Nativity 14

https://syriaccorpus.org/562
ܒܰܪ ܩܳܠܶܗ
1 ܬܳܐ ܢܽܘܚ ܘܰܫܠܺܝ ܒܥܽܘܒܳܗܿ ܕܐܶܡܳܟ ܒܰܪ ܝܰܩܺܝܪܳܐ ܠܳܐ ܦܐܶܐ ܚܽܘܨܳܦܳܐ ܠܰܒܢܰܝ̈ ܡ̈ܰܠܟܶܐ ܒܰܪ ܕܰܘܺܝܕ ܐܰܢܬ ܗܰܘ ܝܰܩܺܝܪܳܐ ܘܰܒܪܳܗܿ ܕܡܰܪܝܰܡ ܕܰܒܬܰܘܳܢܳܐ ܫܽܘܦܪܳܗܿ ܢܶܛܪܰܬ ܥܽܘܢܺܝܬܳܐ : ܠܳܟ ܬܶܫܒܽܘܚܬܳܐ ܕܰܒܗܳܢ ܝܰܘܡܳܐ ܐܰܦܨܰܚܬ ܥܰܠ ܟܽܠ
2 ܠܡܰܢܽܘ ܕܳܡܶܐ ܥܽܘܠܳܐ ܦܨܺܝܚܳܐ ܝܰܠܕܳܐ ܦܰܐܝܳܐ ܕܐܶܡܶܗ ܢܰܟܦܳܐ ܘܐܰܒܽܘܗܝ ܟܰܣܝܳܐ ܕܐܳܦܠܳܐ ܣܪ̈ܳܦܶܐ ܡܨܶܝܢ ܚܳܙܶܝܢ ܠܶܗ ܠܡܰܢܽܘ ܕܳܡܶܝܬ ܐܶܫܬܰܥܳܐ ܠܰܢ ܒܰܪ ܚܰܢܳܢܳܐ
3 ܪ̈ܰܓܺܝܙܶܐ ܕܐܶܬܰܘ ܕܰܢܚܽܘܪܽܘܢ ܒܳܟ ܐܰܦܨܰܚܬ ܐܶܢܽܘܢ ܚܠܰܛܘ ܓܽܘܚ̈ܟܰܝܗܽܘܢ ܥܰܡ ܕܰܚ̈ܕܳܕܶܐ ܚܰܠܺܝܘ ܐܰܟܬܳܢ̈ܶܐ ܒܳܟ ܒܰܣܺܝܡܳܐ ܡܰܢ ܐܰܢܬ ܛܰܠܝܳܐ ܕܐܳܦ ܡܰܪܺܝܪ̈ܶܐ ܒܳܟ ܡܶܬܚܰܠܶܝܢ
4 ܡܰܢܽܘ ܚܙܳܐ ܟܰܝ ܥܽܘܠܳܐ ܕܣܳܘܰܚ ܠܰܕܩܰܪ̈ܺܝܒܺܝܢ ܡܶܢ ܓܰܘ ܟܶܢܦܳܐ ܗܳܐ ܡܶܫܬܰܘܫܰܛ ܨܶܝܕ ܪ̈ܰܚܺܝܩܶܐ ܚܶܙܘܳܐ ܦܰܐܝܳܐ ܥܽܘܠܳܐ ܕܗܳܡܶܣ ܟܽܠܶܗ ܒܟܽܠܢܳܫ ܕܰܢܚܽܘܪܽܘܢ ܒܶܗ
5 ܕܐܺܝܬ ܠܶܗ ܨܶܦܬܳܐ ܘܐܶܬܳܐ ܘܰܚܙܳܟ ܥܶܪܩܰܬ ܨܶܦܬܶܗ ܘܰܕܪܳܢܶܐ ܘܰܚܙܳܟ ܛܥܳܐ ܒܳܟ ܪܶܢܝܶܗ ܛܥܳܐ ܒܳܟ ܟܶܦܢܳܐ ܐܳܦ ܡܶܐܟܽܘܠܬܶܗ ܘܕܶܐܫܬܰܕܰܪ ܒܳܟ ܐܶܫܬܰܕܰܠ ܘܰܛܥܳܐ ܐܽܘܪܚܶܗ
6 ܫܳܠܶܐ ܢܰܦܫܳܟ ܘܫܰܪܺܝ ܐܢܳܫܳܐ ܠܣܽܘܥܪ̈ܳܢܰܝܗܽܘܢ ܒܰܪ ܡܶܣ̈ܟܺܢܶܐ ܐܰܢܬ ܥ ܡܶܢ ܢܰܦܫܳܐ ܕܟܽܠ ܡܶܣ̈ܟܺܢܶܐ ܕܰܒܛܶܠܘ ܘܐܶܬܰܘ ܪܳܚܶܡ ܐܢܳܫܳܐ ܐܢܳܫܳܐ ܥܰܦܺܝܬ ܒܰܦܨܺܝܚܽܘܬܳܟ
7 ܕܰܘܺܝܕ ܡܰܠܟܳܐ ܗܰܘ ܝܰܩܺܝܪܳܐ ܣܰܘ̈ܟܶܐ ܫܩܰܠ ܗܘܳܐ ܘܰܒܥܰܕܥܺܕܳܐ ܒܰܝܢܳܬ ܫܰܒܪ̈ܶܐ ܟܰܕ ܕܳܐܶܨ ܗܘܳܐ ܫܽܘܒܚܳܐ ܝܰܗܒ ܗܘܳܐ ܕܰܠܡܳܐ ܚܽܘܒܶܗ ܕܕܰܘܺܝܕ ܐܰܒܽܘܟ ܗܳܐ ܪܳܬܰܚ ܒܳܟ
8 ܗܳܝ ܒܰܪܬ ܫܳܐܽܘܠ ܫܺܐܕܶܗ ܕܐܰܒܽܘܗܿ ܡܰܠܶܠ ܗܘܳܐ ܒܳܗܿ ܩܪܳܬ ܙܰܠܺܝܠܳܐ ܠܗܰܘ ܝܰܩܺܝܪܳܐ ܕܝܰܗܒ ܛܽܘܦܣܳܐ ܠܣ̈ܳܒܰܝ ܥܰܡܳܐ ܕܥܰܡ ܝ̈ܰܠܽܘܕܶܐ ܢܶܣܒܽܘܢ ܣܰܘ̈ܟܶܐ ܒܝܘܽܡ ܩܽܘܠܳܣܳܟ
9 ܡܰܢ ܠܳܐ ܢܶܕܚܰܠ ܕܰܥܠܰܝܟ ܢܣܺܝܡ ܕܐܰܝܟ ܚܰܨܺܝܦܳܐ ܐܰܢܬ ܕܗܳܐ ܒܰܪܬ ܫܳܐܽܘܠ ܕܰܓܣܳܬ ܥܽܘܠܳܐ ܓܶܙܰܬ ܟܰܪܣܳܗܿ ܡܶܢ ܡܰܘܠܳܕܳܐ ܕܒܰܙܰܚ ܦܽܘܡܳܗܿ ܐܰܓܪܳܐ ܕܦܽܘܡܳܗܿ ܗܘܳܐ ܓܽܘܙܝܳܗܿ
10 ܢܙܽܘܥܽܘܢ ܦܽܘ̈ܡܶܐ ܡܶܢ ܓܽܘܕܳܦܳܟ ܕܶܡ ܢܶܣܬܰܟܪܽܘܢ ܛܰܪܝ ܒܰܪܬ ܨܶܗܝܽܘܢ ܦܽܘܡܶܟܝ ܡܶܢܶܗ ܕܗܰܘ ܒܰܪ ܕܰܘܺܝܕ ܕܰܦܨܺܝܚ ܩܽܘܕܡܰܝܟܝ ܠܳܐ ܬܶܗܘܺܝܢ ܠܶܟܝ ܐܰܝܟ ܒܰܪܬ ܫܳܐܽܘܠ ܕܫܰܠܶܡ ܫܰܪܒܳܗܿ
11 ܥܰܡܳܐ ܛܰܡܐܳܐ ܟܰܕ ܙܰܢܳܝܺܝܢ ܐܳܦ ܛܰܢ̈ܳܢܺܝܢ ܚܙܳܐ ܐܰܠܳܗܳܐ ܟܡܳܐ ܥܳܫܽܘܩܺܝ̈ܢ ܘܐܶܬܪܰܚܰܡ ܠܶܗ ܥܰܠ ܢܰܩܒ̈ܳܬܳܐ ܡܶܛܠܳܬܰܢ ܐܰܣܓܺܝ ܦܽܘܪ̈ܣܰܘܗܝ ܒܶܝܬ ܥܳܫ̈ܽܘܩܶܐ
12 ܕܐܶܢܗܽܘ ܕܢܶܣܢܶܝܗܿ ܗܰܘ ܫܰܘܬܳܦܳܗܿ ܢܶܟܬܽܘܒ ܢܶܫܪܶܝܗܿ ܘܐܶܢ ܛܳܐܶܢ ܒܳܗܿ ܒܰܚܪܽܘܗܿ ܡܰܝ̈ܳܐ ܘܐܶܢ ܥܳܫܶܩ ܠܳܗܿ ܝܰܗܒ ܫܽܘܫܶܦܳܐ ܥܽܘܫܳܩܳܐ ܟܽܠܶܗ ܒܗܶܬ ܨܺܝܪ ܡܰܪܝܰܡ ܕܰܚܬܺܝܡܳܐ ܗܘܳܬ
13 ܩܰܕܶܡ ܡܽܘܫܶܐ ܦܰܪܣܺܝ ܐܶܢܽܘܢ ܟܡܳܐ ܥܳܫܽܘܩܺܝ݀̈ܢ ܕܟܰܕ ܫܽܘܫ̈ܶܦܶܐ ܕܰܒܬܽܘ̈ܠܳܬܳܐ ܨܶܝܕ ܐܢܶܫ̈ܰܝܗܽܘܢ ܩܰܛܪܶܓܘ ܐܶܢܶܝ̈ܢ ܘܰܩܛܰܠܘ ܐܶܢܶܝ̈ܢ ܟܡܳܐ ܟܰܝ ܥܰܫܩܽܘܗܿ ܠܐܶܡܶܗ ܕܰܒܪܳܐ
14 ܒܡܰܝ̈ܳܐ ܒܚܪ̈ܶܐ ܘܰܒܫܽܘܫ̈ܶܦܶܐ ܕܳܪܶܫ ܐܶܢܽܘܢ ܕܡܳܐ ܕܐܶܬܳܐ ܠܶܗ ܡܳܪܶܐ ܒ̈ܰܛܢܶܐ ܘܰܥܫܩܽܘܗܿ ܠܟܰܪܣܳܐ ܗܳܝ ܕܰܫܪܳܐ ܒܳܗܿ ܒܬܽܘ̈ܠܶܐ ܕܟܰܝ̈ܳܐ ܕܒܐܰܦܰܝ̈ ܒܰܛܢܳܗܿ ܢܦܺܝܣܽܘܢ ܥܠܰܘܗܝ
15 ܐܶܢܗܽܘ ܗܳܟܺܝܠ ܕܐܰܢܬܰܬ ܓܰܒܪܳܐ ܡܶܢ ܨܶܝܕ ܣܰܝܦܳܐ ܒܬܽܘ̈ܠܶܐ ܕܰܢܦܰܩܘ ܗܶܢܽܘܢ ܦܰܪܩܽܘܗܿ ܛܰܪ ܘܐܶܬܢܰܛܰܪ ܚܰܟܺܝܡ̈ܳܬܳܐ ܙܰܝܢܰܐ ܗ̱ܘ ܕܐܶܢ ܚܳܒ ܗܽܘ ܥܰܡ ܡܳܪܶܗ ܗܳܦܶܟ ܡܩܰܪܶܒ
16 ܕܛܳܡܶܡ ܗܘܳܐ ܕܶܝܢ ܪܶܓܰܬ ܦܰܓܪܶܗ ܗܰܘ ܐܶܠܺܝܳܐ ܡܶܛܪܳܐ ܟܠܳܐ ܗܘܳܐ ܡܶܢ ܓܰܝܳܪ̈ܶܐ ܕܰܚܣܰܠ ܦܰܓܪܶܗ ܛܰܠܳܐ ܚܣܰܠ ܗܘܳܐ ܡܶܢ ܙܰܢܳܝ̈ܶܐ ܕܰܫܪܰܘ ܘܫܰܡܰܪܘ ܡܰܒ̈ܽܘܥܰܝܗܽܘܢ
17 ܕܳܠܐ ܫܶܠܛܰܬ ܒܶܗ ܢܽܘܪܳܐ ܟܣܺܝܬܳܐ ܕܪܶܓܰܬ ܦܰܓܪܳܐ ܐܶܫܬܰܡܥܰܬ ܠܶܗ ܢܽܘܪܳܐ ܕܪܰܘܡܳܐ ܘܕܰܙܟܳܐ ܒܐܰܪܥܳܐ ܪܶܓܰܬ ܒܶܣܪܳܐ ܣܠܶܩ ܠܶܗ ܠܐܰܝܟܳܐ ܕܫܰܪܝܳܐ ܘܫܰܠܝܳܐ ܩܰܕܺܝܫܽܘܬܳܐ
18 ܐܳܦ ܐܶܠܺܝܫܰܥ ܕܐܰܡܺܝܬ ܦܰܓܪܶܗ ܐܰܚܺܝ ܡܺܝܬܳܐ ܚܰܝܰܬ ܡܳܝܽܘܬܽܘܬܳܐ ܗܳܝ ܕܰܟܝܳܢܳܐ ܒܩܰܕܺܝܫܽܘܬܳܐ ܕܠܳܐ ܒܰܟܝܳܢܳܐ ܐܰܚܺܝ ܫܰܒܪܳܐ ܕܨܰܠܶܠ ܢܰܦܫܶܗ ܐܰܝܟ ܕܰܚܣܺܝܠܳܐ
19 ܡܽܘܫܶܐ ܕܦܰܠܶܓ ܘܰܦܪܰܫ ܢܰܦܫܶܗ ܡܶܢ ܒܰܪܬ ܙܰܘܓܶܗ ܦܰܠܓܶܗ ܠܝܰܡܳܐ ܩܕܳܡ ܙܳܢܺܝܬܳܐ ܨܳܦܽܘܪܳܐ ܢܶܛܪܰܬ ܩܰܕܺܝܫܽܘܬܳܐ ܟܰܕ ܒܰܪܬ ܟܽܘܡܪ̈ܶܐ ܗܺܝ ܒܥܶܓܠܳܐ ܓܳܪܰܬ ܒܰܪܬ ܐܰܒܪܳܗܳܡ
How to Cite this Electronic Edition
Note:
Ephrem the Syrian, “Nativity 14” based upon Edmund Beck (ed.), "Des heiligen Ephraem des Syrers Hymnen De Nativitate (Epiphania)." in Corpus Scriptorum Christianorum Orientalium (Louvain: Secrétariat du CorpusSCO, 1959)., Digital Syriac Corpus, last modified December 17, 2019, https://syriaccorpus.org/562.

TEST2

Bibliography:
“Nativity 14.” In Corpus Scriptorum Christianorum Orientalium, edited by . Syriaca.org, 2016-. Entry published . https://syriaccorpus.org/562.

Show Citation Styles
SEDRA IV

Syriac Lexeme

About This Digital Text
Corpus Text ID:
https://syriaccorpus.org/562
Source:
Edmund Beck (ed.), "Des heiligen Ephraem des Syrers Hymnen De Nativitate (Epiphania)." in Corpus Scriptorum Christianorum Orientalium (Louvain: Secrétariat du CorpusSCO, 1959).
Type of Text: Digital Edition  
Status: Edited  
Publication Date: December 17, 2019
Preparation of Electronic Edition:
TEI XML encoding by James E. Walters.
Syriac text transcribed by Michael Oez.
Open Access and Copyright:
This electronic edition is designed for open access reuse. The Syriac base text is in the public domain. The TEI XML edition is copyrighted by James E. Walters and is released under a Creative Commons Attribution 4.0 International Public License (CC BY 4.0).
The HTML page is copyrighted by Vanderbilt University and released under a under a Creative Commons Attribution 4.0 International Public License (CC-BY 4.0, https://creativecommons.org/licenses/by/4.0/). Attribution for reuse should follow the suggested citation and also credit the copyright holder of the TEI XML edition.

Creative Commons License

See details...
How to Cite this Electronic Edition
Note:
Ephrem the Syrian, “Nativity 14” based upon Edmund Beck (ed.), "Des heiligen Ephraem des Syrers Hymnen De Nativitate (Epiphania)." in Corpus Scriptorum Christianorum Orientalium (Louvain: Secrétariat du CorpusSCO, 1959)., Digital Syriac Corpus, last modified December 17, 2019, https://syriaccorpus.org/562.

TEST2

Bibliography:
“Nativity 14.” In Corpus Scriptorum Christianorum Orientalium, edited by . Syriaca.org, 2016-. Entry published . https://syriaccorpus.org/562.

Show Citation Styles
Linked Data