Letter 13: To Paul the solitary who was called to the primacy of another habitation - ܠܘܬ ܐܢܫ ܝܚܝܕܝܐ ܕܐܬܩܪܝ ܠܪܫܢܘܬܐ ܕܥܘܡܪܐ ܐܚܪܢܐ
https://syriaccorpus.org/590
ܝܫܘܥܝܗܒ ܠܦܘܠܘܣ ܐܚܝ: ܒܡܪܢ ܫܠܡ.
ܝܫܡ̇ܥܬ ܥܠ ܡܐܬܝܬܟ ܐܦ ܩ̇ܪܝܬ ܠܡܕܡ ܕܟܬܒܬܿ
ܠܝ. ܘܒܗܝ̇ ܕܐܪܡܝܬ̇ ܬܚܝܬ ܦܘܫܟܐ ܠܡܐܬܝܬܟ܆ ܠܘ
ܫܦܝܪ ܥܒܕܬܿ. ܠܐ ܓܝܪ ܐܝܬܝܗ̇ ܗܕܐ. ܠܡ̇ܢ ܕܒܟܠܙܒܢ
ܡܤܟ̇ܝܢ ܒܪܘܚܗ. ܒܟܠ ܝܫܘܚܠܵܦܐ ܕܥ̇ܪܨܝܢ. ܐܠܐ
ܟܒܪ ܡܛܠ ܦܫܝܛܘܬܐ ܤܓܝܐܬܐ ܕܥܝܕܟ. ܝܘܠܦܢܐ
ܕܙܢܝ̈ܐ ܘܕܕܘܒܪ̈ܐ ܘܕܫܡܐ: ܚܫܝܒ ܠܟ ܝܫܘܢܝܟ ܕܡ̣ܢ
ܕܘܟ ܠܕܘܟ. ܠܘ ܕܝܢ ܗܟܢܐ ܢܤܬܒܪ ܠܟ܆ ܐܠܐ ܐܬܪܬܐ
ܕܐܟܤܢܝܐ ܘܚܘܫܒܐ ܡܤܟܢܐ ܚܙܘܩ ܥܡܟ ܠܟܠ ܕܘܟ.
ܘܢܬܠܘܘܢܟ ܒܟܠ ܤܘܥܪ̈ܢܝܟ ܘܡܬܬܢܝܚ ܐܢܬ. ܢܦܫܟ ܕܝܢ
ܐܫܘܕ ܩܕܡ ܡܪܢ ܒܟܠܙܒܢ ܐܝܟ ܕܐܦ ܥܒ̇ܕ ܐܢܬ.
ܘܨܒܝܢܟ ܒܟܠܙܒܢ ܒܨܒܝܢܗ ܕܐܐܗܐ ܢܗܘܐ ܕܗ̣ܘ
ܢܕܒܪܟ ܒܟܠ ܤܘܥܪ̈ܢܝܟ ܒܐܘܪܚܐ ܕܫܪܪܗ. ܘܐܤܬܡܟ
ܥܠ ܩܘܫܬܐ ܘܡ̣ܢ ܡܕܡ ܠܐ ܬܕܚܠ. ܐܝܠܝܢ ܓܝܪ
ܕܡܡܠܠܝܢ ܫܪܪܐ: ܐܦ ܠܡܠܵܟܐ ܕܐܪܥܐ ܡܫܟܚܝܢ
ܠܡܲܟܤ̣ܘ. ܝܬܝܪܬܝܬ ܕܝܢ ܐܦ ܐܢ ܡ̇ܥܪܝܢ ܠܫܪܪܐ ܗ̇ܘ
ܕܡܡܲܠܠܝܢ. ܠܐܚ̈ܐ ܕܝܢ ܕܥܡܟ܆ ܠܐ ܬܗܘܐ ܡܠܦܢܐ
ܐܝܟ ܕܡ̣ܢ ܢܦܫܟ. ܐܠܐ ܡܥܗܕܢܐ ܒܠܚܘܕ ܕܦܘܕ̈ܢܐ
ܕܡܪܢ ܘܕܝܘܠܦ̈ܢܐ ܕܐܒܗ̈ܬܐ. ܘܡܐ ܕܥܗܕܬܿ ܐܢܘܿܢ.
ܐܦܝܼܣ ܐܢܘܢ ܕܢܛܪܘܢ. ܘܐܢ ܡܤܡܝܢ ܕܘܢ ܐܢܘܢ
ܒܚܘܒܐ. ܘܐܢ ܡܬܚܪܝܢ ܤܲܗܕ ܐܢܘܢ ܥܠ ܫܘܢܝܟ.
ܘܐܢ ܡܦܝܤܝܢ ܠܟ ܠܡܦܫ. ܐܦܝܣ ܐܢܘܢ ܠܡܛܪ
ܦܘܩ̈ܕܢܐ. ܘܐܢ ܠܐ ܢܛܪܝܢ ܐܘܕܥܘܟ ܡ̣ܢ ܟܕܘ ܕܠܐ
ܡܬܒܥܐ ܠܟ ܠܡܦܫ ܠܘܬܗܘܢ. ܘܐܢ ܐܠܨܐ
ܠܡܫܢܝܘ: ܤܕܘܪ ܩܕܡܝܗܘܢ ܓܠܝܐܝܬ ܥܠܵܠܬܐ
ܕܫܘܝܢܐ. ܘܫܲܢܐ ܕܠܐ ܪܘܓܙܐ ܘܕܠܐ ܥܕܠܝ. ܟܕ ܠܐ
ܡܪܦܐ ܐܢܬ ܡ̣ܢ ܒܬܪܟ ܩܘܛܪܓܐ ܟܐܢܐ ܠܠܫܢ̈ܐ
ܡܤܪ̈ܗܒܐ. ܗܐ ܗܠܝܢ ܟܠܗܝܢ ܠܡܤܒܠ ܠܐ
pb. 18
ܡܬܛܦܝܤܢܘܬܐ. ܐܢܕܝܢ ܡܫܬܡ̈ܥܢܐ ܢܗܘܘܢ ܠܦܘܩܕ̈ܢܐ
ܡܘܬܪ̈ܢܐ܆ ܕܓܘܐ ܡܟܝܠ ܠܝܬܘܗܝ ܥܘܬܪܐ ܕܡܝܬܪܘܬܐ
ܠܗܘܢ ܘܠܟ. ܘܐܘܤܦ ܐܠܦ ܕܬܘܤܦ ܬܐܬܪ. ܢܬܒܛܠ
ܠܟ ܕܝܢ ܝܬܝܪܐܝܬ ܡ̣ܢ ܟܠ ܡܕܡ. ܥܠ ܚܘܒܐ ܠܡܠܦܘ.
ܘܬܚܘܝܬܗ ܩܕܡܝܬ ܒܢܦܫܟ ܗܒ. ܕܝܬܝܪ ܢܬܩܒܠ
ܡܐܡܪܐ ܘܢܤܓܐ ܒܓܘܐ ܝܘܬܪܢܐ. ܠܘܩܒܠ ܥܝܕ̈ܐ
ܕܝܢ ܩܕ̈ܡܝܐ ܕܕܘܟܬܐ. ܐܝܠܝܢ ܕܟܒܪ ܐܠܨܬ ܠܡܫܚܠܦܘ.
ܒܩܠܝܠ ܩܠܝܠ ܐܢܟܬܫ. ܘܩܕܡܝܬ ܐܦܝܣ ܥܠ ܕܡܝܠܪܐ.
ܘܟܢ ܒܲܛܠ ܗ̇ܝ ܕܒܨܝܪܐ. ܐܝܟܢܐ ܕܟܕ ܒܦܚܡܐ ܕܥܡ
ܚܕܕ̈ܐ܆ ܢܬܬܕ̈ܝܢܢ ܐܝܠܝܢ ܕܡܬܒ̈ܥܝܢ. ܬܤܓܐ ܡܝܬܪܘܬܐ
ܕܗ̇ܝ ܕܡܢܟ ܡܬܐܡ̇ܪܐ. ܕܐܢ ܢܛܪܘܢܗ̇: ܢܕܥܘܢ
ܕܡܠܦܢܐ ܕܛܒܬܐ ܗܘܝܬ ܠܗܘܢ. ܘܐܢ ܠܐ ܢܛܪܘܢ.
ܢܕܥܘܢ ܕܒܛܒܬܐ ܒܤܘ. ܘܤܟܐ ܠܡܐܡܪ: ܥܡ
ܝܘܬܪܢܐ ܬܒ. ܘܥܡ ܝܘܬܪܢܐ ܝܫܲܢܐ. ܝܘܬܪܢܐ ܕܝܢ ܗܘ̇
ܢܬܚܫܒ ܠܟ ܕܡ̣ܢ ܬܐܪܬܟ ܡܤܬܗܕ. ܘܠܐ ܢܬܩܕܡ
ܪܥܝܢܟ ܠܡܕܡ. ܐܠܐ ܠܟܠ ܡܕܡ ܠܒܝܬ ܕܝܢܐ ܕܚܘܫ̈ܒܐ
ܐܥܠ. ܘܒܚܘܪ ܟܐܢܐܝܬ ܒܕܚܠܬܗ ܕܐܠܗܐ. ܘܐܚܘܕ
ܠܐܝܕܐ ܕܫܦܝܪܐ. ܘܗ̣ܘ ܕܝܢ ܐܠܗܐ ܕܫܠܡܐ: ܢܬܠ ܠܟ
ܫܠܡܐ ܒܡܥܡܪܟ. ܘܢܫܡܠܝܟ ܒܟܠ ܥܒ̇ܕ ܛܒ
ܠܡܥܒܕ ܨܒܝܢܗ. ܕܒܟܠ ܚܝܠ ܬܬܚܝܠ ܐܝܟ ܐܪܥܝܬܐ
ܕܨܒܝܢܗ. ܠܫܘܒܚܗ ܕܝܠܗ ܕܐܠܗܐ ܘܠܠܘܒܒܢ ܕܝܠܢ.
ܘܨܠܐ ܕܝܢ ܘܐܦ ܥܠܝ ܕܫܪܟܢܐ ܕܝܘ̈ܡܝ ܒܚܝ̈ܐ ܕܫܦܪܝܢ
ܠܨܒܝܢܗ ܕܐܠܗܐ ܐܥܒܕ: ܝܫܐܠ ܝܫܠܡܟ ܐܚܘܢ܆
ܡܪܝ ܚܢܢܝܫܘܥ ܘܐܚ̈ܐ ܕܡܥܝ. ܗܒ ܝܫܠܡܐ ܠܐܚ̈ܐ
ܕܥܡܟ ܘܐܦܝܣ ܐܢܘܢ ܠܡܨܠܝܘ ܥܠ ܡܚܝܠܘܬܝ ܀
How to Cite this Electronic Edition
Note:
Ishoʿyahb III of Adiabene, “Letter 13: To Paul the solitary who was called to the primacy of another habitation - ܠܘܬ ܐܢܫ ܝܚܝܕܝܐ ܕܐܬܩܪܝ ܠܪܫܢܘܬܐ ܕܥܘܡܪܐ ܐܚܪܢܐ” based upon Rubens Duval (ed.), Išō‘yahb III Patriarcha: Liber epistularum. 2 vols., CSCO, Syr. II.64 (Paris: Typographeo Reipublicae, 1904-1905), Digital Syriac Corpus, last modified March 9, 2026, https://syriaccorpus.org/590.TEST2
Show Citation Styles
Corpus Text ID:
https://syriaccorpus.org/590Source:
Rubens Duval (ed.), Išō‘yahb III Patriarcha: Liber epistularum. 2 vols., CSCO, Syr. II.64 (Paris: Typographeo Reipublicae, 1904-1905)Publication Date: March 9, 2026
Preparation of Electronic Edition:
TEI XML encoding by James E. Walters.Syriac text transcribed by .
Open Access and Copyright:
This electronic edition is designed for open access reuse. The Syriac base text is
in the public domain. The TEI XML edition is copyrighted by James E. Walters and is
released under a Creative Commons Attribution 4.0 International Public License (CC
BY 4.0).
The HTML page is copyrighted by Vanderbilt University and released under a under a
Creative Commons Attribution 4.0 International Public License (CC-BY 4.0, https://creativecommons.org/licenses/by/4.0/).
Attribution for reuse should follow the suggested citation and also credit the copyright
holder of the TEI XML edition.
See details...
How to Cite this Electronic Edition
Note:
Ishoʿyahb III of Adiabene, “Letter 13: To Paul the solitary who was called to the primacy of another habitation - ܠܘܬ ܐܢܫ ܝܚܝܕܝܐ ܕܐܬܩܪܝ ܠܪܫܢܘܬܐ ܕܥܘܡܪܐ ܐܚܪܢܐ” based upon Rubens Duval (ed.), Išō‘yahb III Patriarcha: Liber epistularum. 2 vols., CSCO, Syr. II.64 (Paris: Typographeo Reipublicae, 1904-1905), Digital Syriac Corpus, last modified March 9, 2026, https://syriaccorpus.org/590.TEST2
Show Citation Styles