ̈ܐ ܕܚܛܝܼܬܼܵܐ. 292 :ܒܪܸܚܡܲܬܼ ܟܸܣܦܵܐ ܨܵܒܹ̇ܐ ܗ̄ܘ̣ܵܐ 293 ܕܢܸܥܒܸܿܕܼ ܥܲܡܹܗ ܬܲܟܼܬܘܼܫܵܐ. 294 :ܘܲܪܓܼܝܼܓܼ ܗ̄ܘ̣ܵܐ ܕܲܒܼܪܹܫ ܛܘܼܪܵܐ 295 :ܢܚܵܘܹܝܘܗܝ ܫܘܼܦܪܐ ܕܩܸܢܝܵܢܹ̈ܐ 296 :ܝܲܗ̤ܒ ܠܹܗ ܪܸܓܿܬܼܵܐ ܒܵܪܘܿܝܵܐ 297 ܕܝܵܕܥ̇ ܗ̄ܘ̣ܵܐ ܕܗܵܕܹܐ ܒܵܥܹ̇ܐ. 298 :ܘܐܲܣܩܹܗ ܠܛܘܼܪܵܐ ܠܐܲܬܼܠܝܼܵܛܐ 299 ܕܢܹܐܚܘܿܕܼ ܕܲܪܵܐ ܥܲܡ ܒܝܼܫܵܐ. 300 :ܥܒ݂ܲܕܼ ܡܵܪܘܿܕܼܵܐ ܐܲܝܛ ܕܲܡܵܥܕܼ 301 ܕܼܡܘ̈ܬܐ ܒܡܹܐܚܲܕܼ ܥܲܝܢܹ̈ܐ. 302 :ܘܚܵܘܝܼ ܫܘܼܦܪܵܐ ܕܩܢܝܼܵܢܹ̈ܐ 303 ܘܬܵܓܼܵܐ ܘܫܘܼܠܛܵܢ ܡܲܠܟܿܘܼܬܼܵܐ. 304 :ܠܵܐ ܗ̄ܘ̣ܵܐ ܫܪܵܪܵܐ ܘܨܒܼܘ̈ܬܼܵܐ 305 ܚܵܘܝܼ ܣܵܢܐܵܐ ܠܚ̇ܙܐ ܟܠ. 306 :ܐܸܠܵܐ ܒܕܼܘܼܡܝܵܐ ܕܠܵܐ ܫܲܪܝܼܪ 307 ܟܲܢܸܫ ܥܵܠܡܵܐ ܘܛܵܒܼ̈ܬܹܗ. 308 :ܒܦܲܢܛܵܝܼܵܐ ܚܵܘܝܼ ܠܹܗ 309 ܕܸܡܘ̈ܬܼܵܐ ܕܠܵܐ ܫܪܝܪ̈ܢ. 310 :ܟܲܕܼ ܡܲܗܸܠ ܒܹܗ ܚ̇ܙܐ ܟܠ 311 ܒܛܥܢܝ̈ܬܗ ܕܙܹܐܦܵܢܵܐ. 312 :ܗܘ̤ ܡܚܵܘܹܐ ܗ̄ܘ̣ܵܐ ܕܸܡܘ̈ܬܼܵܐ 313 ܒܼܬܸܢܘܲܝ ܕܲܟܲܒܲܪ ܢܲܛܥܹܐ ܗ̄ܘ̣ܵܐ. 314 :ܘܲܡܫܝܼܚܵܐ ܒܥܲܝܼܢܵܐ ܟܣܝܼܵܬܐ 315 ܡܸܬܼܒܲܩܹܐ ܗ̄ܘ̣ܵܐ ܒܗܲܓܵܓܼܵܘ̈ܗܝ. 316 :ܣ݂ܕܪ ܕܗܒܼܐ ܟܕܼ ܠܐ ܐܝܼܬܼܘܗܝ 317 ܘܣܵܡ̣ ܬܵܓܼܵܡ ܟܲܕܼ ܠܵܐ ܫܪܝܼܪ. 318 :ܘܐܲܩܝܼܡ ܣܸܕܼܪܹ̈ܐ ܘܫܘܼܠܛܵܢܹ̈ܐ 319 ܟܲܕܼ ܠܲܝܬܿ ܩܵܠܵܐ ܕܲܡܛܲܟܲܣ. 320 ܗܵܠܹܝܢ ܟܠܗܹܝܢ ܠܵܟ ܐܸܬܸܿܠ 321 ܐܸܢܗܘ̤ ܕܬܸܦܸܠ ܬܸܣܓܘܿܕܼ ܠܝܼ. 322 :ܕܠܝܼ ܡܫܠܲܡ ܗܵܢ ܫܘܼܠܛܵܢܵܐ 323 ܘܲܠܡ̇ܢ ܕܐܸܨܒܲܐ ܝܗܸ̇ܒܼ ܐܢܐ. 324 :ܚܕܲܐ ܒܲܠܚܘܲܕܼ ܫܐ̇ܐ ܐ̄ܢܵܐ ܠܵܟ 325 ܘܠܝܼ ܝܲܩܲܪ ܐܸܢ ܨܵܒ̇ܐ ܐܲܢ̄ܬܿ. 326 :ܘܬܸܣܓܿܘܿܕܼ ܠܝܼ ܘܬܸܣܲܒܼ ܬܵܓܼ̈ܐ 327 ܘܢܲܡܠܸܟ ܥܲܠ ܟܠ ܫܘܼܠܛܵܢܵܟ. 328 :ܠܒܟ ܪܘܚܢܐ ܠܵܦܓܼܪܢܐ 329 ܒܐܝܼܪ̈ܝܐ ܕܪܚܡܬܼ ܟܸܣܦܵܐ. 330 :ܘܠܵܐ ܩܵܬܲܬ̤ ܐܝܼܕܲܐ ܕܪܘܼܚܵܐ 331 ܒܦܓܪܐ ܕܡܲܫܚܹܗ ܪܘܼܚܩܘܼܕܼܫܵܐ. 332 :ܬܠ̣ܵܐ ܨܒܝܢܗ ܦܓܼܪܵܢܐ 333 ܘܐܲܚܬܹܗ ܠܲܐܪܥܵܐ ܪܘܼܚܵܢܵܐ. 334 :ܘܲܬܼܗܲܪܘ ܟܸܢܫܹ̈ܐ ܫܡܲܝܵܢܹ̈ܐ 335 ܒܦܓܼܪܢܐ ܕܙܟܼܐ ܕܙܟ̣ܐ ܠܪܘܼܚܵܐ. 336 :ܡ̣ܡ ܐܲܬܼܠܹܝܛܵܐ ܦܓܼܪܵܢܐ 337 ܠܥܸܠ ܡ̣ܢ ܙܲܝܢܹܗ ܕܚܲܣܝܼܢܵܐ. 338 :ܘܕܼܫ̣ܗ ܝܲܩܝܼܪ ܗܲܕܵܡܹ̈ܐ 339 ܠܪܹܫܵܐ ܕܐܵܐܲܪ ܩܠܝܼܠܵܐ. 340 :ܒܩܵܠܵܐ ܒܲܠܚܘܿܕܲ ܐܲܙܝܥܹܗ 341 ܠܒܼܝܼܫ ܓܘܼܡܫܵܐ ܠܩܲܠܝܼܠ ܓܸܦܹ̈ܐ. 342 :ܟܬܼܝܼܒܼ ܗ̄ܘ̣ ܕܠܵܐ ܬܸܣܓܿܘܿܕܼ ܠܲܐܚܪܝܼܢ 343 ܐܸܠܵܐ ܠܡܵܪܵܝܵܐ ܒܲܠܚܘܿܕܲܘܗܝ. 344 :ܙܹܠ ܠܵܟ ܣܵܢܐܵܐ ܐܸܡ̣ܪ ܠܹܗ 345 ܠܵܐ ܬܸܚܛܘܼܦ ܫܸܡ ܒܵܪܘܿܝܵܐ. 346 :ܠܵܐ ܡܲܦܲܣ ܠܹܗ ܠܲܥܒܼܝܼܕܼܵܐ 347 ܠܡܸܣܲܒܼ ܣܸܓܼܕܲܬܼ ܥܵܒܼܘܕܼܵܐ. 348 :ܒܡܸܠܬܐ ܕܫܡܗ ܒܵܪܘܿܝܵܐ 349 ܦܲܟܗܵܗ̇ ܠܡܸܪܲܬܼ ܒܝܼܫܘܼܬܹܗ. 350 :ܘܐܲܫܕܹܗ ܠܟܼܵܣܵܐ ܕܡ̣ܙܓܼ ܠܹܗ 351 ܐܵܟܸ̇ܠ ܩܲܪܨܵܐ ܒܨܢܥܵܬܼ̈ܐ. pb. f.99v 352 :ܟܬܼܝܼܒܼ ܠܲܡ ܕܲܠܡܵܪܝܵܐ ܬܸܣܓܿܘܿܕܼ 353 ܘܠܹܗ ܗܘ̤ ܒܲܠܚܘܿܕܲܘ ܬܸܦܠܘܚ. 354 :ܘܣܬܪܗ ܒܗܵܕܹܐ ܒܲܪܬܼ ܩܵܠܵܐ 355 ܠܒܸܢܝܵܢܵܐ ܕܪܲܘܸܒܼ ܙܹܐܦܵܐ. 356 :ܒܣܸܓܼܕܬܼ ܙܹܐܦܵܐ ܒܵܥܹ̇ܐ ܗ̄ܘ̣ܵܐ 357 ܕܲܢܛܹܠ ܝܘܗܝ ܒܵܬܼܪ ܫܘܼܓܵܒܵܘ̈ܗܝ. 358 :ܘܐܲܕܼܟܲܪ ܠܹܗ ܫܹܗ ܐܲܠܵܗܵܐ 359 :ܘܐܲܟܣܹܗ ܕܗܘ̤ ܠܵܘ ܐܲܠܵܗܵܐ ܗ̄ܘ̣ 360 :ܠܚܲܕܼ ܠܲܡ ܙܵܕܼܩ ܬܵܘܕܲܝܼܬܐ 361 ܘܠܹܗ ܩܵܠܹܐ ܬܸܣܓܿܘܿܕܲ ܟܠܫܵܥ. 362 :ܠܵܐ ܬܚܛܙܿܦ ܠܵܟ ܡܵܪܘܕܼܵܐ 363 ܣܸܓܼܕܲܬܼ ܩܘܼܫܬܵܐ ܕܠܵܐ ܕܝܼܠܵܟ. 364 :ܒܚܹܝܠ ܪܘܼܚܵܐ ܘܫܸܡ ܐܲܠܵܗܵܬ 365 ܢܨܲܚ̣ ܐܲܬܼܠܝܼܛܵܐ ܦܲܓܼܪܵܢܵܐ. 366 ܘܡܲܕܲܟ ܪܵܘܡܵܐ ܕܡܲܪ̈ܵܚܹܐ. 367 :ܠܥܹܝܢ ܚܲܙ̈ܝܹܐ ܕܐܸܓܼܘܿܢܵܐ 368 ܚܲܕܼ ܕܲܪܵܐ ܒܪܓܬ ܠܲܚܡܵܐ. 369 ܐܸܚܲܕܼ ܥܲܡܹܗ ܕܦܲܓܼܪܢܐ. 370 :ܘܐܲܚܪܹܢܵܐ ܒܪܸܚܡܲܬܼ ܟܸܣܦܐ 371 ܘܚܲܕܼ ܒܲܬܼܪܲܝܗܘܿܢ ܬܲܟܼܬܘܼ̈ܫܹܐ. 372 :ܣܠܩ ܐܲܬܼܠܹܝܛܵܐ ܥܵܘܵ̇ܠܵܐ 373 ܡ̣ܢ ܐܵܓܼܘܢܵܐ ܟܲܕܼ ܒܲܗܝܼܬܼ. 374 :ܘܫܲܪܝܼ ܡܪܲܟܸܿܒܼ ܨܢܥܬ̈ܐ 375 ܕܲܢܚܲܠܸܦ ܕܘܼܟܲܬܼ ܕܲܪܐ. 376 :ܚܲܕܼ ܣܒܪܐ ܦܫ̣ ܠܹܗ ܒܲܠܚܘܿܕܲ 377 ܘܲܥܠܵܘܗܝ ܣܝܼܡ ܗ̄ܘ̣ܵܐ ܬܘܼܟܼܠܵܢܹܗ. 378 :ܘܢܲܛܪܹܗ ܠܫܘܼܠܵܡ ܐܵܓܼܘܿܢܵܐ 379 ܕܼܕܼܵܡ ܢܸܣܲܒܼ ܒܹܗ ܙܵܟܘܼܬܼܵܐ. 380 :ܐܸܢ ܗܘ̤ ܕܟܼܦܵܢܵܐ ܠܵܐ ܨܵܕܗ 381 ܘܠܵܐ ܦܟܲܪܵܬܹܗ ܪܸܚܡܲܬܼ ܟܸܣܦܵܐ. 382 :ܐܝܼܬܼ ܗ̄ܘ̣ ܦܲܚܵܐ ܕܲܡܣܲܬܲܪ 383 ܘܠܵܐ ܡܲܪܸܓܹܫ ܟܲܕܼ ܢܸܦܸ̇ܠ ܒܹܗ. 384 :ܐܸܢ ܗܘ̤ ܕܕܵܫ̣ ܓܐܪ̈ܲܝ ܟܲܦܢܵܐ 385 ܘܬܲܒܼܪܵܗ̇ ܠܩܸܫܬܐ ܕܡܵܡܘܿܢܵܐ. 386 :ܒܢܲܙܟܿܐ ܕܪܸܚܡܲܬܼ ܬܸܫܒܿܘܿܚܬܐ 387 ܣܵܚܹ̇ܦ ܐ̄ܢܵܐ ܠܹܗ ܡ̣ܢ ܪܵܘܡܹܗ. 388 :ܟܵܣܵܐ ܕܡܠܹܐ ܣܲܡ ܡܵܘܬܵܐ 389 ܡܡܲܕܟ ܐ̄ܢܵܐ ܘܝܵܗ̇ܒܼ ܐܢܵܐ ܠܹܗ. 390 :ܘܐܸܢ ܩܲܠܝܼܠ ܛܵܥܸ̇ܡ ܡܸܢܹܗ 391 ܫܪܝܐ ܡܠܬܹܗ ܠܗܕܡܘ̈ܗܝ. 392 :ܠܪܵܘܡܵܐ ܕܪܸܚܡܲܬܼ ܬܸܫܒܿܘܿܚܬܐ 393 ܪܓܸܝܓܼ ܗ̄ܘ̣ܵܐ ܕܢܹܣܘܲܚ ܚܲܣܵܡܵܐ. 394 :ܕܡܦܣ ܗ̄ܘ̣ܵܐ ܒܪܵܘܡܹܗ ܕܫܘܼܒܼܚܵܐ 395 ܕܓܼܘܼܡܵܨܵܐ ܗ̄ܘ̣ ܠܲܕܼ ܣܵܠܹ̇ܩ ܠܹܗ. 396 :ܐܲܣܩܹܗ ܪܘܼܚܵܐ ܠܲܐܬܼܠܝܛܵܐ 397 ܠܙܲܝܟܵܐ ܕܲܒ̣ܥܐ ܡܵܪܘܕܼܵܐ. 398 :ܦܲܬܼܚܹܗ ܠܵܐܓܼܘܿܢ ܬܲܟܼܬܘܼܫܵܐ 399 ܠܥܸܠ ܡ̣ܢ ܗܲܝܟܲܠ ܚܘܼܣܵܝܵܐ. 400 :ܢܚܸܬܼ ܐܲܬܼܠܝܵܛܐ ܠܐܸܓܼܘܢܐ 401 ܒܙܲܝܢܵܐ ܕܪܸܚܡܼܬܼ ܬܸܫܒܿܘܿܚܬܼܵܐ. 402 :ܘܩܲܒ̣ܥ ܢܝܼܫܵܐ ܕܙܵܟܼܘܼܬܼܵܐ 403 ܠܲܕܼ ܫܵܐܸ̇ܠܛ ܪܸܚܡܲܬ ܟܸܣܦܵܐ. 404 :ܒܕܲܪܵܐ ܕܪܸܚܡܲܬܼ ܬܸܫܒܿܘܿܚܬܐ 405 ܬܟܼܝܼܠ ܗ̄ܘ̣ܵܐ ܕܙ̈ܟܐ ܡܪܝܐ. 406 :ܘܠܵܐ ܝܵܕܲܥ̇ ܗ̄ܘ̣ܵܐ ܕܡܸܬܼܦܲܟܲܪ 407 ܒܩܲܛܝܼܢܘܼܬܼ ܢܸܫ̈ܒܲܐ ܕܐܲܪܡܝܼ. 408 :ܒܡܸܠܬܼܵܐ ܐܝܼܙܓܲܕܵܐ ܕܢܲܦ̣ܫܵܐ 409 ܛܡ݂ܲܪ ܫܘܼܒܼܚܵܐ ܘܫܲܕܲܪ ܨܹܐܕܵܘܗܝ. 410 :ܘܲܦܢܝܼ ܠܘܵܬܹܗ ܒܲܪܬܼ ܩܵܠܵܐ 411 ܘܲܟܼܬܼܝܼܒܼ ܒܵܗ̇ ܣܲܒܼܪܵܐ ܐܪܝܼܩܵܐ. 412 :ܣܡ ܡܲܘܬܐ ܒܓܹܐܪܹ̈ܐ ܕܫܘܼܒܼܚܵܐ 413 ܛܫ̣ ܡܵܪܘܿܕܼܵܐ ܘܲܫ̣ܕܵܐ ܒܹܗ. 414 :ܘܩܲܒܠܹܗ ܢܣܲܟܿܪܵܐ ܕܦܘܼܪܩܵܢܵܐ 415 :ܕܐܵܘܚܸܕܼ ܒܐܝܼܕܹܗ ܪܘܼܚܩܘܼܕܼܫܵܐ 416 :ܐܸܢ ܠܵܡ ܗܘ̤ ܕܒܼܪܐ ܐܝܼܬܲܟ 417 ܘܫܲܪܝܼܪܝܼܢ ܩ̈ܠܐ ܕܲܥܠܲܝܟ. 418 :ܫܕܼܝܼ ܢܦ݂ܲܫܵܟ ܡܸܟܵܐ ܠܲܐܪܥܵܐ 419 ܘܗܵܐ ܚܲܬܡܪܗ̇ ܠܒܼܪܘܬܐ. 420 :ܟܬܼܝܼܒܼ ܗ̄ܘ̣ ܓܹܝܪ ܕܲܠܙܲܕܲܝܼܩܵܐ 421 ܥܘܼܕܼܪܵܢܵܐ ܠܘܹܐ ܕܡܲܠܲܐܟܹ̈ܐ. 422 :ܘܲܡܢܛܪܝܼܢ ܠܹܗ ܒܥܲܣܩ̈ܬܼܵܐ 423 ܕܠܵܐ ܢܸܬܿܬܲܩ̈ܠܵܢ ܗ̈ܠܟܼܵܬܹܗ. 424 :ܚܘܬܼ ܡ̣ܢ ܪܵܘܡܵܐ ܠܘܵܬܼ ܐܲܪܥܵܐ 425 ܘܢܲܣܵܐ ܚܲܝܠܵܐ ܕܫܘܼܠܛܵܢܵܟ. 426 :ܘܗܵܐ ܛܵܥܢܲܝܼ̇ܢ ܠܵܟ ܪ̈ܘܼܚܵܢܹܐ 427 ܘܲܡܙܲܚܝܼܢ ܠܵܟ ܒܐܝܼܕܲܢܗܘܿܢ. 428 :ܠܡܵܢܵܐ ܡܛܫܹܐ ܐ̄ܢܵܬ ܫܘܼܠܛܵܢܵܟ 429 ܘܐܚܕܬ ܒܲܐܦܲܝ̈ ܬܸܫܒܿܬܘܚܬܹܗ. 430 :ܓܠܝܼ ܫܘܼܒܼܚܵܟ ܘܚܵܘܵܐ ܚܲܝܠܵܟ 431 ܘܗܵܐ ܡܼܬܼܩܲܠܲܣܬܿ ܡ̣ܢ ܟܠܵܐ. 432 :ܐܘ ܦܚ̈ܐ ܕܛܡ̣ܪ ܢܟܼܠܹܐ 433 ܘܢܸܫܒܹ̈ܐ ܕܦܪܣ ܨܢܥ̈ܬܐ. 434 :ܕܦܲܣܸܩ ܐܸܢܘܿܢ ܩܲܠܝܼܠܵܐ 435 ܒܒܲܪܬܼ ܩܵܠܵܐ ܕܡܸܠܲܬܼ ܦܘܼܡܹܗ. 436 ܣܲܓܝܼܐܘܼܬܼ ܙܲܝܢܵܐ ܐܲܩܪܸܒܼ ܪܘܼܚܵܢܵܐ ܥܲܡ ܦܲܓܼܪܵܢܵܐ. 437 ܘܲܒܼܟܲܪܝܘܼܬܼ ܡܸ̈ܠܹܐ ܣܲܚܦܹܗ: pb. f.100r 438 ܘܐܵܘܦܝܼ ܟܠܗܹܝܢ ܨܸܢܥܵܬܹ̈ܗ. 439 :ܠܦܘܼܬܼ ܨܸܢܥ̈ܵܬܹܗ ܕܲܢܟܼܝܼܠܹܵܐ 440 ܦܲܢܝܼ ܨܹܐܕܵܘܗܝ ܦܸܬܼܓܲܡܵܐ. 441 :ܘܲܒܼܣܵܗܕܘܼܬܹܗ ܕܲܟܼܬܼܵܒܼܵܐ 442 ܣܲܟܼܪܹܗ ܠܦܘܼܡܹܗ ܕܡܲܪܚܵܐ. 443 :ܟܬܼܝܼܒܼ ܗ̄ܘ̣ ܠܲܡ ܕܲܠܥܵܒܼܘܿܕܼܵܐ 444 ܠܵܐ ܬܢܲܣܹܐ ܒܝܲܕܼ ܦܘܼܠܵܓܼܐ. 445 :ܕܠܵܐ ܢܹܐܚܘܿܕܼ ܬܲܪܥܵܐ ܒܲܐܦܲܝ̈ܟ 446 ܘܠܵܐ ܢܸܬܼܦܲܢܲܝ̈ܢ ܫܹܐܠܵܬܼ̈ܟ. 447 :ܐܘ ܦܘܼܪ̈ܣܐ ܕܪܲܟܸܿܒܼ ܢ̣ܟܼܠܵܐ 448 ܘܨܢܥܵܬܼ̈ܐ ܕܲܚܫ݂ܲܠ ܙܹܐܦܵܐ. 449 :ܕܦܲܪܣܝܼ ܐܸܢܹܝܢ ܝ̇ܕܥܟܿܠ 450 ܒܟܼܘܼܪܵܐ ܕܪܘܼܚܵܐ ܒܝ̇ܪ ܟܠ. 451 :ܐܘ ܐܲܬܼܠܝܵܛܵܐ ܦܓܪܵܢܵܐ 452 ܕܐܸܚܲܕ ܕܲܪܵܐ ܥܲܡ ܪܘܼܚܵܐ. 453 :ܐܘ ܚܵܫܘܿܫܵܐ ܕܠܵܐ ܚܣܢܗ 454 ܚܣܝܼܢܵܐ ܕܫܥܒܸܿܕܼ ܐܢܵܫܵܐ. 455 :ܐܘ ܟܝܵܢܵܐ ܡܥܲܛܸܦ ܚܲܫܹ̈ܐ 456 ܕܲܙܟ̣ܵܐ ܠܚܲܫ̈ܐ ܕܒܲܟܼܝܵܢܹܗ. 457 :ܐܘ ܒܲܪ ܫ̣ܒܼܝܵܐ ܕܐܸܬܼܓܲܢܒܲܪ 458 ܘܕܲܒܼܪܹܗ ܒܫܸܒܼܝܵܐ ܠܫܲܒܵܝܵܐ. 459 :ܐܘ ܩܪܲܒܼܬܼܪܵܢܵܐ ܕܐܸܬܼܟܲܬܲܫ 460 ܘܲܫ̣ܪܐ ܟܒܼܝܼܫܹ̈ܐ ܠܚܹܐܪܘܼܬܼܵܐ. 461 :ܐܘ ܒܲܪ ܛܘܗܡܵܐ ܕܚ̈ܛܝܐ 462 ܕܚܲܪܲܪ ܓܸܢܣܹܗ ܡ̣ܢ ܥܵܘܠܵܐ. 463 :ܬܵܠܵܬܼ ܙܲܒܼܢܝܼ̈ܢ ܐܸܚܲܕܼ ܕܲܪܵܐ 464 ܦܲܓܼܪܢܵܐ ܥܲܡ ܪܘܼܚܵܢܵܐ. 465 :ܘܚܲܣܢܹܗ ܒܙܵܘ̈ܥܹܐ ܕܪܸܥܝܵܢܵܐ 466 ܚܵܫܘܫܵܐ ܠܠܵܐ ܚܵܫܘܿܫܵܐ. 467 :ܬܵܠܵܬܼܵܐ ܓܹܐܪܹ̈ܐ ܡܬܲܚ̣ ܘܲܫܕܵܐ 468 ܒܓܼܵܘ ܩܸܫܬܵܐ ܠܘܼܩܒܲܠ ܢܝܼܫܵܐ. 469 :ܘܒܲܬܼܠܝܼܬܵܝܵܐ ܐܲܟܼܪܸܙ ܒܵܗ̇ 470 ܙܵܟܼܘܼܬܼܵܐ ܘܟܼܘܼܐܪܵ ܒܝܼܫܵܐ. 471 ܒܩܸܐܪܣܵܐ ܩܲܕܼܡܵܐ ܐܸܬܿܬܲܒܼܪܲܬ̤. 472 ܩܸܫܬܹܗ ܘܢܲܝܙܟܹܿܗ ܕܚܲܣܝܼܢܵܐ. 473 :ܘܠܵܐ ܦܵܫ̣ ܠܹܗ ܒܡܵܐܢܲܝ̈ ܙܲܝܢܹܗ 474 ܫܲܪܟܵܢܵܐ ܕܫܲܪܝܼܪ ܘܚܲܠܝܼܡ. 475 :ܒܕܲܪܵܐ ܐ̄ܚܪܹܢܵܐ ܐܫܬܪܝܼܘ 476 ܗܲܕܵܡܵܘ̈ܗܝ ܕܲܩܪܲܒܼ ܬܼܵܢܵܐ. 477 :ܘܐܸܬܿܬܲܒܲܪܘ ܕܪ̈ܵܥܲܝ ܪܘܼܚܵܐ 478 ܒܬܲܟܼܬܘܼܫܵܐ ܕܥܲܡ ܦܓܼܪܢܐ. 479 :ܒܣܲܓܝܐܘܼܬܼ ܙܲܝܢܵܐ ܐܲܩܪܸܒܼ 480 ܡܵܪܘܿܕܵܐ ܥܲܡ ܒܲܪ ܐܵܕܼܵܡ. 481 :ܘܲܒܚܲܕܸ ܙܲܝܢܵܐ ܕܚܹܝܠ ܪܘܼܚܵܐ 482 ܚܲܣܢܹܗ ܘܒܲܛܸܠ ܫܘܼܠܛܵܢܹܗ. 483 :ܒܟܼܠ ܐܘܼܡܵܢܘܼ ܐܸܬܼܟܲܬܲܫ 484 ܚܲܣܝܼܢܵܐ ܥܲܡ ܚܵܫܘܿܫܵܐ. 485 :ܘܦܲܓܼܪܵܢܵܐ ܒܡܸܠܬܐ ܒܲܠܚܘܿܕܼ 486 ܫ̣ܪܵܐ ܪܘܼܟܵܒܼܵܐ ܕܨܢܥ̈ܬܹܗ. 487 :ܒܲܬܼܠܵܬܼܵܐ ܚܸܣܢ̈ܝܼܢ ܚܲܣܢܹܗ 488 ܫܲܒܵܝܵܐ ܠܒܲܪ ܓܵܠܘܼܬܼܵܐ. 489 :ܘܲܬܼܪܲܥ ܐܸܢܘܿܢ ܓܲܠܘܵܝܵܐ 490 ܠܫܵܘܼܪܹ̈ܐ ܡܪ̈ܝܼܕܹܐ ܕܚܛܝܼܬܼܵܐ. 491 :ܒܲܬܼܠܵܬܼܵܐ ܦܲܚܝܼ̈ܢ ܣܲܬܲܪ 492 ܟܬܗܘܿܢ ܚܲܫܹ̈ܐ ܕܡܵܝܘܿܬܹ̈ܐ. 493 :ܘܥܲܒܲܪ ܐܸܢܘܿܢ ܩܲܠܝܼܠܵܐ 494 ܠܚܲܫܹ̈ܐ ܨܲܐܕܲܝ ܣܲܓܼܝܼܐܹ̈ܐ. 495 :ܒܪܸܓܲܬܼ ܠܲܚܡܵܐ ܩܲܪܸܒܼ ܠܹܗ 496 ܪ̈ܓܼܝܼܓܼܵܐ ܕܟܼܠ ܫܘܼܚܠܵܦ̈ܝܼܢ. 497 :ܘܟܲܣܝܼ ܐܸܢܘܿܢ ܡܵܪܘܿܕܼܵܐ 498 ܒܐܸܣܟܹܿܝܡ ܠܲܚܡܵܐ ܐܲܝܟ ܢܚܲܬܵܐ. 499 :ܒܪܸܚܡܲܬܼܟܸܣܦܵܐ ܟܲܢܸܫ ܚ̣ܡܲܠ 500 ܙܢ̈ܝܐ ܕܟܼܠܗܹܝܢ ܒܝܼ̈ܫܬܼܵܐ. 501 :ܘܲܒܼܫܸܡ ܬܵܓܼܵܐ ܘܫܘܼܠܛܵܢܵܐ 502 ܨܒܬܗ̇ ܠܣܵܢܝܘܼܬܼ ܚܘܼܫܵܒܼܵܘ̈ܗܝ. 503 :ܒܟܼܵܣܵܐ ܕܪܸܚܡܲܬܼ ܬܸܫܒܿܘܿܚܬܐ 504 ܡܲܕܟ ܘܲܚ̣ܠܲܛ ܣܲܡ ܡܵܘܬܐ. 505 :ܘܫܘܼܒܼܚܵܐ ܒܲܕܼܡܘܼܬܼ ܚܲܠܝܘܼܬܼܵܐ 506 ܛ̣ܫ ܥܲܠ ܟܵܣܹܗ ܡܲܪܝܼܪܵܐ. 507 :ܒܲܬܼܠܬܐ ܕܪ̈ܝܢ ܣܲܝܸ[...] 508 ܟܠ ܚܲܫ̈ܝܢ ܕܲܠܒܲܪ ܘܕܲܠܓܼܵܘ. 509 :ܘܲܩܒ݂ܲܥ ܐܸܢܘܿܢ ܐܲܝܟ ܢܝܼܫܵܐ 510 :ܒܬܲܟܼܬܘܼܫܵܐ ܕܥܲܡ ܦܵܪܘܿܩܲܢ 511 :ܒܓܲܒܼܵܐ ܕܝܼܠܹܗ ܐܲܩܝܼܡܹܗ 512 ܠܥܵܠܡܵܐ ܟܠܹܗ ܡ̣ܢ ܣܵܟܹܗ. 513 :ܘܚܵܒܬ̤ ܟܠܵܗ̇ ܡܲܫܪܝܼܬܼܵܐ 514 ܡ̣ܢ ܚܲܕܼ ܕܲܙܟ̣ܐ ܒܚܹܝܠ ܪܘܼܚܵܐ. 515 :ܟܠ ܦܘܼܪ̈ܣܝܢ ܪܲܟܸܿܒܼ ܘܲܚ̣ܫܲܠ 516 ܘܲܠܒܸܫ ܐܸܢܘܿܢ ܐܲܝܟ ܙܲܝܢܵܐ. 517 :ܘܲܬܼܒܲܪ ܐܸܢܘܿܢ ܒܲܪ ܕܵܘܝܼܕܼ 518 ܒܲܫܪܬܼ ܩܵܠܵܐ ܠܡܐܢܝ̈ ܙܲܝܢܹܗ. 519 :ܒܗܸܬܼ ܡܵܪܘܿܕܼܵܐ ܥܲܡ ܙܲܝܢܹܗ 520 ܘܐܸܬܼ ܒܲܕܲܪܘ ܚܲܝ̈ܠܵܘܵܬܹܗ. 521 :ܘܝܸܬܼܒܲܬ̤ ܟܠܵܗ̇ ܣܸܡܵܠܵܐ 522 ܒܐܸܒܲܠܐ ܕܫܸܦܠܹܗ ܕܚܲܣܝܼܢܵܐ. 523 :ܫܲܠܸܡ ܟܠܗܘܿܢ ܢܸܣܝܘܿܢܵܘ̈ܗܝ 524 ܐܵܟܸܠ̇ ܩܲܪܨܵܐ [ܩ]ܘ̈ܬܼ ܡܵܪܢ. 525 :ܘܫܲܢܝܼ ܡܸܢܹܗ ܥܲܕܼ ܙܲܒܼܢܵܐ 526 ܥܲܕܼ ܠܛ̇ܫ ܣܲܝܦܵܐ ܠܩܸܛܠܵܐ. 527 :ܫܠܝܼ ܩܪܵܒܼܵܐ ܘܢܵܚ̣ ܬܲܟܼܬܼܘܼܫܵܐ 528 ܕܚܵܫܘܿܫܵܐ ܘܪܹܫܵܐ ܕܐܵܐܲܪ. pb. f.100v 529 :ܘܩܵܡ̣ܘ ܚܲܙ̈ܵܝܹܐ ܕܐܵܓܼܘܿܢܵܐ 530 ܕܲܢܩܲܠܣܘܼܢ ܠܲܐܬܼܠܹܝܛ ܩܘܼܫܬܵܐ. 531 :ܬܲܗܪܵܐ ܠܟܼܠܗܘܿܢ ܟܲܢܸܫ ܗ̄ܘ̣ܵܐ 532 ܠܐܸܣܛܵܕܼܝܼܘܿܢ ܕܐܲܬܼܠܝܼ̈ܛܹܐ. 533 :ܕܢܸܚܙܘܢ ܬܲܟܼܬܘܼܫܑܵܐ ܚܲܕܼܬܐ 534 ܕܦܲܓܼܪܵܢܵܐ ܘܪܘܼܚܵܢܵܝܵܐ. 535 :ܚܙܵܬܼܵܐ ܚܕܲܬܼܵܐ ܚܕܲܬܵܐ ܚܵܙܝ̇ܢ ܗ̄ܘ̣ܵܘ 536 ܬܪܹܝܢ ܕܪܪ̈ܐ ܕܲܠܩܘܼܒܼܠܵܐ. 537 :ܕܠܵܐ ܡܡܬܘܡ ܚܡ̇ܣܢ ܒܸܣܪܐ 538 ܠܡܹܐ ܚܲܕܼ ܕܲܪܵܐ ܥܲܡ ܪܘܼܟܵܝܐ. 539 :ܒܲܡܚܝܼܠܘܼܬܹܗ ܕܚܵܫܘܿܫܵܐ 540 ܡܸܬܼܒܲܩܝܢ ܗ̄ܘ̣ܵܘ ܪ̈ܘܼܚܵܢܹܐ. 541 :ܕܒܐܝܢܵܐ ܟܲܝ ܙܲܝܢܵܐ ܙܵܟܹ̇ܐ 542 ܟܝܵܢܵܐ ܡܚܝܼܠܵܐ ܠܚܲܣܝܼܢܵܐ. 543 :ܕܟܼܢܬܼܗܘܿܢ ܕܠܵܐ ܪܒܿܐ ܗ̄ܘ̣ܵܬܼ 544 ܐܲܝܟ ܗܵܝ̇ ܕܲܠܒܼܝܼܫ ܗܕܡ̈ܐ. 545 :ܕܝܕܼܥܝܢ ܗ̄ܘ̣ܵܘ ܠܹܗ ܕܐܸܬܼܢܨܢܝ 546 ܒܩܪܒܼܐ ܕܥܲܡ ܣܲܓܝܐ̈ܐ. 547 :ܒܗܕ ܐܬܸܢܘܲܝ ܐܸܬܲܟܢܫܘ 548 ܕܢܚܙܘܢ ܫܘܼܠܵܡ ܐܲܓܼܘܢܐ. 549 :ܕܐܝܢܐ ܕܢܵܣܸ̇ܒܼ ܙܵܟܼܘܼܬܼܵܐ 550 ܢܸܦܢܘܿܢ ܠܹܗ ܟܠܝܼܠ ܩܘܼܠܵܣ̈ܐ. 551 :ܠܫܘܼܠܵܡ ܐܓܘܢ̈ܐ ܢܲܛܪܘܼܗܝ 552 ܠܲܟܼܠܝܼܠܵܐ ܕܩܘܼܠܵܣܲܝ̈ܗܘܢ. 553 :ܕܲܢܣܝܼܢܘܼܬܝܗܝ ܩܠܝܗ̈ܘܢ 554 ܒܪܫܐ ܕܐܝܢܐ ܕܡܸܬܼܢܲܨܲܚ. 555 :ܘܕܲܚ̣ܙܘ ܕܲܙܟ̣ܵܐ ܦܸܓܼܪܢܐ 556 ܠܟܼܢܬܗܘܢ ܪܘܚܢܝܐ. 557 :ܨܲܒܿܬܼܘܼܗܝ ܒܲܟܼܠܝܼܠ ܩܠܝ̈ܗܘܢ 558 ܠܲܐܬܼܠܝܼܛܵܐ ܕܙܲܕܲܝܼܩܘܼܬܼܵܐ. 559 :ܩ̈ܠܐ ܕܫܘܼܒܼܚܵܐ ܦܢܝܼܘ ܠܹܗ 560 ܠܚܵܫܘܿܫܵܐ ܚܠܵܦ ܙܵܟܼܘܼܬܼܵܐ. 561 :ܟܲܕܼ ܩܥܹ̇ܝܢ ܗ̄ܘ̣ܵܘ ܟܸܢܢܲܝ̈ܗܘܿܢ 562 :ܒܪܝܼܟ ܚܲܝܠܵܐ ܕܙܟ̣ܐ ܒܦܓܼܪܐ 563 :ܗܵܪܟܿܐ ܫܲܝܸܢܘ ܩ̈ܠܝܗܘܿܢ 564 ܠܘܵܬܼ ܓܢܣܢ ܕܲܪܓܿܝܼܙܝܼܢ ܗ̄ܘ̣ܵܘ. 565 :ܘܲܩܢ̣ܵܘ ܣܒܼܪܐ ܕܚܘܼܕܵܬܵܐ 566 ܕܥܲܡܢ ܢܵܚ̇ܝܼܢ ܡ̣ܢ ܥܲܡܠܵܐ. 567 :ܟܠܝܼܠܵܐ ܓܕܠ̣ܘ ܠܹܗ ܪ̈ܚܢܐ 568 :ܠܐܲܬܼܠܹܝܛܵܐ ܦܓܼܪܢܝܐ 569 :ܕܚܙ̣ܘ ܕܫ̣ܪܝܗܝ ܠܣܵܝܵܓܼܵܐ 570 ܕܪ̈ܲܓܝܼܙܹ̈ܐ ܒܝܲܕܼ ܪܲܒܿܘܼܬܹܗ. 571 :ܫܘܼܒܼܚܵܐ ܩܥ̣ܵܘ ܠܹܗ ܒܐܘܫܲܥ̈ܢܹܐ 572 ܟܲܕܼ ܣ̇ܠܩ ܡ̣ܢ ܐܓܘܢܐ. 573 :ܒܪܝܼܟܼܘܼ ܕܣܡܟ ܡܸܨܥܝܐ 574 ܠܫܝܢܐ ܕܝܼܠܲܢ ܘܕܼܟܼܠܐ. 575 :ܬܘܵܕܝܼ ܠܛܵܒܼܵܐ ܕܲܒܼܚܲܠܹܗ 576 ܚܲܝܸܠ ܦܲܓܼܪܟ ܒܐܓܘܢܐ. 577 :ܒܪܝܼܟ ܕܒܼܪܸܡܙܹܗ ܫܲܦܲܠܬܵܝܗܝ 578 ܠܛܪܘܼܢܵܐ ܕܲܫܒܼܵܝܗܝ ܠܐܕܲܡ. 579 :ܒܚܘܼܒܵܐ ܠܘܵܬܹܗ ܡܢ̇ܫܝܢ ܗ̄ܘ̣ܵܘ 580 ܒܵܬܲܪܫܘܼܠܵܡ ܐܵܓܼܘܿܢܹܗ. 581 :ܘܲܡܫܲܡܫܝܼܢ ܗ̄ܘ̣ܵܘ ܟܲܣܝܵܬܹ̈ܗ 582 ܒܓܸܠܝܢ̈ܐ ܠܐܪ̈ܥܢܝܐ. 583 :ܣܠ̇ܩܝܢ ܘܢܚ̇ܬܝܼܢ ܟܢܫܝ̈ܗܘܢ 584 ܠܐܝܩܪܗ ܕܒܲܪ ܡܝܘܬ̈ܐ. 585 :ܘܦܲܨܝܼܚܝܼܢ ܒܵܗ̇ ܒܲܚܙܵܬܹܗ 586 ܘܲܗܲܢܝܼ ܠܗܘܿܢ ܩܵܠ ܦܸܬܼܓܼܵܡܘ̈ܬܝ. 587 :ܬܗ݂ܲܪܘ ܗ̄ܘ̣ܵܘ ܣܲܓܿܝܼ ܒܬܲܟܼܬ ܘܫܹܗ 588 ܘܥܲܠ ܚܘܡܣܵܢܗ ܐܸܬܿܕܡܪܘ. 589 :ܕܟܲܕܼ ܡ̣ܢ ܓܸܢܣܵܐ ܗ̄ܘ̣ ܚܲܝܵܒܼܵܐ 590 ܙܟ̣ܵܝܗܝ ܠܛܪܘܢܐ ܒܝܲܕܼ ܚܲܫܵܘ̈ܗܝ. 591 :ܠܵܐ ܗ̄ܘ̣ܵܐ ܒܙܲܝܢܵܐ ܐܵܢܵܫܵܝܐ 592 ܫܩ̣ܠ ܙܟܼܘܬܐ ܚܫܘܫܐ. 593 :ܒܚܹܝܠ ܪܘܼܚܵܐ ܗܘ̤ܵܬܼ ܙܵܟܼܘܼܬܹܗ 594 ܘܐܲܩܨܵܗ̇ ܪܘܼܚܵܐ ܠܨܒܼܝܵܢܹܗ. 595 :ܒܲܫܡܵܐ ܕܲܒܼܪܵܐ ܕܲܥܘ[...]ܪ ܒܹܗ 596 ܐܸܬܼܢܲܨܲܚ ܘܲܙܟ̣ܐ ܠܚܲܫܹ̈ܐ. 597 :ܘܲܫܘ̣ܵܐ ܠܪܲܒܿܘܼܬܼ ܐܝܼܩܵܪܵܐ 598 [ܘ̈]ܢܼܬܼ ܩܲܠܲܣ ܡ̣ܢ ܪ̈ܘܼܚܵܢܹܐ. 599 :ܗܵܫܵܐ ܕܲܫܠܸܡ ܐܵܓܼܘܿܢܵܐ 600 ܢܸܒܼܥܹܐ ܕܡܲܢ̣ܘܼ ܬܟܼܬܘܼܫܵܐ. 601 :ܕܚܵܫܘܿܫܵܐ ܠܒܼܝܼܫ ܗܲܕ̈ܡܐ 602 ܐܘ ܕܟܝܢܐ ܕܠܵܐ ܚܵܐܹ̇ܫ. 603 :ܡܢ̣ܘ ܕܟܼܦܸܢ ܘܐܸܬܼܢܲܣܲܝܼ 604 ܘܐܲܪܓܸܿܫ ܒܝܼܫܵܐ ܒܣܘܼܢܩܵܢܹܗ. 605 :ܘܲܠܡ̇ܢ ܩܲܪܸܒܼ ܡܵܪܘܲܕܵܐ 606 ܚܘܼܬܼܚܵܬܹ̈ܐ ܕܲܪ̈ܓܼܝܼܓܼܵܬܼܵܐ. 607 :ܡܲܢ̣ܘ ܕܲܢܚܸܬܼ ܠܵܐ ܓܼܘܼܢܵܐ 608 ܘܐܸܚܲܕܼ ܕܲܪܵܐ ܥܲܡ ܒܝܼܫܵܐ. 609 :ܘܡܢ̣ܘ ܕܲܙܟ̣ܵܐ ܠܚܲܣܝܼܢܵܐ 610 ܘܐܸܬܼܚܲܫܒܲܬ̤ ܠܹܗ ܙܵܟܼܘܼܬܼܵܐ. 611 :ܦܘܼܪܫܵܢܵܐ ܓܠܝܐ ܡܲܟܼܪܸܙ 612 ܬܲܟܬܘܼܫܵܐ ܠܘܵܬܼ ܝܵܕܲܘ̈ܥܹܐ. 613 :ܕܒܲܪ ܐܵܕܼܵܡ ܗ̄ܘ̣ ܕܐܸܬܼܢܲܣܝܼ 614 ܒܲܕܼܡܘܼܬܼ ܐܵܕܼܵܡ ܩܲܕܼܡܵܝܵܐ. 615 :ܠܹܗ ܐܲܦܸܩ ܪܘܼܚܵܐ ܠܚܘܼܪܒܵܐ 616 ܘܗܘ̤ܝܘܼ ܕܲܟܼܦܸܢ ܘܐܸܬܼܢܲܣܝܼ. 617 ܕܟܼܝܵܢܵܐ ܬܒ̇ܥ ܠܹܗ ܗ̄ܘ̤ܵܐ: pb. f.101r 618 ܡܹܐܟܼܘܼܠܬܐ ܠܩܘܼܝܵܡ ܚܝܘ̈ܗܝ. 619 :ܠܹܗ ܡܚܲܬܼܚܸܬܼ ܗ̄ܘ̣ܵܐ ܡܵܪܘܿܕܼܵܐ 620 ܕܲܢܫܲܚܠܸܦ ܟܹܐܦܹ̈ܐ ܠܠܲܝܼܝܡܵܐ. 621 :ܕܚ̣ܙܝܗܝ ܕܬܼܚܒܼܘ ܗܕܡܘ̈ܗܝ 622 ܘܪܲܦܝܼ ܨܵܘܡܵܐ ܠܫܸܪ̈ܝܢܘܗܝ. 623 :ܠܹܗ ܡܚܵܘܹܐ ܗ̄ܘ̣ܵܐ ܕܡܘ̈ܬܐ 624 ܕܥܘܼܬܼܪܵܐ ܘܪܲܒܿܘܼܬܼ ܫܘܼܠܛܢܐ. 625 :ܕܚ̣ܙܝܗܝ ܕܲܠܒܼܝܼܫ ܗܕܼܡܹ̈ܐ 626 ܕܡܝܘ̈ܬܼܐ ܘܪ̈ܓܼܝ ܟܸܣܦܵܐ. 627 :ܠܹܗ ܡܩܪܒܼ ܗܘ̤ܐ ܣܡ ܡܘܬܐ 628 ܒܟܼܵܣܵܬ ܕܪܸܚܡܲܬܼ ܬܸܫܒܿܘܿܚܬܵܐ. 629 :ܠܦܓܪܢܐ ܢܣܝܼ ܒܝܼܫܵܐ 630 ܠܵܐ ܗ̄ܘ̣ܵܐ ܠܚܲܝܠܵܐ ܕܐܝܼܬܼܘܼܬܼܵܐ. 631 :ܕܝ̇ܕܥ ܗ̄ܘ̣ܵܐ ܕܠܵܐ ܡܸܬܼܢܲܣܹܐ 632 ܟܝܵܢܵܐ ܕܐܝܼܬܼܝܵܐ ܒܡܹܐܟܼܘܼܠܬܐ. 633 :ܠܵܘ ܠܝܼܚܝܼܕܼܵܐ ܡܚܵܘܹܐ ܗ̄ܘ̣ܵܐ 634 ܥܘܼܬܼܪܵܐ ܘܪܲܒܿܘܼܬܼ ܫܘܠܛܢܐ. 635 :ܕܝ̇ܕܥ ܗܘ̣ܵܐ ܕܡܲܣܠܲܝ ܥܘܬܼܪܵܐ 636 ܕܡܝܘܬ̈ܐ ܠܪܒܿܘܼܬܼ ܫܘܼܒܼܚܹܗ. 637 :ܠܵܐ ܗ̄ܘ̣ܵܐ ܠܝܕܼܥ ܟܣܝܼܬ̈ܐ 638 ܛܵܡ̇ܪ ܗ̄ܘ̣ܵܐ ܦܚ̈ܐ ܕܫܘܼܒܚܐ. 639 :ܕܐܵܦ ܗܘ̤ ܣܵܢܵܐܵܐ ܝ̇ܕܥ ܗ̄ܘ̣ܵܐ 640 ܕܲܓܼܠܝܼܢ ܢܸܟܼܠܵܘ̈ܗܝ ܠܐܝܼܬܼܘܬܼܵܐ. 641 :ܠܵܘ ܬܲܟܼܬܘܼܫܵܐ ܥܵܒܸ̇ܕܼ ܗ̄ܘ̣ܵܐ 642 ܥܲܡ ܚܲܝܠܵܐ ܕܐܲܚܝܼܕܼ ܟܠܵܐ. 643 :ܕܓܼܠܝܵܐ ܗܘ̣ܵܬܼ ܠܹܗ ܠܲܥܒܼܝܼܕܼܵܐ 644 ܕܲܡܚܝܼܠ ܚܲܝܠܹܗ ܠܘܵܬܼ ܡܵܪܹܗ. 645 :ܠܡ̇ܢ ܥܵܒܹ̇ܕܼ ܗ̄ܘ̣ܵܐ ܬܲܟܼܬܘܼܫܵܐ 646 ܒܵܪܘܿܝܵܐ ܥܲܡ ܬܘܼܩܵܢܹܗ. 647 :ܘܡ̇ܢ ܚܫܚܵܐ ܗ̄ܘ̣ܵܬܼ ܙܵܟܼܘܼܬܼܵܐ 648 :ܠܙܵܟܵܝܵܐ ܥܲܡ ܚܲܝܵܒܼܵܐ 649 :ܠܵܘ ܥܲܡ ܦܸܚܡܹܗ ܥܒܸ̇ܕ ܗ̄ܘ̣ܵܐ 650 ܬܲܟܼܬܘܼܫܵܐ ܕܢܸܒܼܩܹܐ ܚܲܝܠܹܗ. 651 :ܕܫܝܼܛ ܗ̄ܘ̣ ܟܝܵܢܵܐ ܕܲܥܒܼܝܼܕܼܵܐ 652 ܕܢܸܬܼܦܲܚܲܡ ܥܲܡ ܥܵܒܼܘܿܕܼܵܐ. 653 :ܘܐܵܢܗܘ̤ ܕܡܸܛܠ ܦܘܼܪܩܵܢܵܐ 654 ܐܸܚܲܕܼ ܕܪܐ ܥܲܡ ܒܝܼܫܵܐ. 655 :ܡܨܐ ܗܘ̣ܵܐ ܕܒܸܠܥܵܕܼ ܬܲܟܼܬܘܼܫܵܐ 656 ܒܪܸܡܙܹܗ ܢܲܦܢܹܐ ܠܛܥܝ̈ܐ. 657 :ܐܸܡܲܬܼܝ ܫܲܡܠܝܼ ܣܘܼܥܪ̈ܢܘܗܝ 658 ܥܵܒܘܲܕܵܐ ܒܝܲܕ ܬܲܟܼܬܘܼܫܵܐ. 659 :ܘܐܲܝܢܵܘ ܚܲܝܠܵܐ ܕܲܠܩܘܼܒܼܠܵܐ 660 :ܕܡܥܲܙܹܐ ܩܕܼܵܡ ܐܝܼܬܼܘܼܬܼܵܐ 661 :ܐܲܝܟܲܢ ܐܸܫܟܲܚ ܡܪܘܕܹܐ 662 ܕܢܩܘܡ ܠܘܩܒܠ ܒܵܪܘܿܝܵܐ. 663 :ܘܒܲܐܝܠܹܝܢ ܪܸ̈ܓܼܫܹܐ ܐܸܬܼܒܲܩܝܼ 664 ܢܟܼܝܼܠܵܐ ܒܫܲܦܝܘܼܬܼ ܐܝܼܬܼܘܼܬܼܵܐ. 665 :ܐܝܟܲܢ ܡ̣ܢ ܕܘܟܿܐ ܠܕܼܘܼܟܿܐ 666 ܡܫܲܢܹܐ ܗ̄ܘ̣ܵܐ ܐܲܚܝܼܕܼ ܟܠܵܐ. 667 :ܘܒܐܝܠܝܢ ܙܘ̈ܥܐ ܚܵܙܸ̇ܩ ܗ̄ܘ̣ܵܐ 668 ܠܲܐܝܟܵܐ ܕܲܒ̣ܥܵܝܗܝ ܡܵܪܘܿܕܼܵܐ. 669 :ܥܲܠ ܡܵܢܵܐ ܠܵܘ ܨܒܝܢܗ 670 ܐܲܦܩܹܗ ܠܡܸܥܒܲܕ ܬܲܟܼܬܘܼܫܵܐ. 671 :ܕܲܟܼܬܼܝܼܒܼ ܕܐܲܦܩܹܗ ܪܘܼܚ ܩܘܼܕܼܫܵܐ 672 ܠܚܘܼܒܵܐ ܕܢܸܦܘܿܩ ܢܸܬܼܢܲܣܹܐ. 673 :ܡܲܢ̣ܘܼ ܕܲܒܼܨܒܝܼܵܢ ܪܘܼܚܵܐ 674 ܐܸܬܼܢܲܣܝܼ ܘܣܥ̣ܪ ܚܝ̈ܠܐ. 675 :ܕܗܵܐ ܡܬܲܚܬܲܚ ܨܒܝܢܐ 676 ܡ̣ܢ ܨܒܼܝܵܢ ܐܲܒܼܵܐ ܘܪܘܼܚܵܐ. 677 :ܐܲܝܟܲܢ ܚܲܫ̣ ܗ̄ܘ̣ܵܐ ܒܝܲܕܼ ܟܲܦܢܵܐ 678 ܗܵܘ̇ ܕܲܒܪܡܙܗ ܡܚܐ ܟܠ. 679 :ܘܐܝܟܢ ܢܲܣܝܹܗ̈ ܡܪܘܕܐ 680 ܠܲܐܚܝܼܕܼ ܣܵܟܼܵܐ ܕܚܸܟܼܡܵܬܼ̈ܐ. 681 :ܐܸܢ ܡܸܛܠ ܕܲܠܒܸܫ ܦܲܓܼܪܵܐ 682 ܐܸܬܼܢܲܣܝܼ ܟܝܵܢܹܗ ܒܚܲܫܵܐ. 683 :ܐܝܼܬܼ ܠܹܗ ܡܵܕܹܝܢ ܕܢܸܬܼܢܲܣܹܐ 684 ܒܓܼܘ ܦܲܓܼܪܵܐ ܘܲܕܼܠܵܐ ܦܲܓܼܪܵܐ 685 :ܘܐܸܢ ܐܸܬܼܢܲܣܝܼ ܝܼܚܝܼܕܵܐ 686 ܒܗܵܠܹܝܢ ܕܟܼܬܼܝܼܒܼ ܐܸܬܼܢܲܣܝܼ. 687 :ܡܵܕܝܢ ܐܵܦ ܐܲܒܼܵܐ ܘܪܘܼܚܵܐ 688 :ܫܵܘܬܵܦܝܼ̈ܢ ܒܹܗ ܒܢܸܣܝܵܢܵܐ 689 :ܐܸܢ ܗܘ̤ ܕܲܟܼܝܵܢ̈ܐ ܚܲܕܼ ܗܘ̤ 690 ܒܫܵܘܝܘܼܬܼܵܐ ܕܐܝܼܬܼ ܠܐܝܼܬܼܘܼܬܼܵܐ. 691 :ܠܵܐ ܡܲܨܝܵܐ ܕܚܲܕܼ ܢܸܬܼܢܲܣܐ 692 ܘܐܲܚܪܹܝܢ ܢܩܵܘܹܐ ܕܠܵܐ ܚܲܫܹ̈ܐ. 693 ܟܠܡܸܕܸܿܡ ܕܐܝܼܬܼ ܠܲܟܼܝܵܢܵܐ. 694 ܐܸܝܼܬܼ ܠܲܩܢܘܿܡܹ̈ܐ ܕܐܝܼܬܼܘܼܬܼܵܐ. 695 :ܗܵܘ̇ ܡܸܕܸܿܡ ܕܲܠܚܲܕܼ ܩܲܪܸܒܼ 696 ܟܠܹܗ ܟܝܵܢܵܐ ܡܫܵܘܬܲܦ ܗ̄ܘ̣ܵܐ. 697 :ܘܐܸܢ ܗܘ̤ ܕܚܲܫ̣ ܝܲܠܕܹܗ ܕܐܲܒܼܵܐ 698 ܒܚܲܫܹ̈ܐ ܕܲܩܢܹܝܢ ܡܝܘ̈ܬܐ. 699 :ܘܐܵܦ ܐܲܒܼܵܐ ܘܪܘܼܚܵܐ ܛܲܥܡܘܗܝ 700 ܠܚܲܫܵܐ ܕܲܩܪܸܒܼ ܠܝܼܚܝܼܕܼܵܐ. 701 ܚܣ ܕܹܝܢ ܗܵܕܹܐ ܠܵܐ ܬܸܗܘܹܗ܀ 702 ܘܠܵܐ ܢܩܲܒܿܠܘܼܢܵܝܗܝ ܝܵܕܘ̈ܥܹܐ. 703 ܕܲܟܼܝܵܢܵܐ ܠܵܐ ܚܵܫܘܿܫܵܐ: pb. f.101v 704 ܢܸܬܼܢܲܣܹܐ ܒܗܵ ܠܹܢ ܕܝܼܠܲܢ. 705 :ܟܝܵܢܵܐ ܗ̄ܘ̣ ܕܝܼܠܲܢ ܕܐܸܬܼܢܲܣܝܼ 706 ܘܩܲܒܸܿܠ ܚܲܫܹ̈ܐ ܒܲܟܝܢܹܗ. 707 :ܘܲܟܝܵܢܵܐ ܕܒܹܗ ܐܲܪܝܼܡܹܗ 708 ܒܙܵܟܼܘܼܬܼܵܐ ܠܥܸܠ ܡ̣ܢ ܚܲܫܹ̈ܐ. 709 :ܒܪܓܸܢܣܲܢ ܗ̄ܘ̣ ܕܐܸܬܼܟܲܬܲܫ 710 ܥܲܡ ܚܲܣܝܼܢܵܐ ܚ̇ܠܦ ܓܸܢܣܹܗ. 711 :ܘܲܒܼܚܹܝܠ ܪܘܼܚܵܐ ܐܸܬܼܢܲܨܚ 712 ܘܐܲܦܝܼ ܫܒܼܝܼܬܹܗ ܕܫܒܝܵܐ. 713 :ܠܹܗ ܗܘ̤ ܠܚܡ̈ܢ ܡܲܘ̈ܬܼܵܐ 714 ܠܡܲܟܝܼܟܼܵܐ ܒܲܪ ܡܵܝܘܿܬ̈ܐ. 715 :ܘܠܲܟܼܝܵܢܵܐ ܕܢܲܣܒܹܿܗ ܦܹܐܝ̈ܢ 716 ܫܒ̣̈ܝܼܚܵܬܐ ܐܲܝܟ ܕܦܐܹܐ ܠܹܗ. 717 :ܘܐܸܢ ܢܵܨ̇ܝܢ ܗܲܪ̈ܛܝܩܐ 718 ܥܲܡ ܡ̈ܥܝܢ ܐܲܝܟ ܕܡܸܥܕܝܢ. 719 :ܠܲܢ ܠܵܐ ܙܪܩ̣ ܕܢܸܬܸܿܚܬܐ 720 :ܠܐܝܼܬܼܘܼܬܼܵܐ ܠܚ̈ܫܝ ܦܓܼܪܐ 721 :ܡܲܨܘܼܬܹܗܘܿܢ ܠܲܢ ܫܘܼܒܼܗܵܪܵܐ ܗ̄ܝ̣ 722 ܘܚܣܕܵܐ ܕܡܢܗܘܿܢ ܩܘܠܵܣܵܐ ܗ̄ܘ̣. 723 :ܕܲܚܠܵܦ ܩܘܼܫܬܼܵܐ ܣܵܢܹ̇ܝܢ ܠܲܢ 724 ܠܵܐ ܡܟܪܝܢ ܠܲܢ ܩܲܠܝ̈ܗܘܢ. 725 :ܠܵܐ ܡܙܝܼ̈ܥܵܢ ܠܹܗ ܠܟܸܥܝܵܢܲܢ 726 ܒܢ̈ܬܼ ܩܵܠܐ ܕܓܘܪܦܲܝ̈ܗܘܿܢ܆ 727 ܘܠܵܐ ܡܩܒܿܠܝܢܢ ܝܘܠܦܢܐ. 728 ܕܡܲܙ ܥܪ ܠܐܝܼܬܼܝܵܐ ܡ̣ܢ ܣܵܟܹܗ. 729 :ܒܲܢ ܡܸܬܼܢܲܥܪܵܐ ܬܵܘܕܝܼܬܼܵܢ 730 ܐܲܝܟ ܐܸܘܩܝܼܢܵܐ ܒܓܼܵܘ ܝܲܡܵܐ. 731 :ܘܡܵܐ ܕܲܢܩ̤ܫܘ ܒܲܢ ܓܲܠܠܲܝܗ̈ܘܢ 732 :ܐܸܣܪܢܵܗ̇ ܒܚܹܝܠ ܐܝܼܬܘܼܬܼܵܐ 733 :ܡܛܸܠ ܫܪܒܐ ܐܝܼܬܼܘܼܬܼܵܐ 734 ܢܵܨܚ̇ܢ ܕܥܲܠ ܡ̇ܢ ܠܵܐ ܙܥܪܲܬ̤. 735 :ܘܡܸܛܠ ܡܲܣܒܵܐ ܕܐܸܢܵܫܘܬܼܵܐ 736 :ܟܬܼܝܼܫܝܼܢ ܕܥܲܠ ܡܵܢܵܐ ܝܪܒܲܬ̤ 737 :ܥܲܠ ܦܘܼܪ̈ܫܵܢܹܐ ܕܟܼܝܢ̈ܐ 738 ܡܙܲܝܢܝܼܢ ܠܘܼܩܲܒܲܠ ܝܵܕܘ̈ܥܹܐ. 739 :ܕܚܵܫܘܿܫܵܐ ܘܠܵܐ ܚܵܫܘܿܫܵܐ 740 ܫ̇ܪܝܢ ܓܹܐܪܹ̈ܐ ܕܡܸܠܲܝ̈ܗܘܿܢ. 741 :ܒܝܲܕܸ ܚܘܠ̣ܛܵܢܵܐ ܘܡܘܙܵܓܼܵܐ 742 :ܨܵܒܹ̇ܝܢ ܕܢܸܥܛܘܢ ܠܟܝܢ̈ܐ 743 :ܟܕܕܠܚ̇ܢ ܠܹܗ ܒܡܪܬܗܘܢ 744 ܠܫܲܝܢܵܐ ܕܫܲܝܹܢ ܠܪ̈ܓܼܝܼܙܹܐ. 745 :ܠܲܢ ܠܵܐ ܢܸܗܘܘܹܐ ܕܢܫܬܿܒܗܲܪ 746 ܐܸܠܵܐ ܒܗܵܢܵܐ ܦܘܼܪܫܵܢܵܐ. 747 :ܟܲܕܼ ܡܵܘܕܼܝܼܢܲܢ ܕܲܟܼܝܵܢܲܢ 748 ܢܛܝܼܪ ܥܲܡ ܐܝܼܬܼܝܵܐ ܠܵܒܘܿܫܹܗ. 749 :ܒܼܢܘܟܠܵܢܵܐ ܕܪܫܝܬܼ ܦܓܪܢ 750 ܡܣܟܝܢܢ ܠܦܲܘܼܩܢ ܦܓܪ̈ܝܢ. 751 :ܘܕܲܡܫܵܘܬܲܦ ܥܲܡ ܐܝܼܬܼܘܼܬܼܵܐ 752 :ܐܝܼܩܵܪܹܗ ܠܲܢ ܪܘܼܡܪܵܡܵܐ ܗ̄ܘ̣ 753 :ܟܠܹܗ ܓܸܢܣܲܢ ܐܸܬܼܝܲܩܲܪ 754 ܒܛܵܒܸ̈ܬܼܵܐ ܕܪܲ[...]ܘܼܬܼ ܫܘܼܒܼܚܹܗ. 755 :ܟܕܼ ܥ̇ܪܒ ܠܲܢ ܐܲܝܩܪܗ 756 ܒܫܝܢܢ ܕܠܘܬ ܥܒܘܕܐ. 757 :ܒܪܵܐ ܥܲܡ ܡܸܠܬܼܵܐ ܠܵܒܼܘܿܫܹܗ 758 ܩ̇ܪܝܢܢ ܕܠܵܐ ܦܘܼܠܵܓܼܵܐ. 759 :ܟܲܕܼ ܡܵܘܕܼܝܢܲܢ ܕܠܵܐ ܡܫܵܘܬܲܦ 760 ܥܲܡ ܐܝܼܬܼܘܬܼܵܐ ܒܟܼܠܡܕܡ. 761 :ܠܵܐ ܡܦܪܝܢܢ ܒܟܝܢܗ 762 ܘܠܵܐ ܛܥܹܝ̇ܢܢ ܡܘܲܟܵܟܹܗ. 763 :ܠܵܐ ܛܠ̇ܡܝܢܢ ܦܘܪܩܵܢܹܗ 764 ܘܠܵܐ ܡܕܲܓܠܝܼܢܲܢ ܡܘܼܠܟܢܘ̈ܗܝ. 765 :ܡܵܘܕܹܝܢ ܒܡܚܠܬܗ 766 ܘܣܵܓܼܕܝܼܢܲܢ ܠܲܫܒܼܚ̈ܬܹܗ. 767 :ܡܝܲܩܪܝܼܢܲܢ ܦܓܼܪܬ ܕܡܸܢܲܢ 768 ܡܸܛܠ ܚܘܼܒܵܐ ܕܠܵܒܼܘܫܹܗ. 769 :ܠܟܣܝܐ ܒܓܸܠܝܐ ܡܵܘܕܼܝܼܢܲܢ 770 ܘܠܲܥܓܼܝܵܐ ܡܸܛܠ ܟܲܣܝܵܐ. 771 :ܟܲܕܼ ܥ̇ܦܝܢܢ ܬܵܘܕܝܼܬܼܵܐ 772 ܠܚܲܕܼ ܦܲܪܨܘܿܦܵܐ ܕܲܒܼܪܵܐ ܚܲܕܼ. 773 :ܠܛܠܡܲܝ̈ ܦܲܓܼܪܵܐ ܕܟܼܝܵܢܲܢ 774 ܢܩܛܪܓ ܐܢܘܢ ܡܘܟܵܟܹܗ 775 :ܘܠܡܚܫܝ̈ ܡܸܠܬܹܗ ܕܐܲܒܼܵܐ 776 ܢܡܲܟܸܿܟ ܐܢܘܿܢ ܫܘܼܠܛܵܢܹܗ. 777 :ܠܲܟܲܣ ܐܸܢܘܿܢ ܚܵܫܘܿܫܵܐ 778 ܕܚ̣ܫ ܒܟܝܼܢܗ ܘܐܸܬܼܢܲܣܲܝ. 779 :ܘܲܛܠܸܡ ܚܲܫܵܐ ܚܠܵܦ ܟܠܵܐ 780 ܣܛܲܪ ܡ̣ܢ ܡܸܠܬܼܵܐ ܠܵܒܼܘܿܫܗ. 781 :ܒܢܸܣܝܵܢܹܗ ܚܵܘܝܼ ܒܝܵܢܹܗ 782 ܕܠܲܟܼܝܵܢܹܗ ܩܪܸܒܼ ܢܸܣܝܵܢܵܐ. 783 :ܘܲܒܼܙܵܟܼܘܼܬܹܗ ܒܲܪܩ ܠܲܢ 784 ܕܲܒܼܚܹܝܠ ܪܘܼܚܵܐ ܐܸܬܼܢܲܨܲܚ̣. 785 :ܡܸܛܠ ܣܲܟܼܠܘܼܬܹܗ ܕܐܵܕܼܵܡ 786 :ܐܸܬܼܢܲܣ ܐܵܕܼܵܡ ܕܲܬܼܪܹܝܢ 787 :ܕܚܵܒܼ ܩܲܕܼܡܵܝܵܐ ܒܐܓܼܘܿܢܵܐ 788 :ܙܟܝܗ ܐܚܪܝܐ ܒܙܵܟܼܘܿܬܹܗ 789 :ܒܚܲܝܵܒܼܘܼܬܹܗ ܕܩܕܼܡܵܝܵܐ 790 ܚܵܒ̣ ܓܸܢܣܹܗ ܘܲܗܘ̤ܵܘ ܥܲܩܪܹ̈ܐ. 791 :ܘܲܒܼܙܵܟܼܘܼܬܹܗ ܕܐܲܚܪܵܝܵܐ 792 ܙܒܼ̈ܘ ܩܲܕܼܡ̈ܝܹܐ ܘܐܲܚܪ̈ܝܐ. 793 ܒܥ̤ܠܲܬܼ ܣܲܟܸܠܘܼܬܹܗ ܕܐܵܕܼܵܡ: pb. f.102r 794 :ܥܲܠ ܡܵܘܬܵܐ ܘܫܲܥܒܸܿܕܼ ܓܢܣܹܗ 795 :ܘܲܒܼܚܘܼܡܵܣܢܹܗ̇ ܕܩܲܪ ܐܵܕܼܵܡ 796 ܡܝܼܬܼ ܡܵܘܬܵܐ ܘܲܚܝܵܘ̣ ܡܝܼܬܹ̈ܐ. 797 :ܫܪ̣̈ܥ ܐܵܕܼܵܡ ܘܢܲܦܲܠ ܘܐܲܠܸܦ 798 ܘܲܥܫܲܢܘ ܟܹܐܒ̈ܐ ܕܗܲܕܵ ܡܵܘ̈ܗܝ. 799 :ܘܡܵܡ ܐܵܕܼܵܡ ܕܲܬܪܹܝܢ ܘܲܚ̣ܝܵܐ 800 ܘܐܲܚܝܼ ܒܚܲܫܹܗ ܠܣܲܓܿܝܼܐܹ̈ܐ. 801 :ܒܥܲܕ ܬܲܟܼܬܘܼ ܫܵܐ ܚܠܵܦ ܐܵܕܼܵܡ 802 ܒܲܪ ܐܵܕܵܡ ܥܲܡ ܚܲܣܝܼܢܵܐ. 803 :ܘܦܲܪܥܹܗ̇ ܚܘܸܒܼ̈ܠܹܐ ܕܐܲܪܡܝܼ ܗ̄ܘ̣ܵܐ 804 ܒܪܸܓܲܬܼ ܦܹܐܪܵܐ ܥܲܠ ܐܵܕܼܵܡ. 805 :ܒܙܲܝܢܵܐ ܕܚ̣ܒܼ ܒܹܗ ܩܲܕܼܡܵܝܵܐ 806 ܒܗܐܸܬܼܢܲܨ̇ܚ ܐܵܦ ܐܚܪܵܝܵܐ. 807 :ܕܚܵܒ̣ ܐܵܕܼܵܡ ܒܪܸܓܲܬܼ ܦܹܐܪܵܐ 808 ܙܟ̣ܵܐ ܡܫܝܼܚܵܐ ܒܝܲܕܼ ܚܘܡܣܢܵܐ. 809 :ܐܕܼܵܡ ܩܲܕܼܵܡ̇ܐ ܕܡ̣ܢ ܐܲܪܥܵܐ 810 ܡܲܫܟܹܿܢ ܢܲܦܫܹܗ ܠܲܚܛܝܼܬܼܵܐ. 811 :ܘܐܵܕܼܵܡ ܪܬܼܪܹܝܢ ܝܗ̣ܒܼ ܢܲܦ̣ܫܹܗ 812 ܘܦܘܘܼܪܩܵܢܵܐ ܘܚܪܲܪ ܓܸܢܣܗ. 813 :ܡܸܛܠ ܐܵܕܼܵܡ ܥܲܠ ܡܵܘܬܵܐ 814 ܘܐܚܲܕܼ ܢܘ̈ܡܐ ܒܣܲܓܲܝܐܹ̈ܐ. 815 :ܘܒܹܐܕܡ ܕܲܬܼܪܹܝܢ ܩܐܸܬܼܒܛܲܠ 816 ܘܐܲܡܠܸܟ ܚܲܝܹ̈ܐ ܥܲܠ ܟܠܵܐ. 817 :ܐܵܕܼܵܡ ܒܐܵܕܼܵܡ ܐܸܬܼܚܲܪܲܪ 818 ܐܲܪܥܵܢܵܐ ܒܲܫܡܲܝܵܢܵܐ. 819 :ܕܲܫܪ̣ܵܝܗܝ ܡܵܘܬܵܐ ܠܬܼܘܩܵܢܹܗ 820 :ܨܒܬܗ ܒܚܲܝܹ̈ܐ ܫܡܝܢ̈ܐ 821 :ܠܐܕܼܵܡ ܢܲܣܝ ܡܸܪܘܕܼܵܐ 822 ܒܬܲܟܼܬܘܼܫܵܐ ܡܸܛܠ ܐܵܕܹܵܡ. 823 :ܚܲܕܼܙܵܝܗܝ ܕܲܠܒܼܝܼܫ ܠܲܟܼܝܵܢܹܗ 824 ܘܕܡ̇ܐ ܒܟܼܠܗܹܝܢ ܠܟܢܬܗ. 825 :ܥܲܡ ܒܲܪ ܐܸܬܼܟܲܬܲܫ 826 ܚܲܣܝܼܢܵܐ ܕܲܢܒ̣ܵܝܗܝ ܠܐܵܕܼܵܡ. 827 :ܘܠܵܘ ܥܲܡ ܚܲܝܠܵܐ ܕܐܝܼܬܼܘܼܬܼܵܐ 828 ܐܚܲܕܼ ܕܲܪܵܐ ܡܵܪܘܿܕܼܵܐ. 829 :ܢܦܘܼܫܘܼܢ ܣܢ̈ܐܐܕܐܝܼܬܼܘܬܐ 830 ܡ̣ܢ ܢܸܣܝܵܢܵܐ ܕܐܝܼܬܼܘܼܬܼܵܐ. 831 :ܕܗܵܐ ܚܵܘܝܼ ܠܲܢ ܒܲܪ ܓܸܢܲܣܹܗ 832 ܕܢܸܣܝܵܢܵܐ ܕܝܼܠܹܗ ܐܝܼܬܼܵܘܗ̇ܝ. 833 :ܢܹܐܡܲܪ ܗܘ̤ ܠܗܲܪ̈ܛܝܼܩܹܐ 834 ܬܲܠܡܝܼܕܼܵܘ̈ܗܝ ܕܐܵܟܸ̇ܠܩܲܪܨܵܐ. 835 :ܕܠܵܐ ܬܸܣܢܘܢ ܠܚܹܝܠ ܐܝܼܬܼܘܼܬܼܵܐ 836 ܒܲܪ ܡܘܼܬܼ ܪܲܒܿܟܼܘܿܢ ܣܛܵܢܵܐ. 837 :ܐ̄ܢܵܐ ܐ̄ܢܵܐ ܕܢܸܚܬܹ̇ܬܼ ܠܐܵܓܼܘܿܢܵܐ 838 ܘܐܸܚ̇ܕܝܬܼ ܕܲܪܵܐ ܥܲܡ ܒܝܼܫܵܐ. 839 :ܘܚܣܢܬܿܗ ܠܚ̇ܣܢ ܟܠܵܐ 840 ܒܚܲܝܠܵܐ ܕܠܒܫܢ[ܢܝ] ܡ̣ܢ ܟܲܪܣܵܐ. 841 :ܠܵܐ ܬܬܲܚܬܘܢܝܗܝ ܠܝܼܚܝܼܕܼܵܐ 842 ܬܠܚܬ̈ܝܵܬܼܵܐ ܕܡܵܝܘ̈ܬܹܐ. 843 :ܕܐܵܦ ܐ̄ܢܵܐ ܕܢܸܚܬܹ̇ܬ ܠܐܵܓܼܘܿܢܵܐ 844 ܒܚܲܝܠܹܗ ܢܸܣܒܹ̇ܬܼ ܙܵܟܼܘܼܬܼܵܐ. 845 :ܗܵܐ ܒܲܪ ܓܸܢܣܲܢ ܡܲܟܼܪܸܙ ܠܲܢ 846 ܕܡܲܢ̣ܘܼ ܐܝܼܬܼܵܘܗܝ ܬܲܟ̣ܬܘܼܫܵܐ. 847 :ܨܘܼܬ̣ܘܼ ܘܲܫܡܲܥܘ ܗܪ̈ܛܝܩܹܐ 848 ܕܠܵܐ ܡܸܬ̣ܢܲܣܝܵܐ ܐܝܼܬܘܼܬܵܐ. 849 :ܢܒ̣ܝܼܵܐ ܢܸܩܥܹܐ ܒܟܼܠ ܠܸܫܵܢ 850 ܘܢܲܟܸ̇ܣ ܐܢܘܢ ܠܚܬܝܪ̈ܐ. 851 :ܕܐ̄ܢܵܐ ܐ̄ܢܵܐ ܡܵܪܝܵܐ ܐܲܠܵܗܵܐ 852 ܘܠܵܐ ܐܸܬ̣ܚܲܠ̇ܦܹܬ̣ ܕܐܝܼܬܲܝ܀