On Holy Week - ܕܚܲܡܫܵܒܿܫܲܒܵܐ ܕܦܸܨܚܵܐ

1 :ܓܲܢ̄ܒܵܪܵܐ ܢܦ݂ܲܩ ܠܲܩܪܵܒܼܵܐ 2 ܕܢܲܦܢܹܐ ܫܒܼܝܼܬܹܗ ܡ̣ܢ ܒܝܼܫܵܐ. 3 :ܘܲܠܒܸ݂ܫ ܙܲܝܢܵܐ ܒܸܣܪܵܢܵܐ 4 ܕܢܸܬܼܟܲܬܲܫ ܥܲܡ ܪܘܼܚܵܢܵܐ ܀ 5 :ܐܲܬܼܠܹܝܛܵܐ ܙܲܝܸܢ ܢܲܦܫܹܗ 6 ܠܬܲܟܼܬܿܘܼܫܵܐ ܕܥܲܡ ܚܲܣܝܼܢܵܐ. 7 :ܘܣܵܡ̣ ܫܘܼܠܛܵܢܹܗ ܥܲܠ ܟܲܬܼܦܹܗ 8 ܕܲܢܚܵܘܸܐ ܚܹܝܠ ܪܲܒܿܘܼܬܹܗ ܀ 9 :ܒܪܹܫܵܗ̇ ܕܓܼܵܓܼܘܼܠܬܵܐ ܦܲܬܼܚܹܗ 10 ܠܒܹܝܬܼ ܐܵܓܼܘܿܢܵܐ ܬܲܟܼܬܿܘܼܫܹܗ. 11 :ܕܡܲܠܲܐܟܹ̈ܐ ܘܐ̄ܢܵܫܵܐ ܢܸܗܘܘܿܢ 12 ܚܲܙܵܝܹ̈ܐ ܠܐܲܬܼܠܹܝܛܘܼܬܹܗ ܀ 13 :ܒܥܸܠܕܿܒܼܵܒܼܵܐ ܚܙ̣ܵܐ ܘܐܸܬܼܡܲܪܡܲܪ 14 ܕܐܲܬܼܠܹܝܛܵܐ ܢܚܸ݂ܬܼ ܠܐܵܓܼܘܿܢܵܐ. 15 :ܘܲܒܼܙܲܝܢܵܐ ܕܡܹܐܟܲܠܩܲܪܨܵܐ 16 ܥܲܬܸܿܕܼ ܢܲܦܫܹܗ ܠܘܵܬܼ ܩܸܛܠܵܐ ܀ 17 :ܒܐܸܣܟܹܿܝܡ ܙܲܝܢܵܐ ܐܸܬܼܚܲܙܲܩ 18 ܡ̇ܪܘܿܕܼܵܐ ܒܚܲܕܼ ܨܸܢ̈ܥܵܬܼܵܐ. 19 :ܕܠܝܼ ܚܝܵܒܼܝܼܢ ܡ̇ܝ̈ܘܿܬܹܐ 20 ܥܲܒܼܕܘܼܬܼܵܐ ܐܲܝܟ ܕܲܠܡܵܪܵܐ ܀ 21 :ܒܢܝܼܫܵܐ ܕܢܸܟܼܠܹܗ ܚܵܐܲ݁ܪ ܗ̄ܘ̣ܵܐ 22 ܐܲܬܼܠܹܝܛܵܐ ܕܙܲܕܿܝܼܩܘܼܬܼܵܐ. 23 :ܟܲܕܼ ܐܵܡܲ݁ܪ ܗ̄ܘ̣ܵܐ ܕܗܵܐ ܐܵܬܹ̇ܐ 24 ܐܲܪܟܿܘܿܢܵܐ ܕܢܹܐܡܲܪ ܕܝܼܢܵܐ ܀ 25 :ܗܵܫܵܐ ܗ̄ܘ̣ ܠܲܡ ܕܝܼܢܵܐ ܪܲܒܵܐ 26 ܕܕܼܵܐܹ̇ܢ ܥܲܡܝܼ ܐܵܟܹ̇ܿܠܩܲܪܨܵܐ. 27 :ܘܐܲܝܟ ܟܠܢܵܫ ܬܵܒܲܥ̇ ܒܐܝܼ̈ܕܲܝ 28 ܥܝܵܪܬܵܐ ܕܡ̇ܘܬܵܐ ܘܕܲܚܛܝܼܬܼܵܐ ܀ 29 ܐܲܪܟܿܘܿܢܵܐ ܕܥܵܠܡܵܐ ܐܲܙܥܸܩ: pb. 314 30 ܒܲܒܼ̈ܢܵܬܼ ܩܵܠܹ̈̄ܐ ܕܠܘܼܚܵܡܵܐ. 31 :ܟܲܕܼ ܣܵܒܲ݁ܪ ܗ̄ܘ̣ܵܐ ܕܡܲܪܗܸܒܼ ܠܹܗ 32 ܠܒܲܪ ܐܵܕܼܵܡ ܒܲܕܼܡܘܼܬܼ ܐܵܕܼܵܡ ܀ 33 :ܠܵܐ ܝܵ̇ܕܼܥܲܬܿ ܕܠܝܼ ܗ̄ܘ̣ ܡܲܫܠܲܡ 34 ܥܵܠܡܵܐ ܟܠܹܗ ܘܫܘܼܠܛܵܢܹܗ. 35 :ܠܵܐ ܡܦܵܣܲܬܿ ܒܵܗ̇ ܒܓܲܢ̄ܒܵܪܘܼܬܼܝ 36 ܕܫܲܥܒܸܿܕܬܹܗ ܠܟܼܠܹܗ ܓܸܢܣܵܟ ܀ 37 :ܘܠܝܼ ܦܵܠ̇ܚܝܼܬܿܘܿܢ ܥܲܒܼܕܿܘܼܬܼܵܐ 38 ܡ̣ܢ ܫܘܼܪܵܝܵܐ ܠܫܘܼܠܵܡܵܐ. 39 :ܠܵܐ ܫܡܝܼܥ ܠܵܟ ܥܲܠ ܬܲܟܼܬܿܘܼܫܵܐ 40 ܕܥܸܒܼ̇ܕܹܿܬܼ ܒܲܥܕܹܢ ܥܲܡ ܐܵܕܸܿܡ ܀ 41 :ܐܲܝܟܲܢ ܚܸܣܢܹ̇ܬܼ ܘܲܙܟܹܝ̇ܬܹܗ 42 ܠܨܲܠܡܵܐ ܚܲܝܵܐ ܕܒܼܵܪܘܿܝܵܐ. 43 :ܒܩܵܠܹ̈ܐ ܕܲܡܠܹܝܢ ܣܲܡ ܡ̇ܘܬܵܐ 44 ܡܕܲܚܸܠ ܗ̄ܘ̣ܵܐ ܠܹܗ ܠܐܲܬܼܠܹܝܛܵܐ ܀ 45 :ܘܠܵܐ ܝܵ̇ܕܲܥ ܗ̄ܘ̣ܵܐ ܕܡܲܗܸܠ ܒܹܗ 46 ܟܲܕܼ ܓܵܚܹ̇ܟ ܥܲܠ ܨܸܢ̈ܥܵܬܹܗ. 47 :ܒܥܸܠܲܬܼ ܡ̇ܘܬܵܐ ܣܵܒܲܪ ܗ̄ܘ̣ܵܐ 48 ܕܙܵܟܹ̇ܐ ܠܹܗ ܐܲܝܟ ܕܲܠܟܼܠܢܵܫ ܀ 49 :ܘܠܵܐ ܝܵ̇ܕܲܥ ܗ̄ܘ̣ܵܐ ܕܲܒܼܡܵܘܬܹܿܗ 50 ܡܲܥܕܹܿܐ ܫܒܼܝܼܬܼܵܐ ܡ̣ܢ ܐܝܼܕܼܵܘ̈ܗܝ. 51 :ܓ̣ܡܲܪ ܨܸܻܒܼܝܵܢܹܗ ܡܲܪܵܚܵܐ 52 ܘܐܲܢܝܼܚ ܢܲܦܫܹܗ ܒܝܲܕܼ ܡ̇ܘܬܵܐ ܀ 53 :ܘܲܗ̣ܦܲܟ ܡܝܼܬܼܵܐ ܕܥܲܠ ܩܲܝܣܵܐ 54 ܘܣܲܚܦܹܗ ܘܒܲܛܸܠ ܫܘܼܠܛܵܢܹܗ. 55 :ܡ̣ܝܼܬܼ ܡ̇ܝܘܿܬܼܵܐ ܒܲܟܼܝܵܢܹܗ 56 ܘܢܲܚܡܹܗ ܚܲܝܠܵܐ ܕܥܵܡܲ݁ܪ ܒܹܗ ܀ 57 :ܘܲܒܼܙܵܟܼܘܼܬܼܵܐ ܕܢܘܼܚܵܡܹܗ 58 ܐܲܦܢܝܼ ܫܒܼܝܼܬܼܵܐ ܡ̣ܢ ܒܝܼܫܵܐ. 59 :ܫܠ݂ܲܚ ܘܲܫܕܼ݂ܵܗ̇ ܠܡܵܝܘܿܬܼܘܼܬܼܵܐ 60 ܘܐܸܬܼܥܲܠܝܼ ܠܥܸܠ ܡ̣ܢ ܚܲܫܹ̈ܐ ܀ 61 :ܘܬܲܠܚܹܗ ܠܐܸܫܛܵܪ ܚܲܝܵܒܹ̈ܐ 62 ܘܒܲܕܼܡܹܗ ܫܲܝܸܢ ܠܪ̈ܲܓܝܼܙܹܐ. 63 :ܘܐܸܣܲܪ݂ ܐܸܢܘܿܢ ܠܲܡܠܝܼܠܹ̈ܐ 64 ܒܚܘܼܒܵܐ ܕܲܠܘܵܬܼ ܒܵܪܘܿܝܵܐ ܀ 65 :ܗܘ̤ܵܐ ܡ̇ܘܬܹܿܗ ܥܸܠܲܬܼ ܚܲܝܹ̈ܐ 66 ܠܡܵܝ̈ܘܿܬܹܐ ܘܠܵܐ ܡ̇ܝܘܿܬܹ̈ܐ. 67 :ܘܲܩܢ̣ܵܘ ܣܲܒܼܪܵܐ ܘܚܘܼܕܵܬܼܵܐ 68 ܡܠܝܼܠܹ̈ܐ ܘܚܲܪ̈ܫܹܐ ܫܲܘܝܵܐܝܼܬܼ ܀ 69 :ܕܥܸܟ ܘܐܸܬܿܛܲܠܲܩ ܫܘܼܠܛܵܢܹܗ 70 ܕܡ̇ܪܘܿܕܼܵܐ ܕܫܲܥܒܸܿܕ ܐ̄ܢܵܫܵܐ. 71 :ܘܫܲܪܝܼ ܡܲܝܠܸܠ ܟܲܕܼ ܩܵܥܹ̇ܐ 72 ܕܡ̇ܐ ܠܲܢ ܘܠܵܟ ܒܲܪ ܕܵܘܝܼܕܼ ܀ 73 :ܙܲܩ̣ܬܿܘܼܗܝ ܒܩܵܠܹ̈ܐ ܡ̣ܢ ܟܠܕܿܘܼܟ 74 ܕܟܼܵܪ̈ܘܿܙܹܐ ܕܡܸܠܲܝ̈ ܪܘܼܚܵܐ. 75 :ܟܲܕܼ ܪܵܕܹܦܝܼܢ ܠܹܗ ܠܲܢܟܼܝܼܠܵܐ 76 ܕܠܵܐ ܢܸܕܼܠܘܿܚ ܫܲܝܢܵܐ ܕܐ̄ܢܵܫܵܐ ܀ 77 :ܓܠ̣ܵܘ ܠܹܗ ܒܵܕܼܩܲܝ̈ ܟܲܣ̈ܝܵܬܼܵܐ 78 ܠܡܵܪܘܿܕܼܵܐ ܥܲܠ ܫܘܼܢܵܩܹܗ. 79 :ܘܐܲܦܸܠܘ ܒܐܸܕܼܢܵܘ̈ܗܝ ܣܲܒܲܪ̈ܵܬܼܵܐ 80 ܕܠܵܐ ܕܵܥܟܵܐ ܫܲܠܹܗܒܼܝܼܬܹܗ ܀ 81 :ܘܕܲܚ̣ܙܵܐ ܕܲܒܼܛܸܠ ܫܘܼܠܛܵܢܹܗ 82 ܘܲܡܛܲܝܲܒܼ ܠܹܗ ܫܘܼܢܵܩܵܐ. 83 :ܐܸܬܼܡܲܪܡܲܪ ܘܲܦܩ݂ܲܪ ܘܲܫܢ̣ܵܐ 84 ܘܲܗܘ̤ܵܐ ܟܠܹܗ ܕܲܠܩܘܼܒܼܠܵܐ ܀ pb. 315 85 :ܚܙ̣ܵܐ ܕܐܸܬܼܦܲܪܣܝܼ ܨܸܢ̈ܥܵܬܹܗ 86 ܒܢܘܼܗܪܵܐ ܕܕܸܢܚܹܗ ܕܲܡܫܝܼܚܵܐ. 87 :ܘܫܲܪܝܼ ܕܢܓܼܡܸܕܼ ܓܲܠܝܵܐܝܼܬܼ 88 ܘܢܸܚܛܘܿܦ ܠܹܗ ܫܡܵܐ ܝܲܩܝܼܪܵܐ ܀ 89 :ܒܲܡܫܝܼܚܵܐ ܡܲܠܲܐܟ ܢܘܼܗܪܵܐ 90 ܡܟܲܢܹܐ ܢܲܦܫܹܗ ܡܲܪܵܚܵܐ. 91 :ܘܩܵܪܹ̇ܐ ܠܓܼܵܡ̇ܪ̈ܲܝ ܨܸܒܼܝܵܢܹܗ 92 ܡܲܠܲܐܟܹ̈ܐ ܕܙܲܕܿܝܼܩܘܼܬܼܵܐ ܀ 93 :ܫܡ݂ܲܥ ܕܲܥܬܼܝܼܕܼܵܐ ܡܹܐܬܼܝܼܬܹܗ 94 ܕܲܡܫܝܼܚܵܐ ܒܫܘܼܠܵܡ ܙܲܒܼܢܹ̈ܐ. 95 :ܘܲܫܪܝܼ ܕܢܲܛܥܹܐ ܙܹܐܦܵܢܵܐ 96 ܒܫܸܡ ܓܸܠܝܵܢܹܗ ܕܲܡܫܝܼܚܵܐ ܀ 97 :ܡ̣ܢ ܙܲܒܼܢܵܐ ܪܡܸܐ ܠܹܗ ܗܸܪܓܵܐ 98 ܘܬܼܵܥܹ̇ܫ ܒܵܗ̇ ܒܡܲܪܝܼܪܘܼܬܹܗ. 99 :ܘܝܵܩ̇ܕܵܐ ܪܸܓܿܬܹܗ ܠܲܝܟ ܢܘܼܪܵܐ 100 ܕܢܲܝܬܸܿܐ ܠܓܸܠܝܵܐ ܨܸܒܼܝܵܢܹܗ ܀ 101 :ܪܸܡܙܵܐ ܕܚܲܝܠܹܗ ܕܒܼܵܪܘܿܝܵܐ 102 ܬܵܟܹ̇ܣ ܠܵܗ̇ ܠܡܲܪܝܼܪܘܼܬܹܗ. 103 :ܥܕܲܡ̇ܐ ܕܫܵܒܹ̇ܠ ܫܘܼܠܵܡܵܐ 104 ܙܲܒܼܢܵܐ ܕܲܦܣܝܼܩ ܒܚܲܪܥܬܹܗ ܀ 105 :ܝܵ̇ܕܲܥ ܕܲܟܼܡܵܐ ܡܸܬܼܒܲܥܝܵܐ 106 ܕܲܢܩܵܘܹܐ ܡܸܬܼܚܵܐ ܕܙܲܒܼܢܹ̈ܐ. 107 :ܘܫܵܩܹ̇ܠ ܠܹܗ ܠܪܸܡܙܵܐ ܕܐܲܚܝܼܕܼ 108 ܘܗܵܝܕܿܝܹܢ ܕܵܢܲܚ̇ ܥܵܘ̇ܠܵܐ ܀ 109 :ܒܫܘܼܠܵܡ ܙܲܒܼܢܹ̈ܐ ܡܲܪܫܸܠ ܠܹܗ 110 ܕܲܢܚܵܘܸܐ ܡܲܪܝܼܪܘܼܬܹܗ. 111 :ܘܣܵܥܹ̇ܐ ܘܣܵܠܹ̇ܩ ܡܲܪܵܚܵܐ 112 ܠܪܵܘܡ̇ܐ ܕܲܫܡܹܗ ܕܲܡܫܝܼܚܵܐ ܀ 113 :ܒܟܼܠ ܡܸܕܸܿܡ ܒܹܗ ܡܸܬܿܕܲܡܸܐ 114 ܒܐܸܣܟܹܿܟܵܐ ܘܠܵܘ ܒܲܫܪܵܪܵܐ. 115 :ܟܲܕܼ ܣܵܥܲ݁ܪ ܚܲܝܠܹ̈ܐ ܒܕܼܘܼܡܝܹܗ 116 ܒܦܲܢܛܵܣܝܼܵܐ ܕܠܵܐ ܓܘܼܫܡܵܐ ܀ 117 :ܠܵܐ ܥܵܒܹ̇ܕܼ ܠܵܗ̇ ܠܡܹܐܬܼܝܼܬܹܗ 118 ܡ̇ܪܘܿܕܼܵܐ ܪܘܼܚܵܢܵܐܝܼܬܼ. 119 :ܒܝܼܕ ܒܲܪܢܵܫܵܐ ܓܵܡܲ݁ܪ ܠܵܗ̇ 120 ܠܛܘܼܥܝܲܝ ܕܝܼܠܹܗ ܒܐܲܒܿܝܼܕܹ̈ܐ ܀ 121 :ܒܛܲܟܼܣܵܐ ܕܕܹܢܚܹܗ ܕܲܡܫܝܼܚܵܐ 122 ܡܸܬܿܬܿܕܲܡܹܐ ܐܵܟܹ̇ܿܠ ܩܲܪܨܵܐ. 123 :ܟܕܼ ܓܵܒܼ̇ܐ ܠܹܗ ܒܲܪܢܵܫܵܐ 124 ܘܓܼܵܡܲ݁ܪ ܒܹܗ ܡܘܼܠܵܝ ܪܘܼܫܥܹܗ ܀ 125 :ܒܲܕܼܡܘܼܬܼ ܡܸܠܬܼܵܐ ܕܡ̣ܢ ܐܲܒܼܵܐ 126 ܡܕܲܡܸܐ ܢܲܦܫܹܗ ܡܵܪܘܿܕܼܵܐ. 127 :ܕܐܸܬܿܬܲܚܬܿܝ ܒܝܲܕܼ ܨܸܒܼܝܵܢܹܗ 128 ܠܲܥܡܘܼܪܝܵܐ ܕܲܒܼܐ̄ܢܵܫܘܼܬܿܢ ܀ 129 :ܒܗܵܝ̇ ܪܲܒܿܘܼܬܼܵܐ ܡܸܬܿܕܲܡܸܐ 130 :ܕܓܸܡܪܲܬ̤ ܚܲܝܹ̈ܐ ܕܦܘܼܪܩܵܢܲܢ 131 :ܘܠܵܒܹ̇ܫ ܐܵܦ ܗܘ̤ ܒܲܪܢܵܫܵܐ 132 ܘܨܵܐܹܕ ܒܹܗ ܐ̄ܢܵܫܵܐ ܠܡܵܘܬܵܐ ܀ 133 :ܚܲܕܼ ܒܲܪܢܵܫܵܐ ܓܵܒܹ̇ܐ ܠܹܗ 134 ܡܸܢܹܗ ܕܓܸܢܣܵܐ ܕܡ̇ܝܘܿܬܹ̈ܗ. 135 :ܘܡܲܠܒܸܿܫ ܠܹܗ ܪܘܼܚܵܐ ܕܫܘܼܩܪܵܐ 136 ܘܣܵܥܲ݁ܪ ܒܹܗ ܚܲܝܠܹ̈ܐ ܕܛܘܼܥܝܲܝ ܀ 137 :ܡܲܫܩܸܐ ܠܹܗ ܟܵܣܵܐ ܕܡܸܪܬܹܗ 138 ܘܡܲܪܘܸܐ ܠܹܗ ܒܬܸܛܪܵܐ ܕܪܘܼܓܼܙܹܗ. 139 :ܘܕܼܵܠܲܚ̇ ܒܵܗ̇ ܒܡܲܪܝܼܪܘܼܬܹܗ 140 ܠܲܫ̈ܦܲܝܵܐ ܕܢܸܬܿܕܲܡܿܘܿܢ ܒܹܗ ܀ 141 :ܟܠܹܗ ܨܸܒܼܝܵܢܹܗ ܓܵܡܲ̈ܪ 142 ܡܲܪܵܚܵܐ ܒܗܵܘ̇ ܒܲܪܢܵܫܵܐ. 143 :ܟܲܕܼ ܓܵܢܹ̇ܒܼ ܒܹܗ ܐܝܼܩܵܪܵܐ 144 ܓܵܢܹ̇ܒܼ ܒܹܗ ܐܝܼܩܵܪܵܐ: pb. 316 145 ܕܪܲܒܿܘܼܬܼ ܫܘܼܒܼܚܹܗ ܕܲܡܫܝܼܚܵܐ ܀ 146 :ܡܫܲܕܲܪ ܩܕܼܵܡ̇ܘܗܝ ܐܝܼ̈ܙܓܲܕܹܿܐ 147 ܐܲܠܦܹ̈ܐ ܕܕܲܝܘܹ̈ܐ ܠܟܼܠ ܦܸܢ̈ܝܵܢ. 148 :ܟܲܕܼ ܫܵܓܼ̇ܫܝܼܢ ܠܵܗ̇ ܠܲܒܼܪܝܼܬܼܵܐ 149 ܒܛܸܒܹ̈ܐ ܕܚܝܼܠܹ̈ܐ ܕܡܹܐܬܼܝܼܬܹܗ ܀ 150 :ܫܸܡܠܹ̈ܐ ܕܲܡܠܹܝܢ ܣܘܼܪ̈ܕܹܐ 151 ܙܵܪܥܝܼܢ ܒܐܸܕܢܹ̈ܐ ܕܟܼܠ ܥܲܡܡܝܼ̈ܢ. 152 :ܟܲܕܼ ܫܵܒܲܩܝܼܢ ܦܘܼܠܚܵܢܲܝ̈ܗܘܿܢ 153 ܘܢܵܦ̇ܩܝܼܢ ܚܵܙܹ̇ܝܢ ܠܲܢܟܼܝܼܠܵܐ ܀ 154 :ܓܘܼܢܚܹ̈ܐ ܘܛܸܒܹ̈ܐ ܡܲܪܝܼܪܹ̈ܐ 155 ܪܵܗ̇ܛܝܼܢ ܒܵܗ̇ ܒܐܲܪܥܵܐ ܟܠܵܗ̇. 156 :ܕܗܵܐ ܕܢܲܚ̣ ܡܸܟܹܿܝܠ ܣܘܼܟܵܝܵܐ 157 ܦܘܿܩܘ ܩܲܒܸܿܠܘ ܡܲܠܟܵܐ ܕܐܵܬܹ̇ܐ ܀ 158 :ܚܲܝܠܵܐ ܕܫܹܐܕܹ̈ܐ ܫܵܓܹ̇ܫ ܠܵܗ̇ 159 ܠܥܵܡܲܪܬܵܐ ܥܲܠ ܝܲܬܵܒܹ̈ܝܗ̇. 160 :ܟܲܕܼ ܟܵܢ̇ܫܝܼܢ ܡ̣ܢ ܟܠܦܸܢ̈ܝܵܢ 161 ܠܲܚܙܵܬܹܗ ܕܩܵܛܹ̇ܠ ܐ̄ܢܵܫܵܐ ܀ 162 :ܚܸܙܘܹ̈ܐ ܕܚܝܼܠܹ̈ܐ ܡܸܬܼܚܵܘܹܝܢ 163 ܠܕܲܡܝܼܪܹ̈ܐ ܒܠܲܝ̈ܠܵܘܵܬܼܵܐ. 164 :ܘܲܒܼܥܝܼܪܘܼܬܼܵܐ ܕܐܝܼܡܵܡܹ̈ܐ 165 ܛܸܒܹ̈ܐ ܕܫܵܓܼ̇ܫܝܼܢ ܪܸ̈ܥܝܵܢܹܐ ܀ 166 :ܩܛܝܼܪܵܐ ܕܕܲܝܘܹ̈ܐ ܢܵܓܹ̇ܕܼ ܠܵܗ̇ 167 ܠܐ̄ܢܵܫܘܼܬܼܵܐ ܨܹܝܕ ܙܹܐܦܵܢܵܐ. 168 :ܟܲܕܼ ܨܵܝ̇ܒܿܝܼܢ ܟܸܢܫܝܼ̈ܢ ܟܸܢܫܝܼ̈ܢ 169 ܠܣܸܓܼܕܲܬܼ ܥܵܘ̣ܠܹܗ ܕܡ̇ܪܘܿܕܼܵܐ ܀ 170 :ܒܐܲܠܦܹ̈ܐ ܕܫܹܐܕܹ̈ܐ ܡܸܙܕܲܝܲܚ 171 ܗܵܘ̇ ܡܵܐܢܵܐ ܕܟܼܠܵܗ̇ ܛܘܼܥܝܲܝ. 172 :ܟܲܕܼ ܩܵܥܹ̇ܝܢ ܠܹܗ ܡ̇ܪ̈ܘܿܕܹܐ 173 ܫܠܵܡ ܡܲܠܟܵܐ ܩܥܹܐ ܫܘܼܠܛܵܢܵܐ ܀ 174 :ܡܲܦܪܲܚ ܢܲܦܫܹܗ ܥܲܠ ܐܵܐܲܪ 175 ܟܲܕܼ ܡܸܙܕܲܝܲܚ ܒܲܥܢܵܢܹ̈ܐ. 176 :ܘܡܸܬܼܚܵܘܸܐ ܠܥܹܝܢ ܚܲܙܵܝܹ̈ܐ 177 ܒܪܘܼܚ ܫܘܼܩܪܵܐ ܐܲܝܟ ܦܵܪܘܿܚܵܐ ܀ 178 :ܡܩܲܕܿܫܝܼܢ ܠܹܗ ܫܹܐܕܹ̈ܐ ܛܲܡ̈ܐܹܐ 179 ܠܗ̇ܘ̇ ܛܲܡܐܵܐ ܐܲܝܟ ܙܲܟܵܝܵܐ. 180 :ܟܲܕܼ ܓܵܕܼ̇ܠܝܼܢ ܠܹܗ ܩܘܼܠܵܣܹ̈ܐ 181 ܠܡܲܪܵܚܵܐ ܐܲܝܟ ܙܲܟܵܝܵܐ ܀ 182 :ܦܵܬܲ݁ܚ ܦܘܼܡܹܗ ܘܲܡܡܲܠܸܠ 183 ܒܢܵܬܼ̈ ܩܵܠܹ̈ܐ ܕܡܲܠ̈ܝܵܢ ܫܲܝܢܵܐ. 184 :ܟܲܕܼ ܢܵܓܹ̇ܕܼ ܠܵܗ̇ ܠܐ̄ܢܵܫܘܼܬܼܵܐ 185 ܒܐܸܣܟܹܿܝܡ ܚܘܼܒܵܐ ܘܐܵܘܝܘܼܬܼܵܐ ܀ 186 :ܒܫܘܼܘܕܵܝܹ̈ܐ ܕܫܘܼܩܪܵܐ ܢܵܓܹ̇ܕܼ 187 ܠܟܼܠ ܬܸܓܼܡܝܼ̈ܢ ܒܵܬܲܪ ܡܸܠܵܘ̈ܗܝ. 188 :ܟܲܕܼ ܡܸܫܬܵܘܕܹܿܐ ܢܘܼܚܵܡܵܐ 189 ܘܲܩܝܵܡܬܵܐ ܠܦܲܕܼܪܹ̈ܐ ܕܲܫܟܸܒܼܘ ܀ 190 :ܡܢܲܚܸܡ ܡܝܼ̈ܬܹܐ ܕܠܵܐ ܓܘܼܫܡܵܐ 191 ܒܛܸܠܵܢ̈ܝܵܬܼܵܐ ܘܕܸܡ̈ܘܵܬܼܵܐ. 192 :ܘܡܲܩܢܹܐ ܗܲܠܟܼܵܬܼܵܐ ܠܲܚܓܼܝܼܪܹ̈ܐ 193 ܟܲܕܼ ܠܵܐ ܕܵܪܟܿܝܼܢ ܥܲܠ ܐܲܪܥܵܐ ܀ 194 :ܟܲܕܼܒܼܵܐܝܼܬܼ ܡܸܣܬܲܥܪ݁ܵܢ 195 ܐܵܬܼ̈ܘܵܬܼܵܐ ܕܲܓܵܠܵܬܼ̈ܐ. 196 :ܘܲܒܼܪܘܼܚܵܐ ܕܛܘܼܥܝܲܝ ܡܲܛܥܹܐ 197 ܙܹܐܦܵܢܵܐ ܒܒܲܪ ܐܲܒܼܕܵܢܵܐ ܀ 198 :ܘܡܲܣܓܸܿܐ ܡܪܲܟܸܿܒܼ ܟܠ ܦܘܼܪ̈ܣܝܼܢ 199 ܕܢܲܣܓܸܿܐ ܢܲܛܥܹܐ ܟܠ ܬܸܓܼܡܝܼ̈ܢ. 200 ܡܥܲܡܸܩ ܛܵܡܲ݁ܪ ܟܠ ܦܲܚܝܼ̈ܢ. 201 ܕܢܲܣܓܸܿܐ ܘܲܢܨܘܼܪ ܟܠ ܡܘܼܫ̈ܚܵܢ ܀ 202 :ܫܵܪܹ݁ܐ ܫܘܼܠܛܵܢ ܕܲܝܵܢܹ̈ܐ 203 :ܕܫܘܼܠܛܵܢܹܗ ܕܝܼܠܹܗ ܢܲܡܠܸܟ ܡܒܲܛܸܠ ܡܲܠ̈ܟܹܿܐ ܘܬܼܵܓܲܝ̈ܗܘܿܢ 204 ܕܠܹܗ ܢܸܩܪܘܿܢ ܡܲܠܟܵܐ ܒܲܠܚܘܿܕܼ ܀ 205 :ܡܲܥܒܲܪ ܫܸܩܠܹ̈ܐ ܘܫܘܼܥܒܵܕܼܵܐ 206 ܘܲܟܼܣܸܦ ܪܹܫܵܐ ܘܡܲܕܲܐܬܼܵܐ. 207 :ܕܡ̇ܐ ܕܐܲܓܼܗܝܼܘ ܡ̣ܢ ܫܘܼܥܒܵܕܼܵܐ 208 ܢܸܬܼܐܲܡܢܘܼܢ ܨܹܝܕ ܦܘܼܠܚܵܢܹܐ ܀ 209 ܡܲܟܼܪܸܙ ܫܲܝܢܵܐ ܘܐܵܘܝܘܼܬܼܵܐ: pb. 317 210 ܐܲܝܟ ܡܲܠܟܵܐ ܪܵܚܹ̇ܡ ܫܲܝܢܵܐ. 211 :ܕܲܒܼܥܸܠܲܬܼ ܫܲܝܢܵܐ ܢܸܚܒܿܘܿܫ 212 ܟܠ ܬܸܓܼܡܝܼ̈ܢ ܒܲܡܨܲܝܼ̈ܕܼܵܬܹܗ ܀ 213 :ܚܵܙ̇ܩܝܼܢ ܩܕܼܵܡ̇ܘܗܝ ܐܝܼ̈ܙܓܲܕܹܿܐ 214 ܕܲܢܛܲܝܒܼܘܼܢ ܠܹܗ ܐܵܘܵܢܹ̈ܐ. 215 :ܘܡ̣ܢ ܐܲܬܼܪܵܐ ܠܐܲܬܼܪܵܐ ܡܫܲܢܸܐ 216 ܒܲܕܼܡܘܼܬܼ ܡܲܠܟܵܐ ܘܫܘܼܠܛܵܢܹܐ ܀ 217 :ܒܫܸܡ ܐܲܠܵܗܵܐ ܡܸܬܼܟܲܢܸܐ 218 ܡܵܪܘܿܕܼܵܐ ܡ̣ܢ ܫܲܡܵܫܵܘ̈ܗܝ. 219 :ܟܲܕܼ ܥܵܐܹ̇ܠ ܠܗܲܝܟܲܠ ܩܘܼܕܼܫܵܐ 220 ܘܣܵܓܼ̇ܕܿܝܼܢ ܠܹܗ ܐܲܝܟ ܕܲܠܡܵܪܵܐ ܀ 221 :ܐܲܝܟ ܒܵܪܘܿܝܵܐ ܡܸܬܼܝܲܩܲܪ 222 ܡܲܪܵܚܵܐ ܡ̣ܢ ܛܵܠܘܿܡܹ̈ܐ. 223 :ܕܲܡܫܝܼܚܵܐ ܩܵܪܹ݁ܐ ܢܲܦܫܹܗ 224 ܙܹܐܦܵܢܵܐ ܡ̇ܐܢܵܐ ܕܫܘܼܩܪܵܐ܀ 225 :ܒܗܲܝܟܲܠ ܚܘܼܣܵܝܵܐ ܝܵܬܹ̇ܒܼ 226 ܗܵܘ̇ ܛܲܡܐܵܐ ܪܵܚܹ̇ܡ ܥܵܘ̣ܠܵܐ. 227 :ܘܲܡܩܲܒܸܿܠ ܣܸܓܼܕܲܬܼ ܥܵܘ̣ܠܵܐ 228 ܡ̣ܢ ܥܲܛܠܹ̈ܐ ܥܵܘ̇ܠܵܐܝܼܬܼ ܀ 229 :ܐ̄ܢܵܐ ܐ̄ܢܵܐ ܡܫܝܼܚܵܐ ܕܡܸܣܬܲܟܸܿܐ 230 ܗܵܕܹܐ ܡܲܟܼܪܸܙ ܛܵܠܘܿܡ̇ܐ. 231 :ܢܸܫܠܘܿܢ ܡܸܟܸܿܝܠ ܘܲܢܦܘܼܫܘܼܢ 232 ܐ̄ܪ̈ܙܹܐ ܘܛܘܼܦܣܹ̈ܐ ܘܦܸܠ̈ܐܵܬܼܵܐ ܀ 233 :ܡܒܲܛܸܠ ܘܬܸܫܡܸܫܬܵܐ 234 ܕܗܘ̤ ܢܸܫܬܲܡܲܫ ܒܲܠܚܘܿܕܼܵܘܗܝ. 235 :ܡܲܥܒܲܪ ܡܸܠܲܬܼ ܝܘܼܠܦܵܢܵܐ 236 ܕܡܸܠܬܼܵܐ ܕܝܼܠܹܗ ܬܸܬܼܩܲܒܲܠ ܀ 237 :ܡܫܲܬܸܿܩ ܩܵܠܹ̈ܐ ܩܲܕܿܝܼܫܹ̈ܐ 238 ܟܵܪ݁ܘܿܙܹܐ ܕܡܸܠܲܝ̈ ܪܘܼܚܵܐ. 239 :ܕܠܵܐ ܢܸܩܪܘܿܢ ܒܐܸܕܢܲܝ̈ ܥܲܡܵܐ 240 ܘܲܢܨܘܼܬܼܘܼܢ ܫܸܡܥܵܐ ܕܚܲܝܹ̈ܐ ܀ 241 :ܥܠܲܝ ܠܲܡ ܒܲܕܼܿܩܘ ܟܵܪ̈ܘܿܙܹܐ 242 ܟܲܕܼ ܡܸܬܼܬܲܒܹܿܝܢ ܥܲܠ ܡܹܐܬܼܝܼܬܼܝ. 243 :ܫܒܼܘܿܩܘ ܡܲܚܙܝܼܬܼܵܐ ܕܦܸܠ̈ܐܵܬܼܵܐ 244 ܘܚܘܼܪܘ ܒܲܩܢܘܿܡ̇ܐ ܫܲܪܝܼܪܵܐ ܀ 245 :ܟܵܠܹ̇ܐ ܥܡܵܕܼܵܐ ܕܲܒܼ̈ܡܲܝܵܐ 246 ܘܠܵܐ ܢܸܙܕܲܕܩܘܼܢ ܚܲܛܵܝܹ̈ܐ. 247 :ܘܦܵܬܲ݁ܚ ܢܸܒܼܥܵܐ ܕܣܲܢܝܘܼܬܹܗ 248 ܘܲܡܟܲܬܸܿܡ ܒܵܗ̇ ܠܲܕܼܟܲܝ̈ܵܐ ܀ 249 :ܐ̄ܢܵܐ ܐ̄ܢܵܐ ܡܙܲܕܼܿܩ ܚܲܛܵܝܹ̈ܐ 250 ܘܫܵܒܹ̇ܩ ܥܵܘ̣ܠܵܐ ܘܲܚܛܝܼܬܼܵܐ. 251 :ܡܸܠܲܝ̈ ܝܵܗ̈ܒܵܢ ܚܘܼܣܵܝܵܐ 252 ܚܠܵܦ ܡܲܝܵ̈ܐ ܠܦܲܓܼܪܵܐ ܘܢܦܲܫܵܐ ܀ 253 :ܡܒܲܛܸܠ ܦܵܬܼܘܿܪ ܚܘܼܣܵܝܵܐ 254 ܕܠܵܐ ܢܸܬܼܩܲܕܲܫ ܐܲܝܟ ܛܲܟܼܣܵܐ. 255 :ܟܲܕܼ ܡܲܟܼܪܸܙ ܒܐܸܕܢܲܝ̈ ܟܠܢܵܫ 256 ܒܘܛܵܠܹܗ ܕܐ̄ܪܵܙܵܐ ܚܲܝܵܐ ܀ 257 :ܓܵܠܹ̇ܙ ܠܹܗ ܠܢܸܒܼܥܵܐ ܚܲܠܝܵܐ 258 ܡ̣ܢ ܣܸܦ̈ܘܵܬܼܵܐ ܕܫܵܬܼܘܿܝܵܘ̈ܗܝ. 259 :ܘܲܠܗܵܘ̇ ܐܘܼܟܼܠܵܐ ܪܘܼܚܵܢܵܐ 260 ܟܵܠܹ̇ܐ ܠܹܗ ܡ̣ܢ ܢܵܣܘܿܒܼܵܘ̈ܗܝ ܀ 261 :ܩܵܥܹ̇ܐ ܒܚܘܼܬܼܪܵܐ ܡܲܪܵܚܵܐ 262 ܩܵܠܹ̈ܐ ܕܲܡܠܹܝܢ ܓܘܼܕܵܦܵܐ. 263 :ܕܐ̄ܢܵܐ ܐ̄ܢܵܐ ܫܪܵܪܵܐ ܘܦܘܼܫܵܩܵܐ 264 ܫܒܼܘܿܩܘ ܐ̄ܪ̈ܵܙܹܐ ܘܝܲܩܲܪܘ ܩܘܼܫܬܵܐ ܀ 265 :ܐܘܿ ܠܓܼܘܼܢܚܵܐ ܡܲܪܝܼܪ ܛܸܒܹܿܗ 266 ܕܲܥܬܼܝܼܕ ܕܢܸܣܥܘܿܪ ܡ̇ܪܘܿܕܼܵܐ. 267 :ܕܐ̄ܪܵܙܵܐ ܕܝܼܠܹܗ ܩܵܪܹ̇ܐ ܠܹܗ 268 ܠܐ̄ܪܵܙܵܐ ܕܦܲܓܼܪܹܗ ܕܡܲܚܸܐ ܟܠ ܀ pb. 318 269 :ܐܸܒܼܠܵܐ ܡܸܟܹܿܝܠ ܢܸܬܼܟܲܒܼܢܘܼܢ 270 ܦܲܪ̈ܘܿܫܹܐ ܥܲܠ ܗܵܢ ܓܘܼܢܚܵܐ. 271 :ܘܒܼܵܚܪ̈ܲܝ ܙܹܐܦܵܐ ܡ̣ܢ ܩܘܼܫܬܵܐ 272 ܢܲܫܦܥܘܼܢ ܕܸܡܥܹ̈ܿܐ ܕܟܲܪܝܘܼܬܼܵܐ ܀ 273 :ܪ̈ܵܚܡܲܝ ܗܸܪܓܵܐ ܘܝܘܼܠܦܵܢܵܐ 274 ܢܪܲܟܿܒܼܘܼܢ ܩܵܠܹ̈ܐ ܕܐܘܿܠ̈ܝܵܬܼܵܐ. 275 :ܕܲܡܒܲܛܸܠ ܠܹܗ ܙܹܐܦܵܢܵܐ 276 ܠܥܸܢܝܵܢܵܐ ܕܡܸܠܲܝ̈ ܪܘܼܚܵܐ ܀ 277 :ܢܸܒܼܟܿܘܿܢ ܛܲܡ̈ܐܹܐ ܕܐܸܬܼܩܲܕܲܫܘ 278 ܒܲܣܚܵܬܼܵܐ ܕܡܲܥܡܘܿܕܼܝܼܬܼܵܐ. 279 :ܕܲܡܫܲܬܸܿܩ ܠܹܗ ܡ̇ܪܘܿܕܼܵܐ 280 ܠܡܵܘܿܠܵܕܼܵܐ ܪܘܼܚܵܢܝܵܐ ܀ 281 :ܢܲܟܼܪܘܿܢ ܟܠܗܘܿܢ ܫܲܘܝܵܐܝܼܬܼ 282 ܫܵܘܬܵܦܹ̈ܐ ܕܐ̄ܪܵܙܵܐ ܚܲܝܵܐ. 283 :ܕܡܸܬܼܓܲܠܙܝܼܢ ܡ̣ܢ ܣܲܡ ܚܲܝܹ̈ܐ 284 ܒܢܲܝ̈ ܦܵܬܼܘܿܪܹܗ ܕܲܡܫܝܼܚܵܐ ܀ 285 :ܒܢܲܚ̈ܬܹܿܐ ܕܐܸܒܼܠܵܐ ܢܸܬܼܟܲܣܘܿܢ 286 ܟܵܗܢܹ̈ܐ ܡܟܲܗܢܲܝ̈ ܒܹܝܬܼ ܩܘܼܕܼܫܵܐ. 287 :ܕܫܵܪܹ̇ܐ ܠܹܗ ܐܵܟܹ̇ܠܩܲܪܨܵܐ 288 ܠܩܵܢܘܿܢܵܐ ܕܛܘܼܟܵܣܲܝ̈ܗܘܿܢ ܀ 289 :ܟܠ ܬܸܓܼܡܝܼ̈ܢ ܥܲܡ ܟܠ ܡܘܼܫ̈ܚܵܢ 290 ܢܙܲܡܪܘܼܢ ܩܵܠܹ̈ܐ ܕܚܸܢ̈ܓܼܵܬܼܵܐ. 291 :ܕܒܼܵܛ̇ܠܝܼܢ ܩܲܠܹ̈ܐ ܕܗܘܼܠܵܠܹ̈ܐ 292 ܘܠܵܐ ܡܸܙܕܲܡܪܝܼܢ ܒܹܝܬܼ ܩܘܼܕܼܫܵܐ ܀ 293 :ܡܲܢ ܠܵܐ ܢܸܒܼܟܸܿܐ ܘܢܸܬܿܬܲܢܲܚ 294 ܥܲܠ ܗܵܢ ܓܘܼܢܚܵܐ ܡܲܪܝܼܪܵܐ. 295 :ܕܒܼܵܛ̇ܠܵܐ ܣܸܓܼܕܲܬܼ ܒܵܪܘܿܚܵܐ 296 ܘܡܸܬܼܩܲܪܒܼܵܐ ܠܐܵܟܹܿܠܩܲܪܨܵܐ ܀ 297 :ܡܕܼܵܘܲܕ ܟܠܗܹܝܢ ܬܲܩ̈ܢܵܬܼܵܐ 298 ܡܲܪܵܚܵܐ ܒܝܘܿܡ ܓܸܠܝܵܢܹܗ. 299 :ܘܫܵܪܹ̇ܐ ܛܲܟܼܣܹ̈ܐ ܘܢܵܡܘܿܣܹ̈ܐ 300 ܕܛܘܼܥܝܲܝ ܕܝܼܠܹܗ ܬܸܬܼܝܲܩܲܪ ܀ 301 :ܒܐܵܬܼ̈ܘܵܬܼܵܐ ܕܲܓܵܠܵܬܼ̈ܐ 302 ܢܵܓܹ̇ܕܼ ܨܹܐܕܼܵܘܗܝ ܠܲܦܫܝܼܛܹ̈ܐ. 303 :ܘܲܒܼܫܘܼܚܠܵܦܵܐ ܕܚܸܙ̈ܘܵܢܹ̈ܐ 304 ܡܲܛܥܸܐ ܠܸܒܵܐ ܕܝܵܕܼܘܿܥܹ̈ܐ ܀ 305 :ܡܒܲܛܸܠ ܣܸܓܼܕܲܬܼ ܐܲܠܵܗܹ̈ܐ 306 ܘܫܵܪܹ̇ܐ ܟܘܼܡܪܹ̈ܐ ܘܩܵܨܘܿܡܹ̈ܐ. 307 :ܕܗܘ̤ ܢܸܫܬܲܡܲܫ ܒܲܠܚܘܿܕܼܵܘܗܝ 308 ܟܵܗܢܵܐ ܘܡܲܠܟܵܐ ܘܲܢܒܼܝܼܵܐ ܀ 309 :ܫܵܩ̈ܠܵܢ ܠܘܼܩܕܼܵܡ ܫܘܼܠܵܡܵܐ 310 ܗܸܠܹܝܢ ܕܐܸܡ݂ܲܪ ܦܵܪܘܿܩܲܢ. 311 :ܫܸܡܥܹ̈ܐ ܕܩܹܐܪ̈ܣܹܐ ܘܲܩܪ̈ܵܒܹܐ 312 ܘܗܵܝܕܿܝܹܢ ܕܵܢܲܚ̇ ܥܵܘ̇ܠܵܐ ܀ 313 :ܗܵܘܹ̇ܝܢ ܙܵܘܥܹ̈ܐ ܘܡܵܘܬܵܢܹ̈ܐ 314 ܘܓܼܘܼܢܚܹ̈ܐ ܕܲܡܠܹܝܢ ܣܘܼܪ̈ܵܕܹܐ. 315 :ܘܩܵܐܹ̇ܡ ܥܲܡܵܐ ܥܲܠ ܥܲܡܵܐ 316 ܘܡܲܠܟܿܘܼܬܼܵܐ ܥܲܠ ܡܲܠܟܿܘܼܬܼܵܐ ܀ 317 :ܒܵܛܹ̇ܠ ܥܵܠܡܵܐ ܡ̣ܢ ܥܲܡܠܵܐ 318 ܒܣܲܬܼܘܹ̈ܐ ܩܫܲܝܵ̈ܐ ܘܡܲܪܝܼܪܹ̈ܐ. 319 :ܘܡܵܬܲܚ ܫܲܒܼܛܵܐ ܥܲܠ ܟܠܢܵܫ 320 ܘܟܲܦܢܵܐ ܡܢܵܘܸܠ ܓܲܢ̄ܒܵܪܹ̈ܐ ܀ 321 :ܒܙܲܒܼܢܵܐ ܕܲܫܚܝܝܼܩ ܘܲܡܙܲܠܗܲܙ 322 ܘܬܼܵܩ̇ܦܝܼܢ ܩܹܐܪ̈ܣܹܐ ܘܲܩܪ̈ܵܒܹܐ. 323 :ܒܹܗ ܡܲܕܼܢܲܚ ܠܹܗ ܡܲܪܵܚܵܐ 324 ܠܓܸܠܝܵܢܵܐ ܕܡܲܪܝܼܪܘܼܬܹܗ ܀ pb. 319 325 :ܘܥܲܠ ܗܵܕܹܐ ܡܲܦܗܸܐ ܠܟܼܠܢܵܫ 326 ܘܣܵܓܼ̇ܝܵܐ ܛܘܼܥܝܲܝ ܒܐܲܒܿܝܼܪܹ̈ܐ. 327 :ܕܚܵܙܹ̇ܝܢ ܙܲܒܼܢܵܐ ܕܡܸܫܬܲܚܠܲܦ 328 ܘܢܵܬܼܚ̇ܝܼܢ ܩܹܐܪ̈ܣܹܐ ܡ̣ܢ ܐܲܪܥܵܐ ܀ 329 :ܡܫܲܠܸܐ ܩܪ̈ܵܒܹܐ ܘܬܲܟܼܬܿܘܼܫܹ̈ܐ 330 ܘܡܲܣܓܸܿܐ ܫܲܝܢܵܐ ܠܟܼܠ ܥܲܡܡܝܼ̈ܢ. 331 :ܕܠܵܐ ܢܸܬܼܥܵܘܟܼܘܼܢ ܡ̣ܢ ܪܲܗܛܵܐ 332 ܕܦܘܼܠܚܵܢܵܐ ܕܡܲܪܝܼܪܘܼܬܹܗ ܀ 333 :ܒܗܵܠܹܝܢ ܢܸܫ̈ܒܹܿܐ ܚܵܒܹ̇ܫ ܠܵܗ̇ 334 ܠܐ̄ܢܵܫܘܼܬܼܵܐ ܘܲܡܦܲܟܲܪ ܠܵܗ̇. 335 :ܕܡ̇ܐ ܕܲܚܙ̣ܵܘ ܫܲܝܢܵܐ ܒܙܹܐܦܵܐ 336 ܢܩܲܒܿܠܘܼܢܵܝܗܝ ܐܲܝܟ ܫܲܪܝܼܪܵܐ ܀ 337 :ܒܐܸܣܟܹܿܡܵܐ ܕܥܸܠܲܬܼ ܫܲܝܢܵܐ 338 ܢܵܓܹ̇ܕܼ ܨܹܐܕܼܵܘܗܝ ܠܟܼܠ ܥܲܡܡܝܼ̈ܢ. 339 :ܟܲܕܼ ܫܵܒܼ̇ܩܝܼܢ ܦܘܼܠܚܵܢܲܝ̈ܗܘܿܢ 340 ܘܡܲܙܲܚܝܼܢ ܠܹܗ ܐܲܝܟ ܡܲܠܟܵܐ ܀ 341 :ܠܟܼܠ ܬܸܓܼܡܵܐ ܕܠܵܐ ܡܸܬܿܕܵܘܲܕ 342 ܘܛܵܥܹ̇ܐ ܒܵܬܲܪ ܝܘܼܠܦܵܢܹܗ. 343 :ܕܐܵܦ ܠܲܓܼܒܲܝ̈ܐ ܐܸܢ ܡܲܨܝܵܐ 344 ܡܫܲܚܠܸܦ ܢܵܓܹ̇ܕ ܠܲܦܝܵܣܹܗ ܀ 345 :ܒܚܘܼܒܵܐ ܘܪ̈ܲܚܡܹܐ ܡܸܬܼܚܲܫܲܚ 346 ܚܲܪܡܵܢܵܐ ܩܵܛܹ̇ܠ ܐ̄ܢܵܫܵܐ. 347 :ܘܲܫܠܵܡܵܐ ܥܵܢܹ̇ܐ ܠܟܼܠܢܵܫ 348 ܣܵܢ̇ܐܵܐ ܕܟܼܠܵܗ̇ ܟܹܐܢܘܼܬܼܵܐ ܀ 349 :ܠܲܓܼ̇ܒܲܝܵܐ ܗ̄ܘ̣ ܣܵܢܹ̇ܐ ܒܲܠܚܘܿܕ 350 ܕܠܵܐ ܝܵܗ̇ܒܿܝܼܢ ܠܹܗ ܡܲܫܡܲܥܬܼܵܐ. 351 :ܟܲܕܼ ܡܲܛܥܸܢ ܟܸܢܫܹ̈ܐ ܒܪܘܼܓܼܙܵܐ 352 ܠܘܼܩܒܲܠ ܟܹܐܢܹ̈ܐ ܕܠܵܐ ܢܸܚܘܿܢ ܀ 353 :ܡ̣ܢ ܐܲܬܼܪܵܐ ܠܐܲܬܼܪܵܐ ܡܫܲܢܸܐ 354 ܕܢܲܟܠܸܟ ܥܲܠ ܟܠ ܫܘܼܠܛܵܢܹܗ. 355 :ܟܲܕܼ ܡܸܫܬܲܥܠܸܐ ܡ̇ܪܘܿܕܼܵܐ 356 ܥܲܠ ܟܠ ܕܸܚ̈ܠܵܢ ܘܐܲܠܵܗܝܼ̈ܢ ܀ 357 :ܠܵܘ ܛܘܼܥܝܲܝ ܕܲܒܼܕܸܚ̈ܠܵܬܼܵܐ 358 ܫܵܪܹ̇ܐ ܛܵܥ̇ܝܵܐ ܘܲܡܒܲܛܸܠ. 359 :ܦܘܼܪ̈ܣܹܐ ܡܪܲܟܸܿܒܼ ܕܲܢܟܲܦܲܪ 360 ܕܸܚܠܲܬܼ ܩܘܼܫܬܵܐ ܡ̣ܢ ܐܲܪܥܵܐ ܀ 361 :ܒܐܸܣܟܹܿܝܡ ܫܲܝܢܵܐ ܡܲܪܦܸܐ ܠܹܗ 362 ܠܚܘܼܒܵܐ ܕܲܠܘܵܬܼ ܒܵܪܘܿܝܵܐ. 363 :ܒܐܸܣܟܹܿܡܵܐ ܕܙܲܕܲܝܼܩܘܼܬܼܵܐ 364 ܪܵܗ̇ܛܝܼܢ ܩܘܼܕܼܡ̇ܘܗܝ ܫܲܡܫܵܘ̈ܗܝ. 365 :ܘܲܣܒܲܪܬܼܵܐ ܕܫܲܝܢܵܐ ܡܲܝܬܹܿܝܢ 366 ܕܗܵܐ ܠܲܡ ܡܲܛܝܼ ܦܵܪܘܿܩܵܐ ܀ 367 :ܢܵܦ̈ܩܵܢ ܠܐܘܼܪܥܹܗ ܡܕܲܝܼ̈ܢܵܬܼܵܐ 368 ܒܲܙܡܝܼܪ̈ܵܬܼܵܐ ܘܗܘܼܠܵܠܹ̈ܐ. 369 :ܟܲܕܼ ܩܵܥܹ̇ܝܢ ܠܹܗ ܒܐܘܿܫܲܥܢܵܐ 370 ܫܘܼܒܼܚܵܐ ܠܡܲܠܟܵܐ ܕܲܕܢܲܚ̣ ܠܲܢ ܀ 371 :ܠܐܸܒܼܠܵܐ ܪܲܒܵܐ ܗܵܦܹ̇ܝܟ ܠܵܗ̇ 372 :ܠܚܲܕܘܼܬܼܵܐ ܕܥܹܕܿܬܼ ܥܲܡܡܹ̈ܐ 373 :ܘܡܸܫܬܲܚܛܵܐ ܡܟܼܝܼܪܲܬܼ ܩܘܼܕܼܫܵܐ 374 ܒܣܸܓܼܕܲܬܼ ܥܵܘ̣ܠܵܐ ܕܙܹܐܦܵܢܵܐ ܀ 375 :ܣܸܦ̈ܘܵܬܼܵܐ ܕܲܩ̣ܥܲܝ̈ ܫܘܼܒܼܚܵܐ 376 ܘܢܲܫܸܩ ܐ̄ܪ̈ܵܙܹܐ ܕܣܲܡ ܚܲܝܹ̈ܐ. 377 :ܩܵܥ̈ܝܵܢ ܩܵܠܹ̈ܐ ܕܓܼܘܼܕܵܦܵܐ 378 ܘܲܡܢܲܫ̈ܩܵܢ ܠܐܵܟܹ̇ܠܩܲܪܨܵܐ ܀ 379 :ܦܘܼܡܹ̈ܐ ܕܗܲܠܸܠܘ ܒܹܝܬܼ ܩܘܼܕܼܫܵܐ 380 ܙܡܝܼܪ̈ܵܬܼܵܐ ܕܡܸܠܲܝ̈ ܪܘܼܚܵܐ. 381 :ܡܛܲܡܐܝܼܢ ܩܘܼܕܼܫܵܐ ܕܦܘܼܡܲܝ̈ܗܘܿܢ 382 ܒܙܲܡܝܼܪ̈ܵܬܹܗ ܕܲܢܟܼܝܼܠܵܐ ܀ 383 :ܒܩܵܠܵܐ ܕܫܘܼܒܼܚܵܐ ܚܲܛܹ̇ܦ ܠܹܗ 384 ܡܲܪܵܚܵܐ ܠܣܸܓܼܕܲܬܼ ܡ̇ܪܹܗ. 385 :ܟܲܕܼ ܡܲܚܸܬܼ ܠܵܗ̇ ܠܐ̄ܢܵܫܘܼܬܼܵܐ 386 ܡ̣ܢ ܪ̈ܵܡ̇ܬܼܵܐ ܠܡܵܟܵܬܹ̈ܐ ܀ pb. 320 387 :ܓܵܡܲ݁ܪ ܟܠܹܗ ܨܸܒܼܝܵܢܹܗ 388 ܡ̇ܪܘܿܕܼܵܐ ܒܒܲܪ ܐܲܒܼܕܵܢܵܐ. 389 :ܘܗܵܝܕܹܿܝܢ ܝܵܗܹ̇ܒܼ ܒܵܪܘܿܝܵܐ 390 ܐܵܬ̤ܐ ܕܪ̈ܲܚܡܹܐ ܥܲܠ ܐܲܪܥܵܐ ܀ 391 :ܕܵܢܲܚ̇ ܡ̣ܢ ܫܹܠܝ ܐܹܠܝܼܵܐ 392 :ܘܬܼܵܟܹ̇ܿܣ ܚܹܐܦܹܗ ܕܲܢܟܼܝܼܠܵܐ 393 :ܘܲܡܫܲܠܸܐ ܠܹܗ ܡ̣ܢ ܪܲܗܛܹܗ 394 ܕܠܵܐ ܢܲܣܓܸܿܐ ܘܢܲܫܪܲܥ ܠܟܼܠܢܵܫ ܀ 395 :ܒܗܵܕܹܐ ܬܸܢܘܲܝ ܡܸܫܬܲܕܲܪ 396 ܐܹܠܝܼܵܐ ܒܫܘܼܠܵܡ ܙܲܒܼܢܹ̈ܐ. 397 :ܕܢܹܐܬܸܐ ܢܲܬܼܩܸܢ ܟܠ ܡܸܕܹܿܡ 398 ܩܕܼܵܡ ܓܸܠܝܵܢܹܗ ܕܲܡܫܝܼܚܵܐ ܀ 399 :ܐܵܬܹ̇ܐ ܠܘܼܩܕܼܵܡ ܐܹܝܠܵܝܼܐ 400 ܕܲܢܫܲܬܸܿܩ ܩܵܠܹ̈ܐ ܕܛܘܼܥܝܲܝ. 401 :ܘܢܲܦܥܸܐ ܠܸܒܵܐ ܕܐܲܒܼܵܗܹ̈ܐ 402 ܕܢܸܬܼܟܵܘܢܘܼܢ ܡ̣ܢ ܝܲܠܕܲܝ̈ܗܘܿܢ ܀ 403 :ܐܝܼܙ ܓܲܕܵܐ ܕܲܡܠܸܐ ܫܲܝܢܵܐ 404 ܡܫܲܕܲܪ ܡܲܠܟܵܐ ܠܥܵܡܲܪܬܵܐ. 405 :ܕܲܒܼܓܲܠܝܘܼܬܼܵܐ ܕܦܸܬܼܓܼܵܡܵܘ̈ܗܝ 406 ܢܦܲܟܲܗ ܡܸܪܬܹܗ ܕܪܲܓܿܝܼܙܵܐ ܀ 407 :ܐܲܝܟ ܠܲܡܦܹܝܕܼܵܐ ܡܲܢܗܲܪ ܒܹܗ 408 ܠܚܸܫܘܼܟܹ̈ܐ ܠܘܵܬܼ ܝܼܕܲܥܬܼܵܐ. 409 :ܘܐܲܝܟ ܗܲܕܿܝܼܐܵܐ ܡܲܦܥܸܐ ܒܹܗ 410 ܠܛܵܥܲܝܵ̈ܐ ܠܐܘܼܪܚܵܐ ܕܚܲܝܹ̈ܐ ܀ 411 :ܒܲܒܼ̈ܢܵܬܼ ܩܵܠܹ̈ܐ ܕܐܹܠܝܼܵܐ 412 ܒܵܛ̇ܠܝܼܢ ܩܵܠܵܘ̈ܗܝ ܕܲܢܟܼܝܼܠܵܐ. 413 :ܘܦܵܣ̇ܩܝܼܢ ܢܸܫܒܵܘ̈ܗܝ ܐܲܣܝܼܪܹ̈ܐ 414 ܘܦܵܢܹ̇ܝܢ ܐܵܬܹ̇ܝܢ ܡ̣ܢ ܥܵܘ̣ܠܵܐ ܀ 415 :ܡܲܣܓܸܿܐ ܙܵܪܲܥ ܐܹܠܝܼܵܐ 416 ܒ̈ܢܵܬܼ ܩܵܠܹ̈̄ܐ ܕܲܬܼܘܵܬܼ ܢܲܦܫܵܐ. 417 :ܘܲܡܪܲܒܸܿܐ ܒܛܲܠܵܐ ܕܡܸܠܵܘ̈ܗܝ 418 ܬܝܵܒܼܘܼܬܼܵܐ ܕܥܲܡܵܐ ܘܥܲܡܡܹ̈ܐ ܀ 419 :ܒܛܲܟܼܣܵܐ ܕܫܲܡܸܫ ܝܘܿܚܲܢܵܢ 420 ܩܕܼܵܡ ܕܸܢܚܹܗ ܐܲܪܥܵܢܵܝܵܐ. 421 :ܒܹܗܘ̣ ܐܵܬܹ̇ܐ ܐܹܠܝܼܵܐ 422 ܩܕܼܵܡ ܗܵܘ̇ ܕܸܢܚܵܐ ܫܡܲܝܵܢܵܐ ܀ 423 :ܬܪܹܝܢ ܟܵܪ̄ܘܿܙܹܐ ܒܸܣܪ̈ܵܢܹܐ 424 ܓ̣ܒܼܵܐ ܠܹܗ ܒܲܬܼܪܹܝܢ ܓܸܠܝܵܢܵܘ̈ܗܝ. 425 :ܕܲܢܛܲܝܒܼܘܼܢ ܠܹܗ ܥܲܠ ܐܲܪܥܵܐ 426 ܐܵܘܵܢܹ̈ܐ ܕܚܘܼܒܵܐ ܠܹܗ ܒܲܬܼܪܹܝܢ ܓܸܠܝܵܢܵܘ̈ܗܝ. 427 :ܕܲܢܛܲܝܒܼܘܼܢ ܠܹܗ ܥܲܠ ܐܲܪܥܵܐ 428 ܐܵܘܵܢܹ̈ܐ ܕܚܘܼܒܵܐ ܒܢܲܦܫܵܐ ܀ 429 :ܝܘܿܚܲܢܵܢ ܐܲܟܼܪܸܙ ܝܲܠܕܹܿܗ 430 ܘܐܹܠܝܼܵܐ ܥܲܠ ܓܸܠܝܵܢܹܗ. 431 :ܘܚܲܕܼܘܼ ܢܝܼܫܵܐ ܕܲܬܼܪ̈ܲܝܗܘܿܢ 432 ܕܢܲܦܢܘܿܢ ܨܹܐܕܼܵܘ̈ܗܝ ܠܐܲܒܿܝܼܕܹ̈ܐ ܀ 433 :ܡܲܣܓܸܿܐ ܡܙܲܗܲܪ ܐܹܠܝܼܵܐ 434 ܕܗܵܐ ܩ̣ܪܸܒܼ ܡܸܟܹܿܝܠ ܫܘܼܠܵܡܵܐ. 435 :ܦܢܵܘ ܡ̣ܢ ܬܵܘܫܵܐ ܛܵܥܲܝܵ̈ܐ 436 ܠܐܘܼܪܚܵܐ ܫܦܝܼܬܼܵܐ ܕܦܸܬܼܓܼܵܡܲܝ̈ ܀ 437 :ܡܩܵܘܸܐ ܒܓܼܘܼܡܕܹܿܗ ܡܲܪܵܚܵܐ 438 ܟܲܕܼ ܛܵܥܹ̇ܐ ܘܡܲܛܥܹܐ ܠܐ̄ܢܵܫܵܐ. 439 :ܥܕܲܡ̇ܐ ܕܨܵܦܚܵܐ ܨܵܦܲܚܬܼܵܐ 440 ܥܲܠ ܐܲܦܹܝ̈ܗ̇ ܕܟܼܠܵܐ ܐܲܪܥܵܐ ܀ 441 :ܠܗܵܘ̇ ܓܸܠܝܵܢܵܐ ܢܵܛܲ̇ܪ ܠܹܗ 442 ܠܥܵܘܵܠܵܐ ܘܟܸܢ ܡ̇ܘܒܸܿܕܼ ܠܹܗ. 443 :ܕܢܸܚܙܘܿܢ ܐ̄ܢܵܫܵܐ ܘܡܲܠܲܐܟܹ̈ܐ 444 ܬܒܲܥܬܼܵܐ ܕܕܼܝܼܢܵܐ ܕܲܡܩܲܒܸܿܠ ܀ 445 :ܩܕܼܵܡ ܗܵܘ̇ ܝܵܘܡ̇ܐ ܡܸܬܼܚܲܙ̈ܝܵܢ 446 ܐܵܬܼ̈ܘܵܬܼܵܐ ܕܝܲܗ̣̄ܒܼ ܦܵܪܘܿܩܲܢ. 447 :ܘܡܸܫܬܲܠܲܡ ܟܠܡܵܐ ܕܲܟܼܬܼܝܼܒܼ 448 ܘܫܵܠܹ̇ܐ ܥܵܠܡܵܐ ܡ̣ܢ ܪܲܗܛܹܗ ܀ 449 :ܫܸܡܫܵܐ ܕܵܥ̇ܟܿܝܼܢ ܙܲܠܝܼܩܵܘ̈ܗܝ 450 ܘܣܲܗܪܵܐ ܠܵܐ ܡܚܵܘܸܐ ܢܘܼܗܪܹܗ. 451 :ܘܟܼܵܘܟܿܒܹ̈ܐ ܢܵܬܼ̇ܪܝܼܢ ܐܲܝܟ ܛܲܪ̈ܦܹܐ 452 ܘܒܼܵܛܹ̇ܠ ܪܲܗܛܵܐ ܕܢܲܗܝܼܪܹ̈ܐ ܀ 453 ܙܵܝ̇ܚܝܼܢ ܐܲܠܦܹ̈ܐ ܕܣܸܕܼܪ̈ܲܝܗܘܿܢ: pb. 321 454 ܕܚܲܝ̈ܠܵܘܵܬܼܵܐ ܫܡܲܝܵܢܹ̈ܐ. 455 :ܟܲܕܼ ܣܵܥ̇ܪܝܼܢ ܫܘܼܠܛܵܢܲܝ̈ܗܘܿܢ 456 ܠܛܘܼܝܵܒܹܗ ܕܡܲܠܟܵܐ ܕܪܵܘܡ̇ܐ ܀ 457 :ܦܵܬܲ݁ܚ ܬܲܪܥܵܐ ܕܲܪܩܝܼܥܵܐ 458 ܡܫܝܼܚܵܐ ܡ̇ܪܲܗ̇ ܕܬܸܫܒܿܘܿܚܬܵܐ. 459 :ܘܕܼܵܢܲܚ̇ ܡ̣ܢ ܫܹܠܝ ܓܸܠܝܵܢܹܗ 460 ܘܲܡܚܲܦܸܐ ܠܹܗ ܠܢܲܗܝܼܪܵܐ ܀ 461 :ܒܦܸܚܡܵܐ ܕܢܘܼܗܪܵܐ ܕܲܩܕܵܡ̇ܘܗܝ 462 ܢܘܼܗܪܹܗ ܕܫܸܡܫܵܐ ܚܸܫܘܿܟܼܵܐ ܗ̄ܘ̣. 463 :ܘܲܠܦܘܼܬܼ ܕܸܢܚܹܗ ܩܲܠܝܼܠܵܐ 464 ܨܸܡܚܹܗ ܕܒܲܪܩܵܐ ܡܲܬܿܝܼܢܵܐ ܗ̄ܘ̣ ܀ 465 :ܠܲܝܬܿ ܦܸܚܡܵܐ ܠܗܵܝ̇ ܬܸܫܒܿܘܿܚܬܵܐ 466 :ܕܡܸܬܼܚܵܘܸܐ ܒܵܗ̇ ܓܸܠܝܵܢܹܗ 467 :ܘܠܵܐ ܕܘܼܡܝܵܐ ܠܗܵܝ̇ ܪܲܒܿܘܼܬܼܵܐ 468 ܕܡܸܙܕܲܝܲܚ ܒܵܗ̇ ܡ̣ܢ ܥܝܼܪܹ̈ܐ ܀ 469 :ܐܲܠܦܹ̈ܐ ܕܟܸܢ̈ܫܹܐ ܪ̈ܘܼܚܵܢܹܐ 470 ܬܵܢܹ̇ܝܢ ܫܘܼܒܼܚܵܐ ܕܪܲܒܿܘܼܬܹܗ. 471 :ܘܲܣܪ̈ܵܦܹܐ ܕܠܵܐ ܡܸܢܝܵܢܵܐ 472 ܡܩܲܕܿܫܝܼܢ ܠܹܗ ܡ̣ܢ ܟܠ ܦܸܢ̈ܝܵܢ ܀ 473 :ܠܵܐ ܡܸܬܼܡܲܠܠܝܼܢ ܩܵܠܲܝ̈ܗܘܿܢ 474 ܒܠܸܫܵܢܹ̈ܐ ܐܲܪ̈ܥܵܢܵܝܹܐ. 475 :ܘܠܵܐ ܡܨܹܝܢ ܨܵܝ̇ܬܿܝܼܢ ܡܵܝ̈ܘܿܬܹܐ 476 ܢܸܥ̈ܡܵܬܼܵܐ ܕܗܘܼܠܵܠܲܝ̈ܗܘܿܢ ܀ 477 :ܡܙܝܼܥܝܼܢ ܠܐܲܪܥܵܐ ܒܩܵܠܲܝ̈ܗܘܿܢ 478 ܘܠܲܫܡܲܝܵܐ ܒܫܝܼܦܘܿܪ̈ܲܝܗܘܿܢ. 479 :ܟܲܕܼ ܪܵܗ̇ܛܝܼܢ ܠܐܲܪܒܲܥܦܸܢ̈ܝܵܢ 480 ܕܲܢܣܲܒܼܪܘܼܢ ܩܵܠ ܦܘܼܪܩܵܢܵܐ ܀ 481 :ܩܵܠ ܩܲܪ̈ܢܵܬܼܵܐ ܡܲܪܥܸܠ ܠܵܗ̇ 482 ܠܥܵܡܲܪܬܵܐ ܥܲܠ ܝܲܬܵܒܹ̈ܝܗ̇. 483 :ܘܫܝܼܦܘܿܪܹ̈ܐ ܕܚܝܼܠܹ̈ܐ ܡܲܪܡܹܝܢ 484 ܙܵܘܥܵܐ ܒܠܸܒܵܐ ܕܛܲܒܿܝܼܥܹ̈ܐ ܀ 485 :ܠܥܸܠ ܡ̣ܢ ܟܠܗܘܿܢ ܡܸܙܕܲܝܲܚ 486 :ܡܫܝܼܚܵܐ ܡܵܪܵܗ̇ ܕܬܸܫܒܿܘܿܚܬܵܐ 487 :ܟܲܕܼ ܩܵܥܹ̇ܝܢ ܠܹܗ ܒܩܵܠܲܝ̈ܗܘܿܢ 488 ܩܲܕܿܝܼܫ ܡܲܠܟܲܢ ܙܲܟܵܝܵܐ ܀ 489 :ܡܙܲܝܲܚ ܠܹܗ ܪܹܫ ܡܲܠܲܐܟܹ̈ܐ 490 ܠܢܝܼܫܹܗ ܚܲܝܵܐ ܕܲܨܠܝܼܒܼܵܐ. 491 :ܘܲܒܼܫܘܼܒܼܚܵܐ ܕܠܵܐ ܡܸܬܼܡܲܠܲܠ 492 ܡܚܵܘܸܐ ܠܹܗ ܠܥܹܝܢ ܚܲܙܝܹ̈ܐ ܀ 493 :ܩܕܼܵܡ̇ܘܗܝ ܐܵܬܲܝܵܐ ܙܵܟܼܘܼܬܹܗ 494 :ܕܡܲܠܟܵܐ ܕܲܙܟܼܵܐ ܒܲܨܠܝܼܒܹܗ 495 :ܘܲܡܩܲܕܿܫܝܼܢ ܠܹܗ ܪ̈ܘܼܚܵܢܹܐ 496 ܚܠܵܦ ܨܘܿܚ̈ܝܵܬܼܵܐ ܕܛܵܠܘܿܡܹ̈ܐ ܀ 497 :ܡܸܬܼܟܲܐܪ̈ܵܢ ܒܵܗ̇ ܒܲܚܙܵܬܹܗ 498 ܫܲܪ̈ܒܼܵܬܼܵܐ ܕܒܹܝܬܼ ܝܼܣܪܵܝܹܠ. 499 :ܘܲܒܼܢܸܥ̈ܡܵܬܼܵܐ ܚܢܝܼ̈ܓܼܵܬܼܵܐ 500 ܬܵܢܹ̇ܝܢ ܩܵܠܹ̈ܐ ܕܐܘܿܠ̈ܝܵܬܼܵܐ ܀ 501 :ܒܗܸܕܼܪܵܐ ܪܲܒܵܐ ܡܚܵܘܸܐ ܠܹܗ 502 ܠܗܵܘ̇ ܢܝܼܫܵܐ ܕܚܲܫ̣ ܒܹܗ ܒܐܲܪܥܵܐ. 503 :ܘܡ̇ܐ ܕܚܵܙܹ̇ܝܢ ܪܲܒܿܘܼܬܼ ܫܘܼܒܼܚܹܗ 504 ܢܸܬܼܟܲܐܪܘܼܢ ܒܹܗ ܨܵܠܘܼܒܼܵܘ̈ܗܝ ܀ 505 :ܗܘ̤ ܥܲܡ ܢܝܼܫܹܗ ܡܸܙܕܲܝܲܚ 506 ܪܹܫܝܼܬܿܢ ܡ̣ܢ ܪ̈ܘܼܚܵܢܹܐ. 507 :ܘܚܵܙܹ̇ܝܢ ܫܘܼܒܼܚܵܐ ܕܪܲܒܿܘܼܬܹܗ 508 ܫܡܲܝܵܢܹ̈ܐ ܘܐܲܪ̈ܥܵܢܵܝܹܐ ܀ 509 :ܒܹܗ ܒܲܟܼܝܵܢܹܗ ܡܸܬܼܚܵܘܸܐ 510 ܠܪ̈ܘܼܚܵܢܹܐ ܘܲܠܦܲܓܼܪ̈ܢܹܐ. 511 :ܘܗܵܘ̇ ܕܐܸܣܬܲܠܲܩ ܒܲܥܢܵܢܹ̈ܐ 512 ܗܘ̤ܝܘܼ ܕܐܵܬܹ̇ܐ ܒܫܘܼܠܵܡܵܐ ܀ 513 :ܡܲܠܲܐܟܹ̈ܐ ܩܲܕܹܿܡܘ ܒܲܕܹܿܩܘ 514 ܒܡܲܣܲܩܬܹܿܗ ܥܲܠ ܓܸܠܝܵܢܹܗ. 515 :ܕܒܲܚܙܵܬܼܵܐ ܕܐܸܣܬܲܠܲܩ ܒܵܗ̇ 516 ܒܵܗ̇ ܐܵܬܹ̇ܐ ܒܫܘܼܒܼܚܹܗ ܪܲܒܵܐ ܀ 517 :ܠܵܐ ܗ̄ܘ̣̱ܵܐ ܟܝܵܢܵܐ ܕܐܝܼܬܼܘܼܬܼܵܐ 518 ܡܫܲܢܹܐ ܘܚܵܙܹ̇ܩ ܒܲܟܼܝܵܢܹܗ. 519 :ܦܲܓܼܪܵܢܵܐ ܗ̄ܘ̣ ܕܐܵܬܹ̇ܐ ܕܲܢܕܘܼܢ 520 ܕܩܲܒܸܿܠ ܕܝܼܢܵܐ ܘܫܘܼܠܛܵܢܵܐ ܀ pb. 322 521 :ܠܲܝܬܿ ܠܐܝܼܬܼܘܼܬܼܵܐ ܟܝܵܢܐܝܼܬܼ 522 ܕܡ̣ܢ ܐܲܬܼܪܵܐ ܠܐܲܬܼܪܵܐ ܬܫܲܢܵܐ. 523 :ܨܸܒܼܝܵܢܵܐ ܗ̄ܘ̣ ܚܵܙܹ̇ܩ ܒܲܠܚܘܿܕܼ 524 ܡܸܠܬܼܵܐ ܐܝܼܬܼܝܵܐ ܥܲܡ ܦܲܓܼܪܵܐ ܀ 525 :ܡܲܚܲܬܿܬܵܐ ܕܠܵܐ ܫܘܼܢܵܝܵܐ 526 ܢܵܚ̇ܬܵܐ ܥܲܡܹܗ ܡ̣ܢ ܪܵܘܡ̇ܐ. 527 :ܘܲܡܚܲܕܼܿܬܼ ܒܵܗ̇ ܠܲܡܠܝܼܠܹ̈ܐ 528 ܘܒܼܵܚܲܪ ܒܵܗ̇ ܣܘܼܥܪ݁ܵܢܲܝܗܘܿܢ ܀ 529 :ܒܗܸܕܼܪܵܐ ܪܲܒܵܐ ܡܸܬܼܚܵܘܹܐ 530 ܟܲܕܼ ܕܵܢܚ̇ ܒܲܕܼܡܘܼܬܼ ܒܲܪܩܵܐ. 531 :ܘܲܡܚܵܘܸܐ ܠܵܗ̇ ܠܲܚܙܵܬܹܗ 532 ܡ̣ܢ ܣܵܘܦܹ̈ܝܗ̇ ܠܣܵܘܦܹ̈ܝܗ̇ ܕܐܲܪܥܵܐ ܀ 533 :ܩܵܥܹ̇ܝܢ ܪ̈ܲܒܲܝ ܡܲܠܲܐܟܹ̈ܐ 534 ܒܫܝܼܦܘܿܪܹ̈ܐ ܪ̈ܘܼܚܵܢܵܝܹܐ. 535 :ܘܲܒܼܫܘܼܠܵܡ ܫܝܼܦܘܿܪ̈ܲܝܗܘܿܢ 536 ܩܵܪܝܵܐ ܩܲܪܢܵܐ ܕܢܘܼܚܵܡܵܐ ܀ 537 :ܡܲܙܥܸܩ ܪܹܫܵܐ ܕܡܲܠܲܐܟܹ̈ܐ 538 ܒܩܲܪܢܵܐ ܐ̄̇ܚܪܵܝܬܵܐ ܕܢܘܼܚܵܡܵܐ. 539 :ܘܲܒܼܩܵܠܹ̈ܐ ܕܚܝܼܠܹ̈ܐ ܦܵܩܹ̇ܕܼ 540 ܠܐܲܪܥܵܐ ܕܬܼܵܘܠܸܕܼ ܥܲܢܝܼ̈ܕܹܐ ܀ 541 :ܡ̇ܚܹ̇ܝܢ ܠܵܗ̇ ܚܸܒܼܠܹ̈ܐ ܠܐܲܪܥܵܐ 542 ܕܬܼܵܘܠܸܕܼ ܚܠܵܦ ܙܲܪ̈ܥܹܐ. 543 :ܟܲܕܼ ܥܵܨܹ̇ܐ ܠܵܗ̇ ܦܘܼܩܕܵܢܵܐ 544 ܕܠܵܐ ܢܦܘܼܫ ܡܝܼܬܼܵܐ ܒܓܼܵܘ ܥܘܼܒܵܗ̇ ܀ 545 :ܩܵܠܵܐ ܕܚܝܼܠܵܐ ܡܲܪܗܸܒܼ ܠܹܗ 546 ܠܡܵܘܬܵܐ ܪܲܒܿ ܒܲܝܬܵܐ ܕܲܫܝܘܿܠ. 547 :ܟܲܕܼ ܬܵܒܲܥ̇ ܠܹܗ ܚܘܼܫܒܵܢܵܐ 548 ܕܡܸܢܝܵܢܵܐ ܕܝܲܠܕܵܘ̈ܗܝ ܕܐܵܕܼܵܡ ܀ 549 :ܠܵܐ ܛܵܥܹ̇ܐ ܡܝܼܬܼܵܐ ܒܲܫܝܘܿܠ 550 ܘܠܵܐ ܦܵܐܹ̇ܫ ܒܵܗ̇ ܗܲܕܵܡ̇ܐ. 551 :ܚܲܕܼܘܼ ܩܵܠܵܐ ܕܲܡܢܲܚܸܡ 552 ܠܛܵܒܹ̈ܐ ܘܒܼܝܼܫܹ̈ܐ ܫܲܘܝܵܐܝܼܬܼ ܀ 553 :ܩܝܵܡܬܵܐ ܫܲܘܝܵܐ ܥܲܠ ܟܠܢܵܫ 554 ܚܙܵܬܼܵܐ ܕܟܼܠܢܵܫ ܠܵܐ ܫܲܘܝܵܐ. 555 :ܨܸܒܼܝܵܢܵܐ ܗ̄ܘ̣ ܕܲܡܚܵܘܸܐ ܠܹܗ 556 ܠܦܲܓܼܪܵܐ ܫܒܼܝܼܚܵܐ ܡ̣ܢ ܚܲܒܼܪܹܗ ܀ 557 :ܒܠܸܠܝܵܐ ܡܚܹܐ ܓܸܠܝܵܢܹܗ 558 :ܡܲܠܟܵܐ ܕܪܵܘܡܵܐ ܠܐܲܪ̈ܥܵܢܹܐ 559 :ܘܲܡܛܲܠܸܩ ܠܹܗ ܠܚܸܫܘܿܟܼܵܐ 560 ܒܢܘܼܗܪܵܐ ܕܡܲܒܼܪܸܩ ܡ̣ܢ ܦܲܓܼܪܹܗ ܀ 561 :ܢܵܦ̇ܠܵܐ ܬܘܵܬܼܵܐ ܥܲܠ ܟܠܢܵܫ 562 ܒܩܵܠ ܝܘܼܒܵܒܼܵܐ ܕܡܲܠܲܐܟܹ̈ܐ. 563 ܘܡܸܬܼܪܲܗܒܿܝܼܢ ܐܲܪ̈ܥܵܢܵܝܹܐ. 564 ܒܲܚܙܵܬܼܵܐ ܕܪ̈ܘܼܚܵܢܵܝܹܐ ܀ 565 :ܡܸܬܼܒܲܠܗܸܐ ܠܸܒܵܐ ܕܐ̄ܢܵܫܵܐ 566 ܒܩܵܠܵܐ ܕܕܼܵܡܹ̇ܐ ܠܲܕܼܝܲܡܵܐ. 567 :ܘܐܵܚ̇ܕܿܝܼܢ ܚܸܒܼܠܹ̈ܐ ܘܨܵܘܪ̈ܵܢܹܐ 568 ܒܙܵܘܥܵܐ ܕܡܲܦܸܩ ܢܲܦܫܵܬܼ̈ܐ ܀ 569 :ܩܵܠܵܐ ܕܚܝܼܠܵܐ ܡܲܪܗܸܒܼ ܠܹܗ 570 ܠܐܵܟܹ̇ܠ ܩܲܪܨܵܐ ܡ̇ܪܘܿܕܼܵܐ. 571 :ܘܒܼܵܛܹ̇ܠ ܟܠܹܗ ܫܘܼܠܛܵܢܹܗ 572 ܒܚܲܕܼ ܪܸܡܙܵܐ ܒܲܪܦܵܦ ܥܲܝܢܵܐ ܀ 573 :ܒܚܲܒܼܠܹ̈ܐ ܕܢܘܼܪܵܐ ܐܵܣܲܪ ܠܹܗ 574 ܘܡܲܪܡܸܐ ܠܹܗ ܒܫܲܠܗܹܒܼܝܼܬܼܵܐ. 575 :ܟܲܕܼ ܡܸܬܼܒܲܩܹܝܢ ܚܲܙܵܝܹ̈ܐ 576 ܒܫܘܼܬܵܩܹܗ ܕܠܵܐ ܫܘܼܠܵܡܵܐ ܀ 577 :ܠܒܲܪܢܵܫܵܐ ܕܹܝܢ ܕܲܓܼܒܼܵܐ ܠܹܗ 578 ܘܡܲܠܝܼ ܒܹܗ ܪܸܓܼܬܼ ܪܘܼܫܥܹܗ. 579 :ܡܛܲܠܸܩ ܠܹܗ ܡ̣ܢ ܚܲܝܘܼܬܼܵܐ 580 ܒܐܲܒܼܕܵܢܵܐ ܕܦܲܓܼܪܹܗ ܘܢܲܦܫܹܗ ܀ 581 :ܠܵܐ ܡܲܪܦܸܐ ܠܹܗ ܕܲܢܩܵܘܸܐ 582 ܥܲܡ ܪܲܒܹܿܗ ܒܓܼܵܘ ܫܘܼܢܵܩܵܐ. 583 :ܡܣܵܦܘܼ ܡܣܝܼܦ ܠܹܗ ܟܠ ܟܠܹܗ 584 ܘܲܡܛܲܠܸܩ ܠܹܗ ܡ̣ܢ ܚܲܝܹ̈ܐ ܀ pb. 323 585 :ܬܸܕܼܡܘܼܪܬܵܐ ܚܕܲܬܵܐ ܣܵܥܲ݁ܪ 586 ܒܵܪܘܿܝܵܐ ܒܒܲܪ ܐܲܒܼܕܵܢܵܐ. 587 :ܕܥܲܡ ܚܘܼܒܵܠܵܐ ܕܗܲܕܵܡܘ̈ܗܝ 588 ܫܪܵܝܵܐ ܕܢܲܦܫܹܗ ܡܸܬܿܬܵܘܣܲܦ ܀ 589 :ܓܘܼܢܚܵܐ ܪܵܒܵܐ ܡܚܵܘܸܐ ܠܹܗ 590 ܒܛܘܼܠܵܩ ܚܲܝܵܘ̈ܗܝ ܠܲܡܠܝܼܠܹ̈ܐ. 591 :ܕܐܲܝܟܲܢ ܛܵܠ̇ܩܵܐ ܡ̣ܢ ܚܲܝܹ̈ܐ 592 ܢܲܦܫܵܐ ܟܝܵܢܵܐ ܕܠܵܐ ܡ̇ܐܹ̇ܬܼ ܀ 593 :ܫܵܘܹ̇ܐ ܕܢܸܗܘܸܐ ܣܘܼܪܵܕܹܐ 594 ܗܵܘ̇ ܡ̇ܐܢܵܐ ܕܟܼܠܵܗ̇ ܛܘܼܥܝܲܝ. 595 :ܕܐܲܛܥܝܼ ܠܐ̄ܢܵܫܵܐ ܡ̣ܢ ܩܘܼܫܬܵܐ 596 ܢܸܬܼܢܘܿܢ ܐ̄ܢܵܫܵܐ ܐܲܒܼܕܼܵܢܹܗ ܀ 597 :ܠܟܼܘܼܐܵܪܹܗ ܕܐܵܟܹ̇ܠ ܩܲܪܨܵܐ 598 ܡ̇ܘܒܸܿܕܼ ܠܹܗ ܡ̣ܢ ܚܲܝܘܼܬܼܵܐ. 599 :ܕܥܲܠ ܕܲܥܡܲܪ ܒܹܗ ܨܸܒܼܝܵܢܹܗ 600 ܕܢܸܫܬܲܢܩܘܼܢ ܒܐܲܒܼܕܵܢ ܚܲܝܘ̈ܗܝ ܀ 601 :ܢܸܓܼ̈ܕܹܿܐ ܥܦܝܼܦܹ̈ܐ ܣܵܓܹ̇ܝܢ ܠܹܗ 602 ܠܡܵܪܘܿܕܵܐ ܒܓܼܵܘ ܓܹܗܲܢܵܐ. 603 :ܕܚܵܪܹܒܼ ܗܲܝܟܲܠ ܨܒܼܝܵܢܹܗ 604 ܘܗܘ̤ ܡܸܬܿܬܲܫܢܲܩ ܘܲܠܥܵܠܲܡ ܀ 605 :ܩܕܼܵܡ ܪ̈ܘܼܚܵܢܹܐ ܘܦܲܓܼܪ̈ܵܢܹܐ 606 ܡ̇ܘܒܸܿܕܼ ܠܹܗ ܠܗܵܘ̇ ܒܲܪܢܵܫܵܐ. 607 :ܘܠܲܫܡܲܝܵܢܹ̈ܐ ܘܠܲܐܪ̈ܥܵܢܹܐ 608 ܡܚܵܘܸܐ ܫܸܦܠܹܗ ܕܡܲܪܵܚܵܐ ܀ 609 :ܠܘܼܩܕܼܵܡ ܐܵܣܲܪ̇ ܡܵܪܘܿܕܼܵܐ 610 ܘܡܲܪܡܸܐ ܠܹܗ ܒܓܼܵܘ ܓܹܗܲܢܵܐ. 611 ܘܟܸܢ ܦܵܬܲ݁ܚ ܬܲܪ̈ܥܲܝ ܪܵܘܡܵܐ ܘܲܡܟܲܢܸܫ ܠܲܓܼܒܼܵܘ̈ܗܝ ܨܸܐܕܼܵܘܗܝ ܀ 612 :ܦܘܼܪܫܵܢܵܐ ܪܲܒܵܐ ܥܵܒܹ̇ܕܼ 613 ܒܗܵܝ̇ ܕܲܡܟܲܢܸܫ ܠܲܓܼܒܲܝܵ̈ܐ. 614 :ܕܟܹܐܢܹ̈ܐ ܦܵܪܚܝܼܢ ܠܲܫܡܲܝܵܐ 615 ܘܒܼܝܼܫܹ̈ܐ ܦܵܝ̇ܫܝܼܢ ܥܲܠ ܐܲܪܥܵܐ ܀ 616 :ܗܵܪܟܵܐ ܫܵܩ̇ܠܵܐ ܫܘܼܠܵܡܵܐ 617 ܗܵܝ̇ ܕܐܸܬܼܢܲܒܿܝܼ ܩܕܼܵܡ ܕܵܟܹ̈ܐ. 618 :ܕܡܸܬܿܕܲܒܼܪܝܼܢ ܘܲܕܼܡܸܫܬܲܒܼܩܝܼܢ 619 ܕܦܵܪ̇ܫܝܼܢ ܛܵܒܹ̈ܐ ܡ̣ܢ ܒܝܼܫܹ̈ܐ ܀ 620 :ܩܵܝ̇ܡܝܼܢ ܠܘܼܩܕܵܡ ܥܲܢܝܼܕܹ̈ܐ 621 ܘܫܵܠ̇ܚܝܼܢ ܠܵܗ̇ ܠܡܵܝܘܿܬܼܘܼܬܼܵܐ. 622 :ܘܗܵܝܕܹܿܝܢ ܡܸܬܼܚܲܠܦܝܼܢ ܚܲܝܹ̈ܐ 623 ܠܲܕܼܡܘܼܬܼܵܐ ܕܠܵܐ ܡ̇ܝܘܿܬܹ̈ܐ ܀ 624 :ܗܵܝܕܹܿܝܢ ܫܵܩ̇ܠܵܐ ܫܘܼܠܵܡܵܐ 625 ܡܸܠܬܹܗ ܕܦܵܘܠܘܿܣ ܟܵܪܘܿܙܵܐ. 626 :ܕܠܵܐ ܕܵܡ̇ܟܿܝܼܢ ܫܸܢܬܹܗ ܕܡ̇ܘܬܵܐ 627 ܚܲܝܹ̈ܐ ܕܡܲܕܼܪܸܟ ܫܘܼܠܵܡܵܐ ܀ 628 :ܡܝܼܬܼ̈ܐ ܘܚܲܝܹ̈ܐ ܡܸܬܼܚܲܠܦܝܼܢ 629 ܘܗܵܘܹ̇ܝܢ ܒܲܕܼܡܘܼܬܼ ܪ̈ܘܼܚܵܢܹܐ. 630 :ܘܲܡܚܲܕܸܿܬܼ ܦܲܓܼܪܵܐ ܘܢܲܦܫܵܐ 631 ܘܬܼܘܼܒܼ ܠܵܐ ܕܵܚ̇ܠܝܼܢ ܡ̣ܢ ܚܲܫܹ̈ܐ ܀ 632 :ܚܲܕܼ ܩܵܠܵܐ ܡܲܪܗܸܒܼ ܘܲܡܩܝܼܡ 633 ܠܡܝܼܬܹ̈ܐ ܡ̣ܢ ܫܸܢܲܬܿ ܡ̇ܘܬܵܐ. 634 :ܘܥܲܡ ܢܘܼܚܵܡܵܐ ܕܥܲܢܝܼܕܹ̈ܐ 635 ܩܵܢܹ̇ܝܢ ܚܲܝܹ̈ܐ ܫܘܼܚܠܵܦܵܐ ܀ 636 :ܒܪܸܡܙܵܐ ܙܥܘܿܪܵܐ ܡܸܣܬܲܥܪܝܼܢ 637 ܗܵܠܹܝܢ ܟܠܗܘܿܢ ܦܘܼܪ̈ܫܵܢܹܐ. 638 :ܘܒܲܪܦܵܦ ܥܲܝܢܵܐ ܡܸܬܼܚܲܠܦܝܼܢ 639 ܫܡܲܝܵܢܹ̈ܐ ܘܐܲܪ̈ܥܵܢܵܝܹܐ ܀ 640 :ܩܲܠܝܼܠ ܝܲܬܿܝܼܪ ܡ̣ܢ ܒܲܪܩܵܐ 641 ܗܵܘ̇ ܢܘܼܗܪܵܐ ܕܕܼܵܢܲܚ̇ ܡ̣ܢ ܫܹܠܝ. 642 :ܘܥܲܡܹܗ ܕܕܸܢܚܵܐ ܕܲܚܙܵܬܹܗ 643 ܡܫܲܚܠܸܦ ܟܠ ܘܲܡܚܲܕܹܿܬܼ ܟܠ ܀ 644 :ܗܵܘܹ̇ܝܢ ܦܲܓܼܪܹ̈ܐ ܕܙܲܕܿܝܼܩܹ̈ܐ 645 ܦܵܪ̈ܘܿܚܹܐ ܘܪ̈ܘܼܚܵܢܵܝܹܐ. 646 :ܟܲܕܼ ܡܸܙܕܲܝܚܝܼܢ ܒܲܥܢܵܢܹ̈ܐ 647 ܥܕܲܡܵܐ ܠܬܲܪܥܹܗ ܕܲܪܩܝܼܥܵܐ ܀ 648 ܥܢܵܢܹ̈ܐ ܕܢܘܼܗܪܵܐ ܡܸܬܼܪ̈ܲܟܼܢܵܢ: pb. 324 649 ܘܛܵܥ̈ܢܵܢ ܦܲܓܼܪܹ̈ܐ ܕܩܲܕܿܝܼܫܹ̈ܐ. 650 :ܘܠܐܘܼܪܥܹܗ ܕܚܲܬܼܢܵܐ ܡܸܬܼܚܲܛܦܝܼܢ 651 ܕܢܸܥܠܘܼܢ ܥܲܡܹܗ ܠܲܫܡܲܝܵܐ ܀ 652 :ܡܪܝܼܡ ܠܹܗ ܩܵܠܹܗ ܕܦܘܼܩܕܵܢܵܐ 653 ܠܐܲܦܲܝ̈ ܬܲܪܥܵܐ ܕܲܪܩܝܼܥܵܐ. 654 :ܘܦܵܬܲ݁ܚ ܠܹܗ ܩܕܼܵܡ ܥܵܠܘܿܠܹ̈ܐ 655 ܠܬܲܪܥܵܐ ܪܲܒܵܐ ܕܲܫܡܲܝܵܐ ܀ 656 :ܥܵܐܹ̇ܠ ܡܲܠܟܵܐ ܒܪܹܫ ܚܲܝܠܹܗ 657 ܘܟܼܠܗܘܿܢ ܕܐܲܚܸܒܼܘ ܓܸܠܝܵܢܹܗ. 658 :ܘܐܵܚܹ̇ܕܼ ܠܹܗ ܠܬܲܪܥܵܐ ܕܪܵܘܡ̇ܐ 659 ܒܐܲܦܲܝ̈ ܒܝܼܫܹ̈ܐ ܘܟܼܵܦܘܿܪܹ̈ܐ ܀ 660 :ܒܗܵܘ̇ ܥܸܕܵܢܵܐ ܡܸܬܼܒܲܠܗܹܝܢ 661 ܫܹܐܕܹ̈ܐ ܘܐ̄ܢܵܫܵܐ ܪ̈ܲܫܝܼܥܹܐ. 662 :ܕܚܵܙܹ̇ܝܢ ܫܘܼܒܼܚܵܐ ܕܲܓܼܒܲܝ̈ܵܐ 663 ܟܲܕܼ ܡܸܙܕܲܚܝܼܢ ܒܲܥܢܵܢܹܐ ܀ 664 :ܢܵܩ̇ܫܝܼܢ ܒܲܬܼܪܲܥ ܟܹܐܢܘܼܬܼܵܐ 665 ܘܠܵܐ ܥܵܢ̇ܝܵܐ ܠܗܘܿܢ ܛܲܝܒܿܘܼܬܼܵܐ. 666 :ܘܫܵܐ̇ܠܝܼܢ ܪ̈ܲܚܡܹܐ ܠܕܲܝܵ̇ܢܵܐ 667 ܘܡܲܗܡܸܐ ܡܸܢܗܘܿܢ ܚܲܢܵܢܵܐ ܀ 668 :ܕܲܪܚܸܡ̣ܘ ܐܲܪܥܵܐ ܕܠܵܘ̈ܛܵܬܼܵܐ 669 ܘܠܵܐ ܪܲܓܼܘ ܛܘܼܒܹ̈ܐ ܫܡܲܝܵܢܹ̈ܐ. 670 :ܒܐܲܬܼܪܵܐ ܕܐܲܚܸܒܼܘ ܡܸܫܬܲܒܼܩܝܼܢ 671 ܟܲܕܼ ܡܸܬܼܢܲܓܿܕܼܝܼܢ ܩܲܫܝܵܐܝܼܬܼ ܀ 672 :ܟܲܪܝܘܼܬܼܵܐ ܘܲܚܢܵܩ ܢܲܦܫܵܐ 673 ܫܵܚܹ̇ܩ ܠܗܘܿܢ ܛܵܒܼ ܡ̣ܢ ܢܸܓܼ̈ܕܹܿܐ. 674 :ܘܕܼܵܝ̇ܢܝܼܢ ܬܲܡܵܢ ܡܘܼܡܲܝ̈ܗܘܿܢ 675 ܘܲܡܦܲܪܣܹܝܢ ܣܘܼܥܪܵܢܲܝܗܘܿܢ ܀ 676 :ܡܩܲܒܿܠܝܼܢ ܬܲܡ̇ܢ ܝܼܕܲܥܬܼܵܐ 677 ܘܗܵܘܹ̇ܝܢ ܦܵܪ̈ܫܲܝ ܘܵܠ̈ܝܵܬܼܵܐ. 678 :ܘܲܡܙܲܕܿܩܝܼܢ ܠܵܗ̇ ܠܟܹܐܢܘܼܬܼܵܐ 679 ܒܬܲܒܼ̈ܥܵܬܼܵܐ ܕܲܩܢܘܿܡܲܝ̈ܗܘܿܢ ܀ 680 :ܒܝܼܕܲܥܬܼܵܐ ܚܵܙܹ̇ܝܢ ܬܲܡ̇ܢ 681 ܒܪܸ̈ܓܼܫܹܐ ܕܗܵܘܢܵܐ ܩܲܠܝܼܠܵܐ. 682 :ܟܠܝܼܠܹ̈ܐ ܕܫܘܼܒܼܚܵܐ ܕܡܸܬܼܦܲܪܥܝܼܢ 683 ܩܲܕܿܝܼܫܹ̈ܐ ܒܡܲܠܟܿܘܼܬܼ ܪܵܘܡ̇ܐ ܀ 684 :ܒܵܟܹ̇ܝܢ ܘܐܵܠܹ̇ܝܢ ܒܲܚܢܲܓܼܬܼܵܐ 685 ܟܲܕܼ ܚܵܝ̇ܪܝܼܢ ܠܐܲܦܲܝ̈ ܪܵܘܡܵܐ. 686 :ܘܚܵܙܹ̇ܝܢ ܐܘܼܪܚܵܐ ܕܒܲܡܨܲܥܬܼܵܐ 687 ܕܥܲܣܩܵܐ ܠܡܸܥܒܲܪ ܠܘܵܬܼ ܛܵܒܹ̈ܐ ܀ 688 :ܦܬܲܚ ܠܲܢ ܩܵܥܹ̇ܝܢ ܛܵܠܘܿܡܹ̈ܐ 689 ܠܘܵܬܼ ܡܵܪܵܐ ܕܲܣ̣ܵܢܵܘ ܚܘܼܒܹܿܗ. 690 :ܘܡܸܬܼܦܲܢܝܵܐ ܠܗܘܿܢ ܒܲܪ̄ܬܼ ܩܵܠܵܐ 691 ܕܠܵܐ ܝܵ̇ܕܲܥܢܵܐ ܥܲܡܠܲܝ̈ܟܿܘܿܢ ܀ 692 :ܠܵܐ ܡܸܬܼܡܲܢ̈ܝܵܢ ܐܘܿܠ̈ܝܵܬܼܵܐ 693 ܕܬܼܵܢܹ̇ܝܢ ܬܲܡ̇ܢ ܚܲܛܵܝܹ̈ܐ. 694 :ܘܠܵܐ ܡܸܬܼܡܲܠ̈ܠܵܢ ܚܸܢ̈ܓܼܵܬܼܵܐ 695 ܕܡܸܬܼܟܲܫܦܝܼܢ ܡ̣ܢ ܫܘܼܢܵܩܵܐ ܀ 696 :ܐܲܪܥܵܐ ܒܲܕܼܡܘܼܬܼ ܓܸܗܲܢܵܐ 697 ܗܵܘ̇ܝܵܐ ܠܗܘܿܢ ܠܲܒܼܢܲܝ̈ ܐܲܪܥܵܐ. 698 :ܘܲܒܼܟܼܘܼܪܵܐ ܕܪܸ̈ܥܝܵܢܲܝܗܘܿܢ 699 ܒܵܚ̇ܪܝܼܢ ܙܹܐܦܵܐ ܕܡܘܼܡܲܝ̈ܗܘܿܢ ܀ 700 :ܒܲܚܙܵܬܼܵܐ ܕܗܵܘܢܹ̈ܐ ܚܵܙܹ̇ܝܢ 701 ܣܬܼܝܼܪ̈ܵܬܼܵܐ ܕܣܘܼܥܪ̈ܵܢܲܝܗܘܿܢ. 702 :ܘܲܒܼܡܲܣܲܐܬܼܵܐ ܕܪܸܥܝܵܢܵܐ 703 ܬܵܩ̇ܠܝܼܢ ܝܘܼܩܪܵܐ ܕܒܼܝܼ̈ܫܵܬܼܵܐ ܀ 704 :ܠܵܐ ܫܘܸܐ ܢܸܓܼܕܹܿܗ ܕܫܘܼܢܵܩܵܐ 705 ܥܲܠ ܟܠܗܘܿܢ ܕܲܒܼܓܹܗܲܢܵܐ. 706 :ܕܲܠܦܘܼܬܼ ܪܲܒܿܘܼܬܼ ܒܝܼܫܘܼܬܼܵܐ 707 ܡܲܪܝܼܪ ܢܸܓܼܕܵܐ ܡ̣ܢ ܢܸܓܼܕܵܐ ܀ 708 ܐܵܦܠܵܐ ܒܫܘܼܒܼܚܵܐ ܕܥܸܠܵܝܹ̈ܐ: pb. 325 709 ܠܵܐ ܫܘܸܐ ܨܸܡܚܵܐ ܕܕܸܠܩܲܝ̈ܗܘܿܢ. 710 :ܕܲܠܦܘܼܬܼ ܥܲܡܠܹ̈ܐ ܡܸܬܼܝܲܗ̄ܒܿܝܼܢ 711 ܟܠܝܼܠܹ̈ܐ ܕܫܘܼܒܼܚܵܐ ܠܢܲܨܝܼܚܹ̈ܐ ܀ 712 :ܒܟܼܵܘܟܿܒܹ̈ܐ ܫܪ̈ܵܓܹܐ ܢܲܗܝܼܪܹ̈ܐ 713 ܦܲܚܸܡ ܦܵܘܠܘܿܣ ܕܸܠܩܲܝ̈ܗܘܿܢ. 714 :ܕܨܵܡܲܚ̇ ܦܲܓܼܪܵܐ ܡ̣ܢ ܦܲܓܼܪܵܐ 715 ܒܲܕܼܡܘܼܬܼ ܟܵܘܟܼܒܸܿܐ ܡ̣ܢ ܚܲܒܼܪܹܗ ܀ 716 :ܠܟܼܠܢܵܫ ܐܲܝܟ ܥܲܡܠܹܗ ܐܲܓܼܪܹܗ 717 ܬܵܩ̇ܠܵܐ ܘܝܵܗ̇ܒܵܐ ܟܹܐܢܘܼܬܼܵܐ. 718 :ܘܲܠܦܘܼܬܼ ܚܘܼܒܵܐ ܕܪܸܥܝܵܢܵܐ 719 ܣܵܓܹ̇ܐ ܫܘܼܒܼܚܵܐ ܕܟܲܫܝܼܪܹ̈ܐ ܀ 720 :ܗܵܘܹ̇ܐ ܠܗܘܿܢ ܕܘܼܟܲܬܼ ܐܲܪܥܵܐ 721 ܡܸܬܼܚܵܐ ܕܚܲܨܹܗ ܕܲܪܩܝܼܥܵܐ. 722 :ܘܬܲܛܠܝܼܠܵܐ ܫܡܲܝܵܐ ܕܲܠܥܸܠ 723 ܗܵܘ̇ ܕܡ̣ܢ ܒܪܵܫܝܼܬܼ ܐܸܬܿܬܲܩܲܢ ܀ 724 :ܡܕܲܝܪܝܼܢ ܒܐܲܬܼܪܵܐ ܢܲܗܝܼܪܵܐ 725 ܕܠܵܐ ܡܲܡܠܸܟ ܒܹܗ ܚܸܫܘܿܟܼܵܐ. 726 :ܘܠܲܝܬܿ ܦܸܚܡܵܐ ܠܗܲܢܝܼܐܘܼܬܼܵܐ 727 ܕܒܼܘܼܣܵܡܗܘܿܢ ܪܘܼܚܵܢܵܝܵܐ ܀ 728 :ܠܵܐ ܥܵܡ̇ܠܝܼܢ ܒܲܢܝܵܚܲܝ̈ܗܘܿܢ 729 ܘܠܵܐ ܠܵܐܹ̇ܝܢ ܒܲܣܡܵܟܲܝ̈ܗܘܿܢ. 730 :ܪܘܼܚܵܢܵܐܝܼܬܼ ܡܸܬܼܓܲܐܹܝܢ 731 ܒܛܘܼܒܹ̈ܐ ܕܡܸܡܬܼܘܿܡ ܠܵܐ ܡܵܘܦܹܝܢ ܀ 732 :ܥܲܡܠܲܝ̈ܗܘܿܢ ܗܘܼܠܵܠܲܝ̈ܗܘܿܢ 733 ܘܥܸܢܝܵܢܗܘܿܢ ܩܘܼܕܵܫܲܝ̈ܗܘܿܢ. 734 :ܘܠܵܐ ܡܸܣ̈ܬܲܒܼܥܵܢ ܢܸܥ̈ܡܵܬܼܵܐ 735 ܕܙܵܡ̇ܪܝܼܢ ܫܘܼܒܼܚܵܐ ܠܐܝܼܬܼܘܼܬܼܵܐ ܀ 736 :ܠܲܝܬܿ ܬܲܡ̇ܢ ܪܸܓܲܬܼ ܒܸܣܪܵܐ 737 ܘܠܵܐ ܫܘܼܚܠܵܦܵܐ ܕܪܥܝܵܢܵܐ. 738 :ܕܢܲܦܫܵܐ ܘܦܲܓܼܪܵܐ ܡܸܬܼܥܲܠܹܝܢ 739 ܠܥܸܠ ܡ̣ܢ ܚܲܫܹ̈ܐ ܘܫܘܼܚܠܵܦܹ̈ܐ ܀ 740 :ܒܫܘܼܒܼܚܵܐ ܪܲܒܵܐ ܡܸܬܼܒܲܠܝܼܢ 741 ܐܸܣܟܹܿܡܹ̈ܐ ܕܦܘܼܪ̈ܫܵܢܲܝܗܘܿܢ. 742 :ܘܲܫܘܹܝܢ ܕܸܟܼܪܹ̈ܐ ܘܢܸܩ̈ܒܼܵܬܼܵܐ 743 ܒܲܠܒܼܘܼܫ ܢܘܼܗܪܵܐ ܕܲܥܛܝܼܦܝܼܢ ܀ 744 :ܒܵܛܹ̇ܠ ܬܲܡܵܢ ܦܘܼܪܫܵܢܵܐ 745 ܕܥܲܒܼܕܿܘܼܬܼܵܐ ܘܲܕܿܚܹܐܪܘܼܬܼܵܐ. 746 :ܕܚܲܕܼܘ ܕܡܲܡܠܸܟ ܒܲܠܚܘܿܕܼܵܘܗܝ 747 ܘܥܲܠ ܟܠ ܡ̇ܬܲ݁ܚ ܫܘܼܠܛܵܢܹܗ ܀ 748 :ܬܲܡ̇ܢ ܗܵܘܹ̇ܐ ܐܲܠܵܗܵܐ 749 ܟܠܹܗ ܒܢܲܦܫܵܐ ܕܲܡܠܝܼܠܹ̈ܐ. 750 :ܟܲܕܼ ܡܸܬܼܩܲܕܲܫ ܡ̣ܢ ܟܠܵܐ 751 ܡ̣ܢ ܪ̈ܘܼܚܵܢܹܐ ܘܦܲܓܼܪ̈ܵܢܹܐ ܀ 752 :ܒܵܛܹ̇ܠ ܬܲܡܵܢ ܟܠ ܫܘܼܠܛܵܢ 753 ܕܚܲܕܼ ܫܘܼܠܛܵܢܵܐ ܡܸܫܬܲܡܲܗ. 754 :ܘܲܡܫܲܥܒܸܿܕ ܠܹܗ ܬܚܹܝܬܼ ܪ̈ܓܼܠܵܘܗܝ 755 ܠܟܼܠܹܗ ܚܲܝܠܹܗ ܕܡܵܪܘܿܕܼܵܐ ܀ 756 :ܩܵܥܹ̇ܝܢ ܠܹܗ ܡ̣ܢ ܚܸܫܘܿܟܼܵܐ 757 ܐܵܟܹ̇ܠܩܲܪܨܵܐ ܘܚܲܛܝܹ̈ܐ. 758 :ܕܙܲܕܿܝܼܩ ܕܝܼܢܵܟ ܕܲܝܵ̇ܢܵܐ 759 ܘܲܬܼܪܝܼܨ ܕܝܼܢܵܐ ܕܟܹܐܢܘܼܬܼܵܟ ܀ 760 :ܡܩܲܕܿܫܝܼܢ ܠܹܗ ܛܵܒܹ̈ܐ ܒܢܘܼܗܪܵܐ 761 ܒܫܘܼܒܼܚܵܐ ܕܡܸܡܬܼܘܿܡ ܠܵܐ ܦܵܟܲܗ. 762 :ܕܲܒܼܚܹܝܠ ܪܘܼܚܵܐ ܡܸܬܼܚܲܝܠܝܼܢ 763 ܠܡܸܦܪܲܥ ܫܘܼܒܼܚܵܐ ܠܪܲܒܿܘܼܬܹܗ ܀ 764 :ܥܲܠ ܟܠ ܘܲܒܼܟܼܠ ܡܸܬܼܦܲܪܣܵܐ 765 ܝܼܕܲܥܬܼܵܐ ܕܗܲܝܡܵܢܘܼܬܹܗ. 766 :ܘܛܵܒܹ̈ܐ ܘܒܼܝܼܫܹ̈ܐ ܙܲܗܝܵܐܝܼܬܼ 767 ܡ̇ܘܕܹܿܝܢ ܕܲܚܕܲܐ ܗ̄ܝܼ ܐܝܼܬܼܘܼܬܼܵܐ ܀ pb. 326 768 :ܬܲܡ̇ܢ ܒܵܛ̇ܠܝܼܢ ܦܘܼ̈ܠܵܓܹܐ 769 ܘܣܸܕܼܩܹ̈ܐ ܕܐܵܘܠܸܕܼܘ ܚܵܪ̈ܝܵܢܹܐ. 770 :ܘܚܲܕ ܐܲܠܵܗܵܐ ܡܸܬܼܗܲܝܡܲܢ 771 ܒܲܩܢܘܿܡܹ̈ܐ ܬܠܵܬܼܵܐ ܕܲܫܘܹܝܢ ܀ 772 :ܝܵܠ̇ܦܝܼܢ ܚܲܝܠܵܐ ܕܐܝܼܬܼܘܼܬܼܵܐ 773 ܕܪܵܡ ܘܲܡܥܲܠܲܝ ܡ̣ܢ ܚܲܫܹ̈ܐ. 774 :ܘܚܵܙܹ̇ܝܢ ܒܐܲܦܹ̈ܐ ܓܲܠ̈ܝܵܬܼܵܐ 775 ܠܪܹܫܝܼܬܼܵܐ ܕܲܫܩ݂ܲܠ ܡܸܢܲܢ ܀ 776 :ܠܹܗܘ̣ ܚܵܙܹ̇ܝܢ ܐܲܝܟ ܨܲܠܡܵܐ 777 ܒܲܚܙܵܬܼܵܐ ܕܪܼ̈ܓܼܫܹܐ ܕܲܠܒܲܪ. 778 :ܘܲܒܼܪܸܥܝܵܢܵܐ ܡܸܬܼܒܲܩܹܝܢ 779 :ܒܐܝܼܬܼܘܼܬܼܵܐ ܕܠܵܐ ܨܲܠܡܵܐ 780 ܒܲܚܙܵܬܼܵܐ ܕܪܼ̈ܓܼܫܹܐ ܕܲܠܒܲܪ. 781 :ܘܲܒܼܪܸܥܝܵܢܵܐ ܡܸܬܼܒܲܩܹܝܢ 782 ܒܐܝܼܬܼܘܼܬܼܵܐ ܕܠܵܐ ܡܸܬܼܚܲܙܝܵܐ ܀ 783 :ܒܹܗܘ̣ ܡܩܲܪܒܼܝܼܢ ܬܵܘܕܲܝܼܬܼܵܐ 784 ܐܲܝܟ ܕܲܒܼܗܲܝܟܲܠ ܚܘܼܣܵܝܵܐ. 785 :ܟܲܕܼ ܣܵܓܼ̇ܕܿܝܼܢ ܒܲܬܼܪܲܥ ܦܲܓܼܪܹܗ 786 ܠܲܟܼܝܵܢܵܐ ܕܠܵܐ ܡܸܣܬܲܝܲܟ ܀ 787 :ܠܹܗܘ̣ ܗܵܘܹ̇ܝܢ ܫܵܘܬܵܦܹ̈ܐ 788 ܒܝܵܪܵܬܿܘܼܬܼܵܐ ܕܪܲܒܿܘܼܬܼ ܫܘܼܒܼܚܵܐ. 789 :ܕܒܲܐ̄̈ܚܝܵܢܘܼܬܼܗܘܿܢ ܕܲܠܘܵܬܹܗ 790 ܡܸܬܼܝܲܩܝܼܪܝܼܢ ܒܲܫܒܼܝܼ̈ܚܵܬܹܗ ܀ 791 :ܠܵܐ ܗ̄ܘ̣ܵܐ ܠܪܵܘܡ̇ܐ ܕܫܘܼܠܛܵܢܹܗ 792 ܡܸܬܼܥܲܠܹܝܢ ܒܲܐ̄ܚܝܵܢܘܼܬܹܗ. 793 :ܕܗܘ̤ ܥܲܡ ܐܝܼܬܼܝܵܐ ܡܸܬܼܝܲܩܲܪ 794 ܡ̣ܢ ܪ̈ܘܼܚܵܢܹܐ ܘܦܲܓܼܪ̈ܵܢܹܐ ܀ 795 :ܒܢܲܝ̈ ܝܵܪܬܿܘܼܬܹܗ ܡܸܬܼܟܲܢܹܝܢ 796 ܒܲܫܡܵܐ ܕܠܵܐ ܡ̇ܝܘܿܬܼܘܼܬܼܵܐ. 797 :ܘܡ̣ܢ ܢܘܼܗܪܵܐ ܕܪܲܒܿܘܼܬܼ ܫܘܼܒܼܚܹܗ 798 ܠܵܒܼ̇ܫܝܼܢ ܫܘܼܒܼܚܵܐ ܦܲܓܼܪ̈ܲܝܗܘܿܢ ܀ 799 :ܠܗܵܠܹܝܢ ܛܘܼܒܹ̈ܐ ܢܸܬܼܥܲܗܲܕܼ 800 ܘܢܲܫܘܼܛ ܪܸܓܲܬܼ ܝܘܼܬܼܪ̈ܵܢܹܐ. 801 :ܘܲܠܗܵܘ̇ ܢܘܼܗܪܵܐ ܢܸܬܼܪܲܓܼܪܲܓܼ 802 ܘܢܸܚܙ̣ܐ ܒܢܘܼܗܪܵܐ ܣܲܢ̈ܝܵܬܲܢ ܀ 803 :ܢܸܗܘܸܐ ܠܲܢ ܐܲܝܟ ܡܲܚܙܝܼܬܼܵܐ 804 ܗܵܘ̇ ܝܵܘܡ̇ܐ ܘܢܸܬܼܒܲܩܸܐ ܒܹܗ. 805 :ܘܢܸܡܪܘܿܩ ܒܹܗ ܡܘܼܡܹ̈ܐ ܕܢܲܦܫܲܢ 806 ܩܕܼܵܡ ܒܘܼܚܵܪܵܢܵܐ ܕܟܹܐܢܘܼܬܼܵܐ ܀ 807 :ܢܥܝܼܪ ܕܲܡܟܿܘܼܬܼܵܐ ܕܪܸ̈ܥܝܵܢܲܝܢ 808 ܒܥܝܼܪܘܼܬܼܵܐ ܕܪܸܚܡܲܬܼ ܩܘܼܫܬܵܐ. 809 :ܕܲܠܡܵܐ ܢܹܐܬܸܐ ܓܲܢܵܒܼܵܐ 810 ܘܲܢܚܲܠܸܨ ܥܘܼܬܼܪܵܐ ܕܢܲܦܫܲܢ ܀ 811 :ܩܕܼܵܡ ܗܵܘ̇ ܝܵܘܡ̇ܐ ܢܛܲܝܸܒܼ ܠܲܢ 812 ܡܸܫܚܵܐ ܠܢܘܼܗܪܵܐ ܕܠܲܡܦܹܝܕܲܝ̈ܢ. 813 :ܕܠܵܐ ܢܹܐܣܪܘܼܢܵܢ ܚܘܼ̈ܬܼܚܵܬܹܐ 814 ܒܚܲܒܼܠܹ̈ܐ ܩܫܲܝܵ̈ܐ ܕܲܚܛܝܼܬܼܵܐ ܀ 815 :ܘܢܸܬܼܥܵܘܲܟ ܡ̣ܢ ܡܲܪܕܿܝܼܬܼܵܐ 816 ܕܐܘܼܪܚܵܐ ܫܦܝܼܬܼܵܐ ܕܟܹܐܢܘܼܬܼܵܐ. 817 :ܕܩܲܛܝܼܢ ܬܲܪܥܵܐ ܕܡܲܠܟܿܘܼܬܼܵܐ 818 ܘܐܘܼܪܚܵܐ ܕܚܲܝܹ̈ܐ ܐܵܠܝܼܨܵܐ ܀ 819 :ܒܙܲܗܝܘܼܬܼܵܐ ܕܢܲܦܫܹܐ ܢܸܩܢܹܐ 820 ܓܸܦܹ̈ܐ ܠܝܘܼܩܪܵܐ ܕܗܲܕܵܡܲܝ̈ܢ. 821 :ܕܲܟܼܣܸܐ ܝܵܘܡܵܐ ܕܡܹܐܬܼܝܼܬܼܵܐ 822 ܒܩܸܢܛܵܐ ܢܸܛܘܿܪ ܣܝܼ̈ܡܵܬܲܢ ܀ 823 :ܕܲܠܡܵܐ ܢܹܐܬܹܐ ܡ̣ܢ ܫܸܠܝܵܐ 824 ܘܢܸܫܟܲܚ ܠܲܢ ܐܲܝܟ ܓܲܢܵܒܼܵܐ. 825 :ܢܛܲܟܸܿܣ ܗܵܪܟܵܐ ܗܲܠ̈ܟܼܵܬܲܢ 826 ܙܲܗܝܵܐܝܼܬܼ ܐܲܝܟ ܚܲܟܿܝܼܡܹ̈ܐ ܀ 827 :ܘܒܝܼܕܲܥܬܼܵܐ ܕܪܘܚܵܐ ܢܸܩܢܹܐ 828 ܝܘܼܬܼܪ̈ܢܹܐ ܪ̈ܘܼܚܵܢܵܝܹܐ. 829 :ܕܩܲܫܝܵܐ ܗܵܘܬܼܵܐ ܕܒܲܡܨܲܥܬܼܵܐ 830 ܒܹܝܬܼ ܥܸܠܵܝܹ̈ܐ ܠܬܲܚܬܵܝܹ̈ܐ ܀ 831 :ܒܲܠܘܝܼܬܼܵܐ ܢܸܚܙܘܿܩ ܕܚܘܼܒܵܐ 832 ܕܲܢܕܲܠܸܐ ܠܝܲܩܝܼܪܘܼܬܲܢ. 833 :ܒܐܹܘܩܝܼܢܵܐ ܕܗܲܝܡܵܢܘܼܬܼܵܐ 834 ܢܹܐܣܘܿܪ ܐܸܠܦܹ̈ܐ ܕܪܸܥܝܵܢܲܢ. 835 ܕܠܵܐ ܢܛܲܒܿܥܘܼܢܲܢ ܡܲܚܫܘܼܠܹ̈ܐ: pb. 327 836 ܕܦܘܼܠܵܓܼܵܘ̈ܗܝ ܕܐܵܟܹ̇ܠܩܲܪܨܵܐ ܀ ܥܘܼܢܵܝܵܐ: ܫܘܼܒܼܚܵܐ ܠܚܲܝܠܵܟ ܦܵܪܘܿܩܲܢ: ܕܒܹܗ ܙܟܲܝܬܵܝܗܝ ܠܐܵܟܹ̇ܠܩܲܪܨܵܐ ܀