On Palm Sunday - ܕܐܘܫܥ̈ܢܐ

pb. f.117r ܀ ܡܐܡܪܐ: ܟܐ܀ ܕܐܘܫܥ̈ܢܐ܀ ܕܝܼܠܹܗ ܟܲܕܼ ܕܝܼܠܹܗ ܡܹܐܡܪܵܐ ܕܥܸܣܪܝܼܢ ܘܚܲܕܼ ܘܠܵܚܸ̇ܡ ܠܐܘܿܫܲܥ̈ܢܹܐ܀ ܥܘܼܢܵܝܵܐ܀ ܒܪܵܐ ܕܐܸܬܼܩܲܠܲܣ ܡ̣ܢ ܦܘܼܡ ܝܲܠܘܼܕܹ̈ܐ ܚܲܝܸܠ ܠܕܠܲܢ ܕܲܢܩܲܒܿܠܵܟ ܒܐܘܿܫܲܥܢܹ̈ܐ܀ ܐܲܚܲܝ̈ ܀

1 :ܨܡܚܵܐ ܫܒܼܝܼܚܵܐ ܕܡ̣ܢ ܐܲܒܼܵܐ 2 :ܒܪܵܐ ܕܠܵܐ ܛܠܹܐ ܡ̣ܢ ܝܵܠܘܿܕܹܗ 3 :ܡܸܠܬܹܗ ܕܐܲܒܼܵܐ ܡܬܡܘܿܡܵܝܵܐ 4 ܕܐܝܵܬܼܘܗܝ ܡܡܬܩܡ ܥܲܡ ܐܒܼܘܼܗܝ. 5 :ܕܢ̣ܚ ܐܝܟ ܫܸܡܫܵܐ ܒܐܢܫܘܬܿܢ 6 ܘܲܡܠܹܐ ܥܵܠܡܵܐ ܡ̣ܢ ܫܘܼܒܼܚܹܗ. 7 :ܘܲܛܠܸܩ ܘܐܵܘܦܝܼ ܚܸܫܘܟܼܵܐ 8 ܡ̣ܢ ܙܲܠܝܼܩܹ̈ܐ ܕܬܸܫܒܿܘܿܚܬܹܗ. 9 :ܘܟܲܕ ܠܵܐ ܡܲܨܝܵܐ ܗ̄ܘ̣ܵܬܼ ܕܬܸܚܙܝܘܗܝ 10 ܥܲܝܢܵܐ ܘܲܬܼܚܘܪ ܒܟܝܼܵܢܹܗ. 11 :ܒܪܹܫܝܵܬܐ ܕܲܠܒܸܫ ܡܸܢܲܢ 12 ܚܲܦܝܼ ܙܝܼܘܵܐ ܕܪܲܒܿܘܼܬܹܗ. 13 :ܫܘܼܒܚܹܗ ܚܵܘܝܼ ܠܲܥܒܼܝܼ̈ܕܹܐ 14 ܠܵܐ ܗ̄ܘ̣ܵܐ ܟܝܵܢܵܐ ܕܟܣܝܘܼܬܹܗ. 15 :ܘܚܹܝܠ ܡܵܪܘܬܹܗ ܐܵܘܕܲܥ ܠܲܢ 16 ܠܵܐ ܗ̄ܘ̣ܵܐ ܣܵܟܼܵܐ ܕܐܝܼܬܼܘܼܬܹܗ. 17 :ܢܲܚܬܐ ܕܦܲܓܼܪܢ ܠܒܸܫ ܚܘܼܒܹܿܗ 18 ܡܸܠܬܹܗ ܕܐܲܒܼܵܐ ܘܥܲܡ݂ܲܪ ܒܗ. 19 :ܘܬܲܪܓܼܵܡ ܒܐܝܼܕܹܗ ܠܲܡܠܝܼ̈ܠܹܐ 20 ܚܹܝܠ ܒܘܼܕܵܩܵܐ ܕܚܟܼܡ̈ܬܗ. 21 :ܟܢܵܪܵܐ ܕܒܸܣܪܵܐ ܠܲܠܝܐ 22 ܪܟܸܿܒ ܚܘܼܒܹܿܗ ܠܓܸܠܝܵܢܹܗ. 23 :ܕܲܢܚܲܕܹܐ ܒܲܙܡܝܼܪ̈ܵܬܗ 24 ܠܪ̈ܘܼܚܵܢܹܐ ܘܠܦܓܼܪܵܢܐ. 25 :ܒܡܸܢܝ̈ ܦܲܓܼܪܐ ܡܵܝܘܿܬܼܵܐ 26 ܢܩ̣ܫ ܨܒܼܝܵܢܵܐ ܕܟܲܣܝܘܼܬܹܗ. 27 :ܘܲܬܼܗܲܪܘ ܐܢ̈ܫܐ ܘܡܠܐܟܼ̈ܐ 28 ܒܲܝܕܼ ܚܲܠܝܘܼܬܼܵܐ ܕܩܝܼܢ̈ܬܹܗ. 29 :ܒܲܨܠܸܡ ܨܲܠܡܵܐ ܕܐܝܼܬܼܘܼܬܹܗ 30 ܝܲܩܪܹܗ ܡ̣ܢ ܟܠ ܒܝܲܕܼ ܚܘܼܒܹܿܗ. 31 :ܘܒܼܐܝܕܹܿܗ ܐܲܦܨܲܚ ܠܲܒܼܪܝܼܵܬܐ 32 ܟܲܕܼܡܝܪܐ ܗ̣ܘܵܬܼ ܒܲܚܛܝܵܬܐ. 33 :ܒܵܥܵܘ̣ܠܵܐ ܕܐܹܢ̈ܫܐ ܐܬܿܕܠܚ 34 ܫܲܝܼܢܵܐ ܕܟܼܠܵܗ̇ ܥܵܡܲܪܬܐ. 35 :ܘܲܫܪ̣ܵܐ ܫܘܼܒܼܚܹܗ ܒܒܲܪܢܵܫܵܐ 36 ܕܲܢܫܲܝܸܢ ܒܹܗ ܒܸܪ̈ܝܵܬܐ. 37 :ܐܪܵܙܵܐ ܟܲܣܝܵܐ ܕܕܼܘܼܡܪܵܐ 38 ܐܸܬ̣ܵܐ ܠܓܸܠܝܵܐ ܒܲܚܢܵܢܹܗ. 39 :ܗܘ̇ ܕܠܲܚܙܵܬܹܗ ܐܸܬܼܪܓܪܓܘ 40 ܫܡܝܢ̈ܐ ܘܐܪ̈ܥܢܝܐ. 41 :ܣܸܦܪ̈ܐ ܫܪܪܐ ܒܡܹܐ ܬܼܝܼܬܹܗ 42 ܕܐܲܠܸܦܘ ܠܲܢ ܕܲܥܬܼܝܼܕܼ ܕܢܹܐܬܵܐ. 43 :ܘܫܲܡܠܝܼ ܘܲܓܼܡ݂ܲܪ ܡܠܝ̈ܗܘܿܢ 44 ܕܲܢܒܼ̈ܝܐ ܕܐܲܟܼܪܸܙܘ ܐ̄ܪ̈ܵܙܘܗܝ. 45 :ܗܘ̤ܵܬܼ ܒܲܥܒܼܵܐ ܗܵܝ̇ ܕܡ̣ܠܟ 46 ܘܡ̣ܢ ܙܲܪܥܹܗ ܕܕܼܵܘܝܼܕܼ ܐܸܬܼܓܠܝܼ. 47 :ܐܲܝܟ ܕܐܸܬܼܡܲܠܲܠܘ ܩܕܼܵܡ ܕܵܪܹ̈ܐ 48 ܒܦܘܼܡܵܐ ܕܟܼܠܗܘܿܢ ܩܲܕܿܝܫܼܵܘ̈ܗܝ. 49 :ܒܝܲܠܕܗ ܚܲܪܪܢ ܡ̣ܢ ܛܘܥܝܲܝ 50 ܘܩܲܕܼܫܲܢ ܒܐ̄ܪܵܙܹܐ ܕܲܥܡܵܕܹܗ. 51 :ܘܨܵܪ ܠܲܢ ܛܘܼܦ̣ܣܵܐ ܕܕܵܟܝܼܘܼܵܬܐ 52 ܒܨܵܘܡܹܗ ܙܲܗܝܵܐ ܘܩܲܕܲܝܼܫܵܐ. 53 :ܘܕܲܚܙ̣ܵܐ ܕܲܟܼܡܵܐ ܐܸܫܬܲܩܲܠܘ 54 ܫܹ̈ܐܕܹܐ ܒܚܘܼܬܼܪܵܐ ܥܲܠ ܓܸܢܣܲܢ. 55 :ܨܒ̣ܐ ܕܒܐ ܣܟܹܿܝܡܵܐ ܕܡܘܼܟܵܟܲܢ 56 ܢܒܲܛܸܠ ܚܘܼܬܼܪܵܐ ܕܡܪܘܿܕܼܵܐ. 57 :ܪܟܸܒܼ ܓܹܝܪ ܥܲܠ ܥܝܼܠܵܐ ܫܝܼܛܵܐ 58 ܘܥܲܠ ܠܡܕܝܼܢܬܐ ܐܘܿܪܸܫܠܸܡ. 59 :ܫܩܲܠ̣ܘ ܗ̄ܘ̣ܵܘ ܣܵܘ̈ܟܹܐ ܒܐܝܼܕܲܝ̈ܗܘܿܢ 60 ܛ̈ܠܝܐ ܘܫܒܼܪܹ̈ܐ ܘܝܠܘܕ̈ܐ. 61 :ܟܕܼ ܩ̇ܥܝܼܢ ܗ̄ܘ̣ܵܘ ܐܘܫܥܢܐ 62 ܠܡܲܠܟܿܐ ܕܼܕܼܢܲܚ̣ ܡ̣ܢ ܕܵܘܝܼܕܼ. 63 :ܒܗܵܢܵܐ ܓܹܝܪ ܝܵܘܡܵܐ ܫܸܠܡܲܬ̤ 64 ܡܸܠܬܹܗ ܕܝܲܥܩܘܿܒܼ ܙܲܕܝܼܩܵܐ. 65 :ܕܐܸܬܼ ܢܲܒܿܝܼ ܡ̣ܢ ܩܕܼܵܡ 66 ܥܲܠ ܡܹܐܬܼܝܼܬܹܗ ܕܲܠܘܼܬܲܢ. 67 :ܠܵܐ ܗ̇ܟܹܝܠ ܢܸܟܼܢܲܕܼ ܫܲܒܼܛܵܐ 68 ܕܡܲܡܠܸܟ ܗ̄ܘ̣ܵܐ ܥܲܠ ܝܗܘܕܐ. 69 :ܘܡܒܕܩܵܢܵܐ ܕܟܣܝ̈ܬܐ 70 ܘܲܢܒܼܝܵܐ ܡ̣ܢ ܒܹܝܬܼ ܪܸ̈ܓܼܠܵܘܗܝ. 71 :ܥܕܲܡܵܐ ܕܢܹܐܬܹܐ ܡ̇ܢ ܕܕܝܼܠܹܗ 72 ܐܝܼܬܼܵܘܗܝ ܫܘܼܠܛܢ ܡܲܠܟܿܬܼܬܼܵܐ. 73 :ܘܗܵܝܕܝܢ ܠܲܡ ܢ̣ܒܼܛܸܠ ܡܲܠܟܿܐ 74 ܘܢܒܼܝܐ ܡ̣ܢ ܝܗܹܘܼܕܼܵܐ. 75 :ܕܝܠܹܗ ܗ̄ܝ̣ ܡܲܠܟܿܘܼܬܼ ܥܵܠܲܡ 76 ܕܠܵܐ ܫܘܼܠܡܵܐ ܠܕܼܵܪܕܵܪ̈ܝܢ. 77 :ܘܗܘ̤ ܐܝܼܬܼܵܘܗܝ ܫܘܡܠܵܝ ܐ̄ܪ̈ܵܙܐ 78 ܘܣܘܼܟ̈ܝܵܐ ܕܟܼܠܗܘܿܢ ܥܲܡܡܹ̈ܐ. pb. f.117v 79 :ܘܐܲܝܟ ܕܐܸܬܼܢܲܒܿܝܼ ܗ̄ܘ̣ܵܐ ܝܼܥܩܘܿܒܼ 80 ܐܲܝܟ ܕܝܼܠܸܦ ܡ̣ܢ ܓܸܠܝܵܢܵܐ. 81 :ܐܲܝܟ ܡܸܠܬܹܗ ܠܲܝܬܿ ܒܼܝܼܗܘܼܕܼܵܐ 82 ܠܵܐ ܡܠܟܿܐ ܐܵܦܠܵܐ ܢܒܼܝܼܵܐ. 83 :ܠܵܐ ܡܨܹܐ ܕܢܹܐܡܲܪ ܝܼܗܘܼܕܼܵܐ 84 ܕܐܝܼܬܼ ܠܹܗ ܡܲܠܟܿܐ ܡ̣ܢ ܓܸܢܣܹܗ. 85 :ܘܐܵܦܠܵܐ ܡܸܫܟܲܚ ܕܲܢܚܵܘܹܐ 86 ܕܢܒܼܝܐ ܐܝܼܬܼ ܠܹܗ ܒܠܲܡܹܗ. 87 :ܐܸܢܗܘ̤ ܕܡ̣ܟܹܿܝܠ ܥܲܢܝܕܠܹܗ 88 ܢܒܼܝܼܵܐ ܘܡܲܠܟܿܐ ܐܲܝܟ ܕܲܥ̣ܢܲܕܲܘ. 89 :ܡܵܕܹܝܢ ܒܗܵܢܵܐ ܐܸܣܬܲܝܟܲܬ̤ 90 ܢܒܼܝܼܘܼܬܹܗ ܕܐܒܘܢ ܝܥܩܘܿܒ. 91 :ܠܵܐ ܬܸܬܼܦܲܠܓ ܒܚܘܼܫܵܒܲܝ̈ܟ 92 ܒܲܪ ܐܲܒܼܪܵܐ ܛܒܼܝܼܥ ܒܲܓܼܙܘܼܪܬܵܐ. 93 :ܐܸܬܼܒܼܩܵܐ ܦܵܪܘܿܫܵܐܝܼܬܼ 94 ܒܡܸܠܘ̈ܗܝ ܕܝܲܥܩܘܿܒܼ ܙܲܕܝܼܩܵܐ. 95 :ܚܙܝܼ ܐܬܼܘ̈ܬܐ ܕܩܲܕܡ ܝܗ̣ܒ 96 :ܘܐܲܛܼܪܸܙ ܠܵܟ ܥܲܠ ܗܵܘ̇ ܕܐܵܬܹ̇ܐ 97 :ܕܥܬܼܝܼܕ ܕܢܹܐܬܹܐ ܘܲܢܒܼܛܸܠ 98 ܢܒܼ̈ܝܹܐ ܘܡ̈ܲܠܟܹܿܐ ܡ̣ܢ ܥܲܡܵܟ. 99 :ܐܡ̣ܪ ܓܹܝܪ ܕܢܹܐܣܘܿܪ ܥܝܼܠܹܗ 100 ܒܕܼܵ ܠܝܼܬܼܵܐ ܒܲܪ ܐܲܬܵܢܹܗ. 101 :ܘܠܵܐ ܠܲܡ ܢܸܬܼ ܒܲܥܪܲܪ ܥܝܼܠ̈ܐ 102 ܘܢܸܦܣܘܿܩ ܡܸܢܵܗ̇ ܫܲܒܘܼܩܵܐ. 103 :ܒܗܵܕܐ ܐܵܬ̤ܵܐ ܚܵܘܝܼ ܠܲܢ 104 ܚܲܝܠܵܐ ܕܟܼܠ ܡܸܫܬܲ ܥ̣ܒܲܕܼ ܠܹܗ. 105 :ܘܐܲܝܟ ܕܲܠܥܝܼܠܵܐ ܡܟܲܒܸܿܫ ܠܗܘܿܢ 106 ܠܛܪ̈ܘܢܐ ܬܚܹܝܬܼ ܡܲܠܟܿܘܼܬܹܗ. 107 :ܘܕܲܪܸܟܸܒܼ ܕܹܝܢ ܒܗܵܢܵܐ ܝܵܘܡܵܐ 108 ܥܲܠ̣ ܥܝܼܠܵܐ ܘܥܲܠ̣ ܠܐܘܼܪܸ ܫܠܸܡ. 109 :ܕܠܵܐ ܬܸܒܼܛܲܠ ܡܸܠܬܐ ܕܐܸܡ݂ܲܪ 110 ܢܒܼܝܼܵܐ ܒܪܘܼܚܵܐ ܩܕܼܵܡ ܕܵܪܹ̈ܐ. 111 :ܙܟܲܪܝܵܐ ܢܒܼܝܼܵܐ ܒܲܪ ܝܲܥܩܘܿܒܼ 112 ܐܵܦ ܗܘ̤ ܒܲܕܹܩ ܐܲܝܟ ܐܲܒܼܘܼܗܝ. 113 :ܘܐܲܟܼܪܸܙ ܥܠ̣ܵܘܗܝ ܟܲܕܼ ܐܵܡܲ݁ܪ 114 ܦܨܝܼܚܵܐܝܼܬܼ ܒܲܢܒܼܝܼܘܼܬܹܗ. 115 :ܚܲܝܨ ܗ̄ܘ̣ܵܐ ܡܸܢܵܘ̈ܗܝ ܕܟܸܢܵܪܹܗ 116 ܘܐܲܙܝܼܥ ܩܵܠܹܗ ܟܲܕܼ ܐܵܡܲ݁ܪ. 117 :ܕܘܼܨܝ ܘܚܲܕܝܼ ܐܘ ܒܪܬܼ ܨܗܝܘܿܢ 118 ܘܝܲܒܼܒܝܼ ܕܐܸܬܼܵܐ ܠܹܗ ܡܲܠܟܹܿܟܝܼ. 119 :ܕܗܵܐ ܡܲܛܝܼ ܠܹܗ ܦܵܪܘܿܩܼܟܝܼ 120 ܘܲܪܟܼܝܼܒܼ ܥܲܠ ܒܲܪ̈ ܐܲܬܼܵܢܵܐ. 121 :ܦܬܲܚ̣ ܠܹܗ ܬܲܪ̈ܥܲܝܟܿܝ ܐܘܿܪܸ ܫܠܸܡ 122 ܕܦܪܘܿܩܵܐ ܐܸܬ̣ܐ ܠܘܵܬܹܟܼܝ. 123 :ܕܘܼܨܝ ܛܵܒܼ ܗܵܟܹܝܠ ܒܲܪܬܼ ܨܗܝܘܿܢ 124 ܘܲܩܥܵܝ ܠܹܗ ܫܘܼܒܼܚܵܐ ܦܲܐܝܵܐ. 125 :ܘܩܲܒܸܿܠܝܼ ܢܝܼܪܗ ܒܲܣܝܼܡܵܐ 126 ܘܲܣܓܼܘܲܕܼ ܠܹܗ ܒܠܹܒܿܐ ܫܲܦܝܵܐ. 127 :ܠܵܐ ܫܲܐܸܠܬܹܗ ܒܲܪܬܼ ܨܗܝܘܿܢ 128 ܡܵܢܲܙ ܗ̄ܝ̣ ܐܵܬܹܗ ܕܗܵܘ̇ ܡܲܠܟܿܐ. 129 :ܘܫܲܪܝܼ ܡܦܝܼܣ ܠܵܗ̇ ܒܝܲܕܼ ܡܼܠܵܘ̈ܗܝ 130 :ܕܐܲܝܠܹܝܢ ܣܥ̇ܪ ܒܡܹܐܬܼܝܼܬܹܗ 131 :ܡܲܟܿܝܼܟ ܡܲܠܟܹܿܟܼܝ ܡ̣ܢ ܡܲܠܟܹ̈ܐ 132 ܘܲܒܨܒܼܝܵܢܹܗ ܐܹܬܼܡܲܟܲܟ. 133 :ܘܲܪܟܼܝܼܒܼ ܥܲܠ ܥܝܼܠܵܐ ܫܝܼܛܵܐ 134 ܟܲܕܼ ܫܲܠܝܼܛ ܒܪܵܘܡܵܐ ܘܥܘܡܩܵܐ. 135 :ܐܲܩܸܠܝ ܡܸܢܹܟܼܝ ܟܠ ܝܘܩܪ̈ܝܼܢ 136 ܘܐܘܼܠܨܵܢܹ̈ܐ ܕܲܟܼܪܝܼܟܼܝܼܢ ܠܹܟܼܝ. 137 :ܘܠܵܐ ܬܸܬܼܡܲܚܠܝܼܢ ܒܕܸ ܚܠܬܐ 138 ܡܸܛܠ ܥܲܡܡܹ̈ܐ ܕܣܢܹ̇ܝܢ ܠܟܼܝ. 139 :ܙܲܕܲܝܼܩܵܐ ܐܵܦ ܡܲܟܿܝܼܟܼܵܐ 140 ܘܦܵܪܘܿܩܵܐ ܐܝܼܬܼܵܘܗܝ ܡܲܠܟܲܟܼܝ. 141 :ܘܥܲܡ ܥܲܡܡܹ̈ܐ ܫܠܵܡܵܐ ܡܡܲܠܸܠ 142 ܕܐܵܦ ܗܢܘܿܢ ܕܝܼܠܹܗ ܐܢܘܿܢ. 143 :ܘܐܸܡ݂ܲܪ ܬܘܼܒܼ ܕܡ̣ܢ ܐܘܿܪܸ ܫܠܸܡ 144 ܡܵܘܒܸܿܕܼ ܣܘܼܣܝܵܐ ܩܲܠܝܼܠܼܵܐ. 145 :ܘܡ̣ܢ ܐܲܦܵܪܹܝܡ ܡܪܝܼܡ ܡܲܪܟܿܒܼܬܹܗ 146 ܘܲܡܒܲܛܸܠ ܕܬܼܘܼܒܼ ܠܵܐ ܬܸܗܘܹܐ. 147 :ܒܹܝܬܼ ܦܘܼ̈ܠܵܓܹܐ ܓܹܝܪ ܩܵܡܲܬ̤ 148 ܐܘܿܪܸܫܠܸܡ ܪܸܚܡܲܬ̤ ܥܵܘܠܵܐ. 149 :ܟܲܕܼ ܫܸܡܥܲܬ̤ ܐܵܬܸܗ ܕܡܲܠܟܿܐ 150 ܕܐܲܟܼܪܸܙ ܠܵܗ̇ ܙܟܲܪܝܵܐ ܒܪܘܼܚܵܐ. 151 :ܫܠܸܡ ܒܥܒܕܐ ܐܵܦ ܡ̈ܠܐ 152 ܕܐܸܬܼܒܲܕܹܿܩ ܥܲܠ ܡܹܐܬܼܝܼܬܹܗ. 153 :ܘܐܸܬ̣ܵܐ ܕܢܸܥܘ̣ܿܠ ܠܗܲܪܸ ܫܠܸܡ 154 ܘܲܒܼܢܝ̈ܗ̣̄ ܨܗܝܘܿܢ ܠܵܐ ܩܲܒܿܠܘܼܗܝ. 155 :ܛܠܲܡ̣ܘ ܗܵܟܹܝܠ ܣܵܒܹ̈ܐ ܫܘܼܒܼܚܹܗ̇ 156 :ܕܡܲܠܟܿܐ ܕܐܸܬܼܵܐ ܨܹܐܕܲܝ̈ܗܘܿܢ 157 :ܘܙܵܥ̣ܘ ܡ̣ܢ ܬܲܗܪܵܐ ܝܠܘܕ̈ܐ 158 ܕܲܢܫܒܼܚܘܼܢܵܝܗܝ ܒܐܘܿܫܥܢ̈ܐ. pb. f.118r 159 :ܥܠܲܝܡܹ̈ܐ ܦܪܥܘܼܗܝ ܫܘܼܒܼܵܚܵܐ 160 ܕܚܵܒ̣ܘ ܒܹܗ ܣܵܒܹ̈ܐ ܕܒܲܪܬܼ ܨܸܗܝܘܿܢ. 161 :ܘܬܸܩܢܲܬ̤ ܬܡ̇ܢ ܬܫܒܘܚܬܐ 162 ܕܡܸܬܼܒܲܥܝܵܐ ܗ̄ܘ̣ܵܬܼ ܠܐܝܩ̣ܵܪܹܗ. 163 :ܣܟ݂ܲܪܘ ܗ̄ܘ̣ܵܘ ܦܘܼܡܗܘܿܢ ܛܵܠܘܿܡܹ̈ܐ 164 ܟܵܗܢܹ̈ܐ ܘܣܵܦܪܹ̈ܐ ܘܲܦܪ̈ܝܼܫܹܐ. 165 :ܘܩܵܡ̣ܘ ܛ̈ܠܝܐ ܓܘܼܕ̈ܝܼܢ ܓܘܼܕܝܼ̈ܢ 166 ܕܲܢܝܲܒܿܒܼܘܼܢ ܠܹܗ ܒܐܘܫܥܢ̈ܐ. 167 ܒܪܝܼܟ ܕܐܸܬ̣ܵܐ ܒܲܫܡܹܗ ܕܡܵܪܵܝܵܐ. 168 ܩܥ̣ܵܘ ܠܹܗ ܬܲܡܝܼܡܲܝ̈ ܢܲܦ̣ܫܵܐ. 169 :ܘܪܸܥܡܲܬ̤ ܐܘܼܪܚܹܗ ܕܒܲܪ ܡܲܠܟܿܐ 170 :ܕܲܒܼܫܘܼܒܼܚܵܐ ܚܲܕܬܵܐ ܩܲܠܣܘܼܗܝ 171 :ܪܕܼܢܘ ܐܝ̈ܠܢܐ ܕܢܸܬܠܘܼܢ ܠܹܗ 172 ܣܘܪ̈ܐ ܕܙܲܝܬܐ ܘܕܕ ܩ̈ܠܐ. 173 :ܕܡ̣ܢ ܦܹܐܪ̈ܲܝܗܘܿܢ ܬܸܙܕܲܚܲܝ 174 ܐܘܪܼܚܹܗ ܕܘܬܼܢܵܐ ܫܡܝܢܐ. 175 :ܟ̈ܠܝܼܠܹܐ ܓܕܲܠ̣ܘ ܩܲܪܸܒ̣ܘ 176 ܕܫܘܼܒܼܚܵܐ 177 ܛ̈ܠܝܐ ܒܣܘܟܹ̈ܐ ܕܠܸܫܵܢܗܘܿܢ. 178 :ܟܲܕܼ ܚ̈ܕܝܢ ܒܹܗ ܒܲܡܫܝܼܚܵܐ 179 ܕܚ̣ܙܐܘܼܗܝ ܒܹܝܬܼ ܟܸܢܫܲܝ̈ܗܘܿܢ. 180 :ܠܵܘ ܟܠ ܙܲܒܼܢܵܐ ܕܥܲܠ̣ ܡܵܪܢ 181 ܠܐܘܿܪܸ ܫܠܸܡ ܢܦܲܩ̣ܘ ܗ̄ܘ̣ܵܘ ܠܐܘܼܪܥܹܗ. 182 :ܐܲܝܟ ܡܵܐ ܕܢܦܩ̣ܘ ܝܠܘܕ̈ܐ 183 ܒܗܢܐ ܝܵܘܡܵܐ ܕܢܫܒܚܘܢ. 184 :ܒܗܵܢܵܐ ܝܵܘܡܵܐ ܒܲܝܕܿܝ[؟] 185 ܢܦܲܩ̣ܘ ܠܐܘܼܪܥܹܗ ܣܘܓܐܐ ܕܟܸܢ̈ܫܹܐ. 186 :ܕܢܚܙܘܢ ܫܘܼܒܼܚܵܐ ܕܪܲܒܿܘܼܬܹܗ 187 ܒܠܥܙܪ ܡܝܼܬܼܵܐ ܕܚ̣ܐ. 188 :ܢܦܲܩ̣ܘ ܕܹܝܢ ܟܲܕܼ ܠܵܐ ܡܦܵܣܝܼܢ ܗ̄ܘ̣ܵܘ 189 ܡܵܢܲܐ ܗ̄ܝ̣ ܥܸܠܬܐ ܕܡܲܦܲܩܬܗܘܢ. 190 :ܕܗܘ̤ ܚܲܝܠܹܗ ܐܲܙܝܼܥ ܐܸܢܘܿܢ 191 ܕܢܸܦܩܘܼܢ ܠܐܘܼܪܥܹܗ ܒܐܘܿܫܲܠܢܹ̈ܐ. 192 :ܐܝܼܬܼ ܕܛܥܢ ܣܘܟ̈ܐ ܕܙܝܬܐ 193 ܘܐܝܼܬܼ ܕܠܒܘ̈ܬܐ ܕܕܩ̈ܠܐ. 194 :ܘܐܝܼܬܼ ܬܘܼܒܼ ܕܡܵܐܢܵܘ̈ܗܝ ܡܫܵܘܹܐ ܗ̄ܘ̣ܵܐ 195 ܒܗܝ̇ ܐܘܪܚܵܐ ܕܗܲܠ̣ܟ ܡܵܪܲܢ. 196 :ܐܝܼܬܼ ܗܼ̄ܘ̣ܵܘ ܬܘܼܒܼ ܬܲܡ̇ܢ ܥܠܲܝ̈ܡܹܐ 197 ܕܲܒܼܟܢܪ̈ܐ ܙܡ̣ܪܘ ܐܸܢܘܿܢ. 198 :ܘܡ̣ܢ ܩܵܠܵܐ ܕܐܘܫ̈ܥܢܝܼܗܘܢ 199 ܐܸܬܿܬܿܙܝܼܥܲܬ̤ ܡܕܼܝܼܢܲܬܼ ܨܗܝܘܿܢ. 200 :ܦܪ̈ܝܼܫܹܐ ܘܣܵܦܪ̈ܐ ܟܠܵܘ ܦܘܼܡܗܘܿܢ 201 ܡ̣ܢ ܬܸܫܒܿܘܿܚܬܹܗ ܕܦܪܘܩܢ. 202 :ܘܩܲܠܸܣܘ ܫܲܒܼܪܹ̈ܐ ܚܠܵܦܲܝܗܘܿܢ 203 ܒܕܼܘܼܡܵܪܵܐ ܕܠܵܐ ܡܸܬܼܡܲܠܲܠ. 204 :ܬܸܫܒܿܘܿܚܬܐ ܕܝܢܩܝ̈ ܬܕ̈ܝܐ 205 ܐܬܗܪܲܬ̤ ܐܸܢܘܿܢ ܠܲܐܒܗ̈ܐ. 206 :ܒܗܝ̇ ܕܩܥ̣ܘ ܫܘܼܒܚܐ ܚܕܬܐ 207 ܕܠܵܐ ܫܲܡܥܘܼܗܝ ܐܢܫ̈ܐ ܡ̣ܢ ܡܬܼܘܿܡ. 208 :ܠܥܸ̈ܠ ܡ̣ܢ ܟܝܵܢܵܐ ܡܲܠܸܠܘ ܗ̄ܘ̣ܵܘ 209 ܫܒܪ̈ܐ ܩܕܼܵܡܘܗܝ ܕܡܫܝܼܚܵܐ. 210 :ܩܵܠܐ ܚܕܬܐ ܕܠܐ ܡܲܠܸܠ 211 ܠܸܫܵܢ ܐܢܵܫܵܐ ܐܲܟܼܘܵܬܹܗ. 212 :ܫܘܼܒܼܚܵܐ ܚܲܕܬܵܐ ܙܡ̣ܪܘ ܫܒܪ̈ܐ 213 ܠܡܲܠܟܿܐ ܚܕܬܿܐ ܕܡ̣ܢ ܕܵܘܝܼܕܼ. 214 :ܒܦܘܼܡܵܐ ܚܲܕܝܵܬܐ ܕܲܥܕܲܟܹܿܝܠ 215 ܡܸܠܬܐ ܡܸܢܹܗ ܠܵܐ ܢܸܦܩܲܬ̤. 216 :ܐܘܿܫܲܥ̣ܢܵܐ ܠܲܡ ܒܲܡܪܵܘܡܹܐ 217 :ܩܥ̣ܵܘ ܝܠܘ̈ܕܐ ܒܩ̈ܥܝܗܘܢ 218 :ܐܘܿܫܲܥܢܵܐ ܬܘܼܒܼ ܠܒܲܪ ܕܵܘܝܼܕܼ 219 ܕܐܝܼܬܼܵܘܗܝ ܦܘܼܫܩܹܗ ܫܘܼܒܼܚܵܐ. 220 :ܩܥ̣ܵܐ ܠܵܗ̇ ܙܟܲܪܝܵܐ ܠܒܲܪܬܼܨܗܝܘܿܢ 221 ܕܲܬܼܫܲܒܲܚ ܥܲܡ ܝܠܘ̈ܕܐ. 222 :ܟܠܬܐ ܒܣܝܼܪܬܐ ܠܵܐ ܨܵܬܲܬ̤ 223 ܩܵܠܹܗ ܪܓܼܝܼܵܓܼܵܐ ܕܲܢܒܼܝܼܵܐ. 224 :ܡܫܲܚܛܵܐ ܗ̄ܘ̣ܵܬܼ ܓܹܝܪ ܒܲܓܼܠܝܼܦܹ̈ܐ 225 ܥܲܠ ܗܵܝ̇ ܐܸܬܿܬܿ ܥܝܼܩܲܬ̤ ܕܐܸܬܼܵܐ. 226 :ܘܡܸܛܠ ܗܵܢܵܐ ܠܵܐ ܨܵܬܲܬ̤ 227 ܕܲܕܼ ܐܲܩܒܸܿܠܬܹܗ ܠܲܡܟܼܝܼܪܵܗ̇. 228 :ܠܥܸܓܼܠܵܐ ܓܹܝܪ ܫܒܸܐ ܗ̄ܘ̣ܵܐ ܠܸܒܵܗ̇ 229 ܘܠܹܗ ܪܸܚܡܲܬܼ ܙܲܠܝܼܠܵܐܝܼܬܼ. 230 :ܥܲܠ ܗܵܕܐ ܓܹܝܪ ܠܵܐ ܫܸܡܥܲܬ̤ 231 ܠܲܢܒܼܝܼܵܐ ܕܲܩܥ̣ܵܐ ܕܲܚܕܼܵܝ. 232 :ܒܨܲܠܡܵܐ ܓܹܝܪ ܕܐܲܪܒܲܥܵܐܦܝܼ̈ܢ 233 :ܣܲܒܿܝܼܟܼܵܐ ܗ̄ܘ̣ܵܬܼ ܒܲܪܬܼ ܨܸܗܝܘܿܢ 234 :ܘܠܵܐ ܨܒܼܵܬ̣ ܕܬܸܦܬܲܚ ܠܹܗ ܬܲܪܥܵܐ 235 :ܐܲܡܫܝܼܚܵܐ ܕܐܸܬ̣ܵܐ ܠܘܵܬܼܵܗ̇ 236 :ܠܲܦܬܼܟܼܪܼ̈ܝܗ̇ܝܲܨܦܐ ܗ̄ܘ̣ܵܬܼ 237 ܠܡܫܲܡܵܫܘܼ ܒܕܸܚܠܬܐ. 238 :ܘܫܘܼܒܼܚܐ ܕܡܵܪܵܗ̇ ܠܵܐ ܝܸܨܦܲܬ̤ 239 ܘܡ̣ܢ ܙܝܼܘܹܗ ܐܲܗܦܲܟܲܬ̤ ܐܲܦܹܝ̈ܗ̇. 240 :ܠܐ̄ܣܬܪܵܐ ܣܸܓܼܕܲܬ̤ ܓܲܠܝܵܐܝܼܬܼ 241 ܠܬܲܡܘܙܵܐ ܐܸܒܼܠܵܐ ܥܸܒܼܕܲܬ̤. 242 :ܠܡܲܠܟܿܘܿܡ ܪܸܚܡܲܬ̤ ܫܲܩܲܪܬܿܐ 243 ܘܲܠܒܲܥܠܵܐ ܕܸܒܼܚܹ̈ܐ ܩܲܪܒܲܬ̤. pb. f.118v 244 :ܒܩܝܼܢ̈ܬܼܵܐ ܡܸܨܪܵܝܵܬܼܵܐ 245 ܒܲܛܝܼܠܵܐ ܗ̄ܘ̣ܵܬܼ ܒܐܲܡܝܼܢܘܼ. 246 :ܘܠܵܐ ܣܦܝܼܩܵܐ ܗ̄ܘ̣ܵܬܼ ܕܲܬܼܙܲܡܲܪ 247 ܫܘܼܒܼܚܵܐ ܠܲܒܼܪܵܐ ܥܲܡ ܫܲܒܼܪܹ̈ܐ. 248 :ܒܕܒܼܚܹ̈ܐ ܕܫܹܐܕܹ̈ܐ ܚܦܛܵܐ ܗ̄ܘ̣ܵܬܼ 249 ܕܠܵܐ ܥܘܼܘܵܟ ܠܲܡܛܼܝܵܒܼܘܼ. 250 :ܘܠܵܐ ܢܸܦܩܲܬ̤ ܕܬܸܛܥܲܢ ܣܵܘܟܸ̈ܐ 251 ܥܲܡ ܝܠܘܕ̈ܐ ܒܐܘܫܥܢ̈ܐ. 252 :ܛܠܲܚ̈ܐ ܡܒܲܪܟܼܝܼܢ ܘܲܡܫܲܒܝܼܚܝܼܢ 253 ܠܡܲܠܟܵܐ ܕܐܸܬܿܬܲܚܬܝܼ ܠܘܵܬܼܵܗ̇. 254 :ܘܨܗܝܘܿܢ ܨܲܠܡܵܐ ܡܲܪܩܵܐ ܗ̄ܘ̣ܵܬܼ 255 ܘܒܲܬܼܟܼܪܹ̈ܝܗ̇ ܡܸܫܬܼܛܝܵܐ ܗ̄ܘ̣ܵܬܼ. 256 :ܘܬܒܼ̈ܝܐ ܢܩ̣ܫܘ ܠܗ̇ܬܲܪ̈ܥܝܗ̇ 257 ܟܲܕܼܡܥܝܼܪܝܼܢ ܠܵܗ̇ ܡ̣ܢ ܫܸܢܬܵܐ. 258 :ܘܗ̤ܝ ܕܲܡܝܼܟܼܵܐ ܒܲܚܛܵܗ̇ܝܗ̇ 259 ܥܲܡ ܫܹܐܕܹ̈ܐ ܒܝܼ̈ܫܹܐ ܕܪܸܚܡܲܬܼ. 260 :ܕܘܼܨܝ ܒܲܪܬܼ ܨܗܝܘܿܢ ܘܠܵܐ ܕܵܨܲܬ̤ 261 ܪܵܚܡܲܬܼ ܥܸܓܼ̈ܠܐ ܘܲܓܼܠܝܼܦܵܐ. 262 :ܘܲܡܥܵܩܵܐ ܗ̄ܘ̣ܵܬܼ ܥܲܠ ܕܵܐܬܹ̇ܐ 263 ܠܲܡܕܼܝܢ̄ܬܵܗ̇ ܚܲܬܼܢܵܐ ܕܲܟܼܝܵܐ. 264 :ܝܵܕܥܲܬ̤ ܓܹܝܪ ܕܲܡܦܲܪܣܹܐ ܠܵܗ̇ 265 ܘܥܲܠ ܗܵܕܹܐ ܣܢܵܬܹܗ ܡܲܓܢ. 266 :ܘܲܕܼܢܫܲܬܼܒܲܚ ܡ̣ܢ ܫܲܒܼܪܹ̈ܐ 267 ܠܵܐ ܨܵܒܼܝܵܐ ܗ̄ܘ̣ܵܬܼ ܛܵܠܘܿܡܬܐ. 268 :ܠܸܒܵܗ̇ ܣܡܝܼܬ̤ ܒܚܣܵܡܵܐ 269 ܘܚܸܪܫܲܬ̤ ܫܸܬܼܩܲܬ̤ ܡ̣ܢ ܫܘܼܒܼܚܵܐ. 270 :ܡܲܝܨܦܵܐ ܗ̄ܘ̣ܵܬܼ ܠܡܫܲܒܿܚܵܢܹ̈ܐ 271 ܕܬܼܫܲܬܸܩ ܡ̣ܢ ܬܸܫܒܘܚܬܗ. 272 :ܘܠܵܐ ܨܒ̣ܵܬ̤ ܗ̤ܝ ܠܲܡܫܲܒܵܚܘܼ 273 ܠܡܲܠܟܿܐ ܕܐܸܬܼܵܐ ܠܦܘܼܪܩܵܢܵܗ̇. 274 :ܘܲܚܦܝܼܛܵܐ ܗ̄ܘ̣ܵܬܼ ܕܲܬܼܫܲܠܹܐ 275 ܫܘܼܒܚܐ ܕܝܲܒܸܿܒ̣ܘ ܠܹܗ ܫܲܒܼܪܹ̈ܐ. 276 :ܡܫܲܒܚܝܼܢ ܗܵܠܹܝܢ ܒܚܲܕܼܘܼܬܼܵܐ 277 ܘܪܲܓܼܝܼܙܵܐ ܗ̤ܝ ܒܩܵܠܲܝ̈ܗܘܿܢ. 278 :ܘܓܼܵܙܡܵܐ ܠܗܘܿܢ ܐܲܝܟ ܕܢܸܬܲܫܬܩܘܼܢ 279 ܘܫܲܒܼܪܹܐ ܝܲܬܝܼܪ ܡܝܹܒܲܒܼܝܼܢ ܗ̄ܘ̣ܵܘ. 280 :ܕܢܫܸܬܿܩܘܼܢ ܒܲܠܚܘܿܕܼ ܨܵܒܼܝܵܐ ܗ̄ܘ̣ܵܬܼ 281 ܘܲܪܓܼܝܼܓܼܵܐ ܒܝܲܨܝܼܦܘܼܬܼܵܗ̇. 282 :ܘܲܒܼܥܵܬ̤ ܦܘܼܪܣܹ̈ܐ ܐܲܝܟ ܪܸܓܬܵܗ̇ 283 ܢܫܲܬܲܬܩܘܼܢ ܠܸܒܵܢ̈ܝܗܘܿܢ. 284 :ܡܫܲܒܿܚܵܢܹ̈ܐ ܠܵܐ ܫܵܠܹܝܢ ܗ̄ܘ̣ܵܘ 285 ܡ̣ܢ ܬܸܫܒܿܘܿܚܬܐ ܕܒܲܪ ܕܵܘܝܼܕܼ. 286 :ܕܫܪܪܐ ܐܲܙܝܼܥ ܐܸܢܘܿܢ 287 ܠܲܡܫܲܒܵܚܘܼ ܒܩ̈̇ܠܲܝܗܘܿܢ. 288 :ܬܸܕܼܡܘܼܪܬܐ ܗ̄ܘ̣ܵܬܼ ܒܡܲܥܠܲܬܹܗ 289 ܘܕܼܘܼܡܵܪܵܐ ܠܲܕܦܵܪ̈ܘܼܫܝܼܢ. 290 :ܕܠܵܐ ܣܵܦܩ̇ܝܢ ܕܲܢܡܲܠܠܘܼܢܵܗ̇ 291 ܫܡܲܝܵܢܹ̈ܐ ܘܐܲܪ̈ܥܵܢܵܝܹܐ. 292 :ܕܟܸܢܫܹ̈ܐ ܪܵܘܙܝܼܢ ܒܚܕܼܘܼܬܼܵܗ̇ 293 ܘܛܲܠ̈ܝܹܐ ܦܨܝܼܚܝܼܢ ܗ̄ܘ̣ܵܘ ܒܵܗ̇. 294 :ܘܕܚ̇ܨܝܼܢ ܩܕܼܵܡܵܘܗܝ ܕܒܲܪ ܡܲܠܟܵܐ 295 ܐܲܝܟ ܕܵܘܝܼܕܼ ܩܕܼܵܡ ܐܵܪܘܿܢܵܐ. 296 :ܬܸܫܒܿܘܿܚܬܐ ܚܕܲܬܵܐ ܕܦܐܝܵܐ 297 ܠܲܐ ܠܵܗܵܐ ܙܡ݂ܲܪܘ ܠܹܗ ܫܲܒܼܟܹ̈ܐ. 298 :ܘܠܲܒܼܪܹܗ ܕܕܼܵܘܝܼܕܼ ܕܲܒܼܚܘܼܒܹܿܗ 299 ܐܲܪܝܼܡ ܫܸܦܠܲܢ ܒܡܘܼܡܹܵܗ. 300 :ܥܲܡ ܕܵܘܝܼܕܼ ܐܲܒܼܘܼܗܝ ܩܲܥܸܣܘ 301 ܠܒܲܪ ܕܵܘܝܼܕܼ ܒܗܘܼܠܠܲܝ̈ܗܘܿܢ. 302 :ܘܡܲܙܥܩܝܼܢ ܒܫܝܦܪ̈ܝܗܘܢ 303 ܒܩܝܼܢ̈ܬܼܵܐ ܕܥܝܲܪ̈ܲܝ ܪܵܘܡܵܐ. 304 :ܒܩܵܠܵܐ ܪܲܒܵܐ ܕܩܪ̈ܢܵܬܼܵܐ 305 ܥܲܡ ܩܝܼܬܼܵܪܹ̈ܐ ܘܟܼܫܪ̈ܐ. 306 :ܘܦ̈ܠܓܐ ܘܲܙܢܲܝ̈ ܙܡܵܪܵܐ 307 ܒܲܒܼܢܵܬܼ̈ ܩܵܠܹܐ ܕܢܸܥܡܲܬܼܗܘܿܢ. 308 :ܥܲܡ ܪ̈ܒܼܝܼܥܹܐ ܘܨܸܨ̈ܠܲܝ ܫܸܡܥܵܐ 309 :ܒܡܸܢܹ̈ܐ ܚ̈ܠܝܵܬܼܵܐ ܙܲܡܲܪܘ 310 :ܠܗܵܘ̇ ܕܐܸܬܼܓܲܐܝܼ ܒܡܘܼܟܵܟܹܗ 311 ܘܟ̣ܒܫ ܚܣܢ̈ܐ ܕܡܵܪܘܿܕܼܵܐ. 312 :ܟܲܕܼ ܣܵܘܟܲܝ̈ܗܘܿܢ ܒܐܝܼܕܲܝ̈ܗܘܿܢ 313 ܘܐܘܿܫܲܢ̈ܝܗܘܿܢ ܒܦܘܼܡܲܝܗܘܿܢ. 314 :ܒܐܸܣܹ̈ܐ ܘܙܲܝ̈ܬܹܐ ܘܟܼܠ ܐܝܼܠܵܢ 315 ܬܵܢܹ̇ܝܢ ܫܘܸܒܼܚܵܐ ܕܪܲܒܿܘܼܬܹܗ. 316 ܐܲܝܟ ܥܲܝܕܼܵܐ ܓܹܝܪ ܕܲܗ̤ܘܵܐ ܠܗܘܿܢ 317 ܕܲܢܝܲܩܪܘܼܢ ܠܲܢܒܼܚܲ̈ܗܘܿܢ. 318 :ܒܠܸܒܵܘ̈ܬܼܵܐ ܠܲܡ ܕܕܸܩ̈ܠܹܐ 319 ܘܒܐܛܪ̈ܓܐ ܢܦܩ̣ܘ ܗ̄ܘ̣ܵܘ ܠܐܘܼܪܥܹܗ. 320 :ܫܘܼܒܼܚܵܐ ܩܲܒܸܿܠ ܡ̣ܢ ܫܲܒܼܪܹ̈ܐ 321 ܘܗܘܼ̈ܠܵܠܲܐ ܡ̣ܢ ܟܸܢܫܲܝ̈ܗܘܿܢ. 322 :ܘܡܲܠܲܐܟܹ̈ܐ ܪܥܸܡ̣ܘ ܒܲܫܡܲܝܵܐ 323 ܒܲܬܼܗܝܪ̈ܵܬܼܵܐ ܕܡܲܥܲܠܬܹܗ. 324 :ܒܬܲܗܪܵܐ ܪܲܒܵܐ ܩܡ̣ܘ ܥܝܼܪܹ̈ܐ 325 ܒܝܘܿܡ ܡܲܥܠܬܹܗ ܕܦܪܘܩܲܢ. 326 :ܟܲܕܼ ܚܙ̣ܵܘ ܕܲܪܟܼܝܼܒܼ ܥܲܠ ܥܝܼܠܵܐ 327 ܘܡܸܬܼܗܲܦܟ ܒܫܘܼܩܲܝ̈ ܡܕܼܝܼܢ̄ܬܵܐ. 328 :ܚ̣ܵܪܘ ܥ̈ܠܝܐ ܘܲܚܙ̣ܵܐܘܼܗܝ 329 ܕܡܲܟܿܝܼܟ ܘܲܫܠܹܐ ܒܢܝܼܚܘܼܬܹܗ. 330 ܒܲܝܢܵܬܼ ܟܸܢܫܹ̈ܐ ܕܝܠܘ̈ܕܐ: pb. f.119r 331 ܘܐܸܬܿܕܲܡܲܪܘ ܒܡܲܟܿܝܼܟܹܘܼܬܹܗ. 332 :ܬܗܲܪܘ ܡܲܠܲܐܟܹ̈ܐ ܥܲܠ ܗܵܠܹܝܢ 333 ܕܒܲܬܼܪܹܝܢ ܓܲܒܿܝܼ̈ܢ ܡܸܫܬܲܒܲܚ. 334 :ܒܲܡܪܵܘܡܹܐ ܡ̣ܢ ܟܸܢܲܒܲܝ̈ܗܘܿܢ 335 ܘܲܠܬܿܚܬܿ ܡ̣ܢ ܛ̣ܠܵܝܹ̈ܐ ܘܫܲܒܼܪܹ̈ܐ. 336 :ܚܵܝ̇ܪܝܼܢ ܗ̄ܘ̣ܵܘ ܗܵܟܹܝܠ ܟܠܗܘܿܢ 337 ܒܟܼܘܼܪܵܣܝܹܗ ܪܲܒܿܐ ܒܲܫܡܲܝܵܐ. 338 :ܒܚܵܙܹ̇ܝܢ ܠܹܗ ܒܸܐܣܛܲܠ ܦܲܓܼܪܵܢ 339 ܟܲܕܸ ܡܸܬܼܩܲܠܲܣ ܩܘܿܫܲܥ̈ܢܹܐ. 340 :ܪܟܼܝܼܒܼ ܫܡܲܝ̈ ܫܡܲܝܵܐ ܒܟܲܣܝܘܼܬܹܗ 341 ܒܟܼܝܼܒܼ ܥܲܠ ܥܝܼܠܵܐ ܒܐܵܢܵܫܘܼܬܹܗ. 342 :ܘܫܘܼܠܛܵܢܵܐ ܕܐܲܠܵܗܘܼܬܹܿܗ 343 ܡܲܡܠܸܟ ܒܵܪܘܡܵܐ ܘܲܒܼܥܘܼܡܩܵܐ. 344 :ܒܲܫܡܲܝܵܐ ܡܲܟܝܼܟܼܝܼܢ ܒܲܪ̈ܩܵܘܗܝ 345 ܘܲܐܪܥܵܐ ܒܢܲܚܬܹ̈ܐ ܘܲܒܼܣܵܘ̈ܟܹܐ. 346 :ܟܲܕܼ ܩܥ̇ܝܹܢ ܠܹܗ ܐܘܿܫܲܥܢܵܐ 347 ܥܝܕܹ̈ܐ ܘܐ̄ܢܵܫ̈ܐ ܫܲܘܝܵܐܝܼܬܼ. 348 :ܟܪ̈ܘܿܒܹܐ ܘܣܪ̈ܦܐ ܙ̇ܝܥܝܢ 349 ܕܲܢܒܪ ܟܼܘܢܝܗܝ ܒܲܡܪܵܘܡܹܐ. 350 :ܘܩܵܥܹ̇ܝܢ ܫܘܼܒܼܚܹܗ ܒܵܓܼܵܘ ܥܘܼܡܵܩܹܗ 351 ܛ̈ܠܝܐ ܘܫܲܒܼܪܹ̈ܐ ܕܠܵܐ ܕܸܚܠܵܐ. 352 :ܒܪܬܼ ܨܗܝܘܢ ܕܹܝܢ ܕܲܚ̣ܙܵܬܹܗ 353 ܚܸܣܡܲܬ̤ ܒܹܗ ܟܲܕܼ ܡܸܫܬܲܒܿܚ. 354 :ܘܒܼܵܥ̇ܝܵܐ ܗ̄ܘ̣ܵܬܼ ܕܫܘܒܼܚܹܗ ܢܸܒܼܛܲܠ 355 ܡ̣ܢ ܟܠ ܦܘܼܡܝܼ̈ܢ ܘܲܡܫܲܒܚܝܼܢ. 356 :ܠܵܐ ܫܵܠܡܵܐ ܗ̄ܘ̣ܵܬܼ ܠܥܵܠܝܐ 357 ܘܠܵܐ ܠܬܲܚܬ̈ܝܹܐ ܕܲܡܫܲܒܿܚܝܼܢ. 358 :ܠܐܘܼܪܚܹܗ ܪܲܩܲܒܲܬܼܵܐ ܕܦܵܪܘܿܩܲܢ 359 ܕܡܲܠܝܵܐ ܬܗܲܪܵܐ ܘܕܼܘܼܡܵܪܵܐ. 360 :ܕܲܬܼܫܬܸܿܩ ܓܹܝܪ ܠܛܠ̈ܝܐ 361 ܣܲܓܿܝܼ ܠܸܐܝܲܬ̤ ܨܠܘܼܒܼܵܐ̈ܬܐ. 362 :ܘܕܲܫܪܵܪܹܐ ܡܠܹܐ ܗ̇ܘ̣ܵܐ ܦܘܡܗܘܿܢ 363 ܠܵܐ ܐܸܫܬܲܬܲܩܘ ܩܵܠܲܝܗܘ̈ܢ. 364 :ܡܫܲܒܿܚܝܼܢ ܪ̈ܲܒܲܝ ܡܲܠܲܐܟܹ̈ܐ 365 ܠܲܒܼܪܵܐ ܒܲܐܬܼܪܹܗ ܩܲܕܿܝܫܵܐ. 366 :ܘܲܒܼܓܼܵܘ ܫܘܼܩܹ̈ܐ ܕܒܲܪܬܼ ܨܗܝܘܿܢ 367 ܩ̈ܠܐ ܦܫܝܼ̈ܛܹܐ ܒܐܘܿܫܲܥܢܹ̈ܐ. 368 :ܡ̣ܢ ܬܵܘܬܵܕ̈ܐ ܕܬܸܒܿܘܿ ܚܬܹܗ 369 ܡܸܫܬܲܒܲܚ ܗ̄ܘ̣ܵܐ ܡ̣ܢ ܫܲܒܼܪܹ̈ܐ. 370 :ܘܥܵܕܼܠܝܼܢ ܗ̄ܘ̣ܵܘ ܠܹܗ ܕܥܲܠ ܡܵܢܵܐ 371 ܚܛܲܦܬ ܫܘܼܒܼܚܵܐ ܕܠܵܐ ܗ̄ܘ̣ܵܐ ܕܝܼܠܵܟ. 372 :ܟܵܐ̇ܝܢ ܗ̄ܘ̣ܵܘ ܒܗܘܿܢ ܒܛ̈ܠܝܐ 373 ܐܲܝܟ ܕܢܸܫܠܘܼܢ ܡ̣ܢ ܬܸܫܒܿܘܿ ܚܬܹܿܗ. 374 :ܟܲܕܼ ܣ̇ܒ̣ܪܝܼܢ ܗ̄ܘ̣ܵܘ ܕܡܵܐ ܕܲܫܬܸܩܘ 375 ܦܛ݂ܲܪ ܠܹܗ ܫܘܼܒܼܚܵܐ ܕܐܝܼܩܵܪܹܗ. 376 :ܐܘ ܝܗܘܕ̈ܐ ܛܠܘܡ̈ܐ 377 ܣܢܲܝܲܝ̈ ܢܘܼܗܪ̈ܐ ܫܲܪܝܼܪܵܐ. 378 :ܐܲܝܟܲܢ ܒܵܛ̇ܠܵܐ ܬܸܫܒܿܘܿܚܬܹܗ 379 ܕܡܸܢܵܗ̇ ܡܠܹܝܢ ܫܡܲܝܵܐ ܘܐܲܪܥܵܐ. 380 :ܐܸܢ ܠܬܲܠܡ̈ܝܼܕܹܐ ܘܠܲܛ̈ܠܵܝܹܐ 381 ܡܫܲܒܿܩܝܼܬܘܿܢ ܒܚܸܪܝܵܘܼܬܼܟܼܘܿܢ. 382 :ܗܵܐ ܐܝܼܬܼ ܠܹܗ ܟܸܢܫܹ̈ܐ ܒܪܵܘܡܵܐ 383 ܕܲܕܠܵܐ ܫܲܠܘܵܐ ܡܫܲܒܿܚܝܼܢ ܠܹܗ. 384 :ܪܸ̈ܒܿܘܿܪܸ̈ܒܿܘܵܢ ܕܡܲܠܲܐܟܹ̈ܐ 385 ܘܐܵܠܸܦ ܐܲܠܦܝܼ̈ܢ ܕܲܣܪ̈ܵܦܹܐ. 386 :ܗܵܐ ܡܩܲܕܫܝܼܢ ܠܹܗ ܒܩܵܠ̈ܝܼܗܘܿܢ 387 ܚܵܕܼܪ̈ܲܝ ܟܘܼܪܣܝܵܐ ܕܐܝܼܩܵܪܹܗ. 388 :ܡܵܕܹܝܬ ܠܵܘ ܣܲܓܿܝܼ ܪܲܒܵܐ 389 :ܕܡ̣ܢ ܐܲܪ̈ܥܵܢܹܐ ܢܸܫܬܿܒܲܚ 390 :ܕܡܸܛܠܵܬܼܗܘܿܢ ܠܒܸܫ ܦܓܼܪܵܐ 391 ܕܢܸܦܪܘܿܩ ܐܸܢܘܿܢ ܡ̣ܢ ܡܵܘܬܵܐ. 392 :ܫܡ݂ܲܥܘ ܘܐܸܬܼܕܲܡ݂ܲܪܘ ܦܵܪ̈ܘܿܫܹܐ 393 ܒܡܲܪܵܚܘܼܬܼܵ ܕܙܵܩܘܿܦܹ̈ܐ. 394 :ܕܐܲܝܟܲܢ ܝܼܩܸܕܼܘ ܒܲܚܣܵܡܵܐ 395 ܘܲܣܢ̣ܵܘ ܡܓܿܢ ܠܦܵܪܘܿܩܗܘܿܢ. 396 :ܬܸܫܒܿܘܿܢ ܚܬܹܗ ܓܹܝܪ ܕܡ̣ܢ ܟܸܫܢܹ̈ܐ 397 ܘܲܛ̈ܠܵܝܐ ܘܕܲܝܲܠܘܼ̈ܕܹܐ. 398 :ܨܵܬܼܘ ܘܲܫܡ݂ܲܥܘ ܣܲܢܝܲܝ̈ ܢܲܦ̣ܫܵܐ 399 ܘܠܵܐ ܚܲܡܣܸ[؟؟؟] ܠܲܡܣܲܝܒܵܪܘܼ. 400 :ܒܠܸܒܵܐ ܒܝܼܫܵܐ ܘܡܲܪܝܼܪܵܐ 401 ܩܪܸܒܼܘ ܨܸܐܕܵܘܗܝ ܕܲܡܫܲܝܸܢ ܟܠ. 402 :ܐܵܡ̇ܪܝܼܢ ܠܹܗ ܟܐܝܼ ܒ̈ܛܠܝܐ 403 ܕܠܵܐ ܦܠܹܐ ܕܗܵܟܲܢ ܬܸܫܬܲܒܲܚ. 404 :ܦܲܢܝܼ ܡܵܪܲܢ ܘܐܸܡ݂ܲܪ ܠܗܘܿܢ 405 ܕܠܵܐ ܩܪܝܬܘܢ ܡܸܡܬܼܘܿܡ ܕܲܟܼܬܼܝܼܒܼ. 406 :ܕܡ̣ܢ ܦܘܼܩ ܟܠܗܘܿܢ ܝܠܘܕ̈ܐ 407 ܬܸܩܢܲܬ̤ ܬܸܫܒܿܘܿܚܬܹܗ ܕܡܵܪܝܵܐ. 408 :ܛܲܟܼܣܵܐ ܬܵܒܲܥ̇ ܕܲܢܒܲܚܘܼܢ 409 ܟܠ ܡܘܼܫ̈ܚܵܢ ܒܗ̇ ܢܵܐܝܲܡܵܐ. 410 :ܘܐܸܢ ܗܵܟܹܝܠ ܗܵܠܹܝܢ ܢܸܫܬܩܘܼܢ 411 ܟܸܐܦܹ̈ܐ ܗܵܠܹܝܢ ܢܩܥܝ̈ܵܢ. 412 :ܘܗܵܟܲܢ ܐܝܼܬܝܗ̇ ܒܲܫܪܵܪܵܐ 413 ܐܲܝܟ ܡܵܐ ܕܐܸܡ݂ܲܪ ܦܵܪܘܿܩܲܢ. 414 ܕܐܸܠܘܼ ܫܬܸܩܘ ܗܵܠܹܝܢ ܟܸܢܫܹ̈ܐ: pb. f.119v 415 ܟܹܐܦܹ̈ܐ ܡܲܠܠܸ̈ܝ ܬܸܫܒܿܘܿܚܬܹܿܗ. 416 :ܙܲܒܼܢܵܐ ܗ̄ܘ̣ܵܐ ܕܒܹܗ ܦܲܐܝܵܐ ܗ̄ܘ̣ܵܬܼ 417 ܕܲܒܼܪܵܐ ܡ̣ܢ ܟܠ ܢܸܫܬܲܒܲܚ. 418 :ܘܐܸܠܘܼ ܛܲܥܡܘܼܗܝ ܝܠܘܕ̈ܐ 419 ܟܹܐܦܹ̈ܐ ܩܵܥܝܼ̈ܢ ܗ̄ܘ̣ܵܝ̈ ܫܘܼܒܹܚܗ. 420 :ܐܸܠܘܼ ܛ̈ܠܝܐ ܘܝܠܘܕ̈ܐ 421 ܒܣܘܪܹ̈ܐ ܕܕܸܩ̈ܠܹܐ ܠܵܐ ܫܲܒܲܚ̣ܘ. 422 :ܫ̈ܘܿܠܹܐ ܛܡ̈ܝܼܡܹܐ ܡܫܲܒܿܚܝܼܢ ܗ̄ܘ̣ܵܘ 423 ܒܗܵܘ̇ ܥ̣ܕܵܢܵܐ ܕܡܲܥܠܬܹܗ. 424 :ܡܵܪܵܐ ܕܡܲܠܟܹ̈ܐ ܐܸܬܿܬܲܚܬܿܝܼ 425 ܘܲܒܼܡܘܼܟܵܟܹܗ ܪܟܸܒܼ ܥܝܼܠܵܐ. 426 :ܘܙܵܥ̣ܘ ܟܸܢܫܹ̈ܐ ܕܢܸܬܿܠܘܼܢ ܫܘܼܒܼܚܵܐ 427 ܥܲܠ ܡܘܼܟܵܟܹܗ ܕܲܚܠܵܦܲܝܢ. 428 :ܪ̈ܫܲܝ ܥܲܡܡܹ̈ܐ ܕܒܐܘܿܪܸ ܫܠܸܡ 429 ܥܲܡ ܟܸܢ̈ܫܹܐ ܚܲܝܵܒ̇ܝܼܢ ܗ̄ܘ̣ܵܘ. 430 :ܕܲܢܡܲܠܠܘܼܢ ܥܲܠ ܬܸܫܒܿܘܿܚܬܹܗ 431 ܒܙܲܒܼܢܵܐ ܕܐܸܬܼܵܐ ܨܹܐܕܲܝܗܘܿܢ. 432 :ܘܥܲܠ ܕܲܛܥܲܡ̣ܘ ܟܵܗܢܹ̈ܐ ܫܘܼܒܼܚܹܗ 433 ܕܚܲܝܵܒܼܝܼܢ ܗ̄ܘ̣ܵܘ ܕܲܢܫܲܒܿܚܘܼܢ. 434 :ܛܠ̈ܝܐ ܩܥ̣ܘܿ ܠܹܗ ܬܸܫܒܿܘܿܚܝܵܬܐ 435 ܠܒܲܪ ܡܲܠܟܿܐ ܢܐܘܿܫܲܥܢ̈ܝܗܘܿܢ. 436 :ܘܐܸܠܘܼ ܫܬܼܩܘ ܗ̄ܘ̣ܵܘ ܡܫܒܚ̈ܢܐ 437 ܠܵܐ ܒܛܸܠ ܫܘܼܒܼܚܵܐ ܡ̣ܢ ܬܲܡ̇ܢ. 438 :ܕܟܹܐܦܹ̈ܐ ܒܙܵܘܥܵܐ ܩܥ̈ܝܢ ܠܹܗ 439 ܐܘܫܲܥܢܵܐ ܠܲܡܠܸܟ ܡܲܠܟܹ̈ܐ. 440 :ܒܪܝܼܬܼܵܐ ܟܠܵܗ̇ ܐܸܬܿܕܲܡܪܲܬ̤ 441 ܥܲܠ ܡܘܼܟܵܟܼܵܐ ܕܡܹܐܬܼܝܼܬܹܗ. 442 :ܕܐܸܬܿܬܿܙܝܼܥܲܬ̤ ܕܬܸܬܸܿܠ ܫܘܼܒܼܚܵܐ 443 ܒܩܵܠܵܐ ܪܵܡܵܐ ܒܐܘܿܫܲܥܢ̈ܐ. 444 :ܠܝܵܕܘ̈ܥܹܐ ܓܹܝܪ ܫܲܪܝܼܪܵܐ 445 ܡܸܠܬܼܵܐ ܕܡܲܠܸܠ ܦܵܪܘܿܩܲܢ. 446 :ܕܐܸܢ ܦ̣ܩܕܼ ܩܥ̇ܝܢ ܗ̄ܘ̣ܵܘ ܫܘ̈ܥܹܐ 447 ܘܟܹܐܦܹ̈ܐ ܫܘܼܒܼܚܵܐ ܕܪܲܒܿܘܼܬܹܗ. 448 :ܐܸܡ݂ܲܪ ܠܹܗ ܠܲܐܝܢܵܐ ܕܲܣܢܝܼܩ 449 ܥܲܠ ܬܲܚܘܝܼܬܼܵܐ ܕܲܫܪܪܐ. 450 :ܕܡ̣ܢ ܓܲܠܝ̈ܬܐ ܦܫܝܼܩ ܗ̄ܘ̣ܵܐ ܠܹܗ 451 ܕܢܸܣܬܲܟܲܠ ܥܲܠ ܟܲܣܝܵܬܐ. 452 :ܒܲܙܩܝܼܦܘܼܬܹܗ ܕܥܲܠ ܩܲܝܣܵܐ 453 ܡܫܲܒܿܚܵܢܹ̈ܐ ܫܲܬܿܝܼܩܝܼܢ ܗ̄ܘ̣ܵܘ. 454 :ܘܟܹܐܦܹ̈ܐ ܘܫܘ̈ܥܹܐ ܩܥ̣ܵܘ ܫܘܼܒܼܚܵܐ 455 ܕܚܲܝܵܒܼܝܼܢ ܠܐܲܠܵܗܘܼܬܹܗ. 456 :ܚܠܵܦ ܬܲܠܡܝܼ̈ܕܹܐ ܘ̈ܛܠܝܐ 457 ܕܠܵܐ ܫܲܒܿܚܘܼܗܝ ܟܲܕܼ ܬܠܹܐܒܩܲܝܣܵܐ. 458 :ܡܝܼܬܹ̈ܐ ܢܦܲܩ̣ܘ ܡ̣ܢ ܩܲܒܿܪ̈ܲܝܗܘܿܢ 459 ܘܝܲܒܲܒ̣ܘ ܫܘܼܒܼܚܵܐ ܠܐܝܼܩܵܪܹܗ. 460 :ܫܘܼܒܼܚܹܗ ܕܡܵܪܢ ܠܵܐ ܛܵܠܡ̇ܝܼܢ 461 ܟܝܢ̈ܐ ܟܠܗܘܿܢ ܕܲܒܼܝܼܬܼܵܐ. 462 :ܕܗܵܐ ܙܵܝ̇ܥܝܼܢ ܠܲܡܫܲܒܼܵܚܘܼ 463 ܠܡܵܪܘܼܬܹܗ ܒܟܼܠܗܘܿܢ ܙܲܒܼܢ̈ܐ. 464 :ܐܵܦ ܡ̣ܢ ܟܹܐܦ̈ܐ ܘܡ̣ܢ ܩܲܝ̈ܣܹܐ 465 ܦܫܝܼܩ ܠܹܗ ܠܚܵܠܹܗ ܕܢܸܬܼܡܲܠܲܠ. 466 :ܕܲܒܼܪܸܡܙܹܗ ܟܙܝܼܥ ܠܲܟܼܝܵܢܹ̈ܐ 467 ܕܪܲܒܿܘܼܬܼܵܐ ܕܫܘܼܒܼܚܹܗ ܒܸܩܥܘܿܢ. 468 :ܡ̈ܠܲܠܹܐ ܥܲܡ ܫܲܬܿܝܼܩܹ̈ܐ 469 ܒܸܐܣܟܹܿܝܡ̈ܝܗܘܿܢ ܗܵܐ ܙܵܡ̇ܪܝܼܢ. 470 :ܫܘܼܒܼܚܵܐ ܕܲܦܐܹܐ ܠܐܝܼܩܼܵܪܹܗ 471 ܟܲܣܝܵܐܝܼܬܼ ܒܲܟܼܝܵܢܲܝ̈ܗܘܿܢ. 472 :ܒܬܲܗܪܵܐ ܕܗܘ̤ܵܐ ܝܵܘܡܵܢܵܐ 473 ܡ̈ܠܝܼܠܹܐ ܘܚܲܪ̈ܫܹܐ ܐܸܬܸܿܕܲܡܲܪܘ. 474 :ܘܲܒܼܚܲܝܠܹܗ ܠܵܐ ܐܸܣܬܲܟܲܠܘ 475 :ܥܲܡܵܐ ܦܩܪܵܐ ܕܝܗܕ̈ܝܐ 476 :ܚܲܕ ܬܲܗܪܵܐ ܐܝܼܬܼܵܘܗܝ ܗܵܢܵܐ 477 ܕܲܪܟܼܝܼܒܼ ܡܵܪܢ ܥܲܠ ܥܝܼܠܵܐ. 478 :ܗܵܘ̇ ܕܲܟܼܪ̈ܘܿܒܹܿܐ ܒܲܡܪܵܘܡܹܐ 479 ܡܙܲܚܝܼܢ ܫܘܼܒܼܚܵܐ ܕܡܵܪܘܼܬܹܗ. 480 :ܘܕܘܼܡܵܪܵܐ ܐ̄ܚܪܢܵܐ ܗܵܢ̇ܘ 481 ܕܲܒܣܘܟ̈ܐ ܢܦܲܩ̣ܘ ܗ̄ܘ̣ܵܘ ܠܐܪܥܹܗ. 482 :ܘܠܵܐܝܵܕܼܥ̇ܝܼܢ ܕܡܸܛܠ ܡܢܵܐ ܠܹܗ 483 ܡܙܲܚܝܼܢ ܗ̄ܘ̣ܵܘ ܣܒܸܕܲܪ̈ܝܗܘܿܢ. 484 :ܬܲܗܪܵܐ ܬܠܝܼܬܼܵܝܵܐ ܗܵܢ̇ܘ 485 ܕܲܬܼܗܲܪܘ ܒܹܗ ܫܡܲܝܵܐ ܘܐܲܪܥܵܐ. 486 :ܕܝܲܠܘܼܕܹܐ ܝܼܢܩܲܝ̈ ܬܕܲܝ̈ܵܐ 487 ܩܵܥܹ̇ܝܢ ܗ̄ܘ̣ܵܘ ܠܹܗ ܒܐܘܒܲܥܢܹ̈ܐ. 488 :ܐܲܟܸܿܣܘ ܗ̄ܘ̣ܵܘ ܫܲܒܼܪܹ̈ܐ ܠܟܼܵܗܢܹ̈ܐ 489 ܘܠܣܦܪ̈ܐ ܒܐܘܿܫܲܥܲܢܲܝ̈ܗܘܿܢ 490 :ܕܟܲܕܼ ܕܲܥܕܲܟܲܝܠ ܠܵܐ ܡܲܠܸܠܘ 491 ܚܲܕܬܐ ܐܲܟܼܪܸܙܘ ܒܩܵܠܲܝܗ̈ܘܿܢ. 492 :ܒܬܸܫܒܿܚ̈ܵܬܼܵܐ ܕܠܵܐ ܡܸܬܼܡܼ̈ܠܠܵܢ 493 ܫܲܒܿܚܘܼܗܝ ܝܵܘܡܵܐ ܟܸܢ̈ܫܹܐ. 494 :ܠܡܲܠܟܵܐ ܕܲܢܨܲܚ̣ ܒܲܩܪܵܒܼܵܐ 495 ܠܘܼܩܒܲܠ ܡܵܘܬܵܐ ܘܣܵܛܵܢܵܐ. 496 :ܘܵܝܘܡܵܢܵܐ ܓܹܝܪ ܪ̈ܘܼܚܵܢܹܐ 497 ܫܲܒܲܚܘ ܠܲܒܼܪܵܐ ܥܲܡ ܟܸܢܫܹ̈ܐ. 498 :ܕܲܚ̣ܙܵܘ ܕܡܲܟܸܿܟ ܗ̄ܘ̣ܵܐ ܢܲܦ̣ܫܹܗ 499 ܒܪܟܘܒܐ ܡܚܝܼܠܵܐ ܘܫܝܼܛܵܐ. 500 ܘܚܠܦ ܨܗܝܘܢ ܕܣܢܬܹܗ: pb. f.120r 501 ܘܲܠܚܘܼܒܹܗ ܠܵܐ ܐܸܬܼܢܲܩܦܲܬ̤. 502 :ܗܵܐ ܡܩܲܠܣܝܼܢ ܠܹܗ ܟܠܥܲܡܡܝܼ̈ܢ 503 ܒܥܹܕܲܬܼ ܩܘܼܕܼܫܵܐ ܕܪܸܚܡܬܹܗ. 504 :ܕܚ̇ܨܝܼܢ ܒܥܹܐܕܼܵܘ̈ܗܝ ܩܲܕܲܝܼܫܹ̈ܐ 505 ܥܲܡܡܹ̈ܐ ܕܲܦܢ̣ܵܘ ܠܝܼܕܲܥܬܹܗ. 506 :ܘܲܡܙܲܚܝܼܢ ܠܵܗ̇ ܠܡܹܐ ܬܼܝܼܬܹܗ 507 ܚܠܵܦ ܛܵܠܘܿܡܹ̈ܐ ܕܠܵܐ ܩܲܒܲܠܘܼܗܝ. 508 :ܟܲܕܼ ܡܫܲܒܿܚܝܼܢ ܠܹܗ ܒܣܵܘܪ̈ܲܝܗܘܿܢ 509 ܥܠܲܝܼܡܹ̈ܐ ܘܣܵܒܹ̈ܐ ܘܝܲܠܘܼܕܹ̈ܐ. 510 :ܘܲܒܼܩܝܼܢ̈ܬܐ ܕܪܘܼܚܩܘܕܼܫܵܐ 511 ܙܵܡ̇ܪܝܼܢ ܫܘܼܒܼܚܵܐ ܠܡܵܪܘܼܬܹܗ. 512 ܐܸܬܼܒܲܝܲܢܘ ܡܸܟܹܿܝܠ ܒܗܵܕܹܐ. 513 ܟܸܢܫܹ̈ܐ ܦܪ̈ܝܼܩܲܝ ܒܲܨܠܝܼܒܼܵܐ. 514 :ܘܝܼܠܲܦܘ ܐ̄ܪܵܙܵܐ ܕܲܫܪܵܪܹܗ 515 ܕܲܚܠܵܦܲܝܢ ܓܡ݂ܲܪ ܝܵܘܡܵܢܵܐ. 516 :ܗܝ̇ ܓܹܝܪ ܕܪܟܸܒܼ ܥܲܠ ܥܝܼܠܵܐ 517 ܠܵܘ ܡܸܛܠ ܕܲܠܝܼܬܿ ܠܹܗ ܪ̈ܟܼܫܐ. 518 :ܐܸܠܵܐ ܕܠܲܢ ܢܸܬܸܠ ܛܘܼܦ̣ܣܵܐ 519 ܕܲܒܼܡܘܼܟܵܟܹܗ ܢܸܬܿܕܲܡܹܐ. 520 :ܡܲܚܙܝܼܬܼܵܐ ܕܫܲܦܝܼܪ̈ܬܹܗ 521 ܩܒ݂ܲܠ ܒܲܪ ܟܘܼܒܹܗ ܩܕܼܵܡ ܥܲܝܢܲܝ̈ܢ. 522 :ܕܢܸܚܙܹܐ ܡܘܼܡܹ̈ܐ ܕܕܘܼܒܵܪ̈ܲܝܢ 523 ܘܠܵܐ ܢܸܬܿܬܿܪܝܼܡ ܒܫܘܼܒܼܚܵܐ ܣܪܝܼܩܵܐ. 524 :ܠܡܲܠܟܿܘܼܬܹܗ ܓܹܝܪ ܙܲܡܸܢ ܠܲܢ 525 ܒܝܲܕܼ ܡܹܐ ܬܼܝܼܬܹܗ ܕܲܠܘܵܬܲܢ. 526 :ܢܲܛܝܸܒܼ ܢܲܚܬܹ̈ܐ ܕܡܸܫܬܘܼܬܼܵܐ 527 ܕܢ̣ܥܘܿܠ ܥܲܡܹܗ ܠܲܓܼܢܘܿܢܹܗ. 528 :ܢܲܚܬܹ̈ܐ ܕܟܼ̈ܝܵܐ ܬܵܒܲܥ݁ ܠܲܢ 529 ܒܝܵܘܡܵܐ ܪܲܒܵܐ ܕܓܸܠܝܵܢܹܗ. 530 :ܢܸܬܼܥܲܛܲܦ ܕܲܟܼܝܼܘܼܬܼ ܢܲܦ̣ܫܵܐ 531 ܢܙܚܝܘܗܝ ܐܵܽܦ ܚܢܲܢ ܕܲܟܼܝܵܐܝܼܬܼ. 532 :ܘܲܒܼܗܘ̈ܠܵܠܹܗ ܕܠܵܐ ܫܲܠܘܵܐ 533 ܢܕܲܡܪܸܡ ܠܲܫܡܹܗ ܩܲܕܿܝܼܒܵܐ. 534 :ܘܢܸܩܠܹܐ ܟܠܲܢ ܫܲܘܝܵܐܝܼܬܼ 535 ܐܘܿܫܲܥܢܵܐ ܠܵܟ ܒܲܡܪܵܘܡܹܐ. ܐܘܿܫܲܥܢܵܐ ܠܲܒܼܪܹܗ ܕܕܼܵܘܝܼܕܼ ܒܪܝܼܟ ܕܐܸܬܼ̇ܐ ܒܲܫܡܹܗ ܕܡܵܪܝܵܐ܀