Letter 18: To the brothers in the monastery of Beth Abhe on the estabslishment of a director - ܠܘܢ ܐܚ̈ܐ ܕܒܥܘܡܪܗ ܡܛܠ ܩܘܝܡܗ ܕܪܫܐ

ܠܪ̈ܚܡܝ ܐܠܗܐ ܐܚ̈ܝ ܚܒܝ̈ܒܐ ܘܪ̈ܚܝܡܐ. ܝܫܡܥܘܢ pb. 30 ܘܝܘܚܢܢ ܘܩܡܝܫܘܥ ܘܒܪ ܕܢܚܐ ܘܕܢܝܐܝܠ ܘܒܪܙܤܘܪܝܢ ܘܒܪܢܘܢ ܘܝܫܘܥܙܟܐ ܘܐܦܢܝܡܪܢ ܘܟܠܗܘܢ ܐܚ̈ܐ ܩܕܝ̈ܫܐ ܕܒܥܘܡܪܐ ܕܒܝܬ ܥܒ̈ܐ ܒܫܡܐ ܘܫܘܝܐܝܬ ܝܫܘܥܝܗܒ ܐܚܘܟܘܢ ܒܡܪܢ ܫܠܡ. ܐܢܐ ܡܤ̇ܟܐ ܗ̇ܘܝܬ ܐܘ ܓܒܪ̈ܐ ܐܚ̈ܐ: ܕܡ̣ܢ ܚܦܝܛܘܬܐ ܕܚܘܒܟܘܢ ܐܤܬܒ̇ܪ ܥܠ ܫܘܢܝܗ ܡܫܒܚܐ ܕܪܫܐ ܗ̇ܘ ܩܕܝܫܐ ܕܡ̣ܢ ܚܝ̈ܐ ܗܠܝܢ ܕܒܒܤܪ: ܠܠܡܐܢܐ ܕܚܝ̈ܐ ܕܠܥܠܡ. ܘܐܠܘ ܠܐ ܕܡܠܝܐܝܬ ܡܦܣ ܐܢܐ ܒܥܝܕܐ ܕܓܘܐ: ܘܡܫܥܒܕ ܐܢܐ ܪܘܪܒܐܝܬ ܠܚܘܒܐ ܕܬܪܒܝܐ܆ ܕܠܝܠܐܝܬ ܟܒܪ ܡܢܟܫܠ ܗ̇ܘܝܬ ܒܡܒܤܝܢܘܬܐ ܕܐܝܟ ܗܕܐ. ܠܘ ܡܛܠ ܛܟܤܐ ܘܫܡܐ܆ ܐܠܐ ܡܛܠ ܐܚܘܬܐ ܘܬܪܒܝܬܐ ܕܥܝܕܐ. ܚܠܦ ܗܠܝܢ ܗܟܝܠ ܕܒܨܪܬܘܢ ܒܫܪܒܐ ܗܢܐ ܡ̣ܢ ܢܡܘܤܐ ܕܚܘܒܐ ܐܠܗܝܐ ܐܘ ܐܚ̈ܐ ܪ̈ܚܡܝ ܐܠܗܐ: ܡܪܢ ܢܗܘܐ ܝܫܒܘܩܐ ܘܡܚܤܝܢܐ. ܘܢܫܪܪ ܠܒܘ̈ܬܟܘܢ ܒܚܘܒܐ ܕܫܪܪܐ ܒܟܠܥܕܢ ܐܡܝܢ܀ ܥܠ ܗ̇ܝ ܕܝܢ ܕܫܡ̇ܥܬ ܕܥܕܟܝܠ ܒܢܘܘܓܐ ܕܦܘܫ̈ܟܐ ܐܝܬܘܗܝ ܠܟܘܢ ܤܘܥܪܢܐ ܕܪܫܢܘܬܐ܇ ܘܠܡܕܡ ܕܒܕܝܬܩܐ ܕܠܥܠܡ ܒܡܠܬܐ ܚܝܬܐ ܐܫܬܠܡ ܠܟܘܢ ܡ̣ܢ ܐܒܘܢ ܩܕܝܫܐ: ܠܘ ܡܚܕܐ ܡܫܪܪܐܝܬ ܩܒܥܬܘܢ܆ ܐܠܐ ܡ̣ܢ ܟܕܘ ܐܦ ܐܚܪ̈ܢܝܬܐ ܕܨܒܝܢܐ ܡܤܬܒܪܐ ܒܝܢܬܟܘܢ܆ ܡܤܘܚ ܗ̇ܘܝܬ ܕܐܢܐ ܩܢܘܡܝ ܐܬܐ ܐܘܬܟܘܢ܆ ܘܢܬܡܠܟ ܐܟܚܕܐ ܐܝܕܐ ܕܠܓܘܐ ܡܥܕܪܐ ܗܘ̇ܬ. ܘܠܫܡܗ ܩܕܝܫܐ ܕܐܠܗܐ ܡܫܒܚܐ ܗ̇ܘܬ. ܘܕܠܐ ܕܝܢ ܐܬܡܨܝܼܬ ܗܕܐ ܠܡܥܒܕ: ܒܗܝ̇ ܕܫܪܝܼܬ ܠܝ ܡ̣ܢ ܟܕܘ ܒܡܐܙܠܬܐ ܕܠܘܬ ܦܛܪܝܪܟܝܣ܆ ܐܬܚܙܝ ܠܝ ܕܒܐ ܓܪܬܐ ܕܤܘܪܗܒܐ ܐܬܚܫܚ ܠܘܬܟܘܢ ܒܢܡܘܤܐ ܕܚܘܒܐ ܪܘܚܢܝܐ. ܐܬܕܟܪܘ ܗܟܝܠ ܐܘ ܓܒܪ̈ܐ ܚܤܝ̈ܐ: ܠܝ ܠܫܘܬܦܐ ܕܚܘܒܟܘܢ ܘܠܒܪ ܬܪܒܝܬܐ ܕܥܝܕ̈ܝܟܘܢ. ܐܠܨܐ ܓܝܪ ܥܠ ܥܘܗܕܢܐ ܕܗܠܝܢ ܐܝܟ ܕܤ̇ܒܪ ܐܢܐ. ܡܛܠ ܕܐܝܟ ܕܡܬܚܝܐ ܟܪܝܗܝܢ ܐܢܘܢ ܤܘܥܪ̈ܢܐ ܕܐܚܘܬܐ. ܠܡܐ pb. 31 ܫܘܡܗܐ ܕܐܦܤܩܘܦܘܬܐ ܢܘܟܪܝܘܬܐ ܕܡܢܟܘܢ ܥܬܕ ܠܝ. ܠܡܐ ܤܝܡ ܐܝܕܐ ܕܟܗܢܘܬܐ ܡ̣ܢ ܚܘܠܛܢܐ ܕܓܘܐ ܦܪܫܢܝ. ܠܡܐ ܝܫܘܢܝܐ ܕܕܘܟܬܐ ܝܫܘܢܝܐ ܕܬܪܥܝܬܐ ܐܘܠܕ. ܠܡܐ ܒܐܝܠܝܢ ܕܠܓܘܐ ܡܥܕܪ̈ܢ ܘܠܫܘܒܚܗ ܕܐܠܗܐ ܡܤ̈ܓܝܢ܆ ܐܢܫ ܡܢܟܘܢ ܝܬܝܪ ܡܢܝ ܐܬܪܥܝ ܡܬܘܡ ܐܘ ܡܠ̣ܠ ܐܘ ܡܥ̣ܪ. ܒܚܤܝܪܘܬ ܪܥܝܢܐ ܐܡ̇ܪ ܐܢܐ. ܕܒܟܠ ܡܕܡ ܕܡ̇ܡܪܚ ܐܢܫ ܡܢܟܘܢ ܒܐܝܠܝܢ ܕܠܤܕܪܐ ܘܐܝܩܪܐ ܕܠܟܘܿܢ ܕܕ̈ܩܢ܆ ܐܦ ܐܢܐ ܡܡܪܚ ܐܢܐ. ܘܠܘ ܒܡܫܘܚܬܐ ܫܘܝܬܐ. ܐܠܐ ܒܐܝܕܐ ܕܝܬܝܪ ܡܫܒܚܐ. ܘܠܡ̇ܢ ܡ̇ܕܝܢ ܒܤܘܥܪܢܐ ܗܢܐ ܕܗܫܐ ܕܝܬܝܪ ܡ̣ܢ ܟܠ ܝܫ̇ܘܐ ܠܒܛܝܠܐ: ܐܬܚܤܢܬܘܢ ܡ̣ܢ ܡܗܡܝܢܘܬܐ ܕܥܝܕܐ: ܡ̣ܢ ܕܬܩܪܘܢ ܠܝ ܠܐܚܘܟܘܢ ܠܚܘ̣ܫܒܐ ܕܓܘܐ ܒܙܒܢܐ ܕܪܕܩ. ܨܐܕܝ ܓܝܪ ܐܝܬ ܗܘ̣ܐ: ܐܦ ܕܝܬܩܐ ܚܝܬܐ ܕܐܬܥܒܕܬ̤ ܡ̣ܢ ܦܘܡܗ ܡܒܪܟܐ ܕܐܒܘܢ ܩܕܝܫܐ ܒܡܠܬܐ ܝܫܪܝܪܬܐ ܩܕܡ ܩܠܝܠ ܝܘ̈ܡܬܐ ܕܥܘܢܕܢܗ: ܥܠ ܡ̇ܢ ܕܚ̇ܫܚ ܕܢܩܘܡ ܒܕܘܟܬܐ ܕܬܫܡܫܬܗ. ܗܘ̇ ܕܐܝܟ ܕܫܡ̇ܥܬ: ܐܦ ܒܝܘܡܐ ܕܥܘܢܕܢܗ ܥܠܘܗܝ ܦܲܩܕ. ܟܕ ܓܝܪ ܩ̇ܢܛ ܗܘ̣ܐ ܕܕܠܡܐ ܡ̣ܢ ܫܠܝ ܬܥܪܨ ܥܠܘܗܝ ܠܡܫܢܝܘ: ܐܝܟ ܕܢܬܟܠܐ ܡ̣ܢ ܕܠܡܐܡܪ ܡܕܡ ܕܐܬܪܥܝ ܠܡܥ̣ܒܕ܆ ܩܲܕܡ ܐܫܠܡ ܠܝ ܒܝܬܐܝܬ ܡܠܬܐ ܕܥܠ ܗܕܐ: ܠܐ ܓܝܪ ܤܒܪ ܗܘ̣ܐ: ܕܒܠܥܕܝ ܡܬܛܦܝܤܝܢ ܗܘܝܬܘܢ ܠܡܥܒܕ ܡܕܡ ܡ̣ܢ ܒܬܪ ܥܘܢܕܢܗ܆ ܐܝܟ ܡܐ ܕܐܢܬܘܢ ܗܫܐ ܐܤܡܝܬܘܢ ܡ̣ܢ ܗ̇ܝ ܕܡܬܒܥܝܐ. ܘܟܕ ܐܢܐ ܢ̇ܛܪ ܗܘ̇ܝܬ ܒܡܕܥܝ ܠܡܠܬܗ ܕܐܒܘܢ ܡܒܪܟܐ ܕܠܙܒܢܗ̇ ܐܡܪܝܗ̇܆ ܐܠܐ ܛܝܒܘܬܗ ܕܐܠܗܐ ܕܕܒܪܬܗ ܡܫܝܢܐܐܝܬ ܒܐܘܪܚܐ ܕܚܝ̈ܐ܆ ܝܗܒܬ̤ ܠܗ ܢܘܚܐ ܕܪܥܝܢܐ ܕܐܦ ܠܟܘܢ ܢܐܡܪܝܗ̇ ܒܝܘܡܐ ܕܥܘܢܕܝܗ. ܘܐܝܟ ܕܡ̣ܢ ܨܐܕܘܗܝ ܒܫܠܡܐ ܢܓܝܪܐ ܐܝܬܝܟܘܢ. ܘܡ̣ܢ ܟܕܘ ܗ̣ܘ ܐܝܬܘܗܝ ܠܟܘܢ ܪܫܐ ܘܡܕܒܪܢܐ. ܡܐ ܕܠܗ̇ܘ ܕܗ̣ܘ ܦ̣ܪܫ ܘܐܩܝܡ ܠܟܘܢ ܪܫܐ: ܩܢܝܬܘܢ ܝܫܠܡܐܝܬ ܪܫܐ pb. 32 ܘܡܕܒܪܢܐ. ܠܐ ܗܟܝܠ ܐܢܫ ܢܤ̣ܒܪ ܕܒܠܥܕ ܡ̣ܢ ܙܝܢܐ ܟܤܝܐ ܕܨܠܘܬܐ ܫܲܒܩܗ ܘܫܢܝ. ܐܠܐ ܡ̣ܢ ܐܡܬܝ ܕܠܒܗ ܤ̣ܡ ܥܠܘܗܝ ܘܒܡܠܬܐ ܦܲܪܫܗ: ܠܗ ܐܓܥܠ ܒܐܝܕ̈ܝ ܐܠܗܐ ܬܘܠܡܕܐ ܕܚܤܝܘܬܗ. ܘܐܢ ܐܢܫ ܡ̣ܢ ܝܨܝܦܘܬܗ ܕܗܢܐ ܡܢܲܟܪܐ ܢܦܫܗ ܒܨܒܝܢܗ܆ ܕܩ̣ܢܛܐ ܐܝܬܝܗ̇. ܐܢ ܠܐ ܡܘܒܕ ܥܘܕܪܢܐ ܕܨܠܘܬܗ ܕܙܕܝܩܐ. ܐܢ ܕܝܢ ܐܦ ܡܕܡ ܕܕܠܩܘܒܠܐ ܢܬܪܥܐ܆ ܠܡܢܘ̣ ܡܟܝܠ ܡ̣ܢ ܦܪ̈ܘܫܐ: ܠܐ ܐܝܬܘܗܝ ܡܨܥܪܐ ܘܡܩܠܩܠܐ܆ ܤܛܪ ܡ̣ܢ ܚܫܐ ܡܫܢܩܢܐ ܕܢܦܫܐ: ܗܘ̇ ܕܒܠܐ ܡܨܠܚܢܘܬܐ ܡܩܦܚ ܠܗ. ܗ̇ܝ ܕܚܣ ܠܒܢ̈ܝܐ ܕܟܝ̈ܐ ܕܐܒܐ ܙܕܝܩܐ. ܘܠܬܘܠܡܕܐ ܢܟܦܐ ܕܪܫܐ ܩܕܝܫܐ. ܘܠܐܚ̈ܐ ܪ̈ܚܝܡܐ ܘܠܒܢ̈ܝ ܬܪܒܝܬܐ ܕܝܠܝ ܕܡܕܡ ܡ̣ܢ ܕܐܝܟ ܗܠܝܢ ܚ̣ܝܫܘܢ ܠܓܡܪ ܐܘ ܢܫܬܡܥ ܒܝܢܬܗܘܢ. ܐܠܐ ܐܝܠܝܢ ܕܫܦܝܪ̈ܢ ܘܩܪ̈ܝܒܢ ܠܚܝ̈ܐ. ܘܝܗ̈ܒܢ ܥܘܕܪܢܐ ܠܓܘܐ. ܘܬܫܒܘܚܬܐ ܠܫܡܗ ܕܡܪܝܐ. ܝܨܦܘ ܡ̇ܕܝܢ ܐܘ ܐܚ̈ܝ ܚܒܝ̈ܒܐ ܕܠܐܚܘܢ ܪܚܡ ܐܠܗܐ ܡܪܝ ܝܘܚܢ ܩܫܝܫܐ ܗ̇ܘ ܕܒܘܩܝܐ ܕܡܝܬܪܘܬܗ ܒܫܒܥܝܢ ܝܫܢܝ̈ܐ ܚܲܤܝܼܪ ܩܠܝܠ ܐܢܝܤܒ. ܬܠܬܝܢ ܡܢܗܝܢ ܒܝܚܝܕܝܘܬܐ ܕܕܠܐ ܥܕܠܕ: ܘܫܪܟܐ ܕܩܕܡ ܗܠܝܢ ܒܕܘܒܪܐ ܬܩܢܐ ܕܐܤܟܘܠܝܘܬܐ: ܘܠܟܘܢ ܡܠܘܢ ܕܝܢ ܠܤܒܐ ܘܠܡܝܩܪܐ ܕܒܟܘܢ: ܒܫܘܬܦܘܬܐ ܕܥܡ ܐܒܘܢ ܡܒܪܟܐ ܡܩܒܠܢܐ ܘܡܬܠܡܕܢܐ ܗܘ̤ܐ: ܘܗܫܐ ܥܠ ܟܠܗܝܢ ܗܠܝܢ ܐܬܟܠܠ ܒܦܘܩܕܢܗ ܕܐܒܘܢ ܒܟܠܝܠܐ ܕܪܫܢܘܬܐ. ܠܗܢܐ ܕܝܢ ܐܝܟ ܕܠܐܝܢܐ ܕܡ̣ܢ ܐܠܗܐ ܐܬܦܪܫ ܒܓܒܝܬܐ ܡܝܬܪܬܐ܆ ܩܒܠܘܗܝ ܒܡܪܝܐ ܒܟܠ ܚܕܘܐ: ܐܝܟ ܒܢܝ̈ܐ ܕܟܝ̈ܐ ܕܐܠܗܐ. ܘܒܐܝܕ̈ܝܟܘܢ. ܘܒܤܦܘ̈ܬܟܘܢ. ܡܠܘܢ ܕܝܢ ܒܠܒܝ̈ܟܘܢ܆ ܫܪܪܘ ܠܘܬܗ ܤܘܥܪܢܐ ܕܪܫܢܘܬܐ ܒܥܘܕܪܢܗ ܕܐܠܗܐ. ܘܐܠܗܐ ܕܫܠܡܐ ܢܗܘܐ ܥܡܟܘܢ. ܘܢܫܪܪܟܘܢ ܒܥܘܡܪܐ ܕܬܘܬܒܘܢܟܘܢ ܕܠܐ ܙܘܥܙܥ ܟܠܗܘܢ ܝܘ̈ܡܬܐ ܕܚܝ̈ܟܘܢ. ܘܒܒܪܢܫܟܘܢ ܕܠܓܘ ܢܥ̣ܡܪ ܡܫܝܚܐ pb. 33 ܒܗܝܡܢܘܬܐ. ܘܒܠܒܘ̈ܬܟܘܢ ܒܚܘܒܐ. ܟܕ ܢܗܘܐ ܫܪܝܪ ܥܩܪܟܘܢ ܘܫܬܐܤܬܟܘܢ. ܕܬܫܟܚܘܢ ܠܡܕܪܟܘ ܥܡ ܟܠܗܘܢ ܩܕܝ̈ܫܐ: ܤܒܪܐ ܕܚܝ̈ܐ ܕܠܥܠܡ܆ ܒܛܝܒܘܬܗ ܘܒܪ̈ܚܡܘܗܝ ܕܡܪܢ ܝܫܘܥ ܡܫܝܚܐ. ܕܠܗ ܫܘܒܚܐ ܠܥܠܡܝܢ ܐܡܝܢ. ܐܠܐ ܕܝܢ ܡܛܠ ܕܡܥܕ ܗ̣ܘ ܒܥܠܕܒܒܐ ܕܛܒ̈ܬܢ: ܠܡܪܡܝܘ ܙܪ̈ܥܐ ܕܢܟܝܠܘܬܗ ܒܚܩ̈ܠܐ ܕܟܝ̈ܬܐ܆ ܫ̇ܘܐ ܠܩܢܛܐ ܐܝܬܘܗܝ ܤܘܥܪܢܐ: ܕܕܠܡܐ ܐܦ ܒܝܢܬܟܘܢ ܐܝܟ ܕܒܓܘܕܐ ܝܫܠܝܚܝܬܐ: ܤܩܘܒܠܐ ܕܫܘܝܘܬܐ ܝܲܪܡܐ. ܝܨܦܘ ܗܟܝܠ ܐܘ ܐܚ̈ܝ ܕܐܢ ܐܢܫ ܡܢܟܘܢ ܢܬܩܕܡ ܒܤܟܠܘܬܐ ܕܐܝܟ ܗܕܐ܆ ܘܢܤܕܘܩ ܝܫܘܝܘܬܟܘܢ ܒܠܐ ܝܫܠܡܘܬܐ ܕܠܪܫܐ ܪܚܡ ܐܠܗܐ: ܗܘ̇ ܕܡ̣ܢ ܡܪܢ ܐܬܦܪܫ ܐܟܘܢ: ܐܢܬܘܢ ܐܝܠܝܢ ܕܒܪܘܚ ܐܢܬܘܢ܆ ܐܬܩܢܘܗܝ ܒܪܘܚܐ ܡܟܝܟܬܐ. ܥܕܡܐ ܕܢܬܦܪܩ ܡܢ ܦܚܐ ܕܤܛܢܐ ܕܒܗ ܐܬܬܨܝܕ ܠܨܒܝܢܗ. ܘܬܗܘܘܢ ܓܡܝܪܝܢ ܒܚܕܐ ܪܘܚ ܠܥܒ̇ܕܐ ܕܙܕܝܩܘܬܐ܆ ܐܝܟ ܕܐܬܩܪܝܬܘܢ ܒܚܕ ܤܒܪܐ ܕܩܪܝܢܟܘܢ. ܠܫܘܒܚܗ ܕܝܠܗ ܕܐܠܗܐ ܘܠܠܘܒܒܢ ܕܝܠܢ. ܐܢܐ ܕܝܢ ܒܕܡܦܣ ܐܢܐ ܒܤܓܝܐܘܬ ܤܩܘ̈ܒܠܐ ܕܡܥܕܝܢ ܠܡܓܕܫ ܒܫܪ̈ܒܐ ܕܐܝܟ ܗܠܝܢ. ܘܒܗܝ̇ ܬܘܒ ܕܠܘ ܗܪܟܐ ܡܩ̇ܘܐ ܐܢܐ. ܐܝܟܢܐ ܕܠܘܩܒܠ ܚܕܐ ܚܕܐ ܡ̣ܢ ܐܝܠܝܢ ܕܤܩܘܒܠܐܝܬ ܥܪ̈ܨܢ ܒܝܢܬܟܘܢ܆ ܐܬܒܨܐ ܐܝܟ ܚܝܠܝ ܕܒܬܘܪ̈ܨܐ ܡܥܕܪ̈ܢܐ ܐܬܚܫܚ܆ ܡܛܠ ܗܢܐ ܡܬܥܨܐ ܐܢܐ ܕܡܠܬܐ ܕܦܤܝ̈ܩܬܐ ܬܟܬܘܒ ܠܟܘܢ. ܠܐ ܗܘ̣ܐ ܐܝܟ ܪܫܐ ܘܫܠܝܛܐ. ܐܠܐ ܐܝܟ ܐܚܐ ܩܫܝܫܐ. ܕܐܢ ܐܢܫ ܡܬܚܪܐ ܠܘܩܒܠ ܪܫܐ ܪܚ̇ܡ ܐܠܗܐ: ܗܘ̇ ܕܡ̣ܢ ܦܘܩܕܢܗ ܕܪܒܢ ܐܬܦܪܫ ܠܟܘܢ ܒܨܒܝܢܗ ܕܐܠܗܐ܆ ܠܐ ܢܩ̇ܘܐ ܒܟܢܘܫܝܐ ܕܒܝܬ ܥܒ̈ܐ. ܕܠܐ ܢܫܓܘܫ ܠܐܚܘ̈ܗܝ. ܘܢܚܤܪ ܠܩܢܘܡܗ. ܐܠܐ ܒܫܝܢܐ ܘܒܫܠܡܐ ܢܫ̇ܢܐ ܕܠܐ ܪܘܓܙܐ ܠܐܬܪ ܕܡܫܟܚ ܢܝܚܐ ܘܝܘܬܪܢܐ. ܘܐܢ ܓܕܫ ܘܒܚܤܝܪܘܬ ܪܥܝܢܐ ܢܫܟܚ ܠܡܐܡܪ ܠܘܩܒܠ ܡܠܬܐ ܗܕܐ ܡܛܠܬܝ܆ ܕܡ̇ܢ ܠܡ pb. 34 ܐܝܬܘܗܝ ܗܢܐ ܕܗܠܝܢ ܦܩܕ ܠܢ ܠܡܥܒܕ: ܝ̇ܠܦ ܡ̣ܢ ܒܬܪܟܢ ܡܢܗܘܢ ܕܤܘܥܪ̈ܢܐ ܘܡܬܛܦܝܣ. ܐܢ ܐܝܬܘܗܝ ܕܚ̇ܠ ܠܐܠܗܐ. ܟܒܪ ܕܝܢ ܐܦ ܥܠ ܬܝܒܘܬܐ ܩܠܝܠܬܐ ܡܤܬܢܩ: ܠܡܫܟܚܘ ܦܪܗܤܝܐ ܕܒܢ̈ܝ ܝܫܠܡܐ. ܗܢܐ ܒܬܪ ܝܫܠܡܐ ܢܪܤܛ. ܘܒܬܪ ܒܢܝܢܐ ܚܕ ܕܚܕ. ܘܢܤ̈ܦܩܢ ܠܟܘܢ ܗܠܝܢ ܙܥܘܪ̈ܝܬܐ ܕܟܬ̇ܒܬ̣ ܠܟܘܢ: ܠܡܕܥ ܤܘܘܚܗ ܕܪܥܝܢܝ ܒܪܓܬܐ ܕܛܒ̈ܬܟܘܢ. ܘܕܟܠܗ̇ ܒܛܝܠܘܬܝ ܗܕܐ ܐܝܬܝܗ̇܆ ܕܐܢܬܘܢ ܝܫܦܝܪ ܬܗܘܘܢ ܘܫܦܝܪ ܬܡܠܠܘܢ. ܘܐܠܗܐ ܢܫܬܒܚ ܒܟܘܢ. ܘܐܦ ܐܢܐ ܐܚܕܐ. ܥܠ ܝܫܪܒܐ ܕܝܢ ܗܢܐ: ܡܕܡ ܕܙܕܡ ܗܘ̣ܐ ܐܘ̇ܕܥܬܼ ܒܐܓܪܬܐ: ܠܐܒܘܢ ܪܚ̇ܡ ܐܠܗܐ ܡܪܝ ܡܝܛܪܦܘܠܝܛܣ. ܘܬܘܒ ܐܦ ܠܐܒܘܢ ܡܪܝ ܦܛܪܝܪܟܝܣ ܥܬܝܕ ܐܢܐ ܠܡܘܕܥܘ ܒܡܠܬܐ ܚ̇ܝܬܐ ܟܕ ܐܠܗܐ ܢܥܕܪܢܝ. ܘܐܦ ܐܢܬܘܢ ܗܟܝܠ ܟܕ ܬܕܥܘܢ ܠܗܠܝܢ: ܐܬܚܦܛܘ ܐܟܚܕܐ ܐܡܛܪ ܐܘܝܘܬܐ ܕܪܘܚܐ ܒܚܙܩܐ ܕܫܠܡܐ. ܘܗܘܝܼܬܘܢ ܡܬܝܬܪܝܢ ܒܫܒܕܗ ܕܡܪܝܐ. ܕܗ̣ܘ ܒܛܝܒܘܬܗ ܢܓܡܘܪܟܘܢ ܒܟܠ ܥܒ̇ܕ ܛܒ܇ ܕܬܥܒܕܘܢ ܨܒܝܢܗ ܒܟܠ ܥܕܢ ܐܡܝܢ. ܘܨܠܘ ܕܝܢ ܐܦ ܥܠܝ܆ ܕܫܪܟܢܐ ܕܝܘ̈ܡܝ ܒܚܝ̈ܐ ܕܫ̇ܦܪܝܢ ܠܨܒܝܢܗ ܕܐܠܗܐ ܐܥܒܕ.