On Palm Sunday - ܐܚܪܸܢܐ ܕܥܸܐܕܐ ܕܐܘܼܫܥܵܢܐ

1 :ܬܲܗܪܐ ܗ̣̄ܝ ܪܲܒܿܐ ܡܕܲܒܿܪܵܢܘܼܬܹܗ ܕܐܲܠܵܗ ܟ̱ܠܵܐ 2 ܘܲܠܦܵܪ̈ܘܫܹܐ ܡܥܝܼܪܵܐ ܟܠܫܵܥ ܠܘܵܬܼ ܬܸܫܒܿܘܿܚܬܿܐ܀ pb. f.160v 3 :ܠܵܐ ܡܸܨܐ ܦܘܼܡܵܐ ܟܠ ܕܲܥܒܼܝܼܪܵܐ ܗ̄ܘ̣ ܠܡܸܐܡܲܪ ܫܘܼܒܼܚܹܗ 4 ܕܐܲܝܠܸܝܢ ܛܘܼܒܹ̈ܐ ܐܲܕܪܸܟ ܓܸܢܣܲܢ ܒܝܲܕ ܛܲܝܒܿܘܼܬܹܗ܀ 5 :ܒܓܼܵܘ ܨܵܡܲܪܬܿܐ ܕܡܵܝܘܿܬܼܘܼܬܐ ܛܒܼܝܼܥ̣ ܗ̄ܘ̣ܵܐ ܓܸܢܣܲܢ 6 ܘܲܡܫܲܥܒܲܕ ܗ̄ܘ̣ܵܐ ܠܡܵܘܬܐ ܛܪܘܼܢܐ ܐܲܝܟ ܕܲܠܡܵܠܟܿܐ܀ 7 :ܠܲܪ̈ܓܼܝܼܓܼܵܬܐ ܕܡܵܝܘܿܬܼܘܼܬܐ ܫܲܡܸܫ ܗ̄ܘ̣ܵܐ ܟܠ 8 ܘܐܬܲܢܲܨܚ ܗ̄ܘ̣ܵܐ ܡܵܘܬܿܐ ܝܲܥܢܐ ܥܲܠ ܐ̄ܢܵܫܘܼܬܲܢ܀ 9 :ܠܵܐ ܫܸܦܪܬ̤ ܠܹܗ ܠܡܲܬܸܩܢ ܟܠ̱ܵܐ ܥܲܠ ܫܘܼܥܒܵܕܲܢ 10 ܘܫܲܕ̣ܪ ܠܲܒܼܪܹܗ ܘܕܲܠܹܝܗ ܠܓܸܢܣܲܢ ܡ̣ܢ ܡܲܦܘܼܠܬܹܿܗ܀ 11 :ܥܩ݂ܲܪ ܡ̣ܢ ܚܲܩܐܐ ܕܥܲܦܪܵܢܘܬܲܢ ܟܠܗܘܿܢ ܚܲܫܹ̈ܐ 12 ܘܐܸܫܬܵܘܕܝܼ ܠܲܢ ܣܚܡܲܬܼ ܒ̈ܢܲܝܐ ܡܲܠܝܼܬܲ ܛܘܼܒܹ̈ܐ܀ 13 :ܘܡ̣ܢ ܕܐܸܬܲܪܒܲܪ ܚܲܬܿܝܼܬܼܐܝܼܬܼ ܐܲܝܟ ܡܵܐ ܕܲܦܐܸܐ 14 ܣܠܸܩ ܠܲܫܡܲܝܐ ܘܐܸܫܬܿܘܝܼ ܠܡܵܘܬܲܒܼܵܐ ܕܡ̣ܢ ܚܲܡܝܼܢܵܐ܀ 15 :ܘܐܲܝܟ ܕܲܫ̣ܦܲܪ ܠܹܗ ܚܲܪܪ ܠܓܸܢܣܲܢ ܡ̣ܢ ܥܲܒܼܕܘܼܬܼܵܐ 16 ܒܵܬܲܪ ܕܲܚܙ̣ܩ ܫ̣ܒܲܩ ܥܘܼܗܕܵܢܹܗ ܒܥܹܕܲܬܼ ܩܘܼܕܫܐ܀ 17 :ܣܵܡ̣ ܒܹܗ ܒܥܵܠܡܵܐ ܥܹܕܬܿܐ ܓܒܼܝܼܬܐ ܒܲܕ ܡܘܼܬܼ ܓܘܼܫܡܵܐ 18 ܘܥܸܐܕܹ̈ܐ ܒܓܼܵܘܵܗ̇ ܐܲܝܟ ܗܲܕܵܡܹ̈ܐ ܚܲܕ ܒܵܬܲܪ ܚܲܕܼ܀ 19 :ܠܵܐ ܒܸܣܡܲܬܼ ܠܹܗ ܕܢܲܪܦܸܐ ܥܸܕܬܹܿܗ ܕܠܵܐ ܥܲܕܥܸܕܹ̈ܐ 20 ܕܠܵܐ ܬܸܛܥܸܐ ܠܵܗ̇ ܡܕܲܒܿܪܢܘܼܬܹܗ ܦܲܓܼܪܵܢܵܝܬܿܐ܀ 21 :ܘܐܲܝܟ ܡܵܐ ܕܦܲܓܼܪܢ ܡ̣ܢ ܗܲܕܵܡܹ̈ܐ ܗ̄ܝ̣ ܣܵܥܘܿܪܼܘܼܬܹܗ 22 ܡܕܲܒܿܪܵܢܘܼܬܹܗ̇ ܡ̣ܢ ܥܲܕܥܸ̈ܕܹܐ ܡܸܬܼܝܲܕܥܵܐ ܠܲܢ܀ 23 :ܠܵܐ ܡܸܨܐ ܓܘܼܫܡܵܐ ܕܠܐ ܗܲܕܵܡܹ̈ܐ ܠܡܸܣܥܲܪ ܡܸܕܹܿܡ 24 ܘܟܼܠ ܗܲܕܵܡܵܐ ܕܝܼܠܹܗ ܡܚܵܘܹܐ ܒܲܠܚܘܿܕܼܵܐܝܼܬܼ܀ 25 :ܘܐܸܢ ܚܲܕ ܗܲܕܵܡ ܡܬܲܪܣܸܐ ܗ̄ܘ̣ܵܐ ܠܹܗ ܠܟܼܠܹܗ ܓܘܼܫܡܵܐ 26 ܡ̣ܢ ܝܲܬܿܝܼܪܘܼ ܐܝܼܬܲܝܗܘܿܢ ܗ̄ܘ̣ܵܘ ܒܹܗ ܣܲܓܲܝܹܐܝ̈ܐ܀ 27 :ܘܐܸܢ ܠܐ ܣܵܦܹ̇ܩ ܚܲܕܼ ܗܲܕܵܡܵܐ ܠܟܼܠܹܗ ܓܘܼܫܡܵܐ 28 ܘܐܦܠܵܐ ܠܥܹܕܬܐ ܚܲܕ ܥܲܕܥܹܕܵܐ ܡܚܵܘܐ ܟܠܗܘܿܢ܀ 29 :ܠܵܐ ܡܹܨܐ ܥܹܐܕܵܐ ܕܝܲܠܕܹܗ ܕܡܵܪܢ ܠܲܡܚܵܘܝܵܘܼ 30 ܐܲܝܠܹܝܢ ܕܲܣܥ݂ܲܪ ܒܝܵܘܡܵܐ ܕܲܥ̣ܡܲܕ ܡ̣ܢ ܝܘܿܚܲܢܵܢ܀ pb. f.161r 31 :ܘܐܵܦܠܐ ܥܸܐܕܐ ܕܲܥ̣ܡܲܕ ܗ̄ܘ̣ܵܐ ܒܹܗ ܡܸܨܐ ܕܲܢܒܲܕܹܿܩ 32 ܗܵܝ̇ ܙܵܟܼܘܼܬܼܵܐ ܕܠܘܼܩܒܲܠ ܒܝܼܫܵܐ ܒܫܘܼܠܵܡ ܨܵܘܡܹܗ܀ 33 :ܘܐܵܦܠܵܐ ܟܠܗܘܿܢ ܥܹ̈ܐܕܹܐ ܫܒܼܝܼܚܹ̈ܐ ܕܲܒܼܓܼܵܘ ܥܸܕܬܿܐ 34 ܡܸܨܝܢ ܕܲܢܚܵܘܘܿܢ ܟܠ ܕܐܸܫܬܲܡܲܫ ܒܗܵܢܐ ܝܵܘܡܵܐ܀ 35 :ܒܗܵܢܐ ܝܵܘܡܵܐ ܫܠܸܡ ܒܘܼܕܵܩܐ ܕܲܢܒܼܝܼܘܼܬܼܵܐ 36 ܕܝܲܥܩܘܿܒܼ ܣܵܒܼܵܐ ܘܕܲܘܝܼܕ ܡܲܠܟܿܐ ܘܐܵܦ ܕܲܙܟܲܪܝܵܐ܀ 37 :ܒܗܵܢܐ ܝܵܘܡܵܐ ܚܵܘܝܲܬ̤ ܡܸܠܬܹܗ ܕܝܲܠܩܘܿܒ ܟܹܐܢܵܐ 38 ܗܝ̇ ܕܐܸܬܼܟܲܬܼܒܿܬ̤ ܡ̣ܢ ܩܕܼܵܡ ܕܲܪܸ̈ܐ ܥܲܠ ܦܵܪܘܿܩܲܢ܀ 39 :ܠܵܐ ܠܲܡ ܢܸܥܢܲܕ ܫܲܒܼܛܵܐ ܕܢܡܠܸܟ ܥܲܠ ܝܗܘܼܕܵܐ 40 ܘܠܵܐ ܡܒܲܕܿܩܵܢܐ ܕܗܘܝ̤ܗ ܢܒܼܝܼܐ ܡ̣ܢ ܒܹܝܬܼ ܪܸ̈ܓܼܠܵܘܗܝ܀ 41 :ܥܕܲܡܵܐ ܕܢܸܐܬܹܐ ܡ̇ܢ ܕܕܼܝܠܹܗ ܗ̄ܝ̣ ܡܲܠܟܿܘܼܬܼ ܥܵܠܲܡ 42 ܘܗܵܝܕܲܢ ܢܸܒܼܛܲܠ ܢܒܼܝܼ̈ܐ ܘܡܲܠܟܿܐ ܡ̣ܢ ܝܼܗܘܼܕܼܵܐ܀ 43 :ܕܝܼܠܹܗ ܐܝܼܬܸܝܗ̇ ܡܲܠܟܿܘܼܬܼ ܥܵܠܲܡ ܕܠܵܐ ܫܘܼܠܵܡܵܐ 44 ܘܗܵܢܐ ܐܝܼܬܼܵܘܗܝ ܫܘܼܠܵܡ ܐܪ̈ܙܹܐ ܘܣܘܼܟܵܝ ܥܲܡܡܹ̈ܐ܀ 45 :ܘܐܲܝܟ ܕܐܸܬܼܢܲܒܿܝܼ ܝܲܥܩܘܿܒܼ ܐܲܒܼܵܘܼܗܝ ܡ̣ܢ ܩܕܼܵܡ ܕܵܪܹ̈ܐ 46 ܠܲܝܬܿ ܒܲܝܗܘܼܕܵܐ ܢܒܼܝܼܵܐ ܘܡܲܠܟܿܐ ܡܸܢܹܗ ܘܲܠܟܵܐ܀ 47 :ܠܲܝܬܿ ܠܹܗ ܡܵܕܲܝܢ ܡܲܦܬܲܚ ܦܘܼܡܵܐ ܠܲܝܗܘܼܕܵܝܵܐ 48 ܕܠܵܐ ܗ̄ܘ̣ܵܐ ܡܫܝܼܚܵܐ ܗ̄ܘ̣ ܡܲܠܟܿܐ ܕܐܸܡ̣ܪ ܝܲܥܩܘܿܒܼ ܣܵܒܼܵܐ܀ 49 :ܠܵܐ ܡܸܨܐ ܡܚܵܘܹ̇ܐ ܕܐܝܼܬܼ ܠܹܗ ܡܲܠܟܿܐ ܡܸܢܹܗ ܘܲܥܠܵܘܗܝ 50 ܘܠܲܝܬܿ ܠܹܗ ܐܲܬܼܪܐ ܠܲܡܚܵܘܵܝܼܘ ܢܒܼܝܼܵܐ ܒܥܲܡܹܗ܀ 51 :ܘܐܸܬܗ̤ܘ ܕܲܥܲܢܲܕ ܢܒܼܝܼܐ ܘܡܲܠܟܿܐ ܐܝܟ ܡܵܐ ܕܲܥܢܲܕܘ 52 ܗܘ̤ܝܘ ܡܵܕܲܝܢ ܕܒܹܗ ܐܸܫܬܲܠܡܲܬ̤ ܡܸܠܬܹܗ ܕܝܲܥܩܘܿܒܼ܀ 53 :ܘܲܟܼܒܲܪ ܐܵܡ̇ܪ ܥܲܠ ܕܐܸܬܼܒܲܪܲܪܢ ܒܟܼܠ ܐܲܬܼܪ̈ܘܵܢ 54 [...ܬܿ] ܠܲܢ ܢܒܼܝܼܐ ܘܐܵܦܠܵܐ ܡܲܠܟܵܐ ܕܲܢܕܲܒܿܪ ܠܲܢ܀ 55 :ܒܐܝܢܐ ܙܲܒܼܢܵܐ ܢܦܲܩ̣ܬܿ ܡ̣ܢ ܐܲܪܥܵܟ ܐܘܿ ܛܵܠܸܘܿܡܵܐ 56 ܕܠܐ ܗܘ̤ܐ ܢܒܼ̈ܝܼܐ ܘܡ̈ܲܠܟܹܿܐ ܗܘ̤ܵܘ ܠܵܟ ܡ̣ܢ ܩܕܼܵܡ ܡܵܪܢ܀ 57 ܒܸܡܨܪܹܝܢ ܕܲܗܘ̤ܝܬܿ ܡܘܼܫܸܐ ܘܡܲܪܝܼܡ ܢܒܼ̈ܝܼܐ ܗܘ̤ܵܘ ܠܵܟ܀ 58 ܘܲܒܼܓܼܵܘ ܒܵܒܸܠ ܕܒܹܝܬܼ ܚܲܢܲܢܝܵܐ ܥܲܡ ܕܵܢܝܼܐܝܹܠ܀ pb. f.161v 59 :ܗܵܠܹܝܢ ܬܠܵܬܐ ܝܲܗ̣̄ܒܼ ܠܵܟ ܒܒܼܵܒܹܠ ܥܲܡ ܚܲܙܩܝܼܐܹܝܠ 60 ܘܝܼܫܘܿܥ ܟܵܗܢܐ ܘܥܵܙܪ̈ܐ ܣܵܦܪܵܐ ܥܲܡ ܙܘܼܪܒܵܒܹܠ܀ 61 :ܠܡܵܢܵܐ ܗܵܫܵܐ ܓܠܝܼܙܝܼܢ ܡܸܢܵܟ ܢܒܼܝܼ̈ܐ ܘܡܲܠܟܹ̈ܐ 62 ܘܠܵܐ ܝܲܩܝܼܪ ܐܢ̄ܬܿ ܥܲܠ ܐܲܠܗܵܐ ܒܝܲܕܼ ܒܝܼ̈ܫܬܼܟ܀ 63 :ܪܘܼܚܵܐ ܐܲܠܦܸܗ ܠܚܲܥܩܘܿܒܼ ܣܵܒܼܵܐ ܠܲܡܒܲܪܵܟܼܬܼ 64 ܘܣܵܡ̣ ܗ̄ܘ̣ܵܐ ܬܚܘܼܡܵܐ ܕܝܲܩܝܼܪܘܼܬܼܟ ܥܕܲܡܵܐ ܠܡܵܪܢ܀ 65 :ܫܩܝܼܠ ܗ̄ܘ̣ܵܐ ܡܸܢܵܟ ܗ̇ܘ ܐܝܼܩܵܪܐ ܕܐܝܼܬܼ ܗ̄ܘ̣ܐ ܒܥܲܡܵܟ 66 ܘܠܵܐ ܡܸܬܼܥܲܠܝܹܬܿ ܠܗܵܝ̇ ܪܲܒܿܘܼܬܼܐ ܕܲܢܚܬܿܬ ܡܸܢܵܗ̇܀ 67 :ܐܲܝܢܵܘ ܙܲܒܼܢܵܐ ܕܕܲܒܼܪܵܟ ܫܸܒܼܝܵܐ ܠܐܬܿܪ̈ܘܵܬܼܐ 68 ܕܠܵܘ ܡܸܢܝܵܢܐ ܦ̣ܣܲܩ ܠܵܟ ܪܸܡܙܵܬ ܫ̈ܢܲܝܵܐ ܕܬܸܗܘܸܐ܀ 69 :ܫܢ̈ܝܼܢ ܐܲܪܒܲܥܡܵܐܐ ܦܣܲܩ̣ ܠܵܟ ܕܬܸܗܘܸܐ ܒܐܲܪܥܵܐ ܕܡܸܨܪܝܼܢ 70 ܘܲܒܼܓܼܘ ܒܵܒܸܠ ܫ̈ܢܲܝܐ ܫܲܒܼܥ̣ܝܢ ܘܟܼܢ ܡܸܬܼܦܲܪܩܲܬܼ܀ 71 :ܘܗܵܫܐ ܕܲܣܒܲܪܬܿ ܕܲܒܼܫܸܒܼܝܐ ܐܢ̄ܬܿ ܠܒܲܪ ܡ̣ܢ ܨܸܗܝܘܿܢ 72 ܟܡܵܐ ܦܣܝܼ̈ܩܵܢ ܠܵܟ ܫ̈ܢܲܒܐ ܕܬܸܗܘܸܐ ܘܟܼܢ ܦܵܢܹܐ ܐܲܢ̄ܬܿ܀ 73 :ܫ̣ܠܝܼ ܘܠܐ ܬܸܫܓܿܘܿܫ ܐܘܿ ܛܵܠܘܿܡܵܐ ܥ̣ܒܲܪ ܐܝܼܩܵܪܟ 74 ܕܢܲܚ̣ ܠܹܗ ܡܲܠܟܿܐ ܕܡܸܛܠܵܬܹܗ ܡܸܬܼܝܲܩܲܪ ܗ̄ܘ̣ܝܬܿ܀ 75 :ܠܐ ܬܸܬܼܦܲܠܓܼ ܓܙܝܼܪܵܐ ܕܒܸܣܪܐ ܘܥܘܼܪܠܵܐ ܕܠܸܒܿܐ 76 ܬܿܐ ܐܸܬܼܒܲܩܵܐ ܦܵܪܘܿܫܵܐܝܼܬܼ ܒܡܸ̈ܠܲܝ ܝܲܥܩܘܿܒܼ܀ 77 :ܚܙܝܼ ܐܵܬܼ̈ܘܼܬܼܵܐ ܕܩܲܕܹܿܡ ܐܸܡ̣ܲܪ ܥܲܠ ܗܘ̇ ܡܲܠܟܿܐ 78 ܕܲܥܬܼܝܼܕ ܕܢܸܐܬܸܐ ܢܲܥܒܲܪ ܡܸܢܵܟ ܢܒܼ̈ܝܼܐ ܘܡܲܠ̈ܟܸܿܐ܀ 79 :ܢܸܐܣܘܿܪ ܥܝܼܠܹܗ ܒܝܲܕܼ ܫܲܒܿܘܼܩܵܐ ܕܓܼܘܼܦ̈ܢܲܝ ܟܲܪܡܵܐ 80 ܘܠܵܐ ܢܸܬܼܒܲܗܪܵܪ ܥܝܐܐ ܘܢܸܦܣܘܿܩ ܡ̣̤ ܫܲܒܿܘܼܩܹ̈ܐ܀ 81 :ܒܗܵܕܹܐ ܐܵܬ̤ܐ ܡܚܵܘܹܐ ܡܚܵܘܹܐ ܚܝܲܠܗ ܕܲܡܫܲܥܒܸܿܕ ܟܠ 82 ܘܐܲܝܟ ܕܲܠܥܝܼ̈ܠܵܐ ܡܟܲܒܸܿܫ ܛܪ̈ܵܘܼܢܹܐ ܬܚܹܝܬܼ ܡܪܵܘܼܬܹܗ܀ 83 :ܘܟܲܕ ܪܵܓܿܐ ܠܹܗ ܠܲܡܸܬܼ ܢܲܒܵܝܼܘܼ ܥܲܠ ܥܘܼܢܵܕܢܹܗ 84 ܡܩܲܕܹܿܡ ܐܡ̇ܪܵ ܕܐܲܝܠܹܝܢ ܣܵܥܲܪ ܒܲܙܒܲܢ ܚܲܫܹܗ܀ 85 ܡܚܵܘܲܪ ܠܒܼܘܼܫܹܗ ܒܚܲܡܪܐ ܕܲܟܼܝܵܐ ܡܲܠܟܿܐ ܕܐܵܬܹܿܐ 86 ܘܒܲܕܡܵܐ ܕܥܸܢܒܸ̈ܐ ܗܵܝ̇ ܬܲܟܼܣܝܼܬܼܵܐ ܕܡܸܬܼܥܲܛܲܦ ܒܵܗ̇܀ pb. f.162r 87 :ܟܲܣܲܝܐ ܒܘܼܪܟܿܬܐ ܕܲܡܒܲܪܸܟ ܐܢ̄ܬܿ ܝܲܥܘܿܒܼ ܟܹܐܢܵܐ 88 ܘܐܲܝܟܲܢ ܚܵܘܪܝܼܢ ܠܒܼܘܼܫܹ̈ܐ ܒܚܲܡܪܐ ܡܟܲܬܿܡ ܡܵܐܢܸ̈ܐ܀ 89 :ܘܐܸܢ ܬܲܟܼܣܝܼܬܹܗ ܥܒܼܝܼܕܬܐ ܐܝܼܬܹܝܗ̇ ܘܚܵܙܸ̇ܐ ܠܵܗ̇ ܟܠ 90 ܟܒܲܪ ܠܵܒܼܘܿܫܵܗ̇ ܪܲܒܿ ܡ̣ܢ ܡܲܠ̈ܟܹܿܐ ܕܲܗ̤ܘܵܘ ܩܘܼܕܡܵܘܗܝ܀ 91 :ܠܵܐ ܓܲܠܝܐ ܠܟܼܠ ܡܠܬܐ ܕܐܸܡ̣ܪܬܿ ܒܸܐܣܟܹܿܐ ܒܘܼܪܟܿܬܼܵܐ 92 ܘܠܵܘ ܟܠ ܝܵܕܲܥ ܕܐܲܝܟܿܢ ܚܵܘܪܝܼܢ ܠܵܒܼܘܼܫܹ̈ܐ ܕܐܸܡ݂ܲܪܬܿ܀ 93 :ܠܵܐ ܠܲܡ ܟܲܣܝܵܐ ܡܸܠܬܹܗ ܕܝܲܥܩܘܿܒܼ ܡ̣ܢ ܦܵܪ̈ܵܘܿܫܹܐ 94 ܘܚܲܝܠܵܐ ܗ̄ܝ̣ ܪܲܒܿܐ ܠܗܲܝܡܵܢܘܼܬܼܵܐ ܕܐܲܪ̈ܬܵܕܘܼܟܿܣܸܐ܀ 95 :ܚܲܡܪܐ ܡܵܘܬܐ ܗ̄ܘ̣ ܕܒܸܗ̤ܘ ܡܟܲܬܲܡ ܓܸܢܣܵܐ ܕܐܢܵܫܵܐ 96 ܘܦܲܓܼܪܐ ܕܲܥܛܝܼܦ ܠܵܐ ܡܟܲܬܸܿܡ ܠܹܗ ܡܵܘܬܸܿܐ ܝܲܥܢܵܐ܀ 97 :ܘܡܸܛܠ ܕܡܲܪܟ ܘܐܲܫܠܸܡ ܢܲܦܫܹܗ ܠܚܲܫܵܐ ܕܡܵܘܬܿܐ 98 ܣܠܸܩ ܠܲܫܡܲܝ̈ܐ ܘܐܸܫܬܿܘܝܼ ܠܡܵܘܬܿܒܼܵܐ ܕܡ̣ܢ ܚܲܡܝܼܢܵܐ܀ 99 :ܡܚܵܘܲܪ ܒܚܲܡܪܐ ܠܒܼܘܼܫܵܐ ܕܲܥܛܝܼܦ ܡ̣ܢ ܐܢܵܫܘܼܬܲܢ 100 ܘܒܲܕܡܵܐ ܕܥܸܢܒܹ̈ܐ ܗܵܝ̇ ܬܲܟܼܣܝܼܬܼܵܐ ܕܡ̣ܢ ܒܹܝܬܼ ܕܵܘܝܼܕ܀ 101 ܗܵܕܹܐ ܕܐܸܡ̣ܪ ܒܲܢܒܼܝܼܘܼܬܼܵܐ ܥܲܠ ܥܘܼܢܕܵܢܹܗ܆ 102 ܬܒܼܪܵܐ ܗ̄ܝ̣ ܪܲܒܿܐ ܥܲܠ ܩܸܘܪܸܠܘܿܣ ܫܠܝܼܚܵܐ ܕܙܹܐܵܦܐ܀ 103 :ܡܵܢܐ ܢܸܐܡܲܪ ܗ̇ܘ ܡܲܚܫܵܢܐ ܕܐܲܠܵܗܘܼܬܼܵܐ 104 ܠܘܼܩܒܲܠ ܝܲܥܩܘܼܒܼ ܕܝܲܗ̣̄ܒܸܿܗ ܠܡܵܘܬܐ ܠܦܲܓܼܪܐ ܕܡܸܢܲܢ܀ 105 :ܒܗܲܝܡܵܢܘܼܬܼܵܐ ܕܲܥ̣ܒܲܕ ܚܲܪܥܵܐ ܚܸܪܡܵܐ ܐܲܝܬܼ ܒܵܗ̇ 106 ܘܣܵܡܹܗ ܠܚܲܥܩܘܿܒܼ ܒܸܪܫܹܗ ܕܚܸܪܡܵܐ ܕܢܲܚܫܝܼܘܗܝ ܠܝܲܠܩܘܿܒܼ܀ 107 :ܠܵܐ ܬܸܟܼܪܸܐ ܠܵܟ ܝܲܥܩܘܿܒܼ ܡܲܠܟܿܐ ܡ̣ܢ ܩܸܘܪܸܠܘܿܣ 108 ܥܲܡܵܟ ܐܲܚܪܸܡ ܠܟܹܠ ܡ̇ܢ ܕܐܡ̇ܪ ܕܲܡܫܝܼܚܵܐ ܡܝܼܬܼ܀ 109 :ܐܲܚܪܸܡ ܛܵܥܝܵܐ ܠܪܘܚܵܐ ܕܩܘܼܕܫܵܐ ܘܐܵܦ ܠܲܫܠܝܼܚܹ̈ܐ 110 ܘܐܵܦ ܠܹܗ ܠܡܵܪܢ ܟܲܕ ܡܸܬܼܦܩܲܪ ܒܚܸܪܡܵܐ ܚܲܒܼܫܹܗ܀ 111 :ܠܐܲܝܢܵܐ ܠܒܼܘܼܫܵܐ ܡܚܵܘܲܪ ܚܲܡܪܐ ܢܸܫܡܲܥ ܛܵܥܝܵܐ 112 ܠܗ̇ܘ ܕܡ̣ܢ ܡܲܪܝܲܡ ܐܘ ܠܗ̇ܘ ܕܲܙܩܝܼܪ ܡ̣ܢ ܐܝܼܕ̈ܝܵܐ܀ 113 :ܐܸܢܗ̤ܘ ܕܬܸܐܡܲܪ ܠܡܵܐܢܐ ܕܲܥܛܝܼܦ ܐܸܡ݂ܲܪ ܝܲܥܩܘܿܒܼ 114 ܠܵܐ ܡܬܼܘܿܡ ܚܵܘܪܝܼܢ ܡܵܐ̈ܢܸܐ ܒܚܲܡܪܐ ܐܲܝܟ ܣܘܼܟܵܠܵܟ܀ pb. f.162v 115 :ܚܲܡܪܐ ܠܡܵܐܢܵܐ ܡܵܐ ܕܡܵܛܹ̇ܐ ܠܹܗ ܟܘܼܬܼܡܵܐ ܥܵܒܸ̇ܕ 116 ܘܥܲܠ ܐܲܝܢܵܐ ܟܿܝ ܐܸܡ݂ܲܪ ܝܲܥܩܘܿܒܼ ܕܲܡܚܵܘܼܪ ܠܹܗ܀ 117 :ܥܲܠ ܗ̇ܘ ܦܲܓܼܪܐ ܕܲܫ̣ܩܲܠ ܡܸܢܲܢ ܠܵܐ ܫܵܠܹ̇ܡ ܐܢ̄ܬܿ 118 ܠܐܲܝܢܵܐ ܡܵܕܲܝܢ ܨܠܸܐ ܪܸܥܝܵܢܵܟ ܠܲܡܦܲܫܵܩܘܼ܀ 119 :ܝܵܕܲܥ ܐ̄ܢܐ ܓܹܝܪ ܕܐܲܝܟ ܕܲܡܥܵܕܲܐ ܡܲܪܵܚܘܼܬܼܵܟ 120 ܠܝܼܚܝܼܕܵܝܐ ܡܲܫܠܲܡ ܗܵܘܢܵܟ ܠܚܵܫܘܿܫܘܼܬܼܵܐ܀ 121 :ܐܘܿ ܦܘܼܫܵܩܵܐ ܕܲܡܠܸܐ ܟܠܸܗ ܡܲܪܵܚܘܼܬܼܵܐ 122 ܐܘܿ ܓܘܼܕܵܦܵܐ ܕܠܵܐ ܡܸܬܼܚܲܣܸܐ ܡ̣ܢ ܟܸܐܢܘܼܬܼܵܐ܀ 123 :ܠܵܐ ܠܲܢ ܢܸܗܘܸܐ ܕܗܵܕܹܐ ܢܹܐܡܲܪ ܕܐܲܠܗܵܐ ܚܲܫ̣ 124 ܘܠܵܐ ܢܸܬܼܚܲܠܲܛ ܒܓܼܘܼܕܵܐ ܕܐܲܚܫܲܬ̤ ܠܝܼܚܕܵܝܵܐ܀ 125 :ܢܸܚܕܹܿܐ ܟܸܢܫܲܢ ܕܲܡܚܵܕܹܿܐ ܠܹܗ ܙܟܼܪܝܵܐ ܢܒܼܝܵܐ 126 ܘܲܬܿܕܘܼܨ ܥܸܕܬܿܐ ܚܠܵܦ ܒܲܪܝܼܬܼ ܨ݂ܗܝܘܿܢ ܕܥܲܚܸܩܵܐ ܠܵܗ̇܀ 127 :ܣܲܒܿܪܗ̇ ܢܒܼܝܼܐ ܠܒܲܪܬܼ ܐܘܿܪܸ ܫܠܸܡ ܕܡܲܠܟܹܿܟܼܝ ܐܬܹ̇ܐ 128 ܕܡܵܐ ܕܚܵܙܝܵܐ ܠܹܗ ܢܵܦܩܵܐ ܠܐܘܼܪܥܹܗ ܘܲܡܩܲܒܿܐܵܐ ܠܹܗ܀ 129 :ܕܘܨܝ ܠܲܡ ܘܲܚܕܲܝ ܒܲܪܬܼ ܐܘܿܪܸ ܫܠܸܡ ܩܥ̣ܵܐ ܟܵܪܘܿܙܵܐ 130 ܕܗܵܐ ܐܵܬܸ̇ܐ ܠܹܟܼܝ ܡܲܠܟܸܿܟܝܼ ܓܲܐܝܵܐ ܘܲܡܚܲܕܹܿܐ ܠܹܟܼܝ܀ 131 :ܠܵܐ ܫܲܐܸܠܬܹܗ ܒܲܪܬܼ ܐܘܪܸ ܫܠܸܡ ܕܡܵܢܲܐ ܗ̄ܝ̣ ܐܬ̤ܗ 132 ܘܫܲܪܝܼ ܡܦܝܼܣ ܠܗ̇ ܡܕܲܒܿܪܵܢܘܼܬܹܗ ܐܲܝܟ ܕܐܸܬܼܦܲܩܲܕ܀ 133 :ܡܲܟܲܝܟ ܡܲܠܟܹܿܟܼܝ ܡ̣ܢ ܟܠ ܡܲܠ̈ܟܿܝܼܢ ܒܝܲܕܼ ܨܸܒܼܝܵܢܹܗ 134 ܘܲܪ ܟܼܝܼܒܼ ܥܝܼܠܵܐ ܘܫܠܝܼܛ ܪܸܡܙܹܗ ܒܪܵܘܡܵܐ ܘܥܘܼܡܩܵܐ܀ 135 :ܐܲܩܸܠܝ ܡܸܢܸܟܼܝ ܝܘܼܩܪܐ ܕܚܲܫܹ̈ܐ ܕܲܟܼܪܝܼܟܸܝܢ ܠܹܟܼܝ 136 ܘܠܵܐ ܬܸܬܼܪܲܦܹܝܢ ܒܣܸܘܿܓܼܵܐܐ ܕܥܲܡܡܹ̈ܐ ܕܲܚܕܝܼܪܝܼܢ ܠܹܟܼܝ܀ 137 :ܙܲܕܝܼܩܵܐ ܗ̄ܘ̣ ܠܲܡ ܐܵܦ ܡܲܟܿܝܼܟܼܵܐ ܐܵܦ ܦܵܪܘܿܩܵܐ 138 ܘܐܵܽܦ ܥܲܡ ܥܲܡܡܹ̈ܐ ܫܠܵܡܐ ܡܡܲܠܸܠ ܕܕܝܼܠܹܗ ܐܸܢܘܿܢ܀ 139 :ܡ̣ܢ ܐܘܼܪܸ ܫܸܠܡ ܡܵܘܒܸܿܕ ܣܘܼܣܝܵܐ ܩܲܠܝܼܠ ܪܲܗܛܵܐ 140 ܘܐܵܦ ܡ̣ܢ ܐܲܦܪܸܝܡ ܡܪܝܼܡ ܡܲܪܟܲܒܼܬܼܵܐ ܕܬܼܘܼܒܼ ܠܵܐ ܬܸܗܘܸܐ܀ 141 :ܐܘܿ ܡܣܲܒܪܵܢܵܐ ܕܐܲܝܬܿܝܼ ܣܒܲܪܬܼܵܐ ܠܲܒܼܢܲܝ̈ ܥܲܡܹܗ 142 ܘܚܲܕܿܝܼ ܐܸܢܘܿܢ ܘܐܲܟܼܪܝܼ ܐܸܢܘܿܢ ܒܟܼܵܪܘܿܙܘܼܬܹܗ܀ 143 ܒܗܵܝ̇ ܓܹܝܪ ܕܐܸܡ݂ܲܪ ܕܡܲܠܟܹܿܟܼܝ ܐܵܬܼܵܐ ܚܲܕܿܝܼ ܐܸܢܘܿܢ: pb. f.163r 144 ܘܟܲܕ ܚܵܘܝܼ ܠܗܘܿܢ ܡܕܲܒܿܪܢܘܼܬܹܗ ܐܲܟܼܡܲܪ ܐܸܢܘܿܢ܀ 145 :ܒܗܝ̇ ܕܐܸܬܼܢܲܒܿܝܼ ܕܲܪܟܼܝܼܒܼ ܥܝܼܠܵܐ ܠܵܐ ܚܵܕܝܢ ܗ̄ܘ̣ܵܘ 146 ܟܲܕ ܡܸܬܼܪܲܥܹܝܢ ܕܠܵܐ ܡܨܸܐ ܥܝܼܠܵܐ ܩܪܵܒܼܐ ܠܡܸܥܒܿܕ܀ 147 :ܘܲܒܼܗܝ̇ ܕܣܲܒܲܪ ܕܡܵܘܒܸܿܕ ܣܘܼܣܝܵܐ ܐܵܦ ܡܲܪܟܲܒܼܬܼܐ 148 ܡܸܬܼܚܲܫܒܼܝܼܢ ܗ̄ܘ̣ܵܘ ܕܐܸܬܿܬܿܪܝܼܡ ܡ̣ܢܲܢ ܝܲܩܝܼܪ̈ܬܲܢ܀ 149 :ܘܥܲܠ ܕܐܲܟܼܪܸܙ ܗ̄ܘ̣ܵܐ ܕܐܵܦ ܥܲܡ ܥܲܡܡܹ̈ܐ ܫܠܵܡܐ ܡܡܲܠܸܠ 150 ܐܸܣܬܲܟܿܠܹܘ ܗ̄ܘ̣ܵܘ ܕܲܟܼܒܲܪ ܥܲܡܡܹ̈ܐ ܗܘ̤ܵܘ ܒܲܝܬܵܝܼ̈ܐ܀ 151 :ܒܸܝܬܼ ܦܵܘܼ̈ܠܵܓܹܐ ܩܵܡܲܬ̤ ܨܹܗܝܘܿܢ ܪܵܚܡܲܬܼ ܚܘܼܬܼܪܵܐ 152 ܕܫܸܡܟܲܬ̤ ܐܬܸܗ ܕܡܲܠܟܿܐ ܕܐܲܟܼܪܸܙ ܢܒܼܝܼܵܐ ܒܪܘܼܚܵܐ܀ 153 :ܐܲܝܟܸܿܢ ܐܸܚܕܹܿܐ ܒܗܵܕܹܐ ܣܒܲܪܬܵܐ ܥ̣ܢܵܬ̤ ܐܘܿܪܸ ܫܠܸܡ 154 ܕܐܒܸ̇ܕ ܣܘܼܣܝܵܐ ܐܵܦ ܡܲܪܟܲܒܼܬܼܐ ܡ̣ܢ ܒܹܝܬܼ ܫܘܼܩܸ̈ܝܗ̇܀ 155 :ܒܡܵܢܐ ܕܵܨܵܐ ܪܵܚܡܲܬܼ ܚܘܼܬܼܪܐ ܐܘܿ ܟܵܪܘܿܙܵܐ 156 ܕܡܲܠܟܿܐ ܕܣܲܒܿܪܬܿ ܪܟܼܘܿܒܹܗ ܐܝܼܬܼܵܘܗܝ ܒܲܪ ܐܲܬܼܢܵܐ܀ 157 :ܒܗܵܕܹܐ ܣܒܲܪܬܼܵܐ ܕܲܡܣܲܒܿܪ ܐܢ̄ܬܿ ܥܲܡܡܹ̈ܐ ܢܸܚܕܿܘܲܢ 158 ܕܡܲܠܸܠ ܥܲܡܗܘܿܢ ܫܠܵܡܵܐ ܘܫܲܝܵܢܐ ܐܲܝܟ ܕܐܸܬܼܢܲܒܸܿܝܼܬܿ܀ 159 :ܐܸܢ ܒܵܥ̇ܝܵܐ ܐܲܢ̄ܬܿܝ ܕܢܸܐܡܲܪ ܥܲܡܹܟܼܝ ܫܠܵܡܵܐ ܘܫܲܝܢܵܐ 160 ܗܵܐ ܫ̣ܡܲܥܬܿܝ ܐܵܬܸܗ ܕܟܲܕ ܬܸܚܙܹܝܵܢܝܗܝ ܬܸܦܩܝܼܢ ܠܐܘܼܪܥܹܗ܀ 161 :ܐܸܠܘܼܠܐ ܝܠܸܦܬܿܝ ܡ̣ܢ ܩܕܼܵܡ ܙܲܒܼܢܵܐ ܥܲܠ ܐܸܣܟܹܿܝܡܹܗ 162 ܟܒܲܪ ܐܹܝܬܼ ܗ̄ܘ̣ܵܐ ܠܹܟܼܝ ܡܲܦܲܩ ܒܪܘܼܚܵܐ ܟܲܕ ܬܵܒܲܥ ܠܸܟܼܝ܀ 163 :ܫܠܸܡ ܒܲܥܒܼܵܕܐ ܡܸ̈ܠܹܐ ܕܐܸܡ݂ܲܪ ܢܒܼܝܼܵܐ ܒܪܘܼܚܵܐ 164 ܘܲܚ̣ܙܬ̤ ܨܸܗܝܘܿܢ ܡܲܠܟܵܗ̇ ܕܐܸܬܼ݂ܵܐ ܘܠܵܐ ܩܲܒܸܿܠܬܹܗ܀ 165 :ܪܟܸܒܼ ܥܲܠ ܥܝܼܵܐܐ ܒܲܪ ܐܲܬܵܢܵܐ ܘܥܲܠ̣ ܠܐܘܿܪܸ ܫܠܸܡ 166 ܕܠܵܐ ܬܸܬܿܕܲܓܠ ܡܸܠܬܼܐ ܕܐܲܟܼܪܸܙ ܢܒܼܝܼܵܐ ܒܪܘܼܚܵܐ܀ 167 :ܐܲܙܝܼܥ ܚܝܲܠܹܗ ܠܣܘܿܓܼܵܐܐ ܕܟܸܢ̈ܫܹܐ ܕܨܲܗܝܲܬܼ ܠܲܕܡܵܐ 168 ܘܲܢܦܲܩ̣ܘ ܠܐܘܼܪܥܹܗ ܒܣܵܘ̈ܟܲܝ ܙܲܝܬܿܐ ܕܲܢܫܲܒܿܚܘܼܢܵܝܗܝ܀ 169 :ܠܵܘ ܟܠ ܙܲܒܼܢܐ ܕܥܲܠ̣ ܗ̄ܘ̣ܵܐ ܡܵܪܢ ܠܓܼܵܘ ܐܘܿܪܸ ܫܠܸܡ 170 ܢܦܲܩ̣ܘ ܗ̄ܘ̣ܵܘ ܠܐ ܘܼܪܥܹܗ ܐܝܟ ܡܵܐ ܕܲܢܦܲܩ̣ܘ ܒܗܵܢܐ ܝܵܘܡܵܐ܀ 171 ܒܗܵܢܵܐ ܝܵܘܡܵܐ ܢܦܲܩ̣ܘ ܗ̄ܘ̣ܵܘ ܠܐܘܼܪܥܹܗ ܣܘܿܓܼܵܐܐ ܕܟܸܢܫܹ̈ܐ: pb. f.163v 172 ܕܢܸܚܙܘܿܢ ܫܘܼܒܼܚܹܗ ܘܲܠܠܲܥܙܵܪ ܕܐܲܚܝܼ ܪܸܡܙܹܗ܀ 173 :ܠܵܐ ܡܦܵܣܝܼܢ ܗ̄ܘ̣ܵܘ ܥܲܠ ܡܲܦܲܩܬܿܗܘܿܢ ܕܡܸܛܵܠ ܡܵܢܲܐ ܗ̄ܝ̣ 174 ܕܚܲܝܠܵܐ ܟܲܣܝܵܐ ܐܲܙܝܼܥ ܐܸܢܘܿܢ ܕܢܸܦܩܘܼܢ ܠܐܘܼܪܥܹܗ܀ 175 :ܐܝܼܬܼ ܗ̄ܘ̣ܵܐ ܕܲܛܥܝܼܢ ܣܵܘ̈ܟܸܿܐ ܕܙܲܝ̈ܬܹܐ ܘܲܡܫܲܒܿܚ ܗ̄ܘ̣ܵܐ 176 ܘܐܝܼܬܼ ܗ̄ܘ̣ܵܐ ܕܢܲܚܬܵܘ̈ܗܝ ܡܫܵܘܸܐ ܒܐܘܼܪܚܵܐ ܐܲܝܟܲܐ ܕܪܵܕܹܐ܀ 177 :ܐܝܼܬܼ ܗ̄ܘ̣̈ܝ ܢܸܫܸ̈ܐ ܕܲܒܼܟܸܢܪܸ̈ܵܐ ܙܡܲܪ̈ܝ ܗ̄ܘ̣̈ܝ ܩܘܼܕܡܵܘܗܝ 178 ܘܩܵܠ ܐܘܫܲܥ̈ܢܸܐ ܕܲܙܡܵܪ̈ܝܗܘܿܢ ܐܲܙܝܼܥ ܠܸܨܗܝܘܿܢ܀ 179 :ܦܪ̈ܝܼܫܹܐ ܘܣܵܦܪܸ̈ܐ ܣܟܲܪܘ ܦܘܼ̈ܡܲܝܗܘܿܢ ܡ̣ܢ ܬܸܫܒܿܘܿܚܬܹܿܗ 180 ܘܲܚܠܵܦܲܝܗܘܿܢ ܩܲܠܣܘܼܗܝ ܫܲܒܼܪܸ̈ܐ ܝܵܢ̈ܩܲܝ ܚܲܠܒܼܵܐ܀ 181 :ܥܵܦ̣ ܗ̄ܘ̣ܵܐ ܫܘܼܒܼܚܵܐ ܕܝܵܢ̈ܩܲܝ ܚܲܠܒ̣ܵܐ ܡ̣ܢ ܕܐܲܒܼܵܗܹ̈ܐ 182 ܒܗܝ̇ ܕܩܵܥܹ̇ܝܢ ܗ̄ܘ̣ܵܘ ܫܘܼ̄: ܚܲܕܬܐ ܕܠܐ ܫܲܡܥܹܗ ܐ̄ܢܵܫ܀ 183 :ܠܥܸܠ ܡ̣ܢ ܟܝܵܢܐ ܡܲܠܸܠܘ ܫܲܒܼܪܹ̈ܐ ܝܵܢ̈ܩܲܝ ܚܲܠܒܼܵܐ 184 ܩܵܠܵܐ ܚܲܕܬܼܵܐ ܕܠܵܐ ܗܲܠܸܠ ܒܹܗ ܠܸܫܵܢ ܒܸܣܪܵܐ܀ 185 :ܫܘܼܒܼܚܵܐ ܚܲܕܬܼܵܐ ܙܲܡܲܪܘ ܫܲܒܼܪܸ̈ܐ ܠܡܲܠܟܿܐ ܚܲܕܬܼܵܐ 186 ܒܦܲܘܼܡܵܐ ܚܲܕܬܼܵܐ ܕܠܐ ܢܸܦܩܲܬ̤ ܒܹܗ ܡܸܠܬܼܵܐ ܐ̄ܚܪܸܬܼܵܐ܀ 187 :ܐܘܿ ܫܲܥܢܐ ܠܲܡ ܢܸܗܘܸܐ ܒܪܵܘܡܵܐ ܩܥ̣ܵܘ ܝܲܠܘܕܹ̈ܐ 188 ܘܐܘܿܫܲܥܢܵܐ ܬܘܼܒܼ ܠܲܒܼܪܹܗ ܕܕܼܵܘܝܼܕ ܕܐܝܼܬܼܵܘܗܝ ܫܘܼܒܼܚܵܐ܀ 189 :ܬܲܗܪܐ ܪܲܒܿܐ ܗܘ̤ܵܐ ܒܐܘܿܪ ܫܠܸܡ ܒܗܵܢܸܐ ܝܵܘܡܵܐ 190 ܘܠܐ ܐܸܣܬܿܟܿܠܘ ܥܲܡܵܐ ܦܲܩܪܵܐ ܕܲܝܗܘܼ̈ܕܵܝܹܐ܀ 191 :ܚܲܕ ܓܹܝܪ ܬܲܗܪܐ ܕܲܪܟܼܝܼܒܼ ܡܲܠܟܲܗ ܒܲܪ ܐܲܬܵܢܵܐ 192 ܗ̇ܘ ܕܲܟܼܪ̈ܘܼܒܹܐ ܡܙܲܚܝܼܢ ܫܘܼܒܼܚܵܐ ܕܐܲܠܗܘܼܬܹܗ܀ 193 :ܘܐܲܚܪܹܝܢ ܬܲܗܪܐ ܕܲܢܦܩ̣ܘ ܟܸܢ̈ܫܹܐ ܒܣܵܘ̈ܟܲܝ ܙܲܝܬܐ 194 ܘܠܵܐ ܝܵܕܼܥܝܼܢ ܗ̄ܘ̣ܵܘ ܡܸܛܠ ܡܵܢܐ ܢܦܲܩ̣ܘ ܣܸܕܪ̈ܝܗܘܿܢ܀ 195 :ܡܸܦ̣ܩ ܒܲܠܚܘܿܕ ܝܼܕܲܥܘ ܗ̣̄ܘܘ ܕܢܸܦܩܘܿܢ ܒܣܲܓܝܼܐܘܼܬܼܵܐ 196 ܘܡܵܢܐ ܢܸܐܡܪܘܼܢ ܟܕ ܢܵܦܩ̇ܝܼܢ ܗ̄ܘ̣ܵܘ ܠܐ ܝܵܕܥܹܝܢ ܗ̄ܘ̣ܵܘ܀ 197 :ܬܲܗܪܐ ܐܚ̄ܪܸܢܐ ܕܐܸܬܿܕܲܡܲܪܘ ܒܹܗ ܫܡܲܝܐ ܘܐܪܥܵܐ 198 ܗܘ̇ ܕܲܛ̈ܠܝܹܐ ܝܵܢ̈ܩܲܝ ܚܲܠܒܼܵܐ ܩܵܥ̣ܘ ܐܘܼܫܲܥܢܵܐ܀ 199 ܐܲܟܸܿܣܘ ܫܲܒܼܪܸ̈ܐ ܠܣܵܦܪܸ̈ܐ ܘܟܼܵܗ̈ܢܹܐ ܒܐ ܘܼܫܲܥܢܲܝ̈ܗܘܿܢ: pb. f.164r 200 ܘܲܒܼܠܸܫܵܢܐ ܕܠܐ ܡܲܠܸܠܘ ܒܹܗ ܚܕܲܬܿܐ ܡܲܠܸܠܘ܀ 201 :ܠܵܐ ܣܲܝܒܿܪܘ ܗ̄ܘ̣ܘ ܣܵܦܪܸ̈ܐ ܘܟܵܗ̈ܢܹܐ ܒܲܚܣܵܡ̈ܝܗܘܿܢ 202 ܠܸܫܘܼܒܼܚܵܐ ܚܲܕܬܼܵܐ ܕܐܲܟܼܪܸܙ ܦܘܼܡܵܐ ܕܝܵܢ̈ܩܲܝ ܚܲܠܒܼܵܐ܀ 203 :ܩܵܠ ܬܸܫܒܿܘܿܚܬܐ ܕܡܲܠܸܠܘ ܫܲܒܼܪܸ̈ܐ ܫܡ݂ܲܥܘ ܛܵܠܘܿܡܹ̈ܐ 204 ܘܐܸܬܼܥܲܙܲܙ ܗ̄ܘ̣ܵܐ ܚܣܵܡܵܐ ܒܠܸܒܵܗܘܿܢ ܥܲܠ ܦܵܪܘܿܩܲܢ܀ 205 :ܚܵܙ̣ܘ ܕܲܥܠ݂ܲܝܡܸ̈ܐ ܘܲܥܠܲܝ̈ܡܵܬܼܵܐ ܙܵܡ̇ܪܝܼܢ ܫܘܼܒܼܚܵܐ 206 ܘܫܲܪܝܼܘ ܡܒܲܓܢܝܼܢ ܐܝܟ ܝܵܠܕܬܐ ܕܚܲܣܢܵܗ̇ ܟܸܐܒܼܵܐ܀ 207 :ܫܲܒܼܪܸ̈ܐ ܘܟܸܢ̈ܫܸܐ ܩܵܥܹ̇ܝܢ ܘܐܵܡ̇ܪܝܢ ܒܪܝܼܟ ܐܲܠܗܲܢ 208 ܘܗܸܢܘܿܢ ܩܵܠܹ̇ܝܢ ܠܘܵܬܼ ܦܵܪܘܿܩܲܢ ܟܐܝܼ ܒܬܲܠܡ̈ܝܼܕܿܝܼܟ܀ 209 :ܐܵܪܵܐ ܣܡ̈ܲܝܐ ܣܲܡ̈ܝܲܝ ܠܸܒܵܐ ܪܡܲܐ ܦܵܪܘܿܩܲܢ 210 ܒܢܲܝ̈ܟܿܘܿܢ ܐܸܢܘܿܢ ܕܠܐ ܡܦܵܣܝܼܢ ܒܝܼ ܒܸܪ̈ܓܼܫܲܝ ܦܲܓܼܪܐ܀ 211 :ܠܵܐ ܓܹܝܪ ܥܕܲܟܸܿܝܠ ܫ̣ܡܲܥܘ ܒܐܕܢܲܝ̈ܗܘܿܢ ܠܩܵܠ ܟܵܪܘܿܙܘܼܬܼܝ 212 ܘܠܵܐ ܥܲܝܢܲܝ̈ܗܘܿܢ ܚ̈ܙܝܼ ܐܬܼ̈ܘܵܬܼܵܐ ܕܲܥܒܼܵܕ ܐܝܼ̈ܕܲܝ܀ 213 :ܐܲܢ̄ܬܿܘܿܢ ܚܙܲܝܬܿܘܿܢ ܡܝܼ̈ܬܹܐ ܕܐܲܚܝܼܬ ܡ̣ܢ ܓܵܘ ܩܲܒܼܪܸ̈ܐ 214 ܘܐܵܦ ܥܲܠ ܡܝܼܬܐ ܕܐܲܚܝܼ ܨܸܒܼܝܢܝ ܓܙܲܡܬܿܘܿܢ ܡܵܘܬܿܐ܀ 215 :ܐܲܢܬܿܘܿܢ ܫ̣ܡܲܥܬܿܘܿܢ ܩܵܠ ܦܸܬܼܓܼܵܡܸ̈ܐ ܕܲܢܒܼܝܼܬܼܵܐ 216 ܕܝܲܠܩܘܿܒܼ ܟܸܐܢܵܐ ܘܕܼܵܘܝܼܕܼ ܡܲܠܟܵܐ ܘܐܵܦ ܕܲܙܟܲܪܝܵܐ܀ 217 :ܒܲܪܸܟ ܝܲܥܩܘܿܒܼ ܠܦܸܐܪܵܐ ܕܡܸܢܹܗ ܘܲܥܠܲܝ ܣܲܒܿܪܸܗ 218 ܕܢܸܗܘܘܿܢ ܡܸܢܸܗ ܢܒܼ̈ܝܼܐ ܘܡܲܠ̈ܟܸܿܐ ܥܸܕܼܡܵܐ ܠܡܹܐܬܼܝܼܬܼܝ܀ 219 :ܝܲܗ̣̄ܒ ܗ̄ܘ̣ܵܐ ܐܬ̤ܐ ܕܥܲܠ ܓܲܒܿ ܥܝܼܠܵܐ ܡܸܙܕܲܚܲܝ ܗ̄ܘ̣ܵܐ 220 ܘܗܵܐ ܐܸܫܬܲܠܡܬ̤ ܒܗܵܢܐ ܝܵܘܡܵܐ ܘܠܵܐ ܗܲܝܡܸܢܬܿܘܿܢ܀ 221 :ܘܲ[ܠ]ܗܵܝ̇ ܐܵܬ̤ܵܐ ܕܝܲܗ̣̄ܒܼ ܗ̄ܘ̣ܵܐ ܝܲܥܩܘܿܒܼ ܒܐܸܟܸܿܝܡ ܒܘܼܪܟܿܬܼܵܐ 222 [ܗܲ]ܝ ܝܲܗ̣̄ܒܼ ܙܟܲܪܝܐ ܕܟܲܕ ܬܸܚܙܘܵܢܵܝܗܝ ܠܵܐ ܬܸܬܼܦܲܠܓܼܘܼܢ܀ 223 :ܘ[ܐ]ܦ ܥܲܠ ܫܲܒܼܪܸ̈ܐ ܕܝܗ̣̄ܒܼܘ ܗ̄ܘ̣ܵܘ ܫܘܼܒܼܚܵܐ ܕܠܐ ܒܲܥܝܵܕܐ 224 [ܚܵ]ܘܝܼ ܕܵܘܝܼܕ ܒܪܘܼܚܵܐ ܕܩܘܼܕܫܵܐ ܕܬܼܘܼܒܼ ܬܸܫܲܬܪܪܘܼܢ܀ 225 :ܡ̣ܢ ܦܘܼܡܵܐ ܠܲܡ ܕܓܲܒܼܪܹ̈ܐ ܥܠܲܝܡܹ̈ܐ ܘܲܕܝܼ̈ܠܘܕܐ 226 ܬܩܸܢ ܗ̄ܘ̣ܵܐ ܫܘܼܒܼܚܵܐ ܕܲܡܙܲܡܪܝܼܢ ܠܹܗ ܠܡܵܪܝܐ ܡܵܪܢ܀ 227 ܘܩܲܕܲܡ ܕܵܘܝܼܕ ܚ̣ܙܵܐ ܗ̄ܘ̣ܵܐ ܒܪܘܼܚܵܐ ܢܩܲܡܬܼܟܘܿܢ ܕܲܥܠܲܝ: pb. f.164v 228 ܘܦܲܫܸܩ ܘܐܸܡ̣ܪ ܕܩܲܠܸܣܘ ܫܲܒܼܪܸ̈ܐ ܡܸܛܠܬܲܟܼܘܿܢ܀ 229 :ܘܲܟܼܒܲܪ ܬܹܐܡܪܘܼܢ ܒܓܼܵܘ ܪܸܥܝܵܢܟܼܘܿܢ ܪܵܚܸ̇ܡ ܚܘܼܬܼܪܐ 230 ܕܚܲܣܝܼܪܘܼܬܼܵܐ ܥܒܲܕܬܹܗ ܕܢܸܪܟܲܒܼ ܥܝܼܠܵܐ ܫܝܼܛܵܐ܀ 231 :ܠܵܐ ܗ̄ܘ̣ܵܐ ܡܸܛܠ ܕܠܲܝܬܿ ܠܝܼ ܪܟܼܘܼܒܵܐ ܩܲܠܝܼܠ ܪܲܗܛܵܐ 232 ܪܸܟܼܒܸܿܬܼ ܥܝܼܠܐ ܡܲܬܲܝܢ ܗܠܲܟܼܬܐ ܩܕܼܵܡ ܟܸܢ̈ܫܲܝܟܿܘܿܢ܀ 233 :ܕܝܼܠܝ ܐܸܢܘܿܢ ܓܹܝܪ ܫܡܲܝܐ ܘܐܲܪܥܵܐ ܘܟܼܠܡܵܐ ܕܲܒܼܗܘܿܢ 234 ܘܫܲܠܝܼܛ ܨܸܒܼܝܵܢܝ ܥܲܠ ܚܲܝ̈ܘܵܬܼܐ ܘܥܲܠ ܦܵܪ̈ܚܵܬܼܐ܀ 235 :ܗܘ̇ ܕܫܲܕܲܪ ܠܝܼ ܒܲܪ ܐܲܬܵܢܐ ܠܵܘ ܕܝܼܠܹܗ ܗ̄ܘ̣ܵܬܼ 236 ܚܲܝܠܵܐ ܕܡܵܪܘܼܬܼܝ ܐܲܙܝܼܥܹܗ ܗ̄ܘ̣ܵܐ ܘܠܵܐ ܐܸܬܼܥܨܝܼ܀ 237 :ܘܐܝܟ ܕܐܲܙܝܼܥܸܬܼ ܒܗ̇ܘ ܕܲܩܢܸܐ ܗ̄ܘ̣ܵܐ ܒܲܪ ܐܲܬܵܢܐ 238 ܡܸܨܐ ܗ̄ܘܝܹܬܼ ܕܐܲܙܝܼܥ ܐܵܦ ܒܗ̇ܘ ܕܲܩܢܸܐ ܣܘܓܲܠܐ ܕܪ̈ܲܟܼܫܵܐ܀ 239 :ܗܵܕܸܐ ܕܥܸܒܼܕܲܬܼ ܒܗܵܢܐ ܝܵܘܡܵܐ ܕܪܸܟܲܒܸܿܬܼ ܥܝܼܠܵܐ 240 ܕܬܸܫܠܲܡ ܨܹܐܕܲܝ ܗܵܝ̇ ܕܐܸܬܼܢܲܒܿܝܼܘ ܢܒܼܝܼ̈ܐ ܒܪܘܼܚܵܐ܀ 241 :ܚܕܵܐ ܓܹܝܪ ܗܵܕܲܐ ܗ̄ܝ̣ ܕܐܸܥܒܸܿܕ ܣܵܟܼܵܐ ܠܲܢܒܼܝܼܘܼܬܲܢ 242 ܘܐܸܬܸܿܠ ܛܘܼܦܣܵܐ ܕܡܲܟܿܝܼܟܼܘܼܬܼܐ ܠܲܡܫܲܡܫܵܢܲܝ̈܀ 243 :ܕܐܸܢ ܗܘ̤ ܕܐܸܢܵܐ ܕܐܝܼܬܿܝ ܡܵܪܐ ܪܟܼܒܸܿܬܼ ܥܝܼܠܵܐ 244 ܟܵܡܵܐ ܟܸܝܬܼ ܗܸܢܘܿܢ ܠܵܐ ܢܸܙܕܿܚܝܘܼܢ ܥܲܠ ܩܵܪ̈ܘܿܟܹܐ܀ 245 :ܟܠܗܘܿܢ ܡܲܠ̈ܟܹܐ ܕܥܲܠ ܩܵܪ̈ܘܿܟܸܐ ܡܸܙܕܲܚܝܼܢ ܗ̄ܘ̣ܵܘ 246 ܠܵܐ ܨܲܝܸܒܼܘܼ ܗ̄ܘ̣ܘ ܫܲܝܢܵܐ ܠܐܲܪܥܵܐ ܒܲܪ̈ܟܼܘܿܒܲܝܗܘܿܢ܀ 247 :ܘܐܸܢܐ ܕܲܨܒ̇ܝܹܬܼ ܘܪܸܟܼܒܹܿܬܼ ܥܝܼܠܵܐ ܒܝܲܕܼ ܡܲܟܿܝܼܟܼܘܼܬܼܝ 248 ܒܝܼ ܡܸܫܬܲܝܢܝܼܢ ܫܡܲܝܐ ܘܐܲܪܥܵܐ ܘܠܵܐ ܡܸܬܿܬܿܙܝܼܥܝܼܢ܀ 249 :ܠܡ̇ܢ ܐܡ̇ܪܝܼܬܿܘܿܢ ܕܲܟܼܐܝܼ ܒܫܲܒܼܪܸ̈ܐ ܕܲܡܩܲܠܣܝܼܢ ܠܝܼ 250 ܫܲܬܸܿܩܘ ܐܸܢܘܿܢ ܟܒܲܪ ܡܸܫܬܿܬܿܩܝܼܢ ܒܝܲܕ ܡܸܠܲܝܟ̈ܘܿܢ܀ 251 :ܘܐܸܢ ܐܵܘܦܲܝܬܿܘܿܢ ܒܩܵܠ ܐܘܼܫܲܥ̈ܢܸܐ ܕܲܡܩܲܠܣܝܼܢ ܠܝܼ 252 ܐܲܠܸܦܘ ܐܸܢܘܿܢ ܕܲܟܼܒܲܪ ܢܸܫܠܘܿܢ ܐܝܟ ܡܵܐ ܕܐܲܢ̄ܬܿܘܿܢ܀ 253 :ܘܐܢ ܠܝܼ ܬܹܐܡܪܘܼܢ ܕܐܸܟܼܐܸܐ ܒܫܲܒܼܪܸ̈ܐ ܕܵܙ̇ܡܪܝܼܢ ܫܘܼܒܼܚܵܐ 254 ܩܥ̈ܝܵܢ ܟܸ̈ܐܦܸܐ ܫܲܘܼܒܼܚܵܐ ܐ̄ܚܪܸܢܐ ܕܪܲܒܿ ܡ̣ܢ ܗܵܢܵܐ܀ 255 ܘܐܸܢܗ̤ܘ ܕܟܸܐܦܸ̈ܐ ܙܵܡܪ̈ܵܢ ܫܘܼܒܼܚܵܐ ܠܐܲܠܵܗ ܟܠܵܐ: pb. f.165r 256 ܐܲܢܬܿܘܢ ܟܵܗ̈ܢܹܐ ܕܒܲܪܬܼ ܐܘܿܪܸ ܫܠܸܡ ܠܡ̇ܢ ܚܵܣܡ̇ܝܼܬܿܘܿܢ܀ 257 :ܗܵܠܝܼܢ ܟܠܗܸܝܢ ܣܥܲܪ ܦܵܪܘܿܩܲܢ ܒܗܵܢܐ ܝܵܘܡܵܐ 258 :ܐܲܝܟ ܕܐܸܬܼܢܲܒܝܼܘ ܢܒܼܝܼܵܘ̈ܗܝ ܒܪܘܼܚܵܐ ܕܐܲܠܸܦ ܐܸܢܘܿܢ 259 :ܟܢܫܸ̈ܐ ܢܦܲܩ̣ܘ ܗ̄ܘ̣ܵܘ ܠܐܘܼܪܥܸܗ ܕܡܵܪܢ ܒܣܵܘ̈ܟܲܝ ܙܲܝܬܿܐ 260 ܘܚܢܲܢ ܢܲܦܸܩ ܚܣܵܡܵܐ ܡܸܢܲܢ ܝܠܕܹܿܗ ܕܒܼܝܼܫܵܐ܀ 261 :ܠܵܐ ܬܘܼܒܼ ܬܸܐܠܲܕ ܐܸܡܵܐ ܕܪܘܼܚܵܐ ܡܲܥܡܘܿܕܝܼܬܼܵܐ 262 ܝܲܠܕܐ ܕܣܵܥܲܪ ܪܸܓܿܬܸܗ ܒܝܼܫܬܿܐ ܕܐܵܟܸ̇ܠ ܩܲܪܨܵܐ܀ 263 :ܘܐܲܝܢܵܐ ܕܝܵܢܸ̇ܩ ܕܡܵܐ ܝܲܩܝܼܪܐ ܕܥܸܨܪܲܬ̤ ܪܘܼܡܚܵܐ 264 ܐܲܝܟ ܨܸܒܼܝܵܢܹܗ ܕܡܵܪܢ ܝܼܫܘܿܠ ܢܫܲܠܸܡ ܚܲܝܵܘ̈ܗܝ܀ 265 :ܘܐܲܝܵܢܐ ܕܪܵܗܟ ܪܲܗܛܵܐ ܦܲܐܝܐ ܕܙܲܕܝܼܩܘܼܬܼܵܐ 266 ܬܸܥܪܘܿܩ ܛܘܼܥܝܲܝ ܡ̣ܢ ܒܲܪܬܼ ܩܵܠܹܗ ܐܲܝܟܿܐ ܕܡܲܟܼܪܸܙ܀ 267 :ܘܐܲܝܢܵܐ ܕܐܸܬܼܓܿܒܼܝܼ ܒܥܸܕܲܬܼ ܩܘܼܕܫܵܐ ܠܲܡܟܲܗܵܢܘ 268 ܐܲܝܟ ܨܸܒܝܼܵܢܹܗ ܕܪܸܫ ܟܵܗܢܘܼܬܼܐ ܢܕܲܒܿܪ ܥܵܢܸ̈ܗ܀ 269 :ܘܟܼܠ ܕܐܸܬܼܗܲܝܡܲܢ ܒܗܵܢܐ ܥܵܠܡܵܐ ܥܲܠ ܡܲܪ̈ܗܵܛܹܐ 270 ܢܣܲܒܥ ܡܸܢܗܘ̤ܿ ܠܐܲܝܢܵܐ ܕܲܣܢܝܼܩ ܥܲܠ ܬܘܼܪܣܝܵܐ܀ 271 :ܕܲܒܼܗܵܘ̇ ܝܵܘܡܵܐ ܕܐܵܬܸ̇ܐ ܒܫܘܼܒܼܚܹܗ ܡܲܠܟܿܐ ܕܪܵܘܡܵܐ 272 ܢܸܫܬܿܘܸܐ ܕܢܸܥܘܿܠ ܠܗܵܝ̇ ܡܲܠܟܿܘܼܬܼܵܐ ܕܐܸܫܬܵܘܕܝܼ ܠܲܢ܀