On Lent V - ܕܚܲܕܼܒܿܫܲܒܵܐ ܕܚܲܡܫܵܐ ܕܨܵܡܵܐ

1 :ܒܐܘܼܪܚܵܐ ܕܡܲܠܟܵܐ ܪܵܕܹܐ ܗ̄ܘܹ̇ܝܬܼ 2 ܠܘܼܩܒܲܠ ܢܝܼܫܵܐ ܕܡܲܠܟܿܘܼܬܼܵܐ. 3 :ܘܲܦܓܲܥ ܒܝܼ ܚܣܵܡܵܐ ܣܲܡܝܵܐ 4 ܕܢܵܓܹ̇ܕܼ ܠܹܗ ܝܲܨܪܵܐ ܒܝܼܫܵܐ ܀ 5 :ܒܹܝܬܼ ܐܘܼܪ̈ܚܵܬܼܵܐ ܩܵܐܹ̇ܡ ܗ̄ܘ̣ܵܐ 6 ܚܣܵܡܵܐ ܘܚܵܕܲܪ ܒܝܼ̈ܫܵܬܼܵܐ. 7 :ܘܲܠܚܵܙܘܿܩܹ̈ܐ ܡܫܲܐܸܠ ܗ̄ܘ̣ܵܐ 8 ܕܐܲܝܕܼܵܐ ܐܘܼܪܚܵܐ ܫܲܦܝܼܪܵܐ ܀ 9 :ܐܸܣܟܹܿܝܡ ܪ̈ܲܚܡܹܐ ܡܥܲܛܲܦ ܗ̄ܘ̣ܵܐ 10 ܘܐܲܝܟ ܡ̣ܢ ܚܘܼܒܵܐ ܡܫܲܐܸܠ ܗ̄ܘ̣ܵܐ. 11 ܘܟܲܣܝܵܐ ܗ̄ܘ̣ܵܬܼ ܡܸܪܲܬܼ ܡ̇ܘܬܵܐ: pb. 224 12 ܠܓܼܵܘ ܡ̣ܢ ܢܲܚܬܵܐ ܙܲܚܬܵܐ ܕܣܸܦ̈ܘܵܬܹܗ ܀ 13 :ܒܐܘܼܪܚܵܐ ܪܘܝܼܚܬܵܐ ܨܵܒܹ̇ܐ ܗ̄ܘ̣ܵܐ 14 ܕܢܸܪܕܿܘܿܢ ܥܲܡܹܗ ܣܲܓܿܝܼ̈ܐܹܐ. 15 :ܘܡܸܛܠ ܗܵܕܹܐ ܡܫܲܐܸܠ ܗ̄ܘ̣ܵܐ 16 ܕܢܸܒܼܥܸܐ ܠܘܼܝܼܬܼܵܐ ܠܐܲܒܼܕܵܢܵܐ ܀ 17 :ܝܲܨܪܵܐ ܒܝܼܫܵܐ ܡܕܲܒܲܪ ܗ̄ܘ̣ܵܐ 18 ܠܲܚܣܵܡܵܐ ܣܲܡܝܵܐ ܕܲܬܼܪܹܝܢ. 19 :ܘܣܲܡܝܵܐ ܠܣܲܡܝܵܐ ܢܵܓܹ̇ܕܼ ܗ̄ܘ̣ܵܐ 20 ܠܘܲܥܕܵܐ ܕܲܬܼܪܲܥ ܓܹܗܲܢܵܐ ܀ 21 :ܦܵܥܠܵܐ ܕܙܹܐܦܵܐ ܐܸܓܲܪ ܠܹܗ 22 ܚܣܵܡܵܐ ܠܦܘܼܠܚܵܢ ܒܝܼ̈ܫܬܼܵܐ. 23 :ܕܢܸܗܘܸܐ ܐܲܡܝܼܢ ܒܲܬܼܥܵܫܹܗ 24 ܒܫܵܥܹ̈ܐ ܕܠܸܠܝܵܐ ܘܕܐܝܼܡܵܡܵܐ ܀ 25 :ܕܹܝܢܵܪܵܐ ܕܙܹܐܦܵܐ ܩܲܝ̣ܩ ܠܹܗ 26 ܕܲܪܫܝܼܡ ܒܹܗ ܨܲܠܡܵܐ ܕܡ̇ܘܬܵܐ. 27 :ܘܐܸܫܬܵܘܕܲܝ ܠܹܗ ܫܘܼܢܵܩܵܐ 28 ܐܸܢ ܢܲܛܥܸܐ ܘܢܲܪܫܲܥ ܣܲܓܿܝܼ ܀ 29 :ܡ̣ܢ ܨܲܦܪܵܐ ܕܫܘܼܪܵܝ ܕܠܵܐ 30 ܫܲܪܝܼ ܒܹܗ ܒܦܘܼܠܚܵܢ ܥܵܘ̣ܠܵܐ. 31 :ܘܡܲܬܹ̣ܚܹܗ ܠܥܲܡܠܹܗ ܡܲܪܝܼܪܵܐ 32 ܥܕܲܡ̇ܐ ܠܪܲܡܫܵܐ ܕܫܘܼܠܵܡܵܐ ܀ 33 :ܠܵܐ ܗܘ̤ ܡܲܡܐܸܢ ܡ̣ܢ ܢܘܼܓܼܪܵܐ 34 ܕܡ̣ܢ ܫܘܼܪܵܝܵܐ ܠܫܘܼܠܵܡܵܐ. 35 :ܘܠܵܐ ܦܵܥܠܵܘ̈ܗܝ ܠܵܐܹ̇ܝܢ ܡܸܡܬܼܘܿܡ 36 ܐܵܘ ܡܸܬܼܪܲܦܹܝܢ ܡ̣ܢ ܥܲܡܠܵܐ ܀ 37 :ܡܸܬܼܥܲܠܲܡ ܗ̄ܘ̣ ܡܸܬܼܥܲܠܲܡ 38 ܝܘܿܡ ܡ̣ܢ ܝܘܿܡ ܒܲܕܼܡܘܼܬܼ ܢܸܫܪܵܐ. 39 :ܘܥܲܡ ܚܘܼܕܼܵܬܼܵܐ ܕܣܲܢܝܘܼܬܹܗ 40 ܡܲܦܪܲܥ ܢܘܼܪܒܹܿܗ ܡܲܪܝܼܪܵܐ ܀ 41 :ܠܵܐ ܕܵܚܹ̇ܠ ܡ̣ܢ ܣܲܝܒܲܘܼܬܼܵܐ 42 ܘܠܵܐ ܡܲܫܦܸܠ ܡ̣ܢ ܟܘܼܪܗܵܢܵܐ. 43 :ܐܵܦ ܐܲܝܢܵܐ ܕܩܲܫܝܼܫ ܘܲܡܚܝܼܠ 44 ܛܠܸܐ ܘܲܚܠܝܼܡ ܠܡܸܚܣܲܡ ܣܲܓܿܝܼ ܀ 45 :ܚܲܣܵܡܵܐ ܟܡܵܐ ܐܸܢ ܩܲܫܝܼܫ 46 ܠܲܚܣܵܡܵܐ ܛܠܸܐ ܗ̄ܘ̣ ܡ̣ܢ ܫܲܒܼܪܵܐ. 47 :ܐܵܦܸܢ ܚܲܣܝܼܪ ܒܝܼܕܲܥܬܼܵܐ 48 ܠܲܛܢܵܢܵܐ ܒܝܼܫܵܐ ܓܡܝܼܪܵܐ ܗ̄ܘ̣ ܀ 49 :ܚܲܣܵܡܵܐ ܡܲܡܝܵܐ ܗ̄ܘ̣ ܕܲܬܼܪܹܝܢ 50 ܕܲܓܼܠܝܼܙ ܡ̣ܢ ܢܘܼܗܪܵܐ ܕܩܘܼܫܬܵܐ. 51 :ܘܒܲܕܡܘܼܬܼ ܠܸܠܝܵܐ ܘܐܝܼܡܡܵܐ 52 ܫܘܸܐ ܠܹܗ ܙܹܐܦܵܐ ܘܲܫܪܵܪܵܐ ܀ 53 :ܚܲܣܵܡܵܐ ܚܲܪܫܵܐ ܗ̄ܘ̣ ܘܦܹܐܩܵܐ ܗ̄ܘ̣ 54 ܕܠܵܐ ܫܵܡܲ݁ܥ ܩܵܠ ܦܘܼܩܕܼܵܢܵܐ. 55 :ܓܠܝܼܙ ܡ̣ܢ ܫܸܡܥܵܐ ܘܡ̣ܢ ܡܸܠܬܼܵܐ 56 ܒܚܹܐܪܘܼܬܹܗ ܘܠܵܘ ܒܲܟܼܝܵܢܵܐ ܀ 57 :ܚܲܣܵܡܵܐ ܟܪܝܼܗܵܐ ܗ̄ܘ̣ ܕܲܢܣܝܼܣ 58 ܒܙܵܘܥܹ̈ܐ ܘܠܵܐ ܗ̄ܘ̣ܵܐ ܒܗܲܕܼܵܡܹ̈ܐ. 59 :ܘܟܲܕ ܣܵܒܲ݁ܪ ܕܲܚܠܝܼܡ ܟܠܹܗ 60 ܡܒܲܣܒܲܣ ܟܠܹܗ ܘܠܵܐ ܝܵ̇ܕܲܥ ܀ 61 :ܟܪܝܼܗܵܐ ܢܲܦ̰ܫܹܗ ܒܲܚܣܵܡܵܐ 62 ܘܝܵܩܹ̇ܕܼ ܟܠܝܘܿܡ ܒܲܛܢܵܢܵܐ. 63 :ܘܠܵܐ ܪܓܼܝܼܫ ܒܵܗ̇ ܒܫܲܠܗܹܒܼܝܼܬܼܵܐ 64 ܕܡܸܫܬܲܓܼܪܵܐ ܒܓܼܵܘ ܪܸܥܝܵܢܹܗ ܀ 65 :ܢܘܼܪܵܐ ܕܪܘܼܓܼܙܵܐ ܡܲܣܸܦ ܒܹܗ 66 ܝܲܨܪܵܐ ܒܝܼܫܵܐ ܒܪܸܥܝܵܢܵܐ. 67 :ܘܫܵܓܲܪ ܠܹܗ ܒܩܲܝܣܲܝ̈ ܚܸܡܬܼܵܐ 68 ܕܢܵܘܩܸܕܼ ܐ̄ܢܵܫܵܐ ܒܝܲܕܸ ܐ̄ܢܵܫܵܐ ܀ 69 :ܚܲܡܝܼܡܵܐ ܗ̄ܝܼ ܫܲܠܗܹܒܼܝܼܬܹܗ 70 ܛܵܒܼ ܡ̣ܢ ܢܘܼܪܵܐ ܕܲܟܼܝܵܢܵܐ. 71 ܘܲܠܢܲܦ̰ܫܵܐ ܟܣܝܼܬܼܵܐ ܡ̇ܘܩܹܕܼ: pb. 225 72 ܘܠܵܐ ܗ̄ܘ̣ܵܐ ܠܦܲܓܼܪܵܐ ܒܲܪܵܝܵܐ ܀ 73 :ܩܫܸܐ ܚܘܼܪܦܹܗ ܛܵܒܼ ܡ̣ܢ ܣܲܝܦܵܐ 74 ܘܣܲܦ̰ܣܹܪܵܐ ܕܲܬܼܪܹܝܢ ܦܘܼܡܹܝ̈ܗ̇. 75 :ܘܠܲܝܬܿ ܡܸܢܵܝܵܢܵܐ ܠܲܩܛܝܼܠܹ̈ܐ 76 ܕܡܲܪܡܸܐ ܟܠܫܵܥ ܡ̣ܢ ܐ̄ܢܵܫܵܐ ܀ 77 :ܒܲܕܼܡ̇ܐ ܡܥܲܝܲܕܼ ܡ̣ܢ ܐ̄ܢܵܫܵܐ 78 ܘܲܨܗܸܐ ܠܩܸܛܠܵܐ ܕܐ̄ܢܵܫܘܼܬܼܵܐ. 79 :ܘܚܵ݁ܪܹܒܼ ܙܵܘܥܹ̈ܐ ܥܲܡ ܪܸ̈ܓܼܫܹܐ 80 ܢܲܦ̰ܫܵܐ ܘܦܲܓܼܪܵܐ ܫܲܘܝܵܐܝܼܬܼ ܀ 81 :ܣܲܓܿܝܼܐܝܼܢ ܩܛܝܼܠܲܝ̈ ܣܲܝܦܵܐ 82 ܘܠܵܐ ܐܲܝܟ ܩܛܝܼܠܲܝ̈ ܒܲܚܣܵܡܵܐ. 83 ܕܣܲܝܦܵܐ ܒܐܲܡܝܼܢܘܼܬܼܵܐ ܀ 84 :ܡܲܢ̣ܘܼ ܟܲܝ ܗܵܢܵܐ ܚܣܵܡܵܐ 85 ܕܲܟܼܣܸܐ ܘܲܓܼܠܹܐ ܒܣܘܼܥܪ̈ܵܢܵܘܗܝ. 86 :ܘܟܲܕܼ ܠܵܐ ܐܝܼܬܼܵܘܗܝ ܒܲܩܢܘܿܡ̇ܐ 87 ܡ̇ܘܒܸܿܕܼ ܟܠܫܵܥ ܠܲܩܢܘܿܡܹ̈ܐ ܀ 88 :ܒܲܒܼܥܵܬܹܗ ܦܗ̣ܵܘ ܚܘܼܫܵܒܲܝ̈ 89 ܕܐܸܒܼܥܸܐ ܕܡ̇ܢܵܘ ܫܘܼܪܵܝܹܗ. 90 :ܘܐܲܝܢܵܘ ܥܸܩܵܪܵܐ ܕܲܛܥܝܼܢ 91 ܠܣܵܘܟܵܘ̈ܗܝ ܘܦܹܐܪ̈ܵܘܗܝ ܡܲܪܝܪܹ̈ܐ ܀ 92 :ܡܲܢ̣ܘܼ ܟܲܝ ܕܲܡܪܲܒܸܿܐ ܠܹܗ 93 ܠܐܲܪܥܵܐ ܒܝܼܫܵܐ ܕܙܝܼܙܵܢܵܘ̈ܗܝ. 94 :ܘܡܲܢ̣ܘܼ ܕܚܵܡܹ̇ܠ ܥܲܠ̈ܠܵܬܹܗ 95 ܘܲܡܦܲܪܢܸܣ ܚܲܝ̈ܠܵܘܵܬܹܗ ܀ 96 :ܒܐܲܝܢܵܐ ܟܲܝ ܙܲܝܢܵܐ ܡܲܩܪܸܒܼ 97 ܥܲܡ ܪ̈ܘܼܚܵܢܹܐ ܘܦܲܓܼܪ̈ܵܢܹܐ. 98 :ܘܒܲܐܝܠܹܝܢ ܪ̈ܓܼܫܹܐ ܡܸܬܼܟܲܬܲܫ 99 ܥܲܡ ܐܲܬܼܠܹܝܛܹ̈ܐ ܕܟܹܐܢܘܼܬܼܵܐ ܀ 100 :ܡܲܢ̣ܘܼ ܟܲܝ ܕܲܡܣܲܝܲܠ ܠܹܗ 101 ܘܝܵܗܹ̇ܒܼ ܒܹܗ ܚܲܝܠܵ ܒܟܸܣܝܵܐ. 102 :ܘܐܲܝܟܲܢ ܟܲܕܼ ܫܝܼܛ ܡܸܬܼܓܲܢܒܲܪ 103 ܘܚܵܣܹ̇ܢ ܣܸܕܼܪܹ̈ܐ ܕܓܲܢ̄ܒܵܪܹ̈ܐ ܀ 104 :ܒܙܵܟܼܘܼܬܹܗ ܕܲܕܠܵܐ ܒܙܸܕܼܩܵܐ 105 ܬܗܲܪܘ ܘܐܸܬܿܕܲܡܲܪܘ ܚܘܼܫܵܒܲܝ̈. 106 :ܕܐܲܝܟܲܢ ܫܝܼܛܵܐ ܡܸܬܼܢܲܨܲܚ 107 ܘܡܲܪܟܸܿܢ ܪܹܫܵܐ ܕܢܲܨܝܼܚܹ̈ܐ ܀ 108 :ܪܸܥܝܵܢܝ ܓܲܪܓܲܢܝ ܕܐܸܬܼܒܲܩܸܐ 109 ܘܐܸܒܼܥܸܐ ܒܥܵܬܼܵܐ ܕܲܚܣܵܡܵܐ. 110 :ܕܲܒܼܕܝܼܠܹܗ ܟܲܝ ܡܸܬܼܢܲܨܲܚ 111 ܐܵܘ ܕܲܠܡܵܐ ܒܲܕܼܠܵܐ ܕܝܼܠܹܗ ܀ 112 :ܝܲܨܪܵܐ ܡܲܠܟܹܿܟܼܝ ܟܲܣܝܵܐܝܼܬܼ 113 ܘܚܵܘܝܲܢܝ ܐܘܼܪܚܵܐ ܕܐܸܪܕܹܿܐ ܒܵܗ̇. 114 :ܘܲܗܘ̤ܵܐ ܠܝܼ ܐܲܝܟ ܗܲܕܿܝܼܐܵܐ 115 ܠܘܲܥܕܵܐ ܕܫܘܼܠܵܐ ܡܲܪܕܲܝܼܬܼܵܐ ܀ 116 :ܥܘܼܕܼܪܵܢܵܐ ܕܪܘܼܚܵܐ ܬܪܲܨ ܠܝܼ 117 ܢܝܼܫܵܐ ܕܲܡܠܸܐ ܙܵܟܼܘܼܬܼܵܐ. pb. 226 118 :ܕܐܸܚܢܸܐ ܠܩܘܼܒܼܠܹܗ ܒܝܲܕܼ ܙܵܘܥܹ̈ܐ 119 ܘܐܸܡܚܸܐ ܚܣܵܡܵܐ ܣܵܪܘܿܚܵܐ ܀ 120 :ܐܲܝܟ ܕܲܒܼܐ̄ܪܵܙܵܐ ܡܸܠܸܠ ܥܲܡܝ 121 ܚܝܠܵܐ ܪܲܒܵܐ ܕܛܲܝܒܿܘܼܬܼܵܐ. 122 :ܕܐܸܢܗܘ̤ ܕܬܹܐܠܲܦ ܒܵܥܹ̇ܐ ܐܲܢ̄ܬܿ 123 ܠܒܼܘܿܟ ܐܘܼܪܚܵܐ ܡ̣ܢ ܫܘܼܪܵܝܵܐ ܀ 124 :ܚܙܘܿܩ ܥܲܡ ܣܸܦܪܹ̈ܐ ܕܲܟܼܬܼܵܒܹ̈ܐ 125 ܒܲܠܘܝܼܬܼܵܐ ܕܡܸܠܲܝ̈ ܪܘܼܚܵܐ. 126 :ܘܡܲܢܲܥܝܼܢ ܠܵܟ ܠܲܠܡܹܐܢܵܐ 127 ܕܡܸܕܹܿܡ ܕܲܒܼܥ̣ܵܘ ܚܘܼܫܵܒܲܝ̈ܟ ܀ 128 :ܥܲܡ ܒܲܪ ܥܲܡܪܲܡ ܐܸܬܼܠܵܘܵܐ 129 ܘܙܸܠ ܥܲܡܹܗ ܠܘܵܬܼ ܫܘܼܪܵܝܵܐ. 130 :ܘܗܘ̤ ܡܚܘܸܐ ܠܵܟ ܡ̣ܢ ܐܲܝܟܵܐ 131 ܢܸܒܼܥܲܬ̤ ܡܸܪܬܹܗ ܕܲܚܣܵܡܵܐ ܀ 132 :ܒܚܘܼܩܵܐ ܕܝܵܘܡ̇ܐ ܫܬܿܝܼܬܼܵܝܵܐ 133 ܩܪܝܼ ܘܐܸܬܼܒܲܝܲܢ ܬܲܩܢܵܐܝܼܬܼ. 134 :ܘܬܲܡ̇ܢ ܡܸܫܟܲܚ ܪܸܥܝܵܢܵܟ 135 ܣܘܼܟܵܠܵܐ ܕܥܸܠܬܼܵܐ ܕܲܒܼܥܲܝ̣ܬܿ ܀ 136 :ܚܙܝܼ ܬܲܡ̇ܢ ܬܘܼܩܵܢ ܐ̄ܢܵܫܵܐ 137 ܘܲܫܡܲܥ ܩܵܠܵܐ ܕܫܸܡ ܨܲܠܡܵܐ. 138 :ܘܲܒܼܫܘܼܠܵܡܹܗ ܕܦܸܬܼܓܼܵܡܵܐ 139 ܚܙܝܼ ܫܘܼܪܵܝܹܗ ܕܲܚܣܵܡܵܐ ܀ 140 :ܩܵܠ ܨܲܠܡܵܐ ܫ̣ܡܲܥ ܚܲܣܵܡܵܐ 141 ܕܡܸܬܼܟܲܢܸܐ ܒܲܨܠܸܡ ܟܲܣܝܵܐ. 142 :ܘܕܼܵܠܲܬ̤ ܒܹܗ ܡܸܪܲܬܼ ܡ̇ܘܬܵܐ 143 ܠܩܵܠ ܬܘܼܩܵܢܹܗ ܕܥܲܦܪܵܢܵܐ ܀ 144 :ܢܘܼܪܵܐ ܕܝܲܨܪܹܗ ܣܸܦܲܬ̤ ܒܹܗ 145 ܒܲܛܪܘܼܢܵܐ ܪܹܫܵܐ ܕܐܵܐܲܪ. 146 :ܘܕܸܠܩܲܬ̤ ܟܠܵܗ̇ ܒܲܚܣܵܡܵܐ 147 ܘܐܲܣܸܦ ܢܘܼܪܵܐ ܒܐ̄ܢܵܫܘܼܬܼܵܐ ܀ 148 :ܬܲܪܥܹܗ ܠܩܸܒܼܝܵܐ ܕܲܣܝܵܢܹܗ 149 ܘܐܲܫܕ݂ܵܗ̇ ܠܡܸܪܬܹܗ ܥܲܠ ܐ̄ܢܵܫܵܐ. 150 :ܘܟܲܬܿܡܹܗ ܠܢܲܚܬܵܐ ܕܲܒܼܪܝܼܬܼܵܐ 151 ܒܣܲܡ ܡ̇ܘܬܵܐ ܕܪܸܕܓܲܬܼ ܦܹܐܪܵܐ ܀ 152 :ܫܪܵܝܗܝ ܠܐܲܣܵܪܵܐ ܕܐܸܪܲܟܲܒܼ 153 ܒܝܼܕܲܥܬܼܵܐ ܟܣܝܼܬܼܵܐ ܕܟܲܣܝܵܐ. 154 :ܘܕܲܠܚܹܗ ܠܫܲܝܢܵܐ ܕܐܸܬܼܡܲܙܲܓܼ 155 :ܒܚܘܼܒܵܐ ܘܪ̈ܲܚܡܹܐ ܕܡܲܬܩܸܢ ܟܠ 156 :ܦܲܠܓܹܗ ܠܥܘܼܡܪܵܐ ܕܲܫ̈ܘܲܝܵܐ 157 ܘܲܣܕܲܩ ܐܸܢܘܿܢ ܚܲܕܼ ܡ̣ܢ ܚܲܕܼ. 158 :ܘܲܥܒ݂ܲܕܼ ܐܸܢܘܿܢ ܠܲܐ̄ܚܝܵܢܹ̈ܐ 159 ܢܘܼܟܼܪ̈ܵܝܹܐ ܚܲܕܼ ܡ̣ܢ ܚܲܒܼܪܹܗ ܀ 160 :ܒܲܚܣܵܡܵܐ ܙܲܪܥ̣ܵܗ̇ ܒܝܼܫܵܐ 161 ܠܛܘܼܥܝܲܝ ܕܝܼܠܹܗ ܒܡܵܝ̈ܘܿܬܹܐ. 162 :ܘܐܵܘܥܝܼ ܚܛܝܼܬܼܵܐ ܒܪܸ̈ܓܼܫܲܝܗܘܿܢ 163 ܘܗܲܒܸܿܒܼܘ ܦܹܐܪܹ̈ܐ ܕܣܲܡ ܡ̇ܘܬܵܐ ܀ 164 :ܣܲܚ̣ܦܹܗ ܠܨܲܠܡܵܐ ܝܲܩܝܼܪܵܐ 165 ܘܲܫܕܵܝܗܝ ܠܐܲܪܥܵܐ ܐܲܝܟ ܫܝܼܛܵܐ. 166 :ܘܝܲܗ̣̄ܒܹܿܗ ܠܡܵܘܬܵܐ ܡܸܫܟܵܢܵܐ 167 ܘܐܲܗܸܠ ܘܲܓܼܚܸܟ ܥܲܠ ܫܸܦܠܹܗ ܀ 168 :ܗܵܐ ܫܘܼܪܵܝܹܗ ܕܲܚܣܵܡܵܐ 169 ܝܵܕܼܘܿܥܵܐ ܩܪܝܼ ܘܐܸܣܬܲܟܲܠ. 170 :ܚܙܝܼ ܢܼܟܼܠܹܗ ܘܝܲܠܲܦ ܥܸܠܬܹܗ 171 :ܕܡ̇ܢܵܐ ܣܥ݂ܲܪ ܡ̣ܢ ܫܘܼܪܵܝܵܐ 172 :ܒܗܵܘܢܵܐ ܩܪܝܼ ܒܵܗ̇ ܒܬܲܫܥܝܼܬܹܗ 173 ܘܗܵܐ ܡܸܣܬܲܟܿܠܲܬܿ ܨܸܢ̈ܥܵܬܹܗ. 174 :ܒܒܼܘܼܝܵܢܵܐ ܫܡܲܥ ܣܘܼܥܪܵܢܹܗ 175 ܘܗܵܐ ܩܵܝ̇ܡܲܬܿ ܥܲܠ ܟܲܣ̈ܝܵܬܹܗ ܀ pb. 227 176 :ܚܲܒܸܿܠ ܦܲܐܝܘܼܬܼ ܬܘܼܩܵܢܹܗ 177 ܕܐܘܼܡ̇ܢܵܐ ܕܨܲܒܸܿܬܼ ܟܠܵܐ. 178 :ܘܲܗ̣ܦܲܟ ܨܲܚܝܹܗ ܐܲܝܟ ܒܝܼܫܵܐ 179 ܕܡ̣ܢ ܒܝܼܫܘܼ ܟܠ̣ܵܐ ܚܸܟܼ̈ܡܵܬܹܗ ܀ 180 :ܐܵܘܥܝܼ ܡܸܪܲܬܼ ܒܝܼ̈ܫܵܬܼܵܐ 181 ܘܐܲܒܲܥ ܣܸܓܼܕܲܬܼ ܐܲܠܵ̈ܗܹ̈ܐ. 182 :ܘܨܲܚܝܼ ܠܐܝܼܬܼܝܵܐ ܒܬܼܘܼܩܵܢܹܗ 183 ܕܐܲܝܟ ܠܵܐ ܓܡܝܼܪܵܐ ܐܸܬܿܬܲܩܲܢ ܀ 184 :ܗܵܐ ܫܲܬܸܐܣܬܼܵܐ ܕܒܸܢܝܵܢܹܗ 185 ܕܲܢܟܼܝܼܠܵܐ ܦܵܥܠܵܐ ܕܙܹܐܦܵܐ. 186 :ܚܙܵܘ ܒܲܢܵܝܹ̈ܐ ܕܲܫܪܵܪܵܐ 187 ܥܪܘܿܩܘ ܡ̣ܢ ܒܝܼܫܘܼܬܼ ܦܘܼܠܚܵܢܹܗ ܀ 188 :ܗܵܐ ܐܵܬܹ̈ܘܵܬܼܵܐ ܕܗܸܓܼܝܵܢܹܗ 189 ܕܪܲܒܵܐ ܣܲܟܼܠܵܐ ܕܣܸܡܵܠܵܐ. 190 :ܚܘܼܪܘ ܬܲܠܡܝܼܕܼ̈ܐ ܕܝܲܡܝܼܢܵܐ 191 ܠܵܐ ܬܸܬܼܗܲܓܿܘܿܢ ܣܲܟܼܠܑܵܝܼܬܼ ܀ 192 :ܗܵܐ ܟܵܣܵܐ ܕܡܸܪܲܬܼ ܡ̇ܘܬܹܿܗ 193 ܕܡܲܕܲܟ ܘܐܲܫܩܝܼ ܠܲܟܼܝܵܢܲܢ. 194 :ܠܵܐ ܐ̄ܢܵܫ ܫܵܩܘܼܬܹܗ 195 ܕܠܑܵܐ ܢܸܬܼܚܲܒܲܠ ܡ̣ܢ ܡ̇ܘܬܵܐ ܀ 196 :ܗܵܐ ܐܘܼܪܚܵܐ ܦܬܼܝܼܬܼܵܐ ܕܲܕܼܪܲܫ 197 ܒܨܸܢܼ̈ܥܵܬܹܗ ܩܵܛܸܠ ܐ̄ܢܵܫܵܐ. 198 :ܚܙܵܘ ܠܵܐ ܬܸܪܕܿܘܿܢ ܒܲܠܘܝܼܬܹܗ 199 ܚܵܙܩܲܝ̈ ܒܐܘܼܪܚܵܐ ܕܐܲܠܝܼܨܵܐ ܀ 200 :ܗܵܐ ܓܠ̣ܵܐ ܠܵܟ ܣܵܦܪܵܐ ܕܪܘܼܚܵܐ 201 ܪܸܥܝܵܢܵܐ ܒܥܵܬܼܵܐ ܕܲܒܼܥ݂ܲܝܬܿ. 202 :ܪܕܼܝܼ ܒܹܝܬܼ ܚܘܼܩܹ̈ܐ ܕܲܟܼܬܼܵܒܹ̈ܐ 203 ܠܘܼܩܒܲܠ ܢܝܼܫܵܐ ܕܲܬܼܪܲܨ ܠܵܟ ܀ 204 :ܠܒܲܫ ܙܲܝܢܵܐ ܕܡܸܠܲܬܼ ܩܘܼܫܬܵܐ 205 ܘܐܸܬܼܟܲܬܲܫ ܪܘܼܚܵܢܵܐܝܼܬܼ. 206 :ܘܲܫܕܼܝܼ ܡܸܠܹ̈ܐ ܚܠܵܦ ܓܹܐܪܹ̈ܐ 207 ܒܣܸܕܼܪܹ̈ܐ ܢܟܼܝܼܠܹ̈ܐ ܕܲܚܣܵܡܵܐ ܀ 208 :ܡܲܕܲܟ ܐܘܼܟܼܠܵܐ ܪܘܼܚܵܢܵܐ 209 ܠܪܸܥܝܵܢܵܐ ܕܲܕܠܲܚ ܒܝܼܫܵܐ. 210 :ܘܦܲܟܲܗ ܡܸܪܲܬܼ ܒܝܼ̈ܫܬܼܵܐ 211 ܒܚܲܠܝܘܼܬܼܵܐ ܕܩܵܠ ܦܸܬܼܓܼܵܡܲܝ̈ܟ ܀ 212 :ܫܲܝܸܢ ܐܸܢܘܿܢ ܠܲܪ̈ܓܼܝܼܙܹܐ 213 ܒܡܸܠܲܬܼ ܫܲܝܢܵܐ ܕܫܲܝܸܢ ܟܠ. 214 :ܘܲܩܪܝܼ ܐܸܢܘܿܢ ܠܐܵܘܝܘܼܬܼܵܐ 215 ܕܚܸܙܩܲܬ̤ ܚܘܼܒܵܐ ܕܲܒܼܪܝܼܬܼܵܐ ܀ 216 :ܠܲܒܸܿܒܼ ܐܸܢܘܿܢ ܠܲܡܥܵܩܹ̈ܐ 217 ܒܫܘܼܕܵܝܵܐ ܕܡܲܠܟܿܘܼܬܼ ܪܵܘܡ̇ܐ. 218 :ܘܲܬܼܢܝܼ ܐ̄ܢܘܿܢ ܗܵܝ̇ ܒܲܪܬܼ ܩܵܠܵܐ 219 ܕܡܲܢ ܕܲܡܣܲܝܒܲܪ ܗܘ̤ ܢܸܚܸܐ ܀ 220 :ܩܪܝܼ ܠܲܩܛܝܼܠܲܝ̈ ܒܲܚܣܵܡܵܐ 221 ܦܵܣܘܿܩܵܐ ܕܡܵܘܬܹܿܗ ܕܗܵܒܹܝܠ. 222 :ܘܐܲܫܡܲܥ ܐܸܢܘܿܢ ܒܲܪܬܼ ܩܵܠܵܐ 223 ܕܲܕܼܡ̇ܐ ܕܓܼܵܥܹ̇ܐ ܡ̣ܢ ܐܲܪܥܵܐ ܀ 224 :ܦܬܲܚ ܒܹܝܬܼ ܐܲܪ̈ܟܹ̇ܐ ܕܡܲܠܟܿܘܼܬܼܵܐ 225 ܘܲܩܪܝܼ ܒܲܓܼܙܵܪ̈ܲܝ ܕܝܼܢܹ̈ܐ. 226 :ܘܚܵܘܵܐ ܬܒܲܥܬܼܵܐ ܕܩܵܛܘܿܠܹ̈ܐ 227 ܕܲܪܫܝܼܡܵܐ ܒܩܲܢܝܵܐ ܕܡܲܠܟܵܐ ܀ 228 :ܦܘܿܩ ܠܲܦܩܲܥܬܼܵܐ ܥܲܡ ܐܲܚܹ̈ܐ 229 ܘܲܚܙܝܼ ܚܣܵܡܵܐ ܟܲܕܸ ܢܵܨܲ݁ܚ. 230 :ܘܲܡܣܲܝܲܥ ܠܵܗ̇ ܠܙܵܟܼܘܼܬܹܗ 231 ܝܲܨܪܵܐ ܢܟܼܝܼܠܵܐ ܕܡܲܪ̈ܵܚܹܐ ܀ 232 :ܡܸܟܵܐ ܝܼܠܲܦ ܨܸܢ̈ܥܵܬܹܗ 233 ܘܥܲܡܝܼܩܘܼܬܼ ܦܲܚܹ̈ܐ ܕܢܸܟܼܠܹܗ. 234 ܘܛܲܝܸܒܼ ܦܘܼܪ̈ܣܹܐ ܩܲܛܝܼܢܹ̈ܐ: pb. 228 235 ܕܲܡܦܲܪܣܹܝܢ ܟܲܣܝܘܼܬܼ ܢܸܟܼܠܵܘ̈ܗܝ ܀ 236 :ܐܸܣܟܹܿܡܵܐ ܕܚܘܼܒܵܐ ܠܒܸܫ̣ ܗ̄ܘ̣ܵܐ 237 ܚܣܵܡܵܐ ܘܐܲܩܪܸܒܼ ܥܲܡ ܗܵܒܹܝܠ. 238 :ܒܐܵܬܼܵܐ ܕܫܲܝܢܵܐ ܐܲܛܥܝܼ ܒܹܗ 239 ܘܐܲܦܩܹܗ ܠܚܘܼܪܒܵܐ ܠܘܵܬܼ ܩܸܛܠܵܐ ܀ 240 :ܫܘܼܦܪܵܐ ܦܲܪܝܵܐ ܕܢܸܨܚܵܢܵܘ̈ܗܝ 241 ܚܙ̣ܵܐ ܘܲܒܸܫ̣ܬܹܗ ܟܲܪܝܘܼܬܼܵܐ. 242 :ܕܗܘ̤ ܣܲܢܝܵܐ ܗ̄ܘ̣ ܘܠܵܐ ܪܓܼܝܼܓܼ ܢܸܚܙ̣ܐ 243 ܐܲܝܢܵܐ ܕܫܲܦܝܼܪ ܪܸܥܝܵܢܹܗ ܀ 244 :ܦܹܐܪܵܐ ܕܩܸܛܠܵܐ ܐܵܘܥܝܼ ܒܵܗ̇ 245 ܚܣܵܡܵܐ ܒܐܲܪܥܵܐ ܕܠܵܘ̈ܛܵܬܼܵܐ. 246 :ܘܒܲܟܲܪ ܒܐܝܼܕܼܵܗ̇ ܣܘܼܥܪܵܢܵܐ 247 ܪܓܼܙܵܪ ܕܝܼܢܵܐ ܕܐܝܼܠܵܢܵܐ ܀ 248 :ܟܵܣܵܐ ܕܲܕܡ̇ܐ ܡ̣ܙܲܠ ܝܲܗ̣̄ܒܼ ܠܵܗ̇ 249 ܠܡܲܟܼܐܲܒܼܬܵܐ ܘܠܵܐ ܩܲܒܸܿܠܬܹܗ. 250 :ܕܲܟܼܪܝܼܗܵܐ ܗ̄ܘ̣ܵܬܼ ܡ̣ܢ ܢܸܓܼ̈ܕܲܐ 251 ܕܒܸܠܥܲܬ̤ ܒܲܥܒܼܵܪ ܦܘܼܩܕܵܢܵܐ ܀ 252 :ܓܸܥܨܲܬ̤ ܘܲܫܕܵܬܹܗ ܠܲܕܡ̇ܐ 253 ܕܠܵܐ ܡܥܵܕܼܵܐ ܗ̄ܘܵܬܼ ܒܫܵܩܘܼܬܹܗ. 254 :ܐܵܦ ܗܘ̤ ܕܡ̇ܐ ܠܵܐ ܩܵܘܝܼ ܒܵܗ̇ 255 ܕܓܼܥ̣ܵܐ ܘܲܣܠܸ݂ܩ ܡ̣ܢ ܥܘܼܒܵܗ̇ ܀ 256 :ܐܘܿ ܕܡ̇ܐ ܫܲܬܿܝܼܩܵܐ ܕܲܩܥ̣ܵܐ 257 ܩܵܠܵܐ ܕܪܸ̈ܓܼܫܹܐ ܡܲܠܵܠܹ̈ܐ. 258 :ܐܘܿ ܝܲܩܝܼܪܵܐ ܕܐܸܬܼܥܲܠܝܼ 259 ܒܓܸܦܹ̈ܐ ܕܪܘܼܚܵܐ ܠܘܵܬܼ ܪܵܘܡ̇ܐ ܀ 260 :ܐܘܿ ܕܲܩܛܝܼܠ ܘܲܛܡܝܼܪ ܒܐܲܪܥܵܐ 261 ܘܡܲܠܸܠ ܩܵܠܹܗ ܐܲܝܟ ܪܲܥܡܵܐ. 262 :ܐܘܿ ܕܵܡܟܲܣܲܝ ܘܲܡܣܲܬܲܪ 263 ܘܢܲܦܝܼܩ ܒܵܬܲܪ ܩܵܛܘܿܠܹܗ ܀ 264 :ܐܘܿ ܚܣܵܡܵܐ ܣܲܡܝܵܐ ܕܲܬܼܪܹܝܢ 265 ܣܲܡܵܐ ܒܣܲܡܵܐ ܠܣܘܼܥܪ̈ܵܢܵܘܗܝ. 266 :ܘܟܲܕܼ ܣܵܒ݁ܲܪ ܕܲܟܼܣܸܐ ܢܸܟܼܠܹܗ 267 ܓܠ̣ܵܐ ܐܲܝܟ ܫܸܡܫܵܐ ܠܟܹܐܢܘܼܬܼܵܐ ܀ 268 :ܐܘܿ ܢܟܼܝܼܠܵܐ ܕܟܲܕܼ ܡܸܨܛܲܢܲܥ 269 ܡܦܲܪܣܸܐ ܢܲܦ̰ܫܹܗ ܘܠܵܐ ܝܵ̇ܕܲܥ. 270 :ܐܘܿ ܥܪܝܼܡܵܐ ܕܟܲܕܼ ܡܸܬܼܚܲܟܲܡ 271 ܡܚܵܘܸܐ ܓܠܝܼܙܘܼܬܼ ܪܸܥܝܵܢܹܗ ܀ 272 :ܘܩܲܠܹ݂ܗ ܚܣܵܡܵܐ ܠܬܲܡܝܼܡܵܐ 273 ܘܟܲܣܝܹܗ ܒܢܲܚܬܵܐ ܕܨܸܢ̈ܥܵܬܼܵܐ. 274 :ܘܲܓܼܠ̣ܵܘ ܪܸܡܙܵܐ ܝܵ̇ܕܲܥ ܟܠ 275 ܠܬܲܚܦܝܼܬܼܵܐ ܕܲܨܢܝܼܥܘܼܬܹܗ ܀ 276 :ܦܲܪܣܝܼ ܘܲܓܼܠ̣ܵܗ̇ ܠܣܲܢܝܘܼܬܹܗ 277 ܒܲܓܼܙܵܪ ܕܝܼܢܹܗ ܕܩܵܛ̇ܘܿܠܵܐ. 278 :ܘܚܵܘܝܵܗ̇ ܠܕܼܵܪܹ̈ܐ ܘܫܲܪ̈ܒܼܵܬܼܵܐ 279 ܠܲܬܼܒܲܥܬܼܵܐ ܕܥܵܘ̇ܠܘܼܬܹܗ ܀ 280 :ܬܵܘ ܐܸܬܼܒܲܩܵܘ ܚܲܣܵܡܹ̈ܐ 281 ܒܓܼܘܼܢܚܹܗ ܪܲܒܵܐ ܕܲܚܣܵܡܵܐ. 282 :ܕܐܸܫܲܕܼ ܠܲܕܼܡ̇ܐ ܙܲܟܵܝܵܐ 283 ܘܟܲܣܝܹܗ ܡ̣ܢ ܝܵ̇ܕܲܥ ܟܠܵܐ ܀ 284 :ܬܵܘ ܣܵܢ̈ܐܹܐ ܕܣܵܢܹ̇ܝܢ ܡܲܓܵܢ 285 ܠܐܲܚܲܝ̈ܗܘܿܢ ܒܲܕܼܡܘܼܬܼ ܩܵܐܹܝܢ. 286 :ܘܲܫܡܲܥܘ ܠܲܕܼܡ̇ܐ ܕܲܡܡܲܠܸܠ 287 ܘܥܵܢܹ̇ܐ ܠܹܗ ܪܸܡܙܵܐ ܟܲܣܝܵܐ ܀ 288 :ܬܵܘ ܐܸܬܼܒܲܩܵܐ ܒܲܬܼܒܲܥܬܹܗ 289 ܕܩܵܛ̇ܘܿܠܵܐ ܕܲܩܛ݂ܲܠ ܡܲܓܵܢ. 290 :ܘܣܲܒܼܘ ܬܲܚܘܝܼܬܼܵܐ ܕܟܹܐܢܘܼܬܼܵܐ 291 ܕܲܟܼܡܵܐ ܠܚܝܼܡܵܐ ܠܩܵܛܘܿܠܹ̈ܐ ܀ pb. 229 292 :ܢܸܗܘܘܿܢ ܢܸܓܼܕܵܘ̈ܗܝ ܕܲܢܟܼܝܼܠܵܐ 293 ܬܲܚܘܝܼܬܼܵܐ ܠܝܲܨܪܵܐ ܒܝܼܫܵܐ. 294 :ܕܠܵܐ ܗ̄ܘ̣ܵܐ ܪܵܗܹ̇ܛ ܚܲܪܡ̇ܐܝܼܬܼ 295 ܒܲܫܒܼܝܼܠܹ̈ܐ ܕܩܵܛܘܿܠܘܼܬܼܵܐ ܀ 296 :ܐܲܝܟ ܡܲܚܙܝܼܬܼܵܐ ܢܗܘܘܿܢ ܠܹܗ 297 ܫܲܒܼܥܵܐ ܢܸܓܼ̈ܕܹܿܐ ܕܥܲܠ ܩܵܐܹܝܢ. 298 :ܘܢܸܚܙܸܐ ܩܢܘܿܡܹܗ ܟܲܣܝܵܐܝܼܬܼ 299 ܒܙܵܘܥܵܐ ܘܢܵܘܕܵܐ ܕܥܲܠ ܦܲܓܼܪܹܗ ܀ 300 :ܢܹܐܡܲܪ ܪܸܥܝܵܢܵܐ ܠܝܲܨܪܵܐ 301 ܕܲܚܙܝܼ ܠܵܐ ܬܸܚܣܘܿܡ ܡܲܓܵܢ. 302 :ܕܠܵܐ ܬܸܬܼܚܲܝܲܒܼ ܒܲܬܼܒܲܥܬܼܵܐ 303 ܫܒܲܥ ܒܲܫܒܲܥ ܫܲܒܼܥܝܼܢ ܙܲܒܼܢܝܼ̈ܢ ܀ 304 :ܢܸܣܢܹܐ ܟܠܢܵܫ ܠܲܚܣܵܡܵܐ 305 ܕܲܚܣܵܡܵܐ ܡ̇ܘܠܸܕܼ ܩܸܛܠܵܐ ܗ̄ܘ̣. 306 :ܘܢܸܥܪܘܿܩ ܟܠܢܵܫ ܡ̣ܢ ܩܸܛܠܵܐ 307 ܕܩܸܛܠܵܐ ܬܒܲܥܬܹܗ ܡܲܪܝܼܪܵܐ ܗ̄ܝܼ ܀ 308 :ܚܣܵܡܵܐ ܗ̄ܘ̣ ܥܸܩܵܪܹܗ ܕܩܸܛܠܵܐ 309 ܘܡ̣ܢ ܬܲܡ̇ܢ ܫܵܘ̇ܚܝܼܢ ܥܵܘܦܵܘ̈ܗܝ. 310 :ܘܐܲܝܢܵܐ ܕܐܵܟܹ̇ܠ ܡ̣ܢ ܦܹܐܪ̈ܵܘܗܝ 311 ܦܵܪܚܵܐ ܒܹܗ ܡܸܪܲܬܼ ܡ̇ܘܬܵܐ ܀ 312 :ܚܣܵܡܵܐ ܫܵܪܹܒܼ ܒܲܒܼܪܝܼܬܼܵܐ 313 ܩܸܛܠܵܐ ܚܲܕܼܬܼܵܐ ܘܫܲܪܘܵܝܵܐ. 314 :ܘܫܲܪܝܼܘ ܪܵܕܹܝܢ ܚܲܣܵܡܹ̈ܐ 315 ܒܥܸܩ̈ܒܼܵܬܹܗ ܒܚܲܕܼ ܪܸܥܝܵܢܵܐ ܀ 316 :ܚܣܵܡܵܐ ܬܪܲܨ ܢܝܼܫܵܐ ܢܟܼܝܼܠܵܐ 317 ܠܡܹܐܫܲܕܼ ܠܲܕܼܡ̇ܐ ܙܲܟܵܝܵܐ. 318 :ܘܐܲܠܸܦ ܐܸܢܘܿܢ ܠܲܢܟܼܝܼܠܹ̈ܐ 319 ܠܸܡܫܕܵܐ ܒܩܸܫܬܵܐ ܕܨܸܢ̈ܥܵܬܼܵܐ ܀ 320 :ܗܘ̤ ܥܵܘܪܹܗ ܠܢܘܼܗܪܵܐ ܕܢܲܦ̰ܫܵܐ 321 ܘܣܲܡܝܼ ܠܙܵܘܥܹ̈ܐ ܕܪܸܥܝܵܢܵܐ. 322 :ܘܲܚ̣ܫܸܟ ܟܠܹܗ ܒܲܪܢܵܫܵܐ 323 ܡ̣ܢ ܢܘܼܗܪܵܐ ܕܦܵܪܘܿܫܘܼܬܼܵܐ ܀ 324 :ܗܘ̤ ܥܲܒܼܕܵܗ̇ ܠܲܡܠܲܝܼܠܘܼܬܼܵܐ 325 ܒܲܕܼܡܘܼܬܼ ܪ̈ܲܚܫܵܐ ܕܠܵܐ ܡܸܠܬܼܵܐ. 326 :ܘܲܛ̣ܥܵܐ ܝܲܨܪܵܐ ܦܵܪܘܿܫܵܐ 327 ܚܸܟܼ̈ܡܵܬܼܵܐ ܕܲܡܠܝܼܠܘܼܬܹܗ ܀ 328 :ܚܣܵܡܵܐ ܙܲܝܢܹܗ ܠܪܸܥܝܵܢܵܐ 329 ܕܢܸܬܼܟܲܬܲܫ ܥܲܡ ܚܲܒܿܝܼܒܼܵܘ̈ܗܝ. 330 :ܘܠܵܐ ܐܲܪܓܸܿܫ ܩܢܹܐ ܒܘܼܝܵܢܵܐ 331 ܟܲܕܼ ܚܵܪܹܒܼ ܠܲܟܼܢܵܘܵܬܹ̈ܗ ܀ 332 :ܒܙܲܝܢܹܗ ܙܵܟܹ̇ܝܢ ܚܲܣܵܡܹ̈ܐ 333 ܘܚܵܣܢ̇ܝܼܢ ܣܸܕܼܪܹ̈ܐ ܕܟܹܐܢܘܼܬܼܵܐ. 334 :ܘܲܒܼܠܸܠܝܵܐ ܕܥܲܡܘܼܛܘܼܬܹܗ 335 ܫܵܕܹ̇ܝܢ ܓܹܐܪܹ̈ܐ ܒܢܲܗܝܼܪܵܐ ܀ 336 :ܗܘ̤ ܡܚܲܟܸܿܡ ܠܹܗ ܠܚܲܣܵܡܵܐ 337 ܠܡܹܐܚܲܕܼ ܕܵܪܵܐ ܥܲܡ ܩܘܼܫܬܵܐ. 338 :ܘܡܲܠܸܦ ܠܹܗ ܙܢܲܝ̈ ܬܲܟܼܬܿܘܼܫܵܐ 339 ܕܢܸܬܼܟܲܬܲܫ ܒܐܸܣܟܹܿܝܡ ܚܘܼܒܵܐ ܀ 340 :ܒܐܸܣܟܹܿܝܡ ܚܘܼܒܵܐ ܡܸܬܼܟܲܬܲܫ 341 ܚܲܣܵܡܵܐ ܐܲܝܟ ܛܲܢܵܢܵܐ. 342 :ܘܟܲܕܼ ܗܘ̤ ܣܵܢܐܵܐ ܗ̄ܘ̣ ܕܲܫܪܵܪܵܐ 343 ܛܵܐܹ̇ܝܢ ܐܲܝܟ ܪܵܚܹ̇ܡ ܫܲܝܢܵܐ ܀ 344 :ܠܒܼܷܝܼܫ ܠܹܗ ܛܢܵܢܵܐ ܠܚܲܣܵܡܵܐ 345 ܐܲܝܟ ܬܵܒܼܘܿܥܵܐ ܕܘܵܠܝܼܬܼܵܐ. 346 :ܘܲܡܚܵܘܸܐ ܛܢܵܢܹܗ ܒܙܹܐܦܵܐ 347 ܘܣܵܬܲ݁ܪ ܟܠܢܵܫ ܘܵܠܝܼܬܼܵܐ ܀ 348 :ܩܢܸܐ ܪܘܼܓܼܙܵܐ ܕܠܵܐ ܬܲܪܥܘܼܬܼܵܐ 349 ܠܘܼܩܒܲܠ ܫܸܡܥܵܐ ܕܛܵܒܼܵܬܼ̈ܐ. 350 :ܘܟܲܕܼ ܠܵܐ ܛܠܝܼܡ ܡ̣ܢ ܨܹܝܕܼ ܛܵܒܼܵܐ 351 ܩܵܒܹ̇ܠ ܟܠܢܵܫ ܘܲܡܪܲܛܸܢ ܀ 352 :ܐܵܪܵܐ ܣܵܢ̇ܠܵܐ ܕܟܹܐܢܘܼܬܼܵܐ 353 ܡܵܢ ܢܵܨܹ̇ܝܬܿ ܥܲܡ ܫܲܪܝܼܪܹ̈ܐ. 354 ܡܵܢܵܐ ܚܛ̣ܵܘ ܠܵܟ ܬܲܡܝܼܡܹ̈ܐ: pb. 230 355 ܕܐܵܟܲܠܲܬܿ ܟܠܢܵܫ ܩܲܪ̈ܨܲܝܗܘܿܢ ܀ 356 :ܐܵܪܵܐ ܣܲܡܝܵܐ ܕܨܸܒܼܝܵܢܵܐ 357 ܡ̇ܢ ܡܸܬܼܟܲܬܿܫܲܬܿ ܥܲܡ ܢܘܼܗܪܵܐ. 358 :ܡ̇ܢܵܐ ܣܲܓܿܦܘܼܗ̇ ܠܣܲܡܝܘܼܬܼܵܟ 359 ܙܲܠܝܼܩܹ̈ܐ ܕܦܲܐܝܘܼܬܼ ܢܘܼܗܪܹܗ ܀ 360 :ܐܸܢܗܘ̤ ܕܓܲܠ̣ܙܵܟ ܨܸܒܼܝܵܢܵܟ 361 ܡ̣ܢ ܩܘܼܫܬܵܐ ܢܘܼܗܪܵܐ ܕܲܬܼܪܹܝܢ. 362 :ܡ̇ܢ ܡܸܬܼܥܲܕܿܠܲܬܿ ܣܲܟܼܠܵܐܝܼܬܼ 363 ܟܲܕ ܠܵܐ ܛܠܝܼܡܲܬܿ ܡ̣ܢ ܢܘܼܗܪܵܐ ܀ 364 :ܒܝܼܫܘܼܬܼܵܟ ܐܸܚܕܲܬ̤ ܬܲܪܥܵܐ 365 ܒܐܲܦܲܝ̈ ܢܘܼܗܪܵܐ ܕܒܼܵܒܼܵܬܼܵܟ. 366 :ܘܐܲܢ̄ܬܿ ܗ̄ܘ̣ ܓܠܲܙ̣ܬܵܝܗܝ ܠܲܩܢܘܿܡ̇ܟ 367 ܡ̣ܢ ܢܘܼܗܪܵܐ ܕܙܲܕܼܝܼܩܘܼܬܼܵܐ ܀ 368 :ܠܲܝܬܿ ܥܸܠܬܼܵܐ ܠܲܢܟܼܝܼܠܘܼܬܼܵܟ 369 ܕܡܸܛܠ ܡ̇ܢܵܐ ܚܵܣܹ̇ܡ ܐܲܢ̄ܬܿ. 370 :ܕܐܵܦ ܗܝ̤ ܥܸܠܵܬܼܵܟ ܠܵܘ ܥܸܠܬܼܵܐ ܗ̄ܝܼ 371 ܐܸܠܵܐ ܐ̄ܣܟܹܿܝܡܵܐ ܕܲܓܵܠܵܐ ܀ 372 :ܘܕܹܐܚܵܘܹܝܟ ܕܐܹܝܢ ܕܲܓܵܠ ܐܲܢ̄ܬܿ 373 ܘܕܿܓܵܠܵܐܝܼܬܼ ܩܵܒܹ̇ܠ ܐܲܢ̄ܬܿ. 374 :ܡ̣ܢ ܣܘܼܥܪ̈ܵܢܹܐ ܡܲܝܬܸܿܐ ܐ̄ܢܵܐ 375 ܬܲܚܘܝܼܬܼܵܐ ܠܛܵܠܘܿܡܘܼܬܼܵܟ ܀ 376 :ܡ̇ܢܲܐ ܗ̄ܝܼ ܥܸܠܬܼܵܐ ܕܲܣܢ̣ܲܝܬܵܝܗܝ 377 ܕܢܵܘܣܵܐ ܙܲܗܝܵܐ ܕܓܸܠܝܵܢܹ̈ܐ ܀ 378 :ܐܸܡܲܬܼܝ ܨܲܚܝܵܟ ܐܲܝܟ ܕܐܲܢ̄ܬܿ ܠܹܗ 379 ܘܐܲܝܟܵܐ ܓܲܢܝܵܟ ܒܲܕܼܡܘܼܬܼܵܟ. 380 :ܐܸܡܲܬܼܝ ܦܲܪ̣ܥܵܟ ܟܹܐܢܵܐܝܼܬܼ 381 ܚܘܼܒܼܠܹ̈ܐ ܒܝܼܫܹ̈ܐ ܕܐܵܘܙܸܦܬܵܝܗܝ ܀ 382 :ܚܵܘܵܐ ܒܓܸܠܝܵܐ ܡ̇ܢ ܛܲܠ̣ܡܵܟ 383 ܘܗܵܐ ܐܝܼܬܼ ܐܲܬܼܪܵܐ ܠܲܪܛܘܼܢܝܵܟ. 384 :ܘܐܲܝܬܵܐ ܣܵܗ̈ܕܹܿܐ ܕܲܡܚܲܬܿܡܝܼܢ 385 ܠܐܸܫܛܵܪܵܐ ܕܕܿܓܵܠܘܼܬܼܵܟ ܀ 386 :ܚܵܣ ܕܹܝܢ ܠܵܐ ܬܸܗܘܸܐ ܗܵܕܹܐ 387 ܕܙܹܐܦܵܟ ܢܸܙܟܸܿܐ ܠܲܫܪܵܪܐ. 388 :ܠܲܝܬܿ ܠܵܟ ܥܸܠܬܼܵܐ ܣܵܪܘܿܚܵܐ 389 ܒܵܬܲܪ ܓܲܒܵܐ ܕܫܲܪܝܼܪܹ̈ܐ ܀ 390 :ܡܲܓܵܢ ܚܵܣ̇ܡܲܬܿ ܒܲܬܼܪ̈ܝܼܨܹܐ 391 ܟܲܕܼ ܠܵܐ ܣܲܓܿܦܘܼܗ̇ ܠܒܼܝܼܫܘܼܬܼܵܟ. 392 :ܕܠܵܐ ܥܸܠܬܼܵܐ ܛܵܢܲܬܿ ܟܠܫܵܥ 393 ܘܕܼܵܠ̇ܚܲܬܿ ܫܲܝܢܵܐ ܕܡܲܟܿܝܼܟܹ̈ܐ ܀ 394 :ܝܲܨܪܵܐ ܒܝܼܫܵܐ ܡܓܲܪܸܐ ܠܵܟ 395 ܒܬܸܓܼܡܵܐ ܕܪ̈ܵܚܡܲܝ ܟܹܐܢܘܼܬܼܵܐ. 396 :ܘܲܒܼܣܲܝܦܵܐ ܕܡܹܐܟܲܠܩܲܪܨܵܐ 397 ܚܵܝ̇ܪܒܲܬܿ ܣܸܕܼܪܹ̈ܐ ܕܝܲܡܝܼܢܵܐ ܀ 398 :ܠܗܵܒܹܝܠ ܓܠܲܝ̣ܙܬܵܝܗܝ ܡ̣ܢ ܚܲܝܹ̈ܐ 399 ܕܠܵܐ ܢܸܙܪܘܿܥ ܡܸܠܲܬܼ ܚܲܝܹ̈ܐ. 400 :ܘܲܠܒܲܪ ܪܵܚܹܝܠ ܙܲܒܸܿܢܬܵܝܗܝ 401 ܕܠܵܐ ܬܵܘܥܸܐ ܚܹܐܪܘܼܬܼ ܢܲܦ̰ܫܹܗ ܀ 402 :ܠܝܲܥܩܘܿܒܼ ܛܪܲܕܬܵܝܗܝ ܡ̣ܢ ܥܘܼܡܪܵܐ 403 ܕܐܲܒܼܵܗܵܘ̈ܗܝ ܠܐܲܬܼܪܵܐ ܐ̄ܚܪܹܢܵܐ. 404 :ܘܠܲܒܼܪܹܗ ܕܝܲܥܩܘܿܒܼ ܫܲܢܝܼܬܵܝܗܝ 405 ܡ̣ܢ ܐܲܚܵܘ̈ܗܝ ܠܒܹܝܬܼ ܡܸܨܪ̈ܵܝܹܐ ܀ 406 :ܠܐܝܼܘܿܒܼ ܦܵܥܠܵܐ ܟܲܫܝܼܪܵܐ 407 ܕܦܵܠܲ݁ܚ ܗ̄ܘ̣ܵܐ ܒܟܲܪܡ̇ܐ ܕܩܘܼܫܬܵܐ. 408 :ܫܲܠܲܚܬܵܝܗܝ ܡ̣ܢ ܡܲܪ̈ܗܵܛܵܘܗܝ 409 ܘܡ̣ܢ ܪܘܼܟܵܒܼܵܐ ܕܗܲܕܵܡ̇ܘ̈ܗܝ ܀ pb. 231 410 :ܐܲܢ̄ܬܿ ܗ̄ܘ̣ ܐܲܫܒܿܝܼܬܿ ܩܸܢܝܵܢܹܗ 411 ܘܐܲܢ̄ܬܿ ܪܲܦܝܼܬܿ ܪܘܼܟܵܒܼ. 412 :ܒܡܸܠܟܵܟ ܨܲܚܘܼܗܝ ܚܲܒܿܝܼܒܼܵܘ̈ܗܝ 413 ܘܲܗܘ̤ܵܐ ܣܵܢ̇ܐܵܐ ܠܩܲܪ̈ܝܼܒܼܵܘܗܝ ܀ 414 :ܡܲܢ ܠܵܐ ܢܸܥܪܘܿܩ ܡ̣ܢ ܢܸܩܦܵܟ 415 ܚܣܵܡܵܐ ܣܵܢܵܐܵܐ ܕܚܲܒܿܝܼܒܼܵܘ̈ܗܝ. 416 :ܡܲܢ ܠܵܐ ܢܸܣܢܸܐ ܥܸܢܝܵܢܵܟ 417 ܣܵܬܼܘܿܪܵܐ ܕܫܲܦܝܼܪ̈ܵܬܼܵܐ ܀ 418 :ܡܲܢ̣ܘܼ ܕܲܡܣܸܐ ܐܲܟܼܘܵܬܼܵܟ 419 ܘܡܲܢ̣ܘ ܕܲܚܪܸܫ ܒܲܕܸܡܘܼܬܼܵܟ. 420 :ܕܢܲܗܝܼܪܵܐ ܠܵܟ ܚܸܫܘܿܟܼܵܝܐ ܗ̄ܘ̣ 421 ܘܫܸܡܥܵܐ ܬܪܝܼܨܵܐ ܢܟܼܝܼܠܘܼܬܼܵܐ ܀ 422 :ܚܵܙܹ̇ܝܬܿ ܡܸܚܙܵܐ ܘܠܵܐ ܚܵܙܹ̇ܝܬܿ 423 ܘܨܵܝ̇ܬܲܬ ܫܸܡܥܵܐ ܕܠܵܐ ܣܘܼܟܵܠ. 424 :ܘܲܠܛܵܒܼܵܐ ܩܵܪܹ̇ܝܬܿ ܒܝܼܫܵܐ 425 ܘܲܠܒܼܝܼܫܵܐ ܡܟܲܢܹܝܬܿ ܛܵܒܼܵܐ ܀ 426 :ܠܲܝܬܿ ܦܸܚܡܵܐ ܒܟܼܠ ܡ̇ܐ ܕܒܼܝܼܫܵܐ ܗ̄ܘ̣ 427 ܕܣܵܠܹ̇ܩ ܠܘܼܩܒܲܠ ܒܝܼܫܘܼܬܵܟ. 428 :ܕܗܵܦܟܲܬܿ ܚܲܠܝܵܐ ܠܡܲܪܝܼܪܵܐ 429 ܘܡܲܡܲܪ ܐܲܢ̄ܬܿ ܚܲܠܝܘܼܬܼ ܩܘܼܫܬܵܐ ܀ 430 :ܠܲܝܬܿ ܥܲܡܵܐ ܕܠܵܐ ܦܲܠܸܓܼܬܵܝܗܝ 431 ܒܚܸܪܝܵܢܵܐ ܕܚܲܕܼ ܥܲܠ ܚܲܒܼܪܹܗ. 432 :ܘܠܲܝܬܿ ܡܲܠܟܿܘܼܬܼܵܐ ܕܲܫܒܲܩ̣ܬܵܗ̇ 433 ܕܲܬܼܩܵܘܸܐ ܒܫܲܝܢܵܐ ܚܲܕܼ ܝܘܿܡ ܀ 434 :ܣܲܕܸܿܩܬܿ ܠܢܲܚܬܵܐ ܕܐܵܘܝܘܼܬܼܵܐ 435 ܕܲܙܩܝܼܪ ܗ̄ܘ̣ܵܐ ܒܚܘܼܒܵܐ ܕܟܼܠܵܐ. 436 :ܘܲܓܼܠܲܝ̣ܬܵܗ̇ ܠܢܲܟܼܦܘܼܬܼ ܐ̄ܢܵܫܵܐ 437 ܘܲܥܒ݂ܲܕܿܬܿ ܐܸܢܘܿܢ ܙܲܠܝܼܠܹ̈ܐ ܀ 438 :ܐܘܿܗ ܡܸܢܵܟ ܕܵܠܲܚ̇ ܫܲܝܢܵܐ 439 ܘܲܡܪܲܦܸܐ ܚܘܼܒܵܐ ܕܟܼܠܵܐ. 440 :ܕܦܲܠܸܓܼܬܿ ܐܸܢܘܿܢ ܠܲܫ̈ܘܲܝܵܐ 441 ܠܲܡ̈ܢܵܘܵܬܼܵܐ ܕܟܼܠ ܐܸܣܟܹܿܝܡ ܀ 442 :ܐܘܿܗ ܡܸܢܵܟ ܩܵܛܹ̇ܠ ܐ̄ܢܵܫܵܐ 443 ܘܲܡܛܲܠܸܩ ܚܲܝܹ̈ܐ ܒܡܵܘܬܵܐ. 444 :ܕܲܥ̣ܒܲܕܿܬܿ ܐܸܢܘܿܢ ܠܲܡܠܝܼ̈ܠܹܐ 445 ܡܸܬܼܟܲܬܿܫܲܝ̈ ܥܲܡ ܚܲܝܲܝ̈ܗܘܿܢ ܀ 446 :ܐܵܪܵܐ ܚܲܪܡ̇ܐ ܕܠܵܐ ܪ̈ܲܚܡܹܐ 447 ܡ̇ܢܵܐ ܚܛܵܘܼ ܠܵܟ ܡ̇ܝܘܿܬܹ̈ܐ܀ 448 :ܕܓܲܪܝܼܬܿ ܐܸܢܘܿܢ ܒܲܛܢܵܢܵܐ 449 ܠܡܸܚܪܲܒܼ ܟܠܫܵܥ ܣܸܕܼܪ̈ܲܝܗܘܿܢ ܀ 450 :ܒܓܼܵܢܲܝ̈ܟ ܡܲܠܟܵܐ ܕܟܹܐܢܘܼܬܼܵܐ 451 ܦܪܘܿܩ ܠܲܟܼܝܵܢܲܢ ܚܲܠܵܫܵܐ. 452 :ܕܲܫܒܸܐ ܠܝܲܨܪܹܗ ܡܲܪܝܼܪܵܐ 453 ܘܲܡܫܲܥܒܲܕܼ ܗܘ̤ ܠܲܩܢܘܿܡܹܗ ܀ 454 :ܬܵܝ ܛܲܝܒܿܘܼܬܼܵܐ ܠܐܝܼܵܠܲܢ 455 ܘܩܘܼܡܝ ܒܐܲܦܲܝ̈ܢ ܐܲܝܟ ܕܲܡܥܵܕܲܬܿܝ. 456 :ܕܐܸܢ ܥܘܼܕܪܵܢܹܟܼܝ ܠܵܐ ܡܲܕܼܪܸܟ 457 ܛ̣ܒܲܥ ܠܹܗ ܟܝܵܢܲܢ ܒܲܚܣܵܡܵܐ ܀ 458 :ܦܪܘܿܣܝ ܟܸܢܦܹ̈ܐ ܕܒܲܣܝܼܡܘܼܬܹܟܼܝ 459 ܘܣܲܬܲܪܝ ܓܸܢܣܲܢ ܡ̣ܢ ܝܲܨܪܲܢ. 460 :ܕܗܵܐ ܒܵܥܹ̇ܐ ܕܲܢܒܲܣܒܸܿܣ ܠܲܢ 461 ܒܢܝܼܒܹ̈ܐ ܩ̈ܫܲܝܵܐ ܕܲܚܣܵܡܵܐ ܀ 462 :ܚܣܵܡܵܐ ܥܲܒܼܕܲܢ ܢܘܼܟܼܪ̈ܵܝܹܐ 463 ܠܒܲܝܬܵܝܘܼܬܼܵܐ ܕܥܘܼܕܼܪܵܢܹܟܼܝ. 464 :ܘܗܘ̤ ܐܲܦܩܲܢ ܡ̣ܢ ܝܵܪܬܿܘܼܬܼܵܐ 465 ܕܐܲܩܢܝܼܬܵܢ ܡ̣ܢ ܫܘܼܪܵܝܵܐ ܀ 466 :ܚܣܵܡܵܐ ܙܲܒܿܢܵܗ̇ ܠܚܹܐܪܘܼܬܿܢ 467 ܘܲܗ̤ܘܲܝܢ ܥܲܒܼ̈ܕܹܿܐ ܠܲܚܛܝܼܬܼܵܐ. 468 ܘܗܘ̤ ܐܲܝܬܿܢ ܡ̣ܢ ܪܲܒܿܘܼܬܼܵܐ: pb. 232 469 ܠܘܵܬܼ ܫܸܦܠܵܐ ܕܡ̇ܝܘܿܬܼܘܼܬܼܵܐ ܀ 470 :ܝܲܨܪܵܐ ܡܲܪܝܼܪܵܐ ܚܲܒܼ݂ܫܲܢ 471 ܒܒܹܝܬܼ ܐܲܣܝܼܪܹ̈ܐ ܕܠܵܘ̈ܛܵܬܼܵܐ. 472 :ܘܐܸܚܲܕܼ ܒܐܲܦܲܝ̈ܢ ܣܵܩܘܿܪܵܐ 473 ܕܠܵܐ ܢܸܦܘܿܩ ܡ̣ܢ ܫܘܼܥܒܵܕܹܗ ܀ 474 :ܡܲܢ̣ܘܼ ܕܲܥܘܝܼܪ ܐܲܟܼܘܵܬܲܢ 475 ܡ̣ܢ ܒܘܼܝܵܢܵܐ ܕܘܵܠܝܼܬܼܵܐ. 476 :ܕܲܡܕܲܝܲܪ ܒܲܢ ܩܵܛܘܿܠܲܢ 477 ܘܠܵܐ ܪܓܼܝܼܫܝܼܢܲܢ ܒܲܥܡܘܼܪܝܗ ܀ 478 :ܡܲܢ̣ܘܼ ܕܲܚܪܸܫ ܐܲܝܟ ܐ̄ܢܵܫܵܐ 479 ܘܠܵܬ ܨܵܐܹ̇ܬܼ ܡܸܫܥܵܐ ܕܚܲܝܵܘ̈ܗܝ. 480 :ܕܲܡܓܲܡܲܪ ܝܵܬܹܗ ܟܠܢܵܫ 481 ܒܲܚܣܵܡܵܐ ܕܝܲܨܪܹܗ ܒܝܼܫܵܐ ܀ 482 :ܠܛܝܼܫ ܠܹܗ ܣܲܝܦܵܐ ܕܪܸܥܝܵܢܹܗ 483 ܠܚܲܣܵܡܵܐ ܠܘܼܩܒܲܠ ܢܲܦܫܹܗ ܀ 484 :ܘܡ̇ܐ ܕܲܣܒ݂ܲܪ ܕܲܡܚܵܐ ܚܲܒܼܪܹܗ 485 ܗܦܲܟ̣ ܣܲܝܦܹܗ ܡ̣ܚܵܝܗܝ ܥܲܠ ܠܸܒܹܿܗ ܀ 486 :ܕܣܵܒܲ̇ܪ ܕܲܟܼܢܵܬܹܗ ܩܵܛܹ̇ܠ 487 ܒܝܲܕܼ ܡܲܚ̈ܘܵܬܼܵܐ ܕܠܸܫܵܢܹܗ. 488 :ܘܠܵܐ ܪܓܼܝܼܫ ܕܲܥܠܵܘܗܝ ܡܸܬܼܗܲܦܟܿܝܼܢ 489 ܓܹܐܪܹ̈ܐ ܕܒܲܕܲܪ ܣܸܦ̈ܘܵܬܹܗ ܀ 490 :ܡܓܲܪܸܓܼ ܗܸܪܬܼܵܐ ܒܟܼܠܥܸܕܵܢ 491 ܕܢܸܗܘܸܐ ܐܲܬܼܪܵܐ ܠܲܚܣܵܡܹܗ. 492 :ܘܡܲܣܓܸܿܐ ܡܪܲܟܸܿܒܼ ܥܸܠ̈ܠܵܬܼܵܐ 493 ܕܢܲܝܬܸܿܐ ܠܓܸܠܝܵܐ ܣܘܼܥܪܵܢܹܗ ܀ 494 :ܡܲܪܡܸܐ ܛܢܵܢܵܐ ܠܲܦܫܝܼ̈ܛܹܐ 495 ܐܲܝܟ ܠܸܩܛܵܐ ܩܕܼܵܡ ܦܵܪܲܚܬܼܵܐ 496 :ܘܦܵܪܹܣ ܢܸܫܒܵܘ̈ܗܝ ܩܵܛܘܿܠܹ̈ܐ 497 ܘܲܡܦܲܟܲܪ ܟܠ ܡܘܼܫ̈ܚܵܬܼܵܐ ܀ 498 :ܒܐܸܣܟܹܿܡܵܐ ܕܢܸܟܼܠܵܐ ܡܲܛܥܸܐ 499 ܚܲܣܵܡܵܐ ܒܲܟܼܢܵܘܵܬܹ̈ܗ. 500 :ܘܐܲܝܟ ܡܵܠܹ̇ܝܟ ܫܲܦܝܼܪ̈ܵܬܼܵܐ 501 ܡܚܵܘܸܐ ܢܲܦܫܹܗ ܠܘܵܬܼ ܐ̄ܢܵܫܵܐ ܀ 502 :ܠܒܼܝܼܫ ܟܠܢܵܫ ܟܲܪܝܘܼܬܼ ܢܲܦܫܵܐ 503 ܘܲܡܥܲܛܲܦ ܫܸܡ ܚܵܘܣܵܢܵܐ. 504 :ܘܥܵܢܹ̇ܐ ܫܠܵܡܵܐ ܒܣܸܦܘܵܬܹ̈ܗ 505 ܘܲܠܛܝܼܫ ܣܲܝܦܵܐ ܒܪܸܥܝܵܢܹܗ ܀ 506 :ܡܲܟܼܪܸܐ ܘܚܲܫܝܼܫ ܥܲܠ ܚܲܒܼܪܹܗ 507 ܐܲܝܟ ܚܵܐܹ̇ܣ ܥܲܠ ܗܲܕܵܡܹܗ. 508 :ܘܚܵܐܲ݁ܪ ܕܐܸܡܲܬܼܝ ܢܸܫܟܲܚ ܠܹܗ 509 ܦܸܠܥܵܐ ܠܡܸܓܼܡܲܪ ܨܸܒܼܝܵܢܹܗ ܀ 510 :ܫܵܐܘܿܠ ܕܲܬܼܪܹܝܢ ܢܸܬܼܟܲܢܹܐ 511 ܚܲܣܵܡܵܐ ܕܣܵܢܹ̇ܐ ܠܐܲܚܵܘ̈ܗܝ. 512 :ܕܲܡܒܲܝܲܐ ܗ̄ܘ̣ܵܐ ܟܲܕܼ ܩܵܪܹ̇ܐ 513 ܒܹܪܝ ܕܵܘܝܼܕܼ ܒܲܢܟܼܝܼܠܘܼܬܼܵܐ ܀ 514 :ܕܸܡܥܹ̈ܐ ܕܢܸܟܼܠܵܐ ܡܲܫܦܲܥ ܗ̄ܘ̣ܵܐ 515 ܫܵܐܘܿܠ ܠܘܼܩܒܲܠ ܒܲܪ ܐܝܼܫܲܝ. 516 :ܘܦܘܼܡܹܗ ܡܠܸܐ ܗ̄ܘ̣ܵܐ ܚܸܢ̈ܓܼܵܬܼܵܐ 517 ܘܪܸܥܝܵܢܹܗ ܠܵܛܹ̇ܫ ܣܲܝܦܵܐ ܀ 518 :ܒܣܸܦ̈ܘܵܬܹܗ ܒܹܪܝ ܩܵܪܹܐ ܗ̄ܘ̣ܵܐ 519 ܘܣܵܢܹ̇ܐ ܒܟܲܣܝܘܼܬܼ ܚܘܼܫܵܒܹܗ. 520 :ܠܸܫܵܢܹܗ ܡܬܲܪܓܸܿܡ ܫܲܦܝܼܪ 521 ܘܲܦܬܼܝܼܠ ܡܲܡܠܠܵܐ ܕܪܸܥܝܵܢܹܗ ܀ 522 :ܩܵܪܹܐ ܕܲܗܦܘܿܟ ܠܵܐ ܬܸܕܼܚܲܠ 523 ܒܹܪܝ ܕܵܘܝܼܕܼ ܠܵܐ ܐܲܒܼܐܸܫ ܠܵܟ. 524 :ܘܲܠܛܝܼܫ ܠܹܗ ܡܲܚܫܲܒܼܬܹܗ 525 ܐܲܝܟ ܓܲܢܵܒܼܵܐ ܠܘܵܬܼ ܩܸܛܠܵܐ ܀ 526 :ܡܕܲܡ̈ܥܵܢ ܥܲܝܢܹ̈ܐ ܚܢܝܼܓܼܵܐܝܼܬܼ 527 ܘܩܵܥܹ̇ܐ ܦܘܼܡ̇ܐ ܢܟܼܝܼܠܵܐܝܼܬܼ. 528 :ܟܡܝܼܪ ܦܲܪܨܘܿܦܵܐ ܨܢܝܼܥܵܐܝܼܬܼ 529 ܘܲܡܣܵܘܲܚ ܠܸܒܵܐ ܠܲܕܡܵܐ ܀ 530 :ܪܵܡ̇ܙܝܼܢ ܙܵܘܥܹ̈ܐ ܓܵܘܵܝܹ̈ܐ 531 ܠܪܸ̈ܓܼܫܹܐ ܕܦܲܓܼܪܵܐ ܒܲܪ̈ܵܝܹܐ. pb. 233 532 :ܕܐܲܣܓܵܘ ܘܪܲܟܸܿܒܼܘ ܥܸܠ̈ܠܵܬܼܵܐ 533 ܕܐܸܣܟܲܡܹ̈ܐ ܕܟܲܕܵܒܼܘܼܬܼܵܐ ܀ 534 :ܪܸܥܝܵܢܵܐ ܠܒܼܝܼܒ̣ ܥܲܠ ܩܸܛܠܵܐ 535 ܒܲܕܼܡܘܼܬܼܵܐ ܕܩܲܣܛܘܼܢܵܪܵܐ. 536 :ܘܠܸܫܵܢܵܐ ܡܲܟܿܝ̣ܟ ܩܵܠܹܗ 537 ܐܲܝܟ ܪܵܚ̇ܡܵܐ ܠܘܵܬܼ ܚܲܒܿܝܼܒܹܗ ܀ 538 :ܐܘܿ ܚܣܵܡܵܐ ܟܡܵܐ ܡܲܪܝܼܪ ܐܲܢ̄ܬܿ 539 ܘܠܲܝܬܿ ܦܸܚܡܵܐ ܠܲܢܟܼܝܼܠܘܼܬܼܵܟ. 540 :ܘܥܵܘ̣ܠܵܐ ܕܟܼܠܵܗ̇ ܥܵܡܲܪܬܵܐ 541 ܠܵܐ ܣܵܦܹ̇ܩ ܥܲܡ ܒܝܼܫܘܼܬܼܵܟ ܀ 542 :ܐܘܿ ܢܸܟܼܠܵܐ ܕܲܢܟܼܝܼܠ ܟܠܹܗ 543 ܘܠܲܝܬܼ ܒܹܗ ܕܘܼܟܿܬܼܵܐ ܕܲܦܫܝܼܛܵܐ. 544 :ܐܘܿ ܨܢܝܼܥܵܐ ܕܡܲܕܸܿܐ ܟܠܫܵܥ 545 ܡܸܪܬܼܵܐ ܒܲܕܼܡܘܼܬܼ ܚܲܠܝܘܼܬܼܵܐ ܀ 546 :ܐܘܿ ܟܸܢܵܪܵܐ ܕܲܡܪܲܟܲܒܼ 547 ܒܡܵܢܹ̈ܐ ܕܲܡܼܬܲܚ ܨܸܢ̈ܥܵܬܼܵܐ. 548 :ܐܘܿ ܐܲܒܿܘܼܒܼܵܐ ܪܲܓܿܘܼܙܵܐ 549 ܕܙܵܡܲܪ ܩܵܠܹܗ ܕܣܲܡ ܡ̇ܘܬܵܐ ܀ 550 :ܚܠܸܐ ܘܲܪܓܼܝܼܓܼ ܩܵܠ ܢܸܥ̈ܡܵܬܹܗ 551 ܟܲܕܼ ܙܵܡܲ݁ܪ ܟܲܕܵܒܼܵܐܝܼܬܼ. 552 :ܘܟܲܣܝܵܐ ܒܫܘܼܠܵܡ ܩܝܼܢܵܬܹ̈ܗ 553 ܡܸܪܲܬܼ ܡ̇ܘܬܵܐ ܠܫܵܡܘܿܥܵܘ̈ܗܝ ܀ 554 :ܡܚܲܬܼܚܸܬܼ ܫܸܡܥܵܐ ܕܲܙܡ̇ܪܹܗ 555 ܠܟܼܠ ܐܸܕܼܢܹ̈ܐ ܕܲܢܨܘܼܬܼܢܵܝܗܝ. 556 :ܘܡ̇ܐ ܕܲܡ̣ܛܵܐ ܩܵܠܹܗ ܠܢܲܦܫܵܐ 557 ܕܲܠܚܵܗ̇ ܘܝܲܒܸܿܠ ܫܲܦܝܘܼܬܼܵܗ̇ ܀ 558 :ܒܐܸܣܟܹܿܝܡ ܪܵܚ̇ܡܵܐ ܡܸܬܼܕܲܡܸܐ 559 ܒܫܘܼܪܵܝ ܡܲܡܠܠܹܗ ܩܲܕܼܡ̇ܝܵܐ. 560 :ܘܒܼܝܼܫܵܐ ܚܲܪܬܼܵܐ ܕܦܸܬܼܓܼܵܡܹܗ 561 ܡ̣ܢ ܣܵܢ̇ܐܵܐ ܘܡ̣ܢ ܩܵܛ̇ܘܿܠܵܐ ܀ 562 :ܒܫܵܐܘܿܠ ܢܸܚܙܸܐ ܒܝܼܫܘܼܬܹܗ 563 ܕܲܟܼܡܵܐ ܐܲܫܕ̣ܵܗ̇ ܥܲܠ ܕܵܘܝܼܕ. 564 :ܘܟܲܕܼ ܛܵܒܼ ܓܲܠܝܵܐ ܐܲܝܟ ܫܸܡܫܵܐ 565 ܟܲܣܝܵܗ̇ ܒܐܸܣܟܹܿܝܡ ܟܲܪܝܘܼܬܼܵܐ ܀ 566 :ܠܫܵܐܘܿܠ ܢܸܚܙܘܿܢ ܚܲܣܵܡܹ̈ܐ 567 ܕܣܲܡܝܹܗ ܚܣܵܡܵܐ ܠܪܸܥܝܵܢܹܗ. 568 :ܘܠܵܐ ܚ̣ܙܵܐ ܫܘܼܦܪܵܐ ܕܢܸܨܚܵܢܵܘ̈ܗܝ 569 ܕܒܲܪ ܐܝܼܫܲܝ ܕܲܟܼܡܵܐ ܪܓܼܝܼܓܼܝܼܢ ܀ 570 :ܒܹܗ ܢܸܬܼܒܲܩܘܿܢ ܚܲܪ̈ܡ̇ܢܹܐ 571 ܕܣܵܢܹ̇ܝܢ ܡܲܓܵܢ ܕܐܲܚܲܝ̈ܗܘܿܢ. 572 :ܕܥܲܠ ܕܐܲܣܓܿܝܼ ܘܲܣܩܲܪ ܣܲܓܿܝܼ 573 ܩܲܛܠܹܗ ܚܣܵܗܵܐ ܒܝܲܕܼ ܥܘܼܪ̈ܠܹܐ ܀ 574 :ܢܸܗܘܸܐ ܕܵܘܝܼܕܼ ܡܲܚܙܝܼܬܼܵܐ 575 ܠܲܚܣܲܝܼܡܹ̈ܐ ܒܐܘܼ̈ܠܨܵܢܲܝܗܘܿܢ. 576 :ܕܣܲܝܒܲܪ ܨܲܥܪܵܐ ܘܲܪܕܼܘܼܦܝܵܐ 577 ܫܩ݂ܲܠ ܬܵܓܹܿܗ ܒܚܲܕܼ ܚܘܼܡܣܵܢܗ ܀ 578 :ܒܢܝܼܫܵܐ ܕܚܘܼܒܹܿܗ ܢܸܬܿܕܲܡܘܿܢ 579 ܪ̈ܚܡܲܝ ܚܘܼܒܵܐ ܪܘܼܚܵܢܵܐ. 580 :ܕܪܲܟܸܿܒܼ ܩܵܠܹ̈ܐ ܕܐܘܿܠ̈ܝܵܬܼܵܐ 581 ܥܲܠ ܩܵܛ̇ܘܿܠܹܗ ܚܢܝܼܓܼܵܐܝܼܬܼ ܀ 582 :ܒܚܲܕܼ ܫܵܐܘܿܠ ܢܹܐܠܲܦ ܟܠܢܵܫ 583 ܚܲܪܬܹܗ ܒܝܼܫܬܵܐ ܕܲܚܣܵܡܵܐ. 584 :ܘܲܒܼܕܵܘܝܼܕܼ ܢܸܚܙܸܐ ܦܹܐܪ̈ܵܘܗܝ 585 ܕܚܘܼܒܵܐ ܕܲܟܼܡܵܐ ܒܲܣܝܼܡܝܼܢ ܀ 586 :ܒܡܲܠܟܵܐ ܘܡܲܠܟܵܐ ܢܸܬܼܒܲܩܸܐ 587 ܚܲܕܼ ܕܲܚܣ݂ܲܡ ܘܲܐ̄ܚܪܹܝܢ ܕܲܚܣܝܼܡ. 588 :ܠܚܲܣܵܡܵܐ ܩܲܛ̣ܠܹܗ ܚܣܵܡܵܐ 589 ܘܠܲܚܣܝܼܡܵܐ ܐܲܚܝܹܗ ܚܘܼܒܵܐ ܀ 590 :ܚܣܵܡܵܐ ܒܫܵܐܘܿܠ ܚܵܘܝܼ ܠܲܢ 591 ܕܲܟܼܡܵܐ ܣܵܢܹ̇ܐ ܠܩܲܪ̈ܝܼܒܼܵܘܗܝ. 592 ܘܚܘܼܒܵܐ ܒܕܼܵܘܝܼܕܼ ܐܲܠܸܦ ܠܲܢ. 593 ܕܲܟܼܡܵܐ ܪܵܚܹ̇ܡ ܚܲܒܿܝܼܒܼܵܘ̈ܗܝ ܀ 594 ܗܵܐ ܓܠ̣ܵܐ ܠܲܢ ܢܸܟܼܠܹܗ ܟܲܣܝܵܐ: pb. 234 595 ܡ̇ܘܬܹܿܗ ܕܫܵܐܘܿܠ ܚܲܣܵܡܵܐ. 596 :ܠܵܐ ܢܸܬܼܦܲܟܲܪ ܪܸܥܝܵܢܲܢ 597 ܒܢܸܫ̈ܒܹܿܐ ܟܣܲܝܵ̈ܐ ܕܨܸܢܥܵܬܹ̈ܗ ܀ 598 :ܗܵܐ ܐܲܠܸܦ ܠܲܢ ܒܲܪ ܐܝܼܫܲܝ 599 ܕܐܲܝܟܲܢ ܢܸܙܟܸܿܐ ܠܲܟܼܡܹܐܢܵܘ̈ܗܝ. 600 :ܢܦܲܟܲܗ ܡܸܪܬܼܵܐ ܕܚܲܣܵܡܹ̈ܐ 601 ܒܚܲܠܝܘܼܬܼ ܚܘܼܒܵܐ ܐܲܝܟ ܕܵܘܝܼܕܼ ܀ 602 :ܢܹܐܡܲܪ ܚܘܼܒܵܐ ܒܦܘܼܡ ܕܵܘܝܼܕܼ 603 ܠܲܚܣܵܡܵܐ ܫܵܐܘܿܠ ܕܲܬܼܪܹܝܢ. 604 :ܕܡ̇ܢܵܐ ܚܛܹ̇ܝܬܼ ܠܵܟ ܚܲܣܵܡܵܐ 605 ܕܪܵܕܦܲܬܼ ܠܝܼ ܒܲܕܼܡܘܼܬܼ ܫܵܐܘܿܠ ܀ 606 :ܢܸܬܼܿܠ ܕܝܼܢܵܐ ܕܲܛܠܘܼܡܝܹܗ 607 ܚܣܝܼܡܵܐ ܠܒܼܵܚܲܪ ܟܲܣ̈ܝܵܬܼܵܐ. 608 :ܕܗܘ̤ ܡܚܲܝܸܒܼ ܠܹܗ ܠܚܲܣܵܡܵܐ 609 ܒܲܬܼܒܲܥܬܼܵܐ ܐܲܝܟ ܕܲܠܫܵܐܘܿܠ ܀ 610 :ܒܡܵܘܬܹܿܗ ܕܫܵܐܘܿܠ ܐܸܬܼܟܲܪܙܲܬ̤ 611 ܬܒܲܥܬܼܵܐ ܩܫܝܼܬܼܵܐ ܕܚܲܣܵܡܹ̈ܐ. 612 :ܘܲܒܼܪܘܼܡܪܵܓܹܗ ܕܒܲܪ ܐܝܼܫܲܝ 613 ܟܠܝܼܠ ܙܵܟܼܘܼܬܼܵܐ ܕܲܛܠܝܼܡܹ̈ܐ ܀ 614 :ܠܵܐ ܬܸܟܼܪܸܐ ܛܠܝܼܡ ܒܲܚܣܵܡܵܐ 615 ܒܩܵܠ ܨܘܿܚ̈ܝܵܬܹܗ ܕܚܲܣܵܡܵܐ. 616 :ܣܲܝܒܲܪ ܘܲܫܬܼܘܿܩ ܐܲܝܟ ܕܵܘܝܼܕܼ 617 ܕܬܲܡܠܸܟ ܥܲܡܹܗ ܒܫܘܼܠܵܡܵܐ ܀ 618 :ܠܵܐ ܬܸܫܬܲܒܼܗܲܪ ܚܲܣܵܡܵܐ 619 ܒܡܹܐܟܲܠܩܲܪܨܵܐ ܟܲܕܼܵܒܵܐ. 620 :ܕܲܥܬܼܝܼܕܼ ܗ̄ܘ̣ ܕܢܸܥܘܿܠ ܣܲܝܦܵܟ 621 ܒܓܼܵܘ ܠܸܒܵܟ ܐܲܝܟ ܕܲܒܼܫܵܐܘܿܠ ܀ 622 :ܠܵܐ ܬܸܪܢܸܐ ܚܣܵܡܵܐ ܕܲܙܟܲܝܬܿ 623 ܠܲܡܲܟܿܝܼܪܹ̈ܐ ܒܲܚܬܼܝܼܪܘܼܬܼܵܐ. 624 :ܠܗܘܿܢ ܙܲܟܿܝܼܬܿ ܟܲܕܼ ܠܵܐ ܨܵܒܹ̇ܝܬܿ 625 ܕܥܲܙܝܼܘ ܠܘܼܩܒܲܠ ܨܸܢ̈ܥܵܬܼܵܟ ܀ 626 :ܐܲܢ̄ܬܿ ܚܲܝܵܒܼ ܐܲܢ̄ܬܿ ܡ̣ܢ ܕܲܗ̤ܘܲܝܬܿ 627 ܘܠܵܐ ܫܩܝܼܠܵܐ ܠܵܟ ܙܵܟܼܘܼܬܼܵܐ. 628 :ܕܗ̤ܝ ܙܵܟܼܘܼܬܼܵܟ ܟܘܼܐܵܪܵܐ ܗ̄ܝܼ 629 ܘܢܸܨܚܵܢܵܟ ܒܸܗܬܲܬܼ ܐܲܦܹ̈ܐ ܀ 630 :ܐܸܡܲܬܼܝ ܐܲܨܠܲܚ ܣܘܼܥܪ݁ܵܢܵܟ 631 ܐܸܠܵܐ ܒܓܼܘܼܡܕܵܐ ܣܵܪܘܿܚܵܐ. 632 :ܘܐܲܝܟܵܐ ܙܟܼܵܐ ܢܸܟܼܠܵܟ ܣܲܢܝܵܐ 633 ܐܸܠܵܐ ܒܚܘܼܬܼܪܵܐ ܡܲܪܵܚܵܐ ܀ 634 :ܣܲܡܝܵܐ ܐܲܢ̄ܬܿ ܓܠܝܼܙ ܡ̣ܢ ܢܘܼܗܪܵܐ 635 ܘܠܵܐ ܡܸܬܼܒܲܩܹܝܬܿ ܒܲܫܪܵܪܵܐ. 636 :ܘܣܲܢ̈ܝܵܢ ܠܵܟ ܫܲܦܝܪ݁ܵܬܼܵܐ 637 :ܘܲܪ̈ܚܝܼܡܵܢ ܠܵܟ ܒܝܼ̈ܫܵܬܼܵܐ 638 :ܓܸܠܵܐ ܕܲܒܼܥܲܝܢܹܗ ܕܐܲܚܘܼܟ 639 ܚܵܙܹ̇ܐ ܐܲܢ̄ܬܿ ܐܲܝܟ ܩܵܪܝܼܬܼܵܐ. 640 :ܘܩܵܪܝܼܬܼܵܐ ܕܲܒܼܒܼܵܒܼܵܬܼ̈ܟ 641 ܐܵܦܠܵܐ ܕܐܝܼܬܹܝܗ̇ ܚܵܫܹ̇ܒܼ ܐܲܢ̄ܬܿ ܀ 642 :ܐܲܦܸܩ ܠܘܼܩܕܼܵܡ ܚܲܣܵܡܵܐ 643 ܪܘܼܓܼܙܵܐ ܩܲܫܝܵܐ ܕܪܸܥܝܵܢܵܟ. 644 :ܘܗܵܝܕܹܿܝܢ ܕܵܝ̇ܢܲܬܿ ܥܲܡ ܚܲܒܼܪܵܟ 645 ܥܲܠ ܒܘܼܨܵܪܵܐ ܕܲܒܼܢܲܦܫܹܗ ܀ 646 :ܡ̇ܢܵܐ ܡܨܲܠܠܲܬܿ ܙܹܐܦܵܢܵܐ 647 ܒܵܩܹ̈ܐ ܘܒܼܵܠ̇ܥܲܬܿ ܚܲܝ̈ܘܵܬܼܵܐ. 648 :ܡ̇ܢܵܐ ܡܕܲܟܹܿܝܬܿ ܗܲܕܵܡܹ̈ܐ 649 ܘܛܲܡܐܝܼܢ ܙܵܘܥܹ̈ܐ ܓܵܘ̈ܝܹܐ ܀ 650 :ܠܡܵܢ ܢܵܨܹ̇ܝܬܿ ܥܲܡ ܚܲܛܵܝܹ̈ܐ 651 ܐܲܝܟ ܓܵܡ̇ܘܿܪܵܐ ܕܟܹܐܢܘܼܬܼܵܐ. 652 :ܐܸܡܲܬܼܝ ܚܵܘܝܼܬܿ ܐܘܼܟܼܦܵܢܵܟ 653 ܒܲܬܸܒܲܥܬܼܵܐ ܕܲܚܠܵܽܦ ܩܘܼܫܬܵܐ ܀ pb. 235 654 :ܐܘܿܗ ܡܸܢܵܟ ܢܲܟܿܘܼܠܬܼܵܢܵܐ 655 ܟܡܵܐ ܡܲܛܥܸܐ ܐܲܢ̄ܬܿ ܒܲܫܪܵܪܵܐ. 656 :ܕܟܲܕܼ ܗܘ̤ ܣܵܢ̇ܐܵܐ ܗ̄ܘ̣ ܕܲܢܟܼܝܼܠܹ̈ܐ 657 ܛܥܝܼܢ ܐܲܢ̄ܬܿ ܢܝܼܫܹܗ ܢܟܼܝܼܠܵܐܝܼܬܼ ܀ 658 :ܐܘܿܗ ܡܸܢܵܟ ܣܲܡܝܵܐ ܕܲܬܼܪܹܝܢ 659 ܕܲܫܘܸܐ ܠܹܗ ܢܘܼܗܪܵܐ ܘܚܸܫܟܵܐ. 660 :ܘܟܲܕܼ ܢܘܼܗܪܵܐ ܡܲܦܲܨܲܚ ܟܠܵܐ ܗ̄ܘ̣ 661 ܟܡܝܼܪܵܬܼ ܠܘܼܩܒܲܠ ܙܲܠܝܼܩܵܘ̈ܗܝ ܀ 662 :ܒܵܟ ܢܸܬܿܕܲܡܘܿܢ ܦܵܪ̈ܘܿܫܹܐ 663 ܕܲܟܼܡܵܐ ܓܠܝܼܙܲܬܿ ܡ̣ܢ ܩܘܼܫܬܵܐ. 664 :ܘܲܥܠܲܝܟ ܢܸܒܼܟܿܘܿܢ ܝܵܕܲܘܿܥܹ̈ܐ 665 ܕܟܲܕܼ ܚܲܝ ܐܲܢ̄ܬܿ ܡܝܼܬܼܵܐ ܐ̄ܢܬܿ ܕܲܬܼܪܹܝܢ ܀ 666 :ܚܲܝܲܝ̈ܟ ܠܵܘ ܚܲܝܹ̈ܐ ܐܸܢܘܿܢ 667 ܕܲܡܛܲܠܸܩ ܚܲܝܹ̈ܐ ܒܚܲܝܲܝ̈ܟ. 668 :ܘܲܠܘܲܝ ܡ̣ܝܼܬܿܬܿ ܡ̣ܢ ܫܘܼܪܵܝܵܐ 669 ܘܒܲܛܝܼܠ ܗ̄ܘ̣ܵܐ ܡ̇ܘܬܵܐ ܒܡܵܘܬܵܟ ܀ 670 :ܐܲܢ̄ܬܿ ܗ̄ܘ̣ ܕܪܲܫ̣ܬܵܗ̇ ܩܲܕܼܡ̇ܝܑܬܼ 671 ܠܐܘܼܪܚܵܐ ܕܡ̇ܘܬܵܐ ܥܲܠ ܐ̄ܢܵܫܵܐ. 672 :ܘܐܸܠ̣ܘ ܐܲܪܦܝܼ ܨܸܢ̈ܥܵܬܼܵܟ 673 ܟܒܲܪ ܠܵܐ ܐܲܡܠܸܟ ܡ̇ܪܘܿܕܼܵܐ ܀ 674 :ܐܵܪܵܐ ܣܵܢ̇ܐܐ ܕܐ̄ܢܵܫܘܼܬܼܵܐ 675 ܡ̇ܢܵܐ ܚܛܵܬ̤ ܠܵܟ ܐ̄ܢܵܫܘܼܬܿܢ. 676 :ܕܲܩܛܲܠ̣ܬܵܢ ܡ̣ܢ ܫܘܼܪܵܝܵܐ 677 ܘܠܵܐ ܣܵܒܼ̇ܥܲܬܿ ܡ̣ܢ ܚܘܼܒܵܠܲܢ ܀ 678 :ܐܵܪܵܐ ܨܗܸܐ ܠܲܕܼܡ̇ܐ ܕܐ̄ܢܵܫܵܐ 679 ܟܲܕܿܘܼ ܪܓܼܝܼܓܲܬܿ ܠܐܲܒܼܕܵܢܲܢ. 680 :ܦܘܼܫ ܩܲܠܝܼܠ ܡ̣ܢ ܚܲܪܡܘܼܬܼܵܟ 681 ܘܐܲܪܦܵܐ ܣܪܝܼܕܼܵܐ ܠܲܟܼܝܵܢܲܢ ܀ 682 :ܡ̇ܢܵܐ ܫܓܼܝܼܪܲܬܿ ܒܲܛܢܵܢܵܐ 683 ܘܝܵܩ̇ܕܲܬܿ ܠܘܼܩܒܲܠ ܦܘܼܪܩܵܢܲܢ. 684 :ܟܠܝܼ ܚܸܡܬܼܵܐ ܕܫܲܠܗܹܒܼܝܼܬܼܵܟ 685 ܕܠܵܐ ܬܛܲܠܸܩ ܠܲܢ ܟܠ ܡ̣ܢ ܟܠܹܗ ܀ 686 :ܡܲܢ ܕܹܝܢ ܥܲܩ̣ܪܹܗ ܠܥܸܩܵܪܵܟ 687 ܘܦܲܣܩܵܗ̇ ܠܡܵܘܥܝܼܬܼ ܒܝܼܫܘܼܬܼܵܟ. 688 :ܕܠܵܐ ܬܚܲܠܸܦ ܬܸܛܥܲܢ ܦܹܐܪܹ̈ܐ 689 ܕܡܲܡܲܪܝܼܢ ܚܲܠܝܘܼܬܼ ܛܵܒܼܵܬܼ̈ܐ ܀ 690 :ܠܘܲܝ ܕܹܝܢ ܐܸܬܼܚܲܒܲܠ ܙܲܪܥܵܟ 691 ܘܠܵܐ ܐܸܬܼܪܲܟܲܒ̣ ܬܘܼܩܵܢܵܟ. 692 :ܠܘܲܝ ܠܵܐ ܦܸܬܼܚܲܬ̤ ܝܵܠܹܕܿܬܵܟ 693 ܬܲܪܥܵܐ ܒܐܲܦܲܝ̈ ܡܲܦܲܩܬܵܟ ܀ 694 :ܠܵܘ ܠܵܟ ܣܲܓܦܲܬ̤ ܒܝܼܫܘܼܬܼܵܟ 695 ܐܸܠܵܐ ܠܟܼܠܢܵܫ ܫܲܘܝܵܐܝܼܬܼ. 696 :ܘܐܵܦ ܐܲܝܢܵܐ ܕܲܡܩܲܛܪܸܓܼ ܠܵܟ 697 ܬܘܼܩ̈ܠܵܬܼܵܐ ܩܵܢܹ̇ܐ ܒܫܲܪܒܵܟ ܀ 698 :ܒܫܲܪܒܵܟ ܫܲܚܝ̣ܩܘܼܢܝ ܚܘܼܫܵܒܲܝ̈ 699 ܕܐܸܓܼܠܹܐ ܣܲܢܝܘܼܬܼ ܒܝܼܫܘܼܬܼܵܟ. 700 :ܘܲܚܣ݂ܲܢܬܲܢܝ ܡܲܪܝܼܪܘܼܬܼܵܟ 701 ܘܢܸܦܩܹ̇ܬܼ ܠܝܼ ܠܒܲܪ ܡ̣ܢ ܛܲܟܸܣܵܐ ܀ 702 :ܒܲܣܒܼܝܼܣܘܼܬܼ ܢܸܟܼܠܲܝ̈ܟ ܬܸܡܗܹ̇ܬܼ 703 ܘܐܸܬܼܥܲܕܿܠܹܬܼ ܒܲܡܬܲܩܢܵܢܵܟ. 704 :ܘܟܲܕܼ ܣܸܒܼܪܹܬܼ ܕܠܵܐ ܡܲܟܸܿܣ ܐ̄ܢܵܐ 705 ܠܲܩܢܘܿܡܝ ܚܲܝܒܹܬܼ ܕܐܸܬܼܥܲܕܲܠ ܀ 706 :ܐܘܿ ܟܡܵܐ ܡܲܟܿܝܵܐ ܒܝܼܫܘܼܬܼܵܟ 707 ܠܚܲܒܿܝܼܒܲܝ̈ܟ ܘܲܠܣܵܩܘܿܪ̈ܲܝܟ. 708 :ܘܐܸܢ ܩܲܠܣܵܟ ܐ̄ܢܵܫ ܫܘܼܢܵܩܵܐ ܗ̄ܘ̣ 709 ܘܐܸܢܗܘ̤ ܕܓܲܢܝܵܢ ܥܸܕܼܠܵܝܵܐ ܀ 710 :ܥܸܕܠܹ̇ܬܼ ܕܥܲܠ ܡ̇ܢ ܐܸܬܿܬܲܩܲܢܬܿ 711 ܕܲܚܙܹ̇ܝܬܼ ܚܲܪܒܵܐ ܕܲܩܛܝܼܠܲܝ̈ܟ. pb. 236 712 :ܘܲܬܼܘܵܢܝ ܪܸܥܝܵܢܝ ܕܐܸܬܿܕܲܟܼܪܹܬܼ 713 ܕܒܼܝܼܫܘܼܬܼܵܟ ܕܠܵܘ ܕܲܟܼܝܵܢܵܐ ܗ̄ܝܼ ܀ 714 :ܒܲܪ ܚܹܐܪܹ̈ܐ ܒ̣ܪܵܟ ܒܵܪܘܿܝܵܐ 715 ܘܥܲܒܼܕܵܟ ܡ̇ܪܵܐ ܕܨܸܒܼܝܵܢܵܟ. 716 :ܘܕܸܝܼܠܵܟ ܐܸܢܹܝܢ ܬܲܪ̈ܬܲܝܗܹܝܢ 717 ܠܡܸܦܪܲܫ ܩܘܼܫܬܵܐ ܡ̣ܢ ܙܹܐܦܵܐ ܀ 718 :ܠܵܐ ܡ̇ܪܝ ܬܲܩܸܨ ܠܝܼ ܗܵܕܹܐ 719 ܕܐܸܬܼܥܲܕܿܠܹܬܼ ܡܲܪܵܚܵܐܝܼܬܼ. 720 :ܘܩܲܛܪܸܓܼܬܹܿܗ ܠܝܲܨܪܵܐ ܒܝܼܫܵܐ 721 ܕܡ̇ܘܥܸܐ ܚܣܵܡܵ ܡܲܪܝܼܪܵܐ ܀ 722 :ܠܲܝܬܿ ܠܹܗ ܩܢܘܿܡ̇ܐ ܠܲܚܣܵܡܵܐ 723 ܕܕܲܡ ܫܲܦܝܼܪ ܥܸܕܼܠܹ̇ܬܼ ܪܸܡܙܹܗ. 724 :ܝܲܨܪܲܢ ܗ̄ܘ̣ ܕܚܵܣܹ̇ܡ ܟܠܢܵܫ 725 ܒܫܲܦܝܼܪܵܬܼܵܐ ܕܲܚܕܵܕܹ̈ܐ ܀ 726 :ܝܲܨܲܪܲܢ ܡ̇ܘܠܸܕܼ ܠܲܚܣܵܡܵܐ 727 ܘܲܡܪܲܒܸܿܐ ܠܹܗ ܒܨܸܢ̈ܥܵܬܼܵܐ. 728 :ܘܡܵܐ ܕܐܸܬܼܓܲܡܪܲܬ̤ ܒܝܼܫܘܼܬܹܗ 729 ܕܲܠܚܹ݂ܗ ܠܥܵܠܡܵܐ ܒܚܲܕܼ ܦܹܐܪ̈ܵܘܗܝ ܀ 730 :ܐܵܦܠܵܐ ܝܲܨܪܲܢ ܠܵܐ ܐܝܼܬܼܵܘܗܝ 731 ܩܢܘܿܡ̇ܐܝܼܬܼ ܒܸܠܥܵܕܼ ܢܲܦܫܵܐ. 732 :ܦܵܪܘܿܫܘܼܬܼܵܐ ܗ̄ܝܼ ܕܲܒܼܢܲܦܫܵܐ 733 ܕܡܸܣܬܲܥܪܵܐ ܒܟܼܠ ܐܸܣܟܹܿܡܝܼ̈ܢ ܀ 734 :ܢܲܦܫܵܐ ܗ̄ܝܼ ܡ̇ܪܬܹܿܗ ܕܒܲܪܢܵܫܵܐ 735 ܕܫܲܠܝܼܛܵܐ ܒܙܵܘܥܹ̈ܐ ܘܪܸ̈ܓܼܫܹܐ. 736 :ܗܘ̤ܝ ܡܕܲܒܿܪܵܐ ܠܹܗ ܠܲܟܼܝܵܢܵܐ 737 ܐܲܝܟ ܡ̇ܐ ܕܨܵܒ̇ܐ ܨܸܒܼܝܵܢܵܗ̇ ܀ 738 :ܒܢܲܦܫܲܢ ܣܝܼ̈ܡܵܢ ܬܲܪ̈ܬܲܝܗܹܝܢ 739 ܛܵܒܼܬܼܵܐ ܘܒܼܝܼܫܬܵܐ ܫܲܘܝܵܐܝܼܬܼ. 740 :ܘܗ̤ܝ ܓܵܒܲܝܵܐ ܐܲܝܟ ܒܘܼܚܪܵܢܵܗ̇ 741 ܠܡܸܣܲܪ ܗܵܕܹܐ ܥܲܠ ܗܵܕܹܐ ܀ 742 :ܪܟܼܝܼܒܼܵܐ ܢܲܦܫܵܐ ܥܲܠ ܦܲܓܼܪܵܐ 743 ܐܲܝܟ ܗܸܢܝܘܿܟܼܵܐ ܠܡܲܪܟܲܒܼܬܼܵܐ. 744 :ܘܲܡܕܲܒܿܪܵܐ ܠܹܗ ܠܒܲܪܢܵܫܵܐ 745 ܒܥܲܪ̈ܩܲܝ ܙܵܘܥܹ̈ܐ ܕܟܲܣܝܼܘܼܬܹܗ ܀ 746 :ܪܵܗ̇ܛܝܼܢ ܪܸ̈ܓܼܫܹܐ ܒܲܪ̈ܵܝܹܐ 747 ܐܲܝܟ ܪ̈ܲܟܼܫܵܐ ܒܐܸܣܛܵܕܼܝܼܘܿܢ. 748 :ܘܚܵܐܹ̈ܨ ܗܵܘܢܵܐ ܘܲܡܪܲܦܸܐ 749 ܒܐܝܼ̈ܕܲܝܵܐ ܙܵܘܥܸ̈ܐ ܕܢܲܦܫܵܐ ܀ 750 :ܟܕܼܝܼܢ ܦܲܓܼܪܵܐ ܘܪܵܗܹ̇ܛ ܟܠܫܵܥ 751 ܠܐܲܝܟܵܐ ܕܨܵܒܹ̇ܐ ܗܸܢܝܘܿܟܼܵܐ. 752 :ܘܲܡܕܲܒܿܪܝܼܢ ܙܵܘܥܹ̈ܐ ܘܪܸ̈ܓܼܫܹܐ 753 ܐܲܝܟ ܕܨܵܒܹ̇ܐ ܪܲܟܵܒܼܵܐ ܀ 754 :ܩܵܥܹ̇ܐ ܟܠܢܵܫ ܪܸܥܝܵܢܵܐ 755 ܠܘܵܬܼ ܪܸ̈ܓܼܫܹܐ ܕܲܛܥܝܼܢܝܼܢ ܠܹܗ. 756 :ܘܲܡܛܲܟܸܿܣ ܟܠܹܗ ܓܘܼܫܡܵܐ 757 ܐܲܝܟ ܪܲܒܿ ܚܲܝܠܵܐ ܠܡܲܫܪܝܼܬܹܗ ܀ 758 :ܗܵܐ ܝܼܠܸܦ̣ܢܲܢ ܡ̣ܢ ܢܲܦܫܲܢ 759 ܕܲܕܢܲܦܫܲܢ ܗ̄ܝܼ ܚܹܐܪܘܼܬܲܢ. 760 :ܘܠܵܘ ܐܲܣܝܼܪܵܐ ܗ̄ܘ̣ ܒܲܪܢܵܫܲܢ 761 ܕܢܸܗܘܸܐ ܐܲܬܼܪܵܐ ܠܥܸܕܼܠܵܝܲܢ ܀ 762 :ܗܵܐ ܚܵܘܝܼ ܠܲܢ ܨܸܒܼܝܵܢܲܢ 763 ܕܨܸܒܼܝܵܢܲܢ ܚܵܛܹ̇ܐ ܘܬܼܵܐܹ̇ܒܼ. 764 :ܘܠܵܐ ܗ̄ܘ̣ܵܐ ܩܛܝܼܪܵܐ ܕܵܒܲܪ ܠܲܢ 765 ܠܐܲܝܕܵܐ ܕܠܵܐ ܡܢܵܚ ܨܸܒܼܝܵܢܲܢ ܀ 766 :ܗܵܐ ܕܠܵܬ̤ ܠܲܢ ܦܵܪܘܿܫܘܼܬܲܢ 767 ܕܕܝܠܹܗ ܐܸܢܹܝܢ ܚܸܟܼ̈ܡܵܬܼܵܐ. 768 :ܘܗ̤ܝ ܦܵܪܫܵܐ ܠܡܸܛܥܲܢ ܫܲܦܝܼܪ 769 ܘܲܠܡܸܚܣܲܡ ܥܵܘ̇ܠܵܐܝܼܬܼ ܀ 770 :ܕܝܼܠܵܗ̇ ܗ̄ܘ̣ ܚܣܵܡܵܐ ܣܲܡܝܵܐ 771 ܕܲܓܼܠܝܼܙ ܡ̣ܢ ܢܘܼܗܪܵܐ ܕܚܘܼܒܵܐ. 772 :ܕܝܼܠܵܗ̇ ܗ̄ܘ̣ ܛܢܵܢܵܐ ܣܲܟܼܠܵܐ 773 ܕܠܵܐ ܡܸܬܼܒܲܝܲܢ ܘܵܠܝܼܬܼܵܐ ܀ pb. 237 774 :ܕܝܼܠܵܗ̇ ܗ̄ܘ̣ ܢܸܒܼܥܵܐ ܕܡܲܪܕܸܿܐ 775 ܣܲܡ ܚܲܝܹ̈ܐ ܘܡܸܪܲܬܼ ܡ̇ܘܬܵܐ. 776 :ܗܝ̤ ܙܵܪܥܵܐ ܚܲܠܝܘܼܬܼ ܫܲܝܢܵܐ 777 ܘܡܸܢܵܗ̇ ܫܵܘܲ݁ܚ ܚܸܪܝܵܢܵܐ ܀ 778 :ܡ̇ܕܹܝܢ ܨܸܒܼܝܵܢܲܢ ܢܸܥܕܿܘܿܠ 779 ܘܠܵܐ ܗ̄ܘ̣ܵܐ ܠܡܲܬܼܩܸܢ ܠܲܟܼܝܵܢܲܢ. 780 :ܕܨܸܒܼܝܵܢܲܢ ܗ̄ܘ̣ ܕܡܲܣܢܹܐ ܠܹܗ 781 ܠܫܘܼܦܪܵܐ ܕܢܲܦܫܲܢ ܒܲܪ ܚܹܐܪܹ̈ܐ ܀ 782 :ܡܢܲܢ ܚܹܐܪܘܼܬܲܢ ܢܸܪܫܸܐ 783 ܘܠܵܐ ܗ̄ܘ̣ܵܐ ܠܝܵܗܹ̇ܒܼ ܚܸܟܼ̈ܡܵܬܼܵܐ. 784 :ܕܚܹܐܪܘܼܬܲܢ ܗ̄ܝ̣ ܡܸܬܼܪܲܢܝܵܐ 785 ܠܡܸܣܥܲܪ ܫܲܦܝܼܪ ܐܵܘ ܕܲܣܢܹܐ ܀ 786 :ܬܵܘ ܡ̇ܕܹܝܢ ܢܹܐܡܲܪ ܕܝܼܢܵܐ 787 ܥܲܡ ܚܹܐܪܘܼܬܼܵܐ ܕܨܸܘܼܬܼܵܐ ܕܨܸܒܼܝܵܢܲܢ. 788 :ܘܲܢܩܲܛܪܸܓܼ ܦܵܪܘܿܫܘܼܬܲܢ 789 ܡ̣ܢ ܢܵܡܘܿܣܹ̈ܐ ܕܲܟܼܝܵܢܲܢ ܀ 790 :ܢܹܐܡܲܪ ܠܵܗ̇ ܠܚܹܐܪܘܼܬܼ ܢܲܦܫܲܢ 791 ܕܥܲܠ ܡ̇ܢ ܚܵܣ̇ܡܲܬܼܝ ܒܲܩܢܘܿܡܹܟܼܝ. 792 :ܘܡ̇ܢܵܐ ܣܵܩ̇ܪܲܬܿܝ ܒܝܼܫܵܐܝܼܬܼ 793 ܠܵܐ̄ܚܝܵܢܘܼܬܼܵܐ ܕܩܲܪ̈ܝܼܒܲܝܟܿܝ ܀ 794 :ܡ̇ܢܵܐ ܣܵܬܼ̇ܪܲܬܿܝ ܒܸܢܝܵܢܵܐ 795 ܕܲܡܪܲܟܲܒܼ ܒܥܲܪ̈ܩܲܝ ܚܘܼܒܵܐ. 796 :ܡ̇ܢܵܐ ܡܪܲܦܝܲܬܿܝ ܐܲܣܵܪܵܐ 797 ܕܚܲܝܨܹܗ ܪܸܡܙܵܐ ܡܫܲܝܸܢ ܟܠ ܀ 798 :ܠܡܵܢ ܠܵܐ ܕܵܝ̇ܢܲܬܿܝ ܟܹܐܢܵܐܝܼܬܼ 799 ܐܲܝܟ ܕܲܦܐܹܐ ܠܦܵܪܘܿܫܘܼܬܹܟܼܝ. 800 :ܠܡܵܢ ܠܵܐ ܡܲܟܿܣܲܬܿܝ ܠܲܩܢܘܿܡܹܟܼܝ 801 ܐܲܝܟ ܡ̇ܐ ܕܥܵܕܠܲܬܿܝ ܠܲܐ̄ܚܪ̈ܵܢܹܐ ܀ 802 :ܠܡܵܢ ܠܵܐ ܚܵܙ̇ܝܲܬܼܝ ܣܲܢ̈ܝܵܬܹܟܼܝ 803 ܒܡܲܚܙܝܼܬܼܵܐ ܫܦܝܼܬܼܵܐ ܕܗܵܘܢܵܐ. 804 :ܠܡܵܢ ܠܵܐ ܡ̇ܪܩܲܬܿܝ ܟܘܼܬܼܡ̇ܬܹ̈ܟܼܝ 805 ܒܚܘܼܒܵܐ ܡܕܲܟܸܿܐ ܟܠ ܡܘܼܡܝܼ̈ܢ ܀ 806 :ܠܡܵܢܵܐ ܪܵܡ̇ܐ ܒܲܪܬܼ ܩܵܠܹܟܼܝ 807 ܟܲܪ ܬܵܒܼܥܲ݁ܬܿܝ ܠܐܲܝܢܵܐ ܕܡܲܥܘܸܠ. 808 :ܘܚܵܪܫܲܬܿܝ ܝܲܬܿܝܼܪ ܡ̣ܢ ܚܲܪܫܵܐ 809 ܠܘܵܬܼ ܬܲܒܼ̈ܥܵܬܼܵܐ ܕܲܩܢܘܿܡܹܟܼܝ ܀ 810 :ܠܡܵܢ̇ܐ ܥܵܕܼܠܲܬܿ ܚܲܣܵܡܵܐ 811 ܠܐܲܝܢܵܐ ܕܚܵܣܹ̇ܡ ܣܲܟܼܠܵܐܝܼܬܼ. 812 :ܣܢܹܐ ܟܠܹܗ ܠܡܵܢ ܣܵܢܹ̇ܐ ܐܲܢ̄ܬܿ 813 ܠܐܲܝܢܵܐ ܕܣܵܢܹ̇ܐ ܠܲܟܼܢܵܬܹܗ ܀ 814 :ܡܕܼܵܘܕܵܐ ܐܲܝܟܲܢ ܡܸܫܬܲܟܼܚܵܐ ܐܢ̄ܬܿ 815 ܠܡܲܬܼܩܵܢܘܼ ܠܐܲܝܢܵܐ ܕܲܫܓܼܝܼܫ. 816 :ܡܠܸܐ ܡܘܼܡܹ̈ܐ ܐܲܝܟܲܢ ܒܵܥ̇ܝܬܿ 817 ܕܲܬܼܫܝܼܓܼ ܨܵܐܬܼܵܐ ܕܲܐ̄ܚܪ̈ܵܢܹܐ ܀ 818 :ܕܘܼܢ ܠܲܩܢܘܿܡ̇ܟ ܩܲܕܼܡܵܝܑܬܼ 819 ܘܥܘܿܠ ܠܲܒܼܨܵܬܼܵܐ ܕܣܘܼܥܪ̈ܵܢܲܝܟ. 820 :ܘܲܚܙܝܼ ܕܟܼܠܵܟ ܚܲܝܵܒܼ ܐܲܢ̄ܬܿ 821 ܘܲܡܡܲܫܟܲܢ ܐܲܢ̄ܬܿ ܒܲܚܛܵܗܲܝ̈ܟ ܀ 822 :ܩܛܝܼܠ ܐܲܢ̄ܬܿ ܒܣܲܝܦܵܐ ܕܲܚܣܵܡܵܟ 823 ܘܠܵܐ ܪܓܼܝܼܫ ܐܲܢ̄ܬܿ ܒܵܗ̇ ܒܲܡܚܘܿܬܼܵܟ. 824 :ܡܝܼܬܼ ܐܲܢ̄ܬܿ ܘܲܩܒܼܝܼܪ ܟܲܕܼ ܚܲܝ ܐܲܢ̄ܬܿ 825 ܘܠܵܐ ܡܦܵܣܲܬܿ ܒܵܗ̇ ܒܡܝܼܬܼܘܼܬܼܵܟ ܀ 826 :ܢܲܗܝܼܪ ܕܸܠܩܵܐ ܕܪܸܥܝܵܢܵܟ 827 ܠܡܸܚܙܵܐ ܡܘܼܡ̈ܐ ܕܲܐ̄ܚܪ̈ܵܢܹܐ. 828 ܘܲܣܡܹܝܬܿ ܟܠܵܟ ܥܲܡ ܟܠܵܟ 829 ܠܡܸܒܼܚܲܪ ܥܵܘ̣ܠܵܐ ܕܲܩܢܘܿܡ̇ܟ ܀ 830 :ܥܪܝܼܡ ܐܲܢ̄ܬܿ ܒܲܕܼܡܘܼܬܼ ܣܹܘܦܲܣܛܵܐ 831 ܠܪܹܫܵܢܵܐ ܕܲܟܼܢܵܘܵܬܼܵܟ. 832 ܘܗܸܕܼܝܘܿܛ ܐܲܢ̄ܬܿ ܡ̣ܢ ܗܸܕܼܝܘܿܛܹ̈ܐ: pb. 238 833 ܠܲܡܩܲܛܪܵܓܼܘܼ ܣܲܢ̈ܝܵܬܼܵܟ ܀ 834 :ܣܢܹܐܓܼܪܵܐ ܐܢ̄ܬܿ ܕܲܚܠܵܦ ܟܹܐܢܘܼܬܼܵܐ 835 ܡ̇ܐ ܕܡܲܟܿܣܲܬܿ ܟܲܕܵܒܼܵܐܝܼܬܼ. 836 :ܘܥܵܠܘܿܒܼܵܐ ܐܢ̄ܬܿ ܡ̇ܐ ܕܡܸܬܿܬܲܒܼܥܲܬܼ 837 ܥܒܼܵܪ ܦܘܼܩܕܵܢܵܐ ܕܣܲܟܼܠܘܼܬܼܵܟ ܀ 838 :ܒܚܘܼܬܼܪܵܐ ܡܚܲܝܒܲܬܿ ܠܲܐ̄ܚܪ̈ܵܢܹܐ 839 ܘܲܒܼܓܼܘܼܡܕܵܐ ܡܙܲܟܹܿܝܬܿ ܢܲܦܫܵܟ. 840 :ܘܟܲܕܵܒܼܵܐܝܼܬܼ ܡܲܦܸܩ ܐܲܢ̄ܬܿ 841 ܓܙܵܪ ܕܝܼܢܵܐ ܥܠܲܝܟ ܘܥܲܠ ܚܲܒܼܪܲܝܟ ܀ 842 :ܠܲܝܬܿ ܟܹܐܢܘܼܬܼܵܐ ܒܒܼܘܼܚܪܵܢܵܟ 843 ܚܲܣܵܡܵܐ ܫܠܝܼ ܠܵܐ ܬܲܟܸܿܣ. 844 :ܠܵܐ ܓܹܝܪ ܝܵܠܹ̇ܐ ܠܹܗ ܠܲܡܕܼܵܢ 845 ܠܐܲܝܢܵܐ ܕܲܢܟܼܝܼܠ ܘܲܡܥܲܩܲܡ ܀ 846 :ܡ̇ܢ ܐܲܩܝܼܡܵܟ ܕܲܝܢܵܐ 847 ܥܵܘ̇ܠܵܐ ܕܥܵܘܵܠ ܟܠܹܗ. 848 :ܐܲܢ̄ܬܿ ܟܲܕܵܒܼܵܐ ܐܢ̄ܬܿ ܡ̣ܢ ܕܲܗܘܲܝܬܼ 849 ܘܠܵܐ ܚܙ̣ܐ ܠܵܟ ܬܪܲܥ ܟܹܐܢܘܼܬܼܵܐ ܀ 850 :ܐܸܣܟܹܿܝܡ ܪܵܚܹ̇ܡ ܟܹܐܢܘܼܬܼܵܐ 851 ܡܥܲܛܲܦ ܟܠܫܵܥ ܚܲܣܵܡܵܐ. 852 :ܘܒܲܛܢܵܢܵܐ ܕܲܚܠܵܦ ܩܘܼܫܬܵܐ 853 ܡܓܲܪܸܓܼ ܠܵܗ̇ ܠܡܲܪܝܼܪܘܼܬܹܗ ܀ 854 :ܚܵ̇ܣܹܡ ܒܐܲܝܢܵܐ ܕܲܡܝܲܬܲܪ 855 ܕܥܲܠ ܡ̇ܢ ܢܲܩܝܼܦ ܠܲܫܪܵܪܵܐ. 856 :ܘܣܵܢܹ̇ܐ ܬܘܼܒܼ ܠܐܲܝܢܵܐ ܕܒܲܨܝܼܪ 857 ܒܐܸܣܟܹܿܝܡ ܪܵܚܹܡ ܙܲܗܝܘܼܬܼܵܐ ܀ 858 :ܛܠܹ̇ܢ ܒܐܲܝܢܵܐ ܕܲܡܕܲܪܲܫ 859 ܒܥܸܢܝܵܢܵܐ ܕܡܸܠܲܝ̈ ܪܘܼܚܵܐ. 860 :ܘܣܵܩܲ݁ܪ ܕܠܵܐ ܗܵܪܹܓܼ 861 ܐܲܝܟ ܝܵܨܹ̇ܦ ܥܲܠ ܝܘܼܠܦܵܢܵܐ ܀ 862 :ܡܨܲܚܸܐ ܠܐܲܝܢܵܐ ܕܲܡܝܲܩܲܪ 863 ܕܥܲܠ ܡ̇ܢ ܠܲܡ ܡܲܣܓܸܿܐ ܫܵܦܲ݁ܪ. 864 :ܘܲܡܨܲܥܲܪ ܠܐܲܝܢܵܐ ܕܫܵܐܹ̇ܛ 865 ܕܠܵܐ ܠܲܡ ܝܵ̇ܕܲܥ ܕܲܢܝܲܩܲܪ ܀ 866 :ܒܪ̈ܲܒܵܢܹܐ ܡܘܼܡܹ̈ܐ ܣܵܐܹ̇ܡ 867 ܘܲܠܬܲܠܡܝܼ̈ܕܹ̈ܐ ܨܘܿܚ̈ܝܵܬܼܵܐ. 868 :ܕܗܵܐ ܠܲܡ ܕܵܘܕܘܼܗܝ ܠܟܼܠ ܡܸܕܸܿܡ 869 ܕܚܲܕ ܪܵܚܡ̇ܝܼܢ ܘܲܐ̄ܚܪܹܝܢ ܣܵܢܹ̇ܝܢ ܀ 870 :ܫܪ̣ܵܘ ܐܸܢܘܿܢ ܠܲܡ ܠܐܸܣܛܘܼܟܼܣܹ̈ܐ 871 ܕܲܡܩܲܪܒܼܝܼܢ ܠܲܓܼܡܝܼܪܘܼܬܼܵܐ. 872 :ܘܠܵܐ ܚܵܢܹ̇ܝܢ ܕܘܼܒܵܪ̈ܲܝܗܘܿܢ 873 ܠܘܵܬܼ ܢܝܼܫܵܐ ܕܲܬܼܪܝܼܨܘܼܬܼܵܐ ܀ 874 :ܒܗܵܠܹܝܢ ܐܸܣܟܸܿܡܹ̈ܐ ܡܲܛܥܸܐ 875 ܚܲܣܵܡܵܐ ܠܘܵܬܼ ܟܠ ܬܸܓܼܡܝܼ̈ܢ. 876 :ܘܫܵܓܹ̇ܫ ܩܘܼܛܢܵܐ ܘܪܹܫܵܢܵܐ 877 ܠܦܵܩ̈ܘܿܕܹܐ ܘܡܸܫܬܲܡܥܵܢܹ̈ܐ ܀ 878 :ܠܲܝܬܿ ܐܲܬܼܪܵܐ ܕܠܵܐ ܦܪܝܼܣܝܼܢ ܠܹܗ 879 ܠܚܲܣܵܡܵܐ ܢܸܫ̈ܒܹܿܐ ܕܥܵܘ̣ܠܵܐ. 880 :ܠܲܝܬܿ ܕܘܼܟܿܬܼܵܐ ܕܠܵܐ ܛܡܝܼܪܝܼܢ ܠܹܗ 881 ܦܲܚܹ̈ܐ ܢܟܼܝܼܠܹ̈ܐ ܕܨܸܢ̈ܥܵܬܼܵܐ ܀ 882 :ܠܲܝܬܼ ܥܲܡܵܐ ܕܠܵܐ ܡܫܲܥܒܲܕܼ ܠܹܗ 883 ܒܢܝܼܪܵܐ ܨܢܝܼܥܵܐ ܕܦܘܼܠܚܵܢܹܗ. 884 :ܠܲܝܬܿ ܡܲܠܟܿܘܼܬܼܵܐ ܕܠܵܐ ܛܥܝܼܢܵܐ 885 ܢܝܼܫܵܐ ܢܟܼܝܼܠܵܐ ܕܣܲܢܝܘܼܬܹܗ ܀ 886 :ܒܝܲܡܵܐ ܘܚܲܒܼܫܵܐ ܪܲܡܝܵܐ ܠܹܗ 887 ܡܨܝܼܕܿܬܵܐ ܙܩܝܼܪܲܬܼ ܒܲܟܼܡܹܐܢܹ̈ܐ. 888 :ܘܥܲܠ ܛܘܼܪܹ̈ܐ ܘܥܲܠ ܪ̈ܵܡ̇ܬܼܵܐ 889 ܡܬܼܝܼܚܝܼܢ ܚܲܒܼܠܹ̈ܝܗ̇ ܐܲܪ݁ܝܼܟܹܐ ܀ 890 :ܥܲܡ ܥܲܬܿܝܼܪܹ̈ܐ ܘܡܸܣܟܹܿܢܹ̈ܐ 891 ܪܡܸܐ ܠܹܗ ܡܠܘܿܐܵܐ ܕܬܹܐܓܼܘܼܪܬܵܐ܀ 892 :ܟܲܕܼ ܥܵܐ̇ܠܝܼܢ ܠܹܗ ܝܘܼܬܼܪ̈ܵܢܹܐ 893 ܡ̣ܢ ܚܲܣܵܡܹ̈ܐ ܘܲܚܣܝܼܡܹ̈ܐ ܀ 894 ܚܲܣܵܡܹ̈ܐ ܡܲܪܡܹܝܢ ܙܲܪܥܹܗ: pb. 239 895 ܒܢܲܦܫܵܬܹ̈ܐ ܕܡܸܫܬܲܡܥܵܢܵܘ̈ܗܝ. 896 :ܘܲܚܣܝܼܡܹ̈ܐ ܡ̇ܘܥܹܝܢ ܪܸܛܢܵܐ 897 ܒܩܵܠ ܨܘܿܚ̈ܝܵܬܼܵܐ ܕܚܲܣܵܡܹ̈ܐ ܀ 898 :ܥܲܠ ܟܠ ܘܲܒܼܟܼܠ ܐܸܬܼܦܲܪܣܝܼ 899 ܬܲܚܦܝܼܬܼܵܐ ܕܡܹܐܟܲܠܩܲܪܨܵܐ. 900 :ܘܝܼܬܸܒܼ ܥܵܠܡܵܐ ܒܲܚܣܵܡܵܐ 901 ܐܲܝܟ ܕܲܒܼܠܸܠܝܵܐ ܥܲܡܘܼܛܵܐ ܀ 902 :ܚܫܸܟ̣ ܢܘܼܗܪܵܐ ܕܙܲܕܲܝܼܩܘܼܬܼܵܐ 903 ܒܲܚܣܵܡܵܐ ܚܸܫܟܵܐ ܕܛܘܼܥܝܼܝ. 904 :ܘܗܸܦܟܲܬ̤ ܡܸܠܚܵܐ ܕܘܵܠܝܼܬܼܵܐ 905 ܒܲܛܢܵܢܵܐ ܣܲܟܼܠܵܐ ܕܥܲܛܠܹ̈ܐ ܀ 906 :ܠܟܼܠ ܦܸܢ̈ܝܵܢ ܚ̣ܘܲܩܘ ܐܝܼܙܓܲܕܵܘ̈ܗܝ 907 ܕܲܡܣܲܒܿܪܘܼܢ ܥܲܠ ܡܹܐܬܼܝܼܬܹܗ. 908 :ܘܕܲܠܚ̣ܘܼܗ̇ ܠܟܼܠܵܗ̇ ܥܵܡܲܪܬܵܐ 909 ܒܡܲܪܝܼܪܘܼܬܼܵܐ ܕܩܵܠܲܝ̈ܗܘܿܢ ܀ 910 :ܠܲܝܬܿ ܐܲܬܼܪܵܐ ܕܢܸܣܬܲܬܲܪ ܒܹܗ 911 ܡܲܟܿܝܼܟܼܵܐ ܪܵܚܹ̇ܡ ܫܲܝܢܵܐ. 912 :ܕܛܲܪܕܵܗ̇ ܚܣܵܡܵܐ ܠܐܵܘܝܘܼܬܼܵܐ 913 ܠܒܲܪ ܡ̣ܢ ܥܘܼܡܪܵܐ ܐ̄ܢܵܫܵܐ ܀ 914 :ܐܲܝܟܵܐ ܢܸܥܡܲܪ ܡܲܚܒܼܵܢܵܐ 915 ܕܐܲܣܝܼܪ ܚܘܼܒܹܿܗ ܠܘܵܬܼ ܐ̄ܢܵܫܵܐ. 916 :ܕܣܲܕܩܵܗ̇ ܛܢܵܢܵܐ ܠܫܲܘܝܘܼܬܼܵܐ 917 ܘܦܲܠܓܹܗ ܠܥܵܠܡܵܐ ܥܲܠ ܢܲܦܫܹܗ ܀ 918 :ܙܥܲܪ̣ ܓܲܒܵܐ ܕܪ̈ܚܡܲܝ ܩܘܼܫܬܵܐ 919 ܒܲܛܪܘܼܢܘܼܬܹܗ ܕܲܚܣܵܡܵܐ. 920 :ܘܲܡܣܲܝܥܝܼܢ ܠܹܗ ܚܲܣܵܡܹ̈ܐ 921 ܠܡܸܚܪܲܒܼ ܠܸܠܝܵܐ ܘܐܝܼܡܵܡܵܐ ܀ 922 :ܠܵܐ ܕܿܡ̇ܟܿܝܼܢ ܚܲܝ̈ܠܵܘܵܬܹܗ 923 ܘܠܵܐ ܫܵܠ̇ܚܝܼܢ ܙܲܝܢܵܐ ܕܢܸܟܼܠܹܗ. 924 :ܕܗܲܢܝܼ ܠܗܘܿܢ ܠܡܹܐܫܲܪ ܠܲܕܼܡ̇ܐ 925 ܛܵܒܼ ܡ̣ܢ ܫܸܢܬܼܵܐ ܕܲܢܝܵܚܵܐ ܀ 926 :ܥܒ݂ܲܕܼ ܬܲܟܼܬܿܘܼܫܵܐ ܕܟܼܠ ܐܸܣܟܹ̇ܝܡ 927 ܥܲܡ ܟܵܗܢܹ̈ܐ ܒܕܼܵܪ̈ܝܼܢ ܕܿܪ̈ܝܼܢ. 928 :ܘܐܸܫܲܕܼ ܕܸܡܗܘܿܢ ܕܲܚܣܲܝܵ̈ܐ 929 ܒܚܲܪܡܘܼܬܼܵܐ ܕܠܵܐ ܚܵܘܣܵܡܵܐ ܀ 930 :ܚܪ݂ܲܒܼ ܠܲܢܒܲܝܹ̈ܐ ܩܲܕܼܡ̇ܝܹ̈ܐ 931 ܕܲܛܥܝܼܢܝܼܢ ܗ̄ܘ̣ܵܘ ܦܸܠ̈ܐܵܬܼܵܐ. 932 :ܘܲܩ̣ܛܲܠ ܬܘܼܒܼ ܐܵܦ ܠܲܫܠܝܼܚܹ̈ܐ 933 ܡܲܦܩܲܝ̈ ܚܲܝܠܵܐ ܕܟܲܣ̈ܝܵܬܼܵܐ ܀ 934 :ܣܥ̣ܵܐ ܘܲܣܠܸܩ ܠܥܸܠ ܡ̣ܢ ܐ̄ܢܵܫܵܐ 935 ܠܘܵܬܼ ܥܸܠܬܼܵܐ ܕܦܘܼܪܩܵܢ ܐ̄ܢܵܫܵܐ. 936 :ܘܐܲܫ̣ܕܵܗ̇ ܠܡܸܪܬܹܗ ܩܵܛܘܿܠܵܐ 937 ܥܲܠ ܫܲܝܢܵܐ ܕܫܲܝܸܢ ܟܠܵܐ ܀ 938 :ܐܘܿ ܚܣܵܡܵܐ ܟܲܠܒܵܐ ܦܲܩܪܵܐ 939 ܕܢܵ݁ܒܲܚ ܠܸܠܝܵܐ ܘܐܝܼܡܵܡܵܐ. 940 :ܘܲܡܢܲܟܸܿܬܼ ܟܠܵܐ ܦܘܼܪܫܵܢܵܐ 941 ܠܒܲܝܬܵܝܹ̈ܐ ܘܲܠܢܘܼܟܼܪ̈ܵܝܹܐ ܀ 942 :ܐܘܿ ܛܪܘܼܢܵܐ ܕܠܵܐ ܡܸܬܼܟܲܚܲܕܼ 943 ܠܡܹܐܫܲܕܼ ܠܲܕܼܡ̇ܐ ܙܲܟܵܝܵܐ. 944 :ܐܘܿ ܩܵܛܘܿܠܵܐ ܕܠܵܐ ܣܵܒܲ݁ܪ 945 ܒܲܫ̈ܠܲܕܹܿܐ ܕܡܲܪܡܸܐ ܟܠܢܵܫ ܀ 946 :ܐܘܿ ܐܸܣܦܸܣ ܚܲܪܡܵܢܘܼܬܼܵܐ 947 ܕܠܵܐ ܨܵܝ̇ܬܼܵܐ ܠܩܵܠ ܐܵܫܘܿܦܹ̈ܐ. 948 :ܘܠܵܐ ܢܵܦ̇ܠܝܼܢ ܩܵܠܹ̈ܐ ܕܚܘܼܒܵܐ 949 ܒܡܲܫܡܲܥܬܼܵܐ ܕܡܲܪܝܼܪܘܼܬܼܵܗ̇ ܀ 950 :ܐܘܿ ܬܲܢܝܼܢܵܐ ܩܵܛ̇ܘܿܠܵܐ 951 ܕܪܲܒܿܝܼܥ ܒܲܬܼܗܘܿܡ̇ܐ ܕܝܲܨܪܵܐ. 952 :ܘܕܼܵܠܲܚ̇ ܟܠܫܵܥ ܚܘܼܫ̇ܒܹ̈ܐ 953 ܒܡܲܪܝܼܪܘܼܬܼܵܐ ܕܗܘܼܦܵܟܼܵܘ̈ܗܝ ܀ pb. 240 954 :ܐܘܿ ܥܵܠܘܿܒܼܵܐ ܕܠܵܐ ܣܵܒ̇ܲܥ 955 ܐܘܿ ܝܲܥܢܵܐ ܕܠܵܐ ܡܸܬܼܡܲܠܸܐ. 956 :ܕܣܸܒܼܟܲܬ̤ ܘܲܡܛܵܬ̤ ܚܲܪܡܘܼܬܹܗ 957 ܥܕܲܡ̇ܐ ܠܥܸܠܲܬܼ ܛܵܒܼܵܬܹ̈ܐ ܀ 958 :ܛܪ݂ܲܕܼ ܠܐܕܼܵܡ ܡ̣ܢ ܝܵܪܬܿܘܼܬܼܗ 959 ܘܲܩ̣ܛܲܠ ܠܗܵܒܹܝܠ ܕܐܸܙܕܲܕܲܩ. 960 :ܣܥ̣ܵܐ ܠܝܲܥܩܘܿܒܼ ܥܲܠ ܕܐܸܬܼܡܲܟܲܟ 961 ܘܲܠܝܵܘܣܸܦ ܥܲܠ ܕܐܸܬܼܚܲܟܲܡ ܀ 962 :ܚܣ݂ܲܡ ܒܐܝܼܘܿܒܼ ܕܲܚܙܵܝܗܝ ܕܝܼܪܸܒܼ 963 ܒܥܘܼܬܼܪܵܐ ܕܦܲܓܼܪܵܐ ܘܲܕܼܢܲܦܫܵܐ. 964 :ܘܣܲܩ̣ܪܹܗ ܠܡܘܼܫܹܐ ܕܐܸܬܼܟܲܢܝܼ 965 ܐܲܠܵܗܵܐ ܒܹܝܬܼ ܐܲܪ̈ܥܵܢܹܐ ܀ 966 :ܘܡ̇ܢܵܐ ܬܵܢܹ̇ܐ ܐ̄ܢܵܐ ܪܘܼܓܼܙܹܗ 967 ܕܠܘܼܩܒܲܠ ܥܒܼܵܕܹ̈ܐ ܕܐܸܙܕܲܕܲܩܘ. 968 :ܕܲܥܕܲܡ ܠܡܵܪܵܐ ܕܥܲܒܼ̈ܕܹܿܐ 969 ܣܥ̣ܵܐ ܘܲܣܠܸܩ ܒܲܛܪܘܼܢܘܼܬܼܵܐ ܀ 970 :ܒܲܝܗܘܼܕܵܐ ܓ̣ܡܲܪ ܨܼܒܼܝܵܢܹܗ 971 ܚܣܵܡܵܐ ܒܥܸܠܲܬܼ ܦܘܼܪܩܵܢܲܢ. 972 :ܟܲܕܼ ܣܵܒܲ݁ܪ ܗ̄ܘ̣ܵܐ ܡܲܪܵܚܵܐ 973 ܕܦܵܣܹ̇ܩ ܠܵܗ̇ ܠܥܸܠܲܬܼ ܚܲܝܲܝ̈ܢ ܀ 974 :ܡܟܵܐ ܢܲܠܸܦ ܚܲܪܡ̇ܢܘܼܬܹܗ 975 ܕܚܣܵܡܵܐ ܣܵܢܹ̇ܐ ܠܐ̄ܢܵܫܵܐ. 976 :ܕܲܟܼܡܵܐ ܓܠܝܼܙܵܐ ܒܝܼܫܘܼܬܹܗ 977 ܡ̣ܢ ܪ̈ܲܚܡܹܐ ܘܡ̣ܢ ܚܵܘܣܵܢܵܐ ܀ 978 :ܠܲܝܬܼ ܠܹܗ ܥܸܠܬܼܵܐ ܠܲܢܟܼܝܼܠܵܐ 979 ܕܥܲܠ ܡ̇ܢ ܣܵܢܹ̇ܐ ܠܫܲܦܝܼܪܹ̈ܐ. 980 :ܗܘ̤ܝܘܼ ܥܸܠܬܼܵܐ ܕܲܩܢܘܿܡܹܗ 981 ܘܲܒܼܢܸܟܼܠܵܐ ܡܪܲܟܸܿܒ̣ ܥܸܠܠܹ̈ܐ ܀ 982 :ܘܐܸܢ ܨܹܝܕ ܥܲܒܼ̈ܕܹܿܐ ܐܝܼܬܼ ܥܸܠܬܐ 983 ܕܟܼܠܹܗ ܟܝܵܢܵܐ ܚܲܝܵܒܼܵܐ ܗ̄ܘ̣. 984 :ܨܹܝܕܼ ܐܲܝܢܵܐ ܕܲܕܼܟܸܐ ܘܩܲܕܲܝܼܫ 985 ܐܲܝܕܼܵܐ ܗ̄ܝܼ ܥܸܠܬܼܵܐ ܕܲܫܟܼܝܼܚܵܐ ܀ 986 :ܘܐܸܢ ܚܲܝܵܒܹ̈ܐ ܗܘ̤ܵܘ ܥܸܠܬܼܵܐ 987 ܠܲܚ̈ܕܼܵܕܹܐ ܐܲܝܟ ܚܲܝܵܒܹ̈ܐ. 988 :ܙܲܟܵܝܵܐ ܡ̇ܢ ܐܲܣܟܸܿܠ ܒܵܟ 989 ܕܐܸܫܲܕܿܬܵܝܗܝ ܠܲܕܼܡܹܗ ܡܲܓܵܢ ܀ 990 :ܗܵܐ ܐܸܬܼܚܵܘܝܲܬ̤ ܒܲܥܒܼܵܕܼܵܐ 991 ܕܡܲܓܵܢ ܣܵܢ̇ܝܬܿ ܠܲܫ̈ܦܲܝܵܐ. 992 :ܘܲܒܼܥܸܠܬܼܵܐ ܘܲܕܼܠܵܐ ܥܸܠܬܼܵܐ 993 ܐܸܫܲܕܲܬܿ ܠܲܕܼܡ̇ܟ ܥܲܠ ܐ̄ܢܵܫܵܐ ܀ 994 :ܠܵܘ ܠܛܵܒܹ̈ܐ ܣܵܢܹ̇ܝܬܿ ܒܲܠܚܘܿܕ 995 ܐܘܿ ܚܣܵܡܵܐ ܣܵܢ̇ܐܐ ܕܐ̄ܢܵܫܵܐ. 996 :ܕܲܠܛܵܒܹ̈ܐ ܘܒܼܝܼܫܹ̈ܐ ܐܲܟܼܚ̄ܕܼ 997 ܕܠܝܼܚܵܐ ܡܸܪܬܼܵܟ ܫܲܘܝܵܐܝܼܬܼ ܀ 998 :ܠܵܐ ܗ̄ܘ̣ܵܐ ܠܝܵܕܼܘܿܥܹ̈ܐ ܒܲܠܚܘܿܕܼ 999 ܕܵܒܹ̇ܨ ܥܘܼܩܣܵܐ ܕܲܡܚܘܿܬܼܵܟ. 1000 :ܕܗܵܐ ܒܚܲܟܿܝܼܡܹ̈ܐ ܘܲܒܼܣܲܟܼܠܹ̈ܐ 1001 ܫܘܼ̈ܡ̇ܬܼܵܐ ܕܢܸܟܼܠܵܟ ܣܝܼ̈ܡܵܢ ܀ 1002 :ܠܘܼܩܒܲܠ ܟܹܐܢܹ̈ܐ ܘܥܵܘܵܠܹ̈ܐ 1003 ܡܬܲܚ̣ܬܵܗ̇ ܠܩܸܫܬܵܟ ܙܹܐܦܵܢܵܐ. 1004 :ܘܡ̇ܚܹ̇ܝܬܿ ܟܠܗܘܿܢ ܗܲܕܵܡܹ̈ܐ 1005 ܒܓܹܐܪ̈ܐ ܫܢܝܼܢܹ̈ܐ ܕܲܛܢܵܢܵܟ ܀ 1006 :ܒܟܼܠܹܗ ܓܘܼܫܡܵܐ ܕܐ̄ܢܵܫܘܼܬܼܵܐ 1007 ܦܸܪܚܲܬ̤ ܡܸܪܬܼܵܐ ܕܒܼܝܼܫܘܼܬܼܵܟ. 1008 :ܘܠܲܝܬܿ ܗܲܕܵܡ̇ܐ ܫܲܪܝܼܪܵܐ 1009 ܕܠܵܐ ܡܒܲܣܒܲܣ ܡ̣ܢ ܢܘܼܟܼ̈ܬܵܬܼܵܟ ܀ 1010 :ܐܘܿ ܟܡܵܐ ܒܝܼܫܵܐ ܒܝܼܫܼܬܼܵܟ 1011 ܚܣܵܡܵܐ ܒܝܼܫܵܐ ܘܣܵܩ̇ܘܿܪܵܐ. 1012 :ܘܠܲܝܬܿ ܒܝܼܫܵܐ ܕܒܼܝܼܫ ܐܲܟܼܘܵܬܼܵܟ 1013 ܘܐܸܢܗܘ̤ ܕܐܝܼܬܼ ܬܲܠܡܝܼܕܼܵܟ ܗ̄ܘ̣ ܀ 1014 :ܐܘܿ ܟܡܵܐ ܦܬܼܝܼܠܵܐ ܢܟܼܝܼܠܘܼܬܼܵܟ 1015 ܘܠܲܝܬܼ ܦܸܚܡܵܐ ܠܨܲܢܥܘܼܬܼܵܟ. 1016 :ܘܐܸܢ ܐܝܼܬܼ ܕܲܨܢܝܼܥ ܘܲܡܕܲܪܲܡ 1017 ܒܦܘܼܪ̈ܣܹܐ ܕܢܸܟܼܠܵܟ ܐܸܬܼܗܲܓܿܝܼ ܀ pb. 241 1018 :ܠܵܐ ܣܵܦܹ̇ܩ ܦܘܼܡܵܐ ܕܢܸܬܼܢܸܐ 1019 ܕܒܲܟܼܡܵܐ ܦܘܼܪ̈ܣܝܼܢ ܡܲܛܥܸܐ ܐܲܢ̄ܬܿ. 1020 :ܘܠܵܐ ܗܵܘܢܵܐ ܡܨܸܐ ܕܲܢܟܲܢܸܫ 1021 ܫܟܼܝܼ̈ܚܵܬܼܵܐ ܕܡ̇ܘܠܸܕܼ ܢܸܟܼܠܵܟ ܀ 1022 :ܚܲܕܼ ܗ̄ܘ̣ ܝܵ̇ܕܲܥ ܕܲܢܦܲܪܣܹܝܟ 1023 ܘܢܸܓܼܠܸܐ ܡܘܼܡܹ̈ܐ ܕܣܲܢ̈ܝܵܬܼܵܟ. 1024 :ܗܵܘ̇ ܕܲܣܢ݂ܲܝܬܵܝܗܝ ܥܲܠ ܕܲܓܼܠ݂ܵܐ 1025 ܣܬܼܝܼܪ̈ܵܬܼܵܟ ܠܥܹܝܢ ܚܲܙܵܝܹ̈ܐ ܀ 1026 :ܗܘ̤ ܡܨܸ ܕܢܸܦܣܘܿܩ ܥܸܩܵܪܵܟ 1027 ܡ̣ܢ ܐܲܪܥܵܐ ܕܚܲܝܘܼܬܼ ܢܲܦܫܲܢ. 1028 :ܘܲܢܦܲܫܲܚ ܣܵܘ̈ܟܹܿܐ ܕܦܹܐܪ̈ܲܝܟ 1029 ܡ̣ܢ ܐܝܼܠܵܢܵܐ ܕܪܸܥܝܵܢܲܢ ܀ 1030 :ܒܚܲܠܝܘܼܬܼ ܚܘܼܒܹܿܗ ܬܸܬܼܦܲܟܲܗ 1031 ܡܸܪܬܼܵܐ ܕܟܼܵܣܵܟ ܡܲܪܝܼܪܵܐ. 1032 :ܘܲܒܼܢܘܼܗܪܵܐ ܕܕܸܢܚܹܗ ܬܲܫܩܸܠ 1033 ܥܲܪܦܸܠܵܐ ܕܚܲܫܵܟ ܣܲܢܝܵܐ ܀ 1034 :ܒܨܲܦܪܵܐ ܕܡܸܠܬܹܗ ܢܸܬܿܬܿܥܝܼܪܘܼܢ 1035 ܕܲܡܪܹ̈ܐ ܕܲܛܒ݂ܲܥܘ ܒܲܛܢܵܢܵܐ. 1036 :ܘܲܢܫܲܪܘܿܢ ܒܦܘܼܠܚܵܢ ܚܘܼܒܵܐ 1037 ܐ̄ܦܸܢ ܒܲܚܕܲܥܸܣܪܹ̈ܐ ܫܵܥܝܼ̈ܢ ܀ 1038 ܬܵܘ ܡ̇ܝܘܿܬܹ̈ܐ ܢܸܣܬܲܬܲܪܼ 1039 ܒܚܸܣܢܹ̈ܐ ܕܚܘܼܒܵܐ ܡܲܪ̈ܝܼܪ̈ܐ. 1040 :ܕܗܵܐ ܚܣܵܡܵܐ ܐܲܝܟ ܫܲܒܵܝܵܐ 1041 ܢܲܦܝܼܩ ܒܵܬܲܪ ܐ̄ܢܵܫܘܼܬܲܢ ܀ 1042 :ܬܵܘ ܢܸܥܪܘܿܩ ܠܐܲܬܼܪܵܐ ܕܲܠܥܸܠ 1043 ܐܲܝܟܵܐ ܕܠܵܐ ܡܲܡܠܸܟ ܪܘܼܓܼܙܵܐ. 1044 :ܕܗܵܐ ܛܢܵܢܵܐ ܐܸܚܲܕܼ ܢܘܼܡܹܐ 1045 ܘܠܲܒܼ݂ܟܵܗ̇ ܠܟܼܠܵܗ̇ ܥܵܡܲܪܬܵܐ ܀ 1046 :ܬܵܘ ܢܸܒܼܥܹܐ ܠܲܢ ܥܘܼܕܼܪܵܢܵܐ 1047 ܡ̣ܢ ܪ̈ܲܚܡܹܐ ܕܚܲܢ̣ܘ ܠܲܟܼܝܵܢܲܢ. 1048 :ܕܗܵܐ ܡܲܟܸܿܟܼܬܹܗ ܠܲܟܼܝܵܢܲܢ 1049 ܛܪܘܼܢܘܼܬܼܵܐ ܕܝܲܨܪܲܢ ܒܝܼܫܵܐ ܀ 1050 :ܢܸܬܸܠ ܐܝܼܕܼܵܐ ܠܛܲܝܒܿܘܼܬܼܵܐ 1051 ܕܲܬܼܣܲܝܲܥ ܠܲܢ ܒܐܵܓܼܘܿܢܵܐ. 1052 :ܕܗܵܐ ܚܵܒܼ݂ ܟܠܹܗ ܒܲܪܢܵܫܵܐ 1053 ܡ̣ܢ ܨܸܢ̈ܥܵܬܹܗ ܕܲܚܣܵܡܵܐ ܀ 1054 :ܢܦܝܼܣ ܠܲܚܢܵܢܵܐ ܚܵܐܹ̇ܝܢ ܟܠ 1055 ܕܲܢܪܵܥܹܝܢ ܥܲܡ ܟܹܐܢܘܼܬܼܵܐ. 1056 :ܕܗܵܐ ܕܠܲܚ̣ܬܼܵܗ̇ ܒܝܼܫܘܼܬܼ ܝܲܨܪܲܢ 1057 ܠܚܲܠܝܘܼܬܼ ܫܲܝܢܵܐ ܕܫܲܝܸܢ ܟܠ ܀ 1058 :ܝܲܨܪܲܢ ܪܲܦܝܹܗ ܠܐܲܣܵܪܵܐ 1059 ܕܫܲܝܢܲܢ ܕܲܠܘܵܬܼ ܥܵܒܼܘܿܕܼܵܐ. 1060 :ܘܕܼܝܼܠܲܢ ܗ̄ܝܼ ܐܸܢ ܨܵܒܹ̈ܝܢܲܢ 1061 ܕܲܢܚܲܝܸܨ ܗܵܘ̇ ܡ̇ܐ ܕܪܲܦܝܲܢ ܀ 1062 :ܝܲܨܪܲܢ ܟܲܬܿܡܲܢ ܒܲܚܛܝܼܬܼܵܐ 1063 ܘܛܲܡܵܐܗ̇ ܠܕܲܟܼܝܘܼܬܼ ܪܸܥܝܵܢܲܢ. 1064 :ܘܐܸܢܗܘ̤ ܕܨܵܒܹ̇ܐ ܦܫܝܼܩܵܐ ܠܹܗ 1065 ܕܲܢܕܲܟܹܿܝܢ ܒܲܬܼܘܵܬܼ ܢܲܦܫܲܢ ܀ 1066 :ܝܲܨܪܲܢ ܕܲܠܚܲܢ ܒܲܚܣܵܡܵܐ 1067 ܘܐܲܪܡܝܼ ܗܸܪܬܼܵܐ ܒܲܝܢܵܬܲܢ. 1068 :ܘܕܼܝܼܠܹܗ ܗ̄ܝܼ ܕܲܢܫܲܝܸܢ ܠܲܢ 1069 ܠܲܚܕܼܵܕܹ̈ܐ ܘܲܠܥܵܒܼܘܿܕܼܵܐ ܀ 1070 :ܠܹܗ ܠܝܲܨܪܲܢ ܣܸܬܿܪܹܬܼ ܐܵܦ ܐ̄ܢܵܐ 1071 ܘܓܿܢܝܼܬܹܿܗ ܐܲܝܟ ܕܠܒܼܝܼܫܵܐ. 1072 :ܕܡܸܛܠ ܡ̇ܢ ܟܲܕܼ ܦܵܪܘܿܫܵܐ ܗ̄ܘ̣ 1073 ܥܒܼܝܼܕܼ ܚܲܪܫܵܐ ܒܚܲܕܼ ܨܸܒܼܝܵܢܹܗ ܀ 1074 :ܠܹܗܘ̣ ܟܲܢܝܼܬܼ ܒܲܫܡܵܗܹ̈ܐ 1075 ܕܲܡܚܲܢܝܼܢ ܠܦܵܪܘܿܫܘܼܬܹܗ. 1076 :ܚܣܵܡܵܐ ܘܪܘܼܓܼܙܵܐ ܘܲܛܢܵܢܵܐ 1077 ܦܹܐܪܹ̈ܐ ܕܝܼܠܹܗ ܐܝܼܬܿܝܗܘܿܢ ܀ 1078 :ܗܘ̤ܝܘܼ ܐܲܒܼܘܗܝ ܕܲܚܣܵܡܵܐ 1079 ܘܲܛܢܵܢܵܐ ܝܲܠܕܵܐ ܗ̄ܘ̣ ܕܝܼܠܹܗ. 1080 :ܘܐܸܢܗܘ̤ ܕܨܵܒܹ̇ܐ ܡܸܬܼܪܲܒܹܿܝܢ 1081 ܘܐܸܢ ܠܵܐ ܡܢܵܚ ܠܵܐ ܐܝܼܬܿܝܗܘܿܢ ܀ 1082 ܗܘ̤ܝܘܼ ܕܲܪܟܼܝܼܒܼ ܥܲܠ ܙܲܪ̈ܥܹܐ: pb. 242 1083 ܐܲܝܟ ܗܸܢܝܘܿܟܼܵܐ ܥܲܠ ܪ̈ܲܟܼܫܵܐ. 1084 :ܘܗܘ̤ ܡܲܪܗܸܛ ܪ̈ܓܼܫܹܐ ܕܠܒܲܪ 1085 ܥܲܝܢܹ̈ܐ ܘܐܸܕܼܢܹ̈ܐ ܘܠܸܫܵܢܹ̈ܐ ܀ 1086 :ܒܪܸܡܙܹܗ ܟܕܝܼܢܝܼܢ ܓܵܘܵܝ̈ܐ 1087 ܘܲܒܼܫܘܼܠܛܵܢܹܗ ܒܲܪ̈ܵܝܹܐ. 1088 :ܘܐܸܢ ܨܵܒܹ̇ܐ ܒܛܲܟܼܣܵܐ ܪܵܕܹܝܢ 1089 ܘܐܸܢ ܒܵܥܹ̇ܐ ܒܲܥܪܝܼܪܵܐܝܼܬܼ ܀ 1090 :ܕܝܼܠܹܗ ܗ̄ܘ̣ ܚܹܝܠ ܚܸܟܼ̈ܡܵܬܼܵܐ 1091 ܘܲܓܠ̣ܝܙܘܼܬܼ ܡ̣ܢ ܒܘܼܝܵܢܵܐ. 1092 :ܘܐܲܝܟܵܐ ܕܒܵܥܹ̇ܐ ܣܹܘܦܲܣܛܵܐ ܗ̄ܘ̣ 1093 ܒܼܵܬܲܪ ܩܲܠܝܼܠ ܗܸܕܼܝܘܿܛܵܐ ܀ 1094 :ܗܘ̤ ܐܲܠܦܲܢܝ ܕܐܹܡܲܪ ܥܲܡܗ 1095 ܕܥܲܠ ܡ̇ܢܵܐ ܡܫܝܼܛ ܚܹܐܪܘܼܬܹܗ. 1096 :ܘܗܘ̤ ܓܠ̣ܵܐ ܠܝܼ ܕܕܝܼܠܹܗ ܐܸܢܹܝܢ 1097 ܥܪܝܼܡܘܼܬܼܵܐ ܘܫܲܒܼܪܘܼܬܼ ܠܸܒܵܐ ܀ 1098 :ܗܘ̤ ܪܡ݂ܲܙ ܠܝܼ ܕܐܸܟܼܠܸܐ ܘܐܲܟܸܿܣ 1099 ܠܙܵܘܥܹ̈ܐ ܡܫܲܡܫܲܝ̈ ܠܲܚܣܵܡܵܐ. 1100 :ܘܗܘ̤ ܚܲܦܛܲܢܝ ܕܐܸܫܕܹܿܐ ܡܸܠܹ̈ܐ 1101 ܐܲܝܟ ܓܹܐܪܹ̈ܐ ܒܣܸܕܼܪ̈ܲܝ ܢܸܟܼܠܵܐ ܀ 1102 :ܗܘ̤ ܒܲܕܸܿܩ ܠܝܼ ܥܲܠ ܦܘܼܪܣܵܐ 1103 ܕܲܡܪܲܟܲܒܼ ܒܲܨܢܝܼܥܘܼܬܹܗ. 1104 :ܘܚܵܘܝܲܢܝ ܦܲܚܹ̈ܐ ܩܵܛܘܿܠܹ̈ܐ 1105 ܕܲܡܟܲܣܹܝܢ ܒܐܸܣܟܹܿܝܡ ܝܗܘܼܒܵܐ ܀ 1106 :ܠܩܵܠ ܢܸܥܡܵܬܹ̈ܐ ܐܸܬܿܬܿܥܝܼܪܹܬܼ 1107 ܟܲܕܼ ܙܵܡܲ݁ܪ ܩܵܠܹ̈ܐ ܕܫܲܝܢܵܐ. 1108 :ܘܡܲܟܲܣܲܝ ܗ̄ܘ̣ܵܐ ܚܸܪܝܵܢܵܐ 1109 ܠܓܼܵܘ ܡ̣ܢ ܢܲܚܬܵܐ ܕܣܸܦܘܵܬܹ̈ܗ ܀ 1110 :ܫܡܲܥܬܹܿܗ ܕܲܡܫܲܚܠܸܦ ܩܵܠܹ̈ܐ 1111 ܢܟܼܝܼܠܵܐܝܼܬܼ ܐܲܝܟ ܦܵܪܲܚܬܼܵܐ. 1112 :ܘܡܲܣܓܸܿܐ ܡܚܲܬܼܚܸܬܼ ܫܵܡܘܿܥܵܘ̈ܗܝ 1113 ܐܲܝܟ ܚܲܓܼܠܵܐ ܕܩܵܪܹܐ ܠܡܵܘܬܵܐ ܀ 1114 :ܚܙܹܝ̇ܬܹܗ ܕܲܦܠܸܐ ܒܐܸܣܟܹܿܡܗ 1115 ܘܣܸܒܲܪܹܗ ܕܟܼܠܹܗ ܫܲܦܝܼܪܵܐ ܗ̄ܘ̣. 1116 :ܘܲܗܦ݂ܲܟ ܗܘ̤ ܒܹܗ ܘܲܓܼܠ̣ܵܐ ܠܝܼ 1117 ܕܢܘܼܟܼܪܵܝ ܚܸܙܘܹܗ ܒܣܘܼܥܪ̈ܵܢܵܘܗܝ ܀ 1118 :ܐܘܿ ܝܲܨܪܵܐ ܟܡܵܐ ܚܲܟܿܝܼܡ ܐܲܢ̄ܬܿ 1119 ܘܲܨܢܝܼܥܝܼܢ ܛܵܒܼ ܣܘܼܥܪ̈ܵܢܲܝܟ. 1120 :ܐܘܿ ܟܡܵܐ ܟܹܐܝܢ ܐܲܢ̄ܬܿ ܐܸܢ ܨܵܒܹ̇ܝܬܿ 1121 ܕܠܵܐ ܢܵܣ̇ܒܲܬܿ ܒܐܲܦܲܝ̈ ܢܲܦܫܵܟ ܀ 1122 :ܟܠ ܦܘܼܪ̈ܣܝܼܢ ܡܸܨܛܲܢܲܥ ܐܲܢ̄ܬܿ 1123 ܐܲܝܟܵܐ ܕܒܼܵܥ̇ܝܬܿ ܕܲܬܼܣܲܓܸܿܦ. 1124 :ܘܲܟܼܒܲܪ ܠܲܝܬܿ ܕܲܦܫܝܼܛ ܡܸܢܵܟ 1125 ܐܸܡܲܬܼܝ ܕܨܵܒܹ̇ܝܬܿ ܕܲܬܼܥܲܕܲܪ ܀ 1126 :ܒܚܸܟܼ̈ܡܵܬܼܵܟ ܬܸܗ̇ܪܹܬܼ ܣܲܓܿܝܼ 1127 ܘܲܒܼܫܘܼܠܛܵܢܵܐ ܕܚܹܐܪܘܼܬܼܵܟ. 1128 :ܕܲܟܼܡܵܐ ܦܫܝܼ̈ܩܵܢ ܥܲܣ̈ܩܵܬܼܵܐ 1129 ܠܨܵܒܼܝܵܢܵܟ ܐܲܝܟܵܐ ܕܨܵܒܹ̇ܐ ܀ 1130 :ܡܸܢܵܟ ܝܵܠ̇ܦܝܼܢ ܬܲܠܡܝܼܕܹ̈ܐ 1131 ܘܒܼܵܟ ܡܸܬܼܚܲܟܿܡܝܼܢ ܪ̈ܲܒܵܢܹܐ. 1132 :ܠܬܲܪܥܵܟ ܪܵܗܛ̇ܝܼܢ ܡܸܣܟܹܿܢܹ̈ܐ 1133 ܘܲܠܒܹܝܬܼ ܓܲܙܵܟ ܥܲܬܼܝܼܪܹ̈ܐ ܀ 1134 :ܗܵܐ ܓܠ̣ܵܐ ܠܲܢ ܝܲܨܪܵܐ ܕܢܲܦܫܲܢ 1135 ܕܕܝܼܠܲܢ ܐܸܢܹܝܢ ܬܲܪ̈ܬܲܝܗܹܝܢ. 1136 :ܠܡܸܪܚܲܡ ܚܘܼܒܵܐ ܕܐܲܚܝܼ ܠܲܢ 1137 ܘܲܠܡܸܣܢܵܐ ܚܣܵܡܵܐ ܕܩܲܛܠ݂ܲܢ ܀ 1138 :ܬܵܘ ܡ̇ܕܹܝܢ ܐܲܝܟ ܦܵܪ̈ܘܿܫܹܐ 1139 ܢܦܲܪܣܸܐ ܢܸܟܼܠܵܐ ܕܲܒܼܝܲܨܪܲܢ. 1140 :ܕܗܵܐ ܝܲܨܪܵܐ ܕܒܲܢ ܒܲܕܲܩ ܠܲܢ 1141 ܕܕܼܝܼܠܲܢ ܗ̄ܘ̣ ܫܲܝܢܵܐ ܘܪܘܼܓܼܙܵܐ ܀ 1142 :ܬܵܘ ܢܹܐܡܲܪ ܠܹܗ ܟܹܐܢܵܐܝܼܬܼ 1143 ܠܝܲܨܪܲܢ ܡ̇ܪܵܐ ܕܨܸܒܼܝܵܢܲܢ. pb. 243 1144 :ܕܠܵܐ ܬܫܲܚܠܸܦ ܚܲܠܝܘܼܬܼ ܚܘܼܒܵܐ 1145 ܠܡܲܪܝܼܪܘܼܬܼܵܐ ܕܲܚܣܵܡܵܐ ܀ 1146 :ܬܵܘ ܢܸܬܼܢܸܐ ܡ̣ܢ ܕܝܼܠܹܗ 1147 ܘܲܢܬܲܪܓܸܿܡ ܠܹܗ ܡ̣ܢ ܣܸܦܪ̈ܵܘܗܝ. 1148 :ܕܲܚܙܝܼ ܝܲܨܪܵܐ ܠܵܐ ܬܸܕܼܠܘܿܚ 1149 ܒܲܚܣܵܡܵܟ ܫܲܝܢܵܐ ܕܐ̄ܢܵܫܵܐ ܀ 1150 :ܩܥ̣ܵܘ ܚܲܣܵܡܹ̈ܐ ܘܐܸܡܲܪܘ ܠܹܗ 1151 ܠܝܲܨܪܵܐ ܕܲܒܼܗܲܕܵܡܲܝ̈ܟܿܘܿܢ. 1152 :ܕܦܘܼܫ ܝܲܨܪܵܐ ܠܵܐ ܬܵܘܩܸܕܼ ܠܲܢ 1153 ܒܫܲܠܗܹܒܼܝܼܬܼܵܐ ܕܲܚܣܵܡܵܐ ܀ 1154 :ܬܵܢܵܘ ܠܹܗ ܬܒܲܥܬܹܗ ܕܥܲܬܼܝܼܪܵܐ 1155 ܕܡܸܫܬܲܢܲܩ ܗ̄ܘ̣ܵܐ ܩܲܫܝܵܐܝܼܬܼ. 1156 :ܘܡܸܬܼܟܲܫܲܦ ܗ̄ܘ̣ܵܐ ܠܗܵܘ̇ ܕܲܣܢ̣ܵܝܗܝ 1157 ܕܢܲܪܘܲܚ ܠܹܗ ܡ̣ܢ ܝܲܩܕܵܢܹܗ ܀ 1158 :ܠܗܵܝ̇ ܒܲܪܬܼ ܩܵܠܵܐ ܢܸܬܿܕܲܟܼܪܘܼܢ 1159 ܚܲܣܵܡܹ̈ܐ ܕܣܵܢܹ̈ܝܢ ܡܲܓܵܢ. 1160 :ܕܗܵܘܬܼܵܐ ܗ̄ܝܼ ܪܲܒܿܬܼܵܐ ܕܠܵܐ ܡܲܨܝܵܐ 1161 ܠܡܸܥܒܲܪ ܒܵܗ̇ ܠܘܵܬܼ ܐܲܒܼܪܵܗܵܡ ܀ 1162 :ܣܚܘܿܦܲܝܗܝ ܡ̇ܪܲܢ ܠܣܵܛܵܢܵܐ 1163 ܕܕܲܠܚܹܗ ܠܓܸܢܣܲܢ ܒܲܚܣܵܡܹܗ.