On the Prodigal Son - ܕܥܲܠ ܒܪܵܐ ܐܣܵܘܿܛܵܐ

1 :ܠܪܲܒܵܢܘܼܬܼܵܐ ܕܣܸܦܪ̈ܲܝ ܪܘܼܚܵܐ ܒܥܹ̇ܝܬܼ ܕܐܸܬܿܬܲܠܡܲܕܼ 2 ܘܫܪܝܼܬܿ ܕܐܗܓܐ ܕܲܟܼܬܼܝܼܒܒܼ ܒܚܘܼܐܘܼܩܵܐ ܓܲܒܼܪܵܐ ܘܲܒܼܢܵܘ̈ܗܝ. 3 :ܒܪܹܫ ܦܵܣܘܿܩ̈ܐ ܦܓܲܥ ܒܝܼ ܫܲܪܒܵܐ ܕܦܘܼܠܵܓܼ ܢܸܟܼܣܹ̈ܐ 4 ܐܲܒܼܵܐ ܕܡܵܘܪܸܬܼ ܥܘܼܬܼܪܵܐ ܕܚܘܼܒܹܗ ܠܲܬܼܪܹܝܢ ܝܠܕܵܘ̈ܗܝ. 5 :ܙܥܥܪܵܐ ܫܸܡ̇ܥܹܬܼ ܟܲܕܼ ܐܵܡܲ݁ܪ ܗ̄ܘ̣ܵܐ ܠܘܵܬܼ ܝܵܠܘܿܕܼܗ 6 ܕܗܒ̣ ܠܝܼ ܦܲܠܓܼܘܼܬ ܕܐܸܗܘܐ ܫܲܠܝܼܛ ܥܲܠ ܡܲܪ̈ܗܵܛܲܝܼ. 7 :ܗܒܼ ܠܝܼ ܗܲܒܼܠܝܼ ܕܐܸܗܘܹܐ ܡܵܪܵܐ ܠܢܸܟܼܣܝ̈ ܘܐܹܕܲܒܲܪ ܕܠܝܼ 8 ܐܲܝܟ ܡܵܐ ܕܲܦܐܹܐ ܠܲܒܼܢܲܝ̈ ܚܹܐܪܹ̈ܐ ܠܡܸܫܬܲܠܛܘܼ. pb. f.125r 9 :ܗܲܒܼܠܝܼ ܕܐܸܩܢܹܐ ܫܡܵܐ ܕܲܒܼܢܲܝ̈ܵܐ ܒܗܘܿܢ ܒܲܥܒܼ̈ܕܹܐ 10 ܘܢܸܕܲܥ ܘܢܸܕܲܥ ܟܠܢܵܫ ܕܡ̣ܢ ܛܘܼܗܡܵܐ ܐ̄ܢܵܐ ܩܢܹܐ ܚܹܐܪܘܼܬܼܵܐ. 11 :ܐܸܢ ܝܵܪܬܼ ܐ̄ܢܵܐ ܫܲܡܠܑܵܐ ܨܹܐܕܲܝ ܫܸܡ ܝܼܪ̈ܬܘܸܬܼܵܐ 12 ܘܲܒܼܩܝܼ ܪܸܥܝܵܢܝ ܒܝܲܕܼ ܢܸܣܝܵܢܵܐ ܕܕܼܘܼܒܵܪ ܚܲܝܲܝ̈. 13 :ܘܕܲܕܼ ܝ̇ܕܥ ܗ̄ܘ̣ܵܐ ܐܲܒܼܵܐ ܕܝܠܕܗ ܠܵܐ ܡܲܟܼܫܲܪ ܗ̄ܘ̣ܵܐ 14 ܠܵܐ ܐܸܬܼܥܲܣܲܩ ܕܲܢܡܲܠܹܐ ܠܹܗ ܪܸܓܲܬܼ ܢܲܦ̣ܫܹܗ. 15 :ܘܟܲܕܸ ܠܵܐ ܛܵܥ̈ܐ ܠܒܲܣܝܼܡܘܼܬܹܗ ܛܘܼܥܲܝ ܕܲܒܼܪܹܗ 16 ܠܵܐ ܚܵܫܸ̇ܒܼ ܗ̄ܘ̣ܵܐ ܕܢܸܬܸܿܠ ܝܲܬܿܝܼܪ ܠܚܲܣܝܼܪ ܗܵܘܢܵܐ. 17 :ܘܟܲܕܼ ܕܝܼܠܹܗ ܗ̣̄ܘܵܬܼ ܕܢܸܬܸܿܠ ܝܲܬܼܝܼܪ ܠܑܲܐܝܢܵܐ ܕܫܵܘܹ̇ܐ 18 ܒܫܲܘܝܼܘ ܝܼܗܒܹܿܗ ܥܘܼܬܼܪܵܐ ܪܲܒܿܐ ܕܒܲܣܝܼܡܘܼܬܹܗ. 19 :ܒܫܘܝܘܼܦܸܠܲܓܼ ܥܘܼܬܼܪܵܐ ܠܲܒܼܢܵܘ̈ܗܝ ܐܲܒܼܵܐ ܕܪ̈ܚܡܹܐ 20 ܘܠܵܐ ܚܵܫܸ̇ܒ̣ ܗ̄ܘ̣ܵܐ ܥܲܡ ܙܲܠܝܼܠܵܐ ܕܐܲܚ̣ܨܦ ܘܲܫܐܸܠ. 21 :ܫܩ݂ܲܠ ܝܪܬܘܼܬܼܵܐ ܒܢܲܝ̈ ܥܲܬܝܼܪܵܐ ܘܐܸܚܕܼܘ ܢܘܼ̈ܡܹܐ 22 ܘܥܲܡ ܦܘܼܠܵܓܼܗܘܿܢ ܦܪܲܫ̣ܘ ܘܐܸܬܼܢܲܟܼܪܝܼܘ ܚܲܕܼ ܡ̣ܢ ܚܲܒܼܪܹܗ. 23 :ܙܥܘܿܪܵܐ ܟܲܢܼܫ ܥܘܼܬܼܪܵܐ ܕܲܡܛܝܗܝ ܡ̣ܢ ܒܹܝܬܼ ܐܲܒܼܘܼܗܝ 24 ܘܐܲܪܚܸܩ ܘܲܫ̣ܪܵܐ ܒܐܲܬܼܪܵܐ ܕܡܲܒܼܥܲܕܼ ܡ̣ܢ ܝܵܕܘܿܥܘ̈ܵܗܝ. 25 :ܥܲܡ ܩܸܢܝܵܢܹܗ ܦ̣ܪܫ ܐܵܦ ܚܘܼܒܹܿܗ ܡ̣ܢ ܝܵܠܘܿܕܹܿܗ 26 ܘܲܪܚܸܡ ܘܐܲܚܸܒܼ ܠܲܡܕܲܝܵܪܘܼ ܥܲܡ ܢܘܼܟܼܪ̈ܵܝܹܐ. 27 :ܛܥ̣ܵܐ ܥܸܢܝܵܢܵܐ ܕܫܲܦܝܼܪ̈ܵܬܼܵܐ ܕܒܹܝܬܼ ܐܲܒܼܵܗܵܘ̈ܗܝ 28 ܘܫܲܪܝܼ ܦܵܗܹ̇ܐ ܒܲܕܼ ܠܵܐ ܦܲܐܝ̈ܢ ܠܲܒܼܢܲܝ̈ ܚܹܐܪ̈ܐ. 29 :ܒܢܲܦ̣ܫܹܗ ܘܦܲܓܼܪܹܗ ܢܦܲܩ̣ ܘܐܹܬܼܢܲܟܼܪܝܼ ܠܲܒܼܢܲܝ̈ ܓܸܢܣܹܗ 30 ܘܥܲܡ ܩܸܢܝܵܢܵܘ̈ܗܝ ܚ̣ܙܲܩܘ ܚܘܼܫܵܒܼܵܘ̈ܗܝ ܒܵܬܲܪ ܛܘܼܥܝܲܝ. 31 :ܟܠܹܗ ܥܘܼܬܼܪܵܐ ܫܩ̣ܠ ܐܣܘܿܛܵܐ ܘܲܢܦ݂ܲܩ ܥܲܡܹܗ 32 ܘܠܲܐ ܐܲܪܦܝܼ ܠܹܗ ܣܪܝܼܕܼܵܐ ܕܚܘܼܒܹܿܗ ܠܘܵܬܼ ܩܲܪ̈ܝܼܒܼܵܘ̈ܗܝ. 33 :ܢܦ̣ܩ ܡ̣ܢ ܫܲܝܢܵܐ ܘܲܪܚܸܡ ܚܘܼܪܒܿܐ ܕܲܡܠܹܐ ܩܸܢܛܵܐ 34 ܘܐܲܥܢܝܼ ܢܲܦ̣ܫܹܗ ܒܵܐ ܣܘܿܛܘܼܬܼܵܐ ܘܙܲܠܝܼܠܘܼܬܼܵܐ. 35 :ܪܸܓܿܬܼܵܐ ܣܢܝܼܬܼܵܐ ܒܛܸܢ̣ܘ ܚܘܼܫܵܒܲܘ̈ܗܝ ܒܸܦܩܦܵܐ ܕܥܵܘܠܵܐ 36 ܘܐܵܘܠܸܕܼ ܦܘܼܡܹܗ ܘܪܒܿܝ ܥܝܼܢܘ̈ܗܝ ܦܹܐܪܵܐ ܨܲܚܢܵܐ. 37 :ܙܲܠܝܼܠܘܼܬܼܵܐ ܫܒ̣ܬܼܗ ܠܗܵܘܢܵܐ ܕܒܲܪ ܚܲܟܿܝܼܡܵܐ 38 ܘܐܲܝܟ ܓܲܠܘܵܝܵܐ ܢܦܲܩ̣ ܘܐܸܬܼܡܲܟܸܿܟ ܩܕܼܵܡ ܚܘܼܬܼܚ̈ܬܼܵܐ. 39 :ܛܥ̣ܵܐ ܚܸܟܼ̈ܡܵܬܹܗ ܘܐܲܫܝܼܛ ܠܲܫܡܵܐ ܕܝܲܩܝܼܪܘܼܬܗ 40 ܘܠܵܐ ܐܸܬܼܥܲܗܲܕ ܕܡܲܢ̣ܘܼ ܘܒܲܪ ܡ̇ܢ ܘܐܲܝܢ̣ܵܘ ܛܘܼܗܡܹܗ. 41 :ܐܸܟ̣ܠ ܐܘܼܟܼܠܵܐ ܕܐܵܣܘܿܛܘܼܬܼܵܐ ܥܲܡ ܐܣܟ̈ܛܐ 42 ܘܐܲܥܢܝܼ ܢܲܦ̣ܫܹܗ ܒܫܸܩܝܵܐ ܨܲܚܢܵܐ ܥܲܡ ܙܲܠܝܼܠܹ̈ܐ. 43 :ܪܘܝܼ ܪܸܥܝܵܢܹܗ ܒܲܪ̈ܓܼܝܼܓܼܵܬܼܵܐ ܕܦܲܓܼܪܵܐ ܘܢܲܦ̣ܫܵܐ 44 ܘܲܪ̈ܗܸܛܝ ܥܲܝܢܵܘ̈ܗܝ ܩܵܬܼܵܪ ܙܵܘܥܵܘ̈ܗܝ ܕܠܵܐ ܟܕܼܚܵܕܼܵܐ. 45 :ܦܩ݂ܲܪ ܘܐܸܫܬܲܚܝܢ ܒܪܸܓܲܬܼ ܒܸܣܪܵܐ ܐܘܼܟܼܠܵܐ ܕܡܵܘܬܼܵܐ 46 ܘܠܵܐ ܐܸܬܼܒܲܝܲܢ ܕܒܼܐܘܼܟܼܠܹܗ ܡܵܘܒܸܿܕܼ ܩܸܢܝ̈ܢ ܚܲܝ̈ܵܘܗܝ. 47 :ܘܘܼܬܼܪܗ ܐܵܘܒܸܿܕ ܘܦܲܪܲܚ ܢܸܟܼܣܵܘ̈ܗܝ ܒܹܝܬܼ ܙܢܝ̈ܬܐ 48 ܘܲܗܘ̤ܵܐ ܨܪܝܼܟܼܵܐ ܡ̣ܢ ܩ̈ܢܝܢܐ ܘܡ̣ܢ ܒܘܼܝܢܐ. 49 :ܝܼܢܸܦ ܘܐܸܟܲܠ ܘܠܵܐ ܐܸܬܼܡܲܠܝܲܬ̤ ܐܣܵܘܿܛܘܼܬܹܗ 50 ܘܚܵܒ̣ ܘܐܸܬܼܡܲܫܟܲܢ ܘܐܵܘܿܓܼܪ ܢܲܦ̣ܫܹܗ ܒܐܘܼܟܼܠܵܐ ܕܝܵܘܡܵܐ. 51 :ܥܲܡ ܢܵܟܼܘܿܠܵܐ ܐܵܘܓܼܪ ܝܲܥܢܵܐ ܠܡܸܦܠܲܚ ܡܲܓܿܢ 52 ܘܕܕܼܢܗ ܣܵܢܵܢܵܐ ܒܢܝܼܪܵܐ ܩܲܫܝܵܐ ܕܡܲܪܝܼܪܘܼܬܹܗ. 53 :ܚܲܪܡܵܢܵܐܝܼܬܼ ܐܸܬܼܚܲܫܲܚ ܒܹܗ ܕܠܵܐ ܚܵܘܣܵܢܵܐ 54 ܘܐܲܝܟ ܕܲܒܼܨܲܥܪܵܐ ܥܲܒܼܕܹܗ ܪܥܝܵܐ ܠܚܲܘܬܼܵܐ ܒܣܝܼܪܬܵܐ. 55 :ܚܙܝܼܪܹ̈ܐ ܒܣܝܼܪܹ̈ܐ ܫܕܪܗ ܠܡܸܪܥܵܐ ܠܝܲܩܝܼܪ ܡ̣ܢ ܟܠ 56 ܘܡ̣ܢ ܚܲܪ̈ܘܼܒܹܗ ܝܼܗ̣ܒ ܠܹܗ ܐܘܼܟܼܠܵܐ ܐܲܝܟ ܕܲܠܚܪ̈ܫܹܐ. 57 ܥܲܡ ܚܲܝܘ̈ܬܼܵܐ ܐܲܫܘܝܼ ܚܲܝܘ̈ܗܝ ܣܵܢܐܵܐ ܕܐܲܓܼܪܹܗ. pb. f.125v 58 ܘܥܲܡ ܫܲܬܿܝܼܩܹ̈ܐ ܐܸܣ݂ܲܪ ܪܲܗܛܵܐ ܕܦܵܪܘܿܫܘܼܬܹܗ. 59 :ܒܨܝܼܪ ܗ̄ܘ̣ܵܐ ܐܘܟܼܠܹܗ ܐܵܦ ܡ̣ܢ ܚܲܪ̈ܫܹܐ ܕܲܡܕܲܒܲܪ ܗ̄ܘ̣ܵܐ 60 ܘܲܡܙܲܠܗܸܙ ܗ̄ܘ̣ܵܐ ܡܵܙܘܿܢ ܚܲܝܵܘ̈ܗܝ ܡ̣ܢ ܕܲܒܼܥܝܼܵܐ. 61 :ܐܵܟܸ̇ܠ ܗ̄ܘ̣ܵܐ ܓܝܲܪ ܐܘܼܟܼܠܵܐ ܫܝܼܛܵܐ ܕܠܵܐ ܣܲܒܼܥܘܼܬܼܵܐ 62 ܘܡܸܬܼܒܲܓܼܪܲܓܼ ܗ̄ܘ̣ܵܐ ܕܢܸܡܠܹܐ ܟܲܪܣܹܗ ܡ̣ܢ ܚܲܪ̈ܘܼܒܹܐ. 63 :ܚܲܫܵܐ ܩܲܫܝܵܐ ܡܸܬܿܬܵܘܿܣܲܦ ܗ̄ܘ̣ܵܐ ܥܲܠ ܟܲܦܢܘܼܬܹܗ 64 :ܘܡܸܬܒܵܩܹܐ ܗ̄ܘ̣ܵܐ ܕܟܲܕܼ ܫܝܼܛ ܐܘܼܟܼܠܹܗ ܒܨܝܼܪ ܘܡܙܠܗܲܙ 65 :ܚܲܫܵܐ ܕܢܲܦ̣ܫܹܗ ܡܢܲܓܸܕ ܗ̄ܘ̣ܵܐ ܠܹܗ ܛܵܒܼ ܡ̣ܢ ܟܲܦܢܵܐ 66 ܕܐܲܝܟܲܢ ܐܘܒܸܿܕ ܥܲܡ ܩܢܝܼܢܘ̈ܗܝ ܐܵܦ ܚܟܡ̈ܬܗ. 67 :ܒܚܲܫܹܗ ܘܟܲܦܢܹܗ ܨܒ̣ܝ̇ܬܼ ܕܐܸܬܼܒܲܩܹܐ ܦܵܪܘܿܫܵܐܝܼܬܼ 68 ܕܡܵܢܲܐ ܗ̄ܝ̣ ܥܸܠܬܹܗ ܘܡܸܛܠ ܡܵܢܵܐ ܟܬܼܝܼܒܼ ܒܣܒܪܬܐ. 69 :ܫܲܪܒܹܿܗ ܫܚܩܢܝ ܡ̣ܢ ܫܘܪܵܝܵܐ ܟܲܕ ܦܸܓܼܥ̇ܬ ܒܹܗ 70 ܕܡܲܬܼܠܵܐ ܐܝܼܬܼܵܘܗܝ ܐܵܘ ܕܲܠܡܵܐ ܟܲܝ ܗܘ̤ ܣܘܼܥܪܵܢܵܐ. 71 :ܫܪܝܼܪ ܫܲܪܒܹܿܗ ܐܵܘ ܠܵܐ ܫܲܪܝܼܪ ܡܸܬܼܚܲܒܲܒܼ ܗܘܝ̇ܬܼ 72 ܘܕܲܢܣܲܒܼ ܥܘܼܬܼܪܵܐ ܡ̣ܢ ܒܹܝܬܼ ܐܲܒܼܘܼܗܝ ܐܲܝܟ ܡ̇ܐ ܕܲܪܬܼܝܼܒܼ. 73 :ܒܹܝܬܼ ܦܘ̈ܠܓܐ ܩܵܡ̣ܘ ܚܘܫܵܒܲܝ̈ ܥܲܠ ܩܸܪܝܵܢܹܗ 74 :ܘܕܐܸܩܪܹܝܘܗܝ ܡܲܬܼ ܠܵܐ ܐܵܘ ܣܘܥܪܵܢܵܐ ܡܸܬܼܪܢܐ ܗܘ̇ܝ̣ܬܼ 75 :ܒܣܸܦܪܵܐ ܕܪܘܼܚܵܐ ܕܲܟܼܬܲܒܼ ܫܲܪܒܹܿܗ ܬܸܗ̇ܪܹܬܼ ܣܲܓܿܝܼ 76 ܪܫ̣ܡ ܥܘܗܕܵܢܹܗ ܒܲܒܛܝܼܠܘܼܬܹܗ ܘܣ̣ܵܡ ܒܹܝܬܼ ܪܲܪ̈ܟܹܐ. 77 :ܒܕܼܡܘܼܬܼ ܨܲܠܡܵܐ ܐܲܥܸܠ ܩܲܒܼܠܹܗ ܒܹܷܝܬܼ ܦܠܐܬ̈ܐ 78 ܕܢܸܚܙܹܐ ܟܠܢܵܫ ܕܡܲܢ̣ܘ ܘܒܲܪ ܡ̇ܢ ܘܥܲܠ ܡ̇ܢ ܐܘܼܓܲܪ. 79 :ܡܵܕܝܢ ܙ̇ܕ̇ܩ ܕܠܵܐ ܢܸܬܼܦܲܠܓܼ ܥܲܠ ܣܘܥܪܵܢܹܗ 80 ܕܗܵܐ ܟܪܵܘܿܙܵܐ ܕܪܘܼܚܵܐ ܚܵܘܝܼ ܕܫܲܪܝܼܪ ܫܲܪܒܹܿܗ. 81 :ܡܲܬܼܠܵܐ ܐܝܼܬܼܵܘ̣ܗܝ ܠܵܘ ܣܘܼܥܪܵܢܵܐ ܦܲܓܼܪܢܵܝܵܐ 82 ܘܟܲܕܼ ܛܵܒܼ ܡܲܬܼ ܠܵܐ ܗ̄ܘ̣ ܫܲܪܝܼܪ ܫܲܪܒܹܿܗ ܘܪܲܒܿ ܒܘܼܕܵܩܹܗ. 83 :ܥܘܼܬܼܪܵܐ ܪܲܒܵܐ ܟܣܹܐ ܒܹܗ ܒܫܲܪܒܹܿܗ ܐܵܦܸܢ ܡܲܬܼ ܠܵܐ ܗ̄ܘ̣ 84 :ܘܚܹܝܠ ܥܵܒܼܘܿܕܼܵܐ ܘܲܥܒܼܵܕܼ ܐܝܼܕܼܵܘ̈ܗܝ ܡܸܬܼܒܲܕܲܩ ܒܹܗ 85 :ܓܲܒܼܪܵܐ ܕܲܟܼܬܼܝܼܒܼ ܐܲܠܵܗ ܟܠܵܐ ܗ̄ܘ̣ ܕܐܲܬܼܩܸܢ ܟܠܵܐ 86 ܘܲܬܼܪܹܝܬ ܝܸܠܕܘ̈ܗܝ ܬܸܓܼܡܹ̈ܐ ܕܟܹܐܢܹ̈ܐ ܘܲܕܼܚܲܛܵܝܹ̈ܐ. 87 :ܥܘܼܬܼܪܵܐ ܕܦܲܠܸܓܼ ܦܵܪܘܿܫܘܼܬܼܵܐ ܗ̄ܝ̣ ܕܝܲܗ̣ܒ ܒܲܡ̈ܠܝܼܠܹܐ 88 ܕܢܸܗܘܘܢ ܦܵܪܫܝܼܢ ܚܹܝܠ ܥܒܘܕܐ ܕܝܲܩܲܪ ܐܸܢܘܿܢ. 89 :ܒܪܵܐ ܩܲܫܝܼܫܵܐ ܓܡܝܼܪܹ̈ܐ ܐܸܢܘܿܢ ܪ̈ܵܚܡܲܝ ܚܘܼܒܹܗ 90 ܘܲܒܼܪܵܐ ܙܥܘܿܪܵܐ ܪ̈ܵܓܲܝ ܚܘܼܒܵܐ ܕܐܲܪ̈ܥܵܢܝܵܬܼܵܐ. 91 :ܠܛܵܒܹ̈ܐ ܘܒܹܝܼܫܹ̈ܐ ܝܲܗ̣ܒܼ ܒܵܪܘܿܝܵܐ ܚܹܝܠ ܚܸܟܼܡ̈ܬܹܗ 92 ܘܲܒܙܕܲܝܼ̈ܩܹܐ ܘܒܥܘ̈̇ܠܐ ܣܵܡ̣ ܒܘܼܝܵܢܵܐ. 93 :ܟܹܐܢܹ̈ܐ ܒܚܘܼܒܵܐ ܢܛܲܪ̣ܘ ܓܲܙܲܝ̈ܗܘܿܢ ܘܟ̣ܢ ܢܸܟܼܝܢ̈ܐ 94 ܘܪܲܦܝܲܝ ܠܸܒܿܐ ܒܲܕܲܪ ܘ ܥܘܼܬܼܪܵܐ ܕܨܒܼܝܵܢܲܝ̈ܗܘܿܢ. 95 :ܗܢ̣ܘܿܢ ܐܸܢܘܿܢ ܒܢܝ̈ܐ ܕܩܵܘܝܼܘ ܒܹܝܬܼ ܐܲܒܼܘܼܢ ܐܲܒܼܘܼܗܘܿܢ 96 ܘܲܦܪܥ̣ܘ ܚܘܒܵܐ ܕܚܲܝܲܒܼ ܐܢ̈ܫܵܐ ܠܲܡܬܿܩܢܵܢܹܗ. 97 :ܙܥܪܵܐ ܕܲܫܩ݂ܲܥ ܥܘܼܬܼܪܵܐ ܕܲܡܛ̣ܵܝܗܝ ܘܐܲܪܚܸܩ ܣܲܓܿܝܼ 98 ܒܝܫܹ̈ܐ ܐܢܘܿܢ ܕܲܣܢ̣ܵܘ ܚܘܼܒܵܐ ܕܪ̈ܘܼܚܵܢܝܵܬܐ. 99 :ܗܢܘ̣ܢ ܐܸܢܘܿܢ ܕܛܥ̣ܘ ܘܲܢܦܲܩ̣ܘ ܡ̣ܢ ܨܹܝܕܼ ܩܘܼܫܬܐ 100 ܘܐܲܪܚܸܩܘ ܘܲܫ̣ܪܵܘ ܠܗܲܠ ܡ̣ܢ ܫܲܝܢܵܐ ܕܫܸ̇ܡ ܒܵܪܘܿܝܵܐ. 101 :ܗܢ̣ܘܢ ܐܢܘܢ ܕܒܲܕܲܪܘ ܥܘܼܬܼܪܵܐ ܘܗܵܘܢܵܐ ܕܲܒܗܘܿܢ 102 ܘܲܛܠܸܩ ܘܐܘܵܦܝ ܡܵܙܘܿܢ ܚܲܝܹ̈ܐ ܡ̣ܢ ܡܲܕܥܗܘܿܢ. 103 :ܗܢ̣ܘܢ ܐܸܢܘܢ ܕܐܲܟܲܠ̣ܘ ܘܐܸܫܬܝܼܘ ܐܵܣܘܵܛܝܼܬܼ 104 ܘܠܵܐ ܐܸܬܼܡܲܠܲܬ̤ ܪܸܓܿܬܼܵܐ ܣܢܝܼܬܼܵܬ ܕܚܘܼܫܵܒܲܝ̈ܗܘܿܢ. 105 ܘܗܢ̣ܘܿܢ ܐܸܢܘܿܢ ܕܦܲܠܲܚ̣ܘ ܡ̇ܓܢ ܥܲܡ ܢܵܕܘܠܵܐ: pb. f.126r 106 ܘܚܵܒ̣ܘ ܘܐܸܬܼܡܲܟܲܢܘ ܒܪ̈ܓܼܝܵܓܼܵܬܼܵܐ ܘܣܘܼܥܪ̈ܵܢܲܝܗܘܿܢ. 107 :ܗ̇ܘ ܓܹܝܪ ܕܐܲܓܼܪ ܘܲܦܠ̣ܚܘ ܥܲܡܹܗ ܘܠܵܐ ܝܗ̣ܒ ܐܲܓܼܪܐ 108 ܩܵܛ̇ܠ ܐܢ̈ܫܐ ܗ̄ܘ̣ ܕܲܓܠܝܼܙ ܟܠܹܗ ܡ̣ܢ ܝܵܘܣܵܢܵܐ. 109 :ܥܲܡܹܗ ܐܘܿܓܼܪ ܗܘ̇ ܒܲܪ ܚܹܐܪܹ̈ܐ ܩܢܹܐ ܫܘܼܠܛܢܐ 110 ܘܗܘ̤ܝܘܼ ܕܥܲܒܼܕܹܗ ܣܪܝܼܩ ܡ̣ܢ ܢܸܟܼܣܹ̈ܐ ܕܦܪܘܿܫܘܼܬܼܵܐ. 111 :ܘܗܘ̤ܝܘܼ ܢܟܼܝܼܠܵܐ ܕܥܲܒܼܕܹܗ ܪܵܥܝܵܐ ܕܫܟܼܝܪ̈ܬܐ 112 ܘܝܗ̣ܒ ܠܹܗ ܐܘܼܟܼܠܵܐ ܐܣܘܛܘܬܐ ܕܠܵܐ ܣܲܒܥܘܼܬܼܵܐ. 113 :ܗܘ̤ܝܘܼ ܕܥܲܝܕܹܗ ܒܫܸܩܝܵܐ ܨܲܚܢܵܐ ܕܙܲܠܝܼܠܘܼܬܼܵܐ 114 ܘܐܲܝܟ ܕܲܒܼܚܲܡܪܵܐ ܪܘܝܼ ܒܲܚܛܝܼܬܼܵܐ ܘܲܛܥ̣ܵܐ ܗܵܘܢܹܗ. 115 :ܠܵܐ ܟܸ̇ܠܩܲܪܨܐ ܢܩܸܦ ܚܲܛܵܝܐ ܒܝܲܕ ܣܘܥܪ̈ܢܘܗܝ 116 ܘܥܲܡܹܗ ܐܘܓܼܪ ܒܲܪ̈ܓܼܝܵܓܼܵܬܼܵܐ ܕܠܵܐ ܝܘܼܬܼܪ̈ܵܢܹܐ. 117 :ܚܙܝܼܪܹ̈ܐ ܕܲܟܼܬܼܝܼܒܼ ܕܲܪܥܵܐ ܡܲܓ̇ܢ ܕܠܵܐ ܬܼܘܪܣܵܝܵܐ 118 ܦܘܼܠܚܵܝܢ ܥܵܘܠܵܐ ܠܵܐ ܗ̄ܘ̣ ܕܠܝܬܿ ܝܘܼܬܼܪܵܢܵܐ ܠܲܕܼܒܹܗ ܦܵܠܲܚ̇. 119 :ܗܵܝ̇ ܬܘܼܒܼ ܕܐܸܡ݂ܲܪ ܕܡܸܬܼܪܲܓܲܪܓܼ ܗ̄ܘ̣ܵܐ ܕܢܸܡܠܹܐ ܟܲܪܣܹܗ 120 ܪܸܓܿܘܲܐ ܗ̄ܝ̣ ܒܝܼܫܬܐ ܕܲܫܟܼܝܼܪ̈ܵܬܐ ܕܠܵܐ ܡܸܣܬܲܒܼܥ̈ܲܢ. 121 :ܚܪ̈ܘܼܒܐ ܕܹܝܢ ܙܢ̈ܝܐ ܐܢܘܿܢ ܕܐܵܣܘܿܛܘܼܬܼܵܐ 122 ܕܲܟܼܡܵܐ ܕܦܵܗܹ̇ܐ ܠܹܒܐ ܒܥܵܘ̣ ܠܵܐ ܬܘܼܒܼ ܡܸܬܼܝܥܲܢ. 123 :ܗܵܟܲܢ ܣܥܪܵܢ ܚܛܝܼܬܼܵܐ ܟܠܫܵܥ ܨܝܕܼ ܩܵܪ̈ܝܼܒܹܝܗ̇ 124 ܕܲܡܓܲܪܓܵܐ ܠܹܗ ܠܠܸܒܵܐ ܠܡܸܗܪܲܓܼ ܒܲܕܼܠܵܐ ܦܲܐܝ̈ܢ. 125 :ܐܲܝܟ ܙܵܢܝܼܬܼܵܐ ܡܚܵܘܝܵܐ ܐܵܦܹ̈ܐ ܕܙܲܠܝܼܠܘܼܬܼܵܐ 126 ܘܲܚܠܦ ܓܘܼܫܡܵܐ ܥܵܐ̇ܠܵܐ ܡܙܲܢܝܵܐ ܥܲܡ ܪܸܥܝܵܢܵܐ. 127 ܢܕܼܝܼܕܼ ܫܘܼܚܵܛܵܗ̇ ܡ̣ܢ ܚܲܝܘ̈ܬܼܵܐ ܙ̈ܠܝܼܠܵܬܐ. 128 ܘܲܛܡܹܐ ܢܩܦܵܗ̇ ܡ̣ܢ ܕܲܒܼܥܲܝܼܪܵܐ ܕܠܵܐ ܒܘܼܝܵܢܵܐ. 129 :ܥܲܡܵܗ̇ ܙܲܢܝܼ ܒܪܵܐ ܐܵܣܘܿܛܵܐ ܕܦܲܪܚ ܢܸܟܼܣܘ̈ܗܝ 130 ܘܗ̤ܝ ܛܲܡܵܐܬܹܗ ܒܫܵܘܬܵܦܘܼܬܼܵܐ ܕܲܕܼܠܵܐ ܢ̇ܡܘܿܣܝ. 131 :ܚܘܼܒܵܗ̇ ܦܲܪܫܹܗ ܠܚܘܼܒܵܐ ܕܢܲܦ̣ܫܹܗ ܡ̣ܢ ܝܵܠܘܿܕܹܗ 132 ܘܲܒܼܥܸܢܝܵܢܵܗ̇ ܛܥ̣ܵܐ ܥܸܢܝܵܢܵܐ ܕܪܸܚܡܲܬܼ̇ ܐܲܒܼܘܼܗܝ. 133 :ܗ̤ܝ ܡܣܟܿܢܬܼܗ ܡ̣ܢ ܒܘܼܝܵܢܵܐ ܐܲܝܟ ܕܡ̣ܢ ܢܸܟܼܣܹ̈ܐ 134 ܘܗ̤ܝ ܫܥܒܕܬܗ ܠܥܲܒܼܕܘܼܬܼ ܥܵܘ̣ܠܵܐ ܕܒܹܝܐܼ ܦܘܼܟܪ̈ܝܐ. 135 :ܦܘܼܠܚ̈ܢ ܥܲܒܼ̈ܕܐ ܦܠܲܚ̣ ܒܲܪܚܹܐܪܹ̈ܐ ܥܲܡ ܣܩܘܪܗ 136 ܘܥܲܡ ܚܝܘ̈ܬܐ ܟܕܼܢܹܗ ܒܥܲܡ̈ܠܹܐ ܘܲܒܼܬܼܘܼܪܣܵܝܵܐ. 137 :ܕܠܵܐ ܚܵܘܣܵܐ ܦܠܲܚ̣ ܒܹܗ ܒܝܼܫܵܐ ܒܒܲܪ ܓܵܠܘܼܬܼܵܐ 138 ܘܠܵܐ ܟܸܪܝܲܬ̤ ܠܹܗ ܥܲܠ ܡܘܼܟܵܟܹܗ ܕܫܝܼܛ ܗ̄ܘ̣ܵܐ ܘܲܒܼܣܹܐ. 139 :ܗܸܕܝܘܿܛܵܐܝܼܬܼ ܝܼܩܲܪ ܐܵܦ ܗܘ̤ ܠܲܡܲܨܲܥܪܢܹܗ 140 ܘܠܵܐ ܦ̣ܪܲܫ ܘܝܼܕܲܥ ܕܐܲܝܟܲܢ ܬܵܥܸ̇ܫ ܘܠܡ̇ܢ ܦܵܠ̇ܚ. 141 :ܐܲܝܟ ܕܲܒܼܫܸܢܬܼܵܐ ܛܒܼܝܼܥܝܼܢ ܗ̄ܘ̣ܵܘ ܙܵܘܥܲܝ̈ ܢܲܦ̣ܫܹܗ 142 ܘܠܵܐ ܡܲܪܓܸܿܫ ܗ̄ܘ̣ܵܐ ܒܝܲܩܝܼܪܘܬܼܵܐ ܕܥܲܡ̇ܠܹܗ ܩܲܫܝܵܐ. 143 :ܐܲܝܟ ܕܲܒܼܚܲܡܪܵܐ ܪܘܹܐ ܠܸܒܹܿܗ ܗܘ̤ܵܐ ܒܲܪ̈ܓܼܝܼܓܼܬܐ 144 ܘܠܵܐ ܚܵܐ̇ܘ ܗ̄ܘ̣ܵܐ ܒܫܟܼܝܼܪ̈ܬܐ ܕܣܲܢܝܘܼܬܼ ܢܲܦܫܹܗ. 145 :ܒܲܕܼܡܘܼܬܼ ܡܝܼܬܼܵܐ ܪܡܹܐ ܗ̄ܘ̣ܵܐ ܒܥܵܘ̣ܠܵܐ ܕܣܵܢܝܘܼܬܼ ܢܲܦ̣ܫܹܗ 146 ܘܒܼܵܪܡ ܗ̄ܘ̣ܵܐ ܠܹܗ ܣܵܣܵܐ ܕܚܲܫܹ̈ܐ ܘܠܵܐ ܡܲܪܓܸܿܫ ܗ̄ܘ̣ܵܐ. 147 :ܣܪܝܼ ܘܐܸܬܼܒܲܣܒܲܣ ܟܠܹܗ ܒܟܼܠܹܗ ܒܪ̈ܓܼܝܼܓܼܵܐ 148 ܘܠܵܐܦܵܫܲܬ̤ ܒܹܗ ܡܢܵܬܐ ܕܚܲܝܹ̈ܐ ܘܕܲܚܘܼܠܡܵܢܵܐ. 149 :ܛܒܲܥ ܘܐܹܫܬܲܬܲܩ ܒܟܹܐܒܼܵܐ ܩܲܫܝܵܐ ܕܐܲܓܼܪ ܨܐܕܼܵܘܗܝ 150 ܥܕܲܡܵܐ ܕܲܩܪ̣ܵܝܥܝ ܟܝܵܢܵܐ ܒܫܸܬܼܩܵܐ ܘܡܲܠܸܠ ܥܲܡܹܗ. 151 :ܒܲܕܼܡܘܼܬܼ ܥܘܒܼܝܣܵܐ ܕܒܼܨܗ̇ ܟܝܵܢܵܐ ܠܦܵܪܘܿܫܘܼܬܹܗ 152 ܘܢܵܕܼ ܡ̣ܢ ܫ̣ܠܝܐ ܘܲܚ̣ܙܵܐ ܩܢܘܿܡܹܗ ܕܣܵܢܹ̇ܐ ܒܵܥܘܠܵܐ. 153 :ܚܙ̣ܵܐ ܕܲܡܒܼܵܣܒܲܣ ܦܲܓܼܪܹܗ ܘܢܲܦ̣ܫܹܗ ܒܫܘܼܚܢܵܐ ܕܥܵܘܠܵܐ 154 ܘܚܲܫ̣ ܘܐܸܬܿܬܲܢܲܚ ܥܲܠ̣ ܚܘܼܒܵܠܹܗ ܕܲܕܠܵܐܚܵܘܣܵܢ. 155 ܐܲܝܠܸܠ ܘܲܒܼܟ̣ܵܐ ܒܩܵܠ ܚܸܢܵܓܼܵܬܼ̈ܐ ܪ̈ܥܘܿܡܵܬܼܵܐ: pb. f.126v 156 ܘܗܘ̤ ܠܹܗ ܐܸܡ݂ܲܪ ܕܐܲܝܟܵܐ ܐܢ̄ܬܿ ܝܲܨܪ̈ܐ ܕܒܼܝܼ ܦܵܪܘܿܫܵܐ. 157 :ܐܲܝܟܵܐ ܐܢ̄ܬܿ ܡܲܕܥܝܼ ܩܢܹܐ ܚܸܟܼܡ̈ܬܐ ܕܦܵܪܘܿܫܘܼܬܼܵܐ 158 :ܕܲܗܘ̤ܝܬܿ ܚܲܪܫܵܐ ܘܠܵܐ ܐܸܬܼܒܲܩܝܼܬ̇ ܒܫܝܼܛܘܼܬܼ ܢܲܦ̣ܫܵܟ 159 :ܐܲܝܟܵܐ ܐܢ̄ܬܿ ܪܸܥܵܝܢܝ ܐ̄ܚܝܵܢܵܐ ܕܥܝܼܪܹ̈ܐ ܥܝܼܪ̈ܲܝ ܟܠܫܵܥ 160 ܕܥܲܠ̣ܘ ܓܼܝܣܹ̈ܐ ܘܚܲܠܸܨܘ ܥܘܼܬܼܪܵܟ ܘܠܵܐ ܚܲܫ̣ܬܿ ܘܐܲܪܓܸܿܫܬܿ. 161 :ܐܲܝܟܲܬܿ ܗܵܘܢܵܐ ܗܲܢܝܘܼܟ ܦܲܓܼܪܵܬ ܡܕܲܒܲܪ ܪܸ̈ܓܼܫܹܐ 162 ܕܒܛܸܠ ܪܲܗܛܵܐ ܕܩܲܠܝܼܠܘܼܬܼܵܟ ܘܚ̣ܵܒܬ̇ ܒܵܐܓܼܘܿܢܵܐ. 163 :ܐܲܝܟܲܬ̇ܝ ܢܲܦ̣ܫܵܐ ܢܸܒ̣ܥܵܐ ܕܡܲܫܩܸܐ ܚܲܝܹ̈ܐ ܠܦܲܓܼܪܵܐ 164 ܕܓܼܙܝ̈ ܚܸܟܼܡܵܬܹܟܼ̈ܝ ܘܐܵܘܦܝܼ ܫܸܩܝܵܐ ܕܡܠܝܼܠܘܼܬܹܟܼܝ. 165 :ܐܲܝܟܵܐ ܐܲܢ̄ܬܿ ܗܘ̤ ܠܹܗ ܫܲܐܸ̄ܠ ܡܝܸܬܼܵܐ ܕܡܝܼܬܼ ܗ̄ܘ̣ܵܐ ܒܥܵܘ̣ܠܵܐ 166 ܒܹܝܬܼ ܚܲܝܹ̈ܐ ܐ̄ܢܵܐ ܐܵܘ ܒܹܝܬܼ ܡܸܝܼ̈ܬܹܐ ܠܵܐ ܝܵܕ̇ܥ ܐ̄ܢܵܐ. 167 :ܒܚܲܫܵܐ ܪܲܒܵܐ ܡܸܬܿܬܲܢܲܚ ܗ̄ܘ̣ܵܐ ܥܲܠ ܡܘܼܟܵܟܹܗ 168 ܘܫܲܪܝܼ ܡܨܲܚܹܐ ܠܥ̇ܘ̣ܠܵܐ ܕܲܫܒ̣ܵܝܗܝ ܘܚܲܠ̣ܨܘ̄ ܥܘܼܬܼܪܹܗ. 169 :ܐܘܗ̇ ܡ̣ܢ ܥܵܘ̣ܠܵܐ ܩܥ̣ܵܐ ܚܲܛܵܝܵܐ ܡܲܪܝܼܪܵܐܝܼܬܼ 170 :ܕܒܲܕܲܪ ܢܸܟܼܣܲܝ̈ ܘܥܒܼܕܢܝ ܓܘܼܚܟܵܐ ܒܹܝܬܼ ܝܵܕܘܿܠܲܝ̈ 171 :ܐܘܗ̇ ܡ̣ܢ ܣܵܢܐܵܐ ܕܣܢܹܐ ܘܡܲܣܢܹܐ ܠܲܕܼ ܢܵܩܸ̇ܦ ܠܹܗ 172 :ܕܥܒܼܕܢܝ ܣܢܝܵܐ ܘܲܫܟܼܝܼܪ ܐܲܦܹ̈ܐ ܠܥܹܝܢ ܚܲܙܵܝܹ̈ܐ 173 :ܐܘ̣ܗ̇ ܡ̣ܢ ܛܲܡܲܠܐ ܕܛܡܐ ܟܠܹܗ ܘܲܡܛܲܡܐܹܐ ܟܠ 174 ܕܛܲܡܲܐ ܙܵܘܥܲܝ̈ ܒܝܲܕ ܥܸܢܝܵܢܵܐ ܕܲܫܟܼܝܼܪ̈ܵܬܹܗ. 175 :ܐܘܗ̇ ܟܡܵܐ ܡܲܪܝܼܪ ܦܘܼܠܚܵܢ ܥܵܘܠܵܐ ܘܝܲܩܝܼܪ ܢܝܼܪܹܗ 176 ܘܲܣܪܝܼܩ ܥܵܡܠܹܐ ܕܐܲܝܢܵܐ ܕܡܵܘܓܲܪ ܥܲܡ ܚܲܪܡܘܼܬܹܗ. 177 :ܐܘܗ ܟܡܵܐ ܣܲܡܝܵܐ ܠܵܐ ܝܼܕܲܥܬܼܵܐ ܘܒܼܝܼܫ ܥܸܢܝܵܢܵܗ̇ 178 ܕܲܡܣܲܡܝܵܐ ܠܹܗ ܠܟܼܠܹܗ ܐ̄ܢܵܫܵܐ ܡ̣ܢ ܘܵܠܝܼܬܼܵܐ. 179 :ܠܵܐ ܝܼܕܲܥܬܼܵܐ ܥܒܕܬܢܝ ܣܲܡܝܵܐ ܘܚܲܣܝܼܪ ܗܵܘܢܵܐ 180 ܘܗ̤ܝ ܒܲܕܲܪܬܹܗ ܠܥܘܼܬܼܪܵܐ ܕܲܡܛ̣ܵܢܝ ܡ̣ܢ ܒܹܝܬܼ ܐܲܒܼܘܼܢ. 181 :ܗܝ̤ ܣܲܪܩܬܼܵܢܝ ܡ̣ܢ ܡܲܪ̈ܗܵܛܹܐ ܘܡ̣ܢ ܒܘܼܝܵܢܵܐ 182 ܘܗܵܐ ܚܵܝܹ̇ܐ ܐ̄ܢܵܐ ܒܐܘܼܟܼܠܵܐ ܫܝܼܛܵܐ ܕܡ̣ܢ ܚܲܪ̈ܘܼܒܸܐ. 183 :ܟܡܵܐ ܐܲܓܼܝܼܪܹ̈ܐ ܕܚܵ̇ܐܹܝܢ ܡܲܓ̇ܢ ܐܝܼܬܼ ܒܹܝܬܼ ܐܲܒܼܘܢ 184 ܘܐܸܢܵܐ ܗܪܟ̇ܐ ܠܟܸܦܢܝ ܐ̇ܒܸܕܼ ܐ̄ܢܵܐ ܒܠܵܐ ܝܼܕܲܥܬܐ. 185 :ܟܡܵܐ ܐܝܼܬܼ ܕܵܐܟ̇ܠܝܼܢ ܡ̣ܢ ܬܵܘܬܵܪܹ̈ܐ ܕܦܵܬܼܘܪܹܗ ܕܐܵܒ̣ܝ 186 ܘܐܸܠܵܐ ܨܪܝܼܟ ܐ̄ܢܵܐ ܡ̣ܢ ܡܵܙܘܿܢܵܐ ܘܠܵܐ ܐ̄ܢܵܫ ܡܪܘܼܚ. 187 :ܐܹܩܘܼܡ ܐܹܙܲܠ ܠܘܵܬܼ ܗ̇ܘ ܐܲܒܼܵܐ ܕܝܼܠܝܼ ܘܲܕܝܼܠܝ ܘܲܕܼܟܼܠܐ 188 ܘܐܹܡܲܪ ܕܲܚܛ̇ܝܹܬܼ ܠܥ̣ܠ ܒܫܲܡܲܝܵܐ ܘܲܩܕܼܵܡ ܐܲܦܝ̈ܟ. 189 :ܕܲܚܛܝܹ̇ܬܼ ܐܘܕܹܐ ܠܵܐ ܗ̄ܘ̣ܵܐ ܒܩܲܠܝܼܠ ܐܸܠܵܐ ܒܣܲܓܿܝܼ 190 ܕܛܸܥܡܹ̇ܬܼ ܚܘܼܒܵܟ ܘܒܲܕܪܹ̈ܬܼ ܥܘܼܬܼܪܵܐ ܕܒܲܣܝܼܡܘܼܬܼܵܟ. 191 :ܚܛܝܹ̇ܬܼ ܐܹܡܲܪ ܠܹܗ ܘܠܵܐ ܫܵܘܹ̇ܐ ܐ̄ܢܵܐ ܕܲܒܼܪܵܟ ܐܸܬܼܩܪܹܐ 192 ܥܒܸܕܲܝܢܝ ܡܸܟܲܝܠ ܐܲܝܟ ܐܲܓܼܝܼܪܹ̈ܐ ܘܐܸܚܹܐ ܒܛܲܝܒܿܘܼ. 193 :ܗܵܠܹܝܢ ܡܲܠܸܠ ܗܘ̤ ܥܲܡ ܢܲܦ̣ܫܹܗ ܒܪܵܐ ܐܣܘܿܛܵܐ 194 ܘܫܲܪܝܼ ܕܢ̣ܪܕܹܐ ܒܲܬܼܘܵܬܼ ܢܲܦ̣ܫܵܐ ܠܘܵܬܼ ܝܵܠܘܿܕܹܗ. 195 :ܩܸܢܛܵܐ ܘܚܘܼܒܵܐ ܡܠܹܐ ܗ̄ܘ̣ܵܐ ܠܸܒܹܿܗ ܟܲܕܼ ܪܵܕܹܐ ܗ̄ܘ̣ܵܐ 196 ܩܸܢܛܵܐ ܡܕܲܚܸܠ ܘܚܘܼܒܵܐ ܡܓܲܪܸܓܼ ܕܐܲܚܨܦ ܘܲܫܐܸܠ. 197 :ܩܸܢܛܵܐ ܕܚܵܘ̈ܒܵܘܗܝ ܡܣܲܪܸܕܼ ܗ̄ܘ̣ܵܐ ܠܹܗ ܡ̣ܢ ܕܲܠܡܸܦܢܵܐ 198 ܘܪܸܚܡܲܬܼ ܐܲܒܼܘܼܗܝ ܡܚܲܦܛܵܐ ܗ̄ܘ̣ܵܬܼ ܠܹܗ ܕܠܵܐ ܬܸܬܼܡܲܬܲܢ. 199 :ܪܸܚܡܲܬܼ ܚܘܼܒܵܐ ܥܸܠܒܲܬܼ ܣܲܓܿܝܼ ܛܵܒܼ ܡ̣ܢ ܩܸܢܛܵܐ 200 ܘܐܸܚܕܬ̤ ܒܐܝܼܕܼܵܘ̈ܗܝ ܘܚܲܝܠܲܬ̤ ܙܵܘܥܵܘ̈ܗܝ ܕܠܵܐ ܢܸܬܼܪܲܦܹܐ. 201 :ܦܢ̣ܵܐ ܐܲܒܿܝܼܕܼܵܐ ܒܐܘܼܪܚܵܐ ܕܲܢܦ݂ܲܩ ܡ̣ܢ ܒܹܝܬܼ ܐܲܒܼܘܼܗܝ 202 ܘܲܬܼܪܲܨ ܢܝܼܫܵܐ ܕܲܬܼܝܵܒܼܵܘܼܬܼܵܐ ܠܫܘܼܠܵܡ ܐܘܼܪܚܹܗ. 203 :ܚ̣ܙܵܐܘܼܗܝ ܪ̈ܵܚܡܹܐ ܕܟܲܕܼ ܪܵܕܹܐ ܗ̄ܘ̣ܵܐ ܠܘܼܥܲܕܼܵܐ ܕܫܲܝܢܵܐ 204 :ܘܲܢܦܩ̣ܘ ܠܐܘܼܪܥܹܗ ܕܲܢܒܼܝܼܐܘܼܢܵܝܗܝ ܡ̣ܢ ܟܪܝܼܘܼܬܼܵܐ 205 ܚܙ̣ܵܝܗܝ ܗܵܘ̣ ܪܸܡܙܵܐ ܕܲܚܙܵܐ ܗܘ̣ܵܐ ܠܹܗ ܥܲܕܼܠܵܐ ܢܸܦܘܿܩ. pb. f.127r 206 ܘܲܣܘܲܚ ܠܐܘܼܪܥܹܗ ܘܥܲܦܸܩ ܢܲܫܩܹܗ ܚܘܼܒܵܢܵܐܝܼܬܼ. 207 :ܚܙܝܗܝ ܕܲܡܛܲܪܲܦ ܘܲܠܙܹܐ ܘܲܫܚܝܼܩ ܒܥܲܡ̈ܠܹܐ ܕܥܵܘܠܵܐ 208 ܘܚܣ ܥܲܠ ܫܸܦܠܹܗ ܘܥܲܠ ܡܘܼܟܵܟܹܗ ܕܒܹܝܬܼ ܢܘܼܟܼܪ̈ܝܐ. 209 :ܚ̣ܙܝܗܝ ܕܲܡܲܒܿܣܒܲܣ ܒܚܒܪ̈ܬܼܵܐ ܕܣܵܡ̣ ܒܹܗ ܒܝܼܫܵܐ 210 ܘܥܲܨܒܹܗ ܒܪ̈ܲܚܡܹܐ ܘܐܲܫܝܼܓܼ ܡܸܢܹܗ̇ ܫܘܼܚܬܐ ܕܥܵܘ̣ܠܵܐ. 211 :ܚ̣ܙܵܝܗܝ ܕܲܡܟܿܬܲܡ ܦܲܓܼܪܹܗ ܘܢܲܦ̣ܫܹܗ ܒܪ̈ܓܝܠܬܐ 212 ܘܪܣ̣ ܥܲܠ ܟܠܹܗ ܡ̈ܝܬܐ ܕܟܼܝ̈ܐ ܕܐܪܵܙ ܫܘܼܒܼܩܵܢܵܐ. 213 :ܚ̣ܙܵܝܗܝ ܕܲܚܓܝܼܪܵܐ ܦܪܗܣܝܼܵܐ ܕܡܸܠܲܬܼ ܦܘܼܡܹܗ 214 ܘܫܲܪܝܼ ܡܬܲܪܓܸܿܡ ܩ̈ܠܐ ܕܡܠܹܝܢ ܠܘ̣ܒ̣ܵܒ ܢܲܦ̣ܫܵܐ. 215 :ܗܵܢܵܐ ܠܲܡ ܒܹܪܝ ܡܝܼܬܼܵܐ ܗ̄ܘ̣ ܕܲܬܼܪܹܝܢ ܕܲܚ̣ܝܵܐ ܘܲܦ̣ܢܵܐ 216 ܘܥܪܒܵܐ ܕܐܒܼܕ ܡ̣ܢ ܡܪܓܼܝܵܬܐ ܘܗܵܐ ܐܸܫܟܚܬܗ. 217 ܫܒܪ ܪܸܥܝܵܢܵܐ ܫܡ̣ܥ ܩܵܠ ܣܲܒܼܪܵܐ ܕܐܲܟܼܪܸܙ ܐܲܒܼܘܼܗܝ. 218 ܘܫܲܪܝܼ ܡܠܲܓܼܠܸܓܼ ܪܵܥܘܿܡܵܐܝܼܬܼ ܥܲܡ ܝܵܠܘܿܕܹܗ. 219 :ܫܡ݂ܲܥ ܕܐܝܼܬܼ ܣܲܒܼܪܵܐ ܕܚܵܐܹܝ̇ܢ ܡ[...]ܐ ܕܡܝܼܬܼܘ ܒܲܚܛܝܼܬܼܵܐ 220 ܘܫܲܪܝܼ ܕܲܢܦܝܼܣ ܕܕܼܵܡ ܢܸܬܲܢܲܚܡ ܡ̣ܢ ܣܢܝ̈ܬܗ. 221 :ܐܵܒܼܝ ܠܲܡ ܣܸܪܚܹ̇ܬܼ ܘܚܲܛܹܝ̇ܬܼ ܣܲܓܿܝܼ ܕܠܵܐ ܡܘܼܒܚ̈ܵܬܼܵܐ 222 ܘܠܵܐ ܫܵܘ̇ܐ ܐ̄ܢܵܐ ܕܐܲܩܪܹܐ ܠܲܩܢܘܿܡܝ ܒܫܸܡ ܝܵܪܘܿܬܼܵܐ. 223 :ܠܵܐܙܵܕ̇ܩ ܠܹܗ ܠܠܵܐ ܒܲܪ ܚܹܐܪܹ̈ܐ ܫܡܵܐ ܕܲܒܼܢ̈ܝܐ 224 ܘܠܵܐ ܘ̈ܠܹܐ ܠܹܗ ܠܲܥܒܼܵܕ ܥܵܘ̣ܠܵܐ ܠܡܸܬܼܚܲܪܵܪܘ. 225 :ܠܵܐ ܦܵܐܝܵܐ ܠܹܗ ܠܲܣܢܹܐ ܢܲܦ̣ܫܵܐ ܚܹܐܪܘܼܬܼ ܢܲܦ̣ܫܵܐ 226 ܘܠܵܐ ܠܗܸܕܼܝܘܿܛܵܐ ܠܡܹܐܚܲܕ ܫܲܒܼܛܵܐ ܕܪܹܫܵܢܘܼܬܼܵܐ. 227 :ܒܨܝܼܪ ܐ̄ܢܵܐ ܣܲܓܿܝܼ ܡ̣ܢ ܕܐܹܬܼܟܲܢܹܐ ܝܪܬܵܐ ܘܲܒܼܪܵܐ 228 ܘܠܵܐ ܣܵܦܸܩ̇ ܐ̄ܢܵܐ ܠܡܸܣܲܒܼ ܕܲܪܓܼܐ ܕܠܵܐ ܡ̇ܝܘ̈ܬܹܐ. 229 :ܗܒ̣ ܠܝܼ ܕܐܸܦܠܘܿܚ ܒܲܠܚܸܡ ܝܵܘܡܵܐ ܐܲܝܟ ܢܘܼܟܼܪܵܝܵܐ 230 ܘܐܹܣܲܒܼ ܦܪܣܵܐ ܥܲܡ ܐܲܓܼܝܼܪܹ̈ܐ ܕܲܒܼܵܓܼܘܼ ܒܝܼܬܼܵܟ. 231 :ܘܐܸܢ ܠܵܐ ܡܲܨܝܵܐ ܕܐܘܓܪ ܘܐܸܦܠܘܿܚ ܘܐܸܣܲܒܼ ܐܲܓܼܪܵܐ 232 ܐܲܫܘܵܢܝ ܕܐܸܣܲܒܼ ܙܕܼܩܵܐ ܒܛܲܝܒܿܘܼ ܐܲܝܟ ܡܸܣܟܹܿܢܵܐ. 233 :ܝ̇ܕܥ̇ ܐ̄ܢܵܐ ܓܹܝܪ ܕܚܵܒܹ̇ܬܼ ܣܲܓܿܝܼ ܠܒܲܪ ܡ̣ܢ ܛܲܟܼܣܵܐ 234 ܘܠܵܐ ܣܦܸܩ̇ ܐ̄ܢܵܐ ܠܘܵܬܼ ܦܘܼܪܥܵܢܵܐ ܕܚܵܘܒܲܬܼ ܚܵܘܒܿܝ̈. 235 :ܠܵܐ ܛܵܥܝܵܐ ܠܝܼ ܕܪܲܒܵܐ ܗ̄ܝ̣ ܣܲܟܼܠܘܬܼܝ ܡ̣ܢ ܕܲܠܡܸܫܒܲܩ 236 ܘܲܙܥܘܿܪ ܝܲܡܵܐ ܕܢܫܝܼܓܼ ܡܘܼܡܹ̈ܐ ܣܢܝ̈ܐ ܕܲܩܢܘܿܡܝ. 237 :ܠܲܝܬܿ ܬܘܼܒܼ ܣܲܡ̇ܐ ܕܡܨܸܐ ܡܹܐܣܹܐ ܠܥܲܣܩܘܼܬܼ ܟܹܐܒܲܝ̈ 238 ܐܸܠܵܐ ܪ̈ܲܚܡܹܐ ܕܐܲܒܼܵܐ ܕܝܠܕܢܝ ܒܲܥܒ̣ܵܕܼ ܐܝܼܕܼܵܘ̈ܗܝ. 239 :ܒܗܵܠܹܝܢ ܩ̈ܠܐ ܡܒܲܟܹܿܐ ܗ̄ܘ̣ܵܐ ܠܵܗ̇ ܠܡܝܼܬܼܘܼܬܼ ܢܲܦ̣ܫܹܗ 240 ܘܠܵܐ ܫܠ̇ܐ ܗ̄ܘ̣ܵܐ ܡ̣ܢ ܬܸܟܢܚ̈ܬܵܐ ܕܥܲܠ ܣܘܼܪ̈ܚܵܢܵܘܗܝ. 241 :ܐܸܒܸܠܵܐ ܪܲܒܵܐ ܥ̣ܒܲܕܼ ܥܲܠ ܥܵܘܠܹܗ ܐܲܝܟ ܕܥܲܠ ܡܝܼܬܼܵܐ 242 ܘܲܒܼܚܸܢܵܓܼܵܬܼ̈ܐ ܒܟܼܗ̇ ܠܲܚܛܝܼܬܹܗ ܪܵܥܘܼܡܵܐܝܼܬܼ. 243 :ܒܟܼܝܵܐ ܪܲܒܵܐ ܡܠܹܐ ܗ̄ܘ̣ܵܐ ܦܘܼܡܹܗ ܥܲܡ ܪܸܥܝܵܢܹܗ 244 ܘܕܸܡ̈ܥܹܐ ܕܚܲܫܵܐ ܡܸܫܬܦܥ̈ܢ ܗ̄ܘ̣ܵܝ̈ ܡ̣ܢ ܒܵܒ̈ܬܼܗ. 245 :ܒܩܵܠ ܚܸܢܓܼܵܬܹ̈ܗ ܬܼܗ݂ܲܪ ܝܠܘܼܕܗ ܘܟܸܢܫ̈ܝ ܪܵܘܡܵܐ 246 ܫܲܕܪ ܨܹܐܕܼܵܘܗܝ ܚܢܵܢܵܐ ܘܪ̈ܲܚܡܹܐ ܕܲܢܫܲܐ ܠܘܼܢܵܝܗܝ. 247 ܫܠܝܼ ܚܲܛܵܝܵܐ ܩܥ̣̇ܘ ܠܹܗ ܪ̈ܲܚܡܹܐ ܘܠܵܐ ܫܠܹ̇ܐ ܗ̄ܘ̣ܵܐ܀ 248 ܕܗܵܐ ܦܩܲܕܼ ܐܲܒܼܘܼܟ ܕܲܢܬܲܠܚܘܼܢܝܗܝ ܠܐܸܫܛܵܪ ܚܵܘܒܲܝ̈ܟ. 249 :ܫܠܝܼ ܠܵܐ ܬܸܒܼܟܹܿܐ ܘܬܸܫܚܘܿܩ ܐܲܢ̄ܬܿ ܠܵܟ ܘܲܠܝܼܠܵܘܕܼܵܟ 250 ܕܗܵܐ ܐܵܦ ܐܲܒܼܘܼܟ ܚܲܫ̣ ܘܐܸܬܿܬܲܢܲܚ ܥܲܠ ܚܸ̈ܢܵܓܼܬܼܵܟ. 251 :ܚܙ̣ܵܐ ܝܵܠܘܿܕܹܿܗ ܕܠܵܐ ܣܦ݂ܲܩܘ ܪ̈ܲܚܡܹܐ ܕܲܢܫܲܠܘܼܢܵܝܗܝ 252 ܘܗܘ̤ ܒܲܩܢܘܿܡܹܗ ܢܦ݂ܲܩ ܘܐܲܦܝܼܣܹܗ ܕܦܘܼܫ ܡ̣ܢ ܒܸܕܼܝܵܐ. 253 :ܦܘܼܫ ܠܵܐ ܬܸܒܼܟܹܿܐ ܥܲܠ ܐܲܒܼܕܵܢܵܐ ܕܩܲܕܼܡܝܼ̈ܬܐ 254 ܕܐܝܼܬܼ ܒܹܝܬܼ ܐܲܒܼܘܼܟ ܥܘܼܬܼܪܵܐ ܪܲܒܵܐ ܕܠܵܐ ܡܸܣܬܲܝܲܟ. pb. f.127v 255 :ܦܘܼܫ ܠܵܐ ܬܸܟܼܪܹܐ ܥܲܠ ܣܘܼܪ̈ܚܵܢܹܐ ܕܠܵܐ ܝܼܕܲܥܬܼܵܟ 256 ܕܪܲܒܿܘܼ ܥܵܘܠ̣ܵܐ ܘܐܲܝܟ ܠܵܐ ܡ̣ܕܹܡ ܚܫܝܼܒܼ ܠܝܼ ܕܐܸܥܛܝܼܘܗܝ. 257 :ܝܵܕܥ̇ ܗ̄ܘ̣ܵܬܼ̇ ܓܹܝܪ ܥܲܕܼܠܵܐ ܬܸܦܘܿܩ ܕܡܸܚܛܵܐ ܚܵܙܹ̇ܐ ܐܢ̄ܬܿ 258 ܘܓܲܠܝܵܐ ܗ̄ܘ̣ܵܬܼ ܠܝܼ ܕܘܼܝܵܘܒܸܿܕܼ ܗ̄ܘ̣ܵܬ̇ ܠܵܗ̇ ܠܥܘܼܬܼܪܵܐ ܕܲܢܣܲܒܼ݂ܬ̇. 259 :ܚܙܹܐ ܗ̄ܘ̣ܵܐ ܠܨܒܼܝܵܢܝ ܥܲܡ ܡܲܦܲܩܬܼܵܟ ܐܵܦ ܦܘܼܢܵܝܵܟ 260 ܘܒܼܵܟ ܚܵܐ̇ܪ ܗܘܹ̇ܝܬܼ ܟܲܕܼ ܡܲܥܘܸܠ ܗܘ݂ܲܝܬ̇ ܘܟܲܕܼ ܬܵܐܸܒܼ̇ ܗ̄ܘ̣ܵܬ̇. 261 :ܥܲܡܵܟ ܢܦ݂ܲܩܘ ܗ̄ܘ̣ܵܘ ܠܒܹܝܬܼ ܢܘܼܟܼܪ̈ܝܐ ܪ̈ܚܡܹܐ ܕܚܵܢܘܼܟ 262 ܘܗܸܢܘ̣ܿܢ ܡܲܠܟܿܘܼܟ ܕܬܸܦܢܹܐ ܠܫܲܝܢܵܐ ܕܒܹܝܬܼ ܐܲܒܼܵܗܲܝ̈ܟ. 263 :ܩܪܘܿܒܼ ܐܸܬܼܒܲܣܲܡ ܐܲܝܟ ܝܵܪܘܿܬܼܵܐ ܡ̣ܢ ܡܲܪ̈ܗܵܛܲܝܟ 264 ܘܐܲܚܘܿܕܼ ܢܘܼܡܹ̈ܐ ܘܕܲܒܲܪ ܕܝܼܠܵܟ ܚܲܟܿܝܼܡܵܐܝܼܬܼ. 265 :ܦܩ݂ܲܕܼ ܕܹܝܢ ܐܲܒ̣ܘܼܗܝ ܠܲܒܼܝܼ̈ ܥܲܠ ܪܘܼܡܪܵܡܹܗ 266 ܕܲܢܟܲܠܠܘܼܢܵܝܗܝ ܒܲܫܡܵܐ ܘܕܲܪܓܼܵܐ ܕܫܸܡ ܝܵܠܘܿܕܹܗ. 267 :ܐܲܦܩܸܘ ܐܸܣܛܠܵܐ ܕܙܲܩܪܘܼܗ̇ ܪ̈ܲܚܡܹܐ ܘܢܸܬܼܟܲܣܹܐ ܒܵܗ̇ 268 ܘܢܸܕܲܥ ܟܠܢܵܫ ܡ̣ܢ ܦܲܐܝܘܼܬܹܗ ܕܒܲܪ ܡ̇ܢ ܐܝܼܬܼܵܘܗܝ. 269 :ܣܝܼܡܘ ܠܹܗ ܥܙܲܩܬܐ ܕܛܲܒܼܥܵܐ ܕܐܲܒܼܘܼܗܝ ܕܫܲܪܝܼܪ ܡ̣ܢ ܟܠ 270 :ܕܢܸܚܙܘܢ ܥܒܕ̈ܐ ܘܲܒܼܢܲܝ̈ ܚܹܐܪܹ̈ܐ ܕܲܦܢ̣ܵܐ ܠܕܲܪܓܹܗ 271 :ܢܸܣܐܢ ܒܸܪ̈ܓܼܠܵܘܗܝ ܫܪܵܪܵܐ ܕܲܟܼܝܵܐ ܕܠܵܐ ܡܸܬܲܕܲܓܲܠ 272 ܘܲܢܕܘܼܫ ܪܹܫܵܐ ܕܲܒܼܥܸܠܕܲܪܵܐ ܕܒܲܙ ܡܲܪ̈ܗܵܛܵܘܗܝ. 273 :ܩܛܘܿܠܘ ܬܘܼܒܼ ܬܵܘܪܵܐ ܕܢܸܬܼܒܲܣܲܡ ܒܹܗ ܗܘ̤ ܘܲܕܸܥܲܡܹܗ 274 ܘܢܸܒܼܗܲܬ̣ ܣܵܢܠܵܐ ܕܝܲܗ̣̄ܒܼ ܠܹܗ ܐܘܼܟܼܠܵܐ ܕܡ̣ܢ ܚܲܪ̈ܘܼܒܹܐ. 275 :ܫܠܸܡ ܒܥܵܪܵܕܼܵܐ ܡܸ̈ܠܹܐ ܕܐܲܒܼܘܼܗܝ ܐܲܝܟ ܡܵܐ ܕܲܦܩ݂ܲܕܼ 276 ܘܫܲܪܝܼܘ ܚ̇ܕܹܝܢ ܥܲܒܼ̈ܕܹܐ ܘܚܹܐܪܹ̈ܐ ܒܝܘܿܡ ܦܘܼܢܵܝܹܗ. 277 :ܗܵܘ̇ ܕܹܝܢ ܐܲܚܘܼܗܝ ܕܩܲܫܝܼܫ ܡܸܢܹܗ ܠܵܘ ܬܲܡ̇ܢ ܗ̄ܘ̣ܵܐ 278 ܕܒܲܩܪܝܼܬܼܵܐ ܗ̄ܘ̣ܵܐ ܘܐܲܡܝܼܢ ܦܠ̇ܚ ܦܘܠܚܵܢ ܐܲܒܼܘܼܗܝ. 279 :ܨܵܒܼܕܹܝܢ ܘܐܸܬ̣ܵܐ ܐܵܦ ܗܘ̤ ܒܝܵܘܡܵܐ ܕܦܢ̣ܐ ܐܲܚܘܗܝ 280 ܘܲܚ̣ܙܵܐ ܕܲܥܒܼܝܼܕܼ ܒܣܵܡܵܐ ܪܲܒܵܐ ܒܝܘܿܡ ܦܘܸܢܵܝܹܗ. 281 :ܐܲܟܼܪܝܼ ܣܲܓܿܝܼ ܐܲܚܵܐ ܕܲܚ̣ܙܵܐ ܦܘܼܢܵܝ ܐܲܚܘܼܗܝ 282 :ܘܲܪܓܸܙ ܘܲܦܢ̣ܵܐ ܠܘܵܬܼ ܦܘܼܠܚܵܢܹܗ ܘܠܵܐ ܨܒ̣ܵܐ ܕܢܸܥܘܿܠ 283 :ܫܸܡ݂ܲܥ ܕܹܝܢ ܐܲܒܸܘܗܝ ܘܲܢܦ݂ܲܩ ܨܹܐܕܵܘܗܝ ܕܢܸܒܼܥܹܐ ܡܸܢܹܗ 284 ܐܲܝܟ ܡܵܐ ܕܲܢܦܲܩ ܠܘܩܒܸܿܠ ܐܲܚܘܼܗܝ ܒܚܘܼܒܵܐ ܘܪ̈ܲܚܡܹܐ. 285 :ܒܹܪܝ ܠܵܐ ܬܸܟܼܪܹܐ ܕܲܦܢ̣ܵܐ ܐܲܚܘܼܟ ܠܒܹܝܬܼ ܐܲܒܼܵܗܵܘ̈ܗܝ 286 :ܘܠܵܐ ܬܸܬܼܢܲܟܼܪܸܐ ܠܫܵܘܬܵܦܘܼܬܼܵܐ ܕܝܘܿܡ ܦܘܼܢܵܝܼܗ 287 :ܦܲܢܝܼ ܐܵܦ ܗܘ̤ ܠܘܵܬܼ ܝܵܠܘܿܕܹܗ ܠܦܘܼܬܼ ܗܵܝ̇ ܕܐܲܦ̣ܝܼܣ 288 ܘܚܵܘܝܼ ܚܘܼܒܹܿܗ ܕܲܟܼܡܵܐ ܝܲܩܲܪ ܠܨܸܒܼܝܵܢ ܐܲܒܼܘܼܗܝ. 289 :ܗܵܐ ܟܡܵܐ ܙܲܒܼܢܵܐ ܦܵܠܚ̇ ܐ̄ܢܵܐ ܠܵܟ ܦܘܼܠܚܵܢ ܥܲܒܼ̈ܕܹܐ 290 ܘܡܸܡܬܼܘܿܡ ܦܲܕܼܝܐ ܠܵܐ ܝܩܪܬܢܝ ܕܐܲܢܚ̣ܝ ܪ̈ܵܚܡܲܝ. 291 :ܠܗܵܢܵܐ ܕܦܲܪܚ ܩܸܢܝܵܢ ܒܲܝܬܵܟ ܒܹܝܬܼ ܙܲܢܝ̈ܬܐ 292 ܗܵܫܵܐ ܕܲܦܢ̣ܵܐ ܩܛܠ̣ܬ̇ ܠܹܗ ܬ̇ܘܪܵܐ ܕ̇ܕܼܠܵܐ ܫܵܘܹ̇ܐ. 293 :ܒܸܪܝ ܟܠܡܸܕܡ ܕܝܼܠܝ ܕܝܼܠܵܟ ܗ̄ܘ̣ ܥܢ̣ܝܗܝ ܝܵܠܘܿܕܹܗ 294 ܘܐܲܢ̄ܬܿ ܫܲܠܝܼܛܵܬ̇ ܥܲܠ ܡܲܪ̈ܗܛܝܼ ܐܲܝܟ ܩܲܫܝܼܫܵܐ. 295 :ܠܡܸܚܕܲܐ ܝܵܘܡܵܢ ܙܵܕܸ̇ܩ ܗ̄ܘ̣ܵܐ ܠܵܟ ܘܠܲܡܫܲܒܵܚܘܼ 296 ܕܐܲܚܘܼܟ ܡܝܼܬܼܵܐ ܦܢ̣ܵܐ ܘܐܸܬܼܢܲܚܲܡ ܡ̣ܢ ܛܵܠܝܘܼܬܹܗ. 297 :ܫܲܚܩܹܗ ܣܲܓܿܝܼ ܐܵܦ ܗܘ̤ ܠܲܐܒܼܘܼܗܝ ܛܵܒܼ ܡ̣ܢ ܐܲܚܘܼܗܝ 298 ܒܗܵܝ̇ ܕܐܸܬܼܥܲܕܲܠ ܕܥܲܠ ܡ̇ܢ ܚܵܢܹܗ ܠܛܵܥܝܵܐ ܕܲܦܢܵܐ. 299 :ܥܲܝܛܵܐ ܪܲܒܵܐ ܣܒ݂ܲܠ ܡ̣ܢ ܝܲܠܕܘ̈ܗܝ ܗܘ̇ ܒܲܣܝܼܡܵܐ 300 ܘܕܼܠܵܐ ܛܲܟܼܣܵܐ ܛܥ̣ܢ ܥܲܣܩܘܼܬܼܵܐ ܕܪܸ̈ܥܝܵܢܲܝܗܘܿܢ. pb. f.128r 301 :ܬܪܲܝܼܗܘܿܢ ܫܲܚܩܘܼܗܝ ܒܠܵܐ ܫܘܼܝܬܼܬܼܵܐ ܕܣܘܼܥܪ̈ܢܲܝܗܘܿܢ 302 ܚܲܕܼ ܒܲܚܛܝܼܬܵܐ ܘܚܲܕܼ ܒܲܬܼܒܲܥܬܼܵܐ ܕܫܘܼܒܼܩܵܢ ܥܵܘ̣ܠܵܐ. 303 :ܚܲܕܼ ܐܲܝܥܝܼܩܹܗ ܒܐܲܒܼܕܵܢ ܚܲܝ̈ܵܘܗܝ ܘܒܼܘܼܕܵܪ ܢܸܟܿܣܵܘ̈ܗܝ 304 ܘܐܲܚܪܹܝܢ ܥܲܕܼ ܠܹܗ ܕܥܲܠ ܡ̇ܢ ܩܲܒܸܿܠ ܬܘܵܬܼ ܪܸܥܝܵܢܵܐ. 305 :ܒܲܣܝܼܡܵܐܝܼܬܼ ܣܲܝܒܲܪ ܐܸܢܘܿܢ ܐܲܝܟ ܝܵܕܘܿܥܵܐ 306 ܘܐܲܠܸܦ ܐܸܢܘܿܢ ܕܢܸܬܿܕܲܡܘܼܢ ܒܹܗ ܘܢܸܩܢܘܼܢ ܚܲܝܹ̈ܐ. 307 :ܗܵܫܵܐ ܕܲܫܠܸܡ ܫܲܪܒܵܐ ܕܲܪܫܝܼܡ ܐ̄ܪܵܙܵܢܵܐܝܼܬܼ 308 ܢܸܒܼܥܹܐ ܕܡܲܢ̣ܘܼ ܚܲܝܠܵܐ ܕܲܟܼܣܹܐ ܠܓܼܵܘ ܡ̣ܢ ܡܸ̈ܠܵܘܗܝ. 309 :ܢܸܒܼܥܹܐ ܕܡܵܢܲܐ ܗ̄ܝ̣ ܗܵܝ̇ ܕܲܟܼܬܼܝܼܒܼܵܐ ܥܲܠ ܐܵܣܘܛܵܐ 310 ܕܡܸܬܼܚܲܫܲܒܼ ܗ̄ܘ̣ܵܐ ܕܢܸܦܢܹܐ ܢܹܐܙܲܠ ܠܒܹܝܬܼ ܐܲܒܼܵܗܵܘ̈ܗܝ. 311 :ܐܪܵܙ ܚ̈ܛܝܐ ܪܫܸܡ ܒܲܙܥܘܿܪܵܐ ܘܒܲܬܼܝܵܒܼܘܼܬܹܗ 312 ܘܲܒܼܕܘܼܝܵܪܹܗ ܕܒܹܝܬܼ ܢܘܼܟܼܪ̈ܵܝܹܐ ܥܸܒܝܵܢ ܫܹܐܕܹ̈ܐ. 313 :ܒܝܲܕܼ ܡܲܦܲܩܬܹܗ ܪܲܚܝܼܩܘܼܬܼܵܐ ܕܡ̣ܢ ܐܲܠܵܗܵܐ 314 ܘܲܒܼܦܘܼܢܵܝܹܗ ܬܘܵܬܼܪܸܥܝܵܢܵܐ ܕܹܨܝܼܕܼ ܟܹܐܢܘܼܬܼܵܐ. 315 :ܒܲܦܝܵܣ ܡܸܠܵܘ̈ܗܝ ܕܲܡܢ̣ܵܐ ܢܲܦ̣ܫܹܗ ܥܲܡ ܐܲܓܼܝܼܪܹ̈ܐ 316 ܦܵܪܘܿܫܘܼܬܼܵܐ ܗ̄ܝ̣ ܕܕܲܝܢܵܐ ܗܝ̤ ܠܵܗ̇ ܒܐܲܝܠܹܝܢ ܕܲܚܛ̣ܵܬ̤. 317 :ܐܓܝܪ̈ܐ ܕܹܝܢ ܠܵܐ ܥܡܝ̈ܕܐ ܐܢܘܢ ܕܗܲܝܡܸܢܘ ܒܲܠܚܘܿܕܼ 318 ܘܠܵܐ ܐܸܫܬܵܘܬܲܦܘ ܒܐܪܵܙ ܡܵܘܠܵܕܼܵܐ ܪܘܼܚܵܢܵܝܵܐ. 319 :ܗܝ̇ ܬܘܼܒܼ ܕܐܸܡ݂ܲܪ ܕܠܵܐ ܫܵܘܹ̇ܐ ܐ̄ܢܵܐ ܕܲܒܼܪܵܟ ܐܸܗܘܹܐ 320 ܗܵܘܢܵܐ ܗ̄ܘ̣ ܬܲܢܩܵܐ ܕܕܼܵܐܸܢ ܫܲܦܝܼܪ ܥܲܡ ܣܘܼܥܪ̈ܵܢܵܘܗܝ. 321 :ܐܲܒܼ̇ܐ ܕܲܢܦ݂ܲܩ ܠܘܼܩܒܲܠ ܝܲܠܕܹܗ ܘܲܣܘܲܚ̣ ܠܐܘܼܪܥܹܗ 322 ܪ̈ܲܚܡܹܐ ܐܸܢܘܿܢ ܕܚܵܢܹ̇ܝܢ ܟܠܢܵܫ ܠܲܕܚܲܛܵܝܼܝܼܢ. 323 :ܒܝܲܕܼ ܗܵܝ̇ ܕܲܢܦ݂ܲܩ ܘܥܲܦܸܩ ܢܲܫܩܹܗ ܚܘܼܒܵܢܵܐܝܼܬܼ 324 ܚܵܘܝܼ ܕܲܟ̣ܡܵܐ ܪܓܼܝܼܓܼ ܕܲܢܬܼܘܼܒܼܢ ܐܢܵܫ̈ܐ ܨܐܕܘܗܝ. 325 :ܐܸܣܛܵܐ ܦܐܝܼܬܼ̇ܐ ܕܐܲܠܒܸܫ ܓܘܼܫܡܹܗ ܘܟܲܣܝܼ ܨܲܥܪܹܗ 326 ܡܲܥܡܘܿܕܼܬܐ ܗ̄ܝ̣ ܕܥܵܛ̇ܝܵܐ ܥܵܘ̣ܠܵܐ ܘܝ̇ܗܒܵܐ ܚܪܘܿܪܹ̈ܐ. 327 :ܥܸܙܩܵܬܐ ܐܝܼܬܹܝܗ̇ ܪܲܗܒܼܘܼܢ ܚ̈ܝܐ ܠܵܐ ܡܵܝܘ̈ܬܹܐ 328 ܕܝܵܗܸ̇ܒܼ ܪܘܼܚܵܐ ܠܲܐ [ܠܠܹܝܢ] ܝܠܹܝܢ ܕܲܩܢ̣ܵܘ ܫܡܵܐ ܕܲܒܼܢ̈ܬܐ. 329 :ܬܵܘܪܵܐ ܕܦܛܡܵܐ ܐ̄ܪܵܙܵܐ ܗ̄ܘ̣ ܪܲܒܵܐ ܕܦܲܓܼܪܵܐ ܘܲܕܡܵܐ 330 ܗܵܘ̇ ܕܲܒܼܕܼܒܼܚܹܗ ܪܲܥܝܼ ܠܥܵܠܡܵܐ ܥܲܡ ܪܲܒܿܘܼܬܹܗ. 331 :ܘܫܲܦܝܼܪ ܟܲܢܹܗ ܬܵܘܪܵܐ ܕ[...]ܛܡܵܐ ܠܕܸܒܼܚܵܐ ܕܦܲܓܼܪܹܗ 332 ܕܲܡܬܲܪܣܹܐ ܗ̄ܘ̣ܵܐ ܒܐܘܼܟܼܠܵܐ ܕܪܘܼܚܵܐ ܘܫܸܩܝܵܐ ܕܚܲܡܪܵܐ. 333 :ܐܵܦ ܗܵܝ̇ ܕܩܲܛܠܹܗ ܒܝܵܘܡܵܐ ܕܦ̣ܢܵܐ ܒܪܹܗ ܡ̣ܢ ܛܘܼܥܝܲܝ 334 ܐܵܝܬܐ ܗ̄ܝ̣ ܕܚܘܼܒܵܐ ܕܲܠܘܵܬܼ ܓܸܢܣܲܢ ܕܠܵܐ ܡܸܬܼܡܲܫܚܵܐ. 335 :ܒܩܵܠܵܐ ܕܐܲܟܼܪܸܙ ܒܹܪܝ ܡܝܼܬܼܵܐ ܗ̄ܘ̣ܵܐ ܘܲܦܢ̣ܵܐ ܠܚܲܝܹ̈ܐ 336 ܠܲܢ ܗܘ̤ ܐܲܠܸܦ ܕܲܟܼܡܵܐ ܚ̇ܕܹܐ ܒܲܬܼܝܵܒܼܘܼܬܲܢ. 337 :ܘܕܐܲܦܝܼܣ ܠܲܒܼܪܹܗ ܕܥܵܕܠ̇ ܗ̄ܘ̣ܵܐ ܠܹܗ ܕܚܵܢ ܠܲܐܒܿܝܼ̈ܕܼܵܐ 338 ܟܵܐܬܼܵܐ ܕ̄ܩܲܪܸܒܼ ܠܲܐܝܢܵܐ ܕܩܵܨ̇ܦ ܒܫܘܼܒܼܩܵܢ ܥܵܘܠܵܐ. 339 :ܠܵܘ ܙܲܕܲܝܼܩܹ̈ܐ ܛܥ̇ܝܢ ܬܡ̇ܢ ܒܗܵܘ̇ ܬܘܼܩܵܢܵܐ 340 ܐܸܠܵܐ ܠܲܐܝܢܵܐ ܕܗܪܟܵܐ ܥ̇ܕܲܠ ܠܪ̈ܚܡܹܐ ܕܚܵܢܹ̇ܝܢ. 341 :ܩܕܼܵܡ ܒܘܼܚܪܵܢܵܐ ܩܲܕܡ ܒܲܕܸܩ ܗܵܝ̇ ܕܲܥܬܼܝܼܕܲܐ 342 ܕܐܸܢ ܐܝܼܬܼ ܕܪܵܓܸ̇ܙ ܡ̣ܢ ܚܵܘܣܵܢ̈ܐ ܢܫܲܝܸܢ ܝܲܨܪܹܗ. 343 :ܬܲܪܬܹܝܢ ܚܵܘܝܼ ܒܝܲܕܼ ܒܲܪܬܼ ܩܵܠܹܗ ܕܨܝܼܕܼ ܩܲܫܝܼܫܵܐ 344 ܕܟܹܐܢܵܐ ܕܐܲܡܝܼܢ ܒܦܘܼܠܚܵܢ ܩܘܼܫܬܵܐ ܠܵܐ ܢܸܬܼܥܲܕܼܠ. 345 :ܕܒܲܩܪܝܼܬܼܵܐ ܗ̄ܘ̣ܵܐ ܗܵܘ̇ ܕܐܸܬܼܥܲܕܲܠ ܟܬܼܝܼܒܼ ܒܲܣܪܬܼܵܐ 346 ܟܲܕܼ ܡܵܘܕܲܥ ܠܲܢ ܕܨܝܕܼ ܟܹܐܢܘܼܬܼܵܐ ܥܢܹܐ ܗ̄ܘ̣ܵܐ ܟܠܫܵܥ. 347 :ܩܪܝܼܬܼܵܐ ܐ̄ܪܵܙܵܐ ܗ̄ܝ̣ ܕܦܘܼܠܚܵܢ ܚܲܝܹ̈ܐ ܪ̈ܘܼܚܵܢܵܝܹܐ 348 ܘܐܲܝܟ ܕܲܒܼܕܼܘܼܡܝܵܐ ܕܐܲܪ̈ܥܵܢܝܵܬܼܵܐ ܦܲܚܸܡ ܕܲܠܥܸܠ. pb. f.128v 349 :ܓܲܕܼܝܵܐ ܕܐܸܡ݂ܲܪ ܕܠܵܐ ܝܼܗ̄ܒ̣ ܐܲܒܼܘܗܝ ܕܢܸܬܼܒܲܣܲܡ ܒܹܗ 350 ܕܬܲܚܸܡ ܘܲܟܼܠܝܗܝ ܡ̣ܢ ܥܸܢܝܵܢܵܐ ܕܐܵܣܘܿܛܘܼܬܼܵܐ. 351 :ܓܲܕܼܝܵܐ ܟܲܢܹܗ ܠܥܵܘ̣ܠܵܐ ܕܛܵܥܹ̇ܐ ܘܡܲܛܥܹܐ ܠܐܢܵܫܵܐ 352 ܒܗܵܝ̇ ܕܐܵܦ ܕܐܵܦ ܦܵܗܹܝܢ ܓܕܲܝ̈ܵܐ ܟܠܢܵܫ ܠܒܲܪ ܡ̣ܢ ܥܵܢܵܐ. 353 :ܡܲܪܲܚ ܣܲܓܿܝܼ ܓܲܕܼܝܵܐ ܒܪܸܥܹܝܗ ܘܚܸܫܘܿܟ ܓܘܵܢܹܗ 354 ܘܕܡ̇ܐ ܠܥܵܘ̣ܠܵܐ ܘܣܵܥ̇ܐ ܒܓܼܘܼܡܕܵܐ ܡܫܲܚܸܫܟ ܢܲܦ̣ܫܵܐ. 355 :ܪ̈ܚܡܐ ܕܲܒ̣ܝܪܐ ܟܝܵܢܵܐ ܗ̄ܘ̣ ܕܐܲܝܼܪ ܩܕܼܵܡ ܚܘܼܬܼܝ̈ܵܬܹܐ 356 ܘܬܵܒܲܥ̇ ܕܝܼܠܹܗ ܟܡܵܐ ܐܸܢ ܪܵܐ̇ܓܼ ܪ̈ܘܚܵܢܝܵܬܼܵܐ. 357 :ܪܵܚܸ̇ܡ ܗ̄ܘ̣ ܓܹܝܪ ܟܝܵܢܵܐ ܠܕܼܝܠܸܗ ܟܡܵܐ ܕܐܲܪܥܵܢܵܐ ܗ̄ܘ̣ 358 ܘܒܲܐܲܝܟ ܕܒܐܓܼܘܢܐ ܪܡܹܐ ܒܹܝܬܼ ܬܲܪܬܹܝܢ ܕܦܓܲܪ ܘܲܕܼܪܘܼܚ. 359 :ܡ̣ܢ ܚܘܼܬܼܚ̈ܵܬܹܗ ܕܪܸܓܼܬܼ ܦܲܓܼܪ̈ܐ ܕܠܵܝܗܝ ܗ̄ܘ̣ܵܐ ܐܲܒܼܘܼܗܝ 360 ܘܐܸܫܬܵܘܕܝܼ ܠܹܗ ܥܘܼܬܼܪܵܐ ܕܪܘܼܚܵܐ ܕܢܸܬܼܒܲܣܲܡ ܒܹܗ. 361 :ܟܠ ܠܲܡ ܡܸܕܼܡ ܕܝܼܠܝ ܕܝܼܠܵܟ ܗ̄ܘ̣ ܠܫܪܹܗ ܐܸܡ݂ܲܪ 362 ܟܲܕܼ ܡܵܘܿܕܲܥ ܠܲܢ ܕܛܘܼܒܹ̈ܐ ܡܠܝܼܟܹ̈ܐ ܕܝܼܠܹܗ ܐܸܢܘܿܢ. 363 :ܒܡܲܬܼܠܵܐ ܨܵܪܹܗ ܠܟܼܠܹܗ ܟܝܵܢܲܢ ܒܲܕܼܡܘܼܬܼ ܨܲܠܡܵܐ 364 ܘܐܲܥܸܠ ܣܵܡܹܗ ܒܓܼܵܘ ܦܵܠܵܛܝܼܢ ܕܬܼܘܼܩܵܢ [ܥܵܘܠܵܐ] ܪܵܘܡܵܐ. 365 :ܒܛܲܟܼܣܵܐ ܕܪܸ̈ܓܼܫܹܐ ܪܲܟܒܹܗ ܠܥܵܠܡܵܐ ܒܲܬܼܪܹܝܢ ܝܲܠܕܵܘ̈ܗܝ 366 ܘܲܟܼܢ̣ܫܘ ܨܐܕܼܵܘܗܝ ܛܵܒܹ̈ܐ ܘܒܝܼ̈ܫܐ ܠܲܚܠܲܘܠ ܚܘܼܒܹܗ. 367 :ܒܲܒܼܪܵܐ ܙܥܘܪܵܐ ܪܩ̣ܐ ܚ̈ܛܝܐ ܠܬܼܝܵܒܼܘܼܬܼܵܐ 368 ܘܲܒܼܩܲܫܝܼܫܵܐ ܠܲܒܸܿܒܼ ܟܹܐܢܹ̈ܐ ܒܦܘܼܪܥܵܢ ܐܲܓܼܪܵܐ. 369 :ܒܢܝ̈ܐ ܘܝܪ̈ܬܹܐ ܩܪ̣ܵܝܗܝ ܠܟܝܢܢ ܡܵܪܹ̈ܐ ܟܝܵܢܹ̈ܐ 370 ܘܗܘ̤ ܠܲܢ ܐܲܒܼܵܐ ܬܲܗܪܵܐ ܪܲܒܵܐ ܕܠܵܐ ܡܲܬܼܡܲܠܠ. 371 :ܐܘ ܟܡܵܐ ܪܲܒܵܐ ܡ̣ܢ ܬܲܫܥܝܼܬܼܵܐ ܕܒܼܠܸܫܵܢܵܐ 372 ܕܡܲܬܼܩܲܢ ܟܠܵܐ ܟܲܢܝܼ ܝܵܬܹܝܗ ܐܲܒܸܵܐ ܠܐܢܵܫܵܐ. 373 :ܐܘ ܠܲܟܼܝܵܢܵܐ ܕܒܼܢܲܒ̈ ܥܲܦܪܵܐ ܟܡܵܐ ܐܸܬܼܪܲܡܪܲܡ 374 ܕܫܘ̣ܵܐ ܕܢܸܗܘܹܐ ܝܵܪܬܵܐ ܘܲܒܼܪܵܐ ܠܲܡܬܼܩܢܵܢܹܗ. 375 :ܐܘ ܟܡܵܐ ܘܐܲܝܟܲܢ ܢܹܐ ܡܲܪ ܕܲܗܘ̤ܵܬܼ ܗܵܕܐ ܕܲܗܘ̤ܵܬܼ 376 ܕܗܘ̤ ܠܲܢ ܐܲܒܼܵܐ ܘܲܚܢܲܢ ܝܵܪ̈ܬܹܐ ܕܐܲܠܵܗܘܼܬܹܗ. 377 :ܚܘܼܒܼܵܐ ܪܲܒܿܐ ܕܠܵܐ ܡܸܬܼ ܡܲܠܲܠ ܣܲܥ݂ܲܪ ܨܹܝܕܼ ܓܸܢܣܲܢ 378 ܘܲܙܘܿܥ ܦܘܼܡܵܐ ܕܟܼܠ ܕܲܥܒܼܝܼܕܼܵܐ ܗ̄ܘ̣ ܕܢܹܐܡܲܪ ܕܲܟܼܡܵܐ ܗ̄ܘ̣. 379 :ܐܲܝܟܲܢ ܣܵܦܸ̇ܩ ܦܲܘܼܡܵܐ ܕܘܼܡܵܐ ܕܢܸܬܢܹܐ ܪܲܒܿܘܼܬܼ ܚܘܼܒܹܗ 380 ܕܥܲܒܼܕܲܢ ܥܲܡܹܗ ܡܸܣܬܲܓܼܕܢܹ̈ܐ ܡ̣ܢ ܟܠ ܒܸܪ̈ܝܵܢ. 381 :ܐܲܝܟܲܢ ܡܲܨܝܵܐ ܕܲܢܦܲܢܹܐ ܠܹܗ ܚܵܘܒܼܬܼܚܘܒܵܐ 382 ܕܐܵܦ ܪ̈ܘܼܚܵܢܹܐ ܚܕܲܝܼ ܐܸܢܘܿܢ ܒܲܬܼܝܵܒܼܘܼܬܲܢ. 383 :ܗܵܟܲܢܵܐ ܠܲܡ ܢܚܕܘܢ ܟܸܢܫܹ̈ܐ ܕܫܡܝ̈ܢܐ 384 ܥܲܠ ܚܲܛܵܝܵܐ ܕܦܵܢܹ̇ܐ ܘܲܡܦܝܼܣ ܥܲܠ ܣܲܟܼܠܘܼܬܹܗ. 385 :ܘܐܸܢ ܡܲܠܲܐܟܹ̈ܐ ܚܵܕܹܝܢ ܥܲܡܲܢ ܒܲܬܼܝܵܒܼܘܼܬܲܢ 386 ܡܵܕܹܝܢ ܩܲܫܝܵܐ ܗ̄ܝ̣ ܬܒܲܥܬܹܗ ܕܐܲܝܢܵܐ ܕܥܵܕܼ̇ܠ ܪ̈ܲܚܡܹܐ. 387 ܐܸܢ ܪ̈ܘܼܚܵܢܹܐ ܨܗܹܝܢ ܠܲܚܙܵܬܲܢ ܡܵܐܕܡܸܙܕܲܩܝܢ 388 ܡܵܕܹܝܢ ܢܸܓܼܕܹ̈ܐ ܥܦܝܼܦܹ̈ܐ ܚܲܝܵܒܼ ܕܣܵܩ̈ܪ ܠܲܐܚܘܼܗܝ. 389 :ܐܵܪܵܐ ܟܸܢ̈ܫܹܐ ܕܲܫܡܲܝܵܢܹ̈ܐ ܦܨܝܼܚܝܼܢ ܕܲܚܲܝܲܝܢ 390 ܘܠܵܟ ܟܪܝܵܐ ܠܵܟ ܕܚܵܢܹ̇ܝܢ ܪ̈ܲܚܡܹܐ ܠܐܢܵܫܵܐ ܡܲܓ̇ܢ. 391 :ܐܵܪܵܐ ܟܝܵܢܹ̈ܐ ܠܵܐ ܚܵܫܘܿܫܹ̈ܐ ܚܲܫ̣ܘ ܒܲ[...]ܕܵܢܲܢ 392 ܘܠܵܟ ܗܲܢܝܼ ܠܵܟ ܕܲܢܦܘܼܫ ܒܲܫܝܘܿܠ ܕܠܵܐ ܢ[...]ܚܵܡܵܐ. 393 :ܐܪܵܐ ܗܢ̣ܘܿܢ ܪܓܸܝܓܝܸܢ ܐܸܡܲܬܼܝܼ ܢܲܡܠܸܟ ܐܲܟܚܲܕ 394 ܘܐܲܢ̄ܬܿ ܩܵܨ̇ܦ ܐܲܢ̄ܬܿ ܒܐܲܝܢܵܐ ܕܪܵܗܸ̇ܛ ܐܲܝܟ ܪܸܓܼܬܼܗܘܿܢ. 395 :ܐܪܵܐ ܐܵܦ ܐ̄ܢܵܐ ܕܡܟܵܐ ܕܛܒܿܝܼܠ ܒܫܸܢܲܬܼ ܥܵܘ̣ܵܠܵܐ 396 ܠܩܵܠ ܫܘܼܒܼܩܵܢܵܐ ܢܸܕܬܼ̈ ܩܵܡܹ̇ܬܼ ܕܐܲܒܼܥ ܡܸ̈ܠܹܐ. 397 :ܫܲܪܒܹܿܗ ܕܛܲܥܝܵܐ ܚܲܦܛܵܢܝ ܕܐܸܒܼܥܹܐ ܚܹܝܠ ܦܸܠܵܐܬܼ̈ܐ 398 ܘܲܒܼܦܘܼܢܵܝܹܗ ܦܵܢ̣ܘ ܚܘܼܫܵܒܲܝ̈ ܨܝܕ ܝܘܼܠܦܵܢܵܐ. 399 :ܫܲܪܒܹܿܗ ܢܲܓܼܕܢܝ ܕܐܸܩܪܹܐ ܒܣܸܦܪܐ ܕܲܟܼܬܼܝܼܒܼ̈ܬܹܗ 400 ܘܐܹܠܲܦ ܚܲܝܠܵܐ ܕܲܟܼܣܹܐ ܒܡܸ̈ܠܹܐ ܕܬܲܪܓܸܿܡ ܪܘܼܚܵܐ. pb. f.129r 401 :ܥܲܡܹܗ ܢܦܩܹܬܼ ܟܲܕܼ ܢܵܦܸܩ̇ ܗ̄ܘ̣ܵܐ ܡ̣ܢ ܒܹܝܬܼ ܐܲܒܼܘܼܗܝ 402 ܘܲܦܢܹܝ̇ܬܼ ܥܲܡܹܗ ܕܐܸܚܙܹܐ ܦܝܵܣܹܗ ܕܨܹܝܼܕ ܝ̇ܠܘܿܕܹܗ. 403 :ܚܙܹ̇ܝܬܹܗ ܕܦܲܪܲܚ ܢܸܟܼܣܹ̈ܐ ܪܲܒܵܐ ܒܹܝܬܼ ܙܢܝ̈ܬܐ 404 ܘܬܼܘܼܒܼ ܚܵܪܹܬܼ ܒܹܗ ܕܲܦܢ̣ܵܐ ܕܢܹܐܙܲܠ ܠܘܵܬܼ ܫܘܼܒܼܩܵܢܵܐ. 405 :ܫܡܥܬܗ ܕܪܲܟܸܿܒܼ ܩ̈ܠܹܐ ܚܢ̈ܝܼܓܹܐ ܥܲܠ ܣܲܟܼܠܘܼܬܹܗ 406 ܘܚܸܫܹ̇ܬܼ ܣܲܓܿܝܼ ܒܥܵܘ̣ܠܵܐ ܕܲܩܢܘܿܡܝ ܕܕܼܵܡܹ̇ܐ ܠܕܼܝܼܠܹܗ. 407 :ܫܸܡ̇ܥܹܬܼ ܕܐܸܡ݂ܲܪ ܕܠܵܐ ܫܵܘܹ̇ܐ ܐ̄ܢܵܐ ܠܫܸܡ ܝܵܪ̈ܘܿܬܹܐ 408 ܘܐܲܚܕܢܝ ܓܘܼܢܚܵܐ ܕܲܪܕܝ̇ܬܼ ܒܐܘܼܪܚܵܐ ܕܒܼܘܼܕܲܪ ܢܸܟܼܣܵܘ̈ܗܝ. 409 :ܣܲܓܿܝܼ ܕܵܡܹ̇ܐ ܫܒܼܝܼܠ ܣܘܼܥܪ̈ܢܝ ܠܗܘ̇ ܕܪܕܐ ܒܹܗ 410 ܘܩܸܢܝܵܢ ܚܲܝ̈ܐ ܒܲܕܪܹܬܼ ܐܵܦ ܐ̄ܢܵܐ ܒܕܼܘܼܡܝܵܐ ܕܝܼܠܹܗ. 411 :ܥܲܡ ܗܵܘ̇ ܣܵܢܠܵܐ ܕܐܵܙܲܓܼܪ ܥܲܡܹܗ ܦܸܠܚܹ̇ܬܼ ܐܵܦ ܐ̄ܢܵܐ 412 ܘܲܒܼܚܲܪ̈ܘܒܹܐ ܕܪ̈ܓܝܠܢܬ ܚܝܹ̇ܬܼ ܐܲܟܼܘܵܬܹܗ. 413 :ܠܵܐ ܝܼܕܲܥܬܼܵܐ ܥܒܕܬܢܝ ܐܵܦ ܠܝܼ ܓܠܝܼܙ ܡ̣ܢ ܪ̈ܚܡܹܐ 414 ܐܲܝܟ ܡܵܐ ܕܐܵܦ ܗܘ̤ ܐܵܘܒܸܿܕܼ ܕܝܼܠܹܗ ܒܠܵܐ ܒܘܼܝܵܢܵܐ. 415 :ܪ̈ܲܚܡܹܐ ܕܚܵܢܘܼܗܝ ܡܲܦܩ̣ܘ ܠܐܘܼܪܥܹܗ ܒܝܘܿܡ ܦܘܼܢܵܝܹܗ 416 ܢܦܝܣܘܢ ܚܠܵܦܲܝ ܩܕܼܵܡ ܕܝ̇ܢܐ ܕܒܚ̇ܪ ܟܠܐ. 417 :ܩܵܠܵܐ ܕܐܸܡ݂ܲܪ ܕܒܹܪܝ ܡܝܼܬܼܵܐ ܗ̄ܘ̣ܵܐ ܘܲܦܢ̣ܵܐ ܠܚܲܝܹ̈ܐ 418 ܢܫܘܹܝܢܝ ܕܐܸܫܡܲܥ ܕܬܼܵܐ ܚܲܛܵܝܵܐ ܣܒܼ ܫܘܼܒܼܩܵܢܵܐ. 419 :ܐܝܼܕܼܵܐ ܕܦܸܪܣܲܬ̤ ܥܲܠ ܓܲܠܝܘܼܬܹܗ ܐܸܣܛܲܠ ܫܘܼܒܼܚܵܐ 420 ܬܟܣܹܐ ܐܲܦܲܝ̈ ܕܠܵܐ ܢܸܬܼܦܲܪܣܘܢ ܠܥܹܝܢ ܚܲܙ̈ܝܹܐ. 421 :ܪܸܡܙܵܐ ܕܣܵܡ̣ ܠܹܗ ܪܲܗܒܼܘܼܢ ܚܲܝܹ̈ܐ ܐܲܝܟ ܥܹܙܲܩܵܬܐ 422 ܚܵܝܸܠ ܙܵܘܥܲܝ̈ ܠܲܡܣܲܟܵܝܘܼ ܠܡܘܼܠܟܵܢ ܚܲܝܹ̈ܐ. 423 :ܦܘܼܡܵܐ ܕܫܲܝܸܢ ܪܘܼܓܼܙܵܐ ܕܐܲܚܘܼܗܝ ܕܲܥ̣ܕܲܠ ܪ̈ܲܚܡܹܐ 424 ܢܸܟܼܐܹܐ ܒܥܵܘ̣ܠܵܐ ܛܪܘܼܢܵܐ ܕܡܲܩܪܸܒܼ ܥܲܡ ܚܘܼܫܵܒܲܝ̈. 425 :ܥܝܼܪܹ̈ܐ ܕܲܚܕܼܝܼܘ ܒܝܘܿܡ ܦܘܼܢܵܝܹܗ ܘܫܲܒܲܚܘܿܠܲܐܒܼܘܼܗܝ 426 ܢܸܗܘܘܿܢ ܣܢܸܐܓܼܪܹ̈ܐ ܚܠܵܦ ܚܲܝܵܒܼܘܼܬܼܝ ܨܝܕ ܟܹܐܢܘܼܬܼܵܐ. 427 :ܨܒܼܥܵܐ ܕܨܵܪܲܬ̤ ܨܠܸܡ ܐܲܒܼܪܵܢܹܗ ܘܦܘܼܢܵܝ ܚܝܵܘ̈ܗܝ 428 ܬܨܘܪ ܥܲܠ ܡܲܕܥܝ ܨܠܸܡ ܟܘܼ[...]ܢܵܐ ܕܡܲܩܢܹܐ ܚܲܝܹ̈ܐ. 429 :ܐܹܝܢ ܡܵܪܝ ܐܸܗܘܹܐ ܚܲܒܼܪܵܐ ܒܐܵܪܐ ܕܡܝܼܬܼܵܐ ܕܲܚܝ̣ܵܐ 430 ܘܬܸܫܠܲܡ ܨܐܕܲܝ ܗܵܝ̇ ܕܐܸܬܼܡܲܠܠܲܬ̤ ܒܫܘܼܠܵܡ ܫܲܪܒܹܿܗ. 431 :ܐܹܝܢ ܡܵܪܝ ܐܲܫܘܵܢܝ ܥܲܡܹܗ ܒܛܲܝܒܿܘܼ ܠܘܼܥܲܕܵܐ ܕܚܘܼܒܵܟ 432 ܘܲܢܩܲܒܿܠܘܼܢܵܢܝ ܪ̈ܚܡܹܐ ܒܕܼܝܵܢܐ ܐܲܝܟ ܕܐܸܬܼܩܲܒܲܠ.